To view a copy of the CC BY-SA 4.0 license visit
http://creativecommons.org/licenses/by-sa/4.0/
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
1 Tesalonicenses
1SPATJIBAL OT'ANIL1Pablo,Silvano sok Timoteo, ta stojol te ch'uunjeletik yu'un te tesalonicenses ta swenta te Dios Tatil sok te Jkajwaltik Jesucristoe. Te lamal k'inal sok te yutsil yot'an te Diose ayuk me ta atojolik.TE BIT'IL AY TE XKUXINELIK TE TESALÓNICAETIKE 2Ya me jkalbeytik wokol te Jkajwaltik ta spisil ora ta awentaik; ya jk'opontik Dios ta atojolik, 3Ma me ba xkomotik ta yalbeyel wokol te Jtatik Dios ta atojolik, yu'un te xch'uunjel awot'anik, te awat'elik te apasojik sok xk'uxul awot'anik sok te ay smalib awu'unik te beluk chapal yu'un te Jkajwaltik Jesucristoe.4JKermanotak te k'uxex ta yot'an te Diose. 5Jna'ojtik stojol te bit'il ik'bilex yu'un te Diose, te bit'il tal ta atojolik te yach'il k'ope, ma me jauk nax ta jk'optik, yich'oj me tel yu'el ta swenta te Ch'ul Espíritue sok te ja smelelil k'op stukele. Janix me jich la ana'ik stojol te bit'il ay te jtaleltik ta atojolik ta swenta te bayal k'uxex ta jkot'ane.6Te ja'exe la me anopbotik te jtaleltik sok te stalel te Jkajwaltike, te k'alal yak ta k'axel awokolik a, binax awot'anik ta swenta te Ch'ul Espíritu te la awich'ik te sk'op te Jkajwaltike. 7Jich yu'un jich la awak'ik ta ilel te beluk lek ta pasel ta stojol te ch'uunjeletik ta Macedonia sok ta Acaya.8Melel le' lok' bael ta atojolik te sk'op te Jkajwaltike, ma me jauk nax chikan ta sk'inal Macedonia sok Acaya, janix me jich pujk'ix bael ta spamal balumilal te xch'uunjel awot'anik ta stojol te Jkajwaltik Diose. Jich yu'un mayuk beluk ya jkaltik xan ak'oplalik. 9Melel jaik nix la xcholikix, te bit'il bayal sbujts' awot'anik la awik'otik ta atojolik sok janix jich ya xcholik te bit'il la awik'teyik te lok'ombaetike, yu'un ja la ach'uunik te Diose, swenta yu'un la awak' abaik ta abatinel yu'un te kuxul Dios te ja smelelil stukele. 10Yakik ta yalel te ja yakatik ta smaliyel te Nich'anil te ya xtal ta ch'ulchane, te ja Dios te mach'a la xcha'kuses tel ta aelmeletike. Ja te Jesús, te mach'a ya slok'esotik ta woklajel te nopol ya xtalixe.
