Bible

Matthew

Chapter 1

¹¹əwod Yosiya ə́sɨ yed ə́cyohwob Yekoniya mbyyaŋ +nənyyug gu ba. Bə njen əzə əku nkwog ənied Isrela ba ə́ nad dyo bâ nyyo hwo ku Babila ni.

Chapter 2

⁹Ba ntyag tsswoŋ əlyyad əgwam na ni, basɨ dərəg ə nkad. Təŋgwad əka ba ku di ətyin ka ni, usɨ kwog uswon naŋ ba nhwi, u tɨ yoŋ dulwo əka ŋgwon ka u nshyyo ni. ¹⁰Jen əzə ba ǹdi təŋgwad əkyo ni, əgway u əsɨ nyyed bwwo ba.

Chapter 3

Chapter 4

Chapter 5

Chapter 6

Chapter 7

²⁰Dənian əkyo, nyi na fɨg ba bə əswum ba ka.²⁵Jen əzə zǎ ji nkwa ni, ncən na sɨ nhyay, ga ngwun u əsɨ lwi uli əkyo bɨ ced, əwod uli ka usɨ shwod dag, nwad ə́ nog ka tuza əfaŋ.

Chapter 8

⁵Yesu ə n ŋwo ukəraŋ Kafanahum ka ni, ətyə ənyyuŋ bə bə ənied kwog uswan nnwan zwaŋ Romawa na, əsɨ bay əba nay gu, ⁶nyo, "Ətyə Uli, əhwo ngu ə myyan buli ə̀ təlug bə nzwan, lwam ku sɨ byoŋ gu bəd." ⁷Yesu əsɨ nyo bə ngu, "Ǹ na bay n corog gu."⁸Gbəndaŋ ŋgwon nzwaŋ u əsi nyo, "Ətyə Uli, nmay a sag tag aku buli nka dag, kərag bə swaŋ əlyyad əhwo ngu əna corog. ⁹Nwad nuŋ bwo mbyyo cəcəd duswon nka, nsɨ mbyyo nnwan nzwaŋ utag nka. Kə n nyyo bə ətyo əwi, 'nad əzəu,' gwo nad, nmmo nyo bə əyyaŋ, 'bay', gwo bay. Nnɨ́ nkam əhwo ngu, 'nyyo ənni' gwo nyyo." ¹⁰Yesu ə nfəg əlyyad ənay ni, na sɨ yed gu kyaŋ uwun, əsɨ nyo bə ənied əbyo shyyo dunduŋ bə ngu ni, "Ntag nyin cucug u, kwo bə Israila, n kə nshyyo əyyin əwo byyo təŋkay ŋwwag tsswo kwo byyo cəd naŋ sɨkwi ni dag.¹¹Ntag nyin, ənied bə dɨdɨd əba nyyo bə ətyin mbyyaŋ mutag əba swan ə ya ə sswo dunduŋ bə Ibrahim, Ishaku mbyyaŋ Yakubu bɨ tyog tuza ku, ¹²əwod nnwan tyog na, ə́na jɨb ba bə ga dyundyuŋ ndyin. Əzô ba nə ntwi ə nyway nyunyuŋ ba." ¹³Yesu əsɨ nyo bə gbəndaŋ ŋgwon nzwaŋ u, "Nad, əna nyyo a ndyo bə naŋ a n ŋwwag cucug u ni." Bə cəcərag njen əwo, əhwo guwu əsɨ ka ncorog.¹⁴Naŋ Yesu ə nŋwo uli Bitrus ka ni əsɨ shyyo ə̀kwaŋ Bitrus ú ə myyan ə lwwo bɨ lwam shway. ¹⁵Yesu əsɨ byərəm gu bə mbwag, lwwam shway ku əsɨ ka ntyag, əsɨ dərəg ə́sɨ cad gu kyaŋ ya.¹⁶Naŋ dushyuŋ ji ba nyyo ni, ə́sɨ bay bə ngu dɨdɨd ənied bà byyo +utənyiraŋ ni. Bə a nswag əlyyad, əsɨ turuŋ +utənyiraŋ na kəkəb, əsɨ bwo corog ənied nzwan ba səlləy. ¹⁷Ənyo nkyaŋ ənay sɨ nnad cəcərag bɨ kyaŋ əkwo Ishaya ətyo əlyyad əŋwwad Əgwaza əku ndyyad nyo,"Gu bə pyyo gu ə kyag təŋkəy nzwan ənio ya zɨd ni.¹⁸Yesu ə ndi əkpa ənied u ə kəraŋ gu ə cyyo ni, Əsɨ nyo bə nnwan ntəm guna, "Zɨ byyog nad də manyi əywi Galili ka". ¹⁹ Kukwo ətyə nyyuŋ bə ənied cyyed doka Musa əyyaŋ əsɨ bay əba nyo əni bə ngu, "Ətyi cyyed, n nə hwi a kwo əji a nɨ nad." ²⁰Yesu əsɨ nyo bə ngu, "+Ubwu uyid na u byo bubwoŋ ǹhwwad, +unwan na usɨ byo +uley, əwod nuŋ Ŋgwon Ətyɨbɨshyi, mbyyo ulwo n sag əpyyo dag",²¹Əyin bə ənied hwi gu ba sɨ nyo, "Ətyo Uli, ya ngyog n tsa nad n niyyad əcyo ngu." ²²Əwod Yesu əsɨ shim nyo, "Hwi ǹ, yog ənied əbyo ə yed nkwom na ni ə niad nkwom ba na."²³Yesu ə nŋwwo bə kukwon səhwod ku ni, nnwan ntəm guna usɨ hwi gu. ²⁴Ǵa kətug nŋwun əsɨ ka n hyyab bɨ cəd bə əywi ka, ywan səhwod ku sɨ təkyem ŋwo bə kukwon səhwod ku, i sɨ nyyəd təyud əwod naŋ Yesu ə shyyo bə nda.²⁵Nnwan ntəm guna usɨ nad u tɨ shyyib gu, basi nyo bə ngu, "san zɨd Ətyə uli, zɨ shyyo du unuŋ ə hwu."²⁶Yesu əsɨ nyo bə mba, "Yag ə mbyo nyi ntsswoŋ uwun na, nyin əbyo byyo dɨday ŋwag tsswo u ni." Əsɨ ka ndərəg əsɨ kam wun ku mbyyaŋ ywan səhwod ku, səlləy ulwo ka usɨ cyyo bə̀ nywaŋ. ²⁷Ənied ba əsɨ kwog mbwag ə say tunuŋ nyo, "z̀an təŋkəy əyin kwo kwǐ? Wun ku bɨ́ ywan səhwod ku mun tswoŋ gu"²⁸Yesu ə ŋwwo əbyin Garasinawa ka, də mənyi əywi ka ni, ənied əfyyaŋ bà byyo +utənyiraŋ ni əsɨ wurug əba shyyo gu. Ba wurug ə nyyo dulwo nyyad ənied, əwod basɨ byyo ndyen na bəd, nwad baní lwwoŋ ənied ba kàd lwag əkwo. ²⁹ Basɨ ka nkwərəg nkún na nyo, "Yag ə a cad bə nzid? ŋwan ŋgwon Əgwaza? Á bay â cyyo zɨ sswo zwod nyyo naŋ jen zɨ ji kə nyyo da?"³⁰Kpəkpəg əzə, naŋ gbəndaŋ usworoŋ əgən ə ya bə kpay u. ³¹+Utənyiraŋ na usɨ nay Yesu nyo, "Kə a tɨn zɨd, cyyo zɨ ŋwwo bə usworoŋ əgən ka." ³²Yesu əsɨ nyo bə mba, "Də nyi nad!" Basɨ wurug ətə ŋwwo bu usworoŋ əgən ka. Kəkəb ba bú usworoŋ ka, basɨ kpəg əcwwog bɨ bwoŋ ku basi tə kwi bə səhwod na.³³Ənied əbyo ə cog əgən ba ni əsɨ tyoŋ ənad bumi ukəraŋ ka, basɨ tɨ kwog ənied ba ndyo səlləy nkyaŋ ə nio shyyo ənied fyyaŋ əbyo ə byyo +utənyiraŋ na ni. ³⁴Səlləy ənied ukəraŋ ba əsɨ wurug əbay mwwun bə Yesu. Ba ba ndi gu ni, basɨ nay gwô wod ukəraŋ baka.

Chapter 9

¹Yesu əsɨ ŋwwo kukwon səhwod ku əsɨ byyog ə nad bu ukəraŋ gu ka. ²Əzə̂, ə́sɨ bay bə ngu ətəlug tɨtag ə myyan bə əkpaŋ. Gwo ndi ŋwag tsswo ba ku ni, Yesu əsɨ nyo bə ətyə təlug tɨtag u, "Ŋgwon, shyyo bə əgway. Ə́ yurub kətug aku."³Ənied lyurug əyyiaŋ əsɨ ŋwwo lyyad bumi baka nyo, "Ətyə əwî ni ə jwway Əgwaza U" ⁴Yesu bwo naŋ gwo ndyən dɨdam bawu ni əsɨ nyo, "Yag ə mbyo nyi nnyyo kətug dɨdam u bə ntsswo nyi na? ⁵Zan sɨ kwǒ yed əhyom u, ə nyo bə ngu 'ə yurub a kətug nyyo a wu', kə 'Dərəg â coŋ?' ⁶Nyi ga lyən naŋ ŋgwon Ətyɨbɨshyi ka u byyo tyog yurug kətug nyyo bə dunio," ikwo gwo nyo bə ətyə təlug tɨtag u, "Dərəg â kyag əkpaŋ a wu â nkad buli."⁷Əsɨ dərəg ə nkad buli. ⁸Əkpa ənied u ə ndi ənyo ni, basɨ kwog mbwag ə say tunuŋ, basɨ dyeb Əgwaza əwo ə joŋ ənied ba təŋkəy tyog əkwo ni. ⁹Yesu əsɨ shworəg ə nad duswon əsɨ di ətyə tuŋ kurum əbyin əyyaŋ ə́ ngyi Matiyu, gwo swan bu ulwo ntəm ba ka. Yesu əsɨ nyo bə ngu, "Hwi n" Matiyu əsɨ ka ndərəg əsɨ hwi gu.¹⁰Naŋ Yesu ətə nswan, ə ya kyaŋ ya buli Matiyu ka ni, ənied say kurum əbyin bə dɨdɨd mbyyaŋ ənied kətug nyyo ba, əsɨ ba mun əya dunduŋ bə ngu mbyyaŋ nnwan ntəm gu na. ¹¹Farisawa ba ə ndi ənyo ni, basɨ lyɨb nnwan ntəm guna nyo, "Yag ə mbyyo ətyí cyyed nyi u ə ŋya mbyyaŋ təŋkəy kətug ənied ənay ni?"¹²Əwod Yesu ə nfəg bani, əsɨ shim ba ndyo nyo, "Ənied əba ə shyyo kənkərəŋ ni ba ə cad əbwog dag, sə ənied nzwan. ¹³Nyi tɨ zwob kyaŋ əkwo ə fa bə əlyyad ə nay ni, 'Tswwoŋ kunag əyyaŋ kwo n cad, zənaŋ əzə nyi fi ni izə dag.' Nwad, mbay n gyi cucug ənied kətug nyyo."¹⁴Nnwan ntəm Yohanna əsɨba lyib Yesu nyo, "Yag ə mbyyo zɨd mbyyaŋ Farisawa ba nɨ nswan ufa uhwəd naŋ ənied ntəm aba lag swan ufa uhwod ku? ¹⁵ Yesu əsɨ nyo bə mba, "Í nɨn nkwa +kpəndaŋ nyɨraŋ ba ə byyan ntsswo naŋ ətyə nyɨraŋ u ə shyyo dunduŋ bə mba a? Nwam ku tɨbay, kwo ə ba nkyag ətyə əwo byyo nyɨraŋ ku ə wod ba ni, ikwo ba nə nswan ufa uhwod.¹⁶Əyin ə ninkyag cyyaŋ ətərəg sway ətəmiyed bə əbwoŋ huhwob ətərəg dag, nwad sway ji na syyeb huhwob əbwoŋ u ncyyo ga gbəndaŋ əbwoŋ wo sswag əsɨ ka ni.¹⁷Də əyin ə hwod əkan əfay bə huhwob ukuruŋ dag. Kə ə nyyo ənyo, ukuruŋ na u fwo, əkan na ə wyem ukurug na u byyan. Də kunuŋ əkyo, ənɨ cyyo əkan əfay na bə ukuruŋ ufay, ikwo nɨ cyyo ə nɨ nshyyo səlləy əkan na mbyyaŋ ukuruŋ na."¹⁸Naŋ Yesu ə nshyyo bə əlyyad na ni, ətyə nyyuŋ bə cəcəd ba əsɨ bay əba kwog gu ntoŋ əsɨ nyo, "A ŋgwon guniyem nka u yi siyen, bay a byərəm ka u na shyyo əcəd." ¹⁹Yesu əsɨ dərog mbyyaŋ nnwan ntəm gu na ba sɨ hwi gu.²⁰Əbyyug əyyaŋ wo tyoŋ əsswog na ə ntyag əlyyo swag bə əfyyaŋ ni, əsɨ baŋ ə tə byərəm junjun ətərəg Yesu wu məlyim ka. ²¹Nwad, ə kərag bə ntswo nyo, "Kə m byərəm ətərəg gu wu, n na ncorog." ²²Yesu əsɨ bwwag ə di gu əsɨ nyo bə ngu, "Gunyyəm gbaŋ əlyyo, ŋwag tsswo aku corog a." Bə dɨ yoŋ əko, əbyyug u əsɨ kà ǹcorog.²³Yesu ə̀ n ŋwwo buli gbəndaŋ ətyə kwog uswon ənied u ni, əsɨ bwo di ənied hyab ujag ba naŋ əyyaŋ ə wəy gugwoŋ. ²⁴ Ə̀sɨ nyo, "Nyi dərəg əji! A ŋgwon əkay u siyen dag u shyyo bə nda nio." Ənied basɨ may gǔ may jug.²⁵Naŋ ə ngwurug bə ənied ba səlləy ni, Yesu əsɨ ŋwwo butu ku əsɨ təbad a gunyyem ka bə́ mbwag ku, usɨ ka ntəkyəm u yoŋ. ²⁶N khaŋ ə nay ni sɨ ka n gub kay səlləy nkyay ənio.²⁷Naŋ Yesu ə nsswag ə nyyed du uswon ni, +əbiyem əyi əfyyaŋ əsɨ hwi gu lyilyim ə kpaŋ yi ji ə nyo, "Fəg kunag zɨd, Ŋgwon Dauda!" ²⁸Basɨ hwi gu ə tɨ nŋwo buli uyyaŋ, ə̀ sɨ lyib ba, "Nyí ŋwwag cucug nyo n gyaw n corog nyin a?" Ba sɨ shim nyo, "Î Ətyə Uli."²⁹Yesu ə sɨ byərəm əyyi bá bà, nyo,, "Yog ku idi ənyô tuza ŋwwag tsswo nyi ku." ³⁰Əyyi bá bà əsɨ ka ntyyag ba sɨ ka nŋwo cyyaŋ ku. Yesu əsɨ gba ba nyo, "Nyi yog wod əyyin ə lyyen dag!" ³¹Əwod ba ndərog bə əzə ni, basɨ ka nkub kyay ku bu usham əlyyad ə kay.³²Ə byyəm əyyi əfyyaŋ ə byo ə nkad ni, əsɨ bay bə Yesu məməm wo ə byyo utənyiraŋ ni. ³³ Ə̀ ntɨn utənyiraŋ ka ə wurug dyo ni, ətyə əwo sɨ kân ŋwwo əlyyad na. Əkpa ənied u əsɨ kwog mbwag ə say tunuŋ nyo, "zɨ kə ndi kyaŋ naŋ sɨkwǐ ni bə əbyin Israila ka dag. ³⁴Əwod Farisawa ba əsɨ nyo, "Bɨ tyog ga gbəndaŋ utənyiraŋ kwǒ gwo nturuŋ utənyiraŋ na."³⁵Yesu ə̀sɨ ŋwway səlləy ukəraŋ na, əcwwaŋ bə cəcəd, əka cyyed ənied ba usham əlyyad ka bə tuntu dyəb Əgwaza shin Yahudawa na, ə̀ mun ə̀ ncorog ba ko zan təŋkay nzwan. ³⁶ Gwo ba ndi əkpə ənied u ni, ə̀ sɨ fəg kunag ba nwad ba sswo zwod, əwod basɨ cyyo tay. Ba di naŋ zwon tsyyeb ə zə saŋ ətyi cog ni.³⁷Ə̀sɨ nyo bə nnwan ntəm gu na, "Fway ku shi bəd əwod ənied ntəm ba ə̀ lad. ³⁸Dənian əkyo, nyi ghan nyî nay Ətyə Uli əwo ə byyo fway ku ni, gwô təm bə ənied ntəm du ulwo fway gu ka."

Chapter 10

¹Yesu ǝ̀sɨ yoroŋ nnwan ntǝm swag bu ufyyaŋ gu na, ǝ̀sɨ joŋ ba tyog nturuŋ kǝtug ntswa, ǝwod bâ corog kozan tǝŋkǝy nzwan.²Di lyulyorog nnwan ntǝm swag bu ufyyaŋ ǝ̀ kwo kwǐ ni. Guwo yed Simon, wo ǝ̀ ngyi Bitrus ni, mbyyaŋ nǝnyyug gu wu Andrawus, Yakubu ŋgwon Zabede ka, mbyyaŋ nǝnyyug gu wu Yahaya. ³Filibus, Batalomi, Toma, Matiyu wo bɨ say kurum ǝbyin ku ni Yakubu, ŋgwon Alfiyus ka, Taddiyus, ⁴Simon wo ku nyyo kan'ana ni, mbyyaŋ Yahuza Iskariyoti wo əna lyab Yesu ni.⁵Ənied swag bǝ ǝfyyaŋ ǝ bay ni byo Yesu ǝku tǝm, ǝ̀ sɨ nyo bǝ mba, "Nyi yog nŋwo bǝ ukǝraŋ ǝnied ǝkag kwo ukǝraŋ Samariya dag. ⁶Də kunuŋ ǝkyo, nyi nad bǝ nnwan Israili ǝ na u di naŋ zwon tsyyeb ǝzǝ bwug ni. ⁷Nyi nad nyi tɨ shǝy ba nyo "Tyog ku bay kpəg."⁸Nyi corog ǝnied nzwan ba, nyî shirɨb nkwom na, nyî corog ǝnied gbab ba, nyî turuŋ ǝnied ba utǝnyɨraŋ na. N joŋ nyin dǝ bɨ kurum, nyin bwo nyi ŋwwag dǝ bɨ kurum. ⁹Nyi yog byoŋ kurum, kwo zinariya, azurfa, kwo ǝnashoŋ bǝ +ǝmpwod nyi ba dag. ¹⁰Nyi yog byoŋ ǝmpwod cyyed, kwo +ǝtǝrog ǝfyyaŋ, kwo kukwa tag, kwo shan cyyed dag, nwad imyim ǝtyǝ ntǝm u ǝ shyyo kyaŋ ya gu ku.¹¹Kozaŋ ŋwwab, kwo ukǝrag kyo nyi n ŋgwo, nyi cyyaŋ ǝtyǝ ǝwo na san nyin mbwag nfyyaŋ ni, nyî swan bǝ ngu tɨnad jen ǝzǝ nyi ba ndǝrəg ni. ¹²Uli ǝkyǝ nyin ŋgwo ni, nyî byyad ba. ¹³Kǝ ǝnied uli ba san byad nyi ku, yog byad nyi ku i n gyoŋ. Kǝ ba ma ndag, nyî nkad bɨ byad nyi ku.¹⁴Kǝ ǝnied ba ǝtag san kwo ǝlag fǝg nyin ku, nyî kpiyed ubwuŋ tɨtag nyi ba, dǝ njǝ ǝzo nyi nɨ ŋurug usa kwo ukǝraŋ ǝnio ni. ¹⁵Ntag nyin cucug u, Əgwaza U ǝtǝ ba fǝg kunag Sodoma mbyyaŋ Gumarata, ǝ sswag ǝnied ukǝraŋ ǝ byo utug fag ǝlyyad gu ka.¹⁶Di, ntǝm nyin naŋ zwon tsyyeb bǝ kǝucyo ubwu uyid ni. Dənian ǝkyo sǝ nyî byyo mumwaŋ naŋ +zwag ni, ǝwod nyî yed ǝnied saŋ ǝkpǝd naŋ +ǝbəu ni. ¹⁷Nyi tǝlwam bǝ ǝnied ba, nwad, ba nɨ nad bǝ nyin bǝ tuntu fag ǝlyyad na ǝ̀ tǝ wad nyin bǝ tuntu utuŋ Yahudawa na. ¹⁸Ba na kwag nyin a nad dyo du uyi ǝnied fag ǝlyyad mbyyaŋ +ǝgwam ba dǝnian nka, nwad nyi ga shǝy ba mbyyaŋ ǝnied ǝkag ba usham ǝlyyad nka.¹⁹Kǝ ba nyyeb nyin, nyî yog fǝg uwn kyaŋ ǝkwo nyi na nyyo kwo lyyad ni dag. Nwad kyaŋ ǝkwo nyi na lyyad ni ǝna joŋ nyin ku bǝ njen ǝzo. ²⁰nyi byo ba tɨ lyyad dag, tswa Əcyo nyin ǝzǝ̌ nǝ lyyad bumi nyi ka.²¹Nənyyug ǝ na ŋwwag nǝnyyug gu wu ǝ hyad. ǝcyo ǝ ŋwwag ŋgwon gu. Nnwan na u nɨ byyo lag tsswoŋ, bâ ŋwwad ǝnied byyo ba ba ǝ hyay. ²²Konyan ǝna lag nyin dǝnian nka. ǝwod ǝtyo ǝwo ǝ gbaŋ ǝlyo ǝ tǝ nad bǝ ǝŋhan u ni, ngwǒ ba shyyo san ku. ²³Kǝ ǝ lag di nyin bə yin ukǝraŋ ka, nyi tyoŋ nad bu usɨka. Ntag nyin cucug u, nyi ba ntyoŋ kərag ukǝraŋ Iserila na sǝllǝy ni, naŋ Ŋgwon Ətyɨbishyi ka u bay.²⁴Ŋgwon myab u swǝrab ǝtyo ǝwo cyyed ka ni dag, dǝ ǝhwo wo swǝrab ǝtyǝ uli gu wu dag. I myim ŋgwon myab ka u tay ǝtyǝ ǝwo cyyad ka ni, ǝwod ǝhwo u ǝ tay ǝtyo uli gu u. ²⁵Bǝ naŋ ǝ kǝ ngyoroŋ ǝtyǝ uli u Ba'alzubul ni, zan kǝtug lyulyorog kwo ǝ̀ nǝ ŋway yi kyaŋ bwag uli guku?²⁶Nyi yog fəg uwun ba dag, əbyyo kyaŋ ə kwo ə na kub əwəd ni, kwo na ŋway bay kpay ni dag, mbyyaŋ sɨ kwo ə nyyad kwo nɨ ŋway gud wurug ni dag. ²⁷Nkyaŋ əna nshay nyin də əbaŋ ni, əna lyyad na kpəkpay tənwam, əwod nkyang ə na n shwwaŋ nyi ndyo ni, nyi ban yoŋ tuza tuntu nyi shay ənied ba səlləy.²⁸Nyi yog fəg uwum əniəd əna hyay lwam ku, əwod tswa ji i kyyed ba ni dag. Də kunuŋ əkyo nyi fəg uwun ətyə əwo ə hyay ndwam na mbyyan tswa ji buli ndoŋ ka ni. ²⁹Ə́ lyyay unwwan ufyyaŋ kobo dag a? ǝmgbom bǝ ǝnyo ǝ mbyo a nyyung kyo nɨ shwod kwa ǝbyin dǝ bɨ lyen Əcyo nyi wu dag. ³⁰kwo pyyo ǝpyo nyi ku ǝwa kǝ ntwaŋ ku. ³¹Nyi yog fǝg uwun dag, nyi byyo kpaŋtin ji swag unwwan na bǝ zǝn zan.³²"Dǝnian ǝkyo, sǝlləy ǝtyǝ ǝwo tag ǝnied ba naŋ gwo ŋgyed ǝshin ni, ǝnyô mma tǝ ntag Əcyo ngu wo shyyo tuza ka ni bwo naŋ gwo ŋgyed ǝshin n. ³³Əwod ǝtyǝ ǝwo ǝ tsswo n du uyi ǝnied ni, nuŋ bwo, nnǝ ntsswo gu du uyi Əcyo nka wo shyyo tuza ka ni.³⁴Nyi yog dam nyo mbay bǝ nyin kay nda bǝ dunio dag, mbay bǝ nyin kaynda dag ǝwod tswad zǝ mbay bǝ nyindyo.³⁵Mbay ncyyo ǝsam jyyo bǝ ǝcyo gu wu, ǝnab bǝ ǝyaŋ guwu mbyyaŋ ǝnyaraŋ bǝ ǝkwaŋ guwu bwo. ³⁶+Nǝndwan ǝtyɨbɨshyi ba ǝ shyyo bumi uli guka.³⁷Ətyə ǝwo cad ǝcyo kwo ǝyaŋ gu wu ǝ swwag n ni, ǝ ntay ǝ yed ǝshin ndag, ǝwod ǝtyo ǝwo ǝ cad ŋgwon ǝsam kwo ǝnab ǝ swwag n ni, ǝ ntay ǝ yed ǝ shin ndag. ³⁸Ətyə ǝwo dǝ ǝ kyag ǝtɨyem ǝhwu u ǝsɨ hwi n ni dag, ǝ ntay ǝ yed ǝ shin dag. ³⁹Ətyo ǝwo byoŋ sɨcǝd gu ku kpǝmkpam ni ǝna ŋway ku, ǝtyǝ ǝwo ǝ nway sɨced guku dǝnian nka ni, ǝ na shyyo ku.⁴⁰Ətyə ǝwo ǝ san nyin mbwag nfyyaŋ ni, nuŋ ǝ gwo san. ⁴¹Ətyə ǝwo ǝ san ǝtye lyyad ǝŋwwad Əgwaza dǝnian yed ǝtyǝ əlyyad ǝŋwwad Əgwaza ni, ǝna shyyo zǝnaŋ ǝtyǝ lyyad ǝŋwwad Əgwaza, zɨzərag ǝkwa.⁴²Konyan ə̀ ŋwwag ǝtyǝ nyyuŋ bǝ ǝcwaŋ ǝ bay ni, kwo cincaŋ sǝhwod ǝ bǝ ankay, dǝnian ǝ yed ǝ tyo ntǝm n, ntag nyin cucug u, ǝna ŋway zaŋ guji dag."

