To view a copy of the CC BY-SA 4.0 license visit
http://creativecommons.org/licenses/by-sa/4.0/
Roma
11O a'u o Paulo, o le auauna a Iesu Keriso, ua vala'auina e fai ma aposetolo, ma ua filifilia mo le tala lelei a le Atua. 2Sa ia folafola mai anamua, e ala i ana perofeta i tusitusiga paia, 3e fa'atatau i lona Atali'i e tupuga mai iā Tavita i la le tino.4E ala i le Agaga paia; ua ia fa'ailoa ma le mana, o ia o le Atali'i o le Atua, ua toetu mai i le oti; o Iesu Keriso le Alii. 5O ia ua tatou maua ai le alofa tunoa ma le faiva o le aposetolo; e ala i le usiusitai i le fa'atuatua o atunu'u uma ona o lona suafa. 6O totonu o nei atunu'u, o oe ua vala'auina e Iesu Keriso.7O i latou uma o i Roma, ua alofaina e le Atua ma ua vala'auina e fai ma tagata paia. Ia iai le alofa tunoa ma le filemu mai le Atua le Tamā ma le Alii o Iesu Keriso.8E muamua ona ou fa'afetai i le Atuā e ala ia Iesu Keriso mo outou uma, ona o lo outou fa'atuatua ua folafolaina atu i le lalolagi atoa. 9O le Atua o lo'u molimau, o ia ou te auauna i ai lo'u agaga, i le tala lelei o lona Atali'i, o lo'o ta'uta'u atu pea outou. 10Ou te fa'atoga atu i taimi uma i ou tatalo; ina ia ou manuia nei i le finagalo o le Atua, ina ia ou alu atu ia te outou.11Ua ou naunau e vaai ia te outou, ina ia ou avatu o meaalofa fa'aleagaga, ina ia mafai ona fa'amalosi ai outou. 12O lenei, ua ou naunau e fa'amalosi ia te outou, e ala i le faatuatua o le tasi i le tasi, o outou ma au foi.13O lenei le au uso e, ou te lē loto ia outou lē iloa, ou te manatu soo oute alu atu ia te outou (a ‘ua taofia a‘u e o‘o mai i le aso nei), ‘ina ‘ia ‘ou fua mai fo‘i ‘iā te ‘outou, fa‘apei ‘ona ‘ou maua i isi nu‘u ‘ese. 14O au o se tagata nofo aitalafu i Eleni ma tagata ese, o e popoto ma e valea. 15O lenei, ua ou sauni e talai le tala lelei ia te outou o i Roma.16Auā ou te lē ma i le tala lelei, auā o le mana o le Atua e fa'aola ai tagata uma o ē talitonu, e muamua i tagata Iutaia ma Eleni. 17Auā o le amiotonu o le Atua ua fa'alia mai i le fa'atuatua i le fa'atuatua, e pei ona tusia, "O e amiotonu e ola i le fa'atuatua".18Auā o le toasā o le Atua ua fa'aali mai le lagi i e lē amio atua ma e amioletonu, ma tagata amioletonu ua taofi le mea moni. O mea ua iloa i le Atua ua fa'ailoa atu ia te i latou. 19Auā ua fa'amalamalamaina i latou e le Atua20Talu ona faia o le lalolagi, o ona uiga lē vaaia; o lona mana lea e fa'avavau ma lona natura paia, ua manino lava i le vaai, ua iloatino i mea na ia faia. E leai la se alofaga o ia mea ia te i latou. 21Auā e ui lava na latou iloa le Atua, ua latou lē vivi'i i le Atua, pe fa'afetai atu foi ia te ia. Ae peitai, ua latou valea i o latou manatu ma ua fa'apogisaina o latou loto valea.22Ua latou fai mai e popoto, ae ua avea i latou ma e valelea. 23Ua latou fesuiai foi le mamalu o le Atua soifua pea ma le fa'atusa o le tagata e fano, ma manu felelei, ma manu vae fa ma mea fetolofi.24O le mea lea ua tu'uina atu ai i latou e le Atua i tuinanau o latou loto leaga, latou te fa'aleagaina i o latou lava tino. 25O i latou lava ua fesuiai le upu moni o le Atua i le pepelo, o e ua tapuai ma auauna i mea na faia, nai lo'o o Ia na faia, ia vi'ia e fa'avavau. Amene.26O le mea lea ua tuuina ai e le Atua latou e fa'aleagaina i tuinanau, auā ua fesuiai e o latou fafine le so'otaga e tatau ma le tu e lē masani ai. 27E fa'apea foi ona tu'ua e le tane le so'otaga ma fafine, ae ua tuinanau atu i le tasi i le tasi. O ia tane ua faia amioga māsiasi ma maua i latou le fa'asalaga e tatau mo mea sesē ua latou faia.28Ua latou le talia le iai o le Atua i lo latou iloa, ua ia tuuina atu i latou i le mafaufau leaga, ina ia latou faia mea e lē tatau.29Ua fa'atumuina i latou i le amioletonu, ma le amio leaga, ma le matape'ape'a ma le loto leaga. Ua tumu i latou i le matau'a, ma le fasioti tagata, ma le misa, ma le taufa'asese ma le fa'amoemoe leaga. O le faitala lava i latou, 30ma le ta'uga fa'aleaga, ma le inoino i le Atua, ma le ita, ma le fa'amaualuga, ma le mitamita, ma le faufau ala e fai ai lē leaga; latou te lē usiusitai i matua. 31O i latou e fa'avalea, ma le lē fa'atuatua, ma le leai o se loto, ma le leai o se alofa.32Ua latou malamalama i poloa'iga a le Atua, o i latou e faia mea fa'apena e tatau ona oti. Ae e lē gata ina latou faia nei mea, ae ua latou talia foi o isi o loo faia nei mea.
21O le mea lea, e leai sou alofaga, oe le tagata e faamasino, aua o mea e te faamasinoina ai le isi tagata, e te faasalaina oe lava. Auā o outou o ē faamasino, ua faia lava ia mea. 2Ae peitai ua tatou iloa o le faamasinoga a le Atua e tusa ma le upu moni pe a oo mai i luga o ē fai mea fa‘apenā.3Ae mafaufau i le mea lenei, oe le tagata o loʻo faamasinoina i latou o loo faia ia mea e ui lava e te faia ia lava mea. E te sao mai ea i le faamasinoga a le Atua? 4Pe e te manatu faatauvaa ea i le tamaoaiga o lona agalelei, ma lona faasalaga tuai, ma lona onosai? E te le iloa ea o lona agalelei e taʻitaʻia ai oe i le salamo?5Ae o le maaa tele o lou loto ma lou lē salamō ua e faaputuina lava mo oe le toasā i le aso o le toʻasā, o le aso lea e faaalia ai le faamasinoga tonu a le Atua. 6E taui atu foi e ia i tagata taitoatasi e tusa ma lana amio; 7o ē ua tumau pea i galuega lelei, ua latou saili ai le viiga, ma le mamalu ma le le iu vale.8Ae peitai o i latou o ē sailia i latou lava, o ē lē usiusitai i le upu moni, ae usiusitai i le amioletonu, e oo mai lava le toasā tele. 9E faaoo mai fo‘i e le Atua le puapuaga i tagata taitoatasi uma o ē amio leaga, e muamua i le Iutaia, atoa ma le Eleni.10Ae o le viiga, ma le mamalu, ma le filemu o le a oo mai ia i latou uma o e faia mea lelei, e muamua i le Iutaia, atoa ma le Eleni. 11Auā e lē faailoga tagata le Atua. 12Auā o i latou uma o ē na agasala e aunoa ma le tulafono, e fano foi i latou e aunoa ma le tulafono; ma o i latou uma o e ua agasala i le tulafono e faamasinoina/faasalaina i latou i le tulafono.13Auā e lē o ē faalogologo i le tulafono e amiotonu i luma o le Atua, a o ē e anaana i le tulafono e tauamiotonuina. 14Auā pe a fai fua e Nuu ese o ē e lē o i ai le tulafono o mea e tusa ma le tulafono, e ui ina le o i ai le tulafono, ua avea i latou ma tulafono ia te i latou.15E ala i lenei mea ua latou faaalia ai o gaoioiga e manaomia e le tulafono ua tusia i o latou loto. O loo molimau foi o latou loto fuatia ifo ia te i latou, ma o latou lava manatu e molia pe faasalaina i latou, 16i le aso e faamasinoina ai e le Atua mea lilo a tagata uma, e tusa ma la‘u tala lelei, e ala ia Iesu Keriso.17Ae afai e te fai atu o oe o le Iutaia ma ua e fa‘alagolago i le tulafono ma mitamita i le Atua, 18ma ia iloa lona finagalo ma talia le mea e sili ona lelei, auā ua aoaoina oe i le tulafono; 19afai foi ua e mautinoa o oe o le taitai o ē tauaso, o le malamalama foi i ē o i le pouliuli, 20o le aoao i ē valea, o le aoao o tamaiti, ma ua ia te oe i le tulafono le tino o le poto ma le upumoni, e faapefea la ona aafia ai lou olaga?21O oe o lē ua aoao atu i isi, e te lē aoao ea ia te oe lava? O oe o lē e talai atu i le gaoi, e te gaoi ea? 22O oe o lē fai mai e lē tatau ona e mulilua, e te mulilua ea? O outou o ē inoino i tupua, ua e faoa ea malumalu?23O oe o lē mitamita i le tulafono, ua e faaleagaina ea le Atua i lou soli o le tulafono? 24Auā ua upuleagaina le suafa o le Atua i Nuu ese ona o outou, e pei ona tusia.25Auā o le peritome e aogā ia te oe pe afai e te usiusitai i le tulafono; ae afai e te soli i le tulafono, ua avea ai lou peritome ma faaleperitomeina. 26O lenei, afai e tausia e le tagata e lei peritomeina le tulafono, e lē taua ea lona lē peritomeina o le peritomeina? 27E lē faasalaina ea oe e lē ua lē peritomeina, pe afai na te tausia le tulafono? Auā ua ia te outou le tulafono tusitusia ma le peritome, a ua e soli le tulafono!28Auā e lē o ia o se Iutaia e na o le tino; e lē o le peritome foi ua na o le mea i fafo i le tino. 29A o le tagata Iutaia i le loto, o le peritome o le loto lea, i le Agaga, ae lē o le tusi. O le viiga o se tagata faapena e lē mai tagata ae mai le Atua.
