Subiny: Bible, Unlocked Literal Bible for 2 John, 3 John, Ephesians, Jude, Philemon

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Ephesians

Chapter 1

1.Pawulo,mtworinyetap Yeesu Kiristo am chamatetap Yeyin,amu kumwochini neto chamanik chepo Efeeso anku choto kiche chikosekey amu wule mite Kiristo Yeesu; 2.Kalyetap Yeyin kumite ako akwekto ako tolosyetap Yeyin Baba,kupunte Mokoryontet Yeesu Kiristo.3.Katat Mokoryontet kwantap Yeesu Kiristo,amnye kikokatech kupunte muyet nye tili nye kichone kapYeyin. 4.Kuruptakey wulo kikwaytech neto kutombo kutowu sisinetap koret,ku kule chiku achek piko che tililech che machebonte sumnyontet amu taytap Yeyin amu chamatet.5.Kuyu kisum kukwayech Mokoryontet yo kitacheyuye lekoy ponon kupunte Yeesu Kiristo kuruptakey chemisyenyi. 6.Amu yoto chikostoy weritap Yeyin kikwiyech chechamtech amu chemisyenyi.7.Amu arit yoto chenyoru karorokin kupunte korotikyi chekikon chekeswech leliswekcho kupunte makoryontitap woyin nyi. 8.Amu arinyi ,kurongwech kalyet amu chong'into ako ngomnenet.9.Amu yu kisowech chenay chamatenyi nye ki wung'at kuruptakey ako wulo kimaktoy neto. 10.Kule ye kapuntochi posyosyek che makyintos,masa kururuch neto tukuk tokol chemite torot ako chemite ng'uny kukwek akenke amu Kiristo.11.Amunye neto nye kichenyortachek kantiysetap tukuk che kisum kukwiyta neto kuruptake yiyanik che kikwiye neto,kwiye neto nkit wulo maktoy. 12.Wuyo achek che kisum chiyentyi Mokoryontet Kiristo,kumakyini chikasta woyintap Kiristo.13.Wuyu yo mnenguny chi,alumte akwek ngolyontet nyepo manta,anku ngolyontet nye kisorwo,ntene amu letunyi achamchintee akwek kuyu yo kikoyenenok muyet nye tilil nye kisum chekurto. 14.Kuyu yo neto nye kitilya kantisyenyo ako kuyit posyet nye kanamekey neto pikyi tokol kumi werinyi kotororot.15.Ntene akony,yekwalum kuruptakey ako kayenengwong amu wule mite Yeesu ako chamanik tokol. 16.Mnayongtee asomwok akure kaynokwok amu sayenyu tokol;17.Kule Yeyintet kwantap Yeesu kiristo anku Baba nyoto nyepo woyinto tokol,kule masa kukonok muyet nyepo ngomnenet anku ngongwok anket neto koromun. 18.Nto konyakwok chepo kule sanket neto,masa chikwongwok sokunget anay tukuk chemite tay amu kantisyetap chamanik.19.Kuyu kweneto nye tase tay amu woyintap swamenyi amu achek cho kichecham,anku chiyentyi,ku swamet nyoto nye yisyi amu sobonwekyo. 20.Kuyu swamantinyo nye kimite wule mite Kiristo amu pesyet nyo kingete Mokoryontet meet ank woo kopurune yewutap tay amu kap Yeyin. 21.Kumite torot koromun paytoyisyenyi ako swamenyi amu swamenyi ako kaniya tokol nye chekure.Amepere amu korontenyi nkit,ntene akoy mbo koret nyo makucho.22.Amu yu kitor tukuk tokol ngunyitap karenkokap Kiristo anko kochi neto kukwek netitap tukuk tokol chepo kotap Yeyin. 23.Nye nas nyoto ku borinyi,nye kwe nyit neto nyo nyite tokol.

