Bible

Matius

Jesus Kristus nie wamus pai (Nanapi Lukas 3:23 38 pai kota)

¹Jesus Kristus, Dauti tapu pai, Abrahami tapu pai, nie wamus pai tioapa nine. ²Abraharn diavi Isak, Isak diavi Jacob, Jacob diavi Yehudai, tutir netavava e neta katu pa sia. ³Yehudai diavi Peres, tutir Serah (sesiniami pai sano pa Tamar), Peres diavi Hesron, Hesron diavi Ram,⁴Ram diavi Aminadap, Aminadap diavi Nahason, Nahason diavi Salmon, ⁵Salmon diavi Boas, (siniani ni Rahab), Boas diavi Obet. (sinani ni Rut) Obet diavi Isai, ⁶Isai diavi Raja Daud, Daud diavi Salomo (siniani ni Uriai vinie topara pai),⁷Salomo diavi Rahabiam, Rahabiam diavi Abia, Abia diavi Asa, ⁸Asa diavi Josafat, Josafat diavi Joram, Joram diavi Usia,⁹Usia diavi Jotam, Jotam diavi Ahas, Ahas diavi Hiskia, ¹⁰Hiskia diavi Manase, Manase diavi Amon, Amon diavi Josia, ¹¹Josia diavi Jekonya, tutir neta vava e neta katu sia, nana rabua sembe womi na uta Babel pa.¹²Sembe womi na Babel to manau pa, Jekonya diavi Sealtiel, Sealtiel diavi Serubabel, ¹³Serubabel diavi Abihut, Abihut diavi Eljakim, Eljakim diavi Azor, ¹⁴Azor diavi Sadok, Sadok diavi Akhim, Akhim diawi Elihut. Elihut diavi Elieser, Elieser diavi Matan, Matan diavi Jacob,¹⁵Elihut diavi Elieser, Elieser diavi Matan, Matan diavi Jacob, ¹⁶Jacob diavi Yusup Mariai sawani, viavi Jesus sesauwa ve Kristus pai, ¹⁷Apa nanapi Abrahami raama so Daut pa, vura e usapui sura e at. Nanapi Daut raama so kaiwasa Israel pai vie womi na uta Babel pa raama so Kristus vie diadi pa, usapui sura e at kota.

Jesus Kristus vie diadi pa. (Nanapi Luk: 2:1-7 pai kota)

¹⁸Topanusara nanapi Jesus Kristus vie diadi pa, toapa nine. Siniani Maria vie sawa aru tutir Jusupi. Vape aja sundiriau varami. E Mariai sane vava to manau. Sane vava nanapi Wainunu Sren pai nie paya pai. ¹⁹Jusupi, sawa viaru pai, i ma siniotu vene sanepaya viate nina. Apavo dio piowasa sandu manana, ave amamo Mariai miemaja na kaiwasa re vepau vape moja.²⁰Jusupi andia sanepai usara kavo nine rami e, dienamiya. Nanapi nie anamiya pai pa, siejo Sien nie Malaikat pesi kievo soi e dioyo; "Jusup, Dauti tapu panau, muetai ruaut Mariai pa vape moja, aso atuma venana sane vediaima vieva nanapi Wainunu Sren pai nie paya pai. ²¹Mariai nari diawi Atuma mua pesi, Atuma jani, buona e sano nana Jesus, asc andi nari riera nie kaiwasa pai vurusu sene tatar pasi."²²Pijasi vura sive diadi toapa janave simasi ariri pi vitopi Sien tiopana nanap Nie Nabi pai pa, toapa, ²³''Karavi pesi nari sanevava, e diavi atuma mua pesi. Atuma jani nari sesawi ve Immanuel", (Immanuel. I ma kavo Ibrani pina, amamo: Sien Allah andi tutir tata).²⁴Jusupi diena to tiendor pa, nienari ariri Sien nie Malaikat pai kavo tiopana maso i pasi. Apa janama Jusupi riaut Mariai. ²⁵Vape nana rabua Mariai aja diawi atu pai varami pa, Jusupi ditetiai Mariai va. E atuma pai vie diadi to manau pa, Jusupi diono sano nana Jesus.

Suniotu pande vera nana rawa mura pa sia.

¹Jesus vie diadi nana Kota Betlehem na uta Yudea; veve Raja nana rabua jana paini Herodes. Nanapi rabua jana pa, siniotu Majus pa esia, senda nanapi rawa mura maso Yerusalem. ²Setuta e setojo; "Atuma veve diadi, ave veve Raja so kaiwasa Yehudi pai andi topina? Amasayo nie siverere pai sia na rawa mura, e amandama ve ama somi pana". ³Raja Herodes diediawa kavo nine pa, tiendor vesiri e kaiwasa venana Yerusalem pai vura, setandor kota.⁴Apa diemias Yehudi pa sene Imam Baba pa sia, tutir veve baba nana Torat pa sia vura e senduir maso i. Avori dutan sia e diojo, Avo Raja vekor vesie Sien Allah dierera pai, nari vie diadi nana topina ? ⁵Apa senduar e setojo, "Nana Kota Betlehem, na uta Yudea. Ariri Nabi pai vui to manau e diojo, ⁶Au, Betlehem, nana uta Yudea, au ma sa muedia rawain aniose baba veve sano nana Yehuda nesi va. Aso siniotu baba pesi nari biatai nanapi au, ave amamo diedidina ine kaiwasa Israel nei.'''⁷Raja Herodes diediawa kavo nine tomanau pa, siau manana siniotu Majus vera na rawa mura pa sia ma. Avori janama dutan sia so raria toni siverere pai vieruana pa. ⁸Manau pa janama diemias sia e senda so Betlehem e ditarera so sia e dioyo; "Menda ve mesaserai ariri atuma pai vieva pa. E mesamuai to manau mamo, mesovera ea ma metopa so yau. Ave amamo jonda isomi kota pe". Siniotu Majus ne sia setadiawa Herodes dierer ne to manau pa,⁹Janama senda. Senda semasi ria wa rabua wa mana, sesayo siverere pai. ¹⁰Riwanea, siwerere ara sesayora nana rawa mura paina. Apa sesanemi pa sietate to baba vesiri. Siverere nei pieponi sia raa ma mienau nanapi uta atuma nei niana pa.¹¹Apa sesuapui so anio pai e sesayo atuma pai tutir siniani Mariai. Apa setatuan e sesom Atuma nei to manau pa, sesuvir pi som senggor pasi, ave setonasi ve pi som soi. Pi som senggor pasi: mas e kemenyan tutir mur. ¹²Sesomi to manau pa, sembavu so sene aniose pa, nana ria vevesiei pesi. Aso Sien Allah vieruana anamiya pesi so sia, ave amamo sesovera so Herodes vape moja.

Jusupi tutir Mariai sumbavu tutir Jesus, so uta Masir pa.

¹³Siniotu majus pa sia sembavu to manau pa, Sien nie Malaikat pesi vieruani so Jusupi, nanapi anamija pesi. Malaekat pai kievore diojo, "Herodes dio siesera Atuma pai e muni. Apavo suobata au, e kuor Atuma pai tutir siniani e mesever mia so uta Masir. Memasoi na wana to ikavo riwanea so mia". ¹⁴Apa Jusupi siobatai nana diru jani kota, e kior Atuma pai tutir siniani e sesever sia so uta Masir. ¹⁵Semasoi na wana to Herodes vioru. Toapa jana pa, masi tutir Sien kievora nanapi nie nabi pai pa, toapa; "Isau ine Atuma pai nanapi Masir". Raja Herodes mun Atuma katu pa sia pa.¹⁶Avori janama Herodes ruin toapa, siniotu Majus vera nana rawa mura pa sia setawi pa, kiesiou vesiri. Apa siuvir prenta pesi, ave semun atuma mua katu pa sia vura, veve umur taun muandu tou, nanapi Kota Betlehem tutir aniose vena siwara pasi. Ninema i masi ariri kavo siemuai nanapi Majus pa sia so raria siverere pai vieruani pa.¹⁷Toapana ve amamo masi tutira kavo nabi Yeremia kievora pa, toapa, ¹⁸.'Raopui pesi riotu nana aniose Roma, Raopui viananar e vesai nina. Rahel siai atu pasia; kiembarai esi vie hibur i aso sena va to manau". Jusupi tutir Mariai susovera tutir Jesus nana uta Masir pa.¹⁹Raja Herodes vioru to manau pa, nana rabua Jusup andia na Masir pa, Sien nie Malaekat pesi, vieruani so Jusupi na anamija pesi. ²⁰Malaekat pai kievor e dioyo; "Siniotu vio vemun atuma vediai pa sia, semboru to manau. Apavo buatau e kuor atuma vediai tutir siniani e kuor sovera sandu so uta Israel". ²¹Apa Jusupi biatai e kior sovera atuma pai tutir siniani Maria, so uta Israel.²²Amana vepui, Jusupi diediawa mana Arkelaus, Raja Herodes atu pai, riwan tamani to manau e vie raja na uta Judea. Apavo Jusupi mietai ria so wana. Vape siemuai kavo riwanea na Sie pai nanapi anamija pa, janama ria so uta Galilea. ²³Na wana pa, miesoi na Kota vesanomi na Nasaret. Kavo nine vava pa, imasi ariri nabi pa senggavo pa, toapa: "Nari setap i ve siniotu Nasaret' .''

Johanes dieniau kaiwasa, ave setimbe aramana Sien Jesus riama pa.

¹Nana rabua jana (Sien Jesus andia niana Aniose Nasaret rami). Amamo Johanes vesoiv kaiwasa nana kambu Sren pai, dieniau nanapi mapar veve rubua veseja venana Judea pai pa, e dieniau kaiwasa verama pai e diojo. ²"Membavur mene tatar menanari pasi, e mesovera so Sien Allah. Aso woroi va so Sien Allah nari vie prenta ariri Raja pa". ³Johanes nini, andi nabi Jesajai tiopani ve arer to manau toapa: "Nari raopui pesi, dumi nana mapar veve rubua pai e diojo, Menanari ariri ria vetindiya so Sien ria nana pa.'''⁴Johanes dievavar na sasu onta ruvavuru. E nie kavavirai pai ma nanapi binatan rawa, e nie pisia pasi ma nginggisi, e ditunu unu rukaru pai. ⁵Apa kaiwasa pau, senda nana Jerusalem, e nana uta Judea, e uta vena wawarira maria Jordan pa esia, sendarna so Johanes. ⁶Senduara sene tatar senanari pasi, e janama Johanes sioiv sia na Kambu Sren pal, nanapi maria Jordan.⁷Kaiwasa Parisi tutir Saduki pa sepau sendama so Johanes, siejo sendama pa, kievo so sia e dioyo, "Siniotu venganggau wawarira ne mia! Teini dioyo nari metaisu vurusu Sien Allah nie hukuman nari verama wai ? ⁸Memberuana nanapi mene tenam pasi, toapa, mesovera vurusu mene tatar pasi to manau. ⁹Matau metoyo Abraham tapu ni mia pavo. Nari metaisu vurusu hukuman paie. Itopa, Sien Allah ma piaya so nienari rovuki nesi, e sive Abrahami tapu pa!¹⁰Tama pai andia tomanau so vindova ai ravo pai ravav so war pasi. Ai ravo vesuvir buo viate va pai ma, nari riova e kie susa adia pai. ¹¹Ya isoiv mia nana kambu, ave veruana toapa, mesovera vurusu mene tatar pasi to manau, vape siniotu vera ea ma pai, nari sioiv mia nanapi Wainunu Sren pai tutir adia. I ma bieba rawai na yau. E ya ma sa irut nie sapatu pasi va. ¹²Susir pai andia na vara pasi, ave dindayan nie pas pasi veito sivaro kaena. Pas tarai pai sio ruiri na gudan pai, mae rawa pai ma nari kiairi nariapi adia vevoru moja va pai.

Jesus siau ve Johanes sioivi nana Kambu Sren pa (Nanapi Mark. 1:9-11: Luk 3:21-22 pai kota)

¹³Nana rabua jana (Johanes andia dieniau e disoiv siniotu pa), amamo Jesus ria nana uta Galilea so maria Jordan e riama siau ave amamo Johanes sioiv i nana Kambu Sren. ¹⁴Vape Johanes dioi pidiara Jesus nie sau pai. Johanes dioja so le dioyo; "Areto Au suoiv ya nana Kambu Sren pai vae, aso vitopi ruama suau nana ya pa? ¹⁵Amana Jesus kievo so i e dioyo; "Nuenari vea, aso toapana pino, tanda ariri Sien Allah siau e tananari maso I pasi pe." Apa Johanes sioiv Jesus.¹⁶Johanes sioiv Jesus nana Kambu Sren pai to manau pa, Jesus biatai vurusu maria pai. Amana rora piaisi tieseva e Jesus siejo Wainunu Sren pai, vieva ariri aya kapura e sier nana Jesus. ¹⁷Avori raopui pesi riotu nana rora wa, e dioyo; "I ma ine Atuma Isanemipaya paina. Andi diono sane vesieni so Ya pa.''

Bilis paisiotoura Jesus pa. (Nanapi Mark 1:12-13: e Luk 4:1-13 pai kota)

¹Manau pa Wainunu Sren pai diedidin Jesus ra so mapar rubua veseja pal, ave amamo bilis pai siotour-I. ²Raria siniotu muandu e diru siniotu muandu ma Jesus diapi va. Apa janama vievisi. ³Avori bilis pai riama kievo so Jesus e dioyo; "Sien Allah Atu ni Au mana? Buemias ve rovuki nesi sive roti". ⁴Amana Jesus ruar so bilis pai e dioyo; "Vevui nanapi Surat Repo pai to manau toapa: Siniotu pa sitenam nanapi roti pai vea va, vape sitenam kota nanapi Sien Allah Kavo Kievora pasi kota.'''⁵Manau na jana pa bilis pai kior Jesus a so Jerusalem, Kota veve Sren pai, e piri nana Anio Allah pai babua pai ⁶Avori bilis pai kevo so I, e dioyo: "Atuma Sie ni Au mana? Apavo kuopa avav, aso vevui nanapi surat Repo pai to manau toapa nine "Nari Sien Allah diemiasa nie Malaekat pasia, e setaara sembarami pasi e seser vedior Au, ave amamo aemu pasi sitera na rovuki pasi vape moja.'''⁷Amana Jesus kievo so i e dioyo: "Vape vevui nanapi Surat Repo pai toapa; Suotoura Allah nomu Sie pai vape moja". ⁸Manau na jana pa, bilis pai kior Jesus riwanea, ra so wi vetariai mo pai, avori dioisara Kerajaan venana dunia nei pasi vura so I, tutir sine marandi veve marawas pasi vura. ⁹Avori bilis pai koevo so Jesus, e dioyo; "Bisan ae bu pasi e suom ya mamo, pi ninesi vura, nari jonasi maso Au.''¹⁰Amana Jesus kievo so i e dioyo, "sietan, rua vurusua. Vevui na Surat Repo pai toapa, Metatuan Allah mene Sie pai e mesom-I mesari vea.''' ¹¹Apa bilis pai vievu vurusu Jesus, e janama Malaekat pasia sendama setutir Jesus, e setarama vediori, Jesus ria nie nanaripi pai retena nana Galilea pa. (Nanapi Mark. 14:15; e Luk 4: 14-15 pai kota)¹²Jesus diediawa toapa Johanes su nana bui pai pa, Jesus vievu ra niana Galiliea. ¹³Vievur aníose Nasaret, e ria miesoi na aniose Kapernaum, nana ruru Galilea dere pa, nanapi Sebulon tutir Naptali sune kakopa pa.¹⁴Jesus nienari toapa yana pa, ave masi tutira Nabi Yesayai nie kavo pa. Kievo toapa nine; ¹⁵"Sebulon tutir Naptali sune kakopa pa, nana ria vera torau pai, na maria Yordan rawesi pa, siniotu Yehudi va pa sia sene kakopa pa, Galilea. ¹⁶Kaiwasa vetenam nanapi kumuar pai raro pa, sesayor sasaar visanggapara pai to manau. Sasaar visanggapara pai, disambiara to manau, maso vermasoi nana uta kumuar voru pai raro pa sia.¹⁷Nanapi rabua jana mamo, Jesus kievore dioyo; "Memanau nanapi mene tatar pasi, e mesovera, aso woroi va so Sien Allah vie prenta ariri Raja pa!''

Jesus siau siniotu vemun dia pa sembe at e senda usari pa (Nanapi Mark. 1:16-20 e Luk. 5.1-11 pai kota)

¹⁸Nanapi rabua Jesus ria rebasa ruru Galilea derepa pa, siejo siniotu vermun dia pa sembe muandu, Simon (vesanomi kota na Petrus pai) tutir neta katu pai, Andreas. Sundae sungge diara nana ruru pai. ¹⁹Apa Jesus kievo so sandue diojo: "Mundama munda usara Yau. Nari Yeniau mandu e mungge diarae muritapu siniotu". ²⁰Apa sutavin sune diara pai e surinda usara Yesus.²¹Jesus ria kara katu mana, siejo mambe neta vevesiei pa esandu riwanea, Yacobus tutir Yohanes, Sebedeus atu pa sanduna. Su tutir tamani, e semasol e setawar diara pai nana wa vavo pa. Yesus siau sandu kota ²²apa sumbavur wa pai tutir tamani e sunda usara Yesus.

Jesus dieniau e ditona e kaiwasa pai pienaam pa (Nanapi Luk. 6:17-19 pai kota)

²³Nana Galilea pa, Yesus ria wawaria uta pai vura. Dieniau nanapi Anio Ari pasi, e ditopana Sien nie Kavo Vesie pai, toapa, nari Sien Allah vie prenta. Kaiwasa vepota e vene tarai vemanindiu pa sia, diona e sepanaam. ²⁴Jesus vie sano usara uta Syiria vetutira, apa kaiwasa pau sendama so-I. Senggor kaiwasa vesamuai pota saseral, e kariria saserai; kaiwasa vetera wainunu vekariria e, veso ve wonggei e, vemarera e, ²⁵Jesus diona e sepanaam vura. Nana rabua jana, kaiwasa verausara Jesus pa sia, sepau vesiri vera nana Galilea pa, vera nana Kota Sura pa sia, vera nana Yerusalem pa, nana Yudea pa e, esia kota senda nana Maria Yordan rawesi wa.

Jesus dieniau kaiwasa pai nana veve suovavo pai pa

¹Jesus sieyo kaiwasa pai pa, siajai so veve suovavo pa. Miesoi to manau pa, janama nie murit pa sia sendarna so I. ²Janama dieniau sia e diojo. Vesie veve vata mo pai.

(Nanapi Luk. 6:20-23 pai kota)

³"Vesie maso siniotu vemarui vae viasiwar nana Sie pai vea pa sia; aso siama nari setenam nana Sien Allah nie uta vie prenta nana pai. ⁴Vesie maso siniotu vesai saneraro pa sia, aso Sien Allah nari diono sane vesie maso sia.⁵Vesie maso siniotu vesanandik va pa sia, aso Sien Allah nari nienari ariri nie arer pai maso sia. ⁶Vesie maso siniotu vesorerni sisu venanari ariri Sien Allah nie sane vesie pal pa sia; aso Sien Allah nari diona e sene amuaus pasi simanau, ⁷Vesie maso siniotu vesanemipal siniotu vevesiei pač aso Sien Allah nari sanepai sia kota; ⁸Vesie maso siniotu vesanemi raro veve sren pa sia, aso siama nari sesayo riruin Sien Allah.⁹Vesie maso siniotu vekor vemari maso siniotu pasi, aso Sien Allah nari ruara sia ve nie atuma. ¹⁰Vesie maso siniotu semutatira so senanari ariri Sien Allah nie sane vesie pai pa sia: aso siama nari setenam nana Sien Allah nie uta vie prenta nana pai.¹¹Vesie maso sia, aso sesamuai sisiajara e, airora e, niniaja e, aso Ya pa. ¹²Nabi vepapo na mia pa sia kota, semutatir sia toapana. Mesanemi pa sietate e mesanemi vesasie, aso mene vait Sien pir maso mia pai ma bieba."

Jesus kievo nanapi sasi tarai pai tutir sasaar pai pa (Nanapi Mark 9:50: e Luk 14:34-35 pai kota)

¹³''Mia membe sasi tarai so dunia nei pa. Sasi tarai pai vie kambu pa nari vie sasi riwanea e, sa vie guna ea va, nari kiea e kaiwasa tia patitiatai.'' ¹⁴''Mia membe sasaar so dunia nei pa. Kota vetur sasana nana wi vavo pesi ma sa sieniwa va.¹⁵Sa esi kiair padamara vori kukutawani na kabesu va. Ima nari pir padamara pai e tur sasana. Ave amamo vieviara kaiwasa venana anio raro pa sia vura. ¹⁶Toapa jana kota, mene sasaar pai disanggapara maso kaiwasa, ave amamo sesajo mene tenam viate pai mamo, sesom tamamu venana rora pai pe.''

Jesus kievo nanapi atoran Agama Yehudi pai

¹⁷Irama ne ave amamo irura atoran Musai diona pasi tutir Nabi pa sene aniau pasi va. Iramave irurasi va, vape ave iveruana tarai vata mo pai. ¹⁸Aso vevata mo, rora e kakopa e sandune rami mamo, kavo pa bu katu siri nanapi torat pai, sa niai va, simasi ariri vura pino.¹⁹Apavo teini riewain atoran nine esi vibaba va vesiri; e dieniau siniotu vevesiei e senanari toa kota mamo, nari siemuai uta masasoiya venanapi dou vesiri, nanapi Sien Allah nie uta vie prenta ariri Raja nanawa. Sovera ea mamo, teini nienari ariri atoran venanapi Torat pasi e dieniau suniotu vevesiei e sinanari toa kota, amamo nari siemuai uta masasoya venanapi vavo vesiri, nanapi Sien Allah nie uta vie prenta ariri Raja nana wa. ²⁰Apavo mesanemipaya; menanari ariri Sien Allah nie sanevesie pai e mendawai nanapi guru agama pasia tutir Parisi pasia va mamo, sa membe kaiwasa maso Sien Allah va.

Sien diono kavo sanepaya nanapi vekasiou siniotu pa. (Nanapi Luk 12:57-59 pai kota)

²¹Mendunina nanapi tatapumi pasia pa, vesamuai kavo aniau toapa, Memun siniotu vape moja; teini mun siniotu mamo, nari siemuai hukuman. ²²Vape nine ma itopa so mia, teini kiesiou siniotu pesi mamo, siemuai hukuman, e teini niaja siniotu pesi mamo, siemuai urusan nana agama pai nie ruir baba vekutu kavo pai. E teini kievo so esi e dioyo, "Nganggauwi". amamo nari kie susa adia naraka.²³Apavo samuai mia esi dio nunu nie pisom pasi maso Sien Allah, avori sanepai so esi nia klesiouwi, ²⁴Amamo biatal vurusu nie pi som pasi nana wavu som pai dere pa ri, ave amamo ria vie dame tutir siniotu jani Manau mamo sioveral e nunu nie pi som pasi maso Sien Allah.²⁵Maso est vie karak mia nana ruir baba vekutu kavo pai mama. Sembe dame tutir nanapi aja ria so ruir baba vekutu kavo pai varami pa. Aso piva mamo, siniotu jani nari viovo mia so hakim e, nari vevovo mia so Polisi pal Amamo nari Polisi pai kiovara mia so bui pai. ²⁶E mesanemipaya, sa mesuvi nanapi bui pai va, veitoro membait mene niaki pasi to simasi vura pino."

Jesus kievo nanapi nanari kavo vavi pa

²⁷Menduin kavo aniau vetoapa nines "Nuenari kavo vavi vape moja, ²⁸Vape nine ma itopa so mia: Temi sejo vavi pesi to sane kaririai, amamo siniotu yani, nienari kavo tutir vavi jani nanapi sane raro pa to manau.²⁹Remu rawa vata pai vediajara e vue tatar mamo, kuewar remu pai e kuei, Nomu tarai pai katu esa nai pa, vesie rawai nana nomu tarai pai vura, kie susa adia naraka pal. ³⁰Masi varavata pa viediajarae vue tatar, amamo puera tuwa e kuea, varamu rawesi pa nai pa vesie rawal nanapi nomu tarai pai vura sua susa naraka pa.

Jesus kievo nanapi veke vævinierni pa (Mat. 19:9; Mrk. 10:11-12; Luk. 16:18)

³¹Aniau pesi tioapa nine kota, teini dio kie vinie pai mamo, diono surat vingge veviniemi so vinie pal. ³²Vape ninema itopa so mia; teini kie vinie pai, arorae vinie pal siesara va, avori vinie pai ririau riwanea, amamo siniotu jani, andi viediayarae vinie pai nienari kavo pa.E teini riaut vavi sawani kiea pai mamo, i kota nienari kavo

Jesus kievo nanapi sawora Pai

³³Menduin toapa nana tatapumi pa sia pa, tasamuai aniau toapa nine; Ruewain arer vape moja. Vitopi buerera to manau tutir sawora nana aropo Sien Allah, i ma nuenari ariri mo. ³⁴Vape nine ma itopa so mia; mesawora nana rora pai vape moja, aso rora pai ma Sien Allah nie uta masasoja paina. ³⁵Toapana kota nana kakopa nei va, aso kakopa nei ma visasiara ae pasi na; pivai mesawora nanapi Jerusalem va, aso i ma kota Raja baba paina.³⁶Mesawora nanapi mendumi pasi vape moja, aso mataun au ma sa puaja so buona e rurandau pa esi miemara pivai kumuar pa va. ³⁷Aso vitopi vevata pa, tuoapa vea; 'vata", mae vitopi piva pa tuopa vea; "Piva" rawal nana jana mamo, ima onda ma nana pa bilis pai.

Vesovera kasiou maso siniotu venanari kariria pai vape moja

³⁸Menduin pi aniau pesi toapa nine kota; re pai riwa re, e dere pai riwa dere. ³⁹Vape nine ma itopa so mia; "Mesovera kasiou maso siniotu venanari kariria so mia pai vape moja. Sovera e teini biasar tararei rawa vata pa mamo, buonae biasar tararei rawa sara pa kota.⁴⁰Masi esia sembe karak mia nana hakim, veito setawara nomu sasu pai, amamo buona nomu sasu baba juba pai kota. ⁴¹Masi siniotu veve baba pesi, tuva au e sueriowa nie pi pasi e ruausari e munda kilometer siri, amamo sueriowasi e ruausari e munda kilometer muandu. ⁴²Masi esi siau piesa nanapi au mamo, buono so i. E, esi siaue vie pinjam piesa nanapi au mamo, tuawa irara kota vape moja.''

Sanepai siniotu vio amuna tutir au pai (Luk. 6:27-28, 32-36)

⁴³Menduin pi aniau pesi toapa nine kota; sanepai nomu maneta pa sia, e muedidi siniotu vio amuna tutir au pa sia. ⁴⁴Vape nine ma itopa so mia; sanepai siniotu vio amuna tutir au pa sia, e membe nadi so siniotu viowawotu mia pa sia. ⁴⁵Ave amamo membe atuma so Tamamu venana rora wai pe Aso Sien Allah diona e wor pai disambiara so siniotu viate to vekariria kota.⁴⁶Aso, mesanemipai siniotu vesanemipai mia pai mesari vea. Avori, Sien Allah diono sovera ea maso mia ve? Jokama siniotu veruir pipi pajak pa sia senanari toapana kota mana? ⁴⁷E mesau tabe so mene maneta pa sia mesari vea pa vesie ne? Siniotu veruin Sie va pasia kota, senanari toa panal ⁴⁸Tamamu venana rora pai ma, sane pai siniotu vura, apavo mia kota menanari toapana.

