Samba: Bible for Bisalu

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Bisalu

411Mu muganda wu Gahungu ba yagula mudiambu ye Yesu mbi daadi di binu ba maasho di lu matshi di gidugi daadi di fwunu.12 Baadu ba fani guluga kaga gwedi ndi,mudiambu Gahungu loo ga hegi baadu djina di muudu wega aya mugifudi dina di fani gu ba gulusa.13Gimvuga gi neeni gi bayuda ba yidugi ngolu dangu di ba daadi gigesa gi Piela ye Yoani,mudiambu loo ba bagisagi mbi beedi baadu ba Fwunu yi vula kega mbi ba longugi kega.Gu ngoyi bitshi yaba mbi bendagagi luda ndjila yi moshi ye Yesu. 14 Haa,bu badadi muudu wuna wu gindi,ga niamugi pena-pena ye baa,bwoona loo ga gadi shi pandi yi moshi yina yi ba fani yagula.15Dangu di,ba ba dushi gu djigu dina di ba yagudila mapandi,ya yena ba yandigi gu yagula baa ye baa. 16 Mbi:"kii du fani hnga baadu baa?"Mudiambu baadu bootsu ye Yelusalemi ba yabi pimbu-pimbu mbi baadu baa ba hangi mapandi ma moshi ma gu yiduga.Bwoona pidu loo du fani gu ma duna.17 Haa du ba hemina ngolu lu delegu shi muudu wu moshi kega.Mapandi mu djina di Yesu.Bwoona tsangu di mapandi mana maa magonda pasagana gwedi baadu. 18 Dangu di,ba mu legi kega ya yena ba ba leshi mbi:"loo gu longa kega,loo gu yagula kega mapandi mu djina di Yesu.19Haa,Piela ye Yoani ba baleshi mbi:"yindulani teegu,gu misu ma Gahungu pidu kii du fani hanga,du fani lemvuga gwedi binu,mbi loo gwedi Gahungu. 20 Haa pidu,loo du fani yambula mu gu yagula mudiambu ye mapandi maa ma du yugi ye ma du dadi.21Dangu di mvuga gi neeni gi baadu ba badungigi kega gi vula,ye yaa ba bayambudi mu gwenda ye loo ba badadi pila yi gu ba hega ndola,mudiambu baadu bootsu ba hegagagi lugumu gwedi Gahungu.Mudiambu ye mapandi mana ma ba hangi. 22 Muudu wuna ga gindi mu pila yina yi gu yiduga ga gadi ye mvula magumi maya ye ndambu.23Dangu di bambudi Piela ye Yoani gwedi ba pangi ba baa,ya yena ba bayabishi mapandi mana mootsu ma ba leshi ba mbuda badibundu ye bana bega.24 Dangu di ba yugi mapandi mana ma baleshi Piela ye Yoani,ba bootsu ba sambidi Gahungu mu gimvuga mbi:"Fwumu,ndji muudu wu hangi yilu ye manu ye nzadi mungu,ye bima biootsu bina bi biaa.25 Ndji wu leshi muhunga woogu mu gu du lesa kaga Davudi,muudu wuna wu sadila mu gu yagula mapandi maa:mudiambu di kii baadu bana ba gondi bayuda ba badisaa?Mudiambu di kii baadu ba ganaga mapandi ma pamba-pamba mudiambu di baadu bega?26Ba todila ba gifudi gi ba yilami mudiambu di gu nwana bidumba.Ba fwumu ba wanagani gi hani gi moshi mudiambu di gu nwanisa Fwumu Gahungu ye Mesiya wandi.27Mu mukiediga Erodi Antipashiye Posu Piladu ba vugani ye bula dina ye banzendji baadu ba biganda bi Yishiledi mudiambu di gu hanga mapandi ma mbi gwedi muudu woogu wuna Yesu wu sadilaga ye wu wusoodi mu gu gala Mesiya. 28 Ya yena ba hangi mapandi mootsu mana ma wu gani tegu gu twala mu ngolu djagu ye luzolu lwoogu.29Bwoona,Fwumu,dala pila yi ba ba dubangiga bwoona,du hega gi gesa giootsu gi guyabisa tsangu djiagu gwedi baadu. 30 Dandumuna googu diagu mudiambu di gu gidisa baadu ye ba hanga mapandi ma gu yiduga mu djina di muudu woogu Yesu wu sadilaga. 31 Dangu di lu sambi Gahungu gu hwii,gi hani gina gi ba wanaganaga gu nigani.Ba bootsu ba yudi ye muhunga wu Gahungu,ya yena ba yandigi gu yabisa tsangu dji Gahungu ye gigesa giootsu.32Baadu ye gi mvuga gi ba kishidu mabanza ma moshi ye mbundu yi moshi.Shi muudu wu moshi loo ga yagudi mbi bima biandi kaga,haa ba gabaga bima bi baa biootsu mu kadi ga baa. 33 Mu ngolu dji vula ba tumwa ba hangisagi pila Gahungu ga niamugishi Fwumu Yesu mu lufwaa.Ya yena Gahungu ga ba hegi lu sagumu lu neeni.34Shi muudu wu moshi loo mu kadi ga baa wu gadi tsugami,mudiambu baadu bootsu bana mu kadi ga baa ye londi di gifudi gi baa,mu manzu ma baa ba degagagi mbongu djiootsu ba needagagi. 35Ya yena ba hanagan gwedi ba tumwa.ba gaba gosu muudu mu pila yandi yi gedi yaa fwunu.36Gu gadi muudu wu moshi djina diandi Yizefu,wuna wu ba tumwa wu balendigagi kega Badinabashi:di songa mbi muudu wuna wu hegagagi baadu gi gesa.Ga gadi muudu wu giganda gi Levi,ga budugi ye yanga di Shipre.37 Ga gadi ye ngundu,ga degi ya yena ga hani mbongu gwedi ba tumwa.
51Gu gadi muudu wu moshi djina diandi Ananiashi,ye mukedu wandi Safira.Ba degagagi ndambu yi manu ma baa. 2Haa Ananiashi ga gadudi ndambu yi mbongu ya yena ge hana ndambu yega gwedi ba tumwa,mukedu wandi kega bu ga yabagi mapandi mana.3Piela ga yagudi mbi:Ananiashi mudiambu di kii sadana ga gu godi mu mbundu yaagu,ga ba gu lela mu gudaa bupala gwedi muhungua wu Gahungu?Mudiambu di kii sadi swega ndambu mbongu di wu degi manu mana? 4 dangu di wu gadi wu gonda dega manu mana disonga loo magadi magu?Dangu di wu degi mbongu dji gadi djiagi shi.Wu kanda hangila nga bwoona bu wuzolagi.Kii pila wu hangi mu mbundu yagu mu gu hanga buna?Loo wu yagudi bupala gwedi baadu haa gwedi Gahungu.5 Dangu di yugi Ananiashi mapandi mana ga bwii ya yena ga fwii.Booma bu vula shela bu gami baadu bana ba yugi mapandi mana. 6Baana ba bagala bitshi ganga mvumbi yandi miledi ba munedi ye ndjila mudiambu di gwenda gu mu djiga.7Gidesu gi madangu madadu maludi,gu ngoyi mukedu wu Ananiashi gitshi goda kega.Loo ga yaba mapandi mana mabwii. 8 Piela ga mu yufudi:ndesa,mbi mu talu yina lu degi manu ma binu?Ndi mbi:"eeh"ya yina kaga.9Ya yena Piela mbi:"mudiambu di lu wagani mu gumega muhunga wu Gahungu?Yuga,baadu bana bendi gu djiga mulumi woogu,ba gumi ye giafulu,ba mu needi kega ye ndjila. 10 Kaga mudangu diadina ga bwii mu milu mi Piela,ya yena ga fwii.Dangu baana ba bagala di bitshi goda ba mudadi wufwii.Ba muneedi yendjila bendi mu djiga pena-pena ye mulumi wandi.11 Booma bu vula bu gami baadu bootsu ba dibundu ye bana bootsu ba yugi mapandi mana.12Ba tumwa ba hangaga mapandi mavula ma gu yiduga mu kadi ga baadu.Ba kidishidu bootsu ba wagani mu gimvuga gi moshi mu mbasani yi Salomon, 13 ye shi muudu wu moshi loo gitsaga wanagana ye baa;haa ba bahegaga lugumu lu vula.14Ba bagala ye bakedu ba vula ba gumbulaga Fwumu Yesu mu mbundu dji baa,ya yena talu yi ba kidishidu yi gumaga yi vula. 15Mudiambu di mahanga mana ma hangaga ba tumwa baadu bitshi gu saa bakashi mu mabala-bala ye londi di biandu ye mu bipoyi mudiambu,dangu Piela di gwitsa luda givudivudi gi gama gosu muudu wuna mu kadi ga baa. 16Baadu ba vula bitsaga,ba dugaga mu mabula ma pena-pena ma Yelusalemi,mudiambu mu gwitsa gu Yelusalemi.Bitsaga needa bakashi ye bana ba gadi ye mihunga mimbii.Bwoona ba bootsu ba gindaga.17Fwumu wu ba nganga badibundu ye baadu bana bootsu ba gadi ye ndi ba mu gu goda mu mapandi mana mudiambu ba gadi musogi gwedi ba tumwa.18 Ba gami ba tumwa ya yena ba shi mudangu mbada.19Haa mu kadi ga piba,wandjio wu Fwumu Gahungu gitshi gangula giafulu yi dangumbada,ga ba dushi ye ndjila ya yena ga ba ledi mbi: 20 "Ndalwenda lu manina ye nzu Gahungu.yabisa baadu mapandi mootsu mana ma dadidi mooni wu paa.'' 21 Batumwa ba yugidi wandjio wuna,ya yena mu musuga-musuga shela bendi goda mu nzu yi bisambu ba yadigi gu longa.Fwumu wu banganga ba Gahungu ye baadu bana ba gadi yendi,ba lendigi ba lendigi bambuda bootsu ba Yishiledi,ga dumishi ba pudishi bandi mu gwenda dinga ba tumwa mudangumbada.22Haa,dangu di gumi ba pulushi gu dangumbada loo ba badadi,bitshi vuduga,ba bayabigishi: 23''Du dadi dangumbada yi gu ganga pimbu-pimbu shela,ba pulushi ba manani ye twala yi giafula,loo ba dadi shi muudu wu moshi mukadi.''24Ba yugi mapandi mana,fwumu wu bapulushi ba mudangumbada ye bambuda ba dibundu ba yidugi ngolu mudiambu ye batumwa,ba di yufudi mu mbundu dji baa mbi mapandi ma bwii. 25Muudu wu moshi gitshi ba yabigisa mbi:"dala baadu bana ba lushi mudangumbada,beedi mu nzu yi bisambu.Ba balonga baadu!26Dangu di,fwumu wu bapulushi ye baadu bandi be dinga ba tumwa.Gitshi gu ba vudula,haa lombi mu ngolu,mudiambu ba yuga booma,mudiambu ye gu ba zuwa mu madaadi. 27 Dangu di di bitshi ba vudula gu hwii,ba basambishi gu twala yi gimvuga gi neeni gi bayuda.Fwumu wu banganga ba dibundu ga ba yufudi mapandi mbi:"du hani tshigu dji neeni mbi muudu wu fani longa mu djina dina?Haa binu dala 28mapandi mana ma luhangi:lu pashi tsangu dji binu ye bula di Yelusalemi di mvimba.Ye lu ba yagula mbi pidu du zuwii muudu wuna.29Piela ye batumwa bana bega ba baledi mbi:"du fani lemvuga tegu gwedi Gahungu,haa loo mbi gwedi baadu. 30Gahungu wu ba kaga dji pidu ga shamugishi Yesu mu lufwaa wuna wu ba zuwii mu kulundji. 31 Gahungu ga mu dombushi gu yilu mu ngolu djiandi,ga hangi mu gala Fwumu ye kulundji mudiambu mu guhana ndjila gwedi beeni Yishiledi mu gu balumuna mbundu ye mu gu gumbula mbi Gahungu bu ga balolula mudiambu ba hangi masumu. 