Chapter 11

¹Yesu ə ntyag shey nnwan ntəm gu na kyaŋ nyyo ku ni, ə̀sɨ swwag ə̀ nad ə́ cyyed ənied ba ə̀ mun ə̀ nshey ba əlyyad Əgwaza na, bə akəraŋ ba na. ²Yohanna ə tyo nyyo botisman ə ku shyyo bɨ hwo, əsɨ nfəg səlləy nkyaŋ ə na Yesu Kristi ə nyyo ni, ikwo gwo sɨ ntəm nnwan ntəm guna. ³bâ lyib gu nyo, "Nwan ə yed ətyə ə̀ wo zɨ tsswoŋ tɨbay a ku ni a, kə zɨ tsswoŋ əyyaŋ ənied?⁴Yesu ə̀sɨ shim nyo, "Nyi bwwog nad tɨ tag gu kyaŋ əkwo nyi ba fəg nyi sɨ bu di ni: ⁵+Əbyyem əyyi ba shyyad cyyaŋ ulwo ku, ənied ə ba təlug tɨtag ba ni ə choŋ, ə corog ənied gbab ba, +sɨlan ba sɨ tswwoŋ ulwo na, məmməm ba əsɨ lyyad, əsɨ shɨrɨb nkwom na, əwod əsɨ cyyed kunag na əlyyad Əgwaza na. ⁶Əgwaza ə na kworog ətyə əwo də ə tsswo n ni mmyaŋ.⁷Nwan ntəm Yohana na u nŋwo niyed ku ni, Yesu ə̀sɨ təbad bwoy əkpa u nkhaŋ Yohana na nyo, "Naŋ nyi n nad bə əhwod uyid u ni, yag ə nyi ngyi nyi nə di? Ga junjun +əkwob ə ba wun ku bwan ni a? ⁸Kə ənyo dag, yag ə nyi nad di ku? Ətyə əwo ə̀ kub ətan ətərəg ni a? Ənied ə ba hwi ətan nkhaŋ ba ni shyyo bu usa +əgwam nio.⁹Bɨ yag ə nyi wurug nad di ku? Ətyə lyyad əŋwwad Əgwaza a? Ntag nyin naŋ nyi tɨ ndi ətyə əwo swwag ətyə lyyad əŋwad Əgwaza ni. ¹⁰Ngwo ə yed ətyə əwo ə́ ndyurug nkyaŋ na tuza guka ni nyo, "N nə ntəm bə ətɨ kwog uswon ngu, gwô jyi nyin lwag ku."¹¹N tag nyin cucug u, kəkəb bə ənied ə ba ənyyug ba ə tyi ni, ə mbyo ətyə əwo sswag Yohanna ətyə nyyo bitisman ni dag, əmgbəm bə ənyo ətyə əwo ə yed akəday ka bɨ tyog tuza ku ni, ə sswag gu. ¹²Kyag nyyo bə njen Yohana tyə nyyo botisman ji, ba ntad utswun əkay, tyog tuza ku ya uswon bɨ ced, ənied bə dɨdɨd əsɨ cad ə ŋwo ku tɨlɨd.¹³Kəkəb ənied lyyad əŋwad Əgwaza ba mbyyaŋ lwag Musa ku ba lyyad tuza tyog əkay ba ntad jen Yohana ətyə nyo botisman ji. ¹⁴Kə naŋ nyi shim əlyyad nna, ngwô əyəd Iliya, wo ə́ bɨ lyyad tɨbay gu ku ni. ¹⁵Yog ətyə əwo byyo tsutsswo ni, ə fəg.¹⁶Bɨ yag ə nmaŋ nə ntyan chey ə kwî ni? Ba dɨ naŋ nnwan ə nio u swwed bə kasswo jiə gwoŋ əkum əka yyi əyyaŋ ba, ¹⁷nyo, 'Zɨ tyab nyin zunzwug, nyi sɨswoŋ dag. Zɨ sɨ bu kyag nyin əbwom əhwu, də nyi ba twi dag.'¹⁸Yohana ətyə nyyo botsma ə mbay ni, əsɨ sswad də bɨ ya kyaŋ ya kwo sswo səhwod, ənied ba sɨ nyo, 'Ə byyo utənyɨraŋ.' ¹⁹Ŋgwon Ətɨbɨshɨ ka u mbay u ya usswon ni, kukwo ba nyo, 'Ə̀ lau wuwog ku, əsɨyed ussum, əsɨ yed kpəndaŋ ənied kurum əbyin, bə ənied kətug nyyo.' Əwod tsutswad ku ni tyay əpyyo ku bə ntəm ku na.²⁰Yesu əsɨ ŋay bu +ukəraŋ ə na gwo nnyo dɨdɨd nɨtyog u ni, nwad ba lag shay kukwoy ku. ²¹Əsɨ nyo, "Ubuŋ u na tug Korasin, mbyyaŋ Betsaida bwo! kə nɨtyog əkwo ə nyio bə nyin ni, ə nyyo ku bə Taya mbyyaŋ Sidon, sə ba mǐ nkay cyyo bwob basɨ kub dyundyuŋ ətərog, basɨ kwon ntoŋ ə ntwarag naŋ ba n nay ə yurub ba shod kwa baku. ²²Ntaŋ nyin cucug u, i tɨ ba lyyen lan Taya bə Sidon utug ndyen Əgwaza ka, ə sswag nyin.²³Bə nŋwan bwo Kafarnahum, a ngyi ə tə ba kyag a ə nad dyo tuza a? Ə ba jib a buli ndoŋ Kə tityog əkwo ə nyyo əbə nyin ni ikwo ə nyyo bə Saduma, sə ka nshyyo ə cəd sag utsswun. ²⁴ Ntag nyin, nyi tɨ ba sswo zwod utug fag əlyyad Əgwaza ka sswag Saduma."²⁵Bə njen əzə, Yesu əsɨ nyo, "Ndyeb a Əcyo, Ətyə Uli tuza bə byin, dənian ə ka nyyad nkyaŋ ənay ba ənied əba cin ba byyo tsutswad ku mbyyaŋ əsɨ byo ə lyen lɨlyen ni, əwod a sɨ twərag a cwwaŋ nnwan. ²⁶ I, Əcyo, ənyô a ncad ku. ²⁷Kəkəb nkyaŋ na Əcyo ŋgu ə kə ncyo ndyo mbwag, ə yin ə lyen Ŋgwon ka dag sə bə Əcyo u, də əyin ə lyen Əcyo u dag sə bə ka Ŋgwon ka u khay utwərag gu wu.²⁸Nyi bay bə nuŋ kəkəb nyin ə ba luraŋ bə gbɨdyig nkpərəg bani, nna joŋ nyin tsswuŋ. ²⁹Nyi nyyeb əpyyo nyin, nyî myab əkwa əka mbyyo ni, ŋyed shonshon əyin əwo ndwwod əpyyo ni dag. nna joŋ nyin tsswuŋ.³⁰Ndwag nna lwwo ə hwu dag, əwod kpərəg n ku swan gbɨdyig dag.

Chapter 12

¹Bǝ njen ǝzǝ, Yesu ǝsɨ kay lwag ǝ̀kwo ŋwo bǝbyin ǝ ka ǝ́ nkab yag ni utug ǝssǝbǝd. Zwoŋ ji sɨ kpiyem nnwan ntǝm gu na, basɨ ŋwo fwud yag ku ǝ yǎ. ²Naŋ Farisiyawa ba ǝ ndi ni, ikwo ba nyo bǝ ngu, "Di, nnwan ntam a na u nyyo kyaŋ ǝ kwo nkwa ni dag utug ǝssǝbǝd ka."³Əsɨ shim nyo, "Nyi kǝ ntwaŋ kyaŋ ǝkwo Dauda mbyyaŋ ǝnied cyyed gu ba ku nyyo naŋ zwoŋ ji ngya ba ni dǎ? ⁴ Əsɨ ŋwwo bɨ tu dyeb Əgwaza ku ǝsɨ kyag zɨzarag kunkwoŋ u sɨ ya mbyyaŋ ǝnied cyyed gu ba, kwò dǝ inkwa bâ ya ni, sǝ ǝnied fi zǝnaŋ byo ǝshim ba dyo bâ ya.⁵Nyi kǝ ntwaŋ bǝ ndwag Musa ku naŋ ǝnied fi zǝnaŋ ba bumi tu fi zǝnaŋ ku ǝnɨ nyyo shwod kwa utug ǝssəbǝd ka, sɨm bǝ ǝnyo ba byyo ǝbun dag. ⁶Ntag nyin, ǝtyo ǝwo sswag gbəndaŋ tu dyeb Əgwaza U ni, ǝ shyyo ǝji.⁷Kǝ nyi ba lyen kyaŋ ǝkwo ǝlyyad ǝ nay ǝ fa ni, 'N cad nyi fǝg kunag ǝyyaŋ, bɨ gag ǝkwo nyi na nfi zǝnaŋ ji ni; sǝ nyi ba cyyaŋ ǝnied saŋ ǝbun bǝ kǝtug dag. ⁸Nwad Ŋgwon Ətyɨbɨshyi kyo, u yed Ətyo Uli nwam ǝssǝbǝd ku.⁹Yesu ǝsɨ dǝrǝg ǝzǒ, ǝsɨ nad bə gbəndaŋ uli dyeb Əgwaza Yahudawa wu, ¹⁰Əhwu bwag ǝsɨ shyyo ǝzo. Basɨ lyib gu nyo, "I nkwa ǝ corog ǝyin utug nwam ǝssǝbǝd kâ?" Ba cad bâ shyyo gu bǝ ǝbun.¹¹Yesu əsɨ nyo bǝ mba, "Nyan ǝ bǝ nyin wo kǝ ǝ byyo zwon tsyyeb jyyuŋ, ǝwod zwon ǝzo isɨ kwa bɨ bwoŋ utug nwam ǝssǝbǝd ka, ǝ na tɨn ji ǝ wurug dyo dâ? ¹²Ənyo, ǝtyibɨshyi u sswag zwon tsyyeb ji! Dǝnian ǝkyo, i yed ǝ nyyo ǝtan ǝkwad dǝ nwam ǝssǝbǝd ku dâ?"¹³Yesu əsɨ ka mbwag ǝsɨ nyo bǝ ǝtyǝ nzwan u, "Nyyeb bwag a ku." Ə nnyyeb ni isɨ ka ncorog isɨ di naŋ sɨku ni. ¹⁴Əwod Farisawa ba ǝsɨ wurug kpǝkpay ǝ nyyo kǝtug didam tuza guka. Basɨ ŋwwo cad lwag ǝkwo banɨ nhyad guni.¹⁵Yesu ǝ nfɨg nkyaŋ ǝna ba lwoy ni, ǝsɨ hwwad ǝpyyo gu ǝ dǝrǝŋ ndyo ǝmba. Ənied bǝ dɨdɨd ǝsɨ hwi gu, ǝsɨ corog ǝnied nzwan ba kǝkǝb, ¹⁶Əwod ǝsɨ gba ba bâ yog twərag gu bǝ ǝnied ba dag. ¹⁷Nwad iyed tɨlɨd kwo i wurug bǝ naŋ Ishaya ətyo lyyad ǝŋwad Əgwaza ə ku ndyyad ni nyo,¹⁸Di, ǝhwo ngu wo nkhay ni, n cad gu, nwad ǝ jyyed n əsay ǝlyyo bǝd. Nnǝ sag tswa nji tuza gu ka, ǝ nǝ twǝrag ǝnied ǝkag ba cucug ndwag u.¹⁹Əna ya kǝnan kwo ǝ ŋhay dag, de ǝyin ǝ na fǝg ǝŋwwad gu dǝ +ndwag dag. ²⁰Ənǝ bud gǝfǝrag ǝwo dǝ ǝ gworəŋ ni dag, dǝ wo na nyyib saŋ ǝzo bay kpǝg i nyyib ni dag. sǝnaŋ gwo cyyo cucug u ǝsɨ ya uswon. ²¹Əwod, ǝnied ǝkag ba ǝ sag ntsswo ba na dǝ ǝlyurog guka.²²Ikwo ǝnied ǝyyaŋ ǝsɨ bay bǝ Yesu ǝyin wo yed ǝbyyem ǝyin ni, ǝsɨ bwo yed mǝmǝm, utǝnyiraŋ usɨ shyyo bǝ ngu. Yesu ǝsɨ shyyo bǝ ngu. Yesu ǝsɨ corog gu, ǝsɨ ŋwo cyyaŋ ku ǝbwo lyyad. ²³Dɨdɨd ǝnied u ǝsɨ kwog mbwag ǝ say tunuŋ, basɨ nyo, "kǝ ǝtyo ǝwi guwo yed ŋgwon Dauda ka?"²⁴Farisawa ba ǝ nfǝg tɨtyog ǝkwǐ ni, basɨ nyo, "Ətyo ǝwǐ ə turug +utǝnyiraŋ na bɨ cǝd Bahalzabu ǝgwam utǝnyiraŋ ǝ." ²⁵Naŋ Yesu ǝ nfɨg dɨdam ba u ni, ǝsɨ nyo, sǝllǝy tyog ǝkwo tyɨraŋ ǝpyyo ku n cyyo ufyyaŋ ni i nɨ ngyoŋ dag, ukǝraŋ ǝkyo u kam ǝpyyo ka ni unɨ yoŋ dag, kwo uli ǝkyo u tyɨraŋ ǝpyyo ka ni u nɨ tyɨrɨb.²⁶Kǝ utǝnyiraŋ u tɨn utǝnyiraŋ, u tyɨraŋ ǝpyyo bǝ ǝpyyo ka. Bǝ nio naŋ tyog ka ku inɨ ngyoŋ? ²⁷Kǝ naŋ nturuŋ utǝnyiraŋ na bǝ cǝd. Baalzabuba, bɨ cǝdǝ nyan kwo nnwan nyi na u nturuŋ ushin ba na? Dǝnian ǝkyo, ba byo na yed ba ǝnied fag ǝlyyad ba.²⁸Əwod kǝ naŋ nturuŋ utǝnyiraŋ na bɨ ced Zɨzǝrag Ntswa Əgwaza kwo, itag naŋ tyog Əgwaza ku bay bǝ nyin. ²⁹Ənyin ǝna nyo ni ǝ ŋwwo buli gɨngǝm ǝyin ka, ǝ kwog gu nkyaŋ na, sǝnaŋ gwo tsa tǝbad gu ǝsɨ lab. Əzǒ gwo i na nshyyo nyyin nkyaŋ na buli ka. ³⁰Ətyo ǝwo ǝ ŋway shyyo dunduŋ bǝ nuŋ ni ǝ yed nǝndwan n, ǝwod ǝtyǝ ǝwo ǝ ŋway tuŋ dunduŋ bǝ nuŋ ni, ǝ sǝraŋ ǝ.³¹Ntag nyin kozaŋ kətug mbyyaŋ jwway ǝna yurub ǝnied ba dyo, sǝ bǝ jwway Zɨzərag Ntswa, ikwo dǝ ǝna yurub dag kwo bǝ cuncwad. ³²Sǝllǝy ǝtyo ǝ wo ǝ lyyad kətug ǝlyyad tuza ŋgwon ǝtyɨbishyi ka ni, ǝ na yurub gu dyo. ǝwod sǝllǝy ǝtyo ǝwo ǝ lyyad katug ǝlyyad tuza Zɨzərag Ntswa u ni, ǝna yurub gu ndyo dag, kwo bǝ njen nini, tɨ nad jen tɨ bay ji.³³"Ukwon ǝkyo u yed ni ǝswun ka na yed, kǝ ukwon ka u yed dag ǝswun ka na yed dag. Nwad, ǝnɨ fɨg ukwon ka bǝ ǝswum kaka. ³⁴Nyin zwa ntssub! nyi na nyo ni ndyyad ǝtan nkyaŋ u naŋ nyi mbyyo kǝtug ku? Nwad nkyaŋ ǝnyo shyyo bǝ ntsswo na ni inio unuŋ ka ulyyad. ³⁵Tsswo ǝtan ǝtyɨbɨshyi ku wuud bǝ ǝtan nkyaŋ, ǝwod tsswo kǝtug ǝtyɨbɨshyi ku wuud bǝ kǝtug nkyaŋ.³⁶Ntag nyin, kozaŋ yɨyərag ǝlyyad ǝ ǝnied ba ǝkǝn dyyad, konyan ǝtǝba twaŋ na utug fag ǝlyyad ka bǝ nŋan jen u. ³⁷Nwad ǝlyyad ǝ̂ niǒ nɨ fǝrǝg a wod, na nio bwo na cyyo ǝ ləb a.³⁸Ikwo ǝnied cyyed lwag Musa ǝyyaŋ mbyyaŋ Farisawa, ǝsɨ nyo bǝ ngu, :"Ətyǝ cyyed, zɨ cad â twǝrag zɨd yin tɨtyog. ³⁹Əwod Yesu əsɨ shim ba ndyo nyo, Ga kǝtug mbyyaŋ shɨshɨg n cay ǝ ced ǝ twǝrag ba tɨtyog. ǝwod ǝ mbyyo tɨtyog ǝ kwo ǝnǝ twǝrag nyin ni dag sǝ bǝ̀ sɨkwo bɨ shyyo Yunusa ǝtyo lyyad unuŋ Əgwaza ni. ⁴⁰Bǝnaŋ Yunusa ǝku nshyyo n nwam ntad, bǝ tutug na ntad, bu ufah gbǝndaŋ ǝfǝn u ni, ǝ nyǒ, ŋgwon Ətyɨbishyi ka nǝ ntyag nnwam ntad, tutug bǝ tǝnwam bumi ǝ byin ka.⁴¹"Utug fag ǝlyyad Əgwaza ka, ǝnied Niniva ba ǝwu cyyo cey ǝkwî ǝbun dǝnian ba ku san ǝlyyad Əgwaza na bu nuŋ Yunusa, ǝtyo ǝwo swwag Yunusa ni ǝshyyo ǝji.⁴²Əbyyug ǝwo ku yed ǝgwam utag u ni, ǝna cyyo cey ǝkwî ǝbun, nwad, ǝku kyag ga gbəndaŋ nyyo bǝ ŋan dunio u cyyad ǝnad ǝ fǝg tsutswad Sulemanu ni əwod ə di ətyo əwo sswag ǝshyyo ǝji.⁴³"Kǝ kǝtug ntswa ǝ wurug bǝ ǝtyɨbishyi, ǝnɨ kay ulwo ǝ nyyo u saŋ sǝhwod ni ǝ cad ulwo ntswuŋ ka, kǝ ǝ ma nshyyo dag. ⁴⁴Əna nyo ǝnî, 'Nna bwwog nnad buli ǝkyo n ŋwurug ni.' Kǝ ǝ bwwog ǝnad ǝsɨ tɨ shyyo naŋ ǝ kǝn dyaŋ ulwo ka ǝsɨ jyi ka ǝ sag. ⁴⁵Əna nad ǝ cad +Kǝ́tug ntswa natad ǝyyaŋ byo sswag gu bǝ ǝkpǝd u ni, bâ tǝ sswan dulwo ka, ǝwod gag di ǝtye ǝwî ni bǝ nŋan wu tɨ ba byyan swwag gbəŋbaŋ u. Ə nyô ku tɨ ba ndi bǝ kǝtug ncey ǝ wî ni."⁴⁶Naŋ Yesu ǝ shyyo bǝ ǝlyyad na bǝ ǝkpa ǝnied u, ǝyaŋ guwu bǝ +nǝnyyug guba ǝsɨ ba yoŋ tusa ǝ cad bâ lyyad bǝ ngu. ⁴⁷Əyin ǝsɨ kǝrag bǝ ngu nyo, "Di, ǝyaŋ ǝwu mbyyaŋ +nǝnyyug aba ǝ yoŋ tusa ǝ cad ǝ kǝrag bǝ nwan."⁴⁸Yesu ǝsɨ shim bǝ ǝtyo ǝwo ǝ kǝrag bǝ ngu ni nyo, "Ə nyan ǝ yed ǝyaŋ ngu mbyyaŋ nyo nyan byo yed +nǝnyyug mba?" ⁴⁹Əsɨ ka n tǝtwaŋ nnwan myam guna nyo, "di ǝnied ǝ bay, ba byo yed ǝyaŋ ngu mbyyaŋ +nǝnyyug mba! ⁵⁰Nwad, konyan ǝ nyyo ǝcyo ngu wo shyyo tuza ka ni, kyang ǝkwo gwo cad ni, ǝtyo ǝwo gu wo yed nǝnyyug ǝsam wu, bǝ nǝnyyug ǝnab u mbyyaŋ ǝyaŋ ngu."

