To view a copy of the CC BY-SA 4.0 license visit
http://creativecommons.org/licenses/by-sa/4.0/
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
Philippians
11Umet Paulus ngan Timotius, ira' pekalai ngan Kristus Yesus, pala' ketu' kelunan bue' murip dalem Kristus Yesus ku' Filipi, ngan mung ira' pegayeng kume jemaat ngan jok unut. 2Pengelesau ngan see' tawai ngan tiga murip umet Allah, Amai lu, ngan umet Tuhan Yesus Kristus muyang ikam.3Aki' bara' bangen ngan tiga taway pala' Allah e' singket luwai ye' ngetawai ikam. 4Ngan singket luway ye' sebayang kume ikam mung, aki' lemuto sebayang ngan bangen taway. 5Aki' bara bangen taway ye' pala' Allah- e' neng ufan pebeke tawai nem dalem pigay isiu Tuhan umet dau penaring pafi na' kini. 6Dalem puyan ini aki' mengelan ale', yaiti Ye ya' menaring gayeng ya' tiga nengaang ikam, ke metuk ka pafi' pe tuken dau kenay Kristus Yesus .7Atek mengiti lan ta kimet te' pala' ikam mung, ye ufan na ikam un dalem atai ye', ufan na ikam mung un ala' tulat dalem pengelesau Tuhan ya' lepek Ye nai kume aki', tiga pa daleu we' siu' sepen, mengiri ta daleu we' mala' ngan nebara' isiu Tuhan . 8Ufan na Allah ti ya menaat aki', ngempei ye ngan pengelesau dalem Kristus Yesus menawai ikam mung.9Ngan ini na sebayang nge', apan na pengelesau nem nai un nco sui' dalem penisen ya' lan ngan dalem ketu' naan penisen, 10apan iri nem senteng menile' ineu ya' tiga, apan nem bue' ngan nce un penyala' neng kena dau Kristus, 11sangan ngan bua' peneneng ya' Yesus Kristus uyai kume peniga ngan pempau Allah.12Pengufa' e', senganak-senganak, apan iri nem tisen, ineu ya' tai nuyan usun aki' ini lepek engkin se kaliu ya' un nco tiga dalem isiu Tuhan, 13neng ufan iti lepek tula' pala' ketu' lamin pengaren ngan ketu' kelunan ira se, ufan na aki tay sepen ufan koon Kristus. 14Ngan kadu' senganak dalem Tuhan lepek un pengelan neng ufan ne' tay sepen apan na un nco makang kepetira' neng jo isiu Tuhan Allah ngan nce un mentam.15Un ira' tai nebara' Kristus neng ufan ra miet kimet dan peselikut, aken na' pia ngiti un ta ira' tay pigai isiu Wa ngan kimet ya' tiga. 16Ire ini tay pigai isiu Tuhan Yesus Kristus ufan pengelesau, neng ufan ra tisen, aki un ku' ini ke mala' kebue' isiu Tuhan, 17aken ira' se neng ufan ra peteneng pengufa' ra tengen ngan sedep ya' nce un tiga, ire kekume neng ufan na mengiti ke ngebaat lempin ne' dalem lamin sepen.18Aken mpei ineu a un, ye ufan na na' pia menmgempei, Kristus ti ileu nebara', tiga pa dalem kimet ya' baka ngan mengiri pa dalem ya' teneng. Neng jo iti aki' bangen taway. Ngan aki' ke muto bangen taway. 19Neng ufan ne' tisen, neng ketay koo ketu' ira' ini yaiti usun tiga pengurip pe' koon sebayang nem ngan pengelesau Roh Yesus Kristus20Ye ufan na ya' atek aki' menawai ngan nebelom yaiti aki' dalem ketu' pemuyan mpey ye' tay see, kerbaan menaa' da, mengiri ta na kini, Kristus ya' tula' ngan lan ileu pempau dalem pengurip pe', mengiri pa dalem patay ye'. 21
22Aken buk ke aki' sa' murip ku' usun tana' ini, iti dite tuk aki' ke pegayeng apan ngebua'. neng usun iti ya' empei aki' atek ke menile, empei ye' tisen un. 23 Aki' tay pejen umet due naan: aki' ufa' ketai ngan pumung ngan Kristus--iti ya' atek un nco tiga. 24Aken un nco tiga murip ku' usun tana' ini ufan kume ikam.25Ngan dalem pengelan ini tisen nee': aki' ke payan ngan pumung murip ngan ikam mung lee apan nem nay un nco, ngan bangen taway dalem pengelan, 26Iri apan na peniga nem dalem Kristus Yesus nay un pit ufan koon aki', buk ke aki' nai ngeluet pala' ikam.27Iri lu' -a, tiga na pengurip nem kua' ku' kebaan isiu Kristus, apan na, buk ke aki' nay aki' dite, ngan buk ke aki' nce nai aki ke sekening, ufan nem mayeng nekedeng dalem se berue, ngan se atay penaway nengayet pegayeng kume pengelan ya' nay musang umet tebara' isiu Tuhan,28Ngan nce un se mentam dite kenai liyung umet ayau wo'. Tuk ire mung ira' iti se kedana' patai, aken pala' iku' se kedana' pengurip tiga, ngan iti nai ya umet Allah. 