Yesus diono kavo sanepaya nanapi viono pi maso siniotu vevaro pi pa sia pa

¹Mesanemipaya, menanari ariri atoran agama pai nanapi kaiwasa re vepau ve amamo siniotu sisajo pana. Menanari toa mamo, sa mesamuai vait nana Tamamu venana rora pai va. ²Apavo meto piesa so siniotu vevaro pi mamo, metumine metopanusara si ariri siniotu viombe vesanemitiar wa sia vape moja. Sesanemi vesie senanari toa nanapi anio Ari pa sie, nanapi ria rabua e, ave amamo kaiwasa sienandik sia pana. I ma sesamuai sene vait pai to manau pana to.³Mae mia ma meto piesa so siniotu vevaro pi mamo, meto aniwara, ve amamo esi ruin vape moja. ⁴Esı dinduin pi nuenari wana vape moja e, Tamamu venana rora wai miesari. Andi siejo nomu pi buono aniwara jani, e andi nari diono vait so au.''

Yesus diono kavo sanepaya nanapi nadi pai pa (Luk. 11:2-4)

⁵Meto membe nadi mamo, metarir viombe siniotu vetindia wa sia vape moja. Sene pa sembe nadi e setosa nana anio ari pa si e, ria asasa pasi, ave amamo kaiwasa siejo sia. Mesanemipaya, sene vait pai sesamuai to manau pa. ⁶Mae miama meto membe nadı mano, mesua so andiraro wa, e mesuori rature pai, avori membe nadi so Tamamu veveruana va pai. Amarno Tamamu vesajo nomu nanaripi vianiwara jani, andi nari diono vait so au. ⁷Meto membe nadi mamo, mesovavera kavo e woririosi ariri siniotu veruin Sie va wa sia vape moja. Semamo ma setojo, sene sau pasi nari Sien diediawa si, aso sene nadi viaririosi jasi.⁸Memasi sia vape moja. Aso pi vitopi aja mesau varami pa, Tamarnu venaria rora pai ma, ruin to manau. ⁹Apavo membe nadi toapa nine: Amatamami venana rora panau Buonave amambe sren sanomu pai. ¹⁰Buonave nomu Kerajaan pai riama. Buonave amananari ariri nomu sanevesie pai na dunia nei, ariri vieva nana rora wa pa.¹¹Buono pisia vemasi maso ama, nana raria nini. ¹²Vue map amane sasara pasi, ariri amambe map siniotu vesasara so ama pa sia pa. Kuor ama so sotoura pai vape moja. Vape tuerir ama vurusu kariria pai. ¹³Aso au nomu wasa vetariai pai, e paya pai, e som sanandika pai, to woroi-woroi.'¹⁴Masi membe ampon siniotu vesasara so mia mamo, Tamamu venana rora pai kota, nari vie ampon mene sasara pasi. ¹⁵Vape membe ampon siniotu vevesiei sine sasara pasi va mamo, Tamamu venana rora pai kota vie ampon mene sasara pasi va.''

Yesus diono kavo sanepaya nanapi puasa pai pa

¹⁶Meto membe puasa mamo, mendemi pasi sikariria ariri siniotu vekavo tawar pa sia vape moja. Setona e sendemi pa sikariria mo, ave amamo kaiwasa vura ruin toapa, sembe puasa. Mesanemipaya, i ma sesamuai sene vait pai to manau pana. ¹⁷Vape mia ma membe puasa mamo, mendois menderni pasi e mendaris mendumi pasi. ¹⁸Ave amamo esi ruin membe puasa pa va, e Tamamu veveruana va pai miesari, andi ruina. Andi sieyo nomu nanaripi vianiwara jani, e nari diono vait pai so au."

Rar vevata to woroi nana rora Pai (Nanapi Lukas: 12:33-34 pai kota)

¹⁹Mesoruir rar so mia nana dunia nei vape moja, nana uta pusie tutir nanim sian e siniotu siemanana ne vape moja. ²⁰Vesie pa, mesoruir rar na rora wa, nana uta pusie tutir nanim sian vae, siniotu siemanana va wa. ²¹aso nomu rar pai andia na topina pa, sane raro pa aja na jana kota. Tandemi pasi ma padamara so tane tarai pasi na.''

Tandemi pasi ma, padamara so tane tarai ne pasi na

²²Apavo remu pa sisasaar mamo, nomu tarai pai vura e siesaar. ²³Vape remu pa siebuabu na kariria pai mamo, nomu tarai pai vurae niana vekumuar pai. Apavo sasaar venana nomu tarai pai, kumuar so i mamo, ima kumuar ve tabina mo paina. Sie pai e rar dunia pai. (Nanapi Lukas; 16:13, e 12:22-31 pai kota)

²⁴Sa siniotu pa siri nienaripi so tuan pa sumbe muandu va. Aso nari sane pai esi pai rawai nanapi esi pai. Pivai kiorusara tuan esi pai rawai nanapi esi pai. Toapana kota tutir mia. Sa menanaripi so Sien Allah tutir rar dunia pai va.²⁵Apavo mesanemipaya, mesanemi sasera mia so mene tenam pai vape moja, nana pi metan to metunu, pivai pi nari metavavara. Jokama tenam pai ni riewai nana pisia pai e, tarai pai riewai nana avavar pai mana ? ²⁶Mesayo na aya pasi. Sitana pi va, siema pi va, e siruir pisia nana gudan va, Toapa jana saridioi e, Tamamu venana rora pai dieum si. Joka mia membe harga rawai vesiri nanapi aya pasi mana ?²⁷Nanapi mia pa teini sane sasera pa onae diono nie umur pai e dieroi katu ne? ²⁸Aso vitopi mesanemi sasera mia so avavar pa? Ite mesayo ariau aikes vetipu na mapar pai. Ariau jasi ma sinanari pi va. E siawar pi va. ²⁹Vape Raja Salomo veve kaya veja jani kota, dievavara avavar viate ariri ariau jasi va.³⁰Samue venana mapar pai, tipu nana raria nini, e kausapa mamo sikair to sikai. Vape Sien Allah mierandinasi to vesie mo. Avori toane tutir mia. Vape mesanemitiar marui va pana. ³¹Mesanemisasera mia e menggavore metojo, "Nari tatan vito ?' ,Pivai nari tatunu vito? Pivai nari tatavavara vito ?'³²Pi vetoapa jasi ma, kaiwasa veruin Sie va pasia setosoasi pa. Arora e Tamamu venana rora pai ma, ruin membe perlu piyasi vura pa. ³³Apavo, menda ariri Sien Allah nie Prenta pasi nanapi mene tenam pasi e menanari ariri nie sanevesie pai papo ri. Amamo pi esi pasi vura nari Sien Allah dionasi kota maso mia. ³⁴Apavo, mesanemisasera mia so raria kausapa wai vape moja. Aso raria kausapa pai dione susa atapua. Susa venana raria siri pai miesi so raria siri.''

Nanapi tambe hukum siniotu pa. (Nanapi Lukas: 6:37-38, 41-42 pai kota)

¹Membe hukum siniotu vevesiei pesi vape moja, ave amamo mia kota, Sien Allah vie hukum mia vape moja. ²Aso, ariri membe hukum siniotu vevesiei pa, nari Sien Allah vie hukum mia toapana kota. E, aitato vitopi metitato nana maso siniotu vevesiei mamo, nari Sien Allah tieto nana kota maso mia.³Aso vitopi mesajo kaena katu venana nemetapi re raro pai mae balak venana matau re raro pai ma mesajori va pa. ⁴Avori nari menggavo so nemetapi e metojo ruama ve isuvira kaena venana remu pai ri, mae balak rahua venana matau re raro vediai ma? ⁵Ne, siniotu viombe siniotu vetindia vedia mia suvira balak rabua venana matau remu pai ri, ave suejo to vesie ri avori janama suvira kaena venana nemetapi re pai.⁶Buono pi veve Sren maso wona pai vape moja, ave amamo wona pai diarai e kierip au vape moja. E buon mutiara so pimua pai vape moja, ave amamo pimuna pai tiar patitiata mutiara pai vape moja Tasau, tasasera, tatov.

(Nanapi Lukas; 11:9-13 pai kota)

⁷Mesau, amamo nari viona so mia. Mesasera, amamo nari mesamuai. Metov, amamo nari rature pai tieseva maso mia. ⁸Aso, siniotu vesau pai ma, nari setono so e siniotu vesasera pai ma, nari siemuai e siniotu vetov pai ma, nari sesieva rature pai so ⁹Nanapi tama pa mia pa, teini atu pai siau roti pa nari diano ravuki so i. ¹⁰Pivai e siau dia pa nari diono korou so i?¹¹Metatar saridioi, vape menduin meto pi viate kota maso mene atuma pa sia. Avori toane tutir Tamamu venana rora wat I ma riewai ea, e nan dion viate maso siniotu vesau nana I pa sia. ¹²Menanari so siniotu vevesiei pa, ariri mesanemi vesie senanari toa, maso mia pa. I ma atoran agama Musai diona pasi, tutir nabi pa sene aniau pasi, sine umaja pasina.''

Rature vetakakotar pai (Luk. 13:24)

¹³Mesua nana rature vetakakotar pai, aso rature pai tutir ria vera so naraka paima bieba e siebaberi, e kaiwasa piau ria nanai. ¹⁴Vape rature pai tutir ria vera so tenam pai ma, tiekakotar. E sepau va vesiri, asia sesamuai.

Jesus kievo nanapi ai pai, tutir nie buo pai (Nanapi Lukas; 6: 43-44 pai kota)

¹⁵"Mesajo to vesie, aso nabi viawi tituwa pa sia. Sendama so mia mamo, sembava ve domba, arora e sembava ariri wona rei vemas pai. ¹⁶Nari mesajo riruin sia nanapi sene nanaripi pai. Wai sina pai sa suvir anggur buo pesi va, e samue veve sina pai, sa suvir ara buo pesi va? ¹⁷Nanapi ai viate pai, tasamuai buo viate pai, e nanapi ai vekariria pal tasamuai buo vekariria pai.¹⁸Al viate pal ma sa suvir buo vekariria va, e al vekariria pal ma sa suvir buo viate va. ¹⁹Ai vesuvir bua vekariria pai ma riova e kiair. ²⁰Toapana kota, maso nabi viawitituwa pa sia. Nari mesajo riruin sia nanapa pi senanari pasi.

Sien diri ariri siniotu venanari ariri nie kavo pai pa sia. (Nanapi Lukas: 13:25 27 pai kota)

²¹Sa siniotu vesau Yau e viojo: Sien, Sien, asia nari sembe kaiwasa maso Sien Allah pa vura va, vape siniotu venanari ariri Yai venana rora pai nie sanevesie pai pa sia. ²²Raria dunia nei kieriria e niai wa mamo, nari sepau sesau so Yau e setojo, Sien, Sien, jokama nana sanomu pa e amatitopana Sien Allah nie arer pai pa mana? E, jokama nana sanomu pa kota e ama titatavara pi sararidioi e, amatinanari pitandor pa pau mana?' ²³Vape nari ikavore yoyo, Ya ma isajo riruin mia va; Menda vurusu nine. siniotu venanari kariria pa mia vura!"'

Kavo sora tarawa nanapi siniotu veruina e vevaun anio pai, tutir siniotu venganggau vevaun anio pai. (Nanapi Lukas; 6:47-49 pai kota)

²⁴"Apavo siniotu viadiawa ine kavo pai e venanari ariria pai, vieva airi siniotu veruina e vevaun vene anio nana rovuki vavo. ²⁵Nana raria rama pai mun e maria pai vie posar e ve diobara pa, siobuasa anio jani mamo, anio jani sa tiebari va, aso viauna nana rovukivavo pavo.²⁶Mae, siniotu viadiawa ine kavo nei, vape venanari ariri va pal, vieva ariri siniotu venganggau e vevaun vene anio nana rubuavavo. ²⁷Nana raria rama pai mun, e maria pai vie posar e ve diobara pa, siobuasa anio janie tiebari. E mierura to kieriria vesiri." Kaiwasa pa sia senggavo usara Jesus nie Aniau pasi.''²⁸Jesus dieniau to manau pa, kaivasa venana jasia, setadiawa Jesus nie kavo aniau pasi pa, senggavo usara veito. ²⁹Aso dieniau pa tutir pays varveiti, ombesiel nanapi sene veve baba nara Torat pa sia.

Jesus dionae siniotu vepota pado pai, pienaam pa. (Nanapi Markus 1:40 45; e Lukas 5:12 16 pai kota)

¹Jesus viar na suovavo pa avav to manau pa, kaiwasa pau sembe ratae senda usara Jesus. ²Apa siniotu vepota pado pesi ria. Disana aebu pasi nana Jesus aropo pa, avori kievore diojo; "Tuani, ka muajar mamo buona e ipanaam." ³Apa Jesus dieka a rut siniotu pai, avori kievore diojo: "Imajar, apavo puenaam". Apa nanapi diam jani kota e nie pota pai nial.⁴Avori Jesus kievo soi e diojo: "Sanepaya; Bitopa vavera so esi va. Vape rua soapa Imam pai, e vueruan au so i. Manau mamo, buon pi som ariri Musai tiopa pa, ave veruana so kalwasa toapa, puenaam to manau!"

Jesus diona e Komandan Roma pai nie womi pai pienaam pa. (Nanapi Lukas 7:1-10 pai kota)

⁵Jesus ria so aniose Kapernaum pa, Komandan Roma pesi riama so I, e siau so I e diojo; ⁶"Tuani, ine womi paini piota e viata anio wa. Piota marera e viata na patar wai e, piota to diadi va. ⁷Apa Jesus kievo so i, e diojo: "Nari iramatu jona e pienaam."⁸Amana Komandan pai diojo: "Tuani ka moja, ava diadi so ive trima Tuani Au nana ine anio wai pa va. Tuani vue Prenta vea. Amamo nari ine womi wai pienaam. ⁹Aso ya kota ma. itatuan ine veve baba pa sia sene prenta pasi. E ine tentara venana dou pa sia kota, setatuan ine prenta pasi. Masi jemias tentarapesi e jojo: Rua!, amamo ria. Ikavo so esi vesiei e jojo:, Ruama so nine!, amamo riama, e jo ive prenta ine womi pai e jojo: nuenarı pi ninel, amamo nienari.'' ¹⁰Jesus diediawa usara Komandan pai kievo tonine pa, kievousara vesiri. Apa Jesus kievo so kaiwasa verausari pa sia e diojo: "Siniotu nei ma katu masi. Nanapi kaiwasa Isrel nei vura, aja isamuai sanetiar vebaba e vetoapa nine esi varami! "Vatamo, Itopa so mia.¹¹"Kaiwasa pau, nana rawa dopo wa to rawa dori wa, nari sendama, ave sesanemi vesasie tutir Abrahami e, Isak e, tutir Yakopi sia nanapi Sien Allah nie Dunia Vavoru pai. ¹²Arora e siniotu nari viator ve kaiwasa maso Sien Allah pa sia, nari sengge sia so kumuar venana vorira wai. Nari sesai e setamuaus na wana. ¹³Janama Jesus kievo so Komandan pai e diojo: "Vuevu, pi sanetiara pa nari vediadi". Apa nanapi diam jani kota e, nie womi pai pienaam.

Jesus diona e Petrus nioni vavi pai tutir kaiwasa pau sepanaam pa. (Nanapi Markus: 1:29-34; e Lukas 4:38-41 pai kota)

¹⁴Janama Jesus ria so Petrus nie anio pai, apa siejo mana Petrus nioni vavi pai visi e viata na patar pai pa ¹⁵Apa Jesus dieka a rut na Petrus nioni vavi pai vara pa, apa nie visi pa vavuri. Janama siobatai e pir pisia so sla.¹⁶Vava ravinena pa ma, kaiwasa pai kior siniotu vetera wainunu vekariria pa sia maso Jesus. Apa Jesus kievo kavo pa bu siri vea e, ditatawar wainunu vekariria pasi e ditona e kaiwasa vepota pa sia vura sepanaam kota. ¹⁷Jesus nienari pi ninesi vura pa, ave masi tutira nabi Yesayai kievo pa, toapa: "Sieriowa tane kariria pasi, e diono tane pota pasi e sipanaam".

Siniotu vio vera usara Jesus pa sia. (Nanapi Lukas 9:57-62 pai kota)

¹⁸Kaiwasa pa pau vesiri sesorum Jesus. Jesus sieyo kaiwasa pai pa, kievo so nie murit pa sia e, sembavu tuwa avaru so ruru pai rawesi pa. ¹⁹Avori veve baba nana Torat pesi riama so I e, diojo: "Guru, yo irausara Au so topina vea" ²⁰Apa Jesus ruar so i, e diojo: "Wona rei pai nie kamberei, e aya pai nie karai, vape Siniotu Atu ne Ya ma, varo uta ivata nana."²¹Avori nie siniotu vera usarl pa esi nina, kievo so I, e diojo; "Guru, isau so Au e, ivavu papo ve ive kubir yai ri". ²²Amana Jesus kievo soi e diojo: "Rua usara pa Yau, mae siniotu vevoru pa sia ma, matau sembe kubir riwana sene vevoru pai."

Jesus diona e diobara pai mieri pa (Markus 4:35-41, Lukas 8:22-25)

²³Janama Jesus tutiur nie murit pa sia, sesa so wa pai. ²⁴Worabua va mana, diobara pimasa pesi mun na ruru pai. Apa bata pasi sisa so wa pai. Diam jani ma, Jesus andia diena. ²⁵Apa nie murit pa sia senda soi e sembaun i. Setananar soi e setojo; "Guru, kawa, nari tanggariria!"²⁶Apa Jesus kievo so siae dioijo; Aso vitopi mematai veya pa? Mesanermitiar Ya mo va; "Janama Jesus biatai e kievo mas wana pai tutir ruru pai. Apa ruru pai mieri vesiri. ²⁷Jesus nie murit pa sia senggavousara veito. Senggavore setojo; "Siniotu nei ma siniotu vito nina, apa wana e bata e, sikorusara kievo ne pa?

Jesus dietawar Wainunu vekariria pasi vurusu siniotu pa sandupa. (Nanapi Markus 5:1-20, e Lukas 8:26-39 pai kota)

²⁸Jesus tutir Nie murit pa sia sesirieu nana ruru pai rawesi pa, nana uta Gadara. Apa siniotu vetera wainunu vekariria pa esandu, sundama so 1. Siniotu nine sanduma sumas vesiri, apavo siniotu pesi mias e ria nana uta janava. ²⁹Susuvi nanapi rovuki kamberei veve kubir wasi, e surananar e surojo; "Allah Atu panau, avo buo buon ama toane? Aja raria paina varami e, buo vue hukum ama pana e?"³⁰Apa pimuna aum pa tau siri, siosa deriasi na jana e siapi. ³¹Apa wainunu vekariria pasi sisau so Jesus, e siojo; "Buo buemiase amasuvi mamo, buemiase ama sua na pimuna wasi." ³²Apa Jesus kievo soasi e diojo; "Menda vea". Apa wainunu vekariria pasi sisuvu vurusu siniotu pa sandu e sira sisua na pimuna tau pai. Apa pimuna pasi sivavu sikopa na veve derewisi pa avav so ruru pai pa, simarutu.³³.Siniotu vesayo vedior pimuna pa sia setapai so Kota e, setopanusara kavo veve diadi ninesi vura. E setitopan siniotu muandu veter wainunu vekariria pa simasoi nanapa sandu kota. ³⁴Apa kaiwasa venana Kota pa sia vura, senda sesajo Jesus. Senda sesamuai Jesus pa, sesau sol, ave amamo vievu vurusu sene uta pa.

Jesus diona e siniotu vemarera pai pienaam pa.

(Narapi Markus 2:1-12 e Lukas 5:17:26 pai kota) ¹Jesus sia so wa pai e, sembotuwa ruru pai e sesovera ea so matauni nie aniose pa. ²Amana siniotu pesia senggor siniotu vepota marera pesi, viata nana patar pai, e senggoria so Jesus. Jesus siejo siniotu pa sene sanetiar pasi sibaba pa, kievo so siniotu vepota marera pai, e diojo; "Ine atuma panau, sun sanemu pa. Nomu tatar pasi sive ampon to manau.''³Apa veve baba nana Torat pa esia, senggavo nana sesanemi raro pasi e setojo; "Siniotu nei siesiajara Sien Allah. ⁴Jesus ruin sesanemi raro pasi, apa kievo so sia e diojo; "Aso vitopi mesanemi raro pasi sitatar veja pa? ⁵Apavo topi tindia, tanggavore tatojo; "Nomu tatar pasi sive ampon to manau pa te? "tanggavore tatojo: "Suobatau e ruapa e'? ⁶Vape nine ma nari Iveruana maso mia, toapa Siniotu Atu ne Yau, ipaya so ive ampon tatar pasi nana dunia nei vavone pa". Janama Jesus kievo so siniotu vepota marera pai e diojo; "Suobata au, sueriou nomu patar pai e vuevu".⁷Apa siniotu vepota marera pai siobatai e vievu so nie anio pai. ⁸Kaiwasa pai siejo pi veve diadi nine pa, sematai e sesanandik Sien Allah, aso Sien Allah dion paya vebaba vetoapa jani, maso siniotu pasi pa.

Jesus siau Matius, ave riausar-l pa. (Nanapi Markus 2:13-17, e Lukas 5:27-32 pai kota)

⁹Manau pa janama Jesus suvi nanapi nie rara pai pa, siejo siniotu veruir pajak pesi, sano pa Matius, miesoi nana nie kantor pajak pai. Apa Jesus kievo soi e diojo; "Ruama ruausara Yau"; Apa Matius siobatai e dindausara Jesus.¹⁰Avori Jesus niesoi e diapi nana Matius nie anio pai. Apa siniotu veruir pajak pa sia, tutir siniotu kaiwasa dietor ve siniotu vekariria pa sia, senda so Jesus, tutir nie murit pa siae, setapi tutir sia. ¹¹Apavo siniotu Parisi pesia sesajo. Apa setutan Jesus nie murit pasia, e setojo; "Aso vitopi mene guru pai diapi tutir siniotu veruir pajak pa sia, tutir ainiotu vekariria pa sia pa?''¹²Jesus diediawa setutane pa, ruar so sia e diojo; "siniotu vepanaam paima, sa siesera dokter pai va, mae siniotu vepota pai ni, siesera dokter pa. ¹³Ite mesajo nanari surat repo pai nie ayat verotu toapa ninei, "Isanemi vesie napa sanepaya pai, mae pisom nanapi binatan pai ma piva". Aso irama ne ave isau siniotu vetindia to manau pasi va, vape siniotu veve tatar pasi.

Vekavo nanapi puasa pai pa (Nanapi Markus 2:18-22, e Lukas 5:33-39 pai kota)

¹⁴Manau na jana pa, Yohanes viono Kambu Sren pai, nie murit pa sia senda so Jesus. Avori setutani e setojo; "Aso vitopi ama tutir Parisi wa sia e amambe puasa, Mae nomu murit ne sia ma piva pa? ¹⁵Amana Jesus kievo so sia e diojo; "Avo metone sanepaya pa sitoane? Mua veririau vavoru pai andia tutir nie tamu pa sia nana pesta ririau pai pa, nari sembe susa e? Sa piva, vape raria pesi mano, nari senggor mua veririau vavoru pai vurusu sia. Apino janama membe susa pe.''¹⁶Sa esi diawar tawan sasu tawa vemaraba pesi nana sis dovaru vavoru pesa va. Aso nari sis dovaru vevavoru pai titu mamo, piorabana sasu pai, e viediajara e vemaraba pai bieba rawai.¹⁷Toapana kota, sa esi siara anggur vavoru pesi susa binatan rawa vitutu kambu vetawawari pesi va. Aso toa mamo, binatan rawa vitutu kambue vetawawari jani, miesavu e kieriria, amamo anggur pai tievuvu. Apavo anggur vavoru pai ma, siara susa binatan rawa viutu kambu vevaoru kota, apino sandu vurae surate pe".

Siniotu veve baba so Anio Ari pai, atu pai vioru pa, e vavi vevarami buasa Jesus pai. (Nanapi Markus 5:21-43, e Lukas 840-56 pai kota)

¹⁸Jesus andia kievo so Johanes viono Kambu Sren pai nie murit pa si ramie, siniotu veve baba nana Anio Ari pesi, riama disan aebu pasi nana Jesus aropo pa, e kievore diojo; "Ine atuma vavi pai erine vori vioru. Vape, isau so auwe, rua bueka a so i, ave amamo tienam riwanea". ¹⁹Apa Jesus tutir nie murit pa sia, sesobata siae, senda tutir siniotu pai.²⁰Semasi riarabua wa, amana vavi pesi, siemuai pota samir niar pai, woroi pa taun suraemuandu, riasiwara Jesus na karu pa. Sanepai nana sane raro pae ²¹Diojo, Jeka a varabuasa nie sasu juba wai vea mamo, nari ipanaam. Apa dieka a varabuasa Jesus Nie sasu baba juba pai sope pa. ²²Diam jani Jesus diaraie dieduwata vavi pai, avori kiewo soi e dioja; "Ine atuma panau, sun sanemu pa. Aso joma sanetiarpa, puenaam pa". Apa nanapi diam jani kotae, vavi pai pienaam. Manau pa janama Jesus ria so siniotu veve baba so anio ari pai, nie anio pai.²³E siejo mana kaiwasa pai siaie rioi ranu sai e siewau pa. ²⁴Apa kievo so kaiwasa paie diojo, "Mesuvi wura! Atuma nei ma vioru va; i ma diena vea". Apa kaiwasa pai vura, semari Jesus.²⁵Kaiwasa pai suvi to manau pa, Jesus suapui so andiraro atuma vevoru pai viata nana pa, e rut nana vara pa. Apa atuma vevoru pai siobatai e tienaam ea. ²⁶Kavo viotandori nine masiepare wopaiusara uta pasi vura.

Jesus diona e siniotu veremi kaber pa sandu supanaam Pa

²⁷Jesus suvi na jana e ria so ria rabua pa mana, siniotu veremi kaber pa sumbe muandu sunda usari. Susau e surojo, "Dauti Atu panau, ka sanepai nandu!" ²⁸Jesus suapui so anio pa mana, siniotu veremi kaber pa sunda masoi. Apa Jesus dutan sandu e diojo, "Avo musanemitiar toapa, diadi jona e mupanaame?" amana sunduar so I e surojo, "Sie panau, amusanemitiar!"²⁹Janama Jesus dieka a so sundemi pasi e dinggavora e diojo, "Aso musanemitiar pavo, vediadi maso mandu ariri mune sanetiar pasi". ³⁰Janama diadi so susajo pa. Apa Jesus dierer so sandu to karakuai vesiri, ave amamo sutopa kavone so esi vape moja. ³¹Vape sunda e sutopanusara Jesus nana uta pasi vura.

Jesus diona e siniotu vesoremi mumuja pai kievo pa.

³²Siniotu muandua pa sandu sunda to manau, avori siniotu vesoremi mumuja pesi, wainunu vekariria pasi simasoi nanai, senggori ea ma so Jesus. ³³Apa Jesus dietavar wainunu vekariria pasi, e nanapi diam jani kota e, siniotu vesoremi mumuja pai diadi kievo riwanea. Kaiwasa pai kievo usara, senggavore setojo, "Aja amasajo pi vetoapa nine esa nana uta Israel varami!" ³⁴Amana Parisi pa sia senggavore setojo; wainunu vekariria pasi sine veve baba pai, andi diono paya so I, ave amamo ditatavara wainunu vekariria pasi pa."

