To view a copy of the CC BY-SA 4.0 license visit
http://creativecommons.org/licenses/by-sa/4.0/
Ephesians
11Umet Paulus, rasul Kristus Yesus,ngan pengufa Allah, kume kelunan-kelunan bue ku Epesus, kelunan-kelunan ira mengelan dalem Kristus Yesus. 2Pengelesau ngan see tawai umet Allah, Amai lu ngan umet Tuhan Yesus Kristus muyang ikam3Pempau Allah ngan Tuhan lu Yesus Kristus ya dalem Kristus lepek nai kume ileu ketu berkat rohani dalem sorga. 4Ufan na dalem Ye Allah lepek menile' ileu kena a uyai usun tana, apan na lu bue' ngan juun penyala neng ata Ye.5Dalem pengelesau Ye lepek tetapkan ileu umet menaa' oleh Yesus Kristus untuk menjadi anak-anak A, sesuai ngan kerelaan pengufa A. 6Apan na pempau pengelesau A kume ileu dalem Ye, ya Ye lesau.7Lawe ineu dalem Ye dan oleh daa A ileu un penebusan, yaiti muso penyala, menurut sinteng pengesau A, 8ya nai kume ileu dalem ketu penisen umet Tuhan dan penisen kelunan.9Lawe ineu Ye lepek bara penyuuk pengufa A pala ileu, siu ngan asat ngan tiga tawai A, yaiti asat ngan tiga tawai umet taring ya Ye lepek menile dalem Krstus, 10ku baan penaring tai nuyan waktu kume ileu pekua dalem Kristus kubaan Uleuketu ineu, tiga ira ku sorga ngiri ta ira ku usun tana.11Aki bara dalem Kristus, ufan na dalem Ye ami ala ya dipebetep ami umet menaa dimenile ala tulat siui ngan pengufa Allah, ya dalem ketu ineu pegayeng siu tile pengufa A. 12Supaya ami, ya umet taring lepek nebelom pala Kristus, sinteng tai nuyan pujian kume peniga A.13Dalem Ye ikam se, karena ikam lepek sekening firman ya lan, yaiti Injil urip nyain nem - dalem Ye ikam se, daleu nem mengelan, ngedana ngan Roh Kudus, ya Ye pebetep. 14Ngan Roh Kudus un na jaminan tulat lu pafi lu ala ketu a, yaiti belei ya uyai ileu anun Allah, kume pempau peniga A.15Ufan na mengiti, lepek e sekening neng jo pengelan nem dalem Tuhan Yesus dan pengelesau pala ketu kelunan murip bue. 16Mpei e tai nteng pempau Tuhan ufan na ikam. Ngan aki bang ngetawai naam dalem sebayang e.17Ngan nyat pala Allah Tuhan lu Yesus Kristus, yaiti Amai lu ya tiga, apa na Ye nai kume ikam Roh penisen dan wahyu kume tisen Ye ngan lan. 18Ngan apan A uyai mate atai nem dema, apanna nem tisen tebelom ineu ya un dalem panggilan A, yaiti: se kemuliaan ya jaau pala' mung kelunan bue',19Ngan ngempei jaau ayeng kume ileu ira ngelan, siu ngan ayeng kuasa A. 20Ya ye uyai dalem Kristus ngan meneti Ye nengaang kelunan matai ngan puku Ye base taau A ku sorga. 21Su lebih empau neng ketu' pemerintah ngan penguasa ngan pengayeng ngan kerajaan ngan singket ngaran ya sinteng pisiu, empei bang ku usun tana ini lu, ngiri ta ku usun tana' ya ke nai ini.22Ngan ketu' ineu ya Ye sut nta taket Krisrus ngan Ye lepek tai kume jemaat sebagai kepala jemaat dari ketu' ya un. 23Jemaat yang un na use A, yaiti kepenuhan A, yang menyangan ketu' ineu ya' un.
