¹Pakutanga Mwari ,akasika dhenga uye ne nyika .Nyika yanga isina tchimiro uye isina tchiro . ²Asi paiwa no rima pamusoro penvura yakadzika, uyezve mweya mutswene wa Mwari waitenderera pamusoro penvura.³Akautsa Mwari: Ngapawe no Tchiedza . Tchikawepo tchiedza ⁴. Uye Mwari akaona kuti tchiedza tchainge tchakanaka; Nokudharo akasianisa tchiedza no rima . ⁵Mwari akadhaidza tchiedza kuti masikati uye rima akaridhaidza kuti usiku.Pakawepo nomadheko uye no matchibesi , musi okutanga.⁶Uye akautsa Mwari :"kuti ngapawe no mbuto pakati ponvura kuti iparadzanise nvura ne nvura . ⁷Uye akaita Mwari nzvimbo , uye akaparadzanisa nvura yanga iri pasi po nzvimbo , no nvura yanga iri pamusoro po nzvimbo . Nokudharo zvikaitika ⁸. uye Mwari akadhaidza nzvimbo kuti dhenga . Madheko ne matchibhesi zvikawapo, musi wo tchipiri.⁹Akautsa Mwari : Nvura iri pasi pe dhenga, ngaiungane pambuto imwe bhasi, kuti pasi pakaoma paonekwe. Nokudharo zvikaitika . ¹⁰Mwari akadhaidza pasi pakaoma kuti nyika kuzoti kuunganidzwa kwenvura ,makungwa. Akazviona kuti zvanaka.¹¹Uye akautsa Mwari : " Nyika ngaimerese usuwa, nemiriyo inobhereka mbeu, nemiti inobhereka mitchero maererano no mukhaindi wayo, uye mbeu dzayo dzirimukati mayo". zvikaitika izvona. ¹²nyika yakameresa usuwa , ne miriyo inobhereka mbeu , nemiti dzinobhereka mitchero ,mbeu dzayo dziri mukati mayo. Akazviona Mwari akati zvakanaka. ¹³Madheko na matchibhesi zvikavapo.Musi wo chitatu.¹⁴Akautsa Mwari : Ngapawe no zviedza kumbuto yokudhenga, kuti kusianise usiku no masikati ; uye kuti zviwe zvipangidziro zvonguwa, mazuwa nomakore. ¹⁵Ngazviwe zviedza ku mbuto yokudhenga , kuti zvivhenekere panyika. Zvikawapo .¹⁶Mwari akaita zviedza zviri zvikuro kwazvo: Tchiedza tchikuru tchitonge masikati , uye ne tchiedza tchidhoko tchitonge usiku. Kunze kwazvo akaitawo nyeredzi. ¹⁷Mwari akazviisa pasi pe mbuto yokudhenga kuti zvivhenekere nyika , ¹⁸zvitonge masikati nousiku, uye zvisiyanise tchiedza no rima. Akazviona mwari kuti zvanga zvakanaka. ¹⁹Madheko no matchibhesi zvikawapo , musi wo tchina,²⁰Akautsa Mwari : Munvura ngamubharwe zvisikwa zvine ndaramu, zvizingi ,uye zvinemanhenga zvimburukire ngopamusoro ponyika , pasi po mbuto yokudhenga. ²¹Mwari akasika zvinyama zvikuro zvo mumakungua , uye nezvese zvine ndaramu kuti zvifambe uye zviraramire munvura , maererano omukhaindi wazvo ; uye ne zvinomburuka zvese ne mukhaindi wazvo . Mwari akazviona kuti zvanga zvakanaka.²²Uye Mwari akazvikomborera atchiti: Bharai, muwande , uye mudzadze nvura dziri mumakungua . Zvinomburuka ngazviwande munyika. ²³Madheko no matchibhesi zvikawapo, musi wo tchishanu.²⁴Akautsa Mwari : "Nyika ngaibhare zvine ndaramo , tchinhu tchimwe no tchimwe maererano omukhaindi watcho : Zvipfuyo , zvinyama zvomu shango uye nezvimwewo zvinendaramu zvopanyika; maererano omukhaindi Wazvo. Nokudharo zvikaitika". ²⁵Mwari akasika zvinyama zvomu shango zve nyika , maererano omukhaindi wazvo , zvipfuyo , maererano omukhaindi wazvo , ne zvimwewo zvine ndaramu zvo nyika , maererano omukhaindi wazvo . Akazviona kuti zvanga zvakanaka.²⁶Akautsa Mwari : Ngatiite munhu ano mufananidzo wedhu, akatodzana na isusu ; munhu uyu ngaawe no simba pamusoso pe howe dzese dzirimunvura , pamusoro pezvinomburuka zvese zvokudhenga (shiri) , pamusoro pe zvipfuyo , pamusoro penyika yese , ne zvese zvinendaramu zvinokambaira panyika , ²⁷Mwari akasika munhu no mufananidzo wake , no mufananidzo wamwari akasika ; mwanarume no mwanakadzi, Mwari akawasika.²⁸Mwari akawakomborera uye akawati: Bharai, muwande , dzadzai nyika ,muitonge. Iwai nesimba pamusoro pe howe dzese dzo mugungua , pamusoro pe zvinomburuka zvo kudhenga uye pamusoro pe zvese zvine ndaramu zvinokambaira ne nyika . ²⁹Akautsa Mwari : Ndiri kukupai miriyo yese inoita mbeu iyo iri pamusoro pe nyika yese , uye no miti ese inoita mitchero ne mbeu ; Izvi zvitchawa zvokundya zvenyu.³⁰Kuzoti kuzvinyama zvese zvo mushango zvonyika , ne shiri dzese dzo mudhenga, ne zvese zvine ndaramu zvinokambaira ne nyika , uye ne zvisikwa zvese zvinofema zvinendaramu , miriyo yese ndakazvipa kuti zvindye. Nokudharo zvikaitika . ³¹Mwari akaona zvese zvaakaita , zvanga zvakanakisisa . Madheko ne matchibhesi zvikawapo, musi we tchitanhatu.

¹Nokudharo dhenga ne nyika zvakapera kugatsirwa uye nezvese zviri mazviri. ²Muzuwa nomwe, Mwari wakapedzesa bhasa raanga atanga uye, zuwa riya, Yena wakazorora. ³Uye Mwari wakakomborera zuwa retchinomwe uye wakari tchenesa, ngekuti zuwa iriro wakazorora mubhasa rese ranga asika.⁴Aya ndiwo mawambo edhenga uye ne nyika. pazvaka sikwa .Ishe paaka ita dhenga ne nyika, ⁵pangapasina tsike kana rimwe, uye kanga kusina muti wakapfipfitira, ngokuti Mwari Ishe angasati anaisa mvura panyika, uye panga pasina mwanarume kuti a arime munda. ⁶Asi imwe mhepo yai kwira panyika uye yai dhirira nyika yese.⁷Hino Mwari Ishe akagadzira munhu nomavu enyika uye akafuridza mu mhino mweya weupenyu, uye munhu wakaita murarami. ⁸Ishe Mwari akasima rimwe shango kumutcheto pamunda weEdeni, uye kweneyo akakanda munhu wangaa agadzira Aona.⁹Pamavu Ishe Mwari akapfipfitirisa mushobho dzese dze muti dzino dhakadza kuona ne madiso uye dzakanaka kurha. Apa panga paka venganidzuwa ne muti we upenyu, wanga uri pakati pe munda, uye wanga uri muti wekuziya zvakanaka nezvakashata. ¹⁰Umwe murambo waibhudha kubva kuEdeni, waidhirira shango uye pedzepo waidzikwanisana uye wodzitchinja kuita murambo dzirongomuna.¹¹Zina re murambo wekutanga rinozwi Pisomi. Uyu ndiwo uno tenderera nyika Havila, kune Goride. ¹²Goride renyika iyi rakanaka. Penepo pano biderio uye ne bhuwe re onix.¹³Zina re murambo wetchipiri unozwi Gioni. Uyu unotenderera nyika yese Cuxe. ¹⁴Zina remurambo wetchitatu unozwi Tigre. uyu ndiwo uno erera kumutcheto kwa ASiria. Murambo wetchirongumuna unozwi Eufrates.¹⁵Ishe Mwari akatora munhu uye akamukanda mukati me munda weEdeni kuti iena autchengeti uye aurime. ¹⁶Ishe Mwari akati kuno munhu etchiti: " Pamiti dzese dze munda uyu iwewe kana kurha wakasunuguka. ¹⁷Asi muti weruziyo we zvakanaka uye nezvakashata iwewe auiti kurha, ngokuti, zuwa rausharha , tchokwani utchafa.¹⁸Hino Ishe Mwari akati: " Azvina kunaka kuti munhu agare ari ega bhasi. nditchamuitira mubhatsiri akatodzana naye". 19 ¹⁹Ishe Mwari, paaka pedza, kuita nomazu zvinyama zvese zvimumu munda uye neshiri dzese dzekudhenga, akazvi unzisa kuno munhu kuti azvipe mazina. Uye zina raizopasa tchinyama, ndiro zina retchinyamatcho. ²⁰Munhu wakapa mazina zvinyama zvese zvinopfuiwa, uye zvinomburuka kudhenga, kune zvinyama zvomushango. Asi kune munhu, kanga kusina mubhatsire wakatodzana naye.²¹Ishe Mwari akapa hope dzakadzika kuno munhu, uye yena wakazowata. Ishe Mwari wakatora mutezo pamusana pake uye akapafunga nenyama pambutopo. ²²Mwari wakatora mutezo wakabvisa pamunhu, ue Yena akaita mwanakadzi uye akamutora kwenda kopa Adamu. ²³Uye mwanarume wakati: " Uyu zvino ndi mbabvu ye mbabvu yangu, uye nyama ye nyama. Yena utcha dhaidzwa ´mwanakadzi`, ngokuti wabvisuwa pamwanarume".²⁴Ngondaya yazvo mwanarume utchasia bhabha ake uye na mai ake, uye wobhatana ne mukadzi wake, aona atchaita nyama imwe bhasi. ²⁵Airiwo anga ari mitu, mwanarume nemukadzi wake, asi anga asika tswerukirani.

¹Hino, shato yanga yaka ngwara kupinda zvinyama zvese zvakanga zvaka sikwa na Mwari Ishe. Yona akavinzisa kuno mwanakadzi: " Itchokwadhi kuti Mwari wati: `imwimwi amuiti kurha zvinobva pamiti dze munda?". <sup>2</sup>Mukadzi wakati kuno shato: " Tinotenderwa kurya zvibhereko zve muti dziri pamunda, <sup>3</sup>asi atitenderwhi kurha tchibhereko tche muti uri pakati pe munda; nokuti Mwai wati: ` Musarhe zvino bvepo, nekubhata azvitoiti, nokuti munofa mukazvita⁴Shato yakati kune mukadzi: "Tchokwadhi amuzofi, ⁵nokuti Mwari unozviziya kuti, zuwa ramutcharha tchibhereko tchino bhudha pamutiwo, madiso enyu atchafunguka, uye mutchaita se Mwari, metchiziya zvakanaka uye nezvakashata". ⁶Mwanakadzio pakaona kuti muti wanga wakanaka kurha, uye wai fadza madiso, uye unopa ruziyo, wakabhata tchibhereko ka kurha uye kakupao mwamuna wake, yena kakurha.⁷Madiso awo ari ari akafunguka uye akazvibhata kuti anga ari mitu; akasona masakani emuonde kakuita zvipfeko kuti apfeke. ⁸Aona akazuwa izwi ra Ishe Mwari, aitofamba pa munda panotonhorera pa zuwa. Hino mwamuna nomukadzi akadzi iga pamberi paIshe Mwari mumiti dziri pamunda.⁹Ishe Mwari akadhaidza mwanarume kakumuti: Uripi iwewe?" ¹⁰Uye mwanarume wakadhaira etchiti: " Ndazuwa izuwi Renyu pa munda ndothiya, nokuti ndiri mitu,; hino ndadzi iga. ¹¹Mwari wakati: Ndiani akubvunza kuti uri mito? Warha muti wandakuvunza Inini kuti auti kurha?"¹²Mwanarume wakati: Mukadzi wamakandipa Imwimwi, wandipa tchibhereko tchemuti , uye inini ndarha". ¹³Ishe Mwari wakati kuna mukadzi: " Waitei iwewe?" Mukadzi wakati: "shato yanditsotsa, uye inini ndarha".¹⁴Ishe Mwari wakati kune shato : Ngei waita izvi, utchaita tchinyama tchakatukwa pavzinyama zvese zvino pfuiwa uye nezvemushango. Utchafamba weidzikwekwererdza ne ndani uye utcharha bhukuta mazuwa ese eupenyu wako. ¹⁵Nditchaita kuti usaita ushamwari nemukadzi, uye dzinza rako ne dzinza ramwanakadzi; uyu utchakutsika musoro, uye iwewe utcharuma pa tsoka Pake".¹⁶Uye kuna mukadzi wakati: " nditchatunhudzirisa marwdzo ako paku bhereka; utchabhara wetchi rwadziwa. Tchidho tchako tchitchawe kuno mwamuna wako, asi yena atchakutonga".¹⁷Uye kuno mwanarume wakati: "Nokuti wapurutana izwi remukadzi wako uye warha tchibhereko tchemuti wandakuvunza kuti: `Usarhe zviri apa` nyika itchatukwa ngondaya yako, utchasenza zvikuru kuti urhe, mazuwa ese e upenyu wako. ¹⁸Yona utchabhara minzuwa no shangu, uye iwewe utcharha zvinobva mu muti dze munda. ¹⁹Utcharha mukati we ziya rako pahope, kudzamara wa whirira pamavu awakabva. Nokuti iwewe uri uri mavu uye pamavu utchawhirira"`.²⁰Mwanarume wakzodhaidza mukadziwake kakumupasa zina rinozwi Eva, nokuti yena anga ari mai ezvisikwaka zvese zvinorarama. ²¹Ishe Mwari akaita matchira e dhewe opa kuna Adamu uye nomukadzi wake kakuwa pfekedza.²²Ishe Mwari akati: " zvino mwanarume waita se isusu, etchiziya zvakanaka ye nezvakashata. Andimusi kuti abhate muti weupenyu kuti arhe uye azorarama nokusingaperi". ²³Ngondaya yazvo Mwari waku dzingira pamunda we Edeni, kuti arime munda pakabviswa. ²⁴Saka Mwari waka mudzingira mwanarume. uye wakakanda Makerubin kumutcheto kwe munda we Eden uye rimwe baneti raitenderera madhii ese, kuti ritchengete gwanza rinoenda kumuti we upenyu.

¹Adamu akaziya, mukadziwake Eva. Iyena akabhata mibha nokubhara Kaini. Iyena akareketa. " Inini Ndabhara mwana nokumbhatsirwa naMwari Yahweh". ²Nokundaro akambharazve Hama yake Aberi, zvakandaro Aberi akazoita muuishi omambhira, hama yake kaino ainga ari murimi.³Pakapinda nguwa, Kaini akaudzisa mitchero yokumumunda akapasa Mwari Yahweh. ⁴uye Aberi akaudzisa zvokutanga uye nemambhira akakuma nemafuta pazvipfuyo zvake. Yahweh akandakadzwa na Aberi netchipo tchake, ⁵Asi Iyena azi kundakadzwa netchipo tcha Kaini. Kaini azi kundakadzwa nazvo opeyake yakaungunyuka onangisa pasi.⁶Yahweh akareketa kuna Kaini: " ngei iwewe wakanyanguadzwa uye hope yako yakanangisa pasi? ⁷asi, iwewe ukafamba muzvakanaka, azvitambirwe? Asi, iwewe ukasaita zvirokwazvo, tchitema tchitchazoku ndongorira pamusoyo uye nokukonerera, iwewe unozokwanisa kupamba⁸Kaini akareketa kuna hama yake Aberi: " ambai kuchango." painge ari kuchangu, Kaini akamukira hama yake Aberi, uye akamuraiya. ⁹Nokundaro Yahweh akamubvunza Kaini: " hama yako, Aberi aripi? " Iyena akati: "Ininin andizvizi. Andiripi murindiri wake?.¹⁰Yahweh akamuti: "tchinyi tcawaita? Izuwi rengazi rehama yako ririkundindaidza, kubvira pasi. ¹¹Zvino wakatukwa panyika muromo wako wakafununguka kuti utambire ngazi rehama yako ririmunyara yako. ¹²Iwewe ukasedza zviya, munda yako aizombari. utchozoita mutizi Panyika. wetchipfangwa panyika.¹³Kaini akazoti kune Yahweh:" mupanitcho wangu wakakura kupindira zvandinokwasisa. ¹⁴Zvezviro kwazvo, Nyamasi Imwimwi murikundi dzingira paivo iri, inini nditchambunda pamberi Penyu inini nditchagara mutizi uye nemufambi panyika; uya anosangana nainini, anondi uraiya. ¹⁵Yahweh akamubvunza: " munhu anouraya Kaini atchatambira mupanitcho Kanomwe." Nokudaro Yahweh akakanda tchipangidziro kune kaini, kuti asauraiwe newanosongana naye.¹⁶Akabunda Kaini pamberi paMwari uye akaenda kogara kunyika ye Node, kumavazuwa kwe Edeni. ¹⁷kaini akaziya mukadzi wake Eva, akagara nemimba akazombara Inoki. Kaini akagadzira Taundi nokurindudzira zina remwana wake Inoki.¹⁸Inoki akambara Iradi. Iradi nokumbaraho Meujael. Meujael akambara metusael. ¹⁹Metusael akambaraho Rameki. Rameki akaparikwa neakadzi ahiri: umwe aindaidzwa Ada, uye umweni aidzwi zira.²⁰Ada akambara Jabari,. ndiye akaita bhaba kewaya ararami ematendi, uye nebhaba yezvipfuyo, zvezvinyama. ²¹Hama yake yaindaidzwa kuti Jubari. iyena akangara Bamba ewaridzi ombira nenyere. ²²zira wakawao nemwana waindainzwa, Tubari- kaini, haswadzadzi ya Tubal-Kaini yaidzwi Naama.²³Rameki Akabvunza akadzi ake ahiri: " Ada na Zira, Izwai idzwi rangu, Adzimai Arameki; izwai mashoko angu, nokuti ndakauraiya munhu nenyanya yekundi kunjunura, djaha renero rakandi tsika bhasi. ²⁴Kaini anotambudzwa kanomwe, Rameki Atchatambudzwa kakakwana makuma nomwe nenomwe.²⁵Adamu nokupidazve kupinda kumaponde nemukadzi wake uye iyena akambara mwana umweni, Zina remwaneyo aidzwi Nomwe; " Mwari andipasa Mwana pambuto yeAberi, uya wakauraiwa na Kaini". ²⁶Nomwe Akazombarayo Mwanake omutumidza zina raiti Eno. Ndiyo nguwa yeanhu aitaka kundaidza uwepo oYahweh.

¹Iri ndiro bhuku rodzinza raAdamu. Pazuwa rakasikwa munhu ndiMwara , Hiyena wakaita akatodzana Naye. ²Hiyena akasika mwanarume momukadzi wake akaaropafadza akaadhainza anhu paaka sikwa.³Adamu wakararama zana nomakumatatu omakore, akamudzainza Sete. ⁴Paaka bhara Sete, wakararama mazana masere omakore wozobhara akomana nowasikana. ⁵Adamu wakararama mazana mafembamwe nomakuma tatu womakore; uye wozofa.⁶Sete wakararama zana namachamu womakore uye wozobhara Enos. ⁷Paaka bhara Enos, Sete wakararama mazana masere nomanomwe womakore wobhara akomana nowasikana. ⁸Sete wakararama mazana mafembamwe nagumi nemairi womakore; uye wozofa.⁹Enos wakararama makuma fembamwe womakore wobhara Quena. ¹⁰Paanka abhara Quena, Enos wakararama mazana masere nagumi namachanu womakore uye wozobhara akomana nowasikana. ¹¹Enos wakararama makuma sere namachanu womakore; uye wozofa.¹²Quena wakararama makuma nomwe womakore wozobhara Maalalel. ¹³Paaka bharaMaalalel, Quena wakararama mazana masere nomakuma rongomuna uye wozobhara akomana nowasikana. ¹⁴Quena wakararama mazana mafembamwe nagumi womakore; wozofa.¹⁵Maalalel wakararama makuma tanhatu namachanu womakore wozobhara Jarede. ¹⁶Paaka bhara Jarede, Maalalel wakararama mazana masere nomakuma tatu womakore wozobhara akomana neyasikana. ¹⁷Maalalel wakararama mazana masere nomakuna fembamwe namachanu womakore; uye wozofa.¹⁸Jarede wakararama zana nomakuma tanhatu namahiri womakore uye akazobhara Enoque. ¹⁹Paanga abhara Enoque, Jarede wakararama mazana masesre womakore uye wozobhara akomana nowasikana. ²⁰Jarede wakararama mazana mafembamwe nomazana matanhatu namahiri womakore; uye wozofa.²¹Enoque wakararama makuma tanhatu namachanu womakore wozobhara Matusalem. Enoque wakafamba naMwari. Paaka bhara Matusalem. ²²Enoque wakararama mazana matatu womakore wozobhara akomana neya sikana. ²³Enoqui wakararama mazana matatu nomakuma tanhatu namachanu womakore. ²⁴Enoqui wakafamba naMwari uye akazongarangara panyika, ngokuti wanga atorwa naMwari.²⁵Matusalem wakararama zana nomakuma sers womakore wobhara Lameque. ²⁶Paaka pedza kubhara Lameque, Matusalem wakararam mazana manomwe nomakuma sere mahiri womakore wozobhara akomana uye neya sikana. ²⁷Matusalem wakararama mazana mafembamwe nomakuma tanhatu namafembamwe womakore; uye wozofa.²⁸Lameque wakararama zana nomakuma sere namahiri womakore wobhara umwe mukomana , ²⁹Wakadhainza kuti Nowa, dzetchiti : " Uhu ndiwe utchazoti nyaradza pamabhasa edhu uye pamabhassa henyarea dzedhu ,dzakasakiswa munyika ya yahweh yakapa nhamo".³⁰Lameque wakararma mazana machanu nomakuma fembamwe namachanu womakore wozo bhara Nowa uye ne akomana pamwepo neya sikana. ³¹Lameque wakararam mazana manomwe nomakuma nomwe nama nomwe womakore; uye wozofa.³²Nowa wakararama mazaba machanu womakore wozobhara Sem, Cam naJafe

¹Uye zvakaitika ngozvokuti , anhu akatanga kuwanda panyika uye akabhara wana wawo, ²2wana wana wamwari wakaona kuti asikana owanhu anga akarunguma uye akaatora kuti aite wakadzi wawo ese yaya akaapfadza ,. ³uye Ishe akautsa : Mweya wangu autchagari kwendanokwenda muanhu , nokuti ndinyama , uye mazuwa ake atchawa zana romazuwa no makumairi omazuwa.⁴Mikwimba yanga iri panyika , pamazuwa awonawo uye ne akazouya . Izvi zvakaitika ngokuti wana wamwari wakawakana no wanasikana owanhu , aona akabhara nawo wana , waya angakarebhesesa nokusimba, warume waithyisa .⁵Ishe , akaona zvituto zvikuro zvenga zviri muwanhu panyika , uye nokudzika kwepfungua dzemwoyo yawo yenga itchienderera yakashata . ⁶uye Ishe akazvitsuna nokuita munhu panyika , uye izvi zvakatsukwarisa mwoyo wake⁷Nukudharo akautsa Mwari : Nditchabvisa munyuka munhu wandakasika ; kubvira kuwanhu , pamwepo nemhuka dzikuro , ne zvinokambaira , ne shiri dzedhenga , nokuti ndirikuzvitsuna nekuzvisika kwandakazviita: ⁸Asi Nowa akaona nyasha mumadziso a Ishe.⁹Izvi ndizvo zvimiro zva Nowa : Nowa ari munhu akarurama , akatendeka enga ari ega bhasi panguweyo , uye aiterera kuda kamwari. ¹⁰Nowa akawa bhabha owana wa tatu : Sem, Cam na Jafee.¹¹Nyika yenga yawora pamberi pa Mwari , uye enga yazara nokumanikidzana . ¹²Mwari akaona nyika yaora , nyama ese enga aoresa guanza rayo pamusoro penyika.¹³Mwari akati kuna nowa : Ndaona kuti ya nguwa yokuti ndiise magumo ozvinyama zvese .nokuti nyika yazara nokumanikidzana ku anhu. Tchokwadhi nditchazviputsa pamwepo no nyika. ¹⁴zviitire patchako ngarawa yomatabhwa yemugoferi . Ita makhamuri mungaraya , uinamire netchomukati netchekunza . ¹⁵Iyu ndiwo mukhaindi wa unofanira kuita :kurebha kwengarawa iyi ngakuwe ko mazana matatu omakubhiti , kuzoti kupabhama kwayo ngakuwe ne makubhiti makumi mashanu, nokukwira kwebhakubhiti makumi matatu.¹⁶Uite dhenga ro ngarawa usiye bhuri rine kubhiti imwe , ngopamutcheto . Isa musuwo ngoparutiwi pongarawa .Uitizve nyumba imwe pasi , imwe yotchipiri uyeno imwe yotchitatu . ¹⁷Izuwa : inini nditchaunzisa nvura huru panyika , kuti ndiputse nyama yese ine ndaramu youpenyu pasi pedhenga . Wese ari panyika atchafa.¹⁸Asi inini nditchaita tchitendero newe . Iwe utchaenda mukati mongarawa , nowana wako , nomukadzi wako , nowakadzi owana wako newe . ¹⁹pa zvisikwa zvese , panyama dzese iwe unofanira kuunzisa mukati mongarawa zviiri pamukhaindi wazvo , yikono ne yokadzi²⁰Ku shiri maererano omukhaindi wadzo , kuzvinyama zvikuro maererano omukhaindi wadzo ku tchese chinokambaira pasi maererano omukhaidi wazvo , zviiri pamukhaindi wazvo ngazviuye kwauri . kuti zvirambe zvine ndaramu . ²¹urongedze mukhaindi wese wezvokundya , nokuti ndizvo zvitchakubhatsira kuti undye iwe nazwo. ²²Hino Nowa aikaita saizvona maererano ozvese zvaakatumwa na Mwari , iye akaita.

¹Ishe akati kuna Nowa: " enda ku arica iwewe uye ne ukama wako wese; nokuti Inini ndaona kuti wakarurama pamberi pangu pa dzinza iri. ²Pa tchinyama tchimwe netchimwe tchakatchena utchaunzisa newe zvinomwe zvetchikadzi uye zvinomwe zvitchikono ; uye pazvinyama zvisiripi zvekutchena utchaunzisa tchimwe tchetchikadzi uye netchimwe tchetchikono. ³Uyezve pa shiri dzekudhenga utchaunzisao futi zvikono zvinomwe uye zvetchikadze zvinomwe, kuti tingekete rudzi razvo panyika.⁴Nokuti, pamazuwa manomwe, nditcha naisa mvura panyika mazuwa anokwana makumim marongomuna uye neusiko watcho. Nditchaputsa panyika ino yese zviro vzese yandakasika". ⁵Nowa wakaita zviro zvese zvakavunzuwa na Ishe.⁶Nowa anga ano zvuru zvitanhatu zvemakore pakuuya dhambi panyika. ⁷Nowa wakupinda mu arica ne ana ake uye ne mukadzi ake uye ne akadzi e ana ake, ngondaya ye mvura ye dhambi.⁸Zvinyama zvikatchena uye nezvisina kutchena, zvinomburuka, uye nezvese zvinodzikwekweredza pasi, ⁹pazviri zviri, mukadzi ne mwamuna, akaenda kuna Nowa kakupina mu arica, se Mwari anga azvibuya kuna Nowa. ¹⁰Zvakazoitica kuti, kupera kwe mazuwa manomwe, mvura yakazodzara padhenga pe nyika.¹¹Nowa panga ano mazana matanhatu emakore, kuma zuwa gumi nezvinomwe kwe mwedzi wetchipiri, zvakaputsika zvimbo zvese zvaka dzikisisa, uye musowo dze dhenga dzaka fungunuka. ¹²Mvura yakatanga kunaya uye yakadzadza nyika yese ngomazuwa makumi marongomunaneusiko watcho.¹³Pazuwa rimwero, aka pinda mu arika Nowa uye ne ana ake, Sem, Cam uye na Jafe, nomukadzi wa Nowa uye ne anakadzi atatu o ana ake. ¹⁴Uye naye zvinyama zvese zvemushangu zve rudzi razvo, zvinyama zvese zvino pfuiwa se rudzi razvo, zvinyama zvese zvinodzi kwekweredza pasi, uye ne zvese zvino mburuka se rudzi razvo, uye tchisikwa tchese tchino matenga.¹⁵Zviri zviri zve nyama zvino fema zvaka uya kuna Nowa zvipinda mu arica. ¹⁶Zvinyama zvakapinda zvnga zviri tchikono ne tchikadzi; uye zvakapinda se Mwari angazvi buya. Penepo Ishe aka konya musuwo.¹⁷Uye yaka uya ndambi pa nyika pamazuwa makumi marongomuna uye mvura yakazodzarisa uye yakasimudza arica panyika. ¹⁸Mvura yakafukidza nyika yese, uye arica yakagara padhenga pe mvura.¹⁹Mvura yakazonyasa kudzarisisa padhenga pe nyika uye yakazofukidza mathunhu ese akarebha angaripo panyika pasi pedhenga. ²⁰Mvura yazobhudhikira gumi nezvi shano kurebha kupinda padhenga pe matunhu²¹Zvisikwa zvese zvairarama uye zvai famba panyika zvakafa: shiri, zvinyama zvinopfuiwa, zvinodzikwekweredza pasi, zvemushangu uye ne munhu wese. ²²Zvisikwa zvese zvai fema ne bhino zvei rarama panyika yakaoma zvakafa.²³Penepo zvisikwa zvese zvinorarama panyika zvakafudzuwa, kutangira munhu dzamara zvinyama zvikuru, zvinodzikwekweredza pasi uye shiri dzekudhenga. Ese akafudzuwa panyika. Uye akasara bhasi Nowa ne aya akapinda mukati me arica naye. ²⁴Mvura yakaramba iripo panyika pamazuwa aikwana kuita txuru ne mazana mashano.

¹Mwari wakazorangarira Nowa, nezvinyama zvese zvomushango uye nezvinyama zvese zvinopfuiwa panyumba zvanga zviri naiyena mu arica. Mwari wakafuridza imwe mhepo padhenga penyika, uye mvura dzakatanga kupunguka. ²Zvimbo zvakadhikisisa uye nemusowo dzedhenga zvakafungika, uye mvura yakazoima kunaya. ³Mvura yaipunguka nguwa yese panyika. Kupera kwemazuwa txuru nemazana mashanu, mvura yanga yapunguka zvikuro.⁴Arica yakaima pamwedzi wetchinomwe, pazuwa gumi nezvinomwe, pamusoro pematunhu eararate. ⁵Mvura yakaramba yetchi punguka kudzamara mwedzi wetchigumi. Pazuwa rekutanga remwedzi wetchigumi, minzuwa dzematunhu dzakaoneka.⁶Zvakazoitika kuti, kupera kwemazuwa makumi marongomuna, Nowa wakafungura janera rearica ya anga aita ⁷uye wakasunungura gunguwo, rai enda retchi whirira, kudzamara mvura yaoma yese panyika.⁸Saka yena wakazotuma njiya kuti aone kuti mvura yanga yapunguka here pamberi penyika, ⁹asi njiya aizi kuwona mbuto yokuima. saka yakawhirira kuna Nowa mu arica, nokuti mvura yanga yakafukidza nyika yese. Yena wakatandadza nyara yake, kakubhata njiya kakuipinza mukati mearica naye.¹⁰Yena wakaimira mamwe mazuwa manomwe uye wakaisunungurazve njiya kuti iyende kunza kwe arica. ¹¹Njia yakawhirira kuna yena pakudhoka kwe zuwa, uye yai unzisa pamuromo payo sakani remuonde ritswa. ¹²Nokudharo, Nowa wakazviziya kuti mvura yanga yapunguka panyika. Wakaimirazve mazuwa manomwezve kaku sunungurazve njiya. Yona aizi kuwhirirazve kwaari.¹³Zvakazoitika kuti, pazuwa rekutanga regore rezvuru zvitanhatu nerimwe, mvura yakaoma panyika. Nowa wakabhisa dhenga re arica, uye wakanangira kunza uye wakaona kuti hope yenyika yanga yakaoma. ¹⁴Pamwedzi wetchipiri, pama zuwa makumi mairi nozvinomwe, nyika yanga yaoma.¹⁵Mwari wakati kuna Nowa: ¹⁶"Bhudha mu arica, iwewe nomukadzi wako, ana ako uye ne anakadzi e ana ako. ¹⁷Bvisa tchisikwa tchese tchinorarama tche nyama, zvino mburuka uye nezvino pfuiwa panyumba, uye nezvinyama zvino famba nendani zveidzikwekweredza panyika, kuitira kuti zvibhare, zvikure uye zviwande panyika"¹⁸Hino, Nowa wakabhudha neana ake, nemukadzi ake uye neanakadzi e ana ake. ¹⁹Nezvisikwa zvese zvinorarama: zvinomburuka, zvinopfuiwa panyumba, zvinyama zvemushango uye netcinyama tchese tchino dzikwekweredza, se ukama wazvo, akasia arica.²⁰Nowa wakagadzira aritari kuna Ishe. Yena wakatora zvimwe zvinyama zvakatchena uye dzimwe shiri dzakatchena akadzibhaira setchipiriso pa aritari. ²¹Ishe akazuwa kunhuwhira kwakanaka uye akati mumwoyo Mao: Inini anditchazotukizve nyika ngondaya yemunhu, kunyangwe zvinanguwa zvemwoyo zvemunhu zvaka shata kubva kutanga kwake munhu, uye anditchaputsizve zvinorarama zvese , se Zvandabva kuita zvino. ²²Saka nyika ikaramba iripo, kusima, uye kukotokora, kutonhora uye kupisa, marimo uye mainza, zuwa ne usiko azvizoperi".