2TE YAT'EL PABLO TA LUM TESALÓNICA1Melel ja'atik nix ana'ojik stojol jkermanotak te bit'il ma jontolok te tal jkiltikexe, 2Ana'ojik te k'ax jwokoltik sok te la jkich'tik k'exlantesel ta bay lum Filipo. Jauk me to ma ba xiw jkot'antik ta swenta Dios te la jcholtik te lek yach'il k'op yu'un te Dios te k'alal ay bayal jwokoltik a.3Te tak'uyel te la jkak'beyexe, smelelil me, slekilal me sok ma me lotiluk. 4Ja me yu'un te la jkich'tik pasel ta prueba swenta yu'un tsabil ya xk'ootik ta stojol te Diose, jich me la stak' yak'botik jcholtik te lek yach'il k'ope. Ma me ya xk'opojotik ta swenta te lek ya yilotik te ants-winiketike, ja me ya jk'antik te lek ya yilotik te Diose. Te ja ya sna'botik spisil te beluk ay ta jkot'antike.5Ja yu'un te mayuk bin ora te janax lek k'opojotik ta atojolik ta swenta te ya ach'uunik sok te janax ya jlok'estik tak'intik a, ja testigo jku'untik te Diose. 6Sok ma jauk nax ya jk'antik te ich'bilotik ta muk' ta stojol te ants-winiketike, jich nix ta atojolik sok ta stojolik te yantike. Te jo'otike la stak' te lajuk jk'antik te yakuk awak'botik te beluk ya xtuun jku'untik melel wolwanej puk k'opotik ta swenta te Cristoe.7Jauk me to te jo'otike k'ax k'ux la jkaiytikex jich te bit'il te tul ants te ya xk'uxtay te ya'altake. 8Janix jich uuk te jo'otike, te bayal k'ux la jkaiytikex ta jkot'antik. Binax jkot'antik te la jcholtik ta atojolik te lek yach'il k'ope, ma jauk nax te lek yach'il k'op yu'un te Diose, janix jich te la ana'botik te jkuxineltike. Melel bayal k'ux la jkaiytikex. 9Janix me ya ana'ik jkermanotak, te bit'il at'ejotik sok te la jkak'betik yipale. At'ejotik me k'aal ta ajk'ubal swenta yu'un ma me la jkak'tik awokolik, te k'alal yakotik ta xcholel a te lek yach'il k'op yu'un te Diose.10Ja'ex me testigoex sok te Dios te bit'il ch'ultesbilotik, te toj ayotik sok te mayuk beluk amen la jpastik ta atojolik te ch'uunjelexe. 11Janix jich ya ana'ik te jo'otike, la jtak'uytikex sok te la jmuk'testik k'inal awaiyik ta tulutul, jich te bit'il jun tatil te ya stak'uy te snich'nabe. 12Janix jich la jkalbeyex te bit'il toj me ya xbeenex jich te bit'il ya sk'an te Diose, te la yik'ex ta bay te ajwalinel yu'un sok ta bay te yutsilal te Diose.13Ja ta swenta in to te ya jkalbeytik bayal wokol te Dios ta jujun k'aal. Melel te k'alal la ach'uunik te sk'op te Dios te la jcholtike, la ach'uunik jich te bit'il janix sk'op a te Diose, ma ba jich te bit'il sk'op te ants-winike. Jai k'op to ja te ya x-at'ej ta stojol te mach'a ya xch'uune.14Melel jkermanotak jich k'oatikix te bit'il te ch'uunjeletik yu'un te Dios ta bay lum Judea ta swenta te Cristo Jesuse. Janix jichex uuk k'ax awokolik jich nix te bit'il k'ax swokolik te alumalike, jich te bit'il kax swokolik yu'un uuk te judioetike. 15Janix te judioetik te la smilik teJkajwaltik Jesús sok la smilik te alwanejetik yu'un te Diose. Janix te judioetik te la slok'esotiktele. Ma me ya spasik te beluk ya sk'an yot'an te Diose. Sok cha'lam yot'anik ta stojol te ants-winiketike. 16Jaik nix me ya skomotik te ya jcholbeytik te yan lumetik swenta yu'un ya staik te skolelike.Jich yak ta esmajel smulik. Jich ta slajibal ya me xtal tulan yilimba te Dios ta stojolik.TE PABLO YOT'AN XAN YIL TE CH'UUNJELETIK TA LUM TESALÓNICA 17Jkermanotak ay me jun-chebukix k'aal te ma ya jkilbeyex asitike, jauk me to ma ba ch'ayematik ta jkot'antik. Jich yu'un te jo'otike bayal sk'oplal ta jkot'antik te yakuk jkilbeyex xan te asitike. 18Melel k'an talukotikix ta atojolik jauk me to te jo'on Pabloone bayal buelta k'an talukon jauk me to te Satanase la skomon. 19Melel ¿beluk ya jmaliy xan te pajel chaweje, ja bal te sbujts' jkot'ane o ja bal te korona te bayal yutsilal ta sit yelaw te Jkajwaltik Jesucristo te kalal ya xtale? ¿Ma ba jichukex te bit'il yantike? 20Melel ja'ex te bayal awutsilalik sok te bayal sbujts' jkot'antik awu'unike.
