¹Miyano kilepale elivuro yopatjera, Teofilo, kihimyaka zotene etthu zipatjeralyawe Yesu wira ni ossomiha, ²m'paka nihiku otexiyawe wirimo. n'yo zikhumelelale numala Yena ahimyalyawe, n'mokoni wa n'nepa wowarya, wa mapostolo Yena athan'lyalawe. ³Vamalalyawe ohawa, Yena ahithonyera Yena meekhawe awona wan'yawo, ni etthu zoweehiya zahavanyihaniya. Mahiku miloko mitjexe, Yena ahiwa wayena, ni khwahimerya mwaha wa omwene wan'Luku.⁴Okathi Yena wathukumanalyawe nayena, aharuma wira yihiyeni Yerusalem, masi yalittyhihe enatiri yaPapawe, yele, Yena yiraliawe: Nyu n'hinwa ehimiyaka wamiyano ⁵wira Yohani apatizari ni mazi, vavo, wamahiuu vakani, nyu muinroa opatizariya ni'Nnepa woWaria''.⁶Ayenyena anathukumanalene ahikohiya: ''Pwiya, ola tori okathi onroen'nhu ohokoloxera omuene wa Israel?'' ⁷Yena ahira: Kahi etthuin'nhu nyuwano ozuwela okathi aPapa ohimialiaya nuweriawaya; ⁸masi muinroa wakelela ekuru yukhuruwelakani Eroho Yowaria, ni muinroa okhala anamoniaka, okhuma oJerusalem, m'pakha oJudeia wotene ni oSamaria, ni m'pakha omalelale elapo.''⁹Numalha ohimia inya etthunya, aPwiya Yesu yahikuxiya aroka ozulu ayena yaweka, ni neku nimoza na Hakhunela vamenthoni waya. ¹⁰Ayena yahalale awehazaka ozulu, okayhi Yesu wawelawe, ni vowakuveya, alopuana enle owara zotthela, yahakhumelela wariayavale. ¹¹Ayena khuira: ''Atthu oGalilea, exeni owehexexaka ozulu? Oyo Yesuyo okuxiye wanyuwano aroaniyaka ozulu, onaroa ohokoleia muanaa zinwehalen'nhu awelaka''.¹²Vano ayena yahihokoleiaza aroaka oJerusalem oMuako wa Oliveiras onkhala watthamela oJerusalem, nari nipuro nokhuvela yahettha m'khuha esaapatu. ¹³Vano ayena vaphiyaliaya, yahiroa m'pakha enupa yozulu, wonwo wamakazaliaya. Ayo yari Pedro; Yohani; Yacopo; Andre; Filipe; Tome; Bartolomeu; Mateus; Tiago, muana Alfeu; Simao; yowo ari Zelote; ni Judas muana a Tiago. ¹⁴Otene alaza yarizi vamoza m'mavekeloni, otakanela naxithiyana, ni Maria amamawe Yesu, naxihimawe.¹⁵Wa mahiku yaale, Pedro ahemela eriyri yaxikhuawe, ophiyeraka atthu emiya pinli ni milokominli, ni khura: ¹⁶''Axikhuaka, yanirerela wira ziraneye inye zalepiye, inye N'nepa Wowaria zahimialiaya khalayi vamalakuni waDavi, wa muaha wa Judas, okhalale ephiro yonvariha Yesu.¹⁷Okhala wira yena ari nihiyano wanteko yola. ¹⁸(N'lopuanoyo ahithuma n'thala niile yaphunhaliawe nihasara, vano khuinvariha ni muru vathi, erutthuawe khukawaniheia eriyari ni marupoawe khumuarela ota. ¹⁹Eyo yahizuwelaziya naatthu otene ankhala oJerusalem, hata ninthalan'ne khuazimiya ni elukaya ''Aceldama'', en'himia wira ''N'thala naPhome''.)²⁰Vano yolepiya m'papheloni yomasalimu: 'N'hiye n'thalanno nothamiya ni n'hin'hiyeni n'tthu akhalaka muenmue' ni Muin'hiye n'kinaku akuxeke okhulupale warinawe'.²¹Ennirerela, wira, an'nawinwale atthu annikhalihera okathiola wotene aPwiya Yesu wariaya nihiyano, ²²okhuma onpatizoni waYohani m'pakha nihuku aYena nikuxiyaya ozulu, wanmozaya anikhalele onamoni wa ohihimuawaaWe''. ²³Ayenaze yahanthanla enli: Jose, azimiya Barsabas, ozuwelexiya Justo, ni Matias.²⁴Ayena, avekelazaka, yahira: ''Nyu, Pwiya muinnizuwela iroho zatthu onten, vano, n'nithonhihere waiyala enliala tipanixa Nyu onthanlalen'Nyu ²⁵wira akhale nipuro wanteko yola ni warumei, okhalaliawe Judas owihapuxa aroaka nipuronawe''. ²⁶Ni nuwesiya orakulu eparakha yahimmorela Matias ni yena khuheliya nipuro narumei n'loho nam'moza.

¹Vaphiyaliaya nihuku napentekoste, yira anathukumanale atthu otene nipuro nimoza; ²nan'nanoru, yahiwa okhuma wirimo esoti muanaa epheyo yulupale ni khuzala m'pani motene monkomazaliaya. ³Ni yahikhumelela malumi muanaa amoro yakawaniale watthu otene; ni ayo yahinkela kula n'tthu. ⁴Otene wahazalela N'nepa Wowaria ni khupajera olavulaza eluka wanamuna N'nepa Wowaria zahimeriaya wira alavule.⁵Yira akhalazaka oJerusalem mayuda othunku amaloko otene vathiva; ⁶wa okathi esotiyo winwanialiaya, atthu yahithukumana ni khutikinihiya, maana wakula n'tthu awinwa olavula elukawe. ⁷Ayena yari otikinihiya, yanithamala yiraka: ''Wekhueli, kahi aGalileia oteneiala anlavulazala?⁸Ninwinwa zai otene alavulaka elukehum? ⁹Him naparto,amedos ni maelamitas, ni ale ankhala oMesopotamia, oJudeia, ni oCapadocia, oPonto ni waAsia, ¹⁰oFrigia,ni oPanfilia, weEgito, ni mipantthe zo Libia watthamela oCirene, ni ananwa oRoma, ¹¹maJudeu ni Proselito, maCretnse ni maArabe, otene him ninwinwa alavulaka elukazihum niikuru zamiteko zan'Luku''.¹²Otene yahitikinihiya ni khuxankaza, ni khuyirelana m'moza ninkhuawe: ''Ela en'himiani?'' ¹³Masi akina yaniveha yiraka: ''Ayena anuhapalaziya''.¹⁴Masi Pedro ahivenha naale n'lokonam'moza, khutaphula esotiawe ni kuahimeria: Atthu oJudeia ni otne ankhala oJerusalem, n'hana n'zuwelaka ela ni muinwelele molumuaka. ¹⁵Tthuaala kahi wira anuhapalaziya, muanaa zinupuwelen'nhu, va n'lelo eworattharu zawijisu.¹⁶Masi ela tiile yahimiye n'namuhupi Joel: ¹⁷Wamahiku omaliha', ohimia n'Luku: Kinroa omuarexela N'nepaka wa erutthu yotene: Axanennhu alopuana ni athiyana anroa ohimiaka zan'Luku, anantthompe anroa wonaka etthu zorerela ni ale axulupalen'nhu anroa olohaka;¹⁸Ni hata warumeiyaka athiyana naalophuana Kinroa omuarexela Nnepaka, ni ayena anroa olohera zan'Luku. ¹⁹Kinroa wonihera malavi ozulu wirimu, ni mithonhero vathi n'laponi: ephome, moro ni otthuwa wamuixi.²⁰N'zuwa ninroa othatuwa epiphi ni mueri muanaa ephome nihinatthi ophiya nihuku nulupaleni nowaria na'Pwiya. ²¹Ni vanroa okhala wira yole otene onroa oromola n'zina na'Pwiya onaroa wopowa²²Atthu awisrael, muinwelele molumuaala: Yesu oNazare, n'lopuana owaminiya nin'Luku eriarin'nhu nimirira zotikiniha ni mithonhero N'luku zipankaliaWe eriyarin'nhu, muanaa zinzuwelen'nhu; ²³wazizam'mo zatthuniheriyaya ni ohitanapahi wan'Luku, Yena ovahereriya, ni nyuano, wa matata atthu ohikhalana eketthelo, momuinva ni mohonkhomela; ²⁴yole N'Luku ohihimuxaliaWe apuexakazaka ekhatteia zanokhua, maana khawarerela Yena otthukeliya nuuyo.²⁵Ni, wamuaha wayena, ahira Davi: 'My kanaweha aPwiya oholowaka miyano, maana Yena ori monoaka wolopuana wira miyano kixenkereeni. ²⁶Vano, erohoaka yohakalala ni n'luminaka notthapa, hata m'pakha erutthuaka enamumula nulipelela.²⁷Vano khamuinroa onhanhala n'nepaka o Hades, wala khamuinroa n'hiya n'ttuinnhu orerela ahoxiyaka. ²⁸Nyu mokithonhihera iphiro zookumi; Nyu n'nakizaliha ohakalala oholowinhu.²⁹Axikhuaka, my kinamuhimeriani niwinlipiha muaha wanloko na Davi, yena ohokhua hata zivithiyawe, ni hata mahiyawe ari nihiyano m'paka elelo. ³¹Vano yena ari namaloha, ni anizuwela wira N'luku ahimmanela natiri, aroa on'hela m'muziawe vanipuroniwawe. ³⁰Yena ahihimia yeyi azaka muaha wohihimua wa Cristo: 'Yena kanhanhaliye o Hades, wala erutthuwe khihoxiye'.³²Yesu yoyo N'luku on'hihimuxaliawe, okhalaliehu hiyano otene anamona. ³³Vano, akuxiyaka moono wolopuana wA'luku, ohakhelela enatiri yaPapawe N'nepa Wowsria, okhalale tumuarexiye ni vano nyu monaka ni muinwaka.³⁴Okhala wira Davi khawelale wirimu, masi yena ahira: ''APwiya yahiwirela aPwiyaka: 'Monkomathi m'phanttheiaka mono wolophuana, ³⁵m'pakha My wahela awananin'nhu vathi va enhauzinhu''''. ³⁶Vano, etthoko yotene yawIsrael vekhueli ezuwele wira:Yesu yoyo, nyu onkhomelalen'nhu, N'luku onkhaliha Pwiya ni Mopoli''.³⁷Vavo nuwinwaza zammo, erohozaya zahikhala zoripiya ni khumuirela Pedro ni arumei akhinaku: ''Axikhuihu vano nireke zai?''. ³⁸Ni Pedro khuwirela: Muituthuwe ni wakula m'moza anyu apatizariye wanzina naYesu Mopoli, wara aleveleliye etampizawe ni muakhele inye zovahiya zan'Nepa Wowaria. ³⁹Maan, enatiri tiyawinyu nyu naxanen'nhu niyatthu otene ari otthiawene, wa yale otene aPwiya antthunaya owazima''.⁴⁰Ni molumo makinaku Yena anatonhihera nuwupuxera, iraka: muizopole wanlokonna notakhala''. ⁴¹Vano, ale yakhelelale molumuawe, yahipatizariya, ni wanihikun'ne yahunjererea vophiyeraka atthu ikonto ttharu. ⁴²Ayena yakhala arumelaka eketthelo zarumei ni wanthukumano, ni wumelanani n;katthe ni m'mavekeloni.⁴³Wakula eroho wahavo wova, ni mitikiniho zinjene ni mithonhero zaaniranea eriyari yarumei. ⁴⁴Otene yakupali yarizi vamoza ni m'khaleloaya wari vamozaru. ⁴⁵Yanitumihaza imatthazaya ni maliya otene, ni khukawanazaka otene, avarelaka wakula n'tthu yupuwelawe.⁴⁶Vano, wakula nihiku,yakhalana n'teko m'moza m'pani wa'Luku, yanimelana n'katthe wakula n'tthoko, aliazaka vamoza nuttheliya n'rima niroho yokhalelana; ⁴⁷Yanintthotthopela N'luku ni yaniziveliya naatthu otne. Ni aPwiya yaniwunjerera wakula mahiku ale yopowa.

¹Pedro ni Yohani yira aelelaka oroa olompa m'pani wa'Nluku, ewora yathan'naxexe. ²N'lopuana m'moza, orakala oyariyawene, anatexiyaka mahiku otene kuroaniyaka winjathiya vankhora wompani wa'Nluku wazimiya Formosa, wonwo yena tuwavekelawe ejimola wale yaakela. ³Nunweha Pedro ni juwawu aphelaka okela m'pani wa'Nluku, ahavekela ejimola.⁴Pedro, nupharula menthowe, vamozaro ni juwawo, ahira: N'kaniwehe hiyano.'' ⁵N'lopuana orakala ahaweha ayenaze, alipelelaka wakhelela etthu. ⁶Nukela, Pedro ahira: ''N'kirina n'nakhala eparatha walani eworo, masi ele erinaka kinamuvaha. Wanzina na Yesu Mopoli o'Nazare, wetthe''.⁷Pedro, ahinvarela n'tata ni jela, khunvenhiha; ni nan'nanoro enhaozawe ni makhuva amalunkoniwawe yahiphunha ekuru. ⁸Vano atuphaka, n'lopua namarakala ahemela ni khupajera wettha; ni ahikela ni Pedro ni Juwawo m'pani waN'luku, ettheka, atuphaka ni antthapelaka N'luku.⁹Atthu otene yahinweha etthaka ni antthapelaka N'luku. ¹⁰Ayena yahizuwelaza wira ari n'lopuana yole onkomaka avekela ejimola vankhora Worera wom'pani waN'luku; ni yahithamalaza ni nutikinihiya wa yele yaakhumelelale.¹¹Onanvarelale yena Pedro ni Juwawo, atthu otene yahitthiawa watthimakela, otikinihiene, n'we wazimiya oPortco wa Salomao. ¹²Vano Pedro nuwona eyo, ahakoha: ''Nyu, atthu awIsrael, muintihinihiya exeni? Exni opharulaka menthoenyu n'niwehexexaka, muanaa hiyano nuetthihale nikuruzihu nuthunku?¹³N'luku a Abraao, a Isaque ni a Jaco, N'luku axipapehu, ontthotthopela n'rumeiawe Yesu. Oyo tule nyu onvahalen'nhu ni muinkhotthaka oholo wa Pilatos, yena aphelaka onleva. ¹⁴Nyu mohonkhottha nanrera n'rima Yesu, ni n'vekelaka yovirikana eyo, wira n'vahiye namatakhala.¹⁵Nyu momuinva namapatthuxa okumi, yoyo N'luku on'hihimuxaliawe wanamakhua, ni hiyano naanamone etthunya. Ni vano, ola onlopuanoola, oninwehen'nhu vaa ni oninzuwelen'nhu, onlipiheriya ninroromelo wan'Zinanawe. ¹⁶N'roromelo ninwa waYesu, nin'ninvaha n'lopuanaola okumi worerela eriyarinhu nyuze otene.¹⁷Axikhuka, kozuwela wira muirale muizuwelaka, hata naale aholelin'nhu. ¹⁸Wazizam'mo, itthu N'luku zahimialiawe vamalakuni wanamaloha, wira Mopoliawe aroa ohawa, Yena vano ohira.¹⁹Vano, muituthuwe, ni n'rukunuxe makhaleloen'nhu, wira n'leveleliye etampizinhu, ni wazam'mo, wuweleni okathi womumula waaPwiya, ²⁰ni Yena anvaherere Mopoli okhalale nan'nanova othanliya, Yesu.²¹Oyo tuule erimu entthunaya omuakhelela m'pakha okathi wohihimuwa weetthu zotene, okhalale N'luku tan'himialiawe, wa okathi wakhalai otthuli, vamalakuni wanamarera anamarumiya. ²²Khuelikhueli ohimia Moises: 'APuiya N'luku anaroa onvenhiha n'rumei muanaa miyano eriyari yaxihimen'nhu. N'hana m'muiwelelaka zotene zintthunawe wuhimeriani. ²³Enakhumelela wira, ole ohinroa omuinwelela oyo N'rumeioyo, vekhueli onroa okhala ohononiya eriyari yatthu'.²⁴Ni arumei otene, okhuma Samuel ni ale yanttharelelale, yahilavula ni yahihimia zaiyala mahikuala. ²⁵Nyu muaxana arumei ni anatiri N'luku omuiraliawe naxipapazinhu, muanaa zan'himerialeiawe Abraao: 'Wa epioao maloko otene n'laponi anroa okhala orerihiya'. ²⁶N'luku onapajerale on'hihimuxa N'rumeiyawe, opajerale Onvaherera wanyu wira ureriheni, uhapuxakani wakula n'tthu wazotakhalazawe''.