¹Uye Mwari waka komborera Nowa uye no ana ake, uye akavunza kuti: " Bharai, wandai uye dzadzai nyika. ²Kupatika uye no kuthia imwimwi kutchagara no vzinhama zvese zvino rarama panyika, Zvinhama zvino mburuka kudhenga no zvinhama zvino dzikwekweredza pasi uye ne howe dzese dzo muvhura. Zvese zwaka kandhua mu nhara dzenhu.³Tchese tchinofamba uye tchinorarama tchitchasenza kuti murhe. Nomu shobho wandakupasai shangwa yese. Pazvese ndirikukupasai zviro zvese. ⁴Nokudharo musarhe nyama neupenyu wayo kana kuti nyama ne ngazi yayo.⁵Tchokwadhi, Inini nditcha rongosa ngazi yenyu; Nditcharongosa ye tchinhama tchese. Uye nditcha rongosa munyuwese anonga auraia hama yake, Inini nditcharongosa ngue upenyu we munyu ⁶Wese uno dhurura ngazi ye munyu yakeon itcha dhururwao ngue munyu, ngokuti Mwari akaita mudhu se mufananidzo wake. ⁷Asi imwimwi, iwai ano bhara uye wandai; dzadzai nyika".⁸Vzino Ishe Mwari waka reketa na Nowa uye no wana wake etchiti: ⁹"nditcha kanda mirairo yangunemwi, no rudzi renyu rino uya kupinda imwimwi ¹⁰uye no kadhatchimwe tchidhu tchino fema uye tcho rarama nemwi: kunhagwe shiri dzo mudhenga, nhama dzo manhumba uye zvi nhama zvo mushango zvaka bhudha mu Areca, se tchiro these tsino rarama panyika.¹¹Nditchakanda sungano rangu nemwi, kuti nhama yese aizoputswizve no mvura yo ndambi narini. Narini akuzo onekwizve ndambi kuti iputse nyika". ¹²Mwari wakati: " Itchi nditcho tchiratidzo tche sungano yangu nemwi yandirikuita nezvese zvino rarama nemwi, kuitira madzinza atchauya. ¹³Inini Ndirikukanda muraraungu mumacore, uye itchona tchitchawe tchiratidzo tche sungano Rangu nenyika.¹⁴Zvatchazoitika kuti, ndikaunzisa makuta panyika uye maari moneka muraraungu, ¹⁵nditcha edzurira sungano Rangu ratakaita Inini nemwi uye zvirarami zvese zvenyama zviri panyika.¹⁶Muraraungu utchagara mumakore uye Inini nditchaona, uye Nditcha edzurira sungano Rangu nezvi zvirarami zvese zve nyama yese zviri panyika". ¹⁷Pedzepo Mwari wakati kuna Nowa: "Itchi nditcho tchipangidziro tche sungano Randaita, Inini uye zvisikwa zvese zve panyika".¹⁸Ana a Nowa akabhudha mu arika anga ari Sem, Cam uye Jafe. Cam anga ari bhabha weKenan. ¹⁹Ndiona aona ana atatu a Nowa uye nyika yese yakadzadzwa nawo.²⁰Nowa wakatanga kurima munda uye waka sima mazambiringa. ²¹Wakamwa vinyu uye wakazoraradza. Yena wakazogara mitu mu txutumba tchake.²²Cam, bhabha we kenani, wakaona umitu wa bhabhake uye wakabhudha kwenda koerengera hamadzake mbiri. ²³Hino Sem uye naJafe akatora batchi uye akakanda pa phewa uye, etchifamba nomasure, akafukidza umitu wabhabhao. Hopedzo dzanga dzakanangira kusure kuitira kuti asaone umitu wabhabhao²⁴Nowa paka pembenuka pakuraradza kwake wakazvizuwa zvakaita nemwana wake mudhoko. ²⁵Hino wakati: " Kenani ndinoituka. Yena atchaita musenzi we hama dzake".²⁶Uyezve wakati: " Kuti Ishe, Mwari wa Sem, ngawakudzwe uye Kenani nga ite musenzi. ²⁷Kuti Mwari ngasimudze Jafe, uye ngararame yena muzvitumba zva Sem. uye kuti Kenani ngaite musenzi wake.²⁸Kupera kwe ndambi, Nowa wakararama mazana matatu nomakumi mashano emakore, Mazuwa ese a ²⁹Nowa akaita mazana mapfembamwe nomakumi mashano emakore, pedzepo yena wakafa.

¹Aya ndiwo madzinza e ana a Nowa: Sem, Cam, uye Jafe; ana ake akabhara kupera kwakaita dhambi.²Ana a Jafe ndiona: Gomer, Magogui, Madai, Java, Tubar, Mesequi uye na Tirasi. ³Ana a Gomer ndio: Asquenaz, Rifate uye Togarma. ⁴Ana a Java ndiona: Elisa, Tarsisi, Quitim, uye Dodanim. ⁵Marudzi a Java akakwanisana oga mbuto dze nyika dziri kumutcheto, uye akadzigara mbutodzo oga oga mudzinza rawo nemutauro wayo ne ukama wawo.⁶Ana a Cam ndiona: Cuxe, Mizraim, pute uye Canaa. ⁷Ana a Cuxe ndiona: Seba, Havila, Sabita, Raama uye Sabteca. Ana a Raama ndiona: Saba uye na Deda.⁸Cuxe wakabhara Ninrode, uya akaita munhu wekutanga panyika wakasimba. ⁹Yena anga ari muvimisi mukuru pamberi pa Ishe. Ngondaya yazvo zvinozwi: "sa Ninrode, muvimise wakasimba pamberi pa Mwari" ¹⁰Maguta makuru e umambo wake ndiona Baberi, Ereque, Acade uye Calne, pa nyika ye Sinar.¹¹Wakazobva panyika iya, kakwenda kuSiria uye kaku waka Niniva, Reobot-ir, Cala uye ¹²Resem pakati po Niniva uye Cala. Iri ranga riri Guta guru. ¹³Mizraim wakabhara Ludim, Anamim, Reabim, uye Naftuim, ¹⁴patrusim, a Casluim uye Caftorim.¹⁵Canaa wakabhara Sidom, dhangwe rake , uye Hete, ¹⁶wakabharazve futi Jebuzeu, amorreu, girgazeu, ¹⁷heveu, arqueu, sineu, ¹⁸arvadeu, zemareu uye hamateu. Pedzepo anyaukama eku kenan akaparadzana.¹⁹Nyika ye makukenan yanga iri yoku Sidon, guanza rekwenda ku gerar, kudzamara ku Gaza; kugwanza reku Sodoma, Gomora, Adima uye Zeboim, kudzamara lasa. ²⁰Aya anga ari emudzinza ra Cam ne eukama wake, ne mutaura, ne nyika yake.²¹Sem, tsekuru we ana ese a Heber uye hama ikuru ya Jafe, wakbhara futi ana. ²²Ana a Sem ndiona: Erao, Assur, Arfaxade, Rude uye Ara. ²³Ana a Ara ndiona: Uz, Hul, Geter uye Mas.²⁴Arfaxade wakabhara Sela; uye Sela wakabhara Eber. ²⁵Eber wakabhara ana airi. Zina re wokutanga nde Perege, ngokuti mazuwa enewo nyika yanga ya kwanisuwana. Zina re hama yake ranga riri Jocta.²⁶Jocta wakabhara Almoda, Serefe, Hazarmave, Jera, ²⁷Hadorao, Uzar, Dicla, ²⁸Obal, Abimaeri, Saba, ²⁹Ofiri, Havila uye Jobabe. Ese aya anga ari ana a Jocta.³⁰Nyika yao yai enda kubva pa Messa kudzamara Sefar, nomatunhu kumutcheto. ³¹Aya anga ari madzinza a Sem, ne ukama wake uye nemutauro wake uye munyika yake.³²Aya ndiwo anyaukama emadzinza a Nowa, nematererano ake, nonyika dzao. Kutangira pa anyaukama aya kwakaitika marudzi uye akaparadzana kwenda ku nyika yese. dhambe rapera.

¹Panyika panga pane mutauro umwe basi, uye namareketero amwe basi . ²Otchienda aona kumabvazuwa , akaona mbuto yakazverera bani panyika ye shinari akagara apona apopo.³Uye akabvunzana umwe na umwe wawo ,: Uyai tiite zvidhina , uye tizowapise zvakanaka. Aona akasenzesa zvidhina kunze kwemapuwe , bhitumini akarisenzesa se matope. ⁴Ukautsa : Uyai tiwake guta redu , rusingo rwaro unogumira kudenga , tione kuzvipa mbiri yedu, kuti tisazobararire nonyika yose.⁵Asi Mwari akatchita kuti aone guta no rusingo raiwakwa no wa owanhu. ⁶Akautsa Mwari : Anhu aya ndi amwe bhasi uye anoreketa mutauro umwe bhasi .Izvi ndizvo zvaakatanga kuita ; Hino apachina kupindirana pazvese zvaatchadha kuita . ⁷Uyai titchite uye tisiyanise mutauro wawo . kuti wasapindirane. umwer noumwe wawo.⁸Uye Mwari akawabhararisa pamusoro penyika ese; uye akaima pokuwaka guta . ⁹Ndiyo ndawa pakadhaidzwa baberi ngokuti , ndipona apopo Mwari paakasiyanisa mutauro yo nyika yese uye akawabhararisa munyika yese.¹⁰Aya ndiwo madzinza a Sem . Iye anga aine zana romakore okubharwa , paakabhara Arfachadi ,makore mairi kubhudha munvura ya Nova. ¹¹Sem akararama mazana mashanu omakore kubhudha mukubhara Arfachadi ; uyezve akabharawo ana amwene oanarume no anakadzi.¹²Arfachadi anga ana makumi matatu omakore no makore mashanu , paakabhara Sela . ¹³Paakabhara Sera , Arfachadi akazorarama mazana mana omakore no makore matatu; Akabhara ana oanarume no onakadzi¹⁴Sera anga aine makumi matatu omakore paakabhara Eberi. ¹⁵Sera akararama mazana mana omakore kubuda mukubhara Eberi ; akabharawo ana oanarume no ana oanakadzi¹⁶Eberi anga aine makumi matatu omakore no mana , paakabhara Peregue .¹⁷Eberi akararama mazana mana omakore no makore makumi matatu kubudha mukubhara Peregue ; akabharawo ana oanarume no anakadzi.¹⁸Peregue anga aine makumi matatu , paakabhara Reu . ¹⁹Peregue akararama mazana mairi omakore no makore pfemba, mukubhuda mukubhara Reu ; akabharawo ana oanarume no anakadzi.²⁰Reu anga aine makumi matatu omakore no mako mairi paakabhara Serugue . ²¹Reu akararama mazana mairi omakore no makore manomwe , kubhudha mukubhara Serugue ; akabharawo ana oanarume no anakadzi²²Serugue anga aine makumi matatu aomakore paakabhara Naori . ²³S erugue akrarama mazana mairi omakore kubhudha mukubhara Naori , akabharawo ana oanarume no anakadzi.²⁴Naori anga aine makumi matatu omakore nomakore pfemba paakabhara Teraa . ²⁵Naori akararama zana romakore nomakore gumi nozvipfembamwe .mukubhudha mukbhara Teraa . ²⁶Teraa anga aine makumi manomwe omakore paakabhara Abrahama , Naori, no Haraa.²⁷Aya ndiwo madzinza a Teraa . Teraa akabhara abrahama , Naori uye no Haraa ; Uye Hara akabhara Roth . ²⁸Haraa akafa pamberi pobhabha wake Teraa , munyika yakabharirwa , ku Uri yoma karadiya²⁹Abrahama na Noari akatora wakadzi wawo . Mukadzi wa abrahama aidhaidzwa kuti Sarai , kuzototi mukadzi wa Naori aidhaidzwa kuti Milka ; uyu anga ari mwana wa Haraa anga ari bhabha wa Milka no Iskaa . ³⁰Sarai anga ari ngommwa kana kuti mhange , : Anga asina wana .³¹Tera akatora mwana wake Abrahama uye na Roth mwana ohama yake , nyamwana wake, mukadzi omwana wake Abrahama . Ese akasia Uri yoma karadiya , kuti aende kunyika yo khanani. ³²Akenda ko gumira Haraa , ndipo paaka gara achirarama . Teraa akararama mazana omakore no makore mashanu uye kazofa ku Haraa

¹Zvino DJeova, wakabvunza kuna Abrahama: "bhudha Munyika yako, uye ubhudhe pakati pohamadzako, uye nopahumba paBhabhako, uyende Kanditchakupangidza. ²Uye nditchakuita Nyikaihuru, nditchakomborera, zina rako nditcha ita hur, uye iwewe utchagara makomborero. ³Inini Nditchakomborera andhu Atchaku komborera, uye nditcha tuka anhu atchakutuka. Madzidza ese Enyika atchakomborerwa kubhundikidza Ndiwe".⁴Uye Abrahama wakaenda na Djeova maererano nozvanga akabvunzwa ndiMwari, uye Loti wakaenda naye. Abrahama wanga uno makumanomwe namachanu emakore, pakabva kuHara. ⁵Wakatora Mukadzi wake Sarai, na Loti, Mwana wehama yake, uye neupfumi wake wese, noanhu anga akatora ku Hara. aawona akabhudha etchienda kunYika yeKenani uye akagareyo.⁶Abrahama akadharika Nyika etchienda kumuti wamuoki wemore. Nguwa iyona, wakananita waigara maNyika iyona. ⁷Yahweh wakauya kuna Abrahama, uye akati " Nyika hii nditchaipasa dzindza rako". Zvakadharo Abrahama wakagadzira Aritari kune Yahweh, uya wakange wakabhudhira.⁸Kubhudha apona, wakatchidja otchirdha kumazvazuwa Kobeteri, kaaka kanda tchitunba tchake, beteri ranga riri kumadhokera, nokuti, kumabvazuwa; ikona iyena waka, gadzira Aritari ya Yahweh uye akaindhaidza zinarake. ⁹Zvakadharo Abrahama wakabva ipona etchienda kundii roku Neguebi.¹⁰Uye pakaita dzara paNyika, zvakandharo Abrahama wakaendha koogara ku IGipita, Ngokuti nzara yanga yanyaya paNyika. ¹¹zvakaitika kuti panga okwedhera ku Igipita, wakabvundza mukadzi wake Sarai kundai, "ona inini ndinozviziya kuti uri Mwanakadzi wakarungama. ¹²Kana maIgipita akakuona atchareketa: " uyu mukdzi wake! wanozodhiuraya, uye anozokusia wakapona. ¹³Abvunze, kuti uri munukuna wangu, zvakadharo ndhitchapona nokudha kako, uye upenyu wangu utchasiwa ngonyayayako.¹⁴Zvakaita kuti Abrahama, paakapinda kuIgipita, maIgipita akaona kuti Sarai wanga ari Mwanakadzi wakarungama. ¹⁵Zvakaita kuti paakapinda Abrahama muIgipita, maIgipita akasirira Sarai. Watchengeti wa Farau, wakamuona, uye akamusirira, pamberi pafarau, uye Sarai wakaendheswa kumba kwa Farau. ¹⁶wakabhata zvakanaka Abrahama ngonyaya yake. uye akamupasaho Mabhira Mombhe, nemakono emadhoki newashandhi-kadzi nekamera.¹⁷Zvakadharo Yahweh wakashupa farau nowo mumba yaake, neku tchupika kakakura, ngondaya yaSarai, mukadzi wa Abrahama. ¹⁸Farau akadhaidza Abrahama kakumubvudzisa; Zvinyi zvawaita? ¹⁹"auzi kundi bvunza nguei kuti mukadzi wako? maitiro okuti , ndamatoro kuti aite mukadzi wangu? zvino mukadzi wako uripano, mutore, uyende nogwandzi rako. ²⁰Zvakadharo Frau wakapasa mutemo, kuno anhu ake, maererano naye uye akamutora oenda naye, ariese nomukadzi wake, uye novanga anazvo.

¹Hino Abrahama akabhudha kughipita akaenda ku neguebe. Yena , mukadzi wake uye nezvese zvanga zvina yena. Roti wakaendao naye. ²Abrahama anga arimupfumi mukuru: anga ano zvipfuiwa uye anga ano siriva ne ndarama.³Yena waka enderera ne ruendo rwake kubva ku neguebo kur kwenda kuBeteri, dzamara aguma pa mbuto panga pane txutumba txake kare, pakati pe Betel uye ne Ai. ⁴Apona ndipo pambuto panga pane aritari yanga agadzira kare, uye ipona Abrahama waka dhaidza Ishe.⁵Panguwa iyona, Roti, uye aiperekedza Abrahama, anga ane zvipfuiwa zvake nezvitumba. ⁶Nyika yanga isika kwani kuti gutise ese, nokuti zviro zvao zvanga zvakawanda, zvekuti zvanga zvisikaiti kuti ararame ese. ⁷Saka pakazonekwa kupesana kwe aushi ezvinyama zva Abrahama uye ne aushi ezvinyama zva Roti. Panguwa iyona, makenani ne maferezeu ai rarama nyika iyona.⁸Wakati Abrahama kuna Roti: "ngakusawe nyonganiso pakati pangu newe, uyezve pakati pe aushi ako ne angu, nokuti tir hama. ⁹Airipi pamberi pako nyika yese? Ndinokukumbira kuti tarauka pandiri. Ukaenda kurubhoshwe, inini ndinoenda kudhii kwaro. Kana ukaenda kudhii kwaro inini ndinoenda kuru bhoshuwe".¹⁰Zvino Roti akaningira kubha dhii ese uye wakaona kuti madhimba ese eJorodani anga akdhirirwa mugwanza rese kudzamara Zoari; anga akaita se munda wa Ishe, se nyika ye Ghipita. Izvi zvakaitika Ishe asati aputsa Sodoma ne Gomora. ¹¹Nokudharo Roti wakazvi sanangurira madhimba ese eJorodani ka kwenda kumu tcheto, uye aka paradzana umwe ne umwe.¹²Abrahama akagara panyika ye Kenani, uye Roti mumaguta emadhimba, etchiaka zvitumba zvake dzamara kuguma Sodoma. ¹³Naizvona, anarume eSodoma anga aka shata zvikuru mumwoyo dzawo uye anga ari ashaishe akuru kuna Ishe.¹⁴Ishe Akati kuna Abrahama,musure moku bhudha kwa Roti: Simudza madiso ako uye nangira kutanga pauri kune kumabva zuwa, kuma nokera zuwa, kurubhoshuwe uye kudhii kwaro kwe zuwa. ¹⁵Nyika yese ya urikuona, Inini nditchapa iwewe uye nditchapa ana ako nokusingaperi.¹⁶Inini nditchaita kuti dzinza rako riwanda ingana mavu e nyika, nemu shobho wekuti, dhai munhu aikwanisa kuerenga mavu enyika, nedzinza rako rino erengekao. ¹⁷Simuka, ufambe nyika iyi, mumadhii ayo ese. nokuti nditchapa iwewe". ¹⁸Hino Abrahama wakatunhura zvitumba zvake uye wakagara paduze pe mutunhu we Manre, zvaigara ku Heboroni, kwa kaita aritai kuna Ishe.

¹Pamazuwa a Arafal, mambo wekuSinar, mambo we kuArioki, mambo weku Erasari, weku Quedorraomer, weku Erao uye weku Tidal, mambo weku Goim, ²aya akumutsa hondo ne Mera mambo wekuSodoma, Birsa, mambo weku Gomora, Sinabe, mambo weku Adima, Semeber, mambo weku Zeboim uye mambo we Bera inodhaidzwa Zoari.³Aya madzimambo mashano ekupedzesera akasongana murindi reSidini rinozikwana sa bahar re munyu. ⁴Munguwa inokwana gumi nairi emakore, anga akasensera Quedorraome, asi, mugore gumi nezvitatu akapanduka. ⁵Pakupera pe gore gumi nemarongomuna, Querdorraome uye nemadzimambo anga ari naye akaenda naye uye akarwisana ne refaimu oku Astaroti- Carnaim, ne zuzim oku Hao, neemins okuSave- Quiriataim ⁶uye ne ma horeus eku dhuno re Seir dzamara El- Para. paduze nomurenje.⁷Pedzepo aona akawhirira uye akaenda ku En- Mispati ino dhaidzwa Cadesi, uye akakunda nyika ye amareki uye ye amoria futi, airarama kuHazazom- Tamar. ⁸Kubva penepo, mambo weku Sodoma uye ne mambo weku Gomora, ne mambo weku Adamu, ne mambo weku zeboimu uye ne mambo we Bera unodhaidzwa Zoari, akaenda etchigatsirira ⁹kurwisana mu rindi re Sidimu ne Quedorraomer, mambo we Erao, Tidal mambo we Goim, Arafel mambo weku Sinar, ne Arioki mambo weku Erasar: madzimambo marongomuna kurrwhisana ne mashano.¹⁰Rindi reSidimu ranga rakadzara ne zvimbo zvino tara, uye madzimambo eSodoma ne Gomora akatiza uye akambuera kweneyo. Aya anga ari kubhoshuwe akatizira mumatunhu. ¹¹Nokudharo awengi akatora mudziyo yese nozvokurha zvaSodoma ne Gomora uye akaenda. ¹²Aona akatora futi Roti, nezviro zvake zvese. Roti akanga ari mwana we hama ya Abrahama uye wairarama kuSodoma.¹³Umwe anga atiza pa hondo wakaenda koreketa kuna Abrahama, mu Heburu; uye uyu waigara mu bherere dzemiti zvoku Manre, mu amoreu, hama ya Esicol ne Aneri, aona ese anga ari shamwari dza Abrahama. ¹⁴Pakazvizuwa Abrahama kuti awengi ake anga asunga muzukuro wake, wakatungamirira mazana matatu uye negumi ne masere e anhu akafundiswa hondo, akabharwa mudzinza rake, owatera dzamara Da.¹⁵Yena akapaura anarume ake uye ne usiko akaenda ko rwisana ne awengi, etchiatera kudzamara Hoba, kumaodza nyemba e Damasico. ¹⁶Zvakadharo wakazo unzisa mudziyo dzese uye na Roti nemudziu dzese, uye ne akadzi uye ne anhu amweni.¹⁷Abrahama paaka whirira kubva kuhondona Quedorraomer uye ne madzimambo anga ari naye , mambo we Sodoma akabhudha kwenda kosongana naye murindi re Save rino dhaidzwa Rinde ra Mambo. ¹⁸Merikesedeki mambo we Sarema, waka unza mukati ne vinyu. Yena akanga ari mupirisita wa Mwari wekuMusorosoro¹⁹Yena wakakomborera Abrahama, etchiti: " Wakaropafadzuwa Abrahama nekudha kwa Mwari wako wekumusororo, muridze we dhenga ne nyika. ²⁰Ngawakudzwe Mwari wekumusororo, wakanda awengi ako munyara dzako". Hino Abrahama akamupa tchegumi tchozvese.²¹Mambo weSodoma akati kuna Abrahama. " Ndipe anhu iwewe wotora mudziyo yese". ²²Abrahama wakati kuna mambo we Sodoma: " Inini ndino mutsa nyara dzangu kuna Ishe, Mwari Wekumusorosoro, Musiki we dhenga ne nyika, ²³kuti anditori kana usaro umwe hao, netambo hasho, kuna kuti tchiro hatcho tchinobva kwauri, kuitira kuti usazoti: `inini ndakapasa uofami Abrahama´. ²⁴Inini anditori tchiro, kunze kwe zvarwa nemadjaha. Pamusoro pe anhu auya neni, Aner, Escori uye Manre, aona ngatore oga ndima dzao

¹Kupera kwe izwi , akareketa Ishe kuna Abrahama, mutchiradzo, etchiti: " Usathiye, Abrahama! Inini ndiri tchivikiro tchako, mubhairo wako utchawe ukuru". ²Abrahama akadhaira: " Ishe wangu , tchii tchamutchandipa, nokuti andina mwana kudzamara zvino, atcha gara ne nhaka yangu ndi Eriezeri woku Damasco?" ³Wakatunhudzirazve Abrahama : 2 Imwimwi amusati mandipa mwana , uye musenzi wangu ndiye utchasara nozviro zvangu".⁴Zvino rakauya soko raIshe kwaari, retchiti: " uyu andiepi atchatambira nhaka yako, asi uya atchabharwa newe ndiye atchatambira nhaka yako". ⁵Uye Ishe akamubvisa kunza kakumo ratidza kudhenga etchiti nangira kudhenga uye erenga nyeredzi, ukakwanisa". Uye akati: "dzinza rako ritchaita kudhai".⁶Abrahama wakatenda kuna Mwari uye wakaizuwa se kururama kwa Mwari. ⁷Uye akati Ishe: Inini ndiri Ishe akakuita kuti ubhudhe ku Uri kema Cardia, kuti ndikupe nyika se nhaka". ⁸Wakavunzisa Abrahama; " Ishe , ndinozozia sei kuti nditchapiwa?".⁹Akadhaira Ishe : " Ndiunziire tchinyama, tchimbudzi uye ne gotokoto, imwe ne imwe ino makore matatu, uye ne njia imwe ne tchikware tchimwe". ¹⁰Yena wakaunzisa zvinyamezvo, kakugura no pakati okanda zvimwe kumberi kwe zvimwe, asi zvinomburuka azi kugura. ¹¹Zvinomburuka zvakashata zvai tchita kuya kuno zvagurwa asi Abrahama waizvi dzingira.¹²Zuwa paraidhoka, dzakauya hope dzikuru kuno Abrahama, kupatika uye ne dhima rakawanda rakauya kakumutenderera. ¹³Ishe kakuti kwaari: Unoziya here kuti dzinz rako ritchatera ritchaita wafambi munyika ye aridzi . Atchatambudzwa nekusenzeswa munguwa inokwana mazana marongomuna.¹⁴Asi Inini nditchatonga nyika itchawa tambudzewo; pedzepo atchabhudha ne upfumi ukuru. ¹⁵Asi, iwewe, utchaenda uri murugare kuno madzibhabha ako uye wanyasa kutchembera. ¹⁶Mudzinza retchirongomuna, atcha whirirazve kuno, nokuti ushaishi we ma amoria ausate waguma pamu gano.¹⁷Zuwa parakadhoka kwakaita usiko, umwe muriro wakura uno txutsi uye netchi rapi tche muriro zvakapinda ne pano zvinyama zvakagurwa. ¹⁸Zuwa riya, Ishe akaita sungano na Abrahama, etchiti: "dzinza rako ndaripa nyika iyi, kubva murambo wekughipita kudzamara murambo mukuru unonzwi Eufrati: ¹⁹mukenezeu, mu kadimoneu, ²⁰mu eteu, mu perizeu, ma refaimu, ²¹mu amoria, mu kananiya, mu girgazeu uye mu jebuzeu.

¹Nzvino Sarai, mukadzi waAbrahama, hazi kubhararira Abrahama kana mwana umwe hake, mange wanga ano nhapwa yokudjipita, yahizwi Agar. ²Sarai wakazvunza Abrahama kuti: " yahweh dzari kuramba kuit ndigare mowana. wata hako no nhapwa yangu . zvingaita kuti ini ndinga garewo neyana ngokudha kake".Abrahama wakazwisisa masoko aSarai. ³Dzakadharo Sarai, mukadzi waAbrahama wakapira nhapwa iya kuti hiite mukadzi waAbrahama. Zviro izvi zakaitika kapera gumi romakore Abrahama heyi rarama munyika ye kenani. ⁴Ihena akazo songana kumaponde na Agari, uye wakabata mimba; uye paaka wona kuti anomimba, wakatanga kushoropadza dona ake.⁵Zvakadharo Sarai wakati kuna Abrahama: " Runyozo randiri kuitirwa indaa yako. Inini ndakakupa muchandi wangu mumyara dzako, paakazondowona kuti wano mimba, ihena wotanga kundi shoropodza. Siya Yahweh atonge inini newe". ⁶Abrahama akati kuna Sarai: " Ihena inapwa yako uri pasi pomutemo yako, muitirire zvawunohona zvinga kuitira nani". Zvakadharo Sarai wakamuitira zvinorwadza, Agar wakatiza pamberi pamberi pake.⁷Ngirosi ya Yahweh yakasongana naye patchimo tchenvura kuthambe, kugwanza roku Sur. ⁸Iyona ikamuti: "Agar nhapwa ya Sarai, unobvepi uye urikwenda kupi?" Ihena wakati: " Inini ndiri kutiza dhona angu, Sarai",⁹Ngirosi ya Yahweh yakamuti: " whirira kuna dhona ako uye uwe pasi pamutemo ake". ¹⁰Yomubvunzadze futchi Ngirosi ya Yahweh kuti: "Inini nditchawandisa dzinza rako, uye atchawandisisa, dzokuti azoerengeki".¹¹Nokudharo Ngirosi ya Yahweh yakandomubvunza kuti: Unomimba uye utchabara mwana womukomana, utchazo dhaimzwa Jumaeri, zvakadharo Yahweh wazwa tchitchemo tchako. ¹²Pakati powanarume Ihena utchaita hingana mbongoro womuchango. Nhara yake itcharwa nahewse, uye nhara dzawo wese watcharwa naye.¹³Zvakadharo, Agar wakadhainza Yahweh wanga etchibhuya naye: " Imwimwi ndimwi Mwari unondiwona", ihena wakamuti: " Ndaidha kuwona pano wiya unondiwona?". ¹⁴Ndizvo zakaita kuti tchimbo tchopa Beer_Laai_Roi tchiri pakati peCades neBerede.¹⁵Agar waka bharira mwana Abrahama, uye Abrahama wakamupa zina rokuti Jumaeri . ¹⁶Abrahama wanga waano makore anokwana makuma sere nama tanhatu pakabhara Agari Jumaeri.