Chapter 2

1.Amu akwek,kisorwok neto amnye kikyabokwakwek amu lelutok ako miyotyonik; 2.Amnye amu posyosyok cho kikeyta,kuruptokey ako kaburtap koroni,kuruptoykey ako paytoyik ako swamanik chepo yomet nye miyat,nto yetakumite muyet nye miyat nye takumite kwiyisyi amu sabonwek chepo lekok che maponto kayweyisyo. 3.Kicheminy achek kwenutap pichu,kichebonte ngalalatet amu asiswek cho kikeyta chiye ngalek che miyotech anku chinyityini borto ako kasoteywek makatengwa kuyu wulo kicheyitech,chiku lekoy chepo nyerunatet,kuyu pich alak.4.Ntene Yeyintenyo nye mokoryo kot amu kisayta amu chemisyenyi nye woo nye kichamachek. 5.Mpo yo kikicheboku amu miyotyet,kuserwech anku yomech wanak amu wule mite Kiristo(kichesorwech amu kalyetap Yeyin;) 6.Kikongetech chepontekey anku torech chibur nguny amu koronin bo kipwongoy chebontekey amu wule mite Kiristo. 7.Amu kenyisyek cho kwoni,masa ko borwech neto mokoryontitap kalyenyi nye tase tay ako taponiyenyi amu wule chemite kupunte Kiristo Yeesu.8.Amu kalyenyi,kichirarachech, kupunte kayenenyi,amepere kichimuch achek nkit,ntene kakateywo nyo nye chone wule mite Yeyin. 9.Amepere kichone yiwutokcho,amunye kimuche chi take kungaskey kule kimuch nteo nkit. 10.Chikwachek katongutekap Yeyin,anku kitanyech amu wule mite Kiristo Yeesu,kule si chiyisyet nye tobon kuyu wulo kichepto Yeyin,masa chepasyet kuwu nyoto.11.Kuwu nyoto,machektos asot kule amu asiswek cho kikeyta,chayikwakwek saboy amu wulo bo borto nye kichekure kule mnachewon amu wonsetap borto nye chiye yewuniyekap chito. 12.Nto amu asiswechato,kitombo chenyoru Yeesu Kiristo amu sabonwekyo,nto yoto kichemite sang amu pororyetap isiraeli ankyiku too amu kurtoyotetap Yeyin,kumacheponte sabon nyepo tay,anku kichemite kupuryo Yeyintenyo amu koroni.13.Nto yat amite akwek wule mite Kiristo Yeesu akwek cho chamite wule loo amu wule mite Kiristo Yeesu.Kichekworwok kot alekititu kupunte korotikap Kiristo. 14.Kuyu yo neto ku tolosyenyo,kuyu yo kikwarwech chiku akenke ankiburyet totet nyo kimite kwenunyo nye kic hwiyech. 15.Kuyu kinum neto amu boor nyi bunnyiontit nye kichebonte anku weech ntarastinak che kimite sukunget amu piko ayeny kukwek akenke nye lel anku tilil,kunyoto nye kisutwech tolosyet. 16.Amu yoto kule ,kumach neto koyomech ako Yeyintetenyo kupunte boor nyi akenke nye kichewutyochi murtoywontet.Amu yoto,kubakach neto bunnyiontit nye kimite amu asiswechoto.17.Kunget yoto,kicho neto anku mwayta ngolyontet nye po tolosyet,kumwochi piko che loyech ako cho lekutech. 18.Kupunte neto,kukonech aret amu Muyet nye tilil akenke sukukwitita wule mite Yeyintet Babanyo.2219.Amu bantenyi,mayikwakwek piko che too che mukulech konyak,amayikwakwek piko chepo koret ake,ntene batey kule ayikwakwek pikap kapYeyin,apontekey chamanik chut alak. 20.Kuyu kichetechakwek amu sisinet nyepo mwoytoyikap Yeesu ako workoyik,anku Yeesu nye rwantet nyepo tekset nyepo taban. 21.Anku rwantanato po taban nye kichikamer rwantok chut alak sukutekakey anku kunar kapYeyin nye tilil amu wule mite Mokoryontet. .Anku wuloto wule kichetekenakwek kukwek koto nye mungot amu wule mite Yeyin kupunte Muyenyi nye tilil.

