¹ Owe engoonzi teofiilo, omu chitabu chanze cho kutandika, nkakwaandikila habwa amagaambo habwa amagambo goona aago yeezu yaakozile no kweegesa, kulaga ha bubaandizo. ² Kuhika echilo eecho yaatweelwe kuzeenda omu igulu. atakatweele, akabagambila entumwa zoomwe ha muhaanda gwa omwooyo mutakatiifu hambwe emilimo eezo bolaakola. entumwa aabo yaatoolizwe. ³ Hamwaanya gwe ebilo makumi aana kayaabeele yaayaleezwe mwooyo, no kubeegesa amagaamboo go obukama bwa muungu. ⁴ Echilo chilo obuchilo yeezu akaba naalya hao ne eezo ntumwa akabalagila, mutulugama omu chikali cha yeruzaleemu. Naho mutegamilile omwo nyini, kuhika obuchilo oobwo mulaayanaankula omwooyo omu chikaali Taata yaabeesagiisei ize iimwe kulabila amagaambo gaanze aago mbele nniimbagaambila. ⁵ Kuba, Yohana akabatiza abaantu aha meenzi, naho ahaleeza ha bilo biche iimwe nimubatizwa aha mwooyo mutakaatiifu. ⁶ Bityo omu buchiloeezo ntumwa kazaakobile hamo na yeezu zaambuuza Mkama weetu obuchilo oobu niho alabasumbiza abaizirieli obukamabwaabo . ⁷ Nawe yaabaambila obuchilo nali emihaanguko za amagaambo aago ti geenyu kumanya ha kuba ni Taata weenka oogwo ha buzizi bwoomwe yaalamwiile nigambaho iili. ⁸ Naho nniimwaanaankula obuhicha obuchiloomwooyo mutakatiifu aleeza hali iimwe nimumba nimuunyayula iinye Yerusaleemune enkasi eziindi zoona ze eensi ya yudea na Samaria no kuhika hoona ha muhelo gwi ihaanga iye eensi. ⁹ Obuchilo Yeezu yaamazile kubagaambila entumwa zoomwe aago, nibamuleeba boona, ahonyini akasutulwa kuzeenda omu igulu. Obwiile bwaamusweekela, tibalamubweene kaandi. ¹⁰ Obuchilo bakaba bachaali nibalaangamila ameeso gaabo olugulu, bwaangu ahonyini, heehi nabo, abakwaata babili aabo bakaba baazweele ebizwaalo bilikweela ¹¹ Baagaamba Iimwe bakwaata ba Galilaaya kamweemeeliile aaha nimuleeba omu igulu oogu yeezu ayaatwaalwa kuluga hali iimwe kuzeenda omu igulu aleeza kandi aatyo nyini nkokwo mwaamuleeba naazeenda omu igulu. ¹² Mala entumwa baalugaho aaho ahi ibaanga eelyo eliliikweetwa mizeituni baasuba omu chikali cha Yeruzaleemu. hakaba hali heehi oluzeendo lwa nke echilo che endaalikizo . ¹³ Baataaha omu muzihwa baazeenda baahanama omu chiseenge echoombikilwe olungu ye eenzu omwo baqbeele nibeekala . Eezo ntumwa nibo aaba peetero , Yohana ,Yakobo , Andrea Filipo , Tomaso, Balitomayo , Matayo na yakobo ali mutabani wa Alfyo . Kaandi bakaba baliho Simoni oogwo akaba ali muzeloote na Yuda ali mutambani wa Yakobo . ¹⁴ Aaba boona bakaba bakoba aaho kumusaba muungu ha nsoonga eemo hamo na Mariamu nyina wa Yeezu na abakazi abaandi na badugu ba Yeezu. ¹⁵ Omumwaanya oogwo hakaba heena omukobo gwa abeekiliza .[ Obwinzi bwa abantu bukaba buli igana limo na makumi abili bati].Niho Peeteer yaayemeelela ahagatiya yaabo , ¹⁶ yaabagambila badugu baanze amagaambo aago agayaandikilwe omu maandiko amatakatiifu ha bwa Yuda gakaba galiiwaampaka gahikiilwe . Aago gakagaambwa no omwooyo mutakatiifu kulabila hali Daudi habwe empola za Yuda ayaabebeembeliile aabo abamukwaasile Yeezu. ¹⁷ Akabalwa kuba entumwa muzeenzi weetu akaboneswa ikola eeli hamo ne echwe . ¹⁸ [Obuchilo oobwo Yuda akagula ensaambu haiyeezo miya eezo yaayanaankwiile kwiingana ne echikolwa choomwe chibi Oomwo niho yaagwiile buuma eenda yoomwe ekaatika naamala goomwe bweecho baaziluka ahelu. ¹⁹ Empola ze echigaambo eecho zaamanyiika ha batuuzi boona ba Yeruzaleemu . Ha bweecho baaziluka aheelu Empola ze echigaambo eecho zaamanyiika ha batuuzi boona ba Yeruzaleemu .Ha bweecho baazikula ensaambu eezo iziina lyaakeldama kuluga omu lulimi iwaabo ensoongoo yaaho ensaambu yo obwaamba.] ²⁰ Peetero yaazeendela omu kugamba, kuba amagambo aago agaandikilwe omu chitabu che enzina nigo aaga. Eenzu yoomwe eebe no obufuunzi,hataakubaho omuuntu oogwo alaasigala aaho, kaandi chaangikilwe, omulimo gwoomwe gwo kweemeelelela,ahabwe omuuntu oondi. ²¹ Habweecho ni lwampaka atozwe omuntu ondi ogwo ayakulatileensi ne echwe obuchilo bwona obwo omukama yeezu akaba ali hamo ne echwe. ²² Kubaandiza obuchilo obwo yeezu akabatizwa na Yohana kuhicha obuchilo obu yatweelwe kuzenda omu igulu ogwo alatozibwa nayendelwa aabe hamo ne echwe kugaamba obubona bwo okuzooka kwa yezu. ²³ Bityo bataho amazina ga abantu babili oomo akaba ali Yozefu ayaabele Barsaba kaandi akaba ayina iziina elindi Yusito no wa kabili akaba ayetwa Mathia. ²⁴ Bamusaba muungu omu kugamba mukama ni iwe olikumanya emiganya ya abantu bona ha bwecho nitusaba otwoleke no ooha omuli aba babili waamutolize nka nikwo. ²⁵ Atwale omwanya oogu gwo obuheleza bwe entumwa ezo Yuda alekile obuchilo yaafwile no kuzenda ahantu aho alikumugasa. ²⁶ Mala baayesa olweeso,lwamugwela Mathia,yatelaniswa na abo entumwa abandi ikumi no oomo.

¹ Obuchilo bwe echilo cha Peentekoste kabwaahikile, abaantu boona aabo abamwiikiliize Yeezu bakaba bakobile omunzu eemo. ² Ahonyini, ilaka elyaabeele lilinke echiihule cho omuyaga, gwaaheemba kuluga omu igulu, gweeza gweezula omu nzu yoona eezo bakaba beekeelemo. ³ Ahonyini beesulukizwa ebiintu bili nke endimi zo omulilo, byeebaganisa, byeekala aha lugulu ya buli oomo waabo. ⁴ Abaantu abo boona beezuzwa obuhicha kuluga ha mwooyo Mutakatiifu, baabaanza kugaamba ha ndimi eziindi, nkokwo Omwooyo Mutakatiifu yaabeendiize kugaamba. ⁵ Na aho Yeruzaleemu bakaba baliho Abayahudi abaabeele nibamulamya Muungu. Abo Bayahudi bakaluga buli mahaanga goona ge eensi. ⁶ Obuchilo kabaahulile ilaka eli, abaantu embaga beeza. Na buli oomo waabo yaakamaala, habwo kuba akabahulila abeekiliza aabo nibagaamba gaamba nabo omu ndimi ezili zaabo. ⁷ Ago gaabasobeza no kubakaamaaza bwooli, kunu bagaamba,''Ngasi aba boona bi tulikuhulila nibasoomboola bati, ta abatuuzi ba Galilaaya? ⁸ Ngasi Byaabaho bita nkokwo buli oomo weetu naabahulila nibagaamba ha lulimi lwoomwe lwo obuzaalwa? ⁹ Aha heena abaantu kuluga omu nsi za Abaparti, Medi, Elaamu, Mesopotamia no omu byaalo bya Yudea, Kapadokia, Poonto, Asia, ¹⁰ Furigia, Paamfilia na Miisiri. ¹¹ Heena abaandi kuluga olubazu lwe eensi ya Libia eezo zili heehi na Kurene. Heena abazenyi aabo bakaba balugile okwo Ruumi, abo abaandi na Abayahudi bo obuteeka, na abaandi bakazaalilwa ediini eziindi naho beekililizana na ediini ye Chiyahudi. Heena abaandi aabo bali Abakirete, na abaandi Abaarabu. Ne eechwe chweena, nituhulila abaantu aaba nibamukiza Muungu ha bikolwa byoomwe bikulu, omu ndimiezili zeetu eechi. ¹² Abaantu boona baakamaala no kutahwa tahwa nibeegaambila, chiina nsoonga chi chigaambo? ¹³ Naho abaandi omuli aabo baabasekeelela aabo baantu ba Yeezu omu kugaamba, Batamiile eviini! ¹⁴ Naho Peetero yaayemeelela, hamo ne entumwa bazeenzibe aabo ikumi no oomo, yaabagaambila abaantu aabo ahi ilaka lihaango iimwe Bayahudi, ne eemwe abaandiaabo mulikutuula aahaYeruzaleemu, munnhuliilize kuzima, mbone kubasoomboolela eebyo! ¹⁵ Nimuzila muti abaantu aaba batamiile amazima, aababaantutibatamiile oobuhachaali ne esaahaisatu kwoonkaze enchaakala ¹⁶ Naho amagambo aaga nigo aago gaagambilwe kulabila aha mubasi Yoeli. ¹⁷ Muungu naagamba nka nikwo,omu bilo byo omuheleeluko,niimbaseseelela abantu boona omwooyo gwanze,batabani banyu na bahala balaabasa,na abasigazi baanyu nibabona amezaho,na abanyampala baanyu nibaloota ebiloosi. ¹⁸ Omu bilo eebyo nimbasesela omwoyo gwanze no noobu aha lugulu ya abazaana baanze,abakwata na abakazi,nabo balagaamba obubaasi. ¹⁹ Niinkola amahano omu igulu olugulu,ne emanyiso omu nsi ahansi,obwaamba no omulilo,no olwooya lwiinzi lwe eliika. ²⁰ Izooba lilahinduka kuba ensimbaazi,no okweezi kulaba okulikutukula nko obwaamba.Aago goona galaba obuchilo chitahikile echilo chikulu chi ikuzo lyo omukama muungu. ²¹ Na buli muuntu ogwo alikweeta,ahi iziina lyo omukama muungu naachungulwa. ²² Peetero yazendelela kugamba iimwe bakwaata abanyaiziraeli,muhulilize muungu akamumanyisa butunu yeezu omunyazareeti hali iimwe,ha muhanda gwa amahano go kusobeza ne emeenko kulabila hali weenyini,eezo mungu akamuhikiliza kuzikola omuli iimwe,aago,iimwe nyini nimugamanya kuzima. ²³ Kayabalile oogu yezu yasohozwa hali iimwe,nka mungu okwo yalamwile kwiingana ne ensoonga yoomwe kuluga ha bubandizo neemwe mukamubaamba no kumwiitila aha musalaba aha muhanda gwo kulabila abanyamahanga abatakusaswa ebilagilo. ²⁴ Naho mungu akamuzoola kuluga omu bafwile,yaamuchunguula ne ebyaagalalo byo olufu,habwokuba mazima tichikwile lufu kuzendelela kumukoma yeezu. ²⁵ Kuba nawe omukama Daudi akagamba aati habwa yeezu,nkaba mumubona omukama ali mungu omu meeso gaanze buli bucha.na habwokuba ali olubazu lwaanze lwo obulyo,tinkuchuundagulika. ²⁶ Ha bweecho omuganya gwaanze nigusemelelwa,kaandi olulimi lwanze nilitela emihila. ²⁷ Habwo kuba iwe toligunagilana omwoyo gwanze omu kuzimu,na kaandi tokukunda omubili gwaanze guzunde iine omutakatifu waawe. ²⁸ Waanyoleka emihanda zo obulami,noonyizuza amanulilwa habwokuba oli heehi nenye. ²⁹ Peetero yazeendelelela kugamba abayahudi bazeenzi baanze,nihicha kubagambila ha kugima nkokwo isichwe enkulu Daudi akafwa yazikwa ne eembi yoomwe echaali eliho aaha kuhicha lelo. ³⁰ Naho Daudi akaba ali ombaasi na akamanya nkowko muungu akamwesgiza ha kulahila nka nikwo,alyaamukola omunt oomo wo kuluga lwoomwe kwikala aha chitebe cho obutegeki bwoomwe. ³¹ Daudi akasombokelwa amagambo aago nigabaho gata,niho akagamba habwo kuzooka kwo oogwo masihi nka nikwo,talalekilwe omu kuzimu nali omubili gwoomwe tigulazuunzile. ³² Oogwo yeezu,mungu yeezu akamuzoola kuluga omu bafwile,ne eechwe tweena ni baalubona bo okuzooka ookwo. ³³ Mungu yamuha yeezu ikuzo lihango no kumuta heehi naze olubazu lwo obulyo nawe yeezu yayanankula kuluga hali wenyini taata,ogwo omwoyo mutakatifu oogwo yaatweesagiize,nawe yaatusesiile,echo nicho mulikuleeba oobu no kuhulila. ³⁴ Kuba Daudi weenyini taladutukile no kuzeenda omu igulu,naho akagamba,omukama muungu akamugambila omukama wanze oyikale olubazu lwanze lwo obulyo. ³⁵ Kuhika mbate abasi baaawe,iifo ya amagulu gaawe ³⁶ . Peetero akamala ha kugamba,ha bweecho abaiziraeli boona nibeendelwa bamanye aha mazima nkokwo mungu yamukola oogu nyini yeezu kuba weenyini masihi no omukama,oogu iimw mukamubaamba aha musalaba. ³⁷ Abantu aabo,kabahulile amagambo aago gaabachumita bwooli omu miganya yaabo bamubuza peetero ne entumwa abandi bazeenzi beetu,oobu tuzileho tuta. ³⁸ Peetero yabagambila buli oomo wenyu atamwe ebiheno byoomwe no kubilekelela,amuhindukile muungu no kubatizwa ahi iziina lya yeezu kristu,mubone kuganyilwa ebiheno byaanyu ne eemwe nimwinankula obuhicha bwo omwooyo mutakatifu. ³⁹ Mungu akatweesagiza endagano eezi ha bweenyu na abaana banyu na ha baandi boona aabo abali hala ookwo,kuba bona aabo abalikweetwa no omukama,muungu weetu weenyini. ⁴⁰ Peetero yazeendelela kubagambila aabo baantu amagambo agandi meenzi go kubaneembelela omu kubagumisa omuganya ha kugaamba mchungulwe kuluga omu luzaalo oolu oluhegeene lwa abatakutegezwa. ⁴¹ Ha bweecho boona abayanaankwile echigambo choomwe Peetero bakabatizibwa,echilo echo abantu bo kuhika nke ebihumbi bisatu baaba baayoongelwa omu baheemba abandi. ⁴² Abahemba bakazeendelela omu kweeyega ebyegeso bye entumwa za yeezu.Beekola omu bumo bwo omwooyo baaba nibamenyula omukate no kumusaba muungu hamo. ⁴³ Entumwa aabo bakaba nibakola emanyiso na amahano go kusobeza meeenzi,kuhicha abantu boona baaba beetamwa. ⁴⁴ Abekiliza boona bakakoba ahantu hamo,kukobela buli chintu chona bakaba beenacho hamo. ⁴⁵ Bakaba nibaguza ebiintu byaabo ne empilya eezo baabonesize,bakazibagana kwiinganisa no okwenda kwa buli omo okwo kuli. ⁴⁶ Buli chilo bakazeendelela kubagana omu lubuga lwe eenzu ya mungu bakaba nibamenyula omukate omu maka gaabo,no kulya hamo ha manulilwa no omuganya gulikwela. ⁴⁷ Bakaba nibamukuza muungu no kunulilwa omu mbabazi za abantu boona.na buchile,omukama yaabo naaboongela abantu abandi omu mbaga ya aabo abaabeele nibachuungulwa.

¹ Echilo chimo Peeetero na Yohana bakaba nibazenda aha nzu ya mungu kusaba,akanya ako zikaba zili esaha mwenda za nyemisana. ² Omu nzu mungu omo akaba ali omulema ,omulema kuluga ha kuzalwa kwoomwe na buli chilo akaba atawalwaokwo abone kusaba empilya ha baantu abo bakaba nibataaha omu nzu ya mungu. ³ Omuuntu oogwo kayababwene Petero na Yohana belile kutaha omu nzu ya mungu yabasaba bamuhe empilya. ⁴ Aho Petero na Yohana bamutukuza ameso niho Petero yamugambila ,otuleebe iichwe. ⁵ Yaabaleba kunu nayetegeza nkokwo bakaba beene echintu cho kumuha. ⁶ Naho peetero yamugambila tinyina efaza nali azehabu naho echi nyinacho nicho ndikuha nikugambila ahi izina lya yeezu Kristu omunyazareti yemelela olibate. ⁷ Peetero yamukwata oogwo omuntu omukono gwo obulyo yamwimeleza ahonyini amagulu ne enfundo zoomwe byaba na amagala. ⁸ Yaayemelela bwangu no kuguluka yabanza kulibata weenka Yataho omu nzu ya muungu hamo na peetero na Yohana ,kunu nalibata no kugulukaguluka namukuza mungu . ⁹ Abantu boona bamubona nalibata no kumukuza mungu. ¹⁰ Bmumanya nkokwo niwe ogwo nyini ayabele nayikala no kusabiliza aha mulyango ogulikwetwa muzima gwe eenzu ya muungu boona bakeekangwa no kusobelwa bwoli kuleeba echigambo echo echamwesulukize. ¹¹ Obuchilo oobwo omuntu ogwo ayachilizwe akaba nabomelela Petero na Yohana abantu boona babelukilila nibasobelwa bwoli.Ahantu aho Peterona Yohana bakaba ali hakaba nihetwa itegekelo lya Selemani. ¹² Obuchilo Petero yababwene abantu abo yabagambila Abaziraeli bazenzi banze hali chiiha ebyo nibibasobela habweecho nimututukuliza ameso nimuzila muti oogu muuntu nalibata ha buhicha bweetu nali habwo kuba ichwe nitutuula nkokwo muungu alikutweendeza. ¹³ Mahi ti bityo obu mungu wa besiichwe enkulu,Ibrahimu ,Izaaka na Yakobo yamukuza omuzana womwe yezu,no ogwo yeezu niwe oogwo imwe nyini mwamusohwezile ahali Pilato akaba ayenzile amulekulile yeezu azeende mukamwooga. ¹⁴ Mwamusaba Pilato nko kwo omwisi chingulilwe no kuleka wenyini mukamwoga yeezu omutakatifu no omugololoke. ¹⁵ Mukamwita wenyini ali obutaandikilo bwo obulame naho mungu akamuzoola kuluga omu bafwile, ne echwe ni balubona bo okuzooka kwoomwe. ¹⁶ Omuntu ogwo mulikubona aho nimumanya kuzima wenyini yaachizwa ha muhanda gwo okwikiliza omu iziina lye yeezu eelyo izina hamo no kumwikiliza weenyini niyo ensoonga yaabele no kuchila nkokwo mulikubona okwali. ¹⁷ Obu abaiziraeli bazeenzi betu ebyo boona mwamukolile yeezu iimwe na abatwaaliliza baanyu nimumanya nkokwo mukakola habwa butasoombokelwa. ¹⁸ Naho aho muhanda ogwo muungu akahikiliza amagambo aago yaabasize ha muhanda gwa ababsi boomwe boona nkokwo,masihi woomwe naayagalazwa. ¹⁹ Habwecho mutamwe ebiheno byanyu no kubileka ,mumuhindukile mungu niho weenyini ayiheho ebiheno byanyu bubone kwiiza obuchilo byaanyu,bubone kwiiza obuchilo bwo kuhumuzwa habwo kubaho kwoomwe omukama ha muhanda ogu mungu alaba naabachuleza no kubagumya emyoyo kuluga ha Mukama. ²⁰ Nasindikiza yeezu hali imwe weenyini niwe masihi omuchunguzi ogwo muungu yamutolozile habwenyu imwe kuluga ha bubandizo. ²¹ Ni lwampaka yeezu asigale omu igulu kuhicha buhike obuchilo mungu akole ebintu byoona bibe bisha,nkokwo yagambila kuliga kala ha muhanda gwa ababasi boomwe abatakatifu. ²² Kuba ,Musa akagamba kuluga omuli iimwe Abaiziraeli omukama weenyu alyaabaleetela omubasi nke enyu muhulilize kuzima buli chigambo echo alibagaambila. ²³ Omuuntu weena wena ogwo alileka kumuhuliliza ogwo omubasi alyaachiindikwa mazima na abantu ba mungu. ²⁴ No obu ababasi boona kubandiza Samweli na abandi aabo abakulatila bakabaasa amagambo ge ebilo eeebi. ²⁵ Iimwe muli abana ba ababasi kandi mulimo omu ndagano ezo mungu yakozile na baguuka banyu mungu akamweesagiza Ibrahimu,kuluga omu luzalo lwalwe ndyaafuha enganda zoona omu nsi. ²⁶ Mungu kayamukulize omuzaana woomwe yeezu obwaambele akamusindikiza hali iimwe niho abafuuhe ha kubahindula buli omo kuluga omu biheno byoomwe.

¹ Obuchilo Peetero na Yohana bakaba nibolekela abantu aabo,abagabe ba mungu,na Abasadukayo,na mukulu wa abalwaanila ngoma be eenzu ya mungu babezaho. ² Beeza basayile bwooli,habwokuba Peetero na Yohana bakaba nibabegesa abantu nibabatulila nkokwo,hali yeezu heena okuzooka kwa abafwiile kwingana no kuzooka kwomwe. ³ Ha bwecho,babaakwata Peetero na Yohana baabachingila omu ibohelo kuhicha nyencha eemo,habwokuba hali olwebazo. ⁴ No oobu bityo,beenzi abahulile echigambo cha Peetero na Yohana bakekiliza kuhicha okubalwa kwa abakwata boonka aabo abakeliza yeezu kwahika ebihumbi bitaanu biti. ⁵ Nyenchemo,echilo cha kabili abategeki abanyampala na abegesa be ebilagilo baakoba aho yeruzalemu. ⁶ Ahagati ya abantu aabo bakaba balimo omugabe omukulu wa mungu Anasi,hamo na kayafa Yohana,Alekisanda,na abandi aabo bakaba bali bo luganda lwa Anasi. ⁷ Baalagila Peetero na Yohana baleetwa babeemeleza omu meeso gi itegekelo ya balusiingo baabuza omu kugamba aago gi mukozile,mugakozile ha buhicha chi,nali izina lyo ooha. ⁸ Aaho Peetero ayizilwe obuhicha kuluga aha mwoyo mutakatifu yabasubiza,abategeki na abanyampala. ⁹ Keelaba leelo nimutubuza amabuuzo habwokuba tumuhweelile omuntu ogu akaba ali omulema,na nimutubuuliliza nka nikwo yachizwaho. ¹⁰ Mbweenu imwe mweena hamo na Abaiziraeli abandi boona mumanye eebi ninyenda mumanye ha mazima nka nikwo ogu ayemeliile omu meeso geenyu yaabele no bulami ha buhicha bwi iziina lya yeezu kristu omunyazareti.ogwo niwe iimwe mukamubamba naho muungu akamuzoola omu bafwile. ¹¹ Niwe ogwo amaandiko matakatifu nigagamba nka nikwo wenyini ni ibale eelyo mukanga iimwe aboombeki,eelyo nilyo lyaahindukile kuba ibale igazi lyo oluhazo. ¹² Obuchunguzi nibubonwa kuluga hali weenyini weenka yeezu kristu kuba mazima tihaliho iziina eliindi iifo yi igulu eelyo baheelwe abantu kubachungula obuchunguzi bweenu ni lwampaka buluge ahi iziina elyo lyoonka. ¹³ Balusingo aabo kababweene nkokwo Peetero na Yohana baagamba no obugimi,na nkokwo aabo na abantu batyo kwoonka bateena echisomo,niho babasobelwa bwoli,baabaanza kumanya nka nikwo Peetero na Yohana babele hamo na yeezu ha mwanya. ¹⁴ Naho,habwo kuba balusingo aabo bakaba nibamuleeba omukwata oogwo akachizwa ayimelele aaho ali hamo na Peetero na Yohana tibalabeele ne echigambo cho kugamba. ¹⁵ Bityo baabazema Peetero na Yohana basohole omu itegekelo eelo bonyini baasigalamo nibehanuuza. ¹⁶ No kweebuza bati,tubazileho tuta abantu aaba abatuuzi boona ba aaha yeruzalemu nibamanya nkokwo baakola emanyiso zi ihano na titukuhicha kulyooga. ¹⁷ Naho tubone kwaangila echigambo chitakuzendelela kusagiliza kusaambaha omu baantu ni kuzima tubaangile abantu aaba balekelele kugamba kaandi no omuntu weena weena ahi iziina lya yeezu. ¹⁸ Niho aabo balusiingo babeeta Peetero na Yohana babangambile bataleengesa kweegesa nali kugamba kaandi aha bwi iziina lya yeezu. ¹⁹ Naho Peetero na Yohana babagambila mulamule iimwe nyini,kabilaaba na mazima omu meeso ga mungu kubakoondokela iimwe kuchila mungu. ²⁰ Iichwe titukuhicha kuleka kugamba habwe ebigambo ebyo twaabweene no kuhulila. ²¹ Peetero na Yohana kabagambile bati,balusiingo aabo tibalabwene omuhanda gwo kubachwazika habwokuba abantu boona bakaba nibamukuza bwooli mungu habwe emanyiso yi ihano eelyo bakaba nibamanya nkokwo chakolwa. ²² Omuntu oogwo ayachizwa akaba ali omulema ha mwanya gwe emyaka makumi aana no obusaago ha bwecho balusiingo babaha kaandi Peetero na Yohana aha busanya buhango baabalekulila bazeende. ²³ Peetero na Yohana obuchilo bakakomololwa baasuba ha bekiliza bazeenzi baaba baabasombolela amagambo goona aago baagaambilwe na abakulu ba bagabe ba muungu hamo na abanyampala ba abayahudi. ²⁴ Na abantu aabo kabahulile amagambo aago bona hamo baateelana omu kumusaba mungu nibagaamba iiwe omukama mungu,iiwe ni iiwe omuegeki mukulu wa byoona iiwe niwe ayaahangile igulu ne eensi ne enzibe na byoona ebilimo. ²⁵ Iiwe okagamba ha muhanda gwo omwoyo muakatifu kulabila ha kanwa ke isiichwe Daudi omuzaana waawe,habwachi abanyamahanga nibasaaya bwooli,kaandi abantu nibateekuza ebiteena mugaso. ²⁶ Abakama be eensi na abategeki baakobile hamo,babone kumwanga omukama no kumwanga masihi woomwe. ²⁷ Na amazima nka nikwo omukama Herode na Pontio Pilato bakakoba hamo na Abanyamahanga na Abaiziraeli omu chikali eecho babone kumwanga yeezu omuzaana waawe omutakatifu oogwo waamutozile. ²⁸ Boonyini baakola aago kuluga obuhicha bwaawe no okwenda kwaawe ookwo okaba olamwileho bakolwe kuluga aha bubandizo. ²⁹ Omukama mungu okuleebe okulamula kwabo kubi,otuhe obuhicha iichwe abazana baawe kugamba echigambo chaawe ha bugimi buhango. ³⁰ Golola omukono gwaawe obone kuchiza abantu no kukola emanyiso na amahano ha muhanda gwi izina lya yeezu,omuzaana waawe mutakatifu. ³¹ Obuchilo bamazile kumusaba mungu ahantu aaho baabeele bakobile haachuundagulika nabo boona beezuzwa obuhicha kuluga aha mwoyo mutakatifu baabanza kweegesa abantu echigambo cha mungu ha bugimi. ³² Abekiliza boona bakaba beena obumo ha matekuzo na ha chihika taliho omunu oogwo akatoonga no oobu echintu chimo nka nikwo ne cha weenyini weenka naho bakakobela hamo byoona eebyo babele beenabo. ³³ Entumwa za yeezu bakaba nibabagambila obuboni abantu ha buhicha bwiinzi aha mpola za nka nikwo,omukama yezu azokile mungu akaba nabaha bona embabazi yoomwe mpango. ³⁴ Kuba talabeleho omuntu weena weeena omuli aabo oogu ayalebesize echintu ha kuba abantu boona aabo ababele beene amasaambo nali eenzu bakabiguza,empilya baazita omu magulu ge. ³⁵ Entumwa eezo mpilya entumwa baazigabila abantu kwiigana no okweendho kwa buli muuntu. ³⁶ Hakaba heena omulawi omo,iziina lyoomwe Yozefu enzaalwa yo omu iziinga lya Kipro,oogwo entumwa za yeezu bakamweeta izina Barinaba ensonga yaaho no owo kugumya omuganya. ³⁷ Oogwo muuuntu akaguza ensaambo yoomwe ne empilya eezo yabwene,yazileta aha numwa aabo.

