To view a copy of the CC BY-SA 4.0 license visit
http://creativecommons.org/licenses/by-sa/4.0/
James
11Kenu' umet Yakobus, ula' Allah ngan Tuhan Yesus Kristus, pala due sui pulu lebu' ku peselai. 2Senganak-senganak, ku' kume na se peniga, buke ikam labu dalem kadu naan pengesek. 3Ufan na ikam tisen, neng ufan na penesek pala pengelan nem ngkin se pengayeng pala pengelan nem.4Ngan ineu pia pengelan nem ya mayeng ngebua ira sak apan na tai tegeng ngan utuh dan juun tepe se ineu pun. 5Na pia mengiti buke un ita nengaang ikam tepe penisen umet Tuhan, tiga tia nyat a pala Allah - ya tai pala ketu kelunan ngan liba' kimet ngan juun meneti' un na ira iti Ye tai kume ye.6Tiga nia nyatta dalem pengelan, ngan nce un iot tawai, ufan na kelunan ira iot tawai kua ngan lupak laut, ya pulek tay kiti ngan nay kini soon kepo. 7Kelunan ira ngiti nyen nebelom ke ala se ineu umet Tuhan. 8Ufan na kelunan ira due kimet juun tiga see dalem pengurip ra.9Tiga na senganak ira murip ngan liba see tawai ufan na murip ira mpau. 10Dan kelunan ira kaya ufan na larung ra ya liba, ketai juun ku baan bunga ureu da. 11Ufan na mate dau nai kawang ngan pana a ya ngeluko ureu, soon na lero bunga a dan deram na peniga a. Mengiri ta kelunan kaya, nengaang ketu gayeng ra ketai juun.12Murip tiga na kelunan ira metem dalem pengesek, ufan na buke ye metem neng penesek, ye ke ala jena' beluko pengurip ya Allah lepek petakin kume ire lesau Ye. 13Buke se use dimesek, nyen a kume: "Pengesek ini nai umet Allah!" Ufan na mpei Allah ti sinteng dimesek soon ira jaat un, dan Ye tengen juun mesek se kelunan.14Na pia mengiti singket use dimesek soon pengufa a tengen, ufan na ye dimenanit dan dikuasai soon pengufa a tengen. 15Ngan buke pengufa a lepek ngebua, ye menganak dosa, ngan buke dosa lepek sak, ye menganak patai. 16Senganak-senganak ya aki lesau nyen nem lingeu!17Ketu pengencai ya tiga ngan ketu pengencai ya tipo, nai a umet mpau, nai kenta umet Amai ya dema, pala ye mpei un ira tai saliu neng iti lingai ufan na tai pesaliu. 18Ufan pengufa A tengen lepek uyai ileu soon isiu ya lan, apan na ileu pala tingkat tertentu baliu anak aring nengaang ketu ineu Ye uyai.19Ikam senganak-senganak ya aki lesau, ngetawai na ineu ira ini, singket batang use lu tiga nilu palet sekening, dena petira dan girita dena keto; 20ufan na keto kelunan mpei uyai se penyiu neng jume Allah un. 21Lawe inye bet na ketu ineu ya man dan pengejaat ya kadu dan ala na ngan selima tawai isiu Tuhan ya lepek tanem dalem atai nem, ya sinteng pelepo beruwe nem.22Na pia mengiti tiga naam baliu baya isiu Tuhan ngan juun bang sekening lu, ufan na buk menginye menaka ikam tengen. 23Ufan na buke se kelunan bang sekening isiu Tuhan lu ngan juun baya a, ye kubaan se kelunan ya menaat silung a ya atek lan dalem kaca. 24Lo o lu pia menaat use a, lepek ketaa kelupi nia ngempei dite ye. 25Na pia mengiti pekalai katuk ya tiga, yaiti katuk ya pelepo kelunan ngan ye tudep dalem a, mpei bang sekening ngan koo a kelupi, atek lan baya a ye kemurip tiga ufan na pepuyan a.26Buke se kelunan kume ye sembayang, mpei a jaga jela a un, ye pebaka use a tengen, mpei un banga sebayang un. 27Sebayang ya lan ngan siu neng jume Allah, Amai lu, yaiti tai menaat anak ilun dan ledo baleu dalem penusa ra, ngan jaga' use lu tengen apan lu juun mano soon usun tana ni.