¹Abrahama paanga anomakuma fembamwe omakore, Yahweh wakabhudhira Abrahama akamubvunza kuti: "Inini ndini Mwari Womasimba wose. famba pamberi pangu wuyite wakanaka. ²Uye Inini nditchadzadzisa tcitendenderano tchangu newe uye nokuku wanza zvikuru".³Aburahama wakanangira pasi uye Mwari wakareketa naye, etchiti: " ⁴Kandiri itchi nditcho tchitenderano tchandino ita newe : Iwewe utchaita bhabha womadzinza majingi. ⁵Autcha dhainzi kuti Abrahama asi zina rako ritchawa Aburahama _ ngokuti ndakuitab bhabha womadzinza awanda. ⁶Nditchaita kuti uwe ubhereki, mawuri nditchaita madinza nomadzimambo watchabza kawuri.⁷Nditchakanda tchitenderano pakati pedhu Inini newe uye nedzinza ranko, zvitchagara kubhudikidza newagari wenhaka wese setchitenderano tchisinga peri, kuti Inini ndiite Mwari wako ye noWodzinza rako. ⁸Iwewe nodzinza rako nditchakupai nyika iya yawakadharika, nyika yese yeKenani hiite yako narini, uye Inini nditchaitra Mwari wenyu.⁹Mwari wakatidze kuna Aburahana: " kawuri , higa tchitenderano tchanu, iwewe uye nodzinza rako kumadzinza ese atchawiya. ¹⁰Itchi nditcho tchitendera, tchawuno dhikana kugara natcho kuti unodzikana kugara pandiri iwewe nodzinza rako: Mwanarume wese unodhikana kuyizwa utchekeri. ¹¹Mutchatchekerwa tchikanda tchopamberi, nditcho tchitchaita tchipangidziro tchotchitenderano Inini nemwi.¹²Mwanarume wese pakati penyu, wothunga rinoita mazuwa masere, unodhikana kuita uchekeri, nomadzinza ese enyu. Izvi zvino werengwa wese wanobhararwa pamuzi penyu, wiya wakatengwa nawiya mufambi usiripi wodzsinza renyu. ¹³Wuya unobharwa mumuzi menyu na wiya wakatengwa ngomare henyu unodhikana kuita utchekeri. Nokudharo tchitenderano tchangu tchakadindwa panyama henyu hingana tchitenderano tchisinga peri. ¹⁴Munhu nhando usina kuhizwa utchekeri panyama yopamberi pake utcha wuraiwa nowamhu yake, uye ihena watoputsa tchitenderano tchangu".¹⁵Mwari wakazvunza Aburahama kuti: " kuna Sarai, mukazi wako, usasamu dhainzezve kuti Sarai. kunza kazvo, zina rake ritchazwi Sara. ¹⁶Inini nditchaku komborera uye nditchakupa mwana ngopamusana pake. Inini nditchaku komborera, uye ihena utchaita mai wonyika, Madzimambo wonyika atchawiya ngopamusana pake".¹⁷Nokudharo Aburahama waka nangisa pasi, woseka akati mumwoyo make: "Zvinga itikadhi mwana ungabharwa ngomwanarume uno zana remakore? zvingaita kudhini Sara, uno makore makuma fembambwe unga bhara mwana ?". ¹⁸Aburahama akati kuna Mwari: " Jumaeri ngararame pamberi penyu!".¹⁹Mwari akati: " Azviti, ngokuti Sara, mukadzi wako utchakupa mwana, uye iwewe utchamudhainza kuti Isaka. Nditchaita tchitenderano tchangu naye, tchitenderano tchisinga peri nodzinza rake. ²⁰Kuna Jumaeri, Imimi ndakaku prutana, Inini nditchamu komborerawo, nditchaita kuti abhare uye awande zvikuru. Iyena utchaita bhabha howa tungamiriri gumi nahairi. Uye Inini nditchamuitira nyika yuru. ²¹Ngokuti tchitenderano tchangu nditchaita naIsaka, wiya wautcha piwa ndiSara pangani ino yogore rinowiya.²²Paakapedza kureketa naye, Mwari wakabhudha pamberi paAburahama. ²³Nokudharo Aburahama wakatora mwana wake Jumaeri uye nahese akabarwa pamuzi pake, anarume ese opamuzi paAburahama, akaita utchekeri ganda romberi zuwa rimwero, zvia zvanga abvunza ndi Mwari.²⁴Aburahama wanga anomakore anokwana makuma fembamwe namafembamwe, pakaita utchekeri woganda ropamberi. ²⁵Uye Jumaeri, mwana wake, wakanga anomare gumi namatatu pakaizwa utchekeri woganda romberi. ²⁶Pazuwa rimwero, Aburahama nomwana wake Jumaeri akaita utchekeri . ²⁷Hese anarume wopanyumba pake akaizwa utchekeri ndiye pamwepo nawaya wakabharwa panyumba pake uye nawaya wakatendwa ngomare.

¹Ishe akauya kuna Abrahama ariku kuzvi miti dze Manre, paanga agara panopinduwa napo mutchitumba, kweinyasa kupisa. ²Abrahama wakanangira kudhenga kaku ona anhu atatu akaima, kumberi kake. Paaka nyasa kuona waka gogomo kwenda kwaari uye wakapfukama pasi.³Yena wakati: " Ishe, kana ndawana nyasa kumadiso Enyu, musandipinde inini musenzi Wenyu. ⁴Nditchaita kuti ku uye mvura ishoma; musuke murenje uye muzorore pasi pemuti. ⁵Nditchaunzisa mukati; mutsirai masimba enyu, ngokuti maguma panomusenzi wenyu uye muno zoenda henyu kwamuri kwenda". Uye akadhaira: Ita sezvawa buya".⁶Hino, Abrahama nokukasika wakapinda mutchitumba uye wakabuya na Sara: " Kasika, tora mipumo mitatu dze ufu waka sevuwa, wokanya uite mukati". ⁷Hino Abrahama waka gogoma kwenda ku dhanga rake, kakutora tchimwombe tchinovo uye tchakanaka kakupa musenzi kuti akasike kubhika. ⁸Wakabhata mukati uye mukaka ne nyama yanga ya bhikwa, kakuwapa uyeb woramba akaima pamberi pawo, aona etchirha pasi pemuti.⁹Aona akavunzisa kuna Abrahama: Mukadzi wako Sara uripi"? Yena wakadhaira: " Ari mukati mo tchutumba". ¹⁰Uye wakati: Zvirokwazvo nditchauyazve kwauri gore rino uya, uye mukadzi wako Sara, atchabhara" Sara waizvizuwa ari pamusuwo wetchutumba, kusuru kake.¹¹Abrahama na Sara akanga ari ndota, nomakore akwirira; kunze kwazvo, Sara anga apinda nguwa yake yokubhara. ¹²Hino Sara wakaseka kakubuya ega: Nditcha nakirwazve here nda ndota kudhai, uye ishe wangu war ndotao futi?".¹³Ishe akati kuna Abraahama: " Ngei Sara arikuseka uye arikuti: ` Nditcha bharazve inini mwana, nda mbiya kudhaiku?´ ¹⁴Tchiriyo here tchiro tchinga netsa kuna Ishe? kubva nyamasi dzamara gore rimwe, munguwa yanda buyeyo, nditcha zira iwewe, uye Sara atchabhara mwana umwe" ¹⁵Hino Sara wakaramba woti: " Inini andizi kuseka", nokuti yena wakathiya. Yena wakabuyazve: "Kwete! iwewe waseka".¹⁶Hino anarume aya akamuka penepo uye akanangira kudhiii re Sodoma. Abrahama wakaperekedza. ¹⁷Uye Ishe akati: "Nditchafisirazve here Abrahama tchiro tchandinodha kuita zvino, ¹⁸nokuti iyena utchaita rudzi rukuru rakasimba, uye nyika dzese dzemunyika dzitchakomborerwa maari? ¹⁹Ngokuti Inini ndamusanangura kuti paridzire ana ake ne dzinza rake kuti arambe ari mugwanza raIshe, kuti aiti zvakarurama uye nokutongwa, uye kuitira kuti Ishe adzadzise zva buya kuna Abrahama.²⁰Hino Ishe akati: Misodzi dze Sodoma ne Gomora dzakura, uye zvishaishi zvao zvakarisa; ²¹ndirikutchita zvino kuti ndione, kuti zvarikuita zvinoendererana here nomisodzi dzirikuguma Kwandiri. Kunze kwazvo, nditchaziya".²²Hino anarume akateuka uye akaenda akanangira kuSodoma, asi Abrahama wakaramba ari panaIshe. ²³Uye Abrahama wakakwedhera paduze uye wakati: "Mutchaputsao wakarurama ne wakashata".²⁴Kuka onekwa makumi mashano akarurama muguta, munoputsa uye amurekereri mbutuyu ngokudha kwe makumimashano aripenepo. ²⁵Musaite zvakadharo Imwimwi, kuuraya wakanaka uye newakashata pamwepo, hinga hese amwewo . Ngazvi gare kure Nemwi! Mutongi we nyika yese azoiti zviri zvakarurama": ²⁶Ishe akati: " Kana Inini ndikagumira makumi mashano eanhu akarurama kuSodoma, nditcha regera".²⁷Uye Abrahama akati: "Kunyangwe ndiri mavu, ndiregereriwo nokuti ndingodha kubuyazve kuna Ishe. ²⁸Kana pama gumimashano akarurama akashota anhu ashano, mutcha putsa guta rese ngondaya ye ashano?" Uye akati: " Andiputsi, ndika gumira makumi marongomuna nemakuma shano".²⁹Abrahama wakabuyazve: "Zvii zvitchatika kana muka gumira magumi marongomuna kweneyo?" Yena wakadhaira: "Andizoputsi ngondaya ya aona magumi marongomuna". ³⁰Yena wakati: "Ndapota, musandi nyangadzirwe Ishe ngokuti dhaku buyazve. Kana muka gumira magumi matatu, penepo?" ³¹Yena wakadhaira: "Andiputsi ndika gumira mukimi matatu. Uye wakati: " Musandi nyangadzirwe Ishe, dhakubuya zve kamwe. Mukagumira makumi mairi, kweneyo?", Yena wakadhaira: "Andizoputsi ngondaya ye makumi mairi.³²Uye wakati: " Ndapota, musandi nyangadzirwe Ishe, ndingodha kubuyazve kekupedzesera. Akagumirwa gumi bhasi kweneyo?" Yena wakadhaira: "Andiaputsi ngondaya ya aya Gumi". ³³Ishe akatora gwanza rawopakapedza kubuya na Abrahama, uye uyu waka whirira kumba kake.

¹Ngirozi mbiri dzakauya pasodoma nousiku, apa Roth anga akagara pamusuwo mukuro we Sodhoma. Roth akaawaona ,akamuka ,akaenda kosongana nawo uye akaguadhama nehuma yake pasi. ²Iye akati :"Ndapota ,madziishe angu , ndinokukakamidzai kuti mupinde munyumba yo mureki wenyu,kuti muite usiku ose uye musuke murenje dzenyu.Nokudharo mutchazomuka henyu tchinguanani mozoendera nerwendo rwenyu".Asi awona akadhaira:Azviiti, titchaita hedhu usiku padhare romuguta" ³Asi iye akawakakamidza nesimba, aponapopo awona akaenda naye uye akapinda mumba make .Iye akabhika zvokundya uye akakotcha zvingua zvisina mbiriso,iwo akandya.⁴Asi , awona angaasati aenda kowata , anarume ese oku sodoma akatenderera nyumba. kutangira pamadjaya pamwepo novakuro, agari ose , ne okupedzesera. ⁵iwo akadhaidza Roth akati:" Arikupi anarume awauya nawo usiku huno? Tiunzisire kuti tiwate nawo".⁶Asi Roth akabhudha uye akakonya musuwo. ⁷Akati:"Ndinokukumbirai, hama dzangu, musaita zvinyadzo zvakadharo. ⁸Onai , ini ndina ana angu oasikana airi ,atchiri mhandwe . Ini nditchawabvisa panza uye mutchaita nawo zviya zvamunodha.Asi kuanarume aya musawaita tchiro ngokuti iwo aripabvute ronyumba yangu.⁹Iwo akadhaira:"Mudhapo!" Akautsazve akati:"Uyu akauya kuzogara kuno semurendo hino akuzviita mutongi! .Hino isusu takutchikuita zvakanyanya kushata kudharika awona." Awona akabhambidzira nesimba ,akamundundurudza Roth ,uye akapfedera duze komusuwo atchida kuputsa musuwo.¹⁰Asi anarume airi aya akatambanudza moko dzawo , akabata Roth uye akamuunza mukati monyumba uye akakonya musuwo. ¹¹kuzoti kuanarume angaari kunza konyumba aya , arendo a Roth akaabhata oasiya ari mapofu ,kutangira kumudhoko kogumira kumukuro ,akatenderera usiku ose achitswaga pokupinda napo munyumba asingapaoni.¹²kuzoti ku anarume airi aya akati kuna Roth:" kutchinezve here panze anhu amweni opano? Akwambo , ana oanarume, ana oanakadzi uye kana umweniwo hake waunozia muguta rino , uwabvise muno. ¹³Ngokuti tinodha kuputsa guta rino , ndawa dzirikupambadzirwa guta rino dzirikuguma kuna Ishe hino iye atituma kuti tiiputse "¹⁴hino Roth akabhudha akaenda koita mabuyo naakwambo ake , aya aimuporomisa kuzowaka ana owasikana ake akati: " Nokukasika mudhai muguta rino ngokuti Ishe arikudha kuriputsa nokukasika ". Asi ku akwambo ake aita se munhu arikutamba. ¹⁵kuzoti kumambakwedza kousiku uhwo ngirozi mbiri dziya dzaka kasika kubvunza Roth dzitchiti". Enda , otora mukadzi wako pamwepo nowana ako aunawo pano , kuti asaurahwe nokuparadzwa ko guta rino.¹⁶Asi iwo ainonoka , hino anarume airi aya akawabhata moko , pamwepo nomukadzi no ana nokuti mwari akawaitira usisi .Akaabhudhisa panza ovakanda kunze kwegutero. ¹⁷uye zvakaitika ndezvokuti paakabhudhisa muguta , Imwe ngirozi yakati: Tizai no upenyu hwenyu musanangise sure , uyezve musagare mubani , asi tizirai kuzvikomo kuti masafe.¹⁸Asi Roth akati: Azviiti, ndapota hangu madziishe angu! ¹⁹Sokuti mureki wenyu akaona nyasha Mumadziso enyu uye imimi munosondipangidzira usisi ukuru pakununura ndaramu yangu , Nokudharo azviiti kuti nditizire kuzvikomo ngokuti kuputswa kunozondibhata ndikafa. ²⁰Kunze kwazvo guta riri paduze duze neko uye ndidhoko . Ndapota , nditenderei kuti nditizire iiyo ,kure,(arisi doko) uye upenyu hwango uno nunurwa.²¹Iye akati : Zvezvirokwazvo , ndirikupawo tchikumbiro itchi kuti andiputsi guta rawadhoma. ²²Kasikisa ! tizireyo , ngokuti azviiti kuti ndiite tchiro usati wagumeyo. Nokudharo guta iri rakadhaidzwa kuti Zoari.²³Roth paakabata Zoari , zuwa ranga ratobuda ²⁴apo ishe akanaisa ma surferi no muriro kusodhoma ne Gomora. ²⁵Ishe akaputsa maguta mairi aya , mubani mese, wagari wese omugutero , ne miti dzaikurayo mumavhu.²⁶Asi mukadzi wa Roth , anga ari kumasure kwake , akatendeukira sure apo akaphinduka akaita churu chomunyu. ²⁷Abrahama akamuka chinguanani uye akaenda paye paakanga ari na mwari. ²⁸iye akanangisa ku sodhoma ne Gomora no mubani mese .Akaona uye akazvibatanidza uye akaona utsi waikwira uchibva panyika se utsi we choto.²⁹Paya mwari paakaputsa ma guta aya no mubani mese , akarangarira kuna Abrahama uye akabvisa Roth muku putswa uku, paya paaka putsa maguta aya a akamborarama Roth.³⁰Asi Roth akakwira zoari , kuti ararame nowanasikana ake, nokudaro iye aitya kugara mu zuari. Hino akararamira mu bako , iye no wanasikana ake.³¹Mwanasikana wake okutanga akati kumunun'na wake: Baba edu akukwegura uye akuna anarume dhuze nesu kuti azorare nesu sezvo ndiwo mudjairo wo pasi pose . ³²Ndisiye ndiite kuti baba edu amwe vhinyo tikadaro apo ndipo patichazowata nawo kuti tichengete dzinza. ³³Iwo akapa baba wawo vhinyo usiku uhwo . Nokudaro musikana dangue akaenda kowata na baba wake; asi anga asingaziwi chiro panga akawata ne panga akamuka.³⁴Ngo manguana akhonewo , mwanasikana dangue akati ku munun'na wake : Usiku wadarika uhwu ndakawata na baba . Ngatiwamwisezve vhinyu usiku uno uye iwewe enda kowata nawo, kuti tichenguete dzinza rawo. ³⁵Apo iwo akapa baba awo vhinyu usiki uhwo , munun'na uya akaendawo kowata na baba ake . Asi baba ake anga asingaziwi chiro paanga akawata ne paakamuka³⁶Nokudaro anasikana a Roth aya akawa nopamuiri pa baba awo. ³⁷Musikana dangue akasununguka mwana omukomana, akamupa zina rokuti Moabi .Uyu ndiye baba we ma moabi nanhasi. ³⁸Munun'na wake akasunungukawo mwana mukomana , uyu akamupa zina rokuti Bheni-Ami iye ndiye baba we ma amoni enhasi.

¹Abrahama wakabhudha penepo kakuenda kunyika ye Neguebe uye wakararama pakati pe Cadesi uye ne Suri. Yena wanga ari mufambi etchigara muGerar. ²Abrahama wakareketa ngendaya yamu kadzi wake Sara: " Yena ndi hanzwadzi yangu". Hino Abimeleki mambo we Gerar akatuma anhu ake kwenda kotora Sara kuti aite wake. ³Asi Mwari wakauya kuna Abimileki mu hope, neusiko, etchimuti: " Iwewe uri munhu watofa ngenyaia ye mukadzi wa watora ngokuti yena ano mwamuna".⁴Asi, Abimeleki anga asina kumubhata, akati: " Ishe imwimwi muno uraya dzinza rakarurama? ⁵ndiena wakati kwandiri: ´ yena ndi yaya angu`? Uye yenao wakati: ´Abrahama ndimu koma angu`.Nokururama ko mwoyo wangu uye nekutama kuziya kwe nyara dzangu inini ndazoita zvenezvo,"⁶Hino Mwari wakamudhaira muhope: "Honde, ndinozvizia kuti wazvita usina kuzia asi ndakupinga kuti usandishaishire, ngondaya yazvo andize kukutendera kuti umutcwase. ⁷Zvino, whiridza mukadzi kune mamuna wake, nokuti yiena ndi muphorofite uye atcha kunhengueterera uye iwewe utchararama, kana ukatama kumuwhiridza , utchafa iwewe no anhu ako ese."⁸Abimereque wakafumira kumuka uye aka dhaidza asensi ake ese. Hiena wakaerenga zwese zvaitika muhope, aona akagara no kuthia. ⁹Hino Abimereque aka dhaidza Abrahama kakumuti: "Zwi vzowati itira? Ndakushaishira tchi inini, Nguei wandi unzira ushaishi ukuru para inini uye no umambo wango? Zvowandi itira azwi izwi?¹⁰Akabuyazve Abimereque kuna Abrahama: Tchi tchakutora kuti uite zwiro izwi? ". ¹¹Abrahama aka dhaira: " Ngokuti inini ndairangarira ndetchiti: ` Tchokuadhi Anhu okuno athiki Mwari, uye aona atchandi uraiya nguenhaya yemukadzi wangu`. ¹²Kunze kwavzo, hiena patchokwadhi ndi yaya angu, mwana sikana wabhabha angu, asi azi kuherekwa na mai wangu; uye aka zoita mukadzi wangu.¹³Mwari pakandi ita kuti ndi bhudhe panhumba paBhabha angu, inini ndakati kuna Sara: ` Iwewe Unodhikana kundi panguidzira shokuadhi inga mukadzi wangu: Kumbuto ya titcha enda, utchati pamusoro pangu inini: Yiena ndi hama angu`. ¹⁴Hino Abimereque wakatora mabhira no mwombe; asesi asikana no asesi akomana uye akapa abrahama. Uye aka whiridza Sara, mukadzi wa Abrahama.¹⁵Abimereque wakati: " Shiona nhika yangu ir pamberi pako. Gara panoku dhakadza". ¹⁶Uye kuna Sara wakati: " Ndapa kune mamuna wako txuru tche simbe dze ndarama, ndiri kuripa zvandaita inini ku kukutora, pamber pe ako ese; Nokudhai manunukirwa pamber po ese".¹⁷Uye Abrahama aka namata Mwari, uye Mwari waka rapa Abimereque, mukadzi wake no asikana ake, kuti abhare ana. ¹⁸Ngokuti Ishe anga aka funga zvi mbereko zve anakadzi ese ari panhumba pa Abimereque, ndondaya ya Sara mukadzi wa Abrahama.

¹Ishe aka Nangira Sara, se zvanga areketa Aona kuti ndinoita, uye akaitira Sara izvona zvangaa amupikira. ²Sara wakabhata mimba uye wakabhara mwana umwe kuna Abrahama waita mbiya, munguwa yanga yakabuiwa na Mwari. ³Abrahama wakapazina wana wake wabva kubharwa, uya wabharwa na Sara, rinozuwi Isaki. ⁴Abrahama wakamuita utchekeri mwana wake ari nemakore masere eupenyu, SeMwari anga azvibuya.⁵Abrahama anga ane zana remakore mwana wake pakabharwa Izaki. ⁶Sara wakati: "Mwari arikundi ita kuti ndiseke; ese atchazvizuwa atchasekao neni". ⁷Uye wakatunhudzira: "Ndiani wazozvibuya kuna Abrahama kuti Sara amwisa ana? Ngokuti ndamupa yena mwana watsekuru!"⁸Mwana wakzokura uye wakarumurwa, Abrahama wakaita mabhiko makuru zuwa raka rumurwa. ⁹Sara wakaona mwana waAgari, kamughipita kanga abharira Abrahama ketchi shora Isaki.¹⁰Hino yena wakati kuna Abrahama: " Dzingira mureki uyu uye nemwana wake, nokuti mwana wake atambira nhaka imweyoo ne mwana wangu Isaki". ¹¹Masoko aya akatsamwisa Abrahama zvikuro ngendaya ye mwana wake.¹²Asi Mwari wakati kuna Abrahama: " Usatsukware ngondaya yamuphare uyu uye ngondaya ya mureki. Izuwa Sara mukadzi wako pazvese zvari kubuya panyaya iyona iyi, ngokuti dzinza rako ritcha dhaidzwa kubhudhikidza naIzaki. ¹³Ininiwo futi nditchaita kuti mwana wa mureki aitewo dzinza guru, ngokuti yena imwana wako".¹⁴Abrahama wakafumirisa kutchaka swipa, wakatora mukati uye notchokukandira mvura uye wakapa Agari, etchikanda pa pfemba. Yena wakamupa mwana kakumu eneka. Yena wakaenda etchindo tenderera muthambe re Berseba. ¹⁵Payakapera mvura mutchigubhu, yena wakasiya wana wake pasi po tsike. ¹⁶Hino yena wakaenda kakogara pamutcheto ngokure padhoko, ngokuti waiti : " Andidhi kuona kufa kwe mwana wangu". Yena waenda kogara ngopamberi pake, kaku mutsa izuwi kakutchema.¹⁷Mwari wakazuwa izwi ramufana, uye Ngirozi yaIshe yakadhaidza Agari iri kudhenga uye yakati: Unei Agari, usagare nokuthiya, Nokuti Mwari wazuwa izwi ramufana kokwaari. ¹⁸Muk aapona, wotora mufana womubhata nenyara dzako, ngokuti nditchaita naye dzinza kuguru."¹⁹Hino Mwari walkafungura madiso ake, uye yena wakaona tchimbo. yena wakaenda, wakadzadza tchigubhu nemvura uye wakapa mvura mwana kuti amwe. ²⁰Mwari anga ari nomufaneo, yena wakakura, wakararama muthambe uye wakaita munhu waisenza nomupasha. ²¹Yena wakararama mu thambe rePara, uye mai wake akamutswakira mukadzi wenyika yeGhipita.²²Pangua yeneio Abimeleque uye no Ficor, o mukuru mukuru weMasodja, aka taura kuna Abrahama etchiti: Mwari unewe pa vzese zvauno ita. ²³Zvino, Pika pano, kuna Mwari, kuti auzondinheperi, kana kuna mwana wangu, uye no azukuru angu. ndipanguidze uye no nyika kuti unozogara no nhasha se ndino kupangidzao kauri. ²⁴Abrahama akati: "ndino Pika".²⁵Abrahama waka dhudza kuna Abimereque ngenhaya ye Tchimbo tche mvura tchanga tchiri mu nyara dze asenzi ake. ²⁶Abimereque wakati:" andi zvizii ndiani waita izvona. Uye auzi kundi vudza kare; andisati ndambozua vzenevzo kuguma nhamasi. ²⁷Abrahama waka tora mabhira uye no mwombe uye akapa Abimereque, uye ari airi anarume akaita sungano.²⁸Wakasanangura Abrahama mabhirta manomwe kaku kanda pamutcheto. ²⁹Abimereki wakati kuna Abrahama: "Zvinobuyei zvimabhira zvawakanda pamutcheto?" ³⁰Yena wakadhaira etchiti: "zvimabhira izvi utchazvitambira kuti zviite tchapupu tchokuti inini ndatchera tchimbo itchi."³¹Hino yena wakdhainza mbutu iya zina rinozuwi Berseba, nokuti ese akapika. ³²Aona akaita sungano ku Berseba, uye Abimeriki uye na Fikol, mukuru we masodja ake, akawhirira kunyika ye mafirisitia³³Abrahama wakasima mutamarsiki ku Berseba uye ipona waka dhainzira Ishe, Mwari Asingaperi. ³⁴Abrahama wakaramba ari mufambi munyika ye wafirisitia mazuwa akawanda

¹Zvakazoitika kuti, kupera kwe zviro izvi, Mwari waka edza Abrahamu uye wakati: " Abrahamu: " Ndiri pano". ²Uye Mwari wakati : " Tora mwana wako, mwana wako umwe. waunodhisisa, Isaki uye enda kunyika ye Moriya; wopa yena se tchibhairo, padhenga pedhunhu randitchaku pangidza". ³Uye Abraham,a wakafumira matchibhesi, akanatsirira mbongoio yake, wakatora madjaha ake mairi naye, pamwepo naIsaki, mwana wake, uye wakatema huni kutira tchibhairo. Hino wakaenda akapakira mbongoio yake kuri kwenda kwanga ka buiwa na Mwari.⁴Muzuwa retchitatu, Abrahana akamutsa hope uye wakona mbutoyo ngokure. ⁵Abrahama wakati kune madjaha ake: "sarai pano, uye inini nomufana tichaenda kweneyo, tcharumbidza uye ticha whirira kwamuri". ⁶Hino Abrahama wakatora huni dze tchibhairo uye wakakanda phewa paIsaki, mwana wake. Akatora muriro uye nebhanga munyara dzake uye oenda ese.⁷Uye Isaki wakati kuna bhabha wake, Abrahama: " Bhabha angu!". Wakadhaira yena: "Ndiripano inini mwana wangu". Wakati yena: " zviripano muriro uye ne huni, asi tchinyama tchetchi bhairo tchatco tchiripi?" ⁸Abrahama wakati: " Mwari utchatipa bhira rekubhaira naro, mwana wangu". Uye akaenda ese.⁹Paaka guma pambuto yanga apangidzuwa na Mwari, Abrahama wakagadzira penepo aritari uye wakakanda huni pamusoro pake; wakasunga Isaki, wana wake, uye wakamukanda pa aritari padhenga pe huni. ¹⁰Uye, paaka mutsa nyara, kuti atore bhanga kuti abhaire wana wake¹¹Hino Ngirozi yaIshe yakamu dhainza iri kudhenga yetchiti: "Abrahama , Abrahama". ¹²Uye yena wakdhaira : " Ndiripano inini". Uye Ngirozi yakati: "usamutse nyara yaka kuno mwana wako uye usamuite tchiro, ngokuti zvino ndakuzviziya kuti unothiya Mwari, Ngokuti auzi kundinyima mwana wako ega".¹³Abrahama wakanangira kudhenga uye wakaona kusure kwake bhira ranga rakasungwa pama tsiki ne nyanga, Abrahama wakaenda kotora bhira uye waka ripa se tchibhairo pambuto ye mwana wake. ¹⁴Abrahama wakadhaidza mbutu iya kuti "Ishe anopa" zvino buiwa kudzamara nyamasi kuti mudhunhu raIshe zvinopiwa".¹⁵Ngirozi yaMwari yakadhaidza Abrahama ketchipiri, iri kudhenga, ¹⁶uye yakati: "Ndinopika Neni inini ngezvawaita, uye auna kuramba nemwana wako, mwana wega, ¹⁷tchokwadhi nditchakukomborera, uye nditcha wanza dzinza rak se nyerdzi dzeku dhenga uye sedjetcha remu bhahari; uye dzinza rako ritcha tonga muguta rewaengi ako.¹⁸Mudzinza rako marudzi ese enyika atcha komborerwa, nokuti iwewe waterera izwi Rangu". ¹⁹Hino Abrahama waka whirira kuno madjaha ake, aona akaenda ese kuBeriseba. Uye yena wakararama kuBeriseba.²⁰Uye zvakaitika kuti, kupera kwezviro izvi, akati kuna Abrahamu: " Mirica wapawo ana kuno hama yako Naori: ²¹Uz dhangwe; Buzi hama yake; Quemueri, bhabha Aroni; ²²Quesedi; Hazo; Pildasi; Jidilafi uye Betuel".²³Betueri wakabhara Rabeca. Mirica wakabhara aya asere ana a Naori, hama ya Abrahama. . ²⁴Tchimusikana tcha Naori tchaidhaidzwa Reuma tchakabhara Teba, Gaao, Taas uye Maaca.

¹Sarai akararama zana romakore no makore mukumi mair nomanomwe . Aya ndiwo makore a Sarai mu undaramu. ²Sarai akafa ku khiriate - Arba, ku Hebromi , munyika yo khanani . Abrahama akatsukwara uye akatchema Sarai.³Nukudaro Abrahama akamuka , akabhudha duze no mutumbi omukadzi wake uye akaenda ku dzinza ra Hete , akautsa : ⁴inini ndiri murendo kwamuri imimi , Ndapota , hangu nditenderi kuti ndiwanewo mbuto okukotsera kwamuri, kuti ndikotse ndione kukotsa anyakwenda mukadzi wangu .⁵Wana oka Hete akapindura Abrahama , akati ⁶Tizwei ishe wedhu , imimi muri djaha ramwari mwatiri . Kotsai mukadzi wwnyu kumasiye akakunakirai kumasie edhu . Apana pakati pedhu atchakurambirai masiye , kuti mukotse mukadzi wenyu.⁷Abrahama akamuka aka guadhama mberi kowadhu onyikeyo , wana wa Hete , ⁸Uye akautsa kuti : Kudai mukatenderana kuti ndikotse mukadzi wangu munyika yenyu , Hino ndireketereiwo kuna Efromi , mwana wa Zoari . ⁹Mukumbirei kuti anditendesere bhako re Makpera , riri rake riri mutcheto mo munda wake; kuti andipe no mutengo wakafanira , mu nhaka ye masiye ari pakati penyu.¹⁰Hino ,mu heteu Efromi wakanga akagara pakati powa wana wa Hete , akadhaira Abrahama , zvokuti ma heteu kana ku aya anga akauya no pamusuwo mukuro wo guta , akati : ¹¹Azviiti, ishe wangu , ndipurutanei . Ndinokupai munda ne bhani ririmo . Ndinokupai pamberi powana owanhu wamgu. kuti mukotse mukadzi wenyu .¹²Nokudaro Abrahama akaguadhama pamberi powanhu onyikeyo . ¹³uye akati kuna Efromi , ku nzewe dzewanhu ese akati : kana mutchitenderana , ndinokumbira kuti undipurutane . Nditcharipa mutengo wo munda , tambira kwandiri , uye nditchakotsa mukadzi .¹⁴Efromi akadaira kuna Abrahama atchiti : ¹⁵Ndapota ishe wangu ndizuieiwo . Dhimbu rimwe rine mutengo wo mazana mana omatchekeri e siriva.Zvinoreketei izvozvo imimi neni ? Kotsai mukadzi wenyu . ¹⁶Abrahama akazuwa Efromi uye akamupa ma siriva aakakumbira munzewe dzowana wa Hete , mazana mana ematchikeri esiriva , mari yaitengua nayo.¹⁷Nokudharo munda wa Efromi , wanga uri makpera paduze ne Manre zvirikurewa kuti , munda , bhane ne miti dzenga dzirimo nemugano wese waitenderera zvakaendesuwa ¹⁸kuna Abrahama pamberi powana wa Hete ne wese wakapinda no pamysuwo mukuro we guta.¹⁹Pakupedza ko izvi , Abrahama akakotsa Sarai , mukadzi wake , bhako re mumunda we Makpera , duze ne Manre , ku Ebromi , ku nyika yoku khanani , ²⁰Nokudharo munda , bhako zvese zvakaendesuwa kuna Abrahama , zvakaendesuwa no wana wa Hete , se mbuto yokukotsera.