31O lenei, o le a ea se mea e sili ai le Iutaia? Ao le a foi le aoga o le peritomeina? 2E lelei i mea uma. Na muamua ona tuuina atu le faaliga iai latou e le Atua.3A faapefea pe ana leai se faatuatua i nisi o Iutaia? O le ā avea ea lo latou lē faatuatua e faaleaogaina ai le faamaoni o le Atua? 4Ia aua nei faapea. Ae peitai, ia tuu le faamaoni i le Atua, e ui ina pepelo tagata uma lava. E pei ona tusia, ' Ina ia tau amiotonuina oe i au afioga, ma ia e manumalo pe a faamasinoina oe."5Ae afai e faaalitinoina le amiotonu a le Atua i la tatou amioletonu, o le a sa tatou upu e fai? E mafai ea ona tatou faapea ane, ua amioletonu ea le Atua, ua na te tuuina mai ai lona toasa iai tatou? (O upu a tagata ou te fai atu nei.) 6E le mafai lava! E faapefea ona faamasinoina le lalolagi e le Atua?7Aisea e faamasinoina ai au ua pei o sē ua agasala, pe afai e faateleina le faamaoni o le Atua ma tupu ai lona viiga ona o lo'u pepelo? 8Aisea e le faapea ane ai, e pei ona upuleagaina i matou, e pei ona talitonu nisi ua matou fai atu ai, ua faapea la matou upu, " Ia tatou faia mea leaga, ina ia tupu ai mea lelei"? E tonu la latou sala/faasalaga.9O lenei, pe faapefea? O tatou alofaga ea tatou iai tatou? E leai lava. Aua ua uma ona matou molia o Iutaia ma Eleni, o i latou uma lava, o loo nofo sala or o loo nofo sala i latou uma lava.10Ua faapei ona tusia; " E leai lava sē amiotonu, e leai lava se tasi;11e leai se na te malamalama/lagona, e leai lava sē e saili i le Atua. 12Ua liliu ese uma lava; ua leaga faatasi i latou. E leai sē ua amio lelei, ua leai, ua leai lava se tasi.13Ua se tuugamau le faamaga o latou faai. Ua oleole o latou laulaufaiva. O i o latou laugutu le mea oona o le asipi/or 'ona o le gata. 14Ua tumu o latou gutu i le fetuu ma le upu faafiufiu/oona.15Ua tele vavave o latou vae e sasaa ai le toto. 16O i o latou ala le olopalaina ma le puapuagatia. 17E leiloa e nei tagata ala o le filemu/manuia. 18E leai lava so latou matau i le Atua or Latou te le matatau i le Atua.19O lenei, ua tatou iloa, o mea uma ua fai mai e le tulafono, ua fai mai lava i e ua i lalo o le tulafono, ina ia punitia ai gutu uma lava, ma ia nofo sala le lalolagi uma i luma o le Atua/or ma ia tali atu le lalolagi uma i le Atua. 20Aua e le tauamiotonuina se tagata e toatasi i ona luma i galuega o le tulafono. Aua o le tulafono e iloa lelei ai le agasala.21A o lenei, ua faaalia mai le amiotonu a le Atua, e le o i ai le tulafono, ua molimau iai e le tulafono atoa ma le au perofeta; 22ao le amiotonu lea a le Atua i le faatuatua ia Iesu Keriso, mo i latou uma e faatuatua ia te ia. Aua e leai se eseesega/or e le eseese lava.23aua ua agasala tagata uma lava ma ua le oo i le mamalu o le Atua, 24ua tauamiotonuina fua i lona alofa tunoa i le togiola e a Keriso Iesu.25Na auina mai e le Atua Iesu Keriso , o le taulaga mo agasala i lona toto, e maua i le faatuatua. Na ia faaalitinoina mai lana amiotonu ile le tauia o agasala ua mavae, 26i le faapalepale o le Atua. Na ia faaalitonoina mai foi lana amiotonu i ona po nei, ina ia iloa ai o ia o le amiotonu, ma ua tauamiotonuina e ia lē ua faatuatua ia Iesu.27O lenei, o fea le mitamita? Ua vaoia. O a ni tulafono e ala mai ai? or I se fea tulafono? E leai, e tauala mai i le tulafono o le faatuatua or O le tulafono i le faatuatua. 28O lenei, ua tatou taofi, e tauamiotonuina le tagata i le faatuatua, e le o iai galuega o le tulafono.29Poo le Atua ea na o le Atua o Iutaia? E le o ia foi o le Atua o Nuu ese? Ioe, e faapena foi ma Nuu ese. 30Aua foi ole Atua e tasi lava na te tauamiotnuina i le faatuatua le ua peritomeina atoa ma le ua le periotmeina, ua i ai le faatuatua.31O lenei, e faaleaoga ea e i tatou le tulafono i le faatuatua? Aua nei faapea! Ae peitai, ia tatou faatumauina le tulafono.
41O lenei, pe se a sa tatou upu i mea na maua i ia le tino e lo tatou tamā o Aperaamo? 2Auā ana tauamiotonuina Aperaamo i galuega, po ua ia te ia se mea e mitamita ai; a ua leai i luma o le Atua. 3E fai mai e a le Tusi? " Na talitonu/faatuatua Aperaamo i le Atua, ona ta'ua ai le o ia e fai ma amiotonu."4A o le totogi o lē faigaulega, e le ta'ua lona totogi o se meaalofa, ao le mea ua nono. 5Ae mo lē e lē faigaluega ae e faatuatua i lē na te tauamiotonuina lē ua faalemata'u, ua ta'ua lona faatuatua o le amiotonu.6E faapei ona faaamuia e Tavita o le tagata ua ta'ua i ai e le Atua le amiotonu e aunoa ma galuega. 7Na ia fai atu, "Amuia i latou ua faamagaloina a latou agasala, ma ua ufitia a latou agasala. 8Amuia foi le tagata e le tausalaina o ia e le Alii.9O lenei, pe gata ea i le ua peritomeina lenei faamanuiaga? E le oo foi ea i le ua le peritomeina? Aua ua faapea i tatou, Ua ta'ua le faatuatua o Aperaamo o le amiotonu." 10Na faapefea ona ta'ua ia te ia? Pe a o lei peritomeina o ia poo mulimuli ane? E lei ta'ua ina ua peritomeina ae ua ta'ua ina ua le peritomeina.11Na maua e Aperaamo le faailoga o le peritomeina o le faailoga o le amiotonu ona o lona faatuatua ae lei peritomeina o ia. O le mafuaaga ina ia avea o ia ma tamā o i latou uma ua talitonu/faatuatua ae lei peritomeina i latou, ina tau amiotonuina i latou. 12O ia foi o le tamā o e sa peritomeina ma i latou e lei peretomeina ae peitai o e ua savavali i tulagavae o le faatuatua o lo tatou tamā o Aperaamo ao lei peritomeina o ia.13Aua e lei folafolaina atu ia Aperaamo, poo lana fanau, e fai mona tofi le lalolagi e le mai le tulafono, a e maua i le amiotonu ua i le faatuatua. 14Auā pe afai ua tofia e ua i le tulafono e fai ma suli, ua faaleaogaina ai le faatuatua ma ua le aoga le folafolaga. 15O le tulafono na te aumaia le ita, ae a leai se tulafono, ua leai se solitulafono.16O le mea lea e maua ai i le faatuatua le mea na folafolaina, ina ia maua i le alofa tunoa; ina ia tumau lea i suli o Aperaamo - e le tuli i le ua i le tulafono, a e oo i le ua i le faatuatua o Aperaamo. O le tamā o ia o i tatou uma lava, 17e pei ona tusia, "Ua ou tofia oe e fai ma tamā o nuu e tele." Na iai Aperammo i ona luma, o lea na ia faatuatua i ai, o ia lava o le Atua, na faaola ia o e ua oti, ma lē na te valaauina mea ua leai, peseai ua i ai.18Na ia faatuatua ma le faamoemoe, a ua leai se mea e faamoemoe ai, ina ia avea o ia ma tamā o nuu e tele, pei ona fetalaia mai, "E faapea lava lau fanau." 19E lei vaivai foi lona faatuatua, e lei manatu foi i lona tino ua oti, (aua ua selau tausaga o lona matua/soifua) ma ua oti foi le manava/tagatafanau o Sara.20E lei masalo vale foi ia ma le le faatuatua i le mea na folafolaina e le Atua. Ae peitai, ua faamalosia/ua tele lona faatuatua ma ua vivii atu i le Atua. 21Ua na mautinoa foi, e mafai ia te ia ona faia o le mea na folafolaina e le Atua. 22O lea foi ua "ta'ua ai lona faatuatua o le amiotonu. "23Ao upu, e lei tusia ona o ia lava, Ua ta'ua ia te ia. 24Na tusia foi ona o i tatou peitai ona o i tatou foi o le a ta'ua i ai o i tatou o e faatuataua i le na faatu mai i lo tatou Alii o Iesu nai e ua ua oti. 25Na tuuina mai o ia ona o a tatou agasala ma toe faatuina mai ina ia ta'uamitonuina ai i tatou.
