Bible

Luka

1¹E toatele i latou ua latou faia o se galuega i le tuufaatasia o ni tusitusiga i mea ua uma ona faataunuuina i o tatou luma, ²e faapei ona faamatalatalaina mai i a'i tatou, e i latou na mua'i vaavaai i ia mea mai i le amataga, faapea ma i latou e auauna i le Upu. ³Ua lelei foi i la'u vaai, aua na ou matua su'esu'e au'ili'ili i mea uma mai i le amataga, ma tusia faasolosolo lelei mea na tutupu mo oe le alii e, Teofilo ⁴ina ia e matua iloa lelei le tonu o mea ua aoaoina ai oe.⁵I le taimi o Herota le tupu o tagata o Iutaia, sa i ai se ositaulaga e igoa ia Sakaria, o lona tulaga e i le vaega o Avia, ma o lona toalua Elisapeta e sau mai i le aiga o Arona. ⁶O i la'ua o ni tagata amiotonu i luma o le Atua, e savavali ma le le mata'uleagaina i tulafono ma poloaiga a le Alii. ⁷Ae sa leai sa la tama ona e le fanau Elisapeta, ma ua faasolo foi ina matutua i la'ua i ia ona aso.⁸Ua oo i le taimi e faataunuuina ai tiute faaositaulaga o Sakaria i totonu o le mamalu o le Atua, e tusa ma lona tulaga i lana vaega. ⁹Ae tusa ai ma tu ma aga e filifilia ai se ositaulaga e faatunuuina le tiute, e fai le vili, ma tofia mai ai o ia, ina ia ulu atu i le malumalu o le Alii na te faamuina a'i mea manogi. ¹⁰E toatele tagata sa tatalo atu i fafo i le taimi na mu a'i mea manogi.¹¹Ua faailoa atu ia te ia le agelu a le Alii, ma tu i le itu taumatau o le fata e mu a'i mea manogi. ¹²Ina ua iloa e Sakaria le agelu, ona oso ai lea o lona popole, ma o'o ai lea o le fefe i luga ia te ia. ¹³Ua faapea atu le agelu ia te ia, "Aua e te fefe Sakaria, aua ua tali lau tatalo. O le a fanau e lau ava o Elisapeta se atalii mo oe. Ma ia e faaigoa ia te ia o Ioane.¹⁴O le a ia te oe le olioli ma le fiafia tele, ma e toatele fo'i o le a olioli i le fanau mai o lou atalii. ¹⁵. Ma e matautia o ia i le vaai mai a le Alii. E faasaina ona inu o ia i se uaina po o se isi ava malosi, ma o le a faatumuina o ia i le Agaga Paia a o i ai i le manava o lona tina.¹⁶E toatele le fanauga a Isaraelu o le a toe liliu atu i le Atua. ¹⁷E muamua atu o ia i Fofoga o le Alii, i le agaga ma le mana o Elia, ina ia naunau atu loto o tama ia latou fanau, faapea e faalogogata i le poto ma le amiotonu - ina ia tapena mo le Alii ia tagata ua saunia mo Ia."¹⁸Ona fai atu lea o Sakaria i le agelu, "E faafefea ona ou mautinoa lenei mea?, aua o a'u ua ou toeaina, o la'u ava fo'i ua matua ia. ¹⁹Ua tali mai le agelu ma faapea atu ia te ia, "O a'u o Kaperielu, o lo o tu i le mamalu o le Atua. Na auina mai a'u ina ia ou tautala atu ia te oe, ma ta'u atu ia te oe le talalelei. ²⁰Ae peita'i! O le a le a gugu oe, ma le mafai ona e tautala se'ia oo i le aso e faataunuuina ai nei mea. O le mafuaaga ona e te le i talitonu i la'u upu, o le a faatunuuina i lona taimi sa'o.²¹Ua faatalitali tagata ia Sakaria, ona ua ofo i latou i le umi o le taimi na i ai o ia i le malumalu. ²²Ae ina ua sau o ia i fafo, ua le mafai ona tautala mai o ia ia te i latou. Ua iloa e i latou na vaai o ia i se faaaliga a o i ai o ia i totonu o le malumalu. Na faapea ona ia taumafai e tautala atu, e ala i ni taga e tau faatino atu ia te i latou aua ua gugu o ia. ²³Ina ua mae'a aso e fai ai lana auaunaga, ona alu lea o ia i lona fale.²⁴Ua te'a atu ia aso ona to ai lea o lana ava o Elisapeta, ma e lima masina na le iloa ma le toe vaaia ai o ia e se tagata. Ona faapea mai lea o ia. ²⁵"Ua faia e le Alii lenei mea mo a'u, ina ua vaavaai mai o Ia ma le alofa, ina ia aveesea lo'u ma mai tagata.²⁶O le ono o masina o le to a Elisapeta, na auina mai ai e le Atua lana agelu ua igoa ia Kaperielu, e alu atu i le aai o Kalilaia ua igoa ia Nasareta. ²⁷e vaai le taupou o Maria lona igoa, ua faamau atu, ma ua tapena e faaipoipo atu i le tamaloa e igoa ia Iosefa e mai i le aiga a Tavita. ²⁸Ua sau le agelu ma ua faapea atu ia te ia, e maualuga le alofa o le Alii ia te oe, ma o lo o ia te oe le Alii". ²⁹Sa le mautonu Maria i ana upu, ma sa tau mafaufau o ia po o le a le uiga o ia faamatalaga.³⁰A ua faapea atu le agelu ia te ia. "Aua e te fefe Maria, aua ua i luga ia te oe manuia o le Atua ³¹Ia e iloa, o le a to oe ma fanau e oe se tama tane. E te faaigoa ia te Ia o Iesu. ³²E matautia o ia, e ta'ua o Ia o le Atalii o le Silisili Ese. O le Alii le Atua. O le a tuuina atu e le Alii le Atua le nofoalii i lona tuaa o Tavita. ³³E fai o Ia ma tupu i le fale o Iakopo e faavavau, ma e le faamutaina lona malo."³⁴Ua faapea atu Maria i le agelu. "E faafefea ona tupu lenei mea, ma te le i momoe ma se tamaloa?. ³⁵Ua tali atu le agelu ia te ia "O le a i luga ia te oe le Agaga Paia, o le mana o le Silisili Ese o le a i luga o oe. O le paia o le a fanau mai, o le a ta'u o ia o le Alo o le Atua".³⁶Ia e iloa fo'i, o Elisapeata mai i lou aiga, ua to o ia i se tama tane ae ua loomatua o ia. O lona masina lona ono lenei, a o ia e le i mafai ona fanau. ³⁷Aua e leai se mea e faigata i le Atua" ³⁸Ona faapea atu lea o Maria "O a'u o le auauna fafine a le Alii. Ia faia lava ia te a'u e tusa ma lau faamatalaga". Ona alu ese ai lea o le agelu³⁹Ua tu i luga Maria i lea lava aso, ma ia alu atu i luga o mauga, i se tasi o aai o Iutaia. ⁴⁰Ua alu o ia i le fale o Sakaria ma feiloai atu ia Elisapeta. ⁴¹E i ai le mea na tupu, ina ua faalogo mai le pepe o lo o i le manava o Elisapeta i le faafeiloai atu o Maria, ona osooso ai lea o ia, ma ua faatumuina fo'i Elisapeta i le Agaga Paia.⁴²Ua tagi o ia ma alaga atu ma le leo tele ma faapea atu, "Ua sili lou manuia i fafine uma, e manuia foi le o le a fanau mai i lou manava. ⁴³Aisea ua faapea ai, ona sau ai ia te a'u le tina o lo'u Alii? ⁴⁴Ia e iloa, ina ua lagona i o'u taliga le leo o lau faafeiloai mai, ona osooso ai lea ma le olioli o le pepe o lo o i lo'u manava. ⁴⁵E manuia le fafine e talitonu o le a faataunuuina mea uma na fai atu ai le Alii ia te ia"⁴⁶Ua faapea ane Maria "E faafetai a'e lo'u loto i le Alii, ⁴⁷ma olioli atu lo'u agaga i le Atua lo'u Faaola.⁴⁸Aua ua vaai o ia i le faatauvaa o lana auauna fafine, aua ua ou iloa, e amata atu nei o le a faaamuia mai tupulaga uma ia te a'u. ⁴⁹Aua ua faia E le Ona le Mana mea silisili mo a'u, ma o lona suafa e Paia.⁵⁰O lona alofa mutimuti vale e au i lea tupulaga ma lea tupulaga i a'i latou o e matata'u ia te Ia. ⁵¹Na Ia faaalia le malosi o lona lima, ma na ia faataapeape i latou o e e faamaualuluga i manatu o o latou loto.⁵²Na ia aveese alii mai o latou nofoalii, ma e siitia e ia i luga i latou e faamaualalo. ⁵³Na ia faamalieina le fia ai i mea lelei, ae na ia aveese atu e tele a latou mea, ma le leai o se mea na tuuina atu i o latou lima.⁵⁴Na tuuina atu lana fesoasoani ia Isaraelu lana auauna, ina ia manatua le faaali atu o lona alofa mutimutivale ⁵⁵(e pei ona ia fai i o matou tama) ia Aperaamo ma lona aiga e faavavau⁵⁶Na nonofo Maria ma Elisapeta pe tusa i le tolu masina, ona toe fo'i ai lea o ia i lona fale. ⁵⁷Ua oo i le taimi e fanau ai Elisapeta i se tama tane. ⁵⁸Ua iloa e ona tuaoi ma ona aiga, ua alofaina o ia e le Alii, ona latou olioli faatasi ai lea ma ia.⁵⁹Ua oo i le aso valu, ona latou o mai ai lea e peritomeina le tama, sa latou taumafai e faaigoa ia te ia ia Sakaria, le igoa o lona tama. ⁶⁰Ae tali ma faapea atu lona tina, "E leai, E faaigoa o ia ia Ioane" ⁶¹Ona latou fai atu lea ia te ia "E leai se tasi i lou aiga e igoa i lena igoa"⁶²Sa latou taumafai e ala i gagana faitaga e fesiligia Sakaria po o ai le igoa e manao e faaigoa ai le tama. ⁶³Ua fai ane Sakaria e ave ane se papatusi ia te ia, ona tusia lea e ia ua faapea atu, "O lona igoa o Ioane" Ona faateia ai lea o i latou uma i lea mea.⁶⁴Ona faafuase'i lea ona matala o lona gutu ma lona laulaufaiva. Ua ia tautala atu ma vivii atu i le Atua. ⁶⁵Ua oo mai le fefe i a'i latou uma na i ai. Ma na oo atu le tala e faatatau i nei mea i luga o mauga i le aai o Iutaia . ⁶⁶O i latou uma na faalogo i ia mea ua latou teu i o latou loto ma faapea ane, "Po o le a se mea a tupu i lenei tamaititi?" Aua ua i luga ia te ia le aao o le Alii.⁶⁷Ua faatumuina lona tama o Sakaria i le Agaga Paia, ona perofeta ane lea o ia, ua faapea atu. ⁶⁸Ia viia le Alii, le Atua o Isaraelu, ua sau o Ia e fesoasoani, ma faataunuu le faasalotoina o ona tagata.⁶⁹Ua ia faatupu mai le Faaolataga mo i tatou i le fale o Tavita lana auauna. ⁷⁰(E pei ona ia tautala mai i gutu o ana perofeta paia talu mai ia aso anamua.) ⁷¹E faasaoloto mai i o tatou fili, ma le lima o i latou uma o e ita mai ia i tatou⁷²O le a ia faia lenei mea e faaali ai lona alofa mutimutivale i o tatou tama ma manatua ai lana feagaiga paia, ⁷³le tautoga na ia tautino ai ia Aperaamo lo tatou tama. ⁷⁴Na ia tauto o le a ia foai mai ia i tatou, le faasaolotoina mai le lima o o tatou fili, ma auauna atu ia te ia e aunoa ma le fefe, ⁷⁵paia ma le amiotonu i ona luma i aso uma lava.⁷⁶Ioe, o oe le tamaititi, o le a ta'uina oe o le perofeta o le Silisili Ese, aua o le a e alu muamua atu i luma o le Alii, e tapena ona ala, ma tapena tagata mo lona afio mai. ⁷⁷ma tuuina atu le malamalama i le faaolataga i ona tagata mai i le faamagaloina o a latou agasala.⁷⁸O le a tupu lenei mea ona o le alofa mutimutivale o lo tatou Atua, ona o le malamalama mai luga o le a sau e fesoasoani i a'i tatou. ⁷⁹ina ia susulu atu ia i latou o nonofo i le pouliuli, ma le vanu o le ata o le oti. O le a ia faia lenei mea ina ia taitaina ai o tatou vae i ala o le filemu"⁸⁰80. Ua tupu le tama ma ua malosi o ia i le agaga, ma sa i le vao o Ia seia oo i le aso na ia faailoa ai o ia i le motu o tagata o Isaraelu.