Chapter 3

1.Kupo ngalechu,ani Pawulo chito nye ratat amu wule mite Kiristo kubo akwek saboyik- 2.Nta ye chalum akwek amu asiswek chepo kalyetap Yeyin nye kikoytani wulo amite akwek.3.Kimii lane nyun sichengongwani nalek che wungotin,kuwu wulo chasilwok ani amu ngalechu che kingeri. 4.Amu yu yukesiman mase nket ngomnenenyu nyepo ngalecho wungotin chepo Kiristo. 5.Kuyu amu asiswek alak mnachiborchi werikap koroni kuwu wulo kichiporchinto workoyik ako mwoytoyik kupunune Muyet nye tilil.6.Kule pichu saboy makunyor chek kantiysyet, anku kwek chek akenke amu bortap Kiristo,kumite chek kokene kurtoyotet nye kikurtochi rubikyi kupunte ngalyontetap Kiristo. 7.Kuyu yo kichekono ani ayiku mwoytoyin kuruptoykey ako kakateywo nye kichekonune kalyetap Yeyin nye kikwiyisyeno kupunune swamenyi.8.Kucho wule amite ani mwoytoyintet nyo mning amu chamanik tokol che mingechech,kukono kalyetap Yeyin kule ayamte ngalyontet amu wule mite saboyik,lokoywek che machechenye nto chanyoru chepo mokoryontitap Kiristo. 9.Anku chengonkyi piko tokol kukas tilyanatet nye chebonte amu lokoywecha kiwung'otin kichake kichitany koret,kichewuny amu wule mite Yeyin nye kitany tukuk kupunte Yeesu Kiristo.10.Kuwu wulo maktoy ngalyontet amu pantanyi amu poytoyisyet ako swamanik che yisyi amu kapYeyin,makyintos kunketokoy kupunte kanisetap Yeyin. 11.Kuruptoykey ako makatetap Yeyin kupo sobonto nyepo akokay,ku makatet nyoto nye mite wule mite Yeesu Kiristo Mokoryontenyo.12.Amu yoto cheponte nyikaniyantit nye kwerech kusir kayenenyo amu wule mite neto. 13.Nto amu yu asomok kule mamuye kot amuste kuruptoykey nyalilta nye apuntani kupo akwek,kuyu woyinto nyingwong nyoto.14.Amu kuwu nyoto,akutunkyine Baba kwantap Mokoryontenyo Yeesu Kiristo. 15.Amunye pikyo tokol chemite torot ako chemite nguny,kiche kuchekurte neto. 16.Kunyo makyintos neto kukonok kuruptokey ako mokoryontap woyinto nyenyi,sukotitirok kupunte Muyet nye tilil,amu chito nye lel nye mite arinyachek.17.Kumii kule kuminy Kiristo mukuleywekkwok kupunte kayenengwong nye kisisinokoy anku kukoyto tikityek kupa nguny amu chemisyet, 18.Mache akwek aponte aret nye anketee tukuk, akwek ako chamanik tokol,anket poroyinto ako koyinto kuwo torot ako kuwo nguny. 19.Ako kule inket chemisyetap Kiristo nye keyte ngomunenet ake tokol sukunget konyiting amu wule mite Yeyin.20.Amu pantenyi,amu wulo mite neto,kuponto kamukeywek che wooyech kukeyte cho chesome achek nto che chisoti,nyoto swamet nye yisyi amu arinyachek. 21.Amu wule mite neto,mite woyintap Yeyin amu kotap Yeyin kupunte Kiristo Yeesu anku mite wunyoto akokay,akoy kukwit tabantap koret.Ayunyoto.