Chapter 13

¹Utug ǝkyo, Yesu ǝsɨ wurug buli ka ǝtɨ swan dǝ kywuŋ ǝywi ku. ² Əkpa ǝnied ǝsɨ kǝraŋ gu ǝbwwag ǝsɨ ŋwwo bǝ kukwon sǝhwod ku ǝ nswan, naŋ ǝkpa ǝnied u ǝ yoŋ bɨ nkyuŋ ǝywi ku.³Yesu ǝsɨ lyyad ba nkyaŋ bǝd bu uma ǝlyyad nyo, "ǝtyo cwi nkyaŋ ǝyyaŋ ǝ nad ǝtɨ cwi zwa nkyaŋ. ⁴Gwo n ŋwo nay zwa ji ni, jyyaŋ sɨ kwoy bǝ nkyuŋ ndwag, unwan usɨ bay bà taŋ. ⁵Jyyaŋ sɨ kwoy bǝ ulwo ǝkyo u yed gbugbǝrag ni. saŋ mbyin ku du'ulwo ka sǝ cyyo zwa ji sɨ ta wurug unfyyen nwad mbyin na mǝy ji dag. ⁶Nwam ku ba ntǎd isɨ dǝrǝg bǝd ni, basɨ kpǝyǝm ba byyo nɨnan dag, basɨ fi.⁷Tsswa Jyyaŋ sɨ kwoy bumi gǝdyyen ka isɨ lay, sǝkan ji sɨ cwi zwa ǝzo dǝrǝg ni. ⁸Tsswa jyyaŋ sɨ kay bǝ ǝtan ǝbyin ji sɨ swum, sɨ fuŋ tɨ nad cyyan ci jyyuŋ, jyaŋ nsswag uta'a, jyyaŋ nsswag ntad. ⁹Ətyo ǝwo ǝ byyo tsutswo ba ni yog gwo fǝg."¹⁰Nnwan ntǝm na usɨ bay ba nyo bǝ Yesu, "yag ǝ mbyyo a ndyyad bǝ ukpa ǝnied u bɨ uma ǝlyyad ka?" ¹¹Yesu ǝsɨ shim ba ndyo nyo, "lwag lyen umi tyog tuza ku nyi byo ǝ ŋwwag, ǝ joŋ ba dag. ¹²Nwad, konyan ǝ byyo, ǝbwo na mbyyaŋ gu ndyo. Əwod, sǝllǝy ǝtyǝ ǝwo saŋ ni, ǝba san asɨkyo gwo byyo ni.¹³Ikwo mbyyo, ndyyad bǝ mba bɨ uma ǝlyyad ka. Əwod kwo naŋ ba ncyyaŋ ni, ba nɨ di dag, ba nɨ tsswoŋ dǝ ba nɨ fǝg dag, dǝ ba nɨ fɨg dag. ¹⁴Mǝmba ǝ ǝlyyad unuŋ Ishaya na ǝ mbay cǝcǝrag, nio ǝnyo: 'Bumi tsswoŋ nyi na fǝg dǝ nyi ba nɨ ntǝbad kyaŋ dag, nyi na cyyaŋ dǝ nyi ba nɨ fɨg dag,¹⁵Nwad, ntsswo ǝnied ǝ nay kǝ ncyyo kpǝbbǝŋ, ba byyo tsutswo dǝ ba tsswoŋ ni dag, ǝwod ba nyim əyyi ba bâ yog di bə əyyi bá bà, kwo bâ tsswoŋ bə tsutswo bá bà, kwo bâ fɨg bǝ ntsswo ba na bâ bwwog əbay bə nuŋ n corog ba.'¹⁶Əwod lɨbarka ǝ yǝd ǝyyi nyi ba, nwad ba cyyaŋ, mbyyaŋ tsutswo nyi ba nwad ba tsswoŋ. ¹⁷Ntag nyin cucug u, ǝnied lyyad unuŋ Əgwaza bǝ dɨdɨd mbyyaŋ zɨzǝrag ǝnied hwi ba ǝku cad gag ǝkwo əna ndi nkyaŋ ǝna nyi cyyaŋ ni, basɨ di na dag. Basɨ cad bâ tsswoŋ nkyaŋ ǝna nyi tsswoŋ ni basɨ fǝg na dag.¹⁸Nyi kwərog tsutswo nyi fǝg kyaŋ ǝkwo uma ǝlyyad ǝtye khab ǝwo ǝ nay zwa nkyaŋ ji ni. ¹⁹Konyan ǝ fǝg ǝlyyad tyog tuza na ǝsɨ fɨg dag, utənyiraŋ ka unɨ təwob kyaŋ əkwo ə tɨb bə ntswo gu ku ni. Ikwo yed zwa əzə kwoy bə kyuŋ ndwag ku ni. Zwa əzə kwoy bə gbugbərag u ni, yed ətyo əwo fəg əlyyad na əsɨ ka nsan na mbwag nfyyaŋ ni.²⁰Zwa əzə kwoy bə gbugbərag u ni, yed ətyə əwo fəg əlyyad na əsɨ ka nsan na mbwag nfyyaŋ ni . ²¹Də naŋ gwo mbyyo nɨnan ni dag, ənɨ labyyyaŋ dag. Jen əzə zwod mbyyaŋ təshug mbay dənian əlyyad əna gwo san ni, ə na shwod əkwa bə unfyyen.²²Zwa əzə kwoy bə gədyyən ka ni, yəd ətyə əwo fəg əlyyad Əgwaza na əwod dɨdam tuza nkyaŋ swanta, bə shushog cad zwa, əsɨ təfog əlyyad Əgwaza na nasɨ byyo əswum dag. ²³Sɨ zo kwoy bə ətan əbyin u ni, yed ətye əwo fəg əlyyad na əsɨ fɨg na. Ətyə əwo əna wurug bɨ yag əkwo shi ni, yyiaŋ cyyan ci, yyiaŋ cyyan nswag utâ, kwo cyyan nswag ntad, sswag gag əkwo gwo bɨ ncwi ni."²⁴ Yesu əsɨ bwo lyyad ba uma əlyyad uyyiaŋ nyo. "Tyog tuza ku di naŋ ətye əwo ətə cwi ə tan zwa bə əbyin gu ka ni. ²⁵Əwod jen əzə səlləy ənied ba ə nshyo bə nda ni, nəndwan guwu əsɨ nad ətə nnay əkwob bə əbyin ka əsɨ tə nkad. ²⁶Jen əzə yag ku nday isɨ fwoy pipyo ku ni, əkwob ba sɨ wurug bwo.²⁷Nnwan ntəm ətyo əbyin u əsɨ bay ə ba lyib gû nyo, 'ətyo uli, ətan nzwa ə a ku nay b'əbyin aka dâ? Bə əkwob ba ə wurug nyyo əjî?' ²⁸Əsɨ nyo əni, 'Nəndwan ə tə nyyo ə nyo.' Nnwan ntəm gu na usɨ lyib gu, 'Bə a cad zɨ nad tɨ ŋha bâ?'²⁹Əsɨ nyo məmba, 'Gad, kə nyi nad ŋha əkwob ba, shim dag nyî ŋha mbyyaŋ yag ku.' ³⁰ Nyi yog bâ lay dunduŋ tɨ nad jən fway ji. Jən əzə izo n nə ntay ənied cag ba, 'Nyi tsa tuŋ əkwob ba, nyî lwwoy bə +əkpa ətə fi, əwod nyî tuŋ yag ku bay dyo bə əŋban ngu.' "³¹Yesu əsɨ bwo lyyad ba uma əlyyad uyyiaŋ nyo, "Tyog tuza ku di naŋ a ntswa yuŋ əka əyin ə tɨb bə əbyin gu ka ni. ³²Ikyo uyed a dɨdəy ka bə ntswa yag ji. Əwod kə u lay, u nɨ shi u sswag əkum ka bə əbyin ka. U nɨ cyyo ga gbəndaŋ ukwon unwan na u coŋ nnog +ule nà bə nnay na."³³Əsɨ bwo tag ba uma əlyyad uyyiaŋ nyo "Tyog tuza ku di bə naŋ fwurag əkwo əbyyug ə kyag əsɨ nnu bə nhyo yag mudu utad, isɨ cyyo na nfwuŋ səlləy ni."³⁴Səlləy nkyaŋ ənay, Yesu ə lyyad na bə əkpa ənied u bə uma əlyyad, ə mbyyo kyaŋ əkwo gwo ŋway tag ba bə uma əlyyad ni dag. ³⁵ Ə nyô nkyaŋ ə nay n di inad cəcərag bə nkyaŋ əna ətyə lyyad unuŋ Əgwaza U əku lyyad naŋ gwo nyo, "Nna nnyyib unuŋ nka bə uma əlyyad. Nna ntwərag ənied ba nkyaŋ əna ə nyyad nyyo naŋ əkə nnwad swanta ku dag."³⁶Yesu əsɨ dərəg əkpa ənied u əwod ətə ŋwwo b́uli ka. Nnwan ntəm gu na usɨ bay ba shyyo gu nyo, "Twərag zɨd kyaŋ əkwo uma əlyyad əkwob na bə əbyin yag ka ə fa ni." ³⁷Əsɨ nyo məmba, "Ətyo əwo ə cwi ə̀ tan nzwa u ni, guwo yed ŋgwon ətyɨbishyi ka. ³⁸Əbyin ka ikyo yed swanta ku, əwod ətan nzwa ù, guwo yed ənied əba ə shyyo bɨ tyog Əgwaza ku ni. Əkwob ə̀ byo sɨ yəd ənied ə ba ə yed nnwan kətug əyyin na ni. ³⁹Əwod nəndwan əwo ətə nay əkwob ba ni guwo yed utənyɨraŋ ka. Fway ku ikwo yed əŋan swanta u, əwod ənied fway bà ibyo yed +ətəm Əgwaza ba.⁴⁰Dənian əkyo, gag əkwo əna ntuŋ əkwob ba ə fi bə ndoŋ ku ni, ənyǒ ku ba ndi utug dərəg swanta ka. ⁴¹Ŋgwon ətyɨbɨshyi ka u ba təm bə +ətəm ka ba, bâ tə tuŋ nkyaŋ əna ti shwwəd kwoy ku ni, mbyyaŋ ənied əba ə nyyo kətug ku ni kəkəb ə wurug dyo bɨ tyog ka ku, ⁴²Ba tə ba jib ba, bə ga ndoŋ əwo ba nan twi ə nyway nyunyuŋ ni. ⁴³Əwod ənied ə ba ə saŋ əbun u ni, ə say naŋ nwam ni bɨ tyog əcyo ba ku. Ətyo əwo ə byyo tsutswo fəg ba ni, yog gwo fəg.⁴⁴Tyog tuza ku di naŋ +zwa əzə ə nyyad bə əbyin ni. Əyin əsɨ tə di əsɨ nyyad. Bumi əgway, əsɨ nad ətə lyyay nkyaŋ gu na əsɨ nsan əbyin ka. ⁴⁵Bə ə nyô , tyog tuza ku di naŋ ətyə əbwuaŋ əwo ə wurug cad +mimyad nfaŋ ni. ⁴⁶Jən əzə gwo nshyyo ətan mimyad əfaŋ u ni, əsɨ nad tə lyyay nkyaŋ gu na səlləy, ə n san.⁴⁷Bə ə nyô, tyog tuza ku bu ndi, bə naŋ əkyəw əwo ə nwad bɨ cen ni, əsɨ n gwum kozan tankəy nkyaŋ ni. ⁴⁸Naŋ ku nhyad əkyəw u ni, ənied wum ba əsɨ kwag ku ə nad dyo bə nkyuŋ cen ku. Basɨ khay ətan u ə kwərog bu +ucəraŋ na, basɨ wyem nsɨnio də ə ya ni.⁴⁹Ənyǒ ku ba ndi utug dərəg swanta ka. +Ə́təm Əgwaza ba ə tə ba khab kətug ənied ba bumi ənied əbyo saŋ əbun ni. ⁵⁰Əna taŋ kətug ənied ba bə ga ndoŋ, əzə̂ ba nə ntwî ə nyway nyunyuŋ ba.⁵¹Nyi fɨg nkyaŋ ənay ni səlləy a? Nnwan ntəm guna u sɨ shim gu ndyo "Î." ⁵²Yesu əsɨ nyo məmba, "Nwad əyô kozan ətyɨ cyyed tyog tuza ku ni ə di naŋ ətyə uli əwo ə wuud bə nkyaŋ gu na , huhwob mbyyaŋ nfay, ə nyyo dyo bə nzwa gu ji ni. ⁵³Yesu ə ntyag +uma əlyyad anay ni, əsɨ dərəg dulwo əkyô.⁵⁴Yesu əsɨ ŋwwo bu ukəraŋ guka əsɨ cyyed ənied ba bə gbəndaŋ tu dyeb Əgwaza shin Yahudawa ku. Ənied ba əsɨ təbyyed unuŋ na ə byoŋ, ə lyirim nyo, "Əji ə ətyə əwi ə tə nshyyo tənkay tsutswad əkwî mbyyaŋ cəd nyyo nkyaŋ nɨtyog ənay? ⁵⁵Guwo yed ŋgwon ətyi jyi kukwòn na dâ? Əyaŋ gu əwo ə n gyi Meri dâ? Əwod nənyyug ə́sam gu ba, ibyo ə n gyi Yakubu, Yusuf, Siman mbyyaŋ Yahuza dâ? ⁵⁶Kəkəb nənyyug +ənab gu ba əmun əshyyo bə n zid dâ? Bə əji ə gwo tə nshyyo cəd nyyo kəkəb nkyaŋ tɨtyog ə nay ni?"⁵⁷Basɨ kan byyan tswo dənian gu ka. Əwod Yesu əsɨ nyo məmba, "Ətyə lyyad unuŋ Əgwaza ə shyyad shi kwo əji, kaŋ bɨ ukəraŋ guka mbyyaŋ uli gu ka." ⁵⁸Əsɨ nyyo nkyaŋ tɨtyog bəd dag əzə̌, nwad ba ŋwwag cucug dag.

Chapter 14

¹Də njen əzə, əgwam Hirudus əsɨ fəg nkhaŋ Yesu na. ²Əsɨ nyo bə +əhwo guba, "Yohanna ətyi nyyo botisman əwi dyo, ə dərəg bumi ənied əkyo əkə nkwi ni. Ikwo mbyyo ncəd ənay n nyyo ntəm bə ngu."³Nwad Hirudus əbɨ tsa əkə təbad Yohanna, əsɨ ləb gu, əwod əsɨ cyyo gu bɨ hwo dənian Hirudiya, əbyyug nənyyug guwu Filibus. ⁴Nwad Yohanna əbɨ nyo bə ngu, "I ni kwa dag a kyag gu əyed əbyyug a" ⁵Sə Hirudus əbɨ cyyo əsɨ hyad gu əwod əsɨ fəg uwun ənied na nwad ba bɨ kyag gu naŋ ətyi lyyad unuŋ Əgwaza ni!⁶Nwam mbyin Hirudus ku ba mbwwag bay ni, a guniyyem Hirudiya ku usɨ swoŋ duswon Hirudus ka əsɨ fəg nyinyaŋ bəd. ⁷Nyinyaŋ əkwo sɨ cyyo əsɨ shyi gwo na nyyo ka kwo yag ə u lyib gu.⁸Ayaŋ əwo əsɨ fwud ka bɨ kyaŋ əkwo unɨ lyib ni, ikwo usɨ nyo "jen n əpyyo Yohanna ətyi nyyo botisman ka əji bə nkham shab." ⁹Əgwam u əsɨ fəg əlyo ya bɨ kyaŋ əkwo u lyib ni, əwod nwad shishyi əzo gwo kə nkyag ni mbyyaŋ nswum na nwad ənied əbyo əya dunduŋ bə ngu, isɨ yed gu tɨlɨd əsɨ kam ə nyyo ənyo.¹⁰Ə̀sɨ cyyo əsɨ tə tin əpyyo Yohanna ka bɨ hwo ku. ¹¹Əwod əsɨ bay bə əpyyo ka bə nkay shab ji əba ŋwwag a guniyem ka usɨ nad dyo u tɨ ŋwwag əyaŋ kawu. ¹²Əwod nnwan myab guna usɨ bay usɨ ba kyag kwom ku u tɨ nyad. Məta əkyo basɨ i nad ətə tag Yesu.¹³Yesu ə nfəg nyyo əji ni əsɨ bwwog lylyim bə kukwon sahwod ə cyyo dulwo əkyo gwo nə nshyyo ənyin guni. Naŋ ukpa ənied ba ə nfəg ni basɨ hwi gu bə tɨtag ə nyyo bu +ukəraŋ na. ¹⁴Yesu əsɨ bay ə̀ wod əsɨ ba di ukpa ənied ka. Əsɨ fəg kunag ba bəd əsɨ corog ənied nzwan ba bumi baka.¹⁵Dushwuŋ ji ba nyyo ni, nnwan myyab guna usɨ nad u tɨ nyo bə ngu. Əyin shyyo əji dag əwod utuk ka usɨ kwag, tɨn ukpa ənied ka bâ ŋwwo bumi ukəraŋ ka bâ cad əpio ba nkyaŋ ya.¹⁶Əwod Yesu əsɨ nyo bə mba, i ni nkwa bâ nad yin ulwo dag. Nyin nyi joŋ ba kyaŋ bâ ya la. ¹⁷Basɨ nyo bə ngu, zɨ byyo bə kunkwoŋ ətsswon ə mbyyaŋ fən fyyaŋ. ¹⁸Yesu əsɨ nyo bə mba, "nyi bay bə nuŋ dyo əjì.¹⁹Əwod Yesu əsɨ cyyo ukpa ənied ka basɨ sswan əbyin bə əkwob ba. Ə̀ sɨ kyag kunkwoŋ ətsswon u mbiyaŋ fən fyyaŋ ku. Ə̀sɨ təkyem əyyi ba tuza əsɨ n kwərog mmyaŋ na əsɨ cwarag kunkwoŋ u əsɨ joŋ nnwan myab guna bâ ŋwwad ukpa ənied ka. ²⁰Səlləy ba əsɨ ya basɨ swəy. Əwod ucaraŋ swag bana ufyyaŋ nio əsɨ kwog cuncwoŋ kyaŋ ya əzə bwad ni tyəntyaŋ. ²¹Ənied əbyo əbɨ ya kyaŋ ya əkwi ni, ətyog cikwob tsswon kaŋ bə ənyyug ba mbyyaŋ nnwan na.²²Məta əkyo, Ə̀sɨ cyyo nnwan myab na usɨ kyag uswon gu bə kukwon səhwod ku byyog əywi ka u cyyo də mənyyi unyyuŋ ka, əwod əsɨ cyyo ukpa ənied ka təlyən. ²³Ə̀ tɨn ukpa ənied ka ni, əsɨ ŋiag əfan ka ənyin gu nad nay. Dushwuŋ ji sɨ ba nyyo naŋ gwo shyyo əzə ənyin gu. ²⁴Əwod kukwon səhwod ku shyyo bə gbaŋ bə əkpay u naŋ ywan səhwod ku kyi bwan ku, nwad wunku bɨ byyo cəd bəd.²⁵Tɨbay tswam nyay ji bə nshuŋ utswon ku, Yesu əsɨ coŋ ə təbay bə mba tuza səhwod ka. ²⁶Nwan mmyab ntəm na u ndi gu gwo coŋ tuza səhwod kani, lwam sɨ tyirɨm ba, basɨ nyo "kətug ntswa ə," əwod basɨ kwərǝg nkun nwad uwun na. ²⁷Əwod Yesu əsɨ ka nkərag bə mba nyo, "nyi gbaŋ əlyo! Nuŋ ə nyi yog fəg uwun dag.²⁸Bitrus əsɨ shim gu dyo nyo "Ətyə Uli kə ŋwan ə, cyyo mbay bə ŋwan tuza səhwod ka. ²⁹Yesu əsɨ nyo bə ngu "bay" ìkwo Bitrus əsɨ wurug bə kukwon səhwod ku əsɨ təbad cyyed ku tuza səhwod ka ə nyyed bə Yesu. ³⁰Əwod Bitrus ə ndi wun kuni, əsɨ fəg uwun. Ə̀ nŋwwo təyyud kuni əsɨ kpaŋ kun nyo, "Ətyo Uli san n."³¹Yesu əsɨka nnyyeb bwag guku əsɨ ntəbad Bitrus əwod ǝsɨ nyo bə ngu, "ŋwan ətyə dɨddəy ŋwwag tsswo, yag ə mbyyo a nkwag əbaŋ ka? ³²Jen əzə Yesu mbyyaŋ Bitrus ə nŋwwo kukwon səhwod kuni, wun ku sɨ tsswuŋ hyab ku. ³³Əwod nnwan myab na bumi kukwon səhwod ka usɨ kwog gu ntoŋ nyo, "cucug ŋwan ə yed ŋgwon Əgwaza ka."³⁴ Ba mbyyog ə cyyo də mənyi ka ni, basɨ cyyo bə əbyin Janisarata, ³⁵Naŋ +ətyog ba bu ulwo əkyo ə nfɨg Yesu ni, basɨ twoy ə kərag ulwo ka naŋ ə coŋ bə ngu ənied nzwan ba. ³⁶Basɨ nay gu dɨgag əkwo bana mbyərəm bə tərəg guwu ni, əwod əmgbom ənied əbyo əsɨbyərəm ni əsɨ corog.

Chapter 15

¹Kukwo Farisawa ǝyyaŋ mbyyaŋ ǝnɨ cyyǝd lwag Musa ba basɨ nyyo Urushalima ǝ bay bǝ Yesu nyo, ²"Yag ǝ mbyyo nnwan ntǝm ǝna ntǝkǝram ndwag nswad +ǝcyo ǝhwob gbəndaŋ zɨd ba? Naŋ ba ndag kwi mbwag ba na ǝsɨ̌ dɨ ya ku ni? ³Yesu ǝsɨ nyo mǝmba, "Nyin bwo yag ǝ mbyyo nyi ntǝkǝram shin Əgwaza ji nnyyo shin ndwag nswad ǝ cyo ǝhwob nyin ba?⁴Əgwaza U bwwo ǝku nyo, 'ŋwwag ǝcyo ǝwu mbyyaŋ ǝyaŋ a shi.' Kwo naŋ nyi nnyo, "Konyan ǝ lyyad kǝtug ǝlyyad tuza ǝcyo kwo ǝyaŋ, tɨlɨd kwo ǝ hyad gu." ⁵Əwod nyi bɨ nyo, 'Konyan ǝ hyyo bǝ ǝcyo kwo ǝyaŋ,' "Kǝkǝb nkyaŋ ǝna myim nyî shyyo mbwag nka ni, nkǝ khab nsag nŋwwag Əgwaza U!" ⁶ Tɨlɨd kwo gwô ŋwwag ǝcyo bǝ ǝyaŋ guwu shi dag. Kukwo mbyyo nyi tǝkǝram ǝlyyad Əgwaza na dɨ cyyaŋ na bɨ kpaŋtin dag dǝ kunuŋ nshin ǝcyohwob nyin ba.⁷Nyin ǝbaŋ ǝbyin, cucug ǝ Ishaya ǝku lyyad tuza nyin ka nyo, ⁸"Ənied ǝbay ni ǝ ŋwwag nshi bǝ bunuŋ kyo, naŋ ntsswo ba na shyyǒ gbaŋ bǝ nuŋ. ⁹Ba dyeb m bǝ kpod, naŋ ba ncyyed tyog ǝniedbyɨshyi dǝ kunuŋ shin Əgwaza kwo."¹⁰Kukwo Yesu ǝsɨ yoroŋ ukpa ǝnied ka ǝbay dyo bǝ ngu ǝsɨ nyo, "Nyi kwərog tsutsswo nyî fɨg. ¹¹"Ə̀̀ mbyyo kyaŋ ǝkwo na ŋwwo bumi unuŋ əyin kwo na cyyo shɨshɨg bǝ ngu ni dag. Sǝ bɨ kyaŋ ǝkwo nyyo bǝ unuŋ ka ni, sɨkwi ni kukwo na yǝw ku bay bǝ ǝnǔ shɨshɨg ku."¹²Kukwo nnwan ntǝm Yesu na basɨ nyo bǝ ngu, "A lyen naŋ Farisawa ba ə nfǝg cway tuza ǝlyyad a ka a?" ¹³Kukwo Yesu ǝsɨ nyo, "Kozaŋ ukwon ǝkyo dǝ ǝcyo nuŋ ǝwo tuza ǝ tɨb ni dag, ǝna ŋad ka ǝ tɨn. ¹⁴Yog ba shoshon! Ba yed +ǝbyyem ǝyyi ǝbyo ǝkwog uswon. Bǝ kǝ naŋ ǝtyǝ tɨtwan ǝsɨ kwag ǝtyǝ tɨtwan kǝkǝb ba bana kwa bɨ bwoŋ dâ?¹⁵Kukwo Bitrus ǝsɨ ka nnay Yesu nyo, "Twǝrag zɨd kyaŋ ǝkwo kidǝ ǝji fa ni." ¹⁶Yesu ǝsɨ lyib ba, "Had nini nyin bwo nyi shyyo bɨ fɨg da? ¹⁷Nyi lyen naŋ kyaŋ ǝkwo ŋwwo bɨ unuŋ ǝtyibɨshi ka ni coŋ bu ufa kyo, ǝwod ǝtǝ tɨn ǝ kworəg bu bwoŋ əbyin.¹⁸Əwod nkyaŋ ǝna nɨ gud ǝ wurug bǝ unuŋ ka ni nyyo bǝ ntsswo kwo. Na nio yed nkyaŋ ǝnio ti ǝtyibɨshyi wu shɨshɨg ku. ¹⁹Nwad bǝ ntsswo kwo ǝ nkwog kǝtug dɨdam wu naŋ hyay ǝnied shɨshɨg ǝkwa, myyo ǝtyog bə ǝbyyug ǝyin, tsaŋ, bwoy ǝlyem mbyyaŋ tyam ǝyyaŋ bɨ mwaŋ hyad ǝyin. ²⁰Nkyaŋ ǝnay ni na nio ti ǝtyɨbɨshyi wu shɨshɨg ku.Əwod ŋway kwi mbwag ǝsɨ də di ya kyaŋ ya kukwo ti ǝtyɨbɨshyi shɨshɨg ku dag."²¹Naŋ Yesu ǝku ngwod ulwo ka ni, əsɨ tǝb ǝjyyuŋ ukǝraŋ Taya mbyyaŋ Zidon. ²²Kukwo ǝbyyug Kanan ǝyyaŋ wo nyyo bǝ ǝfam ǝkyo ni, ǝsɨ bay bǝ ngu. ƏSɨ kpaŋ kun nyo, "Fǝg kunag n, Ətyǝ Uli Ŋgwon Dauda! Ŋgwon ǝnab nka u sswǒ ubuŋ bǝd mbwag utǝnyiraŋ." ²³Əwod Yesu ǝsɨ ya nkərag ǝ ntan gu dag. Kukwo nnwan ntǝm gu na usɨ nay gu nyo, "Tɨn ǝbyyug ǝwi ni gwô nkad la, ǝ hwi zɨd ǝ wǝy zɨd gugwoŋ bǝ unag gu ka."²⁴Əwod Yesu ǝsɨ nyo, "ə tǝm n bǝ ǝyin dag sǝ bǝ nzwon tsiyeb ǝzo kǝ bwwug ni bə ǝbyin Isirela ka ni." ²⁵Əwod əsɨ bay ba kpərag huhwud gu ba duyi Yesu ka nyo, "Ətyǝ Uli, byyaŋ n la!" ²⁶Kukwo Yesu ǝsɨ shim nyo, "I yed dag ǝ kyag kyaŋ ya nnwan ku nta nnwan ubwu dyo.²⁷Əbyyug wu ǝsƗ nyo, "Î, ǝtyǝ uli, ǝwod sǝ a lyen naŋ nnwan ubwu na nɨ mun uya cuncwoŋ ǝzo shwwod nyyo bǝ tǝbur ǝtye uli ji ni."²⁸ Kukwo Yesu ǝsɨ kag ǝpyo ǝsɨ nyo, ŋwwag cucug aku shi bəd, "Kyaŋ ǝkwo a cad ni a shyyo." Ŋgwon ǝnab gu ka usɨ ka ncorog dǝ njen ǝzo.²⁹Yesu ǝsɨ wod ǝzo ǝsɨ kay kyuŋ ǝywi Galili ku. Kukwo gwo sɨ ŋiag tswog ji ǝ nswan.³⁰ Dɨdɨd ukpá ǝnied sɨ bay bǝ ngu. Basɨ coŋ bǝ ngu ǝnied nzwan naŋ ǝsɨba coŋ ǝhyyad, ǝbyyem ǝyyi, mǝmmǝm ba ǝsɨ nkwaŋ ǝbyin mbyyaŋ ǝkum ǝnied nzwan ka, Yesu ǝsɨ corog ba kǝkǝb. ³¹Kukwo ukpa ǝnied ka usɨ nyo kwod naŋ ba ndi gag ǝkwo mǝmmǝm ba ǝ ndyyad ni, ǝsɨba kwaŋ ǝbyin kwo hyyad ni ǝ coŋ cǝcǝrag, +ǝbyyem ǝyyi ba ǝ cyyaŋ. Basɨ dyeb Əgwaza Isireila u bǝd.³²Yesu ǝsɨ yoroŋ nnwan ntǝm gu na nyo, "Ntswoŋ kunag ǝnied ǝbǎy ni bǝd, nwad ba shyyo ǝji nwam ntad kwo kwi ni dǝ bɨ kyaŋ ya. N nɨ cad n tɨn ba bâ nkad zwoŋ dag, kǝlag bǝ ba tǝ fwǝraŋ dǝ ndwag." ³³ Nnwan ntǝm gu na usɨ lyib gu nyo, "ǝji ǝ zɨ nɨ nshyyo kunkwoŋ wu bǝ ǝhwod uyid ǝwî wo nə may dɨdɨd ǝnied ǝwî ni? ³⁴Yesu ǝsɨ lyib bǝ nyo, "Kunkwoŋ ǝmaŋ ǝ naŋ nyi byo?" Basɨ nyo, "Natad kyo mbyyaŋ fǝn bǝ dǝdǝy." ³⁵Kukwo Yesu ǝsɨ kam dɨdɨd ǝnied wu yog ba swan ǝbyin.³⁶Əsɨ kyag kunkwoŋ wu bɨ fǝn ku, mǝta ǝkyo gwo n nay ǝcyo gu wu ni, ǝsɨ cwərag ǝ ncyyo cuncwoŋ ǝsɨ ŋwwag nnwan ntǝm gu na. Ba bwo basɨ kəw dɨdɨd ənied wu. ³⁷Konyan bǝ mba ǝsɨ ya əsɨ sswa bǝd. Kukwo basɨ kwog cuncwoŋ ǝzo ǝ ya ǝ bwad ni tǝntyaŋ +ucəraŋ natad. ³⁸Ənied ǝba ku ya kyaŋ ya ku ni +ǝtyog ci kwob nyay byo kaŋ bǝ ǝnyyug mbyyaŋ nnwan. ³⁹Kukwo Yesu ǝsɨ tɨn dɨdɨd ǝnied wu basɨ nkad, ǝsɨ̂ dǝ nnad ǝ ŋwwǒ kukwon sǝhwod ku ǝ nkad ǝfǝm Magadan.