32 Pidu ye muhunga wuna wu Gahungu wu ga hani gwedi baadu bana ba mu lemvugilagi,dwedi batumwa ba mapandi mana.33Dangu di gimvuga gi neni gi bayuda ba yugi mapandi mana,ba yugi kabu dji vula.Ba geshi mbi batumwa ba fani fwaa. 34Haa gu gadi ye mu fadishi wu moshi mu gi mvuga gina,djina djiandi Gamaliele.Ga gadi longio wu tshigu.Baadu bootsu ba mu djidisaga.Ga niamugi,ya yena ga leshi baadu mu gu dusa batumwa ndambu ye ndjila.35Ya yena ga ledi baadu bana ba gadi mugimvuga mbi:"binu beeni Yishiledi gebani mudiambu ye mapandi maa lu ba zola hanga baadu baa. 36 Mudiambu gu yela loo gu vula,Tedasi gitshi mu kadi ga pidu,ya yena ga yandigi gu yagula mbi gedi muudu wu Fwumu.Gi desu gi baadu kama ye djiya ba vugani gwedi ndi.Haa baadu bega ba mu zuwi,ya yena bana bootsu ba mulandaga,ba pasagani.Shi muudu wu moshi loo ga sadi mu gimvuga gina. 37Gu ngoyi yandi yudashi mweni Gadileya gitshi mu kadi ga pidu dangu di ba sonigisa madjina ma baadu.Ga bendi baadu ba vula mu gu mulanda.Ba mu zuwi kega,ya yena baadu bana bootsu ba mu landagagi ba pasagani.38Dangu di ba lu lela mbi loo gu landa baadu bana ba yambulani benda mudiambu mbi mapandi maa ba bagana mbi ma ba hanga maduga gwedi baadu ba kenda. 39 Haa mbi gu mukiediga mapandi ma mabaduga gwedi Gahungu,loo ba gu ma zuwa.Giebani mbi loo gu moniga mbi lu nwanishi Gahungu.Baadu ba gimvuga gina ba landi ndongishila di Gamaliele.40Ba lendigi kega batumwa,ba babudi,bwoona ba baledi mbi:"loo gu longa kega mu djina di Yesu,ya yena ba bayambudi."41 Batumwa ba gadugi mu gimvuga gi bayugi mu gieshi giootsu,mudiambu Gahungu ga dadi mbi ba fani mu gu dala tsooni mudiambu di djina di Yesu. 42Gosu gilumbu mu nzu yi bisambu ye mu manzu ma baadu,baa longaga ye gu yabigitsa tsangu dji pimbu dji Yesu Mesiya
61Mu dangu dina talu yi ba kidishidu di du gadi muni guma ba vula.Bwoona ba yuda bana ba yagulaga ndaga yi gigregi,ba bogudaga gwingi mudiambu ba balesaga mbi:"bakedu bana ba mafwidi bedi yaa ye kadi ga pidu,binu loo lu basadisaga mu dangu di lu gabisaga madongu gootsu gilumbu.2Balongugi bana gumi ye bioodi,ba lendigi ba kidishidu bootsu mu gimvuga gina.bwoona ba baledi mbi:"loo gwedi pimbu pidu mu yambula gisalu gi gulonga tsangu dji Gahungu mudiambu ye gu gabisaga madongu. 3Bwoona,binu ba pangi solani ba bagala ba ntsambadi mu kadi ga binu bana beedi ye bifii bi pimbu ba fani gala baadu bana bana ba yuudi ye muhunga wu Gahungu.ba fani gala ye mayela ma vula.bwoona du saa mu gisalu gii. 4Du saa ngolu mu gu samba Gahungu ye gu yabisa tsangu dji pimbu.''5Baadu bootsu ba gimvuga gina ba gumbudi mabanza mana.Bwoona ba soodi Etieni,muudu wu moshi mu kadi wu yudi ye muhunga wu Gahungu ye lugwigilu luvula.Bwoona ba soodi kega Fulubi,proshori,Nikanori,Timoni,Padimenashi,ye Nikola,muudu wu Antioshi wu gidugi mu yuda. 6Ba needi gu misu mi batumwa,ya yena ba tumwa ba sambi Gahungu gu hwii ba bashi mioogu.7Dangu di danga yi Gahungu pasagani mu ndambu ye ndambu,talu yi ba kidishidu yitshi yi vula gu yelusalemi.Banganga ba Gahungu bendi ba gumbudi lugwigilu luna.8Gahungu ga sagumuna Etieni gwingi,ya yena Etieni ga gumi ye ngolu dji vula.Gahungu mapandi maa guyiduga mu kadi ga baadu. 9 Haa gu gadi ye baadu bega ba galaga gi mvuga gi moshi gu nzu yi bisambu yi ba yuda.Bwoona yi ba lendiga nzu yi bisambu yi baadu ba gadugi mu gi higa.Baadu bega ba sagaga teembi ye Etieni,baadu bana ba gadugi bula Sireni ye gu bula di Alexandriya,baadu bega kega ba gadi ye baa,ba gadugi gu bula di Silisiya ye gu provensi di Asia.10Haa,loo ba nungi,mudiambu Etieni ga yagulaga ye mayela ma muhunga wu gedila ma ga muhegi. 11 Bwoona,ba fudi mbongu gwedi baadu,mudiambu be yagula mbi:"bu du yugi mbi ga vwenza Mososhi ye Gahungu.''12Ba pushi baadu bega ye ba mbuda ba bayuda,ye ba longi batshigu.Bitshi gama Etieni,bwoona ba mu needi gu twala yi gimvuga gi neeni gi bayuda. 13 Ba dushi ba mbangi ba bupala wuna wu yagudi mbi:"muudu wuu ga vwendji kaga nzu yi bisambu yi pidu ye matshigu ma Mososhi. 14 Du mu yugi muni yagula mbi:"Yesu wuna,muudu wu Nazaledi bu gafwa,nzu yi bisambu yii,yi matshigu mana ma Mososhi ma gu dushidi,ga ma saa bwega kega.'' 15 Baadu bootsu bana ba gadi mu gimvuga gi neeni gi bayuda.Ba gadi kaga muni dala Etieni ngolu,ba dadi mbi mbunzu yandi nga mbunzu yi wandjio.
71Fwumu ba mbuda ba dibundu ba yufudi Etieni mbi:"mapandi maa meedi ma mukiediga?" Etieni ga ba vududidi mbi:''bapangi 2ye ba dada baami nzu yi Gahungu ga monigi gwedi Abalayamu kaga wu pidu dangu di ga gadi gu gifudi yi Mezopotani,ga gadi goonda gwe dinga gu bula di Arani. 3 Gahungu ga muledi mbi:"gaduga mu gifudi giaagu,ye nzu yagu,nda gu gifudi gi yibagu lela.4Bwoona Abalayamu ga gadugi gu gifudi gi baadu ba Gadileya.Gendi dinga gu bula Arani.Gu ngoyi lufwa lu dada wandi Gahungu lu mu needi gu gifudi gii gi lu badinga. 5 Haa loo ga muhegi manu yegifudi gii shi gihani gi gafani saa gulu di moshi.haa ga hegi Abalayamu lushilu mbi ga muhega manu ye gwedi bana ba sala buduga mu gisanda giandi,haa Abalayamu loo ga gadi ye baana mu dangu dina.6Gahungu ga yagudi bwoobu:"baadu bana ba sala buduga mu giganda,badjinga mu gifudi gi ginzendji ba giduga ba higa,ba badadisa pashi ma mvula kama djiya. 7Haa,yi hana ndola gwedi bana ba sadilaga.Gu ngoyi ba gaduga mu gifudi gina ba gwitsa samba ye gihani gii. 8Bwoona Gahungu ga wagani ye Abalayamu gidimbu gina gi ba lesa guwagana gieni giagi:"ba fani hanga ba bagala mukanda,haa dangu di Abalayamu ga budi Yisagi,ga mugeshi mukanda.Gu ngoyi bilumbu bi ntsambwadi Yizagi ga hani bwoobu gwedi Yagobu,bwoona kega Yagobu bu ga hangi gwedi ba kaga ba pidu,ba kaga bana gumi ye boodi dangu di baana.9Ba kaga bana ba yugaga Yizefu tsooni.Ba mudegi mudiambu di gwenda gala muhiga gu Egipiti,haa ga gadi ye ndi. 10 Ga mu gadudi mu mapashi mandi mootsu.Ga muhegi mayela ye mabanza ma pimbu mupila mbi:Todila wu neeni wu Egipiti ga mu zola.Todila ga mushi guvedinela wu Egipiti ye wu nzu yiandi yootsu.11Nzala yi ngolu yi godi gu Egipiti ye gu gifudi gi Kanaa yiootsu pashi dji neeni dji goodi bakaga ba pidu loo ba gadi ye madia. 12 Haa dangu di yugi Yagobu mbi gu dia loo gwedi Egipiti.Ga dumishi ba kaga ba pidu guna mu mbala yi teegu. 13Mu mbala yi zoodi Yizefu ga di leshi gwedi ba pangi bandi,mu gu muyaba.Ya yena todila ga yambi giganda gi Yizefu.14Bwoona Yizefu ga lendigi Dada wandi Yagobu ye giganda giandi giootsu.Ba gadi baadu magumi mantsambanu ye dji danu. 15 Bwoona Yagobu gendi gu Egipiti ndi ye ba kaga ba pidu,gega ba fwi guna. 16 Ba mvumbi ba baa gu bula sishemi.17Haa gilumbu gina Gahungu gi galusa lushilu lu gashidi gwedi Abalayamu,dangu di yitshi pena-pena.Talu yi baadu ba pidu di yitshi yi vula gu Egipiti. 18 Bwoona Todila wega ga yandigi gu yala gu Egipiti.loo ga yabi Yzefu. 19 Ga hwuni baadu ba pidu,ndi kega ga dadishi bakaga ba pidu pashi.Ga ba leshi mu gu shisa baana ba baa ba bagagi ye ndjila mudiambu ba bazuwaa.20Mu dangu dia dina Mososhi ga budugi.ga gadi mwaana wu pimbu gu misu ma Gahungu.Ba musashi ba ngondi ba dadu mu nzu dada wandi. 21Dangu di ba mu shishi ye ndjila mwana mukedu wu moshi wu Todila wu Egipiti ga musendi,ya yena gendi gu mutsatsa nga mwaana wandi beeni.22Ba longi Mososhi mayela mootsu ma baadu ba Egipiti.ga gumi muudu wu ngolu mu gu yala mapandi ye mu gu yala bisalu. 23Dangu di lungishi Mososhi ma mvula gumi ye miya,ngindu dji mu yitshidi mu gwe dala ba pangi bandi gu Yishilela. 24Ga dadi mweni Egipiti muni niogula mweni Yishilela pashi,ya yena ga zuwii mweni Egipiti mudiambu di gu muvudila mbi. 25Mososhi ga yaba mbi ba pangi bandi ba Yishiledi ba yaba mbi Gahungu ga mu dumishi mudiambu di gu bagadula mu pashi.Haa loo ba yabi.26Mu gi lumbu gi landi Mososhi ga dadi baadu boodi ba Yishilela muni nwana.Ga zola mbi ba wanagana.Ga ba ledi mbi:dalani lwedi ba pangi shi;mudiambu di kii lu bahanga mbi?27 Haa muudu wuna wu hanga pangi wandi mbi ga pushi Mososhi gu ngoyi,ya yena ga mu leshi mbi:naa wu gu shi fwumu mudiambu di gu sambisa? 28Wu ba zola wu nzuwa nga bwoona bu zuwi mweni Egipiti mayoni.29Dangu di ga yugi mapandi mana,Mososhi ga dini.Bwoona ge djinga gu gifudi gi Madiani.Ga budi baana boodi ba bagala guna. 30 Gu ngoyi mamvula ma gumi maya,wandjio gitshi moniga gwedi ndi mu kadi ga segi pena-pena ye mundonda wu shinayi.Wandjio weeni ga gadi mu gongolu di mbaa mu ga mudi ga moshi ga lema.31Mososhi ga yidugi mudiambu ye mapandi mana ma gadadi.Dangu di genda pena-pena di gu dudala,ga yugi ndaga yi Fwumu Gahungu muni yagula mbi: 32 "Yedi Gahungu gaba kega bagu,Abalayamu,Yisagi,ye Yagobu.''Mososhi ga yandigi gu degida,loo ga dala pila yi gudala.33Ya yena Fwumu Gahungu ga mu ledi mbi:"gadula ma sandadi maagu,mudiambu gi hani gi giwu niamugi giedi manu ma sandu. 34 Mu gi gidi,yi dadi kii pila ba dadisa baadu bami pashi gu Egipiti.Yi yugi gu dila gu ba badila mudiambu ye pashi.Yi bagwitsa gulumuga mudiambu di gu ba gadula mu pashi.Yiza yi ba gu duma gu Egipiti.35Shi beeni Ishilela bu baduni Mososhi mudangu di ba muleshi mbi:na wu gu shi Fwumu mudiambu ye gu du sambisa?''Haa mu lusalusu lu wandjio wuna wu yitshi mu monigila mu gamudi.Gahungu,Mososhi mu gwenda gala Fwumu ye muhulushi. 