¹Baneni mbee bosobosirye eghagha kwa mshururye jyoloterya kwa bibugu bilya bisubererigwe, ²Akola bulya batuhere eshe. ebokela mbele tule bejibe ba meso na bamilemo ba ekalaga. ³Obyo nanye sei baada yeraberya kwa bujaregu kirunelu kya bibugu bibi byonse ebokela mbele mbabana ndijaregu sei kwawa ekwandekela n kwetubagerye lyehe musokwe muno Theofilo. ⁴Ebuga ubane bwemanya saba ya bibuigu jalya wamanyerewrigwe.⁵Kwa nkya jya Herode, Mwekorani wa Yudea , hale kuhani muziza atyerwe Zekaria , wakijomi kya Abyia . Mkehe abokire kwa banabaka ba Haruni, ne ebina lyehe abugelagelagwa, Elizabeti. ⁶Bonse bale nsaba bushone bwa Mugwe ; bageraga batiekalagya kwa Kioloteryo jyionse na Maagizo jya Mwegeri. ⁷Ale batyale nabana, kwekola Elizabeti ale zono, na kwa ngara eno bonse babele bale bamalakolo muno.⁸Ryolo lyabererere Zakaria ale kwa buleho bwa Mugwe aghayatyie milemo yehe ya Kikuhani ghai butaratibu bwa galanda yehe. ⁹Bwebulya yale gitemi kya ktyobo kya lobola kuhani akalobolwo kwa kura eshala ghorowane ya Mugwe asuba akadughadya uvumba. ¹⁰Leda lyonse lya bantu nyehelaga kaane gero yedughandya uvumba.¹¹Ryolo malaika wa Mugwe nakehumela eme hara ya kubulyo ya Madhabahu ye ndugandya. ¹²Zakaria kadekanya bulya amubande ; edekanya likamugwela . ¹³Ale malaika akamubiela , "Habe ryala Zakaria, ghai ehela lyajyo ndibojigwa mkajyo Elizabeti nakekubyalela Mwana ebina lyehe ukemtyela Yohana."¹⁴Ukeba ughamere ne tutuma ,Na baneni mbake ghamela ebyalwa lyehe. ¹⁵Kweba akeba mkolo bushone bwa meso ja Mugwe atimune yenywa Difai ngale kantu kalolo na akeba ojorigwe Nkolo Mseri ebokela Kiburi nane kya ng'ina yehe.¹⁶Na bantu baneni ba Israeli mbake hodolwa kwa Mugwe wobo. ¹⁷Akeegera bushone bwa busho bwa Mugwe kwa Nkolo na nguru jya Eliya. akaghajya obyo ebuga ajokye nkolo jya babaa kwa bana ebuga balya kwa balya batwedekere bagerele kidemi kya balya bale nsaba akighajya obya agitela tayari kwa Mugwe bantu balya baloborwe kwe ebuga yehe."¹⁸Zakaria akabyiela Malaika , "Nkemanya bo lele? kwekola niye nde ghoerobana na mkawa bilemela byehe mbineni muno." ¹⁹Malaika akamujokyerye na akamubiela, "Niye nde Gabrieli, olya njemaga bushone bwa Mugwe natomirwe ekubyela. Ekuletela kusikelo kwa kuholo. ²⁰Na raberya utumune egamba , ukesiza , na utihiketye egamba mbaka nkyelya bibugu bibi bikeghubuka lele mbulya walemirwe ojya makalaga jawa jilya jakehika njakeba jakeghaigwa gero ihikire.²¹Ryolo bantu babetiga Zakaria. mbadamirigwe ghai enyuntagwi muno hekaluni. ²²Ale bulya ahumire kaane , atandi ehikya egamba nabo . bakamanya buga abana Maono leleabale hekaluni. akabanishagya Ishara ale wa zisire. ²³Ikaba nkya jya galanda yehe bulya jya sire akehondola kwa mwehe.²⁴Bulya Zakaria ajokire kwa mwehe eboka galanda yehe hekaluni. Mkehe akebala kiburi. Nene atandi ehuma mwehe ngero jwa muriri eshanu akebuga, ²⁵"Lele ndyo Mugwe abagharya andamberirye kwa lukondo ebugwa anjikerye nsoni bushone bwa Bantu."²⁶Ryolo, ghai mweri jwa sita jwa kiburi yaElizabeti , Mugwe akamubyiela Malaika Gabrieli gera kwa mujye jwa Galilaya jubugwa Nazareti, ²⁷Kwa bikira olya agambirwe nwabalome ebina nihe akolagwa abyelagwa Yusufu. Wo nwa wa kijomi kya Daudi, na ebina lya bikira oyo abugwa Mariamu. ²⁸Akeja akamutuba akamubyiela , "Salamu, wee uhere sayo jikolo! Nkolo Mugwe naghamerigwe. nwe". ²⁹Ale makalaga jaka , ale akengiradwa makala ja malaika na atandi emanya shenke malaika abuge Salamu eno ya maghabu kwehe.³⁰Malaika akamubyiela, "Haberyala , Mariamu, mamuna ubana sayo eboka kwa Mugwe. ³¹Na Raberya , ukebala kiburi nane kyayo na ukebyala Mwana. nawe ukemutyela ebina lyehe 'Yesu'. ³²Akeba mkolo na akebugelwa Mwana wa olya ale kwegolo muno. Njaghamba Mugwe akemuha horiga enzi ya Daudi Yese ³³Akeba mwegeri wahara ya kijomi kya Yakobo kala na kala na bwekorani bwehe.³⁴Mariamu akamubiela Malaika, lele likija boo ghai ntani eng'ore elalaga na wabalome rari omwe? ³⁵Malaika akamujokerya na akamubiela, "Nkolo museri nakeja egolo lyajyo na nguru jya ulija ale kwegolo muno njikeja egolo lyajyo. ryolo, kiseri kya byalwa kike ebugelwa Mwana wa Mugwe.³⁶Na raberya, mondogo wayo elizabeti ale kiburi kwebyala mwana wa umuri bwehe mug'oroba jojo mweri jwa sita kwehe olya olya abugelagwa zono. ³⁷Ghai hati kilya kilemaga Mugwe." ³⁸Mariamu akabuga "raberya , niye nde mimilemo wabaka wa Mugwe tiga iba byo kwawa sawa sawa nekalaga lyayo."Asuba malaika akamuhaba.³⁹Ndyo nkya jyene mariamu aroherere egera akagera nse ya bigita hale mujye kwa nse ya Yuda. ⁴⁰Akajya kwa kaya ka Zakaria ne akagasha ELIZABETI. ⁴¹Ryolo, ngara ikahika bulya Elizabeti abojirye Salamu ya Mariamu, mwana alaknkela kiburi nane nkyehe, na Elizabeti akajazwa ni Nkolo Museri.⁴²Akaghamba kwero lyehe Akabuga kwero likolo , nubatemandigwa wa muno kulya kulebaka , na mwana olya ale kiburi nane kyanyo na temanderigwa. ⁴³Na kubaba bo kulyande ebuga , ng'ina ya Mwegeri wawa yahikerere eja mwawa? ⁴⁴Kweba Raberya , bulya mwakelejawa jabojirye ero lyegashanyaa lyayyo, Mwana kiburi nane kyawa akakela kweghamela. ⁴⁵Na natemanderigwe wabaka ulya abugwa endekere ebuga kukeghubuka saba ya makalaga jajo abyere eboka kwa njaghamba."⁴⁶Maeiamu akabuga, nkolom nane yawa ighorate Mwegeri, ⁴⁷Na nkolo Yawa nighamere kwa Mugwe mhonokya wawa.⁴⁸Kwa mamuna nabamiraberya hali ya mumilemo wehe wa baka, Raberya ,ebokela rolo kwa lubyalo jyionse bakembugela mtemandigwa. ⁴⁹Ghai olya abamhikirye abaghajya bibugu bikolage kulyande. na ebina lyehe nde museri.⁵⁰Rehema yehe etolaga eboka lubyalo na lubyalo kwa balya bamusokire wo. ⁵¹Abanisha nguru kwa kuboko kwehe ; abajaraganiya balya babeghoraga kwekola ya Mawazo jya nkolo jyobo.⁵²Abahorokya nsebana ba Bwegeri eboka kwa horiga jyobo jya enzi nebokya kwegolo balya hali ya kwanse. ⁵³Akaghejisha balya bale jalo kwa binto jijaregagu. Ale masabi akajaheda nan miboko njiwa.⁵⁴Abahumya msaada kwa Israeli mumilemo wehe, ebuga eterya rehema. ⁵⁵(Bobulya abugire kwa babaa) kwa abrahamu na lubyalu lwehe lwonse kala na kala."⁵⁶Mariamu anyuntirye na Elizabeti mweri jihikerere edato obyo mbyo akehondola kwa mwehe. ⁵⁷Ryolo nkya jikahika jya Elizabeti jya byala mwanihje. Na akabyala mwana wa balome . ⁵⁸Bahara behe na ndogo jyehe akojya bulya njaghamba ibakorya rehema jyehe . na bakaghamela hamwe nene.⁵⁹Ngara ikahika nkya ya kanana ebuga baje bamurade mwana. lyuabahikerere emtyela ebina lyehe "Zekaria" kwetalela ebina lyese, ⁶⁰ale ng'ina akajokya akabuga, "Yango; aketwelwa Yohana." ⁶¹Bakamubyiela hati rari omwe kwa ndogho jyajyo abugelagwa ebina lele"⁶²Akagharya ese eng'asa ebanisha wo abakondaga ebina abakondaga atelwe boo. ⁶³Ese akakonda kibao kyandeka, na akandeka, :Ebina lyehe ni Yohana." Bonse bakadamigwa na lele.⁶⁴Hatighana kanye kehe kakahingolwa na luleme lwehe lukakelya huru. akaghamba akaghora Mugwe. ⁶⁵Ryala ikeja kwa bantu batore hadinko nab bobakandeka nywe. makalaga njene jaka manyekana nse yonse ya ngita jya Yuda. ⁶⁶Na balya bonse babojirye baka jarendela nkolo nane jyobo , babugate , "Mwana oyo nwobo?" ghai kuboko kwa Njaghamba kule hamwe nene.⁶⁷Ese Zakaria akaojolwa na Nkolo Museri na akahamwa unabii, akabuga, ⁶⁸"Njaghamba, Mugwe wa Israeli , naghore, Kwa bulya abarasherya na akaghererya buhonokya kwa bantu behe.⁶⁹Abatubokerya mbale jwa buhonokya kwa nyumba ya mumilemo wehe Daudi, eboka kate kobo bakijomi kya Daudi mumilemo wehe, ⁷⁰Bwebulya abugire kwa kanywa kanabii wehe balya baleho kwa nkya jya kala. ⁷¹Aketuhonokya eboka kwa bahoma beto neboka miboko egolo jya bantu balya batusore.⁷²Akeghajya obyo kwebanisha rehema kwa babaa ,neteterya ekeranda lyehe liseri, ⁷³Kiapo kilya abugire kwa ibarahimu ese lyeto. ⁷⁴Apire amanyekana ebuga libahikerere egharya wo hati budeki , baaada ya honokigwa eboka miboko jya bahoma beto. ⁷⁵Kwa buseri na nsaba bushone bwehe nkya jyeto jyonse.⁷⁶Ndyo , nawe Mwana, ukebugelwa nabii wa olya ale kwegolo muno, kwa bulya ukegeraga bushone bwa busho bwa njaghamba ebugwa emugharya nkondo , egharerya bantu kwa ajili yeja lyehe, ⁷⁷Ebagharehiia bantun behe ebuga , hakehenokigwa kwa nkondo ye samehewa gh'adaba jyobo.⁷⁸Lele likeja kwa bulya ya Huruma ya Mugwe weto, kwa bulya elya roba eboka kwegolo likemanyekana , ⁷⁹Ebasha kwobo balya banyuntagya kirimamu nane na kwa uvuli bwa Lukyo. akeghajya obyo kwetumbagerya magolo jyeto kulya kule nkondo ya sayo."⁸⁰Ryolo , mwana oyyo akola na akaghajya nguru nkolo nane na akanyuntya kwa bwero mbaka nkya eghubukya lyehe kwa Israeli.

¹Ryolo kwa nkya jyene, ebokire ebuga Kaisari Agusto ahumirie agizo akemanyererya ebuga natore nsensa jya bantu bonse nseeno. ²Eno yale ni sensa ya mbele yaghayedkire lilya Krenio ale Gavana wa Siria. ³Mbyo kila omwe akagenda kwobo kwa mujyene eandekwa sensa.⁴nene Yusufu eng'ora wo abokire kwa mujye jwa Nazareti kokyo kwa Galilaya akagenda Yudea kwa mujye jwa Bethlehemu, jumanyekande mujye jwa Daudi , kwekola abokire kijomi jya Daudi. ⁵Agerire kokyo ejandeka hamwe na Mariamu , olya ale abugwa agambirigwe akolagwa araberatwi ebana Mwana.⁶Ryolo likabelela ebuga , bale kokyo ngara jyehe jwe byala mwana njibahika. ⁷Akabyala mwana wa balome, mwanihe wa Rigizazi. Akamringela ngobi myubele jwehe Mwana ahabeojya muyaga ndyo akamudaghara muringa jweragerya binto bya bujoya ghai nyumba jya bageni jityale nafasi.⁸Kwa hanyu hene hale bakijori batore migondegolo barendelaga kimuhyo kya ng'ondi jyobo nabudi. ⁹Hating'ana , Malaika wa Mwegeri akabaghubukela , buseri bwa Mwegeri bukasera ebarongosha , na bakadekanya muno¹⁰Ndyo malaika akababiela , "Haberyala, kwekola mbabaletela masikelo ja kuholo jalya jya keghamerya muno bantu bonse. ¹¹Nkyeeno Muhonokya nabyalwa kwa ajili yenyu mjyene jwa Daudi! nwo Ni Kristo Mwegeri! ¹²eno nyo eng'asa, elya mkehebwa , mkekola mwana abekirwe ngobi na arare mringe egolo jweragerya binto bya bujoya."¹³Obyo hating'ana kukakolwa na masau janeni jwa kwegolo jakengirana na malaika onyo bakaghora Mugwe , babugate , ¹⁴"Buseri bwa Mugwe olya ale kwegolo muno, na sayo nikolwe nse yonse kwa bantu balya bamughamerya nabo."¹⁵Likabelela ebuga Malaika bulya bekere egera kwegolo , bakijori bakaboranya bene kwa bene, "Tugendeni ryo kwa bethlehemu tukabane lele libaghubuka . Ghai kyo Njaghamba ibatubyela." ¹⁶Kokyo bakarabasha na bakola mariamu na Yusufu, na bakola mwana arare mringa nane jweragerya binto bya bujoya .¹⁷Na bulya babande obyo , bakabyela bantu bulya babyerwe kulya kule mwana. ¹⁸Bonse balya bojyirye kusikelo koko bakabana kilya kibabugwa mbakijori. ¹⁹Ale Mariamu akaendelea eteteragia jalya jonse asubire ojyi akaja beka nkolo nane yehe. ²⁰Bakijori bakajokya batukuzate Mugwe nemughora kwa ajili ya Bibugu bilya byionse bojirye nebana bobulya bya bugirwe kwebo.²¹Bulya yahikire nkya ya kanana yale ni ngara yemrada mwaana, Bakamtyela ebina Yesu, ebina lilya asubire ehebwa Malaika ebokela kiburi kitandi ebalwa.²²Asika jikahika nkya jyobo jye serye angana na kioloteryo kya Musa , Yusufu na Mariamu bakamuhira ng'orowane kokyo kwa Yerusalemu emuhira bakamugitele bushone bwa Mwegeri. ²³Bobulya yandekirwe kioloteryo nane ya Mwegeri , "Kila wabalome warigisasi akebugelwa ulya atemaderigwe kwa Mwegeri." ²⁴Na bobyo bajire ehumwa sadaka anganya na kilya kyabugirwe Kiloteryo nane ya Mwegeri, "Makunku abele nanga bana babele benkunku."²⁵Raberya ,hale monto Yerusalemu ebina lyehe abyelagwa Simoni. Monto oyo ale saba ehelaga Mugwe . Woo abetelaga muhaundya wa Israeli na Nkolo Museri ale nene. ²⁶Nasubire ebanigwa ni Nkolo MUseri ebaga atumune ekya ake eng'orebana Mwegeri Kristo.²⁷Nkya emwe akaja hekalu nane aheterwe ni Nkolo Museri . Bazazi behe baletire mwana, Yesu, emugharya jalya jahikerere gitemi kya kioloteryo, ²⁸Ndyo simioni akemuhebwa byalegolo byehe, akang'ora Mugwe muno na abugate, ²⁹"Ryolo Mwegeri nsegera mtomwa wayyo agere na sayo , egerana nekalaga lyayyo.³⁰Kwekola meso jawa jabana buhonoku bwayyo, ³¹bobulya bwabanwo meso jabantu bonse. ³²Woo bwelo buseri kwa ajili ye hingola matongo na buserri bwa bantu ba Israeli."³³Ese na ng'ina ya mwana badamirigwe kwa makalaga bilya bibugatwe kulya ale. ³⁴Ndyo Simioni akabatemandya akabwela ng'ina yehe Mariamu, "Tegerya bujaregu! Mwana oyop akeba bulya yopba nanga ehonoka kwa bantu baneni oho Israeli na ni eng'asa ikelagwa bantu baneni . ³⁵Ghai ndubaga lulyalukejagha na nkolo nane yayo mwene, ebugwa mawazo jya nkolo jya baneni jabanekane ".³⁶Nerago wabaka abugwa Ana nene naleho hekaluni woo ale Mwana baka wa fanueli abokire Kabila ka Asheri. Ale na bilemela bineni muno . Nene atore na mlomi bilemela mhungati ebokela bakwejane , ³⁷Na ndyo akaba ezimwani bilemela milonge enana ne enye . Nene atyandi eng'ore ehumaga Hekaluni na akaendelea eng'ora Mugwe hamwe nehinga nehela nabudi na msenya. ³⁸Na kagero kakyo, ajire ajyo bale akandela eshukuru Mugwe. Agambire ehusu Mwana kwa Kila monto olya akolwe abetire buhonokya bwa Yerusalemu.³⁹bulya basubire binto byonse bilya byakondagwa baghajye angayya na kioloteryo ya Mwegeri, bakajoka Galilaya, mjyene jwa mwobo, Nazareti. ⁴⁰Mwana akakola , na akaghajya nguru, arozate kidemi na neema ya Mugwe yale egolo yehe.⁴¹Bazazi behe bageraga kila bilemela Yerusalemu kwa ajili ya Pasaka. ⁴²Akolwa na bilemela ekomi na bibele bakagera lenge kagero kabahika ghai gitemi kya gh'orou ya Pasaka. ⁴³Baada yekekolwa nkya jyonse kwa ajili ya ghorou , bakandela ejoka kwa kaya. Ale ndong'ori Yesu akatyigwa suha kwa Yerusalemu na bazazi behe batandi emanya lele. ⁴⁴Bakagera ale na kirombeta kilya bageranate na kyo. Bakagera lugendo lwa nkya. Ndyo bakandela emusora kwa ndogo na mahenji jyiobo.⁴⁵Bulya balemirwe embana, bakajoka kwa Yerusalemu na bakarunela emusora oho. ⁴⁶Likaye ebela eba baada ya nkya sato, bakambana hekaluni, ale kate kaba bamanyererya anyuntirye abategeratye nebaborya bighori. ⁴⁷Bonse balya bamwojirye bakadamigwa bumanyi bwehe ne jonkya lyehe.⁴⁸Bulya bambande , bakamuryana, ng'ina akamubiela, "Mwaniwa , Shenike nwa tugharya obyo? tegerya ghonwo naniye twaberew tukusorate kwe ryaryarala muno. ⁴⁹Akababyiela , "Shenike mwakolwa musorate? mtandi emanya ebuga ndazima kolwe nyumba nane ya Baba wa mweto? ⁵⁰Ale batandi emanya kilya amanishirye kwa makalaga jaja.⁵¹Ndyo akagera hamwe nabo akang'ora kaya Nazareti na ale mwome kwobo. Ng'ina yehe aghaghare bibugu byonse nkolo nane yehe. ⁵²Ale yesu akagenda akolate ale kidemi na bulehu. Akarosa ekondwa Mugwe na bantu.