¹Vano Pedro no Yohani yahimeriaka atthu, anankurrho, n'holeli ampani wan'Luku ni masatuceu yahiwatthamela ayena ²oonanariya vinjene, okhala wira Pedro ni Yohani yasomiha atthu muaha waYesu, ni yalatthula ohihimuawawe eriyari yanamakhua. ³Vano,yahitthukaziya khuheliya n'khattheia m'pakha nihuku nikinaku, maana wahinla. ⁴Wazotene, atthu injene yinwala molumoale yahikupali; owatthamelaka alopuana ikonto thanu.⁵Yahikhumelela wira, nihuku nikina aholeli alapo, axulupale ni anmalepa yahithukumana oJerusalem. ⁶Anas, ori n'khulupale anan'kuttho, Caifas, Juwao, Alexandre, ni otene yale yira m'pantthe waholeli anankuttho. ⁷Nuhelaziya Pedro ni Yohani eriyari yatthuale, yahikohiya: ''Ni ekuru zapani wala n'zina napani eniranen'nhu etthunya?''⁸⁹¹⁰Vano, Pedro, ozaliya nin'Nepa woWaria, ahahimeria: ''Nyu aholeli atthu, ni axulupale, nakhalaka wira hiyano, n'na nihukun'na, ninkohakohiya muaha wanrati ovareliye n'tthu awerenya, wanamuna evonihiyawe. ¹⁰Eyo ekhale yozuweliya ninyu otene ni naatthu otene awIsrael, wira wanzina na Yesu Mopoli oNazare, yole onkhomelalen'nhu ni yowo N'luku on'hihimuxaliawe watthu okhua, waiyowo tuvonihiyawe n'lopuana onimonen'nhu.¹¹Yesu Mopoli n'no n'luku nyu, n'ri anamateka, nitthikhalen'nhu, masi ninari n'luku navakumpuni. ¹²Khuvotho wopowa wantthu n'khina; okhala wira khanovotho n'zina nikina vathi verimu, nivahiye atthu, nimphuanelela wopola''.¹³Vano vonaliaya ozuwelaza waPedro ni Yohani ni yahizuweliya wira yari atthu ohisoma, yahikhala otikinihiya; yahizuwela wirw apedro ni Yohani yahettha ni Yesu. ¹⁴E, vamonaliaya n'lopuana avonihiye onari nayena, khayarinatho ekina yohimia yovirikana.¹⁵Masi, wireliaya wira arumei akhume vanthukumanoni, yahivanela yayoru, yiraka: ¹⁶Ninroa owiriha exeni ale atthuale? Okhala wira tiyowonea muirira wowopiha wiraliaya, wozuweliya naatthu otene ankhala oJerusalem, ni hiyano khaninkhottha ela. ¹⁷Masi, wira eyo yimuarele watthuni, niwopererie wira ahin'himerietho n'tthu wanzinan'no''. ¹⁸Ayena yahimuazima Pedro ni Yohani ni khowopereria wira ahin'himerietho, hata n'tthu wala osomiha, wanzina na Yesu.¹⁹Masi Pedro ni Yohani yakhula yiraka: Muin'nonela okhala yorera, eriyari yaN'luku, owiwelelani nyu ohikhalale Yena. ²⁰Okhala wira hiyano khaninroa omaala ekisua yeitthu zinonehu ni zininwehu''.²¹E, yopopihiyaka ninlelo Pedro ni Yohani, yahihinya aroazaka. Ayo khayaweriale ophelaza ekisua yopuanelela wira yahukhumu, okhala wira atthu otene yantthotthopela N'luku wayele yakhumelelale. ²²N'lopuana avvonihiye arina iyakha miloko mixexe zowin'nuwawawe.²³Nuhinya, Pedro ni Yohani yahiroa waatthaya khuhimiakaza zotene aholeli ankuttho ni axulupale zawirihaliaya. ²⁴Vano vinwaliaya eyo, yahivenhiha esotizaya waN'luku yiraka: ''Pwiya, Nyu m'pamkale erimu, ni etthaya, ni ephareia, ni zotene ziri monmo, ²⁵Nyu vamoza, vamoza ni N'nepa Wowaria, vamalakuni vapapehu Davi, N'rumein'nhu, muahira: 'Exeni maloko amalapo onanariyaka, ni atthu annupuwelaza itthu zohirerela?²⁶Mamuene anlaponi anutakanela, ni aholeli anlaponi anuthukumana owana naaPwiya ni owana ni N'rumeiaWe'.²⁷Wekhueli, otenezaya, Herodes ni Poncio Pilatos, vamozaro namalapo naatthu a wIsrael, othukumana epoma yela ankhotthaka N'rumein'nhu owaria, Yesu, yoyo Nyu ontthapelalen'nhu. ²⁸Ayena athukumanaza wira amalihere zotene zupuwelalen'Nyu khalai nutthunawiNyu wira n'namuira.²⁹Vano, Pwiya, n'kawehani wopopihiyan'no ni muavaheni arumein'nhu olvula molumuen'nhu wira ahimieke vohova. ³⁰Ni n'taphulaka n'tataninhu wira n'vonihe, ni wira ziraneyeke mithonhero ni malavi wanzina naNrumein'Nyu Yesu''. ³¹Ni vamalihaliaya olompa, nipuro nathukumanaliaya nahitathiya, ni otenezaya khuzareya N'nepa Wowaria, ni yanilalea molumo aNluku nikuru.³²Watthu injene yale yakupali yarina eroho emoza ni n'rima m'moza, khavo ira etthu yarinwe yari yavekhawe, vohikhala zam'mo, zotene zaari zaatthu otene, ³³Niikuru zinjene arumei yanimuira namoniaya muaha wohihimua waYesu, ni mahala minjene yari nayenaze.³⁴Kharivo hata m'mozaya yanthowa etthu, okhala wira otene yahanaza etthuzaya wala enupazaya, yanitumihaza ³⁵ni khuwanaka n'zurukhu ni m'matatani warumei. Ni wakawaniya zizale wakula m'moza wa ele yapheelawe.³⁶Juze, nankuttho m'moza, ari oChipre, okhalale tavahiye n'zina no Barnabe narumei, eyo en'himia wira, muana ozuruiya. ³⁷Ahana n'thalanawe, khutumiha ni khuwana n'zurukhu ni khuinjathi m'matatani warumei.

¹N'lopuana m'moza azimiya Ananias, ni muarawe Safira, yahitumiha n'thala nimoza, ²ni khuhavula n'zurukhu watumihanaliaya khuvitha (hata amuarawe yanizuwela yeyo). Yena ahikuxa n'zurukhu n'kina ni khuroana m'matatani warumei.³Vano, Pedro ahakoha: ''Ananias, exeni ozala xetuani varohoniwao wira othepie N'nepa Wowaria ni ohalane n'zurukhu n'kina otumihaliao nthala? ⁴Wahiyale vohitumiha, khanaroa okhala nawao? Ni vano nutumiha, khawaroa wiriha entthunao? We wupuwelale zaietthunyo varohoniwao? Nyu khamuinthepiale atthu, muinthepiale N'luku''. ⁵Nuwinwa ala molumoala Ananias ahimora ni khukhua. Wova wahakhumelela atthu otene yinwale eyo. ⁶Ni yahivenha axilopuana khunkhunela, yahinkumihera ota khuroa khunsikha.⁷Ziviraka iwora ttharu, hata muarawe ahikela muenmue, ahizuwelaka yiraneale. ⁸Pedro ahimuirela: ''Kihimerie wakhala wira wotumiha n'thalanne walani kavi?''. Yena ahakhula: ''Ayoni, kitumihale n'zurukhu ola''.⁹Vano, Pedro ahimuirela: ''Exeni nyu wiwanana othepia N'nepa Wowaria? Woneke, yasikhale amuannao taya ari vankhora voo ayena anamukuxa niweyano''. ¹⁰Nannanoro yena himora ni khukhua, ni axilopuana yahiwaza khumphuanha onakhuale; yahinkumihera ota ni khunsikha watthamela namuannawe. ¹¹Ni wova winjene wahapuanha atthu otene vanthukumanonivale ni hata atthu otene yinwale etthunye.¹²Mithonhero ni mirira zinjene zanikhumelela eriyari yatthu m'matatani warumei. Ni ayenaze yathukumana m'puaro mua Salomao. ¹³Yanukhalaru wira atthu yanafenta vinjene, khavo aweria otakanela nayena.¹⁴Ni yanunjererea okathi tukathi ale yankupali Pwiya, okhuma alopuana hata naathiyana, ¹⁵hata nimarettha yanikuxiya oroaniya m'maphironi ni aheliyaka m'marepani m'matthokoni wira Pedro aviraka, n'nakhala erunkuawe yakhunele. ¹⁶Hata aniwana atthu injene okhuma opoma ni m'mitthettheni woJerusalem, yawana marettha ni anamajini otakhala, ni otene yanivonihiya.¹⁷Vano m'holeli anankuttho ahivenha, ni otene ale yarinawe, (eyo phiyo, amasaduseu) ni yahaphuanha efitina ¹⁸khuatthuka arumei, khuahela n'khatthea muaatthu.¹⁹Nuuhiyu, n'laikha naaPwiya nahitthukula mikhora zokhatthea, khuakumihera ota ni khuwirela: ²⁰N'roazeke, muithonhihere m'pani waN'luku ni mualalieke molumo otene eekumi''. ²¹Vinwaliaya eyo, yahikela m'pani waN'luku vaxaliaya ni khupajera osomiha. Vano, vawaliawe n'khulupale anankuttho naale yarinawe, yahilatthula n'thukumano, naamaholeli otene a etiini wa Israel ni khuwaniya anamasunkera okhattheia wira awaniye arumei.²²anamasunkera yahiroaza m'pakha wuu, masi khayaaphuanhale n'khattheia, ni yahihokoliaza oroa ohimia: ²³''Niphuanhale ekhattheia enatthukiye nulipihiya sanene, nanamasunkera anemelale m'mamikhorani, masi vatthukulaliehu, khanimphuanhale hata ntthu''.²⁴Vano nkhulupale anamasunkera ompani waN'luku ni akhulupale anankuttho vinwaliaya molumoala, yahikhala otikinihiya niile yakhumelelale. ²⁵Vano ahiwa ntthu ni khuahimeria: Alophuanale yahelalen'nhu n'khattheia ari m'pani waN'luku anasomiha atthu''.²⁶Vano n'holeli ahiroa nimakhulupale ni khuawana vohikhottho, maana yanawova atthu wavonhakaza. ²⁷Ni, vano vawanaliaya, yaharoana wathukumaniye. N'khulupale ankuttho ahakoha, ²⁸iraka: Nahuhimeriani sana wira muisomihetho n'zinanno, m'pakha vano, mozaliha eJerusalem ni zosomihazinhu ni muimphela n'nimuarexele ephomiawe n'lophuanole.²⁹Vano, Pedro ni arumei akhuawe yahakhula: ''Nintthuna omuinwelela N'luku vohikhala atthu. ³⁰N'luku axipapehu on'hihimuxa Yesu, yole nyu omuinvalen'nhu, muinkhomelaka vamuinkimanho. ³¹N'luku onweliha n'tatanawe calelia wira akhale N'khulupale ni Mopoli, wira avahe wituthuwa wa Israel ni oleveleliya wa etampi. ³²Nanamoni etthunya, ni n'va N'nepa Wowaria, N'luku onavahawe ale anMuiwelela''.³³Nuwinwiya eyo, ale yathukumanale yahinanariya khunaphela owinva arumei. ³⁴Masi n'farizi m'moza azimiya Gamaliel, namazuwela a eketthelo, otthitthimihiya naatthu otene, ahivenha ni khuhimia wira arumeiale akuxiye aroaniye ota okathi vakani.³⁵Oholowaya khuwirela: ''alophuana awIsrael, mupuwele sana wa etthu emphelen'nhu owiriha axilopuanaala. ³⁶Wa okathi ovirale, Teuda ahivenha iraka ari n'tthu, ni n'khalelo watthu, ophiyeraka emiya jexe, yahithukumana niyena. Yena ohokhua, ni otene yantthara amuariaza ni khamphuanhaniatho. ³⁷Nuuvira eyo, Judas oGalileia, ahivenha mahiku apukhi, ni injene yahintthara. niyena ohokhua, ni ale otene yantthara amuariaza.³⁸Kinuhukeriani wira, m'winnhele atthuale ni muahiye, yakhala wira enirayeyo walayo tuwaatthu, onamala. ³⁹Walani, wakhala waN'luku, n'hapuanhulazeni, okhala wira muinroa okhalaka muanaa muinwana niN'luku''. Ni voo ayena yahikupalizi..⁴⁰Nu oholowaya, yahazimiya arumei, khuputthaziya, khuireliya wira ahilavuletho n'zina na Yesu, ni khireliya aroazeke. ⁴¹Ayena yahihiya n'thukumano atthapaka okhala wira yahoneliya okhala anamakupali ohawa n'latthu wanzina naYesu. ⁴²Pata yazammo, wakhla mahiku, m'pani waN'luku ni m'mawani, yanisomiha nunlaleya Yesu, Mopoli.

¹Wamahikuyale, nikhuru nawixutthi wunjerereyaya, yahipajereya enhakunhaku ya amagrego ni amahepere, okhala wira manankheliaya yanaliyaliyaka kula mahiku yakawiyaka eyoja.²Ale n'loko nenli, yahiwazima atthu otene naawixutthi ni khuahimeria: ''Khunrerela hiyano ohiya molumo aN'luku wira nirumele vameza. ³Vano, axikhuaka, muathanle alopuana athanneli ainhen'nhuze orerela, arina N'nepa wozuwela, ayo akhale pantthuna oholela inyo metekonyo. ⁴Vano hiyano, nintthuna olompaka ni n'teko wamolumo aN'luku''⁵Molumuale yahazivela atthu otene. Vano ayena yahinthanla Estevao, n'lopuana okhalana N'nepa Wowaria, Filipe, Procoro, Nicanor, Timao, Parmenas, ni Nicolau, oyareliya wAntiokiya. ⁶Ni yahithonhiheriya eriyari yarumei, yahilompa ni khuahela matata.⁷Zammo, Molumo aN'luku yahimuarela; ni n'khalelo wa awixutthi wanunjerereya oJerusalem ni nikhuru nulupale nanankuttho yahikhalana winwelela ni n'roromelo.⁸Ni Estevao, ozaleya mahala nuweria, anipankaza mirira nimithonhero zulupale eriyari yatthu. ⁹Ni yahivenha akina yari ampani wanthukumano ale yazimiya atthu owopowa ni yakhuma mitthetthe zocireni ni walexandria, ni ale yari oCilicia ni oAsia. Atthuala yanivanhihana ni Estevao.¹⁰Okhala wira, khayaweria oxinttha oxinttha ozuwela ni N'nepa wanlavuliha yena. Vano yahakatthela atthu wira yire: ¹¹''Nomuinwa Estevao an'nhoholaka Moises ni N'luku''.¹²Yahatharamula atthu, mahumu, ni anamalepa; ni, yanimotheriaza yena, yahinkuxa khunroana oholo wamayuta. ¹³Yanimotheriaza ahimiaka wira: ''N'lopuanola khammala ohimiakaza etthu zonanara anhoholaka nipuro norerihiyan'na ni hata eketthelo. ¹⁴Maana nomuinwa ahimiaka wira Yesu oNazare onroa opuanhulaza n'na nipuron'na ni nurukunuxa eketthelo zinivahaliawe Moises''. ¹⁵Vano otene yale yonkomathale vamilatthunivale yanwehexexaka owinthowawe, akhala muanaa n'laikha.

¹N'khulupele anakuttho ahinkoha: ''inyo etthunyo ekhueli?'' ²Estevao ahira: ''Axulupaliaka ni axipapaka, n'kiwiriyane: N'luku owaria ahinkhumelela Papehum Abraao yena onari oMesopotamiya, yena ahinathhi otamela oHara.'' ³Ni khumuirela: ''Ohiye elapoao namuzao ni oroe elapo entthunaka miyano wutonhihera''.⁴Abraao ahikhuma elapo yo calata khuroa okhala elapo Hara. Nukhuma wonwo, pata yokhua apapawe, N'luku khunviriha elapoela nyu enkhalen'nhu vano. ⁵Yena khanvahale hata etthu yorithi, n'nakhala nipuro nonhakela, masi ahinroromeliha wira aroa onvaha elapo yokhala ninlokonawe, anukhalaru wira Abraao hira ahinakhalane muaana.⁶N'luku an'himeria yena zam'mo: Okhala wira n'lokonawe naroa okhala okathi muinjene elapo yomalaponi, wonwo waroaya opotthiya nuhoxiya m'pakha iyakha emiya jexe. ⁷''Khuhimia N'luku: ''My kinroa ohukhumu n'loko ayena onroaya opotthiya. Ni numala zammo, anroa owa ni akikokhorele nipuronen'na''. ⁸Vano, khuavaha natiri akhalawa, ni tivo Abraao vakhalaliawe papawe Isaque ni ahimuinnuwiha mahiku yetthaka mathan'namararu. Isaque ari papawe Jaco, ni Jaco papa amaloko n'lokonamenli.⁹Axipapaehu nahapuianha n'rima khuntumiha Juze Wigipito, masi N'luku ari niyena, ¹⁰ni ahimuakiha muhawaniwawe wotene, anvahaka ozuwela eriyari ya Farao, muene aWigipito ni etthokoawe yotene.¹¹Yahikhumelela, etala,Wigipito wotene ni oCana, wahavo ohawa winjene ni axipapehu khayapuanha eyoja. ¹²Vano Jaco vinwaliawe wira wiGipito yahavo epio, aharuma n'khuha wopajera, aviriehun. ¹³N'kuaha wanavenli, Juze ahizuweliha waxulupaliawe, ni ephatthuawe yahizuweliya waFarao.¹⁴Juze aharuma axulupaliawe wira ahokoleye yan'himerie Jaco, apapawe, wira awe wiGipito ninlokonaya notene, eyo phiyo, atthu miloko mithannamili naathanu. ¹⁵Tivoo, Jaco ahiroa wiGipito, khulhela wenwe yene ni hata aviriehun. ¹⁶Yahikumiya khuroaniya oSiquem ni sikhiya m'mahiye Abraao yathumaliawe ninzurukhu, naaxana a Hamor oSiquem.¹⁷Wanatthamela okathi wowiranea enatiri yiraliawe N'luku ni Abraao; atthu yahin'nuwa niwunjererea wiGipito, ¹⁸m'pakha oheliya muene n'kinaku ahazuwela etthu yiraneyale ni Juze. ¹⁹Muene yoyo ahathepia atthuehum ni ahahoxa aviriehum, awirelaka wira yatthikelaze otakhuni axanaya, wira ahikhale.²⁰Wa okathi yoyo, Moises yuyariyawe. Oyo ari orera vamethoni waN'luku, ni ahamuihiya mieri miraru vatthokoni vapapawe. ²¹Tuwaroaliawe otthikhiya, muana aFarao ahintthottha khunlela fento muanawe.²²Moises ahileliya nuzuwela wotene waWigipito ni ari a ekuru nulavulawawe ni miteko. ²³Masi onapihalene iyakha miloko mixexe, wahinwela varohoniwawe ophela wathotola axulupaliawe, axana aWisrael. ²⁴Nunweha muIsrael ahoxiyaka, Moises ahimuakiha ni khuwana nule awananawe khumuinva muigipito. ²⁵Upuwelaka wira axulupaliawe yanaroa ozuwela wira N'luku aroa owopola ekisua yantatanawe, masi ayena khayazuwelale.²⁶Nihuku nikina, ahiwatthamela an'naIsrael akina awanaka ni ahiphela owakiha, iraka: Alopuana, nyu muamuzi; exeni ohoxanaka?'' ²⁷Vano, ole an'hoxa m'khuawe ahinkakha, iraka: Tipani uhelale okhulupale walani namaphuka wahiyano? ²⁸We omphela okinva muanaa zimuinvaliao muigipitole n'zana?²⁹Nuwinwa eyo, Moises ahithiawa. aroaka okhala n'safiri elapo yoMidia, wonwo wayaraliawe axana enli. ³⁰Zetthaka iyakha miloko mixexe, nahinkhumelela n'laikha wuthakoni oMuako Sinai, vanikukhuni napharela moro.³¹Moises nuwona moro, ahitikinihiya nile yonawe ni, ahatthamela wira awehexexe, ahinwa esoti yaPwiya yiraka: ³²''My kaN'luku axipapen'nhu, a Abraao, aIsaque ni Jaco''. Moises ahova ni khawerialetho oweha.³³Apwiya yahimuirela: ''Orule etamankozao, okhala wira nipuro niriao tinowaria. ³⁴My vekhueli kinnonaka ohawa watthuaka ari wiGipito. Kin'ninwa wunlawaya ni kinakhuruwa wira kawopole; vano owe ni My kinamuruma oroe wiGipito''.³⁵Moises yoyo, ankhotthaliaya yiraka: Tipani uhelale okhulupale walani namaphuka?'' wa yoyo N'luku ahinruma fento n'khulupale ni namopola wa n'tata nanlaikha nankhumelelale vanikukhuni. ³⁶Moises ahakumiha wiGipito onapajerale ovara mirira ni mithonhero wa epharea yoxeria ni wuthakoni, m'pakha iyakha miloko mixexe. ³⁷Oyo Moises yoyo awirelale atthu awisrael: ''N'luku onamuvahani namalohera eriyari yaxulupalen'nhu, namalohera muana my.³⁸Oyo tuyo ari onthukumanoni wuthakoni, ninlayikha nanlavuliha omuako Sinai, Ni naviriehum, yoyo akhelelale molumo ekumi wira anihimerie. ³⁹Oyo tintthu axipapehu akhotthaliaya omuinwelela; vahinatthi yahinkhottha ni erohozaya khuhokoloxera wiGipito. Okathi yole yahimuirela Arao: Onipankele amiluku antthuna onihola. ⁴⁰Okhala wira Moises, onikumihale elapo yawiGipito, hiyano khaninzuwela enkhumelelale''.⁴¹⁴²Wamahuku yale yahipamka enama ni khuvaha wonhala, ahakalalaka nimiteko zamatataya. ⁴²Masi N'luku ahihapuxa ni khuanhanhala khuahiya akokhoreka etthontthoa zozulu, muanaa zilepiyaya m'papheloni wanan'hupi: ''Okhale wira muinroa okivaha inama ni m'kuttho m'pakha iyakha miloko mixexe wuthakoni, nyu n'tthoko nawisrael?⁴³Nyu muahikupali ehema yamoloque ni etthontthoa ya n'luku Refa, ni elatarato zapankalen'nhu wira n'kokhorele: ni My kinroa wukuxani kuroaneni otthiawene, oBabilonia.''⁴⁴Axipapehum yarina ehema yanamoi wuthakoni, muanaa N'luku zarumaliawe okathi olavulaliawe Moises, wira yaroa opankiya n;thinto wonaliawe. ⁴⁵Eyo tiyari ehema axipapehu, okathiule, yakuxaliaya aroaka elapo ni Josue. Eyo yakhumelelale okathi wakuxaliaya maloko N'luku yawomolazaliawe eriyari yaxipapehum. Yari zizo m'pakha mahiku aDavi, ⁴⁶aphuanhale oreriya vamenthoni waN'luku; yena ahivekela wira apuanhe nipuro nokhala N'luku a Jaco.⁴⁷Masi Salomao ahiteka enupa yaN'luku. ⁴⁸Wazizo, N'luku aWirimu khankhala enupa yotekiya nimatata atthu, fento zihimialiawe nam'hupi: ⁴⁹''Erimu ewijeaka, ni etthaya n'tthattho nin'nhakela enhauzaKa. Enamuna xeni yanupa enroen'nhu okitekela, an'himia taaPwiya; walani nipuronaKa nomumula tinivi? ⁵⁰Kahi n'tatanaka nivarale itthu zotene?''.⁵¹Atthu olipa n'rima ni owizona ni opiza winwa, muinnikhottha winwelela Erowo Yowaria; nyu muinkhala fento axipapen'nhu avirale ziiraya. ⁵²Ayena exeni yiwirihaliaya ananwupi ale avirale? Ayena yahiwinva ananwupi yakhumelelale ahinatthi owa neekhueli; ni yoyo ankhalelalen'nhu n'rima numuinva; ⁵³nyu atthu yakhelelale ekano nuzuwela wamalayikha masi khuhinxathi''.⁵⁴Vano ale yari vanthukumanoni nuwinwa etthunya, yahinanariya varohoni waya ni Estevao hata khuyaluma menno. ⁵⁵Masi yena onanzalale N'nepa Wowaria, ahiwehexexa ozulu ni ahona waria waN'luku ni Yesu, onemelale, mono wolopuana waN'luku. ⁵⁶Estevao ahira: ''Moneke, kinona erimu enatthukuwale, ni Muaana Antthu onemelale mono wolopuana waN'luku''.⁵⁷Vano atthu avanthukumanoni yakhuwela vinjene, atthiyelaka m'maruniwaya ni otene yahimuperia yena, ⁵⁸khumpurulela ota wapoma ni khumpuexakaza; anamona yahinhiyera ekuwozawe nantthompe m'moza azimiya Saulo.⁵⁹Apuexakazaka zizo Estevao, yena aPwiya ahira: ''Pwiya Yesu, muakhelele n'nepaka''. ⁶⁰Yena ahikokhora ni khukhuwela vinjene: ''Pwiya, muikalihe etthu etampila waala atthuala''. Nuwira zammo, ahimora khukhaka.

