To view a copy of the CC BY-SA 4.0 license visit
http://creativecommons.org/licenses/by-sa/4.0/
Acts
Chapter 1
1Oo teofili, nsonoke bokanda bo ntondo lama la mbo binkuma biso Yesu abanga nkelakela pe la ndakalaka.2Kuu la losio looki baoyambake oko likolo, ngeng'eki nde asoseya mpae ntomwa ilako, bine biiki nde asoloke, la nguya eka Elimo le tee.3Akayenie ok'ole bo ndenakena oko mbis'eka wale booki nde ato, oko bidimbetelo wuke nkia biongo pe ye. Ayenele ndia bo nsio binei, pe aatepele mbo lama la bonkumu boka Wangi.4Ngeng'eki nde alek'ilambo ndia bo ndiemo, aaleke ndendee ntaayimak'oko Yelusalema ye, yaaka bakongo ileno lika Papa. Atepele ndee, bosoyoka bio oko munya bo mi. 5Ibango Yoani ayinake oko losi, yaaka nyo bongoyimwa la Elimo le tee, oko mbise nsio wuke ye.6Ngako ngeng'eki bo basokosama, baoyubole boe, bolaki ongoyisena bonkumu boka Yisalaele ngeng'enkeni?7Aetepele ndee, kio ntenge lobo lo nyo la njebe ngengo laape balemo basaka Papa akolimia oko bonkumu bo nde nkika ye.8Yaaka ngeng'enga Elimo le tee esia mbelele nyo, bongoba nguya, pe bongoyala batatoli ba Mi, oko Yelusalema, la Yuda enkuma, la Samolono, pe kuu nko bokuma boka bolongo.9Ngeng'eki Nde asoseya ntempela bio mboiko, pe nk'oko kio ngeng'eko eki bo baolendake, afubwe, pe elenge le liko eodipe oko beso ba bo.10Nko'oko ngeng'eko eki bo balendeke ng'elaka nde oko liko, basisiake nta yee, pe bato bapele bayemale diemo la bo, balatake bisenda bi mbenza.11Pe batepele boe, Bele be Galileya, boyemi Liko ndendalenda bokobo be? Yesu nko kio ene omo, one losoyima oni ole nyo, la mposwa oko Liko angoya dweli nko lo, kweli nko nga ooyene nyo ayotwa oko Liko.12Oko mbi'eko bayime ok'enganza le Bilaya, bayitie oko yelusalema, engenz'eko eliki mpika la yelusalema elimo nko nga bolango bo losio lo Eyenga.13Ngeng'eki bo basoyitia oko nza bayilele oko nsamba le liko, le lowulu lo bo oko ndie eki bo batamake, eliki bane, Petelo la Yoane, la Yakobo, la Andeleya, la Pilato, la Toma, la Balutolomayo, la Mateyo, la Yakobo wana oka Alupaya, la Simona le Boselote, la Yada wana oka Yakobo.14Boankunela Bakalamiake ndiemo la bobonda bomo nkembakemba oko mbotitia, nko la beto, la Malia nyongo eka Yesu, la bambale ba Nde ba bele.15Oko kio ngeng'eko Petelo ayemale ok'etetei eka bambale, (oko kio ndieko eliki esuku le bato mpika mpika bonkama la ntuku bipele), pe atepela ndee 16Bambale, ebongeke nko Bosono bakolame, bane baki Elimo le Tee atepelake ntondo, oko munya boka Dawidi l'itina lika Yuda one loko yakokole bato bakowutaka Yesu,17Ibango Yuda atolwa omo lo so, pe abae yeti le ntolo le esali ene. 18(Nde Yuda asombe itia la ntolo le bobe bo nde; bienge bi nde biyame, pe ibale li nde liyatwe, pe besopo be nde benkuma befundwe oko bosale. 19Loboene pe loyebanake la batobankuma ba Yelusalema, ngako itia liko libeswe oko iyoyi li bo Akeledama, kalomo boe, Itia li Bolongo.20Ibango losakosia nsonwa oko bokanda boka Wangi loe Paaka boyalelo bo nde boyale ntontoo, pe bato ntayalake ako ye, lonkina pe loe.21Ngako oko etetei le bele bemokosamake la so ngengo binkuma bima Nkolo Yesu ayekanasake nzotwa pe mpaswa ndiemo la so,22Banga nko boyini boka Yoani kuu nko losio loko looki Yesu ayimake oni etetei le so lonkina, ebongo nko omo lo bo ayele botati bo bakundwelo ba Nde ndiemo la so.23Batole bena baka bato bapele, Yopesa, l'etolwa Balasaba, lina li nde linkina Yusutu, la pe Matia.24Blabotitiake pe boe, Awu Nkolo boyebi bo yeba bobonda boka bato bankuma, otolakiake laape ososolo nani oni etetei eka bane bapele,25L'itina wue, ayale nkitwa oni esali ene la pe bontomwa bone bosaka Yuka akit'oko bo la nse oko ndie le nkika.26Babokake bisolelo l'intia li bo, pe esolelo esokita ok'ole Matia, ngako ndie eka ntomwa diomu l'omo epawue ok'ole nde.
Chapter 2
1Ngeng'eki losio lo Ntuku Bitano loyie, baliki boangumela esuku ndiemo.2Longilima loyime oko Liko emo ngonga longilima loka lokuli lo wembu, Lonyotiake lowulu longumela oko ndieko eki bo baliki.3Ndemi ngonga twe biyenele ok'etetei le bo, bikakape, lomo la lomo bisangeme oko liko li betu beka boto la boto.4Boangumela banyote la Elimo le Tee pe babangake nzokayoka oko bayiyi bankina kweli ngonga oki Elimo aakapalake bayoyi5Bayuda baliki ako Yelusalema, bele bekoyekasanaka la ntelie Wangi, bato ba babotwa bankumala yima biteni binguma bi nse bi bolongo.6Eki boyoka boko bosoyokana, wuke bo bato bakakosie esuku la nkabakaba, ibango baayokake batepela, bato la bato oko iyoyi li nde li nza.7Bakakatanake pe bakabake, batepele pe boe, Bosolenda! Bane bankuna ba yokanasa, bo ntaange basi Galilaya?8Ngako so toayoka oko bayoyi ba so ba nza, boto la boto oko iyoyi li nde nkika ngamoni?9Tole ane bamo Bapalatiya, la Bamadayi, la Baelama; bankina balamba oko Mesopotamiya, la Yuda, la Kapadokiya, la Ponto, la Asia,10La Fulugiya, la Panfuliya, la Ezipeto, la yeti le Libwe oko ntundu le Kulene; bankina ngendia bi Baloma, la Bayuda, la bane basakokayima Bayuda,11La basi Kelete, la Baalaba, Yaaka so toayo oko bayoyi ba so la ntepele bisali bika Wangi biinene.12Boankumela bakapake pe badingatanake oko bebonda, bakatepelake boe, Lobo lone lole itina be?13Bato bankina baatweke boe, Basonyota vinyo le peeli-peeli.14Yaaka Petelo ayemale ok'etetei eka ba diomu l'omo, anangole iyoyi li nde pe aalakake ndee, Bele be Bayuda, la nyoankumela balamba oni Yelusalema, bopaaka loboene loyetatane ok'ole nyo, pe boyokitie bayoyi ba mi.15Ibango bane ba yene nyo, ntaasoyotwa vinyo nga otangela nyo ye, ibango lelo ekili nko lopoma lo bisato lo wane.16Yaaka lone ele loba lokotefwa la bobambi Yoele ndee. 17Wangi atepele ndee, Oko nsio bi bokuma engoyala ngane, Mi mie ngoyitomola bato batubankunela Elimo le Mi Bana ba nyo ba bale, la bana ba nyo ba beto bangolaka, pe bilenge bi nyo bangoyene bimwenge, Pe bingambi bi nyo bangoloto nzoli.18Pe la bentamba be mi, la bele la beto oko bio nsio biko ngoayitomola Elimo le Mi, pe bangolaka.19Ngolakia bimwenge oko liko, pe bilimbetelo oni nse la balongo, la twe, la ngondi le bolinga.20Wane bongokalomwa mpitano pe weli bongokalomoa balongo, oko ntondo le loya loka Lisio loka Nkolo, losio loko loenene, losio lo binkemwa.21Pe onkeni longobesia lina lika Nkolo, Angobika.22Bele be Yisalaele, boyokitia mbo bine, Yesu le bosi Nazaleta aliki wele bone, bonki Wangi alakie oko etetei le nyo la bisali nguya, la bimwenge, la bilimbetelo, biki Wangi akelake oko babo bande oko etetei le nyo, la nkonga oyeba nyo nyonkika.23Nde apawuake la wango boki Wangi ayangake pe la dianya liki nde ayebake ntondo, pe nyo bosobakia ok'ingengola, pe bosodiaka oko baba baka bato ba kamba Bokengo.24Wangi pe asotungola oko mbabali le iwa, pe akokundola , ibango iwa ntailiki la nguya le nkuke nde ye.25Ibango Dawidi atepela la itina li nde ndee, Nyeneke Nkolo oko ntondo le mi ngengo binkuma, ibango ale oko lobo lo mi lo ndeli nkanga ntisosukasana.26Kio kieko bobonda bo mi boyoka nyinga, pe lolemi lomi loso tandwa, pe bienge bi mi lelo bilendela la elikia.27Ibango ntongolalia boboto bo mi oko ndie eka bawi ye, pe ntongolialia Bokolami bo wu bopondu nyeneyene pe ye,28Osondakia mi mboka le bokolo, pe ongonyotia mi la nyinga oko ndie le wu.29Bambale, mbongo la ntepele nyo polele lama la nkaka Dawidi mie, asakowa pe akundame, pe ebomba le nde el'oni etetei le so kuu la wane bo lene.30Nde pe bobambi, pe ayetake ndee Wangi asakoosimbela nyimi ndendee bato omo lo ibotwa, li bienge bi nde angoyala anse oko mata le bonkumu bo nde. 31Atalelake ngako ntondo, pe atepele l'itina lika bakundwelo baka Masiya ndee, ntatwenyawa oko ndie eka bwi ye, pe bienge bi nde ntaipondo ye.32L'itina lika Yesu ene, Wingi asookundolo, pe soankuma tole batati baka loboene.33Ngako eki nde asosia nangwa oko loka Wangi lo ndeli pe eki nde asosia mbae ileno li Elimo le Tee eka Papa, asoyitolola kio l'eyene nyo pe l'eyoka nyo.34Ibango Dawidi ntanangwa oko Liko ye, nde atepele ndee, Nkolo atepele Nkolo le mi ndende, yalaka anse oko lobo lo mi lo ndeli,35Kuu la ngengo enga mi ntike bempendo be wu nkonga enangielo le bakolo ba wu.36Ngako paaka ibotwa linkuma li Yisalaele bayebe sosolobae Wangi asakooyilia Nkolo pe Masiya, nde Yesu eko eki nyo bobakiake ok'ingengola.37Ngang'eki bo basoyoka ngako, bebonda bebo besukwe, pe batepele Petelo la ntomwa binkina boe, Toleke ngamoni, bambale?38Telelo aakalole ndee, Bokalomola bebonda, pe boyinwe omo la omo oko lina lika Yesu, Masiya l'itana bosawue bo bobe bo nyo, pe bongaba ikapo li Elimo le tee.39Ibango ileno liko lile la intina li nyo, la bana ba nyo, la bako bankumela ba lamba botale, bako bankumela ba lamba botale, boka bankumela bango Nkolo Wangi abesie.40Pe oko ntepela binkina boe, Tokele binkina wuke aatepela, la mpae bo ilako ndee, Bokalamolaka la ibotwe line li bonfunda!41Ngako bane bakoyamba balako ba nde bayinwe, pe oko lo losio loko bato nkonga nkoto bisato balameme la ba.42Ngengo binguma baliki balako baka ntomwa nzokitia, oko esuku, la oko ngengo le efulu nsukona, pe oko mbotitia.43Bomo botikele bato bankumela, pe bimwenge wuke, la bilimbotele bikokelwa oko baba baka ntomwa,44Bayambi bankumela balamenake ndeimo, pe biemba bi bo binkumela biliki nko ndiemo.45Batekeke batia ba bo la biemba binkina pe baikapake kweli ok'ole bato bankuma ngonga eki bokamba boliki.46Losio la losio bakosamake la bobonda bomo oko lowulu lo Bowangi pe basukonake efula oko lowulu la lowulu pe bakapake biemba bi ndekeleke la nyinga pe la bokolami oko bebonda,47Wangi nsangola, pe la ntelie bato bankumela, Nkolo pe anangiake bane, bakobikaka losio oko liko li bosio boobo.
Chapter 3
1Pelelo ndia Yoani basake oko lowulu lo Bowangi oko ngengo le mbotitia, oko lopoma lo liwa. 2Wele bomo bokoliki ekoko yima nk'oko ibale lika nyango le nde, abelwake ako, Baetikake losio la losio oko munya bo mboka bo lowulu lo Bowangi bokotolwaka Dilo, boe ayubolake bakapo ba isei ok'ole bato bakoyotwaka oko luwulu lo Bowangi. 3Ayene Petelo ndia Yoani oki bo bayotwake oko lowulu lo Bowangi, pe ayugolo ikapo li isei.4Yaaka Petelo, la Yoani oki nde aolendake pe atepele nde, Otolendake so!5Ngako aatikele lomo, nde ndee angoba ikapo oko babo ba bo. 6Yaaka Petelo atepela ndee, Falanga la palata la wolo ntimbia, yaaka kio l'edia mi, nkopa kio ako boko. Oko lina lika Yesu Masiya le bosi Nazaleta, kendeke!7Aowute oko lobo lo ndeli, pe aonangole. Nkako nkako bikata bi nde la baseke ba nde babae nguya pe 8asotwe, ayumwe, akendeke, pe ayotwe ndiemo ndia bo oko lowulu lo Bowangi nde nkika nkendekende, mfumpwa mfumpwa, Wangi nko nsangola.9Boankumela baoyene eki nde asakokende pe oki nde asakosangole Wangi, 10baolimbetele boe ele nko nde lomoyakake ok'ekuke dilo le lowulu lo Bowangi, bakapo mbondela, pe bakabake lama la lobo losoo kelwela.11Nkako oki nde lelo awuta Petelo ndia Yoani, bato bankumela bakosame nko la nta isali oko mbalasa eka Solomo, nkaba-kaba nta wuke. 12Ngeng'eki Petelo asoyene ngako, aatepele ndee, Bele be Yisalaele, bokaba l'itina lika boto one bokobo be? Pe bototikela so beso itina be? Nkonga wue la nguya le so nkika laa pe la bokolami boso nkika tosokendia boto one.13Wangi boka abalayama la Yisaka la Yakobo, Wangi boka bankaka ba so, asotelia Botii bo nde Yesu, nde nd'oko loki nyo bokapake booboyake oko beso baka Pilato ngeng'eki nde asobeke lobo ndee aotungola. 14Nyo pe boboye Bososwe pe Bokolami, pe bobotitiakie nyoe wele bo ediaka bato aetungwele,15pe bodiake Nkumu le bokolo, yaaka Wangi aokundole yima oko bawi. So pe tole batati baka lo loboeko. 16Ele l'itina li nzambele lina li nde, kio kieko lina li nde lisokembia boto one lo yene nyo, one pe lo yeba nyo; ele bayambi bo pali Yesu boto one bienge wembu, oko beso ba nyoankumela.17Pe akoboko, bambale, nzeba mie bokelake ngako ibango bokambake dianya, nkonga pe oki bingambi bi nyo bakelake. 18Yaaka Wangi asolakia ngako lobo loki nde atepelake oko minya beka babambi bankuma ntondo, ndee Masiya le nde angoto wale.19Ngako, bokalomolaka bebonda, pe bo yitia, bososwe sosoo oko bobe pe ngengo le iyolia eyima ok'ole Nkolo, 20pe atome Masiya one losakoesolwela, nde Yesu21Ebongo nko ayale edie oko Liko, kuu la ngengo enga mbo binkumela bikolame, biko biki Wangi atepelake oko minya beka babambi ba nde ba bakolami yima nko kalakala. 22Mose nde nkika atepelake ndee, Nkolo Wangi bonyo angoeyimiela bobambi dweli nga mi oko etetei eka bambale ba nyo, booyokaka oko mbo binkumela binga nde aetepela. 23Boto onkeni lompatongoyoka bobambi boko ye, angodiakwa bongolo oko beso baka bato.24Babambi bankuma pe yima nko Samwele, la bane pe bakolakaka mbisa, batepelake l'itina lika mbo bine bi nsio bine. 25Nyo bole bana baka babambi pe la nyimi eki Wangi asimbake ok'ole bankaka ba nyo, ngeng'eki nde atepelake Abalayama ndee, Oko etetei le ibotwa li wu babotwa bankuma bangoswakwa. 26Ngeng'eki Wangi asoseya nkundole Botii bo nde, aotome oko ntondo le nyo, la nswakole nyo oko bakalomoli boto la boto yima oko bobe bo nde.
Chapter 4
1Ngeng'eki Petelo ndia Yoani basangake mbali boa bato, bankanga, la kapiteni eka nkengi bi lowulu loka Wangi, la Basadukayi, baabelele, 2bakaswake ibango balakake bato pe balimbolake mbo bi lami la bakundwelo l'itina lika Yesu. 3Baawute, pe baatike oko lowulu lo ikamba kuu nko la mbise losio, ibango eliki ngengo le ikolo. 4Yaaka wuke bo bato bakoyoka ilako, bayembe, bosio boka bele boyiake mpika la nkoto bitano.5Oki mbise losio, ba nkumu la bingambi bi nza, la basoneli bakosame oko Yelusalema, 6pe Ana, engambi e nkanga, la Kayapa, la Yoani, la Alesandala, la bankina yima oko ibotwa lika engambi e nkanga. 7Bayemie ntomwa oko etetei pe baayubole boe, nyo bokela bine oko nguya le ngamoni laape oko lina lika nani?8Ngako Petelo anyote la Elimo le Tee, pe aatepele ndee, Nkumu bika bato, la bingambi bi nza! 9Laa botoyubola so lene lama la esali le dilo l'itina lika ekoko eko, laape asobika ngamoni,10 bopaaka eyebane ok'ole nyoankumela pe ok'ole bato bankuma ba Yelusame nyoe oko lina lika Yesu Masiya le bosi Nazaleta, one oki nyo bokakiake ok'ingengola, yaaka Wangi asookundole yima oko bawi, l'itina li nde, boto one asoyemala oko ntondo le nyo la bienge wembu.11Nde Yesu ale iwe likoboywa la nyo balwi, nde pe asoyala iwe li ikono. 12Lobiko pe ntaloyime ok'ole boto onkina ye, ibango ntembia lina linkina ye lisakopawua oni nse ok'eteti eka bato l'itina boe toyosone mbika-bika la lio.13Ngeng'eki bo basisiake nkusa eka Petelo ndia Yoani, pe eki bo bayebake boe ntaambe bato ba yekasana la bekanda ye, pe bato bampatoyeka mbo ye, bakabake pe baalimbetele boe bayalake boa Yesu ndiemo. 14Yaaka oki bo balendake boto oko losobika, nyemala ndia bo ndiemo, ntaayosonoko nkalola ye.15Batepele boe bapaswe oko bosale bo Ekokayolo, pe bakatepele boe, 16Tokele ngamoni lama la bato bane? Ibango esoyebana ok'ole bato bankuma ba lamba oni Yelusalema boe, elimbetelo esokelwa oko babo ba bo. Ntangoyosono ntonatona ye, 17yaaka toapekele nsoe bayale nkoyitia ntepela lama la lina line lonkina ye, nkanga lobo lone ntesosonda mpanganyala. 18Ngako baabesie pe baapekele boe bayale nkoyitia ntepela pe ndakalaka oko lina lika Yesu lonkina nkia nio ye.19Yaaka Petelo ndia Yoani baakalole boe, laa lokolama oko beso baka Wangi loe toetotie nyo ntondo eka notie Wangi, bobekeke loboeko. 20Yaaka l'itina lika mbo bi yeba so pe bi yoka so, ntatoyosone ntwenye ntepele bio ye.21Yaaka baakanele lonkina pe baatungole, ibango ntayeneke dweli longa bo baatika oko ikamba, ibango la wuke bo bato; ibango bato bankumela bateliake Wangi l'itina lika mbo bisokelwa. 22Ibango boto oko losokelwela elimbetelo eko le lobiko asakosonda mpela ntuku binei.23Ngeng'eki bo basoba mboka, base ok'ole bato ba bo nkika, pe baasangele bonkika bo mbo binkuma biki bingambi bi bankanga la bingambi bi nza baatepele. 24ngeng'eki bo basoyoka ngako, banangole bayoyi ok'ole Wangi la bobonda bomo, pe batepele boe, Nkumu lenene; awu okelake Liko, la nse, la losi, la biemba binkumela bil'oko eteyi le bio. 25Otepelake oko munya boka Dawidi botii bo wu, papa le so, la nguya eka Elimo le Tee wue, Bakini basokayumola pe bato basoyalola boyeli bo ntontoo itina be?Nkumu bi bolongo basobeleme, bingambi basokakosia, la nyemala esongo la Nkolo pe Masiya le nde.27Ibango basokakosia oni nza ene ok'ole Yesu Botii bo wu bo bokolami, bone boki wu osoloke la losole nzitomola. Elode ndia Pilato la bakini, ndamia la bato ba Yelusalema 28Baokakosia la nkele binkuma biki lobo lo wu lolangake la wango bo wu ntondo wue bingokelwa.29Pe akoboko, Nkolo, solendaka biango bebo, pe paaka bantamba ba wu mboka wue bayosone ntepele Nsango le wu la nkusa le wuke, 30lelo oni ngeng'ene esembola wu lobo lo wu la mbikie bato pe la nkele bilimbetelo bi nkabakaba oko lina lika botii bo wu bo bokolami Yesu. 31Nkako oki bo babotitiake, ndieko eki bo bakosamake esuku esukasane. Boankumela banyotake la Elimo le Tee, pe la bonzenze balakake nsango eka Wangi.32Wuke bo bayambi baliki la bobonda bomo la pe itangeli limo. Laa omo lo bo asoba biemba, ntaitole biemba bi nde nkika ye, yaaka biemba binkumela biliki nko ndiemo. 33Ntomwa pe balakake la nguya wuke lobo lo bokundwelo baka nkolo Yesu, pe iyangi liinene liliki ndiemo la boankumela.34Oko etetei le bo nkia boto omo ntaliki la bokamba, ibanmgo bane bankumela bakoliki la itia, laa pe lowulu, baiteke, pe bayake la bensongo bekokolamaka la bosio boka biemba bikotekwa, 35pe baisembole oko bakolo baka ba ntomwa. Ngako baikapake ok'ole boto la boto kweli nga oki nde aliki la bokamba.36Yosepa, lokotolwaka la ba ntomwa Balanaba, (lole kalomo loe Wana lo bonzenze), Bo-Lewi, bosiKupulu, 37aliki la itia, pe aiteke, pe aye la bensongo (faanga) oko ntondo le bakolo baka ntomwa.Chapter 5
1Yaaka wele bomo lina Anania, ndia ilaka li nde Sapila, bateke itia, 2yaaka amonye yeti le bensongo (faanga) beki nde abae. Ilaka pe ayambe nko ngako. Aye la yeti le bensongo (faanga), pe aetike oko ntondo le bakolo baka ba ntomwa.3Yaaka Petelo aotepele ndee, Anania, Satana asoyotia bobonda bo wu wue odimbe Elimo le Tee pe omonye yeti le bosio bo bensongo (faanga) be itia bokobo be? 4Ngengo eki lio lelo ntaitekwe, ntailiki li wu? pe ngengo eki lio litekwe, ntailiki oko babo ba wu? Osotangela oko bobonda bo wu nkele ngako itina be? Ntokelili bongala ok'ole bato ye, yaaka ok'ole Wangi. 5Eki Anania asoyoka bayoyi bako, akite oko nse pe awe. Bomo bo wuke bowute bankumela bakoyoka loboeko, 6yaaka bilenge bayemale, pe baolinge oko bisenda, baopasole oko bosale pe baokunde.7Ilaka li nde pe ayotwe swe, mpika oko mbise mpoma bisato, yaaka ntayebaka lobo losokelwa ye. 8Petelo aoyubole ndee, ontepelake, botekili li nyo oko bosio bone? Nde pe akalole ndee, Oo, la bosio nko bo.9Petelo aotepele ndee, Bokayoke la nzengise Elimo eka nkolo itina be? Solenda bakolo baka bakundi bak'ilaka li wu bal'oko munya bo lowulu, pe bangokobela oko bosale dweli nko lo. 10Akite ta-taa oko bakolo ba nde pe awe. Bilenge bayotwe swe, pe batane boe akosowa, pe baobele oko bosale, pe baokunde ndiemo ndia ilaka li nde. 11Bamo bo wuke bowute ekinda enkumela, la pe bato bankuma bakoyoka loboeko.12Bilimbetelo wuke la bimwenge bikelwake oko babo baka ntomwa ok'etetei eka bato pe baliki boankumela la bobonda bomo oko mbalasa eka Solomo. 13Ok'etetei eka bato bankina nteliki nkia la boto omo lokokakasanaka la ndamem'oko esuku le bo ye, yaaka bato baateliake wuke;14pe Nkolo asangiake bosio ba bayambi nsonde ba ntonda, wuke bo bele pe wuke bo beto. 15Ngako basampiake bakoni oko mboka le bo oki bayakoleke, pe baatikake okontange pe oko nkalanga l'itina boe nkia elimo eka Petelo eleke oko liko lika bamo baabo ngeng'eki nde ayakokende. 16Wuke bo bato ba nza, la ba ntundu le Yelusalema bakosame, pe bayake la bakoni, la bato bakoliki la bilimo bi be, pe boankumela babikake.17Ngako engambi e nkanga ayemale, ndia bankumela bakoliki ndiemo la nde bane ba ekinda le, Basadukayi , pe banyotake baa la ikeke, 18pe bawute ntomwa, baayotie oko lowulu lo ikamba.19Yaaka la botio ntomwa eka Nkolo alipole bikuke bi lowulu lo ikamba, pe aapasole, pe aatepele ndee, 20boyemalaka, bolekaka la ndake bato mbo bine bi bokolo oko lowulu loka Wangi. 21Eki bo basoyoka ngako, bayotwe swe oko lowulu loka Wangi la loyekelo lo mpendu, pe balakake bato. Ngako engambi e nkanga aye, ndiemo ndia bakoliki la nde, pe abesie Ekokayolo enkuma, la bingambi bika basi Yelusalema, pe batome nkenge basopose ntomwa oko lowulu lo ikamba.22Yaaka oki nkengi base, ntaatana ntomwa oko lowulu lo ikamba ye, yaaka bayitie la nsango boe, 23Toyenili lowulu lo ikamba lokandi nko nta kwekwe, pe nkengi bayemi oko munya bo mboka, yaaka ngeng'elipoli so lowulu, ntatotanili nkia boto ok'etei ye.24Eki kapiteni eka nkengi bi lowulu loka Wangi ndia bingambi bi bankanga bayoke ngako, balingatanake lama la lobekelo, la dweli longa lo loboeko lokuma. 25Yaaka boto omo aye la ntepele bo ndee, Bololenda! Bele beko beki nyo boyitiake oko lowulu lo ikamba, bayemi oko lowulu lo Wangi bato ndakalaka.26Oki mbis'eko, Kapiteni eka nkengi ase ndia bapolisi mpose ntomwa, yaaka la wembu ye; ibango balotake bato nkanga ntaasoabola bawe. 27Yaaka baye la bo pe baayemie oko etetei eka Ekokayolo. Engambi e nkanga aayubole ndee, 28Toepekelake ntondo wembu soe boyale nkolaka oko lina line lonkina ye, pe bosonyotia Yelusalema enkumela la balako ba nyo, pe bakana botoyimbe so l'itina lika balongo baka boto one.29Yaaka Petelo ndia ntomwa binkina, batepele boe, Ebongo nko tototie Wangi ntondo eka ntotie bato. 30Wangi boka bapapa ba so asakokundola Yesu one oki nyo bodiakake la nkakie nde oko bote. 31Wangi asoosangia sangaa oko lobo lo nde lo ndeli nga Nkumu pe bobikie la mpae Yisalaele mboka le bokalomoli bo bebonda pe bosawue bo bobe. 32So tole batati baka bio mbo biko, ndiemo soa Elimo le tee one losaka Wangi ayitomola ok'ole bane bao baototia.33Eki bo basoyoka ngako, bakaswe oko bebonda, pe balangake boe baadiake. 34Yaaka Bapalosi bomo lina Gamaliele, lokoliki bolaki bo bekengo, boto lo lumu lo dilo oko beso aka bato bankumela, atepele ndee bapasole ntomwa yembe nio oko bosale.35Aatepele ndee, bele be Yisalaele, bobaaka nkepo lama la mbo binkuma bi yanga nyo nkelakela ok'ole bato bane. 36Ibango yembe ngengo edie wuke ye Teuda apaswake la ntepele ndee, nde boto lo mpipa, pe bana bele wuke balamemake boa nde, mpika-mpika la bato benkama beneyi. Nde adiakwake, pe bako bankumela bakoobengaka bapanganyale tia-tia, pe bayoyalaka binsonsele. 37Oko mbisa le nde, oko nsio bi basonelo ba bena, Yuda le bosi Galilaya apaswe, akuye bato oko loselele lo nde. Nde pe awe, pe bako bankumela bakoobengake bapanganyale.38Akoboko metepela mie bokalamolaka bienge ok'ole bato bane, boalakiake totolo, ibango laa boyeli bone, laa pe esali ene eyima ok'ole bato engolimoa pie. 39yaaka laa eyima ok'ole Wangi, nyo ntabongoyosono nkumie bato bane ye, bobaaka nkepo nkanga ntoosoyemala esongo la Wangi.40Baoyambele, pe ngeng'eki bo basobesia ntomwa, baapioke bemiekwa, pe baalake boe bayale nkolaka oko lina lika Yesu, ngako pe baatungole. 41Ngako bapaswe oko Ekokayolo, bayokake nyinga ibango basotolwa bandwa bonyoko lama la lina li nde. 42Yaaka ntaatwenya ndakalaka oko lowulu lo Bowangi pe oko mbulu bi bo nkika ye, balakake nsango dilo boe Yesu ale Masiya.Chapter 6Oki bio nsio biko, bosio boka bayambi bofulake, pe Bayuda bane bakotepelaka iyoyi lika Ba Ela, batabanake l'itina lika Baebele, ibango beto basakolela bele ok'etetei le bo bakambake nkia ngengo le nkepo biemba bi losio la losio.