21Aring da ikam lepek matai karena pengabi-pengabi dan penyala-penyala nem. 2Ikam murip dalem a, karena ikam baya uyo usun tana ini, karena kamu tunuk penguasa kerajaan angkasa, yaiti roh ya nakini pegayeng nengaang kelunan-kelunan jaat. 3Ken pa atek lan a aring da ami mung, un nengaang ire, daleu me murip menurut dalem pengufa ya jaat sei ngan baya pengufa sei ngan kimet me ya jaat. Atek lan a ami un na kelunan-kelunan ya harus Tuhan keto, kubaan ira se.4Na pia mengiti Allah ya un ngan rahmat, karena pengelesau A ya jaau, ya Ye nai kume ileu. 5Lepek purip ileu ngan Kristus, na pilu lepek matai karena sala-sala lu - Ufan na pengelesau ikam un urip. 6Ngan dalem Kristus Yesus Ye lepek meneti ileu ngan nai ufan ngan Ye ku Sorga. 7Apan na dau ira nai ni Ye bara kume ileu un pengelesau A ya kadu siu ngan peniga A pala ileu dalem Kristus Yesus.8Lawe ufan na pengelesau ikam un pengurip, mpei ufan hasil gayeng nem un, tetapi pengencai Allah. 9Mpei hasil gayeg nem un, nyen un ira kancau. 10Ufan na ileu un na ufan gayeng Allah, diuyai dalem Kristus Yesus kume ke pemuyan ya tiga, ya Allah petuken umet taring, Pengufa A ileu murip dalem A.11Ngetawai tiga lu, menaa da ikam ira juun Yahudi baya hukum sei, yang usap kelunan-kelunan juun bersunat oleh ire ya bara "sunat" yaiti sunat use ya diuyai oleh usu kelunan. 12neng ufan na daleu inye da ikam nce un Kristus, juun un kewargaan israel ngan juun ala tulat dalempebeteb-pebeteb ya petuken, juun tebelom dan juun Allah ku usun tana ni.13Tetapi na kini dalem Kristus kamu,ikam aring da "su" lepek nuyani "dani' oleh daa Kristus. 14Ufan na Ye see tawai lu lu, ya lepek pekua kedua pihak ngan ya lepek menasei kraan petat, yaiti petiet. 15Lawe ngan mataiNya kubaan kelunan Ia lepek pejuun hukum Taurat ngan ketu isiu ngan pengadep a, kume uyai keduannya baliui se kelunan maring dalem use A, dan ngan iti un see tawai. 16dan ke uyai tiga keduanyai dalem se use ngan Allah ufan na salib, ngan pejuun petiet pala salib.17Ye nai ngan pedenge see tawai kume ikam ya "su" ngasee tawai pala ire ya"dani". 18Ufan na ufan Ye kedue pihak dalem se Roh un janan tai pafi Amai.19Mengiri ta mpei nem kelunan umet awang ngan peselai un, na pia ngiti tuyang sewarga umet kelunan-kelunan bue ngan ira tunuk pala Allah. 20Ya dipedeng usun suka ketu rasul ngan ketu nabi, ngan Kristus Yesus kubaan kedana. 21Dalem Ye murip ketu lamin, rapi petempan, tai nuyan bait Allah ya bue, dalem Tuhan. 22Dalem Ye ikam tafin diuyai ufan larung Allah temek di ďalam Roh.
31Iti sebab aki, Paulus, kelunan dulu spen ufan na Kristus kume ikam kelunan-kelunan ira juun tisen Allah- 2lan ta ikam lepek sekening neng jo gayeng tai nuyan kasih karunia Allah, ya Ye ngelan pala aki ufan na ikam.3Yaiti ngempei penyuuk ya Ye bara kume aki ngan wahyu, kubaan ya aki tulis kuempau ngan buet. 4Miran nem baca a, lkam sinteng tisen umet penisen penyuuk Kristus, 5ya daleu zaman angkatan-angkatan aring da juun ire bara kume anak-anak kelunan, tetapi na kini dibara dalem Roh pala rasul-rasul ngan nabi-nabi A ya bue,6yaiti kelunan-kelunan ira juun Yahudi, ufan na denge Injil un tulat ngan anggota use ngan peserta dalem janji ya un dalem Kristus Yesus. 7Ngan Injil iti aki baliu pelayan a kubaan pengencai pengelesau Allah, ya dimencai pala aki sesuai ngan gayeng kuasa A.8Pala aki, ya paling hina nengaang kelunan bue, lepek dimencai pengelesau ini, apa pigai pala kelunan-kelunan ira juun Yahudi anun Kristus, ya juun terduga iti. 9Ngan kebara ineu isi gayeng tai nuyan penyuuk ya lepek berabad-abad suuk dalem Allah ya uyai ketu ineu,10apan iri na kini oleh jemaat bara ketu naan penisen Allah pala pemerintah-pemerintah ngan penguasa-penguasa ku sorga. 11Sesuai ngan pengufa juun un koo, ya lepek ye uyai dalem Kristus Yesus, Tuhan lu.12Dalem Ye ileu un akang ngan janan tai pala Allah ngan sangan pengelan oleh iman lu pala Ye. 13Lawe itu, aki nyat pala ikam, apan nem juun tai iot tawai menaat dite penyusa e ufan na ikam, ufan na penyusa e un na peniga nem.14Lawe iti e tunuk pala Amai, 15ya' umet Ye ketu tuk urip ya' un ku dalem sorga ngan usun tana ala ngaran A. 16Aki berdoa apan na Ye, kubaan anun A, menyuka ngan nengayeng ikam oleh Roh A dalem tawai nem.17apan na soon iman Kristus murip dalem atai nem dan ikam ngepakat ngan ngesane dalem pengelesau. 18Aki sebayang, apan ikam mung kua ngan ketu kelunan muri bue sinteng tisen ngempei nawa dan daru dan mpau dan dalem pengelesau Kristus. 19dan sinteng tisen pengelesau iti, napia mpau neng ketu penisen. Aki sebayang, apan ikam nyangan ku dalem ketu penyangan Allah.20Kume Ye , ya sinteng nai su lebih kadu dari ya ileu nyat atau pekimet, kubaan ya ternyta umet ayeng ya pegayeng dalem ileu. 21kume Ye, peniga dalem jemaat ngan dalem Kristus murip ngesua pafi pe juun koo. Amin.
