Bible

Mareko

1¹O le amataga lenei o le talalelei e uiga ia Iesu Keriso, o le Alo o le Atua. ²E pei ona tusia i le tusi a Isaia le perofeta, "Fa'auta, ou te auina atu la'u sāvali (avefeau) e muamua atu i ou luma, na te teuteua lou ala. ³O le leo o lē alaga i le vao, "Inā teuteu ia e outou le ala o le Alii, ma fa'alaulelei (fa'asasa'o) ona ala."⁴Ua sau Ioane, ua faia lana papatisoga i le vao, ma tala'i atu le papatisoga o le salamõ mo le fa'amagaloina o agasala. ⁵Ua o atu foi ia te ia le toatele o tagata mai Iutaia ma Ierusalema, ua papatisoina i latou i le vaitafe o Ioritana, ma fa'ailoa atu a latou agasala. ⁶Sa ofu Ioane i le fulufulu kamela ma le fusi pa'u i lona sulugātiti, a o ana meaai o sē akerise ma le meli vao ia.⁷Ua tala'i atu Ioane faapea "O lo'o mulimuli mai ia te a'u le tasi, e silisili atu o ia ia te a'u; ou te lē aogā a'u ona punou ifo ma tatala le nonoa o ona se'evae. ⁸O a'u nei, ou te papatiso atu ia te outou i le vai, ao ia, na te papatisoina outou i le Agaga Paia."⁹O ia ona po, ua maliu ane ai Iesu mai Nasareta i Kalilaia, ua papatisona o ia e Ioane i le vaitafe i Ioritana. ¹⁰A'o afio a'e Iesu nai le vai, ua silafia atu e ia le lagi ua mātala ma le Agaga ua afio ifo i ona luga peiseaī se lupe. ¹¹Ua o'o mai fo'i le siufofoga mai le lagi ua fa'apea mai, " O lo'u Atali'i pele oe, ou te fiafia tele ia te oe."¹²Ona ave lea o ia e le Agaga i le vao. ¹³Sa iai fo'i o ia i le vao i aso e fasefulu, ma fa'aosoosoina ai e Satani. Sa iai o ia fa'atasi ma manu feai, ma sa auauna foi agelu ia te ia.¹⁴Ua tuuina atu Ioane i le falepuipui, ona maliu ane lea o Iesu i Kalilaia ma folafola atu le talalelei i le malõ o le Atua. ¹⁵Ua fa'apea atu, "Ua o'o mai ona po, ua latalata mai le malõ o le Atua. Inā salamõ ia ma talitonu i le talalelei."¹⁶Ua maliu ane Iesu i tafatafa ane o le sami i Kalilaia, ona silafia atu lea e ia Simona ma Aneterea lona uso o lafo o laua upega i le sami, auā o i laua o tagata fai faiva. ¹⁷Ona fetalai atu lea o Iesu ia te i laua "Inā mulimuli maia ia te a'u, ou te faia oulua ma fai faiva i tagata." ¹⁸Ona tuua loa lea e i laua o laua upega, ae mulimuli atu ia te ia.¹⁹Ua toe maliu ititi atu Iesu i luma ma silafia ai Iakopo le atali'i o Sepetaio ma Ioane lona uso, ua i leva'a, o lo'o fono masae o o lā upega. ²⁰Ua valaa'u atu o ia ia te i laua, ona tuua loa lea e i laua lo la tamā o Sepetaio fa'atasi ai ma auauna i le vaa, ae mulimuli atu ia te ia.²¹Ua o fo'i i latou i Kapanaumi, ona maliu atu loa lea o Iesu i le malumalu I le sapati (sunako), ua a'oa'o ai. ²²Ua matuā ofo i latou i lana a'oa'oga, auā ua a'oa'o o ia fa'apei o sē tasi e iai le pule, ae le pei o le au tusiupu.²³Sa iai i le malumalu (sunako) se tasi tagata ua iai le agaga leaga, ua alaga ma fa'apea mai, ²⁴"Iesu e le Nasareta, O le a ea lou finagalo ia te i matou? Ua e maliu mai ea ina ia fa'aumatia (fanoia) i matou? Ua ou iloa oe, o le Paia oe o le Atua. ²⁵Ona fa'atonu (vaoia) lea e Iesu le temoni ma fa'apea atu, "Inā filemū (fa'alologo) ia, ma e alu i fafo mai le tama." ²⁶Ona lafotūina (fa'atafiti) lea e le agaga leaga le tama i lalo, ua alu ese foi o ia mai ia te ia ma le alaga leo tele.²⁷Ua tau fai ofo tagata uma, ua tu'ufesilisili le tasi i le tasi ua fa'apea, " Pe se a lenei mea? O se a'oa'oga fou ua a'oa'o ma le pule! Auā ua fa'atonu ia i agaga leaga ona usiusita'i lava lea ia te ia!" ²⁸Ua salalau fo'i le tala ia te ia i nu'u uma o Kalilaia.²⁹Ua ulufafo i latou ma i le malumalu (sunako), ona o atu lea i le fale o Simona ma Aneterea, fa'atasi ai ma Iakopo ma Ioane. ³⁰Sa taoto ai le tinā o le avā a Simona i le ma'i vevela, ua latou ta'uina atu o ia ia te ia. ³¹Ua maliu atu o ia, ua tago i lona lima, ua fa'atū ia te ia i luga, ua alu ese le ma'i vevela ma ia, ona auauna ai lea o ia ia te i latou.³²Ua o'o i le afiafi i le goto o le la, ona latou aumai lea ia te ia o i latou uma o ē mama'i, atoa ma e ua ulutinoina e temoni. ³³Ua fa'apotopoto ane fo'i le nu'u uma i le faitotoa. ³⁴Ua fa'amaloloina e ia tagata e toatele ē na mama'i i ma'i eseese, ma tulia le tele o temoni, a ua ia le tu'u atu i temoni e tautala, auā ua latou iloa o ia.³⁵Ua ala usu o ia i le taeao po lava a'o le'i malamalama, ona ulufafo lea o ia ma maliu atu i le mea tu'ufua, ua tatalo ai. ³⁶Ua o atu fo'i Simona ma i latou uma sa ia te ia ua saili ia te ia. ³⁷Ua latou maua o ia, ona latou fai atu lea ia te ia, " O lo o saili tagata uma ia te oe."³⁸Ua ia fetalai atu ia te i latou, "Ina tatou o atu ia i se isi mea, tatou o i aai o latalata mai, se'i o'u tala'i atu ai fo'i ia te i latou. Auā o le mea lava lea na ou sau ai. ³⁹Ua maliu atu o ia i Kalilaia uma, ua ulufale o ia i o latou malumalu (sunako) ma folafola atu le talalelei, ma tutuli temoni.⁴⁰Ona sau ai lea o le lepela ia te ia, ua to'otuli, ma aioi mai ia te ia ua fa'apea mai, " A ē finagalo iai, e te mafaia ona e fa'amāmā i lo'u lepela." ⁴¹Ona mutimutivale lea o le alofa o Iesu ia te ia, ua aapa atu lona aao, ua pa'i atu ia te ia ma fetalai atu, " Ou te loto iai, inā mamā ia oe." ⁴²Ua fetalai atu o ia, ona te'a loa lea o lona lepela, ua fa'amamāina o ia.⁴³Ua tu'uina atu o ia e Iesu e alu, ae ua matuā vavao atu o ia ia te ia. ⁴⁴Ua ia fetalai atu, "Ia oe, aua ne'i e fai atu lava se tala i se tasi, a ia e alu ma fa'aali oe i le ositaulaga, ma avane o mea e pei ona poloa'i ai Mose mo lou fa'amamāina, e fai ma molimau ia te i latou.⁴⁵A ua alu atu o ia, ua ia matuā faia lana tala'iga ma fa'asalalau solo le tala, o lea ua le mafai ai e Iesu ona toe maliu fa'aaliali atu i se aai, ae ua nofonofo o ia i mea tu'ufua. A'o le toatele o tagata ua latou ane pea ia te ia mai itu uma.

2¹Ua toe fo`i atu Iesu i Kapanaumi ina ua mavae ni nai aso,ona o`o atu lea o le tala ua iai o Ia i le fale. ²Sa tumutumu le nofoaga ua leai se avanoa na tőtoe,e o`o lava i fafo o le faitoto`a.Ua tala`i atu lea o Ia o le Upu ia te i latou.³Ua omai nisi tagata ma aumai se tagata ua pēpē lona tino {tagata supa},o lo o āmoina e i latou e to`afā. ⁴Ua lē mafai ona fa`alatalata atu i latou ona o le to'atele o tagata,ona ò a'e lea o i latou i luga o le fale ma tatala le ufiufi o le fale,i luga a'e o le mea sa i ai Iesu.Ua uma lea,ona latou tu'utu'u ifo lea i lalo le moega o le tagata e pēpē lona tino {tagata supa}.⁵Ua silafia e Iesu lo latou fa'atuatua,ona fetalai atu lea o Iesu ia te ia,"Lo'u atali'i e,ua fa'amagaloina au agasala." ⁶Sa nonofo ai i ina nisi o le au tusiupu,ma tu'ufesili i o latou loto, ⁷"O le ā le mafua'aga e tautala ai faapea lenei tagata? Ua faifai ea i le Atua!O ai ea na te mafaia ona fa'amāgaloina agasala,na'o o le Atua e to'atasi?"⁸O le taimi lava lea sa silafia e Iesu o latou mānatunatuga ma mea lilo o i totonu o latou loto.Ua fetalai atu Iesu ia te i latou,ua faapea atu"Aiseā ua outou mafaufau ai i ia mea i o outou loto? ⁹O le fea o mea nei e sili ona faigofie?Po o le fai atu i le tagata ma'i,ua fa'amagaloina au agasala,"po o le fai atu,e tu ia i luga ma ave lou moega ma e savali?"¹⁰"Ae peita'i,ina ia outou iloa o lo o iai le pule i le Atalii o le tagata i le lalolagi e fa'amagaloina ai agasala",ona faapea atu lea o Ia i le tagata ma'i,{tagata supa} ¹¹"Inā tula'i ia,ma ave lou moega ma e alu i lou fale". ¹²Ona tula'i ai lea o le tagata ma'i ma ave lona moega,ma savali atu i fafo o le fale i luma o tagata uma. Sā matuā ofo le to'atele o tagata,ona latou vivi'i atu lea i le Atua,ua latou faapea ane,"Matou te le'i vaa'i lava ni mea uiga ese fa'apenei".¹³Ua aga'i atu fo'i Iesu i tafatafa o le vaitūloto,ona omai ai lea o le motu o tagata e to'atele iā te Ia,ua Ia a'oa'o atu fo'i ia te i latou. ¹⁴A'o maliu ane o Ia,sa Ia silafia Levi o le atali'i o Alafaio, o lo'o nofo mai i le faleie e ao ai lafoga,ona fetalai atu lea o Iesu ia te ia,"Mulimuli mai ia te a'u",ona tula'i ai lea o ia ma mulimuli atu ia te Ia.¹⁵Ua taumamafa fa'atasi Iesu ma Ona so'o,ma tagata ao lafoga ma ê e agasala i le fale o Levi,faapea fo'i le to'atele o tagata o lo'o mulimuli ia te Ia. ¹⁶O nisi fo'i o le au tusiupu ma le au farasaio i latou,ua latou va'ava'ai atu ia Iesu, o lo'o a'ai fa'atasi mai ma tagata agasala ma ē e ao lafoga,ona fesili atu lea o i latou i Ona so'o,"Aiseā ua a'ai fa'atasi ai o Ia ma ē e ao lafoga ma tagata agasala"?¹⁷Ua fa'alogo atu Iesu i o latou upu,ona fetalai atu lea o Iesu ia te i latou,ua fa'apea atu,"E lē mana'omia e tagata malolosi [soifua maloloina] se foma'i,ae e mana'omia e tagata mama'i."Oute le'i sau e vala'au i ē e amiotonu,a o ē agasala".¹⁸Sa anapopogi le au so'o o Ioane ma so'o o le au farasaio.Ona õ ane lea o nisi o tagata ma fesili ia te Ia,"Pe aiseā ua anapopogi ai so'o o Ioane ma so'o o le au farasaio,ae lē anapopogi Ou so'o"? ¹⁹Ona fetalai atu lea o Iesu ia te i latou,ua faapea atu,"O se mea tatau ea o ē ua vala'aulia i se fa'aipoipoga ona anapopogi a o fa'atasi i latou ma le fa'ato'afaiavā"? "E lē tatau ona latou anapopogi a'o fa'atasi i latou ma le fa'ato'afaiavā".²⁰"Ae peita'i,o le a o'o mai le aso e ave'eseina ai le fa'ato'afaiavā mai ia te i latou,ona latou anapopogi ai lea i lea aso. ²¹"E leai lava se tasi na te fonoina se ofu tuai i se fasi ie fou,auā a faapea e tupu lenei mea,ona māsae tele ai lea o le ofu tuai,ua sili atu le māsae i lo le mea sa iai."²²E leai lava se tasi na te utuina le uaina fou i se fagupa'u tuai,auā a fa'apea, ona pāpā ai lea o le fagupa'u ma māsae ai,ona maumau ai lea o le uaina fou.E tatau lava ona utu le uina fou i le fagupa'u fou.²³Ua ui ane Iesu i totonu o le fa'ato'aga saito i le Sapati,sa savavali fa'atasi o Ia ma Ona so'o,ona oto lea e Ona so'o o tumutumu o saito a'o savavali i latou. ²⁴Ona fai atu ai lea o le au farasaio iā Iesu,"O le ā le mea ua fai ai e Ou so'o lenei mea e sā i le Sapati?"²⁵Ona tali atu lea o Iesu ia te i latou,"Tou te le'i faitauina ea le mea na faia e Tavita,ina ua fia ài o ia atoa ma ona tagata?" ²⁶sa ulufale atu o ia i le fale o le Atua a'o avea Aviata ma ositaulaga sili,ua ia a'ia fo'i le areto sa laulauina i luma, faatasi ai ma ona tagata,O mea e sā ona ài ai se tasi na o le au ositaulaga sili?²⁷Ua fetalai atu Iesu,"Ua faia le Sapati mo tagata uma,'ae lē faia le tagata uma mo le Sapati" ²⁸Ae peita'i ane,o le Atalii o le Tagata, o Ia o le Atua,o Ia fo'i o le Sapati.