¹ Hakaba heena omuntu,iziina lyoomwe Anania mukaziwe akaba nayetwa Safira.Bonyini bakaguza ensaambu yaabo. ² No kuluga empilya eezo babonesa Anania akeehaho empilya eziindi yaziseleka habwa wenyini mukaziwe akaba ayikililizene nawe kukola aatyo,empilya eezo ezaasigele,Anania yazileta yaabaha entumwa za yeezu. ³ Naho Peetero yamugambila iiwe Anania habwachi Isitaani lyategeka omuganya gwaawe,kuhicha kugamba ebisuba ha mwooyo mutakatifu ha bweseleke waayebikila ensaaga ye empilya eezo obwene ha kuguza ensaambu yaawe. ⁴ Otakaligulize libeele litali echintu chaawe tikwo noobwo obele wagulize,empilya zibeele zili omu buhicha bwawe kuzikoza okwolikweenda.Habwaachi waalamula kukola echigambo nke eechi tiwaabeeha muntu,waagaambila muungu ebisuba. ⁵ Obuchilo Anania yahulile ebyo bigambo by Peetero yaagwa ahansi yaafwa boona aabo abahuliile ebigambo eebyo bya Peetero bakeganya bwooli. ⁶ Abasigazi beeza baasweekelela omubili gwoomwe ne esuka,bamusohoza aheelu bamuzika. ⁷ Kahaabalile ha mwanya gwe esaha isatu ziti,muka Anania nawe yaataha omu chiseenge eecho,ateena kumanya amagambo ago agaagwa. ⁸ Peetero yamubuza hoona sii ngambila mugulize ensambu yaanyu ha mpilya eezi yaamusubiza,eego tugulize ha ndeengo eezo. ⁹ Peetero yamugambila,habwaachi iiwe na balo mweekiliza kumuleengesa omwoyo mutakatifu gwo omukama leeba abasigazi aabo abazeenda kumuziika balo,baasuba,oobu bali aaho aha chisasi,nibatahamo kukutwaala iiwe ahelu oobu nyini. ¹⁰ Ahonyini Safira nawe yaagwa ahansi omu magulu ga Peetero yaafwa niho abasigazi batahamo,basanga Safira nawe yaafwile bagusohoza ahelu omutumbi gwoomwe baguziika heehi neeba. ¹¹ Amagambo aago gaasaambala omu kelezia,beetimwa bwooli,hamo na abandi boona aabo abahulile empola eezi. ¹² Eezo entumwa za yeezu bakaba nibakola emanyiso na amahango go kusobeza menzi omu baantu.na abekiliza ba yeezu boona bakaba bakoba hamo omu nzu ya mungu omu itegekelo lya Selemani ha nsoonga eemo. ¹³ Omuntu weena weena oondi oogwo akaba atali omwikiliza akatina kutelana nabo.naho abantu benzi bakabakoondookela. ¹⁴ Nabo abandi,abakwaata na abakazi bakamwiikiliza omukama,bityo obukami bwa abekiliza bukaba nibweeyoongela bwooli. ¹⁵ Habwa amahango ge entumwa abantu bakaba nibabasohoza abalweele aheelu nibabatwala kubabyamika omu mihanda.okwo bakaba nibababyamika aha bitabo ne emikeeka,kubona obuchilo Peetero nahingula,echimunyamunya choomwe chibone kubakumya abandi omuli aabo,bachile. ¹⁶ Abantu beezi bakahika kuluga omu maboma ge engegelo ya yeruzalemu,nibabaleta abalweele baabo,na aabo ababele batuungamilwe na amazimu.Boona bakachizwa. ¹⁷ Omugabe omukulu,na bazeeenzibe boona aabo bakaba bali,abasaadukayo,bakazila ichubi bwooli habwe entumwa za yeezu. ¹⁸ Ha bweecho babakwaata entumwa eezo,babachingula omu ibohelo lihango. ¹⁹ Naho omu chilo oomwo maleeka oomo wo omukama mungu yachingula emilyango ye eenzu eezo,yabasohoza ahelu.Mala yabagambila. ²⁰ Muzeende kweemelela omu lubuga lwe enzu ya mungu,mubagambile abantu amagambo goona ha bwo obulami oobu obusha. ²¹ Entumwa ezo kabahulile eebyo,baabikoondokela,bazeenda omu lubuga lwe eenzu ya mungu enchakala yo mulutulutulu,baabanza kweegesa abantu oomwo.obuchilo nyini omugabe omukulu,hamo na bazeenzibe,aabo,bakabalalika itegekelo lya balusiingo ba abaiziraeli,nikwo kugamba embaga yoona ya abakulu ba abayahudi babugane baasiindika aantu omu ibohelo,babone kubaleeta entumwa eezo. ²² Naho obuchilo batahilemo omwo baasaanga eezo entumwa tibalimo baasuba basohoz empola nkokwo. ²³ Obuchilo twahika omu ibohelo,twaasanga emilyaango echiingile kuzima na abachuungi beemeliile ahelu ye emilyango nibachuunga naho obuchilo twachingula emilyango titwamusaangamo omuntu weena weena omwo omugati. ²⁴ Omukulu wa abachungi be eenzu ya mungu no omugabe omukulu kabahuliile eebyo baba no kutahwaatahwa omu kweebuuza,Amagambo aaga gaabaho gata. ²⁵ Mala omuuntu oomo,yeeza yabagambila muhulilize aabo baantu abo mubele mubohile,oobu nyini balimo omugati omu lubuga lwe eenzu ya mungu nibegesa abantu. ²⁶ Niho oogwo mukulu wa abachuungi hamo na abachungi boomwe bazenda ha lyeezo ntumwa babaleeta,naho tibalabakwasile lwa amaani,habwokuba bakatina nkokwo abantu bakabahoonzile na amakulugusi. ²⁷ Baabebeembelela omu itegekelo eelyo lya balusiingo baabembemeleza omu meeso ga boona omugabe omukulu yaabagambila. ²⁸ Tubaguze bwooli nkokwo mutabegesa abantu ha bwi iziian lyo omuntu ogwo naho nimuzendela kweegesa abantu empola zoomwe omu nkasi zoona za yeruzalemu nimugaamba nkokwo kufwa kwoomwe kwaaletelwa ne echwe. ²⁹ Peetero hamo ne entumwa bazeenzibe babagaambila,chikwiilwe tumukoondookela muungu,kuhicha kukondokela abantu. ³⁰ Iimwe mukamwiita yeezu ha muhanda gwo kumubaamba aha musalaba naho mungu wa besiichwe enkulu akamuzoola. ³¹ Yamwemeleza oogwo no kumuhanamika aha chitebe ha kumuta olubazu lwoomwe lwo obulyo aabe omutegeki no omuchunguzi muungu akozile aatyo kuba ababonese abaiziraeli balekele ebiheno byaabo na baganyilwe. ³² Iichwe ni balubona be eebyo byoona,na kandi omwoyo mutakatifu ni lubona weenyini niwe oogwo mungu yatuheele iichwe abategelezza boomwe. ³³ Obuchilo balusiingo aabo kabahulile eebyo baasaya bwooli bakaba nibeenda kubeeta aabo entumwa. ³⁴ Naho omu itegekelo eelyo hakaba heena omufarisayo oomo iziina lyoomwe Gamalieli.oogwo akaba ali omwegesa we ebilagilo akaba nakuzwa na abantu boona aemeleela,yalagila nkokwo entumwa basohozwa aheelu ha mwanya mugufu. ³⁵ Mala yabagambial balusiingo bazenzibe abakwaata ba iziraeli,mweetegeeleze echigambo eecho mulikwenda kukola ha baantu aaba. ³⁶ Nimwiizuka ebilo eebyo ebihiingwile akaba aliho omuntu iziina lyoomwe Theud.Theuda ogwo akaba nayebuga nkokwo no omuntu mukulu na abantu magana aana bati bahuliliana naze,naho omuheleluko,aketwa na aabo boona aabo abamukulatila bakasaambala emilimo zaabo zoona zaaba busa. ³⁷ Kaandi,ahakulatileho,obuchilo oobwo abantu bakaba nibapeetwa akabaho omubisa,oondi,oogwo akaba ali omu Galilaya.iziina lyoomwe Yuda akababeeha abantu bamukulatila naho nawe akafwa na boona aabo abamukulatile bakasaambala. ³⁸ Mbwenu oobu nimbahanuuza,mubaleke abantu aaba mutakubakolela choona choona,kabilaaba omuhanda gwaabo na byoona eebyo balikukola ne bye chimuntu kwoonka,niibihwaaho byoonyini. ³⁹ Naho kabilaba eebyo ne emilimo za muungu timukuicha kubangila aaba,nimwisaanga nimumwanga muungu weenyini. ⁴⁰ Bityo,okulamuhwa ookwo kwa Gamalieli aabo bazeenzibe bakwikiliza baabeeta entumwa kusuba omu itegekelo balagila batweelwe ensanzu bwooli male baabaangila nka nikwo baakelele kubagambila abantu empola omu iziina lya Yeezu baabalekulila bazeende. ⁴¹ Entumwa abo balugamo omu itegekelo eelyo nibanulilwa habwo kuba baayeendelwa kugoolwa ha bwi iziina lya yeezu. ⁴² Tibalakile kweegesa abantu no kubatulila empola nzima nka nikwo yeezu niwe masihi buli chilo bakazeendelela kukola batyo omu lubuga lwe eenzu ya mungu no omu maka ga abantu.

¹ Ebilo eebyo obwiinzi bwa abahemba ba yeezu bukaba nibuzendelela kukanya,omuli aabo hakaba heena abayahudi abo abagaambila obulimi lwe echiyunani na abayahudi bazeenzi baabo aabo abagambile olulimi lwe echihebrania,aabo ababele nibahooya echiyunani bakabadugulumila abayahudi abo olulimi lwe echihebrania nka nikwo,tibalabasaasilwe entumwbakazi zaabo omu kubabaganisa ebyookulya bya buli bucha. ² Ha bweecho entumwa ikumi na babili baabakobya kobya abahemba boona babagambila ti kuzima ichwe tuleke kwegesa echigambo cha muungu habwo kugabila abaantu ebyokula. ³ Ha bweecho bekiliza bazeenzi beetu mutooze abakwata musanzu omuli iimwe aabo abalikumanyika nkokwo beezwile obuhicha kuluga omwoyo mutakatifu no kweetegeeleza aabo nitubaha omulimo oogu. ⁴ Tubone iichwe kuguma kumusaba muungu no kuchiheleleza omu bantu echigambo choomwe. ⁵ Eecho chigambo chaabanulila abahemba aabo boona batooza Stefano,omuntu oogwo ayizwile omwooyo mutakatifu no owo okwikiliza kuhango ,kandi baabatoza Filipo,Porokoro,nikanori ,Timoni,Parimena na nikolao wa Antiokia oogu ayaahindukile no kukulatila okwilikiliza kwa abayahudi. ⁶ Baabaleeta abakwata aabo omu meeso ge entumwa ,nabo baabasabila nibabateelaho emikono aha lugulu yaabo. ⁷ Ne echigambo cha muungu chaasambala okubalwa kwa abahemba kweeyoongela bwooli omuli Yeruzalemu ne embaga mpango ya abagabe y a abagabe echiyahudi baakoondokela okwo kwiikiliza. ⁸ Mungu akaba namuha Stefano embabazi bwooli no obuhicha bwiinzi yaaba naakola amahano mahango go kusobeza ne emanyiso omu baantu. ⁹ Naho abandi omu bayahudi bakalengesa kuhakana nawe aabo bakaluga omu isomelo lya abaahudi eelyo elyaayesilwe isomelo lya abantu bokwiiyagalula abandi omuli aabo bakaluga kurena na alekisandria na abandi bakaluga kilikia na Asia abayahudi aabo baaba nibehanuuza na Stefano. ¹⁰ Naho yaaba naabasiinga ha kugamba amagambo go kweetegeleza ha buhicha bwo omwoyo mutakatifu. ¹¹ Niho baasunika abantu bunanaka bweeseleka babonekugamaba ebisuba nkokwo bamuhulila Stefano naamuzuma no kulyogweeza kubi habwa Musa na muungu. ¹² Ha kugamba eebyo,baabasunika bwooli abantu hamo na abanyampala ba abayahudi na abegesa be ebilagilo aabo baamuzaho Stefano baamukwata,bamutwala omu itegekelo ya balusiingo ba abayahudi. ¹³ Balleta baalubona be ebisuba,aabo baagamba ebisuba habwa Stefano nibagamba ebilo byoona ogu muntu naagamba be ebisuba aabo baagamba ebisuba habwa Stefano,nibagamba ebilo byoona oogu muuntu naagamba amagambo ge echilogweezi habwe enzu ezi entakatifu ya muungu na habwe ebilagilo bya Musa. ¹⁴ Ha kuba tumuhulile nagamba nkokwo yeezu omunyanazareti naakaambula eenzu ezi ya mungu no kuhindula entuungwa eezo twiinaankwiile kuluga hali Musa. ¹⁵ Abantuboona omu itegekelo elyo lya balusiingo bakeekala bamutukuliza ameeso Stefano,bakabona obuso bwoomwe bwaasusana nko obuso bwa maleeka.

¹ Mala omugabe omukulu yamubuza Stefano,aaga goona ago balikugamba ha bweenyu,ngasi nikwo gali. ² Stefano yagamba,iimwe bazenzi beetu na besichwe,muunhulilize mungu wi ikuzo akesuulukiza hali taataweetu Ibrahimu ali omunsi ya Mesopotamia,obuchilo achali atakafulukile Haraani. ³ Mungu akamugambila,olugemo omunsi yaawe eezi,obasige omwo badugu baawe,ozende omunsi eezo ndakwooleka. ⁴ Niho Ibrahimu akafuluka omunsi yoomwe ya Bakalidayo,yazenda yatula Harani.kayabele yamazile kufwa iise,mungu yamufululayo ookwo,yamuleeta omunsi eezi yo mulikutulamo iimwe oobu. ⁵ Omunsi eezi,mungu talamuheele Ibrahimu obuhunguzi bwoona bwoona,no oobu akanogoka kache,no oobu bityo,akamwesagiza kumuha eensi eezi,eebe yoomwe no oluzalo lwoomwe,noobwo obuchilo oobwo akaba ateena mwana. ⁶ Bityo mungu yamugambila Ibrahimu,abantu bo oluzalo lwaawe balyaaba abazenyi omunsi ya abantu abandi no okwo,abantu be eensi eezo nibabakola abahalila baabo,nibaba nibabagalaza bwooli ha myaaka magana aana. ⁷ Naho abantu bi ihanga eelyo,iinyhe mungu waanyu ndyaabachwaaziika,niho,abantu bo luganda lwaawe balyaaluga omunsi eezo,baleeza aaho no kuungomokela. ⁸ Kayaabalile mungu yaakola endagano na Ibrahimu yo kusala amakoba,eezo eyaakozilwe ha muhanda gwo kusala ikoba buli mwaana wo bukwata bityo Ibrahimu yaaba iise wa Izaaka,akamusula ikoba echilo cha munana kayabeele yazeelwe,nawe Izaaka yaabo iise wa Yakobo,yamusula ikoba,nawe Yakobo yaaba iise wa abasigazi ikumi na babili,yabasala amakoba,aabo nibo beesichwe enkulu. ⁹ Aabo baguuku beetu bakamuzilila ichibi mudugu wabo,Yozefu,bamuguza aabe omuhalila omunsi ya Miisiri naho mungu akaba ali hamo naze Yozefu. ¹⁰ Yamuchungula omu byaagalazo byoomwe byoona, yamuha okweetegeeleza ne embabazi yoomwe kuhicha Farao omukama wa misiri yamwenda,yamuta aabe omutegeki mukulu omunsi yoomwe ya Misiri,no omwimeelelezi wa boona omunzu yoomwe ye chikama. ¹¹ Kahabaliile haabaho ne enzala mpango omuli eezo yoona ya Misiri,no omu nsi ya kanani,abantu bayagalala bwooli.Beesichwe enkulu bakesanga bateena echokulya choona choona. ¹² Yakobo yahulila nkokwo omunsi ya Misiri hakaba heena engano,yabasindika besichwe enkulu,bazeende okwo,oolu lukaba luli oluzendo lwaabo lwa mbele kuhika ookwo. ¹³ Omu luzendo lwaabo lwa kabili,yozefu yeemanyisa hali badugube,na Farao yabamanya badugu ba Yozefu. ¹⁴ Yozefu yasindika empola hali iise Yakobo,nkokwo ayize ookwo Miisiri hamo badugu boomwe boona bakaba bali abantu makumi musanzu na batanu. ¹⁵ Mala Yakobo yazeenda miisiri,yafwelao ookwo,weenyini hamo na baguuku beetu. ¹⁶ Kababalile embili yaabo yaaletwa owaabo shekeemu yazikwa omu mbi ye nyaanga.enyaanga eezo Ibrahimu akagulya ookwo ha mpilya bunanka kulua ha baana bo bukwata bo mwa Hamooro. ¹⁷ Naho,obuchilo kabwaabeele bweeliliza oobwo muungu ahikilize endagano eezo akaba yamwesaagiize Ibrahimu,obwiinzi bwa abantu ookwo Miisiri bakeeyoongela bwooli. ¹⁸ Ha muheluluko,yaabo omukama oondi yaabanza kutegeki,oogu akaba atakumanya empola zoona za Yozefu. ¹⁹ Omukama ogu akababeeha abantu bi ihanga lyeetu,no kubaaya,no kubahatika banage aheelu abaana baabo abacheche,babone kufwa. ²⁰ Omu buchilo oobwo nyini Musa akazaalwa,akaba ali omwana muzima bwooli omu meeso ga mungu.akalelwa na abazeele boomwe omu nzu yaabo ha meezi asatu. ²¹ Obuchilo oobwo abazeele boomwe bakalemwa kuzendelelela kumuseleka,baamuta ahelu,yakagwa na muhala wo Farao omukama wa Miisiri yamutwala yaamulela nko omwanawe wo bukwata. ²² Musa yayolekelelwa amasala goona ga Abamiisiri yaaba omugimi omu kugamba no wa amagala ha kukola. ²³ Obuchilo Musa kayahikilize echeemo che myaaka makumi aan,akazila echihika cho kuzenda kubayeelela badugube abaiziraeli. ²⁴ Yaabona omuiziraeli oomo,oogwo atena ntaambala,naahutaazwa no Mumisiri.ahonyini yaamulwanula oogwo mudugu woomwe,yaamwehoolela aha kumwiigaza oogwo Mumisiri. ²⁵ Obuchilo oobwo Musa akaba naateekuza nkokwo badugu boomwe baakaasoombookiilwe nkokwo muungu naabachuungula ha buhweezi bwoomwe,naho tibalasoombokilwe batyo. ²⁶ Nyeenchemo,yaabugana na Abaiziraeli babili aabo bakaba nibalwaana yaleengesa kubalamula,naabagaambila,boozo,iimwe muli abadugu habwaachi nimweehutaaza. ²⁷ Naho weenyini ayabele naamuhutaza muzeenziwe yasindika Musa aha lubazu naagamba,noha oogu ayaakutiileho oobe omutegeki weetu no mulamuzi weetu. ²⁸ Ngasi,noyenda kunyita nkokwo oyisile oogwo Mumisiiri nyeenchilo. ²⁹ Obuchilo Musa kayahulile amagambo aago,yeeluka,yazenda omu nsi ya Midiani,kutuula okwo nko muzenyi ookwo,akazala abaana babili. ³⁰ Kayabeele yaatwile Midiani emyaka makumi aana,ali omu nsi yo obwooma muno heehi ni ibaanga lya Sinai,akeesuulukizwa n maleeka oomo,oogwo maleka akaba ali omu chisaka eecho echaabeele nichaaka omulilo. ³¹ Obuchilo yaabweene echisaka eecho akasobelwa bwooli,yeelila heehi kuchileeeba kuzima,yahulila ilaka luo omukama muungu,nilimugambila. ³² Iinye ndi mungu wa beesiimwe enkulu,mungu wa Ibahimu,Izaaka,na Yakobo obuchilo Musa kayahulile aago,yabanza kuzuguma ha butiini,talaleengesize kuleeba echisaka eecho. ³³ Aaho omukama muungu yamugambila zuula enkeeto zaawe,habwokuba aho ho oyimeeliile ni itaka ahatakatiifu. ³⁴ Mazima naabona nkokwo abantu baanze okwo balikwagalaza ookwo omunsi ya Miisiri,naahulila okuchula kwaabo,ha ensoonga eezo natuka ahansi mbone kubachuungula oobu ninkusiindika ookwo Miisiri. ³⁵ Oogu Musa,niwe oogwo abantu ba Iziraeli bakamwanga omu kugamba,nooha ogu ayaakutiileho oobe omuegeki weetu no mulamuzi weetu niwe oogwo nyini mungu akamusiindika aabe omutegeki waabo no omuchunguzi waabo,ha muhanda gwa maleeka oogu ayaamweesulukize omuli eecho chisaka. ³⁶ Kayaabaaliile,Musa akabebeembelela omu nsi ya Misiri,omu nziba ya Shamu,no omunsi yo obwooma muno ha mwaanya gwe myaaka makumi aana. ³⁷ Ogwo niwe Musa oogwo ayaagambile abaiziraeli aabo,kuluga omuli badugu baanyu mungu alyaamukuza omubaasi nke eenyu. ³⁸ Niwe oogu akaba ali hamo no omukobo gwa Abaiziraeli omu nsi yo obwooma muno,niwe oogu ayaagaambile na Maleeka wa mungu hamo na beesiichwe enkulu omu ibaanga lya Sinai,yaayaanaankula kuluga hali weenyini amagambo go obulame,yatugambila iichwe. ³⁹ Naho besiichwe enkulu bakanga kumukoondookela musa bakamubyenda nibegoonga omu miganya yaabo kusuba Miisiri. ⁴⁰ Bamugambila Haruni,otukolele ebisusano bya bamungu eebyo bilaatweebeembelela,ha ensoonga musa,oogu ayatweebeembeliile kuluga omunsi ya Miisiri,titukumanya amagambo aago agaamugweela. ⁴¹ Oobwo nibwo obuchilo bakakola echisusano eecho chilikususana ne enyan ye ente baazisoholeza ebitaambo,no kukola amazenyi habwe chintu eecho beekoliile ha mikono yaabo boonyini. ⁴² Ha bweecho mungu yaabatega omugoongo,yaabaleka balamye izooba,okweezi ne enyenyezi zo omu igulu nkokwo byaayaandikilwe omu chitabu cha ababaasi,iimwe Abaiziraeli,obuchilo mweekele omunsi yo obwooma muno ha myaaka makumi aana,ngasi,mukaba nimumbagila iinye ebitunganwa mubone kuusoholeza ebitaambo mahi. ⁴³ Iimwe mukaba nimwimucha iheena lya mungu weenyu mollki,ne enyenyezi za mungu weenyu refani,ebisusano eebyo mweekolile,no kubilamya ha bweecho ndyabakola mube bamateka,mulyaatwaalwa eensi za hala bwooli,no oobu kutambuka eensi ya babeeli. ⁴⁴ Stefano yazendelela kugamba,ookwo omunsi yo obwoma muno,beesichwe enkulu bakaba beene iheema ha kugamba obubona bwa mungu,mungu akaba amulagiile musa alikole iheema aha nsuso eezo mungu akamwooleka. ⁴⁵ Kahaabaliile,besichwe enkulu bakaliinaankula no kweeheeleleza iheema eeli omuli bonyini kuhicha abeebeembeeilillwe na Yoshua nabo baalileta omu nsi eezo baayakile kuluga ha abanyamahanga abantu aaba mungu akababiinga omu meeso gaabo.Iheema lyaasigala omuli eezo eensi yabo kuhicha obuchilo bwo omukama Daudi. ⁴⁶ Daudi oogwo akazililwa embabazi ya mungu,nawe akamusaba amukuundile abone kumwoombekela obwikalo mungu wa Yakobo. ⁴⁷ Naho omwoombeki we eenzu eezo akaba ali omukama Selemani. ⁴⁸ No oobu bityo,mungu oogwo ali olugulu ya byoona,kaandi takutuula omu nzu eezo ezoombekilwe ne emikono ya abantu kwoonka ni nko omubaasi akagamba. ⁴⁹ Omukama mungu agamba aati,igulu,niho echitebe chaanze cho obutegeki,ne eensi,niho ahantu haanze hookuta amagulu ganze obu,nimunyoombekela eenzu chi,nali ahaantu haanze ho kuhuumula ni nkahi. ⁵⁰ Eebi byona,ngasi yiwe iinye nyini oogwo naabihaangile. ⁵¹ Stefano yazeendelela kugamba,imwe mwiine ihagi emiganya yaanyu na amatwi geenyu ni nka aago ga abagome iimwe ni nka beesiimwe enkulu ebilo byoona nimumwaanga omwooyo mutakatifu. ⁵² Ngasi,heena omubaasi no oobu oomo oogu batalamwagaleeze bakabeeta no oobu abaabaasi abo kala bakaba nibagaamaba kwiiza kwo oogwo omugoloke no oogu niwe oliinya oogwo iimwe mukamunoba,mwaamwita. ⁵³ Mbweenu,iimwe mukenaankula echilagilo cha muungu,echashweezwe ha muhanda gwa bamaleeka boomwe,no oobu bityo timulachikondokile. ⁵⁴ Obuchilo balusiingo aabo ba abayahudi kabahulile amagambo aago ga Stefano baasaaya bwooli,bamuseela ameeno ha chiniga. ⁵⁵ Naho Stefano ayizilwe obuhicha bwo omwoyo mutakatifu yaanoonkolela ameeso olugulu,yaabona ikuzo lya mungu na yeezu ayemeeliile olubazu lwo obulyo lwa muungu. ⁵⁶ Aaho yagamba muleebe nimbona igulu lyaachinguka no omutabani wo omuntu ayemelile olubazu lo obulyo bwa mungu. ⁵⁷ Aaho balusiingo aabo ba abayahudi kabahuliile aago batela eyombo,nibazibika amatwi gaabo ha mikono yaabo,baamwiilukiilila Stefano hamo,baamukwaata. ⁵⁸ bamusohoza ahelu yi iboma,babaanza kumuhonda na amakulugusi nabo baalubona bakazuula ebebo,baagalaka heehi no omusigazi iziina lyoomwe Sauli. ⁵⁹ Obuchilo baabeele nibamuhoonda Stefano na amakulugusi yaasaba aati,omukama yeezu,oyanaankule omwoyo gwaanze. ⁶⁰ Mala yaateela ebizwi yaalila ahi ilaka lihango omu kugamba aati,mukama,oteekala nacho echiheno eechi kayabeele yaamazile kugamba eebyo,yaafwa.Sauli nawe akabona nka nikwo,echigambo cho kumwiita Stefano yaakuundileene nacho.

