To view a copy of the CC BY-SA 4.0 license visit
http://creativecommons.org/licenses/by-sa/4.0/
Matendo ya mitume
11Sitabo sye kale ndandika, Theofilo, nkuyomba ago ala bukuzya Yesu kutumama ne kulangisya, 2kuhika kulusiku olwo Yesu alanukulwa higulya mwilunde. Ilaba aho amala kubalangisya kuhitila Mwizo Mtakatifu kubatumwa abo ali amazile kubalaha. 3Aho amala kwagalazibwa, alabifumbukizya ali muhanga ne menko zyona ninki balabonelezya, ku nsiku kane akwigela kuminso gabo, ne abanga akubatembusya mihayo ye bwami bwe Mungu.4Aho abanga akwibona nabo alababwila batakapuna Yerusalemu, balinde ilagano lye mwa Baba, alayomba, "Mubomvwa kwone 5mukuba Yohana abatizyanga kuminzi, lelo imwe mukubatizibwa ku Mwizo Mtakatifu kunsiku ndo ne ezyo zye kwiza."6Balanga olo ibasanzya nage sihamwi mubazyanga, "Oti Mukama elyane nge itungo elyo we kubazubizya baisraeli bwami?" 7Awe ala babwila, "Hali oti kwimwe kumania itungo elyo Mukama atuzile ku balamuzi bwamwe." 8Ne kandi mulanukula nguzu ku itungo Mwizo Mtakatifu ali ze higulya yinu, ni mwe mulakaba bambona bane hona hona mu Yerusalemu ne Bayahudi yona ne Samalia kuhika ku mpelo ye nsi."9Mukama Yesu aho amala kuteta elyo igambo, bali ibalinga higulya, Awe ala solwa kubasibwa kuzya higulya mwilunde, ilunde lia mufundikila batala mubona kandi. 10Balalingilila mwilunde akuzya ku elyone itungo, bantu babili balimilila muminso gabo aho bali bambele myenda zyepe. 11Balayomba, "Imwe bantu be Galilaya kusi imwimilila aha ne kuba imwalinga mwilunde?" Oyane Yesu iyagegela higulya mwilunde alakasuba kwiza kati omwone mwamubona akuzila mwilunde.12Balasuba Yerusalemu kupuna mulugulu lwe mizeituni, lugulu olo lulihihi ne Yerusalemu, mukuzila lusiku lwe Sabato. 13Aho bamala kuhika balagegela mwi igorofa eyo bikalanga. Babanga Petro, Yohana, Andrea, Filipo, Thomaso, Batholomayo, Mathayo, Yakobo Mwena Alfayo, Simoni Zelote ne Yuda mwene Yakobo. 14Bonane bala sihamwi kati oko muntu umwi, kunguzu balaba bakulomba. Sihamwi ne abone baliho ne bakima Mariamu nina we mwa Yesu ne bakuluye.15Kunsiku ezyone Petro alimilila hakati ne idale lye bantu kati 120, alayomba, 16"Badugu yali oti gahika ago mandiko, aho kale Mwizo Mtakatifu alayomba kumulomo gwe mwa Daudi kungoko ye mwa Yuda, oyo alabasontela abo bala mukwata Yesu.17Mukuba awe abanga mwisitu awe alanukula iganda lyamwe lye kulihwa ku ogwa mulimo." 18(Oyane muntu alagula nsi, ku esyo alanukula ku mabi gamwe gona alagwa alatonzya mutwe, mubili gula beleka ne mabula gamwe gona galaba helugala seseka. 19Bantu bona be Yerusalemu balamvwa elya igambo, ngaho eyone nsi bala ilanga ku lulimi lwabo "Akeldama" elyone ne "ilale lye magazi.")20Kusitabo sye Zaburi ilibwandikwe ulinde ilale libe itongo ne itakazumilizibwa muntu tyoyo wona kulenda ahone; ne uzumilizye muntu undi asole syopo syamwe kubutongezi.'21Ni igambo lye syenkanane muntu umwi mugosya oyo ambanga nifwe sihamwi aho Yesu akupuna hone abe sihamwi nifwe, 22Kubukila ha bubatizo be mwa Yohana kuhika lusiku akugegela mwilunde oyone abe muntu oyo abangaho ne kuhika lusiku lwe kuzyoka abanga nifwe. 23Bala sola bantu babili Yusufu oyo ekulangwa Barnaba ne kandi bala musola Mathia.24Bala musaba Mungu bakuyomba "Obene Mukama ngobe we kumania mizo zye bantu bona twolesye nende kubantu aba babili oyo 25iwa musola asole syapo mukuba atumame nifwe syopo simva Yuda alatumama mabi ne kuzya eyo alazya bala 26mwesela Mathia aligengeleka oyo ne nge alikala sihamwi nabo ikumi na umwi.
21Aho lwahika lusiku lwe Pentekoste, bona ne bali sihamwi. 2Aho naho halabukizya mulundumo kupuna mwilunde kati oko muyaga mukulu, gula yokazya numba yona omwo babanga. 3Ahone ziliza ndimi, kati mdimi zye mulilo zye bulekane zilaba higulya yabo kila umwi. 4Bonane balokazibwa ne Mwizo Mtakatifu ne balabukizya kuteta ku ndimi zindi kati omwo Mwizo alabaha kuteta.5Babangaho bayahudi abo bali bulende Yerusalemu, bebumuzumye Mungu, kupuna mahanga gona munsi yi ilunde. 6Aho bomvwa ogwo mulundumo liliza idale lye bantu eno ibobaha mukuba tyoyo wona abomvwanga bakuteta kululimi lwamwe. 7Balateyeka ne kukumya abe balayomba oti, "Ne nhana abane bonane be kuteta batali Bagalilaya?8Kusi twekubomvwa kululimi lwe tyoyo wona oyo omwo bala zyalilwa? 9Waparthia ne Bamedi ne baelamu ne abo bali bwikale Mesopotamia, Bayahudi, ne Kapadokia, ne Muponto ne Asia, 10Mufrigia, Pamfilia, Mumisri ne lwande lwe Libya ne Kirene ne bageni kupuna Rumi, 11Bayahudi ne be buzumya Mukama Bakrete ne Balabu twe kubomvwa bakuteta ku ndimi zitu, eyane ne nguzu zye budula bwe mwa Mungu."12Bonane bali ibateyeka ne kuleka kumania;balabukizya kwi ibuzya abe ku abe, "Eyane nge muhayo nabasi?" 13Bandi bala basibolezya ba kuyomba, "Abane ibakolwa mvinyo nhyahya."14Lelo Petro alimilila hakati ye abo ikumi ne umwi, alahamuka alababwila, "Bantu be Yudea bona ne obo muli aha Yerusalemu, Ogwane gumanike kwinu, mudegeleke ne kwitegelezya magambo gane. 15Bantu abane balakozilwe kati omwo mwekwiganikila, kungoko otine ne mulabo saha isatu.16Ogwane kula hayilwa kuvwa kale ne nabii Yoeli: 17kunsiku zye ha mwisyo Mungu alayomba, ndaka sesa Mwizo gwane ku bantu bona, bana binu be bagosya ne bakima balakateta mihayo ne kupuna bunabii ne bana binu be bayanda balakabona ago gasyali kuba ne banampala balakalotela.18Kungoko ye batumami bane, batumami bane bakima ne bagosya ku nsiku ezyone, nda basesele Mwizo gwane nabe balakaba bakuyoma ago gala kigela. 19Ndakolesya makumyo higulya mwilunde ne lumenko mubwelelo, magazi, mulilo, ne malangisyo ge lyonsi.20Izyoba lalapiluka kuba giti ne mwezi kuba magazi nko lusyali lusiku lukulu lwe kukumya lwe Mukama. 21Ilakaba muntu oyo alakalilanga izina lye Mukama alakasoboka."22Bantu be Israeli mudegeleke magambo aga; Yesu Mnazareti muntu oyo alabutulwe syenkana ne Mungu ku imwe mu kutumama kubudula bwe ku kukumya ne menko zye Mungu kuhitila ku awe hakati yinu, kati omwo imwene benekili mwe kumania. 23Kungoko ye nzila ezyo Mukama alazitula kuvwa kale ne bwenge bwe Mungu, ala mupunia nimwe kumaboka ginu bantu babi mula mukoma kumuti ne kumwihaga. 24Oyone Mungu ala mugegezya lugulu ala sizya manegelo ge lufu ku awe, kungoko itenkadulinkene kuba mutumwa we bantu ku ogwomuti.25Ngoti Daudi ala muyomba, "Ndamubona Mukama ku butonzi bwe minso gane, awe ali kuboko kwane kwe bulyo, ntekegelezibwa nolo kutingina. 26Mwizo gwane guli ne busime ne lulimi lwane gwe kwihalala. Ne mubili gwane guli buhangame ne bugime.27Atala ndeke nzye mumalilo nolo atenka zumilizya muntu Mutakatifu wamwe kubona bubole. 28Obene iwa alekezya kwone nzila ye buhanga; ukugema ni halale muno ku butonzi bwe minso gako.29Badugu ne kusoboka kulomela ninu ku bugime kungoko ye mwa dada witu Daudi: awe alafwa ne kuzikwa, ne kabuli yamwe iliho twe kuibona nolo otine bwalelo. 30Ngoti abanga nabii ne amanianga mujkuba Mungu ali bulahile ku mulahi gwamwe awe oti ala katula muntu umwi ku luzyalo ku itebe lye bwami bwamwe bwekale ne kale. 31Elyane ali alibwene kuvwa kale alayomba kungoko ye kuzyoka mu bafu Yesu Kristo, 'ne atala lekwa mu kuzimu nolo. 'mubili gwamwe gutalabola.32Oyane Yesu, Mungu alamuzyola, ifwene bona tuliba mbona. 33Ne awe alagegezibwa higulya alikalisya kuboko kwe bulyo bwe Mungu ne alanukula bwisagizibwa bwe Mwizo Mtakatifu kupuna mwa B'ab'a na awe iyabusesa bwisagizibwa obwa, imwe mwabo na ne kwimvwa.34Nge kuyomba oti Daudi alagegela kuzya mwilunde, ekuyomba oti Mukama ku Mukama wane, 35"Wikalisye kuboko kwane kwe bulyokuhika namale kubatula bikavi bako munsi yemagulu gako. 36Numba ye Israeli yona bamanie mukuba Mungu amatuzile awe kuba Mkama ne Kristo, oya Yesu oyo mula mukoma kumuti."37Aho bamala kwomvwa ago mizo yabo ila negela bala mubwila Petro ne mitume bandi, "Mdugu nge tugeme tyani?" 38Petro alababwila, "Mukuba mabi ginu ne Mubatizibwe ku izina lye mwa Yesu Kristo kungoko ye kulekezibwa mabi ginu ne kunonkwa Mwizo Mtakatifu. 39Kwinu ne bwisagizye ne kubana binu ne kubantu bona abo bali hale bantu binki kati omwo Mukama Mungu ekubalanganizya."40Mukayombelo kandi alabatengela ne kubalomba alayomba, "Mwsobole mupune mu olwa luzyalo lwe mabi." 41Balaba baganukula magambo gamwe ne kubatizibwa, bala kwila ku lusiku olwo kati bantu vihumbi visatu. 42Balikala ku malangisyo ge batume ne kuba hamwi nabo kukila igambo eno bakumega mikate ne kusaba Mungu.43Balabaha kila umwi ne makumyo minki ne menko ziligengeleke kulutila batume. 44Bonane abo balazumya bali kala sihamwi ne kusangizya vintu vyabo sihamwi, 45baguzyanga vintu vyabo ne nsabo zyabo ne kugabona kubona kulula muntu ne evyo ekukoba hawamwe.46Lusiku kulusiku balaba ne Mwizo gumwi mu ihekalu ne babanga bakumega mukate bakuhita numba ku numba ne balyanga silibwa ha bwihalale ne bwidohya bwe mwizo; 47Bala mukumilizya Mungu ne bantu bona bala bazumya. Mukama alongezya bantu lusiku kulusiku be kuzumya igambo lye Mungu.
31Petro ne Yohana bazyaga mwi (ihekalu) bahanga ne mabomba, saha syenda. 2Muntu umwi we buzinganie kuvwa kubutwa kwamwe, abusibwanga nsiku zyona, bamulalikizya hamuzigo gwe (ihekalu) ogwone muzigo gwa langangwa muzuri, kungoko abe alalomba (kusaba) luhambo ku bantu abo bazyaga kwingila mu ihekalu. 3Alaba ababona Petro ne Yohana begelela kwingila mu Ihekalu alabasaba luhambo.4Petro ala mulinga kuminso munone sihamwi ne Yohana alayomba, "Utulinge ifwe." 5Oyo muntu ala bilolela akwiganika akwanukula sintu ku abe. 6Lelo Petro alayomba, "hela ne dhahabu one ndigele, lelo esyo ndi nasyo ngesyo nkukuhelezya. Ku izina lye mwa Yesu Kristo we Nazareti, tumbagila."7Petro alamukwata kuboko kwamwe kwe bulyo alamwimilika, ku elyone itungo magulu gamwe gala guma ne magufwa galapandika nguzu. 8Ala guluka higulya oyo we buzingame ana bukizya kutumbagila alingila mu ihekalu sihamwi ne Petro ne Yohana akutumbagila ne kuguluka ne kumukumilizya Mungu.9Bantu bona abo balamubona akutumbagila bala mukumilizya Mungu. 10Bala mania mukuba ngoyo muntu abanga akwikala akulomba luhambo ha muzigo muzuri gwe ihekalu balakumya muno ne kuteyeka kungoko ye esyo syaba ku awe.11Omwo ali iya bomelela Petro ne Yohana, bantu bona sihamwialilukila mu bukumbi bwe mwa Selemani, babanga bakukumya muno. 12Petro aho abona elyane igambo alabasubizya oti, "Imwe bantu be Israeli kusi mwe kukumya? Ne kusi mwe kutulingilila, kati oti ifwe ngetwa mugema oya muntu alatumbagila kunguzu zitu ne bwenge bwitu?."13Mungu we mwa Ibrahimu ne we mwa Isaka ne Yakobo, Mungu webisefwe, amukumusya mtumami wamwe Yesu ngoyo mula mukema ne kumutula muminso ge mwa Pilato, Pilato atalabona bubi bwamwe alabona amulekele llelo imwe 14mula mukema Mtakatifu ne muntu oyo ali ne nkana, mulatogwa oyo mwihazi nge alekelwe ikale muhanga.15Mula mwihaga Mwami we buhanga, oyo Mungu ala muzyola kupuna mu bafu - ifwe tuliba mbonaku igambo elya. 16Mukuzumya ku izina lyamwe muntu oya mwekumubona ne kumania alahebwa kuba ne nguzu. Kuzumia kuhitila mwa Yesu ahebwa kuba nuhanga kati omwo mwekubonela muminso ginu bonane.17Kwotine badugu ne kumania mukuba mula gema mukubulwa kwenge, ngomwo omwo balagemela bakulu binu. 18Mukuba elyo igambo alababwila kalenakale mukuhitila milomo ye banabii bona, mukuba oya Kristo alaka galazibwa ne nhanane galaba ku awe.19Otine mukuba mabi ginu ne mumupilukile, kungoko mabi ginu gatanibweho, zize nsiku zye kwihumunsya mukuba ne Mukama; 20ne kuba asoboke kumutuma Kristo oyo alibutulwe kupuna kale.21Oyone nge oyo ilunde syenkana limwanukule kuhika ku itungo lye kusuvibwa vintu vyona, evyo Mungu ala viyomba kulekana ku milomo ye ba nabii batakatifu. 22Syenkana Musa alayomba Mukama Mungu alalete nabii kati one kupuna mu badugu binu, muladegeleke ku gona ago alakababwila. 23Ilakaba oti muntu tyoyo wona oyo atakumudegeleka oyona nabii alakihagwa apune hakati ye bantu.'24Ngahe banabii bona kuvwila mwa Samweli ne bona abo bekumulondezya bala lomela ne kupunia silaka ku nsiku ezya. 25Imwe muli bana be banabii be ilagano lye Mungu elyo alalagana ne baguku binu, kati omwo alayomba mwa Ibrahimu, kumbuto yako bwelelo bwona bulakafuhulwa.' 26Aho Mungu amuleta mutumami wamwe, alamutuma kwimwe mbela kungoko abafuhule imwe mupilike ne kuleka bubi bwinu."
41Aho babanga bakuyomba nabo bantu, bakuhani ne akida we ihekalu ne basadukayo baliza ho. 2Ibasaya muno mukuba bekulangisya ne kubatembusya bantu kungoko ye mwa Yesu mukuba kuliho kuzyoka mu bafu. 3Balabakwata balazya kubegekela yali kakagogolo. 4Lelo bantu binki muno abo bala degeleka elyo igambo balazumya olo kubapeta yenkaba bantu bagosya kati vihumbi vitano.5Aho yahika mulabo bakulu ne banampala ne bandisi balisumvya Yerusalem. 6Ne Anasi kuhani mukulu ne kayafa naweneho ne Yohana ne Iskanda ne bona abo bali ne baduguye be mwa kuhani mkulu. 7Aho babatula hakati yabo Petro ne Yohana balababuzya kubuso be we tyani nolo ku izina si mwe kugema aga?"8Petro abanga okele Mwizo Mutakatifu, alababwila, "Imwe mulibakulu be bantu ne banampala, 9kulusiku lwe bwallelo twekubuzibwa ku igambo lye kapanga elyo lilagemwa ne muntu oya mulwale kunzila si muntu oya ala sizibwa? 10Nelimanike elyo igambo ku bantu bona be Israeli, mukuba ku izina lye mwa Yesu Kristo we Nazareti, oyo mulamukoma ku muti, oyo Mungu ala muzyola kuvwa mubafu, ne kungoko (kunzila) yamwe oya muntu kwimilila mu minso ginu ali muhanga gelele.11Yesu Kristo ne ibale lye hempelo elyo imwe bazunguzi mula ligailizya ngelyo ilya gemwa kuba ibale ikulu lye hampelo. 12Kutali ho kugomoka ku muntu tyoyo wona, mukuba litaliho izina lindi munsi ne ilunde elyo balahebwa bantu ku elyone wekusoboka kuahulwa."13Aho babona bugime bwe mwa Petro ne Yohana balamania mukuba bali bantu abo bali busome balakumya balamania mukuba Petro ne Yohana, babanga sihamwi ne Yesu. 14Kungoko bala mubona muntu oyo aiyasizibwa ali nabo sihamwi, balabulwa lye kuteta kungoko ye elyane igambo.15Aho bamala kubabwila batume bapuneho ku elyone ibanza balalomela abe ku abe. 16Balayomba tukubagema tyani aba bantu? Ne nhana lumenko lwe kukumya lwigela kuhitila abane bantu, ne bantu bona be Yerusalemu ibamania ne tutenka duzya kulikema elya igambo. 17Mukuba elyane igambo latekazya kumanika muno mu bantu tubahangizye batakazya kandi kulangisya kubantu ku izina elya . 18Balabalangila munumba Petro ne Yohana balababwila muliza kusubile kandi kuteta nolo kulangisya ku izina lye mwa Yesu.19Lelo Petro ne Yohana balasuvya bala babwila, "Olo ne nkana mu minso ge Mungu kubakuzya bantu kukila Mungu, ne mulamule imwene benekili. 20Kungoko ifwe tutenkaduzya kuleka kugateta magambo ago tulagabonelezya ne kugomvwa."21Bamazile kubahangizya kunguzu muno Petro ne Yohana bala balekela bazye. Mukuba batalapandika igambo lyelyo lyona lyekwokola kubalamula mukuba sumuzya kungoko bantu bona babanga bakumukumilizya Mungu ku elyo igambo elyo atumama. 22Muntu oyo ali iyapandika kuanukula lumenko lwe kusizibwa abanga ne simo kati sye kukila miaka kanne.23Aho bamala kulekelwa Petro ne Yohana balazya kubantu babo kubatembusya magambo ago bakuhani bakulu ne banampala iba babwila. 24Aho bagimvwa, bala hamuka kusilaka sihamwi ne kuyomba, "Mukama obe nge ulasumba ilunde ne nsi ne nyanza ne vyona evyo vilimo, 25obene ngobe uli Mwizo Mtakatifu, kumulomo gwe mwisefwe Daudi, mtumami wako, ulayomba, "Kusi bantu be mahanga iba bezya bubi ne bantu be kwiganika mabi?26Bami bona be munsi bikalisye sihamwi ne bakulu be nsi bona ibisumvya kumunaga masia wamwe."27Syenkana bona Herode ne Pilato sihamwi ne bantu be mahanga ne bantu be Israeli, ibasanzya halumwi mu eyane kaya kungoko ye kumunaga mutumami wako Mtakatifu Yesu, oyo uli bumusige mafuta. 28Balisumvya sihamwi kugema ago gona, kuboko kwako ne kutogwa kwako gala galagizya kuvwa kalenakaleaho gali gasyali kuba.29Kwotine Mukama ubone ne ulinge mikango gabo ne ubahe nguzu batumami bako kuliyomba igambo lyako kubugime bwona. 30Hakuba olo wagolola kuboko kwako kusizya ne menko ne makumya vigele kuhitila izina lye mutumami wako Mtakatifu Yesu." 31Aho bamala kusaba aho balibisumvya halatinginibwa, bonane balokazibwa ne Mwizo Mtakatifu, ne balabukizya kuteta igambo lye Mungu ku bugime.32Bantu binki abo balazumya balaba ne mwizo gumwi ne ataliho muntu umwi oyo ayombanga vitu evyo ali navyo uti vyali vyamwe kuba vye bona. 33Kunguzu ninkibatume babanga bakutembusya esyo balabona kungoko ye kuzyoka ku mwa Mukama Yesu, ne busoboke (neema) balinabwo bona.34Atabangaho muntu tyoyo wona mu idale lyabo oya alalevya sintu kungoko bantu bona abo bali ne hatizya malale (viwanja) numba balaviguzya ne kuvileta hela zye vintu evyo balaviguzya 35ne kuvitula munsi ye mumagulu ge batume, ne bagabulanga ku bantu bona abo bali sihamwi bebuzumye mu kwinganisya ne omwo tyoyo wona omwo ekukobela.36Yusufu, mlawi muntu we kupuna Kipro, alahebwa izina lye mwa Barnabasi ne batume. 37Ali ne ilale alaliguzya alazileta hela ku batume.
