Dayak Kenya Lebu' Kulit: Bible for Revelation

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Revelation

Chapter 1

1Ini na wahyu Yesus Kristus ya' pengena Allah pala' Ye, apan na kebara a pala' hamba-hamba a ineu ya' ka palet kenuyan, ngan so'on malaikat ta ya' ire so'on a, ya' lepek bara' a pala' hamba a Yohanes. 2lepek bara' neng isiu Tuhan Allah neng isiu a ya' ye tai so'on Yesus Kristus, ya' iti mung se ineu ya' lepek ye dite. 3tawai nira ya' ka baca ngan ire ya' sekeninga tebara ya' lan ini, ngan ya' baya' ineu ya' un ngedana' dalema, nga tuken na lepek dani.4Umet Yohanes pala' ketusu' jemaat ya' ko' Asia Kecil: Pengelesau pengena ngan kebangen peniga sedingan ikam, umet Ye, ya' un ngan ya' lepek un ngan ya' ka nai, ngan umet ketusu' roh ya' un neng jume pengaren Na, 5umet Yesus Kristus, Saksi ya' tudep, ya' aring beti umet nengaang kelunan matai ngan ya' un kuasa neng raja-raja usun tana' ini. Kume Ye, ya' lesau ileu ngan ya' lepek petakau ileu umet sala' lu so'on daa' A. 6ya' lepek uyai ileu jadi se kerajaan, menjadi imam-imam so'on Allah, Amaia, kume Ye lu' kepeniga ngan kuasa pafi' nyain-nyain na. Amin.7Naat na, kenaa ngan afun-afun ngan singket mate ka dite Ye, pele'e ire ya' lepek masok Ye. Ngan mung lebu' ko' usun tana' ni ka menga Ye. Aa', amin. 8ta Alfa ngan Omega, isiu Tuhan Allah, ya' un ngan ya' lepek un ngan ya' ka nai, Ya' Mahakuasa."9Yohanes, senganak ngan tuyang nem dalem ya' tusa, dalem pengaren ngan dalem ketudep ke pekena Yesus, ka un ko' busang ya' ngaran na Patmos neng ufana firman Allah ngan tebara ya' ire sekening so'on Yesus. 10dau Tuhan aki' tisen tegen Roh ngan aki' sekening umet likut te se isiu ya' so' daau, kebaan tuyau ketepipda, 11"Ineu ya' iku' dite, nyurat na neng se surat ngan pateu na kume ketusu' kelepeng kelunan mengelan Tuhan ini: ko' Efesus, ko' Smirna, ko' Pergamus, ko' Tiatira, ko' Sardis, ko' Filadelfia, ngan ko' Laodikia."12Sulo e' menyele' ngan menaat isiu ya' petira pala' aki'. Ngan lepek e' pupe' ngae' dite neng taa te tusu' kaki dian umet emas. 13Ngan neng belua' kaki dian iti un se kelunan keba'an Anak Manusia, un kelayen sapai daru'a pafi' ko' taket, ngan usu ka un keliset beke segi umet emas.14Uleu ngan buk a puti' kebaan buleu ya' puti' metah, ngan mate a kebaan angapuira. 15Ngan taket a pilau kebaan tembagara ngebaye ko' dalem apui; tuyana kebaan da au lelem sungai ja'au. 16Ngan neng usu' a awa Ye ngkang tusu' betuen ngan umet baa'a nai kawang se dap malat lerip ngan lerip pipa, ngan silumg a kedema baan mate daura ya' pana.17Daleu menaat Ye, pesurop nee neng ata jume a taket a kua kebaan kelunan na taira: aken Ye nai usu' ta awa neng usun aki' ngan daauwa: "Iri takut! Aki' ta Ya' ka Aring ngan ya' ko, 18ngan Ya' Murip. Aki' lepek matai, nga naat na, Aki' murip, pafi' ke nyain-nyaina ngan Aki' kangkang ketu' kunci patai ngan kerajaan patai.19Neng iti nyuratna ineu ya' lepek iku' dite, tiga ya' nuyan na' kini ngan mengiri ta ya' ke nuyan neng o ini. 20Ngan penyuuk ketusu' betuen ya' lepek iku'dite neng usu ta' au e ngan ketusu' taket suka apui umet emas iti: ketusu' betuen iti ye ta malaekat ketusu' kelepeng kelunan ra mengelan ngan ketusu' taket suka apui ya ta ketusu' kelepeng kelunan mengelan Tuhan."

Chapter 2

1"Nyurat na pala' malaikat ya ngkin kelunan ira ko' Efesus: Ini na isiu umet Ye, ya' ngkang ketusu' betuen iti neng usu' ta' au ngan masat ko' nengaang ketusu' taket suka apui iti. 2Aki' tisen mung ke gayengo': tiga pa neng dite tengayet to' ngan neng ketudep po. Aki' tisen mpei o ke senteng dena' kimet neng kelunan-kelunan ja'at, ufan no' lepek mesek ire ya' bara' use ra rasul, aken ya lan na mpei mengiti un, ufan no' lepek tisen ire kelunan baka'.3Ngan ngiri to o' un dena' kimet ngan tuyen neng ufan koon ngaran e'; ngan iku' pa nce un tisen lama'. 4Aken na pia mengiti Aki peja'at too', ufan no lepek kelupi' pengelesau ya' met penarin. 5Neng iti ngetawai lu o' pelalau dalem no'o tai labu'! Pekaliu na ngan uyai na le'e ineu ya' umet taring da. Buke ye nce mengiti , Aki' ke nai pala' iku' ngan Aki' ke ala' taket suka apui o umet ufana, buke iku' nce tai pekaliu.6Aken ini ya' un neng iku', ya' iti iku' nce un ufa' neng ketu' pemuyan ra baya Niklaus, ya' Aki' nce ufa. 7 Ya' mpei un kelinge, tiga tia sekening ineu ya' ken Roh pala' kelepeng kelunan ira mengelan: I' ya' ke menang, ye ya' Aki' ke menakan umet pu un urip ya' un ko' penemek Tuhan Allah."8"Ngan nyurat na pala' malaikat ya ngkin kelunan kadu mengelan ku' Smirna: Ini na isiu umet ya' penaring ngan ya' ko o, ya' lepek matai ngan murip ngeluet: 9Aki' tisen penusa o' ngan ke kasip o' aken iku kaya'- ngan suto'ra, ya' bara' usera kelunan Yahudi, ken ya' atek lan mpei mengiti un: buke ileu menaatta ke ire ta ke mpun kelunan Balei ja'at.10Iri' mentam neng ineu ya' iku' tusa! atek lan na Balei ja'at ke bet kura' use nengaang ikam ku' amin sepen apan nem siu' tesek ngan ikam ke un tusa seng dalem pulu dau. Tiga to'o tudep pafi' matai ngan Aki' ke mencai kume iku' beluko pengurip. 11Ya' mpei un kelinge, tiga tia sekening ineu ya' ken Roh pala' kelepeng kelunan ra mengelan: I' ya menang, mpei a tuyen un ineu-ineu neng patai ya' kedue."12"Ngan nyurat na pala' malaikat yang ngkin kelunan mengelan ko' Pergamus: Ini na tebara A, ya ngkang malat lerip pipa: 13Aki' tisen ko' mpei o' ufan no', ya' iti ka'a ti ta, ufan Balei ja'at ngan iku' ka ngkang pala' ngaran Ne', ngan iku' nce un kelupi' pengelan no pala' Aki', mpeia kebaan daleu urip Antipas, ira menaat Aki', ya' tudep pala' Aki', ya' ire menatai neng jume nem, ko mpei balei ja'at iti un.14Aken Aki' un kura' ke baat kimet pala iku: neng aang ikam un kura' kelunan ya' baya' katuk bileam, ya' pekatuk pala' Balak ke pelingeu kelunan Israel apanra ke uman pengencai ya' ja'at ngan ke uyai puyan-puyan apa. 15Mengiri pa un pala' ikam kelunan-kelunan ya' ngkang pala' katuk baya Nikolaus.16Neng iti pa pekaliu na urip! Buke ye nce mengiti, Aki' ke nai palet pala' ikam ngan Aki' ke pe patai ngan ire ngan malat ya' un neng ba E' ini. 17Ii' un kelinge, sekeninga na ineu ya' ken' Roh ti pala' kelunan kadu ira mengelan: Ii' ya' menang, pala' ye kemencai luti ya' penyuuke; ngan Aki' ke mencaia pala' ye bateu puti', ya' ko usun na surat ngaran ya'maring, ya' dulu nce un tisen, neng o ye ya' ala'a."18"Ngan nyurat na pala' malaikat ngkin kelunan ira megelan ko' Tiatira: Ini ta isiu Anak Allah, ya' matea kebaan ang apui ngan taketa kebaan uton pilau: 19Aki' tisen ketu gayeng o': tiga pa penglesau o ngan ngiri pa pengelan no tiga gayeng o ngiri pa tudep o. Aki' tisen, ye ufanna gayeng o ya kooa unco kadu' neng penaringa.20Aken aki pejaat iku', ufan no pele ledo Izebel, ya' bara' usea nabiah, pekatuk ngan pelingeu kelunan ira baya' aki apan uyai puyan jaat ngan uman penguman pengecai pala pala balei jaat. 21Ngan Aki' lepek tai awanga kume ye ke pekaliu urip, aken mpeia ufa' pekaliu uripa met puyan jaat.22Naat na, Aki' ke bet ye ko' usun tilung kelunan sakit ngan ire ya' ke uyai penyala' ngan ye Aki' ke bet ko' dalem penusa ja'au, buke ire nce pekaliu umet puyan-puyan ledo iti. 23Ngan anak-anak a Aki' lematai ngan mung kelunan mengelan ra mengelan ke tisen, ufan na Aki' ta menesek use ngan atai kelunan, ngan ufan Aki' ka menyua pala' ikam singket kelunan kebaan pemuyan ra.24Aken pala' ikam, kelunan-kelunan ira se ko' Tiatira, ya' nce baya' katuk iti ngan ya' nce nugen ineu ya' ire bara' aken balei ja'at, pala' ikam Aki' ke bara': Aki' nce ufa' pesuun lempin ira se pala' ikam. 25Aken ineu ya' un pala' ikam, ngkang na iti pefi kenai Ye ngeluet.(26Ngan iya' ke menang, ngan ya ke tei gayeng E' pe pelepek a, pala' ye Aki' ke tai pengayeng usun lebu'-lebu': 27Ngan ye ke soon ire neng utang uton; ire ye ke ngejuta kebaan kelenyo kebaan tukang kuren kua kebaan ya' Aki' ala' umet Tamak Ti. 28ngan ke pala' ye Aki' mencai betuen timur. 29I' un kelinge, sekening na ineu ya' Roh ti bara kepala' kelunan ira mengelan Tuhan."
Chapter 3