¹ Kabaabaliile abakwata aabo abalikumwiikiliza Muungu baamuziika Stefano no kumwaaalamila bwooli. Echilo eecho baamwiisile Stefano, ekelezia ya Yeruzaleemu baabaanza kwaagalazwa bwooli. Abeekiliza boona baalaluka, baasaambaalila omu nsi za Yudea na Samara. ² Entumwa za Yeezu boonka nibo abasigeele Yeruzalemu. ³ Sauli nawe yabaanza kusiingaalicha ekelezia. Weenyini yaaba naataha buli nzu, naabatwaala abakwaata na abakazi lwa amaani, no kubachiingila omu ibohelo. ⁴ Abo beekiliza abasaambeele, baaba nibabeegesa abaantu Empola Nzima za Yeezu buli haantu aaho baabeele nibazeenda. ⁵ Filipo nawe yaazenda omu iboma limo lya Samaria yaabaanza kubaatulila abaantu bo ookwo empola za Masihi. ⁶ Abaantu beenzi bakaba nibamuhuliiliza aha bweetegeleeza, nibahulila no kuleeba emanyiso eezo akaba naakola. ⁷ Akaba naabiinga amazimu kuluga omu baantu beenzi, nigabalugaho kunu nigateela empamo. Akaba naabachiza beenzi aabo bakaba bali enziingami na abalageele emibili. ⁸ Ha bweecho abaantu bo omu iboma eelyo bakaba beena amanulilwa mahaango. ⁹ Omu iboma eelyo hakaba hena omuhike oomo,iziina lyoomwe Simoni.aha mwanya mula,Simoni akaba naabasobeza abantu bo omunsi ya samaria,ha kukol nayebuga nka nikwo weenyini no omuntu mukulu. ¹⁰ Abantu boona abato na abakulu hakaba nibamuhuliliza ha kweetegelelza nibagamba,oogu niwe obuhicha bwa mungu oogwo alikwetwa obuhicha bukulu. ¹¹ Abantu aabo bakamwekomya batyo habwo kuba akabasobeza ha mwanya mula ebisobezo byomwe. ¹² Naho obuchilo abantu kabekilize Filipo,naabolekeelela empola nzima zo obukama bwa mungu na ha bwi iziina lya yeezu kristu,babatizwa abakwaata hamo na abakazi. ¹³ Na weenyini Simoni yamwikiliza yezu yabatizwa yaaba yaakwaatangana hamo na Filipo buli haantu obuchilo yabwene emanyiso na amaleeba aago Filipo akaba naakola yaasobelwa. ¹⁴ Ookwo yeruzalemu entumwa kabahulile nka nikwo abantu ba Samaria beekiliza echigambo cha mungu,basindika Peetero na Yohana kuza hali aabo. ¹⁵ Kabahikile baabasabila abantu abo babone kumwanankula omwoyo mutakatifu omwoyo mutkatifu. ¹⁶ Kuba ,omwoyo mutakatifu akaba atakatukile no obu hali oomo waabo aabo bakaba babatiibwa kwoonka ahi izina lyo mukama. ¹⁷ Peetero na Yohana bakaba nibabatelaho emikono yaabo aha lugulu ya abekiliza aabo beenankula mwooyo mutakatifu. ¹⁸ Simoni,obuchilo yabwene nka nikwo abantu benankula omwoyo mutakatifu aha kuteebwaho emikono ze entumwa,yyababa Peetero na Yohana empilya nabagambila. ¹⁹ Muupe neenye obuzizi oobu,mbone buli muuntu oogwo ndamutelaho emikono yaanze ayanankule omwoyo mutakatifu. ²⁰ Naho Peetero yamusubiza empilya zaawe zisingakile hamo ne ewe habwokuba nootekuza ouhicha bwa mungu nibaboneswa aha mpilya. ²¹ Iiwe toyina mubalo nali omugabo gwoona gwona omu muchigambo eechi cha mungu habwokuba omuganya gwaawe ti gugolokile omu meeso ga muungu. ²² Bityo,mazima lekele obufu bwaawe osabe omukama luundi alaamula kukuganyila habwe ensoonga mbi omu mwooyo gwawe. ²³ Kuba nindeeba iiwe,nka nikwo oyizwiile ichubi lihango ne ebiheno byaawe nibikuboha. ²⁴ Simoni yasubya,iimwe mumusambile ha mukama,kuba chitaambaho no oobu echigambo chimo omuli aago ge mulikugamba. ²⁵ Obuchilo Peetero na Yohana kabamazile okwatula kwaabo no kubegesa abaantu bo okwo echigambo habwo omukama yeezu babanza oluzendo lwaabo kusuba yeruzalemu balabila omu migoongo miinzi za abasamaria niboolekeelela abantu empola nzima eezo. ²⁶ Maleeka wo omukama akamugaambila Filipo,yimuka ozeende ihandagazi lyo kwoolekela olubazu lwa nyakazinzakazi,elilikululila yeruzalemu no kugolomoka kuza gaza,ihandagazi eeli likaba nililabila omunsi yo obwooma. ²⁷ Bityo Filipo yalugaho aho,obuchilo akaba ali omu ihandagazi yabugana no omukulu oomo we eensi ya Ethiopia,oogu akaba akonilwe omukulu oogwo akaba ali omwimeelelezi mukulu we ensaba ya kaandake,ali omukamakazi wa Ethiopia akaba aziile yeruzaleemu kumulamya muungu. ²⁸ Oobu akaba naasuba omuka,ayikele omu igaali lyoomwe lyo kukweeswa ne eferesi,ali omu kusoma echitabu cho omubaasi Isaya. ²⁹ Omwoyo mutakatifu yamugaambila Filipo zeenda bwaangu oyilile ahi gaali eelyo ozeendane nalyo. ³⁰ Niho Filipo yaaliilukilila,ahikaho,yaamuhuliliza oogwo mukulu ali omu kusoma omu chitabu cho omubaasi Isaya yamusubiza,mbweenu amagambo aago olikusoma,noogasombookelwa. ³¹ Nawe yamusubiza nihiinhicha aantu kusombookelwa obuchilo tihaliho omuntu wo kuunsoomboolela aago,bityo yamunyegezaFilipo ahame igaali ayikale hamo naze. ³² Amandiko matakatifu aago akaba naasoma omukulu oogwo,nigo aaga,akatwaalwa nke entama elikuzeenda kubaagwa na nko omutambwa okwo gulikweesiza obuchilo nigunogolwa amooyabityo nyini talagaambile echigambo chhona chona. ³³ Bakamugoola no kumwiima amazima goomwe obuchilo bwo omuchwaziiko,nooha ogwo alahicha kuhooyela empola zo oluzaalo lwoomwe kuba obulami bwoomwe bukeehwaaho omunsi. ³⁴ Oogwo mukulu akonilwe yamubuza Filipo niinsaba ongaambile amagambo ago go omubaasi na habwo ooha na ha bwoomwe weenyini nali habwo omuuntu ondi. ³⁵ Ahonyini Filipo yabanza na amagambo aago nyini ga amaandiko matakatifu yazendelela kumusoomboolela empola nzima za yeezu. ³⁶ Obuchilo bakaba nibazeenda omu muhanda bahika ahantu ahaabeele heena amenzi,oogwo omukulu akomilwe yaamugambila Filipo,leeba ooha heena amenzi heena chiintu chi cho kunyaangila ndeke kubatizwa. ³⁷ Filipo yamugambila koolamwikila yeezu kristu aha muganya gwaawe gwoona wakahicha kubatizwa nawe yamusubiza ninyikiliza nka nikwo yeezu kristu ni mutabani wa mungu. ³⁸ Ahonyi yalagila igaali liimelezwa niho boona babili baatukuza kuluga omu igaali,baataaha omuli aago meenzi nawe filipo yamubatiza. ³⁹ Obuchilo nibalugamo omu meenzi ahonyin omwooyo gwo omukama gwaamusapula Filipo omukulu oogwo talamubwene kaandi yazendelela no oluzeendo lwoomwe ali omu kunulilwa. ⁴⁰ Naho Filipo yeesaanga yaahikile omu muzihwa gwa Azoto,na yazeendelela kulabila omuli buli muzihwa gwo ookwo naabaatulila abaantu empola nzima kuhicha akahika omu iboma lya kaizaria.

¹ Omwanya oogwo,Sauli akazendelela na amatiniso goomwe go kwiita abaheemba bo omukama.yamuzaho omugabe omukulu. ² Yamusaba amuhe enyaandiko zo kumumanyisa azende nazo omu masomelo ga muungu go omu muzihwa gwa Damaasiko.Empapula eezo zimwiikilize nka nikwo,kalasaanga ookwo omuheemba weena weena we embaga elikweetwa omuhanda,bali abakwaata nali abakazi ababohe no kubaleeta Yeruzaleemu. ³ Niho,Sauli yazendaDamasiiko,kayeelilize omu muzihwa ahonyini omwanga muhango kuluga omu igulu gwaamumweekela embazu zoona. ⁴ Yaagwa ahansi yahulila ilaka nilimubuza,Sauli,Sauli habwachi nooyagalaza. ⁵ Sauli yaabuza iiwe mukama iiwe oli ooha yamugambila iinye niwe yeezu,oogu iiwe olikwagaza. ⁶ Oobu,oyimelezi zeenda otahemo omu iboma,oomwo nogaambilwa aago ohikiiliilwe okole. ⁷ Abantu aabo abaabeele nibazeenda hamo na Sauli bayemeleza beesize che habwo kuba nabo bakalihulila,eelyo ilaka naho tibalabweene muuntu weena weena. ⁸ Sauli yeemukaho ahaansi,yayemeelela,yaahuumbulula ameeso gomwe naho talahichize kuleeba chintu aabo bazeenzibe baakwaata omukonogwe ha kumuhabulula,bamutaashamo omuli Damasiko. ⁹ Yeekala oomwo ha ebilo bisatu talahichize kuhweza kulya choona nali kunywa. ¹⁰ Ookwo Damasiko,hakaba heena omuheemba omo wa yeezu izzina lyomwe Anania,omukama yaamweta Anania omu meezaho,Anania nawe yaayetabila kalame mukama. ¹¹ Omukama yaamugaambila,oobu zeenda omu nzu yo mwa Yuda eezo eli aha muhanda gumo ogugolokile.Obuulilize omwo omuntu oogwo ayaaluga omu muzihwa gwa Tarso,iziina lyoomwe naayetwa Sauli.obu nasaba mungu. ¹² Nawe yabwene amezaho,omu meezaho aago,akabona omukwata izina lyomwe Anania naataaha omu nzu ezo alimo weenyini,naataho emikono ha luguluye,kuba abone kuleeba kaandi. ¹³ Naho Anania yaagamba,mukama,abantu beenzi bagambiile empola zo omuntu oogwo na nka nikwo yaabakoliile ebibi abatakatifu baawe ookwo yeruzalemu. ¹⁴ No oobu ali aaha ayina obuhicha kuluga ha bakulu ba abagabe ba mungu abakwata boona aabo abalikusaba ahi iziina lyaawe. ¹⁵ Naho omukama yaamugambila Anania,zeenda kwoonka omuntu oogwo,imutoolize aabe omuhalila wanze,abone kumanyisa iziina lyaanze ha abanyamahanga,ha bakama baabo,na no oobu aha aba Iziraeli. ¹⁶ Iinye nyini nimwolekelela nka nikwo ni lwampaka ayagalale bwooli habwi iziina lyanze. ¹⁷ Habweecho Anania yazeenda,yataha omu nzu eezo,yataho emikono yoomwe aha lugulu ya Sauli,yamugambila mwikiliza muzeenzi waanze Sauli,omukama yeezu ayaakweesuulukize omu muhanda obuchilo okaba noyiza aaha omukama ogwo yasindika hali iwe abone kandi kuhweza,mala oyizuzwe obuhicha bwo omwooyo mutakatifu. ¹⁸ Ahonyini ebiintu nka amagambo byalagala kuluga omu meeso go mwa Sauli,yahicha kuleba kaandi yaayemelela,yabatizwa. ¹⁹ Mala yaalya ebyokulya,yazila amagala kaandi ha bilo biche,Sauli akeekala hamo na abaheemba ba yeezu omuli Damasiko. ²⁰ Ahonyini yaabanza kuboolekeelela omu masomelo ga abayahudi,nabasombolela empola za yeezu nka nikwo weenyini niwe omutabani wa mungu. ²¹ Abantu boona abo abamuhulile Sauli baasobelwa bwooli.beebuza,omuntu oogu,tiwe oogwo akaba nayagalaza abantu abalikusaba omu iziina lya yeezu ookwo yeruzalemu kaandi tiwe oogu ayezile aha abakwata abantu aabo abatwale aha bakulu ba abagabe ba mungu. ²² Naho Sauli akaba naguma kubona amagala go kwegesa abantu kaandi,akaba nabamanyisa abayahudi ba Damasiko aha amandiko matakatifu nka nikwo yeezu niwe masihi,kuhicha balemwa kumuhakanisa. ²³ Kabyaabele ebilo biinzi byaahiingwile,Abayahudi baakola okwehanuuza kwo kumwita Sauli. ²⁴ Omu chilo na nyemisana abayahudi baaba nibamutebeeleza omu maleembo go omuzihwa ogwo,kuba kaalasohola babone kumwita naho Sauli yaahaabwa empola zo obweehanuuzi obwo. ²⁵ Bityo,abaheemba boomwe baamutwaala om chilo,baamuutucha ala omu chitukulu aha kulabila ahantu aheene omwanya omu lukuta. ²⁶ Sauli akasuba yeruzalemu obuchilo oobwo kayahikile,yaaba nalengesa kukwaatangana hamo na abahemba ba yeezu naho aabo bona bakamutiina habwokuba bakaba bataakumwiikiliza nkokwo yaabele omuheemba wa yeezu. ²⁷ Naho Barinaba yamutwala Sauli aha ntumwa zo yeezu yabagambila nkokwo Sauli akabona omukama omu muhanda ali omu luzeendo kuza Damasiko,na nkokwo omukama yahooyile nawe kandi yaabagambila nka nikwo aha kugima yaayoleekeliile abantu bo ookwo ahi iziina lya yeezu. ²⁸ Ha bweecho Sauli yekala hamo na abahemba ba yeezu naataahamo no kusohola omuli yeruzalemu no okwoolekeelela abantu empola ha kugima ahi izina lyo omukama. ²⁹ Akaba naahooya no kuhakana na abayahudi abo abagaambile echiyunani,naho boonyin bakaba nibaloonda kumwiita. ³⁰ Abekiliza bazenzi beetu,kabamanyile empola eezo,bamusendelekeza kuhicha omu muzihwa gwa kaizaaria,no kuluga ookwo,bamusiindika azeende okwo Tarso. ³¹ Mala,ekelezia ekaba eina obuholo embazu zoona zo omuli Yudea,Galilaaya na Samaria,abeekiliza ba buli haantu bakazendelela kukomela no kutiimbibwa omuganya no omwoyo mutakatifu.Kandi,abekiliza aabo baaba nibamweeganya omukama ahi Isima,no okukanya kwaabo kukazeendelela kwoongela. ³² Petero kayabele nazenda buli haantu,chilo chimo akahika kubayeelela abatakatifu aabo bakaba nibatuula Lida. ³³ Ookwo yasanga omuntu oomo omukwata alikweetwa Ainea,ogwo akaba alagele omubili,alyaamile aha chitabo ha mwanya gwe emyaka munana. ³⁴ Peetero yamugambila,Ainea,yeezu kristu nakuchiza.Yimuka oyale echitabu chawe,Ahonyini Ainea yayeemelela. ³⁵ Kahaabaliile,abantu boona abo abaatwile omuli Lida,no omu haloola lya Saroni,bamubona Ainea,baahinduka kumwikiliza omukama yeezu. ³⁶ Omu muzihwa gwa Yopa hakaba heena omukazi oomo,ali omuhemba wa yeezu,iziina lyoomwe Tabita.omu lulimi lwe echiyunani,izina eli ni Dorikasi.weenyini akaba asuumbuusa abahabi,kaandi akaba akola ebikolwa bizima. ³⁷ Ebilo eebyo akalwaala,yafwa abantu bayoza omubili gwoomwe,baagubyaamika omu chiseenge echoombekilwe olugulu ye eenzu. ³⁸ Obuchilo oobwo abahemba bakahulila nka nikwo peetero akaba ali Lida,baabasindik abakwata babili hali peetero habwokuba Lida ekaba eli heehi na Yopa aabo bamugambila Peetero,nitukusaba,oyize oweetu bwaangu. ³⁹ Peetro yemuka,yazenda hamo nabo.Obuchilo kebaahikile,bamutwala omu chisenge echombokilwe olugulu ye eenzu.omwo,abakazi bona abakambiile baamuzongoloka nibachula.Bamwoleka enkanzu,ne ebizwaalo ebindi eebyo Dorikasi akaba abaziilila obuchilo achili mwooyo. ⁴⁰ Mala Peetero yabasohoza boona ahelu yatela ebizwi yamusaba mungu mala yaaguhiindukila oogwo mutuumbi,yagamba,Tabita yemelela Tabita yaahuumbuulula ameso goomwe,yamuleeba Petero,mala yekala aha chitabo. ⁴¹ Peeero yamukwata omukono,yamuhwela kwiimeelela,yaabeeta aabo bakazi abakaambwiile na abatakatifu abandi yaboleka Tabita,nka nikwo yaabeele mwooyo. ⁴² Empola ze eebyo zaasambala bwoli ookwo hoona omuli Yopa,abaantu benzi baamwiikiliza omukama. ⁴³ Mala Peetero yeekala aaho Yopa ebilo biinzi,naatuula omunzu yo omuhazi we eempu,iziina lyomwe Simoni.

¹ Omu muzihwa gwa kaizariia hakaba heena omwimeelelezi wa abalwanila ngoma,izina lyoomwe nayetwa kornelio.Ogwo akemeelelela abalwanila ngoma igana omu mbaga eezo yayeesilwe embaga ya abalwanila ngoma ye echiitalia. ² Weenyini akaba naamukoondokela no kweetaho hali mungu,hamo na abantu boona omuka yoomwe akaba namusaba mungu buli mwanya,no kubaha ebigabo ha baantu abahabi. ³ Chilo chimo nke esaha mweendo ziti za nyemisana kornelio,akabona ameezaho,omu meezaho aago,yabona maleka wa muungu namwizaho maleeka oogwo yaamugambila,Kornelio. ⁴ Nawe kornelio yamukomelela ameso ogwo maleeka ha butini,namubuza,mukama,ni chiiha oogwo maleeka yamusubiza okusaba kwaawe na nka nikwo olikuzuna abahabi byaahika omu igulu nakuba obwiizukizo omu meeso ga muntu. ⁵ Oobu,osindike abantu bazeenda omu muzihwa gwa Yopa,bamuleeta Simoni ogwo alikweetwa Peetero. ⁶ Natula nko omuzenyi omunzu ya Simoni,omusisismi we eempu eenzu yoomwe eeli aha ngeegelo ye enziba. ⁷ Obuchilo maleeka yamazile kugambila kornelio oogo yalugaho.Kornelio yaayeta abazaana babili,no omulwnila ngoma oomo omu bahweezi boomwe oogwo alikweetaho hali mungu. ⁸ Kornelio yaabasoomboolela goona aago okwo gaabaho,yabasindika bazeende Yopa. ⁹ Nyeencha eemo,obuchilo aabo baantu basatu bakoba beeliliza iboma lya Yopa,peetero yaahanama olugulu ye eenzu kumusaba mungu ekoba eeli esaha mukaga ziti za nyemisana. ¹⁰ Yaaumwa enzala,yeegoonga kulya.obuchilo bakaba nibamuloongeza echokulya yaatwalilizibwa no okubona amezaho. ¹¹ Omu meezaho oomwo yaabona igulu lyaachiinguka ne echintu nki isuka lihango eli kwaasilwe embazu zaalyo iina,likaba nilituuchwa ahansi kuhicha ahi ilaka. ¹² Omugati yaalya hakaba heenamo buli luganda lwe enyameeswa ne ebitungwana ebiina amagulu aana,enyameswa eezo ezilikwaazula ahansi ne enyonyi. ¹³ Aaho Peetero yahulila ilaka nilimugambila Peetero,yimeelela baaga no okulya. ¹⁴ Peetero yaamugambila mahi mukama tiinkalyanga mahi echokulya choona choona eecho echili omuzilo nali echilofo. ¹⁵ Eelyo ilaka lyamugambila kaandi peetero otakubyeeta no omuzilo ebiintu eebyo mungu yaayelize. ¹⁶ Echigambo eechi chasubililwa enturo isatu niho elyo isuuka lyaasubibwa omu igulu. ¹⁷ Obuchilo peetero akaba achali acheebuuza habwe ensoonga ya amezaho aago yabwene abantu aabo basatu aabo bakasiindikwa na Kornelio,baayemelela ahelu yo omulyango gwe eenzu yomwe eezo bakaba baabuuliliize eenzu ye Simoni,nikwo bazimanyile eenzu nilyo eezi. ¹⁸ Baatela hodi no kubuza,ngasi,heena omuzenyi oomu,oogo iziina lyoomwe ni Simoni alikwetwa Peetero. ¹⁹ No obuchilo peetero akaba naateekuza aago meezaho,omwoyo mutakatifu yamugambila,huliliza heena abantu basatu aaha,nibakuloondela. ²⁰ Bityo otuuke ahansi mala ozende hamo nabo otakuba no kutahwa tahwa habwo kuba iinye niinye naabasindika hali iiwe. ²¹ Peetero yatuka ahansi yabagambila abo baantu,iinye niwe oogu mulikuloondela.Ha bwaachi mweeza. ²² Baamugambila,twasiindikwa no omwimeelelzi oomo wa abalwanila ngoma iziina lyoomwe naayetwa kornelio,oogwo aheebwa isiima lihango na abantu boona abi ihanga lya abayahudi,weenyini agomokela mungu,male no omuuntu omugololoke.maleka omutakatifu wa mungu yamulagila akunyegeze omu nzu yoomwe abone kuhuliliza empola eezo olaamugambila. ²³ Niho peetero yaabeenankula no kubanyegeza omu nzu,babe abazenyi bomwe nyeencha,Peetero hamo na abazenyi,na abeekiliza bache bazeenzi beetu bo kuluga Yopa,baabanza oluzendo. ²⁴ Echilo echakulaatiileho,baba baahika omu muzihwa gwa kaizaaria baasanga kornelio yaakoba kobize badugube,hamo na abanywaani boomwe ba heehi baliho babaliindiliile. ²⁵ Obuchilo peetero naataahamo,kornelio akeeza yaamwaanankula yaateela ebizwi omu meeso goomwe no kwiinama ahansi kumuha ikuzo. ²⁶ Naho peetero yaamweemeeleza naamugaambila,oyimeelele iinye ndi omuntu kwoonka nke ewe. ²⁷ Niho Peetero,na Kornelio baataaha omu nzu kunu nibaahooya,baasaanga abatu beenzi bakobile omu nzu. ²⁸ Peetero yabagambila,iimwe nimumanya kuzima nka nikwo no omuzilo iichwe abayahudi kusiimbahala na abanyamahaanga agaandi.No oobu kubayelela tutukuundilwa naho mungu yaanyoleka nka nikwo ntaakuteekuza omuntu weena weena nkokwo no omulofo,nali no omuzilo. ²⁹ Niyo ensoonga obuchilo nimuunyeta neeza nteena kweebanya mbwenu ni chigaambochi eecho mwaanyetela. ³⁰ Kornelio yaamugambila,ebilo bisatu eebyo bihingwile mbele ndi omuka niimusaba muungu,esaha nke eezi,ensoonga esaha mweenda nyemisana ahonyini nabona omuntu ayemeliile omu meeso ganze ayechumile ebizwaalo biluunzi. ³¹ Yagambila kornelio mungu yahulila okusaba kwaawe naayizuka nkokwo olikuzana abahabi. ³² Ha bweecho,obu osindike abaantu omu muzihwa gwa Yopa baamuleeta Simoni oogwo alikweetwa Peetero naatuula nko omuzenyi omuka Simoni omusisiimi we eempu eenzu yoomwe eeli aha ngeegeelo ye enziba. ³³ Niyo ensoonga nsindikle abaantu hali iiwe bwaangu,ne ewe waakola kuzima kwiiza obu tweena tuli omu meeso go muungu tubone kuhulila buli chigaambo echo omukama yaakulagila kutugaambila. ³⁴ Aaho Peetero yaagaambila abantu aabo aati,oobu niho naamanya nka nikwo,mazima mungu tazila obweeendeza omu baantu. ³⁵ Naabakunda abantu ba buli ihanga aabo abalikumukoondookela,no kukola amazima omu meeso goomwe. ³⁶ Nimusoombokelwa empola eezo weenyini akasiindika ha Baiziraeli.babeele niboolekeelelwa empola nzima zo obuhoolo ha kulabila hali yeezu kristu oogu yeezu niwe omukama wa abantu boona. ³⁷ Kaandi nimusombokelwa amagambo aago agagwile omunsi yoona ya Yudea Gakabaandiza Galilaaya obuchilo Yohana omubatizaji yaayolekeeliile obubatizo. ³⁸ Mungu yamutoolize yeezu owa Nazareeti ha kumwiitilila omwoyo mutakatifu no obuhicha yeezu nawe akazenda ahantu hooona,nakola ebizima no kuchiza boona aabo bakaba nibagalazwa ni Isitaani,habwokuba mungu akaba ali hamo naze. ³⁹ Neechwe nibo baalubona ba amagaambo goona aago yeezu yaakozile omu nsi ya Abayahudi,na yeruzalemu bakamwiita ha kumubaamba aha musalaba. ⁴⁰ Naho muungu akamuzoola echilo cha kasatu,yaamwooleka ha baantu. ⁴¹ Talabweenwe ha baantu boona naho akabonwa hali baalubona aabo mungu akaba yaatoolize kumuboma na balubona aabo nibo iichwe aabo twaliile no okunywa hamo naze kayaabeele yaazookile kuluga oma bafwiile. ⁴² Akatulagila kwoolekeelela abantu empola nzima,no kugamba okwatula nka nikwo weenyini niwe ayatoozibwe na muungu achwaaziike abeene obulame ne abafwiile. ⁴³ Amandiko ga ababasi boona gagamba okwatula nkokwo habwa weenyini omuntu wena weena ogwo alikumwikiliza naaganyilwa ebiheno byoomwe kulabila ahi iziina lya yeezu. ⁴⁴ Obuchilo Peetero akaba achali naagamba eebyo,boona aabo bakaba nibamuhuliliiza,omwoyo mutakatifu yaabeezamo. ⁴⁵ Aabo bayahudi abeesiigwa abo bakaba beezile hamo na Peetero,baakamaala bwooli kuleeba nkokwo mungu yaaseesa obuhicha bwo omwoyo mutakatifu ha abanyamahanga. ⁴⁶ Kuba bakahulila abantu aabo nibgamba omu ndimi eziindi nibamukuza mungu aaho Peetero yaagamba. ⁴⁷ Ngasi heena omuntu weena weena wo kwaangila abaantu aabo batakubatizwa aha meenzi beenaankula omwoyo mutakatifu nkokwo ne echwe twaamwaanaankwile. ⁴⁸ Ha bweecho Peetero yabalagila nka nikwo babatizwe ahi iziina lya yeezu kristu niho baamusaba Peetero ayikale nabo aha bilo biche.