3¹'Ua toe atu atu fo'i Iesu i le falesā, sa i ai se tamaloa e pu'upu'u lona lima. ²oloo nonofo tagata ma va'ava'ai at pe na te fa'amaloloina o ia i le aso Sā ina ia latou moliaina o ia.³Ua faiatu Iesu i le tamaloa ma'i, "Tula'i ia i le ogatotnu o i latou nei." ⁴Ona fai atu lea o ia i le motu o tagata po'o se soli tulafono ea le faia o o le galuega i le aso Sā po'o se mea leaga; pe faaolaina pe fasiotia? ae ua latou fifilemu.⁵Ua va'ava'ai atu o ia 'iā te i latou ma le lē fiafia, 'ua tīgā fo'i o ia i le latou loto ma'a'a, na faiatu lea o ia i lea tamaloa, " fa'asa'o lou lima" ona fa'asao ai lea e ia o lona lima ma ua toe fa'aatoatoaina lona malsoi. ⁶'Ua o atu le 'au farasaio i fafo ma ua fai le latou tonu ma le au Herotiano ina ia fasioti ia Iesu.⁷'Ua ō atu lea o Iesu ma ona so'o i le sami, 'ona mulimuli atu ai lea o le motu o tagata e to'atele mai Kalilaia, ma Iutaia, ⁸ma Ierusalema, ma Ituma, ma tala atu o Ioritana, 'atoa ma Turo ma Saitonu. Ua fa'alogo i latou i mea na ia faia, na ō mai ai lea o le toatele o tagata ia te ia.⁹'Ua fetalai atu o ia i ona so'o 'ia saunia se va'a la'ititi mo ia 'ona o le motu o tagata, 'ina ne'i tumutumu mai i latou 'ia te ia. ¹⁰'Ua fa'amaloloina e ia le to'atele, o lea na fa'alatalata mai ai ia te ia o i latou uma na tigaina, 'ina ia pa'i atu ia te ia.¹¹Ua iloa atu o ia e agaga leaga, ona latou fa'apauu ai lea i ona luma ma alalaga, ma fa'apea mai, "O oe o le Alo o Le Atua." ¹²Ua ia faatonu i latou e aua ne'i fa'ailoa atu o ia.¹³'Ua alu a'e o ia i le mauga, na valaau o ia mo tagata na te manao ai , 'ona ō mai ai lea o i latou 'iā te ia. ¹⁴'Ua tofia fo'i e ia le to'asefululua (na ia fa'aigoa o 'aposetolo) 'ina 'ia latou fa'atasi ma ia, ma 'auina atu i latou e tala'i le talalelei , ¹⁵ma 'ia 'iā te i latou le pule e tutuli ai temoni. ¹⁶Ua tofia e ia le to'asefululua: o Simona, 'ua fa'aigoa e ia o Peteru;¹⁷o Iakopo le atali'i o Sepetaio, ma Ioane le uso o Iakopo, 'ua fa'aigoa fo'i e ia o Poaneki, o atali'i o faititili; ¹⁸ma Aneterea, Filipo, Patolomaio, Mataio, Toma, Iakopo le atali'i o Alefaio, ma Tataio, Simona le Selote, ¹⁹ma Iuta le Sekara, o lē na fa'alataina o ia.²⁰'Ona alu lea o ia i lona fale, 'ona toe potopoto mai ai lea o le motu o tagata, 'ua lē mafai fo'i 'ona 'a'ai i latou i se falaoa. ²¹'Ua fa'alogo i ai lona 'āiga, 'ona ō atu ai lea o i latou i fafo e pu'eina o ia, auā na latou fai ane, "Ua leaga lona ulu" ²²Ua ō ifo ai lea o le 'au tusi'upu mai Ierusalema ua latou faimai, "Ua ulutinoina e Pelesepulo o ia; o le ta'ita'i o temoni e na te tulia ese temoni."²³'Ua vala'au atu Iesu 'ia te i latou ma fetalai atu i fa'ataoto, "E mafai fa'apefea e Satani 'ona tulia Satani?" ²⁴'Āfai e fevaevaea'i se mālō, e lē tumau lea malo; ²⁵'Āfai foi e fevaevaea'i se aiga, e le mafai foi e se aiga ona tumau pea.²⁶'Āfai fo'i 'ua tula'i Satani ma fevaevaea'i, 'ua lē mafai 'ona tu o ia, ae 'ua o'o ina fa'aumatia. ²⁷E lē mafai e se tasi 'ona ulu atu i le fale o se tagata malosi ma gaoi ana meatotino, ae le'i saisaina muamua le tagata; ona faoa ai lea e ia o lona fale.²⁸E moni, 'ou te fai atu 'iā te 'outou, e fa'amāgaloina agasala uma a tagata, e o'o lava i 'upu leaga uma latou te fai atu ai. ²⁹A o lē e faifai i le Agaga Paia, e lē fa'amagaloina o ia, ae nofo sala o ia le agasala e fa'avavau." ³⁰Na fetalai atu Iesu i lea mea ua latou fai mai, "Ua ia te ia le agaga leaga."³¹Ona ō mai ai lea o lona tinā ma ona uso, ma tutu i fafo. 'Ua latou 'a'ami atu 'iā te ia. ³²Sa nonofo fa'ata'ali'oli'o 'iā te ia le motu o tagata, 'ona latou fai mai lea 'iā te ia, "O lo'o i fafo lou tinā, ma ou uso, ma ou tuafafine, o lo'o sā'ili mai latou 'iā te oe."³³Ua tali atu o ia 'iā te i latou, "O ai 'ea lo'u tinā ma o'u uso?" ³⁴'Ua va'ava'ai solo o ia i ē o nonofo fa'atali'oli'o 'iā te ia, ma fa'apea atu, "Fa'auta, o lo'u tinā ma o'u uso lenei; ³⁵o lē faia le finagalo o Le Atua o lo'u uso lea, o lo'u tuafafine, ma lo'u tinā."

4¹'Ua 'amata fo'i 'ona a'oa'o atu 'o ia i tafatafa o le sami, 'ona potopoto mai ai lea o le motu o tagata e to'atele 'iā te ia. 'Ua alu a'e 'o ia ile va'a i luga o le sami, 'ona nofo ai lea o ia. ²Sa i ai le motu o tagata i le matafaga i tafatafa ole sami. 'Ua a'oa'o atu foi o ia 'iā te i latou i mea e tele i fa'atoto (tala fa'atusatusa), 'i ana a'oa'oga, 'ua ia fa'apea atu 'iā i latou.³Fa'alogo mai ia, 'ua alu le faifa'ato'aga e lūlū ana saito, ⁴A 'o lulu saito o ia, 'ua pa'ū'ū i tafatafa ole auala isi fatu, ona omai ai lea o manu felelei, 'ua 'aina ai. ⁵'Ua pa'ū'ū fo'i isi fatu i luga o le mea papa, e lē telē se palapala o iai. Ua vave fo'i ona tutupu a'e, auā e papa'u le palapala.⁶'A ua oso a'e le lā, 'ona magumagu ai lea, 'ua magumagu fo'i 'ona 'ua leai ni a'a, ⁷'O isi fatu 'ua pa'ū'ū i le vaotuitui. Ua tupu le vaotuitui ona fetinaina ai lea, ma 'ua le fua mai.⁸O isi fatu ua pa'ū'ū i le eleele(palapala) lelei ma 'ua fua mai 'ua ola ma tupu tele ma fua ta'i tolusefulu ma ta'i onosefulu i nisi, e o'o lava ile ta'i selau nisi. ⁹Ona ia fai atu ai lea, " O ai e iai taliga e fa'alogo ai, 'inā fa'alogo mai ia!"¹⁰A 'o iai na'o Iesu, ua fesili ē na fa'ali'oli'o 'iā te ia atoa ma le to'a sefululua e uiga i fa'ataoto (tala fa'atusatusa). ¹¹'Ua ia fai atu 'iā i latou. 'Ua tu'uina 'iā te outou mea lilo o le malo o Le Atua. A 'o ē o lo'o i tua o mea uma lava e tu'uina atu i fa'atoto(tala fa'atusatusa). ¹²A o'o ina latou fa'alogo, e moni latou te fa'alogo, ae lē o malamalama, pe atonu latou liliu i Le Atua ona fa'amagaloina lea o i latou.¹³Ua fai atu o ia 'iā i latou,"tou te le malamalama ea i nei fa'ataoto (tala fa'atusatusa)? E fa'afefea la ona outou malamalama i fa'atoto (tala fa'atusatusa) uma? ¹⁴O le lulu saito e luluina le upu. ¹⁵O fatu nei na pauu i tafatafa ole auala, ile mea na luluina ai le upu. A'o latou fa'alogo ua sau lava satani ma aveese le upu ua luluina i totonu 'iā i latou.¹⁶O fatu nei na luluina ile mea papa, O ē na fa'alogo ile upu ona vave talia lea ma le olioli. ¹⁷Ae ua leai ni a'a ia i latou, 'a ua latou tutumau mo si na taimi, ona oo mai lea o faafitauli ma sauaina ona ole upu, ona fa'ama'amulu vave ai lea o i latou.¹⁸ o isi pei o fatu na luluina ile vaotuitui. O latou ia ua fa'alogo ile upu ¹⁹a 'o le popole i lenei olaga ma le fa'asese ole 'oa ma le naunau i isi mea ua o'o mai ma fetinaina le upu, ma ua le fua mai ai. ²⁰A 'o ē na luluina ile eleele(palapala) lelei oi latou ia ua fa'alogo ile upu ma talia ma ua fua mai ta'i tolusefulu ma ta'i onosefulu ma o'o lava ile ta'i selau i nisi.²¹ Ua fai atu iesu 'iā i latou, "E te aumaia ea se lamepa i le fale e tu'u i lalo ose ato po'o se moega? Pe e te aumaia ma tu'u i lona tulaga. ²²Auā e leai se mea e nanā e lē fa'ailoaina, e leai foi se mea lilo e le fa'aalialia. ²³O i latou e iai taliga e fa'alogo ai 'inā fa'alogo mai ia!"²⁴Ua fai atu o ia 'iā te i latou, "Ia mafaufau lelei i mea ua outou fa'alogo ai, "O le fua tou te fuaina atu, e fuaina mai fo'i ma sili atu ona tele, ²⁵'Auā o lē ua iai mea, e toe avatua 'iā te ia mea e tele, a 'o lē ua leai se mea, e aveeseina mai ai atoa ma mea o lo'o 'iā te ia.²⁶Ua fai atu fo'i o ia, o le malo o Le Atua e pei o le tagata na lulu saito i le eleele. ²⁷E moe o ia i le po ma ala a'e ile i le taeao, Ua ola le fatu ma tupu a'e, ae ua leiloa e ia pe fa'apefea ona ola. ²⁸O le eleele e fua mai ai saito: E muamua le 'au ona soso'o lea ma le ulu, ona soso'o ai lea o le fatu atoa ile ulu. ²⁹A matua le saito, ona ia tu'u lea o le selesaito 'i ai, auā ua o'o mai le seleselega."³⁰Ua toe fai atu o ia, se ā sa tatou fa'atusa i le malo o Le Atua, po'o se a fo'i se fa'ataoto (tala fa'a tusatusa) tatou te fa'amatala ai? ³¹E pei o le fatu o le sinapi e aupito i laititi i fatu uma o i le lalolagi. ³²Ae a totoina, e ola a'e ma avea ma la'au e aupito i telē i la'au fa'atoaga uma, e ola lapopo'a ona lala, e fa'aoga e ofaga ai manu felelei o le lagi i lona paolo."³³I le tele o fa'ataoto(tala faatusatusa) faapena na fai ai atu ai o ia 'iā i latou i le upu, tau lava na o mea latou te malamalama i ai, ³⁴ae lē i fai atu lava o ia 'iā i latou e aunoa ma se fa'ataoto(tala fa'atusatusa). Ae ina ua na o ia ma ona so'o, sa ia fa'amalamalama atu ai mea uma 'iā i latou.³⁵'Ua o'o i le afiafi o lea aso, ona fai atu ai lea o ia i ona so'o, "Tatou o atu i le isi itū. ³⁶'Ua tu'ua e i latou le motu o tagata, ona latou ave lea o ia i le va'a, fa'atasi ai ma isi va'a sa i ai. ³⁷Ona oso ai lea o le matagiafā tele, ma ua sousou mai peau(galu) i luga ole va'a, ua toetoe lava a lofia ai i latou.³⁸Sa i ai Iesu i le taumuli, o lo'o moe i luga o se aluga. Ua fafagu 'iā te ia ona so'o ma fai atu, "Le a'oa'oa e, e te le manatu mai ea pe a tatou fano(malelemo)?" ³⁹Ua tula'i o o ia, 'ua vavao atu i le matagi, 'ua fai atu fo'i i peau(galu), "Filemu ina malū ia, ona mate lea o le matagi, ma 'ua matuā filemu lava.⁴⁰Ua fai atu o ia 'iā i latou, " Se a le mea tou te fefefe ai? E tou te lē toe fa'atuatua ea? ⁴¹Ua matata'u lava i latou ma fesili ane le tasi i le isi, "O ai ea lenei? E o'o lava ile matagi ma le sami ua usita'i 'iā te ia?

5¹Ua taunuu atu I latou I le isi itu o le sami I le aai o Katara. ²Ua alu ese Iesu mai le vaa, a ua sau ia te Ia o se taulealea o lo o nofo mau i tuugamau, ua i ai le agaga leaga.³Ua nofo mau le taulealea i tuugamau. Ua leai fo'i se tasi e mafai ona taofia o ia, ua oo lava I filifili uamea. ⁴Ua tele taimi ua lokaina ai o ia i loka ma saisai I filifili, ae na ia talepeina ia loka ma motusia ia filifili. Ua leai se isi e i ai se malosi na te taofiofia ai o ia.⁵Ua ‘e’ē ‘ o ia mai I tuugamau ma mauga i le ao atoa ma le po, ma ia tipitipi lona tino i maa maamaai.

⁶Ua ia iloa mamao mai Iesu, ona ia momo’e atu lea ma ifo I ona luma,⁷Ua ia alaga atu ma le leotele, ‘Aisea ua e sau ai ia te a’u Iesu, le Alo o le Atua Silisili Ese?” Ae oute aioi atu i le Suafa o le Atua, ia aua ne i e faasala ia te a'u"..

⁸A ua faapea atu Iesu ia te ia, “O oe le agaga leaga, sau I fafo mai le taulealea",⁹Ua fesili atu Iesu ia te ia. “O ai lou igoa?”. A ua tali mai le taulealea “O a’u o Lekeono, ona e toatele i matou”.

¹⁰Ua aioi faafia mai o ia iā Iesu ia aua ne i tuliesea i latou mai i le aai.¹¹E i ai se lafu puaa tele o lo o fafagaina i se nofoaga maualuga.

¹²Ma ua faatauanau mai i latou ia te Ia, ua latou faapea ane, “Tutuli atu i matou e ulu i puaa.”

¹³Ua faataga e Iesu agaga leaga e o ese mai le taulealea ma ulu atu i le lafu puaa pe tusa i le 200, ona taufetuli lea o puaa ma feosofi i le sami, ua malelemo ma pepe uma ai.¹⁴Ua sosola ese mai i latou o vaaia ma fafagaina le lafu puaa, ma ua latou faamatala atu I le aai tutotonu ma aai tau lata ane le mea na tupu, ona o mai ai lea o tagata e vaavaai i le mea na tupu.

¹⁵Ua o mai i latou ia Iesu ma latou iloa ai le taulealea na ulutinoina e temoni, lea na ulutinoina e Lekeona, o lo o saofai o ia, ua fai ona ofu ma ua toe fo’i i le lelei lona mafaufau, ona fefefe ai lea o i latou.¹⁶O i latou na vaai i le mea na tupu I le taulealea na ulutinoina i temoni, sa faapea ona latou faamatalatala atu i e na i ai, aemaise fo’i le tulaga na tupu I puaa.