¹Ryolo, kwa kileme kwe ekomi na katano kya bwegeri bwa Kaisaria Tiberia, ngara Pontio Pilato ale Gavana wa Buyahudi, Herode ale mkolo wa mkoa jwa Galilaya, na Filipo mondogo wehe ale mkolo wa mkoa jwa Hurea na Trakoniti, na Lisania ale mkolo wa mkoa jwa Abilene, ²Na lilya Kuhani mkolo ale Anasi na Kayafa, ekalaga lya Mugwe likajela Yohana mwana wa Zakaria, kiguro.³Akagera kwa mkoa jwonse ekarogosha juhe ya Yordani. Akahubiri ubadiso bwa Toba kwa ajili yehonokigwa lya ng'adaba. ⁴Bobulya bulya kyandekire kitabu kya makalaga ja Isaya mwerago, "Ero lya monto ajurate nyikani, "Ghareryai tayari nkondo ya Mwegeri , jighareryani jigharerye ni nkondo jyehe nyemererye.⁵Kila kiburuku kikeojarigwa, kila ngita na kagita bikeangananigwa, nkondo jilya jighobirye jikemigwa. na nkondo jilya jiparazire jikelainishwa. ⁶Bantu bonse mbakeebana buhonoki bwa Mugwe."⁷Obyo , Yohana akababyiela makolanu janeni ja bantu balya bajire ebuga babane bwe badiswa nwo, "Enye lubyalu lwa ntyanyi jile busongo noo akugirye uryale?⁸Byalai matunda jageranate na toba . Na mtikambe andela ebuga enye nane, "Tule na Ibrahimu nwo ese lyeto; kwekola nimbabielate ebuga , Mugwe nakehikya ebokerya Iburahimu bana egera ebokana na mabwe jaja.⁹Ghai shoko ndisubirye egitelwa miri nane jya mite . Julya , juti byalaga matunda jajaregu , jukekebwa jwatebwa mokin nane.¹⁰Ahika bantu kwa makolanu bakamuborya babugate , "Ryolo tukondatwe tugitebo?" ¹¹Abajokerya na akababiela, "Akola monto ale na kanzu ebele akondatwe aha mulugu wehe emwe olya ati lyonse , na ulya ale na byelya naghayajye byo."¹²Asuba baranya bushuru buriri bakaja nabo babadiswe na bakambiela; Mumanyererigwa tukondatwe tughaye nji?' ¹³Akababiela, "Mtikambe emogonjya robiya jineni jiting'ana jilya mukondatwe mmogonjya."¹⁴Barenderi bariri najo jikamuborya jikabuga neshe mbo? tukondatwe(tugitebo) tughaye njii?" Akababiela, "Mtikambe etola robiya ja monto rari omwe kwa nguru, na mtikabe esidagya monto olya wonse kwa bwerehi. Hikwai kilya mulehatwe yenyu."¹⁵Ryolo , kweba bantu (barerelaga) bakolagwa barerelate, ebeta Kristo olya akeja , kila omwe nawazaga nkolo nane yehe ehusu Yohana kola nwo Kristo. ¹⁶Yohana akajokya kwebabyela bonse, "Niye mbabadisate enye kwa mai , Ale hale omwe ajate olya ale nguru kuliko niye na ntihikerere rari ehingola mighoba nja birato byehe akebadisa enye kwa Nkolo na kwa moki.¹⁷Kiholelu kile kubokegolo kwehe ebuga esabye bujaregu uwanda bwehe bwa holela ngano ne mogonjya ngano dari nane yehe. Ale, akenyanyagya makabi na moki julya tutirimete.¹⁸Kwa maonyo jange janeni najo, ahubiriire masikelo jajaregu kwa bantu. ¹⁹Yohana akamuhalamuna Herode mkolo wa mkoa kwe mkweba Herodia, mkehe wa mondogo wehe na kwa maovu janeni jabeju Herode ajaghairye. ²⁰Ale Hating'ana Herode akaghajya uovu buneni bubeju muno. Akaboha Yohana Gerezani.²¹Asuba likabelelala ebuga, lilya bantu bonse bababadisagwa na Yohana, nene Yesu na badisirwe sei. Lilya ale ehelate, egolo likahingoka. ²²Nkolo Museri ikahoroka egolo yehe kwa mfano jwa mubele bwe enguku. Ngara yene eyo ero likaja eboka kwegolo ibugate, "We ule mwaniwa mkondwa. nighamerye wee."²³Ryolo Yesu mwene, akarunela efundisha , Ale na bilemela mlonge edatu. Ale mwana (akola ibanishai) wa Yusufu mwana wa Eli, ²⁴Mwana wa mathati, mwana wa Lawi , mwana wa Melki, Mwana wa Yana , Mwana wa Yusufu,²⁵Mwana wa matathia, mwana wa Amosi, mwana wa Nahumu,mwana wa ESili, mwana wa Nagai, ²⁶Mwana wa maati, Mwana wa Matathia, Mwana wa semeini, Mwana wa Yusufu, Mwana wa Yuda,²⁷Mwana wa Yoanani, Mwana wa Resa, Mwana wa Zerubabeli, Mwana wa healteli, Mwana wa Neri, ²⁸Mwana wa Melki, Mwana wa Adi, Mwana wa Kosamu, mwana wa Elmadamu, mwana wa Eri, ²⁹Mwana wa Yoshua , mwana Eliezeri, Mwana wa Yorimu, mwana waMatathi, mwana wa Lawi,³⁰Mwana wa Simioni, mwana wa Yuda, mwana wa Yusufu , mwana wa Yonamu, mwana wa Eliyakimu, ³¹mwana wa Melea, Mwana wa Mena , mwana wa Matatha, Mwana wa Nathani, Mwana wa Daudi, ³²mwana wa Yese, Mwana wa obedi, Mwana wa Boazi, Mwana wa Salmoni, mwana wa Nashoni,³³Mwan wa Aminadabu, mwana wa Aramu, mwana wa Hezroni, mwana wa Peresi, mwana wa Yuda, ³⁴Mwana wa Yakobo , mwana Isaka, mwana wa Ibrahimu, mwana wa Tera, mwana wa Nahori, ³⁵mwana wa Serugi, mwana wa Ragau , Mwana wa Pelegi, mwana wa Eberi, Mwana wa sala,³⁶Mwana wa kenani, mwana wa Arfaksadi, mwana wa Shemu, mwana wa nuhu, mwana wa Lameki, ³⁷mwana Methusela, Mwana wa Henoko, Mwana wa Yaredi, Mwana wa Mahalalei, mwana wa Kenani, ³⁸Mwana wa Enoshi, Mwana wa Sethi, Mwana wa Adamu, Mwana wa Mugwe.

¹Ahika , Yesu akaba abajola Nkolo Museri , akajoka eboka kwa juhe ya Yordani akahetelwa ni nkolo Museri kiguro. ²Kwa nkya milonge ena, na kokyo akabanelwa Kiryoka . ngara yene hati kilya arare,na suha ya ngara yene akojya jalo.³Kiryoka akamubyiela , "Akola we ule mwana wa Mugwe , amuru mabwe lele liba mkate". ⁴Yesu akajokya , yandekirwe monto atikolete kwa mkate jwoka."⁵Ahika Kiryoka akamuhetela kwa gitegolo kya kijyeri kya ngita na akamubanya bwegeri bonse bwa nse kwa ngara juriri. ⁶Kiryoka akamubiela , "Nikekuha mamulaka jegera mbegeri jijyo jyonse hamwe na busabi jehe. nikehikya byo kwamuna byonse nibihere byegere na keha ulya wonse nkonde. ⁷Kwabobyo, akala nukeghuma unjehele, binto bibi byonse bikeba byojyo."⁸Ale Yesu akamujokerya na akamubyiela , "Yandekirwe ,"Ndazima wehele Mwegeri Mugwe wayyo, na Ndazima umughererye wo weka."⁹Obyo Kiryoka akahetela yesu mbaka Yerusalemu na akamughaghara hantu hale kwegolo munoi ya nyumba ya ghorowane na akamubyiela akola wee ule mwana wa Mugwe engane kwa nse ebokela oho. ¹⁰Ghai Yandekirwe, "aketoma Malaika jehe bakulele ne kurendela, ¹¹Na bakubokerye kwegolo mibokegolo jobo ebuga uhabe eumiswa mabwe magolo."¹²Yesu akajokya akamubyiela, "Yandekirwe, "Habe ejaribu Mwwegeri Mugwe wayyo." ¹³Kiryoka bulya asubire ejariba Yesu, Akagera jyehe akamuhaba mbaka kya jinge.¹⁴ahika Yesu akehundola kwa Galilaya kwa nguru jya Nkolo,na masikelo jehe jikamanyekana jikamanywa eng'ora mikoa jya Bahara jyonse. ¹⁵Akamanyererya eng'ore Masinagogi jobo, na kila omwe akamughora.¹⁶Nkya emwe akagera Nazareti, mujye julya alelerwe akakolela .Bulya kyale gitemi kyehe asharire Sinagogi nane nkya ya Sabato, na akaema akasoma maandiko. ¹⁷Akahebwa Gombo lya Mweragu Isaya , bopbyo9, ahingola gombo na akasora hantu halya handekirwe,¹⁸"Nkolo Ya Mwegeri ale egolo lyawa, kwekola agitere maguta ehubiri kusikelo kujaregu kwa masikini. Atomire etangaza buhuru bwa babohire , ne ghajya balya batibanaga bahikye eba nalenge . nebagitela uhuru balya bomererigwe, ¹⁹Netangaza kilemela kilya Mwegeri akebanisha bujaregu bwehe."²⁰Ahika akahinga gombo, akalijokerya Mwekorani wa Sinagogi, na akanyuntya nse. Meso ja bantu bonse balya bale Sinagogi nane jaka muraberya nwo. ²¹Akarunela ekalaga nabo akabuga, "Nkya eno andiko lele dibaghayeka masikelo nane jyienyu" . ²²Kila omwe ayyo akaraberya kilya Yesu ababuga na baneni kate kobo bakadamigwa ni makalagajya kidemi jalya jahumate kanye nane kehe. Babugaga, "Oyo mutana kyoka wa Yusufu tibyo bobyo?"²³Yesu akababyiela, "Kyasaba mukebuga dalago eno kwawa, "Dagitari, neherye mwene . kilya kyonse tubojirye aghayatye Karpernaumu, Kyigeke oho Kijiji kyajyo." ²⁴Mbyo akabuga, GHerai nenye mbyelate , Hati mweregu endekalagwa ni nse Yehe."²⁵Ale nibabyelate enye saba ebuga hale masinwani janeni Israeli kwa lilya kya Eliya, lilya egolo lya higirwe lihaerabana kwa bilemela bidato na kitye , lilya halejalo neni nse yonse. ²⁶Ale Eliya atindi etomwa kwa monto rrari olya wonse omwe wobo, ale kwe singwani limwe lya Serepta na mujye jwa Sidoni. ²⁷Obyo, hale bale bukoma baneni Israeli Elisha ale mweragu ale hati rari omwe ahorigwe wobo haba Naamani weka monto Wa Siria.²⁸Bantu bonse Sinagogi nane bakaghayya kimeni bulya babojyirye bibyo byonse . ²⁹Bakema bakamurugutela kaane kamujye , na bakamuhetela bakang'ora shenge ya ngita ya mujye ghai mujye jwobo jwobokirwe ngitegolo yene, ebuga bahikye emuta kwanse. ³⁰Ale akaheta kate kobo kuholo akagera jyehe.³¹Ahika akaharokerya Kapernaumu, kwa mujye jwa Galilaya. Sabato emwe emanyererye bantu Sinagogi nane . ³²Bakadamigwa ne efundisha lyehe. Ghai afundishirye lya Bwegeri .³³Ryolo nkya eyo Sinagogi ndane , hale monto ale na nkolo mbeju, Akajura kwero kwa ero eneni, ³⁴"Tule na nji nawe, Yesu wa Nazareti?ujire etusuba? ni njije we ule ou? We ule Museri wa Mugwe!"³⁵Yesu akaheda nkolo mbeju akabuga, "Sisa tigelana , na huma monto oyo!" Nkolo mbeju likangana monto oyyo nse makatekate jobo, likahuma monto oyyo hati rari bughatari bwonse. ³⁶Bantu bonse bakadamirigwe, na baka gera kukagela ekalaga lyene kila omwe na mulugu wehe .Bakabuga , "Ni makalaga jabo jaja?" Aba amuru nkolo Mbeju kwa bwegeri na nguru na jikagera." ³⁷Obyo , masikelo jya Yesu jikamanyeka kilahantu ebokela maeneo jalya jarogoshire mkoa jojyo.³⁸Asika Yesu akagera mujye jojyo na akashala kwa nyumba ya Simoni.Ryolo , ng'ina ya mkehe wa Simoni narwere abokelagwa ni ndaghami jineni na bakamusasama kwa niaba yehe. ³⁹Ndyo ,Yesu akamusungura , akaheda elwala lilya lika mwekera Ghafla akema akaendela Ebatumikia.⁴⁰ryoba lyandela eshala, bantu bakaletela yesu kila omwe ulya abarwere kilwalu kya namuna yehe bityangangane akagitela miboko jyiehe egolo lya kila murwari na akabahore bonse. ⁴¹Nkolo Mbeju najo jakahuma baneni bobo jajurate nero na jabugate , "we ule mwana wa Mugwe !" Yesu akaheda nkolo mbeju na atandi jasegeraga jagambe, kwa bulya njaje ebuga wo ni Kristo.⁴²Bulya kubasere, akagera hantu hati bantu. Makolanu jya bantu akabajamusorate na baka hantu halya abale. Bakajariba emwerigela ahabe ejya halehu nabo. ⁴³Ale akababyiela, "Ndazima pia ng'ubiri masikelo jakuholo ja Bwegeri bwa Mugwe kwa mujye jinge jineni, ghai kike kyo natomerwe oho." ⁴⁴Asuba akagera kuhubiri masinagogi nane kwa Buyahudi bonse.

¹Basi ngo likaebelela ngara bantu bakamumogonda ne murogosha netye Yesu na etegeryate ekalaga lya Mugwe, olya ale emire hara ya Ziwa Genesareti. ²Abande mashua ebele jemire mubale jwa boliboli . Bategi ba Singiri bahumirye basabagya nyavu jyiobo. ³Yesu akashala kwa mashua , emwe noayo niya Simoni na na kamwehela amihire kwa mainane halehu hariri na nse njomo . Asika akanyuntya naakafundisha eboka Mashua nane.⁴Akagamba, akamubyiela Simoni, "Hira mashua yajyo halya halehu mainane uharokye nyavu jyajyo ebuga utege Singiri." ⁵Simoni akamujokere na akabuga, Mwegeri , tubaghayya milemo nabudi bonse , na tutandin edaba rari kantu , ale kwekalaga lyayyo, nikeharokya nyavu. ⁶Bulya baghairye byo bakamogoniya kiasi kineni Singiri na nyavu jyiobo jikaandela edyeka. ⁷Obyo , baka ashiria balugu bobo ba mashuasinge ebugwa jaje barashe . Bakaja bakojorya mashua Jyionse , Engera jikandela ekonde eshala.⁸Ale simononin Petro , balya abande obyo, akagwa birugunyi nane bya Yesu abugate, "Njekera ghai niye, kwekola niye nde monto ale na ng'adaba Mwegeri." ⁹Ghai damirigwe mbantu balya ale hamwe na nene kwa butegi bwa Singiri bulya bakolagwa baghayatye . ¹⁰Lele likabarerya Yakobo na Yohana bana ba Zebedayo, nabo bale balugu ba Simoni. Na Yesu nakamubiela Simoni, "Habe eryala, kwekola ebokela ryolo ebani kwa bushone uketega bantu." ¹¹Basube eleta mashua jyobo nse njomo . Bakahaba kila kindo bakamutuba gera nwo.¹²Likaeghubuka eba ale kwa Mujye jumwe , monto ojire bukoma ale kyo. Bulya abande Yesu, akagwa aghumatye busho bwehe mbaka nse nehela , abugate , "Mwegeri , akola nukonde , nukehikwe eng'orye. ¹³Ahika yesu akemya kuboko kwehe akamugusa , abugate , "Nkondate ensera" na ngero eyo eyo bukoma bukamuhaba.¹⁴Akamubyiela mahela ukabyele monto rari omwe, ale akamubyiela, "Gera jyayo, na ukebanishe kwa makuhani na ukahumyi Sadaka yenserigwa lyayo. Bokilya Musa abugire , kwa bwejibe bwaye." ¹⁵Ale masikelo jehe jakamanyekane kulelehu muno, na lugu neni ya bantu ikaja hamwe emtegerya amanyaratye ne horya bilyalu byobo. ¹⁶Ale hariri obyo hating'ana ekeba hantu ehela¹⁷Yaghubukire nkya emwe kate kankya jyijyo akaba amanyeratye , Hale mafarisayo na Bamanyererya ba Kioloteryo banyuntirye ajyo bajire babokire kwa mijyene jineni jya mahara jya mkoa jya Galilaya na Yudea na egera mujye jya Yerusalemu .Nguru jya Mwegeri jyale hamwe nene ehorya.¹⁸Kukaja kitye kya bantub , kyebare monto na mkeka apoozire,na baka sora hemletya nkondo ye msharerya kwa ndane ebuga bvamurarye nse bushone bwa Yesu. ¹⁹Batandi ebana nkondo ye musharerye kwa ndane ghai hale lugu neni ya bantu.Baka lenjela kwa nyumba egolo bakamuharokya kwa nse monto wene eletya ngogyogolo.mkeka jwehe makatekate kabantu bushone lyonse bwa Yesu.²⁰Akaraberya edekala yobo. Yesu akabuga :muhenji , nubagunwa ng'adaba jyayo." ²¹Baadishi na Babarisayo bakandela eboranjya lelyo, bakabuga , "Oyyo no agambate bibugu jibejagu? No akehikye eguna ng'adaba ilya Mugwe weka?"²²Ale Yesu namanyate ninji bademeratye, akabajokerya , akababiela, sheninji waboranagya lele nkolo jyienyu. ²³Kehe kirarabu ebuga, nebuga 'Nga'daba jyajyo jibagunwa nanga nebuga 'ema ugere?' ²⁴Ale Manyai ebuga Mwana wa Adamu nale mamulaka nseno jeguna ng'adaba .kubyelate we, 'Boka , tola mkeka jyajyo na ugere kwa mwajyo.²⁵Ngara eyo eyo akaboka bushone bwobo akatola mkeka jwehe julya abararere aasuba akajoka kwa mwehe aghorate Mugwe . ²⁶Kila omwe akadamigwa na bakaghora Mugwe bakajolwa budeki babugate , "Tubabana bibugu biti bya kawaida nkyeno."²⁷Bibugu byonse bibasuba eghubuka Yesu akaboka kyo akabana muranya kodi abugwa Lawi anyuntirye halya bamogondagya Kodi. Akamubiela, "Ntubagera." ²⁸Obyo , Lawi akaboka akamutubagera, akahaba kilakindo suha.²⁹Asuba Lawi akaghayya sikukuu neni kwa mwehe kwa ajilia ya Yesu. ³⁰hale baranya kodi baneni kyo na bantu baneni banyuntirye mezani balagelate hamwe nabo. ³¹Ale Babarisayo na Baandishi bo bakanung'unikia Bamanyererigwa , babugate, , "She nike mwalagelaga nenywa na baranya kodi na bantu bange bale ng'adaba hamwe?" Yesu akabajokerya, , "Banyu bale majiegi jajaregu balikonde Dakitari, ni mbalya barwere mboka kakekonda omwe. ³²Ntandija ebugewla bantu balya bale saba batubu, bali ebugela balya bale ng'adaba babane bwe tubu."³³Bakamubyiela , "Batubageri ba Yohana kaneni mbahingire nabtuba geerri bamabarisayo nabo baghagya byo bobyo. Ale Batubageri bayyo lagela ne Myejaga." ³⁴Yesu akababiela, Ndike gwa momto olya wonse abaghajye balya bajire Arusi ya Mwana Harusi bahinge ngara Bwana Harusi bado ale hamwe ³⁵nabo?Ale nkya jikeja ngara bwana harusi akerigwa kwobo. Ndyo kwa nkya jyene bake hunga."³⁶Asuba yesu akabuga pia kwobo kwa kwa mithali."Hati akebaga kighabelwa kya ngobi ya mbya akighabele ngobi ibakola ghorobu: na akola abakeba lele lya mbya akagitela . kighjabelwa kya ngobi ya mbya kitimine angana ngobi nkolo ghorobu.³⁷asuba , Hati monto akegitela divai ya mbya biriba bighorobu kola akegitela byo. .Divai yambya iketumuka chombo kyene,na Divai yale yendeka na Biriba bika ghagharyeka. ³⁸Ale Divai yambya ndazima igitelwa biriba nane bya mbya . ³⁹Na hati monto abasuba enywa divai ya kala. Akonde yambya. Kwekola kubugagwa 'ya kala ni njaregu."'

¹Ryolo yabere nkya ya sabato Yesu ahetate mugonda nane jwa byelya batubageri behe bakaha ndaghwa. Bakahongora mahegolo jobo bakalya biryo. ²Ale bariri Babarisayo jamwe bakabuga, "Sheninji mwaghayagya kindo kilya kitihalali kwa kioloteryo ekighajya nkya ya sabato?"³Yesu akabajokerya , akabuga, "Mutyandi elabaneesoma kilya Daudi aghairye lilya ale jalo. wo na balome balya ale hamwe nene? ⁴Agendire kwa nyumba ya Mugwe , na akatola migate nseragi na akalya jimwe najinge akajiha bantu bala bale nabo balye.Rari ikaba ibale ng'alali elebwa makuhani." ⁵Asuba akbabyiela , "Mwana wa Adamu ni Mwegeri wa Sabato."⁶Ikaghubukan kwa sabato inge ebuga agerire sinangogi nane na akamanyerya mbantu kyo. Hale monto apoozire kuboko kwehe kwa kubulyo. ⁷Baadishi na babarisayo mbamuraberagya kwe mughoreha ebana akola na nkehorya monto kya ya sabato, ebuga babane kye mreserela kweghajya buhombya. ⁸Ale namanyate kilya bademeratye na akabuga kwa monto ulya apoozire kuboko, "boka, emo oho kate kakila omwe". Obyo, monto oyyo Akaboka na akema byo ho.⁹Yesu akabuga kwobo, "Mbaborye enye , ni lalalli nkya ya sabato eghajya bujaregu anga eghajya madete , ehonokya serye anga emighagharya? Asika akabaraberya bonse akabyela monto oyyo, ¹⁰"Emya kuboko kuboko kwayyo." Akaghajya byo, na kuboko kwehe kukahorigwa. ¹¹Ale bakaregya ,bakagambana bobene ninji kihikerere tugharye Yesu.¹²Likabelela ebuga nkya jene aagere ngitegolo ehela. Akehela Mugwe nabudi bwonse. ¹³Kwaba kutune , akabagela bamanyererigwa behe bagere kwayo, na kate kobo akalobola ekomi na babele, ghai boo abatyere "Batomwa."¹⁴Mabina jobo batomwa beni jale Simoni (alya sei abyelagwa Petro) na Andrea mondogo wa Yakobo, Yohana, Filipo, Bartoromayo, ¹⁵Mathayo, Tomaso, na Yakobo mwana wa Alfayo, Simoni olya atyere Zelote. ¹⁶Yuda Mwana wa Yakobo, na Yuda Esikariote ulya amureserere aka mureserya.¹⁷Asika yesu akahoroka hamwe nabo eboka ngitegolo bakema hantu ha kitangarye, batubageri behe baneni bale kokyo, hamwe na bantu baneni babokire Buyahudi na Yerusalemu. Neboka Pwani ya Tiro na Sidoni. ¹⁸Bajire emutegerya ne horigwa bilwalu byobo. Bantu balya batirirwe Nkolo mbeju nabo kakahorigwa. ¹⁹Bulya kumogondwo kila omwe akondate amuhange kwa muna nguru jyehorya jihuma ndane yehe, akahorya bonse.²⁰Asika akaraberya batubageri behe, na akabuga , ²¹mwatemandigwa enye balya kantu bahabe , Ghai bwegri bwa Mugwe ni bwenyu. Mwatemandigwa enye balya mule jalo muno, ghai mkeghejishigwa.²²Mwatemandigwa enye balya bantu bakebazola nebahola nebatuhumu enye ebuga mle bang'adaba , kwa ajili ya Mwana wa Adamu. ²³Ghamelai nkya jyene ne kelenkela lye ghamela, ghai ninjije muke kolwo na Thawabu neni kwegolo, kwa mamuna bese byo baghaerye m,anabii.²⁴Ale emai enye balya mle basabi! kwa mamuna mwasuba ebana Faraja yenyu. ²⁵Emai enye balya mughere ryolo! kwa mamuna mkojya jalo b adae emai enye babamusekate ryolo! kwa mamuna mkekolwo geine nejura badaye.Emai enye , mugh'ore eghorwa bantu bonse ! kwa mamuna baghonjyo baghaerye byo manabii ja bwerehi obyo obyo. ²⁷Ale bugate kwenyu enye balya mutegeratye, kondai bahoma benyu neghajya bijaregagu kwa balya babazore. ²⁸Temandyai balya bababeke laga muma na mwehele balya baba banelate.²⁹Kwehe wo akusegate kirigani kya haremwe muhondokerrye nalyo harenyi. na nakola monto abakutaje joho lyanyo babemugirya na kanzu. ³⁰Haa kila olya akwehelate na monto akutuja kantu kabugwa kayyo, habe konda akujyokerye.³¹Bulya mukonde bantu babagharye ,nenye bagharyei byo obyo. ³²Akola mkekonda bantu balya babakonde boka , eyyo ni thawabu kee kwenyu? kwa mamuna egera balya bale ngh'adaba akonde lalya babakonde. ³³Akola mukegharya bijaregagu balya babagharagya enye bijaregagu, obyo Thawabu ke kwenyu? kwa mamuna ejagha balya bale ng'adaba byo baghayagya byo obyo. ³⁴Akola muke humya binto sire kwa bantu balya mkebetela babajokerye, Eyo thawabu kee kwenyu? egera balya bale ng'adaba mbasegeraga sire kwa bulya bale ng'adaba, nababetelaga ehebwa jing'ana byo sei obyo lenge.³⁵Ale kondai bahoma benyu nabagharyei bijaregagu. Bahai sire mtikabe eryala ejokorigwa. na thawabu yenyu ikeba neni mkeba bana olya ale kwegolo. Ghai wo mwene mjaregu kwa bantu balya bati Shukurani baovu. ³⁶Kolwai na marero, bwe ghonjyo balya ale marero.³⁷Mwetemandyei, nenye mtimune elebwajoko. mtikabe ebekan muma ,nenye mtibekeletwe muma, baghuheryei ,nenye muke ghuherigwa.³⁸Hai bange , nenye mke ehebwa . king'ana buhanu kighanyirwe. Kitetegire ne ededeka . kikedeka birugunyi nane byenyu. kwa bulya kilya mugeraga kyonse kilya (mugeraga) kilya mugharagea kekyo kyo mkeegerwe nenye ."³⁹Asika akababyiela mfano sei ."Monto atikyebana nsee naker ehetela monto onge atibanga? bobyo ale bobyo. Basi bonse baketonya Kisima , ale batibale batonya kisima? ⁴⁰Mutubegeri nabejaga mkolo kulya kule mumanyererya wehe, ale kila monto asube manyerigwa bujaregu akeba bwe mumanyererya wehe.⁴¹Sheni njii nubaraberagyi(kihuti) kibanzi kile riso nane lya mondogo wayyo, na Boriti lile riso nane lyayo utiliraberate? ⁴²Ukehikya ebyela bo mondogowajyo. Mondogo ninjihelate ngumwe kibanzi kile riso nane lyayo we mwene? murahuni wee! shamehumya boriti risonane lyayyo we mwene , ndyo ukebana bujaregu behumya kibanzi kile riso nane lya mondogo wayyo.⁴³Kwa bulya hati mte jujaregu jubyalaga magundirye jabeju. nanga hati mte jubeju jubyalaga magundirye jajaregu. ⁴⁴Kwa bulya eyyo kila mte jumanyekanigagwa ni magundirye jehe . kwa bulya bantu batyahete tini ebokela kule mibwa , nanga batyahete zabibu kule michongoma.⁴⁵Monto mujaregu kwa Hazina njaregu ya nkolo yehe ihumagya jalya jajaregu. na monto mubeju kwa hazina yehe mbeju ya nkolo yehe ahumagya jalya jabeju. Kwa bulya kanya kehe kabugaga jalya jojire nkolo nane yehe. ⁴⁶Shenke mwabugelaga, 'Mwegeri', Mwegeri', nanga mtandi eghayya jalya bugate? kila ⁴⁷monto ajate kwawa na akoji makalaga jawa na ajagharya milemo nike ebabanyya bulya anga. ⁴⁸Angane na monto abokate nyumba yehe . bulya asimatese munoi, nooboka musera jwa Nyumba mwambe egolo jwa nguru. Bulya loje lubajire makindelu jakagundyoka jakaja bulya mamkindelu jamai jabejire jakasega nyumba . Ale jityandi ehikya emi bodanyya, kwa bulya yobokire bujaregu.⁴⁹Ale ulya wonse ojatwe ekalaga lyawa na atandi elye dekela, angane na monto obokire nyumba rerigolo hatigwete etongobya juhe ibahorokire kwa nguru. Nyumba ikagwa egwa likolo.