29Ufan na kume ikam un pengencai Tuhan empei ya' bang mengelan pala' Kristus lu' un, aken pa ufan lu ke tuyen kume Ye. 30Dalem penuyen ya' kua' kebaan ya' aring da ikam naat pala' aki', ngan ya' na' kini ikam sekening neng jo aki'.21Neng ufan dalem Kristus un katuk, un penyalau ya' lesau, un pebeke tawai Roh, un pengelesau ya' tiga ngan selum taway, 2neng Ufan na mengiti pedekep bangen taway ye' ngan ini: tiga taam se atai se kimet, dalem se pengelesau, se penaway, se tuso',3ngan nce un tay kanye pengufa' tengen ngan buk ke nce maak ya' nce un bang nga. Ya' tiga-a nyelima' na ngan liba' tawai se use pala' ira' se sui neng o use a tengen, 4ngan nyen un singket-singket batang use bang kepeteneng pengufa'-a tengen, aken pala' kelunan ira' se pa.5Tiga taam dalem nem murip pumung, bara' kimet ngan penaway ya' un kebaan dalem Kristus Yesus, 6ya' ineu pia dalem kebaan dite uyo Allah, nce un pekio' kua' ngan Allah iti seleket anun na ya' atek ye ke menganun. 7na' pia lepek ngelangan use A tengen na, ngan nay nyelifo ku' kebaan se ula', ngan baliu nuyan kua' ngan kelunan. 8Ngan dalem sengkasan na kebaan kelunan, Ye lepek nyelima' taway Ya ngan tunuk pafi' taa matai, mengiri ta pafi' taa matai ku' kayeu salib.9Iti na tuman na Allah menco' Ye ngan mencai kume Ye ngaran ya' un nco base empau neng ketu' ngaran. 10Apan na dalem ngaran Yesus tunuk nengkalep ketu' ya' un ku' langit ngan ya' un ku' usun tana' ngan ya' un ku' base nta' tana', 11ngan ketu' jela' petira': "Yesus Kristus Ye ta Tuhan," kume peniga Allah, ya' Amai lu.12Senganak-senganak ke' ya' aki' lesau, ikam lemuto tunuk ngan tudep; neng ufan na mengiti muto na pegayeng pengurip nem ya' bue' ngan mentam ngan tangen, mpey ya kebaan daleu we' sa' un daleu ikam, aken un nco pa na' kini daleu we' nce un ngan ikam. 13Ufan na Allah ya' pegayeng nga dalem ikam tiga usun pengufa megiri ta pegayeng baya' usun pengufa' A.14Uyai na ketu' ineu ngan nce un mengueng ngan pesakat, 15apan nem nce un see ngan nce un mano seleket anak Allah neng daleu kelunan ira' kileng atai-a ngan ya' lingeu ini, apan na ikam un kedema nengaang ire ku' baan bet'tuen-bet'tuen ku' usun tana'. 16Entung engkang pala' isiu Tuhan ya' murip, apan ne' sinteng un peniga neng tuken dau kenay Kristus, ye ufan na mpey ufan ne' jafa' ka pasa ngan nce un jafa' ufan ne' ka pami' ngan nengayet.17Aken na' pia daa' e' petite pala' pengencay ngan sembayang usun pengelan nem, aki' bangen taway ngan aki' bangen taway ngan ikam mung. 18Ngan ikam se atekka bangen taway baan mengiti ngan bangen taway na ngan aki'.19Aken dalem Tuhan Yesus aki' petadap soon Timotius nay pala' ikam, apan iri tadan lu' tegen tawai ye' soon denge neng jo pengurip po'.. 20Neng ufan na nce un i' ngan aki', ya se atai ngan se kimet ngan aki' ngan ya' lan-lan menaat dite pengufa' nem; 21Ye ufan na mung ra irap pengufa' ra tengen, empei ya usun pengufa' Kristus Yesus un.22Ikam tisen ufan penudep pa lepek lalau dalem penesek ngan neng ufan na lepek mebo aki' dalem gayeng nebara' isiu Tuhan kua' ku' kebaan se anak mebo tamen na. 23Ye aki' nebelom aki' kekateu ngan petadap, neng o tugen pala' aki' mengempey asat pekara' e'. 24. Aken dalem Tuhan aki mengelan, ye ufan na aki tengen ke palet kenay.25Neng kena iti aki' soon Epafroditus kume ikam, yaiti senganak ke ngan tuyang se gayeng ngan penuyang nge', ya' ikam soon ke mebo aki' dalem pengufa' e'. 26Ye ufan na ale'-a menawai neng ikam mung ngan maru pa atai ya, lawe ufan nem sekening daau wa mua. 27Atek lan tia mua ngan dani kematai, aken Allah ti lesau ye, ngan empei ye lu' un, mengiri tee' pa, apan na tusa kimet te' nce un nai mepit.28Nga tee' ngepalet soon ye, apan iri daleu nem menaat ye, ikam sinteng nay see' taway lee ngan ngedoot tegen jaat taway ye'. 29Neng nga mengiti nyalam nia dalem Tuhan ngan ketu' tiga taway ngan tunuk na pala' kelunan-kelunan ira' ku baan ye na. 30Lawe ufan na pegayeng kume Kristus ye dani kematai ngan ye mencay brue-a ufan na kepetipo ineu ya' sa' tepe dalem gayeng nem pala' aki.