Jesus siejo kaiwasa pai to sanepai pa

³⁵Apavo Jesus ria wawarira uta pasi, nana Kota pesi a so Kota pesi, e nanapi aniose pesi a so aniose pesi. Dieniau nanapi anio ari Yehudi pasi e ditopana Sien Nie Kavo Vesie pai, toapa, Sien Allah Vie prentah, ariri Raja pa. Jesus dion panaam so kaiwasa pai nanapi sene pota saserai pa. ³⁶Jesus siejo kaiwasa pai to sanepai sia, aso setatara setotoa e setimbava ariri domba vevaro gembala pa.³⁷Apa Jesus kievo so nie murit pa sie e diojo, "Ai mor viema pai reto, piau, vape siniotu viema pasi sipau va. ³⁸Apavo mesau so vene romi pai, ave amamo dienatu siniotu viema pesia, so nie ai mor nei diema pa."

10¹

Rasul surae muandua pa sia. (Nanapi Markus 6:7-13, e Lukas 6:12-16 pai kota)

1. Raria pesi pa Jesus siauruir nie murit surae muandua pa sia e, sendama so I. Avori diono paya so sia, ave amamo setitatavar wainunu vekariria pasi e setona panaam so pota saserai vura, e siniotu vene tarai manindiu pa sia.

²Rasul surae muandua pa sia sesanomi pasi nine; retena pa, Simon sesau kota ve Petrus pai e, tutir neta katu pai Andrias, avori Yakobus tutir neta katu pai Yohanes, Sebedeus atu pa sandu na. ³Avori Pilipus e Bartolomeos, tutir Tomas e Matius, siniotu veruir pajak pai, tutir Yakobus, Alfeus atu pai, e Tadeus; ⁴Vipuia pa Simon Patriot e Yudas Iskariot, vevovo Jesus pai.

Jesus diemias nie Rasul surae muandua pa sia.pa. (Nanapi Markus 67-13 e Lukas 91-6 pai kota)

⁵Manau pa janama Jesus diemias nie murit surae muandua pa sia, e ditopa ariri kavo so sia toapa nine; "Menda so kaiwasa Yehudi va pa sia sene uta pasi vape moja. ⁶Vape menda soapa kaiwasa Israel pa sia, atapu soapa siniotu vetenam nana ria vera sara pa sia. ⁷Metopa so sia toapa, Sien Allah dio vie Prenta ariri Raja to manau.'⁸Metonae vepota pa sepanaam; metonae vevoru pa sia setenam. Metonae vepota pado pa sia sepanaam, e metatavar wainunu vekariria pasi. Mesamuai pi ninesi saridioi vea to manau. Apavo, metonasi saridioi kota. ⁹Menggor pipi mas va, pipi perak va, pivai pipi tembaga va. ¹⁰Menggor rota pisia kota va, sasu ve muanandiru nana mene rara pai vape moja, sapatu, pivai aitato va. Aso siniotu venanaripi pai ma, nari siemua vait.¹¹Meto menda so Kota pesi, pivai aniose pesa mamo, mesasera pa siniotu vesanemi vesie veve trima mia pesi. Memasoi tutir i, veito membavu riwanea, ¹²Mesua na anio pesi mamo, menggavo toapa; "Amasaue Sien vie berkat mia". ¹³Masi siniotu venana anio jasia, sembe trima mia mamo, mene tabe pai viata maso sia. Mae, sembe trima mia va mamo, mesarap sovera mene tabe jasi.¹⁴Masi anio pesi, pivat Kota pesi, senggambarai sembe trima mia, pivai senggambarai setadiawa mia, amamo membavu uta jana, e mendora upis kakopa venana mendaimi va pasi. ¹⁵Itopa so mia, raria dunia nei kieriria wa mamo, kaiwasa venana Kota Sodom tutir Gomora pa sia, diadi so sesamuai ampon nanapi Sien Allah pa. Mae kaiwasa venana Kota vekambarai mia pa sia ma, sa sesamuai ampon nanapi Sien Allah va."

Kariria nari verama wai (Mrk. 13:9-13; Luk. 21:12-17)

¹⁶"Mesanemipaya, yemias mia ne, ariri domba verasesiorana wona rei vemas pasi pa. Metarama to vesie mo, ariri korou pai, e mesanemi pa sitindi mo ariri aya kapura pai. ¹⁷Mesanemipai to vesie, aso nari setapur miae sembe urus mia nana agama pai nie ruir vekutu kavo pai. Nari sendora mia nana anio ari pasi. ¹⁸Nari senggor mia so aropo Pemerinta tutir raja pa sia, aso menda usara Ya pana. Arnamo ima ria nina so metitopanusara Ya so sia pa, e maso kaiwasa veruin Sien Allah varami pa sia.¹⁹Vape seto senggor mia sembe urus mia mamo, mesanemisasera mia nana kavo nari menggavora vape moja, pivai nari menggavo toane pa vape moja. Aso kavo vitopi nari menggavora pa mamo, nari vetopanaririasi maso mia nanapi diam jani kota. ²⁰Aso vekavo nanapi diam jani ma, mia va, vape Yai venana rora pai Nie Wainunu pai andi kievo nanapi mia pa.²¹Nari siniotu pa sivov vera matau sine neta pai, ave amamo semuni. E nari vava toa pana kota, maso tama pai tutir atu pai. Atuma pasi nari sio varirwi tutir tama pai tutir sisiniami, e sembovo sandu ve amamo semun sandu. ²²Nari kaiwasa vura miedidi mia aso menda usara Ya pavo. Vape teini kierakuai ra so manau wa mamo, nan siemuai vesie pai ²³Seto semutatir mia nana Kota pesi mamo, membavu so Kota pesi vesies. Itopa so mia, aja menda ariri Kota venana Israel nesi vura varami e, Siniotu Atu ne Irama to manau.²⁴Murit pesi sa bieba rawai nanapi nie Guru pai va e sa womi pesi bieba rawai nanapi nie tuan pai va ²⁵Murit pesi miesi tutir nie Guru pai mamo, manau, e womi pesi miesi tutir nie tuan pai mamo, manau. Mananir vene anio raro pai ri, sesawi ve bilis, avori toane tutir nie anio raro pa. I ma nari sesau sia nanapi wasa vinggariria rawai ea".

Memataita paini Sien Allah. (Nanapi Lukas 12. 2-7 pal kota)

²⁶Mematai siniotu pasi vape moja. Pi vetau tawana pasi, nari simasivu, e pi vianiawa pasi, nari siveruana. ²⁷Vitoni itopani maso mia nanapi vekumuar pa mamo, metopana riwani nanapi vesasaar. E pi vesamumuia susa mene taradiau pasi ma, metuminasi to baba.²⁸Mematai siniotu nari vemun tarai pai e, vepa so vemun wainunu va pa sia vape moja. Vape memataita pa Sien Allah, vepaya so vemun tarai pai tutir wainunu pai, nanapi adia naraka pai. ²⁹Aya sisumi pasi sembovasi mamo, muandu so pipi ropia siri to. Toa sarididioi e, Tamamu venana rora wai, miajar toa va mamo, sa esi tiau mesu so kakopa ne va. ³⁰Rurandau venana rumu vediasi sietor to manau vura. ³¹Apavo, mematai vape moja! Aso miama membe harga rawai aya sisumi pasi."

Veruara Yesus nanapi aropo siniotu pa. (Nana Lukas 12:8-9 pai kota)

³²"Teini ruara Yau nanapi aropo siniotu mamo, Ya kota nari Iruari na Yai venana rora pai, aropopa. ³³Vape teini pioras Yau nanapi aropo siniotu, toapa i ma riausara Ya va, amamo Ya kota, nari Iporasi nanapi Yai venana rora pai aropo pa.''

Yesus riama tutir vemari va, vape riama tutir mamuna. (Nana Lukas 12:51-53; e 14:26-27 pai kota)

³⁴Memamo ma metojo Ikor vemari maso dunia nei pe? Ikor vemari va, vape ³⁵Ikor mamuna, Irama ne vediajara e atuma mua pai dio variriwi tutir tamani, e atuma vavi pai diovaririwi tutir siniani, e vavindewa pai diovaririwi tutir nioni vavi pai. ³⁶E nari variriwi pimasa pai ma, nana pa anioraro pai matauni.³⁷Siniotu vesanemipal vetamami, pival vesiniami rawai nana Ya pai ma, sa diadi riausara Ya va. Toapana kota siniotu vesanemipai vene aturna mua, pivai atuma vavi rawai na Ya pa sia. ³⁸E siniotu vekambarai vesariouwa vene aitabat e vindausara Ya pa sia, diadi so sendausara Ya pa va ³⁹Teini dieriori nie tenam pai, amamo nari nie tenam pai niai; mae teini nie tenam pai niai, aso kiorusara Ya pa, amamo nari siemuai nie tenam pai."

Nanarie vesie pai, siemual vait vesie pai kota. (Nanapi Markus 9:41 pai kota)

⁴⁰Teini vie trima mia, amamo vie trima Yau. E teini vie trima Ya mamo, vie trima Yai viamias Ya pai. ⁴¹Teini vie trima Nabi aso Nabi nina pa, armamo nari siemuai vait ariri Nabi. E teini vie trima siniotu viate pesi, aso diete pana, amamo nari siemuai vait ariri siniotu viate.⁴²Teini diono kambu viunu, kambu veriewas vea, maso siniotu vekariria nine sia esi, aso riausara Ya pana mamo, siniotu jani nari siemuai nie wait pai."

Yohanes diemias aso Jesus, e dutani pa. (Nanapi Lukas 7:18:35 pai kota)

¹Jesus tiopanariri kavo so nie murit suramuandua pa sia to manau pa, suvi vurusu jana. Ria dieniaue ditopanusara Sien Allah nie arer pai nanapi Kota vederiasi pasi. ²Apa Yohanes viono Kambu Sren e venana bui pai, diediawa Jesus nie nanari- pi pai. Apa diemias nie murit pesia e senda so Jesus e setutanie setojo: ³"Avo au rua ariri Sien Allah nie arer pai ma pa te, amatanota siniotu vevesieie ?"⁴Amana Jesus ruar so siae diojo, "Mesovera so Yohanes e metopa so i, nana pi vitosi metadiawa e mesajosi pa; ⁵Toapa, veremi kaber pa sesajo, veraemi marera pa senda, vepota pado pa sepanaam; vene taradiau poya pa setadiawa, vevoru pa setenam riwanea, e Sien Allah nie Kavo Vesie pai tiopanusara maso kaiwasa vevaro pi pa sia. ⁶Vesie maso siniotu vekavo irara Ya va pa sia.''⁷Yohanes nie amias pa senda to manau pa, janama Jesus kievo so kaiwasa pai, nanapi Yohanes, Jesus kievore diojo, "Vitoni menda mesajori nana mapar rubua wai pa? Sasa wana pai sio riria e vemanawar ninae? ⁸Ite vitoni menda mesajori pa? Mesajo siniotu vesasun nana sasu vesasie nina te? Siniotu vesasun nana sasu vesasie pasi ma, sinana pa, anio Raja.⁹Apavo menda so mapar rubua wai so vito? Mesajo nabi nina te? Ariria, vape i ma riewai nanapi nabi. ¹⁰Aso Yohanes jani nina, andı ayat venana Surat Repo pai kievo nanai pa, toapa, Sien Allah kievore diojo, Ine Amias pai nine, jemias i, e piepon Au, ave amamo dierara ria anota Au.'¹¹Itopa so mia, "Nana dunia nei mamo, varo siniotu vebaba rawai Yohanes vion Kambu Sren pai. Toa saridioi e, kaiwasa venanapi Sien Allah nie uta vie prenta nana wa sia, siniotu vemadia rawai pa sia, sebaba rawai Yohanes. ¹²Nanapi rabua Yohanes tiopa nie aniau pai pa, veito rabua nine, siniotu pasi sio sasera ve simuvediora Sien Allah nie Kaiwasa pai tutir ria vekarakuai.¹³Veito rabua Yohanes riama ne, Musai prenta diona pasi vura e Nabi pa sene aniau pasi, sierera pi veve diadi mo pasi. ¹⁴E, meto mesanemitiar mamo, Yohanes ma joma Elia nina, andi vie arer to manau so riama pa. ¹⁵Membe taradiau mamo, ite metadiawa!¹⁶Avo nari isora tarawa kaiwasa rabua ninesia nanapi vito? Sembava ariri atuma vemasoi na pasar. Esia sesau so esia e setojo, ¹⁷Tamei ranu vemamasar so mia, vape menggambarai memajai, tandoi roi sai so mia, vape menggambarai mesai.'¹⁸Yohanes riama dian pisia va, dunu kambu va, dieriori so Sie pai pavo, dunu anggur va vape kaiwasa pai diojo wainunu vekariria pa sira savui. ¹⁹Janama Siniotu Atu ne irama, Yapie Junu; vape kaiwasa kievore diojo, 'Mesajo siniotu wai, diapi bariu, dunu bariu, vie maneta tutir siniotu veruir pajak e, vie maneta tutir siniotu veve tatar. Toapa jana, vape Sien Allah nie paya pai vieruana nana Nie nanaripi pai."

Jesus Kiesiou Kota vesanemitiar I va pa sia pa. (Nanapi Lukas 10-13-15 pai kota)

²⁰Avori Jesus sisiajara Kota vieruana pitandor to pau nana pasi. Aso kaiwasa venana Kota ja sia, senggambarai semanau sene tatar pasie sesovera so Sie pai pa. ²¹Kievore diojo, 'Kawai so Kota Korasin au; e kawai so au kota, Kota Betsaida! Pitandor veveruana tomanau so mia nesi, siveruana nanapi Kota Tirus tutir Sidon, areto kaiwasa venana pa sia nari semanau sene tatar pa sie, sesovera so Sie pai papo, e sesasun sia nanapi sasu vemandat e sepir wavu nanapi sendumi pasi. ²²Vape Itopa so mia, nana raria dunia nei kieriria wa mamo, mene hukuman pai nari mierabat rawai, nanapi kaiwasa venana Kota Tirus tutir Sidon pai.²³Mae Kota Kapernaum au ma, nari seposasan au raajai so rora wae? Sa piva, nari sengge au ravav so uta vevoru pa senana wa. Aso masi pitandor veveruana so mia pasi, iveruana si nanapi Sodom, areto Sodom andia veito rabua nine. ²⁴Vape Itopa so mia, nanapi raria dunia nei kieriria wa mamo, mene hukuman pai ma nari mierabat rawai nanapi hukuman venana Kota Sodom pai.

Yesus vie trima kasi so Tamani pa e, siniotu pa sirama soi pa. (Nanapi Lukas 10:13-15 pakota)

²⁵Nanapi diam jani Jesus kievore diojo, 'Sie rora e kakopa, Itopa trima kasi so Au, aso pi jasi vura bueniwarasi vurusu siniotu veve pande pa si, mae vueruanasi maso siniotu vianiau va pasi pa. ²⁶I ma vio sanevesieni so Yai au pana. ²⁷Avori Jesus kievore diojo; Pi vura Yai siwasi maso Ya to manau. E esi disajo riruin Atu pai va, Tama pai miesari. E esi disajo riruin Tama pai va, Atu pai miesari, e maso Siniotu Atu ne Yau, vieruana Tama pai soa pa sia.²⁸Mendama soa pa Yau, vemarior pa mia vura, e vesariou marabat pa mia; nari Jono andei maso mia. ²⁹Mendausara pa ine prenta nesi e metaniau nana pa Yau. Aso Ya ma. Yo mesamuai vesie pananesi va, e isanandik Ya va, apavo nari pa. ³⁰Aso Ine Prenta nesi ma, sio sanevesieni, e pi Jona e mesariowa ne ma, tapisa."

Verawain raria Sabat pai pa. (Nanapi Markus 2:23 28 e Lukas 6:1-5 pai kota)

¹Nana raria Sabat pesi pa, Yesus tutir Nie murit pa sia, senda savu romi pas pesi. Apa sembavisi pavo, nie murit pa sia setema pas buo pasi e setasi. ²Amana siniotu Parisi pa sesajo pa, senggavo so Jesus e setojo, "Ite suejo nomu murit pa sia sendawain tane atoran agama pai, e senanaripi sa tananari na raria Sabat va."³Apa Jesus kievo so sia e diojo, "Apavo aja metap nanapi Raja Daut tutir nie kaiwasa verausari pa sia so rabua sembavisi e pi nienari pa varami pe? ⁴Suapui so Bait Allah pai e kior roti viona ve pi som so Sien Allah pai e setani pa. Arora e, ariri tane atoran agama nei mamo, Dauti matauni, tutir nie kaiwasa verausari pa sia, sa setan roti jani va Imam pa sia reto, diadi?⁵Ite aja metap nanapi Musai nie atoran diona pasi, toapa, nanapi raria Sabat pasi mamo, Imam venanaripi nana Bait Allah pa sia, sendawain atoran Sabat pai, vape sembe sasara va. ⁶Mesanemi pai kavo Ikavora ne; vebaba rawai Bait Allah pa esini nia nine(Andi matau Yau).⁷Nanapi Surat Repo pai marno vevui toapa, 'Sanepaya pai ni isanemi vesieni, mae pi som nanapi binatan pai ma piva. Masi menduin ariri kavo nine ve vata mo, amamo sa mepir sasara maso siniotu vevaro sasara pasi va. ⁸Aso Siniotu Atu ne Yau, Ibaba rawai nanapi Raria Sabat pai."

Jesus diono panaam maso siniotu vevarami marera rawa siri pai nana raria Sabat pai pa. (Nanapi Markus 3:1-6, e Lukas 6:6-11 pai kota)

⁹Jesus suvi nanapi uta jana pa, ria sua so Anio Ari pesi. ¹⁰Apa ria samuai siniotu vevarami marera rawa siri pesi na jana. Apavo siniotu vio sasera ria ve amamo vepir sasara maso Jesus pa esia, setutan Jesus e setojo, "Diadi so viono panaam maso siniotu vepota, nanapi raria Sabat paie?"¹¹Apa Jesus ruar sene kavo pae diojo, "Masi mia esi, nie domba pesi, tiau susa kamberei veve raro pesi, nanapi raria Sabat pesi, amamo vene domba pai nari siesera ve amamo suvir domba pai nanapi kamberei pai vae? ¹²Avori siniotu pasi ma sive harga rawai nanapi domba pasi mana! Apavo toa mamo, diadi tambe tolon siniotu nana raria Sabat pai.''¹³Janama Jesus kievo so siniotu vevarami marera rawa siri pai e diojo. "Buora varamu pa". Apa siniotu pai diora vara pa, apa vara pai pienaam ariri vara rawesi pai. ¹⁴Amana siniotu Parisi pa sia sesuvi vurusu anio ari pai e, senggavo ariri kavo, ave amamo semun Jesus. Amias Sien Allah diria pai¹⁵Jesus ruin toapa. Siniotu Parisi pasia setaninit sia so seto semuni pa. Apa suvi vurusu uta jana, vape kaiwasa pa pau sendausari. Apa dion panaan maso kaiwasa vepota pa sia vura. ¹⁶Vape mu vedior setopanusari so siniotu vevesiei pa. ¹⁷Toapa jana ve masi tutira Sien Allah nie kavo Nabi Yesayai tiopana pa, toapa:¹⁸"Ine Amias jiria pai nine, siniotu isanemipaya e, vio sanevesieni nanapi saneraro ne pai na. Ine wainunu pai nari joni soi, Ine vetindia pai, nari tiopani maso kaiwasa.¹⁹Sa dio variriwi va, pivai dienanar va, pivai ria e dumi na riandaro va. ²⁰Sadiowawotu vemarera pasi va. E sanetiar vimarui va mo pasi kota, sa sinai va. Nari diombeito vetindia pai vieruana. ²¹Kaiwasa vura nari pir sanetiar so I". Paya nanapi Jesus, e sietan pa sine mananir pai.

Avori siniotu veremi kaber e visoremi mumuja pesi, pi sararidioi pasi simasoi (Nana Markus 3:20-30, e Lukas 11:14-23 par kota)

²²Nana i, senggoria so Jesus. Apa Jesus dionae pienaam, siejo e kievo. ²³Apa kaiwasa pai vura, kievo usara e diojo, "Dauti atu veve arer pai?''²⁴Amana siniotu Parisi pa setadiawa pa, senggavore setojo, "Siniotu nei diadi so dietavar sietan pasi pa ma, aso joma Belsebul, Sietan pa sine veve mananir pai, diono paya yani so i pana". ²⁵Vape Jesus ruin Parisi pa sia sene sanepaya jani. Apavo kievo so siae diojo, "Masi negara pesi piowawasi e miesasavu, e semu vavera sia, amamo negara jani sa pia va. E. Kota pesi, pivai anioraro pesi, piowawasa e diomamu vavera, armamo nari kieriria.²⁶Toapana kota, Sietan pai nie kerajaan pai, tau esi dietavar tau esi, amamo Sietan pai nie kerajaan pai piowawasa to manau, e nari kieriria. ²⁷Matau metojo jetavar sietan pasi nanapi Balsebul nie paya pai, tojana pavo, tutir paya vitoni siniotu verausara mia pa sia, setitatavara Sietan pa? Vera usara mia pa matau sia semberuana toapa, membe sasara.²⁸Vape Jama jetavar stetan pasi nanapi Wainunu Sren pat nie paya pal. Ema veruana toapa, Sien nie Kerajaan pai vieruani nanapi mene kasau rabua pa to manau. ²⁹Avo esi dio sua so siniotu vepaya pesi nie anio rato pa e diewara nike pi saserai pasi pa, nari diavit siniotu vepaya jani papori vae? Joka manau pino, diadi so dieawara nie pi vepau pa pe ³⁰Teini niana rawa Ya va mamo, i me diomarova tutie Ya pana. I teini tutir Ya va mamo, ima ruran ine nanaripi pai pana.³¹Apavo itopa so mia toapa, esi nienari tatar e klevo kavo vesisiajara, amamo diadi siemuai ampon! ³²Mae dio kievo sisiajara Wainunu Sren pai mamo, ka sa sienuai ampon val Masi esi kievora vesasara pesa maso Siniotu Atu ne Yau, amamo diadi siemuai ampon, vape samuai kievo sisiajara Wainunu Sren pai mamo, ka sa siemuai ampon va nanapi dunia nini, veito dunia vera ea ma wai kota piva Albuo pai diete, vieruana ai ravo pai kota diete pia. (Narap Kia 5-43-45 po)³³"Ai ravo pesi diete mamo, nie buo pai kota diete. Mae airavo pesi kierina mamo, buo pai kota kieriria. Ai ravo pai diete pivai kieriria pa, tanduini nana pa buo pai ³⁴Siniotu vetatar ne mia, metatar tonine pa nan diadi mesuvir kavo vesie pesie? Aso siniotu pa sine kavo pasi, siveruana saneraro wal ³⁵Siniotu viate pai ma, siuvir kavo viate, aso joma diete pana. Mae, siniotu vekariria pai ma, siuvir kavo vekariria, aso jorna kieriria pana.³⁶Apavo itopa so mia, nana raria dunia nei kieriria wa mamo, siniotu pa siri-siri nari ruara nie kavo sararidioi kievora pasi. ³⁷Aso matau mene kavo rabua nine menggavora pasi, así nari siveruana membe sasara pa piva pa". Parisi pa sesau ve amamo, Jesus nienari pi tandor pesi pa. (Nanepi Markus 11-12 e Lukas 11-29-17 pe kota)³⁸Avori veve baba nana Torat pa esia tutir Partisi pa esia, sendama so Jesus e senggavo sol e setojo, 'Guru, amasanemi vesie nuenari pitandor pesie arnasayori. ³⁹Amana Jesus kievo so sia e diojo, Kaiwasa rabua nine si sitatar e singanggau warirasi veja. Apavo mesau ve inanari pi tandore? Kasa inanari pi tandor pesi maso mia va, mae pi tandor nanapi nabi Yunus pai mamo? ⁴⁰Junusi niana dia pimasa pai saneraro pa raria toru e diru toru pa. Toapa jana kota, nari Siniotu Atu ne Yau inana kakopa nei sane raro wa raria toru e diru toru.⁴¹Nanapi raria dunia nei kieriria pa mamo, kaiwasa venana Kota Ninewe pa sia, nari sesobata sia ariri saksi e setoisara mene kaiwasa nei nie sasara pasi. Aso rabua Yunus pieduar sia nanapi Sien nie Kavo pai pa, sembe tobat e sesovera so Sien Allah e sembavur sene tenam vekariria pasi Vape rabua nine, venana nini, i ma bieba rawal nanapi Yunus, (andina Yau).⁴²Nana raria dunia nei kieriria pa mamo, Raja Vavi Sieba pai, nari siobatai aniri saksi e dioisara kaiwasa nini nie sasara pai. Aso ria nanapi uta viaworoi ma, ave amamo diediawa raja Salomo nie pande pai. Vape rabua nine venana nini, i ma bieba rawai nanapi raja Salomo, (andina Yau)

Wainunu vekariria pai sioverai p (Nanepa Laikas 11 24-26 por kota)

⁴³"Wainunu vekariria pai suvi vurusu siniotu pesi mamo, ria warira uta vesanaya, ave siesera uta mienau marior nana, vape siemuai va ⁴⁴Apavo kievore diojo, Nari isovera so anio ivavur to manau wai, ria soa to manau mana, anio pai viereri e kiekavir e viero kaena ⁴⁵Apa ria kior wainunu vevesiei vinggariria rawal nana pa rimemuandu. Janama sesu so siniotu pai e semasoi nana i. Apa siniotu pai dinggariria rawai retena pa. Apavo nari vava toapana kota maso karwasa vetatar rabua nine sia".

Jesus siniani tutir Jesus neta katu pa sia (Nanaps Marlus 331-35 e Lukas 8:19-21 pai kotal)

⁴⁶Jesus andia kievo tutir kaiwasa pai rami e, siniani tutir neta katu pa sia, senda ma soi. Setosa na vorira wa e setojo ave amamo senggavo tutini. ⁴⁷Kaiwasa vesorum pa sia esi, kievo so Jesus e diojo, "Guru, siniamui tutir nemeta katu asia sena vorira wa. Seto senggavo tutir Au."⁴⁸Amana Jesus kievo so sia e diojo. "Sinia pai teinae, neta katu pasia tei sia? ⁴⁹Avori disatuir siniotu verausari pa sia e diojo: "Sinia pai tutir neta katu pa sia nine. ⁵⁰Siniotu venanari ariri Yai venana rora pai nie sane vesie pai pa sia, asia neta katu pa siana' raruo vavi pa sia na. E sinia pai na."

Kavo sora tarawa nanapi siniotu vetetapa pi mor pai (Nanapi Markus 4:1-9 Lukas 24 par kotal)

¹Nanapi raria jani kota, Jesus suvi nana anio pai e ria so ruru pai dere pa e miesoi na jana. ²Apa kaiwasa pa sepau sesorum wawarir Jesus, apavo Jesus ria sia e dievoi na wa pai, mae kaiwasa vesorum pa sia setosa na sasi dere pa.³Avori Jesus dieniau sia nana kavo pa pau, tiopanasi nanapi kavo sora tarawa. Apavo Jesus kievo toapa nine e diojo. Siniotu viono romi pesi, ria tiotapa pi mor pai. ⁴Tietapa pi mor pai pa, esasi sitawa na ria pai. Apa aya pasi sirama sian pi mor pasi to sikai. ⁵Esasi kota sitawa na uta veve rovuki, veve kakopa mo va. Apavo pi mor pasi sawawarae sitipu, aso kakopa pai mienis pa na. ⁶Vape wor pai sia to manau mana, tuba pa simaninu e simasa, aso war pasi siravav so dou wa va pa na.⁷Pi mor pa esasi kota sitawa nana samue veve waisina pasi. Apavo samue veve waisina pasi sisop tup asi veito sivoru. ⁸Vape pi mor pa esasi kota, sitawa na kakopa viate, apavo sive buo, esasi ma sine pau pa rawai nanapi utin siri, esasi ma sine pau pa rawai nanapi soniotu toru, e esasi kota ma sine pau pa rawal nanapi siniotu siri e sura". ⁹Jesus tiopa kavo sora tarawa pai to manau pa, kievore diojo. "Teini vie taradiau mamo, diediawa".