¹ Entumwa za yeezu na abekilize bazenzi betu abandi bo ookwo Yudea bahulila empola nka nikwo abanyamahanga nabo beekiliza echigambo cha muungu. ² Ha bwecho,obuchilo Peetero yasubile yeruzalemu,abayahudi aabo babaanza kumweefuza. ³ Nibagamba iiwe,okataha omu nzu eina abantu abatasazilwe amakoba no kulya ebyokulya hamo nabo. ⁴ Niho peetero yabanza kubasombolela amagambo goona nka nikwo okwo byaabeeleho nagamba. ⁵ Chilo chimo nkaba ndi omu iboma lya yopa nimusaba muungu,natwaalilizibwa na kubona,amesaho.Omu mesaho aago,nabona echintu nki isuuka lihango elyabele nilitulwa ahansi kuluga omu igulu,kunu embazu zaalyo iina zikwasilwe nalyo lyatukila aha mpelo yaanze. ⁶ Nkalikomela ameso kuzima,naabona enyameswa ne ebitungwana byo omu nsi eza buli luganda ebina amagulu,enyameswa eezo wzilikwaazula ne enyonyi. ⁷ Niho nahulila ilaka niligamba,peetero yimelela baaga no okulya. ⁸ Naagamba,mahi,mukama tikalyanga mahi echokulya choona choona eecho chili omuzilo nali echilofu. ⁹ Naho nkahulila kaandi ilaka eelo kluga omu igulu niligambila otaakubyeta no omuzilo ebintu eebyo mungu yaayelize. ¹⁰ Echigambo eechi chasubililwa enturo isatu mala ebintu ebyo byona byakweswa kusuba kaandi omu igulu. ¹¹ Ahonyini abantu basatu aabo abasindikilwe kuluga kaizaria baahika omu meeso ge eenzu nkaba niinyikala. ¹² Omwoyo mutakatifu yagambila nka nikwo nzende hamo nabo,ntakuzila okutahwa tahwa ha bweecho nazenda nabo,na aaba abekiliza bazeenzi betu mukaga bakazenda ne echwe hamo obuchilo twaazilemo omu nzu ya kornelio. ¹³ Yatusombokelwa nkokwo yamubwene maleeka omuka yoomwe yamugambila obasindike abantu kuza okwo yopa,bamweta Simoni oogwo alikwtwa Peetero ayize. ¹⁴ Oogwo niwe alakugambila empola na ha kulabila empola eezo iiwe na abantu boona be eeka yaawe yona nimuchungulwa. ¹⁵ Kanabaandize kubagambila abantu abo empola,niho omwoyo mutakatifu yabezamo nkokwo yaatwiiizileho ha babaandizo. ¹⁶ Neezuka echgambo eecho omukama akatugambila,yohana akabatiza abantu aha meenzi naho iimwe nimubatizwa aha mwooyo mutakatifu. ¹⁷ Ha bweecho oobwo obuhicha oobwo mungu akatuha iichwe aabo tulikumwikiliza omukama Yeezu Kristu niyo eezo nyini yabaha nabo aba bantu mbwenu iinye ndi oha nisingage na mungu. ¹⁸ Obuchilo Abayahudi abo kebaahulile amagambo aago besize baamwesiingiza mungu nibagamba kasi mungu yabaha obuhicha kulekela ebiheno byabo abanyamahanga,babone obulame bwo obucha no obuchile. ¹⁹ Abaandi ba abekiliza aabo abasaambele aha kwaagalazwakwigana no kwiita kwa Stefano,bakeelukila omu nsi ya Foonike,kipro na antiokia no ookwo hoona,baaba nibagamba empola za yeezu ha abayahudi boonka. ²⁰ Naho abekiliza abandi kuluga eensi ya Kipro no omu muzihwa gwa kurene bazeenda Antiokia aaba baabanza kwoolekela empola nzima eezo zo omukama yeezu no oobu ha abanyamahanga. ²¹ No obuhicha bwo omukama bukoba buli hamo nabo na abantu beenzi bwooli baamwiikiliza no kumukulatila omukama. ²² Obuchilo kabahulile empola za abahemba aaba omuli Antiokia ekelezia ya yeruzalemu yamusindikiza Barinaba azeende okwo. ²³ Obuchilo yahika okwo,nka nikwo mungu yabaha abantu aabo embazi zoomwe yanulilwa bwooli naabagumya emiganya bazeendelele ne ensoonga yo kuba abesigwa ha muka. ²⁴ Barinaba akaba ali omuntu ayetegeleze na ayizwile obuhicha bwo omwoyo mutakatifu no kumwikiliza mungu no kukanya kwe embaga ya abantu bo omukama kwayongela bwooli. ²⁵ Mala Barinaba yazenda Tarso kumulondela Saula okwo. ²⁶ Obuchilo yamubwene yamuleta aaho Antiokia aabo babili beekala ne ekelezia okwo omwaka gwoona baaba nibegesa abantu beenzi bwooli ha bwa yeezu aaho omuli Antiokia nimwo abahemba ba yeezu bakabaanza kweetwa Abakristu. ²⁷ Omubilo ebyo bakeza omuli Antiokia ababasi kuluga yeruzalemu. ²⁸ Oomo wabo,izina lyoomwe nayetwa agabo yayemelela omu mukobo,yagamba obubasi ha muhanda gwo omwoyo mutakatifu nka nikwo enzala mpango elueza omu nsi ezi yoona kahabalile enzala eezo ekabaha omu buchilo Kaizari Klaudio akaba nategeka. ²⁹ Habwecho,abahemba balamula nka nikwo buli oomo waabo,kwiigana no obuhicha bwoomwe asohoze chonachona habwo kubazuna aabo bekiliza bazeenzibe aabo bakaba nibatula Yudea. ³⁰ Baakola batyo bahaba Barnaba na Sauli engabilano eezo,babone kuzitwaala ha banyaampala ba ekelezia yo ookwo Yudea.

¹ Omu bilo eebyo omukama Herode yaabaanza kubagakanza abekilize abandi abe ekelezia. ² Akalagila Yakobo mudugu wa Yohana ayitwe ha lubaaadi. ³ Obuchilo kayabwene nk nikwo echikolwa eecho chaabanulila abayahudi yalagila na Petero akwate eechi chikabaho obuchilo bwa amazenyi ge emikate eezo etatilwemo itumbyo. ⁴ Kayamazile kumukwata peetero Herode yalagila atebwe omu ibohelo,yamuhikiliza ha bipipi bina bya abalwanila ngoma bana bane babone kumweekomya akaba ayenzileamuchwaziko omu meeso ga abantu echilo chikulu cha pasaka kuchilaba chaahweele. ⁵ Bityo peetero akaba atilwe omu ibohelo naho ekelezia ekaba neyeyomeleza bwoli kumusubila hali mungu. ⁶ Omu chilo cho kwiimukila echilo eecho Heroe akaba yaalamwile kumuchwazika Peetero weenyini akaba alyamile ngoma abandi bakaba nibahekomya. ⁷ Ahonyini yeesulukizaho maleeka wo omukama yaayemelela abantu aaho peetero akaba ali omwanga gwaayaka omugati ye echiseenge eecho maleeka yamukolaho petero omu mikono yalagala ahansi. ⁸ Aaho maleeka yamugambila ozwale ebizwaalo byaawe ne enkeeto zaawe nawe peetero yaakola aatyo maleeka yamugambila zwaala ebebo yaawe okulantile. ⁹ Peetero yamukulatila ogwo maleka niboolekela aheelu yi ibohelo naho peetero talamanyile nka nikwo ebikolwa eebyo byoona bya maleeka bikaba bili bya mazima akaba natekuza nka nikwo naabona amezaaho kwoonka. ¹⁰ Peetero no oogwo maleeka bahingula ha balwaanila ngoma ba mbele na ba kabili bahika aha lwiizi lwi isiinza lwi ileembo lyo kutahilamo omu iboma olwizi olwo lwachinguka lwoonka baasohola aheelu yi ibohelo baalibata omuhanda gumo ahonyini ogwo maleeka yamuleeka peetero. ¹¹ Aaho petero kayamanyile nka nikwo aago agamugwela gaabo gatali ebiloosi yaagamba oobu namanya ha mazima omukama yasindikile maleeka woomwe yaanchungwile kuluga engalo za Herode no kuluga omu mabi goona aago abayahudi babele mbategeza kunkolela. ¹² Obuchilo peetero kayamanyile ebyo yazenda ahanzu ya Mariam nyina Yohana ayetwe Marko omunzu eezo abeekiliza beenzi bakaba bakobile nibamusaba muungu habwa peetero. ¹³ Peetero yatela hodi aha lwiizi lwi ileembo lye eenzu eezo omuhalakazi iziina lyoomwe Roda,yeeza kuhuliliza nka nikwo no ooha. ¹⁴ Obuchilo yasombokolwe laka lya petero yanulilwa bwoli yasuba obutamuchiingulila yabagambila boona omunzu peetero ayemelilile aha chisasi. ¹⁵ Abo baamubuza,ngasi waasa naho oogwo omuhalakazi yaakomeenteleza nka nikwo libeele lili ilaka lya peetero elyo yahulila niho bamugambila mazima ogwo ni maleeka woomwe. ¹⁶ Omwanya oogwo peetero akaba nazendelela kumeela hodi ahi ileemba obuchilo kaba chiingwile ileembo,baamubona,baasobelwa muno. ¹⁷ Peetero yaayemeleza omukono kubamanyisa beesize,yaabagaambila nkokwo omukama yamusohoza kuluga omu ibohelo niho yaabagambila,empola eezi mumugambile Yakobo na abekiliza bazeenzi beetu abandi mala peetero alugaho aho yazenda ahantu ahandi. ¹⁸ Kahabele omulucheelelwa okwo omu ibohelo abalwanila ngoma baabona no kutahwa tahwa kwiinza bwoli habwa ago agaamugwela peetero. ¹⁹ Herode yalagila abalwanila ngoma boomwe bamuloondele peetero bwoli naho talabweenwe ha bweecho yalagila abalwanila ngoma aabo abaabele nibamweekomya peetero babuulilizwa obuchilo babuzilwe cho kusubya yalagila beetwe kayabalile Herode yalugaho aaho Yudea yazenda ookwo kaizaria yekala ookwo ha mwaanya. ²⁰ Mbweenu,Herode akaba asaayile bwoli ha bantu ba tiila na ba Sidooni.Ha bweecho abantu aabo baamuzeenda Herode aha nsoonga eemo kusaba nka nikwo babe no obuholo habwokuba omu mizihwa zaabo bakaba babonesa ebyokulya kuluga eensi ya Herode baamukooba kooba bulasto,oogwo akaba ali omwimelezi wa eenzu yo omukama Herode akundilane nabo omu meeso ga Herode. ²¹ Echilo eecho omukama Herode akaba atoolize kubabona nabo nabo azwala ebizwalo byoomwe bye chikama yeekala aha chitebe choomwe yaagamba ebigambo omu meeso ga abantu . ²² Aaho abantu aabo baabanza kumweesingiza nibatela eyoombo omu kugamba eeli tilo ilaka lyo omuuntu eelyo ni ilaka lya mungu. ²³ Ahonyini habwokuba Herode talamuheele mungu ikuzo lyoomwe maleeka wo omukama yaamuteela Herode aha ndwala yo kutumwa enzoka zo omuuunda yaafwa. ²⁴ Echigambo cha muungu habwa yeezu chikazendelela kusambala omu abantu na abeekiliza baayoongela bwoli. ²⁵ Nabo Barinaba na Sauli kabamazile okuheleleza kwabo kwo kutwala empilya ezitoolizwa aha beekiliza ookwo Yeruzalemu baasuba antiokia bali hamo na Yohana alikwetwa ahi izina eliindi Mariko.

¹ Omu kelezia ya Antiokia bakaba bali ababaasi na abeegesa omuli aabo akaba ali Barnaba,Simeoni alikweetwa Nigeri,Lukio kuluga Kurene,Sauli,na Manaeni oogwo akalelelwa hamo no omukama Herode. ² Obuchilo baabele nibamulamya omukama no kuzila echisiibo,omwoyo mutakatifu yaabagaambila,muuntooleze Barinaba na Sauli aha bwe emilimo eezo naabetela. ³ Ha bweecho,kabamazile echisiibo no kumusaba mungu,baabetaho emikono yabo hali Barnaba na Sauli,baabsiindika bazeende. ⁴ Barinaba na Sauli baagolomoka kuhicha chaambo cha Selukila,habwokuba bakaba baasiindikilwe no omwoyo mutakatifu kuluga ookwo baayaambuka,baabuge ni itaanga kuzenda Kipro. ⁵ Kabaahikile ookwo omu iziinga,bazeenda,bahika omu chaalo chilikwetwa Salami ,ookwo baabaanza kwooolekelela abantu echigambo cha muungu omu masomelo ga abayahudi,Bakaba bali hamo na Yohana Mariko,weenyini akaba ali omuhweezi waabo. ⁶ Kabaabele baayeeliile omu iziinga lyoona lya Sipro,niho bahika Pafo.aaho baabugana no omuyahudi oomo omulizi omubaasi we ebisuba iziina lyoomwe Bar yeezu. ⁷ Oogu akaba ali hamo no omwaanaangwa Serugio Paulo ayaabeele ayina obweenze omukulu oogwo yayeta Barinaba na Sauli baamwiizeho,akaba naayeenda ahulilize echigambo cha mungu kuluga boonyini. ⁸ Naho,Bar yeezu,omulozi iziina lyoomwe omu chiyunani ni Elima akaba nagamba amagambo go kwaanga empola za Barinaba na Sauli,kunu naaleengesa kumusunika omwaanaangwa wi iziinga eeelyo atakakumwiikiliza yeezu. ⁹ Niho,Sauli,oogwo kaandi akaba ayetwa Paulo,kayabeele yeezwiile obuhicha bwo omwoyo mutakatifu,yaamutukuliza ameso Elima omulozi,namugambila. ¹⁰ Iiwe mwana wi Isitaani iiwe olyo omubisa wa byoona ebili bizima omu meeso ga mungu oyizilwe obucheluke bwoonka,oobu noobeha abandi noozeendelela kuhabisa amagambo ga maziina go mukama kuba ebisuba. ¹¹ Oobu,huliliza omukama yaagolola omukono gwoomwe kukuchwaaziika nooba omuhume,obutahicha kuhweeza omusana gwi izooba ha mwanya.Ahonyini,oluhwe lwamuchiinga aha meeso nawe yaaba omu nsiimbazi ateena kuhweeza,yabanza kutuyaana no kuloondela omuntu oogwo alamukwata omukono abone kumweebeembelela. ¹² Omwaanaangwa oogwo kayaabweene ihano eelyo,yaamwikilza omukama habwo kuba yasoobilwe bwooli habwe byeegeso byo omukama eebyo akahulila. ¹³ Paulo na bazeenzibe baalugaho aho babuga bazeenda bagoba Perga omu chalo cha Paamfilia.Yohana Mariko yabaleka aaho,yasuba yeruzalemu. ¹⁴ Mala Paulo na Barinaba baalugaho Perga,baazeendelela no oluzendo bagoba Antiokia omunsi ya Pisidia,echilo che endaalikizo,baataaha omu isomelo lya Abayahudi beekala. ¹⁵ Obuchilo bamazile kusoma kuluga omu bilagilo bya Musa no omu bitabu ba ababaasi,omwebeembezi wi isomelo eelyo basunulika omuntu hali Paulo na Barinaba kubagambila,abaiziraeli bazeenzi beetu kamulaba mwiime echigambo cho kubagambila abantu kubagumya omuganya,muchigambe. ¹⁶ Aaho Paulo yemucha omukono nka nikwo bamuhuhulilize yagamba,iimwe abakwatwa ba Iziraeli,ne emwe abanyamahanga abo mulikulyamya, muungu mumumpulize. ¹⁷ Mungu wa abantu ba Iziraeli niwe akatooza beesiichwe enkulu,omu mwanya oogwo babele omo kubasohoza omuli Miisiri ha buhicha bwoomwe bwo kusobeza. ¹⁸ Yaabegumisiliza aha mwanya gwe emyaka makumi aana omu mbuga yo obwooma. ¹⁹ Kaandi,yasingalicha endimi musanzu omu nsi ya kanani,yaabaha baguuku beetu eensi eeezo kuba obuhunguzi bwabo. ²⁰ Aago gona gakakolwa omu mwaanya gwe emyaka magana aana na makumi ataanu ziti.kayabaliile,mungu yaabaha baguuku beetu abalamuzi be ebilagilo kubeebeembelela,kuhicha obuchilo bwo omubaasi Samweli. ²¹ Niho baasabile nka nikwo babe no omukama mungu yabaha Sauli,mutabani wa kishi,wo luganda lwa Benyaamini,nawe yaba omukama wabo ha myaaka makumi aana. ²² Obuchilo mungu yaamwiihilelo Sauli,yaamwiimeeleza Daudi kuba omukama waabo mungu akagaamba okwaatula buzima ha bwa Daudi,naamubona Daudi mutabani wa yese,kuba omuuntu oogwo alikuunsemelela aha muganya,kaandi niwe alaakola okweenda kwaanze kwoona. ²³ Kuluga ha luzalolwa Daudi mungu yaableetela abaiziraeli,omuchuunguzi yeezu,nka nikwo yaamweesagiize. ²⁴ Obuchilo yeezu achali atakabaandize emilimo yoomwe,Yohana akabasoomboolela abaiziraeli boona nkokwo nibeendelwa batamwe ebiheno byabo no kumuhindukila mungu no okubatizibwa. ²⁵ Obuchilo Yohana kayabele naamaliiliza emilimo yoomwe,akaba naagaamba,nimuzila iinye ndi ooha,iinye tiwe oogwo weenyini ogwo mulikutekuza kuba niwe iinye muhulilize oogwo alikwiza ha bwaanze iinye tiinkwiilwe no oobu kukomoolola enkoba za amakuubasi gomwe. ²⁶ Paulo yazeendelela kugamba,Baduge beetu,iimwe enzaalwa za Ibrahimu ne emwe Abanyamahaanga aabo mulikumukoondokela mungu,ha bweetu empola eezo zo kuchunguka zisiindikilwe. ²⁷ Kuba abantu ba yeruzalemu na abakulu baabo tibalamanyile nka nikwo yeezu niwe omuchunguzi baamukola wenyini achwaaziikwe aha kumukolela batyo,bakahikiliza amagambo aago agaandikilwe habwa weenyini omu bitabu bya abaabasi na nigo aago baba nibagasoma buli chilo che endaalikizo. ²⁸ Noobwo tibalabweene ne ensoonga yona yoona ya amazima yo kumulegelela ayitwe,baamusaba Pilato alagize kwiitwa. ²⁹ Obuchilo kabaamazile goona aago agaandikilwe ha bwa yeezu,baamuhanaantula kuluga aha musalaba,baamuta omu mbi ye enyaanga. ³⁰ Naho mungu yamuzoola kuluga omu bafwile. ³¹ Nawe yeezu,aha bilo biinzi,yaabeesulukiza abantu aabo abaakulaatiilene naze kuluga Galilaaya kuhika yeruzalemu,oobu,aabo nibo baalubona boomwe ha baantu beetu. ³² Iichwe nituboolekeelela empola nzima nka nikwo,aago gi muungu yaabalagiile beesiichwe enkulu. ³³ Yagahikiiliza ahali ichwe abana baabo omu kumuzoola yeezu,nka nikwo chaayaandikilwe omu nzina ya kabili,iiwe ni iiwe mutabani waanze,leelo iinye naaba iiso. ³⁴ Kaandi,muungu akamuzoola yeezu kuluga omu bafwiile kuba ataakuzuunda kaandi,habwe ebyo,mungu akagaamba aati,niimbaha emigasa emitakatiifu za amazima eezo nkamweesagiza Daudi. ³⁵ Bityo,echigambo eecho chaandikilwe ahantu ahaandi,tokumuleka omutakatifu waawe abone kuzuunda. ³⁶ Paulo yazendelela kugaamba,obuchilo Daudi akahikiliza goona aago mungu yaamweendiize akole aha nzaalwa zo obuchilo bwoomwe,yaafa yaaziikwa heehi na beeseenkulu boomwe,omubili gwoomwe,gwabona kuzunda. ³⁷ Naho oogwo,oowu mungu akamuzoola weenyin talabweene kuzunda. ³⁸ Ha bweecho bazeenzi beetu,ninyeenda musoombookelwe nka nikwo aha kulabila ahali yeezu heena okuganyilwa kwe ebiheno. ³⁹ Kulabila hali weenyini weenka,buli muntu oogwo alikumwiikiliza naabalwa kuba omugololke omu meeso ga mungu,echigambo eecho echatakwiikilizaana hali iimwe aha kukulaatila ebilagilo bya Musa. ⁴⁰ Ha bweecho mweemanye kuzima kuba mutaakwiza mukakwaatwa na amagambo aago agaandikilwe omu bitabu bya abbaasi. ⁴¹ Iimwe abi igayo,muleebe musobelwe no okusiingaalika,habwo kuba omu bilo byaanyu nikola echigambo eecho timwakuchikiliza,noobwo omuuntu yaakubasomboolela eecho chigambo. ⁴² Obuchilo Paulo na Barinaba bakaba nibasohola omunzu yi isomelo lya abayahudi abantu baabasaba basube aha chilo che endaaalikizo alikwiiza,babone kuzeendelela kugamaba habwa amagaambo aago. ⁴³ Obuchilo omukobo oogwo gwi Isomelo kagwaahweele,abayahudi beenzi hamo na abanyamahanga agaandi aabo abakeekiliza edini ye echiyahudi,bakabakulatila Paulo na Barinaba .bakaba nibahooya hamo na aabo abeekiliza no kubagumya omuganya bazeendelele kulama omu mbabazi za mungu. ⁴⁴ Echilo che endaalikzo eezo eyakulatileho,luundi buli muuntu kuluga omu iboma eelyo bakakoba kuhuliliza echigambo habwo omukama. ⁴⁵ Nabo abayahudi kabaabweene embaga mpaango za abantu,baaba ni ichubi bwooli niho baabanza kumuhakanisa Paulo no kumuzuma habwe ebigambo eebyo alikugaamba. ⁴⁶ No oobu bityo,Paulo na Barinaba baabasubiza abayahudi aabo aha kugima omu kugamba,tukeendelwa twoolekeelele echigambo cha muungu kubanza hali iimwe naho habwokuba mwaalamula kuchanga,no kweebona timugasize obulame bwo obucha no obuchile muleebe nitubaleka,tuzeende kwoolekeelela abanyamahanga. ⁴⁷ Kuba nibyo omukama atulagile aati,nakutaho oobe omwaanga aha abanyamahanga oobe omuchunguzi wa abantu omunsi yoona. ⁴⁸ Aabo abanyamahanga,kabaahuliile echigambo eecho,banulilwa,baaba nibachikuza echigambo habwo omukama.Nabo boona aabo bakaba baatooziibwe kuba no obulami obutahwaho,baamwikiliza yeezu. ⁴⁹ Bityo echigambo habwo omukama chiba chaasaambala buli hoona omu chalo eecho. ⁵⁰ Naho abahudi bakabasunika abakazi bi isima aabo bakamulamya mungu ,na abakwaata abakulu bo omu iboma eelyo,aabo baabebeembelela abantu kubaagalaza Paulo na Barinaba,nikwo baababiinga kuluga omu chaalo chaabo. ⁵¹ Bityo Paulo na Barinaba baakuunkumukla enkungu kuluga amagulu gabo ha kubanga,bazeenda Ikonio. ⁵² Nabo abaheemba ba Yeezu okwo bakaba beezwiile amanulilwa bwooli,nibaazeendelela omu kwiizula obuhicha bwo omwoyo mutakatifu.

¹ Ookwo Ikonio,Paulo na Barinaba bazamo hamo omu Isomelo lya Abayahudi nko obuteeka bwaabo oomo baayolekeelela ha buhicha buhango kuhicha abayahudi beenzi yeezu hamo na abantu beenzi ba abanyamahanga. ² Naho abayahudi aabo abakaanga kumwikiliza yeezu,baabanza kusunika emiganya yaabo abanyamahanga babone kubatamwa aabo abekiliza bazeenzi beetu. ³ Habwecho Paulo na Barinaba bazeendelele kwiikala ebilo biinzi aaho Ikonio,nibagambila abantu aha kugima echigambo cho omukama yeezu omukama nawe yaaba namanyisa eecho chigambo choomwe che embabazi omu kubahikiliza kukola emanyiso na amahano. ⁴ Naho,abantu olubazu lwe entumwa. ⁵ Omuli aabo Bayahudi na abanyamahanga hamo na abategeki baabo baazila omuzenzo gwo kubeefolela kubi Paulo na Barinaba no kubahonda na amakulugusi. ⁶ Naho obuchilo entumwa baabwene empola eezi,beelukila Likaonia,omu chaalo cha Lisitira na Derbe ne engegeelo ye ebyaalo ebihelene ne eezo. ⁷ No ookwo baaba nibolelela abantu empola nzima zo yeezu. ⁸ Omuli Lisitira akaba alimo omuntu oogwo akaba ali enziingami bulugilila kuzaalwa kwoomwe,na takahichaga kulibata. ⁹ Obuchilo Paulo akaba naayolekelela,oogwo muuntu nawe akaba ayikele aaho namuhuliliza Paulo yamuleba omu meeso aha kumukomelela yasombokelwa nka nikwo ayina okwikiliza kwo kuchizwa. ¹⁰ Nikwo Paulo yamugambila ahi ilaka lihango yimuka oyimeele lwa amagulu gawe ahonyini ogwo muntu yaguluka yayemelela lwa amauluge yabanza kulibata libata aaho weenka. ¹¹ Echipipi cha abantu eecho kachabwene amaleeba aago yakozile Paulo babanza kuhamuka omu lulimi lwaabo lwe chilikaonia omu kugamaba,bamuungu batuuka hali iichwe omu nsuso ya abaantu. ¹² Maamuluka Barinaba iziina lya muungu waabo oomo alikwetwa Zeu na Paulo bamweta iziina lya muungu waabo oondi alikweetwa Herine,habwokuba Paulo niwe akaba ali omugambi mukulu. ¹³ Aheelu kache yo omu iboma eelyo hakaba heena enzu ya muungu Zeu omugabe we eenzu ezo yaleta echimasa che ente no omukako gwe enyaso aha lwiizi iboma wenyini hamo ne ebipipi eebyo bya abantu bakaba nibeenda kubataambila. ¹⁴ Naho entumwa Paulo na Barinaba kabahulile eebyo bigambo baalansamula ebizwalo byaabo,baahulumuka bwangu omugati ye ebipipi eebyo kunu nibahamuka ahai ilaka lihango. ¹⁵ Iimwe baantu habwachi nimukola amagambo aaga ne eechwe tuli abantu kwoonka nke emwe tuli aaha kuboolekelela empola nzima nka nikwo,muleke kulama ebintu biteena mugaso,mumuhindukile mungu owo obulami weenyini niwe ayahaangile igulu,ne ensi,ne enziba,na byoona ebilimo. ¹⁶ Obuchilo bwe enzalwa za kala ezaahingwile mungu akabekililiza abanyamahanga boona batule no kukola okwo balikweehulila. ¹⁷ No oobu bityo,talalekile kweesoomboola habwokuba iimwe akabakolela amazima,wenyini ableetela enzula kuluga omu igulu no kubabonesa omwezo aha mwanya gwaagwo,nawe abahagisa ebyokulya aha amanulilwa omu myoyo yaanyu. ¹⁸ Noobwo Paulo na Barinaba bakagamba amagambo aago,chikaba chigumile kubangila abantu be ebipipi eebyo bataakutaambila. ¹⁹ Niho beeza abayahudi abandi kuluga Antiokia,na kuluga Ikonio.Baabakonza koonza abantu bo ookwo Lusitira,kuhicha baba no obumo,bamuhinda kabaabele baaakoba no kumuzoongoloka,yemuka yaasuba omu iboma nibamanya nka nikwo yafwa. ²⁰ Naho abahemba kababele baakoba no kumuzoongoloka yemuka yasuba omu iboma nche eemo,yalugaho aaho yazenda hamo na Barinaba omu chaalo cha Derbe. ²¹ Okwo Deribe baayolekelela abantu empola nzima ya yeezu no kubakonza koonza beenzi omuli aabo kuhicha kuba abahemba kabaabahile basuba omu kulabila omu maboma ga Lisitira ,Ikonio,na Antiokia. ²² Omu byabo eebyo,bakagumisa abahemba no kubatiimbya bazeendele kuguma omu kwiikiliza kwaabo biinzi. ²³ Omuli buli kelezia Paulo na Barinaba babatooleza.abandi omuli aabo beekiliza kuba abanyampala baazila echisibo no kubasabila omu kubahikiliza omu ngalo zo omuama oowo bakaba baamwikilize. ²⁴ Paulo na Barinaba baalabila eensi ya Pisidia,baatahamo omu chalo cha paamfilia. ²⁵ Baahika Perga okwo bakoolekelela empola ha bwa yeezu niho baagolomoka omuli Atalia. ²⁶ Buluga aaho babuga no obwato bwi itanga basuba Antiokia omu nsi ya Siria aaho niho obwa mbele bakaba basabilwe babe aheefo ye embabazi ya muungu eezo bakaba baamazile omu luzeendo lwaabo. ²⁷ Obuchilo baahika kaandi aho Antiokia bakazeta ekelezia baabasomboolela goona ago mungu yakozile kulabila hali boonyini na nka nikwo ookwo yabachingulila abanyamahanga olwizi lwo kwiikiliza yeezu. ²⁸ Bekala ha mwaanya mula aho Antiokia hamo na abahemba aabo.