31Jich yu'un, te k'alal ma xju'ix jku'untik a te ya jk'an jna'tik stojol te bit'il ayexe, la noptik te ya xjilotik ta bay lum Atenas. 2La jtikuntik bael te Timoteo, te ja jkermanotik te yichoj yat'el yu'un te Diose ta swenta xcholel te lek yach'il k'op yu'un te Cristoe, swenta yu'un ya smuk'tesbeyex te awot'anik sok te ya yich' yip te xch'uunjel awot'anike. Jich la jpastik in to swenta yu'un te manchuk ya xchebaj awot'anik ta swenta te wokolile 3Melel ana'ojik stojol te ja yu'un te tsabilotike.4Jich te bit'il la jkalbeyex ta jamal, te k'alal joinejex a, te le' nopol ya xk'axix a te jwoloktike, jich me k'ot ta pasel ta jtojoltik, jich te bit'il ana'ojikixe. 5Ja ta swenta in to te ma ju'ix jku'un smaliyel te ya jkaiy stojol te bit'il ayexe, te la la tikun tel te Timoteo, yu'un jich me ya stak' jna' stojol te bit'il ay te xch'uunjel awot'anike. Ja yakon ta me'el-ot'an yu'un teme la awich'ik lo'layel yu'un te pukuje jich me jontol ch'ay a te jkat'el abi.6Jauk me to te k'alal sujtel te Timoteo ta jtojoltik, la yalbotik te ay te xch'uunjel awot'anik sok te ay xk'uxul awot'anike. La yalbotik, te ma ba ch'ayemotik ta awot'anik sok te binax awot'anik te yakuk awilbotik jsitik ta yan buelta jich te bit'il binax jkot'antik yakuk jkilbeyex a sitik uuk te ja'exe. 7Ja yu'un jkermanotak, binax jk'otantik ta atojolik yu'un te la jna'tik stojol te ay xch'uunjel awot'anike, manchuk teme ay yobolil jbatik ta k'inale sok teme ayotik ta woklajele.8Jich yu'un ay smuk'ul jkot'antik ta atojolik teme ma pejk'tsaj awot'anik ta stojol te Jkajwaltike. 9¿Bit'il ya sk'an ya jkaltik wokol ta stojol Dios ta swentaik, te bit'il k'axem to xan bujts'najem jkot'antik awu'unik ta stojol ta Diose? 10K'aal ta ajk'ubal ya jk'opontik te Jkajwaltik swenta yu'un ya jk'antik jkiltik te sit-awelawike sok ya jkak'beyex ana'ik te beluk ay to sk'an yu'un te xch'uunjel awot'anike.11Te Jtatik Dios sok te Jkajwaltik Jesucristoe, ja me ya skoltayotik ta beel swenta yu'un te ya xba jkiltikexe. 12Ja me ya jk'anbeytik te Jkajwaltik te yakuk xmuk'ub te xk'uxul ot'anil sok te yakuk x-esmaj ta atojolik sok ta stojolik uuk te yantike sok ta spisil ants-winiketik jich te bit'il kux ya jkaiytikexe. 13Janix jich ya jk'anbeytik te Dios te yakuk yich' yip awot'anik te manchuk ayuk mulil ta atojolik sok te ch'ultesbilukex me ta stojol te Jtatik Dios, te k'alal ya xtal te Jkajwaltik Jesús sok spisil te mach'a ch'ultesbilike.
