Bible

Matthew

¹Иисус Христостослэн ,Давидлэн Пиезлэн,Авраамлэн Пиезлэн чыжы-выжыез.

²Авраамлэсь вордӥськиз Исаак,Исааклэсь вордӥськиз Иаков, Иаковлэсь вордӥськиз Иуда но солэн вынъёсыз.

³Иудалэсь вордӥськиз Фарес но Зара,кудызлэн анаез вал Фамарь, Фареслэсь вордӥськиз Есром, Есромлэсь вордӥськиз Арам.

⁴Арамлэсь вордӥськиз Аминадав,Аминадавлэсь вордӥськиз Наассон,Наасонлэсь вордӥськиз Салмон.

⁵Салмонлэсь вордӥськиз Вооз Раав анаез вал,Воозлэсь вордӥськиз Овид анаез Руфь вал,Овидлэсь Иессей вордӥськиз.

⁶Иесейлэсь Давид царь вордӥськиз,Давид царьлэсь Соломон вордӥськиз,анаез вал Уриялы валлё бызьылэм кышномурт.

⁷Соломонлэсь вордӥськиз Ровоам,Ровоамлэсь вордӥськиз Авия, Авиялэсь вордӥськиз Аса.

⁸Асалэсь вордӥськиз Иосафот, Иосафатлэсь вордӥськиз Иорам,Иорамлэсь вордӥськиз Озия.

⁹Озиялэсь вордӥськиз Иоафам,Иоафамлэсь вордӥськиз Ахаз,Ахазлэсь вордӥськиз Езекия.

¹⁰Езекиялэсь вордӥськиз Манассия,Манассиялэсь вордӥськиз Амон,Амонлэсь вордӥськиз Иосия.

¹¹Иосиялэсь вордӥськиз Иоаким,Вавилонэ кужмысь келян азьын Иоакимлэсь Иехония но солэн вынъёсыз вордӥськизы.

¹²Нош Вавилонэ кужмысь келям бере,Иехониялэсь вордӥськиз Салафииль,Салафиильлэсь вордӥськиз Зоровааель.

¹³Зоровавельлэсь вордӥськиз Авиуд,Авиудлэсь вордӥськиз Елиаким,Елиакимлэсь вордӥськиз Азор.

¹⁴Азорлэсь вордӥськиз Садок,Садоклэсь вордӥськиз Ахим,Ахимлэсь вордӥськиз Елуид.

¹⁵Елуидлэсь вордӥськиз Елеазар,Елеазарлэсь вордӥськиз Матфан,Матфанлэсь вордӥськиз Иаков.

¹⁶Иаковлэсь вордӥськиз Иосиф,Мариялэн кузпалыз, кудӥзлэсь вордӥськиз Иисус,кудзэ Христос шуо.

¹⁷Озьыэн,вань ӵыжы-выжыос Авраам дорысен Давид дорозь ваньмыз дас ньыль выжы, Давида дорысен но Вавилонэ кужмысь келятозь дас ньыль выжы,Вавилонэ кужмысь келян дырысен Христос дорозь но дас ньыль выжы.

¹⁸Иисус Христослэн вордӥськемез тазьы вал:Солэсь анайзэ,Марияез, Иосиф курам бере,соослэн ӵош улыны ӧдъямзылэсь азьло ик тодмо луэм,солэн пушказ Святой Духлэсь Нуны вань шуыса.

¹⁹Нош Иосиф,солэн кузпалыз,шонерлыко вал,сое шарае поттэмез ӧвӧл потэм но кышнозэ лушкем лэзьыны малпам.

²⁰Нош ку со озьы малпз Кузё Инмарлэн ангелэз со доры уйвӧтаз лыктӥз но вераз:"Давидлэн пиез,Иосиф! Эн кышка басьтыны Марияез,тынэсьтыд кышнодэ,малыке шуоно со пуӵкын Святой Духлэсь Нуны.

¹Иудеяын царь Ирод царствовать карон дыръя,. куке Вифлеемын вордиськиз Иисус.Иерусалиме шунды жужан палась лыктизы мудрецъё но шуо:

²"Кытын вордскем Иудеялэн Царез?Малыке шуоно ми адзим Солэсь кизилизэ,но лыктимы Солы йыбырттыны".

³Сое кылыса Ирод царь кышкатскем,озьы ик соин чош Иерусалимысь калык но.

⁴Люкаса ваньзэ пепвосвященникъёсты но книжникъёсты юам" Кытын вордскыны кулэ Христос?".

⁵Соос Иродлы шуо:"Иудеяысь Вифлеемын,малыке шуоно пророклэн гожтэмез тазь:

⁶"Тон но,Иудея музъем вылысь Вифлеем ,номырӥн но пичигес ӧвӧл Иудейяысь мукет кивалтӥсьёслэсь,малыке шуоно тынад калыкед пӧлысь потоз Кивалтӥсь,Кудыз возьмалоз Мынысьтым калыкме-Израилез".

⁷Соку Ирод луӵкем ӧтӥз мудрецёсты,но кизили ӝуатскем дырез соослэсь тодэм-юам

⁸но соосты Вифлееме лэзьыса верам:"Мынэлэ,рос-просс тодэлэ Нуны сярысь,нош шедьтэмды берэ мыным ивортэ,мон но Солы йыбырттыны мыно".

⁹Мудрецъёс царьлэсь верамзэ кылзӥллям но кошкиллям.Кизили ,кудзэ соос адӟизы вал шунды ӝуӝан палан, азязы мынэм но, Нуны кытын вал ,со интые вуэм на дугдэм.

¹⁰Кизилиез адӟыса ,мудрецъёс туж зол шумпотӥллям,

¹¹корка пыриллям но,адӟиллям Нуныез Анаеныз Марияен,но уськытскыса Солы йыбырттӥллям,Солы дуно кузьымъёс кузьмаллям :зарни,ладан но смирна.

¹²Нош уйвӧтазы Ирод доры ӧвӧл нӥ берытсконно шуыса ивор бастӥллям но асьсэлэн шаеразы мукет сюрэс кузя кошкиллям.

¹³Куке соос кошкизы.Кузё Инмарлэн ангелэз лыктэм уйвӧтаз Иосиф доры но шуэм:"Султы,басьты Нуныдэ но Солэсь анайзэ но пегӟе Египетэ,мон тыныд вератозь отын ул,малыке шуоно Ирод утча Нуныез,Сое виён понна.

¹⁴Со уйин султӥз но,басьтӥз Нуныез но Солэсь анайзэ но кошкиз Египетэ.

¹⁵отын вал Ирод кулытозь,мед быдэсмоз пророк пыр Кузе Инмарлэн верамез,кудыз вера:"Египетысь Мон Аслэсьтым Пиме ӧтӥ".

¹⁶Ирод куке валаз мудрецъёс сое сереме уськытӥзы шуыса,туж зол вожэз потӥз но келяз вийылыны кык арескысен кутскыса солэсь покчиоссэ(арессэс тодӥз мудрецёслэсь юалляськемез бере) ваньзэ пиналъёсты Вифлеемысь но со котырысь ёросёсысь .

¹⁷Соку Иеремия пророк пыр Кузё Инмарлэн веранэз быдэсмиз:

¹⁸"Лек кесяськыса,вузыса бӧрдэм куара кылӥськиз Рамаысь.Рахиль бӧрдэ аслаз нылпиосыз сярысь но уг быгаты буйгатскыны,малыке шуоно соос ӧвӧл ини".

¹⁹Ирод кулэм бере Кузё Инмарлэн ангелэз лыктӥз Иосиф доры Египетын

²⁰но шуэ:"Султы,басьты Нылпиез но Солэсь анайзэ мын Израизь музъеме,малыке шуоно кулӥзы ни кинлэн виемез потэ вал Нылпиез".

²¹Со султӥз но,басьтӥз Нылпиез но Солэсь анайзэ но мынӥз Израиль музъём вылэ.

²²Куке Иосиф кылӥз Иудеяын Иродлэн пиез Архелей кузёяське шуыса,кышказ отчы мыныны.Уйвӧтаз ивор басьтыса мынӥз Галилея ёросэ

²³лыктӥз но Назарет каре интыяськиз,мед пророк пыр верам быдэсмоз,Сое шуозы Назаретянин.

¹Со нуналъёсы лыктӥз Иоанн Креститель но ӧдъяз проповедовать карыны иудейской пустыняын,

²но шуэ:"Покаятся кариське,малыке шуоно матэктӥз инӥ Инмысь Царство".

³Со та,кудыз сярысь вераз пророк Исаия:"Пустыняысь кесяькыса верась куара:"Дасялэ сюрэс Кузё Инмарлы,шонер лэсьтэ Солы сюрэс".

⁴Иоанн дисез вал верблюд гонлэсь,кусказ кулэсь керттэм кускертон,нош сиёнэз вал бадӟымесь ӟёзыос но кыр мушъёслэн чечызы.

⁵Соку Иерусалимысь улӥсьёс но Иудеяысь но Иордан котырысь калык лыктылӥзы со доры

⁶Иоанн крестить карылӥз соосты Иордан шур вуын,но соос съӧлыкъёссэс усьтылӥзы.

⁷Иоанн куке адӟиз со доры лыкто тросс фарисейёс но садукейёс крестится кариськыны ,соослы соку шуиз:"Кый выжыос! Кин дышетӥз тӥледды пегӟыны вуоно вожпотонлэсь?

⁸Возьматэ оскымон покаяниедылы емыш

⁹но эн малпалэ вераны асьтэлы:"Авраам-милям атаймы",верасько мон тӥлэд Инмар та изъёслэсь но Авраамлы нылпиос кылдытыны быгатоз.

¹⁰Тӥр но писпуослэн выжыязыязы кылле ини.Котькуд писпуез кудыз уг сёты ёмыш ӵого но тылэ кушто.

¹¹Мон вуын крестить карисько тӥледды покаятся кариськыны,нош мон сьӧры Лыктӥсь мынэсьтым кужмогес.Мон Солэсь пыдкуксэ но ӝутыны но уг сылӥськы,Со крестить кароз тӥледды Святой Духен но тылын.

¹²Солэн лопатаез Солэн кияз,Со аслэсьтыз ю культо кутсанзэ сузялоз но люкалоз Аслэсьтыз чабейзэ кеносэ,нош курозэ сутоз кысылӥсьтэм тылын".

¹³Соку Иисус Галилеяысь лыктӥз Иордан шурэ Иоаннлэсь крестится кариськын .

¹⁴Иоанн нош дугдытӥз Сое но шуиз:"Мыным Тон бордысен крестится кариськыны кулэ,нош Тон мон доры лыктӥськод?".

¹⁵Нош Иисус шуиз солы пумитаз:"Лэзь озьы мед луоз али,малыке шуоно тазьы быдэстыны кулэ котькыӵе шонерлыкез".Соку Иоанн лэзиз Сое.

¹⁶Нош Иисус, крестится кариськем бераз соку ик вуысь потӥз но, тани ,Солы инбам усьтӥськиз но,Иоанн адӟиз Инмарлэсь Духсэ,Кудыз васькиз дыдык кадь но Со вылэ лэзиськиз.

¹⁷Соку инмысен верась куара кылӥськиз: "Та Мынам яратоно Пие,кудыз пуӵкын мынам воляе".

¹Соку Иисус Духен ваемын вал пустыняе искусить карыны дьяволэн

²но,ньльдон нунал но ньльдон уй постится кариськем бераз,берпумаз кӧтыз сюмаз.

³Искусить карись Со доры лыктӥз но шуиз:"Тон Инмарлэн Пиез ке-вера та изъёслы но соос луозы нянь".

⁴Со шуиз пумитаз солы:"Гожтэмын:"Одӥг нянен гинэ уз улы адями,нош кодькуд кылын кудзэ вера Инмар".

⁵Собере басьтӥз Сое дьявол святой городэ,но пуктиз храмлэн липет дураз

⁶но вера Солы:"Тон Инмарлэн Пиез ке-куштӥськы улӥе,малыке шуоно гожтэмын:"Аслаз ангелъёсызлы сётоз заповедь Тон сярысь,но ки вылазы нуозы Тонэ но Тынад уз шуккиське пыдъёсыд из шоры".

⁷Иисус шуиз солы:"Озьы ик гожтэмын:"Искушать эн кар аслэсьтыд Кузё Инмардэ".

⁸Нош ик басьтӥз сое дьявол туж ӝужыт гурезь йылэ,но возьматӥз Солы дунне вылысь вань царствоосты но соослэсь данлыксэс

⁹но вераз Солы:"Ваньзэ тае сёто Тыныд,мыкырскыса йыбырттӥд ке мыным".

¹⁰Со бере Иисус вераз солы:'Кош Мон дорысь сатана,малыке шуоно гожтэмын:"Тынад Кузё Инмаредлы йыбыртты но Солы гинэ служить кар".

¹¹Собере кельтӥз Сое дьявол,но тӥни ангелъёс дораз лыктӥзы но служить каризы Солы.

¹²Иисус,кылӥз Иоанн арестовать каремын шуыса но кошкиз Галилеяе.

¹³Назаретэз кельтыса, Капернауме лыктӥз но отчы интыяськиз,кудыз море дурын,Завулонлэн но Неффалимлэн музъем вылаз,

¹⁴мед быдэсмоз шуыса Кузё Инмарлэн верамез пророк Исаия пыр,кудыз вера:

¹⁵"Завулонлэн но Неффалимлэн музъемъёссы,море дуре мынон сюрес вылын,Иордан сьӧрын языческой Галилея,

¹⁶калык, кудыз пуке вал пэймытын,адӟиз югыт тыл,кулон шаерлэн вужераз пукисьёслы но югыт пиштӥз".

¹⁷Со дырысен Иисус ӧдъяз проповедовать карыны но вераны кутскиз:"Покаятся кариськелэ,уго Инмысь Царство матэктӥз ини".

¹⁸Галилея море дуртӥ ортчыкуз,Со адӟиз морее сетьёс куштылӥсь кык вынъёсты,Пётр шуон Симонэз но солэсь вынзэ,Андреез, кудъёсыз чёрыгасьёс вал,

¹⁹но вераз соослы:"Мон сьӧры мынэлэ но ,Мон тӥледды адямиосты кутылӥсьёс лэсьто".

²⁰Соос соку ик,сетьёссэс кельтӥзы но,Со сьӧры мынӥзы.

²¹Отысен,азьлань мыныса,Со адӟиз кык вынъёсты,Иаков Зеведеевез но солэсь вынзэ Иоаннэз, Зеведей атаенызы кудъёсыз лодкаын кышъяло вал сетьёссэс,соосты Со сьӧраз ӧтиз.

²²Соос соку ик ,лодказэс но асьсэлэсь атайзэс кельтыса ,Со сьӧры мынӥзы.

²³Иисус быдэс Галилеятӥ ветлӥз,соосты синагогаосазы дышетыса ,Царстволэсь Евангелизэ проповедовать карыса но адямиослэсь котькыӵе висёнзэс но котькыӵе лябӟёнзэс бурмытыса.

²⁴Со сярысь ивор быдэс Сирие вӧлмиз.Со доры вайылӥзы ваньзэ висьыса улӥсьёсты ,трос пӧртэм висьӧнъёсын но припадокъёсын курадӟисьёсты,бесноватся кариськисьёсты,эпилепсикъёсты ,парализовать каремъёсты ,ваньзэсты Со бурмытылӥз.

²⁵Со сьӧры туж тросс калык мынӥз Галилеяысь но Дас городо шаерысь,Иерусалимысь,Иудеяысь но Иордан сьӧрысь.

¹Трос калыкъсты адӟыса Иисус тубиз ӝужыт интые но пуксз, дышетскисьёсыз Со сьоры мынӥзы .

²Иисус ӧдъяз соосты дышетыны,но шуиз:

³Майбыресь начаръёс Инмар понна, Инмысь Царство соос понна.

⁴Майбыресь,кинъёс куректо но бӧрдо ,соосты Инмар буйгатоз.

⁵Майбыресь Инмарлы зӥбытъес , Инмар соосты пуктоз кузеен музъём вылэ.

⁶Майбыресь кинъслэн туж потэ Инмарлэсь куронзэ быдэстыны, Инмар соослэсь потэмзэс юзматоз.

⁷Майбыресь милостивойёс,соосты Инмар .помиловать кароз.

⁸Майбыресь чылкыт сюлэмъёс, Соос Инмарез адӟёзы.

⁹Майбыресь тупаса улон ваисьёс,соосты Инмар Аслаз нылпиосыз шуоз.

¹⁰Майбыресь,кинэ уллялозы Инмарлэсь шонерлыксэ быдэстӥсьёсты,соослэн луоз Инмысь Царство.

¹¹Майбырэсь,тӥ куке тӥледды тупыттэм ултӥялозы ,уллян калэ вуттозы но йыркурзэс лэзёзы Мон понна.

¹²Шумпотэ но шулдыръске , туж бадӟым кузьым Инмын вите тиледды; уго озьы улляльязы пророкъсты ,кудъёсыз вал тӥляд азьпапалады

¹³Тӥ-музъмысь дуно сылал. Сылал ыштӥз ке кузьтсэ кинлы со кулэ на , сое куштозы калыклэн пыд улаз.

¹⁴Тӥ дуннеез югыт карисьёс .Тӥ город кадь ,кудыз пуктэмын ӝужыт гурезь йылэ,кудзэ луоз шат ватыны?

¹⁵Нокин но югыт карон светильникез уг пытца йрын уллань берыктэм горшок улэ ,нош сое пукто сыӵе азе,кытысен со быдэс корка пуӵез югыт каре.

¹⁶Мед тӥляд югытты пиштоз калык азьын, тӥлесьтыд ӟеч ужъёстэс адӟыса,соос мед прославить карозы Инмысь Атайдэс.

¹⁷Эн малпаське, Мон лыктӥ Моисейлэсь Законзэ яке Пророкъёслэсь гожтэмзэс кулэтэм карыны.Мон лыктӥ соослэсь кулэлыксэс но пуштроссэс тужгес но зол возьматыны.

¹⁸Шонер верасько тӥлед: куке вань на инбам но музъем ,одиг пичи пусэз но, гожез но Законысь ыштэмын уз луы, Писание быдэсак исполнится кариськытчёзь

¹⁹Соин ик кин кулэтэм кароз одӥгзэ ,пичизэ ке но Заповедез ,озь ик мыдлань дышетоз мукетъёссэ,соосты Инмар Царствояз пичиесь шуыса лыдъялоз.Нош кинъёс Законэз быдэсъялозы но шонер дышетозы мукетъёссэ,соос быдӟымесь шуыса верамын луозы Инмысь Царствоын.

²⁰Шуисько Мон тӥлед : Инмысь Атайдылэсь куронзэ фарисейёслэсь но законэз утӥсьёслэсь ӟечгез ӧд ке быдэстэ,тӥ уд быгатэ пырыны Инмысь Царствое.

²¹Тӥ тодиськоды кызьы пересьёс дышетылӥзы: « Адямиез виыны уг яра,нош адямивиисез,судить кароно.»

²²Нош мон шуисько,кин йыркуръяське выныз вылэ,суд азьн кыл кутыны кулэ.Озьы ик кин ултӥялоз вынзэ,синедрион азьын.Озьы ик кин шуоз братсэ «капчи визь»-ӝуаны кулэ адлэн тылаз.

²³Нош жертвадэ Инмар доры вайыкуд ,тодад лыктӥз ке выныд марке но тон пумитэ урод малпа шуыса ,

²⁴кельты жертвадэ.Нырысь тупатскы выныныд,собере гинэ сёт жертвадэ Инмарлы

²⁵Ӝоггес тупатскы вожвылъяськисеныд кудыз сётыны быгатэ тонэ судэ.Тушмонэд судэ сётиз ке,судья тонэ янгыше уськытоз нош,стражник пытсалоз тюрмае.

²⁶Шонер верасько:ӧд ке сёты пунэм тырондэ быдэсак ,пытсэт улысь потэмед уз луы.

²⁷Тӥ кылылӥды,мар шуо пересьёс: «Азон-калгон сёлыке эн пыре!»

²⁸Нош мон шуисько тӥлед кин учкоз нылкышномурт шоры жуась потэмен, сюлэмаз лэзиз ини азон-калгон сёлык.

²⁹Бур синмыд пыртэ ке тонэ сьӧлыкэ,иӵкалты сое,но кушты.Тон понна ӟечгес луоз пал синмын улыны, кык синмын жуась гиенае шедьытчёзь.

³⁰Бур киыд тынад пыртэ ке сьӧлыке,ӵог сое но,кушты.Тыныд ӟечгес луоз одиг киын улыны ,кык киын ӝуась гиенае шедьытчёзь.

³¹Шуэмын: «Кинлэн люкиськемез потэ кышноеныз,сётыны кулэ кузпалызлы люкиськон сярысь гожтэт."

³²Нош Мон шуисько,кин люкиське кышноеныз,кудызлэн ӧвӧл азон-калгон сьӧлыкез,кузпалызлы азон-калгон сьӧлыке пырыны муг сётэ.Нош кин кузпалъяськоз люкиськем адямиен сыӵе ик сьолык лэсьтэ.

³³Мар шуылӥзы пересьёс: «Кылдэ сётӥд ке,быдэсты сое Инмар азьын»

³⁴Нош Мон шуисько юнме кылдэс эн сётэ : инбамен,малыке шуоно Инмарлэн пукон интыез со.

³⁵ Кыл эн сётэ музъемен ,малыке шуоно Инмарлэн пыдъёсыз отын.Иерусалимен кыл эн сётэ,малыке шуоно со быдӟым Царьлэн карез.

³⁶ Кыл эн сётэ музъемен ,малыке шуоно Инмарлэн пыдъёсыз отын.Иерусалимен кыл эн сётэ,малыке шуоно со быдзым Царьлэн карез.

³⁷Верамды потэ ке «бен»,вералэ «бен»,нош верамды потэ ке «ӧвӧл»,вералэ «ӧвӧл».Ваньмыз мукутыз-дьяволлэсь.

³⁸.Кылэмды вань, шуэмын: «Син понна син,пинь понна пинь.»

³⁹Нош Мон шуисько эн пумитъяське солы,кин тӥледды вӧсь каре.Нош чабизы ке бур палаз пельдорады ,пуктэ паллянзэ но.

⁴⁰Кинке медэ ке тӥлесьтыд дэрэмдэс капыртыны,эн пумитъяске, сётэ солы мукетсэ но диськуттэс.

⁴¹Озьы ик кин косоз тӥледды одиг иськем соин мыныны,мынэ соин кык.

⁴²Кинке тӥлесьтыд мардэске куре-ке сётэ.Пунэмен курисьлы но отказать эн каре.

⁴³Тӥ кылылӥды-ни: «Яраты дорысьтыды адямиез,нош тушмондэс адӟемпотостэм каре.»

