Bible

رَسُولوں کے اَعمال

1¹۱۔ اَے تھِیُفِلُسؔ! مَیں نے گُزِشتہ رِسالہ اُن سب باتوں کو بَیان کرنے کے لئے تَصْنِیف کِیا جوباتیں یِسُوؔع نے کرنا اَور سِکھانا شُرُوع کِیں۔ ²۲۔ اُس روز تک جِس روز وہ اُن رَسُولوں کو جِنَہِیں اُس نے چُنا تھا رُوحُ الْقُدس کے وَسِیلَہ سے حُکْم دے کر اُوپر اُٹھالیا گَیا۔ ³۳۔اُس نے اپنی تَصْلِیب کے بعد بَہُت سے شَواہِد کے ساتھ خُود کواُن پر زِنْدَہ ظاہِر کِیاتھا چنان٘چہ وہ چالِیس دِن تک اُنھیں دِکھائی دیتا اور اُن سے خُدا کی بادشاہی کی باتیں کرتا رہا۔⁴۴۔ اَور اُن سے مُلاقات کے دَوران اُن کو حُکْم دِیا کہ یرُوشلیؔم سے باہَر نہ جاؤ بَلْکِہ باپ کے اُس وَعدَہ کی تَکْمِیْل کے مُنتَظِر رہو جِس کا ذِکْر تُم مُجھ سے سُن چُکے ہو۔ ⁵۵۔ کیُونکِہ یُوحنّؔا تو دَرحَقِیقَت پانی سے بَپْتِسمَہ دیتا تھا مَگر تھوڑے دِنوں کے بعد تُم رُوحُ الْقُدس سے بَپْتِسمَہ پاؤ گے۔⁶۶۔ سو جب وہ جَمْع تھے تو اُنہوں نے اُس سے پُوچھا کہ اَے خُداوند! کیا یَہی وہ وَقْت ہَے کہ تُو اِسرائؔیل کی بادِشاہی بَحال کرےگا۔ ⁷۷۔ اُس نے اُن سے کہا،اُن وَقْتوں اَور مِیعادوں کو جِنَہِیں باپ نے اپنے اِخْتِیار میں رکّھا ہَےجاننا تُمہارا کام نَہِیں۔ ⁸۸۔ لیکِن جب رُوحُ الْقُدس تُم پر نازِل ہو گا تو تُم قُوّت پاؤ گے اَور یرُوشلیِؔم اَور سارے یُہودؔیہ اَور سامؔریہ میں بَلْکِہ زمین کی اِنْتِہا تک میرے گَواہ ہو گے۔⁹۹۔ یہ باتیں کَہہ کر وہ اُن کے دیکھتے دیکھتے اُٹھا لِیا گَیا۔ اَور ایک بادَل نے اُسے اُن کی نَظروں سے اوجَھل کر دِیا۔ ¹⁰۱۰۔ اَور اُس کے جاتے وَقْت جب وہ آسمان کی طرف غَور سے دیکھ رہے تھے تو دیکھو سَفید پَوشاک پَہْنے ہُوئے دو مَرد اُن کے پاس آ کھڑے ہُوئے۔ ¹¹۱۱۔ اَور کہنے لگے اَے گلِیلِی مَردو! تُم کِیُوں کھڑے آسمان کی طرف دیکھتے ہو؟ یَہی یِسُوؔع جو تُمہارے پاس سے آسمان پر اُٹھایا گَیا ہَے اِسی طرح پِھر آئے گا جِس طرح تُم نے اُسے آسمان پر جاتے دیکھا ہَے۔¹²۱۲۔ تب وہ اُس پَہاڑ سے جو کوہِ زَیتُون کہلاتا ہَے اَور یروشلِؔیِم کے نزدِیک سَبَت کی منزِل کے فاصِلہ پر ہَے یروشلِؔیِم کولَوٹے۔ ¹³۱۳۔ اَور جب اُس میں داخِل ہُوئے تو بالا خانہ میں گئے جہاں وہ یَعْنی پَطؔرس، یُوحنّؔا، یعقُؔوب، اندریاؔس، فِلؔپُّس، تؔوما، برتُلؔمائی، متّؔی، حلؔفئ کا بیٹا یعقُؔوب، شمعُؔون زیلؔوتیس اَور یعقُؔوب کا بیٹا یہُوداؔہ ٹھہرے ہُوئے تھے۔ ¹⁴۱۴۔ یہ سب کے سب چند عَورتوں اَور یِسُوؔع کی ماں مریؔم اَور اُس کے بھائِیوں سمیت یِک دِل ہو کر دُعا میں مشغُول رہے۔¹⁵۱۵۔ اَور اُنہی دِنوں پَطؔرَس بھائِیوں کے دَرمِیان جِن کا شُمار ایک سَو بِیس کے قَرِیب تھا کھڑا ہو کر کہنے لگا۔ ¹⁶۱۶۔اَے بھائِیو اُس کلام کا پُورا ہونا لازِم تھا جو رُوحُ الْقُدس نے داؤُؔد کی زَبانی اُس یہُؔوداہ کے بارے میں پہلے سے کیاتھا جو یِسُؔوع کو پکڑنے والوں کا رَہْنُما بنا۔¹⁷۱۷۔ کیُونکِہ وہ ہم میں سے ہی تھا اَور اُس نے اِس خِدْمَت کا حِصَّہ بھی پایا۔ ¹⁸۱۸۔ (اُس نے شَرارَت کی کمائی سے ایک کھیت خَرَیدا اَور وہ وہاں سَر کے بَل گِرا اَور اُس کا پیٹ پَھٹ گَیا اَور اُس کی سَب اَنتْڑیاں نِکل پڑِیں۔ ¹⁹۱۹۔ اِس واقعہ کا چَرچا یروشلؔیِم کے تمام باشِنْدَوں میں ہوگَیا، اِس لئے یہ کھیت اُن کی مَقامی زبان میں "ہَقَل دؔما" کے نام سے مَشہَور ہوگَیا جِس کا مطلب "خُون کا کھیت" ہَے۔)²⁰۲۰۔ کیُونکِہ زبُور کی کِتاب میں یُوں لکِھا ہَے کہ اُس کا مَسِکن اُجڑ جائے۔

اَور اُس میں بسنے والا کوئی نہ رہَے۔ اَور یہ کہ اُس کا عُہدہ کوئی اَور لے لے۔

²¹۲۱۔ سو جومَرد اُس مُدّت تک مُسْتَقِل مارے ساتھ رہے جِس میں خُداوند یِسُؔوع ہمارے ساتھ آمَدورَفْت کرتا رہا۔ ²²۲۲۔ یَعْنی یُوحنّؔا کے بَپْتِسمَہ سے لے کر خُداوند کے ہمارے پاس سے اُٹھالئے جانے تک لازِم ہَے کہ اُن میں سے ایک ہمارے ساتھ اُس کی قَیامَت کا گَواہ بنے۔ ²³۲۳۔ پِھر اُنہوں نے دواَشخاص یَعْنی یُؔوسف جو برؔسبّا کہلاتا اَور جِس کا لقب یُوستُؔس ہَے اَور متّؔیاہ کو پیش کِیا۔²⁴۲۴۔ اَور یہ کَہہ کر دُعا کی کہ اَے خُداوند تُو جو ہر ایک کے دِل کو جانتا ہَے ظاہِر کر کہ اِن دونوں میں سے تُو نے کِسے چُنا ہَے۔ ²⁵۲۵۔کہ وہ اِس خِدْمَت اَور رِسالَت کی جگہ لے جِس سے یہُؔودہ خارِج ہُؤا تاکہ اپنی جگہ جائے۔ ²⁶۲۶۔ پِھر اُنہوں نے اُن کے مُتعلِق قُرّعہ ڈالا اَور قَرْعَہ متّؔیاہ کے نام کا نِکلا۔چنان٘چہ وہ اُن گَیارہ رسُولوں کے ساتھ شُمار ہُؤا۔

2¹۱۔ جب عِیدِ پینتکُِست کا دِن آیا تو وہ سب ایک جگہ جَمْع تھے۔ ²۲۔ 2۔ اَور اچانَک آسمان سے ایسی آواز آئی جیسے تُند ہَوا کا سنّاٹا اَور اُس سے سارا گھر جہاں وہ بیٹھے تھے گُونج اُٹھا۔ ³۳۔ 3۔ اَور اُنَہِیں آگ کے شُعلے کی سی زُبانیں دِکھائی دیں۔اَور اُن میں سے ہر ایک پر آ ٹھہریں۔ ⁴۴۔ اَور وہ سب رُوحُ الْقُدس سے مَعْمُور ہوگئے اَور دِیگَر زُبانیں بولنے لگےجِس طرح رُوح نے اُنَہِیں بولنے کی تَوفِیق عَطا کی۔⁵۵۔ اَور آسمان تلے کی ہر ایک قوم میں سے خُدا ترس یُہُودی یرُوشلؔیِم میں رہتےتھے۔ ⁶۶۔ جب یہ آواز آئی تو بھیڑ لگ گئی اَور لوگ شَشْ و پَنْج میں پڑگئے کیُونکِہ ہَر ایک کو یَہی سُنائی دیتا تھا کہ یِہ میری ہی بولی بول رہے ہیَں۔ ⁷۷۔ اَور سب حَیران و مُتَعَجِّب ہو کر کہنے لگے دیکھو!کیا یہ بولنے والے سب گلِیلی نَہِیں؟⁸۸۔ پِھر ہم میں سے ہَر ایک اپنے اپنے وَطَن کی بولی کِیُوں کر سُنتا ہَے؟ ⁹۹۔ حالانکہ ہم پارْتھی ، مادی اَور عیلامی ہیں، اَور مسوپتامِیہ، یُہُودیہ، کَپّدُکؔیہ، پُنطُؔس، آسِؔیہ، ¹⁰۱۰۔ فرُوگؔیہ، پمفیِلؔیہ کے علاقوں کےاَور مِصؔری ہَیں اَور لِؔبوآکے اُن عِلاقوں میں سے ہَیں جو کرینؔے کی طرف ہَیں اَور رُومی مُسافِر خَواہ یُہُودی خَواہ اُن کے مُرِید، کریتی اَور عَربؔ ہَیں۔ ¹¹۱۱۔ کیا یُہُودی کیا نَو مُرِید اَور کریتی اَور عَؔربی۔ ہم اپنی اپنی زُبان میں اُن سے خُدا کے عَجِیب کاموں کا بَیان سُنتے ہَیں۔¹²۱۲۔ اَور سَب حَیران ہُوئے اَور تَعَجُّب کر کے ایک دُوسرے سے کہنے لگے کہ یہ کیا ہُؤا چاہتا ہَے؟ ¹³۱۳۔ بَعْض نے طنزً کہا کہ یہ تو نئی مَے کے نَشّے میں ہَیں۔¹⁴۱۴۔ تب پَطؔرَس نے اُن گَیارہ کے رُوبَرُو کھڑے ہو کر اپنی آواز بَلَنْد کی اَور اُن سے کہا۔ اَے یُہُودی مَردو اَور یرُوشلؔیِم کے سب رہنے والو! یہ جان لو اَور کان لگا کر میری باتیں سُنو! ¹⁵۱۵۔ جیسا تُم نے فَرض کر لِیا ہَے،یہ نَشَہ کی حالَت میں نَہِیں ہَیں، اِس لئے کہ ابھی تو دِن نِِکلے تین ہی گھنٹے گُزرےہَیں۔¹⁶۱۶۔ بَلْکِہ یہ تو وہ بات ہَے جو یوئیلؔ نَبی کی مَعرِفَت کہی گئی تھی کہ ¹⁷۱۷۔ (خُداوند فَرْماتا ہَےکہ) آخری دِنوں میں اَیسا ہوگا۔

کہ مَیں اپنی رُوح ہر بشر پر اُنڈیلُوں گا۔

اَور تُمہارے بیٹے اَور تُمہاری بیٹیاں نبُوّت کریں گی۔

اَور تُمہارے نَوجوان رویا دیکھیں گے۔

اَور تُمہارے بُوڑھوں کو خواب دیکھیں گے۔

¹⁸۱۸۔ بَلْکِہ مَیں یقیناً اُن دِنوں میں اپنے بندوں اَور اپنی بندیوں پر اپنی رُوح اُنڈیلْوں گا۔ اَور وہ نُبُوَّت کریں گے۔ ¹⁹۱۹۔ مَیں اُوپر آسمان میں عَجائِب۔ اَور نِیچے زمین پر کَرِشمے دِکھاؤُں گا۔

یَعْنی خُون اَور آگ اَور دُھوئیں کا بادَل۔

²⁰۲۰۔ خُدا کے روزِعَظِیم و جَلِیل کی آمَد سے پیشْتَر سورَج تارِیکی میں ڈھل جائے گااَور چاندخُون ہو جائے گا ²¹۲۱۔ اَور یُوں ہو گا کہ جو کوئی خُداوند کا نام پُکارے گا نَجات پائے گا۔²²۲۲۔ اِے اِسرائِیلِیو! یہ باتیں سنُو کہ یِسُؔوع ناصَرِی ایک شَخص تھا جِس کا تُم پر خُدا کی طرف سے ظاہِرہونا اُن مُعْجِزَاْتْ اَور عَجِیب کاموں اَور نِشانوں سے ثابِت ہُؤا جو خُدا نے اُس کی ذَرِیعہ تُمہارے دَرمِیان دِکھائے۔جِیسا کہ تُم خُود جانتے ہو۔ ²³۲۳۔ جب وہ خُدا کے مُقَرّرَہ مَنصُوبہ اَور عِلمِ سابِق کے مُطابِق پکڑوایا گَیا تو تُم نے اُسے بے شَرع لوگوں کے ہاتھوں مَصلُوب کروا کر مار ڈلا۔ ²⁴۲۴۔ لیکِن خُدا نے اُسے مَوت کی اَذِیّت ناک گرِفت سے آزاد کر کے جِلایا کیُونکِہ مُمکِن نہ تھا کہ وہ اُس کے قَبضہ میں رہتا۔²⁵۲۵۔ کیُونکِہ داؤُؔد اُس کے مُتَعلِق کہتا ہَے کہ مَیں خُداوند کو ہَمیشہ اپنے سامنے دیکھتا رَہا۔

کیُونکِہ وہ میری دِہنی طرف ہَے تاکِہ مُجھے جُن٘بِش نہ ہو۔

²⁶۲۶۔ اِسی سَبَب سے میرا دِل خُوش ہُؤا اَور میری زُبان نے خُوشی سے نَعرے لگائے۔ اَور میرا جِسم بھی اُمید میں جِیتا رہے گا۔²⁷۲۷۔کیُونکِہ تُو میری جان کو پاتال میں نہ چھوڑے گا، اَور نہ ہی اپنے مُقَدَّس کو گلنے سڑنے دے گا۔ ²⁸۲۸۔ تُو نے مُجھے زِندَگِی کی راہوں سے آگاہ کر دِیا ہَے اَور تُو اپنے حُضُور مُجھے خُوشی سے مَعْمُور کرتا ہَے۔²⁹۲۹۔ اَے بھائِیو!مَیں قوم کے بزرگ داؤُؔد کے مُتَعَلِّق تو تُم سے دَلیری سے کَہہ سکتا ہُوں کہ وہ مُؤا اَور دَفن بھی ہُؤا اَور اُس کی قَبر آج تک ہمارے دَرمِیان مَوجُود ہَے۔ ³⁰۳۰۔ لیکِن وہ ایک نَبِی تھا اَور جانتا تھا کہ خُدا نے اُس سے قَسم کھائی ہَے۔ کہ اُس کی نَسل میں سے ایک شَخص اُس کے تَخْت پر بیٹھے گا۔ ³¹۳۱۔ اُس نے پیشْ گوئی کے طَور پر مَسِؔیح کی قَیامت کا ذَکر کِیا کہ نہ وہ عالمِ اَرواح میں چھوڑا گَیا نہ اُس کے جِسم کے سڑنے کی نَوبت آئی۔³²۳۲۔ اِسی یِسُؔوع کو خُدا نے جِلایا جِس کے ہم سب گَواہ ہَیں۔ ³³۳۳۔ سو اُس نے خُدا کے دہنے ہاتھ سر بَلَنْدی پاتے ہوتے ہُوئے باپ سے وہ رُوحُ الْقُدس حاصِل کر کے جِس کا وَعدَہ کیا گَیا تھا نازِل کِیا جو تُم دیکھتے اَور سُنتے ہو۔³⁴۳۴۔ کیُونکِہ داؤؔد خُود تو آسمان پر نَہِیں چڑھا۔ پِھر بھی وہ کہتا ہَے کہ خُداوند نے میرے خُداوند سے کہا کہ میری دَہنی طرف بیٹھ۔ ³⁵۳۵۔ جب تک مَیں تیرے دُشمنوں کو تیرے پاؤں تَلے کی چَوکی نہ کر دُوں۔ ³⁶۳۶۔ پس اِسرائؔیل کا سارا گھرانا یقیِن جان لے کہ خُدا نے اُسی یِسُؔوع کو جِسے تُم نے مصلُوب کِیا خُداوند بھی بنایا اَور مَسِؔیح بھی۔³⁷۳۷۔ اَب جب اُنہوں نے یہ سُن لِیا تو اُن کے دِل چَھلنی ہو گئے اَور اُنہوں نے پطؔرس اَور باقی رسُولوں سے کہا کہ اَے بھائِیو!اَب ہم کیا کریں؟ ³⁸۳۸۔ اِس پر پطؔرس نے اُن سے کہا کہ توبہ کرو اَور تُم میں سے ہر ایک اپنے گُناہوں کی مُعافی کے لئے یِسُؔوع مَسِؔیح کے نام پر بپتِسمہ لے توتُم رُوحُ الْقُدس کا اِنعام پاؤ گے۔ ³⁹۳۹۔ اِس لئے کہ یہ وَعدَہ تُم، تُمہاری اولاد اَور اُن سب دُور کے لوگوں سے ہَے جِن کو خُداوند ہمارا خُدا اپنے پاس بُلائے گا۔⁴⁰۴۰۔ اَور اُس نے مَزِید بَہُت سی باتیں جَتا جَتا کر اُنَہِیں یہ نَصِیَحت کی کہ اپنے آپ کو اِس ٹیڑھی نَسل سے بچاؤ۔ ⁴¹۴۱۔ پس جِن لوگوں نے اُس کا کلام قُبُول کِیا اُنہوں نے بَپْتِسمَہ لِیا اَور اُسی روز تین ہزار آدَمِیوں کے قرِیب اُن میں شامِل ہو گئے۔ ⁴²۴۲۔ وہ رسُولوں سے تَعلِیم حاصِل کرنے، رَفاقت رکھنے، روٹی توڑنے اَور دُعا کرنے کے لئے وَقف ہو گئے۔⁴³۴۳۔ اَور ہر شَخص پر ایک خَوف سا تاری ہو گَیا کیُونکِہ رسُولوں کے ذَرِیعہ سے بَہُت سے عَجِیب کام اَور نِشان ظاہِر ہُوئےتھے۔ ⁴⁴۴۴۔اَور جو لوگ اِیمان لے آئے تھے وہ سب ایک جگہ رہتے اَور سب چِیزوں میں شرِیک تھے۔ ⁴⁵۴۵۔ اَور اپنا مال واَسباب بیچ بیچ کر ہر ایک کی ضُرُورَت کے ُمطابِق سب کو تَقسِیم کر دِیا کرتے تھے۔⁴⁶۴۶۔اَور ہر روز یک دِل ہو کر ہَیکَل میں جَمْع ہُؤا کرتے، گھروں میں فراخ دِلی سے روٹی توڑ کر خُوشی اَور سادہ دِلی سے کھانا کھایا کرتے تھے۔ ⁴⁷۴۷۔ اَور وہ خُدا کی حَمْد کرتے اَور سب لوگوں کو عَزِیز تھے اَور جو نَجات پاتے تھے اُن کو خُداوند ہر روز اُن میں شامِل کر دیتا تھا ۔

3¹۱۔ پَطؔرَس اَور یُوحنّؔا دُعا کے وَقْت یَعْنی دِن کے نَویں گھنٹے ہَیکَل کوجا رہے تھے۔ ²۲۔ اَور لوگ ایک پیدائشی اَپاہَج کو لا رہے تھے جِسے ہر روز ہَیکَل کے اُس دَروازہ پر بِٹھا دِیا کرتے تھے جو خُوبصُورَت کہلاتا ہَے تاکہ ہَیکَل میں جانے والوں سے بِھیک مانگا کرے۔ ³۳۔ ۔جب اُس نے پطؔرس اَور یوُحنّؔا کو ہَیکَل میں جاتے دیکھا تو اُن سے بھی بِھیک مانگی۔⁴۴۔ پَطؔرس اَور یُوحنّؔا نے اُس پر غَور سے نَظَر کی اَور پَطؔرس نے اُس سےکہا ہماری طرف دیکھ۔ ⁵۵۔ اُن سے کُچھ ملنے کی اُمید پر وہ اُن کی طرف مُتوَجِّہ ہُؤا۔ ⁶۶۔ لیکِن پَطؔرس نے اُس سےکہا چاندی اَورسونا تو میرے پاس نَہِیں ہَے، پر جو کُچھ میرے پاس ہَے وہ تُجھے دِیا چاہتا ہُوں۔ یِسُؔوع مَسِؔیح ناصِری کے نام سے اُٹھ اَور چَل پِھْر۔⁷۷۔ اَورپھر اُس کا دَہْنا ہاتھ تھَام کر اُس کو اُٹھایا اَور اُسی دَم اُس کے پاؤں اَور ٹَخْنے مَضْبُوط ہو گئے۔ ⁸۸۔اَور وہ اُچھل کر کھڑا ہو گَیا اَور چلنے پِھْرنے لگا اَور چلتا،اُچھلتا اَور خُدا کی حَمْد کرتا ہُؤا اُن کے ساتھ ہَیکَل میں چلا گَیا۔⁹۹۔ اَور سب لوگوں نے اُسے چلتے پِھرتے اَور خُدا کی حَمْد کرتے ہُوئے دیکھا۔ ¹⁰۱۰۔ اَور اُسے دیکھا اَور پَہْچان لِیا کہ یہ تو وَہی ہَے جو ہَیکَل کے خُوبصُورَت دَروازے پر بیٹھ کر بھیک مانگا کرتا تھا۔ اَور جو واقع اُس پرگُزرا تھا اُس سے نِہایَت حَیران اَور مُتَعجِّب ہُوئے۔¹¹۱۱۔ سو وہ سب دَوڑتے ہُوئےسُلؔیمان کے برآمدہ میں آئے جہاں وہ اب تک َپطؔرس اَور یُوحنّؔا سے لِپٹا ہُؤا تھا۔ ¹²۱۲۔ ۔یہ دیکھ کر پَطؔرس نےاُن لوگوں سے کہا اَے اِسرائِیلِیو! تُم اِس پر تَعجُّب کِیُوں کرتے اَور ہمیں اِس طرح کِیُوں دیکھ رہَے ہو کہ گویا ہم نے اپنی قُدرَت یا دِین دارِی سے اِس شَخص کو چلنے پِھْرنے کے قابِل کر دِیا۔¹³۱۳۔ اِبرہاؔم اَور اِضؔحاق اَور یعقُؔوب کے خُدا یَعْنی ہمارے باپ دادا کے خُدا نے اپنے بندہ یِسُؔوع کو جلال دِیا جِسے تُم نے گِرِفْتار کروایا اَور جب پِیلاطُؔس نے اُسے رِہاکر دینے کااِرادہ کِیا تو تُم نے اُس کے سامنے اُسے رَدّ کِیا۔ ¹⁴۱۴۔ تُم نے ایک قُدُّس اَور راسْت باز کو رَدّ کر کے ایک قاتِل کی رِہائی کی دَرْخواسْت کی۔¹⁵۱۵۔ اَور زندگی کے بانِی کو قَتل کِیا، جِسے خُدا نے مُردوں میں سے جِلایا اَورہم اِس بات کے گَواہ َہیں۔ ¹⁶۱۶۔ اُسی کے نام نے اُس اِیمان کی بِنا پرجو اُس کے نام پر ہَے اِس شَخص کو مَضْبُوط کِیا جِسے تُم دیکھتے اَور جانتے ہو۔ بیشَک اُسی اِیمان نے جو اُس کے وَسِیلَہ سے ہَے یہ کامِل صِحَت تُم سب کے سامنے اُسے دِی۔¹⁷۱۷۔ اَور اب اَے بھائِیو! مَیں جانتا ہُوں کہ تُم نے یہ کام لاعِلمی میں کِیا اَور اَیسا ہی تُمہارے سَرداروں نے بھی کِیا۔ ¹⁸۱۸۔ مَگر جِن باتوں کی خُدا نے سب انبِیاء کی زُبانی پیش گوئی کی تھی۔ یَعْنی کہ اُس کا مَسِؔیح دُکھ اُٹھائے گا۔اُس نے اُنَہِیں اِسی طرح تمام کِیا۔¹⁹۱۹۔ سو تَوبہ کرو اَور رُجُوع لاؤ تاکہ تُمہارے گُناہ مِٹائے جائیں۔ ²⁰۲۰۔ تاکہ خُداوند کی طرف سے تازگِی کے دِن آئیں اَور وہ اُس مَسِؔیح کو جو تُمہارے واسطے مُقرّر ہُؤا ہَے یَعْنی یِسُؔوع کو بھیجے۔²¹۲۱۔ ضُرُور ہَے کہ وہ آسمان میں اُس وَقْت تک رہے جب تک کہ وہ سب چِیزیں بَحال نہ کی جائیں جِن کا ذِکْر خُدا نے اپنے پاک اَنبِیاء کی زُبانی کِیا ہَے جو دُنیا کے شُرُوع سے ہوتے چلے ہَیں۔ ²²۲۲۔ مُوسؔیٰ نے دَرحَقِیقَت کہا تھا کہ "خُداوند خُدا تُمہارے بھائِیوں میں سے تُمہارے لئے مُجھ سا ایک نَبِی پَیدا کرے گا۔ جو کُچھ وہ تُم سے کہے اُس کی سُننا۔ ²³۲۳۔ اَور یُوں ہو گا کہ جو شَخص اُس نَبِی کی نَہِیں سُنتا وہ قَوم میں سے نِیست و نابُود کر دِیا جائے گا"۔²⁴۲۴۔ اِسی طرح سؔمُوئیل سے لے کر جتنے انبِیاء نے اُس کے بعد کلام کِیا ہَے اُن سب نے اِن دِنوں کی خَبر دِی ہَے۔ ²⁵۲۵۔ تُم انبِیاء کی اُولاد اَور اُس عہد کے فَرزِنْدَہو جو خُدا نے تُمہارے باپ دادا سے باندھا تھا جب اَبرَہاؔم سے کہا کہ تیری نَسل میں زمین کے تمام قَبِیلے برَکَت پائیں گے۔ ²⁶۲۶۔ خُدا نے اپنے خادِم کو اُٹھایا اَور پہلے تُمہارے پاس بھیجا تاکہ تُم میں سے ہَر ایک کو اُس کی شَرارَت سے پھیرکر برکَت دے۔

4¹۱۔ اَبِھی وہ لوگوں سے کلام کر ہی رہے تھے کہ کاہِن، ہَیکَل کا سردار اَور صدوقی اُن پر چڑھ دَوڑے۔ ²۲۔ اَور سخت رَنْجِیدَہ ہُوئے کیُونکِہ پَطَؔرس اَور یُوحنّؔالوگوں کو تَعلِیم دیتے اَور یَسُؔوع کی مِثال دِے کر مُردوں کے جی اُٹھنے کی مُنادی کرتے تھے۔ ³۳۔ اَور اُنہوں نے اُن کو گِرفتار کر کے دُوسرے دِن تک قَید خانہ میں رکھّا کیُونکِہ شام ہوچُکی تھی۔ ⁴۴۔ مَگر کلام سُننے والوں میں سے بَہُت سے لوگ اِیمان لےآئے یہاں تک کہ اِیمان لانے والے مَردوں کی تَعداد تقریباً پانچ ہزار تک ہو گی۔⁵۵۔ اَور دُوسرے دِن یُوں ہُؤا کہ اُن کے سَردار اَور بزُرگ اَور فَقِہہ یِرُوشلِؔیم میں جَمْع ہُوئے۔ ⁶۶۔اَور سَردار کاہِن حنّؔااَور کائؔفا اَور یُوحنّؔااَور اسکؔندر اَور سَردار کاہِن کے گھرانے کےجتنےلوگ تھے یرُوشلِؔیم میں جَمْع ہُوئے۔ ⁷۷۔ اَورپَطؔرس اَور یُوحنّؔا کواپنے دَرمِیان کھڑا کر کے پُوچھنے لگے کہ تُم نے یہ کام کِس قُدرَت کے وَسِیلَہ سےاَور کِس نام میں کِیاہَے؟⁸۸۔ ۔تب پَطؔرس نے رُوحُ الْقُدس سے معمُور ہوکر اُن سے کہا۔ اَے قَوم کے سَردارو اَور بزُرگو!۔ ⁹۹۔ اگر آج ہم سے اُس نیک کام کو لے کر جو اُس مَعزُورپر کِیا گَیا ہَے باز پرُس کی جاتی ہَے کہ اُس نے کِس وَسِیلے سے شِفا پائی۔ ¹⁰۱۰۔ تو تُم سب کواَور اِسرائِؔیل کی ساری اُمَّت کو مَعلُوم ہو جائےکہ یِسُؔوع مَسِؔیح ناصری جِسے تُم نے مَصلُوب کِیا مَگر خُدا نے اُسے مُردوں میں سے زِنْدَہ کِیا اُسی کے نام سے یہ تُمہارے سامنے تَندرُست کھڑا ہے۔¹¹۱۱۔ یِسُؔوع مَسِؔیح ہی وہ َپتَّھر ہَے جِسے تُم مِعماروں نے رَدّ کر دِیالیکِن اُسی کو کونے کے سِرے کا پَتَّھر بنا دِیا گَیا۔ ¹²۱۲ ۔ اَور کِسی دُوسرےشَخص کے وَسِیلَہ سے نَجات نَہِیں کیُونکِہ آسمان کے تَلے آدَمَیوں کو کوئی دُوسرا نام نَہِیں بَخشا گَیا جِس کے وَسِیلَہ سے ہم نَجات پا سکیں۔¹³۱۳۔ جب اُنہوں نے پَطؔرس اَور یُوحنّؔا کی دَلیری دیکھی اَور مَعلُوم کِیا کہ یہ مَعمولی، اَن پَڑھ آدَمِی ہَیں۔ اَور یہ جان کر تَعَجُّب کِیا کہ وہ یِسُؔوع کے ساتھ رہے ہَیں۔ ¹⁴۱۴۔ اِس لئے کہ شِفا پانے والے شَخص کواُن کے ساتھ کھڑا دیکھ کر اُن کے پاس مُخلاِفَت کا کوئی سَبَب باقی نہ رہا۔¹⁵۱۵۔ لیکِن اُنَہِیں مجلِس سے نِکل جانے کا حُکْم دے کر ،اُنہوں نے آپس میں مُشاَورت کی۔ ¹⁶۱۶۔کہ ہم اُن آدمِیوں کے ساتھ کِس طرح پیش آئیں؟ کیُونکِہ یرُوشلِؔیم کے سب رہنے والوں پر یہ واضح ہَے کہ اُن کے ذَرِیعہ ایک قابِلِ ذکر مُعجَزہ ظاہِر ہُؤاہَے جِسے ہم جُھٹلا نَہِیں سکتے۔ ¹⁷۱۷۔ لیکِن کَہِیں یہ لوگوں میں پَھیل نہ جائے چلو ہم اُنَہِیں دَھمکائیں کہ پِھر یہ نام لے کر کِسی سے بات نہ کریں۔ ¹⁸۱۸۔ ۔تَب اُنہوں نے اُن کو اَندَر بُلا کر حُکْم دِیا کہ وہ یِسُؔوع کا نام لے کر ہَرگِز بات نہ کریں اَور نہ ہی تَعلِیم دِیں۔¹⁹۱۹۔ مَگر پَطؔرس اَور یُوحنّؔا نے جَواب میں اُن سے کہا کہ تُم ہی اِنصاف کرو۔ آیا خُدا کے نَزدِیک یہ واجِب ہَے کہ ہم خُدا سے زِیادہ تُمہاری فَرمانبَردارِی کریں۔ ²⁰۲۰۔ کیُونکِہ یہ مُمکِن ہی نَہِیں کہ جوباتیں ہم نے دیکھیں اَور سُنِیں ہَیں اُن کا بیان نہ کریں۔²¹۲۱۔ اُنہوں نے اُن کو مزید دھمکا کر جانے دیا کیُونکِہ لوگوں کے سبب سے اُن کو سزا دینے کا کوئی بہانہ نہ مِلا۔ اِس لئے کہ سب لوگ اُس ماجرے کے سَبَب سے خُدا کی تمجید کررہے تھے۔ ²²۲۲۔جِس شَخص کو شِفا کے مُعجِزَہ کا تَجرِبَہ ہُؤا تھا وہ چالِیس برَسوں سے زِیادہ کا تھا۔²³۲۳۔ وہ رِہا ہو کر اپنے لوگوں کے پاس آئے اَور جو کُچھ سَردار کاہِنوں اَور بزُرگوں نے اُن سے کہا تھا بیان کِیا۔ ²⁴۲۴۔ جب اُنہوں نے یہ سُنا تو یَک دِل ہو کر بَلَنْد آواز سے خُدا سے کہا کہ اَے مالِک! تُونے آسمان اَور زمین اَور سمندر اَور جو کُچھ اُن میں ہَے پیدا کِیاہَے۔ ²⁵۲۵۔ تُو نے رُوحُ الْقُدس کے وَسِیلَہ سے ہمارے باپ اپنے خادِم داؤُؔد کی زُبانی فرمایا کہ غَیر اَقوام کِیُوں طیش میں آئیں؟اَور اَقوام نے کِیُوں باطِل خیال کئِے؟²⁶۲۶۔ تُو نے فرمایاکہ زمین کے بادشاہ خُداوند اَور اُس کے مَسِؔیح کی مُخالِفَت کو اُٹھ کھڑے ہُوئے اَور حُکّام جَمْع ہو گئے۔²⁷۲۷۔ کیُونکِہ واقعی ہیرودیؔس اَور پُنطیُس پیلاطُسؔ دونوں غَیر اَقوام اَور اِسرائیِلِیوں کے ساتھ تیرے پاک خادِم یِسُؔوع کے خلاف جِسے تُو نے مَسح کِیا اِسی شہر میں جَمْع ہُوئے۔ ²⁸۲۸۔ تاکہ سب کُچھ جو پہلے سے تیری قُدرَت اَور تیری مَصلِحَت نے ٹھہرادِیا تھا وُہَی عَمَل میں لائیں۔²⁹۲۹۔ اب اَے خُداوند! اُن کی دَھمکِیُوں کو دیکھ اَور اپنے بندوں کو یہ تَوفِیق دِے کہ وُہ تیرا کلام کمال دِلیری کے ساتھ سُنائیں۔ ³⁰۳۰۔ اَور تُو اپنا ہاتھ شِفا دینے کو بڑھا اَور تیرے پاک خادِم یِسُؔوع کے نام کے وَسِیلےسے مُعجِزَات اَور عَجِیب کام ظہُور میں آئیں۔ ³¹۳۱۔ جب وہ دُعا کر چُکے تو جِس مکان میں جَمْع تھے وہ ہِل گَیا اَور وُہ سب رُوحُ الْقُدس سے مَعْمُور ہوگئے اَور خُدا کا کلام دِلیری سے سُناتےتھے۔³²۳۲۔ اَور اِیمان داروں کی جماعت یَک دِل اَور یَک جان تھی اَور کِسی نے بھی اپنے مال کو اپنا نہ سمجھا بَلْکِہ اُن کی تمام چِیزیں مُشترِک تھِیں۔ ³³۳۳۔ اَور رَسُول بڑی قُدرت سے خُداوند یِسُؔوع کے جِی اُٹھنے کی گَواہی دیتے رہے اَور اُن سب پر بڑا فَضل تھا۔³⁴۳۴۔ وہاں کوئی کِسی بھی چیز کامحتاج نہ تھا۔اِس لئے کہ جو لوگ زمینوں یا گھروں کے مالِکان تھے وُہ اُن کو بیچ بیچ کر حاصِل ہونے والی رَقم لاتے۔ ³⁵۳۵۔ اَور رَسُولوں کے قَدموں میں رَکھ دِیاکرتے تھے۔ پِھر ہر ایک کو اُس کی ضُرُورَت کے مُطابِق بانٹ دِیا جاتا تھا۔³⁶۳۶۔ اَور یُوسفؔ نام ایک لاؔوی تھا جِسے رسُول برنباؔس پُکارتے تھے(جِس کا ترجمہ نَصِیَحت کا بیٹاہَے) اُس کی پَیدائِش کُپؔرس کی تھی۔ ³⁷۳۷۔ اُس کابھی ایک کھیت تھا جِسے اُس نے بیچا اَور رَقم لا کر رسُولوں کے قَدموں میں رَکھ دِی۔