36 Mososhi muudu wu duushi baana ba Yilela gu Egipiti.Ga hangi mapandi ma gu yiduga gu Egipiti mu mwetshi wu neeni wu benga ye mu manu ma maganga ma mvula gumi ye maya. 37 Ndi Mososhi ga leshi kega baadu ba Yishilela mbi:"Gahungu ga lu dumisa mbigudi wandi nga mi mu kadi ga bapangi ba binu.38Ndi wu gadi mu gimvuga ye baadu ba yishilela dangu di ba wanagani mu manu mapidu,gi hani gi moshi ye wandjio wuna wu muledi ye londi di mundonda wu Shinayi.Ga sendi tsangu di mooni mudiambu di gu du haga. 39 Haa bakaga ba pidu loo bazolaga gu mulemvugila.Bu ba muduni ba zola kega vuduga gu Egipiti. 40 Ba leshi Adioni mbi:"du hangila duhungu duna du bidegi duna du gwenda bia gu twala.Mudiambu Mososhi wuna wu du dushi gifudi di Egipiti,loo du ba yaba mbi kii mapandi ma mubwidi.41Bwoona,ba hangi gidegi gi moshi ga mwaana ngombi.ba yandigi gu hana magabu gwedi gidegi gina,ba hangi fedi mudiambu di gu gumbisa gima gina gi ba hangi ba beeni. 42 Haa Gahungu loo ga ba dadi kega,ga ba yambudi mu gu samba miooda,nga bwoobu ga basonigi mu muganda wu ba mbigudi mbi:"mbi buni,binu beeni Yishilela.Magabu mana ma meengi ye magabu mega lu pega mi.Dangu di lu gadi ma mvula magumi maya mu manu ma maganga?43Loo,haa lu nedaga ga nzu ga gahungu moleki.Ye gifanisu gi gahungu wu binu Refani.Lu hangi bidegi bina mudiambu lu bisambaga.Bwoona yi lu gadula yi lu neda gu leeya mu gifudi gi ba bilona.44Ba kaga ba pidu mu manu ma maganga,ba gadi ye ganzu ga tenda gena ga lesaga mbi Gahungu geedi ye baa.Ba hangi Gahungu bu ga leshi Mososhi,ga landi nga pila yi ga daadi. 45Bakaga ba pidu ba shishi gwedi bakaga ba pidu bega bana ba landa.Bakaga ba pidu bana ba nedaga dangu di sendi gifudi gi baadu bana ba tsagadi Gahungu gu twala yi baa.Mudangu di ba kodishi mu gifudi gina,Josuwe ga gadi fwumu wu baa.Ba giebaga tii mu dangu di gwitsa Todila Davidi. 46 Gahungu ga Yagobu ga zolaga Davidi,ya yena Davidi ga mu dingi tswaa mu gu mudungila nzu.47Haa Salomoni muudu wu du ngishi nzu mudiambu ye Gahungu. 48 Haa Gahungu loo ga galaga mu nzu yina yi dungi baadu mu mioogu mi baa,nga bu yagui mbigudi mbi: 49 "Yilu diedi gidi giami gi gifwumu,ye manu medi gima giami gi du ludilaga milu.kii nzu yi lu fani tungila?''Gu yagula gu Fwumu:''guni yi fani gwenda hululuga? 50Bima biootsu loo mbi mi hani?"51Haa,binu lwedi mudu gu guba.lwedi nga ba pani:manunga ma binu meedi ma ngolu,loo lu yugagagi ndaga yi Gahungu!Dangu diootsu lu dunaga muhunga wu Gahungu nga bakaga ba binu. 52Mu kadi nga ba mbi gu dina bakaga ba binu ba gondi dadisa pashi?ba zuwii bana ba yabigisagi baadu mbi muudu wu moshi wu Gahungu bu ga gwitsa.Dangu di binu lu mudegi,lu mu zuwii. 53 Binu baadu lu sendi matshigu mana ma Gahungu.ma ga dumishi gwedi ba wandjio mu gwitsa gu lu hega,haa binu loo lu daadi.''54Dangu baadu bana di ba yugi mapandi mana ba yugi gisegu.Ba ganga minu mibaa ngolu mudiambu ba yugidi Etieni kabu dji vula.55 Haa Etieni ga gadi wu gu yula ye muhunga wu Gahungu.Ga dadi gu yilu,ya yena gadadi lugumu lu Gahungu.Gadadi kega Yesu wu niamugi gu googu di gidada gi Gahungu. 56 Etieni,ga yagudi mbi:''dala mi yi badala yilu di gangugi mwaana muudu wu niamugi gu googu di gidada gi Gahungu.''57Ya yena baadu ba yagudi mu ndaga yi ngolu,ba gangi matsu ma baa.ba bootsu bindi gu mu bwila mu gi mvuga. 58Ba mudashi mungolu ye bula,ya yena ba yandigi gu mu lumba madadi mudiambu di gu mu zuwa.Baadu bana ba mulumba madadi ba hani duzaga du baa gwedi mwaana wu moshi,djina diandi Sawulu.59Dangu di ba balumba Etieni madadi ga sambidi:"Fwumu Yesu senda mooni wami.'' 60Ya yena ga fugamani,ga yagudi mu ndaga yi ngolu mbi:"Fwumu,loo gu danga masumu ma bahangi!"dangu di ga yagudi mapandi gu hwii ga fwii.
81Sawulu kega bu ga gumbudi mbi ba muzuwa.Kaga kilumbu giagina ba yandigi gu dadisa beeni dibundu di Yelusalemi pashi.Ba kidishidu bootsu ba mwamugi mu proveshi di bayuda ye gu samadiya,kaga batumwa ba bagondi ba bendi. 2 Baadu bega bana ba gadi ye mbundu yi nzambi,be dinga Etieni.ba mu didi ngolu. 3Haa Sawulu ga hangi ngolu mudiambu ga zuwa dibundu.Ngenda goda nzu ye nzu mu gu dusaga ba kishidu ba bagala ye bakedu mu gu ba saa mu dangu mbada.4Baadu bana ba pasagani benda yabigisa tsangu dji pimbu ndambu ye ndambu. 5Fidipi gendi gu bula dina di gu luda fwunu mu manu di samadiya.6Dangu diyugi Fidipi ye gudala mapandi ma guyiduga ma ga hanga,ba mu yugila pimbu-pimbu.7 Mudiambu mi hunga mi mbi midugaga gwedi baadu ba vula ba kashi.Dangu di miduga,mi yagulaga mundaga yi ngolu.Baadu ba vula,ba gadi bigada ye bana ba gadi milu migifu,bu bagindi. 8 gieshi gi vula gi gadi gu bula dina.9Ye bula dieni gu gadi ye muudu wu moshi dina diandi Shimoni.Teegu ga gadi mweni baa kida,Beeni Samadiya ba yiduga mudiambu ye ndi.Ndi beeni wu di lesaga mbi geedi muudu wu moshi wu fwunu. 10Baa bootsu shi ba geegi,shi ba mbuda,ba muyugila.Ba yagula mbi:"muudu wuu geedi ye ngolu dji Gahungu,ngolu djiana dji balendigaga ngolu dji neeni.'' 11 Bu ba muyuga,mudiambu yandiga gu leya gahanga mapandi mandi ma gu yiduga ma bakida bandi.12Haa dangu ba bagala ye bakedu di ba gumbudi mapandi ma Fidipi ma ga yagula,ba sendi mbodiga.Ga ba yabisa tsangu dji pimbu djina dji dadidi gifwumu gi Gahungu ye dji dadidi Yesu Kidishidu.13Shimoni ndi beeni bu ga gwigidi dangu di gasendi mbodiga,ga gala pena-pena ye Fidipi,ya yena dangu di gadi mapandi ma neeni ye ma gu yiduga ma hangi Fidipi,ga yidu ngolu.14Dangu di yugi batumwa bana ba galaga gu Yelusalemi mbi beeni Samadiyaba gumbudi tsangu dji Gahungu,ba dumishi Piela ye Yoani guna. 15dangu di bagumi guna,ba tsabi Gahungu mudiambu ba senda muhunga wu Gahungu. 16Mudiambu mu dangu dina muhunga wu Gahungu loo ga gulumugi tegu shi ye londi di muudu wu moshi mu kadi ga baa.Sendi mbodiga kaga mu djina di Fwumu Yesu. 17Dangu di Piela ye Yoani ba si mioogu,ya yena yi ba sendi muhunga wu Gaungu.18Dangu Shimoni di ga dadi mbi ba kidishidu ba senda muhunga wu gedila dangu tumwa di ba basa mioogu,ga zola ga ba hega mbongu. 19 Ga ba ledi mbi:"pega ba ngolu djina mudiambu muudu wootsu wuna wu yitsa mioogu ga senda muhunga wu Gahungu.20Piela ga mu leshi mbi:"faa gwoogu ye mbongu djiagu mudiambu wu ba yindula mbi wu fani senda ngolu dji Gahungu ye mbogu! 21 Loo wu fani goda mu gisalu gii mudiambu mbundu yagu loo wu mugiediga gu misu ma Gahungu. 22Bwoona,wu fani balumuna mbundu,yambula manunga magu ma mbi.Mudiambu Fwumu Gahungu bu ga gu lolula mudiambu ye manunga magu ma wu sendi gu mbundu yagu. 23 Mudiambu yi ba dala mbi mbundu yagu yeedi bululu,wu gangamani mu mishinga mi mapandi mambii.24Ya yena Shimoni ga ledi Piela mbi:"tsambila Fwumu mudiambu shi mapandi ma moshi ma mbwilegu mu mapandi mana mootsu ma lu ba yagula.25Dangu di ba yabishi baadu ye gu longa baadu tsangu dji pimbu dji Gahungu gu hwii,Piela ye Yoani ba vudugi gu Yelusalemi.Mu ndjila yi benda ba yabisagi tsangu dji pimbu mu ma bula mavula ma Samadiya.26Wandjio wu Fwumu Gahungu ga ledi Fidipi mbi:''niamuga,nda gu ndambu yi siidi mu ndjila yina ba baduga gu Yelusalemi,yi ba gwenda gu bula di Gaza.''Baadu ba vula bendaga kega mu ndjila yina. 27 Fidipi ga niamugi,ya yena gendi mu ndjila ga wanagani ye muudu wu moshi wu gifudi gi Etiyopiya.Muudu weeni ga gadi Tongu.Ga gadi ministre wu todila wu mukedu wu Etiyopiya.Muudu wuna ga gadi ye gi yega gi gugieba bima biootsu bi todila wuna.Gitshi gu Yelusalemi mudiambu ye gusamba Gahungu. 28 Dangu di,ga gadi mu vuduga gu gifudi giandi.ga gadi wu shimugi ye londi di pusu-pusu dina di nedaga ba punda.Ga gadi muni danga muganda wu sonigi mbigudi Yezaya.29Muhunga wu Gahungu ga ledi Fidipi mbi:"nda gala pena-pena ye pusu-pusu dina.'' 30 Filipi gitshi pusa tiinu pena-pena ga yugi muudu wuna muni danga muganda wu sonigi mbigudi Yezaya.Ga mu yudi mbi:"wu ba yaba mapandi ma wu ba danga?" 31 Muudu wuna mbi:"kii pila yi fani yaba mbi loo gu tendudidi muudu?"Ga ledi Fidipi mbi:"yi zaa nina,wu gala pena-pena ye mi.''32Mapandi ma gadanga mu muganda wu Gahungu ma maa:"ga gadi nga dimema dina di ba needa gu gihani gi ba zuwaga ma meema.Ga gadi nga mwana di meema dina di yagulaga gu twala yi muudu wuna wu gesaga miga;loo ga yagudi shi gima.33 Ba muvwedji,ba duni kega gu gesa mapandi pimbu.Kii muudu wu fani yabisa tsangu dji baadu bana ba budugi mu giganda giandi?Mudiambu baadu ba muzuwii,loo gedi kega yaa yelondi di gifudi.''34Muudu wuna wu giganda gi Fidipi mbi:"ndesa mbigudi ga ba yagula mapandi maa mudiambu di naa?Ga ba yagula mudiambu ye ndi beeni mbi loo mudiambu ye muudu weega?" 35 Dangu di Fidipi ga yandigi gu yagula dangu di gadendula mapandi mana ma muganda wu Gahungu ga muyabishi kega tsangu dji pimbu dji Yesu.36Dangu di bendi mu ndjila ba gumi ye mweetshi wu moshi,ya yena muudu weeni mbi:"dala,mweetshi kii mapandi ma kanga ndjila mu gu senda mbodiga?"37 Fidipi mbi:"mbi bu wu gwigidi mu mbundu yaagu yiootshu,wu fani senda mbodiga.''Muudu weeni mbi yi gwigidi mbi Yesu kidishidu geedi mwaana Gahungu.38 Muudu weeni ga gangi pusu-pusu ya yena baa boodi,Fidipi ye muudu wuna ba godi mu mwetshi Fidipi ga mu bodigi.39Dangu di ba dugi gu mwetshi,muhunga wu Fwumu Gahungu ga gadudi Fidipi muudu wuna loo ga mu dadi kega,haa ga landi ndjila mu gieshi giootsu. 40 Fidipi gendi moniga gu bula di Azoti,genda yabisa tsangu dji pimbu mu mabula mootsu ma genda luda tii gwoona gu ga gumi gu bula di Sezadiya.