¹Abrahama anga atchena, no makore akukura, uye Ishe akakomborera Abrahama pa zviro zvese. ²Abrahama akati kuna muchandi wake, mukuro panhumba pake uye mutungamiriri we zvese zvanga anazvo: "kanda nyara yako pamutezo wangu, ³Uye inini nditcha ita kuti upikiri kuna Ishe Mwari wekughenga uye noMwari we panyika, kuiti iwewe autoreri mukadzi kuti apase mwana wangu kuna akunda. ⁴utcha enda kunyika yangu uye padzinza rangu uye otora mukadzi kuti upase mwana wangu Isak Kweio".⁵Mushandi akamuti: ⁶"Kana Iyena mukadzi akasadha kudhi teerera kuiya kunhika ino? ndotora Mwana wako kuti azwirire kunyika yaakabva?". Abahama akamuti:" dzithembe kuti iwewe autori mwana wangu kuno hoendesa kunyika akabva! ⁷Ishe, Mwari we ndenga wakanditora panyumba ya bhabha wangu uye no panyika pedzinza rangu uye akandipikira ne tchipikiro akati: kuno dzinza rako nditchapa nyika ino, Iyena atchatumira girosi yake pamberi pako uye iwewe utchatora mumwe mukadzi kuti apasa mwana wangu kweneio.⁸Asi kana mukadzi akaramba kukuteerera, nokudharo iwewe wasunguka patchipikirwa itchi: Asi ustore mwana wangu kuti awhirireiyo". ⁹Nokudharo mushandi waka kanda nyara yake pamusoro po mutezo wa Abrahama ishe wake, uye akamupikira pamusoro pe nyaiya ii.¹⁰Mushandi wakabhata mbongoro dza dza ishe wake uye oenda. iyena akatoraya mukaindi hese. we zvipo zva ishe wake. Akapurumuka akaenda ku Mesopotania, ku guta ra Naor. ¹¹Iyena wakaita kuti mbongoro dzikotame kunza kwe guta, duze ne tchimbo tche bvura, pakudhoka kana asikana akubhudha kotora bvura.¹²Uye akati: " Ishe Mwari wa ishe wangu Abrahama ndipei Nyamasi mukana wakanaka uye nditirei zvakanaka kuna ishe angu, Abrahama. ¹³Ndiripano patchimbo, uye akunda eanarume reguta arikuiya kubvisa bvura. ¹⁴Ngazviitike kudhai ndapota, kotamisa tchikari tchako kuti ndimwe, uye Iyena akati: imwa, uye inini nditchapao zvokumwa mbongoro dzako, iyena atchawa uya wakasanangurwa kuna mushandi wenhu Isaki. zvakadharo, nditchaziya kuti maitira zvakanaka kuna ishe wangu.¹⁵Uye zvakaitika kuti asati apedza kubuiya, Rabeka wakauya notchikari tchake tche bvunra mumakadza ake. Rabeka anga ari mukunda wa Beteri, mwana wa Mirka, mukadzi wa Waor. hama ya Abrahama. ¹⁶Musikana anga akarungama, bhamdhumwe anga asati aaziya mwanarume iyena akaenda patchimbo, odzadza tchikari tchake uye oenda.¹⁸Nokudharo, mushandi akagogoma kusongana naye uye akati: "ndapota ndipase bvura padhoko yetchikari tchako. ¹⁷Iyena akati: "imwai ishe wangu" uye nokukasika akakotamisa tchikari tchake pa nyara yake akamupasa kuti amwe.¹⁹Paka pedza kumupasa kumwa akati: "inini nditchapa bvura mbongoro dzako, dzamara dzapedza kumwa". ²⁰nokudharo Iyena akakasikira obvisa bvura yese yanga iri mutchikari mutchokumwira, ogogomazve etchi enda kutchimbo kuti obvise bvura uye akabvisa bvura kana mbongoro dzake dzese.²¹Mwana rume uyu wairingira akanharisisa kuti Ishe anga akomborera ruendo rake kana kuti anga asikazi. ²²Uye zvakaitika kuti pakapedza mbongoro kumwa bvura. mwanarume uyu akabhata zvipo tche goridi, tchakapimwa nafu ne sido, uye no mapurusera mbiri mu moko make, dzakapimwa gumi siclo, dzo goridi ²³Uyeakamubvunzisa: iwewe ddiye mwana wani? ndibvudze ndapota, pano mbuto panyumba pabhabhaako kuti tiwatirepo?²⁴Iyena akamuti: " inini ndiri mwana wa Beteul mwana wa milka wakapasa Naor". ²⁵Iyena wakamutizve: tino uswa wakawanda uye nozvokurhya uye no bhuto nokuti mupinde usiku".²⁶Nokudharo mwanarume akakotama uye onamata Ishe. ²⁷Iyena akati: Ngakomborerwe Mwari Ishe Mwari wa ishe wangu Abrahama. Anokwanisa kunatsa kwawo uye nokutendeka kana ishe wangu kwandiri Ishe wanditora ka kwakundiendesa kunyumba ko dzinza ra ishe wangu.²⁸Nokudharo, musikana wakagogomaa uye akati kuna wabhereki ake zviro izvi zvese. ²⁹Naizvona Rabeka, anga ano hama yake zina rake aizwi Rabao akagogoma kosongana no mwanarume anga ari padhuze petchimbo. ³⁰paakaona kuti tchipo nepurusera ye goridei yainga iri mumoko ya hama yake Rabeka ndizvo zvaindibvunza mwanarume uyu, iyena akaenda kuna mwanarume uya, uye anga ari duze po mitongo pa tchimbo.³¹Uye Labao akati: uya wakakomborerwa na Ishe. Ngei arikugara padza? inini ndagadzirira nyumba uye no mbuto dzo mbongoro". ³²Nokudharo mwanarume akaenda ku nyumba waka putumura mbongoro. uswa no tchokurha, zvakapiwa mbongoro. Uswa no tchokurha, zvakapiwa mbongoro uye akapaswa bvura kuti aasuke muredje dzake nomuredje dzoanarume ainga ari nawo.³³Akamupasa zvokurha, asi iyena akati: "andindi ndisati ndabuiya zvandinodha kubuiya". nokudharo Labao "akati buya". ³⁴Iyena akati: Inini ndiri muranda wa Abrahama. ³⁵Mwari waka komborera zvikururu ishe wangu, bhudhisa iyena akamupasa makwai no mombe, siriva, goridi, no mbongoro, no makamera.³⁶Sara, mukadzi wa Ishe wangu, ainga atchena paaka mubharira umweni mwana. Uye iyena akamupa zvese zvanga anazvo. ³⁷Ishe wangu akaita kuti ndipike etchiti: usatore mukadzi kuti upase mwana wangu, akunda wekanan pakati pandino rarama. ³⁸Kunze koizvona iwewe utchaenda kunyika kangu po dzinza rangu uye utchatora mukadzi wa mwana wangu.³⁹Inin ndakati kuna ishe wangu: dhangani mwana kadzi angadhi wiya nainini. Asi ⁴⁰iyena akanditi: ishe, uya wandino famba pamberi pake, atcha tuma girosi pamberi pako uye atchaita kuti utore mukadzi kuna mwana wangu. ⁴¹Asi utcha sununguka patchipikirwa tchakokana ukaenda kunyumba yangu uye iwona oramba kukupasa. Ipona nikudharo atchawe wakasunugurwa patchipikirwa tchangu.⁴²Nokudharo nyamasi ndaguma patchimbo uye ndikati: Ishe Mwari wa ishe wangu Abrahama, tchindha ndipei nyamasi kubhudhirira pa bhasa ra ndinodha kuita. ⁴³Ndiri pano paduze po tchimbo tchobvura, itai kuti mbhadara iyona ikanditi. ⁴⁴imwa uye nditchapasa bvura kuno mbhongoro dzako, ngawe mbhadhara wiya wakasanagurwa nemwi ishe kana mwana wa ishe wangu.⁴⁵Ndisati ndapedza kubuiya mukati mo moiyo wangu. Rabeka wauya notchikari tchake mumakwadza otchita patchimbo kuti abvise bvura. nokudharo inini ndakamuti ndapota ndipe tcokumwa. ⁴⁶Iyena tchiripo ripotcho akakotamisa tchikari tcake mumakwadza uye akati: imwa uwe nditchapasa tchokumwa uye iyena akapa kumwa mbongoro dzangu.⁴⁷Inini ndakamubvundzisa ndikati ndiwe mwana wani? iyena akati: ndiri mwana wa Beteul mwana wa Naor na Milka. nokudharo inini ndokanda tchipo mumbino yake uye no purrusera mu moko dzake. ⁴⁸Nokudharo ndhakagodhama uye ndonamata Ishe uye ndorumbidza Ishe Mwari wa ishe wangu Abrahama. wandiperekedza mugwadza rakanaka kuti ndisongano mwana we padzinza pe ishe kuna Mwari wakr.⁴⁹Zvadharo kana makaronguedza kuti mubhate Ishe wangu se munhu we ukama norutendero, uye nokuthembeka, ndibuirei. Asi kana kuti azviti ndibvunzei kuti moko kwawo.⁵⁰Nokudharo labao na Betuel, akadhaira akati izvi zvinobva kuna Ishe. atingakubuiri kuti zvakashata kana zvakanaka. ⁵¹uye Rabeka ari pamberi pako, mutore uye oenda, kuita iyena awe mukadzi we mwana we ishe wako, se zvakabuiwa na Ishe.⁵²Mushandi wa Abrahama paakazwa wakakotama pasi pamberi pa Ishe. ⁵³Mushandi wakawiya ne zviro siriva no goridi uye no matchira owapasa Rebeka. Iyena akapasya zvipo zvakanaka ku hama yake uye ne mai wake.⁵⁴Akarha uye omwa iyena na anarume anga ari nawo. akawatireiyo uye paaka muka matchibhesi. Iyena akati: ndisiei ndiende kuna ishe wangu. ⁵⁵Hama yake na mai akati siya mbadhara kuti ingare nesu pasi pomazuwa gumi pere iyena anozoenda.⁵⁶Asi iyena akati. musandi rambidze, nokuti Ishe akakomborera kufamba kangu. Ndiisei mugwadza rangu kuti kuti ndiende kuna ishe wangu. ⁵⁷Iwona akati titchandaidza mbhadhara uye titcha mubvunzisa. ⁵⁸Nokudharo awona ak ndaidza Rabeka, uye akamubvunzisa utchaenda ne mwanarume uyu? iyena akadhaira ndinoenda.⁵⁹Nokudharo akatumira ham a ya Rabeka na mushandi wake, no gwadza rake, na muranda wa Abrahama uye no anarume ake. ⁶⁰Iwona akakomborera Rabeka uye akamuti "hama yedhu, ngaiwe Mai yetchuru tche magumi tche tchuru uye dzinza rako ngere iore musuwo oawo anowawenga".⁶¹Nokudharo Rabeka, akamuka pamwepo nowasedzi ake okwira mambongoro uye uye otera mwanarumi uya. Panguwa iyona mushandi akatora Rebeka uye oenda mugwadza rake. ⁶²Paizvona Isaka aingara no Neguebe, uye ainga abva ku Beer- loai-roi.⁶³Isaka wakaenda kurangarira mu munda pakudhoka. paaka ringisa mudhenga, akaona kuti kwanga kuno mbongoro dzetchuiya! ⁶⁴Rabeka akanangisa, ndipo paakaona Isaka, akambhuka pa mbongoro ⁶⁵uye akati kuna mushandi: "ndiani mwanarume arikufamba mumunda tchiuya kusongana nesu?" Mushandi akati: ndi ishe wangu. iyena akatora duku rake akdzi fukidza.⁶⁶Mushandi akabvunza Isaka zvese zviro zvaakaita. ⁶⁷Nokudharo Isaka akaenda naye mutchitumba yamai wake Sara, uye akatora Rabeka, wakazongara mukadziwake, iyena akozomundissisa. Nokudharo maiwake akafa iyena akazonyaradzwa nokunda kwerufu iri.

¹Abrahama wakatora mukadzi umweni; zina rake raizwi Ketura. ²Iyena wakabheara Zinra, Jocsa, Meda, Midia, Isbake uye na Sua. ³Jocsa wakazowa Bhabha wa Seba na Deda. anhu eku Asurim, Letuzim ainge ari advi eku Deda. ⁴Ama eku Midia ainge ari Efa, Efer, Hamoke, Abida na Erda. esse aya ainge ari advi eku ketura.⁵Abrahama wakapasa zwere zwainge zwiri zwake kuna Isaka. ⁶Nekudharo, painge ane ndaramo, wapasa mibhairo kune ana eakadzi ake amweni uyewakaendesa kunyika yekumaodzanyemba, kure na Isaka, mwana wake.⁷Aya ndiwo matsiku emakore endaramo ya Abrahama: zana nemumakumanomwe na mashanu emakore. ⁸Abrahama akafemeruka akafa pakukwegura kwake, Tchemberi noimwe ndaramo yakakwana, uye wakaenda kokotswa pakati pewekwake.⁹Isaka na Ismaeri, ana ake, akamukotsa paguwa remacpela, mumunda wa Efrom, mwana wa Zoar, mu Heteu, paduze na Manre. ¹⁰Habrahama akange akautenga munda uwu ne ana ema Heteu. Iyena wakakotswa pamwepo na Sara, mukadzi wake. ¹¹kuva pakufa kwake, Mwari wakaropafadza Isaka mwana wake, uye Isaka wakararama paduze pe Beer-raai-loi.¹²Aya ndiwo ekakadva Ismaeri, mwana wa Abrahama, wekuti Agar, muDjipita, musendzi wa Sara, wakapa Abrahama.¹³Aya ndiwo makore endaramo mazina eana a Ismaeri, maererano na urongwa wekubharwa: Nebaiote, Dhangwe ra Ismaeri, Kedar, Abdeel, Mibsao, ¹⁴Misma, Dunra, Masa, ¹⁵Hadad, Tema, Jetur, Nafis na kedema. ¹⁶Aya ndiwo akawe ana a Ismaeri uye nemazina awo, maererano nemaguta awo uye nemadhumba awo; Sumi Meari eatungamiriri maererano nemadzindza awo.¹⁷Aya ndiwo Makore endaramo ya Ismaeri: Zana nemakumanomwe emakore. Iyena wakafemeruka uye akafa, uye wakakotswa pamwe newekwakwe. ¹⁸Iwona wakararama kuvira kuhavura Sur, paduze ne dZipita, se Hingana wia unoenda kudhi ra Assiria. Iwona airarama pakuwengana pakati pawo.¹⁹Izvwi ndizwo zvakaitika mundaramo ya Isaka, mwana wa Abrahama. ²⁰akawe Bhabha wa Isaka, uye Iyena wakatera Rabeka kuita mukadzi painge ane makumarongomuna emakore, mwana wa Betuel, mu arameu we Pada-ara, uye hama ya Rabao, mu arameu.²¹Isaka wakanamata kuna Yahweh kuitira mukadzi wake, Nekudharo ainge asikabhari, uye Yahweh wakazwa minamato dzake, uye ERebeka, mukadzi wake, akabhata pamwiri. ²²Ana aipondana mukati mwake, uye Iena wakatsa: "Izwi zwirikuitika neni ngei?" uye akaenda kovundzisa Yahweh.²³Yahweh wakatsa kwari: "mune marudzi mairi mundani mako, uye madzindza mairi atchaparadzaniswa mundani mako. Dzindza rimwe rakasimbhisisa kupinda rimwe, uye mukuru utchsedzera mudhuku.²⁴Payakakwana nguwa yekubhara, mainge manyanbhiri mundani make. ²⁵wokutanga kubhudha wainge ari wenyasha uye ane ukuse , se zwekufeka zweukuse. uye akamupa zina rokuti Isau. ²⁶Tchiriporipotcho, kakawiawo hama yake, mko wake wakabhata tchisisindhotcha Isau. Uye akamupasa zina rekuti Djakobo. Isaka ainge ane makumatandhatu emakore pakabhara mukadzi wake.²⁷Ana akakura, uye Isau wakawe Mubhati wezwinyama unokwanisa, mwanarume womushango; asi Djakobo ainge ari Mwanarume akanyararisa waigara nguwa jinji hake mumatendi. ²⁸Isaka waidha Isau; asi Rabeka waidha Djakobo.²⁹Paimwe tsiku, Djakobo ainge abhika zwokurya, Isau paakaguma atchiva muchango, akaremba nendzara. ³⁰nokudharoko Isau wakatsa kuna Djakobo: " ndipasewo zwokurya izwo zwekutwuka, ndapota. ndine ndzara!". sa Iyena wakadhudza Edom.³¹Djakobo wakatsa: " Tchekutanga, nditengesere utange wako". ³²Isau wakadhaira: "ndiri duze kudha kufa. udhange ungadisendzerei?". ³³uye Djakobo wakadzokorerazvwe: Ita mbiko, zwakadharo, wakamutengesera udhange wake. ³⁴Djakobo wakamupa mukati uye ne nyama yekabhira. Iyena wakarya uye akamwa, zwodharoko wakapurumuka akaenda kwaienda. Nekudharoko, Isau wakanyoza udhangue wake.

¹Kakaonekwa nzara huru panyika , kunze ko yokutanga , yakaitika mumazuwa a Abrahama . Ndiyo ndawa Isaka akaenda ku Abimereki , mambo owafiristia , ku Gerari.²Ishe akamuira uye akautsa : usaenda ku Igipita , rarama munyika yanditchakupanguidza . ³Urambe uri munyika yona , uye inini nditchange ndinewe uye nditchakuropapfadza; uye nditchapa iwewe ne wanako nyika yese , uye nditchadzadzusa zvandakapika kuna bhabha ako Abrahama.⁴Nditchanyanya kuwanza wana wako se nyeredzi dzo kudhenga , uye nditchapa mbeu yako munyikei yese . Muwana wako atchawa akakomborerwa mu matiimana ese yonyika ⁵.5 Ntzviita nokuti Abrahama akateerera izuwi rangu , uye akaritchengeta mutemo yangu, tsika , no murairo wangu.⁶Apo Isaka akararamira ku Gerari. ⁷Paya anarume onyikeyo akabvunzisa nezvo mukadzi wake , iye akadhaira kuti . Ndi hanzvadzi yangu . Ngokuti akatya kuutsa kuti ndimukadzi wangu. Iyena akafunga maari : Anarume omunyika ino atchaedza kundiuraya kuti aone kutora Rabeka , nokuti iyena akarungama . ⁸Isaka angaramba aripo munguwa yakarebha . Uye zvakazoitika kuti Abimireke mambo owafiristiya , akaona napabhuri Isaka atchibhatabhata Rabeka , mukadzi wake.⁹Abimereki akadhaidza Isaka uye akautsa : Nditchokwadhi kuti iyena ndimukadzi wako . Hino ngei wakautsa :kuti ndi hanzvadzi yanku? Isaka akamudhaira : ndaitya kuti maizondiuraya ngondawa yake. ¹⁰Abimereki akati : Ngenyi waita izvona naisusu? Kudhai umwe wedhu akawata no mukadzi wako , iwewe waitiunzira mhoswa . ¹¹Hino Abimereki akatongera ku mbumba yake yese kuti uya anobhata munhu uu nomukadzi wake , zvezvirokwazvo atchaurahwa .¹²Isaka akaparira munyika iya , uye mugore rimwero akakorora mazana akapethuwa, nokudharo Ishe akamukomborera . ¹³Isaka akapfuma uye akabhudhirira dzamara aita mupfumi . ¹⁴Enga aina mabhira akawanda , ne mombe uye mutengo wakakura oareki , zvokuti mafiristiya enga omuzonda¹⁵Uye ndiyo ndawa , mafiristya akaisa nokuvaririra nomavu zvimbo zvese zvakatcherwa nawanda mumazuwa a Abrahama , bhabha wake. ¹⁶Hino Abimereki akati : Wetchibhudha kwetiri , zvauri ndiwe unemasimba kudharika isusu . ¹⁷Uye Isaka akabhudhapo, akaenda mumutcheto mo Gerar, apo ndipo paakazoraramira .¹⁸Isaka akatcherazve zvimbo zviya zvenvura zvakaizuwa mamazuwa a Abrahama , bhabha wake , zviya zvenga zvaisuwa mavu no wa firistiya , kubhudha mukufa kwa Abrahama .Isaka akadhaidza zvimbo zvimwezvo nomazina amwewo aya enga akadhaidza bhabha wake.¹⁹Nokudharo waranda wa Isaka akatchera mumutcheto , akabhata tchimbo tchonvura yaipopoma . ²⁰Ma ushi we Gerari akaita bhopoto ma ushi a Isaka, atchiti : Nvura ii ngedhu . Ndiyo ndawa Isaka akapa tchimbo itchi kuti Eseke , nokuti akarwisana pamusana patcho.²¹Uye akatcherazve tchimbo tchimweni , uye akapopotedzazve pamusana patcho; Ndiyo ndawa tchakapiwa zina rokuti Sitina. ²²Akabhudhapo uye akatcherazve tchimbo tchimwene pamwe , Nokudharo haana kupopotedzana natcho . Hino akatchidhaidza kuti Reoboti , uye akati : Ishe zvino mazotipa mbuto uye titchabhudhirira mu nyika.²³uye Isaka akakwira naipona kwenda Beriseba. ²⁴Ishe akauya kwaari usiku uhwo uye akati : Inini ndini Mwari wa Abrahama , bhabha ako . Usatye , nokuti inini ndirinewe , uye nditchakukomborera , uye nditchawanza anaako , ngopamusana pomuranda wangu Abrahama . ²⁵Isaka akawaka Aritari apona apopo , uye akadhaidza zina ra Mwari . Apona apopo akawa dhumba , uye areki ake akatchera tchimbo tchimwe apona apopo.²⁶Hino Abimereki , akauya neku Gerari na Auzate , shamwari yake uye Fikor , mukuro omasodya ake , kuti asangane. ²⁷Isaka akawati : Ngenyi wauya kwandiri , Utchiziwa kuti wakandibhata zvakashata uye wakandidzingirisa pakati penyu.²⁸Uye akamupindura : Tino soona patchena Ishe ari newe. Hinho tatongera kuti paidhikaina pawe nokupika kwatiri , ndizvo , kwatiri uye newe. Nokudharo titendere tiite tchitenderano newe: ²⁹Iwe autiiti zvakashata , na isusuwo atikubhati , uye titchakubhata zakanaka uye titchikusiya utchienda norugariko. Zvezvirokwazvo iwewe unodhiwa na Ishe.³⁰Hino Isaka akaaitira mabhiko , uye iwo akandya uye akamwa. ³¹Uye akamuka tchimatchibhesi uye akapika mumwe nomumwe . Mukupedza Isaka akaeneka uye iwo akaenda murunyararo.³²Muzuwa rimwe rimwe , areki a Isaka akauya uye akamunvunza nezve tchimbo , tchaanga atchera . uye akamuti : Tabhata nvura. ³³Uye akapasa zina tchimbo itchi kuti Seba, ndiyo ndawa guta iri rinodhaidzwa Beriseba na nhasi.³⁴Esau penga ane makumi mana omakore , akatora Judite awe mukadzi wake , mwana wa Beeri , mu Heteu , uye Basemate , mwana wa Elomi , muheteu . ³⁵Aona akaunzisa kawawa ko mweya kuna Isaka na Rabeka

¹Izaki paanga aita ndota uye madiso ake anga aremba, zvekuti asikatchaoni, yena wakadhaidza Esau, mwana wake wokutanga, uye wakamuti: "Mwana wangu". Yena wakati: "Ndiripano. ²Yena wakati: " Nangira nda ndota. Inini andizii zuwa rinditchafa;³Saka tora pfuti dzako, dzokuvimisa, mupasha. enda mushango uye vimisa tchinyama kuitira inini. ⁴Woita mabhiko anodhaka , nomushobho wandinodha uya kuti inini ndirhe uye nduko komborere ndisati ndafa."⁵Rabeka wakazvizuwa Izaki paibuya na Ezau, mwana wake, Ezau wakaenda kushango kotswaka tchinyama kuti auye natcho. ⁶Rabeka wakabuya na Jacobo, mwana wake, uye wakati: "Nangira, inini ndazuwa bhabha etchibuya na Ezau, hama yako, etchiti: " ⁷Ndiunzire tchinyama, uye wondibhikira zvinonaka kuti ndirhe uye ndiku komborere ndisati ndafa`.⁸Saka zvino, mwana wangu, izuwa masoko angu anditchakutuma nawo. ⁹Enda mudhanga, wondi unzisira mbudzi mbiri dzakanaka; uye inini nditcha bhika zviro zvinonakaviro. Nomu shobho wanosodha. ¹⁰Iwewe utchatora kwendesa kuna bhabha ako kuti aona arhi, nomu shobho wokuti akaku komborere, asati afa.¹¹Jakobo wakati kuna mai ake: " Hama yangu ndi munhu ano ukuse wakawanda, uye inini ndiri munhu asina ukuse. ¹²Zvakadhai bhabha angu atchanditswa uye atchazvii bhata uye atchati ndi tsotsi. nditchazotukwa kunze kwe maropafadzo."¹³Mamake akati: "Mwana wangu, kutukwa kwese ngakuuye pamusoro pangu. Iwewe bhasi ita zvandakutuma, enda undi unzisire. ¹⁴Hino Jakobo wakaenda, wakatora zvimbudzi zvitswa uye wakapa mamaake. Yena wakaita zvibhikwa zvinonaka maning, nemushobho wokuti bhabha ake anozvidha.¹⁵Rabeka wakatora matchira anosenzeswa kovimisa na Ezau , mwana ake mukuru , matchira anga na mai panyumba, uye wakapfekedzwa, mwana wake, Jakob, mwana mudhoko. ¹⁶Yena wakamukandazve dhewhe re mbudzi uye mu nyara dzake dzanga dzisina uye nemutsipa, ¹⁷Akamupa zvakabhikwa zvinonaka uye nemukati wanga wapera kubhikwa mu nyara dzake.¹⁸Jacobo wakaenda kuna bhabha ake uye wakati: " Bhabha angu". Yena wakadhaira: Ndiripano inini; ndiwe ani, mwana wangu?" ¹⁹Jakobo wakati: " Inini ndini Ezau, dhangwe renyu; ndaita sezvamandi vunza. Zvino garai pasi murhe zvanda unzisa kuti mundikomborere."²⁰Izaki wakati kune mwana ake: "Waita sei kuti utchione nokukasika tchinyama, mwana wangu?" Yena wakadhaira: " Ngokuti Ishe , Mwari wenyu wandi unzisira." ²¹Izaki wakati kune Jakobo: " Kwedhera kuno kuti ndikutswase, mwana wangu, uye kuti ndione kuti ndiwedhi Ezau kana kuti andiwepi".²²Jakobo wakkwedhera kuna bhabha ake Izaki, uye uyu wakamutswasa uye wakati: Izuwi ngera Jakobo, asi nyara dza Ezau". ²³Izaki azi kumuziya, ngokuti nyara dzake dzanga dzine ukuse, hinga dza Ezau hama yake. Hino Izaki wakamukomborera.²⁴Yena wakavunzisa: Ndiwedhi mwana wangu Ezau?". Yena wakati: " Ndini kamare". ²⁵Izaki wakati: Unzisa sadza kuna inini, kuti ndirhe , uye ndinoku komborera". Jakobo waka unzisa zvese kuna bhabha ake. Izaki comeu, uye Jakobo wakaunzisa vinyu, uye yena wakamwa.²⁶Penepo bhabhake akati: Kwedhera kuno undi tswodhe, mwana wangu." ²⁷Jakobo waka kwedhera uye wakatswodha bhabhake, uye yena wakazuwa munuwhi wematchira ake uye wakamukomborera, etchiti: "Ona, munuwhi wemwana wangu munuwhi wekushango wawa kakomborerwa nawo naIshe.²⁸Mwari ngakupe mugowe we dhowe rekudhenga, mugowi weku kotokora zvakawanda zvomunda uye wandirwa ne ndiro uye nevinyu itswa.²⁹Marudzi ngaku senzere uye manyika nga pfukame pamberi pako. Ita mufundise we hama dzako, uye ana amai ako ngaku pfukamire. Uye ese akakutuka ngawa tukwe, uye ese akaku komborera ngawa komborerwe."³⁰Etchipedza Izaki kukomborera Jakobo, uye yena wakabhudha pamberi pake, Ezau hama yake yakauya kubva kovimisa. ³¹Yena wakaita mabhiko ake anonaka uye akaunzisa kuna Bhabhake, etchiti : "Bhabha mukai murhe tchiro pazvanda unzisa kubva kovimisa inini mwana wenyu". kuitira kuti mundikomborere".³²Izaki wakati: Ndiwe ani iwewe?" Yena wakati: " Ndini inini mwana wenyu, dhangwe renyu, Ezau". ³³Izaki wakatsukwari zvikuru uye wakati: "Ndiani uya waunzisa nyama munu ? Inini ndarha zvese usati wa uya iwewe, uye inini ndamukomborera. Zvirokwazvo, utchawe munhu waka komborerwa".³⁴Ezau paakazuwa masoko a bhabhake, waka tchema nokutsamwa kukuru uye wakati: Ndikomborereiwo, bhabha angu. ³⁵Izaki wakati: " Hama yako ya uya pano noku ngwara uye yatora ropafadzo rako".³⁶Ezau wakati: " Andizvopi zvinoita kuti yena adhaidzwe Jakobi? Yena wanditsotsa kakairi. wakanditorera kodzero rangu rokuita dhangwe uye zvino watora ropafadzo rangu". Hino wakavinzisa: Imwimwi amuzi kusar ne ropafadzo rokundipa?" ³⁷Izaki wakadhaira Ezau: " Ningira kuti, inini ndamukanda kuti aite ishe wako, uye ndamupa kuti aiti muridze we hama dzako dzese. Uye ndamupazve kuwandirwa paku kotokora ndiro uye vinyi itswa. Tchii tchandi ngakuitirao, mwana wangu?"³⁸Ezau wakati kuna bhabhake: Amuna ropafadzo kuti mundipewo, bhabhangu? Ndikomborereiwo kani, bhabhangu". Ezau wakatchema neizuwi guru.³⁹Izaki wakamu dhaira uye wakati: "Nangira, utchagara kumbuto dzisina ndimo, uye kure ne ndowa inombuwera yetchibva kudhenga. ⁴⁰Nebhanga rako utchararama uye utcha senzera hama yako. Asi ukadzi dzikinura, utcha guwa jhoko mutsipa mako.⁴¹Ezau wakazo zonda Jakobo ngondaya ye ropafadzo ranga apuwa na bhabhake. Ezau wakati mumwoyo make: "Mazuwa ekufa abhabha angu aripaduze; kupera kwazvo inini nditcha uraya hama yangu Jakobo". ⁴²Masoko a Ezau, dhangwe akaguma kuna Rabeka. Hino yena wakadhaidzira Jakobo, mwana wake mudhoko, uye wakati: "Ona, hama yako Ezau wadzi nyaradza etchita zano rekudha kuraya iwewe.⁴³Saka zvino, mwana wangu, nditerere uye tiza wetchienda kumba kwa Rabani, hama yangu, ku Hara. ⁴⁴Gara naye mazuwa mashoma, dzamara hasha dza hama yako dzapunguka, uye kuti yena akanganuwe zvawa muitira yena. ⁴⁵Mbambai, inini nditcha ku unzisa zve. Ngokuti azviiti kuti ndiruze ana airi muzuwa rimwe?"⁴⁶Rabeka wakati kuna Izaki: Ndakatsukwara muupenyu ngondaya ye asikana eku heteu. Kana Jakobo akatora musika wekweneyo ku ma heteu, asikana enyika yeneyo, upenyu wangu utchazo izuwei?".