5¹۱۔ اَور حَنَنَؔیاہ نام کے ایک شَخص اَور اُس کی بیوی سفِؔیرہ نے اپنی جائیداد کا کُچھ حِصّہ بیچا۔ ²۲۔ اَور اُس نے اپنی بیوی کے جانتے ہُوئے رَقَم میں سے کُچھ حِصّہ رَکھ لِیا اَور باقی لا کر رُسولوں کے قَدْموں میں رَکھ دِیا۔³۳۔ مگر پَطْرَس نے کہا اَے حَنَنَؔیاہ!شَیطان نے تیرے دِل میں یہ بات کیوں ڈالی کہ تُو رُوحُ القُدس سے جُھوٹ بولے اَور زمین کی قِیمَت میں سے کُچھ رَکھ لے؟ ⁴۴۔کیا جب تک وہ تیرے پاس تھی تیری مِلْکِیَّت نہ تھی؟ اَور جب بِیچ ڈالی گئی تو تیرے اِخْتِیار میں نہ رہی۔تُو نے کیوں اپنے دِل میں اس بات کا خیال باندھا؟ تُونے آدمیوں سے نہیں بلکہ خُدا سے جُھوٹ بولا۔ ⁵۵۔ یہ باتیں سُنتے ہی حَنَنَؔیاہ گر پڑا اَور اُس کا دَم نِکل گیا اَور سب سُننے والوں پر بڑا خَوف چھا گیا۔ ⁶۶۔ پِھر جَوانوں نے اُٹھ کر اُسے کَفَنایا اَور باہَر لے جا کر دفنایا۔⁷۷۔ اَور تَقْرِیباً تین گھنٹے گُذر جانے کے بعد اُس کی بیوی اِس ماجرے سے بے خَبر اندر آئی۔ ⁸۸۔ پَطْرَس نے اُس سے کہا مُجھے بتاکہ کیا تُم نے اِتنے ہی میں زَمِین بیچِی تھی؟ اُس نے کہا ہاں۔ اِتنے ہی میں۔⁹۹۔ پَطْرَس نے اُس سے کہا تُم نے کیوں خُداوند کے رُوح کو آزمانے کے لئے ایکا کِیا؟ دیکھ تیرے شَوہر کو دفنانے والے ہنوز دروازہ پر کھڑے ہَیں اَور تُجھے بھی باہَر لے جائیں گے۔ ¹⁰۱۰۔ وُہ اُسی وقت اُس کے قدموں پر گر پڑی ۔اَور اُس کا دَم نِکل گیا اَور جَوانوں نے اندر آ کر اُسے مُردہ پایا اَور باہَر لے جا کر اُس کے شوہَر کے پِہلَو میں دَفنا دِیا۔ ¹¹۱۱۔ اَور ساری کَلِیسِیا اَور اِن باتوں کے سب سُننے والوں پر بڑا خَوف چھا گیا۔¹²۱۲۔ اَور رسُولوں کے ہاتھوں لوگوں کےدرمیان بُہُت سے نِشان اَور عَجِیب کام ظاہِر ہوتے تھے۔ اَور وہ سب ایک دِل ہو کر سُلَؔیمان کے برآمدہ میں جمع ہُؤاکرتے تھے۔ ¹³۱۳۔ لیکن باقی لوگوں میں سے کِسی کو حَوصَلہ نہ ہُؤا کہ اُن میں جا ملِے۔ مگر لوگ اُن کی بَڑائی ضُرُور کرتے تھے۔¹⁴۱۴۔ اَور اِیْمان لانے والے مرَدوزَن پَطْرَس میں بڑتے جا رہے تھے۔ ¹⁵۱۵۔ یہاں تک کہ لوگ بیماروں کو سڑکوں پر لا لا کر چارپائیوں اَور کھٹولوں پر لِٹا دیتے تھے تاکہ جب پَطْرَس آئے تو اُس کا سایہ ہی اُن میں سے کِسی پر پڑ جائے۔ ¹⁶۱۶۔ اَور یروُشلِیم کی چاروں اَطْراف کے شَہْر وں سے بھی لوگ کَثْرَت سے بیماروں اَور ناپاک رُوحوں کے سَتائے ہُوؤں کو لے کر جَمْع ہُؤا کرتے تھے اَور وُہ سب اچھے کر دِئے جاتے تھے۔¹⁷۱۷۔ پِھر سَردار کاہَن اَور اُس کے سب ساتھی جو صدُقیوں کے فِرقہ سے تَعَلُّق رَکھتےتھے حَسد سے بھرے ہُوئے اُٹھے۔ ¹⁸۱۸۔ اَور رسُولوں پر ہاتھ ڈال کر گِرِفْتار کِیا اَور اُنہیں عام سے قَید خانَہ میں ڈال دِیا۔¹⁹۱۹۔ مگر خُداوند کے ایک فرِشتہ نے رات کو قَید خانہ کے دروازے کھولے اَور اُنہیں باہَر لا کر کہا کہ ²⁰۲۰۔ جاؤ اور ہَیکَل میں کھڑے ہو کر اِس زِنْدَگی کے کلام کی سب باتیں لوگوں کو بتاؤ۔ ²¹۲۱۔ وہ یہ سُن کر صُبْح ہوتے ہی ہَیکَل میں گئے اور تَعْلِیم دینے لگے مگر سَردار کاہَن اَور اُس کے ساتھیوں نے آ کر عَدالَتِ عالِیَہ اَور بَنی اِسرائِیْل کے سب بزُرگوں کو جمع کِیا اَور قَیدخانَہ میں کہلا بھیجا کہ اُنہیں لائیں۔²²۲۲۔ لیکن جوافسران قَید خانَہ میں گئے اُنہیں وہاں نہ پا کر واپَس لَوٹ کر اُن کے نہ مِلْنے کی خَبَر دِی۔ ²³۲۳۔ اَور کہا کہ ہم نے قَید خانَہ کو تو بڑی خِفاظَت سے بند کِیا ہُؤا اَور پَہْرے داروں کو باہَر دَروازوں پر کھڑے پایا مگر جب کھولا تو کِسی کو اندر نہ پایا۔²⁴۲۴۔ جب ہَیکَل کے سَردار اَور سَردار کاہَنوں نے یہ باتیں سُنیں تو اُن کے مُتَعَلِّق حَیرَت سے کہنے لگے کہ آخِر اَب کیا ہو گا۔ ²⁵۲۵۔ اِس پر کِسی نے آکر اُنہیں خَبر دِی کہ دیکھو وہ آدَمِی تو ہَیکَل میں کھڑے لوگوں کو تَعْلِیم دے رہے ہَیں جِنِہیں تُم نے قَید خانَے میں ڈالا تھا۔²⁶۲۶۔ تب ہَیکَل کا سَردار اَفسَران کے ہَمراہ جا کر اُنہیں لے آیا لیکِن زَبَردَستِی سے نہیں کیُونکِہ وُہ ڈَرتے تھے کہ کہیں لوگ ہمیں سَنْگسار نہ کر دِیں۔ ²⁷۲۷۔ پِھراُنہیں لا کر عَدالَت میں کھڑا کر دِیااَور سردار کاہِن نے اُن سے یہ کہتے ہُوئے تَفْتِیش کی ²⁸۲۸۔ ہم نے تو تُمہیں حُکْم دِیا تھا کہ اِس نام میں تَعْلِیم نہ دینا تو بھی تُم نے سارے یرُوشلیِم میں اپنی تَعْلِیم پَھیلا دِی ہَےاَور اُس شَخْص کے خُون کی وجہ ہمیں ٹَھْہرانا چاہتے ہو۔²⁹۲۹۔ لیکن پَطْرَس نے رسُولوں سَمیت جَواب میں اُن سےکہا کہ ہم پر اِنسان کی نِسبَت خُدا کی اِطاعَت کرنا زیادہ فَرْض ہَے۔ ³⁰۳۰۔ ہمارے اَجْداد کے خُدا نے یَسُوع کو زِنْدَہ کِیا جِسے تُم نے دار پرلٹکا کر قَتْل کر دِیا تھا۔ ³¹۳۱۔ اُسی کو خُدا نے حُکْمران اَور مُنْجی کی حَیثِیَت سے اپنے دہنے ہاتھ پر بُلند کِیا تاکہ اِسْرِائِیْل کو تَوبَہ کی تَوفِیق اَور گُناہوں کی مُعَافِی بَخْش دے۔ ³²۳۲۔ اَور ہم اِن باتوں کے گَواہ ہَیں اِسی طَرْح رُوحُ القُدس بھی جِسے خُدا نے اُنہیں بَخْشا ہَے جو اُس کی اِطاعَت کرتے ہَیں۔³³۳۳۔ وہ یہ سُن کر بَھڑَک اُٹھے اور اِس کوشِش میں لگ گئے کہ کِسی طَرْح اِنہیں قَتْل کر دیں۔ ³⁴۳۴۔ مگر گملی ایلؔ نام کےایک فَرِیسی نے جو شَرِیعَت کا مُعْلَم اَور سب لوگوں میں مُعَزَّز تھا عَدالَت میں کھڑے ہو کر حُکْم دیا کہ اُن آدمِیوں کو تھوڑی دَیر کے لئے باہَر بھیج دو۔³⁵۳۵۔ اَور پِھر اُن سے کہا اَے اِسْرائِیْلیو! دیکھو اِن آدمِیوں کے ساتھ تُم جو کُچھ کرنے کو ہو ذَرا سوچ سَمَجھ کر کرنا۔ ³⁶۳۶۔ کیونکہ اِن دِنوں سے پہلے تھیوداس نے بھی اُٹھ کر دعویٰ کِیا تھا کہ مَیں بھی کُچھ ہُوں اَور تَقْرِیباً چار سَو اَشْخاص اُس کی پَیروی کرنے لگے مگر جب وہ مارا گیا تو جِتْنے اُس کے پَیروکار تھے سب تِتَّر بِتَّر ہوکراَور خَتْم ہوگئے۔ ³⁷۳۷۔ اِس شَخْص کے بعد یَہُوداہ گلیلی بھی مَردُم شُماری کے اَیّام میں اُٹھا اَور اُس نے بھی کُچھ لوگ اپنی طرف کھِیْنچ لئے۔وہ بھی ہلَاک ہو گیا اَور جتنے اُس کے پَیروکار تھے وہ سب بھی تِتَّر بِتَّر ہو گئے۔³⁸۳۸۔ چُنان٘چِہ اَب مَیں تو تُم سے یَہی کہتا ہُوں کہ اِن اَشْخاص سے کِنارَہ کرو اَور اُن سے کوئی سروکارنہ رکھو۔ کیونکہ اگر یہ تَدْبِیر یا کام آدمِیوں کی طرف سے ہَے تو اَز خُود برَباد ہو جائے گا۔ ³⁹۳۹۔ لیکِن اگر خُدا کی طرف سےہے تو تم اسے مَغْلُوب نہیں کر سکتے ورنہ تُم خُدا کا مُقابلہ کرنے والے ٹھہروگے۔ اِس پر اُنہوں نے اُس کی بات مان لی۔⁴⁰۴۰۔ اَور رَسُولوں کو بلوا کر مار ِپیٹ کی اَور اُنْہیں یہ حُکم دے کر چھوڑ دِیا کہ یَسُوع کا نام ہَر گز تُمہارےلَب پر نہ آئے۔ ⁴¹۴۱۔ چُنان٘چِہ وہ عَدالَت سے اِس بات پر خوشی خوشی چلے گئے کہ ہم اِس نام کی خاطِر بے عِزَّت ہونے کے لائِق تو ٹھہرے۔ ⁴²۴۲۔ اَور اُس کے بعد وہ ہَر روز ہَیکَل میں اَور گَھر گَھر یہ تَعْلِیم اَور بَشارَت دینے سے باز نہ آئے کہ یَسُوع ہی المَسِیح ہَے۔

6¹۱۔ اُن دِنوں جب شاگِردوں کا شُمار بڑھتا چلا جا رہا تھا یوُنانی عِبرانیوں پر کُڑکُڑانے لگے کیونکہ اُن کی بیواؤں کی خبر گیری میں روزانہ غفلت برتی جاتی تھی۔²۲۔اِس پر اُن بارہ نے شاگردوں کی جماعت کا اِجلاس بُلا کر اُن سے کہا۔ یہ بات تو نہ مُناسب ہے کہ ہم خُدا کے کلام کو چھوڑ کر دستر خوان کے اِنتظام میں لگ جائیں۔ ³۳۔ چنانچہ اَے بھائیو!اپنے میں سے سات نیک نام اِشخاص چُن لوجو رُوح القُدس اور حِکمت سے معمُور ہوں ۔تاکہ ہم اُنہیں اِس کام پر مُقرر کریں۔ ⁴۴۔ اوراب ہم خُود مُستقل طور پر دُعا اَورکلام کی خدمت میں مَشغُول رہیں گے۔⁵۵۔ یہ بات ساری جماعت کو پسند آئی اور اُنہوں نے ستِفَنُؔؔس نامی ایک شخص کو چُن لیا جو اِیمان اَوررُوح القُدس سے معمُور تھا۔اَورساتھ ہی فِلِپُّس اور پرُخُرؔس اور نِیکاؔنور اور تِیموؔن اور پرمنؔاس اور اِنؔطاکیہ کے ایک نومُرید یہودی نیکُلاؤؔس کو بھی۔ ⁶۶۔ اَور اِنہیں رسُولوں کے سامنےپیش کِیا۔ اُنہوں نے دُعا کر کے اُن پر ہاتھ رکھّے۔⁷۷۔ اَور خُدا کا کلام پھیلتا رہااَوریرُوشلیِؔم میں شاگِردوں کاشُماربُہت بڑھتا گیابلکہ کاہِنوں کا ایک بڑاگِروہ بھی دِین کے ماتحت ہوگیا۔⁸۸۔ اورستِفَنُس فضل اَورقُوٗت سے معمُورہو کر لوگوں کے درمیان بڑےبڑےعجائب و مُعجزات دِکھایا کرتا تھا۔ ⁹۹۔ کہ اُس عِبادت خانہ سے جو لِبرتِینوں کا عِبادت خانہ کہلاتا ہے اور کُریِنیوں اور اِسکندریوں اور اُن مَیں سے جو کِلِکیہ اور آسِیہ سے تھے بعض لوگ اُٹھ کر سِتفِنُس سے تکرار کرنے لگے۔¹⁰۱۰۔ مگروہ اُس دانائی اور رُوح کا جِس سے وہ کلام کرتا تھا مُقابلہ نہ کرسکے ۔ ¹¹۱۱۔ اِس پر اُنہوں نے بعض اِشخاص کو سِیکھاکر اُن سے یہ کہلوا دِیا کہ ہم نے اِس کو مُوسؔیٰ اَور خُداکے خِلاف کُفریااِلفاظ اداکرتے ہوئےسُنا ہے۔¹²۱۲۔ اِس پر وہ عوام ، بُزرگان اَور فُقَہا کو اُبھارکر اُس پر چڑھ دوڑے اَور اُسے پکڑ کر صدرعِدالت مَیں لے گئے۔ ¹³۱۳۔ اَور جھُوٹے گَواہ کھڑے کِئے جِنہوں نےیہ کہا کہ یہ شخص اِس مُقدّس مقام اَور شِریعت کے خِلاف بولنے سے باز نہیں رہتا۔ ¹⁴۱۴۔ کیونکہ ہم نے اُسے یہ کہتے سُنا ہَے کہ وہی یِسُوؔع ناصری اِس مقام کو تباہ کردے گااَور اُن رسُوم کو بدل ڈالے گا۔جو مُوسیٰ نے ہم تک پُہنچائیں۔ ¹⁵۱۵۔ اَور اُن سب نے جو عدالت مَیں بیٹھے تھے اُس پر غور سے نظر کی تو دیکھا کہ اُس کا چہرہ فرِشتے کا سا ہَے۔

7¹۱۔ پھر سردار کاہِن نے کہا کیا یہ حقیقت پر مبنی ہَیں؟ ²۲۔ ستِفُنس نے کہا اَے برادران وبزُرگان سُنو!کہ خُدایِ ذُوالجلال ہمارے باپ ابرہاؔم پر تب ظاہرِ ہُؤا جب وہ حاراؔن میں رِہائش اِختِیار کرنے سے پہلے مسوپؔتامیہ میں تھا۔ ³۳۔ اَور اُس سے فرمایا "کہ اپنے وطن اور گھرانے سے نِکل کر اُس سرزمِین کو چلا جا جو مَیں تُجھے دِکھاؤں گا۔"⁴۴۔ اِس پر کَسدِؔیوں کے وطن سے نِکل کر وہ حاراؔن میں جا بسا اور وہاں سے اُس کے باپ کی وفات کے بعد خُدا نے اُس کو اِس سر زمِین میں لاکر بسا دِیا جِس میں اب تُم آباد ہو۔ ⁵۵۔ اَور اُسے وہاں کوئی مِیراث بلکہ قدم رکھنے کی جگہ بھی نہ دی مگروعدہ کِیا کہ مَیں یہ سر زمِین تیرے اور تیرے بعد تیری نسل کے قبضہ میں کروا دوں گاحالانکہ اب تک اُس کی کوئی اَولاد نہ تھی۔⁶۶۔ اَور خُدا نےیُوں فرمایا"کہ تیری نسل کے لوگ دِیارِ غیر میں پردیسی ہو ں گے ۔ اَور وہاں کے باشیِندے اُنہیں غُلام بنا کر چار سَو برسوں تک اُن کے ساتھ بد سلُوکی روا رکھیں گے۔ ⁷۷۔ پِھر خُدا نے فرمایا"کہ وہ جِس قَوم کی غُلامی میں رہیں گے مَیں اُسےسزا دُوں گا اور اُس کے بعد وہ نِکل کر اِسی جگہ میری عِبادت کریں گے۔ ⁸۸۔ پِھر خُدا نے ابرہاؔم سےخَتنہ کا عہد باندھا چُنانچہ ابرہاؔم سے اِضحاؔق پَیدا ہُؤا اور آٹھویں دِن اُس کا خَتنہ کِیا گیا ،اِسی طرح اِضحاؔق سے یعقُوبؔ پیدا ہُوا اور یعقُوبؔ سے بارہ قبائل کے بزُرگان پَیدا ہُوئے۔⁹۹۔ بزُرگان حاسد تھے اِس لئے اُنہوں نے یُوسؔف کو بیچ ڈالا کہ وہ مِصؔر پُہنچ جائے پر خُدا اُس کے ہمراہ تھا۔ ¹⁰۱۰۔ اَور اُس نے اُس کی سب مُصِیبتوں سے اُسے چُھڑایا اَور مِصؔر کے بادشاہ فِرعُوؔن کے حضُور مقبولیِت اَور حِکمَت بخشی اَور اُس نے اُسے مؔصر کا حکمران اَور اپنے سارے گھر کا مُختار بنادِیا۔¹¹۱۱۔ پِھرمِصؔر کی ساری مُملکت اور کنعؔان کی سرزمِین میں سخت کال پڑا اور بڑی مُصِیبت آئی اور ہمارے اَجداد کو خوراک نہ ملتی تھی۔ ¹²۱۲۔ جب یَعقُوبؔ نے سُنا کہ مِصؔر میں اناج موجُود ہَے تو ہمارے اَجداد کو پہلی بار روانہ کِیا ۔ ¹³۱۳۔ اَوراُن کے دوسرے دورے پر یُوسفؔ نے خُود کو اپنے بھائیوں پر ظاہِر کر دِیا ِاِس طرح فرِعوؔن نے یُوسؔف کے خاندان کو بھی جان لِیا۔¹⁴۱۴۔ پِھر یُوسؔف نے اپنے بھائیوں کو واپس روانہ کِیا کہ اُس کے باپ یعقوبؔ اور اُس کے خاندان کے تمام اَفراد جِن کی تعداد پچھتّر تِھی مصؔر کو بُلا لائیں ۔ ¹⁵۱۵۔ پِھر یعقُوبؔ مِصؔر میں گیااور وہ اور ہمارے اَجدادوفات وہیں وفات پاگئے۔ ¹⁶۱۶۔ اور وہ شہرِ سِکؔم میں پُہنچائے گئے اور اُس مقبرہ میں دفن کئے گئے جِس کو ابرہامؔ نے سِکمؔ میں رُوپیہ دے کر بنی ہمونؔ سے خرید لِیاتھا۔¹⁷۱۷۔ لیکن جب اُس وعدہ کی تکمیل کا وقت قریب آیا جو خُدا نے ابراہامؔ سے کِیا تھا تو وہ قوم مَصرؔ میں بڑھ گئی اور اُن کی تعداد زِیادہ ہوتی گئی۔ ¹⁸۱۸۔ اُس وقت تک کہ مِصرؔ میں ایک نیا بادشاہ اُٹھا جو یُوسؔف سے نہ واقف تھا۔ ¹⁹۱۹۔ اُس نے ہماری نَسل کوفریب دےکرکےہمارے اَجداد کو یہاں تک ستایاکہ اُس نے اُن کے شِیر خوار لڑکوں کو پھنکوایاتاکہ وہ زِندہ نہ رہیں۔²⁰۲۰۔ اِسی دوران مُوسؔیٰ پَیدا ہُوا جو خُدا کے حُضورنِہایت پسندیدہ تھا۔ وہ تِین مہیِنے تک اپنے باپ کےگھر میں پرورش پاتا رہا۔ ²¹۲۱۔ جب اُسے ہاہر رکھ دِیا گیا تو فرِعُونؔ کی بیٹی نے اُسے گود لے لِیااور اپنے بیٹے کے طور پر پالا۔²²۲۲۔ اَور مُوسؔیٰ مِصؔریوں کی تمام حِکمَت میں تعلیم یافتہ تھا اَوراپنے کلام اَورکام میں قَوی تھا۔ ²³۲۳۔ اور جب وہ تقریباًچالِیس برس کا ہوگیا تواُس کےدِل میں یہ خیال پیدا ہُؤاکہ جاکراپنےبھائیوں بنی اِسرؔائیل کا حال دریِافت کروں۔ ²⁴۲۴۔ چُنانچہ اُن میں سے ایک اِسرائیلؔی کو ظُلم سہتے دیکھ کر اُس کا دِفع کیا اور مِصؔری کو مار کرمظلُوم کا بدلہ لِیا۔ ²⁵۲۵۔ اُس نے تو یہ سوچا کہ میرے بھائی یہ سمجھ لیں گے کہ خُدا میرے ہاتھوں اُنہیں آزادی دے گا مگر وہ یہ نہ سمجھے۔²⁶۲۶۔ پِھر دُوسرے دِن وہ اُن کے پاس آنِکلاجوآپس میں لڑ رہے تھے اور اُن کو یہ کہہ کر صُلح کی ترغیِب دی کہ اَے جوانو! تُم تو بھائی بھائی ہو۔ ایک دُوسرے پر کیوں ظُلم کرتے ہو؟ ²⁷۲۷۔ لیکن جو اپنے پڑوسی پر تشدّد کر رہا تھا اُس نے یہ کہہ کر اُسے پِیچھے ہٹا دِیاکہ تُجھے ہم پر کِس نے حاکِم اور قاضی مُقرّر کِیاہے؟ ²⁸۲۸۔ کیا جِس طرح کَل تُو نے اُس مصؔری کو مار ڈالا مُجھے بھی مار ڈالناچاہتا ہَے؟۔²⁹۲۹۔ یہ بات سُنتے ہی وہاں سے مُوسؔیٰ بھاگ گیا اَور مِدیاؔن کے مُلک میں بطور پردیسی رہنے لگا۔ اَور وہاں اُس کے دو بیٹے پیداہُوئے۔ ³⁰۳۰۔ اَورجب چالیِس برس گُزر گئے۔ تواُسے کوہِ سیِؔناکے بِیابان کے درمِیان ایک جلتی ہُوئی خاردار جھاڑی کے شُعلہ میں ایک فرِشتہ دِکھائی دِیا۔³¹۳۱۔ جب موؔسیٰ نے آگ پر نظر کی تو اُس نظّارہ پرتعجُّب کِیا اور جب دیکھنے کو نزدِیک گیا تو خُداوند کی آواز آئی۔ ³²۳۲۔ کہ مَیں تیرے آباؤ اَجداد یعنی ابرہاؔم اور اِضحاؔق اور یعقُوؔب کا خُدا ہُوں ۔تب تو مُوسؔیٰ کانپ اُٹھا اور اُس میں اُس نظارے کودیکھنے کی جُرات نہ رہی۔³³۳۳۔ اِس پر خُداوند نے اُس سے کہا کہ اپنے پاؤں سے جوُتی اُتار دے کیونکہ جِس مُقام تُو کھڑا ہے یہ زمِین پاک ہے۔ ³⁴۳۴۔ مَیں نے واقِعی اپنے لوگوں کی مُصِیبت دیکھی جو مِؔصر میں ہیں اور اُن کا آہ و نالہ بھی سُنا چُنانچہ میں اُنہیں چھُڑانےکے لئے اُترا ہُوں۔اب آتو مَیں تُجھے مِصؔر میں بھیجُوں گا۔³⁵۳۵۔ جِس مُوسؔیٰ کا اُنہوں نے یہ کہہ کی اِنکار کِیا تھا کہ تُجھے ہم پر حاکِم اور مُنصِف کِس نے مُقرّر کِیا ہے؟اُسی کو خُدا نے حاکِم اور چُھڑانے والا بنا کر اُس فرِشتہ کے ذریعہ بھیجا جو اُسے جھاڑی میں دکھائی دِیا تھا۔ ³⁶۳۶۔ وہی مُوسؔیٰ اُنہیں مِؔصر سے نِکال لایا۔اَور مِصؔرمیں اَوربُحیرہ قُلزؔم پراَوربِیابان میں چالِیس برسوں تک عجائب و معجزات ظاہر کرتا رہا۔ ³⁷۳۷۔ یہ وہی مُوؔسیٰ ہَے جِس نے قومِ اِسرائؔیل سے کہا تھاکہ خُداتُمہارے لئے مُجھ سا ایک نبی تُمہارےبھائیوں ہی میں سے بَرپاکرےگا۔³⁸۳۸۔ یہ وہی موؔسیٰ ہے جو بِیابان کی کلیسیامیں اُس فرِشتے کے ساتھ تھا جو کوہ سِیناپر اُس سے ہم کلام ہُؤا تھا۔ اورہمارے باپ دادا کے ساتھ بھی تھا۔مُوؔسیٰ نے اُسی سے کلام ِحیات پایاکہ ہم تک پُہنچا دے۔ ³⁹۳۹۔ مگر ہمارے باپ دادانے اُس کے فرمانبردارہونانہ چاہابلکہ اُسےرِدّکر دِیا اَوراُن کے دِل مِؔصرکی طرف مائِل ہوگئے۔ ⁴⁰۴۰۔ اور اُنہوں نےہارُؔون سے کہا کہ ہمارے لئے ایسے معبُود بنا جو ہمارے آگے آگے چلیں کیونکہ یہ مُوسؔیٰ جو ہمیں مُلکِ مِصؔر سے نِکال لایا ہم نہیں جانتے کہ اُس کاکیا بنا ۔⁴¹۴۱۔ اَور اُن ایّام میں اُنہوں نے ایک بچھڑا بنایا اور اُس بُت کے آگے قُربانی چڑھائی اور اپنے ہاتھوں کے کاموں کی خُوشی منائی۔ ⁴²۴۲۔ چُنانچہ خُدا نے اپنا مُنہ پھیرکر اُنہیں چھوڑدِیاکہ آسمان کے لشکر کو پُوجیں جیساکہ انبِیاءکی کِتاب میں لِکھا ہَے کہ اَے اِسرائیل کے خاندان ۔کیا تُم نے بِیابان میں چالیس برسو ں تک۔میرےآگےقُربانیاں اَور نَذَریں گزُرانیں؟⁴³۴۳۔ بلکہ تُم تو مولک کے خَیمہ اور رفاؔن دیوتا کے تارے کو لِئے پھرتے تھے۔یعنی اُن مُورتوں کو جِنہیں تُم نے سِجدہ کرنے کےلئے بنایا تھا۔⁴⁴۴۴۔ شہادت کا خَیمہ بِیابان میں ہمارے باپ دادا کے پاس تھا جَیسا کہ مُوسؔیٰ سے کلام کرنے والے نے حُکم دِیا تھا کہ جو نمُونہ تُو نے دیکھا ہے اُسی کے مُطابق اِسے بنا۔ ⁴⁵۴۵۔ اُسی خَیمہ کو ہمارے اَجداد حاصِل کر کے یشُوع کی قَیادت میں وہاں لائے ۔جِس وقت اُن قَوموں کی مِلکیّت پر قبضہ کِیا جِن کو خُدا نے ہمارے اِجداد کے سامنے سے خارِج کر دِیا تھا اور وہ داؤد کے زمانہ تک رہا۔ ⁴⁶۴۶۔ اُس پر خُدا کی طرف سے فضل ہُؤا اور اُس نے درخواست کی کہ کاش !مَیں یعقُوبؔ کے خُدا کے واسطے مَسکن تَعمیر کر سکُوں ۔⁴⁷۴۷۔ مگر اُس کے لئے گھر سُلیمؔان نے بنایا۔ ⁴⁸۴۸۔ لیکن باری تعالیٰ ہاتھ کے بنائے ہُؤئے گھروں میں نہیں رہتا چُنانچہ نبی فرماتا ہے کہ ⁴⁹۴۹۔ خُداوند فرماتا ہے کہ آسمان میرا تخت اور زمِین میرے پاؤں تلے کی چَوکی ہے۔تُم میرے لِئے کَیسا گھر بنا سکتےہو یا میری آرام گاہ کَون سی ہے؟ ⁵⁰۵۰۔ کیا یہ سب چِیزیں میرے ہاتھ نے نہیں بنائیں؟⁵¹۵۱۔ اَے گردن کِشو اوردِل اور کان کے نامختُونو! تُم ہر وقت رُوح القُدس کی مُخالِفت کرتے رہتے ہو بالکل اُسی طرح جَیسے تُمہارے آباؤ اَجداد بھی کِیا کرتے تھے ۔ ⁵²۵۲۔ انبِیا میں سے تُمہارے آباو اَجداد نے کِسے نہیں ستایا؟ اُنہوں نے تو اُس راست باز کی آمد کی پیش گوئی کرنے والوں کو قتل کِیا اور اب تُم اُس کے پکڑوانے والے اور قاتِل ٹھہرے ۔ ⁵³۵۳۔ تُم نے فرِشتوں کی معرفت شرِیعت تو پائی لیکن اُس پر عمل نہ کِیا۔⁵⁴۵۴۔ جب اُنہوں نے یہ باتیں سُنِیں تو جی میں جَل گئے اور ستِفَنُس پر دانت پِیسنے لگے۔ ⁵⁵۵۵۔ مگر ستِفَنُس نے رُوحُ القُدس سے معمُور ہوکر آسمان کی طرف غَور سے نظر کی اور خُدا کے جلال اور یِسُوعؔ کو خُدا کی دہنی طرف کھڑا دیکھ کر۔ ⁵⁶۵۶۔ کہا کہ دیکھو! مَیں آسمان کو کُھلااور اِبنِ آدمؔ کو خُدا کی دہنی طرف کھڑا دیکھ رہاہُوں۔⁵⁷۵۷۔ اِس پر اِرکانِ مجلس نے بڑے زورسے چِلّاکر اپنے کان بند کر لئے اَور یک دِل ہوکراُس پر لپکے۔ ⁵⁸۵۸۔ لیکن وہ اُسے شہر سے باہر لے جاکر سنگسار کرنے لگے اور گواہوں نے اپنےملبُوسات ساؤؔل نام ایک جوان کے پاؤں کے نزدیک رکھ دِئے ۔⁵⁹۵۹۔ جب وہ ستِفَنُس کو سنگسار کرتے رہے تھے تب وہ یہ کہہ کر دُعا کرتا رہا کہ اَے خُداوند یِسُوعؔ ! میری رُوح کو قبُول کر۔ ⁶⁰۶۰۔ پِھر اُس نے گُھٹنے ٹیک کر بڑی آواز سے پُکارا کہ اَے خُداوند! یہ گُناہ اِن کے سرنہ لگا اور یہ کہہ کر سوگیا۔