21Senganak-senganak, ileu kelunan ira ngelan pala Yesus Kristus, Tuhan lu ya tiga, nyen pengelan lu ileu baya ngan menaat dite silung. 2Ufan na, buke un dulu ira nai pumung ngan ikam un angko mas dan sapai ya tekep dan nai pa se kelunan kasip ngan ikam un sapai ira jaat. 3Ngan ikam tunuk pala' kelunan ya un sapai ya tekep ngan bara kume ye: "Tuan uku na neng ufan ya tiga ini", dalemma mengiti pala ya kasip ikam kume: "Nekedeng na kiti!" ngan: "Uku na ku asu dani taket e ni!", 4dalema mengiti, mpei dite ikam uyai se selepi dalem atai nem ngan pegayeng kubaan kelunan tisen ngan kimet ya' jaat?5Sekening na, senganak-senganak ya aki lesau! Allah menyile kelunan-kelunan ira kasip kubaan usun tana ni apan ra sinteng kebaan dulu ra kaya' dalem pengelan ngan ke un Larung uku' ya ye lepek pebetep pala ketu ira lesau Ye. 6Na pia mengiti ikam lepek pejaat kelunan-kelunan kasip. Ken pa atek lan a, mpei kelunan-kelunan kaya' ira menyek ikam ngan tai ilan ikam ku larung uku' un? 7Mpei ire tia pejaat ngaran ya tiga, ya soon Ye ikam baliu anun Allah un?8Na pia mengiti, buke baya se katuk ya' teneng dalem Kitab Bue: "Lesau naam se ngan se kubaan use nem tengen", ikam uyai tiga. 9Na pia mengiti, buke ikam menaat silung, dite ikam sala' ninye ngan soon puyan ya' kedana na, ufan na ikam uyai penyala.10Dalemma mengiti i' ya' kebaya' dau ketu' katuk iti, aken pa mengiti buk ye pelepo se lu' dau neng katuk iti, ye un sala' neng ketu' katuk iti. 11Ufan na Ye ya' mengiti dau: "Nyen sawi pemuyan", un pa dauwa poo: nyen menatai". Buke ye ikam juun sawi puyan nem tapi menatai nem, dalemma mengiti ikam lepek uyai se puyan ya' sala' neng jume katuk iti.12Petira na ngan uyai na kubaan ku' sepetuyau soon katuk ya' pelepo dulu. 13Ufan na pekara' ya' juun pengelesau ke siu kelunan ira juun pengelesau. Dalemma mengiti pengelesau ti ya' kemenya iw usun pekara' ti.14Ineu banga, senganak-senganak, buke se kelunan kume ye un pengelan, petem iri a juun pemuyan? Un ta pengelannati sinteng kemengesu' ye umet penyala' ati? 15Buk ye un senganak lu lakei mengiti pira' ledo juun un sapai ngan juun un penguman singket dau, 16ngan se use nengaang ikam kume: "Masat na tiga lu, un na sapai pana o na ngan uman na pe baneng" dalemma mengiti mpei a tai se ineu kume ye un, ineu banga? 17Mengiti ta neng jo pengelan, buk ye pengelan iti nce un ileu ngedana ngan puyan lu ya' teneng dalemma mengiti pengelan lu iti matai.18Na pia mengiti masa' un ira kume: "Pala iku un pengelan ngan pala aki un pemuyan", aki mipa ye: "Bara na pengelanno ngan juun pemuyan, ngan aki ufa bara kume iku pengelan ne' umet pemuyan-pemuyan ne." 19Iku ngelan bang se lu Allah? Tiga ta buk a menginye! Na pia mengiti baley-baley jaat tipa mengelan ngan seregen tira pa. 20Ikam kelunan mayeng uleu, ufa taam mengaku nakini , neng ufan na pengelan juun pemuyan yaiti pengelan ya kelangan?21Mpei Abraham, tua lu, teneng ufan na pemuyan-pemuyan a, daleu a ufa mencai Ishak, anak a usun ufan pengencai? 