51Habele aho muntu umwi izina lyamwe alangangwa Anania, ne Safira mkazi, balaguzya lwata lwe nsabo. 2Ne alabisa hela zindi ezyo ibaguzya (mkazi ne wene alamania) alaleta hela ezya zya saga mumagulu ge batume.3Lelo Petro alamunuzya alayomba, "Anania kusi syetana akwokala mu mwizo kumubeha Mwizo Mtakatifu ne kubisa lwata lwe nsabo zye ilale? 4Aho lyali lisyali kuguzibwa litali nsabo yako ne aho waliguzya litali mubalamuzi bwako? Iliba tyani kugema igambo elya mumwizo gwako? Utababehile bantu lelo wamubeha Mungu." 5Aho imvwa agone magambo Anania, alagwa hansi alafwa. Bantu bona nalabaha aho bomvwa igambo elya. 6Basumba baliza kumuboha mu sanda, balamufila helu kuzya kumuzika.7Aho gamala masaha asatu mkazi alingila nawe munumba abanga atekumania tyelyo lyona. 8Petro alamubwila, "umbwile ikaba mulaliguzya ilale kuhela ezyone," Alayomba, "Ne nhana tulaguzya kuhela ezyone,"9Petro alamubwila, "yaba tyani mwiyomvwite ne kwizumilizya kumugemya Mwizo we Mkama? Ulinge magulu ge bantu abo iba muzika mulumewako ha muzigo, ne bakukubusya kukufila helu. 10Ku elyone itungo alagwa mumagulu ge mwa Petro alafwa ne bantu baliza munumba bala musanga iyafwa. Balamubusya kumufila helu, balamuzika hihi ne aho iba mutula mulume wamwe. 11Bwoba bulabakwata bantu, ikanisa lyona, ne bantu bona abo balomvwa igambo elyo.12Menko ninki zye kukumya ziligela kuhitila bantu kumaboko ge Batume. Baganga halumwi mu sebule ye mwa Sulemani. 13Ataliho muntu nolo yumwi oyo alagemeka kuba ne nguzu zye kwisanzya nabo, balahebwa isima kuhitila ku bantu.14Kandi bazumya binki balakwila ku Mukama, balagana kukwila bazumya Bagosya ne Bakima. 15Bantu balabusya balwele kupuna mumakaya, balaba bakulelikizya kumabulili ne kumatebe, Petro olo akaba akuhita sinini syamwe sibahiteko. 16Ahone kandi bantu binki baliza kupuna mumakaya ago ge kuipilima Yerusalemu, bakuleta balwele ne abo bali ne masambwa, Bonane balasizibwa.17Kuhani mkulu alabuka, ne bonane abo abanga nabo (abo babanga mu dini ye masadukayo); Bala bona Ibuba mumizo yaba 18Bala ba bada batume ne kuzya kubegekela mu sifungo bonane.19Aho yaba bufuku malaika we Mukama aligula mizigo zye numba omwo bali ibegekelwa, alatongela kupunia helu alayomba, 20"Muzye mwimilile mu kanisa muzye mubatembusye bantu magambo ge buhanga obwane." 21Bamazile kwomvwa igambo elyo balazya balingila mu kanisa mulabokale (makingilima) ne kulangisya, lelo kuhani mkulu aliza sihamwi ne bisyamwe alatagilizya ibnza lye sihamwi ne banampala bonane bantu bona be israeli alabatuma bazye babalete batume (Mitume)22Basilikale abo balazya eyo musifungo batalasanga muntu balasuba kwiza kutembusya (kutenga) 23Twalisanga igeleza lili ihanga lili bwegekwe kusoga ne basilikale be hamuzigo baliho aho twigula muzigo tutabwene muntu nolo umwi," (batalimo)24Kamanda we igeleza ne bakuhani bakulu aho bimvwa magambo aga balobaha kungoko yabo oti elya ne igambo likuba tyani. 25Muntu umwi aliza kubabwila, "bantu abo mulabafunga mwi igereza bimilile mu kanisa bekulangisya bantu."26Ahone oyo kamanda mkulu alazya ne basilikale bamwe kuzya kubaleta mukubikumbilizya, kungoko balobaha bantu batiza kubahula ne mabala. 27Aho bamala kubahisya bala batula mu minso ge ibanza kuhani mukulu alababuzya 28alayomba, "tulabahangizya mutakalangisya ku izina elya, kandi mwayokazya Yerusalemu kumalangisyo ginu ne kandi mwe kwikumbwa kuleta magazi ge muntu oya kwifwe."29Petro ne batume bisyamwe balasuvya, "lazima twidohye ku Mungu kukila ku bantu. 30Mungu we bisefwe alamuzyola Yesu mu bafu, oyo mulamwihaga muku muhanika higulya ku muti. 31Mungu alamuha ikuzyo kumutula kuboko kwe bulyone kuba mukulu ne mukomozi, kupunia mabi kubaisraeli ne kubalekezya mabi gabo. 32Ifwe nge tuli ba mbona be magambo aga ne Mwizo Mtakatifu oyo Mungu iya mupunia ku bantu abo be kwidohya kwa awe."33Banampala be ibanza aho bomvwa oti, bala syahala balakobakubihaga abo mitume. 34Mfarisayo umwi alangagwa izina lyamwe Gamalieli, mwalimu we shelia, oyo ali buhebwe isima ne bantu bona alimilila ala yoma mitume bapunibwe helu ku itungo idone.35Alayomba mukubabwila, "Bagosya be israeli, Mwitegelezye munne ku esyo mwe kwenda kubagema bantu aba. 36kungoko Theuda ala bukila ne kugema kuba ne mutu mukulu ne idale lye bantu kati magana ane balamulondezya. Alihagwa ne bantu bona abo ali nabo balasambala ataligela nolo umwi. 37Aho apunaho oyone muntu, Yuda mgalilaya, alabukilamo kunsiku ezyo lyali itungo lye kupela bantu, balamulonda bantu binki. Nawene alabula ne bahemba bamwe bala sambala.38Kwotine ne kubabwila oti, mubaleke bantu aba, ne bubaleke benekili, kungoko ikaba ne nzila ye bantu ikutagwa. 39Ikaba ne nzila ye igambo lye Mungu, mutakudula kubahangizya; Mwenkisanga mwekusola ne Mungu," Bala mwomvwa ne kuzumya magambo gamwe.40Bala balanga mitume balabafutagula ne kubakemezya batiza kuteta kandi ku izina lye mwa Yesu, bala balekela balazya. 41Balapuna kwi ibanza ibihalala kungoko bapandika nhana, kwagalazibwa ne kubuzibwa isima kungoko ye izina lye mwa Yesu. 42Nsiku zyona mukanisa ne mumakaya balongezya kuzya bakulangisya ne kulilanzya izina lye mwa Yesu kuba ne Masiya.
61Kunsiku ezya aho bahemba bagana kukwila, ilalamiko lye bayahudi ne bayunani liliza kungoko ye ba Baebrania, kungoko ye bajane babo oti bekubalabila kubagabulila silibwa.2Mitume ikumi ne babili bala balanganizya bahemba babo bona balayomba oti, "Itali kusoga ifwe kulileka igambo lye Mungu kulendela kugabula syekulya. 3Imwe badugu muchagule bagosya musamvu kupuna kwimwene bantu batungilizya be Mwizo ne bwenge busoga abo twenkadula kubaha mulimo ogwane. 4Nifwe,tube ne mulimo gwe kusaba Mungu ne kutumama mulimo gwe igambo lye Mungu."5Elyone igambo balalisima bantu bona. Alachagulwa Stephano muntu oyo we bwokale Mwizo Mutakatifu ne mzumya we nhana ne Filipo, Prokoro, Nikanori, Timori, Parmena, ne Nikolao muzumya kupuna Antiokia. 6Bazumya balabaleta bantu aba muminso ge mitume, balasaba Mungu bala batulako maboko gabo.7Igambo lye Mungu lilasanzyahona; bahemba balagana kukwilamu Yerusalamu; bakuhani binki balazumya igambo lye Mungu.8Stefano, we bwokale neema ne nguzu, alagema magambo makulu ge kukumya ne kuba ne lumenko lukulu mwabo bantu. 9Ku itungo elyo balabukilamo bantu bahemba be isinagogi lye Mahuru, ne lye Bakiene ne lye Baeskanderia, ne bandi kupuna Kilikia ne Asia. Bantu abane babanga bakwibuzya ne Stefano.10Lelo bataladuzya kumukinda kungoko ye bwenge bwe Mwizo ogwo Stefano atumamilanga kuteta nabo. 11Bala babehagula bantu bandi badone kulwibiso kuyombo oti, "itwomvwa stefano akuteta magambo ge kumutuka Musa ne Mungu."12Bala bahatikizya bantu, banampala, ne bandisi, balazya kubada Stefano, balazya kumutula kwi banza. 13Balaleta bambona be bubehi abo balayomba, "muntu oya atekuleka kuyomba magambo mabi munsi yitu eya ntakatifu ne bulamuzi. 14Mukuba itwomvwa akuteta kuba oya Yesu we Nazareti aku habihya aha ne akuhapilula kalendele kitu omwo tulalekelwa na Musa." 15Bantu bona abi baliko ku ibanza elyo bala mwilolela Stefano, bala bona busyo bwamwe ibwabakati bwe mwa malaika.
71Kuhana mukulu alayomba, "magambo aga ne ge nhana"? 2Stefano alateta, "badugu ne ba dada bane, mundegeleke one; Mungu wikuzyo oyo alamubona isefwe Ibrahimu kwi itungo elyo abanga Mesopotamiaaho asyali kulenda Harani," 3alamubwila upune ku nsiyako ne baduguyo uzye kunsi eyo nka kulanzya'.4Ahone alapuna kunsi ye Bakaldayo asamila Harani, kupuna itungo elyo aho amala kufwa isye, Mungu alamuleta mu nsi eya eya tulimo notine. 5Atalamuhelezya bulisi tyobwo bwona nolo hekutula kugulu tuhu. Ibrahimu ali iyisagizibwa aho asyali nolo kupindikamwana mukuba akuhebwa nsi yibe nsi yamwe ne luzyalo kamwe.6Mungu alamubwila oti, bana babo balakikala munsi ye bugeni, ne kuba benekili be nsi balakabagema basese ne kubagemela mabi ku miaka magana ane. 7Ne Mungu alayomba, ndakaihula eyone nsi eyo yilaka bomelela, ne kuba balakapunayo ne kwiza kunisenga ahane mweyansi. 8Ne alamuha Ibrahimu ilagano lye tohara ngaho Ibrahimu alaba isye we mwa Isaka ala mutahiri kulusiku lwe munane; Isaka alaba isye we mwa Yakobo ne Yakobo alaba isabo we baguku bitu ikumi ne babili.9Baguku bitu balamububila Yusufu balamuguzya ku nsi ye Misri, ne Mungu ali sihamwi nage. 10Ala musizya mu lwagalalo lwamwe ne ala mutula kuba muntu we bwenge kuminso ge mwami Farao we Misri. Farao ala mutula abe muntu mukulu kunsi ye Misri ne kunumba yamwe yona.11Lilahika itungo lye nzala ku nsi yona ye Misri ne Kanani ne bisefwe balabulwa silibwa {syekulya}. 12Aho Yakobo omvwa kuba syekulya siliyo Misri, alabatuma bisefwe lwembele. 13Kulugendo lwe kabili Yusufu aliyolesya kubaduguye, baduguye be mwa Yusufu balamanika mwa Farao.14Yusufu alabatuma baduguye kuzya kumubwila isabo Yakoba ize Misri, sihamwi ne kaya yamwe yona ne baduguye, kaya yamwe yona yali ne kati bantu makumi musamvu ne batano. 15Ngaho Yakobo alasamila Misri; alafwa awe ne bisefwe. 16Balazya kuzikwa Shekemu mukabuli eyo Ibrahimu alayigula kuhela kuvwa kubana be mwa Hamori eyo Shekemu.17Kwitungo elyo lye kwisagizibwa kwe mwa Ibrahimu ne Mungu aho kwegelela kuhika, bantu bali balakwilamuno eyo mu Misri. 18Elyone itungo alamiha mwami undi mu Misri oyo atekumumania Yusufu. 19Oyo mwami alababeha bantu bitu bala bagemela mabi bisefwe, ne kubataga bana babo bakeke bafwe batakakwila.20Kwi itungo elyone alazyalwa mwana ekulangwa Musa ali musoga mbele ye Mungu, ala lelwa miezi isatu munumba ye mwisye. 21Aho azya kutagwa, mwanike we mwa Farao ala musola alazya kumulela katioko mwanawamwe.22Musa alalanzibwa malonzyo gona katioko mwana we Misiri, aline nguzu ku magambo gamwe ne katumamile kamwe. 23Aho ahisya miaka makumi ane, guliza mu mwizo gwanwe kuzya kubayungila baduguye Baisraeli. 24Aho abona mwi Israeli akagemelwa mabi, Musa alamukwasya oyo muntu, ku oyo abanga akumwibonela mu kumuhula Mmisiri; 25iganikaga oti baduguye bakumania mukuba Mungu ekubalokola kuhitila kuboko kwamwe, lelo batala mania.26Kubusye bwahe alazya kubana be Baisraeli abo babanga bakusola alagemezya kubayangula; alayomba Bakama imwe muli muli badugu ha kusi mwekwiduma imwe kwi mwe,? 27Oyo ali iya mubihizya mwisyamwe ala mutalikila hala, alayomba, 'Nende oyo iyakutula kuba mukulu ne muyangu witu? 28"Obene wekwenda kunihaga kati omwo wamwihagile Mmisiri igolo?"29Musa aliluka aho amala kwomvwa ago; alazya kuba muntu mugeni ku nsi ye Bamidiani, mpaka ala butayo bana babili. 30Aho yamala kuhita miaka makumi one malaika ala mwifumbukizya mwijangwa lye lugulu lwe Sinai kamulilo kakwaka mwi isaka.31Aho Musa abona mulilo alakumya ne kukankamala ku esyo ekubona, alagemezya kwegelela abone silaka sye Mukama siliza ne kuteta, 32One ndi Mungu we badada wako (baso), Mungu we mwa Ibrahimu, ne Isaka ne we mwa Yakobo'. Musa alazuguma atalagemeka kando kulingayo.33Mukama alamubwila , "Wambule vilato vyako, ahone iwimilila ne hatakatifu. 34Nabona kwagalala kwe bantu bona abo bali Misri; Nomvwite manegelo gabo inatikila kwiza kubakomola wize ne kukutuma Misiri.35Musa oya bali bala muluma aho balayomba mukuba nende iya kutuma kuba mukulu ne muyangu witu?' ngoyo Mungu ali alamutuma kuba mukulune mukomozi wabo. Mungu alamutuma kukuboko kwe malahika oyo alamwifumbukizya Musa mwisaka. 36Musa alabatongela kuvwa Misiri aho agema makumyo ne lumenko mu Misiri ne mu nyanza ye Shamu ne mwijangwa kwitungo lye myaka makumi ane. 37Ne Musa oyane alababwila bana Israeli kuba Mungu alakaleta nabii kupuna mu buda bwinu (budugu) nabii kati one.38Oyane muntu abanga ha mukulano mwijangwa, ne malaika ala lomela nage mulugulu lwe Sinai. Oyane nge muntu oyo abanga ne bisefwe, oyane muntu ngoyo alanukula igambo lye buhanga ne kutuha ifwe. 39Oyane muntu bisefwe balakema kumukuzya, bala mutalikila hale ne mumizo yabo bala suba kupilukila Misiri. 40Kwetungo elyone balamubwila Haruni, 'utubegezye tumungu batutongelele kusaba Misiri, Oyone abanga akutufila kupuna Misari, tutekumania esyo iyaba.41Bala bezya ndama ku nsiku ezyone ne balaba balatunga ne luhambo (sadaka) ku eyone sanamu ne balihalala kumilimo ye maboko gabo. 42Mungu alabapilula balaba bakwisenga nsonda zye mwilunde kati omwo yilandikilwa musitabo sye ba nabii, nge kuyomba imwa ntangila luhambo lwe ndimu ezyo imwa zisika mwi ijangwa ku nsiku makumi ane numba ye Israeli?43Imwa zumilizya numba ye kusangizya ye mwa moleki ne nsonda ye mungu refani, ne picha eyo mwabezya ye kubisenga abe ne nkubafila hale ne Babeli.'44Bisefwe bali ne ihemalye kusangizya elyo lyali lye bukamilizya mwijangwa kati omwo Mungu ali alagizya aho alomelanga ne Musa, mukuba enkabezizye lye bwikole omwo alabonela. 45Elyane ihema nge elyo bisefwe, ku nsiku zyabo, balaletwa ne Yoshua mu nsi yabo. Elyane lilaba aho bingila mu nsi eyo Mungu ala babinga, aho bisefwe bali bataliho. AYali oti kuhika ku nsiku zye mwa Daudi. 46Oyo alazumilibwa mu minso ge Mukama oyo alasuba kukoba bwikalo ku Mungu we mwa Yakobo.47Lelo Selemani ala muzengela Mungu numba. 48Kandi lelo we mwilunde atenkalenda munumba ye buzengulwe ne maboko ge bantu; eyane ne kati nabii omwo alayombela. 49Mwilunde ne itebe lyane lye bwami ne nsi ne hekutula magulu gane. Mwenkanzengulila numba ye tyani?, ayomba Mukama; nolo ne hahehe kwi humunsizya one? 50Gatali maboko gane ago galasumba vyona?'51Imwe bantu be nkingo ngume mtali busanahwe muminzo yinu ne matwi ginu, itungo lyona mwe kumukemezya Mwizo Mtakatifu, mwekugabezya ago ne bisenwe babezyanga. 52Ne nabii inde oyo bisenwe batala mwagalazya? Balabihaga ba nabii bona abo baliza aho ali asyali kwiza oyoyumwi ali ne nhana. Notine mwabele balulungania ne bihazi bamwe. 53Imwe bantu abo mulatetelwa ilagilo elyo mulalagilizibwa ne malaika lelo mutala ligumya.54Banampala bi ibanza aho bonvwa ago, balanegelwa mumizo yabo bala musiginila mino Stefano. 55Awe ali iyokala Mwizo Mtakatifu alalangula kulinga mwilunde alabona butukufu bwe Mungu alamubona Yesu iyimilila kubulyo bwe Mungu. 56Stefano alayomba, "Mulinge nabona ilunde lye kwiguka ne mwana we muntu iyimilila kubulyo bwe Mungu."57Lelo bantu abo baliho hibanza balayoga munone kusilaka sikulu balazibila matwi gabo, bala mwilukila pye bona 58bala mukwata balazya kutela helu ne syalo ne bala muhula mabale ne bakanizi balambula myenda zyabo zyona zye helu balazitula mu magulu ge mwa Sauli.59Aho babanga bakumuhula mabale Stefano abanga akumulaya Mukama alayomba, "Mukama Yesu wanukule Mwizo gwane," 60Alasukamba ala langamizya kusilaka sikulu, "Mukama utakabapetelako mabi aga. "Aho amala kuyomba ago alafwa.
81Sauli abhanga aluzile mulahi gwe kufwa awe, nsiku ezyo ne alabhukizya kulyagalazya ikanisa elyo lyabhanga Yerusalemu; bhazumyabhona bhalasambala kumajimbo ge Yudea ne Samaria, kuleka mitume tuhu. 2Bhazumia Mungu bhalamuzika Stefano ne bha;lasibha kungoko ye lufu lwamwe. 3Lelo Sauli alalibhihya muno ikanisa. Alabha akuzya numba ku numba ne kubha bhululila helu bhakima ne bhagosya, ne kubhatagila mu jela.4Bhazumia abho bhali ibha sambala bhalazya bhakutembusya igambo lye Mungu. 5Filipo alazya ku mji gwe Samalia ne kuzya akumtangazya Kristo eyone.6Aho bhamala kwomvwa bhazumia ne kubhona mmenko ezyo Filipo ekuzigema; bhala bhezya bhwitegelezya ku ezyo ekuyomba. 7Kupuna ahone bhantu bhinki abho bhalomvwa, ne bhebhugwe magulu mangwisya ne bhanantatulangila (bhe bhuzingame) bhalasizibhwa na bhene. 8Ne bhaliho bhwihalale bhukulu mu muji.9Kandi abhangaho muntu yumwi mu ogwo ne muji izina lyamwe Simoni, awe abhanga akubhezya bhulozi, abhanga akubha kankamazya muno bhantu bhe eyone nsi ye Samaria, awene abhanga akuyomba oti awe nge awe ataliho yundi. 10Bhasamaria bhona kuvwa ku mudo ne mukulu; bhayombanga;"muntu oyone, ne nguzu ye Mungu eyo nkulu." 11Bhala mudegeleka mukubha alabhakamazya ku itungo ilele ku bhulozi bhwamwe.12Lelo ku itungo elyo bhizile kuzumia mukubha Filipoabhanga akutembhusya itungo lye bhwami bhwe Mungu ne kungoko ye mwa Yesu Kristo, bhala bhatizibhwa, bhagosya ku bhakima. 13Ne Simoni mwenekili alazumia: amazile kubhalizibhwa alabha sihamwi ne Filipo; izile kubhona, mmenko ne makumyo ago alagabhona gakubhezibhwa, alakumya (kankamala).14Bhizile kumania mitume bhe Yerusalemu mukubha Samaria yanukwile igambo lye Mungu, bhala bhatuma Petro ne Yohana. 15Bhizile kubhuka kuzya yo bhalabhasabhila; kubha bhanukula Mwizo Mtakatifu. 16Kuhika ku itungo elyone, Mwizo Mtakatifu abhanga asyali kubhatikilila nolo yumwi wabho; bhabhanga bhabhatizibhwe kuizina lye Mukama Yesu. 17Nge aho Petro ne Yohana bhalabhatulila mabhoko, nabhe bhalanukula Mwizo Mtakatifu.18Ahone Simoni izile kub hobhona kubha Mwizo Mtakatifu ekwigela mukutulilwa Mwizo Mtakatifu. 19Alayomba, "Mumpe eyane nguzu, none mbeda bhatulila mabhoko anukule Mwizo Mtakatifu.20Lelo Petro ala mubhwila; hele yako nobhene mwenekili mubhulile hale, kungoko wiganikea kubha obhwane bhuhabhwa bhwe Mungu bhwe kugulwa ku hele. 21Utali ne lwata twolwo lwona ku igambo elyane, mukubha mwizo gwako gutali bhugolole ku minso ge Mungu. 22Otine lelo ukubhe mabhi gako ne kumusabha Mungu hamwi Mungu enkakulekezya miganiko ge mumwizo gwako. 23Mukubha nekubhona uli ne sumu ye manegelo ne mussifungo sye mabhi."24Simoni alasuvya ne kuyomba mumusabhe Mungu kungoko yene mukubha agane magambo genkiza kunsanga (kumpandika).25Aho Petro ne Yohana bhabhanga bhakukanilizya ne kutembusya igambo lye Mukama, bhalasubha Yerusalemu kunzila eyi lyane; bhalatembusya injili mu vijiji vinki vye Bhasamaria.26Malahika we Mukama alateta ne Filipo ne kufomba, "Ubhuke uzye lwande lwe dakama kunzila eyo yekuzya munsi ye Yerusalemu kati we kuzya Gaza." 27Alabhuka alazya. Ubhone lelo abhangayo muntu we Ethiopia, towashi, mukulu munsi yamwa kandase; mugoli we Ethiopia, oyo abhanga mutuzi we mpiya zyamwe zyona; nawe abhanga iyazya Yerusalemu kwisenga Mungu. 28Abhanga akusabha kaya abhanga iyikalisya mu muutuka gwamwe asomanga sitabho sye mwa nabii Isaya.29Mwizo alayomba ne Filipo, "Wegelele hihi neyo motoka uzye sihamwi nayo. 30"Filipo alazya lubhilo, alamwomvwa akusoma sitabho sye mwa nabii Isaya; alayomba, wela wekumania esyo we kusisoma? 31Muethiopia alayomba, "Nenkamania tyani olo ataliho muntu we kundazya (kunolekezya)?" alamwikumbilizya Filipo agegele mumuntuka ikalisye sihamwi nage.32Elyane iganda lye mandiko elyo abhanga akusoma oyo Muethiopia ngenelya; alatongekwa katioko ntema yekufilwa kumabhagilo, katioko ntama alahulika sele, atala sanika mulomo gwamwe: 33Mukugwisibhwa mwizo gwamwe, bhuyanguzi bhwamwe bhulatanibhwa ho: Nende oyo akatembusya luzyalo lwamwe? bhuhanga bhwamwe bhwapunibho habhwelelo."34Oyo towashi alamubhuzya Filipo, alayomba, "Nekukusabha umbwile oyone nabii ekuyomba agane magambo kungoko ye mwa nde? ye wamwe nolo ye undi? 35Filipo abhukizya kuteta, alandigizya lyandiko elya lye mwa Isaya mukutembusya magambo ge mwa Yesu.36Bhali munzila, bhalahika ha minzi,' towashi alayomba, "Wekubhona, ahane galiho minzi ne sintu si syekuduzya kunhangizya ntakabhatizibhwa? 37"Oyo Muethiopia alasuvya "Nekuzumia kubha Yesu Kristo ne Mwana we Mungu," Ahone oyo Muethiopia alimisya muntuka. 38Bhalazya muminzi sihamwi Filipo ne towashi, Filipo alamubhatiza.39Bhizile kupuna muminzi, Mwizo we Mungu ala musola Filipo alamufila hale; towashi atalamubhona alazya ne nzila yamwe akumukumilizya Mungu. 40Philipo nawe alazya kwigelela Azoto. Alahita mwogwone mukoa akuzya akutembusya igambo lye Mungu (Injili) mu miji zyona mpaka kuzya kuhika Kaisaria.