¹Saulo ahakhuleliha winviyawawe. Vano okhuma nihuku nenne yahipajereya ottharatthariya ekereja yari oJerusalem; ni makiristao yaphuanhaniaza mitthetthe zovirikana oJudeia ni oSamaria, wahiya arumei. ²Atthu owamini yahinsikha Estevao ni wahavo ozikula vinjene. ³Masi Saulo anomola ekereja vohimumula ; ni akelaka m'matthokoni, apurulelazaka atthu ota alopuana hata naathiyana, ni khuyaroana okhatthia.⁴Ni zizo makiristao yaroazale mapuro ovirikana, yanilaleya molumo. ⁵Filipe ahikhuruwela epoma yoSamaria ni ahalaleraza za Mopoli.⁶Vano atthu vinwaliaya ni yonaka mithonhero Filipe zirawe, yaniwiriyana ele yahimiawe. ⁷Vano, minepa zotakhala zanaakhuma atthu injene akhuwelaka vinjene; ni osupeiaza injene ni yatuthunha yahivonihiya. ⁸Ni wahavo ohakalala muinjene epoma yele.⁹Masi ahikhala n'lopuana m'moza m'pomam'mue azimiya Simao, ni okhuma khalai apankazaka ekhuiri khuyathepiazaka atthu anSamaria, ni khunahimiya wira ari n'tthu ozuwanea. ¹⁰Atthu optene anSamaria, muanamuane ni mulupale, yaninwiriyana; ayenaze yira: ''Ola n'lopuanola tule onazimiya ekururu zulupale zaN'luku. ¹¹Ayena yaninwiriyana okhalawira okathi muinjene anaxinttha ni magitthaawe.¹²Vano, zizam'mo, yahikupali wira Filipe alaleya molumo omuene waN'luku wanzina na Yesu Mopoli, yahipatizariya okhuma alopuana hata nathiyana. ¹³Hata Simao ahikupali ni vapatizariyawe ahikhala ni Filipe. Vano vonaliawe mithonhero ni mirira zipankiyaka ahikhala otikiniya.¹⁴Nuwinwa arumei yarizi oJerusalem, wira oSamaria yahakheliya molumo aN'luku, Ahirumiya Pedro ni Yohani. ¹⁵Ayo, vaphiyazaliaya, yahalompelaza, wira yakhele N'nepa Wowaria. ¹⁶M'pakha okathi yole, N'nepa Wowaria wira ohinatthi onkhuruwela n'nakhala n'tthu m'moza aiyaleze; ayena yanupatizariya pahi wanzina naPuiya Yesu. ¹⁷Vano Pedro ni Yohani yahahela matata, ni ayenaze yahakhela N'nepa Wowaria.¹⁸Vano Simao vonaliawe wira N'nepa Wowaria wavahiya nimatata arumei, ahavaha n'zurukhu. ¹⁹Yena khuira: N'kivahe owerianwo, wira otene yole onroaka on'hela matataka, akheleke N'nepa Wowaria.²⁰Masi Pedro ahimuirela: ''Eparathaeyo ewuntthele omuanene, maana we wupuwelale opuanha etthuvo yaN'luku ninzurukhu. ²¹We khurina m'phantthe wantekola, okhala wira erohao kahi yokhalelana waN'luku. ²²Vano,wituthjuwe etampiaeyo, ni wavekele aPwiya kisampi atthunaka wulevelela niwupuwela warohoao. ²³Maana kinona wira onumuzala yamue owawa ni etampi zihutthuka''.²⁴Simoni ahakhula ni khuira: ''N'kilompele waPwiya, wira zihimialen'nhunyo ehikhale entthuna okikhumelela''.²⁵Pata ayena, vano, yosuahiha ni alavulaka molumo aPwiya, Pedro ni Yohani yahihokolela oJerusalem, alaliaka molumo mitthetthe zinjene zasamaria.²⁶Vano, n'laikha naPwiya nahin'himeria Filipe ni khuira: '' Ovenhe ni oroe m'phantthe onkela n'zuwa wa epicata enkhuruwela oJerusale oroaka oGaza''. (Epicatene yeyo tiyotakhala.) ²⁷Yena ahivenha ni khuroa. Ni ahinweha n'lopuana awEtiopia, ohuula namasunka oCandace, piyamuene awetiope, oyo ari namuixathi amihakhuzawe zotene, awale oJerusalem olmpa. ²⁸Ira ahokoliaka ni, ononkomale n'kuruwaxiniwawe, ahipajera onsoma nan'hupi Isaias.²⁹N'nepa wahimuirela Filipe: Oroe watthamele ecuruwaxile''. ³⁰Vano, Filipe ahintthimakela ni khumpuanha ansomaka namiririmo Isaias ni khuira: ''On'nizuwela ensomao? ³¹Muetiope ahakhula: ''Kinroa ozuwela zai ohikhalale namakilakihera?'' Yena ahinvekela Filipe wira awele n'curuwaxini onkome niyena.³²Yolepiya yasomawe etiope yari tila: '' Yena ahikuxiya muanaa epuitthipuitthi enroa ohitiya, ni, fento epuitthipuitthi elopuanaya eri oholo wa ole ommettha, anuumala hata khatthukulale malakuawe. ³³Ni winyevihawawe ahakhiya exariyawe; tipani ontthuna walakela n'lokonawe? Maana okumiawe wokumihiya n'laponi''.³⁴Vano, n'lopuana awetiope ahinkoha Fiilipe: ''Kinnuvekelani, nan'hupiola amuaza pani? Ihimia yena wala n'tthu n'kina?''. ³⁵Filipe ahipajera olavula ni attharihelaka zolepiya, ahinlalera ehapari yorera yaYesu.³⁶³⁷³⁸Ninlelo ayena yetthaka niphiro, yahiphiya nipuro naari mazi ni n'lopuanole ahira: ''N'konani, ahavo mazi va, vano exeni enkhotthiha opatizariya? ''Vano muetiope ahemexiha ecuruwaxi, ni khukhuruwelaza m'mazini, ni Filipe ahimpatizar.³⁹Vano nukhumaza m'mazini, N'nepa Wapwiya wahinkuxa Filipe, n'lopuanole khanweheletho, ni ahihokolela n'kuahawe nuttheliya n'rima. ⁴⁰Masi Filipe ahikhumelela wAzoto ni, anilaleia ehapari epoma zotene, m'pakha ophiya oCesareia.

¹Vano, Saulo, khamaala wattharatthara nuwinva amuamini aaPwiya, ahiroa m'pakha wankhulupale anankuttho , ²ni ahivekela epaphelo wira aroe enupa zamavekelo zoDamasco, wira akhala wira anamuaphuanha atthu anetthela ephiroyeyo, akuxe atthukele oJerusalem.³Virawe etthaka, atthamelaka oDamasco, nannanoro muenke wowaria wozulu wahinrukureria; ⁴ni ahimorela vathi, ahinwa esoti emuirelaka: Saulo, Saulo, n'komolela exeni?''.⁵Saulo ahakhula: ''Nyu muapani, Pwiya?'' APwiya khuira: '' My kiYesu, we oninttharattharao; ⁶masi ovenhe ni okele m'poma, ni onahimeriya entthunao wira''. ⁷Atthuale yarinawe Saulo yahalale anaxankazale, yinwaka esoti, vano ahimonaka n'tthu.⁸Saulo ahivenha vathivale ni, vatthukulaliawe mentho, khaweria wona etthu. Vano, ahivareliya n'tata khuwaniya oDamasco. ⁹Ahikhala mahuku mararu ahonaka, ahiliale ni ahiwuriale.¹⁰Ahikhala muixutthi n'moza oDamasco azimiya Ananias. Ahihimeriya naPwiya n'tthorani: ''Ananias!'' Ni yena ahira: ''Kiri va, Pwiya''! ¹¹APwiya yahinruma: ''Ovenhe, ni oroe ephiro enazimiya Direita, ni owan'nhawe Juda wankoherere n'lopuana onazimiya Saulo, n'lopuana oTarso; maana yena onnilompa; ¹²ni, n'tthorani ahimona n'lopuana m'moza onazimiya Anania awaka ni an'helaka yena matata, wira ahokolele wona''.¹³Anania, ahakhula: ''Pwiya, atthu injene kinniwinwa muaha wanlopuanoyo, ehasara zinjene zinwirihawe ale anwaminini oJerusalem. ¹⁴Yena oleveliya na akhulupale ankuttho watthuka otene anvuwiha n'zinaniNyu.'' ¹⁵Masi, aPwiya yahimuirela: ''N'karoa, maana oyo muapuaka othanlaliaka wira akuxe N'zinanaKa wamalapo ni wamamuene,ni waaxana awisrael; ¹⁶vano Miyano Kinaroa ontonhihera enamuna enroawe ohaawa ekisua yanzinanaka''.¹⁷Vano Anania ahiroa ni, vaphiyaliawe n'tthkonne, ahinhela matatawe yena, iraka: ''Munnaka Saulo, aPwiya Yesu, yukhumelelale m'phironi owaka, akiruma wira kuvonihe menthoao ni okhale ozalea N'nepa Wowaria''. ¹⁸Nannanoro, etthu muanaa mampaluwa zahimora m'menthoniwawe, ni khuhokolela wona; ahivenha ni khuroa opatizariya; ¹⁹ahija khunlipa m'makhuvani. Ni ahikhala na'muamini oDamasco m'pakha mahuku minjene.²⁰Vano aninlaleia Yesu m'pani wanthukumano, iraka wira Yena Muaana aN'luku. ²¹Otene yinwa yakhala otikinihiya ni yanira: ''Ola n'lopuanola kahi yole ahukhumu atthu oJerusalem yalaleia n'na n'zinanna? Ni awale n'no wawaana watthukela wankhulupale ankuttho?''. ²²Wazizammo, Saulo, anilipihera, analaleia khunaapaphara mayuda yakhala oDamasco, atonhiheraka wira Yesu mopoli.²³Anaviralene mahuku minjene, mayuda yahinwanana wira amuinve. ²⁴Masi akhiliayole Saulo ahizuwela. Ayena yaniwehawehaza mikhora zotene ohiyu nuuthana wira amuinve; ²⁵masi awixutthiawe yahinkuxa nuuhiyu khun'hela n'tthankani yulupale khuntupiha ,muuri.²⁶Vaphiyaliawe oJerusalem, Saulo aniphela otakane naawixutthi, masi otene yanaamova, khayankupali wira niyena ari muamini. ²⁷Masi Barnabe, ahinkuxa, khunroana warumei; khuahimeriaza yena zamonaliawe Pwiya niiphiro, ni Yena Zan'himerialiawe, ni enamuna yalalialawe nuuminhala oDamasco n'zina naYesu.²⁸Ari nayenaze oJerusalem, akelaka ni akhumaka, alaleiaka numinhala n'zina naPwiya Yesu ²⁹ni anivanhihana namayuda yalavula ekeregu; masi ayo ninlelo khunaphela omuinva. ³⁰Vano axikhuawe vazuwelaliaya eyo, yahinkuxa khunroana oCesareia ni khunroanela oTarso.³¹Tivoo, ikereja ejudeia yotene, egalileia ni eSamaria, zahana n'retthele ni zanitekiya, ziroaka oholo nuwova aPwiya ni nulipiheriya niN'nepa Wowaria; yanaattha atthu. ³²Vano yahikhumelela wira Pedro, onetthakazalene mitthetthe zotene, ahakhuruwelatho atthu aN'luku yakhala epoma yoLida.³³Ahimphuanha wenwe n'lopuana azimiya Eneia, arupathale waiyakha jexe , anusupiya. ³⁴Pedro ahimuirela: ''Eneia, Yesu Mopoli uvonihe. Ovenhe ni watalaze oliliao''. Ni nan'nanoru ahivenha. ³⁵Vano, otene yakhala oLida nuSarona, nunweha n'lopuanoole yahivaherera waPwiya.³⁶Ahikhala oJope n'rumei m'moza azimiya Tabita, en'himia wira ''Dorca''. Oyo n'thiyanoyo ari namavara miteko zorera ni miteko zoothunku zowakhalihera amasikhini. ³⁷Yahikhumelela wira mahukuale vale anawerenya ni khukhaka. Vano nukuxiya, ahataleliya nipuro naari ozulu.³⁸Okhala wira oLida wari vakhiviru nuJope, awixutthi yahinwa wira Peturo ari wonwo, yahirumiya alopuana enli, avekeliyaka: ''anipuanhe n'no nan'nano''. ³⁹Peturu ahivenha khatthara. Vaphiyaliawe, ahiveleliya ekuarutu yozulu. manankhueli otene yarizi vavale yunlazaka, anthonhiheraka ikuwo ni zoowara Dorca zapankaliawe onari nayena.⁴⁰Peturu ahiwirela atthu otene akhume okuarutu, ahikokhora ni khulompa. Ni atthamelaka mahithi, ahira: ''Tabita, ovenhe''. Yena ahitthukula mentho ni, nunweha Peturu, ahonkoma. ⁴¹Peturu, ahinvara n'tata khunvenhiha, ni khuwazima makiristu ni manakhueli, khuatonhihera onari n'kumi. ⁴²Yokhumelela eyo yahizuwaneia elapo yotene yoJope, ni atthu injene yahiwakhela aPwiya. ⁴³Peturu ahikhala oJope mahuku minjene, ninlopuana m'moza azimiya Simoni, ari namatthikittha isapato.