2¹O aso ia, sa auina atu ai le poloaiga a Kaisara Aokuso ia fai le tusigaigoa mo tagata uma o le lalolagi. ²O le uluai tusigaigoa lea na faia ao avea Kurenio ma kōvana a Suria. ³O tagata uma foi ua alu o ia i lona lava aai e fa'amauina mo le tusigaigoa.⁴O Iosefa foi ua alu o ia i Kalilaia mai le aai o Nasareta, i Iutaia le aai o Tavita ua taua o Peteleema, auā o ia e mai le aiga o le gafa a Tavita. ⁵Ua ia alu e tusia fa'atasi ma Maria, o lē o le a fa'aipoipo ia te ia ma o lo'o to foi o ia.⁶A o iai i latou i inā, ua oo i le taimi e fanau ai lana pepe. ⁷Ua ia fanau mai le tama, o le ulumatua, ua ia aui foi ia te ia i le ie ma fa'ataoto ia te ia ile fa'atanoa vao, auā ua leai se potu i se fale tali malo.⁸Sa iai foi leoleo mamoe i lea nu'u i le vao, o lo'o leoleo i lo latou lafu mamoe i lea po. ⁹Fa'auta foi, o le agelu o le Alii na fa'aali atu ia te i latou. Sa susulu le mamalu o le Alii i luga ia te i latou ma sa fa'atumuina ai i latou i le fefe.¹⁰Ua fai atu foi le agelu ia te i latou, "Aua tou te fefe, auā ua ou sau ma le talalelei e oo mai ai le olioli i tagata uma lava. ¹¹O le aso lenei ua fanau ai le Fa'aola mo outou i le aai o Tavita! O ia o le Keriso, o le Ali'i! ¹²O le fa'ailoga lenei ua avatu ia te outou: Tou te mauaina le pepe o aui i le ie ma o lo'o taoto i le fale o manu."¹³Ona fa'afuase'i lea ona fa'atasi mai 'au mai le lagi, ua vivi'i i le Atua ma faapea atu, ¹⁴"O le mamalu o le Atua i mea aupitoaluga, ia iai foi le filemu i le lalolagi i tagata ua ia alofagia."¹⁵ua ō agelu i le lagi, ona fetautalatala'ai ai lea o leoleo mamoe, "ina tatou o i Peteleema ma vaai i lenei mea ua faia, na fa'aali mai ai le Alii ia te i tatou." ¹⁶Ua latou vave o ma maua atu Maria ma Iosefa ma le pepe o lo'o taoto i le fale o manu.¹⁷Ua uma ona latou vaai ia te ia, ona latou fa'ailoa mea na tauina ia te i latou e uiga i le tamaititi. ¹⁸Ua ofo foi latou na fa'alogo i tala na tautatala ai leoleo mamoe. ¹⁹A o Maria ua mafaufau i mea uma ua fa'alogo ai, ua ia teuina foi i lona loto. ²⁰Ua toe foi leoleo mamoe, ua vi'ivi'i ma fa'afetai i le Atua ona o mea uma ua latou fa'alogologo ma vaai i ai, e pei ona tauina ia te i latou.²¹O le i'uga o le aso valu, ua peritomeina ai foi o ia, ua fa'aigoa foi o ia ia Iesu, o le igoa sa tuuina atu e le agelu a o i le manava o lona tina.²²Ua mavae le aofa'i o aso e fa'amamaina ai i latou, e tusa ma le tulafono a Mose, ua latou aumaia o ia i le malumalu i Ierusalema e tu'uina atu i le Ali'i." ²³E pei ona tusia i le tulafono o le Ali'i, "o tama tane ulumatua uma e to i le manava, e vavaeseina lea mo le Ali'i." ²⁴Ona latou faia lea o le taulaga e tusa ma le mea ua faimai ai le tulafono a le Ali'i, "o lupe e lua po'o manulele(manutagi) laiti e lua".²⁵Faauta, sa iai i Ierusalema se tagata e igoa ia Simeona, o ia o se tagata e amiotonu ma amioatua. Sa fa'atalitali o ia mo le fa'amafanafanaga mai ia Isaraelu ma ua i ona luga foi le Agaga Paia. ²⁶Ua fa'aali foi le Agaga Paia ia te ia, e le oo mai le oti sei ia vaaia le Alii o Keriso.²⁷Na taitai'ina foi e le agaga paia Simeona i totonu o le malumalu. Ua aumai foi i totonu Iesu e ona matua, e tusa ma tū ma le masani o le tulafono, ²⁸ua ave o ia i ona aao ma vivi'i atu i le Atua ma fa'apea atu, ²⁹"Le Ali'i e tusa ma lou upu, ina tuu atu lau auauna e alu ma le filemu."³⁰Aua ua vaai ou mata i lou fa'aolataga, ³¹ua e saunia mo tagata uma. ³²O le malamalama e fa'aalia i nu'u ese ma le mamalu i lou nuu o Isaraelu."³³O lona tamā ma lona tinā ua ofo i mea ua fai mai ia te ia. ³⁴Ua fa'amanuia atu Simeona ia te i laua ma fai atu ia Maria lona tina, "fa'auta, ua tofia lenei tama e pa'ū ma fa'atuina ai tagata toatele a Isaraelu; e fai foi ma fa'ailoga o le lē taliaina; ³⁵ma o le pelu e vavaeina ai lou agaga ina faaalia ai manatu o le loto.³⁶Sa iai le perofeta fafine e igoa ia Ana sa i lea mea o ia. O le afafine o Fanuelu mai le aiga o Asera ma ua lo'omatua foi o ia. Sa nonofo ma lana tane mo le fitu sefulu tausaga talu o taupou o ia ³⁷ma ua oti lana tane i tausaga e valu sefulu ma le fa. E lei tuua lava e ia le malumalu, ae ua na o le agapogi ma le tatalo i le ao ma le po. ³⁸O lea lava taimi na fa'alatalata mai ai o ia ia te i latou. Ua ia vivii ma fa'afetai i le Atua ma ta'u atu le tala e uiga i le tama mo tagata uma, o ē na fa'atalitali mo le togiola o Ierusalema.³⁹Ua uma ona faia e i laua o mea uma e tusa ma le tulafono a le Ali'i, ona toe foi ai lea i Kalilaia i lo laua aai o Nasareta. ⁴⁰Ua tupu foi le tama ma ua malosi, ua tumu o ia i le poto, ua ia te ia foi le alofa tunoa o le Atua.⁴¹O tausaga uma e o ai ona matua i Ierusalema mo le tausamiga o le paseka. ⁴²Ua o'o i ona tausaga e sefulu ma le lua, ua toe malaga atu foi i le taimi o le tausamiga. ⁴³Ua mavae foi aso sa nonofo ai mo le tausamiga, ua amata ona toe foi i le fale. Peitai ua nofo Iesu i Ierusalema ma e lei iloa e ona matua. ⁴⁴Na laua manatu o lo'o fa'atasi o ia ma le vaega o le au malaga, ua latou malaga ai mo le aso e tasi. Ua amata foi ona saili ia te ia i o laua aiga ma uo.⁴⁵Ua lē maua o ia, ona la toe foi lea i Ierusalema e saili ma le toto'a ia te ia i lea mea. ⁴⁶Ua mavae foi aso e tolu, ona laua maua lea o ia o nofo i totonu o le au a'oa'o, o fa'alogologo ma tu'u fesili atu ia te i latou. ⁴⁷Ua matuā ofo uma i latou na fa'alogologo ia te ia i lona poto ma ana tali.⁴⁸Ua iloa atu foi e i laua o ia ma le loto ua ofo. Ua fai atu lona tinā ia te ia, "lou atalii e, aisea ua e faia ai lenei mea ia te i maua? Vaai mai ia te au ma lou tamā, ua matua ma fiu e su'e oe." ⁴⁹Ua tali atu o ia, aisea ua lua saili ai ia te au? lua te lē iloa ea e tatau ona ou faia le finagalo a lo'u Tamā? ⁵⁰Ae peitai, e le i malamalama i laua i le uiga o ana upu.⁵¹Ua usitai foi o ia ma foi fa'atasi ma i laua i Nasareta. Ua teu foi i loto o lona tinā o ia mea uma. ⁵²A ua tupu pea le poto ma le tino o Iesu, ua alofagia e le Atua ma tagata o ia.