¹Baadaya Yesu asuba kila kintyo kilya babugire kwa bantu balya bamwojirye , akashalya Kapernaumu.²Mutomwa omwe wa Akida , ulyaobire wa kala munop kwehe, abire areware muno na obire hadinko yekya . ³Ale akoba ojirie msikelo jya Yesu, Akida oyo amtomire mkolo wa Kiyahudiu, emwehela aje emrasherya mutomwa wehe ebuga ahabe ekya. ⁴Bulya bahikire hadinko na Yesu bakemsihi kwa nguru na ebuga, "Anastahili bulya akondatwe egita bobyo kwa ajili yehe, ⁵Kwa bulya akonde etongo lyeto, na nwo obokirie Sinagogi kwa ajili yeto."⁶Yesu akedelea na sabari yehe hamwe nabo. Ale kabla atigerire kulehu na etola Afisa omwe abatomire bahenji behe egamba nene. "Mwegeri, ubengutarya weka kwa bulya nie sistahili we eshala hale Dari yawa. ⁷Kwa bulya eno ntyandi efikiria weka kwa bulya nie oba ningikirye eja kwayyo, Ale buga egamba ekalaga lyayo na mutubegeri wawa akehola. ⁸Mbyo niye sei ni monto ngiterwe oba kwa bwegeri na ninde barenderi nse yawa. Nabugate kwa oyyo, "Enjoo" na agerire , na kwa mutomwa wawa ' gita keke na nene agite."⁹Yesu bulya ojirie jaja akashangaa, na kuwageukia lugu julya bale bamtubaga na ebuga "mbabyielate , ejagha kwa Israeli, ntiandi banaga monto ale edekela mukolo akola lele. ¹⁰Asuba balya bobire batomirwe bakajoka kwa kaya na emukola mutubegeri ale serye.¹¹Monto omwe baada ya Jaja, yobire oba Yesu obire agerire egera etongo juylya jubugwa Naini. Bamanyererigwa behe bakagerana hamwe nene bakebyielana na kimuhyo kineni kya bantu. ¹²Bulya ahikire hadinko na mulyangu lya etongo, doghora monto akire obire eborwe na ni mwana aleweka kwa ng'ina ulijaobire atimulome na bantu ba bawakilishi, eboka kwe etongo bobire hamwe nene. ¹³Bulya bamubande Njaghamba akamusungura kwa huruma neni muno egolo yhe na akababiela "habejura". ¹⁴Asuba akasunguruta bnushone jeneza bwebulya bebare mubele na bulya balya bebare bakema akabuga , "Ba mtana bugate boka." ¹⁵Akire akaboka na emitya nse na akaunela egamba. Asuba akamuha ng'ina yehe.¹⁶Asuba eriala likabadaba bonse bakendelea ehanana Mugwe , bakabuga, "Nabii mukolo ameinuliwa kate kwobo" na "Mugwe abadoghorire bantu behe". ¹⁷Jiji Masikelo njaregu ja Yesu jwaeneire Yudea yonse na kwa matongo njonse ja hadinko.¹⁸Bamanyererigwa ba Yohana bambile makalaga jaja jonse. ¹⁹Ndyo Yohana ababugela babele bamanyerie behe na ebatoma kwa Mwegeri ebuga , "We nulya nojire anga ghale monto unge tumuraberie? ²⁰Bulya bahikire hadinko na Yesu baba bakabuga Yohana mubadisa namutoma kwayyo ebuga "we nulya ajaye anga ghale monto unge tumuraberyei?"²¹Kwa madiko jaja abahorie bantui baneni. Eboka kwa Marwara na mateso eboka kwa nkolo mbeju , na kwa bantu batiebana abahere ebana. ²²Yesu akabuga neebuga kwobo . Baada yebuga mbagerire kulyamubokire mukimbiela Yohana mwabanire na kukojya , Bale hakure bakepokea ebana na biwete bagerate, bale ukomabaketakasika batwojwire bojya bakire baryoka na oba hai lenge Masikini balelwa masikelo njaregu. ²³Na monto atimune ehaba endekere niye kwa makalaga jyawa amenderigwa."²⁴Baada ya bantu batomirwe Yohana bajokire bulya babokire, Yesu akarunela ebuga kwa elugu egolo lya Yohana,"Mwagerire kwa kane ebana nji , Mwanzi ukeba muryala na biryoka? ²⁵ALE mwagerire kwa kane ebana nji monto abekire bujaregu raberya bantu babyo bebekye magodi jya bwegeri na etola ja Starehe kwayyo kwa hale hantu ya begeri. ²⁶Ale mwagerire kwa kane ebana njii, Nabii? ndyo , nabughate, kwobo na muno kuliko nabii.²⁷Oyo nwo andekirwe, "Raberya , namutoma mjumbe wawa bushone bwa meso jenyu olya andaa nkondo kwa ajili yawa, ²⁸Bugate kwenyu , kate ya balya babyirwe na wabaka , hati mukolo akola Yohana , ale monto atimune muhimu muno aketola na Mugwe hantu ale oho nene akoba mukolo kuliko Yohana."²⁹Na bantu bonse balya bojirie jaja hamwe na badosa ushuru batugirwe bulya Mugwe ni wa nsaba baleho kate yobo balya babadisirwe kwa bubadiso bwa Yohana. ³⁰Ale Babarisayo na bamanyererya ba kioloteryo jwa kiyahudi balya bbatiandi badiswa na nwo balegire hekima jwa Mugwe kwa ajili yobo boka.³¹Lenge naweza engana na njii bantu ba lubyalo keke bangabo hasai? ³²Bengane nabana banonsate hale hantu lya soko bamintirye netalongana umwe baada ya unge babugate tubabuba Filimbi kwa ajili yenyu na mutwandighuja . Twajurire na mtimune ejura.'³³Yohana mubadisa ajire antyandilya mukate wala atyandi nywa divai na mukabuga, "Ale na kiryoka. ³⁴Mwana wa monto nojire abalagera na enywa na mukabuga, "Angali ni muyoku, na mubogita muhenji wa batosa ushuru na bale na ng'adaba . ³⁵Ale hekima yamanyekire bulya nile saba kwa aban behe bonse."³⁶Umwe wa babarisayo amwehere Mugwe bagere bonse bakalagele nene. Baada ya Yesu eshala kwa ntumba ya farisayo, akeegemea hale mesa ili ³⁷alogele.Raberya, hale wabaka umwe kwa etongo lyene obire amitirie kwa barisayo akalete shuba ya manukato. ³⁸Emire suha yehe hadinko na magolo njehe akajura lenge asire elowanisha magolo njehe kwa machozi na kwa esusuma kwa njele jwa mutwe njwehe akeibusu magolo jehe na akaemubira manukato.³⁹⁴⁰Na ulya Barisayo olya obire alikeire yesu bulya abande mbobyo akawaza weka akabuga , "Akola monto oyyo akaba nabii ,ale amanya oyyo ni no ni aina kee na wabaka olya amuguysire , bulya nde na ng'adaba . Yesu akajokya na emubiela , "Simoni ninde kinto kye kubiela . "Akabuga" "KIbuge kyoka Mumanyererya!"⁴¹Yesu akabuga , "Kwale na badaiwa babele mulyasire umwe. Umwe ale edaiwa dinari magana eshano na wakabele edaiwagwa dina ri milonge eshano. ⁴²Na bulya bobire bati robiyya yemuliba akabhasamehe bonse, Ryolo ni no akamukonda muno? ⁴³Simoni akamujokya na akabuga , "KOlate olya asameherwe muno "Yesu akamubiela kwa , Umehukumu kwa nsaba ." ⁴⁴Yesu akemugeukia wabaka na ebugana Simoni, "Mubone wabaka oyyo. Nibasharia hale hetola yayyo . Utyandi ngaa mai kwa ajili ya magolo jawa, ale oyyo, kwa mesori jehe alilowanisha magolo jawa na esusuma kwa nywele jehe. ⁴⁵Utyandi ebusu ale woo eboka ashale kono atwandihaba kunibusu magolo jawa.⁴⁶Utyandi nimubira maguta magolo jawa , ale nababira magolo jawa kwa manukato. ⁴⁷Kwa ekalaga lele, nakubiela bulya ale ng'adaba jineni na amesamehewa muno na pia akondire muno. Ale asamehirwe hariri , ekonndaga kariri kyoka."⁴⁸Baadaye akamubiela wabaka , "Ng'adaba jayo jibasamehewa." ⁴⁹Balya bamintirye mezani pamoja nene bakarunela ebogelana bo kwa bo oyyo nino mpaka akesamehe ng'adaba ?" ⁵⁰Na Yesu akamubiela wabaka , "Edekela lyayo lyakuhonokirye. gera kwa sayo."

¹Ikahumela ng'ende ndinko hinja ebuga Yesu akarunela egera kwa mijye na mujyiene jineni, aoloteratye na egamba masikelo jajregu ja Bwegeri bwa Mugwe na balya ekomi na babele bagerire hamwe nene, ²Obyo baka basisa balya bahorigwe eboka kwa nkolo mbeju na bilwaluj bing'ana . bale ni Mariamu abugelagwa Magdalena ulya ahumirigwe biryoka muhungati. ³Yoana Mkehe kuza na meneja wa Herode , Susana, na bana baka bange baneni bahumirye binto jobo kwa ebuga yobo bene⁴Mamuna ya Masau jabnatu emogana hamwe bakaja bantui babokire kwehe eboka matongo jange akagamba nabo kwa mifano. Muherera agerire ehurela mbeho , bulya ahurelate , mbeho jimwe jikatonya nkondo jikaghagharyelwa nse magholo na nyonyi jya kwegolo jkikalya . ⁵Mbeho jinge jikatonya rerigoloya mabwe jikagunda kwa bulya hati bojo bwejimerya. ⁶Mbeheo jimwe jya tonyire mabwegolo bya jibamere jikasundya jikaba jiriragi jikagundya kwa bulya hatyojirye .⁷Mbedho jinge jikatonya mitegolo jya mibwa , nayo mite jya mibwa ikakakola hamwe na mbeho yene ikaghoghobwa. ⁸Ale mbeho jinge jikatonya reri egolo njaregu na jikaleka byelya mara egana nalenge,"Baada ya bYesu ebuga , makalaga jaja, akahumwa ero lineni, "olya wonse ale na kusikelo jojyo nojye."⁹Lenge Batubegeri behe bakamuborya , maana ya mfano jojyo; ¹⁰Yesu akababiela, "Mwajokelwa mumamnye siri ya bwegeri bwa Mugwe ale bantu bange bakemanyerigwa kwa mifano nkyoka , ebuga bulya ' babana bahabe ebana na bojya bahe emanya .'¹¹Na eno noo maana ya mufano jojo, mbeheo nekalaga lya Mugwe. ¹²mbeho ilya ya ntyintinyire mubale jwa nkondo mbantu balya bnojagya ekalaga , hating'ana muhimu kiryoka alitola halehu ebnoka nkolo nane ebuga bahabe edekela bahonokigwa. ¹³Asika na jilya jitonyire ebegegolo ni mbantu balya balya bojagya ekalaga balihebwa kweghamela ale batimiri rsri bedekela hariri hating'ana , babanelwa bagwa.¹⁴Na m,beho jilya jatonyire mibwa nane mbantu bojirye ekalaga , ale bulya bagerate kwekola baghobwa ni huduma busabi baghaerya butolo nabati matunda. ¹⁵Ale mbeho ilya tonyire rerigolo njaregu ni mbantu balya bagwanu ba nkolo njaregu, baada yojya ekalaga baryeliga likakolwe sayo neeleka matunda jeghumerya .¹⁶Ryolo Hati rari omwe okagywa taa ale amisubukerye bakuri nanga anga amighaghare busele nane amamuna ye migitela kinaregolo kya taa ebuga kila omwe ashala abane . ¹⁷Kweeba hati kilya kikebisa kilya kiti manyekanante , nanga kilya kile sirini kilya kitimanyekanate kile bwelegolo. ¹⁸Ryolo bai bagharehi ,mwankolo mtengerate. kwa builya ulya ale na kyo kwehe akeroselwa lenge ale ulya ati rari kilya kiriri ale na kyo nkikrtolwa.¹⁹Baadaye ng'ina ya Yesu na ndogo bakamutuba batandie mhikela bulya bantu babale baneni. ²⁰Na akababiela, "Mwoho na ndogon jyayo balekane bakondate baba nane nawe. ²¹Ale Yesu akajokya akabuga , "Maa na ndogo jyawa mbalya ni ni mbalya bategeratwe ekalaga lya Mugwe ne lyendekela" .²²Ikaba nkye emwe kaye ya nkya ilya Yesu na batubageri behe balenjere mutumbwi nane , na akababiela , "Na tuzabagei mubale jwa kabele jwa boliboli. Bakagharerya mashua yobo. ²³Ale bulya babanderere lugendo, Yesu akalala tolo na dhoruba mbeju ile na lububu na mashua yobo ikarunela ojola mai bakakolwa hatirigolo neni muno.²⁴Baadaye batubageri bakamutuba bakamubonkya , babugate , "Mwegeri mukolo! tule tule hadinko ekya akaboka akaheda lububu na bigheri bya mai bikasira na kukolwa kuba tigelana. ²⁵Lenge akababiela, "Edekela yenyu eleha ?Bakaryala,bakadama , bakagambana kila omwe ne mulugu wehe, "oyo nino , abyelate lububu ne mai jendekela?"²⁶Bakahika mujye jwa gerasini jule hara ya suha ya Galilaya. ²⁷Yesu bulya ahumire akaghanjareri, monto musisa akaboka mujye , akajaghana nene, na monto wene ale na nguru jya kirimamu . ebokela kwa ngara halehu atwebekanga bgobi, na atwetolaga nyumba nane ale atolaga mbereranane.²⁸Balya abande Yesu akajura ero lineni , na akagwa nse bushone yehe. kwe ero lineni akabuga , mbakugharya nji we , Yesu Mwana wa Mugwe ale kwegolo? nikwehelate habe ng'homberya niye" ²⁹Yesu akaheda nkolo mbeju yekere monto oyyo kwa mamuna libva mwagarya nkya jineni rari akabohwa minyororo na nga agitelwe nse ya burenderi abohire atabyola bibohwelu aryala kwa jangwani kwa nguru jya biryoka .³⁰Yesu akamuborya , "Ebina lyayyo abugwabo?" akajokya , akabuga , "Legioni" kwa bulya njaneni ja mushare. ³¹Jakaendelea emsasama habe etuheda tushale kisima nane .³²Kimuhyo lya ngolobe lyasemaga ngitedgolo, jaka musasa ajahede jakadshala ngolobe jyene, akajiheda jigitebyo. ³³Ryolo biryoka jyene jakahuma monto oyyo jikashala ngolobe , jyene na kimuhyo lyene likaroha mbokelugolo jwa ngita likang'ora awani lika hala hoo.³⁴Bantu b alya basemire ngolobe bulya babande kilya kiba huma , bakaroha bakarohya bakahumya masikelo ayyo mujye nane na mubale jwa mujye kwa mujye ilya ibarongoshirye . ³⁵Bantu bulya babojirye bakagera bakabana kilya kabahuma . Na bakaja kwa Yesu ebana monto ulya biryoka jahumirye . akaba ebekire bujaregu na ale na bughara bujaregu, anyuntirye magolo nane ja Yesu, na bokaryala.³⁶Ndyo omwe wobo ulya abande kilya kibaghubukire akahejaga bange masikelo bulya monto oyyo abale na biryoka balya jya muhiraga na bulya abahorigwe. ³⁷Bantu bonse ba Mkoa wa bagerasi na mibale jilya jighobire baka ehela Yesu ekere kwobo kwa bulya bakolwa na budeki bukolo. Na akashala mtumbwi nane ejoke.³⁸Mopnto ulya ahumirye akehela Yesu agere nene, ale Yesu akamubyiela gera ukabuge, ³⁹"Joka kule nyumba yayyo na utale jalya jonse Mugwe abakugharya" monto oyyo akagera , kuhumya masikelo kwa mujye nane jonse kwa mujye yonse jalya Yesu abaghajya kwa ajili yehe.⁴⁰Na Yesu akehondola , lugu bakamkaribisha , kwa bulya bonse babamubetire. ⁴¹Raberya akaja monto omwe abugwa Yairo nomwe kate ya Bekorani ba Sinagogi, Yairo akagwa nse magolo jya Yesu na akamwehela angere kwa mwehe. ⁴²Kwa bulya ale na mwana wabaka omwe weka , Ale bilemela ekomi na bibele ,Na ale kwa hali ye ekya. Na bulya abageraga makolanu jya bantu baneni jamughobire wo muno.⁴³Wabaka ahumagwa nindaghami kwa bilemela ekomi na bibele ale ayyo na atumirye robiyya njyionse kwa baganga , ale hati rari omwe amuhorirye. ⁴⁴Akaja suha ya Yesu, na akagusa lutumu lwa ngombiryehe, na ndaghami nyehe ghafula ikoma.⁴⁵Yesu akabuga , "Nino abangusa ?" bulya balenjire bonse . Petro akabuga "Mwegeri mkolo bantu baneni bakurugudate na mbakughobire. ⁴⁶Ale Yesu akabuga, "Monto omwe na ngusire , mamuna nimbamanya nguru jibaboka kulya nde".⁴⁷Wabaka bulya abande eb a atihiketyte ebisa kilya abaghairye . Akandela ebodana , akagwa bushone bwa Yesu akatangaza bushone bwa bantu bonse kilya kilya kibamghairye amunguse ne bulya abahorigwa ghafula. ⁴⁸Asuba akamubyiela wo, "mwana wa edekela yayyo nibakughajya hole. gera na sayo".⁴⁹Abulya abaendeleire ebuga , monto omwe akaja eboka kwa nyumba ya Mwekorani wa Sinagogi akabuga , "Mwanabaka wayyo nabakya. habe esumbua Mumanyererya". ⁵⁰Ale bulya Yesu abijirye obyo, akamujokerya , "Haberyala, endekela kyoka , nakehonokigwa".⁵¹ahika bulya abasharire nyumba nane eyo atandi esegera bantu bashale hamwew nene, ehaba Petro , Yohana na Yakobo, ese ya mwana wene na ng'ina ya mwana wene. ⁵²Ryolo bantu bonse bale geine bajurelaga mwana wene kwero lineni. Ale akabuga , "Mtikambejoke esega ero lineni, atikire ,oyyo narare nkyoka ". ⁵³Ale bakamuseka kwe mughaokela, bamanyatye na nasubire ekya.⁵⁴Ale wo, akeriga mwanabaka wene kuboko akamutalonga kwe ero lineni akamubyiela , "mwana, boka". ⁵⁵Nkolo yehe ikajoka, na ngara yene akaboka , akabuga nahebwe byelya alye. ⁵⁶Bazazi behe kakadama , akabaamuru ehabe ebyela monto kilya kibaghayeka.