91Lelo kandi Sauli, alabha akuyomba mihayo ye kwobhahika ne kandi vye kubhihaga bhahemba bhe Mukama, alazya mwa kuhani mukulu. 2Kusabha bhalubha kuzya ku masinagogi eyo Dameski, aho mukubha olo nge alamubhona muntu oyo alinenzila ye bhuzumya obhwo, abhe mugosya nolo mukima abha bhohe ne abhalete Yerusalemu.3Aho abhanga mulugendo, mukubha aho egelela kuhika Dameski, alabhona aho naho mwangalazima mukalikupuna mwilunde; 4alagwa hansi alomvwa silaka sikumubhwila, "Sauli, Sauli, kusi we kunagalazya?5Sauli alateta uli nde obhene Mukama? Mukama alayomba, "Onene ngoyo Yesu oyo we kumukoya; 6Lelo kandi ubhuke, wingile mujini, ne ukuzya kubhwilwa ago we kwikola ku kutumama. 7Obho bhantu bhabhanga ne Sauli halugendo bhala lembela sele, bhakudegeleka silaka ne bhatalabhona muntu.8Sauli alabhuka hansi aho afundukula minso gamwe, atala duzya kbhona sintu, bhala mukwata kubhoko bhala mudadizya kumufila mpaka Dameski. 9Nsiku isatu ne kubhona byo ne kulya bhyo nolo kunwa bhololo.10Abhangaho muhemba Dameski izina lyamwe alabhanga Anania, Mukama alayomba nage (ki maono), "Anania." Ne alalela, "Ndiho aha, Mukama. 11"Mukama ala mubhwila, "Ubhuke uzye kukasyalo kekulangwa Nyofu, ku numba ye mwa Yuda, uzye ubhugilizye muntu kupuna Tarso izina lyamwe Sauli, mukubha asyali asya salilo; 12Ne ali amubhwene ku maono muntu izina lyamwe Anania akumutulila mabhoko higulya ye mutwe kungoko apandike kubhona.13Hanuma Anania alayomba, "Mukama nazyo mvwite mihayo zyo oyone muntu, ku bhantu bhinki, omwo ekubhagemela mabhi bhatakatifubhe eyo Yerusalemu; 14Ahone ali ne bhuduzya kupuna mwa kuhani mukulu, kuzya akukwata bhantu bhona abho bhe kulilanganizya izina lyako. 15Lelo Mukama alamubhila, "Uzye, mukubha awene ne siseme sisoga eso na sisozile one, alisole zina lyane muminso ge bhana mahanga ne ku bhami ne kubhana bhe Israeli. 16Mukubha nkubholesya omwo gali minki ago gekwikola kwagalazibhwa kungoko ye izina lyane".17Anania alazya kwingila mu eyo ne numba; Alamutulila mabhoko alayomba, Sauli, Mukama Yesu, oyo iyakwifumbukizya munzila aho wali kubha ukwiza, antumile, upandike kubhona kandi ne wokazibhwe Mwizo Mtakatifu. 18Ku elyone itungo vilalagala vintu kupuna muminso gamwe vyekubha kati magulagula, alabhukizya kubhona, alimilila alabhatizibhwa; alalya silibhwa ne alapandika nguzu. 19Alikala yo sihamwi ne bhahemba eyo Dameski ku nsiku ninki.20Ku elyone itungo alazya akutembusya ne kumukumilizya Yesu ku masinagogi, akuyomba kubha awene ne Mwana we Mungu. 21Bhonane abho bhalomvwa bhalakamala, "Oyane muntu atali oyo ala bhabhihya bhonane abho bhali langanizyanga izina elyane eyo Yerusalemu? Ne ahane aliza kungoko abha kwate abhafile ku bhakuhani." 22Lelo Sauli alahebhwa nguzu zye kutembusya ne kubhagema Bhayahudi abho bhe Dameski bhadume kumania ne nhana kubha oyane nge Kristo.23Aho zyahita nsiku ninki, Bhayahudibhala bhezya muhayo mukumutola kungoko bha mwihage. 24Lelo ulole lyabho Sauli ala limania, bhala muteebha hamuzigo bhwilene mwizyobha bhapandike kumwihaga. 25Lelo bhahemba bhamwe bhalamusola bhwile bhala mutikizya kuhitila kunkande bhala mutikikizya musikapu.26Sauli abhele ahika Yerusalemu, alagemezya kwisanzya mubhahemba lelo bhabhanga bhakumwobhaha, bhalazumya mukubha nawene ne muhemba mwisyabho. 27Lelo Barnaba ala musola ne kumufila ku mitume, Ne alabhatembusya omwo Sauli amubhonela Mukama munzila Mukama alayomba nage, ne omwo Sauli abhanga akutembusya igambo lye Mukama kubhugime kwi izina lye mwa Yesu eyo Dameski.28Alasanzya nabho olo bhakwingila ne kupuna Yerusalemu. Alateta ku bhugime ku izina lye Mukama Yesu. 29Abhanga ali bhabhuzya Bhayahudi bhe si Yunani ne bhalagemezya nkandagu ne nkandagu ku mwihaga. 30Aho bhadugu bhalimania igambo elyone, bhala musola bhalamufila Kaisalia, ne bhamufila azye Tarso.31Ahone ikanisa lyona mu Bhuyahudi, Galilaya ne Samaria, lyali bhulembele, ne lilazengulwa ne bhazyanga mukumwobhaha Mukama ne bhuteka bhwe Mwizo Mutakatifu, ikanisa lilakula ne kubha ne bhahemba bhinki munone. 32Kandi ilabha aho Petro abhanga akuyungayunga honane kumukoa, alazya kuhika kubhazumia abho bhali kunsi ye Lida.33Alamubhona yo muntu izina lyamwe Ainea, muntu oyone alibhulale habhulili myaka munane; mukubha ali alagwile mubhili bhumangwisya. 34Petro alamubhwila, "Ainea, Yesu Kristo akusizye; Bhuka ne wiyanzile bhulili bhwako," Ku elyone itungo alabhuka. 35Bhantu bhona abho bhalibhulende ku nsi ye Lida ne Sharoni aho bhamubhona oyone muntu bhalamupilukila Mukama36Abhangaho muhemba Yafa abhanga Tabitha, kuizina lindi "Dorkas" Oyane mukima atumamanga milimo misoga ne abhezyanga masoga kubhahabhi. 37Ikabha kunsiku ezyone ala lwala ne alafwa; aho bhamwizya bhala mugegezya kusyumba sye higulya ne bhala mulalikizya.38Mukubha oti Lida ali hihi ne Yafa, ne kubha bhahemba bhalomvwa kubha Petro abhanga eyone bhala bhatuma bhantu bhabhili hawamwe, mukumwikumbilizya, "Wize witu bhwangu". 39Petro alabhuka alazya nabho. Aho ahika, bhalamwingizya ku syumba sye higulya, ne bhalekwa bhonane bhalimilila hihinage bhakulila, bhala mwolesya makoti ne myenda ezyo Dorkas alabhasumila aho bhabhanga nage sihamwi.40Petro alabhapunia helu ne syumba, alasukamba alasubha kandi ala gupilukila mubhili, alayomba, "Tabitha halamuka". alafundukula minso gamwe alamubhona Petro alikalisya hansi. 41Ahone Petro alamuha kubhoko kwamwe ala mwimilika, ne aho abhalanganizya bhazumya ne bhalekwa alamutula muminso gabho ali muhanga. 42Igambo elya bhalalimania Yafa yona, ne bhantu bhinki bhalamuzumya Mukama. 43Ilabha ahone Petro alikala nsiku ninki Yafa sihamwi ne Muntu oyo ekulangwa Simoni, mubhezya we ndili.
101Abhangaho muntu yumwi mu kaisaria, izina lyamwe alangwanga Kornelio, abhanga muntu mukulu mu (sikos) sye Bhaitalia. 2Abhanga mutungilizya abhanga akumusabha Mungu sihamwi ne bhantu bhamwe bhona; atanganga hela ninki ku bhayahudi ne abhanga akumusabha Mungu nsiku zyona.3Aho lyahika itungo lyesaha syenda zye mwizyobha alabha olekezibhwa Malahika we Mungu akwika ku awene. Malahika alamubhwila "Koronelio! 4Koronelio alamulinga Malahika eno obhehe muno alayomba "Elyane ne si Mukama?" Malahika alamubhwila "Kusabha kwako ne vintu evyo ukupunianga ku bhantu bhahabhi zyagelele higulya kati oko kwibhukilwa ku itebhe lye Mungu". 5Otine utume muntu azye Yafa kuzya kumusungana muntu yumwi izina lyamwe Simoni kuizina lindi ne Petro. 6Ekwikala ne muntu mubhezya we ndili ali ne numba ha mwalo ne nyanza."7Aho amala kuzya Malahika oyo ayombanga nage, Koronelio alabhalanga bhatumami bhehawamwe bhantu bhabhili, ne musilikale oyo abhanga akumusabha Mungu kupuna mu bhasilikale abho bhabhanga bhakumutumamila. 8Koronelio alabhabhwila gona ago iyagabhona ala bhatuma kuzya Yafa.9Habhusye bhwahe kuitungo lye saa mukaga aho bhabhanga munzila ibhegelela kuhika mujini Petro alagegela higulya ku kano kusabha Mungu. 10Ne kandi alabha ne bhutamo abhanga ne syekulya, aho kwitungo bhabhanga bhakuteka syekulya, alolesibhwa kati ekulotela. 11Alabhona ilunde likwiguka ne siseme sikutikila ne sintu katioko mwenda mukulu gukutikila hansi ku mpelo ne mpelo zyonane ine. 12Mukati yahe zyalimo ndimi kabhila ku kabhila, zye ndimu zye magulu ane ne ezyo zikuyunzyanga ndaa mukutumbagila, ne noni zye kulala higulya.13Kandi silaka sila mubhwila "Ubhuke, Petro usike ulye". 14Lelo Petro alayomba "Gutali oti Mukama kungoko nsyali kulya tyesyo syona sye nzilwa ne (sibhi). 15Silaka silisubhilizya nkandagu ye kabhili, "Sye bhumale kwozibhwa ne Mungu utakasilanga kubha ne sye nzilwa nolo (sibhi)". 16Ilisubhilizya kandi lwekesatu, esyo siseme silasolwa kugegezibhwa kandi kwilunde.17Ku elyone itungo Petro asyali iya bumwa kungoko ye agone iya bhona mukubha ne magambo nabha si, Ubhone lelo bhantu abho bhali ibhatumwa ne Koronelio bhalabha bhahika hamuzigo, bhakubhugilizya nzila ye kuzya kwe yona namba. 18Bhalalanganizya ne kubhuzya mukubha Simoni oyo ekulangwa Petro, olo aliho ahone.19Kwelyone itungo aho Petro asiganika kungoko ye agone iya bhona, Mwizo alayomba nage, "Bhantu bhasatu bhe kukukobha. 20Ubhuke utikile uzye nabho. Utakubhaha kuzya nabho, mukubha ina bhatuma." 21Petro alatikila alazya ala bhasanga alayomba "Onene ngone muntu oyo mwekumukobha, imwi za kubha si?"22Bhalayomba, "Hakida yumwi izina lyamwe Koronelio, muntu we nhana ne nemuntu wekwisenga Mungu ne bhantu bhekumuyomba kusoga mu nsi yamwe yona ye Bhuyahudi, iyabhwilwa ne malahika we Mungu kwiza kukutuma uzye kunumba yamwe, azye omvwe igambo kuvwa kuwako." 23Petro alabhakalibisha bhingile munumba yamwe bhalomele nege. ha bhusye bhwahe mulabho alazya sihamwi nabho, ne bhadugu bhandi bhadone kupuna Yafa, alazya nabho.24Habhesye bhwake bhalahika Kaisaria. ne Koronelio abhanga abha lindilile; ali abhalanganizye ne bhaduguye sihamwi ne bhanwaniye bhe bhwisime nage.25Ku itungo elyone Petro aho abhanga akwingila munumba, Koronelio ala musanganila kwisime ne alamwinamila mpaka hansi ye magulu gamwe. 26Lelo Petro ala mugungumula alayomba "Wimilile; nonene ndi muntu."27Aho Petro abhanga akuyomba nage, alazya munumba alasanga bhantu bhinki abha mulindilila. 28Alabha bhwila, "Bhonane mwekumania mukubha bhayahudi bhatali bhuzumilizibhwe kuzya kuyungila bhantu bhana mahanga nolo kwisangilizya nabho. Lelo Mungu anolesya kubha ntakamulanganizya muntu tyoyo wona mukubha we nzilwa nolo we makwe. 29Ngenahe niza nolo kuhalalika yaya, aho ndatumwa kungoko ye elyone. Lelo nabhabhuzye kusi mulatumwa kungoko yane."30Koronelio alayomba, "Nsiku ine ezyo zyamazile ku itungo kati elyane nabhanga nku sabha Mungu kati itungo lye sala syenda mwizyobha munumba yane; Ndabhona muntu iyimilila mu minso gane abhanga ambele myenda zye pe, 31Ala mbwila "Koronelio kusubha kwako Mungu omvwa, ne kutanga kwako ku bhantu bhagalale igambo elyane lyahika ne kutulwa muminso ge Mungu. 32Lelo otine utume muntu azye Yafa azye amulanganizye muntu yumwi izina lyamwe Simoni izina lyamwe lindi akulanganizibhwanga Petro, ekwikala mwa Simoni mubhezya we ndili numba yamwe yili hangilingili ye nyanza. 33Ngaho ndatuma bhantu kwiza kukulanga, wabhezya kwiza, nifwe otine twekukudegeleka ututembusye magambo ago Mungu ekuteta kwifwe.34Petro alafukula mulomo gwamwe alayomba "Ne nhana, nazumia mkubha Mungu atali ne bhuvumilizi ku bhantu. 35Hanuma yahe kila nsi ne muntu tyoyo wona oyo ekwisenga Mungu ne kugema masoga ne ge nhana ekuzumibhwa ne awe.36Wekumania igambo elyo alabhaha Bhaisraeli, aho abhanga akutembusya masoga ne ge bhuteka kuhitila mwa Yesu Kristo oyo ali Mukama we bhona- 37imwene mwekumania ago gigezile, ku bhukila Yuda yona lilibhukizya Galilaya kubhubhatizo obhwo Yohana atangazyanga. 38Igamba liligengeleka mwa Yesu Kristo omwo Mungu ala musiga mafuta ku Mwizo Mutakatifu ne kunguzu. Alazya akubhezya masoga ne kusizya bhuantu bhona abho bhagalazibhwanga ne ibilisi, mukubha Mungu abhanga sihamwi nage.39Ifwene nge tuli bhabhoni bhe agone magambo ago alagagema mu nsi ye Bhuyahudi ne kunsi ye Yerusalemu- oyane nge Yesu oyo bhalamwihaga ne kumuhanika mu muti. 40Oyone Mungu alamuzyola kulusiku lwe kasatu ne kumuha kukumuka, 41itali ku bhantu bhona lelo kubhantu abho bhala tulwaho ne Mungu kale ifwene bhenekili abho tulalya nage ne kunwa nage aho amala kuzyoka mu bhafu.42Atutumile tuzye tukutembusya ku bhantu ne kubhabhwila mukubha oyane nge oyo Mungu ala mutula kubha muyangu we bhahanga ne bhebhufwe. 43Kupuna ku awe bhanabii bhona bha tembusye, kubha tyoyo wona oyo ekuzumia ku izina lyamwe akupandika kulekezibhwa mabhi gamwe."44Oho Petro asya yomba agone, Mwizo Mtakatifu alabhokazya bhonane abho bhabhanga bhakudegeleka igambo lyamwe. 45Bhantu abho bhali bhazumya bhe bhutahiliwe- bhonane abho bhali ibhiza ne Petro, bhakumya kungoko ye bhuhabhwa bhwe Mwizo Mtakatifu oyo aseswa ku bhantu bhana mahanga.46Mukubha bhalomvwa abhabhana mahanga nhe kuteta ku ndimi zini ne kumwisenga Mungu, Petro alasuvya, 47"Aliho muntu tyoyo wona oyo enkuhangizya minzi kungoko ye bhataka bhatizibhwa abhane bhantu, bhantu abhane ibha mwanukula Mwizo Mtakatifu kati ifwene?" 48Ahone alalagilizya bhabhatizibhwe ku izina lye mwa Yesu Kristo. Aho bhamala bhala mwikumbilizya ikale nabho ku nsiku zindi kandi.(kadhaa)
111Bhatume ne bhadugu bhandi abho bhabhanga eyo Yuda bhalomvwa mukubha bhana mahanga ibha lyanukula igambo lye Mungu. 2Petro aha asubha kwiza Yerusalemu, elyo idale lye bhantu bhe bulahiliwe bhalanzya kumuhangizya, Bhakuyomba, 3"Wisanzizye ne bhantu abho bhatali bhutahiliwe ne kulya nabho!"4Lelo petero alo bhatembasya gona na omwo ilabha alatela 5Nali mkuwsabha mungu mujingwe yafa olokazibhwa siseme sikutikizibhwa hansi kati Mwenda mukulu gukutikila kupuma mwilinde gwe mwanzasye mpelo syagwo syonane ine silanti kilila 6hinda hifilila na kwiganika na kusuetine .ndabhona ndimu sye magulu ane sye habhwelelo ne ndimu sye mwikungu na ndimu esyo zikwavulanga na noni sye hulunde.7Aho naho ndo mvwa silaka siku yomba “Halamka, petro, usikka neuliye 8Ndayomaba “ Haliont mukama, mumulomogwane sisyali kwingi lamo esyo sitali sitakatifu nalo syemakwe 9silaka sila suvya kandi kupuna mwilunde lisiyo mungu iya sikumusya kubha ne sisoga utaka silanga oti na nzilwa 10thisubhili sya nkanadgu isalu vyona vila soswa kusuvibhwa mwa hundekand.11Obhona lelo itingo eliyone bhantu bhasatu bhali bhimili le kumuzigo gwe numba omwo twali bhatumukwa kupuna kaisali kwiza kwone. 12Mwinzo ala mbwila usye nabho, na uta kwi kila nabho abhane bhagosya mukaga ndazya nabho sihamwi na tulaku numbaye muntu yamwi 13Ala tutembuzya omwo ala mubhonela malahika iyi milila mu numba yamwe alateta natume ayafanzye namulete simoni izina lyamwe petro. 14Akwiza ayombe igambo aliyo likusahula abhone ni namba yuko yona.15aho na bhukwaya kuyomba nabho, mwizo mtakatifu aloza higulya yabho kati omwo alozila kuwitu ahokale (habwandizyo) 16Nebhukilahila magamboge mukama, omwo alayombela” Yohana alabhatizwa kimizi lelo mukubhatizibha ku mwizo jutakatifu."17Ikabha ati mungu iya panwa manondo kati omwo ala tuheleifwe ahotwamala kuzunya kuizinalye mukama yesu Kristo,one ngendinda mukubha nenka muhangi zywa mungu? 18Aho bhamale kwo naivwa magambo aga bhatala suvya igambo bhala mukamilizya mungu ne kuyomba “Mungu abhezya igambo lye kubha lekeza mabhi bhana mahanga nabhene."19Bhazunga abho kwagala zibhwa kwabho kula bhukizizya halufu lwemwa Stefano bhala sambala kupuna yerusalemu bhazunya abha bhalazya halo, bhala hika mpaka foinike kiprone antiokwa. bhalabha bhwila igambo lyemwa Yesu linene kubha yahudi na itali kumuntu yundi tyoyo wona 20Bhandi bhabho na bhantu kupua kopro na krene, bhaliza antiokwa na kuyomba na bhayandi na kuzya bhakuli tambusya igambo lye mukama Yesu. 21Ne kubhoko kwe mukama kwali sihamwi nabho nabhantu bhinkwi bhalazumia na kumuluhila mukama Yesu.22Mpola syabho zila hika mumatwige bhantu bhe ikanisa lye yerusalemu na bhalamtuma Barnaba azye ahika antiokwa. 23Aho ahika alabhona bhuhabhwa bhwe mungu alihalala na ababhaha mwizo bhona bhikala na mukama mi mizo zyebho. 24Mukubha abhaga muntuwe kapanga na alibhwokeza bhwene mwizo mutakatifu na kuzumwa bhantu bhwali bhala kwila ku mukama.25Hanuma yahe Barnaba alazya Tarso kumubhona sauli. 26Aho amupandiko ala muleta antiokwa ilabha kumwaka gwona bhalikana sihamwi na kamwa nakubha langisya bhantu bhwank kukewmbele na mbele bhahemba bhalangwa izinalye bhakristo eyo antikwa.27Ku ezyene nsiku bhanabi bhaliza kupuna yerusaremukwiza kuhika antiokwa 28Umwi wabho ali agabo nge izina lyamwe, alimilila alolesibwa na mwizo kubha bhuliho bhutamo bhukulu bhwekizamu libhwelelo lyona lyene ilabhaku nsiku zyemwa klandio.29Ahone lelo bhahammba kila yumwi omwo alapandikila bhali zumilizya kufila vinti kuzya kubha kwa zya bhadugu abho bhali kunsi ye bhuyahundi 30Bhala gama ati bhalatuma hela ku mabhoko gemwa Barnaba na sauli.