91Dangu dina Sawulu ga gadi kaga muni dadisa ba kidishidu pashi mbi ga ba zuwa.Gilumbu gi moshi gendi fwumu wu banganga wu ba mabundu 2 ya yena ga mu dingi miganda mina bi bahanina tswaa mu gwenda godila mu manzu ma bisambu mi bayuda gu bula di Damashi.Mbi bu gu gadi bwoona ba kidishidu bega ba bagala mbi loo ba bakedu yi fani gu ba gama yi ba needi gu Yelusalemi.3Ga gadi kaga mu ndjila yi gwenda gu bula di Damashi;dangu di gitshi guma pena-pena ye bula djieeni mu gi tulumugila,tsweemu yi gadugi gu yilu yitshi leema ye londi diandi yi mudjieedi. 4Ga bwii mu manu,ya yena ga yugi ndaga muni gu mu yufula:"Sawulu,Sawulu mudiambu di kii wu ba tadisa pashi?"5Sawulu ga yufudi mbi:"Fwumu,ndji naa?"Ndi mbi:"mi Yesu,muudu wuna wu ba hega pashi. 6Haa niamuga nda goda ye bula,yi ba gu gulela mapandi mana ma wu fani hanga.'' 7Baadu bana bendaga ndjila yi moshi ye Sawulu,ba niamugi loo ba dadi pila yi gu yagula.Ba yuga ndaga muni yagula.Haa loo ba dala muudu.8Sawulu ga niamugi mu manu,haa dangu di ga gangudi misu mandi loo ga gadi ye pila yi gudala.Ba mugami mu mioogu,ba muneedi tii gu Damashi.9 Bilumbu bidadu loo ga dalagagi,loo ga dia,loo ga nwaa kega.10Gu Damashi gu gadi ye mukidishidu djin diandi Ananiashi.Fwumu Yesu gitshi moniga gwedi ndi ga mu lendigi mbi:"Ananiashi.''ndi mbi:"mi ndoo Fwumu." 11 Fwumu ga mu ledi mbi:"niamuga nda mu bala-bala dian di ba lendigaga mbi bala-bala di sungami.Ndawenda mu nzu yi muudu wu moshi djina diandi Yudashi,dinga muudu wu moshi wu tadishi djina diandi Sawulu,dangu di ga samba Gahungu, 12Sawulu ga dadi gu ndotshi muudu wu moshi djina diandi Ananiashi ga goda ye gu musaa mioogu mudiambu ga dala kega.13Ya yena Ananiashi ga yagudi mbi:"Fwumu baadu ba vula ba ndeshi mapandi mootsu ma mbi ga hangaga baadu bagu gu Yelusalemi. 14 Ba mbuda badibundu ba muhegi gi yega mu gwitsa gu bula dina mudiambu mu gu gama baadu bootsu bana ba sambaga.''15 Haa Fwumu ga mu ledi mbi:"nda,mudiambu geedi muudu wu yi zoodi mu gu yabisa djina diami gwedi baadu bana ba gondi bayuda,ba todila ba baa ye gwedi beeni Yishilela. 16Mi beeni yi mu lela mapashi mana mootsu ma ga fani dala mudiambu ye mi.17Dangu di Ananiashi gendi goda mu nzu yina,ga shi Sawulu mioogu ga mu ledi mbi:"pengi wami Sawulu,muudu wu tumi Fwumu Yesu wuna wu yitshi moniga di witsa mu ndjila.Ga tumi mudiambu wu dala kega,mudiambu wu yala ye muhunga wu gedila.'' 18Dangu diadina kaga,bima biega nga bihusu bi gadugi mu misu ma Sawulu.Ga yandigi gu dala,ga niamugi ya yena ba mubodigi.19 Dangu di gadi di hwii ngolu dji vudugi mu luudu lwandi.Sawulu ga gadi bilumbu ga ndambu ba galaga gu Damashi.20Kaga mu dangu djiadina ba yandigi gu longa mu manzu ma bisambu mi bayuda mbi Yesu geedi mwaana Gahungu. 21Badu bootsu bana ba mu yugi ba yidugi ngolu.Ga yufudi mbi:"baadu bana ba sambaga Gahungu gu Yelusalemi mu djina di Yesu,loo mbi ndi wu badadisaga pashi?Loo gendi mudiambu di gu bagama ye gu ba needa gu misu di ba mbuda badibundu.'' 22haa,Sawulu ga gumi ye gigesa gingi ga yagudi mbi Yesu geedi Mesiya.Ya yena ba yuda ba Damashi ba gumi gisagasaga loo ba yaba mbi kii ba fani gu mu lela.23Gu ngoyi bilumbu ga kaga bayuda ba wagani mu gu zuwa Sawulu. 24Haa baadu bega ba yabishi Sawulu mbi piba ye mwini ba galaga muni mu gingila mu biafulu bi bula mudiambu di gu mu zuwaa. 25 Haa gilumbu gi moshi mu piba balongugi bandi ba mu sendi ba muludushi ye londi di bibaga di bula ba mugulushi mu gisandji.26Dangu di gumi Sawulu gu Yelusalemi,ga megi mu gwenda vugana ye ba kidishidu.Haa baa bootsu ba mu dinaga booma mudiambu loo ba yabaga mbi geedi mu kidishidu. 27 Badinabashi gitshi mu sadisa,ga mu needi gwedi batumwa ga ba yabishi pila,Sawulu di ga dadi Fwumu Yesu mu ndjila,ga ba ledi kega pila Fwumu yi ga mu leshi nga pila yi longa Sawulu ye gi gesa mudjina di Yesu gu Damashi.28Ya yena yandiga dangu dina Sawulu ga yandigi gu gala ye baa,gu luda ye baa,gu dia gu Yelusalemi.Ga longa ye gigesa mudjina dji Fwumu.29 Ga solulaga ye ga sagaga teembi ye bayuda bana ba yagulaga ndaga yi gedigi.Haa baadu banaba dinga pila yi gu mu zuwa. 30 Dangu di ba pangi bega ba yugi mapandi ma banedi Sawulu gu bula di Sedadiya ya yena ba mudumishi gu bula di Tadishi.31Mudangu dina baadu ba dibundu ba Yudeya yiootsu,di Gadileya bootsu ye ba Samadiya bootsu ba djingaga mu gemba.Ya yena dibundu di gumi ngolu,baadu ba dibundu bi djidisaga Fwumu,ba gumi beengi mu di mbundu dina mu lu salusu lu muhunga lu Gahungu.32 Piela gendi mu bihani biootsu,ya yena gilumbu gi moshi gendi dala ba kidishidu bana ba galaga gu bula di Lida.33Gu gai muudu wu moshi djina diadi Eneyo,ga nimba ye londi di giandu gina gi hangi mamvula ginaana mudiambu ga gadi gigada.34 Piela ga mu ledi mbi:"eneyo,Yesu kidishidu wu gu gindishi niamuga gwoogu yidiga giandu giagu kaga mudangu diadina,Eneyo ga niamugi.35 Baadu bootsu ba gadi Ye Lida ye mu manu ma Saloni diedi ye kungudi(lepelu),bu ba mudadi,bwoona ba balumuni ma mbundu ma baa mudiambu di gu gumbula Fwumu Yesu.36Ye bula di Yope di gadi ye mukidishidu wu moshi wu mukedu djina diandi diedi Tabada,mu gigedigi djina diandi "Dodipkashi"di songidila mbambi.Dangu diootsu ga hangaga kaga mapandi ma pimbu,ga zolaga gu sadisa ba tsugami.37 Mu bilumbu bina gikashi gi mu sendi,ga fwii.Dangu di ba muyebishi gu hwii,bendi gu musaa gu sugu di moshi yi gu yilu.38Ba kidishidu bana ba gadi gu bula di Yope,dangu di ba yugi mbi Piela geedi ye bula di Lida dina djiedi pena-pena ye Yope,ga dumishi baadu boodi mu gwenda gu mu lela mbi:"du ba gu guwoondila witsa sepi-sepi dii gu bula di pidu. 39Piela gendi tswalu ye baa,dangu di ga gumi gunaba muneedi gu sugu dina.Bakedu bootsu ba mifwidi gu manana pena-pena yendi,ba dila,ba lesa bikudu ye du saga duna duga Dogashi dangu di ga gadi ye mooni.40Haa Piela ga dushi baadu bootsu ye ndjil;a,ga fugamani,ya yena ga sambi Gahungu.Gu ngoyi ga balamuni mbunzu yandi gu gadi mvumbi ga yagudi mbi:"Tabita niamuga gwoogu!'',Tabita ga gangudi misu,ya yena dangu di gadi Piela ga niamugi ye giandu. 41piela ga mu gami mu googu ga mu niamugishi.Ga ledi ba kedu ba mifwidi ye ba kidishidu bootsu,ya yena ga ba leshi Tabita,wu sendi kega mooni. 42 Mapandi mana ma yabagani gu Yope diootsu,baadu ba vula ba gumbudi Fwumu Yesu mu ma mbundu ma baa. 43 Piela ga gadi bilumbu bingi gu Yope gu nzu yi muudu wu moshi wu hangaga mi ganda mi batshi djina diandi Shimoni.