¹⁷Ona latou aioi atu lea ia Iesu, e alu ese ma lo latou aai.¹⁸Ua alu atu Iesu i le vaa, ona tauanau lea o ia e le taulealea na ulutinoina e temoni, ina ia latou o ma ia.

¹⁹Ae le i faatagaina o ia e Iesu, ma faapea atu ia te ia. ‘Alu i lou aiga, ma e alu atu i ou tagata ma ta’u atu ia i latou le mea na faia e le Alii ia te oe, ma lona alofa na ia faaalia ia te oe.

²⁰Ua alu o ia, ua amata tala’i atu i Tekapoli mea matautia na faia e Iesu ia te ia, ona tau fai ofo ai lea o tagata uma.²¹Ua toe fo’i atu i le isi itu Iesu i le vaa, ona potopoto ane lea ia te ia o tagata e toatele ua lata ane i le sami.

²²Ua iloa mai o Ia e Iairo, o se tasi o taitai o le sunako, ona sau lea o ia ma faapa’ū faō atu i ona vae.

²³Ua faatauanau mai o ia ma faapea atu, “Ua tāli oti si o’u afafine, oute aioi atu, se i e sau i lo’u fale, ma e faaee atu Ou aao i luga ia te ia, ina ia malōlō ma ola o ia”.

²⁴Ua alu atu Iesu ua la ō ma ia, ae ua mulimuli mai le motu o tagata e toatele ma ua tumutumu mai ia te Ia.²⁵Sa i ai le fafine ua maua i le puna toto mo le 12 tausaga.

²⁶Ua tigaina o ia mai le tele o fomai, ma ia faaalu o ana oa uma ma ua oo ina matuā mativa ai o ia, ae ua lē fo’i I se lelei lona ma'i ae ua faasolo ina tigaina atu.

²⁷Ina ua faalogo o ia I le tala aave mai ia Iesu, ua sau o ia I ona tua ma ua pa'i atu I lona ofu talaloa²⁸Ua fai ane o ia i lona loto, “A tau lava ina ou pa’i atu i ona ofu, ona ou malolo ai lea”

²⁹Ina ua pa'i atu o ia ia Iesu, ona taofia lea o lona toto o lo o alu, ma ua faalogo atu o ia i lona tino ua malolo o ia mai I lona ma'i.³⁰Na vave ona lagona e Iesu i totonu ia te Ia, ua alu ese atu le mana mai ia te Ia, ona faliu lea o Ia I le motu o tagata ma Ia faapea atu “O ai na pa''i mai I o'u ofu?”.

³¹Ua faapea mai ona soo ia te Ia. “Ua e fesili mai po o ai ua pa'i atu ia te oe?, ae silasila ane fo’I I le toatele o tagata o lo o ua tumutumu mai ia te oe,”

³²A ua tilotilo solo Iesu ina ia ia iloa po o ai lea na pa'i mai ia te Ia.³³Ua iloa e le fafine le mea na tupu ia te ia, ona fefe ai lea o ia ma ua popole. Ua sau o ia ma faapa'u atu I ona luma ma ta'u atu ia te Ia le mea moni.

³⁴Ua fai atu Iesu i le fafine. “Afafine.., o lou faatuatua ua e malolo ai, alu ia oe ma le filemu ua malolo lou ma’i.”³⁵A o tautala o Ia, ae ua o ane nisi I le taitai o le sunako ma faapea ane ia te ia, “Aua e te toe faalavelave I le a'oa'o, ua oti lou afafine”³⁶A ua lagona e Iesu le feau na tauina mai, ona faapea atu lea o Ia i le taitai o le sunako. “Aua e te fefe, na o lou talitonu lava”.

³⁷Na taofia e ia tagata uma, ae o atu na o Ia, o Peteru, Iakopo ma Ioane le uso o Iakopo.

³⁸Ua taunuu mai i latou i le fale o le taitai o le sunako, ona iloa ai lea e Ia o le toatele o tagata ua pisapisao, tagi tu'i ma fetagisi leo tetele.³⁹Ua ulufale atu o Ia i le fale, ona Ia fapea atu lea ia te i latou “Aisea ua outou le fiafia ma fetagisi ai?. E le o oti le teineititi, o lo o moe o Ia”.

⁴⁰Ua amata ona tauemu mai i latou ia te Ia, ona tutuli lea e Ia o I latou uma I fafo, ae ua o na o Ia, o le tama o le teineititi ma lona tina, atoa ma I latou na o mai ma Ia, ona ulu atu lea o Ia I le mea o taoto ai le teineititi.⁴¹Ua tago atu o Ia i le lima o le teineititi ma faapea atu ia te ia. “Talita, Kumi!”., o lona uiga “Afafine, oute faapea atu ia te oe, ina tulai ia i luga”.

⁴²Ua faafuasei ona tulai o le teineititi ma savali (aua e na o le 12 ona tausaga). Ua faateia i latou ma le ofo tele.

⁴³Ua Ia faatonu atu i latou, ina ia aua ne i latou ta'u atu i se tasi le mea na tupu. A ua fai atu ia te I latou ina ia latou ave ane se meaai mo le teineititi.

6¹Ona alu ese mai ai lea o Ia mai lea mea, ma agai i lona nuu, ma mulumuli atu ona so’o ia te ia. ²Ina ua oo ile aso sapati, na amata ai loa ona a’oa’o o Ia ile sunako: ua ofo le toatele o i latou na faalologo ia te Ia, ua latou faapea mai, e mai fea mea ua i lenei tagata? ao fea foi e maua mai ai lenei poto ua tuuina atu ia te Ia? e oo lava I galuega matautia ua Ia i ona aao? ³E le o le kamuata e lenei, o le atalii o Maria, le uso o Iakopo ma Iose, ma Iuta, ma Simona? E le o iai ea fo’i faatasi ma i tatou ona tuafafine? Ona ita tele ai lea o i latou ia te Ia.⁴Peitai ua fetalai mai Iesu, e leai se perofeta e mamalu i lona lava nuu, poo ona lava tagata, poo lona lava fale. ⁵Ua le mafai e Ia ona faia o ni galuega alofa i lea mea, ua na ona nai tagata na Ia faae’e iai ona lima ma faamalolo ia te’i latou. ⁶Ua ofo tele o Ia ile lē talitonu o i latou. Ua femaliu a’i o ia ile mea ma a’oa’o atu.⁷Ona valaau atu ai o Ia ile toasefululua, ma amata ona tuuina atu i latou e o, ua taito’alua, ma ua tuuina atu fo’i ia te’i latou le mana e pule ai i agaga leaga. ⁸Ua faatonu atu foi ia te’i latou, ia aua nei ave se mea tasi mo i latou ile ala, poo se ato, poo se falaoa, poo se tupe ile ato, sei vagana le to’oto’o. ⁹Ae ia faia ni o latou seevae, ma ia ave na o le ofutalaloa e tasi.¹⁰Ua ia faapea atu fo’i ia te’i latou, a outou ulufale ise fale ia outou tumau ai, seia oo ina tuua o lea mea. ¹¹O ai lava se tasi e teena ia te outou, pe le faalogo fo’i ia te outou, ia tutu atu le ele o outou vae iai latou, pe a outou tuua lea nofoaga, e fai ma tautinoga faasaga iai latou. Aua oute fai atu ia te outou, e sili atu lo latou malaia na lo Sotoma ma Komoro.¹²Ona o ai lea o i latou ma a’oa’o atu ina ia maua le salamo i tagata. ¹³Ua latou tutuli i fafo le tele o agaga leaga, ma faau’u atu ie mama’i ile suau’u paia, ma faamalolo ia te’i latou.¹⁴Ua faalogo le tupu o Herota i ia mea ( aua ua tautaua lona igoa) ona faapea mai lea o ia, o Ioane le papatiso ua toe tu mai o ia, ma o le mafuaaga lea ua ia faia ai o ia faailoga matautia. ¹⁵A ua fai mai isi, O Elia. A’o isi ua fai mai o le perofeta poo se tasi o le au perofeta.¹⁶A’o Herota ina ua faalogo iai o ia, ua faapea mai o Ioane lenei na ou tipi ina lona ulu, ua toe tu mai. ¹⁷Aua o Herota lava na ia tuuina atu ia Ioane ile falepuipui ona o Herotia le toalua o lona uso o Filipi, ua ia toe faaipoipo atu iai.¹⁸Aua na faapea ifo Ioane ia Herota, e le faatulafonoina le toe nonofo ma le toalua o lona lava uso. ¹⁹Ona ita ai lea o Herotia ia te ia, ma ia fia faaoo ai le oti ia te ia, ae peitai ua le mafai. ²⁰Aua ua mata’u Herota ia Ioane, aua o ia o se tagata amiotonu ma paia, ma sa ia matamata ia te ia, i galuega e tele na ia faia ma ia faalogo iai.²¹Ae ina ua oo tonu lava ile aso fanau o Herota, sa ia saunia ai se tausamaaga mo I latou ma ona alii, ma taitai au ma tagata maualuluga o Kalilaia. ²²Na sau ai lea o le tama tenie a Herotia ua siva ma ua faafiafiaina ai Herota, ona ia fai atu ai lea ia te ia, Ina fai maia ia te a’u ise mea oute faia, ona ou avatua lea ia te oe.²³Ua tauto foi o ia ia ua faapea atu, o le a lava se mea e fai mai ai oute faia, oute avatua lava ia te oe, e oo lava ile vaeluaina o lo’u malo. ²⁴On alu ai le o le teine ua fesili i lona tina. O lea a ea se mea oute fai atu ai? Ona tali mai lea o ia, O le ulu o Ioane le Papatiso. ²⁵Ona sau ai loa lea o ia ile tupu ma faapea atu, oute manao e te aumaia ia te a’u le ulu o Ioane le papatiso i luga o le tanoa.²⁶Ona matua salamo ai lea o le tupu, ae ua le mafai ona o lana tautoga ua faia i luma o i latou ua saofafai ma ia, ua le mafai ai ona ia tete’e atu ia te ia. ²⁷Ona auina faavave atu ai lea e le tupu o le faaoosala, ina ia aumaia le ulu o Ioane mai ile falepuipui. ²⁸Ma tuuina mai lona ulu i luga o le tanoa, ma tuuina atu ile teine ona tuuina atu lea e le teine i lona tina. ²⁹Ua faalogo iai ona soo, ona latou omai ai lea ma ave lona tino ma tanu ile tuugamau.³⁰Ona faapototpoto mai ai lea o au aposetolo ia Iesu, ua latou faamatala atu ia te ia o mea sa latou faia ma mean a latou aoao atu ai. ³¹Ona fetalai atu lea o Iesu ia te’i latou, ina ia omai ile mea tuufua e malolo ai ma aai ….(ua gata la’u translation ina…lol) ³²Ona latou o ese ai lea ma ua o ise nofoaga tuufua ile vaa.³³Ae ua iloa atu e tagata ua latou o ese, ua iloa foi Iesu e le tele o tagata, ua omai i latou mai taulaga eseese, ua latou tamomoe ma tuli vae mai ia tei latou, ma ua muamua ane ia tei latou. ³⁴Ona sau ai lea o Iesu ua vaai atu I tagata ona mutimutivale ai lea o lona alofa ia tei latou, aua ua pei i latou o mamoe ua leai se leoleo mamoe, ona ia aoao atu ai lea ia te i latou o mea e tele.³⁵Ua alu le aso, ona omai ai lea ona soo ia te Iesu ua faapea mai, o le nofoaga tuufua lenei mau leva foi e taimi. ³⁶Ina tuu atu ia ia te’i latou e o ile aai ma faatau mai ni a latou meaai, aua e leai ni a latou meaai.³⁷Ua tali mai o ia ua faapea mai, ina avatu ni meaai mo i latou, a ua latou faapea mai, e matou te o atu ea e faatau mai ni falaoa e tusa lona tau ma le luaselau le tupe, ma tuuina atu latou te aai ai? ³⁸Ua fai atu Iesu ia te i e fia ni falaoa o ia te outou? Ina o atu ia e vaai. Ina ua latou iloa le aofai, ona latou fai ane la ia te Ia, e lima ma I’a e lua.³⁹Ona ia faatonu lea o le au soo e faanonofo tagata uma i lalo i luga o le vao, i vaevaega. ⁴⁰Ona latou nonofo ai lea e tusa ma le ituaiga, ua ta’i selau ma le ta’i limasefulu. ⁴¹Ua tago Iesu ile lima falaoa ma i’a e lua, ua tepa a’e o Ia ile lagi, ua faamanuia, ma tofitofi falaoa ma tuuina atu i ona au soo e tufatufaina atu i o latou luma, faatasi ai ma i’a e lua, ua vaevae mo i latou uma.⁴²Ona latou aai uma ai lea ma ua maoona. ⁴³Ona latou aumaia ai lea o ato e sefululua, ua tutumu I nuti falaoa ma i’a. ⁴⁴O i latou uma na aai I falaoa e tusa ma le limaafe o tamaloloa.⁴⁵Ina ua maea, ona taofi ai lea e Iesu o ona soo ina ia o atu loa ile vaa ma o atu i Petesaita, ae ua ia faliu ane ma tuuina atu le motu o tagata ia o. ⁴⁶Ina ua tuuina le motu o tagata ia o, ona agai ai loa lea o Iesu ile mauga e tatalo ai. ⁴⁷Ua oo ile po, ua oo foi le vaa ile ogatotonu o le sami, ao Iesu ua iai na’o ia ile elele matu.⁴⁸Ua ia vaai atu i ona ua lailoa i latou ile tau alo ina o le vaa, aua ua malosi tele mai le matagi. Ina ua oo le leoleoga e fa o le po, ona sau ai lea o Iesu ia te’i latou, ua savali mai o ia i luga o le sami. ⁴⁹Ua latou iloa atu o ia o savali mai i luga o le sami, a ua latou faapea o se agaga, ona latou fetagisi ai lea. ⁵⁰Aua na latou iloa mai o Iesu, au le mautonu i latou. Ona fai mai lea o Iesu ia te’i latou, Aua tou te popole, o a’u lava lenei, aua foi le fefe.⁵¹Ona sau ai lea o Iesu i luga o le vaa ia te’i latou, ona uma ai lea o le matagi, ona maofa tele ai lea o i latou ai lea mea, ma ua latou manatunatu ai. ⁵²Aua latou te lei manatu ile vavega i falaoa, ona o le maa’a o o latou loto.⁵³Ua oo i latou I Kenesareta ona taula ai lea o le latou vaa. ⁵⁴Ua o i latou i lalo ma le vaa, ona iloa ai lea o Ia e tagata. ⁵⁵Ua latou taufetuli ua faatamilo i le aai, ma ua amata ona ta sii mai i moega o e ua mama’i, ina ua latou faalogo ua sau o ia.⁵⁶Ina ua ulufale atu Iesu ile aai, ma nuu, ma taulaga, faapa ma nuu i tua, ua latou fola o e mama’i ile auala, ma latou faapea ane, afai ae pa’i ane ile pito o ona ofu, ma o i latou uma na pa’i ia te ia, na faamaloloina i latou.