8¹۱۔ اُسی دِن اُس کَلِیسِیا پر جو یروشلِیؔم میں تھی بڑا ظُلْم بَرپا ہُؤا اَور رسُولوں کے سِوا سب لوگ یَہُودِیَّہ اَور سَامِرِیہ کی اَطراف میں تتَِّر بِتَّر ہوگئے۔ ²۲۔ اَور عِبادَت گُزاروں نے ستِفنُسؔ کو دفنایا اَور اُس پر بڑا ماتَم کِیا۔ ³۳۔ اَور ساؤُؔل کَلِیسِیا کو اِس طرح تَباہ کرتا رہا کہ گَھر گَھر گُھسْنا اَورمَردوں اَور عَورَتوں کو گَھسِیٹ گَھسِیٹ کر قَید کراتا تھا۔⁴۴۔ چُنان٘چِہ جو اِیْماندار تتَِّر بِتَّر ہو گئے تھے وہ کلام سُناتے رہے۔ ⁵۵۔۔ اَور فِلپُّؔس شہرِ سَامِرِیہ میں جا کر لوگوں میں مَسِیْح کی مُنادی کرنے لگا۔⁶۶۔ اَور جو مُعْجِزَاْتْ فِلپُّؔس دکھاتا تھا لوگوں نے اُنہیں سُن اَور دیکھ کر مُتَّفِقَہ طور پر اُس کی باتوں پر جی لگایا۔ ⁷۷۔ کیونکہ بہت سے لوگوں میں ناپاک رُوحیں تھیں اَور وہ بڑی آواز سے چِلّا کر نِکل گئیں اَور بہت سے مَفلُوج اَور شِفایاب ہؤئے۔ ⁸۸۔ اِس لئے اُس شہرمیں بڑی خُوشی ہُؤئی۔⁹۹۔ لیکِن اُس سے پہلے شمعُؔون نامی ایک شَخْص اُس شہر میں جادُوگری کرتاتھا اَور اُس نے سَامِرِیہ کے لوگوں کو حَیرت میں ڈال رکھا تھااَور اُس کا دعوہٰ تھا کہ وہ بھی کوئی خاص شَخْص ہَے۔ ¹⁰۱۰۔ اَور چھوٹے سے بڑے تک سب سَامِرِی اُس کی سُن سُن کر یہ کہتے تھے کہ یہ شَخْص خُدا کی وہ قُدْرَت ہَے جو بڑی قُدْرَت کہلاتی ہَے۔ ¹¹۱۱۔ وہ اِس لئے اُس کی طرف مُتَوَجّہ رہتے تھے کہ اُس نے بڑی مُدَّت سے اپنے جادُو کے سَبَب سے اُن کو حَیران کر رکھا تھا۔¹²۱۲۔ لیکِن جب اُنہوں نے فِلپُّؔس کا یَقِین کِیا جو خُدا کی بادشاہی کی اِنْجِیل اَور یَسُؔوع مَسِیْح کے نام کا پَرْچَار کِیا کرتاتھا۔ تو سب مَرد و زَن بَپْتِسْمَہ لینے لگے۔ ¹³۱۳۔ یَہاں تک کہ شمعُؔون خود بھی اِیْمان لے آیا اَور بَپْتِسْمَہ لے کر فِلپُّؔس کے ساتھ رہنے لگا۔ اَور عَجائِب اَور بڑے بڑے مُعْجِزَاْتْ دیکھ کر حَیران رہ گیا۔¹⁴۱۴۔ ۔جب رسُولوں نے جو یروشلِیم میں تھے سُنا کہ سَامِریوں نے بھی خُدا کا کلام قُبُول کِیا ہَے تو اُنہوں نے پَطْرَسؔ اَور یُوحنّؔا کو اُن کے پاس بھیجا۔ ¹⁵۱۵۔ جب وہ وہاں پَہُنْچے تو اُنہوں نے دُعا کی کہ وہ رُوحُ الْقُدس پائیں۔ ¹⁶۱۶۔ کیونکہ رُوحُ الْقُدس اب تک اُن میں سے کِسی پر نازِل نہ ہُؤا تھا لیکِن اُنہوں نے صِرْف خُداوَنْد یَسُؔوع کے نام پر بَپْتِسْمَہ پایا تھا۔ ¹⁷۱۷۔ تب یُوحنّؔا اَور پَطْرَسؔ نے اُن پر ہاتھ رکھے اَور اُنہوں نے رُوحُ الْقُدس پایا۔¹⁸۱۸۔ جب شمعُؔون نے یہ دیکھا کہ رسُولوں کے ہاتھ رکھنے سے رُوحُ الْقُدس دِیا جاتا ہَے تواُس نے رُوپے پیش کرکے اُن سے ¹⁹۱۹۔ کہا کہ مُجھے بھی یہ اِخْتِیار دو۔ کہ جِس کِسی پر مَیں ہاتھ رَکُّھوں وہ رُوحُ الْقُدس پائے۔²⁰۲۰۔ پَطْرَسؔ نے اُس سے کہا تیرے رُوپے تیرے ساتھ ہی غارَت ہوں کیونکہ تُو نے یہ سوچا کہ خُدا کی بَخْشِش رُوپَیوں سے حاصِل ہوسکتی ہے۔ ²¹۲۱۔ تیرا اِس اَمَر میں نہ تو کوئی حِصَّہ ہَے اَور نہ بَخْرہ کیونکہ تیرا دِل خُدا کے حُضُور خالِص نَہِیں۔ ²²۲۲۔ چُنان٘چِہ تُو اپنی اِس شَرارَت سے تَوبَہ کر اَور خُدا سے مِنَّت کر تاکہ تیرے دِل کے اِس خیال کی مُعَافِی مُمکِن ہو جائے۔ ²³۲۳۔ اِس لئے کہ مَیں یہ دیکھتا ہُوں کہ تُو زَہْر کی کَڑْواہَٹ اَور بَدی کے بند میں مُقَیَّد ہَے۔²⁴۲۴۔ ۔شمعُؔون نے جَوابً کہا تُم میرے لئے خُداوَنْد سے دُعا کرو کہ جو باتیں تُم نے کَہیں اُن میں سے کوئی بات بھی میرے ساتھ پیش نہ آئے۔²⁵۲۵۔ جب پَطْرَس اَور یوحنا گواہی دے چُکےاَور خُداوَنْد کا کلام سُنا چُکے تو پھر وہ سامریہ کے مُتعدّد گاؤں میں اِنجیل سُناتے ہوئے یروشلیم کو واپس لوٹ گئے۔²⁶۲۶۔ پھر خُداوَنْد کے ایک فَرِشتَہ نے فِلپُّؔس سے فرمایاکہ اُٹھ اَور جنوب کی طرف اُس سڑک کو جا جو یروشلیم سے غُزّؔہ کو جاتی ہَے اَور وہ سڑک بیابان میں ہَے۔ ²⁷۲۷۔ وہ اُٹھ کر روانہ ہُؤا تو دیکھو ایک حَبْشی خواجَہ سَرا آ رہا تھا۔ جو حَبْشیوں کی مَلِکَہ کنداکے کا ایک با اختیار وزیر اَور اُس کے سارے خزانہ کا مُختار تھا اَور یروشلیم میں عبادت کے لئے آیاہُؤا تھا۔ ²⁸۲۸۔ وہ اپنے رتھ پر بیٹھا اَور یسعیاہ نبی کے صَحِیفَہ کی تِلاوَت کرتا ہُؤا واپس جا رہا تھا۔²⁹۲۹۔ رُوح نے فِلپُّؔس سے فرمایا کہ نَزْدیک جا کر اُس رتھ کے ساتھ ہو لے۔ ³⁰۳۰۔ چُنان٘چِہ فِلپُّؔس اُس کی طرف دَوڑ گیا اَور اُسے یسعیاہ نبی کے صحیفے کی تلاوت کرتے سُنا اَور پوچھا کہ کیا تُو جو کُچھ پڑھ رہا ہَے اُسے سمجھتا بھی ہَے؟ ³¹۳۱۔ اِس پر اُس نے کہا یہ مُجھ سے کیسے ہو سکتا ہَے جب تک کوئی میری راہنُمائی نہ کرے؟ تب اُس نے فِلپُّؔس کو رتھ پر آ بیٹھنے کی درخواست کی۔³²۳۲۔ اب کتابِ مُقدس کی جس عِبارَت کی وہ تِلاوَت رہا تھا یہ تھی کہ اُسے بِھیڑ کی طَرْح ذَبْح خانے میں لے جایا گیا اَور جِس طرح بِرَہ اپنے بال کترنے والے کے سامنے خاموش رہتا ہَے اُسی طرح اُس نے اپنا مُنہ نہ کھولا۔ ³³۳۳۔ اُس کی پست حالی میں اُسے اِنْصاف حاصِل نہ ہُؤا اَور کون اس کی نسل کا حال بیان کرے کیونکہ زمین پر سے اُس کی زِنْدَگی مِٹا دی گئی۔³⁴۳۴۔ خواجَہ سَرا نے فِلِپُّؔس کو مُخاطَب کرتے ہوئے کہا، مَیں تیری مِنّت کرتا ہُوں مُجھے بتا! کہ نبی یہ بات کِس کے مُتَعَلِّق فَرْماتاہَے۔اپنے یا کِسی اَور کے؟ ³⁵۳۵۔ فِلپُّؔس نے اپنی زَبان کھول کر اُسی نوِشتہ سے شُرُوع کر کے اُسے یِسُؔوع کی اِنْجِیل سُنائی۔³⁶۳۶۔ اَور راہ چلتے چلتے وہ کِسی پانی والے مَقام پر پَہُنْچے۔ تب خواجَہ سَرا نے کہا کہ دیکھ پانی مَوجُود ہَے اَب مُجھے بَپْتِسْمَہ پانے سے کونسی چیز روک سکتی ہَے ؟ ³⁷۳۷۔ چُنان٘چِہ فِلِپُّؔس نے فَرْمایا کہ اگر تُو دِل و جان سے اِیمان لائے توتُو بَپْتِسْمَہ پاسکتا ہَے۔ اُس نے جواب میں کہا مَیں اِیْمان لاتا ہُوں کہ یِسُؔوع مِسیح اِبنِ خُدا ہَے۔ ³⁸۳۸۔ چُنان٘چِہ حَبشی نے رتھ کو روکنے کا حُکْم دِیا اَور فِلِپُّؔس اَور خوجَہ سَرا دونوں پانی میں اُتر گئےاَور فِلِپُّؔس نے اُسے بَپْتِسْمَہ دِیا ۔³⁹۳۹۔ جب وہ پانی سے نِکل کر اُوپر آئے تو خُداوَنْد کا رُوح فِلِپُّؔس کو اُٹھا کرلے گیا اَور خوجَہ سَرا نے اُسے پھر نہ دیکھا لیکِن وہ خُوشی خُوشی اپنی راہ چلا گیا۔ ⁴⁰۴۰۔ لیکِن فِلِپُّؔس اشدُؔود میں ظاہر ہُوا اَور قَیصَر یہ میں پَہُنْچنے تک سب شَہْروں میں اِنْجِیل سُناتا گیا۔

9¹۱۔ لیکن ساؤل ؔجو ابھی تک خُداوند کے شاگِردوں کو دھمکانے اور قتل کرنے کی دُھن میں تھا سردار کاہِن کے پاس حاضر ہُؤا۔ ²۲۔ اَور اُس سے دمِشق کے عِبادت خانوں کے لِئے اِس مضمُون کے خَطوط مانگے کہ جِنہیں وہ اِس طرِیق پر پائے خواہ مَردہو خَواہ عَورت اُنہیں باندھ کر یروشلیِؔم میں لائے۔³۳۔ جب وہ سفر کرتے کرتے دمِشق کے نزدیک پُہنچا تو اَیسا ہُؤا کہ یکایک آسمان سے ایک نُور اُس کے چوگِرد آچمکا۔ ⁴۴۔ اور وہ زمِین پر گِر پڑا اوراُس نے یہ آواز سُنی کہ اَے ساؤؔل اَے ساؤؔل ! تُو مُجھے کیوں ستاتا ہے؟⁵۵۔ جوابً ساؤؔل نے پُوچھا اَے خُداوند ! تُو کَون ہے؟اُس نے کہا مَیں یِسُوعؔ ہُوں جِسے تُو ستاتا ہے۔ ⁶۶۔ مگر اب تُو اُٹھ اور شہر میں داخل ہو اور جو تُجھے کرنا لازِم ہوگا وہ تُجھےسے کہہ دِیا جائے گا۔ ⁷۷۔ جو آدمی اُس کے ساتھ سفر کر رہے تھے وہ چُپ چاپ کھڑے تھے کیونکہ وہ آوازتو سُن رہے تھے مگر کِسی کو دیکھ نہ رہے تھے۔⁸۸۔ اَور ساؤؔل زمِین سے اُٹھا لیکن جب اُس نے آنکھیں کھولیِں تو اُس کو کُچھ دِکھائی نہ دِیا اور وہ لوگ اُس کا ہاتھ پکڑ کر اُسے دمِشق لے گئے۔ ⁹۹۔ اَور وہ وہاں تِین روز تک نہ دیکھ سکا اَور نہ اُس نے کُچھ کھایا نہ پِیا۔¹⁰۱۰۔ اب دمِشق میں ایک شاگِرد جِس کا نام حننیاؔہ تھا۔ خُداوند نے رویا میں اُس سے فَرمایاکہ "اَے حننیاؔہ ! "اُس نے کہا "اِے خُداوند دیکھ میں حاضِر ہُوں!۔" ¹¹۱۱۔ خُداوند نے اُس سے فرمایا کہ اُٹھ ۔ اور اُس گلی میں جا جو سیِدھی گلی کہلاتی ہے اور یہُوداؔہ کے گھر میں ساؤؔل نا می ترسی کا پوُچھ لے کیونکہ دیکھ وہ دُعا کر رہا ہے۔ ¹²۱۲۔ کیونکہ اُس نے رویا میں حننؔیاہ نام ایک شخص کو اندر آتے اور اپنے اُوپر ہاتھ رکھتے دیکھاہےتاکہ پِھر سے بینا ہو جائے۔¹³۱۳۔ مگر حننؔیاہ نے جوابً کہا کہ اَے خُداوندمیں نے بُہت لوگوں کی زبانی اُس شخص کے مُتعلِق سُن رکھا ہَے کہ اُس نے یروشلؔیِم میں تیرے مُقدّسیِن کو کیا کیا تکالیِف پُہنچائی ہَیں ۔ ¹⁴۱۴۔ اِور یہاں کے لئے بھی اُس نے سردار کاہِنوں کی طرف سے اِختِیارپایا ہَے کہ اُن سب کو قید کرے جو تیرا نام لیتے ہَیں۔ ¹⁵۱۵۔ مگر خُداوندنے اُس سےیہ فرمایا کہ تُوجاکیونکہ یہ میراچُناہُؤا وہ وسیِلہ ہَے جو میرا نام غیراقوام ،سلاطین اَوربنی اِسراؔئیل پر ظاہر کرےگا ۔ ¹⁶۱۶ اَور مَیں اُس پر ظاہر کر دُوں گا کہ میرے نام کی خاطر اُسے کیا کیا تکالیِف برداشت کرنا پڑیں گی۔¹⁷۱۷۔ تب حننؔیاہ روانہ ہُؤا اَور اُس گھر میں داخِل ہُؤا اَور اُس پر ہاتھ رکھ کر کہااَے بھائی ساؤؔل۔ خُداوند یعنی یِسُوؔع نے مُجھے بھیجا ِہَے جو تُجھ پر اُس راہ میں ظاہر ہُؤا جِس سے تُوآیا تھا۔تاکہ تُو پھر سے بِینائی پائے اَور رُوحُ القُدس سے معمُورہو جائے۔ ¹⁸۱۸۔ اِ س پر ساؤؔل کی آنکھوں پر سے فی الفورایک جِھلّی سی گِرپڑی اَوروہ بِیناہو گیا اور اُٹھ کر بپتِسمہ لِیا۔ ¹⁹۱۹۔ پِھر کُچھ کھا کر طاقت پائی۔اور وہ کئی دِن اُن شاگِردوں کے ساتھ رہا جو دمِشق میں تھے۔²⁰۲۰۔ اور فوراً عِبادت خانوں میں یِسُوؔع کی مُنادی کرنے لگا کہ وہ خُدا کا بیٹا ہے۔ ²¹۲۱۔ اَور اُسے سب سُننے والے حیران ہوکر کہنے لگے کہ کیا یہ وہ نہیں جو یرُوشلِیؔم میں اِس نا م کے پُکارنے والوں کو تباہ کرتاتھا اَوریہاں بھی اِس لئے آیا کہ اُنہیں باندھ کر سردار کاہِنوں کے پاس لے جائے؟ ²²۲۲۔ لیکن ساؤؔل مزید قوّی ہوتا گیا۔۔اَوریہ بات ثابت کر کے کہ یِسؔوع ہی مسیح ہَے دَمِشق میں رہنے والے یہودِیوں کو حیران کرتا رہا ۔²³۲۳۔ اِس پر کئی دِنوں کے بعدیُہودِیوں نے آپس میں اُسے قتل کرنے کا منصوبہ بنایا۔ ²⁴۲۴۔ لیکن ساؤؔل کو اُن کی سازِش معلوم ہوگئی ۔ کِیونکہ اُنہوں نے رات دِن پھاٹکوں پر نظر رکھی تاکہ اُسے مارڈالیں ۔ ²⁵۲۵۔ لیکن رات کو اُس کے شاگِردوں نےاُسے ٹوکرے میں بِٹھایا اور دِیوار پر سے لٹکا کر اُتار دِیا۔²⁶۲۶۔ جب ساؤؔل یروشلیِم میں پہنچا تو شاگِردوں میں گُھل مِل جانے کی کوشش کی ۔مگر سب اُس سے ڈرتے تھے کیونکہ وہ یقین نہ کرتے تھے کہ یہ بھی شاگِرد ہَے۔ ²⁷۲۷۔ مگر برنباؔس نے اُسے اپنے ہمراہ رسُولوں کے پاس لے جاکراُن سے بیان کِیا کہ اِس نے راہ میں خُداوند کو کِس طرح دیکھا ،اور اُس نے اِس سے کلام کِیا اور یہ بھی کہ اِس نے دمِشق میں کَیسی دلیِری کے ساتھ یِسُوع کے نام سے مُنادی کی۔²⁸۲۸۔ چُنانچہ وہ اُن کے ہمراہ یرُوشلِیم میں اندرباہر آتا جاتا اَور خُداوندکے نام پر دلیری سے کلام کرتا تھا۔ ²⁹۲۹۔ اور وہ یُونانی مائِل یہودیوں کے ساتھ گُفتگُو اور بحث مُباحثہ بھی کِیا کرتا تھا مگروہ اُس کے قتل کی کوشش میں تھے۔ ³⁰۳۰۔ لیکن جب بھائیوں کو یہ خبر مِلی تو وہ اُسے قیصؔریہ میں لے گئےاَور ترسُس کی طرف روانہ کر دِیا۔³¹۳۱۔ چُنانچہ تمام یہُودؔیہ اور گلیِؔل اور سامرؔیہ میں کلِیسیا کو آرام حاصل ہوگیااور اُس کی ترقّی ہوتی گئی اور وہ خُداوند کے خَوف اور رُوحُ القُدس کی تسلّی پر چلتی اور تعدادًبڑھتی چلی گئی۔ ³²۳۲۔ پِھر اَیسا ہُؤا کہ پطرؔس ہر جگہ سفر کرتے کرتے خُدا کے اُن مُقدّسین کے پاس بھی پُہنچا جُو قصبہِ لُدّؔہ میں رہتے تھے۔³³۳۳۔ وہاں اُس نے اَینیاؔس نامی ایک مفلُوج کو پایا جو آٹھ برسوں سے چارپائی پر پڑا تھا۔ ³⁴۳۴۔ پطؔرس نے اُس سے فرمایا،اَےاَینؔیاس یِسُؔوع مِسیح تُجھے شِفا دیتا ہے۔اُٹھ اور اپنا بِستر آپ بِچھا ۔وہ فوراً اُٹھ کھڑا ہُؤا۔ ³⁵۳۵۔ تب لُدّؔہ اور شارُوؔن کے سب رہنے والے اُسے دیکھ کر خُداوند کی طرف رجُوع لائے۔³⁶۳۶۔ اور یاؔفا میں ایک شاگردنی تھی جِس کا نام تبِیتا تھا جِس کا تَرجُمہ غزالہ ہے وہ بُہت نیک کام اور خیرات کِیا کرتی تھی۔ ³⁷۳۷۔ اُن ہی دِنوں میں اَیسا ہُؤا کہ وہ بیِمار ہوکر مَرگئی اور اُسے غُسل دے کر بالائی منزل پررکھ دِیا۔³⁸۳۸۔ چُونکہ لُدّؔہ یافا کے نزدیک تھا۔جب شاگرِدوں نے سُناکہ پطؔرس وہاں ہَے تواُس کے پاس دو آدمی بھیج کر درخواست کی کہ ہمارے پاس آنے میں دیر نہ کر۔ ³⁹۳۹۔ پطؔرس اُٹھ کر اُن کے ساتھ چَل دِیا۔ جب پُہنچا تو اُسے بالائی منزل پر لے گئے اور سب بیوائیں روتی ہوئی اُس کے پاس آکھڑی ہوئِیں اور جو کُرتے اور ملبُوسات غزالہ نے اُن کے ساتھ رہ کر بنائے تھے دِکھانے لگِیں۔⁴⁰۴۰۔ تب پطؔرس نے سب کو کمرے سے باہر بھیج دِیا اور گُھٹنے ٹیک کر دُعا کی ۔ پِھرلاش کی طرف مُتوجّہ ہوکر فرمایااَے تبِیؔتا اُٹھ! پس اُس نے آنکھیں کھول دِیں اور پطرؔس کو دیکھ کر اُٹھ بَیٹھی۔ ⁴¹۴۱۔ تب پطؔرس نے اُس کا ہاتھ پکڑ کر اُسےاُٹھایا اور مُقدّسین اور بیواؤں کو بُلا کر اُسے زِندہ اُن کے سپُرد کر دِیا۔ ⁴²۴۲۔ یہ ماجرہ سارے یافؔا میں مشہُور ہو گیا اور بُہت سے لوگ خُداوند پر اِیمان لے آئے۔ ⁴³۴۳۔ اور یُوں ہُؤا کہ وہ بُہت دِن یاؔفامیں شمعُوؔن نامی ایک دبّاغ کےہاں رہا۔

10¹۱۔ قیصؔریہ میں کُرنِیلُؔیس نامی ایک شخص تھا جو اُس پلٹن کا ایک صُوبہ دار تھا جو اطالوی پلٹن کہلاتی تھی۔ ²۲۔ وہ دِین دار تھا اور اپنے سارے گھرانے سمیت خُدا سے ڈرتا تھا اور لوگوں کو بہت خَیرات دیتا اور ہر وقت خُدا سے دُعا کِیا کرتا تھا۔³۳۔ اُس نے نویں گھنٹے کے قریب رویا میں صاف صاف دیکھا کہ خُدا کا فرشتہ اُس کے پاس آکر فرماتاہے اےکُرنِیلیُس!۔ ⁴۴۔ اُس نے اُس کو غَور سے دیکھا اور ڈر کر کہا اے خُداوند یہ کیاہے؟ اُس نے اُس سے فرمایا "تیری دُعائیں اور تیری خَیرات بطوریادگار خُدا کے خضور پہنچیں "۔ ⁵۵۔ اب تویافا میں آدمی بھیج کر شمعؔون کو جو پطرؔس کہلاتا ہے بُلوا لے۔ ⁶۶۔ وہ شمعُؔون نامی ایک دباغ کے ہاں مہمان ہے جِس کا گھر سمُندر کے کِنارے ہَے۔⁷۷۔ اور جب وہ فرِشتہ چلا گیا جِس نے اُس سے باتیں کی تھِیں تو اُس نے دو مُلارمین اور اُن میں سے جو اُس کے پاس حاضِر رہا کرتے تھے ایک دِین دار سِپاہی کو بُلایا۔ ⁸۸۔ اور اُن سے سب باتیں بیان کر کے اُنہیں یاؔفا میں بھیجا۔⁹۹۔ وہ دُوسرے دِن جب سفر میں تھے اور شہر کے نزدیک پُہنچے تو پطؔرس چھٹے گھنٹے کے قریب چھت پر دُعا کرنے کو چڑھا۔ ¹⁰۱۰۔ اَور اُسے بھُوک لگی اَور وہ کُچھ کھانا چاہتا تھا۔مگر جب لوگ کھانا پکا رہے تھے تووہ وَجد میں آگیا۔ ¹¹۱۱۔ اَور اُس نے دیکھا کہ آسمان کُھل گیا اَور ایک برتن بڑی چادر کی مانند چاروں کونوں سے لٹکاہُؤا آسمان سےزمِین کی طرف اُتر رہا ہَے۔ ¹²۱۲۔ جِس میں زمیِن کے سب اِقسام کے چَوپائے اور کیِڑے مکُوڑے اورہوا کے پرِندے تھے۔¹³۱۳۔ تب اُسے ایک آواز سُنائی دی کہ اَے پطرؔس اُٹھ! ذبح کر اور کھا۔ ¹⁴۱۴۔ مگر پطرؔس نے کہا اَے خُداوند! ہر گِز نہیں کیونکہ مَیں نے کبھی کوئی حرام یا ناپاک چیز نہیں کھائی۔ ¹⁵۱۵۔ پِھراُسے دوبارہ آواز آئی کہ جِن کو خُدا نے حلال ٹھہرایا ہے تُو اُنہیں ہرگزحرام نہ ٹھہرا۔ ¹⁶۱۶۔ تِین بار ایسا ہی ہُؤا اَور پھر وہ برتن یکایِک آسمان کی طرف اُٹھا لِیا گیا۔¹⁷۱۷۔ جب پطرؔس اَندر ہی اَندر شش و پنج کا شِکار تھا کہ یہ رُؤیاجو مَیں نے دیکھا،کیا ہَے تو دیکھو وہ اِشخاص جِنہیں کُرنِیلیُِس نے بھیجا تھا۔شمعُؔون کا گھر دریافت کرکے دروازہ پر کھڑے ہو گئے۔ ¹⁸۱۸۔ اَور پُکار کر پُوچھنے لگے کہ کیا شمعُؔون جو پطرؔس کہلاتا ہَے یہیں مِہمان ہے؟¹⁹۱۹۔ جب پطرؔس اُس رویا کے مُتعلق سوچ رہا تھا تو روح نےاُس سے فرمایاکہ دیکھ تِین آدمی تُجھے تلاش کررہے ہیں۔ ²⁰۲۰۔ پس اُٹھ کر نِیچے جا اَور بِلاجھجک اُن کے ساتھ روانہ ہو جا کیونکہ مَیں نے ہی اُنہیں بھیجا ہے۔ ²¹۲۱۔ پطرؔس نے اُترکر اُن اشخاص سے فرمایا دیکھو جِس کی تمہیں تلاش ہےمَیں ہی ہُوں۔ تُم کِس سبب سے آئے ہو؟²²۲۲۔ اُنہوں نے اُس سے کہا کُرنِیلیُس صُوبہ دار نے جوراستباز ،خُدا ترس اَور یہودیوں کی ساری قوم میں نیک نام ہَےایک پاک فرِشتےسے حُکم پایا۔ کہ تُجھے اپنے گھر بُلائےاَور تُجھ سے کلام سُنے ۔ ²³۲۳۔ چُنانچہ اُس نے اُنہیں اندر بُلا کر اُن کی خاطِر تَواضُع کی۔اور دوسرے دِن وہ اُن کے ساتھ روانہ ہو گیااور یافا سے کئی بھائی بھی اُس کے ساتھ روانہ ہوئے۔²⁴۲۴۔ یوں دُوسرے روز وہ قَیصرؔیہ میں داخِل ہُؤئے اور کُرنِیلُِس اپنے رشتہ داروں اور قریبی دوستوں کو جمع کر کے اُن کی راہ دیکھ رہا تھا۔²⁵۲۵۔ جب پطرؔس اندر آنے لگا تو اَیسا ہُؤا کہ کُرنِیلُِس نے اُس کا اِستِقبال یوں کِیا کہ اُس کے قَدموں پر گِر کر اُسے سِجدہ کِیا۔ ²⁶۲۶۔لیکن پطؔرس نے اُسے اُٹھا یا اورفرمایا۔ کھڑا ہو مَیں بھی تو ایک اِنسان ہی ہُوں ۔²⁷۲۷۔ اَور اُس سے گُفتگوکرتا ہُؤا اندر گیا اَور بُہت سے لوگوں کو اِکٹّھا پایا۔ ²⁸۲۸۔ اوراُن سے فرمایا کہ تُم تو جانتے ہی ہو کہ کسی یہُودی کاکسی غَیر قَوم والے سے میل جول رکھنا یا اُس کے ہاں جانا مکرُوہ عمل ہَے مگر خُدا نے مُجھ پر ظاہِر کِیا کہ مَیں کِسی آدمی کو نجِس یا ناپاک نہ کہُوں ۔ ²⁹۲۹۔ یہی وجہ ہے کہ جب مُجھےبُلایا گیا تو مَیں بے عُذر چلا آیا ۔چُنانچہ اب مَیں پُوچھتا ہُوں کہ مُجھے کِس سبب سےبُلایا گیاہے؟³⁰۳۰۔ اِس پر کُرنِیؔلیُِس نے کہا کہ اِس وقت پُورے چار روز ہو چُکے ہیں کہ مَیں نویں گھنٹے کے قریب گھر میں دُعا کر رہا تھا۔اَور دیکھو ایک شخص چمکدار پوشاک پہنے ہُوئے میرے سامنے آکھڑا ہُؤا۔ ³¹۳۱۔ اَور اُس نے فرمایا کہ اَے کُرنیِلیُِسؔ دیکھ تیری دُعا سُن لی گئی اور تیری خَیرات بھی خُدا کے حضُور یاد کی گئی ہے۔ ³²۳۲۔ چُنانچہ کِسی کو یاؔفا میں بھیج اورشمعُؔون کو جو پطرؔس کہلاتا ہے اپنے پاس بُلا۔ وہ سمُندر کے کِنارے شمعُؔون دبّاغ کے گھر میں ٹھہرا ہُؤا ہے۔ ³³۳۳۔ چُنانچہ مَیں نے فی الفور تیری طرف آدمی روانہ کئِے اور بھی تُو نے خُوب کِیا کہ چلا آیا۔اب ہم سب خُدا کے حضُور حاضِر ہیں تاکہ جو کُچھ خُداوند نے تُجھ سے فرمایا ہے اُسے سُنیں ۔³⁴۳۴۔ پطرؔس نے اپنا مُنہ کھول کر فرمایا کہ ۔ اب مُجھے پُورا یقین ہو گیا ہے کہ خُدا کِسی کا طرف دار نہیں۔ ³⁵۳۵۔ بلکہ ہر قَوم میں سےجو کوئی اُس سے ڈرتا اور راست باری کرتا ہےوہ اُسے پسند آتا ہے۔³⁶۳۶۔ تُم جانتے ہو جو کلام اُس نے بنی اِسرائیل کے پاس بھیجا یعنی جب یِسُوؔع مسیح کی معرفت (جو سب کا خُداوند ہے)صُلح کی خُوشخبری دی۔ ³⁷۳۷۔ اَور اُس بات کو تُم خُود جانتے ہو جو یُوحنّا بپتِسمہ دینے والی کی مُنادی کے بعد گلِیل سے شروُع ہو کر تمام یہودیہ میں پھیل گئی تھی۔ ³⁸۳۸۔ کہ خُدا نے یِسُوؔع ناصری کو رُوحُ القُدس اور قُدرت سے کِس طرح مَسح کِیا۔وہ بھلائی کرتا اور اُن سب کو جو اِبلیِس کے ہاتھ سے طُلم اُٹھاتے تھے شِفا دیتا پِھرا کیونکہ خُدا اُس کے ساتھ تھا۔³⁹۳۹۔ اَور ہم اُن سب کاموں کے گواہ ہیں جو اُس نے مُلکِ یہُود اَور یروشلِیؔم میں کئے لیکن اُنہوں نے اُس کو دار پر لٹکا کر مارڈالا۔ ⁴⁰۴۰۔ تاہم خُدا نے تِیسرے دِن اُس کو جِلایا اور ظاہِر بھی کر دِیا۔ ⁴¹۴۱۔ ساری قوم پر تو نہیں مگر اُن گَواہوں پر جو پہلے سے خُداکے چُنے ہُوئے تھے یعنی ہم پر جِنہوں نے اُس کے مُردوں میں سے جی اُٹھنے کے بعد اُس کے ساتھ کھایا پِیا ۔⁴²۴۲۔ اَور اُس نے ہمیں حُکم دِیا کہ اُمّت میں مُنادی کرو اور گواہی دو کہ یہ وُہی ہے جو خُدا کی طرف سے زِندوں اور مُردوں کا مُنصِف مُقرر کِیا گیا۔ ⁴³۴۳۔ سب انبِیاء بھی اُس کے مُتعلِق گواہی دیتے ہَیں کہ جو کوئی اُس پر اِیمان لائے گا۔اُس کے نام سے اپنے گُناہوں کی مُعافی پائے گا۔⁴⁴۴۴۔ پطؔرس یہ باتیں کر ہی رہا تھا کہ رُوحُ القُدس اُن سب پر نازِل ہُؤا جو کلام سُن رہے تھے۔ ⁴⁵۴۵۔ اَور پطؔرس کے ساتھ جِتنے مختُؤن اِیمان دار آئے تھے وہ سب حَیران ہُوئے کہ غَیر اَقوام پر بھی رُوحُ القُدس کی بخشِش جاری ہُوئی۔⁴⁶۴۶۔ کِیونکہ اُنہیں طرح طرح کی زُبانیں بولتے اَور خُدا کی تمجِید کرتے سُنا۔ اِس پر پطؔرس نے فرمایا کہ۔ ⁴⁷۴۷۔ کیا اُنہیں کوئی پانی سے روک سکتا ہَے کہ بپتِسمہ نہ پائیں۔ جِنہوں نے ہماری طرح رُوحُ القُدس پالِیاہے؟ ⁴⁸۴۸۔ تب اُس نے حُکم دِیا کہ اُنہیں یِسُوؔع مسیح کے نام پر بپتِسمہ دِیا جائے۔ اِس پر اُنہوں نے اُس سے درخواست کی کہ چَند روزہمارے پاس قیام کر۔