41Lawe iti, aki pekatuk ikam, aki, kelunan ya' dispen ufan na Tuhan, supaya urip nem kubaan kelunan-kelunan ya dibai kua ngan tebai iti. 2Tiga naam bang liba tawai, selima tawai, ngan pedena. Bara pengelesau nem dalem kelua petulat. 3Ngan nengayet petubo se Roh oleh kaput see tawai ngan tiga murip;4se use ngan se Roh,mengempei ufan nem dibai pala se tebelom ya un neng tebai nem. 5Se Tuhan, se iman, se baptian. 6Se Allah dan Amai umet Ye mung, Allah ya un ku mpau neng ketu ineu dan ufan mung dan di dalem mung.7 Na pia ngiri pala ileu selepe apan lepek mencai pengelesau siu sumpang pengencai Kristus. 8Lawe iti na Nas bara: "Daleu ketaa ku ufan ya sui mpau, ye ngkin dulu ira dulu ngaput, Ye tai pengencai-pengencai kume kelunan".9Ngempei "Ye lepek tai kempau" arti a, ufan na lepek tai kenta ku ufan tana ya atek base nta? 10Ye ya lepek nai kenta, Ye pa lepek tai kempau su sui mpau neng pala ketu langit, kume menuangan ketu ineu.11Ngan Ye ya nai tiga pa rasul-rasul ngiri ta nabi-nabi, ngiri ta penginjil-penginjil ngan gembala-gembala ngan guru-guru. 12Kume mapit kelunan-kelunan bue kume gayeng pelayanan, kume pedeng use Kristus. 13Pafi ileu mung lepek pafi se iman ngan penisen ya siu neng jo Anak Allah, muun ya sangan, ngan uyo pengurip ya iu ngan kepenuhan Krstus.14Sehingga ileu juun lee anak-anak ya pulek oleh ketu naan kepo katuk, permainan baka kelunan dalem petudi ya pelingeu, 15na pia megiti ngan ayeng ngkang ya siu dalem pengelesau ileu murip dalem ketu ineu ke arah Ye, Kristus, ya iti Uleu. 16Umet Ye ketu use--ya tiga petempan ngan dineke, tai nuyan se lu ufan pelayanan ketu naan, siu ngan ufan gayeng singket use- un urip ngan pedeng use tengen dalem pengelesau.17Lawe iti aki bara ngan aki menempan ini pala ikam dalem Tuhan. nyen murip lee ku baan dite kelunan-kelunan ira juun tisen Allah ngan kimet ra ya juun tepuun 18ngan penisen ra ya mentem, su neng urip pemung ngan Allah, ufan na pengapa ya un dalem ire ngan ufan na mayeng atai ra. 19Perasaan ra meput, apan na ra tai use ra pala hawa nafsu ngan uyai ngan menco ketu naan pengejaat.20Na pia mengiti mpei nem menginyi un. Ikam lepek pekalai tisen Kristus. 21Karena ikam lepek sekening neng jo Ye ngan ala katuk dalem Ye kubaan peniga ya kedana dalem Yesus, 22yaiti neng ufan na ikam, kelafit ngan pengurip nem ya menaa, harus payan kelunan nyain, ya tegu patai soon nafsu ya pelingeu,23apan na ikam, dingemaring di dalem roh ngan kimet nem 24ngan un kelunan maring, ya telah diuyai kubaan pengufa Allah di dalem peniga dan pengebue ya lan.25Ufan mengiti bet na baka dan petira ya lan se ngan se, ufan na ileu kua anggota. 26Buke ikam keto, nyen uyai penyala, nyen pele tai mate dau sampet, kena keto nem pata'. 27Ngan nyen tai awang kume iblis.28Kelunan ya ngelasit, nyen a ngelasit lee, tiga tia pegayeng muat lu' ngan tei se gayeng ya tiga ngan usu a tengen, apan na a sinteng petulat se ineu kume ira kasip. 29Nyen un isiu ya mano nai kawang umet ba nem, na pia ngiti pakai isiu tiga kemeneti, ku mpei perlu, apan na ire ya sekening , un pengelesau. 30Ngan nyem menakit Roh Kudus Allah, ya lepek ngedana' ikam kena dau ya ngkin urip.31Ketu ira pait, kegeraman, keto, piyau ngan fitna tiga ta bet a neng ngaang ikam, ngiri ta ketu pengejaat. 32Napia ngiti tiga naam selima se ngan se, sangan ngan pengelesau dan kelupi penyala, ngempei Allah dalem Kristus mui penyala nem.