7¹Ona potopoto ai lea o Faresaio ma nisi o le au tusiupu na o mai mai Ierusalema, ua latou fa'atasi ma Iesu.²Ua latou va'ava'ai i nisi o Ona so'o o lo'o a'ai i latou ma lima palapalā, o lona uiga, e lei fafanoina. ³(Ona o tū ma aga a toeai'ina, o lo'o tausisi ai Faresaio ma Iutaia uma, e le 'ai se tasi sei vagana ua fafano mamā o latou lima. ⁴A foi mai foi Faresaio mai le maketi, e le a'ai i latou sei vagana ua tae'ele, faapea foi nisi o tū ma aga ua latou taliaina e pei o le fufuluina o ipu, ulo, ipu õmea, ma nofoa ai.⁵Ona fesili lea o Faresaio ia Iesu, "Aisea e le savavali ai au so'o i tū ma aga a toeai'ina ma le a'ai ai e le fufuluina o latou lima?"⁶Ua fai atu o Ia ia te'i latou, "Ua moni le perofeta ane a Isaia ia te outou tagata faafoliga. E pei ona tusia, 'O nei tagata ua latou āva mai ia te a'u ma o latou laugutu, ae o latou loto ua mamao lea ma a'u. ⁷E fai fua mai le latou vi'iga, ma ua outou a'oa'o a'oa'oga a tagata e fai ma outou talitonuga.'⁸Ua outou tia'i tulafono a le Atua a ua outou taofi i tū ma aga a tagata." ⁹Ua Ia toe fai atu foi ia i latou, "Ua outou tia'iina o tulafono a le Atua ina ia outou taofi i o outou tū ma aga! ¹⁰E pei ona fai mai Mose, ' Ia e ava i lou tama ma lou tina,' ma lea, 'O se foi e tautala leaga i lona tama poo lona tina e fasioti o ia.'¹¹A ua outou fai mai, 'A fai ane se tasi i lona tamā po'o lona tinā, "O leā lava le fesoasoani e mafai ona outou maua atu ia te a'u, o le kopano (o lona uiga, o le taulaga), ¹²ona outou le fa'atagaina ai lea o ia e fai se mea ma lona tamā po'o lona tinā. ¹³Ua outou fa'aleaogaina le Upu a le Atua i o outou tū ma aga tu'ufaasolo i tupulaga, ma nisi lava mataupu faapena."¹⁴Ua toe vala'au atu o Ia ma fa'apea atu, "Faalogo mai ia outou uma, ma ia malamalama. ¹⁵E leai se mea e mai fafo o le tagata e fa'aleagaina ai o ia pe a o'o atu i totonu. O le mea e sau i fafo mai le tagata e faaleagaina ai o ia. Afai e iai se tasi e iai taliga, I am faalogo mai ia o ia.¹⁷Ua tu'ua e Iesu le potopotoga ma ulufale atu i le fale, ona fesili atu lea o Ona so'o ia le Ia e fa'atatau i le fa'ataoto. ¹⁸Ua tali atu Iesu, "Tou te le malamalama ea? Tou te lei iloa e so'o se mea e alu i totonu o le tagata mai i fafo e le mafai ona fa'aleagaina ai o ia, ¹⁹ona e le mafai ona o'o i lona loto, ae alu i le manava ona alu ai lea i fafo?" I lena upu, na ta'ua ai e Iesu o mea'ai uma e mama.²⁰ fai atu o Ia, "O mea e sau mai totonu o le tagata e faaleagaina ai o ia. ²¹Aua o mea mai totonu o le tagata, e mai lona loto, e sau ai mafaufauga leaga, faita'aga, gaoi, fasioti tagata, ²²mulilua, mana'o mea, amio leaga, taufa'aoleole, amio valea, matape'ape'a, taufaaleaga, fa'asausili ma le valea. ²³O mea ia e mai totonu, ma e faaleagaina ai le tagata."²⁴a malaga ese atu lea o Iesu i le itu o Turo ma Saitonu. Na ulu atu o Ia i se tasi fale, e lei finagalo e iloa e se tasi o Ia, ae sa lei mafai ona sola ese mai ai. ²⁵O se fafine o lana tama teine ua ulutinoina e se agaga leaga na fa'alogo e uiga ia te Ia, ua sau lea ma fa'apaū i Ona vae. ²⁶O le fafine Eleni, o le Suria foi na fanaua, ma ua aioi atu ia Iesu ina ia tulia le temoni mai lana tama teine.²⁷Na fai atu ai Iesu, "e mua'i fafaga muamua fanau a tagata, aua e le tatau ona lafoa'i meaai a tamaiti i maile."²⁸A ua tali atu le fafine ia Iesu, "Ioe, le Alii, e o'o lava i maile o lo'o a'ai i manuti o mea'ai a tamaiti i lalo o le laulau."²⁹a fai atu lea o Iesu ia te ia, "Ona o lau tali, alu ia oe, ua alu ese le temoni i lau tama teine." ³⁰Ona toe foi ai lea o ia i lona fale, ua iloa lana tama o lo'o taoto, ua alu ese foi le temoni.³¹Ua toe tu'ua e Ia o Turo, ae ui atu i Saitonu o Kalilaia, i le itulagi o Tekapoli. ³²Na aumaia e tagata se tasi ua tutuli ma ua tau lē tautala, ma aioi atu ia Iesu ina ia fa'ae'e atu ona lima ia te ia.³³ ave'ese mai e Iesu o ia mai le motu o tagata, ma tu'u Ona tamatama'ilima i taliga o le tamāloa, ma feanu, ma pa'i atu i lona laulaufaiva. ³⁴Na tepa a'e o Ia i le lagi, ma mapuea ma faapea atu, "Efata," o lona uiga, "Ia tatala!". ³⁵O le taimi lava lena na fa'alogo ai le tamaloa, ua matala lona laulaufaiva, ma ua manino lana tautala.³⁶Ua fa'atonu atu e Iesu i le motu, e aua nei taua i se tasi le mea na tupu ae o le tele lava o le fai atu o Iesu i lana fa'atonuga, o le tele foi lena o lo latou faasalalauina o le tala. ³⁷Ua matua'i ofo i latou ma faapea ane, "Ua Ia fai mea uma ua lelei, e o'o lava i le tutuli ua faalogo ma le gūgū ua tautala.

8¹O ia ona aso, sa iai le motu o tagata e toatele ae ua leai ni a latou mea e ai. Na vaalaau atu Iesu i ona soo ma faapea/fetalai atu, ²Ua ou alofa tele i le motu o tagata ua tolu/lua aso o tatou faatasi pea ae leai ma se mea e ai. ³Afai ou te tuuina atu i latou e o i le fale e aunoa ma se mea e ai, e matelaina/matapogia/faaletonu i latou i le ala." Ona tali atu lea o ona soo, ⁴"O fea matou te maua mai ai ni falaoa/areto e fafaga ai i latou i lenei vao?"⁵Na ia fesili atu iai latou, "E fia ni areto o ia outou?" Na latou tali mai, "E fitu". ⁶Na ia fetalai atu i le motu o tagata ina ia latou taooto/nonofo i lalo. Na ia tago i areto e fitu, ua faafetai, ma tofitofi. Na ia avatu i ona soo latou te laulauina atu i le motu o tagata.⁷Sa iai latou foi ni i'a lauiti, na ia faafetai, ona ia tuuina atu lea i le au soo e tufatufaina atu. ⁸Na latou aai, ua maoona, ona latou fue lea o toe aiga/toega meaai i ato/ete e fitu. ⁹E tusa ma le fa afe tagata. Ona ia tuuina atu lea o i latou e o. ¹⁰Na faatalise ane o ia i le vaa ma ona soo ma latou malaga atu i le aai/itumalo Tamanuta.¹¹Ona o mai lea o le au faresaio ua finau ma ia. Sa latou saili ia te ia se faailoga mai le lagi ma faaosooso ia te ia. ¹²Ona oi/mapuea/mafaufau loloto lea o ia i lona finagalo ma fetalai atu, "E moni, ou te fai atu ia te outou, e leai lava se faailoga e avatua i lenei tupulaga". ¹³Ona ia tuua lea o i latou, ua maliu ane i le vaa ma folau atu i le tasi itu.¹⁴Na galo i le au soo ona ō ma ave ia lava ni areto. Ua na o le tasi lava le aeto sa iai. ¹⁵Na ia apoapoai i ai latou ma fetalai atu, "Mataala ma alo ese i mea faafefete a le au Faresaio ma Herota."¹⁶Na felafolafoai/finau le au soo i le leai o se areto. ¹⁷Na silafia e Iesu ona ia fetalai atu lea, "Aisea tou te le felafolafoai ai ina ua leai ni areto? Tou te le au iloa pe malamalama ea? Ua faamaaa pea ea outou loto?¹⁸E iai outou mata ae tou lei vaai lava pe iloa atu se mea? E iai outou taliga ae tou te le lagona, pe malamalama ea? Ua galo foi ia outou? Tou te le manatua ea? ¹⁹Na ou tofitofiina areto e lima mo le lima afe o tagata, ae fia ea ato/ete tutumu i toe aiga/toega o areto na outou aoina/fueina?²⁰Na ou tofitofi areto e lima i le lima afe o tagata, ae fia ea ato tutumu i toe aiga o areto na outou aoina/fueina? Ina ua tofitofiina areto e fitu mo le fa afe, e fia ato/ete na tutumu i toe aiga/toega meaai na tou aoina? Na latou tali atu, E fitu. ²¹Na ia fetalai atu, :"Tou te le i malamalama ea?"²²Na taunuu/oo i Petesaita. Na aumai ia te ia se tagata/tane tauaso ma latou aioi ia Iesu ina ia pai ane ia te ia. ²³Na aapa atu lea o Iesu i le lima o le tauaso ma taitai i fafo o le aai. Na ia feanu i ona mata ma faaee ona aao i ona luga, ma ia fesili ia te ia, " Ua e iloa atu se mea?"²⁴Na tepa ane o ia i luga ma faapea mai, " Ua ou iloa atu tagata ua pei on ni laau o loo savavali." ²⁵Na toe faaee ona lima i luga o ona mata; ua toe lelei lana vaai, ma ua manino mea uma i lana pupula. ²⁶Na tuuina atu e Iesu o ia ina ia toe foi i lona aiga ma faapea atu, " Aua e te ulufale atu i le aai"²⁷Na maliu atu Iesu ma ona soo i le aai o Kaisareia Filipo; Ao agai atu i le ala; na ia fesiligia ona soo; "Faimai e a tagata/O le a se tala a tagata, O ai au? ²⁸Na latou tali mai, " O Ioane le Papatiso". Na faimai nisi, "O Elia", ao isi, "O le tasi o le au perofeta".²⁹Na ia fesili iai latou; "Ao le a sa outou tali. o ai au? Na tali Peteru; " O oe o le Keriso" ³⁰Na vavao atu e Iesu iai latou, ina ia aua nei latou faailoa atu o ia i soo se tasi.³¹Na amata ona ia aoao atu iai latou, e tatau i le Atalii o le Tagata ona tiga i mea e tele; e teena foi o ia e toeaiina,ma le au ositaulaga sili ma le au tusiupu ma fasiotia foi o ia, ae toetu i le aso tolu. ³²Na ia faailoa manino lea feau. Ona ave lea o ia e Peteru ma vavao ia te ia.³³Ae peitai, na faliu Iesu ma silasila ane i ona soo ona ia vaval lea ia Peteru ma fetalai/faapea atu. " Alu ia i o'u tua Satani. E te le loto i mea a le Atua, ao mea a tagata. ³⁴Ona ia valaau faatasi lea o ona soo ma le motu o tagata ma fetalai atu iai latou, "A iai se tasi e fia mulimuli mai ia te a'u, faafiti o ia ia te ia, amo lona satauro ma mulimuli mai ia te au.³⁵Aua ai se fia faasaoina lona ola, e maumau; ao le faamaumau lona ola ona o a'u ma le talalelei e faasaoina e ia. ³⁶O le a le aoga/lelei i le tagata na te maua ai le lalolagi uma ae maumau ai lona ola? ³⁷O le a se mea e avatu e le tagata e togiola ai lona ola?³⁸Aua o ai lava se ma ia te a'u ma la'u upu i lenei tupulaga mulilua ma le agasala, e ma foi le Atalii o le Tagata ia te ia, pe a sau o ia i le mamalu o le Tamā ma le au agelu paia.