¹Akababugela balya ekomi na babele hamwe, akabaha bwehikya na nguru egolo lya biryoka jonse na nehorya bilwalu. ²Akabatoma bagere bakahubiri Bwegeri bwa Mugwe na nehorya barwari.³Akababyiela, "Mtikambe etola ulya kantu kwebuga ya sabari yenyu nanga msengi, nanga mubugo, nanga mkate, nanga robiyya , nanga ebala kanzu ebele. ⁴Nyumba ilya yonse mkeshala, nyuntyai ho mng'oreekera hantu ayyo.⁵Na balya batandi ebapokea, mwekera mujye yene, ekobei bunghu kwa magolo jenyu kwa bwejibe kulya bale ." ⁶Bakagera na egera bakaletya bijiji, basegerate masikelo jakuholo nehorya bantu kila hantu.⁷Ryolo Herode, Mwegeri, ojirye jonse jalya eba jaghubukate akatirireka muno, kwa bulya lyabugirwe baadi ebuga Yohana mubadisa na baryokas eboka kwa biryokane , ⁸Na bariri ebuga, Eliya nabasubeghubuka, na kwabange ebuga omwe wa manabii ja kala naba eryoka eboka kwa biryokane lenge. ⁹Herode akabuga, "Nasenjire Yohana ale oyyo ni no njojatye masikelo jehe? Na herode akasora nkondo yebana Yesu.¹⁰Ngara ilya bajoka balya batomirwe, bakambiela kila kondo kilya baghairye. Akabatola hamwe nene, akagera weka kwa mujye jubugwa Bethsaidia . ¹¹Ale makolanu jakojya bulya kulele bakamutuibagera na akabakaribisha na akagamba nabo ehusu bwegeri bwa Mugwe, na na akahorya balya bakonda ehorigwa.¹²Nkya ikarunela esira , na balya ekomi na babele bakagera egera nebuga, "Nyanyagya makolanu bagere kwa bijiji bya hadinko na mijyiene bakasore bweduduta na byelya kwa bulya tule hantu lya nyinkani". ¹³Ale akababyiela, "Enye bahai kantu kelya. bakabuga tuti bizamire binunguta bitano bya mkate Na Singiri ebele, ibahikerere tugere tukagole byelya kwa ajili ya lugu eno ya bantu." ¹⁴hale balome ekomi na batano ayyo . akabyela batubageri behe. "Banyutyei nse kwa mimuhyo jya bantu milonge etano kila kimuhyo.¹⁵ryolo bakaghajya byo bantu baka bakamunyuntya nse. ¹⁶Akatola mikate eshano na singiri ebele na akaraberya kwegolo, akabitemendya , na akajimega kwa bitye , akabiha batubageri behe ebuga babigitele bushone bwobo. ¹⁷Bonse bakalagela bakagha, bitye bya byalya bilya byatigare bika totolwa bikojola bikapu ekomi na ebele.¹⁸Nalyo likaba ebuga , lilya abehelaga ale weka , batubageri behe babele hamwe nene , akababorya akabuga , "Bantu babugaga niyye ndeou?" ¹⁹Baka mujokerya bakabuga, Yohana mubadisa, ale bange babugate Eliya, ale bange babugate nomwe kate ya manabii ja lilya lya kala akeryoka lenge ".²⁰Akababyiela , ale enye mubnugate niye ndeou? ²¹Petro akamujokerya akabuga, "Kristo eboka kwa Mugwe ." Ale kwebagirya , Yesu akababanerya bahabe ebyela monto wonse ekalaga lyene lele. ²²Akabuga ebuga Mwana wa Adamu ndazima atirireke kwa bighori bineni nelegwa mbazee nan makuhani jakolage na baandeki, na akebulagwa na nkya ya kadato nakeryoka.²³Akababyiela bonse ,"Akola monto ulya wonse akola akola nakekonda entubagera , ndazima elege wo mwene , atole nmusalaba jwehe kwonse , na antubagere . ²⁴Ulya Wonse adedemate ehonokya serye njehe nakejobya abulya ake obya serye nkwa faida yawa nake ²⁵jahonokya.,Ale , mwanda akebana nji , akola akebana nse jyonse ale obye anga abone hasara ya nafisi yehe?²⁶Ulya wonse akembanda nsoni niye na makalaga jawa , kwehe wo mwana wa Adamu akemubanda nsoni akolwa kwa buseri bwehe, na buseri bwa Baba na malaika baseri. ²⁷Ale babyelate nsaba , hale kitye kwenyu baba mwemaga oho, bati dada ghete lokyo bake eng'ore ebana Bwegeri bwa Mugwe."²⁸Ikaghubuka ebananekana nkya enyanya baada ya Yesu ebuga makalaga jaja bulya akabatola hamwe nene Petro, Yohana, Yakobo, akalenjela kwa ngite golo ehela. ²⁹Na bulya abande kwa ehela , ebanenkana lya busho bwehe bukaelajoka , na ngobi jyehe jikaba jyelagu na jikansera.³⁰Na raberya , hale balome babele bagambate nene! bale Musa na Eliya , ³¹Babandekanire kwa buseri, bagambi kuhusu egera lyehe, ekalaga lilya alehadinko ne liasuberya Yerusalemu.³²Ryolo Perto na balya babale hamwe nene bakakolwa kwa tolo ndito . Ale bulya babokire , bakabana buseri bwehe na balome babele balya babemire hamwe nene. ³³Ikaghubuka ebuga bulya babale babokate kwa Yesu , Petro akamubyiela , Njaghamba , kijaregu kweto enyuntya oho na tyugharerye butolo bwetola bantu badatu. Tughererye kimwe kyayyo, kinge kimwe kya Musa , na kinge kimwe kya Eliya." Atandi emenya kilya aba kalagela.³⁴Lele abugate bobyo , akikaja kigundu kikabasubukerya; na bakaryala bulya bashare kighundu nane kyene. ³⁵Ero likahuma kughundu nane ikabuga , "Oyo mwaniwa mlobore . Mtegeryei wo." ³⁶Ero lyasisi, Yesu ale weka . Bakanyuntya nasirire , na kwa nkya jyene jijyo batandi ebyiela rari omwe kilya bilya babande.³⁷Nkya ilya yatubagere, baada yeboka ngitegolo , bantu baneni bamogonde bakajaghana nene . ³⁸Raberya , wabalome eboka kule emogona akajura kwero , akabuga , "Mumanyererya ninjehelate uraberye mwaniwa , kweba mwana omwe weka . ³⁹Ubane nkolo mbeju nimdabaga , hating'ana asega kelele, na obyo lyaghajya agala na humwa mahuru kwa kanya. Nalyo lihumaga kwa shida, lya mughaye ojya maumivu jakali. ⁴⁰Kabila batubageri bayyo balihumwe bakalemwa."⁴¹Yesu akajokya akebuga , "Enye lubyalo kityendekere na kilangalangu , mbakale kinyuntya nenye nebalana nenye? Lete mwana oho," ⁴²kijana kibajaga, nkolo mbeju ikamkinda nse ikamusukanya kwa fujo Ale Yesu akahede nkolo eyo mbeju, akahorya kijori , na akamuhura esee yehe.⁴³Bonse bakadamigwa ni mbukolo bwa Mugwe. Ale bulya ghaghamaga bonse makalaga njonse jabaghanyekire , akabuga kwa batubageri behe, ⁴⁴"Makalaga janyuntye masikelo nane jienyu , kwa bulya Mwana wa Adamu akehumigwa bushone bwa miboko jya Banadamu". ⁴⁵Ale batandi emanya maana ya makalaga jajyo , jabisirwe mesonjobo, ebuga bahabe ejamanya , bakaryala emuborya kuhusu ekalaga lelyo.⁴⁶Ahika mgogoro jukandela jukashalela kitye kyobop na akeba mkolo. ⁴⁷Ale Yesu bulya amanyire kilya baboranaga nkolo nane jyobo, akatola mwana mriri, na akamughaghara hara yehe, ⁴⁸na akabuga , "Akola monto nakepokea mwana mriri bwe oyyo kwebina lyawa , apokeanenye sei, na ulya wonse apokerye niye , apokea ulya atomire , kwa bulya ulya mriri kwenyu enyonse no mkolo.⁴⁹Yohana akajokya akabuga , "Mwegeri, twabande monto aheda biryoka kwa ebina lyayo tuka mgirya , kwa bulya atigerenaga neshe." ⁵⁰Ale Yesu akababyiela , "Mtikambe, emugirya ulya ati kisuha nenye nwenyu"⁵¹Likabelela ebuga ,ebanekana bulya nkya jibahikelaga nkya jyehe jyeyya kwegolo nane, kwabujaregagu akabaniyya busho bwehe Yerusalemu. ⁵²Akatoma bajumbe bushone bwehe , nabokaka ng'ore eshala kijiji kya basamaria emaghererya hantu. ⁵³Ale bantu kokyo batandi empokea , kwa bulya ahondokerya busho bwehe kwa Yerusalemu.⁵⁴Batubageri behe Yakobo na Yohana bulya babane lele bakabuga , "Mwegeri ukondate tubuge mwana ahoroke nse eboka kwegolo nane ubateketeze?" ⁵⁵Ale akabaraberya akabaheda . ⁵⁶Asuba akaye kijiji kinge .⁵⁷bulya bageraga kondo jyiobo , monto omwe akababyiela , "na kutubagera kulya kwonse ugerate". ⁵⁸Yesu akababyiela , "Marayo njale bisima , nyonyi jwa kwegolo jile nyumba ya nyonyi ale mwana wa Adamu atiherarya mtwe gwehe."⁵⁹Ndyo akabyela monto onge , ntubagera, ale wo akabuga , "Mwegeri, ame nsegera limwe karyekebaa," ⁶⁰Wo akamubyela tigela bakire baryeke bakire bono, ale we gera ukahumyi masikelo jya Bwegeri bwa Mugwe kila hantu."⁶¹Monto onge akabuga sei . "Nikutubagera ale ambe nsegera nkaage bantu balya bale kwa mwawa." ⁶²Ale Yesu akamubyiela hati monto agitelaga kuboko kwehe ateme ale ahondoke kwa suha akeghwasa kwa Bwegeri wa Mugwe."

¹Baada ya bibugu bibyo ., Mwegeri akalobola bange milonge mhungati , na akatoma babele babele bamuhetele kwa kila Mujye na hantu halya akonde egera. ²Akababyiela , "ebuna nde neni, ale bamilemo mbariri . Ryolo ngo ehelai Njaghamba ye mbuna ebuga arabashe etoma bamilemo kwa ebuna lyehe.³Gerai kwa mujye , raberyai , nabatoma bwe ng'ondi makatekate ja mbobwa. ⁴Mtikambe ebala mubugo jwa robiyya , nanga mubugo jwa basari, nanga birato, nanga mtikambe enga shanyya nkondo rari omwe.⁵Kwa Nyumba yonse elya mkeshala , mbele bugai 'sayo nnikolwa kwa nyumba nane eno.' ⁶Akola monto wa sayo naleho ayo, sayo yenyu iketigwa egolo lyehe, ale tibyo , ebokire kwenyu. ⁷Tigwai nyumba nane ayo ,lagelai na Mugwe kilya bakehumwa ghai milemo na hikerere mshahara jwehe mtikambe esama nyumba eno mujye inge.⁸Mujye ulya wonse mkeshala, nabakabapokea , lyai kilyza kyionse kikegitelwa bushone bwenyu. ⁹Na horyai barwari balyabaler ayo. Bugai kwobo, Bwegeri bwa Mugwe bu hadinko nenye'¹⁰Ale mujye julya mkeshala , bahabe ebapoke a, gerai kwa kane kwa nkondo na bugai, ¹¹'Egera bughu kwa mujye jwenyu lyopmerere magolo jeto tweririba dhidi yenyu! Ale manyai lele, 'Bwegeri bwa Mugwe mbuhikelate,' ¹²Nimbabielate ebuga nkya ya hukumu ekeba ni usitahamilivu muno kwa Sodoma kuliko mujye jojyo.¹³Ole kwayyo korasini , ole kwayyo Bet5hsaida! akola milemo jikolage jilya jighaekire ndane yeyyo jyaghaekirer Tiro na Sidoni bale batubu kala muno, nanyuntyatye ngobi nane jya Magunia na ebu. ¹⁴Ale ekeba usitahimilivu munoi nkya ya hukumu kwa Tiro na Sodoni kuliko enye. ¹⁵We Kapernaumu, ugerate ukebokerigwe mbaka Kwegolo nane?' Yyango , ukaharokigwa kwanse ung'ore kwa kiselo kya nse .¹⁶Ulya akebategerya enye abategerya niye, na ulya wonse akebalega niye , abalaga na ulya wonse akendega niye abalega ulya atomire"¹⁷Balya milonge muhungati , babande bakajoka baghamere , babugate, "Njaghamba , egera biryoka jabatedekela kwa ebina lyayyo." ¹⁸Yesu akababiela , "Nibabande kiryoka kitonyi eboka kwegeolo nane bwenkoba. ¹⁹Raberya , nimbabaha bwegeri bwa bwe ghanja tyanyi na ng'oroji, na nguru jionse jya muhoma , na hati kantu kwa nkondo rari kakebadhuru. ²⁰Egera obyo mtikambe eghamela kyoka kwa lele, kweba nkolo jibabugelate ale ghamelai munoi kweba mabina jenyu jandekirwe Kwegolo nane."²¹Kwa ngara edyo eyo akaghamela muno kwa Nkolo museri, na nebuga, "Nkughorate we, Baba, Njaghamba wa Kwegolo na nsee, kwa bulya abisire bibugu bibi eboka kwa balya bale nsaba na bughara , najahingola kwa balya bati fundishirye, bwe bana baghera.Ndyo, Baba, kwa bulya ibaholohya mesone jajyo."²²Kila kindo nikeherwe kwawa ni Baba wawa, nanga hati ulya aje mwana nino ila Baa, nanga hati ulya aje Baa ni no ila Mwana, na ulya wonse Mwana akondaga Mwana ahingoke kwehe."²³akahondokela batubageri behe, akabuga Ghamelai , batemandigwa balya babnate bibi ghai enye mibibanate. ²⁴Nimbabyielate enye , Ebuga Manabii baneni na Begeri batamanire ebana bibugu bibi, na batandi ebibana , ne ojojya bilya mwojate, na batandi ojya."²⁵Raberya , Mumanyerrerya msisa wa Kioloteryo ya Kiyahudi emire ne mundendema, abugate , Mumanyererya, ngitebo mbane serye ya kala na kala? ²⁶Yesu akamubyiela , kyandekirebo kwa Kioloteryo? umisomaga bo? ²⁷Ajoka akabuga , "Ukekonda Njaghamba Mugwe wayyo kwa nkolo yayyo yonse na kwa Nkolo yayyo yonse, kwa nguru jyayo jyonse, na kwa bughara bwayyo bonse, na muhara wayo bwe we mwene". ²⁸Yesu akabuga , "Nubajonkya kwa bugharehi ghanye byo na nuketola"²⁹Ale Mumanyererya, akondate etola saba wo mwene, Akababyiela Yesu, "Na mhara wawa ni no?" ³⁰Yesu akajokya akababyiela, "Monto musisa ahorokire eboka Yerusalemu agerate Yeriko. akagwela kate kabatuji, balya bamtujire binto byehe , bakamutura na bakamuhaba akandate kitye ekya.³¹Kwa masikelo Kuhani msisa naharokaga na nkondo yene , bulya amubande akaletya hara inge. ³²Na mlawi sei byo, bulya ahikitre hosei akamubana, akaletya hara inge .³³Ale Msamaria omwe , bulya abageraga sabari, akaletya anye abale monto oyo, bulya abamubande , akarugutwe marero. ³⁴Akamusungura akamuboha bidonda byehe, akamubira maguta , naakamugitela Difai akamulenjela ntyanyi ngolo yehe, akamuhira nyumba ya bageni akemuhudumia. ³⁵Nkya ilya yatubagere akatola Dinari ebele , akaha mwene wa nyumba ya Bageni na akamubyiela , 'muhudumie na kiya kikerosa naja nikekuleha' .³⁶Nino kulya kule bantu baba badatu ,ugerate oyyo agwerere kate kabatujani?" ³⁷Mumanyererya akabuga, "Nulya abanishirye marero kulya ale." Yesu akababyiela , "Gera na ukaghayye obyo obyo."³⁸Ryolo bulya basabiate , bakashala kwa kijiji kisisa na wabaka omwe ebina lyehe abugwa Marita akamukaribisha nyumba nane mwehe. ³⁹Ale na dada abugwa Mariamu , anyuntijirye magolo nane ja Njaghamba na aketegerya ekalaga lyehe.⁴⁰⁴¹Ale Marita akeha milemo neni yegharerya byelya . Akageraq akatuba Yesu, na akabuga, "Njaghamba , utigerelate ebuga dada yawa, abang'abela gharerye nyeka ? Basi ngo ryolo mubyele andashe." Ale NJaghamba ikamujokerye ebuga , Marita utirirekate na bong'orike jineni, ⁴²Ale ni kindo kimwe kyoka kya saba , Mariamu abalobola kilya kijaregu, kilya kitwekerigetwe eboka kulya ale."

¹Likaba lilya Yesu ehelaga hantu halya, omwe wabatubageri behe akamubyiela , "Mwegeri , tumanyerye eshe ehela bo Yohana bulya amanyererye batubageri behe.'²Yesu akababyiela , mwehelate, bugai, 'Baba, ebina lyayyo ndiserigwe, bwegeri bwayyo mbuje.³Utuiha mkate jweto jwa kila nkya. ⁴Utugune buhomya bweto bwe bulya neshe tugunaga bonse balya batuhomberye . habe etuhetela kwa ededeemwa."⁵Yesu akababyiela , "Nino kweny6u akeholwa na muhenji , ulya akemutuba nabudi na umubyele , mhenji njazima mikate esato. ⁶Kwa mamuna muhenji wawa abatuba ryolo bobyo abokire sabari. na niye ntii kye muha.' ⁷Nene olya ale kwa ndane amubyele habeghatarya. mlyangu jubasubehingwa bana bawa nanye tubasube elela busele , tibokete kuha wee mkate. ⁸Nimbabyielate, rari kukakolwa atibokete akuha mikatre bo muhenji wehe , kwa bulya umugongelate lyezoka , akeboka akuha mikate bwe muhenji wehe.⁹Naniye sei mbabyelate , ehelai , nenye mkehebwa , sorai , nenye mkebana , segai hodi nenye mkehingolwa. ¹⁰Kwa mamuna kila monto ehela nakehebwa. , nakila monto asorate nakebana , na kila monto asegate hodi, mlyangu njuke hingolwa kwehe.¹¹Ni mlakolom kee kate kenyu, mwanihe ake mwehela Singiri amuha ntyanyi amamuna yehe? ¹²anga amwehela edeghe akemuha ng'oroji?. ¹³Kwa bobyo, akola enye mule baobu mje eha banabenyu zawadi, jijaregu , jeti zaidi munoi Baba wenyu wa kwegolo ebuga akebaha Nkolo museri babyo mbamwedekere?"¹⁴Hating'ana , Yesu akaba ahedate Nkolo mbeju, na monto olyaale na nkolo mbeju ale bubnu. Likaba nkolo mbeju bulya lyahumire, monto wene akahikye egamba. masau jaka dama muno. ¹⁵Ale bantu baneni bakabuga , oyyo ahumatye nkolo mbeju kwa Belizebuli ,mkolo wa nkolo mbeju.¹⁶Bange bakamudede bakakonda ababanishe engasa eboka kwegolo. ¹⁷Ale Yesu akamanya bulyabademaratye akababyiela, "Kila bwsegeri bulya bukegabeka bukeba ukiwa na nyumba igabekire ikegwa.¹⁸ Akola kiryoka kikeba ba kigabekire , bwegeri bwehe bukema bo? ghai mubugate ng'umatye nkolo mbeju kwa Belzebuli. ¹⁹Ale, Balugu benyu ghumatye biryoka kwa nkondo kee? kwa bulya eyo, bobake ebahukumu Mugwe enye . ²⁰Ale akola,ng'umatye nkolo mbeju kwa kyala kwa mugwe , Basi ngo bweger bubabajela.²¹Monto ale nguru ale na mirigo arendela nyumba yehe , binto byehe bikekolwa sayo. ²²Ale ashalelwa monto ale nguru munoi, monto oyyo ale nguru akemutuja mirigo jyehe, atolabinto byehe byonse. ²³Ulya utihamwe na niye ale kisuha na niye , na ulya atimogonatye hamwe naniye na jaraganagya.²⁴biryoka lyahuma monto, lyagera na lyasora hantu hati mai ebubwa lyedudutye. Akola ndibabola lyabu, 'kejoka halya nabokire. ²⁵Ajoka likakola nyumba nihingore na inyuntirye bujaregu. ²⁶Ryolo ngo, lyagera lya sora biryoka muhungati jalya jabe julitinga lyo lyene ajaleta jaje janyuntye hantu hene. langa ya monto wene yaba mbeju kuliko bulya yale lyambele.²⁷Lyaghubukire lilya abugaga makalaga jajyo , wabaka musisa akagamba kwero lineni mnoi kuliko bantu bonse bale mute jwa bantu na akabuga ,"Kiburi kilya kya kubyare kitemanderigwa na mabele jalya wonkire." ²⁸Ale wo akabuga , batemanderigwe balya bojatye ekalaga lya Mugwe nelighora.²⁹Ngara ilya lugu ya bantu ibamogonaga nerosa. Yesu akandela ebuga Lubyalo keke ni lubyalo kya bubeju. Kisorate eng'asa, nanga hati eng'asa bakehebwa ikere eng'asa lya Yona . ³⁰Mamuna bulya Yohana bulya ale eng'asa kwa bantu ba Ninawi byo na Mwana wa Adamu akeba eng'asa kwa lubyalo keke.³¹Malaika wa Kusini akema nkya ya hukumu na bantu ba lubyalo keke nebahukumu bo. Bulya wo abokire kwa bushone jwa nsee ebuga aje ategerye hekima jya Solomoni, na oho naleho ulya ale mukolo kuliko Sulemani.³²Bantu ba Ninawi bakema kwa hukumu hamwe na bantu ba lubyalo keke nkya ya hukumu bake kuhukumu, bulya bo batuba kwa mahubiri jya Yona . na raberya oho hale olya ale mkolo kuliko Yona .³³Hati monto olya wonse , akogya taa na amighaghare hara yonse ilekirimamu itibanekanate nanga nsee ya Kikapu. Ila okagya na amighaghara kindo egolo ebuga kila monto ashala abane mwanga. ³⁴Riso lyayyo ni taa ya mubele jwayyo. Riso lyayyo lyaba lijaregu basi mubele jwayyo jwonse juke kolwa kwenye Mwanga . Ale Riso lyayyo lyakolwa libeju basi ngo mubele jwayyo jwonse jukeba kirimamu nane. ³⁵Ryolo ngo emahelei, ebuga Mwanga jule ndane yenyu juhabee gitelwa kirimamu. ³⁶Ryolo ngo, akola mubele jwayyo jwonsee jule mwanga nane , na hati hara ile kwa kirimamu basi mubele jwayyo jukebabwetaa yokate ne humwa mwanga kwenyu."³⁷Bulya asubire egamba , Barisayo akamuhira kaya akalagele kwa mwehe , Yesu nene akashala kwa ndane akakolwa hamwe nabo. ³⁸Babarisayo bakadama kwa bulya batyandieshamaogya kabila yelya byelya byalya kwera.³⁹Ale Mwegeri akababyiela , "Enye babarisayo musabagya kikombe kwa kaane na bakuri, ale mwojore kwandane tama na bubeju. ⁴⁰Enye bantu muti bumanyi, Ale , ulya aghairye kwa kane atani eghayya na kwa ndane sei? ⁴¹Hai bahabe bilya bikwandane , na makalaga jyonse jakeba jaseri kwenyu.⁴²Ale emai enye Babarisayo kwa bulya muhumagya Zaka ya mnannaa naya machicha na kila aina ya kyelela jya bustani . Ale mubahaba bibugu bilya bya saba nehalohya Mugwe . Ndya saba muno eghayya bilya bya saba nehalohya Mugwe , bila ehaba eghayya na bibyo binge nabyo.⁴³Ale emai enye babarisayo , bulya mkonde enyuntya horiga jya bushone kwa Masinagogi nane negashigwa kwa nsoni sogoni. ⁴⁴Emai enye kwa bulya Mwanga na mberera jiti ghoro bantu baletatye kwegolo batije .⁴⁵Mumanyererya omwe wa Kioloteryo jya Kiyahudi kamujokerya , "Mumanyerya, kilya ubugate kitumunetye sei neshe." ⁴⁶Yesu akabuga , "Emai enye, Bamanyererya ba Kiloteryo! Kwa bulya muhejate bantu misabo jinenagi bati hiketye ejyebala ale enye mtihangete misabo yene rari na Mamlaka jwa byala byenyu.⁴⁷Emai enye , kwa bulya mwobokate negitela kubukumbu mberera egolo jya Manabii balya babulagirwe baghonyo mkolo. ⁴⁸Ryolo enye mraberatye neendekelana na milemo jilya baghonyoo mkolo baghairye kwa bulya saba babulagire manabii balya mwobokate kubukumbu mberera egolo jyobo.⁴⁹Kwa mamuna eyo sei, hekima Ya Mugwe ibugate , 'Nketumia manabii na batomwa bake batirira nebulaga bamwe benyu. ⁵⁰Lubyalo keke kikebajokerya kwa ndaghami jya Manabii balya babulagirwe ebokela nsee yyenkerye. ⁵¹Ebokela ndaghami jya Abeli mbaka ndaghami jya Zakaria , olya abulagirwe makate kate ya madhabahu na haseri . Byo babyelate enyee, lubyalo keke kike bajyokerya.⁵²EDmai enye bamanyererya bya kioloteryo jya kiyahudi. Kwas mamuna mubatola funguo jya bumanyii. Enye bene mtishalate,nabalya bakondate eshala mwabahingerya."⁵³Baada Yesu akera ayyo , Bandeki na Babarisayo bakamulegela nejokeranyanene kwa bibugu bizamu. ⁵⁴Bakadedema emugwata kwa makalaga jehe.