Aso vitopi Jesus kievo nanapi kavo sora tarawa pa. (Nanapi Markın 4 10 12 e Lukas 9-10 pai kota)

¹⁰Manau pa janama Jesus nie murit pa sia sendama setutani e setojo, "Guru, aso vitopi kuevo so kaiwasa pai mamo, kuevo nanapi kavo sora tarawa pa? ¹¹Amana Jesus kievo so siae diojo, Aso mia ma mesamuai aniau to manau so menduin ariri Sien Allah nie vava vianiwa pai pa, mae sia ma piva. ¹²Aso siniotu vesamuai to manau pai ma, nari viono soi to pau rawai ea, e ima nari riewai. Mae siniotu vesamuai piesa va pai, katu venana i pa, nari kor vurusu i.¹³Apa joma ikavo so kaiwasa vepau mamo, ikavo nanapi kavo sora tarawa pa, aso sesajo, vape buomasi siniotu vesajo va; setadiawa, vape buomasi siniotu viadiawa va e veruin va. ¹⁴Toapa jana ve imasi tutir nabi Yesaya nie arer pa, toapa, Sien Allah kievore diojo.'¹⁵Nari metadiawa vape sa menduin va; Nari metaduata vape sa mesajo va. Aso siniotu nine sia, sesanemi raro nesi situp to manau, sene taradiau nesi sipoya e sendemi nesi sitakumu to manau. Ave amamo sendemi nesi sisajo vape moja, sene taradiau nesi siediawa vape moja, sene sanepaya nesi siruin vape moja, e sesovera so Ya vape moja, aso jonae sepanaam pe.'¹⁶Avori Jesus kievo so nie murit pa sia e diojo, "Vape mia ma vesie tawal, aso mendemi pa sisayo e mene taradiau pasi siediawa pa. ¹⁷Aso itopa do mia, nabi pa sepau, e siniotu vesanemitiar Sien Allah pa sia, sesoremisisu sesajo pi rabua nine mesajora ne, vape setisajo samuai va. Sesoremisisu setadiawa pi rabua nine metadiawa ne, vape setitadiawa samuai va.''

Jesus tiopa veruana kavo soratarawa nanapi siniotu vetetapa pi mor pai, nie tarai pai. (Nanapi Markus 4:13-20, e Lukas 8-11-15 pai kota)

¹⁸Jesus kievore diojo, "Metadiawa kavo soratarawa nanapi siniotu vetetapa pi mor pai, nie tarai pai toapa nine. ¹⁹Pi mor vetau nanapi ria pai, i ma vieva ariri siniotu viadiawa Sien Allah nie Kavo pai tutir nie Kerajaan pai, vape senganggawi. Janama Bilis pai riama diewara kavo vetetapa nana sesanemiraro pasi.²⁰Pi mor vetawa nana uta veve rovuki pai i ma miesi ariri siniotu viadiawa Sien nie kavo pai pa sia, e sembe trima i tutir sane vesasie. ²¹Vape Kavo pai vie war nana sesanemi raro pasi va, apa vo sivata mana worol va. Apavo setera susa, pivai kariria pesa, aso Sien nie kavo pai pa, amamo setisisui sia.²²Mae pi mor vetawa nana samue veve waisina pasi, i ma miesi ariri siniotu viadiawa Sien nie Kavo pai pa sia, vape aso sesanemi sasera sia so sene tenam pai, e sesanemi vei so rar dunia pai. Apavo Sien Allah nie Kavo pai kiepatawana nana sesanemi raro pasi, apavo vie buo va. ²³E pi mor vetawa nana kakopa viate pai ma, miesi arii siniotu viadiawa Sien nie Kavo Vesie pai e vesanemi pai usara to vesie pa sia. Siama sembe buo to pau, esia ma sembe buo to rawai na utin siri, esia ma rawal na siniotu toru, e esia ma rawai na siniotu sin e sura. Kavo soratarwa nanapi didiwai vetipu sesiorana padi pai.²⁴Jesus kievo nanapi kavo sora tarawa pesi ea, maso kaiwasa pai e diojo, "Sien Allah nie Kerajaan pai ma, vieva ariri kavo soratarawa nini, Siniotu vio romi pesi, tiotapa padi mor pai nana nie romi pai ²⁵Diru pesi ninama, kaivasa pai diena vura, apavo siniotu sumbe marova pai, diondama tietapa didiwai mor pai sesiorana padi mor pat e dionda. ²⁶Janama padi pai tipu to manau e vie arawa mana, didiwai pai kota vieruana.²⁷Avori vene romi pai, nie siniotu venanaripi usari pa sia, senda ma so vene romi pai e setojo, Tuani yokama tuana pi mor viate nina nana nomu romi wai mana? Toane vori didiwai pai tipu nana wana kota pa? ²⁸Amana Tuan vene romi pai kievore diojo, "Siniotu vio viono marova tutir ya pai nienan pi wana. Apavo siniotu venanaripi usari pa sia, setutani e setojo, Tuani, sanevesie amanda amapati didiwai pai e?'²⁹Amana Tuan vene romi pai diojo, Moja, aso mepati didiwai pai mamo, nari padi pai kota tiepati. ³⁰Apapvo didiwai pai ria viata e tipu tutir padi pai veito raria diema pai. Nari itopa so siniotu viema pa sia, toapa, Mesoruir didiwai pai papori, e memborasi e sive bora, avori menggair si. Manau voi janama, mesoruir padi pai e mepir nanari na gudan pai."'''

Kavo soratarawa nanapi sesawi mor pai, (Naragi Markus 4-30-32, e Lukas 13-18-19 par kota)

³¹Jesus tiopan kavo soratarawa pesi ea maso kaiwasa pai e diojo, Sien Allah nie Kerjaan pai vieva ariri kavo soratarawa nini: "Siniotu pesi kior sesawi mor pesi, e tianami nana nie romi pai ³²Sesawi mor pai ma, pi mor vemadia mo paina. Vape tipu to manau mamo, mieriewa rawai rau esi pasi vura. Vie ravo, apavo aya pasi sirama siono karai nanapi arawa pasi."

Kavo soratarawa nanapi mur pai. (Ninapi Lukas 13:20-21 pa kuta)

³³Jesus tiopanusara kavo soratarawa vevesiel pesi ea maso kaiwasa pai topa nine. Sien Allah nie Kerajaan pai ma, vieva ariri mur, e vavi pesi kiori a tietiovari tutir terigu pa kilo siniotu muandu, veitoro siasan e sia".

Aso vitopi Jesus kievo nanapi kavo soratarawa pa (Narapi Markas 4:33-34 puikota)

³⁴Vura e Jesus tiopanasi maso kaiwasa pai nanapi kavo soratarawa. ³⁵Toapa janave masi tutir nabi pai kievo pa, toapa, "Ikavo maso sia, nanapi kavo soratarawa; nari itopanusara pi vianiwara nanapi dunia nei retena vieva pa".

Kavo soratarawa nana didiwai vetipu sesiorana padi pai, nie tarai pai.

³⁶Manau pa janama Jesus vievu vurusu kaiwasa pai, e suapui so anio pesi. Avori nie murit pa sendama so i, e setojo, "Ite tuopa veruana kavo soratarawa nanapi, didiwai vetipu sesiorana padi pai nie tarai pai maso ama". ³⁷Apa Jesus kievore diajo, Siniotu vetetapa pi Siniotu Atu ne Yau. mor pai, andi ³⁸Romi pai ma dunia nei andina. Pi mor viate pai ma, kaiwasa vesu nanapi Sien Allah nie Kerajaan pai to manau pa siana. Didiwai pai ma, kaiwasa verausara Bilis pa siana. ³⁹Siniotu vetana didiwai pai ma, Bilis pai na. Raria dunia nei kieriria pa. E kaiwasa viena pai ma, Malaekat pa sia na.⁴⁰Apavo, ariri didiwai pai tiam ruira e kiair nana adia pai pa, toapana kota nana raria dunia nei kieriria pa. ⁴¹Siniatu Atu ne Yau, nari Yemias ine Malaikat pa sia, e senduir siniatu vevediajara e kaiwasa nienari tatar pa sia, sesiorana ine kaiwasa pai, tutir siniotu esi venanari kariria pa sia vura. ⁴²Nari sengge sia vura susa adia tarai veveviar pai; nari sesai e setamuaus nana wana. ⁴³Mae kaiwasa venanari ariri Sien Allah nie sane vesie pai pa si ma, nari setisanggapara arini wor pai, nanapi setamami pai, Sien Allah, nie dunia vavoru pai. Apavo, membe taradiau mamo, metadiawi".

Kavo soratarawa nanapi rar vetup nana kakopa raro pai.

⁴⁴"Sien Allah nie Kerajaan pai ma nie vava pa ariri kavo soratarawa nini Setup rar pesi nana kakopa wa, apa siniotu pesi siemuat apa tupi riwanea na kakopa wa. Avori sane pa vesie pa, ria viova nie pivepau pa vura, janama sioverai e viori kakopa pai".

Kavo soratarawa nanapi mutiara viate rawai pai

⁴⁵Sien Allah nie Kerajaan pai nie vava pa ariri kavo soratarawa nini: Siniotu vera e vevova pi pesi, siesera mutiara veve harga to rawai pasi. ⁴⁶Apa siemuai mutiara viate rawai mo pesi, apa sawawara e ria viova nie pivepau pasi vura, janama viori mutiara siri jani."

Kavo soratarawa nanapi sera pai

⁴⁷Sien Allah nie Kerajaan pai ma, vieva ariri sera senggea e viavoi na dorau. Apavo sier dia saserai vura. ⁴⁸Sera pai dionu to manau pa, siniotu vemun sera pa sia, sesarap sera pai arei so sasi dere pa. Avori semasoi e setiri dia pasi; dia viate pasi sesubat si susa kabesu, e vekariria pasi ma senggeasi.⁴⁹Toapa jana kota, nanapi raria dunia nei kieriria pa mamo, Malaikat pa sia, sendama sepowasa siniotu vetatar pa sia vurusu siniotu venanari ariri Sien Allah nie sane vesie pai pa sia ⁵⁰Janama siniotu vetatar pa sia ma, sengge sia susa adia tarai veveviar pai. Nari sesai e setoran sederemi nana wana.

Pivavoru tutir pi tawa,

⁵¹Yesus dutan sia e diojo; "Menduinasi vura to? Apa senduar e setojo; "Maite, amanduinasi ato ⁵²Avori Jesus kievo so sia e diojo; Apa joma veve baba nana torat pesi vie murit so Ya to manau mamo, i ma vieva ariri tuan vene anio e vesuvir pi vavoru e pi tawa, nanapi nie andiraro dipir rar pai".

Kaiwasa Nazaret pa sia setoi irara Jesus pa(Nanapi Markus 6:1-6, e Lukas 4:16-30 pai kota)

⁵³Jesus tiopanusara kavo soratarawa nine si vura to manau pa, suvi nanapi uta jana.⁵⁴e siovera so matau nie aniose pa. Niana wana pa ria e dieniau kaiwasa pai na anio ari pasi, apa kaiwasa viadiawa pa sia, senggavo usara vesiri. Senggavore setojo, "Siniotu nei diosamuai pande vetoapa nini nana topina. E siemuai paya na topina so dinanari pi tandor pa. ⁵⁵Jokama tukang kayu atu nina mana? Jokama siniani ni Mariai e neta katu pa sia, Yakobus e Yusupi e Simoni e Yudasi e, sia mana? ⁵⁶Jokama raruo vavi pa siaja na nine kota mana? Pi wasi vura ma diosamuaisi na topina?''⁵⁷Apa kaiwasa pai vura, setoi irara Jesus. Apa Jesus kievo so sia e diojo, "Nabi pasi, nana uta vura setatuani, mae nanapi matauni nie uta pivai nie aniose raro ma piva. ⁵⁸Apavo Jesus nienari pi tandor pesasie pau nanapi uta jana va, aso sesanemitiar va pana.

14¹Nanapi rabua Herodes vie Raja nana Galilea pa, diediawa Jesus vie sano pa. ²Apa Herodes kievo so nie veve baba pasia e diojo: "Yohanes viono Kambu Sren paina, andi tienam riwanea ne: Apa joma siemuai paya so dinanari pi tandor pa."

Yohanes viono Kambu Sren pai nie voru pai. (Namapi Markus 6:14-29, e Lukas 9:7-9 puikota)

³Aso papo pa Herodes diemias e setapur Yohanes e setaviti e senggovari na bui pai. Herodes nienari towana pa ma, aso joma sane kariria matau neta katu Pilipus vinie pai, Herodias pana. ⁴Apavo Yohanes kievo tonine so Herodes e diojo: "Sa ruaut Herodias va". ⁵Apavo tindi mo mamo, Herodes dio mun Yohanes, vape mietai kaiwasa pai, aso kaiwasa pai ruin toapa, Yohanes ma nabi nina pana.⁶Nanapi raria Herodes nienari nie pesta raria diadi pai pa, Herodias atu vavi pai, ria miejai tarian nana kaiwasa vesorum pa sia sendaromi po pasi. Apa nie majai tarian pasi siono sanevesieni vesiri, maso Herodes, ⁷Veito Herodes d ierer tutir sawora soi toapa, pi vito vea, siau mamo, nari diono so I.⁸Apavo, siniani (Herodias) dieniauwi to manau pavo, atu vavi pai kievo so Herodes e diojo; "Isau Yohanes viono Kambu Sren pai ru pai, vetini nanapi baki pesi e diono maso yau nanapi diam nini kota". ⁹Herodes diediawa vavinggatu nei nie sau ne pa, sane raro pa ve susa vesiri, vape aso siawora to manaue kaiwasa vesorum pai vura diediawa pavo, vie prenta e senanari ariri vavinggatu pai nie sau pa.¹⁰Apa diemias e senda so bui pai e sepera tuwa Yohanes ru pai. ¹¹Janama Yohanes ru pai setini nana baki pai e senggori apui setonia so vavinggatu pai. Avori vavinggatu pai kioria so siniani. ¹²Janama Yohanes nie murit pa sia, senda senggor Yohanes nie tarai vevoru pai e sepiri na papi pai. Avori senda setopa veruana kavo ne so Jesus.

Jesus dieum kaiwasa siaran rim pa sia pa. (Narupi Markus 6:30-44 Lukas 9:10-17, Yohanes 61-4 pai kota)

¹³Yesus diediawa kavo pa to manau pa, (so Yohanes vioru pa) apa sia so wa pa e suvi vurusu uta jana e ria so uta veseya pesa. Vape kaiwasa pai diediawa i pa, sesuvi vurusu sene anio pasi e senda usara Jesus, nanapi ria vera na dorei. ¹⁴Jesus viar na wa pa mana. Siejo kaiwasa pai pa, sanepai sia. Apa dionae kaiwasa vepota pa sepanaam.¹⁵Ravinena pa mana, nie murit pa senda ma so i, e senggavo so i e setojo, "Ravinena to manau e uta vetaitu pina. Vesie pa buemias kaiwasa nei e vievu, ave amamo sembori pi setan nana Desa pasi."¹⁷¹⁶Amana Jesus kievo so sia e diojo, "Senda vape moja, mia metaum sia". 17. Amana Jesus nie murit pa sia senggavo soi e setojo, "Amane roti ne rim e dia ne muandu vea". ¹⁸Apa Jesus diojo; "Menggosi ma"¹⁹Janama diemias kaiwasa pai e, miesoi nana samue pa. Manau pa kior roti rima pasi tutir dia muandua pa sandu, avori siejo sasana so rora wa e siau berkat nanapi Sien Allah. Manau pa piosasavu roti pasi nana vara pasi e dionasi so nie murit pa sia, ave sembov si so kaiwasa pai. ²⁰Sia vura setapi veito semosir. Manau pa Jesus nie murit pa sia, senduir pisia tamua pasi, apa bade pa suaraemuandu sionu. ²¹Siniotu viapi na diam yasia sepau pa nari mua veiveae sembe siaran rim, mae vavi e atuma e, siama aya viator sia varami.

Jesus riasasani nana kambu vavo pa pa. (Nanapi Markus 645 52 e Yahya 6:15-21 pai kota)

²²Manau na yana pa Jesus diemias nie murit pa sia e sesa so wa pai e sembo papo avaru so ruru pai rawesi wa, mae diemias karwasa pai e vievu. ²³Kaiwasa pai vievu to manau pa yanama Jesus miesari diauta ayai so suovavo pesa e dio vie nadi, Idirua pa Jesus miesari nana uta yana. ²⁴Mae Jesus nie murit pa sia ma, sembo nana wa pai arau so ruru pai rabua pa to manau. Avori wana pesi sio sun sia. Apa bata pasi sibaba pavo, sike wa pai a sikei ma.²⁵Deriasi sasa vava pa mana, Jesus ria nana kambu vavo pa maso sia pa. ²⁶Nie murit pa sia sesajo ria nana kambu vavo pa maso sia pa, setandor e sematai veito setananar e setojo; "Wori nina". ²⁷Amana Jesus kievo so siae diojo: "Metandor va, Ya nine. Menatai vape moja.''²⁸Apa Petrusi kievo so Jesus e dioyo; "Jesus, au na ve vata mo mamo, buemias e irasasana ya nana kambu vavo ne matu so Au." ²⁹Apa Jesus kievo soi e dioyo, "Rua vei ma". Ineri Petrusi viar na wa pai. ³⁰Amana Petrus siejo wana pai sio to bieba veya nana ruru pai pavo, mietai e dio dimarutua. Apa dienanar e diojo; "Sie panau sanepai yau, (aso imarutu pe),³¹Apa sawawarae Jesus dieka asoi e tiepu tawani e dinggavo so i e diojo; *Petrus, Petrus, auya sanetiar mo varami. Buotopi sane tura Ya pa? ³²Janama susayai so wa pai e wana pai dimarina. ³³Apa Jesus nie murit pa sia, setatuan e sesom i, e setojo; "Vata mo e Sien, Au ma Allah Atu ni Au!"

Jesus dion panaam so kaiwasa vepota venanapi uta Genasaret pa sia pa. (Nanapi Markus 6:53-56 pai kota)

³⁴Sendavaru so ruru pai rawesi wa pa, sesirieu nana Kota Genasaret. ³⁵Apavo kaiwasa venana uta ja sia, sesajo riruin Jesus, apa setopa e masiepar usara uta pasi vura, nana kota jani. Avori senggor kaiwasa ³⁶vepota pasia so Jesus. E sesau so Jesus, ave amamo setaka buasa nie sasu juba pai sope pa vea. Apa kaiwasa vieka buasa pa sia sepanaam vura.

Yahudi pa sene buai tawawari pasi. (Nanapi Markus 7:1-13 pai kota)

¹Raria pesi pa, siniotu Parisi pa esia tutir veve baba na Torat pa esia, senda na Yerusalern ma so Jesus. Setatuani e setojo; ²"Aso vitopi nomu murit pa sia sendawain tatapumi pa sia sene buai tawawari pasi pa? Setapi mamo, senduasa sembarami pasi papo va, ariri atoran pasi". ³Amana Jesus kievo so sia e diojo: "E aso vitopi mia kota mendawain Sien Allah nie Prenta pasi, e menda ariri metapumi pa sene buai tawawari pasi vea pa?⁴Aso Sien Allah dioja e diojo, "Tuetuan tamamui siniamui sandu, e teini piorasa tamani siniani sandu mamo, siemuai hukuman voru. ⁵Vape mia ma metotaniau e metojo; masi esi kievo so nie baba pa sia e diojo; pipi yo jona so jai-mai mandu pasi, jonasi ve pi som so Sien Allah to manau pa. ⁶Apavo siniotu jani sa tietuana nie baba pasi ariria ea va. Apavo metapumi pa sene buai tawawari pasi, sirer Sien Allah nie Kavo pai.⁷Siniotu matau viojo veve sren vedia mia' tindi vesiri ariri nabi Yesayai nie kavo arer kievora e ter mia pai toapa, ⁸Sien Allah kievo toapa nine: Kaiwasa nini ma siom Ya nana sore vea, vape sesanemi raro wasi ma sive kasau Yau. ⁹Sesom Ya saridioï vea, Aso aniau setopana pasi ma, atoran siniotu sina vea e buomasi ine atoran sina.'"

Pi vio madidi maso siniotu pasi pa. (Nanapi Markus 7:14-23 pal kota)

¹⁰Avori Jesus siau kaiwasa pai e kievo so sia e diojo, "Metadiawa, ave amamo menduina!" ¹¹Pi vesua nana siniotu sore pasi ma, siomadidi maso siniotu pasi va; vape pi vesuvi na siniotu sore pasi, siomadidi maso siniotu pasi pa.''¹²Janama Jesus nie murit pa sia sendama senggavo so i e setojo; "Avo ruina kavo kuevora vedia ono sane kasiouwi so kaiwasa Parisi wa sia pa to manaue ? ¹³Apa Jesus kievore diojo, "Pi tatana Yai vena rora wai tiana va pasi ma, nari sipokapuna. ¹⁴Menggavo usara siniotu Parisi ja sia va. Siama siniotu baba veremi kaber pa siana; e siniotu veremi kaber pası siedidin vera veremi kaber mamo, nari sandu vurae sutau susa kamberei."¹⁵Apa Petrus kievo so Jesus e diajo, "Ite tuopan ariri kavo sora-tarawa jani maso ama!" ¹⁶Amana Jesus kieva so i e diojo: "Apavo miaja menduin ariri kavo ne varanie? ¹⁷Mia ma menganggau pi vesua na sore pai, viar avav so sanewai pai e janama suvie kie nana kambai pai pae?¹⁸Mae pi vesuvi na sore pai ma, vieva nanapi sane raro wai; e andi diomadidi so siniotu pasi pa. ¹⁹Aso nanapi saneraro wal, siuvir sanepaya vekariria, vevediajarae vemun siniotu, venanari kavo, venanari kariria, viamanana pi, viawi tituwa, vekavor siniotu. ²⁰Pi vetoapa jasi, asi sivediajara e siniotu pa siomadidi pa, mae verois vevarami vae, viapi tutir vara veve rariai pasi pa ma piva.''

Vavi Kanaan pai nie sanetiar pai. (Nanapi Markus 7.24-30 pai kota)

²¹Manau pa janama Jesus suvi nanapi uta jana e ria so uta vederiasi Kota Tirus tutir Sidon pasi. ²²Apa vavi Kanaan pesi, nanapi uta jana, riama so Jesus e siau so i e diojo, "Dauti Atu pa nau, ka sanepai yau! Ine atuma vavi wai, pi sararidioi pa sira savui. E dimbe diadi va". ²³Vape Jesus dinduar kavo pesa so vavi pai va. Apavo nie murit pa sia sendama so i e setojo, "Buemias vavi nei e vievu. Ria e siewau usara tata nana tanggarumi nesi vea pa.''²⁴Apa Jesus kievo so vavi pai e diojo, "Isamuai amias ma soa pa, kaiwasa Israel nei vea, atapu maso vera sasara pa sia". ²⁵Amana vavi pai riama disan aebu pasi nanapi Yesus aropo pa, e kievore diojo, "Tuani ka sanepai yaul" ²⁶Apa Jesus kievo so i e diojo, "Atuma pa sene pisia pasi ma, sa tanggosi tanggeasi a so wona pasi va."²⁷Amana vavi pai kievo so Jesus e diojo; "Tuani ka ima vata, vape wona pasi kota sian pisia moma vetawa nanapi nie tuan pai, nie meja pai pasi". ²⁸Apa Jesus kievo so vavi pai e diojo, "Vata, vavi pa nau nomu sanetiar pai bieba vesiri! Pi vitopi suauwa pa, vediadi ariri vea so au". Apa nanapi diam jani kota e, vavi Kanaan pai atu vavi pai pienaam.

Jesus dion panaam maso kaiwasa pai pa

²⁹Manau pa Jesus suvi nanapi uta jana e ria rebasa ruru Galilea dere pa. Avori siayai so suovavo pesa e miesoi nana jana. ³⁰Apa kaiwasa pa senda so l, e senggor siniotu vera ae kapau, e veremi kaber e, veraemi marera e, vesoremi mumuya e, kaiwasa vepota esi pa sia. Sepir sia e sembata na Jesus aropo pa, avori Jesus dionae sepanaam. ³¹Apa kaiwasa vena ja sia, senggavo usara vesiri, aso sesajo vesoremí mumuja pa sia senggavore, vera e kapau pa senda to tindia e, veraemi marera pa senda to paya e, veremi kaber pa sesayo to vesie. Apa sesom sanandika kaiwasa Israel pa sene Sie pai

Jesus dieum kaiwasa siaran ata pa sia pa Nanapi (Markus 8:1-10 pai kota)

³²Avori Jesus siau nie murit pa sia e kievo so sia e diojo, "Isanemipal kaiwasa nei. Senda usara Ya raria toru to manau e, nine ma sembaro pisia ato Ikambarai Yemias sia e sembavu tutir sane vavisi, aso nari sendemi pa sisapuer na ria rabua wa". ³³Apa nie murit pa setutani e setojo; "Avori tasamual pisia maso kawasa boral nini toane, nanapi uta vetaitu nine?" ³⁴Apavo Jesus dutan sia e diojo; "Mae roti pa to asija na mia?" Amana murit pa setojo; "Rimemuandu e dia katu pa esasil" ³⁵Apa Jesus diemias kaiwasa pai e miesoi na kakopa wa. Avori kior roti rimemuandua pasi tutir dia pasi, avori siau berkat nanapi Sien Allah. Manau pa janama piotatepu roti pasi tutir dia pasi, nanapi vara pasi, avori dionasi so nie murit pa sia. E sembov si usara kalwasa pai.³⁶Avori kior roti rimemuandua pasi tutir dia pasi, avori siau berkat nanapi Sien Allah. Manau pa janama piotatepu roti pasi tutir dia pasi, nanapi vara pasi, avori dionasi so nie murit pa sia. E sembov si usara kalwasa pai. ³⁷Apa kaiwasa pai vura, setapi veito semosir. Manau pa janama Jesus nie murit pa sia senduir pisia tamua pasi, apa bakul rimernuandu sionu. ³⁸Kaiwasa viapi na diarn ja sia, sepau pa mua veivea e sembe siaran at, vavi e atuma e siama aja viator sia vararni. ³⁹Manau pa janama Jesus diemias kaiwasa pale vievu. Mae miesari sia so wa pesa e, vio so uta Magadan.

Siniotu Parisi pa sia sesau ve amamo Jesus nienari pi tandor pesiu pa (Nanapi Markus 11-13; e Lukas 12:54-56 par kota)

¹Avori siniotu Parisi pesia tutir Saduki pesia, sendama so Jesus, ave seto sesotour Sesau ve amamo nienari pi tandor pesi e vieruana toapa Jesus riama nanapi Sien Allah. ²Apa Jesus klevo so sia e diojo, ('Ravinena e arepa sive sianggono mamo menggavore metojo nari uta pai diete.'³Mae kausapa vavoru wae arepa wa sive sianggono e uta pai kiobura, menggavore metojo: 'Nari uta pai diete amamo menggavore metojo: 'Nari uta pai kieriria. Apavo mesajo riruin rora wai e metopan ariri uta pai vieva pa. Mae pitandor veveruana sien Allah nie Kerajaan pai dieriasi to manau nesi ma, menganggauwasi".) ⁴Kaiwasa rabua nine mia metatar e menganggauwarir mia veito kaririona vesiri. Mesau ve iveruana pi tandor. Sa iveruana pi tandor pesi so mia va. Mae pi tandor veve diadi to manau so nabi Yunus pai pa ma", Jesus kievo so sia toapa jana, manau pa suvie ria.