Chapter 4

1.Amu ani nyo charatakisye amu wule mite Mokoryontet,asomok kule apur anka pesyet amu aret nye yemektos kuwu wulo kichekurchok. 2.Kumite karektoyotet,ako taboniyet kumite muytayetet ako kalap yewunyekap piko chut amu chemisyet. 3.Muytochi sukuribokoy kupakrnke nyepo Muyet nye tilil,ku tolosyet nyoto nye kiyomok.4.Kumii borto akenke,kumii nkine muyet akenke,amu wulo kichekurtowech kakanet akenke. 5.Anku yu Mokoryontet kwa akenke,kayenenyo kwa akenke,kayenet akenke,batisanisyet ku akenke, 6.anku akenke Yeyintet kwanitap piko tokol ,che mite torot amu tukuk tokol,kupunte tokol anku mite tukuk tokol.7.Anku akenke Yeyinte kwanitap piko tokol che mite torot amu tukuk tokol,kupunte tokol,anku mite wule mite tukuk tokol. 8.Amu yoto kumwoy neto kule yekalangte awo wulin po torot,arat tokol che sutu ratisyet anka kochi piko kakateywek/kurabut.9.Amu yat kule kikulangta neto,kuporu kule amu po let,kirok neto kot kuyit ngunyitap koret? 10.Ku kule neto nyo kirok anku kweneto nyoto kulangta kuwo torot kukeyte polik tokol sukunget kunyitakis tukuk tokol.11.Kukochi pikalak kukwek mwoytoyik,kwek alake workoyik,alak kukwek amtoyikap ngalyontet,nto alak kukwek mosowek,anku kwek alake kanetik 12.Suku churta chamanik tokol kupo yisyetap Yeyin,anku tekakay bortap Kiristo, 13.Akoy kot che kwa wanak amu kayenet,ako ngomnenetap weritap Yeyin, suku tilyayakay chito kule yemaktos amu taytap Kiristo.14.Amu yu kimachiku lekoy che pre yomet kupaa wuli ako wuli,anku chiperpere kaneteywek che matabonech piko che mwinech anku mwomwokik; 15.Ngalalatet nyepo manta kumite chamisyet arit,kunare ngalyontono kot kurich wule mite Kiristo nye matinyachek: 16.Kuyemekey komoswokik tokol chepo borto,kukonu komoswok tokol chekwa kuruptakey ako boroyinmwa sukutekakay bortap Kiristo anku tororakay amu chemisyet nye woo.17.Amu yu,amwowu kule anka chururane wule mite Mokoryontet,kule kuchake yat anku chetas tay mente chepasyet kuyu wulo pasyetoy saboyik,amnye cho kule potyoyin amu wule mite kasoteywekwa. 18.Kubonto chek kanketet nye menen, piko che loyech amu wule mite Yeyinkule wechekey kukwek menen amu yu menket chek kiy,kuwu nyoto menenet nyepo mukuley. 19.Kitinyo chek tukuk che matabonech amu asiswek cho kikeyta,kuyu yo kitas chek tay kukwiy tukuk che murwonech,kubonto mbo morongyantit.20.Kitok kule mnanetkey akwek kunamakey ako sabontap Kiristo. 21.Yo katok kule chalum akwek kunamakey ako neto,kuyu yo kikonet neto tukuk chepo manta amu wule mite Kiristo. 22.Kule anumu anka wirte tukuk chepo sobonto nye kipo keny,sabonto nye miyat kuruptokey mwiynanet nye sutu muchastap borto.23.Anka tililkey,alelkitu amu mbo kasoteywekwok, 24.Anke lach sobonto nye lel nye lichitange yewunnyekap Yeyin che tililech.25.Amu yoto,chesomech kule chitor taban mwiynanet anku chengalal ngalek chepo manta,ngalal choto akwek kwakwek ako latyet. 26.Imuche nyeru, ntene meyiy ng'okis,mekany kot kurarakta asista kute yyiku nyerunot. 27.Amekochi boroyinto chekwol yitik.28.Chemwochi chorintet kule matechose,batey kule yiy yisyet amu yewunnyekuk sukunget nyoru kiy nye sekochi ake nye tang'ang'at. 29.Mekany kot kuchone ngalyontet nye miyat koteng'ung.batey kule ngalal ngalek che tabonech che muche kotoror kannyetap Yeyin,anku kochi kalyet piko cho makulumta ngalyontet. 30.Meyiy Muyetap Yeyin nye tilil kunarech,amnye nyoto nye makuyenech akoy pasyetap letut.31.Kany nas kunakta kupa wule loo amu sobon ng'ung mwonintap mukuley,sirmoyto,ng'alalatet nye miyat ako nyameyatet. 32.Ayichikey akwek ng'alek che tobonech,anka naam karektoyetapkey,anyochikey kaat leliswekwok,kuyu wulo kiku nyowok akwek Yeyin leliswokwok kupunte Yeesu Kiristo.