¹ Abantu bunanka bakaluga Yudea.bagolomoka aaho omu muzihwa gwa Antiokia kuluga Yudea baabanza kweegesa abekiliza bazeenzi beetu omu kugamba mutasazilwe amakoba kwiingana ne entungwa eezo twaalekilwe na Musa,timukuhicha kuchunguka. ² Eecho chigambo chaaleetelela Paulo na Barinaba hamo na abeekiliza abandi omuli aabo baazende hamo yeruzalemu,babone kubugana ookwo ne ntumwa za yeezu na aha banyaampala be ekelezia aha mpola ye echigambo eecho. ³ Ekelezia yaabasiindika kuzenda Paulo na aabo bazeenzibe,balabila omunsi ya Foonike,no omuli Samaria,baaba nibabasoomboolela abantu nkokwo abanyamahanga baamwiikilize yeezu,empola eezo zaabaseemelela bwooli abeekilza boona bazeenzi beetu. ⁴ Kabaahikile yeruzalemu,baayenankulwa kuzima ne ekelezia yo okwo,hamo na entumwa za yeezu,na abanyaampala baabaha empola za byoona eebyo mungu yakozile kulabila hali boonyini. ⁵ Naho abeekiliza bunaanka be embaga ya Abafarisayo baayeemelela,baagaamba,abanyamahanga nabo bahatikwe kusalwa amakoba,na balagilwe kukoondookela ebilagilo byoona bya Musa. ⁶ Ha bweecho,entumwa za yeezu na aabo abanyampala be ekelezia baakoba hamo babone kweehanuuza kuzima eecho chigambo. ⁷ Kabaabeele bamazile omwanya mula omu kweehanuuza,peetero yayemeelela,yabagambila,iimwe badugu beetu,nimumanya nkokwo bulugiilila kala muungu akaantooza iinye kubatulila abanyamahanga babone kuhulila no kwiikiliza echigambo che empola nzima. ⁸ Nawe muungu niwe alikumanya emiganya ya abaantu,akabatulila nka nikwo naabeekiliza omu kubaha omwoyo mutakatifu nkokwo yaatuheele iichwe. ⁹ Ha bwecho tihenabo obuchilanisi oobwo muungu yakozile hali iichwe na boonyini,habwo kuba na boonyini ha muhanda,oogwo nyini gwo kwiikiliza akabeeza emiganya yaabo. ¹⁰ Mbweenu,habwaachi nimuleengesa mungu ha kubatweeka omugaamba omu bicha bya abaheemba,oogwo beesiichwe enkulu gukabalema,ne echwe nyini nigutulema kugusutula. ¹¹ Mmahi iichwe nitwiikiliza nka nikwo nituchuungulwa habwe embabazi zo omukama yeezu,nka boonyini okwo balikuchuungulwaho. ¹² Aaho embaga yoona yeesiza chee baba abo kumuhuliliza Barinaba na Paulo nibabasoomboolela nka nikwo emanyiso na amahano go okusobeza aago mungu yaakozile omuli aabo abanyamahanga ha kulabila hali boonyini. ¹³ Obuchilo kabamazile kusoomboola,Yakobo nawe yaagaamba aati,iimwe beekiliz bazeenzi beetu,muhulilize. ¹⁴ Simoni yatusoombooliile nkokwo mungu ha kubanza akabeekomya abanyamahanga aha kutooza abantu kuluga omuli aabo habwi iziina lyoomwe. ¹⁵ Echigambo eechi nichiikililiza hamo na amagambo ga ababaasi nkokwo gaayaandikilwe. ¹⁶ Aha muheleeluko gwe ebigambo eebi ndyaasuba,ne eenye ndyaazoombeka kaandi eenzu ya Daudi eyaagwiile,ninyoombeka kaandi amatoongo gomwe no okugusemeza. ¹⁷ Kuba abantu abandi babone kumulondela omukama mungu,no oobu aabo abanyamahanga,boona abalikwetwa ahi iziiina lyaanze naagamba omukama mungu alikukola byoona eebi. ¹⁸ Ebyaasoombookile bulugiilila kala. ¹⁹ Yakobo yazeendeelela kugamba,ha bweecho okulamula kwaanze ni kuti,tutakubaagalaza abanyamahaanga abalikumuhiindukila mungu. ²⁰ Naho nitweendelwa tubaandikile olwaandiko lwo kubagaambila nkokwo beelge ne enyama esohweezwe aha mazimu,emize mibi yo obusaambani,kulya enyama ze ebituunganwa ebihotweelwe no okunywa obwaamba. ²¹ Kuba bulugu kala,ebilagilo bya musa bibeele nibyoolekeelelwa omuli buli muzihwa,no kusomwa omu masomelo ga abayahudi buli chilo che endaalikizo. ²² Aaho eezo ntumwa za yeezu na aabo abanyaampala,hamo ne ekelezia yoona yo ookwo yeruzalemu baalamula nkokwo batooze abandi omuli aabo abalaazenda hamo na Paulo na Barinaba okwo Antiokia,Bityo omuli aabo abeekiliza bazeenzi beetu,baatooza abeebembezi babili,oomo ni Yuda ayaabeele ayetwa Barsaba,no oondi ni Sila.Aabo baasiindikwa kuzeenda no olwaandiko olulikugaamba luti. ²³ Iichwe entumwa hamo na abanyampala,abadugu bazeenzi beenyu ba yeezu,nitubaangalucha iimwe abeekiliza bazenzi beetu abanyamahanga abali Antiokia,no omu nsi ya Siiri,no omu chaalo cha kilikia. ²⁴ Tuhulile nkokwo abantu bunanka abalugile oweetu bakabagaambila ebigambo byo kubahabisa,no kubagalaza emiganya yaanyu iichwe titulabasiindikile. ²⁵ Ha bweecho,twekililizana nkokwo tutooze abakwaata no kubasiindika hali iimwe,beeze hamo ne engaanzi zeetu Barinaba na Paulo. ²⁶ Abantu aaba bali omu buhuta bwo obulame bwaabo ha bwi iziina lyo omukama weetu yeezu kristu. ²⁷ Ha bweecho aabo twaabasiindika hali iimwe,Yuda na Sila,boonyini aabo nibabamanyisa aha munwa gwaabo ebigaambo eebyo twaayaandika. ²⁸ Kuba byaamunuliila omwoyo mutakatifu ne echwe tweekiliza tutaakubatweeka omugugu gwoona gwoona ksaga amagambo aaga. ²⁹ Mweelige ne enyama esohwezwe aha mazimu,kunywa obwaamba,kulya enyama ze ebitungaanwa ebihotweelwe,no kukola obusihani.Kamuleliga ne eebyo,nimuba mwakola kuzima,mube no obuholo. ³⁰ Kababeele baalagilwe baagolomoka kuzenda Antiokia.Baabakobya kobya abeekiliza,babaaha oolwo lwandiko. ³¹ Abeekiliza aabo kabaalusomule,lwaabagumya emiganya ,banulilwa. ³² Nabo Yuda na Sila,aabo abaabeele bali ababaasi,baabagaambila abeekiliza bazeenzi babo ebigaambo biinzi byo kubagumya emiganya,no kubakola bagume. ³³ Kabaabeele beekele ookwo ha mwanya aabo abeekiliza baazeenzi beetubaabakuundila nkokwo basube ookwo hali aabo abaabasiindikile,baabalaga aha buholo. ³⁴ Naho Sila weenyini yaabona nkokwo ni kuzima asigaleyo ookwo. ³⁵ Paulo na Barinaba nabo bakasigala ookwo Antiolia,nibegesa no kwolekeelelaechigambo habwo omukama,hamo na abantu abandi beenzi. ³⁶ Kabyaahiingwiile ebilo,Paulo yaagaambial Barinaba aati,tusube aha beekiliz bazeenzi beetu omuli buli iboma eelyo twaayegesize echigambo habwo omukama,tubone kubayeelela no kuleeba nka nikwo balikuzeendelela. ³⁷ Omu luzeendo oolwo,Barinaba akenda bamutwala Yohana ayaabeele ayetwa Mariko azeende hamo nabo. ³⁸ Naho Paulo yaabona nkokwo ti kuzima Mariko azeende hamo nabo,habwokuba akabaleka okwo Paamfilia,na talazeendeliile kukola nabo emilimo. ³⁹ Eecho chaaleetelela boonyini okuhakana kuhango no obutahuuliilizana,kuhicha baalekaana.Barinaba yaamutwaala Mariko,bazeenda hamo omu bwaaato bwi itaanga kuhicha baahika omu iziinga lya Kipro. ⁴⁰ Paulo nawe yaatooza Sila na aabo abeekiliza bazeenzi beetubaabasabila embabazi zo omukama,niho Paulo na Sila bazeenda. ⁴¹ Baalabila omunsi ya Sifria na cha Kilikia,nibagagumisa amakelezia.

¹ Paulo akahika Derbe, na Lisitira. Okwo hakaba heena omuheemba wa Yeezu, iziina lyoomwe ni Timoteo. Nyina akaba ali omukazi we Echiyahudi ayaaamwiikiliize Yeezu. Naho iise akaba ali Omuyunani. ² Timoteo akaba ayina okukuzwa kuzima omu beekiliza baazeenzi beetu abo okwo Lisitira na ikonio. ³ Paulo,yayenda nkokwo Timoteo azenda naze omu luzeendo ha bweecho,yamusula ikoba Timoteo abone kukundilwa na abayahudi boona bo okwo kuba abayahudi aabo bakaba nibamanya nkokwo iise Timoteo akaba ali omuyunani. ⁴ Ahakulatileho Paulo na aabo bazenzibe bazenda nibalabila omu maboma go ookwo baba nibamanyisa abekiliza ba abanyamahanga eebyo bilagilo ebyaatiilweho ne entumwa ba yeezu hamo na abanyaampala bo ookwo yeruzalemu nabo babone kubikoondokela eebyo bilagilo. ⁵ Ha bwecho ekelezia zo ookwo zaazendelela kukomelela omu kwikiliza no kupetwa kwa abekiliza kukaba nikweeyoongela buli chilo. ⁶ Paulo na bazeenzibe aabo baalaba omuli Furigia no omuli Galatia bakakola batyo habwokuba bakaba baayaangiizwe no omwoyo mutakatifu nkokwo batakwiiza kwokelela echigambo cha mungu omuli Asia. ⁷ Kabahikile aha lubibi lwo kutaaha omuli Misia baleengesa kutaha omuli Bithinia,naho omwooyo gwa yeezu tigulabeekilize. ⁸ Ha bweecho balabila omuli Misia bazeenda Turoa. ⁹ Omu chilo Paulo yabona amezaho omu meezaho gomwe akabona omuli makedonia omuuntu oomo wa makedonia ayemeelile,namusaba bwooli Paulo,naagamba,oyaambuke kunu oyize makedonia,otuhweele. ¹⁰ Kayabele Paulo aalebile aago meezaho ahonyini tweloonza kuzenda ookwo Makedonia tukabona nkokwo muungu yatweeta kumanyisa empola nzima ha baantu bo okwo. ¹¹ Ha bweecho twaalugaho aaho Turoa no obwato bwi itaanga twaazeenda omuhanda gumo kuhika omu iziinga lya Samotirake.Nyeencha eemo twaazeenda,twaahika omu muzihwa gwa Neapoli. ¹² Kuluga aaho,twaazenda kuhika Filipi nilyo iboma lihango omuli makedonia na nilyo iboma lya Abaruumi bakaba nibatula neechwe tweekala aho ebilo biche. ¹³ Omu chilo che endaalikizo twaazenda ahelu yo ogwo muzahwa,heehi no omunona habwokuba tukaba nituteekuza nkokwo niho twaakasaangile abantu nibamusaba muungu katwahikile aho,tukasanga bakobile abakazi ne echwe tweekala no kuhoya hamo nabo. ¹⁴ Omuli aabo abaabele nibatuhuliliza,akaba aliho omukazi oomo wo omu iboma lya Thiatira,izzina lyomwe ni Lidia,oogu Lidia akaba ali omusuluza we ebizwalo bye zaambalau nawe akaba amulamya mungu Paulo kayabamanyisize Empola nzima,omukma yachingul omwoyo gwa Lidia abone kweetegeleza amazima ge empola zo mwa Paulo. ¹⁵ Kayaabeele yaabatizwa hamo na abantu be enzu yoomwe akatusaba nagamba kamulaaba mwaalamula no kubona nkokwo neenye ndyoomwikiliza wo omukama,mwikale hali iinye yaatuneembelela kuhicha twaakunda kwiikala ha woomwe. ¹⁶ Echilo chimo obuchilo tukaba nituzeenda ahantu ho kumusaba mungu tweesulukizwe ookwo no omuhalakazi oomo ali omuzanakazi oogwo muzanakazi akaba ayina izima kibi elyaabele nilimuha obuhicha bwo kulagila amagambo go obuchilo obulikwiza ha muhanda oogwo bakamabe bakaba nibabonesa empilya nyinzi. ¹⁷ Oogwo muhalakazi yaaba nakulatila Paulo ne echwe naatela eyoombo omu kugamba,aaba baantu na abazaana ba mungu oogwo ali olugulu ya byoona aba baliho kubamanyisa omuhanda gwo kuchunguka. ¹⁸ Yaamala ebilo binzi ali omu kukola aatyo,omuhelo,Paulo yasaya yaalihindukila eelyo izimu ibi,yaligamba nikulagila ali iziina lya yeezu kristu omulugeho omuhalakazi oogu omwanya oogwo nyini eelyo izimu libi lyamulugaho. ¹⁹ Aabo abakama bo oogwo muhalakazi kubabwene nkokwo tihaliho itegezo kandi lyo kubonesa amabonwa baabatabalila Paulo na Sila babakulula kuhika omu igulizo omu meeso ga abategeki. ²⁰ Baabatwala aha balamuzi bakulu babagambila aba bakwata na abayahudi nibaletelela eelyo iboma lyeetu libe no omusambo bwoli. ²¹ Nabo nibatulanga kukulatila obuteeka bwo owaabo oobwo iichwe Abarumi no omuzilo kubwiikiliza nali kubakulatila. ²² Male abantu ababele bakobile echipipi aaho beekilizana kulegelelwa okwo kwa Paulo na Sila aabo balamuzi bakulu baabazula Pulo na Sila ebizwalo byaabo balagila nkokwo bateelwe ensanzu. ²³ Kabamazile kubateela bwooli babaguza omu ibohelo aaho balamuzi bakulu baamukomeenteleza omwimeelelezi nkokwo abee komye kuzima. ²⁴ Ha bweecho omwimelelezi oogwo yaabatosha omu chiseenge cho omugati,yabakoma amagulu gaabo ahagati mabogo ge miti. ²⁵ Kahabele itumbi Paulo na Sila hakaba nibamusaba muungu,no kumuzinila enzina zo kumukuza,embohe bazenzi baabo bakaba nibahuliliza. ²⁶ Bwaangu ahonyini,enyahinga mpango bwooli yahingula omu nsi,yachundangula oluhazo lwe eelyo ibohelo mala emiyaanga yoona yaba yachinguka yoonka,ne eminyilololyo ye embohe zoona eeba yakomolola. ²⁷ Oogwo mwimelelezi wi ibohelo eelyo yeemuka kayaabweene nkokwo emilyango echingwile,yalusopololayo olubadi lwoomwe ali bweemi kweeyita.ha kuba akaba naatekuza nkokwo eezo mbohe zoona zonyolombokile. ²⁸ Naho Paulo yaatela eyoombo namugambila,oteyita chweena taliho oomu. ²⁹ Aaho ogwo mwimelelezi yalagila ebimuli biletwe yelukila omu nzu eezo,yaagwa omu meeso ga Paulo na Sila nazunguma aha butini. ³⁰ Niho yabatwala ahelu,yababuza iimwe bakama baanze ni lwampaka iinye nkole chiiha mbone kuchunguka. ³¹ Bamusubiza mwikilize omukama yeezu niho olachunguka iiwe hamo na abantu abali omu nzu yaawe. ³² Aaho Paulo na Sila baaamwegesa oogwo mwimelelezi echigambo habwo omukama,hamo na abantu boona ababeele bali omu nzu yoomwe. ³³ Esaaha eezo nyini hamo na abo badugube boona baba babaatizibwa. ³⁴ Ahakulatileho yabatwala Paulo na Sila omukaye yaabaha ebyokulya.Akanulilwa bwooli habwo kuba akaba yamwikiliza mungu weenyini hamo na aabo abe eeka yoomwe boona. ³⁵ Kahachile aabo balamuzibakulu baasinndika abasilikale baabo hali ogwo mwimelelezi wi ibohelo,babone kumugambila bati,obakomoolole aabo baantu. ³⁶ Bityo oogwo mwimelelezi yamugambila Paulo,abalamuzi baasindika nkokwo mbakomoolole,ha bweecho muzeende no obuholo. ³⁷ Naho Paulo yabagambila,habwaachi batutile omu meeso ga abantu bateena kutuchwazika ne echwe tuli abaruumi abana nzalwa kaandi bbatunagwize omu ibohelo ngasi mbweenu nibeenda kutwihamo oomu bweeseleke tichikwiile nibeendelwa boonyini nibo beeze batwihemo oomu. ³⁸ Abasilikale aabo babagambila balamuzi bakulu ebyo abalamuzi aabo,kabahulile nkokwo Paulo na Sila na Abaruumi baakwaatwa no obutiini. ³⁹ Beeza baabaneembelela.Babaahamo omu ibohelo,nibabasaba nkokwo balugeho aaho omu iboma lyaabo. ⁴⁰ Paulo na Sila,kababeele baalugile omu ibohelo bazeenda omu nzu ya Lidia.Babonana na abekiliza baazeenzi baabo,no kubagumya emiganya.Ahakulatiileho baalugaho aaho.

¹ Paulo na Sila bakahngula omu chikali cha Amfipoli,ne Apolonia kuhicha bahika omuli teesalonike aho teesalonike hakaba heena isomelo lya abayahudi. ² Bityo nkokwo bwabele buli obuteeka bwoomwe Paulo akatahamo omu nzu ezo,n aha mwanya gwa amoyo asatu ge endalikizo yaaba nabitelana ha kubakoza koonza abayahudi kuluga omu maandiko amatakatifu. ³ Akagasomboola no kwooleka butunu nkokwo masihi ekaba eli lwampaka ayagalazwa aafwa no okuzooka kuluga omu bafwile Paulo yaabagambila oogwo mashi niwe ogu nyini yeezu oogwo ndikubamanyisa. ⁴ Abandi kuluga omuli aabo bayahudi beekiliza eebyo bakagamba Paulo na Sila batulanila nabo kandi baaba baliho abantu embaga mpaango ya abayahudi abamulamya mungu hamo na abakazi beenzi abi isima,na boonyini bakatulanila nabo. ⁵ Naho abandi omu bayahudi baazila ichubi balondela abantu katoozi abateena kalyo ne entuungwa nzima kuluga omu baantu abazilwa abali ookwo omu igulizo,nabo baakola embaga no kubanza omusambo omu iboma lyoona baatabaalila eeka yo mwa yaasoni nibabaloondela Paulo na SIla babone kubaleta aha bweeelu aha lyezo mbaga ya abantu. ⁶ Naho kababuzilwe baaklula weenyini yasonihamo na abandi abeekiliza bazeenzi beetu baabaleeta omu meeso ga abakulu bo omuzihwa nibahamuka bati aaba baantu balesile omubulaangulo muhango omu nsi zoona oobu balyaaha omu zihwa gwetu. ⁷ Nawe yaasoni akabeenaankula omukaye hamo ne eebyo aaba boon nibagaya ebilagilo ebyatilweho na kaizaari omu kugamba nkokwo heena omukama ondi oogwo alikweetwa yeezu. ⁸ Aabo bakulu ne echipipi eecho,kabahulile eebyo bigambo baabuyaanganisa aha omusambo muhango. ⁹ Baabachwa yaasoni na bazeenzibe empilya zo omusiimbo mara baaleka bazeende. ¹⁰ Echilo eecho nyini omu chilo abekiliza beetu babasiindika bwangu Paulo na Sila bazeende Beroya.obuchilo baahikileyo ookwo baataha omu isomelo lya abayahudi. ¹¹ Nabo abayahudi ba aho Beroya bakaba bali abantu abafula kuchila aabo abeteesalonike boonyini bakenaankula echigambo cha mungu ha chihika chihango buli chilo baba nibagacheengelela Amandiko matakatifu babone kukomela eebyo alikugamba Paulo ne bya mazima. ¹² Abayahudi beenzi omuli aabo baamwikilza yeezu hamo na abayunani beenzi abakwata na abakazi bi isima. ¹³ Naho abo abayahudi ba teesalonike kabasombokilwe nkokwo Paulo akaba nayegeswa echigambo cha mungu ookwo Beroya bazendayo kubasuninkiliza no kubagalaza ebipipi bya abantu babanze omusambo. ¹⁴ Niho abekiliza bazeenzi beetu bamutwala bwangu Paulo,bamuhicha kuhicha aha ngeegelo ye enziba naho Sila na Timoteo boonyini bakasigalayo okwo Beroya. ¹⁵ Aaho ababele ebilagilo hali Timoteo na Sila nka nikwo beeze bwangu bateena kwikililwa bamukulatile. ¹⁶ Obuchilo Paulo yaabele nabategamilia Sila na Timoteo okwo Atene,akeehulila kubi bwoli omu mwoyo gwoomwe kayaabweene iboma eelyo lizilwe ebisusano by a bamungu. ¹⁷ Ha bweecho yaaba naabiteelana buli chilo aha kubakoonza konza abayahudi hamo na abayunani abamulamya muungu ookwo omu isomelo.kaandi buli chilo yaaba naabasoomboolela abantu abo yabele naabugana nabo omu magulizo. ¹⁸ Abandi omuli aabo ababele beena amasala ge embaga ya Kiepikulio,hamo na be embaga ya Kisitoiko baabugana na Paulo omuli aabo bagamba ngasi oogu kanyabagaambo naaleengesa kugaamba chi? Abaandi bagaamba, "Naasusa nkokwo naahooyela empola za bamuungu be echizenyi." Ebyaabaleeteliile kugaamba batyo, ekaba nkokwo Paulo akaba naabasoomboolela Empola nzima za Yeezu, ne empola zo kuzooka kwa abafwiile. ¹⁹ Bityo aabo abeene amasala baamutwaala paulo omu meeso gi Itegekelo elikulu elilikweetwa Areopago. Abakulu be eelyo Itegekelo baamugaambila, "Nitweenda otusoomboolele ensoonga ye ebyeegeso ebisha eebyo olikweelekeelela. ²⁰ Kuba iiwe nooleeta amagaambo amasha omu matwi geetu, ha bweecho nitweenda kumanya ensoonga yaago ni chiiha?" ²¹ Obuchilo oobwo abaantu bo ookwo Atene, hamo na abazenyi ba hala abaabeele nibaatula ookwo, bakaba nibeenda kuhuliiliza amagaambo masha. Omwaanya gwaabo mwiingi bakaba nibahooyelela eebyo bigaambo. ²² Bityo Paulo yaayemeelela omuli eelyo Itegekelo lya Areopago, yaagaamba, "Iimwe bakwaata ba Atene! Nniimbona nkokwo nimukulaatila bwooli amagaambo ge ediini. ²³ Kuba obuchilo mbele nniinhiingula omuli oogwo muzihwa, aha kukomela mbweene ebisusano biinzi eebyo mulikulamya. No oobu naabona itaambilo limo lyaandikilwe amagaambo aaga: HALI MUUNGU ATAKUMANYIIKANA. Oogwo Muungu oogu mulikulamya muteena kumumanya, niwe oogu ndikubasoombooela. ²⁴ "Muungu ayaahaangile eensi na byoona ebilimo, oogwo ali Omukama wi igulu ne eensi, takuutula omu mazu agoombekilwe aha mikono ya abaantu. ²⁵ Na kaandi takuheelezwa ne mikono ya abaantu nka nikwo naayeenda echiintu choona choona, habwo kuba weenyini niwe alikubaha abaantu boona obulami, okwiicha no kubabonesa ebiintu byoona. ²⁶ No kuluga aha muuntu oomo akakola endimi zoona za abaantu, babone kutuula omu nsi zoona. Nawe buluga kala akaba yaalamwiile no kutaho obuchilo ne embibi za ahaantu aaho balaaba nibatuula. ²⁷ Muungu akakola aatyo, abaantu babone kumuloondela, no oobu ha muhaanda gwo kutaabuza omu ebiteekuzo, hamo baakaaahicha kumubona. No oobu bityo, tali hala na buli oomo weetu. ²⁸ Kuba omuli weenyini iichwe nitubona obulami, nitulibata no kubaho. Ni nko omu baandiki baanyu be emibeelo ookwo baagaambile, 'Ne eechwe, tuli abaanabe.' ²⁹ "Bityo habwo kuba iichwe tuli abaana ba Muungu, titukweendelwa kuteekuza nkokwo Muungu naasusana ne echisusano echilikuheeswa che ezahaabu, nali emiliinga, nali cha amabaale. Aago goona nigakolwa aha kuteekuza no obugoga bwa abaantu. ³⁰ No oobu kala omu nchilo eezi zo obufweela Muungu akeekola nka takuleeba, oobu Naalagila abaantu boona abali hoona hoona batamwe ebiheno byaabo no kubilekelela, bamuhiindikukile Muungu. ³¹ Kuba yaatiileho echilo eecho alichwaaziika abaantu boona be eensi ha mazima ge ebilagilo, kulabila aha muuntu oogwo yaatoolize. Akabooleka abaantu boona amazima ge eebyo ha kumuzoola oogwo muuntu, kuluga omu bafwiile." ³² Aabo baantu, kabaahuliile nkokwo Paulo naahoyelela empola zo kuzooka kwa bafwiile, abaandi omuli aabo bakaba nibamulyoogooza. Naho abaandi baamugaambila, "Nitukuhuliiliza kaandi habwe empola eezi." ³³ Bityo Paulo yaasohola aheelu ye eezo Itegekelo. ³⁴ Omuli aabo baantu abaandi baatelana naze, baaba abeekiliza. Omuli aabo akaba alimo Dionisio, Ali oomwo wi Itegekelo ya Areopago, no mukazi oomo, iziina lyoomwe ni Damari, hamo na abaantu abaandi.