31Nengkoo a senganak-senganak ke', tiga taway na dalem Tuhan. Menyurat puyan ira' ini lee kume ikam empei baat tuk aki' un ngan na' kedana' kume ikam. 2Tu'e lu' na pala' ira' baan puyan aseu, tue lu' neng kelunan ira' pegayeng ya' jaat, tue lu' neng kelunan ira' baka' ngan nce mengelan. 3Ye ufan na ileu ta kelunan-kelunan ira' mengelan, ya' tay tunuk pala' Tuhan ufan soon Roh Allah, ngan un bangen dalem Kristus Yesus ngan nce un ngelan pala' pemuyan kimet kelunan.4Na' pia un tegen ukan ne' ke mengelan n eng ineu-ineu ira' un ku' usun tana' ini. Buk ke un kelunan ira' se pekiyo' sinteng mengelan pala' puyan-puyan usun kimet kelunan ira' usun tana' ini, un nco sui' pe-e' : 5Ire menyunat neng dau ya' ke aye, umet lebu' jaau Israel, umet puu' Benyamin, kelunan atek luung Ibrani , neng jo pen gelan pala' hukum Taurat aki' ni kelunan Farisi,6neng jo puyan aki' ni petuyen ira' mengelan pala' Tuhan, neng jo ya' teneng dalem baya' hukum Taurat empei e' un sala' un. 7Aken ineu ya' ufan met mena-a' da se peniga kume aki, na' kini aki' kume empey un bang nga un ufan koon Kristus.8Ufan ketu' se ineu ni aki' kume nce un bang, neng ufan mengelan pala' Yesus Kristus, Tuhan ne', un nco tiga usun ketu' ineu ni. Lawe ufan koon Ye te-e' lepek lepo ketu' ira' iti, ngan na' a mu', apan ne' un dalem Kristus. 9Ngan un dalem Ye empei ngan peneneng nge' tengen un usun ufan ne' tunuk pala hukum Taurat, aken neng usun peneneng ufan mengelan pala' Kristus, yaiti peneneng ya' Allah mencai neng usun pengelan. 10Ya' aki' ufa' yaiti tisen Ye ngan ayeng kenaa murip ngan pemung tawai dalem penusa A, ku' iti e' ketai kua' ngan Ye dalem patai A, 11apan iri koo a aki' kenai murip nengaang kelunan matai.12Empei ufan na neng nge' lepek ala' puyan ini ngan lepek pedekep, ufan na aki' tay pavat ta ,senteng ta, buk ke aki' sinteng ke menakep pa piti, ye ufan na aki tengen pa lepek Kristus Yesus ti menakep. 13Senganak-senganak, aki tengen nce un tisen neng ufan lepek menakep pa, aken ini ya' aki' uyai: Aki' kelupi' na ineu ya lepek lalau base likut te' ngan petelit use e' pala' ineu ya' un ku' jume e'. 14ngan mengasa pala' tuso' ke ala' tunang, yaiti tebai sorgawi umet Allah dalem Kristus Yesus.15Ufan na mengiti tiga nilu, ya' muun pekimet menginye. Ngan buk ke tengen kimet to' neng jo se naan na, puyan iti Tuhan ke bara ta poo kume iku'. 16Aken tiga na dalem penisen ya' lepek ileu un ileu metuk ku' baan janan ya' lepek ileu baya'.17Senganak-senganak, baya' na uyo e' ngan menaat nira, ya' murip kubaan ami' ya' ke bara' uyo ya' tiga kume ikam. 18Ufan na, kubaan ya' tipan aki' lepek bara' kume ikam, ngan ya' aki' petula' ple-e na' kini entung menange, kadu' kelunan ya' murip miet pala' salib Kristus. 19Tay koo ra yaiti salai, Tuhan ra yaiti bang pen guman lu', peniga ra yaiti pengjaat ra, kimet ra bang pala' puyan usun tana'.20Ye ufan na usap lu un ku' dalem sorga, ngan umet iti pilu pekena kenay Tuhan Yesus Kristus ya' seleket janan ya' teneng. 21ya' ke menyaliu use lu ya' jameng ini, apan na tai kua' ngan use A ya' bue' ngan tiga, ku' baan pengayeng Nga ya' sinteng ke menyupe' ketu' ineu pala' use A.