1"Ngan nyurat na pala' malaikat ya ngkin kulunan mengelan ko' Sardis: Ini ta tebara A, ya' un ketusu' Roh Allah, ngan ketusu' bettuen iti: Aki' tisen ketu' gayeng o': iku' ire bara' murip, tem iri matai o! 2Beti' na, ngan payeng na ineu ya' sa' un ya loo ke matai, ye ufana mpei un se umet gayeng o Aki' tegu pedekep kujume jume Allah E.3Tuman na mengiti ngetawai na, mengempei o' ala' ngan sekening a: baya naiti ngan pekaliu na urip o! Tuman a buke iku' nce un pengan tua' na, Aki' ke nai kebaan kelunan kelasit ngan iku' nce un tisen neng dau ya mpei E kenai neseu lu pala' iku'. 4Aken ko' Sardis un kura' use ya' nce un mengano sapai ra lupa: Ire ke nai masat ngan Aki' un sapai puti', tumanna na ire ta tekep neng iti.5I ya' menang, ye ke un sapai puti' ya ngiti: mpei ye ke menyarap ngaran na umet kitab pengurip, neng iti ke mekun ngarana neng jume Amai E' ngan ko' jume ketu' malaikat Ta. 6Ii' un kelinge, sekening na ineu ya' ken Roh ti bara pala' kelunan kadu' ya mengelan."7"Ngan nyurat na pala' malaikat ira ngkin kelunan mengelan ko' Filadelfia: Ini ta tebara Ya' Buwe', Ya' Teneng, ya' ngkang alet Daud; buku Ye mesikka, mpei i' senteng mekep a; buke Ye mekep a mpei i' senteng mesikka. 8Aki' tisen ketu' gayeng o': naat na, Aki' lepek mesik bamen kume iku', ya' nce un senteng dulu mekep na pa i'. Aki' tisen pengayeng o mpei mengempeia puun, aken iku baya' isiu E' ngan iku' mpei o menukak ngaran Ne.9Naat na, kura' use umet jemaah balei ja'at, ya' iti ire bara' use ra kelunan Yahudi, aken ya' lan na mpei mengiti un, ken se baka', ke Aki' nai ra pala' iku'. Lan na Aki' ke so'on ire nai ngan kemuup ko' jume taket o ngan mengaku, ufan Ne un lesau iku'. 10Ufan no' baya daau isiu E', ngan tudep pekena Aki', nga E ke ngelirung iku' umet dau penesek ya' ke nai usun tana' ke mesek ire ya' un ko' tana' ini. 11Aki' nai ngan palet, ngkang na ineu ya' un pala' iku', apana nce un se kelunan pa ke ala' beluko o'.12Ya' mpei menang, ye Aki' ka jadikan sokoguru ko dalem Bait Buwe' Allah E' ngan ye mpeia kenai kawang le'e met iti; ngan neng ye Aki' ke nyurat ngaran Allah E', ngaran lebu' Allah E', ya' iti Yerusalem maring, ya' nai kenta' umet surga umet Allah E', ngan ngaran E' ya' maring. 13Ya' un kelinge, tiga tia sekening ineu tebara' Roh pala' jemaat-jemaat."14"Ngan nyurat na pala' malaikat jemaat ko' Laodikia: Ini ta isiu umet Amin, Tebara' ya' tudep ngan teneng, penaring umet kenuyan Allah: 15Aki' tisen mung ke gayeng o', mpei o sengim ngan mpeio pana pu un. Unco tiga a buke iku' sengim ngan buke iku' pana! 16Aken neng ufan no ngepaang-ngepaang lu' nce sengim ngan nce pana. Aki' ke muwa' iku' umet ba' E'.17Neng a undaauw o, "Aki' kaya' ngan ke pekaya use E' ngan mpei un se kekurangan ineu un," ngan empei ufan no tisen iku' kasip ngan taru, kasip, buta' ngan ugai. 18Nga a Aki' pekatuk iku', apan no menelei umet Aki' emas ya' lepek ire ngepilau dalem apui, apan no ke jadi kaya', ngan pele'e kelayen puti', apan no ke un na, apan na iri ketula' penyee o ya' pe se e iku' ngan le'e kenyu' ke mu mo mate o, apan no senteng menaat.19Ii' ya' Aki' lesau, Aki' puteu ngan Aki' pekatuk; nga mengiti ti ngeli ba'na penawai o ngan pekaliu na! 20Naat, Aki' nekedeng neng ba' bamen ngan megok, buke un kelunan ya' sekening daau E' ngan nai mesik bamen, Aki' ke nai ke dalem ngan ye ngan Aki' uman sedingan ye ngan ye kuwa' sedingan Aki'.21Ya' mpei ka menang, ye ke Aki' puku'a pekua ngan Aki' ko' usun takhta E', kebaan Aki' pa lepek menang ngan uku' kua'-kua' ngan Amai E' ko' usun takhta A. 22Ya' un kelinge tiga tia sekening ineu ya' daau Roh pala' jemaat-jemaat."
Chapter 4

1Neng ufan umet iti aki' dite: Atek lan na, se bamen nai pesik ko' surga ngan isiu ya' kena ya' lepek aki' sekening, bara' pala' aki' kebaan daau tuyau ketepip, daauwa: Nai na kempau kini ngan Aki' ke bara' pala' ikam ineu ya' kenuyan neng o ini. 2Palet e' temek so'on Roh ngan naat na, se ufan takhta un ko' surga ngan ko' takhta iti uku' Se kelunan. 3Ngan Ye ya' uku' ko' takhta iti dite a kebaan permata yaspis ngan permata sardis; ngan se ulet lua melingkungi takhta iti pilau kebaan zamrud dita a.4Ngan keliling takhta iti un due pulu' pat takhta, ngan ko' takhta iti uku' due pulu' pat tua-tua ya' un sapai puti' ngan mahkota (emas beluko) neng uleu ra. 5Ngan umet takhta iti nai kawang bekilet ngan tuyau ya' ngelelem ngan tusu' titiu maang-maang neng jume takhta iti, iti ta ketusu' Roh Allah.6Ngan neng jume takhta iti un lautan kelingai kebaan kristal; nengaang-nengaang takhta iti ngan ko kelilinga un pat da kelunan sangan ngan mate, ko base jume ngan ko' base likut.7Un pa kelunan ya' aring kua' kebaan singa, ngan kelunan ya' kedue kua' kebaan anak lembu, ngan kelunan ya' ke teleu ke un silung kebaan kelunan, ngan kelunan ya' ke pat kua' kebaan manuk nasar ya' daleua marang. 8Ngan ke pat kelunan iti singket-singket use un kapit nem, sekelilinga untung base dalema sangan ngan mate, ngan nce un na lemuto-uto daaura menuyau sengket dau ngan singket alem: "Bue'-bue', bue' na Tuhan, Allah Ya' Atek un Kuasa, ya; lepek un ngan ya' un ngan ya' ke nai."9Ngan singket luai kelunan-kelunan iti ka mencai, ke pepmpau,, ke tunuk ngan ucapan syukur pala Ye, ya' uku' usun takhta iti ngan ya' murip pafi' nyain-nyain na, 10nga mu up na kedue pulu' pat pengukon-pengukon ira iti ko' jumea ya' uku' neng usun takhta iti, ngan ire tunuk Ye ya' murip pafi' kenyain-nyain na. Ngan ire menulo mahkota ko' jume takhta iti, ngan daaura: 11"Ya Tuhan ngan Allah me', Iku' senteng ke ala' pempau pempau ke tunuk ngan kuasa; nga Iku' lepek ngelunan mung se ineu-ineu ni; nga ufan kepengufa' O' munga iti un ke kenuyan."
Chapter 5

1Nga e' dite neng usu taawa Ye' ya' uku' neng usun takhta iti, se lelen kitab, ke un surat ba se dalem ngan base awang ngan dimeterai ngan tusu' meterai. 2Ngan aki' dite se kelunan malaikat ya' jawat, ngan ngelalo ja'au, daauwa: "Ii' ya' ke senteng mesik lelen kitab iti ngan mesik meterai-meteraia?"3Aken mpei un se kelunan ya' ko' sorga ngan ya' un ko' usun tana' ni ngan ya' base' nta' tana, ya' senteng buka lelen kitab iti ngan ya' senteng menaat base' dalema. 4Suloe' menange na ngan atek kelesau daauwe', ufan na mpei un se kelunan ya' ileu kume senteng ke mesik lelen kitab iti ngan pele'e ke menaat bese dalema. 5Una daau se kelunan mu kon biti kume aki': "Iri o' menange! Atek lan na, singa umet lebu' Yehuda, ya' iti lentung Daud, lepek menang, pe a senteng mesik gulungan lelen kitab iti ngan mesik ketusu' meteraia."6Nga e dite neng aang-aang takhta ngan kepat kelunan iti ngan nengaang-nengaang pengukon biti nekedeng se Anak Domba kebaan lepek ire menebek, un uweng tusu' ngan un mate tusu': iti ta ketusu' Roh Allah ya' ire so'on ko' sukung tanani. 7Le'e kenaia Anak Domba iti ngan ke ala' lelen kitab iti umet usu' A ya' uku' usun takhta iti.8Daleua ke ala' lelen kitab iti, mu up nira kepat makhluk ngan kedue pulu' pat pengukon-pengukon iti ko' jume Anak Domba iti. Singket usera ngkang se kecapi ngan se cawan mas, sangan ngan kemenyan: iti ta sembayang ra keluann bue'.9Ngan ire ngentau se kentau maring daaura: "Iku' senteng ke ala' lelen kitab iti ngan buka meterai-meterainya; neng ufan no ire lepek menebek ngan daa' O' Iku' lepek menelei ire kume Allah ngan singket-singket na an lebu, isiu lebu. 10Ngan iku' lepek uyai ire se kerajaan, ngan jadi imam-imam kume Allah lu, ngan ire ke memerintah kebaan raja ra ko' usun tana' ni."11Nga e' dite ngan sekening isiu kadu' malaikat sekeliling takhta, makhluk-makhluk ngan pengukon-pengukon iti; kadu' ra berlaksa ngan beribu-ribu laksa, 12daau ra ngan isiu ya' so: "Anak Domba ya' ire menebek iti senteng ke ala' kuasa, ngan kekayaan ngan penisen, ngan kegayeng, ngan tunuk, ngan ke peniga ngan puji-pujian!"13Ngan aki' sekening ketu' makhluk ko' sorga ngan ya' ko' usun tana' ini ngan ya' bese nta' tana' ngan ya' ko' laut ngan mung ya' dalem a daaura: "Kume Ye ya' uku' ko' usun takhta ngan kume Anak Domba un ta selima ngan liba, peniga ngan kuasa pafi' ke nyain-nyain!" 14Ngan ke pat makhluk iti daaura: "Amin." Ngan pengukon-pengukon iti labu' tai pesurop ngan tunuk.
Chapter 6