¹ Amagambo aago kagahwele Paulo yalugaho aho Aena yaenda korinto. ² Ookwo yabugana no muyahudi omo,iziina lyoomwe akila enzlwa yo ookwo poonto.ogwo akila hamo na mukaziiwePrisila,bakaba nibaluga omu muzihwa gwa rumi omu nsi ya Italia bakakola batyo habwokuba kaizaari klaudio akaba alagile nkokwo abayahudi boona balugemo omuli oogwo omuzihwa bityo Paulo yabalela. ³ Yasigala omwo nyini omuka yaabo baaba nibakola hamo habwokuba Paulo akaba ali omubuya wo kubazilila amaheema nka boonyini. ⁴ Buli chilo che endaalikizo Paulo ataha omu isomelo lya Abayahudi,yaabiteelana nabo omu kubakonza koonza nalenganisa kubahanamilila abayahudi hamo na abayunani abamulamya mungu. ⁵ Obuchilo sila na Timoteo kabahikile aaho kuluga Makedonia Paulo yaabanza kukolesa omwanagwe gwoona omu kubolekeelela empola abayahudi no kubabonesa nka nikwo yeezu niwe Masihi. ⁶ Naho aabo abayahudi babaanza kumuhakanisa no kumuzuma wenyini yaabakuunkumulila ebizwalo byoomwe,yabagambila ensagama yaanyu eebe aha lugulu ye emitwe yaanyu inye ninyela omuganya kuliugilila oobu ninzeenda omu banyamahanga. ⁷ Ahonyini,Paulo yalugaho omuli eezo nzu yi isomelo yaazo omu nzu yo omuuntu iziina lyoomwe tito Yusita oogu akaba agomokela muungu ne enzuye ekaba eli omu lubibi lumo ni isomelo lya abayahudi. ⁸ Omweebeembezi wi isomelo iziina lyoomwe krisp,yaaba yamwikiliza omukama hamo na abantu boona be eeka yoomwe abakorinto abandi beenzi abahulile empola eezi,nabo beekiliza baabatizibwa. ⁹ Omuchilo omukama yamwizaho Paulo omu meezaho yamugambila aati,otatina,ozendelele kwonka kugamba otesize. ¹⁰ Habwokuba ndi hamo ne ewe tihaliho omuntu alaakukumyaho ookwo abone kukiuhutaaza,habwo kuba omu iboma eelyo nyinamo abantu beenzi. ¹¹ Ha bweecho Paulo yaamalayo omwaka gumo na amezi mukanga alyaaho korinto,nayegesa omuli aabo echigambo cha muungu. ¹² Naho obuchilo Galio akaba nategeka echalo cha akaya abayahudi ha nsoonga eemo baamutabaalila Paulo,bamuleeta omu itegekelo yo okuchwazika. ¹³ Bagamba oogu muuntu naabasunika abantu nokwow babe nibamulya mungu ha muhanda oogwo iichwe titukwikiliza ne ebilagilo byeetu. ¹⁴ Obuchilo Paulo yayenda kusomboola galioyabagambila aabo abayahudi aati,iimwe Bayahudi,kamwaakubilesile ebilagilo byo obugobya,nali ge ebiheno bibi niho nakabeele ne enteelelo nzima yo kuhuliliz okulegelela kweenyu . ¹⁵ Naho habwokub nimuhakana na magambo kwoonka na ha maziina na ha bilagilo byanyu mugalamule imwe nyini iinye tinkwenda kuba omuamuzi wa amagambo aago. ¹⁶ Aaho Galio yababiinga balugeho aaho omu meeso gi itegekelo ya abahwaaziika. ¹⁷ Niho aabo boona baatabaalila Sostenesia omwebembezi wi isomelo lya abayahudi ahonyini baamuteela omu meso gi itegekelo naho eebyo bikolwa galio talabyeetileho yaabileeba kwoonka. ¹⁸ Paulo yazendelela kwiikala aaho korinto ha biinzi ahabalile yaabalaga abeekiliza bazenzi beetu,yazenda kenkrea,yaamwa isoke lyo omutwe gwoomwe habwo omulahi oogwo akataho kabaabalile weeenyini hamo na Prisila na akila baahanama obwato bwi itanga baabuga kuzenda omu nsi ya Siiria. ¹⁹ Baahika omu muzihwa gwa Efeso aaho Paulo yalekana na Prisila na akila weenyini yatha omu isomelo lya abayahudi yaabiteelaana nabo aha kubakonza koonza. ²⁰ Aabo bayahudi baamusaba Paulo nka nikwo ayoongeleebilo eebyo alaasigalaaaho aha ha waabo naho weenyin taleekilize. ²¹ Naho,omu kubalaga yabagambila,muungu kalayenda,nisuba kaandi hali imwe,niho yahanama omu bwaato bwi itaanga yaabuga kulugayo Efeso. ²² Obuchilo Paulo yatukile omu muzihwa gwa kaizaaria yahanama kuza Yeruzalemu,ookwo yaayaangalucha ekelezia niho yagolomoka kuza Antiokia. ²³ Kayabele yaamazileho ebilo yalugaho aaho,yaahingula omuli Galatia na Furigia yaaba naabatamo amagala abaheemba boona. ²⁴ Ha buchilo oobwo omu muzihwa gwa Efeso akahika omuyahudi oomo iziina lyoomwe ni Apolo enzaalwa yo omu muzihwa gwa Alekisandria oogwo Apolo akaba ayina obuhicha buhango omu kwookelela na akaba namanya bwooli amandiko matakatifu. ²⁵ Omuntu oogwo akaba ayegesibwe omuhada gwo omukama,Na aha kuba omwooyo gwoomwe gukaba gwine echihike omu kugaamba gaamba no kwegesa ha buteeka bwa amazima ebigambo bye emola yeezu naho ha lubazu lwo obubatizo akaba asoombookelwa obubatizo bwa Yohana bwoonka. ²⁶ Apolo yaataha omu isomelo lya Abayahudi yabanza kweegesa omwo aha kugima Prisila na akila kabahulile eebyo byegesa bya Apolo baamutwala owaabo baamuteekelela babone obweetegeeleza bwoomwe habwo omuhanda gwa muungu busaageho kuhicha kuzima. ²⁷ Nawe Apolo kayaayenzile kuzeenda omu nsi ya akaya abeekiliza bazeenzi boomwe baamugumya omuganya baabandikila abahemba bazenzi babo bamwikiliza yeezu aha mbaabazi za muungu. ²⁸ Kuba ha buhicha buhango Apolo akabahakanila abayahudi omu meeso ga abaantu omu kuboolecha kuluga omu maandiko amatakatifu nkokwo,yeezu niwe Masihi.

¹ Obuchilo Apolo yaabele ali Korinto,Paulo nawe yaaba nachingula omu mitulo ya ha mulaambo,yagolomokela omu muzihwa gwa Efeso.ookwo yabuganana abaheemba bunanaka. ² Yababuuza,obuchilo bwo mwaamwikiilize yeezu,ngasi mukanaankula omwoyo mutakatifu baamusubiza,mahi no oobu,kuhulila nkokwo aliho,titukahulize. ³ Yababuza ngasi ni bubatizo chi oobwo mwaabaatizwe bamusubiz ha bubatizo bwa Yohana. ⁴ Paulo yabagambila Yohana akabatiza abantu abatamwile ebiheno byyabo,yaaba naabagaambila nkokwo bamwikilize weenyini oogwo aleeza enyuma yoomwe niwe yeezu. ⁵ Nabo kabaahuliile ebyo bigaaambo,baabatazibwa ahi iziina lyo omukama yeezu. ⁶ Obuchilo,Paulo akaba naabateelaho emikono,ahonyhini omwoyo mutakatifu yabatuukila,babaanza kugamba aha ndimi eziindi,nibasohoza obubasi. ⁷ Na aabo abantu kubalwa kwaabo kukahika abakwata nke kumi na babili. ⁸ Paulo,akakola ameezi asatu naataha omu isomelo lya abayahudi yaaba naabitelana nabo ha kubakoonza koonza abantu habwo obukama bwa muungu,babone kwikiliza. ⁹ Naho abandi baakola emiganya ya yaabo kuba egumile bayaanga kwikiliza nibazuma omuhanda omu meeso ga abantu ha bwecho Paulo yalekana nabo,yatwala abaheemba boomwe omu isomelo lyo omuuntu ayetwe Tirano buchile yaaba nabiteelana oomwo nabo omu kubakoonza koonza habwa yeezu. ¹⁰ Paulo yaamala oomwo emyaka ebili namanyisa abantu habwa yeezu,abantu boona bo omuli Asia baahicha kuhulila echigambo habwo omukama,Abayahudi hamo na abayahudi. ¹¹ Mungu akaba naakola emeenko za amahano ha muhanda gwa Paulo. ¹² No oobu abalweele abaateelilweho eezo emyenda no otusla kuluga aha mubili gwoomwe,amalwaala gaabo gakabalugaho,na amazimu gakabalugaho abantu. ¹³ Mbweenu hakaba heena abayahudi abandi abazeenzile ooku ookwo,nibagabiinga amazimu omu baantu aabo Paulo alikwoolekeelela,nibalagila nkokwo mulugeho ha muuntu oogu. ¹⁴ Omuli aabo hakaba heena abasigazi musaanzu ba sikewa,omuyahudi oomo ali omugabe omukulu. ¹⁵ Naho izimu libi ylabasubiza,niimusoombookelwa yeezu na nimusombokelwa Paulo,naho iimwe muli baahi. ¹⁶ Ahonyini oogwo muuntu ayabeele akwaasilwe ni izimu libi yaabagulukila aabo,yabainga amagala yaabateela bwooli.kuhika beelikila ahelu bali busa beeno obuhuta. ¹⁷ Empola ye eebyo yasambala bwooli omu bayahudi no omu bayahudi abatuuuzi ba aaho Efeso abo boona baaba bazila okwetiinwa,ni iziina lyo omukama yeezu lyaabo nilikuzwa. ¹⁸ Aaho abantu beenzi abamwiikilze yeezu beegaamba omu meeso ga abantu ha bikolwa byaabo eebyo bakaba bakozile. ¹⁹ Na abantu beenzi omuli aabo abakozile amagambo go obulozi baasumbya ebitabu byaabo baabyoocha omulilo omu meeso ga abantu kabapesile obukaani bwe eebyo bitabu byoona basanga nka nikwo nibuhika ebinogoka bye Efeeza ebihumbi makumi ataanu. ²⁰ Bityo echigambo cho omukama chikasaambala omu baantu,no kusagiliza ha buhicha. ²¹ Kabyaabele byaahweele eebyo byoona,Paulo yalamula omu mwooyo gwoomwe nkokwo alabile omu nsi ya makedonia,ne ya akaya,azeende omu chikaali cha yeruzalemu yagamba aati,kaandaaba nahikileyo ookwo,kaandi ni lwampaka nhike kubona echikali cha Ruumi. ²² Bityo akabasiindika abantu babili omu bahweezi boomwe,Timoteo na Erasto,kuzenda ookwo makedonia,weenyini yasigala ha mwanya omuli Asia. ²³ Ha buchilo oobwo nyini aaho Efeso haabaha omusambo muhango bwooli habwo omuhanda guliinya. ²⁴ Kuba omuli oogwo omuzihwa hakaba heena omuheesi we ebisusano bye efeeza,iziina lyoomwe ni Demetiriusi.Nawe akaba aheesa otuzu twe efeeza twa muungu waabo we echikazi alikweetwa Aritemi,na akaba ababonesa abaheesi bazeenzibe ibona lihango. ²⁵ Wenyini akasumbya aabo abaheesi bazeenzibe hamo na abakozi abaandi abaabeele nibakola emilimo eezo,yabagambila,iimwe bakwaata,nimusombokelwa kuzima nkokwo obuheti bweetu nibutegeza isuluza eeli. ²⁶ Oobu mwaabona no kuhulila oogwo Paulo ookwo alikubakonza no kubahindula omu nsoonga abantu beenzi ba aha efeso,hamo hehi echalo choona cha Asia nagambila abantu nkokwo ebisusano eebyo bilikukolwa ha mikono ya abantu ti bamungu ba amazima. ²⁷ Eliho entaambala nkokwo eezi milimo yeetu neebanza kuhabwa iziina libi,na ti bityo kwoonka kaandi ne eenzu ya mungu weetu mukulu cha Asia no omunsi eziindi zoona,natuuchwa kuluga obukulu bwoomwe. ²⁸ Abaheesi abo kabachulile ebigambo ebyo bya Demetrio baakwaatwa echihulumuko muno,baabanza kuteela eyoombo nibagamba,Aritemi wa Abaefeso niwe mukulu. ²⁹ Omu iboma lyoona lya Efeso lyaabo no okutahwa tahwa abantu baakwaata Gayo na Aristariko abatuuzi ba makedonia abaazizile oluzeendo hamo na Paulo baatahilamo hamo omu ikobezo lye emizaano. ³⁰ Paulo yegonga nkokwo azeemo omu mbaga eezo ya abantu naho abaheemba bazeenzibe tibalamukundile. ³¹ No oobu na abandi banywaanibe omu bakulu bo ookwo,Asia nabo bamusindikila empola yo kumumwangila nkokwo ataakutaahamo omu lugo hali aabo baantu. ³² Embaga eezo baazila omubuyaangano bwooli abandi bakaba nibateela empamo bati,na abandi nibahamuka kuundi,abeenzi tibalamanyile no oobu ne echaabakobize oomwo. ³³ Abayahudi bamusiindika alekisanda omu meeso ga aabo baantu aaho abnatu abandi baamuhanuuzi ahi ilaka lihngo nawe yaabazibikiliza aha mukono aabo abantu boona nkokwo beesize habwokuba akaba naayeenda kweehohoola omu meeso gabo. ³⁴ Naho obuchilo bamanyile nkokwo weenyini no muyahudi baatela eyoombo hamo aha masaaha abili,nibagaamba,Aritemi wa abaefeso niwe mukulu. ³⁵ Omuhelo,omwanaiki mukulu wo omuli eelyo iboma yabachuleezo,aabo baantu yabagambila,iimwe bakwaata ba efeso,buli muuntu omu nsi eziindi zoona namanya nka nikwo eelyo iboma lya efeso nilyo omwimeeleezi we eenzu ya mungu mukulu Aritemi,hamo ne echisusano choomwe echelaageele kuluga omu igulu. ³⁶ Ha bweecho tihaliho omuntu oogu ayakwaangile amagambo aga,bityo nimuhatikwa muchuleele,na mutaakuzila echipaampo choona ha bwiila. ³⁷ Kuba aabo baantu aabo mwaleeta aaha,tihaliho chiintu eecho bayiba omu nzu ya bamungu beetu no oobu na mungu weetu Aritemi weenyini,tibaamulogweeza. ³⁸ Ha bweecho kabilaaba Demetirius na bazeenzibe abaheesi beene ebilegelelo no omuntu bunanka twiina ahaantu ho kulamulila ebilagilo na abamuzi be ebilagilo baliho aaho niho balikweendelwa balegelane. ³⁹ Na kamulaba mwiine amagambo agandi goona goona,mugatwaale aha mukobo gwa abantu ogulikwikililizwa ne bilagilo byetu. ⁴⁰ Kuba tweegana nka nikwo twaakaahicha kulegelelwa habwo omusambo muhango ogo twaakola leelo,nechwe titwina kalyo ako tulahicha kugamba oomwo,habwo kuba oogu musaambo gubele guli busa. ⁴¹ Kayamazile kugamba aago,yabaleeka bazeende.

¹ Ogwo omusambo kagwahwele,Paulo yayeta abahemba ba aaho kayabele yaamuzole kubagumya emiganya,yabalaga mala yazenda omu nsi ya Makedonia. ² Yaba nahingula embazu zoona no kubagumya emiganya ha bigambo biinzi,niho yaahika Bugiriki. ³ Yekala ookwo ameezi asatu,obuchilo akaba yeliliza kubanza oluzendo lwo kusuba omunsi ya Siria ha muhnda gwo bwaato bwi itaanga,Paulo yamanya nkokwo abayahudibazizile okwechanuuza kubi habwa weenyini ha bweecho yaalamula asube omu kulabila omunsi ya makedonia. ⁴ Paulo akazenda hamo na Sopatero,mutabani wa Piiro owo ookwo Beroya,hamo na Aristariko na Sekundo wo ookwo Teesalonike,na Gayo wo ookwo,Deribe,na Timoteo,na Tikiko,na Torofimo wo okwo Asia. ⁵ Aabo baantu bakeebeembela no kutuhiindilila ookwo omu muzihwa gwa Turoa. ⁶ Obuchilo byaahwa ebilo bya amazenyi ge emikate eezo etakutweebamo ituumbyo,twabuga omu bwaato bwi itanga kuluga Filipo twazenda oluzeendo lwe ebilo bitanu twahika Turoa,aaho niho twabugana na bazeenzi beetu tweekola aaho ebilo musaanzu. ⁷ Echilo cha halwamukaga olwebazo,tukakoba hamo tubone kumenyula omukate aaho Paulo yaaba naabiteelana ebigambo omu baantu ha kubakonza koonza yazendelela kugamba kuhicha ituumbi,habwokuba akaba ayina oluzeendo nyeencha eemo. ⁸ Tukakoba omu chisenge echombekilwe olugulu ye eenzu oomwo hakaba heena emuli nyiinzi. ⁹ Aho ndoleelo,ye eecho chisenge akaba ayikeeleho omusigazi ,iziina lyomwe nayetwa Eutiko.oogwo Eutiko yaatwalilizwa otulo tulemiile bwooli habwokuba Paulo akaba nazeendelela ha mwanya mula kubiteelana aha kubakoonza koonza abantu habwa yeezu,niho,Eutikio yaaba yaalemelalwa no otulo,yakongoka kuluga eenzu ya kasatu olugulu,yeechekula ahansi obuchilo abantu baamwiimucha,baasaanga yaafwile. ¹⁰ Paulo nawe yaatuuka ahansi yeenama hali oogwo omusigazi,yaamubumbatila,yaabagaambila aabo bantu aati,mutatina obulamibwe achiinabwo. ¹¹ Mala Paulo yahanama kaandi no okusuba omu chisenge cho olugulu,yamenyula omukate yalya hamo nabo yaazeendelela kusoombola kuhicha omulucheelelelwa niho yalugaho aaho yazenda. ¹² Aabo baantu baamutwaala oogwo omusigazi omuka,ali muzima,baasemelelwa bwooli omu miganya. ¹³ Iichwe twaazeenda kuhanama omu bwaato bwi itaanga,twaamwebeembelela Paulo omu kuhika ookwo Aso.Okwo niho twaakuundileene tuzekumuhiika weenyini,kuba akaba yalamwiile azenda ookwo Aso lwa amagulu. ¹⁴ Kayabageene echwe ookwo Aso,twamuhika omu bwaato,twazenda hamo kuhicha twaahika Mitilene. ¹⁵ Echili echakulaatileho,twaatweeka itaanga twaazeenda,twaanogoza kweelekelelana ni iziinga lya kiyo,nyeencha eemo twaahika omu izinga lya Samo,twekala Trogilio.echilo echakulaaatiileho,twaagoba Mileto. ¹⁶ Paulo akaba alamwiile tubuge tuhiingulizeyo Efeso,kuba akaba aakweenda ayililweyo Asia,akaba nayaangula luundi kalahicha,echilo cha Peentekoste chibone kumusanga yaahikileyo ookwo Yeruzalemu. ¹⁷ Paulo kayaahikile Mileto yayeta abanyampala be ekelezia yo okwo Efeso beeze babugane naze. ¹⁸ Kabahikile yabagambila iimwe nimumanya nka nikwo naatwiile ne emwe obuchilo bwoona kulugilila echilo cha mbele oobu naalibaatiile. ¹⁹ Nkaba nimuheeleza omukama aha kwecheesha bwooli,aha maziga na aha bileengeso naabweene habwe enteba za abayahudi. ²⁰ Tindasekile echigamo choona choona echabeele chiina omugaso omuli iimwe naho nkaheegesa ha bweelu no kuhika buli eenzu. ²¹ Nkabaatulila abayahudi hamo na abayunani abamulamya mungu nkokwo batamwe ebiheno byaabo no kumuhindukila mungu kaandi bamwikilize omukama weetu yeezu kristu. ²² Leeba obu,omwoyo mutakatifu nasindika nzeende yeruzalemu tikumanya ebigambo ebiliyo ebilaangwayo ookwo. ²³ Nimumanya kwoonka omwoyo mutakatifu naahana omuli buli iboma nka nikwo okubohwa no okuzungumisibwa niibindilila iinye. ²⁴ Naho tiikubala obulami bwanze kuba echintu choona choona cho obukaani hali iinye ninyenda kwoonka mbone kumala oluzeendo lwanze lwo obuheleza obwo naayanaankwile kuluga ha mukama yeezu,kwaatula empola nzima ze embabazi za mungu. ²⁵ Leeba oobu,nimumanya nka nikwo omuli iimwe mweena aabo naabele naahikileho no kuboolekeelela obukama bwa mungu taliho oogwo olibona kaandi obuso bwaanze. ²⁶ Ha bweecho echilo cha leelo niimbatulila nkokwo iinye ninyila,tinyina entaambala yoona yoona aha bwe ensagama yo omuntu weena weena. ²⁷ Kuba tiindeganyile kubolekela iimwe ensanga yoona ya muungu. ²⁸ Mweekomya iimwe nyini na mzeemanya embaga,yoona eezo omwoyo mutakatifu yaabaatiileho iimwe kuba abalebeeleza baabo,mubone kuzeemanya ekelezo eezo ya mungu nka abaliisa Ekelezia eezo agulize aha nsagama yoomwe weenyini. ²⁹ Niimanya nkokwo kaandiba naalugileho,abantu nke emisega ye enduluhe balyaabesakamo omuli iimwe na tibalilaka kubahutaaza nemwe. ³⁰ No oobu kuluga omuli iimwe nyini,nibeemukamo abantu abalaagaamba ebigambo ebilikuchulika amazima,no kubakoonga abaheemba babone kubakulatila bonyini. ³¹ Ha bweecho mwikale meso mwiizuke nkokwo aha myaaka isatu,nyemisana no omu chilo,tiindalekileho kuhana buli oomo weenyu ha maziga. ³² Oobu,naabahikiliza omu ngalo za mungu,na aha chigambo che embabazi zoomwe eecho chigambo chiina obuhicha bwo kubagumya no kubaha obuhuunguzi imwe hamo na aabo abakozilwe kuba abatakatifu boomwe mungu. ³³ Iinye tiindegoonbile efeeza,nali ezahabu nali emyena yo omuntu weena weena. ³⁴ Iimwe nyini nimumanya nkokwo nkaba niinkola emilimo ha mikono yaanze,habwe ebyo kuntuung iinye na bazeenzi baanze. ³⁵ Ha buli chigambo echo nkozile nkabooleka nkokwo ni lwampaka kukola emilimo aha bweeyomeleza tubone kubazuna abantu abateena magala.na kaandi twiizuke ebigambo byo omukama yeezu ebyo weenyini yaagaambile,okusohoza kwiina omugisa obusaago kuchila kwaanaankula. ³⁶ Paulo kayamazile kugamba eebyo yatela ebizwi hamo na aabo boona,yamusaba mungu. ³⁷ Buli oomo yaachula bwooli,baaba nibamubuumbatila omu bicha no kumunyweegela. ³⁸ Echaleeteliile bazululukwe muno muno chikaba chili echigambo eecho akagamba nka nikwo,tibalimubona kaandi obuso bwoomwe.Baamuseendekeleza kuhicha baamuhicha aha bwato oobwo bwi itaanga.

¹ Obuchilo katwaabele twaalagene na aabo banyapala ba Efeso,twaahaanama omuli oobwo bwaato bwi itaanga,twaabuga itaanga limo kuhicha twahika omu izinga lya kosi.kabwachile twaabuga kuzeenda omu izzinga lya Rodo kuluga aaho twabuga kaandi kuhicha twaahika omuli Patara. ² Aaho twaabugana no bwaato bwi itanga obundi obulikwambuka kuza omu nsi ya Foonike bityo twaabuhanama,twabuga hamo nabo. ³ Katwaaloliile obuhango bwi izinga lya Kipro twalahihiinguliza olubazu lwo omukono gwo obumoso,twaabuga kuzenda omu nsi ya Siria,twaatuka omuli tiilo,kuba ookwo niho obwato bweetu bwakutuuchize emigugu yaabwo. ⁴ Aaho twaabalondela no kubanana na abekiliza tweekala nabo ha bilo musanzu aabo abahemba bakaba nibamusaba Paulo ha omwoyo mutakatifu nkokwo atahanama kuzeenda yeruzalemu. ⁵ No oobu bityo,kagahwele omwanya gweetu twalugaho ookwo no kuzendelela no oluzendo lweetu aabo abahemba boona ba aaho tiho,abakwata na abakazi baabo,na abaana baabo,baatuseendekeleza ahelu ye eelyo iboma.batuhicha aha chambo aaho twaatela ebizwi twwamusaba mungu. ⁶ Katwalagene,twahanama omuli obwo bwaato bwi itaanga nabo basuba omuka. ⁷ Twaalugaho aaho Tiilo,twazendelela no oluzeendo twahika omuzihwa gwa Tolemai.aaho twayangalucha abekiliza bazenzi beetu,tweekala nabo echilo chimo. ⁸ Kabwachile,twalugaho aaho,twazenda kuhika omu muzihwa gwa kaizara,tweekala omu nzu ya filipo,wenyini akaba ali omukuumuchi we Empola nzima no oomo,omuli aabo abahweza musaanzu abatoolizwe yeruzalemu. ⁹ Oogwo Filipo akaba ayina abahala bana,abo bakaba bali ,aabo bakaba bali aba bikila,nabo bakaba nibasohoza obubasi. ¹⁰ Katwaabele tweekele ebilo biinzi aaho Kaizaaria,yatuka omubasi kuluga Yudea,iziina lyoomwe ni Agabo. ¹¹ Wenyini yaatwiizaho yatwala omusipi gwa Paulo,yekoma amagulu ne emikonoye,yagamba,omwoyo mutakatifu nagamba aati,bityo nyini nikwo abayahudi ba yeruzalemu baalamukoma omuntu owo musipi oogu nabo nibamuta omu mikono ya abamanyahanga. ¹² Mbweenu katwahulile tutyo,iichwe hamo na aabo bantu ba aaho Kaizaaria,twabanza kumuneembelela Paulo atahanama kuzenda yeruzalemu. ¹³ Naho yatusubiza aati,habwachi nimuchula no kunyita omuganya iinye ndi buligi ligi tityo kubohwa kwoonka aaho yeruzalemu no oobu kwiitwa habwi iziina lyo omukama yeezu. ¹⁴ Katwaalebile nkokwo Paulo takwikiliza kukonzwa koonzwa,tweesiza omu kugaamba,leka engoonzi yo omukama niyo ekolwe. ¹⁵ Obuchilo kabwaahwele,twakomelela,twalugaho aaho twahanama kuzenda Yeruzalemu. ¹⁶ Omu luzeendo,abaheemba abandi ba Kaizaria bakakulaatilana ne echwe,baatutwaala omuka ya mnasoni,omuntu wa Kipro omuheemba wa kala,bakenda twikale naze ha wemwe. ¹⁷ Katwahikile yeruzalemu,abekiliza bazeenzi beetu ba aaho batunyegeza ha manulilwa. ¹⁸ Nyeenchemo,Paulo yazenda hamo neetwe hali Yakobo,abanyaampala boona be ekelezia bakaba baliho. ¹⁹ Na kayaabele yaabangalukize,yabasomboolela ebigaambo byona chimo chimo mungu eebyo yakozile omu mahanga ha kulabila obuhelelezi bwoomwebwo kumugomokela mungu. ²⁰ Kbaahuliile eebyo,bamukuza mungu baamugambila Paulo bati,iiwe omwikiliza muzenzi weetu,noleeba nkokwo ebihumbi ne ebihumbi omuli aaba abayahudi aabo baamwikilize yeezu.aabo boona beena echihika omu bwoli kukulatila ebilagilo bya Musa. ²¹ Bakagaambilwa nkokwo nooyegesa abayahudi bona abalikwikala omu banyamahanga nkokwo batamukulatila musa kaandi bakagaambilwa nkokwo iiwe obalagile bataakusula ikoba lya abana baabo,nali kukulatila entungwa ze chiyahudi. ²² Mbweenu,tukole chiiha mazima nibahulila nka nikwo weezile yeruzalemu. ²³ Ha bweecho okole nkokwo tulikukugaambila twiinabo abakwaata bana aaha abatiileho omulahi omu meeso ga mungu. ²⁴ Muzeende hamo,mweeyeze hamo nabo obahlihile babone,kumwa emitwe yaabo,ha kukola tutyo,buli muuntu naamanya nkokwo empola eezo baagaambiilwe habwi iiwe ta amazima,naho iiwe nyini nozeendeelela kukwata ebilagilo. ²⁵ Naho habwa abanyamahanga abalikiliza yeeezu tukabandikila no kubaha obulamuzi bweetu,nkokwo beelige ne enyama esohweze aha mazimu,batanywa obwaamba kulya enyama ze ebitungaanwa ebihotweelwe,no obusaambani. ²⁶ Niho Paulo yabatwala aabo obakwato bana na nyeenche emo yeeyeza hamo nabo yataha omunzu ya mungu nalanga echilo cho omuheleheluko ha kweezibwa kwaabo,echilo eecho balasohoza echitambo habwa buli oomo waabo. ²⁷ Ebilo musanzu byo kweeyeza kabyeelilile kuhwa,abayahudi abalugile Asia baamubona Paulo omu nzu ya muungu basunika abantu bona baamukwaata. ²⁸ Baatela eyombo no kugamba,iimwe bakwaata ba Iziraeli mutuhweele oogu omuntu niwe alikweegesa abantu boona ba bbuli haantu ebitakukundilana na abaiziraeli,ne ebilagilo bya Musa ne eenzu eezi ya muungu no oobu obusango yatashamo abayunani omunzu ya mungu eeezo no kugokela ahantu aaba abatakatifu. ²⁹ Aabo bakagamba batyo habwo kuba bakamubona Trofimo,oogwo ali omuli Efeso ali hamo na Paulo aaho chikali cha yeruzalemu bakateekuza nkokwo Paulo yamutasha Torofimo omu nzu ya mungu. ³⁰ Echikali choona cha yeruzalemu cheezula omusambo abantu baakoba bwaangu bwaangu bamukwata Paulo,baamukulula nibamusohoza ahelu ye eenzu ya mungu,na ahonyini emilyango te eenzu ya mungu yachingwa. ³¹ Obuchilo aabo baantu bakaba nibalonda omuhanda gwo kumwita,empola zamuhikaho mukulu we embaga ya abalwanila ngoma ye echiruumi nkokwo omu chiikaali choona cha yeruzalemu chiizwiile omusambo. ³² Ahonyini yatwala abalwanila ngoma hamo na abeemeelelzi baabo,beeluka kuzenda ha lyaabo abantu aabo abantu kabaababwene aabo abalwanila ngoma bali hamo no oogwo mukulu waabo,baaleka kumuteela Paulo. ³³ Ahonyini oogwo mukulu wa abalwanila ngoma yabelila yamukwata Paulo,yaagaila nkokwo akomwe ne eminyololyo ebili yaababuza oogu no oha yakola chiiha. ³⁴ Abantu omu mbaga baabaanza kuteela eyombo,omuli aabo nibagamba eechi,abandi agesulukiza ahabwa akabuluungano aako,yalagila nkokwo,Paulo aleetwe omu olwaanzabuga luhango lwe enkaambi ya abalwaanila ngoma. ³⁵ Obuchilo Paulo kayahikile aha madaala go kutahamo omu lugo oolwo,abalwanila ngoma bakamwiimucha ha kumuchuungula kuluga omu buzihwa bwe chipipicha batu. ³⁶ Kuba echipipi chihango cha baantu chikaba nichibakulaatila nichihanamika omu kugamba,omusiingaaliche. ³⁷ Nawe Paulo kayabeele yeelilila kutaahibwamo omu olwaanzabuga lwaabo,yamubuza oogwo mukulu wa abalwanila ngoma,ngasi niinkuundilwa nkugaambile echigambo nawe yaagaamba,ngasi ne ewe noomanya echiyunani. ³⁸ Ngasi ti iiwe omumuusiri oogwo omu bilo ebihiingwile akabaandisa omusaambo no kubebeembele abesi ebihumbi bina omu nsi yo obwooma. ³⁹ Paulo,yamusubiza,iinye ndi muyahudi wo kuluga Tarso,omuchaalo cha kilikia,omwana nzaalwa wi iboma elitali lyo kugaywa niinkweeseengeleza onkuundile ingaambegaambe na baantu aaba. ⁴⁰ Mbweenu,oogwo mukulu wa abalwaanila ngoma kayabeele yaamukundile,Paulo yayemeelela aha madaala,yaabaliingulila omukono aabo baantu nkokwo besize na kabaabeele beesilize che niho yaahooya nabo omu lulimi lwe echihebrania.