¹Ahavo n'lopuana m'moza epoma yoCesareia azimiya Corneli, n'holeli anakhottho wankhulupale awitalia. ²N'lopuana owamini anrumela N'luku nitthokoawe yotene, anavaha ejimola atthu okathi wotene analompela waN'luku atthu otene.³Zetthaka iwora than'najexe zoothana, ahona n'tthorani n'layikha nimoza naN'luku nanwela yena. N'layikhane khumuirela: ''Corneli!'' ⁴Corneli, ahipharula menthoawe wan'nlayikha, ahituthuwa vinjene ni khuira: Exinila, Pwiya?'' N'layikha khumuirela: ''Olompawao ni ejimolazao zinavahakao amasikhini zophiya vamenthoni waN'luku''. ⁵Vano warume atthu epoma yoJope wira yanwane n'lopuana m'moza onazimiya Simoni, hata on'nazimiya Peturu. ⁶Yena ori n'namatthikittha isapato onazimiya Simoni, oyo enupawe eri watthamela opharia''.⁷Vano n'layikha nanlavulihanne vakhumaliaya, Corneli ahiwazima anatekoawe enli ni toropa m'moza nothunku waiyale yanvarela n'teko. ⁸Corneli khuahimeria otene inye zankhumelelale ni khuaruma oJope.⁹Nihuku nikina, zetthaka iwora than'namoza , zizale yena etthaka, ahatthamela opoma, Peturu ahiwela ozulu wanupa oroa olompa. ¹⁰Vano, enanvolale etala, ahiphela oja, masi atthu atthenknzaka eyoja, wahinwela okuxiya n'tthorani. ¹¹Ni ahiweha erimu enatthukuwale niitthu emoza yakhuruwa muanaa nifuta nankhumi notthukiya maventthmajexe, ekuruxeliyaka vathi. ¹²Ni vavo zahavo mithinto zanama zotene zamettho mixexe ni etthu zinapaza vathi ni enuni zoozulu.¹³Esoti emoza yahimuirela: ''Ovenhe, Peturu! Winveke ni okhureke''. ¹⁴Vano Peturu ahira: ''N'nari, Pwiya, kokhalaru n'kinakhura etthu yokhala eharamu ni ehinrerela''. ¹⁵Yahinwelatho, esoti wanaveli: ''Ele N'luku ererihaliawe wikhalihe eharamu.'' ¹⁶Eyo yahiraneia evara ttharu, ni nan'nanoru etthuile yahikuxiya eroaniyaka ozulu.¹⁷Vano Peturu ahihala otikinihiya niitthu yahimiaya etthu yonaliawele, ahiwona atthuale orumiya ni Corneli yakoha owan'nhawe, ayo anemelazale vankhora. ¹⁸Yahimuazima, khunkoha akhalawira Simoni, azimiya Peturu, ari wenwe.¹⁹Ninlelo Peturu upuwelaka yonaliawele, N'nepa wahimuirela: ''on'niwona alopuana araru anukoha wee. ²⁰Ovenhe, okhuruwe ni watthare. Ohove oroa, Maana My kinumuruma''. ²¹Vano Peturu ahikhuruwa ni khuwirela atthuale: Onimphelen'nhuyo timiyano. Muimphela exeni?''.²²Vano yahira: '' N'khulupale m'moza onazimiya Corneli, n'lopuana ekhueli onintthitthimiha N'luku ni orina oxahiti worera wanloko notene naamayuda, onuhimeria n'tthorani ninlayikha naN'luku, nirika wira niwazimeni n'roe owan'nhawe ni inwe molumuen'nhu''. ²³Vano Peturu ahiwirela akeleke niyena muenmue muariawe. Owijisu wanihuku nikina, ahivenha khuroa nayenaze, ni axin'na akinaku oJope yahinvelela.²⁴Nihuku nikinaku wahiphinya oCesareia. Corneli ira alipelelaka, onatthenkezale etthuzawe ni axipatthanizawe.²⁵Vano Peturu vaphiyaliawe, Corneli ahintthimakela ni khunkokhorela oholowawe ni khuntthotthopela. ²⁶Vano Peturu ahinvenhiha, iraka: ''Ovenhe, maana nimiano kintthu''.²⁷Ninlelo Peturu alvulaka, ahikela ni khuaphuanha atthu injene anathukumanale. ²⁸Ni khuahimeria: Nyu muinnizuwela sana wira khintthunihiya n'tthu n'yuda otakanela walani onthotola n'tthu anloko nikina. Vano N'luku okitonhihera wira kihimuazime n'tthu eharamu wala onanara. ²⁹Tivo wazimiyaka kiwaka, vohithanla. Vano kin'nukohani, n'kazimelale exeni?''^30313233Corneli ahira: ''wamahuku majexe, wawora yela, kanalompa owan'nhaka, zetthaka iwora than'naxexe, ni khunweha n'lopuana m'moza oholowaka owara ikuwo zoowaria. Oyo ahira: ''Corneli, olmpawao ohinwiya, ni ejimolazao zamasikhini zihupuweliya oholo waN'luku. Vano onrume n'tthu oJope ni amuazime Simoni, yoyo onazimiya Peturu. Oyo ori owan'nhawe Simoni namatthikittha isapato, watthamela opharia''. Tivo warumihaliaka nan'nanoru wazimiya ni we ohira sana owa. Vano, va, niri otene othukumana oholo waN'luku wira ninwe aPwiya yurumaliaya ohimia''.³⁴Vano, atthukula malaku, Peturu ahira: ''Vekhueli kinnizuwela wira N'luku khanathanla atthu. ³⁵Vano, wakuta enamuna yatthu, amOve ni avareke ekhueli ni enrerela.³⁶Nyu muin'nizuwela n'hupi wavahiaya atthu awisral, alaleraka ehapari yorera yanretthele muaYesu N'vuluxa, tari Pwiya atthu otene. ³⁷Nyu mozuwala zokhumelela ziraneyale n'yudeia motene, opajra oGalileia, nuumala m'patizo waYohani ahilatthula; ³⁸yokhumelela muaha wa Yesu oNazare, wanamuna N'luku Yanvahaliawe N'nepa Wowaria niikuru. Yena ahivara zorera avonihaka ale otene yahoxiya ni xetuani, okhala wira N'luku ari niYena.³⁹Hiyano naxahiti wazotene ziiraliaWe, okhuma oyudeia m'pakha oJerusalem Yesu yoyo ayena omuinvaliaya, anthomiaka vamuinkimanho. ⁴⁰Masi N'luku on'hihimuXa nihuku naneraru ni khura izonihere, ⁴¹kahi watthu otene, masi wamaxahiti othanliya khalayi niN'kuku: nihiyano, ninja niwuriaka vamoza niYena pata yokhua ahihimua.⁴²Yena oniruma wira nalalere atthu ni ninkhalele oxahiti wira Yena tikhalale othanliya niN'luku namalamula akumi hata na anamakhua. ⁴³Anamihupi otene an'nimuirela oxahiti Yena, wanamuna entthunaya wira otene yale antthuna Onkupali Yena anapuanha oleveleliya etampizaya wanzinanaWe''.⁴⁴Ninlelo Peturu ahimiaka inya etthunya, N'nepa Wowaria wahakhuruwela atthu otene yinwa molumoawe. ⁴⁵Makiristu otene owula yawale niPeturu yahalale anaxankazale, okhala wira N'nepa Wowaria wahamuarela hata nale othanhiya.⁴⁶Maana yahiwinwa amalapoale alvulaka eluka zotikiniha ni antthotthopelaka N'luku. Vano Peturu ahakhula: ⁴⁷''Ohavo ntthu ontthuna wakhotthiha mazi atthuala wira ahipatizariye, ala yakhelale N'nepa Wowaria hata nihiyano?'' ⁴⁸Ni yena ahiruma wira yapatizariye wanzina naYesu Mopoli. Vano ayenaze yahinvekela wira akhale nayena mahuku vakani/

¹Arumei ni hata axinna yari oyudeia yahinwa wira hata namalapo yahakhela molumo aN'luku. ³Vano Peturu vawelelaliawe oJerusalem, ale yari owula yahinkohakoha ²ni yanira: '' We onutakanela naatthu ohula ni khuja nayena!''⁴Peturu, vano, khuanza wahimeriaza muahole sanene ni khuira: ⁵''Kira my kilompaka epoma yoajope ni kahoniheriya n'tthorani etthu emoza ekhuruwaka, muanaa n'khumi mulipale okhuruwaka wirimu, wotthukiya maventthu maxexe, ekiwelaka my. ⁶Kahiwehexexa ni khupuwela etthuile; kahiweha inama zamettho mixexe zavathi, inama zantakhuani, inama zanapaza ni enuni zozulu.⁷Vano kahinwa esoti yakirela: ''Ovenhe, Peturu! Winve ni okhureke! ⁸My kahira: ''Kokhalaro, Pwiya, khivo eharamu wala yonanara etokale okela vamalakuniwaka''. ⁹Vano esoti yahakhulatho wanavenli wirimu: ''Ohazime eharamu ele N'luku ererihaliawe''. ¹⁰Yahiraneia zizo evara ttharu, ni etthu zotene zahihokoloxeriya ozulu.¹¹Wokathiyole, alopuana araru orumiya okiwela my okhuma oCesareia, yahemela oholo wanupa yarihun. ¹²N'nepa wahikiruma oroa nayena vohathanha. Ale axina asita yahiroa nimiyano, ni nahikela owan'nhawe n'lopuanole. ¹³Yena ahinihimeria enamuna yawehaliawe n'layikha ninemelale, owan'nhawe, niraka: ''Warume atthu oJope, ni omuazimihe Simoni, onazimiya Peturu. ¹⁴Yena onaroa wuhimeria ehapari entthuna owopola- we namuziao otene''.¹⁵Kanzakaru wahimeria, N'nepa Wowaria wahakhuruwela, muanaa zizale hiyano, wupajeroni. ¹⁶Mupuwele molumo aaPwiya, yiraliaya: ''Yohani vekhueli ompatizari nimazi; masi nyuwano muiroa opatizariya niN'nepa Wowaria''.¹⁷Okhalawira, N'luku ohavaha etthuvoawe fento hiyano, nankupaliki Pwiya Yesu Mopoli, my kipani, kintthuna wakotthihera waN'luku?'' ¹⁸Vinwaliaya etthunya, khayakhulale etthu, masi yanvekelale N'luku nikhuira: Vano N'luku ohavaha hata namalapo wituthuwa wira aphuanhe okumi''.¹⁹Okhalawira amuamini yamuariazale ekisua yowomoliya wapajerale nuwinviya wa Esteva yahitthiawelaza oFenicia, oChipre ni Wantioquia, masi yahihimia ehapari yaYesu wamayuda pahi. ²⁰Masi akinakuaya, atthu oChipre nuCireni, ale, yakelale wanTioquia, yahahimeria magrego, yalaleraka ehapari yorera yaPwiya Yesu. ²¹Ni n'tata naPwiya naari nayena, ni n'khalelo watthu injene yahamini ni yivahereraka waPwiya²²Ehapariaya yaniphiya m'pakha wiwaneia ekereja yoJerusalem, ni ayo yahinruma Barnabe m'pakha Watioquia. ²³Vano yena vawaliawe ni vonaliawe etthuvo yaN'luku, ahihakalala; ni ahalipihera otene wira akhale vamoza naaPwiya niroho yotikithereia. ²⁴okhala wira yena ari n'tthu orera n'rima, ozaleia N'nepa Wowaria ninroromelo, ni atthu injene yahivaraana muaPwiya.²⁵Vano Barnabe ahiroa oTarso, amphelazaka Saulo. ²⁶Vamphuanhaliawe, ahinkuxa Wantioquia. Yahikhumelela wira, eyakha yotene, ayena yahithukumana vamoza nikereja ni yasomihaka atthu injene. Awuxutthi tuwapajeraliaya wazimiya ''makiristto'' n'khuaha wopajera Wantioquia.²⁷Mahuku yale, anan'hupi akina yahikhuruwela okhuma oJerusalem aroaka Wantioquia. ²⁸M'mozaya azimiya Agabo, ahivenha ni vorumiya niN'nepa khuhimia wira yanakhala etala yulupale olumuenku wotene, yakhumelelale okathi wa Clautio.²⁹Vano arumei, nuweria wakuta m'mozaya, yahiweria waveleliha itthu axinna oyuteia. ³⁰Ayena yahira zammo ni yahivaherera n'zurukhu wamaholeli wam'matatani waBarnabe ni Saulo.

¹Masi okathi yole, muene Herote ahatthuka anankerejani akina wira ahukhumu, ²niahimuinva Tiyaku, n'himawe Yohani nimuaalo.³Pata yowona wira eyo yahazivela mayuta, ahinlupattha wira antthuke Peturu. Eyo yiraneiale okathi wamikatthe zohikhalana miropo. ⁴Pata yonvara Peturu, ahin'hela n'khattheia ni khuahela atoropa ajexe wira anlipeleleke, aphelaka onwana watthuni avira pasicowa.⁵Vano Peturu ahiheliya n'khattheia, masi ekereja yaninvekelela yena vinjene waN'luku. ⁶Ohiyule, Herote waphelawe athonhihere atthu, Peturu ira arupaka eriyari yatoropa enli, onatthukiye nunholo minli, ni, oholo wankhora yahavo anamawehaweha okhattheianwe.⁷Vano n'layikha nimoza naPwiya nan'nanoru nahinkhumelela, ni muenke m'moza wahimualela n'khattheia. N'layikha nahinkapattha m'phanttheiawe Peturu, khunvenhiha ni khumuirela: Ovenhenan'nano''. Vano onholo wahimora m'matataniwawe. ⁸N'layikha nahimuirela: ''Oware ekuwozao ni esantalhazao''. Peturu ahira zizo. N'layikha nahimuirela yena: ''Oware ekazakoao ni okitthare''.⁹Peturu ahitthara n'layikha ni ahikhuma. Yena khazuwela wira n'layikhanne yiraya yari ekhueli. Yena upuwela wira analoha. ¹⁰Vano vonaliawe avikanaka anamalipelela opajera ni anenli, yahiphiyaza onkhora mulupale wayumma wakhumela opma, oyo watthukuwelale vekhaya. nuukhuma, yahikhuruwela m'phironi, ni nl'ayikha nan'nanoru nahin'hiya.¹¹Vano Peturu ahimora vekkhawe, khuira: ''khelikheli, vano kozuwela wira aPwiya anuruma n'layikhanaya wira nikopole m'matatani mua Herote ni wazotene zupuwelaya atthu mayuta''. ¹²Nuzuwela eyo, ahiroa owan'nhawe Maria, mamawe Yohani, atthuviye n'zina naMaruku, wonwo makiristto injene wathukumanaliaya ni alompaka.¹³Numana n'khora, namarumela m'moza azimiya Rode ahikhuma wira anjipu. ¹⁴Vazuwelaliawe wira yari esoti yaPeturu, yahintthela eroho m'pakha oliyala otthukula n'khora. Ohiyatho voo, ahitthimakela vasala, khuhimia wira Peturu anumuemela, vankhora. ¹⁵Vano ahireliya: ''We onupaphareia''. Masi yena anikhanherera. Ayenaze yahira: ''N'no n'layikhanawe''.¹⁶Masi Peturu ninlelo anokottha ni, vatthukuliyaya n'khora, yahinphuanha ni khukhala otikinihiya. ¹⁷Ahitaphula matatawe ahimeriaka wira amaale, khuahimeriaza enamuna xeni aPwiya yankumihaliaya n'khattheia. Yena ahira: ''Ahimeriaziye inya etthunya Tiyaku naaxin'na akina'' Vano ahikhuma ni khuroa nipuro nikina.¹⁸Vakhukumualiaya nihukunne, atoropa yahixenkereia vinjene muaha waiele yankhumelelale Peturu. ¹⁹Herote pata yonphelaza yena , ahimphuanhaka, ahakoha anamasunkera ni khuhimia wira ahitakaziye. Vano Herote ahikhuma oyuteya aroaka oCesareia ni khuviriha okathi onari wenwe.²⁰Herote ahinanariya naatthu yakhala oTiru ni oSiton, ayo yaroale khumphuanha yena ni khunthuperia Blastyo, n'khaliheri amuene, wira akhalihere. Vano khuvekela n'retthele, okhala wira elapoaya yanakhelela eyoja yaamuene. ²¹Wanihukun'no, Herote ahiwara ikuwo zeemuene, khonkoma vahijeni ni khuahimeria ayenaze.²²Atthu yakhuwela: ''Esiti yaN'luku ni yohikhala yantthu!'' ²³Nan'nanoro n'layikha naPwiya nahinrakaliha, okhala wira khantthotthopelale N'luku, ni, ahilumakaziya nimuinku, khukhua.²⁴Wazotene molumo aN'luku yaninnuwa niwunjerereia. ²⁵Barnabe ni Saulo yahihokolela o Jerusalem pata yomalihera n'tekoaya, yahinkuxa Yohani ole avahiye n'zina no Maruku.

¹Yahavo anamazuwela ni anamalohera n'kereja yawantioquia. Yari Barnabe, Simiao, azimiya Nijeri, Lucio oCireni, Manaem, ori otata wovaraniya wan'holeli Herote, saulo. ²Antthitthimihaka N'luku zizo ni atthukaka, N'nepa Wowaria wahira: '' Kimualanihiye Barnabe ni Saulo aroe ontekoni owazimelaliaka''. ³Pata yotthuka, avekela ni ahekiya matata naatthulala, ayo yairumiya.⁴Vano, Barnabe ni Saulo yahinwelela N'nepa Wowari, ni khukhuruwe oSeleucia; nukhuma khulapuwela ekisirua yoChipere. ⁵Anarizi epoma yo Salamina yahilaleia molumo aN'luku m'pani wanthukumano wamayuta. Yahana Yohani ni Maruku fento anamakhaliheroaya.⁶Amanalihalene olapuwa ekisirua yotene yo Pafos, yahimpuanha n'zuweli m'moza, namiririmo owotha yoyo azimiya Barjesus. ⁷Oyo ari ni n'khulupale Sergiyu Pawulu, ari n'tthu naakhili. Oyo ahinruma wazimiya Barnabe ni Sawulu, maana aphela winwa molumo aN'luku. ⁸Vano, Elimas, ''n'zuweli'' (eyo etaphulelo yanzinanawe), anattharatthara ayenaze; yena amananiha onthueleliha n'khulupaleole waminiwawe.⁹Masi Sawulu, niyena azimiya Pawulu, ozaliya N'nepa Wowaria, ahinwehexexa m'menthoniwawe, ¹⁰ni khumuirela: ''We, muana axetuani, onumuzala wotha wotene nuutakhala. We onwanani ekhueli yotene. Okhale wira khunumalela wakhotthihera atthu ephiro yaPwiya?¹¹Vano, onwana nintata naaPwiya, ni onroa okhala ohona. We khunroa wona n'zuwa okathi vakani''. Nan'nanoru, epiphi yahinkhuneela Elimas; ni apheelaka wettha khunampheela n'tthu wira anvarele moono. ¹²Pata n'khulupaleiole yowana ele yakhumelelale ahamini, maana ahitthotthopela ele yosomihiya yaPwiya.¹³Vano, Pawulu naxikhuawe yahilapuwela wePafo ni yahiphiya oPerge,nuPanfiliya. Numala, juwawu ahahiya ni khuhokolela oJerusalem. ¹⁴Pawulu naxikhuawe yahikhuma oPerge, ni yahiphiya wantioquiya wo Pisitiya. Wenwe, ayiroaza m'pani wanthukumano nihukh na saapatu ni khonkomaza. ¹⁵Pata yosomiya ikano ni anamiririmo, amaholeli amuinthukumanoni yahavaha nuulumo yiraka: ''Axulupale, muakhalana n'hupi wowalipihera atthu, himiakani''.¹⁶Vano, Pawulu ahivenha ni, avenhihaka n'tata wira omaaliye, ahira: ''Atthu awisarayele ninhuwano n'nintthitthimiha N'lkuku, muinwe. ¹⁷N'luku atthuaala, awisarayele, ahathanla in'napapazihum, ni khuwatthiha ayena anari Wigipitu ni nintata noweriexa khuakumiha wu. ¹⁸Mpakha iyakha emiyajexe, Yena ahajiha wuthakoni.¹⁹Pata yomaliha opuanhulaza maloko mathan'nameli wa elapo yoCanaa, Yena ohavaha atthuin'hu elapoela wira arithi. ²⁰Zotene inyo zomala iyakha emiya jexe nimiloko mithanu.numala etthunya, N'luku khuavaha mamuene m'pakha nairirimo Samuwele.²¹Vano atthu yahinvekela muene ni, waiyakha miloko mijexe, N'luku ahavaha Sawul, muawe Quisi, n'lopuana anloko naBenjami. ²²Mahuku aroaka oholo, N'luku ahimuakha omuene ni khunvaha Daviti, muaana aJesse, wira akhale n'tthu muanaa zatthuna orohuake; yena onroa ovara zotene zinkizivela'.²³Wa onloko nanlopuana yola, N'luku onwana Mopoli wisarayeli, Yesu, muanaa zahimialiawe. ²⁴Ahinatthi owa, Juwawu ahilatthula m'patizo wowituthuwa atthu otne awisarayeli. ²⁵Vano Juwawu vamalihawe, ahira: 'Nyu n'nupuwela wira my kipani? My kahi ole nyu omupuwelelen'nhu. Masi Yena ontthuna owa pata yamy, Ole ohintthunaka oweria otthukula isapato zam'muetthoniwawe'.²⁶Axulupale, axana anloko na Abraao ni otene yale aninrrhorrhopela N'luku, tihiyano nawaaneliye molumuala owopola. ²⁷Masi ale ankhala oJerusalem ni makhulupaliaya, ekhueli khanzuwelaLe, wala khayinwale sana molumo anamiririmo ansomiya wakula esapatu; masi, ayena akuxale molumo anamiririmo khumuivana Yesu.²⁸Hata anuhipuanharu n'latthu wira amuinve Yena, yahinvekela Pilatu wira amuinve. ²⁹Numala wiranea zotene zalepeliyawe Yena, ahikumihiYa vamuinkimanho ni khuliYa m'mahiye.³⁰Nizizam'mo, N'luku On'hihimuxa wanamakhua. ³¹Yena ohoniya mahuku minjene naale yawanaliaWe Yena okhuma oGalileya m'pakha oJerusalem; ayo atthuayo axahitiaWe eriyari yaatthu.³²Vano, nuwanelaleni ehapari zorera m'monkoni wanatiri zireliye axpapahum. ³³N'luku ahinirela inya enatirinya hiyano, axanawe, wira Yena on'hihimuxa muaatthu okhua. Eyo tiile elepiye n'salimuni yanenli: 'We OmuanaKa, elelo Kihuyara'. ³⁴Ni on'hihimuxa yoyotho wira erutthuaWe yitakanele, Yenaahimiale zoo: 'Kinamuvaha mareriho ororomeleia aDaviti'.³⁵Tivoo, Yena vahimialeiawe mua esalimu ekina: 'We ohin'heye muaminiaO awehaka etampi''. ³⁶Vano, pata Daviti yorumeela n'lokonawe wa inye zanzivela N'luku, yena ohokhua, khuroa osikhiya watthamana naxipapawe ni ahona etampi, ³⁷Masi Yena, ole N'luku on'hihimuxaliawe, khonale etampi.³⁸Vano, eyo hyuwano n'hana n'zuwelaka, axulupale, ekisua yanlopuana yola muinnilatthuliya nyuwano oleveleliya etampi. ³⁹Wa ekisua yaYena, yole otene onkupali onaroa oleveleliya wazotene ziiwerialiawe oleveleliya niikano za Mosesi.⁴⁰Vano, muikasope wira etthunyo anamiririmo zihimialiaya zihukhumeleleni. ⁴¹'Nwiriyane, nyu anamatayifu, n'tthikinheke muru ni m'pueteyeke; okhala wira kinvara n'teko mahuin'nhuyala nyu ahintthunen'nhu okupali, hata n'tthu ulalerakani'''.⁴²Okathi Pawulu ni Barnabe wakhumazaya, atthu ale yari othanhiya yanavekela wira esapattu ekinaku ahokolelaze yahimiakazetho etthu zenye. ⁴³Vano vamalaliaya n'thukumanole mayuta minjene ni anamuamini yawazale yahintthara Pawulu ni Barnabe, ayo, yanahimeria, yalipeheraka okhalela m'mahalani waN'luku.⁴⁴Nuphiya esapttu ekina, khuazi epoma yotene yahithukumana wira yinwe molumo aaPwiya. ⁴⁵Vano mayuta vawonaliaya atthu injeniale, yahavenha efitina ni khunzera ovirikaniha etthu zahimia Pawulu ni yaninruwana.⁴⁶Wazizammo, Pawulu ni Barnabe, alavulaka vohova, yanahimeria: Yanirerela wira molumo aN'luku m'pajere olaleriya nyuwano. okhala wira m'nakhottha ni khan'nonela orera okela wakhela okumi wohimala, mone, ninahokolela waatthu awipiphini. ⁴⁷Maana zammo aPwiya tinirumaliaya, yiraka: 'My kinupankani muenke waatthu amuipiphini, wira n'kuxe molumo owopola m'pakha omalelale elapo'''.⁴⁸Nuwinwa zammo, anamanhokhiya yahitthapa ni yahitthotthopela molumo aN'luku. Ni yahamini otene ale yavahereriye okumi wohimala. ⁴⁹Molumo aaPwiya yahimuarela n'tthetthe wotene.⁵⁰Vano, mayuta yaruma athiya owoneya ni owamini, hata nalopuana yari maholeli m'poma. Ayena yaaruma wira omoliye Pawulu ni Barnabewira akumihiye muintthettheniwaya. ⁵¹Masi Pawulu ni Barnabe yahatathela n'tthupi nan'nhauni waya. Oholowaya, yahikhumaza aroaka epoma yo Iconio. ⁵²Ni arumei yari owatthela eroho ni azaleia N'nepa Wowaria.