11¹۱ اَور رسُولوں اَور بھائیِوں نے جو یَہُودؔیہ میں تھےیہ سُنا کہ غَیْر اَقْوام نے بھی خُدا کا کلام قُبُول کِیا۔ ²۲ جب پَطْؔرَس یرُؔوشلِیم میں لوٹا تو مَخْتُونوں کا گِروہ اُس پر تَنْقِید کرتے ہوئے یُوں کہنےلگا۔ ³۳ کہ تُو نامَخْتُونوں کے پاس گیا اَور اُن کے ساتھ کھانا کھایا۔⁴۴۔ پَطْؔرَس نے اُس وَقِعَہ کی شُرُوع سے وَضاحَت کرتے ہُؤئے بیان کیِا کہ ⁵۵۔ مَیں شہرِ یافؔا میں دُعا کر رہا تھااَور وَجْد میں آکر ایک رُویا دیکھی۔ کہ ایک بڑی چادَر جَیسا باسَن جِس کے چاروں کونے آسمان سے لٹک رہے تھے اُتر کر مُجھ تک آیا۔ ⁶۶۔ جب میَں نے اُس پر غَور سے نَظَرْ کی تو زمین کے چوپائے، جَنْگَلی جانْوَر ، کِیڑے مکوڑے اَور ہوا کے پَرِندے دیکھے۔⁷۷۔ اَور یہ کہتےہُؤئے ایک آواز بھی سُنی کہ اَے پَطْؔرَس اُٹھ! ذَبْح کر اَور کھا۔ ⁸۸۔ مگر مَیں نے کہا۔ اَے خُداوَنْد ہرگز نہیں۔ کیونکہ میرے حَلْق سے کبھی کوئی حَرام یا ناپاک چِیز نہیں اُتری۔ ⁹۹۔ تب مُجھے دُوسری بار آسمان سے آواز آئی کہ جِسے خُدا نے حَلال ٹھہرایا تُو اُسے حَرام نہ کہہ۔ ¹⁰۱۰۔ تین بار اَیسا ہی ہُؤا۔ پِھر وہ سب چِیزیں آسمان کی طَرْف واپَس اُٹھا لی گئیں۔¹¹۱۱۔ اَور دیکھو اُسی وقت تِین آدْمی جو قَیصؔریہ سے میرے پاس بھیجے گئے تھے اُس گھر کے پاس آکھڑے ہُوئے جِس میں ہم تھے۔ ¹²۱۲۔ اَور رُوح نے مُجھ سےفرمایا کہ تُو بِلا تَفْرِیق اُن کے ہَمْراہ چلا جا اَور یہ چھ بھائی بھی میرے ہَمْراہ ہو لئے اَور ہم اُس شَخْص کے گَھر میں داخِل ہُوئے۔ ¹³۱۳۔ اَور اُس نے ہمیں بتایا کہ اُس نے کِس طَرْح ایک فَِرِشْتے کو اپنے گھر میں کھڑے دیکھا جِس نے اُس سے کہا کہ یاؔفا میں آدْمی بھیج اَور شمعُؔون کو جو پَطْرَس کہلاتاہَے بُلوا لے۔ ¹⁴۱۴۔ وہ تُجھے اَیسا پَیغام دے گا جِس سے تُجھ سَمیت تیرا سارا خانْدان نَجات پائے گا۔¹⁵۱۵۔ جُونہی مَیں نے اُن سے کلام کرنا شُرُوع کِیا تو اُن پر رُوحُ القُدْس اُسی طَرْح نازِل ہُؤا جِس طَرْح اِبْتِدا میں ہم پر ہُؤا تھا۔ ¹⁶۱۶۔ تب مُجھے خُداوَنْد کے وہ اَلْفاظ یاد آئے جیسا اُس نے فرمایاتھا کہ در حَقِیقَت یُوحنّؔا نے تو پانی سے بَپتسِْمَہ دِیا مگر تُم رُوحُ القُدْس سے بَپتسِْمَہ پاؤ گے۔¹⁷۱۷۔ چونچْہ جب خُدا نے اُن کو بھی وُہی نِعمَت دِی جو ہمیں خُداوَنْد یَسُوع مَسِیح پر اِیمان لانے سے مِلی تھی تو بَھلا مَیں کون تھا کہ خُدا کی مُخالِفَت کرسکتا؟ ¹⁸۱۸۔ جب اُنہوں نے یہ باتیں سُنیں تو وہ لا جواب ہو گئے اَور کُچھ نہ کہہ سکے، مگر اُنہوں نے خُدا کی تَمْجِید کی اَور کہا کہ خُدا نے غَیْر اَقْوام کو بھی زِنْدَگی پانے کے لئے تَوبَہ کی تَوفِیق بَخْشی ۔¹⁹۱۹۔ چونچْہ جو لوگ اُس اِیْذا رَسانی کے سَبَب سے پَراگَنْدَہ ہوگئے تھے جو ستِفنُؔس کے سَبَب سےپیش آئی تھی۔ وہ سَفَر کرتے کرتے فِینیکؔے اَور کُپرؔس اَور انطاؔکیہ میں پُہنچے۔ مگر وہ صِرْف یَہُودیوں ہی کے ساتھ کلام کِیا کرتے تھے۔ ²⁰۲۰۔ لیکن اُن میں سے چند اَشْخاص جو کپرُسؔی اَور کُریؔنی تھے وہ انطاکؔیہ میں آ کر یُونانیوں کو بھی خُداوَنْد یِسُوع کی اِنْجِیل کی باتیں بتانے لگے۔ ²¹۲۱۔ اَور خُداوَنْد کا ہاتھ اُن کے ساتھ تھا اَور مُتَعَدِّد لوگ اِیْمان لا کر خُداوَنْد کی طرف رُجُوع لائے۔²²۲۲۔ اِن باتوں کی خَبَر یرُوشلِؔیم کی کَلِیسِیا کے کانوں تک پُہنچی اَور اُنہوں نے برنباؔس کو انطاکؔیہ بھیجا۔ ²³۲۳۔ جب وہ وہاں پُہنچاتو خُدا کا فضل دیکھا اَور خُوش ہُؤا اَور اُن سب کی حَوصَلَہ اَفْزائی کی کہ دِلی اِرادہ سے خُداوَنْد میں قائم رہو۔ ²⁴۲۴۔ کیونکہ وہ ایک نیک مَرد تھا اَور رُوحُ الْقُدس اَور اِیْمان سے مَعْمُور تھا۔ اَور مُتَعَدِّد لوگ کَلِیسِیا میں زَم ہو گئے۔²⁵۲۵۔ تب برنباؔس ترسُؔس کی طرف روانہ ہُؤا کہ ساؔؤل کو اِحْتِیاط سے تلاش کرے۔ ²⁶۲۶۔ اَور جب وہ اُسے مِل گیا تو وہ اُسے انطاکؔیہ میں لے آیا اَور ایسا ہُؤا کہ وہ سال بھر کَلِیسِیا کی جَماعَت سےمِلتےاَور بَہُت سے لوگوں کو تَعْلِیم دیتے رہےاَور شاگِرْد پہلے انطاکؔیہ ہی میں مَسِیحی کہلائے۔²⁷۲۷۔ اُنہی دِنوں چَنْد اَن٘بِیا یرُوشلِؔیم سے انطاکؔیہ میں آئے۔ ²⁸۲۸۔ اُن میں سے ایک نے جِس کا نام اَکَبُس تھا کھڑے ہو کر رُوح کی ہِدایَت سے ظاہِر کِیا کہ تمام دُنیا میں بڑا کال پڑے گااَور اَیسا کلَؔوُدیُس کے عَہْد میں ہُؤا۔²⁹۲۹۔ اَور شاگِرْدوں نے تَجْوِیز کیا کہ اپنی اپنی اِسْتِعْداد کے مُـطابِق یَہُودِیَّہ میں رہنے والے بھائیوں کی اِمْداد کے لئے کُچھ بھیجیں۔ ³⁰۳۰۔ چُنان٘چِہ اُنہوں نے اَیسا ہی کِیا اَور برنباؔس اَور ساؤؔل کے ہاتھ بزرگوں کے لئے کُچھ رقم بھیجوائی۔

12¹۱ قریباً اُسی وقت ہیرودیسؔ بادشاہ نے بَدْ سُلوکی کرنے کے لئے کَلیِسیِا کے بَعْض اَرْکان پر ہاتھ ڈالا۔ ²۲ اَور یُوحنّؔا کے بھائی یَعقُؔوب کو تَلْوار سے مار ڈالا۔‫ ³۳۔ اَور جب دیکھا کہ یہ عَمَل یَہُودیوں کو پَسَنْد آیا ہَے تو پَطْرَؔس کو بھی گِرِفْتار کر لِیا۔یہ عیدِ فطِیر کے دِن تھے۔ ⁴۴۔ اَور اُس کی گِرِفْتار ی کے بعد اُسے اِس اِرادَہ سے قَید میں ڈالا کہ اُسے فَسْح کے بعد عَوام کے سامنے پیش کرے۔اَور اُس پر نَظَرْ رکھنے کے لئے چاروں پَہْروں میں چار چار سِپاہیوں کو تَعِینَات کِیا۔‫ ⁵۵۔ سو پَطْرَؔس پر تو قَید خانَہ میں کڑی نَظَرْ رکھی جا رہی تھی مگر کَلیِسیِا اُس کے لئے بِلاتوقُّف خُدا سے دُعا کر رہی تھی۔ ⁶۶۔ اَور جب ہیرودیسؔ اُسے پیش کرنے کو تھا تو اُسی رات پَطْرَؔس دو زَنْجِیروں سے جکڑا ہُؤا دو سِپاہیوں کے دَرْمِیان سو رہا تھا اَور پَہْرے دار دَرْوازے پر قَید خانے کی نِگرانی کر رہے تھے۔‫ ⁷۷۔اَور دیکھو خُداوَنْد کا ایک فَرِشْتَہ اچانَک اُس پر ظاہِر ہُؤا اَور قَید خانے کی کوٹْھڑی میں رَوشْنی ہو گئی۔ اَور اُس نے پَطْرَؔس کی پَسْلی تَھپْتَھپا کر اُسے جگایا اَور کہا کہ فوراً اُٹھ۔ تب زَنْجِیروں اُس کے ہاتھوں سے اُتر کرگرپڑیں۔ ⁸۸۔ اَور فرِشتے نے اُس سے کہا کَمر باندھ، اپنی جُوتی پہن۔اَور پَطْرَؔس نے ایسا ہی کِیا۔ پِھر فَرِشْتَہ نے اُس سے کہا۔ اب اپنا چُغَہ پہن کر میرے پِیچھے ہو لے۔‫ ⁹۹۔پَطْرَؔس نِکل کر فَرِشْتَہ کے پِیچھے ہو لِیا۔ مگر نہ جانا کہ یہ جوکُچھ فَرِشْتَہ کی طرف سے ہو رہا ہَے وہ حَقِیقَت ہَے۔ بلکہ یہ سمجھا کی وہ رُؤیا دیکھ رہا ہَے۔ ¹⁰۱۰۔ پس وہ پہلے اَور دوسرے مُحافِظوں سے بچ کر اُس لوہے کے پھاٹَک پر پُہنچے جو شہر کی طرف ہَے۔ وہ اُنکے لئے اَزخُود کُھل گیا۔ پس وہ نِکل کر گلی کے کونہ تک گئے اَور فَرِشْتَہ یکایک اُسکے پاس سے چلا گیا۔‫ ¹¹۱۱۔ اَور پَطْرَؔس نے ہوش میں آکر کہا کہ اب مَیں نے واقعیہ جان لِیا کہ خُداوَنْد نے اپنا فَرِشْتَہ بھیج کر مُجھے ہیرودیسؔ کے ہاتھ سے چَھڑا لِیاہَےاَور یہودی قوم کی ساری اُمید پر بھی پانی پِھیر دیا۔ ¹²۱۲۔ اَور اِس پر غَوْر و فِکْر کے بعد وہ اُس یُوحنّؔا کی ماں مریؔم کے گھر آیا جو مرقؔس کہلاتا ہَے۔ وہاں بَہُت سے آدْمی جَمْع ہو کر دُعا کر رہے تھے۔‫ ¹³۱۳۔ جب اُس نے پھاٹَک کا دَرِیچَہ کھٹکھٹایاتو رُؔدی نامی ایک نَوکَرانی دَسْتَک سُننے کوآئی۔ ¹⁴۱۴۔ اَور پَطْرَؔس کی آواز پَہْچان کر خُوشی کے مارے دَرْوازَہ نہ کھول پائی بَلْکِہ دَوڑ کر اِنْدَر خَبَر کی کہ پَطْرَؔس دَرْوازَہ پر کَھڑا ہَے۔ ¹⁵۱۵۔ اِس پر اُنہوں نے اُس سے کہا اری تُوتو دیِوانی ہَے۔مگر وہ اپنی بات پر مُسِر رہی کہ ایسا ہی ہَے۔ اُنہوں نےاُس سے کہا کہ یہ تواُس کا فَرِشْتَہ ہَے۔‫ ¹⁶۱۶۔ مگر پَطْرَؔس دَرْوازَہ کھٹکھٹاتا رہا۔تب اُنہوں نے دَرْوازَہ کھولا اَور اُسے دیکھ کر حیَران ہو گئے۔ ¹⁷۱۷۔ پَطْرَؔس نے اُنہیں ہاتھ سے چُپ رہنے کا اِشارہ کرتے ہوئے بَیان کِیا کہ خُداوَنْد نے کِس کِس طرح مُجھے قید خانےسے نِکالا۔ پِھر کہا کہ یعقؔوب اَور بھائیوں کو اِس بات کی خبر کر دینا اَور رَوانَہ ہو کر دوسری جگہ چلا گیا۔¹⁸۱۸۔ جب صُبْح ہُوئی تو سِپاہی بَہُت گَھبْرا گئےکہ پَطْرَؔس کا کیا ہُؤاہَے۔ ¹⁹۱۹۔ جب ہیرودیسؔ نے اُسے تلاش کیا اَور نہ پایا تو پَہْرے داروں کی تَفْتِیش کر کے اُنہیں سزائے موت کا فَیصْلَہ سُنایا اَورخود یَہُودِیہ کو چھوڑ کر قیصؔریہ میں جا بسا۔‫ ²⁰۲۰۔اَور ہیرودیسؔ صُؔور اَور صؔیدا کے لوگوں سے نِہایَت ناراض تھا۔ چُنان٘چِہ وہ مُتَّحِد ہو کر اُسکے پاس آئے اَور بادشاہ کے نائب بَلستُؔس کو اِعْتِماد میں لےکر صُلْح چاہی۔ کیونکہ اُنکے مُلک کو بادشاہ کے مُلک سے رَسَد پَہُنچتی تھی۔ ²¹۲۱۔سو ہیرودیسؔ ایک مُقَرَّرَہ دِن پر شَاہاَنَہ پوشاک پہن کر تَخْتِ عَدالَت پر بیٹھا اَور اُن سے خِطاب کرنے لگا۔‫ ²²۲۲۔ پس لوگ پُکار اُٹھے کہ یہ تو خُدا کی آواز ہَے نہ کہ اِنسان کی۔ ²³۲۳۔اُسی وَقْت خُداوَنْد کے ایک فرِشتے نے اُسے مارا۔ اِس لئے کہ اُس نے خُدا کی تَمْجِید نہ کی۔ اَور اُسے کیڑے پڑ گئے اَور وہ مر گیا۔²⁴۲۴۔لیکن کلامِ خُدا تَرَقّی کرتااَور پھیلتا گیا۔ ²⁵۲۵۔اَور برنباؔس اَور ساؤؔل اپنی خِدْمَت اَنْجام دے کر اَور یُوحؔنا کو جو مرقؔس کہلاتا ہَے ساتھ لے کر یرُوشلِؔیم سے واپس لوٹے۔

13‫¹۱۔ انطاکؔیہ کی کَلِیسِیا میں انبیاء اَور مُعَلِّمِین یہ تھے یعنی برنباؔس، شمعؔون جو کالا کہلاتا ہَے، لُوکؔیسُ کُرینی، مناؔہیم جو چوتھائی مُلک کے حاکِم ہیرودیؔس کے ساتھ پلا بڑھاتھا اَور ساؤؔل۔ ²۲۔ جب وہ خُداوَنْد کی عِبادَت کر رہے اَور روزے رکھ رہے تھے تو رُوحُ القُدس نے فرمایا کہ میرے لئے ساؤؔل اَور برنباؔس کو اُس کام کے لئے مَخْصُوص کر دو جس کے واسْطے مَیں نے اُنہیں بُلایا ہَے۔ ³۳۔ تب اُنہوں نے رُوْزَہ رکھنےاَور دُعا کر نے کے بعداُن پر ہاتھ رکھے اَور اُنہیں رَوانَہ کر دِیا۔‫ ⁴۴۔ چُنان٘چِہ روحُ القُدس کے بھیجے ہوئے برنباؔس اَور ساؔؤل سِلؔوکیہ کو گئے اَور وہاں سے جہاز سے کپُرسؔ کو چلے۔ ⁵۵۔ اَور جب وہ شہرِسؔلمیس میں تھےتو وہ یَہُودیوں کے عبادتخانوں میں خُدا کا کلام سُنانے لگے اَور یُوحؔنابھی بطورِ مَدَدگار اُن کے ساتھ تھا۔‫ ⁶۶۔ اَور وہ اُس تمام جزیرے میں سے گُزرتے ہُوئے پافُؔس تک پَہُنْچے ۔ جہاں اُنہیں ایک یہُؔودی جادوگر اَور جھوٹا نَبی مِلا جِس کا نام بر یَسُوع تھا۔ ⁷۷۔ وہ جادوگرسِرگیُسؔ پولُؔس صُوبہ دار کا تَعَلُّق دار تھا، جو ایک ذَہین شَخْص تھا۔ اِس شَخْص نے برنباؔس اَور ساؔؤل کو بُلا کر خُدا کا کلام سُننا چاہا۔ ⁸۸۔ مگر الؔیماس جادوگر نے (جِس کے نام کے معنی بھی جادوگر ہی ہَیں) اُنکی مُخالِفَت کی اَور صُوبَہ دار کو اِیْمان لانے سے روکْنا چاہا۔‫ ⁹۹۔ اَور ساؔؤل نے جو پولُسؔ بھی کہلاتاہَے رُوح اُلقُدس سے مَامُور ہو کر اُس پر غَور سے نَظَرْ کی ¹⁰۱۰۔ اَور کہا اے شَیطان کے فرزند تُو جو تمام فَریب اَور مُکر سے بھرا ہُؤا اَور ہر طرح کی راسْتی کا دُشمن ہَے۔کیا خُداوَنْد کی سیدھی راہیں بِگاڑنے سے باز نہ آئے گا؟‫ ¹¹۱۱۔ اَب دیکھ خُداوَنْد کا ہاتھ تُجھ پر ہَے اَور تُو اَندھا ہوجائے گا اَور ایک مُدّت تک سُورج کو نہ دیکھے گا۔ اُسی وقت دُھندلا پن اَور اَندھیرا اُس پر چھا گیا اَور وہ ڈھونڈنے لگا کہ کوئی اُس کا ہاتھ پکڑ کراُسے لے چلے۔ ¹²۱۲۔ تب صُوبَہ دار یہ ماجرا دیکھ کر اِیمان لے آیا کیونکہ وہ خُداوَنْد کی تَعْلِیم پر حَیران تھا۔‫ ¹³۱۳۔ پِھر پولُؔس اَور اُس کے ساتھی پافُؔس سے جَہاز پر سوار ہو کر پمفیلیہ کے (شہر )پرگہ میں آئے اَور یوحؔنا اُن سے جُدا ہو کر یروشلؔیم کولوٹ گیا۔ ¹⁴۱۴۔اَور وہ پرِگؔہ سے چل کر پسدِؔیہ کے انطاکؔیہ میں پُہنچے اَور سبت کے دِن عِبادتخانہ میں جا بیٹھے۔ ¹⁵۱۵۔ پِھر توریت اَور انبیاء کی کتاب کی تلاوت کے بعد عِبادتخانہ کےسرداروں نے اُنہیں کہلا بھیجا کہ اَے بھائیو! اگر لوگوں کی نَصِیحَت کے واسطے تُمہارے دِل میں کوئی بات ہو تو بَیان کرو۔‫ ¹⁶۱۶۔ پس پولُؔس نے کھڑے ہو کر اَور ہاتھ سے اِشارہ کرتے ہُوئے کہا اَے اِسرائیلؔیو اَور اَے خُدا ترسو! سنو۔ ¹⁷۱۷۔اِس قومِ اسرائیلؔ کے خُدا نے ہمارے باپ دادا کو چُن لِیا اَور جب یہ قوم مُلکِ مِصر میں پردیسیوں کی طرح رہتی تھی اُسےسر بُلند کِیا اَور اپنے دستِ قوی سے اُنہیں وہاں سے نِکال لایا۔ ¹⁸۱۸۔ اَور تقریباً چالیس بَرس تک بِیابان میں وہ اُن کی برداشت کرتا رہا۔¹⁹۱۹۔ پِھر مُلکِ کِؔنعان میں سات اقوام کو ہلاک کر کے اُن کا مُلک اِن کی مِیراث کر دیا۔ ²⁰۲۰۔اِن تمام واقِعات کو تَقْرِیباً چار سَو پچاس بَرس لگ گئے۔ اَور اِس کے بعد سمُؔو ئیل نبی کے دور تک خُدا اُنہیں قاضِی مُہیا کرتا رہا۔²¹۲۱۔ اِس کے بعد اُنہوں نے بادشاہ کا تکاضہ کِیا اَور خُدا نے بنؔیمین کے قبیلہ میں سے ایک مرد ساؤؔل بن قؔیس کو چالیِس بَرس کے لئے اُن پر مُقَرَّر کِیا۔ ²²۲۲۔ پِھر اُسے معزوُل کر کے داؤؔد کو اُنکا بادشاہ بنایا جِسکی بابت اُس نے یہ گَواہی دی کہ مُجھے ایک شَخْص یسّؔی کا بیٹا داؤؔد میرے دِل کے مُوافِق مِل گیا۔ وُہی میری تمام مرضی کو پُورا کریگا۔‫ ²³۲۳۔ اُسی کی نسل میں سے خُدا نے اپنے وعدے کے مُطابق اِسرائیلؔ کے لئے ایک مُنْجی یعنی یسُؔوع کو مَبعُوث کِیا۔ ²⁴۲۴۔ یسُؔوع کے آنے سے پہلے یُوحنّؔا نے اِسرائیلؔ کی تمام قوم کے سامنے تَوبہ کے بَپتِسْمَہ کی تَبْلِیغ کی۔ ²⁵۲۵۔ اَور جب یُوحؔنا اپنا کام مُکَمَّل کرنے کو تھا تو اُس نے کہا کہ تُم مُجھے کیا سمجھتے ہو؟ مَیں وہ تونہیں ہُوں، مگر سُنو، میرے بعد وہ شَخْص آنے والا ہَے کہ مَیں اُس کے پاؤں کی جُوتی کا تَسْمَہ کھولنے کے لائِق نہیں۔‫ ²⁶۲۶۔ اَے بھائیو!، ابراہاؔم کے فَرْزَنْدو،اَور اَے خُدا ترسو! اِس نَجات کے کلام کو ہمارے پاس بھیجا گیا۔ ²⁷۲۷۔ کیونکہ یروشلؔیم میں رہنے والوں اَور اُن کے سرداروں نےاُسےنہ پہچانا بَلْکِہ اُس پر فتویٰ لگا کر اَنبیاء کے کَلِمات کو جن کی تِلاوَت ہر سَبْت پر کی جاتی ہَے پُورا۔‫ ²⁸۲۸۔ اَور گو اُسے سزائے موت دینے کی کوئی وجہ نہ تھی تو بھی اُنہوں نے چلاّ کر پیلاطُؔس سے اُس کی مَوت کا تَقاضہ کِیا۔ ²⁹۲۹۔ اَور جو کُچھ اُس کے حَق میں لکھا تھا جب سب کُچھ پُورا کر چُکے تو اُسے صَلِیب پر سے اُتار کر قَبْر میں رکھّ دِیا۔‫ ³⁰۳۰۔ مگر خُدا نے اُسے مُردوں میں سے زِنْدَہ کِیا۔ ³¹۳۱۔ اَور وہ بَہُت دِنوں تک اُنکو دکھائی دیتا رہا جو اُس کے ہمراہ گلؔیل سے یروشلؔیم میں آئے تھے۔ اَور اب لوگوں کے سامنے وہی اُس کے گَواہ ہَیں۔‫ ³²۳۲۔ اَور اب ہم تُمہیں اُس وَعدَہ کی خوشخَبِری دیتے ہَیں جو ہمارے باپ دادا سے کیا گیا تھا۔ ³³۳۳۔ کہ خُدا نے یَسُؔو ع کو زندہ کر کے ہماری الاد کے لئے اُسی وعدہ کو پُورا کِیا۔ چُنانچہ دوسرے مزمور میں لکھا ہَے کہ تُو میرا بیٹا ہَے۔ آج تُو مُجھ سے پیدا ہُؤا ہَے۔ ³⁴۳۴۔ اَور اُس کے اِس طرح مُردوں میں سے زِنْدَہ کرنے کے مُتَعَلِّق کہ وہ پَھر کبھی نہ مَرے گا

اُس نے یُوں فرمایاکہ مَیں داؤؔد کی پاک اَور یقینی بَرَکات تُمہیں دُوں گا۔‫

³⁵۳۵۔ یَہی وَجْہ ہَے کہ وہ ایک اَور مَزمُور میں بھی فرماتا ہَے کہ تُو اپنے مُقدّس کو سڑنے کی نَوبت تک پُہنچنے نہ دے گا۔ ³⁶۳۶۔ کیونکہ داؤؔد تو اپنے وقت میں خُدا کی مَرْضِی کو پُورا کر کےسو گیا اَور اپنے باپ دادا سے جا مِلا اَور اُس کے سڑنے کی نَوبَت بھی آئی۔ ³⁷۳۷۔ مگر جِسے خُدا نے زِنْدَہ کِیا اُس کے سڑنے کی نَوبَت نہیں آئی۔‫ ³⁸۳۸۔ چُنان٘چِہ اَے بھائیو! تُمہیں یہ خبر ہو جائے کہ اِسی شَخْص کے وَسِیلے سے تُمہیں گُناہوں کی مُعَافِی کی خبر دی جا رہی ہَے۔ کیونکہ مُوسؔوی شریعت تُمہیں راست باز نہیں ٹھہرا سکتی تھی۔ ³⁹۳۹۔ لیکن اِس شَخْص کے وَسِیلے سے خُدا اِیْمان لانے والے ہر شَخْص کو راست باز ٹھہراتا ہَے۔‫ ⁴⁰۴۰۔ سو خبر دار! ایسا نہ ہو کہ جو اَنبیاء کی کِتاب میں مرقوم ہَے وہ تُم پر صادِق آجائے کہ ⁴¹۴۱۔ اَے تَحْقِیر کارو! دیکھو۔ مُتَعَجِّب ہو اَور مِٹ جاؤ

کیونکہ مَیں تُمہارے زمانہ میں ایک کام کِیا چاہتاہُوں۔

اَور وہ کام ایساہَےکہ اگر کوئی اُس کا اِعْلان بھی کرے

تو تُم یَقِین نہ کرو گے۔‫

⁴²۴۲۔ جب پولؔوس اَور برنباؔس وہاں سے باہر نکلے تو لوگوں نے اُن سے اِلْتِجا کی کہ اگلے سَبْت بھی ہمیں یہی باتیں دوبارہ بتائی جائیں۔ ⁴³۴۳۔ جب عِبادَت خانے کی مَجلِس خَتْم ہُؤئی تو مُتَعَدِّد یہؔودی اَور خُدا پرست نو مرید یہؔودی پولُؔوس اَور برنباؔس کے پیچھے ہو لئے۔ اُنہوں نے اُن سے کلام کرتے ہُؤئے اُنہیں تَرْغِیب دِی کہ خُدا کے فَضْل پر قائم رہو۔‫ ⁴⁴۴۴۔ اگلے سَبْت کو تَقْرِیباً سارا شَہْر خُدا کا کلام سُننے کے لئے اِکٹھا ہوگیا۔ ⁴⁵۴۵۔

