To view a copy of the CC BY-SA 4.0 license visit
http://creativecommons.org/licenses/by-sa/4.0/
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
Colosenses
1SPATJIBAL OT'ANIL1Pablo, wolwanej puk k'op yu'un te Jesucristo ta swenta sk'anjel yot'an Dios sok te Timoteo te jkermanotike, 2te mach'atik ch'uunjeletik sok te mach'atik toj yot'anik ta swenta Cristo te ayik ta Colosas. Aka sjoines te yutsil yot'an sok te lamal k'inal yu'un te Jtatik Diose. TE PABLO LA SK'ANBEY TE DIOS TE YAKUK YICH'IK SBIJIL YOT'ANIKE 3Te jo'otike ya jkalbeytik wokol Dios, te ja stat te Kajwatik Jesucristoe sok ta spisil ora ya jk'oponbeyex Dios.4Te jo'otike jkaiyotik stojol te xch'uunjel awot'anik ta stojol te Jesucristo sok te k'ux ta awot'anik spisil te mach'atik tsabilik yu'un te Diose. 5Te ja'exe ay xk'uxul awot'anik ja yu'un te yakatik ta smaliley te beluk k'ejbil ta ch'ulchane. Te ja'exe la awaiyik stojol te smelelil k'op, ja te lek yach'il k'ope, 6te ja talix ta atojolik. Te lek yach'il k'op yak ta yak'el sit sok yak ta ch'iel ta spamal balumilal. Jich yak ta spasel ta atojolik uuk, ja to te k'alal la awaiyik stojole sok te la ana'beyik sk'oplal te yutsil yot'an Dios ta smelelile.7Jai lek yach'il k'op to, te ja la anopeyik te Epafrase, te ja joy jba ta at'el sok te bayal k'ux ta jkot'ane, te ja jun yot'an yak'oj sba ta abat ta stojol te Cristo ta atojolike. 8Te Epafras la yak'botik jna'tik stojol te bit'il ay te xk'uxul awot'anik ta swenta te Espíritue.9Ta swenta te xk'uxul ot'anile, te k'alal la jkaiytik stojol te bit'il ayexe mayuk ni junuk k'aal te la jkik'teytik ta sk'oponel Dios ta atojolik.Te jo'otike yakotik ta sk'anel te yakuk xnojex ta sbijil ot'anil yu'un jich ya ana'beyik te beluk ya sk'an yot'an te Diose sok te yakuk awich'ik abijilik ta swenta te Espíritue. 10Te jo'otike yakotik ta sk'oponel Dios ta atojolik yu'un te tojuk ya xbeenex jich te bit'il ya sk'an te Kajwaltike. Te jo'otike yakotik ta sk'oponel Dios ta atojolik yu'un te yakuk awak'ik asitik ta swenta spisil te lekil at'elile sok te ya xmuk'ubex ta swenta te yakuk ana'bey sbaik te Diose.11Te jo'otike ya jk'opontik Dios ta atojolik yu'un te yakuk awich'ik smuk'ul awot'anik yu'un te beluk ya ana'ik spasele sok ta swenta yu'el te yakuk awak'beyik yipal sok te ayuk smalib awu'unike. 12Te jo'otike ya jk'opontik Dios ta atojolik yu'un binuk nax me awot'anik ya awalbeyik wokol te Jtatike, te ja la yak' te pajaluk ya awich'ik te majt'anil yu'un Dios sok te ch'uunjeletik te ayik ta sakil k'inale.13Te Jtatik Dios ja la skoltayotik tel lok'el yu'un te yip te ijk'al k'inale sok la yak'otik ta ba ay ta ajwalinel te Snich'an te k'ux ta yot'ane. 14Ta swenta te Nich'anil te ay jkoleltik yu'une sok ja la yak'botik perdón yu'un te jmultike.JUNAJ JKOT'ANBATIK TA STOJOL DIOS TA SWENTA TE LAJ TA CRUZ TE CRISTOE 15Te Nich'anile ja slok'omba te Dios te ma chikanuk ta ilele. Ja sbabial ay yu'un spisil te beluk pasbile. 