9¹Ua fetalai atu foi o ia ia te i latou, “E moni, ou te fai atu ia te outou, o loo tutū mai i inei nisi o outou e lē oo i le oti seia latou vaai atu i le oo mai o le malo o le Atua ma le mana.” ²Ua mavae aso e ono, ona ave lea e Iesu o Peteru ma Iakopo ma Ioane faatasi ma ia i le mauga maualuga, na o i latou lava. Ona liua lea o ia i o latou luma. ³Ua pupula ona ofu, ua matuā paepae lava, ua pei o le kiona, e leai foi se tagata taofu i le lalolagi na te mafaia ona faasinasina faapena.⁴Ona fa‘aali mai lea ‘ia te i latou o Elia ma Mose, ua latou talatalanoa ma Iesu. ⁵Ua tali atu Peteru, ua faapea mai ia Iesu, “Rapi e, e lelei ona tatou nonofo ‘iinei ia matou faia ni fale puipui se tolu, o le tasi mo oe, o le tasi mo Mose, ma le tasi mo Elia.” ⁶(Auā ua lē iloa e ia se mea e fai atu ai, auā ua matuā fefefe lava i latou.)⁷Na oo mai le ao ma ufitia ai i latou. Ona sau ai lea o le siufofoga mai le ao, “O lo‘u atalii pele lenei, ia outou faalogo ia te ia.” ⁸Ua fa‘afuasei foi ona vaavaai solo i latou, ua lē toe iloa atu se tasi faatasi ma i latou, na o Iesu lava.⁹Ua ō ifo i latou i le mauga, ona vavao atu lea o ia ia te i latou, aua nei tau atu i se tasi le mea na latou vaai i ai, seia toetu mai le Atali‘i o le Tagata nai ē ua oti. ¹⁰Ona latou taofi ai lea o le mataupu, a ua latou fetautalatalai po o le ā le uiga o le “toe tū mai nai ē ua oti.”¹¹Ua fesili atu i latou ia te ia, “Aisea le mea ua fai mai ai le au tusiupu e tatau ona muai sau Elia? ¹²Ua fetalai atu foi o ia ia te i latou, “E muamua sau Elia e toe fa‘afo‘isia/fuatai mea uma. Aiseā la ua tusia ai e tatau ona tigāina le Atalii o le Tagata i mea e tele, ma inosia? ia te ia, e pei ona tusia ia te ia.” ¹³Ae ou te fai atu ia te outou, na sau Elia, ae ua latou faia foi mea uma na latou mananao ai ia te ia, e pei ona tusia ia te ia.”¹⁴Ua o‘o atu i latou i le au soo, ona latou iloa ai lea le motu o tagata e toatele o loo vagavagai ia te i latou, ma o loo latou finau ma le au tusiupu. ¹⁵Ua vaai atu i latou ia Iesu, ona matuā ofo ai lea o le motu o tagata uma, ma ua taufetuli mai ia te ia, ma faafeiloai ia te ia. ¹⁶Ua fesili atu o ia i ona soo, “Aisea le mea tou te fefinauai ai ma i latou?”¹⁷Ua tali mai le tasi i le motu o tagata, ua faapea mai, Le aoao e, ua ou aumaia lo'u atalii ia te oe. Ua ia te ia le agaga ma ua le mafai ai ona tautala. ¹⁸Ua pue ia te ia ma lafo ifo i lalo, ‘na faua ai lea o lona gutu, ua lilivau ona nifo, ua maaa. Ua ou fai atu foi i ou soo e tutuli ese ia te ia, ae lei mafaia e i latou.” ¹⁹Ua tali atu o ia ia te i latou, “O outou o le tupulaga lē fa‘atuatua, o le ā le umi ou te nofo ai ma outou? O le ā le umi ou te onosai ai ia te outou? Aumaia o ia ia te au."²⁰Sa latou aumaia le tama ia te ia. Ua iloa atu e le agaga Iesu, na faafuasei ona faataafiti loa lea o ia e le agaga. Na paū le tama i le eleele ma faua lona gutu. ²¹Ua fesili atu Iesu i lona tamā, “O le ā le umi talu ona ia faapenei?” Ona fai atu lea o le tamā, “Talu mai lava o itiiti o ia. ²²Ua lafo soo o ia i le afi po o totonu foi o le vai ina ia fano ai o ia. Afai e te mafaia o se mea, ia e alofa mai ia te i maua ma fesoasoani mai.”²³Ua fetalai atu Iesu ia te ia, “‘Āfai e te mafaia? E mafaia mea uma lava mo lē e faatuatua.” ²⁴Ona alaga loa lea o le tamā o le tama, ua faapea mai, "Ua ou talitonu, ia e fesoasoani mai i lo‘u le talitonu." ²⁵Ua silasila atu Iesu i le motu o tagata ua taufetuli mai ia te i latou, ona vavao atu lea o ia i le agaga leaga, ua faapea atu, "Le agaga o le gūgū ma le tutuli, ou te faatonuina oe, ina alu ia i fafo mai ia te ia, aua foi tou te toe ulu atu i totonu ia te ia."²⁶Ua alaga ma matuā tetete le tama ona sau ai lea i fafo. Ua foliga mai o le tama na oti, o lea ua faapea mai ai le toatele, "Ua oti o ia." ²⁷A ua tago atu Iesu i lona lima ma faatū ia te ia; ona tulai lea o le tama.²⁸Ua ulufale atu Iesu i le fale, ona fesili ifo lea o ona so‘o ia te ia, “Aisea a le mea na matou lē mafai ai ona tulia o ia?” ²⁹Ua fetalai atu foi o ia ia te i latou, “Ua na o le tatalo e mafai ai ona ō ese o mea faapena."³⁰Ua ō atu i latou nai lea mea, ma ui ane i Kalilaia. E lei finagalo o ia e iloa e se tasi le mea o i ai i latou, ³¹auā o loo aoao atu o ia i ona soo. Ona fetalai atu lea o ia ia te i latou, “E tuuina atu le Atalii o le Tagata i lima o tagata, latou te fasioti ia te ia; ³²A ua lē malamalama i latou i lea upu, ona fefefe ai lea o i latou e fesili atu ia te ia.³³Ona latou oo atu lea i Kapanaumi. Ua ulu atu o ia i le fale, ona fesili atu lea o ia iā te i latou, “Aisea ea ua outou felafolafoai ai i le ala?” ³⁴A ua latou le tautala. Auā sa latou fefinauai i le ala po o ai e sili. ³⁵Ua ia nofo i lalo, ona valaau atu lea o ia i le toasefulu ma le toalua, ua fetalai atu foi o ia ia te i latou, "Afai e fia muamua se tasi, e avea o ia ma mulimuli i tagata uma ma auauna a tagata uma.”³⁶Ua ia ave foi se tamaitiiti ma faatu o ia i o latou luma. ‘Ua na siitia o ia i ona lima, ona fetalai atu lea ia te i latou, ³⁷“O lē na te talia se tamaitiiti faapenei i lo‘u igoa, ua talia a‘u e ia; ai se talia au, e le o au ua ia talia, a o ia na auina mai a'u.³⁸Ua fai atu Ioane ia te ia, “Le Aoao e, na matou vaai i se tasi ua tulia temoni i lou suafa, ona matou vavao lea o ia, auā e lē mulimuli mai o ia iā te i tatou.” ³⁹A ua fetalai atu Iesu, “‘Aua e te vavao ia te ia, auā e leai se tasi na te faia le galuega mamana i lo‘u igoa, na te mafaia ona vave tautala i su upu leaga ia te au.⁴⁰O lē e lē tetee mai ia i tatou, e au o ia ma i tatou. ⁴¹O lē na te avatua ia te outou se ipu vai e inu ai i lo‘u igoa, auā e o Keriso outou, e moni, ou te fai atu ia te outou, e lē māumau ia te ia lona taui.⁴²O sē fa‘asesēina se tasi o i latou nei e fa‘atauvaa o ē faatuatua mai iā te a‘u, e lelei pe a nonoa se ma‘aolo tele i lona ua ma lafoina i le sami. ⁴³Afai e te tausuai i lou lima, ina tipi ese ia. E lelei ona e sao i le ola ma lou lima mutu, ae leaga ona lua o ou lima ma e alu i Kena, i le afi e lē matineia. ⁴⁴O iai e le mamte o latou ilo, e le tineia foi le afi.⁴⁵A faatausuaiina foi oe e lou vae, ina tipi ese ia. E lelei ona e sao i le ola ma le pipili, nai lo le lafoina o ou vae e lua i Kena. ⁴⁶O iai e le mamate o latou ilo, e le tineia foi le afi.⁴⁷Afai e te tausuai i lou mata, ia sali ese; E lelei ona e sao atu i le malo o le Atua ma le mata e tasi, nai lo le lafoina o ou mata e lua i Kena, ⁴⁸i le mea e lē mamate ai o latou ilo, e lē tineia foʻi le afi.⁴⁹Aua o le a faamasimaina tagata uma i le afi. ⁵⁰E lelei le masima, ae afai e magalo le masima, e faapefea ona e toe faasima? Ia outou faatasi ma le masima, ma ia outou filemu le tasi i le isi.”

10¹Ua alu ese o ia mai se tasi o nofoaga ma alu atu i Iutaia ma o'o i tala atu o Ioritana, ona omai ai lea o tagata toatele ia te ia. Ua ia aoao atu foi ia te i latou e pei o lana masani. ²Ua o atu foi le au faresaio ia Iesu ma tofotofo ia te ia, ua latou tu'u fesili atu foi ia te ia "pe fa'atagaina ea i le tulafono ona tatalaina le fa'aipoipoga". ³Ua tali atu foi Iesu "o le a le poloaiga a Mose ia te outou". ⁴Ua latou tali mai "faimai Mose e tatau i le tane ona ia faia se tusi aloaia e tatalaina ai le fa'aipoipoga."⁵Ua tali atu Iesu ma faapea atu, "ona o le ma'a'a o tou loto na ia tusia ai le tulafono". ⁶Ae peitai "na faia e le Atua le tama ma le fafine i le amataga.⁷O le mea lea e tatau ai i le tane on tu'ua o lona tamā ma lona tinā ae fa'atasi atu i lona avā, aua ua tino e tasi i la'ua. ⁸Ua le toe lua tino ae ua tasi. ⁹O le mea lea e le tatau ai i se tasi ona faaleaogaina le feagaiga na tu'u fa'atasia e le Atua."¹⁰A o latou nonofo i totonu o le fale, ua toe fesili le auso'o ia te ia e uiga i le mataupu sa aumaia e le au faresaio. ¹¹Ua ia fetalai atu "O ai lava e tete'a ma lona avā ae fa'aipoipo atu i le tasi fafine, ua ia mulilua lava. ¹²Afai foi e tetea le fafine ma lona tane ua ia mulilua.¹³Ona aumai ai lea o tamaiti ia te ia, se ia pa'i atu ai o ia, ae ua taofi e le auso'o tamaiti. ¹⁴Ua iloa atu e Iesu, ona le fiafia ai lea o ia ma ia fetalai atu "Ina tu'u maia tamaiti e omai ia te au ae aua le taofi'ina i latou, aua o le malo o le Atua e fai mo i latou.¹⁵E moni oute fai atu ia te outou, o ai lava na te le taliaina le malō o le Atua fa'apei o tamaiti e le mafai lava ona ulufale atu o ia i le malō. ¹⁶Ua ia si'i tamaiti i ona a'ao ma fa'amanuia i latou.¹⁷Ua amata lona faigamalaga, o le tasi tama mauaoa sa momoe ma toatuli i ona luma ma fesili ia te ia "Le aoao e, o le a se mea ou te faia ou te mauaina ai le ola e fa'avavau?" ¹⁸Ua tali atu Iesu, "Aisea ua e faimai ai o au e lelei? E leai lava se tasi e lelei ua na o le Atua. ¹⁹Ua e iloa le tulafono: "Aua e te fasioti tagata, aua e te mulilua, aua e te gaoi, aua e te molimau pepelo, aua e te taufa'asese, ia e ava i lou tama ma lou tina."²⁰Ua tali atu le tama mauia ia te ia "le aoao e, o tulafono uma sa ou tausia ma usitaia talu mai lou talavou. ²¹Ua silasila atu foi fofoga o Iesu ma vaai alofa atu ia te ia, ua fetalai atu, e tasi le mea e le o atoa ia te oe, ia fa'atau atu au oa ie matitiva ona e maua ai le o le oa i le lagi. Ona e sau loa lea ma mulimuli mai ia te au. ²²Ua fa'anoanoa foi le mauoa aua e tele ona meatotino.²³Ua silasila atu foi Iesu ma fesili atu i ona auso'o, "o le a le mea e faigata ai i e mauoa ona ulufale atu i le malo o le Atua". ²⁴Ua maofa foi le ausoo. Ua toe fetalai atu Iesu "Fanau e, o le a le mea e faigata ai i e mauoa ona ulufale atu i le malo o le Atua". ²⁵E faigofie i le kamela ona ofi i le pu o le nila na i lo'o le mauoa e ulufale atu i le malo o le Atua.²⁶Ua ofo tele le auso'o ma fetautalatala'ai le tasi i le tasi ma faapea ifo, o ai la e fa'asaoina. ²⁷Ua fetalai atu le Iesu ia te i latou "i le tagata e faigata mea uma ae leai se mea e faigata i le Atua". ²⁸Ua fai atu foi Peteru ua matou tu'ua mea uma ma mulimuli atu ia te oe.²⁹Ua fetalai atu foi Iesu , "E moni oute fai atu ia te oe, e leai se tasi ua alu ese ma lona fale, po'o lona uso, po'o lona tuafafine, poo lona tamā, poo lona tinā, po'o lona fanau, po'o lana fanua mo a'u ma le talalelei, ³⁰na te le mauaina fa'aselau le taui o le olaga nei, o uso ma tuafafine, ma tinā, ma fanau, ma fanua, i le o'o mai foi o fa'asalaga, ma le olaga o le a sau o le ola e fa'avavau ia. ³¹E toatele i latou e muamua o le a mulimuli, o e foi e mulimuli o le a muamua.³²Ua malaga atu foi i Ierusalema ma ua muamua atu foi Iesu ia te i latou. Ua ofo foi le auso'o ma o e sa mulimuli mai i tua ua fefe i latou. Ua ave foi Iesu le auso'o ma fa'amatala ai mea o le a o'o mai ia te ia. ³³"Vaai o lea tatou te o i Ierusamela, ma o le Atali'i o le Tagata o le ave i luma o le au ositaulaga sili ma le au faresaio." O le a latou fa'asalaina o ia ma fasioti ia te ia ma lafoaina o ia i nu'u ese. ³⁴Latou te tauemu ia te ia, feanu ia te ia, sasa ia te ia ma fa'asioti ia te ia. Ae peitai, a mavae aso e tolu ona toe tu mai lea o ia.³⁵Ua omai foi Iakopo ma Ioane le fanau o Sepetaio ma fesili atu ia te ia "le aoao e, ma ua te mananao e te faia mea ma te ole atu ai ia te oe. ³⁶Ua tali atu foi o ia "o le a le mea lua te mananao oute faia mo oulua". ³⁷Ia e fa'atagaina ona maua nonofo i lou mamalu, o le tasi i lou itu taumatau a o le isi i lou itu tauagavale.³⁸Ua tali atu foi Iesu "E te lua le iloa le mea ua lua fai mai ai". E mafai ona e inu i le ipu oute inu ai, ma papatiso ile papatisoga oute papatiso ai. ³⁹Ua tali atu foi i laua ia te ia, ma ua te mafaia lava. O le ipu oute inu ai e te lua inu ai, e papatiso foi oulua i le papatisoga ou te papatiso ai, ⁴⁰a o le nofo i le itu taumatatau ma le itu tauagavale e le o a'u e avatua, ae mo e ua nofo tapena.⁴¹Ua tiga foi le auso'o e toasefulu ia Ioane ma Iakopo ina ua latou fa'alogo atu i lea mea. ⁴²Ua fai atu foi Iesu ia te i latou, "Tou te iloa o e pule i nu'u ese e pulea i latou, o ofisa sili foi latou te fa'aogaina le pule.⁴³Ae peitai e le o le auala lea mo outou. O ai lava e fia sili ia te outou, ia avea o ia ma auauna, ⁴⁴o ai foi e fia muamua ia te outou ia fai o ia ma pologa ia te outou. ⁴⁵Aua o le Atalii o le Tagata e le i sau o ia ina ia pule, ae ia tautua ma foai atu lona ola mo le toatele.⁴⁶Ua latou o'o atu i Ieriko. O le a tu'ua foi e ia ma le auso'o o Ieriko, ua omai foi le motu o tagata e toatele, a o lo'o nofo foi le tauaso e aisi e igoa ia Patimaio o le atalii o Timaio i le auala. ⁴⁷Ua fa'alogo foi o Iesu le Nasareta, ua ia valaau ma le leotele "Iesu, le alo o Tavita, ia e alofa mai ia te au!". ⁴⁸E toatele na vavao ma fa'afifilemu ia te ia, ae atili ai ona ia valaau ma le leotele "le Atali'i o Tavita, alofa mai ia te au!"⁴⁹Ua tu foi ma faatonu e valaau atu ia te ia. Ua latou valaau i le tauaso ma fai atu ai, "Ia e toa! Tu i luga o lo'o valaau mai o ia ia te oe". ⁵⁰Ua ia togi ese le ofu talaloa ma savali atu ia Iesu.⁵¹Ua fetalai atu Iesu ia te ia "o lea le mea e te manao ou te faia mo oe?" Ua tali mai le tauaso "Raponi e, ou te fia pupula." ⁵²Ona fetalai atu lea o Iesu ia te ia, ina alu ia, o lou faatuatua ua e malolo ai. ‘Ona pupula ai lea o ia ma mulimuli atu lea ‘iā te ia i le ala.

