Rarafa: Bible for 1 Peter, 1 Thessalonians, 2 John, 2 Peter, 2 Thessalonians, 3 John, Jude, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

1 Thessalonians

Chapter 1

1Foru ini, Siriwenesi ini, nono Timoti ini, i Tesaroni su, sosi dai uwara ini, Godi Baba ini, nono iyanu maowere muneta amaraYesu Kerisonu. Umanu maowere munetaini, ure nuda yabairo ibifisu.2Aine wabara ure yabaue, Godi bairo yaru matada, yanu ibi, ibi roma nui webaisi. 3Iya yaba imutaisi, Godi Babanu ibi roma yanu ba imueta waiya utaita, mui uwara ba utebaita, nono iyanu maowere muneta amara, Yesu Keriso unu daiwere utada, mui uwara yawotawa utaita iba imutada yaru daiwere utaisi.4Kakamutu, Godima yaba unu daiwere ui ba, iya iwata sinaisi, iba Godima ya yesina maowere muninu. 5Iba iyanu maoweta uweta amaranu sina yabairo fari da bebetu romane me roma nono irau Tamuaru Imumuini, buna daiwere wakiki mai. I taigorai darei, roma Ya iwata sita, iya de anene uwarama yanu abanaro ainada, yaba waiya utaisi.6Iyanu maowere muneta amaranu sina yaru bobo, i ure yanae, utebita ubarenaro muta, irau Tamuaru Imumu bai roma. 7I ubi, roma A da botai amara sini, ainama sini, i masedoni ni nono Akaiya su uwara ainama, Yesu bairo ba imutaita uwara.Iba, abairoma iyanu maowere muneta amara Yesu Kerisonu sina, i orofa yesina ani. Nono i masedoni suro ini, nono Akaya suro ini, roma anu ba imueta Godi bairo imutasu ini, i orofa yesina ane wasa ui, ibaue abairo sina mui da wefeisi. 9Iba uma umanu torowa, iya baue imutate sina weita, ane irau waiya ute bisi yanu abanaro, iba nono a anene uite meo godi todite urowere ba Godi bairo farite ba ibene, ibene Godi bairo we siboro utasu. 10Umana eno weita, a da Yesu urero roma fafisuba toro utasua eno weita. A da uieta roma nono owere ediyari. Ewe da Yesu, dana iya maowere mufisu ewe arasu daira roma.
Chapter 2

1Iba ya yesina iwata,Kakamutu, iyanu yabairo araisi, i daira me. 2I da ba, ya iwata adinaro Firifi suro urumu daiwere wourada, nono emema ure yanae utebitaro oferi daiwere wourebisi.Nono Godinu sina weada, danu sinaro inare kekei usitema Godinu sina webisiro, ure yanae uweta uwara fatate iya ufitae utebitaro ma, umaini iyarawa usi. Godinu sina wefene usiroma kekei daiwere atasi.3Ewe sina da mui orofa uwara bairoma farawa, iga buga me, meo me. 4Iya yesina Godima maba uite, maowere mune anika odi, danu sina wefene baue, eme yaru maeta me roma Godi mane yaru matada danu ibi mane we madai ufeisi. dana iyanu toto ubarenaro erasu.5Iba iya me sara meo sina wefene farawa, ewe sina we madinunu ufene, wawi ufene farawa. Godima iyanu totoro erasu. 6Adinaro Godinu ario eme bairo munawa, abairoma ini, nono mui uwara bairo ma ini.7Yesu Kerisoma danu waiya ufene, baue iya we muni, iba danu Afosoro uwara sisi. Iba iyae da me ure nuda toba yowa ari uwara, baya mutuma umanu aruma adarabu yawoteibaita enanari yaba utaisi. 8I irau awawa uweta darei, roma yabaue iyanu unu daiwere usite, iba yaini awawa uwe matanaisi, Godinu sina mane me, roma nono iyanu awawa yaini gonuro uwe matafeisi. Iba ya yesinane iyanu unu daiwere yabairo ibinu.9Iba ya imue eyawe, kakamutu, dumuini, wabaraini, yaba waiya utebaisi, iba yabairo urumu mui damafeisi, roma Godinu sina mane weifero nauteifoita.10 Ya yesinane eta, Godi daini eri, anene tamuaru, irau aiye mane, nono iyanu uweta, sineta irau mane, iyanu ba imueta abairo mane imutaisi. 11I darei enanari, ya iwata, anene yaini gonuro ibisi, iyari eno Babama danu aruma adarabu ini ibasu, enanari ibinisi. 12Abairo irau sina waisi, a yawotaisi, a mayaru utaisi. Iba Godinu irau aiye ba ario dareiro ane daini danu ibeta orofa urero ibifasu, Godima ya yesina uwo wada, eno wasu.13I ubiroma, kekei were Godi bairo yaru matada, Godinu sina we muni, i sina adinaro iyana abairo weisi naui, i da Godinu sina ubi. I sina da mui amara bairo munawa. I ba Godinu sina aini ibada anu ubarenaro waiya utasu, iba a ba da bairo ba imueta imutasu.14Iba ya kakamutu, adinaro diudiya suro, Godinu dai sosi su yawoetebita, Yesu Kerrisonu ibiroma. Anu su uwara ubima a ure yanae uta ba, iyari enanari Diusi su uwara bairo uta nono abairo ini eno uta.
17Roma, kakamutu, me fuiya ratu matane anika odi. Totoro ubarenaro meroma, nono ofero mane. Iyanu unu daiwere yabairo afete, yanu ibo naitei ere mataneta unu ubinu. 19Yanu unu de ane, yaru, botai bosowo,, iyanu kaka Yesu Keriso nono owere fafiye areifiro, ane rao woufete fare danu iboro inafeisi? I de aba anaina?.
Chapter 3

