Dinga: Unlocked Literal Bible for Colossians, Ephesians

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Ephesians

Chapter 1

1Na Pol, Kunsigapa wakai kanua mamne na Sigapa nilkognan yal mola.Na ka i bol yalabal dudua moa Kunsigapa kere i pere toa Epeses ana ikal moa.Yalkan-i pilgie dre Sigapa mol nimne moltoa kane. 2Abeyal Kunsigapa ya Sigapa wakai kanua mamne ya tere dem miri ura i mol en tomya.3Sigapa nene ne kemle hu koma pua Yal,nem Kunsigapa kam di baum ditenapina.Yal i kui nilegome wagai i molpai agai ipe dua natoa mina-i kui nene Mimiriple aukule dine tomya.4Kamin ya gaba plau dikirua igne ipe Kunsigapa nene ne di pagle kore kui nene di pagle kane Kunyal omile mina wakai mole prine ta paikrinawai ple ewa.5Sigapa kognan wakai mina-i kui Kunyal-i nene wakai kanre i wamable paglua.Kunsigapa el el netoa i nene nomane wakai el nima pi ne tomya.6Kunyal ewa minai-i nene kam-i di baum di mamne wakai el ne toa mina-i topna.Kunyal mamne wakai el ne toa-i Sigapa kam mina el ne tomya,Kunyal-i wam sigapa wakai one i kanimya.7Sigapa maiyam mina-i Kunyal nene ne ikole tere kui nomane ya mamne kii ra gul korimya,Yalkun sra ewa ple el ewa i kui yal i wakai kanua mamne kausi pamya.8Kunyal wakai kanua mamne garu di nene mina tere kanre nomane wakai bole el ne tomya.9Kunsigapa nomane kulsi pawa el nogil te nene ne tomya.Kunyal el ewa-i kui wam Sigapa kognak ere prake mina gowa-i nene kanam diple el ne tomya.10Kunyal ple kanre el koma sra igne,kagne bakle korua i kui talkan kamin mina ya gaba mina i ku bole ana sigapa kamin ya gaba i bre mina moltenawa.11Kunyal nene i kole te kore eme ra yal-i wam Sigapa nene bole i teran tenawe,yal i el enal diple kuare ipe nomane si kore i nene nomane mina kognak emya.12Kunsigapa yal i ewa-i nene kui gum kam i di baum ditenapina.Na yalkanma hu koma pre pilgi dre Yalkun wam dulu bopna.13En yal kanma tau ka one pinga-i,ka wakai Yalkun wam Sigapa nene ikole toa ka yobal ka pinga kane,Sigapa pilgi di tenga ple Yalkun Mimiriple kam en i teran toa-i kuare ipe dipaglua mere.14Yalkun Mimiriple di du di ne toa,nene talkan Yalkun el yowai inapa pawp ple ka koma di paglua,talkan plau dua-i nene Yalkun kam di baum di topna.15Mamne el pawa ple na signa ta en Sigapa pilgi dua mamne ya te yobal pere wakai kanua mamne Kunsigapa i na ikole tenal di kam paglua.16Na kamage ya mikai mina-i en yalkanma piltere kui ilen ta molkrio kagne kagne di Kunsigapa teiwo.17Na kamage diga-i el diwo,Kunsigapa Yal keremane Sigapa nem alape pore sua agai moa.Yal i Mimiriple nomane wakai pawa en tenawa en kui takan kane kane pil pol sinanga.18Na kamage kagne kagne diga-i el kemane diyo,Mimiriple omle au pla di en tenawa kankre Kunyal sra talkan el entenawa-i en kan pol sinanga na kamage yega-i yere el kemane di ya,Abe Yal,Kunsigapa yalkane-i omle au pla di tengre en sra takan komine ipe enal dre di paglega-i el tengre yalkanma-i kanam we.19Na kamage el kemane dre dre el wo,en yalkanma Kunyal yoble pore mina pilgi dua kane-i aukule di to.Kunyal yoble pore mina nene Mimiriple suna igalime kognan el el emya.20Kunyal kamkuare ipe Sigapa sra boltoa kognakim ewa.Sigapa gilpene ime ul pai mongro ule yowa ana Yal-i agle pii kamin mina omya.21Abeyal KunSigapa el mole Sigapa agle-i-pi kam pawa yal ya,yoble pawa suna igal toa te talkan yoble boa ya mi yoble boa ana kani yal-i hukoma pre yalkane-i kemlem wa.22Kunyal elmole sra takan kamin ya gaba mina dua-i muru te wam Sigapa kale ana igal kemelo di tomya.23El ewa ple Abe Kunsigapa moa ana igal-i mopin we.Talkan kane kane ausre dipai momwe.
Chapter 21 Komne one i,en yalkanma dikan ele te yopal golkorua mere monga.