Siniotu Parisi pa sia tutir Saduki pa sia sene kavo aniau pasi, (Nanapi Markus 8.14-21 pai kota)

⁵Jesus nie murit pa sia sembo a so rurupai rawesi wa, avori sesanemi pai so Separo senggor roti pa. ⁶Janama Jesus kievo so sia e diojo, "Mesanemipai to vesie mo, aso siniotu Parisi e Saduki e, sene ragi pasi (Ragi pai ma ai rawi vinanari roti, ave amamo roti pa sisa pa".) ⁷Murit pa setadiawa Jesus kievo tonine pa, senggavo vavera na sia e setojo, "Kievo towana pa ma, aso tanggor roti va pana'' ⁸Jesus ruin senggavo tonine pa. Apa kievo so sia e diojo, "Aso vitopi menggavo usara varo roti pa? Aja mesanemitiar Ya mo varami?⁹Aja menduin varamie? Apavo mesanemipai tawana roti rim pasi, ipotatepuasi so kaiwasa siaran rima pa sia pa vae? E roti tamua menduira pasi bade toi? ¹⁰Avori toane tutir roti rimemuandua pasi so kaiwasa siaran ata pa sia. Tamua menduira pai pa bade toi?¹¹Aso vitopi mwnganggau ikavo pa pa. Toapa Ya ma ikavo so mia nanapi roti va. Ya ma ikavo so mia toapa mesanemipai to vesie, aso siniotu Parisi pa sia tutir Saduki pa sia, sene kavo aniau pasi. ¹²Janama murit pa senduin toapa, Jesus kievo so sia ve sesanemipai to vesie aso ragi vinanari roti pai va, vape aso siniotu Parisi pa sia tutir Saduki pa sia, sene kavo aniau pasi.

Petrus ruara Jesus ve Allah Atu pa. (Nana Markus 8:27-30, e Lukas 9:18-21 pai kota)

¹³Jesus ria so uta vena siwara Kota Kaisarea Pilipi pasi. Avori duta nie murit pa sia e diojo, "Avo kaiwasa nei diotojo: "Ya ma teini Yau? ¹⁴Amana nie murit pa setojo; "Esia ma setojo Yohanes viono Kambu Sren pai ni Au. Esia kota setojo Elia ni Au. Esia ea ma setojo, Yeremia ni Au, pivai nabi pa sia esi ni Au". ¹⁵Avori Jesus duta sia ea, "Mae maso matau mia mamo, metotojo teini Yau?" ¹⁶Apa Petrus ruar so i e diojo, "Au ma Raja vekor Slamat pai ni Au, Allah Atu vetenam pai ni Au!"¹⁷Apa Jesus kievo so Petrus e diojo, "Simon, Yonai atu panau, vesie vesiri maso au; Aso siniotu pasi sitopan kavo nine so au va, vape i ma Yai venana rora wai ¹⁸Apavo itopa so Petrus au, rovuki vepaya pai ni au. E nanapi rovuki visasiara nini vavo pai pino, ivaun ine gereja nei e diosa sasani nana pe. E sa esi dimburi va, voru pai kota sa piva.¹⁹Nari jono Sien Allah nie Dunia vavoru pai nie kunci pai maso au. E vitopi buavitawana nana dunia nei vavone pa, nari avitawana nana rorawa kota. Mae vitopi rueku nana dunia nei vavone pa, nari mareku nana rorawa kota". ²⁰Janama Jesus dierer so nie murit pa sia, ave amamo setopanusara so esi vesiei ea vape moja, toapa Jesus ma Raja Vekor Slamat paina. Jesus kievo nanapi kariria nari veter I pai tutir nie voru pai pa.

(Nana Markus 8:31-9:1; e Lukas 9.22-27 pai kota)

²¹Nanapi raria jani, avori Jesus tiopa sivua so nie murit pa sia toapa, nari ria so Yerusalem e tiera kariria pa pau nana veve baba pa sia, e imam pa sia tutir veve baba na Torat pa sia. Nari semuni, vape nanapi raria veve toru pai mamo, siobatai riwanea. ²²Apa Petrus sierap irara Jesus tara dere pa e kievo panesi e diajo: "Sie pa nau, isau e Syen Allah tierir kavo nine vurusu Au. Ave amamo kavo nine tera Au vape moja!" ²³Amana Jesus mienawer vori kievo so Petrus e diojo: "Rua vurusu nine, Sietan, au ma buo suo tituwa Yau. Nomu sanepaya vediani ma sanepaya siniotu; ima sanepaya na Sien Allah va.''²⁴Avori Jesus kievo so nie murit pa sia e diojo; "Esi dio ria usara Ya mamo, tiawa irara matau nie soresisua pai e sieriowa nie aitabat pai e dinda usara Yau. ²⁵Aso teini siesera vei so tienam pa, (e kiembarai vie murit so Yau) amamo sa siemuai tenam (viaworoi) pai va. Vape teini viov nie tenam pai, (aso vie murit) so Ya pa, amamo nari siemuai tenam viaworoi pai. ²⁶Guna va vesiri so siniotu pesi nie dunia nei vetutira pa, vape siemuai tenam (viaworoi) pai va pa. Aso tenarm (viaworoi) pai ma, sa esi diono piesa e dimbe vori va?²⁷Worabua va so Siniotu Atu ne Yau, tutir ine Malaikat pa sia, nari amandama tutuir Yai Nie Paya pai. Nanapi raria jani, nari Ivait siniotu pa siri-siri, ariri nie pi nienari pasi. ²⁸Itopa so mia, siniotu nine mia esia ma sa semboru varami, veitoro sesajo Siniotu Atu ne Yau, so Irama ariri Raja pa."

Jesus vieruani nanapi nie rurawa Sie pai pa. (Nana Markus 9:2-13 e Lukas 9:28-36 pai kota)

¹Kara raria rimesiri, avori Jesus kior Petrus e Yakobus tutir neta katu Yohanes, e semesari senda setauta ayai so wi vetariai pesi. ²Avori Jesus riwa nie vava pa na sendemi pasi; apa re pasi sisanggapara ariri wor pai, e nie sasu pai miemara e bierbera.³Avori nie murit pa setoru sesayo Musai tutir Elia, sunggavo tutir Jesus pa. ⁴Apa Petrus kievo so Jesus e diojo; "Sie panau, vesie vesiri so ama nana uta nine pa. Muayar mamo nari ikena anio pa toru na nine, siri so Sie panau e, siri so Musai e siri so Elia."⁵Petrus andia kievo rami e, arepa vemamara pesi, riama tievun sia, e setadiawa raopui pesi kievo na arepa pai raro pa e diojo: "Ine Atuma isanemipaya pai nine, andi dio sanevesieni maso Ya pa. Metadiawa-I". ⁶Jesus nie murit pa setadiawa raopui nini pa, sematai veito setawa avav so kakopa wa. ⁷Amana Jesus riama diekaaso sia e diojo; "Metosa, mematai va!" ⁸Sesasana sendemi pasi e sesayo mana, setisayo esi ea va, e sesayo Jesus miesari vea.⁹Janama sembiar na wi pai avav pa, Jesus diono kavo sanepaya so sia e diojo; "Sa metopanusara kavo erine mesayora pasi so esi va, nanapi Siniotu Atune aya isobata Ya vurusu voru pai varami pa". ¹⁰Apa murit pa setutan Jesus e setojo, "Aso vitopi veve baba na Torat pa sia senggavo toapa, nari Elia ni ria papoma pa?''¹¹Amana Jesus ruar so sia e diojo; "Maite, Elia ria ma e nari dion ariri pi vura e simasi. ¹²Vape itopa so mia, Elia ria ma to manau, vape kaiwasa sieyo riruin i va, setoni sararidioi ariri sene mayar vea. Apavo nari senanari toa pana kota maso Siniotu Atu ne Yau". ¹³Janama murit pa senduin toapa, Jesus kievo nanapi Yohanes vion Kambu Sren pai.

Jesus diona e atuma vetera wainunu vekariria pai pienaam pia. (Markus 9:14-29 Lukas 9:37-43 pa kota)

¹⁴Jesus tutir nie murit pa sia, sesovera ea maso kaiwasa pai. Apa siniotu pesi ria ma, disan aebu pasi nana Jesus aropo pa, ¹⁵avori kievo so Jesus e dioja: "Sie panau, ka sanepai ine atuma wai. Sio ve wonggei. Apavo pota wani sia so i to rawai mamo, tiau susa adia, pivai tiau susa kambu. ¹⁶Ikari so nomu murit pa sia to manau, vape diadi so setona e pienaam va."¹⁷Apa Jesus kievo so murit pa sia e diojo: "Vata vesirie pi-pa mia kota! Vatae miama siniotu vetatar e, visanemitiar va pa miana. Nari Ina tutir mia e itituwa mia veito raria tonina? Menggor atuma pai ma". ¹⁸Janama Jesus diemias wainunu vekariria venana atuma pale suvi. Apa wainunu vekariria pai suvi e atuma pai pienaam nana diam jani kota.¹⁹Janama murit pasia sendama so Jesus, e setutani na semesari pa e setojo; *aso vitopi diadi so amatatavar sietan pai va pa?" ²⁰Amana Jesus ruar sia e diayo; "Aso mensanemitiar mo vapana. Mesanemipaya: Mene sanetiar pasi sibaba e simasi sesawi mor pai vea, amamo diadi menggavo so wi pesie metoyo: "Rua vurusu ninea so wana!" amamo ariria, wi pai nari ria vurusua. Pi vura diadi menanarisi kota. ²¹Vape wainunu vekariria vetoapa ninesi ma, diadi tatatavarsie sisuvi nanapi nadi tutir puasa vea".

Jesus kievo riwanea nanapi Nie voru pai pa (Mrk. 9:30-31; Luk. 9:43b-45)

²²Nana rabua Jesus tutir nie murit pa sia senduir na uta Galilea pa, Jesus kievo so siae dioyo: 'Woroi va so, Siniotu Atune Yau, sembovo Ya so siniotu vara pa. ²³Nari semun Yau, vape nanapi raria veve torua pai mano, nari isobata Yau". Apa Jesus nie murit pa sia, sesanemi pa sikariria vesiri.

Vevait pajak so Anio. Allah.pai.pa

²⁴Nana Jesus tutir nie murit pa sia, sendama so uta Kapernaum pa, siniotu vera e veruir pipi pajak so Anio Allah pa sia, sendama so Petrus e setutanie setoyo, "Nomu Guru pai viait pajak so Anio Allah pai te pivale? ²⁵Apa Petrusi ruar e dioyo; "Viait!" janama Petrusi vievu ra pa, Jesus diuta soponi papo e dioyo, "Simon, avo buosanemipai toane? Teini nari viait pajak so raja dunia ne sia? Rayat pai te, siniotu vera ve wasa pa sie?''²⁶Amana Petrusi ruar e dioyo, "Siniotu vera ve wasa pasi". Apa Jesus dioyo, "Toapa jana mamo, rayat pai ma viait vape moja! ²⁷Vape, moja, aso tatonae sesanemiraro pasi simandiu pe! Apavo, rua so ruru wai e tuetapa. Kuor dia retena puot pai. Aso nanapi dia wai sore raro wai ma, nari suemuai pipi vemasi maso tune pajak pai. Kuor pipi janie bimbait sia, aso tune pajak so Anio Sie pai."

Teini bieba rawai pa. (Markus 9:33-37; Luas 9:46-48)

¹Nanapi rabua jana, Jesus nie murit pa senda ma so I, e setutani e setoyo: Nanapi Sien Allah nie kaiwasa pai mamo, nari teini bieba rawai. ²Apa Jesus siau atuma katu pesi, e dionie diosa na sene kasau rabua pa. ³Avori kievo so sia e dioyo: "Itopa so mia, vata mo, mendiwa mia e membava ariri atuma katu, amamo nari membe kaiwasa so Sien Allah.⁴Mae teini tiawani na dou, e vieva ariri atuma katu nini, amamo nanapi Sien Allah nie kaiwasa pai mamo, andi nari bieba rawai. ⁵E teini vie trima atuma katu vetoapa nini, nanapi sanone, amamo ima vie trima Ya pana".

Pi vevediayarae siniotu pa sinanari tatar pa. (Markus 9:42-48, Lukas 17:1-2)

⁶Teini viediayara e siniotu vemadia nine sia esi sanetiar Yau ea va marmo, vesie pa rovuki pimasa pesi kiesie nana rao pa e, kiea na rawana vekarija wa.⁷Dunia nei dinggariria vesiri so pi vevediayarae siniotu sive tatar pa. Pi vetoapa jasi ma, nari asia tawana, vape kawai so siniotu vevediayara pai. ⁸Masi varamu pai, pivai aemu pai dionae vue tatar mamo, tuara tuwi e kuei. Aso vesie rawai pa, tuenam tutir Sien Allah nana vara rawesie ae rawesi vea pa, nanapi sengge au susa adia naraka tutir varamu pa sandue aemu pa sandu vura pa.⁹E Remu pai viediayarae nuenari tatar mamo, kuewarie kuei. Aso vesie rawai pa, tuenam tutir Sien Allah nanapi re rawa siri pa, nanapi sengge au susa adia naraka tutir remu pa sandu vura pa."¹⁰Mesanemipaya, mesisiayara siniotu vemadia nine sia esi vape moja. Aso sene Malaekat pa asiaya tawana na Yai venana rora wai aro po wa. ¹¹[Aso Siniotu Atu ne Yau, irama ve amamo jono slamat maso siniotu vera sara pasi!]

Kavo sora tarawa nanapi domba venai pai. (Lukas 15-3-77 10.)

¹²Avo metosanemipai toane? Masi siniotu pesi nie domba pa utin siri, avori domba jasi siri niai, amamo nari vene pai diotoane? I ma nari vievur domba siniotu at e vemandiu surae rimeata pasi nana wi vavo pa e, ria e siesera siri venai pai. ¹³E, masi siemuai sovera domba venai pai mamo - Itopa so mia - nari sane pa vesie rawai so domba siri jani, nanapi siniotu ate vemandiu suare rimeat esi venai va pasi. ¹⁴Toapa jana kota, Tamamu venana rora wai, kiembarai siniotu vemadia vetoapa nine sia esi siemuai kariria."

Nemetapi siesara so au mamo (Luk. 17:3)

¹⁵Masi nemetapi vie sasara so au mamo, rua so i e tuopa veruana nie sasara pai. Nuenari tutir asisi vea, nanapi matau mandu vavera, Kior usara nomu kavo pasi mamo, i ma kuor sovera nemetapi pana. ¹⁶Mae piva mamo, kuor siniotu pa siri va muandu ea. Aso vevui nanapi surat pai toapa: "Diadi mamo saksi pa muandu va toru, ave amamo setopa veruana siniotu jani nie sasara pa.¹⁷Mae kiembarai diediawa siniotu ja sia sene kavo sanepaya pasi mamo, metopa veruana kavo jana so jemaat pai. E vipuia pa, masi kiembarai diediawa jemaat pai nie kavo sanepaya pasi, amamo metatori ve siniotu verae veruir pajak, e siniotu veruin mojara Sien Allah nina.¹⁸Itopa so mia toapa, pi vitopi memu vediora na dunia nei pa, vemu vedior nana rora wa kota. Mae pi vitopi metator ve tindia na dunia nei pa, nari viator ve tindia kota na rora wa. ¹⁹E itopa so miakota toapa, nanapi mia esandu na dunia nei susanemi siri so pi vito vea, e sumbe nadi soa, amamo nadi jani ma, Yai venana rora wai diediawi. ²⁰Aso topi siniotu pa sumbe muandu, pivai toru, senduir so sano ne, amamo Ya ya inana sene kasau rabua pa".

Kavo soratarawa nanapi viono ampon so siniotu vevesiei pa

²¹Avori Petrusi riama so Jesus e dutanie dioyo, Sie panau, masi ine maneta pesi nienari sasara so yau, amamo nari ive ampon i ve kali toi? Veito kali rimemuandu te? ²²Amana Jesus kievo so i e dioyo; "Pivai, ve kali rimemuandu va, vape ve kali siniotu toru e sura, kali rimemuandu.²³Aso Sien Allah nie Kerajaan pai ma nie vava pa ariri kavo soratarawa nini: "Raja pesi nina, dio dietor ariri nie womi venanaripi so I pa sia, sene niaki pasi. ²⁴Janama dio siejosi pavo, senggor womi venanaripi so i pa sia esi, ma soi, vie niaki doi pa siaran-siaran, ²⁵E pia so viait bariwasi pa va. Apavo Raja pai diernias, ve amamo sembova woni pai tutir vinie atu sia, tutir sene pi saserai pa vura, ave vimbait nie niaki pasi.²⁶Amana womi pai disanaebu pa sie, siom na Raja pai aropo pa e siau so i e dioyo: Tuani, ka buenota katu ri, ine niaki pasi, nari ivaitsi vura rami. ²⁷Apa Raja pai sanepai, e rura nie niaki pasi vura e sinai.²⁸Janama womi nei suvie ria, amana ria samuai nie maneta pesi, womi pa esi nina kota, vie niaki soi utin toi vea. Apa tiepu tawani e rut kotara rao pa, e kievo so i e diojo, "Vuait nomu niaki pasi vura". ²⁹Amana nie maneta pai disanaebu pasi e siau so i e dioyo, manetai ka buenota katuri, nari ivaitsi vura rami.'³⁰Amana womi pai kiembarai. Apa kiori e kiovari na bui pai, ave amamo viait nie niaki pasi mo. ³¹Janama womi esi pa sia sesajo, apavo sesanemi pa sikariria veja! Apa senda setopa so Raja pai.³²Apa Raja pai siau womi vetatar nei a kievo so i e dioyo, womi vetatar ne au, nomu niaki pasi vura, irurasie sinai to manau, aso suau so ya pana. ³³Avori, buotopi sanepai nemetapi ariri isanemipai au to manau pa va pa?'³⁴Apa Raja pai kiesiou veito. Dionae senggovara womí vetatar pai susa bui pai, veito viait nie niaki pasi vura mo'. ³⁵Janama Jesus kievo riwanea e dioyo, toapana kota Yai venana rora wai, nari nienari toapana kota maso mia vura, masi membe ampon mene neta pesi, nanapi sane raro vetutira va mamo."

Jesus tiopanariri nanapi veke veviniemi pa. (Markus 10:1-12)

¹Jesus kievo na kavo aniau jasi vura to manau pa, janama suvi vurusu uta Galilea e ria so uta Judea nana maria Jordan rawesi pa. ²Kaiwasa pau sendausari, e diona e sepanaam na uta jana.³Avori siniotu Parisi pa esia sendama so i e sesotour I. Setutani e setoyo: "ariri tane atoran agama nei mamo, esi vinie pai nienari sasara vito vea, amamo diadi so vekei pa? ⁴Apa Jesus kievo so sia e dioyo: "Aya metap nana surat repo pai varami so venanari siniotu pai, nanapi retena pa e nienari sia pa, mua pai tutir vavi pai pa va e,⁵E manau pa kievore diojae dioyo: "Apa joma mua pai vievur tamani-siniani sandu e, vie siri tutir vinie pai pa, apa sunduir sumbe siri. ⁶Apavo sumbe muandu ea va, vape siri. Apa joma, pi vito pi Sien Allah pioruira veve siri to manau pa, sa siniotu pa sipowasa ea va."⁷Avori siniotu Parisi pa setutanie setoyo, tojana mamo, aso vitopi Musai diemiase senanari surat vingge veviniemi so vinie vekea pai pa? ⁸Apa Jesus kievo sosia e dioyo, Musai miayar usara e mengge membiniemi pa ma, aso joma mendumi pa sikarakuai veja pana. Vape retena pa ma toa va. ⁹Apavo metadiawa; "Teini kie vinie pai arora e vinie pai nienari kavo va vepui, ririau tutir vavi vevesiei pesi ea, amamo siniotu jani ma nienari kavo vavi."¹⁰Apa Jesus nie murit pa sia senggavo so I e setoyo, "Masi kavo pa sitojana veja so mua e vavi veririau mamo, vesie pa vindiriau vape moja' ¹¹Amana Jesus kievo so sia e dioyo. "Sa kaiwasa ruin ariri kavo ninesi va, i ma maso kaiwasa Sien Allah dietapu to manau pa semesari vea. ¹²Aso siniotu veririau va pa esiaja, aso ima setoa to manau, nana setavi sia pa. E esia kota sendiriau va pa, aso siniotu vevesiei sinanari sia toa. E esia kota ma, setiri na matau sia, ave sendiriau vape moja, ave amarno setenam usara Sie pai. Teini piaya so tiepur kavo aniau ninesi mamo, ave amamo tiepusi.

Jesus vie berkat atuma katu pa sia pa. (Markus 10:13-16: Lukas 18:15-17)

¹³Siniotu pesia senggor atuma pa sia so Jesus, ave amamo siasana vara pasi rawain sendumi pasi e dimbe nadi so sia. Amana murit pa sia senggasiou siniotu pa sia. ¹⁴Apa Jesus kievo so nie murit pa sia e dioyo; "Memu vedior sia vape moja. Metona ve atuma pa sendama so Yau, aso siniotu vetoapa nine sia sembe kaiwasa so Sien Allah pa". ¹⁵Janama Jesus siasan vara pasi tawana sendumi pasi e vie berkat sia.

Avori suvi e ria vurusu jana. Katiei vevekaya.pai. (Markus 10 17-31: Lukas 18:18-30)

¹⁶Raria pesi pa siniotu pesi riama so Jesus kievore diyo; "Guru, pi viate vitoni nari inanari, ave amamo isamuai tenam vatarno vevata to woroi pai?" ¹⁷Apa Jesus kievo so i e diojo, "Aso vitopi butan Ya so pi viate pa? Pi viate pa ma siri to. Sanepai buojo tuenam mamo, kuor usara Sien Allah nie Prenta pasi pino".¹⁸Amana siniotu pai duta e diojo; "Prenta tonina?" apa Jesus ruar so i e diajo, "Mun sinotu va; nuenari kavo vavi va, buemanana pi va; vue saksi viawia va; ¹⁹Tuetuan tamamui siniamui sandu; e sanepai siniotu vevesiei, ariri sanepai vera mataun au pa.²⁰Amana katiei pai dioi aso Jesus e diojo, "Prenta jasi vura ma inanari aririasi to manau. Vitopi mandiu ea rami ne? ²¹Apa Jesus kievo so i, e diojo, "Buojo buon ariria ve simasi vura mamo, rua vuova nomu pisasera pasi vura. E sine pipi pasi, buonasi so siniotu vevaro pi pa sia, e au ma nari suemuai rar nana pa rora wa. Manau mamo, ruama rua usara Yau!" ²²Katiei pai diediawa kavo nine pa, diarai e vievu tutir sane raro veve susah, aso vie kaya veja pana.²³Janama Jesus kievo so nie murit pa sia e diojo, "Itopa so mia, marabat vesiri maso siniotu veve kaya pa si, sisua na Sien Allah nie Dunia Vavoru pai pa. ²⁴E yo itopa riwanea maso mia, e tapisa rawai maso binatan onta pasi sisua na ret kamberei pa, nanapi siniotu veve kaya pasi sisua na Sien Allah nie Dunia Vavoru pai pa.''²⁵Murit pa sia setadiawa Jesus kievo tonine pa, senggavo usara e setojo, "Tojana pavo, teini nari diadi siemuai slamat?" ²⁶Jesus dieduata sia vori kievo e diojo, "Maso siniotu pasi mamo, siojo sa diadi va, vabe maso Sien Allah mamo, diadi vei vea". ²⁷Avori Petrus kievo so Jesus e diojo, "Ite suejo, amambavur amane pi vepau pa vura e amanda usara au ne. Apa nari amasamuai vito?"²⁸Apa Jesus kievo so sia e diojo, "Mesanemitiar vea, nanapi Dunia Vavoru wai mamo, Siniotu Atune nari imasoi sasana Yau, nana ine Karapesa Raja pai. Raria jani mamo, ine verausara Ya pa mia, nari memasoi sasana mia kota, nana karapesa suraemuandua pasi, e membe prenta usapui suraemuandua pasia, nanapi kaiwasa Israel pai.²⁹E teini vievur nie anio pai to manau, pivai neta pa sia, pivai raruo vavi pa sia, pivai tamani siniani sandu, pivai atu pa sia, pivai romi, aso sanone, amamo nari siemuai soveraasi ve kali utin siri ea. E nari disamuai tenam viaroi pai kota. ³⁰Vape kaiwasa rabua nine si, vepapo pa sia nari sepui ea, e rabua nine vepui pa sia nari sepapo ea."

Kavo soratarawa nanapi siniotu venanaripi nana romi anggur pa sia

¹Sien Allah nie Kerajaan pai ma vieva ariri kavo soratarawa nini; Siniotu vene romi anggur pesi, suvi sapa e siesera siniotu venanaripi nana nie romi anggur pai ²Kutu ariri vait pai so sia to manau toapa, raria siri mamo ropia vebera pa siri. Janama diemias e senanaripi na nie romi anggur pai.³Diam rimeat sapa pa, vene romi pai ria ea, e siejo mana siniotu pesia setisisiosa vea na pasar pai pa. ⁴Apa kievo so sia e diojo, "Menda menanaripi na ine romi anggur wai. Nari ivait mia nanapi vait vetariai. Apa senda.⁵Diam suraemuandu raria pai, tutir diam toru ravinena pai, siniotu vene romi pai suvi e nienari toa riwanea. ⁶E deriasi diam rim ravinena pa, suvi riwanea, apa siejo mana, esiaja setisisiosa pa. Apa dutan sia e diojo, "Aso vitopi metisisiosa veivea na raria vetutir nini na nine ne, menanari piesa va pa?" ⁷Amana senggavore setojo, "Varo siniotu viono nanaripi so ama". Apa siniotu vene romi pai kievo so sia e diojo, "Tojana mamo, menda ve menanaripi na ine romi wai.'⁸Ravinena pa ma, siniotu vene romi anggur pai kievo so mandor pai e diojo, "Suau venanaripi pa sia e vuait siri-siri nie gaji pai, retena nanapi siniotu vesua vepuiya pai, veito raama so vesua retena pai". ⁹Janama siniotu venanaripi na diam rim ravinena pa sendama. Siri-siri siemuai ropia veberapa siri. ¹⁰Avori siniotu venanaripi nana sapa mo, (veito ravinena) pa sia senda ea ma. Sene sanepaya pa sitoapa nari sesamuai e rawai. Arora e sesamuai ropia vebera pa siri kota.¹¹Sesamuai pipi pasi to manau mana, senggasiou vene romi pai. Senggavore setojo, ¹²Siniotu vera vepuiya pa sia ma senanaripi diam siri vea. Mae ama ma amananaripi na raria vetutira pai e amataris wor, vape tuani vuait sia pa masi vaveri tutir ama pa.'¹³Amana Tuan vene romi anggur pai kievo so venanari romi pa sia esi e diojo, "Manetai, ya ma isasara so au va. Aso tanggutu vait pai to manau toapa, raria siri so ropia veberapa siri pa mana? ¹⁴Apavo kuor nomu vait pai e rua. Aso isanemivesie yono vait maso siniotu vesua vepuiya pai, nanapi vait vemasi vaveri, ariri vait yono so au pai pa mana?.¹⁵Ite ya ma sa inanari ariri yone sanevesie nanapi pi yone va te? Ite buerandu so yonate pae? ¹⁶Janama Jesus kievo riwanea e diojo; "Toapana kota, siniotu vepui mo pa sia, nari sembe vepapo mo, e siniotu vepapo mo pa sia, nari sembe vepui mo".