101Gu gadi ye muudu wu moshi gu bula di Sezadiya djina diandi Koladine ga gadi Fwumu wu ba pumbulu bana ba balendigaga ba pumbulu ba ba Italia. 2Ga gadi ye mbundu yi Gahungu ndi ye nzu yandi basambaga Gahungu gi hani gi moshi ye ba yuda,ba batsugamindi ga sambaga Gahungu gosu dangu.3Gilumbu gi moshi gidesu gi troiser(3h)di mashiga gadadi pimbu-pimbu gu ndotshi wandjio wu Gahungu gitsa goda mu nzu yandi.Wandjio ga mu ledi mbi:"Koladine!''4 Koladine ga dadi wandjio ngolu ye booma ga mu yufudi mbi:"Fwumu kii mapandi?''wandjio ga mu ledi mbi:"bisambu biagu ye lusadisu lu ba sadisa baadu Gahungu wu gumbudi bwoona ga guyindudi.5 Dangu di yi dumishi baadu gu Yope benda lendiga muudu wu moshi djina diandi Shimoni wu ba lendigaga kega Piela. 6Ga nimbaga mu nzu yi moshi djina diandi Shimoni,muudu wu hangaga miganda mi ba mbitshi,nzu yandi yeedi pena-pena ye nzadi yi neeni.''7Dangu wandjio di ga mu ledi bwoona gendi,Koladine ga lendigi baadu bandi boodi ba gisalu ye mu pumbulu wu moshi wuna wu gadi ya mbundu yi gi Nzambi mu kadi ga ba pumbulu bana ba mu sadila. 8 Dangu di gamuyabishi mapandi mana gu hwii ga ba dumishi gu Yope.9Mu gilumbu gi landi,dangu di bendi mundjila pena-pena ye bul di Yope. Piela ga nini ye yangi di nzu mu midi mudiambu du gu samba Gahungu. 10Nzala yi mugami,ya yena ga zola gu dia,haa dangu di ba mu lambila madogu ga dadi ndotshi.11 Yilu di gangugi ye gima gi moshi gi fanagani nga muledi wu neeni ba wu gami mu ndambu djiya muni gwitsa guluga mu manu. 12Mu kadi mu gadi ye bima bi mooni mi pila ye pila biedi ye londi di manu bina biega ye milu miya-miya,ye bima bi mooni biendaga zumu mu manu ye ba nuuni ba pila ye pila.13Piela ga yugi ndaga yi moshi yi mu ledi mbi:"Piela niamuga,zuwa gosu gimagi mooni wu dia!'' 14Haa Piela mbi:"loo,Fwumu mudiambu loo yandu teegu yidii shi gi tshigu mbi loo gima gi mvindu shi mbala yi moshi.'' 15 Daga yina yi mu ledi mu mbala yi djioodi mbi:"gima gi gadudi Gahungu tshigu yi gia loo wu fani gu gidangaga kega mbi tshigu.'' 16 Mapandi mana ma bwii mbala dji dadu,ya yena Gahungu ga gadudi gima gina ga dombushi gu yilu.17Piela ga yindula mbi disonga kii mapandi maa taladi gu ndotshi?Mu dangu diadina kega ba dumishi Koladine ba dadi nzu yi Shimoni di badinga,ya yena bitshi guma ye mbelu yi lupangu. 18Ba lendigi baadu ba gadi yena ba bayudi mbi:"Shimoni wuna wu ba lendigaga kega Piela,ga nimbaga mu nzu yaayi?"19Dangu dina Piela ga gadi kaga mu gu yindulaga disongila di mapandi mana ma gadadi gu ndotshi,muhunga wu Gahungu gitshi gu mu lela mbi:"dala,baadu ba daadu ba bagu guding. 20Niamuga,gulumuga,nda wenda loo gu gala ye booma mi ba dumi.'' 21 Piela ga gulumugi ye gihani gi ba gadi,ya yena ga yagudi gwedi baadu mbi:"mi ndoo muudu wu lu dinga,mudiambu di kii lwitshi?''22Ba vududi mbi:"muudu wu du dumi gwedi kapiteni Koladine,geedi muudu wu pimbu ndi kega gasambaga Gahungu gi hani gi moshi ye bayuda.Ba yuda bootsu ba yagulaga mapandi ma pimbu diandi. wandjio wu Gahungu wu muledi mu gwitsa gu mu lendiga genda gu nzu yandi mudiambu ga yuga mapandi mana ma wu yagulaga.'' 23Piela ga ba godishi mu nzu ga ba hegi gihani gi gu mimba.Mu gilumbu gi gulanda ga niamugi ya yena gendi ye baa.Ba kidishidu ba bula di Yope,bendi kega ye baa.24Mu gilumbu gi landi ga godi ye bula di Sezadiya.Koladine ga gadi mu gu ba ginga,ga lendigi ba pangi bandi ye ba ndugu bandi ba ngolu.25Dangu di kaga Piela ye ndjila,ga zola ga goda mu nzu,Koladine gendi gu mu yamba.Gabwii mu milu mi Piela mudimabu di gu samba. 26Haa piela ga muniagishi mbi:"niamuga gwoogu mi kega ye muudu nga ndj.27Dangu Piela di ga solula ye Koladine,ba godi mu nzu,ya yena ga dadi baadu bavula mu gwitsa yuula muna mu nzu. 28 ga ba ledi mbi:"binu beeni yabani mbi gwedi shigu muyuda loo ga fani vugana ye muudu wuna wu gondi muyuda ndi kega loo ga fani goda mu nzu yandi. Haa Gahungu ga ndeshi loo wu fani senda shi muudu wu moshi wu mvindu.'' 29Ya yena dangu di bitshi ndendiga,loo yi duni mu gwitsa yaa.Yi ba luyufula mudiambu di kii lu ndendigi?''30Koladine ga vududi mbi:"bilumbu bi yaa mu dangu diadidi yi gadi muni samba Gahungu mu nzu yamii mu troizer di mashiga,ya yena muudu wu moshi gitshi niamuga gu misu maami miledi mi ga vwadi mi gadi muna ngenga.31 Gayagudi mbi:"Koladine,Gahungu wu yugi bisambu biagu ga bayindula gu sadisa gu ba sadisa ba tsugami. 32 Ya yena duma baadu gu Yope benda ba lendiga Shimoni wuna wu ba lendigaga kega Piela.Ga nimbaga gu nzu yi Shimoni muudu wuna wu hangaga mi gandami bambitshi.nzu yandi yeedi pena-pena ye yanga yi neeni. 33 Dangu diadina kega yi dumishi baadu mugwitsa gu gudinga wu hangi pimbu bu witshi,ya yena dangu di pidu bootsu dwedi gu misu ma Fwumu Gahungu mudiambu du yuga mapandi mana mootsu ma ga gu ledi mu gwitsa gu du lela.34Bwoona Piela ga yandigi gu ba lela mbi:"gu mukiega,mbagishi mbi Gahungu ga zolaga baadu pila yi moshi. 35 Mu gosu giganda gi baadu ga gumbulaga baadu bana mu gu djidisaga ye ba hangaga mandi ma pimbu.36bani mbi ga dumishi Yesu kidishidu gwedi baadu ba yishilela mudiambu di gwitsa yabitsa tsangu dji pimbu,dji ngemba,Yesu kidishidu geedi Fwumu wu baadu bootsu.37 Yabani kega mapandi mana ma ludi mu manu mootsu ma Yudeya.Ma yandigi gu Gadileya dangu Yoani di ga manishi gu longa mu gu senda mbodiga.38 Lu yabi kii pila Gahungu ga hani ngolu gwedi muhunga wandi,gwedi Yesu,muudu wu Nazeledi.Lu yabi kega mbi kii pila gendagi gosu ndambu mudiambu di gu hana mapandi ma pimbu,kega mudiambu ye gu gindisa baadu bootsu bana ba gadi ye shadana,mudiambu Gahungu ga gadi ye Yesu.39Dwedi ba mbangi bana ba dadi mapandi mootsu mana ma hangi Yelusalemi ye mundambu djiega dji gifudi gi bayuda.Ba muzuwii dangu di ba mu shi ye londi di kulundji. 40Haa Gahungu ga muniamugishi mu lufwaa mu bilumbu bidaadu.Ga mu dumishi mu gwitsa moniga. 41Haa loo mbi gwedi bayuda bootsu,haa gwedi pidu bambangi bana bandi Gahungu ba ga soodi gu twala,dangu Gahungu di ga mushamugishi mu lufwaa gu hwii,bu du dii,bu du nwii gi hani gi moshi ye ndi.42Ga du dumishi mu gwenda longa bayuda ye gu ba lesa mbi ndi muudu Gahungu wu ga soodi mu gu sambisa baadu ba mooni ye ba gu fwaa. 43 Ba mbigudi bootsu ba yagulaga mapandi maa,mudiambu diandi mbi gosu muudu wuna wu sagaga mbundu gwedi Yesu Gahungu ga mu lolula mu ngolu di djina di Yesu mudiambu di masumu mandi magahani.44Dangu Piela di ga gadi muni yagula kega,muhunga wu Gahungu ga gulumugi ye londi di baadu bana bootsu ba gadi mu gu yuga malongi mandi. 45Ba kidishidu bana bitshi ndjila yi moshi ye Piela bana ba gadi bayuda,ba yidugi ngolu dangu badadi mbi Gahungu wu hani muhungu wandi gwedi baadu bana ba gondi bayuda.46Mudiambu ba yugi baadu bana muni yagula mapandi mana ma fani gonda bagisa baadu,ba bayugi kega muni gumbisa Gahungu ya yena Piela ga yagudi mbi: 47"Baadu ba sendi muhunga wu Gahungu kega nga pidu,muudu wu fani duna mbi loo ba bonga mbodiga yi mwetshi?"48 Ya yena ga ledi baadu bega mu gu ba bodiga mu djina di Yesu.Gu ngoyi,ba mu ledi mu gu gala bilumbu bieega ye baa.
111Batumwa ye ba pangi ba dibundu dina di gadi gu yudeya,ba yugi mbi baadu bana loo beedi bayuda ba gumbudi kega mapandi ma Gahungu.2 Ya yena dangu di vudugi Piela gu yelusalemi,ba kidishidu bana ba gadi bayuda ba yandigi gu mu nganina: 3"Mudiambu di kii wu godi mu nzu yi baadu bana ba gondi bayuda,mudiambu dikii wu dii ye baa?"4Dangu di Piela ga bayabishi mapandi mootsu mana ma bwii yandiga luyandigu ye tsuga. 5 Ndi mbi:"dangu di yi samba Gahungu ye bula di Yope yi dadi gu ndotshi gima gi moshi gi fanagani nga muledi wu neeni,ba wu gami mundambu dji yaa,gitshi gulumuga tii gihani gi yi gadi. 6Yi dadi pimbu-pimbumu kadi ga gia ya yena yi dadi bambitshi ba milu miya-miya,ba mbitshi ba mushidu,bima bimooni,ye ba nuni ba pila ye pila.''7Yi yugi ndaga yi moshi muni yagula mbi:"Piela,niamuga zuwaa gosu gima gi mooni wu dia!"Yi vududi mbi:8"Loo,Fwumu mudiambu gima gi tshigu mbi loo gima gimvindu loo yandu yi shi muganu diami.'' 9Ndaga yi yagudi duga gu yilu mbala djioodi mbi:"gima gina Gahungu gi ga gadudi tshigu yi gia loo lu fani gu gidaga kega mu tshigu.'' 10 Mapandi mana ma bwii mbala dji dadu,ya yena Gahungu ga gadudi kega bima bina biootsu,ga bi dombushi gu yilu.11Dangu diadina kega,ba badumishi,yi ga dugi gu bula di Sezadiya,bitshi guma gu nzu yina gu yi gala.12Muhunga wugedila ga ndeshi mu gwenda wagana ye baa gu gonda mbundu djioodi.Ba pangi baa ba sambanu beendi ye mi kega,ya yena dwendi goda mu nzu di Koladine. 13Ga yandigi gu du yabisa pila yi gadadi wandjio wuna witshi guma gu nzu yandi.Wandjio ga mu ledi mbi:"duma baadu bega benda ba lendiga Shimoni wuna wu ba lendigaga Piela. 14Mapandi mana ma ga gulela,ma gu gulusa ndi ye nzu yagu yiootsu.15Dangu di yi yandigi mu gu ba lela muhunga wu Gahungu gitshi gulumuga ye londi di ba nga buga gulumugi ye londi di pidu mu lu yandigu. 16Ya yena yi yibugi mapandi mana Fwumu Yesu ma gayagudi:"Yoani ga bodigi baadu mu mwetshi haa binu lu senda muhunga wu Gahungu."17Bwoobuna Gahungu gahegi magabu mandi gidesu gi moshi nga bu ga du hegi pidu gu mbudi Fwumu Yesu kishidu gu mbundu,ya yena mi yi gadi ye fwunu yi gu ganga Gahungu ndjila yi gu hanga mapandi mana ma gazolaga? 18 Dangu di ba yugi mapandi mana,loo ba shii kega tembi.Ba gumbishi Gahungu mbi:"gu mugiediga baadu bana loo beedi bayuda Gahungu ga ba hegi ndji yi gu balamuna mbundu mudiambu ba gala ye mooni.''19Gu ngoyi lufwa lu Etieni ba dadi saa ba kidishidu pashi.Ba kidishidu ba pasagani bega beendi tii gu manu ma Fenishiya,gu gisanga gi Shipre tii gu bula di Antioshi,haa loo mbi gedi baadu bega. 20Haa mu kadi ga baa mu gadi ye baadu bega ba Shipre ye ba bula Sireni,dangu di gumi baadu bana gu Antioshi.Bayandigi gu yabisa kega tsangu dji pimbu dji Fwumu Yesu gwedi bana ba gondi bayuda. 21ngolu dji Fwumu Gahungu dji gadi ye baa ya yena baadu bengi ba gumi ba kidishidu.22Baadu ba di bundu di yelusalemi ba yugi tsangu di baa,ya yena ba dumishi badinabashi gu antioshi. 23Dangu di gitshi guma guna,bu gadadi kii pila Gahungu ga ba sagumuni,ya yena ga dadi gieshi gi vula mudiambu ye mapandi mana.Ga ba woondidi baa bootsu kega mu landa Fwumu Yesu mu gidesu gi moshi. 24Badinabashi ga gadi muudu wu pimbu.Ga gadi wu gu yula ye muhunga wu Gahungu ye mu lugwigilu baadu ba vula ba gumi ba kidishidu.25Gu ngoyi Badinabashi gendi gu bula di Tadishi mudiambu di gudinga Sawulu.26 Dangu di ga mu dadi ga needi gu Antioshi.Mvula yi moshi wu muhundu ba wanagani gu di bundu dina ye ba longi baadu ba vula,baadu ba Antioshi,baadu ba teegu ba yandigi gu lendiga ba longugi ba kidishidu.27Mu bilumbu bina mbigudi bega ba gadugi gu Yelusami mudiambu di gwenda gu Antioshi.28 Muudu wu moshi mu kadi djina diandi,ga niamugi gumisu ma ba kidishidu,ya yena ga ba yabishi mu ngolu dji muhunga wu Gahungu mbi nzala yi neeni yi gala mu gifudi gi muhundu''mapandi mana mabwii mu dangu di gadi todila di neeni Kolodi.''29Ba kidishidu ba geshi mbi gosu muudu,nga bwedi gi mvwama giandi ga dumisa lusadisu gwedi bangi bana ba djingaga gu Yudeya. 30 Ba hangi bwoona,ba dumishi mbongu gwedi ba mbuda ba Yudeya gu mioogu mi badinashi ye Sawulu.