مگر یہؔودی اتنا ہُجُوم دیکھ کر حَسَد سے بھر گئے اَور پولُؔس کی تَعْلِیمات کی مُخالِفَت کرنے اَور اُس کی توحین کرنےلگے۔‫

⁴⁶۴۶۔ پولُؔس اَور برَنباؔس دلیر ی سے کہنے لگے لازم تھا کہ خُدا کا کلام پہلے تُمہیں سُنایا جاتا لیکن چُونْکہ تُم اُسے رَد کرتے ہو اَور اپنے آپ کو حیاتِ ابدی کے لئے نا اَہل ٹھہراتے ہو سو دیکھواب ہم غیر اقوام کی جانب مُتَوَجّہ ہوتے ہَیں۔ ⁴⁷۴۷۔ کیونکہ خُداوَنْد نے ہمیں یہ کہتے ہُوئے حُکم دیا ہَے کہ مَیں نے تُمہیں غیر اقوام کے لئے نور مُقرّر کِیا ہَے تاکہ تُم زمین کی اِنْتِہا تک نَجات کا باعِث بنو۔⁴⁸۴۸۔ غیر قوم والے یہ سُن کر خُوش ہُوئے اَور خُدا کے کلام کی بڑائی کرنے لگے اَور جتنے حیاتِ اَبدی کے لئے مُقرّر کئے گئے تھے وہ اِیمان لے آئے۔ ⁴⁹۴۹۔ اَور تمام علاقہ میں خُدا کا کلام پھیل گیا۔‫ ⁵⁰۵۰۔ مگر یہودیوں نے خُدا پَرَسْت اَور مُعَزَّز عورتوں اَور شہر کے شُرفا کو اُبھارا اَور پولُؔس اَور بَرنباؔس کو ستانے پر آمادہ کر کے اُنہیں اپنی حُدُود سے نِکَلوا دِیا۔ ⁵¹۵۱۔ لیکن پولُؔس اَور بَرنباؔس اپنے پاؤں کی گرد اُنکے سامنے جھاڑ اِکُنیُؔم کوچلے گئے۔ ⁵²۵۲۔ اَور شاگرد خُوشی اَور رُوحُ القُدس سے مَعْمُور ہوتے چلے گئے۔

14¹اور اِکُنِؔیم میں اَیسا ہُؤا کہ وہ ساتھ ساتھ یہُودِیوں کے عِبادت خانہ میں گئے اور اَیسی تقرِیر کی کہ یہُودِیوں اور یُونانِیوں دونوں کی ایک بڑی جماعت اِیمان لے آئی۔ ²مگر نافرمان یہُودِیوں نے غَیر قَوموں کو اُکسا کر بھائِیوں کی طرف سےبدگُمان کردِیا۔³چُنان٘چِہ وہ بہُت عرصہ تک وہاں رہے اور خُداوند کے بھروسے پر دِلیری سے کلام کرتے رہے اور وہ اُن کے ہاتھوں سے نشِان اور عجِیب کام کرا کر اپنے فَضْلکے کلام کی گواہی دیتا تھا۔ ⁴لیکِن شہر کے لوگوں میں پھُوٹ پڑگئی۔ بعض یہُودِیوں کی طرف ہوگئے اور بعض رَسُولوں کی طرف۔⁵مگر جب غَیر قَوم والے اور یہُودی اُنہِیں بیعِزّت اور سنگسار کرنے کو اپنے سَرداروں سمیت اُن پر چڑھ آئے۔ ⁶تو وہ اِس سے واقِف ہوکر لُکااُنیہ کے شہروں لُسترہ اور دِربے اور اُن کے گِرد نواح میں بھاگ گئے۔ ⁷اور وہاں مسلسل خُوشخَبری سُناتے رہے۔⁸اور لُسترہ میں ایک شَخص بَیٹھا تھا جو پاؤں سے لاچار تھا۔ وہ جنم کا لنگڑا تھا اور کبھی نہ چلا تھا۔ ⁹وہ پولُوسؔ کو باتیں کرتے سُن رہا تھا اور جب اِس نے اُس کی طرف غَور کر کے دیکھا کہ اُس میں شِفا پانے کے لائِق اِیمان ہَے۔ ¹⁰تو بڑی آواز سے کہا اپنے پاؤں کے بل سِیدھا کھڑا ہوجا! چُنان٘چِہ وہ اُچھل کر چلنے پھِرنے لگا۔¹¹لوگوں نے پولُوسؔ کا یہ کام دیکھ کر لُکااُنیہ کی بولی میں بُلند آواز سے کہا کہ آدمِیوں کی صُورت میں دیوتا اُتر کر ہمارے پاس آئے ہیَں۔ ¹²اور اُنہوں نے برنباسؔ کو زیُوس کہا اور پولُوسؔ کو ہرمیس۔ اِس لِئے کہ یہ کلام کرنے میں سبقت رکھتا تھا۔ ¹³اور زیُوس کے اُس مندر کا پُجاری جو اُن کے شہر کے سامنے تھا بَیل اور پھُولوں کے ہار پھاٹک پر لاکر لوگوں کے ساتھ قُربانی کرنا چاہتا تھا۔¹⁴جب برنباس اور پولُوسؔ رَسُولوں نے سُنا تو اپنے کپڑے پھاڑ کر لوگوں میں جاکُودے اور پُکار پُکار کر۔ ¹⁵کہنے لگے کہ لوگو! تُم یہ کیا کرتے ہو؟ ہم بھی تُمہارے ہم طبِیعت اِنسان ہیَں اور تُمہیں خُوشخَبری سُناتے ہیَں تاکہ اِن باطِل چِیزوں سے کِنارہ کر کے اُس زِندہ خُدا کی طرف پھِرو جِس نے آسمان اور زمِین اور سُمندر اور جو کُچھ اُن میں ہَے پَیدا کِیا ۔ ¹⁶اُس نے اگلے زمانہ میں سب قَوموں کو اپنی اپنی راہ چلنے دِیا۔¹⁷تَو بھی اُس نے اپنے آپ کو بے گواہ نہ چھوڑا۔ چُنان٘چِہاُس نے مِہربانیاں کِیں اور آسمان سے تُمہارے لِئے پانی برسایا اور بڑی بڑی پَیداوار کے مَوسم عطا کئِے اور تُمہارے دِلوں کو خُوراک اور خُوشی سے بھر دِیا۔ ¹⁸یہ باتیں کہہ کر بھی لوگوں کو مُشکِل سے روکا کہ اُن کے کے لِئے قُربانی نہ کریں۔¹⁹پھِر بعض یہُودی انطاکِیہ اور اِکُنِیمُ سے آئے اور لوگوں کو اپنی طرف کر کے پولُوسؔ کو سنگسار کِیا اور اُس کو مُردہ سَمَجھ کر شہر کے باہِر گھسِیٹ لے گئے۔ ²⁰مگر جب شاگِرد اُس کے گِردا گِرد آ کھڑے ہُوئے تو وہ اُٹھ کر شہر میں آیا اور دُوسرے دِن برنباسؔ کے ساتھ دِربے کو چلا گیا۔²¹اور وہ اُس شہر میں خُوشخَبری سُناکر اور بہُت سے شاگِرد کر کے لُستر اور اِکُنِیمُ اور انطاکِیہ کو واپَس آئے۔ ²²اور شاگِردوں کے دِلوں کو مضبُوط کرتے اور نصِیحت دیتے تھے کہ اِیمان پر قائِم رہو اور کہتے تھے ضرُور ہَے کہ ہم بہُت مُصِیبتیں سہہ کر خُدا کی بادشاہی میں داخِل ہوں۔²⁶²³اور اُنہوں نے ہر ایک کلِیسِیا میں اُن کے لِئے بُزُرگوں کو مُقرّر کِیا اور روزہ سے دُعا کر کے اُنہِیں خُداوند کے سُپرد کِیا جِس پر وہ اِیمان لائے تھے۔ ²⁴اور پسِدیہ میں ہوتے ہُوئے پمفِیلیہ میں پہُنچے۔ ²⁵اور پرگہ میں کلام سُنا کر اتلیہ کو گئے۔اور وہاں سے جہاز پر اُس انطاکِیہ میں آئے جہاں اُس کے کام کے لِئے جو اُنہوں نے اَب پُورا کِیا خُدا کے فَضْلکے سپُرد کِئے گئے تھے۔ ²⁷وہاں پُہنچکر اُنہوں نے کلِیسِیا کو جمع کِیا اور اُن کے سامنے بیان کِیا کہ خُدا نے ہماری معرفت کیا کچھ کِیا اور یہ کہ اُس نے غَیر قَوموں کے لِئے اِیمان کا دروازہ کھول دِیا۔ ²⁸اور وہ شاگِردوں کے پاس مُدّت تک رہے۔

15¹پھِر بعض لوگ یہُودیہ سے آ کر بھائِیوں کو تعلِیم دینے لگے کہ مُوسٰی کی رسم کے مُوافِق تُمہارا ختنہ نہ ہو تو تُم نِجات نہِیں پاسکتے۔ ²چُنان٘چِہ جب پولُوسؔ اور برنباسؔ کی اُن سے بہُت تکرار اور بحث ہُوئی تو کلِیسِیا نے ٹھہرایا کہ پولُوسؔ اور برنباسؔ اور اُن میں سے چند اَور شَخص اِس مسئلہ کے لِئے رَسُولوں اور بُزُرگوں کے پاس یروشلِیم جائیں۔³چُنان٘چِہکلِیسِیا نے اُن کو روانہ کِیا اور وہ غَیر قَوموں کے رُجُوع لانے کا بیان کرتے ہُوئے فِینیکے اور سامریہ سے گُزرے اور سب بھائِیوں کو بہُت خُوش کرتے گئے۔ ⁴جب یروشلِیم میں پہُنچے تو کلِیسِیا اور رَسُول اور بُزُرگ اُن سے خُوشی کے ساتھ مِلے اور اُنہوں نے سب کُچھ بیان کِیا جو خُدا نے اُن کی معرفت کِیا تھا۔⁵مگر فرِیسِیوں کے فِرقہ سے جو اِیمان لائے تھے اُن میں سے بعض نے اُٹھ کر کہا کہ اُن کا ختنہ کرانا اور اُن کو مُوسٰی کی شَرِیعَت پر عمل کرنے کا حُکم دینا ضرُور ہَے۔ ⁶چُنان٘چِہرَسُول اور بُزُرگ اِس بات پر غور کرنے کے لِئے جمع ہُوئے۔⁷اور بہُت بحث کے بعد پطرسؔ نے کھڑے ہوکر اُن سے کہا کہ اَے بھائِیوں! تُم جانتے ہوکہ بہُت عرصہ ہُؤا جب خُدا نے تُم لوگوں میں سے مُجھے چُنا کہ غَیر قَومیں میری زبان سے خُوشخَبری کا کلام سُن کر اِیمان لائیں۔ ⁸اور خُدا نے جو دِلوں کی جانتا ہَے اُن کو بھی ہماری طرح رُوحُ القُدس دے کر اُن کی گواہی دی۔ ⁹اور اِیمان کے وسِیلہ سے اُن کے دِل پاک کر کے ہم میں اور اُن میں کُچھ فرق نہ رکھّا۔¹⁰چُنان٘چِہ اَب تُم شاگِردوں کی گَردَن پر اَیسا جُئوا رکھ کر جسکو نہ ہمارے باپ دادا اُٹھا سکتے تھے نہ ہم خُدا کو کِیُوں آزماتے ہو؟ ۔ ¹¹حالانکہ ہم کو یقِین ہَے کہ جِس طرح وہ خُداوند یِسُوعؔ کے فَضْلہی سے نِجات پائیں گے اُسی طرح ہم بھی پائیں گے۔¹²پھِر ساری جماعت چُپ رہی اور پولُوسؔ اور برنباس کا بیان سُننے لگی کہ خُدا نے اُن کی معرفت غَیر قَوموں میں کَیسے کَیسے نِشان اور عجِیب کام ظاہِر کئِے۔¹³جب وہ خاموش ہُوئے تو یَعقُوب کہنے لگا کہ اَے بھائِیو میری سُنو! ۔ ¹⁴شمعُون نے بیان کِیا ہَے کہ خُدا نے پہلے پہل غَیر قَوموں پر کِس طرح توجُّہ کی تاکہ اُن میں سے اپنے نام کی ایک اُمّت بنالے۔¹⁵اور نبِیوں کی باتیں بھی اِس کے مُطابِق ہیَں۔ چُنانچہ لکِھا ہے کہ۔ ¹⁶اِن باتوں کے بعد مَیں پھِر آ کر داؤدؔ کے گِرے ہُوئے خَیمہ کو اُٹھاؤں گا اور اُس کے پھٹے ٹُوٹے کی مُرَمَّت کر کے اُسے کھڑا کرُوں گا۔ ¹⁷تاکہ وہ آدمِی جو باقی رہ گئے ہیَں خُداوند کو تلاش کریں اور سب قَومیں جو میرے نام کی کہلاتی ہیَں کہیں کہ خُداوند نے ہی یہ سب کام اُسی نے کِیے ہَیں۔ ¹⁸یہ وُہی خُداوند فرماتا ہَے جو دُنیا کے شُرُوع سے اِن باتوں کی خَبر رکھتا ہَے۔¹⁹چُنان٘چِہمیرا فَیصلہ یہ ہَے کہ جو غَیر قَوموں میں سے خُدا کی طرف رُجُوع ہوتے ہَیں ہم اُن کو تکلِیف نہ دیں۔ ²⁰مگر اُن کو لِکھ بھیجیں کہ بُتوں کی مکرُوہات اور حرامکاری اور گلا گھونٹے ہُوئے جانوروں اور لہُو سے پرہیز کریں۔ ²¹کِیُونکہ قدِیم زمانہ سے ہر شہر میں مُوسٰی کی توریت کی منادی کرنے والے ہوتے چلے آئے ہَیں اور وہ ہر سَبت کو عِبادت خانوں میں سُنائی جاتی ہَے۔²²اِس پر رَسُولوں اور بُزُرگوں نے ساری کلِیسِیا سمیت مُناسِب جانا کہ اپنے میں سے چند شَخص چُن کر پولُوسؔ اور برنباس کے ساتھ انطاکِیہ کو بھیجیں یعنی یہُؤداہ کو جو برسبّا کہلاتا ہَے اور سیلاس کو۔ یہ شَخص بھائِیوں میں مُقدّم تھے۔ ²³اور اِن کے ہاتھ یہ لِکھ بھیجا کہ انطاکِیہ اور سُوریہ اور کِلکیہ کے رہنے والے رسولوں، بزرگوں اوربھائِیوں کو اوراُن بھائیوں کو جو غیر قوموں کے درمیان رہتے ہیں سَلام پُہنچے۔²⁴چُونکہ ہم نے سُنا ہَے کہ بعض نے ہم میں سے جِن کو ہم نے حُکم نہ دِیا تھا وہاں جا کر تُمہیں اپنی باتوں سے گھبرا دِیا اور تُمہارے دِلوں کو اُلٹ دِیا۔ ²⁵اِس لِئے ہم نے ایک دِل ہوکر مُناسِب جانا کہ بعض چُنے ہُوئے آدمِیوں کو اپنے عِزیزوں برنباس اور پولُوسؔ کے ساتھ تُمہارے پاس بھیجیں۔ ²⁶یہ دونوں اَیسے آدمِی ہَیں جِنہوں نے اپنی جانیں ہمارے خُداوند یِسُوعؔ مسِیح کے نام پر نِثار کر رکھّی ہیَں۔²⁷چُنان٘چِہہم نے یہُوداہ اور سِیلاس کو بھیجا ہَے۔ وہ یِہی باتیں زبانی بھی بیان کریں گے۔ ²⁸کِیُونکہ رُوح اُلقُدس نے اور ہم نے مُناسِب جانا کہ اِن ضرُوری باتوں کے سِوا تُم پر اَور بوجھ نہ ڈالیں۔ ²⁹کہ تُم بُتوں کی قُربانیوں کے گوشت سے لہُو اور گلا گھونٹے ہُوئے جانوروں اور حِرامکاری سے پرہیز کرو۔ اگر تُم اِن چِیزوں سے اپنے آپ کو بَچائے رکھّو گے تو سَلامت رہو گے۔ والسّلام۔³⁰چُنان٘چِہوہ رُخصت ہوکر انطاکِیہ میں پُہنچے اور جماعت کو اِکھٹّا کر کے خط دے دِیا۔ ³¹وہ پڑھ کر اُس کے تسلّی بخش مضمُون سے خُوش ہُوئے۔ ³²اور یہُوداہؔ اور سِیلاسؔ نے جو خُود بھی یہی تھے بھائِیوں کو بہُت سی نصِیحت کر کے مضبُوط کردِیا۔³³وہ چند روز رہ کر اور بھائِیوں سے سَلامتی کی دُعا لے کر اپنے بھیجنے والوں کے پاس رُخصت کر دِئے گئے۔ ³⁴[لیکِن سِیلاسؔ کو وہاں رہنا اچھّا لگا]۔ ³⁵مگر پولُوسؔ اور برنباس انطاکِیہ ہی میں رہے اور بہُت سے اَور لوگوں کو خُداوند کا کلام سِکھاتے اور اُس کی منادی کرتے رہے۔³⁶چند روز بعد پولُوسؔ نے برنباس سے کہا کہ جِن جِن شہروں میں ہم نے خُدا کا کلام سُنایا تھا آؤ پھِر اُن میں چل کر بھائِیوں کو دیکھیں کہ کَیسے ہَیں۔ ³⁷اور برنباس کی صلاح تھی کہ یُوحنّا کو جو مرقُس کہلاتا ہَے اپنے ساتھ لے چلیں۔ ³⁸مگر پولُوسؔ نے یہ مُناسِب نہ جانا کہ جو شَخص پمفِیلیہ میں کِنارہ کر کے اُس کام کے لِئے اُن کے ساتھ نہ گیا تھا اُس کو ہمراہ لے چلیں۔³⁹چُنان٘چِہ اُن میں اَیسی سخت تکرار ہُوئی کہ ایک دُوسرے سے جُدا ہوگئے اور برنباؔس مرقُسؔ کو لے کر جہاز پر کُپرُس کو روانہ ہُؤا۔ ⁴⁰مگر پولُوسؔ نے سِیلاس کو پسند کِیا اور بھائِیوں کی طرف سے خُداوند کے فَضْلکے سپُرد ہوکر روانہ ہُؤا۔ ⁴¹اور وہ کلِیسِیاؤں کو مضبُوط کرتا ہُؤا سُوریہ اور کِلکیہ سے گُزرا۔

16¹پھِر وہ دِربے اور لُسترہ میں بھی پہُنچا۔ تو دیکھو وہاں تِمُیتھیُس نام ایک شاگِرد تھا۔ اُس کی ماں تو یہُودی تھی جو اِیمان لے آئی تھی مگر اُس کا باپ یُونانی تھا۔ ²وہ لُؔسترہ اور اِکُنِؔیمُ کے بھائِیوں میں نیک نام تھا۔ ³پولُوسؔ نے چاہا کہ یہ میرے ساتھ چلے۔ چُنان٘چِہ اُس کو لے کر اُن یہُودِیوں کے سبب سے جو اُس نواح میں تھے اُس کا ختنہ کردِیا کِیُونکہ وہ سب جانتے تھے کہ اِس کا باپ یُونانی ہَے۔⁴اور وہ جِن جِن شہروں میں سے گُزرے تھے وہاں کے لوگوں کو وہ احکام عمل کرنے کے لئِے پہُنچاتے جاتے تھے جو یروشلِیم کے رَسُولوں اور بُزُرگوں نے جاری کِئے تھے۔ ⁵چُنان٘چِہ کلِیسِیائیں اِیمان میں مضبُوط اور شُمار میں روز بروز زیادہ ہوتی گئِیں۔⁶اور وہ فروگیہ گلَتیہ کے علاقہ میں سے گُزرے کِیُونکہ رُوح اُلقُدس نے اُنہِیں آسیہ میں کلام سُنانے سے منع کِیا۔ ⁷اور اُنہوں نے مُوسیہ کے قرِیب پہُنچ کر بِتُونیہ میں جانے کی کوشِش کی مگر یِسُوعؔ کے رُوح نے اُنہِیں جانے نہ دِیا ⁸چُنان٘چِہ وہ مُوسیہ سے گُذر کر تروآس میں آئے۔⁹اور پولُوسؔ نے رات کو رویا میں دیکھا کہ ایک مَکِدُنی آدمِی کھڑا ہُؤا اُس کی مِنّت کر کے کہتا ہَے کہ پار اُترکر مَکِدُنیہ میں آ اور ہماری مدد کر۔ ¹⁰اُس کے رویا دیکھتے ہی ہم نے فوراً مَکِدُنیہ میں جانے کا اِرادہ کِیا کِیُونکہ ہم اِس سے یہ سَمجھے کہ خُدا نے اُنہِیں خُوشخَبری دینے کے لِئے ہم کو بُلایا ہَے۔¹¹چُنان٘چِہ ترو آسؔ سے جہاز پر روانہ ہوکر ہم سِیدھے سمُتراکؔے میں اور دُوسرے دِن نیاپُؔلس میں آئے۔ ¹²اور وہاں سے فِلپّی میں پہُنچے جو مَکِدُنیہ کا شہر اور اُس قِسمت کا صدر اور ایکبستی ہے اور ہم چند روز اُس شہر میں رہے۔ ¹³اور سَبت کے دِن شہر کے دروازہ کے باہِر ندی کے کِنارے گئے جہاں سَمَجھےکہ دُعا کرنے کی جگہ ہوگی اور بَیٹھ کر اُن عَورتوں سے جو اِکٹھّی ہُوئی تھِیں کلام کرنے لگے۔¹⁴اور تُھوار تیرہ شہر کی ایک خُدا پرست عَورت لُدِیہ نام قِرمر بیچنے والی بھی سُنتی تھی۔ اُس کا دِل خُداوند نے کھولا تاکہ پولُوسؔ کی باتوں پر تَوَجّہ کرے۔ ¹⁵اور جب اُس نے اپنے گھرانے سمیت بپتِسمہ لے لِیا تو منِّت کر کے کہا کہ اگر تُم مُجھے خُداوند کی اِیماندار بندی سَمَجھتے ہوتو چل کر میرے گھر میں رہو۔ چُنان٘چِہ اُس نے ہمیں مجبُور کِیا۔¹⁶جب ہم دُعا کرنے کی جگہ جارہے تھے تو اَیسا ہُؤا کہ ہمیں ایک لَونڈی مِلی جِس میں غَیب دان رُوح تھی۔ وہ غَیب گوئی سے اپنے مالِکوں کے لِئے بہُت کُچھ کماتی تھی۔ ¹⁷وہ پولُوسؔ کے اور ہمارے پِیچھے آ کر چلانے لگی کہ یہ آدمِی خُدا تعالیٰ کے بندے ہَیں جو تُمہیں نِجات کی راہ بتاتے ہیَں۔ ¹⁸وہ بہُت دِنوں تک اَیسا ہی کرتی رہی۔ آخِر پولُوسؔ سخت پریشان ہُؤا اور پھِر کر اُس رُوح سے کہا کہ مَیں تُجھے یِسُوعؔ مسِیح کے نام سے حُکم دیتا ہُوں کہ اِس میں سے نِکل جا۔ وہ اُسی گھڑی نِکل گئی۔¹⁹جب اُس کے مالِکوں نے دیکھا کہ ہماری کمائی کی اُمِید جاتی رہی تو پولُوسؔ اور سِیلاسؔ کو پکڑ کر حاکِموں کے پاس چَوک میں کھینچ لے گئے۔ ²⁰اور اُنہِیں فَوجداری کے حاکِموں کے آگے لے جا کر کہا کہ یہ آدمِی جو یہُودی ہیں ہمارے شہر میں بڑی کھلبلی ڈالتے ہیَں۔ ²¹اور اَیسی رسمیں بتاتے ہیَں جِن کو قُبُول کرنا اور عمل میں لانا ہم رُومیوں کو روا نہِیں۔²²اور عام لوگ بھی مُتّفِق ہوکر اُن کی مُخالفت پر آمادہ ہُوئے اور فَوجداری کے حاکمِوں نے اُن کے کپڑے پھاڑ کر اُتار ڈالے اور بینت لگانے کا حُکم دِیا۔ ²³اور بہُت سے بینت لگوا کر اُنہِیں قَید خانہ میں ڈالا اور داروغہ کو تاکِید کی بڑی ہوشیاری سے اُن کی نگِہبانی کرے۔ ²⁴اُس نے اَیسا حُکم پاکر اُنہِیں اَندر کے قَید خانہ میں ڈال دِیا اور اُن کے پاؤں کاٹھ میں ٹھونک دِئے۔²⁵آدھی رات کے قرِیب پولُوسؔ اور سِیلاسؔ دُعا کررہے اور خُدا کی حمد کے گیت گارہے تھے اور قَیدی سُن رہے تھے۔ ²⁶کہ یکایک بڑا بھَونچال آیا۔ یہاں تک کہ قَید خانہ کی نیوہِل گئی اور اُسی دم سب دروازے کھُل گئے اور سب کی بیڑیاں کھُل پڑیں۔²⁷اور داروغہ جاگ اُٹھا اور قَید خانہ کے دروازے کھُلے دیکھ کر سَمَجھا کہ قَیدی بھاگ گئے۔ پَس تلوار کھینچ کر اپنے آپ کو مار ڈالنا چاہا۔ ²⁸لیکِن پولُوسؔ نے بڑی آواز سے پُکار کر کہا کہ اپنے تِئیں نُقصان نہ پہُنچا کِیُونکہ ہم سب مَوجُود ہیَں۔²⁹وہ چراغ منگوا کر اَندر جاکُود اور کانپتا ہُؤا پولُوسؔ اور سِیلاسؔ کے آگے گِرا۔ ³⁰اور اُنہِیں باہِر لاکر کہا اَے صاحبو! مَیں کیا کرُوں کہ نِجات پاؤں ؟ ³¹اُنہوں نے کہا خُداوند یِسُوعؔ پر اِیمان لا تو تُو اور تیرا گھرانا نِجات پائے گا۔³²اور اُنہوں نے اُس کو اور اُس کے سب گھر والوں کو خُداوند کا کلام سُنایا۔ ³³اور اُس نے رات کو اُسی گھڑی اُنہِیں لے جا کر اُن کے زخم دھوئے اور اُسی وقت اپنے سب لوگوں سمیت بپتِسمہ لِیا۔ ³⁴اور اُنہِیں اُوپر گھر میں لے جا کر دستر خوان بِچھایا اور اپنے سارے گھرانے سمیت خُدا پر اِیمان لاکر بڑی خُوشی کی۔³⁵جب دِن ہُؤا تو فوجداری کے حاکمِوں نے حوالداروں کی معرفت کہلا بھیجا کہ اُن آدمِیوں کو چھوڑ دے۔ ³⁶اور داروغہ نے پولُوسؔ کو اِس بات کی خَبر دی کہ فَوجداری کے حاکمِوں نے تُمہارے چھوڑ دینے کا حُکم بھیج دِیا۔ چُنان٘چِہ اَب نِکل کر سَلامت چلے جاؤ۔³⁷مگر پولُوسؔ نے اُن سے کہا کہ اُنہوں نے ہم کو جو رُومی ہَیں قُصُور ثابِت کِئے بغَیر علانِیہ پِٹوا کر قَید میں ڈالا اور اَب ہم کو چُپکے سے نِکالتے ہیَں ؟ یہ نہِیں ہو سکتا بلکہ وہ آپ آ کر ہمیں باہِر لے جائیں۔ ³⁸حوالداروں نے فَوجداری کے حاکِموں کو اِن باتوں کی خَبردی۔ جب اُنہوں نے سُنا کہ یہ رُومی ہیَں تو ڈر گئے۔ ³⁹اور آ کر اُن کی مِنّت کی اور باہِر لے جا کر دَرخواست کی کہ شہر سے چلے جائیں۔⁴⁰چُنان٘چِہ وہ قَید خانہ سے نِکل کر لُدِیہ کے ہاں گئے اور بھائِیوں سے مِل کر اُنہِیں تسلّی دی اور روانہ ہُوئے۔

17¹پھِر وہ امفِپُلِس اور اَپُلّونیہ ہوکر تھِسّلُنِیکے میں آئے جہاں یہُودِیوں کا ایک عِبادت خانہ تھا۔ ²اور پولُوسؔ اپنے دستُور کے مُوافِق اُن کے پاس گیا اور تِین سبتوں کو کِتابِ مُقدّس سے اُن کے ساتھ بحث کی۔³اور اُس کے معنی کھول کھول کر دلِیلیں پیش کرتا تھا کہ مسِیح کو دُکھ اُٹھانا اور مُردوں میں سے جی اُٹھنا ضرُور تھا اور یہی یِسُوعؔ جِس کی مَیں تُمہیں خَبر دیتا ہُوں مسِیح ہَے۔ ⁴اُن میں سے بعض نے مان لِیا اور پولُوسؔ اور سِیلاؔس کے شِریک ہُوئے اور خُدا پرست یُونانِیوں کی ایک بڑی جماعت اور بہُتیری شِریف عَورتیں بھی اُن کی شِریک ہُوئیں۔⁵مگر یہُودِیوں نے حسد میں آ کر بازاری آدمِیوں میں سے کئی بدمعاشوں کو اپنے ساتھ لِیا اور بِھیڑ لگا کر شہر میں فساد کرنے لگے اور یاسون کا گھر گھیر لیا اوراُن کی تلاش کرنے لگے اور اُنہِیں لوگوں کے سامنے لے آنا چاہا۔ ⁶اور جب اُنہِیں نہ پایا تو یاسون اور کئی اَور بھائِیوں کو شہر کے حاکِموں کے پاس چِلّاتے ہُوئے کھینچ لے گئے کہ وہ شَخص جِنہوں نے جہان کو باغی کردِیا یہاں بھی آئے ہَیں۔ ⁷اور یاسون نے اُنہِیں اپنے ہاں اُتارا ہَے اور یہ سب کے قیصر کے احکام کی مُخالفت کر کے کہتے ہیَں کہ بادشاہ تو اَور ہی ہے یعنی یِسُوعؔ ۔⁸یہ سُن کر عام لوگ اور شہر کے حاکِم گھبرا گئے۔ ⁹اور اُنہوں نے یاسونَ اور باقِیوں کی ضمانت لے کر اُنہِیں چھوڑ دِیا۔¹⁰لیکِن بھائِیوں نے فوراً راتوں رات پولُوسؔ اور سِیلاسؔ کو بیریہّ میں بھیجدیا۔ وہ وہاں پہُنچ کر یہُودِیوں کے عِبادت خانہ میں گئے۔ ¹¹یہ لوگ تھِسّلُنِیکے کے یہُودِیوں سے نِیک ذات تھے کِیُونکہ اُنہوں نے بڑے شوق سے کلام کو قُبُول کِیا اور روز بروز کِتاب مُقدّس میں تحقِیق کرتے تھے کہ آیا یہ باتیں اِسی طرح ہَیں۔ ¹²چُنان٘چِہ اُن میں سے بھی بہُت سی عِزّت دار عَورتیں اور مرد اِیمان لائے۔¹³جب تھِسّلُنِیکے کے یہُودِیوں کو معلُوم ہُؤا کہ پولُوسؔ بیرِیہّ میں بھی خُدا کا کلام سُناتا ہَے تو وہاں بھی جا کر لوگوں کو اُبھارا اور اُن میں کھلبلی ڈالی۔ ¹⁴اُس وقت بھائِیوں نے فوراً پولُوسؔ کو روانہ کِیا کہ سُمندر کے کِنارے تک چلا جائے لیکِن سِیلاسؔ اور تِیمُتھِیُس وہِیں رہے۔ ¹⁵اور پولُوسؔ کے رہبر اُسے اتھینے تک لے گئے اور سِیلاسؔ اور تِیمُتھِیُس کے لِئے یہ حُکم لے کر روانہ ہُوئے کہ جہاں تک ہوسکے جلد میرے پاس آؤ۔¹⁶جب پولُوسؔ اتھینے میں اُن کی راہ دیکھ رہا تھا تو شہر کو بُتوں سے بھرا ہُؤا دیکھ کر اُس کا جی جل گیا۔ ¹⁷اِس لِئے وہ عبادت خانہ میں یہُودِیوں اور خُدا پرستوں سے اور چَوک میں جو ملِتے تھے اُن سے روز بحث کِیا کرتا تھا۔¹⁸اور چند اِپکورُی اور ستوئیکی فیسُوف اُس کا مُقابلہ کرنے لگے۔ بعض نے کہا کَہ یہ بکواسی کیا کہنا چاہتا ہَے؟ اَوروں نے کہا یہ غیر معبُودوں کی خَبر دینے والا معلُوم ہوتا ہَے اِس لِئے کہ وہ یِسُوعؔ اور قِیامت کی خُوشخَبری دیتا تھا۔¹⁹چُنان٘چِہ وہ اُسے اپنے ساتھ اریوپگُس پر لے گئے اور کہا آیا ہم کو معلُوم ہو سکتا ہَے کہ یہ نئی تعلِیم جو تُو دیتا ہَے کیا ہَے؟۔ ²⁰کِیُونکہ تُو ہمیں انوکھی باتیں سُناتا ہَے چُنان٘چِہ ہم جاننا چاہتے ہیں کہ اِن سے غرض کیا ہَے۔ ²¹(اِس لِئے کے سب اتھینوی اور پردیسی جو وہاں مُقِیم تھے اپنی فرصُت کا وقت نئی نئی باتیں کہنے سُننے کے سِوا اور کِسی کام میں صِرف نہ کرتے تھے)۔²²پولُوسؔ نے اریو پگُس کے بیچ میں کھڑے ہوکر کہا کہ اَے اتھینے والو! مَیں دیکھتا ہُوں کہ تُم ہر بات میں دیوتاؤں کے بڑے ماننے والے ہو۔ ²³چُنان٘چِہ میں نے سِیر کرتے اور تُمہارے معبُودوں پر غَور کرتے وقت ایک اَیسی قُربان گاہ بھی پائی جِس پر لِکھا تھا کہ نا معلُوم خُدا کے لِئے۔ چُنان٘چِہ جِس کو تُم بغَیر معلُوم کِئے پُوجتے ہو مَیں تُم کو اُسی کی خَبر دیتا ہُوں۔²⁴جِس خُدا نے دُنیا اور اُس کی سب چِیزوں کو پَیدا کیا وہ آسمان اور زمِین کا مالِک ہوکر ہاتھ کے بنائے ہُوئے مندروں میں نہِیں رہتا۔ ²⁵نہ کِسی چِیز کا مُحتاج ہوکر آدمِیوں کے ہاتھوں سے خِدمت لیتا ہَے کِیُونکہ وہ تو خُود سب کو زِندگی اور سانس اور سب کُچھ دیتا ہَے۔²⁶اور اُس نے ایک ہی اصل سے آدمِیوں کی ہر ایک قَوم تمام رُوی زمِین پر رہنے کے لئِے پَیدا کی اور اُن کی مِیعادیں اور سکوُنت کی حدیں مُقرر کِیں۔ ²⁷تاکہ خُدا کو ڈھونڈیں۔ شاید کہ ٹٹول کر اُسے پائیں ہر چند وہ ہم میں سے کسِی سے دُور نہِیں۔²⁸کِیُونکہ اُسی میں ہم جِیتے اور چلتے پھِرتے اور مَوجُود ہیَں۔ جیَسا تُمہارے شاعِروں میں سے بھی بعض نے کہا ہَے کہ ہم تو اُس کی نسل بھی ہیَں۔ ²⁹چُنان٘چِہ خُدا کی نسل ہوکر ہم کو یہ خیال کرنا مُناسِب نہِیں کہ ذاتِ اِلہٰی اُس سونے یا رُوپے یا پتھّر کی مانِند ہَے جو آدمِی کے ہُنر اور اِیجاد سے گھڑے گئے ہوں۔³⁰چُنان٘چِہ خُدا جہالت کے وقتوں سے چشم پوشی کر کے اَب سب آدمِیوں کو ہر جگہ حُکم دیتا ہَے کہ تَوبہ کریں۔ ³¹کِیُونکہ اُس نے ایک دِن ٹھہرایا ہَے جِس میں وہ راستی سے دُنیا کی عدالت اُس آدمِی کی معرفت کرے گا جِسے اُس نے مُقرّر کِیا ہَے اور اُسے مُردوں میں سے جِلاکر یہ بات سب پر ثابِت کردی ہَے۔³²جب اُنہوں نے نے مُردوں کی قِیامت کا ذِکر سُنا تو بعض ٹھٹھا مارنے لگے اور بعض نے کہا کہ یہ بات ہم تُجھ سے پھِر کبھی سُنیں گے۔ ³³اِسی حالت میں پولُوسؔ اُن کے بِیچ میں سے نِکل گیا۔ ³⁴مگر چند آدمِی اُس کے ساتھ مِل گئے اور اِیمان لے آئے۔ اُن میں دیونُسیِ یُس اریوپگُس کا ایک حاکِم اور دَمَرِس نام ایک عَورت تھی اور بعض اَور بھی اُن کے ساتھ تھے۔