2Ngako Ba-diomu la bapele bakosie le bayambi, pe batepele boe, Ntekolame la so ntenye ilako lika Wangi l'itina li nkele esali eka mesa, 3ngako bambale boyalolaka bele besambiale ok'etetei le nyo, bato balia lumu lo dilo, bane basonyota la Elimo le tee pe la lianya, pe tongoatika oko kio esali eko. 4Yaaka so tongotika bebonda oko mbotitia pe oko ilako ndaka-laka.5Iyoyi liko liyokie esuku enkuma nyinga, pe basole Setepano, wele bokonyotaka la boyambi pe la Elimo le tee ndia Pilipo, la Polokolo, la Nikanola, la Timona, la Palamena, la Nikolao, bokalomwi bo bobonda boto lo Antiokiya. 6Baayemie yemaa oko ntondo eka ntomwa, pe ngeng'eki bo basoseya mbotitia, baanangiake babo baabo.Ilako lika Wangi lifule, pe bosio boka bayeki oko Yelusalema bonyotake nta wuke, pe wake bo bankanga bayambake ilako.8Setepano lokonyotaka la basoyi pe la nguya, akelake bimwenge la bilimbetelo binene oko beso baka bato 9Yaaka baamo bakoliki oko esuku lekotolwaka esuku eka Basoswe, la basi Kulene, la Baalesandalia, la pe bako bakoyimak'oko KIlikia pe la Asia, bayemale biango nkelakela boa Setepeno.10Yaaka ntaayosonoke nsonde boyeli boka elimo ekotepelaka la nde ye. 11La mbisa basongimie bele benkina la ntepele boe, tosakooyoka la bayoyi ba nkiosole Mose pe Wangi.12Bayumole esuku, la bingambi bi nza la pe basoneli. Baye pe baowute, pe baokoole kuu oko Ekokayolo, 13pe bayimie ntepelaki bi bongala. Bo batepelake boe, Boto one ntatwenye ntepele mbo bi nkisole ndie ene le sesoo le le bekengo. 14Ibango tosakooyoka atepela ndee Yesu ene le bosi nazaleta, angoyimba ndiene, pe angokalomola bekengo beki Mose atolaliake. 15Bato bankumela bakoliki oko Ekokayolo baosisiake yee, pe bayeneke boso bo nde nkonga boso boka ntomwa eka Wangi.Chapter 7
1Ngako engambi e nkanga ayubole ndee, mbo biko bile nko ngako? 2Yaaka Sepepano atepele ndee, Bambale ba bele la ba papa, boyoka! Wangi bo binkembwa ayeneleke ndia papa le so Abalayama, ngeng'eki nde aliki oko Mesopotamia, lelo ntalambili oko Halana. 3Aotepele ndee, Yima oni nse le wu pe ndiemo wua besangema, be wu, pe lekaka oko nse eko enga mi nkolakia.4Mbis'eko ayime oko nse eka Bakalandea pe asolamba oko Halana. Ayalake ako edie nko iwa lika ise li nde. la mbisa Wangi aoyimie oko kio ndieko, Pe aoyotie oko nse ene elamba nyo lene. 5Yaaka ntaopa engondi oko kio ndieko ye, nkia eteni le ndie ekolama la ekata le lokolo ye. Yaaka aotikele ileno nde ndee, angopa kio pe ok'ole ibotwa li yaka mbisa le nde, nkonga nse le bo nkika, oko ngengo empa nde lelo ntabali wana ye.6Wangi atepele pe lonkina ngane ndee, bato ba ibotwa li nde Abalayama bangolamba oko nse enkina nga ngendia, pe bangoyala bantamba oko kio nse eko, pe bangonyokwa mpela benkama beneyi. 7Wangi atepele ndee, Mi ngosambisa ibotwa liko lingoatika bantamba, pe oko mbis'eka bio mbo biko bangopaswa pe bangontiela oni ndiene. 8Aopa bokengo bo bosuti mbekebeke, ngako abote Yisaka pe aobeke bosuti oko losio lo mwambi. Yisaka pe abote Yakobo. Yakobo pe abote bankaka ba so diomu la bapele.9Bankaka bayokele Yosepa ikeke, pe baobeke oko Ezipeto. Yaaka Wangi aliki la nde ndiemo, 10pe aobikie oko mbadadi bi nde binkumela, pe aopa boboto la boyeli oko beso baka Paalo nkumu le Ezipeto. Nde Paalo aoyalie nkumu le mbotu bi Ezipeto, pe le lowulu lo nde lonkuma.11Yaaka nzala le wembu la mbabali le bolaka bo wuke bibele oko nse le Ezipeto pe oko Kanana enkumela, ngako bankaka ba so ntaaliki la ile ye. 12Yaaka Yakobo ayoke nde oko Ezipeto basangu bal'oko, ngako atome ba papa ba so mbala le ntondo. 13Oko mbala le bipele, Yosepa aka yebie ok'ole bambale ba nde, pe ibotwa lika Yosepa liyebanake ok'ole Paalo polele.14Yaaka Yosepa atome lotomo babesie ise li nde, la ibotwa li nde linkuma, bato ntuku bisambiale la bitano. 15Ngako Yakobo akitele oko Ezipeto, pe awe nkako, nde nkika pe la ba papa ba so dweli nko lo. 16Baabelake oko Sekeme nkundama oko ilengi liki Abalayama asombake oko Sekeme ok'ole bana Hamola, oko bosio bo ba palata.17Yaaka ako oki ileno liki Wangi atike oko Abalayama lisobeleme, bato banyotake nta wuke oko Ezipeto,18 kuu la ngeng'eki nkumu apaswe oko Ezipieto, lompatoyebaka Yosepa. 19Nkumu eko ayangele ibotwa li so boyeli, anyokole ba papa ba so, l'itina ndee baboke bana ba bo nio nio dia, nkanga ntaasobika.20Okokio ngeng'eko Mose abotwe, nde pe wana lo dilo oko beso baka Wangi. Baokosie benzali besato oko lowulu loka papa le nde. 21Ngeng'eki basoseya mpasole nde, wana lo weto oka Paalo aopose, pe aobongole nkonga wana lo nde nkika.22Ngako Mose abongwake la boyeli bonkuma boka basi Ezipeto, pe aliki la nguya le ntepela pe oko bisali bi nde. 23Yaaka eki nde asoyia mpela ntuku bineyi, atangelake oko bobonda bo nde ndee asolende bambale ba nde, ba-Yisalaele. 24Atane omo lo bo al'oko bodingatano, pe aosunge. Akiake bosi Ezipeto la mbikie bolibeli. 25Atangelake ndee bambale ba nde bayeba boe, Wangi angoapa lobiki oko babo ba nde, nkane bo nkika ntaayebake ye.26Oko mbise losio atane bapele ba bo balo etumba, pe akeke la nzisena lolango lo bo. Atepele ndee, bele beko nyo bole bambale, bokakela bobe itina be?27 Yaaka boto oko lokokelaka bobe ok'ole mbale le nde aosikomole, atepele ndee, Boto nani lokotikili wu engambi pe ntendi le so? 28Okana ondiake nga wu odiakake bosi Ezipeto?29Lama la bayoyi bako, Mose ase boloti oko nse le Midiana, pe abote bana bapele ako kio nse eko. 30Oko bakumelo baka mpela binkina boneyi, ntomwa eka Wangi ayenele la nde oko epetelo le ibebe li twe oko yemba emfukisa le bosobe oko engenza le Sanai.31Eki Mose asoyene loboeko, akabe, pe ngeng'eki nde asisake mpika la ndendalenda, iyoyi lika Nkolo lipaswe lioe, 32Mi Wangi boka ba papa ba wu, Wangi boka Abalayama, la Yisaka, la Yakobo. Yaaka Mose asakatanake pe alotake ndendalenda.33Nkolo aotepele ndee, Yimiaka sapato oko bakolo ba wu, ibango ndie ene le yemi wu ele mbotu bi sesoo. 34Nsoyene bonyoko boka bato ba mi oko Ezipeto, pe nsoyoka bekimi be bo, pe nsokitela ntungole bo. Nko akobo'ene yaka! Nkotoma oko Ezipeto.35Lama la kio Mose eko eki baboyake boe, boto nani okosooli wu engambi pe ntende le so? Wangi aotome nga engami pe botungoli la lobo loka ntomwa eka Wangi lekoyenele la nde oko yembe emfukisa. 36Nde nd'oko lokoapasola pe alakiake bimwenge la bilimbetelo oko Ezipeto pe oko nzale le losi lo Balongo, pe oko boleki mpela binei. 37Mose nde boto okotepelaka ok'ole bato ba Yisalael ndee, Wangi angoyemiela bobambi nkonga mi ok'etetei eka bambale ba nyo.38Nde nd'oko lokoliki oko ekinda oko boleki, ndiemo ndia ntomwa eka Wangi ekoyokaka la nde ntondo oko engenza le Sinai, ndiemo pe ndia ba papa ba so. nde pe abae mbo bi bokolo bisaka nde aepa. 39Ba papa ba so ntaalangake ntontie nde ye. yaaka baokisoloke pe bebonda be bo benkuma beyitie ntangela Ezipeto. 40Batepele Alona boe, otokelelake so biangi be leka oko ntondo le so; ibango l'itina lika Mose one lokotopasola oko nse le Ezipeto, ntatoyebe lobo losoobele ye.41Oki bio nsio biko bakele ndobe oko dweli loka itumbe li nyate, pe bapake mbeka ok'ole kio eteko eko, pe bayokake nyinga l'itina lika esali le babo ba bo nkika. 42Yaaka Wangi, kalomo, aatwenye nde ndee basosangolaka bioto be liko, nkonga osaka lo losonwa oko bokanda boka bobambi loe, Nyo bopake nyama bikodiakwa pe mbeka bi mi mpela ntuku binei oko boleki nyo Bayisalaele?43Oo, bobele bongumbe bo Boleke, pe boto boka Wangi Lapana, ndobe bikelili nyo l'itina li nsangole bio. Pe mi ngoebela oko mbise Babela.44Ba papa ba sa baliki la bangumbe bo bokomo oko boleki, bone boki bo bo badwake oko dweli loki Mose ayeneke. Nkonga oki one lokoyokaka la nde aotepelake ndee, aokele nk'oko dweli lo itindia liki nde ayeneke. 45Pe oko mbiseko ba papa ba so baobele ok'ole Yoswa oko mbotu bika babotwa bane baki Wangi apasole ntondo eka ba papa ba so. Eliki ngako kuu nk'oko Dawidi. 46Nde lokoswakolama oko beso baka Wangi, pe abotitie ndee abalele Wangi boka Yakobo ndie.47Yaaka Solomo aobokele lowulu. 48Yaaka one losonda-liko ntalokolambe oko mbulu bisobokwa la babo baka bato ye, nkonga oki bobambi atepele ndee, 49Liko lile mata le mi bonkumu, nse ele ndie eyemala bakolo ba mi. Nkolo atepele ndee, Bongombokela lowulu lo ngamoni? Ndie lina be engoyala iyolia li mi? 50Te mbali lobo lo mi lokokelaka biemba bine binkumela ye?51Nyo bato ba betu wembu! Bakinoli oko bebonda pe oko batoi! Seko, nyo boyemalake esengo la Elimo le Tee, nyo bole kweli nkonga ba papa ba nyo.52 Te ba papa ba nyo, ok'etetei eka babambi, lompa bo ntabanyokolo nani? Badiake bane bakobambaka l'itina lika loya loka bokolami. Akoboko nyo bosoyala baseki pe badiaki ba nde, 53nyo, nyo bane, bakoba bekengo bekopawuaka yima oko beka ntamwa bi liko pe ntaboetotili ye.54Eki bo basoyoka mbo biko, bakaswe oko bebonda be bo pe nkweti bi benyo ba bo biyokane. 55Yaaka Setepano anyotake la Elimo le Tee, alendake Liko, pe ayene binkemwa bika Wangi, la Yesu wema oko lobo loka Wangi lo ndeli. 56Atepele ndee, nsoyene liko lisolifwa, pe Wana oka boto wema oko lobo loka Wangi lo ndeli.57Yaaka bo basine batoi ba bo, bapame la bayoyi ba wembu, pe base mbango la bobonda bomo ok'ole nde. 58Baopasole oko bosale bo nza, pe baobole bawe. Batati batike bisenda bi nde oko bakolo baka elenge emo le wele, lina Saula.59Ngako babole Setepano bawe, ngeng'eki nde abotitiake ndee, Nkolo Yesu , yambaka elimo le mi! 60Akukame la babolongo ba nde, pe apame la iyoyi li wembu ndee, Nkolo, ntoabalelake bobe bone ye! Eliki nde asoseya ntepele ngako asampeme.Chapter 8
1Saula pe anyiminyake iwa li nde. Oko losio loko bonyoko bo wuke bobelele ekinda le Yelusalema, pe boankumela bapanganyale oko be nse be Yuda la Salomono, yimia nko ntomwa. 2Yaaka bele bekolamemaka oko mbotitia bakunde Setepano pe baobele la bilelo bi wuke. 3Yaaka Saula anyokoloke ekinda. Ayotwake oko lowulu la lowulu pe akuyake bele la beto, pe aabokake oko lowulu lo ikamba.4Ngako, bane bakopanganyala basakokende ntundu la ntundu nsango dilo ndakalaka. 5Pilipo pe akitele oko nza bi Solomono, pe aalakake mbo bika Masiya.6Wuke bo bato bayambe mbo biki Pilipo atepelake la bobonda bomo ako oki baolendake pe oki bo boyeneke bilimbetelo biki nde akelake. 7Ibango bolimo bi bonzumba bipaswe ok'ole bato la iyoyi li bopami bo wembu, pe bakatatali la bikoko babike, 8pe nyinga le wuke eyalake oko kio nza eko.9Wele bomo aliki, lina li nde Simona, nde akelake benkanga ntondo oko kio nza eko pe, pe bato ba Somolono bakabake wuke la nde, pe akabesiake ndee, nde ale boto lonene. 10Bato bankumela baoyokitiake, la bato ba nionio, la bato banene, pe batepelake boe, Boto one alia nguya eka Wangi bototolwa bonene. 11Baototiake, ibango yima edie lenene aakelake bimwenge la bokanga bo nde.12Yaaka ako oki bo basoyamba ilako lika Pilipo li nsango dilo le Bonkumu boka Wangi pe lina lika Yesu Masiya, la bele la beto bayinwe. 13Simona nde nkika pe ayambake, pe ngeng'eki nde asoseya nyinwa, ayale edie ndiemo ndia Pilipo, pe oki nde ayeneke bilimbetelo la bisali bi nguya bikokelwa, akabe.14Eki ntomwa basoyoka boe basi Solomono basoyamba nsango dilo eka Wangi, baatomiake Petelo ndia Yoani. 15boapele batulue oko pe babotitie l'itina li bo boe babaeElimo le Tee. 16Ibango lelo Elimo ntakiteli nkia ok'ole boto omo ye, yaaka basakosia nyinwa oko lina lika Nkolo Yesu nko nyinwa ntontoo. 17Ngako ntomwa baasangie babo, Elimo le Tee.18Eki Simona lekoliki nkanga asoyene ndee Elimo esopasua la bosangie bo babo baka ntomwa, ayangake mpae bo bensongo (faanga),19 pe atepele ndee, bompaake la mi nguya l'itina mie boto onkeni onga mi nsangia babo abae Elimo le Tee.20Yaaka Petelo aotepele ndee, Paaka bensongo (faanga) be wu beponde ndiemo la wu! Ibango otangela wue obongo mbae ikapo lika Wangi la bensongo (faanga). 21Ntombia yeti, la pe eteni le lobo lone ye, ibango bobonda bo wu ntabonge kweli oko beso baka Wangi ye. 22Ngako kalomolaka bobonda bo wu boyime oko lobo lone lo bobe, pe botitiaka ok'ole Nkolo laape itangeli line lil'oko bobonda bo wu lingokosawuela. 23Ibango nyene mie awu ol'oko bololo boka lonyongu pe oko balalo baka bobe.Yaaka Simona aokalole ndee, Nyo bobotitie ok'ole Nkolo l'itina li mi nyoe nkia lobo lomo oko line bisa nyo botepela ntaenkitelake!25Ngako eki ntomwa basoseya botato pe ndakalaka iyoyi lika nkolo, bayitie oko Yelusalema pe balakake nsango dilo oko nza wuke bi Solomono.26Ntomwa eka nkolo atepele Pilipo ndee, Yumwaka pe lekaka la lowu oko ntundu le ngele oko mboka etulwa oko Yelusalema la nse oko Gaza, oko ndieko le polele. 27Ayumwe pe ase la londe. Wele bomo bosi Etiopia l'okoliki ekobe, boto lonene botii boka Kandake nkumu le weto le Etiopia, boto lokokosiaka bensongo (faanga) be nde benkuma, asake oko Yelusalema la mbotitia; 28pe aliki oko mboka le bayitielo. Aliki anse oko liko li ikalo li nde pe atangake bokanda boka bobambi yesaya.29Elimo atepele Pilipo ndee, leka osoyetwe oko ikalo liko. 30Ngako Pilipo ase oko la lobango, pe aoyoke mbo bika bobambi Yesaya, pe atepele ndee, Owuta mbo bi tanga wu itina? 31Atepele ndee, Laa boto ntandibweli bio itina ye, ngoyosono la nzeba-yeba ngamoni? Ngako abesie PIlipo ndee asangeme anse ndia nde ndiemo.32Elamoli le bokanda boki nde ayakotange eliki ngane, Abelwe oko ndie le bodiakelo nkonga mbata, nkonga wana lo mbata aliki totolo oko ntondo eka bokololi bo nde bo bioso, ngako ntalipola munya bo nde ye. 33L'itina lika bototie bo nde, botendi bo kweli boboyuake ok'ole nde boyo nani longolimbola l'itina lika ibotwa li nde? Ibango losio lo nde lososia oni nse.34Lo lokengi atepele Pilipo ndee, Ontepelake, bobambi bone atepela ngane l'itina lika nani, l'itina li nde nkika la pe l'itina lika boto onkina?35 Pilipo alipole munya bo nde, pe abange la lio isono liko, pe aolakake nsango le dilo eka Yesu.36Eki bo basakokende oko mboka, bayie oko losi lomo, pe lokengi atepele ndee, Sondenda mi! Lobo lina be lo nkambia mi nyinwa? 37Pilipo aotepele ndee, Laa osoyamba la bobonda bonkuma, obongo. Aokalole ndee, nzamba mie Yesu Masiya ale wana oka Wangi. 38Ayemie ikalo, pe bo banswapele bakitele oko losi, la Pilipo, la lokengi, pe aoyine.39Eki bo basoduwua oko losi, Elimo eka nkolo apose Pilipo, pe lokengi ntaoyitia nyene-yene ye, yaaka ase nza le nde la nyinga. 40Yaaka pilipo ayenele oko Azoto, pe asakokende oko nza binkuma la ndaka-laka nsango dilo kuu nko oki nde ayie oko Kaisalia.Chapter 9
1Yaaka Saula lelo ayangelake bayeki baka nkolo nko biango be iwa. Asake ok'ole engambi e nkanga, 2pe aoyubole bekanda l'itina lika bikinda bi Damaseke, l'itina ndee onkeni longa nde aba oko bikinda biko eyale weto, eyale wele, ayosono mbute bo pe aabele oko Yelusalema.3Oki nde asakokende, ayie mpika la Damaseke, pe nsasi bi yima oko liko biokesele mbala emo. 4Akite oko nse pe ayoke iyoyi liotepela lioe, Saula! Saula! Te onyokolo mi bokobo be?5Saula atepele ndee, Te awu nani, Nkolo? Nde pe akalole ndee, mi Yesu ene le nyokolo wu; 6yaaka yumwaka, yotwaka oko nza, pe bangokotepele lobo lobongo wu la nkela-kela. 7Yaaka bele bene bekosakokende la nde bayemalake nko minya nsinama. Bayoke lio iyoyi liko yaaka ntayene kia boto ye.8Saula ayemale, oki nde asolipola beso, ntayene nkia yemba ye, baowute oko lobo, pe baobele kuu nko Damaseke. 9Aliki ako nsio bisato nyene-yene ye, ndekeleke ye, mina-mina pe ye.10Boyambi bomo aliki ako Damaseke lina li nde Anania. Nkolo aotepele yima oko boyenelo ndee, Anania! Nde pe atepele ndee, mi mione, Nkolo. 11Nkolo aotepele ndee, Yumuaka, lekaka oko bongala botolwa lina Alima, osoyalole boto lo Talasia lina li nde Saula, oko lowulu loka Yuda, ibango abotitia, 12pe akosoyene wele bomo, lina Anania ayaka mbute nde oko beso l'itina ndee ayene lonkina.13Yaaka Anania akalole ndee, Nkolo nsakoyoka mbo l'itina lika wele boko, oko minya beka bato wuke, mbo wuke bi bobe bisa nde akela ok'ole bakolami ba wu oko Yelusalema . 14Ane pe alia bonkumu bo yima ok'ole bingambi bi bankanga la mbute bankumela bane babesia lina li wu. 15Yaaka Nkolo aotepele ndee, leka la lowu, ibango nsakoosolo ndee la mbele lina li mi ok'ole biwumo, la pe oko bankumu, pe ok'ole bana ba Yisalaele. 16Ibango mi ngoolakia nde mbo wuke bibongo nde nzoke mbabali la bio, oko lina li mi.17Anania ayumwe pe ayotwe oko lowulu loko, asangie Saula babo, pe atepele ndee, mbale Saula! Nkolo, nde Yesu l'ekoyenele la wu oko mboka eki wu oyake, antomili nde ndee oyene lonkina pe onyote la Elimo le Tee. 18Biemba nkonga mposo bi nsi bikite tataa yima oko beso ba nde, pe ayene lonkina. Ayumwe pe ayinwe, 19ale pe ile, abae wembu. Ayale bana nsio ndia bayambi ba Damaseke,20pe ayotwe oko bekosamelo tataa la ndake bato ndee Yesu, nde ale wana oka Wangi. 21Bato bankumela bakooyokitiaka bakabake pe batepele boe, Te one mbali bonyokoli boka bankumela bakotoloko lina line oko yelusalema? Asoya pe ane nko la wango bo mbute bo pe la mbele bo ok'ole bingambi bi bankanga? 22Yaaka Saula anyote la nguya, pe alakiake polele ndee Yesu, nde ale Masiya, ngako Bayuda bane bakoliki oko Damaseke ntaayosonoko nkalola ye.23Eki nsio wuke bisoleka, Bayuda bakakosie la wango bo ndiake nde, 24yaaka boyeli bobo boyebane ok'ole Saula. Bakengeke bikuke bi nza la botio la wane, la wango boe baodiake, 25yaaka bayambi baotulole oko botete la botio oko ikusu li bipele bi nza.26La mbis'eko, ase oko Yelusalema, pe akekake nkosama ndia bayambi, yaaka boankumela baomangake ibango ntabayambake boe ale boyambi. 27Yaaka Balanaba aopose pe ase nde ok'ole ntomwa pe aatepele nde Saula ayeneleke ndia Nkolo oko mboka, pe ndee Nkolo aotepele pe lonkina ndee Saula alakake lina lika Yesu la nguya wuke oko Damaseke.28Ngako aliki ndia bo ndiemo oko Yelusalema, nzotwa pe la mpaswa, 29pe alakake lina lika Nkolo la nguya wuke. Ayokake pe akelake biango ndia Bayuda bane bakotepelake iyoyi lika Ba-Ela. Yaaka bakekake nko la ndiake nde. 30Eki bambale basoyeba ngako, baobele oko Kaisalia, base la nde kuu nko Talasia.31Ngako totolo eyoyalaka oko Ekinda ntundu binkuma bi Yuda, la Galilaya, la Samalia. Bakembake pe bakendeke la bomo ok'ole Nkolo pe la bosungi boka Elimo le Tee, pe bafulake. 32Petelo asakokende oko nza binkumela, la mbisa ayie ok'ole Bakolami bakoyalaka oko nza lina Luda.33Atane boto omo ako, lina li nde Enea, bokatatali bokolambaka nk'oko ntange mpela mwambi. 34Petelo aotepele ndee, Enea! Yesu Masiya akobikia wu! Yumwaka oyite lokalanga lo wu. Ayumwe tataa. 35Bankumela bakolambaka oko Luda pe oko Salono baoyene pe bakalomole bebonda ok'ole nkolo.36Boyambi bomo ayalake oko Yapo, lina li nde Tabita, kalomo loe Doluka. Nde aliki boto lo bisali bi dilo pe apake bakapo ba isei wuke. 37Oko bio nsio biko akone wale pe awe. Baosose pe baotamie oko nsamba le liko le lowulu.38Yaaka Luda eliki mpika la Yapo, ngako eki bayambi basoyoka boe Petelo ale oko Luda, baotomie bele bepele la mbotitie nde boe, Ntoyalake edie, yaka oni ole so! 39Petelo ayumwe pe ase ndia bo loselele. Eki nde asoyia, baobele oko etei le nsamba le liko le lowulu. Beto bankuma basakolela balaka baliki ndiemo boa nde balelake, pe baolakiake benkto, la bakasaka, la bisenda binkumela biki Doluka akekake ngeng'eki nde aliki ndia bo.40Yaaka Petelo aapasole baonkumela oko bosale, akukeme la babolongo pe abotitie. La mbise ayelele ebembe pe atepele ndee, Tabita! KUndwa! Weto alipole beso ba nde pe eki asoyene Petelo, akatike anse. 41Petelo aopa ikanzo, aoyimie pe abesie Bakolami, la beto basakolela balaka, pe aayambie weto la lokeno komoso. 42Lobo lone loyebatanake oko Yapo enkuma, pe bato wuke bayambele Nkolo. 43Petelo pe ayale yembe ngengo le wuke oko Yabo oko lowulu loka Simona bo mposo bi nyama. (bikoto).Chapter 10
1Oko Kaisalia wele bomo, lina li nde Kolonelio aliki; nde kapiteni le poloto le basoda bakobeswaka Baitalia. 2Aliki boto lo mbotitia pe alotake Wangi, la nde la bato ba nde bankumela. Apake bato bakapo ba isei wuke, pe abotitiake ok'ole Wangi ngengo binkumela.3Losio lomo, laape oko lopoma lo liwua, ntomwa eka Wangi eobelele oko boyenelo, la ntepele nde ndee, Kolonelio! 4Aolende pe ayoke bomo wuke, pe atepele ndee, lobo lina be Nkolo! Aokalole ndee, mbotitia bi wu la ba isei, bisoyilela ok'ole Wangi nkonga elimbetelo. 5Akoboko tomaka bele oko Yopo la mbesie boto omo lina Simona one lotolwa Petelo, 6nde ale ngendia oko lowulu loka Simona enkina bokandi bo mposo bi nyama, lowulu lo nde lobe oko bonkili bo losi.7Eki ntomwa ene ekotepelaka asie nyimayima la londe, abesie batii ba lowulu lo nde bapele, la soda emo, boto lo mbotitia, omo lo bane bakoliki la nde ngengo binkuma. 8 Aatepele mbo biko binkumela, pe aatome oko Yapo.9Oko mbise losio, nko lelo baliki oko mboka, oki bo bayosia mpika la nza, Petelo ayilele oko nsamba le liko le lowulu la mbotitia mpika la lopoma lo bisamalo. 10Ayoke nzala, pe ayokake mposa le ndeke-leke. Yaaka eki bo balondake biemba, ase nkayi, 11pe ayene liko likalipola, pe yamba emo ekitela oni nse nkonga esenda lenene lekoliki la basulu nkandema oko bakono bankumela banei. 12Oko kio esenda eko eliki la nzeli binkumela bi nyama bi bakolo banei, la pe nyama bine bi landa oko mbotu, la mfulu bi dia.13Iyoyi liotepele lioe, Petelo! Yumwaka, diaka pe lekeke! 14Yaaka Petelo atepele ndee, Nkia losio lomo ye, Nkolo! Ibango mi nkia mbala emo lelo ntileli yemba le mbindo lape yemba le nyoti ye.15 Iyoyi liyitie nzokana mbala le bipele lioe, lama la biemba bisa Wangi atendolo, awu ntoibesiake biemba bi mbindo ye! 16Ekelwake ngako mbala bisato, pe esenda eyitiake oko liko wayi.17Ngeng'eki Petelo akakatanake la nzebe itina lika boyenelo boko, bele bene bekotomwaka la Kolonelio bakososeya nzubole lowulu lole Simona, pe bayemalake oko munya bo lowulu. 18Babesie boto nzubola laape Simona l'etolwa Petelo aliki ako.19Lelo ngeng'eki Petelo akayubolake itina lika boyenelo, Elimo le Tee aotepele ndee, bele besato bakoyalola. 20Yaaka yumwaka pe kitela, leka wua bo loselele ntokelake biango ye, ibango mi nkosoatoma. 21Petelo akitele ok'ole bele beko bepele, atepele ndee, mi nde boto oko loyalola nyo! Lokendo lo nyo lole itina be?22Bakalole boe, Kolonelio, Kapiteni eka basoda , wele bo kweli pe bolota Wangi, boto lo lumu lo dilo ok'eteti eka ibotwa lika Bayuda linkuma, nde alakame la ntomwa le piepie ndee akobesie oko lowulu lo nde pe ayoke mbo bitepela wu. 23Ngako Petelo aayotie oko lowulu pe aayambe. Oko mbise losio apaswe, pe ase ndia bo loselele. Bamo bambale bato ba Yapo, base boa nde.24Oko mbise losio bayie oko Kaisalia. Kolonelio akosie besangema be nde la bambale bakolambaka la nde mpika.25Eki Petelo asoyia, Kolenelio aopominye pe akukame oko bakolo ba nde pe aotelie. 26Yaaka Petelo aoyemie pe atepele ndee, Yemala! La mi nkika nde nko boto.27Ngeng'eki bo batepelake, ayotwe oko lowulu pe atane bato wuke bakokosamaka esuku. 28Aatepele pe ndee, Nyo boyeba nyoe ntekolame la wele Boyuda ndamema lape mbeleme ndia bato ibotwa linkina ye. Yaaka Wangi asakondakia ndee ntibesiake boto onkina boto lo mbindo lape yemba le ntontoo ye. 29Kio kieko ngako, eki mi nsobeswa, nsoya la loya lokamba biango. Ngako meyubola mie, Bombesie mi la lobo nga be?30Kolonelio atepele ndee, esoleka lene nsio binei nk'oni ngeng'ene, mi ndiki oko lobotitia oni lowulu lo mi oko lopoma lo diwua, nkolenda mi ngane, nyene nko wele ayemi oko ntondo le mi la bisenda bi ngeli-ngeli. 31Atepele ndee, Kolonelio! Mbotitia bi wu bisoyokana pe bakapo ba wu ba isei basoyambema oko beso baka Wangi.32 Ngako tomaka boto oko Yapo la mbesie Simona l'etolwa Petelo. Nde ale ngendia oko lowulu loka Simona enkina, le bokandi bo mposo bi nyamba, oko bonkili bo losi.33 Ngako ntome bato ok'ole wu tataa, awu pe osokela dilo ane osa wu oya. Ngako soankumela akoboko tole oko beso beka Wangi la nzokitia mbo binkumela bisa nkolo akolaka.34Petelo abange ntepela ndee, Nko solo nsoyene mie Wangi ntalamole bato ye; 35yaaka oko etetei eka babotwa bankumela, onkeni loolota pe lokela bokolami, ayambema la nde.36Nde asakotoma lotomo ok'ole bato ba Yisalaele, pe asopa totolo oko lina lika Yesu Masiya. Oko lole Nkolo eka bankumela. 37Nyo boyeba bontika bone bosoleka oni etetei le Yuda enkumela, yima Galilaya oko mbise boyini boki Yoani alakake,38 pe Wangi anyotie Yesu le bosi Nazaleta la Elimo le Tee pe la nguya. Nde pe akendeke ntundu la ntundu la nkele bisali bi dilo pe mbikie bankumela bakokandemaka la Satana, ibango Wangi aliki la nde ndiemo.39So pe tole batati baka mbo binkumela bi kelili nde oni nse le Yuda pe oko Yelusalema. Baodiake, baokakie oko bote. 40Yaaka Wangi aokundole oko losio lo bisato, pe aolakie polele, 41ntembe ok'ole bato bankumela ye, yaaka ok'ole batati bakosolwaka la Wangi ntondo. so tole batati bako, toleke pe tominake ndiemo soa nde oko mbisa eki nde asokundwa yima oko bawi.42Atolakake ndee totepele bato pe tolakake soe nde ale Basolwe boka Wangi nkonga Ntendi eka bato balia lokeno pe la bawi. 43Balaki bankumela balokotate l'itina li nde boe bayambi ba nde bankumela bangoba bosawue bo bobe lama la lina li nde.44Lelo ngengo eki Petelo atepelake mbo biko, Elimo le Tee akitele ok'ole boankumela bakoyokitiake ilako. 45Bayambi bako base boa Petelo mbok'emo, bo baliki bato ba beke besuti, bakabe boe, Elimo le Tee asokita la ok'ole ngendia.46Ibango baayokake batepela oko bayoyi bankina, pe bateliake Wangi. Oko kio ngengo eko Petelo akalole ndee, 47Edia boto lopeka losi l'itina li nyine bane basoba Elimo le tee nga so? 48Aalakake ndee bayinwe oko lina lika Yesu Masiya. Baobotitie boe asoyala ndia bo yembe ngengo.Chapter 11