⁴⁴Нош Мон шуисько : «Яратэ тушмонъёстэс,вӧсяське соос понна, кинъёс уллян калэ вутто тиледды,

⁴⁵соку тӥ быгатоды Инмысь Атайдылэн нылпиосыз луыны,малыке шуоно Со косэмья шунды пиштэ урод но ӟеч адямиос вылэ,куазез зорытэ шонер но шонертэм лэсьтӥсьес вылэ.

⁴⁶Яратӥськоды ке соосты,кинъёс тӥледды ярато,кыӵе дан тӥледлы сётозы? Выт бичасьёс но озьы ик шат уг лэсьто?

⁴⁷Нош тӥ эшъёсыныдыны гинэ ке ӟечбурьяськиськоды мар умойзэ кариськоды?Язычникъёс но шат озьы уг лэсьто?

⁴⁸Озьы бере,луэ совершенноесь,кыӵе совершенной тӥляд Инмысь Атайды

¹Куке кулэяськисьёслы маеке ӟечсэ лэсьтӥськоды ке, юри эн лэсьтэлэ калык мед адӟёз шуыса.Соку дырья Инмысь Атайды дан уз сёты.

²Кулэяськисьёслы ӟеч уж лэсьтӥськоды ке,валлясянь данпоттыса эн ивортэ,кызьы лэсьто чеберъяськисьёс синагогаосын но ульчаосын, калык мед соосты ушъялоз шуыса.Верасько Мон тӥлед :соосты калык гинэ данъялоз.

³Нош тӥ куке юрттӥськоды кулэяськисьёслы,паллян киды но медаз тоды ,мар бурыз каре.

⁴малыке шуоно ӟечужъёстэс луӵкем тырше лэсьтыны.Инмысь Атайды соку,луӵкем лэсьтэмдэс адӟыса данъялоз тӥледды.

⁵Куке вӧсяськиськоды,эн возьматэ астэды ,кызьы чеберъяськисьёс вӧсяськемзэс возьмато синагогаосын но ульча вожвылъсын,калык мед адӟез шуыса.Шонер верасько тӥлед,соосты данъзы ини.

⁶Нош тӥ,куке вӧсяськиськоды, пырелэ астэлэн кыдёкысь комнатаяды но вӧсяське Инмысь Атайдылы, кудыз тӥленыд ӵош луоз.Инмар адӟёз лушкемдэс, но сётоз тӥлед бадӟым кузьым.

⁷Озьы ик куке вӧсяськиськоды,язычникъёс музэн тросс эн супыльтэ.Соос малпало ,тросгес кыл веразы ке ,ӝоггес Инмар кылоз шуыса.

⁸Соос кадь ик эн луэ,малыке шуоно тӥляд Атайды тодэ,мар тӥлед кулэ,Солэсь куремдылэсь вазьло ик.

⁹Нош тӥ вӧсяське озьы:" Инмысь Атаймы! Мед данъяськоз нимыд Тынад!

¹⁰Мед лыктоз Царствоед Тынад! Мед воляед исполнится кариськоз музъем вылын но,инмын кадь ик.

¹¹Сёт милемлы няньдэ котькуд нунал.

¹²Простить кар пунэмен тыронъёсмес,кызьы ми простить кариськомы соосты,кинъёслэн вань милем пунэмен тыронъёссы.

¹³Эн пырты милемды искушение, нош возьма милемды лукавыйлэсь. Малыке шуоно Тынад Царствоед но кужымед но данэд но пумтэм дауръёс ӵоже.

¹⁴Соин ик ,простить кариды ке соосты,кинъёс тӥ пумитэ сьӧлык лэсьтӥзы,соку Инмысь Атайды но простить кароз тӥледды.

¹⁵Нош простить ӧд ке каре соосты,кинъёс тӥ пумитэ лек уж лэсьтӥзы,соку Инмысь Атайды но простить уз кары тӥлесьтыд сёлыктэс.

¹⁶Нош куке постится кариськиськоды эн возьматэ астэды чеберъяськисьёс кадь,кудъёсыэ юри ымнырзэс ӝож лэсьто но туссэс угрум возьмато,мед калык адӟёз шуыса соослэсь постится кариськемзэс. Шонер верасько соосты калык сяна нокин но уз ни данъя.

¹⁷Нош тӥ куке пост возиськоды зыралэ йырдэс, но миське ымнырдэс ,

¹⁸малыке шуоно медаз адӟе калык тӥ пост возиськоды шуыса,нош Инмысь Атайды ,кудыз котькыӵе интыын ,луӵкемзэ адӟьыса награда тӥлед сётоз.

¹⁹Эн люкалэ узырлык музъем вылын,кытын сое кей коралоз но сыномоз но , лушкаськисьёс со улэ копалозы но талалозы но.

²⁰Нош люкалэ астэлы узырлык Инмын,кытын кей но уз кора, уз но сыномы ,лушкаськисьёс но со улэ уз копалэ, уз но талалэ.

²¹Соин ик кытын тӥляд узырлыкты ,отын ик тӥляд сюлэмды.

²²Син –мугорлэн югыт карисез,синъёсыд югытсэ ке учко,соку быдэс мугорыд тырмемын югытэн.

²³Нош синъёсты лекесь ке ,соку быдэс мугорды тырмемын пеймытэн.Соин ик, югыт, кудыз тон пуӵкын пеймыт ке,соку кыче кышкыт со пеймыт!

²⁴Нокин но уг быгаты ужаны кык кузёослы,малыке шуоно одӥгзэ со быгатоз яратыны нош мукетсэ уз быгаты,яке одӥгезлы луоз кылзискись ляльчи нош мукетызлы лук-лак ужась.Тӥ уд быгатэ луыны ляльчи Имарлы но узырлыклы но.

²⁵Верасько мон тӥлед : эн малпаське улонды сярысь-мае тӥлед сионо но юоно но,мугорды сярысь эн малпаське –кытысь дӥськут шедьтоно.Улонды бадӟымгес ӧвол шат сиен-юонлэсь,нош мугорды-дӥськутлэсь?

²⁶Учкелэ инмысь тылобурдоос шоры.Соос уг но кизе,уг но арало,уг но тырмыто кеносъёсэс,нош тӥляд Инмысь Атайды сюдэ соосты.Тӥ кулэгес ӧвол шат Солы?

²⁷Нош кин тӥ пӧлысь,трос кынарыз но ке солэн, быгатоз мугорзэ ӝужытгес карыны одиг гырпум кузя ке но.

²⁸Диськут сярысь марлы юнме малпаськиськоды?Учкелэ луд сяськаос шоры,кыӵе соос чебересь.Соос уг но ужало,уг но черсо.

²⁹Нош шуисько Мон тӥлед,быдӟым царь Соломон но ӧз дисяськылы сыӵе чебер,кыӵе соос,

³⁰нош луд турынкуарэз ,кудыз туннэ будэ,нош ӵуказе шуялоз но куштэмын луоз гуре,Инмар сыӵе чебер дӥся. Ичи осконды тӥляд,Инмысь Атайды ӟечгес диськут уз сёты шат тӥлед?

³¹Соин ик,эн но малпаське, эн но вералэ: «Мар милеем сионо но юоно но ?»

³²Малыке шуоно сое ваньзэ утчало язычникъёс.Нош тӥляд Инмысь Атайды тодэ - мар тӥлед кулэ шуыса!

³³Нырысь ик утчалэ Солэсь Царствозэ но Солэсь шонерлыксэ,,нош ваньзэ мар кулэ тилед ,сётоз Инмысь Атайды .

³⁴Соин ик эн малпаське ӵуказе нунал сярысь.Выль нунал ачиз малпаськоз аӵиз сярысь.Котькуд нуналлэн тырмыт аслаз малпаськонъёсыз.

¹Эн судьялэ,тӥледыз но уз судьялэ.

²малыке шуоно кыӵе судэн судить кароды,сыӵе судэн тӥледды но судить карозы,кыӵе безьменэн тӥ мерталоды,сыӵе безьменэн тӥледды но мерталозы.

³Малы тон адӟиськод векчи улвайэз выныдлэсь синмысьтыз,нош аслэсьтыд с корез уд адӟиськы?

⁴Яке кызьы тон выныдлы шуиськод: «Вай мон синмысьтыд басьто векчи улваез»,нош аслад синмад кор.?

⁵Чеберъяськись,нырысь ик аслэсьтыд синдэс сюзя корлэсь,соку тынад синмыд ӟеч адзыны ӧдъялоз но тон быгатод выныдлы юрттыны синзэ сюзяны.

⁶Мар вань святой,эн куштэлэ пуны пыд улэ,эн куштэлэ парсь ныр улэ жемчугдэс.Парсьёс сое льёгалозы,нош пуныос берытскозы но тӥ вылэ алетскозы.

⁷Курэлэ но тӥлед сётозы;утчалэ,но шедьтоды.ӧсэ йыгаське,но тилед усьтозы.

⁸Кин куроз-солэн луоз;кин утча-шедьтоз;ӧс учкоз со азьын кин йыгаське.

⁹Кин сётоз аслаз нылпиезлы из,со куре ке нянь?

¹⁰Нош куре ке со чёрыг,атаез сётоз шат кензяли? Ноку но уз.

¹¹Тӥ лекомем адямиос ке но,сётискоды асьтэлэн нылпиостылы ӟеч кузьым.Нош кыӵе трос ӟеч кузьымъёс сётоз Инмысь Атайды ,Солэсь курисьёслэсь!

¹²Кыӵе потэ тӥленыд мед поступить карозы шуыса,озьы ик поступить каре мукет адямиосын.Со вань Моисейлэн Законэз но пророкъёслэн дышетэмзы.

¹³Пырэлэ сюлэг осэти ,кудыз усьтэ сюрэс улонэ,малыке шуоно паськытэсь ӧсйос но сюрэсъёс кудъёсыз нуо быронэ,туж трос калык отчы мыно.

¹⁴Нош секыт сюрэсъёс но сюлэгесь ӧсъёс,кудъёсыз нуо улонэ,-трос калык уг шэдьто соосты.

¹⁵Кышкалэ пӧялляськись пророкъёслэсь.Соос дорады лыкто ыж ку дисяса ,нош пуштроссы соослэн –лек киёнъёс.

¹⁶ Тӥ соосты тодмалоды,ужзылэн емышъёссыя,быӵкиськись кукакъёсысь уг бичало виноград,яке кыйбодыысь инжир.

¹⁷Ӟеч писту сётэ ӟеч) емыш,нош умойтэм писпу,умойтэм емыш.

¹⁸Уг буды ӟеч писпуын урод емыш ,урод писпуын уг буды ӟеч емыш.

¹⁹Котькуд писпуез кудыз уг сёты ӟеч емыш ,чого но кушто тылпуэ.

²⁰Соин ик емышъёссыя соосты тодмалоды.

²¹Ваньмыз кинъёс шуо Монэ «Господи,Господи!» уз пырэлэ Инмысь Царствое,нош пырозы соос кинъёс быдэсто волязэ Мынысьтым Инмысь Атаелэсь.

²²Тросэз шуозы Мыным соку : Господи,Господи!Тынад нимыныд ми пророчествовать каримы,Тынад нимыныд бесъёсты улляльям,Тынад нимыныд трос чудоос лэсьтылим,Тынад нимыд мед данъяськоз шуыса.

²³Соку Мон соослы шуо : «Мон тӥледды ноку но уг тодиськы вал.Кошке Мон дорысь ,законэз тӥясьёс!

²⁴Соин ик кин кылзэ Мынэсьтым кылъёсме,но озьы ик лэсьты,визьнодо адями кадь,кудыз корка пуктиз йыг-йыг излэсь лэсьтэм фундамент вылэ.

²⁵Лек куазь зор но,ву тудӟен но,лек сильтол но ӧз куашкатэ со коркаез,малыке шуоно со пуктэмын вал йыг-йыг излэсь лэсьтэм фундамент вылэ.

²⁶Нош кин кылӥз Мынысьтым верамме ,но соя уг лэсьты, малпаськыны быгатисьтэм адями кадь,кудыз корказэ пуктиз луо вылэ:

²⁷лек куазь зорлы но,вутудӟенлы но,сильтӧллы но уз быгаты со корка пумит луыны,со куаӵкаку ,туж зол чаш кылиськоз.

²⁸Куке Иисус веранзэ быдэстӥз,калык паймиз Солэн дышетэмезлэсь,

²⁹малыке шуоно Солэн дышетэмез законоучительёслэн но фарисейёслэн кадь ӧвӧл,нош кузё муртлэн кадь.

¹Гурезьысь Иисуслэн васькемез берэ, Со сьӧры мынизы туж трос калык.

²Одиг адями проказа висонэн курадӟе вал.Со Иисус доры лыктыса йыбырттӥз но шуиз : «Господи Тынад монэ эмъямед потӥз ке мон соку ик висемысь дугдо».

³Иисус киыныз йотскиз проказаен висись борды но шуиз: «Эмъяме потэ!»Со куспын ик проказаэз бырӥз со адями вылысь.

⁴Иисус солы шуиз: «Нокинлы но эн вера та учыр сярысь.Одно ик возьматскы священниклы, нош собере вай кузьымдэ, кызьы гожтэмын Моисейлэн Законаз, малыке шуоно юнматыса возьматоно калыкъёслы , тон эмъяськид шуыса».

⁵Куке Иисус вуиз Капернауме, Со доры лыктӥз римской армиысь сю солдатъёслэн командирзы но Солэсь юрттэт курыса

⁶шуиз: «Господи,мынам ляльчие парализовать каремын,со туж восьлэсь курадзыса кылле мыннам коркам.

⁷Солы Иисус шуиз: «Мон лыкто дорад но эмъяло сое.»

⁸Сю солдатъёслэн командирзы вераз: «Господи,мон не достоин Тон мынам коркаям мед лыктод шуыса.Тон кылдэ гинэ вера, со куспын ик мынам ляльчие эмъяськоз.

⁹Мон тодӥсько сое, малыке шуоно мон ачим кылскисько верамзэ аслам командирелэсь, ачим но командовать карисько солдатъёсыным.Куке мон шуисько одигезлы: «Мын!»-со кошке,нош мукетызлы: «Лык дорам!»-со лыктэ, яке шуисько ляльчиелы : «Лэсьты сое!»-со лэсьтэ.

¹⁰Иисус куке кылӥз солэсь верамэ,Со паймиз но шуэ калыклы кудъёсыз дораз вал: «Мон ӧй на адӟылы нокинлэсь но Израельын таӵе бадӟым оскон.

¹¹Верасько Мон тӥлед трос калык лыктозы шунды жужан но шунды пуксён палась но Инмысь Царствоын Авраамен,Исаакен но Иаковен ӵош луозы.

¹²Нош кинлы сётэмын вал Инмысь Царствое пырыны, келямын луозы пумтэм йылтэм пеймыт азе,отын соос бӧрдозы но пиньзэс чикыр йыръёзы вӧсьлэсь чидатэк».

¹³Иисус шуиз сю солдатъёслэн командирзылы: «Мын гуртад! Мед луоз тынад оскемедъя!» Со куспын ик солэн ляльчиез эмъяськиз.

¹⁴Куке Иисус лыктиз Пётырлэн корказ но адӟиз, вармумиз бадӟым температураен валесын кылле шуыса.

¹⁵Иисус кутскиз солэн кияз но соку ик жарез синиз.Со султӥз валесысьтыз но Иисуслы прислуживать карыны кутскиз.

¹⁶Ӝыт вуэм бэрэ, Иисус доры ваизы трос бесноватся кариськись адямиосты но Со улляльяз соос пучкысь лек духъёсты Аслаз кылыныз,но эмъялляз ваньзэ висисьёсты,

¹⁷мед ваньмыз быдэсмоз Кузё Инмарлэн пророк Исаия пыртӥ верам кылыз, кудыз шуиз : « Со ас вылаз басьтӥз асьмэлэсь быгатонтэммес но висёнъёсмес Ас вылаз нуиз".

¹⁸Ас котырысьтыз Иисус адӟиз трос калык но дышетскисьёсызлы косӥз мукет пал ярдуре выжыны.

¹⁹Соку Со доры лыктиз одиг книжник но шуиз:"Дышэтись! Кытчы Тон мынод, Мон Тон сьоры".

²⁰Иисус вера солы:"Ӟичыослэн вань улонни гуоссы, инмысь тылобурдоослэн карьёссы, нош Адямилэн Пиезлы нокытчы йырзэ поныны".

²¹Мукетыз Солэн дышетскисез шуэ Солы:"Мынам атае кулэмын но лэзь монэ нырысь сое ватыны".

²²Нош Иисус шуиз солы:"Мед кулэмьёс ватозы асьсэлэсь кулэмъёссэс, нош тон лык Сьӧрам".

²³Куке Со пуксиз лодкае,Со сьӧры дышетскисьёыз но пуксизы.

²⁴Соку море вылын потӥз туж лек тӧл,но ӝужыт тулкымъёс лодка пуӵкы пырыны кутскизы, нош Со изе.

²⁵Соку Солэн дышетскисьёсыз Со дары лыктӥзы но сайкатӥзы но шуо:"Господи уть милемды! Ми быриськом ни".

²⁶Но соослы Со вера:"Малы тӥ сыӵе кышкасесь, осконды тӥляд ӧжыт?"Собере султӥз но косӥз тулкымлы но тӧллы но дугдыны, соку ик чюс луиз мореын.

²⁷Калыкъёс паймизы но шуо:"Кин Со сыӵе,кудызлэсь тӧл но море но кылзиське?".

²⁸Куке Со морелэн мукет пал ярдураз потӥз Гергесинской шаерэ,Сое пумитазы кык бесноватся кариськись адямиос,кудъёсыз шӧйгу пещэраысь потӥзы, туж зол лекомынэсь вал соос, соин ик нокин но ӧз дӥсьтылы ветлыны со сюрэс кузя,

²⁹Соос ӧдъязы кесяськыны:"Иисус, Инмарлэн Пиез, мар Тыныд кулэ милесьтым? Тон дырызлэсь вазь лыктид татчы милемды курадӟытыны".

³⁰Кыдёкын сисько вал уллёен тросс парсьёс.

³¹Бессъёс курыны ӧдъязы Солэсь:"Тон улляд ке милемды та адямиос пуӵкысь, соку пырты милемды парсь уллёэ".

³²Со шуиз соослы:"Мынэлэ".Соку соос потӥзы со адямиосысь но пыризы парсьёс пуӵкы.Соку быдэс парсь уллё тэкчиськиз ӝужыт яр дурысь морее но ваньмыз выйизы вуэ.

³³Парсь возьмасьёс нош пегзизы.Соос мынӥзы городэ но ваньзэ веразы, мар луиз парсьёсын но бесноватся кариськись адямиосын но.

³⁴Соку ваньмыз городын улисьёс потӥзы Иисуслэн пумитаз.Сое адӟыса, куризы Солэсь та интыысь мед кошкоз шуыса.

¹Соку Со, лодкае пуксӥз но, морелэн мукет палаз потӥз но лыктӥз Аслаз городаз.

²Но тани, Со доры ваизы валесэныз парализовать карем адямиез. Соослэсь осконзэс адӟыса Иисус парализовать карем адямилы шуиз : "Султы,пие! Тонэ Простить карисько тынад сьӧлыкъёсыдлэс".

³Соку куд-ог книга гожъясьёс малпазы: "Со богохульствовать каре".

⁴Иисус нош тодыса соослэсь малпанъёссэс шуиз: "Малы тӥ сюлэмады урод сярысь малпаськиськоды".

⁵Мар капчигес вераны: "Простить каремын луозы тыныд сьӧлыкъёсыд" яке :"Султы но мын"?

⁶Нош тӥ мед тододы Адямилэн Пиезлэн вань властез музъем вылын прощать карыны сьӧлыкъёсты, - вера парал изовать каремлы, - султы, басьты валескотырдэ но мын аслад дорад".

⁷Соку со султӥз, басьтӥз валескотырзэ но дораз кошкиз.

⁸Нош калык сое адӟыса, паймиз но данъяз Инмарез, адямиослы сыӵе власть сётэм шуыса.

⁹Отысь кошкыкуз, Иисус адӟиз адямиез кудызлэн нимыз Матфей, кудыз пуке вал налог октонни дорын, но вераз солы: "Лык мон сьӧры" со султӥз но Иисус сьӧры мынӥз.

¹⁰Куке Иисус кылле вал гуртаз, Со доры лыктылӥзы тросс калык, кудъёсыз пӧлын вал налог октӥсьёс но сьӧлыкен улӥсьёс, соос пуксьылӥзы Иисусэн но дышетскисьёсыныз ӵош.

¹¹Сое адӟыса фарисейёс шуизы Солэн дышетскисьёсызлы: "Малы тӥляд Дышетӥсьты сие-юэ налог октӥсьёсын но сьӧлыкын улӥсьёсын?".

¹²Иисус сое кылыса шуиз: " Тазалыко адямилы шат кулэ эмъясь, нош висисьэзлы кулэ,

¹³мынэлэ, дышетскелэ, мар шуэмын "жертвоприношениез кулэ уг кариськы, нош милостез кулэ карисько". Мон ӧй лыктӥ ӧтьны шонерлыко улӥсьёсты, нош сьӧлык лэсьтӥсъёсты покаятся кариськыны ӧтьыны лыктӥ ".

¹⁴Соку Со доры лыктӥзы Иоаннлэн дышетскисьёсыз но юало: "Малы ми но фарисейёс трос постится кариськиськом, нош Тынад дышетскисьёсыд постится уг карисько?".

¹⁵Но Иисус соослы шуиз: "Сюан дыръя эмеспилэн эшъёсыз куректо шат, куке соос дорын эмеспи? Нош вуоз дыр, куке соос дорысь басьтозы эмеспиез, соку соос постится кариськыны ӧдъяллзы.

¹⁶Нокин но вуж дӥсь вылэ уг кышья кышьет выль басмалэсь, малыке шуоно выль вуремез ишкалскоз вужез бордысь, соку пасез эшшо но бадӟымгес луоз. .

¹⁷Озьы ик выль винаез вуж ку пуйыосы уг поно, ку пуйыос кеськозы, вина кичкоз, ку пуйыос уз ни яралэ. Нош выль винаез поно выль ку пуйые, соку вина но ку пуйы но быдэс кылёзы".

¹⁸Соослы Со тае вераку, Со доры матэ лыктӥз одӥг синагогаысь кивалтӥсь, но Иисуслы йыбырттыса вераз: "Мынам нылы кулэ ини, лыкты но пон кидэ Аслысьтыд со вылэ, соку нылы мынам улэп кылёз".

¹⁹Султыса, Иисус со сьӧры мынӥз, дышетскисьёсыныз ӵош,

²⁰Но тани, дас кык ар ӵоже вир кошконэн курадӟись кышномурт, бэрысеныз матэ лыктыса, Солэн дӥсезлэн сӧзы бордаз кутӥськиз,

²¹малыке шуоно со малпаз вал: "Солэн дӥсь бордаз кутски-ке со куспын ик - висемысь дугдо".