2En yopal piri mamnem mina ya gaba mamnem dulu bole enga.En yalkane gilki kamin mina ya gaba mina en kemlua i gilki i yopal kene koknan ele Kunsigapa ka i kui au bina tope.3Koma i,nene para muru ka aubina toa kane i kene pena gale te nene talkan prilsua gana mina yakai kanua ya nomane sitopa agai.Nene den mirin gole epa ya nomane digan sipa-i yopal tau moa mere mopa i ple Kunsigapa dem miri ki si nene neteknam ya.4El emba,Kunsigapa nene wagai one kanre ne kanua mamne ya dem miri ura pai nene ne toe.5Nene talkan prel sua eva i yopal goa mamnem evena.nene Kun wam ne igane toa,te Kunsigapa dem miri ura mina-i nene ne igne tomya.6Kunsigapa na igne toa-i Kun wam kene eli na igine tomya,te nene Kun wam kene agai wagai bol mina ele agam dinapina.7Yal-i el ewa-i,eme i unawa ple yobal sul ditomya.Yal-i dem miri ura pore ewa mamnem el na tomya.Nene Kun wam kene ne i teran tomya.8Kun Sigapa dem miri ura ewa minai,nene pilgi dre Kun Sigapa ne igne toa .Tal-i nene nene ta elkripe,i Kun Sigapa minai tal wakai ua.9Yopal koknan ewa minai,yal-i ta ukruwe.10Kun Sigapa i nene kui elnetoa,kun wam kene eli mopa,te nene kui talkan wakai enape.Talkan mamnem i,Kun sigapa komne one el yepaklua agai nene dulu bonapa.11El ewa ple,nomane si komne ipe ta,en yalkanma yopal pere kene mongara yuda kane gam piri-i kelu sire,ka el dientoara,yobal gam piri i kelu sikrua kane gam piri kelu sua mamnem i yobal okne paire ewa.12Kakne ira,en yal kanma Kun wam mol elge tenge.Yuda yopal i, nene mol mena te yal kane-i tope.Nene mol gul mena te Kun Sigapa ka dipaklua agai,yuda yopalim te toa.Te nene kakne eme-i talkan wakai ta ikrinapa,nene Kun Sigapa gapa mina-i,elge moltopa.13En yalkanma Kunsigapa i elge monba,Kunsigapa wam emgai moltengre.Kunsigapa wam minai nene kui mol mai te yal i mayam mina tope.14Kunsigapa wam i kui dena ura el na toa,nene su mere mope,Te yal i gam mayam gul i si ara dre nene kui el na teran toa.15El ewa i kui,yal-i bika ka,yuda ka kole i kui au mena tomya.El ewa minai i kui yopal su i elteran tere kui el i kui tenawa.mamnem mina-i para nene pii dene teran yopina.16Kunsigapa wam i yopal su el mai di toa,Te yalkani Kunsigapa kene hu teran nawa.ere prake minai i,yopal ki enawa mamnem i sigolkorua.17Kunsigapa wam i,dem miri ura awa ka mamne bolesi yopal elge monanga ya te mai monanga i ele.18Kunsigapa wam mina one i,Kunsigapa nene Mimiriple mol teran one tomya.19El ewa ple,yopal yalabal pere i agai bakta ya agai wena ta agai molkrina.En yalkanma kui yobalin mol ten-a.Kunsigapa nene yopalin di gawa di yopalin mol tenawa ple.20En i kui,Kunsigapa ike mere monge,ige i kui duai yopal ka mamne dua yopal kane i el dua,Kunsigapa wam i nene kaugle siri mol ige ikal mere el nima tenawa ple.21Yal minai teran i,ike yopal i wakai ele,te nima pre ewa.Te hu pore pre Kun Sigapa ka mamne ike mere dua.22Yal i el ewa minai,en yalkanma ama Kun Sigapa mimiriple ikal monawa.
Chapter 3

1El-pawai pilere,na Pol sike-gaba kam minai,en yobal i pilere kane mola. 2En pinanga,sike-gaba demiri-ura nene heterere, kogyage netomya.3Na bolre,dientere,sike gaba kamkulsi pawai,yobal-kun inogel te-hetoa,i,kakulsi na dientega pingara. 4mai,kere kanere,ka emamaidiga-i pilo-o,sikegaba kam o-ne-ipinanga. 5Komaipe,sike-gaba yobal ta ditekrua.Emai,mi mirepleenguro,ka kulsi pawa dua kane(propet)sike-gaba dungro ka-i nogel umya.6Ka kulsi dua-i,el dua,yobal pilere,molpai wagai-i,yuda yobal,yobal-kun eli moa mere-i monamya.Biga-ka dua mere-ipainamya. 7El pawa pilere,bigaka-i,nilkognageyobal mol-a miri-ura-ipilere,sike-gaba yomblim mina-i,ka kulusi dua-idientomya.8Pilgi yobal anaigal-i,sike-gaba mamine wagai ya-te,miri ura minai,ka kulsi dua-i,dientomya. 9El-ewa pilere,sike-gaba nomane-i,yobal dientobina,sike-gaba kam-i minaipe,kuare kulsi dua-i ema dientobina.10Nomane i nogel ungro-o,yal-abal ka pua kane i,ya-te,sulmoa yal kane nima owai-i,kamin mina sike-gaba nomane wagai-i ama pile kanere enamya. 11Sike-gaba kuare ipe,nomane pangro,enale di puai-i,emai wam,yabal-kun eltomya.12Sra-ewai pilere,yobal-kun kam minai-i,nene minapire,kurul pilkre,sike-gaba moai-i yoba-kun kam minai nabina-a. 13El-pawai pilere,en yalkanemai-i epin golkro-o,gun-kan ereipe nawai-i pilere na gil-epin pil-a.14Sike-gaba tal-el ewai pilere na bonena gubol tobina. 15Sike-gaba teran i kamin yobal ya-te,gab yobal kam di-baumdi tomya. 16Na kamage yegai-i,sike-gaba tal yapsi gaba mina ya-te,kekemama mimire -ple painangro nimo pire gaba-mina wan monan-a.17Na kamage yegai-i,en yalkane-ma-ipilgi-ipilere,sike-gaba dem-miri suna monagro,nimapire,kan ere mina yoplua-a mere-el gaba egle-gi dire,monan-a. 18El-pawai pilere,en yal-abal kanemai-i,yoble bolere,aglinta-a wagai kanangai-i,ole-dre ereipe pre nawamo-o,baksu dire ereime nawa. 19Na kamage yegai-i,en yalkane-mai-i,ama yobal-kun maminem-i kanere,nomanem-i ama moge kora kule painamya.20Sike-gaba ama,tal kane kane-i silebo nanga-i,nene dene mitne suna-i,nima pire dinawa-i,dinanga mere-i dule bonam ya. 21El-pawa-i pilere,ka-a pinanga yal-kane-i,sike-gaba kam-i,yobal-kun kam mina-i,pil-epe tere wan-monanga kakne,kakne i-o-ne.