51Talu ai ua tauamiotonuina i tatou i le faatuatua, ua tatou maua le filemu ma le Atua e ala i lo tatou Alii o Iesu Keriso. 2O ia foi ua tatou maua ai lo tatou ala i le faatuatua i lenei alofa tunoa ua tatou tutu ai, ma tatou mitamita ai i le faamoemoe i le mamalu o le Atua.3E lē gata i lea, a ua tatou mitamita foi i o tatou puapuaga. 4Ua tatou iloa o puapuaga e aumaia ai le onosai. O le onosai e tupu ai le amio lelei, o le amio foi e tupu ai le faamoemoe, 5ma le faamoemoe e le maasiasi ai, auā ua sasaa mai le alofa o le Atua i o tatou loto e le Agaga Paia, o le na foaiina mai ia i tatou.6Auā a o tatou vaivai, na maliu Keriso i le taimi tatau mo ē faalematau. 7Auā e faigata ona oti se tasi mo le tagata amiotonu, e ui lava e mafai e se tasi ona lototele e oti mo se tagata lelei.8A ua faamaonia mai e le Atua lona lava alofa ia te i tatou, auā na maliu Keriso mo i tatou a o tatou agasala pea. 9O lenei, e sili atu ona tauamiotonuina i tatou i lona toto, ona faaolaina ai lea o i tatou e ia i le toasa o le Atua.10Auā afai ua lelei i tatou ma le Atua i le maliu o lona Alo, ina o fai i tatou mona fili, e sili ona faaolaina i tatou i lona soifua, o i tatou ua lelei ma ia. 11E lē gata i lea, a ua tatou olioli foi i le Atua i lo tatou Alii o Iesu Keriso, o lē ua tatou maua ai nei lenei leleiga.12O lenei, faapei ona oo mai o le agasala i le lalolagi ona o le tagata e toatasi, ua faapea foi ona oo mai o le oti ona o le agasala. 13Ua oo foi le oti i tagata uma, auā ua agasala uma lava. Auā sa i le lalolagi le agasala seia oo i le tulafono, ae lē taulia le agasala pe a leai se tulafono.14E ui i lea, na pule le oti talu mai iā Atamu seia oo mai iā Mose, e oo lava i ē na lē agasala e pei o le lē usiusitai o Atamu, o le faaaoaoga lea o lē o le a afio mai. 15A o le meaalofa e lē pei o le solitulafono. Auā afai ua oti le toatele i le agasala a le toatasi, e lē sili ea le alofa tunoa o le Atua ma le meaalofa i le alofa tunoa o le tagata e toatasi, o Iesu Keriso, ua faateleina i tagata e toatele!16Auā e lē tusa le mea alofa ma le iuga o le agasala a le tagata e toatasi. O le faamasinoga na mulimuli mai i le solitulafono e tasi ma oo mai ai le taʻusalaina/faasala, ae o le meaalofa na mulimuli mai i le tele o solitulafono ma aumaia ai le tauamiotonuina. 17Aua afai na pule le oti i le agasala a le toatasi, e lē sili ea le pule i le ola o ē ua maua le tele o le alofa tunoa ma le meaalofa o le amiotonu ona o le toatasi, o Iesu Keriso lea.18O lenei, e pei ona ta‘usalaina o tagata uma lava i le agasala e tasi, e faapea foi ona tau amiotonuina ma le ola tagata uma i le amiotonu e tasi. 19Auā faapei ona avea ma agasala le toatele i le lē usiusitai o le tagata e toatasi, e faapea foi ona tau amiotonuina o le toatele i le usiusitai o le toatasi.20Ae na oo mai le tulafono ina ia faateleina ai le solitulafono. Ae o le mea na tupu tele ai le agasala, sa faateleina ai le alofa tunoa. 21O lenei, e pei ona malo o le agasala e oo i le oti, e fa‘apea foi ona malo o le alofa tunoa i le amiotonu e oo i le ola e fa‘avavau, ia Iesu Keriso lo tatou Ali‘i.
61O le ā la se mea tatou te fai atu ai? E tatau ea ona tatou faaauau pea i le agasala ina ia faateleina ai le alofa tunoa? 2Tau ina ia aua lava neʻi tupu. O i tatou o ē ua oti i le agasala, e fa‘apefea ona tatou ola ai pea? 3Ua outou lē iloa ea, o i latou uma na papatisoina iā Keriso Iesu, na papatisoina i latou i lona maliu?4O lenei ua tatanu fa‘atasi o tatou ma ia i le papatisoga i lona maliu. E pei ona toe fa‘atūina mai o Keriso nai ē ‘ua oti i le mamalu o le Tamā, e fa‘apea fo‘i ona tatou sāvavali i le ola fou. 5Auā afai ua faatasia i tatou ma ia i le fa‘atusa o lona maliu, e fa‘apena foi i tatou i lona toetū mai.6Ua tatou iloa lenei mea, na faasatauroina faatasi ma ia lo tatou tagata tuai, ina ia faaumatia ai le tino o le agasala. Ua tupu lenei mea ina ia lē toe faapologaina i tatou i le agasala. 7O lē ua oti ua ta‘uamiotonuina o ia i le agasala.8Afai foi ua oti faatasi i tatou ma Keriso, ua tatou taofi, tatou te ola foi faatasi ma ia. 9Ua tatou iloa ua toe tu mai Keriso nai e ua oti, e le toe maliu lava o ia, e le toe pule le oti ia te ia.10Auā o lona maliu, ua tasi lona maliu ona o le agasala mo tagata uma. Ae peitaʻi, o le olaga o loo soifua ai o ia, e soifua lava ia mo le Atua. 11Ia faapea foi la outou taofi, ua outou oti i le agasala, a ua outou ola mo le Atua iā Keriso Iesu.12O lenei, aua nei pule le agasala i o outou tino auga vale, ina ia outou gauai/usiusitai ai i ona tuinanau. 13Aua nei tuuina atu itūtino o outou tino i le agasala, e fai ma meafaigaluega e fai ai le amioletonu. A ia tuuina atu outou i le Atua, e pei o ē ua fa‘atūina mai le oti i le ola, ma tu‘u atu i le Atua o outou tino e fai ma meafaigaluega e fa‘atatau i le amiotonu. 14Aua neʻi faatagaina le agasala e pule iā te outou. Auā ua outou lē i lalo o le tulafono, a o le alofa tunoa.15O lenei, pe faapefea? Pe ua tatou agasala ea ina ua tatou lē nonofo i le tulafono, a o le alofa tunoa? Talosia ia, aua lava nei faapea. 16Tou te lē iloa ea, afai tou te tu‘uina atu outou e fai ma pologa, o le auauna outou i lē ua outou usiusitai i ai? O outou o pologa a le agasala, e oo atu i le oti, po o pologa i le usiusitai, e oo atu i le amiotonu.17A ia faafetai i le Atua! Auā sa fai outou ma pologa a le agasala, a ua outou usiusitai ma le loto i le aoaoga na tuuina atu iā te outou. 18Ua faasaolotoina outou mai le agasala, ma ua avea outou ma pologa a le amiotonu.19Ou te tautala i upu a tagata ona o le vaivai o outou tino. Auā e pei ona outou tuuina atu o outou tino e fai ma auauna i le amio leaga ma le solitulafono, e iu ai outou i le tele o le solitulafono, e fa‘apea foi ona tuuina atu nei o outou tino e fai ma pologa i le amiotonu e faapaiaina ai. 20Auā sa aunoa outou ma le amiotonu, ina o auauna outou i le agasala. 21O le ā foi le fua na outou maua i na aso, o mea ua outou māsiasi ai nei? Auā o le iuga o na mea o le oti.22Ae o lenei ua faasaolotoina outou mai le agasala ma ua fai ma auauan a le Atua, ua ia te outou o outou fua mo le faapaiaina. O le taunuuga o le ola e faavavau. 23Auā o le totogi o le agasala o le oti lea; ao le ola e faavavau, o le mea foaifuaina mai lea e le Atua, i lo tatou Alii o Keriso Iesu
71Pe tou te le iloa ea, le au uso e, (auā ou te tautala atu i tagata ua iloa le tulafono), e pule le tulafono i le tagata i aso uma e ola ai?2Auā o le fafine faaipoipo ua noatia i le tulafono i le tane a o ola o ia; ae afai ua oti lana tane, ona talaina lea o ia mai le tulafono o le faaipoipoga. 3O lenei, a o ola pea lana tane, ae afai e nonofo o ia ma se tasi tane, e ta‘ua o ia o le mulilua. Ae afai e oti lana tane, ua saoloto o ia mai le tulafono, e lē mulilua foi o ia pe a nonofo ma se isi tane.4O le mea lea, o‘u uso e, ua oti foi outou i le tulafono i le tino o Keriso. Ua faapea foi ona outou faatasi ma le tasi, o lē na toe faatūina mai i ē ua oti, ina ia tatou fuaina mai ni fua i le Atua. 5Auā a o tatou i ai i le tino, o tuinanauga o le agasala, na faagaeeina e le tulafono, sa galue i totonu o o tatou tino, e fua mai ai ni fua e oti ai.6Ae o lenei, ua tatalaina mai i tatou mai le tulafono. Ua tatou oti i le mea na saisaitia ai i tatou. O le mea lea ina ia tatou auauna ai i le fou o le Agaga, ae lē o le tusi tuai.7O le ā la sa tatou tala e fai atu? O le tulafono ea o le agasala? Aua nei faapea lava. Ae peitai, ou te lē iloa lava le agasala, pe ana leai le tulafono. Auā ou te lē iloa le matapeapea sei vagana ua fai mai le tulafono, “‘Aua e te manao/tuinanau.” 