11¹A o latou ō mai i Ierusalema, ua latalata i latou i Petefake ma Petania i le Mauga o Olive, ona aauina atu lea e Iesu o ona soo e toalua ²‘ona fai atu lea o ia ‘iā te i laua, “Ina o atu i totonu o le nu’u o lo’o fa’afeagai ma i tatou. O le taimi lava e te lua ulu atu ai i ai, e te maua ai se tamaʻi asini e leʻi tiʻetiʻe ai se tasi. Tatala ma aumai ia te au. ³Afai e fai mai se tasi iā te oulua, 'Aisea ua e lua faia ai lenei mea?' e tatau ona e fai atu, ‘Ua mana‘omia e le Ali‘i, ma o le a vave ‘ona toe fa‘afo‘i mai ‘iā te ia.’”⁴‘Ona ō lea o i lā‘ua ma maua ai le tama‘i asini o lo‘o nonoa i le faitoto‘a i fafo o le auala, ona laua tatalaina lea. ⁵Ua tutū mai fo‘i isi tagata ma fai atu ‘iā te i laua, “O le a le lua mea o fai, ua tatala ai lena tamai asini?” ⁶‘Ua laua tali atu ‘iā te i latou e pei ‘ona fetalai atu ai o Iesu ‘iā te i laua, ‘ona tu‘u atu lea o i laua e le nu‘u e ō.⁷‘Ona latou ‘aumai lea o le tama‘i asini ‘iā Iesu, ‘ua fa‘ae‘e o latou ‘ofu i luga, ‘ona ti‘eti‘e ai lea o ia. ⁸E to‘atele tagata na fofola o latou ‘ofu i le ala, a o isi na fofola lala na latou tipiina i le fanua. ⁹O ē na muamua atu ‘iā te ia, ‘atoa ma ē na mulimuli atu, ‘ua ‘alaga atu, “Osana, ia manuia le afio mai i le suafa o le Alii. ¹⁰‘Ia manuia le malo o lo tatou tamā o Tavita! Osana i le mea silisili!”¹¹Ona maliu atu lea o Iesu i Ierusalema ma ulu atu i le malumalu ma vaavaai solo i mea uma. Ua oo i le afiafi, ona maliu atu lea o ia i Petania faatasi ma le toʻasefulu ma le lua. ¹²O le aso na sosoo ai, a o latou ō ese mai Petania, sa fia ‘ai o ia.¹³‘Ua va‘ai mamao atu fo‘i i le mati e i ai lau; ‘ua alu atu fo‘i o ia e va‘ai pe maua se fua i ai, ‘ua o‘o atu i ai, ‘ua na o lau, auā e le‘i o‘o i le tau o le mati. ¹⁴Ua ia fetalai atu i ai, “E lē toe ‘ai lava se tasi i lau fua.” Ona faalogo ai lea o ona soo.¹⁵‘Ua o‘o i latou i Ierusalema, ‘ona ulu atu lea o ia i le malumalu, ma amata ‘ona tutuli i fafo le fa‘atau oloa ma tagata fa‘atau i le malumalu. Na ia liliuina laulau a le au sui tupe ma nofoa o ē fa‘atau lupe. ¹⁶‘Ua lē fa‘atagaina fo‘i e ia se tasi e ‘ave se mea i le malumalu e fa‘atau atu.¹⁷‘Ua ia a‘oa‘o atu ‘iā te i latou, ‘ua fa‘apea atu, “E lē ‘ua tusia ‘ea, ‘E taʻua foʻi loʻu fale o le fale tatalo mo nuu uma’? A ua outou faia ma ana o tagata faomea.” ¹⁸‘Ua fa‘alogo le ‘au ositaulaga sili ma le ‘au tusi‘upu i le mea na ia fai atu ai, ma sa latou vaavaai mo se ala e faaumatia ai o ia. Auā ‘ua matata‘u i latou ‘iā te ia, auā ‘ua ofo le motu o tagata uma i lana a‘oa‘oga. ¹⁹Ua oo i le afiafi, ona latou tuua lea o le aai.²⁰A o latou savavali ane i le taeao, na latou iloa ai le mati ua mago ua oo lava i ona aa. ²¹Ua manatua e Peteru ona faapea atu lea o ia, “Rapi e, faauta! Ua magumagu le mati na e fetuuina.”²²Ua tali atu Iesu iā i latou, “Ia outou faatuatua i le Atua. ²³E moni, ou te fai atu iā te outou, afai e fai atu se tasi i lenei mauga, 'Tu ia i luga ma oso oe i le sami, '‘ma e lē masalosalo lona loto, ‘ae talitonu o le a taunu‘u lava mea na ia fai atu ai; o le mea lena o le a faia e le Atua.²⁴O le mea lea ou te fai atu ai iā te outou: O mea uma e te tatalo ma ole atu ai, talitonu na e mauaina, ma o le a avea ma oe. ²⁵A ‘outou tutū ma tatalo, ‘ia ‘outou fa‘amāgaloina so o se mea ‘ua ‘outou faia i se tasi; ‘ina ‘ia fa‘amāgaloina fo‘i ‘outou e lo ‘outou Tamā o i le lagi i a ‘outou agasala.” ²⁶²⁷‘Ua toe fo‘i mai i latou i Ierusalema. A o savali Iesu i le malumalu, na ō mai iā te ia le ʻaufaitaulaga sili, ma le ʻautusiupu, ma le ʻautoeaina. ²⁸Ua latou fai mai iā te ia, "O le a le pule e te faia ai nei mea, ma o ai na tuuina atu ia te oe le pule e fai ai?"²⁹‘Ua fetalai atu Iesu ‘iā te i latou, “‘Ou te fesili atu ‘iā te ‘outou i le tasi fesili. Ta'u mai ia te au ona ou ta'u atu ai lea o le pule ou te faia ai nei mea. ³⁰O le papatisoga a Ioane, pe mai le lagi ea pe mai tagata? Tali mai ia te a’u.”³¹‘Ua fetautalatala‘i i latou ma fefinaua‘i, ‘ua fa‘apea atu, ‘Āfai fo‘i tatou te fai atu, ‘Mai le lagi,’ ona fai mai lea o ia, ‘Se a fo‘i le mea tou te le‘i talitonu ai ‘iā te ia? ³²Ae afai tatou te fai atu, ‘Mai tagata,’ . . .Ua fefefe i latou i tagata, auā ua talitonu tagata uma o Ioane o le perofeta. ³³‘Ona tali mai lea o i latou ‘iā Iesu, ‘ua fa‘apea mai, "Matou te le iloa." ‘Ona fetalai atu lea o Iesu ‘iā te i latou, ‘Ou te lē ta‘u atu fo‘i ‘iā te ‘outou le pule ‘ua ‘ou faia ai nei mea.

12¹Na amata ona aoao atu e Iesu ia te i latou i faataoto. ‘Ua fai atu foi o ia, “Na totō e le tasi tagata le togāvine, ua na siosiomia ai i le pā, ua eli foi le lua e soli ai vine, ua faia foi e ia le olo, ona tuu atu lea e ia o le togavine i ē galulue vine, ona alu lea o ia i le malaga. ²Ua ia auina atu foi le auauna i ē galulue vine, ina ia maua mai ia te i latou ni fua o le togavine. ³A ua latou pue ia te ia, ma sasa, ma auina atu e aunoa ma se mea.⁴Ua toe auina atu foi e ia le tasi auauna ia te i latou, ona latou faamanuaina ai lea o lona ulu ma faalumaina o ia. ⁵Ua toe auina atu e ia le tasi, a ua latou fasiotia lenei tagata. Ua faapea foi ona latou faia i le toatele o isi, o le fasi o isi ma fasioti foi i isi.⁶E toe toatasi lava le tagata e auina mai, ae o se atalii pele. O ia o le tagata mulimuli na ia auina atu ia i latou. Sa ia fai mai, 'O le a latou faaaloalo atu i lo'u atalii.' ⁷‘Ona fetautalatala‘i ai lea o ē galulue vine, “O le suli lenei. O mai ia, tatou fasioti ia te ia, ona fai ai lea mo i tatou le tofi.'⁸Ua latou pue ia te ia, ma fasioti ia te ia, ma lafo ia te ia i tua o le togavine. ⁹O le mea lea, o le ā e faia e lē e ana le togavine? O le a sau o ia ma faaumatia le au fai vine ma avatu le tovine i isi.¹⁰E te le'i faitauina ea lenei mau? ‘O le maa na lafoaiina e tufuga fai fale, ua fai ma maa tulimanu. ¹¹E mai i le Alii lenei mea, ma e ofoofogia i o tatou mata.’” ¹²Ae mulimuli ane, ona saili lea o taitai o Iutaia i se auala e pue ai Iesu, auā ua latou iloa ua ia fetalai atu ia i latou le talafaatusa. A ua fefefe i latou i le motu o tagata, ona latou tuua lea o ia. ma alu ese.¹³Ona aauina mai lea e i latou o nisi o le au faresaio ma le au Herotiano ia te ia e maileia ia te ia i upu. ¹⁴Ua o‘o mai i latou ia te ia , ua latou faapea atu, “Le Aoao e, e te le popole i manatu o tagata, ua e lē faailoga tagata foi. Ua e aoao moni lava le ala o le Atua. Pe sa ea i le tulafono ona totogi lafoga ia Kaisara pe leai? E tatau ea ona matou totogia pe leai?" ¹⁵A ua silafia e Iesu lo latou pepelo, ona fetalai atu lea o ia ia te i latou, “Se a le mea tou te tofotofo mai ai ia te a‘u? Aumai ia te au se tenari sei o'u vaai i ai.”¹⁶Sa latou aumaia le tasi ia Iesu. ‘Ua fetalai atu o ia ia te i latou, “O ai ea e ona lenei faatusa ma le tusi?” Ua latou fai mai, "O Kaisara." ¹⁷Ua fetalai atu Iesu, “‘Ia avatu mea a Kaisara ia Kaisara, a o mea a le Atua ia avatu i le Atua.” Sa latou ofo ia te ia.¹⁸Ona ō mai lea ia te ia o Satukaio, o ē fai mai e leai se toetū. Ua fesili mai i latou ia te ia, ua faapea atu, ¹⁹“Le Aoao e, na tusi mai Mose mo i tatou, Afai e oti le uso o se tagata ma tuua e ia lana avā, ae leai sana fanau, ia fai avā le tagata i le avā a lona uso, ma faatupuina ai ni fanau ma lona uso.²⁰Sa i ai le au uso e toafitu; o lē na muamua na fai avā, ona oti ai lea, e leai sana fanau. ²¹Ona fai avā lea o le lona lua ia te ia, ua oti foi, e leai sana tama, ua faapea foi i le lona tolu. ²²E leai se fanau a le toafitu. Mulimuli ane, na oti foi le fafine. ²³Pe a oo i le toetu, pe a toe tutū mai i latou, o ai so latou e ana le avā? Aua o le au uso uma e toafitu na fai o ia ma a latou avā.”²⁴Ua fetalai atu Iesu, “E lē o le mea ea lea ua outou sesē ai, ina ua outou lē iloa le Tusi Paia ma le mana o le Atua? ²⁵Auā pe a toe tutū mai i latou nai ē ua oti, latou te lē fai ava pe nofo tane; ae peitai latou te faapei o agelu o i le lagi. .²⁶A o ē ua oti o ē toe tutū mai, tou te lei faitau ea i le tusi a Mose, i le tala i le laau talatala, na fetalai mai ai le Atua ia te ia, ua faapea mai, ‘O a‘u o le Atua o Aperaamo ma le Atua o Isaako ma le Atua o Iakopo? ' ²⁷E lē o ia o le Atua o ē ua oti, a o ē o loo ola. Ua matua e sese lava."²⁸Na sau le tasi o le au tusiupu ma faalogo i la latou talanoaga; na ia iloa ua lelei le tali atu a Iesu ia te i latou. Ua fesili atu o ia ia te ia, “O le ā le poloaiga e sili ona taua i poloaiga uma? Ua tali atu Iesu, ²⁹“O le mea e sili, ‘Isaraelu e, faalogologo mai ia, o le Alii lo tatou Atua, o le Alii e toatasi lava o ia. ³⁰Ia e alofa atu i le ALII lou Atua ma lou loto atoa, ma lou agaga atoa, ma lou manatu atoa, ma lou malosi atoa.' ³¹O le poloaiga lona lua lenei, ‘E te alofa atu i lē lua te tuaoi e pei o oe lava ia te oe. E leai lava se isi poloaiga e sili atu i nei poloaiga.”³²Ona fai atu lea o le tusi‘upu, “Le Aoao e, ua lelei e, ua e fai mai moni lava o le Atua e toatasi lava ia, e leai foi se isi, ua na o ia. ³³Ia alofa foi ia te ia ma le loto atoa ma le manatu atoa, ma le agaga atoa ma le malosi atoa e pei ona sili o ia i taulaga mū uma ma taulaga.” ³⁴Ua silafia e Iesu ua tali atu o ia ma le poto, ona fetalai atu lea o ia ia te ia, “E te lē mamao mai ma le Malo o le Atua.” Ina ua mavae lena, e lei toe faamalosi se tasi e toe fesili atu iā Iesu.³⁵A o aoao atu Iesu i le malumalu, ua fetalai atu o ia, “E faapefea ona fai mai le au tusiupu o le Keriso o le Alo o Tavita? ³⁶Ua faapea atu foi o Tavita i le Agaga Paia, Na fetalai atu le Alii i lou Alii, Inā nofo ia i ou luma, lima taumatau seia ou tuuina ou fili i lalo o ou vae.” ³⁷Ua taua foi e Tavita o ia lava, ‘Le Alii e, e mafai faapefea ona avea Keriso ma Alo o Tavita? Na faalogologo ma le fiafia le motu o tagata e toatele ia te ia.³⁸I lana aoaoga na fetalai atu ai Iesu: “Ia outou faaeteete i le au tusiupu, o ē e mananao e savavali i ofu talaloa ma ia alofaina i latou i maketi, ³⁹ma ia o latou nonofo i nofoaaga sili i sunako ma nofoaga mamalu i tausamiga. ⁴⁰Ua latou aiana foi fale o fafine ua oti a latou tane; ma latou tatalo umi ina ia iloa mai ai i latou e tagata. E sili atu le faasalaga o nei tagata."⁴¹Ona nofo lea o Iesu i lalo i luma o le pusa o taulaga i le malumalu; sa ia vaavaai atu i tagata a o lafo ifo a latou tupe i totonu o le pusa. O le toatele o tagata mauoa e tele ni tupe e tuu atu. ⁴²Ona sau ai lea o le fafine mativa ua oti lana tane, ua lafo i tupe iti e lua, e tusa ma le tenari lona tau.⁴³Ona valaau atu lea o ia i ona soo, ua faapea atu, “E moni, ou te fai atu ia te outou, o mea a lena fafine mativa ua oti lana tane na lafo i le mea e teu ai tupe, ua sili i lo o i latou uma na avatu i le pusa o taulaga. ⁴⁴Auā na foa‘i mai e i latou uma a latou mea e tele. A o lenei fafine mativa ua oti lana tane, ua ia tuu uma ana tupe e ola ai."