¹Kwa ngara eyo , malubu ja bantu baneni jaka mogona na hamwe , baka ng'oreehikela heghanjana . akandela eshama egamba na batubageri behe, "Hemahelai etorola lya babarisayo ni mbunafiki"²Na kutikoletwe na siri ilya ibisekire ibigwa iti subuletwe, nannga ekalaga lya kibisi lilya litimanyekanate. ³Na kilya kionse mubugire kwa kirimamu, likojigwa kwa kwelo. na bilya byionse mubugire kwa kusikelo bichuna nane byenyu bihingire biketalongwa ba egolo lya nyumba .⁴Nibabyielate baehenji bawa, mtikabeeeryala bakebulaga mubele na asika batineehikya kindo kinge kye ghajya. ⁵Ale nikebaonya ulya mkeryala . Ryalai olya nwo baada yekola abulaga, ale bwegeri jeta Jehanamu, ndyo balyelate enye , amuryalei wo.⁶Ale shomora eshanu jitigoranigatwe kwa sarafu ebele? egera obyo hati rari omwe wobo akesahaulika bushone bwa Mugwe. ⁷Ale mumanye eba , njele jya mitwe jyenyu mbitarirwe. muti kambe eryala. Enye mule batamani neni ekela shomara jineni.⁸Mbabyelate, olya wonse akenjedekela bushone bwa bantu niye Mwana wa Adamu akemwedekela bushone bwa Malaika ja Mugwe. ⁹Ale bulya wonse akendega bushone bwa bantu nene akelegwa bushone bwa Malaika ja Mugwe. ¹⁰Ulya wonse akebuga kibugu kibeju kya Mwana wa Adamu, nakesamehewa, ale ulya wonse akeruma Nkolo Museri, atyambete esamehewa.¹¹Bang'ore ebahira bushone bwa bakolage masinagogi , begeri nabalya bale na bwegeri, mtikambe eryala bwe egamba ebuga kwa ejikeradya anga ninji mkebuga. ¹²Kwa bulya Nkolo Museri na kebamanyerya bulya mkebuga ngara eyo."¹³Monto omwe kwa balya bamogode akamubyiela , "Mumanyererya, byela mwondogo wawa angambele sehemu ya bugabi bwawa". ¹⁴Yesu akamujokerya , nino abagitele eba mwekeranya na mjekeranyya kate yenyu? ¹⁵Ndyo Akababyiela , emaheleni na kila namuna lweru, kwa ba majiegi ja monto jati kwa eneneha lya binto bilya ale nabyo."¹⁶Yesu akababyela mfano, akabuga, mugonda jwa monto omwe esabijuka leka mno. ¹⁷Naakeborya ndane yehe , abugate , kegitabo bulya ntii hantu hegitela byelya byawa? ¹⁸Akabuga , kegita obyo. Kebuna darijyawa jiriragi joboke neni, ghaghare kyelya byawa byonse na binto binge ¹⁹.Kebyala nkolo nane yawa, "nkolonane , ubeghara akiba ya binto bineni bilemela bineni .Duduta , ulya , unywe na weghaghare."²⁰Ale Mugwe akamubyiela , ewe monto Mpumbavu budiko bwa kyeno bakondate nkolo yanyyo ne binto byonse bilya ubandaire bika byanjii? ²¹Ndyo likeba kwa kila monto ulya egitelelate binto na tezabekya kwaajili ja Mwegeri.²²Yesu akababyiela batubageri behe , kwa ryolo nababyela mtikabe hofu egolo lya butolo bwenyu kweba mkelya nji nanga mibele yenyu eba mkeebeka njii. ²³Kweba butolo ni zaidi ya bielya , na mubele ni zaidi ya ngobi.²⁴Raberyai nyonyi jwe kwegolo, jitikyetema nanga jitikyebuna . Jiti chumba na kibondo kyegitela , ale Baba wenyu najirageragya. enye mtibora muno ekela nyonyi! ²⁵Noho kate yenyu olya etirira nakehikya erosa dhira emwe zaidi katika butolo bwehe? ²⁶Akola mtihiketye ng'o eghayya kekyo kindo kiriri kile Kirahisi kwenji mtirirekele bibyoo binge?.²⁷Raberyai bibasho-bilya bimelaga. Jatikyeghayya milemo nanga jatiringagaale mbabyelate, rari Sulemani kwa buseri bwehe bwonse atandi ebekwa bwelimwe lya jaja, ²⁸Akola Mugwe abekaga manyeka bujaregu jya kondeni , jalya ryolo jale ho, labu jaketebwa mokinane . Ale, ti zaidi akebabeka enyee? enye ba edekela ndiri!²⁹Mtikabe etirireka kwe buga mkerya njii anga mkenywa njii,nanga mtikambeeba na hofu. ³⁰Kweba matongo jonse jya nse jatirirekelaga makalaga joboo na Baba wenyu naje ebuga mkondate bibyo.³¹Ale shamai esora bwegeri bwohe . na bibyo binge mke neneherigwa, ³²Mti kabeeryala enye kitye kiriri, kwa bulya Baba wenyu aghamelate ebaha enye bwegeri bolyo.³³Goranyai binto byenyu na mkahabahabe , mwegharye mibugo itisiragwa-hazina ya kwegolo itikomaga , hara elya bati deberete nanga nondo atihiketye eghagharya. ³⁴Kweba halya hale na Hazina yayyo, ng'ona nkolo yayyo ikekolwa.³⁵Ngobi jyienyu jilehagu jiba jibohire na mghoba , na Taa jyenyu njidisibwe ebuga njike endelea oka, ³⁶Na muba bo bantu babetelate Mwegeri yobo iboke hodi , mbaken lambana emuhingola mulyangu³⁷Bamilemo babyo mbatemandigwe , balya Mwegeri ikekola babone gharera na bohire ngobi yeehe ndehu ma mghoba, asuba akebanyuntya nse kwa belya , asuba abagharerya. ³⁸Akola Mwegeri nakeja kwa galanda ya kabele , ya burenderi bwa nabudi, nanga egera galanda ya kadato ya burenderi.³⁹Bizamire bibyo , manyai lele, akola mwegeri mwene wa nyumba abang'oriremanya ngarelya mwebi akeja , atisegerate nyumba yehe ibunjwe. ⁴⁰kolwai tayari sei bulya mutije ni ngare kee Mwana wa Adamu akenjoka.⁴¹etro akabuga, "Mwegeri, utubyelate esheka bene mifano eno, anga ubyelate kila monto? ⁴²Mwegeri akabiela , "No mtomwa mwome nanga ale kidemi ulya mwegeri yehe akemughaghara egolo lya bamilemo bange . ebuga abagabele byelya byobo ngara yo? ⁴³Natemanderigwe monto ulya, olya Mwegeri wehe akeja akemkola aghayatye bilya abyerwe. ⁴⁴Ghareha babyelate enye ebuga akemughaghara maligolo jehe jonse.⁴⁵Ale mutomwa oyyo abugate nkolo nane yehe, "Mwegeri yawa ni dedghate ejoka; ndyo akandela etura bamilemo bene, babalome na babaka. Asika akandela elagela , nenywa, nebogita, ⁴⁶Mwegeri yehe mtomwa oyyo akeja kwa nkya atijibeterere na ngara itimije , nene akemkeba bitye bitye nemugitela hantu hamwe na balya bati bone .⁴⁷Mumilemo , olya anje makondwa ya mwegeri wehe, nene atyebanekirer nanga atandie ghayya bujaregu na makondwa jehe, aketurwe marimiti janeni. ⁴⁸Ale mumilemo atije makondwa jya mwegeri wehe, ale akaghayya bilya bihikerere ehomberigwa , aketurwa marimiti jariri. Kwekola wo olya aherwe bineni, bineni bikeranywa kulya ale nene ulya wo amimirwe kwa bineni , kwehe bikeranywa muno.⁴⁹Njijire okya moki nseno, nderelate ukole njusubire oka , ⁵⁰Ale nde na ubadiso bulya kwebadiswa ndena huzuni mbaka bung'ore eba!⁵¹Ale , mugeratye eba njijire eletya sayo nseno? Yyango, nimbabyelate, anamuna yehe ndetire ekekebwe. ⁵²Ebokela ryolo, negera kwa bushone kukeeba na bantu batano kwa nyumba emwe bagabekire , na badato bakeba kisuha na babele bakeba kisuha ne badato. ⁵³Bakegagabeka , baba akekolwa kisuha na mwenehe, nan mwenehe akeba kisuha ne ese, mugharisha akeba kisuha mwanihe wa baka na mwana wabaka akekolwa kisuha na ng'ena na mugharisha wa basoni akeba kisuha ne monto wa nsoni wehe na monto wa nsoni akebakisuha na mugharisha wabansoni wehe.⁵⁴Yesu akabyelaga makolanu sei maras wabana bughjundu bibokate magharibi, mwabuga ngara ya mbura nibahika , na mbyo kubejaga. ⁵⁵Na lububu lya Kusini lya bubana mwabuga kukeba netutume lineni, Na mbyo kukeba . ⁵⁶Enye banafiki , mkehikya etafsiri ebanekana lya nse negolo ale likeba bo mtihiketye etafsiri ngara ilya ileho?⁵⁷Shenke kilya omwe wenyu atimune edemerya lilya lilesaba kwehekwa ghanyekire ngarelya olya ale na nafasi yeghayya byo? ⁵⁸Mamuna mwagera na mureseriwayyo bushone bwa Hakimu, etahidi emanya na mureaseri wayyo lele muhale kwa nkondo ahabe ekuhira kwa hakimu na hakimu akuhire kwa Ofisa na Ofisa akuta Gerezani. ⁵⁹Nikubyelate, utineehuma kokyo ukeng'ore eleha senti ya Mwisho.

¹Na ngara yene eyo, kwale na kityeb kya bantu bamibyere kulya kule Bagalilaya balya Pilato ababulagire akengiranya ndaghami jyiobo na sadaka jyiobo. ²Yesu akajonkya akababiela , Ale mugerate eba Bagalilaya ba byo bale na ng'adaba ekela Bagalilaya bange bonse kyo mamuna babadwa bubeju bobyo? ³Yango, nababyiela , ale mwalega etuba nenye mke eangamia byo bobyo.⁴Nanga bantu balya ekomi na banana Kwa Siloamu elya Munarara jwagwere ne babulaga, mudemeratye bo bale ng'adaba jine ekela bantu bange kwa Yerusalemu? ⁵Yango, Niye nabugate, ale mwalega etubu, enyye enyonse mke eangamia .⁶Yesu akababyela engana jojo, "monto omwe ale na mtini juhurere Kwa mugondegolo jwehe na akaesora magundirye kwegolo ale atandi ebana. ⁷Akabyela ulya aghareragya bustani, 'raberya , Kwa bilemela bitano naja ededema esora magundirye mtinigolo jojo ntandi ebana, jukebe , Bulya juletate Buharibifu bwanse?⁸Ulya amahelaga bustani akajokya akabuga , , Juhabe kilemela keke ebugwa njujubele nejugitela mbole kwegolo lyehe. ⁹Akola jubeleka magundurye labu bilemela jukeja, nki njaregu, ale akola njubalega eleka ujukebe!'''¹⁰Ryolo Yesu akolagwa amanyeratye kwa limwelya Masinagogi ngero bwa Sabato. ¹¹Raberya , Hale monto mugharisha omwe olya kwabilemela ekomi na binana ale na nkolo mbejuwa Bwelemwa, Na wo akaba ahogerere na atihiketye lyonse ema .¹²Yesu bulya amubande , akamubugela, akamubyela, "mugharisha , nubagitelwa huru wekere bwelemwa bwayyo". ¹³Akamugitela miboko jyehe egolo lyehe, na mara mubele jwehe akerandola na akaghora Mugwe. ¹⁴Ale mkolo wa Sinagogi akaregya kwa bulya Yyesu abakolwa abumuhorya nkya ya Sabato. Obyo Mwegeri akajokya akabyela makolanu, "Hale nkya edandatu jilya ni ndazima jeghajya milemo. Enjoi horigwai ,ale ti kwa nkya ya Sabato.'¹⁵Njaghamba ikamujokerya nebuga , "Banafiki! hati kila omwe wenyu etingola ndikele yehe nanga Ng'ombe eboka mwaleda nane ne emuhitela emuhira enywa nkya Ya Sabato? ¹⁶Bobyo Sei mwana wabaka wa Abrahamu, ulya Kiryoka kya mubohire bilemela ekomi na binana, Ale litya hekerere atingolwe kibohole kyehe nkya ya Sabato?"¹⁷Lilya abugaga makalaga jajyo . Balya bonse bamuture bakabana nsoni, ale makolanu bange bonse bakashangilia bighori bya maghebu bilya abaghajya.¹⁸Yesu akabuga , "Bwegeri bwa Mugwe bwa ngane nenji, nanga kebwa nganyya na njii? ¹⁹Manga ndetele ya Haradali ilya monto omwe abamitorire akamihira mugondegolo jwehe akaye mihurela. Ikamela ikaba mteju neni na nyunyi jya kwegolo jikoboka nyumba jyombo bitemigolo byehe.²⁰Lenge akabuga, "ujanganye na nji Bwegeri bwa Mugwe? ²¹ni manga butororu bulyua wabaka ibatorire na akengiranyya bigeru bidato bya mutu egera jukabimba".²²Yesu atembeleire kila mujyie na Kijiji kondo abanatye Yerusalemu na amanyeretye. ²³Monto omwe akaborya, Ngaghamba ni bantu bariri boka bakemuhonokigwa? akamubyela bobyo, ²⁴"Biboha ushale kweletya mulya juriragi, kwa bulya baneni bakeededema na bitinehikya eshala .²⁵Mara Baada ya Mwene wa nhyumbaa ema akahinga mulyangu, basi mkema kane nesegaga hodi mulyangumni nebuga Njaghamba, Njaghamba, tuhingole wo akebajokere na ubuge , ntibaje enyee kulya mubokate . ²⁶Ndyo mkebuga twalegelaga nenywa bushone bwayyo nawe wamanyeragya kwa mita yeto. ²⁷Ale wo akebajokere, akababiela, ntibaje kulya mubokate njekerei kwawa, enye baghayya bubeju!²⁸Kukekolwa na lujuru nesha magego ngara elya mkebana ba Ibrahimu, Isaka , Yakobo na Manabiii jonse kwa Bwegeri bwa Mugwe ale enye bene mwatebwa kaane. ²⁹Bakehika eboka Mashariki , kazikazini, magharibi ,na kusini, neduduta kwa Meza ya byelya bya lyakwela kwa bwegeri bwa Mugwe. ³⁰Nimanyate lele , wasuha nwa mbele na wambele akeba wa Suha."³¹hange hariri ngara ndi kitye kya babarisayo bakaja na bakamubyela , "Gerai na wekere oho kwa bulya Herode akondate ekubulaga". ³²Yesu akabuga , "Gerai kabyelei burayo bobyo raberyai bugusate Pepo ne horya bilwalu nkyeno na labu na nkya yab kadato nikehika bushone bwa milemo lyawa. ³³Pamoja na bibyo , ndibabelela njerige nkondo yawa ,,nkyeno na labu nesebelabu, kwa bulya litedekelete ebulaga nabii halehu na Yerusalemu.³⁴Yerusalemu ,. Yerusalemu, no abulagate manabii nebatura na mabwe balya batomire kwenyu , nkang'anabo kondate emogonya bana benyu bwe bulya gugu imogonagya bifaranga byehe gwarabu nane nujehe ale mtandi ekonda bobyo. ³⁵Raberya, nyumba yayyo nibahabwa nse.Na niye nibabielate, mtihiketye embana rari mkang'arebuga 'Natemanderigwe oyo ajate kwebina lya Mwegeri."'

¹Ikaba nkya ya Sabato, agerate kwa kaya kwa mwekorani omwe wa babarisayo elya mkate nabo bakaba bamuraberatye kwa hadinko. ²Raberya, ayo bushone bwehe hale monto abugwa atiririrwe ni bubimbu. ³Yesu akaborya bamanyi ba Kioloteryo kya bayahudi na babarisayo,"Ale, ni ndijaregu emuhorya nkya ya Sabato anga tibyo?"⁴Ale bo basizire, kwa bobyo Yesu bakamudaba aka muhorya na akamsegera agere jyehe. ⁵Nene akababyiela, "Nino kate kenyu abugwa ale na mwana anga ng'ombe itonyate kisima nane nkya ya Sabato ahabe eminyuka kane mara omwe?" ⁶Bo batijate na nguru bwe humya ejokya kwa bibugu bibni.⁷Ngara yesu amanyire bulya balya bahirwe kaya ebuga balobola horiga jya sokwa, akababyiela mufano, ababyelate, ⁸"Ngara monto ababhira kaya Harusi, ubenyuntya hantu oho jye sokwa, kwa bulya kukekolwa kule monto wa nsoni muno atigwe we. ⁹Ngara monto ulya abahire kaya enye babele abahika, akubyela we, "Ekera monto oyo hantu hayyo," na ahika kwa nsoni ukandela etola hantu ya asuha.¹⁰¹¹Ale wee wahirwa kaya, gera nyuntya kwa suha, ebuga ngara abaja ulya abakuhire kaya abane bwekubyula we. 'muhenji gera akanyuntye kwa bushoni muno." Ndyo akeba usokirqwe bushone bwa bantu balya unyuntyirye nabo mezani. Kwa bulya kila ulya egoromokatye akeharokigwa ,na ulya eharokirye nakegoromokigwa.'¹²Yesu akababyiela sei monto ulya abahire kaya, bulya ahumatye byelya bya musenya nenga bya lya kwera, habe hirakaya bahenji nanga ndogo jyayyo na balugu bayyo nanga bahara bayyo basabi, ebuga ngera baka kuhere kaya nabo we uhabe eba ubaba ubale ubalehwa.¹³Amamuna yehe, waghayya Sherehe, hirakaya bahabi, vilema, biwete na balya bahakure, ¹⁴Nawe nuketemandigwa, kwa bulya batihiketye ekuleha . Kwa mamuna ekelehwa kwa eryokigwa bwa balya bale nsaba."¹⁵Ngara emwe bwa balya bale banyuntirye mezani hamwe na Yesu bulya abojirye bibyo, nene akamubyela, "Natemandirigwe ojyo ulyua akelya mkate kwa Bwegeri bwa Mugwe!" ¹⁶Ale Yesu akamubyiela, monto omwe andaire sherehe neni, Akahirakaya bantu baneni. ¹⁷Ngara sherehe ibaba ibahika , akatoma mumilemo wehe ebyela balya bahirwe kaya , "Enjoo kwa bulya binto byionse ibasube egitelwa Tayari."¹⁸Bonse , bakarunela ehelabweguni. Wambele akabyela mumilemo, 'Mbagola mgonda ndazima gere kajuraberye.Tafadhali nisamehe. ¹⁹Na onge akabuga, 'Mbagola jozi eshanu jya ng'ombe na niyye nagera jidedema. Tafadhali nisamehe.' ²⁰Na monto unge akabuga, 'bakwa wabaka ,lyo ntijete.'²¹Mumilemo akajokya na akabyiela njaghamba yehe bibugu bibyo mwene wa nyumba akamena akabyiela mumilemo wehe 'gera haraka mitaani na biochochoroni bya mujye ukalete oho bahabi na bilema na balya bahakure na balema." ²²Mumilemo akabuga , 'Njaghamba, bibyo ubugire bibasubeeghayyeka, na egera ryolo kuhale na Nafasi.'²³Njaghamba akabyiela mumilemo, gera kwa nkondo nkolo na bichochoro na ubashurutishe bantu bashale, ebuga nyumba yawa yojole. ²⁴Kwa mamuna nimbabyielate, kwa balya bonse bambe babaherwe kaya hati rari omwe akedadagha sherehe yawa.'²⁵Ryolo lugu neni lya bantu bageranaga hamwe nene, nene akahondoka na akababyiela, ²⁶'Kola monto nakeja kwawa nene atisore esee ,ng'ina mkehe, bana behe, ndogo jyehe jya balaome na jya baka - mbyo , na egera butolo bwehe sei -atinehikya eba mtubageri bawa. ²⁷Monto alage etola msalaba jyehe neja suha yawa atihikete eba mtubageri wawa.²⁸Mamuna ni no kate kenyu, ulya akondate oboka munara ahabe eshamenyuntya atalele garama kwa kitalelu akola nale kilya abetelate ebugaasubele lelyo? ²⁹Nangale, baada yoboka msingi alemwe esuberye, bonse bakabana bakarunela emudhihaki. ³⁰Babugate , Monto oyyo arunerere oboka, akaba ati nguru jye suberya.'³¹Nanga Mwekorani kee, akonde egera elwa na mwekorani unge kwa bita, , alege eshame enyuntya nse netola bushauri emanya akola nakehikya, hamwe na bantu elubu ekomi elya na mwekorani unge aja egolo lyehe na bantu elubu milonge ebele? ³²Na akola tibyo , ngara ilya jeshi lya bange lile hale kulehu, balozi atomwa esora mashariti jasayo. ³³Ryolo basi ngo, ulya wonse kate kenyu ulya atihabete byonse ale nabyo, atihiketye eba mutubegeri wawa.³⁴Shumbi ninjaregu, ale yakolwa shumbi ibobya ladha yehe, mboikeba shumbi lenge? ³⁵Iti hale milemo kwa reri anga egera kwa mbole , iketebwa kulehu. Nene ulya ale masikelo jojya na nojye."