Chapter 4

1Na i Sigapa kane yal molga,na yople bolre dikai, en yalkane Kun Sigapa ale duai dule bolre dudi wan monanga.2En yalkane i yalta ana i mol kore kanre, mamne ura el tengre kanre, yal teran teran i kui yalta mamne i ta pai kitnawara au kule di wanmolo.3En yalkane i,mamne ura dinawai aure u teran pre,Mi miriple kam mina wanmolo.4Gane ya,kuine teran dua mere i,Kun yali ne ale bole tal teranta sul monapai,yali kam di pakle netowa mina i wanmonapa, 5Kun Sigapa teran one mowa,ena pilgi ya nilbuke teran dua mere i, 6ena Kun Sigapa teran i Ape mol netowa,yal ara u koma pre yal apal mowa ikal i koknake elre kanre mol netowa.7Yali pilgi yopal mire puwa minai,Kun Sigapa wam i nene dem miri ya nomane wakai minai netowa.8Ena,Kun Sigapa kam dua mere i,"yali ere ipe owa kakne i,yali yopal kane pawa i agle ire pre, miri wakai towa."9"Ere ipe owai,"sra mamne pawa ple ere ipe owa? Dimba,yali gapa ta ere ime one nawa agai pi kornawa. 10Yalta komne ere gapa maune owai,yali ere mina one pre agai molpai wakai tau i,imaune one tekore yali kalkan i muru elkun el korwa pamya.11Sigapa i koknake ginepesi pilgi nil koknake kane towa,yopal ku bowa kane,ka eme painawa yal kane,ka dre yawa kane,yopal kuiya sul mowa kane ya sule ditowa yal kane. 12Yali pilgi yopal kane i nomane wakai tere koknake wakai elna tenamwe ditowa,i kui Sigapa gam i au yople bonawa pilre.13Sigapa gam koknake i yali el moli nau,nene muru dene mirne teran yere pilgi di Ape wam pil kune el tenapa. Yali puwa nene wam minai mamnem i nima pre dule bonam dipua.
16Sigapa gam muru i tera tougre kanre,mikorkane aukule dungre muru u teran pre koknake ewa i yalta wakai kanwa mamnem i plau dua.17El ewa pilre, ne Kunyal kam minai en yalkane kamamne pilkrewa wanewa mere i wankro. Yalkane i nomane i du demwe. 18Sra ewa mamnem,yalkane i mamnem i siboungre kanre Kun Sigapa mowa akai i mol mai tekre,kaureka ya ka sikorwa mamne yalkani mowa akai i due,el ewa minai,nomane i sibowa. 19Yalkani gai gowa mamne tapaikre kanre,gam dua mere dule bolre kanre dem miri mamne ki dule bol mowa.20Dimba,mamne i en yalkane Kun Sigapa wam sule duwa mere i dule bol krepa, 21Na dipilgai en yalkane Sigapa kam pilre kaure nomane sinanga minai, Kun Sigapa kam i,wam minai dim ya. 22En yalkani,sule nomane ire mamne gole pusi korenga. I,yali mamne gole yalra el ki el korenga,sra ewa ple, kakipi mamne muru pamya.23En yalkane mamne gole koreng kanre nomane u wakai nawa,24en yalkani kui wakai mere, Kun Sigapa i nene nomanem ya mamnem du duwa ya kulaparem one el wan monanga.25El ewa pilre,kakipi i muru ikore kaure ka one i pilgi dua kane i monawa igal i dito. I sra ewa ple,yalkane i gam kole mopenna. 26En yalkane den kupitnan gara,kan kun elo. En kupa piri el dinanna,den kupitnanga yu dinawara, are ere maune pi dinamya.27Kankre yal mi ki i kopel yaule te dinanna.28Yalta kulen nowa yal i,kulen kui nedinam ya. En nene gil koknake elipre ire kanre aunekitnawa yali au kule do. 29En yalkane ka ki enawa gran minai dikro. En yalkane ka wakai dre kui nima pikrewa kane i siri sito. Ka kane el i,yopal puwai,sri bol towa. 30El ewa ple, Kun Sigapa Mi mirivele dem miri ipen tekro,sra ewa ple Kun Sigapa Mi miriple neteiwe di pakilua minai kui nene yal apal yali talem dudi mopinna,el ewa ple, nene yalkane kane bawa kakne i ne ikne tenam ya.31Dimba,enyalkane den miren kiya,kaure dua mamne ya,den kuprenga ya,kura ka ya,gamka ya tal mamne ki muru bongai i koro. 32El emba tere,en yalkane mamne wakai el yal apal pere i eltere,kupa prim elkore to,sra ewa ple,Kun Sigapa wam kake minai en ama pren i el kotnamwe.
Chapter 5