3¹O le tausaga e sefulu lima i le nofoaiga a Tiperio Kaisara, sa pule Ponotio Pilato i Iutaia, o Herota o le kovana o Iutaia, o lona uso o Filipo sa avea ma kovana o Ituraia ma le nuu o Terekoniti, o Lusanio o le kovana ia o Apilenei, ²o le taimi lava lea o avea Ana ma Kaiafa ma ositaulaga sili - na oo ane ai le afioga a le Atua ia Ioane le atalii o Sakaria i le vao.³Na ia oo i aai uma o Ioritana, ma talai atu le papatisoga o le salamō ina ia faamagaloina agasala.⁴E pei ona tusia i le tusi o upu a Isaia le perofeta, "O le leo ua alaga i le vao, Ina teuteu ia outou le ala o le Alii, ia faalaulelei ona ala."⁵E faatumuina o vanu uma, e faamaualaloina foi mauga ma mea maupuepue uma; e faasaoina foi o mea piopio, ma mea gaoa e fai ma ala laulelei ia, ⁶e vaaia foi e tagata uma le faaolataga mai le Atua.⁷Ua fai atu ia i le motu o tagata e na o mai e papatisoina e ia, "Fanau a gata feai e, o ai ea na na faaali atu ia te outou e sosola ese i le toasa o le a oo mai/atali?⁸Ia outou fua mai ni fua e tatau ma le salamō, ae aua tou te faapea ifo i outou loto, "O Aperaamo, o lo matou tamā, auā ou te fai atu ia te outou, e mafaia lava e le Atua ona faatupuina mai i nei maa ni fanau ma Aperaamo.⁹O loo tuu nei foi le toi/matau i le tafu'e o laau. O laau uma foi e le fua mai i fua lelei, e taia ma lafoina i le afi.¹⁰Ua fesili mai le motu o tagata ia te ia, "Se a foi se mea matou te faia? ¹¹" Ua tali atu o ia ia te i latou, " O le tagata e lua ona ofutino, ia avane ia te ia e leaso ona ofu; o le ua ia te mea e ai, ia faapea foi ona fai"¹²Ua o mai foi tagata ao lafoga ia papatisoina, ua faapea mai ia te ia, "Le aoao e, se a se mea matou te faia? ¹³" Ona faapea atu lea o ia ia te i latou, "Aua tou te ao faasili i mea ua faatonuina mai ia te outou."¹⁴Ua fesili mai foi tagata tau ia te ia, "A o i matou foi se a se mea matou te faia?" Ona faapea atu lea o ia te i latou, "Aua tou te faasaua i se tasi, aua tou te tuua'i fua se tasi; ia outou tali filemu i lo outou taui."¹⁵A o faatalitali ma le naunautai tagata i le afio mai o Keriso, na manatunatu i latou uma i o latou loto ia Ioane, pe e le o ia o le Keriso. ¹⁶Na tali atu Ioane iai latou, " Ou te papatiso atu i le vai, ae peitai e iai lē o lē o le a maliu mai, e silisili atu o ia ia te a'u, e lē aoga ia te a'u ona tatala le nonoa o ona seevae. O ia lava na te papatiso ia te outou i le Agaga Paia ma le afi.¹⁷O i lona aao lana asu, e faamamā ai e ia lana faaputugasaito; e faapotopoto foi e ia le saito i lona fale saito. Ae peitai, e susunuina le otaota o saito i le afi e le pe lava/mate/uma/matineia."¹⁸O isi foi upu faamafanafana e tele, ua ia folafola ai le tala lelei i le nuu. ¹⁹Ao Herota le kovana/tupu, o lē ua aoaiina e ia, ona o Herotia le avā a lona uso o Filipo, atoa foi ma mea leaga uma na faia e Herota; ²⁰ua na faaopoopoina lenei mea i mea uma, ua tuuina atu e ia o Ioane i le falepuipui.²¹Ua oo i le taimi ina ua papatisoina le nuu uma, na papatisoina ai foi lea o Iesu, ua tatalo o ia, ona faaavanoaina ai lea o le lagi, ²²ona afio ifo lea o le Agaga Paia i ona luga, ua tino mai e peiseai o se lupe, ua oo mai foi le siufofoga mai le lagi, ua faapea mai, "O lo'u Atalii pele oe, ua ou fiafia lava ia te oe."²³O le tolusefulu o tausaga o Iesu na amata ai lana galuega. O ia o le atalii (e pei ona manatu ai) o Iosefa, le atalii o Heli, ²⁴le atalii o Matata, le atalii o Levi, le atalii o Melekei, le atalii o Ianai, le atalii o Iosefa.²⁵O Iosepa le atalii o Matatia, le atalii ia o Amosa, le atalii ia o Nauma, le atalii ia o Eseli, o le atalii ia o Nagae, ²⁶le atalii ia o Maato, o le atalii ia o Mataia, o le atalii ia o Semeina, o le atalii ia o Ioseka, ole atalii ia o Iota.²⁷O Iota o le atalii lea o Ioanana, le atalii ia o Resa, o le atalii ia o Serupapaelu, o le atalii ia o Salatielu, le atalii ia o Nerei, ²⁸le atalii ia o Melekei, le atalii ia o Atei, le atalii ia o Kosamo, o le atalii ia o Elematama, le atalii ia o Eru, ²⁹le atalii ia o Iosua/Iose, le atalii ia o Elisara, le atalii ia o Iorimo, le atalii ia o Matata, le atalii ia o Levi.³⁰O Levi o le atalii o Simeona, le atalii ia o Iuta, le atalii ia o Iosefa, le atalii ia o Ionamo, le atalii ia o Eliakimo, ³¹le atalii ia o Melea, le atalii ia o Mena, le atalii ia o Matata, le atalii ia o Natano, le atalii ia o Tavita, ³²le atalii ia o Iese, le atalii ia o Opetaia, le atalii ia o Poasa, le atalii ia o Sala, le atalii ia o Naasona.³³O Naasona le atalii o Aminatapu, le atalii ia o Arama, le atalii ia o Eserona, le atalii ia o Faresa, le atalii ia o Perese, le atalii ia o Iuta, ³⁴le atalii ia o Iakopo, le atalii ia o Isaako, le atalii ia o Aperaamo, le atalii ia o Tata, le atalii ia o Nakori, ³⁵le atalii ia o Seruka, le atalii ia o Reu, le atalii ia o Peleko, le atalii ia o Eperu, le atalii ia o Selaa.³⁶O Selaa o le atalii o Kainano, le atalii o ia o Afasata, le atalii ia o Semu, le atalii ia o Noa, le atalii ia o Lameko, ³⁷le atalii ia o Metusela, le atalii ia o Enoka, le atalii ia o Iareto, le atalii ia o Maalaelu, le atalii ia o Kainano, ³⁸le atalii ia o Enosa, le atalii ia o Setu, le atalii ia o Atamu, o le ia atalii o le Atua.

4¹Na foi ae Iesu mai le vai o Ioritana, ua faatumulia o ia e le Agaga Paia, ona taitaiina lea e ia e le Agaga i le vao, ²ua faaosoosoina o ia e le tiapolo i le fa sefulu o aso. O aso lava ia, na lei taumafa o ia i se mea e tasi, mulimuli ane, ua lagona e ia le fia taumafa.³Na fai atu le tiapolo ia te ia, "Afai o oe o le Atalii o le Atua, ina fetalai atu ia i lenei maa ia liu areto/falaoa". ⁴Na tali atu Iesu ia te ia, "Ua tusia, e le na o areto/falaoa/ meaai e ola ai le tagata".⁵Ona taitaiina lea e le tiapolo o Iesu ma faaali iai malo uma o le lalolagi, ua se emo lava. ⁶Na faapea atu le tiapolo ia te ia, "O le a ou avatua ia te oe lenei pule uma ma lo latou mamalu, aua ua tuuina mai ia te au, ou te tuuina atu foi i soo se tasi ou te loto iai. ⁷O lenei, afai e te ifo ma e vivii mai ia te a'u, e fai nei mea uma ma oe."⁸Na fetalai atu lea o Iesu ia te ia, " Ua tusia, E te ifo i le Alii lou Atua, ua na o ia lava e te auauna i ai."⁹Ona ave ai lea o le tiapolo ia Iesu ua faatu i le pito i luga o le malumalu ma faapea atu lea ia te ia, "Afai o oe o le Atalii o le Atua, ina oso ia oe i lalo i le mea nei. ¹⁰Aua ua tusia, 'E poloai o ia i ana agelu ia te oe, e tausi ia te oe ¹¹ma lenei foi, Latou te ave ia te oe i o latou lima nei tu'ia lou vae i se maa."¹²Ona tali atu lea o Iesu, "Ua fai mai le upu, Aua e te tofotofo i le Alii lou Atua. ¹³Na maea faaosoosoga uma a le tiapolo o Iesu, ona alu ese ai lea o ia sei iai se aso.¹⁴Ona toe foi lea o Iesu i Kalilaia ua faatumulia o ia le mana o le Agaga, ua salalau foi le tala ia te ia ua soo ai nuu uma. ¹⁵Na ia aoao atu i totonu o sunako ma ua viia ai o ia e tagata uma.¹⁶Na toe foi mai lea o ia i Nasareta i le nofoaga sa ia ola ae ai, o lana masani lea, na ulufale i le sunako i le Sapati na ia tulai ai ma faitau leotele. ¹⁷Na tuuina atu ia te ia le tusi taai a le perofeta o Isaia . Na ia fofola/tatala le tusi taai ma maua ai le mea na tusia ai le upu,¹⁸"Ua ou i luga le Agaga o le Atua, aua ua na ia faauu mai ia te au, e folafola le tala lelei i e matitiva ma ua auina mai a'u e ia e faamalolo i e loto momomo, e talai le saolotoga i le tafeaga ma ia pupula mata o e tauaso, e tuu saoloto i e ua faasauaina, ¹⁹e talai le tausaga e finagalo malie mai ae le Alii".²⁰Ona ia taai lea o le Tusi ma tuuina atu i le auauna ma alala/mapu/saofai i lalo. Na pula toa uma tagata ia te ia. ²¹Na ia fetalai atu iai latou, "O le aso nei ua taunuu ai lenei Tusi, o outou o faalogologo ai." ²²Ua latou vivii uma ia te ia, ua latou ofo foi i upu alofa na paū/fetalai mai lona fofoga, ma ua latou fai ane " E le o le atalii ea lenei o Iosefa?"²³Na ia fetalai ane iai latou, " E fai mai lava e outou lenei upu faastusai ia te, "Le Fomai e, alu ia oe e faamalolo ia te oe. O a lava mea na outou faalogo ai i Kapanaumi, ia faapena foi ona outou faia i lou nuu moni. ²⁴Ona ia fetalai atu lea, " E moni ou te fai ia te outou, E le talia se perofeta i lona nuu moni.²⁵E moni ou te fai atu ia te outou, e toatele i latou ua oti o latou taitoalua i Isarelu i le taimi o Elia ina ua puaoa le lagi i le 3 tausaga ma le 6 masina,ae na oo mai foi le oge i luga o le laueeleele. ²⁶Ae lei auina atu Elia i so latou ae ua na o i Sarefata le aai o i Saitonu i le fafine ua oti lana tane. ²⁷Na tele foi lepela i Isaraelu i ona po ole perofeta o Elisaia, ae lei faamaloloina/faamamaina i latou vagana ai Naamanu le Suria.²⁸O i latou uma na i le sunako, na faalogo i nei mea, na feita/lilivau i latou. ²⁹Na latou tutu ma taitaiina ia te ia i le tofe o le mauga i le mea o iai le aai, ina ia latou unai/lafoai/ faatito ifo ia te ia. ³⁰Ae ua savali ane o ia i lo latou va, pe ua faavava atu o ia ma maliu ese.³¹Ona maliu atu lea o ia i Kapanumi o le aai o Kalilaia ua ia aoao atu i le Sapati. ³²Na latou tau fai ofo aua na fetalai o ia ma le pule.³³Sa i totonu ole sunako se tagata ua ulutinoina e le temoni, ma ia alaga ane ma le leo tele, ³⁴Aue! Iesu e, le Nasareta, aisea ua e sau ai ia te i matou? Ua e sau e faaumatia i matou? Ua ou iloa, o oe - o le Paia e Toatasi o le Atua. O le a le mea e te faia ai fua matou Iesu. Matou te iloa oe. O oe o le tagata paia.³⁵Ona vavao lea o Iesu i le temoni, ua faapea atu, " Filemu! Alu i fafo nai/mai ia te ia!" Ona lafo ai lea o ia i lalo e le temoni i o latou luma; ona alu lea o ia i fafo mai ia te ia, ae ua lē afaina lava ia. ³⁶Na ofo uma tagata, ua fetautalatalai/ talatalanoa ai foi latou. Na faapea ane, O a ituaiga faamatalaga /upu lenei? Ua ia faatonu i agaga leaga i le pule ma le mana ona o ese ai lea i fafo." ³⁷Ua logologoa foi tala ia te ia ua oo atu lava i itu uma o lea aai/itu/itulagi lata ane.³⁸Ona maliu ese lea o Iesu mai le sunako ma ulufale atu i le fale o Simona. Sa maua le tinā o le avā a Simona i le mai vevela, ma latou faatoga/ole/fesili lea ia te ia mo ia. ³⁹Ona tu lea o ia i ona luga, ua vavao le ma'i vevela ona te'a ai lea. Na tulai vave o ia ma auauna ia te i latou.⁴⁰Na aumaia e tagata ia Iesu ē mama'i i ma'i eseese, i le goto ifo o le la. Na ia faaee ona aao i luga o tagata taitoatasi ma malolo/faamaloloina uma ai i latou. ⁴¹O le tele o temoni na o mai i fafo ma i latou, ua latou alalaga/tagi atu ma faapea mai, " O oe o le Atalii o le Atua!" A ua vavao e Iesu i temoni ma ua le mafai ona latou tautatala aua na latou iloa o ia lava o le Keriso.⁴²Ua ao, ona ulufafo lea o ia, ua maliu atu i le mea tuufua. Na saili foi ia te ia le motu o tagata ona latou maua ai lea o ia. Na latou taumafai e taofi ia te ia ina ia le maliu ese o ia mai ia te i latou.