²²Иисус нош, берытскыса сое адӟиз но шуиз: "Нылы, сэзь кариськы! Тынад осконэд спасти кариз тонэ". Кышномуртлэн соку ик вирыз кошкемысь дугдӥз.

²³Куке Иисус лыктӥз начальниклэн корказ, адӟиз похоронной гуръёс шулан гумыен шуласьёсты но куалектэм адямиосты.

²⁴шуиз соослы : "Потэ татысь, ныл кулэмын ӧвол, со изе гинэ".Нош калык серекъяз гинэ Сое.

²⁵Куке калыкез уллязы, Иисус пырӥз но басьтӥз ныллэсь кизэ, соиз соку ик султӥз.

²⁶ Со сярысь ивор вӧлмиз быдэс со ёросэ..

²⁷Иисус отысь кошкыкуз, Со сьӧры улляськизы кык синтэмъёс кесяськыса: "Иисус, Давидлэн пие, жаля милемды!".

²⁸Куке Со пыриз корка, синтэмъёс дораз матэ лыктӥзы. Соослы Со вераз: "Оскиськоды-а, Мон быгато лэсьтыны, синъёсты мед адзёзы шуыса?". Соос шуизы Солы: "Бен, Господинмы!".

²⁹Иисус соку йотскылиз соослэн синъёссы борды но шуӥз: "Тиляд оскемдыя мед луоз тӥлед".

³⁰Соослэн синъёссы адӟыны ӧдъязы. Иисус, юн алыса шуиз соослы: "Учке, нокин но медаз тоды".

³¹Нош соос кошкизы но маӵкиз Иисус сярысь быдэс ёрослы.

³²Куке соос кошко вал, Иисус доры ваизы вераськыны быгатӥсьтэм, бесноватся кариськись адямиез.

³³Куке нечистый дух уллямын вал бесноватся кариськись адямиысь, немой соку ик вераськыны ӧдъяз.

³⁴Нош соку фарисейёс шуизы: " Со улля бесъёсты, бесъёслэн кузёзылэн властеныз".

³⁵Иисус ветлӥз гуртъёстӥ но городъёстӥ, дышетыса соосты синагогаосын, проповедовать карыса Царстволэсь Евангелиезэ, исцелять карыса калыклэсь вань висёнзэс но быгатымтэзэс..

³⁶Адӟыса тросс калыкъёсты, Солы жаль соос потӥзы, малыке шуоно соос катьтэммылэмын но пазьгиськемын вал, пудовозьмасьтэк ыжъёс музэн.

³⁷Соку Со вераз дышетскисьёсызлы: "Аран трос. нош арасьёс ӧжыт.

³⁸Соин ик вӧсяське аранлэн Кузёэзлы, мед келялоз арасьёссэ Аслаз араназ".

¹ Иисус быръйиз дас кык дышетскись Аслыз, сётӥз соослы кужым лек пож духъёсты вормыны, соосты улляны но котькыӵе висёнлэсь, быгатонтэмъёслэсь каттяны

² Апостолъёслэн нимъёссы вал сыӵеесь: нырысетӥез Симон сое нималлязы Пётр, Андрей - солэн выныз, кык вынъёс Иаков но Иоанн Завдеевъёс.

³Филипп но Варфоломе, Фома но Матфей - налог люкась, Иаков, Алфейлэн пиез но Левий кудзэ нималлязы Фаддей.

⁴Симон Кананит но Иуда Искариот, кудыз вузаз Сое.

⁵ Та дас кык дышетскисьёссэ Иисус келяз но вераз: "Самаритянской каръёсы но мукет калыкъёслэн сюрэсъёстӥзы эн ветлэ,

⁶азьло ик мынэлэ бырыны кутскем Израильысь ыжъёс доры.

⁷Инмысь Царство туж матын нӥ шуыса вераса ветлэ.

⁸Висисьёсты катьтялэ, кулэмъёсты улэп каре, прокажённойёсты дунматэлэ, бесъёсты уллялэ. Дунтэк Мон тӥлед сётӥ, озьы - ик тӥ но дунтэк сётэлэ.

⁹Сьӧрады, кускерттонады номыре но эн басьтэ зарни но, азвесь но, ыргон но,

¹⁰сюрес вылэ пуйы но, воштӥськон дӥськут но, боды но эн басьтэ. Инмарлэсь ужзэ быдэстӥсь адями ноку но уз кулэяськы, кӧтыз но пыр тыр луоз.

¹¹Котькыӵе городэ но гуртэ пыриды-ке юалляське, кин сылымон отын, тодӥды ке отын улэ кошкытозяды.

¹²Корка пырыкуды, ӟечбуръяськыкуды вералэ: "Тупаса улон та коркалы".

¹³Корка улӥсьёс сылымонэсь ке, тӥляд тупаса улонды соослы кылёз, нош ӧвӧл ке, тӥ доры берытскоз.

¹⁴Нош тӥледды кинке дораз ӧз ке лэзьы, ӧз ке но кылзӥськы, соку кошкыкуды со коркась но городысь, куртке тузонзэ пыдкутысьтыды.

¹⁵Зэм Мон верасько : Судной нуналэ та городлы уродгес луоз, Содом но Гоморра городъёслэсь.

¹⁶Мон тӥледды келясько ыжъёсты киёнъёс полы кадь, кый кадь визьмо кариське, но дыдык кадь простоесь луэ.

¹⁷Сак луэ сыӵе калыклэсь, кудъёсыз тӥледды кутыса судилище нуозы, но жугозы синагогаын.

¹⁸Мынам нимы понна тӥледды нуозы кивалтӥсьёс но царьёс доры, мед тӥ вералоды шуыса соослы но язычникъёслы Мон сярысь.

¹⁹Соос кие сётыкузы, тӥ эн сюлмаське, мар тӥлед вераны соослы. Малыке шуоно тӥлед соку дыръя сётэмын луоз мар вераны,

²⁰Инмысь Атайдылэн Святой Духэз тӥ понна вералоз.

²¹Вын - вынзэ, атай - пизэ виыны сётоз. Нылпиос но анай-атайёссы вылэ пумит султозы но соосты виёзы.

²²Мынам нимы понна адӟемпотостэм карозы тӥледды вань калыкъёс. Нош кин пумозяз чидалоз утиськоз.

²³Куке уллялозы тӥледды одиг городысь, пегӟе мукетаз, Израельлэсь городъёссэ котыр ортчыса уд вуэ, кызьы Адями Пи лыктоз.

²⁴Дышетскись бадӟымгес ӧвӧл дышетӥсьезлэсь, нош ляльчи кузёэзлэсь.

²⁵Тырмыт дышетскисьлы, со мед луоз дышетӥсез кадь, ляльчи - кузёэз кадь, Корка кузёэз шуизы ке Веельзевул, коркан улӥсьёссэ но озьы уз шуэ шат?

²⁶Озьы бере, эн кышкалэ соослэсь, уго номыр но ӧвӧл мае ватыны луоз, мар шарае уз поты, лушкем маке - тодымтэ уз луы

²⁷Мае тӥледлы пеймытын верасько, югыт азьын вералэ. Нош мае пеляды шыпыртӥсько, проповедовать каре корка липетъёс вылын.

²⁸Эн кышкалэ соослэсь, кинъёс мугорэз виыны быгато, нош лулэз виыны уг быгато, нош туж зол кышкалэ солэсь кин лулэз но мугорэз но геенаын быдтыны быгатэ.

²⁹Кык пичи тылобурдоосты уг-а вузало одӥг ассариен? Одӥгез но уз усь музъем вылэ тӥляд Инмысь Атайдылэн воляезтэк.

³⁰Нош тӥляд йырсиосты йырады лыдъямын.

³¹Эн кышкалэ, тӥ ӟечгес трос пичи тылобурдоослэсь.

³²Озьы бере, котькудзэ, кин Монэ тодэмзэ возьматоз калык азьын, сое тодэмме Мон но верало Инмысь Атае азьын,

³³нош кин Монэ тодӥсьтэм кариськоз калык азьын, соку Мон солэсь Инмысь Атае азьын куштӥсько.

³⁴Эн малпалэ, Мон лыктӥ вайыны тупаса улон дуннее вылэ. Тупаса улон вайыны мон ӧй лыкты. нош ожмаськон пурт.

³⁵Уго Мон лыктӥ висъяны адямиез атаеныз, нылэз - анаеныз, кэнэз - картэзлэн анаеныз,

³⁶адямилэн тушмонъёсыз - солэн семья пушказ.

³⁷Кин яратэ атайзэ яке анайзэ Монэ сярысь троссгес, уг сылы Монэ. Кин яратэ пизэ яке нылзэ Монэ сярысь троссгес, уг сылы Монэ.

³⁸Кин уг басьты аслэсьтыз кироссэ но мынэ Мон сьӧры. со уг сылы Монэ.

³⁹Кин лулзэ аслэсьтыз утьыса улоз - ыштоз сое, нош кин Мон понна ыштоз лулзэ - утёз сое.

⁴⁰Кин дораз лэзёз тӥледды, Монэ дораз лэзёз, кин Монэ дораз лэзёз, дораз лэзёз - Монэ Келясез.

⁴¹Кин принять каре пророкез пророклэн нимыз понна, пророклэсь данъян кузьымзэ басьтоз,Кин принять каре проповедникез проповедниклэн нимыз понна. проповедниклэсь данъян кузьымзэ басьтоз.

⁴²Нош кин та покчиос пӧлысь одӥгзэ, дышетскисьлэн нимыз понна, одиг кружка гинэ кезьыт вуэн сектаз ке но, зэм но верасько тӥледлы, аслэсьтыз дуно кузьымзэ уз ышты.

¹Куке Иисус дугдӥз дышетыны Аслэсьтыз дас кык дышетскисьёссэ. соку мынӥз отысь дышетыны но проповедовать карыны соослэн городъёсазы.

²Иоанн, тюрьмаын кылӥз Христослэн ужъёсыз сярысь но келяз аслэсьтыз кык дышетскисьёссэ

³вераны Солы: "Тон а Со, Кудыз кулэ лыктыны, яке милем витёно мукетсэ?".

⁴Иисус соослы вераз: "Мынэлэ, вералэ Иоанлы, мае кылӥськоды но адӟиськоды:

⁵синтэмъёс - адӟё, чутъёс - ветло. прокажённойёс - сюзясько, кылӥсьтэмъёс - кыло, кулэмъёс - сайкало, начаръёс - благовествовать каро.

⁶Шудо со адями кин Мон понна уз ӵемты.

⁷Куке соос мынӥзы, Иисус ӧдъз калыклы вераны Иоанн сярысь: "Мар учкыны ветлӥды тӥ пустыняе?Тросникез шат, кудзэ тӧл шона?

⁸Мае бен учкыны ветлӥды тӥ? Адямиез шат, кудыз небыт дӥсен дӥсяськемын? Небыт дӥсь нуллӥсьёс царьлэн дворецёсаз уло.

⁹Мае бен учкыны вэтлӥды тӥ? Пророкез - а? Озьы, верасько тӥлед, пророклэсь но бадӟымгес,

¹⁰малыке шуоно со - кудыз сярысь гожтэмын: "Тани, Мон келясько Аслэсьтым ангелме Тынад ымныр азяд, Кудыз дасялоз Тынэсьтыд сюрэстэ Тон азьын".

¹¹Шонер верасько тӥлед: " Кышномуртъёслэсь вордскем пӧлысь Крестить карись Иоанлэсь бадӟымгес ӧй на вал, нош Инмысь Царствоысь пичиез - солэсь бадӟымгес.

¹²Крестить карись Иоанн дырысен али дырозь Инмысь Царство кужымен басьтӥське, кужым поныса тыршисьёс сое басьто.

¹³малыке шуоно вань пророкъёс но закон Иоанн дырозь азьпалэз ивортӥзы.

¹⁴Принять каремды потэ ке, со вань Илия, кудыз лыктыны кулэ вал,

¹⁵Кинлэн кылыны пельыз вань, мед кылоз!

¹⁶Та поколениез кинэн ӵошатом? Со нылпиослы тупа, кудъёсыз ульчаын пуко но асьсэлэн эшъёссылы

¹⁷верало: " Ми тӥледлы шулан гумыен шудӥмы, нош тӥ ӧд эктэ, ми тӥледлы ӝож кырӟянъёс кырӟямы, нош тӥ ӧд бӧрдэ".

¹⁸Малыке шуоно Иоанн лыктӥз но уг но сиы уг но юы, но верало: " Со пуӵкын бэс".

¹⁹Лыктӥз адями Пи, сие но юэ, но верало : " Тани адями, кудыз яратэ сиыны но вина юыны, налог октӥсьёслэн но сьӧлыкен улӥсьёслэн эшсы". Визьмолуон солэн пиналъёсыныз шонерэ поттэмын" .

²⁰Соку Со ӧдъяз пыкылыны городъёсты, кудъёсаз тужгес но зол Солэн паймымон кужымез возьматэмын вал, малыке шуоно соос покаятся ӧз кариське шуыса.

²¹" Куректон тыныд, Хоразин! Куректон тыныд, Вифсадия! Малыкке шуоно Тираын но Сидонын паймымон кужым возьматэмын луысал ке, тӥ дорын кадь, соос кемалась покаятся кариськысалзы ни йыр вылазы пень пызьнаса но вылазы лазъяса чурыт дэралэсь вурэм дӥсь ,

²²верасько мон, тӥлед секытгес луоз, суд нуналэ, Тира но Сидон городъёслэсь.

²³Тон но Капернаум, инмозь ӝутскыса, адозь усёд, малыке шуоно Содомын паймымон кужым возьматэмын луысал ке , со ӧй бырысал.

²⁴Нош верасько, тӥлед суд нуналэ секытгес луоз, Содом городлэсь".

²⁵Соку Иисус вераз: "Данъясько Тонэ, Атай - музъемлэн но инлэн Кузёез, малыке шуоно Тон ватӥд визьмоослэсь но валасьёслэсь нош усьтӥд покчиослы.

²⁶Бен, атай! Сыӵе вал Тынад мылкыдыд.

²⁷Ваньмыз сётэмын Мыным Атаеным. Нокин но уг тоды Пизэ, Атаез сяна. Атайзэ но уг тоды нокин но, Пиез сяна.

²⁸Лыктэ Мон доры, ваньмыз секыт ужасьёс но секыт ныпъёт нуллӥсьёс, но Мон тӥледды буйгато.

²⁹Басьтэ Мынысьтым сиесме вылады но дышетск Мынысьтым, малыке шуоно Мынам сюлэмы зибыт но востэм,

³⁰малыке шуоно Мынам сиесэ - ӟеч, нош Мынам секыт ныпъетэ - капчи.

¹Суббота нуналэ Иисус ортӵе вал кизем ю-бусыос дортӥ. Солэн дышетскисьёсызлэн туж зол котсы сюмам но соо шепъёсты иӵкыса сиыны ӧдъяллям.

²Фарисейёс, сое адӟыса, Солы пыкылыса шуизы: " Тынад дышетскисьёсыд лэсьто сыӵе ужъёс, кудзэ субботае лэсьтыны уг яра".

³Со шуиз соослы: " Тӥ ӧд шат лыдӟе, мар лэсьтӥз Давид но солэн эшъёсыз, куке котсы сюмаз?

⁴Со пыриз Инмарлэн корказ но сииз нянез, кудзэ сиыны уг яра вал солы но солэн эшъёсызлы но. Священникъёслы гинэ яра вал сиыны нянез.

⁵Яке ӧд лыдӟе Законэз, священникъёс Храмын субботае уг быдэсто "Субботаез", нош янгыш уг лэсьто?

⁶Нош верасько тӥлед, татын марке но бадӟымгес Храмлэсь.

⁷Тодысалды ке тӥ, мар со сыӵе: "Милостьтэс витиско, нош жертвоприношениедэс уг",, соку ӧй судьясалды янгыш лэсьтымтэосты.

⁸Адямилэн пиез луэ " Субботалэн" кузёэз.

⁹Отысь кошкыса, Со пырӥз синагогае.

¹⁰Но тӥни, отын куасьмем киын адями вал.Но Иисусэз янгыше уськытон понна, юазы Солэсь: "Яра-а каттяны субботае?".

¹¹Со шуиз соослы: "Тӥляд одиг гинэ ке ыжды но соиз но ке усиз гуэ, уд шат поттэ сое отысь субботае?

¹²Нош кӧнялы адями ӟечгес ыжлэсь! Соин ик ӟеч уж субботае лэсьтыны яра".

¹³Соку вераз со адямилы: "Вай кидэ".Со сётӥз кизэ но киыз тупатскиз, луиз мукетыз кадь.

¹⁴Нош фарисейёс, потыса, кенешешизы Со пумитэ - кызьы ке но Сое быдтыны. Нош Иисус сое тодыса отысь кошкиз.

¹⁵Со сьӧры мынизы тросс калык, Со каттяляз соосты ваньзэсты

¹⁶но ӧз лэзьы соосты Сое тодмо карыны,

¹⁷мед быдэсмоз шуыса верамез Кузё Инмарлэн Исаия пророк пыртӥ, кудыз вера:

¹⁸"Тани Егит Пие Мынам, Кудзэ Мон быръи. Яратоное Мынам, Кудыз кельше Мынам лулылы. Сёто духме Со вылэ, но Со ялоз калыклы судлэсь решениезэ.

¹⁹Уз вожвылъяськы. Уз кесяськы.Нокин но уз кылы Солэсь ульчаын куаразэ.

²⁰Чигем тростникез но уз тӥялты, гыбдась етӥнэз но уз кысы, судлэн шонерлыкез вормытозь,

²¹но Солэн нимызлы калыкъёс оскыса улозы".

²²Соку Со доры ваизы бесноватся кариськись адямиез, кудыз вал глухонемой. Иисус сое каттяз но глухонемойлэн пельыз но кылыны, синмыз но адӟыны ӧдъяз.

²³ Паймиз вань калык но вераз: "Та ӧвӧл-а - Христос, Давидлэн пиез? "

²⁴Фарисейёс нош сое кылыса, шуизы: "Со улля бесъёсты, Веельзевуллэн, бесъёслэн кузёзылэн кужымэныз гинэ".

²⁵Нош Иисус, тодыса соослэсь малпанъёссэс, шуиз соослы: "Котькыӵе царство кудыз куаӵкатэ ассэ, буш кылёз. Озьы ик котькыӵе город яке корка кудыз куӵкатэ ассэ, сылыны уз быгаты.

²⁶Нош сатана сатанаез улля ке, соку со ачиз ассэ куаӵкатэ. Кызьы нош солэн царствоез сылыны быгатоз?

²⁷Нош Мон Веельзевулэн кужыменыз ке уллясько бесъёсты, соку тӥляд пиосты кыӵе кужымен улляло? Соин соос тӥледлы судьяос луозы.

²⁸Нош Мон Инмарлэн Духеныз ке уллясько бесъёсты, соку тӥ доры Инмарлэн Царствоез вуиз.

²⁹Яке, кызьы кин ке пыроз кужмолэн улоннияз, но луӵкалоз солэсь корка-котырзэ, азьло кужмоез ӧз ке думылы? Нош думылэмез бере гинэ быгатоз луӵканы корка-котырзэ.

³⁰Монэным кин ӧвӧл, со Мон пумитэ. Кин Монэным уг люка, со пазяса быдтэ.

³¹Соин ик верасько тӥлед: "Котькыӵе сьӧлык но хула простить каремын луоз калыклы, нош хула Духлы простить каремын уз луы калыклы.

³²Кин Адямилэн Пиез вылэ кыл вералоз, солы простить каремын луоз, нош кин Святой Дух вылэ вералоз, солы таяз даурын но, вуноаз но простить каремын уз луы.

³³Яке лыдъяськоды писпуэз ӟечен, соку солэн емышъёсыз но ӟечесь. Яке лыдъяськоды писпуэз уродэн, соку солэн емышъёсыз но уродэсь. Малыке шуон котькыӵе писпуез емышезъя тодманы луэ.

³⁴Кенӟяли выжыос! Кызьы тӥ ӟечез вераны быгатӥськоды, куке тӥ лекесь? Уго маин тырмемын сюлэм, соин ик со вераське.

³⁵Ӟеч адями ӟеч шыкысысьтыз поттэ ӟечсэ, нош урод адями урод шикысысьтыз поттэ уродзэ.

³⁶Верасько Мон тӥлед котькуд юнме кыл понна, кудзэ вералозы калык, суд нуналэ кыл кутозы.

³⁷Малыке шуоно аслаз кылъёсызя адями шонерэ поттэмын яке судить каремын луоз".

³⁸Соку куд ог книжникъёс но фарисейёс шуизы: " Дышэтӥсь! Адӟеммы потэ вал Тынысьтыд знамениедэ".

³⁹Нош Со пумитазы вераз: " Урод но азэм поколениос утчаськоды знамение, знамение сётэмын уз луы тӥлед, Иона пророклэн знамениез сяна.

⁴⁰Уго, кызьы Иона вал кит пуӵкын куинь нунал но куинь уй, озьы ик Адямилэн Пиез но луоз музъемлэн сюлэмаз куинь нунал но куинь уй.

⁴¹Неневияын улэмъёс султозы та поколениелы пумит судын но соосты янгыше уськытозы, малыке шуоно соос покаятся кариськизы Ионалэн проповедезлэсь. Нош татын Кинке, Кин быдӟымгес Ионалэсь.

⁴²Лымшорысь нылкышно царь та поколениелы судын пумит султоз но янгыше уськытоз, малыке шуоно со лыктылӥз кыдёкысь шаерысь кылскыны Соломонлэсь вйзьмо верамзэ. Нош татын Кинке, Кин Соломонлэсь быдӟымгес.

⁴³Куке нечистой дух потэ адямиысь, со ветлэ вутэм интыостӥ, утчаса каньыл улон, но уг шедьты.

⁴⁴Соку вера: "Берто аслам коркам, кытысь мон потӥ". Лыктэ но адӟе, нокин но уг улы, отын ӵужемын но утялтэмын.

⁴⁵Соку мынэ но басьтэ сьӧраз сизьым мукет духъёсты, кудъёсыз солэсь но лекесь.Пыро но уло отын.

⁴⁶Ку нош Со калыклы вера вал, Солэн анаез но вынъёсыз Соин вераськемзы потэ вал нош соос коркалэн педпалаз сыло вал.

⁴⁷Соку кинке вераз Солы:"Тани, Тынад анаед но вынъёсыд сыло педлон, Тонэныд вераськыны потэмзы потыса".

⁴⁸Нош Со вераз пумитаз:"Кин Мынам анае? Но кинъёс Мынам вынъёсы?"

⁴⁹Ас киыныз Аслаз дышетскисьёсыз шоры возьматӥз но шуиз:"Тани Мынам анае но вынъёсы Мынам.