8Ae na maua e le agasala le avanoa e ala atu ai i le poloaiga, ma ua tupu ai le tuinanau eseese ia te aʻu. Auā ana le aunoa ma le tulafono, na mate ai le agasala./ Aua ua oti le agasala, a o leai se tulafono.9Sa ou ola muamua e aunoa ma le tulafono, ae ina ua oo mai le poloaiga, ona toe ola mai ai lea o le agasala, 10ona ou oti ai lea. O le poloaiga e aumaia ai le ola, ua oo mai ai le oti ia te aʻu.11Auā na maua e le agasala le avanoa e ala i le poloaiga ma ou faasesēina ai. Na fasiotia a'u e ala mai i le poloaiga. 12E paia fo‘i le tulafono, e paia foi le poloaiga, e tonu ma lelei.13Pe na avea ea le mea lelei ma oti iā te aʻu? Ia aua lava ne'i tupu lenei mea. Ae peitai o le agasala, ina ia faaalia o le agasala, ua oo mai ai le oti ia te a‘u i le mea lelei, ma o le poloaiga e mafai ai ona avea le agasala ma agasala e le mafaitaulia. 14Auā ua tatou iloa o le tulafono e fa‘aleagaga, a o a‘u ou te i le tino. Ua faatauina a‘u i le nofo pologa i le agasala.15Auā o mea ou te faia, ou te le malamalama lelei ai. Auā o le mea ou te loto i ai, ou te lē faia lava, o le mea foi ou te inoino i ai, ou te faia lava. 16Ae afai ou te faia le mea ou te le loto i ai, ou te ioe/malilie faatasi/ma te 'au upu faatasi ma le tulafono, e lelei le tulafono.17A o lenei, e lē o a‘u e toe faia lea mea, a o le agasala o lo‘o nofo i totonu ia te a‘u. 18Auā ua ou iloa, o lo‘o i totonu ia te a‘u, o lo‘o i lo‘u tino, e lē o ola ai se mea lelei. Auā ua ou loto atu /manao atu mo le lelei, ae lē mafai ona ou faia.19Auā ou te loto i le lelei, ae peitai ou te lē faia, ae ou o le mea leaga ua ou loto i ai, ou te faia lava. 20O lenei, afai ou te faia le mea ou te lē loto i ai, e lē o a‘u ua toe faia, a o le agasala o lo‘o nofo i totonu ia te a‘u. 21O lenei, ua ou maua le tulafono lenei: Afai ou te mana‘o e fai le lelei, ua ia te a‘u le leaga.22Auā ou te olioli i le tulafono a le Atua faatasi ma lo‘u tagata i totonu. 23A ua ese le tulafono ua ou iloa i itutino o lo‘u tino. E tau faasaga i le tulafono fou i lo’u mafaufau. E ave aʻu faatagataotauaina i le tulafono a le agasala o loo i totonu o itutino o loʻu tino.24Aue, o aʻu o se tagata pagatia! O ai na te laveaiina a'u mai lenei tino o lenei oti? 25A ia faafetai i le Atua ona o Iesu Keriso lo tatou Alii! O lenei, o aʻu lava, ua ou auauna i le tulafono a le Atua ma loʻu mafaufau. Peitaʻi, ou te auauna i lo'u tino i le tulafono a le agasala.
81O lenei, e leai se faasala i e o ia Keriso Iesu. 2Aua o le tulafono a le Agaga, o le ola ia Keriso Iesu ua faasaolotoina ai oe mai le tulafono ole agasala ma le oti.3O le mea na le mafaia i le tulafono, ina ua vaivai ia ona o le tino, na faia e le Atua. Na ia auina mai lona lava Alo, ua tino mai e pei o tagata agasala, o le taulaga foi mo agasala, na ia faasalaina ai le agasala i le tino. 4Na ia faia lea mea ina ia atoatoa ai le amiotonu o le tulafono ia i tatou, ae tatou savavali e lē tusa i la le tino, ae i la le Agaga. 5Ao latou e ola i le tino e loto atu i latou i mea a le tino, a o e i la le Agaga, e loto atu i mea a le Agaga.6Aua o le loto i la le tino o le oti lea; a o le loto i la le Agaga o le ola lea ma le filemu/manuia. 7O le loto i la le tino o le ita lea i le Atua, auā e le usiusitai i le tulafono a le Atua, e le mafai foi i ai. 8O i latou foi i la le tino, e le mafai ona fiafia i ai le Atua.9A o outou, tou te le i la le tino a e i la le Agaga, pe afai e nofo le Agaga o le Atua i totonu ia te outou. Ae afai ua le i ai le Agaga o le Keriso i se tasi, e lē fai ia mona. 10Afai ua i totonu ia te oe Keriso, ua oti le tino ona o le agasala, ae o loo ola le agaga ona o le amiotonu.11Ae afai ua nofo i totonu o ia le Agaga na faatuina mai Iesu mai le oti, o le ā faaolaina outou tino augavale e lona Agaga, o loo nofo i totonu ia te outou.12O lenei, le au uso e, o tatou o tagata nofo aitalafu, a e le o i le tino ina ia tatou ola i la le tino. 13Afai tou te ola e tusa ma le tino, e oti ai outou, ae afai e ola i la le Agaga e fasiotia amioga a outou tino, tou te ola ai.14E toatele e taitaiina e le Agaga o le Atua, o atalii i latou o le Atua. 15Auā ua outou le maua le agaga o le pologa ina ia toe fefe ai; ae ua outou maua le Agaga o tamafai, tou te valaau atu ai, "Ava, le Tamā e!"16O loo molimau mai lava le Agaga i o tatou agaga, o fanau i tatou a le Atua. 17Ae afai o tatou o fanau, ua avea foi i tatou ma suli, o suli o le Atua. O suli faatasi i tatou ma Keriso, pe afai tatou te tiga faatasi ma ia, ina ia faamanuiaina foi i tatou faatasi ma ia.18Aua o lo'u manatu e le tatau ona faatusaina le tiga i nei ona po ma le manuia atali e faaalia mai ia te i tatou. 19Auā o loo faatalitali mea uma na faia ma le naunau i le faaalia mai o atalii o le Atua.20Aua ua faatoilaloina mea uma na faia i le iu vale, e le o lona finagalo lea, ae peitai ona o ia na faatoilaloina ai, i le faamoemoe 21ia tuusaunoa ia lava mea na faia ia le faapologaina e le iu vale, a e oo i le saolotoga o le fanau a le Atua e manuia ai. 22Aua ua tatou iloa, ua oi faatasi ma oono faatasi mea uma lava na faia ua oo mai lava i ona po nei.23E le gata foi i lea, a o i tatou lava ua i ai mea faapolopolo a le Agaga, tatou te feoi, o i tatou lava i totonu ia te i tatou, o loo faatalitali atu ia avea ma tamafai, o le faaolaina lea o tatou tino. 24Auā e faaolaina i tatou i le faamoemoe. Ae o le faamoemoe ua vaaia e lē o le faamoemoe. Auā pe faapefea ona toe faamoemoe se tasi i le mea ua vaaia? 25A e peitai a tatou faamoemoe i le mea ua le vaaia, tatou te faatalitali iai ma le onosai.26E faapea foi le Agaga ona fesoasoani mai i lo tatou vaivai. Auā tatou te leiloa mea tatou te ole atu ai ma le tusa, a e peitai o le Agaga e fautua o ia mo i tatou , i le oi e le mafai ona talatalaina. 27A o lē suesue i loto ua silafia e ia le finagalo o le Agaga, auā o loo fautua o ia mo le au paia a le Atua e tusa ma le finagalo o le Atua.28Ua tatou iloa foi, e galue le Atua i mea uma lava mo le lelei faatasi ma i latou o e ua alolofa atu ia te ia, o e ua valaauina i lona finagalo. 29Auā o e na silafia e ia anamua, na ia tofia anamua foi, ia foliga i latou i lona Alo, ina ia avea o ia ma ulumatua o le au uso e toatele. 30O e na tofia anamua e ia, ua valaauina foi i latou e ia; o e ua valaauina foi i latou e ia; o e ua ta'uamiotonuina e ia, ua faamanuiaina foi i latou e ia.31O lenei, se a sa tatou upu i nei mea? Afai ua 'au le Atua ma i tatou, o ai se e faasaga tau mai iai tatou? 32O ia lava sa na le faasaoina lona lava Alo, a ua tuuina mai o ia ona o i tatou uma lava, e le foai fua e ia ia te i tatou mea uma lava faatasi ma ia i se a?33O ai se na te molia le au filifilia a le Atua? O le Atua o lē tau amiotonuina mai. 34O ai se na te faasalaina mai? O Keriso Iesu o lē na maliu-e sili atu ma lena, na toetu mai o ia- o loo i le itu taumatau foi ole Atua, o loo fautua foi o ia mo i tatou.35O ai se na te faateteaeseina mai i tatou i le alofa o Keriso/ O le puapuaga ea, poo le atuatuvale, poo le saua, poo le oge, poo le lē lavalavā, poo le pagatia, poo le pelu? 36Faapei ona tusia, "Ona o oe ua fasiotia ai i matou i aso uma, ua faatatauina i matou e pei o mamoe ā fasia."37A ua tatou manumalo aiai i nei mea uma lava, ona o ia ua alofa mai ia te i tatou. 38Auā ua ou mautinoa e le mafaia e le oti, po o le ola, po o agelu, po o malō/alii, po o e malolosi, po o mea i nei ona po, po o mea atali, 39po o le maualuga, po o le loloto, po o se tasi mea, ona faateaeseina mai i tatou i le alofa o le Atua, o loo ia Keriso Iesu lo tatou Alii.