1El ewa ple,en yal kun singapa wakai en enkanawa wam aple mol ta. 2Te yobal wakai Kanawa mamnem dulu bolo,yalkun wam nene na wakai na kanua minai,yali gol natoai,inoke demne wakai si yalkumn Singapa toa.3Te yal abal kulun sinawa mamnem ya talkan de kepi enawa ya te au kul sinawa mamnem i te en kaknen suna igaliel kiro,nene yalkun Sigapa yobalim wakai mopa ple. 4Talkan ki ya,du dinawa ka ya ka pore ya yu enapa kui mili bina napa pawe.Nene kui wakai enawa mamne i bole si inape.5 En yalkanma pinangai i yal abal kulun sinawa mamne ya talkan du one dikrinawa ya te yobal nene yalkane wakai kan yalkanma nene toa ya yalkun kam kipi kui ewa talkan kane kui yalkun Singapa ya yalkum wam agai wakai igale pikrinawa. 6 Yobal ka kipi ya ka yu ya kui dien tenawara yalkun Singapa dem miri ki one si te yalkan tenawa ra. 7El ewa ple yalkani kane molre,wanre,elkira.8 Komne siboa igal moga ra,te emgei tela yalkun Singapa alape sua igal monge. 9Alape suai,talkan wakai igal i plaud due,el ewa ple yalmo abal ta yalkun wam alape sinawa igali ta monawara,talkan i du one dre ele ka one,ka one dre ele enawara. 10Te en yalkanama wan du kana,yalkun Singapa i sira one minai,yali dem miri teran kol kol em. 11En yalkanma koknan moge paikrinawa siboa igal i el kiro,yobal tau el enawara,ka di nogil te kora. 12Talkan kul sinawa ya,mamne ki ewa kane i,di nokil tenapai,i ama gai goa tal due.13Te talkan kane kane alape si nogil tenawara,ena talkani kui mol nogil tenawa due. 14Alape suai,talkan kane kane i pai nogil tere kui talkan i ama alape sue,el ewa ple,ul pangai akilo.Gil pene minai ama akilo,yalkun wam alape si te en monga akai si en tenawa.15El ewa ple,mili wanangai,kan kun one dale wano,nomane skepil suamere wankro,nomane wakai ingre wano. 16En yalkanma kakne i au dipi dre ken elo.nene kakne i ta yu nawa ple.Kakne mai kakre ki one ewa kake mopa ple. 17El ewa ple,en yalkanma du dikan siremolkira,en yalkun Singapasira tal ta enawara nene pilre,kanre monape.18Te en yalkanma nil gi kenawa nere du mile elkira.Mamnem ki ya talkan prisua igal due.Kui au sawa tere mimiriple wakai mina mulu kua sire mola. 19En yalkanama kuria di aglin ya aubalinbia to,te kamamne kuria dre,te mimiriple igal kuria dre elapekin wakai kolre kuria di yalkun Sigapa tere ama en den mirin i kene dre ela. 20En yalkanma talkan kane kane i,ka mamnem wakai i di yalkun wam kam mina di tere te ipi yalkun Sigapa ama to. 21Te en yalkanma baun di aglin ya aubalinbia tere kui yalkani ama en en baun di en tenawa.Mamnem minai one i,yalkun wam kam i,aupore tenape.22Apal kope,en winbia mol ana igal teto,yalkun Singapa ana igal mol tenga mere i. 23Kui yobal yal i apal bre minai kemluwe,kui yalkun wam i ka mamne ikil kelua,te ka mamne ikim i yalkun wam gam dua,te yalkun wam igne toa. 24Kui ka mamne iki mol yalkun wam ana igal toa mere i apal ama ana igal mol winbia ta.25Yobal yal kane i,epinbia wakai kana,kui yalkun wam ka mamnem iki wakai kanre gol toa mamnem i. 26Yalkun wam i nene gol natowai,nene kui mol wakai enapa ple.Yali buku sire kri dre ewai,nil ya ka kene eli. 27Yalkun wam i kui nene ka mamne i wakai nawa ya te kokane ya tankan pri suai kui ta dikrinawa.Nene ka mamne i wakai dinawa,ki ta paikrinawa.28El ewa ple,yopal yali epinbia i wakai konio,en nene nenen wakai kaniga mere i.Yalta nene en epinbia kan wakai enagara,en nene kan wakai elen tenga tel. 29Yopal ganin i kan prisua mamnem ta paikruwe,kua mena tere,kemle wakai epamamnem paue.Kui yalkun wam nene ka mamne kua mena na toa mere i. 30Eva mina,nene yalkun wam ganim i yobalim ta mol topai.31El eva minai kui yopal yal i nem ya,mam ya kui kor e pi bl'a kene molpa ele pi teran owa. 32Ka mamne kul suai pore ki one dimba,na yalkun wam ya ka wamne teran dipe. 33El eva ple en yopal teran teran i,epin i nene wakai kanio,yali nene kan wakai toa mamnem i.Te apal i,winbia ana iga molta.