⁵⁰Малыке шуоно кин Мынам Инмысь Атаелэсь куронзэ быдэсялоз, со Мыным вын но сузэр но анай но".

¹Со нуналэ Иисус коркасьтыз потӥз но, пуксиз море дуре.

²Лэкаськиз Со доры туж тросс калык, соин ик Со пуксиз лодкае, нош вань калык яр дурын сылыса кылиз.

³Но дышетӥз соосты тросс притчаос вераса:"Тани, потӥз кизись кизьыны.

⁴Со одӥгзэ кидыссэ кизиз сюрэс дуре, тылобурдоос лыктӥзы но кокчазы сое.

⁵Мукетсэ кизиз изо интые, кытын вал ӧжыт сюез, отын со ӝог потӥз, малыке шуоно музъёмез мур ой вал.

⁶Нош куке шунды ӝужаз - шуяз. Малыке шуоно выжыез ой вал но куасьмиз.

⁷Мукетсэ кизиз жаг турын пӧлы, жаг будӥз но ӵоксаз сое.

⁸Мукетсэ кизиз ӟеч музъеме со будӥз но сётӥз емыш. Одигез сю пол, мукетыз куатьтон, куинетӥез куамын пол.

⁹Кинлэн вань пельыз, мед кылоз!

¹⁰Дышетскисьёсыз Со доры лыктӥзы, но юазы:"Малы Тон притчаосын миленым вераськиськод".

¹¹Со шуиз соослы пумитазы:"Малыке шуоно тӥлед сётэмын тодыны Инмысь Царстволэсь лушкемлыксэ, нош соослы ӧвӧл.

¹²Соин ик кинлэн вань, солы сётэмын луоз на, нош кинлэн ӧвӧл солэсь ӧвӧлзэ но таласа басьтозы.

¹³ Соин ик верасько соослы притчаосын, малыке шуоно соос учко но уг адӟё, кылско но уг но кыло уг но валало.

¹⁴Исаия пророклэн соос сярысь верамез быдэсме, кудыз вера:" Пельыныды кылоды - но уд валалэ, синмыныды учкоды - но уд адӟе.

¹⁵Малыке шуоно чурытомемын сюлэмыз та калыклэн, пельынызы секытэн кыло, синзы но кынемын. Соин ик уз адӟе синмынызы, уз кылэ пельынызы, уз но валалэ сюлэменызы. Соин ик уз лыктэ Мон доры, соосты Мон мед каттяло шуыса.

¹⁶Шудоесь тӥ, малыке шуоно тӥляд синъёсты адӟе но пелъёсты кыло.

¹⁷Соин ик шонер верасько тӥлед, тросэзлэн пророкъёслэн но шонер лэсьтисьёсъёслэн адӟемзы потэ вал сое, мае тӥ адӟиськоды, нош соос ӧз адӟе, кылыны сое, мае тӥ кылиськоды, нош соос ӧз кылэ,

¹⁸Тӥ бен кылске кизись сярысь притчалэсь пуштроссэ.

¹⁹Котькудызлы, кин кылэ Царство сярысь веранэз но уг вала сое, лыктэ лукавый но луӵка киземзэ солэн сюлэмаз - тини мар сярысь вера сюрес дуре кизем,

²⁰Нош киземез изо интые, возьматэ сыӵе адямиез, кудыз кылэ верамез но шумпотыса ик басьтэ сое,

²¹нош выжы ӧз лэзьы верам кылэ, озьы ик малпанъёсыз но вошьяськисьэсь : куке вуо куректонъёс но ӧдъяло уллянъёс Инмарлэн кылыз понна, со ӵемтэ но усе.

²²Нош киземзэ жаг пӧлы, возьматэ со вылэ, кин кылӥз верамез нош та дуннелэн малпаськонъёсыз но пӧяськон узырлык ӵоксало Инмарлэсь кылзэ но солэн пайдаез уг луы.

²³Киземез ӟеч музъем вылэ, возьматэ сыӵе адямиез, кин кылэ верамез но вала сое, но сётэ емышсэ, кудыз сю пол, мукетыз куатьтон пол, мукетыз куамын пол.

²⁴Мукетсэ притча Со ӵектӥз соослы,вераса:"Инмысь Царство адями кадь, кудыз кизиз аслаз бусыяз ӟеч кидыс.

²⁵Куке калык изё вал лыктӥз тушмон но кизиз чабей пӧлы жаг турын кидыс но кошкиз.

²⁶Куке вожектӥз бусыез но адӟиськиз емышез, соку потӥз жаг турынэз но.

²⁷Лыктыса, ляльчиосыз корка кузёлэн шуизы :" Господин! Ӟеч кидыс тон ӧд-а кизьы бусыяд, нош кытысь татын жаг турын?"

²⁸Нош со шуиз соослы:"Адямилэн тушмонэз лэсьтӥз озьы". Ляльчиосыз шуизы солы:"Кулэ ке ми мыном но иӵком жаг турынэз?"

²⁹Нош со шуиз:"Кулэ ӧвӧл - жагзэ иӵкыкуды чабейзэ но соин ӵош медаз изъянтэ,

³⁰кельтэ будыны ӵошен сойзэ но тайзэ но аран дырозь.Но аран дырья мон верало арасьёслы:" Висъялэ нырысь жаг турынзэ, но кертылэ сое керттэтъёсы, бӧрысь тылын сутон понна, нош чабейзэ понэ мынам кеносъёсам.

³¹Со эшшо одиг притча ӵектэм на, вераса:" Инмысь Царство горчица кидыс кадь, кудзэ адями кутскиз но кизиз аслаз бусыяз,

³²кудыз, вань кидысъёслэсь пичи ке но, нош куке будэ, луэ бадӟымгес котькуд турын будосёслэсь но писпу кадь луэ, озьыен лобась тылобурдоос пуксё солэн вайёсыз вылэ но, куарёсыз улэ ватско".

³³Мукет притча вераз но Со соослы:" Инмысь Царство чырсатон шӧмлы тупа, кудзэ кышномурт басьтыса, ваньмыз чырсаса вуытчозь, куинь мертэт пызе понэм"

³⁴Ваньзэ тае Иисус вералляз калыклы притчаосын, притчаостэк соослы ӧз вералля,

³⁵мед быдэсмоз Кузё Инмарлэн пророк пыртӥ гожтэмез, кудыз вера:"Вероло притчаосын но возьмато, дунне кылдон дырысен ватэмзэ".

³⁶Соку Иисус калыксэ лэзиз но Ачиз корка пыриз. Солэс дышетскисьёсыз дораз лыктыса, юазы :" Валэкты милем бусыысь жаг турын сярысь притчадэ".

³⁷Со вераз соослы :" Ӟеч кидыс кизись - со Адямилэн Пиез.

³⁸Бусы - со дунне. Ӟеч кидыс - Царстволэн пиосыз, нош жаг турын - лукавыйлэн пиосыз.

³⁹Тушмон, кудыз кизиз соосты, - со дьявол. Аран дыр - дуннелэн бырон дырыз, арасьёс - ангелъёс.

⁴⁰Соин ик кызьы люкало жаг турынэз но тылын суто. озьы ик луоз дунне бырон дыръя.

⁴¹Адямилэн Пиез келялоз Аслысьтыз ангелъёссэ, соос Солэн Царствоысьтыз люкалоз ваньзэсты кинъс бичато мукетъёсэ сьӧлык лэсьтыны, но ваньзэсты, кинъёс законлы пумит султо,

⁴²но куштозы соосты ӝуась гурэ. Отын соос бӧрдозы но пиньзэс ваче пумит йыръёзы.

⁴³Соку шонер лэсьтӥсьёз пальпотозы, шунды кадь, соослэн Атайзылэн Царствояз. Кинлэн пельыз кылэ, мед кылскоз!.

⁴⁴Инмысь Царство узырлык кадь на, кудыз ватэмын вал бусыын. Кудзэ адями шедьтӥз но нокинлы но ӧз вера. Со шумпотэменыз, ваньзэ маиз солэн вал вузаз но басьтӥз со бусыез.

⁴⁵Озьы ик Инмысь Царство вузкарись кадь, кудыз утча дуно жемчужинаос,

⁴⁶кудыз шэдьтӥз одиг дуно жемчужина но вузаса, аслэсьтыз ваньзэ ваньбурзэ - басьтӥз сое.

⁴⁷Озьы ик Инмысь Царствоез ӵошатыны луэ сетен, кудыз салемын вал морее, но кудаз пыриз трос портэм чёрыг.

⁴⁸Куке сетьёс тырмизы чёрыгёсын сое кыскыса поттӥзы яр дурэ. Пуксизы но быръйизы : зечсэ чёрыгез понӥзы посудаосы, нош уродзэ палэнэгес куштизы.

⁴⁹Озьы ик луоз дуннелэн бырон дыръяз : потозы ангелъёс но висъялозы сьолыкын улисьёсты шонерлыко улисьёслэсь,

⁵⁰но куштозы соосты жуась гурэ: отын соос бӧрдозы но пиньзэс ваче пумит йыръёзы".

⁵¹Но юаз соослэсь Иисус:"Валады-а тӥ ваньзэ тае!" Соос веразы:"Бен Госполин!"

⁵²Со нош вераз соослы:"Соин ик котькуд книжник, кудыз валаз Инмысь Царствоез, со кузё кадь, кудыз поттылэ кэносысьтыз выльзэ но вужзэ но".

⁵³Иисус дугдӥз веранзэ та притчаосты но кошкиз отысь

⁵⁴но лыктиз Аслаз вордӥськем городаз. Отын Со соосты дышетӥз синагогаын, калык паймылиз но юалляз :" Кытысь Солэн сыӵе визьмыз но кужмыз?

⁵⁵Ӧвӧл - а Со плотниклэн пиез? Солэн анаезлэн нимыз Мария ӧвӧл - а? Иаков но Иосий, Симон но Иуда Солэн вынъёсыз ӧвӧл - а?

⁵⁶Солэн ваньмыз сузэръёсыз ми пӧлын ӧвӧл шат? Нош кытысь Солэн ваньмыз со?"

⁵⁷Чемтылӥзы Со сярысь. Иисус нош шуиз соослы:" Уг лу пророк без чести, аслоз будэм городаз на аслаз будэм корказ сяна".

⁵⁸Соослэн осконтэменызы сэрен, Со ӧз лэсьты отын тросс чудоос.

¹Со дыре ньылетӥкузёяськись Ирод тодӥз Иисус сярысь ивор.

²Но шуиз аслаз ляльчиосызлы:" Со Крестить карись Иоанн, кудыз кулэмысь лулӟем, соин со лэсьтэ чудоос".

³Уго Ирод, Иоаннэз кутэм но керттылыса тюрмае пытсам Иродиана понна, Филипп вынызлэн кышноез понна,

⁴малыке шуоно Иоанн вералляз солы:" Уг яра тыныд соин ӵош кӧланы".

⁵Иоаннэз виемез потэ вал, но калыклэсь кышка вал, малыке шуоно сое лыдъяло вал пророк шуыса.

⁶Иродлэн вордӥськем нуналзэ пусъён дырья Иродианалэн нылыз эктӥз куноос азьын но кельшиз Иродлы.

⁷Соин ик со кылзэ сётӥз солы сётыны ваньзэ, мае уз куры.

⁸Нош со, анаезлэн дышетэмезъя, шуиз :"Вае мыным татчы тэркые поныса Крестить карись Иоаннлэсь йырзэ.

⁹Соку царь ӝожомиз, нош, кыл сётэмез понна но куноосыз понна, кудъёсыз пуко вал вӧзаз, косӥз вайыны солы куремзэ.

¹⁰Но келяз тюрьмае ӵогыны Иоаннлэсь йырзэ.

¹¹Иоаннлэсь йырзэ ваизы тэркыын но сётӥзы ныллы, нош со аслаз анаезлы нуиз.

¹²Нош солэн дышетскисьёсыз лыктыса басьтӥзы солэсь мугорзэ но ватӥзы. Собере мынӥзы но Иисуслы ивортӥзы.

¹³Иисус, сое кылыса, огняз кошкиз отысь лодкае пуксьыса пустыняе. Нош калык, сое кылыса, мынӥзы Со сьӧры городъёсысь пыдын.

¹⁴Иисус лодкаысь потӥз но адӟиз тросс калыкъёсты, Солы соос жаль потӥзы но висисьёсты катьялляз.

¹⁵Ӝыт вуэм берэ, Солэн дышетскисьёсыз Со доры матэ лыктӥзы но веразы:"Кыр инты татын, дыр но бер ини. Лэзь калыкез, мед соос ветлозы гуртъёсы но басьтозы асьсэлы сион".

¹⁶Нош Иисус шуиз соослы:" Нокытчы но ӧвӧл вэтлоно. Тӥ сётэ соослы сион".

¹⁷Нош соос Солы верало:" Мылям татын вить няньмы но кык чёрыгмы гинэ".

¹⁸Со шуиз:" Вае соосты Мыным татчы",

¹⁹Но Со косӥз калыклы пуксьны турын вылэ. Басьтӥз вить нянез но кык чёрыгез, учкиз инме но благославить кариз.Тӥялтӥз, сётӥз дышетскисьёсызлы,нош дышетскисьёсыз - калыклы.

²⁰Ваньмыз сиизы но кӧтсы тырӥз.Нош кылем юдэсъёсты люказы на дас кык тыр куды.

²¹Ваньмыз сиисез вал вить сюрс адями пала, нылкышноос но нылпиос сяна.

²²Иисус соку ик кужмысь косӥз дышетскисьёссэ пуксьны лодкае но Солэсь азьло мукут палаз выжыны, Со калыкез лэзьытозь.

²³Нош калыкез лэзем бераз, Со тубиз гурезе огняз вӧсяськыны но ӝытазе огняз отчы кыльиз.

²⁴Соос морелэн шораз вуэм бере, потӥз пумит пельтӥсь тӧл но тулкымъес лодкаез шуккылыны ӧдъяз.

²⁵Нош уйлэн ньылетӥ люкетаз Иисус соос доры мынӥз, ву вылтӥ вамышъяса.

²⁶Нош дышетсисьёсыз, адӟыса Солэсь ву вылтӥ вамышъямзэ куалектӥзы но шуизы:" Та - син азе адскон" Но кышкаменызы кесяськыны ӧдязы.

²⁷Иисус соку ик вераськыны кутскиз соосын но шуиз:"Садьяське! Мон со.Эн кышкалэ!"

²⁸Пётр пумитаз вераз:"Господин! Тон ке со, кос монэ ву вылтӥ Тон доры мыныны".

²⁹Со шуиз:"Мын" Лодкаысь потыса Пётр вамышъяса мынӥз ву вылтӥ Иисус доры.

³⁰Нош кужмо тӧлэз адӟыса, кышказ но выйыны кутскыса кеськиз:"Господин! Юртты мыным".

³¹Иисус соку ик кизэ мычыса, возиз сое но шуиз:"Ичи тынад осконэд! Малы тон усомнится кариськид?"

³²Куке соос пуксизы лодкае, тӧл чусомиз.

³³Соос, кинъёс вал лодкаын лыктӥзы, йыбырттӥзы Солы но шуизы:" Зэм ик Тон - Инмарлэн Пиез".

³⁴Соос мукет ярдуре выжыса, вуизы Геннисарет музъёме.

³⁵Со интыын улӥсьёс, Сое тодмаса, ыстэмъёсты келязы котырысь вань ёросъёсы но вайизы Со доры ваньзэ висисьёсты.

³⁶Но куризы Солэсь, Солэн дисьэзлэн сӧзы бордаз гинэ ке но кутскыны. Но катьяськылӥзы соос, кинъёс кутскылӥзы Солэн дӥсезлэн сӧзы бордаз.

¹Соку лыктӥзы Иисус доры Иерусалимысь книжникъёс но фарисейёс но шуизы:

²"Тынад дышетскисьёсыд малы уг быдэсто пересьёслэсь преданиоссэс? Малыке шуоно соос кизэс миськытэк нянь сио".

³Со пумитазы вераз:"Малы тӥ уд быдэстӥське Инмарлэсь заповедьзэ, асьтэлэсь преданиостэс быдэстон понна?

⁴Инмар сётӥз заповедь:"гажаны атайдэ но анайдэ" но "кин урод кылын вералоз атайзэ но анайзэ - кулыны кулэ".

⁵Нош тӥ вераськоды :"Кин вералоз атаезлы яке анаезлы:"Мон уг быгатӥськы юрттыны тӥлед, малыке шуоно аслэсьтым улонме сёти Инмарлы",

⁶соку быгатоз гажатэк улыны аслэсьтыз атайзэ но анайзэ".Тӥ сыӵе амалъя кулэтэм кариды Инмарлэсь заповедьзэ, тӥлесьтыд преданиостэс быдэстон понна.

⁷Чеберъяськисьёс! Исаия пророк тӥ сярысь шонер вераз:

⁸"Та калык Мон доры матэктэ вераськеменыз гинэ, озьы ик кылыныз гинэ Монэ гажа, нош сюлэмзы соослэн кыдёкын Мон дорозь.

⁹Нош юнме гинэ соос Монэ гажало, дышетыса - адямиослэсь заповедьёссэс".

¹⁰Дораз калык ӧтьыса, шуиз соослы:"Кылске но валалэ!

¹¹Адямиез уг сапта, мар пырэ солэн ымаз, нош сапта со - мар потэ солэн ымысьтыз".

¹²Соку Солэн дышетскисьёсыз, Со доры лыктӥзы но шуизы:"Тодӥськод-а Тон, фарисейёс Тынысьтыд верамдэ кылыса, ӵемтӥзы?"

¹³Со нош пумитазы вераз:"Котькуд будос, кудзэ ӧз мертты Мынам Атае, иӵкалтэмын луоз выжыеныз.

¹⁴Кельтэ соосты. Соос - синтэмъёслэн синтэм валтисьёссы. Синтэм валтэ ке синтэмез - кыкназы ик гуэ усёзы".

¹⁵Пётр шуиз Солы:" Валэкты милем та притчаез".

¹⁶Иисус шуиз:"Оло тӥ али но ӧд на валалэ?

¹⁷Уд а валаське - ваньзэ, мае сие адями, кӧтаз шеде но потэ отысь?

¹⁸Нош марэ адями вера, потэ сюлэмысьтыз.Со ик сапта адямиез.

¹⁹Малыке шуоно сюлэмысь пото лек малпанъёс, виёнъёс, кузпалдэ пӧян, азон сӧлык, лушкаськон, пӧяса адӟемдэ веран, урод вераськон.

²⁰Со сапта адямиез, нош миськымтэ киын сиськон - уг сапта адямиез".

²¹Отысь потыса Иисус кошкиз Тира но Сидон музъемъёсы.

²²Но тини, кышномурт хананейка, потыса со интыысь, кеськыса вераз Солы:"Помилуй монэ, Господин, Давидлэн пиез, мынысьтым нылме бесъёс одолё, со туз зол курадӟе".

²³Нош Со солы пал кыл но ӧз вера. Солэн дышетскисьёсыз Со доры лыктӥзы но юазы:" Лэзь сое, малыке шуоно со кесяське милям бӧрсямы".

²⁴Нош Со пумитазы вераз:"Мон келямын спасать карыны бырыны кутскем Израельысь ыжъёсты гинэ".

²⁵Нош кышномут, йыбырттыса вераз Солы:"Господин! Юртты мыным".

²⁶Нош Со пумитаз вераз:"Ӟеч ӧвӧл нылпиослэсь басьтыны няньзэс но пуныослы куштыны".

²⁷Кышномурт шуиз:"Бен, Господин, пуныос но сио нянь пырыосты, кудъёсыз усьыло кузёослэн ӝок вылысьтызы".

²⁸Соку Иисус вераз солы:" Кышномурт! Осконэд тынад бадӟым. Мед луоз тыныд озьы, кызьы тыныд кулэ". Но нылыз со куспын ик катьяськиз.

²⁹Отысь кошкыса, Иисус лыктӥз Галилея морелэн ярдураз. Тубиз гурезе но отчы пуксиз.

³⁰Со доры лыктыны ӧдъязы тросс калык, сьӧразы вайыса чутъёсты, синтэмъёсты, вераськыны быгатӥсьтэмъёсты, калекаосты но трос мукет висисьёсты.Соосты понылӥзы Иисуслэн пыд азяз, но Со катьялляз соосты.

³¹Соин ик калык паймылӥз, адӟыса вераськыны быгатӥсьтэмъёслэсь вераськемзэс, калекаослэсь катьяськемзэс, чутъёслэсь ветлэмзэс, синтэмъёслэсь адӟемзэс но данъялляз Израельлэсь Инмарзэ.

³²Нош Иисус ӧтиз Аслэсьтыз дышетскисьёссэ но шуиз:"Мыным жаль пото калыкъёс, соос куинь нунал ини Мон дорын, соослэн сионзы ӧвӧл. Сютэм келяме уг поты соосты - сюрес вылын, медам лябоме шуыса.

³³Но шуо Солы дышетскисьёсыз:" Кытысь шедьтыны пустыняын сомында калыкез сюдымон нянь?

³⁴Иисус юа соослэсь:" Кӧня тӥляд няньды?" Соос веразы:" Сизьым няньмы но кӧняке чёрыгмы".

³⁵Соку Со кужмысь косӥз калыклы пуксьыны музъём вылэ.

³⁶Басьтыса сӥзьым нянь но чёрыг, тау кариз Инмарлы, тӥялтӥз но сётӥз дышетскисьёсызлы, дышетскисьёсыз - калыклы.

³⁷Сиизы ваньмыз но котсы тыриз.Люказы на кылемзэ сизьым тыр куды.

³⁸Сиисез вал нош ньыль сюрс адями, кышномуртъёсты но нылпиосты лыдъятэк.

³⁹Калыкез лэземез бэре, пуксиз лодкае но лыктиз Магдалы интые.

¹Со доры лыктӥзы фарисейёс но садукейёс. Искушать карыса Солэсь куризы, мед возьматоз инмысь тодмет шуыса.

²Нош Со пумитазы вераз:"Ӝытазе тӥ вераськоды:"луоз шулдыр куазь, малыке шуоно инбам горд",

³но ӵукна:"Туннэ куазь жобалоз, малыке шуоно инбам нап горд".Чеберъяськисьёс! Тодманы инлэсь туссэ быгатӥськоды, нош дыръеслэсь тодметсэ уд быгатӥське?

⁴Тӥ лек но азэм поколение утчасаськоды тодмет, тӥлед тодмет сетэмын уз луы, пророк Иона пыртӥ сётэм тодмет сяна".Соосты кельтӥз но кошкиз Со отысь.

⁵Мукет палаз выжыкузы, дышетскисьёсыз вунэтӥллям нянь басьтыны сӧразы.

⁶Иисус вераз соослы:" Чаклаське но палэнске фарисейёслэн но садукейёслэн чырсатон шӧмзылэсь".

⁷Соос куспазы малпаськыса веразы:"Со асьмеос нянь ӧм басьтэ бӧрсямы шуэ дыр?"