4TE KUXLEJAL TE LEK YOT'AN YU'UN TE DIOSE1Ta slajibal jkermanotak, ya jk'anbeyex te yakuk awak'beyik yipal ta stojol te Jkajwaltik Jesuse. Jich te bit'il la jnop'testikex te ya sk'an xkuxinatik sok te bit'il lekuk yot'an ta atojolik te Diose, janix jich te bit'il yakatik ta spasele, k'axem to xan me ya apasik a. 2Melel ana'ojik te beluk la jkak'tik anopik ta swenta te Jkajwaltik Jesuse.3Ja in to ja sk'anjel yot'an te Diose: Te ya ach'ultes abaik sok te yakuk ak'ej abaik lok'el tel ta swenta te mulil yu'un te abak'etalike; 4Ta tulutul akame sna' xk'uxtayel te yinam ta swenta te bit'il ch'ultesbilex sok te lek ak'oplalike. 5Ma me jauk nax ya awik' awinamik yu'un te xchijilil abak'etalik (Jich te bit'il mach'atik ma sna'obey sbaik te Diose). 6Ma me ayuk tuluk winik te ya yak'bey swokol sok te ya yuts'in te yermano ta swenta jai k'op to. Melel te Kajwaltike ya me yak'bey kastigo te mach'a jich ya spase, jich te bit'il tulan la jkaltike sok te bit'il la jkak'tik ta na'el stojole.7Te Diose ma jauk la yik'otik yu'un te ya jpastik xan te mulile, ja la yik'otik yu'un te yakuk jch'ultesbatike. 8Jich yu'un, te mach'a ma sk'an spas spisil in to, ma ba ja ya sbaj te ants-winike, ja me ya sbaj te Dios te mach'a ya yak'beyex te Ch'ul Espíritue.9Jauk me to ma me yejt'aluk te ay mach'a ya sts'ibubeyex te bit'il ya sk'an k'ux ya jkaiybatik ta jkot'antike, melel jich la awich'ikix nojp'tesel yu'un te Diose, te k'uxuk ya awaiy abaik ta tulutul. 10Jich nix te bit'il yakatik ta spasel sok te jkermanotaktik te ayik ta spamal sk'inal Macedonia. Jauk me to ya me jpastikex xan ta mantal jkermanotak te k'axem to me ya apasik te bit'il yakalex ta spasele. 11Janix jich te yakuk xkuxinatik ta lamal k'inal, ja me ya sk'an ya awilik te awat'elike sok at'ejanik me ta ak'abik jich te bit'il la jkaltik ta mantale. 12Pasaik me jich to, swenta yu'un jich me lek ak'oplalik ya xk'ot yu'un te mach'atik ma ch'uunjeletike, jich me mayuk beluk ya spas falta ta atojolik.TE BIT'IL YA XCHA' TAL TE JKAJWALTIKE 13Te jo'otike ma jk'antik te amen ya xk'ot ta awot'anik jkermanotak, ta swenta te mach'atik wayemikix sbak'etalike, swenta yu'un jich me ma amel-awot'anik a, jich te bit'il mach'atik ma sna'ik te beluk ya xk'ot ta pasele. 14Melel teme ja jch'uunejtik te laj te Jesús sok te cha'kuxtele, jich te Dios ya me xcha'kuses tel te mach'atik wayemikix sbak'etalik ta swenta te Jesuse. 15Jich me ya jkaltik ta swenta te sk'op te Jkajwaltike, te jo'otik te kuxulotik, sok te mach'atik kuxulik xan a te k'alal ya xtal te Jkajwaltike, ma ba ya xneelajotik bael yu'un te mach'atik wayemikix sbak'etalike.16Te Kajwaltik ya me xkotel k'alal ta ch'ulchan. Ya me xtal sok tulan aw sok te sk'op te wolwanej ch'ul abate, janix jich te k'alal ya yich' ok'sinel te ok'es yu'un te Diose, te mach'a lajemikix ta stojol te Cristoe ja me neel ya xcha'kuxiktel. 17Jich te jo'otik te mach'a kuxulotik toa te jilemotike, tsojp'nax me ya xk'ootik, ya jtabatik ta tokal, yu'un me jich ya jtabatik sok te Jkajwaltik ta bay sjamalul ch'ulchan. Jich me ya joinbatik ta sbajt'el k'inal sok te Kajwaltike. 18Jich yu'un, jech muk'tesbey abaik k'inal awaiyik ta swenta jai k'op to.