¹Basi badosa godi bonse na bange bale ng'adaaba bakaja kwa Yesu emutegerya. ²Mafarisayo bonse balya bandekaga bakabuga nung'unung'u bakebuga , "monto oyo asharagya bantu bale ng'adaba nelagela nabo."³Yesu akabuga klwa angania kulya bale, akabuga ⁴"No kulya mule kola ale na ng'ondi egana na obya eme atumune ehaba jilya milonge ekenda na kenda bwegolo na akaesora eyo yobire akanoire emibana? ⁵Nene abobe emibana amigitela bituru neghamela.⁶Ahika kwa nyumba abugela mahenji jehe na bahara behe akababiela ghamelai hamwe nanie kwa bulya nimbabana ng'ondi yawa elya yobire. ⁷Nimbabielate bobyo obyo kukeghaya maghamela kwegolo kwa olya ale ng'adaba omwe ahonoka, ekela balya ba saba milongeekenda nekenda balya bati nehonoka.⁸Nanga hale wabaka ke ale na matundura ekomi ja robiya , obya etundura limweatumune okya moki nehagela nyumba nemisora muno ang'ore emibana? ⁹Na asube emibana ebugela mahenji jehe na bahara behe akababiela ghamelai hamwe naniye kwa bulya nimbabana lenge etundura lyawa lilya nobirye. ¹⁰Ejagha riolo nimbabielate hale maghamela bushone bwa Malaika ba Mugwe kwa olya ale ng'adaba ahonoka."¹¹Na Yesu akabuga , "monto omwe ale na bana babele . Olya muriri akabiela esee, Baba ng'a bugabi bwawabule ng'ikerere egaba. ¹²Ryolo akagaba binto byehe gate kobo.¹³Ti nkya jineni oyo muriri akamaganiya byonse bilya ale nabyo akaya nse ya halehu na gokyio akajaragania robiya jiehe kwa egola binto bitihikerere na akajaragania robiya jiehe kwa busuji. ¹⁴Nene bulya abasubire byionse jalo eneni ekeshala nse yene akaba nakondate. ¹⁵Akagera akajandeka kwa monto omwe wa nse eyo, nene akamuhira mgonde golo jwehe eragegya ngolobe. ¹⁶Na akaba arererate eghejisha kwa miboko jalyatwe ni ngolobe kwa hati monto amuhejate kindo rari kyelya.¹⁷Na mwana oyo mriiri bulya ekalagere nkolo ndane yehe, akabuga, "mbamilemo balenga ba baba wawabajate bineni bihikire naniye ndo oho, ninkijate na jalo! ¹⁸Nkegera niye kwa Baba wawa nemubiela , "Baba ning'ombirye kwegolo na bushone bwa meso jayo. ¹⁹Ntihikerere ebugelwa mwaniyo lenge; ghaya bo omwe wa bamilemo bayo."²⁰Ndyo akaboka akaya kwa Esee.Bulya abasungurere hati halehu hariri ese akamubana akamurerera, akamurohela ne mshamata nemgesha . ²¹Mwana oyo akamubiela , 'Baba ning'ombirye kwegolo na bushone bwa meso jayo tihikerere ebugelwa mwaniyo'.²²Mulakolo oyop akabiela bamilemo behe, telai ngobi elya enjaregu mumubohe mtoryeni na kighoba kyala na birato bya magolo . ²³Asuba letai ghajau elya njamu musenje tulye neghamela. ²⁴Kwa bulya mwanawa nakire ryolo nale majiegi. Nobire ryolo naba banekana bakarunela elilya.²⁵Basi Mwana oyo mkolo al;e mgondegolo. Bulya abajire nesungurera nyumba ahojia maro jeghuja na minosi. ²⁶Akabugela mumilemo omwe akamuborya, Bibugu bibi nebuga bo? ²⁷Mumilemo olya akamubiela murinayo nabaja na ghoniyo abasunjela ghaja njamu kwa bulya nabajoka bayo' .²⁸Mwana mukolo akaregya akalege eshala ndane na esee akahuma kayane nemwehela. ²⁹Ale akamujokerya esee akabuga , "Mahela niye kugharerye bilemela bineni , nanga ntanti ehombagya salanga yayo ale otandi enjejaga kamwana ka Mbori , ebuga ng'itye eghamerya na mahenji jawa. ³⁰Ale bulya abjire oyo mwaniyo olya ajaraganiye binto byayo namnale abamusenjela ghajai njamu.³¹Esdee akamubiela, ''mwaniwa , we ole hamwe naniye nkya jyonse na bonse bilya nde nabyo msyayo. ³²Ale libale lijaregu kulya tule eghaya bighoba neghamela , mondogo wayo oyo wayo nakire na ryolo nale majiegi; nobire nene nababanekana."

¹Yesu akababiela lenge batubageri behe, "Hale monto omwe agholyanire akolagwa na mumilemo, na akeharerwa ebuga mumilemo oyo ajaraganate binto byehe. ²Ryolo musabi akamubugela , akamubiela "mbindoke bibi njojure kulya ole? Humya magori ja milemo yayo ,kwa bulya otumun ejoke eba mumilemo lenge. '³Mkolo oyo wa milemo akabuga nkollo ndane yehe ngitebo kwa bulya Mwegeri wawa nanjekerya milemo yawa ya bukolo ? Tii nguru jye tema na ehela mbanate nsoni. ⁴Ninkemanya kilya naghaya ebuga nahumigwa milemo egolo yawa yandeka bantu banjendekele nyumba jyiobo.⁵Asika mumilemo ayo akabugela basire ba Mwegeri wehe omwe wa m,bele ,akamubiela oranyatwe nji ni Mwegeri wawa?' ⁶Akabuga bimbo egana bya maguta akamubiele , 'tola borwa muntya andeka milonge eshano.' ⁷Asuba akababiela onge oranyatwenji nawe? akabuga bimbu eyana bya ngano. Akamubiela 'Tola borwa andeka milonge enyanya.'⁸Mwegeri oyo akaghora mkolo oyo mubeju kwa bilya aghairye kweghare herya . Kwabulya bakiselo geke mbagharehi muno na babanereragya kibughara na bantu ba hara jyobo ekela bulya bale bana ba buseri. ⁹Naniye mbabielate egharieni bahenjin kwa gantu kubeju ebuga byabolekana babasharye kwa butolo bwa Kala na kala¹⁰Olya ejire kwa bulya liriri lyonse akolagwa ejije kwa lilya likolo sei .Na olya mubeju kwa lilya liriri abejaga mubeju kwa lilya liholo sei. ¹¹Kola enyie mtyale bemelu kwa gantu kabeju nino akebedekela kwa gantu ka kyasaba? ¹²Na wakola mutyale bemelu kwa gantu ka monto onge no akebaha byenyu enyie bene?¹³Hati mumilemo akehikya egharya begeri babele kwa bulya akesola omwe nekonda onge, nanga akedabana na oyo ne mena oyo. Mutumune ehikya egharya Mugwe na gantu kenyu. ¹⁴Basi mabarisayo balya bakonde robiya bojya bobyio bakamuseka rehu. ¹⁵Na Akababiela, "enyie mweghorate bushone bwa bantu ale Mugwe naje nkolo jyenyu. Kwa bulya lilya lighjorowanatwe kwa bantu ni lusoro bushone bwa Mugwe .¹⁶Sheria na Banabii byaleho lya Yohana lilya ajire. Eboka lelyo busikelo kujaregu kwa bwekorani bwa Mugwe kukalagerigatwe na kila monto asagate eshala kwa nguru. ¹⁷Ale ndibosoboso nse negolo byekere ale kuhabe ekera na nga kibole kimwe kya Sheria .¹⁸Olya akehaba mkehe nekwa wabaka onge msuji nene olya agekwa olya ahabirwe mulome ababa msuji. ¹⁹Hale monto omwe aghoryanire ebohire ngobi jya maghondo na mughoba juseri na eghameragya nkya jyionse na egholyana lyehe likolo. ²⁰Na monto omwe ati gantu ebina lyehe Lazaro agiterwer mulyangune jwehe, na naghabyokire. ²¹Nene akolagwa arererate eghejisha kwa marehu jalya jatonyate kwa horiga ya mugholyani oyo ejagha sese jyala emukombaga ayo aghobyokire.²²Likaba oyo ati8 gantu agakya akatolwa Malaika kwa kikuba egolo kya Ibrahimu. Oyo agholyanire agakya akarekwa. ²³Na gokyo kwa basyota akolagwa atirirekanate abokirye meso jehe akebana Ibrahimu kwa halehu na Lazaro kikuba egolo kyehe.²⁴Akajura akabuga , "Baba ibrahimu ndererya atome Lazaro atonyerye kalwala kehe mai ndane anaghanagye luleme lwawa; kwa bulya nintirirekate kwa Moki jojo.²⁵Ale Ibrahimu akabuga, "mwanawa terya ebuga butolo bwayo wanyighire bibugu byayo bijaregu, na Lazaro Mbyo akabana jabeju. Na ryolo ale oho aghwasigatwe nawe nwojisigatwe. ²⁶Na ekela lelyo ,kugiterwe kisimiri kilehu na kineni magate jeto, ebuga bulya bakondate eboka kono baje kulya mule bahabe hikya . Nanga bantu benyu bahabe esabaga kulya tule.'²⁷Mughoryani oyo akabuga, "Baba Ibrahimu nikwehelale, ebuga omutome kwa eto kwa baba eto ²⁸Kwa bulya nde na bandogo wawa batanu abagirye kwa budekio ebuga bo sei bakeja hantu oho hetirireka.'²⁹Ale Ibrahimu akabuga,"Mbale na Musa na banabii .babiele babesekere bo. ³⁰Mugholyani oyo akabuga yengo, Baba Ibrahimu ale abatuba monto abokire mberera ndane mbakehonoka'. ³¹Ale Ibrahimu akamubiela , 'balege ojya Musa na banabii batumunedekela Rari monto akaryoka eboka mberera ndane .

¹Yesu akababiela batubageri behe, "Bibugu bighaytye bantu baghaye ng'adaba jatumunedegha eghubuka ale ema we olya ajaghayatye! ²Lyale kolwa eding'oni monto oyo abohelwe ebwew ririto eghoti ne etebwa mbaringo golo ale ahabe eghaya omwe wa Baba bariragi baghaye ng'adaba.³Erendelei . kola mondogo wayo nabakuhomberya mugirye nene atiga mughuye. ⁴kola nabakuhomberya kang'ana muhungati kwa nkya emwe ale akaja kulya ole akabuga , 'nimbatioga', mughuye!"⁵Batomwa behe bakamubiela , Mwegeri, "Turose mgiso jweto." ⁶Mwegeri akabuga , "Obokolwe mule na mugiso bo ngeke ya borong'ojwe mwale mwahikya ebela mkoyo koleka na akamele mbaringo egolo najwo njwale jwabojya.⁷Ale no magate jienyu olya ale na nmumilemo atemate mugonda nanga asemate ng'ondi, akebabiela ajoka mgondegoloi, 'boboboseja na omutye alye byelya? ⁸Ale atumune mubela gharya biyelya ndye, na njebohe kibono na ondagerye ng'orebuba elagela ne nywaa. Asuba ayo nokelagela nenywa?⁹Atumune emasya mumilemo oyo kwa bulya mbaghaya bilya aberirwe? ¹⁰Bobyo obyo nenyie Mwasuba eghaya bilya muberwe buga 'eshe tule bamilemo tutihikerere. tubaghaya gyoka jalya jahikire tughaye.'¹¹Egaghubuka ebuga bulya egeraga Yerusalemu ahetire mibale ya Samaria na Galilaya. ¹²Bulya abasharire mujyie jumwe , gokyio akaturana na bantu ekomi bale na bukoma .Bakema halehu. ¹³Bakasega egamba bakabuga, "Yesu , Mwegeri turerere". ¹⁴Bulya abababande akababiela gerai mukebanishe kwa makuhani (Bahageri) nabo bulya babagendire bakasera. ¹⁵Omwe wobo bulya ababande nabahola akajoke kwe ero lineni aghorate Mugwe. ¹⁶Akasega birugunyi magolo ne ja Yesu akamumasya. Wene ale Msamaria .¹⁷Yesu akajokya akabuga ,"Ale batandi esera bonse ekomi? baleko balya bange ekenda ? ¹⁸Hati rari omwe ababanishirye ejoka ebuga aghore Mugwe liti na oyo mugeni? ¹⁹Akamubiela , "boka oye jyayo mugiso jwayo njuba kuhorya" .²⁰Bulya ababoririgwe mabasisayo bwekorani bwa Mugwe lee, Yesu akabajokerya akabuga , " Bwekorani bwa Mugwe ti kindo kyebanekana . ²¹Nanga bantu batumune buga "raberya oho! anga, 'raberya gokyio!' kwa bulya bwekorani bwa Mugwe bule ndane Yenyu".²²Yesu akababiela, "batubageri behe ng'ende nekehikya elya mkererera ebana nkya emwe ya Mwana wa Adamu ,ale mutumune mibana. ²³Bakebabiela, 'Raberya, gokyo! Raberya oho! ale habei eraberya, nanga ebatubagera. ²⁴Bo rubaribanji lwegolo lubasatye kwegolo eboka haremwe na hara enge. mbyo Mwana wa Adamu akeba byo kwa nkya yehe.²⁵Ale mbele likeba ambe etirireka kwa bibugu bineni nelegwa kajokolo gaka. ²⁶bulya kwale nkya jya Nuhu, mbyo likeba kwa nkya jya Mwana wa Adamu. ²⁷Balagelaga, banywejaga , bakwejaga nekwebwa kukanonorehika nkya elya Nuhu ashalaga Sabina nane na kukaja mbura neni nebasoba bonse.²⁸ Mbyo lyale nkya lutu, balagelaga nenywa , bagolaga negorania etema noboka. ²⁹Ale nkya eyo Lutu ekeraga Sodoma ekaroba na mbura ya moki na kibiriti eboka kwegolo ekabasuba bonse.³⁰Bobyo mbyo likeba nkya eyo ya Mwana wa Adamu aghubukigwa. ³¹Nkya eyo habetiga olya ale garigolo ya Nyumba ahume atole binto byehe nyumba ndane . Na habetiga olya ale mugondegolo ajoke kwa kaya.³²Terya wabaka wa Lutu. ³³Wonse olya adadaghate ehonokya butolo bwehe nakejobya , ale olya wonse akobya butolo bwehe nakejahonokya.³⁴Nikubielate budiko bobyio kukekolwa bantu babele buselegolo bumwe ,omwe naketolwa na onge nakehabwa. ³⁵Kukekolwa na baka babele basejate biryo hamwe , omwe naketolwa na onge nakehabwa."36 +[bantu babele bakaba kwa moi hamwe , omwe nakeetolwa na onge nakehebwa.] ³⁷bakemuborya, "koho, Mugwe?" akababiela , " hale olya mzoga, ndyo tai bakudsanyikire kwa hamwe."

¹Asuba akababiela kwa angania bulya behikire ehela mune liti, na ng'adaghanyi. ²Akabuga, 'kwale na darisi kwa mujyie jusisa, na atyaralaga Mugwe na etyasokire bantu.³Kwale na esing'wani mujye jojyo nene amutubaga kati kariri , abugaga ndeaserya mbane kyawa kwa oyo ankayatye'. ⁴Kwa nkya jilehu atyandi kolwa ekonde emura serya, ale kweheta nkya akabuga nkolo ndane yehe , 'rari bobyio tiryalate Mugwe nanga esoka monto. ⁵Ale kwa bulya esing'wani lele ang'adekaye ninkemurasererya abane kyehe ebuga ahabe eghatarya enjijelaga hariri hariri"⁶Asuba Mwegeri akabuga, 'Tegerya bulya ababuga Darisi oyo mubeju. ⁷Ale Mugwe atumune eletela balya alobore kilya kyobo balya bamujorelate budiko na msenya ? ale wene atumune ekolwa werimiserya kulya bale? ⁸Nimbabielate ebuga akeleta kyobo libosoboso. Ale lilya Mwana wa Adamu lilya akeja, nage, kola mugiso nseeno?'⁹Ndyo akababiela kwa ngania kwa kitye kya bantu bebanate mbo bene bale kyasaba ne emana bantu bange, ¹⁰'Bantu babele bagoromikire eya (ghorobane) hekaluni etemana : omwe mubarisayo na onge midosa godi.¹¹Barisayo akema akehela bibugu bibi ale weka Mugwe nimbamasha kwa bulya ntinga bantu bange balya basarega bantu bati kyesokela, Basari nanga bo oyo mudosa godi. ¹²ng'ingaga kabele kwa nkya muhungati. ng'umagya kilya mbanaga kyionse.'¹³Ale oyo mudosa godi akema halehu Rari atandi ehikya , ebokya meso jiehe kwegolo akesega kikoba kyehe akabuga, "Mugwe, nderera niye nde ng'adaba . ¹⁴Nimbabielate , monto oyo ajokire mwehe atarewrerwe (saba) kyehe ekela oyo onge, kwa bulya olya agorehatye nakenyihigwa , ale olya aghorobanate nakebokerigwa'.¹⁵Bantu bakamuletela bana bobo baghera ebuga abadabe , Ale bulya Batubageri behe babande bobyo bakabagirya. Ale Yesu akababugela Kulya ale akabuga ¹⁶"Habai bana bariragi baje kulya nde na muhabe kwa bulya bwekorani bwa Mugwe mbwa Bantu banga baba. ¹⁷Edekelai, nimbabielate monto wonse olya atumunedaba bwekorani bwa Mugwe bo Mwana lya saba atumune ebushala .¹⁸Njigeri emwe ekamuborya akabuga, 'Mwalimu , ngitebo ebuga ngabe serye ya kala?' ¹⁹Yesu akamubiela "Sye ninji nobambugela mujaregu? Hati monto mujaregu wekerya Mugwe weka . ²⁰Nokemanya salanga , Habesara, Habe bulaga, Habe eba, Habe bugaga bwerehi, soka ng'oniyo na mwoho. ²¹Njigeri oyo akabuga 'bibugu bibi byonse ni mbinyighire eboka butanane' .²²Yesu bolya abojirye bobyo akamubiela "'obanyiherigwa kibugu kimwe. Ni nguru ogoraniye byonse bilya ole nabyo na obigele balya bati, nawe ogekolwa na kigango kwegolo -wasuba enjoo, ontubugere'. ²³Ale mugholyani oyo bulya abojirye bobyio akaregya lyonse kwa bulya agholyanire muno.²⁴Asuba Yesu, akamubana bulya abaregya lyonse akabuga , 'mbo bukeba bubibo kwa bagholyani eshala Bwekorani bwa Mugwe! ²⁵Kwa bulya ndi bosoboso lyonse kwa ngamia eheta kirasye kya muguha, ekela kwa baghoryani esyala kwa Bwekorani bwa Mugwe!'²⁶Balya bojirye bobyio bakabuga 'no ryolo , akehikya ehonokigwa?' ²⁷Yesu akajokya ,"Bibugu bilya bitumune egwasa kwa bantu kwa Mugwe mbikeghwasa".²⁸Petro akabuga, 'Ee eshe tuhabire kila kindo, kyeto na tukutubagere we'. ²⁹Asuba Yesu akababiela , edekelai nimbabielate ebuga hati monto olya ahabire nyumba yehe, nanga mukehe ,nanga mondogo wehe, nanga mwobo, nanga banihe kwa hara ya Bwekorani bwa Mugwe ³⁰Olya atumedaba bineni muno kwa kisello geke na kiselo kijate, kwa serye ya Kala na kala'.³¹Asuba akamagania balya ekomi na babele akababiela , 'Raberyai ,twagoromoka eya Yerusalemu na Bibugu byonse bilya byandekirwe Manabii lijaghire Mwana wa Adamu njakesubelwa. ³²Kwa bulya akegwatwa na miboko ndaba ya matongo na akegharigwa budandamu na kimeni netyelwa muta. ³³Basuba emutura na marimiti mbahemubulaga na nkya ya kadatu wakeryoka'.³⁴Batandi emanya bibugu bibi, na ekala lele lyakorwe libisirwe kulya bale, na batandi emanya bibugu bilya byabugirwe. ³⁵Likaba Yesu bulya abasungurere Yeriko monto omwe aahakure amuntirye mubale jwa nkondo ehelale arasigwe, ³⁶Bulya abojirye kirombeta kya bantu bahetate akaborya kindoke kibaghubuka . ³⁷Bakamubiela Yesu wa Nasareti nahetate.³⁸Asuba monto oyo ahakure akajura muno , akabuga, 'Yesu, Mwana wa Daudi, onderere'. ³⁹Balya bagendaga bakamusalamuna oyo ahakure, bakamubiela asise. Ale wene akarosa ejura muno, 'Mwana wa Daudi ,onderere.⁴⁰Yesu akema , akabuga monto oyo aletwe kulya ale. Asuba oyo ahukire bulya abamusungurere, Yesu akamuborya, ⁴¹Okondate kugharye nji?' akabuga, Mwegeri ,nkondate mbane nse.⁴²Yesu akamubiela, 'bana ngo. mgiso jwayo njubakuhorya'. Ngero eyo akabana nse, akatubagera Yesu aghorate Mugwe . ⁴³Bulya babande lele bantu bonse bakaghora Mugwe.