⁸Иисус валаз сое но соослы шуиз:" Мар тӥ вераськиськоды куспады, ӧжыт осконды тӥляд, нянь ӧм басьтэ шуыса?

⁹Тӥ шат татчёз ӧд на валалэ но вунэтӥды нӥ шат вить няньёс сярысь, кудзэ сиизы вить сюрс адямиос но кӧня куды тӥ люкады на?

¹⁰Но сизьым няньёс сярысь но ньыль сюрс адямиос сярысь, но кӧня куды тӥ люкады?

¹¹Уд шат тӥ валаське Мынысьтым верамме Мон нянь сярысь ӧй вера:" Чаклалэ но палэнске фарисейёслэн но садукейёслэн чырсатон шӧмзылэсь"?"

¹²Соку соос валазы, Со вера шуыса чаклалэ но палэнске нянь чырсатонлэсь - ӧвӧл, нош фарисейёслэн но садукейёслэн дышетэмзылэмь.

¹³Филиплэн Кесария ёросаз вуэмзы бере Иисус юаз Аслэсьтыз дышетскисьёсызлэсь:" Кин шуыса Монэ лыдъяло калык - Адямилэсь Пизэ?".

¹⁴Соос шуизы: одӥгъёсыз - Крестить карись Иоанн, мукетъёсыз - Илия, нош кудъёсыз Иеремия яке пророкъёс пӧлысь одӥгез шуыса.

¹⁵Со вераз соослы:" Но тӥ кин шуыса Монэ лыдъяськоды?"

¹⁶Нош Симон Пётр шуиз:" Тон - Христос Улэп Инмарлэн Пиез!".

¹⁷Пумитаз Иисус вераз:" Шудо тон Симон, Ионалэн пиез, малыке шуоно мугор но вир ӧз усьтэ тыныд тае, нош Мынам Инмысь Атае.

¹⁸Мон верасько тыныд, тон - Пётр. Но та из вылын Мон пукто Аслэсьтым Церковьме, адлэн капкаез но уз ворме сое.

¹⁹Но сёто тыныд усьтон Инмысь Царствоысь.Мае тон керттылод музъем вылын, со ик кертэмын луоз инмын но, мае пертчылод музъем вылын, со ик пертчылэмын луоз инмын но".

²⁰Соку Иисус алӥз Аслэсьтыз дышетскисьёссэ, нокинлы но медаз вералэ со Христос шуыса.

²¹Со дырысен Иисус усьтыны ӧдяз дышетскисьёсызлы, Солы мыныны келэ луоз шуыса Иерусалиме. Отын Солы тросс курадӟёно луоз старейшинаослэсь, первосвященникъёслэсь но книжникъёслэсь. Но Сое виёзы. Но куинь нунал ортчыса Со кулэмысь улӟёз.

²²Палэнэ ӧтьыса Солы Пётр пумит вераны кутскиз:"Гажа Астэ, Господин! Медаз луы Тонэныд озь!".

²³Со берытскиз Пётр шоры но шуиз:"Кош мон дорысь Сатана! Тот ӵемтытӥськод Монэ, малыке шуоно уд малпаськиськы Инмарлэн сярысь, нош малпаськиськод адямиослэн сярысь".

²⁴Собере Иисуз вераз дышетскисьёсызлы:" Кинлэн Мон сьӧры мынэмез потэ куштӥськы аслысьтыд, басьты аслэсьтыд киростэ но лык Мон сьӧры.

²⁵Соин ик кинлэн утемез потэ лулзэ ыштоз сое, нош кин уз жаля лулзэ Мон понна, шедьтоз сое.

²⁶Мар пайдаез адямилы со басьтыны быгатоз ке быдэс дуннеез, нош аслаз лулызлы изъян кароз? Яке кыӵе дун тырон сётоз адями лулыз понна?

²⁷Малыке шуоно куке лыктоз Адямилэн Пиез Аслаз Атаезлэн данэныз но Аслаз ангелъёсыныз, соку котькудызлы сётэмын луоз солэн ужъёсызя.

²⁸Шонер верасько тӥлед, вань татын сылӥсьёс пӧлын куд огез, кудъёсыз уз кулэ, Адямилэн Пиезлэсь Аслаз Царствоаз ветлэмзэ адӟытэк".

¹Куать нунал ортчем берэ, Иисус басьтӥз сьӧраз Пётырез, Иаковез но Иоаннез, вынзэ солэсь, но собере соос ӝужыт гурезе тубизы.

²Соос азьын Иисус воштӥськиз, Солэн тусбуйыз луиз шунды кадь, Солэн дӥсез луиз тӧдьы, югыт кадь.

³Но тани, доразы лыктӥзы Моисей но Илия, вераськыса Соин.

⁴Соку шуиз Пётр Иисуслы:" Господин! Милем татын луыны ӟеч. Тон шуид ке, лэсьтом татчы куинь шалаш: одӥгез - Тыныд, мукетыз - Моисейлы, куинетӥез - Илиялы.

⁵Куке Со вера вал, соосты югыт пилем шобыртӥз.Пилемысь кылӥськиз куара, кудыз вераз:"Яратоно Пие Со Мынам, Кудыз пуӵкын Мынам воляе, Сое кылзиське".

⁶Дышетскисьёсыз тае адӟыса, ымныр вылазы уськытскизы но туж кышказы.

⁷Нош Иисус, доразы матэ лыктӥз но бордазы йӧтӥськиз но шуиз:" Эн кышкалэ, султэлэ".

⁸Синъёссэс ӝутэмзы берэ, соос Иисусэз сяна нокинэ но ӧз адӟе.

⁹Гурезьысь васькыкузы, Иисус соослы нокинлы но ӧз лэзьы вераны соослэсь адӟемзэс - Адямилэн Пиез кулэмысь улӟыса султытозь.

¹⁰Солэн дышетсисьёсыз Солэсь юазы:"Книжникъёс шуо азьло Илия лыктыны кулэ ?"

¹¹Иисус шуиз соослы:"Зэм но Илия лыктыны кулэ азьпал но ваньзэ дасяны,

¹²нош верасько тӥлед, Илия лыктӥз нӥ шуыса, но ӧз тодэ сое, соин лэсьтӥзы, мар каремзы потэ. Озьы ик Адямилэн Пиезлы но соослэсь курадӟоно луоз".

¹³Соку дышетскисьёсыз валазы, Со Крестить карись Иоанн сярысь вера шуыса.

¹⁴Куке соос вуизы калык доры, лыктӥз Со доры адями но пыдес вылаз Со азе усьыса,

¹⁵шуиз:"Господин! Помиловать кар мынысьтым пиме.Со выль толызь потыку лунатить каре но туж зол курадӟе, малыке шуоно ӵем дыръя вуэ но тыл пуӵкы тэкча.

¹⁶Мон вайылӥ сое тынад дышетскисьёсыд доры но соос ӧз быгатэ катьяны сое".

¹⁷Иисус пумитаз шуиз:"Тӥ род, кудызлэн ӧвӧл осконэз но улӥськоды азон сьёлыкен! Кытчёз луо тӥленыд? Кытчёзь чидало тӥледды? Вае сое Мон доры".

¹⁸Иисус улляз демонэз, но потӥз со егит пиысь.Егит пи соку ик катьяськиз.

¹⁹Соку дышетскисьёсыз Иисус доры лыктӥзы но, куке Со вал огняз юазы:"Малы ми ӧм быгатэ улляны сое?"

²⁰Иисус пумитазы вераз:"Тӥляд осконды ӧжыт. Шонер верасько тӥлед, тӥляд осконды луиз ке горчица кидыс бытча но верады ке та гурезьлы:"Татысен отчы выж", со выжоз. Номыре но ӧвӧл мае тӥ уд быгатэ.

²¹Нош та духэз вӧсяськыса но постэн гинэ улляны луэ".

²²Куке соос вал чош Галилеяын, Иисус шуиз соослы:"Адямилэн Пиез предать каремын луоз калык кие,

²³Сое виёзы, но куинь нунал ортчем бере кулэмысь улӟоз". Соос нош туж зол ӝожомизы.

²⁴Куке соос лыктӥзы Копернауме, Пётр доры лыктӥзы дидрахма люкасьёс но юазы:"Уз-а сёты тиляд дышетӥсьты дидрахма?"

²⁵Пётр вераз:"Бен".Куке со пыриз корка, Иисус, асьпалтыса солэсь юаз:"Кызьы тон малпаськод, Симон, музъем вылысь царьёс кинлэсь люкало выт но налогъёс? Асьсэлэн нылпиоссыпэсь яке мурт калыклэсь?"

²⁶Пётр вераз Солы пумитаз:"Муртъёслэсь" Иисус шуиз солы:"Соин ик нылпиос свободноесь.

²⁷Соос асьме борды медам ӵемтэ шуыса, мын море дуре, кушты визнандэ. Кутэм чёрыгедлэсь усьты ымзэ, шедьтод отысь статир.Басьты сое но сёт Мон понна но ачид понна но".

¹Со дыръя дышетскисьёсыз лыктӥзы Иисус доры но юазы:"Кин бадӟымгес Инмысь Царствоын?"

²Иисус, пичи нылпиез дораз ӧтиз но пуктӥз сое соослэн висказы

³но шуиз:"Шонер верасько тӥлед, ӧд ке воштӥське но ӧд ке луэ, нылпиос кадь, пырыны уд быгатэ Инмысь Царствое.

⁴Со, кин кылзиськиськоз та нылпи кадь, луоз тужгес но бадӟымез Инмысь Царствоын.

⁵Кин басьтоз одӥг таӵе нылпиез Мынам нимы понна, со Монэ басьтоз.

⁶Нош кин одӥгзэ Мыным оскись нылпиез бичатоз сьӧлык лэсьтыны, солы ӟечгес луысал, чыртыаз ошысалзы ке пызь изон кӧ но куштысалзы мур вуэ..

⁷Куректон дуннелы соблазнъёслэсь, соблазнъёс ортчыны кулэ, нош куректон со адямилы кин пыртӥ лыкто соблазнъёс.

⁸Тынад киыд яке пыдыд бичато ке тонэ, ӵог сое но кушты дорыстыд, ӟечгес луоз тыныд пырыны улонэ китэк яке пыдтэк, кык киын но кык пыдын дугдылытэк ӝуась тылэ куштэмын луэмлэсь.

⁹Но тынад синмыд бичатэ ке тонэ, иӵкалты сое но кушты дорысьтыд. Ӟечгес луоз тыныд пырыны улонэ одиг синмын, кык синмын ӝуась геенае куштэмын луэмлэсь.

¹⁰Учкелэ, кулэтэм эн каре одигзэ но та пичи нылпиосты. Верасько тӥлед, соослэн ангелъёссы инмын котьку адӟё тусбуйзэ Мынысьтым Инмысь Атаелэсь.

¹¹Уго Адямилэн Пиез лыктӥз утчаны но спасать карыны бырисьёсты.

¹²Кызьы тӥ малпаськоды, кинлэнке луысал ке сю ыжез, одигез йыромысал ке, со ой шат кельтысал укмыстон укмыссэ гурезе но ой шат утчасал йыромемзэ?

¹³Йромем ыжзэ шедьтыны быгатэм бераз, верасько тӥлед - шонер, со укмыстон укмыс ышымтэосыз сярысь, золгес шумпотоз одигзэ шедьтэмезлы.

¹⁴Озьы ик Инмысь Атайды но малпа, одӥгез но пичи нылпиос медаз быре шуыса.

¹⁵Нош лэсьтӥз ке сьолык тон пумитэ тынад выныд, мын но потты сое шарае солы гинэ. Кылскиз ке со тонэ, соку тон шедьтод аслэсьтыд вындэ.

¹⁶Нош ӧз ке кылскы, басьты бӧрсяд одиг яке кык адями, кык яке куинь адямиос азьын юнматэмын мед луоз солы верамды шуыса.

¹⁷Нош солэн ӧз ке поты соосты-но кылскемез, вера со сярысь церковын. Солэн кылскемез ӧз ке поты церковез но , соку со мед луоз тон понна язычник но налог октись кадь

¹⁸Шоне верасько тӥлед, мае тӥ керттылоды музъем вылын, со ик керттэмын луоз инмын но.Мае пертчёды музъем вылын, со пертчемын луоз инмын но.

¹⁹Озьы ик верасько тӥлед - кык адямиос маеке куризы ке музъем вылын, мае уз куре, сётэмын луоз Мынам Инмын улӥсь Атаелэсь.

²⁰Озьыен, кытын Мынам нимы понна люкаськозы кык яке куинь ӵошен, отын Мон луо соослэн шоразы.

²¹Соку Со доры лыктӥз Пётр но юаз:"Господин! Кӧня пол мон кулэ прощать карыны вынме, кудыз мон пумитэ сьӧлык уж лэсьтӥз?Сизьым пол ӧвӧл - а?"

²²Иисус вераз солы:"Уг вераськы тыныд сизьым пол, нош сизьымдонэз сизьмпол будэтыса.

²³Соин ик Инмысь Царство царь кадь, кудыз отчёт куриз аслаз ляльчиосызлэсь.

²⁴Одӥгезлэн, солы тыронэз вылэм дас сюрс талант, тырыны быгатӥсьтэм ляльчизэ соку Царь доры ваизы.

²⁵Нош солэн ӧй вал коньдонэз сётыны тыронзэ, соку царь косӥз вузаны солэсь кышнозэ но нылпиоссэ но ваньзэ ваньбурзэ маиз вал солэн, тыронзэ пытсан вылысь.

²⁶Соку со ляльчи усиз пыдес вылоз но иыбырттыса шуиз:"Государь! Чида на ӧжыт, соку мон ваньзэ тыро".

²⁷Царь жаляз ляльчизэ но лэзиз сое тыронзэ простить карыса.

²⁸Со ляльчи, потыса, мынӥз эшез доры, кудызлэн солы тыронэз вал сю динарий, кутыса сое со кекатыны кутскиз, вераса:"Сёт мыным ваньзэ, мае тырыны кулэ".

²⁹Соку солэн эшез солэн пыд азяз усьытскиз, сюлворыса куриз солэсь:"Чида на кӧняке, собере ваньзэ сёто".

³⁰Нош солэн кылскемез но ӧз поты эшсэ, пуктӥз сое со тюрмае пока тыронзэ уз тыры.

³¹Эшъёсыз солэн тазьы луэмез адӟизыса, туж зол ӝожомизы но ваньзэ веразы Царьлы.

³²Соку ӧтиз сое царь но вераз:"Урод раб! Тон мынысьтым сюлворыса курид но мон тынысьтыд тырондэ простить кари.

³³Кызьы мон тонэ жаляй, озьы ик тон но лэсьтыны кулэ ӧй шат вал?"

³⁴Йыркуръяськиз царь но сётиз сое курадӟытӥсьёслы, ваньзэ тыронзэ сётытчёзь.

³⁵Озьы ик Инмысь Атайды но лэсьтоз тӥленыд, ӧд ке сюлмысьтыды простить каре, асьтэлэс вындылэсь сьӧлык лэсьтэмзэ.

¹Куке Иисус дугдӥз веранзэ та кылъёсты, соку потӥз Голилеяысь но лыктӥз Иудея кунэ, Иорданлэн со палаз.

²Со сьӧры тросс калык мынӥзы, Со соосты отын катьялляз.

³Со доры фарисейёс матэ лыктӥзы.Но Сое бичатыса вераллязы Солы:"Адямилы котькыӵе муген но яра-а аслаз кышноеныз люкиськыны?"

⁴Со пумитазы вераз:"Тӥ ӧд лыдӟе шат, нырысь ик Кылдытӥсь пиосмуртэз но кышномуртэз - кылдытӥз соосты?"

⁵Но шуиз:"Соин ик кельтоз адями атайзэ но анайзэ но аслаз кышноез борды лякиськоз но кыкысь луозы одӥг мугор,

⁶табере соос ӧвӧл ни кык нош одӥг мугор. Мае Инмар огазеяз, сое адями медаз люкы".

⁷Соос шуизы Солы:"Кызьы нош Моисей лэзиз: сётыны люкиськон сярысь гожтэт но люкиськыны кышноеныд?"

⁸Со вераз соослы:"Тӥляд сюлэмды чурыт луэмен, Моисей лэзиз люкиськыны тӥляд кышноосыныды, нош нырысь озьы ӧй вал.

⁹Нош Мон тӥлед верасько, кин люкиськоз аслаз кышноеныз ӧвӧл ке кузпалызлэн калгон сьӧлыкез но кышно басьтоз мукетсэ, со азон- калгон сьӧлык лэсьтэ.Но кин люкиськемзэ кышно басьтоз, азон-калгон сьӧлык лэсьтэ".

¹⁰Солэн дышетскисьёсыз Солы шуизы:"Озьы ке адями улыны кулэ аслаз кышноеныз, соку кышнояськытэк ӟечгес луоз".

¹¹Нош Со соослы вераз:"Та кылэз ваньмыз уг валало, нош соос гинэ, кинлы сётэмын.

¹²Уго нылкышноен улонэз кулэтэм карисьёс вань,кудъёсыз вордӥскизы сыӵе.Но вань нылкышноен улонэз кулэтэм карисьёс, кудъёссэ калык сыӵе лэсьтӥз.Озьы ик вань нылкышноен улонэз кулэтэм карисьёс, кудъёсыз асьсэос асьсэды озьы лэсьтӥзы Инмысь Царство понна. Кин быгатоз валаны тае, мед валалоз".

¹³Соку ваизы Со доры нылпиосты, мед Со соос вылэ кизэ поноз но вӧсяськоз шуыса. Дышетскисьёсыз нош ӧвӧл лэзиллям.

¹⁴Нош Иисус шуиз:"Лэзе нылпиосты но эн люкетэ соослы лыктыны Мон доры, малыке шуоно соослэн Инмысь Царствозы".

¹⁵Соос вылэ кизэ понылыса, кошкиз отысь.

¹⁶Одӥг адями Со доры лыктӥз но юаз:"Ӟечлыко Дышетӥсь! Мар мыным лэсьтыны ӟечсэ, пумтэм улонэз басьтон понна?".

¹⁷Со пумитаз вераз солы:"Малы тон монэ шуиськод "ӟечлыко"? Нокин но ӧвӧл ӟеч, Одӥго-Инмар сяна. Пумтэм улонэ пырэмед потэ ке, быдэсты заповедьёсты".

¹⁸Солы вера:"Кыӵеоссэ?" Иисус пумитаз вераз:"Эн виы.Эн лэсьты калгон сьӧлык. Эн луӵкаськы.Пӧяса адӟемдэ эн вера.

¹⁹Атайдэ но анайдэ гажа, Яраты тынысьтыд матысьтэ, ачид астэ кадь".

²⁰Егит пи вераз Солы:"Ваньзэ тае мон пинал дырысен ик быдэсъяй, мар уг тырмы на мыным?".

²¹Иисус шуиз солы:"Усто луэмед потэ ке, мын но вуза ваньзэ ваньбурдэ но сётъя кураськисьёслы. Соку тынад узырлыкед инмын луоз.Соберэ лыкты но Мон сьӧры мын".

²²Сое кылыса, Егит пи кошкиз йырзэ ошыса, малыке шуоно солэн вылэм туж бадӟым ваньбурэз

²³Нош Иисус аслаз дышетскисьёсызлы шуиз:"Шонер верасько тӥлед, секыт луоз узыр адямилы пырыны Инмарлэн Царствоаз".

²⁴Нош ик верасько тӥлед, верблюдлы вень пась пыртӥ потыны капчичес луоз, узыр муртлэсь, Инмарлэн Царствоаз пырыны быгатонэзлэсь ".

²⁵Сое кылыса, Солэн дышетскисьёсыз туж зол паймизы но шуизы:"Озьы бере, кин спастись кариськыны быгатоз?"

²⁶Нош Иисус шоразы учкыса шуиз:"Адямиослы та быгатонтэм, нош Инмар быгатэ ваньзэ".

²⁷Соку Пётр пумитаз шуиз:"Тани ми но ваньзэ кельтӥм но Тон сьӧры мынӥм. Мар бен луоз миленым".

²⁸Иисус пумитазы соослэн вераз:"Шонер верасько тӥлед, тӥ, Мон сьӧры мынэмъёс, вуоно улонын, куке Адямилэн Пиез Аслаз данлыкезлэн трон вылаз пуксёз, тӥ но пуксёды дас кук тронъёс вылэ Израельысь дас кык выжыосты судить карыны".

²⁹Котькудыз, кин Мон понна кельтоз корказэ, вынъёссэ но сузэръёссэ, атайзэ но анайзэ, кышнозэ но нылпиоссэ, музъемзэ но, сю поллы тросгес басьтоз но пумтэм улонэ пыроз.

³⁰Тросэз нырысетӥосыз пӧлысь луозы берпуметӥ, нош берпуметӥосыз - нырысетӥ.

¹Инмысь Царствоез ӵошатыны луэ корка кузёен, кудыз вазь ӵукна потэм ужасьёсты медӟаны аслаз виноград садаз.

²Но, ог кыл шедьтыса ужасьёсыныз, нуналаз быдэн одӥг динарий уж дун тырон вылысь, аслаз виноградниказ соосты келяз.

³Куинь час котырын, эшшо юнмэ сылӥсь калыкез адӟем на,

⁴ но верам соослы :"Тӥ но мынэ виноград садам, кӧня кулэ луоз тырыны уждун, ваньзэ ик сёто".Соос мыныллям.

⁵Нош ик куать часэ но, укмыс часэ но калыкез утчаны поталлям.

⁶Бератаз, дас одӥг час котыр потыса, нош ик адӟем юнме сылӥсь калыкез, но юам соослэсь: "малы тӥ татын лумбыт юнме сылӥськоды ни?"

⁷7 "Милемды нокин ӧз ӧтьы"-вералям соос. "Озьыен тӥ но мынэ мынам виноград садам"-верам соослы

⁸Нош ӝытазе виноградниклэн кузёез верам ужен кивалтӥсезлы: "ӧть садын ужасьёсты но уждунзез сёт, азьло ик берло лыктэмъёсызлы, собере азьпалъёсызлы".

⁹Берло лыктэмъёсызлы одӥг динарий сётыллям.

¹⁰Соин ик азьло лыктэмъёсыз малпало вылэм тросгес басьтыны, нош соослы но озьы ик, одиг динарий сётыллям.

¹¹Уж дунзэс басьтыса, йрзы кур луэм корка кузёлы

¹²но шуо:"Та берпуметӥосыз одӥг час гинэ ужазы, нош ми быдэс нунал шунды синмын курадӟыса ужамы, нош тон милем одӥг кадь коньдон тырид".

¹³ Кузё верам одӥгезлы соос пӧлысь! "Эше мон тыныд шонертэм уг лэсьтӥськы, одиг динарийлы ӧм-а вераське тонэныд?