1Tunenge dite Anak Domba iti mesik ya' aring umet ketusu' meterai iti, ngan aki' sekening ya' aring met kepat makhluk iti pisiu ngan isiu ya' kebaan daau lelem da: "Nai na!" 2Ngan aki' dite: atek lan na, un se kuda puti' ngan kelunan ya' ngedunga ke ngkang se selapang gugai ngan neng ye ye tai se makhkota. Nga ye nai kebaan ya' menang ke punan kemenangan.3Ngan daleu Anak Domba iti buka meterai ya' kedue daaura: "Nai na!" 4Nga kenai se kuda ira se, se kuda ya' bala mafeu nga kelunan ya' ngedung nenga un ire tai kuasa ke ala' kebangen peniga umet usun tana', pe ra lematai ngan kume ye ire tai se malat ja'au.5Daleu Anak Domba iti buka meterai ya' keteleu, aki' sekening makhluk ya' keteleu daauwa: "Nai na." Ngan aki' dite: ya' lan na, un se kuda saleng ngan kelunan ya' ngedung nenga ngkang se sumpang neng usu a. 6Ngan aki sekening baan un da daau isiu nengaang ke pat makhluk iti pisiu: "Secupak gandum se dinar, ngan teleu cupak jelai sedinar. Aken iri ngeja'at minyak ngan anggur iti."7Ngan daleu Anak Domba iti buka meterai ya' ke pat, aki' sekening isiu makhluk ya' ke pat daauwa: "Nai na!" 8Ngan aki' dite: atek lan na, un se kuda bileng kuning ngan kelunan ya' ngedung nenga ngarana penuyen ngan kerajaan penuyen iti baya' ye. Ngan pala' ire ye tai sio usun ke pat tulat umet usun tana' ufan ke menatai ngan malat ngan kaliyen ngan penyakit ngan sen-sen minget ko' usun tana'.9Ngan daleu Anak Domba iti mesik meterai ya' keleme, aki' menaat ko nta mesbah berue-berue ra ya' lepek ire lematai so'on ufan isiu Tuhan Allah ngan ufan koon kesaksian ya' ire kanan. 10Ngan ire ngelalo ngan lalo jaaura, daauwra: kura' nyain le'e, ya' sio ya' bue' ngan teneng, Iku' nce un ke pekara' ngan nce un menyua'a daa' me pala' ya' un ko usun tana' ti?" 11Ngan pala' ire singket-singket ra tai se sapai puti', ngan pala' ire ke un kelama'ra ngan buet lu awanga le'e pesukup usap ira tuyang-tuyangra petubo ngan senganak-senganak ra, ya' ire lematai kua' kebaan ire ti.12Nga e dite, daleu Anak Domba iti buka meterai ya' ke nem, atek lan na jadi na liung tana ya' sengarem ngan mate dau tai mentem ngan saleng kebaan karong buk bulan tai bala munga kebaan daa' da. 13Ngan betuen-betuen ko' langit nai labu' ko' usun tana' kebaan puun ara lu u bua a ya' mata', ineu le'e siu' kepo kase. 14Tai kelesan na langit kebaan lelen kitab ya' ngelelen ngan tai pasona murung-murung ngan busang-busang umet ufana.15Ngan raja-raja ko' usun tana' ini, ngan pengeja'au-pengeja'au mengiri ta seladu-seladu ngan kelunan-kelunan kaya' pafi' kelunan ira berkuasa, ngan ketu' ula' ngan kelunan-kelunan ira se tai menyuuk ko' dalem lufang-lufang neng ngaang-ngaang bateu karang ko' murung. 16Ngan un daaura pala' murung-murung ngan pala' bateu-bateu karang iti: "Mapi na usun ami ngan menyuuk na me neng ye, ya' uku' usun takhta ngan neng ke keto' a Anak Domba itu." 17Nga lepek pafi' na dau ja'au keto'ra ngan i' ya' senteng menageng?
Chapter 7

1Dalem ufan na mengiti, aki' dite ke pat malaikat nekedeng neng ke pat penjuru usun tana' ni ngan ire menageng ke pat kepo ko' tana' ni, apanan iri un kepo pesilap ko' tana', ngan ko' sungai ngan ko' pu'un-pu'un kayeu. 2Ngan aki' dite se malaikat ira se nai tula umet ufan mate dau sek. Ia ngkin meterai Allah ya' murip; ngan ia pisiu ngan isiu ya' so pala' ke pat malaikat ya' ire so'on ke ngeja'at tana' ngan laut, 3daauwa: "Iri na ngeja'at tana' ngan laut ini ngan puun-puun kayeu kena me' meterai kan (ngedana') hamba-hamba Allah me' neng anang ra ti!"4Ngan aki' sekening kadu' ra ya' ka ire meterai iti: Se ato pat pulu' libu ya lepek dimeteraikan umet ketu' lebu ke pu u' Israel. 5Umet lebu' Yehuda due sui' pulu' libu ya' dimeteraikan, umet lebu' Ruben due sui' pulu' libu, umet lebu' Gad due sui' pulu' libu, 6umet lebu' Asyer due sui' pulu' libu, umet lebu' Naftali due sui' pulu' libu, umet lebu' Mansye due sui' pulu' libu,7umet lebu' Simeon due sui' pulu' libu, umet lebu' Lewi due sui pulu' libu, umet lebu' Isakhar due sui' pulu' libu, 8umet lebu' Zebulon due sui' pulu' libu, umet lebu' Yusuf due sui' pulu' libu, umet suku Benyamin due sui' pulu' libu.9Dalem ufan na mengiti aki' dite: atek lan na, se kelepeng ja'au kelunan kadu' ya' nce senteng ileu pusap kadu'ra, umet ketu' lebu' ngan pu u' ngan mung daau isiu, nekedeng neng jume pengaren ngan pejume ngan Anak Domba, ke un sapai daru' puti' ngan ekang-ekang tung-tung palem neng usu'ra. 10Ngan isiu ya' so daau: " Keselamatan pala' Allah me' ya' uku' neng usun takhta ngan Anak Domba!"11Ngan mung malaikat nekedeng keliling takhta ngan pengukon-pengukon ngan ke pat makhluk iti, ire tai mu up neng jume takhta iti ngen tunuk Allah, 12ngan daaura: "Amin! Puji-pujian ngan peniga, ngan penisen, ngan syukur, ngan selima ngan kekuasaan ngan pengayeng kume Allah lu pafi' ke nyain-nyaina! Amin!"13Ngan se use umet nengaang pengukon-pengukon ira iti daaura kume aki': "Ii' ira un sapai puti' iti ngan umet mpei kenai ra?" 14Un na daau e' pala' ye: "Tuan me'. tuan ya' ke tisen na." Un daauwa pala' aki': "Ire ni kelunan-kelunan ya' nai kawang umet tusa ya' ja'au: ngan ire lepek ngebue' sapai ngan ke uyaia puti' dalem daa' Anak Domba.15Neng iti ra nekedeng neng jume takhta Allah ngan petubo Ye singket dau ngan singket alem ko' Bait Suci iti. Ngan Ye ya' uku' ko' usun takhta iti ngan uyai singau lepau iti neng mpau ire. 16Mpeira ketisen tuyen la'au ngan tisen muang un, ngan mate dau ngan pana mpeira tai siu' a un. 17Nga Anak Domba ya' nengaang-nengaang takhta iti, ya' ke petubo neng ire ngan ke ngkin ire ko' sepan sungai ya' murip. Ngan Allah ke muso lunu' mate ra."
Chapter 8

1Ngan daleu Anak Domba iti mesik meterai ya' ketusu', nga lengiyeu ko' sorga, kubaan belua' jam nyaina. 2Sulo e' menaat ketusu' malaikat, ira' nekedeng ko jume' Allah, ngan pala' ire' tai tusu' sangkakala.3Nga naina se use' malaikat ira' se', nga a' tai nekedeng dani' mezbah ngan se' pedupaan emas. Ngan pala Iye' tai kadu' kemenyan kume' Iye' mencai kuwa' ngan sebayang mung kelunan bue' ko usun mezbah emas ko jume' takhta iti. 4Nga tai kempau sap kermenyan kuwa'-kuwa' ngan doa kelunan-kelunan kudus iti met usu' malaikat iti ko jume' Allah. 5 Sulo malaikat iti ala' pedupaan iti, mesi'a ngan apui met mezbah, ngan menulo -a ko usun tana'. Nga letup tuyau lelem, sedingan halilintar ngan gempa bumi.6Ngan ketusu' malaikat ira' man ketusu' sangkakala iti pengan-pengan ke put sangkakala. 7Sulo nai ira aring put sangkakala ngan nuyan usan bateu, ngan apui, pekelet daa', ngan mung iti menulo ko tana'; nga tutung tulat teleu met tana' ngan tulat teleu puun-puun ngan lenyau mung ureu- ureu bileng.8Sulo malaikat ya' kedue' put sangkakalaa ngan un ineu kebaan murung jaau, ira' maang-maang koon apui, menulo ko dalem laut. Ngan tulat teleu laut ti kaliu daa'. 9Ngan matai tulat teleu met ketu' makhluk ira' un beruwe' ko dalem laut ngan tai nce'un tulat teleu met mung kapen.10Sulo malaikat ye' keteleu put sangkakalaa ngan labu'na met langit se' betuwen jaau, maang-maang kebaan dite' obor, ngan iye' pe- lepuk tulat teleu met sungai-sungai ngan ut-ut sungai. 11Ngaran betuen iti Apsintus. Ngan tulat teleu met ketu' sungai pekaliu apsintua, ngan kadu' kelunan matai soon sungai iti, tumana lepek kaliu pait.12Sulo malaikat ya' kepat put sangkakalaa ngan siyu' an tulat teleu met mate' dau ngan tulat teleu met betuen-betuen, ngan tulat teleu met pala-a tai mentem ngan tulat teleu met dau mpei dema ngan mengiripa daleu maau.13Sulo e' Menaat; aki' sekening se' manuk nasar marang ko belua' awang ngan petira ngan dau ya' so: "Bareng,bareng, barengna ire' ira' un ko usun tana' ufana tuyau sangkakala keteleu malaikat ira' se', ira' sa' ke put sangkakalara."
Chapter 9

1Sulo malaikat ya' keleme' put sangkakalaa, ngan aki' menaat se' betuen nai labu' met langit ko usun tana', ngan pala' iye' enai anak kunci lufang bila matai. 2Nga mesikna bamen lufang bila matai iti, sulo kenai sap kempau met lufang iti kebaan sap tanur jaau, ngan mate' dau ngan belua' awang tai mentem soon sap lufang iti.3Ngan met sap iti kenai kawangna paaw-paaw ko usun tana' ngan pala' ire' tai pengayeng kua' kebaan pengayeng kalajengking-kalajengking ko usun tana'. 4Ngan pala' ire' bara', apan ra nce'un ngejaat ureu-ureu ko usun tana' atau puun-puun kayeu, aken bang kelunan ira' nce'un kanan meterai Allah neng pilek-ra.5Ngan ire' bara' mpei ka menatai kelunan un, aken bang ke petuyen ire' lime' bulan nyaina, ngan tuyen iti kebaan tuyen kalajengking, buke' iye' menyengat kelunan. 6Ngan daleu iti kelunan-kelunan ke irap maut, aken ire' nce'un tai tegu'-a, ngan ire' ke ufa' matai, aken maut lap met ire'.7Ngan kadu' naan paau-paau iti kua' kebaan kuda ira' pengan ke pepatai, ngan ko usun uleu ra un se' ineu ya' kebaan mahkota emas, ngan silung ra kua' kebaan silung kelunan. 8Ngan buk ra kua' kebaan buk ledo ngan jipen ra kua kebaan jipen singa. 9Ngan usuk ra kua' kebaan sapai zirah, ngan tuyau kapit ra kebaan tuyau kereta-kereta ira' menat kadu' kuda, ira daleu mengsa ko ata pepatai.10Ngan iko ra kua' kebaan kalajengking ngan un laita, ngan ko' dalem eko ra iti un pengayeng ya' ke menyakit kelunan, leme bulan nyaina. 11Ngan paren ira' memerintah ire' iaiti malaikat bila maut; ngaranna dalem isiu Ibrani yaiti Abadon ngan dalem isiu Yunani yaiti Apolion. 12Bareng ira' lepek lalau. Na' kini ke nai baya' due' celaka lee'.13Sulo malaikat ya' keenem put sangkakalaa ngan aki sekening daau tuyau kawang met keepat weng mezbah emas ira' ko jume' Allah, 14Ngan daau pala' malaikat ira' keenem ira' man sangkakala iti: "Lepona kepat malaikat ira' meneke' dani' sungai jaau Efrat iti". 15Nga takau na kepat malaikat ira' lepek pengan kume' jam ngan dau, bulan ngan uman ke menatai tulat teleu met kelunan kadu'.16Ngan kadu' serdadu' iti duwe' pulu' ribu laksa pasukan berkuda; aki sekening ketu' kadu' ra. 17Nga mengitipa aki menaat dalem penaat ini kuda-kuda ngan kelunan-kelunan ira' tai usunna; ire' un sapai zirah, bala apui ngan bileng ngan kuning belerang karenga; uleu kuda-kuda iti kua' kebaan uleu singa, ngan umet ba' a kawang apui, ngan sap ngan belerang.18Ufan teleu malapetaka ini menatai tulat teleu met kelunan kadu', yaiti ufan apui, ngan sap ngan belerang, ira' nai kawang umet ba' a. 19Tuman kuasa kuda-kuda iti un neng dalem ba' a ngan ko dalem eko-a. Tuman iko-a kua' kebaan ntung ulai; ire' un uleu ngan uleu ra iti ire' nai ngejaat.20Aken kelunan ira' se', ira nce'un matai soon malapetaka iti, nce'un ufa pekaliu urip met puyan usu' ra': ire' nce'un nteng tunuk roh-roh jaat ngan berhala-berhala met emas ngan perak, met tembaga, bateu ngan kayeu ira' nce'un sinteng menaat atau sekening atau masat. 21Ngan ire' nce'un pekaliu met pala' pepatai, sihir, percabulan ngan bekelau.
Chapter 10