⁴³A ua ia fetalai atu ia te i latou, "E tatau ona ou folafola le tala lelei o le malo o le Atua i nisi aai foi; aua o le mea lea na auina mai ai a'u." ⁴⁴Ona faauaua ai lea ona tala'i atu o ia i sunako i Iutaia.

5¹A o lolofi mai tagata iā Iesu ma fa‘alogologo i le afioga a le Atua, ona tu ai lea o ia i tafatafa o le vaituloto o Kenesareta. ²Ua iloa atu foi e ia ni vaa se lua ua toso ae i le auvai. Ua o ese le au faifaiva mai ia te i latou ma ua fufulu a latou upega. ³Ua maliu ae Iesu i le tasi vaa, o le vaa lea a Simona, ma fetalai atu iā te ia ia tuu atu i le vai ia lē mamao mai i uta. Ona nofo lea o ia i lalo ma aoao atu i tagata i fafo o le vaa.⁴Ua maea ona fetalai atu o ia, na ia faapea atu ia Simona, " Inā ave ia le vaa i le vai loloto, ma tuu ifo ai a outou upega ina ia maua ai ni i‘a.” ⁵Ua tali atu Simona, ua faapea atu, "Lou Matai e, ua atoa le po na matou galulue ai, ae leai se mea na maua, ona o lau fetalaiga o le a tuu ifo ai i lalo le upega. ⁶Ua latou faia lea mea, ona latou maua ai lea o i‘a e matuā tele lava, ma ua masae ai a latou upega. ⁷Ona talo atu lea o i latou i ē ua i le tasi vaa, ia ō mai e fesoasoani iā te i latou. Ua ō mai i latou ma faatumu vaa e lua, ona magoto ai lea.⁸Ua iloa atu e Simona Peteru, ona faapaū lea o ia i aao/tulivae o Iesu, ua faapea atu, “Le Alii e, ia e alu ese iā te au, auā o au o le tagata agasala.” ⁹Auā ua ofo o ia ma i latou uma sa i ai i i‘a na latou maua. ¹⁰Sa faapea foi Iakopo ma Ioane, o atalii o Sepetaio, o ē na galulue faatasi ma Simona. Ua fetalai atu Iesu ia Simona, ¹¹"Aua e te fefe, aua e amata atu nei, ona e maua o tagata. " Ua tuu atu o latou vaa i uta, ona tu'ua lea e i latou o mea uma, ae mulimuli atu iā te ia.¹²A o i ai o ia i le tasi aai, sa i ai le tagata ua mai lepela. ‘Ua vaai atu o ia iā Iesu, ona faapaū faō ai lea o ia ma aioi mai iā te ia, “Le Ali‘i e, a e finagalo i ai, e te mafaia ona faamamā iā te a‘u.” ¹³Ona aapa atu lea o Iesu i lona aao, ua pai atu ia te ia, ua faapea atu, Ou te loto i ai; ina mama ia oe. Ona tea loa lea o le lepela mai iā te ia.¹⁴Na ia faatonuina o ia e aua nei tau atu i se tasi ae na ia fai atu iā te ia, "Alu ia oe, ma ē faaali atu oe i le ositaulaga ma fai se taulaga mo lou faamamāina, e pei ona poloai mai ai Mose, e fai ma molimau iā i latou."¹⁵Ae ua atili ai ona salalau atu le tala e uiga iā te ia, ma ua faapotopoto faatasi le motu o tagata e toatele e faalogologo iā te ia ao aoao atu, ma ia faamaloloina o latou maʻi. ¹⁶A ua maliu ese soo o ia i mea tuufua ma tatalo ai.¹⁷Ua oo i le tasi aso na aoao atu ai o ia, sa nonofo ai foi le au faresaio ma aoao tulafono, o ē na ō mai mai nuu uma o Kalilaia ma Iutaia ma Ierusalema. Sa ia te ia le mana o le Alii e faamalolo ai.¹⁸¹⁹Ona ō mai ai lea o isi tagata ma amo le tagata supa i luga o le fala, ma saʻili se auala e aumai ai o ia i totonu, ina ia tuu ai o ia i luma o Iesu. 19 ‘Ua lē maua fo‘i e i latou se mea e ta‘ita‘iina mai ai o ia i totonu ‘ona o le motu o tagata, ‘ona latou ō a‘e lea i luga o le fale, ma tu‘u ifo i lalo le tagata i le i‘a, i luga o lona moega, i totonu o le motu o tagata, i luma tonu o Iesu.²⁰²¹Ua silafia e Iesu lo latou faatuatua, ona fetalai atu lea o Iesu, “Sole, ua faamagaloina au agasala.” 21 Ona fesili mai lea o le au tusiupu ma le au faresaio i lenei mea, ua faapea ane, O ai ea lenei ua upu leaga? O ai ea na te mafaia ona faamagaloina agasala, ua na o le Atua lava?²²²³²⁴A ‘ua silafia e Iesu o latou manatu, ‘ona tali atu lea o ia ‘iā te i latou, “Se a ‘ea le mea tou te manatunatu ai i lenei mea i o ‘outou loto? 23 O lē fea e sili ‘ona faigofie o le fai atu, ‘Ua fa‘amāgaloina a ‘outou agasala,’ po o le fai atu, ‘Inā tula‘i ia ma savali? ‘ia ‘outou iloa ai e i le Atali‘i o le Tagata le pule i le lalolagi e fa‘amāgalo ai agasala,” ‘ona fetalai atu lea o ia i le supa, “‘Ou te fai atu ‘iā te oe, inā tula‘i ia, ‘inā ‘ave lou moega, ma e alu i lou fale.”²⁵²⁶Ona tula‘i loa lea o ia i o latou luma ma ‘ave le fala sa ta‘oto ai o ia. Ona alu atu lea o ia i lona fale, ma vivii atu i le Atua. 26 Ua ofo tagata uma ma vivii atu i le Atua. Ua faatumulia i latou i le matatau, ua faapea mai, Ua tatou vaai i mea uiga ese i le aso nei.²⁷²⁸Ua mavae ia mea, ‘ona maliu ‘ese ai lea o Iesu mai lea mea, ‘ua silafia fo‘i e ia le aolafoga e igoa ia Levi, o nofo i le fale ‘ie o le aolafoga. Sa ia fai atu ia te ia, "Mulimuli mai ia te au." 28 ‘Ona tula‘i lea o Levi ma mulimuli atu ‘iā te ia, ‘ua tu‘ua e ia mea uma.²⁹³⁰³¹³²Ona faia lea e Levi se taumafataga tele i lona fale mo Iesu. Sa i ai fo‘i le to‘atele o le ‘auaolafoga ma isi tagata sa tao‘oto i le la‘o‘ai ma ‘a‘ai fa‘atasi ma i latou. 30 A ua muimui le au faresaio ma o latou tusiupu i ona soo, ua faapea atu, Se a le mea tou te aai ai ma feinu faatasi ma aolafoga ma e agasala? 31 ‘Ua tali atu Iesu ‘iā te i latou, “E lē mana‘omia e tagata malolosi se foma‘i, na o ē mama‘i. 32 ‘Ou te le‘i sau e vala‘au i ē amiotonu, a o ē agasala ‘ia salamō.”³³³⁴³⁵Ua fai mai i latou ‘iā te ia, “O le ‘au so‘o o Ioane e anapopogi ma tatalo e lē aunoa, ‘ua fa‘apea fo‘i ‘ona faia e le ‘au faresaio, a ‘ua ‘a‘ai ma inu ou so‘o. 34 ‘Ua fetalai atu Iesu ‘iā te i latou, “E mafai ‘ea e se tasi ‘ona fa‘anapopogi o ‘au‘auna o le fa‘ato‘āfaiavā a o i ai pea le fa‘ato‘āfaiavā ma i latou?³⁶Ona fetalai atu lea o Iesu i le faataoto ia te i latou. “E leai se tasi e saeia se fasi ‘ie i le ‘ofu fou ma toe sui ai le ‘ofu tuai. ofu tuai.³⁷³⁸³⁹E leai se tasi na te utuina le uaina fou i fagupa'u tuai. Afai na te faia faapea, o le a masae ai fagupaʻu i le uaina fou, ona masaa ai lea o le uaina, ma faaleagaina ai fagupaʻu. 38 Ae e tatau ona utu le uaina fou i fagupa'u fou. 39 E leai se tasi e inu i le uaina tuai e mana‘o i le uaina fou, auā e fai mai o ia, ‘E sili le mea tuai.’”

