¹Kubhutangiro ahabhaho Eng'ana, na Eng'ana ahabha hamwe na Taata bhugya, na Eng'na ahabha Taata bhugya. ²Wuyo, Eng'ana, kubhutangiro ahabha hamwe na Taata bhugya. ³Ebhigiro bhyoosi bhikakoreka kuhitira kunewe, na atariho ewe kitariho na kimwe kino kirakoreka.⁴Muosi waaye kuhabha nokuhoru, na bhuuyo obhuhoru bhuhabha obhweeru bhwa abhaatu bhoosi. ⁵Obhweeru bhuramirika mukirima, nawe ekirima kitabhirimirye.⁶Ahabhaho omuutu wuno akatumu kuurwa ku Taata bhugya, wuno erina ryaaye ahaabha Yohana. ⁷Akaaza kyomutwanikirani okurorera, kyeego obhweeru, kuubha bhoosi bhanagye okwirirya kuhitira awe. ⁸Yohana atahabha obhweeru, kweego akaaza kurorera kyeego obhweeru bhuuri.⁹Bhuuyo bhuuhabha obhweru bhwo bhuheene bhuuno bhuhabha bharaaza gatigati yeebhyaaro yoosi eramuuha obhweeru kita owumwe.¹⁰Ahabha gatigati ye kyaaro, wekyaaro bhakamubhumba kuhitira ewe, nekyaaro kitamumenyiri. ¹¹Akaza kwe bhigiro bhyaaye, na abhaatu bhaaye bhatatung'eena.¹²Kubhaarya bhari abhaaru bhakamutung'ana bhano bhakikirirya erina ryaaye, kubharya akabhona obhweeru bhwo okubha abhana bha aEryoobha. ¹³Bhoono bhakibhurwa, bhatari kwa manyinga, kutari kubhuseegi bhwo mubhiri, kutari kubhuseegi bhwo muutu, kweego ku Eryoobha eryeene.¹⁴Nawe Yeesu akakoreka omubhiri na akikara gatigati yeetu, tubharuuzi obhweera bhwaye, obhweera bhwo muutu omweene womweene wuno akaanza okuurwa ku Taata yizwiiri orubhango rwo bhuheene. ¹⁵Yohana akamenyekererya kyeego awe na akangerya eriraka akabhuga "Wuno niwe nihabha nihayiiri amang'ana zyaaye nkabhuuga, "Wuurya akuuza kukangata kukira enye ni mukuru, kwookubha abheeriho kyeego yaana.¹⁶Kwookuubha arwiri gatigati okubha kwaye, etwe twoosi tugegiri bhuusa obhunagya kugayo go bhunagya. ¹⁷Kwookubha erihatike rikaretwa kuhitira Musa. Orubhaaango no bhuhene bhikaaza kuhitira Yeesu Kiristo. ¹⁸Ataroho omuutu wuno amuruzi Taatabhugya kwibhaga ryoryosi, omutu omwene wuuno ni Taatabhugya, ari gatigati ye kikubha kya Taata, akamukora awe amenyekaane.¹⁹Na bhuuno nibho ebhirengyo bhya Yohana kwiibhaga rya abhasengeri abhabhiri bha nobhakatuumwa kunewe na Abhayahudi okumubhurya, "Awe ni wewi"Kweego kwitimata na atangiri, ²⁰kweego akabhabhurira, enye ntaari Kiristo. ²¹Nawe bhakamubhurya, "Bhoono awe ni wewi? "Awe ni Eliya? akabhuuga, "Enye ntaari." Bhakabhuga awe ni omurooti? akabhabhurira, zeeyi."²²Kweeki bhakamubhurira, "Awe ni wewi, kyeego tubhaahe akabhakyoora bhaano bhatutumiri"? orihanabhwi obhuheene awe omweene. ²³Akabhuga, "Enye nieriraka ryaaye ararira mwitirigo muyigorore enzira ya Taata bhugya; kyeego omuroti Isaya akakoora."²⁴Bhahabhaho abhatu bhatumirwe harya okurwa ku mafarisayo. Bakamubhuurya no kubhuga, ²⁵Kwaki orabhasubha aribha awe otari Kristo wara Eliya omurooti?²⁶Yohana akikirirya akabhuga, ndabhasubha kwa amaani, hata ego, gatigati weenyu arimerera omutu wuuno mutamumenyiri. ²⁷Wuno niwe yiiziri kugayo yaani, enye ntakusitahiri kutazura eziisiri zye bhurato bhyaaye. ²⁸Amang'ana gano gakorekiri eyo, Bethania, kuure ya Yordani, ahagiro hano Yohana ahahaabha arabhasuubha.²⁹Orusiku runo rukaaza Yohana akamuroora Yeesu araaza kunewe akabhuga, "Roora omwana we ng'abha Taatabhugyaagagegiri obhubhihu bhwe kyaaro. ³⁰Wuno niwe nyahayiri amang'ana zaye nikabhuuuga, wuno akuza inyuma yane ni mukuru kukira enye, kwookubha akaabhaho enye kyaari. ³¹Ntamumenyiri ewe, nawe ekakorekana ego kubha akundukururwe gatigati ya Israeri, kubha nikaaza nihasuubha kwa amanzi.³²Yohana akarora obhuhene nkarora Ekoro erituma okurwa mwisaro kye ekirengyo kyesarari ne ekasaanga iguru yaaye. ³³Enye nitamenyiri nawe ewe wuno akantuma niigye nibhaasuubhe kwa amanzi akamburira, wuuno aragye ararora Ekoro irituuma nokwikara iguru waaye, wuno niwe akabhasuubha kwe ekooro yo bhweeru. ³⁴Nduuzi nandahaya obhuheene kubha wuuno nio omwana wa Taatabhugya"³⁵Kweeki orusiku ruuno rukaza Yohana ahabha yimereri hamwe na abheegi bhaaye bhabhiri; ³⁶Bhakamurora Yeesu aragenda Yohana na akabhuuga, "Rora aomwana we ng'ondu wa Taatabhugya".³⁷Abheegi bhabhiri bhakamwigwa Yohana aragamba gano bhakamuturirira Yeesu ³⁸Kyeego Yeesu akikyoosya akabharora abheegi bhaarya abhamutuniririra, na akabhurira, "Muurendaki kweki? Bhakamukyoora, Rabhi, (obhugazuri bhwaye omutwe gya; orikara haayi?" ³⁹Akabhabhurira, "Muze murore , "Bhoosi bhakagenda okurora ahagiro hano ahabha akwikaara; bhakikara haamwe nawe orusiku ruyo, kwookubha ehabha ehikiroi kye ribhaga ryezisa ikumi eyo.⁴⁰Owumwe wa bhaarya abhabhiri bhaano bhamwigwiri Yohana aragamba naniho bhakamutunirira Yeesu ahabha ni Andrea, ni muhiri waaye Simoni Petro. ⁴¹Akamurora omuhiri waaye Simoni na akamubhurira, ""Tumubhweni Yeesu" (Yino ekukyoorwa na Kristo). ⁴²Akamureeta ku Yeesu. Yeesu akamurora na akabhuuga, "Awe ni Simoni omwana wa Yohana" orabhirikirwa Kefa," (Obhugazuri bhwaye Petro).⁴³Orusiiku runo rukaza eribhaga Yeesu aheenda okwimuka okugya Galilaya, akamubhona Filipo na akamubhurira, "Na uuze kunenye". ⁴⁴Filipo ahabha omumenye wa Bethsaida, omugye gwa Andrea na Petro. ⁴⁵Filipo akamubhoona Nathanaeli na akamubhurira, tumubhweeni wuurya wuuno Musa akakama amang'ana zyaaye gatigati ye rihatike rya abharooti, Yeesu omwana wa Yusufu, okureka Nazareti.⁴⁶Nathanaeli akamubhurira, "Ekigiro ekizoomu kiranagya kurekera Nazareti?" Filipo akamubhuriira, Nauuze noorore". ⁴⁷Yeesu akamurora Nathanaeli araaza kunewe na akabhuga, "Roora Mwisraeli hene hene atari wokumung'enererya mwoosi waaye!". ⁴⁸Nathanaeli akamubhurura, onimenyiribhwi enye? Yeesu akamukyoora nokumubhurira, "Kyeego Filipo akyaari kukubhirikira haano ohabha haasi yo omuti, nkakurora,"⁴⁹Nathanaeli akamukyoora, "Omwegya awe omwaana wa Taatabhugya! Awe no omutake wa Israeli? ⁵⁰Yeesu akamukyoora akamubhurira, kwookubha nkakubhirikira nikakuroora hasi yo omuti nawe urikirirya? Orarora amahokya amakuru kukira gayo." ⁵¹Yeesu akabhuuga, "Ikirirya ikirirya ndabhabhurira murabhirora ebhyaaro bhiriguuka, no kubharora malaika bharatira nokwituma iguru yo mwana wo muutu.

¹Orusiku rwa katatu, ehabhaho enyangi yoobhwegya eyo kana mumugye gwa Gariraya na nina wabhu Yeesu ehabhaho. ²Yeesu na abheega bhaaye bhahabha bhararikirwe munyangi yoobhwenga.³Eribhaga rino bhahwererwe na amarwa, nina waabhu Yeesu akamubhurira, "Bhatana amarwa" ⁴Yeesu akamukyoora, "Omukari wuno gayo garantuniaki enye? Eribhaga ryane rikyaari kuhika. ⁵Nina wabhu akabhabhurira abhabhagati, "kyo kyosi kino arabhabhurire mukore."⁶Zyari zireho nyungu isassbha zyaamagina hayo zino zyari ziturirweho okutemu amanzi gokwisabha amaguru na amabhoko kwiibhaga rya orusiku orukuru rwa abhayahudi, enyungu eyimwe erizuribhwa na nzio ibhiri hamwe isatu. ⁷Yeesu akabhabhurira, "Mwizuryemu amanzi mizinyungu muyo". Bhakizuryamu amanzi tee iguru. ⁸Kyaamwe arabhabhurira abhabhagati, "Mugegemu masuuhu na muhire kumuhokya omukuru wa kumeza." Bhakakora kyeego bhatumanibhwe.⁹Omuhokya omukuru akagarota amanzi garya gari gakyokiri na okubha amarwa, nawe atamenyiri hano kyamwe arabhirikira omuteti na ¹⁰kumubhurira, "Kira omutu onyora arakangata kuhana abhatu amarwa amazomu na hano bhakugwatwa arabhahana amarwa gano gatri mazomu. Nawe awe obhikiri amarwa amazomu nabhoono"¹¹Amaryoryo gano ga kana ya Gariraya gari nigo goobhutangiro bhwa obhuteemya bhwa amaryoryo gano yakoriri Yeesu, arakundura obhweeru bhwaye, abheega bhaye bhakamwikirirya.¹²Hano gano gahwiri, Yeesu, nia wabhu, abhahiri bhaye na abheega bhaye bhakagya mumugye gwa Kapernaum na bhakikareeyo kwa siku suhu.¹³Ekimweso kya Abhayahudi kikahika haguhi, kweego Yeesu akagya Yerusaremu. ¹⁴Akabhona abhasuruzya bhe ezing'ombe, amang'ondu, ne ebhiguti munyumba ya okusengerera. Hamwe na abhakirania bhe ezihera bhaari bhikeri mwosi munyumba ya okusengerera.¹⁵Yeesu akakora omujareti gwee bhikuku, akabharusyamu bhoosi bhano bhaari munyumba yo okusengerera, hamwe ne ezing'ombe na amang'ondu. Akitira ezihera zya abhakirania bheezihera nokugharabhura ezimeeza zyaabhu. ¹⁶Kubhagurya bhe ebhiiguuti akabhabhurira, "Murusye ebhighiro bhino hano mubhihire kure, mutige kukora enyumba ya Taata wane hagiro ha mutera."¹⁷Abheega bhaye bhakahita kubha yaari ekamirwe "Erihari rye enyumba yao riranirya." ¹⁸Abhakuru bha Ekiyahudi bhakamukyora bhakamubhurira, Ni bhuteemyaki bhuno orerekenie kwookubha orakura amang'ana gano? ¹⁹Yeesu akabhakyoora akabhugha, mukidure enyumba yo okusengerera yino ndayomboka kwa siku isatu."²⁰Kyaamwe abhakuru bha Abhayahudi bhakabhuga, "Ekatugegya miaka mirongo enne ne esasabha okwomboka enyumba yookusengerera yino nanawe orabhugha orayomboka kwa siku isatu?" ²¹Ingabha, ewe ahakerenerya enyumna yo okusengerera arengiri omubhiri gwaye. ²²Kweego hano eribhaga ryahitiri kurwa mubhuryoki bhaye kureka mubhaku, abheega bhaye bhakahita kubha akahaya ego, bhakikirirya amakaamo na eng'ana yino Yeesu ahabhe amariri kuhaya.²³Hano ahabha Yerusaremu kwiibhaga rya ekimweso, eribhaga ryoorusiku orukuru abhatu bhaatu bhakikirirya erina ryaye, hano bhaaruzi obhuteemya bhwa amaryoryo gano yakoriri. ²⁴Nawe Yeesu atabheeri na bhwikirirya bhumwe nabho kwookubha abhamenyiri abhaatu bhoosi. ²⁵Atendiri mutu wowosi amubhurire iguru wa abhatu kyeego bhari kwookubha yamenyiri kirimwosi wabhu.

¹Egho kuhabha na Farisayo wuno erina ryaye Nikodemo wumwe wa abhatumwa bha esinziro rya abhayahudi. ²Omutu wono akagya ku Taata Yeesu obhutiku na kumubhurira "Omwagya, tumenyiri yokubha ni omwagya kureka ku Taatabhugya kwookubha atariho omutu wuno akugya okukora ezitemyo zyosi zino Taatabhugya hano atari hamwe nawe.³Yeesu akamubhirira, ikirirya, ikirirya, omutu atakutura kusikira mubhutemi bhwa Taatabhugya aribha atibhurwe rwa kabhiri. ⁴Nikodemo akabhugha, omutu arakorabhwi kwibhurwa rwa kabhirib naho nimkaruka? Atakunagya kusikira munda ya ninawaye rwa kabhiri na kwibhurwa aragya?.⁵Yeesu akabhugha ikirirya, ikirirya omutu hano atakwibhurwa kwa amanzi na kwa ekoro, atakutura kusikira ku bhutemi bhwa Taatabhugya. ⁶Kino kibhurwa ko omubhiri ni mubhiri na kino kikubhurwa kwa ekoro ni koro.⁷Otarugura kwookubha kakubhurira, wende otige oribhurwa rwa kabhiri. ⁸Omukama gurahuta hohosi enogukugya na eriraka ryaye mukarigwa. Nawe mutamenyiri kurarekahe eno ghuragyahe, ego nigo eri kuwosi wuno yibhurwe ne ekoro.⁹Nikodemo, akabhuga kwo okuhaya amang'ana ghano gharanaki kabhiri? ¹⁰Yeesu akamukyora, awe ni mwagya wa Israeri, otagamenyiri amang'ana ghano. ¹¹Ikirirya, ikirirya, ndakubhurira, kino tumenyiri turakirorerera kukina tunakyo. Nawe mutakugega no kurorerera kwenyu.¹²Hano mbhabhuriiri amang'ana gha mukyaaro na mutakwikirirya, murakorabhwi kwikirirya , hano ndabhabhurira amang'ana ga mwisaro? ¹³Kuubha atariho wuno yaatiri iguru kureka mwisaro kutigha ewe wuno akituma, Mwana wa Adamu.¹⁴Kyogho Musa kyego akagororokya enzoka mwasaro egho egho mwana wa Adamu yende atige kwenda aragororokibhwa. ¹⁵Kubha bhoosi bhano bhakumwikirirya bhabhone obhuhorubhwa kiraka.¹⁶Kwookubha kyeego Taatabhugya akasega ekyaro akamurusya omwana waye omwene, abhe kubha omutu wowosi wo kumwikirirya, atayaharika, nawe abhe no obhuhoru bhwa kiraka. ¹⁷Kwookubha Taatabhugya atamutumiri omwana waye mukyaro akisinze ekyaro, ego kubha ekyaaro kituribhwa iguru waye. ¹⁸Wokwimwikirirya ewe atakusinzirwa, wuno amwikirirye aamariri kusinzirwa kwo okubha akyari kwikirirya erina rya omwana omwene wa Taatabhugya.¹⁹Yino ni kubha ya isinziro, ya kubha obhweru bhwiziri mukyaro, nawe abhatu ghakase ekirima bhukong'u kukira obhweru, kwookubha amang'ana ghabhu ghari mabhihu. ²⁰Omutu woosi wuno akukora amabhihu arayitindira obhweru, atakuza kubhweru amang'ana ghaye ghataza kuturwa mwasi. ²¹Nawe wuno akakora obhuhene aragya ku bhweru eri kino akoriri kibhe abhweru kubha gakorirwi no obhutimirifu bhwa Eryoobha.²²Kuhika kughano Yeesu, hamwe na abheghi bhakagya muusi ya Yudaa, eyo akakorera omweya hamwe nabho nabhari bharasubha akabhabhatiza. ²³Bhoono Yohana ari arasubha eyo Ainea, haghuhi na Sarimu kubha ahabha na amanzi maaru harya, abhatu bhakaza kunewe na kusubha. ²⁴Kwookubha Yohana ahabha akyari kurekerywa mwigereza.²⁵Kumara aghakabhoneka amahaka iguru wa abhegi bha Yohana no omuyahudi kurusiku orukuru rwa okusindurwa. ²⁶Bhakagya ku Yohana bhakamubhurira, "Rabi," ewe wuno ahabha nawe kumwambuko gwa omwaro Yordani, wuno akarorerera amang'ana ghaye, rora arasubha ana bhoosi bharagenda kumutunirira.²⁷Yohana akakyora omutu atakutura kutura kighiro kyokyosi kutigha kyeegho aherwa kureka mwisaro. ²⁸Emwe abhene murarora kubha nabhugiri enye ntari Kiristo, iguru waye nkabhugha niretirwe mubhusyo bhwaye.²⁹Wuno anomwenga ni Taata womwenga, bhono omusani wa Taata omwenga, yimerere na kwitegerera, arazomerwa bhukoong'u kwookubha yeriraka rya Taata womwenga, bhuno bhunikiri. ³⁰Arenderwa kukura, nenye ndenderwa kusuhibhwa.³¹Ewe wuno akuhuruka iguru, ari iguru wa goosi, ewe wuno we ekyaro arareka mukyaro na arakerenerya amang'ana gya mukyaaro wuno akureka mukyaro ari iguru wa goosi. ³²Ewa ararekya ghano aruzi no kughigwa nawe atariho wo kugwata kurorerera kwaye. ³³Ewe wuno yagwatiri okurorerera kwaye kumenyekerya kubha Taatabhugya nimuhene.³⁴Kwokubha ewe wuno yatumirwe na Taatabhugya arakerenia amang'ana gha Taatabhugya kwokubha atakuyiha Ekoro kwe ekitemo. ³⁵Taata aramusegha omwana na amuheri ebhighiro bhyosi mumabhoko gyaye. ³⁶Wuno akumwikirirye omwana anabhwe obhuhoru bhwe kiraka, nawe kuwuno atakusuka omwana atakuroora obhuhoru kwegho obhutindi bhwa Taatabhugya bhuragwatana iguru waye.