91O le upu moni ou te fai atu ai i luma o Keriso. Ou te le pepelo, ua molimau mai ia a'u lo'u loto fuatia ifo ile Agaga Paia 2o loo i ai ia te au le faanoanoa tele ma le tiga e le aunoa i lo'u loto.3Auā ou te mafaia ona fia anatema o a'u ia te'a ma Keriso e sui a'i o'u uso, e lo'u aiga i la le tino. 4O sa Isaraelū i latou. O tamafai i latou, ua ia foi le mamalu, ma feagaiga, ma sauniga o le tulafono, ma le tapuaiga, ma upu na folafolaina. 5O ia te i latou tupuga mai ia te i latou foi le Keriso i la le tino, o lē pule aoao ia, o le Atua e viia e faavavau. Amene.6Ae le peiseai ua iu vale le afioga a le Atua. Auā o tagata mai ia Isaraelu, e le o Isaraelu i latou uma lava. 7E lē o suli uma foi o Aperaamo o ana fanau moni foʻi. Ae peitai, "O le a valaauina au fanau, e ala mai ia Isaako."8O lona uiga lenei, o le fanau a le tino, e le o fanau a le Atua i latou. Ae peitai o fanau o i le upu ua folafolaina, e ta'ua i latou o le fanau/suli. 9Auā o lenei le upu na folafolaina: " O faapenei i le la tausaga, ou te sau ai, e maua foi e Sara sana tama tane."10E le na o lea, a ua to foi Repeka i le tasi, o lo matou tamā o Isaako lea; 11ao lei fanau mai ana tama, a o lei fai foi e i laua se mea lelei, poo se mea leaga, ina ia tumau le finagalo o le Atua i la le filifiliga, 12e le ona o galuega, a ona o le na valaau mai - na fetalai atu ai te ia, "E auauna le ulumatua i le uii." 13E pei ona tusia: "Ua ou alofa ia Iakopo, a ua ou 'inoino ia Esau."14O lenei, o le a ea sa matou upu o le a fai atu? O iai ea le amiloletonu i le Atua? Aua nei faapea. 15Auā na ia fetalai atu ia Mose, "Ou te alofa atu i le ou te fia alofa atu iai, ou te alofa mutimutivale foi i le ou te fia alofa mutimutivale i ai." 16O lenei, e le mai le ua manao, e le mai le ua tausinio, poo lē a e mai le Atua o lē alofa mutimutivale.17Auā ua faapea mai le tusi ia Farao, "O lenei lava le mea ua ou faatu ai ia te oe, ina ia ou faaalia lo'u mana ia te oe, ina ia ta'ua foi lo'u igoa i le lalolagi uma lava." 18O lenei, e alofa ia i le ua ia finagalo i ai; a e faamaaa e ia i le ua ia finagalo i ai.19Ona e fai mai lea ia te a'u, " Aisea le mea e saili ai pea o ia? O ai ea e tetee atu i lona finagalo?" 20Nai lo lea, le tagata e, o ai ea oe e te tali atu ai i le Atua? E fai atu ea le mea ua liuina i lē na te faia, “Se a le mea ua e faia ai faapea iā te aʻu?” 2121 Pe e lē pule ea le fai ipu omea i le omea e fai ai i i le paluga e tasi o le tasi ipu o le mea lelei, ao le tasi o le mea faatauvaa?22Afai ua onosai le Atua, ma ua matuā faapalepale i ipu o le toasa ua faatatauina i le malaia, ina ua finagalo o ia e faaali mai ai lona toasa, ma faailoa mai ai lona mana? 23Ae faapefea pe afai na te faia lenei mea ina ia mafai ona ia faailoa atu le oa o lona mamalu i luga o ipu o le alofa mutimutivale, lea na ia saunia muamua mo le mamalu? 24Ae fa‘apefea pe ‘āfai na ia faia fo‘i lenei mea mo i tatou, o ē na vala‘auina fo‘i e ia, e lē gata i tagata Iutaia, ae atoa fo‘i ma tagata o Nuu ese?25E pei ona fetalai mai o ia i le Hosea, " O le a ou ta'ua ou tagata/nuu e le o ni o'u tagata/so'u nuu, o lē ua alofaina sa le alofaina. 26O le mea fo‘i lea na fai atu ai ‘iā te i latou, E lē o so‘u nu‘u ‘outou, ona ta‘ua ai lea o i latou o atalii o le Atua soifua."27Ua alaga foi Isaia ia Isaraelu, "E ui lava ina faapei o le oneone i le sami le toatele o le fanauga a Isaraelu, e faaolaina e ua totoe, 28auā o le a faataunuuina lava e Ieova lana afioga i le lalolagi atoa ma le lē faatuai”. 29E pei ona fai mai foi anamua o Isaia, "Ana le faatotoeina e le Alii o Sapaota ni fanau mo i tatou, poo ua avea i tatou e pei o Sotoma, ma faatatauina i tatou i Koromo.30O lenei, o le a ea sa tatou upu? Ua maua le amio tonu e Nuu ese, na latou saili i le amiotonu, ole amiotonu lava lea e maua i le faatuatua. 31A o Isaraelu, na saili ile tulafono o le amiotonu, e lei oo i latou i le tulafono o le amiotonu.32Aisea e le fai ai? Aua latou te le i sailia i le faatuatua ae peiseai o galuega. Auā na latou tausuai i le maa e tausuai ai., 33e pei ona tusia, "Faauta ou te tuu i Siona le maa e tausuai ai, ma le papa e tautevateva ai, e le mā foi se tasi e faatuatua ia te ia."