Chapter 5

1Ayukwakwek rupikap Yeyin,kuyu ayiku akwek lekok che chomok Yeyin. 2.Apasyet akwek amu chemisyet,kuyu wulo kichamtech Kiristo anku kon sobonngyi kukwek korosyo nye tobon amu wule mite Yeyin.3.Ntene sakwayanatet ako ngalek tokol cho matabonech,mente kutok amu sobonwekwok,kuyu mamakyintos kutok ngalek che yucho amu sobonwekap chamanik. 4.Makany ngalek che miyotech ako ngalalatet nyepo berberyo kutok amu sobonwekwok,batey kule makyintos apire konkoy.5.Amu yu anket kule,chi nyo yiye sakwayanatet,nto chi nye sokoron ako nyo soyoti kumannyan,amu manta matinye nyo paytoyisyet nyepo kapYeyin. 6.Mekany kot kuberbering chi ake tokol amu ngalekyi,kuyu amu ngalechato,masa kuporchi Yeyin sirmoyto piko choto kitay kurup ng'alyontetap Yeyin. 7.Mayiy akwek wulo yiytoy piko choto.8.Kuyu yo amu asiswek cho kipo tay,chamite akwek menenet,nto yat cha nyoru akwek lekweyet,makyini apasyet kuyu lekoy chepo lekweyet 9.(Kuyu yo matuntyantet nyepo Muyet nye tilil ku tabonnyetap Yeyin,ako tukuk chepo manta;) 10.Kutilyoy tukuk che chomtotin amu kapmokoryontet. 11.Mamite achek tilyanat ako yiyanik chepo menenet,ntene machaktos chelukte suku ng'ongkey. 12.Ng'al chu chepo kalilan che ngalole tukun che yiyaktos amu wung'an.13.Amu tukuk choto kiche lukto,korukey amu lakweyet,amu nye cho kakoborkey,kakwek lekweyet. 14.Kumwochi neto piko kule "akosu akwek cho aruytosi,anka ngetye meet,masa kunget kukonok Kiristo lewkweyet.15.Akas nas wulo apasyetoy,mapesyet kuyu pich che berberech,apesyet kuyu pich che ng'omech. 16.Amwowok kule ararach asiswek kuyu posyosyek chutechu che muyotech. 17.Mapur yu pich che maponto ng'omnen,batey kule anket makatetap Mokoryontet.18.Mapokitye patey,amu mayek che chang,ntene acham konyitak Muyet nye tilil. 19.Angololyinikey akwek amu aret nyepo tumwon chepo moot,anka tumchinikey tumwonik che ponte Muyet nye tilil atumchini Mokoryontet. 20.Apre konkoy akokay amu tukuk che kikwiwech Yeyin kupunte kaynetap Yeesu Kiristo Mokoryontenyo. 21.Anka lumtochinikey akwek kwakwek nkit,amite ayweyi Yeyintenyo.22.Koruchu,ayway sanikwok kuyu wulo ayweytoy Mokoryontenyo. 23.Kuyu yo santet ku metit nyepo korko kuyu yo metit Kiristo nyepo kotap Yeyin,anku neto nye kisor borto. 24.Amu yu kiyway kotap Yeyin Kiristo,mbo akwek koruk,ayway sanikwok amu tukuk tokol.25.Sanik,acham korukwo kuyu wulo kichamta Kiristo konyi po Yeyin anku koyto sosbon nyi kupoyit kotap Yeyin. 26.Kukway anko tilil neto konyi amu sitatetap peko chepo ng'alyontet. 27.Suku ng'et neto kukochikey kaniset nye ponto woyinto ,nye maponto tusya,nto tukuk alak,batey kule kumite kutilil nye macherenye.28.Kumache kule kucham sanik korukwa kuyu bormwa.ku kule chi nyo chame korkenyi kuchamakey neto nkit. 29.Kuyu mami chi nye kitay boor nyi;chame chi anku baye boor nyi,kuyu wulo kichamta Kiristo konyi. 30.Kunyi achek cho chepoye boor na po Kiristo akoy mbo kowokyi.31.Amu arantinyi,makung'et marono kubakakta kwaan ako kameet anku tuyo ako korkenyi anku kwek chek borto akenke. 32.Ng'alyontet nyi nye wung'at nyepo kwong'ut,ntene amite amwpye kunamakey ako Kiristo ako [kaniset]. 33.Amu yutuyu,kany nas chi ake tokol kucham korkenyi kuwu wulo chamtokey neto,nto koruk koyway sanikwa.