1Ntomwa pe bambale bakoliki oko Yuda bayokake boe ngendia baoyamba ilako lika Wangi. 2Pe ngeng'eki Petelo asoyilela oko Yelusalema, bane basakobekwa besuti bayiake biango boa nde boe, 3osoyotwa oko mbulu bika bele bempatobekwe besuti, pe osole biemba ndiemo wua bo.4Yaaka Petelo abange pe alimbetele mbo binkumela bonsongili nde ndee, 5Mi mbotitiake ngeng'eki mi ndiki oko nza lina Yapo, pe nyeneke boyenelo oko nkai eki mi nse. Nyene yemba eyima oko liko ekitela oni nse nkonga esenda lenene, eliki ndalema la besinga oko bakono bankumela banei, pe ebelemeke mpika la mi. 6Nsisiake oko etei le kio pe nyeneke nyama bi bolongo bi bakolo banei, la nyama bi klia waangi, la nyama bi landa ndala-landa, la mfulu bi dia.7Nzokake pe iyoyi li ntepela lioe, Petelo! Yumwa! Diaka pe lekele! 8Yaaka mi nkalole mie, Nkia ngeng'ene emo ye, Nkolo! Ibango lelo nkia yemba le nyoti lape yemba le mbindo nteyotwe oko munya bo mi ye, 9iyoyi oko liko litepele mbale le bipele lioe , lama la biemba bisa Wangi atendolo, awu ntoibesiake biemba bi nyoti ye! 10Ekelwake ngako mbala bisato, la mbisa pe ekuywe oko liko lonkina.11Tataa bele besato babele oko lowulu loki mi ndiki, batomwake ok;ole mi yima oko Kaisalia. 12Elimo pe atepele ndee nse mia bo loselele ntikelake biango ye. Bambale bane basamalo base la mi loselele, pe toyotwake oko lowulu loka wele boko. 13Atolimbole dweli loki nde ayene ntomwa eka Wangi wema oko lowulu lo nde pe atepele ndee, Tomaka boto oko Yapo asobesie Simona l'etolwa Petelo, 14nde angokotela mbo bingokobikia la wu la bato ba lowulu lo wu lonkumela.15Eki mi nsobanga ntepela, Elimo le Tee atulwe ok'ole bo nkonga oki so ok'ibangelo. 16Nzitiake ntangela, baboyi baka Nkolo baki nde atepelake ndee, Yoani ayinake oko losi, yaaka nyo bongoyinwa la Elimo le tee.17Ngako laa Wangi asoapa ikapo kweli nkonga oki nde atopake so ngeng'eki so toyambelake Nkolo Yesu Masiya, mi nde be, l'itina mie mpekele Wangi? 18Eki bo basoyoka mbo bikio, bayalake totolo, pe bateliake Wangi boe, laa ngako nkane Wangi asakopa ngendia bokalomoli bo bobonda kuu nko bokolo.19Bane bakopanganyalake oko mbisa eka bonyoko boka Setepano, base kuu nko Foinike, la Kupulio, la Antiokiya. Ntaba lakake nsango eka Wangi ok'ole bato bankina ye, nk'okole Bayuda. 20Bele benkina bekoliki la bo ndiemo, bato ba Kupulio la Kulene; eki bo basoyia oko Antiokiya batepelake pe la Ba-Ela nsango eka Nkolo Yesu ndakalaka. 21Lobo loka Nkolo loliki ndiemo la bo, pe bosio bo bato wuke bayambe, bakalomoe ok'ole Nkolo.22Lumu lo bo loyokane kuu oko batoyi baka ekinda ekoliki oko Yelusalema, pe batome Balanaba oko Antiokiya. 23Eki nde asoyia pe asoyene mbo bikokelwa la iyangi lika Wangi, ayoke nyinga pe aapa boankumela ilako ndee batike bebonda bebo bakaa nk'oko lo Nkolo; 24ibango nde Balanaba aliki wele bo dilo pe anyotake la Elimo le Tee pe la boyambi. Esuku lenene le bato bakosame oko Nkolo.25Balanaba ase oko Talasia nzalole Saula. 26Aobae pe aobele oko Antiokiya. Mpela enkuma bombondo bakosamake boa ekinda la mpae ilako ok'ole esuku lenene le bato. Bayambi batolwake lina, Baka-Masiya, ntondo oko Antiokiya.27Oki bio nsio biko balakake oko Yelusalema, bakitele oko Antiokiya. 28Omo lo bo, lina li nde Agaba, alakake ntondo lama la Elimo ndee nzala lenene eyaka oko nse binkumela. Nzala eko eyopaswaka oko nsio bika Kalaudio.29Bayeki bayange wango bo ntome biemba bi nsunge bambale bakoliki oko Yuda, boto la boto nkonga oki nde ayosonoke. 30Bakele ngako pe baitomie bingambi bi ekinda oko babo baka Balanaba ndia Saula.Chapter 12
1Oko kio ngeng'eko nkumu Elode asangie babo ba nde la ntumole bamo bato ba ekinda. 2Adiake Yakobo, bola boka Yoani la mpalo le etumbe.3Eki nde asoyene ndee lobo loko losoyokia Bayuda nyinga, awute la Petelo. Eliki oko nsio bi bifula bi kamba bompenda. 4Aopose pe aoyotie oko lowulu lo ikamba, pe aoyambie oko babo boka basoda diomu la basamalo la itina li nkenge nde banei banei. Ayangake wango bo mpasole nde oko beso baka bato oko losio lo ilamba.5Ngako petelo aliki nkosama oko lowulu lo ikamba, yaaka ekinda babotitiake wangi wembu la itina li nde. 6Ngengi'eki Elode aya mpika la mpasole nde, nk'oko bo botio boko,petelo atamake isilo oko etetei eka basoda bapele,aliki ndalema la biamba bepele, pe nkengi baliki oko ntondo le ekuke la nkenge lowulu lo ikamba.7Ntomwa eka nkolo abele, pe nsasi bikese oko etei le lowulu lo ikamba. Atae petelo oko lobasi, aoyumole oko isilo pe aotepele ndee, yumwa tataa ! Biamba bekoliki oko babo ba nde bekite, 8Pe ntomwa aetepele ndee, lalaka nkamba le wu! lataka bapapa ba wu! akele nko ngako, pe ntomwa aetepele ndee,kalipaka le wu pe ombengake!9Apaswe,aobenge, pe ntayebake ndee lone lokela ntomwa lole lobo lo sosolo, yaaka atangelake ndee ayene boyenelo.10 Bapaswe oko isoko li etei le lowulu lo ikamba, la oko eteni eko le bipele, pe bayie oko ekuke le bipeko la mpaswe bosale bo nza, kio nkika ealipoele, pe bapaswe . Basename oko bongala bomo, pe bayie oko ekuke le bipeko la mpaswe bosale bo nza , kio nkika eayalipoele, pe bapaswe.Basename oko bongala bomo, pe tataa ntomwa ntayitia nyenele.11Petelo abangake nzembayemba polele lobo lole oko etei ,pe atepele ndee, akoboko nsoyeba mie nkolo atomili ntomwa le nde la mbikie mi oko babo baka elonde, pe oko mbo binkumela bitangela bato Bayuda. 12Eki nde asoyeba mbo biko polele,ase oko lowulu loka malia nyango eka yoani,lina li nde linkina Malako, oko eliki la bato wuke bakobotitiaka.13Apometele ekuke le lowulu koko-koko,pe botii bomo bo weto lina li nde loda aye la nzokitia. 14Ayebake iyoyi lika petelo,pe la itina lika nyinga, ntalipola ekuke ye yaaka asume lobango la ntepelendee petelo ayemi oko munya bo lowulu ! 15Yaaka bo baotepele boe ,odia lokeye! Yaaka nde akembiake nko nde ele nko ngako. Yaaka bo baotepele boe ele ntomwa le nde.16Yaaka Petelo ntatwenya mpometela ye, ngako balipole ekuke, baoyene pe bakabe. 17Yaaka nde aamasake la lobo ndee bayale totolo, pe aalimbole dweli loki Nkolo aopasole oko lowulu lo ikamba. Atepele pe ndee, Boyebiaka Yakobo ndia bambale mbo bine. Apaswe pe ase ndie enkina.18Ngeng'eki mpendu esoyombwa, bolingatano wano wuke boliki ok'ole basoda, bakayubolake ndie esa Petelo asa. 19Elode aoyalole yaaka ntaoba ye. Ayubole nkengi pe atome ndee badiakwe. La mbisa ayime oko Yuda ase oko Kaisalia pe asolamba oko.20Elode ayoke iyulu la bato ba Tula la Sidona, yaaka bo baye ok'ole nde la bobonda bomo; pe eki bo basoseya nzokana boa Balasoto lokengi lo botamelo boka nkumu, babotitie totolo, ibango bato ba nse le bo basole biemba bi yima oko mbotu bika nkumu. 21Oko losio loki nde nkika Elode asoloke, alate bisenda bi bonkumu, ayale anse oko mata, pe aalakake.22Esuku le bato wuke bapame boe, iyoyi lika Wangi! Ntembe iyoyi lika boto ye! 23Ntomwa eka Wangi aobele yemba nkako, ibango ntapaka Wangi lumu ye, pe bekiso beoleeke, ngako pe awe.24Yaaka nsango eka Wangi efulake pe enyotake. 25Eki Balanaba ndia Saula basoseya esali le bo, bayime oko Yelusalema, bayitie pe bapose Yoani, one lokoliki la lina linkina Malako, base boa nde mboka emo.Chapter 13
1Oko ekinda ekoliki oko Antiokiya, bambambi la balaki oko etei. Eliki bane: Balanaba, la Simeona ekotolwaka Nigela, la Luki bosi Kulene, la Manaene one oki babongolake ndiemo ndia nkumu Elode, la Saula. 2Ako ngeng'eki bo batielake Nkolo pe eki bo bakinake ilee, Elimo le Tee atepele ndee, bo ndamwelake bAlanaba ndia Saula ibango la esali esaka mi mabesia la itina li kio. 3La mbisa bakine ile pe babotitie pe baasangie babo. Ngako baatome.4Ngako eki bo basosia ntomwa la Elimo le Tee, bayime base oko Selukiya, pe yima ako base oko baswa kuu nko Pululio. 5Eki bo baliki oko Salami, balakake nsango eka Wangi oko bekosamelo beka Bayuda. Yoani aliki ndia bo nkonga basungi.6Balekake oko esanga enkumela kuu nko Papo, pe batane wele bomo ako, nde aliki nkanga, Boyuda bobambi bo bongala, lina li nde Balayesu. 7Aliki ndiemo ndia bondwa esanga Selugio Paolo, nde aliki wele bo lianya, nde abesie Balanaba ndia Paolo oko le nde, pe aliki la mposa le nzoke ilako lika Wangi. 8 Yaaka nkanga Elima (ndimbo eka lina li nde eliki ngako) ayemale esongo la bo, pe akeke mpengole boyambi boka bondwa esanga.9Yaaka Saula nde Paolo, oki nde anyotake la Elimo le Tee, asisie nkanga yee, pe atepele ndee, Sosolo, osonyota la bongala bonkuma pe la boyeli bo bobe 10bonkuma, awu oko Satana, awu boyini boka bokolama, ntoyosone lopito oko mboka eka Nkolo ye?11Akoboko solenda, lobo loka Nkolo oko liko li wu, pe beso ba wu bangowa, pe oko yembe ngengo ntongoyitia nyene tee ye, Tataa lobongi la mpitamo biokitele, pe ayalolake bato baokendia la babo.12 Eki bondwa esanga asoyene lobo loko, ayambe, ibango akabake la iako lika Nkolo.13Paolo ndia baa nde bayime oko Papo, pe bayie oko Peluga oko mbotu bi Pampulia, yaaka Yoani akalamole ndia bo, ayitie oko Yelusalema. 14Yaaka bo bayime ako Peluga pe bayie oko Antiokiya oko mbotu bi Pesidia. Bayotwe oko lowulu lo ekinda oko losio lo Eyenga, pe bayale anse. 15Oko mbise botolwe boka Bekengo, la babambi, bondwa lowulu lo ekinda aatomie nde ndee, bambale, laa bolia lobo lo sunga nyo bato, botepela la lonyo.16Paolo ayumwe wema, la lobo lo nde asesake esuku pe aatepele ndee, bele be Yisalaele, pe nyo bato ba lota Wangi, boyoka. 17Wangi boka bato bane Yisalaelasoloke bankaka ba so pe afulie ibotwa li so ngeng'eki bo baliki oko Ezipeto, pe aapasole ako la lobo lo wembu, 18pe aabongole oko boleki laape mpela ntuku binei.19Eki nde asoseya ndiake babotwa basambiale oko nse Kanana, aapake bio mbotu biko nkonga engondi nkonga mpela benkama benei la ntuku bitano. 20OKo mbise bio mbo biko, aapake ntendi kuu nko Samwele lo bobambi.21La mbisa bakanake nkumu. Wangi pe aapake Saula wana oka KIsi, wele oko ibotwa lika Benyamina, mpela ntuku binei. 22Ngeng'eki nde asoseya nyimie nde, aayemie Dawidi ayale nkumu. Atepelake lama la nde nde ndee, Nsobaa Dawidi wana oka Yisai, wele bokolami oko bobonda bo mi nkika, oko longokela mposa le mi enkumela.23Oko ibotwa lika boto oko Wangi asakoyeisa Yisalaele bobikie, kweli ngonga oki nde atikake ileno li nde Yesu. 24Oko ntondo le loya lo nde, Yoani alakake ok'ole bato ba Yisalaele bankumela boyini bo bokalomoli bo bobonda. 25Ngeng'eki Yoani abangake nseye mboka le nde atepele ndee, Botangela nyoe mi nani? Mi ntinge nde ye, yaaka oko loyala oko mbisa le mi, pe ntiyosone nsotole besinga be bapapa oko bakolo ba nde ye,26Bambale, bato ba ibotwa lika Abalayama, pe bato ba yoka Wangi bomo oko eteteile nyo, nsango le lobiko ene esotomwa ok'ole so. 27Ibango bane ba lamba oko Yelusalema, oko nsio bi bo ntabayebake ye, ntaayebake pe bayoyi baka babambi bako ba tolwa bena eyenga la eyenga pe ye; ngako bakolimiake dweli lo nzimbe nde.28Ompa bo ntaaba nkia lobo lokolama la iwa ye, babotitie Pilato boe aodiake. 29Eki bo basoseya nkolimie mbo binkumela bisakosonwa la itina li nde, baotulole oko bote, baotike oko ilengi.30Yaaka Wangi aoyumole yima oko bawi. 31Nde ayenele nsio wuke ndia bane bakoyimaka Galilaya la nzilela oko Yelusalema boa nde loselele. bo bako bale batati ba nde ok'ole bato.32So pe toetepela nsango le dilo le ileno likopawuwke ok'ole bankaka,33 sosoe Wangi asakotokolimiela, bana ba bo, lio ileno liko, ane osa nde aseya nkundole Yesu, kweli pe nkonga losonwa oko loyembo lo bipele loe, Awu wana lo mi, mi nsokobota wu lene. 34Pe la itina liki nde aokundole oko bawi nde ndee ntangoyitia oko bopondu, atepele ndee, ngokopa basoyi ba pie-pie baka Dawidi, bako ba sosolo.35Kio kieko ngako atepele oko ndie enkina ndee, ntongotwenya bokolami bo wu la nyene bopondu pe ye. 36Ibango Dawidi atielake ibotwa li nde nkika oko wango boka Wangi. La mbisa atame isilo pe akundame oko etetei eka bankaka ba nde pe aponde. 37Yaaka one oki Wangi akundole ntapondo ye.38Ngako bopaaka loyebatane ok'ole nyo, bambale, loe l'itina li nd'oko, basawue bo bobe bosolakwa ok'ole nyo; 39pe lama la nde boto la boto loyamba, aswa oko mbo binkumela, bine biki bekengo beka Mose ntaeyosonoko la nswise nyo oko bio ye.40Ngako bobaaka nkepo nkanga bine bikotefwa la babambi ntaisoya la nyo nyoe, 41bosolenda, nyo bakinoli, bokabe pe bopitane! Ibango mi ntikele esali emo oni nsio bi nyo nyoe, bosolenda, nyo bakinoli, bokabe pe bopitane! ibango mi ntikele esali ebongo nyo nzambayamba ye nkia boto asoelimbola kio polele.42Ngeng'eki bo bapaswake, bato baabotitie boe bayitie ntepele bo bio mbo biko oko eyenga le mbisa. 43Ngeng'eki bakosami basoseya mpanganyala, bato wuke ba Bayuda, la pe basangoli bakokakalomola bayuda, babenge Paolo ndia balanaba, bo basi;plake la boboe basoyala lelo la iyangi lika Wangi.44Oko eyenga le mbisa, mpika-mpika la bato bankumela ba nza, bakosame le nzoke ilako lika Wangi. 45Yaaka oki Bayuda bayene wuke bo bato, banyote la ikeke pe bakisoloke bayoyi Paolo, pe baotwake.46Yaaka Paolo ndia balanaba batepelake la bonzenze boe, Ebongoke ilako lika Wangi Wangi liawue ok'ole nyo ntondo, pe ane osa nyo boiboya, pe ako otangela nyo nyoe, nyo nkika ntabobonge la mbae bokolo bo edie ye, akoboko so tokamwa ok'ole ngendia. 47 Ibango Nkolo atolakake ngako ndee, nsakokoyemia wu l'itina lika tee eka ngendia l'itina mie oyale l'itina lika lobiko kuu bakumelo ba bolongo.48Ngeng'eki ngendia basoyoka ngako, bayoke nyinga pe bateliake ilako lika Nkolo. Bane bankumela basakosolwa oko bokolo bo edie l'edie bayambake. 49Ilako lika nkolo lipanganyala oko mbotu biko binkumela.50Yaaka Bayuda bayotwe bomfweti boa beto bane bakoliki bakwaki, basangoli baka Wangi, la bingambi bi nza, pe banyokole Paolo ndia Balanaba, pe baapasole oko mbotu bi bo.51 Yaaka Ba-Paolo baafumpole bokuytu bokoliki oko bakolo ba bo pe base oko ikoni, 52pe bayambi banyotake la nyinga pe la Elimo le Tee.Chapter 14
1OKo ikoni bayotwake nkonga bayekasano bo bo, oko bokosamelo boka Bayuda, pe balakake ngako pe wuke bo Bayuda la Ba-Ela bayambake. 2Yaaka bayuda bane bakoboya nzamba-yamba bayumole bayulu baka ngendia pe baayemie esongo la ntomwa.3Ngako bayale edie ako pe balakake la bonzenze l'itina lika Nkolo Yesu, nde nkika pe akayeniake polele l'itina lika ilako li nde li iyangi; ayeniake pe bilimbetelo la bimwenge bikokelwake oko ba bo. 4Yaaka wuke bo bato ba nza bakalamole, bamo base oko lokengo loka Bayuda, yaaka bankina base oko lokengo loka ntomwa.5Yaaka ngendia, la bayuda, la bingambi bi nza, bakanake boe bakele bobe ok'ole ntomwa pe baabe bawe. 6ngeng;eki bo basoyaka ngako, balote oko mbotu bi Lukaonia, la nza bi Lusetula la Delube la pe nza bi dioso. 7Oko balakake nsango dilo.8Wele bomo, bo ekoko oko bakolo, aliki ako oko Lusetula, nde aliki ekoko yima nk'oko ibale lika nyango le nde, pe lelo ntakendili ye. 9Nde boto oko, ayoke Paolo atepela, Paolo pe aolende, pe ayene ndee, alia boyambi bokolama la nde mbika-bika. 10Ngako atepele la iyoyi li wembu ndee Yemala la bakolo ba wu senaa! Asotwe soti, pe akende.11Ngeng'eki bato basoyene esali eko eka Paolo, bapame pe la ntepela oko iyoyi li Lukaonia boe, Biango oko boyenelo boka bato besotokitela! 12Bapae Balanaba lina Zeu, pe Paolo Eleme ibango nde aliki ntepelaki. 13Nkanga le lowulu lo bosangoli boka Zeu, oko lokoliki oko ntondo le bayotwelo ba nza, aye la nyate wuke, la fulele bi dilo la bolatelo bo nsio wuke, aliki ndiemo le bato tungunguu, pe bayangake wango kosanu boe batumbe mbeka.14Yaaka ngeng'eki ntomwa Balanaba ndia Paolo bayoke ngako, Bayatole bisenda bi bo, pe bayotwe ok'etetei le esuku awe, bapamake la ntepela boe, 15Bambale! bokela ngako itina be? So, la so tole nkonga nyo, pe tosoya la nsango dilo, l'itina soe botwenye mbo bine binkumela bimpatombia engondi, pe boyelele Wangi bolia bokolo, one lokoyangake liko na nse, la nzale binene, la biemba binkumela bikende ok'etetei le bio. 16Oko ngengo le kalakala atwenyake babotwa bankumela bakende oko dweli lolanga bo.17L'itina li nde nkika ntambia bokamba bo nde ndee akayebie lonkina ye, ibango asokela bisali bi dilo poe asoepa nyo mbula oko liko pe baleno ba bota mbolo wuke, pe asonyotia bebonda be nyo la biemba bi ndekeleke pe la nyinga. 18Pe nkia oko bayoyi bako, bapekelake bisuku bi bato la ntumbele bo mbeka nko la wembu.19Yaaka Bayuda ba Antiokiya la Ikkoni base oko, pe bakembiake bisuku boe babole Paolo bawe, ngako baokuye oko bosale bo nza, pe batangelake boe akosowa. 20Yaaka eki bayambi basoseya ndingela nde, ayemale pe ayotwe oko nza . OKo mbise losio ase ndia Balanaba oko Delebe.21Oko kio nza eko balakake nsango dilo, babae bayambi wuke. La mbisa bayitie oko LOsetula, la Ikoni, la Antiokiya, 22pe bakembiake bebonda beka bayambi, la mpae bo ilako boe bayemale nk'oko boyambi, bo boe, Ekolama la so nzotwa oko Bonkumu boka Wangi oko mboka le bonyoko.23Eki bo basoseya nsole bingambi bi ekinda la ekinda, pe eki bo basobotitia la biemba nkina-kina, baasembole oko babo baka Nkolo ene esa bo bayambela, 24Ngako baleke oko mbotu bi Pisidia pe bayie oko Pamfulia. 25Balakake nsango dilo oko Pelege, pe bakitele oko Atalia. 26Bayime ako, pe base oko Antiokiya la baswa, oko oki baasembolake oko basoyi baka Wangi l'itina lika esali eki bo bakele.27Eki bo basoyia pe la nkosia ekinda, baatepele bisali binkumela biki Wangi akelake ndia bo ndiemo, boboe Wangi asakolipola ekuke le boyambi ok'iole ngendia. 28Bayale yembe nsio wuke ndiemo boa bayambi.Chapter 15
1Bankina bayimake oko Yuda pe baye oko bambale ndakalaka boe, Laa ntabaebekili besuti nga otepela bekengo beka Mose ye, ntaboyosone mbika-bika ye. 2Ikakasa la biango wuke bepaswe ok'ole bato bako la Paolo la Balanaba. Ngako basole boe Balanaba ndia Paolo, namia la bato bankina ok'otetei le bo bayilele oko Yelusalema ok'ole ntomwa la bingambi bi ekinda l'itina lika bio biango beko.3Bato ba ekinda basake ntindie bo oko mboka, la mbisa balekake oko Poinike, la Samalia la ndimbole bo polele lama la bokalomoli boka ngendia pe la nzokie bambale bankumala nyinga lenene. 4Eki bo basoyia oko Yelusalema, ekinda, la ntomwa, la bingambi baasangale. Baatepele bisali binkumela biki Wangi akele ndia bo ndiemo.5Yaaka bankina yima oko ekinda eka Bapalosi bane bakoliki bayambi, bayemale la ntepela boe, Ekolama nko baabeke besuti pe baayebie boe batotie bekengo beka Mose. 6Ntomwa boa bingambi bi ekinda, bakakosie l'itina boe batangele bokobo bo lami la lobo'eko.7Eki biango besopaswa wuke, Petelo aatepele ndee, Bambale, nyo boyeba nyoe Wangi asakonsolo mi yima kala ok'etetei le nyo ndee ngendia bayoke Ilako li nsango Dilo oko munya bo mi pe bayambe. 8Wangi boyebi bo bebonda beka bato asakotepela l'itina li bo, ibango asakoapa Elimo le Tee dweli lomo nkonga oki nde atopake so. 9Ntatokalamolake soa bo ye, ibango asakososa bebonda be bo lama la boyambi.10Ngako akoboko itina be li keka nyo Wangi la nkande bayambi bekoli oko nkingo, bene ba papa ba so, la so nkika pe ntatoliki la nguya le mbela-bela ye? 11Yaaka toyamba soe tongobika la iyangi lika Nkolo Yesu kweli nkonga bo.12Esuku enkumela le bato bayalake nko totolo la nzokitie Balanaba ndia Paolo oki bo batepelake bimwenge la bilimbetelo binkumela biki Wangi akelake ok'ole ngendia oko babo baabo.13Ngeng'eki bo baseye ntepela, Yakobo akalole ndee, Bambale, bonzokitiake mi! 14Simona asoseya ndimbola dweli loki Wangi ayolendaka ngendia ntondo le nde nsole bato l'itina lika lina li nde ok'etetei le bo.15Bayoyi baka babambi bakayoka oni lobo lone nkonga osaka lo losonwa loe, 16Oko mbise mbo bine, mi ngoyitia, pe ngolwa lonkina lowulu loka Dawidi lone losakokita. ngolwa lonkina emfumpa lelo, pe ngoeyemia lonkina. 17L'itina mie bato bankina bankumela bayalole nkolo, nko ngendia binkuma bine bisaka lina li mi litolwa oko liko li bo. 18Nkolo, botepeli boka mbo bine yima nko kalakala atepela ngako.19Kio kieko mi nsotende mie ntatonyokoloke bane bale oko etetei eka ngendia basokalomoa oko Wangi ye; 20yaaka toatomie lokasi lo bokanda soe baboye mbindo la ndobe, la lolemba, la nyama bisa bo bapioto, la balongo. 21Ibango yima nko ngengo le kalakala Mose alakwa oko nza la nza, pe oko eyenga la eyenga balokobale basono ba nde oko mbulu bi bikokayolo.22Oko kio ngeng'eko eyeneleke dilo ok'ole ntomwa, pe bingambi, namia la ekinda enkumela, la nsole bele ok'etetei le bo la ntome bo oko Antiokiya loselele boa Paolo ndia Balanaba . Ngako basole Yuda, one lokobeswaka Balanaba, la Sila, bo baliki bele be ntondo eka bambale bankuma. 23Batome bakonda la babo baabo boe, Ntomwa la pe bingambi, bambale ba nyo, ok'ole bambale bane ba yima ok'ole ngendia oko Antiokiya, la Suliya, la Kilikiya, Beseso!24Tosakoyoka boe, bamo bakoyimake oni ole so, basakoya ndingitie nyo la bayoyi ba bo, la mpite bebonda be nyo; so pe ntatoatomake ngako ye. 25Ngako toyenili soankumela dilo la bobonda bomo la nsole bele benkina baye ok'ole nyo loselele boa ba-lolango ba so Balanaba ndia Paolo, 26bane basakosampia beboto be bo sampaa oko lina lika Nkolo le so Yesu Masiya.27Ngako pe tosotoma Yuda ndia Sila, bo pe bangoelimboela mbo nko bine la munya. 28Ibango nteyeneleke kweli la Elimo le Tee, pe la so nsangie nyo belito benkina ye, nko mbo bine bi kolama, 29so soe boboyaka biemba bine bisopawua ok'ole ndobe, la balongo, la nyama bine bisa ba yama nyama-yama, la lolemba. Laa bosokakeke lama la mbo bine, ako bokela dilo. Botikalaka dilo.30Ngako, eki bo basoseya ntomwa, bayie oko Antiokiya. Bakosie ekinda enkuma, pe baayambie bokanda boko. 31Eki bo baseye ntanga-tanga, bayoke nyinga lama la mbo bi bokembie bika bokanda. 32Yuda ndia Sila bo nkika baliki balaki, pe bakembiake bambale la balako wuke, basangiake pe ilako le bo.33Bayalake ako yembe ngengo nio, la mbisa bakalamole boa bambale bayitiake la totolo ok'ole batomi ba bo.34 Yaaka eyeneleke ok'ole Sila ndee asoyala lelo ako wano ngengo. 35Paolo ndia Balanaba bayuele edie ako Antiokiya, bo boa bankina wuke, balakake pe bakendiake Nsango eka Nkolo Yesu Masiya.36Oko mbise bimo nsio, Paolo atepele Balanaba ndee, Tosoyitia lelo oko nza binkumela bisa so tolaka ilako lika Nkolo tosolende laa pe bambale oko bale nghamoni. 37Balanaba alangake ndee ase ndia Yoani, one lokotolwaka Malako, 38yaaka Paolo ntanyiminyaka mpose nde ye, nde oko lokoalaliaka oko Pampuliya pe ntasa ndia bo loselele oko esali ye.39Bana biango wuke bepaswe ako, ngako bakalamole, pe Balanaba apose Malako pe ase la baswa oko Kupulio. 40Yaaka Paolo asole Sila, pe eki bambale ba ekinda basoseya nsembola nde ok'ole Nkolo, ayime ako. 41Aleke ok'etei le mbotu bi Sulia la Kilikia la nkembie bikinda bika Nkolo Yesu.Chapter 16