Chapter 6

1Gage kepil kane,yalkun Singapa omle igal i nenmam ka dinawa pilo,i mili du one dua mile. 2''Nenman i baun dito''[ka biga komne one paglua agai,] 3''elenagai,en gaba minai wakaimole,bagole ki one monange".4Nema kane,en gage kungai,dem ki sinawa mamne ieltekira.Yalkun Singapa ka i painawa mere ya mili du one dua mere i sul dito.5Nilkoknan yobalma kane,en nenyal en kemlua yal dulu bole,baun di tere,ka mamne dem miri paiyo.Yalkani ka bole dinawa mere i dulu bole yalkun wam dulu bole ela. 6En nenyal mole,en kanawa kakne i,yalkane gun enam dre elkira.En Yalkun wam nilkoknan yobal moltere,en den miri kol Yalkun Singapa ginibe igal to. 7Dulu bole,koknan elipi den suna ime te Yalkun Sigapa ta,yobal kaba minai eltekira, 8Nene pipai nene teran teran koknan wakai epai,Yalkun Sigapai niligom ya talkan wakai kui na tenawai,nene nilkoknan yobal ya yabal yu i eli natenawe.9Nilkoknan yobal kane monawara,nenyal kemlinga kane ama nilkoknan yobal i baun ditere,dem miri tere ela,en Yalkun Sigapa moai,en nenyal en en kemlua ya te en nelkoknan yobal i susu eli en en kemluwe.10Na ka di wai sinagai,en mol nima igal te Yalkun Singapa yoblemigal to,Yalkun Singapa i yoble pore kapake nem moa ple. 11Yalkun Singapa kuraboa galkukul tere mi miriple ki yobalim igal i au nima ele akile monapa.12Nene mi ya mayam mina kura bolkripe,nene kura bopai,mi miriple ki mamnem ya siboa talkan mamne ki eva mi miriple i kene sikura elipi kamin mina tope. 13Elevaple Yalkun Sigapa kuraboa galkukul tere,kakne ki enawaunawara,nene au nima gol eletalkan enabe.14Agle nima ele,sim i ka one mere sigi dre,dininpele ka du dua mere yenape, 15te en kalen i aukundale ipi dem ura eva ka igal tenapa. 16Talkan kane kane i,pilgi kapa kuman kinre,miriple dowa baule el i au mena bina ipi ta.17Nene ignetoa bregal ya mi miriple dipul i Yalkan Sigapa ka mamne du one dua. 18Kamage ya sili kamane igali,kakne kakne i kamagi di mi miriple to kakne u bawa dinawa igne i,Yalkan Singapa yobalim kamage ditenagai kankun one dalo.19Kamage dinato,na grana sa dinaga kakne i kobale si na na tenawa,kamage dre nata kurul pikire,ka one minai aukul sikrinapa. 20Na ka dinapa kakne i,ka di plake ta tekrinape,na kane ike igal pakai na Yalkun Sigapa gra mi yal mol tega ple,na ka i aupora ele dinape.21Taikikus agle wakai,Yalkan Sigapa pilgidua koknanyal,talkan muru i dinogil te entenawa,te na siratal egai en pilre kanre enaga. 22Yali nu sipai koknan i enawa ple,te nayalkane mopa mere en pile kananga,elewa ple yali en denmirin i kui au kuru si entenawa.23Denmiri ura di pawa di yobal aglia bia to,wakai ya pilgi di Yalkun Singapa ya Yalkun wam to. 24Denmiri ura di yobal kanmamne wakai di Yalkun(Singapa)wam kene yobal wakai kanua mamne.