6¹O le tasi aso Sapati na ui atu ai Iesu i le mea o i ai o le togasaito, ona tau lea e ona soo o tauulu saito, ma mili i o latou lima, ona latou aia ai lea o saito. ²A ua faapea mai nisi o le au faresaio, "Aisea ua outou faia ai se mea e le faatagaina i le tulafono ona fai i le aso Sapati".³Ona tali atu lea o Iesu ia te i latou "Tou te le'i faitau ea i le mea na faia e Tavita ina ua fia 'ai o ia, ma lana au malaga na latou o atu? ⁴Na ulufale o ia i le fale o le Atua ma ia ave le falaoa na i ai ma 'ai, ma faapea ona ia avatu fo'i i lana au malaga na latou o atu e 'a'ai ai, e ui na o le ositaulaga e faatagaina i le tulafono ona 'ai ai." ⁵Ona ia faai atu lea ia te i latou "O le Atalii o le Tagata, o Ia o le Alii o le Sapati".⁶Ua oo i le tasi fo'i Sapati, ona ulufale lea o Ia i le sunako ma a'oa'o atu tagata. Sa i ai se tagata ua pe atoa lona lima taumatau. ⁷Ua lamalama le 'au tusiupu ma le 'au faresaioa ia te Ia, pe na te faamaloloina se tasi i le aso Sapati, ina ia latou maua se mafuaaga e molia ai o Ia. ⁸Ae na iloa e Ia le mea o lo o latou mafaufau i ai, ona Ia faapea atu lea i le tagata o lo o pe atoa lona lima. "Tu mai i luga ma tu i le ogatotonu lea o tagata". ona tula'i lea o ia ma tu ai e pei ona fai atu o Iesu.⁹Ona fai atu lea o Iesu ia te'i latou, "Oute fesili atu ia te outou, e tatau ona e faia se mea lelei po o se mea leaga, po o le faaola po o le fasioti i le aso Sapati?. ¹⁰Ona tilotilo solo lea o Iesu ia te'i latou ona Ia faapea atu le ia te ia, "Faaloaloa lou lima", Na faapea ona ia fai, ona toe lelei ai lea o lona lima. ¹¹Ua latou matua feita lava, ona latou talatalanoa ai lea po o le a le mea o le a fai ia Iesu¹²O lea aso na alu a'e ai Iesu i le mauga e tatalo, ma ua alu ma le po atoa o tatalo o Ia i le Atua. ¹³Ina ua malama le isi aso, ona ia valaau atu lea i ona soo e ane ia te Ia, ma ia filifilia i latou e sefulu ma le lua, ma avea ma Aposetolo.¹⁴O igoa o le au Aposetolo o Simona (ua faaioga atu fo'i ia te ia o Peteru), ma Aneterea lona uso, , o Iakopo ma Ioane, o Filipo ma Patolomaiao, ¹⁵o Mataio ma Toma, o Iakopo le atalii o Alefaio, ma Simona ua igoa o le Selote, ¹⁶o Iuta fo'i le uso o Iakopo, ma Iuta le Sekara le faalata.¹⁷Ua alu ifo Iesu mai le mauga ma i latou ma ia tu i luga o le mea laugatasi, le mea o i ai ona soo e toatele, faapea tagata e toatele mai Iutaia ma Ierusalema, ma nofoaga tu lalata i le sami o Turo ma Saitonu. ¹⁸Na o mai i latou e faalogologo ia te Ia ma faamaloloina o latou ma'i. O tagata fo'i na ulufia e agaga leaga na faamaloloina i latou. ¹⁹Ua taumafai atu uma le motu o tagata e pa'i atu ia te Ia, ona ua malosi mai ia te Ia le mana faamalolo, ma ia faamaloloina ai i latou uma.²⁰Ona Ia tepa atu lea i ona soo ma ia faapea atu, "E manuia outou e matitiva, aua e fai mo outou le malo o le Atua. ²¹E manuia outou o fia aai i le taimi nei, aua o le a maoona outou. E manuia outou o e o fetagisi i le taimi nei, aua o le a 'ata'ata outou.²²E manuia outou o lo o inosia e tagata, ma o le a faate'aeseina outou, ma faaleagaina outou ma le taliaina o outou igoa ona ua ta'uleagaina ona o le Atalii o le Tagata. ²³Ia outou olioli i lea aso ma outou osooso ma le fiafia, aua ua mautinoa le maua o lo outou taui silisili i le lagi, aua na faapea fo'i ona sauaina e o latou tua'a o perofeta i aso anamua.²⁴Ae talofa ia te outou o e mau'oa, ua maua lo outou mafanafana. ²⁵Talofa ia te outou ua maoona nei, aua o le a fia aai outou. Talofa ia te outou o 'ata'ata nei, aua o le a faanoanoa ma fetagisi outou.²⁶Talofa e, ia te outou pe afai o tauviivii atu outou e tagata, aua sa faapena ona tausia lelei e o latou tua'a o perofeta pepelo.²⁷Ae oute fai atu ia te outou o faalogologo mai, ia outou alolofa i o outou fili, ma ia agalelei atu i e o agaleaga mai ia te outou. ²⁸Faamanuia atu i e o upu leaga mai ia te outou, ma tatalo mo i latou o tua'ina fua outou.²⁹O ai lava na te poina mai le isi ou alafau, ia liliu atu i ai le isi. Afai e aveina e se isi lou ofu tele o pito i fafo, ia ave atu ia te ia ma lou ofu tino o i totonu. ³⁰Ia e foa'i atu ia i latou uma o e fesili mai. A ave e se isi se mea e patino ia te oe, aua e te toe fai atu i ai e toe faafo'i mai.³¹Ia outou fai atu i tagata mea tou te mananao e fai mai fo'i ia te outou. ³²Aua afai e te alofa atu tau lava o tagata e alolofa mai ia te outou, o le a la lo outou taui tou te maua?. Aua e faapena i latou agasala e alolofa atu na o e alolofa mai ia i latou. ³³Afai tou te fai atu mea lelei na o i latou o fai mea lelei mai ia te outou, o le a la lo outou taui tou te maua? Aua e faapea mea a tagata agasala. ³⁴Aua afai fo'i na o i latou tou te iloa e mafai ona toe totogiina mai a outou tupe, tou te faataga ona aitalafu mai ia te outou, o le a la lo loutou taui tou te maua?. Aua ua na o e agasala latou te tatala atu aitalafu i isi tagata agasala, ina ia latou toe maua la latou tupe atoa.³⁵A ia outou alolofa atu i o outou fili ma agaelei atu ia i latou. Ia fesoasoani atu, aua ne'i toe manatu i se taui e toe maua mai, ona silisili lea o lo outou taui, o le a avea outou ma atalii o le Silisili Ese, aua o Ia o le alofa atu i tagata leaga, ma i latou e leai se agaga faafetai. ³⁶Ia i ai le alofa mutimuitvale ia te outou, e pei o lo outou Tama o le alofa mutimtuitvale lava o Ia.³⁷Aua tou te faamasino atu, ina ne'i faamasioina mai outou. Aua tou te faasala atu, ona le faasalaina mai lea o outou. Faamagalo atu i nisi, ona faamagaloina lea o outou.³⁸Ia outou foa'i atu ona foaina mai lea ia te outou. O se aofaiga tele - e tumu, luluina ma oso i fafo - ma masaa ifo i ou vae. Aua o le fua e te fuaina atu, e fuaina mai fo'i ia te oe.³⁹Ona ia faamatala atu lea ia i latou o se faataoto. "E mafaia e se tauaso ona taitai o se tauaso?. Afai o lea, o lona uiga o le a pauu atu i la'ua uma i le lua, e moni? ⁴⁰E le sili atu le soo nai lo lona faiaoga, ae o i latou uma lava e mae'a ona ao'a'oina ato'atoa e mafai ona pei o o latou faiaoga.⁴¹Aisea e te vaai atu ai i le fasilaau o lo o i le mata o lou uso, ae e te le o iloa le ogalaau o lo o i lou mata? ⁴²E faafefea ona e fai atu i lou uso "Uso, aumai oute tago e 'eu ese le fasilaau o lo o i lou mata, ae e te le mafai ona e iloa atu le ogalaau o lo o i lou lava mata?. O oe le fa'afiaamiotonu! Ia e aveese muamua le ogalaau o lo o i lou mata, ina ia manino lau vaai e aveese ai le fasilaau o lo o i le mata o lou uso.⁴³Aua e leai se laau lelei na te fua mai ni fua leaga, e leai fo'i se laau lelei na te fua mai ni fua lelei. ⁴⁴Aua e iloa uma laau i o latou fua e fuaina mai. Aua e le mafai ona outou tau mai ni fua o le mati ini laau tuitui, e le mafai fo'i ona latou tau mai ni vine ini laau talatala o le togavao.⁴⁵E mai le loto lelei o le tagata lelei, na te fua mai fua lelei, o i latou leaga latou te fua mai fua leaga mai o latou loto e leaga. Aua o le tele o mea o tumu ai le loto, e tautala mai ai le gutu.⁴⁶"Aisea e te ta'ua ai A'u, "Le Alii, 'Le Alii, ae e te le usita'i mai i mea oute fai atu ai ia te oe?. ⁴⁷O i latou uma e o mai ia te A'u, ma faalogo i A'u upu, ma latou usita'ia, oute ta'u o ia e pei : ⁴⁸O le tagata na fau lona fale, na matua eli i le loloto o le palapala ma ia fauina le faavae o lona fale i luga o le papa. Ina ua sau o lologa, sau tafega ua matua malosi i lona fale, ae le'i maluelueina ai, aua na matua mausali lona fauina.⁴⁹A o le tagata e faalogo i A'u Upu ma ia le usita'i i ai, e pei o ia o le tagata na fau o lona fale i luga o le eleele e aunoa ma se faavae. Ina ua sau o tafega malolosi i le fale, na faafuase'i ona pa'u, ma matua faaleagaina atoa le na fale.

7¹Ua maea ona fetalai o ia, a'o faalologo le nu'u, ona alu atu ai lea o ia i Kapanaumi.²Sa iai se auauna fa'amoemoeina lava a le taitai 'au, sa ma'i o ia ma ua lata ina oti. ³Ua faalogo le taitai 'au i tala ia Iesu , ua ia faatonuina tagata matutua o le au Iutaia e ō e aumai Iesu e faamalolo i lana auauna. ⁴Ua omai o i latou ia Iesu, ua latou fesiligia lea o ia ma aioi atu, ma faapea ane, " O se mea e tatau lava o lou faia o lea mea mo lenei tagata, ⁵E le gata ina alofa o ia i le tatou nu'u ae o ia fo'i na fa'atuina le falesā"⁶Ua fa'aauau ai lea o le malaga a Iesu ma i latou. e le i toe mamao o ia mai le fale, Ua tutuli mai e le taitai 'au ni ana uō e faiatu ia te ia, " Le Alii e, aua le faapopoleina lou tagata, e le o a'u o se tagata e tonu i ou luma ua e afio mai ai i lo'u fale. ⁷O le mafua'aga fo'i lea o lo'u le o'o atu ia te oe, ae ia fetalai mai se i malolo ai la'u auauna. ⁸O a'u fo'i o se tagata olo'o i lalo o le pulega a se tasi o tagata, faatasi ai ma fitafita i lalo o la'u va'ava'aiga. Oute fa'atonu i se isi e 'alu' ona alu lea o ia, oute fa'atonu fo'i i se isi e 'sau' ona sau lea o ia, po'o se auauna e 'fai lea mea', ona faia lea e ia.⁹Ua faalogo Iesu i lea tala, ma ua fa'ateia ai o ia, ua liliu o ia ma faiatu i le motu o tagata oloo mulimui atu ia te ia, " Oute faiatu ia te outou, e o'o lava i Isaraelu oute le i mauaina ai lea ituaiga fa'atuatua." ¹⁰Ua toe fo'i atu lea o le au ave feau i le fale, ma ua latou faalogo ua malolo le auauna.