¹⁴ Басьты ужан дундэ, но мын! Нош мынам берло лыктэмъёсызлы но тыныд мында ик сетемэ потэ.

¹⁵ Яке мон уг быгатӥськы сётыны, кӧня сётеме потэ? Яке вожме- а усьиськод, мон ӟеч шуыса?"

¹⁶Озьыен берпуметӥосыз луозы азьпалан, нош азьпалъёсыз- берын. Туж тросс ӧтемъёсыз но ӧжыт быръёмёсыз.

¹⁷Иерусалиме мыныкуз Иисус дас кык дышетскисьёссэ нимазы палэнэ отьыса вераз:

¹⁸"Тани, ми тубиськом Иерусалиме, кытын Адями Пиез первосвященникъёс но книга гожъясьёс ки улэ сётозы но вийыны кенешозы.

¹⁹ Но сётозы Сое язычникъёслы ултӥяны, жугыны но крест борды корӵогаса, виёзы, преступникез кадь. Нош кунетӥ нуналаз улӟыса султоз.

²⁰Сое верам бере, Заведеев вынъёслэн анайзы Иисус доры лыктыса, пыд азьаз йыбырскиз, мае-ке Солэсь юаса.

²¹ Со юаз кышномурлэсь : "Маро тыныд кулэ?" Кышномурт шуиз : "Кылдэ сёт, царь луид ке, тани та кык пиосме пукты одӥгзэ бур палад, мукэтсэ паллян палад".

²²Нош Иисус вераз: " Уд тодӥськы мае курискоды. Быгатӥськоды а юыны чашаез, кудзэ Мон юо, яке крестится кариськыны крещениен, кудыныз Мон крестится карисько?" Соос шуизы Солы: "Быгатӥськом".

²³Шуиз соослы: "Бен, тӥ но юоды чашаме. Крещениен кудыныз Мон крестится карисько, креститса кариськоды. Нош кин пуксез бур палаз, яке паллян палаз Мон вӧзы, Мынысьтым зависить уг кар. Отчы пуксёз со, кинлы Мынам Атае дасяз.

²⁴ Тае кылыса, дасэз дышетскисьёслэн кык вынъёс вылэ йырзы кур луэм.

²⁵ Нош Иисус дораз отьыса верам соослы: "Тӥ тодӥськоды язычникъёслэн кивалтӥсьёссы ки улазы возьо калыкез, кун тыршисьёс ултӥяло огшоры калыкез.

²⁶Тӥляд нош медам озьы луы. Кинлэн потэ тӥ пӧлын луэмез бадӟым, мэд луоз тилед ляльчи.

²⁷Кинлэн нырысетӥ луэмез потэ, мед луоз ваньмызлы раб кадь.

²⁸ Малы ке шуоно Адями Пи ас вылаз калыкез ужатыны ӧз лыкты, Со Ачиз адямиослы ужан тырше, Лулзэ но сёте троссэ сьӧлыкъёслэсь мозмытыны".

²⁹Куке Иерихонысь соос пото вал, трос калык Со сьӧры мынэ вал.

³⁰Но тани, сюрес дурын кык синтэм адямиос пуко вал но кылыса, Иисус вӧзазы мынэ шуыса, кесьаськыны кутскизы: " Господин, Давидлэн Пиез, жаля милемды!"

³¹ Калык соосты чусетскыны косӥз, нош соос эшшо но кужмогес кесяськыны кутскизы: "Господин, Давидлэн пиез жаля милемды!"

³²Иисус дугдӥз но соосты дораз отьыса юаз: "Мынысьтым тӥлед мар кулэ?"

³³ Соос шуизы Иисуслы: "Господин! Усьты милесьтым синёсмес".

³⁴Иисус соосты туж жаляса, кутскылӥз соослэсь синъёсазы. Со дырысьен ик соослэн синёссы адӟыны кутскизы, но соос Иисус сьоры мынизы.

¹ Иерусалимлы матэ вуыкузы, Вифагие лыктӥзы, кудӥз Елеон гурезь вылын.Отысьен Иисус кыксе дешетскисьсе келяз,

² шуыса соослы: "Асьпалады адӟиськись гуртэ мынэле, отысь думем мумы осёлэз, но вӧзаз егит осёлэз шедьтоды. Перче но вайелэ Мон доры.

³Нош вераз ке тӥлед кин ке но мар ке но, ,верале солы: "Таос кулэ Кузё-Инмарлы". Но со соку ик лезёз тӥледлы нуыны соосты".

⁴ Ваньмыз та луиз, мед быдэсмоз Кузё-Инмарлэн верамез, пророк пыртӥ кудыз шуиз:

⁵"Вералэ Сионысь ныллы: "Тани тыныд востэм Царед тон доры лыктэ, месс осёл вылэ но кыткетын ветлись осёллэн пиез вылэ пуксьыса".

⁶ Дышетскисьесыз лесьтӥзы, кызьы шуиз Иисус.

⁷Мумы осёлэз но егит осёлэз вайизы но, соос вылэ диськутсэс вализы но вылазы Иисус пуксиз.

⁸Трос калык сюрес вылаз дӥсьёссэз вальылӥзы, нош мукетъёсыз, писпу вайёсты вандылса, вӧлдылӥзы.

⁹ Калык, кудыз мынэ вал азьпалаз но Солэн вӧзаз но шумпотыса кеськылӥз: "Осанна Давидлэн Пиезлы! Кузе-Инмарлэн нимыз понна Лыктӥсьлы дан! Осанна вылӥын!"

¹⁰Иисус Иерусалиме пыреем бере быдэс город бугыръяськиз но юаллязы: "Кин Со"?

¹¹Калык шуиз: "Та Иисус, Галилеяысь Назарет городысь пророк".

¹²Иисус Храме пырыса улляз ваньзесты вузкарисьёсты но басьяскисьёсты. Кымалляз коньдон воштӥсьёслэсь ӝӧкъёссэс но дыдык вузасьёслэсь ӟусъёссэс.

¹³ Соослы шуиз: "Гожтэмын: "Мынам коркае, вӧсьяськон корка шуыса нимаськоз, нош тӥ сое талась-виылӥсьёслы кар лэсьтӥды".

¹⁴Храмын Со доры лыктӥзы синтэмъёс, чутъёс, соосты Со катьялляз.

¹⁵ Нош ку священнникъёс но книга гожъясьёс адӟизы кызьы Иисус лэсьтэ чудоос но кылӥзы нылпиослесь шумпотыса кесяськемзэс но верамзэс: "Давидлэн Пиезлы Осанна!", вожзы потэм.

¹⁶ "Кылӥськод а, мар соос верало" -юало священникъёс Иисуслэсь. "Кылысько! Тӥ ноку-но а мара ӧд лыдӟьылэ, кызьы гожтэмын: "нылпиослэсь но вож нуныослесь Тон ушян-данъян кылдытӥд Аслыд".

¹⁷ Та кылъёсын Со кельтӥз соосты, потӥз городысь но мынӥз Вифанияе, отын ик уйзэ орчытӥз.

¹⁸ Вазь ӵукна, городэ бертыкуз Иисуслэн сиськемез потӥз.

¹⁹Сюрес дурысь инжир писпуез адӟыса, дораз лыктӥз но куаръёссэ сяна, емышсэ адӟытэк, шуиз солы: " Та дырысьен уз ни луэ тынад емышъёсыд но ку но», со дырэ ик инжир писпу куасьмиз.

²⁰ Дышетскисьёсыз таӵе учырез адӟьыса паймизы: " Кызьы смоковница сыӵе ӝог кусьмиз?"

²¹ Иисус шуиз: «Зэм шуисько тӥледлы, осконды луиз ке, тӥ талесь но тросгес лесьтоды, мар лэсьтемын вал та инжирлы, гурезьлы но ке верады: ӝутскы но гылӟы морее, озьы ик луоз,

²² озьыен, мае куроды вӧсяськыкуды оскыса, луоз тӥледлы.

²³ Иисус лыктэм Храме, но калыкез дышетыны кутскем, со дырэ ик Со доры первосвященникъёс но старейшинаос лыктыса юаллям: "Кыче кужымын Тон тае лэсьтӥськод? Кин Тыныд таӵе кужым сётӥз?»

²⁴ Иисус вераз: " Мон но тӥлесьтыд юало.Та юанлы веран сётӥды ке, Мон но верало тӥледлы, кыӵе кужымын Мон тае лесьтӥсько.

²⁵Иоаннлэн крестиь каремез кытысь вал: " Инмысь яке адямиослэсь?" Соос кенешыса, тазьы малпазы: "Инмысь ке шуим, Со шуоз: "Нош малы ӧд оске солы?"

²⁶ верамы ке: "адямиослэсь-калыклэсь кышкаськом, уго Иоаннез пророкен лыдъяло".

²⁷Озьыен шуиллям Иисуслы: "Ум тодӥське". Соку дыръя: "Мон но уг вера, кыӵе кужымен тае карисько".

²⁸ "Нош мар тӥ малпаськоды таӵе учырлы: Одӥг муртлэн кык пиез вылэм. Одӥгез доры лыктэм но шуэм: "Пие, ветлы туннэ ужаны виноград садам".

²⁹Пиез верам: "Мылы уг пот" нош берло малпаськем но мынэм.

³⁰ Атаез мукетызлы но тазьы ик верам.Таиз нош шуэм: "Мынӥсько кузёе", но ӧвӧл мынэм.

³¹ "Кудыз кыкез пӧлысь атайзылесь куронзэ быдэстӥз?" "Нырысетӥез"-вераллям. "Шонер"-верам Иисус. "Тазьы тӥлед шуисько, налог октӥсьёс но калгись кышноос Инмар Царствое тӥляд азьады мыно!"

³² Малы ке шуоно Иоанн лыктӥз шонер сюрес возьматыны, нош тӥ ӧд оске солы. Налог октисьёс но калгысь кышноос оскиллямзы. Нош тӥ тае адӟыса но ӧд оске солы.

³³ Кылске на эшшо одӥг притча: "Вал одиг адями-корка кузё, со мерттэм виноград, котыртэм кенерен, виноград лёган инты лэсьтэм но башня пуктэм, собере сое виноградэн ужасьёсыз ки улэ сётыса ачиз кошкем.

³⁴ Ку нош вуэм виноград бичан дыр, со келям ляльчиоссэ виноград будетӥсьёс доры, басьтыны аслэсьтыз емышсэ.

³⁵ Виноград будетӥсьёс солэсь ляльчиоссэ кутыса, одӥгзэ жугыллям, мукетсэ вийылям, куиньметӥзэ изёсын лэзьяса вииллям.

³⁶ Соку со келям эшшо тросгес ляльчиоссэ, но соосты но озьы ик кариллям..

³⁷ Берпуметӥзэ, пизэ келям, ас понназ тазь малпаса: "Пиелесь возьдаськозы".

³⁸Виноград будетӥсьёс пизэ адӟыса малпаллям: "Та пиез солэн, кудизлы ваньмыз кылёз.Та пизэ вионо, соку асьмелы ваньмыз кылёз".

³⁹Но сое кутыса, поттиллямзы виноградникысь но вийыллям.

⁴⁰Та бере, ку лыктоз виноградниклен кузёез, мар со кароз виноград садаз ужасьёсыныз?

⁴¹"Та злодейёсты казнить кароз, нош виноградниксэ мукетъёсызлы сётоз, кудъёсыз сётылозы солы емышсэ дырыз- дыръя»-шуо солы.

⁴²Иисус соослы шуиз: " Писаниеысь ноку лыдӟемды ӧвӧл шат: "Из кудзэ, строительёс кулэтэм каризы, сэреглэн улаз валтӥсь фундамент луиз. Та Кузё Инмарлэсь, но та чюдо милям син азямы"?

⁴³Соин ик тӥледлы верасько: "Инмысь Царство басьтӥськоз тӥлесьтыд, но сётэмын луоз калыклы, кудыз сётэ солэсь емышсэ.

⁴⁴Кин та из вылэ усьёз-пазьгиськоз, нош кин вылэ со усёз, сое паньгатоз".

⁴⁵Солэсь верам притчаоссэ кылыса, первосвященникъёс но фарисейёс валазы, соос сярысь Со вера шуыса.

⁴⁶ Сое кутыны малпазы, но калыклэсь кышказы, уго Сое пророк шуыса малпало.

¹Иисус, соослы притчаосын веранзэ азьланьтӥз но шуиз:

²"Инмысь Царство укша одӥг царьлы, кудыз лэсьтӥз сюан шулдыръяськон аслаз пиезлы

³но келяз аслэсьтыз ляльчиосмэ ӧтьыны куно сюан шулдыръяськоназ. Но соослэн лыктэмзы ӧз поты.

⁴Нош ик келяз мукет ляльчиоссэ, вераса:" Вералэ ӧтемъёслы, мон дасяй шуыса обед. Мынам куайытэм ошъёсы вандэмын ини- ваньмыз дась. Лыктэ сюан шулдыръяськонам".

⁵Нош ӧтемъёс, кулэ ӧз каре мыныны, кошкизы кин бусыяз, кин вуз карыны.

⁶Нош кылемез, царлэсь ляльчиоссэ кутылыса ултӥязы но виылизы.

⁷Сое кылыса, царь йыркуръяськиз но солдатъёссэ келяз но шуиз:" казнить каре, но городзэс сутэ".

⁸Соку шуиз аслаз ляльчиосызлы: " Сюан шулдыръяськон дась, нош ӧтемъёс дантемесь вылылъям.

⁹Озьыен мынэлэ сюресъёслэн вожвылъёсаз, кожонъёсаз но ӧте ваньзэсты, кинэ шедьтоды сюан шулдыръяськонам".

¹⁰Ляльчиозыз, потыса сюресъёс вылэ, ӧтизы ваньзэсты, кинэ шедьтӥзы, лекъёссэ но ӟечъёссэ. Сюан шулдыръяськон тырмиз куноосын.

¹¹Царь пыриз кунооссэ учкыны но адӟе, пӧлазы пуке сюанлы тупасьтэм дӥсен адями.

¹²Но юаз солэсь: " Эше! Кызьы тон татчы пырид, сюанлы тупасьтэм дӥсьен?" Со нош номыре но ӧз вера.,

¹³Соку царь шуиз ляльчиосызлы: "Кертылэ солэсь киоссэ но пыдъёссэ, кутыса салелэ сое ӧс сьӧры пеймыт интые. кытын луоз бӧрдон но пиньёсты ваче пумит йыръён";

¹⁴Трос ӧтемъёсыз но ӧжыт быръемъёсыз.

¹⁵ Соку фарисейёс кошкыса кенешизы, кызьы Сое кутыны кылъёсыз понна.

¹⁶Но келязы Со доры асьсэлэсь дышетскисьёссэ иродианъёсын, тазьы шуыны: "Дышетӥсь, ми тодӥськом Тон шонер вераськод, Инмарлэсь сюрессэ шедьтыны дышетӥськод, ӟечья-уродъя уд висъяськы, тус-буй шоры уд учкиськы.

¹⁷ Озьыен вера милемлы: "Кызьы Тон малпаськод? Луоз-а сётыны налог кесарьлы, яке уг яра?"

¹⁸Иисус соослэсь солань-таланьзэс адӟыса шуиз: «Ма эскериськоды-а Монэ чеберъяськисьёс?

¹⁹Возьматэ Мыным коньдондэс, кудиныз тыриськоды налог". Соос ваизы Солы динарий.

²⁰Иису шуиз соослы : "Кинлэн отын тус-буйыз но гожтӥськемез"?

²¹ Шуо Солы: "Кесарьлэн". Соку шуиз соослы: "Кесарьлэсь сётэ кесарьлы, нош Инмарлэсь Инмарлы".

²² Соос сое кылыса ёрмизы, но аналтыса Сое, кошкизы.

²³ Со нуналэ ик Со доры люкаськизы саддукейёс, кудъёсыз шуо, кулонысь улӟен овол. Тазьы юазы Солэсь:

²⁴ "Дышетӥсь! Моисей шуиз: " Кинке пиналъёсыз кыльытэк ачиз кулӥз ке, соку солэн выныз мед басьтоз солэсь кышнозэ, аслыз кышное, озьыен кельтоз кидыс аслаз вынызлы"

²⁵ Вал милям сизьым вынъёсмы; нырысетӥез кышнояськем бераз кулӥз, пинал ӧз кельты, озьыен кышнозэ кельтӥз аслаз вынызлы.

²⁶ Озьы ик кыкетӥез но, куиньэтӥез но, сизьыметӥозяз.

²⁷ Ваньзы бере кулӥз кышномурт но.

²⁸ Озьыен, кулонысь лулӟем бере, кудызлы луоз со кышно? Уго ваньмызлэн со вал".

²⁹Иисус соослы шуиз: "Йыромиськоды, Святой гожъямез но Инмарлэсь кынарзэ тодытэк,

³⁰Малыке шуоно, кулонысь улӟем бере уг но кышноясько, уг но бызё, но уло инбамын Инмарлэн ангелъёсыз музэн.

³¹Нош кулэмъёслэсь кулонысь улӟемзэс сярысь ӧд-а лыдӟе Инмарлэсь сётемзэ:

³²"Мон Инмарез Авраамлэн но Инмарез Исааклэн но Инмарез Иаковлэн?." Мон ӧвӧл кулэмъёслэн Инмарзы, нош Мон лулоослэн Инмарзы.

³³ Сое кылыса калык ёрмиз Солэн дышетэмезлы.

³⁴ Фарисейёс кылыса, кызьы Со саддукейёслэсь ымзэс пытсаз, ӵошен люкаськизы.

³⁵ Одӥгез соос пӧлысь, святой гожъямез тодӥсь, Сое эскерыса,юаз:

³⁶"Дышетӥсь! Кудӥз заповедь луэ тужггес но бадӟымез святой гожтоньын?"

³⁷Иисус шуиз солы: " Яраты Инмардэ аслэсьтыд вань сюлэменыд но вань лулыныд но вань визьмыныд но"

³⁸Тани со нырысетӥез тужгес но бадӟымез заповедь.

³⁹Кыктэтӥез нош со выллем: «Яраты матысь адямидэ, астэ ачид кадь ик»

⁴⁰ Тани та кык заповедьёс бордын интыяськемын быдэсак ик писание, но азьласянь пророкъёслэн ивортэмзы»

⁴¹Ку люкаськизы фарисейёс, Иисус юаз соослэсь:

⁴²"Кызьы тӥ малпаськоды Христос сярысь, кинлэн Со пиез?" Солы шуизы: "Давидлэн".

⁴³ Иисус нош шуиз: " Кызьы нош Давид Лул тодытэмъя, нима Сое Господь, куке вера:

⁴⁴"Шуиз Господь мынам Господелы: пуксьы мон вӧзы, бур палаз, ваньзэ тушмонъёстэ Тынысьтыд, поно Тынад пыд азяд"

⁴⁵Озьыен ку Давид нима Сое Господэн, кызьы Со луоз солы Пи?"

⁴⁶ Та кылъёсыз бере, нокин но ӧз нӥ тоды ма вераны Солы, со дырысен нокин но ӧз нӥ дӥсьты Солэсь юальяськыны.

¹ Соку Иисус, ӧдъяз вераны калыкёслы но дышетскисьёсызлы.

²Но шуиз: «Моисейлэн пукон интыъяз пуксьемын книжникъёс но фарисейёс.

³3 Озьыен ваньзэ, мае соос быдэсъяны косозы, быдэсъялэ но лэсьтэ, нош соослэн ужъёссыя эн улэ, уго асьсэос верало, но уг лэсьто:

⁴ Кылдытъяло секытэсь, нуыны вормонтэмесь ужъёс, собере калыкъёслы нуыны косо, нош асьсэос чиниенызы но уг етскыло соосты быдэстон вылысь.

⁵Озьыен ужъёссэс лэсьто озьы, мед калык адӟоз шуыса.Паськытато асьсэлэсь филактериязэс но кузёмыто дӥсь сӧзыоссэс.

⁶ Озьы ик ярато асьпалаз пукыны шулдыръяськоньнын но синагогаосын.

⁷ Ӟечбуръяськыны калык люкаськоньнын, но мед нималозы соосты : «Дышетись! Дышетись!» шуыса.

⁸Нош тӥ эн лэзе, тӥледыз дышетӥсь мед шуозы шуыса, тӥляд одӥг Дышетисьты - Христос, нош ваньды тӥ вынъёс,

⁹ атаен но медаз нималэ нокинэ но музъем вылын, уго одӥг тӥляд Атайды, Кудыз инбамын.

¹⁰Валэктӥсь но эн нимаське, уго одӥг тӥляд Валэктисьты-Христос.

¹¹ Бадӟымез нош тӥ пӧлын, мед луоз тӥлед ляльчи,

¹² уго кин ассэ вылӥе ӝутэ, со ултӥямын луоз, нош кин ултӥя ассэ, со ӝутскоз.

¹³Куретскон тӥледлы, книжникъёс но фарисейёс, калык азьын чеберъяськисьёс, Инбамысь Царствоез адямиослэсь пытсаськоды, асьтэос но уд пырыське, нош кинлэн пыремез потэ - уд лэзьыське.

¹⁴ Куретскон тӥледлы, книжникъёс но фарисейёс, калык азьын чеберъяськисьёс. Пал кылем кышномуртъёсты объедать кариськоды, калык азьын чеберъяськыса кема вӧсьяськиськоды. Со понна тужгес но зол суд азьын кыл кутэмын луоды.

¹⁵ Куретскон тӥледлы книжникъёс, фарисейёс, калык азьын чеберъяськисьёс.Зарезез но музъемез но котыртӥськоды, одӥгзэ хоть адямиез асьтэ пала карон понна. Куке со тӥляд луэ ке, кариськоды сое кык полэслы уродгес асьтэлэсь, гиеналы ярано пилы гинэ.

¹⁶Куректон тӥледлы синтэмесь валтӥсьёс, тӥ нош шуиськоды: "кин ке кыл сётӥз ке храмен, номыре но уз луы, нош кин ке кыл сётоз храмлэн зарниеныз, янгышо луоз".

¹⁷ Визьтемесь но синтэмесь! Кудӥз бадӟымгес :зарни яке храм, кудыз чылкытатэ зарниез?

¹⁸Озьы ик : "кин ке кыл сётоз жертвенникен, номыре но уз луы, нош кин ке кыл сётоз жертваен, кудӥз жертвенник вылын, янгышо луоз".

¹⁹Визьтэмесь но синтэмесь! Кудӥз бадӟымгес жертва яке жертвенник, кудыз чылкытатэ жертваез?

²⁰Озьыен кыл сётись жертвенникен, кыл сётэ ваньмыз ма со вылын.

²¹Озьы ик кыл сётӥсь храмен, кыл сётэ, со пуӵкын Улысеныз но.

²² Озьы ик кыл сётись инбамен, кыл сётэ Инмар Кузёлэн тронэныз но, со вылын Пукысьеныз.