1Ibaue, iya nono da maowere mufeisi, iyana imusi i da irau, etera Etensiro mane ibinua eno imusi.2Iyana Timoti, iyanu Kaka , Godinu waiya gonuro uweta amara, Yesu Kerisonu sina, magiyana uwe nono yanu ba imueta yawofisu. 3Ibaue mui uwawrama da mabiru baru ufisu i daira fafiso iro. Iba ya yanu mane iwata sinaita, iba iyana, mai inasiro inari.4I da ba, aini ibada a mefuro weisiro naui, idaira daiwere fafisu, iba adinaro fari, enanari a iwata sini. 5I ubi roma, na dai inamau, na odero ani, iba na iwata simau anu ba imueta. Iba anu wasai amara, a we irue naui, nono i wei sina, da me bebetu duboro ibinu.6Roma Timoti, iya bairo fari, abai roma anu ba imueta irau aiye sinaini, nono anu unu uwetaini, daiwere iya bairo wofari. Mui irau sina weiro iyana nausi. Adinaro iyanu awawa utebisi, i oide imutada, anu unu iya efae imutasuro nono iyaini a efene ba imutaisi.
8Iba awoina ewe ibinisi iro, Yesu bairo inare kekei ufasu. 9Iba ane raoma, Godi bairo yaru maowere mafeisi, abaue, i yaru yesinane, iya bairo ibinu, i da Godi bairoma, abairo arasu? 11Iba iyanuGodi Baba danu oname ini, nono iyanu Yesu Kerisoini, darei maoweta ufiro abairo afeisi. 12 Iba iyanu maowere muneta dai amara Yesuma a madai ufite, nono maoba ufisu, danu unu ubarenaro ma, iya yesinaini, nono mui uwara ini, iyana aba utaisi. 13Iba dana anu toto mawirofisu, iba uma yesina urumu daiwere me, iyanu Tamuaru Godi Baba, iyanu mawiroeta dai amaraYesu Keriso danu waiya uwaraini nono owere fafisu.
Chapter 4

1 Kakamutu, ya we magiyana uisite, nono awoina mui sina wefero nauawe. Yesu Kerisonu ibiroma. I sina idua weisiro nausinu anene Godi yaru mafasu, danu buriro anifasu. iba waiya daiwere ufasu. 2 A iwata, ane sina abairo masi, Yesu Kerisonu ibiroma.3 Ewe da Godinu unu, a mune anika odi. Da ubi Godinu unu da iyanu toto tai. Iba aruma aweta ini aineta da me. 4 Iba ya yesina iwata, anene yanu ofe yawofoita, nono irau ibifoita. 5 Daira naitei ere matane unu uteibaita da me. Enanari mui uwarama uteibaita.( Da Godi iwatawa ba iba utebaita). 6Mui amara da odiyaro danu kaka nabueini, da urane, yarane da ufite, daira da ufi. Iba iyanu maowere muneta amara Yesu Keriso da i daira uweta, sineta, nono da unu tawa, iba iyana a we kakaitu utada, nono we ma iwata utaisi.7 Iba Godi iya daira mane uteifene wetawa ui, roma danu Tamuaru ubarenaro ibifene ba wei. 8 Iba ainama ewe sina unu tawa utasu, i amara, aweta da eme bairo unu tawa utasuroma Godi danu irau Tamuaru imumu mai amara bairo utebaita.9Kakamutu, unu uweta sina, a iwata ba mui owawa da yanae abai mafiyeita . Godima a maoweta uiro iwata sini binu, anu neiyemutu unu uweta sina. 10 Iyanu neiyemutu, masedoniyaro ibinita adarabai irau mane uwawe. 11 Ewe sina abairo weaisi, naufate imufae, irau mane kiuratu anu raorao yesina anu torowa ofe yawofate anu wanama waiya u. Enanari we iwata usiari. 12 Iba a irau aiye rau inareibi, emenu naiteiro.13Ya ewe sina wemaronauawe, uieta uwara ba i da weawe. Ya nautaita, uieta uwara uma, uieta roma ediyaraitate, urero Yesu bairo anaita. Iba uieta uwara ba ii da weawe. 14 Iba ba imueta imufeisi, Yesu da uieta roma nono ediyari. Iba uieta uwara uma Godima maowere wofafisu, Yesu Keriso nono owere areifisu iyodo. 15 Iba yabai weaisi, Yesu sinaro . Iya aina, aina eweda ibinisi uwara , iya yesina uieta uwaranu buriro danifeisi, Yesu Keriso nono owere areifisu kowaro.16 Yesu danu onamema ureroma tarafisu, danu kori unetu bobo, daifufu anerunu rurua bobo, Godi danu tawuio ubufiro, Yesu Kerisonu ibiroma uieta uwara ko ediyafiyeita. 17 Awoina, iya ibinisi uwara, wawafete urero manifeisi. Yesu Keriso da goso duboro inaribifiro mane atafeisi. Eno darei roma iya yesina Yesuini ibifeisi. 18 Iba ewe sinama, yanu ada, ada yawoe matanei biya we.
Chapter 5