51Lawe mengiti baliu nebaya Allah kubaan anak-anak ya pengelesau. 2Ngan murip na dalem pengelesau, ngempei Kristus Yesus lepek lesau ikam dan lepek nai use A kume ileu kubaanpengena dan pengencai ya tiga bau kume Allah.3Tetapi puyan mano ngan ketu naan kecemaran atau keserakahan nyen pisiu a nengaang ikam, mengempei sepatut a kume kelunan-kelunan bue. 4Mengirita pa isiu ya mano, ya kelangan atau juun tepuun--ufan na ineu-ineu ira inye juun siu--dalem a mengiti pempau ngaran Tuhan.5Ufan na ngetawai ini tiga lu: mpei un kelunan sundal, kelunan mano atau maam, arti a ngelan balei, ya ala tulat di dalem Kerajaan Kristus dan Allah. 6Nyen nem dipelingeu kelunan ngan isiu-isiu ya kelangan, ufan na ineu-ineu ira inye uyai keto Allah usun kelunan-kelunan iaat. 7Lawe iti nyen nem petuyang ngan ire.8Lanta aring da ikam mentem, na pia ngiti na kini ikam un dema di dalem Tuhan. Lawe iti murip na kubaan anak-anak dema, 9ufan na dema bang ngebua puyan tiga dan kua dan lan, 10ngan uji na ineu ya siu neng penaat Tuhan. 11Nyen ala tulat dalem pemuyan-pemuyan mentem ya juun ngebua ineu-ineu, dalem a mengiti pugai na pemuyan-pemuyan ira iti. 12Lawe a ngiti pisiu ineu ira ire uyai ku ufan-ufan ya suuk pesee lu.13Na pia mengiti ketu ineu ya lepek dipugai soon dema iti nai dura, lawe ngiti ketu ya dura un na dema. 14Lawi iti a kume: "Tage na, hai ikam ya luntu ngan beti na nengaang kelunan matai dan Kristus akan ngedema usun ikam."15Ufan naa ngiti, menaat tiga lu, mengempei nem murip, nyen kubaan kelunan apa, tetapi ku baan kelunan pinten. 16Ngan un na awang ya un, ufan na dau-dau ini jaat. 17La we iti nyen nem apa, na pia ngiti nengayet na apan na nem tisen pengufa Tuhan.18Ngan nyem mafuk soon anggur, ufan na anggur meneti pengufa use, na pia ngiti tiga naam sangan ngan Roh Kudus. 19Ngan petira na se ngan se dalem kentau, kidung puji-pujian dan silun rohan. Nyilun dan pap usu na kume Tuhan ngan ketu kimet nem. 20Pempau Tuhan na neng ketu ineu dalem ngaran Tuhan lu Yesus Kristus pala Allah Amai lu. 21Ngan ngeliba use nem se use pala ira se ngan takut pala Kristus.22Hai ledo, tunuk na pala lakei o kubaan pala Tuhan, 23ufan na lakei un na uleu ledo kubaan Kristus un na uleu jemaat. Ye ya purip use. 24Ufan na iti ngempei jemaat tunuk pala Kristus, mengirita ledo pala lakei ra neng ketu ineu.25Hai lakeii, lesau na ledo o mengempei Kristus lepek lesau jemaat dan lepek tai use A kume ye. 26kume ngebue ye, lepek A ngebue ye ngan ntu ye ngan sungai dan firman. 27Apan na ngan mengiti A puku jemaat ku jume A ngan peiga juun buken atau kerut atau ya kua ngan a, apan na jemaat bue dan juun pengejaat.28Mengirita lakei harus lesau ledo ra ku baan use a tengen. I' lesau ledo a lesau use a tengen. 29Lawe ufan na mpei pernah kelunan keto use a tengen un, na pia ngiti ngebue ngan petubo use a, kubaan Kristus pala jemaat. 30Ye ufan a ileu sangat use A.31Lawe iti lakei-lakei akan tai su neng tamen ngan sinen a dan tai se ngan iledo a, apan na due tai se sei. 32Penyuuk ini jaau, na pia ngiti ya aki ufa bara un na klafit Kristus ngan jemaat. 33Na pia ngempei, siu kume ikam mung: lesau na ledo o ku baan use o tengen ngan ledo tiga noo tunuk pala lakei o pa.