121Matungo agone mwami Herode ala golola kubhoko kwamwwe kubhantu abho bhe kupuna ku bhantu abho bha kupuna ku idale lye bhazamya kubhagalazya. 2Ala mwihanga yakobho mduguyewe mwa Yohana ku lupanga.33 Aho amala kubha na alyane igambo bhalisima bhaya hudi, atamu kwata na petro kandi.yali itungolye mikate yiteli bhutulwe nambwa. 4Aho amukwata ala zya kumwege kila mu sifungo alatula na madale ane gebhalisilikale kumulindilila atakapuna abhanga akwiganika kumufila ku bhantu ku numa ye pasaka.5Petro ala tulwa musifungo,lelo kusabha kula kulagemwa kuzunzune idale lye bhazumia kungoko yamwe mwa mungu 6Kulusihu olwo Herode ali asiyalikuzya kumupunia bwile abhwona ptroabhanga mutulo hakaali na hakati na hasilikale bhabhili abhanga abhahilwe minyololo ibhuli na bhawadilizi ha muziga bhahanga bhakuli lindilila igereza.7Mlinge lelo malahika bhe mukama ku ahonaho bhalizane mwangaliza mukali mukati ye numba ala muhula petro kulu bhavu ne kumuhala musya alalyomba ubhuke bhwangu ahone minyololo ya bhabhanga ibha mubhoha ila lekela ku mabhoko gamwe. 8Malaika ala mubhwila wambale myende zyako na wambale vilato vyako petro ala gema otine malahika alamubwila wambale Mwenda gwako undondezye.9Ahone petro ala mulondezya malahika na alapuna heli ataladuzya kuzumia esiyo sya bhezibhwa ne malahika oho ne gwe nhana alabhona kati oko eknlotela 10Aho bhalamla kubhahila bhawadi bhe mbele nab he kabhila bhala hika kumuzigo gwe vilanga gwekuzya majini galikgaka gwene kilo kungoko yabho bhala puna helu bhali nyila kuina kaya itungo eliyone malahika alamulikaea.11Petro aho Imana alateta kwotine nazumia kubha mukama alatuma malahika bhamwe bhize bha mpumic mubhoko gemwa herode ne mumiganiko ge bhantu bhona bhe bhiyahundi. 12Aho amale kugamama agame alezye kunumba ye mwa mariamu nina ew mwa Yohana izina lya mwe marko bhakristo bhundi bhaliibhi kuminga bhakusabha.13Aho igulwaya kumungogwe mbele mtumaini yumwi mwanika izina lyamwe roda Aliza kwigula 14zile kumania mukubhane silaka sye mwa petro mubhwi halala alasindwa kugwingula muzigo hanuma yahe aliluka kuzya mukatiu syumba kuzya kubha bhirika mukubha petro ijiza iji milila ku muzingo. 1516Petro alabha asyaliasi guliza muzigo aho bhigula muzingo bhal MUBHON na bhala kanaka mala munone petro alobha hulisya mukwolesya kumabhoko bhu seleselene alabhatambusya omwo yali mukama omwo iya mupungazya musifungo alayomba 17Mubhate mbusya magambo aga yakobo na bhaduguye ahone ala punaho alasya handi.18Aho bhwasya bhalikwata Katama bhasilikale ne kukoya mumizo kunyoko ye aliyone igambo emwolya bhele hali petro. 19Aho Herode ali bhwidume amukabha aleka kuma bhona ala bhabhusya bhahituabho ala bhatule kumulundilila na alalagilizya bhihagwe alazya kupuna bhuyahundi kwaya kuhika kaisaria ne kusya kwi kala eyone.20Herode ali bhwidume ne bhantu bhe tiro na sidoni bhalaya sihamwi hawamwe .Balabha na bhunwara ne blasto mwambiliya we mwamubhe ne bhuteka mukabha nsi yabho yabhanga ikupandika sya kulya kupanua kuansi yoyore mwami 21Lusika olwane lwali lwa twalwekuzya kwikala ku itebhe lyamwe lye syami alabha akabhatembuasya mihayo yamwa.22Bhantu bhala yoga esyane ne silaka sye mungu sitali silakasye muntu 23kuelyone ituyo malehiko ala mahula,kungoko atala mukwaya mungi alalibhwa na mpuka alafwa.24lelo igambo lye mungu lilakule na kusambala 25Aho Barnaba na sauli bhamala milimo ya mungo bhalapana yo balasubha kandi yerusalemu bhala musola na Yohana ogo izina lyamwe na Marko.
131Kuikanisa lye antiokwa Bhabha ngaho Bhanabli na bhalimu. bhabhanga Barnaba Simeon(oyo abhaga Nigeri) kuki we Kiren, manaen9 mudugu oyo atal we munda ya mwa Herode mukuluwe mkoa) ne sauli. 2Bhabhanga bhaku mwisenga mukama ne kufunga,mwizo mtakatifu alayoma “ mumutule hampelo Brnaba ne sauli, bhantu malile mulimoogwo ina bhalagila 3Aho kanisa ya mola kufunga ne kusabha ne kubha tulila mabhoko bhantu abhane,bhala bhalaka bhasye.4Mukubha Barnaba ne sauli bhali dohya ku mwizo mtakatifu ne bhala sya kunila ye kusya seleukia kupuna eyone bhalahita munyanza kusya mu sisiwa syekipr 5Aho bhalabhanga mu mujigwe salami, bhalasya bha kutembusya igambo lye Mungu mu mesinagogi ge bha yahudi kandi bhabhanga na Yohana Mrko kati oko we kushe.6Aho bhasya mi sisiwa syona kwaya kuhika pafo, bhala musanga muntu yumwe mulozi, muyahudi nabii we bhubhehi izina lya mwe lyali Bay-yesu 7Mulozi oyane ikwasyananga na liwatu Sergio pamlus abhanga ala bhalika Brneba na sauli kungo ko akobhanga omvwe igambo lye Mungu. 8Lelo Elina “oyo mulia” (Ngomwo izina lyamwe lyali) ala bhahangisya alagemesya kumupilula oyo liwali apa alagemesya kumupilula oyo liwali apane ku bhuzumya.9Lelo sauli oyo abhanga akulangwa pando, abhanga oka zibhwe mwizo mutakatifu, ala muryo lela mwuso. 10ne alayomba “obhe mwana we mwa ibilisi, ulibhwo kaabhwe nenzi la syone sye bhulegani ne nguzuuli gele. obhene, uli mwikuvi we nzilasyane sye nhana, utakwoya kuzi kuzipikula nzila syona syona syemukama, sye bhugololoke, ngekuyo mba ukudusya?11Ubhona kubhoko kwe mukama kunako,ne ikubha muhofu utekula bhona izisyobha ku itungo” ahone tulisu ifungane gitu ila mugwila Elinas ananzsya bheku mulondola mu kumukwala kubhoko 12Aho liwali abhona abhona agona alazumwa mukubha alakumya kumele ngisiyo kungoko ye mukam.13Ahone paulo na bhanwani ye bhalasya kuhitila muminzi kupuna pafo ne bhalahika perge mu pamfilia lelo Yohana alabhalaka ne kusubhala yerusal 14Pulo ne bhamwaraye bhalasya kupuma pargebhalesya kuhika antiokwa ne pesindia. Eyone bhalasya ku isigogi lusika iwe sabato bhali kalisya hausi. 15Aho bhamala kusoma ilagilona bhanabii bhatongezi bhe isigogi bhala bhatumila igambo lye kubha ‘bhadugu alo mulinaly igambo lye kubhaha mwizo bhantu abha muyombee’16Ahone paulo alimulila alabha sungila kubhoko. alayoma bhagosya bhe Israeli ne imwe mwe kwidohya hali mungu muolege leke 17Mungu we bhantu bha Israeli ala chagula bhisefwe ne alabha gema kubha bhantu bhwank aho bhikala kunsi ye misiri ne kukubhona kwamwe ala bhatongela neno alihale nabho. 18Kumiaka makumi ane ali yomelesya kubha nabho mwijangwa.19Aho amala kubhasinga lisya bhani musamvu kunsi ye kanani alabhahelesya bhantu bhitio kubha isalo lyabho. 20Agene gonane gala gemwa ku mwaka Magana ane na kutano aha ga mala agane gonane, Mungu alabhaha bhalamuzi kuaya kuhikamwa.21Aho gamala agane gona bhantu bhala sabha 22Aho Munguamala kumu puniaho kubhwami. alamu tulaho Daudi kusha mwami wabho. yabhang kungoko ‘ namupandika Dudi mwana we mwa yes oyo mwizo gwane gwe kumusima awene alegime syone evyo ne kutogwa one23‘kupuna kubhasyelwa bhwoyane muntu mungu ailetele Israeli Mukomozi yesu kati omwo alayommbela awe mukubhaoti mkugeme. 24Elyane lila bhalwaya kangelane yesu asyali kwiza mbele na mbela yoana ala tembasya bhantu bhabhati bhwe bhantu bhabhali abhwe bhabhatizo bhwe kukubha mabhi kubhantu bhona bhe Israeli. 25Nawe Yohana aho abhanga akumalisya milimo gwamawe alayomba mwekwigamka mukubha onenge ndwande one ntali oyilya. lelo mundegeleke oyo kubabholola kumugongogwa ntekwilila kubhalola rialto vya mumaguntu gamwe26Bhadugu bhana bhe mundaye mwe kumwasenga mungu ne kungoko jimu igambo elyane lye kusebhowa lya tumiwe kwi 27Kubhantu bhe yesalemu bhamu bhabho,bhatola mumarwa kunhama kati omwo ali, ne kandu bhala a Marwa alyone igambo leybha Nabii alyo liku bhanga likusomwa kila lusiku lwe sabato Ahone bhala hikilisya igambo lye bhanabhi mu kumuyangalila yesu lufa.28Sihaman ne kubha bhatela pandwo mihayo musonga gwe kwikola kumani hanga, bhanga musabha pilato amwihang 29Aho bhamala gonane ago gali bhwandikwe kuhgoko yamwe bhala mutikwaya kupina kumuti ne kumulalikisya mu kubhuli.30Lelo kandi mungualamu syola kupuna mu bhafu, 31Alabha balamubho na bhantu kunsiku rwali, ku bhantu abhobha syanga nage kuwa Galidaya kwaya kuhika yerusalemu, abhane bhantu32oline twe kubha letela igambo isonga kungoko ye igambo elya bhala hubhwa bha guku witu. 33Mungu ali atutulile elyane igambo ifwene bhanabhaho yesuke elyone igambo ala musyone yesu ne kumuha kandi bhuhanga Eliya ne kandi lyali bhwandkwe mufitabhosye zabhur ye kabhili obhenenh mwana wane bhalelo Nabha so 34Kndi kungoko ye bhanhana ne kubha alamsyota kupane mu bhafu mulubha mubhiligwamwe gutaka bhola ekuyobha mubhiligwamwe gutaka bhola ekuyomba ati nkuhuha bhalakati na bhufuhulwa bhwenekili bhwemwa daudi35Elyagu igambo nge lilaletelesya kuuyomba kavundi ku zaburi yendu utala kazumilisya mutekatifu wako kubhola 36Aho Daudi amalo kugema masonga ge mung uku lizyelo (wamwe alalela, alalazi bhwa sihamwi neba dadaye,ne alabhola, 37.Lelo ayo alesyolwa ne mungu awe atalabhola.38Nge mungumarwe kuhitila ku munta oya, kutembususi bhwa (kuyombwa kwa mazile kutembusibhwa(kuyombwa) 39Kuhitila awene tyoyo wona ayo ekuzumia akubhonwakubha alinayo lty mwa musa litenka duzisye kubhona eyo mhana.40Lelo kandi muntonde mukabha evyo bhekuyomba bhanabi sitiza kubha pandika 41Mulage imwe mwe kugailisya ne musye mukumye ne kuhela mukubha ne kutumama milimo ogwo mutekudwa ya kuguzumya, nolo muntu akabhate mbusya."42Ku itungo elyo Paulo ne Barnaba aho bhapunaho, bhantu bhala bhasabha bhatembusye magambo agane kulusiku lwe Sabato yindi. 43Aho mukutano gwe isinagogi gwamala, Bhayahudi bhinki ne bhagomoke bhe nhana bhalabhalondezya Paulo ne Barnaba, abho bhalalomela nabho nebhala bhalomba bhatakaileka eyo ne nzila ku neema ye Mungu.44Ku Sabhato yindi, kwegelezya mji gwona bhalibhilinga kwiza kudegeleka igambo lye Mungu. 45Bhayahudi bhizile kubhona bhantu bhinki, bhalabhubha bhala bhukizya kuyomba magambo agogatetwanga ne Paulo ne bhala mutukagula.46Lelo kandi Paulo ne Barnaba bhalatela ndokwo bhaha bho ne bhalayomba, "Yabhanga lazima igambo lye Mungu liyombwe kuwinu mbela. Ne mukubha mula litalikila hale ninu mulibhona mukubha mutekwikola bhuhanga bhunantamala, mwitegelezye ye tukubhapilukila bhana Mahanga. 47Kati omwo Mukama iyatutumila, akuyomba, "Nabhatuzile imwene katioko mwangalazima ku bhantu bhe mahanga, kubha mubhalete kukomolwa kumpelo zyona zye nsi."48Bhana mahanga bhizile kwomvwa elyane igambo, bhalihalala ne kulikumilizya igambo lye Mukama. bhinki abho bhala chagulwa ku bhuhanga bhunantamala bhalazumia. 49Igambo lye Mukama lilasanzya nsi yona.50Lelo Bhayahudi bhalabha lulungania abho bhali ibhi punia ne bhakima bhazumia munone, ne bhatongezi bhe mji. Agane galongezya kuagalazibhwa kwe mwa Paulo ne Barnaba ne bhalabhilusya kuzya kubhapunia helu ne luvuma lwe mji (likaya). 51Lelo Paulo ne Barnaba bhalakunkumula lubhubhu hamagulu gabho. Bhamazile bhalazya ku muji gwe Ikonia. 52Bhahemba bhalokala ne bhwihalale sihamwi ne Mwizo Mtakatifu.
141Ilabha lusiku lumwi ku muji gwe Ikonio Paulo ne Barnaba bhalingila muisinagogi lye Bhayahudi ne kuyomba omwo idale ikulu lye bhantu Bhayahudi ne Bhayunani bhalazumya. 2Lelo Bhayahudi abho bhatekulizumia igambo lye Mungu bhalabha bhaku bhasongania mubhwenge bhana mahanga ne kubhagema kubha bhabhi ku bhadugu.3Bhalikala eyone kunsiku ninki eno bhakulomela igambo lye Mungu ku bhugime ne kunguzu zye Mukama, neno akulimilila igambo lyamwe. Agemanga otine mu kwolekezya mmenko ne makumyo kuhitila mabhoko ge mwa Paulo ne Barnaba. 4Ahone lelo muji gula gabhanika kubha: bhantu bhandi bhabhomvwanga Bhayahudi ne bhandi bhali sihamwi ne mitume5Aho ku itungo elyone bhanamahanga ne Bhayahudi bhalagemezya kubha humbagula bhatongezi bhabho bhagemele mabhi mukubha hulane mabhele Paulo ne Barnaba, 6ilole elyone bhalalimania bhalilukila ku muji gwe Likaonia, Listra ne Derbe, ne hantu handi ago ge kupilima ahone. 7Eyone bhalalomela igambo lye Mungu (Injili).8Eyone Listra abhangayo muntu yumwi we bhwikale, atali ne nguzu ku magulu gamwe, mulema kuvwa kubhutwa munda ye mwnina atali bhutumbagile. 9Muntu oyone alamwomvwa Paulo akuteta. Paulo alamulingilila munone alabhona mukubha mumwizo gwamwe ali ne bhuzumia bhwe kwikola kusizibhwa. 10Ahone Paulo ala mubhwila ku silaka sye higulya, "Wimilile magulu gako."Oyone muntu alaguluka ne kubhukizya kutumbagila.11Bhantu bhinki bhalabhona esyo agema Paulo, bhalahamuka, bhakuyomba musikilikania, "tumungu twiza kulususo lwe bhantu." 12Bhalamwilika Barnaba "Zeu," ne Pulo "Herme" Kungoko nge abhanga mutesi mukulu. 13Kuhani we Zeu, ihekalu lyamwe lyali helu ne muji, alaleta nzagamba ye ng'ombe, ne iganda lye maua mpaka kumuzigo gwe mji awene sihamwi ne idale lye bhantu bhakobhanga kutanga luhambo.14Lelo Paulo mtume ne Barnaba bhizile kwomvwa igambo elyane bhala kunkumula myenda zyabho, kubhwangu bhalapuna helu ku abho bhantu eno bhakulila, 15bhalayomba imwe bhantu kusi mwekugema agane? Nifwene tuli bhantu kati imwene, twabhaletele igambo isoga, mukubha mupiluke kupuna ku magambo ago gatekwikola mumupilukile Mungu we bhuhanga musumvi vintu vyona evyo vilimo. 16Kwi itungo elyo lya hisile, bhemahanga alabhazumilizya kuzya kunzila zyabho bhenekili.17Atalapunaho bila kuleka bhantu bhe kunenelezya magambo gamwe, kwelyone igambo alabhezya kusoga ne kubhaha mvula kupuna mwilunde ne itungo lye kwimbula vilibhwa, alabhokazya mumizo zinu vilibhwa ne bhwihalale" 18Ne kuagane magambo, Paulo ne Barnaba mukukoya nabho bhalasobhoka kubha hangizya idale lye bhantu kubhatangila luhambo.19Lelo Bhayahudi bhakupuna Antiokia ne Ikonio bhaliza kubha bhehagula bhantu. bhala muhula mabhale Paulo ne bhala mubhulala mpaka helu ye mji bhiganikanga oti iyafa. 20Sihamwi ne agone gona bhahemba bhabhanga bhimilile hihi nage, alabhuka, bhalingila mjini. Lusiku lwe kabhili yahe, alazya Derbe ne Barnaba.21Aho amala kulangisya igambo lye Mungu ku mji ogwone ne kupandika bhahemba bhinki, alasubha Listra, mpaka Antiokia. 22Bhalongezya kubha komezya bhahemba ne kubhaha Mwizo bhazye ne bhuzumia, alayomba, "Nelazima twingile kubhwami bhwe mwilunde kuhitila kwagalazibhwa muno."23Bhalatula bhanampala bhekwimilia bhazumia ne kubha bhamala kusabha ne kufunga bhala bhatula mu mabhoko ge Mukama, oyo bhali bha muzumizye. 24Kandi bhalazya bhalahita Pisidia, bhalahika Pamfilia. 25Ku matungo bhalalomela magambo mu Perga bhalazya Atalia. 26Kupuna eyone bhalagegela meli mpaka Antiokia eyone nge bhali ibhipunia ku neema ye Mungu kungoko ye mulimo ogwo bhali ibha gumala.27Aho bhahika eyone Antiokia, bhalabhilinga bhantu bhinki sihamwi bhatembusyea ago Mungu agagemile kun goko yabho, ne omwo abhigulile mzigo gwe bhantu kuzumia ku bhantu bhe Mahanga. 28Bhalikala eyone ku nsiku ninki ne bhahemba.