1 Awoina, Yesu Kerisonu fareta wabaraini, kowaini, oya buruge fare areifiro, kakamutu, mui raoba da imuawe, yabairo owawa mui da yanae mafiyeitaya. 2Ya yesina yanu torowa iwata, anikari, YesuKerisonu fareta wabara da rewo amarama dumuro fanono ufisu. 3 Iba eno wefiyeita,'' ure nudaini, ofe yawoetaini,'' Roma daira uma bairo sasa ratu fafisu. danu oferi, da buana bobo aweta ma kuita mufiye utada oferi woure basu enanari ufisu. Uma yesina mui darei roma da iyare anifiyeita.4 Roma ya, Kakamutu, dumuro ibawaba, i wabara ufisu i, ya da maremu ufisu rewo amarama unono. 5 Eno ba ya yesina arioini, wabaranu adarabu. Iya yesina dumunu adarabu me. 6 Iyari enoba, iya nauta da aine tuna ufeisi, mui uwarama utebaita enanari. Enoba dumuro yaubada eremareifero wabara ufisu. 7 A ainama,dumuro nauta aine tuna ubifasu i, nono ya aina, ainama dumuro daira yowa iteifoita, iteibiya we.8 Adina roma, iya da wabaranu uwara, iya irau mane yaubada, ba imueta mane imufete, iyanu siriadei feka yabae gowo ufete, iyanu toto garauini, iyanu mugoiso barufete inare kekei ufe. 9 Enoba Godi, iya daira ufeneba munawa ui. Roma irau maowere muneta mai, Yesu Kerisonu ibiroma. 10Yesu Kerisoma, iyaba mesini, iya au yaubinisi o nauta aini binisi iya maine Yesu ini gonuro ibifeisi. 11 Iba yawoe matawete, ma kekei uwe matawete ibiyawe.12 Kakamutu, yaru bobo mui sina ratu, yabai we nauwe maneba wautane. I ainama amarama yanu abana roma Yesu Kerisonu waiya utasu, i ama da we dai utada, we ma irau aiye utautane. 13Yabairo sina miki ratu, wemaro irau aiye waiya ma utada ibifoe wautane. Urane, yarane me, me ure nudama yaini ibifiro ibiyawe. 14Iyana yaba ma irau sina weaisi, kakamutu, wemaro nauwete, waiya marawa amara wearo naufite waiya ufi, sina nautawa amara wearo wearo naufi. Buna me amara, anu wana maro buna mufi. Uma mane toro uteibiya we.15 Eya mui amarama daira mui uwara bai da maowere ufisu. Enoba irau mane neiyemutu baue mate, nono eme yesina baue irau mane maro mufitate yaru ufita.16 Aine wabara ure yaru mane uteibi. 17 Godi bairo nui woroworo weada, daira da uwawe. 18I raorao yesina baue, yaru mawe. Iyari eno, da Godinu unu Yesu Kerisonu, ibi roma abaue irau utasu.19 Irau aiye, Godinu imumu da mauiyawe. 20Adina, we bou uta sina da madaira uwawe. 21I raorao yesina uwe eya wete. Irau raorao mane yabawe.22I daira imumunu araeta ere todiya wete, da basiye da fawe.23 Iyari eno ba, Godinu ure nudama a mawiroe gowo rau ufite. Nono danu tamuaru imumu ari mune odifisu. Enoba anu imumu yesina, anu tototai, anu baofeini, magiyana burau ufisi, iyanu maowere muneta amara Yesu Keriso, danu nono owere fafisu kowaro. 24Ba imueta giyana burau amara munasute, idua Godima uwo we mune dabairo odasu.25Kakamutu, iyaba we siboro aine wabara ureuteibiya we. 26Iyanu kakakmutu bairo yaru mawete, wana mame matawe. 27Kakamutu, nana, iyanu mawiroeta amara, Yesunu, ibi roma ewe owawa yanae Godinu waiya uwara bairo matautane. ewe owawa yawiya wete, we matawete, Yesunu waiya uwawe. 28Iyanu maowere muneta Yesu Kerisonu totori ya yesina bairo ibifisu.

2 Thessalonians

Chapter 1

1Foru, Siriwenesi, ini Timoti teseroni suro i godi baba ini yesu keriso. 2God baba ini yesu kersonu totori ini ure nuda ariye sina ya yesina bairo.3Kakamutu i da yaba yaru daiwere mateifeisi godi bairo. I da ba irau aiye rau. Anu ba imueta warae amutasu. Anu unu mui uwara bai utasu daiwere sinasu.4Godinu sosi suro aba yaru bobo waisi. Anu ure nuda ini ba imueta ini ba waisi. A ure yanae ubarena ro a urumu wourasu ba waisi.5Godinu maiwata irau mufitaita. Urumu kekei wourei fasu godi danu suroma a da imue nana ufisu.6Irau uweta sineta godinu ba uteifaro a ufiyeita godi maowere uma ufisu.7Anu oferi eta mufite nono ana anainama oferi iya ini wouta uwaranu ni eta mufisu. Yesu danu aneru ini ario bobo ureroma areifiro godima i urumu eta mufisu.8Godi iwata wa uwara yesu kerisonu sina nautawa uwara mufite ina buburaro siyafisu .9Uma waiya mafisu ibene ibene ure yanae orofaro yesu ario wakiki bobo orofa basiye me.10Da owere fafisu i raorao ufisu danu uwarama yaru mafiyeita irau aiye rau daba ba imutasu. Aba waisi sina ewe da ba mane imu.11I ubi roma we siboro woro woro waisi . Aba we siboro utaisi godima aba kekei were imufisu anu waiya ubarenaro. We siboro utaisi iba umaba ufisu anu unu baimueta ma buna ufisu.12we siboro utaisi iba yesu kerisonu ibi ma dai ufasu . aba we siboro utaisi nono yesu kerisoma a ma dai ufisu.ure nuda totori god yesu keriso.
Chapter 2

1Iba yesu keriso nono owere fafisu iyaini gonuro ibifeisi iyana ya we naueraisi kakamutu .2A daunono ratu meo sinama urumu imumu ma ya we irufisu yesu kerisonu nono owere fareta kowa adinaro fari.3Mui uwarama a da irufita eme umanu baimuetaro ma ureifiyeita. Ure yanae uweta amara fafisu.4Danu ibi we mamufite na godinu amara ya nabairo mane we siboro siya we wefisu. Na mane godinu dai sosi suro nana yaubine ya wefisu.5A iwata sinasuaba me adinaro aini ibada i raorao yesina we maboroyare.6Awoina a iwata sininu ane daira dabairo fafisu i da danu kowa idua fafisu.7I daira amaranu kiuma uweta waiya adina waiya utasu aina ainama daini waiya uteifitaro Godi fafite danu dareiro ma eta mufisu.8Yesu danu bebetu mua ma i daira amara ufisu .Yesu nono fareta wakikima i daira amaranu wakiki eta mufisu.9Seitani nu waiya uwaranu buna wakiki araeta idua mesifisu.10Meo meo waiya uweta uwaraini nono uiyeta uwara uma yesu nu unu utawa ba uma urero orofa me.11Uma meomeo waiya Godima umaba mai.12Uma ba imutawaba Godima uma fanisi mafisu. Godinu waiya uwaranu ibiroma meomeo waita ba.13Iya yesina Godi bairo yaru mateifeisi.A Godinu botai amara danu yawoeta mune anika odi imumuma iba ba imufeisi. 14Godinu sinarom a uwo weiba, iba iesu keriso nu ariyo mufasu. 15Iba kakamutu inare kekei uwawete yabae gowo uwave i owawa sinaro.16Awoina iyanu iesu keriso danu oname ini baba godima iya unu uite danu ure nunda mai. Iba yawoe gowo utada, iyanu toto ma dai ufeisi. Iya inu waiyaini, sina ini. 17Anu torowa ofe yawoate nono anu toto magiana uwa i waiyaini sinaini.
Chapter 3