Chapter 6

1.Lekok,ayway sikikwok amu wule mite Mokoryontet Yeesu kuyu wulo churtotin ngalechato. 2.Yway kon ako komit,amnye ntarastit nyoto nyepo tay nye tinyo kurtoyotet. 3.Anku choto makutabanit amu wule amite akwek ,anku kule masa miny akwek nye kooy amu koroni.4.Nta akwek mbo baba,menta ryonkyi lekokwok kot kunyer.batey kule akworu moot kuyu wulo maktoy Mokoryontet.5.Nta akwek bakasinak,ayway mokorenikwok chepo koroni anka anyokoritu anka botontye amu mukuleyto akenke,kukarkeyitkey nye amite ayichini Kiristo. 6.Meyiy kiy kule sichekasa,kuyu wulo yiytoy pikap koret,batey kule keyiy kuyu bakasintetap Kiristo,mite yiyee kumakatetap Yeyin anke yiy amu mukuleyto akenke. 7.Yiy yisyet nye tobon,mayu yo kachitisying yiy yisyet,yichi Mokoryontet,amepere chi. 8.Mache nket kule kiy ake tokol nye kikwiy chito tobon,kuwuchoto cho makwiwung Mokoryontet,nkol mite ratat nto yiku tyakat.9.Nto akwek mokorenik,ayichi nkakwek piko kuwu wulo kikwiwok,mapolyini piko batey,anketi akwek kule mite mokoryontinigwong torot wule machi ywaye chi nye teer amu piko chut alak amu kapYeyin.10.Nyepo letut chamanikyu,amwowok kule atitir amu wule mite Mokoryontet ako swamenyi nyo woo. 11.Alach karikap poryetap Yeyin,sukunget amukte swamanicha po chepwol yitik.12.Amasot kule chemite chemwole chi nyepo koroyi,ntene chemite cheporye paytoyisyet ako swamanik che miyotecha,ako paytoyik chepo koret nyepo menenet,muyosyek che miyotech,nto yu kaayi wunyoto masa ayongisye. 13.Amu yoto,alach karikap poryet tokol chepo Yeyin sukunget ayongisye amu posyosyok chutuchu po muyosyek che muyotech,nto yu kaayi kuwu nyoto masa ayongisye.14.Ayongisye wunyoto ,kukaratekey porowet nye poru ngalekap manta,alokyi takeet sanitap karnet kuporu nyoto ngalek che chulotin, 15.alokyi mbo karenkok kwoyok che yeme kusut ngalyontetap Yeyin nyepunte tolosyet wule mite piko alake. 16.Amu kiy ake tokol,alach longet nye ripe kayenet,nto nyoto kunye masa koomis kotyek che loyotin chepo punnyontet.17.Anka lokyi meetit yelmet nye wuuy nye poru kararokisyet,anka naam jokitap muyet,nye nyoto ku ngalyontetap Yeyin. 18.Kumite somutok ako somset,akochikey sabanet asiswek tokol amu muyet.amite awonyi,asomok kule asomchi chamanik tokol chepo Yeyin.19.Asomwani mbo sukukono Yeyin kiy nye mamwowu,samwayte amu aret nyepo nyikannyantit ngalyontetap Yeyin-angonkyi piko konket tukuk che wungotin. 20.Kuyu yo ani nye mwotyoyintet nye ratat kule samwayte amu nyikannyantit,samwayte kuyu wulo maktoy/makyintos angalal.21.Sukumach mbo kule anket akwek tukuk che ayiye ani,anket wule ayiytoy ani ,Tayichiko,tupche nyu nye chaman anku mwoytoyin neto nyepo Mokoryontet,masa kumwowok anku kuporwok tukuk tokol. 22.Kuyu yo kayoku ani chakukwiyisyet nye karkey nyenyu,masa kuporwok tukuk che chiyachek sukunget kutitir mukuleywekwok.23.Asome tolosyet kule kumite wule mite tupchosyek,kumite chamisyet nye chontoy kayenet amu wule mite Baba Yeyin ako wule mite Mokoryontet Yeesu Kiristo. 24.Kalyetap Yeyin kumite wule mite chek cho kicham Mokoryontet Yeesu Kiristo kuchone mukuleywekwa arit.Ayunyoto.

Philemon

Chapter 1

1.paulo nyo ratat kupo yeso kristo,ako tupchet temetewo,kupuntochi filimon,chorwenyo nyo chitap yishet ako achek, 2.ako afia chebya,ako achifas tupchet chitap poryet,ako kotap sayet nyo chetuytos kangung. 3.kupuntyok kalyet ako toloshet nye chone wule mite baba ako mokoryontet yeso kristo.4.akokay akostoy yeyin atwochok am sayet, 5.amnye alume kuruptokey ako kayenet nye ponte am wule mite makoryontet yeso kristo ako chematet nye ponte pikyi cho tililech. 6.Asome kule mwatyayetap kayenengung kutastay sukunget kule nget koromn kiy ake tokol nye tupon am wule mite kristo. 7.Kunyo aponte ngarakwek che chang anku yiku titirot kupo chamishengung, amunye kingetnget nyi piko noo tupchet.8kunyo, amuche asoti kule ayeku nyikan am aritap kristo samwowok kiye machaktos ayi, 9.ntene am chemishet amite tasomok kule ,ani paulo, kawoiyitu,anka yiku ratat bantenyi kupo kristo.10.amite asoming kupo werinyu onesimo nye kya siche rotutok. 11.nye onesimo ku kumopo laatt am wule mite nyi,ntene bantenyi kupo laatik am wule mite nyi ako ani. 12.Kwa yoku akeny wule mitenyi; chi po mukuleyngyu. 13.nye kita aburtokey,kimuche takokalya am kapratishokupo yishetap mwatyayet.14.ntene akoy kot cham nyi mamuchani ayi kiy ake tokol ameyek kule kakekerching koong ntene kukecham kumochamishengung. 15Ankol kumyening amu poroyin nye kisich suku kotkey wule mile akokoy. 16Amepere toku mtworin bate ntene pele mtworiontit yeyangong misin amo wule amite ntene koromun am wule mite nyi am borto aako wale mite mokoryonted17Yo kase kule yeku chaman amu wule amite, toroch naas kama anito. 18Yo kikowurtowung akiy ake tokol nto yoche pesento yiityani. 19Ani nyo Paulo kasile awungu makotung pesenaa amepere kakerechi mkuleyung kong. 20Kunyo ngetapya amache lati amu wule mite nyi ako wule yeyin. Nget nget mukoleynyu amu wu;e Christo.21Akosekey kayweyishengung, Asulung nyi ankati kule che ketye chokamwowu. 22Amu asiswek che yemotin yityowo kotap toyek nyeng'u. amunye akosikey kule kupunte somutwokok maacho yech wule amite akwek.23Efafras tupchet nye chiku rototine amu aritap Yesu, kakosupayakwek. 24Marcus, Aristachas, Demas, Ruka, tupchoshek che chiyishitokol kosubois. 25Kalyetap mokoryetenyo Yesu Kristo kuportokey muyengmwong. Ayunyoto.

