Language: Abuhaina

Book: 2 Thessalonians

2 Thessalonians

Chapter 1

¹ Maa ubara,Porubabata sairasibabata,Timotira batake bainti nahenti ararubake Tesalonaika batuka'i Kotira nora autu'abata Ihura Karaisira autu,abata. ² Kaibaro Kotira auha paru iraba umpo iraba Ihu Karaisiba Norabano nibatakero barianaro. Kotira ekaa enta ko'erabe tiata, atabakao niara bira ko'erama, ne mara'urai'iaba bo'abatama kekau ibo, uahara nimiaba ni'i pi'aroma biro. ³ Kotira ekaa enta koerabe tiata, atabakao, niara bira ko'erama, ne mara'urai'iaba bo'abatama kekau ibo,uahara nimiaba ni'i pi'ama biro. ⁴ Mintimanta tenabu niara bo'amakema uahanimite, bokia bainti nahentika Kotira maara naabu'i bariaka.Tenabu niara bokabatama tibanimi,baata aihabira bareha bariara. ⁵ Bira umi'areba Kotira abu'abu ubama.Biraa kara mantiroma bairo, ne Kotira batuka'i homa ori'etebara, nanarae bira maara a'ubararama. ⁶ 8 Bira abu'abu okarama Kotiba aihabira maara nimianaro taukae ni aihabia maara nimika. ⁷ taukae tinabubatake maara a'ubariaka biba a'inima bika aihabina maarara barakano. ⁸ Nantiara Iihuba nai ankerobatakero bientara maara bi'ireba tubuanaro. Nantiara Kotira kia tabaikabata Ihura uba kia iriaka bata bika nora ihabanoma tato'akanaro. ⁹ Bika ora enta bariana maarara barebara. Bihaikaba Kotira niaraini nai kempuka batakero barianaro. ¹⁰ Nantiara nai tubina entara obarianaro. Nanarae bainti nahenti bira nora autu amibara mara'urai'ika ko'e uba tiba amibara. Nanarae ne maabi ubara'a maara urai'amai. ¹¹ Bi okarara tenabu niara nunamu tiba ora'enta. Tenabu ni'a nunamu ti, tinabu Kotiba ni taaba kanko iaire ti nanarae kai'a baratero ni narairama. Nai kekau'a ni antu'a ho'akaira ne nireka u'a mara'ura'a bariata. ¹² Tenabu etama, nanarae ne Ihu Karaisira tinabu Norama. Tenabu nunamu tunara Ihuba ni bara norai'ama kairera. Bira Kotira umpo irabano Ihura a'uritarabano nora autu nimiari.

Chapter 2

¹ Nora bano ihu karaitiba arurante tubiroma nai bata tinabu bata ekama ruba umakanaro tenabu ni irehama turo ata baka'o. ² Ai aiho bainti bano kiama rantu'iro etarire tenabu uba tiba nimi ara araruake ni'a barake tiha nora bano tubuanarobe. ³ Kiama bo baintibano ni barakero hampi'a karire nanara'e nantiara biantara airi bainti nahenti kotira uba ra'aika irie abateha baainti airi kumi autuaka birakaara kama kotiba ahuaruakano. ⁴ Bibaintiba nai autu bini'ira bainti kia kotira maara uba iribai baaintibabe. Minti baro biba kotira maara naabi;i ori'etero eka tibanimiro tiharo te kotikabe. ⁵ Are iri kanko'irae, bientara ai batake baiha te bihai kara ai tibamuna? ⁶ Are bata taberae nanahikabanoe bira autaira, mintibaro biba ko'e enta o'ai ama buanarora. ⁷ Nanarae uba ra'e baria akaraba o'ai amabubo boha baaintibano bira rumpa taibo bari'i biro buru tai'ainara. ⁸ Nantiara uba ra'e baira bauutiba o'ai amabiraro, tabae ihuba norabano no'ihairo bua'a kairo bira a'rukanaro. Nora bano arurante tubina entara bira ba'u'ama kaamarobe. ⁹ Uba ra'aira baaintiba nora kai;ama sataba ai'i utiro baranaro, bientara bainti nahenti tiha kotiba bi kempukara ami baroma bihaikara mintiboma tibara. ¹⁰ Eka una'ara okara barakero bihaikaba bira obarai'aina nararae bika tai'eberama. Kia bika muntuka mara'ura bare okarara abatara ¹¹ Bi okarara kotiba bika atitakero nai orahikara una;ara uba'a mara'ura ute'ate. ¹² Mintimanta bika eka ko'ama himpibarabe, taukae kia u'a uba'a mara'ura utika, mintimanta kia ko'e okara'a bi totara raharahika barara. ¹³ Mintimanta bi ata baukauka norara mara'ura utiha birara ko'erabe tia. Hiniki ubaba tiharo, kotiba ai aabuni makibatero kaho'rama. ¹⁴ Bi okarara kotiba ai arero bi aarara ihu karaitura nora kempuka'a ko'e bakaka abarai'amaka. ¹⁵ Minti mantama ata bakao kempukake hempuane nana uba okara tenabu ni umi'ataina ko'e kera uatate. ¹⁶ Bate tinabu nora ihu karaisiba nai biba bata tinabu oba kotiba tabe tiarbuara antu'ariro timira o'a'enta a'i bariaina mara'ura tinabu kekauma timiro bira nantiara auha iha'ira bata. ¹⁷ Ko'e baihaa ko'e okara obarai'akera nena auha kotira kai'a bira'i bataa. Kotira ko'e ko.