1Awoina, kakamutu, iya we siboro uwawero,Yesunu sina daunono ma dai ufi. I enanari abairo ibinu.2we siboro ufero,daira uwara bairoma, iya eta mufi, uma Yesu ba imutawaba.3Yesunu ba imuetadaiwere ba iya ufite,nono iya yawofisu daira dumu were amara bairoma.4Aba ba meba Yesunu ibiroma waiya ufasu.ane weisi waiya uteifasu.5Yesuma anu toto maowetaufiro Godi ba imufate keriso woure anifasu.6Awoina a we iwata utaisi, kakamutu,Yesu kerisonu ibiroma, i waiya marawa uwaraini ,umanu ibeta daira uwaraini da ibifasu. Ane we iwata usiro muni enanari idua ibi.7Anu torowa a iwata, i da irau. Iya mawirofasu. iya aini gonuro ibawa ,enanari mui sina nautawauwara.8Iya we siboro utawaro, mui uwaranu bosari itawa. dumuini kowaini kekei waiya utebaisi.iba a ba urumudamafeisi.9I utaisi da iya buna me.I ufero efate iyanu buriro afasu.10Aini gonuro ibisi kowaro a we iwata usi. A waiya utawa amara a bosari da ifasu. 11Iya nautaisi,ainama iyanu burubi arasu.uma waiya utawa marawa bobo.12Awoina, iyari uwara Yesu Kerisonu ibiroma ibaini aiba sina wefaro adada ratu.waiya ufite, danu bosari ifisu.13kakamutu, ane irau utaita iba yanu toto da odiya wero itafi.14Mui amara, iyanu owawaro sina nautawa ufisu i dabairoma eta fate awawa dau.iba maru ufi.15Anu wasai amara ri dau,anika kaka nabue ri uwate awawa u.16Yesu, ure nudanu oname amarama ,ure nuda aine wabara ure matebasu .Yesu,ya yesina bairo.17Ewe da nanu ariye sina,nanu wanama biyo ewe owawa yesina yanane.18Yesu Kerisonu ure nuda yaini ibifisu. IDUA.

Titus

Chapter 1

1Foru ,da Godinu,waiya amara nono Yesu kerisonu afosoro, Godi, ba imueta uwara bairo,danu araetaini iwata matasute ,nono maba utasu .2Anu unu,ibene ,ibene ibeta ba imutasu. Godi da meo wetawa amara. Adinaro ewe ureini do ubu utawa kowaro Godima we bou ue odiro ibinu. 3I ba kowa muniro, danu we bou ui, sina idua nabairo maite wemaro nau foe weiba. Iba Godi iyanu maowera muneta amaranu sina wemaro naua we.4Taitasi, a iyanu amara ubi. Ewe Godinu waiya utada ba imueta imutasu.Godi babaini, iyanu mawiroeta amara Yesu Kerisonu me maetaini danu ure nuda aini ibifisu.5Godinu waiya uwe maitua arawa. I ubiroma Kuridi orofaro odero ani. I orofaro ibada sosi suro waiya uweta uwara mune odifaro Godi waiya uwe maitua fiyeita.Nanu wene enanari rau.6I sosi yawoeta amara, da irau mane uweta , sineta amara.Da aweta taigori. Danu aruma adarabu uma irau mane,sina nautada Godinu waiya uteifiyeita.7Godinu sosi suro waiya uweta uwara uma daira da ufita baue iba ewe sina ye wautane. urane yarane, derena sina ,kekei yowa ieta, wawi utawa amara ma Godinu sosi suro waiya uteifisu.8Ibau we, da eme, aweta, mune suro siyaneifisu.Nono irau aiye rau, mui uwara bairo uteifisu. Irau aiye mane imuteifisu. ba mane weifisu, Godinu uwetari, danu oname da irau mane utefisu.9I sosi suro waiya uwara,Godi sinaro yabae gowo ufitate, eme we maoweta ufiyeita. iba mui uwara maoweta utada nono ainama da derena sina weta uwara we maoweta ufasu.10Wasai uwaraini, Meo sina weta uwaraini, toto iyeta uwaraini ,nono ofe nudo umane tureta uwara faiyawere kuridi suro ibinita.11Imeo, meo weta uwara fai yawere ,eme we irufitate oi mufitae baue, eme irutaita ba, iba ana uma ereiafa baue wautane .12Umanu, mui dai imue sina weta amara ma eno wei, ''I kuridi su uwara ma meo bobo,daira eme aeta abu ari,marawa, nono raorao wawi bobo.''13Ewe sina da ba sina, iba uma magiyana uwawaro umanu ba imuetaro inare kekei ufita.14I Diusi dai uwaranu sina da nauawe.Nono i meo,meo emenu sinaini da nauwe, uma da Godinu ba sina roma owere dumuro anita.15Aina amara ma Godinu sina nautasute, danu toto irau mane imute basu, da raorao yesina irau mane. Nono aina ma godinu sina nautasute, mune danu tot ubarenaro odawa utasu amara ma. Ewe, do duboro daira dana wofarasu uma maine umanu imueta daira were. 16Umana eno we baita, iya Godi iwata ya. Roma umanu uweta sineta ma mawueta ma wasu, I uma Godinu ibi mafiyaraita. Iba uma daira were, irau utawa,sina nautawa, uma buna me, iba mui irau waiva da ufiyeita.
Chapter 2

1Nono adei, irau aiye buna were sina idua mane ya muate eme we mawoeta uteibi. 2I adina ba uwara, we mawoeta uwaro, daira da ufita, meo sina da wefita, daira toto imueta.irau toto mane ba imutada, Godi bairo we siboro utada, Godi unu utada aine ifita.3Eno ba, i enanari adina ba aweta bo, we maoweta uwaro, irau aiye mane utada, umanu awera, aruma,adarabu bairo daira sina, da wefitate, yawoe gowo ufita. kekei yowa da ifita. irau aiye maoweta aweta bo siya we. 4Iyari eno ba, awoina aweta bo we maoweta uwaro umanu awera siri ini aruma adarabu yawoe gowo ufita. 5Irau aiye rau ba imueta,ba mane, ure nuda rau umanu awera siri bairo. Irau su yawoeta aweta bo. I daira uteiforo,mui uwara ma efitate, Godi sina ro daira sina weoto ba, iba wautane.6I enanari, uwau adara we maoweta ufaro umanu ba imueta irau mane imufitae ba wautane.7Anu torowa wawuriro fate, irau waiya uwa. Anu maoweta ubarenaro,irau uweta mane uwaro efita.8Nono sina wefae utada, imue gowo uwate irau aiye sina mane wearo naufita. Aini wasai ubifisu amara anu sina naufite, anu sina irau aiye ba, iba anu sina ature da wefisu.9I, waiya uweta uwara, yanu dai amaranu sina nauwa wete, danu wefisu enanari mane uwawe. daini urane , yarane dauwawe.10Yanu dai amaranu, suro rewo dauawe. Enanari irau uweta ma maoweta uwawe. Eno ba umana irau maowere Godi , iyanu maowere muneta amaranu sinaro mafiyeita.11Godinu totori odiro fari, eme aweta yesina maowere mufi bauwe.
13Iyanu dai Godi, iya maowere muneta amara Yesu Keriso, urero roma danu ario bobo areifiro,iyana efete mufeisi.
Chapter 3