¹¹Ua mavae ai lea o lena taimi, ma ua alu atu ai lea o Iesu i le a'ai o Naina, faatasi ai ma ona au so'o ma le motu o tagata sa mulimuli atu ia te ia. ¹²Ua latalata atu o ia i le faitoto'a o le a'ai, fa'auta, o se tamaloa ua oti oloo si'i mai i fafo o ia, na o ia le tama a lona tinā (o le tinā fo'i ua oti lana tane), faatasi ai ma le motu o tagata mai le a'ai sa mulimuli mai ia te ia. ¹³Ua va'ai atu Le Alii i le tasi fafine ua faapea atu, "aua e te tagi." ¹⁴Ua alu atu ai lea o Iesu ma ua pa'i atu i le pusa oloo avatu ai le tino o le tagata oti, ona tutu ai lea o i latou sa aumaia le pusa. Ua fetalai atu o Iesu, " Oute faiatu ia te oe, Inā tulai ia" ¹⁵Ua nofo mai i luga le tagata sa oti ma ua tautalatala o ia, ona avatu ai lea e Iesu lea tama i lona tinā.¹⁶Ua matata'u o i latou , ma ua fa'aauau le latou viiga i Le Atua, ua latou faapea atu, " O se perofeta mata'utia ua tula'i mai ia te i tatou" ma ua " Silasila mai fofoga o Le Atua i ona tagata". ¹⁷Ua aave tala e uiga ia Iesu i Iutaia atoa ma nu'u tuaoi uma.¹⁸Ua faailoa atu e le au so'o a Ioane nei mea uma ia te ia. Ua valaau lea e Ioane o ona so'o e toalua, ¹⁹ua auina atu lea o i la'ua i Le Alii, " O oe ea o lē e afio mai, pe matou te saili pea mo se isi?" ²⁰Ua latou latalata atu ia Iesu, ua faapea atu o i laua, " Sa auina mai o i maua e Ioane le papatiso se i fesili, "O oe ea lea e afio mai , pe matou te saili mo se isi tagata?"²¹O lea lava ituala sa faamaloloina ai e ia le toatele o tagata mai famai eseese ma agaga leaga, ma fa'apupula le toatele o tagata tauaso. ²²Ua tali atu Iesu ma faapea atu, " ō ia oulua ma ta'u atu ia Ioane mea sa lua vaai ma faalogo iai. Ua pupula tauaso, ua savavali tagata pipili , ua faamāmāina tagata lepela, ua faalologo foi tagata faipēpē (tutuli) ua toe tutu mai tagata na feoti, ma ua tala'i atu le tala lelei i tagata matitiva. ²³O se tagata e talitonu mai pea ia te 'au ona o mea oute faia, e faamanuiaina o ia.²⁴Ua ō ese atu ai lea o ave feau a Ioane, ua faapea ifo lea o Iesu i le motu o tagata i le tala ia Ioane, " O lea se mea na outou manatu o le a vaaia i le toafa? O se la'au e feluea'ina i le matagi? ²⁵O le a se mea na outou fia vaai iai ? O se tagata e ofu i ni ofu mamoe? Vaai, o tagata e ofu i ofu matagofie ma e tele o latou oloa e te maua i maota o tupu. ²⁶O le a ea se mea na outou fia vaai ai? O se perofeta? E moni, oute faiatu ia te outou, e sili atu o ia i le perofeta.²⁷O Ioane foi olo'o faimai ai le tusi, 'O lenei, oute auina atu la'u ave feau i ou luma, na te tapenaina le ala mo oe.' ²⁸Oute faiatu ia te outou, mai le tele na fananau mai i fafine e leai se isi e sili atu ia Ioane; a'o lē e pito i laititi i le malō Le Atua, e sili lea ia te ia.²⁹Ua fa'alogo iai tagata i lea tala, ma le 'au ao lafoga, ua latou alalaga o Le Atua e amiotonu, ona ua papatisoina o i latou e i le papatisoga a Ioane le papatiso. ³⁰O tagata faresaio ma tagata popoto i le tulafono ua latou tete'eina manatu o Le Atua mo i latou, ona e le'i papatisoina i latou e Ioane le papatiso.³¹"O le a se mea oute fa'atusatusaina ai lenei auga tupulaga? E fa'apefea o latou uiga? ³²E pei o i latou o ni tamaiti e tafafao i le maketi, e nonofo ma vala'au le tasi i le tasi ma faapea atu, 'Ua matou ilia ni fāili mo oe, ae e te le'i siva lava. Sa matou usuina le pese maliu, ae e te le'i tagi ai lava.'³³Ua sau ai lea o Ioane le papatiso e lē o taumafaina se falaoa po'o inuina se uaina ae ua e faimai, 'O ia o le temoni.' ³⁴O le atali'i o le tagata e sau olo'o 'ai ma inu o ia, ma ua outou faapea ane, 'Va'ai atu ia, o ia o se tagata olo'o 'ai ma onā, ae o le uō a le 'au ao lafoga ma tagata agasala!' ³⁵E fa'amaonia e le poto o Le Atua nei mea uma.³⁶Ua vala'aulia e se tasi o faresaio Iesu ina ia la 'aai fa'atasi ma ia. Ua alu atu ai lea o Iesu i totonu o le fale a le tasi o faresaio, ona nofo ai lea o ia i lalo la taumafa. ³⁷Fa'auta, sa iai se fafine i totonu le taulaga o se tagata agasala. Ua iloa e ia olo'o taumafa Iesu i le fale o le tasi o faresaio, ua ia aumaia o se fagu alapasa o iai totonu se suau'u manogi . ³⁸Ua tū o ia i autafa o ona vae ma tagi, ua sisina ifo ona loimata ma ua sūsū ai vae o Iesu, ma ua solo e ia i lona lauulu, ma kisi iai ona ia fa'au'u lea o ona vae i le suau'u manogi.³⁹Ua va'ai le tagata faresaio sa vala'auliaina Iesu, ua ia faapea ifo, "a fai o lenei tagata o se perofeta, e tatau lava ona ia iloa le ituaiga tagata olo'o iai lea fafine e pa'i atu ia te ia, o ia o se tagata agasala." ⁴⁰Ua tali atu Iesu ia te ia ma ua faiatu, "Simona, e iai la'u tala e fia fai atu ia te oe." Ua tali atu o ia, "saunoa mai, lau susuga le faiaoga!"⁴¹Ua faiatu ai lea o Iesu, "O se tagata e fai sana pisinisi nōnō tupe na aitalafu ai ni tagata se to'alua. O le tasi o tagata sa iai ni ana tenari e lima selau, a'o le isi e lima sefulu. ⁴²Ua lē mafai e i laua ona toe totogiina o la aitalafu, ae ua ia faamagalo ia te i laua. E ui i lea, o ai o i laua o le a sili atu lona alofa ia te ia?'" ⁴³Ua tali atu Simona ma faapea atu, "Oute manatu o le tagata na sili ona ia faamagaloina, o lē telē lana aitalafu." Ua tali atu Iesu, " E sa'o lelei lau tali"⁴⁴Ua fa'asaga atu Iesu i le fafine ma ua faiatu ia Simona, "Ua e va'ai mai i le fafine lea. Na ou ulu mai i lou fale. E te le i aumaia se vai e fufui ai ou vae, ae ua fa'asusuina e ia o o'u vae i ona loimata ma solo i lona lava lauulu. ⁴⁵E te le i fa'afeiloai a'u i se kisi, a'o le fafine nei, mai lava le taimi na ou sau ai e lei uma lava lona kisi i o'u vae talu ona ulufale mai o ia.⁴⁶E te le i fa'au'uina lou ulu i se sua'u'u, ae peitai ua ia fa'a'u'uina o'u vae i le suā'u'u manogi. ⁴⁷O le mafua'aga lea oute faiatu ai ia te oe, o ana agasala e tele, ua fa'amagaloina - e telē fo'i lona alofa. O lē e fa'amagalo laititi, e laititi fo'i lona alofa.⁴⁸Ua faiatu ai lea o ia i le fafine, "Ua fa'amagaloina au agasala." ⁴⁹O tagata sa nonofo fa'atasi ma ia i le laulau, ua faapea ane i latou ia i latou lava, "O ai lea tagata ua fa'amagaloina agasala?" ⁵⁰Ua faiatu ai lea o Iesu i le fafine, "O lou fa'atuatua ua e saoloto ai. Alu ia oe ma le filemū."

8¹Mulimuli ane ua malaga faataamilo Iesu i aai ma nuu eseese, e tala'i ma lauga atu le talalelei i le malo o le Atua. Sa ia te Ia le sefululua, ²faapea ma fafine na faamaloloina mai ma'i ma faasaolotoina mai agaga leaga: O Maria le na ta'ua o le Makatala, o le e to'afitu temoni na tutuli mai ai i fafo, ³O Ioana le ava a Kusa, ta'ita'i 'au a Herota, o Susana, faapea ma nisi na faasaolotoina mai i o latou noanoataga, ma i latou na tali o latou mana'o⁴Ina ua potopoto mai le motu o tagata, o tagata ua o mai ia te Ia mai lea aai i lea aai, ona ia faamatala atu lea o se faataoto. ⁵"Na alu se fai faatoaga e lulu ana fatu. Na ia lulu ma pa'u nisi i tafatafa o le auala ma soli ai e vae, ma o mai manulele mai le vanimonimo ma latou aina. ⁶Na pa'u nisi i luga o papa, e le'i leva ona tutupu mai ae toe mamate, ona o le matutu.⁷Na pa'u nisi i le vao tuitui, ona tutupu faatasi lea o le vao tuitui ma laau, peita'i ua fetineia'i ma le vao tuitui. ⁸Ae pa'u nisi i le eleele lelei ma ua tupu mai le laau e ta'i selau ona fua lelei" Ina ua uma ona fai atu Iesu i ia mea, ona ia faapea atu lea "O ai e i ai taliga e faalogo ai, ina faalogo mai ia"⁹Ona fesili lea o ona soo ia te Ia po o le a le uiga o lea faataoto. ¹⁰Ua Ia tali mai, "Ua faaali atu ia te outou le iloa o mea lilo o le malo o le Atua, ae mo isi tagata oute tautala atu i ai i faataoto, ina ia latou vaai ae latou te le o iloa, e latou te faalogo ae latou te le o malamalama".¹¹O le uiga lenei o le faataoto: O le fatu o le upu a le Atua. ¹²O fatu na pa'u i tafatafa o le auala o i latou ia na faalogo, ae sau le tiapolo ma aveese le upu mai o latou loto, ina ia aua ne'i o latou talitonu ma faaolaina ai i latou. ¹³O fatu na pa'u i le papa o i latou ia a faalogo i le upu, ua latou talia ma le olioli, peita'i e le nofomau le upu, ua latou talitonu i ai mo sina taimi, ae ua latou toe o ese ina ua tofotofina i latou.¹⁴O le fatu na pa'u i vao tuitui o tagata ia na faalogo i le upu, ae a'o alu la latou savaliga, ona faalavelaveina lea o i latou i mea fai, o le 'oa ma mea faafiafia o lenei olaga, ma ua le matutua ai fua o o latou olaga. ¹⁵Ae o le fatu na pa'u i le eleele lelei, o i latou ia na faalogo i le upu ma le faamaoni ma le lelei o o latou loto, ua latou taofi mau i ai, ma fua mai ona o le onosa'i i tiga.¹⁶"E leai se tasi na te tutu se moli ma ufiufi i se apa faaofuofu pe tuu fo'i i lalo o se moega. Ae peita'i na te tuu i luga o le tuugamoli ina ia iloa uma atu e i latou e ulufale mai le moli. ¹⁷E leai se mea e natia e le faailoaina, e leai fo'i se mea lilo e le iloa ma oo i ai le malamalama ¹⁸Ia faalogo lelei mai, mo le e tele ana mea e toe avatu ia te ia isi mea, a'o le e leai se mea, e oo lava i mea e manatu o ia te ia e aveesea mai ia te ia.¹⁹Ua o mai ia te Ia o lona tina ma ona uso, ae ua le maua atu so latou avanoa ia te Ia ona o le tumutumu o tagata. ²⁰Ona ta'u atu le ia te Ia, "O lo o i fafo lou tina ma ou uso, o lo o mananao e fia vaai ia te oe". ²¹A ua tali atu Iesu ia te i latou, "O lo'u tina ma o'u uso o i latou e faalogo i le Upu a le Atua ma fai."²²O se tasi o aso na o ai o Ia ma ona soo i le vaa, ona Ia fai atu lea ia te i latou, "Ina tatou o atu ia i le tasi itu o le vai" Ona alu atu lea o le latou vaa. ²³A o alu la latou malaga a ua moe o Ia. Ona agi mai lea o se matagi malosi i le vai, ma ua faatumulia le vaa i le vai, ma ua tauau ina faaletonu i latou.