18¹ان باتوں کے بعد پولُوسؔ اتھینے سے روانہ ہوکر کُرنِتھُس میں آیا۔ ²اورِ وہاں اُس کو اَکوِلہ نام ایک یہُودی مِلا جو پُنطُس کی پَیدایش تھا اور اپنی بِیوی پِرسکلہ سمیت اطالِیہ سے نیا نیا آیا تھا کِیُونکہ کلو دِیس نے حُکم دِیا تھا کہ سب یہُودی رومہ سے نِکل جائیں۔ چُنان٘چِہ وہ اُن کے پاس گیا۔ ³اور چُونکہ اُن کا ہم پیشہ تھا اُن کے ساتھ رہا اور وہ کام کرنے لگے اور اُن کا پیشہ خَیمہ دوزی تھا۔⁴اور وہ ہر سَبت کو عِبادت خانہ میں بحث کرتا اور یہُودِیوں اور یُونانِیوں کو قائِل کرتا تھا۔ ⁵اور جب سِیلاؔس اور تِمُتھیئس مَکِدُنیہ سے آئے تو پولُوسؔ کلام سُنانے کے جوش سے مجبُور ہوکر یہُودِیوں کے آگے گواہی دے رہا تھا کہ یِسُوع ہی مسِیح ہَے۔ ⁶جب لوگ مُخالفت کرنے اور کُفر بکنے لگے تو اُس نے اپنے کپڑے جھاڑ کر اُن سے کہا تُمہارا خُون تُمہاری ہی گَردَن پر۔ مَیں پاک ہُوں۔ اَب سے غَیر قَوموں کے پاس جاؤں گا۔⁷چُنان٘چِہ وہاں سے چلا گیا اور طِطُس یوستُس نام ایک خُدا پرست کے گھر گیا جو عِبادت خانہ سے مِلا ہُؤا تھا۔ ⁸اور عِبادت خانہ کا سَردار کرِسپُس اپنے تمام گھرانے سمیت خُداوند پر اِیمان لایا اور بہُت سے کُرنتھی سُن کر اِیمان لائے اور بپتِسمہ لِیا۔⁹اور خُداوند نے رات کو رویا میں پولُوسؔ سے کہا خَوف نہ کر بلکہ کہے جا اور چُپ نہ رہ۔ ¹⁰اِس لِئے کہ مَیں تیرے ساتھ ہُوں اور کوئی شَخص تُجھ پر حملہ کر کے ضرر نہ پہُنچا سکے گا کِیُونکہ اِس شہر میں میرے بہُت سے لوگ ہیَں۔ ¹¹چُنان٘چِہ وہ ڈیڑھ برس اُن میں رہ کر خُدا کا کلام سِکھاتا رہا۔¹²جب گلّیوجو اخَیہ کا صُوبہ دار تھا اور یہُودی ایکا کر کے پولُوسؔ پر چڑھ آئے اور اُسے عدالت میں لے جا کر۔ ¹³کہنے لگے کہ یہ شَخص لوگوں کو ترغِیب دیتا ہَے کہ شَرِیعَت کے بر خِلاف خُدا کی پرستِش کریں۔¹⁴جب پولُوسؔ نے بولنا چاہا تو گلیو نے یہُودِیوں سے کہا اَے یہُودیو! اگر کُچھ ظُلم یا بڑی شرارت کی بات ہوتی تو واجِب تھا کہ مَیں صبر کر کے تُمہاری سُنتا۔ ¹⁵لیکِن جب یہ اَیسے سوال ہیَں جو لفظوں اور ناموں اور خاص تُمہاری شریعت سے عِلاقہ رکھتے ہَیں تو تُم ہی جانو۔ میں اَیسی باتوں کا مصنف بننا چاہتا۔¹⁶اور اُس نے اُنہِیں عدالت سے نِکلوادیا۔ ¹⁷پھِر سب لوگوں نے عِبادت خانہ کے سَردار سوستھِنیس کو پکڑ کر عدالت کے سامنے مارا مگر گلیو نے اِن باتوں کی کُچھ پروانہ کی۔¹⁸چُنان٘چِہ پولُوسؔ بہُت دِن وہاں رہ کر بھائِیوں سے رخُصت ہُؤا اور چُونکہ اُس نے مَنّت مانی تھی۔ اِس لِئے کِنخِریؔہ میں سر مُنڈایا اور جہاز پر سُوریہ کو روانہ ہُؤا اور پِرِسکّلہ اور اَکولہ اُس کے ساتھ تھے۔ ¹⁹اور اِفِس میں پہُنچ کر اُس نے اُنہِیں وہاں چھوڑا اور آپ عِبادت خانہ میں جا کر یہُودِیوں سے بحث کرنے لگا۔²⁰جب اُنہوں نے اُس سے دَرخواست کی کہ اَور کُچھ عرصہ ہمارے ساتھ رہ تو اُس نے منظُور نہ کِیا۔ ²¹بلکہ یہ کہہ کر اُن سے رُخصت ہُؤا کہلازم ہے کہ میں عید پر یروشلؔیم جاؤں اور اگر خُدا نے چاہا تو تمہارےپاس پھِر آؤں گا اور یہ کہہ کراِفُس سے جہاز پر روانہ ہُؤا۔²²پھِر قیصرِیہ میں اُترکر یروشلِیم کو گیا اور کلِیسِیا کو سَلام کر کے انطاکِیہ میں آیا۔ ²³اور چند روز رہ کر وہاں سے روانہ ہُؤا اور ترتیب وار گلِتیہ کے عِلاقہ اور فُروگیہ سے گُزرتا ہُؤا سب شاگِردوں کو مضبُوط کرتا گیا۔²⁴پھِر اُپلّوس نام ایک یہُودی اِسکندریہ کی پَیدایش خُوش تقریر اور کِتاب مُقدّس کا ماہِر اِفِس میں پہُنچا۔ ²⁵اِس شَخص نے خُداوند کی راہ کی تعلِیم پائی تھی اور رُوحانی جوش سے کلام کرتا اور یِسُوعؔ کی بابت صحیح صحیح تعلِیم دیتا تھا مگر صِرف یُوحنّا کے بپتِسمہ سے واقِف تھا۔ ²⁶وہ عِبادت خانہ میں دِلیری سے بولنے لگا مگر پِرسکلّہ اور اَکوِلہ اُس کی باتیں سُن کر اُسے اپنے گھر لے گئے اور اُس کو خُدا کی راہ اَور زیادہ صِحت سے بتائی۔²⁷جب اُس نے اِرادہ کِیا کہ پار اُترکر اَخیہ کو جائے تو بھائِیوں نے اُس کی ہِمّت بڑھا کر شاگِردوں کو لِکھا کہ اُس سے اچھّی طرح مِلنا۔ اُس نے وہاں پہُنچ کر اُن لوگوں کی بڑی مدد کی جو فَضْل کے سبب سے اِیمان لائے تھے۔ ²⁸وہ کِتابِ مُقدّس سے یِسُوعؔ کا مسِیح ہونا ثابِت کر کے بڑے زور شور سے یہُویوں کو علانِیہ قائِل کرتا رہا۔

19¹اور جب اپلُوس کُرِنِتھسؔ میں تھا تو اَیسا ہُؤا کہ پولُوسؔاُوپر کے عِلاقہ سے گُزر کر اِفِسُسؔ میں آیا اور کئی شاگِردوں کو دیکھ کر۔ ²اُن سے کہا کیا تُم نے اِیمان لاتے وقت رُوح اُلقدُس پایا اُنہوں نے اُس سے کہا کہ ہم نے تو سُنا بھی نہِیں کہ رُوحُ القُدس نازِل ہُؤا ہَے۔⁴اُس نے کہا چُنان٘چِہتُم نے کِس کا بپتِسمہ لِیا؟ اُنہوں نے کہا یُوحنّا کا بپتِسمہ۔ ³پولُوسؔ نے کہا یُوحنّاؔ نے لوگوں کو یہ کہہ کر تَوبہ کا بپتِسمہ دِیا کہ جو میرے پِیچھے آنے والا ہَے اُس پر یعنی یِسُوعؔ پر اِیمان لانا۔⁵اُنہوں نے یہ سُن کر خُداوند یِسُوعؔ کے نام کا بپتِسمہ لِیا۔ ⁶جب پولُوسؔنے اُن پر ہاتھ رکھّے تو رُوحُ القُدس اُن پر نازِل ہُؤا اور وہ طرح طرح کی زبانیں بولنے اور نبُوّت کرنے لگے۔ ⁷اور وہ تخمِیناً بارہ آدمِی تھے۔⁸پھِر وہ عِبادت خانہ میں جا کر تِین مہینے تک دِلیری سے بولتا اور خُدا کی بادشاہی کی بابت بحث کرتا (اور لوگوں کو قائِل کرتا رہا۔) ⁹لیکِن جب بعض سخت دِل اور نافرمان ہوگئے بلکہ لوگوں کے سامنے اِس طِریق کو بُرا کہنے لگے تو اُس نے اُن سے کِنارہ کر کے شاگِردوں کو الگ کرلِیا اور ہر روز تُرنُّس کے مدرسہ میں بحث کِیا کرتا تھا۔ ¹⁰دو برس تک یہی ہوتا رہا۔ یہاں تک کے آسِیہ کے رہنے والوں کیا یہُودی کیا یُونانی سب نے خُداوند کا کلام سُنا۔¹¹اور خُدا پولُوسؔ کے ہاتھوں سے خاص خاص مُعجِزے دِکھاتا تھا۔ ¹²یہاں تک کے رُومال اور پٹکے اُس کے بَدَن سے چھُو کر بِیماروں پر ڈالے جاتے تھے اور اُن کی بِیمارِیاں جاتی رہتی تھِیں اور بُری رُوحیں اُن میں سے نِکل جاتی تھِیں۔¹³مگر بعض یہُودِیوں نے جو جھاڑ پھُونک کرتے پھِرتے تھے یہ اِختیّار کِیا کہ جِن میں بُری رُوحیں ہوں اُن پر خُداوند یِسُوعؔ کا نام یہ کہہ کر پھُوکیں کہ جِس یِسُوعؔ کی پولُوسؔمنادی کرتا ہَے مَیں تُم کو اُسی کی قَسم دیتا ہُوں۔ ¹⁴اور سِکِوا یہُودی سَردار کاہِن کے سات بَیٹے اَیسا کِیا کرتے تھے۔¹⁵بُری رُوح نے جواب میں اُن سے کہا کہ یِسُوعؔ کو تو مَیں جانتی ہُوں اور پولُوسؔ سے بھی واقِف ہُوں مگر تُم کون ہو؟ ¹⁶اور وہ شَخص جِس پر بُری رُوح تھی کُود کر اُن پر جا پڑا اور دونوں پر غالِب آ کر اَیسی زِیادتی کی کہ وہ ننگے اور زخمی ہوکر اُس گھر سے نِکل بھاگے۔ ¹⁷اور یہ بات اِفسُس کے سب رہنے والے یہُودِیوں اور یُونانِیوں کو معلُوم ہوگئی۔ چُنان٘چِہ سب پر خَوف چھاگیا اور خُداوند یِسُوعؔ کے نام کی بُزُرگی ہُوئی۔¹⁸جو اِیمان لائے تھے اُن میں سے بہُتروں نے آ کر اپنے اپنے کاموں کا اِقرار اور اظہار کِیا۔ ¹⁹اور بہُت سے جادُوگروں نے اپنی اپنی کتابیں اِکٹھی کر کے سب لوگوں کے سامنے جلادِیں اور جب اُن کی قِیمت کا حِساب ہُؤا تو پچاس ہزار رُوپے نِکلیں۔ ²⁰اِسی طرح خُدا کا کلام زور پکڑ کر پھَیلتا اور غالِب ہوتا گیا۔²¹جب یہ ہوچُکا تو پولُوسؔنے جی میں ٹھانا کہ مَکِدُنیہ اور اخؔیہ سے ہوکر یروشلِیم کو جاؤں گا اور کہا کہ وہاں جانے کے بعد مُجھے رومہ بھی دیکھنا ضرُور ہَے۔ ²²چُنان٘چِہ اپنے خِدمتگزاروں میں سے دو شَخص یعنی تِیمُتھیُس اور اِراستُس کو مَکِدُنیہ میں بھیج کر آپ کُچھ عرصہ آسیہ میں رہا۔²³اُس وقت اِس طِریق کی بابت بڑا فساد اُٹھا۔ ²⁴کیونکر دیمیتِریُس نام ایک سُنارتھا جو اَرتمِس کے رو پہلے مندر بنواکر اُس پیشہ والوں کو بہُت کام دِلوا دیتا تھا۔ ²⁵اُس نے اُن کو اور اُن کے مُتعلق اَور پیشہ والوں کو جمع کر کے کہا اَے لوگو! تُم جانتے ہوکہ ہماری آسودگی اِسی کام کی بدَولت ہَے۔²⁶اور تُم دیکھتے اور سُنتے ہوکہ صِرف اِفسُس ہی میں نہِیں بلکہ تقریباً تمام آسیہ میں اِس پولُوسؔ نے بہُت سے لوگوں کو یہ کہہ کر قائِل اور گُمراہ کردِیا ہے کہ جو ہاتھ کے بنائے ہُوئے ہیں وہ خُدا نہِیں ہَیں۔ ²⁷چُنان٘چِہ صِرف یہی خطرہ نہِیں کہ ہمارا پیشہ بے قدر ہوجائے گا بلکہ بڑی دیوی اَرتمِس کا مندر بھی نا چِیز ہو جائے گا اور جِسے تمام آسیہ اور ساری دُنیا پُوجتی ہَے خُود اُس کی عظمت جاتی رہے گی۔²⁸جب اٗنہوں نے یہ سٗنا تو قہر سے بھر گئے اور چِلّا چِلّا کر کہنے لگے کہ اِفسیوں کی اَرتمِس بڑی ہَے۔ ²⁹اور تمام شہر میں ہلچل پڑگئی اور لوگوں نے گَیُس اور اَرِستر خُس مَکِدُنیہ والوں کو جو پولُوسؔکے ہم سفر تھے پکڑ لِیا اور ایک دِل ہوکر تماشا گاہ کو دَوڑے۔³⁰جب پولُوسؔ نے مجمع میں جانا چاہا تو شاگِردوں نے جانے نہ دِیا۔ ³¹اور آسیہ کے حاکِموں میں سے اُس کے بعض دوستوں نے آدمِی بھیج کر اُس کی مِنّت کی کہ تماشہ گاہ میں جانے کی جُرٔات نہ کرنا۔ ³²اور بعض کُچھ چِلّائے اور بعض کُچھ کیونکر مجلِس درہم برہم ہوگئی تھی اور اکثر لوگوں کو یہ بھی خَبر نہ تھی کہ ہم کِس لِئے اِکٹھے ہُوئے ہیَں۔³³پھِر اُنہوں نے اِسکندر کو جِسے یہُودی پیش کرتے تھے بھِیڑ میں سے نِکال کر آگے کردِیا اور اِسکندر نے ہاتھ سے اِشارہ کر کے مجمع کے سامنے عُذر بیان کرنا چاہا۔ ³⁴جب اُنہِیں معلُوم ہُؤا کہ یہ یہُودی ہَے تو سب ہم آواز ہوکر کوئی دو گھنٹے تک چِلّاتے رہے کہ اِفسیوں کی اَرتمِس بڑی ہَے۔³⁵پھِر شہر کے محرّر نے لوگوں کو ٹھنڈا کر کے کہا اَے اِفِسیو!کون سا آدمی نہیں جانتا کہ افسیوں کا شہر بڑی دیوی ارتمِس کے مندر اور اُس مُورت کا مُحافِظ ہے جوزِیوس کی طرف سے گِری تھی؟۔ ³⁶چُنان٘چِہ جب کوئی اِن باتوں کے خِلاف نہِیں کہہ سکتا تو واجِب ہَے کے تُم اِطمینان سے رہو اور بے سوچے کُچھ نہ کرو۔ ³⁷کِیُونکہ یہ لوگ جِن کو تُم یہاں لائے ہو نہ مندر کو لُوٹنے والے ہَیں نہ ہماری دیوی کی بد گوئی کرنے والے۔³⁸چُنان٘چِہ اگر دیمیتِریُس اور اُس کے ہم پیشہ کِسی پر دعوٰی رکھتے ہوں تو عدالت کھُلی ہَے اور صُوبہ دار مَوجُود ہَیں۔ ایک دُوسرے پر نالِش کریں۔ ³⁹اور اگر تُم کِسی اَور امر کی تحقِیقات چاہتے ہوتو باضابطہ مجلِس میں فَیصلہ ہوگا۔ ⁴⁰کِیُونکہ آج کے بلوے کے سبب سے ہمیں اپنے اُوپر نالِش ہونے کا اندیشہ ہَے اِس لِئے کہ اِس کی کوئی وجہ نہِیں ہَے اور اِس صُورت میں ہم اِس ہنگامہ کی جوابدِہی نہ کرسیں گے۔ یہ کہہ کر اُس نے مجلِس کر برخاست کِیا۔

20¹جب ہُلّڑ مَوقُوف ہوگیا تو پولُوسؔنے شاگِردوں کو بُلوا کر نصِیحت کی اور اُن سے رخُصت ہوکر مَکِدُنیہ کو روانہ ہُؤا۔ ²اور اُس عِلاقہ سے گُزر کر اور اُنہِیں بہُت نصِیحت کر کے یُونان میں آیا۔ ³جب تِین مہینے رہ کر سُوریہ کی طرف جہاز پر روانہ ہونے کو تھا تو یہُودِیوں نے اُس کے برخِلاف سازِش کی۔ پھِر ایک مقصد کے تحت اُس کی یہ صلاح ہُوئی کہ مَکِدُؔنیہ ہوکر واپَس جائے۔⁴اور پُرُسؔ کا بَیٹا سوپُؔترُس جو بیریہّ کا تھا اور تھِسّلُنِیکِیوں میں سے ارِستؔرخُس اور سِکُؔندُس اور گؔیُس جو دِربے کا تھا اور تِیؔمُتھیُس اور آسیہ کا تُخِؔکُس تُرُفِمُؔس آسیہ تک اُس کے ساتھ گئے۔ ⁵یہ آگے جا کر ترو آس میں ہماری راہ دیکھتے رہے۔ ⁶اور عِید فطِیر کے دِنوں کے بعد ہم فلپّی سے جہاز پر روانہ ہوکر پانچ دِن کے بعد تروآس میں اُن کے پاس پہُنچے اور سات دِن وَہیں رہے۔⁷ہفتہ کے پہلے دِن جب ہم روٹی توڑنے کے لِئے جمع ہُوئے تو پولُوسؔنے دُوسرے دِن روانہ ہونے کا اِرادہ کر کے اُن سے باتیں کِیں اور آدھی رات تک کلام کرتا رہا۔ ⁸جِس بالا خانہ پر ہم جمع تھے اُس میں بہُت سے چراغ جل رہے تھے۔⁹یُوتُؔخُس نام ایک جوان کھِڑکی میں بَیٹھا تھا۔ اُس پر نِید کا بڑا غلبہ تھا اور جب پولُوسؔزیادہ دیر تک باتیں کرتا رہا تو وہ نِیند کے غلبہ میں تِیسری منزل سے گِر پڑا اور اُٹھایا گیا تو مُردہ تھا۔ ¹⁰پولُوسؔ اُتر کر اُس سے لِپٹ گیا اور گلے لگا کر کہا گھبراؤ نہِیں۔ اِس میں جان ہَے۔¹¹پھِر اُوپر جا کر روٹی توڑی اور کھا کر اِتنی دیر تک اُن سے باتیں کرتا رہا کہ پَو پھٹ گئی۔ پھِر وہ روانہ ہوگیا۔ ¹²اور وہ اُس لڑکے کو جِیتا لائے اور اُن کی بڑی خاطِر جمع ہُوئی۔¹³ہم جہاز تک آگے جا کر اِس اِرادہ سے استُؔس کو روانہ ہُوئے کہ وہاں پہُنچ کر پولُوسؔ کو چڑھالیں کِیُونکہ اُس نے پَیدل جانے کا اِرادہ کر کے یہی تجویز کی تھی۔ ¹⁴چُنان٘چِہ جب استُؔس میں ہمیں مِلا تو ہم اُسے چڑھا کر مِتُؔلینے میں آئے۔¹⁵اور وہاں سے جہاز پر روانہ ہوکر دُوسرے دِن خِؔیُس کے سامنے پہُنچے اور تیِسرے دِن سامُس تک آئے اور اگلے دِن مِیلیتُس میں آگئے۔ ¹⁶کِیُونکہ پولُوسؔ نے ٹھان لِیا تھا کہ اِفِؔسُس کے پاس سے گُزرے اَیسا نہ ہوکہ اُسے آسؔیہ میں دیر لگے۔ اِس لِئے کہ وہ جلدی کرتا تھا کہ اگر ہوسکے تو پِنتیکُست کے دِن یروشلِیم میں ہو۔¹⁷اور اُس نے مِیلؔیتُس سے اِفؔسُس میں کہلا بھیجا اور کلِیسِیا کے بُزُرگوں کو بُلایا۔ ¹⁸جب وہ اُس کے پاس آئے تو اُن سے کہا تُم خُود جانتے ہوکہ پہلے ہی دِن سے کہ مَیں نے آسؔیہ میں قدم رکھّا ہر وقت تُمہارے ساتھ کِس طرح رہا۔ ¹⁹یعنی کمال فروتنی سے اور آنسُو بہا بہا کر اور آزمایشوں میں جو یہُودِیوں کی سازش کے سبب سے مُجھ پر واقِع ہُوئیں خُداوند کی خِدمت کرتا رہا۔ ²⁰اور جو جو باتیں تمُہارے فائِدہ کی تھِیں اُن کے بیان کرنے اور علانیہ اور گھر گھر سِکھانے سے کبھی نہ جھِجکا۔ ²¹بلکہ یہُودِیوں اور یُونانِیوں کے رُو برُو گواہی دیتا رہا کہ خُدا کے سامنے تَوبہ کرنا اور ہمارے خُداوند یِسُوعؔ مسِیح پر اِیمان لانا چاہِئے۔²⁴بلکہ یہُودِیوں اور یُونانِیوں کے رُو برُو گواہی دیتا رہا کہ خُدا کے سامنے تَوبہ کرنا اور ہمارے خُداوند یِسُوعؔ مسِیح پر اِیمان لانا چاہِئے۔ ²²اور اَب دیکھو مَیں رُوح میں بندھا ہُؤا یروشلِیم کو جاتا ہُوں اور نہ معلُوم کہ وہاں مُجھ پر کیا کیا گُزرے۔ ²³سِوا اِس کے کہ رُوحُ القُدس ہر شہر میں گواہی دے دے کر مُجھ سے کہتا ہے کہ قَید اور مُصِیبتیں تیرے لِئے تیّار ہَیں۔لیکِن مَیں اپنی جان کو عِزیز نہِیں سَمَجھتا کہ اُس کی کُچھ قدر کرُوں بمُقابلہ اِس کے کہ اپنا دَور اور وہ خِدمت جو خُداوند یِسُوعؔسے پائی ہے پُوری کرُوں یعنی خُدا کے فَضْل کی خُوشخَبری کی گواہی دُوں۔ ²⁵اور اَب دیکھو مَیں جانتا ہُوں کہ تُم سب جِن کے درمیان مَیں بادشاہی کی منادی کرتا پھِرا میرا مُنہ پھِر نہ دیکھو گے۔ ²⁶اِسلئے مَیں آج کے دِن تُمہیں قطعی کہتا ہُوں کہ سب آدمِیوں کے خُون سے پاک ہُوں۔ ²⁷کِیُونکہ مَیں خُدا کی ساری مرضی تُم سے پُورے طَور پر بیان کرنے سے نہ جھِجکا۔²⁸چُنان٘چِہ اپنی اور اُس سارے گلّہ کی خَبرداری کرو جِس کا رُوحُ القُدس نے تُمہیں نِگہبان ٹھہرایا تاکہ ایک چرواہے کی طرح خُدا کی کلِیسِیا کی گلّہ بانی کرو جِسے اُس نے خاص اپنے خُون سے مول لِیا۔ ²⁹مَیں یہ جانتا ہُوں کہ میرے جانے کے بعد پھاڑنے والے بھیڑئے تُم میں آئیں گے جِنہِیں گلّہ پر کُچھ ترس نہ آئے گا۔ ³⁰اور خُود تُم میں سے اَیسے آدمِی اُٹھیں گے جو اُلٹی اُلٹی باتیں کہیں گے تاکہ شاگِردوں کو اپنی طرف کھینچ لیں۔³¹اِس لِئے جاگتے رہو اور یاد رکھّو کہ مَیں تِین برس تک رات دِن آنسُو بہا بہا کر ہر ایک کو سمجھانے سے باز نہ آیا۔ ³²اب مَیں تُمہیں خُدا اور اُس کے فَضْل کے کلام کے سُپرد کرتا ہُوں جو تُمہاری ترقّی کر سکتا ہَے اور تمام مُقدّسوں میں شِریک کر کے مِیراث دے سکتا ہَے۔³³مَیں نے کِسی کی چاندی یا سونے یا کپڑے کا لالچ نہِیں کِیا۔ ³⁴تُم آپ جانتے ہوکہ اِنہی ہاتھوں نے میری اور میرے ساتھِیوں کی حاجتیں رفع کِیں۔ ³⁵مَیں نے تُم کو سب باتیں کر کے دِکھا دِیں کہ اِس طرح محِنت کر کے کمزوروں کو سنبھالنا اور خُداوند یِسُوعؔ کی باتیں یاد رکھنا چاہِیے کہ اُس نے خُود کہا دینا لینے سے مُبارک ہَے۔³⁶اُس نے یہ کہہ کر گُٹنے ٹیکے اور اُن سب کے ساتھ دُعا کی۔ ³⁷اور وہ سب بہُت روئے اور پولُوسؔ کے گلے لگ لگ کر اُس کے بوسے لِئے۔ ³⁸اور خاص کر اِس بات پر غمگِین تھے جو اُس نے کہی تھی کہ تُم پھِر میرا مُنہ نہ دیکھو گے۔ پھِر اُسے جہاز تک پہُنچایا۔