Jesus kievo nanapi nie voru pai, ve kali veve torua pa. (Nanapi Markus 10:32-34; e Lukas 18:31-34 pai kota)

¹⁷Jesus dio ria so Yerusalem pa, vetiai ria rabua pa, avori siauruir nie murit pa sia mesari. Janama kievo so sia e diojo; ¹⁸"Nine ma tanda so Jerusalem pana, e Siniotu Atu ne Yau nari sembovo Ya so Imam Baba pa sia, tutir veve baba nana Torat pa sia. E nari sepir hukuman voru pai so Yau. ¹⁹Avori sesiwa Ya so siniotu Yahudi va pa sia. Nari sesisiayar Yau, sendora Yau, e setawakir Ya nana aitavat pai.''

Vape nana raria veve torua pai mamo, nari Isobata Yau ea. Yacobus tutir Yohanes susiniamipai nie sau pai(Mrk. 10:35-45)

²⁰Avori Sebedeus vinie pai, ria tutir atu pa sandu ma so Jesus. Disan aebu pasi na Jesus aropo pa e dio siau piesa. ²¹Apa Jesus dutani e diojo, "Mai, piesana pe?" Amana vavi pai kievo so Jesus e dioyo, "Isanemi vesie ine atuma ne sandu sunggasir au na rawa sara pa tutir rawa vata pa, nana raria toni nari vue Raja pa."²²Apa Jesus kievo so sia e diojo, "Aja menduin ariri pi mesauwa ne varami. Nari mepaya so metunu nanapi mok vitin marior nari junu nana paie? "Amana senduar e setoyo, "Ama paya". ²³Apa Jesus kievo so sia e dioyo, "Ma diadi metunu kota nana ine mok jitunuma pai. Mae nanapi kavo teini nari kiasir Yau, nana rawa sarane tutir rawa vatane pa ma, Ya ma ipa so ikutu pa va. Uta jasi ma sietapua maso siniotu Yai diri to manau pa sia". ²⁴Murit sura esi pa sia, setadiawa kavo nine pa, senggasiou Yakobus Yohanes sandu.²⁵Apa joma Yesus siau ruir sia vori kievo so sia e dioyo, "Menduin toapa, veve Mananir so kaiwasa e veruin Sie va pa sia, setowawotu sene rayat pa sia. E sene veve baba pa sia, seto rarojara sia. ²⁶Vape mia ma sa toa va. Sovera ea e, teini dio vie baba so mia, amamo andi vie viadidina maso mia. ²⁷Mae teini dio vie ru so mia, amamo ima vie womí maso mia, ²⁸ariri Siniotu Atu ne Ya kota, irama ve amamo viadidin Ya va, vape ave yedidina, e Ivov Ine tenam nei e pieriri kalwasa vepau.

Jesus diona e siniotu veremi kaber pa supanaam pa (Markus 10:46-52: Lukas 18:35-43)

²⁹Rabua Jesus tutir nie murit pa sia sesuvi vurusu Kota Yeriko pa, kaiwasa pa sepau sendausara sia. ³⁰Apa siniotu veremi kaber pa sumbe muandu, sumasoi na ria dere pa. Suradiawa Jesus ria na ria pai pa, susau e suroyo, "Sie panau, Dauti atu pa nau, ka sanepai nandu!" ³¹Amana kaiwasa venana jasia, senggasiou sandu e setamias e supeya. Vape surumi to baba rawai ea e suroyo, "Sie pa nau, Dauti Atu pa nau, ka sanepai nandu!''³²Apa Jesus diosaeti, e siau sandu. Avori dutan sandu e dioyo, "Musanemi vesie inanari vito maso mandu?" ³³Amana suroyo, "Sie pa nau, amusanemi vesie amusajo e vesie" ³⁴Apa Jesus sanepai sandu pa janama dieka upis sundemi pasi. Apa nanapi diam jani kota e susajo to vesie. Apa surinda usara Jesus.

Jesus sua so Kota Yerusalem ariri Raja pa. (Markus 11:1-11) Lukas 19:28-40 Yohanes 12-12-19)

¹Jesus tutir nie murit pa sia, senda sederiasi Kota Yerusalem pa, senda ma so aniose Betfage nanapi suovavo Saitun. Apa Jesus diemias nie murit pa esandu e sunda papo. ²Diemias sandu e dioyo, "Munda papo apo so aniose vena dopo jana. Ava nari musamuai keledai pesi, andia senggasiesi e diosa tutir atu pai. Amamo mundeku wai pai e munggor sandu maso Yau. ³Mae samuai esi duta mamo, mutopa so i, e muroyo, "Jesus siauwi", amamo nari siniotu jani sawawara e diona e munagori."⁴Kavo nine ma toa pana, ave amamo masi tutir vitopi nabi pai kievora pa, toapa, ⁵"Metopa so kaiwasa venana Yerusalem pa sia, mene Raja paini riama so mia pa. I ma sienandiki va, e sia nana keledai nina, keledai atu vavoru nina."⁶Janama Jesus nie murit pa sandu sunanari ariri pi vitopi Jesus dierera so sandu pa. ⁷Sunggor keledai pai tutir atu pai a so Jesus. Janama sesasiara keledai atu pai karu pa nana sene sasu juba pasi. Avori Jesus siayai miesoi nana keledai pai karu pa. ⁸Kaiwasa borai venana ja sia. Sesiepara sene sasu jubah pasi nana ria pai, mae esia ma setaratu ai arawa pasi e setasies piriau pasi (ave Jesus riasasani nanasi).⁹Avori kaiwasa verausara Jesus pa sia vura, ve papo e ve pui e sesodiaya e setoyo; "Sanandika pai so Dauti Atu panau: Riama tutir vesie, Sien Allah vie berkat verama nanapi Sien sanopai. Sanandika pai so Sien Allah vetariai mo pai ¹⁰Janama Jesus suapui so Kota Yerusalem pa, kaiwasa venana pa sia vura, setandor to baba vesiri. Apa setuta e setoyo, "Avo tei nina?" ¹¹Amana kaiwasa verausara Jesus pa setoyo, "Nabi nina, Jesus, na aniose Nasaret, nana uta Galilea."

Jesus suapui so Anio Allah pai pa (Mars 11:15-19 19:45 48. Yolmes 2.13- 22)

¹²Janama Jesus suapui so Anio Allah pai, e dietawar kaiwasa vevovo pi nana pa sia. Tiawa bari meja veriwa pipi nana pasi, e bangko sembovo aya kapura nana pai. ¹³Avori kievo so kaiwasa pai e dioyo, "Nanapi Surat Repo pai pa vevui toapa, Sien Allah kievore dioyo, "Ine Anio pai nari setap i ve Anio vimbe nadi. Vape metoni ve karai so viemanana pi pa sia". ¹⁴Avori senggor kaiwasa veremi kaber e veraemi marera e pi pa sia maso Jesus nana Anio Allah pai, e Jesus diona e sepanaam.¹⁵Vape imam baba pa sia tutir veve baba nana Torat pa sia, senggasiou, aso sesayo pi tandor Jesus nienari pasi pana. E senggasiou kota so setadiawa atuma katu pa sia sesodiaya nana Anio Allah pai e setoyo, "Vesie pai maso Raja Dauti Atu panau". ¹⁶Apa senggavo so Jesus e setoyo, "Buediawa atuma katu wasia kavo senggavora wae? Amana Jesus ruar so sia e dioyo, "I yediawa, Vape metap nanapi Surat Repo pai nie ayat verotu toapa ninei varami pe? Toapa, atuma katu pa sia tutir atuma katu mo viunu susu pa sia, Au bueniau sia ve amamo sesom sanandik Allah. ¹⁷Manau na jana pa, Jesus ria vurusu sia e suvi na Kota pai e ria so aniose Betania e diena na wana.

Jesus siawora vediora ara ravo pai pa. (Markus 11:12-14, Lukas 20-24)

¹⁸Kausapa pa sapa mo pa, nanapi Jesus nie rara vesovera so Jerusalem pai pa, vievisi ¹⁹Apa siejo ara ravo pesi, diosa na ria dere pa. Apa ria dieriasi ara ravo pai, vape sieyo samuai buo pesi va, e rau pa si vea. Apa Jesus kievo so ara ravo pai e dioyo, "Sa bimbe buo ea va". Jesus kievo tonine pa, ara ravo pai dimasa.²⁰Jesus nie murit pa sesayo subata pitandor nini pa, senggavo usara veito. Apa setuta e setoyo, toane vori ara ravo pai miasa tandor vura pa? ²¹Amana Jesus kievo so sia e dioyo, Itopa so mia, mesanemitiar Ya ve vata mo, e mesanemi tura va, amamo nari menanari pi vitopi inanari to manau maso ara ravo nei pa. E jana mesari vea va, vape nari menggavo so suovavo nini (Saitun) e metoyo, "Tuesiasa e tuepira arau so rawana wa", amamo nari ariria. ²²Mesanemitiar mamo, mesau pi vitopina vea, nana mene nadi pasi mamo, nari mesamuaisi".

Viutan Yesus so nie paya pai pa. (Markus 11:27-33, Lukas 20:1-8)

²³Janama Jesus sioverai a so Anio Allah pai, avori sua e dieniau na jana. Andia dieniau rami e, imam baba pa sia tutir veve baba na Yehudi pa sia, sendama so le setoyo, "Tutir paya vitoni binanari pi nine si? Teini diono paya jani so Au?" ²⁴Apa Jesus kievo so sia e dioyo, "Ya kota yo yuta mia. E menduara ine kavo ne mamo, nari itopa so mia, tutir paya na teina vori jinanari pi ninesi pa.²⁵Yohanes sioiv siniotu nanapi tei nie paya? Nanapi Sie pai te, nanapi siniotue? Apavo imam baba pa sia tutir veve baba na Yehudi pa sia, senggavo nanapi matau sia vavera e setoyo, "Masi tanggavore tatoyo, Tutir paya nanapi Sien Allah, amamo nari dioyo, tojana mamo aso vitopi mesanemitiar i va pa?" ²⁶Vape masi tanggavore tatoyo, tutir paya nanapi siniotu, amamo tamatai kaiwasa nei, aso sia vura senduin toapa, Yohanes ma nabi nina. Apa senduar e setoyo, "Amanduin va". Apa Jesus kievo so siae dioyo, ²⁷"Tojana pavo Ya kota sa itopa so mia va, nanapi tei nie paya ni yinanari pi ninesi vura pa.''

Kavo soratarawa nanapi siniotu pesi tutir atumua pa sandu

²⁸Avori Jesus dinggavora e dioyo, "Siniotu pa siri, nie atuma mua pa sumbe muandu. Siniotu nei ria so atuma baba pai e kievo soi e dioyo, "Komo raria nini ma rua nanaripi na romi anggur wai". ²⁹Amana atuma pai dioyo, 'Ikambarai' amana vepui, sane sovera ea, e ria so romi anggur pai. ³⁰.Avori tamani ria ea so atu madia pai e kievo so i toapana kota. Apa atu madia pai dioyo, "Jai, vesie pa na". Amana ria va.³¹Apavo metone sanepaya pa sitoane? Nanapi atuma muandua ne sandu pa, teini nienari ariri tamani nie sane vesie pai? Amana imam baba pa sia tutir veve baba na Yehudi pa sia, senduar e setoyo. "Atuma baba pai". Apa Yesus kievo so sia e dioyo, "Itopa so mia, siniotu verae veruir pajak pa sia tutir vavi verae venanari kavo sararidioi pa sia, asia nari sembe kaiwasa maso Sien Allah papo, vurusu mia. ³²Aso Yohanes viono Kambu Sren pai, riama e dioisara tenam Sien Allah sanevesiena pai maso mia, vape menggambarai mesanemitiar nie kavo aniau pasi; mae kaiwasa verae veruir pajak pa sia, tutir vavi verae venanari kavo sararidioi pa sia sesanemitiar i, apavo mesajosi vura to manaue, vape mendiwa mene sanepaya pasi kota va, e menggambarai mesanemitiar i".

Kavo soratarawa nanapi siniotu venanaripi na romi anggur pa sia. (Markus 12:1-12, Lukas 20:9-19)

³³Avorí Jesus kievore dioyo, "Metadiawa kavo soratarawa pa nini riwanea. "Tuan vene kakopa pa esi, tiana romi anggur pesi. Apa rut war wawariri e sieriai kamberei so uta vinggusara anggur pai pa; avori nienari dora vemasoi e visajo vediora pai, na romi pai raro pa. Manau pa janama vie siewa romi anggur pai maso siniotu venanaripi nana pa sia, e ria so uta vevesiei. ³⁴Janama raria sendosu anggur buo pai miesi, apa Tuan vene kakopa pai, diemias nie womi pa sia e sendaso siniotu venanaripi nana romi pa sia, ave amamo senggor nie anggur sendu wasa e vevata so i tomanau pai.³⁵Amana siniotu venanaripi nana romi pa sia, setapu womi pa sia esi ma sendorai, esi pa sia ma semun sia to semboru, e esia ma sesotatir sia na rovuki. ³⁶Apa Tuan vene kakopa pai, diemias nie womi pa esia ea, sepau rawal nanapi retena pa sia. Vape senanari maso sia toa kota. ³⁷Vepui pa Tuan vene kakopa pai, diemias mataun atu pai. Sanepai na sane raro pa toapa, 'Matau ine atuma pai na pavo, nari setatuan i.'³⁸Vape ineri siniotu venanaripi na romi pa sia, sesayo Tuan vene kakopa pai atu pai pa, senggavo vavera sosia e setoyo, Jo, ara pai nine, vene pisia umaja paina. Mendama ve tamuni, ave tasamuai nie pi umaja nesi.' ³⁹Apa setaputawan atuma pai e senggei so vorira wa e semuni to vioru.⁴⁰Janama Jesus duta, Jo, apavo vene romi anggur pai sioverai mamo, nari nienari vito maso siniotu venanari romi pa sia? ⁴¹Apa senduar soi e setoyo, "Nari mun siniotu venganggau warira jasia e semboru, e vie sewa romi anggur pai so siniotu vevesiei nari vesovera kakopa pai nie pi tatana pai maso i, ariri sine raria pai."⁴²Avori Jesus kievo so sia e dioyo, "Aja metap kavo vevui na Surat Repo pai warami pe? Kavo viojo, "Rovuki tukang venanari anio pa senggea pai vie rovuki retena vesasiara na anio pai sama bu pa. Nine ma Sien pi nienari pina; vesie pa rawai'?⁴³Janama Jesus kievo e diayo, "Apavo mesanemipaya, wasa viator ve Sien Allah nie kaiwasa pai, nari sikor vura, vurusu mia e siona so kaiwasa nari venanari ariri Sien Allah nie Prenta pa, sia esi. ⁴⁴E teini tiawa e viata sasana nana rovuki jani mamo, nari piere, e teini rovuki jani via patatai mamo, nari pietata."⁴⁵Imam baba pa sia tutir siniotu Parisi pa sia, setadiawa Jesus nie kavo soratarawa jasi, apa senduin toapa Jesus kievo wa ma isa sia. ⁴⁶Apa sesasera ria, ave amamo setapur i. Vape sematai kaiwasa pai, aso kaiwasa pai ruin toapa Jesus ma nabi nina pana.

Kavo soratarawa nanapi pesta vavindiriau pai (Lukas 14.15-24)

¹Jesus kievo so kaiwasa pai nanapi kavo soratarawa ea, ²kievore dioyo, "Sien Allah nie Kerajaan pai nie vava pa masi ariri kavo soratarawa nini; "Raja pesi nienari pesta vavindiriau so atu pai. ³Apa Raja pai diemias nie womi pa sia senda setariau kaiwasa vie undan to manau so pesta pa sia. Vape kaiwasa vie undan pa sia senggambarai sendama so pesta pai.⁴Apa Raja pai diemias nie womi pa esia vesiei ea. Kievo so siae dioyo, 'Metopa so kaiwasa veve undan to manau pa sia. Pisia pesta pai miesi to manau. Ine sapi pasi tutir sapi atu viatate mo pasi, sikutu to manau. Pi vurae simasi. Menda vei ma so pesta ririau nei.'⁵Amana kaiwasa veve undana pa sia, setimbe paduri va. Senda so matau setone nanaripi pasi-esi vera so romi pa, esia ma setonda so sene nanaripis ⁶E sia kota ma setaputawana Raja pai nie womi pasia, avori setadiau sia e semun sia to semboru. ⁷Raja pai diediawa kavo nine pa, kiesiou vesiri. Apa diemias nie tentara pa sia ve amamo semun siniotu vemun nie womi pa sia, e setinggair sene kota pai.⁸Manau pa janama siau nie womi pa sia, e kievo so siae dioyo. Pesta ririau pai miesi tomanau, vape kaiwasa veve undana pa sia setimbe paduri va. ⁹Nine ma menda so ria baba wasi, e mesau kaiwasa e sepau ma so pesta vavindiriau nei. ¹⁰Apa woni pa senda. Senda so ria baba wasi, avori senduir kaiwasa sesamuai pa sia vura, siniotu veruin to siniotu venganggau. Apa andiraro vavindiriau pai dionu so tamu pai.¹¹Janama Raja pai sua ave siesir tamu pa sia. Amana siejo samuai siniatu pesi na pesta pai, siesuni nana sasu pesta va. ¹²Apa Raja pai dutan siniotu paie diojo; "Manetai, buo su mapui so nine vari suesun au nanapi sasu pesta va pa?' Amana siniotu pai dinggavo kavo pesa va.¹³Avori Rajapai kievo so nie womi pa sia e diojo, 'Metavit siniotu nei ae pasi tutir vara pasi, e menggei ari so vorira vekumar wa. Ave siale diemuaus na wana'. ¹⁴Janama Jesus kievo toapa nine, 'Sesau pa sepau, vape setiria pa katu vea.''

Parisi pa sia sesotour Jesus nanapi vevait pajak pa. (Markus 12:13-17, Lukas 30:30-3-60 )

¹⁵Avori Parisi pa sia senduir sia e senggavo ariri kavo vitosi nari senggavorasi ave amamo setitapur Jesus pa. ¹⁶Apa setamias sene siniotu verausar sia pa sia, tutir siniotu verausar Herodes pa esia, e senda so Jesus. Setutan Jesus e setoyo, "Guru, amanduin toapa, Au ma siniotu vetindia ni Au. Bueniau e tuopa sasaar to tindi vesiri, nanapi Sien Allah nie sane vesie pai maso siniotu pasi pa, e bitator kavo va, na teina vea. Aso Au ma biri siniotu va pana. ¹⁷Apavo ite tuopan ariri kavo ne so ama; Ariri tane atoran agama nei mamo, diadi tambait pajak so Kaisar pai te pivaie?''¹⁸Amana Jesus ruin sene sanepaya vekariria jasi pavo, kievo so sia e diojo, "Siniotu viona ve siniotu vesanemitiar vedia mia; Aso vitopi meto mesotour Ya pa? ¹⁹Ite metoisara pipi metimbait pajak pa esi so Yau!" Apa setona pipi perak vebera pesi so l.²⁰Janama Jesus dutan sia e dioyo, "Gambar siniotu nes, tutir sano venana nei ma teina? ²¹Amana setoyo, "Kaisar paina". Apa Jesus kievo so sia e dioyo, tojana pavo, pi vitopi Kaisar pai nieu pa, metona so Kaisar pai, e pi vitopi Sien Allah nieu pa, metona so Sien Allah". ²²Siniotu pa setadiawa Jesus kievo tonine pa, senggavousara veito.

Apa janama senda vurusu Jesus. Sobata nanapi voru pai. (Markus 12:18-27, Lukas 20.27-40)

²³Nanapi raria jani kota e siniotu Saduki pa esia, sendama so Jesus, Siniotu ya sia ma setone aniau pai toapa, siniotu vevoru pasi ma sa sisobatasi ea va Apa vo setutani e ²⁴setoyo, "Guru, Musai dieniau toapa nine: Mua pesi vionu, e siemual atuma va, amamo neta katu pai va neta vava pai, naut nie inar pai, ave amamo viediajara usapui maso siniotu vevoru to manau pai.²⁵Apavo mambe baba pesia na nine, sembe rimemuandu, Baba pai iriau, avori vioru e siemuai atuma va. Apa inar pai riaut neta katu pai. ²⁶Vepui neta katu pai vioru ea, e siemuai atuma va. Kavo ne masi vaveri kota maso neta veve torua pai raaso veve rimemuandua pai. ²⁷Karupui pa vavi pai matauni vioru kota. ²⁸Jo, apavo nanapi raria vevoru wa sia sesobata sia riwanea mamo, nari tei vinie ni vavi nei? Aso mambe baba rimemuandua pa sia, sendauti vura pavo."²⁹Apa Jesus kievo so siae dioyo, "Metatar vesiri, aso aja menduin Surat Repo pai tutir Sien Allah nie paya pai va pana. ³⁰Aso raria vevoru pa sesobata sia riwanea pa mano, sa sendiriau ea va, vape setenam ariri Malaikat venana rora pa sia.³¹Aja metap Sien Allah kievo nanapi vevoru pa sia nari sesobata sia riwanea pa varamie? Sien Allah kievore dioyo, ³²Ya ma, Abrahami nie Sie, Isaki nie Sie, Yakopi nie Sie pa yana mana? I ma Sie maso kaiwasa vevoru va, vape Sie so kaiwasa vetenam". ³³Kaiwasa pa i diediawa Jesus kievone pa, senggavousara veito, aso nie kavo aniau pasi.

Prenta vebaba mo pai. Markus 12:28-34 Lukas 10:25-28)

³⁴Siniotu Parisi pa sia, setadiawa mana Jesus kievo so siniotu Saduki pa sia to setinggavo va pa, setonduir. ³⁵Avori veve baba na Torat pa sia esi nina, duta e disotour Jesus e dioyo, ³⁶"Guru, prenta toni sieru nanapi atoran Agama nei?''³⁷Apa Jesus kievo so i e dioyo, 'Sanepai Allah nomu Sie pai, nanapi saneraro vetutira, e nanapi nomu wainunu pai vura, e nanapi nomu pande pai vura. ³⁸Jani ma prenta vebaba e werawai mo paina. E prenta veve muandu pai, miesi kota, toapa: "Sanepai siniotu vevesiei, ariri sanepal vera matau nomu tarai pai pa.³⁹E prenta veve muandu pai, miesi kota, toapa: "Sanepai siniotu vevesiei, ariri sanepal vera matau nomu tarai pai pa. ⁴⁰Atoran Agama Musai diona pasi vura, tutir nabi pa sene aniau pasi vura, sive umaja nanapa prenta nine sandu."

Kristus ma Dauti nie Sie pai na. (Markus 12:35-37 Lutes 2041-44)

⁴¹Siniotu Parisi pa sia ja senduir na jana rami e, Jesus dutan sia e dioyo. ⁴²"Metone sanepaya pa sitoane maso Raja vekor Slamat pai? Vieva nanapi usapui tonina?" Amana senduar e setoyo, "Nanapi usapui Daut."⁴³Apa Jesus duta ea, "Tojana mamo, aso vitopi Wainunu Sren pai vieruana so Dautie, diap Raja vekor Slamat pai ve, Sie pa? Aso Dauti kievore dioyo. ⁴⁴Sien kievo so ine Sie pal e dioyo, muesoi nana vara vatane, veito yonae, viomarova tutir au pa sia, setatuan so au.'?⁴⁵Apavo masi Dauti diap Raja vekor Slamat pai ve, Sie', avori vieva nanapi Dauti nie usapui pa nari toane?" ⁴⁶Apa esi dinduara Jesus nie Kavo pa ea va. E nanapi raria jani, esi mias e dutan piesa nana Jesus ea va.

Jesus kievo nanapi veve baba nana Torat pa sia tutir siniotu Parisi pa sia sene vava pasi. (Martus 12:38-39 Lukas 22:43-46 2045-40)

¹Avori Jesus kievo so kaiwasa pai, tutir nie murit pa sia e diojo, ²"Veve baba na Torat pa sia tutir siniotu Parisi pa siama, sepa so sesanemipai sasavu Torat pai pa. ³Apavo menggorusara e menda ariri prenta setona pasi vura. Vape, menanari ariri pi vitosi senanarisi pa vape moja, aso senda ariri pi vitosi setaniauwa si pa va.⁴Setonggarakuai so mia nanapi atoran vemarabat, vape matau sia ma, senanari ariria si maso siniotu va. ⁵Pi menanari pasi vura ma, ave amamo siniotu sisayo vea. Veito sembe pake waikavavirai nadi vesavaveri, e rawe vesom nana sasu juba pa dere pasi ma, setonasi e sieririosi avav sievakakir.⁶Sesanemi vesie uta masasoya viatate nanapi anio pesta pasi, e karapesa viate mo nana anio ari pasi. ⁷Sesanemi vesien kaiwasa tietuan sia nanapi pasar wa si, e sisau sia ve 'Guru Baba.⁸Vape mia ma, metona e sesau mie ve 'Guru Baba" vape moja, aso mene Guru pa ma, siri to, e mia vura ma membe mambe neta. ⁹E mesau esi ve, 'Tama' nana dunia nei vape moja. Aso Metamami pa ma siri to, andina 'Tama' venana rora pai. ¹⁰E metona e sesau mia ve 'Veve Baba' vape moja, aso mene veve baba pa ma, siri to, andina Raja viono Slamat, Sien Allah dierera pai.¹¹Teini vie baba na mia pa mamo, andi vie womi so mia, ¹²Teini dioni ve siniotu vetariai, amamo nari setoni ve siniotu vena dou. E teini dioni ve siniotu venana dou mamo, nari setoni ve siniotu vetariai".