101Le au uso e, o le manao o lo'u loto ma la'u tatalo i le Atua mo Isaraelu, ina ia maua e i latou o le faaolataga. 2Aua oute molimau atu ia i latou e i ai lo latou naunautaiga i le Atua, ae leai so latou malamalama. 3Aua o le le malamalama i le amiotonu e mai le Atua, ma latou saili ina ia galueina la latou lava amiotonu, ua latou le talia ai le amiotonu a le Atua.4O Keriso le atoaga o le tulafono mo le amiotonu o i latou uma o e talitonu. 5Aua na tusi e Mose o le amiotonu e maua i le tulafono. O le tagata na te usitaia e ola ai o ia".6A o le amiotonu e maua i le faatuatua e faapea ane; "Aua e te fai ifo i lou loto, "O ai o le a alu a'e i le lagi" (o lona uiga ua faapea atu ina ia auina mai Keriso i lalo). 7aua fo'i le faapea ane, "O ai se alu ifo i le mea maualalo?" (o lona uiga ua faapea atu ina ia auina a'e o Keriso nai e ua oti).8A o le a le mea o fai mai ai?. "O lo o latalata mai ia te oe le Upu, i lou gutu ma lou loto". O le Upu lena o le faatuatua o lo o matou tala'i atu. 9Afai e te tautino i lou gutu o Iesu o le Alii, ma e talitonu i lou loto na toe faatuina mai e le Atua Iesu mai le oti, e faaolaina ai oe. 10Aua o le loto e talitonu ai, e oo mai ai le amiotonu, a o le gutu e tautino ai e oo mai ai le ola.11Aua ua faapea mai le Tusi "O i latou uma o talitonu ia te Ia e le faamaina i latou". 12Aua e leai se eseesega i le Iutaia ma le Eleni, aua o le Alii e toatasi o tagata uma, ma e tele lona alofa ia i latou uma e valaau atu ia te Ia. 13Aua o i latou uma e valaau atu i le Suafa o le Alii e faaolaina i latou.14E faafefea ona latou valaau atu ia te Ia, ae latou te le talitonu i ai?. E faafefea ona latou faatuatua ia te Ia, ae latou te le i faalogo faatasi i ai?. E faafefea ona latou iloa pe afai e leai se tasi na ia faailoa atu ia te i latou?. 15E faafefea ona latou tala'i atu, ae seiloga e auina atu?. - E pei ona tusia, "E ese le matagofie o vae o i latou e tala'i atu le Talalelei."16Ae e le i usitaia e i latou uma le Talalelei. Aua ua fai mai Isaia, "Le Alii o ai ea ua talitonu i la matou Upu e taulogologo atu. 17"E tupu mai le faatuatua i le faalogo, o le faalogo fo'i i le Upu a Keriso18Ae oute fai atu "Latou te le i lagona?" O lea lava. "Ua oo atu lo latou leo i atunuu uma, ma a latou Upu ua oo atu i soo se itu o le lalolagi"19Ae oute fai atu "Pe na le i iloa ea e Isaraelu". Na muai fai mai Mose "Oute faatupu lou loto tiga i se mea e le o se Nuu. Ae foliga mai o se Nuu e leai sona malamalama, ma oute faatupu fo'i i ai lou ita"20Na matua lototele lava Isaia ina ua fai mai, "Na maua a'u e i latou e le i sailia mai a'u. Na ou faaali atu ia i latou e le i mananao mai ia te a'u." 21Ae ua fai atu o Ia ia Isaraelu, "O aso uma e aapa atu ai o'u lima i se nuu faalogogata ma le loto maaa o ona tagata"
111Oute faapea atu, na tuulafoa'i e le Atua ona tagata? Aua ne'i faapea. Aua o a'u o le Isaraelu, o le suli o Aperaamo, o le ituaiga a Peniamina 2E le i tuulafoa'ina e le Atua ona tagata, na ia iloa mai anamua. Tou te le o iloa ea le tala a le tusi ia Elia, i lona molia o Isaraelu i le Atua? 3"Le Alii e, ua latou fasiotia au perofeta, ua latou faaleagaina au fata faitaulaga. Ua na o a'u o totoe, ma o lo o latou saili fo'ie fasioti ia te a'u."4Ae o le a le tali a le Atua ia te ia?. "Ua ou tuuesea mo a'u tagata e fitu afe, o i latou e le i ifo faatasi atu ia Paala". 5E ui i lea, e oo mai i le taimi nei, e i ai lava lelei o totoe ona o le filifiliga i le alofa tunoa.6Ae afai o le alofa tunoa, o lona uiga e le o toe fua faatatauina i galuega. Ne i le toe avea le alofa tunoa o se alofa tunoa. 7O le a la?. O le mea o saili e Isaraelu, latou te le o maua, a o latou na filifilia ua latou maua, ae ua faamaaaina le tele o i latou. 8E pei ona tusia: "Ua tuuina atu e le Atua ia i latou le agaga o le matamoe, e i ai mata ae le vaai, e i ai taliga ae le lagona seia oo mai i le aso"9Ona fai mai lea o Tavita, "Ia avea la latou laulau 'ai ma mailei, o se togafiti, ma ni mea faigata e fai ma taui mo i latou. 10Ia faapogisaina o latou mata, ia latou le iloa, ina ia fa'aauau ai pea ona latou savavali ma o latou tua e faano'uno'u11Oute faapea atu, "Na lavelavea i latou ma oo ina pa'u'u?" Talosia ia aua ne'i faapea. Ae ia avea la latou agasala, e fai ma auala e oo atu ai le faaolataga i nuuese, ma ia faalotoleagaina ai i latou. 12Afai o le latou agasala ua faatamaoaigaina ai nuuese, po o le a se matautia o le manuia e oo ia i tatou pe ana latou taliaina le folafolaga. ?13A o lenei o le a ou talanoa atu ia te outou nuuese, o le a lava le umi e avea ai a'u ma aposetolo i nuuese, oute mitamita lava i la'u galuega. 14Ma oute faatupuina le loto leaga ia i latou o lo'u lava tino. Ma tatou faaolaina nisi o i latou.15Aua afai o le teenaina o i latou ua fai lea ma faaleleiga mo le lalolagi, pe faafefea pe ana taliaina e i latou i le ola mai le oti?. 16Afai o ulua'i fua e paia, e faapea fo'i le laau atoa. Afai e paia a'a, e faapena fo'i i lala.17Ae afai ua gaui nisi o lala, afai o oe o le lala olive vao, ua faapipiina mai oe ia i latou, ma ua e maua faatasi ma i latou le manuia mai le aa o le laau o le olive. 18Aua e te manatu faamaualuga i ona la. Ae afai e te manatu faamaualuga, e le o oe ua mafua ai le manuia o aa, ae o le aa ua e manuia ai.19E te faapea ifo, "Na gauia lala ina ia mafai ona faapipii atu a'u." 20E moni, ona o lo latou le talitonu na gausia ai i latou, ae na faatumauina oe ona o lou faatuatua. Aua e te faamaualuga i ou manatu, a ia e mata'u. 21Aua afai e le i faasaoina e le Atua lala moni, e le faigata fo'i ona le faasaoina oe.22Ia outou iloa lelei le agaalofa ma le toasa o le Atua: na oo mai lona toasa i le 'au Iutaia na pa'u'u, ae na oo mai lona agaalofa i luga o outou, pe a outou tumau i lona alofa. Aua a leai, e faapea fo'i ona tipiina ese outou.23E oo fo'i ia i latou, afai latou te le tumau ai pea i le le talitonu, e toe faapipiina mai i latou. Aua e mafai e le Atua ona toe faapipiina mai i latou. 24Aua afai na sala'eseina mai outou mai i le olive vao, ma faapipiina atu outou i le olive moni, e le faigata ona toe faapipiina mai lala o le olive moni.25O'u uso e, oute le manao ina ia outou le iloa lenei mea lilo, ina ia outou le atamamai i o outou manatunatuga: Ua oo mai le faamaaaina o loto o nisi o Isaraelu, ina ia mafai ona ulufale uma mai le numera atoa o nuuese.26Ona faaolaina uma lea o Isarelu, e pei ona tusia: "E sau mai Siona le Faaola. O le a ia aveesea le amioletonu mai ia Iakopo, 27o La'u feagaiga lea ma i latou, ina ua ou aveesea a latou agasala."28E tusa ai ma le faamoemoe o le talalelei, o i latou o fili mo lou lelei. Ae tusa ai ma le faamoemoe o le filifiliga, e alofaina i latou ona o o latou tuaa. 29Aua o meaalofa ma le valaau a le Atua e le mafai ona toe suia.30Aua sa outou faalogogata i le Atua, a o lenei ua outou maua le alofa mutimutivale ona o lo latou faalogogata. 31O le ala lava lea e tasi aua ua faalogogata Iutaia. E i'u ina faaalia lea alofa mutimutivale ia i latou, e pei ona sa faaali atu ia te outou. 32Aua ua avea e le Atua le faalogogata o tagata uma, e fai ma mea e faaalia ai lona alofa mutimutivale i tagata uma.33Aue, i le loloto ma le oa o le poto ma le malamalama o le Atua! E mafai faafefea ona fesiligia ana faamasinoga, aua e le mafai ona tatou iloa ona ala! 34Aua o ai ua ia iloa le manatu o le Alii, po o le ua avea ma ana faufautua?35Po o ai ua ia muamua foa'i se mea i le Atua, e tatau i le Atua ona toe totogi?. 36Aua o mea uma e aumai ia te Ia, e ui atu ia te Ia, ua ia te Ia fo'i mea uma. Ia ia te Ia le viiga e faavavau lava. Amene.
121O lenei au uso e, ou te aioi au ia te outou, ona o le alofa mutimutivale o le Atua, ia outou tuuina o outou tino e avea ma taulaga ola, e paia ma talia e le Atua. O le mea lea e tatau ai ona outou faia. 2Aua foi tou te amio faatasi ma lenei lalolagi, ae peitai ia liliuina ile toe fuataiina o outou mafaufau. Ia outou fai lenei mea ina ia outou suesue ma faamaonia pe se a le finagalo ole Atua, o mea ua lelei, ma le mālie/ma taliaina ma le atoatoa.3Aua o le alofa tunoa na tuuina mai ia te a'u, ou te fai atu ai ia te outou: aua le faasili le manatu o se tasi i le mea ua tatau ona manatu ai, a ia māmā le manatu ia tusa ma le tofiga o le faatuatua ua taitasi ma tuuina mai e le Atua/tofu ai mai le Atua.4Auā faapei o itu tino e tele i le tino e tasi, a e le tasi se faiva i itu tino uma. 5I le itu lava e tasi, o tatou e toatele, e tasi lava le tino o Keriso, ae o tatou foi o tagata taitoatasi o le tasi ma le isi.6E eseese foi a tatou meaalofa na tuuina mai i le alofa tunoa. O le tasi meaalofa o le perofeta, ua faatauina mai le tofi o le faatuatua. 7Afai ole mealofa a le tasi o le auaunaga, ia tuu atu ia te ia e auauana. Afai o le meaalofa a le tasi o le aoao atu, ia tuu ia te ia e aoao atu. 8Afai o le meaalofa a le tasi o le apoapoai, ia apoapoai o ia. Afai o le meaalofa a le tasi o le foai mea, ia faia ma le matamau. Afai o le meaalofa a le tasi o le taitai, ia taitai ma le filigā. Afai o le meaalofa a le tasi o le faailoa o le alofa mutimutivale, ia faia ma le loto fiafia.9Aua nei faatagā alofa. Ia inoino i le leaga; ia pipii i le lelei. 10Ia fefaapelepeleai i le fealofani o uso; ia tausolomua ona ava o le tasi i le tasi.11Aua le faavaivai, i le filigā, ia malosi le loto. E uiga i le agaga, ia naunau. E uiga i le Alia, ia auauna ia te ia. 12Ia olioli i le faamoemoe, ia onosai i le puapuaga, ia finafinau i le tatalo. 13Ia tufatufa atu ni a outou mea i le mativa o le au paia. Ia tausisi i le alofa i tagata ese.14Ia faamanuia atu i e faasaua mai ia te outou; ia faamanuia lava, a e aua le fetuu. 15Ia outou olioli faatasi ma e ua olioli, ia ouotu tagi faatasi ma e ua fetagisi. 16Ia gatasitasi o outou manatu. Aua le manatu i mea silisili, a ia feoai ma e ua faamaualalo. Aua le faafiapoto.17Aua le taui atu le leaga i le leaga. Ia sauniuni mea e tusa i luma o tagata uma lava. 18Afai e mafaia e outou, ia outou nofo lelei /ola filemu ma tagata uma lava.19Le au pele e, aua le taui atu ma sui, a ia outou tuu atu i le toasa o le Atua. Auā ua tusia, " Ua faapea mai le Alii, O ia te a'u le taui ma sui, ou te taui atu. 20O lenei, a matelaina le ua ita mai ia te oe, fafaga ia te ia; a fia inu ia, avatu ia te ia e inu ai; auā o le amio faapea e faafaupue ai malala ola i luga i lona ulu." 21Aua le faatoilaloina oe i le leaga, a ia faatoilaloina le leaga i le lelei.