1Ayie oko Delebe la Lusetula, boyambi bomo lina li nde Timotio aliki ako, nde aliki wana oka Boyuda bomo bo boyambi, ise li nde aliki Bo-Ela. 2Bambale bako bakoliki oko Lusetula pe la IKoni batatake mbo bi dilo itina li nde. 3Paolo alangake ndee ase ndia nde mboka emo, ngako atome baobeke bosuti l'itina lika Bayuda bakoliki oko bio ndie biko; ibango boankumela bayebake boe ise li nde aliki Bo-Ela.4Ngeng'eki bo bayakoleke oko nza, bapake bayambi bekengo beki ntomwa babekeke, la bingambi bi ekinda oko Yelusalema boe batotie. 5Ngako bikinda bikembake nkemba-kemba, pe bosio bo bo bofulake bonene losio la losio.6Balekake nko boleki oko nza lina Pulugia la Galatia, ngeng'eki Elimo le Tee asoapekala nteye nsango eka Wangi oko Asia. 7Bayie oko ndie ekayelele ndia Musia, pe bakeke nsaka-saka oko Bitunia, yaaka Elimo eka Nkolo Yesu nteapa mboka ye. 8Eki bo basopenda Musia, batulwe oko Tuloa.9La botio Paolo ayene boyenelo: Wele bomo, boto lo Makedonia, ayemalake la mbotitie nde, ndee yaka oko Makedonia otosunge! 10Eki nde asoseya nyene boyenelo, toyalole mboka taa-taa eyia so oko Makedonia, ibango toyebake polele soe Wangi asotobesia la mpae bo nsango dilo.11Ngako eki so tososeya nzotwe oko baswa ba Tuloa, tosenamake nko tii, kuu nko Samotulake, pe oko losio lo mbisa, kuu nko Neapoli, 12pe toyime ako kuu nko Pilipoi, oko eliki nza le ntondo oko mbotu bi Mkedonia, nkinda eka Baloma. Toyalake bana nsio binkina wuke oko kio nza eko. 13Oko losio lo Eyenga topaswe oko nza yima oko ntundu le mbongo le nzale, oko eliki la ndie le lobotitia. Tokatike anse la nzoka-yoka soa beto bakokosamake oko kio ndie eko.14Weto omo lina li nde Ludia, ayokitiake. Nde aliki boto lo Twatila, boteki bo bisenda bi belele, atotiake Wangi. Nkolo alipole bobonda bo nde, ndee ayambe mbo bi tepela Poalo. 15Eki nde asoseya nyinwa, la bato ba lowulu lo nde, atobotitie ndee, Laa botangela nyoe mi nde boyambi boka Nkolo, boyotwaka bokitia oni lowulu lo mi. Atonsinsole wembu.16Ngengo eki so tosake oko lobotitia, elenge emo le weto lokoliki la elimo le bola mbo, atopominye. Nde abaleake bandwa nde (ba-nkolo ba nde) engondi wuke oko kio esali le nde le mbo mbola-bola. 17Nde atobenge oko loselele lo soa Paolo, la mpamatana ndee, Bato bane bale bantamba baka Wangi Bosonda Sangaa, bo batolaka so mboka le lobiko! 18Akelake ngako nsio wuke, yaaka Paolo ayoke mbabali oko bobonda, akakalomole la ntepele elimo eko ndee, Nkolaka oko lina lika Yesu Masiya mie opaswe ok'ole nde. Apaswe nk'oko kio ngeng'eko.19Ngeng'eki bandwa ba nde bayene boe elikia le nzetie mbae engoti esosia, bawute Paolo ndia Balanaba, baakuye oko yando oko ntondo eka bingambi bi nza. 20Baabele kuu ok'ole ntendi, pe batepele boe, Bato bane bale Bayuda, pe ba dingitia nza le so. 21Balaka pe bato mbo bimpatokolame la so Baloma nzamba-yamba laa pe nkela-kela ye.22Ngako, esuku le bato bakayumole la bayulu esongo la bo, pe ntendi bayatole bisenda bi bo, batome bato boe baapioke bemiekwa. 23Eki bo basoseya mpioka bo bemiekwa be wuke, baaboke oko lowulu lo ikamba, pe bapae besikiso ok'ole lokengi boe baakenge nta dilo. 24Eki lokengi lo lowulu lo ikamba asoba besikiso beko bako, aaboke oko eteni le lowulu lo ikamba le etetei, pe alinge bakolo ba bo la biamba.25La etetei le botio, Paolo ndia Balanaba babotitiake pe bayembelake Wangi nzembo, bato pe bakoliki la bo oko ikamba baayokitiake, 26pe basukasano bonene boka mbotu boyokane nk'ako, pe beboko beka luwulu lo ikamba besukasane. Tataa nk'ako, bikuke bi lowulu lo ikamba bilifwe, pe benkokoso beka bato bankumela bekalingole.27Ngeng'eki lokengi lo lowulu lo ikamba asoyumwa ok'isilo, ayeneke bikuke bi lowulu nko polele, anangole mpalo le nde l'itina ndee akadiake, ibango atangelake ndee, bawutwe basolota. 28Yaaka Paolo apame la iyoyi li wembu ndee, ntokelake nkia lobo lomo lo bobe oko bienge bi wu ye! Ibango soankumela so soane.29Abesie ilangi li pete, pe ayotwe swe nko nsakatana, pe akite oko ntondo eka Paolo ndia Balanaba. 30Aapasole oko bosale, pe atepele ndee, Bapapa, nkele ngamoni l'itina mie mbike? 31Baotepele boe, Yambelaka Nkolo Yesu pe ongobika, la wu la bato ba lowulu lo wu lonkuma.32Baotepelake nsango dilo eka Nkolo, la bato bankumela ba lowulu lo nde. 33Aapose, asose mpota bi bo nk'oko kio ngengo eko le botio, pe ayinwe tataa nk'oko, la nde, la bato ba lowulu lo nde lonkumela. 34Ayotwe ndia bo oko lowulu, atande mesa, pe ayokake bosango, la nde la bato ba lowulu lo nde bankumela, ibango asoyambela Wangi.35Ngeng'eki mpendu esoyombwa, ntendi batome bato boe, tungola bato bako. 36Lokengi ayebie Paolo mbo biko ndee, Ntendi basotoma lotomo boe botungwe, ngako bopaswaka, pe bose la totolo.37Yaaka Paolo atepele ndee, Batopioke bemiekwa oko beso baka bato, lelo ntaatosambisi, so tole Baloma, pe batoboke oko lowulu lo ikamba. Akoboko pe bakana batoboke oko bosale la nkuku? Ngako ye! Yaaka baye batopasole oko bosale bo nkika. 38Bapolisi bayebie ntendi mbo biko, yaaka oki bo bayoke boe Baloma, bayoke bomo. 39Baye la mbotitie bo, pe baapasole bosale, pe baabotie boe bayime oko nza eko.40Eki bo basoseya mpaswa oko lowulu lo ikamba, bayotwe ok'ole Ludia, pe eki bo basoyene bambale, baakembiake, pe la mbisa bayime ako.Chapter 17
1Eki bo basosonda Ampipoli la pe Apolonia, bayie kuu nko Tesalonike, oko eliki la lowulu lo bikokayolo bika Bayuda. 2Paolo ayotwe ndia bo nkonga bayekasano bo nde, oko nsio bi biyenga bisato akelake biango ndia bo lama la Basono.3Apasole itina pe alimbole polele ndee, Ekolamake la Masiya nko ato wale pe akundwe oko bawi, pe atepele ndee, l'itina lika Yesu ene leetepela mi, nde ale Masiya. 4Bamo ok'eteteil le bo bayambake, pe balameme boa Paolo ndia Balanaba, pe esuku lenene le Ba-Ela, basangoli baka Wangi, pe yeti lenene le beto ba lumu.5Yaaka bayuda bayoke ikeke, pe bapose bele benkina be bongala, babo ba bomfweti, bakosie esuku le bato, pe bayumole nza enkumela. Base nkubole lowulu loka Yasona la nzalole Ba-Paolo boe baapasole bosale oko beso baka bato. 6Eki bo ntaayosono mbae Ba-Paolo ye, bakuye Yasona ndia bambale bankina ok'ole bingambi bi nza, la mpama-pama boe, Bato bane, basokalomola bolongo, basobele pe ane. 7Yasona pe asoasangala. Boankumela baboyake bekengo beka Kaisala, pe batepelake boe nkumu enkina lina Yesu al'oko.8Eki wuke bo bato, la bingambi bi nza, basoyoka mbo biko, bebonda bebo belingatane. 9Yaaka eki bo basoseya mpose mfumbe ok'ole Yasona ndia bako bankina , baatungole.10Bambale batome Paolo ndia Sila tataa la botio oko nza lina Beloya. Eki bo basoyia oko, bayotwe oko lowulu lo bikokayolo loka Bayuda. 11Bo basondake bato ba Tesalonike la dilo wuke, pe batoloke Basono losio la losio, la nzalola laape bio mbo biko bile nko nta ngako. 12Ngako wuke bo baabo bayambake, la beto ba lomu Ba-Ela, la bele wana wuke.13Yaaka eki Bayuda ba Tesalonike basoyeba boe Paolo alakake nsango dilo la oko Beloya pe, baye ako pe bayumole esuku le bato. 14Ngako bambale batome Paolo tataa boe ase oko mbongo le losi, yaaka Sila ndia Timotio batikalake ako. 15Bato bakolotiaka Paolo baobelele kuu nko Atene, pe base la lotomo loka Paolo ok'ole Sila ndia Timotio ndee baobelele tataa, la mbiseko bayitie.16Lelo ngeng'eki Paolo aakongelake oko Atene, ayeneke ndee, nza esakonyota la ndobe, ngako elimo le nde edingatanake. 17Ngako, ok'etei le ekokayolo akelake biango ndia Bayuda pe ndia basangoli baka Wangi, pe oko yando losio ndia bato bapomala la nde.18Bamo baliki bato ba dianya la Baepikulo la Basetoa bapomalake pe boa nde. Bamo batepeleka e boe, te nzakayoki ene alia mposa le ntepele be? Bankina batepele boe, Ayenele nkonga bobimbi boka biangi beka ngendia; ibango atepelake l'itina lika Yesu, la pe bakundwelo.19Baowute, pe base la nde oko engenza le Ale, pe batepele boe, Tobongo nzeba-yeba laa pe balako ba bosaba ba tepela wu bale be? 20Ibango ototela so mbo bika ngendia. NGako tolia mposa le nzeba-yeba laa pe mbo bine bile itina be. 21Bato ba Atene bankumela, la ngendia bikoliki ako, ntaalekiaka ngengo le bo la lobo lonkina ye, yaaka nko bo boe batepele laa pe bayoke lobo lo bosaba.22Ngako Paolo ayemale oko engenza le Ale, pe atepele ndee, Bele be Atene! Nsoyene mie ok'etetei eka mbo binkumela, nyo bosonda ntelie biangi; 23ibango ngeng'ema mi nsakokende la ndende mbulu bi nyo bi bowangi, nyenili ndie le etumbelo le mbeka emo, esaka basono oko liko boe, OK'OLE WANGI BONE BOMPATOYEBATANE. Ngako, Wangi boko bosangola nyo ako pe ntabboyebe ye, mi metepela lama la nde lene.24Wangi boko bokokelake bolongo, la biemba binkumela bile ok'etei le bo, nde ale nkolo le liko la nse, pe ntalokolambe oko mbulu bisobokwa la babo baka bato ye; 25babo baka bato pe ntabalokotiele nde ye, dweli nga wue nde alia bokamba boka yemba, ibango nde nkika alokopae bato bankumela lokeno, la mpoyi, la biemba binkuma.26La nkaka nko kio emo, asakobotia babotwa bankumela baka bato baa lamba oni nse ene enkumela; aapake baleno, pe aatikele belelo oko ndie bi bolambelo boobo,27 l'itina ndee bayalole Wangi, la elikia ndee bangoyosono nzalole nde pe baobae. Ntange pe botale la boto omo la omo lo so ye,28ibango ok'etetei le nde, so tolia bokolo, pe tolokokende pe tokena. Kweli nkonga osaka bamo ba nyo ba basoni ba nzembo bi nyo basono boe, tole pe ibotwa li nde. 29Ngako ane ole so ibotwa lika Wangi, ntebonge la so ntangela soe bowangi ele oko dweli loka wolo, laa pe palata, laa pe iwe, laa pe yemba esosonwa la boyeli pe la batangeli bkaka bato.30Ibango oko ngengo ekamba so itangeli, Wangi ntatangele ngako ye, yaaka akoboko atepela ok'ole bato bankumela oko ndie binkumela ndee, bakalomole bebonda; 31ibango asakosolo losio lomo loko longa nde asambise nse binkumela la sembo, angoasambisa la boto oko losaka nde asolo. Asakolakia bato bankumela polele ndee ele nta sosolo, ibango aokundole oko bawi.32Eki bo bayoke mbo bilami la bankundwelo, bamo bayole biteko, yaaka bankina batepele boe, Tongokoyoka lonkina lama la lobo lone. 33Ngako Paolo apaswe ndia bo loselele, 34Yaaka bele benkina balameme boa nde pe bayambe. Ok'etetei le bo eliko Diomusi, ntendi oko Engenza le Ale, la weto omo, lina li nde Damali, la bankina bakoliki ndieemo boa nde ako.Chapter 18
1Oko mbise mbo biko, ayime oko Atene, pe ase oko Kolinto. 2Atanake Boyuda bomo, lina li nde Akwila, bosi Ponto, wano ngengo nko nio ekolekaka, ayimake oko Italia pe Pulisekila, ndia ilaka li nde, l'itina lika bokengo boki Kulaudio apake nde ndee, Bayuda bankumela bayime oko Loma. Ngako Paolo aye nde nde bo, 3pe ayale edie ndia bo esali nkamba-kamba, ibango aliki boto lokokelake esali dweli lomo nkonga bo. Esali le bo eliki bengumbe nkeka-keka.4Biyenga binkumela, alakake bato oko mbulu bi bekosamelo, pe akekake nkembie boyambi boka Bayuda la Ba-Ela. 5Yaaka oki Sila ndia Timotio babele yima oko Makedonia, Paolo alameke nk'oko esali le nsango dilo ndaka-laka, pe ndimbole Bayuda ndee Yesu ale Masiya. 6Yaaka bo bayemalake esongo la nde pe baokisoloke, ngako nde aafumpolake bisenda bi nde, pe aatepele ndee, Balongo ba nyo banangeme oko liko li betu be nyo nkika! Mi sesoo! Akoboko ndeka la lomi ok'ole ngendia.7Ayime ako, pe ayotwe swe oko lowulu loka boto omo lina li nde Tito Yuseto, bosangoli boka Wangi lokoliki la lowulu mpika la lowulu lo ekinda. 8Yaaka Kulisipo, lokoliki lokengi oko lowulu lo enkina, ayambele Nkolo, ndia bato bankumela ba lowulu lo nde. Bato wuke, la basi Kolinto oki bo bayoke mbo biko, bayambe pe bayinwe.9Yaaka, la botio nkolo atepele Paolo oko boyenelo ndee, Ntoyokake bomo, yaaka tepela pe ntoyalake totolo ye! 10Ibango mi nde mia wu ndiemo, pe boto ye longoyemala esengo pe la nyokole wu, ibango bato wuke oni nza ene bale baa mi.11 Ngako Paolo ayale ndia bo mpela emo la benzali besamalo, nsango dilo ndaka-laka.12Yaaka eliki la boto lina Galio nkumu le mbotu bi Akaya, Bayuda babelele Paolo la bobonda bomo, pe baobele ok'ole ntendi, 13pe batepele boe, Boto one alaka bato ndee basangole Wangi oko dweli lompatokolame la nge la bekengo.14Ngeng'eki Paolo abangake ntepela, Galio atepele Bayuda ndee, Nyo Bayuda! Laa lobo lone lokanoyala ewungi, laa pe lobo lo bobe bo ekuna, ntumbe nkanoekandela lomo. 15Laa ele l'itina lika biango beka balako, la bena, la bekengo be nyo, bokolimia lobo nyo nkika. Mi ntinyiminye nzale ntendi eka mbo biko ye.16Pe aakombe, aapasole oko ndie le botendi, 17yaaka Ba-Eala boankumela bawute Sosotene bondwa lowulu lo ekinda, pe baodiake lodii oko ntondo le ndie le botendi, yaaka Galio ntapakaka nkia lobo lomo oko biko binkumela ye.18Ngako Paolo ayale ako bana nsio, la mbisa akalamole ndia bambale, pe ayotwe oko baswa kuu nko Sulia, pe Pulisekila ndia Akwila base boa nde. Oko kenkulea, abeke dibo li nde, ibango aliki la bokengo. 19Basekeme oko Epeso, pe akalamole ndia bamo bankina ako, yaaka nde nkika ayotwe oko lowulu lo ekinda pe akelake biango ndia Bayuda.20Baobotitie boe asoyala ndia bo yembe ngengo, yaaka nde ntalanga ye, 21yaaka ako oki nde akalamolake ndia bo atepele ndee, laa Wangi alanga, ngoyitia oni ole nyo lonkina. la mbisa asekwe oko Epeso,22pe aduwe oko Kaisaliya. Eki nde asoyia oko Kaisaliya, ayilele kuu nko Yelusalema, pe ngeng'eki nde asoseya nsese ekinda, akitele kuu nko Antiokiya. 23Ayalake edie ako wano ngengo, la mbisa ayumwe la nse lokendo oko bise bi Galatia pe la Pulugia la nkembie bayambi bankumela.24Bayuda bamo, lina li nde Apolo, boto lo Alesandulo, alambake oko Epeso. Nde aliki wele bo dianya pe la loyebako lo basono.25 Asakoseya ndakwa oko mboka eka nkolo, pe elimo le nde eliki la twe. Atepelake pe alakake mbo bika Yesu nta kweli, ayebake nko boyini boka Yoani. 26Nde pe abangake ndakalaka la wembu oko lowulu lo ekinda; yaaka ngeng'eki Pulisekila ndia Akwila basoyoka mbo bi tepela nde, baopose pe baolimbole mboka eka Wangi oko dweli lo penda kweli.27La mbisa, ngeng'eki nde asotangela ndee aleka oko Akaya, bambale baokembie bobonda, pe basonele bayeki bokanda boe baosaangale. Eki nde asoyia oko, aungake la lolango wuke, bane basakoyamba, 28ibango, oko beso baka bato aseyake biango beka Bayuda nk'esanyange, la ndakie bo polele oko basono ndee Yesu ale Masiya.Chapter 19
1Lelo ngeng'eki Apolo aliki oko Kolinto, Paolo asakokende oko mboka bi bise bi engenza, pe ayiake oko Epeso. Abake bayeki bankina ako, 2pe aatepele ndee, ngeng'eki nyo boyambelake, bobake Elimo le Tee? Bo pe baokalole boe, Yaaka so lelo ntatoyokili boe Elimo le Tee al'oko.3Nde atepele ndee, Ngako nyo bobae boyini bonkeni? Batepele boe, Boyini boka Yoani 4Paolo atepele ndee, Yoani ayinake boyini bo bokalomoli bo bobonda, pe atepelake bato bayambele oko lokoyaka oko mbisa le nde, nde nd'oko Yesu.5Eki bo basoyoka ngako, bayinwe oko lina lika Nkolo Yesu.6 Ngeng'eki Paolo asoseya nsangie bo babo, Elimo le Tee akitele oko liko li bo, pe batepelake oko bayoyi bankina pe balakake. 7Baliki mpika mpika bele diomu la bapele.8Ayotwe oko lowulu lo ekinda, pe oko benzali besato akelake wembu la ndakalaka pe la nkalomole bato bebonda bayambe mbo bi bonkumu boka Wangi.9 Yaaka bankina baliki ba bebonda nkandema la nzamba-yamba, pe batepele bobe lama la mbok'eko oko beso baka bato. Ngako Paolo aatwenye, pe alamole bayeki. Alakake oko lowulu lo sukulu loka Tulano, biango nkela-kela. 10Mbo biko aikelake ako mpela bipele, ngako bato bankumela bakoliki oko Asia bayokake Ilako lika Nkolo, la Bayuda la Ba-Ela.11Wangi pe akele bisali bi nguya oko babo baka Paolo oko dweli lompatokelwe ntondo; 12ngako babelelake bakonu ba-sume la batambala bakoyimaka oko bienge bika Paolo, pe babikake la biale be bo, la bilimo bi bonzumba pe bipaswake.13Bayuda bankina baliki bapasoli ba bilimo bi bonzumba, bo basakokende oko nza la nza; bakekake ntolo lina lika nkolo Yesu oko liko li bienge bika bane bakoliki la bilimo bi bonzumba, la ntepela boe, nkolaka wu oko lina lika Yesu ene elaka Paolo! 14Bele besambiale, bana baka engambi e nkanga eka Bayuda, lina li nde Sekewa, bakokelaka ngako.15Elimo le bonzumba pe aakalole ndee, Nzeba Yesu, pe ndimbetela Paolo, yaaka l'itina li nyo, bole banani? 16Boto oko lokoliki la elimo le bonzumba akayumole pe asotwe ok'ole bapele ba bo pe aayimbe oko nse, ngako balote lowulu loko bensele pe la mpota. 17Lobo loko loyebane ok'ole Bayuda pe ok'ole Ba-Ela. bankumela bakoliki oko Epeso, pe bomo bo wuke boakitele boankumela, pe lina lika nkolo Yesu baiteliake wuke.18Wuke bo bane basakoyamba baye la nzobolo pe la ntata-tata bikelelo bi bo binkuma. 19Wuke bo bane bakoliki la biyamba-yamba bi benkanga, bakosie bekanda beko pe baetumbe twe oko beso baka bato bankumela. Oki bo baseye bosio boka bekanda mbala-bala, bayeneke boe bekolamake la bosio bo ba-falanga nkoto ntuku bitano. 20Oko dweli loko nsango-dilo eka nkolo efulake pe ekembake la nguya wuke.21Eki mbo biko bisie pie, Paolo ayange oko bobonda bo nde ndee soo nko aleke oko Makedonia, la Akaya, la nse oko Yelusalema, atepele pe ndee, Oko mbiseko ekolama la mi nko nyene pe la Loma. 22Ngeng'eki nde asoseya ntome bapele ba basungi ba nde, Timotio ndia Elaseto oko Makedonia, nde nkika atikele yembe ngengo oko Asia.23Nk'oko kio ngeng'eko, ekolele lenene epaswe l'itina lika ekendelo. 24Ibango eliki la boto omo lina li nde Demetulio, lokoliki botuli bo biemba bi palata, bosala bo nde boliki, nkele bana mbulu bi palata l'itina lika wangi bo Diana. Bosala boko bopasolake ntolo le wuke ok'ole batii, 25aakosie boankumela ndiemo la bakeli bankina ba biemba bi dweli loko. Pe aatepele ndee, Bele, boyeba nyoe bensongo beso beyima oni bosala bone.26Nyo bosoyene pe bosoyoka boe, ntembe nk'ane Epeso ye, yaaka esotikala nio Asia enkumela enyote, Paolo ene alaka pe apengola bato wuke. Atepela nde ndee biangi bene bekelwa la babo baka bato, ntenge biangi ye. 27Yaaka bomo boka lobo, ntenge nko la lopitana lo ntonto loka esali leso ye, yaaka l'itina lika lowulu loka wangi boso bo weto boo nene Diana, longotolwa yemba le ntonto, pe lonkina boe bangopita lomu lo nde, nde one losangola bo oni Asia enkumela pe oko bolongo bonkumela.28Ngeng'eki bo basoyoka ngako, bakayumole la bayulu, pe bapamake boe, Bonene ele Diana eke ba-Epeso! 29Nza enkumela enyotake la bokakatano, pe basume lobango la bobonda bomo oko etei le ndie le nkanyo. Bakuye Gayo ndia Alisitaluko, la bato bapele ba Makedonia bakokendeke loselele boa Paolo.30Paolo alangake ndee ayotwe oko etei le esuku le bato, yaaka bayambi ntabopa mboka ye, 31pe bamo ba bingambi bi Asia, bane bakoliki bambale ba nde, baotomie lotomo la mbotitie nde boe ntayotwake oko ndie le nkanyo ye. 32Ngako bisuku bi bato bapamatanake, bane batepela lobo lonkina, bamo pe batepela lobo lonkina; ibango ndie le bokosamelo eliki nko nta kakatanu wango ye, pe yeti le wuke le bato ntaayebake nta itina li lobo losa bo bakalosia ye.33Bankina oko etetei le esuku, basukomole Alesandulo la ntepela, one loki Bayuda batikake ntondo. Nde Alesandulo aafumpake la lobo lo nde ibango aliki la mposa le ndimbole lobo lo nde oko ntondo eka boloi bonkumela. 34Yaaka balimbetele boe nde ale Boyuda, pe bopamo bo wuke bopaswe oko etetei le boankuma, bapamake edie nkonga mpoma bipele boe, Bonene ele Diana eka ba-Epeso!35Bosoneli bo nza aayalie totolo, pe atepele ndee, Basi Epeso, oko etetei eka bolongo, nani lompatoyebe ndee nza le Epeso ele lokengi loka lowulu lo bowangi bo Diana ene lenene, pe la ndobe eko ekoyimaka ok'ole Zeu oko liko? 36Ngako, ane ompa nkia boto ntakele biango la mbo bine ye, ebongo la nyo botulole bebonda pe ntabokelake nkia lobo lomo lo ekokele ye. 37Ibango bosoya la bele bene ane pe bo ntabange bapiti baka lowulu lo bowangi ye, laa pe basembi baka Wangi boso ye.38Ngako laa Demeteli ndia batii ba nde balia lobo lama la boto omo, nsio bi sambisa so bato bil'oko; pe ntendi bal'oko; ngakobopaaka bo bakafunde. 39Yaaka la boyalola lobo losonda lone, longopaswa oko ekondayolo kweli nga ole bekengo. 40Ibango esotikala nta nio batofunde l'itina lika ekokele le mbo bi lene, ibango ntembia itina ye liyosono so nswise bienge lama la ekokele ene. 41Eki nde asoseya ntepele ngako, ayimiake ekokayoolo.Chapter 20
1La mbisa, ngeng'eki ekokele esosia, Paolo atome boto asobesie bayeki, pe aakembiake. Ngako akalamole ndia bo, pe ayime ako ase oko Makedonia. 2Alekake nko ndeka-leka oko bio mbotu biko pe aapake balako lama la mbo nzeli wuke, la mbisa ayiake oko Ela, 3pe ayale edie ako benzali besato. Bayuda bakolimiake waango l'itina li nde ngeng'eki nde ayangake wango bo nzotwa oko baswa la nse oko Sulia, ngako ayangake oko bobonda ndee angoyitia oko mboka le Makedonia.4Bato bakosaka la nde kuu nko Asia, Sopatula bosi Beloya, lo wana oka Pula, pe la basi Tesalonike Alisitaluko la Sekundo, la Gayo bosi Delube, la Timotio; pe la bato ba Asia Tukiko ndia Tulopimo. 5 Bako bakolondoloko ntondo pe batolendelake oko Tuloa. 6Yaaka so toyotwe oko baswa oko Pilipoi mbisa eka efula ekamba bompeka, peoko mbise nsio bitano topomalake soa bo oko Tuloa. Toyalake edie ako nsio bisambiale.7La losio lo eyenga tokosamake la nzotole efula, pe Paolo aalakake. Alangake ndee akende oko mbise losio, yaaka nde akuye ilako li nde kuu nko etetei le botio. 8Mwinda biliki wuke oko lowulu, oko nzamba le liko, oko ndie eki so tokosamake.9Elenge emo le wele, lina le nde Eutuko, aliki anse oko bonkili bo ilisi, pe awutame la isilo li wembu. Ngeng'eki Paolo alakake edie-edie, elengeatame isilo, pe akite oko nse yima oko nsamba le bisato, pe bakekake nyumola nde yaaka aliki bowi. 10Paolo atulwe, akasampie oko liko li nde, aolinge la babo ba nde pe atepele ndee, ntaboyokake bomo, ibango lokeno lo nde lokili lelo ok'etei le nde.11Ayitie nzilela, ayotole efula pe akele. Alakake edie lenene kuu nko mpendu wee, pe ayime ako. 12Bato base la wan'elenge eko nza, mbika-bika komoso la lokeno pe bayokake nyinga lenene.13Yaaka so tolondoloke la baswa ntondo, pe tosake kuu nko Aso, la mposa le mpose Paolo oko baswa; ibango alangake ngako nde ndee, nde nkika ase mboka le bakolo. 14Topomale soa nde oko Aso, pe tooyotie oko baswa pe toyiake oko Mitulene.15Tosekwake ako, pe oko losio lo mbisa toyeleleke Kio, oko mbiseko tobekeke mbise mbongo le Samo; pe oko losio lo bisato tosekeme oko Mileto. 16Paolo ntalangake nsekeme oko Efese ye, nde nkanga ntasolekia ngengo edie-edie oko Asie ye, Ibango aliki la mposa ndee ayale oko Yelusalema la losio lo Botano, laa engokolama la nde.17Oko Mileto pe atome lotomo oko Epeso ndee basobesie bingambi bi ekinda. 18Ngeng'eki bo basoseya mbelebele, aatepele ndee, Nyo boyeba yekeselo lemi oni etetei le nyo ngengo binkumela, yima nko losio lo ntondo loki mi nyimake ane Asia. 19Ntielake nkolo la imemia linkumela oko bobonda, la biosoli, la pe bekeki bekombeleleke lama la biango beka Bayuda. 20Ntiyokake bomo ye, la ntepele nyo bibongo nsunge nyo, pe la ndake nyo ok'etei le mbulu binkuma lomo la lomo. 21Ntepelake polele ok'ole Bayuda, pe la Ba-Ela, lobo lo nkalomole bobonda ok'ole Wangi, pe la nzambela nkolo le so Yesu Maiya.22Akobok'ene mi, bolalemi oko Elimo, ndeka la lomi oko Yelusalema; ntiyebe pe mbo bingombelele oko ye, 23yaaka nko, Elimo le Tee a nzebia nde ndee oko nza la nza bakamba ba wembu ba ndendela. 24Yaaka oko beso bami, lokeno lomi ntalonge lobo loenene ye, nko laa nzosono nseye lokendo lomi pe lotomo loko mi mbae yima ok'ole Nkolo Yesu Masiya ndee ntepele l'itina lika nsango le dilo le iyangi lika Wangi.25Akobok'ene mi nzeba mie ok'ole nyoankumela, bane basa mi nkende ok'etetei le nyo bonkumu boka Wangi ntepela, ntabongoyitia nyene boso bomi ye. 26Kio kieko leetepela mi lene mie, lama la balongo ba nyoankuma mi nde seso; 27ibango ntembia lobo loki mi nkambe ntepele nyo lama la bonkumu boka Wangi.28Bokekeke bienge l'itina li nyo nkika, pe l'itina lika botonga bonkumela bone bosaka Elimo le Tee aetika lokengi lobo; boyalaka bakosie baka ekinda eka Wangi ene eki nde asombake la balongo ba nde nkika. 29Mi nzeba mie oko mbisa le bayimelo ba mi, nkoi bilia waangi bangoyotwa ok'etetei le nyo, pe taangotwenya botonga totolo ye. 30Ok'etetei le nyo nkika pe bele bangokayumola la ndake balako ba bongala l'itina boe bakuye bayeki oko loselele lo bo.31Kio kieko ngako, bobokaka nzebi, pe botangelake nyoe mpela bisato botio la wane ntitwenya mpae nyo nkepo omo la omo namia la bilelo. 32Akobok'ene mesembola oko babo baka Wangi pe oko ilako li nde li iyangi, li bongo la nkembie nyo pe la mpae nyo ibondo ok'etetei eka bankumela basakokolama kweli.33Ntikanili bensongo beka boto ye , laa pe wolo ye, laa pe lolato ye. 34Nyo nkika boyeba nyoe babo bami bane basoseya bokamba bo mi, pe la bokamba boka bane bakolambaka ndiemo la mi. 35Lama la mbo binkumela, nsoelakia bilimbetelo l'itina mie ekolama la nyo bokele ngako l'itina li nsunge bato ba bonghunyu, botangelaka pe bayoyi baka Nkolo Yesu nde atepelake ndee Nyinga le mpapaa esonda nyinga le mbabaa.36Eki nde asoseya ntepele ngako, akukame la babongo ba nde pe abotitiake ndia bo loselele. 37Boankumela balelake wuke, pe bakayimbake oko nkingo eka Paolo la mfwete nde. 38Baliki la isei li wuke nsonda-sonda l'itina lika mbo bisa nde atepela ndee ntabangoyitia nyene boso bo nde lonkina ye. La mbisa base boankumela ntindie nde oko baswa.Chapter 21