51Jich yu'un jkermanotak ma me yejt'aluk te ya jts'ibubeyex te beluk k'aal sok bin yilel te k'inal te ya xk'ot ta pasel spisil in to. 2Melel ja'ex nix ana'ojik te te ya snoptsa tel yorail te ya xtal te Jkajwaltik, jich te bit'il elek' ya xtal ta ajk'ubal. 3Te k'alal ya yalik: ''Ay lamal k'inal sok lek ayotik,'' jauk me to ajk' nax me ya xtal wokolil ta stojolik. Jich te bit'il xk'uxul aljel yu'un tul ants. Mayuk bit'il ya stak' skoltey sbaik.4Jauk me to, te ja'ex jkermanotak, ma me ayukex ta ijk'al k'inal a te k'alal ya xtal te Jkajwaltike swenta yu'un ma me ch'ayemuk awot'anik a te k'alal ya xtal te elek'e. 5Melel ta apisilik snich'nabex te sakil k'inal te xojojetnaxe. Te jo'otike ma ba snich'anotik te ajk'ubal sok te ijk'al k'inale. 6Jich yu'un. Manchuk me ya xwaiyotik jich bit'il te yantike. Wik'iluk me te asitik sok kuxuluk me awot'anik. 7Melel te mach'a ya xwaiyike ya xwaiyik ta ajk'ubal, te mach'a ya xyakubike ya xyakubik ta ajk'ubal.8Yan te jo'otike snich'anotik te sakil k'inale, kuxuluk me k'inal ya jkaiytik. Jlaptik te smajk'il xch'uunjel jkot'antike sok te xk'uxul jkot'antik te jich k'oem te bit'il smajk'il joltike, ja smuk'ul jkot'antik te ya jtatik te koltayele. 9Melel te Dios ma jauk la stsaotik yu'un te ya yak'botik kastigo yu'un te lajele, ja me la stsaotik yu'un te ya jtatik kolel ta stojol te Jkajwaltik Jesucristoe. 10Janix te la yak' sba ta lajel jku'untik, jich yu'un, manchuk me kuxulotik o teme lajemotikix a, junax ya xk'ootik ta kuxinel ta stojol. 11Jich yu'un muk'tesbey abaik k'inal awaiyik sok ak'bey abaik yip awot'anik jich nix te bit'il yakatikix ta spasele.TE PABLO LA STAK'UY TE JKERMANOTAKTIKE 12Ya jk'anbeyex jkermanotak, te yakuk ana'beyik sba te mach'atik yakik ta at'el ta awolilik. Sok te mach'a ay ta atojolik te ya stak'uyex ta swenta te Kajwaltike. 13Sok ya jk'anbeyex te k'ux ya awaiyik sok spisil awot'anik yu'un te yat'ele. Ayuk me lamal k'inal ta awolilik. 14Ya jkalbeyex wokol kermanotak, te yakuk atak'uyik te mach'a mayuk beluk ya sk'an spase, ak'beyaik me yip yot'anik te mach'a pejk'tsajem yot'anike, koltayaik me te mach'a mayuk yip yot'anike, ayuk me smalib awu'unik ta stojolik.15Ilame awilik te mayuk mach'a ya spakoltey te beluk amen ya spasbote. Ja me ya sk'an ya awak'beyik yipal ta spasel te beluk lek ta pasel ta stojolik te yantike sok ta jpisiltik. 16Binuk nax me awot'anik ta spisil ora. 17K'oponaik me Dios ta spisil ora. Albeyaik me wokol yu'un spisil. 18Melel ja sk'anjel yot'an te Dios ta atojolik ta swenta te Cristo Jesuse.19Ma me xa awak' ya xtub te yat'el te Ch'ul Espíritu ta atojolik. 20Ma me xa abajbeyik te sk'op te alwanejetike. 21Tsajteyaik me spisil te sk'opike. Ich'aik me jilel te beluk leke. 22Komaik ta spasel te beluk ma lekuk ta pasele.23Janix te Dios yu'un te lamal k'inal, ts'akal aka xch'ultesex. Spisil te a Espíritue, te ja ch'ulele sok te abak'etalike, k'ejbiluk me yu'un te mayuk amulik te k'alal ya xtal te Jkajwaltik Jesucristoe. 24Stalel jun yot'an te mach'a ya yik'exe. Janix ya sk'otes ta pasel spisil in to.SLAJIBAL CH'UULTESEL SOK SPATJIBAL OT'ANIL 25Jkermanotak, janix jich k'oponbotik me Dios ta jtojoltik uuk. 26Patbeyaik me yot'anik spisil te jkermanotaktik sok ch'ul ujts'iyel. 27Ya me jk'anbeyex ta swenta Jkajwaltik te yakuk ak'oponik jai ts'ibubil jun to ta stojol spisil te jkermanotaktike. 28Te yutsil yot'an te Jkajwaltik Jesucristo ayuk me ta atojolik.