16Melel ja ta swenta te la yich' pasel spisil te beluk ay ta ch'ulchan sok te beluk ay ta balumilale, te beluk chikan ta ilel sok te beluk ma chikanuk ta ilele. Teme muk'ul ajwaliletik, teme mantalteswanejetik, teme ajwaliletik, sok te mach'a tulan yat'el yich'ojike, spisil la yich' pasel ta swenta te Cristo sok ja yu'un stukel. 17Ja neel yu'un spisil te beluk aye sok spisil yich'oj yip ta swenta.18Ja jolol te Cristo yu'un te ch'uunjeletike, te ch'uunjeletike ja sbak'etal k'oem te Cristoe. Ja ay ta xjajch'ibal stukel sok ja neel cha'kux tel ta bay aelmeletik jich neel ay yu'un spisil te beluk aye. 19Melel te Diose binax yot'an yu'un te Cristo te ja kuxinem jich te bit'il sk'anjel yot'ane, 20sok ja ta swenta te Nich'anil te ya yak' xjunaj ta stojol Dios spisil te beluk ay ta balumilal sok te beluk ay ta ch'ulchane. Te Diose la yak' lamajuk k'inal ta swenta te la smal xch'ich'el ta cruz te Jesuse.21Janix jich ta neelal to, ma ba na'bilabaik a yu'un te Diose sok akontroinojik a ta swenta te beluk ya anopike sok te beluk ma lek ya apasike. 22Yan ta ora to, te Cristoe la yak' lekubatik ta swenta te laj te sbak'etale. Ja la spas yu'un te ch'uultesbilex ya xk'oatik, te mayuk amulik sok te mayuk bi ya stak' ya yalbeyex te k'alal ya xk'oex ta stojol te Diose, 23teme la awak'beyik yipal ta swenta te xch'uunjel awot'anik sok teme jun awot'anike, teme ma la awijk'teyik te smuk'ul awot'anik ta stojol te lek yach'il k'op te la awaiyikix stojole. Ja in to ja te lek yach'il k'op te la yich' albeyel ta spisil te ants-winiketik te ay ta balumilale. Ja me ta swenta te lek yach'il k'op te la jkak'ba ta abatinel te jo'on Pabloone.TE YAT'EL TE PABLO TA STOJOL TE YAN LUMETIKE 24Ta ora to binax jkot'an yu'un te yak ta k'axel jwokol awu'unik sok te ya jts'aktes ta swenta swokol jbak'etal te bit'il te Cristo te k'ax swokol ta swenta te ch'uunjeletik te jich k'oem te bit'il te sbak'etale. 25Ja swentail te ayon ta abatinel yu'un te ch'uunjeletike, te ja la yak'bon te Dios te ya jwentainatik, yu'un jich me ts'akal ya xk'ot te sk'op te Diose. 26Ja in to ja smelelil te mukbil jilel ta namey k'inale. Jauk me to la yich'ix na'el stojol yu'un te mach'atik ya xch'uunike. 27Dios la sk'an yot'an te la yak' na'el stojol te yutsil sk'ulejal te beluk mayuk ta na'el stojol ta swenta te mach'atik yantik lumetike. Ja te Cristo te ay ta atojolike, te le' ya jtatik a te beluk yakotik ta smaliyele.28Te jo'otike ya jkalbetik sk'oplal te Cristo sok ya jnojp'testik te ants-winiketik ta swenta sbijil ot'anil, swenta yu'un chapal ya xk'ot stejk'an sbaik ta stojol te Cristoe. 29Ja yu'un tulan yakon ta at'el, melel te Cristo ja yak ta at'el ta jtojol sok ja yak'obon te yu'ele.