²⁴Ua o mai soo o Iesu ma fafagu ia te Ia ma faapea atu, "Le Alii e!, le Alii e! ona nofo mai lea o Ia i luga ma Ia taofi i le matagi faapea le malosi mai o le vai, ona taofia ai lea, ma ua maua se malu. ²⁵Ona Ia fai atu lea ia te'i latou, "O fea lo outou faatuatua?". A ua fefefe i latou ma tau fai ofo, ma faapea ane le tasi i le tasi, "O ai ea lenei, ua oo i le matagi ma le vai ua ia faatonu, ma usita'i mai ia te Ia?"²⁶Ua latou malaga atu i aai o Katara, e faafesaga'i ma le vai i Kalilaia. ²⁷Ina ua tu laueleele Iesu, ae faafetaia'i mai o Ia e se tagata mai lea aai o lo o ulufia e temoni. Ua tele aso o fealua'i telenoa o ia ma ua le nofo fo'i i lona aiga, ae ua mau o ia i le mea o i ai tuugamau.²⁸Ina ua ia iloa atu Iesu, ona alaga mai lea o ia ma faapa'u fao i ona luma, ma ia valaau mai ma le leo tele, "Iesu le Atalii o le Atua Silisili Ese, o le a le mea ua e sau ai ia te a'u? Oute ai'oi atu ia te oe, aua e te faatiga mai ia te a'u". ²⁹A ua faatonu e Iesu le agaga leaga e sau i fafo ma ia. E tele ina osofa'i e lea agaga o ia, ma e ui ina taumafai e fusifusia o ia i loka ma filifili uamea e taofia ai o ia, ae motusi e ia o ia loka ma filifili u'amea, ona ave faamalosia ai lea o ia e temoni i le vao.³⁰Ua fesili atu Iesu ia te ia, "O ai lou igoa?" Ua tali mai o ia "O Lekeono", e toatele temoni ua ulufale ia te ia. ³¹Ona latou matua ai'oi mai lea ia te Ia e aua ne'i tutuli atu ia i latou i le vanu.³²Sa i ai se lafu puaa tele o lo o fafagaina i se eleele maualuga. Ua ai'oi mai temoni ia te Ia, ina ia tutuli atu i latou i totonu o puaa, ona ia faataga atu lea o i latou. ³³Ona o mai lea i fafo o temoni mai lea tagata ma o i totonu o puaa, ona taufetuli lea o le lafu puaa ma ua feosofi atu i le vai ma malelemo ai i latou.³⁴Na faate'ia i latou na fafagaina puaa i le mea na tupu, ona tammo'e atu ai lea o i latou ma ta'u atu lenei mea i le aai, faapea ma nuu o lata ane ³⁵Ona o mai lea o tagata e matamata i le mea na tupu, ma latou tau mai ia Iesu ma le tagata na tuli mai ai i fafo temoni. O lo o nofo o ia i lalo ifo o vae o Iesu, ua fai ona lavalava ma ua toe lelei lona mafaufau, ona tupu ai lea o le fefe ia i latou.³⁶Ua faamatala atu e i latou na molimau i le faamaloloina o le tagata na ulufia e temoni. ³⁷Ona ai'oi mai lea o tagata mai aai o Katara ia Iesu ina ia alu ese ma latou, ona ua matua ufitia i latou i le fefe tele. Ona alu ane lea o Iesu i le vaa ma toe fo'i atu.³⁸A ua faataunau o Ia e le na tutuli ese mai ai temoni ina ia latou o ma ia, ae ua taofi o ia e Iesu ma faapea atu ³⁹"Ia e toe fo'i atu i lou aiga ma e ta'u uma mea na faia e le Atua mo oe." Ona alu lea o ia, ua ia tala'i atu i le aai atoa le mea na faia e Iesu mo ia.⁴⁰Ina ua toe fo'i mai Iesu, na faafeiloa'i o Ia e le motu o tagata aua sa latou faatalitali ia te Ia. ⁴¹Ae peita'i o le tagata e igoa ia Iairo, o ia o se tasi o ta'ita'i i le sunako, ua sau o ia ma faapa'u fao i vae o Iesu, ma ia ai'oi atu ia te Ia e alu ane i lona fale, ⁴²Ona o lona afafine e toatasi pe tusa i le sefululua ona tausaga, ua tali oti o ia. Ona alu ane lea o Iesu, ae ua lolofi mai ia te Ia le motu o tagata e toatele.⁴³Sa i ai se fafine ua sefululua tausaga o maua o ia i le puna toto, ma ua le maua se togafitiga mo ia. ⁴⁴Ua taamilo mai o ia i tua o Iesu ma pa'i ane i le pito o lona ofu, ona faafuase'i lea ona taofia le puna o lona toto.⁴⁵Ua fai ane Iesu, "O ai lea na pa'i mai ia te a'u?". E leai se isi na tali mai, ona faapea mai lea o Peteru, "Le Alii e, e toatele le motu o tagata o lo o lolofi mai ma pa'i atu ia te oe. ⁴⁶46. A ua tali atu Iesu, "E i ai le tagata na pa'i mai ia te a'u, ona na ou lagona ua alu atu le mana mai ia te a'u".⁴⁷Na iloa e le fafine e i'u ina faailoa lava o ia, ona sau lea o ia ma le fefe ua faapa'u fao i ona luma. I le tumutumu o tagata, ae ua ia faailoa atu le mafuaaga na ia pa'i atu ai ia te Ia, ma ia faailoa fo'i le faafuase'i ona malolo o lona ma'i. ⁴⁸Ona Ia fai atu lea ia te ia, "Afafine, o lou faatuatua ua e malolo ai. Alu ia oe ma le filemu".⁴⁹A o tautala o ia, a ua sau se tasi mai le fale o le ta'ita'i i le sunako ma fai mai, "Ua oti lou afafine, aua e te toe faalavelave atu i le a'oa'o". ⁵⁰A ua lagona mai e Iesu le faamatalaga lea, ona Ia fai atu lea ia Iairo, "Aua e te fefe, ae na'o lou talitonu mai pea, ona malolo ai lea o ia."⁵¹Ua oo atu o Ia i le fale, ona ia taofia lea o i latou uma i fafo, ae ulufale atu na'o Ia ma Peteru ma Ioane ma Iakopo, ma le tama o le teineititi faapea ma lona tina. ⁵²O i latou na i le fale o lo o tagi aue ma tagitu'i i latou, a ua ia fai atu ia te'i latou, "Aua tou te fetagisi, e le o oti o ia o lo o moe. ⁵³A ua aamu mai i latou, aua ua latou iloa ua oti le teineititi.⁵⁴A ua tago atu o ia i lona lima ma Ia valaau atu faapea, "La'u pele, nofo mai i luga!" ⁵⁵Ua toe fo'i mai lona agaga ia te ia, ona tu mai lea o ia i luga. Ua Ia faatonu atu i latou ina ia avane sana meaai. ⁵⁶Ua matua ofo ona matua, a ua taofi atu e Ia i la'ua ia aua ne'i ta'u atu lenei mea i se isi.

9¹Na faapotopotina e ia le toasefulu ma le lua ma tuu atu ia te i latou le mana ma le pule e tutuli ai temoni ma faamalolo i ma'i. ²Na ia tuuina atu i latou e tala'i le malo o le Atua ma faamalolo i ē mamai.³Ua fetalai atu foi o ia ia te i latou, "Aua tou te ave se mea i le malaga, poo tootoo, poo se atotupe, poo mea e ai, poo se tupe, aua foi nei tailua ofutino/poo ni ofu faaopoopo. ⁴O se fale foi tou te ulu atu iai, nonofo ai seia tou o ese.⁵Ai se lē talia outou, a outou o ese i le aai, ia tūtū ese le eleele/pefu mai o outou vae, e fai ma molimau ia te outou." ⁶Ona latou tuua lea o lea nofoaga ma agai atu i le isi nuu, ma talai/folafola atu le tala lelei, ma faamalologa i soo se nofoaga.⁷Na faalogo le tupu o Herota i mea uma ua faia e ia, ona fememeai ai lea o ia, aua ua fai mai nisi ua toe tu mai Ioane na oti, ae fai mai nisi, ⁸na faaali mai Elia, ao isi, ua toe tu mai le tasi o le au perofeta anamua. ⁹A ua fai ane Herota, " Na ou vavaeeseina le ulu o Ioane. O ai la lenei ua ou faalogo atu ai i nei tala?" Na ia manao e vaai ia te ia.¹⁰Na toe foi mai le au aposetolo, ma faamatala ia te ia mea uma na fai. Ona ave lea o ia ia te i latou, ua ō na o i latou i le tasi nuu e igoa ia Petesaita. ¹¹Ae peitai na iloa e le motu o tagata, ona latou mulimuli atu lea ia te ia. Na talia e ia o i latou, ma ua fetalai foi ia te i latou i le malo o le Atua ma faamalolo i e na fia faamaloloina.¹²O le a goto atu le la i lea aso, na oi mai ona soo ma faapea atu ia te ia, " Tuu atu ia i le motu o tagata, ia latou o atu i aai ma faoa aai e latalata mai e api ai ma maua ai sa latou mea e ai, aua e gagao le nofoaga nei." ¹³Ae na ia fetalai atu iai latou, " Ave e outou se mea e aai ai latou." Na latou tali ane, " E na o le lima lava falaoa/areto ma i'a e lua lea e iai, seiloga la matou te o e faatau mai ni mea e ai mo tagata uma nei. ¹⁴(E lima afe o tamaloloa/tane sai iai) Na ia fetalai atu i ona soo, " Fai ia te i latou uma e taooto uma i lalo i ni vaega e tai toalimasefulu."¹⁵Na latou faapea ona fai, ma faatonu tagata e taooto i lalo. ¹⁶Na ia tago i le lima areto faapea ma i'a e lua, na ia tepa ae i le lagi, ua ia faafetai/faamanuia ma tofitofi, ona ia tuuina atu i ona soo e tufatufa atu i le motu o tagata. ¹⁷Na latou aai uma ma ua maoona, ae e sefulu lua ato o meaai na totoe.¹⁸Ao tatalo Iesu na o ia, sa faatasi ma ia ona soo. Na ia fesili/fetalai atu iai latou, " Fai mai e a le motu o tagata, o ai au?" ¹⁹Na latou tali atu, "Ioane le Papatiso. Ao nisi o Elia, fai mai isi o se tasi o le au perofeta mai anamua ua toe tu mai."²⁰Na ia fetalai atu iai latou, "Ao le a sa outou tala, o ai a'u?" Na tali Peteru, "O oe o le Keriso o le Atua." ²¹Na ia vavao ma faatonu iai latou ina ia aua nei ta'u atu i se tasi o ia, ²²na ia fetalai atu, "E tatau ona tiga le Atalii o le Tagata i mea e tele, ma ia lafoaiina e toeaina, ma ositaulaga sili, ma le au tusiupu, ia fasiotia foi; e faatuina foi o ia i le aso tolu."²³Na ia fetalai atu iai latou uma, "A iai se fia mulimuli mai ia te a'u, ia faafiti o ia ia te ia lava ma amo lona satauro i aso taitasi/aso fai soo ma mulimuli mai ia te a'u. ²⁴O ai lava e fia faasaoina lona ola e maumau, ae peitai o lē maumau lona ola ona o a'u, e faasaoina lea. ²⁵O le a se aoga i le tagata pe afai nate maua le lalolagi uma ae maumau ai lona ola?²⁶O ai lava se mā ia te a'u ma a'u upu, e ma foi ia te ia le Atalii o le Tagata, pe a sau o ia i lona mamalu ma le mamalu o lona Tamā ma le au agelu paia. ²⁷E moni ou te fai atu ia te outou, o loo tutū mai nisi iinei, e le oo ia te i latou le oti, seia latou vaaia le malo o le Atua."²⁸Ua maea atu aso e valu talu ona maea ona fetalai atu o Iesu i ia upu, na latou o ai ma Peteru, Ioane ma Iakopo i le mauga e tatalo. ²⁹Ao ia tatalo, na liua ona foliga/fofoga, o ona ofu foi ua paepae ma pupula tele mai.³⁰Faauta foi, e toalua tamalolo na talanoa ma ia, o Mose ma Elia, ³¹o ē na faaali mai i lona pupula, ao latou talanoa i lona maliu, o le a faataunuuina i Ierusalema.