13¹Ao latou savavali ese mai le malumalu, na fesili se tasi o soo o Iesu ia te ia, " Le Aoao e, silasila ane i le tetele o nei maa ma fale mananaia. ²Na tali /fetalai ane Iesu," O nei fale matagofie e te iloa atu, e leai se maa o nei maa uma e tumau i luga o le tasi maa, e soloia uma lava.³⁴Ao nonofo na o i latou i luga o le Mauga Olive e fesagai ma le malumalu, na fesili Peteru, Iakopo, Ioane le Papatiso ma Anetelea ia Iesu, "Sei tau mai lava poo afea e tutupu ai nei mea uma? O le a se faailoga matou te iloa ai o le a tutupu nei mea?⁵Ona fetalai atu lea o Iesu ia te i latou, Ia outou faaeteete ina nei faaseseina outou se tasi/ ⁶E toatele e o mai i lo'u igoa ma faapea mai, "O a'u o ia} ma latou taitaiseseina le toatele.⁷A outou faalogo i taua ma tala o taua, aua tou te fefefe aua e tatau ona oo mai ia mea, a e lei oo mai le gataaga. ⁸Aua e sii le taua e le tasi nuu i le tasi nuu, ma le tasi malo i le tasi malo. O le a iai mafuie i nofoaga e tele, ma oge. O le amataga ia o puapuaga.⁹Ia outou mataala, latou te tuuina atu outou i fono ma e sasaina foi outou i sunako. O le a tou tutu e molimau atu i luma o kovana ma tupu ona o lo'u igoa. ¹⁰Ae peitai, e tatau ona talaiina le talalelei i atunuu uma o le lalolagi.¹¹Afai latou te peueina ma tuunina atu outou, aua tou te popole poo le a se mea tou te fai atu ai. Aua o lea itu aso e tuuina atu ai ia te outou le upu tou te tautala atu ai, ae le o outu e fai atu, ao le Agaga Paia. ¹²E tuuina atu le uso ia oti, o le tama foi i lona atalii. E tetee foi fanau i o latou matua ma fasioti ia te i latou. ¹³E inosia foi outou e tagata uma ona o lo'u igoa. Ao se tumau seia oo i le gatagaa, e faaolaina.¹⁴Pe a outou iloa atu le mea inosia e faatafunaina o loo tu i le mea e le tatau ona tu ai (ia malamalama le tagaata faitau)' ia sosola i latou o i Iutaia i mauga, ¹⁵e le o i luga o le fale aua nei alu ifo i le fale, pe ave foi i soo se mea o iai. ¹⁶ma o le o i le fanua, aua nei toe foi mai e ave lona ofu."¹⁷Ae talofa ia te i latou o ma'i tō ma i latou o ē fesusui i ia ona aso. ¹⁸A ia outou tatalo ina ia aua nei oo/taunuu mai nei mea i le taimi o le taumalulu. ¹⁹Aua o aso ia o le puapuaga, e leai sona tusa talu mai le amataga o le foafoaga, na faia e le Atua, e oo mai ona po nei, e le toe tupu foi nei mea ile lumanai. ²⁰Afai e lē faapuupuuina e le Alii ia aso, e leai se tagata e faaolaina; ae ua faapuupuuina ia aso ona o ē na ia filifilia.²¹Afai e fai mai se tasi ia te outou, Faauta, o le Keriso lenei! pe faapea mai foi, "Faauta, o ia lea! aua lava nei outou talitonu iai. ²²Aua o le a ō mai Keriso ma perofeta pepelo latou te faia foi faailoga ma vavega ina ia faaseseina ai le au filifilia. ²³Ia outou mataala!. Ua ou tauina uma atu nei mea ae lei oo/tutupu mai.²⁴Ae a mavae puapuaga, ona faapogisaina lea o le la, ele susulu mai foi le masina, ²⁵o le a pauu foi fetu mai le lagi, e luluina foi 'au malolosi o le lagi. ²⁶Ona latou iloa ai lea o le Atalii o le Tagata. O loo sau i ao ma le mana tele ma le mamalu. ²⁷Ona aauina mai lea e ia o ana agelu, e faapotopotoina foi e ia o e ua filifilia mai i matagi e fa, e afua mai i tuluiga o le lalolagi e oo i le tuluiga o le lagi.²⁸Ia outou faaaoao mai se lesona mai le mati. A oo ina tutupu ae lala ma feosofi ane lau, o le faailoga lea e te iloa i ua oo mai le tau mafanafana/vevela. ²⁹Ae afai e tutupu nei mea uma, ona outou iloa lea ua latalata mai o ia i faitotoa.³⁰E moni, ou te fai atu ia te outou, e le mavae atu lava lenei tupulaga seia oo mai nei mea uma. ³¹E mavae atu le lagi ma le lalolagi, ao a'u upu e le mavae atu lava. ³²E leai se tasi e na te iloa le aso ma le itula, e oo lava i agelu, poo le Atalii, ae ua na ole Tamā ua ia silafia.³³Ia outou mataala!.Ia sauniuni/tapenapena aua tou te le iloa le taimi. ³⁴E pei ole tagata e alu malaga, ua tuua e ia lona fale, ma tofia ana auauna e pule ile fale, e taitasi ma lana galuega ma ua ia faatonuina le leoleo faitotoa ina ia mataala.³⁵O le mea lea ia outou mataala ai, aua tou te lē iloa poo afea e sau ai le matai, poo le afiafi, poo le tulua o le po, pe a vivini foi le moa, poo le taeao. ³⁶Afai e faafuasei ona sau o ia, ia aua nei maua mai outou o momoe. ³⁷Ou te fai atu/apoapoai/faamalosi ia te outou ma tagata uma: Ia mataala!

14¹Ua lua nei aso a 'o lumana'i le Paseka ma le Tausamiga o Areto e lē fa'afefeteina. Sa saili e le 'au faitaulaga sili ma le 'au tusiupu ni auala e pu'e fa'alilolilo ai Iesu ma fasioti 'iā te ia. ²Auā ua latou fai ane, "E lē o le tausamiga 'ina ne'i tupu se vevesi i le nu'u."³A 'o i ai Iesu i Petania i le fale o Simona le lepela, a 'o taoto o ia e taumafa, ua sau 'iā te ia le fafine ma le fagu alapasa ua i ai le u'u manogi taugata, o le nato lelei lea. Sa ia ta'e le fagu ma sasa'a le nato i luga o lona ulu. ⁴Ae sa i ai nisi sa feita ai. Ua fetautalatalaa'i i latou, 'ua fa'apea ane, "Se a le mea ua ma'imau ai lenei suau'u? ⁵E mafai lava ona fa'atauina i le toluselau tenari, ma avatu i ē matitiva. Ona latou otegia lea o ia.⁶A 'ua fai atu Iesu, "Tu'u pea ia, se a 'ea le mea tou te fa'alavelave ai 'iā te ia? 'Ua faia e ia le mea matagofie 'iā te a'u. ⁷E i ai pea outou ma ē matitiva, so'o se taimi lava e mafai ona outou fai mea lelei ai 'iā i latou, ae tou te lē i ai pea ma a'u. ⁸Ua faia e ia le mea na te mafaia, ua fa'au'uina e ia lo'u tino e tanu ai. ⁹E moni, ou te fai atu ia te outou, po'o fea lava i le lalolagi uma e tala'iina atu ai le tala lelei, e ta'ua ai le mea ua faia e lenei fafine e fai ma fa'amanatuga 'iā te ia.¹⁰Ona alu atu lea o Iuta le Sekara, o le tasi o le to'a sefululua, i le 'au ositaulaga sili, 'ina 'ia tu'uina atu o ia 'iā te i latou. ¹¹Ua fa'alogo ai le 'au ositaulaga sili, 'ona fiafia lea o i latou ma folafola atu e avatu 'iā te ia tupe. Ona amata lea ona saili e ia se avanoa e tu'uina atu ai o ia 'iā i latou.¹²le ulua'i aso o areto e lē fa'afefeteina,'ina 'ua latou osi le paseka, 'ua fai atu ai ona so'o 'iā te ia, "O fea 'e te finagalo matou te õ e sauni ai, e te 'ai ai le Paseka?" ¹³Ona 'auina lea e ia o ona so'o e to'alua, 'ua fa'apea atu 'iā te i la'ua, "'Inā õ ia oulua i le 'a'ai, e fa'afetaia'i oulua e le tagata o lo'o 'ave lana kate vai, mulimuli 'i ai. ¹⁴O le fale e ulu atu ai o ia, mulimuli 'i ai ma fai i lē pule le fale, 'Ua fa'apea mai le A'oa'o, "O fea o i ai lo'u potu matou te 'ai ai le paseka ma o'u so'o?"¹⁵O le a ia fa'aali atu 'iā te oulua le afeafe tele i luga 'ua saunia, 'ia sauni ai mo i tatou lea mea. ¹⁶Na o ese ia so'o ma o atu i le 'a'ai. Ua maua e i lā'ua mea uma pei ona fai atu ai o ia 'iā te i lā'ua, 'ona la saunia lea o le Paseka.¹⁷'Ua o'o i le afiafi, 'ona omai ai lea o ia ma le to'asefululua. ¹⁸A o ta'o'oto i latou i le laulau ma 'a'ai, 'ua fai atu Iesu, "E moni, oute fai atu 'iā te outou, o le tasi o outou o lo'o 'a'ai fa'atasi ma a'u na te fa'alataina a'u." ¹⁹Ua matuā fa'anoanoa i latou uma, 'ona ta'itasi lea o i latou ma fai atu 'iā te ia, "E le o a'u ea?"²⁰'Ua tali atu Iesu, 'ua fa'apea atu 'iā i latou, "O le tasi lea o le to'asefululua o lē fufui fa'atasi ma a'u i le tanoa. ²¹Auā e alu atu le Atali'i o le Tagata e pei ona tusia 'iā te ia. Ae talofa i lē fa'alataina le Atali'i o le Tagata! E sa sili ai pe ana lē fanau mai o ia.²²'o latou 'a'ai, na tago Iesu i le areto, ma fa'afetai, ma tofitofi. 'Ua ia avatu 'iā te i latou ma fai atu, "'Ia outou tago i lenei mea, o lo'u tino lenei." ²³Ua tago o ia i le ipu, 'ua fa'afetai, ma avatu 'iā te i latou, ona feinu ai lea o i latou uma. ²⁴Ua fai atu fo'i o ia 'iā te i latou, "O lo'u toto lenei o le feagaiga fou, o le toto ua fa'amaligiina mo tagata e to'atele. ²⁵E moni 'ou te fai atu 'iā te outou, oute lē toe inu i lenei uaina, se i 'o'o i le aso oute inu ai le uaina fou i le malo o Le Atua.²⁶Ina ua uma ona latou usu le pese, ona latou o atu lea i le mauga o Olive. ²⁷'Ua fai atu Iesu 'iā te i latou, "E pa'u'ū outou uma lava, auā ua tusia, 'Ou te taia le leoleo mamoe, 'ona ta'ape'ape ai lea o mamoe.²⁸Ae a mavae lo'u toe tu mai, 'ona 'ou muamua atu ai lea 'iā te ouotou i Kalilaia."²⁹'Ua fai atu Peteru 'iā te ia, "E tusa lava pe sesē tagata uma, 'ou te lē faia lava."³⁰a fai atu Iesu 'iā te ia, " E moni, 'ou te fai atu 'iā te oe, o le asõ, ioe, o lenei lava po, a o le'i vivini fa'alua le moa(toa) 'e te fa'afiti fa'atolu mai 'iā te a'u." ³¹'A 'ua fai atu Peteru ma le malosi, "Afai e tatau 'ona 'ou oti fa'atasi ma oe, 'ou te lē fa'afitia oe." Sa latou faia uma le folafolaga lava e tasi.³²Ua o'o i latou i le mea e ta'ua o Ketesemane, 'ona fai atu lea o Iesu i ona so'o, "Inā nonofo ia 'i'inei se'i o'u tatalo." ³³Sa ia ave Peteru, Iakopo, ma Ioane fa'atasi ma ia, ma amata lea 'ona mafatia ma matuā atuatuvale. ³⁴'Ua fai atu fo'i o ia 'iā te i latou, "Ua matuā tiga lo'u loto, e o'o lava i le oti. Nofo 'i'inei ma mataala."³⁵'Ua aluatu teisi, ona pa'ū lea o Iesu i le 'ele'ele(palapala) ma tatalo 'ina 'ia te'a ese le itula mai 'iā te ia. ³⁶'Ua ia fai atu, "Ava, lo'u Tamā e, e te mafaia mea uma lava, ia e aveeseina lenei ipu 'iā te a'u, 'ae aua le faia lo'u loto, a 'o lou finagalo."'Ua toe fo'i mai o ia. 'ua maua atu i latou o momoe, 'ona fai atu lea o ia 'iā Peteru, "Simona e, 'ua e moe 'ea? E te lē mafai 'ea ona mataala i se itula e tasi? Mataala ma tatalo 'ina 'ia aua ne'i o'o mai fa'aosoosoga. 'Ua mana'o ai le agaga a 'o le tino 'ua vaivai." 'Ua toe alu fo'i ia e tatalo, ma 'ua ia fa'aaoga fo'i upu lava e tasi.⁴⁰'Ua toe fo'i mai o ia, 'ua maua atu i latou o momoe, auā ua tiga a latou mata. Sa latou lē iloa se tala e fai atu 'iā te ia. ⁴¹'Ua toe fo'i fa'atolu mai o ia, 'ua fa'apea atu 'iā i latou, " 'Ua outou momoe pea ma mālõlõ? 'Ua lava, 'ua o'o mai le itūlā. Va'ai ua fa'alataina le Atali'i o le Tagata i lima o ē agasala. ⁴²Tū ia i luga tatou õ. Va'ai ua latalata mai lē na te fa'alataina a'u."⁴³A o tautalatala pea o ia, ua taunu'u atu Iuta o le to'atasi o le sefululua ma tagata to'atele ma latou pelu ma talita na auina atu e faitaulaga sili, ma le 'au tuisupu ma toeaiina. ⁴⁴'Ua tu'uina atu e le fa'alata le fa'ailoga 'iā i latou ua fa'apea atu o lē ou te sogi(kisi) atu ai o le tagata lenā. Pu'e 'iā te ia ma ta'ita'i ese e taofimau. ⁴⁵Ina ua o'o atu Iuta ua ia vave atu ia te ia ma faapea atu "Rapi e" ma sogi(kisi) atu ia te ia. ⁴⁶Ua latou fa'ao'olima ma pu'e ia te ia.⁴⁷A 'o le tasi o i latou o ē na tutū ai, ua ia to lana pelu ma ta le auauna a le ositaulaga sili, ma tipiesea lona taliga. ⁴⁸Ua fai atu Iesu ia te i latou,"Ua tou omai ea i se gaoi ua tou omai ai ma pelu ma uatogi, e pu'e ai a'u? ⁴⁹Sa ou iai ma outou i le ao, na ou a'oa'o fo'i i le malumalu, aisea na tou lē pu'e ai ia te a'u? Ae ua faia lenei mea ina 'ia fa'ataunu'u tusitusiga." ⁵⁰O i latou o ē na iai fa'atasi ma Iesu, na tu'ua o ia ma tamomo'e ese.⁵¹O le taule'ale'a na ofu ma pulupulu lana ie lino, sa ia mulimuli atu ia Iesu. A 'o pu'e e taulele'a o ia(Iesu), ⁵²ua ia tu'ua le ie lino ma sola ese lelavalavā.⁵³⁵⁴'Ua latou ta'ita'i Iesu i le ositaulaga sili. 'Ua fa'apotopoto ia te ia i latou uma o ē faitaulaga ma toeaiina ma 'au tusiupu. 'Ua mulimuli mamao atu Peteru,e pei o le mamao o le maota o le ositaulaga sili. ua nofo o ia fa'atasi ma auauna, ua fa'amafanafana ai o ia latalata i le afi.⁵⁵A 'o le 'au faitaulaga ma le taupulega uma a Iutaia, ua latou saili se molimau ia Iesu ina ia latou latou fa'ao'o le oti ia te ia. A ua latou lē maua lava. ⁵⁶'Auā e to'atele ē na avatu molimau pepelo e faasaga ia te ia, a 'ua le taliaina lava le latou molimau.⁵⁷⁵⁸⁵⁹'Ua tūtū nisi ma avatu molimau pepelo e fa'asaga ia te ia; ua latou faimai, "Na matou fa'alogo ua ia fa'apea atu, 'Oute fa'aumatia lenei malumalu na faia e lima, a ou te toe fa'atuina i aso e tolu leisi e lē faia e lima." A ua lē taliana lava le latou molimau.⁶⁰⁶¹⁶²'Ua tula'i le ositaulaga sili I luma o I latou ma fesili atu ia Iesu, "E leai ea sau tali? Oa mea ia ua molimau mai ai nei tagata ia te oe?" A ua lē gagana o ia ma lē tali atu. A 'ua toe fesili atu fo'i le ositaulaga sili ia te ia ua faapea atu, "O 'oe ea o le Keriso, le alo o Le Atua?"Ua faapea atu Iesu, " o a'u lava; o lea tou va'ai le Atali'i o le Tagata pea nofo o ia I le 'a'ao malosi ma sau o ia ma ao o le lagi."⁶³Ua saeia foi e le ositaulaga sili lona ofu talaloa ma ia fai atu, "o manaomia lava e tatou molimau." ⁶⁴Ua outou faalogo i upu leaga, o le a se tou fa'aiuga?" Ua latou fa'asalaina o ia o se tasi e tatau ona oti. ⁶⁵O isi ua feanu ia te ia, ua pupuni i ona foliga ma tu'i ia te ia i o latou lima ma fa'apea atu, "Vavalo mai poo ai na tu'iina oe!" Ua ave foi o ia e fitafita ma fasi ia te ia.⁶⁶A o iai Peteru i le fogāfale i lalo i le lotoā, na alu atu ai iā te ia se tasi o auauna teine a le ositaulaga sili. ⁶⁷‘Ua iloa atu e ia o Peteru ‘ua fa‘amafanafanaina o ia, ‘ona tilotilo atu lea ‘iā te ia, ‘ua fa‘apea atu, “O oe fo‘i sa fa‘atasi ma Iesu le Nasareta.” ⁶⁸A ‘ua fa‘afiti o ia, ‘ua fa‘apea atu, “‘Ou te lē iloa, ‘ou te lē malamalama fo‘i i mea ‘ua e fai mai ai.” Ona alu atu lea o ia i fafo i le faitotoʻa. Ona vivini lea o moa.⁶⁹A ‘ua iloa atu o ia e le ‘au‘auna fafine, ‘ona fai atu lea o ia i ē o tutū mai ai, “O le tagata lenei o le tasi o i latou.” ⁷⁰Na ia toe faafitia. ‘Ua mavae sina taimi, ‘ona fai mai lea o tagata ‘ua tutū ai ‘iā Peteru, “E moni, o oe o se tasi o i latou, auā o oe fo‘i o le Kalilaia.”⁷¹Peitaʻi, na amata ona ia tuuaʻia o ia lava ma palauvale, “Ou te lē iloa lenei tagata ua e fai mai ai.” ⁷²Na toe vivini fa'alua le moa. Ona manatua ai lea e Peteru le mea na fetalai atu ai Iesu iā te ia: “A o leʻi vivini faalua le moa, e te faafiti faatolu mai iā te aʻu,” ona tagi ai lea o ia ma tagi masusu.