1Ngan aki menaat se' malaikat ra' se' ira' mayeng nai kenta' met sorga, sedengan afun, ngan ulet lua un ko usun-a ngan silunga kua' kebaan mate' dau, ngan taket-a kebaan suka' apui. 2Dalem usu'-a iye' man se' lelen kitab iot ira' tula'. Iye' sut taket taau-a ko usun laut ngan taket kafing-a ko usun tana'.3ngan iye' ngelalo ngan tuyau so kua' kebaan singa ira' ngeraang. Ngan lepek iye' ngelalo, ketusu' guruh iti sekening dau tuyau-a. 4Ngan lepek ketusu' guruh iti lepek pisiu, aki ufa' menyurat-a, aken aki sekening tira' met sorga daau-a: "Ngedana na ineu ira' ire' kume' ufan ketusu' guruh iti ngan nyen menyurat-a.5Ngan malaikat ira' aki dite' nekedeng ko usun laut ngan ko usun tana', menco' usu' taau-a ko langit. 6ngan iye' puro' ngaran-a iye' murip pafi' nyain-nyain, ira' lepek ufan uyai langit ngan ketu' dalem-a, ngan tana' ngan ketu' dalema, ngan laut ngan ketu' dalema, daau-a: Mpei un ketai pesuk lee'. 7Aken daleu daau tuyau sangkakala met malaikat ira' ketusu', yaiti buke' iye' put sangkakala, nga ke suu' tuken puyan Allah, kebaan ira' lepek iye' bara' kume' ula-ula-a ya'iti para nabi."8Ngan tuyau ira' lepek aki'sekening met langit iti, un daau pala aki', daau-a: "Taina, ala' lelen kitab ira' pesik ko usu' malaikat, ira' nekedeng ko laut ngan ko usun tana' iti". 9Sulo ketai-e' pala' malaikat iti ngan nyat pala' iye', apana iye' mencai lelen kitab iti pala' aki'. Daaua kume' aki':" Ala'na ngan uman na, iye' ke uyai batek o' pait tegena, aken dalem ba' o' me ba'an layuk da.10Sulo-E ala' kitab iti met usu' malaikat iti, ngan umana: ko dalem ba'-e un me' kebaan tegen layuk, aken lepeke' umana, bateke' pait tegena. 11Un daaua pala' aki: "Iku' harus bernubuat lee' pala' kadu' bangsa ngan kaum ngan isiu raja."
Chapter 11

1Kena iti mencai pala' aki' se' puun bulu', kebaan utang pengukur fana, ngan tira'-tira' ira' mengiti: "Tage'na ngan ukurna Bait Suci Allah ngan mezbah ngan ire' ira' ktunu' ko dalemma. 2Aken bang tenup Bait Suci ira' ko mase' awang, nyenno' mengukurnya, ufana iye' lepek mencai pala' bangsa-bangsa ira' se' ngan ire' ke sut-sut Kota bue' pat pulu' bulan nyaina."3Ngan Aki' tai gayeng pala' due' saksi-E, Apan ra bernubuat ngan berkabung, seribu due' ato nem pulu' daau nyaina. 4Ire' un due' ra puun Zaitun ngan kedue' taket dian ira' nekedeng ko' jume' Tuhan semesta alam. 5Ngan buke' un kelunan ira' ufa' menyakiti ire', nai apui met ba' ra menutung mung lawan musuh ra'. Ngan buke' un kelunnan ufa' menyakit ire', nga kelunan iti ke matai kebaan iti.8Ngan tuyau ira' lepek aki'sekening met langit iti, un daau pala aki', daau-a: "Taina, ala' lelen kitab ira' pesik ko usu' malaikat, ira' nekedeng ko laut ngan ko usun tana' iti". 9Sulo ketai-e' pala' malaikat iti ngan nyat pala' iye', apana iye' mencai lelen kitab iti pala' aki'. Daaua kume' aki':" Ala'na ngan uman na, iye' ke uyai batek o' pait tegena, aken dalem ba' o' me ba'an layuk da.8Ngan lusan ra pelek usun janan jaau kota jaau, ira' kume' rohani na' Sodom ngan Mesir, ko mpei Tuhan ire petugel. 9Ngan kelunan-kelunan met ketu' lebu jaau ngan suku ngan isiu ngan kaum, menaat patai ra teleu dau sui' nyainna ngan kelunan-kelunan ra' iti nce'un ufa' ire' mulo patai ra.10Ngan ire' ira' un ko usun tana' se e' ngan bangen usun ire' iti ngan lame' ngan kelua pekateu ineu tua', nga due' nabi iti lepek ke petuyen kume' mung kelunan ira' un ko usun tana'. 11Teleu dau sui' sulo tai kedalem brue pengurip met Allah ko dalem ire', nga ra beti' ngan mung kelunan ira' menaat ire' lepek takut ale''. 12Ngan kelunan-kelunan iti sekening daau se lalo ira' so met sorga, daau-A kume' ire': Nai kempau ko ini'. Sulo ketai ra kempau ko langit, afun mekep, disaksi kan musuh-musuh ra.13Daleu iti nuyan liyung tana' ira' dahsyat ngan tulat pupu' naan met lebu' jaau iti mapi', ngan tusu' ribu kelunan matai soon liyung tana' iti ngan kelunan-kelunan ira' se' takut ale', sulo pempau Allah iya' ko sorga. 14Taru ira' kedue' lepek lalau: menaatna, taru ya' keteleu kenai baya'.15Sulo malaikat ira' ketusu' put sangkakalaa, ngan sekening daau tuyau-tuyau soo ko dalem sorga, dauw-A: "Pengaren usun tana' Tuhan lu mana ngan Iye' ira' diurapi-A ngan Iye' ke memerintah seleket raja pafi' nyain-nyainna.16Ngan kedue' pulu' pat pengukon-pengukon ira' uku' ko jume' Allah ko usun takhta ra, muup ngan tunuk Allah. 17Daau-A: "Ami' pempau ngaran Tuhan, Allah, ira' Mahakuasa, ira' un ngan ira' lepek un, ufan Iku' lepek man Pengayeng-O ira' jaau ngan lepek menaring memerintah seleket raja.18Ngan mung bangsa lepek laset, aken laset-O' lepek nai ngan awang tuken kume' kelunan-kelunan matai apan mukum ngan kume' mencai bang pala' ula'-ula'-O, nabi- nabi ngan kelunan-kelunan buwe' ngan pala' ire' ira' takut neng ngaran-O. Pala' kelunan-kelunan i'ut ngan kelunan-kelunan jaau. ngan ke pesalai buke' ire' kepesalai usun tana'.19Nga pesikna Bait Suci Allah ira' ko Sorga, ngan tula' tabut pebetep. Nga ko dalem lamin sebayang bue iti ngan terjadilah bekilet ngan lelem tuyau ngan liyung tana' ngan usan bateu kase'.
Chapter 12

1Nga dura'na se' kedana' jaau ko langit. Se' ledo berselubungkan mate' dau, ngan bulan ko mase' nta' taketa ngan se' kedana urip met due' sui' pulu' betuen ko' usun uleu-A. 2Iye' daleu menale' ngan dalem jaat tegen tuyen ufa' kenai musang iye' ngelalo sakit.3Nga dura'na se' kedana' ira' se' ko langit: ngan menaatna, se' naga bala silem ira' jaau, uleua tusu'da, ngan ko usun uleua un tusu peniga urip. 4Ngan eko -a menanit tulat teleu umet betuen-betuen ko langit ngan menulo-a ko usun tana'. Ngan naga iti nekedeng ko jume' ledo ira' ufa' musang iti, apan menyelu' anak-a, dapet lepek ledo iti un anak.5Nga un se' anak lakei-lakei, ira' kepetubo mung lebu' jaau ngan gada uton; tekejet anak-a iti ire' menakep ngan ilan mengasa pala' Allah ngan ko larung-A. 6Ledo iti mengasa ko apau ureu, ko mpei lepek pengan se' ufan temeka kume' Allah, apan Iye' petubo ko iti seribu due' ato enem pulu' dau nyainna.7Nga dura' pepatai ko Sorga. Mikhael ngan malaikat-malaikata pepatai pesakat ngan naga iti, ngan naga iti mubo umet malaikat- malaikata. 8aken ire' nce'un sinteng metem; ire' nce'un ala' ufan ra pele'e' ko Sorga. 9Ngan naga jaau iti, se' ntung ulai mukon, ira' dulu kume' Iblis atau Setan, ira' pelingeu ketu' usun tana', menulo ko' tana'; iye' menulo ko usun tana', kua'-kua' sedingan malaikat-malaikata.10Ngan aki' sekening lalo ira' so ko Sorga Daaua; " Na' kini lepek pafi' keselamatan ngan pengayeng ngan pemerintahan Allah ileu, ngan pengayeng Iye ya' diurapi-A, nga lepek menulo ko nta' pendakwa senganak-senganak lu, ira' mendakwa ire' daleu dau ngan mawau ko jume' Allah lu.11Ngan ire' mengalahkan Iye' ufan daa' Anak Domba, ngan ufan isiu bara' ire'. Ufan ire' nce'unlesau berue' ra pafi' ko dalem matai. 12Nga iti bangena, hai sorga ngan hai ikam mung ira' un ko dalem-A, bareng naam, hai tana' ngan laut! ufana balei jaat lepek kenta' pala' ikam, dalem gerama ira' dahsyat, ufan iye' tisen, ufan tukena lepek buet.13Ngan daleu naga iti tisen, ufan iye' lepek menulo ko usun tana', iye' irap ledo ira' un anak lakei-lakei iti. 14Pala' ledo iti tai due' kapit umet manuk nasar ira' jaau, apan iye' marang ko ufana ko murung ait, ko mpei-A petubo su' met ufan ntung ulai iti se' kasan ngan due' kasan ngan pe' belua' se' kasan.15Sulo ntung ulai iti ngerepu sungai met ba'a',jaau sungai, ko' mase' ledo iti, apan iye' matung seon sungai iti. 16Aken usun tana nai mebo ledo iti iye' tebenga ba'-a, ngan menyelu' sungai ira' naga ngelepu iti met ba'-a. 17Nga lasetna naga iti pala' ledo iti, sulo ketaa mengayau keturunan ira' se', ira' n ebaya' hukum-hukum Allah ngan un tebara' Yesus. 18Ngan Iye' un nekedeng ko sare' bengayai laut.
Chapter 13