¹Niho Yeesu akamenya kubha abhafarisayo bhigwiri kubha Yeesu ahabha arabhatunirira kubhasubha bhukong'u Yohana, ²(Kwokubha Yeesu omwene ahabha atakusubwa na abhana bhe shule bhaye). ³Akarwa Judea na akagia Gariraya.⁴Ego ahabha arenderwa kuhitira Samaria. ⁵Akahika ku mugye gwa Samaria, guno gukubhirikirwa Sikari, haguhi na ahagiro hano Yakobo amuha omwana waye Yusufu.⁶Ne kitaro kya Yakobo kihabha hayo, Yeesu ahabha arosiri no orugendo na kikaro haguhi haguhi na ekitaro ehabha mumwisi. ⁷Omukari Omusamaria akaza kutaha amanzi, na Yeesu akamubhurira, "Nihane amanzi ninywe". ⁸Kwookubha abhana bhe shule bhaye bhahabha bhagiri zyabhu muiboma kugura ebhiakurya.⁹Urya omukari akamubhurira, "Erabha bhabhi awe omuyahudi, okusabha enye omukari we Samaria kigiro kya kunywa?" ¹⁰Yeesu akamukyora, hinga omenyiri amahokya ga Taatabhugya na wuno akukubhurira nihamanzi, woramusabha na hari arakuha amanzi go obhuhuru.¹¹Omukari akamukyora, "taata otana ekigiro kyo kutahira ne ekitaro ngi kigiri, oragabhona hai amnzi go obhuhoru? ¹²Wawe namuku kukira taata wetu Yakobo, wuno akatuhana ekitaro kino, ewe omwene na abhana bhaye ne emitugo giaye bhanywe amanzi ga mukitaro kiyo?"¹³Yeesu akamukyoora, wo wasi wono akunywa amanzi gana arabhona eryota kweki. ¹⁴Nawe wuna aranywe amanzi gano ndamuha akwiga nyota kweki, ni kweki amanzi gano ndamuhe gano ndamuhe garabha msobho, go guno gutakwoma kimera.¹⁵Omukari orya akamubhurora, "taata ndasabha amanzi gayo iho ntabhona nyota, na ntanyaka kuza hayo kutaha manzi. ¹⁶Yeesu amubhurira, "negie omubhirikire musubhe wazo niho okiore.¹⁷Omukari akabhurira, "ntana musubhe" Yeesu akamukyoora "Uhairi kisi, 'ntana musubhe'; ¹⁸kwookubha obheri na abhasubhe bhatano no oumwe wuno onaaew bhono atari musubhe wazo, kuriyo ohahiri mahene.¹⁹Omukari akamubhurira, "Taata ndarora kubha awe ni omuroti. ²⁰Bhataata bhetu bhahasengera gati we kiguru kino nawe emwe murabhuaga kwokubha Yerusaremu niho ahagiro ino abhatu bharenderwa bhasengerere.²¹Yeesu akamukyoora, "Omukari, onikirirye eribhaga riraza ino mutakusengera tata gati weguru kino kya Yerusaremu. ²²Emwe abhatu murasengera kino mutakimenyiri, nawe etwe turasengera kino tumenyiri, wokubha obhuhoru bhurarwa ku Abhayahudi.²³"Nawe eribhaga riraza, nabho oriho hayo eribhaga bhano bhakusengera ehene bharasengera Taata gati mumutima gwe ehene, kwo Taata arabhamohia abhatu bhego kubha abhatu bhaye bhano bhakumusengera. ²⁴Taata bhugya ni mtima, na bharia bhakumsengera bharenderwa bhamusengere kwo omutima gwe ehene.²⁵Omukari akabhabhurira "Nimenyiri kubha aomutumania araza (wona akubhirikirwa Kristo), wono hano akuza aratubhurira gosi. ²⁶Yeesu akamubhurira, "Enye uno nkugamba nunye ewe."²⁷Kuribhaga riyo riyo abhana bhe eshure bhaye bhakakiora, nabho bhakarugura kwaki yaari aragamba no omukari, nawe atareho wuno asakiria kumubhurira "Orendaki?" kwaki oragamba nawe?.²⁸Ego omukari akatiga esengo yaye akatunura kugya mwiboma akabhabhurira abhatu. ²⁹Muze murore omutu wuno amburiri amang'ana gane gosi gano nkoriri, hene aratura kubha niwe Kristo?" ³⁰Bhakarwa mwiboma bhaka owaye.³¹Eribhaga rya mumwisi abhana bhe shure bhaye bhakamwisasama bhakabhuga, "Taata bhugya norie ebhakurya." ³²Nawe ewe akabhabhurira, "Enye ninakio ekiakuria kino emwe mtakimenyiri emwe. ³³Abhana bhe shure bhakabhurirana wono amureteri kigiro kyokyosi kya kuria" bhono bhakareta?"³⁴Yeesu akabhabhurira ekiakurya kiane ni kukora amazomu gaye ewe wuno antumiri no kumara omurimo gwaye. ³⁵Bhono mutakuhaya gikiari mieri etano no okugesa kurabha kubheri? ndabhabhurira murorerere emigundu gabheri kimweri kukugesa. ³⁶Ewe wono akugesa aratura ng'ana amariho go kukumania amatunduru ku obhuhoru bhwe ekimera kwo kubha ewe akunemia ewe aragesa bhrazomererwe hamwe.³⁷Kwookubha engambo ino ni ya amahene, umwe aremia no wundi aragesa. ³⁸Nkabhatumania okugesa nawe mtanyakiri abhandi bhakaroemirimo na nemwe msikiri gati wo ozomererwaa bhe emirimo giabhu.³⁹Abhakori bha akisi abhandi gati wo mugie gurria bhakamubhurira kwokubha orubhutu rwo omukari riorya wono yari ahabha no obhuhene, akamubhurira amang'ana gosigo gano nari nkukora" ⁴⁰Ego abhakori bhamang'ana amazomu hano bhakaza bhakamwisasama yikare hamwe nobho akikara owabhu siku ibhiri.⁴¹Na bharu bhukong'u bhakamwikirirya kwokubha yering'ana riaye. ⁴²Bhakamubhurira wurya omukari orya, "Turikiriria otari ku amang'ana gazo, kwo etwe abhene twigwiri, na bhono tumenyirikubha hene ewe ni omutu turya we kiaro."⁴³Kwokubha ezisiku zino ibhiri, akabhuka akarekera Gariraya. ⁴⁴Kwokubha ewe omwene yari aranikiri kubha omuroti ananakumo gati we esi yaye omwene. ⁴⁵Hano akaza kurwa Gariraya, bhagariraya haguhi bhari bharuzi amang'ana gosi gano yari akoriri Yerusaremu kusikukuru, kwokubha nanebho bhahabha bhakagia kusikuru.⁴⁶Akaza kweki yanga Gariraya eyo akagakiora amanzi gakabha amarwa na hahabha no omukuru wono omwana waye ahabha murweri eyo Kaprenaumu. ⁴⁷Hano akigwa kubha Yeesu akarwa Judea no okugia Gariraya, akagia ku Yeesu kumwisasama yitume amauhorie omukari, wuno ahabha haguhi kukwa.⁴⁸Niho Yeesu akamubhurira, "Emwe aribha muaruzi ngana na akiora mtakunagia kuikirirya. ⁴⁹Omukuru werihizo akabhuga "Taata ituma hasi omwawane akiari kukwa. ⁵⁰Yeesu akamubhurira, niogie omwano wazo ni muhoru "Omutu orya akikirirya eng'ana yino ahayiri Yeesu na akagia zyaye.⁵¹Hano yari akwituma abhohokia bhaye bhakamutung'ana no kumubhirira omwana waye yaari muhoru. ⁵²Ego akabha bhuria ibhagaki akabhona hakiriku, bhakamukiora, "Izo ibhaga rya muhungati ehoma hano yari etimbukiri."⁵³Niho wese wabhu akamenya kubha ni eribhaga rirya rirya Yeesu ahabha abhugiri, "Omwana wazo ni muhoru," ego ewe no oruganda nuaya bhakikirirya. ⁵⁴Yino ehabha ni ngana ya kabhiri yino yakoriri Yeesu hano yarwiri Yudea okugia Gariraya.

¹Kurekera haayo ehabhaho esikukuru ya Abhayahudi, na Yeesu akatiira kuugya Yerusaremu. ²Neeyo Yerusaremu nihabhayo eribhirika mukishoko kye ezing'ondu, rino rihabhirikirwa kuukigambo kya abha ebhurania Bethzatha, neeyo rina amahagya ataano. ³Abharweri bhaaru bhaaribharimu, abhahooku, abhareema, bhano bhabheri amagata bhahabha bhakindiri kubhirago obhuhene eribhaga erindi maraika akituuma mwo omutemi akatyoroora amazi. ⁴Uno ahabha wa kwanza okusikira muusi, bhaada ya amanzi okutyororwa akabha muhooru kureka kukino kya kumughwatiiri kwibhaga riiyo.⁵Omutu uuno ahabha arwariiri emiaka mirongo etatu na enaane ahabha munyako. ⁶Yeesu hano akamuroora ahindiri kumukeeka, akameenya ahindiri haarya kwibhaga itambi, Yeesu akamubhuriira orenda obhuhoru?"⁷Omurweeri akamukyoora, omutemi ntana muutu wo okuntura mwibhirika aribhaga rino bhakutyoorora amanzi. Hano nkweenda kusikira omutu oundi arankangata. ⁸Yeesu akamubhuriira, imuka ogege erigodoro ryazo ogye.⁹Kwi ibhaga riiyo omutu uurya akahooribhwa, akageega obhuriri akagya, no orusiku ruyo ruahabha ni sabhato.¹⁰Abhayahudi bhakamubhurira omutu uno akanihoorya reero ndusiku rwa sabhato atakubhirikirwa kugeega igodoro ryaazo. ¹¹Akabhuuga uno anihorirye niwe ambuririiri geega erigodoro ryazo ogye.¹²Bhakabhuurya, niwi akubhuuuriri ogege erigodoro ryazo ogye? ¹³Uno yamuhorirye atamumenyiri kwo okubha Yeesu ahaabha agiiri kwa bhwibhisi. Kwoo kubhua bhahabhaho bhaatu bhaaru ahagiro hayo.¹⁴Kureeka hayo, Yeesu akamubhoona omutu uurya mwisengerero akamubhurira "Roora ohoriri! otakoora amabhihu no otaza kukora amakoosa no otaaza kubhoona ing'ana ibhihu zaiidi. ¹⁵Omutu uurya akaagya na kubhuuriira abhayahudi kubha Yeesu niwe anibhooriirye.¹⁶Kwookubha ya amang'ana ghaayo abhayahudi bhakamunyakya Yeesu, kwokubha akahokya amang'ana gaano orusiiku rwe esabhato. ¹⁷Yeesu akamubhurira, Taata arakoora emiriimo mpaka bhoon noosi ndakoora emiriimo. ¹⁸Kuugayo abhayahudi bhakenderera kumukomya, bhamwiite na etaari kwa kuirusyaaho sabaato kwa kumubhirikira omutemi wise waabhu, akikoora kubha kya Eryoobha.¹⁹Yeesu akabhakyoora, mwikirirye kubha omwana kukoora kyokyoosi ira kino aruuzi wise arakoora, kino wise akukoora niikyo omwana akukoora. ²⁰Kwokubha wise asegiri omwana, amwerekerye kiira kino akukoora, na aramwerekya amang'ana amakuru kutiga gaano iri mukuumye.²¹Kyeego wisee akuryoora abhaaku no okubhaahaana obhuhoru, niigo omwana akumuhaana wuuno woosi asengiri. ²²Kwookubha wiise arahukumiira wowosi, omuheeri omwana obhunagya bhoosi. ²³Iri bhoosi bhamwobhohee omwna kyego omwana akumwobhooha wise, wuno atakumwobhooha omwana na wise atakumwobhooha.²⁴Mwikiriirye, uno akwigwa ering'ana ryaane no okumwikirirya uno antumiiri ana obhuhooru bhwa siku zyoosi na atakuhukumirwa. Arabha arekiri muuruku agiri mubhuhooru.²⁵Mwikiriirye ndabhabhuriira eriibhaga riiraza rino abhaaku bhakuua kwiigwa eriiraaka ryo omwana wa Eryoobha, bhaano bhakuuza kwiigwa bhariikara.²⁶Kyeego taata anaobhuuhoru muusi waaye omwene. ²⁷Amuheeri omwana kubha no obhuhooru mumubhiri gwaaye, na wise amuheeri omwana obhunaagya bhwo okuhumukwa kuubha ni omwana wa Adamu.²⁸Mutatangaaraara rino, eribhaaga riraaza bhaano bhoosi bhaari muzimbihiira bharaza kwigwaa eriraaka ryaaye. ²⁹Bharahuuruka habhoori, bhano bhakoriri amazomu bharabhona obhuhoru, bhano bhakoriri amabhihu bharahukumirwa.³⁰Ntakunagya kukora kyokyosi kureeka kuneenye omwene kyeego nkwiigwa niigo nkuhukumu. Ne ehekumu yaane ni yeheene, kwokubha ntakukomya bhusegi bhwaane, ira mbuseegi bhwa wuno antumiiri. ³¹Nangikumurye enye omwene, obhwikumya bhwane bhutaari kubha na obhuheene. ³²Oundi aroho wuno akunkuumya nina obhuheene obhuukumya bhuuno bhankukuumya mbhwa bhuheene.³³Mumtumiiri kuu Yohana wosi ankumiirye heene. ³⁴Obhunkuumya bhuuno nkuubhona bhutakureeka kuu bhaatu. Ndahaya gaano iri muheene. ³⁵Yohana ahaabha ni taara ino ikwaaka muhenda muzomererwe kwiibhaga itambi obhweru bhwaaye.³⁶Obhuukumya bhuuno ninabhwe mbakuru kukiira bhwa Yohana, kumirimo gino Taata aniheri kugimariirya, emirimo gino nkukora girarorekana kubha Taata antumiiri. ³⁷Taata uno antumiiri omweene ankumiirye, mkyaari kwiigwa iraka aryaaye wara mubhiiri gwaaye ibhaaga ryoosi. ³⁸Mutana ing'ana ryaaye rino rikwiikara kuneemwe kwokuubha mutakwiikirirya unoo atamiirwe.³⁹Muraroora amakamo murabhuuga abhuriimu obhuhooru bhwi ibhaga ryoosi, amakaamo gaayo garereekya amang'ana gaane. ⁴⁰Mutakweenda kuuza kunenye mubhoone obhuhooru bhwi ibhaaga ryoosi.⁴¹Ntakukumibhwa na abhatu, ⁴²nimenyiri kubha amutana obhuseegi bhwe Eryoobha muziikoro zyeenyu abheene.⁴³Niiziiri kuuriina rya Taata mutanikirirye. Oundi araaze kuriina ryaye muramwikirirya. ⁴⁴Murikiriryabhwi emwe bhaano mukwiikumya abheene mutakumukumya Eryoobha eryeene.⁴⁵Mutaaza kubhuga enye ndabhahaaya kuu Taata. Uno akubhaahaya ni Musa uno muteriku eziahakiri. ⁴⁶Mungabheeri murikirirya Musa, mwamukiriirya na nenye kwokuubha akakaama amang'ana gaane. ⁴⁷Kama mutakwikiriirya amakamo gaane, murikiriirya amang'ana gaane.