1Ania wete, I uwara weya wero naufitate gamaninu dai uwaraini, nono iro ibinita dai uwaranu sina da nauwe todiya wete, sina nau we gowo ufitate irau aiye waiya ma ufita.2Mui uwara bairo, me sara, daira sina da wea wete,urane, yarane dauawete, adada ratu, me awawa sina roma ure nuda, nuda roma weyaro naufita.3Iba iyanu mane imue gowo utawa, nono iyanu uweta sineta daira were. Iya emema me sara daira dareiro woure anitate, i daira uweta sineta ma iwata uta. Iya seitaninu unu enanari ibinisi. Iya mui uwaraini, awawro ibawa.
5Iyanu irau uweta sineta meroma, nono danu irau aiye imumu odiro iya bairo farite iya maowere mune dabairo odite nono irau yowama tare odi.6Iba Godi ma danu irau aiye imumu, Iyaini nono Yesu Keriso bairoini maoini . 8Ba muneta sina eweda, eno ba nanu unu a Godinu, waiya mane uteifaro, ainama,efite, ba irau imueta,Godi bairo, odifisu, idua umanu, mane irau aiye waiya, uteifiyeita, i uwara, yesina Godinu sina, wema tanada, irau aiye , mane uteifiyeita.9Mimi nowa sina, mane weada, urane, yarane utada, sisia, siworarini, mosisinu tamuaru sina mane weifiyeita, Iraorao,yesina bairo, da ubi me nono, urumu, daiwere me.12Mui yodo kowaro, Atimasini, Tisikasi, wemaro iro afisis, iba dau nono are Nikofasi Suro, na ata na imutane, ida obi nini woro utefisu, ba na kowa abana ro are idua yaubi mau ba iro fa'a. 13Itamuaru sina weta amara, fukayai ba senasini, nono Aforasi ini uma odiyaro anifisite, Godinu, sosi yawotada I su uwara bairo Godinu sina weifisiro nauteifita.15 Ya, yesina aina, aina, naini ibinita uwara yaba, yaru dai were mafeisi, aina, aina, iya ba unu, utaitaba umanu ba imueta roma.Iba Godinu irau umaini ibifisu.

1 Peter

Chapter 1

1 Fita, Yesu Kerisonu afosoro da mui uwaubu amara, matatane muni, Fontas, Gareisiya, Kafadosiya, Eisiya, Bitaniya. 2Ewe da Godi Baba danu adina iwata enanari, irau imumuma buna maite matatane anika odi, enoba irau mane utada, nono Yesu Kerisonu iwama tare odifisu. Iyari enoba, Yesunu totorini, nono danu ure nuda madai sifisu.3 Enoba Godini nono iyanu maowere muneta amara Yesu Kerisonu Baba baue yaru daiwere mafeisi! Yesu danu dai totori ubarena roma, iyaba awoina bayama munasu kuitari sisi, iba Yesu Kerisonu uieta roma ediyari sinama ibene ibene ibeta maoweta ui. 4 Ewe da danu daiwere maowere maeta da mesifisu, iga buga dasifisu, nono da itufisu. I rao da yabaue urero odifiro ibifisu. 5 A Godinu buna wakikima yawoe gowo ufisu, anu ba imueta ma, maowere muneta amara nono dubu kowaro owere fafisu.6 Iba ewe a yauru daiwere utasu, roma awoina, eno otowa ratu, iba urumu woureifasu, daira uweta sineta, irauini dairaini. 7 Ewe da anu ba imueta ma baufisu, i da goru waka maremu ubinu, iba mesinasuro, inama yare erasu. Iba eno ufiro anu ba imueta mufate yaru daiwere ufate, Yesu Kerisonu arioini danu irau uweta nono owere fafisu.8 A da erawa, roma ada unu utasu.Roma a awoina da erawa, roma a dabairo ba imutada yaru utasu i da sina weta arama, arama, nono arioma wate faribinu. 9 Awoina anu ba imuetanu ubi anu torowa munasu, i da anu totonu siriyadei feka. 10 Iba ewe siriyadei fekaba imutasu, adinaro Godinu sina webou uweta uwarama webwou uwe oita, iba Godinu totori abairo fafisu, iba dobere gowo uwate, nono ere gowo u.11 Aina amara bairo o ane kowaro, Kerisonu imumu da anefuro umabairo we maboroyari isinanu ubi etera mefuro we odi, Kerisonu oferi ini nono ario bobo fafisu.12Uma umanu torowa mawirotawa ubita kowaro umabairo fari, roma abairo umana i rarao yesina weita, i Godinu sina weta uwarama abairo weitaro naui, Tamuaru Imumu ureroma oitaro ari-i rarao yesina Godinu aneruma erasu.13 Enoba anu imueta matariye uwane odi. Iba daira yowa daifasu. Anu imueta daiwere, ane kowaro Yesu Keriso nono owere fafisu, danu totori aba woure fafisu. 14 Eno sina nauweta aruma adarabu, ya ere todifiyeita i, yanu oname i daira uweta sineta da uwawe.15Roma i ainama a uwo weinu, i amara da tamuaru amara, aini iba anu uweta sinetaro tamuaru amara sifasu. 16Iyari enoba, ''`Na tamuaru amaraba, iba aini tamuaru amara sifasu''. 17 Iba yana naba ''Baba'' waita da ainama yanu uweta sineta erasute, nono i uwara yesinanu waiyaini, yanu uweta waiya, yanu ofe iyari bada ufoita, yanu kowa ewe do duboro ibifoita enanari mui su uwarari.18 A iwata i rao da mesineta rao me siriwa o goru munasute mawirotasu enanari, i daira uweta sineta anu abua bataemutu bairo muni.19Roma Yesu Kerisonu irau aiye iwa, da i awe iyarawa mamoe ari.
21 Enoba da bairoma a Godi imutasu, iba dana uieta roma maediyarite, nono danu ario da bairo mai, enoba anu ba imuetaini, nono anu ereta yesina Godi bairo.22 Anu toto ubarena magiyana burau ui danu ubi da a ba sina nauweta amara. Ewe sinanu ubi da anu kakamutu unu daiwere ufate; enoba anu toto ubarena roma mui uwaraini unu ufasu. 23 A nono anu bayama danu desini roma muni, i daira uieta yo emeru meroma, nono ibene, ibene ibeta yo emeru roma, da bairoma ibene, ibene ibeta Godinu sina24 ''Enoba, i ba ofe yesina koe tatari, nono danu ario yesina da nauwa ana tatama koero inari basu enanari. Koe tata siburasute, danu wabai dorobi yarebasu, 25 Roma Godinu sina ibene, ibene ibinu.''