1Sulo aki menaat se' sen nai kawang umet dalem laut, un weng pulu' ngan tusu'da uleu-a; ko usun weng-wenga un pulu'da peniga urip ngan neng uleua un surat ngaran-ngaran hujat. 2Sen ira' aki' menaat iti kua' ngan kule, ngan taketa kebaan taket buang ngan ba'-a kebaan ba' lencau. Ngan naga iti mencai kume' iye' pengayenga, ngan takhtanya ngan kekuasaannya ira' jaau.3Nga dura' pala' iye' se' umet uleu-uleu-a kebaan suwu' suat ira' ka ngejaat uripa, aken suat ira' ka ngejaat uripa iti malit. Ketu' usun tana' malap, sulo tai baya' sen iti. 4Ngan ire' tunuk naga iti, ufan Iye' mencai kekuasaan pala' sen iti. Ngan ire' tunuk sen iti, ngan daawa; "Ia' mpei ira' kua' kebaan sen ini? Ngan Ia' mpei ira' sinteng pepatai ngan Iye'?"5Ngan pala'sen iti menca' ba', ira' sangan ngan jum ngan pejaat; pala' iye' tai pa kuasa kume' uyai pat pulu' due' bulan nyaina. 6Sulo a mesik ba' a ka pejaat Allah, menghujat ngaran-A ngan kemah ufan-A ngan mung ire' ira' un ko Sorga.7Ngan iye' pele' kume' sepatai ngan kelunan-kelunan buwe' ngan apan ra kala ngan ire'; ngan pala' iye' tai pengayeng usun singket lebu ' ngan umat ngan isiu ngan lebu' jaau. 8Ngan mung kelunan ira' un ko usun tana' ke tunuk pala Ye, yaiti singket kelunan ira' ngaran ra nce'un surat taring usun tana' nuyan ko dalem kitab pengurip met Anak Domba, ira' lepek menebek.9Buke' i' un kelinge', tiga ra sekening! 10Buke' i' ira' menuso' neng salut, Iye' ke salut; buke' i' ire' menuso' ke menatai ngan malat, Iye' harus menatai ngan malat. Ira' penting ko ini iyeta dena' tawai ngan pengelan kelunan-kelunan buwe'.11Ngan aki menaat se' sen ira' se' nai kawang umet dalem tana' ngan un weng due' kua' kebaan anak domba ngan Iye' petira' kebaan se' naga. 12Ngan ketu' pengayeng sen ira' aring iti pasat ko jume' mate'-a. Iye' tumana ketu' usun tana ngan ketu' ira' dalemma tunuk sen ira' aring,ira' suat sengarem lepek malit.13Ngan iye' uyai kedana'-kedana' ira' palap, ngan iye' nai apui umet langit ko usun tana' ko jume' mate' mung kelunan. 14Iye' pelingeu ire' ira' un ko usun tana' ngan kedana'-kedana' ira' lepek mencai pala' iye' apan iye' keuyai ko jume' mate' sen iti. Ngan iye' soon ire' ira' un ko usun tana' apan ire' pedeng udo' apan ke tunuk sen ira' suat koon malat, aken ira' lemuto murip iti.15Ngan pala' iye' na' pengayeng apan mencai beruwe' pala' udo' sen iti, apan udo' sen iti petira' pa, ngan uyai mengiti dite', apan mung kelunan, ira' nce'un tunuk udo' sen iti, ire' lematai. 16Ngan iye' tumana, apan pala' mung kelunan, iot ngan jaau, kaya' ngan kasip, merdeka atau ula', un kedana' neng mase' taau neng pele'ka. 17Ngan nce'un se' kelunan pa ira' un menelei atau pebelei tengen neng ire'ira' un kedana' iti; ia' iti ngaran sen iti atau bilangan ngarana.18Ira' penting ko ini iyeta penue: buke' i' ira' bijaksana, tiga nia tusap kura' kadu' sen iti, ufana usap iti usap se' kelunan, ngan kura' kadu'a nem ato nem pulu' nem kadu'a.
Chapter 14

1Ngan aki menaat: atek lan, Anak Domba nekedeng ko' murung Sion ngan kua'-kua' ngan Iye' se' ato pat pulu' pat ribu kelunan ngan neng anang ra un surat ngaran-A ngan tamen-A. 2Ngan aki sekening daau tuyau umet langit kebaan daau so sungai jaau ngan kebaan lelem guruh ira' dahsyat. Ngan tuyau ira' aki sekening iti kebaan daau ira' tei sampe'.3Ire' mengentau se' kentau maring ko' jume' takhta ngan ko' jume' pat da sen ngan pengukon-pengukon iti, ngan se' use' pa nce'un ira' tue' pekalai kentau iti tengen neng o se' ato pat pulu' pat ribu use' ira' lepek ditebus met usun tana' iti. 4Ire' ta kelunan-kelunan ira' nce'un ngano use' ra ngan ledo-ledo, ufan ire' buwe' kebaan diit ledo. Ire' ta kelunan-kelunan ira' nebaya' Anak Domba iti ko' mpei-A tai. Ire' ditebus met nengaang kelunan kebaan korban-korban aring kume' Allah ngan kkume' Anak Domba iti. 5Ngan ko' dalem ba' ra mpei un baka; ire' nce'un penyala.6Ngan Aki menaat se' kelunan malaikat ira' se' marang ko' belua'-belua' langit ngan pala' iye' un isiu Tuhan ira' keka ncu un tai kooa apan bara' pala' ire' ira un ko' usun tana' ngan pala' mung lebu jaau ngan suku ngan isiu ngan kaum. 7Ngan iye' ngelalo ngan tuyau so: "Takutna pala Allah ngan muliakan Nia, ufan lepek pafi' tuken penghakiman-A, Ngan tunuk Iye' ira' lepek uyai langit ngan usun tana' ngan laut ngan mung ut sungai."8Ngan se' kelunan malaikat ra' se', malaikat kedue', nai baya'-a ngan un daawa; "Lepek mapi', lepek mapi' Babel, kota jaau iti, ira' lepek pafuk ketu' lebu' jaau ngan anggur hawa nafsu cabul."9Ngan se' kelunan malaikat ra' se', malaikat keteleu, nai baya' ire', ngan daau-a ngan tuyau so: "Buke' se' kelunan tunuk sen ngan udo'-a iti; ngan ala' kedan a' neng je'e'-a ngan usu'-a. 10Nga ke medu' met anggur murka Allah, ira' pengan nce'un pekelet dalem mok murka-A. ngan Iye' ke petuyen ngan apui ngan belerang ko jume' mate' malaikat-malaikat bue' ngan ko jume' mate' Anak Domba.11Nga sap apui ira' petuyen ire' iti tai ko mpau pafi' nyain-nyainna ngan daleu dau mau ire' nce'un beto-beto tuyen, yaiti ire' ira' tunuk sen ngan udo' iti, ngan buke' i' ira' lepek ala'kedana' ngaran-a." 12Ira' penting ko ini yeta ketekunan kelunan-kelunan buwe', ira' nebaya' katuk Allah ngan mengelan pala' Yesus.13Ngan aki' sekening isiu umet Sorga daau-A: "Tuliskan: "Bangenna kelunan-kelunan matai ira' matai dalem Tuhan, met na' kini." "Lan kebaan daau Roh, "apan ra sinteng ngelama' umet gayeng ra, ufan ketu' puyan ra' sedingan ire'.14Ngan Aki' menaat: atek lanna, un se' avun putih, ngan usun iti uku' se' kelunan kebaan Anak Kelunan ngan se' kedana urip tiga emas ko usun uleu-A ngan se' malat nye et neng usu'-A. 15Nai se' malaikat ira' se' kawang met lamin sebayang buwe; ngan iye' ngelalo jaau pala' Iye' ira' uku' ko usun avun iti: "Ayunna sabit-O iti ngan masau, ufan lepek pafi' tukenna masau: Tuman masau ko usun tana' lepek sak." 16Ngan Iye' ya' uku' ko usun avun iti, mengayunkan sabit-A ko usun tana' ngan usun tana' masauna-pa.17Ngan se' use' malaikat ira' se' nai kawang met Lamin sebayang buwe ira' ko Sorga; ngan pala' iye' un se' sabit nyee't. 18Ngan se' use' malaikat ira' se' nai met mezbah; iye' un pengayeng usun apui ngan iye' ngelalo ngan tuyau so pala' malaikat ira' man sabit nyee't iti, daau-A; "Ayunna sabit nem ira' nyee't iti n gan utun bua'-bua' puun anggur ko usun tana', ke bua'-a lepek sak."19Sulo malaikat iti mengayunkan Sabita iti ko usun tana', ngan mupet bua' puun anggur ko usun tana' ngan menulo-a ko dalem kilangan jaau, yaiti murka Allah. 20Ngan bua'-bua' anggur iti ko kilang ko awang kota ngan met kilangan iti nai matung daa', mpau-a pafi' ke kekang kuda ngan su'-a due' ato mil.
Chapter 15

1Ngan aki' menaat se' ineu kedana' ira' se' ko langit, jaau ngan malap; tusu' malaikat ngan tusu' taru ko'o, ufan ngan iti ko'o na murka Allah.2Ngan aki' menaat se' ineu kebaan laut kelingai pekelet apui, ngan ko' sare' laut kelingai iti nekedeng kelunan-kelunan ira' lepek mengala sen iti ngan udo'-a ngan bilangan ngaran-a. Pala' ire' un sampe' Allah.3Ngan ire' mengentau kentau Musa, hamba Allah, ngan kentau Anak Domba, tuyau-a. "Jaau ngan ajaib ketu' gayeng-O, ya Tuhan, Allah, ya' Mahakuasa! Adil ngan lan ketu' janan , ya Pengaren ketu' lebu' jaau! 4I' nce'un takut, ya Tuhan, ngan ira' nce'un pempau ngaran-O? Tuman Iku' lu' ya' buwe'; ketu'lebu' jaau ke nai ngan muup tunuk Iku', tuman lepek tula' lan ketu' penghakiman-O.5Neng o met pala' iti aki' menaat kelunan mesik Lamin sembayang buwe' Kemah kasaksian ko Sorga. 6Ngan ketusu' malaikat ngan ketusu' malapetaka iti, kawang met Lamin sebayang buwe' un sapai lenan ira' puti buwe' ngan berkilau-kilauan ngan usuka keliteng beteng seluen met emas.7Ngan se umet keepat sen iti mencai pala' ketusu' malaikat iti tusu' mok met emas ira' sangan soon murka Allah, yaiti Allah ira' murip pafi' nyainn-nyaina. 8Ngan Bait Suci iti sangan sap ufan peniga Allah ngan ke pengayeng-A, ngan se' use' pa nce'un sinteng tai kudalem Lamin sembayang buwe' iti, kena ketai koo ketusu' Malapetaka met ketusu' malaikat iti.
Chapter 16