121Mu dangu dina,todila Erodia Agripa ga yandigi gu dadi baadu bega mu di bundu pashi. 2Yagobu,buda wu Yoani gamuzuwi ye mbedi.3Dangu Erodia di gadadi mapandi mana ma hegi bayuda giesi,ba gami Piela kega.Mapandi mana ma bwii mu bilumbu bi kindji yi mapaa mana gondi mweemu wu maa. 4Dangu di ba mugami gu hwii,ga mu shi mu dangumbada,ga shi mandonga maya ma ba pumbulu mudiambu di gu mudala,mu gosu ndonga ba pumbulu baya-baya.Ga gadi ye mabanza ma gu mu lela gu misu ma baadu nootsu gu ngoyi yi kindji pagi.5Ya yena ba swega Piela mudangumbada,haa baadu ba dibundu ba samba Gahungu ngolu mudiambu ye ndi. 6 Gilumbu gi moshi mu piba,gu twala yi gilumbu gina gi zola lesa Erodia Piela gwedi baadu,Piela ga gadi wu nimbi ye gadi-gadi ga ba pumbulu boodi,ga gadi wu hwaa gangamana mu miyololu mioodi gu twala yi giafula pabulushi ba gadi mugugedila nzu yi dangumbada.7Mu mbala yi moashi wandjio wu Fwumu Gahungu gi tshi moniga,ya yena tswemu dji leemi mu dangumbada.Wandjio ga budi Piela du googi mu tsagadi mudiambu di gu mu niamugisa mu gilu,ga mu ledi mbi:"niamuga tswalu.''Mu mbala yi moshi miyololu mi gadugi mu milu mi Piela.8 Bwoona wandjio ga mu ledi mbi:"vada mu gaba ye sabadi woogu.''Ga vadi ,ya yena wandjio ga mu ledi kega mbi:"vada kazaga gaagu,witsa ndanda.''9Piela ga landi wandjio,ga dugi mudangumbada.Loo ga ga yaba mbi mapandi mana ma hanga wandjio ma gadi ma mugiediga.Haa ga yaba mbi yeedi kaga ndotshi. 10 Dangu di ba ludi pulushi wu teegu ye wu zoodi,ba gumi ye giafulu gi ndondu gina gi dala gu vuula.Gia beeni yi gangugi gu twala yi baa.Ba dugi ya yena ba landi bala-bala di moshi mugi tulumugila wandjio ga shishi Piela.11Piela gayandigi gu ba gisa mapandi mana ma bwii,ga yagudi mbi:"dangu di yi yabi gugidi mbi Fwumu Gahungu wu tushi.Wandjio wandi ye gitshi gadula gu mioogu mi Erodia ye mapandi mootsu ma mbi ma bayuda ma ba muganinaga.'' 12dangu di ga yabi mapandi mana gendi gu nzu Madiya ngudi Yoani wuna wu ba lendigaga Malagu,baadu bengi ba gadi bawagani guna muni samba Gahungu.13Dangu Piela di gabudi mu giafulu,mwaana mukedu wu moshi wu gisalu,dina diandi Rode,gitshi ga ngula nzu. 14 Dangu di gayabi danga yi Piela ga gadi gieshi gi vula,haa loo ga gangi nzu swalu,gendi teegu gu yabisa bana ba gadi gu kadi ga nzu mbi:"Piela weedi yeeya ye ndjila.''15 Ba mu ledi mbi:"ndi wu lawugi!"Haa ndi ga yagula kega mbi:"wuna wandjio wandi.''16Haa Piela gabula kaga gu giafulu.Dangu di ba gangudi nzu,ba mu dadi,ba yidugi ngolu. 17 Ga hangi gi dimbu gu mioogu miaandi mudiambu ba gadi pweede,ya yena ga ba yabishi pila yi Fwumu Gahungu yi ga mu dushi mudangumbada.Ga yagudi kega mbi:"lu yabi mapandi ma Yagobu ye gwedi bapangi bega.''Ya yena ga dugi,gendi gihani giega.18Mu musuga-musuga di gadi dingi mu kadi ga ba pumbulu ba yufulagani baa ye baa mbi: Piela wu yendi guni?19 Erodia ga dumishi baadu mu gwenda mudinga haa loo ba mudadi.Ya yena gasambisa ba pulushi bana ba langidila dangumbada,ga ledi baadu mu gwenda gu bazuwa.Gu ngoyi Erodia ga yambudi manu ma yudeya,gendi gu bula di Sezadiya.mudiambu genda hemina ndambu guna.20Erodia ga yugidi beeni bula di Tidi ye Sidoni kabu dingi shela.Dangu diadina,baadu bana di ba wagani mu gwenda moniga gu misu ma Erodia,ba wagani ye mbudaBlashiti,wuna wu dalaga nzu yi Erodia,bendi dinga ngemba gwedi Erodia mudiambu madongu ma dugaga mu manu ma Erodia. 21 Mu gilumbu shi Erodia,ga vadi miledi miandi mi gifwumu ngendi gala ye gidi giandi gi gifwumu,ya yena gayandigi gu hega baadu malongi.22Baadu bega ba yandigi gu yagula mu ndaga yi ngolu mbi:"wuu loo mbi muudu wu ba yagula!Haa Gahungu wu ba yagula.'' 23 Kaga mu dangu diadina wandjio wu Fwumu Gahungu Erodia mudiambu ga di hega lugumu lwandi ndi beeni haa loo mbi lu Gahungu.Bipagala bu bimudi,ya yena ga fwii.Tsangu dji Gahungu dji mwangani djingi,talu yi ba kidishidu yi gumi yingi. Dangu Badinashi ye Sawulu di bamashi gisalu gi baagu Yelusalemi ba vudugi gu Antioshi.Ba needi kega Yoani wu ba lendigaga Madigo.
141gu Ikonimi Polu ye Badinabashi bendi goda gu nzu yi bisambu yi bayuda.Dangu di di bahani malongi,bana ba gadi bayuda ye ba gondi bayuda ba gumi ba kidishidu mudiambu di pandi mana ma bayagudilagi. 2 Haa bayuda bana ba duni gu gwigila,ba tsubishi baadu bana ba gondi bayuda mu gu gala bambeeni ba bakidishidu.3Polu ye Badinabashi ba gadi bilumbu bi vula gu Ikoniumi.Ba yagulagagi ye gigesa giootsu.Mudiambu basagi mbundu yi baa gwedi Gahungu,balonga baadu mbi Gahungu ga dalaga baadu mu disu di pimbu.Gahungu kega ga lela mbi malongi maa baa magadi makiediga,mudiambu Gahungu ga ba hegi ngolu dji hanga mapandi ma pila ye pila. 4 Baadu bega ba gadi mu ma bula ba gabugi mu ndambu djioodi:bega ba zolagi gu landa manunga ma bayuda,haa bega ba zola landa manunga ma Polu ye Badinabashi.5Bwoona bayuda ye baadu bega bana ba gondi bayuda,ye ba mbuda bana ba ganini Polu ye Badinabashi mu gu ba hanga mbii,ba zola gu ba daa madadi mudiambu ba bazuwaa. 6 Dangu batumwa di bayabi mapandi mana,ba diini gu ndambu di mabula maa meedi mu manu ma Likawonia:gu Listre ye gu Dedibe ye ndambu yina djiedi pena-pena ye mabula meeni. 7 Gu bendagi,bendagi mu gu hana tsangu dji pimbu.8na gu Listre gu gadi ye muudu wu moshi wu budugi milu gi fwuu.Loo ga niamuga mud milu miandi mi gadi degi-degi.Loooo ga sadi niamuga shi gilumbu gi moshi yandiga di gabudugi. 9 Gilumbu gi moshi ga yuga mapandi ma yagula Polu.Polu ga mudadi shela bwoona di ga mu dadi mbi muudu weeni ga shi mbundu mbi ga fani mu gindisa. 10 Bwoona,Polu ga muledi mu ndaga yi ngolu mbii:"niamuga,gala wu gu sungamana!Mu mbala yi moshi ga niamugi di ga yandigi gwenda gu mweendu.11Gadu baadu di badadi mapandi mahangi Polu,ba yagudi mu ndanga yi baa yi bula ngolu mbi:"Duhungu du sendi maludu ma baadu du yitshi gulumuga mu kadi ga pidu.'' 12 Balendigagi Badinabashi mbi:"Zyishi",Polu ba mu lendigaga mbi:"Ermisi"mudiambu Polu ga yagulaga mapandi. 13 Nzu yi moshi yi bisambu yi Gahungu wu Zeyishi yi gadi gu Tsoongi bula.Nganga wu nzu yina yi bisambu wuna wu yitshi needa ba ngombi ba bagala gu twala yi biafulu bi ma nzu mana.Ba gadi ba shi mishinga mi bi tundu mu ba ngombi bana.Nganga weeni ye baadu bega ba zolagi gu zuwa ba ngombi mudiambu di gu dambigila Badinabashi ye Polu.14Haa dangu batumwa bana ba boodi di bayugi mapandi mana,ba bagi miledi mi baa,ba godi mu tiinu ye kadi ga baadu,ba yufudi mu ndaga yi baa ngolu mbi: 15 "mudiambu di kii lu hanga mapandi maa?Pidu dwedi baadu nga binu du ba lulela tsangu dji pimbu mbi lu yambula bi deegi bii,bi pamba-pamba,bwoona lu balumuna ma mbundu ma binu gwedi Gahungu wuna wu mooni.Gahungu wu gangi yilu ye maanu nzadi mungu ye bima biootsu bina biedi muna.16 Mu dangu di gulu ga shi-shi biootsu bi baadu mu gu landa ndjila yi moshi.17Haa dangu diootsu ga lu lesaga mapandi ma pimbu ma ga hangaga.Ga lu nogishilaga mvula yina yi gadugaga gu yilu,ga lu hegaga dangu di gu gadula bima mu mangundu,ga lu hegaga ma dia;dji lu hegaga gieshi gu mbundu. 18Shi ba tumwa bu ba yagudi buna,haa badadi pashi teegu mu gu gama baadu bana ndjila mu gu ba dambigila magabu ma gimengi.19Haa bayuda bega bana ba dugi gu Antioshi ye bana beedi pena-pena ye manu ma Pishidiya ye bana dugi gu bula di Ikoniumi,bitshi guma guna.Ba di gindugu ye beeni bula dina,di ba dii Polu madadi mudiambu di gu mu zuwa.Gu ngoyi,ba bendi mu ngolu,bwoona ba mu dushi ye bula mudiambu ba yindula mbi wuu fwii. 20 Haa dangu ba kidishidu bitshi gu mu djieda di ga shamugi,bwoona ga vudugi gu bula.Mu gilumbu gi landi,ndi ye Badinabashi bendi gu Dedibi.21Dangu Polu ye Badinabashi di ba yabishi tsangu dji pimbu gu bula di Dedibi,baadu ba vula ba gumi ba kidishidu.Bwoona ba vudugi gu bula di Listre,gu Ikoniumi,ye gu Antioshi dina djiedi pena-pena ye manu ma Pashidiya. Benda hega gigesa gwedi kidishidu ye gu ba woondila mu gu saa mbundu gwedi Gahungu 22.Benda ba lela mbi:"du fani dala pashi mu gu goda mu gifwumu gi Gahungu.''23Mu gosu di bundu benda soola bambuda mudiambu ye bundu,benda samba Gahungu.Bwoona ba bahega mioogu mudiambu mi Fwumu Yesu wina wu ba gumbudi.24 Dangu di ba ludi mu manu ma Pishidia di ba gumi yugi mu gi dini gi gifudi gi Panfilia. 25 Bendi yabisa tsangu dji Gahungu gu bula di Pediga.Bendi kega gu bula di Ataliya. 26 Ga duga guna bendi gu Antioshi mu matswa:ba Antioshi baa baledi mbi Gahungu ga lu geba pila yi ga lu zodilaga,mudiambu ye gu soola gisalu gina gi lu hangaga.gisalu gina gi ba hanga mu gu lungisa dangu bitshi vuduga gu Antioshi.27Dangu di bitshi guma gu Antioshi,ba lendigi baadu bootsu badibundu,ba ba ledi mapandi mootsu ma Gahungu ma ga sadi ye baa ye pila yi ga gangudi ndjila yi baadu bana ba gadi bayuda ye bana ba gondi gala bayuda lugwigilu. 28 Ba gadi bilumbu bi vula ye ba kidishidu.