¹ Paulo yabagambila iimwe badugu beetu no bataata baanze mukuhulilize okwetoonganila kwaanze omu meeso geenyu. ² Aabo baana kabahulile nkokwo Paulo nagamba omu lulimi lwaabo lwe echihebrania,bguma kwiikala beesilize bwooli Paulo yazendelela kubasombolela aha kugamba. ³ Yekala okwo amezi asatu obuchilo akaba yelizekubanza oluzendo lwo kusaba omu nsi ya Siria ha muhanda gwo bwato bwi itanga,Paulo yamanya nkokwo abayahudi baazezile okwechanuza kubi habwo weenyini.Ha bwecho yalamula asube omu kulabila omu nsi ya Makedonia. ⁴ Paulo akazenda hamo na Sopatero,mutabani wa Piiro owo ookwo Beroya,hamo na Aristariko na Sekundo wo ookwo teesalonkile na gaya wo ookwo Deribe,na Timoteo,na Tikiko na orofimo wo ookwo Asia. ⁵ Aabo baantu bakeebeembeleza no kutulindilila okwo omu muzihwa gwa Turoa. ⁶ Obuchilo nkaba ndi omu luzeendo omu kaanya nke esaho mukanga zito zo omu ihangwe neelilila kuhika Damasiko,ahonyini omwanga gwaamweka bwooli kuluga olugulu nichimweka hoona. ⁷ Naagwa ahansi naahulila ilaka niligamba Sauli,Sauli habwachi nooyagalaza. ⁸ Aaho nabuza iiwe mukama iwe oli ooha yasubiza iinye ni yeezu omunyazareti oogu iiwe olikunyagalaza. ⁹ Aabo abaabeele bali hamo ne eenye bakabona echengazi naho tibalahulile ilaka lyo oogwo akagamba gamba neenye. ¹⁰ Naambuza iiwe mukama nkole chiiha yasubiza yimelela otahemo omu muzihwa gwa Damasiko,no oomwo niho olagagaambilwa habwo byoona eebyo olagilwe obikole. ¹¹ Aaho nkaba ntakuhicha kuhweezahabwo kumweeka kwo omwanga oogwo ha bweecho aabo bazenzi baaze baankwaata emikono,baanyebeembelela,na bityo nahika Damasiko. ¹² Aaho hakaba haliho omuntu oomo,iziina lyomwe nayetwa Anania oogwo Anania akaba omugomokela mungu omu kukulatila ebilagilo bya Musa kaandi akaba nakuzwa na Abayahudi boona bo okwo. ¹³ Weenyini akanyizaho yayemelela hehi nenye yangambila iiwemwikiliza muzenzi weetu Sauli,bona kuhweza kaandi akaziingo aako nyini namuhweza. ¹⁴ Yagambila mungu wa besichwe akakutooza iwe akakola aatyo abone kusombokelwa engozi zoomwe no kumubona oogwo omugoloke no okuhilihulila ilaka lilikuluga omu konkwa ka weenyini. ¹⁵ Habwokuba nooba lubona woomwe olyaagambila abantu bona empola eezo obwene no kuhulila. ¹⁶ Mbweenu,hali chiha nooyelilwa yemelela obatizwe oyozwe ne ebiheno byaawe omu kweeta izina lyoomwe. ¹⁷ Mala,kamabele nasubile yeruzalemu obuchilo naabele byaawe,nisaba omu nzu ya mungu nkwaalilizibwa omu meezaho. ¹⁸ Namubona omukama yeezu nagambila lahuka bwangu olugemo omuli yeruzalemu habwo kuba tibakubwikiliza obubona bwaawe ha bwaanze. ¹⁹ Namusubiza,mukama bonyini ni bamanya nka nikwo nazenzile isomelo,lya Abayahudi mbone kubasiindika omu ibohelo no kubateela aabo abalikwikiliza. ²⁰ Kaandi obuchilo obwaamba bwa lubona wawe Stefano bwaasesilwe inye nkaba nyemehile ha lubazu ninyikilizana ne echikolwa eecho no kubyeemenya ebizwalo bya abaamwisile. ²¹ Naho omukama yasubiza ozende habwo kuba ninkusindikiza hala aha Abanyamahanga. ²² Eecho chipipi cha abantu bakaba nibamuhuliliza kuhicha kayagambile echigambo eecho niho baahamuka ha malaka gaabo no kuteela eyombo nibagambila,mumwiihe lugulu omu nsi eezi,takugasa alame. ²³ Aabo baantu baaba nibateela eyombo nibazula no kuhunga ebizwalo byaabo no kusamula enkuungu bwiile. ²⁴ Niho oogwo mukulu wa abalwanila ngoma boomwe nka nikwo baamutaashemo Paulo omu olwazahuga luhanga lwe enkambi yaabo kaandi yaabaga,bila bamukaguze Paulo omu kumuteela ensaanzu abone kumanya na ha bwaaachi echaaletelela oomo wa abalwanila bantu bamwanile. ²⁵ Kabamazile kumukona ne enkoba Paulo yamubuza omwimelezi oomo wa abalwanila ngoma ayemelize heehi omu kugamba ngasi ni muzilo kumuteela omurumi,achali atakachwaazikilwe. ²⁶ Oogwo mwimelelezi wa abalwanila ngoma kayahulile ebyo yazenda hali mukulu waabo,yamubuza nooyeendaa kukola chiiha ha kuba oogu muntu no omurumi. ²⁷ Oogwo omukulu wwabo yaamwizaho Paulo yamubuza ongambile iiwe oli omurumi Paulo yamusubiza eego mazima nikwo. ²⁸ Oogwo mukulu yamugambila iinye oburumi bwaanze nkabubonesa ha kuliha empilya nyiinzi Paulo yamusubiza inye ndi omurumi wo obuteeka. ²⁹ Ahonyini aabo abalwanila ngoma ababele bali bweenu kumubuliliza Paulo balugaho baamuleka.ogwo omukulu waabo nawe yatina kayamanyile nka nikwo Paulo no omurumi habwokuba akamukoma. ³⁰ Nyencha eemo,oogwo lusingo yayenda kumanya buli eecho chaletelela Paulo kulegelwa na aabo abayahudi ha bweecho yamulekulila Paulo,yalagila abakulu ba abagabe hamo ni itegekelo lya balusiingo boona bakobe hamo kahabalile yamuleeta aheelo Paulo yamwimelela omu meeso gaabo.

¹ Aho Paulo yabakomela ameso aabo abi itegekelo lya Balusiingo ba abayahudi yabagambila imwe abayahudi bazenzi baanze iine mbele nimtuul no omganya gulikwela ogutakuundegelela buchile kuhicha echilo cha leelo nitula kuzima omu meeso ga mungu. ² Omugabe omukulu Anania,kayahulile aatyo ahaonyini yabalagila abemelile heehi na Paulo nka nikwo bamuteela oluhi ha munwa kayahulile aatyo ahonyini yabalagila abemelele heehi Paulo nka nikwo bamuteela oluhi ha munwa. ³ Niho Paulo yamugambila oogwo Anania aati neewe mungu nakuteela iiwe,olusika olusigilwe eswakala iiwe noyikala aaha abone kuchwazika aha kwigana ne ebilagilo na kunu iiwe nyini tokubihikiliza ebilagilo aha kugamba nka nikwo nteelwe oluhwi. ⁴ Aaho abantu abemelile omu mpelo bamugambila mbesi nooohicha oota kumuzuma omugabe omukulu. ⁵ Paulo yabasubiza iimwe bazenzi baanze banze tinasombokilwe nka nikwo omugabe omukulu kuba chaandikilwa nka nikwo otakaba nogamba kubi ha omutegeki weenyu. ⁶ Aaho omuli aabo balusingo Paulo akasombokelwa nko kwo heenamo abasadukayo,na abafarisao ha bwecho yaahamuka ahi ilaka omu itegekelo lyoomwe ha kugamba iimwe bazeenzi iinye ndi omufarisayo omwana wa abafarisayo nichwazika habwokuba nitegeza nka nikwo abafwile baazoka. ⁷ Paulo kayamazile kugamba eebyo haba emyakaniso omuli abo abafarisayo na abasadukayo ni itegekelo lyoona basambala omu kuzogatana. ⁸ Aha nsonga abasadukayo bateekuza nka nikwo tihenamo kuzooka kwa abafwile nali kubaha kwa bamaleeka nali emyooyo busa naho abafarisayo boonyini nibakunda nka nikwo aago goona galiho. ⁹ Aaho omuli aabo bakulu haabo omusuniko bwooli omuli aabo abegesa be ebilagilo be edini za Abafarisayo beemelela bahakana nibagamba tihaliho obuzilwe bwoona oobwo twaabona aha muuntu oogu,hamo luunai omwoyo nali maleeka yagamba nawe. ¹⁰ Aabo bakulu ba abayahudi baahakana bwooli,niho oogwo omukulu wa abalwanila ngoma yatina nka nikwo bakamuaansamula Paulo ebinogoka nogoka bityo yabagambila aabo abalwanila ngoma boomwe nka nikwo batahemo omugati yaabo abayahudi lwa amani,babone kumuchungula Paulo bamutawle omu olwaanzabuga lwe enkambi yaabo. ¹¹ Omu nsimbazi ye echilo eecho,omukama ayemelela omu mpelo mwa Paulo,yamugambila,Gumya omuganya nka nikwo wanyatula aaha yeruzalemu bityo nikwo olikuhatikwa ootyo nyini onsiinze ookwo omu chikaali cha Ruumi. ¹² Kabwachile enckala aabo abayahudi bazila obuhanuzi bubi habwa weenyini Paulo,baazila endagano nka nikwo tibakulya,nali okunywa kuhicha babe baamwisile Paulo. ¹³ Aabo abakozile obwo buhanuzi bakaba bali abantu kusagaho makumi aana. ¹⁴ Bazeenda aha bakulu ba abagabe ba mungu na ha banyampala ba abayahudi babagambila twalahila kuba ne echisibo cho obutalya choona choona kuhicha twamwita Paulo. ¹⁵ Habwecho oobu,iimwe hamo ni itegekelo lya balusingo mumusabe omukulu wa abalwanila ngoma amuleete Paulo ahansi hali iimwe mweekole nka nikwo nimwenda kusombokelwa kuzima ebigambo ebyo alikuchwazikwa ne eechwe tuli buligi ligi kumwita atahikile aaha. ¹⁶ Obwo buhanuzi bubi bwa abayahudi abo,kasi omu ihwa wa Paulo ali omwaana wa manyanya aba yabahulila bityo yazenda omuli oolwo olwazabuga luhango lwa abalwaanila ngoma,yamumanyisa Paulo. ¹⁷ Aaho Paulo yamweta omwimelelezi oomo wa abalwanila ngoma yamugambila otwale oogu musigazi aha mukulu habwokuba ayina echigambo eecho alamugambila. ¹⁸ Ha bweecho oogwo omwimelelzi yamutwala aagwo musigazi ahali omukulu yamugambila oogwo embohe Paulo yaanyeta yaansaba nka nikwo nkuletela oga musigazi iingu ayina echigambo cho kukugambila. ¹⁹ Oogwo omukulu yamukola omusigazi oogwo aha mukono yamutwala aha bweeseleke,yamubuzuza noyenda kuugambila chiiha. ²⁰ Oogwo musigazi yamusubiza abayahudi bakozile obuhanuzi nka nikwo bakusabe obaletele Paulo nyeencha omu meeso gi itegekelo lya Balusiingo baabo nibeekola nka nikwo nibeenda kusonokelwa kuzima amagambo aago alikuchwazika. ²¹ Naho otakukuonzwa kwoonzwa habwokuba heena abayahudi kusagiliza makumi aana bali bweemi kamubandila Paulo oobu nibelonza,balindilile kwoonka obakundile. ²² Aho omukulu oogwo yamugambila omusigazi oogwo omu kugamba otamugambila omuuntu weena nka nikwo wamanyisa ezi mpola niho yamukundila azeende. ²³ Kahabalile oogwo mukulu yayetwa abemelelezi babili ba abalwanila ngoma abali ahansi yoomwe yabagambila muloonza abalwanila ngoma magano abili abalazenda lwa amagulu,hamo na abandi makumi musanzu abalazenda aha falaasa na abandi magana abili abalazenda bemukize amachumu.Abo boona babe bweemi kulugaho aha esaha isatu zo omu chilo abo kuzenda omu muzihwa gwa kaizaria. ²⁴ Paulo nawe ahabwe efalaasi zo kuhanam abone kuhika kuzima owo omwaanngwa Feliki. ²⁵ Oogwo mukulu wa abalwanila ngoma yayaandika olwandiko olulikugamba luti. ²⁶ Iiwe owe isima omwanangwa Feliki iinye Klaudio,Lusia nikwangalucha. ²⁷ Oogu muntu akakwatwa na abayahudi nibeenda bamwita naho inye nkeeza na abalwanila ngoma banze namuchungula nkabe nagambilwa nka nikwo weenyin no omuruumi. ²⁸ Nkenda kumanya ensonga eezo abayahudi bakaba nibamulegelela ha bweecho namutwala omu meeso gi itegekelo lyo balusingo baabe. ²⁹ Namanya nka nikwo nibamulegela aha amabuuzo aago gali habwe ebilagilo byaabe naho aha lyango gi yalegelelwa nago tihaliho echigambo choona choona echo echakuleteleelile ayitwe nali kubohwa. ³⁰ Naho kanamanyisizwe empola nka nikwo heena obuhanunuzi bubi habwa weenyini namusindika ookwo hali iiwe,kaandi nkabalagila abo abalegeelezi boomwe nka nikwo ookwo niho beeze bamulegelela omu meeso gaawe. ³¹ Ha bweecho aabo abalwanila ngoma bamutwala Paulo nka nikwo balagiilwe bamutwala omu chilo oomwo nyini bamuhicha omu muzihwa gwa Antipatri. ³² Kabwachile aabo abalwanila ngoma abaazenzile lwa amagulu basuba omu lwaanza buga lwaabo oluhango baableka bazeenzi baabo abazeenzile lwe efalaasi bazeende hamo na Paulo. ³³ Obuchilo abo bahika okwo omu muzihwa gwa kaizaaria,no kumuhikiliza omu mikono yo omwanaanaangwa olwo lwandiko baahikiliza nawe Paulo hali weenyini. ³⁴ Omwanaanaangwa kayamazile kusoma oolwo lwandiko yababuza oogu muntu no wa eensi chi obuchilo yasomboolilwe nka nikwo Paulo no owa kilikia. ³⁵ Yamugambila,amagambo gaawe,ningahuliliza obuchilo abalegeelezi baawe kabaleeza aaho oogwo omwanangwa yalagila nka nikwo Paulo bamweemanye omu chikali cho obutegeki bwa Herode.

¹ Kabyabele byahiingwiile ebilo bitanu,omugabe omukulu Anania yatuka aaho omu muzihwa gwa kaizaaria.Akahika hamo na abanyampala bache ba Bayahudi,no omutoongani oomo,iziina lyoomwe ni Tertulo aabo boona bamumanyisa omwaanaangwa Felikiamagambo aago bakaba nibamulegelela Paulo. ² Paulo kayayesilwe atahemo omugati Tertulo yaabanza kumulegelela naagamba,owi isima Feliki,ha bwaawe nitubona obuhoolo bwinzi omu nsi yaawe na ha bwimemeelelezi bwawe amagambo mabi nigasemezibwa kusaaga habwi ihaanga eeli. ³ Mbweenu nitugenankula amagambo aaga goona hali buli muhanda buli boona ha kusiima bwooli. ⁴ Naho ntaakwiiza kukutamisa bwooli nitukusaba otwegumisiliza kutuhuliliza amagambo mache ha bufulu bwaawe. ⁵ Twamubona omuntu oogu no muzaza,omutandiko wo omusambo omu Bayahudi boona omu nsi kaandi mwembembezi we embaga ya ababisa elikwetwa abanazareti abatakukundilana ne ediini yeetu. ⁶ Kaandi akaleengesa okulofola eenzu ya mungu ohinini twaamukwata twayenda kumuchwazika aha kwiingana ne ebilagilo byeetu. ⁷ Naho oogwo mukulu wa abalwanika ngoma lisia yaahika yamutunyanga lwa amani kuluga omu ngalo zeetu. ⁸ Yalagila nka nikwo abalegelezi boomwe bahika omu meeso gaawe.obuchilo iiwe nyini olaamucheengelela niho olamanya amazima ge eebi bigambo byoona eebyo twaamulegelela hali iiwe. ⁹ Aago amagambo go mwa Tertulo,abayahudi baakundilana nago nikwo na aga amazima. ¹⁰ Aaho omwanangwa yamuhingulila Paulo nka nikwo nawe agambe bityo nawe yabanza kugamba,iinye nimanya nka nikwo iiwe olabele omulamuzi we eensi eezi ha mwanya gwe emyaka miinzi.bityo iinye naanulilwa kweetonganila omu meeso gaawe. ¹¹ Iiwe nyini wakaahichiza kweekomenteleza kuzima nka nikwo tibikahiinwile kusaga ebilo ikumi na bibili kulugilila obuchilo nahamila kuzeenda yeruzalemu kumulamyaookwo muungu. ¹² Aaba abalikundegelela tibalangile ondi omu kuhakana na abantu nali ahaantu ahandi omu iboma. ¹³ Kaandi aaga amagambo ago kuudengelela tibakuhicha kumanyisa nka nikwo na aga amazima. ¹⁴ Aaga ndikwigaamba omu meeso gaawe nimukumya muungu wa besichwe enkulu no kumuhelelza aha kulabila omuhanda,oogwo abantu aaba nibagamba ne embaga ya ababisa be edii yeetu,hamo na aago,ninyikiliza amagambo goona agalikuzendana ne ebilagilo bya Musa na agayandikilwe omu bitabu bya ababaasi. ¹⁵ Neenye nimutegeza mungu nka abantu aba ookwo nabo balikumutega,nkokwo muungu alaazoola abafwile boona abagololoke,hamo nababisa. ¹⁶ Habwecho ninyeeyomeleza obucha no obuchile kutuula no omuganya galikwela ogwo ogutakuundegelela omu meeso ga muungu,nali omu meeso ga abantu ebilo byoona. ¹⁷ Mbweenu kanabele namazile emyakamlinzi ntaliho Yeruzalemu nkasuba mbone kubaletela abantu baanze echo kubagasa habwa abahabi no kusohoza ebigabo hali muungu. ¹⁸ Obuchilo aaba baantu abannsaangile ninkola aago omunzu ya muungu nkaba nayeyeliza kaandi tiindaziilemo omwo hamo ne embaga ya abantu nali kukola omusambo oomwo omunzu ya muungu bakaba balimo abayahudi abandi abalagile Asia. ¹⁹ Aabo nibo bakaba bahikilwe kundegela aaha hali iiwe kabyaakubele beena echigambo choona ha bwinye. ²⁰ Nali aaba abaliho aaha,bagambe ebiheno boona ebo baabweene hali iine obuchilo nayemelile omu itegekelo lya Balusingo ba bayahudi. ²¹ Bagambe boona naho kwoonka obuchilo nindaya ahi ilaka lihango omu meeso gaabo omu kugamba,iinye nichwazika omu meeso geenyu lelo habwo kuba nitegza nka nikwo abafwile balazooka. ²² Feliki akasombokelwa kuzima empola yo omuhanda bityo yayemeleza ha mwanya itegekelo eezo nabagaambila aabo abalegeelezi ba Paulo aati,nindamula omuchwaziko habwe entogana yaanyu obuchilo oogwo omukulu wa abalwaanila ngoma Lusia kaleza aaha. ²³ Aaho Feliki yamugambila omwimeelelezi wa abalwanila ngoma aati,omwekomye Paulo,naho kaandi obe nomuha omwanya gwo okwiyagalula,abanywaani bomwe babe nibakundilwa kumuhwela cho kumugasa weenyini. ²⁴ Obuchilo byaahingulwe ebilo biche oogwo Feliki yeeza na mukazi woomwe Drusila,omuhalakazi wa Abayahudi aaho yamweetela Paulo,yamuhuliliza naahoyelela habwe empola zo okwikiliza omu kwekwataanisa na Kristu yeezu. ²⁵ Yazendela kubitelamo ha kubakoza koonza habwe empola ze entuungwa nzima omu meeso ga mungu okutuula kuzima kwo kwiibalila na nka nikwo mungu alibachwazika abantu obuchilo Feliki kayahulile eebyo yatina yamusubiza Paulo omu kugamba aati,oobu wakaahicha kuzenda nikweta kaandi kiindaabonesa omwanya. ²⁶ Feliki akaba nategeza nka nikwo Paulo amuhe empilya bityo enturo nyinzi yazendelela kumweta Paulo,abone kuhoya naze. ²⁷ Kahabeele yaahingwiile emyaka ibili,Porkio Festo yatwala omwanya gwo mwa Feliki nawe Feliki akaba ayenda kweesengeleza aha Abayahudi,bityo yamuleka oomwo ibohelo.

¹ Ebilo bisatu kabyahwele bya Festo kuhika kaizaria kutwala obuteeki bwoomwe obusha,yahanama kuzenda Yeruzalemu. ² Obuchilo akaba ookwo abakulu ba abagabe ba mungu na bakulu abandi ba abayahudi beeza ooko aaho ali,bamumanyisa ebilegelelo eebyo bakaba nibamulegelela Paulo.Bamusaba bwoli. ³ nikwo abazilile embabazi amagulale Paulo aaho Yeruzalemu habwokuba bakozile obuhanuzi bwo kumwita Paulo omu muhanda. ⁴ Festo yabasubiza,Paulo nibamweekomya okwo kaizaaria ne eenye nyini ndi heehi kusubya ookwo zuba kwoonka. ⁵ Habwecho abategeki banyu bakulatila hamo ne eenye tugomoloke okwo bazenda kumulegeleka kahalaba haliho echigambo chibi habwa muuuntu oogu. ⁶ Festo yamala ebilo ebbindi munana nali ali hamo na aabo baantu yasuba aaho kaizaaria obuchilo kabwaachile yeekala aha chitebe cho kuchwazika ebilagilo yalagila nka nikwo Paulo aleetwe. ⁷ Obuchilo Paulo yahikile aaho yabasanga abayahudi abatukile aaho kuluga yeruzalemu aabo abayahudi bamuzongoloka babanza kumulegelela aha mabi meenzi agalemile naho baalemwa kusombolwa butina nka nikwo ebilegelelo eebyo bikaba bili bya amazima. ⁸ Aho Paulo nawe yabanza kwehohola omu kugamba tihenabo echilailo cha abayahudi eecho iinye nahena nali tinahena habwe eenzu ya muungu nali habwa kaizaari. ⁹ Festo omu kweenda kweeseengeleza aha abayahudi yamubuza Paulo nagamba aati ngasi wakaakuunzile kuzenda Yeruzalemu ookwo niho ozhwazikile omu meeso gaaanze aha kulegela oku. ¹⁰ Paulo yamusubiza nyimelela omu meeso ga abalumuzi be ebilagilo abatilweho na kaizaria na niho aha nyini aaho nhikiililwe kuchwazikilwa omu bilagilo tihaliho obubi oobwo nahena aha abayahudi nka nikwo iiwe nyini okwo olikumanya. ¹¹ Mbweenu kabilba nakubeha echigambo eecho echakuleteleelile nyitwe tinakwaangile kwiitwa naho kabilaba ebigambo eebyo Abayahudi bi balikuundegelela ti bya amazima taliho oogwo ayakuhicha kukwansa omu nglo zaabo nindumula okufululwa kwe ebilagilo byaanze bize kuchwazika na kaizaaria. ¹² Mbweenu Festo yeehanuuza na abanyampala bi itegekelo lyoomwe niho yamusabiza Paulo omu kugamba aati wasaba nka nikwo omuchwaziko gwaawe guzilemna kaizaria bityo nikwo olaachwaaziikwa. ¹³ Obuchilo byahingulwe ebilo omukama Agripa hamo na Bernike beeza aho kaizaria,babone kumuzilila isima Festo. ¹⁴ Aabo bamala aaho ebilo biinzi omu bilo eebyo Festo yamumanyisa oogwo mukama empola za Paulo namugambila aaha heena omuntu oomo oogwo Feliki akamusiga achingilwe omu ibohelo. ¹⁵ Obuchilo nazile yeruzalemu abakulu ba abagabe ba mungu hamo na abanyampala ba Abayhudi,bamulegelela oogwo Paulo nibasaba nka nikwo imuchwazike. ¹⁶ Nabasubiza nka nikwo iichwe Abaruumi tikazendele ketu kumuchwazika omuntu obuchilo atakeehohweele omu meeso ga abalegelezi boomwe. ¹⁷ Bityo kanasubile aaha hamo na aabo abalegeelezi bo mwa Paulo tindeeliililwe nyencha eemo neekala aha chitebe chanze cho okulamula ebilagilo naaetesa omukpba no kulagila nka nikwo Paulo aletwe. ¹⁸ Kbamuleesile aabo abalegeezi boomwe nka nikw ookwo naategza kumulegelela naho amagambo aago bamulegile tigalabeele gali mabi bwoli nka nikwo ookwo naategilize. ¹⁹ Naho bakaba nibahakana na wenyhini habwa amabuuzo ge ediini yhaabo kwoonka,na habwo omuntu oomo ayhaafwile iziina lyomwe ni yeeezu oogwo Paulo akaba nagamba nka nikwo no omulame. ²⁰ Amagambo nka aago ntindabele no obuteeka bwa nka nikwo nakugakagwiize kuzima ha bweecho namubuza Paulo kaalaba nahyikaliza kuzenda Yeruzalemu abone kuchwazika ookwo habwa amagambo aaga. ²¹ Naho Paulo yasaba nka nikwo bamweemanye kuhicha obuchilo oobwo omuchwaziko gwoomwe gulamulilwe ahali kaizaria habwecho nakunda nka nikwo bamwemanya kuhicha mbone kumutwala ahali kaizaria. ²² Aho Agripa yamugambila Festo nakayhezile kumuhuliliza omuntu oogu iine Festo yamusubiza,olaamuhuliliza nyeencha. ²³ Kabwachile,Agripa hamo no oogwo Bernike beeza aha chikuumuko chiihango.Baatahamo omu ikobezo li itegekelo nibakulatila na abakulu ba abalwaanila ngoma na abaseeza abakulu abandi abo omu iboma.Festo yalagila nka nikwo Paulo aleetwe. ²⁴ Aaho Festo yagamba aati iiwe mukama Agripa neemwe mweena aabo tuli hamo aaha oogu muuntu oogwo mulikuleeba abayahudi boona bakankuunganila ookwo Yeruzalemu na aaha batyo nyini,nibatela eyhombo omu kuhamuka nka nikwo tichikwile azendelele kulama. ²⁵ Iinye nyini tindabwene nka nikwo yaakola choona eecho echilikumugasa ayitwe naho habwokuba akalamula nka nikwo omuchwaziko gwoomwe gufulululizwe guze kulamulilwa okwo aha mukama weetu ne eenye nalamula kumusindikayo ookwo muzihwa gwa Ruumi. ²⁶ Noolu bityo tinina echigambo cha mazima habwa wenyini eechomnakumwandikila oogwo mukama wetu mukulu niho ensoonga namuleta aaha omu meeso genyu mweena na mumo muno meeso gaawe iiwe omukama Agripa,kuba obuchilo tulamala kumubuza niho ndaaha ne echigambo cho kwandika habwa weenyini. ²⁷ Kuba nindeeba ti chigambo che ensoonga nzima kusindika embohe ateena empola yoona yoona yo kumanyisa aago alikulegelelwa.