151Bhantu bhandi bhaliza kupwa Bhayahudi bhalangisya bhadugu bhakuyomba oti olo mtotahiliwe kalyomo alayombela Musa, mtenka sobholwa. 2Aho Paulo ne Barnaba bhabhanga lihalalika nabho, bhandugu bhalabhona oti Paulo, Barnaba ne bhandi bhisyabho bhazye Yerusalemu ku bhatume ne bhanampala kungoko ye igambo elyane.3Mukub ha bhalatumwa ne kanisa, bhalahitula Foinike ne Samaria bhakuzya bhaku bhatembusya mukubha bhana mahanga `ibha mupilukila Mungu bhalaleta gihalale bhukulu kubhandugu bhona. 4Bhizile kuhika Yerusalemu bhalamukulwa ne ikanisa ne bhatume ne sihamwi ne bhanampala, bhinzile kuhika bhalatembusya gonane ago Mungu agemile sihamwi nabho.5Lelo bhantu bhandi bhazunya bhandi mwidale lye Bhafarisayo, bhandi milila bhalayomba, "lazima kubhatahili bhantu ne bhakwate munone ilagilo lye mwa Musa. 6Ahone lelo bhatume ne bhanampala bhalimilila kuliganikila igambo elyane.7Aho bhamala kuliyombela kwitungo ilele Petro alimilila atalabhwila, "Imwe bhandugu mwekumania kubha kunsiko izyo zyahisile Mungu alanehagula kupuna kwimwene kubha mahanga gona bhwimiwe igambo lye Mungu ne kuzumya. 8Mungu oyo akumania mizo alikubhabhwila ne ekubhwaha Mwizo Mutakatifu kaki omwo alagemela kwifwe. 9Mtu ate kutubhagala ke kutulekania ifene neabhe, ekuzyezya mizo zyabho mukuzumya kwabho.10Otine kusimwe kumugemya Mungu mukubha mwekutula majoki ku nkingo zye bhahamba ezyo isefwe nolo ifwene tutekuduzya kuzibhasya? 11Lelo twekuzunia mukubha twekusahulwa ye Mukama Yesu, kati omwo bhabhalanga."12Bhantu bhone bhalahulika sele aho bhabhanga bhakumudegeleka Barnaba ne Paulo aho bhabhanga bhakutembusya lumenko ne mumakumyo ago Mungu alagagema sihamwi nabho muminso ge bhana mahanga.13Bhizile kumala kuyomba Yakobo alasega alayomba, "Bhandugu bhane muladegeleka. 14Simoni atembusya mbele omwo Mungu ku neema abhakwisizye bhanamahanga kungoko bhantu bhingeleyo kungoko ye izina lyamwe.15Magambo ge bhanabii ge kwizumilizya ne igambo lyane kati omwo ilandikilwa. 16Galakabha gamala magambo aga ndakasabha kandi kwizengula kandi ihema lyemwa Daudi, lye bhamale kugwa hansi; ndakalibhusya ne kulisizya bhabhi bholyo. 17Kungoko ye kubha bhantu abho bhalasagile bhamukobhe Mukama, sihamwi ne bhantu bhe mahanga abho bhali bhulangwe kwi izina lyane.' 18Otine ngomwo okuyombela Mukama oyo alagema agane gona ge bhumanike kuvwa kale na kale.19Otine omwo ne kubhonela one tutaka kubhakoya bhantu bhe mahanga abho bhe kumupilukila Mungu; 20Tubhandikile mukubha bhitule hale ne bhubhi bhwe sanamu, kwikumbwa ne bhusihani, ne evyo vilibhwihagwe tuhu vitali bhusese magazi, ne magazi. 21Kupuna kila luzyalo lumwi lwe bhana mpala bhaliho bhantu kila muji abho bhe kutela igambo ne kumusoma Musa mumasinagogi ku kila Sabato."22Ahone mitume ne bhanampala, sihamwi ne ikanisa lyona, mukabha bhamuchagule Yuda izina lyamwe ndi Barsaba ne Silas, abho bhabhanga bhatongezi bhe kanisa, bhalabhatuma kuzya Antiokia sihamwi ne Paulo, ne Barnaba. 23Bhalandika oti, "Mitume ne bhazehe ne ndugu, kubhadugu bhe mahanga abho bhali Antiokia, Shamu ne Kilikia, twekumakweza.24Tomvwite kubha bhalo yo bhantu abho tutali bhubhatume igambo elyo, bhapunile witu ne bhabhakoile ne malangisyo 25Itwabhona ne kusoga kwifwe bhonane kuchagula bhantu bhe kutuma winu sihamwi ne bhasimwa mwaitu Barnaba ne Paulo. 26bhantu abho bhe bhuzumya kupandika manegelo ne kwagaliziwa kungoko ye izina lye Mukama witu Yesu Kristo.27Ngoti itwa mutuma Yuda ne Sila bhakubhatembusya magambo agone. 28Mukabha itwabhona ne kusoga ku Mwizo Mutakatifu ne kwifwe, kuleka kubha kubhahekezya miligo mikulu kukila omwo magambo agane omwo gali syenkanane. 29mukabha mupiluke mulekane ne vintu evyo vyatagilwe kusanamu magazi, vintu vyo vitali bhusikwe (kunyongwa) ne bhusihani. Olo mulavileka vintu evyone, ikubha kusoga kwimwe . mulagabha."30Babhele bhamala, kulekanebhwa bhalazya kuhika Antiokia; bhamazile kubhabhilinga bhantu sihamwi, bhalabha helezya eyo bhalubha. 31Bhamazile kwisoma bhalihalala kugoko ye kutulwa mwizo. 32Yuda ne Sila ne bhanabii, bhalabhatula mwizo gu magambo minki ne kubhaha nguzu.33Aho bhamazile kwikalayo kwitungo, bhalalekanibhwa kubhuteka kupuna kubhadugu abho bhali bhalabhatuma. 34[Lelo bhalabhona ne kusoga Sila wikaleyo] 35Lelo Paulo ne bhandi bhalikala Antiokia sihamwi ne bhandi bhikino, abho bhalangisyanga ne kutembusya igambo lye Mukama.36Aho zyahila nsiku Paulo alamubhwila Barnaba, "Otine kusubha tuzwe tubhayungile bhandugu kumiji ezyo twabha tukutembusya igambo lye Mukama, tuzye kubhalinge omwo bhe kuzila. 37Barnaba ne kusoga amusole Yohana kwizina lindi Marko sihamwi nage. 38Lelo Paulo aligaluka kubhaitali kusoga kumusola Marko, oyo alabhaleka Pamfilia ne alabhalekanizya milimo.39Ahone bhalihalalika munone bhaliduma bhalalekana ne Barnaba alamusola Marko bhalagegela mumeli bhalazya mpaka Kipro. 40Lelo Paulo alamusola Sila bhalazya nage bhamazile kutulwa mubhadugu kundema ye Mukama. 41Ne alazya kuhitila Shamu ne Kilikia, akuzya akugakomezya makanisa.
161Paulo aliza kandi Derbe ne Lystra; ahone abhangaho muhemba izina lyamwe Timotheo, musumba we bhubhutwe ne mukima we Siyahudi abhanga muzumia ne isye wamwe abhanga Mugiliki. 2Bhantu bhe Listra ne Ikonia bha muyombanga kusoga. 3Paulo alatogwa azye nage ala musola alamutahiri kungoko ye bhayahudi abho bheyone mukubha bhona bhali bhumanie kubha isye ne Mugiriki.4Mulugendo lwabho bhalahitila ku miji ne kuzya bhakuyomba magambo gekulagilizya ku makanisa kungoko bhagakwate ago gali bhwandikwe ne mitume ne bhanampala eyo Yerusalemu. 5Makanisa galakomela mukuzumia ne abho bhalazumia bhalakwila ku bhwinki lusiku ku lusiku.6Paulo ne bhisyamwe bhalazya kuhitila Firigia ne Galatia, Mwizo Mtakatifu alabhakemezya kutembusya igambo lye Mungu ku nsi ye Asia. 7Bhabhele bhegelela Misia, bhalagemezya kuzya Bithinia, lelo Mwizo gwe Yesu alabhakemezya. 8Bhala hitila Misia bhalazya mpaka Troa.9Paulo alolesibhwa bhwile agonile abhangaho muntu we Makedonia. 10Paulo aho amala kwolesibhwa agone tulabhuka kuzya Makedonia, alamania mukubha Mungu iyatulanganizya kuzya kufila igambo lye Mungu.11Tulabhuka kupuna Troa tulazya mpaka Samothrake, habhusye bhwahe tulahika Neapoli. 12Tulapuna ahone tulazya Filipi ahone ne muji gumwi gwe Makedonia miji gwe bhumanike mu bhwami bhwe Rumi tulikalayo tusiku. 13Kulusiku lwe Sabato tulazya helu ye muzigo gwe kwingilila kuhitila nzila ye mwiga, twabhanga tukwiganika oti twekapandika hantu hekusabhila Mungu tulikalisya hansi tulabha tukulomela ne bhakima abho bhali bhizile sihamwi.14Mukima yumwi izina lyamwe Lidia, muguzya we nzambalao kupuna Tiatira, muzumya ne muntu we kumwisenga Mungu ala tudegeleka Mukama ala mwigula mwizo gwamwe ne kugitegelezya magambo gona ago gayombwanga ne Paulo. 15Aho amala kubhatizibhwa, awe ne numba yamwe yona alatwikumbilizya alayomba "olo imwambona one olo ndi mutungilizya ku Mukama, ne kubhikumbilizya mwingile ne kwikalisya hawane". Alatwikumbilizya munone.16Ilabha oti ahotwazya kuzya kwisenga mwanike yumwi oyo ali ne isambwa lye bhufumu tulasanzya nage amuletelanga musavi wamwe nsabho niki ku ogwone mulimo gwe kulagula. 17Mukima oyane alabha akumulondezya Paulo sihamwi nifwe akuyoganya eno akuteta "Abhane bhagosya ne bhatumami bhe Mungu mukulu we bhona, oyane ekuzya akubhatembusya magambo ge bhuhanga". 18Alagema otine kunsiku ninki, lelo Paulo alabha iya sayisibhwa nne magambo agone, alapiluka nunene kulibhwila elyo isambwa, "Umuvweko ku izina lye mwa Yesu." kwelyone itungo isambwa lilamuvwako.19Bhasavi bhamwe aho bhabhona bhwizigizya obhwo bhalinabhwo bhwe kupandikilaho nsabho bhwapunaho, bhalabhakwata Paulo ne Sila bhalabhabhulula kubhafila higolilo mu minso ge bhakulu bhe nsi. 20Bhizile kubhahisya kubhayanguzi bhalayomba, "Abhane bhagosya ne Bhayahudi ne bhekuletelezya muyugi mu nsi yitu. 21Bhakulangisya magambo ago gatekuzumilizibhwa ku ifwe kuganukula, nolo kugatumamila katioko tuli Bharumi."22Idale lye bhantu lila sala kungoko ye mwa Paulo ne Sila, bhayanguzi bhala kunkumula mwenda zyabho bhalabhambula myenda bhalabhabhwila bhahulwe milanga. 23Aho bhamala kubhahula milanga minki alafilwa musifungo bhala mubhwila mukulu we sifungo abhalindila kusoga bhatalakatoloka. 24Aho amala kwanukula elyo ne igambo, mukulu we sifungo alazya kubhagekela mu syumba sye mukati ne alabhabhoha magulu gabho omwo bhali bhatuzilwe.25Kubhufuku bhukulu, Paulo ne Sila bhalabha bhakumusabha Mungu ne kwimba nimbo zye kumukumilizya Mungu bhafungwa bhandi bhakudegeleka. 26Kwe elyone itungo iliza na mutitima nkulu, ne elyone numba ye sifungo alatinginibhwa, mizigo zye eyo ne numba ye sifungo iliguka, minyololo ye bhafungwa bhonane ila bhohololwa.27Mulindi we esyone numba ye sifungo ala halamula kupuna mutulo alabhona mizigo zyonane zye eyone numba ye sifungo ilibhwigulwe alasola lupanga lwamwe alakobha kwiyihaga kungoko aliganika mukubha bhafungwa bhonane ibhamala kutoloka, 28lelo, Paulo alahanuka alayomba, "Utakiyihaga kungoko bhona bhonane tuliho aha".29Mlinzi we esyone sifungo alalomba tale ziletwe, alingila mu numba ye sifungo ku bhwangu eno akwobhaha ne kuzuguma alabhagwililila Paulo ne Sila. 30Alapunia musifungo alayomba, "Bhakama bhane, ngeme igambo nabhasi mpandike kusahuka?" 31Bhala mubhwila, "Umu zumye Mukama Yesu nobhe uku sahuka ne numba yako yona."32Bhalazya kutembusya igambo lye Mukama hawamwe sihamwi ne bhantu bhona bhe hawamwe. 33Mlindi we esyone sifungo alabhasola bhufuku obhwone alabhozya malonda, awene sihamwi ne bhantu bhamwe bhona, bhalabhalizibhwa itungo elyone. 34Alabhafila Paulo ne Sila hawamwe, alabhatengela silibhwa awene alabha ne bhwihalale bhukulu sihamwi ne bhantu bhe hawamwe mukubha bhalamuzumya Mungu.35Ilize kuhika mwizyobha bhayanguzi bhalatuma igambo ku oyo mulindi we sifungo bhala yoma, "Ubhatahye abho bhantu bhazye." 36Mlindi we sifungo alamutembusya magambo agone kubha, "Bhayanguzi bhatuma igambo oti mbatahye muzye; mupune helu muzye ne bhuteka."37Lelo Paulo alabhabhwila, "Bhatuhuzile muminso ge bhantu, bhantu abho ne Bharumi ne kutuyangula byo ne bhalatufunga musifungo, kandi otine bhe kukobha kutupunya ku lwibhiso? Yaya itenka oti, abhene bhiza bhatupunie mo". 38Bhalindi bhala bhafila mpola bhayanguzi kungoko ye magambo agone, bhayanguzi bhalobhaha muno aho bhamania mukubha Paulo ne Sila ne Bharumi. 39Bhayanguzi bhaliza kubhikumbilizya bhapune, aho bhamala kubhapunia helu ye sifungo bhala bhasabha Paulo ne Sila bhapune helu ye nsi yabho.40Paulo ne Sila bhalapuna helu ye sifungo bhalazya mwa Lidia Paulo ne Sila aho bhabhabhona bhadugu bhala bhatula mwizo bhalapunamo mu eyone nsi.
171Bhamazile kuhika ku miji ye Amfipoli ne Apolonia, bhalazya kandi mpaka mji gwe Thesalonike ogwo gwabhanga ne isinagogi lye Bhayahudi. 2Kati omwo kalikazile ke mwaPaulo, alazya wabho, ku nsiku isatu zye Sabhato alabha akuyomba nabho kungoko ye mandiko.3Abhanga akubhasomela mandiko ne kubhatembusya omwoge kuyombela kubha, yali oti Kristo agalazibhwe ne kubha olo amala kwagalazibhwa azyoke kupuna mu bhafu. Alabhabhwila, "Oyane Yesu oyo nekubhatembusya mihayo yamwe nge Kristo" 4Bhandi bhalatogwa kubha sihamwi ne Paulo ne Sila, sihamwi ne Bhagiriki bhasima Mungu, bhamayo bhinki bhazumia ne idale ikulu lye bhantu.5Lelo Bhayahudi bhandi abho bhatali bhazumia, bhalabhona ibhubha, bhalazya kwi igolilo bhalazila bhantu bhandi bhabhi, bhabhalalika idale lye bhantu kusihamwi, ne bhalaleta li muyugi mujini bhalazya kunumba ye mwa Jasoni bhakukobha kubhakwata Paulo ne Sila bhabhafile muminso ge bhantu. 6Aho bhabhabhulwa, bhalamukwata Yasoni ne bhadugu bhandi bhalabhafila muminso ge bha hofisa bhe muji eno bhakuyogania, "Abhene bhagosya bhe kupilula nsi bhahika mpaka enone kandi. 7Bhagosya abhone bhali bhwanukulwe ne Ysoni bhe kulibhihya ilagilo lye mwa Kaisari, bhe kuyomba oti aliho mwami yundi izina lyamwe Yesu"8Idale lye bhantu ne bhahofisa bhe miji ogwone bhizile kwomvwa magambo agone, bhalakwatwa mpahwe. 9Aho bhamala kusola hela ninki zye bhulinzi kupuna mwa Yasoni ne kubhandi, bhalabhalekela bhazye.10Bwile obhwone bhadugu bhala mutuma Paulo ne Sila kuzya Beroya. Bhizile kuhika eyone bhalazya ku isinagogi lye Bhayahudi. 11Bhantu abhone bhali ne bhwenge bhwinki kukila bhantu bhe Thesalonike, kungoko bhali bhagomoke ne bhangu bhe kulyanukula igambo lye Mungu ku bhwenge bhwabho ne kugakobhelezya mandiko kila siku bhabhone olo magambo ago ge kuyombwa ngomwo gali. 12Eyone bhinki bhabho bhalalizumia igambo lye Mungu, bhalabhangamo bhakima bhe lulimi lusoga mukutembusya bhe Sigilriki ne bhagosya bhinki.13Lelo Bhayahudi bhe Thesalonike aho bhamania kubha Paulo ekuzya akutangazya igambo lye Mungu eyo Beroya bhalazya yo kuzya kusongelezya magambo mabhi kubhukizya muyugi ku bhantu. 14Ku bhwangu, bhadugu bhala mufila Paulo kuhitila mu nyanza, lelo Sila ne Timotheo bhalikalaho. 15Bhadugu abho bhalamufila Paulo bhalazya nage mpaka Athene, aho bhamulekayo Paulo, alabhalangizya magambo mukubha Sila ne Timotheo bhamulondezye ku bhwangu munone.16Ku itungo elyo abhanga akubha lindilila eyo Athene, mwizo gwane gulagaya ku agone alabhona eyone ge kubha ogwo muji guli bhwokale masanamu minki. 17Alazya akulomela nabho Bhayahudi mu masinagogi ku abho bhali bhantu bhe kumwisenga Mungu ne bhantu bhonane abho abhanga akusanzya nabho ku magolilo kilasiku.18Lelo bhasomi bhandi bhe Waepikureo ne Bhaepikureo bhala ihalalika nage, ne bhandi bhalayomba, "Ekuyomba igambo nabhasi oyane muntu atekumania tyelyo lyona. Bhandi bhalayomba, "Oyane ekuteta igambo lye mungu mugeni oyo tutekumumania," Kungoko ekutembusya igambo lye mwa Yesu ne kuzyolwa.19Bhalamusola Paulo bhalamuleta Areopago, ino bhakuyomba, "Twenkaduzya kugamania malangisyo agane mahyahya ogo we kugayomba? 20Kungoko wekuleta magambo mahyahya ku matwi gitu. Otine twekukobha kumania agane magambo gali ne simukati yahe? 21(Ne bhantu bhona bhe Athene sihamwi ne bhageni bhe mumakaya gabho, bhakutumamilanga itungo lyabho mu kuteta nolo mukudegeleka igambo ihyahya.)22Ahone Paulo alimilila hakati yabho bhantu bhe Areopago ne alayomba, imwe bhantu bhe Athene ne kubhona muli bhantu bhe dini munone. 23Mukubha mukuhitila kwanene kulinga vintu vinu vye kwisengela ina bhona magambo ge bhwandikwe ku mabhabahu yinu yimwi, kuyoma "MWA MUNGU OYO ATEKUMANIKA". Ahone lelo, oyo mwe kumwisenga ne kumumania byo, nge oyo ne kutembusya imwe.24Mungu oyo alasumba nsi ne vintu vyona mukati yahe mukubha nge Mukama we ilunde ne nsi, mutenkadula kwikala mu mahekalu ago gali bhubhezibhwe ne mabhoko. 25Nekandi atakutumamilalwanga ne mabhoko ge bhantu kati oko ekukobha kuhebhwa sintu ne bhantu mukubha awene mwenekili ngoyo akubhahanga bhuhanga ne kwesyema ne vintu vindi vyonane.26Kuhitila muntu yumwi alabhezya bhantu bhona bhe mubhwelelo abho bhali ku bhusyo bhwe nsi ne kubhatulila matungo ne ngelelo ye nsi omwo bhe kulenda. 27Otine ye kwendela mumukubhe Mungu, kungoko muhikile ne kumupandika, syenkanane atali hale ne kila yumwi witu.28Kwabho tuli bhabhanga, twekutumbagila ne kubha ne bhuhanga bhwitu, kati omwo muntu yumwi alimba ishairi alayomba 'tuli luzyalo lwamwe.' 29Ikabha oti ifwene tulibhuzyalwe ne Mungu, tutekwendelwa kwiganikila oti bhu Mungu ne kati bhahabu, nolo shaba, nolo mabhale nolo sanamu ye bhubhezibhwe kusoga munone ku miganiko ge bhantu.30Mungu ali alabhahulikila ku matungo ago gali ge bhuhumbe, kwotine eku bhabhwila bhantu bhona hona ne mu bhwelelo bhona bhakubhe mabhi gabho. 31Eyane ne mukubha amazile kutula lusiku olwo alakiza kuyangula nsi ku nhana ku muntu oyo ala mumuzumia. Mungu alayomvile Syenkana ku muntu oya ne ku kila muntu aho amala kumuzyola ku kupuna mu bhafu.32Ne bhantu bhe Athene bhizile kwomvwa igambo lye kuzyolwa kupuna mu bhafu, bhandi bhalamubhona Paulo ali gele bhwenge, lelo bhandi bhalayomba "Tukudegeleka kandi kungoko ye elyane igambo" 33Aho lyahita itungo elyone Paulo alabhaleka. 34Lelo bhantu bhandi bhazumia bhalabha nage sihamwi abhangamo ne Dionisio Mwareopago, ne undi mukima oyo ekulangwa izina lyamwe Damari ne bhandi sihamwi nabho.
181Gizile kumala agone, Paulo alabhuka Athene kuzya Korintho. 2Eyone alazya kumpandika Myahuhudi ekulangwa, akwila muntu we sise sye Ponto, awe ne mukazi Prisila bhalizakupuna Italia, kungoko Kraudia alabhabhinga Bhayahudi bhona bhapuneyo Roma; Paulo alazya hakaya yabho; 3Paulo alikala ahone ne kutumama milimo sihamwi nabho mukubha nawene atumamanga milimo kati yabho. Abhe bhabhanga bhabhezya bhe mahema.4Paulo alabha akuyomba nabho mu isinagogi kila lusiku lwe Sbhato. Abhanga akubhatembusya kusoga Bhayahudi sihamwi ne Bhagiriki. 5Lelo Sila ne Timotheo bhaliza kupuna Makedonia, Paulo Mwizo gula muhatika kubhatengela Bhayahudi mukubha Yesu nge Kristo. 6Bhayahudi bhala muhangizya ne kumutuka Mungu, Paulo ala kungumula myenda zyamwe mu minso gabho ne alabhabhwila, "Magazi ginu gabhe kumitwe zinu bhenekili; One ntali ne bhubhi. Kupuna otine ne kuzya kubhana mahanga.7Alapunaho alazya kunumba ye mwa Tito Yusto, Muntu oyo ekumwisenga Mungu. Numba yamwe ili hihi ne Isinagogi. 8Krispo, mukulu we isinagogi sihamwi ne bhantu bhe hawamwe bhala muzumia Mukama. Bhantu bhinki bhe Korintho abho bhala mwomvwa Paulo akulomela bhalazumia ne kubhatizibhwa.9Mukama ala mubhwila Paulo bhufuku nzila ye siloti, "Utakobhaha, uyombe ne utakahulika. 10Mukubha onene ndi nanko sihamwi ataliho oyo akugemezya kukubhegezya tyelyo lyona ibhi, mukubha ndinabho bhantu bhinki mu ogwane muji". 11Paulo alikale eyone mwaka gumwi ne miezi mukaga, akulangisya igambo lye Mungu hakati yabho.12Lelo Galio aho amala kwamihubhwa mu nsi ye Akaya, Bhayahudi bhalamwima bhupasa Paulo bhala mufila kuzya kumusitaka ku bhayangu. 13Bhalayomb, "Muntu oyane ekubhabhehagula bhantu bhamwisenga Mungu omwi vitali ilagilo".14Aho Paulo akobha kuyomba, Galio alabhabhwila Bhayahudi, "Imwe muli Bhayahudi olo liliibhi nolo bhubhihya, yali gwe nhana kubhakwasya. 15Lelo kungoko ne mabhuzyo ge magambo ne mazina ne malagilo ginu mugayangula bhenekili. One ntekwikumbwa kubha muyangu kungoko ye magambo agone."16Galio alabhabhwila bhapuneho muminso gamwe. 17Bhalamukwata Sosthene, mukulu we isinagogi, bhalamuhula muminso ge itebhe lye bhuyangu. Galio ala bhilolela tuhu atalabhona oti ne igambo (atalagola)18Paulo aho ikalaho ku nsiku ninki, alabhaleka bhadugu alagegela meli kuzya Siria sihamwi ne Prisila ne Akwila. Asyali kupuna habandali, alamoga misasi zyamwe mukubha ali ijilahizya mulahi. 19Bhizile kuhika Efeso, Paulo alamuleka Prisila ne Akwila ahone, lelo awe alazya alingila mwi isinagogi ala bhukizya kuyomba nabho Bhayahudi.20Bhamubhwila Paulo ikale nabho ku itungo ilele, awe alakema. 21Alapuna alabhaleka alabhabhwila oti, "Ndize kandi olo Mungu alatogwa". Izile kumala alazya mumeli kupuna Efeso.22Paulo aho atikila Kaisaria, alagegela kuzya kulikezya Ikanisa lye Yerusalemu, kandi alatikila kuzya ku ikanisa lye Antiokia. 23Alikalayo ku itungo, Paulo alapunayo kuhitila Galatia ne Frigia ne kubhatula mwizo bhahemba bhona.24Muyahudi umwi izina lyamwe Apolo, we bhubhutilwe Alexandria, aliza Efeso. We bhumanie kuteta kusoga nemumania we Mandiko. 25Apolo ali bhulangisibhwe malangisyo ge Mukama. Kungoko abhanga mwiyomelezya ku mwizo, gwamwe, alomelanga ne kulangisya kusoga magambo ge mwa Yesu ila alibhumanie bhubhatizo bhwe mwa Yohana tuhu. 26Apolo alabhukizya kuyomba kunguzu mu ihekalu llelo Prisila ne Akwila, bhalagema bhunwani nage, bhalamutembusya ne kumwolekezya kungoko ye nzila zye Mungu kusoga.27Izile kwikumbwa kupuna kuzya Akaya, bhadugu bhala mutimvya mwizo ne kumwandikila bhalubha ye kufila kubhahemba bhandi eyo Akaya kungoko bhe mwanukule. Izile kuhika ku neema alabhakwasya munone abho bhali bhazumia. 28Kunguzu zyamwe ne bhwenge, Apolo alabhakila Bhayahudi muminso ge bhantu akwolesya kuhitila mandiko mukubha Yesu nge nawe Kristo.