21Melel ya jk'an te yakuk ana'ik stojol te tulan yakon ta at'el ta atojolik sok te mach'atik ayik ta Laodicea sok te mach'atik ma sna'bonik jbae. 2Te jo'one ya x-at'ejon yu'un te yakuk yich' yip awot'anik swenta yu'un junuk me k'ux ya awaiy abaik sok te tsakal ana'ojikix te beluk mukbil jilel yu'un te Dios, te ja te Cristoe. 3Ay ta swenta stukel spisil te bijil ot'anil sok te beluk ya sk'an ya jna'tik stojole melel k'ebil yu'un spisil.4Ya jkalbeyex in to swenta yu'un ma me ya awich'ik lo'layel yu'un te lotil k'opetik te smelelil yaele. 5Manchuk me ma joinejex ta jtelemal, jauk me to joinejex ta swenta te Espíritue. Te jo'one ay bayal sbujts' jkot'an yu'un te lek yakatik spasel te at'elile sok te ay yip te xch'uunjel awot'anik ta stojol te Cristoe.6Jich te bit'il la ach'uunikix te Kajwaltik Cristoe, beenanik me sok. 7Tulan me awak' abaik ta stojol sok ipajemukexme ta lek, k'axeluk me ay xch'uunjel awot'anik jich te bit'il la awich'ik nojp'tesel sok alaik me bayal wokol ta stojol.TE YACH'IL JKUXLEJALTIK TA SWENTA TE CRISTOE 8Wik'iluk me asitik swenta yu'un mayuk mach'a ya slo'layex sok bijil k'opetik sok te lotil ayejetik te jich bit'il stalel xkuxlejalik ta namey te ants-winiketiketik te ayik ta balumilale, te ma jichuk sk'anjel yot'an te Cristoe. 9Melel te Cristoe kuxinem ta sbak'etal spisil te yutsilal te Diose.10Sok te ja'exe ts'akal ayatikix ta stojol te Cristoe. Ja jolol yu'un spisil te beluk ay yu'el sok mach'atik tulan yat'elike. 11Ta swenta Cristo te ja'exe la awich'ikix circuncisión te ma pasbil ta sk'ab te ants-winiketike, te albil sk'oplal yu'un te ch'ich' bak'ete, ja la awich'ik circuncisión yu'un te Cristoe. 12Te ja'exe la awich'ik mukel sok te Cristo te k'alal la awich'ik te ja'e, ta swenta te Jesuse la awich'ik cha'kusesel yu'un te xch'uunjel awot'anik ta yu'el te Diose, te ja la xcha'kuses tel te banti ay te aelmeletike.13Te k'alal lajematik a, ta swenta te amulike sok te ma awich'ojik circuncisión yu'un te abak'etalike, ja la yak'batik ja xkuxlejalik sok la spasbotik perdón te Jesús yu'un spisil te jmultike. 14Ja la stup' spisil te jbetike sok te beluk kechel ta jwentatik stojele. 15Te k'alal laj ta cruz, le' la slajinbey sk'oplal spisil a. Ja la spejk'tsanbey yu'elik te mach'atik ay yu'elike sok te mach'atik ay tulan yat'elike, ja la yakbey yil te ants-winiketike, te la yaiy tsalaw ta stojolik ta banti cruz.16Jich yu'un, ma me ayuk mach'a ya yich'ex ta k'op yu'un te beluk ya alajinike sok te beluk ya awuch'ike, sok teme ay sk'alelal k'in sok yach'il u, sok te sk'alel ich' lewae. 17Spisil in to ja te beluk ya smak te beluk ya xtale, jauk me to te smelelile ja te Cristoe.18Ma me xa awak'ik ta pojel te amajt'anik, yu'un te mach'atik te ya yalik te pek'el skuyoj sbaike sok te ya yich'ik ta muk' yilel te ch'ul abatetike. Sok te mach'a ya yalik te ay beluk ya xwaichinik sok te ay beluk stelemal ya yilik jauk me to ta sk'opik nax stukelik sok te muk' yak'oj sbaik yu'un te beluk snopojik ta swenta nax te sbak'etalike. 19Ma sk'an te jun ayik sok te Cristo te ja jolole. Melel k'alal ta jolol, sts'aktileyoj sba ta swenta te muk' chialiletik spisil sok te baketik, swenta yu'un jich ya sta yipik sok junax ayik; spisil in to ya xch'i ta swenta de Diose.20Teme lajematikix sok te Cristoe, jich me kolematikix yu'un te yu'el te beluk ay ta balumilale, jich yu'un ¿bistuuk te kuxulatik jich te bit'il sujbilatik yu'un te balumilal te ya yalbatike: 21"Ma atsakik in to, ma awe'ik in to, ma apikik in to?" 22Spisil in to yak ta lajel bael sk'oplal melel janax snopjibal yu'un te ants-winiketike. 23Jai mantaliletik to ya yak' xbijubik yilel melel janax yak'ojbey sba xch'uunik stukelik sok te pek'el yak'oj sbaik yilele sok te tulan ya yich'ik pasel ta mantal te sbak'etalike. Jauk me to ma xju' yu'unik skomel te sbak'etalike.