²³ Куректон тӥледлы, книжникъёс но фарисейёс, калык азьын чеберъяськисьёс.Сётыны вырыськоды дасэтӥ люкетсэ мятаысь, анисысь но тминысь, нош кулэзэ законысь кулэтэм кариськоды: судэз, милостез но осконез. Тӥни сое кулэ лэсьтыны дугдылытэк.

²⁴ Синтэмесь валтисьёс, чибиньёсты висъясьёс нош верблюдъёсты ньылӥсьёс!

²⁵ Куректон тӥледлы книжникъёс но фарисейёс, калык азьын чеберъяськисьёс, тусьтылэсь но кружкалэсь петпалзэ сюзьяськоды, нош пуш палыз тырмемын лушкаськонэн но шонер лэсьтонтэмен.

²⁶ Синтэм фарисей! Сюзья азьло пушпалзэ тусьтылэсь но кружкалэсь, петпалъёссы но соослэн мед чылкытэсь луозы шуыса

²⁷ Куректон тӥледлы, книжникъёс но фарисейёс, калык азьын чеберъяськисьёс, тупаськоды чебермам ватэм шайгуослы, кудъёсыз петласянь адско чебересь, нош пушказы тырмемын кулэмъёслэн лыосынызы но пӧртэмесь юрзымъёсын.

²⁸ Озьы ик тӥ но петласянь адскиськоды калыкъёслы шонерлыкоесь, нош пуштросты тырмемын калык азьын чеберъяськонэн но законез кулэтэм каронэн.

²⁹ Куректон тӥледлы книжникъёс но фарисейёс, калык азьын чеберъяськисьёс, пророкъёслы кулонни инты дасяськоды, но чебермаськоды шонер улисьёслэсь тодэ ваёнъёссэс.

³⁰ Собере шуиськоды: " ми ке улысалмы атайёсмы вакытэ, ӧй луысалмы соосын огкылысь, пророкъёслэсь виръёссэс кисьтонын".

³¹ Озьыен, тӥ асьтэос ачидэс сярысь ивортӥськоды, тӥ пророкъёсты вийлӥсьёслэн нылпиоссы шуыса.

³²Тӥ пересьёстылэсь сьӧлыкъёссэс азьланьтӥськоды.

³³Кыйёс, кый выжыос! Кызьы ти мозмоды гееналэсь?

³⁴Тӥни малы Мон келясько тӥ доры пророкъёсты, тодосчиосты но книжникъёсты. Нош тӥ куд огзэ вийоды, крестэ ошоды, куд огзэ синагогаосады жугоды, городысь городэ ульялоды.

³⁵Мед лыктозы тӥ вылэ, шонер улисьёслэн музъем вылэ ваньмыз кисьтэм дун вирзы, Авельлэн вирез дорысьен, Варахиянлэн шонер улысь Захарий пиезлэн вирез дорозь, кудзэ тӥ вииды храмен жертвенникен вискын.

³⁶Шонер верасько, ваньмыз со лыктоз та выжы вылэ.

³⁷ Иерусалим, Иерусалим, пророкъёсты вийылӥсь но изъёсын сальылӥсь тон доры келямъёсты! Кӧня пол Мынам люкаме потэ вал тынысьтыд нылпиостэ, кызьы тылобурдо люка пиоссэ бурд улаз, нош тӥляд мылды ӧз поты!

³⁸ Соин ик тӥляд коркады тӥледлы кельтэмын луоз тыртэм.

³⁹Шонер верасько тӥледлы: "уд ни адӟе Моне со дырозь, куке кеськыса уд вазьиське: "дано лу Кузё Инмарлэн нимыныз лыктись!"

¹ Храмысь потыса, Иисус кошке ни вал.Но дораз дышетскисьёсыз лыктӥзы но храмлэсь юртъёссэ возьматъян ӧдьязы.

²Иисус соослы шуиз: "Адӟиськоды а ваньзэ тае? Зем но верасько тӥлед: Из вылын из но уз кыльы, ваньмыз куашкатэмын луоз".

³ Куке Со пуке вал Елеон гурезь вылын, Солэн дышетскисьёсыз дораз лыктыса, юазы: "Вера милемлы, ку со луоз? Кыӵе тодметъёс луозы Тынад лыктонэдлэн но даурлэн быронэзлэн?"

⁴ Иисус соослы шуиз: "Шӧдске, тӥледыз нокин но медам кыскы йыромонние",

⁵малыке шуоно тросэз лыктозы Мынам нимыным но шуозы: "мон Христос" но троссэ йыромытозы.

⁶Озьы ик ожмаськонъёс сярысь но ожмаськон иворъёс сярысь кылоды.Учкелэ, эн кышкалэ, малыке шуоно ваньмызлы талы луоно. Нош та ӧвӧл на пумыз.

⁷ Султозы ожмаськыны калыкъёс ог-огзы пумит, царство пумитэ царство. Луозы сютэм вакытъёс, трос интыосын луозы катьяны быгатонтэм висёнъёс, интыен-интыен музъем зурканъёс.

⁸Ваньмыз со - кышномуртлэн нылпи вайыны кутскон дырзызлэн вӧсез кадь.

⁹ Соку сётъялозы тӥледы курадӟытыны, вийылозы тӥледды.Тӥ луоды адӟон потостэмесь ваньмызлы калыкъёслы, Мынам нимы понна.

¹⁰ Соку тросэз ӵемтаськозы, огэз огзы вузалозы но адӟемпотостэм карозы.

¹¹ Потозы тросс пӧяса верась пророкъёс но троссэ йыромытозы.

¹² Законэз тӥяса улон уноямен, тросэзлэн яратонзы сӥялоз.

¹³Нош кин чидалоз пумозяз - утемын луоз.

¹⁴ Ивортэмын луоз Царстволэн Евангелиез быдэс дунне вылын, вань калыкъёслы тодытон понна, тини соку вуоз пумыз.

¹⁵Озьыен, куке адӟёды юрӟымез, кудыз бушомем святой интые пуктэмын луоз, кудыз сярысь вераз вал Даниил пророк, - лыдӟись мурт валалоз.

¹⁶ Соку Иудеяын улӥсьёс мед пегӟозы гурезьёсы.

¹⁷ Нош кин липет вылын ке, эн нӥ берытскы аслад коркад сое-тае басьтыны.

¹⁸ Нош кин бусыын - эн берытскы диськуттэ басьтыны.

¹⁹ Куретскон со нуналъёсы луоз кӧтазы пинал нуллӥсь но, нуны нонтӥсь кышномуртъёслы!

²⁰Вӧсьяськелэ, медаз луы шуыса пегзонды толалтэ яке субботае.

²¹Соку туж бадӟым луоз курэктон, кудиз ой вал на дунне кылдонысен, туннэ нуналозь, но уз но ни луы.

²² Озьыен, нуналъёс ке вачиомытэмын ой луысалзы, нокин ой быгатысал утӥськыны, но быръемъёсыз понна вачиомытэмын луозы нуналъёс.

²³ Соку кин ке вераз ке тӥледлы: "Тани татын Христос, яке тӥнӥ отын"- эн оске.

²⁴Потозы пӧяльяськись лжехристъёс, но пӧяльяськись лжепророкъёс, но возьматъялозы туж бадӟымесь тодметъёс но чудоос, йыромытон вылысь - быръемъёссэ но.

²⁵Тӥни, Мон тӥледлы азьланьзэ верай.

²⁶ Озьыен, шуизы ке тиледлы: "тини Со пустыняын" -эн потэ, "Тани Со ватсконни комнатаосын" - эн оске.

²⁷ Кызьы чилетскем шукке шунды жужанысен, но адӟыны луэ шунды пуксёнозь, озьы ик луоз лыктыкуз Адями Пилэн.

²⁸Кытын луоз шӧй, отчы люкаськозы кырныжъёс.

²⁹Шӧдытэк шорысь, курадӟоно нуналъё бере, шунды лябомоз, толызь но югытсэ уз ни сёты, кизилиос но усёзы инбамысь, инбам кужымъёс но зуркалозы.

³⁰Соку адӟиськоз Инбамын Адями Пилэн тодметез, но туж лек бӧрдозы ваньмыз музъем вылысь калык выжыос. Адӟозы Адями Пилэсь лыктэмзэ инбам пилемъёс вылын, туж зок бадӟым кужымен но данлыкен.

³¹ Но келялоз Аслэсьтыз Ангелъёссэ зол вузись гумыосын, но люкалоз быръемъёссэ Солэсь, музъемлэн ньыльнапал сэрегысьтыз, одӥг пал инбам пумысен, мукт инбам пумозь.

³² Инжирлэсь адӟем каре: куке солэн вайёсыз небӟытско но ӧдъяло куар лэзьыны, тодэлэ гужем матэктэ

³³Озьы ик, куке адӟоды ваньзэ сое, тодэ (со) матэктэ ни, но ӧс дорын ини.

³⁴ Зэм верасько тӥлэдлы: уз вуы бырыса со вакытэ адями выжы, кызьы ваньмыз луоз.

³⁵Инбам но музъем но бырозы, нош кылъёсы Мынам уз быре.

³⁶ Со нуналэз но часэз но нокин но уг тоды, Инмысь Ангелъёс но, одӥг Мынам Атае гинэ тодэ.

³⁷Кызьы вал Нойлэн нуналъёсыз вакытэ, озьы ик луоз Адями Пилэн лыктон дыраз но.

³⁸ Кызьы вал ву улэ выйыса бырон нунал азьпалан сиылӥзы, юылӥзы, кышнояськылизы но бызьылизы, со нуналозь ку Ной пыриз ковчеге,

³⁹ӧз но малпаськылэ, ву улэ выйон кутскытӵёзь но ваньмыз бырытӵёзь - озьы ик луоз Адями Пи лыктыку но.

⁴⁰ Соку луозы кык кузя бусыын.Одӥгез басьтӥськоз, нош мукетыз кельтэмын луоз.

⁴¹ Кык кузя вукоын изисьёс. Одӥгез басьтиськоз, нош мукетыз кыльтэмын луоз.

⁴² Озьыен чаз-чаз кариське, малыке шуоно уд тодӥське, кыӵе дырэ Господьды тиляд лыктоз.

⁴³ Нош тодады возелэ, куке коркалэн кузёез тодысалке, ку лыктоз лушкаськись, со дыре ой ызьысал, но карка улаз копаса лушкаськисьлы пырыны ой сётысал.

⁴⁴Соин сэрен тӥ но луэ дасьесь, уго уд тодӥське кыӵе дырэ лыктоз Адямилэн Пиез.

⁴⁵Кин оскымон но визьмын лэсьтись раб, кудзэ кузёез солэн пуктӥз ужасьёсызлэсь вылие, соослы дырыз дырья сётыны сион-юон?

⁴⁶Шудо со раб, куке кузёез солэн бертыса, шедьтоз косэмезъя лэсьтӥсез!

⁴⁷ Земно шуисько тӥледлы, сое кузёез пуктоз кивалтыны быдэсак юрт-котыреныз.

⁴⁸Нош мукетыз ужась, йыркуро сямоез, шуоз аслаз сюлэмаз: "али уз на лыкты мынам кузёе"

⁴⁹ но ӧдьялоз жугыны аслэсьтыз эшъёссэ но мултэссэ вина юисьёсын чош сиёз но юоз,

⁵⁰лыктоз кузёез со раблэн со нуналэ, ку со уг витьы, но сыӵе дырэ ку со уг малпа,

⁵¹ кутыса сое сэрпалтоз калык азьын чеберъяськисьёсын одиг . Кытын луоз бӧрдон но пиньёсты ваче пумит йыръён

¹Соку Инмысь Царство кельшоз дас нылъёслы, кудъёсыз лампазэс басьтыса потӥзы пумитаны эмеспизэс.

²Со нылъёс пӧлысь витез визьмоесь вал нош витез йырсазьтэмесь.

³Йырсазьтэмъёсыз аслэсьтыз басьтӥзы лампазэс нош азьланезлы запас вӧй ӧз басьтэ.

⁴Визьмоосыз лампаенызы ӵош басьтӥзы азьланьлы дасям запас вӧй.

⁵Нош эмеспи ӝегатскиз, нылъёс нырулӥзы но умме усизы.

⁶Уйшорэ черекскем куара кылӥськиз:" Тани эмеспи лыктэ, потэлэ сое пумитаны".

⁷Нылъёс ваньмыз султӥзы но тупатӥзы лампаоссэс.

⁸Йырсазьтэмъёсыз визьмоосызлэсь вӧйзэс куро, малыке шуоно лампазы кысыны кутскиз.

⁹Визьмоосыз шуизы: "Вӧй вузасьёс доры мынэ но басьтэ, милям асьмелэн вӧймы тырмыт уз луы".

¹⁰Куке мынӥзы нылъёс вӧй басьтыны, лыктӥз эмеспи. Дасьёсыз пыризы соин ӵош сюан юонэ но ӧсъёс пытсаськизы.

¹¹Кӧня ке улыса лыктӥзы мукетъёсыз нылъёс но йыгаськыны кутскизы "Кузёмы! Кузёмы! усьты милемлы".

¹²Со соослы шуиз: "Зэмзэ верасько тӥледлы, мон уг тодӥськы тӥледды"

¹³Соин ик, сак кариськыса, шӧдскыса ӟечкын улэ, малыке шуоно уд тодӥське нуналзэ но чассэ ку лыктоз Адямилэн Пиез.

¹⁴Со озьы ик кароз, кызьы адями мукет шаере кошкыкуз ӧтиз ужасьёссэ но вань юрт котырзэ аслэсьтыз кельтоз соослы.

¹⁵Со одӥгезлы сётэм вить талант, мукутызлы кык, куиньметӥезлы одӥг, ваньмызлы кужымзыя но соку ик кошкиз.

¹⁶Кудызлы сётӥз вить талант со мынӥз но уже кутӥз, эшшо вӧзаз витьлы талантсэ будэтӥз на.

¹⁷Озьы ик йыломытӥз кык талантлы кык талант басьтӥсь.

¹⁸Одӥг талант басьтӥсь мурт мынӥз но сое сюе согиз, ватыса кузёезлэсь азвесьсэ.

¹⁹Кема дыр ортчыса бертӥз кузёзы со ужасьёслэн но вераны косӥз вань лэсьтэм ужзэс.

²⁰Вить талат басьтӥсез лыктӥз но мукет вить талантсэ сётӥз но шуиз:"Кузёе! Тон мыным вить талант сётӥд, мон пайда поттӥ эшшо вить талант".

²¹Кузёез солы шуиз :" Умой, лякыт но оскымон ужасе. Тон оскымон вал ӧжытаз, сёто тыныд троссэ. Висья шумпотонме монэным ӵош".

²²Кык талант басьтӥсез но лыктӥз но шуиз :" Кузёе! Тон мыным сётӥд кык талант. Тани, мон пайда поттӥ на кык талант".

²³Кузёез солы шуиз :" Умой, лякыт но оскымон ужасе. Тон оскымон вал ӧжытаз, сёто тыныд троссэ. Висья шумпотонме монэным ӵош".

²⁴Лыктӥз кудыз басьтӥз одӥг талант но шуиз: "Кузёе мон тонэ тодӥсько вал урод адями шуыса, араськод кытчы уд кизиськы но октӥсько кытчы уд кисьтӥськы.

²⁵Кышкаменым тынысьтыд таланттэ сюе ватӥ "Ме тани тынад, тынысьтыдзэ сётӥсько".

²⁶Кузёез солы шуиз "Йыркуро но асьтэм ужась, тон тодӥд мынысьтым кыӵеме, арасько кытчы уг кизиськы октӥсько кытчы уг кисьты.

²⁷Соин ик тон мынысьтым азвесьме сётыны кулэ вал вузкарисьёслы, соку мон лыктыса басьтысал пайдаен.

²⁸Соин ик, басьтэ солэсь талантсэ но сётэ кинлэн дас талантэз вань.

²⁹Озьыен, котькыӵе ваньбуро муртлы сётиськоз но йылоз нош кинлэн ӧвӧл маиз вань соиз но басьтӥськоз.

³⁰Нош ярантэм рабез сэрпалтэ пеймыт интые, кытын луоз бӧрдон но ваче пумит пинь йыръён". Сое вераса, Иисус вазиськиз:"Кинлэн вань пельёсыз кылзыны, мед кылзоз".

³¹Куке лыктоз Адямилэн Пиез аслаз данэныз но Соин ӵош вань святой ангелъёс, соку пуксёз троназ Аслаз данлыкеныз.

³²Люкаськозы Со азьын вань дуннеын улӥсь калык : "Висъялоз одӥгзэ мукетызлэсь кызьы пудо возьмась висъя ыжёсты кечтакаослэсь.

³³Ыжъсты пуктоз аслаз бур палаз, нош кечтакаосты паллян палаз.

³⁴Соку царь шуоз солэн бур паласьёсызлы:"Лыктэлэ мынам Атаеным благославить каремъёс, басьтэлэ Царствоез тӥледлы со дасямын дунне кылдэм дырысен.

³⁵Малыке шуоно куке сиеме потэ вал - Мыным тӥ сётиды сион. Сюэ куасьмыку тӥ сектады Монэ. Калгыса ветлыкум тӥ лэзиды дорады монэ.

³⁶Голик вал - тӥ дисяды Монэ. Висисько вал - тӥ Мон доры лыктӥды. Тюрмаын вал - тӥ Мон доры ветлиды.

³⁷Соку кинъёс уло шонер Инмарен шуозы:"Кузё Инмармы ку ми адӟим Тонэ сютэм но сюдимы? Сюэд куасьмыку сектамы?

³⁸Ку адӟим ми Тонэ калгыса ветлэмдэ но дорамы лэзимы? Голик дыръяд дисямы?

³⁹Ку ми висьыкуд яке тюрьмаын дырьяд Тон доры ветлӥмы?

⁴⁰Нош Царь соослэн юанзылы шуиз:" Зэм верасько тӥледлы одӥгезлы мынам пичи вынылы тӥ лэсьтӥды бере, Мыным тӥ сое лэсьтӥды.

⁴¹Соку шуоз соосызлы но кудъёсыз паллян палаз:"Проклятойёс, кошкелэ Мон дорысь дугдылытэк жуась тылэ, кудыз кулдытэмын дьяволлы но солэн ангелъёсызлы.

⁴²Малыке шуоно Мынам сиеме потэ вал - но тӥ ӧд сюдэ Монэ. Сюэ куасьме вал - но тӥ ӧд сетэ юондэс.

⁴³Калгыса ветлӥсько вал - тӥ дорады ӧд лэзе Монэ. Голик вал - но ӧд дӥсялэ Монэ. Висьыкум но тюрмаын пукыкум - тӥ ӧд ветлэ Мон доры".

⁴⁴Соку соос юазы солэсь:"Кузёмы! Ку ми Тонэ адӟимы сютэм яке юэмед потыку, яке калгыкуд яке голик яке висьыса яке тюрмаын но ӧм юрттэ Тыныд?"

⁴⁵Таосыз мынозы пыраклы пумтэм курадзёнэ, нош шонер лэсьтсьёс- пыраклы мынозы быронтэм улонэ".

¹Куке Иисус вань кылъёссэ вераса быдтӥз Аслаз дышетскисьёсызлы но шуиз:

²"Тӥ тодӥськоды-а кык нунал ортчыса куке луоз Пасха, соку Инмарлэн Адями Пиез сётэмын луоз кирос вылын кортчогаганы".

³Соку люкаськизы первосвященникъёс, книга гожъясьёс но калыклэн кивалтисьёсыз Каифа нимо первосвященниклэн азбараз.

⁴Отын вераськизы одӥг уж сярысь, кызьы Иисусэз пӧяса кутоно но виёно,

⁵нош вераськизы:" Праздник нуналэ гинэ ум лэсьтэ та ужез, калык медаз бугырскы шуыса".

⁶Куке Иисус вал Вифаниын, проказаен висись Симонлэн корказ,

⁷Со доры лыктӥз кышномурт алебастр посудаен, кудаз вал дуно мира вӧй но Иисуслэн йыр вылаз кисьтӥз.

⁸Тае адӟыса, дышетскисьёсыз йыркуръяськыса шуизы:" Малы юнме быдтыны мираез?

⁹Та дуно вӧез вузаны луысал дуно дунын но ёрмыса улӥсь начаръёслы сётыны".

¹⁰Нош Иисус тае валаса шуиз:"Малы тӥ кышномуртэз керпоттытӥськоды? Со Мон понна ӟеч уж лэсьтӥз,

¹¹малыке шуоно начаръёс котьку луозы тӥледын, нош Мон тӥледын пыр уг луы.

¹²Мынам мугор вылам та мироез кисьтыса, со дасяз Монэ ватыны.

¹³Зэм тӥледлы верасько:"Быдэс дунне вылын, кытын проповедовать каремын луоз то Евангелие, тодазы ваёзы та кышномуртэз но солэсь ужзэ.

¹⁴Соку дас кык пӧлысь одӥгез, Искариот Иуда нимоез первосвященникъёс доры кошкиз

¹⁵но юаз:"Мар тӥ сётоды мыным?Мон вузало Сое тӥледлы".Соос Иудалы ӵектӥзы куамын азвесь коньдон.

¹⁶Со дырысен Иуда утчаз кельшымон учыр Сое вузаны.

¹⁷Юмал нянь сионлэн нырысетӥ нуналаз Иисус доры дышетскисьёсыз лыктӥзы но юазы:"Кытын Тыныд "Пасха" дасяно?"

¹⁸Со шуиз:"Мынэлэ городэ сыӵе-сыӵе мурт доры но солы вералэ:"Дышетӥсь шуэ, Мынам дыры матын ни. Тон дорын Пасха ортчыто Аслам дышетскисьёсыным".

¹⁹Дышетскисьёсыз лэсьтӥзы кызьы косӥз Иисус, но дасязы "Пасха".

²⁰Куке ӝыт вуиз, Со пуксиз дас кык дышетскисьёсыныз ӵош.

²¹Но ку соос сисько вал шуиз:"Зэм верасько тӥледлы, тӥ пӧлысь одӥгез Монэ вузаса сётоз быдтыны.

²²Соослэн туж ӝож мылкыдзы луиз, но кутскизы Солэсь ваньзы юаны:"Мон ӧвӧл -а со, Господин?"

²³Нош Со пумитазы шуиз:"Монэным ӵош тусьтые кизэ лэзись, со Монэ вузаса сётоз.

²⁴Нош Адямилэн Пиез мынэ, кызьы гожтэмын Со сярысь.Нош курадзён со адямилы, кудыз вузалоз Адямилэсь Пизэ.Умойгес луысал со адямилы чик но ке ой вордӥськысал музъем вылэ".

²⁵Отын ик Сое вузась Иуда шуиз:"Мон ӧвӧл-а, Равви?" Иисус пумитаз вераз:"Тон верад".