Chapter 3

¹²³ Atabakaukabe tirianabuara nuna muibo nora ubabano bakara buaire, mintira tuahero uribibo ni hampata bariaire. Nunamu'i'e tenabu kia ko'e bainti bata ora'okara minti bariaka i'hai aitarare, nanarae bika kiama mara'ura utuabo. Ibo norabano ekaenta ni aumanto bairo ni kempukai'a nimitero orabainti aatu ra'ikianarobe. ⁴ Tenabu niara mara'ura ami ne nora abuta'i bariara nehoma bihaikaro mintiba nehoma tenabu kekauke tunaro abataibibara. ⁵ Norabano ni kahaira ni homa taba kanako'i, kotira antua ihuba tiriara nabu mara baraira. ⁶ Homa atabakao bate te kekaukema niara tentanabu nora ihu karaitira autu'a, ne eka kia kaia uataika tauba'a utunimiate bika kiama abatabo, nanahikae ne ti nabu'ahai barora. ⁷ Nentama tinabu okara tababo ko'era ho nenta abatara. Tenabu kia ni abutana baur, mintima bainti nahenti kia nai baata ahaina antu'a bara'i tubibuabo. ⁸ Tenabu kiama hinikiaka kara barauro, tenabu kiama ko;e uro tenabu kempukai akema kaia enta'i ikara'a, barauro nanarae? Kia bobainti maaru'akarara. ⁹ Tenabu bi okarara mintunara, kia autubai mantaue minturo tenabu mintunara, tabera ,bira abata. ¹⁰ Tenabu ni hampata baiha niara kempukai ake tunarabe bira baintibobano kia kai'a barare irera, biba kia kara nenarabe. ¹¹ Tenabu irura tiha, hiniki'aka bata bi haikara ahu'ariakema bariabo. ¹² Bate tenabu kempukai akema tiba irirahika nora ihu karaitira'i nimuro,eka mintia biria baintika iha'abi baiha nai to'abu ututaira ahainara neha bariate. ¹³ Ne atabakauka, kia ne pophate, nanahikae ko'e ina hikara kara mintiate. ¹⁴ Tabae bainti bobano kia ho ma'ubara tenabu ararubatauna abatairera, ne ko'eke bira tabake, kia boha ruba uabi kaia barate, ibo biba kauruairo. ¹⁵ Ne kia biratabareka nabuta bainti bo'ara tabate nekempu kai'ake tinabu atabakarabe tiate . ¹⁶ Nora bano auha paru;ira obama biba eka enta iha'a auha ni nimianaro, ekaa kaia baraira. Nai nora bano nihampata eka enta baria narobe. ¹⁷ Te porukama nia'ara ko'e rabe tiaina, tenta kau'u'ihai ma'arara ararubatauna. Temabirama ara rubate. ¹⁸ Nora ihura a'urihitaiba ni hampata barianarobe.