31Jich yu'un te bit'il cha'kuxematikix sok te Cristoe, ja me aleik te beluk ay ta ch'ulchane, te banti ay te Cristo te nakal ta swa'el sk'ab te Diose. 2Nopaik me te beluk ay ta ch'ulchane, ma me jauk anopik te beluk ay ta balumilale. 3Melel te ja'exe lajemex sok ayix akuxlejalik yu'un Dios ta swenta Cristo. 4Te k'alal ya xchiknaj tel te Cristo, te ja kuxlejalile, jich ya xchiknajex uuk ta bay yutsilal.TE SPOKOL KUXLEJALE SOK TE YACH'IL KUXLEJALE 5Ja yu'un aka lajuk ta atojolik te beluk ya smulan te abak'etalik te ay ta balumilale, ja te chijil jolole, te beluk ilaybil sbae, te beluk ya smulan te awot'anike, te sk'anel te beluk malekuke sok te sbik'tal ot'anile, melel ja pajal k'oem sok te xch'uunel te lok'ombaetike. 6Ja ta swenta te muliletik to, te ya xk'ot ta stojolik te yilimba te Dios te mach'atik k'axinte mantaliletike. 7Te ja'exe jich nix la apasik uuk te k'alal kuxulex ta balumilale. 8Jauk me to te ja'exe ya me sk'an ya awijk'tayik spisil in to: Te la' ot'anile, te ilimbae, te ya anopik spasel te beluk ma' lekuke, te bolk'optaywaneje sok te ixta' k'ope.9Ma me apas abaik lot ta tulutul, melel te ja'exe la wijk'tayikix te spokol akuxlejalike sok spisil te beluk k'ayemex ta spasele, 10sok te alapojikix te yach'il akuxlejalik te yan yan yak ta yanubel ja to teme jich k'oatik te bit'il te mach'a la spasatike, swenta yu'un ya ana'beyik sba ta lek. 11Ja in to mayukix sk'oplal teme griego soy teme judioe, teme yich'oj circuncisión sok teme ma yich'oj te circuncisione, te mach'a yan lum taleme, teme talem ta Escitae ja te mach'atik malek te beluk ya spasike, teme mosoinbile, teme koleme, melel janax ay sk'oplal te Cristo sok ay ta swenta spisil.12Jich yu'un lapaik me te lekil akuxlejalik, te bit'il tsabilex yu'un te Diose, te ch'uultesbilex sok te k'ambilex yu'une, ayuk me xk'uxul awot'anik ta spisil ora, lekuk me awot'anik, pek'el me awak' abaik, manso me awot'anik sok ayuk me smalib awu'unik. 13Jech ts'ikbeyame abaik. Jech kuxtayame abaik. Teme ay tul te mach'a ya xjach k'ope, pasbeyame perdón jich bit'il te Kajwaltik la spasbeyex perdóne. 14Ta swenta spisil in to, ayuk me xk'uxul awot'anik, te ja junax ya yak'otik ta swenta te beluk lek ta pasele.15Ak'aik me te jauk swentainbeyex awot'anik te lamal k'inal yu'un te Cristoe. Ja yu'un te lamal k'inal te la awich'ik ik'el swenta yu'un junax ya xk'oex ta apisilik. Sok albeyaik wokol te Dios ta spisil ora. 16Jauk me nojel ta awot'anik ta spisil ora te sk'op te Cristoe. Sok ayuk me sbijil awot'anik te k'alal ya awaiyik nojp'teswaneje sok jech tojtesame abaik sok salmoetik sok k'ayojetik yu'un Dios sok k'ayojetik ta swenta Espíritu. Albeyaik me wokol Dios sok spisil awot'anik sok k'ayojetik. 17Spisil te beluk ya apasike, teme ta ak'opik naxe o teme ya apasike, pasaik me spisil ta swenta sbiil te Kajwaltik Jesuse. Albeyaik me wokol Dios ta swenta sbiil te Jesuse.TE BIT'IL YA XKUXINOTIK TA YACH'IL KUXLEJALIL 18Antsetik te nujp'inemexe, ich'aik ta muk' te amamlalike, jich te bit'il ya sk'an te Kajwaltike. 19Winiketik te nujp'inemexe, k'ux me awaiyik ta awot'anik te awinamike, ma me amenuk k'inal awaiyik ta stojol. 20Aletik ch'uunbeyaik me spisil te smantal te ame'-atatike, melel ja lek yot'an yu'un te Kajwaltike. 21Me'el-tatiletik, ma me xa awak' x-ilinuk te awal-anich'anike, swenta yu'un ma me xchebaj yot'anik ta awentaik.22Abatetik, ch'uunbeyaik me spisil te smantal te ajwalil awu'unik te ja pajal ch'ich' bak'etex sok, ma me jauk nax te k'alal ya yilex te lek ya x-at'ejex ta stojole, junuk me awot'anik ya apasik te at'elile. Ja me xa xi'ik te Kajwaltike. 23Spisil te beluk ya apasike, at'ejanik me sok spisil awot'anik jichuk me te bit'il yu'un te Kajwaltike, ma me jauk ta stojol te ants-winiketike. 24Melel te ja'exe ya ana'ikix te ya awich'ik te amajt'anik yu'un te Kajwaltike. Melel ja ayatik ta abatinel yu'un te Kajwaltik Cristoe. 25Yan te mach'a ma toj te beluk ya spase, janix jich ya yich' kastigo yu'un sok ma tsabil uuk nax yu'un te Diose.