2 Peter

Chapter 1

1Saimoni Fita, Yesu Kerisonu, waiya amara, Afosoro, a ainama i tagorai irau aiye ba imueta muni, iyanu Godin ini Yesu Keriso ini umanu ba imueta musi.2Totori ni ure nuda madai uwate, mayafa uwaro Godi ni, Yesu Kerisonu ma daiwere sifi.3I,raorao yesina, buna wakiki, daiwere, ibetani, Godinu ibetari, ibeta iyaba mai. Godinu iwatama iya yesina uwo we mune dabairo odi, danu arioni, araeta ubarenaro.4Irau aiye dai,we bou uweta sina mai, iba mufate nata ufasu, i buna daiwere rao, i do dubonu daira fotena ufasu, daira imumuma daira imueta matebasu.5I ubiroma, buna uwate irau baimueta mu,irau roma iwata mu.6Iwata roma anu torowa yawoeta mu, anu torowa yawoeta roma urumu woureta mu,urumu woureta roma irau mu.7Irau woureta roma kakari wou,kakari muneta roma unu.8Iraorao yesina abairo ibifisui, a urumu da woufasu nono tai uwana,Yesu Kerisonu iwata mufasu.9Aina ewe raorao utawa utasu,eradama,erawaeri utasu,da naitei sikaka bobo. Danu adina daira imue nana ui.10Kakamutu, Godima ya uwo wasuba, anu buna uwatema i raorao mu. Raorao yesina ufasua, i manana dau ufasu. 11 I darei roma, raorao faiya were mufate, me ibene, ibene suro anifate, Yesu Kerisoni ibifasu.12Ewe raorao yesina a iwata roma nono wemaro nau. Aba sinaro buna were yabae ibinu .13I da irau, imue gowo umau, nanu kabesiro yauribada a yawoe gowo umau ba,iba we mai iwata utautane.
20I raorao yesina duburo ma, imufasu, I we bou i sina da mui amaranu iwata roma wetawa.21Mui amaranu sina wofarawa, emenu unu me, roma urero Godima eno wei, imumu ma woure fari.
Chapter 2

1Meo uwara eme bairo fata.Nono meo maoweta uweta uwaraini abairo fata. uma kiuma meo sina wofitate, dai amaranu ibi mafiyaeita uma maowere muni amara.daunono ratu, umanu toro wa uma ma daira ufi, yeita. Eme faiyawere umanu unu dareiro anifitate . 2 Ba darei maremu ufiyeita. 3Umanu wawima a ma daira ufiyeita. Ida umanu meo sina, adinaro fanisi waiya matawa. Nono umanu ma daira ma nauta ainawa, i da daira.4I Godima i daira uweta aneru urumu deiro odawa tataru suro woure tanita, anamama uma yabae uwane oita ba dumuro ainebe umanu koto kowa idua fafisu.5Daunono adina do dubo ma daira utawa roma Noah torowa maowere muni. da mane irau aiye amara.Nono muana seweni uwaraini, ibi taro Godima yowa [o] wofarite Godi imutawa uwara yesina ure ma ui.6Godima ina odiro tararite Sodomu ini Gomora orofa inama yare konua sini. Iba nono madaira daiwere ui. I enanari ufisu Godi ba imueta imutawa uwara.7Roma irau aiye amara Loti mane maowere munite.Nono Godi ba imutawa uwara yesina madaira ui. Godima ina odiro tararite, i daira uweta uwara yesina yare konua sini.8Iba i irau aiye amara, i uwara abanaro mui wabaraini, mui wabaraini aineibiro danu irau aiye toto tai madaira uta, ane ere nauwe utebi ima.9Yesu danu iwata. Anene danu uwara eta mufisu.I daira ubarena roma. Nono anene i daira uwara yabae mune kotoro odifisu, i wabara ufisu.10 I da ba umanu enanari utaita. Ofenu yaru utada umanu dai uwaranu sina nautawa utaita. Nono umanu unuma Godini iyarawa, i daira sina weada i ario were amara bairo.11Aneru uma buna wakiki daiwere bobo. Roma nono uma daira sina Yesu bairo wetawa.
15 Uma ba irau darei toitate, nono manana utate, Beoyonu amara Baramunu burubi annita. Daira uwetanu fei muneta i darei mane unu daiwere utate anita uwara idua.16Ediyare inarite eno wei, '' Gogore kua ari wei,'' Eme nu ruruari wasu, Adina sina ode weibi amaranu iga damua wei.17Ewe uwara uma, yaraineta yowa ari. Miki yowa yarakama dai oyauma mafufue woure ani.18 Eyagi sina weada, irau raorao ma eme iru tada me ofenu yaru ba utaita.Mui uwara irue daira orofaro woure anaita.19 Meo sina uma bai weita, roma umanu oname daira uwara. Mui amara da ane raoma maremu usinu ida irao nu waiya amara.20Godini, Yesu Kerisonu ibi, roma do dubonu araeta maremu usiya eno wefiyeita, nono ewe do dubonu araetanu ubarenaro ibifiyeita, i ba dai daira orofaro anefayeita. 21I da irau, uma irau aneta darei da iwata sinitatema.Nono derena maita, Godinu Tamuaru sina adinaro umabairo we iwata uta.Nono awoina uma derena maita. 22 Ewe imueta da ba, kua orodi ufite, nono danu orodeta maowere ifisu. Nono boro yowa taro odifasu, roma nono rio tafisu.
Chapter 3