¹Isaka akadhaidza Jakobho , akamukomborera , uye akamutongera zvokuti: Usawake mukadzi pakati pomakhanani, ²Muka enda ku Pada-Ara , paumba pa Betuer , bhabha a mai wako , uye tora mukadzi wekweyo , Umwe mwana wa Rabani , mukoma wa mai wako .³Zvekuti Mwari omasimba ose ngaakukomborere , uye ngaite kuti ubhare , uye akuwanze kuti uyeuwe ne mbumba yewanhu. ⁴Zvekuti iye ngaakupe makomborero a Abrahama , kwauri no wana ako , kuti utore nhaka yenyika paya paunosowa mufambi, zviya mwari zvakaporomisa Abrahama⁵Nokudharo Isaka akaenekana na jakobho , pakuenda ku Peda-Ara . paumba pa Rabao , enga ari mwana wa Betuer , mu Arameu , uye mukoma wa Rabeka , mai wa Jakobho na Esau .⁶Hino Esau akaona kuti Isaka akomborera Jakobho uye amutuma kwenda ku Peda-Ara kuti aende kowaka mukadzi ikona . Iye akaonazve kuti atchimukomborera , Isaka anga amupa maguaro okuti: Usatore mukadzi kumakhanani . ⁷Esau akaonazve kuti Jakobho enga a teerera bhabha wake na mai wakw uye pakuenda ku Peda-Ara .⁸Esau akaona kuti wakadzi we khanani enga asinga pfadzi Isaka bhabha wake . ⁹Hino iye akaenda kuna Ismaeri uye , kunyange akadzi enga atora , akaatora Maarate kuti awe akadzi ake, mwana omusikana wa Ismaeri , mwana a Abrahama , uye hanzvadzi ya Nabaiote .¹⁰Akaenda Jakobho ne ku Beriseba uye akaendera neku Hara. ¹¹Paakaguma mbuto imweni kuti aite usiku apona apopo , nokuti zuwa renga radhoka , akabhata bhuwe rimwe paamwe , akaita mutsago , akawata apona apopo .¹²Iye akarota uye akaona guiro rakatsimikwa pasi zvokuti tsomo yaro aibhata dhenga . uye ngirozi dza Mwari dzaikwira uye dzatchita nepona . ¹³pamusoro payo penga pana Ishe , akati: Inini ndini Ishe , Mwari wabhabha ako Abrahama , uye Mwari wa Isaka , nyika awakawata nditchakupa no ana ako .¹⁴Ana ako atchawnda inga bhukuta ronyika , uye iwewe tangira kumadhokero , kwenda kumabvazuwa, kutchambembe no ktsanyembe; Mhuri yese yenyika itchakomborerwa . ¹⁵Ini ndirinewe , uye nditchakutchegeta , kwese kwaunoenda. Inini nditchakuita kuti utorezve nyika ii ; Andikusii dzamara zvadzadzisuwa zvese zvandakuporomisa.¹⁶Jakobho akaphephuka mukurota uye akati: zve zvirokwazvo Ishe aripambuto ino ! uye inini ndenga ndisingazviziwi. Iyena akatya akati : ¹⁷Zvikuru inotyisa mbuto ino ! Ii aimbutopi inga nadzimwene mbuto , isiripi nyumba yamwari ; Uu ndimusuwo okudhenga.¹⁸Hino Jakobho akamuka ngo tchinguanani , akatora bhuwe , reenga asenza kuita mutsago , akarikanda kumusana uye akadhurura mafuta pamusoro paro. ¹⁹Akadhaidza mbuto iya kuti Beter , asi zina rogutero tchairo raizuwi tchiedza.²⁰Nokudharo Jakobho akaita tsananguro imwe atchiti : kudhai Mwari aineni uye atchinditcheta parwendo rino , uye atchindipa mukati kuti ndindye , matchira okupfeka , ²¹kuti inin ndiwhirire ndapona kumba kwabhabha angu , hino Ishe atchawa Mwari wangu . ²²uye bhuwe iri randinaro randinosoita mutsago ritchaita nyumba ya Mwari , no zvese zvamutchandipa , zvezvirokwazvo kuti nditchapa tchegumi kwamuri.

¹Nekudharo Jakobho wakaenderera nerwendo akaguma panyika yr wanyu woka temai dhumba . ²Panguwa yai ringisa , wakawona tchimbo mumunda kuzoti makwai matatu akawata pamwepo naye; nekudharo patchimbo itchona ndipo paimwisirwa makwai; nekudharo pange pano buwe guru padhenga pemuromo we tchimbo. ³Pakazoti makwai anga akawungana ; wapfudzi wobudisa buwe pamusoro pemuromo wetchimbo wamwisa makwai; nekudharo wai dhumhaizadze buwe pamusoro petchimbo pambuto yaro.⁴Jakobho wakawabvunza : Hama dzangu; muri wekupi imwimwi? wakadhaira awona: " tiri weku Hara". Ihena wakawati " imwimwi munomuziya Rabau ; mwna waNowari?. ⁵Hawona akati Isusu tinomuziya". Ihena wakabvunzisa kuti: " Ihena wakanaka here" ⁶awona akamuti; " Ihena wakana" nhanguisa apo ; Rakeri; mwana sikana wake. urikuma nemakwai.⁷Jakobho wakati: " Nanguisa tiri pakati pezuwa aisiri nguwa yekuwirira nemabira . Imwimwi munodhikana zvekurwa mabhira; mozorora kwenda kowaryisa" ⁸Awona akati: " Azviti isusu kupa mbvura yekumwa mabhira dhakara mabira aungaga. Nekudharo wanarume wozobvisa buwe pamuromo wetchimbo towona kupa mabhira mbvura.⁹Paireketa Jakobho naiwona; Rakeri; wakawiya nemabhira haBhabha hake; nguekuti waiwa tchengeta. ¹⁰Pakawoma Rakeri; mwana waRabau; hama ye aswari ake; nemabhira a Rabau; Jakobho wakakwedhera waka mburumbudza buwe pamuromo petchimbo akapa mbvura mabhira aRabau; hama yeaswari ake.¹¹Jakobho wakatswodha Rakeri waka tchemesesa. ¹²Jakobho wakaerenguera kuna Rakeri kuti ndiri hama yabhabha wako; ndiri mwana waRabeka. Nekudharo iyena wakagogoma kowerenguera bhabha hake.¹³Pakazwa Rabau masoko nguepamusana paJakobho mwana wa yayahake; wakagogoma kwenda komuziya; wakamu kakatira womutswodha akawiya naye pamuzi pake. Jakobho wakaherenguera Rabau zviro zvese. ¹⁴Rabau wakamuti; "iwewe zvirokwazvo uri godho ne nyama yangu". Nekudharo Jakobho wakararama naye mwedzi umwe.¹⁵Zvakadharo Rabau wakati kuna Jakobho; " Nguekuti iwewe uri hama yangu; waidhikana undichandira nyore? Ndibvunze nguewupi mubhairo wako?". ¹⁶Uye Rabau wanga uno wana ahiri weya sikana. Zina remwana wokutanga ranga riri Riya. Uye romwana wetchipiri ndi Rakeri. ¹⁷Madjiso aRiya anga akakura, mange Rakeri wanga akarungama patchimiro tchake nehope yake. ¹⁸Jakobho waidha Rakeri. Zvakadharo ihena wakati: "Nditchaku senzera makore manomwe nguepamusana paRakeri mwana wako wetchipiri".¹⁹Rabau wakati; " zvirinani kupa iwewe pane kupa umweni mwanarume. Gara neni". ²⁰Zvadharo Jakobho wakamusenzera makore manomwe nguekudha Rakeri ; awona akawona hingana mazuwa madhoko parudho ranga anaro kuna iwena.²¹Zvakadharo Jakobho wakati kuna Rabau: " Wetchindipe mukadzi wangu; Nguekuti mazuwa angu akwana, Ndiwone kutchata naye". ²²Rabau waka unganidza wese anarume wepamutanha akaita mabhiko.²³No usiku; Rabau wakatora riya mwana sikana wake, akaenda naye kuna jakobho kuti awate naye. ²⁴Rabau wakapa Ziripa mwana wake kuti aite muranda wake. ²⁵Nematchibhese; Jakobho wakawona kuti ndiRiya; Jakobho wakati kuna Rabau: " Ndizvinyi zawandiitira inini andizi kusenzera Rakeri;? Nguei wanditchenzva".²⁶Rabau wakati: " Anditchopi tchidjairo tchedhu kuwakisa mwana mudhoko mukuru aripo. ²⁷Pedzesa sumana yekutchata kwake, isusu tinozo kupa umwenizve; ukandisenzerazve makore manomwe zve.²⁸Jakobho izvi akadzadzisa sumana ya Riya nokudharo Rabau wakamupawo Rakeri; kuita mukadzi wake. ²⁹Rabau wakapa Bira kuna mwana sikana wake Rakeri kuti ahite musenzi wake. ³⁰Nekudharo Jakobho wakawata naRakeri wiya waifarira kupindiridza Riya . Nokudharo Jakobho waka senzerazve Rabau kemakore manomwe.³¹Yahweh wakowona kuti Riya aripi kudhiwa wakafungura tchibhereko tchake asi Rakeri wanga asinga bhereki. ³²Riya wakanga nemimba akabhara mwana akamudhainza kuti ndiRubeni; zvakadharo wakati; "Nguekuti Yahweh urikuwona kutambudzika kangu zvezviro kwazvo zvino mwamuna wangu utchandidha".³³Zvakadharo wakaitazve mimba akabhara mwana; iyena wakati; "Nguekuti Yahweh wanzwa kuti andidhiwi ;Ihena wandipazve mwana uyu", Ihena wakamudhainza kuti Saimomi. ³⁴Womerazve mimba imweni wobhara mwana akati: " Zvino, mwamuna wangu utchawa akabhatana neni; nguekuti ndamupa wana watatu" . Ndizvo zvakazoita kuti amudhainze Revi.³⁵Ihena wakamerazve mimba akabhara. Ihena wakati: " Zvinowuno ndinorumbidza Yahweh " Akamudhainza Judha; Ihena wakaima kubhara.

¹Rakeri pakaona kuti wainga asika pasi mwana Jakobo iyena wanga ano utsinye no hama yake uye akatikuna Jakobo: "ndipe ana, ukakasama nditchafa". ²Chungu dza Jakobo dzaka kwira kuna Rakeri, Iyena akati: "kuwona kwako inini ndiripa mbuto ya Mwari, wakakurambinza kuti usabhare ana.³Iyena akati: "wona, iripana ndapwa yangu Bila. Ungawata naye kuti abhare uyende unodzisire ana kuti ndiabhereke". ⁴Nokudharo akamupasa ndapwa yake se mukadzi, uye Jakoboakaungana naye.⁵Bila akawa nopamwiri uye akapasa mwana Jakobo. ⁶Nokudharo Rakeri akati: Mwari akarurama; wazwa izwi rangu uye wandipasa Mwana umwe" ndiwo akamundaidza Da.⁷Bila ndapwa ya Rakeri, ya kawa no pamwirizve uye uye apasazve Jakobo mwana otchipiri. ⁸Rakeri akati :"ndakawona kuphikisana kubukukuru no hama yangu uye ndakwanisa". akandaidza mwanawake zina rekuti Naftali.⁹Lia paakazviwona kuti anga aimwa pakubhara ana akatora Zirpa, no ndapwa yake, uye akapasa Jakobo se mukadzi. ¹⁰Zirpa musenzi wa Lia, akapasa Jakobo Mwana umwe. ¹¹Nokudharo Lia akati:"Kupfuma!" uye akamundainza Gadi.¹²Zvaka ndharo Zirpa, musedzi wa Lia akapasa mwana wotchipiri kuna Jakobo. ¹³Lia akati: " inni ndhaka ndakadhakara zvikuru! anangu atchandi ndidza kudhakara" nokudhro iyena akamudhaidza Aser.¹⁴Mazuwa woku kotokorwa ko ndiro, Rubeni akaenda kumunda uye akawona mandaragora iye wakaudza kuna Lia, mai ake. Nokudharo Rakeri akati: " ndipasewo ma mandaragora wo mwana wako". ¹⁵Lia wakamudhaira kuti: izvidhoko ere zvawatora mamuna wangu? urikudhaze kutora mandaragora wa mwana wangu? uye Rakeri akati: "utcha wata na Jakobo usiku wese titcha ti tchidjane no mandaragorawo mwana woko.¹⁶Jakobo whirira kubva kumunda kanga dhoka. lia akaenda kosongana naye uye akati: " utchawata nainini nhamasi usikuno, nokuti inini ndakushongedza nomandaragora omwanangu". ¹⁷Nokudharo Jakobo akawata na Lia usiku uya, Mwari akamuzwa Lia uye iyena akawa nepamwiri uye akapasa mwana Jakobo mwana wetchirongomuna. ¹⁸Lia akati: "Mwari wakanipasa, ndaka pasa ndapwa yangu mamuna wangu". Iyena wakamudhudza Isakar.¹⁹Lia akawazve nemimba uye akapasa mwana wotchishano kuna Jakobo. uye akati? ²⁰"Mwari andipa tchiro tchakanaka. Zvino mamuna wangu utchandiremekedza, uye ndamupasa ana atandhatu" Iyena akamudhaidza Zebulom. ²¹Pakupedza akabhara mwana wemanakadzi uye akamudaidza Dina.²²Mwari akamu rangarira Rakeri. Iyena kumupurutana uye nokuporeswa. ²³Iyena wakawana pamuiri uye akabhara mukono akati"Mwari akabvisa kupferuka kwangu ". ²⁴Iyena akamudhaidza Josefa: "kuti Ishe andipasa Umweni mwana.²⁵Rakeri akabhara Josefa, Jkobo akati: kuna Labao:" ndiendese kumba kwangu uye kunyika kwangu. ²⁶Dipase akadzi angu uye newana wangu, nozvakawanda kusenzera uye ndisiye ndiende, nazvo unowaziya mabhasa andakakuitira.²⁷Labao akati: " ndino wona nacha mukatimo madziso ako, naizvo imira nokuti inini ndakazvi ziyango pakati poburotera uye yanha yako". ²⁸Nokudharo iyena akati: "thunudzira kuripwa komakore ako uye inini nditchakuripa".²⁹Jakobo akati:" iwewe unoziya kuti ndakakusenzera uye ndaka kunza mabhira ako. ³⁰Nokuti iwewe wanga uno padhoko inini ndisati ndauya, asi akazodzara zvikuru. Hino rini nditchazosedzerwao panyumba pangu.?"³¹Nokudharo Labao akati. " tchitchandinokupasa? Jakobo akadhaira kuti: "ndidhi tchiro tchako. nditcha whirira kosenza uye ndotchi wonerera mabhira hako uka ita izvi kandhir. ³²Ndisiye ndionerere mabhira ako nhamasi, ndotchisianisana ese no mbhudzi dzino magamba gamba uye no dzino mahara mahara; uye no dzese dzokuswipa dziri dziri pakati po mabhira, uye ndzino magamba gamba, uye no dzino maara maara dziri pakatipo podzo akadzi. uku ndiko kutcaita kuripwa kangu.³³Ruziyo rangu kutchaindza pandhiri. Nazvo ndazvopedza otchawono kuripwa kangu. Zvese izvisina magamba uye nomahara maara pakati podzombudzi dzokakadzi uye nodzokvswipa pakati po mabhira, zvika onekwa neni, zviitchitazvo upfumi wako". ³⁴Labao akati: "zvakanaka. kazvitino tendereno no massoko awabuya.³⁵Pazuwa ria Labao akaitisa akasianisa makotokoto uye nodzo kadzi, uye dzokadzi dzese nomagamba uye no maaramaara dzese dzokuitchena uye nodzese dzka swipa pakatipo mabhira uye akadzikanamunhara dzoana ake. ³⁶Labao wakapedza mazuwa matatu otchihamba iyena Jakobo. Uye Jakobo akaramba otchionerera otchisesedzesa mabhira anga a sara a Labao.³⁷Jakobo akatora mutchamo muuchi dzomu estoraki, no muamanda, uye nemupani, akadzimenya akadziita zvitaura zvokutchena, wotchita hingana zvaka mabhira. ³⁸Nokudharo iyena akakanda michamu dzanga amenya pamberi po mabhira, muzvi imwiro mazva imwira. uye Iyena akazviona pazvaiuya kozomwa.³⁹Mabhira aibhatana ngopamusoro pomichamu uye mambhira aibhatana zvibhuru no maara maara, no manga gamba uye no maara maara. ⁴⁰Jakobo a akazviziya mabhira uye akazikanda pazvinyama zvakasiana uye nozvokuswipo mo fuyo zva Labao. Nokudharo iyena akazvisiya mabhira kaari uye azikuwakanda pamwepo noaLabao. Nokudharo iyena azikuwakanda pamwepo nawa Labao.⁴¹Panguwa yese yokuti mabhira aka bhamba airamba etchibhatana, Jakobo aikanda mutchamu maimwira pamberipo. mabhira, kuita abhatane pamushamu. ⁴²Asi kuno aya akaremba mabhira aiucha, iyena wanga asika kandi muchamu pambheri pawo. naizvo aya akaremba ainga ari a Labao uye aya akamba anga ari a Jakobo.⁴³Mwanarume akabhurira zvikuru. Iyena wanga ane mabhira makuru, ndapwa uye no ndapwa dzowakadzi, mbongoro uye Nodonki.

¹Hino Jakobo wakazuwa masoko e ana a Rabani, pai buya: "Jakobo ari kutora zviro zvese zvanga zviri zva bhabha wedhu, uye ari kupfuma ne zviro zva bhabha edhu". ²Jakobo wakaona pahope pa Rabani. Uyezve wakaona maitiro ake Rabani naye anga tchinja. ³Hino Ishe akati kuna Jakobo: " Whirira kunyika emadzibhabha ako uye nyika e anyaukama, Inini nditchawav newe".⁴Jakobo wakaidhaidzira Raqueri uye na Ria kwenda kumunda ku zvinyama zvake, ⁵uye wakti: "Inini ndirikuona kuti maitiro a bhabha enyu neni atchinja, asi Mwari wa bhabha wangu arineni nguwa yese. ⁶Imwimwi munozviziya kuti ndaka senzera bhabha enyu nesimba rangu rese.⁷Bhabha enyu akandi tsotsa inini uye akatchinja mubhairo wangu zvino kwana gumi renguwa, asi Mwari aripi kutendera kuti andiitire zvakashata. ⁸Pai buya yena: kuti: Zvinyama zvino magamba gamba ndiwo mubhairo wako; hino zvinyama zvese zvai bharwa nemagamba gamba. Uye akabuya kuti zvakaparwa zvaka parwa padhoko ndizvo mubhairo wako; hino zvinyama zvese zvai bharwa zvaka parwa. ⁹Nomu shobho uyu, Mwari ariku bvisa zvipfuiwa kuna bhabha enyu kuri kundipa inini.¹⁰Ngokuti munguwa yeku bhara, inini ndakaona mwombe ye mukono muhope yetchi zviro mudhanga. Mwombe dzanga dzaka parwa, dzema gamba gamba uye dzaka koresa. ¹¹Ngirozi ya Mwari yakati kwandiri mu hope: `´Jakobo`. Inini ndakati: ` Ndiripano`.¹²Yena wakati: `simudza madiso ako uye ona mwombe zvadzirikuita mudhanga. Idzona dzaka parwa, dzino magamba gamba uye dzaka kora, ngokuti ndirikuona zvese zvauri kuitirwa na Rabani. <sup>13</sup>Inini ndiri Mwari weku Beteri, pawaka dzodza dhombo nemafuta, uye pawaka pika wetchindi kumbira Inini. Zvino siya nyika ino whirira kunyika yawaka bharirwa".<sup>14</sup>Rakeri uye na Ria akadhaira: "Pano zviro zvatingapuwao isusu panyumba pabhabha edhu? <sup>15</sup>Ndati yena arikuona se anhu ekunza kana kuti afambi? Ngokuti yena arikuti tengesa uye arikupedza mare yedhu. <sup>16</sup>Ngokuti upfimi wese urikubviswa muna bhabha edhu na Mwari zvino wa wedhu uye ne ana edhu. Zvino pano, ttchaunanga wazuwa naMwari, ita.<sup>17</sup>Hino Jakobo waka muka uye wakakanda ana ake ne akadzi ake pa mbongoio. <sup>18</sup>Yena wakatanga kutanga kusesedza zvipfuiwa zvakae zvese, uye nezvese zvanga anazvo, ne zvinyama zvese zvanga zvazvake, zvakaona ari kuPada Ara. Hino, yena wakaenda kuti aende kogara na Isaki, bhabha ake, munyika ye Kenani.<sup>19</sup>Pazvaitika izvi Rabani wanga waenda ko via zvinyama. Rakeri wakabha zvimwari zvepanyumba pa bhabhake. <sup>20</sup>Jakobo anga asotsa Rabani, mu armeu, anga asikazi kueneka. <sup>21</sup>Yena wakatiza nokukasika nezvese zvanga arinazvo wakadharikisa zviro zvese pamurambo, uye wakaenda kunyika uno matunhu inozuwi Gireadi.<sup>22</sup>Muzuwa retchitatu, Rabani wakavunzuwa kuti Jakobo wanga watiza. <sup>23</sup>Hino wakatora anyaukama ake kakutera Jakobi mazuwa manomwe. Yena wakamubhata ku matunhu eku Gireadi.<sup>24</sup>Nokudharo, Mwari waka uya kuna Rabani, mu arameu, muhope ne usiko uye akati: " Mhoremhe, usabuye na Jaco tchakanaka kana tchaka shata". <sup>25</sup>Rabani wakabhata Jakobi. Hino Jakobi wakaita tchitumba tchake kuma tunhu. Rabani wakaita tchitumba ne hama dzake kumbuto dze matunhu.<sup>26</sup>Rabani wakati kuna Jakobo: Waitei iwewe, wandi tsotsa uye watora ana angu se asunguwa ehondo? <sup>27</sup>Ngei watiza nokufisa fisa, wandi tsotsa uye auzi kundi vunza. Inini dhai ndaku enejka zvakanaka ne mabhiko, uye ne nziyo, uye ne zvinridzwa uye ne ngoma dzakanaka. <sup>28</sup>Iwewe auzi kundisiya kuti ndi eneke uye noku tsodha azukuru angu uye ne ana angu. wandishaishira pazvese.<sup>29</sup>Ndino simba reku kuitira zvakashata, asi Mwari we bhabha ako wakabuya neni zuru tchousiko uye wakati: ` Ita mhoremhore, usabuye kuna Jakobi zvakanaka kana zvakashata`. ³⁰Uye zvino iwewe wakwenda, ngokuti wanga wakudha kuwhirira kumba ka bhabha ako. Asi, ngei wabha zvimwari zvangu?".³¹Jakobo wakadhaira uye wakati: " Ngokuti inini ndathiya kuti waidha kunditorera ana ako nesimba, ngondayazvo ndabhudha tchifisefise. ³²Wakubhira zvimwari zvako arambi etchindorarama. Pamberi pe anyaukama edhu, tswaka tchinozuwi tchako uye tora". Ngokuti Jakobo anga asikazi kuti Rakeri wanga wazvibha.³³Rabani wakapinda mutchitumba tcha Jakobo, tchitumba tcha Riya uye tchutumba tchawasenzi asi azi kuzviona. Wakabhudha mutchitumba tcha Riya kakupinda mutchitumba tcha Rakeri.³⁴Hino, Rakeri wanga wabha zvimwari zvepanyumba, kakuzvikanda papano garirwa pe mbongoio, uye kakuzvigarira, Rabani wakatswaka mutchitumba tchese, asi azi kuzviona. ³⁵Yena wakati kuna bhabha ake: " Ndirekereri bhabha angu azviiti ndimuke pano nokuti ndiri mumazuwa emu shobho we anakadzi". Hino, yena wakazvitswaka , asi azii kuzviona zvimwari zvepanyumba pake.³⁶Jakoboko wanga watswamwa uye wakabuya kuna Rabani. Uye wakati: " Ushaishi wangu uripi apa? Tchitadzo tchangu tchiripi apa kuti undi tere zvakadhai? ³⁷Ngokuti iwewe uriku tswaka muzviro zvangu zvese. Tchii tchawaona tchinozuwi tchako muzviro zvese izvi? Ngatisire hama dzedhu pano, kuti ati tonge tiri airi.³⁸NGogumi remakore, ndakagara newe. zvinyama zvako azvizi kuswothora mimba, uye andizi kurha kana tchimbudzi hatcho tchako, ³⁹Tchese tchaka rhiwa nezvi nyamomo ndakauzisa nyama yakasara. Kunze kwazvo, inini ndaku guentari kuruzeko. Iwewe wakndiripisa pazvinyama zvese zvaishota, zvaibhiwa usiko kana masikati. ⁴⁰Ndinga ndiripo nguwa yese: masikati ndetchipiswa nezuwa uye, neusiko, zando rakatonhora; uye ndaigara ndisikawati nguwa dzimweni.⁴¹Makumi mairi emakore ndanga ndiri panyumba pako. Ndakasenzera iwewe gumi nemazuwa marongomuna ngokudha ana ako airi, uye makore matanhatu ngokudha zvinyama zvaka. wakatchinja mubhairo wangu kuno kwana gumi. ⁴²Kudhai Mwari wa bhabha angu, Mwari wa Abrahama, uya Isaki wanothiya, asiripi neni, zvirokwazvo zvino dhai wandidzingira kwenda kumba ndisna tchiro munyara. Mwari arikuona kushupika kwangu uye ndirikusenza zvikuru, uye Yena waku vunza usiko zviro izvi".⁴³Rabani wakadhaira Jakobo uye wakati: " asikana ndiana angu , azukuru aya ngangu, uye zvinyama ngezvangu. Zvese zvuri kuona zvangu. Asi zvandingaita kune ana angu uye ne azukuro aya akabharwa ne ana angu? ⁴⁴Zvino ngatiite sungano, inini na iwewe, ngatisiye izvi zviite tchapu kuna inini newe".⁴⁵Hino Jakobo wakatora bhuwe uyu wakarikanda rakaima. ⁴⁶Jakobo wakati kune anyaukama wake: "Unganidzai mapuwe" Aona akatora mapuwe kaku ungadzi kakuna ngopasi hinga mupando. ⁴⁷Rabani wakaidza izvi Jegar- Saaduta, asi Jakobo wakadhaidzira Galeede.⁴⁸Rabani ewakati: " mupando uyu ndimupupuri kuna inini newe nyamasi". Ngokuti padhaidzuwa Gareede. ⁴⁹Uye paka dhaidzuwazve Mizpa, ngokuti Rabanin wakati: "Kuti Ishe ngaringirire inini newe kana taparadzana kure ne kure. ⁵⁰Ukashusha ana angu, kana kuti ukatswaka anakadzi amweni kunza ke ana angu, kunyange ndisikaone , asi Mwari ndimu mupupuri wango newe".⁵¹Rabani wakati kunaJakobo: "Ningira mupando uyu uye ningira dziro iri, randawaka inini newe. ⁵²Mupando uyu ndimu pupuri, uye dziro iri ndimupupuri kuti inini andizopindiridze mupando uyukuya kwauri, uye kuti iwewe auzopindiridze dziro ne mupando uyu kuya kwandiri, kundi borosa. ⁵³Kuti Mwari wa Abrahama, Mwari waNaor, Mwari wawo ese, ngatitonge". Jakobo wakapika na Mwari, uya wekuti bhabha ake aimuthiya.⁵⁴Jakobo wakapa tchibhairo pa dunhu uye wakadhainza anyaukama wake kuti uyai murhe. Uye aona akaenda kakurha uye kakuwatira mudhunhu usiko wese. ⁵⁵Akafumira, matchibhesi, Rabani waka muka, wakatsodha azukuru uye ne ana ake uye wakakomborera. Hino Rabani wakasiya uye waka whirira kumba kake.

¹Jakobo akaendawo negwandza rake, uye ngirosi dzaMwari dzakasongana naye: ²Jakobo paakadziona iye akati "ii ikonambom yaMwari" ngekudaro ibena akatumidza mbuto ii mananim.³Jakobo akatuma nhumwa kuna Isau mukoma wake. ⁴kunyika yeSeiri, kudii reEdumi. Akamupa mupango atchiti "ivzwi ndizvo zvautchaereketa kuna Ishe wangu Isau: izvi ndizvo zvakareketa muzenzi wenyu Jakobo: ini ndaka rarama Rabao, ndakanga ndinaye dzamara zvino. ⁵Ndine n'ngombe, nembongoro uye namakwai wandhapwa rume nendapwakana makwai. Ndatumira tsamba iyi kuna ishe wangu, kuti ndionerwe nyasha dzenyu.⁶Nhumwa dzakapetuka kuna Jakobo dzikaki kwari: isusu takaenda kuna mukuma enyu Isau. Uye arimugwadza kuzosongana nemwi; mazana marongomuna ewanarume wanawo uye." ⁷Jakobo akatya uye akasuwa; akapatsanura muzvikwata zviri zvewanhu wese aakanga ari nawo; nemakwai, na ngombe uye nemakamera. ⁸Iye akati: kana Isau akakwisa tchikwata tchimwe tchika para ratchimwe tchinga pona.⁹Jakobo akati: Mwari wabhabha wangu Abrahama, uye naMwari wabhabha wangu Isaka, Djeova, akanditi: Petuka kunyika yako yawakabherekerwa uye newe madzibhabhaako, ¹⁰uye ini nditchaita kuti ubudirire, Andizi kusisikirwa nekutendeka kwenyu uye netsitsi dzenyu dzese kumusenzi wenyu. Inini ndakabira Djoridani nendonga yangu basi, uye zvino ndaakupetuka nezvikwata zviiri.¹¹Ndapota, ndisunungurei mumaoko amukoma wangu Isau, Ngokuti ndinotya kuti atchandiuraya uye nemadzimai nemwana. ¹²Ngokuti imimakati: inini zvezvirokwazvo nditchakuita unobhudirira. Nditchaita kuti wagari wenhaka yako wawande kunge djetcha remubhahari, riya risinga kwanisiki, kuerenga.¹⁴Jakobo akagara penepo kuzamara usiku. nezvaakanga anazvo akazvipaura kuti azvipe Isau, mukoma wake: ¹³Mazana mairi emutukazi nematokoto makumi mairi, uye mazana mairi emakwai uye nemakamera ekoanekumi mairi. Makumi matatu emakamera dzemukaka nezviburu, makumi marongomuna ehombe dzekanzi uye negumi remukoho, ¹⁵makumi mairi embongoro dzekadzi uye negumi remukono. ¹⁶Iye akazvipa mumaoko ewasenzi wake, mukumbi yakasianiswa. Akati kuwasenzi ake: "endai mberikwangu uye musiye mbuto pakati pemukumbi neumwe".¹⁷Iye akaraira musenzi okutanga, akati: " kana Isau mukoma wangu akamumana newe uye akamubvunza atchiti: " unobva kupi? urikuenda kupi? uye zvipfuyo zviri mberi kwako? ¹⁸Nokundaro utchati: ngezvemusenzi wenyu Jakobo. Tchipo tchatumirwa Ishe wangu Isau. Tarisai iye arikusure kwedu.¹⁹Jakobo akarairazve tchikwata tchetchipiri, netchetchitatu, newese wanarume waiteera mukumbi. iye akati: murekete zvimwezvo kuna Isau mukasongana naye. Mutchatizve: musenzi wenyu Jakobo arikuya kusure kwendu". ²⁰Ngokuti akati nditchambomunyaradza netchipo netchipo tchinotungamirira. Ipapo kana ndasangana naye pamwe anonditambira zvakanaka". ²¹Zvakadharo tchipo tchakatungamirira Mberi kwake. iyena kamare wakagarapo pakomboni usikuho.²²Jakobo akamuka usiku, uye akatora wakanzi wairi, newasenzikanzi wake wairi, newana wake gumi neumwe. akabvunza kuti ambire pa Jaboki newanhu. ²³Zvakandaro iyena akaita kuti andarike murambo neyanduese nezviro zvawo.²⁴Jakobo akasiwa ariega, nemwanarume umwe akapondana naye kugumira utonga utchitswuka. ²⁵Mwanarume uyu paakaona kuti akwanisi kumurwisa, akamubata panhii yenbabvu yake ikatswatswanika. ²⁶Mwanarume akati: "ndisie ndiende, ngokuti uttonge waakubunda". Jakobo akati: inini andikusii utchienda usina kundikomborera".²⁷Manarume uya akati: "zina rangu rinozwi ani?" Iyena akandaira, "Jakobo". ²⁸Mwanarume akati: " zina rako aritchandaidzwizve kuti Jakobo, asi, Israel. Ngokuti wapondana na Mwari nemeanarume ukaramba wakaimira.²⁹Na Jakobo akamubvunza: "Ndapota reketa zina rako" ? Iyena akati: "ngei unobvunza zina rangu? "akamukomborera penepo. ³⁰Akandainzdza zvimbo iya Jakobo kuti peneri ngokuti : "inini ndaka ona Mwari meso nemeso, neupenyu wangu ukapona".³¹Jakobo paakadarika pa peneri zuwa rabunda. Iyena ainga etchikombinya nekunda kenhii. ³²Saka, nenyamasi, wana we Israeri awarhi zvimbatanidwa zvembabvu zviri pamhii, ngokuti matumw a wamwari akaponda Jakobo pazvimbatanidzwa zvetchinhu tcha Jakobo.