191Ilabha mukubha Apolo aho ali Korintho Paulo alahita kumagulya alahika Efeso alasanzya ne bhahemba kaganda eyone. 2Paulo alabhabhwila, "Mulanukula Mwizo Mtakatifu aho mwamala kuzumia? Bhala mubhwila, "Byololo, tutali nolo bhwimvwe kuigambo elyane lye Mwizo Mtakatifu."3Paulo alayomba, "Imwe mulabhatizibhwa tyani?" Bhalayomba, "Tulabhatizibhwa bhubhatizo bhwe mwa Yohana. 4Basi, Paulo alasuvya, "Yohana alabhatizya bhubhatizo bhwe kukubha mabhi. Ala bhabhwila abhone bhantu kubha yekwendela kumuzumia oyo ekwiza hanuma yamwe, one nge Yesu."5Bhantu bhizile kwimvwa igambo elyone, bhalabhatizibhwa ku izina lye Mukama Yesu. 6Aho Paulo abhatulila mabhoko Mwizo Mtakatifu aliza hawabho bhalabhukizya kuteta kundimi ne kuhangila. 7Bhabhanga bhagosya ikumi ne bhabhili.8Paulo alazya ku isinagogi alateta kunguzu ku nsiku kati miezi isatu oti. Abhanga akutelanabho ne kubha kwesa bhantu kungoko ye magambo ge bhwami bhwe Mungu. 9Lelo Bhayahudi bhandi bhali ne mitwe migume ne bhatali bhidohya ha Mungu, bhalabha bhakuyomba kubha kungoko ye nzila ye mwa Kristo mu minso ge bhantu. Ahone Paulo alalekana nabho, alabhasola alabhalekania ne bhazumia hale nabho. Nawe alabha akwitembusya nabho kilasiku numba ye Tirano. 10Alamala miaka ibhili, mukubha abho bhikazi bhe Asia bhalomvwa igambo lye Mukama, bhonane Bhayahudi ne Bhayunani.11Mungu alagema magambo makulu kuhitila mabhoko gemwa Paulo, 12kubha ne bhalwele bhala sizibhwa, ne masambwa galabhapunako, kuitungo aho bhasolanga vitambala ne myenda ezyo zilapuna kumubhili gwe mwa Paulo.13Lelo bhabhangaho Bhayahudi abho bhakusunzyanga mizimu, bhali ne lugendo kuhitila ahone, bhatumamilanga izina lye mwa Yesu kungoko ye milimo yabho bhenekili, bhabhabhwilanga abho bhe masambwa; Bhakuteta, "Nekubhabhwila mupune ku izina lye mwa Yesu oyo ekutembusibhwa ne Paulo." 14Abho bhagemanga agone bhali bhana musamvu bhe mwa kuhani Mkulu we Siyahudi; Skewa.15Isambwa lila bhasubhizya, "Yesu ne kumumania, ne Paulo ne kumumania; lelo imwe muli bhande?" 16Ilyo isambwa lili mu muntu lila bhagulukila abhone bhusunzya mizimu lilabhakinda nguzu lilabhahula. Bhabwene agone bhaliluka kupuna munumba bhuvule ne ibhanegezibhwa. 17Igambo elyane lilamanika kubhantu bhona, Bhayahudi ne Bhayunani abho bhabhanga bhulende eyone Efeso. Bhalobhaha muno ne izina lye Mukama lilagana kukuzibhwa.18Kandi bhazumya bhinki bhaliza ne kuhungama ne kugayomba magambo gabho mabhi ago bhagemanga. 19Bhinki bhagemanga bhufumu alavisumvya vitabho vyabho, vilahembwa mulilo mu minso ge bhantu. Itungo elyone bhizile kupeta nsabo zye evyo ne vikolo (vintu) yali kati hela vihumbi makumi atano. 20Ahone igambo lye Mukama lalazya bhutonzi kunguzu munone.21aho magambo agone gamala, Paulo alabhona mumwizo gwamwe, azye ahitile Makedonia ne Akaya; ahike Yerusalemu; Alayomba, "Akapuna eyone azye Rumi nahe." 22Paulo alabhatuma kuzya Makedonia bhahemba bhamwe bhabhili, Timotheo ne Erasto, abho bhabhanga bhakumukwasya. Lelo awe mwenekili alikala Asia kukatungo.23Makanza agone ilabhaho iyombo ikulu Efeso kungoko ye eyo nzila. 24Kubha muntu yumwi izina lyamwe Demetrio, muhesi we sanamu zye vilanga vye mungu Diana, alaleta bhusuluzya bhukulu kubhahesi. 25Alabhabhilinga bhahesi bhona bhe mulomo ne kuyomba, "Imwe Bhakama, mwekumania kubha ku obhwane bhsuluzya twekupandika mpiya ninki.26Mwekubhona ne kwomva itali ahane Efeso tuhu, lelo ye kwegelela nsi yonane ye Asia oyane Paulo ekubhabhehagula ne kubhapilula bhantu bhinki. Ekuyomba bhataliho bha mungu abho bhali bhubhezibhwe ne mabhoko ge bhantu. 27Ne itali tuhu elyane isuluzya litu likufwa, lelo kandi ne ihekalu lye Mungu mukima oyo ali mukulu Diana enkagailizibhwa mukubha atali sintu. Nahe kandi akubhuzya isima lyamwe lye bhukulu, awe oyo Asia ne nsi yona bhe kumwisenga."28Bhizile kwomvwa magambo agane bhala syahala bhalayoganya, bhakuyomba, "Diana we Efeso ne mukulu." 29Muji gwonane gulayogania, bhantu bhonane bhalilukila munumba ye mabhwisinia, bhalabhakwata bhatumbagizi bhisyamwe ne Paulo, Gayo ne Aristariko, abho bhabhupune Makedonia.30Paulo alende kwingila mumuyugi gwe bhantu, lelo bhahemba bhala muhangizya. 31Kandi, bhahofisa bhandi bhe ogwone mkoa gwe Asia, abho bhabhanga bhanwaniye bhalamufilila mpola kunguzuye kumukemezya mukumwikumbilizya atakingila mu ogwone muyugi. 32Bhandi bhayombanga igambo elya ne bhandi igambo lindi, kungoko ye idale lye bhantu bhali ibha changanikilwa. Bhinki bhe abhone bhatamanianga nesyo isya bhaleta.33Bhayahudi bhala muleta Iskanda ho gwone mukwila bhala mutula higulya mu minso ge bhantu. Iskanda alabha akubholekezya kulumenkoakutamanila mabhoko kubhatembusya bhantu. 34Bhizile kumania mukubha oti awe ne Muyahudi, bhonane bhalayogania kusilaka simwi kuitungo lye katioko saha ibhil, "Diana ne mukulu we Bhaefeso."35Aho karani we muji amala kubha hulisya abho bhantu, alayomba, imwe bhagosya bhe Efeso, nende oyo atekumania kubha ogwane muji gw eBhaefeso nge guli bhutule ihekalu lye mwa Diana mukulu ne eyo pichailalugala kupuna mwilunde? 36Olo twekukobha kugabhezya kusoga agane, twekwendelwa tutekane ne mutakagema tyesyo syona kubhwangu bhwangu. 37Mukubha imwa bhalanganizya abhane bhantu aha ku bhuyangu abhe bhatali bhivi bhe ihekalu nolo bhatabhezizye itusi ku mungu witu mukima.38Olo ikabha Demetrio ne bhafundi bhisyamwe, olo bhali ne igambo lye kutenga kungoko ye muntu tyoyo wona, mahakama yekubhanukula bhaliwali bhaliho. Ne bhaletwe muminso ge bhayangu. 39Olo ikabha wekukobha tyesyo syona kungoko ye magambo gandi gakubhezibhwa kuvikalo evyo vye bhiuzumilizibhwe. 40Kuyomba gwe nhana tulihabhi kungoko ye kusitakwa ku elyone iyombo, ne tutakubha ne igambo lye kuduzya kugatembusya. 41Izile kumala kugayomba agone, alabhabhwila bhasambale bhazye.
201Gwizile kumala ogwo muyungi, Paulo ala bhalanganizya bhahemba ne kubhatimvya mwizo. Alamala alabhatahya alapunaho alazya Makedonia. 2Aho amala kuhita kwe eyone mikoa abhanga akubhatimvya mizo bhazumia alingila Bhuyunani. 3Aho amala kubhaho ku miezi isatu, Bhayahudi bhala mubhegezya njama izile kegelela kuzya lugendo kunzila ye mu nyanza kuzya Shamu, alabhona asubha azye ahitile Makedonia.4Bhalazya nage sihamwi kuzya kuhika Asia bhabhanga Sopatro, mwene Pirho kupuna Berea; Aristariko ne Sekundo, bhonane kupuna kubhazumya bhe Bhathesalonike; Gayo we Derbe; Timotheo; Tikiko ne Trofimo kupuna Asia. 5Abhane bhantu bhabhanga abha tonga kuzya kumulindilila eyo Troa. 6Kunzila ye munyanza kupuna Filipi ahozya mala nsiku zye mikate itali bhutulwe nambwa, kunsiku itano tula bhapandika eyone Troa. Tulikalayo kunsiku musamvu.7Kulusiku lwe mbele lwe musemvu, twali itwa sanzya sihamu kungoko ya kumega mukate, Paulo alalomela ne bhazumia. Abhanga akiupanga kupunayo kubhu sye bhwahe, alalomela ku itungo ilele mpaka bhufuku bhukulu. 8Zyabhangamo talaninki musyumba sye lugulu, omwo twabhanga itwasangizya.9Kwidilisya ali iyikalaho muntu umwi izina lyamwe Utiko, alatindila. Aho Paulo abhanga akulomela ku itungo ilele, oyane musumba, abhanga mutulo, alalagala hansi kupuna higulya ku igorofo lye kasatu bhala mutolela iyamala kufwa. 10Lelo Paulo alatikila hansi, alamubhundalila aligolola higulya yamwe alamubhumbila. Amazile alayomba, "Mutakagwa Mwizo, mukubha ne mahanga."11Kandi Paulo alagegela higorofa alagumega mukate, alalya. Aho amala kulomela nabho ku itungo ilele mpaka makingilima, alapunaho alazya. 12Bhamuleta oyo musumba alimuhanga bhalihalala munone.13Ifwe tiulatonga bhutonzi yemwa Paulo ku meli tulazya Aso, twali itwapanga kuzya kusanzya nage Paulo eyone. Elyane nge elyo Paulo ali iyatogwa libhe, kungoko ali iyapanga kuzya kuhilila nzila ye magulya itali munyazya. 14Izile kutusanga Aso, tulamupakila mu meli tulazya Mitelene.15Kandi ifwe lulazya kupuna eyone ne kubhusye bhwahe tulahika kulwande lwe kabhili twe kisiwa sye Kio. Lusiku olwo lwe kabhili yahe tulahika mukisiwa sye Samo, habhusye bhwahe kandi tulahika muji gwe Mileto. 16Kungoko Paulo ali iyayomba oti kuzya kuhitila Efeso, kungoko atakatumamila itungo ilele mu Asia; mukubha abhanga akwihuta anguhe huhika Yerusalemu kungoko ye sikunkulu ye Pentekoste, olo yenkadulikana awe kugema otine.17Kupuna Mileto alatuma bhantu kuzya Efeso ne kubhalanganizya bhanampala bhe Kanisa. 18Bhizilekumupandika alabhabhwila, imwene bhenekili mwe kumania kupuna lusiku lwe mbele aho nda kanda Asia, omwo nabhela sihamwi ninu kumatungo gona. 19Inamutumamila Mukama mubhwidohya bhwona ne kuminsozi, ne mukwagalazibhwa one kungoko ye nzila zye Bhayahudi. 20Mwekumania omwo yabhelanga ntala bhabhise sintu tyesyo syona esyo syali sye kapanga, omwo nabhanga nkubhalangasizya ntabhabisanga igambo kandi ne zyanga numba ku numba. 21Mwekumania omwo nabhanga nku bhakanilizya Bhayahudi ne Bhayunani kungoko ye kukubha mabhi mwa Mungu ne kuzumia hali Yesu Mukama witu.22Notine, mwitegelezye, one ndi bhwidohya ku Mwizo Mutakatifu kuzya Yerusalemu, ntekugamania ago gakuzya kunigelela eyone, 23mukubha oko Mwizo Mutakatifu akubhanga akutengela kila muji ogwone kuhita mukubha minyororo ne kwagalazibhwa nge nevyo vya ndindilile. 24Lelo onene ntekwiyiganikila bhuhanga bhwe mubhili gwane mukubha oti guli sintu tyesyo syona kwone, kungoko naduzye kulumalizya lugendo lwane ku Mukama wane Yesu, kulitembusya igambo lye neema ye Mungu25Notine, ulinge, namania kubha bhona, mubhantu abho ndazya kubhatembusya igambo lye Bhwami bhwe Mungu, bhatalakambona kandi bhusyo bhwane. 26Kubhwalelo, nekubhabhwila syenkanane ntali ne kabhi ne magazi ge muntu tyoyo wona. 27Mukubha ntalagemezya kubha bhisa kubhatembusya igambo lye bhutogwe bhwe bhona bhwe Mungu.28Lelo kandi mwitegelezye kungoko yinu ne idale lye bhantu tyelyo lyona elyo Mwizo Mtakatifu iyabhatula imwe kubha mubhe bhakulyangalila ne kulidima idale lye Mukama, elyo alaligula ku magazi gamwe mwenekili. 29Nekumania mukubha ndakabha napunaho, mapuge ge mwikungu malambe galaka bhingilila ne bhatalakalibhela bhwila idale. 30Nekumania hakati yinu bhenekili bhandi bhisinu bhalakiza ne kuyomba ge bhubhehi, kungoko bhalondezye abhe.31Mubhe minso. Mwibhukile kubha ku miaka isatu ndaladuzya kuleka kubhalanzya kila umwi winu kuminsozi bhwile ne mwizyobha. 32Otine ne kubhatula mumabhoko ge Mungu, ne ku igambo lye neema yamwe, elyo likuduzya kubhazenga ne kubhaha isalo sihamwi nabho bhona abho Mungu ali bhubhatule komabhoko.33Ntalikumbwa, zahabu, hela nolo vyambalwa. 34Mwekumania imwene bhenekili kubha mabhoko aga natumamanga ne kwipandika vintu evyo nekwikumbwa ne kubha kwasya abho nabhanga nabho. 35Kugona nagona nabhanga nku bholekezya sye kugema kubha kwasya abho bhatali ne nguzu zye kutumama milimo, ne kubha omwo yekwendela kwibhukila magambo ge Mukama Yesu, magambo ago mwenekili alayomba, "Nekusoga kupunia kukila kwanukula."36Aho amazile kuyomba mihayo izyane ala sika vivwi (alasukamba) alabhukizya kusabha sihamwi nabho. 37Bhalalila bhonane ne kumugwila Paulo hamutingo. 38Bhalanegelwa mumizo muno kungoko ye esyo abhanga akuyomba, kubha syenkanane bhatalakabhubhona bhusyo bhwamwe kandi. Amazile bhala muhelekezya kuzya mu merikebu.