Jesus kievo sisiajara veve baba nana Torat pa sia, tutir Parisi pa sia pa. (Markus 12.40, Lukas 11:39-42, 44,52, 20:47)

¹³Kawai so veve baba na Torat pa mia, tutir Parisi pa mia. Siniotu veve Sren vivu vedia mia. Memun vedior siniotu so sembe kaiwasa maso Sien Allah nie Kerajaan pai pa. Matau mia menggambarai membe kaiwasa maso Sien Allah nie Kerajaan pai, e siniotu vevesiei vemajar pa sia, memu vedior sia. ¹⁴Kawai so veve baba na Torat pa mia, tutir Parisi pa mia: Siniotu veve sren vivu vedia mia. Metawitituwa inar pa sia e metawara sene anio pasie, metau tawana sasara jasi nanapi mene nadi viaririosi pa si. Apa joma mene hukuman pai, nari mierabat pa. ¹⁵Kawai so veve baba na Torat pa mia, tutir Parisi pa mia; siniotu veve sren vivu vedia mia; menda to woririosi e mendatuwa rawana e menda pata sisandei e, ave amamo metona e siniotu pa siri vea su so mene agama pai. E siniotu jani su mene agama pai to manau mamo, metona e vie atuma naraka vinggariria rawai ve kali muandu nanapi matau mia.¹⁶Kawai so veve baba veremi kaber ne mia; metaniaue metoyo, esi siawora nanapi Anio Allah pai mamo, siniotu jani tieisu nanapi sawora pai. mae masi siawora nanapi Mas venanapi Anio Allah pai, mamo tieisu vurusu nie sawora pai va. ¹⁷Siniotu venganggau veremi kaber ne mia, topi ve umaja, nie mas pai te, Anio Allah viona e mas pai vie sren pai e?¹⁸Metaniau kota e metoyo, 'Esi siawora nanapi wavu som pai mamo, siniotu jani tieisu nanapi nie sawora pai, mae siawora nanapi pi som venana wavu som pai vavo pa mamo, tieisu vurusu nie sawora pai va. ¹⁹Mendemi pa sikaber veito; topi ve umaja, nie pi som pai te, wavu som viona e pi som pai vie sren pai e?²⁰Apavo esi siawora nanapi wavu som pai mamo, ima siawora nanapi wavu som pai, tutir pi som venana pasi vura. ²¹E esi siawora nanapi Anio Allah pai mamo, ima siawora nanapi Anio Allah pai tutir Sien Allah venana pai pa na, ²²E, masi esi siawora nanapi rora pai, amamo toapa, siawora nanapi Sien Allah nie karapesa pai, e tutir Sien Allah vemasoi nanapi Karapesa pai pa na.²³Kawai so veve baba na Torat ne mia, tutir Parisi ne mia; siniotu veve sren vivu ne mia. Rampa-rampa vinunupi e sairara pası, vetoapa, 'Isirirumi e, ada manis e, jintan e, diadi so menduwasa savaru veve suraa pai, e metonasi so Sie pai. Arora e verawai mo nanapi atoran Agama pasi, vetoapa, vetindia pai e, sanepaya pai e, korusara pai. Arora e pi nari menanari ariria mo pa sina, avori metinanari usara pi esi pasi kota. ²⁴Veve baba veremi kaber ne mia. Amumar vetau susa kambu metunu pasi ma membuvu irara amumar pasi, arora e meton onta pasi.²⁵Kawai so veve baba nana Torat ne mia, tutir Parisi ne mia, siniotu veve sren vivu ne mia; Mene mok e paruasi e, menduas rurana rawa worira pasi veito sivaro rariai, arora e rawa raro pasi ma, sive rariai vesiri nanapi pi mesamuai nana, vian siniotu veveslei sine samajar pa, e sanekariria pi to rawai pai. ²⁶Parisi re kaber ne mial Mendois rurana mene mok pasi tutir paruasi pasi to sivaro rariai, nana rawa raro pasi papo ri, ave amamo rawa vorira pasi kota sivaro rariai pel.²⁷Kawal so veve baba na Torat ne mia, tutir Parisi ne mia! Siniotu veve sren vivu ne mial Mambava ariri kubir sesimar to vemamara; vesayo na vorira wa mamo vesie, vape rawa raro wai ma, dionu tutir sina pai e vesaibau pai. ²⁸Metoapana kota. Kaiwasa sieyo mia na rawa vorira mamo, metate vesiri. Vape na rawa raro mamo, menanari ariri vetindia pesa va, e mendawain atoran pasi.

Yesus dierera hukuman maso veve baba na Torat pa sia tutir Parisi pa sia pa. (Fukus 11:47-51)

²⁹Kawai so veve baba na Torat ne mia, e Parisi ne mia! Siniotu veve sren vivu ne mia! Menanari papi viatate so nabi pa sia e memarandina siniotu vene tenam viate pa sia sene rovuki metaur nanapi sene sanevavo pasi. ³⁰E menggavore metoyo, 'Masi amatenam nana rabua metapumi vepo pa sia pa, areto sa ama tutir siae ama mun nabi pa sia va ³¹Apavo matau mia metopa sasaar toapa, membe usapui nanapi siniotu vemun nabi pa sia.³²Toapa jana pavo, menanari ariri tatar metapumi pa sia senanari to manau pasi ³³Metatar, e usapui nanapi siniotu vetatar ni mia! Avo nari diadi metaisu vurusu hukuman venana adia naraka wai toane?³⁴Metadiawa to vesie mo; nari jenatu nabi pesia maso mia, tutir siniotu veve pande, e guru pesia; vape nari memun esia, e esia ma nari mepa sia nana aitabat. Esia ma nari mendoratati sia nanapi anio ari pasi, e metusar sia nana kota pesi a so kota vevesiei pesi. ³⁵Apavo, nari mesamuai hukum, aso siniotu vevaro sasara memun pa sia, retena nana pa vemun Habel vevaro sasara pai, veitoro Sakaria, Berekia atu memun nanapi Anio Allah pai tutir wavu som pai sune kasau rabua pai. ³⁶Itopa so mia; kaiwasa rabua nine mia, nari mesariowa pi ninesi vura!"³⁷'Yerusalem, Yerusalem! Nabi pa sia mun sia. E Sien Allah nie amias pa sia, suo sia nanapi rovuki veita semboru. Ve toi ato ma yo isoruir kaiwasa venana au pa sia, ariri kokori sinia pai so tievun ruir atu pasi nanapi vara samber pasi pa, vape menggambarai. ³⁸Apavo, sa Sien Allah tutir mia ea va. ³⁹Eitopa so au, nanapi rabua nine, sa sueyo Yau ea va, veitoro kuevore buayo, Berkat pai maso i, vera ma nanapi Sien sano pai."'

Jesus kievo nanapi Anio Allah pai nari mierura pa Markus 12:1-2, Lukas 21:5-6)

¹Jesus suvi nanapi Anio Allah pai pa, nie murit pa sendama so I, e setisatuir Anio Allah pai so nie pi marandi pasi. ²Apa Jesus kievo so sia e dioyo, "Apavo mesayosi vura to e? Itopa so mia, Anio nei rovuki veturae vetursasan ninesi, sa esi tur sasan nanapi uta viat nana pa va. Nari sendiar si vura.''

Kariria nari verama pai. (Markus 13.3-13 Lukas 21:7-19)

³Janama Jesus ria so suo vavo Saitun, e miesoi na jana, apa nie murit pa sendama so I atapua e setoyo, "Tuopa so ama, raria toni pi ninesi vura nari sive diadi pa. E, tanda vitosi siveruana ruama pa e dunia nei kieriria pa". ⁴Apa Jesus kievo so sia e dioyo, "Mesanemipaya to vesie mo, aso esia setawivavera mia pe. ⁵Aso esia sepau sendama tutir sanone, e senggavore setoyo, Raja vekor Slamat pa Ya nine! Nari setawi kaiwasa borai.⁶Nari metadiawa marova pai kuja pa, e amuna pasi sive sanopa, vape mematai vapemoja, aso pijasi ma nari sive diadi, vape dunia nei raria kieriria paina va rarni. ⁷Kaiwasa pa esia, nari setomamu tutir kaiwasa vevesiei pa esia, e negara pesi nari mututira negara vevesiei pesi. Vavisi pai nari mun, e mundiya pai piot na uta pasi vura. ⁸Vape jasi vura ma, suo retena paina rami, ariri vavimbiavi pasi sipota so sio siavipa.⁹Nanapi raria jani, amamo nari setapur mía e semboov mia, ave amamo sendora tati mia e semu mia. Dunia nei vura nari miedidi mia, aso menda usara Ya pa na. ¹⁰Nanapi raria jani, amamo kaiwasa pau, nari setau so kariria pai, e sembaov sia e semadidi sia vavera. ¹¹Nabi vata va pa sepau, nari sesuvi e setawi tituwa kaiwasa pai.¹²E aso nganggau pai riewai pavo, kaiwasa sanepai siniotu ea va. ¹³Vape, teini kierakuai ra so vimanaua pa, amamo nari siemuai slamat pai. ¹⁴E Sien nie kavo vesie pai tutir nie Kerajaan pai, nari tiopanusara ra so dunia nei vetutira, ave amamo kaiwasa vura diediawi, janama manau pino, dunia nei kieriria pa".

Kariria vinggariria mo pai (Markus 13:14-23, Lukas 21:20-24)

¹⁵''Nari mesajo kariria vinggariria rawai ariri nabi Daniel tiopana pai, vieva nanapi uta veve sren pai pa, (viap pa si sisanemipai usara kavo ne tarai pa), ¹⁶Nanapi raria jani mamo, kaiwasa venana Yudea pa mia, membavu ajai so wi vavo wa. ¹⁷E Kaiwasa venana anio pa sos vavo pa mia, membiar avav menggor piesa nana anio raro pa vape moja. ¹⁸E Kaiwasa venana romi pai siovera so anio wa e kior nie sasu juba pai vape moja.¹⁹Raria jasi ma sio mataiti vesiri maso vavi vesanemi vava pasi, e vavimbiavi vesusu atuma katu pasi. ²⁰Membe nadi ave amano membavu nanapi raria veve rama, pivai nanapi raria Sabat vape moja! ²¹Nanapi raria viomataiti vetoapa jasi, nari kariria vebaba rawai mo, aya veve diadi varami nanapi dunia nei vieva retena pa, veito rabua nine pasi nari sive diadi. Ima kariria windawai mo pasi na. ²²Masi Sien Allah sisui raria pai e tituwa va mamo, sa esi disamuai slamat va. Vape aso Sien Allah nie kaiwasa diria pai pavo, tituwa raria pai e tienam.²³Nana raria jani, esi kievo so mia e dioyo, ite sueyo, Raja vekor Slamat pai andi nia nine, pivai andi nia jana! Amamo mesanemitiar siniotu jani va. ²⁴Aso siniotu vekor Slamat veve vata va pasia, e nabi veve vata va pa sia, nari senda. Nari senanari pi verawal pesasi, e pitandor pesasi, ave diadi mamo, setitawi Sien Allah nie kaiwasa pai kota. ²⁵Apavo mesanemipai tawana! Itopa papo so mia to manau, nanapi kavo ne aja vediadi varami ne.²⁶Masi esi kievo so mia e dioyo, ite sueyo, andi nia mapar rubua wai, amamo menda soa vape moja, pivai setojo: 'Suejo andi dieniwa na andiraro ninei amamo mesanemitiar vape moja. ²⁷Aso siniotu Atu ne Irama mamo, ariri ververa pai piot nana rawa wor pai sia na pa, e disambiar ra so wor pai tiawa nana pa. ²⁸Uta topi pi vevoru pesi niana pa, aya vian pi vevoru pai, andia niana jana kota".

Nanapi raria Siniotu Atu ne Ira nana ma pa. (Markus 13:14-17, Lukas 21:25-26)

²⁹Kariria venana rabua jasi simanau mamo, woroi va e wor pai nari kumar e sembai pai sa disambiar ea va. Siverere pasi nari sitawa na rora wa, e paya venana rora wa si nari simanawar.'³⁰Tomanau mamo, Siniotu Atune Ine tanda pai nari vieruana nana rora wa; nana raria jani, kaiwasa venana dunia nei vura, nari sesai. Nari sesayo Siniotu Atune I ra na arepa pai vavo pa ma, tutir marandi vemarawas e paya verawai pai, ³¹Terompet pimasa pai nari riotu e Siniotu Atu ne nari jemias ine malaikat pa sia e senduir ine kaiwasa pai nanapi dunia nei samabu ata pasi, nana rora wa soperersi wa veito soperesi wa".³³

Vekor kayo aniau nanapi ara ravo pal. (Makis 13.28 31, Lukas 21:29:33)

³²Menggor pi aniau nanapi ara ravo pai. Arawa pa sikake e simararia e sive kikitiri mamo, menduin toapa, deriasi ve wor. 33. Toapana kota, mesajo pi ninesi sive diadi mano, menduin toapa, raria pai dieriasi vesiri.³⁴Itopa so mia; Pi ninesi nari sive diadi nana kalwasa vetenam nana rabua nine sia aja semboru vura varami pa. ³⁵Rora pai tutir dunia nei, nari sunai, vape Ine kavo pai ma viata to woroi- worol vea". Sa esi ruin raria pai va e diam pai va.

(Markus 13:32 37, Lukas 17.26-30 34-36)

³⁶Sa esi ruin nie raria pai va, pival nie diam pai va, malaikat venana rora wa sia kota piva, Allah Atu pai kota piva, mae Jai matauni andi ruina.³⁷Nana rabua Siniotu Atune nari I rama pa, amamo nie vava pa masi ariri rabua Noak na papo pa. ³⁸Nanapi raria diekariya baba pai varami pa, kaiwasa pai diapi e dunu e, ririau e, toapa jana veito raria Noak su susa kapal pai pa. ³⁹Nanapi rabua die karija baba pai rutub kaiwasa pai vura pa, janama setandor pi vitopi ve diadi pa. Toapa jana kota Siniotu Atune Irama mamo, Ine vava pa toapana kota.⁴⁰Nanapi raria jani, siniotu pa sumbe muandu sunanaripi na romi mamo, esi pai nari senggori, e esi pai nari sembavuri. ⁴¹Vavi pa esandu suso pas mamo, esi pai nari senggori, e esi pal nari sembavuri. ⁴²Apavo mesanemipaya, aso sa menduin raria toni mene Sie pai nari ria ma pa va.⁴³Mesanemipai nine! Masi siniotu vene anio pesi ruin viemanana pi pai nari ria na diru wa ma, na diam toi, amamo sa diena va. Ave amamo siniotu viemanana pi pai su so nie anio pai vape moja pe. ⁴⁴Apavo mia kota, metarama. Aso Siniotu Atune nari I rama nana raria metinduin va pesi.

Womi vesanemi ruina pai tutir womi vesanemi nganggau pai, (Lukas 12:41-48)

⁴⁵Jesus kievo rea e dioyo, "Apavo, womi pa toni sane pa tindia e ruina pa? Andi nie tuan pai rusasani e vie mananir so womi esi pa sia pa; ave amamo dion ariri pisia maso sia nanapi diam pai pe. ⁴⁶Vesie vesiri maso womi vetoapa jani, aso nie tuan pai sioverai ma mamo, nari ria samuai i so andia nienari pi pa. ⁴⁷Itopa so mia, nie Tuan pai nari rusasani e vie baba, ave amamo sieyo vedior pi vepau pa vura.⁴⁸Vape womi jani ngienggau mamo, nari kievo nana sane raro pa e dioyo, ⁴⁹Ine Tuan pai sa sioverai sair va; janama diarai e riora tatir womi esi pa sia, e dunu, e diapi tutir kaiwasa viunu sua pa sia. ⁵⁰Janama nie Tuan pai sioverai nana raria vinduin va pesi. ⁵¹Amamo nari nie Tuan pai subi soi veito kaririona vesiri, e dietori tapur siniotu vetatar pa sia. Nari sesai e setamuaus nana wana.

Kavo sora tarawa nanapi Karavi sura pa sia

¹. Nanapi raria Siniotu Atune Irama ariri Sie pa mamo, ne vava pa masi ariri kavo sora tarawa nini: Karavi sura verausara siniotu vio veririau vavoru pa sia, senggor pelita e senda vedior mua vio veririau pai. ²Apa sembe rim senganggau, e rim esi pa sia senduina. ³Karavi rim venganggau pa sia senggor pelita, vape senggor mani verawai va. ⁴Mae karawi rim veruina pa sia senggor pelita tutir mani verawai.⁵Vape mua veririau pai sisieu, apa karavi pa sembe remo pavo setena. ⁶Veito diru rabua pa, janama setadiawa raopui viumi pai, dumie dioyo, "Mua vio veririau pai ria ma tol Menda vediori ma!'⁷Apa karavi sura pa sia, sesobata sia e senggair sene Pelita pasi. ⁸Apavo karavi rim venganggau pa sia, sesau so karavi rim veruina pa sia e setoyo, 'Meto mene mani pa katuesa so ama, ava amane pelita nesi sio sivoru. ⁹Amana karavi rim veruina pa sia setoyo, 'Sa diadi val Aso toa mamo, mani nesi sa simasi tata vura ea va! Apavo menda membori na kios.¹⁰Apa karavi rim venganggau pa sia senda sembori mani. Asiaja senda rami e, mua vio veririau pai ria ma. Amana karavi rim viarama to manau pa sia, setisua usara mua vio veririau pai apui so andiraro pesta pai, e rature pai disioria! ¹¹Janama karavi esi pa sia sendama. Sesau e setoyo, 'Tuani, Tuani, sueva rature pai so ama ¹²Amana mua veririau pai dioyo, 'Ya ma iruin mia va'. ¹³Janama Jesus kievo riawanea e dioyo, "Apavo metaran, aso menduin nie raria pai pivai nie diam pai va.

Kavo soratarawa nanapi Tuan vio vera so uta viaroi pai. (Lukas 19:11-27)

¹⁴Nanapi raria Siniotu Atune Ira na ma ariri Sie pa mamo, ne vava pa kota, masi tutir kavo soratarawa nini. Siniotu pesi, dio ria so uta viaroi. Apa siau nie womi pa sia e dion dol borai vesiri so sia. ¹⁵Diona e pau so sia pa ariri siri-siri nie vava pa. Dion so esi pa, pipi mas pa siaran rim. Maso esi vesiei ea pa, dion pipi mas pa siaran muandu. E maso esi ea pa, dion pipi mas pa siaran siri. Manau pa ria. ¹⁶Womi vesamuai pipi mas siaran rim pai, sawawara e ria viori pi e dievayana, apa siemuai untun pipi mas pa siaran rim riwanea.¹⁷Toapana kota womi vesamuai pipi mas siaran muandu pai, siemuai untun siaran muandu riwanea. ¹⁸Mae womi vesamuai pipi mas siaran siri pai ma, ria sieriai kamberei na kakopa wa, e dieniwara nie Tuan pai nie pipi pasi.¹⁹Woroi vesiri, avori janama womi pa sene Tuan pai vievu ma, apa siauruir sia, ave amamo senduar ariri doi baba dion so sia pai. ²⁰Apa womi vesamuai pipi mas siaran rim pai riama, e diono siaran sura. Kievore dioyo, Tuani, buono pipi mas pa siaran rim maso yau. Ite sueyo, jevajanasipa isamuai untun siaran rim riwanea". ²¹Apa nie Tuan pai kievo so i, e dioyo, "Vesie vesiri, au ma womi viate ne vesanemi tindia ni au. Aso nanapi pi katu nine sie, isanemitiar au pavo, nari yono vepau rawai pesasi so au. Sua e sane vesasie tutir Yau.'²²Janana wormi vesamuai pipi mas siaran muandu pai ria ma, kievore diayo, 'Tuani, buono pipi mas pa siaran muandu so ya to manau, Ite sueyo, jevajanasipa ive untun siaran muandu riwanea.' ²³Apa nie Tuan pai kievo so i e diayo, vesie vesiri, au ma womi viate ni au. Aso nanapi pi katu nine si e, isanemitiar au pavo, nari yono pi vepau rawal pesasi so au. Sua, e sane vesasie tutir yau.'²⁴Janama womi vesamuai pipi mas siaran siri pai, ria ma, kievore dioyo, 'Tuani, iruin au ma siniotu vene kavo so wawotu ni au pana. Ruosu ai buo nanapi uta tuana pi nana va. E buena pi nanapi uta tuetap pimor nana va. ²⁵Imatai pavo, ira itup tuani nomu pipi pai nana kakopa wa raro wa Tuani nomui andi nine.'²⁶Apa Tuan pai kievo so i, e dioyo, 'Au ma womi vetatar e vekawawaru ni au!! ruin to manau toapa, ya ma irosu aibuo nanapi uta itana pi nana va. E jena pi nanapi uta itetap pi mor nana va. ²⁷Tojana mamo, kuor ine pipi pasi pisi nanapi Bank pai vae, ave raria ivavu na ma pai mamo, isamuai sovera ine pipi pasi tutir sine bunga pai vae.²⁸Apavo menggor pipi pai vurusui, e metoni so siniotu vesamuai pipi mas siaran sura pai ²⁹Aso teini siemual to manau pa, nari setono soi to pau rawai ea, e nari dindawaina. Mae teini viero pa, katu venana i rami pa, nari senggor vurusui kota. ³⁰E wami veve guna va jani, kie ari so vorira vekumuar wa. Ave siai e diemuaus na wana.'''

Hukuman venanapi raria Dunia nei kieriria pai

³¹Samuai Siniotu Atune Irama ariri Raja pa e Ine malaikat pa sia vura sendausara Ya amamo nari Imasoi sasan Yau nanapi Ine karapesa Raja pai. ³²Kaiwasa venana dunia nei vura, nari sioruiri na aropo ne. Avori ipowasa sia ve muandu, ariri gembala pai piowasa domba pasi nanapi kambin pasi pa. ³³Kaiwasa venanari ariri Sien Allah nie sanevesie pai pa sia, nari iruir sia na rawa varavatane, e esi pa sia na rawa vara sarane.³⁴Janama Raja ne nari ikavo so kaivasa venana vara vata ne sia e jojo, 'Kaiwasa Yai vie berkat pa mia vura, mendama. Mesua na kerajaan vevata somia to manau, nanapi dunia nei vieva retena pa. ³⁵Aso nanapi rabua ivavisi pa, metona e japi, e rabua rao ne parai pa, metona e junu. Ira ve wasa pa, metono uta so Yau, nana mene anio pasi. ³⁶Nana rabua ivaro avavar pa, metono avavar so Yau. Ipota pa, mendemiwari Yau, Inana bui pai pa, menda e metira Yau.'³⁷Amamo nari siniotu jasia senggavore setojo, 'Sie pa nau, avo raria toni ama sayo Sie pa nau vuevisi e amatona e Sie pa nau buapi pa. Pivai e raomu pa parai e ama tona e Sie pa nau bunu pa? ³⁸Raria toni amasayo Au ariri siniotu vera ve wasa e amatono uta so Au nana amane anio pasi pa? Raria toni vuero avavar e amatono avavar so Sie panau pa? ³⁹Rana toni amasayo Sie panau puota e pivai nuana bui pai e amandemiwari Sien Au pa? ⁴⁰Amamo nari Raja ne Yau, ikavore yoyo, Itopa so mia, nana raria toni menanari pi vetoapa jana, maso ine maneta vekariria nine sia esi pa, amamo ima masi ariri menanari maso Ya pana.'⁴¹Janama nari jara Yau e ikavo so venana rawa sara pa sia e yoyo; "Menda vurusu nine, siniotu vio kambarai ne mia. Mesua na adia naraka vevoru moja va wai. Vevata e vimbe aramana Bilis pai tutir nie malaikat pa sia pai. ⁴²Aso rabua ivavisi pa, metona e yapi va; nanapi rabua raone parai pa, metonae junu va ⁴³Ira ve wasa pa, metono uta so Ya nana mene anio pasi va. Nana rabua ivaro avavar pa, metono avavar so Ya va. Ipota e inana bui pa, mesayo Yau e mendemiwari Ya va.'⁴⁴Amamo nari senggavore setoyo; "Sie panau, avo raria toni ama sayo vuevisi pa, raomu pa parai pa, pivai rua ve siniotu wasa pa, pival vuero avavar pa, pivai puota pa, pivai nuana bui pai pa, e amandemiwari au va pa?' ⁴⁵Amamo nari Ikavore yoyo: Rabua menggambarai mesayore mendemiwari ine maneta vekariria nine sia esi pa amamo masi ariri menggambarai mesayo Yau e mendemiwari Ya pa.' ⁴⁶Amamo siniotu jasia ma nari sesamuai hukum, nanapi hukuman vevata to woroi-woroi pai, mae siniotu venanari ariri Sien Allah nie sane vesie pai pa sia ma, nari setenam na vesie pai tutir Sien Allah.''

Baba Yahudi pa sia sesasera ria ve amamo setapur Jesus pa (Markis 14.1-2 Lukes 22.1-2. Yohanes 11:45-53)

¹Jesus tiopan kavo jasi to manau pa, janama kievo so nie murit pa sia e dioyo, ²Menduin toapa raria muandu ea mamo, Raria Baba Paskah pai na, e nari sesiwa Siniotu Atu ne Yau, ave sepa Ya nana aitabat pai.''³Nana rabua jana Imam baba pa sia tutir Yahudi pa sene veve baba pa sia, senduir nanapi Imam Baba mo pai, Kayapas nie anio pai. ⁴Senggavo ariria ve amano setapur Jesus manana e semuni. ⁵Apa senggavore setoyo, "Vape, tananari kavo nine nana Raria Baba wai vape moja, aso nari vediayara e, kaiwasa pai vieririwi vavera."

Sembuvu mani vesairara pai so Jesus pa. (Markus 14:3-9. Yohanes 12:1-6)

⁶Nana rabua Jesus niana Kota Betania pa, nanapi Simon papone vesamuai pota pado pai nie anio pai, ⁷Apa vavi pesi riama so Jesus. Apa kior mani vesairara mo, vian to tariai mo pesi, sesari nanapi botol senanari nana rovuki viate mo nina, Jesus andia miesoi e diapi, amamo vavi pai vuvu mani vesairara pai nana ru pa pa. ⁸Jesus nie murit pa sesayo pa senggasiou. Apa senggavo e setoyo, "Avo mani nei dio meir sararidioi tonine ve? ⁹Mani vesairara nini ma diadi viova e dian to tarai, e nie pipi pasi siona so siniotu vevaro pi pa sial.''¹⁰Jesus ruin sene sanepaya pasi, apa kievo e dioyo, "Aso vitopi metoi suara vavi nei pa. I ma nienari pi viate nina e samuai sanandika maso Yau. ¹¹Aso siniotu vevaro pi pa sia ma, asiaja tutir mia tawana, vape Ya ma itutir mia tawana va.¹²Aso vuvu mani vesairara nini so ine tarai nei pa ma, nienari ariri papo so Yau, aso nari vepir Ja na papi pai pana. ¹³Itopa so mia, nana dunia nei vetutira, na uta topi Sien Allah nie Kavo Vesie pai tiopan nana pa, vavi nei nie pi nienari nine, nari ve topanusara e visanemipai tawana vavi nei kota."

Yudas viov Jesus pa. (Markus 14: 10-11, Lukas 22:3-6)

¹⁴Avori Jesus nie murit suraemuandua pa sia esi nina, vesanomi nanapi Yudas Iskariot pai, ria so imam baba pa sia. ¹⁵Kievo so sia e dioyo, "Ivov Jesus maso mia mamo nari meton vito so yau?" Apa setator pipi ropia perak pa siniotu siri e sura, avori setonasi so Yudasi. ¹⁶Nanapi raria jani e, Yudas siesera ria ve amamo viov Jesus.

Jesus dian pisia Paska pai tutir nie murit pa sia pa. (Markus 14-12-21, Lukas 22:7-14, 21-23, Yohanes 13:21-30)

¹⁷Nana raria retena pai, nanapi Raria Baba Roti vevaro ragi pai, apa Jesus nie murit pa sia, sendama so I. Setutani e setoyo, Avo uta topi sanevesie ama nanari ariri pisia Paska pai nana maso Au?" ¹⁸Apa Jesus kievo so sia e dioyo, "Menda so siniotu pesinina na Kota wai, metopa so i, e metoyo, "Gurui kievo e dioyo, ine raria pai miesi to manau; Yo inanari Paska pai nana nomu anio nei, tutir ine murit ne sia.''''' ¹⁹Apa Jesus nie murit pa sia, senanari ariri kavo Jesus diemias sia soa pa. Senda sepir ariri pisia Paska pai.²⁰Diru pa mana, Jesus tutir nie murit suraemuandua pa sia, semasoi e setapi. ²¹Asiaja setapi rami e, Jesus kievo e dioyo, "Metadiawa, mia esi nari viov Yau". ²²Jesus nie murit pa sia setadiawa pa, sesanemi pa sikariria veito. Apa sia siri- siri dutan Jesus e dioyo, 'Sie panau, jokama ya pe?"²³Apa Jesus kievo e dioyo, "Siniotu vesuan roti susa mok siri tutir ya pai, andi nari viov ya pa. ²⁴Siniotu Atu ne nari ivoru, ariri vevui to manau nanapi Surat Repo pai pa. Vape, kawai maso siniotu vevov Siniotu Atu ne Ya pai. Vesie pa siniotu jani ma, siniani diavini vape moja va pana". ²⁵Avori Yudas vekavo kavo vata va pai kievo e dioyo, "Sie panau, jokama ya pe? Apa Jesus ruar so i e dioyo, "Ariri kuevo vedia."