21¹اور جب ہم اُن سے بمُشکِل جُدا ہوکر جہاز پر روانہ ہُوئے تو اَیسا ہُؤا کہ سِیدھی راہ سے کوسؔ میں آئے اور دُوسرے دِن رُدُسؔ میں اور وہاں سے پتؔرہ میں۔ ²پھِر ایک جہاز سِیدھا فِینیکے کو جاتا ہُؤا مِلا اور اُس پر سوار ہوکر روانہ ہُوئے۔³جب کُپُرس نظر آیا تو اُسے بائیں ہاتھ چھوڑ کر سُورؔیہ کو چلے اور صُوؔر میں اُترے کِیُونکہ وہاں جہاز کا مال اُتارنا تھا۔ ⁴جب شاگِردوں کو تلاش کرلِیا تو ہم سات روز وہاں رہے۔ اُنہوں نے رُوح کی معرفت پولُوسؔ سے کہا کہ یروشلِیم میں قدم نہ رکھنا۔⁵اور جب وہ دِن گُزر گئے تو اَیسا ہُؤا کہ ہم نِکل کر روانہ ہُوئے اور سب نے بِیویوں اور بچّوں سمیت ہم کو شہر کے باہِر تک پہُنچایا۔ پھِر ہم نے سُمندر کے کِنارے گھُٹنے ٹیک کر دُعا کی۔ ⁶اور ایک دُوسرے سے وِداع ہوکر ہم تو جہاز پر چڑھے اور وہ اپنے اپنے گھر واپَس چلے گئے۔⁷ہم صُوؔر سے جہاز کا سفر تمام کر کے پَتُلَمِؔیس میں پہُنچے اور بھائِیوں کو سَلام کِیا اور ایک دِن اُن کے ساتھ رہے۔ ⁸دُوسرے دِن ہم روانہ ہوکر قیصرِؔیہ میں آئے اور فلِؔپُّس مُبشر کے گھر جو اُن ساتوں میں سے تھا اُتر کر اُس کے ساتھ رہے۔ ⁹اُس کی چار کُنواری بیٹیاں تھِیں جو نبُّووت کرتی تھِیں۔¹⁰اور جب وہاں بہُت روز رہے تو اگؔبُس نام ایک نبی یہُودیہ سے آیا۔ ¹¹اُس نے ہمارے پاس آ کر پولُوسؔ کا کمر بند لِیا اور اپنے ہاتھ پاؤں باندھ کر کہا رُوحُ القُدس یُوں فرماتا ہَے کہ جِس شَخص کا یہ کمر بند ہَے اُس کو یہُودی یروشلِؔیم میں اِسی طرح باندھیں گے اور غَیرقَوموں کے ہاتھ میں حوالہ کریں گے۔¹²جب یہ سُنا تو ہم نے اور وہاں کے لوگوں نے اُس کی مِنّت کی کہ یروشلِیم کو نہ جائے۔ ¹³مگر پولُوسؔ نے جواب دِیا کہ تُم کیا کرتے ہو؟ کِیُوں رو روکر میرا دِل توڑتے ہو؟ مَیں تو یروشلِؔیم میں خُداوند یِسُوعؔ کے نام پر نہ صِرف باندھے جانے بلکہ مرنے کو بھی تیّار ہُوں۔ ¹⁴جب اُس نے نہ مانا تو ہم یہ کہہ کر چُپ ہوگئے کہ خُداوند کی مرضی پُوری ہو۔¹⁵اُن دِنوں کے بعد ہم اپنے سفر کا اسباب تیّار کر کے یروشلِیم کو گئے۔ ¹⁶اور قیصرِیہ سے بھی بعض شاگِرد ہمارے ساتھ چلے اور ایک قدِیم شاگِرد مَنَاسون کُپڑی کو ساتھ لے آئے تاکہ ہم اُس کے ہاں مِہمان ہوں۔¹⁷جب یروشلِؔیم میں پہُنچے تو بھائِی بڑی خُوشی کے ساتھ ہم سے مِلے۔ ¹⁸اور دُوسرے دِن پولُوسؔ ہمارے ساتھ یَعقُوؔب کے پاس گیا اور سب بُزُرگ وہاں حاضِر تھے۔ ¹⁹اُس نے اُنہِیں سَلام کر کے جو کُچھ خُدا نے اُس کی خِدمت سے غَیرقَوموں میں کِیا تھا مُفّصل بیان کِیا۔²⁰اُنہوں نے یہ سُن کر خُدا کی تمجِید کی۔ پھِر اُس سے کہا اَے بھائِی تُو دیکھا ہے کہ یہُودِیوں میں ہزارہا آدمِی اِیمان لے آئے ہیَں اور وہ سب شَرِیعَت کے بارے میں سرگرم ہَیں۔ ²¹اور اُن کو تیرے بارے میں سِکھا دِیا گیا ہَے کہ تُو غَیر قَوموں میں رہنے والے سب یہُودِیوں کو یہ کہہ کر مُوسیٰؔ سے پِھر جانے کی تعلِیم دیتا ہے کہ نہ اپنے لڑکوں کا ختنہ کرو نہ مُوسوی رسموں پر چلو۔²²چُنان٘چِہ کیا کِیا جائے؟ لوگ ضرُور سُنیں گے کہ تُو آیا ہَے۔ ²³اِس لِئے جو ہم تُجھ سے کہتے ہیَں وہ کر ۔ ہمارے ہاں چار آدمِی اَیسے ہیں جِنہوں نے مَنت مانی ہَے۔ ²⁴اُنہِیں لے کر اپنے آپ کو اُن کے ساتھ پاک کر اور اُن کی طرف سے کُچھ خرچ کرتا کہ وہ سر مُنڈائیں تو سب جان لیں گے کہ جو باتیں اُنہِیں تیرے بارے میں سِکھائی گئی ہیں اُن کی کُچھ اصل نہِیں بلکہ تُو خُود بھی شَرِیعَت پر عمل کر کے دُرستی سے چلتا ہَے۔²⁵مگر غَیر قَوموں میں سے جو اِیمان لائے اُن کی بابت ہم نے یہ فَیصلہ کر کے لِکھا تھاکہ وہ صِرف بُتوں کی قُربانی کے گوشت سے اور لہُو اور گلا گھونٹے ہُوئے جانوروں اور حرامکاری سے اپنے آپ کو بَچائے رکھّیں۔ ²⁶اِس پر پولُوسؔ اُن آدمِیوں کو لے کر اور دُوسرے دِن اپنے آپ کو اُن کے ساتھ پاک کر کے ہَیکل میں داخِل ہُؤا اور خَبردی کہ جب تک ہم میں سے ہر ایک کی نذرنہ چڑھائی جائے تقدُّس کے دِن پُورے کریں گے۔²⁷جب وہ سات دِن پُورے ہونے کو تھے تو آسیؔہ کے یہُودِیوں نے اُسے ہَیکل میں دیکھ کر سب لوگوں میں ہلچل مچائی اور یُوں چِلّا کر اُس کو پکڑلِیا۔ ²⁸کہ اَے اِسرئیلیو مدد کرو۔ یہ وُہی آدمِی ہَے جو ہر جگہ سب آدمِیوں کو اُمّت اور شَرِیعَت اور اِس مقام کے خِلاف تعلِیم دیتا ہے بلکہ اُس نے یُونانِیوں کو بھی ہَیکل میں لاکر اِس پاک مقام کو ناپاک کِیا ہَے۔ ²⁹کِیُونکہ اُنہوں نے اِس سے پہلے ترُفِمس اِفِسی کو اُس کے ساتھ شہر میں دیکھا تھا۔ اُسی کی بابت اُنہوں نے خیال کِیا کہ پولُوسؔاُسے ہَیکل میں لے آیا ہَے۔³⁰اور تمام شہر میں ہلچل پڑگئی اور لوگ دَوڑ کر جمع ہُوئے اور پولُوسؔ کو پکڑکر ہَیکل سے باہِر گھسِیٹ کرلے گئے اور فوراً دروازے بند کر لئِے گئے۔ ³¹جب وہ اُسے قتل کرنا چاہتے تھے تو اُوپر پلٹن کے سَردار کے پاس خَبر پہُنچی کہ تمام یروشلِؔیم میں کھلبلی پڑگئی ہَے۔³²وہ اُسی دم سِپاہِیوں اور صُوبہ داروں کولے کر اُن کے پاس نیِچے دَوڑا آیا اور وہ پلٹن کے سَردار اور سِپاہِیوں کو دیکھ کر پولُوسؔکی مارپیٹ سے باز آئے۔ ³³اِس پر پلٹن کے سَردار نے نزدِیک آ کر اُسے گِرفتار کِیا اور دو زنجِیروں سے باندھنے کا حُکم دے کر پُوچھنے لگا کہ یہ کَون ہَے اور اِس نے کیا کِیا ہَے؟³⁴بِھیڑ میں سے بعض کُچھ چلائے اور بعض کُچھ۔ پَس جب ہُلّڑ کے سبب سے کُچھ حقِیقت دریافت نہ کرسکا تو حُکم دِیا کہ اُسے قلعہ میں لے جاؤ۔ ³⁵جب سِیڑھیوں پر پہُنچا تو بِھیڑ کی زبردستی کے سبب سے سِپاہِیوں کو اُسے اُٹھاکر لے جانا پِڑا۔ ³⁶کِیُونکہ لوگوں کی بِھیڑ یہ چلاتی ہُوئی اُس کے پِیچھے پڑی کہ اُس کا کام تمام کر۔³⁷اور جب پولُوسؔ کو قلعہ کے اَندر لے جانے کو تھے تو اُس نے پلٹن کے سَردار سے کہا کیا مُجھے اِجازت ہَے کہ تُجھ سے کُچھ کہُوں؟ اُس نے کہا تُو یُونانی جانتا ہَے؟۔ ³⁸کیا تُو وہ مِصری نہِیں جو اِس سے پہلے غازِیوں میں سے چار ہزار آدمِیوں کو باغی کر کے بیابان میں لے گیا؟³⁹پولُوسؔ نے کہا مَیں یہُودی آدمِی کلکِؔیہ کے مشہُور شہر ترسُؔس کا باشِندہ ہُوں مَیں تیری مِنّت کرتا ہُوں کہ مُجھے لوگوں سے بولنے کی اِجازت دے۔ ⁴⁰جب اُس نے اُسے اِجازت دی تو پولُوسؔنے سِیڑھیوں پر کھڑے ہوکر لوگوں کو ہاتھ سے اِشارہ کِیا۔ جب وہ چُپ چاپ ہوگئے تو عِبرانی زبان میں یُوں کہنے لگا کہ

22¹اَے بھائِیو اور بُزُرگو! میرا عُذر سُنو جو اَب تُم سے بیان کرتا ہُوں۔ ²جب اُنہوں نے سُنا کہ ہم سے عِبرانی زبان میں بولتا ہَے تو اَور بھی چُپ چاپ ہوگئے۔ چُنان٘چِہ اُس نے کہا۔³مَیں یہُودی ہُوں اور کلِکیہ کے شہر تَرسُس میں پَیدا ہُؤا مگر میری تربِیت اِس شہر میں گملی ایل کے قدموں میں ہُوئی اور مَیں نے باپ دادا کی شَرِیعَت کی خاص پاِبنِدی کی تعلِیم پائی اور خُدا کی راہ میں اَیسا سرگرم تھا جَیسے تُم سب آج کے دِن ہو۔ ⁴چُنانچہ مَیں نے مردوں اور عَورتوں کو باندھ باندھ کر اور قَید خانہ میں ڈال ڈال کر مسِیحی طِریق والوں کو یہاں تک ستایا کہ مروا میں ڈالا۔ ⁵چُنانچہ سَردار کاہِن اور سب بُزُرگ میرے گواہ ہَیں کہ اُن سے مَیں بھائِیوں کے نام خط لے کر دمشق کو روانہ ہُؤا تاکہ جِتنے وہاں ہوں اُنہِیں بھی باندھ کر یروشلِیم میں سزا دِلانے کو لاؤں۔⁶جب مَیں سفر کرتا کرتا دمشقؔ کے نزدِیک پہُنچا تو اَیسا ہُؤا کہ دوپہر کے قرِیب یکایک ایک بڑا نُور آسمان سے میرے گِردا گِرد آچمکا۔ ⁷اور مَیں زمِین پر گِر پڑا اور یہ آواز سُنی کہ اَے ساؤل اَے ساؤل! تو مُجھے کِیُوں ستاتا ہَے؟ ⁸میں نے یہ جواب دِیا کہ اَے خُداوند! تُو کَون ہَے ؟ اُس نے مُجھ سے کہا مَیں یِسُوعؔناصری ہُوں جِسے تُو ستاتا ہَے؟⁹اور میرے ساتھِیوں نے نُور دیکھا لیکِن جو مُجھ سے بولتا تھا اُس کی آواز نہ سُنی۔ ¹⁰مَیں نے کہا اَے خُداوند مَیں کیا کرُوں ؟ خُداوند نے مُجھ سے کہا اُٹھ کر دمشق میں جا۔ جو کُچھ تیرے کرنے کے لِئے مُقرّر ہُؤا ہَے وہاں تُجھ سے سب کہا جائے گا۔ ¹¹جب مُجھے اُس نُور کے جلال کے سبب سے کُچھ دِکھائی نہ دِیا تو میرے ساتھی میرا ہاتھ پکڑ کر مُجھے دمشق میں لے گئے۔¹²اور حننِیاؔہ نام ایک شَخص جو شَرِیعَت کے مُوافِق دِیندار اور وہاں کے سب رہنے والے یہُودِیوں کے نزدِیک نیکنام تھا۔ ¹³میرے پاس آیا اور کھڑے ہوکر مُجھ سے کہا بھائِی ساؤل پھِر بِینا ہو! اُسی گھڑی بِینا ہوکر مَیں نے اُس کو دیکھا۔

¹⁴اُس نے کہا ہمارے باپ دادا کے خُدا نے تُجھ کو اِس لِئے مُقرّر کِیا ہَے کہ تُو اُس کی مرضی کو جانے اور اُس راستباز کو دیکھے اور اُس کے مُنہ کی آواز سُنے۔ ¹⁵کِیُونکہ تُو اُس کی طرف سے سب آدمِیوں کے سامنے اُن باتوں کا گواہ ہوگا جو تُو نےدیکھی اور سُنی ہیَں۔ ¹⁶اب کِیُوں دیر کرتا ہَے؟ اُٹھ بپتِسمہ لے اور اُس کا نام لے کر اپنے گُناہوں کو دھو ڈال۔¹⁷جب مَیں پھِر یروشلِؔیم میں آ کر ہَیکل میں دُعا کر رہا تھا تو اَیسا ہُؤا کہ مَیں بے خُود ہوگیا۔ ¹⁸اور اُس کو دیکھا کہ مُجھ سے کہتا ہَے جلدی کر اور فوراً یروشلِیم سے نِکل جا کِیُونکہ وہ میرے حق میں تیری گواہی قُبول نہ کریں گے۔¹⁹مَیں نے کہا اَے خُداوند! وہ خُود جانتے ہَیں کہ جو تُجھ پر اِیمان لائے مَیں اُن کو قَید کراتا اور جا بجا عِبادت خانوں میں پِٹواتا تھا۔ ²⁰اور جب تیرے شہِید سِتفَنُؔس کا خُون بہایا جاتا تھا تو مَیں بھی وہاں کھڑا تھا اور اُس کے قتل پر راضی تھا اور اُس کے قاتِلوں کے کپڑوں کی حِفاظت کرتا تھا۔ ²¹اُس نے مُجھ سے کہا جا۔ مَیں تُجھے غَیر قَوموں کے پاس دُور دُور بھیجُوں گا۔²²وہ اِس بات تک تو اُس کی سُنتے رہے۔ پھِر بُلند آواز سے چِلّائے کہ اَیسے شَخص کو زمِین پر سے فنا کر دے! اُس کا زِندہ رہنا مُناسِب نہِیں۔ ²³جب وہ چِلّاتے اور اپنے کپڑے پھینکتے اور خاک اُڑاتے تھے۔ ²⁴تو پلٹن کے سَردار نے حُکم دے کر کہا کہ اُسے قلعہ میں لے جاؤٔ اور کوڑے مارکر اُس کا اِظہار لو تاکہ مُجھے معلُوم ہوکہ وہ کِس سبب سے اُس کی مُخالفت میں یُوں چِلّاتے ہَیں۔²⁵جب اُنہوں نے تسموں سے باندھ لِیا تو پولُوسؔنے اُس صُوبہ دار سے جو پاس کھڑا تھا کہا کیا تُمہیں روا ہَے کہ ایک رُومی آدمِی کو کوڑے مارو اور وہ بھی قُصُور ثابِت کئِے بغَیر؟۔ ²⁶صُوبہ دار یہ سُن کر پلٹن کے سَردار کے پاس گیا اور اُسے خَبر دے کر کہا تُو کیا کرتا ہَے؟ یہ تو رُومی آدمِی ہَے۔²⁷پلٹن کے سَردار نے اُس کے پاس آ کر کہا مُجھے بتا تو۔ کیا تُو رُومی ہَے؟ اُس نے کہا ہاں۔ ²⁸پلٹن کے سَردار نے جواب دِیا کہ مَیں نے بڑی رقم دے کر رُومی ہونے کا رُتبہ حاصِل کِیا۔ پولُوسؔنے کہا مَیں تو پَیدایشی ہُوں۔ ²⁹چُنان٘چِہ جو اُس کا اِظہار لینے کو تھے فوراً اُس سے الگ ہوگئے اور پلٹن کا سَردار بھی یہ معلُوم کر کے ڈرگیا کہ جِس کو مَیں نے باندھا ہے وہ رُومی ہَے۔³⁰صُبح کو یہ حقِیقت معلُوم کرنے کے اِرادہ سے کہ یہُودی اُس پر کیا اِلزام لگاتے ہَیں اُس نے اُس کو کھول دِیا اور سَردار کاہِن اور سب صدرِ عدالت والوں کو جمع ہونے کا حُکم دِیا اور پولُوسؔ کو نیچِے لیجا کر اُن کے سامنے کھڑا کر دِیا۔

23¹پولُوسؔ نے صدرِ عدالت والوں کو غَور سے دیکھ کر کہا اَے بھائِیو! مَیں نے آج تک کمال نیک نِیتّی سے خُدا کے واسطے عُمر گزاری ہَے۔ ²سَردار کاہِن حننِیاؔہ نے اُن کو جو اُس کے پاس کھڑے تھے حُکم دِیا کہ اُس کے مُنہ پر طمانچہ مارو۔ ³پولُوسؔ نے اُس سے کہا کہ اَے سفیدی پھِری ہُوئی دِیوار! خُدا تُجھے ماریگا۔ تُو شَرِیعَت کے مُوافِق میرا اِنصاف کرنے کو بَیٹھا ہَے اور کیا شَرِیعَت کے برخِلاف مُجھے مارنے کا حُکم دیتا ہَے۔⁴جو پاس کھڑے تھے اُنہوں نے کہا کیا تُو خُدا کے سَردار کاہِن کو بُرا کہتا ہَے؟۔ ⁵پولُوسؔ نے کہا اَے بھائِیو! مُجھے معلُوم نہ تھا کہ یہ سَردار کاہِن ہَے کِیُونکہ لکِھا ہَے کہ اپنی قَوم کے سَردار کو بُرا نہ کہہ۔⁶جب پولُوسؔ نے یہ معلُوم کِیا کہ بعض صدُوقی ہیَں بعض فِریسی تو عدالت میں پُکار کر کہا کہ اَے بھائِیو! مَیں فِریسی اور فِریسیوں کی اَولاد ہُوں۔ مُردوں کی اُمِید اور قِیامت کے بارے میں مُجھ پر مُقدّمہ ہورہا ہَے۔ ⁷جب اُس نے یہ کہا تو فِریسیوں اور صدُوقِیوں میں تکرار ہُوئی اور حاضرِین میں پھُوٹ پڑگئی۔ ⁸کِیُونکہ صدُوقی تو کہتے ہیَں کہ نہ قِیامت ہوگی نہ کوئی فِرشتہ ہَے نہ رُوح مگر فرِیسی دونوں کا اِقرار کرتے ہَیں۔⁹چُنان٘چِہ بڑا شور ہُؤا اور فِریسیوں کے فِرقہ کے بعض فقِیہ اُٹھے اور یُوں کہہ کر جھگڑنے لگے کہ ہم اِس آدمِی میں کُچھ بُرائی نہِیں پاتے اور اگر کِسی رُوح یا فِرشتہ نے اِس سے کلام کِیا ہوتو پھِر کیا ؟۔ ¹⁰اور جب بڑی تکرار ہُوئی تو پلٹن کے سَردار نے اِس خَوف سے کہ مبادا پولُوسؔ کے ٹکڑے کردِئے جائیں فَوج کا حُکم دِیا کہ اُتر کر اُسے اُن میں سے زبردستی نکِالو اور قلعہ میں لے آؤ۔¹¹اُسی رات خُداوند اُس کے پاس آکھڑا ہُؤا اور کہا خاطِر جمع رکھ کہ جَیسے تُونے میری بابت یروشلِیم میں گواہی دی ہَے وَیسے ہی ضرورہَے کہ تُو رومہ میں بھی گواہی دے۔¹²جب دِن ہُؤا تو یہُودِیوں نے ایکا کر کے اور لعنت کی قَسم کھا کر کہا کہ جب تک ہم پولُوسؔ کو قتل نہ کرلیں نہ کُچھ کھائیں گے نہ پِئیں گے۔ ¹³اور جِنہوں نے آپس میں یہ سازِش کی وہ چالِیس سے زیادہ تھے۔¹⁴چُنان٘چِہ اُنہوں نے سَردار کاہِنوں اور بُزُرگوں کے پاس جا کر کہا کہ ہم نے سخت لعنت کی قَسم کھائی ہَے کہ جب تک پولُوسؔ کو قتل نہ کرلیں کُچھ نہ چکھّیں گے۔ ¹⁵چُنان٘چِہ اَب تُم صدرِ عدالت والوں سے مِل کر پلٹن کے سَردار سے عرض کرو کہ اُسے تُمہارے پاس لائے۔ گویا تُم اُس کے معاملہ کی حقِیقت زیادہ دریافت کرنا چاہتے ہو اور ہم اُس کے پہُنچنے سے پہلے اُسے مار ڈالنے کو تیّار ہیَں۔¹⁶لیکِن پولُوسؔ کا بھانجا اُن کی گھات کا حال سُن کر آیا اور قلعہ میں جا کر پولُوسؔ کو خَبر دی۔ ¹⁷پولُوسؔ نے صُوبہ داروں میں سے ایک کو بُلاکر کہا اِس جوان کو پلٹن کے سَردار کے پاس لے جا۔ یہ اُس سے کُچھ کہنا چاہتا ہَے۔¹⁸چُنان٘چِہ اُس نے اُس کو پلٹن کے سَردار کے پاس لے جا کر کہا کہ پولُوسؔ قَیدی نے مُجھے بُلاکر دَرخواست کی کہ اِس جوان کو تیرے پاس لاؤُں کہ تُجھ سے کُچھ کہنا چاہتا ہَے۔ ¹⁹پلٹن کے سَردار نے اُس کا ہاتھ پکڑ کر اور الگ جا کر پُوچھا کہ مُجھ سے کیا کہنا چاہتا ہَے؟²⁰اُس نے کہا یہُودِیوں نے ایکا کِیا ہَے کہ تُجھ سے دَرخواست کریں کہ کل پولُوسؔ کو صدرِ عدالت میں لائے۔ گویا تُو اُس کے حال کی اَور بھی تحقِیقات کرنا چاہتا ہَے۔ ²¹لیکِن تُو اُن کی نہ ماننا کِیُونکہ اُن میں چالِیس شَخص سے زیادہ اُس کی گھات میں ہَیں جِنہوں نے لعنت کی قَسم کھائی ہے کہ جب تک اُسے مار نہ ڈالیں نہ کھائیں گے نہ پِئیں گے اور اَب وہ تیّار ہَیں۔ صِرف تیرے وعدہ کا اِنتظار ہَے۔²²چُنان٘چِہ سَردار نے جوان کو یہ حُکم دے کر رُخصت کِیا کہ کِسی سے نہ کہنا کہ تُونے مُجھ پر یہ ظاہِر کِیا۔ ²³اور وہ صُوبہ داروں کو پاس بُلاکر کہا کہ دوسَو سِپاہی اور ستّر سوار اور دو سَو نیزہ بردار پہر رات گئے قیصرِیہ جانے کو تیّار کر رکھنا۔ ²⁴اور حُکم دِیا کہ پولُوسؔ کی سواری کے لئِے جانوروں کو بھی حاضِر کریں تاکہ اُسے فیلِکس حاکِم کے پاس صحِیح سَلامت پہُنچادیں۔²⁵اور اِس مضُمون کا خط لِکھا۔ ²⁶کلؔودِیُس لُوسِیاس کا فیلِؔکس بہادر حاکِم کو سَلام۔ ²⁷اِس شَخص کو یہُودِیوں نے پکڑ کر مار ڈالنا چاہا مگر جب مُجھے معلُوم ہُؤا کہ یہ رُومی ہَے تو فَوج سمیت چڑھ گیا اور چھُڑایا لایا۔²⁸اور اِس بات کے دریافت کرنے کا اِرادہ کر کے کہ وہ کِس سبب سے اُس پر نالِش کرتے ہیں اُسے اُن کی صدرِ عدالت میں لے گیا۔ ²⁹اور معلُوم ہُؤا کہ وہ اپنی شَرِیعَت کے مسئلوں کی بابت اُس پر نالِش کرتے ہَیں لیکِن اُس پر کوئی اَیسا اِلزام نہِیں لگایا گیا کہ قتل یا قَید کے لائِق ہو۔ ³⁰اور جب مُجھے اِطلاع ہُوئی کہ اِس شَخص کے برخِلاف سازِش ہونے والی ہَے تو مَیں نے اِسے فوراً تیرے پاس بھیج دِیا ہَے اور اِس کے مُدّعِیوں کو بھی حُکم دے دِیا ہَے کہ تیرے سامنے اِس پر دعویٰ کریں۔³¹چُنان٘چِہ سپاہِیوں نے حُکم کے مُوافِق پولُوسؔکو لے کر راتوں رات انتتیپتِرس میں پہُنچا دِیا۔ ³²اور دُوسرے دِن سواروں کو اُس کے ساتھ جانے کے لئِے چھوڑ کر آپ قلعہ کو پھِرے۔ ³³اُنہوں نے قَیصریہ میں پہُنچ کر حاکِم کو خط دے دِیا اور پولُوسؔ کو بھی اُس کے آگے حاضِر کِیا۔³⁴اُس نے خط پڑھ کر پُوچھا کہ یہ کِس صُوبہ کا ہَے؟ اور یہ معلُوم کر کے کہ کِلِکیہ کا ہَے۔ ³⁵اُس سے کہا کہ جب تیرے مُدّعی بھی حاضِر ہوں گے تو مَیں تیرا مُقدّمہ کرُوں گا اور اُسے ہیرودِیس کے قلعہ میں قَید رکھنے کا حُکم دِیا۔

24¹پانچ دِن کے بعد حننِیاؔہ سَردار کاہِن بعض بُزُرگوں اور تِرطُلُسؔ نام ایک وکِیل کو ساتھ لےکر وہاں آیا اور اُنہوں نے حاکِم کے سامنے پولُوسؔ کے خِلاف فریاد کی۔ ²جب وہ بُلایا گیا تِرطُلُسؔ اِلزام لگا کر کہنے لگاکہ اَے فیلِکسؔ بہادر! چُونکہ تیرے وسِیلہ سے ہم بڑے امن میں ہیَں اور تیری دُور اندیشی سے اِس قَوم کے فائِدہ کے لِئے خرابیوں کی اِصلاح ہوتی ہَے۔ ³ہم ہر طرح اور ہر جگہ کمال شُکرگزاری کے ساتھ تیرا اِحسان مانتے ہَیں۔⁴مگر اِس لِئے کہ تُجھے زیادہ تکلِیف نہ دوُں مَیں تیری مِنَت کرتا ہُوں کہ تُو مِہربانی سے مختصراً ہماری باتیں سُن لے۔ ⁵کِیُونکہ ہم نے اِس شَخص کو مُفسد اور دُنیا کے سب یہُودِیوں میں فِتنہ انگیز اور ناصریوں کے بِدعتی فِرقہ کاسرگر وہ پایا۔ ⁶اِس نے ہَیکل کو ناپاک کرنے کی کوشِش کی تھی اور ہم نے اِسے پکڑا [اور ہم نے چاہا کہ اپنی شَرِیعَت کے مُوافِق اِس کی عدالت کریں۔ ¹² ⁷لیکِن لُوسِیاسؔ سرادر آ کر بڑی زبردستی سے اُسے ہمارے ہاتھ سے چِھین لے گیا۔ ⁸اور اُس کے مُدّعیوں کو حُکم دِیا کہ تیرے پاس جائیں] اِسی سے تحقِیق کر کے تُو آپ اِن سب باتوں کو دریافت کر سکتا ہَے جِن کا ہم اِس پر اِلزام لگاتے ہَیں۔ ⁹اور یہُودِیوں نے بھی اِس دعویٰ میں مُتفِق ہوکر کہاکہ یہ باتیں اِسی طرح ہَیں۔¹⁰جب حاکِم نے پولُوسؔ کو بولنے کا اِشارہ کِیا تو اُس نے جواب دِیا چُونکہ مَیں ہُوں کہ تُو بہُت برسوں سے اِس قَوم کی عدالت کرتا ہَے اِس لِئے میں خاطِر جمعی سے اپنا عُذر بیان کرتا ہُوں۔ ¹¹تُو دریافت کر سکتا ہَے کہ بارہ دِن سے زیادہ نہِیں ہُوئے کہ مَیں یروشلِؔیم میں عِبادت کرنے گیا تھا۔ ¹²اور اُنہوں نے مُجھے نہ ہَیکل میں کِسی کے ساتھ بحث کرتے یا لوگوں میں فساد اُٹھاتے پایا نہ عِبادت خانوں میں نہ شہر میں۔ ¹³اور نہ وہ اِن باتوں جِن کا مُجھ پر اَب اِلزام لگاتے ہَیں تیرے سامنے ثابِت کرسکتے ہیَں۔¹⁴لیکِن تیرے سامنے یہ اِقرار کرتا ہُوں کہ جِس طِریق کو وہ بِدعت کہتے ہیَں اُسی کے مُطابِق مَیں اپنے باپ دادا کے خُدا کی عِبادت کرتا ہُوں اور جو کُچھ توریت اور نبِیوں کے صِحیفوں میں لِکھا ہَے اُس سب پر میرا اِیمان ہَے۔ ¹⁵اور خُدا سے اُسی بات کی اُمِید رکھتا ہُوں جِس کے وہ خُود بھی مُنتظِر ہَیں کہ راستبازوں اور ناراستوں دونوں کی قِیامت ہوگی۔ ¹⁶اِسی لِئے مَیں خُود بھی کوشِش میں رہتا ہُوں کہ خُدا اور آدمِیوں کے باب میں میرا دِل مُجھے کبھی ملامت نہ کرے۔¹⁷بہُت برسوں کے بعد مَیں اپنی قَوم کو خَیرات پہُنچانے اور نذریں چڑھانے آیا تھا۔ ¹⁸اُنہوں نے بغَیر ہنگامہ یا بلوے کے مُجھے طہارت کی حالت میں یہ کام کرتے ہُوئے ہَیکل میں پایا۔ ہاں آسیہ کے چند یہُودی تھے۔ ¹⁹اور اگر اُن کا مُجھ پر کُچھ دعویٰ تھا تو اُنہِیں تیرے سامنے حاضِر ہوکر فریاد کرنا واجِب تھا۔²⁰یایہی خُود کہیں کہ جب مَیں صدر عدالت کے سامنے کھڑا تھا تو مُجھ میں کیا بُرائی پائی تھی۔ ²¹سِوا اِس ایک بات کے کہ مَیں نے اُن میں کھڑے ہوکر بُلند آواز سے کہا تھا کہ مُردوں کی قِیامت کے بارے میں آج مُجھ پر تمُہارے سامنے مُقدّمہ ہورہا ہَے۔²²فیلِکؔس نے جو صحِیح طَور پر اِس طِریق سے واقِف تھا یہ کہہ کر مُقدّمہ کو مُلتوی کردِیا کہ جب پلٹن کا سَردار لُوسِیاؔس آئے گا تو مَیں تمُہارا مُقدّمہ فَیصل کرُوں گا۔ ²³اور صُوبہ دار کو حُکم دِیا کہ اُس کو قَید تو رکھ مگر آرام سے رکھنا اور اِس کے دوستوں میں سے کِسی کو اِس کی خِدمت کرنے سے منع نہ کرنا۔²⁴اور چند روز کے بعد فیلِکؔس اپنی بِیوی درُوسِلّہ کو جو یہُودی تھی ساتھ لے کر آیا اور پولُوسؔ کو بُلُوا کر اُس سے مسِیح یِسُوع کے دِین کی کَیفِیت سُنی۔ ²⁵اور جب وہ راست بازی اور پر ہیز گاری اور آیندہ عدالت کا بیان کررہا تھا تو فیلِکؔس نے دہشت کھا کر جواب دِیا کہ اِس وقت توجا۔ فُرصت پاکر تُجھے پِھر بُلاؤں گا۔²⁶اُسے پولُوسؔ سے کُچھ رُوپے ملِنے کی اُمِید بھی تھی اِس لِئے اُسے اَور بھی بُلا بُلا کر اُس کے ساتھ گُفتگُو کِیا کرتا تھا۔ ²⁷لیکِن جب دو برس گُزر گئے تو پُرکِیُؔس فیسؔتُس کی جگہ مُقرّر ہُؤا اور فیلِکؔس یہُودِیوں کو اپنا اِحسان مند کرنے کی غرض سے پولُوسؔ کو قَید ہی میں چھوڑ گیا۔

¹[نوٹ: اچھے نسخہ جات میں ۷ آیت شامل نہیں]

²[نوٹ: اچھے نسخہ جات میں ۷ آیت شامل نہیں]