2 John

Chapter 1

1Bontet wulemite kwayanet chepiya ako lekokyi che ameche am manta ankumepere chek nkit ntene ako tokol cho kikonket manta. 2Kupo manta nyomite wule chemite anku masakumite wule chemite akokay. 3Kopur kalyet ako akwek kisayta ako tolosyet kuchone wulemite yeyin baba ako mokoryontet Yesu Kristo wertap baba am manta ako chemisyet.4Kyang'arach koromun anyoru kul pesyetote lekokuk chepo manta wulo kichenyorunta ntarastit kuchone wule mite baba. 5Kunyo chepiya kasoming yat ankupurye kokonu ntarasti wule mite nyi ntene nyo kicheponte kungete kule chechomnye. 6Ntarastit nyitinyi kule cepesyetate kuruptakey ako ntarastit.7Kikwa mwinotik chechang koret che momwowune kutuwakwakule kicho Yesu Kristo koret am porto. Nyitinyi kunye mwin anku machame Kristo. 8Akas akwek nkit kule mapoot tukuk cho kyanyoru ntene monyoru ropoywo nye nyitat.9Chi ake tokol nyo mosoktos ankutay mepur wulowu konetisyet nyepo Kristo kumopontekey nyo yeyin. Neto nyo pure wulo wunto konetisyetap Kristo kuponto nyoto tukway baba ako werit. 10Yeketepe kot kucho chi wule omite anku machontoy kanetisyoni matoroch neto kong'ung' nto kowut kong'ung'. 11Ake tokol nyo katoroch neto kukayamta miyotyenyi.12Aponte tukum chechang che aperentasil ntene meyeme asile palakya ako winet ntene akosikey kule acho wule omite sang'ololwol tokoch ako tokoch sukung'et kunyi chemisyenyo. 13Supoyok lekok chepo chepiya kwayaneng'wong' yunyoto.

3 John

Chapter 1

1kuchone wule mi pontet akoy wule mi Gayo chamanet nyo acheme nyo amu manta. 2chamanet asomuung katakishe amu ngalek tokol angutobonit barngung ku wulo wu mukuletyo nyengung. 3wuye kyangarach alum muchuruantit nye kungwowu mboyaya kuruptakea ako manta nyengung anku mite weti amu manta. 4mabonte ngarakwek kopol chu alum le peshetos amu manta lekok kyu chepo muyet.5chamanet miteporu kakasetapkey yo mite kolyoy chamanik ako toik. 6kuchinum muchurugutit nyepo chemishet am kotapsaet miteyie nyetopon kolioy mbo ako pesnikap aran chepo toek. 7kupo kanyet ta yesu kuba kumunanam kiy ake tokol amu piko cho munachamta. 8kunyo maktos chitorochi piko chewuchu sikunget chichine chemwoitoi manto nyepo mokorionted.9kasulung akoluket amache amwowung ngolyo ntene Deodrefe chi nye yiekey le kantoin am taitap chamanik machamchintos ako ani yohana ako chamanik cho chepontekey. 10kunyo yakocho masoy yeyutekyi cho mi kukwiye wulongololtoy nye miyet amu achek. metoro kishi kwete ne chamanik cho kwoni.11chamanet Gayomemuste miyotyet ntene muste toponiet nyo yiye toponiet kupo yeyin kupo yeyin nto nyo yiye miyotiet mnachamta yeyin. 12kuchinumchi Dimetrio muchuruantit piko tokol ako manta nkit mbo achek kuchekas.13aponte ngal che chang che kamuchi asilung ntene machame asilung amu kalamut nto (winet). 14amite akeni akasing amu lekito sichengalal anchekaskey tokoch ako tokoch. 15kalyet kopur ako akwek choronutokcho apontekei amu yu kakusupaing nte yech asupoyi choronutok am kanienyi.