Jesus nienari Meja Sren pai pa (Markus 14:22-26 Lukas 22:15-20 | Karintus 11.23-25)

²⁶Seto setapi pa, Jesus kior roti pai, avori diap nadi trima kasi pai. Janama pio savu roti pai, nanapi vara pasi, avori dionasi so nie murit pa sia e dinggavora dioyo, "Menggori, e metani; nini ma ine tarai pai na."²⁷Manau pa kior mok baba vesara anggur pai, avori vie trima kasi so Sien Allah. Janama dion mok pai so nie murit pa sia e dinggavora e dioyo, "Metunu, mia vura. ²⁸Aso nini ma ine veria venanari ariri Sien Allah nie arer pai na, veria vetavuvu so kaiwasa vepau, ave sesamuai ampon so sene tatar pasi. ²⁹Vape itopa so mia, "Sa yunu anggur nini ea va, veitoro nana raria yunu anggur vavoru pai tutir mia, nanapi Yai nie Dunia Vavoru pai."³⁰Manau pa sendoi ranu som pesi. E manau na jana pa senda so suovavo Saitun.

Petrus diasani so sa vievur Jesus va pa. (Markus 14:32-42, Lukas 22:39-46)

³¹Avori Jesus kievo so nie murit pa sia e dioyo; "Nanapi diru nini kota, nari mia vura, membavu vurusu Yau; aso vevui nanapi Surat Repo pai toapa, Sien Allah kievo e dioyo, 'Nari imun gembala pai, e nie domba tau pai miesasiepar. ³²Vape isobata Ya riwanea mamo, nari ipapon mia so Galilea."³³Apa Petrus kievo so Jesus e diayo, "Veitoro esi ne sia vura sembavur au wo, ya ma sa pivai!" ³⁴Amana Jesus kievo so i e dioyo, "Nanapi diru nini kota, aja kokori pa sisau varami e, nari puoras Ya ve toru". ³⁵Apa Petrus kievore diayo, "Veitoro ivoru tutir Au wo, sa iporas au va! E murit esi pa sia vura, senggavo toa kota.

Jesus vie nadi nana romi Getsemani pa. (Markus 14:32-42, Lukas 22:39-46)

³⁶Manau pa janama Jesus ria tutir nie murit pa sia so uta vesanomi na Getsemani. Avori kievo so sia e dioyo, "Memasoi na nine, e ira so wana e Ive nadi.'' ³⁷Apa kior Petrus tutir Sebedeus atu pa sandu e sendausari, Janama Jesus sane pa kariria e disamuai saneraro vemanasi pesa va. ³⁸Avori kievo so nie murit pa sia e dioyo, "Saneraro ne kariria veito, masi Yo jimboru veivea. Memasoi na nine, e metaran tutir Yau."³⁹Janama Jesus ria to ve kasau katu, avori disanaebu pasi e vie nadi e kievo e dioyo, "Yai, diadi mamo, buona e kariria nari veter Ya nini, vie kasau vurusu Ya reto. Vape, ariri ine mayar pai va, ariri yai nomu mayar pai vea." ⁴⁰Manau pa Jesus sioverai so nie murit pa setoru, e sieyo mana setoru setena. Apa kievo so Petrus e dioyo, "Avo miama sa mepa va so metaran diam siri tutir Ya vae? ⁴¹Metaran e membe nadi, ave amamo metera sotoura pai vape moja. Tindia mamo, mene wainunu pasi reto simayar sinanari ariri vetindia pai, vape mepaya va, aso rurawa siniotu pai ma pia va."⁴²Janama Jesus sioverai vie nadi riwanea e kievo e dioyo, "Yai, kariria nini nari tier Ya to, e sa tierir Ya va, amamo ariri Yai nomu sanevesie pai vea." ⁴³Manau pa Jesus sioverai riwanea e so nie murit pa setoru, e sieyo mana setoru setena rami, aso sembe remo veya. ⁴⁴Apa Jesus ria vurusu sia riwanea vie nadi ve torua pa, e vienadi e kievo na kavo reu kievo na pasi.⁴⁵Manau pa sioverai riwanea so nie murit pa sia e kievo so sia e dioyo, "Aja metena e memanau marior ramie? Ite mesayo, raria pai miesi to manau so sembovo Siniotu Atu ne Yau, maso siniotu veve tatar pa sembarami pasi pa na. ⁴⁶Mesobata mia, mendama ve tanda. Mesayo! Siniotu vevovo Ya pai, riama to manau."

Setapu Jesus pa. (Markus 14:43-50, Lukas 22:47-53, Yohanes 18:3-12)

⁴⁷Jesus andia kievo ramie, Yudas, murit suraemuandua pa sia esi nina, riama tutir kaiwasa borai pa esia, senda tutir i, senggor sumbe tutir airora. Imam baba pa sia, tutir veve baba na Yahudi pa sia setamias sia. ⁴⁸Siniotu vevovo Jesus pai tiopan ariri so sia to manau, toapa, "Siniotu teini isum na tararei pa, amamo andina. Metapu tawani."⁴⁹Sendama so uta pa mana, Yudas ria bura Jesus e kievo e dioyo, "Tabe so Guru au". Janama sum na Jesus tararei pa. ⁵⁰Apa Jesus kievo so i, e dioyo, "Manetai, vitoini ruama soi na nine pa? Janama kaiwasa vepau pa sia sendapo setapu tawan Jesus.⁵¹Jesus nie murit vena tutir I na jasia esi, piati nie sumbe pai e ditaratuwa Imam Baba mo pai nie womi pai, taradiau pai to tieitu vesiri. ⁵²Apa Jesus kievo so nie murit pai e dioyo, "Suosuruv nomu sumbe pai riwanea apui so nie sor pai. Aso teini dio rura tutir sumbe, nari vioru na sumbe. ⁵³Au ma muemon diadi Isau so Yai e dienatu tentara Malaikat pa tau surae muandu e rawai sawawara ma senggota tata pa vae? ⁵⁴Vape toa mamo, kavo veve arer to manau nanapi Surat Repo pai, nari sive diadi toane? Toapa ave sive diadi mo, ariri nine pino.⁵⁵Avori Jesus kievo so kaiwasa pai e dioyo, "Avo siniotu viomamu ni Ya te? Apa menda tutir pimamuna e airora ma metitapur Ya pa? Raria pasi vura ma Yeniau na Anio Allah pai, vape metapur Ya va! ⁵⁶Vape ima toapana to, ave amamo masi tutir nabi pa sembui nana Surat Repo pai pa. Janama Jesus nie murit pa sia vura, sembavur Jesus.

Senggor Jesus so Agama pai nie ruir baba vekutu kavo pai pa. Markus 14:63-65, Lukas 22:54-55, 63-71, Yohanes 18:13-14, 19-24)

⁵⁷Kaiwasa vetapu tawan Jesus pa sia senggoria so Imam Baba mo, Kayapas, nie anio pai. Yahudi pa sene veve baba pa sia, tutir veve baba na Torat pa sia, senduir sia na wana to manau. ⁵⁸Mae Petrus ma pui usara Jesus e vekasau, ra so Imam Baba mo pai nie varavu pa. Avori Petrus suapui so Imam Baba mo pai nie varavu pa, e miesoi tutir siniotu viarama vediora pa sia, ave amamo sieyo tawan Jesus so nari setoni toane.⁵⁹Apa imam baba pa sia tutir Agama Yahudi pa sene Ruir Baba Vekutu kavo pai, sesasera veve saksi viawia, ave amamo sepir hukuman voru pai so Jesus. ⁶⁰Apa veve saksi viawia pa sepau vesiri, vape sesamuai ria pesi so setimbe karaki pa va. Avori siniotu pa sumbe muandu, ⁶¹Asandu suroyo, "Siniotu nini kievore dioyo, Ya ma diadi so irura Anio Allah nei e ivauni riwanea nana raria toru vea pa.'''⁶²Avori janama Imam Baba mo pai biatai e kievo so Jesus e dioyo, "Avo au ma sa kuevo rera au vurusu saksi ne sia sene kavo setimbe karak au nesi vae? ⁶³Amana Jesus pie vea. Apa Imam Baba mo pai kievo riwanea so I e dioyo; "Isawor au nanapi Allah vetenam pai e, tuopa so ama, Raja Vekor Slamat, Allah Atu pai andi au mo e?" ⁶⁴Apa Jesus ruar so i e dioyo, "Ariri Tuani kuevo pa. Vape itopa so au, nanapi rabua nine, nari mesayo Siniotu Atune Imasoi ariri Raja nana vepaya na pi vura pai vara vata pa, e nari ira na arepa nana rora wa-ma.''⁶⁵Imam Baba mo pai diediawa Jesus kievo tonine pa, pioraban matauni nie sasu pai, e kievo e dioyo, "Siniotu nei kievo sisiayara Sien Allah, apavo tasasera saksi ea va. Mataun metadiawa nie kavo vesisiayara ne to manau. ⁶⁶Apavo metone sanepaya pasi sitoane?" Amana senduar e setoyo, "Siesara, apavo vioru vea".⁶⁷Apa sengganisu nanindu re pasi e setumi, esia ma sebasari, avori senggavo so l e setoyo. ⁶⁸Raja vekor Slamat pai andi Au ve vata mo mamo, buap, teini riora Au ne?''

Petrus pioras Jesus pa. (Markus 14.66-72, Lukas 2256-62, Yohanes 18:15-18, 25-27)

⁶⁹Apavo Petrus ma miesoi na varavu vorira wa. Avori womi vavi pesi riama kievo so Petrus e dioyo, Jokama au kota tutir Jesus siniotu Galilea wai mana." ⁷⁰Amana Petrus pioras na sendemi pasi vura e dioyo, "Ya ma iruin kavo kuevora vedia va."⁷¹Janama Petrus ria so rature repo vorira wai ea. Apa womi vavi pesi vesiei, sieyori ea, apa kievo so kaiwasa vena ja sia, e dioyo, "Siniotu nini, erine andia kota, tutir Jesus nanapi aniose Nasaret pai." ⁷²Amana Petrus pioras riwanea e siawora e dioyo, "Vata mo e Ya ma iruin siniotu jani va.''⁷³Vorabua va mana, siniotu viosa na jasia, senda ma so Petrus e setoyo, vata mo e au ma sia esini au. Ima veruana vesiri nanapi nomu raopui ne." ⁷⁴Amana Petrus siawora e dioyo, "Vata mo e, ya ma iruin siniotu jani va!" Nanapa diam jani kota e, kokori pa sisau. ⁷⁵Janama Petrus sanepai aso Jesus kievo soi pa, toapa, "Aja kokori pasi sisau varami e, puoras Ya ve toru to manau! Apa Petrus suvi ari so vorira wa, e siai veito miesasera.

Senggor Jesus a so Pilatus pa. (Markus 15:1, Lukas 23:1-2, Yohanes 18:28-32)

¹Kausapa vavoru mo pa, Imam baba pasia tutir Yahudi pa sene veve baba pa sia, senggutu kavo ve amamo semun Jesus. ²Apa senggaisu wangga pasi na vara pasi e, senggoria setonia so Pilatus, veve Gubernur nanapi pemerinta Roma pai.

Yudas nie voru pai. (Kisa Rasul-rasul 1:18-19

³Avori Yudas vevova Jesus pai, sieyo mana senggutu hukuman voru pai so Jesus pa, mu sane pa. Apa kior sovera ropia vebera siniotu siri e sura pasi a so imam baba pa sia tutir Yahudi pa sene veve baba pa sia. ⁴Yudasi kievore dioyo, "Ive tatar to manau, aso ivova siniotu vevaro sasara pai, veito siemuai hukuman voru pai pa!" Amana senggavo so Yudasi e setoyo, "Ama ma amanduin va. Mataun au ruara!" ⁵.Apa Yudasi sio pipi pasi susa Anio Allah pai, e janama suvi e ria dievakiri e mun riwani.⁶Imam baba pa sia senduiri pipi pa sia senggavore setoyo, "Pipi ninesi ma pipi veria. Apavo ariri atoran Agama pai mamo, pipi ninesi ma, sa tapisi nana aiku vepir pi som nanapi Anio Allah pai va." ⁷Janama senggavo arin kavo to manau pa, senggor pipi pasi a setimbori kakopa pesa, setap kakopa jana ve. Venanari kabesu pa sene kakopa pana. Kakopa janama setona ve papi maso siniotu vera ve wasa pasi. ⁸Apa joma veito rabua nine, setap kakopa jana ve, "Kakopa Veria.⁹Topa jana ve masi tutir nabi Yeremia nie kavo pa, toapa, "Sembe trima ropia tarai vebera pa siniotu siri e sura, kaiwasa Israel pa sia vait senggutu paina, sive vait maso i ¹⁰E pipi jasi setonasi e setimbori kakopa nana siniotu venanari kabesu, ariri Sien dierer to manau maso ya pa."

Pilatus vie urus Jesus pa (Markus 152-5 Lukas 23:3-5 Yohanes 18:33-381)

¹¹Diam senggor Jesus a so Pilatus pa, veve Gubernur nanapi uta jana paina, avori Pilatus dutan Jesus e dioyo, 'Avo Yahudi pa sene Raja pai andi aue? Apa Jesus ruar e dioyo, "Ariri Tuani kuevo pa." ¹²Vape imam baba pa sia tutir Yahudi pa sene veve baba pa sia, sembe karak Jesus na kavo pa pau, vape dinduar esa va, ¹³Apa Pilatus kievo so Jesus e dioyo, "Avo au ma buediawa kavo borai setimbe karak au wa si vae?" ¹⁴Vape Jesus ruar kavo pesa va. Apa Gubernur pai kievousara veito.

Senggutu hukuman voru pai so Jesus pa (Mrk. 15:6-15; Luk. 23:13-25; Yoh. 18:39-19:16)

¹⁵Nanapi raria Baba Paskah pasi mamo, Gubernur pai suvir siniotu venana bui pa siri, siniotu teini kaiwasa pai sanevesieni. ¹⁶Nana rabua jana pa, siniotu bui veve sano pesi. Sano pa Yesus Barabas.¹⁷Apa kaiwasa pai ruir to manau pavo, Pilatus dutan sia e dioyo, "Teini mesanemivesie isuviri na bui nei e joni maso mia? Yesus Barabas pai te, Jesus sesau ve Kristus pai e? ¹⁸Pilatus kievo tojana pa ma, ruin toapa, veve baba na Yahudi pa sia sembova Jesus maso i pa, aso semadidi pana. ¹⁹Pilatus andia miesoi nana anio vekutu kavo pai rami e, vinie pai diemias aso i e dioyo, "Tuetiowara siniotu vevaro sasara vediai nie kavo nei vape moja, aso andi diona mamo, isayo anamiaya viomataiti pasi na radurane pa.''²⁰Amana imam baba pa sia, tutir veve baba na Yahudi pa sia, senggavo amias kaiwasa pai vea, ave amamo sesau so Pilatus e siuvir Barabas, mae Jesus siemuai hukuman voru pai! ²¹Apa Gubernur pai dutan sia riwanea e dioyo, "Nanapi siniotu muandu vedia sandu, teini mesanemivesie isuviri maso mia?" Amana senduar e setoyo, "Amasanemivesie Barabas". ²²Apa Pilatus dutan sia e dioyo, "Tojana pavo, Jesus sesauwa ve Kristus nei ma joni toane? Amana sia vura setoyo, "Pia na aitabat pai!"²³Apa Pilatus dutan sia e dioyo, "Vape nienari sasara vito ? Amana setananar to rawai ea e setoyo, "Pia na aitabat pail!'' ²⁴Apavo Pilatus sanepaya mana, diadi so dion plesa es va e kawasa pai dio dingguja. Apa kior, kambu pal, ayori rois ruran vara pasi nara kaivata pal aro po pa e dinggavora e dioyo, "Ya ma ivaro sasara, maso siniotu nei nie veria pail Mia menduaral!''²⁵Apa kaiwasa pai yura, ruar e dioyo, "Aviri vei vea, ama tutir armane aturma pa sia, amasariowa hukuman pai so nie veria pail ²⁶Apa janama Pilatus riera Barabas e dioni aso sia, e diemias e sendora Jesus, e dioni a so sia, ave amamo sepai nana aitabat pal.

Tentara pa sesiayara Jesus pa. (Mark 15:16 20 Yohanes 1973)

²⁷Janama Pilatus nie tentara pasia, senggor Jesus apui so anio Gubemur pai, e tentara pa sia vura sesorum wawarir Jesus. ²⁸Avori setita Jesus nie sasu pasi, e sesasuni nana juba veve slanggono pai, ²⁹Senanari wai veve sina pasi ve topi Raja, avori setoni e Jesus tiaruvi. Janama setono ai tato pe si so I, na vara vata pa, avori setisan sene aebu pasi so le sesiajari e setoyo, "Tabe so Raja Yahudi panaul!''³⁰Sengganisu so I, e senggor aitato pai e setindorai na ru pa. ³¹Sesisiajari to manau pa, setita juba veve sianggono pai, avaori sesasuni riwanea nanapi matauni nie sasu pasi, Janama senggori a ve amamo sepa i nana aitabat pai Sepa Jesus nana altabat pai pa. (Makin 1521-32, Lukas 2326-43 Yohanes 1917-27)³²Senda so ria rabua wa pa, senda samuai siniotu pesi, riana anlose Kirene, sano pa Simon. Setosawawari e sieriowa Jesus nie aitabat pai ³³Janama sendama so uta vesanomi na Golgota, tandiwa mamo, "Uta siniotu ru sina. ³⁴Na jana pa setona e Jesus dunu anggur vetitiovara tutir pi wopi pai. Vape Jesus riep tatoi to manau pa, kienbarai dunumi.³⁵Avori sepa I nana aitabat pai, e sembov nie sasu pasi ariri sia nanapi onde. ³⁶Manaupa janama semasol e setarama vedior I na wana. ³⁷Sembui kavo setimbe karaki pat, nanapi ru pa rawa vavo pa, toapa: "Jesus nina, Raja Yahudi paina."³⁸Sepa siniotu venganggau pa sumbe muandu na aitabat pai kota, tutir Jesus, esi pai na rawa vata, e esi pai na rawa sara pa. ³⁹Kaiwasa vera na jasia, senini sendumi pasi e sesisiajara Jesus. ⁴⁰Senggavore setoyo, "Au buo buari Anio Allah pai e, vuaun riawani nana raria toru pae? Allah Atu pai ni Au ve vatamo mamo, vuar vurusu aitabat pai mesu, ave tueisu vurusual!''⁴¹Toapana kota, imam baba pa sia, tutir veve baba nanapi Torat pa sla, tutir veve baba nanapi Yehudi pa sia, sesisiajara Jesus kota. Senggavore setoyo, ⁴²'Siniotu vevesiei pa sia vori, diona e setaisu vurusu kariria pasi, mae matauni ma diona ve tieisu vurusu kariria pai va, Raja Israel pai na mamo, vesie pa viar vurusu aitabat pai, apino amasanemitiar i pe.⁴³Sanetiar Sien Allah, e kievore dioyo, I ma Allah Atu paina. Apa ite tasayo so Sien Allah tierir I vurusu kariria nei pe.''' ⁴⁴Siniotu venganggau sepa nana aitabat tutir I pa sandu kota, sunggavo sisiajari toa pana kota. Jesus nie voru pai. (Markus 15:33-41, Lukas 23:44-49, Yohanes 19:28-30)⁴⁵Raria rabua pa uta pai vura kumuar jam toru. ⁴⁶Jam toru ravinena pa, Jesus dienanar to baba vesiri e dioyo, "Eli, Eli, lama sabakhtani?" tandiwa mamo; "Ine Allah panau, Ine Allah panau, aso vitopi vuevu vurusu Ya pa?" ⁴⁷Siniotu venana ja sia, setadiawa dienanar pa, apa senggavore setoyo, "Siau Elia!"⁴⁸Apa sia esi sawawara e kior bunga karan pai e, suani nana anggur vesiasa pai. Janama suruv kepani nana sasa pai sope pa, avori siosari ajai so Jesus sorepa pa. ⁴⁹Amana esi pa senggavore setoyo, "Nanariari, ave tasayo so Elia riama diona e, tieisu vurusu kariria veteri nei pe!.'' ⁵⁰Avori Jesus dienanar riwanea to baba vesiri e siosorewayou vimanaua pai.⁵¹Sis gorden vievakir na Anio Allah pai raro pai, miesabu ve muandu, nana vavo wa ravav so douwa. Kakopa pai niniya e wi rovuki pasi simasavu. ⁵²Kubir pa sitasieva e kaiwasa vesanemitiar e vevoru to manau pa sia, sesobata sia riwanea. ⁵³Jesus siobatai nana voru pai to manau pa, vevoru pa sia sesuvi nana kubir pasi, e sesuapui so Kota Yerusalem e kaiwasa pau sesayo sia na wana.⁵⁴Komandan pai tutir tentara viarama vedior Jesus pa sia, sematai vesiri, aso sesayo mundiya pai tutir pi veveruana pasi vura pa. Apa senggavore setoyo, "Vatae, I ma Allah Atu paina!" ⁵⁵Vavi pa sepau senana jana kota, e sesayo veina viaroi. Asia sendausara Jesus na Galilea e setonanusari pa. ⁵⁶Nanapi vavi nine sia pa, Maria Makdalenai tutir Maria Yakobus-Yusupi susiniami pai, e Sebedeus atu pa sia sesiniami pai.

Sepir Jesus na papi pai pa. (Markus 15:42-47, Lukas 23.50-56, Yohanes 19.38-42)

⁵⁷.Diru jani pa siniotu kaya pesi, riana uta Arimatea, sanopa Yusup, Jesus nie murit pa esi nina kota. ⁵⁸Ria so Pilatus e siau Jesus nie tarai vevoru pai. Apa Pilatus diemias e setono Jesus nie tarai vevoru pai so Yusuf.⁵⁹Avori Yusup kior Jesus nie tarai vevoru pai e tievani nanapi sis vemamara vesararepa e vevavoru pesi. ⁶⁰Janama Yusup pir Jesus nie tarai vevoru pai, nanapi matauni nie papi vavosa senanari nana suovavo vietarai vevpal. Manau pa kiediduir rovuki pimasa pesi a disiori papi pai sore pa, e janama ria. ⁶¹Vape Maria Makdalena tutir Maria vevesiei pai, sumasoi na jana e sundaromi bur papi pai. Siniotu viarama vedior papi pa sia.⁶²Kasusapa nana raria Sabat pai pa, imam baba pasia tutir Parisi pa sia, senduir e. ⁶³Senda so Pilatus, e setoyo, "Tuani, amasanemi pai so siniotu viawi tituwa wai aja tienam pae kievore dioyo, 'Raria toru to manau mamo, nari isobata Yau'. ⁶⁴Apavo buemias siniotu pesia ve setarama vedior papi pai veito raria veve torua pai, ave amamo nie murit pa sia setamanana nie tarai vevoru pai vape moja, avori setopa so kaiwasa e setoyo siobatai nanapi voru pai to manau. E awia vepui nini ma nari dinggariria rawai retena pa.''⁶⁵Apa Pilatus kievo so sia e dioyo, "Nari jono tentara viarama vediora pesia, janama diemias sia e dioyo; "Menda, ave metarama vedior papi pai to karakuai mo." ⁶⁶Janama senda so papi pai e sembe cap ravuki vesioria pai, e sepir siniotu viarama pa sia, ave amamo esia senda setovavera papi pai vape moja.

28²

Jesus siobatai nanapi voru pai pa (Markis 16:1-10, Lukas 24:1-12, Yohanes 20:1-10)

¹Raria Sabat pai kiara to manau e, nana raria ari pai kausapa vavoru mo pa, Maria Makdalena tutir Maria esi pai, sunda susayo papi pai, 2. Worabua va mana mundiya pimasa pesi piot. Sien nie Malaikat pesi viar na rora wa mesu avori kiediduir rovuki visioria pai, e miesoí sasani na rovuki pai vavo pa.³Malaikat pai re pasi sivava ariri ververa, e nie sasu pasi simamara veito sipokara. ⁴Tentara viarama na ja sia, sematal veito sendiririoyar, e sembava ariri.⁵Siniotu vevoru. Malaikat pai kievo so vavi pa sandu e dioyo, "Mumatai vape moja! Iruina mana musasera Jesus sepa nana aitavat pai. ⁶Niana nine va. Siobatai to manau, ariri tiopa to manau papo pa. Munda ma musayo uta viata nana ne. ⁷Janama saira e munda, mutopa so nie muirt pa sia, 'Siobatai to manau, e nine ma piepon mia so uta Galilea. Nari mesayori nanapa wana!' Musanemi pai tawana kavo vitopi itopana maso mandu to manau pa."⁸Sawawarae vavi pa sumbavu vurusu papi pai. Susanemi raro pasi sive matai tetiovara sanevesie, surapai a sutopa kavo pa so Jesus nie murit pa sia. ⁹Amana Jesus ria tandoro vavi pa sandu e kievo so sandue dioyo, "Tabe so mandu!" Janama sunda suderiasi, avori sutapu nana ae pasi, e susomi.'' ¹⁰Avori Jesus kievo so sandu e dioyo, "Mumatai vape moja, e munda ve mutopa so ine maneta pa sia, ave amamo senda so Galilea, nari sesayo Ya na wana.''

Veve baba nana Yehudi pa sia, sesanemi siri e setawia pa.

¹¹Vavi pa sunda to manau pa, tentara viaran vedior papi pa esia, sesovera so Kota, e setopa sasaar kavo veve diadi ninesi vura so imam baba pa sia. ¹²Apa imam baba pa sia tutir veve baba na Yehudi pa sia, sesanemi siri e setono pipi borai pasi so tentara viarama vedior papi pa sia. ¹³E senggavo so sia e setoyo, "Nari menggavo toapa, metena pavo, Jesus nie murit pa sia senda na diru pa ma senggor nie tarai vevoru pai.'¹⁴E Gubernur pai diediawa kavo nine mamo, nari amanggavo arariai, ave amamo mesamuai hukum vape moja". ¹⁵Apa tentara viarama vedior papi pa sia, senggor pipi pasi, e senanari ariri kavo setarera so sia pasi. Apa joma topanusara ninei, miesiepar usara kaiwasa Yehudi pa sia veito raria nini.

Jesus vieruani maso nie murit pa sia pa (Mrk. 16:14-18; Luk. 24:36-49; Yoh. 20:19-23; Kis. 1:6-8)

¹⁶Jesus nie murit surae-siria pa sia, senda so suovavo Galilea, ariri Jesus dierer so sia pa. ¹⁷Sesayo Jesus na wana pa, setisan sene ae bu pasi e sesomi. Vape esia ma sematitiati.¹⁸Jesus ria dieriasi sia vori kievore dioyo, "Paya saserai venana rora wa, to na dunia nei, sisiwa maso Ya to manau. ¹⁹Apavo menda so kaiwasa vura na dunia nei vetutira, metona e sembe murit so Yau. Mesoiv sia nanapi Tama pai sano pa, e Atu pai e Wainunu Sren pai.²⁰Metaniau sia ve amamo senanari ariri kavo vitosi itopanasi maso mia to manau pa. E mesanemipaya, nari itutir mia tawana, veito raria vemanau wai.

Wamesa: Bible for Matius

Formatted for Translators

Matius