¹Yahonaneia Wicnio wira Pawulu ni Barnabe yahikela m'pani muanthukumano wamayuta, ni yahilavula wanamuna atthu injene mayuta namagregu yahamini. ²Masi mayuta yari ohinwelela, yahapaphara m'muruni ale yari amalapo ni yaharuma wira yavanhiheke axikhuaya.³Zizo, ayena yahikhalaza wonwo okathi muinjene, alavulaka niikuru zaaPwiya, vano ni Yena avahaka n'lipihero molumo amahalaWe, avahaka mithonhero nimirira wira Paawulu ni Barnape yireke. ⁴Vano, atthu injene ampoma yahikawaneia: Akinaku namayuta ni akinaku, naarumei.⁵Amalapo naamayuta yahinwanana naamakhulupaliaya, wira awomole arumei vohitthuna ni wavonhakaza; ⁶nuuzuwela eyo, ayena yahitthiawaza aroaka epoma yo Licaoniya, oListra ni oDerpe, ni mitthetthe zowatthamela. ⁷Ninwo yahilaleia Ehapari.⁸Olistra ahavo n'lopua onkomaka, ahaweria ometthoni, anurakala ayariyeru, khotokale wettha. ⁹N'lopuanoyo ahimuinwa Paawulu alavulaka. Paawulu ahinwehexexa m'menthoniwawe ni khumoona wira ahana n'roromelo wira avonihiye. ¹⁰Vano, Paawulu ahimuirela alavulaka vinjene: '' Ovenhe ni wemexe metthozao''. Ziizo n'lopuana ahitupha ni khupajera wettha.¹¹¹²¹³Vano atthu vonaliaya ele Paawulu yiraliawe, yahikhuwelaza niilukaya yo licaoniya yiraka: ''Amiluku anuniwela m'pakha m'no yipankaka ontthu''. Ayena yamuazimale Barnape Zeus ni Paawulu Hermes, okhala wira tiyena alavula. Nankuttho a Zeus, yakhalanale enupaya oholo woopoma,¹⁴Masi, arumei Barnape ni Paawulu, vinwaliaya eyo, yahanhulaza ekuwozaya ni khuroa nan'nanoro eriyari yaatthu, akhuwelaka ¹⁵ni iraka: ''Alopuana, n'nirelani etthunya?'' Nihiyano naatthu muanaa nyuwano. Nuwanelaleni ehapari yorera wira n'heye itthu zohirerelanyo, ni n'hokolele waN'luku n'kumi opatthuxale erimu, ni vathi, ephareia niitthu zotene zimphuanhaneia. ¹⁶Okathi wakhalayi, Yena ahihiya wira wakula maloko yettheke ephiro entthunaya.¹⁷Ni zizamo Yena Khihiyale zizo vohikhalana xahiti, iraka zoorera, ohuvahani epula ni okathi woruweria, azalihaka n'rohoniwinhu ottheliya n'rima''. ¹⁸Hata nimolumuaala, Paawulu ni Barnape khayaweria wakotthihera atthu wira ahavahe n'kuttho.¹⁹Tivoo, mayuta akina awantiokiya ni wiconio yahiwa ni khuathuperereia atthu. Ayena anvonhakaze Paawulu ni ampurulele ota wapoma yele, yonihaka muana ohokhua. ²⁰Ananrukureriale ninlelo awixutthiaw, yena ahivenha ni khukela m'poma. Nihuku nikinaku, ahikhuma ni Barnape aroaka oDerpe.²¹Numala olaleia ehapari epomene yele ni yapankaka awixutthi injene, yahihokolela oListara, Wiconio ni Watiokiya. ²²Yahokolela walipihera awixutthi wira avileleke nuukhalana n'roromelo. Ayo yahahimeria wira m'mokoni wohawa ontthunehum wakhela omuene waN'luku.²³Ni yathanlelaka aholeli wakuta ekereja, pata yowavekelela nuutthuka, yahavaherera waPwiya,ole amuaminialiaya. ²⁴Vano, yahivira m'pakha oPisitia, khuphiya oPanfiliya. ²⁵Ni, yahilaleia Ehapari oPerege, khukhuruwela wAtaliya. ²⁶Nuukhuma, khulapuwela Watiokiya, wonwo warumiyaya mahala aN'luku wanteko wamaliheraya ovara.²⁷Vaphiyaliaya Wantiokiya ni yahithukumaniha ekereja, khuahimeriaza itthu zotene N'luku ziiraliawe oholowaya, ni enamuna N'luku zatthukulaliawe n'khora wanroromelo wamalapo. ²⁸Ayena yahikhala okathi muinjene anari naawixutthi.

¹Alopuana akina yakhumazale oJudeia ni yaasomiha axinna yiraka: ''N'nakhala mulihiye n'ttharihelaka yolamalela ya Mosesi, khamuaroa wopowa''. ²Yahikhumelela Paawulu ni Barnape okawaniheia nuvanhihana nayenaze, axinna yahinwanana ni Paawulu ni Barnape naakinaku owelela oJerusalem, oroana muahoole warumei ni amakhulupale.³Ekisua yaiyeyo, yahirumiya niikereja, yahivira oFinisiya ni oSamariya, ahilaleia waamini wamalapo ni yahiwana ottheliya n'rima waxinna otene. ⁴Nuuphiya ojerusalem, yahakheleliya niikereja, naarumei hata naamakhulupale ni khuahimeriaza itthu zotene N'luku ziraliawe m'matataniwaya.⁵Pata yazammo, atthu akina m'phantthe wamafarizi yamaniale yahivenha ni khuira: ''Ennirerela wira ayena yulihiye ni yireliye yinweleleke ikano za Mosesi''. ⁶Arumei naamaholeli yahithukumana otafiti molumoayo.⁷Pata yovaneliya vinjene, Peeturu ahivenha ni khuira: ''Axulupale, nyu mozuwela wira okathi ovirale, N'luku ahuthanlani, ni nimalakhuakala amalapo kowinwiha ehapari, ni khukupali. ⁸N'luku, onzuwela eroho, khuakhumela oxahiti, avahaka Eroho Yowaria, fento hiyano; ⁹ni khanivirikanihale hiyano naayena, khuareriha n'rohonimuaya ninroromelo.¹⁰Vano, exini ontthehatthehaka N'luku, muareiaka n'rintthi awixutthi hata nyu ni wala axipapen'nhu ohiwerialiya okhuxa? ¹¹Nikupali, zizo, wira nintthuna wopowa wamahala aPwiya Yesu, hata nayena zopowaliaya.¹²Atthu otene yahalale anamaalazale paata yomuinwa Barnape ni Paawulu ahimiakazaka mithonhero ni mirira N'luku ziiraliawe wamalapo m'matataniwayaze.¹³Paata yomala olavuliya, Tiyako ahakhula, iraka: ''Axinnaka, inkinwe''. ¹⁴Simawu ahihimia enamuna N'luku zipajeraliawe wakhalihera amalapo vorerela, wira ayena akhalihe atthuawe wanzinanaWe.¹⁵Molumo anamihupi an'ninwanana niiyo, enamuna zilepiyaya: ¹⁶Nuumala etthunya, My kinaroa ohokolela kiteketho n'xaxa na Daviti, naaphuanhulaziye. My kinaroa ovenhatho kirerihe milepezaya, ¹⁷wira atthu onroa ohalayo amupuwele Pwiya, watakaniha namalapo otene owazimiya wanzinanaKa'', ¹⁸ohimiale ti Pwiya, okhalale timpakaza etthunya vozuweliya okhuma khaliyi.¹⁹Vano, en'himiaka phila, nihapaphareni amalapo antthuna ohokolela waN'luku; ²⁰masi nalepele wira yikasope ovara itthu zihinrerela, zooraruwaza, yokhuraza inama zowonhokoliya ni hata ephome. ²¹Okhala wira, okhuma khaliyi maloko minjene, Mosesi onilalenya wakula esaapattu m'mithukumanoni wakula epoma.²²Vano, yahonela orera arumei naamaholeli ni ekereja yotene, onthanla Yuta, azimiya Barasapa, ni Sila, ari n'holeli okereja, ni khurumiya wantiokiya, ni Paawulu ni Barnape. ²³Khulepiya zoo: ''Arumri, amaholeli, ni axinna, wa axinna amalapo Wantiokiya, Osiriya niOciliciya, isalamu.²⁴Nin'ninwa wira ahavo atthu, yayo aharumaliehun, anihiya hiyano, khuyarukunuxaza molumo, apapharazaka mirimazinhu. ²⁵Nihonela orera, nininwananale, wathanla atthu khuaruma m'pakha wanyu vamozaaru naaxinna Barnape ni Paawulu, ²⁶alopuana anleva okumiaya ekiswa yaN'zina naPwiyehu Yesu Mopoli.²⁷Niharuma, Vano, Yuta ni Sila, nayena antthuna wuhimerianitho zenya etthunya. ²⁸Voo ohonela orera N'nepa Wowaria ni hata nihiyano wira nihurieni minintthi zulupale ohikhalale inya etthu zinrerela: ²⁹vowira n'khalele otthiawenw itthu zovahiya esatakha axetuani. Muikasopa niitthunya, muiroa okhala sana. Noroa!''³⁰Vano ayenaze, pata yoleviya, yahikhuruwela Wantiokiya ni, khuathukumaniha atthu, khuavaha epapheloele. ³¹Vano ayena vasomaliaya, wahatthela n'rima muaha wolipiheriya. ³²Yuta ni Sila, nayenaze anamiririmo, yahathupereria ni walipiherera axinna nimolumo makinaku.³³³⁴³⁵Nuumaliha okathi watthunaya okhala wenwe, yahihokoloxiya ninretthele waaxinna yaarumale. Vano, Paawulu ni Barnape yahihala Wantiokiya naaxinna kainaku, asomihaka ni alaleiaka Molumo aPwiya.³⁶Anaviralene mahuku, Paawulu ahimuirela Barnape: N'roeni nihokolele vano nivire niwotolaka axinna ipoma zilaleialehun Molumo aPwiya ni naawehaka enamuna eriaya''. ³⁷Barnape niyena apheela onkuxa Yohani, azimiya Maruku; ³⁸masi Paawulu khonelale orera onkuxa, okhala wira, okhuma oPanfiliya, ahatthiawa ni khaattharakatho m'mitekoni.³⁹Vano, tuwakhumelelaliaya ohinwanana amualanazaka n'kina ninkhuawe, ni Barnape khunkuxaka Maruku ni khulapuwelaka Ochipere, ⁴⁰Vano Paawulu anthanlale Sila ni khukhumaka, pata yororomeliya naaxinna mahala aPwiya; ⁴¹ni yahivira m'pakha Ociriya ni Ociliciya, alipiheraka ikereja.

¹Paawulu niyena ahiroa Oterepe ni Olistra; ni ahikhala wenwe n'rumei m'moza azimiya Timotiyu, muaana anthiyana m'moza n'yuta muamini; papawe ari n'kereku. ²Axinna yari Olistra ni Wiconiyu yaninkhumela oxahiti worera. ³Paawulu anipheela wira yena anvelele; vano, yena ahinkhuxa ni khumuliha n'latthu waamayuta yaphuanhaneia mapuro yayo, okhala wira atthu otene yanizuwela wira apapawe yari akereku.⁴Virawe etthaka m'mapoma, yanihieriya atthu amakereja wira amuinwelele, wa inye namaholeli nimahumu Ojerusalem. ⁵Ziizo, ikereja zaari zolipiheriya muinroromeloni ni yanunjerereya atthu wakula mahiku.⁶Paawulu ni ale yarinawe yahetthekaza mitthetthe zoFirijia ni Ogalaciya, okhala wira yahikhotthiheriya nin'Nepa Wowaria olalera Ehapari owAsiya. ⁷Okathi watthamelaya oMisiya, yahimananiha ohapuwela oBitiniya, masi N'nepa waYesu wahakhotthihwra. ⁸Vano nuvira Omisiya, yahikhuruwela epoma yoTrowati.⁹Nuuhiyu, Paawulu ahiloha: n'lopuana m'moza oMacetoniya onemelale, ni iraka: ''Owe Omacetoniya ni onikhalihere!''. ¹⁰Tivo Paawulu niwona etthoreele, nan'nanoru nahiroa Omacetoniya, nahizuwela wira N'luku anazimela oroa walalera Ehapari.¹¹Vano, nuukhuma oTrowati, nahilapuwa nilukamaka oSamotraciya ni, nihuku nikina, nahiroa oNeapolisi; ¹²nuukhuma n'wo, nahiroa oFilipo, epoma yoMacetoniya, yari yorumaneiexa yo tistritu ni yokoloniya naaroma ni n'we nihakhala mahuku minjene. ¹³Nihuku nasaapatu, nahikhumela ota wamikhora watthamela omuro, wonwo wupuwelalehun okhaliha nipuro noolompa. Hiyano nahonkomathi ni khuahimeria athiyana yawaanaliehun.¹⁴N'thiyana m'moza azimiya Liitiya, namatumiha erapala, epoma yoTiyatira, ankokhorela N'luku, ahininwa. APwiya yahintthukula erohoawe wira awiriyane itthu zahimiawe Paawulu. ¹⁵Pata yopatizariya, yena niitthokoawe yotene, ahikhanherera iraka: ''Nyu muakhala wira muin'nikupali wira kinnimuamini Pwiya, n'roe muamake owan'nhaka ni n'khale wenwe''. Ni ziizo ahiniweria.¹⁶Yahikhumelela wira, niroaka nipuro noolompa, muanthiyana m'moza arina n'nepa wowaxera ehako ahiniphuanha. Yena anaphuanhiha mizurukhu zuulupale mapatarawawe niihakoawele. ¹⁷Ola n'thiyanoola ahintthara Paawulu ni hiyano ni anikhuwala iraka: ''Ala alopuanaala arumei aN'luku Awirimu. Ayena anuhimeriani ephiro yowopowa'' ¹⁸Yena ahira yeyo mahuku minjene. Masi Paawulu, vaatepaliawe ophueeliya niyena, ahihokoleia ni khuirela n'nepoole: My kinnuhimeria, waNazina na Yesu, onkhume yena''. Ni n'nepa wahinkhuma nan'nanoru.¹⁹Vano mapatarawawe n'thiyanoole vonaliaya wira olipelelawaya wahimala khayaphuratho etthu, yahintthuka Paawulu ni Sila ni khuaroana m'paani muatumihaziya itthu, oholo wanamalavula milatthu. ²⁰Vano vapihiyaya wamakhulupale akuverunu, yahiraza: ''Ala alopuanaala mayuta ni anniniwanela milatthu zinjene m'pomawihumu. ²¹Ayena aninxutthiha eketthelo zihintthunihiya aroma wakhelela walani weetthela''.²²Vano, atthu injene yahinanariya ni Paawulu ni Sila; ni makhulupale, yahanhulaza ekuwozaya, khuruma wira yuputthaziye niikopo, ²³pata yowuputthaziya evara zinjeene, yahitthikheliya n'khattheia ni khurumiya anamalipelela wira yaalipihe. ²⁴Pata yowakhelela eworiti, namalipelela ekhattheia ahatthikhela ekhattheia yavathi ni khuatthukelela metthozaya vanthalini.²⁵Ohiyu eriyari, Paawulu ni Sila yanaavekela numuipela mazipo N'luku, ni anamatthukaliya akina yaniwinwa. ²⁶Nan'nanoro, yahikhumelela etetere, ni alusensa okhattheia ahitthikinheia; ni vowakuveia mikhora zootene zahitthukuwa, ni onholo wotene wahitthukuwaza.²⁷Namalipelelavavenhaliawe warupawe, awehaka otthukuwaza mikhora zonkhattheia; ahikuxa muaalo khayapheela wizinva, okhalawira ona muanaa aperezu anutthiawaza. ²⁸Masi Paawulu ahikhuwela vinje, iraka: ''Ohizinve, maana him nihavo mu otene''.²⁹Namalipelela ahivekela n'thuko, vowakuvieya ahikela ni, athukumelaka niwoova, ahikokhora oholo waPaawulu ni Sila; ³⁰ni ahakumihera ota ni khuira: Alopuana, my kire exeni wira kopowe?'' ³¹Ayena yahira: ''Owamini aPwiya Yesu ni onamopowa, we nitthokoao.³²Ahi laleriya Molumo aPwiya yena, niitthokoawe yotene. ³³Vano namalipelela ahakuxanuuhiyu yole, khuarapihaza makhuatthaya, ni yena nitthokoawe nan'nanoro yahipatizariya. ³⁴Yena ahinkuxa Paawulu ni Sila khuaroana m'paniwawe ni khuavaha eyoja; ni yahihakalalaza vinjene niitthokoawe yotene, okhala wira yena ahimuamini N'luku.³⁵Vano vaxaaliaya, makhulupale yaharuma anamalipelela yiraka: ''Muaakumihe alopuanaale aroazeke''. ³⁶Namalipelela ahin'himeria molumoale Paawulu iraka: ''Makhulupale akiruma wira kuleveni n'roeke; vano, nkhumeke n'roeke ninretthele''.³⁷Vano, Paawulu ahiwirela: ''Hiyano ninari atthu oroma, nomanakaziya m'payani, nihinatthi olamuliya nitthukiya, ni noheliya n'khattheia; ni vano nimphela oleviya za sirini? Khiniraneya! Ayenaze ahana awaka onikumiha mum''. ³⁸Anamalipelela yahapihera molumoayo makhulupale; ni ayena yahikhala owovaza nuwinwa wira Paawulu ni Sila yari aroma. ³⁹Makhulupale yahiwa ni khuavekela n'suammaha ayenaze ni, okathi wakumihaya n'khattheia, yahinvekela Paawulu ni Sila wira akhume m'poma.⁴⁰Vano, Paawulu ni Sila yahikhumaza n'khattheia ni yahiroa owan'nhawe Litiya. Vano vinwaliaya axinna, ayena yahalipihera ni vano yahikhumaza m'poma.