¹Inyuma wa amang'ana gaayo Yeesu akageenda kuzimbarika zyee nyaanza ya Garilaya arabhirikirwa nyanza ya Tiberia. ²Ekikaro ekikuru kihabha kiramurwa inyuuma kwookubha bhakaroora ebhimenyekereryo zyiino ahakora kubhaano bhabhanga abharweeri. ³Yeesu akatiira iguru tee orubhara rwii iguru rwee kiguru na akikara eyo na abhaana abhegibhwa bhaye.⁴(Neekimweso, enyenga ya abhayahudi yabhanaga ekikiri haguhi). ⁵Yeesu hano akagororoka ameso gaye iguru noo okurora obhwaru bhuraza kunewe akamubhurira Filipo, "turagenda hai okugura emikate bhano bhanagye okurya?" ⁶Nawe Yeesu akagahaya gano kuu Filipo kwokumusakya kwakubha ewe omwene akamenya kino akuza kukora)⁷Filipo akamukyora, "Nee mikate gyoo obhunagya bhwee zyimbirirya magana abhiri gitari girisa nabhekyoo wumwe yangabhwenie nabhekitimika kisuhu. ⁸Andrea, owumwi wa abhana abhegibhwa bhaye omuhiri waye Simoni Petro akamubhurira." ⁹Yeesu, "Ahoro omumura hano enemikate etano nee eziswe ibhiri, nawe rino rirasakiryaki kuu abhaatu abhaaru bharu kuutemwa yino?"¹⁰Yeesu akabhabhurira, "Mubhikarye abhatu haasi" (bhwabhangaho obhunyaki bhwaaru ahagiro hayo). Kweego abhasubhe bhakuhika bhwikwi bhitano bhakikara hasi. ¹¹Okumara Yeesu akageega emikate giirya etano akagisabhira akabhasondya bharya abhabhanga bhikeri. Bhuyo bhuyo akabhasondya eziswe kyeego bhurya bhaheenda. ¹²Abhaatu hano bhakiguuta, akabhabhurira abhana abhegibhwaa bhaye, mubhikumanie ebhitinika bhya masagyo, bhino bhisagiri kweego okubha kitabhura kyokyosi.¹³Kweego bhakakumania nookwikirya bhikapu ikumi na ibhiri, ebhitika bhye emikate etano gyee eheke- ebhitinika bhino bhyasagibhwe naa bhano bhariri. ¹⁴Okumara abhatu bhano bharuzi kimenyekereryo kino yino yakoriri bhakabhuga, "Heene wuno niwe wurya omuroti wuno akuza mukyaaro." ¹⁵Yeesu hano yamenyiri kubha bhabhanga bharenda kumugwata bhanagye kumukora kubha mutemi wabhu, akahuka kweki akagenda mukiguru ewe omwene.¹⁶Hano yabheeri engorobha, abhana abhegibhwa bhaye bhakituma kugenda kunyanza. ¹⁷Bhakatira mubhwato neeno bhabhanga bharambuka kurekera Kapernaumu. (ekirima kyabhanga kisikiri naa Yeesu yabhanga akyaari kuza owabhu). ¹⁸Kwibhaga riyo omukama muhari gwabhanga gurahemba nee nyanza yabhanga eragenderya okubhiha.¹⁹Kweeki abhana abhegibhwa bhaye bhano bhabhanga bhatemiri ezingahi hamwe mirongo ebhiri nee tano ariibha niigo mirongo etatu, bhakamurora Yeesu aragenda iguru wee nyanza kweengerera obhwato, neebho bhakobhoha. ²⁰Nawe akabhabhurira, "Niinye! mutige kwobhoha". ²¹Nawe bhabhanga bhabheri kisi okumugega mubhwato, naa kweki obhwato bhukahika muusi ahagiro hano bhabhanga bhakugya.²²Orusuku rwoobhurumusiro ekikaro kino kyabhanga kimereri orubhara rwee nyanza bhakarora kubha bhutaroho obhwato bhundi kutiga bhurya bhuno Yeesu na abhaana abhegibhwa bhaye bhabhanga bhatabhutirimu nawe abhana abhegibhwa bhaye bhabhanga bhagiri zyaabhu ebho abheene. ²³(Ingabha bhwabhangaho obhwato obhurebhe bhurweeri Tiberia haguhi na aahagiro hano bhariri emikate hano Taatabhugya yamariri okurusia okukumia).²⁴Eribhaga ekikaro hano kyamenyiri kubha atari Yeesu hamwe abhana abhegibhwa bhaaye bhabhanga erya, ebho abhene bhakatira mwosi wa amato bhakagenda Kaprenaumu bharamumohya Yeesu. ²⁵Hano bhamubhweni orubhara orundi rwee nyanza, "Rabbi akaza ryori eno?"²⁶Yeesu akabhakyora akabhabhurira mwikirirye, mwikirirye, muranimohya enye atari okubha mukazirora kimenyekereryonii kwookubha mukarya emikate noo kwiguta. ²⁷Mutige kukikorera emirimo ekyakurya kyeene kusarika, nawe mukakorere emirimo ekyakurya kino kikwikara nabhee kiraka kirya kino omwana woo muutu arabhaha, kwakubha Eryoobha Taata eteroho orukamo iguru waye.²⁸Okumara akamubhurira "Nikituki wenderwa kukora kyamwe tukikore emiromo gyee Eryoobha. ²⁹Yeesu akabhakyoora, gino nigyo emirimo gyee Eryoobha kubha mumwikirirye ewe wuno atumiri."³⁰Kyeego bhakamubhurira "Niikimenyekereryo zyihee zyino orakore, kubhaturanagya okuzirora nookuzirirya? orakora eki?. ³¹Bhataata bheetu bhakarya kwiigaki kukibhaara aribha kyeego ekamirwe, "Yabhaheri emikate kureka mwisaro bhanagye."³²Okumara Yeesu akabhakyoora, "ikirirya, ikirirya, atari Muusa wuno yabhaheri omukate kureka mwisaro, ewe ni Taata wane niwe akubhaha omukate gwaa heene kureka mwisaro. ³³Kwaakubha omukate gwee Eryoobha ni gurya gukuituma kurwa mwisaro nookuhana obhuhoru ekyaro. ³⁴Kyeego bhakamubhurira, Taata bhugya tuahane omukate gune ibhaga ryoosi."³⁵Yeesu akabhabhurira enye ninye omukate gwoo obhuhoru ewe wuno akuza kwinenye atakubhona nzara na newe wuno akunikirirya atakwikgwa nzara rumwe." ³⁶Yangabha anabhabhuriri kubha, mwiruzi, neno mukyari kwikirirya. ³⁷Bhoosi bhano Taata kauniha bharaza kuneye nitakumurekera igutu heene.³⁸Kwaakubha nitumiri kureka mwisaaro etari kwaa kweenda kukora meega gane, nawe niikumega gaye wuno anitumiri. ³⁹Nagano nigo ameega gaye wuno anitumiri kubha nitamubhurya nabhe wumwe waa bharya bhano aniheeri nawe nirabharyookya orusiku rwoo obhurumusiro. ⁴⁰Kwookubha nago nigo ameega gaa Taata wane, kubha wuuyo woosi wuno akumurorerera omwana noo okumwikirirya anyora obhoru bhwa ekiraka naa nenye niramuryokya orusiku rwoo bhurumusiro.⁴¹Okumara abhayahudi bhakarumirirwa ewe kwookubha yahayiri, "Enyee nii omukate guno gwitumiri kureka mwisaro." ⁴²Bhakabhuga, "Wuno atari Yeesu omwana wa Yusufu wuno wise wabhu na nina wabhu tumumenyeri? ebheribhwi bhono arabhuga, "Nimutumiri kureka mwisaro?"⁴³Yesu akabhakyoora, akabhabhurira, "Mutige kurumirirwa kuunemwe abheene. ⁴⁴Atariho omutu waa kuza kuunenye aribha atarutirwe na Taata wane wuno anitumiri, na niinye niramiryookya orusiku rwo obhurumusiro. ⁴⁵Kwaakubha ekamirwe kubharoti, "Bharegibhwe nee Eryoobha wosi wuno yiigwiiri noo kweega kureka kuu Taata araza kuuninye.⁴⁶Etari kubha ariho omutu wuuno yamuruuzi Taata, nii wuuno ewe arwiri kuu Eryoobha - amuruzi Taata. ⁴⁷Ikirirya, ikirirya ewe wuno yikirirye anabhwe obhuhoru bhwa kiraka.⁴⁸Enye nii mukate gwoobhuhoru. ⁴⁹Bhawuso wenyu bhakarya ego kukibhara, naa bhakaakwa.⁵⁰Guno nigwe omukate gukwituma kureka mwisaro, noo kuubha omuutu agurye orubhara rwaye ataaza kukwa. ⁵¹Enye nii omukate guno gukwikara guno gwitumiri kureka mwisaro. Aribha omutu wowosi arirya orubhara rwoo mukate guno, arikara kimera kiraka. Omukate guno nirarushe nii omubhiri gwaane kwoo obhuhoru bhwee ekyaaro.⁵²Abhayahudi bhakatinda abheene kwaa abheene noo okutanga okuhakana bharabhuga "Omuutu wuno aranagya kutuha omubhiri gwaaye tugurye?" ⁵³Okumara Yeesu akabhabhurira, ikirirya, ikirirya, muritama kurya omubhiri guno omwana woo muutu noo okunywa amanyinga gaye mutakubha nnobhuhoro mwoosi wenyu.⁵⁴Wowowsi wuno aragurye omubhiri gwaane nookunywa amanyinga gaane anabhwe obhuhoru bhwaa kiraka, na niinye niramuryoka orusiku rwoobhurumisiro. ⁵⁵Kwookubha omubhiri gwaane nii kyakurya kyaa heene, na manying agane ekinywebhwa kyaaa heene. ⁵⁶Ewe wuno akurya omubhiri gwane nookunywa amanyinga gaane arikara mwoosi wane, na ninye mwosi waye.⁵⁷Kyeego Taata mweene bhuhoru yanitumanie naa kyeego nikwikara kwaakubha yaa Taata, na wosi kweki arikara kwaa kubha yane. ⁵⁸Guno nigwe omukate gukwituma kureka mwisaro etari kyeego bhaa taata bhariri bhakakwa. Ewe wuno akurya omukate guno arikara kimera. ⁵⁹Yeesu akagahaya amang'ana gano mwoosi wee erisengero hano yabhanga akweegya eyo Kapernaumu.⁶⁰Niho abharu bhaa bhana abhegibhwa bhaye hano bhakigwa gano, bhakabhuga, "Bhuno nii bhweegya bhukong'u nii wewi akunagya kubhugwata?" ⁶¹Yeesu kwaakubha akamenya yookubha abhaana abhegibhwa bhaaye bhabhanga bharu mikiiiri eng'ana yino, akabhabhurira awe ang'ana yino erabhanyahara?⁶²Bhoono arabhabhwi hano muramurore omwana woo muutu arituuma kureka eno yari inyumeyo? ⁶³Nii ekoro niyo ekurusha obhuhoru. Omubhi gutakusakirya kigiro kiyokiyosi. Amang'ana gano nikerenie kunemww ni ekoro naa nii bhuhoru.⁶⁴Bhakyaroho abhatu gati wenyu bhatenda bhikirirya. Kwaakubha Yeesu akamenya kweema obhutangi wuurya wuno atakunagya okwikirirya naa newe wuno yangamukyokiri. ⁶⁵Akabhabhurira, nii kwakubha yino nikabhabhurira, atariho omuutu akunagya kuza kuneenye yari amariri kuhabhwa na Taata.⁶⁶Inyuma wa gano abhana abhegibhwa bhaye abharu bhakakyoora bhwinyuma bhatahireni nawe kweki. ⁶⁷Yeesu akabhabhurira bharya ikumi na abhiri "Hamwe na nemwe murenda kugya?" ⁶⁸Simoni Petro akamukyoora, "Isabhugya tugende kuuwewi awe onago amang'ana goobhuuhoru bhwa kiraka? ⁶⁹Naatwikirirye noo kuuza kubha awe nii omweru we Eryoobha"⁷⁰Yeesu akabhabhurira, "Awe enye nitabhasoriri emwe, noo mumwe wenyu omubhisa? ⁷¹Bhoono yangabha arakerenia kuumang'ana gaa Yuda, omwana wa Simoni Iskariote, kwaa kubha yabhanga niwe yabhanag owumwe waabhu ikumi na bhabhiri, ewe niwe yangamukyokiiri Yeesu.

¹Na hayo yamariri amang'ana gano Yeesu akagenda ego mu Garilaya, kwookubha ataseegiri okugya Uyahudi kwookubha Abhayahudi bhahakora amakerenio gookwenda okumwita. ²Boono enyangi ya Abhayahudi, enyangi ya ebhihuna yaabhanag haguhi.³Niho abhaturi bhaye bakamubhurirya "Norwe ahagiro hano ogende Buyahudi, ebhe okubha abhana abhegibhwa bhazo bhoosi bhakarora gano okutemia. ⁴Atareho wuno akukora riyoryoosi kwabhwibisi aribha omwene arenda kumenyekana mwaasi, aribha yagabha orakora amang'ana gano, iyerekenia omwenego kukyaro.⁵Ndabha abhahiri bhazo bhoosi abhmweesi bhano. ⁶Niho Yeesu akabhabhurira, "Eribhaga ryane rikyari kuhika, nawe eribhaga ryenyu kwibhaga ryoosi rihikiri. ⁷Ekyaro kitakunagya kubhatindira emwe, ekyoo kiranitindira niinye kwookubha nirakibhurira kubha amatemio gaakyo ni mabhi.⁸Mutine mugende munyangi; Enye nitakugya munyangi yino ni kwookubha eribhaga ryaane rikyari kuhika. ⁹Hano yamariri okuhaya amang'ana gayo kuunebho, akasaaga Garilaya.¹⁰Kweeki ego abhahiri bhaye hano bhabhanga bhagiri munyangi, niho woosi yagiiri etari mwasi akagya kwa bwibhisi. ¹¹Abhayahudi bhabhanga bharamuhia munyangi no okubhuga, "Arii hayi?"¹²Gabhangaho amakerenio maaru gati wo obhukari iguru waye. Abhandi bhakabhuga, "Ni mutu muzomu." Abhandi bhakabhuga, "Zeyi, obhona arabhang'enererya abhasikani." ¹³Hateego atareho wuno yakerenie mwasi iguru waye bhahobhoha Abhayahudi.¹⁴Eribhaga rino enyangi yahikiri gatigati, Yeesu akatiira kugye mwisengero no okutanga okwega. ¹⁵Abhayahudi bhakabha bhararugura no okubhuga, "Kwiigaki omutu wuno amenyiri amang'ana maaru? Atasomiri eribhaga. ¹⁶Yeesu akabhakyoora no okubhabhurira, "Obhweegya bhaana bhatari bhaane, ego ni goomwene wuno yaantumiri.¹⁷Aribha wuyo woosi ariseega kukorakumega gaye ewe, aramenaya kumeegyo gano, aribha gararwa ku Eryoobha, aribha nirakerania kurwa kuninye omwene. ¹⁸Kuwuno woosi akukerania gararwa kunewe omwene aramohiya obhweru bhwaye kwego wuno akumohya obhweru bhwaye ewe wuno anitumiri, omutu wuyo ni wamaheene, na mwoosi waaye kutareho okukora ehene.¹⁹Muusa atabhaheri emwe ihatike nawe atareho naabhe wumwe kuneemwe wuno akukuhokya kwerihatike kweki mureenda kunita? ²⁰Abhasikani bhakamukyora, "Ona amanani. Niwi akwenda kukwita?"²¹Yeesu akabhakyoora no okubhabhurira, "Nihokirye murimo gumwe, nemwe mwoosi muruguribhwe kwo okubha yaye. ²²Muusa akabhahana obhusarwa (bhutari kubha bhurarwa ku Musa, ebhwe bhurya bhurarwera kubhataata), na kurusiku rwo bhusengeri muaramusara mutu.²³Naabhe omutu aranyora obhusarwa kusiku rwo obhusengeri kwookubhaerihatike etaza kusaribhwa, kwaki muranitindira enye kuno nimukoriri omutu kubha muhoru heene kurusikurwo obhusengeri? ²⁴Mtige kusinza kuring'ana no obhurorekani, nawe misinze kwe eheene.²⁵Abhamwe bhaabhu kurwera Yesrusaremu bhakabhuga, "Atari wuno bhakumohia kumwiita? ²⁶No orore, arakerenia mwosi mwasi na bhatakuhaya kiyokyosi iguru wenye. Etukutura ekabha kubha abhakangati bhamenyiri heene kubha wuuno ni Kristo, eranagya kubhaa? ²⁷Tumenyiri omutu wuno ararwera hayi, Kristo hano araaze, kweeki ego, atareho wuno amenyiri ararwa hayi,"²⁸Yeesu ahabha aratirya emimiro gyayemwisengero, aregya no okubhuga, "Emwe mwoosi minimenyiri enye na mumuenyiri eno nikurwera. Nitiiziri kwo omweya gwaane, ni omwene wuno anitumiri ni wamaheene na mutamumenyiri ewe. ²⁹Nimumenyiri ewe kwakubha nirweri kunewe na niwe anitumiri.³⁰Bhahabha bharasakya kumugwata nawe atareho nabhe wumwe wuno yagororkirye okubhoko kwaye iguru waye kwokubha eribhaga ryaye ryarikyari kuhika. ³¹Kweki ego, abharu kubhusikani bhakamwikirirya bhakabhuga, "Kristo hano araze, arakora bhumenyekeryo bhunu kukira bhino akoriri omutu wuyo?" ³²Abhafarisayo bhakabhigwa abhasikani bharamonyererana amagina gano iguru wa Yeesu, na abhakuru bha abhamwesi na abhafarisayo bhakatumania abhakuru bhagye bhamugwate.³³Niho Yeesu akabhuga, "Riikyari eribhaga isuhu kusuhu rino nikyaari hamwe na nimwe, niho niramare nigende kuonewe ewe wuuno anitumiri. ³⁴Muranimohoya nawe mutakunirora; Enye nikugenda, mutakunagya kuzayo."³⁵Kubhuyo Abhayahudi bhakabhurirana abhene ku bhene, "Omutu wuno arageenda hayii kubha tutakunagya kumurora? Aragenda kubhano bhanyarageni kubhayunani no okubhegya abhayunani? ³⁶Ni ngunaki rin arikerenie; muranimohya nawe mutakunirora, erya nikugenda mutakunagya kuzayo?"³⁷Boono kurusuku rwoobhurumusiro, orusik orukuru rwe enyengi, Yeesu akaimerera akatirya omumiro, akabhug, "Aribha wuyo woosi anaenyota, yize kunenye anywe. ³⁸Wuno akunikirirya enye kyeego amakamo gahayiri, kurwa mwoosi waye giragera emiaro gya amanzi go obhuhoru.³⁹Nawe akagakerania gano kukora yino ebho bhano bhamwikirirya bharayigwatirira; Ekoro yaari ikyari kurusibhwa kwookubha Yeesu yabhanga akyari kukumiibhwa.⁴⁰Abhandi abharabhe kubhusikani, hano bhakiigwa amang'ana gayo, bhahabhuga, "Heene wuno nio omuroti." ⁴¹Abhandi bhakabhuga, "Wuno ni Kristo" Nawe abhandi bhakabhuga, "Niki, Kristo aranagya akureka Galilaya? ⁴²Amakaamo gakyari kubhuga Kristo, ararwera muruganda rwa Daudi no okurwa Bethlehem, esi yino Daudi yaari?⁴³Hayo, harya bhukabhaho abhatunikani gatigati wa abhasikani kwa amang'ana gaaye. ⁴⁴Abhandi kurwa kunebho bhabhra mugwata, Nawe atareho wuno yagororkirye omabhoko gaaye iguru waaye.⁴⁵Niho bharya abhakuru bheezisangarya kya bhakakyora kubhakuru bha abhamwesi na Abhafarisayo, boosi bhakabhabhurira, "Kwaki mukyari kumuhikya hano?" ⁴⁶Abhakuru bhezisangarya bhakabhakyora, "Atareho mutu wuno yakangatiri kukerenia kya wuno inyuma eyo."⁴⁷Niho abhafarisayo bhakabhakyoora, "Na niimwe boosi mubhuribhwe" ⁴⁸Ariwo wuyo woosi kubhakangati wuno amwikirirye, hamwe wowosi kubhafarisayo.? ⁴⁹Ni bhano bhanobhasikeni bhano bhatamenyiri.⁵⁰Nikodemo akabhabhurira (ewe wuno yagirir Yeesu ekare, yangabha owumwe wa Abhafarisayo), ⁵¹Awe erihatike ryetu eramusinzira omutu tee yitegererwe hing no okumenya kino akukora?" ⁵²Bhakamukyoora no okumubhurira, "Na woosi kweki ararwera Galilaya mohya noorore kubha atareho muroti wuno yarweri Galilaya."⁵³(Yangarira: Amang'ana amarebhe ga Yohana 7:53 - 8:11 gatarimo mumatigyo gaamakamo amazomu geekare). Okumara kilo omutu akagenda yiika waaye.