1 Unu daiwere, Neiyemutu, Awoina mui owawa abairo yanane, i sina yesina iyanu ba imueta yawofiro me ure nuda ufisu.2 Godi we bou ui sina, adinaro danu waiya uwara bairo we odi ini Yesu Kerisonu sina danu afosoro uwara bairo mai.3 Iwata ko siyate, meo sina weta uwara dubu kowaro fafiyeita. meo wefitate umanu unuma anifiyeita.4 Eno wefiyeita, ane furo Yesu Keriso nono owere fafisu. Iyanu Babamutu Nauta aine bitaro i roma, iraorao enanari bu ibinu, ureini, do ubu ui idua roma.5 Uma daiwere imue nana ufiyeita, i ureini do yowa ubarenaro roma wawaro faro, yowaro do wawaro fari. adinaro Godima weiro.6 Yowaro o fari, ewe do duboro raorao yesina ma daira ui.7 Awoina ewe ibinu ureini doini inama yafisua eno wei. Ewe ibinu do danu kowa toro utasu. Godi imutawa uwaraini ewe doini inama yafisu.8 Neiyemutu, ewe sina roma da iyare muiro danifasu.Yesu bairoma wabara taigoraitai da enanari [1000] oya, nono wani tauseni [1ooo] oya da wabara taigorai tai.9Yesu danu we bou i sina imuatada ba adada ratu arawa.Daunono ratu fafisu.enanari muiana uwarama eno imutaita, da adada ratu arasua imutaita. Roma da iya yawotasu.Da unu tawa danu eme yesina daira orofaro aneta.Iyanu daira uweta sineta imue todifete, owere Yesu bairo fafe.10Yesunu fareta kowa, fafisu i rewo amara ma fanono ufisu.Ureroma rurua daiwere wefiro, ure danu orofa roma iro mesifisu.Urero raorao yesinaini, do duboro raorao yesina inama yare wasa ufisu.Ewe do duboro daira uweta sineta nono maoeta ufisu.11 I ewe ibinita raorao yesina ma daira ufiro, nono ane uwarama ibifiyeita. Godinu unu ennanari ibiyawe. 12Godinu fareta kowa mane toro uwawe. I kowa fafisu i urero ibnita raorao uma yare wasa ufiro. Nono do duboro ibinita raorao yesina inanu wakikima mufiro me sara dorobi yafiyeita. 13Danu we bou ui iyari, iya toro utaisi, Awoina ureini, Awoina doini tarafiro, irau uweta sineta uwarama ibifiyeita.14Iba, Neiyemutu, Ya i raorao toro utada, anu torowa buna uwate, iga buga me fare danu iboro ina, ure nuda bobo.15Nono, imu Yesunu araeta da iyanu bira feka ya, enanari iyanu unuma anikari kaka Foruma owawa yanae abairo mai,enanari Yesuma imueta daiwere dabairo mai. 16Foru danu owawaro,ewe raorao yesina ba wei.Mui raorao mune iyanu totoro oeta, da kekei daiwere.Manana utada, sina nautawa utada, ewe raorao ma daira utaita uwara.Iyari eno utada mui owawaro sina ma daira utaita.17Iba, unuma anikari Neiyemutu, adinaro iwata sini ewe raorao anu wanaro, anu torowa a yawoe gowo uwawe, iba meo uwarama ya da irufita. Anu ba imueta roma da urei fasu.18 Iya maowere muni amara Yesu Kerisonu ibi roma inare kekei ufete, danu araetaini, iwata mufe. Ario daiwere Yesu Keriso bairo, awoina ini ibene, ibene ibifasu. IDUA.

2 John

Chapter 1

1Na sosi yawoeta dai amara bairoma, mui aweta sosi dai uwarama maowere munita awetaini danu aruma adrabu, ainade nanu ba imueta roma a unu utautane-nono na mane, meroma nono i uwara yesina ainama ba imueta ro iwata sini binitaini. 2I baue ba sina iyabairo ibinuba iba nono iyaini ibene, ibene ibifisu. 3 Danu unu, totori ini, nono danu ure nuda iyaini ibifiau. Godi Babaini, nono Yesu Keriso, Babanu amara, ba sinaini, nono danu unu iyaini ibifisu.4 Anu muiyana aruma adarabu ba sinanu dareiro anaitaro enete, iba na abairo yaru utautane, iba Babanu ba irau aiye tamuaru sina iyana musi.
6 Ewe da unu, iba iya yesina danu sina enanari danu buriro anifeisi. Sina da eweda, i irau sina adinaro nautebisi enanari, iba i dareiro anifasu i da irau aiye.7 Iyari eno ba, i meo, meo weta uwara tuwere ewe doduboro danu orofa anika, anika anitate, nono uma Yesu ba oferoma fariya eno wetawa utaita. I da meo, meo weta uwara idua, nono da meo keriso. 8 Yanu torowa ere gowo uwawete, iba mui raorao da siya foita, anu waiya ui, roma irau raorao yesina maowere mufasu.9 Ainama botai, botai anasu, roma Yesunu sina munawa, da Godi dabairo ibawa. Ainama, Yesunu sinaro inaribinu, i amara da Babaini, Amaraini da bairo ibinisi. 10 Mui uwarama abairo fafitate, nono Yesunu sina wetawa ufisu, i amara anu suro da odiyaro aifi, nono da baue yaru da, u. 11 Iyari eno ba, ainama da baue yaru sina wefisu, da seitaninu uweta sineta daira utasu.13 Anu maowere we muni arumanu aruma adarabuma aba yaru daiwere utaita