22Ikam menaat, ufan na pengelan pegayeng kua ngan pemuyan-pemuyan ngan so on pemuyan-pemuyan pengelan tai baliu ngan tiga. 23Ngan mengiti tai nuyan na dau isiu Tuhan ya kume: "Mengelan na Abraham pala Allah, un na Allah usap a se penyiu kume ye." Ufan na mengiti Abraham ire kume: "Tuyang Allah." 24Ufan na mengiti ikam menaat, neng ufan kelunan ira dalem teneng ufan na pemuyan-pemuyan ra, mpei ufan na so on pengelan lu un.25Ufan mengiti ta Rahab da, ledo masat maau, ye se kelunan ya' teneng ufan na pemuyan-pemuyan na, daleu wa menyuuk kelunan-kelunan ira ire so on dalem lamin na, o inyea petakau ire baya janan ira se? 26Ufan na kubaan use juun berue matai, mengiri ta pengelan ju un pemuyan-pemuyan matai.
31Senganak-senganak nyen na kadu' dulu ufa neng guru' ufanna ikam tisen, neng guru' iti ileu dulu ngkin dalem pekara' ya' atek baat. 2 Ye ufan ileu mung un penyala' dalem kadu' ineu: i' ya' nce un penyala' neng isiu ra, yeta se kelunan ya' atek teneng, ya' sinteng ke nageng ketu' use a.3ileu na' pengayeng neng ba' kuda, pe tai ya baya pengufa lu' neng janan ira' ngiti, sinteng tilu pesiu' ketu' dite liung use a. 4ngan naat dite kapen-kapen, na' pia jaau ngan peliung soon kepo kase, na' pia ngiti, sinteng lu ra petelit ta neng se kudi' iut, kua ngan pengufa ya engkang kudi ati.5mengiti pa jela' na pia se sangat ya' iut lu met use lu, kuiti a seteng uyai kelingo jaau.6jela' ni pa apui; ya kebaan dite puyan usun tana' ya jaat ngan ala' ufan ya un nengaang sangat use lu kebaan se ineu ya' sinteng ngano ketu' use ngan menyala' ketu dite usat urip lu, kuiti pa ye tengen ke peket apui ya' atek poon iti.7ketu naan sen lasam, manuk-manuk, ngan sen ira' nganap ngan sen-sen ira' ku laut ya' sinteng ire pelempan ngan ira lepek lempan ufan puyan kelunan. 8aken mpei un se kelunan sinteng ke pelempan jela' un, ye se ineu ya' menco, ya nce senteng ileu engkang ngan sangan la it ya' menatai.9Ngan jela' lu pempau ngaran Tuhan, Amai lu; ngan neng jela' lu menunu' kelunan ya' Tuhan ti lepek uyai kua' ngan dite Allah ti. 10 met ba' ya' se nai kawang peniga ngan menunu' ira' mengiti senganak-senganak ke' mpei ira mengiti senteng ke nuyan un.11unta, alo jaau ke mufing sungai jeling ngan sungai pait met alo sungai ya' kua'? 12senganak-senganak ke' unta puun kayeu afun ke ngebua zaitun ngan unta puun anggur sinteng ke ngebua' ara? mengiti pa alo sungai me usen nce un na' sungai jeling.13I' un nengaang ikam ira tu e' kimet ngan un penisen? tiga tia ngan uyo urib ya' tiga ke petula' puyan na ye ufan penu'e ya' nai kawang met selima' kimet. 14buke ikam un tegen kimet jaat see' ngan bang kimet tuk use lu' , iri' nem kancau tuk use nem ngan iri' baka' tei ngan ya teneng!15mpei iti se penu'e ya' nai met mpau un, aken met usun tana' naia, met ufa kelunan, met baley jaat.16Ye ufan ku'empei un sakit see ngan bang peteneng use lu, ku iti nce un sepuun ngan ketu' puyan jaat. 17aken penu'e ya' met empau yeta ya' aring-aringa tening, o iti, uyai peniga, selima', baya' katuk, sangan ngan pengelesau ngan bua'-bua' ya tiga, mpei un ya' baat tung bese un ngan ukan-ukan da. 18Ngan bua' ya' un neng ya' teneng, kuiti tiga kimet un ngan ire ya' uyai peniga.