1Ngeng'eki so tosokalamola soa bo, tosekwake pe tokendeke nko dilo Kosa; oko mbise losio toyiake oko Lode, pe yima ako kuu nko Palata. 2Ako toposoke baswa bakoliki kosanu la nse oko Poinike, ngako toyotwake oko bo, pe tosekwe.3Ngeng'eki so tososeya nyene Kupulio pe la ndalie kio epoka eko oko lobo lo nkoso, tosenamake kuu nko Sulia pe tosekemeke oko Tula, ibanmgo baswa baliki la biemba bi nsapola ako. 4Toyalolake bayeki, pe ngeng'eki so tosoaba, toyalake edie ako nsio bisambiale. Bo batepelake ok'ole Paolo, lama la Elimo, boe ntayilelake oko Yelusalema ye.5Eki so tososeya nkokie sio biso, tosake la loso. Boankumela, la beto la bana bapaswake oko bosale bo nza ntindie so, pe tokukame la babongo ba so oko mbongo la mbotitia, ngako tokalamole. 6So toyotwake swe oko baswa, yaaka bo bayitiake oko nza.7NGeng'eki lokendo loso losokuma oko Tula, toyiake oko Potolomi, oko tokasekake soe bambale pe toyalake nko losio lomo. 8Oko losio lo mbisa toyimake ako pe toyiake oko Kaisalia, toyotwe swe oko lowulu loka Pilipo bolaki bo nsango dilo, one lokoliki omo lo basambiale, pe toyalake edie soa nde. 9Nde aliki la bana ba beto banei, bakoyambaka, babembi.10Eki so tosoyala bana nsio wuke ako, bobembi bomo lina li nde Agaba, atulwake yima oko Yuda. 11Ayake ok'ole so, aposoke nkamba eka Paolo, akalinge babo la bakolo la kio, pe atepele ndee, Elimo le Tee atepela ngane nde ndee, Oni dweli lone, Bayuda ba Yelusalema bangolala wele bone bondwa nkamba ene, pe bangooyamba oko baka ngendia.12Ngeng'eki so tosoyoka mbo biko, so soankumela soa bankina bakoliki la so ndiemo, tobotitiake Paolo soe ayale nkosa oko Yelusalema. 13Yaaka PAolo akalole nde ndee, Te yemba lekela nyo be, bane olela nyo osukona nyo babonda bomi? Ibango nde kosanu, ntenge nko nkandema oko Yelusalema ye, yaaka la mbwaka-waka ako ndieko, oko lina lika Nkolo Yesu. 14Oki nde ntalangaka nzamba-yamba ye, totwenye, pe totepele soe, waango boka Nkolo bokelwe.15Oko mbise bio nsio biko, tolalake biemba biso, pe toyilele oko Yelusalema. 16Bayeki bankina ba Kaisalia balameme loselele la so, pe batobele oko lowulu loka Menasona, nde bosi Kupulio, boyeki ba kala, one loki so tolangake bokitia oko lowulu lo nde.17Ngeng'eki so tosoyia oko Yelusalema, bambale batosaanghale nko la nyinga. 18Oko losio lombisa Paolo ase nde ndia Yakobo, la so loselele, pe bingambi binkumela baye la bo. 19Paolo aasese boankuma pe alimbplake mbo binkumela lomo la lomo biki Wangi akelake ok'etetei eka ngendia lama la esali le nde.20Ngeng'eki bo basoyoka ngako, bateliake Wangi wuke, pe baotepele boe, Oyene ye, mbale, ok'eteti eka bane basakoyamba, Bayuda bale nkoto wuke, pe boankumela badia bebonda nko be twe-twe lama la Bekengo. 21Yaaka basakoyoka bentika be tepele bato lama la wu bo boe awu olaka ok'ole Bayuda bankuma bale oko bise bika ngendia wue baboye Mose, pe lonkina boe awu oapekela mbeke bana besuti pe la mboye ntotie bekengo be bo.22Ngako ele nghamoni? Bangoyoka solo bobe esobele.23 Ngako akoboko kelaka dweli longa so tokotepela. Tolia bele benei ane, bako basakosimba nyimi le bo. 24Awu lamemaka wua bo, ososake bienge ndiemo wua bo, pe oafutelake bensongo l'itina boe bakolole betu be bo; ngako bato bankumela bangoyeba boe mbo bi yokili bo lama la wu bile mbo bi bongala, yaaka lama la wu nkika, ole boto lototia bekengo.25Yaaka l'itina lika ngendia bine bisakoyamba, so toayebiake ebekele le so soe baboye biemba bisosembwa ok'ole ndobe, la balongo, la nyama bisa bato badiaka nyama-yama, la lolemba. 26La mbisa Paolo alamemake ndia bele beko. pe oko losio lo mbisa akasosake ndia bo ndiemo; ayotwe oko lowulu loka Wangi, pe ayebie bato ileno li bokuma li nsio bi bososwe bo bo ngeng'enga bo bapae mbeka l'itina lika boto omo la omo lobo.27Ngeng'eki bio nsio bisambiale bisokoka, Bayuda bankina bane bakoyimak'oko Asia baoyene oko lowulu loka Wangi, pe bayumole esuku le bato, pe baosangie babo baowute, 28pe bapamake la ntepela boe, bele be Yisalaele, botosunge so! Boto one alokolake bato bankuma oko ndie binkuma ndee bakisole ibotwa li so, la bekengo, beka ndie ene. Lonkina pe asoyotia Ba-Ela bankina oni lowulu loka Wangi, pe asopitia ndie ene le sampaa. 29Ibango ntondo bayene Tulopimo lo bosi Esepo, ok'etetei le nza ndiemo ndia Paolo, pe batangelake boe PAolo asooyotia oko lowulu loka Wangi.30Nza enkumela ekayumole pe esuku le bato basume lobango la mbute Paolo, pe baokuye oko bosale bo lowulu loka Wangi, pe balale bikuke bi lowulu loka Wangi ta-taa. 31Ngeng'eki bo bayalolake dweli lo diaka bo paolo, bonktika boyiake ok'ole nkumu le poloto le baloi nkoto emo boe Yelusalema enkumela esokayumola.32Nde pe apose baloi bankina ta-taa, la bakapiteni bi bo, pe asume lobango ok'ole esuku. Ngeng'eki bo basoyene baloi ba nkumu le bo, batwenye ndiake Paolo. 33Nkumu eka baloi asise mpika pe awute Paolo, ngako apake munya ndee baolale la benkokoso bepele. Ayubolake laa Paolo ale nani, lla asokela be.34Yaaka ok'etetei le esuku, bamo bapamake la ntepele lobo lomo, bankina pe batepelake lobo lonkina. Ngeng'eki nsio bisoleka, nde pe ntayosonoko mbae nta itina li lobo ye, l'ibango lika ekokele, apake munya nde ndee babele Paolo oko lowulu loka baloi. 35Ngeng'eki nde asoyia oko bonango, baloi babele Paolo ibango la ikakasa lika bato, 36ibango esuku le bato bayakobenge la mpama-pama boe, diaka nde!37Ngeng'eki bayotiake Paolo oko lowulu loka baloi, nde pe atepele oko munya bo bo nde ndee, mbongo la mbae ngengo le ntepele wu lobo lomo? Yaaka nde atepele ndee, oyeba iyoyi li Li-Ela? 38Ngengo awu bosi Ezipeto boko, oko nsio binkina, lokoyumolaka bele nkoto binei na mpalo bi etumba, pe aapasole oko boleki ye?39Yaaka Paolo atepele ndee, mi nde Boyuda, bosi Taluso le Kilikia, ntime boto lo nza bi nio-nio ye; Nkobotitia mi mie ompa ngengo mi ntepele ok'ole esuku. 40Ngeng'eki nde asopa ngengo, Paolo ayemale oko bonango, pe afumbe bato la lobo lo nde. Eki baonkumela basoyala totolo, aatepele oko munya bo Ebele (Hebreux) ndee,Chapter 22
1Bambale bele, la bapapa, boyokitiaka nkalo enga mi mekalola akoboko. 2Eki bo bayoke boe aatepela oko iyoyi li Ebele, basonde nzale totolo. Nde atepele ndee,3mi nde Boyuda, mbotwake oko Tuluso le Kilikia, yaaka mfulake oni nza ene. Nsakoyeka mbo binkumela bi lami la bekengo beka bankaka oko nse le bakolo baka Gamaliele. Ndiki boto lo mposa le lobo loka Wangi nkonga elo nyo lene.4 Nsonyokolo mboka ene kuu nko iwa lika bato. Mawutake, la beto, la bele, pe mayotiake oko mbulu bi bakamba, 5kweli nkonga onga engambi e nkanga la bingambi bi nza binkumela baetepela l'itina li mi. Mposoke bekanda ok'ole bo, l'itina mie nse oko Damaseke, pe nsake la lomi l'itina mie oko yelusalema bako bakoliki oko, la benkokoso, l'itina mie babae ikamba.6Nsakokende nko ngako, pe ndiki beli-beli la Damaseke mpika la midi, ta-taa lokeso lo twe lo wembu yima oko liko lo nkosele oko beso. 7Nkitake oko mbotu, pe nzoke iyoyi li ntepela ndee, Saula, Saula, te onyokolo mi bokobo be? 8Mi pe nzisenake nkalo mie, Te awu nani, Nkolo? Antepele ndee, mi Yesu le bosi Nazaleta, oko lo nyokolo wu.9Bane bakoliki ndiemo la mi bayeneke lo twe loko, yaaka ntabayokake iyoyi likotepelaka la mi ye. 10La mbisa ntepele pe mie, Nkolo, te ane nkele be? Nkolo antepele ndee, Yumwaka, pe leka lalowu oko Damaseke, pe bangokotepela ako bingondi bi mbo bisakolondwa la wu nkela-kela. 11L'itina lika twe loko, ntiyosonoko nyeneyene ye, yaaka bane bakoliki ndiemo la ba mbutake oko lobo, ngako toyiake oko Damaseke.12Pe wele bomo lina li nde Anania oko lokobotitiaka oko dweli loka bekengo pe aliki la betato be dilo oko beso baka Bayuda bankumela bakoliki ako, 13ayake, yemaa oko ntondo le mi, pe atepele ndee, Mbale Saula, Yitia nyene-yene lonkina! Mi pe nzitie nyene-yene nk'oko kio ngeng'eko.14Pe atepele ndee, Wangi boka bankaka ba so asakokosolo nde ndee oyebe waango bo nde oyene Bokalami, pe oyoke iyoyi le nde. 15Ibango ongoyala bolaki bo nde ok'ole bato bankulmela lama la mbo bi yenili wu pe bi yokili wu.16 Akoboko olendela be? Yumwaka osoyinwe, pe ososake bobe bowu, osotoloke lina li nde.17Ngeng'eki mi nsoyitia oko Yelusaleme, ndiki oko etei le lowulu lo bowangi, pe nsake nkayi, 18pe moyene nde nkika antepele nde, Paswaka ta-taa oyime oni Yelusalema, ibango ntingonyiminya botato bo wu l'itina li mi ye.19Ngako mi ntepele mie, Nkolo, bo nkika bayeba boe mi mowutake bayambi ba wu oko mbulu bi bakamba pe moadiakake la bemiekwa oko mbulu binkuma bi bikinda; 20pe ngeng'eki balongo baka Setepano bobambi bo wu bafundwake oko nse, mi nkika ndiki wema ako kio ndi'eko, pe ndangake lo lobo loko, pe ndiki boto lokokosiaka bisenda bika bato bako bakoodiakaka. 21Nde pe antepele ndee, lekaka la wu, ibango mi ngokotama ok'ole ngendia bele.22Baoyokitiake oki nde atepelake lobo loko lonkumela, yaaka la mbisa banangole bayoyi ba bo boe, Yimia boto lo dweli lone oni bolongo! Ntekolame la ndalie nde la lokeno ye! 23Ngengo eki bo bapamake la ntepela, babokake bisenda bi bo, pe babokake bontuku oko liko, 24nkumu eka baloi atepele nde boyotia nde oko lowulu loka baloi, pe baoyubole la bemiekwa l'itina boe ayebe ibango li lobo be lio kela ngako.25Eki bo basoseya ndale nde la nkamba, Paolo atepele ok'ole kapiteni eko lekoyemalake ko ndee, Te laa ntaasambisi Boloma ye, ako ekolama la mbole bemiekwa? 26Eki kapiteni asoyoka ngako, ase ok'ole nkumu le bo la ntepela ndee, Te ongokela ngamoni? Ibango boto one ale Baloma.27Nkumu eka baloi aye ntepele Paolo nde ndee, ontepelake, awu ole Bolama? Nde pe ayambake. 28Nkumu eka baloi akalole ndee, mi nsombake bonsomi bone la bensongo wuke. Yaaka Paolo atepele ndee, Yaaka mi nsomi. 29Ngako bane bakolangaka ndiake nde la bemiekwa baotwenye, pe nkumu eka baloi ayokake bomo, ibango asoyeba ndee Paolo ale Boloma, nde pe akosoowuta.Oko mbise losio alangake ndee ayebe itina li funda Bayuda Paolo, ngako aosotole, pe atome lotomo ndee bakosie bingambi bi bankanga oko ekokayolo enkumela. Ngako atulole PAolo, pe aoyimie ok'etetei le bo.Chapter 23
1Paolo alende ekokayolo, pe atepele ndee, bambale bele, mi nsokende oko lianya li dilo wuke oko ntondo eka Wangi kuu la losio lo lene. 2Anania, engambi e nkanga asikise ok'ole bato bakoliki mpika la nde nde ndee, baobole biemba oko munya. 3La mbisa Paolo aotepele ndee, Awu ole epele esa bakula mpembe! Esotikala nko nio Wangi angokobola yemba! Awu okokatika anse ako la nsambise mi nkonga oko dweli loka bekengo, pe opita bekengo la ntome bato bandiake mi?4Bako bakoyemalake mpika ako batepele boe, Awu otwa engambi e nkanga eka Wangi? 5Yaaka Paolo atepele ndee, ntiyebake ye, bambale, mie nde ale engambi e nkanga, ibango losakosonwa loe6Paolo eyebake ndee, ok'etetei le bo bamo Basadoke, bamo pe Bapalosi, ngako apame ok'etetei le Ekokayolo nde ndee, bambale bele, mi Bopalosi, wana oka Bapalosi! Ane bo nsambisa mi ibango la elikia le bakundwelo baka bawi! 7Lotefwa ngane loe, bolingatano bosopaswa ok'etetei eka Bapalosi la pe Basadoke, pe Ekokayolo esokalamola. 8Ibango Basadoke batepela ngane boe bakundwelo ntabang'oko ye, pe ntomwa ye, Elimo pe ye, yaaka Bapalosi bayamba biko binkumela.9Ngako bolingatano bopaswake wuke, pe bamo bakoliki basoneli bayemale ok'etetei eka Bapalosi, pe batepele la wembu boe, ntatoyenili nkia lobo lomo lo bobe oko bienge bika boto one ye. Laa pe Elimo aotepela, laa pe ntomwa le liko, ako ele be? 10Yaaka ako oki bolingatano bo wuke bopaswe ok'etetei le bo, nkumu eka baloi ayokake bomo, atangelake ndee bangoyatola Paolo bienge oko biteni, ngako apake munya ok'ole nde ndee batulwe ta-taa la nyimie nde ok'etetei le bo la wembu, pe la mbisa baoyotie oko lowulu lo bo.Oko botio bo mbise losio, Nkolo aye ok'ole nde la ntepela ndee, Kandaka lomo! Ibango ngosa wu oseya ntatola l'itina li mi oko Yelusalema, ngako pe ekolama la wu ntatola oko Loma.12Ngeng'eki mpendu esoyombwa, Bayuda bayange waango, pe basimbe nyimi boe ntabangole yemba ye pe ntabangomina ye kuu nko onga bo badiaka Paolo. 13Bosio boka bato bako bakosimbaka kio nyimi eko basondake bato bonei.14Base ok'ole bingambi bi nkanga la pe bingambi bi nza, pe batepele boe, Tososeya nsimbe nyimi le wembi soe ntatongole nkia yemba ene emo ye kuu nko onga so todiaka Paolo. 15Ngako nyo oko ekokayolo botepela nkumu eka baloi poleele nyoe aotulole ane ok'etetei le Ekokayolo le nyo, nkonga nyoe bolia mposa le nzipole nde mbo nta sisoo. Yaaka bolia so tongoyala kosanu la ndiake nde lelo ntayili moika oni ole nyo ye.16Wana lo wele oko mpaka eka Paolo, ayoke dio ilonga libo, pe aye nzotwa oko lowulu loka baloi pe ayebie Paolo.17 Paolo pe abesie omo lo ba kapiteni, pe aotepele ndee, Bela wana one lo wele ok'ole nkumu eka baloi, ibango alia lobo lolanga nde ntepele nde.18Ngako ase la nde, aobele kuu nk'ole nkumu eka baloi, pe atepele ndee, Bowutwe bo Paolo a mbise mi, ambotitie nde ndee nziise wana one lo wele oni ole wu. Alia lobo lo ntepele wu. 19Nkumu eka aopose oko lobo pe ase la nde oko nta ndie le bo, pe aoyubole ndee, lobo lodia wu la ntepele mi lole be?20Atepele ndee Bayuda basokayoka boe bakobotitie otulole Paolo oko Ekokayolo lobi, nkonga bato ba kana nsipole mbo nta dilo l'itina li nde.21 Ngako awu ntoyambake mbo bi bo ye, ibango bele bosio bo sonda bonei baolendela. Bo basakosimba nyimi boe ntabale yemba ye pe ntabamine ye kuu nko enga bo ba diaka Paolo, pe akoboko basokakosia, balendela nko ileno li wu.22Ngako nkumu eka baloi apasole elenge le wele, pe aosikise ndee, ntotepelake nkia boto omo ye wue osobela lobo lone oni ole mi. 23Nkumu eka baloi abesie ba kapiteni bapele ndee, bokosiaka baloi benkama bepele l'itina mie base oko Kaisalia la lopoma lo bisato lo botio, la bato balia mfunda bosambiale, la bato balia bakongo benkama bepele. 24Bokosiaka pe mfunda l'itina li nangie Paolo, booyiise pe ok'ole Pelika le nkumu le mbotu la bienge wembu.25Asone pe bokanda bo dweli lone; 26Mi Kulaudio Losia, ok'ole wu pelika le nkumu le mbotu, boto lo lowu wuke, beseso. 27Bayuda bawutake wele bone, ngeng'eki bo basokakolimia la ndiake nde, nsake la baloi la mbikie nde, ibango nzokake boe nde ale Boloma.28Ndangake pe mie nzebe itina be liofunda bo, ngako moyotiake ok'etetei le Ekokayolo le bo, 29pe nyeneke mie, boafunda l'itina lika biango lama la bekengo be bo, yaaka ntafundwa nkia l'itina li lobo ye lokama la iwa pe la ikamba. 30Yaaka basontepela boe waango bol'oko lama la wele bone, ngako nsokotomia nde ta-taa, pe nsotoma lotomo ok'ole bafundi ba nde mie bayotepele oko ntondo le wu.31Ngako, nkonga oki baloi babae munya, bapose Paolo, pe baobele la botio oko antipatulo. 32Oko mbise losio bapake bato balia mfunda base la nde, yaaka bo nkika bayitie oko lowulu loka baloi. 33Bato ba mfunda bayiake oko Kaisalia, pe bayambie bokanda ok'ole nkumu le mbotu, ngako babele Paolo oko ntondo le nde.34Nkumu le mbotu atange bokanda pe ayubole Paolo nza eki nde ayimake. Eki nde asoyeba ndee ayimake oko KIlikia, 35atepele ndee laa bafundi ba wu basobele, ngoyokitia lobo lowu. Apake munya nde ndee baokosie oko lowulu loka Elode.Chapter 24
1Oki mbise nsio bitano, Anania engambi e nkanga, akitele oko Kaisalia, ndia bankina ba bingambi bi nza, la boto omo lina telutulo, nde aliki boto lokoyebaka ntepela wuke. Bato bako bankumela bapasole lobo loka Paolo oko beso baka nkumu le mbotu. 2Babesie Paolo, pe Tuelutulo abangake mfunde Paolo ndee, Oo Pelika, boto lo lumu wuke, so toyoka nyinga wuke lama la totolo le wu, bisali bi dilo wuke pe bisokelwa oni etetei le ibotwa line l'itina lika boyeli bo wu. 3Tolokoyambe bine binkuma la betelia wuke ntundu la ntundu.4Yaaka ntilange nkande wu ane edie-edie ye, ngako nkobotitia mie, l'itina lika boboto bo wu, otoyokitiake lama la bana mbo bi nio-bio. 5Ibango so tosolomola soe wele bone ale bosukoli bo bikokele ok'etetei eka Bayuda bankumela ba bolongo; nde ale engambi le ntondo oko esuku le basi Nazaleta. 6Akekake pe la mpite lowulu lo bowangi, yaaka so tosowuta, pe toliki la mposa soe toosambise oko dweli lo bekengo be so.7Yaaka Lusia nkumu eka baloi ayotokumola nde oko babo la wembu, 8pe atome lotomo ok'ole bafundi ba nde, ndee baye oni ole wu. Awu nkika ongoyosono la nzubole nde lama la mbo bine binkumela, l'itina wue oyebe ibango be lio funda so. 9Bayuda pe bayambake, pe batepelake boe mbo biko binkumela bile nko ngako.10Bandwa nse afumpe lobo ok'ole Paolo la mpae nde ngengo le ntepela. Paolo akalole ndee, mi nzeba mie awu ole ntendi oni ibotwa line yima edie lenene, ngako nzoka nyinga la mpae nkalo lama la mbo bi mi. 11Okolama la nzeba-yeba wue yima nko losio loki mi nzilelake oko Yelusalema la mbotitia, nsio diomu la bipele nteliki ye. 12Ntabantana mi nkia losio lomo ye nkela biango mia boto laa pe nyumole esuku le bato ok'etetei le lowulu lo bowangi ye, laa pe oko ndie bekosamelo ye, laa pe ok'etetei le nza ye. 13Ntaangoyosono pe mpae wu elimbetelo le kweli la nkonkimie mbo bine mfunda bo pe ye.14Yaaka mi ntepela la bososolo oko beso ba wu mie mi ntiela Wangi boka bankaka ba so oko dweli lone lotolo bo bonkika boe lobengwa. Nzamba mbo binkumela bisakosonwa oko Bekengo pe babambi. 15Ndia elikia ok'ole Wangi, bone bo yamba pe la bato bane, boe bakundwelo bangoyala, la ok'ole bato ba pie-pie, la ok'ole bane bampatonge pie-pie. 16Mi ndokotulole bobonda oko lobo lone mie ngengo binkumela mi ndia loyebako lo sosolo l'itina lika Wangi pe l'itina lika bato.17Oko mbise mpela wuke, mi nzitiake ok'etetei le ibotwa li mi la nkapele bato bakapo ba isei pe la mpae mbeka. 18Ngengo eki mi nkelake biko, ba ntanake mi bokolami oko lowulu loka Wangi, ntiliki mia esuku le bato ye, nteliki pe la ikakasa ye. Yaaka Bayuda bane bakoyimaka oko Asia baliki ako; 19emokalome wue la bo bayale ane oni ntondo le wu, ba mfunde, laa pe balia nkia lobo lomo loyosono bo mfunde mi.20Laa pe ngako ye, paaka bane bale ane batepele la lobo, laa pe balia lobo losa bo ba mbaa mi la ekita ngeng'eyamala mi oni Ekokayolo, 21laa pe ntenge lama la lobo loko lomo losaka mi ntepela mie, Nyo bo nsambisa mie lene lama la bakundwelo baka bawi.22Yaaka Pelika, oko lokowutake mbo bika mbok'eko binkumela batina, aapasole boankumela, pe atepele ndee, laa Lusia nkumu eka baloi asobele, ngoyeba mbeke lobo lo nyo. 23Apake munya ok'ole Kapiteni ndee akosie Paolo, yaaka ntaolalake ye, pe lonkina ndee ntapekelake bato ba nde-nkika la nsunge nde ye.24Oko mbise bana nsio binkina, Pelika aye ndia ilaka li nde nde nkika lina Dulusila, lokoliki Boyuda, pe atome lotomo la mbesie Paolo, asakoyoka mbo bi nde lama la boyambi ok'ole Nkolo Yesu. 25Yaaka ngeng'eki nde asolaka mbo bi lami la bokolami, la bienge nkeke-keke, pe lama la Botendi bone booyaka, nde Pelika ayokake bomo, pe akalole ndee, Sosa nza la lowu lelo, yaaka laa nsobaa ndie, ngokobesia.27Chapter 25
1Nsio bisato oko mbisa eka bayotwelo baka Peseto oko bonkumu bo nde, ayimake oko Kaisalia pe ayilelake oko Yelusalema. 2Bingambi bi bankanga, la bingambi bi Bayuda, bapasole lobo loka Paolo oko ntondo le nde, pe baobotitie, 3bo boe, l'itina lijka boboto atome lotomo abesie Paolo oko Yelusalema; ibango bayangake boe baodiake oko mboka.4Ngako Peseto akalole nde ndee, PAolo ale oko lowulu lo ikamba oko Kaisalia, lonkina ndee, nde-nkika alia mposa le nsaka-saka oko Kaisalia ta-taa, 5pe atepele ndee, ngako bato balia lumu ok'etetei le nyo bambenge oko, pe laa elia lobo lo mfunda-funda lama la boto oko boofundaka.6Eki nde asoyala ndia bo nsio mpika-mpika la mwambi laa pe diomu, akitele oko Kaisalia, oko losio lo mbisa akatike oko mata eka ntendi, pe atome lotomo nde ndee baye la Paolo. 7Bayuda bane bakoyimake oko Yelusalema baolingake dioso ako, pe bapasole mbo wuke binene l'itina li nde, yaaka ntabayosonoko nsembola bio ye. 8Paolo akalole ndee, Ntikelili nkia lobo lomo lo bobe lama la bekengo beka Bayuda ye, nkia pe lama la lowulu loka Wangi ye, nkia pe lama la Kaisala ye.9Yaaka Peseto aliki la mposa le nzokie Bayuda nyinga, ngako akalole ok'ole Paolo nde ndee, Olanga wue oyilele oko Yelusalema pe nkosambie oko lama mbo bine? 10Yaaka Paolo akalole ndee, Ane ole mi ane, nyemi oko ntondo le mata le batendi eka Kaisala, ekolama la mi pe ntendwe nk'ane. Ntikelili bobe ok'ole Bayuda ye, kweli nkonga oyene wu tee.11Ngako laa mi nde boto lo mbe pe nsakokela lobo lokolama la iwa, ntiyosone mboye iwa ye. Yaaka laa mbo bine bi mfunda bo mi bile mbo bi kamba itina, ntengia nkia boto one omo lokolama la mpae mi oko babo baabo ye. Ndanga nsaka-saka ok'ole Kaisalala. 12Ngako Peseto ase nkuku ndia bato ba nde pe akalole ndee, osoyubola wue ose ok'ole Kaisala, oleka la lowu ok'ole Kaisala.13Eki bana ba nsio bisoleka, nkumu Agulipa ndia Belunike babeleke oko Kaisalia l'itina li nsese Peseto. 14Ngeng'eki bo bayalake ako bana nsio, Peseto ayebie nkumu lobo loka Paolo nde ndee, welo bomo ale ane, loki Pelika alaliake oko lowulu lo ikamba. 15Ngeng'eki mi ndiki oko Yelusalema, bingambi bi nkanga la bingambi bi Bayuda, bapasolake mbo lama la nde, pe ba mbotitiake boe moyimbe oko lobo. 16Makalolake mie oko bekengo beso Baloma oyosono la mpae boto babo baka boto onkina nko laa bofundwe asokayene ndia bofundi bo nde l'itina ndee ayosone mbae nkalo oko mbo bi nde, biko biofunda nde.17Ngako nge'eki bo basobele ane, ntilendela ye, yaaka oko losio lo mbisa ntatike anse oko mata le botendi, pe ntomake lotomo mie banzele nde wele boko. 18Ndia bafundi ba nde bayemale yemaa, ntabapasola nkia lobo lomo lo bebe ye, ok'etetei eka mbo biki mi ntangelake lama la nde; 19Yaaka baofunde lama la lobo lo biango beelami la mbo bibo bi bowangi nkika la pe lama la Yesu, boto one losakowa, yaaka Paolo atepela nde ndee lelo alia lokeno. 20Mi pe ndingatanake l'itina lika mbo bine, moyubolake mie laa alanga nse oko Yelusalema asosambwe oko lama la mbo bine.21Yaaka Paolo abotitie ayale nk'ane, la ndendela ebekelo eka Nkumu lenene, ngako mpake munya mie baokosie kuu langengo enga mi motome ok'ole Kaisala. 22Agulipa atepele Peseto nde ndee, ndanga pe mie nzoke bayoyi baka boto oko mi nkika.Atepele ndee, lobi ongoyoka.23Ngako, oko losio lo mbisa Agulipa ndia Belunike baye la bolato bo bikembwa pe bayotwe swe oko ndie le botendi, ndiemo boa bankumu bika baloi, la bakona ba nza. Peseto apae munya ndee baoyele Paolo, pe baoyele nde. 24Peseto atepele ndee, nkumu Agulipa, la bele benkumela belia so ane, boyene boto one. Esuku lenene le Bayuda bayake mfunde nde ok'ole mi oko Yelusalema, nkia la pe ane, la mpama-pama boe ntabonge nzale la lokeno lonkina ye.25Mi nkika ntiolomoli la lobo nkia lomo lokolama nde la iwa ye. Yaaka nde nkika abotitiake ndee ase ok'ole nkumu lenene, ngako mbekeke mie motome. 26Yaaka mi ntingia nta lobo lo polele lobongo mi nsonele nko lo l'itina li nde ye, kio kieko ngako esa mi mopasola oko beso na nyoankumela, yaaka ok'oel wu nkumu Agulipa, mie oko mbise nzubole nde, nzosone mbae lobo lobongo mi nsono-sono. 27Ibango ntangela mie ntome bowutwe pe oyala nkosembola lobo losa nde afundwa, ele lobo lo bomfunda.Chapter 26