¹Yeesu akaagya mukiguru kye emizeituni. ²Etabhori zuri akaza kweki muchekaru, abhatu bhoosi bhakamugyaku, akikara no okubhugya. ³Abhakaami na amafarisyo bhakamureta omukari wuyo agwatuswe arakora obhusimbe, bhakamutura gatigati.⁴Niho bhakamubhurira Yeesu, "Omwegya bhakamureta omukari wuno agwatirwe arakora obhusimbe, kuung'ana yeehene. ⁵Bhono kwisinzira, Musa atubhuriri tubhateme amagina, abhaturya bhaano, orabhugabhwi iguuru wo omutuoyo. ⁶Bhakahaya gayo kumutuurira kitegi tegi, bhabhone eng'ana yoo kumusinzira, nawe Yeesu akinama haasi akakaama ne ekyara kyaayee hasi.⁷Haano bhamubhurirye, akimerera no okubhabhurira wuno atana obhibhiku munemwe, abhe we mbere okumutema amagina. ⁸Akihikikya kweki hasi, akaakama ne ekyara kyaaye.⁹Hano bhakigwa gayo, bhakaagya wumwe wumwe, kuemera wuno yaari omukaruka, Yeesu akatigwa omwene, haamwe no omukari wuno ahabha gatigati wabhu. ¹⁰Yeesu akimerera no okumubhurira omukari, bhano bhakukusama bharihayi? atariho owumwe wuno yakusinziri? ¹¹Akabhuga, atariho hata wumwe Taata." Yeesu akabhuga, hataanye ntakusinzira. Noogye kuunzira yaazo kuemera bhono no okugendererya otakora amabhihu kweki.¹²Kweeki Yeesu akakerania ne abhaatu akabhuga, "Enye no obhweru bhwe ekyaaro, wuno akunitumirira atakugenda mukirima kwookubha arabha noobweru bhwo obhuhoru. ¹³Mafarisayo bhakamubhurira oribhurira omwene.¹⁴Obhugambi bwane ni bwehene, nimenyiri hano nikurwa neeno nikugya, nawe eme mutamenyiri hano nkuurwa neeno nkuugya. ¹⁵Emwe murasinzira kumubhiri enye ntakusinzira wuyo wosi. ¹⁶Enye mbhasinzire, obhusinziro bhwane ni bhwaheene, kwookubha ntaari omwene, nawe ndihamwe na Taata wuno anitumiri.¹⁷Niheene, kwisinziro ryeenyu ekamiirwe kubha amang'ana gha abhatu abhabhiri ni gahene. ¹⁸Enye nenye nikuhaya, Taata wuno yantumiri aramburira.¹⁹Bhakamubhurira "Wuno wenyu arihaya? Yeesu akabhakyoora, enye mutanimenyiri, Taata wane mutamumenyiri, mungabheri munimenyiri singa na Taata mumumenyiri. ²⁰Akahaya amang'ana gaayo ahabha haguhi kyeego akeegya mwirwaziro, atariho hata owumwe wuno yamugwatiri, kwookubha eribhaga riari rikyari kuhika.²¹Kweeki akabhabhurira kuubhundaagye zyaaru, muranimohya, murakwa no obhubhihu bhweenyu eno nkuugya mutakunagya kuuza. ²²Abhayahudi bhakabhuga "Ariyita omwene, wuno yabhugiri eno nkuugya mutakunagya kuzayo?²³Yeesu akabhabhurira, "Murarwa hasi, enye ndaarwa iguru, emwe ni bhekiaro kino, enye ntaari we kyaaro kino. ²⁴Kweego ndabha bhurira kubha murakwa no obhubhihu bwenyu kweego muikirirye kubha ENYE NENYE, murakwa kubhubhiku bwenyu.²⁵Kweego, bhakamubhurira awe ni wewi? Yeesu akabhabhurira, gano niabhabhuriri kubhwemero. ²⁶Nina amang'ana amaaru gano niigwiri kurwa kunewe, amang'ana gano ndagahaya mukyaro. ²⁷Bhatamenyiri kubha ahakerania nabho gaataata.²⁸Yeesu akabhuga, haano muramwinure iguru omwana wo omutu niiho muramenye kubha ENYE NENYE, no okubha ntakukora riyo ryoosi kumuoyo gwane, kyeego taata yaaniegirye, ndakerania amang'ana gano. ²⁹Ewee wuno yantumiri arihamwe na nenye, ne newe akyari nkutiga enye omwene, kwo okubha ndakoora gano asegiri. ³⁰Eribhaga Yeesu akughamba amang'ana gano, bharu bhakamwikirirya.³¹Yeesu akabhuga Abhayahudi bhaano bhakamuikirirya, aribhamurikara kwiing'ana ryaane, hayo niho mukuubha bheegi bhaane bhaheene. ³²Neemwe muuranimenya eheene ne ehene erabhatura kuubhuhene. ³³Bhakamukyora, etwe nibhibhurwa bhwa Iburahim, ne eribhagha tutakabheri bhabhagati bha muutu wuyo wosi, orabhugabwi, turatuura kisi?³⁴Yeesu akabhakyoora, muniikirirye, muniikirirye, ndabhabhurira, wuno akukora amabhihu, niomubhagati wa amabhihu. ³⁵Omubhagati atakuikara yiika ibhaga ryoosi, niomuhokya we emirimo ibhuiaga ryoosi. ³⁶Kweego, aribha omwana araturwa bhwahene, murabha bwahene.³⁷Nimenyiri kubha emwe nibhabhurwa bhwa Ibrahim; mureenda kuniita kwookubha ering'ana ryaane ritaana ibhaga kuneemwe. ³⁸Ndahaya amang'ana gaano ngaaruzi hamwe na Taata wane nanemwe kweki murakira amang'ana gano mukiigwa kurwa kubhawuso wenyu.³⁹Bhakamukyoora no okumubhurira "Taata wetu ni Abrahamu Yeesu akabhabhurira, aribha mungabheri bhana bha Ibrahimu muari murakora emirimo gya Ibrahimu. ⁴⁰Bhono muranimohya okuniita, omutu wuno yabhabhuriri obhuheene kubha akiigwa kuurwa ku Eryoobha. Abrahamu atakoririgo. ⁴¹Murakyoora emirimo gya wuso wenyu." Bhakamubhurira "Tutibhurwe mubhusimbe, tunawe taata wumwe, Eryoobha."⁴²Yeesu akabhabhurira, "Aribha Eryoobha niwe wuso wenyu, muari muransega enye, kwo okubha ndwiri ku Eryoobha, ntiiziri kwo obhunagya bhwane, ewe niwe yaantumiri. ⁴³Kwaaki mutakwiigwa amang'ana gaane? Kwo okubha mutakunagya kuikara kibhandikira kuigwa amang'ana gane. ⁴⁴Emwe wuso wenyu ne emisambwa, mureenda kukoora gaabha wuso wenyu. Ahabha muiti kuemera kubhutangiro atakubhunagya kuinierera kubhuhene kwo okubha bhutari mumuoyo gwaye. Haano akukerania obhubhehi, arakerania kuurwa kuutubyo yaye, kwo okubha nioomubhehi na taata wo orubhehi.⁴⁵Nawe bhono, kwo okubha ndahaya ge ehene, mutakuniigwa. ⁴⁶Ni wewi gati wenyu wuno akuumburira kubha ninaobhubhihu? aribha ndagamba obhuhene. kwaki mutakwiigwa. ⁴⁷Wuno ariwe Eryoobha, ariigwa ge Eryoobha, emwe mutakwiigwa kwo okubha mutari bhe Eryoobha.⁴⁸Abhayahudi bhakamukyoora no kumubhurira, tukyaari kuhaya kubha awe niomusamaria one ebhibhwi!! ⁴⁹Yeesu akabhakyoora, ntaana kiihwi; nawe ndamwigwa taata, emwe mutakwiigwa.⁵⁰Ntaakumuhaya obweeru bwane ariiho wuno akumohya no okumusinzira. ⁵¹Muikirirye, muikirirye, ndabhabhurira, aribha wuno wosi aragwate ering'ana ryaane atajuroora oruku kweki!! Abhayahudi, bhakamubhurira bhono tumenyiri kubha onekihwi, Abrahamu na abharoti bhakakwa, nawe orabhuga, aribha aomutu aragwata amang'ana gazo, atakurora oruku.⁵²Awe otaari mukuru kukiira taata Abrahamu wuno yakuri tiigo? Abharoti bhosi bhakuri, awe orikoora wewi? ⁵³Abhayahudi, bhakamubhurira bhono tumenyiri kubha onekihwi, Abrahamu na abharoti bhakakwa, nawe orabhuga, aribha aomutu aragwata amang'ana gazo, atakurora oruku.⁵⁴Yeesu akabhabhurira, aribhaa ndiikurya enye omwene, obweru bhwane ni bhwa bhusa ni taata wuno yaniimererye wuno nkubhuga ne Eryoobha ryeenyu. ⁵⁵Emwe mukyari kumumenya ewe, nawe enye nimumenyiri ewe, haano ndabhuuge ntamumenyiri, ndaabha kyaneemwe, mubheki. Kweego nimumenyiri amang'ana gaya ngagwatiri. ⁵⁶Wuso wenyu Abrahamu arigwa bhwahene hano akururora orusiku rwane, akarurora akiigwa bhwahene.⁵⁷Abhayahudi bhakamubhurira "Okyaari kuhikya emiaka mirongo etano, nawe omuruzi Ibrahimu? ⁵⁸Yeesu akabhabhurira muikirirye, muikirirye, ndabhabhurira Abrahamu hano yaari akyaari kiuibhurwa, ENEY NDIHO. ⁵⁹Niho bhakatora amagina bhakenda kumutema, nawe Yeesu akiibhisa, akahuruka igutu we erirweziro.

¹Eribhaga rino Yeesu yari akuhita, akamurora omutu omuhoku kwemera kwbhurwa kwaaye, ²Abhagibhwa bhaaye bhakamubhurya, Rabi, wewi yakoririr amabhihu, no omutu wuno kasha ni abhibhuri bhwaye nebho akibhurwa muhoku?³Yeesu akahaya atari omuntuono na bhatari abhibhuri bhaaye bhakeriri amabhihu nawe ne amerimo gya Eryoobha gikorwe gyerikibhwa kuhitira kunewe. ⁴Tarenderwa kuhokya emirimo gyaaye yuno yantumiri mwisi, obhutiku bhaaza hano omutu atakunagya kuhokya omurimo gogosi. ⁵Hano nkyaari kukyaaro enye no obhweeru bhwe ese yino.⁶Yeesu hano yamara okugaamba akatwa amate akakora obhutoto kumate gaaye akamumeerya muniso gaaye eritoto rirya. ⁷Akamubhurira noogye wisabhe obhushu kukisima kya Siloamu (kiratogwa wuno atumirwe) Kweego omutu wuyo akagya akisaabha akakyoora ararora.⁸Abhanyaroobho bho omutuwurya na bhano bhaari bhamenyiri kubhutangati kubha yaari mutu woku sabhasabha bhakahaya, awee, omutu wono atari wurya yaari arikara no okusabha? Abhaandi bhakahaya niwe. ⁹Abhandi bhakihaya atarinewe bhatumbhuri na neewe. Nawe omweene yari arahaya neego.¹⁰Bhakamubhurira, bhoono ameesu gaazo gakutumburibhwa bhwii? ¹¹Akakyoora kuhatya omutu wuno aku bhirikirwa Yeesu akakora amatoto kumata gayo kweego nkagya, no okwisabha, na bhoono nkabhoona okurora kweeki. ¹²Bhakamubhurya, arihayi? akakyoorya ntakumenya.¹³Bhakamubhurya omutu woyo yaari omuhoku kwu bhafarisayo. ¹⁴Orusuku runo ndwaari rwe eabhato hano Yeesu yakora eritoto rirya no okugahurubhura ameeso go omuhoku wurya. ¹⁵Kweki abhafarisayo bhakamubhuurya ukabhonabhwi kurora.¹⁶Abhafarisayo abhandi bhakahaya "Omuutu wono ataruri kwe Eryoobha kwookubha atakugwaaata esabhato, abhaandi bhakahaya, aranagya bhuri omutu wa amatemio amabhihu kukora gano? Kweego bhakahohakania igati waabhu. ¹⁷Neho bhakamubhurya omuhoku wurya kweeki orabhugabhwi iguru yo omutu kwookubha ahubhwiri ameeso gaaze? Neho omutu akahaya ni omuroti. ¹⁸Neego nkye eribhaga rino abhayahudi bhakyaari okumwikirirya kubha yaari ni muhoku nawe abhweeni okurora, nkeego bhabirikiri abhibhuri bhaaye wuno yabhweeni okuroora.¹⁹Bhakabhabhurya abhebhuri, awe wuno nio omwana wenyu mukuhaya yaariyibhurirwe omuhoku? Anagirye bhuri okurora bhoono? ²⁰Neho abhebhuri bhaaye bhakabhuga, "Tumenyiri kubha wuno ni mwana wetu nokubha akibhurwa muhoku. ²¹Nibhwi bhoono ahumbukiri ameesu tutakumenya, na wurya amuhumbukiri amesu gaaye tutakumumenyiri, mumubhurye omwene ni muutu mkuru, Aranagya okwigambira.²²Abhebhuri bhaaye bhakagamba gayo kwookubha mbohobhohiri abho Abhayahudi, kwookubha abhayahudi mbaari bhaikirirenie kubha wuno akwikirirya kubha Yeesu Kristo arangwa ne erisinagogi. ²³Kwookubha yino abhibhuri bhaaye bhakahaya, no omuutu omugima mumubhurye omwene.²⁴Kweego kurokabhiri, bhakibhirikira wuno yaari omuhooku no okumubhurira muhaane Eryoobha obhukunibhwa. "Tumenyiri etwe omuutu wuno atari muzomu ni wa amaraga." ²⁵Neho omutu wurya akahaya, abhe ni mkori wa mabhihu ntamenyiri. Ekigiro kimwe nimenyiri ni muhoku naari nabhoono ndarora.²⁶Niho bhakimburira, "Akakukoreraki? Akaga humburabhwi ameeso gaazo? ²⁷Akakyoora, "Nimariri okubhabhurira na neewe mtanigwiri, kwaki mrendeera okwiigwa kwaaki? Na neemwe okubha abhegibhwa bhaaye? ²⁸Bhakamutuka no kuhaya awe niomwegibhwa waye, nawe etwe ni abhegibhwa bha Musa. ²⁹Tumenyiri kubha Eryoobha rikagambana na Musa nawe kwo muutu wono tutamenyiri hano arweriri.³⁰Omuutu worya akabhabhurira, kwaki, erung'ana rino ndyookutitimara, kubha mutamenyiri hano arweriri na hano agahumbwirir ameso gaane. ³¹Tumenyiri kubha Eeryoobha ntakwiigwa abhakori bha aamatemio amabhuhu na wuno akumwikirirya wurya aramwiigwa.³²Kwemera bhusimoka nkyaari kwiigwa omuutu ahumbwiriri ameesu go omuhoku. ³³Areebha omuuutu wono atarekiri kwo Eryoobha ataganagirye kutemya gano. ³⁴Bhakamubhurira kubha okubhurwa kwo maraga awe, na neewe oratunagirya eetwe? Neho bhakamuheebha kureka kwisinagogi.³⁵Yeesu akiigwa kubha bhamuhabhiri kureka kwisinagogi. "Akamubhoona no okumubhurira, oramwikirirya omwana wo Adamu?" ³⁶Akikirirya akahaya, "Niwewi tandabhugya neho na neegye mboone omwikirirya?" ³⁷Yeesu akahaya, "Umariri okumurora, nawuno akukerania na neewe niwe wurya." ³⁸Omuutu woyo akahaya, "Taatabhugya, ndikirirya." Neho akamuhigamira no kwihinya kuneewe.³⁹Yeesu akahaya, "Kwoobhutenero niziri mukyaaro kino kubha bhano bhatanago ameeso bhabhe naago nabhano bhakurora bhabhe bhahoku." ⁴⁰Abhafarisayo abhandi bhaari na neewe hagiro hamwi bhakiigwa amang'ana gayo nokumubhurya, na neetwe mbaahoku?" ⁴¹Yeesu akabhuurira, mungabheeri bhahoku mtangabheeri na amarage. "Na nyabhoono mrahaya ezimoni zyeenyu zirarora na amaraga geenyu ngikeerimu."