41Umet mpei nai pesakat ngan pase' nengaang ikam ? mpei ya nai met dalem atay nem ya ngayet ke peliung use nem? 2ikam ufa se ineu, aken empei nem ala' a un, sulo nem natai; sakit see , aken mpei nem tai pafi kadep nem un, sulo nem pase' ngan piau. mpei nem ala' ineu-ineu un, ye ufanna mpei nem sebayang un. 3Dalemma mengiti sulo nem sebayang aken mpei nem ala' se ineu-ineu un, ufanna ikam sala' sebayang, dalemma mengiti ineu ya' lepek ikam nyat iray moo' ikam pekoo lu'na neng pengufa kimet nem tua'.4ikam, kelunan ya nce un tageng kimet! un taam tisen, ufan petuyang ngan usun tana' ni, yeta ayau ngan Allah ti? mpei i' ya ufa petuyang ngan usun tana' ni ye ya' uyai usea ayau Allah ti. 5iri' nem pekio' ufan buku' buwe' ti, mpei un dau uken lu pisiu: beruwe ya' Allah ti pelek ku dalem use lu, Ye ufa ngau ngebaau!"6aken pengelesau ya tiga, ya' ufan Ye na' kume ileu, sui' jaau neng iti. ye ufan itia bara' a: "Allah penceng ira mpau kimet, aken Ye lesau kelunan ira' liba' kimet." 7 Ye ufan iti tunuk na pala' Allah ti, ngan tei na ngan baley jaat, kuiti aki tai lap met iku'!8ngedani' na pala' Allah ti, ngan Ye ke ngedani' neng iku'. puat na usu'o', ketu' kelunan ira' un penyala'! ngebuwe' na atai o' ketu ikam ira' due kimet!9 ngetisen na dite kejaat uripo' ngan mapi' tawai na ngan nyirau na; tiga tawe o' nyaliu ngan nyirau ngan bangen no' ngan mapi' kimet. 10 ngeliba' na useo' ku jume Tuhan ti, ngan Ye ya' ke ngempau iku'11Senganak_ senganak ke' iri' nem pejaat selepe' apan senganak nem ngitipa mukum ire', mi'i ukum ngan mukum ire, ngan buke iku mukum ukum, kuiti o nce un ufa baya' ukum, aken ya' mukum ye. 12 bang se lu' ya' uyai sepetuso' ngan katuk, yeta ya un pengayeng ya' ke mengesu' ngan pekoo ileu, aken i' o' pa? pee dite iku' ke mukum selepe' apan nem kelunan?13Na' kini ikam ira' pisiu: dau ni ngitipa mesut ami ufa' tai ku lebu' anu, ngan kuiti met ke ngelebu' se uman ngan pebelei ngan ala' banga", 14 ikam pa mpei nem tisen ineu ya' ke nuyan mesut. ineu ya atek lan uripo' ni?urippo' kua' ngan afun ya' jaki lu tai lalau deram.15atek lanna ikam ya atek ke baraa': "buke pengufa Tuhan ti, ami ke murip ngan uyai ira' ini ngan ira' inye." 16aken na' kini nem bara use nem dalem kancau nem, ngan mung kebangen ira' ngiti sala'. 17ngempei buke se kelunan tisen ngempeia atek ke uyai ya tiga, aken mpeia uya ya un, ye un penyala'.