1Agulipa atepele Paolo nde ndee, Odia ngengo le ntepela lama la wu nkika. La mbisa Paolo asembole lobo lo nde, pe akalole ndee, 2Nkumu Agulipa, nkatolo boto lo nyinga, ibango nsoba ngengo lene le nkalola oko ntondo le wu lama la mbo binkumela bine bi mfunda Bayuda la bio, 3ibango awu oyeba biyali la biango beka Bayuda nta dilo. Kio kieko lekobotitia mi mie onzokitake la bokandi bo lomo.4Lama la eyali le mi yima nko bolenge bo mi, ngeng'eki mi ndiki ntondo-ntondo, ok'etetei le ibotwa li mi pe oko Yelusalema, Bayuda bankumela bayeba. 5Ba nzebake mi yima nko kala-kala, bakanoyala la mposa lentepela, boe ndiki Bofalisai oko dweli loka ekinda le sonda bolito ok'etetei le boyambi boso.6Akoboko nsoyemala ane l'itina li nsambwa l'itina lika elikia le ileno liki Wangi apaake ok'ole bankaka ba so. 7Babotwa ba so diomu la bapele balia elikia le mbae dilo ileno liko, ibango babotitia ok'ole Wangi la wane la botio. Ele nko l'itina li kio elikia ene, Bayuda ba mfunda mi, oo nkumu. 8Nyo botolo lobo eko nyoe ntalokolame la nzamba-yamba, nyoe te Wangi akundola bawi itina be?9MI nkika ntangelake mie ekolama la mi nkele mbo bi ndoisa etumba esongo la Yesu le bosi Nazaleta. 10Nkelake ngako oko Yelusalema. Mposoke pe bokanda ok'ole bingambi bi bankanga, ngako pe mbutake bakolami wuke oko mbulu bi bakamba, pe oko ngengo eki bo baakiakake, mi nkika mpaake munya mie soo nko bawe. 11Mbale wuke, nsakokende oko mbulu bi bowangi, pe manyokoloke l'itina mie nsokeka mpekele bo mbo bika Wangi. Ndiki la lumu wuke ngako pe nsakoabenge kuu nk'oko bise binkika bi ngendia.12Ngeng'eki mi nkelake ngako, nsake oko Damaseke la bonkumu pe la lotomo loka bingambi bi bankanga. 13OKo mboka, oko lopoma lo diomu la bipele lo wane, nkumu, mi nyeneke nsasi bi twe oko ekeselo le wembu biyima oko liko, losondake lokosa loka wane, pe lotokosele soankumela bakoliki oko loselele lo lokendo. 14Soankumela tokitake oko nse, pe nzokake iyoyi litepela oko munya bo liela lioe, Saula, Saula, l'itina be li nyokolo wu? Okatoisa wale la nyemala esongo, nkonga nyate le kamba bototie ok'ole nkolo le nde.15Mi ntepelake mie, Te awu nani, Nkolo? Ngako Nkolo akalole ndee, mi Yesu le nyokolo wu. 16Yaaka, yemalaka oko bakolo ba wu, ibango nsokalakia ok'ole wu l'itina mie nkoyalie wu botii bo mi, pe bosoni boka mbo bisa wu oyene oni ole mi, pe boka mbo bi nga wu oyene oko ntondo'ekendo. 17Ngokobikia wu oko babo baka bato bane pe oko babo baka ngendia biinga mi nkotome ok'ole bo la ndipole bo beso,18 l'itina mie bayime oko mpitamo baye oko tee, pe bayime ok'ole Satana baye ok'ole Wangi, l'itina mie ba bae bosawue bo bobe pe ikonda ok'ole bakolami bane basako nzambela mi.19Ngako, nkumu Agulipa, ntiyosonoko nsenge bototie oko boyenelo bo liko ye,20 yaaka ndambake mia bo oko Damaseke ntondo, la pe ok'ole basi Yelusalema, la pe oko nse enkumela le Yuda, la pe oko ngendia mie bakalomole bebonda, baye ok'ole Wangi, bakele pe bisali bi kolama la bokalomoli bo bebonda. 21Lama la bio mbo biko, Bayuda bayombuta oko lowulu loka Wangi, pe bakakotake la ndiake mi.22Ngako ngeng'eki mi nsobaa bosungi yima ok'ole Wangi, nyemalake kuu la wane bo lene ndaka-laka ok'ole bato ba nio-nio la pe ok'ole bato ba nene, pe ntilokopele lobo lonkina ye, nko mbo biki babambi la pe Mose batepelake boe bingopaswa, 23 bo boe ekolamake la Masiya nko ato wale, lonkina bo be nde boto lo ntondobokundwi yima oko bawi, aliki la mposa ndee alake lama la tee oni ibotwa line pe ok'ole ngendia.24Ngeng'eki Paolo akalolake lama la bio mbo bine, Peseto atepele la iyoyi li wembu ndee, Paolo, osokono lokeye! Loyeka wuke lowu lo bekanda losokokonia lokeye. Yaaka Paolo atepele ndee, Peseto, boto lo lumu, ntimbia lokeye ye. 25Yaaka ntepela mbo bi kweli pe bi bososolo. 26Ibango nkumu ayeba itina lika bio mbo biko, ngako motepele polele, ibango nzebe mie ntembia nkia lobo lomo lokamba nde nzeba-yeba ye, ibango mbo bine ntabikelwa oko nkuku ye.27Nkumu Agulipa, oyamba mbo bika babambi? Nzeba mi mie oyamba. 28Agulipa atepele Paolo nde ndee, olanga wue o nkele mi boyambi bo nsukomola oni wano ngengo nio l'itina wue mi nkele basali bika Boyambi boka Masiya? 29Paolo akalole ndee, Mbotitia Wangi mi mie, nkia akoboko, nkia pe ngengo leyaka, awu nkika ye, yaaka la bane ba yokili bi tepeli mi lene, bayale nkonga mi, yaaka oko balalo nga bami ye.30Ngako nkumu ayemale wema, la pe bondwa nse, la Belukike, la bankina bakoliki anse, 31pe ngeng'eki bo basoyima ako, bakatepele boe, boto one ntakelili nkia lomo lokolama la iwa laa pe la ikamba ye. 32Agulipa atepele Peseto ndee, Laa boto one ntayubola mboka le nse ok'ole Kaisala ye, ntumbe akanotungwa.Chapter 27
1Ngeng'eki bo basobeke lobo boe tokende la baswa oko Italia, basembole Paolo, ndia bawutwe bankina namia, oko babo baka Kapiteni emo le poloto le baloi baka Auguseto nkumu lenene, lina li nde Yulio. 2Toyotwake swe oko baswa ba Adulamutiona bakoliki kosanu la sa oko nza bile oko babongo ba benkili be Asia, pe tosekwake. Alisitaluko, bosi Makedonia oko nza le Tesalonike aliki ndiemo la so.3Oko losio lo mbisa tosekemeke oko Sidona, oe Yuli akelake Paolo bo boto wuke. Aopake mboka le nde nde nde bambale ba nde, la mbae bosungi oko babo baabo. 4Tosekwake ako pe tolekake oko mbise KUpulio ibango beembo betoyisenake mbisa. 5Tobekeke nzale la mpenda losi lo Kilikia la Pampulia, pe toyiake oko Mula oko mbotu bi Lukia. 6Kapiteni eka baloi atane baswa ba Alesandulia ako, bakoliki la nsa oko Italia, pe atoyotie soankuma oko bo.7Tosenamake bolu-bolu nsio wuke pe toyiake oko Kinido la bonyuku, ibango weembo ntabotopaake ngengo ye, tolekake oko mbise Kulete songaa la Salamona; 8akope nko la wembu toyiake oko ndie emo mpika la nza lina Lesea, lina li kio Babongo ba dilo.9Ngengo le wuke elekake nk'oko lokendo, pe lokendo loko lo losi loliki la bomo, ibango ileno li biemba nkina-kina lisoleka, ngako Paolo aanywetiake nde ndee, 10Bapapa, nyene mimie lokendo lone longoyala la bolingatano pe la ibomi li wuke, ntenge nko l'itina lika biemba pe baswa ye, yaaka la l'itina li so nkika. 11Yaaka kapiteni eka baloi ayambake munya boka kapiteni le baswa la pe munya boka bondwa baswa, pe aboyake munya boka Paolo.12Ibongo liko ntaliliki ndie le dilo le nsekeme oko ngengo le mpio nsio wuke ye, ngako bato wuke bakayoke boe bayime ako, laa bangoyosono la nzie oko Poinike la ndendela nsio bi mpio ako, ibango ibongo liko li Kulete liyete liyelele Esete-Nodo la pe Sudu-Esete. 13Wembo bo bolu-bolu bofumpake yima ngele, pe batangelake boe bongoasunga, ngako banangole lokongo lo baswa pe basenamake mpika la bonkili bo Kulete.14Oko mbiseko wembo bo wembu wuke lina Eulakulo boyimake oko engenza, 15bofumpake oko baswa la nguya wuke, pe ntabayosonoko lonkina la mpae wembo botu ye; ngako totwenyake nkeka-keka pe tosukwake nko ngako nsukwa-skwa la wembo. 16Yaaka toyiake oko mbise esika emo lina li kio Kaudam pe nko la bonzenze tobaake nguya le mbute ebeye,17pe bakenangole, baketike oko nse le baswa la ndala-lala. Yaaka bayokake bomo boe laa pe bangosa nko ngako nsukwa la wembo kuu nko Suluti, pe ngeng'eki bo basotulola biemba bikosondaka nkomba oko liko li baswa, basakosukwe la wembo nko ngako. 18Ako ngeng'eki so toloke la wembo bo wembu, oko losio lo mbisa babangake nsapola biemba,19pe oko losio lo bisato, la babo baabo nkika baboke biemba wuke oko losi. 20Oko nsio wuke, laa wane ntabopaswe ye, pe laa bioto ntaboyeneli ye, wembo oko bofumpake nta wembu ntwenya pe ye, ngako elikia enkumela ekoliki la so le mbikia bienge biso ebangake nsia-sia.21Edie lenene bakambake ile, ngako Paolo ayemale ok'etetei le bo la ntepela ndee, Ba papa, ebongoke boyoke mbo bi mi, pe ntebongoko toyime oko Kulete. Bokanokela ngako ntumbe ntabokanobaa bodingatano bone pe la ibomi line ye. 22Yaaka akoboko mebotitia mie bokande lomo, ibango nkia boto omo ok'etetei le so longa boboto bopitana ye, yaaka nko baswa bangopitana.23Ibango oko botio bone bosoleka, ntomwa eka Wangi bone bole mi boto lo nde, bone pe bo tiela mi, amoyemale ok'ole mi, 24la ntepela ndee, Ntolotake ye Paolo! Ekolama la wu nko oyemale oko beso baka Kaisala, pe Wangi akosokopaa lobiko l'itina lika lika bane bankumela ba leka la wu oni baswa bane. 25Kio kieko ngako, ba papa, bokandaka lomo, ibango nzambela Wangi mie engoyala nko ngako, nga oki nde asoonzebia mi. 26Yaaka ekolama la so tobokwe oko ensokoloko emo.27La botio bo losio lo diomu la binei, tokoswake nko nsukwa-sukwa oko losi lo Adulia; pe la etetei le botio bato ba baswa batangelake boe toya mpika la mbongo. 28Ngeng'eki bo basoboka boliko la nkela-kela, bayene noe bolindo boliki meko nzombale, balendake nio, la mbisa bayitie mboke boliko oko losi mbala ekina, babae bolindo bo meka diomu la bitano. 29Bayokake bomo boe laa pe wembo bongoasukomola oko bawe, ngako baboke nkonga binei oko losi bikoliki oko mbisa le baswa, pe balendelake loyekelo lo mpendu la mposa lenene.30Yaaka bato bakoliki oko baswa bapaswake, balotake baswa ndota-lota; batulole ebeye oko losi, bayengisake boe bakana baboke lokongo lonkina oko ntondo le baswa. 31Yaaka Paolo atepele kapitani la pe baloi nde ndee, soo nko bane batikake oni baswa, laa ye, nyo ntaboyosono mbika-bika ye. 32La mbisa baloi babeke beliko be ebeye, pe bakekisene.33Yaaka ngeng'eki mpendu eya mpika la nzombwa, Paolo apake ilako ok'ole bankumela ndee bale biemba. Atepele ndee, Lane ele losio lo diomu la binei, yemba ndeke-leke ye, bosokina biemba la elikia. 34Kio kieko ngako, mepa ilako akoboko mi mie bolekeke efula, ibango lobo lone lole l'itina li lobiko lo nyo. Nkia booso bomo bo lobo lo ntabongoyima ye. 35Ngeng'eki nde asoseya ntepele ngako, apose efula, apake Wangi bitelia oko beso ba boankumela, akeyatole, pe abangake ndeke-leke.36Boankumela pe ba bae nkusa, bapose bifula pe babangake ndeke-leke bo nkika. 37Soankumela oko baswa toliki bato benkama bepele la bosambiale la bato basamalo. 38Ngeng'eki bo basonyota la ile, babokake basangu oko losi la nkisena bolito boka baswa.39Ngeng'eki mpendu esoyombwa wee, batii ba baswa ntaadimbetelaka nse lesobeleme la ye, yaaka bayeleke ikumba limo oko mbongo le bekongo, ngako balangake nzotia baswa ako kio ndieko, laa pe bangoyosono. 40Ngako babeke nkamba bi nkongo binkumela, balaliake nkia la nkongo nk'oko losi, pe oko kio ngengo eko basotole biamba benkuma be yeeenda. La mbisa banangole esenda oko ntondo le baswa la ndala wemba, ngako pe babengake kio mbongo eko. 41Yaaka bayiake oko ndie lepomala ndosi bipele, pe baswa bakakema. Ndumbu le ntondo le baswa ekakeme nta wembu wuke, pe ntekekalake nkia mfukasana ye, yaaka nsoli le mbisa le baswa ebangake nsukwa la nguya eka boketi.42Baloi baliki la mposa boe badiake bawute, ibango bayokake bomo boe nkanga bamo baabo ntaasolota oko losi. 43Yaaka Kapiteni le bo aliki la mposa le mbikie Paolo, ngako aboye waango boobo, pe apake munya nde ndee, ntondo, bane ba yeba nyanya-nyanya bakaboke oko losi babenge mbongo, 44pe la mbisa bane bangotikala, bamo bawute babaya, bamo pe bawute biemba bi baswa. Ngako boankumela bayiake oko mbongo.Chapter 28
1Ngeng'eki so tososia, tolimbetelake soe mbongo eko eliki mbongo le Melita. 2 Bato baka kio ndieko batokelake boboto wuke. Bakatiake twe, pe batosaangale soankumela la dilo wuke ibango eliki pe la mbula pe la mpio wuke.3Paolo akosiake ebolo le nkini, pe akeboke oko twe, yaaka eliki la nzo lina itupa lekofunzoa yima oko nkoni biko ibango la twe, pe elameme oko lobo lo nde nke-nkee. 4Eki bato bako basoyene kio nzo eko ndanema oko lobo lo nde, bakatepele boe, Nko solo boto one ale ediaka bato! Nkia asobika oko losi, yaaka bakolami ntabongoyosono la ndalie nde la bokolo ye.5Yaaka nde afukise nzo oko twe, pe ntatolo wale ye. 6Yaaka bo balendake boe laape bienge bingoyama, laape angowa nkanyomola. Ngeng'eki bo basolendela edie, bayeneke boe ntengia nkia lobo lomo lo bobe longokelwa ye, bakalomole bebonda la ntepela boe, Nde ale wangi.7Mpika la kio ndie eko, eliki la itia lika bondwa kio esanga eko lina li nde Pubelio. Nde pe atoyambe oko lowulu lo nde, pe Atotamie ako la boboto wuke nsio bisato. 8Papa eka Pubelio akononoke isakema pe wale oko ibale. Paolo ayotwe swe oko lowulu lo nde, abotitie, aosangie babo, pe aobikie. 9Oko mbisa eka lobo loko, bato bankina bakokonoko oko nza eko bayake ok'ole nde pe babikake boankumela. 10Batoteliake la bitelia bi wuke, pe ngeng'eki so toyimake ako, bayotiake biemba biki so tokambake oko baswa.11Oko mbise benzali besato toyimake ako la baswa ba Alesandulia lina Mboo ndia Mpia, baswa bako baliki ako edie wuke la ndendela bonzali bo mpio. 12Tosekeme oko Salakusa pe toliki ako nsio bisato.13Toyime ako pe tose oko Legio, pe oko mbise losio wembo bokoyimaka ngele bobangake mfumpa-mfumpa, pe oko losio lo bipele toyiake oko Puteoli. 14Topomalake soa bambale ako, pe batobesie bose toyale soa bo nsio bisambiale, la mbis'eko toyiake oko Loma. 15Bambale bakoliki ako bayoke nsango biso, pe baye kuu nko Yango le Apio, pe kuu mko Betumba-Besato la mpomala la so. Ngeng'eki Paolo asoyene, ateliake Wangi wuke akandake lomo.16Ngeng'eki so tosoyia oko Loma, bapake Paolo ndie le nzala-yala le nde-nkika, la pe boloi bomo la nkenge nde. 17Oko mbise nsio bisato abesiake bingambi bi Bayuda mpomala la nde. Eki bo basa kosama, aatepele ndee, Bambale, mi nkia ntikelili lobo lomo lo bobe oni ibotwa liso, laa pe bekengo beka bankaka ba so mpita ye, nsakopawua bowute oko babo baka Baloma ba Yelusalema. 18Oko mbise nzubole mi, bakanake boe bantungole, ibango ntabayeneke nkia lobo lomo lokolama la iwa ok'ole mi ye.19Yaaka Bayuda baboye, ngako ekolamake la mi nko nse ok'ole Kaisala, yaaka ntingia nkia lobo lomo lo funda mi ibotwa limi ye. 20Kio kieko, nsoebesia nyo l'itina mie meyene nyo, pe tosimole mia nyo, ibango bankokoso bone bo tungi la mi, bole l'itina lika ilikia eka Bayisalaele.21Yaaka bo baokalole boe, So ntatobali bekanda be yima oko Yuda lama la wu ye. Nkia la pe omo lo bambale ba so ntayili nsangele so bontika la pe ntepele so lomo lo bobe l'itina li wu ye. 22Yaaka so tolia mposa le nzokitie batangeli ba wu oko munya bo wu nkika, ibango l'itina lika ekinda ene, loyebana ok'ole so loe, eboywa oko ndie binkumela.23Bakolimiake isilo li mpomala boa nde, pe oko lo losio loko bo bakolimiake ileno, bato wuke bayake oko lowulu lo nde. Aalimbolake nta itina lika Bonkumu boka Wangi, yima nko mpendu kuu nko botio, pe aatepelake polele dweli lo lami mbo bika Yesu la Bekengo beka Mose, la pe mbo bika babambi. 24Bankina bayambake mbo biki nde atepelake, bamo pe baboyake nzamba-yamba.25Oki bo ntababongoko nzokana, bakalamole. Yaaka Paolo atepele lobo lone lonkina nde ndee, nko solo Elimo le Tee atepelake ok'ole bankaka ba nyo oko munya boka babambi Yesaya nde ndee, 26leka osotepele bato bako wue, bongoyoka oko batoyi yaaka ntabongowuta itina ye. Bongolenda la beso yaaka ntabongoyene ye.27Ibango bebonda beka bato bane besakoyenza la wembu, bayokili la batoyi ba bodito, pe basolipa beso ba bo, l'itina boe nkanga ntaasoyene, pe nkanga ntaasoyoka la batoyi, pe nkanga ntaasowuta itina oko bebonda, nkanga pe ntaasoyitia boe mabikie.28Ngako ekolama la nyo nzeba-yeba nyoe lobiko lone loka Wangi losakotomwa ok'ole ngendia, ngako bo pe bangoyoka. 29Eki nde asoseya ntepele mbo biko, Bayuda bakayalomole, pe bakelake biango be wembu ok'etetei le bo.30Paolo aliki edie lenene mpela bipele bombondo oko lowulu lo nde nkika lo mfutela, pe ayambake bato bankumela bakoyaka ok'ole nde nko la dilo, 31alakake bato mbo bi bonkumu boka Wangi pe asangelake bato bentika beka Yesu Masiya nta polele, pe nteliki nkia la boto lokoopekela ye.Galatians
Chapter 1
1Paulo ntoma eka Wangi, boto omo ye oko soloko, ndenkika pe ntaka soloko, ngako Yesu ndia esi dinde okokundwaka oko eteyi eka bawi,2Ngako ntisalwamaka minkika ye, nsolwamake la bambale baa nkodiki la lami oko lowulu lo Wangi boo galatia.3Twenya bio la totoo eka Wangi la Yesu eyale la nyo,4Ibango ndondwa akakapele la basumu baso, itina atokangwe oko bobe boo sopenda leene bompa Wangi ntalange.5Twenya dumu londe loyala ite la ite nkongako.6Nsokaba la nyo boyesene mbengambenga lobango lobango Biange benkina botwenya bone bonka Yesu atoladiake.7Ntembia nsango ndilo enkina, ngako edia bato bankina bakamba bawungisa pe bapite nsango dilo eka Yesu.8So tosuayebia nsango dilo, la batonkina lape nkia ntomwa le diko asua yele nsango dilo enkina ensempa ntembe eka Yesu Wangi aayambe.9Nkonga ayima so ntepela, matepela lonkina lonkina, la bato asweyele nsango dilo enkina enempa ntobake okoleso Wangi aayambe.10Ngako nde nkamba mie ndjokie moto nyinga la pe ndjokie Wangi ninga? la nkia mie ndjokie moto nyinga ako ntimbe boti boka Yesu.11Nkane nkamba bayeba bambale baami, nsango dilo ene'nkimi mayiake nteyim'oko bato, ntikebalake oko bato.12Ntikebalake oko bato too pe oko boto, ele Yesu nde onkondakiaka.13Nkane boyokake nsango eka biyadi bimi bibe, bisakoleka bimami mbengake biyadi bika Bayuda, boyeba botindo be bomami nyokoke bato pe nkambake ndjimbe nkia ingomba dii bo Wangi14Oko ngengo eko ndangake wuke biyadi bika bayuda, mpende la bambale bami, mbengake wuke mbo bika bankaka baa mi15Nkane Wangi ansoloke yima oko ibale dika nyango lemi, ibango la lolango londe asombesia.16Itina alekie wana londe oko mboka lemi, ibango nteye bakinie, oko ngengo eko ntisaka ndjenge boto.17Ntisaka kia oko Yelusalema, oko bane bakodiki bantoma ntondo lemi, ngako nsake oko Arabia ndjitiake oko Damaseke.18Mbisa eka mpela bisato, nsake oko Yelusalema ndende Seface, nkelake nsio diomu la bitano.19Ntiyeneke nkia ntoma emolo nko Jakie wankune eka Jesu.20Mbo bine biteya mi oko ntondo eka Wangi ntembe bongala.21Oko bokumio nsake oko etuka eka Silisia la cilicie.22Ntiyebanake oko ingomba di Yida bankodiki bayambi.23Nkako bayokake bot'one omwatungisake ateya iyoyi dika Wangi, dine dikinde alangake apite.24Bayambelake Wangi ibango la nde.
Chapter 2
1Oko mbisa eka mpela diomu la bineyi ndjitiake oko Yelusalema mia barnabasa, bayitia nfwe mi la Tite, 2Onkinde ayeneke boyenelo boka Wangi botepela bwe akende, madimbolake iteyo diteyama oko bakime, ngako ntepeleke minkika la bato ba Remon itana bayambe la bososolo ntabolotake, la pe ntabayalake la biyamba yamba.3Nkia Tite okodiki la mi ntadidi grec, ntalangake baobeke bowele.4Ntia bambale ba babe banki batomake oko nkuku, itina bato kambie totolo eka Yesu, bakambake batotike nkia bantamba baka bokengo.5Ntatokoke mpabo nkia ngengo, itina bososolo boka nsango dilo ntongo seka lamala nyo.6Lama la binitepela bato bwe bale bankumu ntabitolende so, mane bankodiki ntadiki la itina ntabi ndende mi.7Bayebake bwe ntomwamake itina dika mpanye nsango dilo oko le bato bane bambe, ntababeki bowele, kwedi konga, Petelo atomwamake oko bane basaka babeke bowele.8Ntonto ye nkonga osaka Wangi atika Petelo ntoma oko Bayuda, nko dwedi lomolo losaka nde antika, ntoma oko bane bampa ntambe Bayuda.9La bayeba wembu boosa nde ampala, Jake, Petelo la Yoane, bakoyebatanake, nga bankumu, bangotanda lobolo lo ndeli, oko banabasa pe okolemi oko elimbetelo le boyambi, itina tokoke la nsaka saka okobakini, lapo bane bakoyambake.10Batobondelake lonkina ntatowake bambolo diopoy lome lo intina lonkimi nfwake la nkiakia.11Ngengo enki Cefasia asake oko Antichia, mokekiake bayoyi ibanga adiki la ekondja.12Ntondo eko bamo bato bakato mwamaka la Jake ntabayilaka, Petelo, nkumu losele ndia bakini ngengo enki bato bako babeeke atwenyake pe apake ilam'oko beso baka bakimi itina dika pomo baka bato basakobekwama bewele.13Lonkina ebe le bambale ba Bayunda bakalamie mbenge bangala baka Cefasia, nkonga la Barnabase, lande akatwenyake lande oko bongala.14Ngengo enki mi nyuneke mie ntabokendeke, silo, oko bososolo boka iyoyi dika Wangi, ntepelake Petelo oko ntondo eka bambale bami; mimie awu okobatwake oko Bayuda obika nkonga bayambi nkane bobotia, bowu ole bokimi, lape ntembe nkanga, Yuda ekendelo lewu ele Nga eka bakimi, ngako ntembe nga ekendelo eka Bayuda, ngamoni okokayu ntimomwe bakimi babike nkonga bwe Bayuda?15So bale ba Yuda ba bobotole ntembe bakini baa basumu,16Toyeba nghane bot'one ntasambisami oko bekengo bee besala me la boyambi oko Yesu so bayima la boyambi boka Yesu imbango tonga sambisama lama la boyambi boka Yesu ntembe itina dika bikamwa bika bekengo, ibango itina la bikambwa, bot'omo ye ntangokoka nsambisa.17Ibango la so toyalwa Wangi itina ayotosambise oko Yesu, topamola sosombika bato ba basumu, Yesu ayala bokeli bo basumu? Nkiala ntembe ngako!18Ibango la nsoya ntike bobeko bonkina, dwedi lonkima lomami nkalomwe, nkalakia miome boto lo bobeko, lama la bobeko mbweke la bobeko.19Ibango la bobeko kieko nsawa la bo, itina dika mbale lobiko loka Wingi.20Ntembe mi la Yesu bato bako diki la lobiko nde mi lokanisa, ele nde Yesu okanisa la mi botindo bone bobika mi oko banyudu, mbika la bayambi ibango la Wangi, osakonganga itna akokapola nde nde nkika la mi.21Ntiboya dilo dika Wangi, nkia la timinadi ediki oko eteyi eka bokengo, nkonga we Yesu awake nko ntonto
Chapter 3
1Ntombia boyedi oswapita nini? nkanele polele lama la Yesu akowake oko ekulusu itina la so toyale2Ndangake ndjoke nkongako ibango la nyo babale bodimo la bikamwa bika bokengo, la pe boyambi boo yaka nyo.3Nyo pe ntabombia boyedi ye, bobangake la Elimo bokuma oko bonyudu?4Bonyokwama la boyebi nko die? nkane nko sosolo ntimbe die.5Nkonga one okwapa bodimo, okela bisadi biinene oko etetei le nyo, akela bikambwa loma la bobeko, la pe noyoka yoka la bowangi.6Ngonga Abalayama ayambake Wangi, mbisa eko baobesia ise dii boyambi.7Boyeba nywe bane baayambela Wangi bale ibotwa dik'Abalayama.8Bakomi bakambake Wangi asambisi bakinilama la boyambi, nsango dio en'enko teywamaka oko ngengo eko Abalayama: itina diwu bolongo bika.9Akonga bane badia boyambi bango suakolama la ye Abalayama nde oko diki la boyambi.10Bane batikia bobonda la bikambua bika bokengo, baloko nse eka basoyi, esako sonuama, abae wambo, oko one okanisantolange bine bisakokomwama oko mbenyu eka bekengo, nkako ntakeyambele lonkina.11Akoboko elenta polele bango Wangi ntasangise nkia boto lama la bokengo, nkonga bayambi bango bikala boyambi.12Bokengo nta oyime oka boyambi, nkonga nkalomwe, one ongolanga bine bika bokengo ango bika la bekengo.13Yesu akosambake lama la wambo boka lokengo, nkonga ayene wambo oko etetei lelo, esokoko luama, ayambuame one osokakoma oko mboto.14Botu bo lobo lodiki bakodiki oko Abalayama, itina dika aye oko lani la ma la Yesu, itina tokokela mbala ileno di Elimo la boyambi.15Ba mbale ntepela lama la batandite basobato nkongabwe be yonghano boka bato bokoko, bato omoye okoka la nyimia la ye okokala nkokia nkianghamoni. 16Akoboko baleno ba kopeluamaka la abalayama lama la nkitua bende, ntetepeame, oko ba nkitwa ekeluama wuke ba kanise la bato wuke, nkane ntembe ngako, ele itina dika bato omoo lamala nkitua'' nde nani Yesu!17Akobokontepela nghane, boyokini bo tepela, nkongabwe oko ngengo eko Wangi ntakoke nyenene ileno di leke lama la bekengo bone boyaka mbisa eka mpela benkama beneyi la ntuku bisato.18Nkonga we la bibako bisoya oko dwedilo bokengo, ntangokoko ndjayaka oko dwedi lo ilembo, nkane Wangi apaa bibako oko Abalayama, la ma ba ileno,19Itinabe bobeko bodiki oko? be enanghianake itina dina betu wembu bika bato tii, oko bayelio baka ibotwa dik'Abalayama nde boto nki bapake ileno, ngake bekengo bepalwamake oko bantamwa oko mboka eka bolamie.20Nkane Wangi ndondwa ayake ileno, nta tomaka nkia bato omoo, atepele okodina dinde21Nkonga bokengo boyesene la Ibeno dika Wangi? nkiala! Ibango la bokengo bokoka mpapa, bosambisi bongayo nta soso ibango la bokengo.22NGAKO...23Ibango bolenywankuma bana baka Wangi la ma la boyambi boka Jesu,24Ngako bokengo bosayala lokengi leso kuu nkoko bayeleo baka Yesu, Itina dika tokoke nsambisama lama la boyambi.25Ngengo ene boyambi bolooko, ntatombe lonkina oko mbisa eka lokengi,26Ibango nyo bankumela bale bana baaka Wangi ibango la boyambi boka Yesu.27Nyo ba nkuma ba koyinwamaka la Yesu bonyotoma la bodimbo bootee,28Nkia Yuda emo ye, grec emo ye, boniamba bomo ye, boto ole tanga baa ye, wele omo ye, weto omo ye, ibango le nyo bankuma bole omoo, oko Yesu Kilisito.29La bole oko Yesu, nkongape bole nkitwa leka Abalayama, nkitwa lama la ileno.