¹Yesu ashare neletya gate ka Yeriko . ²Na ayyo hale monto omwe ale abugwa Zakayo. Ale mukolo wa bantu badosagodi nene msabi (mugholani ).³Akondaga ebana Yesu ni monto wobo ale atyandihikye emubana amamuna hale bantu baneni , Ale kadingirishe (kamonto -mudinko) ⁴Ryolo ngo, akehetela akaroka bushone bwa bantu akalenjela mboko egolo ebuga amubane amuna Yesu akeletya nkondo yene.⁵Bulya ahikire ayyo akaraberya kwegolo akamubana akamubyiela , ' Zakayo , roherya ehuma mutegolo amna nkyeno tukenyunterania mwayyo kuke ng'orera'. ⁶Akaroherya, akaharoka akamuhira kwa mwehe aghamere. ⁷Bantu bonse bulya babande obyo bakaborobania , bakabuga , 'abagera wa monto ale ng'adaba.'⁸Zakayo akema akamubiela Mwegeri, Raberya Mwegeri nagaba gate gitye kya bugholyani bwawa ng'aa bahabe na okola nintujire monto gantu gehe nkemujokerya kahikire kaaana . ⁹Yesu akamubiela, 'nkyeeno buhonokya mbubahika mujyiene jojo amamuna wo wene Mwana wa Abrahimu. ¹⁰Amuna mwana wa monto ajire esora nehonokya bantu balya bobire.¹¹buylya babojirye jajyo akajokerya egamba akahumya egerania. Amamuna ale hadinko na Yerusalemu, Nabo bakagera bwegeri bwa Mugwe bwale hadinko ebanekana limwe. ¹²Ryolo ngo, akababiela, abisa omwe agerire nse ya halehu . Ebuga akehebwe bwegeri ale ajoke.¹³Akabugela baghayya milemo behe ekomi akabaha ghala ekomi akababyiela, 'geranagyai nkeng'ore ejoka' . ¹⁴Ale bantu ba mujyie jwehe mbamusore ryolo bagatoma bantu bagere nebuga tutikonde monto oyyo atwegere'. ¹⁵Ryolo ngo , bulya abajokire gwakaay lele aghaigwa Mwegeri, akabuga baghaya milemo balya ahabere robiyya mbajijokye kwa mwehe, ebuga amanye ninji birosire kwa milemo elya baghairye.¹⁶Wambele akaja , akabuga , 'Mwegeri, lughaka lwayyo lubarosa nghala ekomi jannge.' ¹⁷Abisa oyyo akamubiela ndijaregu mtomwa . kwa bulya wale mugwanu kwa bulya biriri, ukeba mwekorani wa mujyie ekomi.¹⁸Wakabale akaja , akabuga , 'Mwegeri lughala lwayyo lubaghayya ngh'ala eshanu. ¹⁹Abisa oyyo akamubyiela, 'tola Bwekorani bwa mujyie eshano lenge.'²⁰Na onge akaja , akabuga , Mwegeri, 'Robiyya jyayyo jiji oho najibibohirye bujaregu najibohire kijolo, ²¹Amamuna naryare bulya ule monto mubeju utolaga kilya utandi ghaghara na ubunaga kilya kitandi hurela.'²²Abisa oyyo akamubyiela kwa makalaga jayyo weninkekuhomberya we mtomwa mbeju wamanyire niye nde monto mubeju ntolaga kilya gh'agh'ara ne ebuna kilya ntyandi hurela. ²³Ryolo, ng'osi utyandi eghaghara robiyya jyawa benki, ebuga najoka njitole na kilya kibarosa?²⁴Abisa kabyiela bantu balya bemire ayyo mtujei lughala lolyo amuluha oyo ale na ng'ala ekomi. ²⁵Bakamubiela, 'Mwegeri oyyo ale na ngh'ale ekomi'.²⁶Babyelate, monto olya wonse ale na gantu nakeroswa bineni , ale olya ati , ejagha kilya ale nakyo nagegitujwa. ²⁷Ale bahoma baba bawa batyakonda mbamwekorani wobo baleteni oho mubabulage bushone bwawa."²⁸Asuba ebuga opbyo akagera bushone agortamoka eyya kwa Yerusalemu. ²⁹Likaba bulya asungurere Bethifage na Bethania hadinko na na ngita ya Muzeituni agatoma bamanyerigwa behe babele, ³⁰Akabuga: 'gerai mujyie jojyio bakara. mwashara mkekola Mwana wa ndikele atyandi ebarigwa misabo. mutingolei , mukamudetela kwawa ³¹.kola monto nababorya , 'shemutingolate?' bugai, "Mwegeri namukondate."³²Balya batomirwe bakagera bakabana Mwana wa ndikele bobulya Yesu abababyiere. ³³Bulya batingore mwana wa ndikele bene bakababyiela, 'shininji mwatingola mwana oyyo wa ndikele?' ³⁴Bakabuga Mwegeri namukondate, ³⁵Asuba bakamura Yesu, bakala ngobi jyiobo ndikele egolo na bakalenjerya Yesu egolo lyehe. ³⁶Bulya barunerere egera bantu bakala ngobi jyiobo nkondo.³⁷Bulya ahorokire ngitegolo ya Muzeituni, kijumu kya Bamanyerigwa bakarunela eghamela neghora Mugwe Kwe ero lineni, kwa makalaga jakolage jalya babande, ³⁸Bakabuga, 'ndyo mtemandigwa mwekorani ajate kwe ebina lya Mwegeri! sayo kwegolo, buseri kwegolo!'.³⁹Babarisayo bariri balya bale ekorani ndane bakamubyiela mumanyerya Sisia bamanyerigwa banyo. ⁴⁰Yesu akajokya, akabuga , "Mbabyelate ,akola baba mbabasiza ,mabwe nja kasege gamba'.⁴¹Yesu bulya asungurere mujye akajujurela . ⁴²Abugate, egashi ukamanya we, nkya ya nkyeeno kilya kighayatye oghayye sayo! ale ryolo njebisire utyijabone kwa meso jajyo .⁴³Amamuna nkya njasungurate bahoma mbekekwo bakela mujyie hadinko nawe ne kughobya nikubira eboka hara jyonse. ⁴⁴Bakegugwajisha nse we nabana bayyo batimunegutigarya rari ebwe limwe ligekelane amauna utyandi manya(egareha) nkya jilya Mugwe akondaga ekuhonokya'.⁴⁵Yesu gashara hekalu nane akarunela eheda balya bagoranagya , ⁴⁶akababyiela, "Yandekirwe, nyumba yawa ikeba nyumba ye ehela ale enyie mwanighayya ebego lya bebi".⁴⁷Ryolo ngo, Yesu amanyeragya gwonse hekalu nane. Bakuhani bakolage na bamanyerya bakyoloteryo nabekorani ba bantu bagakonde emubulaga, ⁴⁸Ale batyandi ebana nkondo yeghayya obyo amamuna bantu bonse bamutegeragya kwedemerya.

¹Ryolo ngo nkye emwe Yesu amanyerate bantu hekalu nane netalonge injili , Bakuhani bakolage na bamanyererya bakyoloteryo bakamutuba hamwe na bamalakolo. ²Bakolagire ,bakamubyiela , "tubyele nkwa Bwegeri kee oghayatye makalaga jaja anga no oyyo akuhere bwegeri bobo?"³Nene akajokya akabuga , "naniye sei ninkebaborya mubye mbyelai ⁴Bubadisa bwa Yohana . Ale, bwabokire kwegolo anga kwa bantu?"⁵Ale bakaborania bo bene kwa bene , bakabuga twabuga butabokirew kwegolo agetuborya ryolo ngo shemutyandi emwedekela . ⁶Natwabuga; bwaboke kulya kulebantu ; bantu bonse ho bagetutura na mabwe , mamuna bonse mbendekere ebuga Yohana ale mhahyoki.'⁷Ryolo ngop bakamujokerya ebuga batije kulya bwabokire. ⁸Yesu akababyiela , "'Ejagha myentimune babyela kwa Bwegeri kee ng/hayatye makalaga jaja."⁹Abyere bantu egerania lele monto omwe ahurere mughonda jwa musabibu. Akabegelana kwa bantu bulya batema muzazbibu na akayya nse enge gwa nkya jineni. ¹⁰Kwae hikela ngere yene atomire mughayya milemo kwa bantu balya batemaga musabibu.Ale bantu balya batema mizabibu bakamubulaga, bakamujokya miboko -njiwa.¹¹Asuba akatoma mughaya milemo onge nabo bagamtura nemugh'arya bibejagu nabakamujokya miboko-njiwa. ¹²Agamutoma lenge wa badatu nabo bakamugitela ng'horo bakamta gwakaane . ¹³Ryolo ngo Mwene wa Mugonda akabuga nkegh'ayya nji|(nkegitabo)? ngetoma Mwaniwa olya nkonde. mbage ghande emusoka'. ¹⁴Ale bulya balya batema muzabib bulya bamubande bagakalagela bobene kwa bene bakabuga oyo nwo mugabi . Tumubulagei, ili bugabi bwehe buba bweto'.¹⁵Bakamuhumya mubale jwa mugonda jwa muzabibu bakamubulaga aja? ge Mwene wa mugonda akebagitabo? ¹⁶Akeja esuba balya batemaga mizabibu. Na akeha mugonda jojya bantu bange". ';Nabo bulya babojirye jajyio ,bakabuga , 'Mugwe nalege.'¹⁷Ale Yesu akabaraberya , akabuga, " Aja ge andeko lele libugire bo? ebwe lyalegirwe mbalya bobokaga nyumba ababa ebwe lya mubale'? ¹⁸Monto wonse alya akegwa ebwe egolo lelyo, akebusyeka bitye bitye . Ale olya likegwela, like mughanjola muno.'¹⁹Ryolo ngo bandeki na Bakolage bamakuhani bakasora nkondo ye mudaba lyene bamanyire ebuga abugire mugeramyo jojyio kulya bale ale baryare bantu. ²⁰Bakamuraberya kwedemerya bagatoma bantu bajubijubi beg'hayyetye bantu bajaregu (basaba ) ebuga babane buhombya kwetalonga lyehe (Ekalagerya lyehe).Buga babane kyehira bekorani na begeri.²¹Nabo bakamuborya bakabuga mumanyerya ntuje ebuga ubugaga ne manyerya makalaga jya saba nanga tegharigwa ndederi ni monto wonse ale we umanyeragya saba ya nkondo ya Mugwe. ²²Ajage, ndijaregu esegera godi ya Kaisari, nga bo?"²³Ale, Yesu namanyire mutegu jwobo akababyela , ²⁴Mbaniai Dinari angania lya Monto oyo aleho oho robiyya eno na Mworwa jojo njyau?, bakabuga njya Kaisari."²⁵Nene akabbyiela , 'ryolo ngo , hai Kaisari gantu kehe kabugwa kehe na bya Mugwe bihai Mugwe . ²⁶Bandeka na bakolage babakuhani batyandihikya na nguru jya emujokerya anga emuborya kilya ababyere bushone bwa bantu. bakeshangaa majibu kehe na batyandi ebuga olya kionse.²⁷Bariri ba basadukayo bakamutuba balya babugaga hati eryokigwa. ²⁸Bakamuborya bakabuga, "Mumanyerya , Musa atwandeke ebuga monto akyelwa mwondogo ale na wabaka ati Mwana ahikire etola wabaka wa Mwondogo wehe nemubyalela .²⁹Kwale na ndogo muhungati wa mbele nakwere agakya atihabire Mwana. ³⁰Nawakabele sei. ³¹Wakadatu nene akamugaba sei bobyo sei wa muhungati agakya atihabire bana. ³²Lyaba lenge wabaka olya nene agakya sei. ³³Kwa ehika nkya Yeryokigwa akeba wabaka wau? Amamuna bonse muhungati mbamikwere.'³⁴Yesu akabyela, "Bana bonse ba nseeno bakwejagwa ne nekwa. ³⁵Ale balya bahikerere eryokigwa nehebwa majyiegi jakala na kala bati kweta nanga bakwetwe. ³⁶Anga batimunekya lenge amamuna bakanganigwa na balasyiki na mbana ba Mugwe , mbana beryokigwa .³⁷Ale bobyo baba kirembakeryokigwa ejagha Musa nabandye bantu kwekalaga lyesaka . Ayyo abugere Mwegeri Mugwe bwo Mugwe wa Ibrahimu nanga Mugwe wa Isaka nanga Wa Yakobo. ³⁸Ryolo ngo, wo ti Mugwe wa balya bakire , ale nwa balya bale serye, amuna bonse batore kwa kulya ale Mwehe."³⁹Bamanyerya bamwe bakyoloteryo bakamujokerya, "Mumanyerya , nobakokya bujaregu'. ⁴⁰Batyandi hikyegoke emuborya gantu gange gakere gakyo.⁴¹Yesu akababiela nkwobo bobyo bantu babugate Kristo Mwana wa Daudi? ⁴²Amuna Daudi mwene abugate Zaburi: Mwegeri amubyere Mwegeri wawa: nyuntya kuboko jwa bulyo, ⁴³nkeng'hore egitela bahoma bayyo magolegolo jayyo. ⁴⁴Daudi ambugelate Kristo 'Mwegeri', ryolo ngo akebabo Mwana wa Daudi?"⁴⁵Bantu bonse balya bamtegeragia akababyela Bamanyerigwa behe, ⁴⁶Emahelei na bandeki, bakondage egera bebekire ngobi jilehagu, na bakonde ngashanio nguru kulya gutelagwa binto na horiga jya nsoni kwa Masinagogi ne na hantu hansoni alejatwe big'hoba . ⁴⁷Nabo sei balagelaga nyumba jya Masinwani , nabeghayyagia behelate muno. baba ekorani lyobo likeba libibo muno.'

¹Yesu akaraberya akabana balome baghoryani binto balya bale nabyo kibondo nane kya mbeko. ²Akabana eswinani limwe muhabe nene aghagharate matundura abele kibondo nane kyambeko. ³Ryolo ngo akabuga, "Ngya saba nimbabielate esinwani oyyo muhabe abaghaghara jineni ekela bonse. ⁴Babaa bonse babahumya gitye kya binto bineni bilya bale nabyo . Ale esinwani oyo kwa buhabe bwehe , abahumya robiyya jyonse jilya ale najyo. kwa butolo."⁵Lilya bantu bange babakalagela makalaga jya hekalu bulya lyegegire bujaregu na mabwe jajaregu, akabuga, ⁶"Kwa masikelo ja makalaga jaja mubone , Nkya njikeja hati ebwe limwe liketigarigwa ligekerere egolo yaq ebwe linge lilya lititagatagirwe."⁷Ryolo ngo bakamuborya bakabuga, "Mumanyererya, makalaga jaja jakeghubuka le? na ninji gikeba erago lya makalaga jaja lilya jakeghubuka?" ⁸Yesu akajokya ,akabuga,"Gharehai muhabesasabwa .Amamuna baneni bakeja kwebina lyawa babugate 'ni niye , 'na 'ngero nibahika .' mhabe batubugera. ⁹Mwojya makalaga jya jaryari na bita muhaberyala amamuna makalaga jajyo njo jakelambane eghubuka ale mugero jutimune lambane eghubuka lyo."¹⁰asuba akababiela , "Etongo likeboka lya elwa netongo linge bwegeri egolo na bwegeri bunge . ¹¹Nse nayo ekebodanaga nuno na jalo na malwala kono na kono kukeba na bighori bineni byedeka. Ne erago lyedekya lya Kwewolo.¹²Ale bobyo makalaga jyonse jatyandihika, bakebada na miboko yobo babatirira nebahira maghoje nane nibahira hantu bhebaboha. Nebahira bushone bwa bwegeri na bekorani kwebina Lyawa. ¹³Lele likebasegera bwejibe bwenyu.¹⁴Ryolo ngo egerai nkolo nane jyenyu mhabesora kyehojojela. kule ng'ende, ¹⁵Amamuna ninkebaha makalaga jojigwa jalya bahoma benyu batimune ejokya anga ejalega .¹⁶Ale mukelegwa enjagha mbalya mbababyalaga, ndogo jyenyu bantu bamwinyu na bahenji benyu, Na bamwe bakebabulaga bamwe benyu. ¹⁷Mukesolwa mbantu bonse kyebina lyawa. ¹⁸Ale hati rari lujyele lwa mitwe jyenyu lumwe lukoba . ¹⁹Kweghumerya mkehorya nkolo jienyu.²⁰Lilya mukebana mujye jwa Yerusalemu njubaghubuka Masau Asika manyai egharagharigwa lyehe ndibahika. ²¹Abalya bale Yudea mbarohele kwa ngitegolo na balya bale magatagate kamujye mbekere na mhabeetiga balya mijye nane bashale . ²²Amuna nkya jiji ninkya jya bubeju, ebuga makala jalya jonse jandekirwe jabane bwehikila.²³Ale haba balya bale na kiburi na kwa bulya bonkatye nkya jyene amamuna nkukeba na sina mbeju ya nse , na njoko kwa bantu baba. ²⁴Nabakegwa kwebulagwa na loyyo nebobohwa bahirwa kwa Matongo jonse na Yerusalemu egeghanjwa matongo njonse kagero kantu bamatongo kakeng'orehikela.²⁵Na ryoba likeghayya erago na mweri na njoto na nse yonse kukaba na sina ya matongo jonse kukeba nenughusyeka kwebokana nojya ero lya bighjori bya mai. ²⁶Kukeba na bantu bamisate nedekania nebetela kilya kikehumela nse amamuna nguru jwa kwegolo njikesukanigwa.²⁷Lyaba ling'ina bakebana mwana Wa Adamu ajate kwa bighundugolo na nguru na buseri bukolo. ²⁸Ale makalaga jaja lilya jakerunela eghubuka emai mbokyai mitwe yenyu amamuna ehonokigwa lyenyu ndibasungura hadinko."²⁹Yesu akababiela kwegerania jurabyerai mtiini na mite yonse. ³⁰Jwasubyoka machipukizi, mwebana enye bene neemanya ebuga ghari nebasungura. ³¹Bobyo sei , mwabana makalaga jaja jabasungura, enye manyai yebuga Bwegeri bwa Mugwe ulehadinko kwehika.³²Ndya saba, nimbabielate , lubyalo lolo lutyandi ehika, mpaka makalaga jaja jonse yaghubukire. ³³Egolo na nsee jikehika ,ale ekalaga lyawa lityandi ehika kala na kala.³⁴Ale eraberyai boo bene, ebuga bulya nkolo jienyu mutije mukatolwa na bufisadi, bulevi , na mahangaiko ja serye jaja. Kwa bulya nkya eyyo ekaja ghafula akola mtego. ³⁵kwa bulya ikaba egolo ya kila omwe ale atole kwa busho bwa nsee yonse.³⁶Ale mube tayari ngara yonse , mwehele bulya mkeba imara vya kutosha kwaepuka jaja jonse yakeghubuka , na emire bushone bwa Mwana wa adamu." ³⁷Mbyo ngara jya msenya ale akefundisha hekaluni na budiko abokire kwa kane, na egera kekesha kwa ngitegolo ebugwa ngita ya Mzeituni. ³⁸Bantu bonse bakeje kwehe kutune na mapema ebuga emutegeryai ndane ye hekalu.