1Sulo e' sekening se tuyau ya' so nai kawang umet Lamin ya' atek bue' iti, pisiu pala' tusu' ra malaekat biti, " Tai na ngan muving na ku' usun tana' ti tusu' da cawan murka Allah iti."2Malaekat ya' aring-aring iti tai muving cawan na ku' usun tana'; nenga na kenai bengo' ya' pina' ngan petuyen ketu' kelunan ya' un kedana' sen ngan ya' tunuk pala' udoq.3Sulo ketai malaekat ya' kedue ti muving anun na ku' usun laut ti; sungai laut ti tai pekaliu daa' kelunan matay, neng iti matay singket sen ira' murip ku' dalem laut ti.4Malaekat ya' ke teleu muving anun na ku' sungai-sungai ngan ketu' mate sungai, sulo sungai a pekaliu daa'. 5Neng iti E' sekening daau malaekat ya' un pengaren usun sungai iti pisiu," Adil O', Iku' ya' un ngan lepek un, Iku' ya' bue', ye ufan na Iku' ya lepek pelabu' hukuman ini. 6Ye ufan na ire ya' lepek muving daa' kelunan ira' bue' atay penaway ngan nabi-nabi Yo', ngan Iku' lepek mencay daa' kume ire ke medu'a; puyan inye siu' ta pala' ire." 7Sulo E' sekening daau mezbah iti mipa, " Aa' Tuhan Allah, ya' un kuasa usun ketu' se ineu ni, pengadilan No' atek lan ngan adil."8Malaekat ya' ke pat iti muving cawan na ku' usun mate dau, ngan kume ye Allah na' kuasa ke pelenyo kelunan neng apui. 9Ire tai lenyo soon pana paang nga ya' dahsyat, ngan ire muto pejaat ngan pesuto' ngaran Allah ya' un pengayeng usun penuyen-penuyen ini, ngan nce un ufa' bertobat ngan nce ufa' pempau pejaau ngaran Na.10Malaekat ya' ke leme muving cawan na ku' usun takhta sen biti, sulo dalem lebu' pengaren ra ku' iti tay mentem. Ire nyemaat jela' ra ufan na sakit ale'. 11Aken ire pejaat Allah ya' ku ' surga ti lawe ufan tegen na sakit ale' ngan petuyen ya' sengarem ale' iti, ngan ire sa' nce ufa' bertobat umet puyan-puyan ra.12Malaekat ya' ke nem muving cawan na ku' sungai jaau, Efrat, sulo sungai ti mengkang, apan na tay un janan kume pengaren-pengaren ira' nay umet base timur. 13O iti e' menaat teleu ra brue jameng ya' kebaan dite saai ra, nai kawang umet ba' alung unan dan umet sen, ngan umet nabi ya' nyelifo. 14Ire ira' brue-brue jaat umet baley jaat ya' uyai kedana'-kedana' ajaib. Sulo ketai ra petegu' pengaren-pengaren umet ketu' usun tana' ke pelepeng ire pengan ke pepatai neng dau jaau Allah ya' pengaren usun ketu' se ineu ni.15"Menaat na ! Aki' kenai ku' kebaan kelasit da ! Bangen taway na i' ya' muto jaga, ya' lemuto un sapai, apan na nce ugai buk ye tai masat ngan nce dura' pesuuk ka ti." 16Sulo ra engkin ire kelepeng ku' se ufan ya' ire kume Harmagedon dalem isiu Ibrani.17Malaekat ya' ke tusu' muving cawan na ku' belua' awang ti. Sulo un isiu ya' so nai kawang umet ya' atek bue' ngan usun pengarenNa, petira', " Lepek na." 18Sulo bekilet, mengiri pa daau langit, engkau ngan liung tana' ya' sengarem- ya' iti liung tana' ya' nce un menuyan lu' pa umet penaring kelunan un usun tana' ini. Mengiti sengaremma liung tana' iti, 19Nenga na lebu' jaau iti tai bese teleu naan, ngan lence na lebu-lebu jaau ira' umet bangsa-bangsa. Nenga na Allah ngetaway neng Babel Jaau, daleu Wa mencai kume lebu iti cawan ya' sangan soon anggur kegeraman murkaNya.20Singket pulau deram tai lenyo ngan murung-murung mengiri pa empey lu tegu' a nuun. 21Usan bateu sengim ya' kase, ngan singket naan baat ta se talenta, nay labu' umet langit mencit kelunan. Aken nye ra sa' pejaat Allah ta usun ra siu usan bateu sengim iti, ye ufan na penuyen iti ale' sengaremma.
Chapter 17

1Se nengaang ketusu' malaekat ira man cawan iti nay pala' aki' ngan pisiu, " Nai na, aki ke bara' kume iku' hukuman usun ledo majen ya' uku' usun ufan kadu' sungai nenga, 2ngan ye pengaren-pengaren usun tana' ini uyai persundalan, ngan ire ira' menemek usun tana' ini tay mafuk soon anggur persundalan na.3Sulo malaekat iti engkin aki' dalem berue tay ku' lasan ait ya' nawa. Ku' iti e' menaat se ledo ya' uku' neng usun sen ya' bala ungu, ya' sangan ngan ngaran-ngaran hujat'. Sen iti un uleu tusu' da ngan sepulu' wengnga. 4Ledo iti nyelibung api ungu kermisi ya' kelayen na emas, bateu-bateu permata ngan mutiara. Neng usu' a man cawan umet emas, sangan ngan ketu' kekejian ngan kenajisan percabulan na. 5Neng anang nga un nyurat se ngaran ya' dulu nce tisen penyelemma: " Babel jaau, sinen umet ledo-ledo majen ngan umet kekejian usun tana'."6Sulo e' menaat ledo iti mafuk soon daa' kelunan-kelunan nce un penyala' ngan daa'-daa' sahid-sahid Yesus. Daleu E' menaat ye, malap ale' E'. 7Sulo malaekat iti pisiu aki' ," ineu wo' ke malap? Aki' kebara' kume iku' ineu makna umet ledo iti ngan mengiri pa umet sen ya' ufan na nekedung iti, sen ya' un uleu tusu' da ngan weng nga sepulu'.8Un na sen ya' iku' lepek dite iti, ya' ufan lepek un, sulo wa nce un noo, aken ye kenai tula' poo umet ngap ya' nce ileu tisen kura dalem ma, o iti sulo taa ke pala' kebinasaan. Ire ira' menemek usun tana', yaiti ire ira nce un ngaran dalem kitab pengurip umet taring usun tana' ini tay nuyan, ire ke malap buk ke kedite sen iti lepek ufan un umet kena, aken taa nce un noo, ngan kenai dura' lee poo.9Nenga pengufa' lu un penisen ya' un penue. Tusu' uleu iti se petuso' tusu' ra murung ufan uku' ledo iti da. 10Mengiri pa tusu' uleu iti kedana' tusu' ra pengaren. Leme ra lepek labu, ya' se iti un tia ngan ira' se mpei ra nai lu' puun, ngan buk ye kenai, kenaa jaki' lu'.11Sen ya' ufan lepek un ngan na' kini nce un noo, ye tia pengaren ya' ke aye, ye tia' un dalem usap ke tusu' sen biti ngan ye ya' tai pala' kebinasaan.12Se pulu' weng ya' lepek iku dite iti kedana' se pulu' pengaren, ya' nce menaring memerintah lu' pa, aken se jam nyain ra ke ala' pengayeng seleket pengaren, kua' sedingan ngan sen biti. 13Ire ke se lu' kimet ngan isiu dalem ke mencai pengayeng ngan kekuasaan ra pala' sen iti. 14Ire ke sepatay ngan anak Domba. Aken anak Domba iti ke pesupe ire, ye ufan na ye iti Tuhan neng usun ketu' tuen ngan pengaren neng usun ketu' pengaren, ngan ira' pemung sedingan Ye yaiti ire ya' un tebay, ya siu' penile' ngan ya' setia.15Sulo malaekat pisiu aki', " ketu' sungai ya' lepek iku' dite, ku' empey ledo majen iti uku', yaiti umat ngan kelunan kadu' ngan lebu' jaau ngan isiu ra.16Se pulu' weng ya' iku' lepek dite ngan sen iti ke mi'et taway neng ledo majen iti. Ire ke uyai ye lengiyeu ngan ugay, ire ke uman sei a ngan menutung ye neng apui. 17Ye ufan na Allah ti lepek na' dalem atay penaway ra pengaseng ke tey pengufa' A, iri a se lu isiu ngan kimet ra ke mencay kekuasaan ra kume sen iti, pafi ketu' katuk isiu bue' Allah ti tipo.18Ledo ya' lepek iku' dite iti se lebu' jaau ya' ke engkin dulu usun pengaren-pengaren usun tana' ini.
Chapter 18