Chapter 16

¹"Farisawa mbyyaŋ Sadukiyawa əyyaŋ əsɨ bay əba shyo Yesu bâ ga mag gu. Basɨ nyo yog gwo twərag ba tɨtyog gu ku bə nyin kyaŋ əkwo nyyo tuza ni, bâ ndyen naŋ Əgwaza ə təm gu. ²Ə̀sɨ shim ba ndyo nyo, "Kə dushyyuŋ ji nyyo, nyi ni nyo ulwo ka uni dɨ kû bəd. Nwad di gag əkwo tuza ji ni syyeb shoŋ ni."³Kə utswon ka utad, sə nyi nyo, 'Nyi nɨ nyo əna ləw zà utswun dənian ninyyan ba ə di dyundyuŋ.' Nyi lyen shey əyyaŋ nyin gag əkwo ulwo ka una ndi ni bɨ gag əkwo jen ji na ndi ni, sɨ kwi ni i nyo ni nkəyəd nyin? ⁴Cey kətug mbyyaŋ shɨshɨg əkwa kwo ə cad n ntwərag ba tɨtyog, əwod kyoŋ na di ənnyo dag, kaŋ bə sɨkwo bɨ shyyo Yohanna bə nyin ku ni." Yesu əsɨ ka ngwod ba əsɨ nkad ə ǹga gu.⁵Naŋ nnwan ntəm gu na mbyyog əywi ka ni, basɨ bwwuŋ ə byoŋ kunkwoŋ u. ⁶Yesu əsɨ tag ba nyo, "Nyi təlwam bɨ furag Farisawa mbyyaŋ Sadukiyawa ku." ⁷Nnwan ntəm na sɨ lyyad bə əyyaŋ ba nyo, "Gag əkwo zɨ nŋway byoŋ kunkwoŋ wu ni kukwo gwo ndyyad əni a?" ⁸Yesu ə nfɨg dɨdam bawu ni, kukwo gwo sɨ nyo, "Nyin ənied əba ŋwwag cucug ku lad bəd ni! Yag ə mbyyo nyi nŋhay bə əyyaŋ nyin dɨ ŋway mbyoŋ kunkwoŋ ku?⁹Nyi nɨ nshyyo bə ndyin a kye? Nyi bwwuŋ ənied ci kwob tsswoŋ əba ə bɨ ya kunkwoŋ ətswon wu basɨ sway, əwod +ucəraŋ umaŋ nio nyi sɨ nkwog ba nnhay? ¹⁰Əwod ənied ci kwob nyay əba ku ya kunkwoŋ natad wu ni, +ucəraŋ umaŋ nio bwo nyi ku tuŋ kukum ba ncyyo?¹¹Bɨ yag ə mbyyo nyi na ŋway fɨg nyo də əlyyad kunkwoŋ nio naŋ ndyyad dag. Mmo na ntag nyin, 'Nyi təlwam bɨ fwərag Farisawa bə Sadukiyawa ku.' ¹²Əzô ba sɨ̂ nfɨg kyaŋ əkwo gwo fa ni yed ətsag fwərag kunkwoŋ kwo dag, yog ba təlwam bə nkyaŋ əna Farisawa bə Sadukiyawa ba ə cyyed də bâ nyyo ku dag.¹³Yesu bə nnwan ntəm gu na nŋwo nfam Kaisariya Filibi na ni, əzo gwo sɨ ndyib ba nyo, "Ənyan ə ənied ba nyo Ŋgwon Ətyibɨshyi ka u yed?" ¹⁴Basɨ nyo, "Ə́yyaŋ ə nyo Yohanna Botisman ə, əyyaŋ Iliya, əkum ka sɨ nyo Irimiya ə, kwo ətyə nyyuŋ ba ənied lyyad əŋwwad Əgwaza gbəngbaŋ ba ə̀ bwwog ə bay." ¹⁵Əsɨ nyo bə mba, "Nyin bwo, ənyan ə naŋ nyi fa nyo ngyed?" ¹⁶Siman Bitrus əsɨ shim nyo, "Ŋwan ə yed Kristi wu Ŋgwon Əgwaza sɨced ka!"¹⁷Kukwo Yesu əsɨ nyo bə ngu, "Siman, Ŋgwon Yunana, Əgwaza ə tswoŋ nyinyaŋ a. Kyaŋ əkwo a kwərog bə nini ni, ətyibɨshyi ə twərag a dag. Kukwo mbyyo Əcyo ngu wo shyyo tuza ni ngwo ə cyyo a usham əlyyad əkay ni bu unuŋ aka! ¹⁸Ǹ tag a sɨkwi bwo, 'Ŋwan ə yed Bitrus kwo fa 'əfaŋ' ni. Tuza əlyyad əka kyo yed əfaŋ ni, ka kyo nna nog nnwan Əgwaza na, ced ka ku na di naŋ gbəndaŋ əfaŋ əwo nə byoŋ nog ni kwo ced ndoŋ utənyiraŋ ku na may i gba ni dag.¹⁹Nna ŋwwag a tswam nyɨrɨb tyog tuza. KəKəb kyaŋ əkwo ə ləb bə swanta ku ni ku shyo bɨ ləb tuza, kwo yag ə ə byyug bə swanta ku inə shyyo bɨ byyug bumi tuza ka." ²⁰Kukwo Yesu əsɨ gba nnwan ntəm gu na, kud yog ba yog tag əyin nyo ngwo ə yed Kristi u dag.²¹Nyyo də njen əzò, Yesu əsɨ ŋwo shey nnwan ntəm gu na naŋ ku ngyed tɨlɨd kwo gwo ə nad Urshalima ka. Əzǒ gwo na n sswǒ ubuŋ bəd mbwwag tyog ənɨhwob ba, cəcəd ənied fi +zənaŋ ba, bə əsɨba yed tɨtən ənɨcyyed dokoki Yahudawa ji, əsɨ̂ də hyad gu məta nnwam ntad ənə dərog. ²²Əwod Bitrus əsɨ hwwad Yesu ə nad ndyo bə əfam ənyyuŋ əsɨ kam gu nyo, "Ətyə Uli, kwò bə cuncwad, yog kyaŋ əkwi ni ku yog shyyo a dag." ²³ Kukwo Yesu əsɨ bwwag əsɨ kam Bitrus bwo, "Bwwag nad məlyim nka utənyiraŋ! Á yed n əfaŋ tú tɨtag kyo. Ŋwan a dam nkyaŋ Əgwaza dag, sə nshin ətyɨbɨshyi nio."²⁴Kukwo Yesu əsɨ nyo bə nnwan ntəm gu na, "Kə konyan bə nyin ə cad ə ŋwwag tsswo gu ku də nuŋ, gwô bə hwi n ənad kwo əji ə nna nad, ku yed ta kwo gwô tsswo əpyyo gu əwod ə kyag əteyem wu gwo ə hwi n. ²⁵Nwad konyan ə əna kwan dɨ san sɨced gu ku, əna ŋway ku. Əwod ətyə əwo ə ŋway sɨced gu ku dənian nka ni, ngw wo na shyyo ku. ²⁶ Yag ə ətyɨbɨshyi əna nshyyo kə ə shyyo swanta ku səlləy, əsɨ ŋway sswon gu ji. Bə yag ə ətyɨbɨshyi u bəd əna ŋwwag də kunuŋ sɨced gu ka?²⁷Ŋgwon Ətyɨbɨshyi ka na bay bɨ shi say Əcyo guka dunduŋ bədɨdɨd +ətəm ntswa gu ba. Gwô ŋwwag konyan zaŋ ji tuza ntəm əna gwo nyyo Əgwaza U ndyo bə Swanta ku ni. ²⁸Cucug ə n shey yin, əyyaŋ ə nshyyo bə nyin əbyo yoŋ əji ni byo ənə kwi ni dag sənaŋ ba di bwwog bay Ŋgwon Ətyɨbɨshyi bɨ tyog ka ku!"

Chapter 17

¹Məta nwam utâ ka, Yesu əsɨ kyag Bitrus, Yakubu mbyyaŋ nənyyug guwu Yohanna, basɨ ŋhiag ənad tutan əfan ka ə nyin ba. ²Əzô gag di gu ku sɨ ka nshay naŋ ba cyyaŋ. Uyyi gu ka usɨ say naŋ nwam ni, əwod +ətərog gu ba əsɨ say kyenkyay.³Bə di yoŋ əkwo, Musa mbyyaŋ Iliya əsɨ ka ncyyo pud əwurug əba yoŋ bə Yesu dunduŋ əlyyad bə ngu.⁴ Kukwo Bitrus əsɨ nyo, "Ətyə Uli, íyed bəd naŋ zɨ nshyyo əji ni, Kə a di ku nkwan jyi suswag ətad, â byyo ənyyuŋ, Musa ənyyuŋ, Iliya ənyyuŋ bwo."⁵Naŋ gwo nɨ shyo bə əlyyad na, ga kyenkyay nɨnian əsɨ kə nkub ba. Basɨ fəg əŋwad nyyo bumi nɨnian ka nyo, "Di Ŋgwon nkyo kǎy ni, nfəg də nka bəd, nyi hwi əlyyad ka na shensham!" ⁶Nnwan ntəm Yesu ənio shyo əzo nfəg ənyo ni, uwun usɨ təbad ba bəd basɨ shwwod əkwoy, əsɨ təgurub uyyi ba na əbyin. ⁷Yesu əsɨ bay əba byerəm ba nyo, "nyi dərog, nyi yog fəg uwun dag!" ⁸ Basɨ gbəd əyyi ba ba, basɨ di bə Yesu ə yoŋ bə nyin gu.⁹Ba ncorob ə nyyo bə əfan ka ni, Yesu əsɨ bga ba nyo, "Nyi yog tag ayin kyaŋ əkwo nyi di ni dag, sə jen əzo əba ndərog Ŋgwon Ətyɨbɨshyi ka bə ənied kukwi ba ni." ¹⁰Nnwan ntəm gu na utad sɨ lyib gu nyo, "Yag ə mbyyo tɨntən ənɨcyyed lwag Musa ba ənyo Iliya ə əna tsa əbay?"¹¹Yesu əsɨ shim nyo, "Cucug ə Iliya ə na tsa əbay ə ba jyi n kozaŋ nkyaŋ əwod. ¹²N tag nyin, Iliya əwo kə mbay, basɨ fɨg gu dag. Dəkunuŋ əkyo basɨ nyyo bə ngu dɨ gag əkwo ba ncad ni. Bə ənnyǒ bwo ŋgwon Ətyɨbɨshyi ka una nsswǒ ubuŋ mbwag ba ka." ¹³Kukwo nnwan ntəm guna utad usɨ̂ nfɨg naŋ gwo ndyyad tuza Iliya kyo dag, ə̀ fa Yohanna Botisman ə!¹⁴Naŋ Yesu bə nnwan ntəm utad guna mbwwog əba shyyo əkum nnwan ntəm na mbyyaŋ ukpa ənied əkyo kə tuŋ ni, ətyog əyyaŋ əsɨ bay əba kpərag huhwud duyi Yesu ka. ¹⁵Ətyog wu əsɨ nyo, "Ətyə Uli, fəg kunag ŋgwon gusiyem nku â corog gu. Əkə sswo zwod bəd bɨ kwi loŋ cen. Dənian nzwan əkay ni, əkə shwwod əkwoy bə ndoŋ mbyyaŋ səhwod. ¹⁶N kə nbay bə ngu bə nnwan ntəm a na, basɨ yəw ə corog gu dag.¹⁷Yesu əsɨ shim nyo, 'Nyin cey ŋway ŋwwag cucug mbyyaŋ ənied byyan swad. Jen ŋwaŋ zo nna n shyo dunduŋ bə nyin nyî sɨ̂ nyyo nkyaŋ ənio nnyyo ni? Bay bə ngu əji!" ¹⁸Naŋ ba nnad bə gusiyem ka bə Yesu ni, Yesu əsɨ ka nkam utənyiraŋ əkyo bay bə kwi loŋ cen ku ni. Kukwo utənyiraŋ ka usɨ kə ngurug uwod ŋgwon ka, usɨ ka ncorog bə njen əzə.¹⁹Məta əkyo, nnwan ntəm guna usɨ nad utɨ shyyo Yesu də baŋ , basɨ lyib gu. "Yag ə mbyyo zɨ ku yəw kam utənyiraŋ ka u wurug bə ŋgwon əkyo dag?" ²⁰Yesu əsɨ nyo bə mba, "Ŋwwag tsswo nyin ku bɨ ced Əgwaza ku yed ədɨday kyo. Cucug ə nshyay nyin, kə nyi sɨ byyo ŋwwag tsswo bə dɨday naŋ tswa nyuŋ ni, nyi ni yəw nyo bə əfan əkay ni, "Dərəg əji atɨ yoŋ əzəw, sə kâ ma ndərog. Ə́ mbyyo kyaŋ əkwo nɨ kiyed nyin ni dag." ²¹Əwod təŋkəy utənyɨraŋ əkwi ni, əna yəw sswo ced ka dag "Sə bɨ nay Əgwaza ufa uhwod."²²Naŋ nnwan ntəm guna ntuŋ dunduŋ bə əfam ukəraŋ Galili ni, Yesu əsɨ nyo bə mba, "Əna nyyeb Ŋgwon Ətyɨbɨshyi ka mbwag ənied. ²³Ba na hyad gu, əwod Əgwaza u əba dərog gu əced utug nnwam ntad ka." Naŋ nnwan ntəm na nfəg ni, ntsswo bana sɨ cyo cway bəd.²⁴Naŋ Yesu mbyaŋ nnwan ntəm guna mbay Kafarnahum ni, +ətyog say kurum əbyin bə Uli Dyeb Əgwaza ka sɨ bay əba lyib Bitrus nyo, "Ətyə Uli nyin wu ə́ təraŋ kurum Uli Dyeb Əgwaza ku da?" ²⁵Əsɨ shim nyo, "Î ə təraŋ!" Naŋ Bitrus mbwwog ənŋwo buli əkyo Yesu ə nshyo ni, əsɨ tag Yesu tə̀m ji. Kukwo Yesu əsɨ nyo bə ngu, "Siman, yag ə a di? mbwag ənio nnyan kyo +əgwam swanta ba nsay kurum əbyin ku? mbwag nnwan əbyin kyo a, kə ənied əkag byǒ?²⁶Bitrus əsɨ shim nyo, "Ba say mbwag ənied əkag kyo! kukwo Yesu əsɨ nyo bə Bitrus, "Kukwo mbyyo ku mmyim nnwan ukəraŋ na utəraŋ kurum əbyin dag, kə də ənnyo? ²⁷Əwod naŋ ku ndi ənnyo ni, ghan a nad â tan kurum Uli Dyeb Əgwaza ku kəlag zɨ na byyan ənied say kurum ba ntsswo. Nad bə əywi ka â nwad tswob ji. Əfən əkyo a tsa təbad ni, ŋhab unuŋ ka ka, a na dɨ kurum əkwo may ntan ni. Tɨn ku a bay a ntan shin nku mbyyaŋ shin a ku."

Chapter 18

¹Bə də njen əzə, nnwan ntəm na usɨ bay uba lyib Yesu nyo, "Ənyan ə sswag bɨ shi ku bə tyog tuza ku?" ²Yesu əsɨ yoroŋ adɨday ŋgwon ə bay ndyo bə ngu. Ə̀sɨ sag ka bə kəucyo ba wu. ³Ə̀sɨ nyo, "N tag nyin cucug wu, kə nyi bwwag cyyo naŋ acwwaŋ nnwan ni dag, zəm nyi ni yəw ŋwwo bɨ tyog Əgwaza tuza ku dag.⁴Konyan ə byo myyo əpyo naŋ adiday ŋgwon əkay ni ngwo yed gbəndaŋ u bɨ tyog Uli Əgwaza ku. ⁵Konyan ə san aŋgwon naŋ usɨkay mbwag nfyyaŋ, nuŋ ə gwo san. ⁶Əwod konyan ə cyyo ətyə nyyuŋ bə ə cwwaŋ nnwan ə nay byo ŋwwag cucug bə nuŋ ni basɨ bwwo əbun, isɨ lan gu ndyo kə ə lyew gu gbəndaŋ əfaŋ kwaŋ bə ntsswo guku əwod ə tá gu bə əywi ka gwo təyud.⁷Sswo ubuŋ kwo nɨ shyyo swanta ku nwad jen tu tɨtag. Ku yed tɨlɨd kwo jen əji ibay əwod ətyə əwo ə byyo ənian əkyo jen əji i bay ni ənə swo ubuŋ . ⁸Kə bwag kwo tag aku na cyo â shwod kwa, tyad ku jib, inɨ lan bəd â ŋwwo sɨced saŋ sɨsag ku bɨ bwag kwo bɨ tag nyyuŋ dɨ gag əkwo ənɨ ncoŋ bɨ mbwag kwo tɨtag əfyyaŋ ətə tâ bə ndoŋ saŋ sɨsag.⁹Bə kə əli aka əna cyyo â shwod kwa, gyyad ka jib. Inɨ lan a ndyo â ŋwo sɨced saŋ sɨsag ku bə əli ənyyuŋ dɨ gag əkwo ana mbyyǒ lili əfyyaŋ ba əwod ə tâ bu uli ndoŋ saŋ sɨsag ni.¹⁰Nyi təlwam kəlag nyî jway ətyə nyyuŋ bə acwwaŋ nnwan əwi ni. N tag nyin cucug u, +ətəm ntswa Əgwaza ba, byo cam ba ni ənɨ nad bə Əcyo ngu ə tyay gu ndyo kə ə nyyo bɨ nnwan ənay ni shensham dag. ¹¹Ŋgwon Ətyɨbɨshyi ka u mbay dənian gwo ga san ənied əba bwwug ni.¹²Yag ə nyi dam? Kənaŋ əyin ǝ byyo +zwon tsyyeb ci jyyuŋ, əwod jyyuŋ sɨ bwug. Á na wod +zwon tsyyeb nswag kubanyyuŋ bə kubanyyuŋ ji, â nad cad sɨ zo bwug ni dâ? ¹³Kə asɨ shyyo ji, cucug ə anɨ shyyo bɨ tsswo say bəd. A ni gway tuza ji swwag +zwon tssyeb nswag kubanyyuŋ bə kubanyyuŋ ji ŋwo uyid kani dag, əwod anɨ shyyo bə tsswo say sswag dənian əka, əku nshyyo zwon tsyyeb jyuŋ əzo ku bwug ni. ¹⁴Ku shyyag dag bə Əgwaza u wo yed Əcyo nyin wu tuza ni, gu bwo əna fəg nyinyaŋ dag, kə əyin bə acwwaŋ nnwan ənay u byyan."¹⁵"Bə kə nənyyug a bumi Kristi əsɨ nyyo ǎ kətug, nad â twərag bɨ hwwad gu tsutsswo nyin bə əfyyaŋ. Kə əsɨ kworog tsutsswo əsɨ fəg kyaŋ əkwo a tag gu ni əsɨ nay a. Shim nay gu ku â yurub gu ndyo nyî ya uswon di yed nənyyug. ¹⁶Bə kə əsɨ byyo tsutsswo lag tswoŋ, nad â coŋ bə nənyyug ənyyuŋ kwo əfyyaŋ. Nad dunduŋ bə mba dulwo nənyyug əka bənaŋ doka ji ntwərag ni, 'tɨlɨd kwo â shyyo bə ətyə nyyuŋ kwo ənied əfyyaŋ kwo ətad bâ kub a uma ə byyaŋ a fəg əlyyad na!¹⁷Kə əsɨ fəg ba bwo dag, kyag əlyyad na na ndyo duyi nnwan Əgwaza na dulwo əkyo, ba bwo bâ ma jyi nyin. Bə kə had nini ə twərag byyo gbəb əpyo əsɨ lag fəg nnwan Əgwaza na ku, sə nyî khab gu jib mbwag utənyiraŋ bənaŋ nyi nɨ nkhab əkag ənied ba mbyyaŋ ənied say kurum əbyin ba ni.¹⁸Sag əlyyad ənay ni bə ncug dam ji. Kwo yag ə bəd naŋ nyi ləb sag tuza əyin dɨ yed ətyə əbun kwo saŋ əbun bə swanta əkwǐ ni, ənnyǒ bwo ima ndǐ tuza ka bə Əgwaza U. ¹⁹Mmwo tǎg nyin, kə ənied əfyyaŋ bumi nyin ka bə Swanta ku əsɨ shim bɨ kyaŋ əkwo ba nay ni, Əcyo ngu əwo shyyo tuza ka ni, ənǎ joŋ nyin kyaŋ əkwo nyi nay gu ni. ²⁰Ulwo əka nnwan Əgwaza ufyyaŋ kwo utad ntuŋ dunduŋ dənian ba ŋwag cucug bə nuŋ ni, nshyyo dunduŋ bə mba.²¹Bitrus əsɨka nnad ətyə shyo Yesu nyo. "Ətyə Uli, cyyan umaŋ kwo nənyyug ngu əna gya uswon dɨ bwwo əbun tuza n, gwô nay n ngyurub gu ndyo? Cyyan natad a?" ²²Yesu əsɨ nyo bə ngu, "N nyo bə nyin cyyan natad dag, natad kyo cyyan nswag natad.²³Əmgbəm bə ənnyo, tyog Əgwaza ku tuza di naŋ bgəndaŋ əgwam mbyyaŋ ceced ənied ntəm gu ba. Ə̀ ku cad kəkəb ceced ənied ntəm gu ba bâ tan gu tɨta əbyo gwo hwi ba ni. ²⁴Kukwo +əgwam basɨ bay əba yoŋ duyi gu ka. Gbəndaŋ əgwam wu ə ntəbad zwob ku ni, ətyə nyyuŋ əsɨ bay əba twərag naŋ gwo byoŋ gu tā talenti ci kwob swag. ²⁵Əwod dənian əkyo gwo mbyyo lwag tan kuni dag, gbəndaŋ əgwam wu ǝsɨ nyo ǝ lyab gu mbyyaŋ nnwan gu na kəkəb, mbyyaŋ nkyaŋ ənio gwo ku byyo ni, əga nshyyo kurum əkwo əna ntan ta gu ku ni.²⁶Kukwo əhwo wu əsɨ kpərag huhwud duyi gbəndaŋ əgwam, əsɨ nyo, "Shim tsswo aku bəd. Əsɨ nay gu ə joŋ gu jen gwô nkwan ə di naŋ gwo tan gu tā guku kəkəb." ²⁷Gbəndaŋ əgwam wu ə nfɨg naŋ gwo na ngyəw tan ku ni dag, əsɨ fəg kunag gu bəd əsɨ ngyurub gu tā ku əsɨ kag gu bwag gwô nkad.²⁸Kukwo də bɨ byyan jen, gu əwo əka fərog əwon ni, əsɨka nnad ətə shyo ətyə nyyuŋ bə ənied ntəm gbəndaŋ əgwam wu wo byoŋ gu tā dinari ci jyyuŋ. Əsɨka ntəbad gu bə ntsswo ku ə shwi nyo, 'Tan n kəkəb tā əkwo nhwi a ni!' ²⁹Kpəndaŋ ntəm guwu bwo əsɨ ma nkpərag huhwud əsɨ nay gu gwô "Shim tsswo gu ku ə joŋ gu jen əna tan gu."³⁰Əwod ətyə əwo gbəndaŋ əgwam əka ntsa yurub gu tā ku ni, ŋgwo əsɨ yoŋ ŋag tsarag nyo yog kpəndaŋ ntəm guwu tɨlɨd kwo gwô tan gu kəkəb bə də njen əzo. Zan bə ənnyo, əsɨka nkam əsɨ ta kpəndaŋ ntəm guwu bɨ hwo sənaŋ gwo tan gu tā ku. ³¹Naŋ ə́kum kpəndaŋ ntəm ka ə ndi ənnyo ni ntsswo ba na sɨ cyyo cway. Basɨ nnad ətə tag ətyə uli ba wu kyaŋ əkwo kwog ulwo ka ni.³²Kukwo ətyə uli bawu sɨ yoroŋ gu əsɨ nyo, 'A yed ga kətug ətyə ntəm. N ku fəg kunag a nsɨ gyurub a gɨ tā əwu dənian əku nay n bəd.' ³³"I myim ŋwan bwo sə wâ fəg kunag kpəndaŋ ntəm əwu əsɨ yurub gu ndyo naŋ n nyyo a ndyo ni dâ?³⁴Bumi byyan tsswo, gbəndaŋ əgwam wu sɨ ka nyyeb gu mbwag +əgwag əba ti +əhwo ba sswo ubuŋ ni, basɨ tà gu buhwo sənaŋ gwo ba tan kyaŋ əkwo ə hwi gu ni kəkəb. ³⁵Ənnyǒ bwo Əcyo ngu tuza ka gwo na nnyyǒ bə konyan ə wo lag fəg kunag nənyyug gu nyyo bə ntsswo əsɨ yurub gu ndyo ni."