Chapter 4
1Ntepelaka me botikia alle mwana nkia lokutu lodia nde ntambia bokapoli ndia bontamba.2Sokie oko bandua la pe bankumu bande bakokatee oko ngengo enga ise abeke.3So pe botindo bomo ngengo ekodiki so bilenge todiki pe intomba oko bakoka ba bolongo.4Nkoo ngengo eki ekokaka Wangi atomaka wana londe, abotwa oko weto, oko nse le bekengo.5Mbisa asombaka bane bakodiki oko nse le bekengo itina basua oko bontamba.6Itina bole bana Wangi atoma Edimo boka wana londe, bongaka ise dimi!.7Itina ntombe lonkina bontamba, ole mwana, la pe ole wana, ole lonkina botikia oka Ngulu leka Wangi.8Ntono, ntoyebaka Wangi botiela biangi benga ntembe beenyo.9Ngoa boyia Wangi, boyiebanampe oko Wangi, la bokobe eyitia nyo oko mbabadi, nani lonkina lokana nyo botiela?10Bolenda nsio, benzadi, nyengo la mpela.11Ndjoka bomo itina ntonto la nyo, bonyoko bokinzeneke la nyo boo die.12Boyaa ngolemi, mi pe ndengolenyo, bambale me botitia, nyo ntonkeli nkia bobe bomo ye.13Boye baka ekelwamaka la mbambadi ekodiki la mi oko bienge, oko ntomaka meteya nsango le dilo.14Lonkina bienge bimi bidiki oko bomekano ntotatolaka, ntontonaka, ntombokaka ndia ye, ntonkondoko ye, bonzambaka nga Ntomwa eka Wangi nkonga Jesu Kilisito.15Ane nynga le nyo ele nko, nkoka ndimbwa nyo la ediki nta sasola bokokaka nzimia meso banyo bompala boo,16Boya la duno la mi itina meteya nsango dilo?17Wuke bala balamema la nyo itina dika mpoo le bo nkikaa, bakamba batokapwa, itina bobabenga.18Ele dilo ngala wa moto la mbo bidilope oko ngengo dinkuma, pe ntembe nko itina ndonko nyo.19Bana ba mi nza nkonga, weto one losoka mbabadi libotala nyo, tu ngengo eka Jesu ayotwela.20Ndanga ane boko nga mpika la nyo, bokalumwa, etepeli le nyo itina ndia bono la mbo binyo,21Mbontempia nyo balanga baya oko nse leka bekengo, Ntoyokaka bekengo?22Etepela bwe Abalayama adiki bana ba pele, omo ndia Bontamba okina ndia ilaka dinde dinkonde.23One lontamba abotwaka oko ngenge bienge ngaku one lomweto lonkonde abotwaka le eleka.24Mbo biku bile nkodima itina beto baku bapele ele, basuslu bapele , omo lo mwamba le Sinaya abota itina dik'ontamba elé Agare.25Itina Agare élé mwamba bo sinaya oko Arabia ekolama la Yelusalema, one loloko oko bontamba ndia bana,26Nko Yelusalema le diko ele polende nyango leso.27Etepia nde yoka nyinga awu ekomba, boto lompo ntobota, boka belolo, awu moto lampa toyoki mbabadi lekibota, itina bana bana weto oné lo ibale balé ni mpenda baka weto oné lo bakango.28Itina dinya bambale nkonga Izaka, bole bana ba eleka29Nko botindo bomolo oné loko botwaka oko ndenge le bienge anyokolo oné loko botwaka oko Elimo, elé nko ngaku lalene.30Bakomi batepia webe? komba bontamba ndia mwana londe, itina mwana loka bontamba ntangoya botikia ndia wana loka weto loloko ibala.31Ngaku, bambale ntembe bana baka weto lobontamba tole mweto lo ibale.
Chapter 5
1Yesu atoyimiaka oko bontamba, boyela suba ntoyitiaka lonkina oko bontamba.2Mi Polo metela nghane, la bobeke bomwele kilisito ntangoekelelia yemba3Ntanto la lonkina bato onkuma losa babeke bowele esenga abenga bekengo benkuma.4Nyo bankuma bolanga bayae baswi oko mboka leka bekengo, bosokalamwa nyua kilisito boyesene la basoyi.5Okoso, tolendia boyambi, leka Elimo ndikia botendi.6Nko oko Kilisito Yesu nkia bakobekeke bowele, nkia ntako bekeke ntambia itina nkoo boyambi bokela boboto.7Bosaka dilo, nani laepekia boyebi nanai?8Mbo biku ntembe bika moto lokoebesaka ye9Nkia levir nyo eyamia mamba.10Meyamba nyobankuma, oko nkolo, ntobokanisaka lonkina ndenge enkina ye, longoeyangisa angoba wambonde nkika.11Bambale laa nteya lonkina nko mbeke bomwele, nte nyakwa lonkina ebebe? lobo loenene loka ingengola esoko dimwa.12Bane bankuma bakia bonyomi bayala bele la nyo.13Bambale Wangi aebisia boyima oko bonyoko, nkoe ntokebelaka oko mpasa le bienge, botia bosala nyolanyo la lolango.14Bokengo benkuma ele ko bokengo bomolo, bane, olangaka mbale lewu nga wunkika.15Laa bokakete menyo laa, pe bokakiala ndja bolendaka ntokadiakaka nyo la nyo.16Ntepela bokende ngo langa Elimo itina dika ntobengaka binyengi bii bolongo.17Mposa le bienge ntakayoka ndia Elimo, la mposa le Elimo ntakayoka ndia bienge bakalemwa itina ntonkiaka bine bilanga bilanga.18La bokende la Elimo, ntongo yala oko nse le bekengo.19Bikambwa bi bienge bine: Mbo bi bosoto, pite, bondumba,20Biangi be nse, iloki, bayulu, ikeke, nonono, bokabweli, nsolosolo, nsungeme, nvuta belo.21Ndiaka bato, botwa bo banaa, ndeleke oko lokoso pe mbo bi ngaku ntongoyoto oko bonkumu boka Wangi.22Nko mbo bika Elimo ele: lolango, nyinga, yoyi, bobonda mpio, boboto, dilo, boyambedi,23Bekengo nta boya mbobiko.24Bane balokoo Yesu Kilisito basako baka bienge bibo oko ingengala la mposa le bienge25La tosoya la Elimo tokendeke pe ndenge lelanga Elimo.26Nto boyengaka bonkumubo mbé, ntekatumwaka bambale la bambale, ntekanonoko.
Chapter 6
1Bambale, la moto omo abanua la bobe, nyo bato bakende la Elimo, boyisena nde oko mboka le dilo la Elimo boo yoyi, bokalendaka nkango nyo nkika ntotoyotwa oko bowungwa.2Tobia bingubisa ono ono, aku bokokisa bekengo beka Kilisito.3La moto akalakia nkia nta mbia yemba akadimba nde nkika.4Moto la moto akayiwa bikambwa binde ngaku ango ba etimo leka telia nde, ntembe nga bato onkina.5Itina moto la moto angobia bingubisa binde.6Ebongo moto one losabateya nsango dilo akapa biemba binde ndia moto lomoyoteya.7Ntokadimbaka ye, nta telo Wangi, lesa moto ayona kokio edungande.8Oné loyona mboo bi bibéé, nko one yona itina dika Elimo angoba bonkumu bo etéé.9Ntotwenyaka nkia dilo, itina tongoduka oko ngengo le dilo, la ntekatwenyi.10Ikiso la ngengo, tokela dilo oko bato bankuma, wuke oko bambale badia boyambi la so.11Bolenda ekakata le basoni baki nsonoko oko babo bami.12Bane banku balanga bakayenya oko bonyu, bobaku bae tama bobeke bomwele, itina balota bonyoko boka ingengua.13Nkia bonkika basabeke bomwele nta totie bekengo, balanga nko baebeke bomweke bomwele itina bayenya bototia oko bienge bingo.14Ntebonga nkakumisa ye, nko ingengua dika nkololeso Yesu Kilisito, oko mboka lende, bolongo bosako yeaba oko ekulusu la mi, mi pe nsakokatika oko ekulusu itina dika bolango15Nko ntembia yemba enkina ye nkia bakoki bowele nkia pe ntakobeki bowele, yemba lependa nde nzambia Wangi.16Bio, angoyoka eseyi oko bane bango memia bekengo la ba isayayele.17Moto one ye ntantungisaka lonkina ye, itina mbela oko biengo bimi bilembo bika Yesu .18Bambale dilo dika Yesu eyala la nyo bankuma. Amen.
Hebrews
Chapter 1
1Ntondo ntondo so Wangi amotepela oko bankaka oko munya boka bayenelo mbala wuke.2Nko oni nsio bine, atotepeli oko mwana, lole nkumu leka biemba binkuma, oko nde ndeki Wangi akiaka bolongo bonkuma.3Ale binyano dika dumu leka Wangi, awuta mbo binkuma oko epesa leka iyoyi dika Wangi, ngengo leki nde aseyaka nzimbia basumu, ale anse oko lobo londeli loka Wangi oko diko.4Mwana apenda bantomwa la epesa nko dina dikinde abaka dipenda dibo lonene.5Kieku nkia bantomua Wangi ntatepiaka; ole mwana lomi, one nzaa ise diwu? lonkina ngoyala oko nde isé, nde angoyala oko mi mwana?6Aku ngengo leki Wangi atomaka muana londe loo nsomi atepiaka: bantomua bimi binkuma baokumisa.7Pe itina dika bantomua, Wangi atepela nghane: ntika bantomue bimi nkonga bedimo pe basali baami nkonga lolemu lotue.8Lama laa muana atepela ndee: bompanga boo bonkumu bowu bole bompanga boo esambiseli.9Olanga esambiseli, ngaku Wangi, Wangi bowu asokodisa bolawu nyinga mpenda baa kende laa wu.10Oko ibango nkolo, akelaka mbotu, bodiko ele bisadi bii baba boobawu.11Bango dimua, nko awu oso kende, boo bango pitana ngaa, esenda ekesua.12Onga bakalumua nga bonkoto pe bango kalumua nga esenda eekesua, nko awu ango tikala botindo bomo', mpela biwu ntingo sila.13Ntomua bee lempa ntaa tepiaka: yala anse oko lobo loomi loo ndedi, tii nko ngengo lenga mi ntika bayini bawu mena baa wu.14Bantamua bale banaani? boo bankuma bale bedimo bekelia Wangi pe asuaa toma itina bakelia bane baango sua.
Chapter 2
1Ebongo to weeta mbo bikitoka, la yeto, ngo ka wenga.2bayoyi bane maya banzelu bayedia bankaka esengua ba mayamba: moto nkuma okio boyaka maloba maki nape opato matosa kaye, aba etumu na ndenge eko kanande.3Sikene esa Wangi alopono mboka embibika, ndenge be ekokana ndolota etumu nango la elanda kiodie? elenkolo Yesu moto kiosa kolaka nsango ibibika ntondo; mbisa bato bakio moyo kande, botoyedia so nzango.4Nzokande Wangi nde nkika akia make mwisi ndenge nandenge, alo kapia so mo dumo mosato ndenge langande nkika, Yesu ndeko eka bato, Yesu mbale oko bato.5Lotepia boko na molongo mosika molée ndiaso: Wangi tete asomotika oko mabo maka ba nzelu ye Wangi.6Kasi ndiomo na mikanda mika Wangi, eso so ni bua nghane, Wangi moto alena naboko omokanisande?7Na mo nkengo nio amotika oko nse eka banzelu, la mbisa omopa lokumu lo nene.8Biemba binkuma biotedie: ibango Wangi apake biemba binkuma oko nde nta ladiake nkia yembaye binkuma bibotéedia.9Kasi mbo isa toyene yo ine, na mo ngengonio Yesu adiki oko nse eka ba nzelu, ayo balakumu oko mpasi ekinde ayoka la itina diku ayo ba dumu layitina dika Wangi ende Yesu awa, labo ko abikie bato ba nkumela10Wangi boto kio kia biemba binguma, bebi nkulema bite binde: alangaka abia bana wuke oko nza endee enkembo; asotika Yesu motambuisi pe mobikisi pe motambuisi mobo ebongo Yesu ayene mpasi amotika moto ono koko?11Itina ye Yesu, la bato bane basonde a komisa basantu bo bankua bale ise imo edamu, kieku ayo yoka diomo mbenia ba bambale.12Atepia ndée << ngo yoka dina diwu mia bambale bami, ngoko sankwa oko ingomba>>13Lonkine nkotia bobonda lenda bana basa Wangi ampa onkotika bobonda bomi ngoli Wangi,14La itana bana bane bale bato, Yesu pe a le lande boto ngo lebo, la itana oko lina di nde asukise tjabulu nde moto owula nguya e iwa.15Kieku aso seya bontamba boka bato bane balota iwa ngengo inkuma.16Yesu ta yake nsusunga ba anzelu ye ayake nsusunga ibotua dika abalayame.17Kio kieku Ebongo ayale botindo bomo ndia bambale, boko ayale nkanga enene eka Wangi ledio pe le boboto la bosala bonde oko le Wangi.18Ibango Yesu ndoondio anyokuamaka, adiki lomekano, adia nga ya ebongo nde mbikie bane ba nyokuama.
Chapter 3
1Labe nyo bane bakokatikaka bonki itina dika ntiele Wangi, bofuake Yesu, ntoma pe botumbi mbeka nkumu le boyambi bone bonkaso ntatole.2Yesu adi kuede la Wangi oko bokidi bonde a oposoko nkongo masi, okidiki lande oko lowu loka Wangi.3Ngaku Yesu adiki loyambi mpepeda mosi ibango nde moto kio bokake lowudu lodia dumu mpenda londe bondua.4Langa lowulu boto omo abokake kasi monto kio bakake mbu binguma ele Wangi.5Imbale nkine Mosi akuedi nkonga lembu binkuma bika bika Wangi, atemua yaka mbo binkuma bingo tepiama ntondo.6Ngaku Yesu ale wana lo lowulu loka Wangi, sotole lowudu langa toyambe mbobika Wangi la bobonda bomolo, bato ba Wangi bango yo dia7Ibango Elimo leka Wangi etepeya nde: << lene la oyoka iyoyi dinde,8Nta bo kendeke be bonda benyo nkonga mbo bio mekano oko mbotu.9Bomo bonyo bolenko bondakie bongo yene mbo bimi oko mpela 40.10Nzokake bayudu la bane bane , nantepia: balenda ngo bebonda bebo, ntabaye ba nzenemiye.11La ngaku, ntepela la bayudu, tabango yoto oko iyodia.12Boya lo kibi, bambale, la itina moto omo ye oko lenyo aya la bobonda bobe, pe aladua nzembela Wangi bo ite laye moladia.13Boka teya nyo layo laboko moto omo loye okolenyo aya moto lo wembu longa ye abenga mboka le ba suma.14Tole bato baka Yesu, langa to tika bi bonda biso oko lende nkoko bokumelo, ndenke ekito bangake.15Etepia make nghane: lene la nga bovoka ke bayoyi baka Wangi ntebo yake be tu wembu ndenge ki bankanka banyo ba kiaka losio loki ba kasuaka.16Banani bako yoke bayoyi baka Wangi ba oka suakende? ele nkani ba to baka Mose bankine ayimuaka oko ezipeto.17Ba nani bako yokiaka Wangi iyu mpea ntuku bineyi bombond? ele bane ba ko kiaka basumu bawake pe oko bosobe.18Banani ba ki Wangi; asimbiake nyi mi nde ntango yoto okolemi nkia nio ye? ende bane bato boyaka ndjokie nde.19Nko soso ntakokake ndjo tua, ibango ntaa langake ndjambela.
Chapter 4
1La ngaku toyaaka la nkepo itina nkia moto omo lonyo ntakambaka oko ileno dika Wangi, laa nzotwa oko iyodia dika Wangi.2Itina nsango ene ledilo batopiaka kio nkonga boo, nkani nsango ekole dilo nteokelaka dilo itina bayokaka nko ntaakeya mbaka yée.3Laa tongoyaa la boyambi boo solo, tongoyotua okoo nde oko iyodia, Wangi atepiaa, oko iyulu pe abeke seleka ndée; ntaango yotua oko iyodia! nkia bisadi bii nde bisiaka bangaa nko ngengo ekindee aseyaka nkiaa bolongo.4Kieku ngaku oko ndie enkina itina dika losio loo, bisambiale, Wangi ayodiaka la bisadi binde binkuma losio loo bisambiale.5Atepia lonkina ntaa ngo yotwa oko iyodia dimi!6La ngaku bato bankina bakoka nzotua oko iyodia, pe nko ba isayayele boyoka nsango dilo ntaayotwa itina bakambaka imemia:7Wangi aatika lokina losio baebesia lenée oko mbisa leka nsio wuke, atepika oko mboka leka Davidi, ngonga ndenge ekinde atepelaka ntondo: lenee, la boyoka iyoyi dinde ntobotikaka betu wembu ye.8Téee la yoswa aapaka iyodia, Wangi ntakanototepea itina dika losio lonkina ye.9Edia iyodi dinkina dui, saba itina dika bana baka wangi.10Ibango one loyojtoo oko iyodia dika Wangi ayodia la bisadi bui ndée, nkonga Wangi ayodiaka laabinde.11Tokiaa wembu itina toyotua oko iyodia diiko, itina moto omo yee ntakitaka oko bosenga boo imemia.12Nko iyoyi dika Wangi dilée, lobikope dile wembu, mpendea lopeyi lone lodia mpoto ntundu bipele, eseni tuii nko ekapua bobonola la bodimo, mpongi la nkwa esambisa bakanisa pe bekano.13Ekelamo nkia emoloye ekoka monseme okoo ntondo lende, binkuma bile nta polée pe biyenée oko meso bande one lokoka so nsambasamba nde Wangi.14Nko itina todia nkanga le nene one losakoleka oko diko, Yesu, wana loka Wangi; totikala nkongaku oko boyambeli.15Nko ntembia ntaa nkanga lekoka ndjoka mbabali laso losée nko todia moto omoo loko lekaka oko bomekanii nkonga so, lolenge lonkuma, nko ntambia nkii isumu.16Kieku ngaku tokia wembu tosisa oko kiti le bonkumu boka wangi, nde ango toyokela iseyi ango topala dilo dii ndée, ango tokelia oko ngengo lesenga nyo yemba enkuma.
Chapter 5
1Nkonga we botumbi mbeka, ososolwama la Wangi itina dik'ootumbiake mbeka la binkuma binga bao beliaka itina dika ibondo dika bankumu.2Akoka ndakie bosanghalo koo bato bane bakamba boyedi la bààsodunga mboka, itina nde ntambia nguya.3Oko botindo boko, lande pe adia ngengo le ntumbe mbeka itina dika basumu bande botindo bomolo ndenge ema nde atumbe itina dika bambale.4Boto omo ye ntakoke akotike oko ebonga eko, ele nko Wangi nde asolo bato' ko, lolenge lone nki nde asoloko Arona.5Botindo bomolo, Yesu ntakopake la nyinga akatike ndomele botumbi boo mbeka, ntembe ngako, Wangi otepela: < wana lomi, leene, mi ndyala ise dumu>>6Nkonga ootepela nde oko ndie binkina: <>7Ngengo bikoko enkoto, Yesu apake babondeli la nkalo, a nghakake pe alelake la Wangi, boto molo okoka la nsunge nde oko iwa, ibango akatwenyake oko Wangi, Wangi pe ayombake babondedi baande,8Nki ngonke nde adiki wana londe, la benyoko benkuma bee nki nde ayeneke ayake ndjebe mbo binkuma bine binkibaabesie imemia.9Itina oosaka nde ayala bot'osakakaka akoka mbikia ite bane bankuma baakototie.10Ntembe diée Wangi ndasakatika botidi boonde boonene oko bolongo bo Melkisedek.11To dia weke boontepela lama la Yesu, me bonyuku la ndimbola ibango boyala bodito la nsosolo.12Nyo bane bankokambake nko ndjaya balakie, bodia lonkina mposa eka bato onkina omolo ateye lonkina benkengo bee ku beetoma Wangi, ntobonge ndekeleke biemba bii wembu ebongo nko bapale mbotu.13Bot'one okomine nko babele akii nko wana lo nio, ntakoke ndjebe mbo bisolo too bii bongala.14Nkane bamele bato bakoka ndeke leke biemba bii wembu, bo nde baayale nsosole bobe la dilo
Chapter 6
1To tuegne nke bisadi bee boyulu, tofule oko Elimo, Yesu, to yitie oko one2Nkia ele bateya a balami la boyini, nkia nanghia bato babo, nkia nkundue bato oko eteyi eka bawii.3To kele lonkina mbo bine bi langa Wangi.4Ele mbadi oko moto one oyima oko mbo bika Wangi, la asui twengnha, ele boyuku itina ayitie.5Bane ba soko kelele boyoyi ba bio baka Wangi la wembu pe la nguya oko nsua bi yaka,6Nkane ba pengwa, ele boyulu itina ayitiele Wangi, itina bayokia wana oka Wangi diemo ntondo eka bato wuke7Nkonga mbotu bine bi kiele mbu la biyina okole Wangi bimeneke mboto bi dilo ntina lika bato ebake ipamboli liyima oko Wangi.8Engako la bibota nko nsende, mbotu biko la ntabimbia elema Wangi ayi yamba, pe ayitumba twe.9Ba mbale bami ba bolongo nkia totepela ngako, totikela nko bebonda oko mbo bi dilo tongo dike.10Itinda Wangi, nta wulibesala be nyo la lolango lonkinyo bolakiake oko lina dinde, oko botindo bo tiela nyo bambale banyo bana baka Wangi ngako pe nta bo kandekie dio, ntabo kondoke la tielende.11Ngako tolanga sue bato onkumela oko etetei le nyo atike bolende ku oko bokumelo, itina oko mbo bine binki nyo be bonda bi keluame.12Ntato lange yebo yale bikoki, ngako bo benge nkolimwa bi dilo bi nkibo babake oko Wangi bi nkinde alakiake, itina boyambele la bolende bonkumela.13Ngengo enki Wangi apake ilemo oko Abalayama, ndenkika asimbake nyimi, ngako bato onkina one openda ntambo oko.14Atepelake nghane: << nko suakwawuke mpenda pemba, ngako pe ongo ko pala wu ibotwa limo li bone mpenda penda>>15Oko botindo boko, Abalayama abake ene eko luakwamake oko ngengo enkande alendelake la yoyi enkumela.16Ngengo ene esimba bato nyimi oko bato one oapenda, oko nkumelo eka isio libo, nyimi ele edimbelelo le bososo.17Ngengo enki Wangi ayambake polée oko bomboka boka ba nkitua itina ale boto one oko kaluwme mbo bine bisa nde lakua ye, kuo kueko enki nde akokuake bo ngoti bonde oko baleno18Atepelake itina lika mbo bipole bine pimba ntambibonge nkalomwa ye, ele nghane Wangi ntakoke ndimba dimba ye.19Tolia boyambi ngonga losi loka bosoni, lokita oko diko di Iwe libebonda be so.20Yesu ayotwe oko eteyi eka ndie eku ngonga bobikie itina liso akatikake botumbi mbeka.
Chapter 7
1Nkonga Melkisedek, nkumu le salama, botumbi bambeka boonene oko Wangi, one lotepea Abalayama bayitio bande aopambua, itina dika one ndiake nkumu. 2Abalayama aopale ndambu oko biemba bikinde abake, dina diende <> edimwa nkumu le bakambo, lonkina nkumu le Salema, baobesia nkumu le tangaba. 3Ntayaka la ise, nyangoye, nkée pe ye, ibango dinsio ye, lobiko ikumeloye, nkonga atikala botumbi bombeka ikumeloye, nkonga wana oka Wangi.4Okoboko boyene one lokodiki boto lo bonene, nkée leso Abalayama aopake ndambu le biemba bidio bikibabake oko bitumba.5Ngako nkitwa bika Lewi bakodiki batidi baka Wangi, babalée bonkandi lama la bokengo itina babake eteni le diomu oko bato, nkonga bambale baa Isalele, nkonga boandua bale nkintwa bika Abalayama.6Ngonga Melckisedek ntadiki nkitua eka Lewi, abaa eteni le diomu aka Abalayama, akope aopambua, one loko diki la baleno.7Ntembia bokengo okoo bato ole nse apambuame okoo bato bole diko.8Lama la lobo loko, bato bane bangowa bafua eteni le diomu, oko one lofua eteni lediomu abongo ayale bote adia lobiko.9Etepela lonkina, Lewi okobaka eteni le diomu, afutake lonkina oko Abalayama,10Itina Lewi okodiki oko ibale dika nkaka lende Abalayama apomala Melckisedek.11Oko boko dio dikodiki oko botidi Lewi oko nse lende bato babaa bekengo, eyake longina la itomba atike boyambi bonkina oko dwedi loka Melckisedek, ntembe oko dwedi loka Alona?12Nkonga la bokolomwa bonkanga boka Wangi la bokengo bokalamwa.13Nkane one loki batepelake lama labiemba biko biyima oko bobotion bonkina, nkonga boto omo ye okokeaka bosa oko ndiele bedi. 14Nkengo ene elenkongawue Wangi boso ale nkitua eka Yuda, ibotwa dine dinya Mose ntapeaka lama la bo itina dika bayale batidi.15Nkonga bine bitepelaso bile ntapolée, enkina atombuake duedi longa Melckisedek.16Botumbi bombeka bosaba ntembe nde lokanoyala botumbi bombeka ndenge le tepela bokengo nkitua ekaboto, lama la bonkumu bobiko loma ntéepitane.17Lango bakomi bapa botato,< bopadi bobedi bo itela ite nkonga duedi loka Melckisedek>>.18Wangi ayamia bekengo bee kala beko diki boodu, itinaye.19Nkonga bokengo ntabo dikidio, nkalomwa, edia edikia okonsio bingaya la itina toyale mpika la Wangi.20Edikia ene le dion ntebandie ibango la nyimi, la nkalamua baamo basaya bayadi babedi nta simba nkia nyimi.21Lama la one, Yesu; aya bopadi bobedi asimba pe nyimi ekeluama lama la one lo tepela << Wangi asimba nyimi ntango kolomwa ye>> oya bopadi bobedi bo ite la ite.22Nyimi eko etepea wue Yesu aba dumu lowuke, ngonga ayia bato bayokani bone lodio.23Bango itina iwa tipekea bapadi ba bedi itana bayale itela ite, lama labe, todia wuke bobapadi baa bedi, omo mbisa eka onkina.24Ibango Yesu atikala ite la ite, bonkumu bonde ntabo kalomwaka.25Itana la bimbusa, adia ngengo le nsunga sunga mbaemo bane bayoka mpika la Wangi lande bango itina alanga mbotitia ngengo binkuma lama bo.26Elentadio itina diso tobale bopadi bo bedi boo tindone, ntambia isumu, ibadi ye, dioo akakapea ndia boto baasumu, asoyo ya bonene nkonga diko.27Ntembe nga batumbi bane bambeka, baa ngia mposa balekie bedi nsio binkuma, ibango la basumu baabo, la pe bane baka bato, akela nko mbale emo itina dika bato bankumela anyokue ndenkika28Itina etipeama la bokengo bosapaluama nkonga bapadi ba bedi oko bato, bale labo bato bane bakokele bobe, ngako iyoyi dine dikoyimaka oko bokengo, dipa wana, one losoya dio nghane oko Wangi.