15¹O le taeao po lava , sa fai ai le taupulega a le au osi taulaga, o le au tusi upu ma le laulau a fono a le 'au Iutaia Sa faapea ona latou saisaia o Iesu ma ta'ita'i ese atu o ia ma ua tu'uina atu ia Pilato. ²Ua fesili Pilato ia te ia " O oe o le Tupu o tagata Iutaia?" Ua na o le tali atu lava o ia " O lea lava ua e faimai ai" ³Ua tu'uai'a sese e le 'au osi taulaga o ia i ni mea e tele.⁴Ua toe fesili atu Pilato ia te ia " E leai lava sau tali i nei moliaga e tele ua faasaga atu ia te oe?" ⁵ae ua le tali atu lava Iesu ia Pilato, ma ua fa'ate'ia ai o ia.⁶I le taimi o tausamiga, sa iai le tu ua masani ai le laua'itele e faapea ona tatalaina (faasaolotoina) lea o se pagota, o se tagata e latou te manana'o iai. ⁷Sa iai se tamaloa e igoa ia Parapa sa faafalepuipuiina o ia faatasi ai ma tagata fouvale o e na fasioti tagata. ⁸Ua potopoto mai le motu o tagata ia Pilato ma ua latou fesiligia o ia i le tu ua masani ai i taimi ua tuana'i.⁹Ua tali atu Pilato ia te i latou " Ua outou manana'o e tatala atu le Tupu o tagata Iutaia?" ¹⁰E ui lava na ia iloa o le loto leaga o le 'au osi taulaga ia Iesu ua latou aumai ai o ia ia te ia. ¹¹Olo'o taumafai lava le 'au osi taulaga e faaosooso le motu o tagata e alalaga e faasaolotoina Parapa .¹²Na toe fesili lea o Pilato ia te i latou " O lea se fa'ai'uga o le a faia i le Tupu o tagata Iutaia? " ¹³Ua toe alalaga atu o i latou " fa'asatauro ia te ia! "¹⁴Ua faiatu o Pilato ia te i latou " O lea se leaga ua ia faia? " ua alalaga o i latou ua leotetele "faasatauro ia te ia!" ¹⁵O le naunau o Pilato ina ia tali mana'o i le motu o tagata na ia faasaolotoina ai lea o Parapa. Ua uma ona sasaina o Iesu ma ua tu'uina atu o Ia ia fa'asatauroina.¹⁶Ua taitai e i latou Iesu i totonu o le lotoā ( o le ofisa tutotonu a le malō) na latou vala'auina foi fitafita uma ma ¹⁷ua latou faaofuina Iesu i se ofu talaloa pauli ma faapaleina o ia i le pale tuitui sa ¹⁸Na latou faifai ia te ia ma ua faapea atu " Faauta, O le Tupu o tagata Iutaia! "¹⁹Ua ta fo'i e i latou lona ulu i laau ma feanu ia te ia, ma ifo faatauemu i ona luma, ina ua uma o latou tauemuga ia te ia, ²⁰Ua latou toesea lea o lona ofu talaloa paulī ma toe faaofu o ia i ona lava ofu, ma ua latou tataiina o ia i fafo ina ia faasatauroina. ²¹O se tamaloa e igoa ia Simona le Kurene o le tamā o Alesana ma Rufo, sa ui ma o ia i le a'ai ma ua faamalosia o ia e amo le satauro a Iesu.²²Na aumai e fitafita Iesu i Kolokota, le "Nofoaga o le atigi po'o" ²³ma avatu ia te ia uaina e fefiloi ma le muro, ae sa lē inu ina e ia. ²⁴Ua latou faasatauroina o ia ma latou vaevaeina ona ofu i le vili po'o le fea o vaega eseese o lona ofu e ave e fitafita ta'i to'atasi²⁵O le itula lona tolu na faasatauroina ai o ia. ²⁶na latou tusia i luga a'e o ia se fa'ailoga e faitau " O LE TUPU O TAGATA IUTAIA ". ²⁷Olo'o faasaturoina faatasi i latou ma ni tagata faomea e toalua , o le isi i lona itu taumatau a'o le isi i lona itu tauagavale ²⁸Ua taunuu ai le upu a le tusi, sa iai faatasi o ia ma pagota²⁹O i latou na ui ane ua latou tauemu ia Iesu, ma lūlū o latou ulu ma faapea ane " Sa e faaleagaina le malumalu ma toe faia i aso e tolu, ³⁰laveai ia oe ia te oe ma e alu ifo i lalo mai le satauro³¹E o'o foi i le au faitaulaga sili, na faifai ia te ia faatasi ma le au tusi upu, ua latou faapea mai " E mafai ona ia lavea'i i tagata ae lē mafai ona ia lavea'i ia te ia. ³²Faimai o le Keriso o ia o tagata Isaraelu, sau ia i lalo mai le satauro sei matou vaai ma matou talitonu ai" O pagota foi na faasatauroina ma ia, sa latou faifai foi ia Iesu³³O le itula lona ono, na ufitia ai le laueleele i le pogisa seia oo i le itula e iva. ³⁴Ua oo i le itula e iva ua tagi ma alaga atu Iesu "Lo'u Atua e, Lo'u Atua e, se a ea ua e tuulafoaina ai a'u?" ³⁵O i latou na latalata ane na latou lagona nei o ana upu ma faapea ifo " Va'ai, olo'o valaa'u o ia ia Elia? "³⁶Ua tamo'e atu se tasi o tagata ma fufui le momi i le uaina o'ona ma tu'u i luga o le la'au ma faainu ia te ia. O le tasi o tamaloa ua faapea ifo " Se i tatou va'ai pe sau o Elia e aumai o ia i lalo" ³⁷Ua tagi ma alaga leotele Iesu, ona maliu ai lea o ia . ³⁸Ua saeluaina ai lea o le ie pupuni o le malumalu mai luga e oo i lalo³⁹O le taitai 'au sa ia molimauina le maliu o Iesu ua ia faapea ifo ai " E moni lava o le alo O Le Atua lenei tagata " ⁴⁰Sa iai foi ni fafine na tutu mamao ma vaavaai mai, sa iai foi ma Maria le Imakulata ma Maria le tinā o Iakopo, Iose, ma Salome. ⁴¹Na latou mulimuli atu ia Iesu mai Kalilaia ma sa latou auauna ia te ia. O le tele foi o nisi o fafine na latou mulimuli mai ia te ia i Ierusalema⁴²Ua o'o i le afiafi, ona o le aso o tapenaga , o le aso fo'i e i tua mai o le Sapati ⁴³O Iosefa le Arimataia, o se sui aloa'ia o le laulau ā fono, o le sa faatalitali i le malo Le Atua. Ua toa lona loto ua ia alu ai fesili ia Pilato pe mafai ona aumai le tino a Iesu. ⁴⁴Ua matuā faate'ia Pilato ina ua iloa ua maliu Iesu; ua ia valaau ai le taitai 'au ma ua fesili atu iai po'o se tala moni ua maliu Iesu⁴⁵Ua faamaonia lea e ia i le taitai au ma avatu ai le tino ia Iosefa. ⁴⁶Na faatauina e Iosefa se ie lino, ma ave ifo i lalo Iesu mai le satauro ma saisai lona tino i le ie ma tuu o ia i se tuugamau ua vaneina i le papa. Ua fuli e ia se ma'a i le faitotoa o le tuugamau . ⁴⁷Sa vaai atu Maria le Makatala ma Maria le tinā o Iose ua tanu Iesu

16¹Ua mavae le sapati, ona fa'atau ai lea e Maria le Makatala, o Maria le tinā o Iakopo ma Salome o mea manogi, ina ia latou o atu e fa'au'u ai le tino o Iesu. ²O le taeao po lava o le aso muamua o le vai sapati, ua latou o atu ai i le tu'ugamau i le oso a'e o le la.³Ua fetautalatalaa'i i latou, ua fa'apea ane, "Po o ai a fulieseina le ma'a mo i tatou ai le gutu o le tu'ugamau? ⁴Ua latou va'avaai atu, ma iloa ai ua uma ona fulieseina le ma'a, auā ua matuā telē ia.⁵Ua ulu atu i latou i le tu'ugamau, ma iloa ai se taule'ale'a o ofu i le ofu tatalaloa pa'epa'e, o nofo ile itu taumatau, ua matata'u ai i latou. ⁶Ua ia fai atu ia te i latou, " Aua tou te matata'u. O lo'o outou saili ia Iesu le Nasaretia, o lē na fa'asatauroina. Ua toe soifua mai o ia. Ua lē o iinei o ia. Inā matamata ia outou i le mea na tu'uina ai o ia. ⁷A ia outou o atu, inā ta'u atu i ona so'o atoa ma Peteru, "E muamua atu o ia ia te outou i Kalilaia. E toe vaai fo'i outou ia te ia i lea mea, e pei ona ia fetalai mai ai."⁸Ona vave o atu ai lea o i latou i fafo mai le tu'ugamau, ona sosola ese mai ai lea o i latou ma le gatete ma le ofo tele. Ua latou lē fai atu foi se upu i se tasi auā ua matuā fefefe (matata'u) lava i latou.⁹I le taeao po lava o le ulua'i aso o le vaisapati talu ona toe tu o ia, ua fa'aali muamua atu o ia ia Maria le Makatala, o lē na ia tuli ese ia te ia temoni e toafitu. ¹⁰Ua alu atu o ia, ma ta'u atu ia te i latou o ē sa ia te ia, o latou o fa'anoanoa ma fetagisi ¹¹Ua latou fa'alogo ua toe soifua o ia, ma ua vaaia (iloa) fo'i o ia e ia, ae le i talitonu i latou.¹²Ua mavae atu ia mea, ona fa'aali mai lea o ia ua ese lona tino mai, i le isi to'alua o i latou, o lo'o savavali atu i le aai. ¹³Ona o lea o i laua, ua ta'u atu ia te i latou uma, a e lei talitonu i latou ia i laua.¹⁴Mulimuli ane ua fa'aali mai o ia i le to'asefulu (to'atinogafulu) ma le to'atasi o tao'oto i latou e aai; ona a'oa'i atu lea o ia ia te i latou ona o lõ latou lē talitonu ma le māa'a o latou loto, auā ua lē talitonu i latou o ē na iloa o ia ina ua toe tu mai. ¹⁵Ua fetalai atu foi o ia ia te i latou, "O atu ia outou i le lalolagi uma, ma tala'i atu ai le talalelei i tagata uma lava. ¹⁶O lē fa'atuatua ma papatisoina e fa'aolaina, a'o ē le fa'atuatua, e fa'asalaina ia.¹⁷E mulimuli atu fo'i nei fa'ailoga i e fa'atuatua, e tutuli e i latou temoni i lo'u igoa, e tautalatala i latou i gagana fou. ¹⁸E fetagofi atu fo'i i latou i gata i o latou lima, ma afai fo'i e inu i se mea e oti ai, latou te le afaina ai lava. E fa'aee atu o latou lima i luga o ē mamai, e fa'amalõlõina lava i latou.¹⁹Ua maea (mavae) ona fetalai atu o le Alii o Iesu ia te i latou, ona aveina a'e lea o ia i le lagi, ona nofo ai lea o ia i le itu taumatau o le Atua. ²⁰Ua o atu fo'i le au so'o ma tala'i atu i mea uma, ua galue fa'atasi le Alii ma i latou, ma ua fa'amaonia le upu i fa'ailoga ua mulimuli ane.

Samoan: Bible for Mareko

Formatted for Translators

Mareko