Chapter 19

¹Naŋ Yesu ə ntyag lyyad ku bə əbyin Galili ka ni, ə̀ sɨ dərog ə nkad bə əfam bɨbyin Yahudiya ku, basɨ byyog ənad də mənyi cen Urdun ka. ²Dɨdɨd ukpa ənied əsɨ hwi gu. Ə̀sɨ corog ba.³Farisawa əyyaŋ əsɨ bay bə Yesu bâ ga mag gu, nyo, "Doka ji shim ətyog gwô tyad nyiraŋ bə əbyyug guwu bə kozaŋ ndwag a?" ⁴ Yesu əsɨ shim nyo, "Nyi ntwaŋ nyyo, munkay nyyo bə swanta ku naŋ, 'Ə̂gwaza u əku nyyo ba əfyyaŋ, ə̀tyog mbyyaŋ əbyyug dâ?"⁵Gu ətyə əwo nyyo ba ni sɨ bwo nyo, "Dənian əkyo ətyog əna wod əcyo mbyin guwu mbyyaŋ əyaŋ wu gwô shyo ntəmyyed bə əhywo guwu, əwod əmgbəm bá əfyyaŋ bâ ga cyyo əkwaŋ ənyyuŋ.' ⁶Dənian əkyo, ənied əfyyaŋ byo ba bwo yed dag, əkwaŋ ənyyuŋ kyo. Nwad ənnyo, Kyaŋ əkwo Əgwaza ə ləb ni, yog əyin ə yog byyug dag."⁷Basɨ nyo bə ngu, "Bə kə i di ənnyǒ, yag ə mbyyo Musa əku nkag zɨ bwag ku, ətyog ə yəw gwô ŋwwag əhywo guwu kwambwag ntyad nyiraŋ əwod gwô lwoŋ gu buli gu ka?" ⁸Ə̀sɨ nyo bə mba, "Byyó tsutsswo lag tswoŋ nyin əkwo ku mbyyo ku sɨ cyyo Musa tɨlɨd əsɨ shim nyinndyo ə tyad nyiraŋ ku, nyyo bu utsa ka ənnyô ku bu ndi dag. ⁹N nshey nyin, kozaŋ ətyog əwo tyad nyiraŋ gu ku ni, kənaŋ gwo təbad əhywo guwu gwo nyyo shɨshɨg bə ətyog əyyaŋ dag, əsɨ bwwo əbyyug əyyaŋ, shɨshɨg kwo naŋ gwo nyyo bə ngu. Əwod ətyog əwo sɨ ma mbwwo əbyyug əwo ə tyad nyiraŋ bə ngu ni, shɨshɨg kwo naŋ ba bwo ə nyyo."¹⁰Nnwan ntəm na sɨ nyo bə Yesu, "Bə kə swad nyiraŋ ku di ənnyǒ bə əhywo gu, í na lan bəd əyin ə yog nyyo nyiraŋ dag!" ¹¹Əwod Yesu əsɨ nyo bə mba, "Konyan əna yəw gwô san cyyed əkwi ni dag, sə bə ənied əba ə joŋ ba tsswo san əlyyad ənay ni. ¹²+Ətyog əyyaŋ, ə́ byin bà +kpətyòg byo. Əyyaŋ ə nshyyo byo ə bwog ba əsɨ bwwag ba ə ncyyo +kpətyóg ni. Əwod ə́sɨ byyo əsɨba Əgwaza u ə joŋ ba zənaŋ yed +kpətyóg dənian tyog tuza ku ni. Yog ətyə əwo byyo tsswo san əlyyad ənay ni, yog gwo san bəd!"¹³Əyyaŋ ənied əsɨ kwag ə́ cwwaŋ nnwan ə nad ndyo bə Yesu gwô ga nsay mbwag gu na bə mba gwô nay Əgwaza tuza bà. Əwod nnwan ntəm na usɨ kam ba bâ yog hyyay Yesu dag. ¹⁴Əwod Yesu əsɨ nyo, "Nyi wod ə̀cwwaŋ nnwan wu u bay bə nuŋ, yog ndwoŋ ba dag. Nwad, tyog tuza ku ba yed shin tənkəy ba ənio." ¹⁵Ə̀ sɨ nsay mbwag gu na bə ànwan na əsɨ̂ tə nkad.¹⁶Kukwo ətyog əsɨ bay ə bà lyib Yesu nyo, "Ətyə Cyyed, zaŋ təŋkəy ətan nkyaŋ kwo myim nnyyo nga nshyyo sɨced saŋ sɨsag ku?" ¹⁷Yesu əsɨ nyo bə ngu, "Yag ə mbyyo a ndyib n tuza ətan nkyaŋ ka? Əgwaza ə bə nyin gu ə yed ətan u. Əwod kə a cad â shyyo sɨced saŋ sɨsag ku, hwi dokoki gugu ji kəkəb."¹⁸Kukwo ətyog əwo sɨ bwo lyib gu, "Zaŋ dokoki zo?" Yesu əsɨ nyyo, "Yog hyad əyin dag, yog myyo ətyog əyin kwo ə byyug ayin dag, yog tsaŋ ji, â yog fag əlyem kwərəg əyin dag. ¹⁹ Joŋ əcyo mbyin a wu mbyyaŋ əyaŋ a shi, â cad nənyyug a wu naŋ a ncad əpyo a ni."²⁰Fɨŋ ətyog ku usɨ nyo bə Yesu, "N kə hwi nkyaŋ ənay ni kəkəb, yag ə bəd mbwad nyyo ku?" ²¹Yesu əsɨ nyyo bə ngu, "Kə a cad â yed ətyi saŋ əbun, nad a lyab nkyaŋ nzwa ana kəkəb, â kəw kunag na kurum ku, ikwo na cyo â nyad zwa aji tuza. Əwod a bay a hwi n." ²²Əwod jen əzo fɨŋ ətyog ku nfəg əlyyad Yesu na ni, əsɨ dərəg əzǒ bə byyan tsswo, nwad, ə byyo zwǎ bəd.²³Yesu əsɨ nyo bə nnwan ntəm guna, "Cucug ə nshey nyin, ku na byyo ced bəd ətyə nzwa gwô shyyo ŋwwo Tyog tuza ku. ²⁴ Mmwo nshey nyin, ku na byyo əzwaŋ ntsswo wu əhyom gwo ŋwwo əbwoŋ yula ka ə́ kərag ə wurug naŋ ətyə nzwa əna nŋwo uli Əgwaza ka ni."²⁵Naŋ nnwan ntəm guna nfəg əlyyad gu na ni, basɨ cyyo bə tay. Kukwo basɨ lyib gu, "Bə kə ku di nnyǒ ənyan ə bəd ə may gwô shyyo san ku?" ²⁶Yesu əsɨ cyyaŋ ba əsɨ nyo, "Bə ətyɨbɨshyi wu ku byyo ced bəd, əwod ba Əgwaza u kyaŋ nɨ kyyed dag!" ²⁷ Kukwo Bitrus əsɨ nyo bə Yesu, "Di la! səlləy zɨ wod kozaŋ nkyaŋ zɨ sɨ hwi a, bə yag ə naŋ zɨ na shyyo?"²⁸Yesu əsɨ nyo bə mba, "Cucug ə ndyyad bə nyin, bumi Swanta fay əkyo Əgwaza əna nyyo ni, də njen əzo Ŋgwon Ətyɨbɨshyi ka ba nswan bɨ Tyog say gu ku tuza ni, nyin əbyo yed əshin mba ə hwi n ni, nyi mun ba swan bə cucúg ntyog nswag bɨ fyyaŋ nŋwab Israila na fág ba əlyyad na!"²⁹Əgwaza U əba ŋwwag ənied əbyo zaŋ ji dənian ba ku yed nnwan ntəm nnio. Naŋ ba ku ngwod usa ba na, bɨbyin khab, +nənyyug, ənied mbyin, nnwan ba na bə kəkəb kyaŋ mbwag ba na. Əwod basɨ nhwi n ni, ba na shyyo zaŋ əzo sswag cyyan cyi jyuŋ tuza nkyaŋ ənio gwo wod lɨlyim ni, əbwo shyyo sɨced saŋ sɨsag ku. ³⁰Əwod ənied bədɨdɨd əba kwog uswon ni ba byo ba nŋhan. Əwod əsɨba nŋhan nini ni ə kyag uswo.

Chapter 20

¹Tyog tuza ku di naŋ ətyə khab əwo ə wurug bɨbyɨb tsutswon ə nad ətə kyag ənied ntəm bə əbyin khab inabi gu ka ni. ²Məta əkyo ba nnyyo za ji dinari ənyyuŋ shin kwa nwam khab ni, əsɨ cyyo basɨ nkad khab ku.³Bə ndan ku əsɨ bwo wurug əsɨ di ənied əka yoŋ bə kasswo ji bə tay. ⁴Kukwo gwo sɨ tag ba, 'Nyin bwo nyi nad nyî nyyo n ntəm bə əbyin nka, nna tan nyin kyaŋ əkwo myim ni dushwuŋ ka.' Ba bwo basɨ nkad khab ku.⁵Əsɨbwo wurug səkəw tənwam ka mbyyaŋ tənwam ji əbwo yoroŋ ənied ə t̀əm ndyo. ⁶Əsɨbwo wurug naŋ təbay dushwun, ətə shyo əyyaŋ ənied əbwo yoŋ bə tay. Ə̀sɨ lyib ba, 'Yag ə mbyyo nnyi gyoŋ əji kwǎ nwam ku bə kpod?' ⁷Basɨ nyo bə ngu, "Nwad əyin ə kyag zɨd tə́m utswun əkay ni dag." Ə̀sɨ nyo bə mba, 'Nyin bwo nyi ma nad nyî nyyo n ntəm bə əbyin nka.' kukwo basɨ nad bwo.⁸Naŋ dushwun ji nnyyo ni, ətyə əbyin wu əsɨ yoroŋ əkwog uswon +əhwo gu ba nyo, 'Yoroŋ ənied ntəm ba, â tan konyan zaŋ gu ji. Tsa bə ənied əbyo nghan ni tɨnad bə əsɨba tsa ənad ni. ⁹Ənied əbyo əku kyag ə nŋhan ni, konyan bə mba əsɨ san dinari ənyyuŋ. ¹⁰Naŋ ənied əbyo ə tsa ntəm na tsutswon ka mbay ni, basɨ dam nyo +zaŋ ba ji na sswag shin əkum ənied ji. Ba bwo basɨ mun ə shyyǒ dinari ənyyuŋ.¹¹"Naŋ ba nsan +zaŋ ji ni, basɨ ŋwo kwob ədyyiŋ bə ətyə əbyin wu. ¹²Basɨ nyo, əsɨba â kyag basɨ bay ntəm na awa ənyyuŋ ni, ə́sɨ tan zɨd cəcərag ba mba. Zɨd əbyo əwa sswo zwod ntəm ku nyyo bɨbyɨb tsutwon, nwam ku sɨ wan zɨd nkwa nwam ku.¹³Ətyə əbyin wu əsɨ nyo bə ətyə nyyuŋ bə əsɨba kwob ədyyiŋ wu ni, 'Kpəndaŋ, n shyyog nyin dag! Ngyi zɨ ku nyyo za ji dunduŋ nga tan nyin dinari əyyuŋ əyyuŋ shin təm kwa nwam dâ?

¹⁵Mbyyo jen nnyyo kyaŋ əkwo ncad bɨ kurum nku ni dâ? Kə a fəg əkug naŋ ngyed ətyə nyyo ənied ba shog a? ¹⁶Bə ənnyǒ, əkwog uswon ba ba byo na nŋhan, əsɨba nŋhan ni ə kyaŋ uswon. Ə̀ yoroŋ ənied bədɨdɨd, əwod a ntswo nio əsɨba khay!"¹⁷Naŋ yesu ə ndərog ə nyyed Urshelima ni, ə̀sɨ khab nnwan ntəm swag bə ufyyaŋ gu na əfam əyyuŋ. Də ndwag ku əsɨ nyo bə mba. ¹⁸Nyi ŋwan nyi di zɨ n nied Urushelima ǝnied ǝ tǝ ŋwwag ŋgwon ǝtyɨbɨshyi bǝ ceced ǝnied fi zǝnaŋ mbyyaŋ ǝnied lyurug ba, ba na fyyed ǝlyyad ǝhwu tuza gu ka. ¹⁹Əzǒ ba na ncyyo gu mbwag ənied əkag dənian bâ may gu; əwad gu bə əyəw, əsɨ də kpaŋ gu bə əteyem əhwu. Əwod utug nnwam ntad ka, ə təkyem gu bə əhwu ka bɨ sswan!"²⁰kukwo əyaŋ Yakubu bə Yohanna, byo yed nnwan Zabadi ni, əsɨ kyag ba ənad ndyo bə Yesu ətə kpərag huhwud duyi gu ka əsɨ nay gu shog. ²¹Yesu əsɨ lyib gu, "Yag ə bəd naŋ a cad nnyyo a ndyo?" Əsɨ nyo bə ngu, "Ncad â cyyo doka nnwan ufyyaŋ nna, ba sswan ətyə nyyuŋ bə mbwag yag a ku, əsǔ də mbwag myan a ku bɨ tyog a ku.²²Əwod Yesu əsɨ shim nyo, "Nyi ya ndyen kyaŋ əkwo nyi nay ni dag! Nyi na shim nyî sswo ubuŋ bə təŋkay zwod nku a?" Basɨ nyo bə ngu, "Zɨ may zɨ sswo ku" ²³ Əsɨ nyo bə mba, "Ubuŋ əkyə mbyo n sswo ni, nyi nɨ yəw nyi sswo ka bə mbwag yag kwo bwag myan ni dag. Ulwo +nswad ənio tswoŋ ənied əba Əcyo ngu ə jyǐ ə sag ba ndyo ni." ²⁴Naŋ əkum nnwan ntəm swag ka nfəg kyaŋ əkwo nǝnyyug əbay ə nay ni, basɨ fəg əlyo ya tuza nnwan ntəm uffyaŋ ənay.²⁵Əwod Yesu əsɨ yoroŋ nnwan ntəm gu na dunduŋ əsɨ nyo, "Nyi lyen naŋ ceced ənied əkag swanta ba ənɨ nghag əniəd ba ə swan. Əyyaŋ bə cəcəd ba əni twərag ənied ba cèd shin tyog. ²⁶Nyi yog wod kû di ənnyǒ bə nyin dag. Də kunuŋ əkyo, yog konyan əwo cad gwô yed gbəndaŋ wu bə nyin ni, tɨlɨd kwo gwô yed əhwo nyin. ²⁷Əwod konyan ə cad gwô yed ətyə kwog uswon bə nyin ni, i ̀ yed ta kwo gwo yed əhwo nyin. ²⁸Bənaŋ Ŋgwon Ətyɨbɨshyi ka bwo, u bay ə ənyyo ka hwo dag, ka kyo uwa yed əhwo ənied wu, əwod u ŋwag sswan ka ji dəkunuŋ ənied bə dɨdɨd."²⁹Naŋ ba ngurug ə nyyo Yeriko ni, ukpa ənied əsɨ hwi gu. ³⁰ Əzǒ əku byyo +əbyem əyyi ənied əfyyaŋ əbyo nɨ swan ufa ndwad ka. Naŋ ba nfɨg nyo Yesu ə swərab ni, basɨ ka nkpaŋ kun nyo, "Ətyə Uli, ŋgwon Dauda ka, fəg kunag zɨd!" ³¹Kukwo ukpa ənied wu sɨ kam ba yog ba cyyo ywaŋ. Əwod basɨ wa təkyem ŋwuŋwwad ba ku bɨ ced nyo, "Ətyə Uli ŋgwon Dauda, fəg kunag zɨd!"³²Kukwo Yesu əsɨka ngyoŋ əzo əsɨ yoroŋ ba, "Yag ə nyi cad nnyyo nyin ndyo?" ³³ Basɨ nnyo bəngu, "Ətyə Uli, zɨ cad â nyyib əyyi zɨd ba zɨ ga cyyaŋ ulwo na!" ³⁴Kukwo Yesu əsɨ fəg kunag ba, əsɨ byerem əyyi ba ba. Bə də ncuŋ, basɨ shyyo cyyaŋ ulwo ku ngyen, basɨ nhwi Yesu.

Chapter 21

¹Naŋ Yesu mbyyaŋ nnwan ntəm gu na nnad kpəkpəg bɨ Urushalima ni, basɨ ŋwwo ukəraŋ Betafaji kyo utuŋ əfan Zaitun ka ni. Əsɨ təm nnwan ntəm ufyyaŋ. ²Əsɨ nyo be mba, "Nyi nad ba akəday ukəraŋ əkyo shyo duswon nyi ka ni, əzǒ nyi na ndǐ əyaŋ unjay bə aŋgwon ka naŋ ə ləb ba də ndwag ku. Nyi byyug na bay ndyǒ bə nuŋ. ³Kə əyin lyib nyin kyaŋ əkwo mbyyo nyi nnyyo ənnyo ni, nyî tag gu, 'Ətyə Uli əwo ə cad na." Əzǒ bə də ncun gwo na ngwod na mbwag nyin."⁴Sɨkwi di əni nad cəcərag bɨ kyaŋ əkwo ətyə əlyyad əŋwwad Əgwaza U əku lyyad ni: ⁵ "Nyi tag guniyem sihiona ka, 'Di! əgwam nyin wu ətəbay bə nyin.' Ə̀̀ yway əpyo gu ə tyoŋ unjay . Aŋgwon unjay kyǒ naŋ gwo ŋhag!"⁶Nnwan ntəm gu na usɨ nyyo naŋ Yesus ntag ba ni. ⁷Basɨ bay bə əyaŋ unjay wu mbyyaŋ aŋgwon ka. Basɨ tâ +ətərog ba ba tuza unjay ka, Yesu əsɨ ŋag ə nswan. ⁸Ənied bə dɨdɨd əsɨ tâ +ətərog ba ba də ndwag ku. Əyyaŋ bwo əsɨ ma ntyam+əgbərag ntswan əsɨ tyyag də ndwag ku.⁹Kukwo ukpa ənied əwo kwog uswon Yesu ka ni, bə əsɨba hwi gu lɨlyim ni, basɨ kpaŋ nkun nyo, "Hossana tuza ŋgwon Dauda ka! Ətyə nshog ə yed ətyə əwo ətəbay də əyorog ətye uli ka ni, Hossana bumi tuza ka!" ¹⁰Jən əzo Yesu ə ŋwwo Urushalima ni, əmgbəm ənied ukəraŋ ba basɨ kə nkworog gugwoŋ nyo, "Kwod! Ənyan ə əwî ni?" ¹¹Ənied əba ku hwi gu ni əsɨ nyo, "Ətyə əwî ni ngwo yed Yesu, ətɨ lyyd əŋwwad Əgwaza wo nyyo Nazarad bu ukəraŋ Galili ka ni!"¹²Kukwo Yesu əsɨ nad ətə ŋwwo gbəndaŋ uli Dyeb Əgwaza U, ə̀sɨ fɨn ənied +əbwaŋ ba ə wurug ndyo əzô. Ə̀sɨ gud +tebur ənied shay nkurum mbyyaŋ +cug ənied lyay +əbəw əbyo əku bay ndyo ə nfi zənaŋ ji ni ə kay əwod.¹³ Kukwo gwo sɨ nyo bə mba, "Ətyə lyyad əŋwwad Əgwaza U əku lyurug bumi əlyyad Əgwaza na nyo, 'Əna yyi uli nka, ulwo nnay Əgwaza kyo,' ə wod nyin ənied əbay ni sɨ bwwag ka ncyyo ulwo təhwǐ +ətaŋ əced!" ¹⁴ Məta əkyo, +əbyəm əyyi mbyyaŋ ənied coŋ hyyad basɨ bay bə Yesu bumi gbəndaŋ uli dyeb Əgwaza ka, Yesu əsɨ corog ba.¹⁵Cəcəd ənied fi zənaŋ ba bə əsɨba cyyed dokoki Yahuda ji ni, ə ndi nkyaŋ tɨtyog əna Yesu ə nyyo ni. Basɨ bwo fəg gag əkwo nnwan na ka ngwoŋ bumi gbəndaŋ uli dyeb Əgwaza ka nyo, "Zɨ dyeb masiha u, wo yed byin Əgwam Dauda ni!" Basɨ nfəg əkug. ¹⁶Basɨ nyo bǝngu, a fǝg kyaŋ ǝkwo ǝnied ǝbay ǝlyyad ni â? Əsɨ nyio bǝmba "I." Əwod nyi kǝn twwaŋ da? Bumi unuŋ ǝcwwaŋ nnwan mbyyaŋ nwan ummuwan ǝn cyyo dyeb." ¹⁷Yesu ǝsɨ wod ukəraŋ ǝkyo ǝsɨ tə kway Betani.¹⁸Bɨbyib tsutswoŋ ka naŋ gwon mbwwod ə nyyed bu ukəraŋ ka ni, Yesu əsɨ fəg zwoŋ. ¹⁹Ə̀sɨ di ətyin əbwwab də nkyuŋ ku , kukwo gwo sɨ tyeb ə̀ nad kə əna nshyyo +əsum gwô ya . Əsɨ nshyyo kyaŋ dag sə bə huhwo byo. Kukwo gwo sɨ nyo bə nka, "Yog bu ŋwwag +əsum dag!" Bə dɨ yoŋ əkwo, ətyin əbwwab ka usɨ ka n hwwod u yoŋ.²⁰Nnwan ntəm gu na ə ndi ənnyo ni isɨ yed ba kyaŋ kwog mbwwag say bunuŋ. Basɨ nyo, "Ni ə ətyin əbwwab əkay ni nhwwod uffyyen ənnyo?"²¹ Yesu əsɨ nyo bə mba, "Cucug ə nshey nyin, kə nyi byyo ŋwwag tsswo naŋ nyi kwag əgbaŋ dag, bɨ kyaŋ əkwo ə nyyo ətyin əbwwab əkay dyo kukwo nyi nyyo əyin ku dag. Had nyi na yəw nyi nyyo bə əfan əkay ni, ŋad atɨ kwa bə əywi ka. Sə ku i di ənnyo. ²²Kozaŋ kyaŋ kwo nyi lyib bɨ nay Əcyo kə nyi ŋwwag cucug nyi nɨ shyyo."²³Naŋ Yesu ə ŋwwo bumi gbəndaŋ uli dyeb Əgwaza ka ni. Nyyo naŋ gwo nɨ shyo bɨ cyyed ənied ba, kukwo ceced ənied fi zənaŋ mbyyaŋ ənɨhwob ukəraŋ ba əsɨ nad ətə shyo gu. Basɨ lyib, "Tuza zaŋ təŋkəy tyog kwo naŋ a nnyyo nkyaŋ nay ni? Mbyyaŋ ənyan ə joŋ a tyog nyyo kyaŋ əkwo a nyyo ni?" ²⁴Yesu əsɨ nyo bə mba, "Nuŋ bwo nna dyib nyin kyaŋ nyuŋ, kə nyi joŋ shim ku, nna tag nyin ətyə əwo ə joŋ tyog nyyo nkyaŋ ənay ni.²⁵ Botisman Yohanna ji nyio ǝji? Ji nyio tuza a? Kə ji nyio bə ənied? Basɨ ŋwwo lyyad bǝ ǝyyaŋ ba nyio ǝni, kǝ zɨsɨ nyio ji nyio tuza ǝnǝ nyio ǝni bǝn zɨd yag ǝ mbyo nyi lag ŋwwag cucug bǝngu? ²⁶Əwod kə zɨ sɨ nyo, 'I ku nyyo bə ənied byo,' tyag zo dag ukpa ənied wu ə fəg əkug bə nzɨd bâ lab uyid nzwan bə nzɨd. Nwad, kəkəb ənied ba ə ŋwag cucug naŋ Yohanna əku yed ətyə lyyad əŋwwad Əgwaza wo Əgwaza U əku təm ni." ²⁷Basɨ nyo bə Yesu, "Zɨ lyen dag." Yohanna əku nshyo tyog nyyo botisman ku dag." Yesu əsɨ ma nyo bə mba, "Nuŋ bwo nna tag nyn kwo əyan ə joŋ ntyog nyyǒ nkyaŋ ənay ni dag."²⁸Yag ə nyi nɨ dam? "Əku byo ətyog əwo byyo zam shwaŋ ni. Əsɨ tsa ənad bə ətyo nyyuŋ, 'ŋgwon nka, nad â nyyo n ntəm bə əbyin nka utswun!" ²⁹Əwod ŋgwon ka usɨ nyo bə əcyo guwu, 'Nna nad dag!' Əwod əsɨ ba yam əsɨ shay tsswo gu ku, əsɨ nad ətə nyyo. ³⁰Kukwo gwo sɨ nad bə shunshwo ŋgwon wu əsɨ tag gu kyaŋ əkwo gwo ku tag nənhwob ŋgwon wu ni. Ŋgwon əkyo sɨ nyo, 'Nna nad,' əwod usɨ nad dag.³¹To, ənyan ə bə nzam shwaŋ əji ə nyyo kyaŋ əkwo əcyo wu cad ni? Basɨ shim nyo, "wo gwo tsa əlyyad ni." Kukwo Yesu əsɨ nyo bə mba, "cucug ə nshey nyin, ənied say kurum əbyin mbyyaŋ kham ji əna ŋwwo tyog Əgwaza ku ə wod nyin. ³² Yohanna Botisman ə ntwərag nyin gag əkwo nyi na nnyyo ətan nswad ni, nyi sɨ ŋwwag cucug bə gu dag. Əwod ənied say kurum əbyin ba bə +kham ji, basɨ ŋwwag cucug bəngu. Kwo naŋ nyi ndi nkyaŋ ənay ni nyi sɨ shay kukwoy nyi ku, nyi sɨ ngwod kətug nyyo u, də nyi ba ŋwwag cucug bəngu dag."³³"Nyi bu kwərəg tsutsswo nyî fəg umma əlyyad. Ətyə əbyin əyyaŋ wo ku cwi +kwon inabi ni, əsɨ tam ulwo ka kəkəb .Əsɨ bwo gyyad əfaŋ ə ncyyo bwoŋ gwô nshwi səhwod inabi na. Əku nog ga gɨŋghan udag əkyo əyin əna nswan ə cam əbyin ka ni.Kukwo gwo sɨ hwwab +ətyog əyyaŋ byo na jyi gu əbyin ka bâ ga ŋwwad gu əŋway inabi na ni. Kukwo gwo sɨ nkad ukəraŋ uyyaŋ gbaŋ kəyəw. ³⁴Naŋjen kpey +əsum inabi ji nnyyo ni, əsɨ tə́m ənied ntəm əyyaŋ gu, ba nad bə +ətyog əbyo bâ joŋ gu əŋway inabi na.³⁵Əwod kukwo +ətyog əbyo əku hwwab ba əbyin ka ni sɨ təbyyed ənied ntəm gu ba. Basɨ tswod ətyə nyyuŋ, basɨ hyad ənyyuŋ, ətyo nyyuŋ wu basɨ maŋ gu bə nfaŋ. ³⁶Kukwo ətyə əbyin wu əsɨ bwo təm ənied ntəm əyyaŋ byo sswag əsɨba gwo tsa ə təm ni. +Ətyog əbyo əku hwwab ba əbyin ka ni sɨ bwo nyyo ba ndyo naŋ ba ku nnyyo əsɨba ndyo ni. ³⁷Məta əka gwo nfəg kyaŋ əkwo əbwo nyyo ba ndyo ni, ətyə əbyin wu əsɨ təm ŋgwon gu ka bə mba, əsɨ nyo, bana ŋwwag ŋgwon nka shi.'³⁸Əwod naŋ +ətyog əbyo ə ndi ŋgwon gu ka ntəbay ni, basɨ nyo bə əyyaŋ ba, "ətyog əwǐ ni ngwo na ya kunuŋ əbyin əkwi ni!Yog zɨ hyad gu zɨ ga kəw əyyaŋ nzɨd zwa gu ji.' ³⁹Kukwo basɨ ka nkyag gu, ə kwag ə nad ndyo mənta əbyin ka, əzǒ basɨ nhyad gu!⁴⁰Jen əzo ətyə əbyin wu əba mbwwog ə nad bə əbyin gu ka ni, yag ə gwo na nyyo bə +ətyog əbyo gwo hwwab ba əbyin gu ka ni?" ⁴¹Ənied ba sɨ shim nyo, "ə̀ nâ bug kəkəb kətúg +ətyog əbyo bumi zwod kətug əhwu! Gwô əsɨ hwwab əyyaŋ ənied əbyin gu ka. Ba na ya uswon dɨ ŋwwad gu kunuŋ gu ka bə əŋway inabi na də njən ji."⁴²Yesu əsɨ nyo bə mba, "Imyim nyin nyî dam tuza əlyyad ənay ni nio nyi kə ntwaŋ bumi əlyyad Əgwaza ka nyo, '+ətyog əbyo ku nog ga gbəndaŋ nog ni, əfaŋ əkyo ba ənied nog ba lag ni, ka kyo əcyo ka yed ced nog ətyin nog ka. Ətyə Uli ə nyyo sɨkwi ni nyio bə Gwaza usɨ yed usham usham bɨ cyyaŋ ku!⁴³Nwad nshey nyin sɨkwǐ ni, ə̀ na kyag tyog Əgwaza ku ə wod nyin. Əwod əna kyag əŋwwag əbyin əkyo ŋwwag bə +əsum gu ka ni. ⁴⁴Konyan ə kwǎ də əfaŋ əkay əna cwərag ə ncyǒ cuncwoŋ. Əwod ətyə əwo naŋ əfaŋ əkyo ma nkwa də ngu ni, ka na fwway.⁴⁵Naŋ ceced ənied fi zənaŋ ba bə ənɨhwob əbyo yed Farisawa ba ni ə nfəg uma əlyyad əkay ni, basɨ fɨg naŋ tuza ba kyo gwo ndyyad. ⁴⁶Basɨ ka ncad təbad ngu, basɨ yəw nyyo ənnyo dag ba tswoŋ uwun ukpa ənied wu, ba di ənied ba ŋwwag gu shi naŋ gwo əngyed ətyo lyyad əŋwwad Əgwaza ə.

