¹.paulo nyo ratat kupo yeso kristo,ako tupchet temetewo,kupuntochi filimon,chorwenyo nyo chitap yishet ako achek, ².ako afia chebya,ako achifas tupchet chitap poryet,ako kotap sayet nyo chetuytos kangung. ³.kupuntyok kalyet ako toloshet nye chone wule mite baba ako mokoryontet yeso kristo.⁴.akokay akostoy yeyin atwochok am sayet, ⁵.amnye alume kuruptokey ako kayenet nye ponte am wule mite makoryontet yeso kristo ako chematet nye ponte pikyi cho tililech. ⁶.Asome kule mwatyayetap kayenengung kutastay sukunget kule nget koromn kiy ake tokol nye tupon am wule mite kristo. ⁷.Kunyo aponte ngarakwek che chang anku yiku titirot kupo chamishengung, amunye kingetnget nyi piko noo tupchet.⁸kunyo, amuche asoti kule ayeku nyikan am aritap kristo samwowok kiye machaktos ayi, ⁹.ntene am chemishet amite tasomok kule ,ani paulo, kawoiyitu,anka yiku ratat bantenyi kupo kristo.¹⁰.amite asoming kupo werinyu onesimo nye kya siche rotutok. ¹¹.nye onesimo ku kumopo laatt am wule mite nyi,ntene bantenyi kupo laatik am wule mite nyi ako ani. ¹².Kwa yoku akeny wule mitenyi; chi po mukuleyngyu. ¹³.nye kita aburtokey,kimuche takokalya am kapratishokupo yishetap mwatyayet.¹⁴.ntene akoy kot cham nyi mamuchani ayi kiy ake tokol ameyek kule kakekerching koong ntene kukecham kumochamishengung. ¹⁵Ankol kumyening amu poroyin nye kisich suku kotkey wule mile akokoy. ¹⁶Amepere toku mtworin bate ntene pele mtworiontit yeyangong misin amo wule amite ntene koromun am wule mite nyi am borto aako wale mite mokoryonted¹⁷Yo kase kule yeku chaman amu wule amite, toroch naas kama anito. ¹⁸Yo kikowurtowung akiy ake tokol nto yoche pesento yiityani. ¹⁹Ani nyo Paulo kasile awungu makotung pesenaa amepere kakerechi mkuleyung kong. ²⁰Kunyo ngetapya amache lati amu wule mite nyi ako wule yeyin. Nget nget mukoleynyu amu wu;e Christo.²¹Akosekey kayweyishengung, Asulung nyi ankati kule che ketye chokamwowu. ²²Amu asiswek che yemotin yityowo kotap toyek nyeng'u. amunye akosikey kule kupunte somutwokok maacho yech wule amite akwek.²³Efafras tupchet nye chiku rototine amu aritap Yesu, kakosupayakwek. ²⁴Marcus, Aristachas, Demas, Ruka, tupchoshek che chiyishitokol kosubois. ²⁵Kalyetap mokoryetenyo Yesu Kristo kuportokey muyengmwong. Ayunyoto.

¹Bontet wulemite kwayanet chepiya ako lekokyi che ameche am manta ankumepere chek nkit ntene ako tokol cho kikonket manta. ²Kupo manta nyomite wule chemite anku masakumite wule chemite akokay. ³Kopur kalyet ako akwek kisayta ako tolosyet kuchone wulemite yeyin baba ako mokoryontet Yesu Kristo wertap baba am manta ako chemisyet.⁴Kyang'arach koromun anyoru kul pesyetote lekokuk chepo manta wulo kichenyorunta ntarastit kuchone wule mite baba. ⁵Kunyo chepiya kasoming yat ankupurye kokonu ntarasti wule mite nyi ntene nyo kicheponte kungete kule chechomnye. ⁶Ntarastit nyitinyi kule cepesyetate kuruptakey ako ntarastit.⁷Kikwa mwinotik chechang koret che momwowune kutuwakwakule kicho Yesu Kristo koret am porto. Nyitinyi kunye mwin anku machame Kristo. ⁸Akas akwek nkit kule mapoot tukuk cho kyanyoru ntene monyoru ropoywo nye nyitat.⁹Chi ake tokol nyo mosoktos ankutay mepur wulowu konetisyet nyepo Kristo kumopontekey nyo yeyin. Neto nyo pure wulo wunto konetisyetap Kristo kuponto nyoto tukway baba ako werit. ¹⁰Yeketepe kot kucho chi wule omite anku machontoy kanetisyoni matoroch neto kong'ung' nto kowut kong'ung'. ¹¹Ake tokol nyo katoroch neto kukayamta miyotyenyi.¹²Aponte tukum chechang che aperentasil ntene meyeme asile palakya ako winet ntene akosikey kule acho wule omite sang'ololwol tokoch ako tokoch sukung'et kunyi chemisyenyo. ¹³Supoyok lekok chepo chepiya kwayaneng'wong' yunyoto.