61Hai anak-anak, tunuk na neng tua o di dalem Tuhan, ufan na harus ta menginye. 2Hormati na tamam ngan sinam-- ini adalah se perintah ya penting, kubaan ya jelas umet janji ini. 3Apan iri nem murip tiga dan nyain murip ku usun tana ni.4Ngan ikam tamen-tamen, nyen pelaset anak-anak nem, na pia ngiti pekatuk nira di dalem penisen dan katuk Tuhan.5Hai ula-ula, tunuk na pala tuan nem ya un ku usun tana ngan takut dan selegen, dan ngan tiga atai, kubaan nem tunuk pala Kristus, 6nyen bang ata jume ra lu kume meniga atai ra, napia ngiti kubaan ula-ula Kristus ya ngan ketu atai uyai pengufa Allah. 7Dan ya ngan tiga tawai pasat pelayanan kubaan kelunan-kelunan ya melayani Tuhan dan mpei kelunan un. 8Ikam tisen, neng ufan na singket batang use, tiga pia hamba mengirita kelunan merdeka, buke ye lepek uyai se ineu ya tiga, ye akan ala tunang umet Tuhan.9Dan ikam tuan-tuan, uyai na mengiti pa pala ire dan ngesu na ancaman. Ngetawai na, bahwa Tuhan ra dan Tuhan nem un ku sorga dan mpei a menile kelunan un.10Neng ko'o a, tiga nem mayeng ko' dalem Tuhan, di dalem ayeng kuasa A. 11Un na ketu tenup selapang Allah, apan iri nem sinteng tageng melawan baka iblis:12Ufan na gayeng lu mpei masang daa dan sei un, na pia ngiti masang pemerintah-pemerintah, masang penguasa-penguasa, masang penghulu-penghulu usun tana ya mentem ini, masang roh-roh jaat ku langit. 13Lawe iti, ala na ketu tenup selapang Allah, apan iri ikam sinteng masang dau jaat iti, dan tetap nekedeng, lepek nem pelepek ketu ineu.14Mengiti nekedeng telit lu, un beteng seluen peneneng dan sapai pepatai keadilan, 15taket un sepatu kerelaan tai pigai injil damai sejahtera. 16Neng ketu ineu un na kelempit iman, sebab ngan kelempit iti ikam sinteng menata ketu panah apui si jaat,17dan terima na ketopong keselamatan dan malat Roh, yaiti firman Allah, 18dalem ketu doa ngan pengenyat. Sebayang na singket un awang di dalem Roh dan jaga di dalem sebayang iti ngan pengenyat ya juun beto kume ketu kelunan bue.19Ngiri ta kume aki, apan na kume aki, buke aki buka ba e, dimencai isiu ya siu, ngan makang e pigai penyuuk Injil. 20Ya aki layani kubaan utusan disepen. Sebayang apan na ngan makang e bara a ngempei atek lan e petira.21Apan na nem tisen keadaan dan ineu aki uyai, un na Tikhikus, senganak lu ya aki lesau dan pelayan ya tunuk di dalem Tuhan, akanbara ketu ineu kume ikam. 22Ngan ini na e soon a nai pala ikam, yaiti apan na ikam tisen ineu ami uyai dan apan na pesalau atai nem.23See tawai ngan tiga urip dan pengelesau ngan iman umet Allah, Amai dan umet Tuhan Yesus muyang ikam mung. 24Pengesau muyang ketu kelunan, ya mengasihi Tuhan ileu Yesus Kristus ngan pengelesau ya juun tai moo.