¹Ikirirya, ikirirya, ndabhabhurira wurya atakusikira kwookuhitira muukiseku kyeeribhanze ryeezing'ondu, nawe aratira kuunzira yindi omutu wuyo ni mwibhi na mugegi wa ebhigiro bhyaabhatu. ²Wuuno akusikira muukiseku ni murishe waang'ondu.³Kuumuribhi weekiseku ering'ana, ezing'ondu zitigwa eriraka ryaye nookubhirikira ezing'ondu zyaaye kuumarina gabhu nokuzihurukya iguutu. ⁴Hano akuzihurukya igutuezyaye ziyo arazikangatira neezing'ondu ziramurwa inyuma, kwookubha zimenyiri eriraka ryaye.⁵Bhatakugya akumugini nawe kumweya gwayee bharamubherezera, kwookubha bhatamenyiri maraka gabhagini. ⁶Yeesu akahaya etubho yino kunemwe ikirirya, ikirirya ndabhabhurira, enye nie kiseku kye ezing'ondu.⁷Yeesu akakerenia nabho, "Ikirirya, ikirirya, ndabhabhurira enye ni ekiseku kyeezingondu. ⁸Bhoosigo bhano bhankangatiri nibhibhi naabhagegi nawe ezing'ondu zitaabhitegereri.⁹Enye nkiseku wuyo woosi akusikira kuhitira kuunenye, aratuuribhwa arasikira munyumba nookuhuruka, neewe arabhona hookurisha. ¹⁰Omwibhi atakuza nawe kwiibha, kwita, nookubhurya. Niziri kwookubha bhabhone obhuhoru na bhane nabhwe bhwaaru.¹¹Enye niimurisha muuzomu, omuurisha omuzomu ararusha kwookubha yaaezing'ondu. ¹²Omuhokya wuno agegirwe, maatari murisha, wuno ezing'ondu zitari zyaye, araroora ezisiku ziraaza arazitiga ziraaza nookung'osa ezing'ondu. ¹³ezisuzi zirazigwaa noookuzinyzragania. Arang'osa kwookubha ni muhokya wokugegwa mangondu zitakumutania.¹⁴Enye nimurisha muzomu, nimenyire bhano nibhane na abhane bhanimenyiri enye. ¹⁵Tata animenyiri nosi nimumenyiri Tata, nosi ndarusha obhuhoru bhwane kwookubha yeezingondu. ¹⁶Nineezing'ondu ezindi zino zitari zya mwibhanza rino. Zino kweki, zirenderwa nzirete, zyoosi zirigwa eriraka ryane nawe ribheho ihizo rimwe noomurisha wumwe.¹⁷¹⁸Yino niyo eng'ana ekukora taatabhugya ansegiri. Ndusye obhuhoru bhwane kwookubha mbugege kweki. Ayareho wuno akugega kureka kuunenye, nawe enye ndarusya omwene. Ninoomweya gwookurusya na ninoomweya okugega kweeki. Ngegiri eng'na yino kutwa kuutata bhugya.¹⁹Okwahukana kweki kukabhoneka kwookubha yaabhayahudi kuumang'ana gano. ²⁰Abhaaru bhabhu bhakahaya "aramanani nanimunyanga kwaki mumwitegereri?" ²¹Abhandi bhakabhuga, gano gatari mang'ana mutu wuno abhakirwe naamani. Erinani riranagya kuramukya ameso goomuhoku?.²²Niho ekaza enyangi yookutuura emume Yerusalemu. ²³Rihabha eribhaga ryembeho, na Yeesu ahabha aragenda mwisengerero gatigati yeenyumba ye Seremani. ²⁴Niho abhayahydi bhamwiruguriri bhookumubhurira, tee ryori aratutura okumanya? kwookubha awe ni Kristo tubhurire mwasi.²⁵Yeesu akabhakyoora" nimenyiri kubhabhurira nawe mutakwikirirya. Emirimo gino nkukora kuurina rya tatabhugya waane giyo girabhasukirirya iguru wane. ²⁶Hateego mutakwikirirya kwookubha emwe mutari mang'ondu gane.²⁷Ezing'ondu zyaane zirigwa erina ryane nzimenyiri, zyoosi ziraza kuunenye. ²⁸Mbaheri obhuhoru bhwe ekimera, bhatakubhura rumwe, naatareho wwuno woosi wuno akuzisakura kureka mumabhoko gane.²⁹Taatabhugya wuno yaaniheri bhayo niomukuru abhandi bhoosi, naa atareho wuyo woosi wuno anobhugya bhookubhasakwa kureka mumabhoko gaatatabhugya. ³⁰Enye na taatabhugya nkigiro kimwe." ³¹Bhakagega amagina bhamuteme nago kweeki.³²Yeesu akabhakyoora," nimariri kubherekya emirimo miaru mizomu kureka kutaatabhugya. Ni murimo guhe kureeka kuugiyo murenda kutema naamagina?" ³³Abhayahudi bhakamukyora tutakukutema magina kuumuriro guyo gwosi gwari omuzomu, nawe kwookwanga, kwookubha awe, niomutui, orikora kubha eryoobha.³⁴Yeesu akabhakyoora." Etakamirwe gati gati yee migiro gyeenu; nkabhuga, emwe ni eryobh?" ³⁵Okubha akahokya ra emisabhwa, kuubhano bhari engana yeeryoobha (erabhizira naamakamo gatakutura kwaangwa), ³⁶murakerania iguru ya wuno tata bhugya yamurusirye nookumutuma gatigati esi, nookwanga kwookubha ndahaya" enye niomwana weeryoobha?"³⁷Ndabhe ntakukora mirimo gya tatabhugya waane, mtikirirya. ³⁸Kwookubha, ego ndakora, ingabha mtakwikirirya mwikirirye emirimo nawe muture kumenya nokumenya taatabhugya arimukoro yaane nenye ndimukoro ya tatabhugya. ³⁹Bhakasakya kweki kumugwata Yeesu, nawe akagyeyo kureka mumabhoko gabhu.⁴⁰Yeesu akagyeeyo kweki kumwambuko orubhara runo Yorodani orubhara runo ruhabha Yohana ahabha akusubha kimwe akikara eyo. ⁴¹Abhatu bhaaru bhakaaza kuu Yeesu. Bhakiing'enya okuhaya, Yohana hene atakoriri kurekererya kuuyo kwoosi, nawe amang'ana gosi gano gakerenibhwe Yohana iguru yomutwoyo ngabhahene." ⁴²Abhatu bhaaru bhakamwikirirya Yeesu hayo.

¹Omutu wumwe arina ryaye Razaro ahabha murweri. Akarwera Bentania, mukyaro kya Mariamu naa waamwabhu Martha. ²Ahabha Mariamu wurya wurya wuno yamuhakiri taatabhugya Mariamu nookutarikya amaguru gaye nee zinzweri zyaye noomuhiri waa Razaro ahabha ni murweri.³Niwo musubhati wabhano bhatomiri amekerenio kureka kumutirya wetu Yeesu, akabhuga, "Taatabhugya rorerera wurya omusegwa arwariri. ⁴Yeesu akamuturya akabhuga, obhurweri bhuyo bhutari nawe bha kukukwa kihuteri kyahayo obhurweri bhwa Taatabhugya kuhitita kwihurya kwiturya wetu Yeesu omwana wa Taatabhugya ghati woobhurweri bhuyo."⁵Yeesu akamusega Mrtha na wamwabhu naa Razaro. ⁶Hano habkigwa Razaro murweri Yeesu akikara ezisiku ibhiri bhukon'gu hano yaari. ⁷Niwo bhukira akabhabhurira abhana bhaye, "Tugende obhuyahudi kweki."⁸Abhaa bhaye bhakamubhurira, "Rabi" abhayahudi bhakabha bhahenda kumutema naa amagina awe orenda kukyora kweki?" ⁹Yeesu akabhakyoora "Aribhaga rya mumwisi ritari masaa ikumi naa abhiri? Omutu oragenda mumwusi kwitema kukubha nookubha yakariri obhweru bhwomwisi.¹⁰Kweego, eribhaga akagenda bhutiku, atakwitema kwookubha obhweru bhutari mwoosi waye." ¹¹Yeesu akabhabhurira amang'ana gano, na kwibhaga ryaa amang'ana gano, akabhabhurira, "Omusani wane Razaro ahindiri, nawe kwookubha ndagya nibhone okumubhahukya kurwa muzintiro."¹²Niho abhana bhakamubhurira, "Taatabhugya aribha ahindiri, arabhuka. ¹³Eribhaga rino Yeesu arakerenia amakerenio gaa oruku rwa Razaro, nawe ebho bhakamenya arakeranirya iguru woo kuhindira ezintiro. ¹⁴Niho Yeesu akakerania nabho mwasi mwasi, "Razaro akuri.¹⁵Ninobhuzomererwa iguru wenyu kubha nitari nookwikirirya. Tugende owaye." ¹⁶Akabha Tomaso, ahabhirikirwa mbasa, akabhaburira abhana, abharikyaye, "Natwoosi tugende kukwehamwe naa Yeesu."¹⁷Eribhaga omuturya weesu Yeesu akaaza akanyora, Razaro yari amariri kukubhikwa ezisiku inye. ¹⁸Naho Bentania yari haguhi naa Yerusaremu noo kukwisega kirometa mirongo enee nee tano ego. ¹⁹Abharu gati yaa abhayahudi bhakagya kuu Martha, na Mariamu kubhahonia kwookubha yoo muhiriwabhu. ²⁰Niho Martha akigwa kubha Yeesu araza, akagya kusikana nawe, kweki Mariamu akenderea kusaga yika.²¹Niho Martha akamubhurira Taatabhugya Yeesu, Taatabhugya naa wangebheri hano, wamwetu wuno ataria akwiri. ²²Na bhoono nimenyiri, kubha ryoryosi rino okusabha kurwa kuu Taabhugya, arakuhana." ²³Yeesu akamubhurira, wamwabhu oraryoka kweki.²⁴Martha akamubhurira, omenyiri kubha oraryoka gati obhuryoki bhwee esiku ya obhurumusiro." ²⁵Yeesu akamubhurira, "Enye niinye omuryori woobhuhoru wuno akunikirirya, naangabha atakubha kwego araza kubhaha; ²⁶wuno ariho nookunikrirya enye atakukwa; wikirirye riyo?"²⁷Akamuburira, "Niho, Taatabhugya niikirirye kubha awe nii Kristo, omwana wa Taatabhuya ewe wuno akugya gatigati we ekyaro." ²⁸Hano yamariri kuhaya rino, akagya zyaye. Nookubhiririkira musubhaye waye Mariamu bharorego. akabhuga, Mariamu omwerekerya arihano arukubhirikira." ²⁹Mariamu hano yigwiri, akabhuka bhwangubhwangu nookugya kuu Yeeu.³⁰Nawe Yeesus ahabha akyari kuuza mwigunguri, yari akyari hagiri hano yasikeni naa Martha. ³¹Niho abhayahudi bhano bhari na Mariamu gatigati wee nyumba naabhari bharamubharanisha, bhamuruzi arimerera bhwangu noo kurwa habhori bhakamugira. ³²Niho Mariamu, yahikiri hano Yeesu yabhnga akamurora noo akagwa haasi yaa maguri gaye noo kumubhurira, "Taabhugya, naa wangabheri hano muhiri wane atakarikwa."³³Yeesu hano yaamuruzi ararira abhayahudi bhano bhiziri hamwe na woosi bhararira hamwe hano bharuzi ekoro gati bhakarugura; ³⁴akabhuga, "omuhindirye hayi? Akamubhurira Taatabhugya, nawuze ondore." ³⁵Yeesu akarira.³⁶Niho abhayahudi bhakabhuga, "Rorerera kyeego amusegiri Razaro!" ³⁷Nawe abhandi gati wabhu bhakabhuga, "Atari wuno omutu wuno akaramukya amasego gaa wurya yari omuutu wurya atakwa?"³⁸Nihon Yeesu, akaramaa kunewe kweki, akagya kumbihira. Bhino rikabha mwihegi neerigina riterwe iguru waye. ³⁹Yeesu akabhuga, "Murirusheho erigina." Martha, wamwabhu Razaro ewe wuno yakwiri akamuburira Yeesu, "Taatabhugya, kuuribhaga rino, omubhiri gurabha gubhoriri, kwookubha yamariri kubha omuuku kuuezisiku inye." ⁴⁰Yeesu akamubhurira, "Enye nitakubhuriri kubha, awe wikirirye, hano orikirirye orabhurora obhuhoru bhwaa Eryoobha?"⁴¹Kweego bhakarirushaho erigina. Yeesu akinura ameso gaye iguru naa akabhuga "Taatabhugya nirazomererwa kwookubha oranitegererya. ⁴²Nikamenya oraniigwa ibhaga ryoosi, nawe nikwookubha yeerikumanio rino rimereri kuninogoro kubha nihayiri gano, kwoobhubha shabhone kunikirirya kuunewe onihokererye.⁴³Hano yabhahiri gano akarira kwoomumiro omukuru, "Razaro, huruka igutu!" ⁴⁴Omuku wuno yarwiri igutu abhohirwe amaguru naa amabhoko engibho yookubhikira, noobhusho bhwaye bhukabhohwa nee kitambara." Yeesu akabhabhurira, "Mumusibhure mumutige agense."⁴⁵Niho abhayahudi abharu bhakaza kuu Mariamu noo kurora kino Yeesu akoriri, bhakamwikirirya; ⁴⁶nawe abhene bhayo bhakagya kuu Mafarisayo bhakabhabhurira amang'ana gano yakoriri Yeesu.⁴⁷Niho abhakuru bhwa abhamwesi naa Amafarisayo bhakikumania hamwe gati wee erisunziro noo kubhuga "Tukore eki? Omutu wuno arakora obhutemio. ⁴⁸Kweego turamutige bhuyo omwenego bhoosi bharamwikirirya; Abharumi bharaza okumugega byosi ahaagiro heetu nee ekyaro kyeetu.⁴⁹Kyeego omutu wumwe gati wabhu, Kayafu wuno ahabha omumwesi omukuru omwaka guno, akabha bhurira, "Mutamenyiri kyokyosi. ⁵⁰Mutakwitegerera kubha erenderwa kubha kwenebho kubha omutu wumwe arenderwa kukwa kwaabhatu bheekyaro kyosi okusaribhwa."⁵¹Gyo atagahiri kwookubha ewe omwene, mumweya gwaye, kwookubha ahaabha omumwesi akarota kubha Yeesu arakwa kwee ekyaro; ⁵²Naneetwe kuukyaro kyaye omweene, niho Yeesu abhone egoego kubhakumania abhana bhyee ekyaro obha bhano bhanyarageni kurekure. ⁵³Kwookubha orusuku ruyo bhakagendererya okukora kyeego bharamwitee Yeesu.⁵⁴Yeesu atagendiri kweki mwasimwasi gati wa Abhayahudi, kweego akabhuka akagya kuusi yino erihaguhi kwii eribhara gatigati woo omugye guno gukubhirikirwa Efraimu. Hyao akikara naa abhaana. ⁵⁵Niwo Epasaka yaa Abhayahudi ehabha haguhi, naa abharu bhakatira kugya Yerusaremu igutu woomugye embere weee Pasaka niiho bhanyore kwirosha eheene.⁵⁶Bhano bhari bhakumumohya Yeesu, noo kukerenia kuuwumwe bhano bhari bhakamumohya mwisengerero, "Murisega eki?Kubha atakuza gatigati wesikukuru?" ⁵⁷Kwibhaga rino abhakuru bhaa amasengerero na abhafarisayo bhahabha bharushirye erihatike kubha ehabha yiimwe oramenya hano Yeesu ari, erenderwa kurusha orubhoti kubha bhabhone kumugwata.

¹Zihabha zikyari siku esasabha epasaka ehike Yeesu akagya Bethania, hayo ahabhaho Razaro, wuno yamuryokori kureka mubhaku. ²Bhakamuhokerya ebyakurya bhyee engorobha eyo, Martha akabha niwee ahamuhokerya, kwibhaga riyo Razaro wosi ahabha hamwe bhararya bhosigo na Yeesu. ³Hano Mriamu akagega maguta gano gakuhuza kisi, gakoriirwe kureka kuu nadro, enzamu ge eriiguri ikuru, akamuhaka Yeesu kuaguru, akamara akamweyaku ne ezinzweri zyaye, enyumba yoosi gakaretya kirumbese kizomu⁴Yuda Iskariote, uumwe wa abhega bhaye, wuno araza amukyoke Yeesu, akabhga. ⁵Kwaki amaguta gano gatii ngagu ribhwe maga na ataatu gaa ezimbirya bhakahabhwa abhataka? ⁶Ewe atahayirigo kukubha ararorera bhigongi abhataka, ewe ahabha ni mwibhi niwe ahabha agegiri ekiguzi kye zi,birya ahagegamu ebhindi bhino bhihabhamu mukiguzi muyo kwiguru waye omwene.⁷Yeesu akabhuga, "Mutige atureho kino arakyo kwi iguru wo rusiku rwa okubhikwa kwane. ⁸Siku zyosi abhataka murabh na bho; nawe mutakubha nanenye siku zyosi."⁹Abhayahudi bharu bhakamenya kubha Yeesu ariyo, bhazaka bhatiziri kukubha ya Yeesu bhahenda bhamurore Razaro wuno Yeesu yaryokori kureka mubhaku. ¹⁰Abhakuru bha bhasengeri bhakakora niku yakumwita Razaro; ¹¹kukubha abhayahudi abharu bhakagya zyzbhu eno bhamwikirirye Yeesu kurekana na Razaro kuryorwa.¹²Orusiku rwa kabhiri bhatu bharu bhakaza kusikukuru. Hano bhigwiri kubha Yeesu araza Yerusaremu. ¹³Bhakagega ezisagya zye emiti gya emitende bhakahurukya igutu bharari ryata kugya kumugwatia, eno bharabhugha "Hosana! Ano arubhawoo. Wuno akuza kurina rya Taatabhugya, omutemi wabhaiziraeri.¹⁴Yeesu akabhona etikiri akaitiruka, kyego ehabha ekamirwe, ¹⁵"Tigha kwobhoha, mukya a Sayuni, rora, omutemi wazo araza, atirir kutiri.¹⁶abhega bhaye bhatamenyiri amarina na gayo kubhatangiro, nawe Yeesu hano yagungibhwe niho bhahitiri amang'ana gayo gakamirwe ewe kubha bhakoriri amang'ana gayo kunewe.¹⁷Abhatu bhano bhahabha hamwe na Yeesu runo ahabhirikira Razaro kureka mumbihira, bhakagerekenia kubhandi. ¹⁸Iguru wa rino nikyo kyakoriri abhatu bharu bhakagya kumutura kukubha bhakigwa gano yakoriri inyumeyo. ¹⁹Abhakuru bha bhasengeri bhakibhurya abhene kwa abhene, rora "bhano mutakunaga kukora ryoryosi, rora ekyaro kyosi kigiri kunewe.²⁰Bhono, bharehob Abhayunani alhand bhano bhahabha bharagya okisengera kuu rusiku rwo bhuturo. ²¹Bhano bhakagya kuu Firipu uuno yarwiri Bethsaida Gariraya, bhakamusabha Kubha, "Tata, etwe tusegiri okumurora Yesu. ²²Firipo akagya akamubhurira Andrea, Andrea hamwe na Firipu bhakagya kumubhurira Yesesu.²³Yeesu akabhakyoora kubha, eribhaga rihkiri ryo kugungya Taatabhugya. ²⁴Mwikirirye, mwikirirye, ndabhabhurira, aribha cheke eribha etagwiri mukyaro ekakwa, erikaraego eyene, hano erikwa eribhura matundwa amaru.²⁵Wuno wosi asegiri obhuhoru bhwaye araza kubhubhurya, nawe wuno wosi akubhihirirwa obhuhoru bhwaye mukyaro muno arabha abhuturirye kimera. ²⁶Mutu wuyo wosi akunigwa enye abhe hamwe nanenye, hano niri, niho nomuhokya wane arikare. Mutu wuyo wosi aranigwe, Taata, aramusuka.²⁷Bhono ekoro yane erumikiri, enye mbhugebhwi? Taata onturye kwibhaga rino? Nawe kukubha yagano nihikirye eribhaga rino. ²⁸Taata erigungye erina ryazo. "Eriraka rikareka mwisaro rikabhugha, "Nirigungirye nenye ndarigungya kweki. ²⁹Bhesango bhano bhahabha bhimereri haguhi nae bhakigwa bhakabhugha kubha bigwiri kirumo kihitiri. Abhandi bhakabhuga, Malaika aragamba nawe.³⁰Yeesu akabhakyoora nokubhuga, "Eriraka riyo ritiziri iguru wane, riziri iguru wenyu. ³¹Bhono obhutiniro bhwe esi yino bhureho. Bhono omukuru we esi yino ararekerwa igutu.³²Nenye hano ndatiribhwe iguru we esi ndaza kubharutura bhosi kunenye. ³³Akagakerenia gayo kwerekenia nirukukwi araza akwe.³⁴Bhesango bhakamubhurya, etwe twigwiri kuhitira esheria kubha Kristo arikarao kimera. Awe arabhugabhwi "Taatabhuya atiribhwa iguru? Omwana wo mutu wuyo niwi?" ³⁵Yeesu akabhabhurira, omweru bhukyari hamwe nanemwe ibhaga isuhu. Mugende kukubha wuno bhweru, korookya mutasikira mukirima, wuno waosi akugya mukirima atamenyiri eno okugya. ³⁶Mukyari nobhweru, mwikirirye obhweru bhyo kororokya mubhe abhana bha kubhweru. "Yeesu hano yamariri kuhaya gayo akagya akibhisa bhatamurora.³⁷Ingabha Yeeau yakoriri bhitika bhyaaru mumeso gabhu nawe bhata mwikirirye. ³⁸Kororokya gahike amang'ana gae omuroti Isaya, gano yabhugiri "Taata niwi wuno yikirirye aman'gana getu okubhoko kwa Taata kwerekibhwe wewi?³⁹Nikyokukora ebho bhatamwisikirirye, kweki Isaya akabhuga, ⁴⁰Abhahukwirye ameso akoriri ezikoro zyabhu kubha koong'u, bhataza kurora kumeso gabhu na bhakamenya kuzikoro zyabhu bhakikirirya nkabhahorya.⁴¹Isaya akakyorera amang'ana gayo kukubha ahabha aruzi obhweru bhwa Yeesu nikyo akakerania iguru waye. ⁴²Bhahabha bharimu abhakuru abhandi bhamwiikiriye Yeesu, nawe kukubha yabhasengeri bhareho bhatagateri kubhweru bhataza kwangwa mwisengero. ⁴³Bhakasenga okugungibhwa na bhatu kukira obhugungu kureka ku Eryoobha.⁴⁴Yeesu akaganmba kwireka ikuru, "Wuno anikirirye enye atanikirirye enye omwene yikiriirye nawuno antmiri enye, ⁴⁵nawe wuno akundora enye ararora nawuno antumiri.⁴⁶Enye niziri kyo obhweru musi muno kororokya wuno akunikirirya atikata mukirima. ⁴⁷Aribha mutu wuyo wosi akwigwa amang'ana gane akatama kugagwata, enye ntakumutinira, ntiziri kutinira esi niziri kuturya esi⁴⁸Wunoo wosi akunyanga eno atakwikurirya amang'ana gane anawe wuno akumutinirya ang'ana iyo nigambhiri niyo erimutinira kuzisiku zyo obhutiniro. ⁴⁹Enye ntakukerania gayo enye omwene garareka kuu Taata wuno andetiri ewe anfagirirye gano ndagambe na gano ndakerenerye. ⁵⁰Enye nimenyiri amaragirriryo gaye nigo obhuhoru bhwa kirakego, gano nkukerania enye kyego Taata ya mburiri, nigo nkubhakeranerya.