¹Nuumaliha wetthakaza epoma za Wanfipolisi ni Wapoloniya, yahiphiya Otesalonika, wonwo waariaya exilopiya yamayuta. ²Paawulu muanaa zalamalelaliawe, ahiroa wenwe ni, m'pakha isaapatu ttharu, avanhihanaka nayena muaha waMolumo.³Atthukulaka zoolepiya, anahimeria wira Cristtu ahana ahawaka ni ahihimuaka muaatthu okhua. Ni anahimeria: ''Yesu yola onulaleraakani Mopoli''. ⁴Amayuta akina yahiweriya khutakaneela ni Paawulu ni Sila, hata m'pakha m'phantthe muinjene waale yetthela egergu, ni athiyana injene yalamalelale.⁵Vano amayuta ohamini, ozaliya n'rima, yahakhupa atakhali anampazarini, khutakaneela naatthu injene ampoma. Yahipuexakaziya enupa ya Jasom, opheeliyaka owaneliya watthuni Paawulu ni Sila. ⁶Vano, vahiphuanhiyaya, ahipurulaziya Jasom ni axinna akina aroaniyaka wafalume ampoma, ni yanikhuwelaza: ''Ala alopuanaala, anirukunuxaza olumuenku awehihaka muru vathi, aphiya m'pakha n'no. ⁷Ala, tinyala Jasom awakhelelaliawe, anifirikaniha eketthelo zaCesari ni aniira ohavotho Muene, Yesu''.⁸Vano n'tthitthiule naafalume ampoma vinwaliaya etthunya, yahitikinihiya. ⁹Pata yowakhela n'lipihero ni Jasom naakinakutho, ayena yahaaleva.¹⁰Ohiyuaya, axinna yahinroanela Paawulu ni Sila Obereya. Nuuphiya wu, yahiroza nxilopiya wamayuta. ¹¹Obereya, yari osuluheia ovirkana na aTesalonica, maana ayena yahakelela Molumo ni muru wotikithereia, wakula mahiku awehawehaka Zoolepiya, wira awehe yakhala wira phizizam'mo. ¹²Tivoo injeneiaya yahikupali, m'pakha naathiyana akina ogrega yeetthela ni alopuana injene.¹³Vavotho, mayuta Otesalonica vazuwelaliaya wira Paawulu alaleia Molumo aN'luku Obereya, yahiroaza m'pakha wowu wira yatupereria ni apankeke enhakunhaku. ¹⁴Nan'nanoru , axinna Paawulu oroa zoomafukhe, masi Sila ni Timotiyu yahihala wenwe. ¹⁵Ale yanvelela Paawulu yahinroana m'pakha epoma ya Watena ni khuhokoliazaka, awanaka n'wupi wowira Sila ni Timotiyu yahaana aroaka wowu vohipiza.¹⁶Vano Paawulu alipelelaka ayenaze Watena, n'nepawe wahiripiya vonaliawae epoma ekokhorela elatarato. ¹⁷Vano yanivanhihana m'maxilopiya muamayuta naale yankokhorela N'luku, ni ale yakumanawe mahuku otene opazar.¹⁸Anamazuwela akina yatthara molumo ni, apicurewu ni asitocu ya vanhihanaka niyena, yaniira: ''Omphela ohimia exini ola tacarelola?''. Akinaku yaniira: ''Onkhala muanaa onalaleia amiluku ohikhala'', okhala wira anlaleia Yesu nuhihimua.¹⁹Ahikuxiya Paawulu ni khuroaniya onthukumanoni wazimiya Wareopaku, yiriyaka: ''Nimphela ozuwela yosomiwiya xeni yanan'nano ela ennihimeriao? ²⁰We on'niwanela etthu yonitikiniha niinwaka. Tivo nimphela ozuwela etthunya en'himiaya''. ²¹(Atthu otene aWatena hata ni ananwa yakhala wenwe khiivo yahimiaya yorerela ohikhalale waalela wala winwelela ehantisi).²²Vano Paawulu aheemela eriyari yAreopaku ni khura: Atthu awatena, kin'niwonani wira mua'muamuni wanamuna zovirikana. ²³Maana my kiviraka ni kiwehaka itthu zinkokhorelen'nhu, kophuanha m'kuttho woolepiya zoo: ''WA NZ'LUKU OHINZUWELIYA''. Ayoni saana, Yole oninkokhorelen'nhu n'nhinzuwelaka tipani, Yoyo tanulalerakani.²⁴N'luku opatthuxale olumuenku niitthu zotene zimphuanhaneia, Pwiya awirimu ni vathi, khankhala m'nupani yotekiya ni matata aatthu. ²⁵Wala khanrumeeliya ni matata aatthu muanaa n'tthu ompheela etthu, okhala wira Yena tanvaha aatthu okumy, omumula ni etthu zotene.²⁶Ni wantthu m'moza Yena atthu otene ankhala elapo yavathi, ni aphimelaka okathi ni n'kano wokhalawaya. ²⁷Tivoo ayena yatthuna ompheelaka N'luku ni, wilipiha wira khuazi atthunaka omphuanha ni anzuwelaka, onukhalaru wira Yena khari otthiawene wahiyano otene.²⁸Maana muaYena nin'nikhala, ni nin'netthakaza fento anamalipen'nhu akinaku zihimialiaya: 'Hata nihiyano nanlokonaWe'. ²⁹Ninari hiyano n'loko naN'luku, nihupuweleke wira N'luku onalatthana nilatarato yaworo, yaparatha walani maluku--etthu zoopankiya vowixuttha ni niwupuwela waathhu.³⁰Enari ziizo, N'luku khaxikhale wa okathi ovirale nihinzuwelaka, masi vano on'nahimeria atthu otene wa mapuro otene, wituthuwa. ³¹Ma'ana othanla nihuku nintthunawe ophuka olumuenku niikhueli eriyari yanlopuana Yena onthanlaliawe. N'luku onthonhihera n'lopuanoyo waatthu otene, an'hihimuxakA wanamakhua''.³²Atthu aWatena vinwaliaya muaha wohihimuwa wanamakhua, akinaku yanintarawu Paawulu, masi akinaku yanira: ''Hiyano nin'niphela owinwatho muahoyo''. ³³Paata yazammo, Paawulu ahahiya. ³⁴Atthu akinaku, ayo, yahitakanela niyena, ni yahikupali, m'pakha Tiyonisiyu, n'khaliheri anikhuru nAropaku, ni n'thiyana m'moza azimiya Tamarisi, ni yenaze hata naxikhuawe.

¹Pata yetthunya, Paawulu ahikhuma Watena ni khuroa Ocorintu. ²Ahimphunha wenwe n'yuta m'moza azimiya Akila ayareliye Opontu, ira onawalene nan'nano okhuma Witaliya ni muaarawe Pirisila, maana Calautiyu anuhimia wira mayuta otene akhume oRoma. Paawulu ahiroa khutakanela nayenaze ³ni, okhala wira ayena yarinaza n'teko m'moza, Paawulu ahikhala ni avaraka n'teko nayenaze, okhala wira yapankaza ihema.⁴Paawulu analalera n'xilopiya esaapatu zotene, arukunuxaka mayuta hata ni makereku. ⁵Vano, Sila ni Timotiyu yahikhuruwela Omasetoniya, Paawulu ahivenhihiya niN'nepa wira azuwelihe mayuta wira Yesu ari Mopoli. ⁶Vano mayuta vankhotthaliaya yena ni anruwunaka, Paawulu ahitatha ikuwozawe ni khuwirela: ''Ephomen'nhu yumuareeleni vamuruwenhu; my inkinanlatthu. Okhuma elelo m'pakha oholo, kinroa wamalapo''.⁷Nuukhuma vale, ahiroa owan'nhawe Titu Naxariya, n'lopuana m'moza antthitthimiha N'luku. Enupawe yanumuatthamela n'xilopiya. ⁸Kirispu, n'holeli anxilopiya, ni etthokoawe yotene yahimuamini Pwiya. Makoritu injene yamuinwelelale Paawulu naayena yahikupali ni yahipatizariya.⁹APwiya yahin'himeria Paawulu nuuhiyu n'tthorani: ''Ohoove, masi olavule ni ohimaale. ¹⁰Maana kiri niwee, ni khaavo n;tthuna wuvara, okhala wira kiha atthu injene epomela''. ¹¹Paawulu ahikhala wenwe eyakha ni mieri misita, asomihaka Molumo aN'luku wayenaze.¹²Vano, paata Galiyu yokhala kuvernatoro aWacaya, mayuta yahikuxa Paawulu khunroana onphukiya milatthu; ¹³ni yiraka: ''Ola n'lopuanoola onalalera atthu wira anvuwiheke N'luku, avirikanihaka ekano.¹⁴Paawulu apheelaka olavula, Galiyu ahiwirela mayuta: ''Ekhueli,mayuta, yarivo yotakhala walani n'latthu wotepexa, yanirerela wuxikhaxikhani. ¹⁵Masi okhala wira etthu zamolumo ni mazina ni aketthelozinhu, m'phukazeke inyo muaxinene, inkimphela okhala namaphuka etthuyonyo!''¹⁶Galiyu ahiruma wira okhumiye n'tiripunale. ¹⁷Wazotene, yahinvara Sostene, n'holeli ansinakoka, nunweriawaya, ni yahim;manakaza otiripunale wenwe. Nizizam'mo, Galiyu khakalihale etthu ele yiraliaya.¹⁸Onavirihalene mahuku wenwe, Paawulu ahahiya axinna ni khalapuwela oSiriya, ni Pirisila ni Akila. Ahinatthi okhuma opantri, OCekereya, yena ahimettha muroawe okhala wira amuirale natiri ohimetthiya m'muru. ¹⁹Vaphiyazaliaya wEfesu, Paawulu Pirisila ni Akila wenwe; masi, yena ahoroa n'sinakoka ni anasomiha mayuta.²⁰Vano avekeliya Paawulu wira apize, masi yena ahikhottha. ²¹Masi, aleeha ayenaze, ahira: ''Kinahokolela n'kuaha n'kina wakhala otthuna waN'luku''. Vano ahikhuma Wefesu.²²Vano Paawulu vapakhuwaliawe oCesareya, ahiwelela oJerusalemu, ni, nuuxeleliha ekereja, ahikhuruwela wAtiyokiya. ²³Nuumaliha okathi wakhalaliawe wenwe, ahikhuma ni khuvira mitthitthe zoGalasiya ni oFirijiya, ni khualipihera awixutthi otene.²⁴Ahavo n'yuta m'moza azimiya Apolu, ayareliye wAlexantriya, awale wEfesu. Yena ari namalavula sana ni ozuwela zolepiya. ²⁵Apolu ahixutthiya zoosomiya zaaPwiya. Khukhala olipa mun'nepani, anilavula nuusomiha vorerela itthu azmphantthe waYesu; masi, yena azuwelale epatizimu yayohani paahi. ²⁶Apolu ahipajera olavula niwilipiha n'sinskoka. Tivoo, pata Pirisila ni Akila vinwaliaya, yahinkuxa ni khumuinxutthiha ephiro yaN'luku veekhueli.²⁷Aphelaka ovira wAcaya, axinna yahimopereria ni khualepela awixutthi awAcaya wira amuakhelele. Vano yena vaphiyaliawe, ahakalihera vinjene ale yakupalale wamahala. ²⁸Apolu vowonaneia anaaweria mayuta nuuweria wawe ni ozuwelawawe, atonhiheraka zoolepiya wira Yesu tari Mopoli.

¹Ninlelo Apolu onari oCorintu, Paawulu ahivira mitthetthe zoozulu ni khuroa yaWefesu ni ahaphuanha awixutthi akinaku wenwe. ²Paawulu ahakoha: ''N'hakhelela N'nepa Wowaria okathi waminialen'nhu?'' Ayenaze yahakhula: ''N'nari, khanakhelelale. Walani khanihimeriye wira owavo N'nepa Wowaria''.³Paawulu ahira: ''M'patizariye ni epatizimu xeni vano?''. Ayena yahakhula: Epatizimu ya Yohani. ⁴Paawulu ahira: ''Yohani apatizar ni patizimu yowintuthuwa, ahimeriaka atthu wira yahana akupaliki Ole atthua owa pata yayena, eyo phiyo, Yesu''.⁵Vinwaliaya eyo, yahipatizariya wanzina na Yesu. ⁶Vano Paawulu, ahahela matata, ni N'nepa Wowaria wahaweela, ni khuyalavula eluka zikina ni khuyalohera. ⁷Oteneiaya, yaphuanhaniaza alopuana n'loko nenli.⁸Paawulu ahiroa n'sinakoka ni ahilavula vinjene m'pakha mieri mararu. Yena aholela inhakunhaku ni khuyahimeria atthu m'monkoni weetthu za wumueneni waN'luku. ⁹Vano mayuta akina olipa eroho ni ohinwelela yahipajera olavula anhoholaka ephiro ya kiristtu eriyari yaatthu. Paawulu ahahiya ni khuahola awixutthiawe aroanelaka otthiawene nayena. Yena khupajera wasomiha wakula mahuku m'sikola watiranu. ¹⁰Eyo yahiroana m'pakha iyakha piinli, ni ziizo otene yaale yakhala oWasiya yahinwa Molumo aPwiya, okhuma mayuta hata ni makereku.¹¹N'luku ira avaraka miteko zuulupale m'matatani mua Paawulu, ¹²ni m'pakha marettha yanivonihiya, ni minepa zootakhala zaanakhuma, yavara n'lesonawe ni zowara zamuirutthuni muaPaawulu.¹³Masi yahavo ayuta owikompela yetthakaza mitthetthe zenye, ayo yanirumeela n'zina na Yesu waale okhaliya ni minepa zootakhala, yiraka: ''My kin'niwomolani wanzina na Yesu, ole oninlaleyawe Paawulu''. ¹⁴Yapankale eyo yari athan'nenli axaana a Ceva, m'holeli anankuttho.¹⁵Tivoo m'nepa wotakhala wahakhula: ''Kin'ninzuwela Yesu ni kin'ninzuwela Paawulu tipani, masi nyu, muapanize?'' ¹⁶N'lopuana awariye nin'nepa wotakhala ahatuphela anamuikompela ni, amorihelaka vathi, khuaxatthakaza, m'pakha otthiawaza vapuwanivale, puitipuiti ni orakalaza. ¹⁷Eyo yahizuweliya naatthu otene okhuma mayuta hata ni makereku yakhala wEfesu Woova wahawela oteneiale, ni n'zina naYesu niira nitthotthopeliyaka.¹⁸Amuamini injene yaaniwa, khuyalokoha ni alaphulelaka mitekozaya zoonanara. ¹⁹Injene yapankazaka majittha yanikhupa ipaphelozaya ni khuyawana wira zipawiye oholo waatthu otene. Ni, niwalakeliya ehisapu zapaphelonye, n'zurukhuaya waniphiyera ikonto miloko mithanu wan'nkhalelo waparatha. ²⁰Ziizo Molumo aPwiya yanin'nuwa vinjeneru wamithinto zoovirikana.²¹Patiya Paawulu yomaliha n'tekoawe wEfesu, ahilakela muin'nepani oroa oJerusalem, yupuwelexawe yari oroa waweha muamini mitthetthe zo Masetoniya ni wAcaya. Ayira Paawulu: Pata yoroa oJerusalem, kinaroa hata oRoma''. ²²Yena ahaaruma akhaliheriawe, Timotiyu ni Erastu, oMasetoniya. Nivoo Paawulu ahikhala epoma ya wEfesu, eprovensiya yowAsiya.²³Okathi yoole, nahikhuma nuutupo nulupale wEfesu eriyari yaphiro. ²⁴N'lopuana m'moza namaphita eworo walani eparatha azimiya Temetriyu, apankaza elataratozawe alikanihaka ni Tiyana, yanaavaha n'zurukhu muinjene ananteko. ²⁵Vano, ahathukumaniha otene yaale yavaranawe n,teko m'moza, khuira: ''Alopuana, nyu muin'nizuwela wira nin'niphuanha n'zurukhu muinjene ninakosoola.²⁶Ni muin'nona ni muinninwa sana wira kahi wEfesu paahi, m'pakha wAsiya wotene, oyo Paawuluyo on'naweria ni wahapuxa atthu injene. Yena on'himia wira khaavo amiluku opankiya nimatata atthu. ²⁷Khinopiha onikhuela n'tekoehum paahi, masi hata niinupa yan'lukuihum mulupale Tiyana ljinroatho okhalihiya etthu. zammo enaroa ohiya winnuwawaya, ele ekhalale pinkokhoreliya wAsiya ni olumuenku woteene''.²⁸Nuwinwaza zam'mo, yahinanariya ni khukhuwela yiraka: ²⁹''N'khulupale Tiyana awEfesu''. Epoma yoteene yahizala enhakunhaku, ni atthu otene yatthimakela ora otakanela wenwe. Ayena yahapurulaza ale yarinawe Paawulu, Gayu ni Aristarku, yakhumale oMasetoniya .³⁰Paawulu apheela otuphela eriyari yaatthu, masi awixutthi yahinkotthiha. ³¹Hata ni makhulupale oporovensiya yo wAsiya , yari axipatthanizawe, yahinrumihela n'hupi an'himeriaka wiira ahikele n'nutuponi. ³²Akinaku yakhuwela enamuna ekina , ni akinaku enamuna ekina, maana atthuaale khayazuwaniaza. Anjeniaya hata khayazuwela yathukumanelaya.³³Mayuta yahinkumihera Alixentera ota onuutuponi, khunwanela watthuni. Alixentere, ahivenhiha n'tata,apheelaka wahimeria etthu atthuaale. ³⁴Nivoo, vazuwelaliaya wira yena ari n'yuta, yahikhuwelaza vinjene hata vophiyeraka iwora piili: ''Mulupale Tiyana awEfesu''.³⁵Vano namalepalepa ampoma, amalihaka atthu ahira: ''Atthu awEfesu, n'lopuana xeni ohinzuwela wira epoma ya wEfesu tiri yomalihera niinupaya ya Tiyana mulupale ni elataratoawe emorale wirimu? ³⁶Mona wira, vano, etthunyo tizawopiha, vannirerela nyuwano omaala ni khuhivara etthu. ³⁷Vano muawanale ala atthuala ohanova, naala kahi anawinye am'panimu, walani khanvehale n'lukuihum.³⁸Vano, yakhala wira Timetriyu ni ananteko ari niyena ahaana ekisua nintthu, ehavo ehano naanamaphuka. Ahimie wakula n'tthu etthekaliawe. ³⁹Masi khukhala wira muawanelale muaha zikinaku, zihana ziroaka owehawehiya mapuro anrerelaya. ⁴⁰Vekhueli, hata ennopihaza hiyano ottheka muaha wenhakunhakuila. khuvo n'latthu va worerela ohinwananean'no, ohintthunehun wona yohimia''. ⁴¹Numala ohimia zam'mo, yena ahimuarexaza n'thukumanoole.