41Lawe a ngiti, senganak-senganak ke' ya' aki' lesau ngan ya' aki' menawai, kebangen kimet te' ngan tiga ngaran ne', nekedeng na dalem Tuhan, senganak-senganak ke ya' aki' lesau! 2Eudia aki' pekatuk ngan Sintikhe aki' pekatuk, apan na se atai se kimet dalem Tuhan. 3Mengiri ta aki' nyat pala' iku' pa Sunsugos, tuyang nge' ya' tangen : mebo nira. ufan na ire lepek pegayeng ngan aki' dalem pigai isiu Tuhan, pemung ngan Klemens ngan tuyang-tuyang nge' se gayeng ira' se, ya ngaran-ngaran ra un dalem surat pengurip.4Bangen na lemuto dalem Tuhan! Se luai le-e aki' bara': Tiga taway na ! .5Tiga na tiga atai nem dulu tisen mung, dani na Tuhan! 6Nyen nem iut taway neng jo ineu pa, aken bara' na ketu' pengufa nem pala' Allah dalem sebayang ngan pengenyat ngan pempau Tuhan. 7Se-e' taway ngan tiga murip umet Allah, ya' sui' neng ketu' aken, ngan petubo atai ngan kimet nem dalem Kristus Yesus.8Mengiti na koo a senganak-senganak ke', ketu' a ya' lan, ketu' ya' mulia, ketu' ya' adil, ketu' ya' bue', ketu' ya' me, ketu' ya' tiga sekening, ketu' ya' ileu kume peniga ngan dulu maak, pekimet na' mung ira' iti. 9Ngan ineu ya lepek ikam pekalai ngan ineu ya' lepek ikam ala, ngan ineu ya' lepek ikam sekening ngan ineu ya' lepek ikam menaat neng aki', uyai na ira' iti. Nga Allah ya' puun na se-e' taway ngan tiga murip kemuyang ikam.10Aki atek tiga kimet dalem Tuhan, ufan na koo a kimet nem ngan penaway nem nai murip peluet pala' aki'. Lan ta lemuto un penaat nem, na' pia ngiti empei un awang nga kume ikam un. 11Aki bara' ini empei ufan ne' kasip un, lawe ufan na aki' lepek pekalai pedekep use e' dalem ketu' puyan. 12Aki' tisen ineu penepe ngan aki' tisen ineu lelum. Dalem ketu ineu ngan dalem ketu se puyan empei un se ineu ya suuk neng aki un; tiga pa dalem pa daleu beso, ngiri ta dalem laau, tiga pa dalem lu lelum ngiri pa dalem penepe. 13Ketu' puyan senteng aki' nyuun dalem Ye ya' nai pengayeng kume aki'.14Na' pia ngiri tiga ta puyan no', ye ufan na ikam lepek ala' tulat dalem pen usa e'. 15Ikam tengen tisen pa, aa' kelunan-kelunan Filipi; daleu e' menaring pigai isiu tuhan, daleu e' leka'umet Makedonia, empey un empun kelunan ira' mengelan Tuhan uyai se tutun ngan aki ira' se neng ikam. 16Ufan na ku' Tesalonika ikam lepek se due luai nay kateu mebo pala' aki'. 17Na' pia ngiti tuk aki' ya' un nco mpey pengencai iti un, dalem ma ngiti bua' a, ya' ke ngejaau peniga o'.18Na' kini ne-e' lepek ala' ketu' ya' aki' ufa' umet iki', un nco sui' neng ira' iti. Aki sangan ngan pen iga, ufan na aki lepek ala' kateu wo' se pengencay selum umet Epafroditus, se pengencai ya selum, se pemuyan ya' ami' ufa' ngan ya' siu' nenmg jume Allah. 19Allah e' kemenyangan ketu' pengufa' nem kebaan penyangan ngan peniga A dalem Kristus Yesus. 20Pempau na Allah ngan Amai lu seng kasan na Amin.21Bara' na kenu' e' pala' singet-singket kelunan bue' dalam Kristus Yesus. Bara' kenu' e' kume ikam umet senganak-senganak, ira' sedingan ngan aki. 22Bara kenu' kume iku' umet ketu kelunan bue', nyito' umet ire ya' ku istana Kaisar. 23Pengelesau pengencay Tuhan Yesus Kristus ke petubo b erue o'!