211Twizile kulekana nabho, tulazya kuhitila munyanza, tulazya kuhika mji gwe Kosi, kubhusye bhwahe tulahika mji gwe Rodo, kupuna eyone tulazya kuhika Patara. 2Twizile kupandika meli ye kuzya Foinike, tulagegela tulazya ne lugendo lwitu.3Tulahika bhutonzi bhwe Kipro, tulayileka kumanso, tulazya mpaka Siria tulatula nanga ku mji gwe Tiro, kungoko eyone ngeyo meli yazyanga kutikizy muligo. 4Twizile kubhabhona bhahemba tulikala eyone nsiku musamvu. Bhahemba abhane bhalamubhwila Paulo kuhitila ku Mwizo Mtakatifu muku atakazya kukanda Yerusalemu.5Twizile kumala nsiku ezyona ifwe tulapunayo tulazya zitu. Bhonane sihamwi, ne bhakazi bhabho ne bhana bhabho, bhalatuhelekezya bhalahika mpaka bhala tuhisya helu ne mji. Twamazile tula sukamba kwi ipwani, tulasabha Mungu tulatahya nabho kila yumwi. 6Tulagegela mumeli nabhe bhalasubha ku makaya gabhokandi.7Twizile kumala lugendo lwitu kupuna Tiro, tulahika Tolemai. Ahone tulikezya ne bhadugu tulikale nabho ku lusiku lumwi. 8Habhusye bhwahe tulazya Kaisaria. Ifwe tulingila munumba ye mwa Filipo, mutembusya we igambo lye Mungu, oyo abhanga umwi we abho musamvu, tulikala sihamwi nage. 9Muntu oyone abhanga ne bhana bhanike bhane abho bhabhanga bha kuhangila igambo lye Mungu.10Twamazile kwika eyone ku nsiku ninki nabii yumwi kupuna Bhuyahudi aliza alangwanga Agabo. 11Awe aliza alatusanga ne alagusola mukanda (mweko) gumwa Paulo ku ogwone alagwibhoha kumagulu ne mabhoko gamwe mwenekili ne alayomba, "Mwizo Mtakatifu ekuyomba oti Bhayahudi bhe Yerusalemu bhala mubhohe muntu oyane wigwa mkanda nawe bhalakamutula mumabhoko ge bhana mahanga."12Twizile kwomvwa magambo ago ifwene bhantu abho twabhanga tukulenda nage ahone tulamwikumbilizya Paulo, atakagegela kuzya Yerusalemu. 13Ahone Paulo alasuvya, "Mwekugema si, mwekulila ne kugwisya mwizo gwane? Mukubha one nekuzumya itali kufungwa tuhu ne kufwila eyone Yerusalemu kungoko ye izina lye Mukama Yesu." 14Mukubha oko Paulo atalazumya kumusabha elyone igambo, tulalekane tulayomba, "Bhusime bhwe Mukama bhulikilizibhwe."15Zizile kumala nsiku ezyane tulasola miligo zitu tulagegela kuzya Yerusalemu. 16Bhahemba bhandi kupuna Kaisaria, tulazya nabho nabhene. Bhalamuleta muntu yumwi izina lyamwe Mnasoni, muntu we Kipro, muhemba we kale oyo twikalanga nage.17Twizile kuhika Yerusalemu, bhadugu bhalatwanukula ku bhwihalale. 18Habhusye bhwahe Paulo tulazya nage mwa Yakobho ne bhana mpala bhonane bhabhangaho. 19Twamazile kubhakezya, alabhatembusya mpola zyona yimwi ku yindi ne ago Mungu agagemile ku bhantu bhe mahanga kuhitila ku bhutumami bhwamwe.20Bhizile kugomvwa agone bhalamukumilizya Mungu, ne bhalamubhwila, "Wekubhona ne bhadugu bhanga abho bhamuzumizye kupuna mu Bhayahudi. Abho ne bhonane bhe kwikumbwa kulikwala ilagilo. 21Bhabhwizilwe kungoko yako kubha we kulangisya oti Bhayahudi bhonane abho bhali bhulende ku bhana mahanga bhalekane ne Musa, ne kubha we kubhabhwila bhatakabhatahili bhana bhabho ne bhoye kulondezya kalendelo ke kale.22Otine tugeme tyani? Kungoko bhakwomvwa oti wizile. 23Ogeme omwo ifwe twekukubhwilila kwo tine. Bhaliho bhantu abho bhalatuzile mulahi. 24Ubhasole bhantu abhea ne uzye ukubhe mabhi nabho abhene mwenekili ne ubhalihilizye evyobhali bhutulile mulahi gwabho, kungoko bhaduzye kusunzula misasi zyabho kumitwe zyabho. Nge bhamanie mukubha magambo ago bhala bhwilwa kungoko yako ne ge bhubhehi nge bhakwilanzya kubha no bhene we kulikwata ilagilo25Lelo ku abho bhe mahanga abho bhabhele bhazumia, tulandika ne kubhalanganizya kubha bhalekane ne vintu evyo vilibhupunibhwe ku sanamu, ne magazi, kwesyo sye bhwihagwe sitali bhusikwe, bhalekane ne bhusihani." 26Ahone Paulo alabhasola bhagosya, ne kulusiku lwe kabhili yahe alazya kukobha mabhi sihamwi nabho alazya alingila mwi hekalu kutangazya itungo lye nsiku zye kukubha mabhi mpaka luhambo lutagwe kukila yumwi wabho.27Nsiku ezyone musamvu zizile kwegelela kumala, Bhayahudi bhandi kupuna Asia bhalamubhona Paulo mu ihekalu ne mukutano gwona bhalalamba bhalamusonta ne mabhoko. 28Bhabhanga bhakuyoga, "Bhantu bhe Israeli mutukwasye, oyane ngoyo muntu akulanganizya bhantu hantu hinki magambo ago gatalibhwikole ne bhantu, ilagilo, ne ahane. Ne kandi iya bhaleta Bhuayunani mu ihekalu ne kwiza kubhezya itusi ahane hatakatifu. 29Mukubha bhali kale ibha mubhona Trofimo Muefeso abhanga nage mjini, abhe bhaliganika mukubha Paulo iya muleta mu ihekalu.30Muji gwona gulabha ne iyombo bhantu bhaliluka sihamwi kuzya kumukwata Paulo. Bhalamupunia helu ne ihekalu ne mizigo zyona zilegekwaku elyone itungo. 31Bhizile kugemezya kumwihaga mihayo ilamupandika musilikale mukulu ne bhasilikale, kubha Yerusalemu yonane iya yogania.32Ku elyone itungo alabhasola bhasilikale ne bhakulu bhabho ali bhitukila bhantu. Bhizile bhantu kumubhonamukulu we majeshi ne bhasilikale bhaloya kumuhula Paulo. 33Ahone mukulu we majeshi ala mwegelela ne namukwata Paulo, alabhabhwila abhohwe minyololo ibhili.34Bhantu bhandi bhabhanga kwiyombela tuhu, yundi oti ne yundi oti mukubha mukulu we majeshi atala duzya kubha bhwila igambo tyelyo lyona mukubha bhabhanga bhakuyogania alabhabhwila Paulo afilwe mungome mukati. 35Bhizile kuhika halwego (ngazi) alasolwa ne bhasilikale kungoko ye muyugi gwe bhantu bhinki. 36Kungoko idale lye bhantu bhala mulondezya eno bhakuyiga, "Mumupunieho oyane.37Paulo aho abhanga akwingizibhwa mungome, alamubhwila oyo mukulu we majeshi, "Nenkaduzya kukubhwila igambo?" Oyo mukulu we majeshi alayomba, "Wenkaduzya kuyomba Siyunani? 38Obhene utali oyilya Mumisri oyo kale oyo agatongelelanga magaidi vihumbi vinne mwikungu.?"39Paulo alayomba, "Onendi Muyahudi, kupuna Tarso ye Kilikia ne ndi muntu we mji mukulu ne kubhasabha munzumilizye nayomba ne bhantu." 40Oyo mukuluy we majeshi izile kumuzumilizya Paulo alimilila ku ngazi alappunia lumenko ku bhantu kukubhoko kwamwe, hizile bhantu kuhulika, alayomba nabho ku Siebrania. Alayomba,
221"Bhadugu ne bhadada bhane mudegeleke nitongele kwimwe otine." 2Bhantu bhona bhizile kwo mwa Paulo akuyomba nabho mu Siebrania, bhalahulika. Alayomba3One ndi Muyahudi, nda bhutilwa Tarso syalo sye Kilikia ndasomela ku ogwo muji ogwane mumagulu ge mwa Gamalirli. Ndalazibhwa kati omwo vili munzila ye nhana ne malagilo ge bhisefwe. One ndi mwitongelezya ha Mungu, kati omwo nimwene muli eyane bhwelelo. 4Nabhagalazyanga kati omwnemwe kugemela mpaka kufwa; nabhakwatanga ne kubhafunga bhagosya ne bhakima ne kubhatungila musifungo. 5Nolo kuhani mukulu enkayomba gwe nhana sihamwi ne bhanampala bhona bhenkayomba mukubha ndanukula barubha kupuna mumabhoko gabho, kungoko ye bhantu abho bhali Dameski kwone ntumbagila nzyayo bhalete bhantu Yerusalemu bhe nzila eyone bhize bhafungwe ne kusumuzibhwa.6Yilabha aho ndi mulugenda negelela Damaski, mwizyobha ku aho naho mwangalazima mukulu gula puna mwilunde gula ntwima. 7Ndagwa hansi ndamvwa silaka nhubhwila, 'Sauli, Sauli kusi we kunkoya?" 8Ndasuvya, 'Obhe ulinde Mukama?' Alambwila, 'One ndi Yesu Mnazareti oyo wekumukoya.'9Abho nabhanga nabho bhalagubhona mwangalazima, lelo bhatalomvwa silaka sye oyo ayombanga none. 10Ndayomb, 'Ngeme si Mukama?' Mukama alambwila, 'Wimilile wingile Dameski; Eyone ukuzya kubhwi lwa igambo lye kugema.' 11Minso galoya kubhona ku elyo ne itungo kungoko yo gwone mwangalazima, ahone ndabhuka ndazya Dameski kuzya inakwatilwa ne abho nabhanga nabho.12Eyone ndasanzya ne muntu izina lyamwe Anania, abhanga muntu we bhukwate malagilo ne abhanga muntu we bhukuzibhwe ne Bhayahudi bhona bhe eyone. 13Aliza alansanga alimilila mu minso gane, alayomba, 'mudugu wane Sauli, upandike kubhona, 'Ku itungo elyone nende mubhona.14Alayomba, 'Mungu we bhisefwe akuchagula obhene uduzye kubhumania bhusime bhwamwe, kumubhona mutungilizya ne kwomvwa silaka sye kupuna mu mulomo gwamwe. 15Mukubha obhene ukubha muntu wekwimilila ne kumania magambo gamwe ku bhantu bhona mu kugabhona ne kugomvwa. 16Otine we kulinda linde? Ubhuke uzye ubhatizibhwe wozibhwe mabhi gako, mukulikuzya ne kululanga izina lyamwe17Nizile kusubha Yerusalemu, aho nabhanga nku musabha Mungu muhekalu ndolesibhwa igambo ne Mukama. 18Ndamubhona akumbwila, 'Ugemebhwangu upunemo Yerusalemu mukubha bhatekukuzumia kuigambo lyako kungoko yone.'19Ndayomba, 'Mukama, abhene bhekumania nda bhakwata ne kubhafunga musifungo ne kubhahula abho bhatekuzumia mumasinagogi gona. 20Ne magazi ge mwa Stefano shaidi wako aho gaseswanga, Nonene nabhanga ho ini milila hihi nabho ina zilindilila myenda zye bhihazi.' 21Lelo kandi alambwila, 'Uzye, kungoko one nkukutuma uzye hale kubhantu bhana mahanga.'''22Bhantu bhala muzumilizya alomele kungoko ye igambo elyane. Hanuma kandi bhala yomba kusilaka sikulu bhalayomba, "Mumupunieho muntu oyone mu nsi; kungoko itali kusoga muntu oyane ahangame." 23Bhalayogania kusilaka sikulu ne kutagagula vyambalwa vyabho ne kusamula lubhubhu higulya, 24mukulu we majeshi alalagizya Paulo ingizibhwe Mungome. Alalagilizya abuzibhwe eno akuhulwa milanga kungoko na wene amanie ne kusi bhantu bhalikuyogela otine.25Bhizile kumala kumubhoha ne ngozi, Paulo alamubhuzya hakida oyo abhanga nage hihi, "Otine bhutungilizya kumuhula muntu Murumi ne kubha asyali kuyangulwa mihayo yamwe?" 26Oyo hakida izile kwimvwa magambo agane, alazya kumusilikale mukulu kumubhwila, akuteta, "Wekukobha kugema mande?Mukubha muntu oyane ne Murumi."27Musilikale mukulu aliza kumubhwila, Umbwile, nge kuyomba obhe ne uli Murumi?" Paulo alazumia, "Nhana." 28Msilikale mukulu alasuvya, "kuhikila nsabho ninki ngenehe ndapandika kubha Marumi, "Lelo Paulo alamubhwila one ndi Murumi mu kubhutwa kwane." 29Bhantu abho bhabhanga bhabhukile kuzya kumubhuzya bhala punaho bhalamuleka ku elyone itungo tuhu. Ne mukulu we bhasilikale alobhaha, izile kumania oti Paulo ne Murumi, ne kungoko iya mufunga.30Habhusye bhwahe, musilikale mukulu alatogwa kumania elyone igambo lilityani, Bhayahudi bhe kumusitakila si Paulo. Alamubhoholola ngozi zyamwe alalagilizya bhakulu bhe bhakuhani ne bhanampala bhona bhe ibhanza bhasanzye. Alamuleta Paulo hansi ne kumutula hakati yabho.
231Paulo albhalinga bhantu bhe ibhanza alayomba, "Bhadugu bhane, nikele muminso ge Mungu ku miganiko masoga kuhikila bhwalelo." 2Kuhani mukulu Anania alabha bhwila abho bhali hihi nage bhamuhule mulomo gwamwe. 3Ngaho Paulo alamubhwila, "Mungu akukuhula obhene nkande ye bhusigwe nswakala. Lwikala uku nyangula kumalagilo nobhe we kuyangula nhulwe omwo litali ilagilo?"4Aho bhali bhwimilile hihi nage bhalayomba, 'Otine nge nomwo we kumutukila kuhani mukulu we Mungu?" 5Paulo alayomba, "Bhadugu bhane one ntali kumania kubha oyane ne kuhani mukulu. Mukubha ili bhwandikwe, utalakayomba kubhi ku muntu mukulu we bhantu bhako."6Paulo izile kubhona oti mu ibhanza elyone bhandi ne Bhafarisayo ne bhandi ne Bhasadukayo, alahamuka ku silaka alayomba, one ndi Mufarisayo, ne kungoko eyane one ne kulindilila kubhugime ne bhwizigizya kuzyoka mu bhafu abho bhekunyangula." 7Amazile kuyomba agane, bhalabhukizya kwiyozya Bhafarisayo ne Bhasadukayo, mukutano gwabho gulayugika. 8Bhasadukayo bhakuyombanga kutaliho kuzyoka mu bhafu, malahika nolo Mwizo, lelo Bhafarisayo abhe bhekuyomba oti agone gonane galiho.9Iyombo ikulu lilabhaho ne bhandisi bhandi bhabhanga kulwande lwe Bhafarisayo bhalimilila bhalabhuzya kwihalalika bhakuyomba, "Tutekubhona tyesyo syona sibhi kwo ayane muntu. Tyani olo ikabha Mwizo nolo malahika iyalomela nage?" 10Ilayombwaho mihayo mitembe, mukulu we majeshi alobhaha kubha Paulo ekatandagulwa lwata kulwata ne abho bhantu, alalagilizya bhasilikale bhatikile hansi bhazye bhamusole kunguzu kumupuniaho he elyo ibhanza, bha muleta mu ngome.11Bhwile bhwizile kuhika Mukama alimilila hihi nage alayomba, "Utakobha ha mukubha iwaliteta igambo lyane, mu Yerusalemu, kandi ukuzya kutembusya kandi Roma."12Bhwizile kusya, Bhayahudi bhandi bhalabhezya ilagano bhalilanga izumo ku abhe bhenekili: bhalayomba mukubha bhatakulya nolo kunwa sintu tyesyo syona mpaka bhamala kumwihaga Paulo. 13Bhantu bhabhangaho bhinki kukila makumi ane abho bhali bhala mulila bhwimba.14Bhalazya ku bhakuhani bhakulu ne kubhanampala ne kuyomba, "Itwitula muizumo ikulu, tutakulya tyesyo syona mpaka tumale kumwihaga Paulo. 15Kwotine ibhanza limubhwile mukulu we majeshi amubhaletele, mubhezye katioko mwe kuyangula elyone igambo lyamwe kusoga kwifwe nifwe itwibhanga kumwihaga aho akubha asyali kubhapandika aho muli."16Lelo kasi mwana we mwilumbu lyamwe Paulo, alabhomvwa mukubha oti ibhabhezya bhwimba, alazya alingila mungome alamubhwila Paulo. 17Paulo alamulanga hakida umwi alayomba, "Umufile oyane muyanda ku mukulu we majeshi mkubha alinalyo igambo lye kumubhwila."18Ahone hakida alamusola oyo muyanda alamufila ku mukulu we majeshi alamubhwila, "Paulo oyo mufungwa alandanganizya alayomba nkuletele oyo muyanda. Ali ne igambo lye kukutembusya." 19Oyo mukulu we majeshi alamukwata kubhoko alazya nage hampelo, alamubhuzya, "Uline igambo nabhasi elyo wekukobha kumbwila?"20Oyo muyanda alayomb, "Bhayahudi ibhizumilizya kukusabha umulete Paulo igolo ku ibhanza katioko bhekukobha kumudegeleka bhamanie igambo kuwamwe kusoga munone. 21Obhe utakazumia mukubha bhantu bhinki kukila makumi ane bhekumuhiga (itegela). Bhituzile mu izumo bhatakalya nolo kunwa mpaka bhamale kumwihaga. Notine ibhi bhanga, ibhalindilila uzumye obhene."22Ahone oyo mukulu we majeshi ala muleka oyo muyanda alazya lwamwe, alaleka kumubhwila oyo muyanda oti utakamubhwila muyanda oti "utakamubhwila muntu tyoyo wona oti wantembusya agane magambo." 23Alabhanganizya bha hakida bhabhili alayomba bhatule bhasilikale magana abhili kuzya Kaisaria ne bhasilikale bhandi kandi makumi musamvu bhagegezi bhe ntwanga bhulende ne bhe masumu magana abhili mukuzya itungo lye saha isatu bhwile. 24Ala bhabhwila bhatule nhana nhana ntwangu bhulende eyo Paulo akuitumamila kumuhisya mpola mwa Feliki Gavana.25Alandika bhalubha oti, 26Klaudio Lisia mwa Liwali mukuzibhwa Feliki, nekukukezya. 27Muntu oya alakwatwa ne Bhayahudi bhalabha hihi ne kumwihaga ndazya ne bhasilikalebhane ndazya kumusizya nizile kumania mukubha oyane ne muntu we sirumi.28Ndakobha kumania ne kusi bhe kumusitaka, nda mufila kwi bhanza. 29Ndabhona ibha musitaka kungoko ye malagilo gabho, nolo atali bhusitakwe kwi gambo lindi lyelyo lyona lye kwikala kwihagwa nolo kufungwa. 30Ndamania mukubha bhuliho bhwimba kungoko yamwe, kubhwangu bhwangu nolo mutuma aletwe kuwako. Ndabhabhwila abho bhe kumusitaka nabhene bhize bhalete magambo gabho kuwako. Mulagabha."31Abho bhasilikale bhala mubhusya Paulo bhwile bhalamufila Antipatri. 32Habhusye bhwahe, bhasilikale bhinki bhalabhaleka bhasilikale bhagegela ntwanga bhulende bhazye nage, nabhe bhalasubha mu ngome. 33Bhagegela ntwanga bhulende bhizile kuhika Kaisaria, bhalamuhelezya liwali eyo bharubha, bhala muleka Paulo mu mabhoko gamwe.34Liwali amazile kuisoma eyo barubha, ala mubhuzya Paulo ekupuna ijimbo lye hahe; izile kumania oti ne muntu we Kilikia, 35alayomba, "Nkukudegeleka obhe olo bhaliza abho bhe kukusitaka," alalagilizya atulwe munumba ye bhwamwe ye mwa Herode.
241Aho zyahita nsiku itano, Anania kuhani mukulu, nebhanampala bhandi sihamwi ne yundi mutesi izina lyamwe Tertulo bhalazyayo. Bhantu abhane ibhiza kumusitaka Paulo mwa Gavana. 2Paulo izile kwimilila muminso ge mwa Gavana, Tertulo alabhukizya kumusitaka ala mubhwila Gavana, "Kungoko yako tuli ne bhuteka bhukulu, ne kumiganiko gako twekupandika masoga ku nsi yitu; 3mukulumbilizya gona twekwanukula vintu vyona evyo wekugema katule mukuzibhwa Feliki.4Lelo ntakakuzovya, nekulomba undegeleke magambo madone mukuzumilizya. 5Mukubha tuline muntu oyane muyangayanga ne ekuletelezya Bhayahudi bhona kubha bhagomi nsi yona. Nahe ne mutongezi we Dini ye Bhanazorayo. 6Ne kandi agemezizye kulibhegezya itusi ihekalu ngaho tulamukwata.7Lisiasi, hofisa, aliza alamusola kunguzu mumabhoko gitu. 8Olo ulamubhuzya Paulo ku magambo agane wenkamania sintu esyo itwa musitakila." 9Bhayahudi nabhene bhalamusitaka Paulo bhalayomba mukubha agane magambo ne ge nhana.10Liwali izile kumusungila kubhoko nawe Paulo ayombe, Paulo asuvya, "Nekumania ku miaka minki wabhele muyangu mwe eyane nsi ne nekwihalala kuteta mwenekili mu minso gako. 11Wekumania mukubha zisyali kuhita nsiku ikumi ne ibhili kupuna aho ndazya kwisenga eyo Yerusalemu. 12Bhizile kunsanga mu ihekalu ntalihalalika ne muntu tyoyo wona ne ntalayozya bhantu ku mukutano, nolo ku masinagogi nolo mujini; 13ne bhatenkaduzya kuyomba tyelyo lyona elyo bhe kunsitkila.14Ila ne kuyomba elyane ne nhana kunzila eyone bhekuyilanga ye dini ku nzila eyone ne kumutumamila Mungu we bhisefwe. One ndi muzumia ku gonane ago gali mu ilagilo ne mandiko ge bhanabii. 15Ndi bhugime obhulyane mwa Mungu obhwo nabhene bhe kubhulindilila kwiza kwe kuzyoka kwe bhafu, ku bhona bhatungilizya ne abho bhatali bhatungilizya. 16Ku elyane ne kuligema ne mwizo gumwi ntiza kumubhihya Mungu ne muminso ge bhantu kuhitila magambo agone.17Kwotine miaka minki yahisile, nizile kubhakwasya bhantu bhe musiyane mbaletele manonko ne luhambo lwe mpiya. 18Nizile kugema otine Bhayahudi bhandi bhe kupuna Asia bhala nsanga musikunkulu ye kukubha mabhi mu ihekalu, ntali nidale lye bhantu nolo iyombo. 19Bhantu abhane nge yekwendelwa bhabheho muminso gako ku elyane itungo bhize bhayombe esyo bhalinasyo kungoko yane nolo ikabha bhali ne igambo tyelyo lyona.20Nolo abhane bhenekili bhayombe nabhezizye igambo si elyo bhalibhwene kuwane, aho ndimilila mu minso ge ibhanza lye bhayahudi; 21Hamwi kusintu simwi esyo ndayomba kusilaka aho nali inimulila hakati yabho; ne kungoko ye kuzyoka kwe bhafu ngokwo mwekunyangulila."22Feliki ali yabhwilwa kusoga kunzila eyane. ne alabhatembusya bhana mukutano, "Lisia musikale alakabha iza kupuna Yerusalemu ngaho nkupunia bhuyangu bhwe agane magambo ginu." 23Alalagilizya hakida amuangalile Paulo, kandi abhe ne bhuzumilizbhwe nolo akabha ataliho muntu we kubhakomezya bhanwani bhamwe bhataka mukwasya nolo kumuyungila.24Zizile kuhita nsiku, Feliki alasubha ne Drusila mukazi oyo abhanga Muyahudi, alatuma bhamulange Paulo, alamudegeleka igambo lye bhuzumia mu Yesu Kristo. 25Lelo Petro alabha akulomela nange igambo lye bhutungilizya, kwiyimilila ne bhuyangu obhwo bhulakwiza, Feliki alobhaha alasuvya, "Otine uzye hale olo ndapandike kandi itungo ndakakulanga."26Kasi ku itungo elyone abhanga akwiganika oti Paulo akuhelezya hela, ngaho abhanga akumulanga nkandagu na nkandagu akulomela nage. 27Zyabhele zyahila miaka ibhili Porkio Festo liwali oyo alakwata itebhe lye mwa Feliki, lelo kasi Feliki akobhanga asimwe ne Bhayahudi, ngaho ala muleka Paulo musifungo.
251Festo izile kwingila ku ijimbo elyone, aho zyahita nsiku isatu alazya akupuna Kaisaria mpaka Yerusalemu. 2Kuhani mukulu ne Bhayahudi bhakumuke bhalaleta magambo mabhi kungoko ye mwa Paulo mwa Festo, bhayombanga kunguzu mwa Festo. 3Bhalamulomba bhwila Festo magambo ge mwa Paulo amulange Yerusalemu bhapandike kumwihaga munzila.4Lelo Festo alabhasubhizya kubha Paulo ali musifungo mu nsi ye Kaisaria, ne kubha awene mwenekili akusubhayo bhwangu. 5Alayomba "Obho bhe kuduzya kuzyayo bhazyeyo sihamwi nifwe, olo likabhayoigambo ibhi ku muntu oyone muzye mumusitake."6Alikale yo nsiku munane nolo kukila ikumi, alasubhayo Kaisari. Ne kubhusye bhwahe alazya alikalisya kuitebhe lye bhuyangu ne alalagilizya Paulo aletwe muminso gamwe. 7Amazile kuhika, Bhayahudi kupuna Yerusalemu bhalimilila hihi ne, Bhalapunia mihayo ye kumusitaka minki ne mitimbe mihayo ezyo bhataladuzya ne kuzitembusya zikamanika. 8Paulo alitongela alayomba, 'Itali ku igambo lye izina lye Bhayahudi, nolo lye ihekalu nolo itali mwa Kaisari, ina bhihya.'9Lelo kandi Festo alakobha asimwe ne Bhayahudi, nge aho alamusubhizya Paulo mukuyomba, nge kuyomba wekukobha kuzya Yerusalemu nzye nkuyangulile eyone ku magambo aga?' 10Paulo alayomba, 'nimilile kuminso ge itebhe lye bhuyanguzi lye mwa Kaisari aho syenkanane ne kwikola kuyanguli ahane. Ntabhabhihizizye Bhayahudi, kati omwo nobhene wekumanila kusoga.11Ikabha inabhihya nolo nkabha nagemile igambo elyo nekwikola kufwa, ntakukema kufwa. Olo ikabha mihayo zyabho ezyo bhekusitakila itali sintu, ataliho oyo muntu enkaduzya kuntula mumabhoko gabho. Nekumusabha Kaisari. ' 12Amazile Festo kulomela ne ibhanza alasuvya, " wekumusabha Kaisari; ukuzya mwa Kaisari."13Zizile kuhita nsiku, Mwami Agripa ne Bernike bhalahika Kaisaria kuzya kuyungila yo mwa Festo. 14Bhizile kwikalaho nsiku ninki Festo alabhatembusya kesi ye mwa Paulo ku mwami; Alayomba, 'muntu yumwi alalekwa ahane ne Feliki kati mufungwa. 15Aho nali Yerusalemu bhakuhani bhukulu ne bhanampala bhe Bhayahudi bhalaleta magambo bhakumusitaka oyane muntu kuwane, nabhe bhalambuzya bhuyangu bhwoyane muntu. 16Ku elyane ndabhabhwila mukubha kati omwo Bharoma bhali ne kalendelo kabho bhatenka mupunia muntu kunzila ye kutogwa tuhu hanuma yahe, muntu oyo ekusitakwa aline itungo lye kuyomba ne bhantu abho bhe kumusitaka ne kwitongola kungoko ye igambo elyo bhekumusitakila.17Aho bhizile kwiza sihamwi ahane, ntaladuzya kulindilila, kubhusye bhwahe ndikalisya kwitebhe lye bhuyanguzi nda lagilizya muntu oyone aletwe munumba. 18Ku itungo aho bhalimilila ne kumusitaka ntalabhona kubha gataliho masitaka makulu ago galesilwe kungoko yamwe. 19Hanuma bhabhanga ne magambo ge kwihalalika nage kungoko ye dini yabho ne kungoko yemwa Yesu oyo alamazile kufwa, lelo Paulo awe ekuyomba oti ne muhanga. 20Nali ina bhiswa mukulikengelela elyane igambo, nda mubhuzya olo enkaduzizye kuzya Yerusalemu kuyanguliwa eyone ku magambo agane.21Lelo Paulo izile kulanganizibhwa atulwe mu mabhoko ge bhekumulinda kungoko ye bhuyangu bhwe Mwami, ndalagilizya atulwe tuhu mpaka aho ndakamufilila mwa Kaisari. 22Agripa alalomela ne Festo, "Nekutogwa none na mudegeleke muntu oyane." "Festo alayomba, "Igolo ulamudegeleke."23Igolo yahe, Agripa ne Bernike bhalahika ne vikunkulu vinki; bhalahika mu bhukumbi ne bhahofisa bhe majeshi ne bhantu bhakulu bhe muji, Festo izile kulagilizya, Paulo alaletwa muminso gabho. 24Festo alayomba, "Mwami Agripa, ne bhantu bhona abho muliho aha sihamwi nifwe, mwekumubhona muntu oya; Bhayahudi bhona eyo Yerusalemu ne bhahane nabhene bhe kukobha nabha yangule nabhe bhe kuyogania kwone mukubha atakahangama.25Nekubhona atali bhugeme igambo lyelye lyona elyo lyekwikola oti afwe; mukubha oko iyamulanga Mwami, iyayomba na umufilile 26Lelo ntali nalyo igambo lye kapanga lye kumwandikila mwami. Kungoko eyane namuleta muminso gako ne hasa kwobhene Mwami Agripa, kungoko napandike sintu sye kwandika kungoko ye magambo gamwe. 27Mukubha ne kubhona itali kusoga kumufila mufungwa ne kwolekezya esyo ekusitakilwa.