Colossians

Chapter 1

1Na paul,Sigapa nil kognak yal,Yal kun na di bawa dua na agilna ta Timothy kene ele.2Ne yal su hu teran pre, Yopalkun kam pingai ka mine bol entopinwe.En yopal Kun yalabal ige bre kolosi monga ne yalkanma aglin,abaulin,yobal Kun pilgi di tenga-i den miri ura en mina yenangro den mirin ura dre monanwe.3Ne yalkane gun ye yopal Kunsigapa tere,Kunsigapa ne yalkanma kamage ye entopinwe.4Ne yalkanma pipai en yalkane pilgi di Kunyal wam sigapa ara yopal Kunyal i en yalkanma wakai en kanre en ikole te koromwe.5El ewa ple, en mamnim i nima pre,nomanin dudi sre yopal Kun kamin mina di bawa di entomwe.En yalkanma ka komne ipe dua pinga,en yoble bole nomanin au du dre yopalKun mirin pilre en ka mamne minai mon-na.6Aule mole en monga hua,kamamne iwe mogim plau dre hu kemane pre ere gaba kole kole pim we,mamnim i,en yalkane ama,kakne en yalkama pilre ure yopal Kun mire ura inwe, ama i ka one we.7En ka mamne iwe Epafras,ile plau dua,en pin-na yal i nene nil koknak yopal wakai momwe,yal i Yopal Kunsigapa pilgi di toa yal,yal i nene ne akule dre Yopal Kun koknak ka one em we.8Epafras i ne yal su ka el di natoa, yopal yalabal moa i pre yopal kun Mi-i nene mopa suna i dimwe.9Ana kagne iwe ne yalkanma ka dua pipngai,wagai kanua mamnim ne yal kanma kamage ta mol pilkripino,Yobal Kun ipe sile yere en yalkama en aklu dingre kui yal i ple kane enanin we.10Ne yalkama kamage yere el dipinwe,mile wananga yopal Kunsigapa wagai en kanaungro mile wagai mamnim du di wanin-na,ana en yopal Kun mamnim kanre kagne kagne mile waninga dudi wanan we.11Ne yalkanma kamage epai i Yopal Kun yoble bol en tinangaro,en agle du di molre,ipin kane kane unawai en mone di mole kui ipin i bawa dinangaro en gun ye monanwe.12Ne yalkama kamage yopaiwe en yalkanma gun yere Yobal Kun wagai pil tinanga,en dulu wagai bonangra mamnim en tal wagai enanga,Yal Kun di bawa di paglua enan we,en yalkama para muru Yobal Kun en tinamwe,en yobal yalabal alape pai en toa.13Nene kamin siboa yoble mina mobin ba,Yal i nene ne ikole tere ne ipi-i sigapa alape ana tere ne wagai kanimwe.14Kunsigapa nene ne tope sire kupane piri el kore ne toa.15Yobal Kun wam i nil nimne momya nene omle mina ta kankripina,Yobal Kun sigapa i yal ta kane moa, tal kamin mina dua ya gaba mina dua-i yal i kan kun em ewa.16Yal i kam mina talkan para muru unogil omya,Yal i talim muru,gaba maune yobal ukomne owa kane i teran tere.17Takan i ta ole dikriua igine yal i komne moa,yal i kam minie talkan i para muru uteran pre dua.18Ka mamne ige-i yopal Kun gum dure sigapa i bre yople momya,yal i nene ka mamne ige i mamne momya ana gil pene ime nene hukomne pre agalua, el ewa minai talkan i para muru yal i kam minai dimya.19I hu nogil ongro yobal Kun gun yere nomane sire alape i pim we,yobal kun Singapa i suna igale momwe. 20Yobal kun wam i talkan para muru yal i nomane wagai mina dim we,ana kagre i we yobal kun dem miri hura i iteran tere kun Singapa i boromai,here prake mina yom we,tal kamin mina duai mo te tal gaba minai duai.21En yalkan siva kagre yobal kun moai elge mone,en tal siva elere yobal kun moa elge mone,nomane ki singai ya mamnim ki bongai. 22Dimba yobal kun yal i miri wagai minie en hu teran pre kun Singapa gam i gona,yal i el ewa minaie en i wagai en we,en alau ta paikrinangro yobal ta en hau ki elkrinango yobal kun homele miniape. 23En pilgie mina ere pe-e monangie mo ige nima pre gapa minai kinangai ana en pilgie ta bawa dikirinimya en nomane pore yabal kun tenga,yel ewa ple en yal kanma ka i plo,ena kamne i,na Pol yobal kun nil kognak yobal mol we.24Na Pol ,en gil hepin i na gun yere heya,en yal kanmie gal kapan na kire na ten na,sira hepin Singapa hewa i ta hole bawa digirimya.Yal i gam i ka mamne ige dimya. 25Na nil kognak yobal mol i na yobal kun kognak na toaie dulu bole el i,na yobal kun kognak na toaie auklu di el taiya,yobal kun kam i hu kune namwe. 26Ka i kul si pawa.Ka i koma ipe kulsi pai moaie ana gaunama kope amgai moaie.ka i emgaie hu nogil homia ana elmai alape kere pawaie hu nogil homia. 27Ema nene yalkanie ana kun Singapa yalie nene pinam dre i nogil toa,sira mamnim hu nogil howai kananga i wagai hone humia,yal abal yalkanmie pinam dre di nogil toa.El hewai pilre kun Singapa wam i nomane pore si puai el hewai pilre kun Singapa yal i kremane i ne toa el hewai pilre nene yobal yal abal tamne kamin mira hegen bol yo waie inapinga pilre i nogil tomya.28Ka i ara di nogil toa,ne yalkane ka i di nogil topna yabal kane muru pinanga te yal kane yobal brambol di entopinga talkan i muru pil pol sinanga el ewai pilre kagne hemgai mai di topaingai yal abal yal kane pinangapilare di en topin we te ne yalkanma emga dipingai yobal kun kam minai en alau ta paikinamwe ana kun Singapa yal i kam mina en alau ta paikinamwe. 29Na kognan nigatre te yopbal bolre elgai sra mamne pawaie Singapa yal i yoble na tongro el we.
Chapter 2