¹kwego zihabha zihitiri orusiku rwekimweso, kwokubha Yeesu akamenya kubha eribhaga ryaye rihikiri rino arareke musi, akabhasega obhung'eni. ²Na erisabhwa ahabha aterwe kimwe gatigati ye ekoro ya Yuda Isikariote omwana wu Simoni, okumwikyora Yeesu.³Yeesu akamenya kubha wise aturiri ebhigiro bhyoosigo mumabhoko gaye na kwokubha arwiri ku Taatabhugya na ahabha aragya kweki ku Taatabhugya. ⁴Akabhuka kubhyakurya no kuarya hasi eribhoho ryaye igutu. Okumara akagega etaur na kubhoha omwene. ⁵Okumara akatura amanzi mwibhakuri no kutanga okubhogya amaguru abhegi bhaye no kubhatarikya netauro yibhohiri omwene.⁶Akagya wa Simoni Petro, na Pero akamubhurira, "Taata orenda kunioghya amaguru gane?" ⁷Yeesu akikirirya ndakubhurira otarimenyiri bhonego, nawe oraza kumenya." ⁸Petro akamubhurira" Otanyoghya amaguru gane, kweki Yeesu akamubhurira, "Aribha ntakukwoghya, otakubha hagiro hamwe na nenye." ⁹Simoni Petro akamubhurira, "Taata, utanioghya amaguru gane agene, kwego na mabhoko no omutwe gwane."¹⁰Yeesu akamubhurira, "Wowosi wuno amariri kusabha etakwenderwa yisabhe kwego ni maguru gaye, na abheri mazomu omubhiri gwaye gwosigo emwe mubheri bhazomu nawe siyo mwosigo." ¹¹Kwokubha Yeesu amenyiri wurya aramwikyorei yino eng'ana yahayiri, nawe mutari bhosi mazomu.¹²Kwibhaga Yeesu hano ahabhogya amaguru gabhu no kumara kugega eribhoho ryaye no kwikara kweki, akabhabhurira, "Kwego mumenyiri kino mbhakoreri?" ¹³Murabhirikira enye "Omweghya" na Taata yino murahaya hene, kwego nigo niri. ¹⁴Eribhaga enye Taata na omweghya mbhogirye amaguru genyu, emwe mwosi erenderwa kuoghya abhari nyenyu amaguru. ¹⁵Kwookubha mbhaheri etubho nawe kubha mwosi mukore kyego enye na koriri kunemwe.¹⁶Ikirirya, ikirirya, ndabhabhurura, omubhagati atari mukuru kukira Taatabhugya wenyu; nawe wurya atumirwe ni mukuru kukira wu no amutumiri. ¹⁷Oribha omenyiri amang'ana gano wi kiriribhwe okugakora. ¹⁸Ntakuhaya kuhitira kunemwe mwosigo, kwokubha mbhamenyiri bharya bhano mbasoriri kwego ndahaya gano nawe kubha amakamo gature okugahikira; "Ewe arye omukate gwane angororokenye ekisuguriri kyayi."¹⁹Ndabhabhurira rino bhono kwokubha rikyari kubhoneka hano rikabhoneka, muture kuikirirya kubha enye ninye. ²⁰"Ikirirya, ikirirya, ndabhabhurura akuturung'ana enye araturung'ana wuno nkumutuma, na wurya akuturung'ana enye araturung'ana wurya wuno atumiri enye."²¹Kwibhaga Yeesu yahahiri gano akanyoka mukoro, akikirirya no kubhuga, "Mwikirirye, mwikirirye, ndabhabhurira ohumwe wenyu aranikiora." ²²Abhegi bhaye bhakarorena, bhakwitimata ni kuwewi? akakarenia.²³Twahabha kumeza, oumwe wa abhegi bhaki akahindira mukikubha kya Yeesu wuno Yeesu yasegiri. ²⁴Simoni Petro akamubhurya omwegi wuno nokuhaya, Tubhurure ni wuhe wuno kunewe akugabha." ²⁵Omwegi wurya akahindira mukikubha kya Yeesu amubhurira, "Taata, ni wewi?"²⁶Okumara Yeesu akahaya, "Ni kuhurya ndakorye ekitirika kyo omukate no kumuha," Kwego hano yakorirye omukate, akamuha Yuda omwana wo Simoni Iskariote. ²⁷No okumara omukate erisambwa rikamusikira okumara Yeesu, akamubhurira , "Kwokubha kino okwenda kukora ukikore bhwangu."²⁸Kwego atariho mutu kumeza akamenya eng'ana ya Yeesu kuhaya eng'ana yino kunewe. ²⁹Abhamwe bhabhu bhakisega kubha, kwokubha Yuda akagwairiri esakwa ye ye zimbirya, Yesu akamubhurira, "Ogure ebhigiro bhino tukwenda kwokubha ye ezisikukuru," Nawe okubha arenderwa kurusha ekigiro kumutaka. ³⁰Okumara Yuda okugega mukate akahuruka igutu; bhwangu na bhwahabha obhutiku.³¹Kwibhaga Yuda ahabha agiri Yeesu akahaya, "Bhono omwana wo omtu arakumibwa, na Eryobha rirakumibhwa kuryene. ³²Eryobha riramukumya kunewe omwene, aramukumya bhwangu. ³³Abhana abhasushu ndiho hamwe na nemwe ibhaga isuhu kusuhu muranimoya, na kwego nabhabhuriri abhayahudi, eno mkughya mutakunagyha kuza, kwego ndabhabhurira emwe, kubha.³⁴Ndabhaha erihatike ehye kubha musengane; kwego enye bhasegiri egoego na nemwe kwego ernderwa musegane emwe kwe emwe. ³⁵Kwokubha yarino abhatu bharamenya kubha emwe nibhegibhwa bhane muribha muno obhusegi kuumwe uumwe na kuundi.³⁶Saimoni Petro akamubhurira, "Taatabhugya orabhya hayiYeesu akahaya," ahagiro hano nkughya kwa bhono utakunagya kundubha, nawe akandubha ibhaga rindi. ³⁷Oetro akamubhurira, "Taatabhugya kwaki ntige okukurubha kwibhaga rino! enye ndarusha ekikariire kyane kwiguru yazo. ³⁸Yeesu akamukyora, "kwego orarusha ekikarire kyazo kwiguru wanee ikirirya, ikirirya etakugamba kwokubha onyangiri katatu.

¹Otikirirya ekoro yaazo kuubha kuzinyaako. Oramwikirirya Taatabhugya nyikirirye na nenye. ²Gatigati muunyumba ya Taatabhugya waane garimo obhwikari maaru gokwiikara; arabha yingatigiri okubha ego, ningabheri nikubhuriri kwookubha nigiri okukukorea ahagiro kwokubha yaazo. ³Araabhe ndaagye nokubhakorera ahagiro, ndaaza kweeki kubhaginihya. Kunenye, ahagiro hanoniri na mwoosi mubheho.⁴Mumenyiri enzira yahagiro hano nikugya. ⁵Tomaso akamubhurira Yeesu, "Taata tutamenyiri ahagiro hano okugenda;turangyabhwi okuhimenya enzira. ⁶Yeesu akamubhirira, "Enye ninye enzira, yoobhuhene, nobhuhoru, atariho wuno akunagya kuuza ku Taata atemekuhitira kunenye. ⁷Arabhe munganimenyiri enye, mwwari muramumenya na Tata, waani woosi; kwanzira bhoona nookugya mumumenyiri namumariri kumurora ewe."⁸Filipo akamubhurira Yeesu, "Taabhugya, twerekye Taata, na ego erabha etwisiiri." ⁹Yeesu akamubhurira, "Nitakiniri hamwe na nemwe kwiibhaga itaambi, nokyaari kunimenya enye, Filipo? Wowosi wuno anduuzi enye amuruzi Taata, ningabhwi okuhaya, twerekye Tata?¹⁰Mutakwikirirya kubha enye ndimwoosi wa Tata arimwosi waani? Amang'ana gano nikuhaya kunemwe ntakuahaya kwokwikorera ryaani omwene; nikuhitira kunewe, ni Tata akwikara mwoosi waani wuno akukora emirimo gyaaye. ¹¹Munyikirirye enye, kubha ndimwoosi wa Taata, na Taata arimwoosi waani, ego nego munyikirirye enye kwookubha yemirimo gyaani giyo.¹²Ikirirya, ikirirya, ndabhabhurira, wuno akunikirirya, enye emirimo gino nkuhookya, aragihookya emirimo gino gyoosi na arahookya emirimo emikusu kwookubha ndaagye ku Taata. ¹³Kyikyosi murasabha kuhitira erina raani, ndakoora kwookubha Taata aranagya kukumibhwa gati gati yo omwana. ¹⁴Kweego murasabha ekiigiro kyokyoosi kuhitira erina ryaani, riryo ndakoora.¹⁵Haano muraanisega, mwazigwa erihatike zyaani. ¹⁶Nandamusabha Taata, woosi arabhaha omubhasakira owuundi kwookubha anagye kubha hamwe neemwe kumeera. ¹⁷Ekoro yoobhuheene. Ekyaaro kitakunagya kumugega ewe kwookubha mutakumurora, au kumumenya ewe kweego emwe, mumumenyiri ewe, kweego arikara hamwe na neemwe na arabha mwoosi weenyu.¹⁸Ntakubhatiga emwe abhene ndakyoora kunemwe. ¹⁹Kwe eribhaga erikuru, ekyaaro kitakundopra kweeki, nawe emwe murandoora. kwookubha ndikaara, nanemwe murikara bhoosi. ²⁰Kuzisiku ziyo muramenya kubha enye ndimwoosi wa Taata, nookubha emwe murimwoosi waani, nookubha enye ndimwoosi weenyu.²¹Wowosi wuno akugwata erihatike zyaane nokuzikoora, niwe owumwe wuno anisegiri enye; na wuno anisegiri enye arasega na Taata aani, na ndamuseega na ndyerekenia enye omwene kunewe." ²²Yuda (Atari Iskariote) akamubhurira Yeesu, "Taatabhugya, niki kino kirerekenie kuubha oriyerekenia omwene kunetwe na kutaari kukyoora?²³Yeesu akamukyoora akamubhurira, "Arabhe wowosi anisegiri, ararigwaata ering'ana raani. Taata waani aramuseenga, naturaaza kuneewe nokukora obhwikari bhweetu hamwe na neemwe. ²⁴Wowosi wuno atanisegiri enye, atakugwata amang'ana gaane. Ering'ana rino mukwigwa ritari eryaani nirya Taata wuno yantumiri.²⁵Nigahayiri amang'ana gano kunemwe, eribhaga nikyaari ndikaara gatigati yeenyu. ²⁶Hata ego, omusekeriri, Ekoro endaabhu, wuno Taata akamutuma kwe erina ryaye, arabheega amang'ana goosi na arabhakoora mugahite amang'ana goosi gano nahayiri kuneemwe. ²⁷Obhuhoreru ndabhaha obhuhoreru bhwaani emwe. Ntakubhaha yino kyeego ekyaaro kikurusya, mutakora ezikoro zyeenyu kubha neezinyako no obhoobha.²⁸Mukiigwa kyeego nikabhabhurira, "Ndaagya zyaane, na ndakyoora kunemwe. Arabha muganseegiri enye, mwarimubha no obhuzoomu kwookubha ndaagya ku Taata, kwookubha Taata ni mukuru kukira enye. ²⁹Bhooano nimariri kubhabhurira ekyaari kurorekana kuubha, eribhaga erarorekane, mutuure okwikirirya. ³⁰Ntakugamba naneemwe amang'ana maaru, kwookubha omukuru wekyaro kiino araaza. Ewe ataana nguru iguru waani. ³¹Nawe kwookubha ekyaaro kibhone okumenya kubha nimusegiri Taata, ndakora kino Taata akundagirirya enye, kyeego bhurya akuniha erihatike. Mwimuke, na tuure ahagiro hano.

¹Enye niomuzabhibhu gwo obhuhene bhuno, na Taata niwe omurimi wa emizabhibhu. ²Orusangya runo rurikuneenye runo ritakwibhura itunduguru ndarurusyaho, no orusangya runo rukwibhura eritunduguru ndarurosya rwibhurwe bhukong'u.³Emwe mumariri kubha bhazomu kwookubha yeeng'ana yino namariri kubhabhurira. ⁴Mwikare mwoosi wane, na nenye nikare mwosi wenye. Kyego orusagya rutakunagya kwibhura orwene ruratane kubha kumuzabhibhu, na nemwe nigo, hano mratame kwikara mwosi wane.⁵Enye niomuzabhibhu; emwe niezisanya. Wuno arikong'ererye mwosi wane nanenye mwosi waye, omutu wuyo aribhura matunduguru maru, kwookubha aribha ntaareho mtakunagya kukora ng'ana yoyosi. ⁶Aribha mutu wowosi atakusaga mwosi wane, ararekerwa kyoorusagya nokwama; abhatu bharakumania ezisagyana kugarekera mumururo, na okuhwerera. ⁷Aribha mrikong'ererya mwosi wane, na aribha amang'ana gane garikong'ereye mwosi wenyu, msabhe ryoryosi rino mukwenda, nanemwe mrakorerwa.⁸Kurino Tata wane agungibhwe, kubha muribhura amatunduguru maaru kubha ni bheega bhane. ⁹Kyeego Taata yariansegiri enye, nanenye nibhasegiri emwe; mwikane mubhusegi bhwane.¹⁰Aribha mragwate amakumirityo gane, mrikara na kukong'era mubhusegi gi bhwane kyego enye ngwatiri amakumiriryo ga Taata wane nookwikara mubhusegi bhwaye. ¹¹Nihayiri amang'ana gaano kwemwe niho obhuzomererwa bhwane bhubhe mwosi wenyu niho obhuzomererwa bhwenyu bhukorwe bhuno bhunagiri.¹²Gano nigo amaragiriryo gane, kubha msegene abhene kwa abhene kyego nari mbasegiri emwe. ¹³Atareho mutu wuno yari noobhusegi bhukuru kukira bhuno, kubha arusye obhuhoru bhwaye iguru wa abhasani bhaye.¹⁴Emwe ni bhasani bhane aribha raakora gano nikubharagirirya. ¹⁵Ntakubhabhirikira bhabhagati, kwookubha omubhagati atakumenya kino omukuru waye akukora. Nibhabhirikire emwe bhasani, kwookubha nibhabhuriri amang'ana gano niigwiri kurwa ku Taatabhugya.¹⁶Mutansomiri enye, nawe enye nibhasoriri emwe nookubhatura mugye mwibhure amatunduguru, ne eritunduguru ryenyu rikareho. Rino ririgo kubha kyokyosi kino mrasabhe ku Taatabhugya kwe erina ryane arabhaha. ¹⁷Amang'ana gano nibharagirirye, kubha musegane omutu no omurikyaye.¹⁸Aribha ekyaro kirabhabhirirwe, mumenye kubha kimbihirirwe enye eribhaga rino kikyari kubhabhihirirwa emwe. ¹⁹Aribha mungabheeri bhe ekyaro , ekyaro kyari kirabhasega kya bheekyaaro; Nawe kwookubha emwe mutari bhe ekyero na kwookubha nikabhasora kurwa mukyaaro, kwiiguru ya rino ekyaaro kirabhabhihirirwa.²⁰Muhite eng'ana yino nibhabhurira,mubhagati atari mukuru kukira wise wabhu; Aribha bhakaninyakya enye, bharabhanyakya na nemwe; Aribha bhagwatiri eng'ana yane, bharibhagwata ne eyenyu. ²¹Bharabhakorera amang'ana gano goosi kwi iguru yeerina ryane kwokubha bhatamumenyiri wuno antumiri. ²²Aribha ntingiziri no okubhabhurira bhatari kubha bhakoriri ebhibhi, nawe bhoono bhatana bhwitamiriryo kuubhibhi bhayabhu.²³Wuno akubhihirirwa enye arabhihirirwa na Taata bhugya. ²⁴Aribha nkyari kukora mirimo gati waabhu gino atareho hata wumwe wuno agikoriri, bhari bharabhe bhatana bhibhi, nawe bhono bhakoriri gosi abhiri bharuzi na bhambihirirwe enye na Taata wane. ²⁵Rino rirateemya kwookubha ering'ana rihike rino rihabha rikaamirwe kumakaamo ge emigiro gyabhu; Bharambihirirwa enye bhusa.²⁶Eribhaga omubharamishe yiziri, wuno ndatumanie kwemwe kureka ku Taata bhugya, wuno niwe, ekore ye eheene wuno ewe ararwera ku Taata, aranihayire obhuhene. ²⁷Emwe mwoosi mranihayira obhuheene kwo okubha mwari hamwe na nenye kwemera kare.