Jude

Chapter 1

1.Yuda,mutworintetap yesu kristo,ako mutakwamutitap yakobo,che kichitilil am lemi yeyintet baba,ako kichitapan am lemi yesu kristo,ankukurotin. 2.Riirik ako,tolosyet;ako chamisyet kutastakey am woyinto. .43chamanenyu,yo kyasulwok am ngomnanet rengatet nyepo kwak kuyamakey am wulemitenyi ,sukutitiring am lemi kayenet am lemi piko alake. .kimii piko alake che kiwowkey che kimii kutompo ngopset nye kipotay che kichitilyochi [musangut],piko che kimenget yeyintet,kuweche kalyetap yeyin am muchastap porwonik kwa kutaye yeyintet ako mokoryontet yesu kristo.65makochok kasoteywek kwanii kupaye changet ngalechu kuwule kirarakta mokoryontet piko am koretap misiri ankwaranta piko che kimachamchintos. malayikanik cho kimunarip lekimunye kuche kontorchi chek rotutok am menenet kukene[musangut] am posyono woo.7kuwu sodom ako gomorrhaako kirinkosyet che kikochikey kukwiny martayet ako sokoryantitkichikochi chikarkeye ,ako nyalilta nyepomat nyepo akokay. 8Ntene piko chepo kirwotik cho muyotich kuwirtoy porto ankunkunumtoy poytoyisyet ankungolole nye muyat.9Ntoyech malayketap poryet mikayeli kukwilekey portap muusa,munachechemchi kutastay ako kwilatet,ntenekummwochi kule kulutink makoryontet. 10Ntene kingoioie ngalek che kimuyotich che kimengete ,ntene che kinget kuyowunto,karkey tyontya nye muyat am ngalek che muyotech. 11leiye mii piko nyemuyat kulane cho kinam aret nyepo cain an ngurweye aratap mokoryontet kuyo kuwu ngalecha chekipo balaam.1312tsyanikwakwek am sakwontokap chemisyet,yoyie chek sakwet ako akwek ,kuboyyekey nyemanyokorech,chekwerut nye maponto peko kusitoti yomet ketit nye yommtos lokoyek kyi , maponto lokoyek kumee aret ayeny,kuchichut ako tikityek, Kitangkwar yometap nyanycha kitongkyikey kalilanta ,kusimsim kokelik,chokichityochi tuyintap menenet nyepo akokay.14Enok kunye kipo tisap am Adam kuworkoyen kumwowu kule mii kuchoni yeyintet ako chamanik kisherok taman. 15chokolilyochi(musangut) chek tokol cho kuwech tokol chokikowurta ako ngalalemwa nye wuiy nye king'ale neto. 16pichu kingunguntos anku poloti ankupashototii am muchesta mukuleywek kwa ang'u ng'olole am ng'alek che woyech kumii mornik ako piko che chorochini am poroyinto.17ntene chamanik asot ng'aleck che king'olole kanomiik, kutompo kuchoni mokoryontet yesu kristo. 18kuwulo kichemwotyowung kule mii piko nchochishi am poshoshok chepo letut, poshototii kuwulomaktoy sabonwek kwa. 19pichu kuche sutu chweyatet, pichu kupo koret, che maponto muyet nyetilil.20ntene chamaniik atechakey nyetilil asomchinikeiam muyet nye tilil. 21aripkey am lemii chamishet ap yeyin akase ririk chepo yeso kristo am sabonto nyebo akokey.22kiponte piko alake kisayta kupel alak. 23alak kurarakay am muyetet am le mi mata alak kupel mata sirok am porwonik kwa.24nee nye muche kuripink mesutye ankuparta taponyeng'ung taytap wonyi am ng'arakwek. 25ne nye yeyin ng'otyonin karorokintenyo, kupunte yesu kristo mokoryontenyo. akany chikochi woyinto ako kayweyishet ako kamukeywek ako swamet, kucheke ako pantanyi akokay ayun nyoto.