Chapter 22

¹Yesu əsɨbwo lyyad bə mba uma əlyyad nyyo əni, ²"Tyog tuza ku di naŋ əgwam əwo sag ənə nyyo ŋgwon gu ka nyɨraŋ ni. ³Əsɨ təm ənied ntəm gu ba ə yoroŋ ənied əba gwo cad bâ bay soŋ ya bɨ sswo nyiraŋ ji ni. Əwod basɨ lag bay ku.⁴Əgwam wu əsɨbo təm nnwan ntəm uyyaŋ nyo, tag ənied əba ncad bâ bay ni. "Di, nwa kə jyi kyaŋ ya dushwuŋ ku nsag. Nkə fag +nyag ji, əwod nsɨ jyi kwo yag ə nsag. Nyi bay ya bɨ sswo ku."⁵Əwod basɨ lag nkyaŋ ba basɨ nkad. Əyyaŋ əsɨ nad dulwo khab, əyyaŋ dulwo əbwwaŋ guka. ⁶ Əyyaŋ əsɨ nkwa bə nnwan ntəm na, əsɨ nyyo ba kyaŋ nsum basɨ hyay ba. ⁷Əgwam wu əsɨ fəg əlyo ya əsɨ təm nnwan nzwaŋ gu na, basɨ tə hyyay ənied byo. Basɨ fi ukəraŋ ba ka.⁸Kukwo gwo sɨ nyo bə nnwan ntəm guna, "Swoŋ ya bɨ sswo nyɨraŋ ji əwa kə jyi əsag. Əwod ənied əbyo ə yyi ni basɨ ntay dag. ⁹Nwad ənyo, sə nyi nad bə usəraŋ +ndwag na nyî yyi ənied əba nyi yəw shyyo ku ni. Bâ bay swoŋ nyɨraŋ ji. ¹⁰Nwan ntəm na usɨ nad tə tuŋ əmgbəm ənied əba ba shyyo ni, bə ətan bə bɨbyyo. Əwod gɨ tu nsoŋ wu əsɨ nhyad bə nəcen ba.¹¹Əwod jen əzo əgwam wu ə mbay cyyaŋ necen guba ni, əsɨ di ətyog əyyaŋ wo kub ətərog nyɨraŋ wu ni dag. ¹² Əgwam wu əsɨ nyo bə ngu, "kpəndaŋ, ni ə a nyyo nŋwwo əji də bə ətərog nyɨraŋ wu? Əwod əsɨ shyyo kyaŋ kərag dag.¹³Kukwo əgwam wu əsɨ nyo bə nńwan ntəm guna, "Nyi ləb ətyə əwi mbwag na bə tɨtag ba, əwod nyi jɨb gu tusa bə ndyin ku. Əzô ə ngwoŋ nkun ə nyway nyinyuŋ ba. ¹⁴ Nwad, ənied bədɨdɨd byo ə yyi əwod bɨ tswa zə əsɨ ba khay.¹⁵Kukwo Farisawa ba əsɨ wurug ənad ə ləb gag əkwo bana ntəbad gu tuza əlyyad guka ni. ¹⁶Kukwo basɨ təm bə Yesu nnwan ntəm bana dunduŋ bə Hirudiyawa ba. Basɨ nyo bə Yesu, "Ətyi cyyed, zɨ lyen naŋ a kwog cucug, əwod əsɨ cyyed əlyyad Əgwaza na də cucug. A cad əyin ə tag a kyaŋ dag. Əwod da ŋwa byyo cad əpyo dag. ¹⁷Də tag zɨd, yag ə a dam? ku nkwa ə, zɨ təraŋ Kaisar kurum əbyin ku a, kə də i nkwa?¹⁸Əwod Yesu əsɨ fɨg kətug ba ku əsɨ nyo, "Yag ə mbyyo nyi mmay n, nyin əbaŋ əbyin? ¹⁹Nyi twəraŋ n tswa kurum təraŋ kurum əbyin ji." Kukwo basɨ bay bə ngu tswa kurum jyyuŋ.²⁰Yesu əsɨ nyo bə mba, "Wuwwo ənyan kwo kwî ni mbyyaŋ əyorog ka?" ²¹Basɨ nyo bə ngu, "Kaisar ə." Kukwo Yesu əsɨ nyo məmba, "Də̀ nyi joŋ Kaisar nkyaŋ ənio yed nshin Kaisar ni, əwod nyî joŋ Əgwaza U nsɨna yed nshiǹ gu ni." ²²Ba nfəg ənnyo ni, basɨ cyyo kwod, ndwam na sɨ shyim ba. Basɨ tə nkad əsɨ wod gu.²³Bə ka utug əkyo, Sadukiyawa əyyaŋ byo ənyo də dərəg bə əhwi nshyyo ni dag. Basɨ bay bə ngu. Basɨ lyib gu nyo, ²⁴"Ətyɨ cyyed, Musa əbɨ nyo, kə əyin əhwu, naŋ gwo byyo nnwan dag, tɨlɨd kwo nənyyug guwu əbwwo əbyyug əwo ə mbyyǒ nənyyug guwu nnwan.²⁵Əku byyo +nənyyug natad, nəhwob wu əsɨ bwwo əbyyug wu əwod əsɨ hwu. Əsɨ ŋwod ŋgwon dag. Əsɨ wod nənyyug guwu əbyyug guwu. ²⁶Nənyyug gu əwo ə ntuŋ ni, əsɨbwo nyyo bə ənnyǒ. Mbyyaŋ ətyo ətad wu had tɨnad ətyə natad wu. ²⁷Məta baka səlləy, əbyyug wu əsɨ hwu bwo. ²⁸ Nini utug dərəg ənied kukwi ba, əbyyug ənyan ə gwo ba yed bə nənyyug natad əbay ni? Nwad səlləy ba kə ngyed +ətyog gu."²⁹Əwod Yesu əsɨ nyo məmba, "Nyi bwwug, nwad nyi lyen əlyyad Əgwaza na bɨ ced gu ku dag. ³⁰Nwad, bə njen dərəg ənied kukwi ji, əwum ənyyug dag də bâ ti nyɨraŋ dag. Dəkunuŋ əkyo, ba di naŋ +ətəm ntswa ni tuza ka.³¹Əwod tuza dərəg ənied kukwi ba, nyi kə ntwaŋ kyaŋ əkwo Əgwaza u əku lyyad bə nyin nyo əni, ³²"Nuŋ ə ngyed Əgwaza Ibrahim, Əgwaza Ishaku bə Yakubu dâ? Əgwaza U ə yed əshin nkwom dag. Ə̀ yed əshin ənied sɨced byo." ³³Naŋ əkpa ənied wu ə nfəg əni ni, basɨ cyyo kwod tuza cyyed gu ka.³⁴Naŋ Farisawa ba nfiɨg Yesu ə ngba Sadukiyawa ba ni, basɨ tuŋ əpyo ba dulwo unyyuŋ. ³⁵Ətyə nyyuŋ bumi baka wo ə yed ətɨ zwob əlyyad ni, əsɨ lyib gu ə ga mag gu. ³⁶"Ətyɨ cyyed, zaŋ doka zə nsswag bumi fag əlyyad ji?³⁷Yesu əsɨ nyyo bə ngu, "Cad Əgwaza U bə kəkəb tsswo aku, kəkəb sswan aji, bɨ cug dam aji mbyyaŋ ced aku." ³⁸Doka əjî ni i zo nsswag kəkəb, zo yed utsa ka ni.³⁹Sɨ zo ntuŋ ni isɨ bɨ di naŋ sɨ ji ni. "Cad nənyyug a wu bənaŋ a ncad əpyo a ni. ⁴⁰Tuza dokoki shwaŋ əkay ni, izə doka Əgwaza ji mbyyaŋ ənied əlyyad əŋwwad Əgwaza ba nswan.⁴¹Nyyo naŋ Farisawa ba nɨ shyo dunduŋ, Yesu əsɨ lyib ba. ⁴²Əsɨ nyo, "Yag ə nyi dam tuza Kristi ka? Ŋgwon ənyan kyo gwo yed?" Basɨ nyo bə ngu, "Ŋgwon Dauda."⁴³Yesu əsɨ nyo, "Ə nyyo ni Dauda bumi ntswa, ə ngyi gu 'Ətyə Uli?' ⁴⁴Əsɨ nyo, 'Ətyə Uli u əsɨ nyo bə Əty Uli ngu. "Swan bə mbwag yag nku, sənaŋ mba cyyo +nəndwan a ba cug sag tɨtag aji."⁴⁵Bə kə Dauda əyyi Kristi Ətyə Uli, "ə nyyo ni ə ngyed ŋgwon Dauda?" ⁴⁶Əyin əsɨ yəw bə mba ə kərag kyaŋ dag. Əyin əsɨbwo mag gwô lyib gu kyaŋ dag. Nyyo utug əkyo tinad duswon.

Chapter 23

¹Kukwo Yesu ǝsɨ lyyad bǝ ukpa ǝnied wu mbyyaŋ nnwan ntǝm gu na. ² Əsɨ nyo, "Ənincyyed dokoki Musa ji bə Farisawa ba ba swan tuza kyaŋ nwad Musa kwo. ³ Nwad ənnyo kwo yag ə ba nyó nyi nyyo, nyi nyyo nkyaŋ ənay ni səlley əwod nyi byoŋ na. Əwod nyɨ yog hwi nyyo ba ji dag. Nwad ba lyyad nkyaŋ ənio ba nyyo ni dag.⁴Î, ba lwoy nkpərəg ənio byyo ced ni ə say ənied ndyo zəŋwan. Əwod ba bə əpyo ba ənɨ kyag gəswoŋ ə nkyag na dag. ⁵Bə kɨ nyyo nkyaŋ ənio ba nyyo ni, ənied ə ga di ba dyo. Nwad, ba nɨ tway nday bana nio byyo kpay bə zunzwo əlyyad Əgwaza na bə ngyób +ətərəg ba na.⁶Bə ləw cad sswad ba cəcəd kukwon nswad dulwo swoŋ ya bɨ sswo mbyyaŋ sswad bə ceced nkyaŋ nswad bə tuntu dyeb Əgwaza Yahudawa na. ⁷Ba ləw cad ə jyyed ba shi bə +kasswo ji, əwod bâ yyi ba 'ənɨ cyyed'.⁸Əwod nyin, nyi yog shim ə yyi nyin ənɨcyyed dag, nwad nyi byyo ətyɨ cyyed wu bə ənyyuŋ. Əwod kəkəb nyin, nyi yed nənyyug byo. ⁹Əwod nyi yog yoroŋ əyin əcyo bə dunio ku dag, nyi byyo bə Əcyo ənyyuŋ ə wo shyo tuza ni. ¹⁰Nyi bu yog shim ə yyi nyin ənɨcyyed dag, nwad nyi byyo ətyɨcyyed wu bə ənyyuŋ, ngwo ə yed Kristi.¹¹Əwod yog ətyə əwo yed gbəndaŋ bə nyin ni, yog gwo yed əhwo nyin. ¹²Konyan ə təkyem əpyo gu ni, əna ywway gu. Ətyə əwo ma nywway əpyo gu ni, əna təkyem gu.¹³Ubuŋ utswoŋ nyin ənied lyurug mbyyaŋ Farisawa ba, +əbaŋ əbyin! Nyi bwom tyog tuza nfwwun ənied ba. Nwad, nyi ŋwwo ku bə əpyo nyin dag, də nyi ba wod ənied əba cad ŋwwo ku, bâ ŋwwo dag. ¹⁴Ubuŋ utswoŋ nyin ənied lyurug mbyyaŋ Farisawa ba, +əbaŋ əbyin! Nwad, nyi ə byo kywad usa ənyyug ənio əkwi ə wod ni, ǝwod nyi nyyo ga junjyuŋ nay Əcyo tɨlɨd kwo nyi byo na san gbədaŋ fyyed əlyyad wu. ¹⁵Ubuŋ utswoŋ nyin ənied lyurug mbyyaŋ Farisawa ba +əbaŋ əbyin! Nwad, nyi kɨ coŋ byəy əywi mbyyaŋ ndwag dɨ shyyo ətyə san Əgwaza ənyyuŋ, Əwod kə ə san Əgwaza U, sə nyi cyyo gu ə yed cyyan ufyyaŋ ŋwon uli ndoŋ bənaŋ nyin ni.¹⁶Ubuŋ utswoŋ nyin ənied tɨtwan cad kwog uswon. Nyin əbyo nyo, konyan ə shyi tuza gbəndaŋ Uli Dyeb Əgwaza, ku yed kyaŋ dag. Əwod konyan ə shyi da əyorog mɨmyad nfaŋ əbyo shyyo bumi gbədaŋ Uli Dyeb Əgwaza ku, shyi shyi əzo na ya gu. ¹⁷Nyin ga bwwon ənied tɨtwan! Zaŋ sɨ kwo nsswag? Mɨmyad nfaŋ kə gbəndaŋ Uli Dyeb Əgwaza əwo ti mɨmyad wu ə yed zɨzərag?¹⁸Əwod konyan ə shyi tuza əgan ti zənaŋ ka, ku yed kyaŋ dag. Əwod konyan ə shyi tuza zənaŋ əzo shyyo tuza əgan ka ni, shyishyi əzo nɨ ya gu. ¹⁹Nyin əbyyem əyyi! Zaŋ sɨ kwo nsswag? Zənaŋ əzo á, kwo əgan fi zənaŋ əwo ti zənaŋ ji yed zɨzərag ni?²⁰Nwad ənnyo, ətyə əwo shyi tuza əgan fi zənaŋ wu ni, ə shyi tuza kwo yag ə shyyo tuza əgan ka. ²¹Ətyə əwo ə shyi də əyoroŋ gbəndaŋ Uli Əgwaza U, ə shyi mbyyaŋ ətyə əwo swan bumi gu ka ni. ²²Ətyə əwo maŋ shyi bə tuza ka ni, ə shyi cug Əgwaza əzo mbyyaŋ ətyə əwo nswan ni.²³Ubuŋ utswoŋ nyin ənied lyurug mbyyaŋ Farisawa ba +əbaŋ əbyin! Nyi nɨ ŋwwag Əgwaza U zakka bə kəkəb nkyaŋ ənio nyi byyo ni, dunduŋ ba nkyaŋ əwəraŋ naŋ shita, swunswam, nhywo bə nəngyaŋ. Əwod nyi sɨ wa bwwuŋ nyyo ga ceced nkyaŋ əbyo shyyo bə doka ji ni. Naŋ kwog cucug, tswoŋ kunag mbyyaŋ ŋwwag tsswo. Əwod nkyaŋ ənay na nio wa myim sə nyi wa tsa nyyo na də bɨ wod əkum ka. ²⁴Nyin ənied tɨtwan cad kwog uswon, nyi nɨ jəw gəswan na wurug dyo ə sswo səhwod, nyî wa ŋwan əzwan ntsswo wu.²⁵Ubuŋ u shyyo nyin, ənio lyurug mbyyaŋ Farisawa, +əbaŋ əbyin! Nwad nyi kwi məta nkham ka mbyyaŋ gbugba u, nyi wod umi ka, əwod +umi na nyi nhay bu +ufa ulyyag mbyyaŋ cad əpyo. ²⁶Əbyəm əyyi Farisawa, nyi ya nkwi umi nkham ka mbyyaŋ gbugba əwod +məta na u mun u cyyo zɨzərag.²⁷Ubuŋ u shyyo nyin, ənied lyurug mbyyaŋ Farisawa, +əbaŋ əbyin! Nwad nyi di naŋ nnog ənio ə nog tuza bɨbi ni, na yed bəd nta ka əwod +umi na kunkub nkwom ənied nyo nhyad mbyyaŋ kwo zaŋ taŋkəy shishig kyaŋ. ²⁸Bə ənyo nyi mun di tusa ka naŋ ənied saŋ əbun ni, əwod +umi nyina baŋ əbyin mbyyaŋ kətug kwo nhyad.²⁹Ubuŋ u shyyo nyin, ənied lyurug mbyyaŋ Farisawa, +əbaŋ əbyin! Nwad nyi nog ndyag ənied lyyad əŋwwad Əgwaza ba əwod nyî swurub bɨbi ənied saŋ əbun ku. ³⁰Nyi nyo, kə zɨ ba bɨ nshyyo bə njen +əcyo əhwwob zɨ ji, sə zɨ ba bɨ shyyo bɨ hyay ənied lyyad əŋwwad Əgwaza dag. ³¹Nwad ənyo, nyi byo lyyad bə pyo nyin naŋ nyi byo ngyed nnwan ənied əbyo bɨ hyay ənied lyyad əŋwwad Əgwaza ba ni.³²Nyi mun shurug əmag +əcyo nyi wu. ³³Nyin +əkwaŋ əbyin, nyin nnwan ntsswub, nyi nɨ nyyo ni təkəram fag əlyyad ŋwwo tu ndoŋ ku?³⁴Nwad ənyo, di, n twoy bə nyin ənied lyyad əŋwwad Əgwaza, tsutswad ənied mbyyaŋ ənied lyurug. Əyyaŋ ba nyi nɨ hyay əwod əyyaŋ nyi nɨ wəd bɨ yəw bə tuntu dyeb Əgwaza nyina əwod nyi lwoŋ əyyaŋ nyyo bu Ukəraŋ əkay tɨ nad usɨ kyəy. ³⁵Kyaŋ əkwo ba nhwi ni əmbgom əsog ənied saŋ əbun ənio ə kwərəg bə dunio ku ni nɨ shyyo tuza nyin, nyyo bə Habila tɨnad Zechariah ŋgwon Barachia ka kyo nyi bɨ hyad bə kwocio əgan fi zənaŋ u bə gbəndaŋ uli dyeb Əgwaza U ni. ³⁶Cucug əlyyad n shey, kəkəb nkyaŋ ənay nɨ bay bə ncey əkwi.³⁷Urushelima, Urushelima, nyin əba hyay ənied lyyad əŋwwad Əgwaza ba, nyi sɨ maŋ ənied əbyo ə bɨ təm dyo bə nyin ni. Cyyan umaŋ kwo n nkwan n tuŋ nnwan nyina dunduŋ naŋ əyyaŋ nnywan ənɨ ntuŋ nnwan guna ə kub bə nfiyeb guna ni, əwod nyisɨ cyyo tsərəŋ. ³⁸Di, ə wod nyin uli nyika u yed bubwad. ³⁹Nwad n nyo bə nyin, nyi bu nɨ di n dag nyyo nini sə naŋ nyi ba nyo, ətyə lɨbərka ə yed ətyo əwo ə bay bə əlyorog Ətyo Uli ka ni.

Chapter 24

¹Yesu əsɨ wurug ə nyyo bə gbəndaŋ Uli Dyeb Əgwaza ku ə kay lwag ku. Nnwan ntəm gu na usɨ bay bə ngu basɨ tətwaŋ gu nnog əna shyyo bə gbəndaŋ Uli Dyeb Əgwaza wu ni. ²Əwod əsɨ shim bə ndyo nyo, "Nyi di kəkəb nkyaŋ ənay ni a? Cucug ə nshey nyin, əna mbyyô əfaŋ əyyaŋ əka əba wod tuza əyyaŋ ni dag."³Naŋ gwo nswan tuza əfan əkyo byyo tyɨtyin fad ni, nnwan ntəm guna sɨ bay bə ngu də əbaŋ nyo, "Səkud zə tag zɨd kwo zan njen kyo nkyaŋ ənay ni na nnyyo? Yag ə ba twərag zɨd jen tɨbay a ji bɨ nŋan njen ncey wu? ⁴Yesu əsɨ shim ba dyo nyo, "Nyi təlwam kəlag əyin əba lyen nyin ətə cyyo uyid." ⁵Ənied bə dɨdɨd ətə bay bumi əyorog nka. Ba na nyo, "Nuŋ ə ngyed Kristi," ba byo əna cyyo ənied bə dɨdɨd ə ŋwwo uyid.⁶Nyi na tswoŋ nkhaŋ zwaŋ bɨ +zwaŋ. Nyi yog fəg uwun kyaŋ dag naŋ ku ngyed tɨlɨd kwo nkyaŋ ənay na bay nyin. Əwod nŋan wu əkə nshud dag. ⁷Əbyin əna dərəg dɨ nyyo nəndwan bə əbyin əkyəw. Tyog bwo ku na dərog nyyo nəndwan bɨ tyog əkway. Əna nyyo əwərəmənde mbyyaŋ tyɨrɨb əbyin bə ulwo bə dɨdɨd. ⁸Əwod kəkəb nkyaŋ ənay ni ba shyyo nyin naŋ tsa unag byin ni.⁹Məta əkyo ba nə ŋwwag nyin mbwag sswo ubuŋ əba hyay nyin. Ənə lag di nyin bə kəkəb bɨbyin kozaŋ ulwo dənian əyorog nka. ¹⁰Əwod dɨdɨd ənied əna shwwod əkwoy, əki ya ulɨhyo əyyaŋ mbyyaŋ kɨ lag əyyaŋ bəd. ¹¹Ənied lyyad əŋwwad Əgwaza bə dɨdɨd əna wurug byo bwoy əlyem ni bâ ga ti ənied bə dɨdɨd uyid.¹²Nwad kətug ku nə mban, cad əyyaŋ ku ku cyyo shinshyim bəd. ¹³Əwod ətyə əwo gbaŋ əlyo tɨnad nŋan wu ni, ənə shyyo san ku. ¹⁴Usham əlyyad tyog tuza əkay, əna shey ka bumi kəkəb ənied swanta ba bə kozaŋ əbyin. Əwod nŋan wu əsɨ̂ də bay.¹⁵Nwad ənyo, kə nyi ba di nkyaŋ nkag ənio byyan ənied ba wo Daniel ətyə əlyyad əŋwwad Əgwaza wu əku ndyyad ni nyo, ə yoŋ bə zɨzərag ulwo wu, yog ətyə twaŋ wu gwo fɨg. ¹⁶Yog ənied əbyo shyyo Yahudiya ni bâ twoŋ ənad bə fɨfan ku. ¹⁷Yog ətyə əwo swan tɨtən tu ni ə yog cwog ənad utag dɨ kyag kyaŋ buli dag. ¹⁸Ətyə əwo ma nshyyo uyid khab ni, gu ə yog bwwog dɨ kyag ətərog dag.¹⁹Əwod sswo ubuŋ tswoŋ əsɨba byyo ufa ni bə əsɨba ŋway annwan ni, bə nnwam ənio! ²⁰Nyi nay Əgwaza U kəlag cuŋ nyi ji ba shyyo ulwoshyim kwo nwam tswuŋ Yahudawa ku. ²¹Ga gbəndaŋ sswo ubuŋ ətəbay wo nyyo bɨ kay nnyyo bɨ swanta ku tɨnad nini, əkə mbyyo təŋkay sswo ubuŋ əkwo dag, də bâ bu na mbyyo dag. ²²Sə kə ə yway nnwam ənay ni, əna nshyyo əyin əwo əna kəyyed ni dag. Əwod dənian ənied əba əkə khay ni, ba byo na cyyo ə ngyway nnwam sswo ubuŋ na.²³Kə əyin ə nyo bə nyin, 'di Kristi ə əji!' kwo 'di Kristi ə əzəw!' Nyi yog ŋwwag cucug dag. ²⁴Ənied Kristi bə ənied əlyyad əŋwwad Əgwaza əlyem əna gud əwurug ba twərag ənied ba nyyo nkyaŋ ŋwwad uwun bə tɨtyog ba̭ ga lyyen ənied bə dɨdɨd ə cyyo uyid had bə nnwan Əgwaza na. ²⁵Nyi di, ntag nyin ngwod, jen ji isɨ̂ dɨ bay.²⁶Naŋ ku ndi ənnyo ni, kə ənyo bə nyin , "di ngwo uyid əzəw," nyi yog nad dag. Kwo, "di ngwo bumi tu ka," nyi yog ŋwwag cucug dag. ²⁷Bənaŋ əmerom nza ənɨ nsay ə nyyo ətyin ətə kwa utag ni, ənnyǒ bwwog bay ŋgwon Ətyibɨshyi ku ba ndi. ²⁸Kwo əji ə kwom nshyo əzə̂ +gulu ba ntuŋ.²⁹Əwod məta əkyo nnwam təshug sswo ubuŋ na ntyog ni, nwam ku ba cyyo lyin utug, zwad ji bu nɨ say dag, +tənŋwad na ushwwod əkwoy nyyo tuza ka zwod nɨtyog tuza na na zwun.³⁰Əzə ə yi n â twərag gag bwwog bay ŋgwon Ətyɨbɨshyi ku nyyo tuza, ku na cyyo kəkəb nŋwob dunio na nɨ gwoŋ nkun. Ba na di ŋgwon Ətyɨbɨshyi ka u tɨbay bumi ninian nza bɨ tyog, gbəndaŋ kyənkyay shi. ³¹Ə̀nə təm bə +ətəm ntwa guba bâ hyab əgwa bɨced, ə kwan ə tuŋ kəkəb ənied əbyo əkə khay nyyo bə nfam nnay nswanta na, nyyo bə nŋan tuza əwi tɨnad əsɨ woy ni.³²Sə nyî myab tuza ukwon əbwab ka kə hwuhwo ba ətad əwurug bə +əsum ka, nyi lyen naŋ əkwoy ka əbay kpəg. ³³Ənnyǒ bwo, jen əzo nyi ndi kəkəb nkyaŋ ənay ni, tɨlɨd nyi lyen naŋ bwwog gu ku bay kpəkpəg, ə shyyo nuŋkənyyo ka.³⁴Cucug ə nshey nyin, ce əkwi ni nɨ sswag dag sənaŋ ə nyyo nkyaŋ ənay ni kəkəb. ³⁵Tuza ka bə dunio ku na sswag nkad, əwod bə əlyyad nuŋ ənio əna swan. Zəm!³⁶Əwod tuza nwam ka kwo tswam ji, əyin ə lyen dag. Kwo +ətəm ntswa tuza ba bwo, kwo ka Ŋgwon Əgwaza ka lyen dag, sə Əcyo u bə nyin gu.³⁷Naŋ ku bu ndi bə nnwam Nuhu na ni, ənnyǒ bəd bwwog bay Ŋgwon Ətyɨbɨshyi ku ba ndǐ. ³⁸Nyyo naŋ nnwam ga səhwod na kə mbay dag, ənied ba ku ŋwwag əpyo ba bu ya bɨ sswo, nyyo nyɨraŋ bɨ ŋwwad nnyɨraŋ, tɨnad jen əzo Nuhu ŋwwo gbəndaŋ kukwon səhwod wu ni. ³⁹Ba ku lyen əsɨ fɨg nkyaŋ ənay dag tɨnad jen əzo ga səhwod əku bay ba hywag ba ə nkad dyo ni. ənnyǒ ku na ndi dɨ bwwog bay ŋgwon Ətyɨbɨshyi ku.⁴⁰+Ətyog əfyyaŋ əna shyo bɨ khab, ə kyag əyyuŋ əwod əyyuŋ lɨlyim. ⁴¹Ənyyug əfyyaŋ əna shyyo bɨ kwaŋ bɨ nan, əna kyag əyyuŋ əwod əyyuŋ. ⁴²Nwad ənyo, ku myim nyî cyyay, dənian nyi ndyen kozaŋ nnwam kwo Ətyə Uli nyi wu əna mbay ni dag.⁴³Əwod nyi lyen sɨkwi, kə ətyə uli wu əwa ku lyen jen əzo ətaŋ wu ətə mbay tutug əkyo ni, sə gu ə cyyay uli gu ka kəlag ətaŋ wu əba fwoy ə ŋwo bumi uli gu ka. ⁴⁴Nwad ənnyo, tɨlɨd kwo nyî swan cog, dənian ŋgwon Ətyɨbɨshyi ka u tɨbay bə ndam əzə nyi lyen ni dag.⁴⁵Bə ənyan ə bə nyin wo nyyo cucug bɨ yed tsutswad ŋgwon ntəm wo ətyə uli gu wu ənə mbyoŋ tsswo dɨ byoŋ uli gu ka dɨ ŋwwad ba nkyaŋya na də njen ji? ⁴⁶Ətyə lɨbərka ə yed ŋgwon ntəm əkyo ətyə uli gu wu ənɨ bay ə shyyo gwo nyyo kyaŋ əkwo gwo cad ni. ⁴⁷Cucug ə nshey nyin naŋ ətyə uli gu wu əba sag gu tuza nkyaŋ əkyo gwo byyo ni kəkəb.⁴⁸Əwod kə ŋgwon ntəm ka u byyo kətug dɨdam bə ntsswo ka ku usɨ nyo, 'Ətyə uli ngu əna bwwog ə fyyen dag.' ⁴⁹Əsɨ ŋwwo təbyyed kpəndaŋ ntəm gu ba ə tswod, əsɨ ŋwwo ya bɨ sswo bə ənied sswo əkan ba. ⁵⁰Kə ətyə uli ŋgwon ntəm əwo ba bwwog utug əkyo ka ŋgwon ntəm ka ndyen ni dag had bɨ tswam əzo gwo dam ni dag. ⁵¹Ətyə uli wu əna corag kətug ŋgwon ntəm əwo ə nccyo cuncwoŋ əwod ə barag gu dunduŋ dulwo +əbaŋ əbyin ba, əzǒ ba na ngwoŋ nkun bɨ nyway nyinyuŋ.