¹Nibhabhuriri amang'ana gano kubha mutighe kunyaharwa. ²Bharabhanisya igutu ya amasengerero; obhuheene aribhaga riraza wuno arabhite arisega kubha arakora emirimo mizomu kwiguru ya Tata bhugya.³Bharabhakoera amang'ana gano kwokubha bhatamenyiri Taata hamwe batanimenyiri enye. ⁴Nibhabhuriri amang'ana gano kwookubha muratura kubhahita nakyego naribha bhuriri mungage kwebho. Ntabhabhuriri iguru wa mang'ana ghano kwema ekare kwo okubha nari hamwe nemwe.⁵Inghabha, bhano ndagya ku wuno yanitmiri nawe atariwo ghati yenyu wuno aramburya. "Ndagya hai?" ⁶kwookubha nihayiri amang'ana ghano kunemwe ekiruguro kizwiri muzikoro zyenyu. ⁷Hata eego ndabhabhurira obhuhene; ni kuzomu kwemwe nirekeho kwookubha nitge kurekaho, omubharanisha atakuza kunemwe; nawe ndagye ndamureta kunemwe.⁸Araza wuno omubharanisya ararukanga ekyaaro kutubhana na obhubhi, kutubhana ne ehene na kutubhana na obhubhusinziro. ⁹Kutubhana na obhubhi kwo okubha bhatanikirirye enye. ¹⁰Kutubhana ne ehene ndagya ku Tata na mutakundora kweki. ¹¹No okurubhana ne obhusinziro kwo okubha mukuru wamukyaaro wuno asinzirwe.¹²Ninago maaru go okubhabhurira, nawe mutakugamenya bhono. ¹³Nawe ewe ekoro ye ehene, araz arabhakangata ghati ye ehene yoosi. kwookubha atakughamba kwakuhitira ewe omwene, nawe gogosi gano arigwa aragahaya amang'ana ghayo; aragerekya kunemwe amang'ana ghano ¹⁴ghakuza.Ewe aranihukumya enye kwo okubha araghaghega amang'ana ghaye no okugherekya kunemwe.¹⁵Ebhigiro bhyoosi bhino anabhyo Tata ni bhane kwego mbughiri kubha ekoro eraghegha amang'ana ghane na kugherekenia kunemwe. ¹⁶Rikyari ibhaga ighuhi mutakundora kweki, na embere we eribhagha iguhi kweki muranirora.¹⁷Abhamwe bha abheghi bhaaye bhakabhurirana"Niki okutubhurira? Ibhagha iguhi mutakunirora kweki, na kumara ibhaga iguhi muranirora, na kwo okubha ndagya ku Tata? ¹⁸Kwegho bhakabhugha nikigiroki okuhaya nikyari ibhagha iguhi? Tutamenyiri niko okuhaya.¹⁹Yeesu akarora kubha bhaseghiri kumubhohya ewe akabhabhurira, muribhurya abhene iguru wa rino, kyeego nihayiri, rikyari ibhaga ighi mutakundora kweki, na kwa ibhagha ighi muranirora? ²⁰Mwikirirye, mwikirirye, ndabhabhurira murarira na kwamara, kweki na ekyaaro kirazomererwa, murabha no kurughura nawe okurughura kwenyu kurabha na kuzomerwa. ²¹Omukari arabha nekiruguro, eribhagha rino akubha no obhuhoru, kwo okubha aribhagha ryokwiturania rihikiri. Nawe hano akwiturania omwana, atakuhita kweki obhururu, kwo okubha ya okuzomerwa kwaye kubha omwana yibhurwe mukyaro.²²Emwe mwosi munekirughuro bhono, nawe ndabharora kweki, ne ezikoro zyenyu zirazomerwa, na atariho wo okurusya obhuzomerwa bhwenyu. ²³Orusiku ruyo mutakunibhurya amibhuryo ikirirya, ikirirya, ndabhabhurira, musabhe ryoryosi ku Taata, arabhaha kurina ryane. ²⁴Kuhika bhona mukyari kusabha ryoryosi kurin ryane, musabhe, emwe mwiratura kubha okuzomerwa kwnyu kunagike.²⁵Nkeranie na nemwe kukigambo kino kitakumenyekana, nawe eribhagha riraza hano ntakughamba kwa kighambo kino kitamenywa, nawe kwongera yeye ndabhabhurira mwasi mwasi iguru wa Taata.²⁶Orusiku runomukusabha kurina nyane niakubhabhurira kubha ndasabha ku Taata iguru wenyu. ²⁷Kwokubha Taaata omwene abhasegiri kwo okubha munisegiri enye kwo kubha mwikirirye kubha ndakiri ku Taata. ²⁸Nawekiri kutana na niziri mukyaro kweki ndareka mukyaro na ndagya ku Tata.²⁹Abheghi nhaye akabhabhurira, akabhabhurira murarora bhono orakerania mwasi na kutakurora. mabhiso. ³⁰Bhono turaza kubha mumenyiri amang'ana ghosi na mutakwenda omutu wowosi abhuye amabhuyo kwo okubha yino hirikirirya kubha orareka nu Taatabhugya. ³¹Yeesu akabhakyora, "Bhono mwikirirye?"³²Rora eribhaga riraza nigho no obhuhene bhuhikiri. Niho muranyaghane kwo wumwe na we wabhu muranitighe omwane. Nawe nitari omwene kwo okubha Taata ari kunenye. ³³Ndabhabhurira amang'ana ghano kubha mwosi wane mubhe nobhuhoreru.

¹Yeesu akagahaya amang'ana gano kumara akinura ezimoni zyaye kwerekera mwisaro na akabhuga Taatabhugya esa ekwiri; kukumia omwana niho omwana waye akakumye awe. ²Kyegho bhurya akamuhana obhuturo iguru hosi go omubhiri, niho abhande obhuhoru mwe ekimera bhano bhosi bhano bhano omuhrei.³Bhuno nibwe obhuhoru bwe ekimera, kubha bhakumenyeeryobha rya hene ewe akamhamrania Yeesu Kristo. ⁴Ngakukunia hano mkiaro, kumarya emirimo gino oniheri nkore. ⁵Bhono Taatabhugya, okumye enye na nawe omwene. Obhweri bhuno nari nabhe hamwe na nawe kumenya gwe kiaro ekikuru.⁶Mkarikundukura erina ryazo kubha bhano oniheri mukiaro bhabha bhatu bhaye; nawe okanihana enye, nabho bhagwatiri eng'ana yazo. ⁷Bhono bhamenyiri kubha ekigiro kyo kyosi kino onakyo enye ndarwa kunawe. ⁸Kumang'ana gara gano ukaniha enye nimariri kubhabhona bhobha amang'ana gabhu, bhano bhagega ehene bhaka kwokubha enye ndwiri kunawe na bhakikirirya ku newe niwe akatumania.⁹Ndabhasabhira bhayo ntakusabhira ekyaro nawe bhuno oniheri kwo kubha abhaye bhaye. ¹⁰Ebhagiro bhosi bhino ebhane ne ebhazo, na bhirya tunabho enye na nemwe ezinguru enye ndakumibhwa gatigati wa riyo. ¹¹Enye tarimu kweki ekiaro, nawe ebho bharimu mukyaro na nosi bhono ndaza kunawe Taatabhugya omumweru, bharibhe kurina ryazo rino oniheri etwe twosi nabho bhabebha bhe no obhumwe kyego enye na nawe tu noobhumwe.¹²Hno nihabha nabho, abharibha kurina rino wonderi nkabharibha atareho hata umwe wobhu wuno abhuriri nawe omwano wono yari abhuriri niho amakamo gahike. ¹³Bhono ndaza owazo. Nawe ndabhuga ego ekiaro kwo kubha obhusomererya bhane obhumarirye mosi wabhu omwene. ¹⁴Nkabhona amang'ana gane; ekiaro kibhagegiri kwo kubha ebho bhari ekiarokyego enye ntari na ekiaro.¹⁵Ndakubhasabhira kubha bharushe ekiaro ebho bhagye na omusarya. ¹⁶Eeebho bhatari ekiaro kiego enye ntari mukiaro. ¹⁷Obhaturi okubhindikika kwabhuabhane gatigati ye hene; eng'ana yazo niyo obhuhene.¹⁸Okatumania mukiaro, nanenye nkubha atubhania mukiaro. ¹⁹kunebho enye omwne nirusha ku nawe kwo okubha na nebho bhinokunewe ku urya ehene.²⁰Bhatari abhene bhano bharikusabhira na bharya bharikirirya kuhitira ering'ana ryabhu. ²¹Kwo kubha bhosi awe no obhumwe kyego awe Taatabhugya akimosi muwane na nenye mosi muwane ndabhasabhira kwo kubha ebho bhosi oranagya kubha mosi wetu ekiaro anagye kwikirirya kubha awe nawe akutumania.²²Obhweru bhuno guno oniheri enyembaheri ebho kwo kubha bhanagye obhumwe kyego etwe tuno obhumwe. ²³Enya ndimosi wabhu, nanawe ori mosi wane, niho bhanagye kumarirya gatigati wo obhumwe, mwe kiaro kimenye kubha ehene awe nawe wuno okatumania no okabhasega kyabhurya awe, okasega enye.²⁴Taatabhugya kino oniheri enye, ndaroherya kubha ebho bhosi bharanagya kubha hamwe na nenye hano nirininagye okurora obheru bhane bhuno oniheri; kwo okubha okasega enye kuribhaga ryo kubhubwa kwo obwemero ekiaro.²⁵Taatabhugya omwene ehene, ekiaro kitanimenyiri enye nawe enye nkumenyiri awe no omenyiri kubha okantumania. ²⁶Nkakora erina eriazo rimenyekane kunawe ndarikora rimenyekane kwo kubha obhusegi ino kunawe okaega enye inagye kubha mosi yabhu, na nenye ninagye kubha mosi wabhu.

¹Yeesu hano yamariri kuhaya amang'ana gayo, akagya na abhana bhe shure mwiruma rya Kidroni, eno ebhustani yaari, ewe na abhana bhaaye bhee shure bhakasikira mwoosi muyo. ²Bhoono ewe Yuda wuno akeenda kumwinogya, ewe akahamenya ahagiro hayo, kwo kubha Yeesu ahagya ahagiro hayo kiira ibhaga na abhana bhaye bhe eshure. ³Yuda hano akabha abhweni erikundi rya abhasirikare na abhimereeri kureka kuu abhakuru bha abhamweesi, bhakaza ne ezitaara, ezitochi, ne ebhirwaniro.⁴Ewe Yeesu akabha amenyiri kira kino kikwenda kukoreka kwewe. Akagya embere akabhabhuurya "Ni wewi wuno kumumohya" ⁵Bhakamubhurira, "Yeesu Mnazareth, Yeesu akabhabhurira," Enye ninye Yuda akaninogora akabha imereri na abhasirikare.⁶Hano akaburira, "Enye ninye, bhaka kyoora inyuma bhakagwa haasi. ⁷Akamara akabhabhurya kweki, ni wewi mukamuhoya? Bhakamujibu, "Yeesu Mnazareth."⁸Yeesu akabhajibu, "Ni mariri kubhabhurira kubha enye ninye, kwo kubha murankomya enye, mubhatige bhano bhagende. ⁹Gayo gaha bhegao iri ering'ana rihike, "Harya akabhuga" Kuubhano oniheri atamurekeri hat wumwe.¹⁰Niho Simoni Petro, uno ahabha ne erisabha, akamkata okutwi kwo obhuuryo omuhokya wa omusengeri omukuru. Ne erina ryo muhokya wuyo ahabha Marko. ¹¹Yeesu akamubhurura, "Kyoorya omuhyo gwazo mukyobho kyaye. Kweki ntige kunyweera ekikombe kino akaniha Taat?"¹²Ekikosi kya abhasirikare no omukuru, na abhahokya bha abhyahudi, bhakamugwata Yeesu bhakamubhoha. ¹³Bhakamukangatya mpaka kuu Anasi, maana ewe ahabha mkwerima wa Kayafa, na niwe ahabha omusengeri kuumwaka guuyo. ¹⁴Kayafa, niwe ahabha abhaheri obhushauri abhayahudi kubha yerenderwa omutu owumwe akwe badara ya abhatu.¹⁵Simoni Petro akamuzobha Yeesu, na bhuyo bhuyo omwana we eshure oundi. No omwana we shure wuyo yamenyekeni kuu omusengeri omukuru, akaskira hamwe na Yeesu mwibhewa rya omusengeri omukuru. ¹⁶Petro akabha yimereeri igutu we ekiseku. Omwana we shure wuno yaari amenyekeni kuu omusengeri omukuru, akahuruka habhoori akagya kukerenya no omukari omuhokya wuno yakwangarara ekiseku no okumusikirirya Petro munyumba.¹⁷Ekibharua wuno yakuribha ekiseku, akamubhurira Petro, "Awe otari wumwe wa abhasakiirya bho omutu ino?" Ewe akabhuga ntari enye. ¹⁸Na abhahokya bha abhakuru bhahimerera ahagiro harya, bhahembiri omuriro kwo kubha, ehabhoho embero, nego bhahota omuriro kubhona ebhyoya, na Petro ahabha nabho aroota omuriro imereeri.¹⁹Omusengeri omukri akamubhurya Yeesu iguru wa abhana bhe shure na ameegyo gaaye. ²⁰Yeesu akamukyoora, "Mburiri ekyaaro mwasi mwasi. Enye ekerekerekya ibhaga ryoosi muzinyumna na mmasengero ahabiiro hano abhayahudi bhakusikana. Na ntahairi ryoryosi. ²¹Kweki mukamubhuurya? Mubhurye bhano bhanitegereri kuukino nihairi. Abatu bhano bhamenyiri amang'ana gano nihaiiri.²²Yeesu hano akanara kuhaya gayo, oumwe wa abhakuru uno yaari imereri akagya akamutema Yeesu kwa kubhoko kwaye na akabhuuga, "Ego nigo okwenda omujibu omusengeri omukuuru?" ²³Yeesu akamujibhu, "Aribha nihairi ng'ana yoyosi mbihu abhe mutwanikaniya kuu mabhihu na kama njibhiri buzomu kwaki ntemwe?" ²⁴Nho Anasi akamuhiira Yeesu kuu Kayafa omusengeri omukuru eno abhohiirwe.²⁵Simoni Petro ahabha yimereri arihana bhyoya. Abhatu bharya bhakamubhurira, "Awe otaari umwe waho wa abhanafunzi bhaaye?" Akahaya akabhuga nitariinye. ²⁶Oumwe wa abhahokya bho omusengeri omukuuru, wuno yari omuhiri wo omusubhe uno Petro akakataa okutwi akabhuuga, " Tyaawe niaaruuzi na newe mubhusitani? ²⁷Petro akanga kweki, neribhaga rino etewa akagaamba.²⁸Kweki bhakamugeega Yeesu kureka ku Kayafa, kuugya Praitorio. Ehabha etabhoori nzuuri, ebho abheene bhatasikiiri Praitorio bhataza kusarya na okury epasaka. ²⁹Kweego Pirato akagya akabhabhurira, "Niikesiki ino ekumuhusu omutwoono? ³⁰Bhakamujibu na kumubhurira, "Kama omutu wuno atari mukoori wa mabhihi tutakumureeta.³¹Pirato akamubhurira, "Mumugeege emwe abheene, mumuhukumire kuring'aana na emigiiro gyeenyu, "Abhayahudi bhakamubhurira, migiiro gyeetu gitakwenda kwiita mutu wowosi. ³²Bhakagamba gaayo ering'ana rya Yeesu rihike, ering'ana riino yamariri kuhaya iguru wo orwuku rwaaye.³³Pirato akasikira kweki Proitorio ahamubhirikira Yeesu amubhurira, "Awe ni omutemi wa bhayahudi?" ³⁴Yeesu akamujibu, awe orabhuurya eriswari kwo kuubha orenda kumenya, na ko kubha abhandi bhakutumiiri obhuurye enye?" ³⁵Pirato akabhabhurira enye ntari muyahudi au etaari eego? Ekyaaro kyaazo na omusengeri omukuru mbo, shakuretiiri kunenye: Awe okoririki.³⁶Yeesu akamubhurira obhutemi bhaane bhutari bhwa kyaaro kiino, kama obhutemi bhwane bhugabheeri ni ibhaaga muukyaro kino abhabhgati bhane bharibharandanira ntahiirwa kuu bhayahudi, obhutemi bhwani bhutakureka hano. ³⁷Pirato akamubhurira, "Awe niomutemi? Yeesu akabhuga," awe nawe okuhaya kubheenye ni mutemi, kwo kubha enye nkibhuurwa nize mukyaaro nibhe mwimereri we heene. Uno woosi ana obhuhene aritengereera eriraaka ryaane.³⁸Pirato akamubhurira, ehene niki? Hana akamara kuhaya gaayo akagya kubhayahudi kubhabhurira "Ntakurora ryoryosi kumutu wuno. ³⁹Emwe munago amang'ama gano gankukora nimuhatire omubhohwa oumwe eribhaga rya epasaka. Murenda nimuhatire omutemi wa bhayahudi. ⁴⁰Bhakatema ekitiiri bhakabhuga, ataari uno muhatiire Baraba. Na wuyo Baraba yaari mutesya.