131Ia usiusitai tagata uma i faipule silisili, auā e leai se pule pe a lē mai le Atua. O pule o loo iai ua tofia e le Atua. 2O lea o ia o lē e fouvale faasaga i lena pule ua tetee atu o ia i le poloaiga a le Atua; o i latou fo‘i e tetee i ai, e fa‘amasinoina i latou lava.3Auā o alii/faipule e lē o se faamatau i latou i ē fai amio lelei, a o ē amio leaga. E te le manao ea e te lē fefe i lē ua iai le pule? Fai le mea e lelei, ona e maua ai lea o lona viiga. 4Auā o ia o le auauna a le Atua ia te outou mo le lelei. Ae afai e te faia le amio leaga, ia e fefe ai; auā e lē ave fua e ia le pelu. Auā o ia o le auauna a le Atua, o lē na te taui ma sui le toasa i lē ua fai mea leaga. 5O le mea lea e tatau ai ona outou gauai, e lē gata ona o le ita, ae ona o le lotofuatiaifo foi.6O le mea foi lea tou te totogi ai lafoga. Auā o ē pule, o auauna ia a le Atua, o ē tausisi i lenei lava mea e lē aunoa. 7Ia outou totogi atu ia te i latou taitoatasi le mea e tatau ia te i latou;8Aua nei outou aitalafu se mea i se isi lava, tau lava o le alofa o le tasi i le isi. Auā o lē e alofa i lē lua te tuaoi, ua faataunuuina e ia le tulafono. 9O poloaiga foi, “ Aua e te mulilua, aua le fasioti tagata, aua le gaoi, aua le matapeapea; afai foi e i ai se isi poloaiga, o lona aotelega lenei, “‘Ia e alofa atu i lē lua te tuaoi e pei o oe lava ia te oe.” 10E lē agaleaga le alofa i lē lua te tuaoi. O le mea lea, o le alofa o le faataunuuina lea o le tulafono.11O le mea lea, ua outou iloa ai le taimi, ua o‘o nei i le itula e ala ai e na momoe. Auā ua latalata mai lo tatou faaolataga i le taimi na tatou uluai faatuatua ai. 12Ua alu atu le pō, ua lata mai foʻi le ao. O lenei, ia tatou tuu ese galuega a le pouliuli, a ia tatou oofu i ofutau o le malamalama.13Ia tatou savavali ma le tatau, e pei o le ao, aua le poula po o le onā; aua fo‘i nei o tatou savavali i le faitaaga, po o le tuinanau lē pulea, aua foi le misa ma le fuā. 14A ia ofu i le Alii o Iesu Keriso, aua foi nei sauni le tino e faamalie ai ona tuinanau.
141Ia outou talia le ua vaivai i le faatuatua, a ele ina ia faamasinoina o masalosaloga. 2O le taofi o le tasi e 'aina mea uma lava; e 'aina e le ua vaivai na o mea e tutupu i le laueleele.3Aua nei tau faatauvaaina lē 'ai meaai uma ma le ua le 'ai, auā ne'i avea lē e lē 'ai mea uma e faamasino atu i le ua 'ai. Auā ua talia o ia e le Atua. 4O ai ea oe, o oe lē faasala atu i le auauna a le tasi? E tumau ia pe paū i lona lava alii. Ae faatumauina lava ia, auā e mafaia e le Atua ona faatumau ia te ia.5O le tasi tagata, e manatu e sili le tasi aso ile tasi aso. Ao le manatu o le isi, ua tutusa aso uma lava. Ia taitoatasi ma talitonuina lona lava mafaufau. 6O lē na te tausia le aso, na te tausia mo le Alii; ao lē e 'ai, e 'ai mo le Alii, ua na avatu le faafetai i le Atua. Ao ia ua le 'ai, ua ia alo ese mai le 'ai mo le Alii; ua ia faafetaia foi le Atua.7Aua e leai se tasi o i tatou e ola mo ia lava, e le oti foi se tasi mo ia lava. 8Auā afai tatou te ola, tatou te ola mo le Alii, pe afai tatou te oti, tatou te oti mo le Alii. 9Auā o le mea lava lea na maliu ai Keriso, ma ua toe tu mai ai, ma ua soifua ai, ina ia faia o ia ma Alii mo e ua oti atoa ma e o ola.10Ae o oe na, aisea e te faamasino ai lou uso? Ma oe lena, aisea e te inoino ai i lou uso? Auā tatou te tutu uma lava i luma o le nofoa faamasino o le Atua. 11Auā ua tusia, "Ou te ola a'u," ua fetalai mai ai le Alii, "e tootuli tulivae uma lava ia te a'u, ma laulaufaiva uma lava e tautau le Atua."12O lenei, e taitasi i tatou ma tala i lana amio i le Atua. 13O lenei, aua nei faamasinoina e le tasi le tasi, ae ia filifili le mea lea, aua nei tuu ane e se tasi se mea e tausuai ai, poo se mea e tautevateva ai lona uso.14Ua ou iloa ma ou mautinoa ile Alii o Iesu, e leai se mea e leaga na o ia. Ua na o ia ua manatu ua leaga le mea, ona leaga ai lea ia te ia. 15A e afai e faatigaina lou uso i au mea e 'ai, ua e le toe amio alofa. Aua le fano i au mea e 'ai, auā o ia na maliu ai Keriso.16O lenei, aua nei ta'u leagaina lo outou lelei. 17Auā o le malo ole Atua, e le o mea e 'ai ma mea e inu; ao le amiotonu ma le filemu, ma le olioli il e Agaga Paia.18Auā o le ua auauna atu ia Keriso i ia mea, ua fiafia i ai le Atua, ua ta'uleleia foi o ia e tagata. 19O lenei, ia tatou tausisi i mea e tupu ai le filemu, ma mea e fefaamafanafanai.20Aua le lepetia/faaleaga le galuega a le Atua ona o mea e ai. O mea uma e mamā, a e leaga le tagata i lē 'ai i soo se mea e avea ma mafuaaga e leaga ai se tasi. 21E lelei pe a aua le 'ai i aano o manu fasi, pe inu uaina, pe fai foi se mea e leaga ai lona uso.22O le faatuatua ua e maua, ia faatumauina ile va o oe ma le Atua. Amuia le ua lē faasalaina o ia e ia, i le mea ua manatu o ia e tatau. 23Ao lē masalosalo, ua faasalaina ia pe afai e 'ai, auā e lē mai le faatuatua. Auā o mea uma e lē mai le faatuatua, o le agsala lea.