¹Jakobo akamutsa madziso, akaona kuti Isau aiwiwa, waiwiya nemazana marongomuna dze anrume. ²Jakobo waka paridza ana ake aka pasa kuna Lia, na Rakeri, uye asedze ahiri ohana kadzi. Nokudharo akakanda wasedze ake bheri nowana ake, Lia nowana wake akangara sure kwao, pokupedzesa Rakeri na Josefa. ³Iyena kamare akapinda bheri kwawo, akangwandama kanomwe, kuzama afendera kuna hama wake.⁴Zvakandaro Isau wakagogoma, akamubhundikira nokumutchonda, Iyona wakatchema. ⁵Isau pakamutsa musora akaona anakadzi newana, akamubvunzisa: "anhu ana iwewe aya ndiani?" Jakobo akandaira: " ndio ana andaka komborerwa naMwari".⁶Nokundaro washanda akafendera newana wake akapfungama. ⁷Tererei Lia newana akafendera, uye opfungama. Rupedzesero, Josefa na Rakeri akafendera opfungama . ⁸Nokundaro Isau akabvunzisa: " Tchinyi tcaurikunda nobhungano yese hi metchiuya kusongana neni?" Jakobo akabuya: " kuti ndione nyasha pamberi pa Tenzi wangu".⁹Isau akabuya: "inini ndine zviro zvakawanda, hamawangu; tchengeta zvaurinazvo kuti usedzese iwewe". ¹⁰Jakobo akati: " Usandaro, ndino kumbirisa, ndanguma nhasha pabheri penyu, tendai tchipiriso tchangu tchenyara yangu, nokuti ndika ona iwewe ndaona tchiso Tcha Mwari, uye Iwewe unosonditambhira. ¹¹ndapona tambira tchipirisu tchandakuudzisira; nokuti Mwari anosondi komborera zvikuru, nekunda kwezvenezvi, ndino zviro zvakakwana". Jakobo aka kohomedzesa kuna iyena, kuzama Isau atambira tchipiriso tchake.¹²Nokundaro Isau akati: " ngatiende negwadza, nditchatera surekwako". ¹³Jakobo akareketa: "Ishe wangu, muziya kuti ana aya zvitchiri zvindoko, uye mambhira nehobhe yekadzi zvirikuamwisa zvibarwa zvao; zvona zvika kukumidzwa kuti zvifambhe patsiku rimwe, zvinyama zvese zvitchafa. ¹⁴Ndapota, Ishe wangu, pindai bheri kwangu , Inini nditchateera pandoko pandoko, se zvezvipfuyo zviri bheri kwangu, uye nemutanyo dzewana adhoko, kuzamara ndaguma kuna ishe wangu ku Seir".¹⁵Isau akati: " unonditendhera kusiya aranda angu amweni na iwewe". Asi Jakobo akati: " ngei muno ita izvi? isha wangu magara nenyasha dzikurisa kwandiri". ¹⁶nokudharo Isau akatora gwaadza rake otchienda Seir, patsiku imweimweiyo. ¹⁷Jakobo akaenda Sukote, akagadzira yumba yake kuti araramire uye akawakirawo nzvipfuyo pokuraramira. ndizvo zvakaita kuti bhuto iya indaidzwe Sukote.¹⁸Jakobo pakauya kuPada-Ara, akaguma akapona kutaundi ye Sike, inooneka kunyika ye Kenani, uye akagara paduze nepa Taundi. ¹⁹Nokundharo akatenga pambuto indoko muminda dzewana hema Hamor, bhabha we sike, kubhurukidza komutengo unoti gumi rozvwu, penepo akagadzira matendi. ²⁰Nokudharo akamutsa panepo aritari uye wakandaidza Mwari, Mwari we Israeri.

¹Hino Dina mwana wa Lia wakabhara na Jakobho , akabhuna kuti aende koziwa anasikana omunyikeyo. 2 ²Sikem , mwana wa Amori mu Heveu mambo enyika , akamuona , akamubhata, akamutora uye akamumanikidza . ³iye akadha Dinaa mwana wa Jakobho , uye akareketa⁴Sikem akautsa kuna bhabha ake Amori : Ndikwanisirewo mukadzi uyu kuti aite mukadzi wangu. ⁵Jakobho akazvizuwa kuti akadzipa Dina mwana wake. Ana ake enga ari kumunda nezvipfuyo ; Jakobho akanyarara dzamara aona awhirira .⁶Hamori , bhabha a SIKEM akabhuhda kuti arekete na Jakobho . ⁷Ana a Jakobho akawhirira kubva kumunda uye akazuwa zvenga zvaitika , aona akawa nokunyangadzwa , enga asingaziwi zvokuita pangoweyo nokuti iye yenga noku.....manikidza mwana wa Jakobho , zvino zveenga zvisingaiti kuti zviitike.⁸Hamori akareketa nawo atchiti : Mwana wangu Sikem anodha mwana wenyu. Ndapota , mupei iye kuti aite mukadzi wake . ⁹Itai tchitenderano na isusu , tipei wana enyu , uye torai mwana wedu aite wenyu , ¹⁰Imimi mutchararama na isusu¹¹Sikem akautsa kuna bhabha wake ne hama dzake dzo Dina : Ndisiyei ndione ngoni mumadziso enyu uye zviya zvamutchandikumbira nditchakupai . ¹²Ndikumbirei zvatchana nokuda komusikana nditchakupai zvamutchandikumbirezvo , Asi ndipei mukadziwo kuti awe mukadzi wangu . ¹³Ana ajakobho akamudhaira Sikem na Hamori no manyepo ngoodawa ya Sikem zvenga ainda na Dina , hanzvadzi yawo.¹⁴Aona akati: Isusu azvingaiti kuti tiite izvona : Kupa hanzvadzi yenhu kumunhuwo hake kuti ne azii kuthwa utchekeri , zvenezvo ndiurombo kuna isusu . ¹⁵Chiro tchimwe tchingaita kuti titende ithwaiwo utchekeri se isusu , uye mwanarume wese oku mbumba yenyu ngaithwe utchekeri . ¹⁶Apona apopo ndingakwanisa kukupai anasikana edhu uye titchatorawo ana enyu awe edhu , nokudharo titchararama nemi uye titchaita mbumba imwe bhasi. ¹⁷Asi kudai mukasatizuwa uye musingaiti utchekeri .Titchatora hanzvadzi yedhu uye totoenda .¹⁸Masoko aya akadhakadza Hamori no mwanaake Sikem . ¹⁹Djaha iri arizi kunonoka kuita zveenga abuya ngokuti iyena enga amudha mwana wa Jakobho uye ngokuti iye enga ari munhu airemekedzwa kwazvo paumba ya bhabha ake.²⁰H amori no mwana wakw Sikem akenda kumusuwo mukuro omuguta rawo uye akareketa noanarume ese etchiti . ²¹Anarume aya ari murugariko na isusu , asiei ararame munyika uye asiei aite zvokutengesa nyika yakakura zvekuwakwanira aona . Totora anaasikana awo aiti akadzi edhu uye towapawo anaasikana edhu.²²Izvi ndizvo zvega zvenga zvitchidhiwa zvokuti anarume aya akatenderana nazvo kuti tirarame nawo uye isusu toita mbumba imwe bhasi . Kudhai umwe wedhu akaithwa utchekeri nokudharo naaonawo zvimwe zvimwezvo. ²³Azvingawi kuti zvipfuyo zvawo ne zvimwe zvawo zvedhuwo? Titchapinda mukupindirana uye yiwo atchararama nesu.²⁴Mbumba yese yomuguta yakazuwa Hamori no mwana wake Sikem . uye mwanarume umwe na umwe akaithwa utchekeri ²⁵Zuwa rotchitatu , apo iwo enga atchina marwadzo , ana airi a Jakobho , Simao na Levi , hama dza Dina , dzakatora tsorora , akapinda tchinyararire muguta akauraya anarume ese . ²⁶Akaurayawo Hamori na Sikem , mwana ake ne tsomo ye tsorora uye akapinda munyumba akabhudhisa Dina munyumba ma Sikem uye otoenda.²⁷Ana amwene a Jakobho akaenda kweenga kune mutumbiyo uye akaputsaputsa guta ngondawa yokuti enga asina kuremekedza hanzvadzi yawo . ²⁸Aona akatora zvipfuyo zvawo , n'ombe , mbongoro, ne zvinhu zvese zvenga zviri mugutemo ne mu munda yenga iri paduze , ²⁹Pfuma yawo yese . Zviana zvese no akadzi awo akabhata . Aona akatora zviro zvese zvenga zviri madzinyumba mawo.³⁰Jakobho akautsa kuna Simao na Levi: Imimi mabhara mhoswa ikuro kwandiri , zvitchaitisa kuti agari omunyika ino , makhanani no maperizeu , andizonde . sezvo tiriwashoma , kudhai iwo akabhatana kuti auye korwa neni , atchaputsa inini no ana angu. ³¹Asi Simao na Levi akati : zvaiita ere kuti Sikem abhate hanzvadzi yedhu se hure?

¹Mwari wakatsa kuna Jakobhe: "purumutsa guta kuBeter uyerarama ikona. wakaumba iwewe aritari kuna Mwari wakawiya pamberi pako pawaitiza Isau, hama yako ". ²Nokudharo Jakobhe wakatsa kune ukama wake uye kune wese wanga anawo: " Kandirai kubhanze zvimwari mwari dzowafambi zviri pakati penyu uye , zvitchesei uye tchinjai nguwo dzenyu. ³Zvadharo ngatikwire kuBeter. Inini nditchaita apona imwe aritari yaMwari wakandidhaira patsiku rokushopheka kwangu uye akanga aneni pese pandaifamba.⁴Watsa izvi, awona wakapa Jakobhe zvimwari mwari zvese zaanga zviri munyara dzawo: ". Jakobhe wakazvi fuchira pasi pemuti wanga uri paduze neSikeni. ⁵Paanga etchienda rwendo, kutsamwa kamwari kwakawiya pamusoro pomaguta ainge ari mumutcheto mawo, kuitira kuti anyu aya asatere ana aJakobhe.⁶Hino Jakobhe wakaguma kuBeter, kunyika yeKenani; ihena nehanyu ake ese anga anawo. ⁷Ihena wakawumba apona imwe aritari akaidhainza kuiti Er_beter apona mwari wakange azvipangidzira kwaari paange etchitiza hama yake. ⁸Debora musenzi waRabeca wakafa. Ihena wakakotswa kuBeter pasi pomuti wakazo dhainzwa Alom_ Bakute.⁹Jakobhe paaka wirira kubva kuPada_Ara, Mwari waka wiyazve pamberi pake akamuropa fadza. ¹⁰Mwari wakatsa kwari kuti: " Zina rako ndiwe Jakobhe, asi ari tchazo zina rako. Iwewe utchadhainzwa Iziraeri". Uye Mwari watchakupa zina rokuti Iziraereri.¹¹Mwari wakamubvunza: "Inini ndini Mwari womasimba Wose. Bbhara uye wandai. Rimwe rudzi uye rimwe rujinji romarudzi ritchabva kwauri. Uye kutchawonekwa madzimambo pakati pedzinza rako. ¹²Nyika yandakapa Aburahama uye naIsaka, nditchapa iwewe uye nedzinza rako". ¹³Uye Mwari wakaenda pamberi pake, kubva pambuto payinge abuya naye.¹⁴Jakobhe wakawumba imwe aritari pambuto paanga abuya naMwari, imwe aritai webhuwe. Iyena wakadurura tchimwe tchipo tchevinyu, uyezve nemafuta. ¹⁵Uye Jakobhe wakazhudza zina rokuti Beter pambuto yakabuya Mwari naye.¹⁶Iwona wakabhudha kuBeter. watchiri kure kudha kuguma kuEfrata, Raker wakapinda panguwa yekubhara. Wakashopheka maning kudha kubhara. ¹⁷Atchiri pamarwadzo okubara , mubhatsiri wakatsa kwari: "Usatya , zvadharo utchawa nomwana umweni". ¹⁸Nekuti waifa, pakufemeruka kwake wakamupa zina rokuti Bejami. ¹⁹Rakeri wakafa akakotswa mugwanza rokwenda kuEfrate. ²⁰Jakobhe wakasimudza imwe aritari pamusoro peguwa rake. tsingiriro reguwa rake tchiripo dzamara tsiku dzanyamasi.²¹Iziraeri kaenda uye wakawaka matchesa ake kumhiri kweguta reMidgal_Eder. ²²wakati Iziraer etchirarama panyika iyona, Rubeni wakapinda pamaponde naBira, mukadzi umweni wabhabha ake, uye Iziraeri wakazvizwa uye ana aJakobhe anga ari gumi namahiri²³Naria iwena wakabhara Rubeni, dhangwe Simiyoni, Levi, Juda sikariyoti,uye naZeburoni; ²⁴naRakeri wakabhara Djosefa na Bejami; ²⁵naBira musenzi waRakeri, wakabhara Da uye naNaftali;²⁶NaZiripa musenzi waRia, wakabhara Gade uye naAseri. Ese ndiyana aJakobho awona wakabharirwa kuPada_Ara. ²⁷Jakobhe wakaenda kuna Isaka, bhabha ake, kumanre,Quiriate_Arba(zvimwezvo kuiti Hebrom), kalararama Burahama naIsaka²⁸Isaka wakararama makore anokwana zana nomakuma sere . ²⁹wakafemeruka akafa, uye akaenda kokotswa kune akuru ekwake uye etsiku dzkawanda. Isau naJakobho ana ake, akamukotsa.

¹Aya ndiwo marudzi a Ezau, ano dhainzuwazve Edomi. ²Aya ndiwo anakadzi akatorwa na Ezau kuKenani: Ada, mwana wa Elom, weku heteu; Aolibama, mwana musikana wa Ana, muzukuru waZibeao, weku heveu; uye ³Bazemate, mwana musikana waIsmael, hama yoku Nebayote.⁴K wa Ezau, Ada wakabhara Elifaz, uye Basemati wakabhara Reuer. ⁵Aolibama wakabhara Jeus, Jarao uye Cora. Aya ndiwo ana a Ezau akabharha munyika ye Kenani.⁶Ezau wakatora akadzi ake, uye neana ake, ne ana easikana, ne anhu ese agara panyumba pake, uye zvinyama zvake zvese zvai pfuya, zvaanga arinazvo zvakabhata ari kunyika yekanani, uye wakaenda kunyika imweni iri kure na hama yake Jaco. ⁷Yena wakaita zvenezvo kuti zvinyama zvake zvanga zvakawanda uye kuti zvigare pamwepo. Nyika yaigara yanga isikazokwanisa kurhisa nokuti zvangazvo zvanga zvakawanda. ⁸Ngondaya yazvo Ezau, anozikwana se Edomi, wakazonyasa kugara kumbuto ino matunhu inozuwi Seiri.⁹Iri ndiro dzinza ra Ezau, tsekuru we maEdomita, anogara kumbuto dze matunhu eku Seiri. ¹⁰Aya ndiona mazina e ana a Ezau: Elifaz, mwana wa Ada, mukadzi waEzau. ¹¹Ana a Elifaz ndiona: Tema, Omar, Zefo, Gata uye Quenaz. ¹²Timna anga ari tchimusikana tcha Erifaz, mwana wa Ezau, wakabhereka Amaleki. Aya ndiona azukuru a Ada, mukadzi wa Ezau.¹³Aya ndiona ana a Reuer: Naati, Zera, Sama, uye Miza. Aya ndiona ana a Basemati: mukadzi wa Ezau. ¹⁴Aya ndiona ana a Aoribama mukadzi wa Ezau, mwana wa Ana, mwana wa ~Zibeao. Yena wakabhara na Ezau Jeus, Jarao uye Cora.¹⁵Aya ndio anga ari akuru mudzinza ra Ezau: marudzi a Elifaz, dhangwe ra Ezau, akuru watcho Tema, Omari, Zefo, Quenaz, ¹⁶Cora, Gata uye Amalek. Akuru akabhara Elifaz munyika Ye Edomi; aya anga ari azukuru a Ada.¹⁷Aya ndiona akuru a Reuer, mwana wa Ezau: Naati, Zera, Sama uye Miza. Aya anga ari akuru akauya mudzinza ra Reuer munyika ya Edomi. Anga ari azukuru a Basimati, mukadzi wa Ezau. ¹⁸Aya anga ari akuru a Aoribama, mukadzi wa Ezau: Jeus, Jaarao uye Cora. Aya anga ari akuru akabharwa na Aoribama, mukadzi wa Ezau, mwana wa Ana. ¹⁹Aya ndiwo ana a Ezau, anozuwi Edomi, uye ne akuru atcho.²⁰Aya anga ari ana a Seiri, weku hereu, anorarama kuguta renero:Rota, Sobar, Zibeao, Anas, ²¹Disom, Eser uye Disa. Aya ndiwo anga ari akuru ema horeu, anagara ku Seir kunyika ya Edomi. ²²Ana a Rota anga ari : Horiuye Hema, uye Timna anga ari hazwadzi ya Roti.²³Anga ari aya ana a Sobar: Alva, Manaate, Ebal, Sefo uye na Ona. ²⁴Aya anga ari ana a Zibeao: Aias uye Anas; uyu ndiye Anas wakaona zvimbo zvekugumisira ku thambe, pai tora mambongoio ya Zibeao, bhabha ake.²⁵Aya anga ari ana a Ana: Disom uye Aoribama, mwana wa Ana. ²⁶Uye aya anga ari ana a Disomi: Henda, Esba, Itra uye Quera. ²⁷Aya ndiwo anga ari ana Eser: Bila, Zaava uye Aca. ²⁸Aya ndiwo ana a Disa: Uz uye Ara.²⁹Aya ndiwo anga ari akuru we a horeu: mukuru Rota, mukuru Sobar, mukuru Zibeao, mukuru Anas, ³⁰mukuru Disomi, Mukuru Eser uye mukuru Disa; aya ndiwo anga ari wakuru munyika ya Seir.³¹Aya ndiwo madzimambo akatonga munyika ye waEdomi kusati kana mambo kuIsiraeri: ³²Bera, mwana wa Beor, wakatonga kuEdomi; uye zina reguta rake raizuwi Dinaba. ³³Paaka kafa Bera, mwana wake Jobabi, mwana wa Zera, waka tonga pambuto pake.³⁴Paakafa Jobabi, Husa, we nyika yema temanita, wakatonga pambuto pake. ³⁵Husa wakafao, hino Hadade, mwana wa Bedade, uya wakakunda, mamidianita mu munda wa Moabi, wakatonga pambuto pake. Zina reguta rake ranga riri Avite. ³⁶Hadade pakafa, Samera weku Masreca wakatonga pambutu pake.³⁷Samera wakafao, uye Saur we Reobot, pamwepo nomurambo, wakatonga pambuto yawo. ³⁸Saur pakafa, Baal Hana, mwana wa acbor, wakatonga pambuto pake. ³⁹Paakafao Baar- Hana, Hadar wakatonga pambuto pake. zina reguta rake raizuwiPau; uye mukadzi wake waizuwiMeetaber, mwana wa Matrade, muzukuru wa Mezaabe.⁴⁰Aya anga ari mazina e akuru emarudzi a Ezau, nemadzinzao uye nema tunhu awo, mazina ao ndiwo: Tmna, Arva, Jetete, ⁴¹Aoribama, Ela, Pinom, ⁴²Quenaz, Tema, Mibzar, ⁴³Magdier uye Irao. Aya ndiwo anga ari akuru emadzinza e Edomi, nonyumba dzao, kunyika yanga atora. Uyu anga ari Ezau, Bhabha we ma Edomi.

¹Jakobo waklagara munyika yakambo ngara bhabha wake, munyika yokenani. ²Iyi ndioyo ngano yemutambo yakarangana ne Jakobo. Josefa, ari mukomana we makore gumi namanomwe oku bharwa. waicha mabhira neanunhuna ake, iyena wainga ane ana a Biriha, ne ana a Zirpa, akadzi a Jakobo bhabha wake. Josefa wakaunza masoko kana bhabha ake akaringana nawo.³Jakobo waida maningi Josefa kupinda ese, uuwainga ari mwana woucharuka whake, Akamuitima gemenzi rake. ⁴Madzikoma ake akaona kuti Josefa waidhikanuwa maningi. kupinda ese. akamuzonda akaramba kuzuirana naye.⁵Josefa akawa ne ndhoto akadzibvunza madzikoma ake. ⁶Iwona akaramba otchimundesesa. Iyena akaati: "ndapota, izwai ndhoto dzandabhatana nadzo.⁷Ndarota tetchisunga hafu dzo mutchetche mumundahafu dzenyu dzikamburukwo kakwedhera pahafu ingu dzikaima pa hafu ianfu". ⁸Madzikoma ake akabvunza kuti ungatitonga here zvirokwazvo? "madzikoma ake aka yaya kumuzonda ngezvaireketa.⁹Iyena wakanga ane ndhoto imweni wakazoireketazve kune madzimukoma wake etchiti: ndaona ndhoto Zuwa nemwedzi no nyeredzi gumi naimwe zvaka khona kukwedera paduze". ¹⁰Josefa akazvireketera bhabha wake, nokumadziukoma wake, bhabha ake akamugomba, akati: " khaindii ii hope dzakakumire dzo? Inini mai ako ne hama dzako titchazokugodhamira pasi petsoka dzako?" ¹¹Madzikoma ake ainga ane shadje naye, bhabha ake akagara nazvo mumoiyo.¹²Madzimukoma ake akaenda ko ucha mabhira a bhabha awo ku tchekeni. ¹³Israeri akati kuna Josefa: " hama dzko adziri kucha mabhira patchekeni here ? wia pano ndikutume utchapetuka hako". Josefa akati pano hangu. ¹⁴Akazomuti enda zvinopano, unrase kwona hama dzako no mabhira kuti zvaka terama uwie kuzondibvunza masoko". Jakobo wakazomutuma kwenda kunza kwe hebrone na wakazoenda kuchekemu.¹⁵Mwanarume umweni wakazo songana na Josefa muchango nokuti inga atsweteka. Manarume wia wakamubvunzaisa uno tswakei?" ¹⁶Josefa akati: Ndiri kutswanga hama dzangu ndibvunzei ndapota hangu ngekupi kwari kuuchira mabhira". ¹⁷Mwanarume wia akti:" awona abva pano zvipano hinga ndazwa etchiti ngatiende Dota". Josefa wakaterera sure kwe hama dzake wakadzwa ari pa Dota.¹⁸Hama dzake dzakamuona ngokure, asati aguma paduze, akapangana kuti amuuraye. ¹⁹Hama dzake akabvunzana umwe ne umwe:" onai muroti wia wanguma. ²⁰Akazoti ngatimuraye, zvino, timukhandire mutambhe. Tinozoreketa: tchinyama tchamuuraya. Titchaona kuti ndhoto dzake dzinoti".²¹Rubeni wakazvizwa zvese wakafunga kumurekeredza munyara mwake etchiti: "ngatisamuraiyei". ²²Ruben akati: Musandururei ngazi. ngatimukandire murindhi muthambe, zvakandaro musakandei nyara paari iyena". Iyena waifunga kumununura kupukunyusa munyara ndaramo yake.²³Zvakaitika kuti Josefa aguma yanga pano hama dzaki, aguma akamukumura gemedzi rake. ²⁴Akamubhata akamuita zvainga apangana akamukanda murindi risina bvunra nvunra.²⁵Akazogara pasi kuti amborhe mukate. Akamutsa madziso akaona mukumbi wema Ismairi aibva Giriod. Nemakamera awo akatwara zviro zwao zvinodhadhisa, zvaiti, nebharimu, nemura zvaaienda nazvo Idjipita. ²⁶Jhudha wakati kuhama dzake: zvino tibhatsirei kuti tiuraye munukuna wedhu tifuchire ngazi yake?²⁷Wiai ngatiende kumutengesera ma Ismairi. Zvakadharo ngatisamubhate ngenyara dzedhu ngokuti uuiyana iedhu, hama dzake dzakazwa. ²⁸Achambadzi e midiani akati aenda, akazomubhudisa murindi manga amukanda, akazomubhudhisa murindi maanga amukanda, akazomutengesa ne mutengo wo makumairi mapeni, majumairi akamutora Josefa akaenda naye kudjipita.²⁹Rubeni wakapetuka koodhongorira murindi wakaguma musisina tchiro. Iyena kudharo wakamesa hmatchira ake ³⁰uye, akarwirira kuhama dzake, akati: "Mukomana akuna katamuisa, Uye inini, nditchaendepi"?³¹Nokudharo akazotora gemedzi ra Josefa, akauraia mbhudzi akatora ngemedzi ra Josefa akaridzadza ngazi iye mbudzi. ³²Akazotora ngemedzi riya akaenda naro kune bhabha wake etchiti: Taona izvi. Tapota, rinonga ngemedzi romwana wenyu apeno azvo". ³³Jakobo wakaziya chufeko-tcho akati: " ngetchemwana wangu. Akazoyizve warumwa ngotchirombo waparadzwa nditcho Josefa akutchina".³⁴Jakobo wakakumura hanzu dzake akafheka zvifhrku zvomasaku. Wakatambhudzika maningi kutchema mwana wake mazuwa majinjhi. ³⁵Ese anakona eanorume newe anakadzi akaedza kumunyaradza bhabha azi kutendera akaramba etchiti: zviro kwazvo nditchaenda hangu kumakuwa ndichitchema mwana wangu." Bhabha wake akamutchema. ³⁶Mamidiani aiya akazomutengesera potifari wemuDjipita, mukuru muterere wa Farau, wainga arimuonereri wou mambo.

¹Panguwa yona, Djuda wakasiya hama dzake uye waramba ari umwe murume we Adurani, zina rake raizuwi Hira. ²Penepo, yena wakaona musikana umweni mwana wemukenani, zina rake raizuwi Sua. Yena wakumutora semukadzi kaku wata naye.³Yena wakabhata pamimwiri, kakubhara mwana umwe mukono uye wakamupa zina rinozuwi Eri. Wakabhatazve pamwiri uye kakubhara mukomana umweni ⁴uye kakumo dhaidza Ona. ⁵Kakubhatazve, pamwiri pamweni uye kakubhara mukomana uye kakumu dhaidza zina rinozuwi Sela. Ese wakaa bharira ku Quezibe.⁶Djuda waka tswakira musikana mwana wake wokutanga Eri, zina rake raizuwi Tamari, ⁷Eri, dhangwe ra Djuda, wanga wakashata pamberi pa Mwari uye Mwari wakamu uraya.⁸Djuda wakati kuna Ona: "Wata nemukadzi we Hama yako, dzadzisa nebhasa se mwaramu naye uye upe mwana hama yako: ⁹Ona waizviziya kuti mwana azoiti wake. Nguwa yese yai wata naye mukadzi we hama yake, wai tswetera mbeu pasi. kuitira kuti asape mwana umwe hake kuno hama yake. ¹⁰Izvi zvaita zvanga zvakashata pamberi paMwari uye Mwari wakamu uraya¹¹Hino Djuda wakati kuna Tamari, murora wake: " Ramba uri tchirikadzi kumba kabhabhako dzamara Sela, mwana wangu, wakura". Nokuti wakarangarira: "Kuitira kuti uyu asafe se kufa kwaita amweni". Tamari wakaenda uye wakagara kumba kabhabhake.¹²Kupera kwe nguwa yaka rebha, Sua, mukadzi wa Djuda wakafa. Djuda waka nyaradzuwa uye wakakhira kuno anoviya mabhira ku Tmnate, yena na shamwari yake Hira, weku adulamu. ¹³Akati kuna Tamari: " Amukweguru ako arikwenda ko via mabhira kutimnati". ¹⁴Yena wakabvisa matchira ake etchirikadzi, kakupfeka sa hure wofukidza hope hake. Yena wakagara pamusuwo we Enaim, paduze ne gwanza rinoenda ku Timnati. Wakaona kuti Sela asi azi kumupuwa kuti aite mwamuna wake.¹⁵Djuda pakamuona, wakafunga kuti ihure, ngokugara no hope yaka fukidzuwa. ¹⁶Yena wakaenda kwaari mugwanza kakuti. "Uya, ndapota, ndisiye ndiwate newe", nokuti yena anga asikazi kuti murora wake, uye yena wakati: " Unondipei kuti ndiwate newe?"¹⁷Yena wakati: Nditchakutumira mbudzi imwe ". Yena wakati: Unundi bhatirisa tchiro here kudzamara waunzisa mbudzi?" ¹⁸Yena wakati: " Ndinoku bhatirisa tchii?" Uye yena akati: " Tchidindo tchako, bande rako uye tswimbo iri munyara mako". Yena wakamupa zviri zvese zvaka kumbira, kakuwata naye uye wakabhata pamwiri pake,¹⁹Yena wakamuka woenda. Waka bvisa matchira e uhure nedjira kumeso uye kakupfeka matchira etchirikadze. ²⁰Djuda wakatumira mbudzi ne shamwari yake aduramita kuti atambira zvaka bhatirisa nomwanakadzi uya, asi yena azi kumi gumira.²¹Hino mu aduramita wakavunzisa anhu anogara kweneyo: Riripi hure romuthemberi raigara pagwanza re Enaimu?" Aona akati: "Akuzi kumbogara huru pathemberi kuno". ²²Yena waka whirira kuna Djuda kakuti: " Andizi kuri gumira. Uyezve anhu eguta riya abuya: akuzi kumbogara hure rethemberi kuno". ²³Djuda wakati: "Musiye agare nezvandamu bhatirisa kuti tisa tswerudzuwe manguana. Tchokwadii ndatuma mbudzi iyi, asi auzi kumugumira."²⁴Kupera kwazvo, mwedzi dzitatu, Djuda wakavunzuwa kuti: " Tamari, murora wako, wa hura uye wabhata pamwiri". Djuda wakati: "munzei kuno uye musiyei a piswe". ²⁵Paka unziswa, wakatumira tsamba kuno amukweguro ake: " Ndinopamwiri pe munhu ari muridze we zviro izvi".Yena waka buyazve: "Anozikwana, ndapota, muridze we: tchidindo, bande uye ne tswimbo". ²⁶Djuda wakazviziya zviro zvake uye wakati: " Yena wakatendeka kupinda inini, ngokuti andizi kumupa se mukadzi we mwana wangu Sela, mwana wangu". Yena azozi kuwatazve naye.²⁷Zvakaitika kuti, yakwana nguwa yeku bhara, manga munu manyambiri mundani make. ²⁸Zvakaitika kuti, pai bhara, mwana umwe wakabvisa nyara imwe kunza uye atchiremba akatora urudzi, uye kakusunga munyara yake kakuti: Uyu wauya pokutanga".²⁹Asi yena waka whiridza nyara yake kaku whirira uye hama yake kakutanga kubhudha. Atchiremba akati: Waputsa sei mutemo! Yena wakadhaidzuwa Perez. ³⁰Hino, hama yake yakabhudha, wanga unotambo munyara, wakazo dhaidzuwa Zera.

¹Josefa wakatorwa kwenda ku Igipita. Potifari umwe we mukuru wa Farawo, wanga ari mukuru weacengeti eku Gipita, wakatorya namaIsmari kutorwa kwendewo. ²Yahweh wanga ana Josefa hino wakaita wakabudirira. josefa nokudaro, wakatanga kurarama na tenzi wake.³Tenzi wake wakawora kuti Yahweh wanga anaye, nokuti Yahweh wanga etchibundirira pazvese zvaita. ⁴Josefa wakaona Nyasha pamberi pe madziso a Tenzi, wiya waimba yake, wakamuita mutungamiriri wo nyumba yake, wakamuita mwoonereri wezvese zvanga anazvo.⁵Kubvira pakakandwa hingana mutungamiriri wo nyumba yake nozvese zvanga anazvo, Yahweh wakakomborera muziwe mu Egipita. nge nda ya Josefa. Makomborero a Yahweh anga ari pazviro zvese zvanga anazvo potifari munyumba make, no mumumba make. ⁶Potifaro wakapa zvese Josefa kuti azviwonerere. Hiyena kokuroyo kaindha kuriya. Josefa wainga akanaka mukati nekunze.⁷Hino zvakaita kupera kooizvi, mukadzi wa tenzi wake wakasirira Josefa," hiyena wakati hambisan neni". Asi iyena wakaramba akaita kairi: "Izwa: Tenzi wangu ⁸hana kanakupatika ndicho panyumba cekutindiite. Iyena wakandipa zvese kuti nditungamirire. ⁹Apana unondikurira pa nyumba hino. awona apana cakandoramdza, kunze kenyu imwimwi, nge kuti imwimwi muri mukadzi wawo. Ndikazvita kudini zvakachata kudai, kushaisha kukuru pamberi paMwari?"¹⁰Hiyena wakareketa na Josefa tsiku ne tsiku, asi josefa wairamba kuti ahambisane naye. ¹¹Asi tsiku imwieni, Iyena wakaguma panyumba pai senza, naumwe paawo anosenzepo wanga aripo. ¹²Iyena wakamunbata nge matchira akati: "habisana neni". Iyena ecikoyai matchira ake mu nyara dzake, akapokomoka akatizira kunze .¹³Pakawona kuti iyena wainga asiya matchira munyara dzake, akatizira kwenda kunza, ¹⁴wakandaidzira umwe we nwanarume apanyumba akati kaari: "Onai potifari wakaudzisa muHeberi kuti atituke. iyena wawiya ahambidzane neni asi inini ndakuwa. ¹⁵Pakandizwa ndetchikuwa wakasiya matchira ake neni, wakatiza otchienda kunza".¹⁶Iyena akasiya matchira ake paduze naiye dakar tenzi wake anguma panyumba. ¹⁷Iyena wakamupanganidzira masoko aiya: " musenzi muHeberu owakatiudzira waka wakauya kuzotituka. ¹⁸Pendakakuwa, iyena wakasiya matchira ake neni akatiza, kwenda kunze.¹⁹Nokudaro apo apo Tenzi pakazwa kupanganidzirwa oku nge mukadzi wawo: ndizvo izwi zvaita musenzi wako neni "potifaro wakatsamwa zvikurisa. ²⁰Tenzi wa josefa akamubata akamukanda mu karaboso, mbuto yaigara anyakaraboso ya mambo akasungika. Iyena waka gara mukaraboso.²¹Asi Yahweh wanga ana Josefa woye wanga akanaka, ino Iyena wakazviona mumadziso ma uwo mutchengeti. we karaboso. ²²mutchengeti we karaboso wakathembaanyakaraboso kuti amutchengete. Tchipi necopicaizoitika, Josefa waizozvidairira. ²³Mutchengeti we karaboso wanga asina tchaishupika nditcho nge kuti apana kanga ciri mukuwonererwa ndiye nge kuti Yahweh wanga ana Josefa. tchipi netchipi tchaita, Yahweh waibudirira.