1Lepek puyan-puyan ini, aki menaat se malaekat ira' se nay kenta' umet surga. Ye un kekuasaan ya' jaau ngan ketu usun tana' ye ke ngedema soon peniga A. 2Ye ke ngelalo ngan tuyau ya' so, " lepek mapi', lepek mapi', Babel, lebu ya' jaau iti, ye lepek baliu ufan berue-berue jaat, ufan berue-berue najis, ngan ufan manuk ira jameng ngan sigut ale'. 3Ketu' bangsa lepek medu' anggur ya' engkin ileu ufa' kepesifuk ya' lepek engkin kegeraman pala' ye. Pengaren-pengaren usun tana' lepek tay pesifuk ngan ye. Pedagang-pedagang ku' usun tana' lepek nai kaya' soon kemewahan pemuyan urip pa.4O iti E' sekening daau se isiu umet surga ti pisiu, " kawang na umet ye, iku' ya' baya' Aki', apan no' nce tay baya' dalem penyala'-penyala' a, ngan apan no' nce tay lepuk malapetaka-malapetaka ya' ye ke siu' iti. 5Penyala'-penyala' a lepek tay petapen pafi' ku' langit, ngan Allah lepek ngetaway pemuyan-pemuyan na ira' jaat. 6Menyua' na pala' ye, kua' kebaan na menyua' a, ngan bayan na due luway sui' o neng ufan na pegayengnga. Ineu ya' ye lepek pesugau dalem cawan, pesugau na kume ye due luway un nco sui'.7Neng ufan na maak use a tengen ngan murip un nco sui, mencay na kume ye penuyen ngan mapi taway ya' kua' kebaan puyan na. Ye un dalem atay a ti, "Aki ini uku' kebaan pengaren; mpey ye' se baleu un, ngan aki pelee mpey ye' ketay dite penusa un." 8Neng mengiti o un se dau ufan na kesiu penuyen-penuyen ya' kenai mepuk ye: maut, tange ngan liyen. Ye ketay lenyo soon apui, ye ufan na Tuhan Allah iti berkuasa, ngan Ye pa Hakim ma.9Pengaren-pengaren usun tana' ira' lepek ufan uyai pekufek ngan ye ngan murip nce un tepuun ke menange ngan menyirau ye buk ke ire menaat ang apui iti menutung ye. 10Ire ke nyelada umet su' ye ufan na takut siu penuyen na, entung ra pisiu, "Se ineu bareng ini, penaru na lebu' jaau, Babel, lebu' ya' mayeng! Ye ufan na ke se jam lu' lee penghukuman no' kenai pafi'."11Ketu' ira' pebeley ku' usun tana' ini ke mivi' ye, ye ufan na mpey un kelunan ya' ufa' meneley ineu wa nuun. 12Yaiti ineu-ineu umet emas, perak, bateu permata, mutiara, api' lenan, api' ungu, api' sutra, api' kermizi, ketu' naan ineu ira' umet kayeu tiga bau'a, ketu naan ineu ira' umet uweng tulang, ketu' naan tenup umet kayeu ira' maan, Jangin, uton, pualam, 13Kulit kayeu me, rempah-rempah, wangi-wangian, mur ngan tempak kemenyan, anggur, kelesi', sa' baa, jelay, petubo sapi, kading, domba, kuda, kereta', pafi' use kelunan pa.14Bua'-bua' ira' atek ileu ufa' lepek lenyo umet iku'. Ketu' peniga ngan kebangen no' lepek tay lenyo ngan mpey ketay tegu' a lee nuun.15Ketu' ira pebeley ineu ngan lepek nai kaya' ufan pengufa' a, ke nekedeng umet su' ufan ra takut ke siu' penuyen ya siu' ye, ire kemenange ngan menyirau so so. 16Ire ke pisiu, " se ineu bareng ini, ketaru na lebu' jaau ya' un sapai lenan lanye, api' ungu ngan api' kermizi, ngan kelayen ira' kelekep pa umet emas, permata ira' maan ngan ketu' naan mutiara !" 17Dalem se jam lu' ketu kekayaan biti mpey un se se bangnga nuun. Singket ira' engkin kapen, singket ira' malay ku' laut, ngan ketu kelunan ira' irap urip ra ku' laut, nekedeng ku' su' ti.18Ire ke mengalo daleu ra menaat apui ti menutung ye, un daau wa, " Lebu' ya' mpey lee kua' ngan lebu ya' jaau ini ? " 19Ire parang afeu usun uleu ra, entung ra ngelalo, menange, ngan menyirau, celaka, taru na lebu ya' jaau ku' mpey ketu' kelunan ira' un kapen ku' laut ti nay kaya' soon kekayaan na. Ye ufan na dalem se jam lu' a lepek tay lenyo." 20Bangen taway na neng usun ye, hai surga, hai kelunan-kelunan bue' atay ngan penaway, rasul-rasul ngan ngan nabi-nabi, Ye ufan na Allah ti lepek pelabu' hukuman usun ye ufan soon ikam !"21Neng o iti se malaekat ya' mayeng ala' se bateu kebaan jaau kilangan ni sulo a menulo wa ku' laut, entung nga pisiu , " Mengini na, Babel, lebu' jaau iti, ke tay lenyo ngan sengarem ku' enta' ngan empey lu ketay tegu'a lee nuun. 22Tuyau dulu tey sampeq, pemusik, ira' tey selingut, ngan ira' tey kedireq mpey nuun lu sekening nga noo ku' dalem iku'. Pafi' se pa lu nce dite ufan bua' gayeng ira tue uyay ineu ray ku' dalem iku'. Mpey un lee tuyau dulu menene ku' dalem iku'.23Kedema umet apui mpey kenay lee nuun umet iku', ngan tuyau umet mempelay lakey ngan ledo mpey kenay lebau lee nuun umet iku' ye ufan na ketu' ira' pebeley kume iku' ray pengaren-pengaren usun tana', ngan bangsa-bangsa lepek tay menyala' soon puyan baley jaat to'. 24Ku' dalem ye, daa' nabi-nabi ngan kelunan ira' bue atay penaway ra dulu tegu', mengiri pa daa' ketu' kelunan ira' dulu menatay usun tana' ini.
Chapter 19

1Lepek puyan ini, aki sekening se ineu ku kebaan daau tuyau ya' so umet mpun kelunan kadu' ku' surga, pisiu daau, " Haleluyah. Keselamatan , kemuliaan, ngan kekuasaan, un ngan Allah lu. 2Siu ngan adil ketu keputusan Na, ye ufan na Ye ya lepek menghakimi ledo pajo jaau iray ya' lepek ngejaat usun tana' ngan percabulan na. Ye ya' lepek menyua' Daa' hamba-hamba A ku' usun ledo pajo ya' lepek ufan muvingnga iray.3Ya' kedue luway ya ra pisiu wa, " Haleluyah! asap ya umet ye lepek tay kempau pe seng-seng kasan na. " 4Due pulu' pat pemukok ngan pat ra makluk ira murip iti tunuk nyelima' kimet ra ngan menyembah Allah ya' uku' usun pengarenNa. ire petira', "Amin. Haleluyah!"5Sulo kenay tuyau umet pengaren iti pisiu," Pempau na ngaran Tuhan lu, ikam mung ula'-ula' A, ikam ira takut neng Ye, tiga pira iut mengiri pa ira' jaau ."6Neng o iti e' sekening daau tuyau kebaan daau isiu kelunan kadu', mengempey daau so ung sungai, kebaan daau tuyau ngelelem, pisiu, "Haleluyah! ye ufan na Tuhan ya' engkin usun tana', Allah ya' peteneng ketu neng se ineu ni.7Tiga nilu bangen taway ngan see' taway ngan pempau na ngaranNa ye ufan na pafi na dau wa Pesta Perkawinan anak Domba, ngan mempelay ledo Wa lepek pengan use A." 8Kume ye lepek na pengan kelayen na umet lenan lanye ya' puti bue' ngan ngebelep-ngebelep" (lenan lanye iti se pemuyan-pemuyan ya teneng umet kelunan-kelunan Bue atay ngan Ye).9Sulo malaekat pisiu aki' "Menyurat na ini: Bangen taway na ira' ire bay ku' pesta perkawinan Anak Domba iti." Ye pa bara kume aki', "Ini tira ya' lan umet Allah." 10Sulo e' tunuk nta' taket Ta nyelima' pala' Ye, aken ye pisiu aki', "Mo' uyai puyan menginye dite! Aki ini ula', kua' kebaan iku' ngan senganak-senganak ko, ya' man tebara' neng jo Tuhan Yesus. Tunuk na Pala Allah, ye ufan na tebara' jo Tuhan Yesus ya' iti umet brue Penuyan."11Sulo e' dite surga ti nay pesik nenga menaat se kuda puti'. Ye ya ngedung usun ye un ngaran ya' muto baya ngan ya' siu. Ye mengukum ngan adil ngan tay pepatay. 12Mate A, ku' kebaan maang apui ngan usun uleu Wa, kadu' kedana urip tiga. Neng Ye un menyurat ngaran ya' se kelunan pa nce un tisen, bang ye tengen lu' tisen na. 13Ye un jubah ya' lepek mesep neng daa' ngan ngaranNa Firman Allah.14Ketu' pasukan ku' surga ti baya' Ye ngan mengedung usun kuda puti' ngan un sapai lenan lanye kareng putih ngan bue'. 15Umet ba'A nay se malat ya lerip, ya' kepetakut ketu naan bangsa ngan ye ke memerintah ngan utang uton. Ye ke sut lisung anggur ya ufan Allah ti nay buteng. Pengaren usun ketu' ineu ni. 16Ye lepek menyurat usun jubah A ngan neng suung nga se ngaran: " Pengaren neng usun ketu' naan pengaren ngan Tuhan neng usun ketu' Tuhan."17Sulo e' menaat se malaekat nekedeng dalem mate dau. Ye pisiu ngan ngelengap pala ketu' manuk-manuk ira marang ku' empau ti," Nai na ngan kelepeng ku' ini ngan dalem perjamuan jaau Allah. 18Nay na uman sey ketu' pengaren ngan sey ketu' pengakang ngan ketu' sey pahlawan ngan sey ketu' kuda ngan sey mung ira' mengedung usun ire ngan seymung kelunan, tiga pira merdeka mengiri pa ula', tiga pa ira' iut mengiri pa ira' jaau."19Sulo e' dite sen ngan pengaren-pengaren ku' usun tana' pumung ngan pasukan seladu', ire lepek kelepeng ketay sepatay ngan kelunan ira' mengedung usun kuda ngan pasukanNa. 20Sulo ra menakep sen iti sedingan ye nabi ya' nyelivo, ya' lepek uyai kedana neng ata jume a apan na menyala' ire ya lepek ala kedana' umet sen iti ngan lepek tunuk pala' udo' a. Mung due ire parang murip-murip ku' usun poon apui ya' maang ngan belerang.21Mung kelunan ira' se ye menatay neng malat ya' nay kawang umet ba' kelunan ya' usun kuda iti, ngan mung manuk beso soon sey ra.
Chapter 20

1Sulo e' dite kenay se malaekat kenta' umet surga, ye man kunci' ngap ya' dalem ma mpey lu tisen kura a un ngan mengiri pia man avit jaau neng usu' a. 2Ye menakep alung unan iti, ncung ulay mukon, yaiti baley jaat ngan setan ngan mengaput ye neng avit pafi selibu uman. 3 Ye menulo a ku' dalem ngap ya' dalem ale' iti, sulo wa mekep pa ngan ngedana' a. Ini ye tey apan na nce pelingeu' lebu' jaau neng kena se libu uman iti kemoo. Neng o iti ya ke lesu' neng awangnga keduut da.4O iti aki' dite tahta-tahta. Ire ira' uku' usun tahta-tahta biti ira' lepek ala ncay kekuasaan ke menghakimi. Aki pa lepek dite use-use kelunan ira ire lepek mupet uleu ra neng ufan ra nebara Yesus ngan katuk bue' Allah. Ire kelunan ira' nce un tay tunuk pala' sen iti ngan udo' a, ngan ire lepek menyekang nce ufa' ala' kedana' anangnga ngan nce usu' a. Ire nay murip peluwet ngan memerintah ngan Kristus seng kasan se libu uman.5Kelunan -kelunan ira' matay ira' se mpey ra murip peluwet un neng kena se libu uman iti ketay moo. Ini ya kebangkitan aring-aring. 6Bangen taway na ngan bue' na atay penaway ira ala' tulat dalem kebangkitan aring-aring. Kebangkitan ya' ke due mpey un berkuasa usun ire nuun, aken ire ke ketay jadi imam-imam Allah ngan Kristus, ngan ire kememerintah sedingan ngan Ye seng kasan se libu uman.7Neng ketay koo se libu uman iti o, Baley jaat biti ke nay kawang umet lamin sepen. 8Sulo ketaa nekalok ketu' kelunan ku pat da bese usun tana' ini- Gog ngan Magog- ke ngelepeng ire ufan ra ketay kesepatay. Usap ra kebaan kadu' ait ku' laut ti.9Neng iti na kentay ra sukung usun tana ini ngan tay mengepung pengelebu' kelunan-kelunan ira' bue atay penaway, lebu' ya' Ye lesau iti. Aken un apui ya' nay umet langit iti ngan pelenyo ire. 10Baley jaat ya' nay nekalok ire rai sulo ra bet ye ku' poon ang apui iti ngan belerang, ku' ufan sen ngan nabi ya' nyelifo iray dulu bet. Ire ke siu penuyen daleu ni ngan mengiri pa maau pafi' ketay ketay koo a.11Sulo e' dite se tahta ya' puti' ngan jaau ngan Ye ya' uku' usun na. Usun tana' ngan langit lepek lenyo umet jume A, aken mpey lu tay tegu kempey ti ufan na. 12Sulo tee' dite kelunan-kelunan matay - jaau ngan iut - nekedeng ku' jume tahta, sulo ra mesik kitab-kitab. Sulo mesik se kitab ira' se- yaiti kitab kehidupan. Kelunan-kelunan ira matay iti siu hukum neng ufan puyan ra, kebaan ineu ya' lepek menyurat ku' kitab-kitab iti.13Sulo laut ti mencay kelunan-kelunan ira matay dalem ma. Maut ngan Hades mencay kelunan-kelunan matay dalem ma, ngan kelunan-kelunan matay biti siu' mukum kebaan ineu puyan ya' lepek ire uyai. 14Sulo Maut ngan Hades ti Ye bet ku' dalem poon ang apui. Ini na kematian ya' ke due- lautan apui. 15Singket kelunan ire nce un ngaran ra dalem kitab kehidupan iti, ye dulu ke bet ku' empun poon ang apui iti.
Chapter 21