1Na pilga i yal apal na gumana kankrua ya te Laodisia yal apal en yalkanma ple kanre enangai na koknake elgai en aukle diya. 2Na yalkani dem miri yople bol tenaldi koknake el la, te u ku bolre au nimapi molre aklen ta wakai kananga minai,Kun Sigapa wam kul sipawa i,u nokilnau kananga. 3Kun Sigapa wam ikal i,nomane wakai ya mamne wakai i kulsi dimya.4Na ka el dien tek ai,sra ewa ple yopal ta ure en kakipi dien tenam.5Na gana i en kene ta molkrem ba,mi mireple ikal i en kene molen towa. El ewa ple,pilgi nima pre dre,wakai monga minai,Kun wam kam minai di gun yen topenna.6Kun Sigapa wam inanga kakne i,kalem ikal i wan molo.7En yalkane Sigapa kale anai nima pre pilgi dingai au nima predre,digun yeita.8Kan kun dalo,yalta en yalkanma en augi dre nomane kakipi ya ka yu yopal kam i di yali kam mere dinamya. El ewa mnai,en yalkanma gapa kal i pilgi dre Sigapa yal i ta nomane sikren nanna. 9Sra ewa ple,Kun Sigapa mamnem i Sigapa wam igal i muru dimya.10Yali ikal i, en yalkanma mule kau senna,gum kam wanwai nem yal.
12Pilgi dre nilbuke singa minai, Kun yal gole u kui owa mere el nene amma u kui opa mere pamya.13En yalkanma kal talame minai,gonga mere monna te en gan i ta kelu sikrenna,Sigapa yal i gol krewa mamne inokel tomya te mamne ki ime i kore netom ya. 14Sigapa yal i nene ne kane kowa i,i kormya te are kama igal ime bika ka bomya. Nene pitne ime puru ikore ere prake mina spaklem ya. 15Sigapa yali ikorwai,alape ki ya gumkam i tal yu tomya,inokel ime tere ere prake mina ipe sigowa.16El ewa ple en yopal ta i,ipe sre ka dinawai pilkro,en yalkane ka bika kowa mena ya nil nenga te bika ka,ka mamne dua kakne ya,te ba kui uwa gun yenga ya te ilen ka dnawai p'lkro. 17Talkan i,nil nimne mere talkan eme unawa i ple dimya,ka one i,Sigapa wam momya.18Ena en yalkanma yalta ake maune sre,sulneyal i kamamne piltere te ipen sre en di diple dinanga ime en au mena tenawa i piltekro. Yalkane el i talkan kanekane gapa kal dua agai suna mole gam baum dua mamne i gam mina dungre gam yaum ya. 19Yali bre ipe kene tamolkrem ba gam kowa minai temom ya mi korkane ime kua mena tere au momya,tal i Kun Sigapa yople minai i mokem ya.20Ena, en yalkanma Sigapa yal i gole kal kanekane gapa minai korengai,sra ple en yalkane ka dua anna igal mol pain? 21I kui el pamya en aure,peken bolkro.22Ka kane el i gapa maune yopal dipaklewa ka dua ple,bawa dnamwe. 23Ka buben el i,nomane ganni ta nau kule dikit nawa. Gapa maune ka,kamamne puwa ya yalkani nene di au wakai enawai ple dinam ya.
Chapter 3