¹Zvakaitika kupera kwezviro izvi mudiri no mubhiki wamambo weJipita wakatsamwisa mutungamiriri wamambo weJipita. ²Farawo waka nyangadzwa nge atungamiriri ake, ahiri mudiri mukuru mukuru ne mubhiki mukuru mukuru. ³Ihiena wakakanga mutorongo huru ye mukuru mukuru ye wanga ari mutorongo imweyo yanga ina Djosefa.⁴Mukuru akanda kuna Djosefa wakafungira kenguwa dhoko. ⁵Ese akarota hope mudori no mubhiki dzaamambo wokuJipita ese anga ari mutorongo_ mumwe wakarota hope dzake, pawusiku umwewo, hope dzomumwe dzai thumbudzurwa mukaindi wadzo.⁶Apo Djosefa paenda kwari nomatchibhesi wakowona kuti awona anga akatsamwa. ⁷Ihiena wakabvunzis kuwaranda wafawo anga anawo mutorongo ngei mumeso menhu makatsamwanhamasi . ⁸Awona akamuti , isusu tarota hope asi apana unokwanisa kudzi thumbudzura . Djosefa akati kwari: Kuthumbudzurwa uku angoka Mwariri here? Ndapota ndipanganidzirei.⁹Mudoro mukuru wakapanganidza hope dzake kuna Djosefa akati: "mukurota kangu, ndakowo muzambiringa mberi kwangu. ¹⁰Mumuzambiringa manga nhai nhatu padzai zvisa maruwa adzo, dzaibhara mazambiringa akatswika. ¹¹Mukombe waFrawo wanga wuri munyara mangu. Inini ndakabhata mazambiringa aya ndatswinira pamukombe uye ndokanda munyara dzake..¹²Djosefa wakati: "uku ndiko kuthumbudzurwa kehope dzenyu nhayi nhatu mazuwa matatu. ¹³Pamazuwa matatu aya Farawo utchaprumutsa musoro wako akakupetudza patchigaro rako. Iwewe utchaperekera mukombe munyara dzake Farawo, hingana dzawahinga wetchiya pawanga uri munyori.¹⁴Asi zvokunakira wozondi rangarirawo, uye wozondi itirawo usisi, kubvunza Farawo azondibvise mutorongao muno". ¹⁵Zvezviro kwazvo ndakatorwa ngokubhambidzirwa kunyika yemaheberu. apana tchandakaita kuiti ndikandwe muno mutorongo".¹⁶Mubhiki mukuru pakawona kuti Djosefa wanga wathumbudzura zvakanaka, Ihena wakati kuna Djosefa: " Ininiwo ndarotawo pamusoro pangu pano zvitengu zvitatu zvemukate. ¹⁷Mutchitengu tchopamusoro manga muno mukaindi yese yenyama dzakabhikirwa Farawo asi tchiri dzakapera kurya mutchitengu tchanga tchiri pamusoro pangu.¹⁸Djosefa wakadhaira akati: " uku ndiko kuthumbudzurwa kohope dzako: Zvitengu zvitatu mazuwa matatu. ¹⁹Pamazuwa matatu, Farawo utchapurumutsa musoro wako uye utchaku tsungira pamuti uye tchiri dzitcharya nhama yako.²⁰Mutsiku yetchitatu, zvakaitika kuti ranga riri zuwa raFarwo rokukwanisa makore. Ihena wakaita mabhiko kuwasenzi ake hese. ²¹Ihena "wakamutsa" mudoro ne mubhiki pakati pe asenzi ake. Wakawirinza mudori mukuru pabhasa rake, uye wakakanda mukombe munyara yaFarawo. ²²Ihena wakatora mubhiki womu tsungirisa zvia zvahanga aka thumbudzurirwa ndiDjosefa. ²³Asi mudori wiya azi kuzo rangarira Djosefa; waka zomukanganwa.

¹Zwakazoitika kuti, papinda makore mairi akakwana, Farau wakawa nendoto. wakadziona iyena akamira pamberi pemurambo we Niro. ²Tciriporipotcho, kakabhudha munuro nyombe dzinomwe dzimweni dzakabhudawo mumurambo, dzakashata uye dzakawonda. ³Idzona dzakamira pamberi penyombe dzimweni paduze nemurambo.⁴Zvadharoko nyombe dzkashata uye dzokuonda dzakamedza nyombe dzinomwe dzaisiririsa uye dzakakuma. zwadaroko Farau wakapatika. ⁵padzepo iyena wakavwirira kowata uyewakarotazve kotchipiri. tchiriporipotcho, mavibha nanomwe etchimera pamiti umwewo, anoutongo uye akadhakadza. ⁶zwino, pamberi pawo, kakamerazve mafvibha manomwe, akanyona uye akaswa ne mbepo yekumaodza nyemba.⁷Mafubha akanyana akamedza mafimbha manomwe anotyongo. Farau wakapatika, uye yainge iri ndoto. Zwakaitika kuti, mangwanewo tcomatchimbese, mwiya wake wainge wapatika. ⁸Iyena wakadhaidzisa anoita midzaidzai ne aziisisi ese ecuDjipita. Farau wakarengera ndoto dzake, asi apana wakakwanisa kudzityunmbudzura kuna Farau.⁹Nokudharo mukuru weasedzi wakatsa kuna Farau: "Nyamasi ndirikuedzurira manyangadzo angu. ¹⁰Farau ainge akanyangadzirwa. asedzi ake, uye wakandikada se muonereri we panyumba yemukuru weatchengeti, inini uye na mukuru we aumbi emukati. ¹¹isusu takawe ne ndoto usiku umwewo, iyena naini. Takarota umwe na umwe ndoto yake, ndoto imwe na imwe notchityumburwa yatcho.¹²Painge anesu djaha rimwe muheberi, musemdzi wekuru wekuru weaonereri. Takamuerengera ndoto dzedhu, uye Iyena wakadzityumbudzura. ¹³Iyena wakatyumbudzura umwe na umwe wedhu maererano nendoto ye umwe naumwe. uye zvakaitika maererano zwakativundza. Farau wakandivwiridza patchigaro tchangu, asi kune umwe wangu iyena wakamutsungira.¹⁴Nokudharo Farau wakadhaidzisa Josefa. Nekukasika wakamudhusa mumutyongo. Iye wakatchinga ndevu dzake, wotchidja nguwo uye oenda kuna Farau. ¹⁵Farau akatsa kuna Josefa:"inini ndarota, asi apana unokwanisa kutyumbudzura. Asi ndazwa nekudha kwako kuti, ukazwa ndoto, unokwanisa kutyumbudzura". ¹⁶Josefa wakadhaira Farau, etchiti: "Andinipi asi Mwari utchandairira Farau".¹⁷Farau akatsa kuna Josefa: " mundoto yangu, inini ndainge ndakamira, paduze pe Niro. ¹⁸tchiriporipotcho, nyombe dzinomwe dzakabhudha muniro dzokukhuma uye dzinosiririsa, uye dzairya mumutcheto.¹⁹Pamberi padzo, dzakabhudawo dzimweni nyombe dzinomwe, imwe na imwe, dzakaremba, dzisika siririsi zwikuru uye dzakaonda. Andisati ndawona munyika yese yeDjipita zwiro zvisikasiririsi hingana idzo. ²⁰nyombe dzokuonda dzisikasiririsi dzakaryha nyombe nomwe dzekutanga dzekukuma. ²¹padzakarya, zwainga zwisikazowoneka kuti idzona dzainge dzarha, mekuti dzaramba dzisikasiririsi se pekutanga. zwadaroko inini ndopatika.²²Inini ndaona mudoto yangu, mafimba manomwe etchimera, pamuti umwewo, dzakawanda uye dzakandakadza. ²³uye komerawo mafimba manomwe amweni akauyana, akaonda ukaswa ne mbepo yekumaodza nyemba. ²⁴Mafimba akaungana aimidza mafimba manomwe akadhakadza. Inini ndarengera ndoto idzi kune anoita midzidzai asi apana kuoneka ndiani ungandityubudzirira".²⁵Josefa wakatsa kuna Farau : " ndoto dza Farau nditchiro tchimwe bhas. zwiya zwidhakuitira na Mwari Iyena waizvibuya kwamuri Farau. ²⁶Ngombe dzinomwe, uye mafimba manomwe akadhakadza ndimakore manomwe, uye mafimba manomwe akandakadza ndimakore manomwe.Ndotodzo nditchiro tchimwe.²⁷Nyombe dzinomwe dzakaonda uye dzisikasiririsi dzazobhuda pamberi ndimakore manomwe, uyezvwe mafimba manomwe akaunyana uye akaswa menbhepo yekumaodza nyemba ndimakore manomwe akaunyana uye akaswa nembhepo yokumaodza nyemba ndimakore manomwe atchazowe endzara. ²⁸Izwi ndizwo zwandakatsa kune Farau. ²⁹Zviya zvidha kuitwa na Mwari Iyena wazwipangidza kwamuri Farau. Kurikuwiya makore manomwe ekukoha kukuru munyika yeseye Djipita.³⁰Pedzepo kutchawiya makore manomwe enzara, uye kukoha kwese kutchakanganika munyika ye Djipita, uye dzara itchatambudza nyika. ³¹kukoha akuzoedzurirwi panyika nekudha kwedzara itchawa pamberipo, nekuti itchazowa yakakura. ³²kupindwa kwendoto ya Farau, zwaitika nekuti izwi zvaiswa na Mwari utchazwiita nekukasika.³³Zvino, Farau ngawone munhu unoruzio uye wakatchedjera, uye omuisa pamberi penyika ye Djipita. ³⁴Farau ngadhonewo wawonereri kuitira kuti watambire zvikamu zvetchishanu zwezwinrimwa muDjipita pamakore manomwe ekukoha.³⁵Ngaunganidze zvokurha zwese zwemakore aya akanaka arikutoguma uye ngayinge zwokuryezwo muntogi wa Farau, kuitira zwokurha zvitchasedzeswa mumaguta, Iwona ngazwitchengete. ³⁶Zwokuryezwo zwitchazowa sapoti munyika pamakore manomwe endzara atchawonekwa munyika yeDjipita. kudharoko, nyika aizotambudzwi nedzra.³⁷Mupango uyu wakawe wakadhakadza kumadziso a Farau uyewo kune madziso easedze ake. ³⁸Farau wakatsa kune asedzi ake: "tingawona mwanarume wakaezana na uyu, munogara munyika waMwari?".³⁹Nokudharo Farau wakatsa kuna Josefa: " nekuti Mwari wakupangidza zwese izviwi, apana uno ruzisisi uye wakatchenyera wakaezana newe. ⁴⁰Iwewe utchagara panyumba pangu, uye maererano nesoko rako anhu angu atchatongwa. paatchingaro inini bhasi nditchazowe mukuru kupinda iwewe. ⁴¹Farau wakatsa kuna "wona, inini ndiri kukugadza pamusoro penyika yeDjipita.⁴²Farau wakadhudza mbyete yekunama munyara yake uye akaikanda munyara ya Josefa. Iyena wakamupfekedza nematchurura erinyo itete, uye wakamukanda mukuru ye gordi mumutsipa wake. ⁴³Iyena wakamuita kuti akwire ngoro yetchipiri yainge anayo. Anhu akakuwa pamberi pake: "Fvugamai". Farau wakamugadza pamusoro penyika yeDjipita.⁴⁴Farau akatsa kuna Josefa" Inini ndini Farau uye, pasina kutenderwa ndiwe, apana munhu utchasimudza nyara kana tsoka panyika yose ye Djipita ". ⁴⁵Farau wakadana Josefa zina rokuti Zafenate-Paneia. Amupasa azenate kuita mukadzi, ainge ari mwana waPotifa, mupirisita weku Om. Josefa wakahamba nyika yese ye Djipita.⁴⁶Josefa ainge ane makumatatu emakore paakagara pamberi pa Farau, mambo we Djipita. Josefa wakabhuda pamberi pa Farau, uye akahamba nyika yese ye Djipita. ⁴⁷pamakore manomwe ekukoha, Nyika yakakoha kukuru.⁴⁸Iyena wakaunganidza zvokurya zwakakohwa pamakore manomwe, munyika ye Djipita, uye wakakanda zwokuryzwo mumaguta. Iyena wakakanda muguta rimwe nerimwe, zwokurya zwomumunda mumutcheto mayo. ⁴⁹Josefa wakaiga zwokurya zwakawanda kufananidzwa nemadjetcha emubhahari, dzamara akamirira kurenga nekuti mutengo wekwerenga wakango wopera.⁵⁰Josefa wakabara ana airi na Azenate, mwana wa Potifara, mupirisita we Om, makore endzara asati aguma. ⁵¹Josefa wakadhana mwana wake okutanga kuti Manazes, uye woti: "Mwari wandiita kuti ndikanganue matanbudziko angu ese uye ne nyumba ya bhabha angu". ⁵²Iyena wakandhana mwana wake wotchipiri kuti Efraim, uye woti: "Mwari wandita munhu unobhara munyika yekutambudzika kwangu".⁵³Makore manomwe ekukoha akawonekwa munyika ye Djipita akaguma kumapetu. ⁵⁴Makore manomwe edzara akatonga, se Josefa akazvwibhuya. kwainge kune ndzara munyika dzese, asi munyika yese ye Djipita kainge kune zwokurya.⁵⁵Nyika yese ye Djipita payakawe nedzara, anhu akakuwa noizwi guru kuna Farau etchikyuwira zwokurya. Farau wakatsa kune maDjipita: ⁵⁶"Endai kuna Josefa yainge yabhatwa neiyo dzara. Josefa wakafugura miturika dzese uye akatengesera madjipita. ⁵⁷Ndzara yainga yakurisisa munyika yese. Uyenyika dzese dzaiwiya ku Djipita kuzotenga zvokuryana Josefa, nokuti ndzara yainge yakanyanyisa panyika.

¹Apo,Jakoho wakazviziya kuti kuJipita kunozvokueya, waka bvunza ana wake: " Nguei munoringirana?" ²Awona akati: "Wonai bhasi, inini ndakazwa kuti kuJipita kunozvokurya. Endai motenga kuti tirarame uye tisafe". ³Gumi rohama dza Jhosefa dzakaenda kotenga zvokurya kuJipita. ⁴Apo, Bejami hama ya Jhosefa, Jakobho ana kutumwa nohama dzake ngokuti waitya kuti zvingamuitikira zvakachata.⁵Wana whoIziraeri wakaguma kuti atenge nowamweni waidha kutengawo ndgokuti nzara yanga iriyo kunyika yokuKenani. ⁶Zvino Jhosefa wanga ari Guvunadori whonyika. wanga ari ndiye waitengesera anhu esse wopanyika. Hama dza Jhosefa dzakawiya uye akasongana pamberi pake, akakotamisa hope dzayo pasi.⁷Jhosefa waka ona hana dzake wakadziziya,asi iyena wakazvibhambi dzira uye akareketa nawo akati:" Munobva kupi? Awona akati: "Kunyika yoKenani, kuti titende zvokurwa" ⁸Jhose wakaziya hama dzake, mange hama dzake adzina kumuziya.⁹Apo Jhosefa wakahedzurirra hope dzakarotera hama dzake, uye wakadziti: " Imwimwi muri adhongoriri mawiya kozowona kurinyore konyika". ¹⁰Awona akamuti: " Haiwa ishe wedhu. waranda wenyu awiya kozotenga zvokurwa. ¹¹Isusu tiri wana womuhu umwe. Tiri wamarume wakatendeka. Waranda wako aripi adhongoriri".¹²Ihena waakati: "Andizvopi, mawiya kowona kurinyore konyika". ¹³Awona waka isusu aranda ako tiri gumi nahiri hama, wana womunhu umwe wokuKenani. womudhoko wasara na bhabha edhu uye omukuru atcharipi kurarama.".¹⁴Jhosefa wakati" Ndizva zvandamu bvunzai kuti: muri adhongoriri. ¹⁵Ndizvo kuti mutchadhikwana kubekwa mwese ngo upenyu waFarawo, imwimwi amutcha bhudha pano dzamara hama yenyu yomudhoko yaguma pano. ¹⁶Tumanai kwenda kotora hama yenyu dhoko. Mutchagara mutorongo kuti masoko henyu ambobekwa kuti munotchokwadhi here". ¹⁷Ihena wakaakanda mutorongo koma zuwa matatu.¹⁸Jhosefa wakabvunza pazuwa rotchitatu: Itai izvona murarame, ngokuti inini ndinotya Mwari. ¹⁹Kudhai muri anhu akanaka siyahi umwe wenhu muno mutorongo. Asi imwimwi mutchatora zvokurwa ngonzara iri kumba kenyu. ²⁰Unzai hama henyu yomudhoko kandiri, kuitira kuti masoko henyu adzadziswe uye imwimwi amuzofi". Zvakadharo awona akaita izvona.²¹Awona akabvunzana : "Isusu tisu tinondawaq huru kuhama edhu nguekuti takawona kutambudzika komweya wake, heidheketera kwatiri asi isusu atina kumunza. Saka techitambudzika kudhai. ²²Rubeni wakaadhaira : " Inini andina kumubvunza : " Musamuitira tchitema mwana uwu; Asi imwimwi amuna kundizwa? Zvino metchiwonai: Ngazi yake toirongoswa"²³Awona anga asika zviziyi kuti wanga ari Jhosefa wai reketa naye, nguekuti panga pano tchithumbu dzurwa pakati pawo. ²⁴Ihena wakatarauka uye wakatchema. Jhosefa waka whirira uye wakabuya nawo. Ihena wakabhata Simiyoni uye wakamusunga pamberi pomadziso awo. ²⁵Jhosefa watuma asenzi ake kuti adzadze mutoro dzohama dzake, uye akakandazve mare wokuwhirira mumasaku ese wo kadha munhu, wakabvunza kuti yokurya mugwanza. Ibvona zvakaitika.²⁶Hamadzake dzakatora mbongora nodzokurya akaenda. ²⁷Umwe wawo pakafunungura saku riya kuti ape tchokurya mbongoro yake waka wona mare yake. Iyona yanga iri pamuromo posaku. ²⁸Ihena wakakabvunza hama dzake: "mare yangu yawhirinzwaze. Ndai wona pamuromo posaku rozvokurya". Hana dzawo dzakaponda uye akatetemera, akananzisana umwe nawumwe, akati: " zvinyi izvi zvirikutiitira Mwari?".³⁰Awona akaenda kuna Jakobho, bhabha awo, kunyika yeKenani, akamu herngera zvese zvanga zvaitika. Awona akati: ²⁹"Mwanarume, ishe wonyika wakatireketera ngohacha kuti tiri wadhongoriri wonyika. ³¹Isusu takamubvunza kuti: " Tiri anhu akatendeka atiripi adhongoriri. ³²Tiri gumi nahiri ukama wedhu wana wabhabha wedhu. Umwe atchararami uye wotchi gumawura uri kumba na bhabha kunyika yoKenani³³Mwanarume, ishe wonyika, wakati: " Kuti ndiziye kuti muri hanhu akanaka. Ngasare imwe hama yenhu neni, torai zvokurya ngonzara iri kumba kenyu, uye endai nogwanza renhu. ³⁴Wunzai hama henyu womudhoko kandiri. Kuti ndiziye kuti amuripi adhongoriri ,asi muri anhu akanaka. Nokudharo nditchazo musunungurira hama enyu, tozo zwirana ngozvo nyika"³⁵Wakaitika kuti paifunungura mutoro dzawo umwe naumwe wanga anomaere musaku rake rozvokurya. Awona pamwepo nabhabha awo pakawona mare, akatya. ³⁶Jakobho bhabha awo akati; " Murikundibvisira wana wangu. Jhosefa wakatamika, Simiyoni wakaenda uye murikudhazve kutora Bejami. Zviro izvi zvese kuitira inini".³⁷Rubeni wakabuira bhabha ake:" Hurayai wana wangu ahiri kana ndisina kuwunza Bejami kamuri. zvese kandai mumawoko anhu, uye inini nditchawuya naye kamuri. ³⁸Jakobho wakati: " Mwana wangu aendi nemwi. Ngokuti hama yake yakafa, ndiye hega wasara. Kana zvakaitika zvakachata mugwanza ramunoenda, mutchaita kuti ndienda nohinvi dzangu kuSheol".

¹Nzara yanga yakawanda panyika. ²Pawakapedza kurya zvakabva nazvo kugipita, bhabha wawo wakati: Whiriraizve muti tengere zvokurya."³Djuda wakadhaira: "Munhu mukuru wekweneyo wati vunza kuti amundionizve hope yangu kana musina kuya ne hama yenyu mudhoko. ⁴Mukati tuma ne hama yedhu idhoko , tinoenda uye tinotenga zvokurya tomu unzirai. ⁵Asi, kana mukasati tuma naye, ati whiriri. Ngokuti munhu wativunza: Amuzoi onizve hope yangu, dhangani kuya nehama yenyu idhoko".⁶Iziraeri wakawati: "Ngei mandi itira zvakashata kudharo, metchimuvunza iyena munhu kuti tine hama idhoko?" ⁷Aona akadhaira kuti: Munhuwo wakati vunzisa zvakawanda pamusoro pedhu uye pe hama dzedhu. Yena wakati: Bhabha enyu anorarama? Muno hama imweni? Isusu takadhaira se muvunzo dzakatipa. Tai zo ziya sei kuti atchatikumbira kudha kuona hama yedhu?"⁸Djuda wakati kuna Iziraeri, bhabha ake: Nditumei naye. Isusu tino simuka kuti tiende kuti tirarame uye kuti tisafe, isusu, imwimwi, ana enyu. ⁹Inini nditchawe tchithembo kuna yena uye ndinomutungamirira. Kana inini ndikatama kumu unzisa uye ndodzi pangidzira pamberi penyu, ndinozogara ne mhoswa nekusingaperi. ¹⁰Nokuti, dhai atizi kunonoka , dhai ta whirira pano ketchipira."¹¹Bhabha ake Iziraeri, akati: "Kana zvakadhai, itai zvenezvo. Torai zvimwe zviro zvakanaka zvekurya zvatinazvo mupe munhuwo: zvino nhuwhira, zvinorywa, utchi, mafuta, uye ne mandui. Torrai munyara dzenyu mare yaka pinduwa. ¹²Torraizve mare yaka whiridzuwa pakutanga yanga iri muma bhunduwa. Dhangana pakaitika kunganika.¹³Torai futi hama yenyu. Mukai uye endai kune munhuwo. ¹⁴Uye Mwari Une Masimba ese ngaku pei ngoni Dzake pamberi pemunhuwo, kuitira kuti asunungure hama yenyu imweni uye na Benjamim. Ndika bvisirwa ana, hino nditchagara ndisina ana." ¹⁵Hino anarumewo akatora zvese, mare yakawirikidzuwa uye nezvimweni zvoko pasa munhuwo, uye na Benjamim. Aona akamuka oenda kuGhipita , uye akadzipangidzira pambveri pa Djosefa.¹⁶Djosefa paaka ona Benjamim nawo, wakati kune mukuru we asenzi ake: "Torra anarume aya uye apinze mumba, uraya tchinyama tchimwe uye mobhika, kuitira kuti aswuswure neni". ¹⁷Mukuru we asenzi wakaita se zvavunzuwa na Djosefa. Yena wakatora anarumeo kakuwa pinza mumba ma Djosefa.¹⁸Anarume aya aithiya ngokuti aka unziswa kumba kwa Djosefa. Aona akati: Izvi ngondaya ye mare yaka kanduwa muma bhunduwa medhu kuunzisweko kuno. Ngokuti munhu uyu urikutswaka mhoswa kwatiri. Yena kana kuti tora uye kutisunga se nhapuwa, uye kutora zvinyama zvedhu". ¹⁹Aona akakwedhera kuno mukura pa asenzi aDjosefa, uye akabuya naye pamusuwo we nyumba, ²⁰etchiti: Ndizuwei, ishe, isusu taka uya pakutanga kuzotenga zvokurya.²¹Zvakazoitika kuti, pataka guma kumba, takafungura mutoro dzedhu, uye takagumira mare yese yataka tenga nayo zvatanga tinazvo iri padhenga pe mutoro dzedhu. Isusu tai unzisa munyara medhu. ²²Uyezve taunzisa mare imweni munyara yekutenga kuti titenge zvokurya. Saka atizii waka kanda mare yedhu mu mabhunduwa edhu. ²³"Musenzi mukuru wa Djosefa wakati: 2 Rugare ngariwe nemwi, musathiye. Mwari wenyu uye Mwari wa bhabha enyu ndiye dhangani waka kanda mareyo . Inini ndaka tambira mare yenyu," Hino yena mukuru we asenzi a Djosefa wakaa unzisira Simioni .²⁴Musenzi wa Djosefa wakapinza mukati me nyumba ya Djosefa. wakaa pasa mvura, uye aona akasuka murenje dzao. wakapasa tchokurya kune mbongoio dzao. ²⁵Aona akagadziriri kuitira kuti Djosefa akauya amupase zviya zva anga amugatsirira, nokuti anga azuwa kuti anoswuswura naye.²⁶Djosefa paka guma, aona akaunzisa zvamu gatsirira ari mumba make uye akapfukama pasi pamberi pake. ²⁷Yena waka vunzisa kuti muri sei uye wakvunzisa kuti: "Bhabha enyu ndota yamakabuya yokare, ari zvakanaka here? Atchiriku rarama here?"²⁸Aona akati: Musenzi wenyu, bhabha edhu, ari zvakanaka Uye atchirikurarama". Akamupfukamira . ²⁹Paka simudza hope hake, Yena wakaona Benjamim, hama yake, mwana wa mai ake, uye akati Uyu ndiye hama yenyu idhoko yama kareketa?" Hino wakati: Mwari ngawe newe, wana wangu."³⁰Djosefa waka kasika kubhudha musara, ngokuti waizuwa kudhara mumwoyo wake ngondaya ya hama yake. Yena wakatswaka mbuto yokutchema, waka enda mukwartu uye menemo wakatchema. ³¹Uye waka karawa hope uye wakauyazve. Yena wakdzi bhata, etchiti: "kandai zvokurya pathafura".³²Wasenzi waka kanda zvokurya uye akapa Djosefa ega, uye hama dzake dzogao. uye waGhipita anga aripo akapuwawo pawo ega, ngokuti maghipita anga asikaiti kurya na maheburu, nokuti izvi zvairambuwa noma ghipita. ³³Hama dzake dzaka gara pamutcheto naye pamwepo uye akakanduwa se ma bharirwe awo kubva wekutanga dzamara wekupedzesera. Aona akashamisika zvikuru. ³⁴Djosefa wakaapa umwe ne umwe zvake zvokurya zvnga zviripo pamberi pake. Asi zvaakapa Benjamim zvanga zvakawanda uye zvaipethuwa kashano ne zvanga zvine amweni. Aona arya uye akadhakara naye.

¹Djosefa wakati kuno musenzi mukuru wepanyumba pake, etchiti: " Dzadza mutoro dzawo anarume aya ne zvekurya, zvanokwanisa kuthuwara, uye kanda mare pamuromo pe mutoro dzao pedzepo wofunga. ²Kanda kopo yangu ye ndarama iya yakarungama iya padhenga pe bhunduwa ra munoko wao uye ne mare yo ufu wari kudha". Musenzi wakaita se zvaka buya Jhosefa.³Kwakaedza matchibhesi, anarume aya aka enekwa ne zvinyama zvao. ⁴Aona panga abhudha muguta, asi anga asiripi kure, Djosefa wakati kuna mesenzi wake: Simuka, tera anarume aya, uye akabhata, avunze kuti: ´ Ngei maripa zviro zvakanaka nokuita zviro zvakasha? ⁵Iyi andiyopi kopo inomwirwa na tenzi angu, uye yanosenzesa kuti afembere? Mashaisha, izvi zvamaitezvi."⁶Musenzi waka bhata uye akaraketa zvese zvanga avunzuwa. ⁷Aona akati: Ngei murikubuya masoko tenzi wangu? Kure ne asenzi enyu kuita zvaka todzana nezvenezvo".⁸Onai, mare yata ona pamu romo we mabhunduwa edhu, taunzisa zve kuwhiridza kubva Kenani. Saka tai zobha kudhini manji kumba ka tenzi wenyu siriva ne ndarama? ⁹Uya ano onekwa nayo, kopoyo, nga uraiwe uye isusu tichaita asenzi a tenzi wenyu". ¹⁰"Musenzi wa Djosefa wakati". Ngati ite sezvama buya. "Uya, ano onekwa nayo kopo, utchaita musenzi wangu, uye imwimwi amweni munanga musina mhoswa"¹¹Hino kada munhu waka kasika kukanda mabhunduwa pasi, uye kadha munhu wakafungura bhunduwa rake. ¹²Musenzi wa Djosefa wakatswaka, uye kopo yaka onekwa mu bhunduwa ra Benjamim. ¹³Penepo aona akamwesa matchira ao. Umwe ne umwe wakathuwara bhunduwa rake kuri kuwhirira muguta.¹⁴Djudha wagaguma ne hama dzake panyumba ya Djosefa. Yena anga atchiripo, uye akamupfukamira pasi. ¹⁵Djosefa wakaavunzisa: "Imwimwi maitei? Amuzvizi imwimwi kuti munhu hingana inini kana kufembera?"¹⁶Djuda wakati: "Tinga tii kuna ishe wedhu? Tinga buyei? Kana kuti tinga dzinunura kudhini? Mwari aona kushata kwedhu. Onai, tichaita wasenzi wa ishe wedhu, isusu uye ne uya abhathuwa ne kopo." ¹⁷Djosefa wakati: Kure neni inini kuita zvenezvo. Uya abhathuwa nekopo, ndiye atchaita musenzi wangu, asi, imwimwi amweni, whirirai uye endai kuna bhabha enyu".¹⁸Hino Djuda waka kwedhera kwaari akati: " Tenzi wangu, ndapota nditenderei kuti ndirekete masoko amwe bhasi mu nze dzenyu, uye kuti hasha dzenyu ngadzisandibhakire inini musenzi, ngokuti imwimwi makaita hingana Farao". ¹⁹Tenzi wangu mativunzisa kuti tina bhabha here kana hama?`<sup>20</sup>Uye takadhaira kuna ishe wedhu kuti: `Tinawo bhabha, ndota yakura, uye ne nyama weundota wake, mudhoko pamakore. Asi mukuru wake wakafa, uye ndiye ega mundani yamamake, uye bhabha ake anomudha maning´. ²¹Hino penepo makati kune asenzi enyu, ndiunzirei kuti ndimuone.´ ²²Pedzepo, takati kuna tenzi wedhu: djahero ariite kusiya bhabha ake, ngokuti bhabha aizofa akamu siya`.²³Penepo maka dhaira kune asenzi enyu: kuti angatama kuya mudhoko wenyu , amutchazo onizve hope yangu´. ²⁴Uye zvakazoitika kuti, pataka enda kudha bhabha edhu, takabuyanao masoko enyu. ²⁵Bhabha edhu akati: " endai zve uye tengaizve zvokurya´. ²⁶Penepo takavunza kuti atitenderwhi kuwhirira, Kana hama yedhu mudhoko asiripi nesu, ngokuti tingaenda asi ati tenderwhi kuona hope ha ishe tisina Benjamim nesu.²⁷Asi musenzi wenyu bhabha angu akati: Imwimwi munozviziya kuti mukadzi wangu wakandipa ana airi. ²⁸Umwe watcho wabvisuwa paduze pangu, uye inini ndakati: " Zvirikwazvo wagurwagurwa nezvunyama zvemushango uye andizozi kuzomuona". ²⁹Saka, mukanditorera uyu, uye tchomu itikira tchiro, munoita kuti bvudzi rangu rokutchena ritchiite rakatsukwara kurufu.³⁰Saka, zvino, inini ndikawhirira kuna musenzi wenyu, bhabha angu, uye djaha iri risipi nesu, uye ngokuti mwoyo wawo wakabhatana ne mufaneo, ³¹zvinozoitika kuti akaona kuti mufana aripi nesu, yena anozofa. Isusu asenzi enyu tinozoita kuti bvudzi rawo rakatchena ritchite rakatsukwara kurufu. ³²Ngokuti inini ndadziita tchigondeso kuti mufana akatama kuya ndinotora mhoswa nokusingaperi pamberi pa bhabha angu.³³Saka, hino, tingatchinjana, nditenderei kuti inini ndisare pambutu pake mufana se musenzi kuna imwimwi ishe wangu, asi ndinokumbira kuti siyai mufana aende ne amweni, ³⁴Ngokuti ndingaenda sei kuna bhabha angu ndisina mukomana uyu neni? Ndirikuthiya kuona zvakashata zvinga itika na bhabha angu.