¹Numala enhakunhaku, Paawulu ahiwama awixutthi, ni khualipihera; vano khualeha ni khukhuma aroaka oMasetoniya. ²Aviraka mitthetthe zenye, analipihera vinjene makiristswo amitthetthezenyo; ni ahiphiya oGresiya. ³Paata yomaliha mieri miraru wenwe, mayuta akina yahinlakela yena okathi wirawe apheelaka opakhira oroa oSiriya; vano, yena ahupuwela ohokoleia aroaka oMasetoniya.⁴Waveleliyawe m'pakha owAsiya yari: Sopaturu, muaana a Pirru oPereya; Aristaruku ni Secuntu, otenezaya oTesalonika; Gayu oTerpe; Timotiyu; on'hiyatho Tikiku ni Trofimu awAwsiya. ⁵Wazotene, ayo alopuanayo yanuuhola khuyanilipelela oTrowati. ⁶Nahilapuwa okhuma oFilipo patiya yomala niira na mikatthe zohimiropo, ni anamalale mahuku mathanu, nahithukumana nayenaze oTrowati. M'we nahikhala mahuku mathan'namenli.⁷Nihuku nopajera nasumana, wathukumanaliehum wira nimeelane n'katthe, Paawulu ahahimeria atthu, yena upuwela okhuma nihuku nikina,vano, ahilaleya m'pakha ohiyu eriyari. ⁸Zahavo mithuko ekhatthiyero zinjene akuarutu yulupale, wathukumanaliehun.⁹Ahavo nantthompe m'moza onkomathale vajanelani azimiya Eutiku aphuanhale ekhove zinjeene. Okhala wira Paawulu ahipiziha olavula, nantthompeole, ahirupa, ahimora enupa yeneraru, ni, vavenhihiyawe, ahukhua. ¹⁰Vano, Paawulu ahikhuruwa, khumuramela nantthompe, khunkapattha ni khuira: ''Muizikulaze, maana yena n'kumi''.¹¹Ni, nuwela, khumeia n'katthe, khukhura ni ahilavula naayena okathi muinjene, m'pakha oxa ni ahikhuma. ¹²Ni ahihokoloxiya nantthompeole onari n'kumi, ekhalale tiyalipihale m'makhuvani.¹³Hiyano nahiroa oholowawe Paawulu, ni kalawa, ni khulapuwela wa Assosi, wonwo waroehu omuakhelela Paawulu apakhwaka; muanaa yena muanene zalakelaliawe, okhala wira aphelale oroa n'nifukhe. ¹⁴Vamphuanhalehu wAssosi, nahimuakhelela apakhuwaka ni khuroaza oMitileni.¹⁵Vano nahilapuwa vale ni, vaxaliaya niku nikina, nahiphiya m'phantthe n'kina wokisurua yo Quiyo. Nihikunikina nahiphiya ekisurua yo Samu, ni pata yanihuku nimoza nahiphiya epoma yoMileto. ¹⁶Paawulu alakelale ohemela ohisola wEfesu, wira ahimalihe okathi muinjene wAsiya, okhala wira akuvela ophiya oJerusalem nihuku noPentecoste, yakhala wira vanawerianeia.¹⁷Okhuma Miletu, yena aharuma alopuana owEfsu, ni khuruma wazimiya makhulupale okereja. ¹⁸Vawazaliaya yena ahiwirela: ''Nyu muin'nizuwela, okhuma nihuku nopajera ninhakelaliaka wAsiya, wanamuna ekhalaliaka ninyu. ¹⁹Kahittharihela warumeela aPwiya niwinyeviha ni nimenthori, ni mahawelo akiphuanhale ekisua yolupatthiya naamayuta. ²⁰Nyu muin'nizuwela wira n'kihiyale wulalerani etthu zahakhalale zoorerela, kihusomihani m'mithukumanoni ni hata m'mawani, ²¹kiwoniheraka okhuma amayuta hata amakereku muaha wowituthuwa eriyari yaN'luku ni n'roromelo muaPwiyehu Yesu.²²Ni vano, ketthihiyaka niN'nepa, kinroa oJerusalem, kihizuwelaka itthu zintthuna okhumelela wuu, ²³ehikhalale ele N'nepa Wowaria enkihimeriaya wira, epoma yotene, ikhettheia ni ohaawa zinakilipelela. ²⁴Wazoteene, n'kinkhaliha okumiaka muanaa etthu yotepexa okizivela kimuanene, kaweriale n'nakhala omalihera otthimaka ni omalihera n'teko ovahiyaka waPwiya Yesu, wira kikhumele oxahiti Ehapari ni mahala aN'luku.²⁵Ni vano kin'nizuwela wira khavotho m'mozaya wanyu, yalaleraliaka oMuene, ontthuna owehatho ekhoveiaka. ²⁷Vano, elelo kin'niwoniherani wira n'kinanlatthu niiphome ya wakula n'tthu. ²⁶Maana m'kihiyale wuhimeriani eketthelo zotene zaN'luku.²⁸Vano, muikasope muaxinene ni m'tthitthi nootene nivahiyen'nhu omakampuzi niN'nepa Wowaria, wira m'xikhaxikhe ikereja zaaPwiya, inye Yena zithumaliawe niiphomiaWe. ²⁹Kin'nizuwela wira kakhumavale, miiji zotakhala zinamuuwelani, ni n'tthitthi khaninroa woneliya othunku. ³⁰Ni kinnizuwela wira nhenhuru, atthu akinaku anaroa okhuma arukunuwaka ekhueli,wira yahapuxe awixutthi ni yakuxaka.³¹Vano, m'wehawehe, mupuwelaka wira komaliha iyakha tthaaru n'kimaalale owixutthihani ni owupuxerani wakula m'moza anyuwano ni menthori othana nuuhiyu. ³²Vano, kin'nuvahererani waN'luku ni Molumo amahalaWe okhalale oweria wulipiherani ni wuvahani mirerelo waale otene aniira arerihiyaka.³³N'hunlele eparatha, wala eworo n'nakhala ekuwo yantthu. ³⁴Nyu muin'nizuwela wira ala matataal akikhalihera muazopheelazaka ni wazopheela yaale yari nimy. ³⁵Wa etthu zootene kihuvahani n'thonhero wanamuna yowakhalihera ale otthettheya n'varaka n'teko, ni n'tthunaka wupuwela molumo aPwiya Yesu, molumo ala aYena yiraliaya: ''Yotepexa orera ovaha ohikhalale wakhelela''.³⁶Vamalihaliawe olavula, ahikokhora ni khulompa nayenaze oteene, ³⁷Otene yahunlaza vinjene ni, ankapatthaka Paawulu, yahimpejari. ³⁸Ayena yari ozikulaza okhala wira ahahimeria wira, khanroatho oweha akhoviawe. Vano ahiveleliya m'pakha opaketini.

¹Pata yomualanaza nayenaze, nahilapuwa nilukamaka epoma yoCosi ni, vaxaliaya nihuku nikina nahiroa oRote, ni m'pakha epoma yo Patara. ²Vamphuanhalehu paketi akhuma aroaka oFenisiya, nahimwela yoyo ni khuroaka.³Natthamelaka ekisurua yo Chipere, nakakhelale moono n'thiyana, khulapuwelaka oSiriya ni nasolale epoma yo Tiru, okhala wira paketi aroa opakhuliya. ⁴Patiya yowaphuanha awixutthi, nahikhala ninyayo m'pakha mahuku mathan'nameli. Awixutthi, orumiya niN'nepa, yahimuirela Paawulu wira ahiweleleni oJerusalem.⁵Patiya yomalihera mahuku, nahikhuma nipuron'ne ni nahiroa n'khuahehu. Otenewayaze ahinivelela m'pakha okhuma m'poma vamoza natthuaya ni naxanaya. Vano nahikokhora ophareia, khulompa ni khulehana n'kina ninkhuawe. ⁶Nahiwela m'paketi ni ayena khuhokoliazaka aroaka owaani.⁷Vamalaliaya n'tekoehu oTiru, nahiphiya oPatolemita; ni, khuaxelelihaza axinna, nahivira nihuku nimoza ninari nayena. ⁸Nihuku nikina, nahikhuma ni khuroa oCesareya. Nahiphiya owan'nhawe Filipe, namalaleia, ari waiyale athan'neli, ni nahikhala niyena. ⁹Oyo n'lopuanoyo ahana axanaawe ajexe axinunmuari yalohera.¹⁰Nahikhala wenwe mahuku vakani ni yahikhumelela n'lopuana m'moza akhumale Oyuteya, namalohera m'moza azimiya Akabu. ¹¹Yena ahiwa khuniphuanha, khukuxa n'zako wa Paawulu, khuiitthuka enhawuzawe nimatatawe, ni khuira: ''Ziizo on'himia N'nepa Wowaria: 'Ziizo mayuta tizinroaya omuiriha muanene n'zakoola oJerusalem anroa ontthuka ni anvaherere m'matatani wamalapo'''.¹²Vinwalehu etthunya, okhuma huyano naale yakhala nipuro nen'ne, nahinvekela Paawulu wira ahiweleleni oJerusalem. ¹³Masi, Paawulu ahakhula: ''N'nirilani zam'mo wunla ni m'werehaka erohoaka? Kolikanana vohikhala otthukiya paahi masi hata oroa okhua oJerusalem wanzina naPwiya''. ¹⁴Ni okhala wira khananweriale Paawulu, nahimaalaza ni khuira: ''Wiraneye otthuna waaPwiya''.¹⁵Numalamahukayo, nahikuxa mipaxazihu ni khuroa oJerusalem. ¹⁶Ni vamozaru nihiyano awixutthi oCesareya. Yahinkuxa n'lopuana m'moza azimiya Mnasom, ayareliye oChipere, muixutthi akhalayi, aroehu okhalana vamoza.¹⁷Ni vaphiyalehu hiyano oJerusalem, axinna yhinakhelela nuuttheliya n'rima. ¹⁸Nihuku nikina, Paawulu ahukhuma nihiyano wira nakumanane Tiyaku ni aholeli otene yari wenwe. ¹⁹Ni, patiya yowakhomaza, ahahimeriaza etthu zotene N'luku ziiraliwe wamalapo eriyari yantekoawe.²⁰Vinwaliaya inyo, yahintthotthopela Pwiya ni yahira: ''We on'noona, n'yawihu, mirira mikavi wamayuta ale anamini ni otene anikupali wixathi ekano. ²¹Ayena ahimeriya ankhaleloen'nhu: wira muinnasomiha mayuta ankhala wotakaneela namalapo wira an'hiye Mosesi, nuhiwin'nuwiha axanaya ni ohittharelela zolamalela zakhalayi.²²Niireke zai? Ayena vekhueli anamuinwa wira n'howa. ²³Muire ziizo zinuhimeriehuni vaa: nihana vaa alopuana ajexe yirale enatiri. ²⁴Wuakuxe ala alopuanaala, warerihe vamoza niweyano ni waalivele wira ametthiye m'muru. zam'mo atthu otene anaroa ozuwela wira, ehimiyeyo waziyaka, kahi ekhueli ni hata niweyano on'nixathi ekano.²⁵Vano, wamalapo ayo akupalale, ninaalepa ni nahimerie wira ahiye waputi etthu zohirerela, weephome zeetthu zowokotthiya ni ekhapa zihinrerelaya''. ²⁶Vano Paawulu ahakuxa alopuanaale, ni vaxaliaya khuireriha vamoza nayenaze; khuroa m'paani, ohimia mahuku anreriho, m'pakha wira wakula n'tthu avahe yovahawe.²⁷Yatthamelaka omala ale mahukuaale, mayuta akina owAsiya yahimona Paawulu m'pani wamavekelo, ni yahathupereria atthu wira anvare. ²⁸Ayena yanikhuwelaza: ''Alopuana awisrayele, n'nikhalihere. N'lopuanoola onamuasomiha atthu otene, miphantthe zootene, etthu zovirikana niketthelo ni nipuron'na. Nuumala ohawaana makereku m'panimu ni oharamuxa nipuro noreran'na''. ²⁹Okhala wira anumooniya Torofimu awEfesu onari niyena m'poma ni khonihiyaka muanaa Paawulu ahinkeliha m'paani waN'luku.³⁰Epoma yotene yari yonhakuleleia ni atthu yanatthimakaza n'tthitthinene wira yanvare Paawulu. Ayena yahimpurulaza khunkumihera ota ni mikhora nan'nanoru zahitthukiya. ³¹N'no aphela omuinva, ehapari nan'nanoro yahiphiya wan'holeli anamasunkera, wira eJerusalem yari yowuntuwanheia.³²Nan'nanoru ahakuxa atoropa nimakhulupaliaya ni khutthimakaza m'pakha waphuanha atthuaale. Vano atthu n'khulupale atoropa, yahemela onmanakaza Paawulu. ³³Vano yena ahimuatthamela, khunvara Paawulu ni khuruma wira yena ahana atthukuyaka nuunholo minli. Ahinkoha wira yena ari tipani walani iraleexeni.³⁴Akinaku waatthu yale yanikhuwelaza ahimiaka etthu ekina, ni akina ekinaku. Okhala wira n'khuupale khivo yaweriawe winwa ekisua yonhakuliya, ahiruma wira Paawulu aroaniye enupa yolipihiya. ³⁵Vapihiyawe vasikatthani, yena ahitexiya naatoropa n'latthu woowali warinaaya atthaale. ³⁶Okhala wira n'tthitthi wananttharelela okhuwelaka: ''Inmiye!''.³⁷Wazizam'mo Paawulu apheelaka oroaniya enupa yolipa, yena ahinkoha n'khulupale: ''Kuhimeriekeni etthu emoza? ''Yena ahakhula: ''On'nilavula ekereku? ³⁸Kahi we muijipituule okathi ovirale otthuli waholelale enhakunhaku emoza ni wakuxaka anamuinva ikonto jexe waroana wuthakoni?''³⁹Paawulu ahira: ''Kanyuta, epoma yo Tarsu, oSilisiya. Kan'tthu a epoma yororomeleya. kin'nuvekela wira okihiye kahimerie atthuaala'' ⁴⁰Vano n'khulupale wanvahaliawe okathi, Paawulu ahemela vasikatthani ni khuvenhihera matataawe watthuni. Ni patiya yoomaliya, ahahimeria niiluka yaheparayika, iraka:

¹''Axulupaliaka ni axipapaka, n'kinwe wisakiha, onuhimeriakani vaa''. ²Vano n'tthitthi wotene womuinwa Paawulu alavalaka ni luka heprayika, khuhala anatikinihiye omaleleia. Ni yena irale:³''Kamyuta, oyareliya oTarsu oCilisiya, masi kileliye epomayela m'matatani muaGamaliyele. Kileliye ni vottharelela ni ketthelo zan'napapazihu. Kin'nintthitthimiha N'luku, muanaa ziizo nyu otene elelo zirin'nhu. ⁴Kihomola ephironya m'pakha okusini; katthukaka otene, athiyana naalopuana, ni kahelaka m'khattheia. ⁵Anamkuttho nimahumu annikikhumela oxahiti wira kihakhelela ipaphelozaya karoanelaka axinna oTamasku, wira kiroe wonwo. Wira my kahana kaawanaka oJerusalem otene yatthunaka waaphuanha ephiroene yela, wira ahukhumuiye.⁶Yahikhumelela wira, my ketthaka, katthamelaka oTamasku, othana namaakala, vowakaveia muenke wookhuma ozulu wahikirukureria. ⁷Kahimorela vathi ni khuinwa esoti yakirela: 'Sawulu, Sawulu, n'kittharattharela exeni'? ⁸Kahakhula: 'Nyu muapani, Pwiya'? Yena ahikirela: 'My kaYesu oNazare, we oninttharattharao'.⁹Ale yari nimii yahiweha muenke , masi khayinwale esoti yalavula nimy. ¹⁰My kahira: 'Kiire exeni Pwiya'? APwiya khukirela: 'Ovenhe, ni oroe oTamasku; wonwo onaroa ohimeriya entthunao wira'. ¹¹My n'kaweria woona ekisua yanthukoole, vano kahiroa oTamasku, kivareleliyaka nimatata naale yarinaka.¹²N'we kahimpuanha n'lopuana m'moza azimiya Ananiya, m'lopuana ekhueli onttharihela ikano ni orina n'thonhero worera eriyari yamayuta otene yakhala wenwe. ¹³Oyo ahiwa khukiphuanha, khuemela oholowaka, ni kuira: 'Munna Sawulu, ohokolele woona'. Okathi yole kahipajera woona.¹⁴Vano yena khuira: 'N'luku axipapenhu ohuthanla wira ozuwele otthunawawe, wira omone orerela, ni wira winwelele esoti enkhuma vamalakuniwaWe. ¹⁵Okhala wira onroa okhala xahitiaWe waatthu otene wa inye zinoonao ni zininwaao. ¹⁶Ni vano onalitthihani? Ovenhe ni orapihe etampizao, oromolaka n'zinanaWe'.¹⁷Patiya yohokolela oJerusalem, kilompaka m'pani waN'luku, kahoniheriya etthora emoza. ¹⁸My kahinuinWa akirelaka: 'Wakuveke ni okhume n'Jerusalem, okhala wira khunroa wakheleliya oxahitiao wanzinanaKa'.¹⁹My kahakhula: 'Pwiya, ayena anizuwelaza wira kihatthuka ni kihamana m'pani waN'luku otene yaale yawaminiNi. ²⁰Okathi ephome yaEstevawu, xahitin'Nhu, vamuarexiyaya nimiyano kahikhalela, kanikhalihera ni kinxathiki ekuwozawe waale yamuinva'. ²¹Masi, Yena ahikirela: 'Oroe, okhala wira Kinuroanela otthiawene wamalapo'''.²²Atthu yahintthunihera olavula m'pakha nipuron'no voo ni, vano, khukhuwela yiraka: ''Muinkumihe ntuniyani m'tthuyo, okhal wira khanrerela yena okhala''. ²³Okathi wakhuwelaya, yatthikhelaza ekuwozaya nintthupi ozulu, ²⁴n'holeli anamasunkera ahiruma wira akuxiye Paawulu aroaniye enupa yolipa, arumakatho wira akohiye niwuputthaziya, wira azuwele exeeni okhuweleliyaka enamunayeela.²⁵Vano ayena vantthukelelaliaya vakuathuloni, Paawulu ahimuirela namalipelela arinawe vavale: ''Okhaleke wira n'haana oleveliya on'mana n'tthu oRoma oyo ahiphukiye khutthukeliya? ²⁶Vano supayi vinwaliawe eyo, ahiroa wankhulupale, ni khuira: ''Muimphela wiira exeni? Okhala wira ola n'lopuanoola n'tthu oRoma''.²⁷Supayi n'khulupale ahiwa ni khumuirela: ''Kihimerie, we ontthu oRoma? ''Paawulu ahira: ''Ayoni!'' ²⁸Supayi nkhulupale ahakhula: ''Kilivale n'zurukhu muinjene, wira kikhale n'tthu eelapo yoRoma''. ²⁹Vano atthu yapheela onkohakoha Paawulu nan'nanoru yahintthukula. Hata ni khulupale amasupayi ahova, vinwaliawe wira Paawulu ari n'tthu oRoma, okhala wira ahintthuka.³⁰Nihuku nikina, n'khulupale apheela ozuwela ekhueeli yetthu amayuta yamootheriaya Paawulu. Vano, ahitthukuliya muatthukiyawe ni khurumiya wira aholeli anamkuttho otene nimahumu aniira m'phantthe wamayuta athukumane. Vano anwanaka Paawulu ahatonhihera.

¹Paawulu ahawehexexa ale maholeli amayuta ni khuira: ''Axulupale, kiri eriyari yaN'luku nim'muruniwaka kinari saana m'pakha nihuku n'na nihukun'na. ²N'khulupale anamkuttho Ananaiya ahinruma ole ari watthamana niPaawulu wiira anrakalihe malaku. ³Vano Paawulu ahimuirela: ''N'luku onamurakaliha, exiri yotthelihiya! We wonkomale voo wira okiphuke zin'himiaya ikettelo, masi oniira kirakalihiye ovirikanihaka eketthelo?''⁴Ale yari vavale yahira: ;;We oninruwana zai m'khulupale anankuttho aN'luku''? ⁵Paawulu ahira: ''My n'kazuwela, axulupaliaka, wira yena n'kulupale anankuttho. Okhala wira yolepiya: 'N'hinnhoholeni n'khulupale onaholela atthu''.⁶Vano Paawulu vonaliawe wira vanthukumanonivale akina yari masatusi ni akina yari mafarizi, ahilavula vinjene: ''Axulupale, my kanfarizi oyariya ninfarizi. My kinalamuliya okhala wira kinalitthiha nurorormela ohihimua wanamakhwa''. ⁷Vano yena nuhimia eyo, yahipajereia enhakunhaku yamafarizi namasatusi, ni n'thukumano wahikawaneia. ⁸Okhala wira masatusi yiira khuuvo ohihimuwa, walani malayikha, walani minepa, vano mafarizi annikupali inya etthunya zotene.⁹Tivoo yahikhumelela enhakunhaku yulupale, ni anamalepa akina yari mafarizi yahilenha ni khuhimia yiraka: ''Khaninona etthekaliawe ola n'lopuanoola. Tipani onzuwela onzuwela yakhala wira n'nepa walani n'layikha nilavulale niyena''? ¹⁰Paata yowinnuwaza enhakunhaku, n'khulupale anova wira Paawulu ahipuatakaziye naayenaze. Vano aharuma atoropa akhuruwe ni yankumihe Paawulu niikuru vanthukumanonivale ni anwaanele enupa yolipa.¹¹Ohiyu n'kina, aPwiya m'phanttheiawe ni khuira: ''Ominhaale, okhala wira ziizo zikikhalelaliao oxahiti oJerusalem, ni ennirerela wira woonihere oRoma''.¹²Vaxaliaya, mayuta akina yahilaphala ni, wira otakhaliya okhale wayenaze, yiraka khayaroa oja walani owuria m'pakha inviye Paawulu. ¹³Yahivikana miloko mijexe ala yanlakelale.¹⁴Ayo yari makhulupale anankuttho nimahumu ni yirazale: ''Nolaphela, hata nitakhaliye, khannja etthu m'pakha nimuinve Paawulu. ¹⁵Vano, voo, yahimeriye ankhulupale vamoza naatthuayo wira awaaniye Paawulu, muanaa onroa owehawehiya saana muahawoyo. Vano hiyano, nirii otthenkeya wira nimuinve yena ahinatthi ophiya wenno''.¹⁶Masi n'zulawe Paawulu, vinwaliawe wira ayena yapankaza n'tapha, ahikela enupa yeele yolipa ni khun'himeria Paawulu. ¹⁷Paawulu ahimuaazima supayi m'moza ni khuira: ''Onkuxe nantthompeola wankhulupale, okhala wira yena ohana etthu enroawe on'himeria''.¹⁸Vano supayi ahinkuxa nantthompe ni khunroana wankhulupale ni khura: Paawulu, namatthukeliya, onukazima ni khukivekela wira kuwaaneleni nantthompeola. Yena ohaana etthu wira uhimerieni''. ¹⁹N'khulupale ahinvara moono khunrona nipuro nowimpitheya ni khunkoha: ''Ompheela okihimeria exeni''?²⁰Nantthompe ahiira: ''Mayuta anumuinwanana wuvekelani wira muinkuxe Paawulu meelo, onlavuliya milatthu, muanaa muimpheela oroa onkohakoha saana muahaawe. ²¹Masi ayoze n'hiwinwelele, okhala wira ahavo alopuana ovikanaka miloko mijexe amuimpithelale wira amuinve. Ayenaze alaphela, wira hata waphuanhe otakhaliya, khanroa oja walani owuria m'pakha amuinve. M'pakha nan'nanova, arizi otthenkeya, yulipelelaka entthunen'nhu ohimya''.²²Vano n'khulupale ahinleva nantthopeole wira akhumeke ona'himeriale: Ohin'himerie n'tthu wira wee wokihimeria etthunya''. ²³Vano yena ahiwazima masupayi menli ni khuahimeria: ''Nkhale otthenkeza, m'pakha iwora tthaaru zohiyu, atoropa imiya pili anamuenttho, miloko mithan'namili anakhavalo ni imiya pili anamavaka, wira aroe m'pakha oCesareya''. ²⁴Yena khuahimeriatho wira atthenkeze ekhavalo yonpakhira Paawulu anvelelaka vororomeleya wa kuvertoro Felixi.²⁵Vano yena ahilepa epaphelo: ²⁶''Calautiyu Lisiasi wa otthitthimihiya kuvernatoro Felixi. Makhomazoaka! ²⁷N'lopuana oyo anutthukiya namayuta ni yahala omuinvaza, vano vaphiyaliaka naatoropa ni kimuakiheraka, kahizuwela wira ari n'tthu oRoma.²⁸Kipheelaka ozuwela yamotheriaya, vano vankhxaliaka kinroanaka vanthukumanoniwaya. ²⁹Kahizuwela wira yantthukela itthu zaketthelozaya, masi khayarivo ekiisua yorerela yena winviya walani otthukeliya. ³⁰Hata kahizuwela wira wahikhala olupatthiya n'lopuana ola. Tivoo kin'nuvahererani nyu vowakuveya ni kihahimeria anamamotheria ohimiakaza ekisuazaya eriyarin'nhu. Makhomazo''.³¹Vano atoropa yahinwelela inye zoorumiya: ayena yahimphuanha Paawulu ni khunkuxa nuuhiyu anroanaka wAntipatrite. ³²Vaxaliaya, atoropa anakhavalo yahiroa ni Paawulu ni akinaku yahihokolela okuaritelo. ³³Vano anakhavalo vaphiyazaliaya oSesareya ni avahaka epaphelo wa kuvernatoro, ni yahinthonhihera Paawulu.³⁴Vano kuvernatoro vasomaliawe epaphelo, ahinkoha Paawulu wira ari antthethe xeni. Vinwaliawe wira ari oCiliciya, ³⁵ahimuirela: ''Kinroa owinwelelaka anamawotheriayo anaphiyazale won'no''. Vano yena ahiruma wira Paawulu ixathiye owan'nhawe Herote.

¹Anavirale mahiku mathanu, Ananiya n'khulupale anankuttho, amaholeli akina ni namuakiha azimiya Tertulu yahiroaza m'pakha oCesareya. Ala atthuaala yahiwana ekisua yaPaawulu wa kuvernatoro. ²Vano apaawulu onari oholo wakuvernatoro, Tertulu ahipajera omotheria iraka: ''Kuvernatoro, muaha wanyu nihana n'retthele mulupale, nuuzuwelawinhu muin'niwanela mirerelo zinjene n'laponiwihumu; ³ziizo nuxukhuruela wotene nin'nitthitthimiha zootene zinvaren'nhu n'khulupale Felixi.⁴Vano, nipheelaka wira nihupiziheni, kinamuvekelani vowakuveya n'kinwelele vanrerela. ⁵Hiyano nim'moona ola n'lopuanoola okhala ehasara ni n'tthu onakuxa amayuta olumuenku wotene okhala ohinwelela. Yena n'holeli atini yonazare, ⁶ni hataa ahimananiha onanariha enupa yaN'luku; vano,hiyano khunvaraka.⁷⁸Vano muankoha Paaawulu inya etthunya zoteene, nyu, n'naroa wona yeyo enin'himianehu''. ⁹Vamozaaru, hata namayuta yanimotheria Paawulu, ni yaanira etthunya zaari ekhueeli.¹⁰Ninzo, vano kuvernatoro vavenhihaliawe n'tata wira Paawulu alavule, yena ahakhula: '' Kin'nizuwela wira iyakha zinjene we onamaphuka milatthu wa n'lokonna, ni on'nikitthela n'rima wihimiakaza okinwaka we. ¹¹We on'niweria oweha wira, khanavira mahiku n'lokonamanli varoaliaka olompa oJerusalem; ¹²ni ayena vakiphuanhaliaya m'pani n'kipuapuihanale nintthu, ni n'katan'nhale atthu, okhuma n'sinakoka ni wala m'poma; ¹³ni ayena khanuthonhiherani alamaya etthunya zinkotheriaya vaa.¹⁴Masi kinuhimeria we, wira, we ephiro eyo ayena enazimaya nan'nanova elolo, tiiphiro eninrumelaka N'luku an'napapehu. Kin'nitharihela zotene ziri n'kanoni ni zolepiya zanamihupi. ¹⁵Kirina olipelela omoza wonwo waN'luku, muanaa ala atthuala zinlipelelaya, ohihimuwa ontthuna owa wanamakhua, okhale wale owamini hata ale ohamini, ¹⁶ni wayeyo, kin'nipheela okhalana wupuwela vohittheka waN'luku ni waatthu wa zoteene.¹⁷Zinamalalene iyakha zinjene kinwana n'khalihero wan'lokonaka ni zovaha zanzurukhu. ¹⁸Viraliaka eyo, mayuta akinaku awaSiya yahikiphuanha onirani norerihiya enupa yaN'luku, vohikhala naatthu injene wala ninhakunhaku. ¹⁹Ayo atthuayo tiyaroa wuphuanhani oyo okathiuyo, wira yuhimerieni etthekaliaka, enari wira yahavo.²⁰Walani vano, ayo atthuayo tiyaroa ohimiaka yonaliaya evonhaliaka, kinari wuphukiyani wamayuta. ²¹Ehikhalale yeyo yahimialiaka kinari nayenaze: 'Onari muaha wohihimuwa wanamakhua okhalale tumphukiyaka elelo ninhuwano'''.²²Felixi, vano, ahizuwelexa saanene muahoole, ni voo ahunteleliha n,thukumanoole. Yena khuira: ''M'pakha n'khulupale Lisiya onahokoleyale oJerusalem tunroaka olavula muahaoo''. ²³Vano yena ahinruma supayi wira antthuke Paawulu, masi nuumonela othunku ni vohinkhotthihera akhaliheriya naxipatthanizawe walaa othotoliya.²⁴Anavirale mahiku vakani, Felixi ahihokolela nimuaarawe Trusila, n'yuta, ni khuruma wira awaaniye Paawulu ni khuyamunwa muaha wanroromelo mua Mopoli Yesu. ²⁵Vavo Paawulu ahivaanela niyena muaha wa exariya, winweria omuanene, ni ophukiya ontthuna owa, Felixi ahova ni khuakhula: ''Nan'nanova, oroeke. Masi karoa khukhalelana, okathi, n'kina kinawazima''.²⁶Ni vavotho, yena anilipelela wira Paawulu aroa onvaha n'zurukhu, tivoo vakhalawe omuazimaru ni khuyavanela niyena. ²⁷Wazotene, zinavirale iyakha pili, Porsiyu Festu, ahiwela ocuvernatoro pata yaFelixi, ni apheelaka waziveliha amayuta, ahin'hela Paawulu n'khattheia.

¹Festu ahikela vapoma ni nuvira mahiku mararu ahikhuma oCesareya m;pakha oJerusalem. ²N'khulupale anankuttho ni maholeli amayuta yahiwana ekisua wa Festu yomotheria Paawulu. ³Ni yaninvekela nuvara muettho yiraka Paawulu, azimihiye oJerusalem, ni ziizo ayenaze yaroa omuinva niiohiro.⁴Masi, Festu ahakhula wira Paawulu atthukeliye oKesareya, wamahiku vakani yena anaroa wowu. ⁵''Vano, ale yatthuna yahana aroaka wowu nihiyano. Yakhala wira ehavo etthekaliawe oyo n'lopuanooyo yan'himieke''.⁶Onakhalalene nayenaze vophiyeraka mahiku mathan'namararu wala n'loko, ahiroa oKesareya. Nihiku nikina, yena ahonkoma vahijeni n'we omphukiya milatthu ni khuruma wira awaniye Paawulu. ⁷Vano yena vawaliawe, mayuta oJerusalem yahinrukureria ni khuwaana ekisua zinjene zenye ayena zahatthunaya okumihera oxahiiti. ⁸Paawulu ahizakiha iraka: ''Khivo yiraliaka yotakhala yovirikana niikano zamayuta, yoveha enupa yaN'luku, walani yonveha Cesari''.⁹Festu, vano, aphelaka waziveliha amayuta, ni ahimuakhula Paawulu: ''On'nitthuna oroa oJerusalem wira kuphuke wowu muaha wetthunya''? ¹⁰Paawulu ahira: ''Nan'nanova kiri otiripunale wa Cesari, vaava ontthunaka olamuliyaka. N'katthekelale amayuta, muanaa nyu zinzuwelen'nhu saana.¹¹Vano, yakhala wira ehavo evonhaliaka, walani ehavo yiraliaka enrerelaka winviya, n'kinkhottha okhua. Masi, yakhala wira n'kinanlatthu nayena, khavo ontthuna okivaherera wayena. Kinvekela wa Cesari''. ¹²Vano Festu ahikoha n'thukumano, ni yahakhula: ''We ovekelale waCesari, onaroaniya waCesari''.¹³Anamalalene mahiku vakani, muene Akiripa ni Birinisi yahiphiya ocesareya oroa omotola n'khulupale Festu. ¹⁴Anakalalene mahiku ,injene wen'we, Festu ahahimeria muene muaha wa Paawulu: ''N'lophuana m'moza ahihinya vaa ni Felixi onatthukeliye. ¹⁵Kinari oJerusalem, makhulupale anankuttho nimahumu amayuta yahiwana ekisua zanlophuana yola ni khuvekela wira atthukeliye. ¹⁶My kahahimeria wira kahi yolamaleleehu him aroma onvaha n'tthu wira inviye ohikhalale wira anamamotheriawe orina vavale ni n'tthule izakihaka enotheriyawe.¹⁷Vano ayena vawazaliaya n'no, my n'kawalitthihale, ni nihuku nikina, kahonkoma n'tiripunale ni khuruma wira awaaniye. ¹⁸Vano anamamotheriawe vavenhaliaya ahimiakazaka zarinaya, n'kaphuanhale n'latthu wekhueli wanamanwanaale. ¹⁹Vohikhala zammo, yaphuanhaliaka yari makhalelo ovirikana muaha wa etiini ni muaha waYesu ole inviye, yoyo Paawulu onin'himiawe ohaavo n'kumi. ²⁰Kahikhala otikinihiya ninamuna yottharatthara muahoole, ni kahinkoha akhala wira anikupali oroa ojeruzalem, wira aphukiyeke wowu wainya etthunya.²¹Masi, vano Paawulu vavekelaliawe wira n'latthuawe waphukiye ni muene, kahiruma wira ixathiye, m'pakha vantthunaka onveleliha waCesari''. ²²Akiripa ahimuirela Festu: ''Hata wanikizivela omuinwa''. Ahira Festu: meelo m'naamuinwa''.²³Vano, vaxaliaya, Akiripa ni Perenisi yahiwa nintthitthimiho nulupale ni yahikela m'pani muimphukiya milatthu nimakhulupale anakhottho naatthu ozuwaneia ampoma. ²⁴Festu ahivekela ni Paawulu ahiwaaneliya. Festu ahira: ''Muene Akiripa, ni atthu otene ari va nihiyano, muinwehe n'lophuananoola okhalale atthu otene oyuteya ni oJerusalem okhalaya okikohereraru, anhakulaka wira yena kharerelatho okhal n'kumi.²⁵Masi kahiweha wirayena khirale etthu enrerelawe winviya; masi, okhala wira yena ovekela oroaniya waamuene, kokupali onveleliha. ²⁶Okhala wira inkinona etthu yorerela onlepela muene muaha wayena, Tivoo, my kinwanexexale wanhu, muene Akiripa wira my kikhalane etthu yolepa monkoni yamuahoola. ²⁷Okhala wira n'kinonela orera onveleliha namatthukeliya kihimiale etthu etthekaliawe''.