3 John

Chapter 1

1Na sosi yawoeta dai amara ma a Gaisi bairo owawa yanae matautane. iba na Godinu sina unu utada iba nanu imueta yesina abairo.2Nanu neiye, a irau aiye rau ibifae, iba na abaue Godi bairo we siboro utautane.3Muiana neiyemutu ma, nabairo fatate, a iyanu maowere muneta amaranu waiya utasua weitaro nauwete, iba abairo yaru daiwere utautane.4Muiana uwara ma nanu aruma adarabu Godinu ba dareiro anataya weitaro nau wete, iba na yaru daiwere utautane.enanari a Godinu waiya utasua weitaro nau wete, iba abaue yaru daiwere utautane.5Nanu neiye, Godinu waiya uwara ana wana matasu.Nono mui uwara, wana matasu, iba abaue yaru daiwere utautane.6Enoba ainama Godinu waiya uwara bairo, anu unu utasu i da irau aiye rau,sosinu iboro utasu.Nono mui Godinu uwara bai irau utada odasuro anaita, i da dai waiya Godi ba utasu.9Sosi dai uwara bairo, nanu owawa yanae mae,roma Daiyotorofesi da danu mane, danu onamenu ibi ma dai utebasu, iba iyanu sina munawa ui.10Enoba na iro famau,i da danu daira iya bairo utebasu i wemaro naufisu. Iya mane meroma, mui uwaraini danu suro fareta we yaturasu basu. Nono mui uwara sosi ubarenaro wofareta ini ere yare gowo utebasu.11Nanu neiyemutu, daira uweta damua wete ma,nono irau uweta mane mua we. ainama irau utasu, i amara da Godinu . ainama daira mane utasu, i amara da seitaninu. da Godinu irau ario erawa.12Dimitirisi, da Godinu, irau aiye ba waiya ute basu amara .Nono iyaini Godinu ba waiya ute baisi, iba iyanu utaisi waiya da ba.13Na bai raorao faiya were owawaro abairo yana mau. roma nono na unutawa inidi iwama owawa yanaeta.14Daunono ratu, na a emau. aini, naini ibo naitei ere matanada sina we matafutu.15Gdoinu ure nuda aini. Nono neiyemutu ma a yaru mataita. iba Yesu Kerisonu ibiroma iyanu neiyemutu yaru mafeisi.

Jude

Chapter 1

1Diudi, da Yesu Kerisonu waiya amara, nono Jeimisinu nabue, a aina, aina, ya unu daiwere, Godi Babama uwo weite, nono ya mune Yesu Keriso bairo odi. 2Enoba totori, ure nudaini, danu unu yabairo daiwere sifisu.3Unu daiwere, i darei yesina doberete, iba ewe owawa abairo yanane i dai maowere muneta raoba, iba owawa nono yanae abairo maneba,wemaro naufate, waiya bunawere ufate, anu ba imueta Godima, uwara aweta yesinaba mai danu tamuaru uwara bairo. 4Enoba irau aiye imueta daifufu eme yaini kiu ratu yanu abanaro ainaita. I uwara uma da Yesuma uma mufite daira orofaro siyafisu. Uma da daira uweta sineta mane utada Godinu totori mune anika daira orofaro oitate, nono uma iyanu dai amara, nono maowere muneta amara Yesu Kerisonu ibi mafiyaraita.5Awoina nanu unu ya wemaro nauawe--a adinaro ba nono iwata sine gowo ubinu roma--Iyanu maowere muneta amara yesuma, eme aweta Ijifi do roma yesina maowere muni, roma nono Yesu bairo ba imutawa uwara yesina ma daira ui. 6 Iba nono, aneru umanu waiyanu buna me, umanu ba ibeta orofa toita--Godima yabae munite ibene ibene auri anama ma uwane tariye odiro, dai dumu kai ubarenaro ibinita, enoba umanu dai dibura kowa fafisu toro utaita.7 Iba Sodomuini, Gomoraini, nono i basiye ibita daifufu tauniro ibita uwara yesina umanu torowa uro owere maowere, mune ware utebita. umanu torowa idaira utada darei wabutebita, uma yesina ibene ibene yareta inaro anifitate iro oferi woufiyeita. 8 Iba i taigorai dareiro, ewe imumu ereta uwara umanu ofe madaira ufitate. Uma dai uwaranu sina nautawa, nono uma da iyanu maowere muneta dai ariobu amranu ibi madaira ufiyeita.9Roma nono Maikelo dai aneru, da seitanini , Mousisinu uieta ofe baue yaranite uranite, eno wei, seitani da ure yanae sina weinuba, da fanisi mamaua eno weite, nono wei, ''Yesuma a ufisua eno wei!'' 10 Roma ewe uwara uma daira sina weita danu ubi, ane uma iwatawa; nono ane uma nauwa ana ina mane iawata sini binita,uma eno kua, boro ari, iraorao ma uma ma daira utasu.
12 Ewe uwara uma dai daira uwara dawara waka ari, anu unu ofuaro fafitate, aini da iyafiyeita-uma mamoe yawoeta uwara ari umanu torowa mune ifiyeita. uma da obi matawa duba goso, oyauma woure anebasu enanari; tai uwanawa ana ari-ini fuakayai roma mareya taitaro uitasu enanari. 13 Uma da dai kou yowanu ureure gugu bobo arebasu enanari, umanu maru madinunu utaita, manana kudiyari, umanu totoro da yaru utawa dai dumu kaiwere ibene ibene ibinu.14 Inoki, taigorai, fukayai, taigorai, fuakayai, taigorai Adamu bairo ma farite webwou sina wei i uwara baue eno wei, ''Look! I iyanu maowere muneta amara nono arasu daini nono danu aneru tuwere, tuwere, danu tamuaru uwaraini afisu. Iyanu maowere muneta amara, nono owere arasu, daira uweta, sineta uwara ure yanae ufiye. Da arasu danu ubi, da i daira uweta, sineta utada daira sina weada, Godinu unu enanari ibawa urawa,danu ibi we madaira uweta uwaraini, maowere mufiyeba arasu. 16 I uwara uma kasi waribo uweta uwara, miminowa sina weta uwara,umanu daira dareiro anaita uwara. Umanu bebetu, roma eyagi sina weta uwara, meo sina we mui uwara bairo raorao muneta uwara.17ROma, a, unu, imua adinaro iyanu maowere muneta amara Yesu Kerisonu afosoro uwarama webuo uwe oita sina. 18UMana abairo we oita, ''I dubu kowaro yoini, ririyau uweta uwara, umanu unu enanari Godinu unu tawa dareiro anifiyeta''. 19 Ewe uwara uma daira woure faraita uwara; Uma da do dubonu unu uweta uwara, nono uma Godinu irau imumu umabairo me.20Roma a, unu, anu torowa inare kekei uwawete, yanu tamuaru ba imuetaini, nono Godinu Tamuaru imumunu ibi roma we siboro uwawe. 21Godinu unu, ubarenaro inare kekei uwawete, nono iyanu maowere muneta amara Yesu Kerisonu totori toro uteibiya wero, me ibene, ibene woure fafi.22Manana utaita uwara bairo, totori uwawe.23Mui uwara ina roma eta muawe; yanu iyareta bobo mui uwara ba totori uwawe, i uwaranu wau feka unu tawa utasu, i da anu ofenu unu.25 Godi mane iyanu maowere muneta amara, Yesu Keriso da iyanu dai amara danu ario, irau, yawoetanu wakikini, danu buna adinaro ibebi, awoinanono ibene, ibene ibifisu. IDUA.