¹kuchone wule mi pontet akoy wule mi Gayo chamanet nyo acheme nyo amu manta. ²chamanet asomuung katakishe amu ngalek tokol angutobonit barngung ku wulo wu mukuletyo nyengung. ³wuye kyangarach alum muchuruantit nye kungwowu mboyaya kuruptakea ako manta nyengung anku mite weti amu manta. ⁴mabonte ngarakwek kopol chu alum le peshetos amu manta lekok kyu chepo muyet.⁵chamanet miteporu kakasetapkey yo mite kolyoy chamanik ako toik. ⁶kuchinum muchurugutit nyepo chemishet am kotapsaet miteyie nyetopon kolioy mbo ako pesnikap aran chepo toek. ⁷kupo kanyet ta yesu kuba kumunanam kiy ake tokol amu piko cho munachamta. ⁸kunyo maktos chitorochi piko chewuchu sikunget chichine chemwoitoi manto nyepo mokorionted.⁹kasulung akoluket amache amwowung ngolyo ntene Deodrefe chi nye yiekey le kantoin am taitap chamanik machamchintos ako ani yohana ako chamanik cho chepontekey. ¹⁰kunyo yakocho masoy yeyutekyi cho mi kukwiye wulongololtoy nye miyet amu achek. metoro kishi kwete ne chamanik cho kwoni.¹¹chamanet Gayomemuste miyotyet ntene muste toponiet nyo yiye toponiet kupo yeyin kupo yeyin nto nyo yiye miyotiet mnachamta yeyin. ¹²kuchinumchi Dimetrio muchuruantit piko tokol ako manta nkit mbo achek kuchekas.¹³aponte ngal che chang che kamuchi asilung ntene machame asilung amu kalamut nto (winet). ¹⁴amite akeni akasing amu lekito sichengalal anchekaskey tokoch ako tokoch. ¹⁵kalyet kopur ako akwek choronutokcho apontekei amu yu kakusupaing nte yech asupoyi choronutok am kanienyi.

¹.Yuda,mutworintetap yesu kristo,ako mutakwamutitap yakobo,che kichitilil am lemi yeyintet baba,ako kichitapan am lemi yesu kristo,ankukurotin. ².Riirik ako,tolosyet;ako chamisyet kutastakey am woyinto. .⁴³chamanenyu,yo kyasulwok am ngomnanet rengatet nyepo kwak kuyamakey am wulemitenyi ,sukutitiring am lemi kayenet am lemi piko alake. .kimii piko alake che kiwowkey che kimii kutompo ngopset nye kipotay che kichitilyochi [musangut],piko che kimenget yeyintet,kuweche kalyetap yeyin am muchastap porwonik kwa kutaye yeyintet ako mokoryontet yesu kristo.⁶⁵makochok kasoteywek kwanii kupaye changet ngalechu kuwule kirarakta mokoryontet piko am koretap misiri ankwaranta piko che kimachamchintos. malayikanik cho kimunarip lekimunye kuche kontorchi chek rotutok am menenet kukene[musangut] am posyono woo.⁷kuwu sodom ako gomorrhaako kirinkosyet che kikochikey kukwiny martayet ako sokoryantitkichikochi chikarkeye ,ako nyalilta nyepomat nyepo akokay. ⁸Ntene piko chepo kirwotik cho muyotich kuwirtoy porto ankunkunumtoy poytoyisyet ankungolole nye muyat.⁹Ntoyech malayketap poryet mikayeli kukwilekey portap muusa,munachechemchi kutastay ako kwilatet,ntenekummwochi kule kulutink makoryontet. ¹⁰Ntene kingoioie ngalek che kimuyotich che kimengete ,ntene che kinget kuyowunto,karkey tyontya nye muyat am ngalek che muyotech. ¹¹leiye mii piko nyemuyat kulane cho kinam aret nyepo cain an ngurweye aratap mokoryontet kuyo kuwu ngalecha chekipo balaam.¹³¹²tsyanikwakwek am sakwontokap chemisyet,yoyie chek sakwet ako akwek ,kuboyyekey nyemanyokorech,chekwerut nye maponto peko kusitoti yomet ketit nye yommtos lokoyek kyi , maponto lokoyek kumee aret ayeny,kuchichut ako tikityek, Kitangkwar yometap nyanycha kitongkyikey kalilanta ,kusimsim kokelik,chokichityochi tuyintap menenet nyepo akokay.¹⁴Enok kunye kipo tisap am Adam kuworkoyen kumwowu kule mii kuchoni yeyintet ako chamanik kisherok taman. ¹⁵chokolilyochi(musangut) chek tokol cho kuwech tokol chokikowurta ako ngalalemwa nye wuiy nye king'ale neto. ¹⁶pichu kingunguntos anku poloti ankupashototii am muchesta mukuleywek kwa ang'u ng'olole am ng'alek che woyech kumii mornik ako piko che chorochini am poroyinto.¹⁷ntene chamanik asot ng'aleck che king'olole kanomiik, kutompo kuchoni mokoryontet yesu kristo. ¹⁸kuwulo kichemwotyowung kule mii piko nchochishi am poshoshok chepo letut, poshototii kuwulomaktoy sabonwek kwa. ¹⁹pichu kuche sutu chweyatet, pichu kupo koret, che maponto muyet nyetilil.²⁰ntene chamaniik atechakey nyetilil asomchinikeiam muyet nye tilil. ²¹aripkey am lemii chamishet ap yeyin akase ririk chepo yeso kristo am sabonto nyebo akokey.²²kiponte piko alake kisayta kupel alak. ²³alak kurarakay am muyetet am le mi mata alak kupel mata sirok am porwonik kwa.²⁴nee nye muche kuripink mesutye ankuparta taponyeng'ung taytap wonyi am ng'arakwek. ²⁵ne nye yeyin ng'otyonin karorokintenyo, kupunte yesu kristo mokoryontenyo. akany chikochi woyinto ako kayweyishet ako kamukeywek ako swamet, kucheke ako pantanyi akokay ayun nyoto.