151Dangu di,baadu bega badugi gu yudeya,bitshi gu Antioshi,ba yandigi gu longa ba pangi ba dibundu mbi:"mbi loo ba lu taabi binu ba bagala,nga bwedi matshigu ma Mososhi bu ma baa yagula,loo lu huluga.'' 2 polu ye Badinabashi loo ba gumbudi mapandi mana,ba kega bitshi teembi ye baa,ya yena ba zoodi Polu ye Badinabashi ye baadu beega ba Antioshi mu gwenda gu Yelusami mudiambu benda ba yufula mapandi mana gwedi batumwa ye ba mbuda ba dibundu,3beeni dibundu ba ba dumishi mudiambu ye mapandi mana,mu ndjila ba ludi manu ma Fenishiya ye manu ma Samadiya.Benda lela baadu mu ndjila kii pila baadu bana loo beedi bayuda ba balumuni mbundu djina di Gahungu.Tsangu djina di hani gieshi gi vula gwedi ba pangi bootsu ba dibundu. 4 Dangu di bitshi guma gu Yeslusalemi,ba tumwa,bambuda ye baadu bega ba di bundu,ba bayambi bwoona ba baledi mapandi mootsu ma bahangi Gahungu.5Dangu di,bafadishi bega bana ba gadi ba gumi ba kidishidu,ba niamugi mudiambu ba yagula mbi:"ga fani gu bataba kega bana ba gondi ba kidishidu lu fani ba lela mu gu landa matshigu ma Mososhi. 6Ba tumwa ye ba mbuda ba wanagani gi hani gi moshi pimbu-pimbu mu mapandi mana.7Dangu di basoludi gu hwii,Piela ga niamugi ga yandigi gu yagula mbi:"ba pangi bami,yabani mbi yandiga gu mwaga Gahungu soodi mu kadi ga binu mudiambu baadu bega ba gondi bayuda,ba yuga8 tsangu dji pimbu,baa kega ba gwigila mu djia. Haa Gahungu wuna wu yabaga mbundu dji baadu,ga baledi mbi ndi ga ba gumbudi dangu di hegi muhunga wu gedila,pila yi ga duhegi. 9 Loo ga shi luswaswanu mu kadi ga pidu ye baa mudiambu ga gadudi masumu mudiambu ba gwigila.10Dangu di,mudiambu di kii lu ba mega Gahungu?Mudiambu di kii lu ba zola saa bu googu ye londi di muudu di ba kidishidu bu googu buna bu bakaga bapidu ye beeni binu ye buna bu lu dalaga pila yi gu needa?11 Haa loo ba gwigila mbi du guluga mudiambu Fwumu Yesu ga du dalaga mu disu di pimbu;ba kega ba gulugagi pila yi moshi."12Dangu di,baadu bootsu ba gadi pweede mu gu yugishila Badinabashi ye Polu wuna wu ba lelaga kii pila Gahungu ga ba haegi ngolu dji gu hanga mapandi maguyiga ma pila ye pila mu kadi ga baadu bana ba gondi bayuda.13Dangu Badinabashi ye Polu di ba manishi gu yagula,Yagobu ga yagudi mbi:"ba pangi,nzugishilani.'' 14 Shimoni ga du ledi kii pila Gahungu ga yindudi mu mbala yi teegu gwedi baadu bana ba gondi bayuda mudiambu ye gu soola baadu bega mu kadi ga mu gu gala baadu bandi.15Mapandi ma yagudi ba mbigudi ma gwenda ndjila yi moshi ye mapandi mana mudiambu ba sonigi mu muganda wu Ghaungu mbi: 16"Gahungu ga ba yagula mbi gu ngoyi mapandi mana,yi gwitsa kega,bwoona dunga nzu yi Davidi yina yi bwii yi niamugisa kega bima biootsu bina bi fwii mu nzu yina bu yi yidiga kega. 17Bwoona baadu bana bootsu ba gondi bayuda bana ba yisoodi mu gu gala baadu bami,ba kega bu ba soola.'' 18 yi yabishi mapandi mana madugi gu leya,mi kega yi bagula buna.''19Yagobu ga yagudi kega mbi:"manunga maami loo du fani yangigisa baadu bana ba gondi bayuda,dangu di ba balumuna mbundu gwedi Gahungu. 20 Haa du basonigidi mu muganda mbi: loo gu diani mbitshi wu bahani teegi magabu gwedi duhungu dubidegi gwedi tshigu,loo gu hangani gi ndumbu,loo gu diani mbitshi wuna wu ba zuwii wu muminu;loo gu nwani kega meengi. 21 Yandiga gu mwaga ba longa matshigu ma Mososhi mu gosu bula,ba dangaga kega mu gosu gilumbu gi gu hululuga mu manzu ma bisambu ma bayuda.''22Dangu di,ba tumwa,ba mbuda ye baadu bootsu ba dibundu ba geshi mbi ba fani soola baadu bega mu kadi ga baa gu ba dumisa ye Polu ye Badinabashi gu bula di Antioshi ba soodi Yuda wuna wu balendigaga mbi Badinabashi,soodi kega Silashi baa boodi ba gadi baadu ba ludjidu mu kadi ga dibundu.23 Ba ba hegi muganda wu gu needa guna gu Antioshi:"pidu Batumwa ye ba mbuda bana beedi ba pangi ba pidu mu di bundu du dumishi mbodi binu ba pangi bana ba gondi bu duga bayuda lu galaga gu Antioshi ye gu gidini gi manu gi Sidiya.24Pidu du yugi mbi baadu bega ba gadugi gwedi pidu bitshi lugumisa bisaga-saga mu mapandi maa,ma baa ba mana yagula.Mapandi mana ma ba duhega pashi gu mbundu,haa loo du ba duni mu gwitsa buna. 25 di dukeshi pidu bootsu mbi du ba soola baadu bega mudiambu di ludumisa ndjila yi moshi ye bandugu ba pidu Badinabashi ye Polu. 26 Badinabashi ye Polu ba kandi fwaa mudiambu ye gisalu gi Fwumu wu pidu Yesu kidishidu.27Tunda du dumishi yuda ye Silashi ba yabisa tsangu dji pimbu ndjila yi moshi nga pidu mu ganu di baa. 28 Muhunga wu Gahungu ye pidu,haa loo du mu gu gonda saa bu googu bwega ye londi di binu,haa gi lemu gi moshi buna gi Fwumu giagi: 29 Loo fani dia mbitshi wuna wu ba hani teegu magabu gu duhungu du bidegi,loo lu fani nwaa meengi,loo lu fani dia mbitshi wuna wu ba zuwii wu hwaa ganga muminu,loo lu fani hanga gindumbu.Mbi bu lu duni mapandi mana gwedi pimbu yi vula. Salani pimbu!"30Dangu di,baadu bana ba badumishi bendi tii gu bula di Antioshi.Dangu di,bitshi guma guna,ba lendigi baadu bootsu ba dimbundu,ba bahegi muganda.31 Dangu di,badangi gu hwii,ba daadi gieshi gi vula mudiambu muganda wuna ga ba hegi giesa. 32 Yuda ye Silashi bagadi ba mbigudi,bwoona ba hani malongi mayela gwedi ba pangi bana mudiambu di gu ba hega gi gesa ye ngolu.33Gu ngoyi mbi bi gwii,ba pangi ba dibundu ba bavududi mu pimbu yiootsu,bwoona bitshi gwedi baadu bana ba badumi. 34(Haa Silashi ga yagudi mbi:"yi fani salayaya.)'' 35Haa Polu ye Badinabashi ba sadi gu Antioshi.baa ye baadu bega bavula,ba gadi muni longa ye gu yabisa baadu tsangu yi Fwumu Gahungu.36Gu ngoyi bilumbu ga ndambu,Polu ga ledi Badinashi mbi:"du vuduga mudiambu di gwenda ba pangi ba dibundu bana beedi mu mabula mootsu mana ma dwenda yabisa tsangu dji Fwumu Gahungu,bwoona du yaba mbi bu ba gumi kii pila.'' 37Badinabashi ga zolambi ba neda kega Yoani wuna wu balendiga kega Madigo.38 Haa Polu ga duni mbi:"pimbu loo mu gu mu neda,mudiambu ga dushishi gu Pafidiya,loo gendi kega mu gu hanga ye pidu ndjila yi moshi.''39Tembi yi ngolu yi gadi mu kadi ga baa.Bwoona ba bongagani.Badinabashi ga nedi Madigo,di bendi mu matswa mu gisanga gi Shipidi. 40 Haa Polu ga soodi Shilashi,bwoona dangu di gazola gwenda,ba pangi ba di bundu ba lela Polu mbi:"Fwumu Gahungu ga gu geba shela nga bu ga gu zolaga.'' Bwoona di gendi. 41Ga ludi mu gini gi gifudi gi Shidiya ye mu gi dini gi gifudi gi Shidiya;dangu di genda luda,genda hana ngolu mu dibundu.