¹Basi ngo jighoba ya migate jitigeterwe elola ale ale ni basungura , ilya ibugwa Pasaka. ²Bakolage ba Makuhani na bandeki bakabugelana namna ye emubulaga Yesu, kwa bulya bariare bantu.³Kiryoka kikashala ndane ya Yuda Iskariote, omwe wa bamanyererigwa ekomi na babele. ⁴Yuda akagenda ekalaga na bakolage ba bekorani namna bake msegera Yesu kwobo⁵Bakaghamela , na nedekerania emha robiya . ⁶Woo akedekela , na akasora bulya akehajana Yesu kwobo halehu na kimuhyo kya bantu.⁷Nkya ya migate itigetelagwa elola ikahika, hale n'gondi ya Pasaka ndazima ihumigqwe. ⁸Yesu akatoma Petro na Yohana , akabuga, "Gerai mkatuandalia bielya bya Pasaka kwekola tugere tulagele." ⁹Bakamuborya, "Ngaha ukondate tughairye maandalizi?"¹⁰Akabajokerya,m "Tegeryai, mwasubekola mwashala mujyene, wabalome olya ebare mbira jwa mai mkajaghana nenyie . Mtubagerei kwa nyumba elya akeshala. ¹¹Ahika bielai Mwegeri wa Nyumba, "Mumanyerya akubielate, " Kile koho chumbacha bageni hantu hale keliya Pasaka na bamanyerigwa bawa?"¹²Akembania chumba kya Ghorofani kilya kile tayari . Ghayai maandalizi hoo." ¹³Obyo akagenda , na bakakola kila kindo kola bulya babierwe. Ahika bakaandaa bielya bya Pasaka.¹⁴Ngara ikahika akanitya na balya bale batomwa behe. ¹⁵Ahika ababiela, "Ndena shauku jineni elalagela sikuku eno ya Pasaka na nenyie kabila ya tirirwe lyawa. ¹⁶Kwekola nimbabielate , timune elya linge mbaka bigengereehikerigwa bwegeri bwa Mugwe."¹⁷Ahika Yesu akatola kikombe na bulya asubire hanana, abuga, "Tolai kikombe keke, na mghabane enyie kwa enyie. ¹⁸Kwekola nimbabielate, timune enywa lenge biarwa jya mzabibu, mpaka Bwegeri wa Mugwe buje."¹⁹Ahika atola mkate , na na bulya asubire nehela , akajulya na ebaha , akabuga, "Jojo ni mubele juawa juhumigwe kwa ajili yenyu. Ghayai obyo kweteriya nie." ²⁰Akatola kikombe obyo obyo baada ya elagela kya nabudi akabuga, "Kikombe keke ni ni agano lya mbya kwa ndaghami jiawa, ilya jiedekire kwa ajili yenyu."²¹Ale laberyai. Olya adagire ale hamwe nanie mezani. ²²Kwekola Mwana wa Adamu ngia saba nagenda jihee amuarewe. Ale ema monto oyyo olya eletya woo Mwana wa Adamu amulegire!" ²³Bakarunela eborania bo kwa bo. Nino kate kate yobo olya aghayya ekalaga lele.²⁴Ahika jakaghubuka ebishania kate gate yobo ebuga nino amanyatwe ebuga mkolo kwa bonse. ²⁵Akababiela, "Bekorani ba bantu ba matongo bale na bwegeri egolo liobo, na balya bale na bwekorani egolo yobo babugwa bakolage begeri.²⁶Ale atikondatwe lionse oba obyo klwenyu enyie. Amamuna yehe, haba olya mkolo kate yenyu oba kola mriri. Na olya ale nuwa muhimu muno oba kola abaghairye. ²⁷Kwa bulya noho mkolo , Aliya anitagia mezani anga olya aghairye milemo? Ale tilya anitagia mezani? Na niye naleho kate yenyu kola aghairyai.²⁸Ale enyie ndyo mbaendelee ekolwa niye kwa majaribu yawa. ²⁹Bahejate enyie Bwekorani , kola Baba bulya mbahejate niye bwekorani, ³⁰Kwa Mwekorani elegela nenyu mezani kwawa kwa Bwekorani wawa. Na mkenitya kwa biti bya enzi mbitendekeriya kabila ekomi ne bele jya Israeli.³¹Simoni Petro, Simoni Petro, Manyai ebuga, Kiryoka kihere kibabane ebuga ambapepete boo ngano. ³²Ale nibakuhelela , kwekola edekela yayo ihabe lemwa. baada ye kola mbajoka lenge, migharate ndogo jyayo."³³"Petro akababiela , "Mwegeri, ninde tayari egera nawe gerezani na jagha okola nekya." ³⁴Yesu akamujokya, "Nakubielate, Petro, jogoo itimune wika eno, kabilautyandi edega kadatu ebuga utijije."³⁵Ahika Yesu akababiela, "Liya nabahere enyie tii mbugo kikapu kya bielya , nanga birato, Ale ngale kilya mwabure?"bakajokya "Hati." ³⁶Ahika akabbiela , "Ale ryolo, kilya olya ale mbuge, najutole hamwe na kikapu kya bielya . Olya ati lubanga itakiatu ata ngobe yehee agole omwe.³⁷Kwekola nababielate , jonse jalya jandekirwe kwa ajili yawa ndazima jahike, 'Na akatolwa boo monto olya na banate kiolotery.' Kwekola kilya kabugirwe kwa ajili yawa kibahika." ³⁸Ahika bakabuga , "Mwegeri , Raberya! jiiji oho lubanga ebele." Na akababiela ,"Jahika."³⁹Baada ya elagela lya budiko , Yesu akagera, bulya olya aghayagi kwonse kwonse, akagenda Ngita ya Mizeituni, na bamanyererigwa bakamutubagera. ⁴⁰Bulya bahikire, Akababiela, "Ehelai ebuga muhabe shala majaribuni."⁴¹Akagenda halehu nabo boo egana ebwe, akasega birugunyi akehelela, ⁴²akabuga, "Baba, akola mukondate, jekerirerya kikombe keke. Ale ti bulya ya kondate niye , Ale makondaga jayo jaghaeka."⁴³Ahika Malaika eboka kwegolo akamughubukela, akamugitela nguru. ⁴⁴Akakolwa kwa eluala akehelela kwa munoi lyonsee, na ehoya lihee likoba bitinyi binenagi bya ndaghami jatonyate nsee.⁴⁵Ngere elya abokire eboka ehela lihee, Akaja kwa bamanyerigwa behe, ne bakola barare kwekola yebaregire liboo, ⁴⁶Na akababorya , Shininjii mbalala? bokai mwehelelele, ebuga mhabe shala majaribuni."⁴⁷Ngero ale bado gambate , doghora, kitie kineni kya bantu likaghubuka, na Yuda , omwe wa Batomwa ekomi na babele, ambahirate. Akaja hadinko na Yesu eba amrohate, ⁴⁸Ale Yesu akababiela , "yuda , Ulegate Mwana wa Adamu kwa mroheta?"⁴⁹Nghero balya bale hadinko na yesu bulya babande jajio jaghubukate, bakabuga, "Mwegeri, Ale tubature kwa lubanga?" ⁵⁰Ahika omwe akasega mtomwa wa kuhani mkolo , akamkeba kasikelo kwehee kwa kubulyo. ⁵¹Yesu akabuga, "Eno nihikire. Na akadaba kusikelo kwehee, akamuhorya.⁵²Yesu akabuga kwa kuhani mkolo, na kwa bakolage ba Hekalu, na kwa bamalakolo balya bajire kinyume kihee, "Ale mujate ebuga tupambana na mwebi, na maranguta, na nhyioo? ⁵³Lilya nale hamwe nenyie nkya jonse nyumbanane, mtiyadiegitela miboko yenyu egolo liawa. Ale eno ni ngero yayo, na bwekorani bwa kirimamu."⁵⁴Bakamudaba, bakamuhira, mbagamleta nyumba nane ya kuhani mkolo .Ale Petro akamutubagera kwa halehu. ⁵⁵Bada yekola babokiya moki kwa nyumba nane na bulya basubire enitiya nsee hamwe Petro akanitiya kate kobo.⁵⁶Mtomwa omwe wa baka akamubana Petro anitirie kati mwaghare jwa moki, akamudoghora akambiela, "Monto nene nabale hamwe nene." ⁵⁷Ale Petro akakataa, akabuga, "Wabaka, niye timuje." ⁵⁸Baada ya ngero hariri, monto onge, akamubana akabuga , "We nawe ule hamwe nene."Ale Petro akajokya, "Wabalome, niye tii."⁵⁹Baada ya ngara limwe obyo, wabalome omwe akakorereriya akabuga, "Ngia saba lyionse monto oyyo na bale hamwe nene, kwa mamuna ni Mgalilaya." ⁶⁰Ale Petro akabuga, "Saba wabalome ntije kiliya ubugate ." na ngara agambate , jogoo ikawika.⁶¹Akahondoka, Mwegeri akamuraberya Petro. Na Petro akateri ekalaga lya Mwegeri, hale Amubielate, "Kabila ja jogoo ewika kieno, mukedeganiya kadatu." ⁶²Akagera kwa kaane, Petro akajura kwa bulo buneni.⁶³Ahika balome balya bale bamurenderi Yesu, bakemgheghaga ne mutura. ⁶⁴Baada yemusubukeriya meso, bakamborya, "Tubielene! ni no abakotura?" ⁶⁵Bakagamba makalaga jange janeni kinyume kya Yesu ne mghariya maleghi woo.⁶⁶Bulya kwa kutuni, balakolo babantu bakamgona hamwe , bakolage baa makuhani na baandishi. bakamuhirira ghuserii, ⁶⁷Bakabuga ,"Akola wee ule Kristo, Tubiele." Ale wo akababiela , "Akola nibabiela, mtimune edekela, " ⁶⁸Na akola nebaborya mtimune ejokya."⁶⁹Ale erunelyai ryolo na gera bushone, Mwana wa Adamu akerkolwa anitirie kuboko kwa bulyo wa nguru ya Mugwe." ⁷⁰Bonse bakabuga, "Kwa bobyo wee ni Mwana wa Mugwe?" na Yesu akababiela , "Nenyie mwabuga niye olee." ⁷¹Bakabuga , "Kwa njii bado tukondate bushahidi? kwekola eshe bene tubojiya eboka kwa kaniya kehe wo mwene."

¹Kimuhyo kyonse kya bantu bakemema bakahira Yesu bushon e bwa Pilato. ²Bakarunela emura ghusiana nebuga tubakore monto oyo nahongeratye etongo lyeto negirya bantu bahabe humya godi ya Kaisari nebuga wo mwene nwo Kristo ,Mwegeri."³Pilato akamuborya , akabuga , "Ale nwe ule Mwegeri wa Bayahudi ?" Na Yesu akajokya , akabuga , "Nwe ubugate obyo." ⁴Pilato akabyiela kuhani mkolo na kimuhyoo kya bantu ntibone buhombya bwa Monto oyy." ⁵Ale bo bakahadekana nebuga aba wejaghelaga bantu nemanyeragya kwa Buyahudi nane gwonse erunela Galilaya naryolo ale oho". .⁶Pilato bulya abojirye jaja , akaborya kola monto oyyo Mugalilaya? ⁷Bulya amanyire ebuga ale nse ya Bwekorani bwa Herode akahira Yesu kwa Herode, amuna Nene ale kwa Yerusalemu gwa nkya jyene.⁸Herode bulya abande Yesu, akaghamela muno arerelaga emubana nkya jineni ojirye makalaga jyehe na rerelaga ebana ekalaga limwe lyengirania lya jalya aghayagia , wo mwene. ⁹Herode akamuborya makalaga janeni ale Yesu atyandi ambe emujokerya gantu gonse. ¹⁰Bakuhani bakolage na hamwe na bandeki bakema kwe regya bakamuresela .¹¹Herode hamwe na Sigari jyehe bakamuruma ne mug'heng'haga ne mubeka ngobi jijaregu wasuba bajokya Yesu kwa Pilato. ¹²Herode na Pilato bakaba bahenji erunela nkya eyo, (Gwa suha bale ba ngori).¹³Pilato akabugela hamwe bakuhani bakolage na (Begeri-Bekorani) na kimuhyo kya bantu. ¹⁴Akababyela, "Mwandetela monto oyyo bwe Mwekorani wenyu bantu baghaye buhombya , na raberya , bulya muboroborirye bushone bwenyu ,ntyandi ebana buhombya bwa monto oyo jeboka na makalaga jalya jonse mwamureselaga najo wo.¹⁵Yyengo , nanga Herode, kwa amamuna abamujokya kulya tule naraberya hati kilya aghairye kimulukerere ekebelwa ekya. ¹⁶Ryolo ngole ntwa mulya njoko nemuhomberya ale tumusegere. ¹⁷(Ryolo gwonse Pilato ahumagya monto omwe balya bohirwa nkya jya bug'hoba kwa Bayahudi).¹⁸Ale bonse bagasega egamba hamwe bakabuga ekerya oyyo na tuhingole Baraba . ¹⁹Baraba ale monto agiterwe jela nane ale muhombya kwa mujyie na abulagire monto.²⁰Pilato akababyiela lenge, arerelate esegera Yesu . ²¹Ale bo bagasega egamba lineni, nabuga , Msegelei mtegolo ,musegelei mutegolo." ²²Akababorya lenge lya kadatu, "Sheni njii, monto oyyo aghairye buhombya kee? ntyandi ebana buhombya bwehe bumuhikerere ekebelwa ekya. Kulya ale ryolo ngo nasuba emuhomberya ninke musegera".²³Ryolo ngo bakabiboherya kwero lineni bakondate asegelwe mtegolo (Musalabe egolo) na maro jobo jakaghayya Pilato ajategerye. ²⁴Ryolo Pilato akakeba abaha kilya bakondate. ²⁵Akabasegera olya bakondaga alya abohirwe olya aghairye kughayye joho njoko ya budandamu nebulaga monto ale akahumya Yesu kwekonda lyobo.²⁶Bulya bamuhiraga bakadaba monto omwe nkondo abugwa Simoni wa Mkerene abokate kwa nse enge baka mwebarya Msalaba agatubugera Yesu.²⁷Kimuhyo kineni kya bantu, na baka baneni bererane nemrerela ( ne munjunterya sero) bakamutubugera. ²⁸Ale Yesu akabahondokela akababyiela , banabaka ba Yerusalemu muhabe njurela niye ale ejurelei enyiye enyyeka na kya bana benyu.²⁹Raberyai nkya njijate jilya bakebuga , raberyai "mbaghasherigwe balya batibyalaga na kiburi kilya kitibyalaga na nyonto jilya jityantiokya. ³⁰Ndyo bakerunela ebyiela ngita jiiji , 'tugwele na bigita , 'turyekei'. ³¹Amamuna okola bagharatye makalaga obyo mute jwojo likeba bo jaeba jwomo?'³²Balome bange , bahombya babele, bahirwe hamwe nene ebuga (Baghubwe babulagwe). ³³Bulya babahikire hantu habugwa eguha lya Mtwe, ndyo bakamukobela mute egolo hamwe na bahombya balya, omwe hara ya bulyo olya hara ya moso. ³⁴Yesu akabuga, "Baba, baghuherye , buhombya bwobo , amamuna batije kilya baghayyatye. Nabo bagatalela olya akehira ngobi jyehe.³⁵Bantu mbenure baraberatye kono bekorani bamurahunate. Nebuga, "Bahonokirye bange . ryolo nehonokye , okola nwo Kristo wa Mugwe , alobore".³⁶Sigari na bakamumene ,bakamusungura wo na bakamuha siki (Mhaka), ³⁷Bakabuga, "Okola nwe Mwegeri wa Bayahudi ehonokye we mwene" . ³⁸Kwale ng'horo egolo lyehe yandekirwe -"OYO NWO MWEGRI WA BAYYAHUDI".³⁹Omwe wabahombya asegererwe msalaba egolo akarumana akabuga, "We tiwe Kristo? ehonokye we mwene neshe" . ⁴⁰Ale olya onge akajokya ,akabuga, akamusoromokela , akabuga, "Ajage utiryalate Mugwe , nawe ule buhombya bwene , bwene sei?. ⁴¹Eshe tuloho gyasaba, kwa mamuna eshe tuhejatwe kilya kitu hikerere kwa bilya tugh'airye . Ale monto oyyo hati kilia aghairye kibeju".⁴²Na akarosa ,akabuga,"Yesu, nkyelya ogesha Bwegeri bwayyo unterye niye" . ⁴³Yesu akamubiela "ngiasaba ninkubyielate , nkyeno ngekwolwa nawe nkyeno baradiso".⁴⁴Ayyo kwale hadinko na ryoba esasatu. Kirimamu kikarunela ojolka nse yonse kuka ghoreba ngara ya kenda. ⁴⁵Ebasha lya ryoba likangore erima. lyaba linge gitambaya kya Hekalu kikaadeka gatagate kikadyeka. erunela kwegolo mpaka kwaheti.⁴⁶Akajura kwa ero lineni Yesu akabuga ,m Baba miboko egolo yayyo ni migitela Nkolo yawa. Asuba eba makalaga jajyo akadyekanoka. akakya. ⁴⁷Mkolo omwe wa Sigari bulya abande obyo lee bilya bibaghaeka akaghora Mugwe akabuga, "Ngyasaba lyonse monto oyo abale monto wa kisaba" .⁴⁸Ngera yeni kimuhyo kya bantu baneni balya bajire hamwe eheka risa , na gusikelo bulya baba basegate bikuba byobo. ⁴⁹Ale bahenji behe , na baka balya bantubugera eboka kwa Galilaya , bakema kwa halehu baraberatye makalaga jajyo.⁵⁰Raberya , ale monto abugelagwa Yusufu amuna ale mulakolo wa Baraza ale monto mujaregu wa gyasaba . ⁵¹(Atyandi edekela bilya baghairye na bulya bakebire bo), eboka Arimataya , mujye jwa Bayahudi, jwa betela Bwewgeri bwa Mugwe.⁵²Monto oyo akasungura Pilato akehela ahebwe mubele jwa Yesu. ⁵³Akamuhorokya msalaba egolo, nejube sanda kwe ejuringela akamughara bereranane elya Yasimirwe hale ebwe ,lilya hati monto andiryeka hoo .⁵⁴Kwale ni nkya yebanerya, na sabato amuna niyasungura. ⁵⁵Baka ,nabo bakaja eboka kwa Galilaya ,bakamutubegeri ,na bakabana mberera na bulya mubele jubatambarigwa. ⁵⁶Baka joko bakabanerye bwebana maguta jalya jenyokerya. asuba nkya ya Sabato bulya Baryekire Yyesu. Kwa bulya kyoloteryo kibugire.

¹Bwelo bwaja nkya ya mbele ya juma , bajire mbereragolo, baretire ghera , lilya baghaghare . ²Bakakola ebwe libabimbirigwa halehu na mberera. ³Bakashala ndane , ale hatandi ekola mubele jwa Njaghamba Yesu .⁴Ikakolwa, ngara babandiradwa kwan lele, hariti, bantu babele bakema katekate yobo bebekere ngobi jibasha bashatye . ⁵Bakaa (Bagharisha) bakakolwa mbatiribana na bakaraberya mashoo jobo kwa nsee , bakababyiela baka, "Shii ninji mmusorate ulya ale serye kwa balya bakire?"⁶Atii ohoo, ale naryoka! teteryai bulya abugire nenyee lilya ale ahale Galilaya , ⁷Abugate ebuga Mwana wa Adamu ndasima ahumigwe miboko egolo jya bantu bale ng'adaba na abulagwe , na nkya ya kadatu, aryoke lenge."⁸Baba balya bakateerya bibugu byehe, ⁹na bakajoka eboka mbererane na bakababyiela bibugu bibi byoonse balya ekomi nemwe na bange boonse . ¹⁰Basi Maria Magdalena , Joana , Maria ng'ina ya Yakobo, na baka bange boonse hamwe nabo baka humya masikelo kwa batubageri.¹¹Ale kusikelo koko kukabaneka boo bwa nginyala kyoka kwa mitume . na batandi ebedekele baka babyo. ¹²Rari bobyo Petro akaboka , na akaroha ebanaa kwa bererane , na ghumelate na araberyate kwandane , akaba nanga yoka . Petro wasuba akagera kwa kaya kwa mwehe, adamate ninji keke kyaghubuka .¹³Raberya , babele balya bale hamwe bakorwe bagerate nkyeyo eyoo kwa Kijiji kimwe kibugwa Emmau, kilya kyale maili milongo edandatu eboka Yerusalemu. ¹⁴Bakaborania boo bene bibugu byioonse bilya byahumirye .¹⁵Ikaba ebuga m ngara elya bakorwe bakalaganatye ne borania makalaga , Yesu akasungura hadinko akagerana nabo. ¹⁶Ale meso jobo njashekirerigigwer elege emumanya mwene.¹⁷Yesu akababyiela , "Ninjii kilya anyee mkibugate lele mgerate?" bakema ayoo babonekanate bakondate ejura. ¹⁸Umwe wobo , ebina lyehe Cleopa , akamujokerya , "Ghai wee ule monto weka ohoo Yerusalemu utije bibugu bilya bughubukire kono nkya jiiiji?"¹⁹Yesu akamubyiela, "Mbibugu kee?"Bakamujokerya , "Mbibugu bya Yesu Mnazareti, ulya ale Nabii, muhikya bibugu na makalaga bushone bwa Mugwe na bantu boonse . ²⁰Na kwa bulya bakolage ba bmakuhani na bekorani beto bulya bamuhumirye begharigwa lukyo na emuheneka .²¹Ale ntwa mwedinyire ebuga wee nwee akebughaghara batibohire Israeli. Mbyoo, wabaka bibi byoonse ngareno ni nkya ya kadato eboka bibugu bibi bughubuke .²²Ale ngoo, kilye kya baka eboka mberi yeto mbaa tudamirye , baada ya ekolwa mberterane kutune muno. ²³Bulya babore mubele jwehe , bakaja , babugate ebuga babandigwe biraryoku bya Malaika babugere ebuga ale serye. ²⁴Kilye kya balome balya bale hamwe neshe bakagera mbererene, na ekola mboo bulya bakaa babugire . Ale batandi emubana wee mwene."²⁵Yesu akababbyiela , "Eshe bantu baraganagu na mule nkoo jirito jyetubegera byoonse bilya Nabii babugire !. ²⁶Ale lityale lyab lazima Yesu etirirwa kwa bibugu bibi, na eshala kwa bijaregu bwehe?" ²⁷Wasuba erunela boka kwa Musa na Manabii boonse, Yesu akabakalagerya bibugu byehe mwene kwa jilya jandekirwe jionse.²⁸Batigarya hadinko kijiji kekyo , kokyo bakorwe bagerate, Yeu akaghayya boo agerate bushone. ²⁹Ale bakamusimerya , babugate , "Muntye hamwe neshe , kwa bulya kugerate ba lyakwera na nkya bomanga nibasira. "Boobyo Yesu akashala egera emuntya nabo.³⁰LIkahuma ebuga , ngara amuntirye nabo elagela , akatola mukate , akajuhela , na ejubuna , akabaha . ³¹Wasuba meso jobo jakahingolwa , bakamumanya na akoba ghafula bushone bwa meso jobo. ³²Bakabyelana boobene, "Ale nkolo jyeto jityale ndane yeto, ngara (ngende)agambaga neshe nkondo , ngara atuatuhingorere maandiko?"³³Bakabooka ngara eyo eyo , na ejoka Yerusalemu bakamukola balya ekomi nemwe bamogonde hamwe , na balya bale hamwe nabo. ³⁴Babugate , "Njaghamba nabaryoka lyasaba , na abahumela Simoni." ³⁵Bobyo bakababyiela bibugu bilya bihumire kwa nkondo , na bulya Yesu abandigwe kwa busaba kwobo kwa ebuna kibaraghu kya mukate .³⁶Ngara elya bagambate bibugu bibyo, Yesu mwene akeema kate koobo, na akababyiela , "Sayo ikolwe nenyee." ³⁷Ale bakaryala ne dekania , na bakagera ebuga babande nkolo.³⁸Yesu akababyiela , shee ninji mwatiribana? shee ninji eborigwa jahuamte nkolo nane jyenyu? ³⁹Raberyai , miboko jyawa na magolo jawa, lyebuga niniee mwene. Njerigai na mubane . kwekola nkolo itii nyama na maguha , boobulya mumboone niee eba nabyo." ⁴⁰Bulya asubire ebuga bobyo , akababania miboko jyehe na magolo jehe.⁴¹Lele bakaghamela lyengirane na elage edekela , na edama , Yesu akababyiela , "Ale mule kantu koonse kelya ?" ⁴²Bahamuha kilye kya singiri ihakyerire. ⁴³Yesu akakitola , na ekilya bushone bwobo.⁴⁴Akamubyiela , "Lilya naale nenyiee, nababyere ebuga byonse bilya byorirwe kwa kyoloteryo kya Musa na Manabii na Zaburi bikeng'ora ehikela."⁴⁵Wasuba akahingolo maghara jyobo , ebuga bahikyee emanya maandeko. ⁴⁶Akababyiela , "Ebuga niarirwe, Kristo amnenserigwe etirirwa, na eryoka lenge eboka kwa ekya nkyaa ya kadato. ⁴⁷Nee ejiehelela na elyelwa mata jya ng'adaba lazima italongwe kwebina lyehe kwa matongo jyionse , ebokela eboka Yerusalemu.⁴⁸Enyee ni mbejibe wa bibugu bibi. ⁴⁹Raberya, mbahirate ng'oryenda ya baba wawa kwee enyee. Ale betelai ohoo mijiene , eng'ora mung'ore ebekwa(egitelwa) nguru eboka kwegolo.⁵⁰Wasuba Yesu akabahetela kwa kaane eng'ora batigarya hadinko Bethania . Akabokya miboko yehe kwegolo, na akabatyela mata. ⁵¹Ikahuma ebuga, ngara lilya alatyelaga mata (abehelaga), akabahaba na akebalwa kwegolo ebanigwa kwa kwegolo nane.⁵²Basi akamwendekela , na ejoka Yerusalemu na eghamela lineni. ⁵³Bakaendelea ekolagwa hekaluni, behelaga Mugwe.