151O i tatou foi o ē malolosi, e tatau ona tatou onosai i vaivaiga o ē vaivai, ae lē tatau ona faafiafia i ai tatou lava. 2Ia tatou taitasi ma faafiafia i lē la te tuaoi mo le lelei, ina ia atiae ai o ia.3Auā e oo lava ia Keriso e lei faafiafiaina o ia e ia. ‘Ae e pei ‘ona tusia, “‘Ua pa‘u mai ia te a‘u le tauemuga a ē na agaleaga mai ia te oe. 4Auā o mea uma foi na tusia muamua, na tusia ia e aoao mai ai ia te i tatou, ina ia tatou maua le faamoemoe i le onosai ma le faamafanafanaga mai i tusi.5O lenei, ia foaʻi atu e le Atua o le onosai ma le faamafanafanaga ia outou maua le loto gatasi e tusa ai ma Keriso Iesu. 6Ia faia e ia lenei mea ina ia outou vivii atu ma le gutu e tasi i le Atua ma le Tamā o lo tatou Alii o Iesu Keriso, ma le manatu e tasi. 7O lenei, ia outou talia e le tasi le isi, faapei ona talia foi o outou e Keriso, ia viia ai le Atua.8Auā ou te fai atu, ua avea Keriso ma auauna a le peritomeina ona o le upu moni a le Atua, ina ia faamaonia ai folafolaga na tuuina atu i augātamā, 9ma ia vivii atu ai tagata o Nuu ese i le Atua ona o lona alofa mutimutivale. E pei ona tusia, “O le mea lea ou te vivii atu ai ia te oe i luma o Nuu ese, ma fai pesega i lou suafa.”10Ua toe fai mai fo‘i, "Ia olioli outou Nuu ese, faatasi ma lona nu‘u.” 11O lenei foi, “Ia vivii atu ia Ieova outou o nuu ese uma; ia vivii atu ia te ia o nuu uma lava.”12Ua toe faapea mai foi Isaia, “E oo mai le aa o Iese, o le na tulai e pule i Nuu ese, e faamoemoe ia te ia o nuu ese.”13O lenei, ia faatumuina outou e le Atua o le faamoemoe i le olioli uma ma le manuia i le faatuatua, ina ia faateleina ai lo outou faamoemoe i le mana o le Agaga Paia.14Le au uso e, o aʻu foʻi, ua ou talitonu ia te outou. Ua ou mautinoa, ua tumu foi outou i le agalelei, ua tumu i le poto uma lava. Ua ou mautinoa e mafai foi ona outou aoaoina e le tasi i le isi.15A ua ou tusi atu ma le loto tele ia te outou i nisi o mea, ina ia toe faamanatu atu ia te outou, ona o le alofa tunoa na foaiina mai e le Atua ia te a‘u. 16O le alofa tunoa lenei ina ia avea a‘u ma auauna a Keriso Iesu, ua auina atu i Nuu ese, e fai ma ositaulaga o le Tala Lelei a le Atua, ina ia talia le taulaga a Nuu ese, ua faapaiaina e le Agaga Paia.17O Keriso Iesu ua ou mitamita ai i laʻu auaunaga i le Atua. 18Auā ou te lē mafai ona tautala atu i se mea sei vagana ai mea ua faia e Keriso ia te a‘u, ina ia usiusitai ai Nuu ese. O mea ia ua faia i upu ma galuega, 19i le mana o faailoga ma vavega, ma le mana o le Agaga o le Atua. O le mea lea ina ia ou matuā faataunuuina ai le tala lelei ia Keriso, nai Ierusalema, atoa ma Iluriko.20I lenei auala, o loʻu naunau e folafola atu le talalelei, ae le o le mea e iloa ai Keriso i lona suafa, ina ia ou le atiina ae i luga o le faavae o se tasi tagata. 21E pei ona tusia, “O ē e lei oo i ai se tala e uiga ia te ia, ma e e lei faalogo i ai, o le a latou malamalama/iloa o ia. "22O le mea lea na faalavelave ia te a‘u i le tele o taimi sa le mafai ai ona ou alu atu ai ia te outou. 23A o lenei, ua leai se mea e nonofo ai i nei nu‘u, ma ua tele tausaga ua ou faanaunau/manao ai ou te alu atu ia te outou.24O lo'u faamoemoega tatou te feiloai pe a ou ui atu i Sepania, ma ia outou fesoasoani mai i la‘u malaga, ma tatou fiafia faatasi ai mo sina taimi. 25Ae mo le taimi nei, ou te alu i Ierusalema, e auauna i le au paia a le Atua.26Auā ua loto Maketonia ma Akaia ina ia avatu se foai mo ē matitiva o le au paia a le Atua o i Ierusalema. 27Ioe, sa latou loto foi i ai, aua sa nofo aitalafu iā i latou. Auā afai ua tofusia tagata o Nuu ese i a latou mea faaleagaga, ua tatau i tagata Iutaia ona auauna ia te i latou i a latou mea faaletino.28O lenei, pe a uma ona faataunuuina lenei galuega, ma ua ou mautinoa ua maua e i latou mea uma na faaputuina, ona asia atu lea o outou, i le ala i Sepania. 29Ua ou iloa pe a ou alu atu ia te outou, ou te alu atu ma le tumu o le manuia o Keriso.30Le au uso e, ou te aioi atu ia te outou i lo tatou Alii o Iesu Keriso, ma le alofa o le Agaga, ia outou finafinau faatasi ma a‘u i a outou tatalo i le Atua mo a‘u. 31Ia outou tatalo ina ia laveaiina a'u mai i ē lē usiusitai i Iutaia, ina ia talia foi e le au paia o le Atua la‘u galuega mo Ierusalema. 32Ia outou tatalo ina ia ou alu atu ia te outou ma le olioli i le finagalo o le Atua, ina ia ou maua fo‘i le malologa faatasi ma outou.33Ia ia te outou uma lava le Atua e ona le manuia. Amene.
161Ou te faailoa atu ia te outou lo tatou tuafafine ia Fipe, o le tiakono lea o le ekalesia i Kenikerea, 2ina ia talia o ia e outou i le Alii. Ia outou faia e tusa ma le amio e tatau i le au paia, ma ia fesoasoani atu ia te ia i so'o se mea e manaomia ai e ia la outou fesoasoani, auā o ia sa fesoasoani tele mo le toatele o outou atoa ma a'u nei.3Ua ou alofa atu ia Pisila na Akuila, na la faigaluega faatasi ma a'u i le galuega a Keriso Iesu 4o ē na tuuina atu o laua ola mo a'u. Ou te faafetai atu mo i laua, ua le na o a'u, ae faapea foi le ekalesia atoa i nuu ese. 5Ua ou alofa atu foi i le ekalesia o i lo laua fale. Ua ou alofa atu ia Epaineto la'u pele, o le ulua'i fua (fa'apolopolo) o ia ia Keriso i Akaia.6Ua ou alofa atu ia Maria, o le na galue tele mo outou. 7Ua ou alofa atu ia Aneroniko ma Iunia, o o'u aiga sa matou fa'atasi ma a'u i le falepuipui. Ua logoleleia i laua i aposetolo, sa la i ai ia Keriso e muamua ia te au. 8Ua ou alofa tu ia Amepelia, o la'u pele i le Alii.9Ua ou alofa atu ia Upano, o le uso a auauna ia Keriso, ma Sataku la'u pele. 10Ua ou alofa atu ia Apele, ua ta'uleleia o ia ia Keriso. Ua ou alofa atu i sa Arisopulõ. 11Ua ou alofa atu ia Herotiona, ma te aiga. Ua ou alofa atu i e o sa Makiso, o ē ua i le Alii.12Ua ou alofa atu ia Tufaina ma Tufosa, o fafine na galulue i la le Alii. Ua ou alofa atu ia Peseti, o le pele, o le na galue tele i la le Alii. 13Ua ou alofa atu ia Rufo, na filifilia e le Alii, i le ma lona tinā, o lo'u tinā foi lea. 14Ua ou alofa atu ia Asugerito, ma Fegona, ma Herema, ma Pateropa, ma Heremea, ma le au uso o ia te i latou.15Ua ou alofa atu ia Filoloko ma Iulia, o Nereu foi ma lona tuafafine, ma Olumepa, ma le au paia atoa uma o ia te i latou. 16Ia outou fealofani i le feasogi paia. O loo alolofa atu ia te outou ekalesia uma a Keriso.17O lenei, ou te aioi atu ia te outou, le au uso e, ia outou vaavaai i ē faatupu fevaevaeaiga, ma mea e tausuai ai, o mea e le tusa ma le mataupu ua a'oa'oina ai outou, ia outou liliu ese foi ia te i latou. 18Auā o ē faapea, e le auauna i latou i lo tatou Alii o Iesu Keriso, ao latou lava manava; ma latou faasese i loto o tagata ua le manatu leaga, i lo latou faaneenee ma alofa fa'avivii.19Auā ua logo atu lo outou usiusitai e fai ma faataitaiga i tagata uma lava; o lea ou te olioli ai ona o outou. Ou te manao foi ia popoto outou i mea lelei, a ia valelea i mea leaga. 20O le Atua foi o le filemu na te nutipalaina Satani i lalo o outou vae. Ia ia te outou le alofa tunoa o lo tatou Alii o Iesu Keriso.21O lo o alofa atu ia te outou Timoteo, ma te galulue faatasi ma a'u, ma Lukio, ma Iasona ma Sosepatero, o o'u aiga i latou. 22O a'u nei o Tesio, o le ua tusi lenei tusi, ua ou alofa tu ia te outou i la le Alii.23O loo alofa atu ia te outou Kaio, o lē talia a'u ma le ekalesia uma. O loo alolofa atu ia te outou Erato, o le teutupe o le aai, ma Kuato lona uso. 24Ia ia te outou uma lava le alofa tunoa o lo tatou Alii o Iesu Keriso. Amene.25Ia viia le na te mafaia ona faatumau ia te outou, e tusa ma la'u talalelei, ma le talaiga o le tala ia Iesu Keriso, e tusa ma le faaliga o le mea lilo sa natia i tausaga o le vavau; 26a ua faaali mai nei i tusi a perofeta, e tusa ma le poloaiga a le Atua e faavavau, o loo ua faailoa mai i nuu uma, ia iu ina usiusitai i le faatuatua.27Ia i le Atua poto e toatasi le viiga e faavavau, e ala atu ia Iesu Keriso. Amene.