1Kun Singapa i kun wam kene en igne tenawa,tole kan talkan kamin mina ta,kun wam ikui kun Singapa one mena agam dua. 2Nomane si talkan kamin mina ipe tere,kui gapa mina -i nomane sikra. 3En gol koringa,kore kun Singapa wam igali kui nene na aukul sua. 4En kun wam mol igal te entanawa,kui mongai,mol nokul tananga.Yali alape sua igal ya nima pore pawa igal.5En yalkanma gapa mamnem i si gol koro,mamnem kulun sua ya,mamnem ,dekepi ya,mamnem ki ra,au kul sua mamnem ya,kui gapa maune kemlua yal mamnem due. 6mamnem minai teran,Kun Sigapa dem koral te yalkanmai ka si korua ewa mamnem i toa. 7Ne ne kane ama komne one i,mamnem dikan igali dule bobara. 8Te emgai,en yalkanma mamnem dikan i pusu kora dem karal ya,dem ki ya mamnem ki ya yopal dem koral tenawa mamnem ya te en gran igali ka nki dinga mamnem i.9Ka kipi di yopal tau ditekro,dem gole evara,kamin kware i korobora. 10Emgei,en yalkanma yali mamne kui si gi dre,te yali nomane igal ya guma koa merei,en yalkanma u kui ange. 11Mamne minai one i,Grik mo Yuda ta mokrinawa ya,yopal gam piri kelu sua mo sikru wa ya,Babaria yopal ya,Sintia ya,nilkoknan yopal mo yopal u i.Kun wam i tankan muru i bre mina mole,te yali kui ama mol talkan igali ama mol toa.12El evaple,Kun Singapa i en en kole tere,kun mole te yopal tau i wakai kanre,mirin pil tere,te wakai elta mol maure pre te ure one dre mola. 13En yapal tau kene koknani eli eli ela talkan prisua el entenawa,pil ikiro,wakai enawa mamnem i dita en yalkanma denipin ta yopal tau tenangara;yalkane i talame i au mena te kore,wakai enawa mamne i elta.Kun wam nene talame epa ikoru u mere i. 14Mamne kane kane minai,wakai kanua mamne i pai en entenawa.Mamnem i kui,mamne wakai epai au gi nima eva.15Kun wam dem ura paientenawa.Dem ura minai one i,nene mi ya gam teran kopa,te ka wakai gun enawa teran duta. 16Kun Singapa ka i mulukan one si entenawa te nomane wakai ya molpai nomane Kun sua i di yalkanma tau sul di tere,ka mamne kuria dre,gun elre,ka wakai di Kun Singapa to. 17Te talkan kane kane enangara,ka digna mamne yal mamnem bonga mere ya kui,kun wam kake minai elre te ka wakai gun enawa di Kun Singapa to.18Te en apal kane i,winbia mol ana igal ta.I kun Singapa omle minai wakai one eva. 19Te en yal i,en epinbia i wakai kana,te ka nima pama ditekro. 20En gak kepil kane i,nen ya man sira tal ta ka dinawara pilo.Mamnem minai,Kun Singapa wakai ele gun enawa due. 21Nene kane,en yalkanma gak kepil dem karal tenawa mamnem i etekra,gak kepil kane kui talkan enawa paikrinam dre pil im tenawa.22En nilkoknan yopal i,nen yal ka dinawa pilre talkan kane kane ela.Yal kan monawa kakne i,yali wakai pinam dre eltekira.Den wakai mina i koknan ele,Kun Singapa kurul pil to. 23Sra tal ta enanga ra,den mirin kene eli pi Kun Sigapa to,yopal minai eltekra. 24 En yalkanma pinanga,Kun Singapa tope entenawai,ka di paklua agai.En yalkanma kun wam nilkoknan eltenga yopal te dulu bonga mamnem i. 25 Te yopal talkan dikan enawara,yalkane nene enawa mamne m i,mirin ta pil tekripe.
Chapter 4

1En yopal kemlua kane,en yal kane en yopal koknak yopal kane-i,pinanga,en kemilwa yal i mol paipai akai moa.en yal kane kakne kakne kamake elre,kui en toke sikre kanre sigapa di wakai elto.2Ne yal kanma ama kamake el ne tenga kanre Kun sigapa wam kam,kul kware ipe sipawa i dinapa.Yal i kam teran one minai,na kane paika.3Ena na kamake yere yal i kam i di nokel tenal we.4Ka mamne pilkriwa kane i mamne wakai sul di tere kane,en kakne i koknake wakai elo.5En ka dinangai ama uwakai nawa.ena di dokin enau,yal kanie i ka dinawai,pil kun ele di ikene to.6Tikikus yal i,na mamne kane kane el ne towai di nokil tenam ya.yal i ne akilne wakai,Kun sigapa wam kam minai,koknak wakai yal moa.7Na yal i po dika uwai,en yalkane kui ne yalkane kalkan tau el na towai pingre kanre,i kui den mirin sri snawa.8Na tikakus ya onesimus bol po dikai,yal sule i en yalkanma nil koknake yal kane aklen mowa.yal sule en yal kanma kalkan maiya el ne towai,en yalkane di en tenamya.9Aristakus yal i en yal kane kakne wakai wa di en tomya,yal i ne ya Mark eli kane papinna,yal i,Banabas apaule wam mom ya,yal i ne kware di te korpa ra,ple unawa ra,dikan wakai elto.10ena jisas yal i kam i jastus we dua.Yal kanma i Juda yopal,ne yal kane koknake teran ele ,Kun sigapa mol paipai akaim i auple koknakem dipa.Yal kane i,ne aukule di wakai one dua 11Epafras yal i ,yal kane kakne wakai we di tom ya.yal ien yal kane yopal teran ya Sigapa wam koknakem pre el en toa mina i pilgi dre Kun sigapa mamnem dule bolo.12Na yal i kaneke en yalkane ige bre Laodisia ya Hierapolis monga i kognake nima pre elen toa.13Luk nipil ewa auwakai ewa yal wakai kanika ya Demas yal i bol di wakai el entomya.14Ena na kui kakne wakai we di Leodisia ya Nimfa aklema yopal ma ka mamne ple igal moa kane i tei ya.15en yal kane mine bolga i kere kotnga i,ena kui Leodisia kamamne dua yalkane i ya monanga kere pile monanga.16Akipus i ditenanga,KunSigapa koknake toai el kun dale awakai enawa.Ka mine mai kanangai,Na pol okna mine bol ente ya.Kamage yenanga mina i,pilneto,neyal kane igal mol pawa i.Kun sigapa dem miri ura kene molo.18wakai we dika,na Pol nene okna mina i bol enteiwa.Pilre na kamake yeneto,ne yal kane pai molwe. Kun Sigapa miri ura kene molo.