1Sulo E' menaat ku' langit ya' bileng ngan usun tana' ya' bileng, ye ufan na langit ya' aring ngan usun tana' ya' aring lepek tay lalau, ngan laut se mpey un nuun. 2Sulo e' menaat lebu' bue', Yerusalem maring, ya' nay kenta' umet surga, umet Allah, ya mengelayen ku' kebaan mempelay ledo ya pengan kume lakey a.3Aki sekening daau tuyau umet tahta ya pisiu mengini," Menaat na, ufan penemek Allah un nengaang belua' kelunan, ngan Ye ke menemek ngan ire. Ire ke jadi umat Ta ngan Allah ti tengen un ngan ire ngan Ye tia' ke jadi Allah ra. 4Ye ke menasa lunu' singket mate ra, ngan mpey ke un lee kelunan matay, ngiri pa perkabungan, tiga pa tange, kelesau, ye ufan na ketu' ineu ira nyain iti da lepek lalau na.5Sulo Ye ya' uku' usun tahta petira', " Menaat na ! Aki' ke uyai ketu' ineu ni maring !" Sulo A pisiu, " Nyurat na, ye ufan na ketu' ineu ya' tira E' ini sinteng ikam mengelan ngan siu." 6Ngan Ye pisiu pala' aki', " Mung nga lepek nuyan ! Aki' ta Alfa ngan Omega, Ya penaring ngan ya koo baya'. I' ya muang Aki' ke na' medu' tua'-tua kume ye umet mate sungai pengurip.7I' ya ' menang ke menganun ketu' ira' ini, ngan Aki' ke jadi Allah a, ngan ye ke jadi anak Ke'. 8Aken pala' ire ira' menikep, ire ira' nce un pengelan, ire ira' keji, ketu' ira' menatay, kelunan-kelunan pajo, tukang keda, mengelan pala' amen ngan mung ra' pebaka', ufan ra ku' dalem poon ang apui ya maang ngan belerang. ini nia' kematian ke teleu wa."9Neng o iti se umet ke tusu' malaekat iti nay pala' aki' yaiti ye ya' engkang tusu' cawan ya' dalem ma tusu' penuyen, sulo a pisiu," Nai na ku' ini. Aki' ke menuso kume iku' mempelay ledo, pengantin Anak Domba." 10Sulo dalem roh taa engkin aki' ku' se murung ya' jaau ngan mpau nenga nia pedura' kume aki' lebu' ya' bue', Yerusalem, nay kenta' umet surga, umet Allah.11Yerusalem iti sangan ngan kemuliaan Allah, ngan gemerlap pa kebaan permata ira' atek tiga, kebaan permata Yaspis ngan mening kebaan kristal. 12Enting nga jaau ngan empau, bamen gerbangnga due sui' pulu', ngan singket bamen gerbang nga iti un due sui' pulu' malaekat. Un singket bamen biti un surata ngaran kedue sui' pulu' lebu Israel. 13Ku' base timur un teleu ra bamen gerbang, base utara teleu bamen gerbang, base selatan teleu ra bamen gerbang, ngan base barat teleu ra bamen gerbang.14Neng enting saang lebu' iti un due sui' pulu' suka' lasen ngan usun na un surat due sui' pulu' ngaran umet due sui' pulu' rasul Anak Domba iti. 15Sulo ye ya petira' kume aki' engkang utang pengukur lebu' iti, bamen-bamen gerbang nga ngan enting nga.16Lebu jaau iti pat persegi, daru' a kua' ngan berang nga. Sulo a mengukur lebu jaau iti neng utang pengukur iti : Due sui' pulu' libu stadia daru' a; daru' a ngan berang nga ngan empau wa kua. 17Ye pa ya' ukur enting nga, se ato pat pulu' pat hasta kapan na, kebaan ukuran lu kelunan; kua' ta kebaan ukuran malaekat.18Enting saang nga ire uyai umet permata yaspis ngan lebu jaau iti tengen ire uyai umet emas, ku kebaan kelingai ira tening. 19Lasen-lasen suka' a un hiasan ketu' naan bateu ira' maan. Ya' aring nga bateu yaspis, ya' kedue bateu nilam, ya' keteleu bateu mirah, ya' ke pat bateu zamrud. 20Ya' ke leme bateu unam, ya' ke nem bateu sardis, ya' ke tusu' bateu ratna cempaka, ya' ke aye bateu beril, ya' ke pien bateu krisolit, ya' ke se pulu' bateu krisopras, ya' ke se sui pulu' bateu lazuardi ngan ya' ke due sui' pulu' bateu kecubung.21Due sui' pulu' bamen gerbang iti due sui' pulu' mutiara. Singket gerbang biti umet mutiara. Janan-janan dalem lebu jaau iti umet emas ku' kebaan kelingai tening. 22Mpey E' dite Lamin Sembayang dalem lebu' jaau iti, ye ufan na Allah, Tuhan ya' menganun usun ketu' ineu ngan mengiri pa Anak Domba iti seleket lamin sembayang nga.23Lebu' jaau iti mpey ya teri' un mate dau ngan bulan ke ngedema ye un, ye ufan na kebue' Allah ti ya' ngedema a, ngan Anak Domba iti seleket apui a. 24Bangsa-bangsa ke tay masat dalem nta' kedema a. Pengaren-pengaren ku' usun tana' ke engkin peniga ra ku' dalem lebu jaau iti. 25Bamen-bamen gerbang nga mpey ra ke mekep pa un singket dau ni, ye ufan na mpey un maau ku' iti lee nuun.26Ire ke engkin peniga ngan kehormatan bangsa-bangsa ku' dalem lebu jaau iti, 27Ngan mpey ke un ineu ya' jameng ketay dalem ma. Ngan lee mpey ke un kelunan ira ke uyai kekejian ngan pelingeu nay ke dalem un, masa' bang ire ira un ngaran dalem kitab kehidupan Anak Domba iti lu.
Chapter 22

1Sulo malaekat iti menuso' kume aki' sungai kehidupan, sungai a tening kebaan ku' kebaan kristal. Sungai iti naa kawang umet tahta Allah ngan tahta Anak Domba iti 2mengalo ngalang belua' janan lebu jaau iti. Pipa bengaay sungai iti, un puun inan kehidupan ya' ngebuah due sui' pulu' naan bua', ngan puun bua' iti ngebua' singket bulan. Tung bua' iti ire uyai taban puat bangsa-bangsa.3Mpey ke un kutuk ku' iti lee. Tahta Allah ngan tahta Anak Domba ke un ku' dalem ma, ngan ula'-ula' A ke melayani Ye. 4Ire ke menaat silungNga ngan ngaran Na keun menyurat neng anang ra. 5Maau mpey ke un noo ku' iti; Mpey ra ke teri' irap apui kedema ngan ngiri pa dema mate dau iti, ye ufan na Tuhan Allah ti ya' ke ngedema ire. Ire ke memerintah seng kasan na.6Sulo malaekat iti petira kume aki'," Isiu-isiu ira' ini sinteng ileu mengelan ngan lan ale', Tuhan, Allah ya mencai brue pala' nabi, lepek mengutus malaekatTa soon kemenuso' kume ula'-ula' A ineu ya' ke tadap kemenuyaan." 7"Menaat na! Aki' kenay loo! Bangen taway na kelunann ira lemuto baya' katuk isiu ya' bue' iti.8Ngan aki' ini Yohanes, ya' lepek sekening ngan menaat ketu' puyan ira' iti. O e' sekening ngan menaat ketu' ira' iti, sulo e' muup tunuk neng jume taket malaekat ya' lepek menuso' ketu' ira' iti kume aki', ngan tunuk Ye'. 9Aken un daau wa kume aki'," Mo' menginye dite! Aki' ini se ula' kua' kebaan iku na ngan senganak-senganak-Ko', ketu' nabi, ngan ketu' ira baya' daau isiu bue' kitab ini. Tunuk ngan pempau na Allah.10Sulo a pisiu aki'," Nyen memeteraikan tira'-tira nubuatan kitab ini, Ye ufan na taa ke dani' tuken na ni ni. 11I' ya nce siu' puyan na, ineu pia uyai ineu ya' nce teneng. I' ya' cemar, ineu pia tay penco cemar, I' ya teneng, ineu pia uyai puyan ya' tiga ngan teneng. I' ya' bue' atay a, ineu pia lemuto bue' pengurip pa."12Menaat na! Aki' kenay loo lu'. Aki' ke engkin sedingan aki' Tunang Nge, ufan ne' menyua' singket kelunan neng ufan puyan ra. 13Aki' ta Alfa ngan Omega, ya' aring-aring ngan ya' koo baya', ya' aring ngan ya' baya'."14Bangen taway na ire ira' lepek mui' sapai ra; ire ke un tulat penguman umet inan kehidupan ngan tay kedalem lebu' jaau umet bamen-bamen gerbang Nga. 15Aken un aseu-aseu ngan ira' man keda, kelunan-keluna pajo, ira' menatay dulu, ira mengelan ngan tunuk pala' baley jaat, ngan singket kelunan ira' ufa' pebaka' ngan muto uyai a, ku awang ra.16Aki', Yesus, lepek mengutus malaekat Te' ke nebara' jo ketu' mung nga ini pala' iku' kume jemaat- jemaat. Aki' ta uno puu' Daud, Bettuen umet timur ya' dema ku' se ineu ra.17Roh ngan mempelai ledo iti petira," Nai na ! " I' ya' sekening nga, tiga tia pisiu, "Nai na !" I' ya' muang tiga tia nay, ngan i' ya' ufa', tiga tia ala' sungai kehidupan ngan tua'-tua lu'.18Aki' ke nebara' kume i' ya' sekening daau isiu katuk bue' ini. Buk ke un se kelunan ya kemepit se ineu dalem isiu-isiu ini, Allah ti ke mepit pala' ye penuyen-penuyen ya' un menyurat dalem kitab ini. 19Buk ke un se kelunan ya' mengefe' se ineu umet isiu-isiu pemuyan dalem kitab ini, Allah ti ke ala' tulat ta umet inan kehidupan iti ngan lebu' jaau ya' bue', ku' kebaan ya' lepek menyurat dalem kitab ini.20Ye ya Nebara' jo ketu' ira ini, Nebara' Katuk ya bue'," Aa' ! Aki' kenay loo lu'. "Amin ! Nay na, Tuhan Yesus ! 21Tebelom lu anugerah umet Tuhan Yesus ti muto muyang ikam mung. Amin.