51na' kini e ufa bara'kume kelunan pala' kelunan kaya', nange ngan nyirau na neng ketu' dite tuyen ya nai usun ikam! 2 maram na ketu' ineu o' na nga sapai o' siu' seni'et 3mas ngan perak o' lepek meding na, ngan medinga ke tai nuyan neng uyo uripo ngan ire uman sei o' kebaan apui. lepek noo kelepeng kadu ineu neng dau- dau ira' ke tai baya ni.4atek lan na un daau lalo jaau, neng ufan ra mapo tunang ira pegayang masau ume o' ngan lepek tai pafi denge a ku kelinge Tuhan ya un ketu' usun tana' ni, tu daau kueng ra masau kume iku ti.5 dalem ketu dite peniga ineu nem murip ngan pejafa ineu ku usuntana ni, lepek naam uyai ya kua ngan pengufa neng atai nem kua kebaan dau ya ufan dulu menire batu sen. 6 lepek naam mukum dulu, pafi natai kelunan ira' murip teneng ngan mpeia sinteng nyakat ikam un.7neng ufan iti, senganak-senganak, pedena' na pafi ke nai Tuhan ti kenta! atek lanna kelunan tani kena ineu ya un belei neng tana'a ngan ye pedena' pee taa pafi dau nai usan pelero tung daun ngan dau ya nai ngelentung daun. 8ikam pa atek dena na aring ngan payeng tegen atai nem, ye ufan dani' na Tuhan ti nai kenta'.9senganak-senganak, iri' nem beroot ngan tai sala' kume ira' se, iri dulu jeun mukum ikam. tek lanna kelunan ya mukum ileu un nia ku jume bamen. 10 senganak-senganak, baya, na ketu' dite urip tuyen ngan pedena tawai kelunan ira ngkin ileu murip ya lepek petira' mala ngaran Tuhan. 11atek lan na ami bara ire ya bangen, ire ya lepek metek tawai; lepek naam sekening ngempei ufan metek tawai ayub ngan ikam lepek tisen ineu ya tai kooa lepek Tuhan ti mataa kume ye, ye ufan Tuhan ya' atek jaau ufan ngan sangan pengelesau.12Aken pa ya aring -aringa, senganak-senganak, iri' nem menunu' neng ngaran sorga ngirita usun tana, ngan ira' se pa. buke aa' atek lan na ngaa' na, buke nuun atek lan na tei na nuun. iri mpei nem siu ukum o.13Buke un se kelunan nengaang ikam tuyen, tiga nia sembayang! buke un se kelunan nengaang ikam bangen tiga nia ngentau! 14buke un se kelunan nengaang ikam mayung, tiga tia bai ketu' pengawa amin Tuhan, kuiti ra sebayang ye peging muso kenyu' neng ye dalam ngaran Tuhan. 15ngan sebayang ya nai met pengelan ke ala' kelunan tai pala' janan siu' iti ngan Tuhan ti nage ye; ngan buke ye lepek ufan uyai penyala', kuiti penyala'a Tuhan ti mui'16Ye ufan iti, tiga na kua' lu bara' penyala' nem ngan kua' sebayang, kuiti nem nai magat. sebayang kelunan ya murip teneng, buke ngan lan na sebayang, jaau ale pengayenga. 17Elia ti se kelunan tua tia kebaan ileu ni. ye lepek lan-lan sebayang, iri usan nce un nai kenta ngan empei usan nai na labu ku tana' seng daru' teleu uman ngan nem bulan. 18sulo a sebayang noo ngan langit ti pelabu' usan na ngan usun tana ni pa na' bua'a kawang noo.19Senganak-senganak ke' buke un ira' nengaang ikam tai menyala' neng janan ya teneng ngan un se kelunan nai ngkin ye ngeluet, 20ngetisen na, ufan i' ya uyai kelunan un penyala' nai ngeluet met janan ya sala' ye ya ke pesiu' janan beruwea met patai ngan mekep mung penyala'a.