Chapter 25

¹Tyog Əgwaza ku na di naŋ +zwwab unyyem swag ənio əku hywag +fitilà ba ji dɨ nad dulwo swoŋ ya bɨ sswo nnyɨraŋ ni. ²Unyyem utswon bə mba sɨ yed ga bwwon, ətswon byo sɨ byyo tsutswad ku. ³Əbwwon unyyem u usɨ kyag fitila ba ji də bu byoŋ əmyo əyyaŋ. ⁴Əwod uneyem tsutswad na sɨ byoŋ +fitila ba ji mbyyaŋ ukuruŋ əmyo.⁵Nini, ətyə nyɨraŋ wu ə mbyyan jen dɨ bay ku ni, nda na sɨ gba ba basɨ ka nkay nda. ⁶Əwod bə ntyɨraŋ utug wu, basɨ ka nfəg gugwoŋ nyo, 'Di ətyə nyɨraŋ wu! Nyi wurug nyi tyad gu!⁷Kukwo kəkəb +zwwab unyyem swag əji sɨ ka ndərəg ə cyyo loŋ ku bə fitila ba ji. ⁸+Əbwwon ba sɨ nyo bə tsutswad ba, "Nyi naŋ zɨd əmyo nyin na nshin zɨ na cad tyag. ⁹Əwod tsutswad ba sɨ nyo, "+Əmyo zɨd na nâ may zɨd bə nyin dag, də nyi nad bə ənied lyyay ba nyi san!¹⁰Naŋ ba nkad san ku ni, ətyə nyɨraŋ wu sɨ nyyo əŋwwo. Kukwo kəkəb ənied əbyo əku ləb lwam ə tswoŋ ni, əsɨ hwi gu əŋwwo, əsɨ ka nnyim ulwo ka. ¹¹Məta əka +əbwwon ba mbwwog abay ni, basɨ nyo, 'Ətyə Uli, Ətyə Uli, səkud nyib zɨd ulwo ka.' ¹²"Cucug ə nshey nyin, nuŋ ndyen nyin dag." ¹³Nwad ənnyo, nyi swan bɨ ləb lwam, dənaŋ nyi ndyen nwam kwo jen ji ni dag.¹⁴Ku di naŋ jen əzo ətyog ə ndam ənad ukəraŋ uyyaŋ gbaŋ kəyəw. Əsɨ yoroŋ nnwan ntəm gu na əsɨ cyyo zwa gu ji mbwag ba. ¹⁵Əsɨ joŋ ətyə nyyuŋ talanti ətswon, asɨ joŋ ətyə əfyyaŋ wu talanti əfyyaŋ, ətyə ətad wu ənyyuŋ. Konyan bə mba əsɨ shyyo dɨ gag ced ntəm gu ku, əsɨ̂ di nkad cyyed gu ku. ¹⁶Ətyə əwo əku joŋ gu talanti ətswon wu ni, bə də ncuŋ əsɨ mbwwaŋ ə nshyyo səhwod talanti ətswon.¹⁷Ənnyo bwo ətyə əwo əku joŋ gu əfyyaŋ wu ni əsɨ ma shyyo səhwod talanti əfyyaŋ. ¹⁸Əwod ŋgwon ntəm əka əku joŋ talanti ənyyuŋ wu ni ku nad ətə luŋ əbyin ə nniad kurum ətyə uli gu ku.¹⁹Ku sɨ kyag jen bəd, ətyə uli nnwan ntəm əwi sɨ bwwog əbay gwô san +zwa gu ji mbwag ba. ²⁰Ətyə əwo əku joŋ gu talanti ətswon wu, əsɨ bay dyo bə talanti ətswon tuza. Əsɨ nyo, " ətyə uli, əku joŋ talanti ətswon. Di, mmo shyyo talanti ətswon tuza." ²¹Ətyə uli wu əsɨ nyo bə ngu, "Ncyyo a fô, ə yed ətan əyyin kwog cucug! A nyyo cucug bə dɨday nkyaŋ, nini nna cyyo nkyaŋ bə dɨdɨd mbwag aka. Sə â ŋwwo a sswo nyinyaŋ dunduŋ bə ətyə uli awu!²²Ŋgwon ntəm əkyo ku san talanti əfyyaŋ wu ni bwo əsɨ ma shen ə yoŋ, "ətyə uli, aku joŋ n talanti əfyyaŋ. Di, mmo shyyo talanti əfyyaŋ mbyyaŋ." ²³Ətyə uli əsɨ nyo bə ngu, "Ncyyo a fô, a yed ətan əyyin kwog cucug! A nyyo cucug bə acwwaŋ nkyaŋ, nini nna cyyo nkyaŋ bə dɨdɨd mbwag aka. Sə â ŋwwo a sswo nyinyaŋ dunduŋ bə ətyə uli awu".²⁴Ŋgwon ntəm utad əkyo əku san talanti ənyyuŋ wu ni əsɨ nyo, "ətyə uli, nku fəg uwun a nio. Ndyen naŋ a təshug ənied ba bəd. A fway dulwo əkyo də a nsəraŋ ni. ²⁵N fəg uwun a, kukwo mbyyo nsɨ nkad ntə luŋ əbyin nniad talanti əwu. Di, nga kyaŋ əkwo yed shin əku ni".²⁶Əwod ətyə uli əsɨ shim gu ndyo nyo, "A yed ŋgwon ntəm əkyo uyed ga kətug ŋgwon bə ətyə ulɨd. A lyen naŋ nfway dulwo əkyo ncwi ni dag bɨ tuŋ dulwo əkyo nsəraŋ ni dag. ²⁷Yag ə mbyyo əsɨ lag nsag kurum nku bu tu ənied cog kurum ba ku, tay dag dɨ bwwog nku mma nshyyo səhwod tuza?"²⁸Nwad ənnyo, nyi təwob talanti wu bə ngu ə ŋwwag ŋgwon ntəm əkyo byyo talanti swag wu ni. ²⁹Konyan ə byyo shyyo gbəmgbəm, əna mbyyaŋ gu ndyo bə dɨdɨd. Əwod ətyə əwo də əbyyo kyaŋ ni dag, kwo a nkyaŋ əkyo gwo byyo ni əna təwob ka ə wod gu . ³⁰Əwod ə ta kətug ŋgwon ntəm saŋ kpaŋtɨn əkyo bumi ga ndyin utug, əzǒ gwo na kpaŋ nkun bɨ nyway nyinyuŋ.'³¹Jen əzo Ŋgwon ətyɨbɨshyi ka mbyyaŋ +ətəm ntswa gu ba əba mbwwog bay bɨ kyənkyay shi gu wu ni, əba ŋhag ə nswan tuza tyog kyənkyay shi gu wu. ³²Əna tuŋ kəkəb kozaŋ ənied bə swanta ku, sə gwô khab ənied zan zan bənaŋ ətyi cog ənɨ nkhab zwon tsyyeb bə zwon ətəm ni. ³³Ə́ na sag zwon tsyyeb ji bə mbwag yag gu ku əwod zwon +ətəm ji bwag myyan.³⁴Əwod gbəndaŋ əgwam wu əna nyo bə əsɨba shyo bə mbwag yag ku ni, 'Nyi bay, nyin əbyo wa kə nshyyo lɨbərka Əcyo ngu ni, nyi ya gado tyog əkwo əwa kə jyi nyin dyo nyyo bɨ kay nnyyo əsɨ də nyyo swanta ku. ³⁵Nwad, nku tswoŋ zwoŋ, nyi sɨjoŋ n kyaŋ ya; nsɨ tswoŋ nwamshyi, nyi sɨ ŋwwag n səhwod sswo; nsɨbwo ngyed ətyîcen, nyi sɨ ŋwwo bə nuŋ bu uli. ³⁶Nku coŋ kəgbaŋ, nyi sɨ kub b ətərog; nsɨ dwwo nyi sɨ cog n; nsɨ shyyo bu hwo nyi sɨ bay ba byyad n.'³⁷Kukwo ənied saŋ əbun ba əna nyo, 'Ətyə Uli, zan jen zo zɨ ndi a ətswoŋ zwoŋ, zɨ sɨ joŋ a kyaŋ ya? Kwo tswoŋ nwamshyi, zɨ sɨ ŋwwag a səhwod sswo? ³⁸Zan jen zo zɨ ndi a yed ətyîcen, zɨ sɨ ŋwwo bə ŋwan bu uli. Kwo kəgbaŋ zɨ sɨ kub a ətərog? ³⁹Zan jen zo zɨ ndi a lwwo kwo bu hwo, zɨ sɨ bay ba byad a? ⁴⁰Kukwo gbəndaŋ Əgwam, əwi əna nyo məmba, 'Cucug ə nshey nyin, kwo yag ə nyi nyyo bə ətyə nyyuŋ wo ənied ba cyaŋ ə yed kyaŋ ni dag, nuŋ ə nyi nyyo ndyo.'⁴¹Əwod əna nyyo bə əsɨba bə mbwag myyan ku ni, 'Nyi tyoŋ nyi wod n, nyin əgbaŋ'əlaŋ, nyî ŋwwo buli ndoŋ kyo əwa kə njyi əwod əgwam utənyiraŋ dyo mbyyaŋ kətug +ətəm ntswa gu ba ni. ⁴²Dənian əka nku tswoŋ zwoŋ, nyi sɨ joŋ n kyaŋ ya dag; ntswoŋ nwamshyi əwod nyi sɨ ŋwwag n səhwod sswo dag. ⁴³Nku ngyed ətyîcen, əwod nyi sɨ ŋwwo bə nuŋ bə uli dag; nsɨ coŋ kəgbaŋ, nyi sɨ kub n ətərog dag, nsɨ ndwwo mbyyaŋ shyyo bu hwo, əwod nyi sɨ cog n dag.'⁴⁴Kukwo ba na nyo bə ngu, 'Ətyə Uli, zan jen zǒ bəd, zi u ndi a zwoŋ, shyyo bɨ nwamshyi, yed ətyɨ̌cen, kəgbaŋ, shyyo bə nzwan kwo shyyo bu hwo, zɨ sɨ bwwag uma sag a ndyo?' ⁴⁵Əwod əna shim ba ndyo, 'Cucug ə nshey nyin, kyaŋ əkwo nyi ku lag nyyǒ bə ətyə nyyuŋ bə ənied əba nyi jway ni, nuŋ ə nyi ku lag nyyo ndyo ku. ⁴⁶Kəkəb təŋkəy ənied əkwǐ ni əna ŋwwo bumi sswo zwod saŋ sɨsag, əwod ənied saŋ əbun ba bâ ŋwwo bumi uli sɨced saŋ sɨsag ka!'

Chapter 26

¹Jen əzo Yesu əba tyag kəkəb lyyad ənay ni, əsɨ nyo bə nnwan ntəm gu na, ²'Nyi lyen naŋ məta nnwam nfyyaŋ tɨbay na soŋ Təkəram ji na nyyo, əwod əna ŋwwag ŋgwon Ətyɨbɨshyi ka ə kpaŋ ka bə ətyyem əhwu wu'.³Kukwo cəcəd ənɨ fi zənaŋ mbyyaŋ ənɨhwob Yahudawa ba sɨ tuŋ dunduŋ bumi uli əgwam fi zənaŋ wu wo ə ngyi Kayafa ni. ⁴Basɨ lab unuŋ dɨ gag əkwo ba na ntəbad Yesu də əbaŋ ə hyad gu ni. ⁵Əwod basɨ nyio dǎm nyo, 'Yog ku yog yed də njen nsoŋ təkəram ji dag, kəlag jyyo ba dərəg bə ənied ba.'⁶Nini jen əzo Yesu shyyo bɨ uli Saminu ətyə gbab. ⁷Naŋ ba nɨ nswan bə tebur ə ya kyaŋ ya. Kukwo əbyyug əyyaŋ asɨ ŋwwo bə ukuruŋ əkyo nhyad bə əmyyo swam nyio byyo kurum ni, əsɨ kwərəg əpyo Yesu ka. ⁸Əwod naŋ nnwan ntəm gu na ndi ni, basɨ fəg əliya bəd. "Yag ə mbyyo ə mbyyan dɨdɨd kurum əwi ni bə kpəd? ⁹Sə ba lyab əmyyo ənay ni bə gbəndaŋ kurum əsɨ kəw +kunag na."¹⁰Əwod Yesu ə ndyen dɨdam bawu ni əsɨ nyo bə mba, "Yag ə mbyyo nyi nfwon əbyyug əwi ni ənnyo? Ə nyyo n ətan kyaŋ. ¹¹"Kozaŋ njen +kunag na shyyo dunduŋ bə nyin. Əwod nna nshyyo dunduŋ bə nyin kozaŋ njen dag.¹²Naŋ gwo nkwərəg əmyyo ənay bɨ lwam nku ni, ə́ nyyo ənnyo ə ntswoŋ niad nuŋ əkwo. ¹³Cucug ə ntag nyin, kwo əji ə naŋ ən shəy usham əlyyad əkay ni ka kəkəb swanta ku, kyaŋ əkwo əbyyug əwi əkə nyyo ni na yed ta kwo ə ya uswon dɨ lyyad ə njyyuŋ ətan nkyaŋ əwo gwo nyyo ni."¹⁴Ətyə nyyuŋ bə nnwan ntəm swag bə ufyyaŋ na wo ə ngyi Yahuda Iskariyoti ni, əsɨ nad ətə shyyo ceced ənied fi zənaŋ ba. ¹⁵Əsɨ nyo bə mba, "Yag ə nyi cad nyî jen, kə ncyyo nyi wu mbwag? Basɨ ka mmag azurfa sswag ntad ə joŋ gu. ¹⁶Nyyo də njen əzo, əsɨ ka cad lwag əkwo gwo na ncyyo ba Yesu mbwag ni.¹⁷Nini utug nwam yyuŋ shin swoŋ kunkwoŋ saŋ fwərag ku, nnwan ntəm gu na sɨ ka mbay ba shyyo gu nyo, "Əji ə a ncad zɨ njyyi a kyaŋ ya nsoŋ təkəram ku? ¹⁸Ə́sɨ nyo, "Nyi nad bumi ukəraŋ əkay ni nyì̂ shyyo ətyog əyyaŋ. Nyi nyo bə ngu, 'Ətɨ cyyed ə nyo, "Jen nji shyyo mbwag. Nna gya kyaŋ ya swoŋ Təkəram ku buli aka mbyyaŋ nnwan ntəm nna." ¹⁹Nnwan ntəm guna sɨ nyyo bənaŋ gwo nkam ba ni. Basɨ jyyi kyaŋ ya swoŋ təkəram ku əzo.²⁰Dushwuŋ ji ba nnyyo ni, ə́sɨ swan ə ya kyaŋ ya ku dunduŋ bə nnwan ntəm guna swag bə ufyyaŋ. ²¹Ba nshyyo bɨ ya ku ni, əsɨ nyo, "Cucug ə nshey nyin naŋ ətyə nyyuŋ bə nyin əna mbwwug bə nuŋ." ²²Ntsswo bana sɨ byyan bəd, kukwo konyan bə mba sɨ ka ŋwwo lyɨrɨm gu, "Zəm, nuŋ ə dag kə ni, Ətyə Uli?"²³Ə̀sɨ shim, "Ətyə əwo bə nyin ə zurub bwag gu ku bə kay jyyuŋ bə nuŋ ni, ngow əna bwwug bə nuŋ. ²⁴Ŋgwon Ətyɨbɨshyi ka na nad bə naŋ əkə ndyrug tuza ka ka ni. Əwod sswo ubuŋ utswoŋ ətyog əwo na bwwug bə Ŋgwon Ətyɨbɨshyi ka ni i lan bəd sə ba yog byin ətyog əwo dag." ²⁵Yahuda əwo əna bwwug bə ngu ni sɨ nyo bə ngu, "Nuŋ â ətyi cyyed? A kərag na bə əpyo a."²⁶Ba nshyyo bɨ ya kyaŋ ya ku ni, Yesu əsɨ kyag kungwoŋ wu, əsɨ nkworog lɨbərka wu, əsɨ kpərəm gu ə ŋwwag nnwan ntəm na nyo, "Nga nyi ya, lwam nuŋ əkwo."²⁷Ə'sɨbwo kyag ucyyoŋ ka əsɨ nkworog lɨbərka wu əsɨ joŋ ba nyo, "Nyi sswo na kəkəb nyin." ²⁸Di əswog nuŋ ənio nyi sswo, nio əku shyi ə kwərəg kpay ə ngyurub kətug ku. ²⁹Əwod nnyo bə nyin, "Mma na nsswo səhwod əsum inabi ənay ni bə nyin dag sə nwam əkwo mma nsswo na əfay dunduŋ bə nyin bumi tyog əcyo nku ni."³⁰Naŋ ba n bwom əbwom ə tyag ni, basɨ wurug ənkad bə əfaŋ +Ufad ka. ³¹Kukwo Yesu əsɨ nyo məmba, "Kəkəb nyin nyi na bwwag +uma sag n ndyo tutug əkay ni, nyi kay nwod bə nyin bənaŋ əkə ndyurug ni, 'N na hyad ətyi cog wu, usworoŋ +zwon tsyyeb ka na səraŋ. ³²Əwod də məta əkyo, əna dərog bə nuŋ, nna kyag uswon nyin nnad bumi Galili.'³³Əwod Bitrus əsɨ nyo bə Yesu, "Kwo də kəkəb ənied ba əbwwag +uma ba na ə sag a ndyo, basɨ ŋwwo uyid, gad ku na di ənnyo bə nuŋ dag." ³⁴Yesu əsɨ nyo bə ngu, "Cucug ə nshey a, bə tutug əkay ni, ana tsswo lyen nku cyan utad, əgbag wu ə də tyab." ³⁵Bitrus əsɨ nyo bə ngu, "Kwo nna hwu dunduŋ bə ŋwan, nna tsswo a dag." Əkum nnwan ntəm ba bwo sɨ ma nkərag kyaŋ nyyuŋ.³⁶Kukwo Yesu əsɨ nkad bə mba dulwo əkyo ə ngyi Getsaimani ni, əsɨ nyo bə nnwan ntəm guna, "Nyi swan əji nuŋ nshorog n nad əzəw nnay Əgwaza U." ³⁷Ə' kyag Bitrus mbyyaŋ nnwan Zabadi na ufyyaŋ na ə khab də əfam ənyyuŋ, əsɨka ntwərag ba byyan tsswo bɨ sswo zwod. ³⁸Kukwo gwo sɨ nyo məmba, "Sswan nji cyyo cway bəd eye əhwu kyo ni. Nyi swan əji nyî cam dunduŋ bə nuŋ."³⁹Əsɨ shorog ə nad duswon baka əsɨ kwa əbyin ətəgurub uyyi ka, əsɨ nay Əgwaza. Əsɨ nyo, "Əcyo ngu, kə cad kwo wa yed shyyo, yog wod n nsswo ubuŋ əkay ni dag. Əmgbəm bə ənnyo, yog ku yog di dɨgag əkwo ncad ni dag, sə bɨ kyaŋ əkwo a cad ni." ⁴⁰Əsɨ bwwog əba shyyo nnwan ntəm na usswo ubuŋ nda. Əsɨ nyo bə Bitrus, "Kəd, nyi yəw nyî cam dunduŋ bə nuŋ nad tswam jyyuŋ dâ? ⁴¹Nyi cem nyî nay Əgwaza kəlag nyi na ŋwwo bumi kətug mag. "Tswa ji bəd cad nyyo ku, əwod lwam ku sɨ yed bobwad."⁴²Əsɨ nad cyyan ufyyaŋ ku ətə nay Əgwaza U Əsɨ nyo, "əcyo ngu, kənaŋ ubuŋ əkay ni na sswag dag sənaŋ nsswo ka, nyyo bɨ kyaŋ əkwo a cad ni." ⁴³Əsɨbwo bay əba shyyo ba ba sswo ubuŋ nda nkyaŋ ba, dənian əyyi ba ba nhyad təntyaŋ bə nda na. ⁴⁴Əsɨbwo wod ba ə nkad ətə nay Əgwaza U cyyan utad ə nǎy bɨ kyaŋ nyyuŋ.⁴⁵Yesu əsɨbwo bay əba shyyo nnwan ntəm na əsɨ nyo məmba, " Had nini nyi ni sswo ubuŋ nda shyyo bɨ tswuŋ a? Di, jen ji maŋ nnyyo, zo əna mbwwug bə Ŋgwon Ətyɨbɨshyi ka mbwag +kətug ənied ni. ⁴⁶Nyi dərəg yoŋ zɨ coŋ. Di ətyə əwo əna bwwug bə nuŋ ni əbay kpəg.⁴⁷Naŋ gwo nɨ shyyo bə əlyyad na, Yahuda ətyə nyyuŋ bə nnwan ntəm swag bə uffyaŋ na sɨ ka ncyyo pud əwurug. Dɨdɨd ukpa ənied əsɨ bay dunduŋ bə ngu nyyo mbwag cəcəd ənied fi zənaŋ ba ənɨhwob Yahudawa ba. Basɨ bay əbyoŋ +tswad bə +ubáy nzwaŋ. ⁴⁸Ətyog əwo əna bwwug bə Yesu ə cyyo mbwag ba ka ni wa kən tag ba kyaŋ əkwo gwo na nyyo bâ nfɨg ətyə əwo ba na təbad ni, "ətyə əwo n lwwug ni, ngwo, sə nyî nkwa də ngu."⁴⁹Bə də ncuŋ əsɨ wurug ənad ətə shyyo Yesu, "N byyad a, Ətyi cyyed!" Əsɨ lwwug gu shin byad. ⁵⁰Yesu əsɨ nyo bə ngu, "Kpəndaŋ, nyyo kyaŋ əkwo a bay nyyo ku ni." Basɨ ka nkwa bə Yesu ə kwag ə nkad dyo!⁵¹Ikwo ətyə nyyuŋ bə nnwan ntəm Yesu na sɨ ka təkpəy tswad ə wurug dyo əsɨ ntyab itswwo ŋgwon ntəm əgwam fi zənaŋ wu ə tɨn. ⁵²Yesu əsɨ nyo bə ngu, "Bwwog bɨ ntswad ji cyyo dulwo ji ka, konyan ə təkyem tswad, tswad zo əni nhyad gu. ⁵³Nyi dam nyo də nna ngyəw yoroŋ Əcyo ngu gwo təm bə nuŋ ntswa əbyo sswag ci kwob jyyuŋ bə nswag nfyyaŋ gu ba dǎ? ⁵⁴Əwod ni ə bəd əna ncyyǒ kyaŋ əkwo əwa kə ndyurug bumi Əlyyad Əgwaza ka i kwa cəcərag də nyunyuŋ ba?" Nyo kyaŋ na di naŋ sɨkwi ni!⁵⁵Də njen əzo Yesu əsɨ nyo bə əkpa ənied wu, "Nyi bay bə nuŋ bɨ +tswad bə +ubay nzwaŋ eye nyi cad təbad ətaŋ nced ə ni a? Kozaŋ utug nnɨ swan bə gbəndaŋ Uli dyeb Əgwaza əwi nmo cyyed ənied ba, əwod nyi sɨ ntabad n dag. ⁵⁶Əwod kəkəb kyaŋ əkwi ni ə nyyo ku cəcərag bənaŋ ənied əlyyad əŋwwad Əgwaza əku ndyurug nyo ku na ndi ni." kukwo kəkəb nnwan ntəm gu na sɨ bwwag +uma usag gu dyo basɨ tyoŋ əwod gu əyin gu.⁵⁷Ənied əba ku nkwa bə Yesu ni sɨ nkad bə ngu bə Kayafa Əgwam fi zənaŋ wu, dulwo əkyo ənied lyurug bə ənɨhwob Yahudawa ba kəkəb ən ntuŋ ni. ⁵⁸Əwod Bitrus əsɨ baŋ əhwi gu gbaŋ ətə nad tusa tu fag əlyyad əgwam fi zənaŋ wu. Əsɨ ŋwwo ətə swan dunduŋ bə ənied cog ba gwo ga di kyaŋ əkwo əna nyyo ni.⁵⁹Də njen əzo cəcəd ənied fi zənaŋ bə kəkəb ənied zwob əlyyad ba əku cad bâ shyyo bə a nkyaŋ ənio əna ndəb Yesu əbun ni bâ ga nshyyo tətwad əzo bana nhyad gu ni. ⁶⁰Basɨ nshyyo kyaŋ dag had bədɨdɨd ənied əba əku wurug ə fag əlyem tuza Yesu ka ni. Əwod ənied əfyyaŋ əsɨ wurug ə yoŋ. ⁶¹Basɨ nyo, "Ətyog əwi ə nyo, 'N na gyəw tɨrib gbəndaŋ Uli Dyeb Əgwaza U mmo nnog gu bumi nnwam ntad."⁶²Əgwam fi zənaŋ wu əsɨka ndərog ə yoŋ əsɨ nyo bə ngu, "A byyo kyaŋ kərag dâ? Yag ə bəd ba lyyad tuza aka?" ⁶³Əwod Yesu əsɨ ya nkərag ə ntan gu dag. Əgwan fi zənaŋ wu əsɨ nyo bəngu, "N kam a bumi Əgwaza sɨced, tag zɨd kə ŋwan ə yed Kristi wu, ŋgwon əgwaza ka." ⁶⁴Yesu əsɨ shim nyo, "Ŋwan ə kərag bə əpyo a. Əwod nshey a, nyyo nini tɨnad duswon, əna di Ŋgwon Ətyɨbɨshyi ka uswan bə mbwag yag Tyog ku, naŋ gwo təbay bumi ninian tuza ba."⁶⁵Əgwam fi zənaŋ wu, əsɨka nsam +ətərog gu ba əsɨ nyo, Ə' jwway Əgwaza U! Yag ə zɨ bu cad? Nyi wa kə nfəg jwway Əgwaza ku! ⁶⁶Yag ə nyi dam bəd? Basɨ shim nyo, "Ə' may əhwu kyo."⁶⁷Basɨ shum gu təmpyo bu uyyi ka ə tswod gu. Basɨ tswod gu bə +utyyay mbwag ma na. ⁶⁸Basɨ nyo, "Kərag əŋwwad Əgwaza bə nzɨd, ŋwan Kristi. Ənyan ə lwi a?⁶⁹Nini Bitrus əku swan tusa tu fag əlyyad ka ŋgwon ntəm gunyyem sɨ bay bə ngu uba nyo, "Aku shyyo dunduŋ bə Yesu əwo nyyo Galili ni." ⁷⁰Əwod əsɨ tsswo lyen Yesu ku duyi ba ka kəkəb, nyo, "N ya ndyen kyaŋ əkwo nyi lyyad ni dag."⁷¹Naŋ gwo ngurug ənad bə nuŋkənyo ka ni, ŋgwon ntəm gunyyem uyyaŋ usɨbwo ba di gu usɨ nyo bə ənied əbyo əzo ni, "Ətyog əwi ni ə mun əshyyo dunduŋ bə Yesu Banazare bwo." ⁷²Əsɨ bwo tsswǒ lyen gu ku bə shishyi nyo, "Səm, n ya ndyen ətyog əwi ni dag!"⁷³Məta a njen bə tyuntwwid, ənied əbyo əku yoŋ əzo ni əsɨ bay əba nyo bə Bitrus, "Cucug ə bəd ŋwan bwo ə mun yed ətyə ənyyuŋ bə mba, əŋwwad əlyem əka tyay a bəd." ⁷⁴Əsɨ ka nŋwwo shyi mbyyaŋ shyishyi nyo, "N ya ndyen ətyog əwi ni dag. Bə də ncung naŋ gwo kə nyim unuŋ ka dag, əgbag wu əsɨka ntyab. ⁷⁵Bitrus əsɨka njyyuŋ +swaŋ əlyyad əna Yesu əku tag gu ni nyo, "Anɨ tsswo' lyen nku cyan utad əgbag wu əsɨ də tyab tsutwon ka." Əsɨka nad tusa əsɨ gwoŋ nkun bɨ byyan ntwwo bəd.