¹Zvakadharo Djosefa wanga asika kwanisi kuzvibata pamberi peyatchandi wanga anawo. Wakati ngohizwi guru: Mwese mwese ndisihese". nekudharo apana musenzi wakagara pamberi pake; paaka reketa Djosefa kuhama dzake . ²Ihena wakatchema ne izwi guru maidjipita akakuzwa kutcheneko; nekunyumba ka Farawo zvakazika. ³Djosefa wakati kuhama dzake: " Inini ndini Djosefa. Bhabha angu arimuwu poenyu here?" hama dzake adzina kudhaira nguekuti dzanga dzetchipatika pamberi pake.⁵Zvadharo Djosefa wakati kuna hama dzake: "Ndikwedhereri ndapota". Awona akakwedherera . Ihena wakaati: " Inini ndini Djosefa wiya wamaka tendesa kuDjipita. ⁴Musatsukwe nokutambu dzika nguepamusana pokunditenguesa kuno kamakaita, makaitra kuti mutchenguetedze upenyu wenyu wakandi wunza pamberi penyu. ⁶Pamakore mahiri nyika hino hino nzara uye kuriku chotazve makore machanu kusika rimwi kana kutorora⁷Mwari wakandi tuma kuti nditchengueta dzinza renyu panyika uye nekutchengeta upenyu wenyu nekusunungurwa kukuru. ⁸Zvakadharo andimwipi makandi wunza kuno; uye asi Mwari unozondiita Bhabha kuna Farawo; ishe wemhumba yeke yese; nekuita mutunga miriri wenyika yese yeDjipita.⁹Kasikai kuwirira kwenda kuna bhabha angu kowabvunza: Izvi ndizo zvarekerta mwana wenyu Djosefa: " Mwari wandita ishe weDjipita yese. Wiyai kwandiri musanonoke. ¹⁰Mutchagara munyika yaGoseni mutchagara paduze neni; iwewe neyana hako uye ne azukuru ako nomabhira uye ne nghombe dzako, na zvese zvawunazvo. ¹¹Nditchaku tchenguetai kuti musawe murombo. Iwewe nenyumba yako nezvese zvawunzvo nguekuti kutchawa nemakore machanu enzara.¹²Nanguira madiso ako ari kuwona, kuzoti madiso yehama yangu Bejami, ndiwo muroma wangu uri kureketa nemwi. ¹³Nditchaita kuti bhabha wangu aziye nguepamusana peremekedzo nerukudzo randiraro muJipita; nerukudzo pazvese zvawano wona. Kasikai munze bhabha wangu kuno".¹⁴Ihena waka mhukatira hama yake Bejami awona ari ahiri akatchema akamhukatirana. ¹⁵Ihena waka swodha hama dzake dzese; etchiwa tchemera. Kupera kazvo hama dzake dzaka reketa naye.¹⁶Masoko aya akaguma kunyumba yaFarawo: " Hama dzaDjosefa dzaguma". Izvona zvakadhadzisa Farawo ne asenzi ake. ¹⁷Farawo wakati kuna Djosefa; "Bvunza hama dzako: dzitsware zvipfuyo zvese uye dziyende unyika yeKenani . ¹⁸Kotora bhanha ako nohama dzako, dziwiye kandiri ndidzipe mavu akanaka kuno kuJipita murwe zvakana zvinobvca pamavu.¹⁹Azvunze zve kuti; " torerai karu dzomu Jipita nowakadzi awo. Torai bhabha uye wiyahi. ²⁰Musachupike nemudziyo henyu; nguekuti zvakanaka zvenyika yeJipita zvitchaita zvenyu.²¹Wana weIziraeri wakaita izvona.Djosefa wakawapa karu zviya zvanga zvareketwa ndiFarawo wakawaka zvokurya pakufamba. ²²Wese wakapuwa matchira okutchinza, asi kuna Bejami wakamupa mazana matatu endarama uye Nematchira machanu okutchinza. ²³Kuna bhabha ake wakatumira izvi: "Gumi rembongoro rakatwarazviro zvakanaka zvimu Ijipta, negumi rembongoro rakatwara matsangu, mukate uye nozvimweni pakufamba kwabhabha awo.²⁴Ihena wakatuma hama dzake dzikaenda akadziti: "Murimugwanzemo musatambe" . ²⁵Wakabhudha muJipita waka wirira kwenda munyika yeKenani; kunyika yabhabha wake Jakobho. ²⁶Awona wakati kuna Djakobo "Djosefa utchakapona ihena ndiye muwonereri munyika yekuJipita". Moyo waJakobho wakagara rukutu nguekuti ihena wanga asikadhi kutendera pazvai reketwa.²⁷Wakamubvunza masoko aya akareketa Djosefa. Pakawona Jakobho ngoro dzakatumirwa ndiDjosefa kuti amutore Mwiya wabhabha ake Djakobho waka purumuk. ²⁸Uye Iziraeri wakati: "Zvakakwanira" Djosefa mwana wangu utchakapona. Inini ndinoenda komuwona ndisati ndafa,

¹⁴Israeri akaenda ne zvese zvenga anazvo uye akaenda ku Berseba . Ikona akapa tchipiriso ku Mwari wa bhabha ake Isake . ²Mwari akareketa na Israeri mundoto , nousiku etchiti : Jakobho Jakobho. ³Ena akati : Ndiripano . Mwari akati : Inini ndini Mwari , Mwari a bhabha ako . Usatye kudzika Igipita , nokuti kweneyo nditchakuita dzinza guru . Inini ndinge ndinewe ku Igipita , uye ne tchokwadhi tchese tchakazara ndinokuhwiridza kuno . uye Josefa atchakufunga madziso ako ne moko dzake.⁵Hino Jaakobho akamuka ku Berseba , uye ana a Jakobho akatora Israeri bhabha awo ana awo no akadzi awo, mu ma caru dzenga dzatumiwa na Farao kuti dziwathware . ⁶Aona akotora zvipfuyo zvawo ne pfuma yawo enga aunganidza ku nyika yo khanani . Uye akaenda ku Igipita , Jakobho no dzinza rake rese . ⁷ena akaenda no ana ake , no ana o anaake , uye no anasikana oanaake , ne dzinza rawo rese .⁸Aya ndiwo mazina oana a Jakobho akaenda ku Igipita : Jakobho no anaake : Rubeni , dangue ra Jakobho, ⁹ana a Rubeni : Hanoke , Paru , Hezromi , na Karmi. ¹⁰Uye no ana a Simao : Jamueri, Jamimi , Oade , Jakim , Zoari , na Sauri , mwana omukadzi mukhanani. ¹¹uye no ana a Revi : Gerson , Koate , uye no Merari.¹²Uye no ana a Juda : Eri , Ona , Sela ,Perez na Zera , asi Eri na Ona akafira munyika ye khanani . uye ana a Pezez ndiana: Hezromi na Hamur , ¹³ana a Isakar : Tola , Puva , Iobe , Sinromi. ¹⁴Uye ana a Zeburom: Serede , Elomi na Jeler. ¹⁵Aya ndiwo ana a Leia , aakabhara na Jakobho ku Peda-Ara, kunze ko mwana wake Dina . Ana ake oanarume noanasikana ese enga ari makumi matatu no atatu anhu.¹⁶Ana a Gade : Zifiomi , Hagui , Suni , Ezbom, Eri , Arodi , uye na Areli. ¹⁷uye ana a Aseri: Imna , Isva , Isvi , uye Beria , uye Sera , hanzvadzi yawo ; uye ana a Beria : Heberi na Malkuieri . ¹⁸Aya ndiwo ana a Zirpa uya Labao akapa mwana wake Leia ; uye aona aya akapa Jakobho , gumi no atanhatu oanhu pa ese.¹⁹Ana a Raker , mukadzi wa Jakobho : Josefa na Bejamim. ²⁰uye akamubharira Josefa munyika ye Igipita : Manasese na Efraimi , aona awa akaapiwa na Asenate , mwanasikana wa Potifera , mutungamiriri we wom. ²¹Uye ana a Bejamim : Bela , Bequer , Asbel , Gera , Nama, Eii , Rosi , Mupimi , Hupimi , uye Arde. ²²aya ndiwo ana a Raker , aakabharira Jakobho , gumi no arongomuna ro anhu pa ese.²³U ye mwaana wa Daa : Husim . ²⁴Uye ana a Naftari : Jazer , Guni , Jezer na Silemi . ²⁵Aya ndiwo ana a Bila , okuti Labao akapa mwana wake Raker uye ena akapa kuna Jakobho anhu anomwe paese.²⁶Anhu ese akaenda na Jokobho ku Igipita , okuti enga ari dzinza rake, tisingaerengi akadzi o anake, pa ese enga ari makumi matanhatu no zvitanhatu o anhu, ²⁷Ana a Josefa aakamubharira ku Igipita enga ari airi . Anhu ese o paumba pa Jakobho enga ari makumi manomwe.²⁸Jakobho akatuma Juda kumberi kwake aende kosongana na Josefa , kuti aya atore guanza ro Goseni; uye akaguma ku nyika ye Goseni . ²⁹Josefa akagadzirira ngoro yake uye akaenda ko songana na Israeri bhabha ake ., ku Guseni . Ena akaaona , akabhata mukhosi make , uye akarira munguwa akarebha . ³⁰Israeri akatsa kuna Josefa : Panguwa ino kana kufa hangu, ngokuti ndaona hope yako , uye utchiri kurarama.³¹Josefa akatsa ku hama dzake uye noumba ya bhabha ake: Nditchakwira uye nditchareketa kuna Farao ndetchiti: Hama dzangu no umba yabhabha angu , enga ari kunyika ye khanani , auya kwandiri kuno , ³²Anarume ndi a ushi , zvokuti anosotchengeta zvipfuyo . uye auya ne zvipfuyo zvawo , uye ne mabhira awo ne zvese zvaanazvo.³³Hino kuhai Farao akakudhaidzai uye okubvunzisai : Munoita bhasa renyi ? ³⁴Munodhaira kuti : Areki ako ndi anhu ozvipfuyo kubvira paudjaya kugumira nguwa Ino , kudharo na Isusu pamwepo no no madzibhabha edhu . Itai izvona ,nokudharo imwimwi mutchararama ku Goseni , ngokuti mu ushi wese we zvipfuyo akan'a ku ma Igipita.

¹Mukupedza Josefa akenda uye akatsanangurira Farao : Bhabha angu uye ne hama dzangu , mabhira awo , zvipfuyo zvawo , uye nezvese zvaanazvo aguma etchibhudha ku khanani ; uyw ari kunyika ye Goseni . ²Ena akasanangura hama dzake shanu uye akapangidza Farao .³Farao akatsa kuna hama dza Josefa : Ndezvipi zvamunoitz ? uye aona akadhaira : Arananda ako ndi wa ushi o mabhira ., zvimwezvo no madzitateguru edhu . ⁴Mukupedza aona akatsa : Isusu tauya se wafambi munyika ino , ngokuti nzara akakura ku nyika yo khanani , uye akuna pokundyira mabhira ye areki ako. uye panguwa ino , tapota hedhu , siyai kuti areki yenyu ararame munyika ye Goseni .⁵Mukupedza Farao akareketa na Josefa uye akatsa : Bhabha ako ne hama dzako auya kwauri . ⁶Nyika ye Igipita irimberi kako . Hino bhabha ako ne hama dzako ngaagare mutanha wakanyatsa kunaka , munyika ye Goseni . kuda Iiwewe unoziwa umwe wawo muise se muimiriri ezvi fuyo zvangu.⁷Nokudaro Josefa akaunzisa bhabha ake kuna Farao akamupangidza . Jakobho akakomborera Farao . ⁸Farao akatsa kuna Jakobho : Une makore mangana ? ⁹Jakobho akadhaira : makore yeupenyu wangu se mufambi ndi zana romakore no makumi matatu omakore . Makore ye ndaramu yangu ndi mashoma uye ane marwadzo . aona asorebhi kuezana no madzitateguru angu . ¹⁰uye Jakobho akakomborera Farao uye akabhudha pamberi pake.¹¹Nokudharo Josefa akapa bhabha uye ne hama dzake . Ena akaapasa mutanha munyika ye Igipita , Nyika yakanyatsonaka munyikemo , munyika ya Ramesese , mushobho wenga wabhuiwa na Farao . ¹²Josefa akaapasa zvokundya bhabha ake no hama dzake , uye no paumba pese pa bhabha ake , maererano okuwanda ko wana wawo.¹³Nokudharo kwenga kusina tchokundya munyikeyo , uyezve nzara enga yeinyanya . Nyika yo Igipita no nyika ye Khanani yenga dzaakuziya ngo nzara . ¹⁴Josefa akaunganidza mari yese yenga iri muri munyika yo Igipita uye ne nyika yo khanani , etchitengesa mhumba kune agari wemo, mukupedza Josefa akatora mari yese oiendesa paumba pa Farao .¹⁵Paya pakapera mare yese yoku Igipita uye khanani , ma Igipita ese akauya kuna Josefa etchiti : Tipase zvokundya ! Taidhikana kufira pamberi pako ngokuti atitchina mare ? ¹⁶josefa akaadhaira : Kudhai mare yenyu yapera , unzisai zvipfuyo zvenyu ,uye nditchakupai zvokgundya mukupasirana zvipfuyo zvenyu . ¹⁷Hino aona akaunzisa zvipfuyo zvawo kuna Josefa . Josefa akaapasa zvokundya mukupasirana ne hashi , mabhira , mbudi , n'ombe uye mbongoro . Akaandisa mukati mukupasirana kwe zvipfuyo zvese mugore irona .¹⁸Paya pakapera gore riya , aona akauya kuna Josefa , mugore raitera , etchiti : Atifisi kuna Ishe wedhu kuti mare yenhu yapera , uye Ishe munazvo kare zvipfuyo zvedhu . Akuna tchakasa mumadziso a Ishe wangu , kunze ko mwiri yedhu uye no nyika yedhu . ¹⁹Nokuti dhai takafa , kutangira isusu ne nyika yedhu mumadziso enyu ? Tchitengai nyika dzenhu mukupasirana ne zvokundya , uye isusu ne nyika dzenhu titchaita areki a Farao . Tipei henyu kuti tirarame uye kunze ko kufa , uye kuti nyika isaziye.²⁰Nokudharo Josefa akatora nyika yese ye Igipita kwenda mayo kuna Farao . Mu Igipita upi noupi hake akatengesa maminda awo , ngokuti nzara yenga yanyanyisa . Nokudharo , nyika yakawa ya Farao . ²¹Uye mbumba yakawa areki okumagumo e imwe nyika ye Igipita dzamara kumugano. ²²Yoga nyika ye wapirista aazi kutenga , ngokuti a pirisita aipasuwa zvokundya . Aona aindya paya paipasuwa na Farao . Nokudharo aazi ktengesa nyika yawo .²³Josefa akatsa kuna mbumba : Onai , inini ndakakutengai uye ndakatenga nyika dzenyu kuna Farao . panguwa ino iripano mbeu yenyu , uye kuti muparire munyika . ²⁴pa ku korora , munodhikana ku pasa pa tchikhamu tche tchishanu kubva mutchimwe kuna Farao uye tchikamu tchina kubva mutchimwe ndizvenyu kuti muparire mumaminda uye kuti zvisenze se zvokundya kune mhuri yenyu no ana enhyu.²⁵Aona akadhaira : iwewe wakanunura ndaramu yedhu . Takaitirwa nyasha pamberi po madziso ako . Titchaita areki a Farao . ²⁶Nokdharo Josefa akatema mutemo azvo urikuramba uriyo ku Igipita no mazuwano . Tchikhamu tchetchina kubva mu tchimwe nde tcha Farao . Yega nyika yapirisita aizi kuita ya Farao .²⁷Nokudharo Israeri yakararama munyika ye Igipita , munyika ye Goseni . Mbumba yawo yakawina uushe apona apopo . Aona akabhara uye akawanda kukuru . ²⁸Jakobho akararama munyika ye Igipita mumakore gumi na manomwe , nukudharo makore okurarama a Jakobho andi zana romakore , no makumi mana no manomwe omakore.²⁹Paya nguwa yokufa ka Israeri kweipfedhera , ena akadhaidzisa mwanake Josefa etchiti : Kudhai nguwa ino ndikaona nyasha mauri , kanda moko wako pasi po tchidza tchangu , uye ndipangidzire mutchokwadhi no mukuthembeka . Ndapota hangu , usandi kotse mu Igipita . ³⁰Paya panditchawata na madzibhabha angu , nditore undiendese kunza ko Igipita uye ndikotse pamwepo na madzibhabha angu . Josefa akamudhaira : Inini nditchaita soku rewa kenyu . ³¹Akatsa Israeri : Pika neni , uye Josefa aka pina naye . Mukupedza Israeri akakotamira pe tchokutsigira tche mubede wake.

¹Zvakaitika zvokuti , mukupera kozviro izvi , akauya umwe munhu akautsa Josefa: Bhabha ako arikurwara . Nukudaro iyena akatora ana ake airi Manasese na Efraimi . ²Paakamubvunza Jakobho kuti mwana ako Josefa aguma kuti akuonei , Israeri akazvibhambisa uye akagara pamubeda .³Jakobho akautsa kumwana ake : Mwari omasimba ose akandiuira kuguta ro tchiedza , munyika yo khanani . iye akandikomborera . ⁴uye akanditi : Nditchakuita kuti ubhare uye nditchakuwanza . Nditchakuita mbumba yo anhu uye nditchapa ana ako nyika se nhaka isingaperi .⁵Uye nokudharo ana ako aya ari , akabharirwa iwewe munyika yo Gipita , aona ngoangu . Efraimi na Manasese atchawa angu , zvimwezvo na Rubeni na Simao. ⁶Ana autchazobhara atchawa ako uye muzina rehama dzawo atchatambira nhaka . ⁷Nokuti pandakabhudha kubva Peda , kuuya mukutsukwara kwangu , Raker akafira muguanza ro khanani, patchingoshotera kamufambo kadhoko kuti teiguma Efrata. Inini ndakamukotsa muguanza rokwenda Efrata , ku Belem.⁸Paya Israeri paakaona ana a Josefa ,Akautsa : Ndianani aya ? ⁹Josefa akadhaira akati ndianaangu , andakapiwa na Mwari kuno . Akaautsa Israeri : Uyanawo kuna inini kuno , kuti ndiakomborere . ¹⁰Madziso a Israeri enga asikatchaoni nekukura kwengaita , ndiyo ndawa aana kuaona . Hino Josefa akamuunzisira duze , akaatswodha uye akaakomborera .¹¹Israeri akautsa kuna Josefa : Ndenga ndisingatchamiririzve kuonazve hope yako , asi Mwari anditendera kuona ana ako. ¹²Josefa akaabvisa pamaphewa a Iaraeri uye nokudharo akaguadhama ne huma yake pasi. ¹³Josefa akaabhata ese airi no moko wake kwawo , kudhii romoko bhoshuwe wa Israeri , uye Manasase no moko wake bhoshuwe ku dhii ro moko kwawo wa Israeri , uye akaunzisa duze naye.¹⁵¹⁴Israeri akatambanudza moko kwawo uye akauisa pamusoro pa Efraimi , uya enga ari mudhoko , uye moko bhoshuwe pamusoro pa Manasase , nokudaro aka tchingikidza moko dzake , uyu Manasase enga ari dhangue . 15 . Israeri akakomborera Josefa , atchiti : Mwari uya akafamba namadzibhabha angu Abrahama na Isaka , Mwari anosonditchengeta kugumira musi uno. ¹⁶Ngirozi inosondi dziirira pazvokushata , ngaakomborere afana aya . uye zina rangu ngarirangarirwe maari, uye nemazina amadzibhabha angu , Abrahama na Isaka . uye ngaawande munyika.¹⁷Josefa paakaona moko kwawo wabhabha wake pamusoro pa Efraimi , izvi zvakamunyangadza, nokudaro iye akabvisa moko wabhabha pamusoro wa Efraimi oisa pamusoro pa Manasese . ¹⁸Josefa akautsa kuna bhabha ake : kudharo azviiti , bhabha angu , ngokuti uyu ndiye dhangue . Isai moko wenyo kwawo pamusoro pake.¹⁹Bhabha ake akaramba uye akamuutsa : Inini ndirikuzviya , mwanangu , inini ndinozviziya . Iye atchaita imwe mbumba , uye iyezve atchawa mukuru. Asi mudhoko wake ndiye atchawa mukuru kudharika mukoma ake. uye anaake atchaita mbumba nembumba munyika . ²⁰Israeri akaakomborera zuwa riya ne masoko aya : Mbumba yewa Israeri itchadhaidzira makomborero atchishandisa mazina enyu atchiti : Kuti Mwari ngaakuitei se wana Efraimi na Manasese. Mukudharo Israeri akaisa Efraimi mberi kwa Manasese.²¹Israeri akautsa Josefa : ona kuti ndakuda kufa , nokuro Mwari anenge arinewe, uye anokunzisazve munyika yamadzibhabha ako . ²²kwauri se munhu aripamusoro po hama dzako , ndinokupa tsamiro yo pagomo yandakatora ku amoreu no mupasha uye no uta wangu.

¹Hino Jakobho akadhaidza ana ake uye akautsa : Unganai ndikuvunzei zvitchaitika makore anouya . ²Unganidzanai uye purutanai ana a Jakobho. purutanai Israeri , bhabha enyu.³Rubeni , iwew ndiwe dangue rangu , simba rangu uye maambo okusimba kwangu , kunakisisa mukutendeka uye mu simba. ⁴Munhu oguimba senvura inopopoma , augari noukuru , ngokuti wakakwira mubede wabhabha ako . nokudharo wakaioresa . wakakwira mubeda wangu.⁵Simao na Levi ndi hama no hama . Sorora dzenyu ndi phuti dzekumanikidza. ⁶Mwiya wangu aupindirane nemi . Amundioni pamunounganidzana, nokuti mwoyo wangu unorekedzwa naizvona. nokuti muknyangadzwa kwake , makauraya anarume . Komutambo makaatorera n'ombe.⁷Kunyangadzwa kwako ngakutukwe , nokuti wenga wakasimba , uye kunyangadzwa kwenyu kwenga kwakaipa. Inini mditchakupatsanurai mu Jakobho , uye nditchakusianisai mu Israeri.⁸Juda , hama dzako dzitchakurumbidza . Moko wako utchawa pamusoro pomutsimba we aengi ak. Ana e bhabha ako atchaguadhama mberi kwako.⁹Juda ndi mwana o mhondoro Iwewe pane zvakafa wakakwira , mana wangu . Yakakotama iyena akahakira se mhondoro , kana kuti se mhondoro yokadzi . ndiani anoitira dzungu pakudha kuimutsa?¹⁰Ndonga yamambo aubhundi mu Juda , podhi uushe aubhundi mumakumbo ako , dzamara Siro yauya . maguta ne ,maguta atchamuteerera .¹¹Akasunga mbongoro yake pa muzambiringa uye no tchimwana tchombongoro pamuzambiringa waaka tsara , Iena atchaphadza nguwo dzako mu vinyu uye gemenzi rako mu ngazi yo mazambiringa . ¹²Madziso ako atchaswipa no vinyu uye mazino ake akatchena se mukaka.¹³Zebulomi utchararama pamutanha we bhahari . Ena atchawa bhendereke dze zvikepe zvo mu bhahari , uye utungamiriri wake utchakura dzamara Sidomi .¹⁴Isakari ndimbongoro yakasimba , yakawata pamadhanga emabhira . ¹⁵Ena anoona mbuto yakanaka yokuzorora uye nyika inonakidza . Uye atchapa ma phewa ake kumutoro uye atchazvipa se mureki pa mabhasa.¹⁶Daa atchatonga mbumba yake se dzinza ra Israeri. ¹⁷Daa atchawa hinga na nyoka iri mumutcheto momuguanza , imwe nyoka yo uturi inoruma tchisisino tcho hashi , uye nokudharo inoguisisa akaikira kumasure ¹⁸Inini nditchaimira kuponesuwa kangu Ishe.¹⁹Gade , mutekenyi o hashi atchakumuyambira , Asi iyena atchawambira muzvisisino zvadzo. ²⁰Tchokudya tcha Asher tchitchawandisa , uye tchitchabhara zvimwezvo zveizvona. ²¹naftall ndidzoma rakasununguka uye ritchawa no zviwana zvakarungama.²²Josefa ndi nhai ino bhara , duze netchimbo , zvekuti anodharikira kumaswingo pamusoro pawo. ²³Akhandiri omupasha akatanga kuthusa mipasha uye nokumuteerera .²⁴Asi uta wake utcharamba wamira uye moko dzake dzitcharamba dzitchigona nokudha ko moko dzine simba dza Jakobho uye ne zina roushi , bhuwe ra Israeri.²⁵Mwari abhabha ako atchakubhetsera uye omasimba ose Mwari atchakukomborera ne makomborero okudhenga romudhenga , makomborero ezvakawigika zvinozorora ngopasi, makomborero omumazamu uye mu mbereko.²⁶Makomborero a bhabha ako atchawa makuru kudharika makomborero omumakomo yekare kana kuti zviro zvinonyanya kudhikanika pagomo risingaperi. aona anenge ari pasi pomusoro wa Josefa , makomborero anoisa korona musoro e uya akaita mambo pamusoro pe hama dzake.²⁷Bejamim ndi thika rine nzara . Tchimatchibhesi rinondya nyama , uye nousiku rinopungurirana zvinosara.²⁸Aya ndiwo gumi no mairi madzinza a Israeri . Izvi ndizvo zvakarekethwa nabhabha awo paakakomborera . Mumwe no mumwe akapasuwa makomborero akamufanira. ²⁹Hino iye akawadzidzisa uye akatsa : Munguwa dhoko nditchaenda ku mbmba yangu . Ndikotsei pane madziteteguru angu murindi riri mumunda ma Efromi , mu hateu , ³⁰Mu bhako riri mumunda we Makpela ,Pa duze na Manre , munyika yo khanani , munda wakandengua na Abrahama na Efromi , mu hateu kuti akotsere (masiye).³¹Apona apopo akakotsa Abrahama no Sara mukadzi wake ; apona apopo ndakakotsa Lia. ³²Munda no rindi ririmo zvakatengua kuna mbumba ya Hete. ³³Paakapedza Jakobho dzidziso iri ku anake , akabhatanidza murenje dzake pamubede , akafema kokupedzesera uye akaenda kumbumba yake.

¹Hino Josefa akakumbatira pamusoro po hope yabhabha wake , akarira pamusoro pake uye akamutswodha. ²Josefa akatuma areki ake , natchiremba , kuti asasike bhabha ake. Nokudharo anatchiremba akasasika Israeri ³Aona akatora makumi mana omazuwa , sezvo ndiyo nguwa yakakwana ku ano sasikwa. ma Igipita akamutchema kwemazuwa makumi manomwe.⁴Mazuwa okutchema paakapera , Josefa akareketa kuna asenzi epaumba pa Farao atchiti : Kudhai inini ndinosowanirwa ngoni mumadziso yenyu , ndapota angu utsai Farao : ⁵Bhabha angu akaita kuti ndipike etchiti : Ona ndirikufa . Ndikotse murindi randakazvitcherera kunyika yo khanani . Akonayo ozondikotsa . Manji uno ndisie ndikwire uye ndikotse bhabha angu , uye nokudharo nditchahwirira . ⁶Farao akadhaira : Enda uye kotsa bhabha ako , nomukhaindi wakaita kuti upike.⁷Josefa akaenda ko kotsa bhabha ake . akamuperekedza masupai ese a Farao , ne asenzi ese opanyuma pa Farao , ne outongi ese omunyika yo Igipita . ⁸Ne imba yese ya Josefa utye ne hama dzake , uye ne paumba pa bhabha ake . Asi oana akasiya anaawo , nezvipfuyo zvomabhira, ne zvipfuyo zvon'ombe kunyika ye Goseni. ⁹Akaperekedzwawo nezvifambo zvakaita hinga na karu, makavaro ; enga mbumba huru yowanhu.¹⁰Paakaguma aona ke eira yo Atade , ngokumutcheto ko murambo o jhorodani, aona akatchema nokurira ku kuru . Akona Josefa akaita mazuwa manomwe , atchitchema bhabha ake. ¹¹Paya agari omunyikeyo , makhanani , akaona kutchema ku Eira yoAtade aona akatsa : uu ndimukana unosuwisa kukuro wema Igipita . Ndiyo ndawa kuti mbutoyo inodhaidza Abel-Mizraimi , uye iri kotchokumberi ko jhorodani¹²Hino ana ake akamuitira Jakobho zvenga aafundisa kuti amuitire. ¹³Akamuthwara dzamara ku nyika yo khanani uyea akamukotsa mu bhako , mu maminda e Makpera , duze no Manre. Abrahama enga apatenga , bhako nemunda kuti aite mbuto yokukotsera (masiye) iye akatenga na Efromi mu heteu. ¹⁴mukupedza kukotsa bhabha ake , Josefa akahwirira ku Igipita , pamwepo no hama dzake , uye no ese aya engaamuperekedza ko kotsa bhabha ake.¹⁵Paya hama dza Josefa padzakaona bhabha awo enga afa, akatsa : uye dhai kuti Josefa ane bhundu nesu odha kutihwiridzira zviwa zvatakamuitira? ¹⁶Nokudaro aona akatumira tsamba kuna Josefa etchiti: Bhabha ako akasiya dzidzis asati afa, etchiti : ¹⁷Bvunzai izvi Josefa : Ndapota hangu , regerera hama dzako kushaisha kwaakaita paya paakakubhata kushata . Panguwa ino ndapota , regerera areki amwari wa bhabha ako . Josefa akarira tsamba payakaguma kwenga ari.¹⁸Hama dzake dzakaguanamawo pamberi pake akatsa : Tiripano isusu tiri areki ako . ¹⁹uye Josefa akawadhaira : Musawe nokutya . Mandiona kuti ndiri pambuto yamwari? ²⁰Zvezvirokwazvo kuti makandirongera kuipa asi mwari akazvitorera mukunaka , kuti patchengethwe ndaramu yo anhu azinyi, so kuona kwamuri kuit musi uno . ²¹Hino nguwa ino , musawe nokutya . Inini nditchamusapotai no ana enyu. iena akaanyaradza uye nokudaro akareketera nomwoyo monyoro.²²Josefa akararamira kuIgipita ese no mhuri yabhabha ake . Iena akararama zana romakore nomakore gumi. ²³Josefa akaona ana aEfraimi dzamara dzinza no tchitatu . iyena akaonawo ana a Makiri , mwana wa Manasese. aona akabharirwa mumaphondo a Josefa.²⁴Josefa akatsa ku hama dzake: Inini ndaakuda kufa , asi mwari atchauya kwamuri uye atchaita kuti mukwire mutchibhudha munyika ino mutchienda nyika aakapika kuti aizopa Abrahama , Isake na Jakobho . ²⁵Hino Josefa akaita kuti mbumba yawa Israeri ipike yetchiti: Mwari zvezvirokwazvo atchauya kwamuri. Munguwa iyona thwarai makodho angu muno . ²⁶Nokudharo Josefa akafa no zana romakore nomakore gumi. Mukupedza aona akamusasika uye akamuisa mobokisi ku Igipita.