25¹چُنان٘چِہ فیستُس صُوبہ میں داخِل ہوکر تیِن روز کے بعد قَیصریہ سے یروشلِؔیم کو گیا۔ ²اور سَردار کاہِنوں اور یہُودِیوں کے رِئیسوں نے اُس کے ہاں پولُوسؔ کے خِلاف فریاد کی۔ ³اور اُس کی مُخالفت میں یہ رعایت چاہی کہ وہ اُسے یروشلِؔیم میں بُلا بھیجے اور گھات میں تھے کہ اُسے راہ میں مار ڈالیں۔⁴مگر فیستُؔس نے جواب دِیا کہ پولُوسؔ تو قَیصؔریہ میں قَید ہَے اور مَیں آپ جلد وہاں جاؤں گا۔ ⁵چُنان٘چِہ تُم میں سے جو اِختیّار والے ہیں وہ ساتھ چلیں اور اگر اِس شَخص میں کُچھ بیجا بات ہو تو اُس کی فریاد کریں۔⁶وہ اُن میں آٹھ دس دِن رہ کر قَیصؔریہ کو گیا اور دُوسرے دِن تختِ عدالت پر بَیٹھ کر پولُوسؔ کے لانے کا حُکم دِیا۔ ⁷جب وہ حاضِر ہؤا تو جو یہُودی یروشلِؔیم سے آئے تھے وہ اُس کے آس پاس کھڑے ہوکر اُس پر بہُتیرے سخت اِلزام لگانے لگے مگر اُن کو ثابِت نہ کرسکے۔ ⁸لیکِن پولُوسؔ نے یہ عُذرکِیا کہ مَیں نے نہ تو کُچھ یہُودِیوں کی شَرِیعَت کا گُناہ کِیا ہَے نہ ہَیکل کا نہ قَیصؔریہ کا۔⁹مگر فیستُؔس نے یہُودِیوں کو اپنا اِحسان مند بنانے کی غرض سے پولُوسؔ کو جواب دِیا کیا تُجھے یروشلِؔیم جانا منظُور ہَے کہ تیرا یہ مُقدّمہ وہاں میرے سامنے فیَصل ہو؟۔ ¹⁰پولُوسؔ نے کہا مَیں قَیصؔر کے تختِ عدالت کے سامنے کھڑا ہُوں۔ میرا مُقدّمہ یہِیں فَیصل ہونا چاہئے۔ یہُودِیوں کا مَیں نے کُچھ قُصُور نہِیں کِیا۔ چُنانچہ تُو بھی خُوب جانتا ہَے۔¹¹اگر بدکار ہُوں یا مَیں نے قتل کے لائِق کوئی کام کِیا ہَے تُو مُجھے مرنے سے اِنکار نہِیں لیکِن جِن باتوں کا وہ مُجھ پر اِلزام لگاتے ہیَں اگر اُن کی کُچھ اصل نہِیں تو اُن کی رعایت سے کوئی مُجھ کو اُن کے حوالہ نہِیں کر سکتا۔ مَیں قَیصؔر کے ہاں اِپیل کرتا ہُوں۔ ¹²پھِر فیستُس نے صلاح کاروں سے مصلحت کر کے جواب دِیا کہ تُونے قَیصؔر کے ہاں اِپیل کی ہَے تو قَیصؔر ہی کے پاس جائے گا۔¹³اور کُچھ دِن گُزر نے کے بعد اگِرپّاؔ بادشاہ اور برنِیکؔے نے قیصرِؔیہ میں آ کر فیستُؔس سے مُلاقات کی۔ ¹⁴اور اُن کے کُچھ عرصہ وہاں رہنے کے بعد فیستُؔس نے پولُوسؔ کے مُقدّمہ کا حال بادشاہ سے کہہ کر بیان کِیا کہ ایک شَخص کو فیلِکؔس قَید میں چھوڑ گیا ہَے۔ ¹⁵جب میں یروشلِؔیم میں تھا تو سَردار کاہِنوں اور یہُودِیوں کے بُزُرگوں نے اُس کے خِلاف فریاد کی اور سزا کے حُکم کی دَرخواست کی۔ ¹⁶اُن کو میں نے جواب دِیا کہ رُومیوں کا یہ دستُور نہِیں کہ کِسی آدمِی کو رعایتہً سزا کے لِئے حوالہ کریں جب تک کہ مُدّعاعلَیہ کو اپنے مُدعیوں کے رُوبرُو ہوکر دعویٰ کے جواب دینے کا مَوقع نہ ملِے۔¹⁷چُنان٘چِہ جب وہ یہاں جمع ہُوئے تو مَیں نے کُچھ دیر نہ کی بلکہ دُوسرے ہی دِن تختِ عدالت پر بَیٹھ کر اُس آدمی کو لانے کا حُکم دِیا۔ ¹⁸مگر جب اُس کے مُدّعی کھڑے ہُوئے تو جِن بُرائیوں کا مُجھے گُمان تھا اُن میں سے اُنہوں نے کِسی کا اِلزام اُس پر نہ لگایا۔ ¹⁹بلکہ اپنے دِین اور کِسی شَخص یِسُوعؔ کی بابت اُس سے بحث کرتے تھے جو مرگیا تھا اور پولُوسؔاُس کو زِندہ بتاتا ہَے۔ ²⁰چُونکہ مَیں اِن باتوں کی تحقِیقات کی بابت اُلجھن میں تھا اِس لِئے اُس سے پُوچھا کیا تُو یروشلِؔیم میں جانے کو راضی ہَے کہ وہاں اِن باتوں کا فَیصلہ ہو؟²¹مگر جب پولُوسؔ نے اِپیل کی کہ میرا مُقدّمہ شہنشاہ کی عدالت میں فَیصل ہوتو مَیں نے حُکم دِیا کہ جب تک اُسے قَیصؔر کے پاس نہ بھیجُوں وہ قَید رہے۔ ²²اگِرپّاؔ نے فیستُؔس سے کہا مَیں بھی اُس آد مِی کی سُننا چاہتا ہُوں۔ اُس نے کہا کہ تُوکل سُن لے گا۔²³چُنان٘چِہ دُوسرے دِن جب اگِرپّاؔ اور برنِیکؔے بڑی شان و شوکت سے پلٹن کے سَرداروں اور شہر کے رِئیسوں کے ساتھ دیوانخانہ میں داخِل ہُوئے تو فیستُؔس کے حُکم سے پولُوسؔ حاضِر کِیا گیا۔ ²⁴پھِر فیستُؔس نے کہا اَے اگِرپّا بادشاہ اور اَے سب حاضرِین تُم اِس شَخص کو دیکھتے ہو جِس کی بابت یہُودِیوں کی ساری گروہ نے یروشلِؔیم میں اور یہاں بھی چِلّا چِلّا کر مُجھ سے عرض کی کہ اِس کا آگے کو جِیتا رہنا مُناسِب نہِیں۔²⁵لیکِن مُجھے معلُوم ہُؤا کہ اُس کے قتل کے لائِق کُچھ نہِیں کِیا اور جب اُس نے خُود شہنشاہ کے ہاں اِپیل کی تو مَیں نے اُس کو بھیجنے کی تجویِز کی۔ ²⁶اُس کی نسِبت مُجھے کوئی ٹھِیک بات معلُوم نہِیں کہ سرکارِ عالی کو لِکھُوں۔ اِس واسطے مَیں نے اُس کو تُمہارے آگے اور خاص کر اَے اگِرپاؔ بادشاہ تیرے حضُور حاضِر کیا ہَے تاکہ تحقِیقات کے بعد لِکھنے کے قابِل کوئی بات نِکلے۔ ²⁷کِیُونکہ قَیدی کے بھیجتے وقت اُن اِلزاموں کو جو اُس پر لگائے گئے ہوں ظاہِر نہ کرنا مُجھے خِلاف عقل معلُوم ہوتا ہَے۔

26¹اگِرپّا نے پولُوسؔ سے کہا تُجھے اپنے لِئے بولنے کی اِجازت ہَے۔ پولُوسؔ ہاتھ بڑھا کر اپنا جواب یُوں پیش کرنے لگاکہ۔ ²اَے اگِرپّاؔ بادشاہ جِتنی باتوں کی یہُودی مُجھ پر نالِش کرتے ہَیں آج تیرے سامنے اُن کی جو ابدِ ہی کرنا اپنی خُوش نصِیبی جانتا ہُوں۔ ³خاص کر اِس لِئے کہ یہُودِیوں کی سب رسموں اور مسُلوں سے واقِف ہَے۔ چُنان٘چِہ مَیں مِنّت کرتا ہُوں کہ تحُمّل سے میری سُن لے۔⁴سب یہُودی جانتے ہیں کہ اپنی قَوم کے درمیان اور یروشلِیم میں شُرُوع جوانی سے میرا چال چلن کیَسا رہا ہَے۔ ⁵چُونکہ وہ شُرُوع سے مُجھے جانتے ہیں اگر چا ہیں تو گواہ ہوسکتے ہیَں کہ مَیں فرِیسی ہوکر اپنے دِین کے سب سے زیادہ پاِبنِدِ مزہب فِرقہ کی طرح زِندگی گزُارتا تھا۔⁶اور اَب اُس وعدہ کی اُمِید کے سبب سے مُجھ پر مُقدّمہ ہورہا ہَے جو خُدا نے ہمارے باپ دادا سے کِیا تھا۔ ⁷اُسی وعدہ کے پُورا ہونے کی اُمِید پر ہمارے بارہ کے بارہ قبِیلے دِل و جان سے رات دِن عِبادت کِیا کرتے ہَیں۔ اِسی اُمِید کے سبب سے اَے بادشاہ! یہُودی مُجھ نالِش کرتے ہیَں۔ ⁸جب کہ خُدا مُردوں کو جِلاتا ہَے تویہ بات تُمہارے نزدِیک کِیُوں غَیر مُعتبر سَمَجھی جاتے ہَے؟⁹مَیں نے بھی سَمَجھا تھاکہ یِسُوعؔ ناصری کے نام کی طرح طرح سے مُخالفت کرنا مُجھ پر فرض ہَے۔ ¹⁰چُنان٘چِہ مَیں نے یروشلِؔیم میں اَیسا ہی کِیا اور سَردار کاہِنوں کی طرف سے اِختیّار پاکر بہُت سے مُقدّسوں کو قَید میں ڈالا اور جب وہ قتل کِئے جاتے تھے تو مَیں بھی یہی راۓ دیتا تھا۔ ¹¹اور ہر عِبادت خانہ میں اُنہِیں سزا دِلا دِلا کر زبردستی اُن سے کفُر کہلواتا تھا بلکہ اُن کی مُخالفت میں اَیسا دِیوانہ بناکہ غَیر شہروں میں بھی جا کر اُنہِیں ستاتا تھا۔¹²اِسی حال میں سَردار کاہِنوں سے اِختیّار اور پروانے لے کر دمشقؔ کو جاتا تھا۔ ¹³تو اَے بادشاہ مَیں نے دوپہر کے وقت راہ میں یہ دیکھا کہ سُورج کے نُور سے زیادہ ایک نُور آسمان سے میرے اور میرے ہمسفروں کے گِردا گِرد آچمکا۔ ¹⁴جب ہم سب زمِین پر گِر پڑے تو مَیں نے عِبرانی زبان میں یہ آواز سُنی کہ اَے ساولؔ اَے ساولؔ! تُو مُجھے کِیُوں ستاتا ہَے؟ پَینے کی آر پر لات مارنا تیرے لِئےمُشکِل ہَے۔¹⁵مَیں نے کہا اَے خُداوند تُو کَون ہَے؟ خُداوند نے فرمایا مَیں یِسُوعؔ ہُوں جِسے تُو ستاتا ہَے۔ ¹⁶لیکِن اُٹھ اپنے پاؤں پر کھڑا ہو کِیُونکہ مَیں اِس لِئے تُجھ پر ظاہِر ہُؤا ہُوں کہ تُجھے اُن چِیزوں کا بھی خادِم اور گواہ مُقرّر کرُوں جِنکی گواہی کے لِئے تُو نے مُجھے دیکھا ہَے اور اُن کا بھی جِنکی گواہی کے لِئے مَیں تُجھ پر ظاہِر ہُؤا کرُوں گا۔ ¹⁷تُجھے اِس اُمّت اور غَیر قَوموں سے بَچاتا رہُوں گا جِن کے پاس تُجھے اِس لِئے بھیجتا ہُوں۔ ¹⁸کہ تُو اُن کی آ نکھیں کھول دے تاکہ اَندھیرے سے روشنی کی طرف اور شَیطان کے اِختیّار سے خُدا کی طرف رُجُوع لائیں اور مُجھ پر اِیمان لانے کے باعِث گُناہوں کی مُعافی اور مُقدّسوں میں شِریک ہوکر مِیراث پائیں۔¹⁹اِس لِئے اَے اگِرپّاؔ بادشاہ! مَیں اُس آسمانی رویا کا نافرمان نہ ہُؤا۔ ²⁰بلکہ پہلے دمشقیوں کو پِھر یروشلِؔیم اور سارے مُلک یہُودیہ کے باشِندوں کو اور غَیر قَوموں کو سَمَجھاتا رہا کہ تَوبہ کریں اور خُدا کی طرف رُجُوع لاکر تَوبہ کے مُوافِق کام کریں۔ ²¹اِنہی باتوں کے سبب سے یہُودِیوں نے مُجھے ہَیکل میں پکڑکر مار ڈالنے کی کوشِش کی۔²²لیکِن خُدا کی مدد سے مَیں آج تک قائِم ہُوں اور چھوٹے بڑے کے سامنے گواہی دیتا ہُوں اور اُن باتوں کے سِوا کُچھ نہِیں کہتا جِنکی پشِیینگوئی نبِیوں اور مُوسٰی نے بھی کی ہَے۔ ²³کہ مسِیح کو دُکھ اُٹھانا ضرُور ہَے اور سب سے پہلے وُہی مُردوں میں سے زِندہ ہوکر اِس اُمّْت کو اور غَیر قَوموں کو بھی نُور کا اِشتہار دے گا۔²⁴جب وہ اِس طرح جوابد ہی کررہا تھ تو فیستُسؔ نے بڑی آواز سے کہا اَے پولُوسؔ! تُو دیوانہ ہَے۔ بہُت عِلم نے تُجھے دِیوانہ کر دِیا ہَے۔ ²⁵پولُوسؔ نے کہا اَے فیستُس بہادر! مَیں دِیوانہ نہِیں بلکہ سَچّائی اور ہوشیاری کی باتیں کہتا ہُوں۔ ²⁶چُنان٘چِہ بادشاہ جِس سے مَیں دِلیران کلام کرتا ہُوں یہ باتیں جانتا اور مُجھے یقِین ہَے کہ اِن باتوں میں سے کوئی اُس سے چِھپی نہِیں کِیُونکہ یہ ماجرا کِہیں کونے میں نہِیں ہُؤا۔²⁷اَے اگِرپّاؔ بادشاہ کیا تُو نبِیوں کا یقِین کرتا ہَے؟ مَیں جانتا ہُوں کہ تُو یقِین کرتا ہَے۔ ²⁸اگِرپّا نے پولُوسؔسے کہا تُو تو تھوڑی ہی سی نصِیحت کر کے مُجھے مسِیحی کرلینا چاہتا ہَے۔ ²⁹پولُوسؔ نے کہا مَیں تُو خُدا سے چاہتا ہُوں کہ تھوڑی نصِیحت سے یا بہُت سے صِرف تُوہی نہِیں بلکہ جِتنے لوگ آج میری سُنتے ہَیں میری مانِند ہو جائیں سِوا اِن زِنجیروں کے۔³⁰تب بادشاہ اور حاکِم اور برِنیکؔے اور اُن کے ہمنشِین اُٹھ کھڑے ہُوئے۔ ³¹اور الگ جا کر ایک دوُسرے سے باتیں کرنے اور کہنے لگے کہ یہ آد مِی اَیسا تو کُچھ نہِیں کرتا جو قتل یا قَید کے لائِق ہو۔ ³²اگِرپّاؔ نے فیستُسؔ سے کہا کہ اگر یہ آد مِی قَیصؔر کے ہاں اپِیل نہ کرتا تو چُھوٹ سکتا تھا۔‫

27¹جب جہاز اطالیہ کو ہمارا جانا ٹھہر گیا تو اُنہوں نے پولُوسؔ اور بعض اَور قَیدیوں کو شہنشاہی پلٹن کے ایک صُوبہ دار یُولیُسؔ نام کے حوالہ کِیا۔ ²اور ہم ادر مُتیُمّؔ کے ایک جہاز پر آسیؔہ کے کِنارے کی بندر گاہوں میں جانے کو تھا سوار ہوکر روانہ ہُوئے اور تھِّسلُینکؔے کا ارِسترخُسؔ مَکِدُنؔی ہمارے ساتھ تھا۔³دوُسرے دِن صَیدؔا میں جہاز ٹھہرا اور یُولیُسؔ نے پولُوسؔ پر مِہربانی کر کے دوستوں کے پاس جانے کی اِجازت دی تاکہ اُس کی خاطِر داری ہو۔ ⁴وہاں سے ہم روانہ ہُوئے اور کُپُرسؔ کی آڑ میں ہوکر چلے اِس لِئے کہ ہوا مُخالِف تھی۔ ⁵پِھر ہم کِلِکیہؔ اور پمفِیؔلیہ کے سَمَندَر سے گُزر کر لُوکیؔہ کے شہر مُورہؔ میں اُترے۔ ⁶وہاں صُوبہ دار کو اِسکؔندریہ کا ایک جہاز اِطالؔیہ جاتا ہُؤا مِلا۔ چُنان٘چِہ ہم کو اُس میں بِٹھا دِیا۔⁷اور ہم بہُت دِنوں تک آہِستہ آہِستہ چل کر جب مُشکِل سے کَنِدُسؔ کے سامنے پُہنچے تو اِس لِئے کہ ہوا ہم کو آگے بڑھنے نہ دیتی تھی سلمؔونے کے سامنے سے ہوکر کریتےؔ کی آڑ میں چلے۔ ⁸اور بمُشکِل اُس کے کِنارے کِنارے چل کر حسِینؔ بندر نام ایک مقام میں پہُنچے جِس سے لؔسَیَہ شہر نزدِیک تھا۔⁹جب بہُت عرصہ گُزر گیا اور جہاز کا سفر اِس لِئے خطرناک ہوگیا کہ روزہ کا دِن گُزر چُکا تھا تو پولُوسؔنے اُنہِیں یہ کہہ کر نِصیحت کی۔ ¹⁰کہ اَے صاحِبو! مُجھے معلُوم ہوتا ہَے کہ اِس سفر میں تکِیف اور بہُت نقُصان ہوگا۔ نہ صِرف مال اور جہاز کا بلکہ ہماری جانوں کا بھی۔ ¹¹مگر صُوبہ دار نے نا خُدا اور جہاز کے مالِک کی باتوں پر پولُوسؔکی باتوں سے زیادہ لحِاظ کِیا۔¹²اور چُونکہ وہ بندر جاڑوں میں رہنے کے لِئے اچھّا نہ تھا اِس لِئے اکثر لوگوں کی صلاح ٹھہری کہ وہاں سے روانہ ہوں اور اگر ہوسکے تو فِینِکؔس میں پہُنچ کر جاڑا کاٹیں۔ وہ کریتےؔ کا ایک بندرہَے جِس کا رُخ شِمال مشِرق اور جنُوب مشِرق کو ہَے۔ ¹³جب کُچھ کُچھ دکِھّنا ہوا چلنے لگی تو اُنہوں نے یہ سَمَجھ کر کہ ہمارا مطلب حاصِل ہوگیا لنگر اُٹھایا اور کریتے کے کِنارے کے قرِیب قرِیب چلے۔¹⁴لیکِن تھوڑی دیر ایک بڑی طُوفانی ہوا جو یُورکلُؔون کہلاتی ہَے کریتے پرسے جہاز پر آئی۔ ¹⁵اور جب جہاز ہوا کے قابُو میں آ گیا اور اُس کا سامنا نہ کرسکا توہم نے لاچار ہوکر اُس کو بہنے دِیا۔ ¹⁶اور کَودہؔ نام ایک چھوٹے جزِیرہ کی آڑ میں بہُتے بہُتے ہم بڑی مُشِکل سے ڈونگی کو قابُو میں لائے۔¹⁷اور جب مَلّاح اُس کو اُوپر چڑھا چُکے تو جہاز کی مضبُوطی کی تدبِیریں کر کے اُس کو نِیچے سے باندھا اور سُورتؔس کے چور بالُو میں دھس جانے کے ڈر سے جہاز کا ساز و سامان اُتار لِیا اور اُسی طرح بہُتے چلے گئے۔ ¹⁸مگر جب ہم نے آندھی سے بہُت ہچکولے کھائے تو دوُسرے دِن وہ جہاز کا مال پھینکنے لگے۔¹⁹اور تیِسرے دِن اُنہوں نے اپنے ہی ہاتھوں سے جہاز کے آلات واسباب بھی پھینک دِئے۔ ²⁰اور جب بہُت دِنوں تک نہ سُرج نظر آیا نہ تارے اور شِدّت کی آندھی چل رہی تھی تو آخر ہم کو بچنے کی اُمِید بِالکُل نہ رہی۔²¹اور جب بہُت فاقہ کرچُکے تو پولُوسؔ نے اُن کے بِیچ میں کھڑے ہوکر کہا اَے صاحِبو! لازم تھا کہ تُم میری بات مانکر کریتؔے سے روانہ نہ ہوتے اور یہ تکلِیف اور نُقصان نہ اُٹھاتے۔ ²²مگر اَب میں تُم کو نصِیحت کرتا ہُوں کہ خاطِر جمع رکھّو کِیُونکہ تُم میں سے کِسی کی جان کا نُقصان نہ ہوگا مگر جہاز کا۔²³کِیُونکہ خُدا جِس کا مَیں ہُوں اور جِس کی عِبادت بھی کرتا ہُوں اُس کے فِرشتہ نے اِسی رات کو میرے پاس آ کر۔ ²⁴کہا اَے پولُوسؔ! نہ ڈر۔ ضرُور ہے کہ تُو قَیصؔر کے سامنے حاضِر ہو اور دیکھ جِتنے لوگ تیرے ساتھ جہاز میں سوار ہَیں اُن سب کی خُدا نے تیری خاطِر جان بخشی کی۔ ²⁵اِس لِئے اَے صاحِبو! خاطِر جمع رکھّو کِیُونکہ مَیں خُدا کا یقِین کرتا ہُوں کہ جَیسا مُجھ سے کہا گیا ہَے وَیساہی ہوگا۔ ²⁶لیکِن یہ ضرُور ہَے کہ ہم کِسی ٹاپُو میں جاپڑیں۔²⁷جب چَودھوِیں رات ہُوئی اور ہم بحِر اور یہ میں ٹکراتے پِھرتے تھے تو آدھی رات کے قرِیب مَلّاحوں نے اٹکل سے معلُوم کِیا کہ کِسی مُلک کے نزدِیک پہُنچ گئے۔ ²⁸اور پانی کی تھاہ لے کر بِیس پرُسہ پایا اور تھوڑا آگے بڑھ کر اور پِھر تھاہ لے کر پندرہ پرُسہ پایا۔ ²⁹اور اِس ڈر سے کہ مبادا چٹانوں پر جاپڑیں جہاز کے پِیچھے سے چار لنگر ڈالے اور صُبح ہونے کے لِئے دُعا کرتے رہے۔³⁰اور جب مَلّاحوں نے چاہاکہ جہاز پر سے بھاگ جائیں اور اِس بہانہ سے کہ گلہی سے لنگر ڈالیں ڈونگی کو سُمندر میں اُتارا۔ ³¹تو پولُوسؔنے صُوبہ دار اور سپاہِیوں سے کہا کہ اگر یہ جہاز پر نہ رہیں گے تو تُم نہِیں بچ سکتے۔ ³²اِس پر سپاہِیوں نے ڈونگی کی رسّیاں کاٹ کر اُسے چھوڑ دِیا۔³³اور جب دِن نِکلنے کو ہُؤا تو پولُوسؔ نے سب کی مِنّت کی کہ کھانا کھالو اور کہا کہ تُم کو اِنتظار کرتے کرتے اور فاقہ کھینچتے آج چَودہ دِن ہوگئے اور تُم نے کُچھ نہِیں کھایا۔ ³⁴اِس لِئے تُمہاری مِنّت کرتا ہُوں کہ کھانا کھالو کِیُونکہ اِس پر تُمہاری بِہتری مَوقُوف ہَے اور تُم میں سے کِسی کے سرکا ایک بال بِیکانہ ہوگا۔ ³⁵یہ کہہ کر اُس نے روٹی لی اور اُن سب کے سامنے خُدا کا شُکر کِیا اور توڑ کر کھانے لگا۔³⁶پِھر اُن سب کی خاطِر جمع ہُوئی اور آپ بھی کھانا کھانے لگے۔ ³⁷اور ہم سب مِل کر جہاز میں دوسَو چھہتّر آد مِی تھے۔ ³⁸جب وہ کھا کر سیر ہُوئے تو گیہُوں کو سُمندر میں پھینک کر جہاز کو ہلکا کرنے لگے۔³⁹جب دِن نِکل آیا تو اُنہوں نے اُس مُلک کو نہ پہچانا مگر ایک کھاڑی دیکھی جِس کا کِنارہ صاف تھا اور صلاح کہ اگر ہوسکے تو جہاز کو اُس پر چڑھالیں۔ ⁴⁰چُنان٘چِہ لنگر کھول کر سُمندر میں چھوڑ دِئے اور پتواروں کی بھی رسّیاں کھول دِیں اور اگلا پال ہُؤا کے رُخ پر چڑھا کر اُس کِنارے کی طرف چلے۔ ⁴¹لیکِن ایک اَیسی جگہ جا پڑے جِس کی دونوں طرف سُمندر کا زور تھا اور جہاز زمِین پر ٹِک گیا۔ چُنان٘چِہ گلہی تو دھکا کھا کر پھنس گئی مگر دُنبالہ لہروں کے زور سے ٹُوٹنے لگا۔⁴²اور سِپاہیوں کی یہ صلاح تھی کہ قَیدیوں کو مار ڈالیں کہ اَیسا نہ ہو کوئی تَیرکر بھاگ جائے۔ ⁴³لیکِن صُوبہ دار نے پولُوسؔ کو بَچانے کی غرض سے اُن کو اِس اِرادہ سے باز رکھّا اور حُکم دِیا کہ جو تیَر سکتے ہیں پہلے کُود کر کِنارے پر چلے جائیں۔ ⁴⁴اور باقی لوگ بعض تختوں پر اور بعض جہاز کی اَور چِیزوں کے سہارے سے چلے جائیں اور اِسی طرح سب کے سب خُشکی پر سَلامت پہُنچ گئے۔

28¹جب ہم پہُنچ گئے تو جانا کہ اِس ٹاپُو کا نام مِلِؔتے ہَے۔ ²اور اُن اجنبِیوں نے ہم پر خاص مہربانی کی کِیُونکہ مینہ کی جھڑی اور جاڑے کے سبب سے اُنہوں نے آگ جلاکر ہم سب کی خاطِر کی۔³جب پولُوسؔ نے لکڑیوں کا گٹھا جمع کر کے آگ میں ڈالا تو ایک سانپ گرمی پاکر نِکلا اور اُس کے ہاتھ پر لپٹ گیا۔ ⁴جِس وقت اُن اجنبِیوں نے وہ کِیڑا اُس کے ہاتھ سے لٹکا ہُؤا دیکھا تو ایک دوُسرے سے کہنے لگے کہ بیشک یہ آدمِی خُونی ہَے۔ اگرچہ سُمندر سے بچ گیا تَو بھی عدل اُسے جِینے نہِیں دیتا۔⁵چُنان٘چِہ اُس نے کِیڑے کو آگ میں جھٹک دِیا اور اُسے کُچھ ضررنہ پہُنچا۔ ⁶مگر وہ مُنتظِر تھے کہ اِس کا بَدَن سُوج جائے گا یایہ مرکر یکایک گِرپڑیگا لیکِن جب دیر تک اِنتظار کِیا اور دیکھا کہ اُس کو کُچھ ضرر نہ پہُنچا تو اَور خیال کر کے کہ یہ تو کوئی دیوتا ہَے۔⁷وہاں سے قرِیب پُبلؔیُس نام اُس ٹاپو کے سَردار کی مِلک تھی اُس نے گھر لیجا کر تین دِن تک بڑی مہربانی سے ہماری مِہمانی کی۔ ⁸اور اَیسا ہُؤا کہ پُبلؔیُس کا باپ اور پیِچش کی وجہ سے بِیمار پڑا تھا۔ پولُوسؔ نے اُس کے پاس جا کر دُعا کی اور اُس پر ہاتھ رکھ کر شِفادی۔ ⁹جب اَیسا ہُؤا تو باقی لوگ جو اُس ٹاپُو میں بِیمار تھے آئے اور اچھّے کِئے گئے۔ ¹⁰اور اُنہوں نے ہماری بڑی عِزّت کی اور چلتے وقت جو کُچھ ہمیں درکا تھا جہاز پر رکھ دِیا۔¹¹تِین مہِینے کے بعد ہم اِسکؔندریہ کے ایک جہاز پر روانہ ہُوئے جو جاڑے بھر اُس ٹاپُو میں رہا تھا اور جِس کا نِشان دیسُکُؔوری تھا۔ ¹²اور سُرَکُؔوسہ میں جہاز ٹھہرا کر تِین دِن رہے۔¹³اور وہاں سے پھیر کھا کر ریگیُؔم میں آئے ایک روز بعد دکھِّنا چلی تو دُوسرے دِن پُتیُلؔی میں آئے۔ ¹⁴وہاں ہم کو بھائِی مِلے اور اُن کی مِنّت سے ہم سات دِن اُن کے پاس رہے اور اِسی طرح رومؔہ تک گئے۔ ¹⁵وہاں سے بھائِی ہماری خَبر سُن کر اَپّیُس کے چوک اور تِین سراؔی تک ہمارے اِستقبال کو آئے اور پولُوسؔنے اُنہِیں دیکھ کر خُدا کا شُکر کِیا اور اُس کی خاطِر جمع ہُوئی۔¹⁶جب ہم رومؔہ میں پہُنچے تو پولُوسؔ کو اِجازت ہُوئی کہ اکیلا اُس سِپاہی کے ساتھ رہے جو اُس پر پہرا دیتا تھا۔ ¹⁷تِین روز کے بعد اَیسا ہُؤا کہ اُس نے یہُودِیوں کے ریئسوں کو بُلوایا اور جب جمع ہوگئے تو اُن سے کہا اَے بھائِیو! ہر چند مَیں نے اُمّت کے اور باپ دادا کی رسموں کے خِلاف کُچھ نہِیں کِیا تُو بھی یروشلِؔیم سے قَیدی ہوکر رُومیوں کے ہاتھ حوالہ کِیا گیا۔ ¹⁸اُنہوں نے میری تحقِیقات کر کے مُجھے چھوڑ دینا چاہا کِیُونکہ میرے قتل کا کوئی سبب نہ تھا۔¹⁹مگر جب یہُودِیوں نے مُخالفت کی تو مَیں نے لاچار ہوکر قؔیصر کے ہاں اِپیل کی مگر اِس واسطے نہِیں کہ اپنی قَوم پر مُجھے کُچھ اِلزام لگانا تھا۔ ²⁰چُنان٘چِہ اِس لِئے مَیں نے تُمہیں بُلایا ہَے کہ تُم سے مِلُو اور گُفتگُو کرُوں کِیُونکہ اِسرائیل کی اُمِید کے سبب سے مَیں اِس زنجِیر سے جکڑا ہُؤا ہُوں۔²¹اُنہوں نے اُس سے کہا نہ ہمارے پاس یہُوؔدیہ سے تیرے بارے میں خط آئے نہ بھائِیوں میں سے کِسی نے آ کر تیری کُچھ خَبر دی نہ بُرائی بیان کی۔ ²²مگر ہم مُناسب جانتے ہَیں کہ تُجھ سے سُنیں کہ تیرے خیالات کیا ہیَں کِیُونکہ اِس فِرقہ کی بابت ہم کو معلُوم ہَے کہ ہر جگہ اِس کے خِلاف کہتے ہیَں۔²³اور وہ اُس سے ایک دِن ٹھہرا کر کثرت سے اُس کے ہاں جمع ہُوئے اور وہ خُدا کی بادشاہی کی گواہی دے دے کر اور مُوؔسٰی کی توریت اور نبِیوں کے صحِیفوں سے یِسُوعؔ کی بابت سَمَجھا سَمَجھا کر صُبح سے شام تک اُن سے بیان کرتا رہا۔ ²⁴اور بعض نے اُس کی باتوں کو مان لِیا اور بعض نے مانا۔²⁵جب آ پس میں مُتفِق نہ ہُوئے تو پولُوسؔکے اِس ایک بات کے کہنے پر رُخصت ہُوئے کہ رُوحُ القُدس نے یسعیاؔہ کی معرفت تُمہارے باپ دادا سے خُوب کہا کہ۔ ²⁶اِس اُمّت کے پاس جا کر کہہ کہ تُم کانوں سے سُنو گے اور ہرگِز نہ سَمَجھو گے اور آنکھوں سے دیکھوگےاور ہرگِز معلُوم نہ کرو گے۔²⁷کِیُونکہ اِس اُمّت کے دِل پر چربی چھاگئی ہَے اور وہ کانوں سے اُونچا سُنتے ہیَں اور اُنہوں نے اپنی آنکھیں بند کرلی ہیں کہِیں اَیسا نہ ہوکہ آنکھوں سے معلُوم کریں اور کانوں سے سُنیں اور دِل سے سَمَجھیں اور رُجُوع لائیں اور مَیں اُنہِیں شِفا بخشُوں۔²⁸چُنان٘چِہ تُم کو معلُوم ہوکہ خُدا کی اِس نِجات کا پَیغام غَیر قَوموں کے پاس بھیجا گیا ہَے اور وہ اُسے سُن بھی لیں گی۔ ²⁹[جب اُس نے کہا تو یہُودی آ پس میں بہُت بحث کرتے چلے گئے]۔³⁰اور وہ پُورے دو برس اپنے کرایہ کے گھر میں رہا۔ ³¹اور جو اُس کے پاس آتے تھے۔ اُن سب سے مِلتا رہا اور کمال دِلیری سے بغَیر روک ٹوک کے خُدا کی بادشاہی کی منادی کرتا اور خُدا یِسُوعؔ مسِیح کی باتیں سِکھاتا رہا۔

Urdu: Unlocked Literal Bible for رَسُولوں کے اَعمال

Formatted for Translators

رَسُولوں کے اَعمال