²⁶Сиськон дыръязы, Иисус кияз нянь басьтӥз но благославить карыса, тӥяса сётчаз дышетскисьёсызлы но шуиз:"Басьтэ но сие - та вань Мынам мугоры".

²⁷Озьы ик чаша басьтӥз но тау карыса, сётӥз соослы но шуиз:"Ваньды юэ татысь,

²⁸малыке шуоно та - Мынам выль заветлэн вирыз, кудыз кисьтӥське трос адямиослэсь сьӧлыкъёссэс искупить карон понна.

²⁹Верасько тӥледлы:"Уг нӥ юы виноград емышлэсь лэсьтэм вина со дырозь - Мынам Атаелэн Царствоаз тӥленыд ӵош выль вина юытчёзь".

³⁰Но, псалом кырӟаса, мынӥзы Елеон гурезь вылэ.

³¹Соку Иисус вераз соослы:"Та уйин тӥ ваньды ӵемтоды но Монэ кельтоды, малыке шуоно гожтэмын:"Вормо пудо возьмасез - но пазьгиськозы ыжъёс".

³² Улӟыса султэме бере Мон витисько тӥледды Галилеяын".

³³Пётр вераз Солы:"Ваньмыз но ке Тынысьтыд куштӥськозы, мон ноку но уг куштӥськы".

³⁴Иисус шуиз солы:"Шонер верасько тыныд, та уйе атас чёръямлэсь азьло ик, тон куинь пол Мынысьтым куштӥськод".

³⁵Пётр вераз Солы:"Тонэныд ӵош мыным кулоно ке но луоз, уг кушты Тонэ" Ваньмыз дышетскисьёсыз но озьы ик шуылӥзы.

³⁶Собере соосын чош Иисус лыктӥз Гефсимания шуон интые но дышетскисьёсызлы шуиз:"Мон отчы мыно но вӧсясько, тӥ пукелэ татын".

³⁷Сьӧраз Пётырез но Заведейлэсь кык пиоссэ басьтӥз но мӧзмыны но курекъяськын ӧдъяз.

³⁸Соку Иисус соослы шуиз:"Мынам лулы кулоно кадь куректэ, татын Монэным ӵош сак кариськыса улэ".

³⁹Ожытак палэнскыса, ымныр вылаз усьытскиз но вӧсяськыны кутскиз:"Атае Мынам! Луэ ке, мед ортӵез Мон вӧзытӥ та чаша! Нош медаз лу Мынам потэмея нош мед луоз Тынад потэмедъя!".

⁴⁰Дышетскисьёсыз доры лыктӥз но соос ваньмыз изё. Собере Пётрлы вераз:"Тӥляд одӥг час ке но Монэным сак кариськыса, шӧдскыса улэмды ӧз луы шат?

⁴¹Сак кариське но вӧсяське, сьӧлтаськыса усено медаз луы шуыса.Тӥляд лулды сэзь нош мугорды ляб".

⁴²Нош ик кошкиз но вӧсяськыны ӧдъяз, вераса:"Атае Мынам! Мед кошкоз Мон вӧзытӥ та чаша, Мынам отысь юоно медаз луы шуыса, нош мед быдэсмоз Тынад воляед".

⁴³Берытскыкуз,нош ик шэдьтӥз соосты иземысь, малыке шуоно синъёссы соослэн секыномизы.

⁴⁴Но, соосты кельтыса, куиньметизэ кошкиз вӧсяськыны, сое ик вераса.

⁴⁵Соку лыктӥз Аслаз дышетскисьёсыз доры но шуиз:" Тӥ ялан изиськоды но шутэтскиськоды? Тани вуиз дыр, Адямилэн Пиез сётэмын луоз сьолык лэсьтисьёс киулэ

⁴⁶Султэлэ, мыноме! Тани, матэктэ ини Монэ вузась".

⁴⁷Куке Со вера на вал, Иуда, одигез дас кык дышетскисьёсыз пӧлысь вуиз трос калыкен, киосазы кинжолъёс но копьёос кутыса, соосты келязы первосвященникъёс на калык кивалтӥсьёс.

⁴⁸Иисусэз вузась мурт соослы тодмо пус сёто шуиз "Кин монэ чупалоз Со ик луоз, кутэлэ Сое".

⁴⁹Ӝогак лыктыса Иисус доры шуиз "Шумпот, Равви!" Но чупаз Сое.

⁵⁰Иисус нош солы шуиз "Эше, малы тон лыктӥд?"Соку дораз лыктӥзы но Иисусэз кутӥзы.

⁵¹Тани, одӥгез, кин вал Иисусэн поттӥз кинжалзэ но шоналскыса ӵогыса уськытӥз первосвященниклэн рабезлэсь пельзэ.

⁵²Соку Иисус солы шуиз "Пон интыяз кинжалдэ, малыке шуоно ваньмыз кин кинжал кутоз, кинжаллэсь ик бырозы.

⁵³Яке малпаськод, табере Мон Атаелэсь курыны уг быгатӥськы,Со мед келялоз шуыса даскык легионлэсь уногес ангелъёссэ?

⁵⁴Кызьы бен соку быдэсмозы Писаниеос, ваньмыз та ӧз ке луы?".

⁵⁵Нош калыклы Иисус шуиз :"Разбойник доры кадь, тӥ лыктӥды кинжалъёсын но копъёосын кутыны Монэ. Нуналлы быдэ Мон тӥледды пуки дышетыса храмын но тӥ ӧд кутэ Монэ".

⁵⁶Ввньмыз та луэ мед быдэсмоз пророкъёслэн гожъямёссы. Соку Сое кельтыса ваньмыз дышетскисьёсыз пегӟизы.

⁵⁷Нош Иисусэз басьтӥсьёс Сое нуизы Каифа первосвященник доры, отчы люкаськизы книжникъёс но калыкен кивалтӥсьёс.

⁵⁸Пётр кыдёке кыльыса соос бӧрсьы мынӥз первосвященниклэн азбарозяз, пумзэ адӟон понна пыриз пуӵказ но ӵош пуксиз отын ужасьёсын.

⁵⁹Первосвященникъёс, калыкен кивалтӥсьёс но быдэс синедрион утчало вал пӧяса ӧвӧлтэмзэ веранэз Иисус пумитэ, Сое виыны сётон понна,

⁶⁰но ӧз шедьтылэ.Пӧяса ӧвӧлтэмзэ верасьёс трос ке но вал, номыре но ӧз шедьтэ. Нош берат, лыктӥзы кык пӧяса ӧвӧлтэмзэ верасьёс

⁶¹но шуизы:"Со шуылиз:"Мон быгатисько кучкатыны Инмарлэсь храмзэ но куинь нунал куспын сое пуктыны".

⁶²Первосвященник султыса шуиз Солы:" Малы номыре но уд вераськы? Соос уго пумит верало Тон пумитэ!"

⁶³Иису вераськытэк улиз.Но первосвященник Солы шуиз:"Улэп Инмарен мон Тонэ сюлворыса курисько, вера милемлы Тон-а Христос Инмарлэн Пиез.

⁶⁴Иисус солы шуиз:"Тон шуид.Озьыен верало тилед - азьланяз ти адзёды Адямилэсь Пизэ кудыз кужымлэн (Инмарлэн) бур палаз пуке но пилемъёс вылын лыктэ.

⁶⁵Соку первосвященник вожзэ поттыса дысьсэ кесяз но шуиз:"Со Инмарез урод кылын вера! Малы асьмелы кулэ но свидетельёс? Табере ти асьтэос кылиды кызьы Со Инмарез урод кылын вера!

⁶⁶Кызьы ти малпаськиськоды? Соос шуизы:"Виыны кулэ".

⁶⁷Соку одигъёсыз Солэн ымныраз сялазы но пельдораз чабкылизы. Мукетъёсыз ымныроз мыжгаллязы

⁶⁸но вераллязы:"Христос, вера милем, кинТыныд шуккиз?"

⁶⁹Нош Пётр пуке вал азбарын. Но со доры лыктиз одигез ляльчи-кышномурт но шуиз:"Тон но вал Галлилеяысь Иисусэн".

⁷⁰Нош Пётр ваньмыз азьын шуиз:"Уг тодиськы, мар сярысь тон вераськод".

⁷¹Зозьы сьоры потыкуз, Сое адзиз на мукетыз ляльчи-кышномурт но ваньмызлы вераз:"Со но вал Назаретысь Иисусэн".

⁷²Нош ик со отречся кариськиз, кылзэ сётыса, уг тодиськы Сое шуыса.

⁷³Кыняке дыр ортчыса, нош ик Пётр доры лыктизы отысь калык но шуизы:"Тон зэм но одигез соос полысь, малыке шуоно тынад вераськемед соослэн кадь".

⁷⁴Но Пётрлы тодаз ваиз Иисуслэсь верамзэ:" Та уйе атас чёръямлэсь озьло ик, тон куинь пол Мынысьтым куштиськод". Пётр потиз но туж зол бордиз.

¹Куке вуиз ӵукна, ваньмыз первосвященникъёс но калыклэн кивалтӥсьёсыз люкаськизы кенеше, Иисус пумысен, кызьы Сое сётоно виыны.

²Думылыса Сое нуизы но сётизы Понтий Пилат кивалтӥсьлы.

³Соку Иуда кудыз вузаз, адӟиз кызьы Иисус судэ сётэмын но валаз умойтэм уж лэсьтэмзэ берлань сётӥз куамын азвесь коньдонзэ первосвященникъёслы но калыкъёслэн кивалтӥсьёсызлы.

⁴Но шуиз:"Сьӧлыке мон пыри, янгыштэм вирез вузаса сётӥ. Нош соос солы шуизы, милемлы маке шат.Учкы ачид".

⁵Азвесь коньдонзэ зӥртӥз храме, со кошкиз но ошкиз.

⁶Первосвященникъёс, азвесь коньдонэз люкаса, шуизы:"Уг яра тае уже кутыны храмын, малыке шуоно вирлэн дуныз со".

⁷Кенешыса, соос со коньдонлы басьтӥзы горшок лэсьтӥсьлэсь бусызэ, калгыса ветлӥсьёсты кулэм беразы отчы ватыны.

⁸Соин ик со музъе та дырозь нимаське "вир бусы".

⁹Соку быдэсмиз верамез(Кузё Инмарлэн) Иеремия пророк пыртӥ, кудыз вера:"Но басьтӥзы куамын азвесь коньдон - Солэн дуныз, Кинэ дунъязы Израильлэн пиосыз, -

¹⁰но сётизы сое горшечниклэн бусыез понна, кызьы вераз мыным Кузё Инмар".

¹¹Нош Иисус сылӥз кивалтӥсь азьын, но соиз Солэсь юаз:"Тон Иудеялэн царьез?",

¹²Куке Сое первосвященникъёс но калыклэн кивалтӥсьёсыз янгыше уськытӥзы, Со номыре но пумит ӧз вазьыл.

¹³Соку Солы Пилат шуиз:" Уд шат кылиськы, кӧня калык верало Тон пумитэ?"

¹⁴Нош Со ӧз вазьыл солы пумит одӥгезлы но янгыше уськытэмезлы, соин ик кивалтӥсь туж зол паймиз.

¹⁵Пасха праздниклы кивалтӥсьлэн сямыз вылэм одӥгзэ адямиез тюрмаысь лэзьыны, кудзэ калык куроз.

¹⁶Со дырын тюрьмаын пытсамын вал одӥг разбойник, кудызлэн нимыз вал Варавва.

¹⁷Но ку соос люкаськизы, Пилат юаз соослэсь:"Кинэ мыным лэзёно, Варавваез яке Иисусэз, Кудзэ Христос шуо?"

¹⁸Со тодэ вал, Сое вожъяськеменызы кутыса сётӥзы шуыса.

¹⁹Со вискын, куке Пилат заседать каре вал судын, кышноез солэн келяз солы ивор:"Эн лэсьты номыре но уродзэ шонер улӥсьлы, малыке шуоно мон туннэ уйвӧтам трос курадӟи Со сэрен".

²⁰Нош первосвященникъёс но калыклэн кивалтӥсьёсыз валэктӥзы калыклы Варнавваез курыны нош Иисусэз - виыны.

²¹Соку кивалтӥсь юаз соослэсь:" Кинэ кык пӧлысь куроды, мон мед лэзё шуыса?" Соос шуизы:"Варнавваез".

²²Пилат шуиз соослы:"Мар мыным лэсьтоно Иисусэн, кудзэ верало Христос?" Ваньмыз кеськыса веразы:" Кортӵогамын мед луоз!"

²³Кивалтӥсь юаз:" Мар бен уродзэ Со лэсьтӥз?" Нош соос уката но золгес кеськыса веразы:"Кортӵогамын мед луоз!"

²⁴Пилат, адӟыса, номыре но уг юртты шуыса, нош бугыръяськон кужмоя, басьтӥз ву но миськиз кизэ вань калык азьын. Но шуиз:"Мынам ӧвӧл янгыше та шонер лэсьтӥсьлэн вирез понна. Учкелэ асьтэос".

²⁵Но соку вань калык вераз:"Солэн вирез ми вылын но милям пиналъёсмы вылын".

²⁶Соку Пилат лэзиз соослы Варавваез, нош Иисусэз, жугыса, кортӵоганы сётӥз.

²⁷Но кивалтӥсьлэн солдатъёсыз нуизы Иисусэз преторияе. Люкаса Со котыре быдэс полк.

²⁸Но Солэсь дӥсьсэ кыльыса, дӥсязы Со вылэ пеймыт горд басмалэсь вурэм царской дӥсь,

²⁹тёрнпулэсь бышкись вене ваезлэсь венок пунӥзы, бур кияз Солы сётӥзы боды.Солэн азьпалаз пыдесъяськыса Сое исамес карыса веразы:"Шумпот, Иудеялэн Царез!".

³⁰Солэн вылаз сялаллязы но киязы боды кутыса йыраз шуккылӥзы.

³¹Куке дугдӥзы серем каремысь, кылизы Со вылысь царской дӥсез но дӥсязы Аслэсьтыз дӥсьсэ но нуизы кортӵоганы.

³²Потыкузы соос пумитэ шедиз Киринеяысь Симон нимо пияш сое нуыны косӥзы Иисуслэсь кироссэ.

³³Голгофа шуон интые вуыса, мукет сямен та инты нимаське "кымыс инты",

³⁴соку солы сётӥзы юыны уксусэз желчен сураса. Со шӧмтӥз но ӧз ю.

³⁵Сое кортӵогаса, соос пус куяса Солэсь дӥськутсэ куспазы люкылӥзы,

³⁶но, пуксьыса, возьмазы Сое отын.

³⁷Нош Солэн йыр вылаз гожтэм ошизы, отын гоштэмын вал Солэн янгышез:"Та луэ Иисус, Иудеяысь Царь"

³⁸Соку Соин ӵош кирос вылын кортӵогамын вал кык разбойникъёс:одӥгез бур палаз, мукетыз паллян палаз Иисуслэн.

³⁹Дортӥз ортчисъёс йырзэс шонаса Солы урод кылъёс кеськыса вераллязы

⁴⁰но шуылӥзы:"Тон кудыз вералляд:"Куаӵкато храмез но куинь нуналскын пукто сое! Уть Астэ Ачид,Тон Инмар Пи ке васькы киросысь.

⁴¹Озьы ик первосвященникъёс, книжникъёсын но калык кивалтӥсьёсын но фарисейёсын сереместыса веразы:

⁴²"Мукетъёссэ спасать карылӥд, нош астэ ачид уд быгатӥськы спасти карыны. Со Израильлэн царез ке мед васькоз киросысь соку ми оском солы.

⁴³Со оске вал Инмарлы, мед табере Инмар мозмытоз Сое, Солы Со кельше ке. Угось со шуылӥз :"Монн - Инмарлэн пиез".

⁴⁴Озьы ик разбойникъёс но соин ӵош кортӵогамъёсыз, пыкылӥзы Сое.

⁴⁵Куатьысен укмыс часозь пеймыт вал быдэс музъем вылын.

⁴⁶Нош укмыс час котыр Иисус лек кеськиз:"Эли! Эли! Лама сабахтин?", яке со луэ:"Инмаре Мынам! Инмаре Мынам! Малы Тон Монэ кельтӥд?"

⁴⁷Куд огез, кин сылэ вал отын, кылыса тае шуизы:"Со ӧте Илияез".

⁴⁸Соку ик одӥгез соос пӧлысь бызьыса мынӥз, губка басьтыса, уксусын коттӥз но боды йылэ поныса, Солы юыны сётӥз.

⁴⁹Нош мукетъёсыз шуизы:"Витем но адӟём, лыктоз-а Илия мозмытыны сое"

⁵⁰Иисус нош ик кеськиз кужмо куараен но лулыз тотӥз.

⁵¹Но тани, храмын занавес кеськиз шорияк - вылӥысен улӥёзь. Музъем зурказ но изъёс пилиськылӥзы.

⁵²Шӧйгуос усьтӥськизы но тросэз кулэм святойёс улӟыса султӥзы.

⁵³Шӧйгуысь потыса Солэн кулэмысь улӟемез бере, пыризы святой городэ но тросэзлы возьматскизы.

⁵⁴Нош сотник но соин ӵош Иисусэз возьмась солдатъёс, музъем зуркамез адӟыса но ваньзэ луэмзэ, туж зол кышказы но шуизы:"Зэм Со Инмарлэн Пиез вылэм".

⁵⁵Отын озьы ик вал тросс кышномуртъёс соос палэнысен учкыса сылӥзы, кудъёсыз Иисус сьӧры лыктӥзы Галилеяысь, служить карыса Солы.

⁵⁶Соос пӧлын вал Мария Магдалина но Мария, Иаковлэн но Иосиялэн анайзы, но Зеведейлэн пиоссылэн анайзы.

⁵⁷Куке вуиз ӝыт, лыктӥз узыр адями Аримафеяысь кудызлэн нимыз вал Иосиф, кудыз озьы ик дышетскиз Иисус дорын.

⁵⁸Со лыктӥз Пилат доры но куриз Иисуслэсь шӧйзэ. Пилат лэзиз басьтыны.

⁵⁹Иосиф басьтӥз шӧйзэ но бинялтӥз вечи чылкыт етӥн дэрае

⁶⁰но понӥз аслаз выль шӧйгуаз, кудзэ со гурезе копаса лэсьтэм. Но бадӟым изэн пыкыса шӧйгулэсь ӧссэ, кошкиз.

⁶¹Нош Мария Магдолина но мукетыз Мария пуксизы шӧӥгу пумитэ.

⁶²Мукет нуналэ пятница бере люкаськизы первосвященникъёс но фарисейёс Пилат дорын

⁶³но шуизы:"Господин! Ми тодамы ваимы, со пӧялляськись куке вал на улэп вераз:"Куинь нунал ортчыса улӟыса султо".

⁶⁴Соин ик кос возьманы шӧйгуез куинь нунал вуытозь, малыке шуоно солэн дышетскисьёсыз уин лыктыса медам луӵкалэ сое но медам вералэ калыклы, со кулэмысь улӟиз шуыса. Соку берпуметӥез пӧян нырысетӥезлэсь уродгес луоз".

⁶⁵Пилат шуиз соослы:" Тӥляд вань возьмаськисьёсты. Мынэлэ но возьмалэ кызьы тодӥськоды".

⁶⁶Соос мынӥзы но шӧгу доры возьмаськисьёсты пуктӥзы но из борды печать понӥзы.

¹Ортчиз суббота. Шунды ӝужаку арнялэн нырысетӥ нуналаз Мария Магдалина но мукетыз Мария лыктӥзы учкыны шӧйгуэз.

²Но тани, туж зол музъем зурказ, малыке шуоно ангел васькиз инмысь.Со лыктӥз но палдуртӥз изэз шӧйгулэн ӧсэз дорысь но пуксиз со вылэ.

³Нош тусыз Солэн вал чилектэм кадь, но дӥсез Солэн - тӧдьы лымы кадь.

⁴Солэсь кышкаса, возьмаськисьёс куалекъяны кутскизы но кулэм кадь луизы.

⁵Ангел нош, кышномуртъёслы вазиськыса вераз:"Эн кышкалэ, мон тодӥсько, тӥ утчаськоды кортӵогам - Иисусэз.

⁶Татын Со ӧвӧл - Со улӟыса султӥз, кызьы вераз вал. Лыктэлэ, учкелэ со интыез, кытын кылле вал Кузё,

⁷но мынэ ӝоггес, вералэ Солэн дышетскисьёсызлы, Со улӟыса кулэмысь султӥз но витёз тӥледды Галилеяын. Отын ик адӟёды Сое. Тани, мон верай тӥлед".

⁸Но, шӧйгуысь туж ӝог потыса, соос кышкаса но туж зол шум потыса бызьыса мынӥзы Солэн дышетскисьёсыз доры.

⁹Куке соос мыно вал вераны Солэн дышетскисьёсызлы, тани, Иисус пумитаз соосты но шуиз:"Шумпотэ!" Но соос матэ лыктыса Со доры, Солэн пыдъёсыз борды кутскизы но йыбырттӥзы Солы.

¹⁰Соку вераз соослы Иисус:"Эн кышкалэ. Мынэлэ но вералэ Мынам вынъёсылы, соос мед мынозы Галилеяе шуыса, отын соос адӟёзы Монэ".

¹¹Куке нош соос мыно вал, соку кӧняке шӧйгу возьмасьёс, городэ пырыса, веразы первосвященникъёслы ваньмыз сярысь, мар луиз.

¹²Но священникъёс кенешыса калыклэн кивалтӥсьёсынызы, сётӥзы возьмаськисьёслы тросс коньдон

¹³но шуизы:"Вералэ, солэн дышетскисьёсыз, тӥ уйин кӧлыкуды, лыктӥзы но луӵказы.

¹⁴Нош та ивор кивалтӥсь доры вуиз ке, ми сое оскытом но тӥледыз шуг секытъёслэсь мозмытом".

¹⁵Соос, коньдон басьтыса, лэсьтӥзы озьы, кызьы дышетэмын вал.Та сярысь вераськон вӧлмиз иудейёс пӧлын но вуиз та дырозь.

¹⁶Нош дас одиг дышетскисьёс мынӥзы Галилеяе, тубизы гурезе, кызьы соосты косӥз вал Иисус,

¹⁷Сое адӟыса, йыбырттӥзы Солы, нош куд огез ӧз оске.

¹⁸Но матэгес лыктыса, Иисус вераз соослы:" Инмын но музъем вылын но сётэмын Мыным котькыӵе кивалтон.

¹⁹Но озьыен, мынэлэ но дышетэлэ вань калыкъёсты, крестить карыса Атайлэн, Пилэн но Святой Духлэн нимыз понна,

²⁰дышетыса соосты быдэстыны ваньзэ, мае Мон косӥ тӥлед. Та бере, Мон тӥленыд луокотькуд нунал дунне бырытчёзь".

Northern Udmurt: Unlocked Literal Bible for Matthew

Formatted for Translators

Matthew