Chapter 27

¹Bɨbyib tsutswon də utwson ka, kəkəb ceced ənied fi zənaŋ ba bə ənɨhwob Yahudawa ba sɨka ndab unuŋ dɨ gag əkwo ba na ngba Romawa ba bâ nhyad Yesu ni. ² Basɨ lab mbwag gu na, əsɨ kya gu ənad dyo bə Bilatus wo ə swan ə yed gwamna Romawa wu əzo ni.³Kukwo Yahuza əwo ku yed lwag bwwug bə Yesu ni, ə nfɨg naŋ əkə ndab unuŋ dɨ hyad Yesu. Tsswo gu ku sɨ tswod, bu byan tsswo tuza kətug nkyaŋ əwo gwo nyyo ni. Əsɨka nkyag əkpod tswa kurum nswag ntad wu ənad dyo bə cəcəd ənied fi zənaŋ bə ənɨhwob ba. ⁴ Əsɨ nyo, "mbwwo əbun naŋ ngyed lwag bwwug ətyo saŋ əbun əwi ni." Basɨ shim nyo, "əlyyad əna byyo kpaŋtɨn bə nzɨd dag. Fəg dyo əzo bə ənyin a!" ⁵ Yahuza əsɨka nkyag kurumku ətə ta ba ndyo bɨ tu fag əlyyad bumi gbəndaŋ uli Dyeb Əgwaza ku. Əsɨka nkad ətə lyəw əpyo gu əsɨ hwu.⁶Cəcəd ənied fi zənaŋ ba sɨka nkyag kurum ku basɨ nyo, "kurum əswog kwo ətan tuza ətyo əwo əfyyed gu əhwu ni. Doka zɨd ji ndwoŋ təŋkəy kurum əkwo bumi əlon sag kurum ka bumi gbəndaŋ uli Dyeb Əgwaza ka." ⁷ Kukwo basɨka ndab unuŋ bâ kyag kurum əkwo dɨ san əbyin əkyo ə ngyi "əbyin kpagyag +əpyo. Basɨ bwwag ulwo ka ə ncyyo ulwo niad ənied əkag əbyo əkwi Urushalima ka ni. ⁸ Kukwo mbyyo ə ngyi ulwo ka "əbyin əswog kyo tɨnad utswun!"⁹Ba nsan təŋkəy əbyin əkyo ni, ku sɨ kwa cəcərag bə naŋ swaŋ əlyyad bu unuŋ Irimiya ətyə əlyyad əŋwwad Əgwaza əku ndyurug nyyo bɨ kay nnyyo ni: "Ba kyag tswa kurum nswag ntad əkwo Isirela ba ə ŋwwag də ngu ni. ¹⁰ Əsɨ nsan əbyin ətɨ lon. Naŋ ətyə uli əbu ntwərag̀ nni.¹¹Naŋ Yesu ə ngyoŋ duyi gwamna ka, gwamna wu əsɨ lyib gu, "ŋwan ə yed əgwam Yahudawa u a? Yesu əsɨ shim gu ndyo, "ənnyo n kərag ənnyo!" ¹² Əwod jen əzə cəcəd ənied fi zənaŋ ba bə ənɨhwob ba əku ntyam Yesu ni, ə̀sɨ ya nkərag ə tan ba dag. ¹³ Bilatus əsɨ nyo bə ngu, "A tswoŋ nkyaŋ bə dɨdɨd nio ə bwoy ə say tuza əka ni dâ? ¹⁴ Əwod Yesu əsɨ kərag kyaŋ dag. Ku ndi ənnyo ni, gwamna wu əsɨ lyin kyaŋ bwwag əsag tunuŋ.¹⁵Nini iku yed kukwoy nswad na ku kozaŋ əlyo də njen soŋ ya bɨ sswo təkəram bawu, gwamna wu ə wurug bə mba ətye nyyuŋ bɨ hwo ku əwod. Ənɨ tɨn bâ bə ətyə əwo ba khay ni əwod səd. ¹⁶ Də njen əzo ə byyo əyin bumi Urushalima wo əku lyen bəd ni ə shyyo bu hwo ə ngyi Barabbas ni.¹⁷Naŋ ukpa ənied wu ntuŋ ni, Bilatus əsɨ lyib ba , "Bə zaŋ əhwo ə nyi khay tɨn nfərəg gu ngwod: Barabbas a kə Yesu əwo ngyi Kristi ni?" ¹⁸ Əku lyib ba dənian əka gwo nfɨg naŋ cəcəd ənied fi zənaŋ ba əku bay bə Yesu bə ngu dənian fub kyo. ¹⁹ Də njen əzo Bilatus ə nswan bə kyaŋ nswad fag əlyyad gu ku ni, əhyyo guwu əsɨ tə́m bə ngu tə̀m nyo: " Bɨbyib tsutswon ka n dyyed tuza ətyo əkay ni. Yog mag â byyo bwag tuza ətyə saŋ əbun əwi dag. N sswo zwod utswun nwad əlɨyed əwo ndyyed tuza gu ka ni.²⁰Əwod cəcəd ənied fi zənaŋ ba bə ənɨhwob ba əsɨ fwud ukpa ənied wu yog ba lyib Bilatus gwô fərəg Barabbas ǝwod ə hyad Yesu. ²¹ Kukwo gwamna wu əsɨ lyib ba, "əyan ə nyi cad nfərəg ngwod nyi dyo?" Basɨ shim, "Barabbas!" ²² Bilatus əsɨ lyib ba, "Bɨ yag ə nnyyo bə Yesu wo əngyi Kristi ni?" Kəkəb ba basɨka nshim, "Kpaŋ gu bə ətyyəm əhwu wu."²³Bilatus əsɨ nyo,"Nwad yag ə bəd? Zaŋ təŋkəy kətug nyyǒ kwo gwo maŋ ə nyyo nyin dyo?" Əwod basɨ ya uswon bɨ gwoŋ ku bɨced, "kpaŋ gu bə ətyyem əhwu wu!" ²⁴ Bilatus əsɨ fɨg naŋ kəkəb kyaŋ əkwo gwo nyyo ə nfərəg Yesu əwod ni, nɨ tad gəfarag ə bud dag. Əsɨ di ənied bə əka ndam lwag jyyo sɨ dwwod ni. Kukwo gwo sɨ kyag səhwod bə nkay əsɨ kwi mbwag gu na naŋ ənied ba ə cyyaŋ. Əsɨ nyo, "Yog əswog ətyɨ saŋ əbun əwi ni na shyyo tuza nyin, kaŋ bə nuŋ."²⁵Kəkəb ənied ba sɨ nyo, "Yog əswog gu na nâ kub zɨd bə nnwan zɨd na." ²⁶Kukwo gwo sɨ fərəg Barabbas əwod ba dyo, əwod əsɨ wad Yesu bə əyəw əsɨ ŋwwag gu mbwag ənied əbyo na kpaŋ gu bə ətyyem əhwu wu ni.²⁷Nnwan nzwaŋ gwamna na sɨ kyag Yesu ənad dyo bumi uli tyog nnwan nzwaŋ ka. Basɨ tuŋ kəkəb əkum nnwan nzwaŋ ka. ²⁸ Basɨ hwwug +ətərag gu ba əwod gu kəgbaŋ, basɨ kub gu ətərəg tyog. ²⁹ Basɨ jyyi buŋ tyog səkan ə kub gu əpyo, basɨ ŋwwag gu shan tyog bə mbwag yag gu ku. Basɨ kpa huhwud duyi gu ka, basɨ may gu may jway gu nyo, "Sɨced a i labyyaŋ, gbəndaŋ əgwam Yahudawa wu!"³⁰Basɨ shum gu təmpyo. Əwod basɨ kyag shan tyog ji, basɨ ya uswon dɨ tswod gu əpyo ka əbwo tswod. ³¹ Naŋ ba ntyag mmay gu shin jway ni, basɨ hwug ətərəg tyog wu basɨ kub gu +ətərəg gu ba, basɨ nkad bə ngu ənad dulwo əkyo ənə kpaŋ gu bə ətyyem əhwu wu.³²Naŋ ba ngurug ni, basɨ mwun bə ətyog əyyaŋ wo nyyo Bakurame wo ə ngyi Saminu ni. Basɨ cyyo gu tɨlɨd gwo ə hwi ba ə fərag ətyyem əhwu Yesu wu. ³³ Ba ntad ulwo əkyo ə ngyi Golgotta ni kyo fa "Ulwo kpagyag əpyo." ³⁴ Basɨ nyyeb gu əkan ənio ə hyyay bə əcway kyaŋ ni. Əwod gwo nnyɨrag ə nfəg ni, əsɨ lag sswo ku.³⁵Məta əkyo ba nkpaŋ gu bə ətyyem əhwu wu i, basɨ kwərəg zəla dɨ twərag kə ənyan ə məmba na byyo ətərəg wu. ³⁶ Basɨ swan əkɨ cyyaŋ gu. ³⁷Tutən əpyo gu ka, basɨ nkpaŋ kyaŋ əkwo ba ntyam gu ni nyo, "Di Yesu əwi ni ngwo ə yed gbəndaŋ əgwam Yahudawa wu."³⁸+Ətaŋ nced əfyyaŋ əbyo əsɨ mun ə kpaŋ ba bə ətyyem əhwu ba ngu, ənyyuŋ bə mbwag yag ənyyuŋ wu bə mbwag myyan ku. ³⁹ Əsɨba kɨ swərab ni ba sɨka twoy gu ə kaŋ pɨpyo ba ku. ⁴⁰ Basɨ kɨ nyo, "ŋwan əwo bu nyyed tyɨrɨb gbəndaŋ uli Dyeb Əgwaza U a bu nog ka bumi nnwan ntad ni, san əpyo a la! Kə ŋwan ə yed ŋgwon Əgwaza ka, cwog bə ətyyem əhwu bay əbyin zɨ di la!"⁴¹Bə ənnyǒ cəcəd ənied fi zənaŋ ba dunduŋ bə ənied lyurug mbyyaŋ ənɨhwob ba, basɨ may gu shin jway. ⁴² Ə̀ san əyyaŋ ənied, əwod ə yəw ə san əpyo gu dag.Ngwo ə yed gbəndaŋ əgwam Isirela wu. Yog gwo cwog ə nyyo bə ətyyem əhwu wu la, zɨ ga di zɨ ŋwwag cucug də ngu.⁴³Ə̀ ŋwwag cucug bə Əgwaza, yog Əgwaza U ə san gu nini ka, kə Əgwaza U ə shim gwô fərəg gu əwod. Had əsɨ nyo, "Ngyed ŋgwon Əgwaza." ⁴⁴Bə ənnyǒ bwo +ətaŋ nced əbyo əku mun ə kpaŋ dunduŋ bə ngu ni əsɨ mun ə twoy tuza gu ka.⁴⁵Nyyo səkəw tənwam ka ga ndyin əsɨka nkub ulwo ka kəkəb tɨnad tsam tsad dushwun ji. ⁴⁶ Də njen tswam tsad ji, Yesu əsɨ kpaŋ kun nyo, "Eli, Eli Lama sabaktani?" Kwo fa "Əgwaza ngu, Əgwaza ngu, yag ə mbyo ə mbwwag uma bəd?" ⁴⁷ Naŋ ənied əbyo yoŋ əzo nfog ni, basɨ nyo, "Ə̀̀ yyi Iliya ə."⁴⁸Bə də ncuŋ ətyə nyyaŋ məmba sɨ kyag sòsó ə zwub bumi sɨsad əkan əsɨ tɨb bə nshan əsɨ nyyeb gu yog gwo sswo. ⁴⁹ Əkum ənied ka sɨ nyo, "Yog gu shonshon. Yog zɨ di bə kə Iliya əna cwog əbay ə san gu."⁵⁰ Kukwo Yesu əsɨba kpaŋ kun bɨced əsɨ hwwad sswan ji əsɨ hwu.⁵¹Zəm, gbəndaŋ ətərag əwo ən fwun zɨzərag ulwo bumi gbəndaŋ uli Dyeb Əgwaza ka sɨ sərag ə nyyo tutan ka tɨnad utag ka, ə mbwwo cyaŋ shwaŋ. Əbyin ka sɨ tyirim, nfaŋ na sɨ saŋ. ⁵²Ndyag na sɨ nyirib , əsɨ dwwod bə nnwan Əgwaza ənio kə kwi ni əced. ⁵³ Basɨ wwod bə bibi ku də məta əka Yesu ndərog ni.Basɨ ŋwwo bumi zɨzərag ukəraŋ wu basɨ twərag +əpyo ba bə ənied bə dɨdɨd.⁵⁴Nini naŋ gbəndaŋ ŋgwon zwaŋ əwo cog Yesu bə ənied əba ə yoŋ ə ŋwwan Yesu ni əsɨ ndi tyirim əbyin ku bə nkyaŋ ənio kwog ulwo ka ni, uwun usɨ ntəbad ba. Basɨ nyo, "Cucug ə ətyə əwi əku yed ŋgwon Əgwaza." ⁵⁵ Dɨdɨd +ənyyug əwo ku hwi Yesu nyyo Galili ə byyaŋ gu ni basɨ yoŋ gbaŋ ə cyyaŋ." ⁵⁶ Bumi ba ka Meri Magadaliya, Meri əyaŋ Yakubu bə Isû, mbyyaŋ əyoŋ nnwan Zabadi.⁵⁷Naŋ dushwuŋ ji nnyyo ni, ətyə nzwa əwo nyyo Armatiya wo ə ngyi Isû wo mun ə yed ŋgwon myyam mbwag Yesu ni, əsɨ bay. ⁵⁸ Əsɨ nad ətə shyo Bilatus əsɨ lyib gu kwom Yesu ku. Kukwo Bilatus əsɨ kag bwwag ə joŋ gu kwom ku.⁵⁹Isû ə nkyag kwo ku ni, əsɨ gad ku bə jijyad ətərog əfay wo ə ya əyyi ni. ⁶⁰ Əsɨ tə myay ku bɨ lyag fay gu ku kwo gwo luŋ bum əfan ni. Kukwo gwo sɨ yurug ga faŋ ə nkub unuŋ lyag ku əsɨ nkad. ⁶¹Meri Magdaliya bə Meri əsǔ basɨ mun ə shyyo əzo, ə swan ə cyyaŋ bə əfam lyag ka.⁶²Də utswon ka, wo yed məta nwam lab lwam ni, cəcəd ənied fi zənaŋ bə Farisawa basɨ tuŋ ətə shyyo Bilatus. ⁶³ Basɨ nyo, "Sɨced a i labyyaŋ, zɨ jyyuŋ naŋ ətɨ lyen ənied əwi əku nshyyo əced ni, əsɨ nyo, 'Məta nnwam ntad əhwu ku, n na dərəg.' ⁶⁴ Naŋ ku ndi ənnyo ni, kam nnwan nzwaŋ ana na tɨ cog lyag ku, tɨnad nwam tad ku, kəlag nnwan ntəm guna ətə nyyin kwom gu ku, bâtag ənied ba, "Ə̀̀ dərəg nyyo bə ənied kukwi ba. Lyyen nŋan ku ba sswag utsa ka bɨ byyan ulwo ku."⁶⁵Bilatus əsɨ nyo məmba, "Nyi kyag ənied cog ba. Nyi nad nyî cog ku shənsham." ⁶⁶ Kukwo basɨ nkad ətə san ənied cog ba. Əwod basɨ kpərəg əpyo lyag ka bə əfaŋ tyog ka.Basɨ nsag ənied cog ba.

Chapter 28

¹Nini əkə ŋwwo əcuŋ nwam tswuŋ Yahudawa ku, jen ji sɨ nad kpəg dɨ ŋwwo nwam nyyuŋ ku bə Sati wu. Meri Magadaliya bə Meri ənyyun wu, basɨ nad di lyag ku. ²Zəm, əsɨka mbyyo ga gbəndaŋ tyirim əbyin. Ətəm ntswa Ətyə Uli əsɨ cyyog ə nyyo tuza əba yurug ga faŋ əsɨ nswan tuza ka.³Gag di gu ku sɨ ya əyyi bɨ say ku bəd. +Ətərog guba sɨ say kyenkyay naŋ tyyen ni. ⁴Ənied cog ba sɨ tyɨrɨm lwam bə uwun na, basɨ shwwod əkwoy naŋ nkwom ni.⁵Ətəm ntswa wu əsɨ lyyad bə ənyyug ba nyo, "Nyi yog fəg uwun dag, ndyen naŋ nyi bay cad Yesu əwo əku kpaŋ bə ətyyem əhwu wu ni. ⁶Ə̀ shyyo əji dag, əwod əkə dərəg bənaŋ gwo ku ndyyad bə nyin ni. Nyi bay nyi di ulwo əkyo əku myyay Ətyə Uli ni. ⁷Nyi nkad ufyyen nyî tag nnwan ntəm gu na nyo, 'ə̀ kə dərəg bumi ənied kukwi ba. Di ə kyag uswon nyin ə nyyed Galili. Əzǒ nyi na ndǐ gu.' Di nkən tag nyin."⁸Ənyyug əbyo bə də ncuŋ basɨ wod lyag ku bɨ fəg uwun bə ə say ntsswo. Basɨ tyoŋ ətə tag nnwan ntəm Yesu na. ⁹Zəm, Yesu əsɨ mwun bə mba əsɨ nyo, "Mbyyad nyin!" Ənyyug əbyo əsɨ ətə nkwa bə tɨtag Yesu ba basɨ kwog gu ntoŋ. ¹⁰Kukwo Yesu əsɨ nyo məmba, "Nyi yog fəg uwun dag. Nad nyî tag nənyyug mba bâ nkad Galili. Əzǒ ba na ndi n."¹¹Jen əzo ənyyug əbyo ku nshyyo bɨ̄ nyyed ku ni, kukwo ənied cog əyyaŋ sɨ ka nkad bumi ukəraŋ ka ətə kwog cəcəd ənied fi zənaŋ ba kəkəb nkyaŋ ənio əku nyio ni. ¹²Naŋ ənied fi zənaŋ ba ntuŋ bə ənɨhwob ba basɨ cyyaŋ əlyyad na dunduŋ bə ənied cog ba, basɨ njoŋ nnwan nzwaŋ na dɨdɨd kurum bâ ga nkub cucug wu. ¹³Basɨ tag ba, "Nyi tag əkum ənied ka, 'Nnwan ntəm Yesu ənio əku bay tutug uba nyyin kwom Yesu ku naŋ zɨ shyyo bə nda."¹⁴Kə əlyyad ənay ni sɨ nad bə tsutsswo gwamna ba zɨ na mwaŋ gu zɨ tɨn nyin bumi zwod. ¹⁵Kukwo nnwan nzwaŋ na sɨ say kurum ku ba nyyo kyaŋ əkwo ə kam ba nyyo ku ni. Əlyyad ənay əsɨ təyog bə Yahudawa ba ba bay utswun əkay ni.¹⁶Əwod nnwan ntəm gu na swag bə unyyuŋ sɨ nkad Galili ətə ghag əfan əkyo gwo tag ba ni. ¹⁷Naŋ ba ndi Yesu ni, basɨ cyyo bwob əbyin basɨ kwog gu ntoŋ. Əwod əyyaŋ bə mba əsɨ kwag əbaŋ bə +tsswo bana kə də ngwô la!¹⁸Yesu əsɨ shworog ənad kpəkpəg bə mba əsɨ tag ba nyo, "əmgbəm tyog tuza bə əbyin ə joŋ n. ¹⁹Dənian əkyo nyi nad nyi tɨ cyyo ənied ba kwo əji bə swanta ku bâ yed nnwan ntəm n. Nyi nyyo ba botisman bumi əlyurug Əcyo mbyyaŋ Ŋgwon mbyyaŋ Zɨzərag Ŋtswa.²⁰Nyi bu cyyed ba bâ hwi kwo yag ə n kam nyin nyô nyi nyyo. Əwod nna nshyyo dunduŋ bə nyin kozaŋ njen tɨnad nŋan njen u."

Gworog: Bible for Matthew, Philemon

Formatted for Translators

Matthew

Philemon