Chapter 8
1Itina di lobo diyima so ntepela dile: todia nko nkumu botumbi mbeka ole oko lobolo lo ndeli loka Papa ele oko diko.2Ngako bokongi bo enkoto, la ikomba linkuma, okosaluamaka la Wangi intembe oko boto3Ngaku bikuma balia lotomo lo ndakie bakapo la beli, ngako bato one olia yemba alakie.4Akano yake oko bolongo, nte kano yala nko nkumu eko ibango ele bato bakano lakia bakapo botindo bomo botepea bobeko.5Ngengo eyokabo nyinga eka boyembi la mbo bine bikanisabo la mbo bine bimpa ntabiyenie, bi mo bonkumu bo liko, tepea Mose akendeke la ndote Wangi ngengo ekinde asake ndule lowu lo bowangi, ayileke oko wamba.6Nko akoboko aba lotomo lo bonene penda penda oko olende oko etetei; eto lamia oko Elimo.7La boyokani bo ntondo nto liki la lobo ye kitana yie li nkisema kio la boyakani bonkina.8Itina lika iyulu Wangi atepela Isalaele lenda nsio biyaka, ngotepea Wangi, ngokela lowu loka Isalaelé lowu loka Yuda, boyokani bo bosala.9Ntembe la boyokani ekontomaka nyoke mia base banyo, losio loko mawutake oko lo bo la mpasuabo oko bolongo bo Ezipito itina ndaba laka bobonda oko boyokani, ngako la mi ntiliki la mbabadi la bo, etepia Wangi.10Nko lenda boyokani bonde boleami mia Isalealé lowulu mbisa eka nsio biko, etepia Wangi: ngotika bekengo oko belimo bebo, lokina ngo yala Wangi boto bami.11boto ono ye angoteya mbale le ntepela boyeba wangi: itina bato bankuma bangoyeba, yima bilenge la bingambi bo la bo.12Itina ma sambake biwungi bibo la nko ntingo tagea bobe benyo13la ntepela: boyokani bo sika, atepeyake bintondo bisakoleka, nkane bine bisakoleka, ele ene esakoya engambi, ele mpika mpika la nyimwa
Chapter 9
1Boyokani bo ntondo bo ntondo ntondo boliki la bekengo, botindo bomo la boyembi, ingomba li nse.2Lowulu lo bowangi ntondo elwamaka on ngengo le kala bakebesiaka ndie epa nyomi ile Elimo3Oko mbisa eka esenda le bipele, lowulu lo bowangi, eli ndie enki babesia, ndie le peto.4Esini ndie elia wolo, balasi ekana so etanda leboyokami bolipi bonkuma la wolo oko totana bosoko bo wolo bolia ile, bopanga boka Alona babo fule, la etanda le boyokani.5Oko liko lika etanda le boyokani eliki cheribien (Angelu) le bonkumu esini Elimo le nyinga, nteleki ngengo le ndimbwa eteni la eteni.6Ngole mbo binkuma bile nko ngako oko bolongo, bakambi bàkela bosala ngengo binkuma oko eteni le ntondo eka lowu lo bowangi.7Ngako oko eteni le bipele nkumu eka bakambi nde nkika oyotwa mba emo oko mpela, ntembe nko ayokape bolongo itina linde nkika ye nko itina lika bewungwa beka bato ba bolongo.8Elimo le té bolakiaka ndende oko mboka etobela oko ndie le peto nteliki polele, ngole lowulu lobowangi lontondo loliki.9Ebongo one boko tolakia bokapo la beli bibongo nya peto oko bobonda boka boto one okendia boyembi.10Nko bo, baloko bisikiseo bi bonyulu; binki bankaka batweyaka: bana biemba la besala benkuma bende boyake twanye bio ngengo enki mbo biyame nkalumwa.11Nkonga Kliliso ayaka nga nkumu eka beli be dilo akansake boyembi bo nene et bo mpa nyomi, bo mpa ntolulwaka oko ba bo baka bato ele entokelwamake la Wangi12Ngako ayotwake mbale mo oko ndie le seso, ntembe la balongo baka belomi ntaba la pe be ngombe nko oko balongo ba nde nkika, enkinde abaka lobiko lo ite13Ibango la balongo ba belomi be ntaba, la ba ngombe la betoko, balia ngombe bapanyanake okole balia boyomi, bakumisaka, bolongo.14Ngamoni balongo baka Kilisito bale Elimo bo mpa la ikumelo bakalakia ntambia bosoto oko Wangi, bango sosa batengeli ba beso besako wa, ntina lika bayale Wangi bo lobiko.15Kieko itina lilende ekalensamba eka boyomi bosika itina akakulumwake oko boyokani bosika bane bikobeswamake la ntikale la bonkumu bo liko bonki ba lakoake.16Itina lika ndie ekeki bayoyoyi ebongo bondua bayoyi bako awa bo bayale la nguya.17Boto la akekia bayoyi bayoyi bako baya la itina la asowa, itina ntambia nguya nga akena.18Lende itina liko diki lama la balongo enki boyokani bo ntondo babangake.19Mose ngengo mbisa eka ntepela bekengo benkuma oko bato, afua balongo ba ngombe la banka ntaba bi bele, afua la losi loka bote bone bo izope, ekeyitomwake oko diko le ka bekengo la pe oko liko leka bato pe atepia.20One ele balongo ba boyokani Wangi aetwenyieke.21Ngenge emoo Moze ayitomwaka ndambo lee balongo oko diko di lowu pe la biemba binkuma bikabakelia oko lowu loo bowangi.22Binkuma ngotepea bekengo bisoswamake la balongo, la balongo ntayutumwake ye ntumbe ntambia bosambi.23Ilia itina la mpasi la tokolima biemba biloko liko bibongo nsoswawa oko botindo boko, botimo bomo la biemba bi bonkumu bo liko bionkina, bikamba bieli bi soo mpende bene be ntondo.24Nko Yesu nta yotwaka oko ndie empa nyomie nga wa oka bato, ayekwake bondua nko ayotwake oko liko, mbisa atokolimiake swa Wangi.25Ntembe itina aleka lekie weli nde nkika mbala binkuma, biyitia nde, nkonga nkumu eka bakongi babisuku bilia balongo ba ngendia.26Botindo bonkina ebongoke anyokame mba wuke banga enki bayansaka, bolongo itana akoboko ikumelo li mpela bonkama ayemwemake mbale emo itana lika mboye basumu lama okinde aka bekiake weli.27Ngako etikala oko bato bawe mbale emo pie akongo nko botendi boyaka.28Lonkina Yesu, ngonkinde akalekiake mbale emo la mbe biwungi bika wuke ba bato, apaswa peto mbale enkina oko bato bakongaka itina lika lobiko.
Chapter 10
1Nko itina bekengo bele nko Elimo ntonto, leka biemba bingoya, ntembe nta mbo sosolo, itina bo bakopaa bakapo bane bale nko botindo bomoo mpela la mpela, kieku ngaku bekengo ntee bongo ndonda bato ye balanga nsisa mpika la Wangi.2Mbala enkina, ntoo twenyi mpaa mbeka biko? la ele ngongaku, aku bato bane bakokelaka mbeka biko, aku bayeba bwee ntambia lonkina basumu.3Nkia mbeka biko bikela boo, balendaka lonkina mpela la mpela itina dika basumu.4Balongo baa ngombe la baa ntaba nta koka nzimia basumu5Kieku Yesu oni bolongo atepia itina la Wangi: awu ntookolanga mbeka bii balongo ye laa pe babakapo, nko olondaka bienge bimi ngaa ikapo.6Ntoo yoka nyinga la mbeka la pe la mioma bintumbantumba itina dika basumu.7Aku ntepia: bolenda, mione esonomo oko lebo lomi, oko itina dinkiaa botindo bolenga, mioone, esonomo! oko lobo lomi, oko itina dinkiaa botindo bolangawu.8Ntondo atepia: ntooko langa nkia mbeka, bakapo, la pe nyama bika bakopala itina dika basumu.9Atepela: lenda, nzaka nkia boosenga boowu, ayimia biemba bintando itina atika biipée.10Nko la lolango loko, tosoyala basanto, oko ikapo dika bienge dika Yesu Kilisito, mbala nkokio emolo11Pe nko batumbi baa mbeka bakela besala nsio binkuma pe ba paa nkoo kio mbeka, ene le mpa ntayimia basumu.12Nde, mbisa leka nkia mbeka itina dika basumu, alansée oko ndeli leka Wangi.13Akonga aku bayini baande bayala beena baande .14Nko oko mbala emolo la ikapo dinde dimo ayeliaka dilo bane bakodiki la boyambi!15Pe Elimo atatola nko itina atepela ntondo:16Lenda etando leeboyokani lengami nkela mia boo, mbisa leka nsio biku nkolo atepela nde: ngotika bekengo oko bebonda beeboo, pe ngosono oko Elimo bii boo anangia.17Pe ntingo paka lonkina basumu ba bo la biwungi bii boo.18Nkani ndie leele bosambi boo basumu, ntembia lonkina ikapo dii itina dika basumu.19Kieku, bambale itina todia, oko mboka leka bakongo baka Yesu, mboka le nzotwa oko ndie lempa basumu..20Oko mboka lee bosaba pe le lobiko lesaka nde adipua itina dii so oko mboka leka esenda le epele elakia oko bomoto boo nde.21Pe nko todia botumbi boonene boo mbeka oko lowu loka Wangi.22Tosisa la bebonda bee siloo laboyambi boo baa, toyaa la bebonda besonswakwama la boyebi boo mbo bibepe bienge biso bisoswama la losi lo peto.23Tokandema nkoo la Wangi ntekondoko ye, totika nko loomo, itina tii nko angokokia ileno dinde.24Totangiaka so laso tokapaa wembu omoo lo moo oko lolango pe la mbo bidilo.25Ntotwenyaka ye nsangitia so ngonga motindo bokela bankina, nko tokapaa balako omo omo pe mpenda oku tii nko boyene losio lososisa.26Nko, laa tokia basumu la nkoo oko mbisa lee mbaa boyebi boo so, ntembia lonkina mbeba itina dika basumu.27Etikaa nko tokonga esambisi le wembu la pe tuée lone lonene lonkoo tumba bane baa mpa nta yaka.28Moto onkuma lo mpaa ngtatosii bekengo beka Moze, baodiaka nkamba eseyi oko ntondo leka boto ndia ipe.29Etumbu bee letangisa nyo, lekoka mbaba moto one loso boya mwana loka Wangi pe aposo balongo boyokani nkonga gemba emo lempa ntembia itina, nkia eyimiaka basumu baande, pe atua Elimo le dilo leka Wangi.30Nkani toyeba moto lokotepiaka: moto longopaa etumbu, mii moto longo yisena moto la moto bobée bookinde akiaka: pe lonkina nkolo angosambisa bato baa nde.31Ele ntebo loenene la oko ba bo baka Wangi lekena.32Bokanisa lelo oko ibangelo, too, mbisa leka ndipua mesoo, bokandaka bebonda la mbobadi lende,33Mbale enkina, baenyokoko pe baetwaka oko meso baka bato, nko bosangatanaka nya bane bakodiki la bonyoko botindo bomo la nyo.34Boyokaka mpasi motindo bomo la bato baa boloko, pe boyambaka la nyinga nkumua nyo biemba binyo, boyebaka nyen bodia biemba bii dilo pe bingo ya ite.35Kieku ngaku, ntokondoko ye, itina Wangi asoko kodia ifuti le nene.36Esenga bokanda bebonda itina dii mbaa bidi Wangi a lakwaka.37Etikaa ngonta nii, moto one lokanaya ayaka ntango yaa ediee.38One looya boyambi ango bika ngo laa ayitia lonkina mbisa, ntingoyoka nyinga la ndée>>39So, so ntembe bane bayitia mbisa itina ntekambaye, tole ndée bane badia boyambi itina dii ndenda bebonda beesoo>>
Chapter 11
1Boyambi ele makanasi lamnbo bine bimba to yene, mbo impa taloyene.2La itina diku ba nkaka baso babaka boyambi.3La boyambi toye se bolongo mokedibuaka na iyoyi dika Wangi, la itina diku biemba biyeneso biyimake oko biemba bimpa taloyone.4La boyambi Abel apake Wangi ikapo mpependa ikapo dika Cayina, la itina diku Wangi alangake wuke la itina di ikapo la boyambi, Abel atepiaka mbo bidulo nkia esende awa.5Intina di boyambi atobuamaka Enoke Itina nta yenenke iwa yé. < yeneke lonkine ye ibango Wangi amo kekwaka abake itatodi la boko atiedia Wangi>>.6La boyambi ye ntokoke nzokie Wangi ninga, elenkonbo to oso katika mpika la Wangi ayambe nde Wangi aloko, alepe boko olokofuta bato bakoyalwe.7Itina diboyambi Nowa Wangi a otepiake mbo bimpa toyene lonkine, aduaka masuwa la itina abikie ibotwa dinde, la itina dika Wangi ayamake bolongo aya bato lotie lama la boyambi bonele.8Itina diboyambi Abalayama atosaka bamo besiaka asa akondie engande aba boyambi, nta yebake ndie le lekandeye.9Itina dika bayambi akotikake nkonga ngendia oko bolongo, adike ndia Izaka, lampe yakobo, badiki esuku laengondi okongengo ekio.10Ibango alendaka ndja ekende nami biko ndja eku edki mondua Wangi.11Itina diboyambi Sara ndemondua adiki ekomba naboyambi bonde atikiaka edukia la ileno dika ba moleniaka.12La itina diki moto okio diki mpika la iwa ayo yala bato wuke ngonga muato oko diko, ngonga zelo oko ebale ndenge emba ye.13Oko boyambi bawake bobankuma, ntababake biemba binkuma binki bo bo lokwake, boyineke pe boyimpa ntote oko bele, bayebake bwe bale ngendwa o nse.14Bane batepia mbo binghaki bakalakia polele baninga molongo na bokobo bobo nkika.15Langa badiki na makanisi oko nza eki bamaka bakokake ngitia.16Badiki la mposa la nza edilo Wangi ta diki na diomo la mbesiabo Wangi a kano bapa nza le dilo mpenda le bo.17Oko mboka eka boyambi, Abalayama apakoke wana londe izaka ngonga ikapo ngengo eki Wangi aomekake itina apale wana londe oko mo okinde abake oko ilemo.18Wangi atepiaka Abalayama nde Isaka boto ango ko botia bankanka.19Abalayama ayebake nde Wangi akoka mbikia Izaka oko iwa.20La boyambi ngaki Izaka apambolaka yakobo ndia Ezawu itina la mbo biyaka.21Itina dika boyambi yakobo, ntondoka awe apaka basoi okole bana bande Yozef, Yakobo akamisaka, akayekemeke eko mboto lende.22Itina dika boyambi Yozef ntondo eka bokuma bonde akapapusaka ntepia la bana ba Isalela, ntondo le nsolo Egypité boposoko nkwa bimi bo sala bio.23Itina dika boyambi Mose, ngengo eka a botuaka, ba obonyoko la baboti bande binzadi bi sato ibango adiki wana dilo, nta lotake bekengo beka nkumu.24Itina dika boyambi Mose eyake engambi aboyake baobesie wana eka Farao.25Akambake anyokwame bana baka Wangi aboyake ayoka ninga oko mbo bi basumu.26Nta ba yokake diemo la mbenga Yesu, ibango ependa la bibondja bikodiki oko Egytipo, balendaka ifuti diki Wangi akodiaka.27Itina diko Mose ayimaka oko Egipito, nta yokaka bomo la iyu dika nkumu, atepia la ndendalenda one ompa toyeneye.28Itina dika boyambi Mose atomaka bato ba Isalele bakela nteko le pake itina baboke balongo oko minya bembu, ibango bitomua liwa ntadia kake bana ba bele bantondo oko babotaa ba bo nkumela.29lama la boyambi bakatisake ndjale nkonga baloko mbotu ngengo enki bato ba Egypito balangake babenge bawake boankumela oko losi.30La itina dika boyambi bato ba Isalelé bayimbake epe le yeliko, batimbaka epe nsio bisambiale.31La itina dika boyambi Raabé akiki weto londumba nta wake ndie molondendia beto bakio boyake memia Wangi itina nde aya mboke Wangi la boyedi ba Isaelé bayake nde ndenda lenda ndja le boyedi.32Ntepela lonkina be? ntimbia ngengo le ntepia, la ba la Gedeona, Baraka, Samesona,Jafeté, Dawidi, la pe la bebembie.33Bako oko boyamni angoba bonkumu bodio botendi ango baa pe baleno, ango seya pe bitumba bika nkosi.34Ango seya wembu boka twe, angolota bomiekua, ango seya biele, bamoba la kiake bipeda bibo okobi tumba, ba sweke.35Ba nyango bankine bayeneke bana babo boko wana bao kundua nkonga baomo baniokwamake, nki abo ba boyaka nkiobe itina babike, nta tikiaka be bonda bue Wangi ango bakundue.36Bamo bango yodwama pe bangokwele bemekwa, bimba, bango kwela boloko.37Bankina baa diakaka la bawe, la mpoto biteni bipe, batée nghake pe balatake mposobi kondolo lantaba badiki la bokamba, ba nyokwe amoke pe bayeneke lonya.38Itina dibo bolongo ntoyala la bo totwe, bale be sobe, oko mwamba, oko bapoku, bamo oko mbotu.39Lama la boyambi boobo Wangi nta lakia ka nde alanga baankuma, ntaa kokisa kebaleno ba kinde alakwake.40Wangi adiki la mposa le yemba le dio oko nyon, nta sasaka ye ntondo atosopake.
James
Chapter 1
1Jake, botidibaka Wangi la pe Yesu Kilisito, oko babotwa diomu la bapele baalempandjana: nsaka.2Boyeba bobankuma nkanga lobo loo nyinga, bambale bami, laa bodia boyebi boka bemekano binkina.3Boyeba nywe bemekano bee beyambi benyo mbolo binyo ifuti nguya.4Ngako nguya eyala la bikambwa, itina dika boyale bingabi pe bonyotwame ibengo ntobokambake nkia yemba .5Ngako laa bot'omoloko etetei le nyo adia mposa la boyedi, oobondie oko Wangi. bot'omo okapa la nyinga inkuma, ntakolendele nkia bato baabondela, angoba ifuti.6Nkako obombele la boyambi, ntayalake nkia la ntembe, ngako one odia biango ale nkonga boketi bone bofumbuswama la wembo bonfuki ndia binkuma.7Nkonga bot'oko ntangakanisa angobala ifuti oko Wangi.8Botindo bakoo bato ntakoyebe, nkabee yoyi, oko ndie binkuma.9Ebongo mbala one ompa ntombia biemba wubeye, apome ntolo ibango ayale bato dumu.10Itina bato omolo lo mwani akosakia, imbango fanga bingo sila, angoleka nkonga fule molo ele oko bolenge bodia.11Wane bomonanekwe la edungudungu le iyopo du bo diwembu, bodiaka belenge, la fulele bikita, lolenge loka fule lowungasana: ieiei diko ditepela die ndenge emolo la bamwani awake la bikambwa binde.12Ale boto lo nyingha boto one ompa ntakowungise bekengo beka Wangi nkia ale oko ngengo le mpasi, ngengeo enga nde akalakia botindo be bolende, angoba bonkumu ifuti dine disaka Wangi akodia lama la bana baande.13Bato ngengo esande akwele bomeki atepela nghane: minsamekama la Wangi, ntonto ye Wangi ntakolangange mbo bi bibe, nkia la losilo lomoye, ndepe ntakomeke nkia bato.14Ngako boto la boto mposa lende le bonyondu eameka, one okanisa, ngengo esa mposa lende le boboto eyotua wuke oko etei eka bienge binde, basumu babotwake.15Ngako lononi, ngengo esa nde anono, ebota basumu, ngako basumu bààskelwama babota Iwa.16Bambale bami boo bodimo, ntokadimbake.17Mbo binkuma di dilo biyima oko diko oko Wangi, akitela la Wangi batée.18Wangi asoloko ebotwe leso la mboka eka iyoyi dinde, itana tokoke la ndjaya bato ba nguya mpende biemba binkuma bii nkinde ayangake.19Nyo boyeba nghane, bambale bami baa lolango twenya bato la bato ayoke la isadi pe atepela bodubodu iyudi la isadi.20Ibango iyodu dika boto ntiikokise botendi boka wangi.21Botwenya binyengi binkuma biibe bine bile oko boboto, la bosakie, baa iyoyi diso tepwama, one okoka nsunge bedimo.22Boyala bato bàà kelela iyoyi dika Wangi, ngako ntoboyaleke nko bato bàà lolemba. 23Làà bot'omolo ayene nde ale boto lo losambo pe ntadipo munya boonge, ale nkonga bot'one okalenda boso boonde oko elenge. 24Oko mbisa eko ngengo asokowunga laa amoyale botindobe.25Ele nko bekengo beka Wangi beesakokaka pe epake bato bonsomi laa bato akwe lende dilo pe akwe benge, laa nkwe we diopa ye ngako aeyokake pe aetotiake bot'oko angokamba nyinga oko mbo biinki nde akelake.26Laa bot'omolo akanisa nde ale boto lo babondeli, pe ntadipe munya boonde, akadimba, oko ibobdedi diinde ntimbia itina.27Babondedi baa dilo la baa wembu oko ntondo ise diso wangi bobane, sunga bitike la teto bane baso lela bele la lokieti loda bo, la pe nkesiama la mbo bii be biileka oni bolongo bone.
Chapter 2
1Bambale ntaboyake la bowangi itina dika Yusu Kilisito, Wangi bonyinga, binkuma bikelame lama la isungi dika laamo baato.2Kodimia boto omoo oko eteyibe boyonghane alata bayenge la pe bisenda biosio, mbolope oyotwa alata bisenda bii mbindo.3La olenda okoo bato osolata bisenda bidio otepela wue ndangi mwe awu ayaanse ane oko ndie le dio, mbisa eko otepela mboo wue awu ya wema la pe ya anse oko bakolo baami.4Ntembe bokasimbisa nywa méé? ntembe bokengo boyale nkonga bii batangedi bàbé?5Boyoka bambale bààmi, Wangi ntasoloko mbàà oni bolongo itina bayele mwani oko boyambi ngako botikela bo bonkumu boo diko bone bosakande alakwa oko bane boolanga?6Nkane ntabototia mbolo! ntembe mwani bidiango bene? ntembe bane baama nyo botikake oko bakambo?7Ntabowunde bena baadio ba diango?8Nkongo la okokisa bokengo boonkumu nkonga bakomi: olange mbale lewu nkanga awu ngiika okie dio9Ngako boo sunga bamo bato, okela isumu, la okayela wue ole boto lombe oko bobeko nkonga boto lo lopito.10Nkonga one lototia bekengo, yimia onelo wungisa nta botindo bomo, nde abàà ekonyo oko bobeko!11Nkanga one lotepela << ntongokoka nkeakea lolemba ayitia ntepea << ntodiake, la ntokedi lolembia, nkonga la okia, osoya botololopito.12Nkonga atepea oko nkasua lamala bane bango yàà oko bosambisi oko botindo boka bokengo bandjale polele.13Nkonga botedi boyaka ntombia iseyi okoo bane bàànya ntambia iseyi, esambiselo ntengo yààla iseyi.14Bambale ntembe dio boto omo atepela nde adia boyàmbi nkane ntambia bisadi? boyambi boko ntoo koko nsungende.15la mbale omoo la pe nyaka emoo alata bobe lama la bokambo bobilelia bii losio.16Someka mwe omo oko etetei le nyo otepea: << leka la yoi, tukala iyopo yalala inyoto nkonga ntabopake biemba bii dilo oko biengee, yemba le dio lo ekebe?17Botindo bomo la boyambi, la ntambia esadi, aloko iwa.18Bango omoo atepela lonkina << odia boyambi mindia bikambwa; ondakie boyambi bowu bone bonyangia bikambia khéé nkolakia boyambi bomi okobikambwa bimi.19Oyebomwe edia wangi bomo, okeadia nkame la bedimo béébé beyeba la nsakala na.20Opolanga oyebe bane bàànya boyedi, nkonga mwe boyambi bonya bikambwa bolenko diéé.21Abalayama isedio ntasambisaka lama bikambua nkonga pe akopake wana londe Isaya oko wedi.22Oyene wue boyambi lokendeke namiaka la bikambwa, nkongape la bisadi, boyambi bonde bofulake nta wuke.23Nkonga ekokisama enéé etepàà bakomi: << Abalayama ayambala Wangi nkonga nde ayake mbale oka Wangi, ngako Abalayama abeswame mbale aka Wangi.24Oyebomwe ntembe bikambwa bisambisa bo bato, ntembe nko bango la bowangi.25Elonko botindo bomoo, Rahaba lolemba okibo bayawake oko ikambo lamala besala beende nkengo ekinde abake lotomo, olote mboka enkina.26Nkogo bienge biinya bodimo bisawa, boyambi bonya bisadi bosakowa.
Chapter 3
1Bambale bami, ntato balake bateyo wuke, toyebe swe tongo sambisama.2Ngako, so bankumela towunga ke mbo wuke, la boto, nta wungi oko bo bakanisi bako, ale boto one osako nyota la boyebi, okoka nsokie bienge binde.3La to tika bipeko oko munya boka mpuda itina eto totie, tokoka lonkina nkendie bienge binkumela.4Bo lenda lokina nkia wato, nkia bole bonene wembo bokendia, ngako bokendiama nko la wano yemba le nio nga nkapi eka ibendi, (nkapi eka boto lo bokumelo)5Botindo bomo la lolemi wano elama emo le nio eke bienge, epasuake mbo binene, bolenda botembe bomo bo ilimeti bokoka ntumbe bosobe twe, lo nio lokoka ntumbe dia linene.6Lo lemi ele nkonga twé, ndja le basumu , ele anse oko emo eka bilama bika bienge, nde oko tome bienge oko bobe, atoma bienge oko linfelo.7Bitindo benkuma be nyama bi dia, nfulu, ndio, nsibiwa bamake ngako pe biyambamake oko bato.8Kasi boto omo ye oko lolemi ele bobe bone bompa ntato koke monyo monyo, esaka nyota la belo be bewelelo.9Itina lika lolemi, to bongo nyale bale la wangi, la lo to bongo nyambe bato bane ba ko keluamaka la Wangi.10Nko lolemi lobongo mpasuwe bayoyi ba basabo to pe basabo, bambale nteyaluamake ngako!11Itina limo pe libongo mpasue losi lo dilo to pe lo bololo?12Bote bo mangolo ba mbale bami bobongo mbotwe balala? losi lo bokwa ntalokoke mpasue losi lo dilo13Oko etetei lenyo boto nani odia boyibi? akalakia boto bo biyadi bi dilo, pe akokia bisaldi binde binkuma oko boyedi.14Ngako làà bebonda be nyo besako nyota la bikelakele pe luno, bonange bo bienge itina ba nyangale mbo bi soso.15Boyedi bo botindo boko ntabo yime oko Wangi ye, ngako bole boka bato ba bolongo bone, bo boyima oko belimo be ebe.16Ngako ndie ene elia luno pe basia, epasuake yongo le botindo la botindo.17Ngako boto odia boyebi boka wangi, ale boto lo bobonda titi, ntako sie, eyaleo lende dilo ayokelake bato isei, akelake mbo bisolo mpe bi dilo, ntambia bongala.18Bato bako bakelake mbo bi dilo bale nkonga bane bayona batia, mbo bine binki bo bayonake bibotela dilo.
Chapter 4
1Ngako bempendo la basia ba yima nkoni oko le nyo? ntembe itina lika ndjenge nyinga le bonyulu, ntambo bae itina ntabo bondele.2Bo yaluake mbemba bine bimpa nyo ntabombia, basako nyota la ikeke oko mbo wuke ngoko boto sue nkolonkina, bo so yalue nko bitumbu bokambake biemba bine binka nyo boyalue, ibango ntokobondele Wingi.3Nkia bo bondela oko Wangi ntoko bale, ibango bobondela la batangeli baa be, ndie ye bokambake nko mpite binyengi binkuma itina lika nyingha le nio.4Bole bato baa lolemba ntaboyeba nyo bato bane balanga binyengi bi bolongo Wangi ntakwalange? one olanga bolongo ale boyini boka Wangi.5Ngako boyebe nyo bakomi potepela nko die ngengo etepela bo: Elimo basande ayotia oko leso bolia luno ntabo ko lange binyengi bi bolongo?6Ngako Wangi ba atadio, labe bakomi batepela Wangi akisinake bato ba lolendo, ana mpo lake bato bane baka sokia.7Ngako bototia Wangi, bolota mbo bi bibe biope bi ngwalota8Bo beeme la Wangi ngako nde angoyala la nyo, bo sasa baboo, bato ba basume, pe bo londa be bonda, bengala.9Boyala la lolango, bokietene, tume biteko bi nyo bi kalomwa bileo pe nyinga le nyo ekalomwa nseyi.10Bokakisena oko ntondo eka Wangi engako nde ango'onangola.11Bambale, antabo tepelake bobe la bambale, one otepela bobe la mbale, to one tendée mbale, ntepela bobe la bokengo, nto mbe bolendi be kengo, too pe nkonga.12Nkane Wangi ndekika bokeli bo bebeko pe nkonga ale nde ndekinka boto olia bokoki ndonda londa pe mpita, ole nani, boto otendee bale lewue.13Yokitia nyo ba tepete: lenetoo lobi tongosa kia ndja oko, tongo yila mpela eyaka, tango kela bombongo pe to ngo ba bakota.14Boto nani oyeba bi ngoya lo too botindo bongawu oyale lobi? kane bole nkonga wembo bo yenwama oko ngengo et bo limwa oko ngengo enkina.15Bo bongo ntepela nghane: la Wangi alanga, tongo bika pe tongo kela nghane, nghane.16Ngako mkoko boto, nyo bokalakia longa lunkuma, longa bonguma loka bobato bako lole bobe.17Moto one oyeba botindo bokokande la nkela kela ngako pe aboyi kelebo, akela nde basumu.
Chapter 5
1Akoboko nyo bale nuani, boléa nkonga bootungisama ibango la iseyi diiyaka oko wu2Bobalea bowu boyondo nkonga ye bisanda biiwu bilewuama oko bobompasi.3Iyenge diwu la bakota baawu bapina mpitana eko epaa betato itina lawu, engotika bienge biiwu ngonga tuen ongoba itomba diwu losio lobokuma.4Nda itomba dika basadi diyokabe itomba disanyo bobaa okoo lane bakoyonaka batia, bayoyi baka bayani bayokana oko batoyibaka wangi ilonga.5Bosayoba oni nsée boyaléo bodio nkonga pe bingondi, bonyotie bebonda la belawu boyebe nuen losio lo ikumio bango'adiaka.6Omo kongake, omodiakake baletii, ntongo yala la nsio.7Boyala bokandi bolomo lambale, tiinkoko bayaleo boka Wangi, lenda boyoni olendeo mbo bidio biyima oko mbotu, akonganta tukoo tiinkanga losio longandée oloe mbela le ntando lape lebipele.8Nyo peboyala bokandi bolomo, balàà lomo bango bayeleo baka Wangi baya mpika.9Ntabokayokéake mbadi mbale, omo mbesaka onkina, itina dika ntosayala oko isambisi; lenda, nkoonga bisakatika oko munyewu.10Bambale, boposo lokodimia la bonyoka, la bokandi boo lomo boka bantama bane bakotepeaka oko munya boka Wangi.11Lenda tokodimia bane badia bebonda benene basuakuma, boyokaka ngotepéo bo la ndjike mpiko eka Yobo, boyeba bokano boka Wangi ngo kinde adiki bàà la nguya lape iseseyi.12Nyo bambale, ntosimbe nyimi nkia oko diko, nkia oninséé, ntonsimbe nkia nyimbi enkina edia bokapodi la lenya, hoo eyale <> ngako ye <> <> itina ntoo kite oko bosambisi.13Omo oko eteyi lenyo adia mbaka? one loo botitia, omo lonyo dia nyinga? ono loyembo nani.14Omo oko etetei adia wale? nani obesiya ma engambi le boyembi ngako bingambi babondea lande, aka dise bolawu oko dina dika Wangi.15Lobotitia lo boyambi lobikia boto lo wale, mbisa eko Wangi aotika wema, la akeake basumu Wangi adimbisa.16Bobondea bosambi bo basumu bango omo' la omo', itina dika bobike, lobotita loka bayambi lodia nguya emo' le wembu.17Eliya adiki wele omo' lonkonga so, a botitiake la bokandi bolomo itina mbula nteloke, mbula mpe nteloko mpeya bisato la bendjadi besamolo.18Eliya abondea lonkina, diko didipwe mbula nse ebota mbolo.19Bambale, la mo' oko etetei lenyo adunga ntaso, onkina oyisene oko baaba.20Boyeba nyuen one losoyimia boto lo basumu oko mboka lembe, asunga mbale le nde; Wangi ango dimbisa basumu, nkia balewuke.