41Ja'ex ajwalilex, ak'beyameik te abatetik awu'unik te beluk lek sok te beluk stojile sok na'aik me te ay ajwalil awu'unik uke te ay ta ch'ulchan.2Ma me xkomatik ta sk'oponel te Diose. Wik'iluk me asitik ta stojol sok ma me xlujp'atik ta yalel wokol. 3Junax me ya ak'oponik Dios ta jwentatik uuk, swenta yu'un jich te Dios ya stak' sjambotik bael ti'nailetik, yu'un jich ya stak' jcholtik te lek yach'il k'op yu'un te Cristo te mukbil ae. Ja ta swenta in to, te chukulone. 4Sok k'oponaik Dios te jamaluk ya stak' jchol te sk'op te Cristoe, te k'alal ya xjajch'on ta k'ope.5Bijanik me te bit'il ya xbeenex ta stojol te mach'a mayuk xch'uunjel yot'anike, lek me xa ana'ik stuuntesel te jujun k'aale. 6Ta spisil ora te k'alal ya xk'opojatike, ayuk me yutsil te ak'opike. Ayuk me xchi'il jich te bit'il te ats'ame, swenta yu'un jich me ya ana'ik sutbeyel sk'op ta tulutul.SPATJIBAL OT'ANIL TA SLAJIBAL 7Jauk me to, spisil te beluk yak ta k'oel ta pasel ta jtojole, te Tíquicoe ya me yalbeyex te bi jkilele. Te Tíquico ja tul jkermano te bayal k'ux ta jkot'ane sok te ja tul abat te jun yot'ane, sok ja joy ta abatinel ta swenta te Jkajwaltike. 8Ja yu'un te ya jtikunbatik tel ta atojolike, swenta yu'un jich ya ana'ik te bit'il ayotike sok nix te ya yak'batik yip awot'anike. 9Ja la jtikun tel sok te Onésimoe, te jun yot'an sok te ja tul jkermano te bayal k'ux ta jkot'ane, te le' talem te banti ayexe. Ja me ya yalbatik spisil te beluk yak k'oel ta pasel le' in to.10Te Aristarco, te ja joy ta chukel, ya yak'batik spatjibal awot'anik sok nix te Marcos, te snich'an stajun te Bernabé (te ja la yak'batik mantale; teme bajt' ta atojolike, ik'aik me), 11sok nix te Jesús te justo te yan sbiile. Jaik nax me te ox tulik te ja judioetik te yich'ojik circuncisión te sjoinojonik ta at'el ta swenta xcholel te ja awalil te Dios ta swenta te Cristo Jesuse. Ja ya yak'bonik smuk'ul jkot'an.12Te Epafras ya yak'batik spatjibal awot'anik. Te le' talem ta banti ayexe sok ja abat yu'un te Jesucristoe. Ta spisil ora ya sk'oponbatik Dios, swenta yu'un ya xmuk'ubex sok te yakuk ana'beyik te beluk ya sk'an yot'an te Diose. 13Melel te jo'one ya jkak'ba ta testigo yu'un te Epafrase, te ja tulan te at'ejem ta atojolik sok ta stojolik te mach'atik ayik ta Laodicea sok te mach'atik ayik ta Hierápolis. 14Te Lucas, te poxtaywanej te bayal k'ux ta jkot'antike sok te Demas ya yak'batik spatjibal awot'anik.15Ak'beyaik spatjibal yot'anik te jkermanotaktik ta Laodicea sok nix te Ninfa sok te ch'uunjeletik te ya stsobilay sbaik ta bay te snae. 16Te k'alal ya yich' k'oponel jai ts'ibubil jun to ta atojolik, k'oponbeyaik me uuk ta stojol te ch'uunjeletik te ayik ta Laodicea sok k'oponaik me uuk te beluk la yich' jts'ibubel bael te ch'uunjeletik te ayik ta Laodicea. 17Albeyaik me uuk te Arquipoe, "te manchuk me ya xch'ay ta yot'an te ya sts'aktes te yat'el te ak'bil yu'un te Jkajwaltike.18Jo'on nix me Pablo te la jts'ibuy ta jk'ab jai spatjibal awot'anik in to. Naaik me te chukulone. Ayuk me ta atojolik te yutsil yot'an te Diose.