161Du yi tshi guma kega gu Dedibi,bwoona gu ngoyi gendi gu bula dina di Listre.Mu kidishidu wu moshi djina diandi Timode.ngu diandi ga gadi muyuda,wuna wu gidugi mukidishidu,dada wandi loo ga gadi muyuda. 2 Ba pangi,bandi mbundu bagadi gu bula dina di balendigaga Listre ye Ikoniumi,ba yagula mapandi ma pimbu mudiambu diandi. 3 Wandjio wu djioodi ga lumbi mu nzadi mungu kabu yina yi gadi mubulu diandi mwetshi ga gumi nga meengi ma muudu wu fwii,bwoona bima bi mooni biootsu bina bi gadi mu nzadi mungu bi fwii.4Wandjio wu dadu ga lumbi mu manzadi ye tuu dji mwetshi kabu djina dji gadi mu bolu djiandi,bwoona manzadi ye ma tuu ma gumi meengi ye meengi. 5 Haa yi yugi wandjio wuna wu gadi ye giyega gi guyala mietshi,muni yagula mbi:"weedi muudu wu gedila,muudu wuna weedi ye muudu wuna wu gadi,wu geshi pandi pimbu!6Muhunga wu gedila ga ba ledi:"loo ba fani gwenda yagula mapandi ma Gahungu mu gidini gi Aziya,ya yena di ba ludi gu manu ma Friziya ye ma Galatiya. 7 Dangu di ba gumi pena-pena ye gidini gi gifudi gi Miziya,ba zolagi gwenda gu gidini gi gifudi gi Bitiniya,haa muhunga ye Yesu mu ndjila.Loo yi ba hegi ndjila. 8 Ya yena di ba ludi gu Miziya,di bendi gu vula di moshi Trowashi.9Pila Polu di ga dadi gu ndotshi muudu wu moshi wu gidini gi gifudi di Masedoniya wu niamugi,baa muni mu wondila mbi:"yiza sabuga Masedoniya wu du sadisa.'' 10 Dangu Polu di gadadi buna gu hwii,kaga mu dangu dina du yandigi gu dinga pila yi gwenda gu Masedoniya,mudiambu du dadi mbi,Gahungu ga du lendigi yabi mu gwenda ya bigisa tsangu djiandi dji pimbu.11Pidu du yambula Trewashi,du goda mu matswa,bwoona dwenda mu gisanga gi Samotrase.Haa gilumbu gi landi dwendi gu bula di Neyapolishi. 12Dangun di dugadugi guna,dwendi gu bula dina Fidipi,bula di teegu di gidini gi gifudi di Masedoniya.Djiedi gu mioogu mi baadu ba gifwumu gi Loma.Du nimbi bilumbu bi vula guna. Mu gilumbu gi gu hululuga du gadugi gu bula 13du finami gu mwetshi.Du yindula mbi dwenda du dala gi hani gi bayuda gi basambilaga.Du gadi yena,di du solula ye bakedu bana bitsaga wanagana guna.14Mukedu wu moshi,djina diandi Lidi.Lu ga duyugagi. Gadi gu Medisa wu muledi mibenga.Bula diadina Tiyaditira ga ba samba Gahungu gi hani gi moshi ye bayuda. Fwumu Gahungu ga gangudi mabanza mandi mu gu yuga mapandi ma Polu.Ma ga yagula. 15 Du mu bodigi,baadu ba gadi mu nzu yandi di ga du woodidi mbi:"mbi bu lu dadi mbi gu gigidi du budi Fwumu Yesu gu mbundu yami,lwitsa lu gala gu nzu yami.''Pidu du gadi mu gu duna.16Gilumbu gi moshi dangu di,dwenda mu gi hani gi bisambu,dwitshi wanagana ye wa mukedu wu moshi.Ga gadi mu higa,ndi kega wu gadi ye muhunga wu mbi wuna wu mu lela mapandi ma fani bwaa. 17 Ga yandigi gu du landa ye Polu,ndi kega ga yandigi gu yagula mu ndaga yi ngolu mbi:"baadu ba hangilaga Gahungu!Du balulelaga kii pila du Fani guluga.18 Ga hanga buna bilumbu bi vula,tii guna Polu loo kega ga gadi ye pila yi gu ganga mbundu.Polu ga balumugi ga ledi muhunga mbi:"yi ba gu gulela mu djina di Yesu Kidishidu:''duga mu kadi gandi!"Mu dangu diadina muhunga wuna ga dugi.19Dangu di,ba fwumu bakedu wuna wu badadi mbi:loo beedi ye pila yi gu senda kega mbungu gwedi ndi,ba gami Polu ye Silashi,ba banedi gihani gi galagi gi bafwumu ba leta.20 Di ba yagudi mbi:baadu Baguishi bula gi saga-saga.Bedi Bayagudi. 21ba badulongu kega bifwu bina biedi tshigu mu gifwumu gi loma mu gu gigumbula ye mu gi gulanda.22Baadu bootsu ba bayugidi kabu:Bafwumu ba gadudi miledi ma Polu ye Shilashi,di ba ledi baadu mu gu babula muswamba. 23 Dangu di ba babudi miswamba mbala dji vula gu hwii,bendi gu basa mudangumbada ba ledi pulushi wuna wu dalaga beeni dangumbada mu gu ba dalaga pimbu-pimbu.24 Pulushi ga ba shii mu dangumbada tswalu,ga ba gangi milu mi baa mudiba ya.25Mu miidi mi piba,Polu ye Shilashi ba samba Gahungu,ba yimba mudiambu di gu mu hega lugumu.Baadu bega ba gadi mu dangumbada,ba gadi muni gu ba yugishila. 26 mu gilumbu gi landi,manu ma nigagani ngolu shela. Ma nigishi fondasho yi dangumbada bi gangugi,miyololu miootsu mi gadi gwedi beeni dangumbada,mi gadugi.27Pulushi weeni ga shamugi gu gilu,dangu di gadadi mbi biafulu bi dangu mbada bi gangugi,ga sendi mbeedi mudiambu gadi zuwa ndi beeni. Mudiambu ga yaba mbi beeni dangu mbada bootsu ba djini. 28Polu ga yagudi mundaga yi ngolu mbi:"loo gu di hanga mbi!pidu bootsu dwedi yeeya.29Pulushi ga dingi mwinda,gitshi goda mu dangumbada mu tiinu. Gitshi fugama mu milu mi Polu ye Shilashi ye madegida mootsu.30 Di gabadushi ye ndjila,di gabayufudi:"badada ba,kii yi fani hanga mudiambu yi guluga?"31 Ba mbi:"saa mbundu gwedi Fwumu Yesu,bwoona nga wu guluga,ndi ye baadu beedi mu nzu yagu."32Di ba mu longi malongi ma Gahungu,ndi ye baadu ba gadi mu nzu yandi. 33 Kaga mu dangu ya yina di piba,ga ba sendi,ga yandigi gu yobisa mapuda ma baa.Dangu ga sendi mbodiga ye baadu bandi bootsu. 34 Gu ngoyi ganedi Polu ye Silashi gu nzwandi,ga bahegi madongu,ndi ye baadu bootsu ba gadi gu nzwandi ba gadi ye gieshi dji vula mudiambu ga shi mbundu gwedi Gahungu.35Mu musuga-musuga,bafwumu ba bapulushi ba leta ba dumishi ba pulushi mu gwenda lela pulushi wuna wenda dala beeni dangumbada mbi:"yambula baadu bana benda.''36 Pulushi wuna gendi lela Polu mapabndi mana:"bafwumu ba yagudi mbi ndani gubinu.Dangi di dugani,ndani pimbu.''37Haa Polu ga ledi pulushi mbi:"ba du budi miswamba mu misu ma baadu bootsu gu gonda du sambisa mutindu wu ba sambisaga baadu.Pidu dwedi baadu ba gifwumu gi Loma!gu ngoyi di gu badusa mu dangumbada,dangu di bazoodi gu ba dusa mugitswegi?Loo gwedi buna.Pimbu ba beeni bitsa ba du dusa.38 Ba pulushi be yagula mapandi mana gwedi ba fwumu.Bafwumu ba yugi booma dangu di ba yugi mbi Polu ye Silashi beedi baadu ba gifwumu gi Loma.39 Bitshi gu badinga padido,ya yena ba badushi mu dangumbada,ba bawoondidi mu gu duga gu bula di baa.40Dangu Polu ye silashi di ba dugi mudangu mbada bendi tii mu nzu yi Lidi.Dangu di Polu ye Shilashi ba dadi ba pangi ba dibundu,ba bahegi gigesa beendi gu baa.
171Ba ludi gu bula di Amifipolishi ye Apoloni,di ba guma gu Tesalonika nzu yi bisambu yi bayuda yi gadi guna.2 nga bu gadi gifwuu giandi,Polu gendi mu nzu yi bisambu yi bayuda.Bilumbu bidadi bi gu hululuga ba yandigi gu yagusagana ye baadu mudiambu ye muganda wu Gahungu.3ga yandigi gu ba dendudila,ga yandigi gu lela kega mbi,ga yandigi gu balela pila yi basonigi mu muganda wu Gahungu,Mesiya ga dadi pashi,Gahungu ga mu samugishi mu lufwaa''mudiambu Gahungu wu zoodi buna.Gayandigi gu yagula mbi:"Yesu wu yi lu lela ndi muudu weedi Meshiya.'' 4baadu bega mu kadi ga baa ba shi mbundu mu mapandi ma ga yagula Polu di bitsi wanagana ye Shilashi pila yi moshi kega ye baadu bega bana ba gondi bayuda,haa basamba Gahungu gi hani gi moshi ye bayuda,ye bakedu ba vula ba neeni,ba kega ba shi mbundu,ba kega bitshi vugana ye baa.5Haa bayuda ba bayugilagi gigeneni.Ba sendi baadu bega ba pamba-pamb mu ndjila,ba yandigi gu saa mavanga mu kadi ga baadu.Bula diootsu di yitshi bi saga-saga,ba djungi nzu yi Jasoni mudiambu ye gu dinga Polu ye Silashi 6mu gu baneeda gu misu mi baadu bootsu. Haa loo ba badadi,bwoona ba needi Yasoni ye ba pangi bega badibundu gu misu ma ba fwumu ba bula.Ba yandigi guyagula mu ndaga yi ngolu mbi:"baadu ba bagumishi gifudi giootsu,gisaga-saga,dangu di bitshi guma yaa. 7 Yasonimuudu wu bayambi mu nzu yandi!Baadu bootsu loo badjidisagi tshigu yi fwumu wu neeni wu Loma,mudiambu ba yagulagi gwedi fwumu wega wu neeni,djina diandi Yesu.''8Baadu bootsu ye ba fwumu ma mabula mana ba yugi kabu dji vula mudiambu ye mapandi mana.9 Ba dingi mbongu gwedi Yasoni muudu wu bayambi,loo ba hega mbi:Polu ye Shilashi loo ba hangi kega mapandi mana ma gifaa gina,bwoona ba yagudi.10Dangu piba bi dibwii ba pangi ba dibundu ba dumishi Polu ye Silashi gu bula dina di Beree.Dangu di ba gumi guna,bendi mu nzu yi bisambu yi bayuda. 11 Baadu ba Bere bu bagadi ye mabanza ma pimbu gu guluda beeni Tesalonika,mudiambu ba gumbudi tsangu dji Gahungu ye luzolu lwootsu.Gosu gilumbu ba djidisagi pimbu-pimbu muganda wu Gahungu,mudiambu ba dala mbi mapandi ma yagulaga Polu mendilaga gi geledi.12 baadu ba vula ba gadi mukadi ga ba bagwigidi.Mukadi ga baadu bana ba gondi bayuda,bakedu ba vula ba famidiya ma neeni ye ba bagala ba vula ba gwigidi kega.13a ndaga yi bayuda bana ba gadi ye bula di Tesalonika ba yugi kega mbi,Polu wu yenda hana tsangu dji Gahungu gu bula di Bere.Bendi ba godishi mavanga ye kadi ga baadu.baadu bana ba yugi kabu.14 Ya yena,ba pangi ba ledi Polu tswalu mu gwenda gundambu yi nzadi yi neeni haa Shilashi ye Timode ba sadi ye Bediya. 15Baadu bana bendi leda Polu,bendi ndjila yi moshi tii gu bula di Atenishi.Polu ga ba ledi mu gwenda lela Silashi ye Timode mbi mbi:ba mulanda,tswalu shela.Bwoona baadu bana ba dugi gu Bediya.16Dala,dangu Polu di ga bagingagi gu Atenishi,muhunga wu gedila ga mu ledi mbi:vula di gadi wu gu yula ye bidegi. 17 Bwoona,ba yandigi gu yagusagana ye bayuda ye bana ba samba Gahungu,ye gosu dangu ye zandu ga yindula baadu bana badega yena.18Haa baadu bega ba hangi Filozofi Epikidi ye Kisitoyika.ba yandigi gu saa teembi ye ndi.Baadu bega bayagudi mbi:"kii mapandi shela muudu wuu ga zoodi yagula?'Bega mbi:"ga ba moniga geedi longi wu duhungu wu mu nzendji'',mudiambu ga ba longa tsangu dji pimbu dji Yesu ye lufududmugu.19Ba mu gami ba munedi gu Adeyopagi,ba yagudi mbi:"du fani yaba mapandi maa wu balonga? 20Mudiambu wu ba yagula mapandi maapa mu matsu ma pidu.Tunda du ba zola yaba mapandi maa kii mabazola yagula.21 Gu mukiediga,baadu bootsu ba Atenishi ye banzendji bana badjingaga guna ba ludisa dangu di baa di gulugishila mapandi ma.22Polu ga niamugi ye kadi-kadi ga Areyopa gayagudi mbi:"binu baadu ba Ateneshi,yi badala mbi duhungu du binu. 23Mudiambu,dangu di luda gu bula di binu,bu yi dadi bi hani bi lusambagagi,yi dadi kega mesa magi meengi ma Mososhi ma ba sonigi ye londi mbi:"gwedi Gahungu wuna wu ba gondi ya ba teegu.''Ya yena yitshi mu gu lu lela Gahungu wu lu gondi yaba teegu.24Gahungu wuna wu hangi gifudi gi muhundu ye bima biootsu bina biedi mu kadi.Ndi muudu weedi Fwumu wu yilu ye manu,loo ga galaga mu manzu ma dungaga baadu gu mioogu mi baa. 25 Loo gadalaga fwunu mbi baadu ba bamuhega magabu,mudiambu muudu wu hegaga baadu mooni,muhunga wu gu humunina ye bima biootsu.Gwedi muudu wu moshi ga dushi baadu bootsu mudiambu badjinga aya ye londi di manu.Gashi gu twala dangu di wu fani hanga ye bi hani bi manu bi ba fani djingila. Gahungu