¹Nawe omusinzi akamugega Yeesu nookumutema. ²Bharya bhasirikare bhakagosa amahwa noo kukora omusanga bhakagutura iguru woo mutwe gwaa Yeesu nookumwibhoha eribhoho rya rangi yaa zambarau. ³Bhakamugwaku no kubhuga, awe omutemi wa bhayahudi? nookumara nookumutema naa amabhoko gabhu.⁴Okumara omusinzi wee kina akahuruka igutu nookubhabhurira abhatu, "Murore nirabharetera omutu wuno kunemwe mumenye kubha enye nitaruzi bhusarya bhuyo bhoosi mwosi waye. ⁵Kwagayo Yeesu akahuruka habhori, yabhonga yibhohiri omusanga gwaa amahwa nee eribhoho ryo zambarau. Nniho omusinzi wee kina akabhurira, "Murore omutu wuyo hano" ⁶Kweego eribhaga omumwesi, omukuru naa abhakuru hano bhamuruzi Yeesu bhakatema ekituri bharabhuga, "Mumunyakye mumunyakye," omusinzi akabhabhurira, "Mumugege emwe abhene mumunyakye kwakubha enye nitakurora obusarya mwosi waye"⁷Abhayahudi bhakamukyora omusinzi "Etwe tunaryo erihatike, naa kwee rihatike riyo arenderwa akwe kwa kubha ewe akikorya noo mwana wee Eryoobha. ⁸Omusinzi hano akigwa amang'ana gayo akagendererya kwobhoha. ⁹Akasikia Praitorio kweki nookubhurira Yeesu, "Awe orarwa hai?" kweeki igo, Yeesu atamukyoriri.¹⁰Okumara omusinzi wee kina akamubhurira "Awe otakugamba na niinye? awee atamenyiri kubha ninobhunagya bhokukutazura noo obhunagya bhwo kukunyakya?" ¹¹Yeesu akamukyoora, "Wang'abheri otana amanaga kuunenye aribha wang'atamiri kuhabwa kureka iguru kweego, kuhabhwa wuno anirusirye kuunawe anobusarya bhukuru."¹²kurwera mwikyooro omusi nzi we kina akenda kumutiga mwasi nawe abhayahudi bhakatema ekituri, bhakabhuga, "Aribha oramuhatira mwasi bhoono awe otari muusani wa Kaisari kuuno woosi akwikora mutemi arakerania kihuteti kyaa Kaisari. ¹³Omusinzi hano akigwa amang'ana gayo, akamuhurukya Yeesu okumara akikara kukitumbi kyye erisinziro ahagiro hano hamenyekeni kyee sakafu, nawe kwee kiebrania, Gabatha.¹⁴Orusuku rwo obhutemio bhwae kimweso hano yahikiri eribhaga ryee esa ya kasasabha. Pirato akabhaburira abhayahudi, " Murore omutemi wenyu nguno hano". ¹⁵Bhakatema ekituri, "Mumurusheho, mumurusheho, "Pirato akabhabhurira awe nimunyakyee omutemi wenyu" naa newe omumesi omukuru akabhakyoora "Etwe tutana mutemi hamwe Kaisari." ¹⁶Niho Pirato akamurusha Yeesu owabhu agye anyakibhwe.¹⁷Niho bhakamugega Yeesu, woosi akahuruka, neno agegiri omusarabha gwaye omwene tee ahagiro hano bhakubhirikirwa ekihanga kyoo omutwe kwee kihebrania harabhirikirwa Gorigotha. ¹⁸Niho bhakamunyakya Yeesu, hamwe nebho abhasubhe abhabhiri owumwe orubhara runo noo wundi orubhara runo nao Yeesu gatigati wabhu.¹⁹Okumara Pirato akakma orukamo noo kurutura iguru woo musarabha. Haya hakakamwa: YEESU MUNAZARETH OMUTEMI, WABHAYAHUDI. ²⁰Abhandi abhayahudi bhagega orukamo ruyo kuuhagiro harya hano yanyakiribhwe Yeesu habhanga haguhi noomugye. Orukamo ruyo rukakamwa kuu Kiebrania kwee Kirumi naa kwee Kiyunani.²¹Okumara abhakuru bha omumweesi bhaa bhayahudi bhakamubhurira Pirato, "Otakama, "Omutemi wa bhayahudi nawe ewe akabhuga enye niomutemi waa bhayahudi. ²²Niewe Pirato, akabhakyora "Gano nikamiri nigakamiri."²³Hano omusirikare yamunyakirye Yeesu, bhakagega amabhoho gaye okugatwanikania kuzisondo inye, kira omusirikare sondo yimwe bhuyo bhuyo nee etuguu bhono yirya etuguu etabhanga etumirwe nawe yabhanga okutuma yoosigo kurwera iguru. ²⁴Okumara bhakabhurirana abheene kwaa abheene, "Tutayibharira, bhono tuteme tusore turore arabhaya wewi. "Rino rikarorekana erikamo riibhe rino rikubhuga bhakasondya ezingibho zyaaye neeribhoho ryaye bhakaritemera obhusori."²⁵Abhasirikare bhakakora amang'ana gano nina wabhu Yeesu musubhati waa nina waabhu, Mariamu mukari wa Kleopa na Mariamu Magdarena abhakari bhano bhabhanga bhimereri hagui noo musarabha gwaa Yeesu. ²⁶Yeesu hano yamuruzi nyoko wabhu hamwe naa wurya omwna omwegibhwa wurya yari asegiri bhimereri hagui, akamubhurira nyako wabhu, "Omukarino rora, rora omwana wazo nguno hano" ²⁷Okumara akamubhurira omwana mweigibhwa wurya, "Rora, wuno hano nyoko wenyu. "Kweemera eribhaga riyo wurya omwana omwegibha akamugega kugenda yika wabhu.²⁸Hano riyo ryabhwiri neno Yeesu amenyiri kubha gosi gabhwiri kumariribhwa anagye kuhikya amakamo, akabhuga "Nirarora enyako." ²⁹Ekigiro kino kyari kiizuri amarwa kyabhanga kuturirwe harya, kweego bhakatura enyungu yino yizwiri amarwa iguru orurugi bhwa Hisopo bhakamuturira mumunwa gwaye. ³⁰Wosi Yeesu hano akaikonora yiyo akabhuga, "Ebhwiri" Okumara akahnya akaturukirirwa omutwe gwaye akayihana ekoro yaye.³¹Kweego ryabhanga nii eribhaga ryaa obhutemi kwoookubha emibhiri gitahenderwa, kusaga iguru wo musarabha kwibhaga ryoo rusiku rwo obhusengeri (kwo kubha orusiku rwoo rwoobhusengeri rwabhanga nii rwoobhuheene) Abhayahudi bhakamusabha Pirato kubha amaguru gabhu bharya bhahanga bhanyakiribhwe gabhunue nookubha emibhiri gyabhu gitamibhwe. ³²Niho abhasirikare bhakaza nokubhuna amaguru gaa abhatu bhano bhakangatiri naa bhakabhiri wuno yabhanga anyakibhwe hamwe na Yeesu. ³³Hano bhamubhikiri Yeesu bhakamunyura amariri heene kukwa, kwego bhakabhuna amaguru gayo.³⁴Hatego, owumwe waa bhasirikare akamusoma Yeesu murubharu nee eritimu, noo kumara gakarwa amanzi na manyinga. ³⁵Na woosi wuno aruzi rino arushirye amakerenio, naa amakerenio gaye ni gamaheene ewe emanyiri kubha kino ahayiri nii kyaheene naa neemwe mwoosi mukirirye.³⁶Amang'na gano gabhanga ering'ana rirya rikerenibhwe rinagye kubha "Atoroho nabhe waye wumwe bhutakuza kutigwa." ³⁷Kweeki erikamo erindi rirabhuga bharamurora ewe yokibhwe.³⁸Inyuma wa aamakerenio ganu Yusufu wa Arimathaya, kwaakubha yangabha omwana omwegibhwa waa Yeesu nawe kwee kizina kwoo okubhobhha abhayahudi, bhakamasuba Pirato, kubha agugege omubhiri gwaa Yeesu newe Pirato akamikirirya. kwego Yusfu akaza okurushaho omubhiri gwaa Yeesu. ³⁹Newe Nikodemo wuno hayo yakangatiri kumugira Yeesu obhutiku woosi akaza. Ewe akareta obhuzongenia bhwa ezimbirya noo ekurusu yabhanga noo bhurito ekirengo igana rimwe.⁴⁰Kweego bhakagega omubhiri gwaa Yeesu bhakagubhona muu embikiro yee kitani naa hamwe ya garya obhuhuzu bhuzomu kweego yabhanga etemwe ya abhayahudi kwi bhaga ryoo kubhika. ⁴¹Ahagiro hano Yeesu akanyakibhwa habhangaho bustani na yirya bustani yabhangaho embihira hehya yino atabhangaho muutu. yakangatiri kubhikwa muyo. ⁴²Kweego kwa kubha rwabhanga orusuku amatemio. kuu bhayahudi nae kweego embihira yirya yabhanga haguhi , kweego bhakamuhindira Yeesu mwosi waye.

¹Bwana orusiku rwo butangi rwe obhuturo, kwakukyari kirima, Mariamu Mgdarena akaza bwanguigo, akariro ra erigina rirya rirusibhwe kumbihira. ²Kwe ego akaria endyari kugenda ku Simoni Petro na kumwana omwegibhwa owundi wuno Yeesu yariasegiri, kumara akamubhurira, "Bamugegi Taatabhugya mumbihira, naneetwe tukamenyiri eno bhamuhindirye.³Okumara Petro na wurya omwana omwegibhwa owundi bhakarwaho, kurekera kumbihira. ⁴Boosigo bhakaryara hamwe hayo, omwana omwegibhwa owundiwurya akaryara bhukong'u kukira Petro nokuhika kumbihira we embere. ⁵Akimerera okumara akasungurira mumbihira akarora embikiro ye kitari ehindiri, nawe atasikiri.⁶Okumara Simoni Petro woosi akahika akasikira mumbihira mwoosi akayirora embikiro yirya yekitani ehindiri harya. ⁷Ne ekitambara kirya kyabhanga kumuutwe gwaye kitaabhanga kihindiri hamwe ne ezimbikiro zye ekitani yaabhanga ehindi embarika eyenego.⁸Niho omwana omwegibwa owundi wurya woosi hano yasikiri mumbihira mwoosi; akarora no okwikirirya. ⁹Kwo okubha tee eribhaga riyo bhabhaga bhakyari kugemenya amakamo kubha ekendema Yeesu aryooke kurwa kubhaku. ¹⁰Okumara abhana abhaga bhakagya kweki yiika wabhu.¹¹Nakwego Mariamau, yabhanga yimereri kumbihira arariga hano yabhanga okugendererya okurira akimerera okumara akasomia mumbihira. ¹²Akarora abhatumwa bhaye bhaibhiri bheene bhusho bhurabha bhikeri owumwe kumture no owundi kumaguru ahagiro hano Yeesu yabhanga ahindiri. ¹³Nanebho bhakamurira, "Omukaryono, kwaki orarira?" naneweakabhabhurira, "Ni kwakubha bhamugegiri, Taatabhugya wane, nenye nitamenyiri enobhatesi."¹⁴Hano yamariri kuhaya gayo, akikyasia no okumurora Yeesu yimereri. Nawe atamenyiri aribha wuyo yabhanga ni Yeesu. ¹⁵Nawe Yeesu akamubhurira,"Mayi kwaki orarira? Oramumohya wewi? Woosi eno akwiseega nio omutungi we ebhusitani akamubhurira, "Taatabhugya, aribha ni awe omugegiri, nibhurira enoomuteri nanenye niramugega.¹⁶Yeesu akamubhurira, "Mariamu" Nenemwe akisyorokya omwene no okumubhurira kwe ekigambo kye Kiaramu "Raboni" kubha akabhuga "Omwegya." ¹⁷Yeesu akamubhurira, "Utanikuniaku, ndii nikyari kutira kugya ku Taata; Nawe ogende kubhahiri bhaane ubhabhurire kubha niratira kugya ku Taata waane wuno woosi ni Taata wane, Eryobha ryane Eryobha. ¹⁸Mariamu Magdarena akaza kubhabhurira abhana abhegibhwa "nimuruzi Taatabhugya noo kubha amubhariri amang'ana gayo.¹⁹Hano yabheri engerobha orusikururya, orusiku rwoo bhutangi obhuturo nee bhiseku bhwari bhigerweeho, ehagiro hano abhana abhegibhwa bhari noo kubhobhohera abhayahudi, Yeesu kaaza noo kwimerere gatigati yabhu noo kubhabhurira, "Obhuhoru bhubhe kunemwe." ²⁰Hayo yamariri kuhaya gayo akabherekya amabhoko gaye, noo ruubharu rwaye. Neebho abhana abhegibhwa hano bhamuruzi Taatabhugya bhakazomererwa.²¹Okumara Yeesu akabhabhurira, "Obhuhoru bhubhe kunemwe. Kyego bhurya Taata yantumiri, bhuyobhuyo noosi ndabhatuma emwe. ²²Yeesu hano yamariri okuhaya gayo akabhahembera akabhabhurira, mugwatirire okoro enzeru. ²³Wuyo woosi wuno mwabhiri amabhihu bhabhwirwe, nabharya bhano mungarire bharigarwa.²⁴Thomaso owumwe waa bharya ikumi na bhabhiri, wuno yabhirikirwe Dismas, atabhanga naabhana abhegibhwa abharikyaye Yeesu hano akazaa. ²⁵Bharya abhana abhegibhwa abhandi bhakamubhurira eribhaga erindi, "tumuruzi Yaatabhugya" Nawe akabhabhurira, aribha ritakurora amakoru gee misumari kuu mabhoko gaye nookutura ebhyara bhyane kuzikoru zyiyo, noo kuutura okushoko kwane kurabharu rwaye nitakwikirirya"²⁶Hano zabhuri ezisiku inyanye abhana abhegibhwa bhabhanga mkinyumba kweki, hewe Thomaso yabhanga hamwe nabho eribhaga riyo emiryango gyari gigorwe Yeesu akimerera gatigati wabhu, naakabhuga, "Obhuhoru bhubhe na neemwe." ²⁷Okumara akamubhurira Thomaso rete ekyara kyazo naa orore amabhoko gane, reta hano amabhoko gazo kubha kurubharu rwane, waraotaza kubha wurya wuno atakwaamini obhe wuno akwikiririrya."²⁸Nawe Thomaso akamukyoora no okumubhurira "Taatabhugya wane ne Eryoobha ryane" ²⁹Yeesu akamubhurira, kwokubha oniruzi wikirirye bhimererwe bharya bhikirirye nawe bhataruzi."³⁰Okumara Yeesu akakora menyekeryo nzaru embere wabhana abhegibhwa zino eribhaga zitakamirwe mu ekitabhu kino. ³¹Kyego zino zikamirwe kwookubha munagye kwikirirya kubha Yeesu niwe Kristo omwana we Eryoobha nookubha hano mukwikirirya mubhe noo bhuhoru kwee rina ryaye.

¹Kweego kumang'ana gayo Yeesu akiyerkania kweki kuubhegi kunyanza ye Tiberia, ego niigo akiyerekania omwene. ²Simioni Petro, akabha hamwe na Thomaso wuno akubhirikirwa Dismas, Nathanael wa Griraya, abhana bha Zebedayo, abhegi abhandi bhabhiri bha Yeesu. ³Simioni Petro akabhabhurira "Enye ndaagya okurobhya ezisuswe" bhoosi bhakamubhurira, etwe twoosi turagya na neewe." bhakagya bhahasikira mubhwato, nawe obhutiku bhuyo bhwosi bhatabhweni kigiro.⁴Ne ethabhori haano kwakiri Yeesu akimerera embharika weenyanza na abhegi bhaye bhatamenyiri kubha ni Yeesu. ⁵Neego Yeesu akabhabhurira. Abhamura, muneekigiro kiyo kyosi kyookurya" bhosi bhakamubhurira, "Zeyi." ⁶"Akabhabhurira," muitumie orwero orubharika rwo okuuryo rwo obhwato, nanemwe murabhono suku, kweego bhakitumia orwero, neego bhatanagirye okuruta kweki, kwookubha wo obwaaru bhwe ezisuzwe.⁷Bhono wurya omwegi wuuno Yeesu amiseguri akamubhurira Petro, ni Taata, wosi Simioni Petro haano akigwa ni Taata, akibhoha engibho yaye (kwo okubha atahabha yibhohiri bhwahene), okumara akirekera munyanza. ⁸Bharya abhegi abhandi bhakabha mubhwato kwookubha bhatahbha kuuwa embarika, we enyanza, matarambuka igana embarika we enyanza bhoosi bhaharutha oruero ruizuisi eziswe. ⁹Haano bhakahika embarika, bhakarora amakara goomuriro iguru waye ziihabhau eziiswe no omukate.¹⁰Yeesu akabhabhurira murete eziiswe ziino mwurobhirie bhonego." ¹¹Bhoono Simoni Petro akatira no okutora oruero ruuno ruizuri eziswe ezikuru, zihabha swe 153, ingabha zihabha nzaaru, orueso rutarandukiri.¹²Yeesu akabhabhurira "Muuze mubhone ekimweso" atariho mwegi wuno akeenda kumubhurira. Awe ni wewi?" Bhakamenya ahabha Taata. ¹³Yeesu akaaza, akagega omukate gwaye akamara akabhaha, akaorego neeziiswe ziyo. ¹⁴Yiiyo ehabha rugendo rwa katatu okunyerekenia kuubhegi bhaye, kwo okubha no okuryoka.¹⁵Hano bhamariri kubhona ekimweso, Yeesu akamubhurira Simoni Petro, "Simoni omwana wa Yohana, heeneonisegirikukira bhayo?" Petr akamukyora, "Heene Taat, "Awe omenyiri nkusegiri, "Yeesu akamubhurira, orishe ezing'ondu zyaane. ¹⁶Akamubhurira rwakabhiri "Simoni omwana wa Yohana, Heene, onisegiri?" Petro akamubhurira, "Heene, Taata; awe omenyiri nkusegiri, "Yeesu akamubhurira, "noorishe ezingondu zyaane."¹⁷Akamubhurira kweeki rwakatatu, Simioni omwana wa Yohana, "Heene onisegiri?" kweego Petro akanyoohera kwookubha amubhuriri rwakatatu, "Heene onisegiri?" woosi akamubhurira, "Taata omenyiri goosi, omenyiri kubha nikusegiri" Yeesu akamubhurira, orishe ezing'ondu zyaane. ¹⁸Ikiriirya, ikiriirya, ndakubhurira haano ahabha okyaari mumura ohabha osegiri kwibhoha ezingebho awe omwene, no okugya hano hoosi okwenda, nawe haano arabhe mukaruka, orinuura amabhoko gaazo, no owundi arakwibhoha zingibho no okukuhira hano atakwenda kuugya.¹⁹Yeesu akahaya gaano okweerekya mruuku ruhe ruuno Petro yiingamukumirye Taata, haano yiingahiri gaano, akamubhurira Petro, ntumirira."²⁰Petro akikyoora no okumurora omwegi wuno Yeesu asegiri, akabhatumirirya wuno niwe ahabha yiyegekiri mukikubha kya Yeesu eribhaga rye ebhiakurya bhye engorobha no okumubhuurya, Taata ni wewi wuuno atakukwenda? ²¹Petro akamurora Yeesu akamubhurya "Taataomutuone arakorabwi?"²²Yeesu akamukyoora, "Aribha ndeenda asge kyeego haano ndakyore, riiyo rirakuutuniaki? nitunirye." ²³kweego eng'ana yiino ekanyaragana mubhahiri kubha omwegi wuyo atakukwa, nawe Yeesu atamubhuriri kubha omwegi wuyo atakukwa. Aribha ndeenda ewe asage na ruuno nkuuza garakutuniakya?²⁴Wuno niwe omwegi wuuno akurusya ebhirengyo bhya amang'ana gano, niwe yakamiiri amang'ana gano tumenyiri ebhirengyo bhyaye ni bhya heene. ²⁵Gariho amang'ana agandi maaru gano Yeesu yakoriri, haano arimwe riingakamirwe, ndamenya ekyaaro ekyeene kiitari kuisa okutuura amang'ana ga amakamo.