¹ Agripa yamugambila Paulo nka nikwo wakundilwa kwesombolela iiwe nyini ha bweecho Paulo yayemeleza omukono yabanza kwehohola aha kugamba. ² Iiwe mukama Agripa,leeelo ninyihulila nka nikwo inyina omugisa aha kuba ninyimelela omu meeso gaawe kwehohola hali goona aago abayahudi balikundegelela. ³ Ningamba ntyo habwo kuba iwe nosombokelwa kuzima obugteeka bwoona bwa Abayahudi no goona aago balikuhakana,ha bweecho nikusaba ompulilize aha kweyomeleza. ⁴ Abayahudi boona nibasombokelwa kuzima bwoli okwo nkaba nituula kulugilila aha buto bwanze ookwo omu nsi yeetu na kaandi okwo yeruzalemu. ⁵ Bonyini baasombokilwe aha mwanya mula na bakahicha kunyatula kabalaba nibeenda nka nikwo nkatula ndi omufarisayo omu kukulatila obuteeka bwe embaga yhe Edini yeetu oobwo bulikusaga embaga eziindi zoona. ⁶ Nenye nichwazikwa lelo aha kuba nitengeza endagano eezo mungu akalagana embaga ezindi zoona. ⁷ Ezo ndagano no obu abantu abi ahanga lyetu ne enganda ikumi ne ebil nabo nibategeza nka nikwo ookwo nyini kutegeza okwo abayahudi balikudengelela lelo. ⁸ Habwachi iimwe nimwikiliza nka nikwo tichwikle mungu abazole abafwile. ⁹ No oobu ne enye nkaba mbona nka nikwo chinkwile buli kazenele aako kakuhakanile izzina lyha yeezu omunyazareti. ¹⁰ Bityo nikwo nkakola okwo yeruzalemu,nkaba nibaboha abantu boomwe beenzi abatakatifu omu ibohelo nka nikwo okwo nkaba nikundilwa na bakulu ba abagabe ba mungu kaandi obuchilo omuli aabo nyini babele nibalamulilwa omuchwaziko gwo kwiitwa ne enye nkaba nyesa olweeso lwo kukunda kwiita kwabo. ¹¹ Enturo nyinzi na amasomelo goona nkaba nibachwazika omu kubahatika kulogweza yeezu bwooli nkaba nyine echinga chihango hali bonyini kuhicha mbalondele no kubagalaza no oobu omu maboma ga amahanga agaandi. ¹² Echilo chimo omu milimo eezo nkaba ndi omu muhanda kuzenda omu muzihwa gwa Damasiko,nyina obutegeki bwoona ne emilagi ya bakulu ba abagabe ba mungu. ¹³ Iiwe mukama obuchilo nkaba ndi omu muhanda omu mwanya gwa nyemisana ahagati ahonini naabona omwanga nigumwekelela kuluga olugulu chikaba nichimweka kuchila izooba,chatumulika embazu zeetu zona iichwe na bazeenzi beetu aabo twanzezile hamo. ¹⁴ Twena twaga ahansi nahulila ilaka niligamba omu lulimi lwetu lwe echihebrania,sauli,sauli habwachi nonyagalaza noyesasiza busa kusiba omuzele oluhimbo lwa mukama waaawe. ¹⁵ Naabuza iiwe mukama,iiwe oli oona yaasubiza iinye niwe yeezu oogu olikwagalaza. ¹⁶ Oobu oyimuke male oyimelele naakwesulukiza mbone kukutaho oobe omuzaana na kaandi lubona waanze habwo kugamba eebyo waabona,na ahali byoona eebyo ndakooleka. ¹⁷ Nahimba nikuchungula kuliuga omu ngalo za bazeezi baanyu abayahudi ne za Abamymahanga nikusinduka hali bonyini. ¹⁸ Obone kuhumbulula ameeso gabo babone kuluga omu nsimbazi no kutaha omu mwanga,no kusohola kuluga omu magala gi Isitgani bamuhindukile muungu ha muhanda oogu babone kuganyilwe ebiheno byaabo,kaandi bazile obuhunguzi hamo na boona aabo abayalizwe na kulabila okunyikilza iinye. ¹⁹ Bityo iiwe omukama Agripa kanabwene aago amesaho agalugile omu igulu tindagagayile. ²⁰ Nkabanza kwegesa abantu bo ookwo Damasiko male kaandi abantu ba yeruzalemu na abe eensi yoona ya Yudea,kuhika na abanyamahanga bityo nyini. ²¹ Aago nyini nigo entahililo abayahudi bakaankwata obuchilo basangile omu nzu ya mungu bayenda kunyita. ²² Naho mungu yaampweelile kulemwa kuhika echilo echi cha lelo habwecho ninyimelela aaha omu meeso ga bakulu,no omu meeso ga abaantu aabo abatuzi bityho nyini kusohoza obubona tihaliho amagambo na musa nka nikwo galyaaba. ²³ Kuba boona aabo bakagamba nka nikwo masihi naguswa ayagalazwa naabo owo kubanza kuzooka kulua omu bafwile abone kumanyisa obukame bwo omwanga aho baantu boomwe bayhahudi na aha abanyamahanga bityo nyini. ²⁴ Obuchilo Paulo akaba nayeholela festo yamugoza ahi ilaka lihango iiwe Paulo ngasi wasala okusoma kwaawe bwooli kukozile obone omusazi. ²⁵ Paulo yamusubiza iiwe owe isima Festo,iinye tindi omusazi aago amagambo ago ndikugamba na aga amazimu male go obwenze butekene. ²⁶ No obu omukama Agripa namanya kuzima habwa amagambo aaago nyina okwekonza nka nikwo tihenaho oobu echigambo chimo aago eecho otamanyile habwokuba tigalabele gali kukola omu bweseke ha bwecho nakumugambila aago ha kugima. ²⁷ Iwe omukama Agripa agagambilwe na abantu nogekiliza iinye nimanya amazima nka nikwo noogeekiliza. ²⁸ Aaho Agripa yamugambila Paulo,ngasi noetekuza nka nikwo nokoza iimbe omukristu aha magambo amche nka aaga. ²⁹ Paulo yamusubiza kibilaba aha magambo amche nali aha meenzi nimusubiza mungu ha bwawe na habwa aabo abandi boona abalikunhuliliza lelo,mube nke eenye okwo ndi, naho kwoonka ne ezi eminyololyo. ³⁰ Aho omukama yayemelela hamo no omwanangwa Festo na Bernike,na aabo abandi aabo bakaba beekele hamo nabo. ³¹ Kabalugileho aaho begambila omu kugamba oogu muntu takakozile choona choona echo echakulatile eyitwe nali kubohwa. ³² Agripa yamugambila Festo nagamba,oogu muntu kibyaakubele atasabile nka nikwo entoongana yoomwe echwazikwe ahali kaizaari,yaakalekulilwe.

¹ Kahabaliile yalamulwa nka nikwo tubuge no obwato bwi itanga kuza omunsi ya Italia.Bityo Paulo ne embohe abandi baahikizwa aha mwimeelelezi oomo wa abalwaanila ngoma,izina lyoomwe ni Juliasi,we embaga ya abalwanila ngoma eyaabele neeyetwa embaga yo omukama Agusto. ² Bityo twaahanama omu obwato bumo bwi itaanga bwo omuzihwa gwa Adramitio obwaaabeele nibuzeenda no kugoba omu byaambo bunanka bya Asia kwatwaalugileho tukaba tuli hamo na Aristariko,owa teesalonike omu nsi ya makedonia. ³ Kabwaachile twagoba aha chambo cha Sidooni,aaho oogwo Juliasi yamunyegeza Paulo kuzima aha kumukuundila azenda kubonana na abanywani bomwe babone kumuzuna ebikozeso byo kumugasa weenyini. ⁴ Kuluga ookwo twazenda no oluzendo lweetu twaaletwa omuyago bityo twaalabila olubazu lwi iifo lwi iziinga lya Kipro tubone kweeliga no omuyaga kuba ookwo tigulabeeyo mwiinzi. ⁵ Tukaambuka ezo enziba kuzenda aha kulabila aha ngeegeelo ya kilikia,twaahika mira omu nsi ya Likia. ⁶ Aaho,ogwo mwimelelezi wa abalwaanila ngoma yaabusaanga aaho obwato bwi itaanga kuluga Alekisandria obwaabeele nibuzeenda omu nsi ya Italia.niho yaatuhanika omuli oobwo obwato. ⁷ Twaamala ebilo biinzi omuli oobwo bwaato tuli omu kubuga mpola mpola aha lwaagalalo,tuba tweelilila omu muzihwa gwa nido.Aaho omuyaga muhango gwaatulema kuhingula olubazu oolwo tukaba tutegiize tulabile yaaleetelela tuzeende enyuma yi izinga lya Kirete,kulabila olusoonga olilikweetwa Salimone. ⁸ Twazenda nituchecheela heehi no omu iboma lya Lasea. ⁹ Omwanya mula gukaba gwahiingwiileho,noolu echilo chikulu che echisiibo chaabo chaahiingwile.Chaabaho nka nikwo kabilaba nituzendelela no oolwo luzendo,twakahicha kuba omu ntaambala.Habweecho Paulo yabahanuza aabo bazeenzibe aha kugamba. ¹⁰ Iimwe baseza,naabona nka nikwo oolu luzendo lweetu nilituleetela entaambala.Oobu bwaato bwi itanga hamo ne eezi emigugu yaayo,byoona nibisiingaalikila omu nziba noolu omuli iichwe,heena aabo abalasiingaalicha obulami bwaabo. ¹¹ Naho oogwo omwimeelelezi wa abalwanila ngoma taleekilize obuhanuzi bwa Paulo yaabona nka nikwo tibukugasa yakoonzwa koonzwa amagambo go omugobi we eezo ezaahazi,na aga kaanyina ezahazi. ¹² Hamo na ago,aaho lili eelyo igobelo hakaba hatali nazima omu buchilo bwe embeho.Ha bweecho abantu beenzi omuli oobwo bwaato bwi itanga baalamula obuhanuzi nka nikwo balugeho aaho,baalebe kabaakuhicha kuhika omu igobelo elindi omuli eelyo nyini izinga lya Kirete ahalikweetwa Foonikisi.aaho niho bakenda basigale omu buchilo oobwo obwe embeho eelyo igobelo lya kirete nilyoolekela obutuluka bwa nyakaziinzakazi hamo no omu butuluka bwa chiziba cha ntumwa. ¹³ Mbwenu,omuyaga gwe echineembe gwaabaanza kuhemba kuluga olubazu lwa nyakaziinzaakazi Gwaabakola abo obwato oobwo bateekuze nka nikwo baabona omwanya gwo kuzendelela no olwo luzendo lwaabo ookwo baabele beenzileho.Ha bweecho basimbulayo enanga baabuga nibachecheela heehi ne engeegeelo ye eelyo izinga lya Kirete. ¹⁴ Naho tigulahiingwileho omwanya mula,kuluga omuli eelyo izinga gweeza omuyanga muhago bwooli gwe echihule gwateela ogulikweetwa,obutukulu bwa chiziba cha ntumwa. ¹⁵ Oogwo muyaga gukaba niguteela omu mbazu zo oobwo obwato bwi itanga no oobu twaasiingangeene nagwa,naho gukatulema,twabwha kuza omu nziba. ¹⁶ Twaaba twaalaba enyuma ya akazinga kache akalikwetwa kauda,kaatuchiingiizaho kache aha lwagalalo tukahicha engoye obwato bweetu obuche. ¹⁷ Twaabona tubahanamike omu bwaato bwi itaanga obuchilo twaabele twaabutiilemo oomwo,aabo ababugi baabuziingilila no engoye oobwo bwaato obuhango obwi itanga butakuhicha kwaatika baatina nka nikwo bwaakaahatila aha mukunguulu gwi ikoondo lya Sirti,ha bweecho baatuka itanga lyo oobwo bwato,baabuleka obwato busiindikwe no omuyaga. ¹⁸ Echihule chihango chazendelela kuhemba no kubuteela muno oobwo bwaato,nikwo nyeenche eemo,aabo babugi balamula kunaguza emigugu omu nziba. ¹⁹ Echilo cha kasatu beeyaho ebikosezo byo obwato,baabizugunya omu nziba aha ngalo zaabo nyini. ²⁰ Byahingula ebilo binzi izooba ne enyeyeezi tizikubonwa,ne eezo enziba yaaba nezeendelela kubiha yaletela tubulwe itegezo nka nikwo titukuchila. ²¹ Aabo ababugi kabaabeele bamazile ebilo biiinzi omuli eezo nziba batokulya chiintu,Paulo yayemeelela omugati yaabo,yabagambila,iimwe babugi,obuchilo oobwo nkabahanuuza ookwo kirete nka nikwo tutakulugaho aaho,mukaba nimuhikililwa kuumpuliiliza kamwakubele muumpulilize,ebiintu byaanyu tibyaakuusiisiikeele no kusingalika biti. ²² Noolu bityo,nimusaba oobu nka nikwo mutiimbye emiganya.Ensoonga tihaliho noolu oomo omuli iimwe alaatwa naho obwaato nibwo bulasikiila. ²³ Iinye ndi omuntu wa muungu,na male ndi omuhalila woomwe omu chilo cha leelo maleka woomwe oomo ayimelile omu mpelo yanze. ²⁴ Yaagambila iiwe Paulo,otaakutiina ni lwaampaka oyimeelele omu meeso ga kaizaari,male omanye nka nikwo boona aabo abalikubuga hamo ne ewe,mungu akuheele aha mbabazi zoomwe. ²⁵ Ha bweecho iimwe abaseza,mutiimbye emiganya,kuba ninyesiga muungu nka nikwo amagambo aagoa nigaba nko ookwo aangaambile. ²⁶ Noolu bityo,nituhatikwa kubeha omu iziinga buunanka. ²⁷ Omu bilo ikumi na bina tukaba nitusiindikwa no oogwo omuyaga muhango kunu no ookwo omuli eezo nziba ya Adilia.Obuchilo kihabele omu ituumbi,aabo ababugi beehulila nka nikwo hamo beeliliza ahaachaambo. ²⁸ Nikwo baatuula endeengo omu nziba,babona nka nikwo kuhika ahaansi heena ebita makumi abili.kabeeliile mbele kache,kaandi baatuula eezo endeengo omu nziba,baabona nka nikwo kuhika ahansi heena ebita ikumi na bitaano. ²⁹ Baatina nka nikwo obwato bukaagoongile aha byaanzu,ha bweecho baatubiza omu meenzi enaanga ina za ahanyuma yo obwato obuhaango.baaba nibasaba nka nikwo hache bwaangu. ³⁰ Aaho aabo ababugi baaleengesa kuchwengela kuluga omu bwaato.Baatuucha akaato omu nziba,beekola nkokwo nibeenda kunaguza enanga olubazu lwo omu meeso go obwato obuhango. ³¹ Ahonyini Paulo yagambila oogwo omwiimelelezi wa abalwaanila ngoma hamo na abalwaanila ngoma boomwenaagaamab,aaba ababugi,kabaalaba batasigeele hamo ne emwe omuli oobu bwaato obuhango,timukuhicha kuchila. ³² Ha bweecho aabo abalwanila ngoma banogola engoye ezaabele zikomile oobwo bwaato obuche,baabelekula enziba ebutwaale. ³³ Obuchilo kinaabeele neelilila omulutuulu,Paulo yaabaneembelela aabo bazeenzibe boona balye ebyookulya kunu naagaamba,leelo mwamala ebilo ikumi na bina muli omu kutahwa tahwa,na tihaliho echiintu eecho muliile. ³⁴ Ha bweecho niimbasaba mulye mubone kuhicha kuzendelela kuba no obulame taliho weena weena omuli iimwe alabuza no oobu olusoke lumo omu mutwe gwoomwe. ³⁵ Obuchilo Paulo kayamazile kugamba aatyo,yatwala omukate,yamusiima muungu omu meeso ga aabo bona,yaagumenyula,yaabaanza kulya. ³⁶ Ahonyini aabo boona baatiimbwa emiganya,nabo baalya. ³⁷ Tweena omu bwato tukaba tuli abantu magana abili na makunu musanzu na mukaga. ³⁸ SAabo boona,obuchilo babeele baahaangile,baanaguze engano omu nziba,babone kubukola obwo bwaato buhuhuuke. ³⁹ Obuchilo kabwaachiile kuzima aabo ababugi baabona ikondo heehi elikaba hina omusenyi ahachaambo,naho tibalamanyile ne lye eensi chi.Balamula nka nikwo babwoolekeze oobwo bwato buzende buhase omuli eelyo ikondo,keelaba chiikililizeene. ⁴⁰ Nikwo baanogola engoye ze eezo enaanga baazisigayo omu nziba,baasumuulula engoye ezaabeele zikomile ensuukaani,ensutukaani zibone kutuka omu meenzi kubugisa obwato.Male baahanamika itaanga eliche eelya mbele lyo obwato bubone kusindikwa no omuyaga kuzendela omuli eelyo ikondo ahachaambo. ⁴¹ Naho oobwo bwato kabweelileho mbele,bwaahika omu iteelanilo lye engezi ibili,oomwo bwaahatila aha mukungulu,aaho bweekala obutanyegenyuka,bwaateelwa lwa amani na Amakoonzo aha chitako kuhicha bwasiingaalika. ⁴² Aabo abalwaanila ngoma bakaeehanunuza nka nikwo babanigaze aabo embohe zoona,kuba atabaha noolu omuntu oomo omuli aabo ayakuhicha kuziha akatoloka. ⁴³ Naho oogwo mwimelelezi waabo talayeenzile nka nikwo aabo abalikumanya kuziha beenaguza omu meezi babone kuhika kahicha aha chaambo. ⁴⁴ Abalaasigalila batwaale embahu nali ebinogoka ebindi byo obwato nibyo bazihise,bityo nikwo boona bakaambuka baaba baahika kuzima ahachaambo.

¹ Obuchilo twabele twagoba kazima ahachambo twasombokelwa nkokwo tuli omu ziinga elilikwetwa Melita. ² Abatuuzi ba aaho batunyegeza kuzima bwoli batuhembelela echikome habwo kuba bukaba buli obuchilo bwe embeho ne enzula ekaba neegwa. ³ Paulo yasenya oluba lwe enkwi obuchilo bukaba naazita omu mulilo enzoka yasohoza omwo aha chifunda,yeezinga zinga aha mukono. ⁴ Aabo baantu ba aaho obuchilo babwene nka nikwo ezo enzoka yeelelembya aha mukono gwa Paulo,beegambila na amazina nka nikwo oogu munona omwisi habwokuba no obu yachunguka ne eezi nziba mungu tukamwikiliza nka nikwo aabe no obulame. ⁵ Aaho Paulo yaazisusumulila eezo nzoka omu chikome na talahumile noolu kache. ⁶ Aaho abantu baba nibaleba kelaba Paulo nazimba nali naagwa ahansi aafwe baamala omwanya mula baliho mbamuleba bwoli ookwo alabaho no obuchilo baabwene nka nikwo tihaliho choona eecho yaaba bahindula ebitekuza byaabo nibagamba nka nikwo weenyini ni mungu. ⁷ Aho ha twayambukile hakaba hali no omusili gwo omutegeki wizinga eelyo izina lyoomwe ni publio,oogwo publio akatwangisa ha bafula woomwe twamala ebilo bisatu oomwa. ⁸ Omu buchilo oobwo,iise wa Publio akaba alyamile aha chitabo habwokuba akaba ayina omuswiza male akaba natuulukililza ensagama.Paulo yazenda kumwangalucha owemwe yamusabila yamutelaho engalo zoomwe yamuchiza. ⁹ Aago gaakola abalwele abana boona hao omwizinga baba nibamwizaho paulo,nabo baachizwa. ¹⁰ Abo baantu baaho batuzilila isima lihango bwooli obuchilo twabele nitwenda kubuga baatuzuna buli chintu eecho twaabele nitweenda. ¹¹ Bityo obuchilo twabele amezi asatu ituzenda omwizinga tuli omugati ye obwato obundi bwi itaanga abwabele buli aho bulindilile obuchilo oobwo oobwo obwe embeho,ho omwizinga habwokuba kabha hena abatawala boomwe kabha na abadugu babili abamarongo. ¹² Twahika omuli Sirikasi obuchilo twamazile oomwo ebilo bisatu twalugamo. ¹³ Twayambuka kuza omu muzihwa gwa Regio kabwachile omuyaga gwaaluga olubazu lwa nyakaziinzakazi gwatumwa na nyeencha eemo tuba twahikamo Puteoli. ¹⁴ Aaho twaabugana na abeekiliza bazeenzi beetu omuli Kristu,baatusaba nka nikwo twikala nabo ebilo musaanzu na aha munanda nikwo tuli omu muhanda kuzeenda aha Ruumi. ¹⁵ Abeekiliza bazeenzi beetu abo ookwo Rumi kabahulile nka nikwo tuli omu muhanda kuzeenda owaabo beeza kutunywengela omu igulizo lya Apio no ookwo ahalikwetwa eenzu isatu za abazenyi obuchilo Paulo kayabwene omu meeso yasiima mungu yaguma omu mwooyo. ¹⁶ Obuchilo twabele twahika Rumi,Paulo yakundilwa nka nikwo asigale omu nzu yoomwe weenka baamuha omulwanila ngoma wo kumwekomya. ¹⁷ Obuchilo kayamazile aaho ebilo bisatu yaayeta abakulu ba Abayahudi abo aaho kabookobile yabagambila iimwe badugu baanze tiindahenile no oobu omuntu oomo wo luganda lweetu entungwa eemo yi twalekile na besichwe enkulu nobu tityo nko kwata okwo yeruzalemu naatebwa omu ngalo za abaruumi. ¹⁸ Aabo abarumi kababeele baamubuza kuzima baayenda kundekulila habwokuba tibalabwene echiheno eecho nkakola kutwalilila nyitwe. ¹⁹ Naho abayahudi bayangile nka nikwo ntakuchingulilwa chankola nsabe nka nukwo ekeesi yaanze echazikwe kunu ahali kaizari eezo teyina ensoonga kugamba nka nikwo nkeenda kubalegelela abantu beetu. ²⁰ Kwiingana na aago nicho chiletile naabeta tubone kuhoya hamo kuba echigambo eecho nakubohelwa ne eminyololo eezi nicho eecho nyini eecho balikutegeza bazeenzi beetu abaiziraeli. ²¹ Aaho aabo abakulu ba abayahudi bamusubiza Paulo nibagamba iichwe titwiina olwandiko oolwo twaabene kuluga Yudea habwiile kaandi taliho omudugu omuyahudi chwe oogwo alugile ookwo,ayatusombolilie ebilegelelo kugamba echigambo chibi habwi iitwe. ²² Naho nitulindilila kwoonka kuhulila aago alikutekuza iiwe habwokuba edimi eezi yokukulatila nitumanya nka nikwo neelegelelwa kubi buli hoona. ²³ Habweecho bakundilana pagane ebilo balakoba okwo omunzu eeza akaba atuula echilo eecho kachahikile aabo abayahudi baakoba eezu Paulo yamala echilo choona nabamanyisa habwe empola zo obukama bwa habwa yeezu omo amaandiko agayahandikilwe na Musa no omu bitabu bya ababasi. ²⁴ Aago magaambo gi yagambile Paulo abaandi echigambo abayahundi baakoonzibwe nago,naho abandi bagaanga. ²⁵ Niho Paulo yaagamba echigambo choomwe cho okuheleluka aaho abayahudi baabanza kulugaho bateena kukundilana omuli boonyini boonka Paulo akabagambila aati omwoyo mutakatifu akabagambila amazima beesimwe enkula aha muhanda gwo omubaasi Isaya omukugaamba aati. ²⁶ Akagamba oty zenda abantu habo no ogambe kwa amatwi genyu imuhulila naho timukuelewa no kwo ameso genyu imubona naho timukumanya. ²⁷ Habwokuba kwe emiganya ya abantu haba ikaba nabalega,amatwi gabo gahulila kwe etabu muno,kabha bahumbilize ameso gabo,kwokukola batakumanya kwo ameso gabo no kumanya kwo emiganya yabo no kuhunduka kandi no nakabachilize. ²⁸ Habwokuba imutakiwa kumanya kuba obu obukombozi bwa mungu bukatwala kwo abantu aba kimataifa,no okuhuliliza okwate omustari oogu. ²⁹ Niho akaba nagamba amagambo aga abayahudi bakazenda bakaba na asingangano amakulu habo nyini tihalimo aazima zabho. ³⁰ Paulo akekala ahanzu yomwe eyo kupanga kwe emyaka zoona ebili,no akabaribisha bona abo bakeza oowomwe. ³¹ Hakaba nahoya omubutawala boomwe obwa muungu no okwigesa amagambo olugulu yo omukama yeezu kristo kwo obugimi bwoona,taliho ogwo akamuzuia.