261Ngaho Agripa alamubwila Paulo, "Wekuzumilizibhwa kwitongola. ' Ahone Paulo ale sunga kubhoko kwamwe atitongola oti. 2Ndine bwihalale, Mwami Agripa, kungoko na tete kesi yane muminso gako bhwalelo kungoho ye mihayo yona eyo bhe kunsitakila Bhayahudi. 3Munomuno, kungoko obhe ulibhumanie muno kalendele ke Bhayahudi ne mabhuzyo ahe. Nekukusabha undegeleke mu kwiyomelazya.4Ne nhanane bhayahudi bhekumania omwo ndi bhulendele kuvwa nsyali muyanda ku nsi yane eyo Yerusalemu. 5Bhekumania ku bhwandigizyo ne bhekwendelwa kuzumia nalendanga katioko ndi Mfarisayo, dini ye kimile kagume mi dini yitu.6Kwotine nimilile ahane nahangulwe mukubha one ne kulingilila ilagano elyo Mungu alabhezya ne bhisefwe. 7Ilyane ilagano nge nelyo nganda zyitu ikumi ne ibhili zye kulindilila kwanukula olo bhakamwisenga ku nguzu bhwile ne mwizyobha. Ne kungoko ye bhwizigizya obhwane, mwami Agripa, kubha Bhayahudi bhe kunsitaka one. 8Mukubha ne kusi tyoyo wona hakati yinu ekwiganika ne lye kukumya kubha Mungu akuzyolanga bhafu?9Itungo limwi ndiganika onene kubha nenkagemile minki ku izina lye mwa Yesu we Nazareti. 10Ndgema agane mu Yerusalemu ndabhabhoha bhazumia bhinki mu sifungo, ne nabhanga ne nguzu kupuna ku bhakulu bhe Bhakuhani kugema ago ne aho nabhanga nku bhihaga nahulanga kura kungoko yabho. 11Nkandagu nabhanga nkubhahula muma sinagogi gona ne ndagemezya kubhagema bhaikeme mihayo ye bhuzumia bhwabho. Nabhanga mulambe muno kungoko yabho nazyanga nku bhilusya nolo munsi zye mahanga.12Aho nabhanga nkugema agane ndazya Dameski, nabhanga ne nguzu zye kulangilizibhwa kupuna kubha kuhani bhakulu; 13nabhanga munzila mwizyobha, mwami, ndabhona mwangalazima kupuna mwilunde gwali mukali kukila izyobha ne gulaka kumpindilizya ne bhantu abho nabhanga nabho mulugendo. 14Ifwene bhonane twizile kugwa hansi, ndomvwa silaka sikuteta kupuna mwilune mu lulimi lwe Siibrania: Sauli, Sauli! Kusi we kunagalazya? Ne vigume kwobhene kubhuhula bhwogi bhwe isumu kumagulu gako.15Ahone ndayomba, "obhe nge ulinde Mukama?' Mukama alasuvya, 'Onene ndi Yesu oyo wekunagalazya. 16Otine wimilile ne magulu gako; kungoko otine nigela muminso gako, nakuchagula ubhe mutumami wane ne kandi uzye ukutembusya magambo ago wekugamania kwone ne magambo gandi ago ndabhe nkukwolesya ne kutembusya ku nsiku ezyo zyekwiza; 17Ne ndakakusizya kupuna kubhantu bhe mahanga eyo hona ndakakutuma, 18Kubhapunia mutulo bhazye mu mwagalazima, mukupuna munguzu zye mwa shetani bhamupilukile Mungu; bhaduzye kwanukula kupuna mwa Mungu kulekezibhwa mabhi gabho, ne isalo elyo nabhahele abho inabhahagula mubhuzumia obhwo ndi nabhwo one.19Ngoti mwami Agripa, ntaladuzya kugaleka ago gali mwilunde. 20Lelo ku abho bhali Dameski mbela ne abho bhe Yerusalemu ne bhe nsi yona ye Yudea, sihamwi ne bhantu bhona bhe mahanga gandi, nabhatembusyanga bhakubha mabhi ne kumupilukila Mungu bhagembe ago ge kwikola ku kubha mabhi ku Mukama. 21Ne kungoko ye elyone Bhayahudi bhalankwata mu ihekalu, bhalagemezya kunihaga.22Mungu iyankwasya kuhika eya bhulelo nekwimilila ne kuyomba kubhantu bhonane ne kubhantu abho bhali bhakulu ku abho bhanabii ne Musa bhalayomba oti galakabhaho ne itali kundi; 23mukubha oti Kristo syenkanane alakagalazibhwa ne alakabha we mbele mukuzyoka kupuna ku bhafu ne kutangazya mwangalazima ku Bhayahudi ne kubhantu bhe mahanga.24Paulo izile kubha amala kwitongola, Festo alayomba kusilaka sikulu, "Paulo abhene uli musazi! kusoma kwako kwa kugemile kubha musazi. 25Lelo Paulo alayomba one ntali musazi, mukuzibhwa Festo; lelo kubhugime ne kuyomba magambo nge nhana syenkanane. 26Mukubha mwami ekumania magambo agane; ngenaho ne kuteta iniyagalula muminso gamwe, mukubha syenkanane litaliho igambo elyo lilibhubhiswe kuwamwe; mukubha elyane litala bhezibhwa mulwibhiso.27Nge kuyomba we kuzumia kubha nabii, Mwami Agripa? Nekumania mukubha we kuzumia. 28Agripa alamubhwila Paulo, ku itungo idone wenkaduzya kunhumbagula umpilule kubha Mkristo? 29Paulo alayomba, 'Nekumusabha Mungu kubha, ku itungo ido nolo ilele,itali ku obhene tuhu, leno kubhantu bhona abho bhe kundekeleka ne kunomvwa bhwalelo, bhabhe kati omwo ndi ne bhatakabha ne eyane minyororo mu sifungo."30Mwami alimilila, ne liwali, ne Bernike nawene, ne bhonane abho bhali bhikalizye sihamwi nabho. 31Bhizile kupuna mubhukumbi, bhalilomela abhe kwa abhe bhalayomba, 'Muntu oyane atekwikola kwihagwa no sifungo.' 32Agripa alamubhwila Festo, "Muntu oyane enkalekelwe kubhwiyagalule olo atenkasavile kuzya bhutonzi mwa Kaisari."
271Twizile kubhwilwa twekwendela kuzya lugendo kuhitila mu minzi kuzya Italia, Paulo ne bhafungwa bhandi bhalatulwa mumabhoko ge mwa hofisa yumwi we ijeshi lye Siroma alangwanga Julio, we sikosi sye Agustani. 2Tulagegela mu meli kupuna Adramitamu, eyo yabhanga izye lugendo kuhitila mungilingili ye mwalo gwe Asia. Tulingila mu nyanza. Aristaka kupuna Thesolonike ye Makedonia tulazya nage.3kulusiku lwe kabhili yahe tulahika ne kutula nanga ku mji gwe Sidoni, aho Julio alamubhegezya Paulo masoga, alamuzumilizya Paulo kuzya kubhanwaniye bhazye bhamukwasye evyo aligele (watunze). 4Kupuna ahone tulazya kuhitila munyanza tulahitila mukupilima kisiwa sye Kipro esyo syali sikukinga muyaga, kungoko muyaga gwali mukulu muno. 5Twizile kumala kuhita muminzi tula hita hihi ne Kilikia, Pamfilia, tulahika Mira, mji gwe Lisia. 6Ahone ngaho oyo afisa we Siroma alazya kuyisanga meli kupuna Alexandria yabhanga ne lugendo lwe kuzya Italia7Tulazya hadohado ku nsiku ninki, habhela aho tulabha twahika mu kukoya muno hihi ne Kinidas, muyaga gutala tuzumilizya kuzya nolo ne lugendo kunzila eyone, ahone tulazya kuhitila kungilingili ye sinini sye Krete kuzibhila muyaga mu kwikilimbizya ne Salmone. 8Lugendo lwitu tulahitila kungilingili ye mwalo ku bhugime, tulazya kuhika he kulagwa Fari Haveni eyo yili hihi ne mji gwe Lisi.9Tulasola itungo ilele muno ne itungo lye mfungo gwe Bhayahudi gwali imala kuhita, ne kubha lyali itungo lye hatali kuzya ne lugendo. Ahone Paulo ala tuhama. 10na kuyomba, "Bhagosya nakubhona lugendo olwo twekubha kuluzya lukubha ne lubhi tukubhuzya vintu vinki, itali miligo tuhu ne meli lelo kandi ne bhuhanga bhwitu." 11Lelo oyo hofisa we ijeshi lye Siroma ala mudegeleka muno mukulu wamwe alagailizya magambo ago galayombwa ne Paulo.12Mukubha ku bandari hatali hasoga kwikala ku itungo lye mpeho, bha baharia bhinki bhala tubhwila tupuneho ho ahone mukubha tugeme tyelyo lyona tukaduzya tuhike ku mji gwe Foenike twikale ahone ku itungo lye mpeho. Foinike ne bandari eyo ili eyo Krete, ili bhulinge sukuma ne kiya ne dakama kiya. 13Muyaga gwe dakama gwizile kubha kukulimba hadohado, bha bhaharia bhaliganika oti hamwi bhapandike esyo bhe kukobha. Bhalabhukizya lugengo kuhitila ngilingili ye Krete hihi ne mwalo.14Lizile kuhita itungo idone muyaga gwe nguzu, gwekulangwa Sukuma kiya gula bhukizya kutuhula kupuna mukilo gwe kisiwa. 15Ku itungo meli ilakindwa ne muyaga, tulalizumilizya elyone, tulahuhulwa ne muyaga. 16Tuliluka kuhitila lwande olwone olwo lwabhanga lukuhangizya muyaga gwe kisiwa sye kulangwa Kauda; mukukoya muno tuladuzya kulisizya lyato.17Twizile kumala kuyikwesa, tulatumamila lugozi kuibhoha meli, bhalobhaha kubha twekazya mumisenga minki, aho hekulangwa syiti, ahone bhalatula nanga bhalafilwa kungilingili. 18Tulahulwa kunguzu ne nsyululu, kubhusye bhwahe bhabaharia bhalabhukizya kutanga miligo kupuna mu meli.19Lusiku lwe kasatu, bhabaharia bhala bhukizya kusesa minzi kupuna mu meli ne mabhoko gabho bhenekili. 20Kumatungo agano izyobha ne nsonda tutazibhonanga ku nsiku ninki, ne kandi muyaga ne nsyululu nkulu yatuhulanga, ne miganiko gekubha oti twenkasizibhwa galamalaho.21Bhizile kuzya ku itungo ilele bila syekulya, ahone Paulo alimilila hakati ye bha bhaharia alayomba, "Bhagosya yali kwendelwamundegeleke, ne tutenkapunile ho aho Krete, kwiza kupandika makoye agane ne kubhuzya nsabho. 22Kwotine ne kubha ha Mwizo mukubha ataliho nolo yumwi oyo akufwa hakati yinu, lelo tukubhuzya meli tuhu.23Kungoko bhwile obhwo bhahisile malahika we Mungu, oyone Mungu one ndi wamwe ne nge noyo nkumwisenganga malahika wamwe alimilila hihi none. 24Ne alayomba, "Utakobhaha Paulo lazima ukwimilila muminso gemwa Kaisari ne ubhone Mungu mu bhusoga bhwamwe akuhelezye abhane bhantu bhona abho we kuzya nabho mulugendo. 25Otine bhagosya, mwiyomelezye kungoko ne kumuzumia Mungu, mukubha ikubha kati omwo ina bhwililwa. 26Lelo tukunegelwa mukufilwa mu sisiwa simwi.27Bwizile kuhika bhwile bhwe ikumi ne bhune, aho tukufilwa eyone yo mu nyanza ye Adria mubhufuku hagati oti Bhabaharia bhaliganika mukubha oti ibhegelela kunsi nomu. 28Bhalatela bildi kulinga bulele bhwe minzi bhalapandika pima 20 bhala lanza hadone bhalatagila kandi bildi bhalapandika pima ikumi ne itano 29Bhalobhaha mukubha bhemkazya kugonga mabhale bhalatikizya nanga ine kupuna aho yikutulilwanga nanga, bhalasabha bhusye bhwangu.30Abho bhabaharia bhakobhanga kuyibehagula eyo meli bhalatikizya mato mado mado ge kusehela bhantu, bhaligema kati bhe kutela nanga kupuna ku bhutonzi bhwe lyato. 31Lelo Paulo alamubhwila oyo musilikale we Siroma ne abho bhasilikale, "Mutakusila ila abha bhantu bhe kwikala mumeli". 32Ahone abho bhasilikale bhala lukita tugozi ne elyo lyato lilalekwa lizye ne minzi.33Yabhele aho ikesi likupuna, Paulo ala bhikumbilizya bhona ninga bhalye hadone. Alayomba, "Olwane ne lusiku lwe ikumi ne ine, mwalindile ne kulya byo, msyali kulya sintu. 34Nekubhikumbilizya musole syekulya sidone, kungoko ye kukobha bhuhanga bhwinu; kutaliho nolo musasi gumwi ku mitwe zinu ogwo gukubhulo. 35Amazile kuyomba agone, alasola mukate alamwisenga Mungu mu bhutonzi hwe minso gabho alagumegula alabhukizya kulya.36Bhonane bhalapandika mwizo ne bhene bhalasola silibhwa. 37Twabhanga bhantu 276 mumeli. 38Bhamazile kulya bhalaigema meli ipupe mukutaga ngano mu nyanza.39Lizile kusebha izyobha, bhatala yimania nsi nonu lelo bhala bhona kasi kadone ako kalibhwingile muminzi kabhanga ne misenga minki, bhalabha bhakwibhuzya olo bhenkaduzya kuyifaho eyo meli. 40Bhalazibhoholola nanga bhalazileka mu nyanza ahone ku itungo elyone bhalabhoholola kandi tanga bhalaibhusya ku lwande lwe bhutonzi mukulinga muyaga eyo gwekupuna, bhalafilwa eyone ku ogwo musenga mwinki. 41Bhalafilwa aho hausangizyo ibhizye minzi meli ilazya musenga. Nelwande lwe bhutonzi lwe meli lulomelela ahone, italaduzya kupunaho, ku bhutonzi bhwe meli bhulabhukizya kubeleka mukuhulwa ne minzi ago gizanga kunguzu.42Abho bhasilikale kasi bhali bhabhezizye bhwenge bhabhihage bhafungwamukubha atakigela tyoyo wonw we kuhula akakila akaduzya kutoloka. 43Lelo oyo musilikale we Sirumi akobhanga kumusizya Paulo, alabhimililela ku elyone igambo; alabhabhwila abhe bhe kumania kuvuga muminzi, bhaguluke mbele kupuna mumeli nge bhazye kunsi nomu. 44Ahone nge bhagosya bhandi bhakulondezya, bhandi ku mamagukwa ge mbabho na bhandi kuhitila kuvintu vindi kupuna mumeli kunzila eyane bhona bhakuhika bhahanga ku nsi nomu.
281Twamazila kuhisibhwa bhahanga, tulamania mukubha kisiwa sye kulangwa Malta. 2Bhantu bhe ahone itali oti bhala twanukula kusoga tuhu, bhala tuhe mbele ne mulilo, bhalatwanukula bhonane kungoko ye mvula ne mpeho eyo twabhanga nayo.3Lelo Paulo abhanga iya sena muligo gwe nkwiala gutula mumulilo, nzoka ndone ye sumu nkali ilapuna mwezyo nkwi kungoko ye elyo ilungula ila mwipotelezya ha kubhoko kwamwe. 4Bhantu bhatula bhahone bhizile kubhone nzoka ikutingina kukubhoko kwamwe, bhalibhwila abhe ku abhe, "Syenkanane muntu oyane ne mwihazi atolweke munyanza, lelo syenkanane atakuhangama."5Lelo awe alaitagila eyo nzoko mumulilo ne atalapandika ibhi tyelyo lyona. 6Bhalalindili avimbe ne homa nolo agwe ne kufwa aho naho. Aho bhazile kumwilolelaku itungo ilele ne kubhona atabhele tyesyo syona, bhala pilula miganiko gabho ne kuyomba abhanga mungu.7Ahone galiho malale ge muntu yumwi mukulu we esyone kisiwa, alangwanga Pablio. Alatwanukula hawamwe kunsiku isatu. 8Ilabha lelo isye woyone Pablio alalwala homa ne bhulwele bhwe kuhalisya. Ne Paulo alazya hawamwe alamutlila mabhoko alamusabha Mungu oyo muntu alasila. 9Ligezile kwigela elyane igambo ne bhantu bhandi abho bhabhanga bhalwele nabhene bhalazya hali Paulo alabha sizya. 10Bhantu bhala luhelezya isima ikulu. Aho twabhanga tukukobha kubhuka kuzya lugendo, bhala tuhelezya vintu vinki vye kutukwasya munzila evyo tutabhanga navyo.11Ku itungo lye miezi isatu tulimuminzi mumeli ye Iskanda eyo yabhanga ya huzilwe mpeho aho mwe esyone kisiwa abho bhenekili bhayo bhabhanga bhabhili bhe mabhasa. 12Twizile kuhika ku mji gwe Sirakusa, tulikalisyaho nsiku isatu.13Kupuna ahone tulazya ne lugendotulahika mji gwe Regio. Aho lwahita lusiku lumwi muyaga gwe kupuna dakama gulahika aho naho, zitule kuhita nsiku ibhili tulahika ku mji gwe Putoli. 14Tulasangayo bhadugu bhandi tulanukulwa kwikala nabho ku nsiku musamvu, kunzila eyane tuliza Rumi. 15Kupuna eyone abho bhadugu aho bhimvwa oti tuliho bhaliza kutwanukula eyone igolilo lye Apias ne Hoteli isatu Paulo izile kubhabhona abho ne bhadugu ala mulumbilizya Mungu alapandika bhugime.16Twizile kwingila Roma, Paulo alazumilizibhwa kulenda inene sihamwi ne oyo musilikale oyo alatuzilwe kumwangalila. 17Zyahisile nsiku isatu Paulo alabhalanga bhagosya abho bhabhanga bhatongezi bhe Bhayahudi. Bhizile kuhika alabhatembusya, "Bhadugu sihamwi ne kubha ntali bhubhezye ibhi tyelyo lyona ku bhantu abha nolo kugema omwo gutali ne kalendelo ke bhisefwe abho bhebhututongele, ndaletwa kati mufungwa kupuna Yeresalemu mpaka mumabhoko ge Bharumi. 18Bhamazi kumbuzya, bhalikumbwa kundekela, kungoko lyabhanga litaliho ibhi kwone lye kwikola kuyangulwa kufwa.19Aho abhone Myahudi bhizile kuyomba omwo gutali mu mizo yabho, ndabhona nsabhe kuzya bhutonzi mwa Kaisaria, nolo itabhanga oti ne kuisitaka nsi yane. 20Kungoko yone kusabha kuzya bhutonzi, ngaho nda bhalomba kwiza kulomela ninu. Kungoko ye Israeli bhali ne bhugime nasyo, nabhohilwe ne sifungo esyo.21Bhamazile bhalamubhwila, "Tusyali kwanukula bhalua kupuna Yudea ye kukuyombela obhene, nolo ataliho mudugu oyo ali bhwize kutembusya nolo kuyomba igambo tyelyo lyonaibhi kungoko yako. 22Lelo twekutogwa kwomvwa kuvwa hawako wekwiganika tyani kungoko ye idale elyane bhantu abha, kungoko yekumanika kubha lye kulomela kubhi hantu honane.23Bhali bhatuzile lusiku kungoko yamwe bhantu bhinki munone bhaliza aho abhanga akwikala, alaliyomba elyo igambo ne kubhatembusya kungoko ye bhwami bhwe Mungu. Alagemezya kubhatembusya bhamuzume Yesu, kunzila zyona kuhitila kumalagilo ge mwa Musa mukupuna kubhanabii, kupuna mulabho mpaka kuhitila kagolo. 24Bhandi bhabho bhalagazumia ago gayombwanga, ku itungo bhandi bhalagakema, bhatalamuzumilizya.25Bhizile kusindwa kwizumilizya abhe ku abhe, bhalapunaho aho izile kuyomba igambo elya limwi, "Mwizo Mutakatifu alayomba kusoga kuhitila Isaya nabii ku bhise. 26Alayomba, 'Uzye kubhantu abha uzye uyombe, "Ku matwi ginu mukwomvwalelo kumania mtalakamania; Ne kuminso ginu mulabhone lelo mutala kamania.27Kungoko ye mizo ezyane zye bhantu abha kubha gelenguzu, matwi gabho gomvwite ku makoye, bhahunizile minso gabho; mukubha bhaliza kumania ku minso gabho, ne kwomvwa ku matwi gabho, ne kumania ku mizo zyabho ne kupiluka kandi ne nkabhasizye."28Ngaho mwekwendela mumania mukubha kulokolwa bhwe Mungu bhwe kufilwa ku bhantu bhe mahanga gani, ne bhala kadegeleka." 29"Aho abhanga akuyomba magambo agane, bhayahudi bhalazya bhalamuleka, eno bhakwihalalika muno hakati yabho."30Paulo alikala alalenda munumba yamwe ye kupanga ku miaka ibhi zyona, ne alabhanukula pye bhona abho bhabhangabhekwiza hawamwe. 31Abhanga akutembusya bhwami bhwe Mungu ne abhanga akulangisya magambo ge Mukama Yesu Kristo kubhugime bhwona. Ataligela we kumuhangisya.