³²Ao Peteru sa iai faatasi ma ia ua moe gagase, ae ina ua feala i latou, na latou lea o le pupula o lona mamalu ma tamaloloa e toalua na tutu faatasi ma ia. ³³Ao agai ese i lau mai ia Iesu, na faapea atu Peteru ia te ia, " Le Alii e, e lelei ona ua tatou iinei. Ia tatou faia ni fale apitaga se tolu, e tasi mo oe, tasi mo Mose ma le tasi mo Elia ( Na te leiloa le mea ua fai atu ai o ia te ia)³⁴Ao ia fai atu i lea mea, na oo ane le ao, ma faamalumalu ifo i ai latou, ma ua latou matatau ao latou ulufale atu i le ao. ³⁵Ona oo mai lea o le siufofoga mai le ao, ua faapea mai, " O lo'u Atalii lea, o lē ua filifilia, faalogo ia te ia." ³⁶Ua mavae atu le siufofoga, ona iloa ai lea ua na o Iesu. Na latou le leoa ma na latou te lei tauina i se tasi mea na latou vaai i ai.³⁷O le aso na sosoo ai, ina ua o mai i lalo o le mauga, ona fetaiai lea o ia ma le motu o tagata. ³⁸Faauta, ua alaga mai le tasi nai le motu o tagata, "Le a'oa'o e, ou te aioi atu ia te oe, e te silasila mai i lo'u atalii e toatasi. ³⁹Ua pue o ia e le agaga, ona alga loa lea ma faataafiti ia te ia, ma ua fāuā lona gutu, ua tui fulifuli ia te ia, toe ina le au ese ia te ia. ⁴⁰Na ou aioi atu foi i ou soo ia latou tuli ia te ia i fafo, a ua latou le mafaia lava."⁴¹Ua tali atu Iesu, " Le tupulaga lē faatuatua ma le faapiopiio, ou te iai ia te outou, ma onosai ia te outou seia afea? Ina au mai ia lou atalii iine." ⁴²Ao savali mai le tama ia te ia,na lafotu ma faataafiti ia te ia le temoni. Ona vavao lea e Iesu i le agaga leaga, ma ua faamalolo i le tama, ma toe tuu atu ia te ia i lona tamā⁴³Na latou matuā ofo uma i le mana mamalu o le Atua. O loo ofo i latou uma i mea uma na faia e ia, ona fetalai atu lea o ia i ona soo, ⁴⁴" Ia outou matuā faalogologo i nei upu, auā o le a tuuina atu le Atalii o le tagata i lima o tagata." ⁴⁵A ua le iloa e i latou lea upu, ua lilo ia te i latou, o lea na latou le lagona ai lea mea; ua latou matatau foi e fesili ia te ia i lea upu.⁴⁶Ua tupu le finaua ia te i latou, poo ai so latou e sili. ⁴⁷Ua silafia e Iesu le manatu o latou loto, ona tago lea o ia i le tamaitiiti, ma faatu ia te ia i ona tafatafa ⁴⁸ma fetalai atu iai latou, "Ao se talia lenei tamaitiiti i lo'u igoa, ua talia a'u e ia, ai sē talia foi a'u, ua talia e ia le na auina mai a'u; auā o le aupito itiiti ia te outou uma, e sili lava ia."⁴⁹Na tali atu Ioane, "Le Alii e, na matou iloa se tasi na tulia temoni i lou igoa ae na matou vavao ia te ia aua ua ia le mulimuli mai ia te i tatou." ⁵⁰"Aua tou te vaoia ia te ia," na fetalai atu ai Iesu, "aua o le lē au ese ia te outou , e 'au faatasi lea ma outou."⁵¹Ua oo atu i ona po e siitia ai o ia, ua mausali i lona manatu e mali atu i Ierusalema/ ona matuā faasaga atu lea o ia e maliu atu i Ierusalema. ⁵²Na aauina atu e ia o nisi e muamua atu ma le feau, ma latou o atu ma afe i le tasi aai o Samaria e sauni ai mo ia. ⁵³A ua le talia o ia e i latou, auā sa faasaga atu lana malaga i Ierusalema.⁵⁴Na iloa e ona soo o Iakopo ma Ioane, ona la fai mai lea, " Le Alii e, e te finagalo ma te faatonu i le afi e alu ifo mai le lagi ia fano ai i latou?" ⁵⁵Ae na liliu o ia ma vavao/aoai iai laua, ⁵⁶ma latou agai atu i le tasi aai.⁵⁷Ao latou agai atu i le ala, na fai mai lea o le tasi ia te ia, " Ou te mulimuli atu ia te oe i mea uma e te maliu atu i ai." ⁵⁸Ona fetalai atu lea o Iesu, "E fai lua o alope, e fai foi mea e momoe ai manu felelei, a o Atalii o le tagata, e leai se mea e moe ao o ia."⁵⁹Ua fetalai atu o ia i le tasi, "Ina mulimuli mai ia ia te au." A ua fai mai o ia, "Le Alii e, tuu mai ia ia te au, sei ou muai alu e tanu i lo'u tamā. ⁶⁰A ua fetalai atu Iesu ia te ia, "Ina tuu pea ia ie ua oti e tanu i o latou tagata oti, a o oe, e te alu ma talai atu le malo o le Atua."⁶¹Ua fai mai foi le tasi, "Le Alii e, ou te mulimuli atu ia te oe, a ia tuu mai ia te au, sei ou mua faamavai i lo'u aiga." ⁶²Ua fetalai atu Iesu ia te ia, " O lē tago lona lima i le suotosina, ma tepa i tua, e le tatau ia i le malo o le Atua."

10¹Mulimuli ane, ua tofia e le Alii le isi fitusefulu, ma auina atu i latou ta'ito'alua e muamua atu ia te Ia i aai uma, ma nofoaga o le a alu atu i ai o Ia. ²Ua Ia fai atu ia te'i latou, "Ua tele le saito, ae ua to'alaiti le 'au faigaluega. O lea ia outou ai'oi atu i le Alii o le seleselega, ina ia auina atu nisi faigaluega e selesele i lana saito."³Ina outou o atu ia. Ia outou iloa, oute auina atu outou e pei o ni mamoe i le va o luko fe'ai. ⁴Aua ne'i ave e outou se 'ato, po o se 'ato malaga, po o se seevae, ma aua ne'i outou faafeiloa'i atu i nisi i le ala.⁵O ai lava le fale tou te ulufale atu i ai, ia muamua ona outou fai atu, 'Ia i ai le filemu i lenei fale!' ⁶Afai e i ai le filemu i ia tagata, ona tumau lea o lo outou filemu i luga o i latou, ae a leai, tou te toe fo'i ma outou. ⁷Ia outou nonofo ai i lena fale, ma outou aai ma feinu i mea latou te laulau ane, aua e tatau le totogi i e galulue. Aua tou te feoa'i mai lea fale i lea fale.⁸O ai lava le aai toute o i ai, ma o latou talia outou, ia outou aai i meaai ua latou laulau ane mo outou, ⁹ma outou faamalolo i o latou ma'i. Ia fai atu ia te'i latou, 'Ua latalata mai le Malo o le Atua ia te outou'.¹⁰O ai lava le aai toute o i ai ae latou te le taliaina outou, ia outou o atu i o latou magaala ma fai atu, ¹¹'E oo lava i le pefu mai lo outou aai e pipii mai i o matou vae, matou te soloi esea atu ia te outou! A ia outou iloa: Ua latalata mai le Malo o le Atua'. ¹²Oute fai atu ia te outou, e oo mai lena aso, e feololo atu Sotoma nai lo lena aai.¹³Oi talofa ia te oe Koasini! Oi talofa ia te oe Petesaita! Ana faia vavega tetele ua faia ia te outou i Turo ma Saitonu, semanu ua leva ona latou salamo, ma o latou nonofo i le ie talatala ma le efuefu. ¹⁴Ae feolo atu Turo ma Saitonu nai lo le faamasinoga e oo mai ia te outou. ¹⁵O oe Kapanaumi, ua outou manatu ea o le a faaeaina outou e oo i le lagi? E leai, e lafotoina oe i lalo i Seoli.¹⁶O le faalogo ia te outou ua faalogo mai o ia ia te a'u, a o le ua ia tetee ia te outou ua ia tetee mai ia te a'u, ma le na auina mai a'u"¹⁷Ua toe fo'i mai le to'a fitusefulu ma le olioli, ma latou fai mai, "Le Alii e, e oo lava i temoni na usita'i mai ia te'i matou i lou igoa. ¹⁸a ua fai atu Iesu ia te'i latou, "Na ou vaaia Satani ua pa'u ifo mai le lagi e pei o le uila. ¹⁹Ia outou iloa, ua avatu ia te outou le pule toute soli a'i gata ma akarava, faapea le malosi uma o le fili, ma e leai se mea e tasi e ono leaga ai outou. ²⁰Ae peita'i, aua ne'i tou fiafia tau o lenei mea, ina ua usita'i agaga ia te outou, a ia sili atu lo outou olioli, ina ua outou iloa ua tusia o outou igoa i le lagi.²¹O lea lava itula ua vivii fiafia ai o Ia i le Agaga Paia ma faapea atu, "Oute viia oe, Tama, le Alii o le lagi ma le lalolagi, ona ua e taofia nei mea mai e popoto ma atamamai, a ua e faaali atu ia mea ia i latou faatauvaa, e pei i latou o ni tama valevale. O lenei lo'u Tama e, o le fo'i lava lea e fiafia i ai lou finagalo.²²"Ua tuuina mai mea uma e lo'u Tama ia te a'u, e leai se tasi na te iloa le Atalii ua na o le Tama, e leai fo'i se tasi na te iloa le Tama ua na o le Atalii, ma i latou ua filifilia e Ia e faaali atu i ai o Ia."²³Ua ia faliu ma ia fai atu i ona soo ina ua na'o i latou, "E manuia i latou e vaai i mea ua outou vaai i ai. ²⁴Oute fai atu ia te outou, e toatele perofeta ma tupu na naunau ina ia o latou vaai i mea ua outou vaai i ai, ae latou te le'i vaai i ai, ma latou faalogo i mea ua outou faalogo i ai, ae latou te le'i faalogo ai".²⁵Ua tula'i se tasi o a'oa'o o le tulafono e nate tofotofo ia te Ia, ma faapea atu, "Le A'oa'o e, o le a le mea oute faia oute maua ai le ola e faavavau?." ²⁶Ua fai atu Iesu ia te ia, "O le a le mea ua tusia i le tulafono? E mafai ona e faitauina mai?" ²⁷Ua tali mai o ia ma faapea mai, "Ia e alofa atu i le Alii lou Atua ma lou agaga atoa, ma lou loto atoa, ma lou malosi atoa, ma lou manatu atoa, ia faapena fo'i ona e alofa atu i le lua te tua'oi". ²⁸Ua fai atu Iesu ia te ia, "Ua sa'o lelei lau tali. Ia e faia lenei mea, ona e ola lea".²⁹A ua fia amiotonu o ia, ua ia fai atu ia Iesu, "O ai lo'u tua'oi?" ³⁰Ua tali atu Iesu ia te ia, "E i ai se tagata na alu malaga mai Ierusalema i Ieriko. Na osofa'ia o ia e tagata gaoi, ua latou ave ana meatotino, ua fasi ia te ia, ma faataatia ai o ia a tali oti.³¹O se avanoa lelei na ui ane ai i le auala lea se ositaulaga, ae ina ua vaai atu o ia i le tagata o taatia mai, ona ui mamao lea o ia i le isi itu auala. ³²E faapena i le sa Levi, na ui mai o ia i le auala lea ma tau mai i le tagata, ona taamilo lea o ia i le isi itu auala ma alu loa.³³Ae o le tagata Samaria na malaga mai o ia, ma tau mai i le tagata o lo o taatia i le ala. Ina ua ia vaai atu i le tagata, ona tupu ai lea o lona alofa. ³⁴Ua ia fesoasoani atu ia te ia ma fusifusi i ona manu'a, ua ia sasaa i ai o le suauu ma le uaina. Ua ia tuu ia te ia i luga o lana manu, ma ave ia te ia i le faletalimalo o lata ane, ma tausi ai ia te ia. ³⁵O le aso na sosoo, ua ia avatu tenari e lua i le pule o le faletalimalo ma ia fai atu ia te ia. 'Ia e tausi lelei ia te ia, o le a lava se isi aitalafu ona o ia, oute toe fo'i mai, ona ou toe totogi atu lea.³⁶O ai o le to'atolu lea e te manatu o le tua'oi o le na faoa ana mea e le 'au gaoi?" ³⁷Ua tali mai o ia, "O le na faaali lona alofa mutimutivale ia te ia." Ona fai atu lea o Iesu ia te ia, "Ina e alu ia ma faapea ona e fai".³⁸A o alu malaga i latou, ona latou tau mai lea i se tasi o nuu, ona faafeiloa'i ma faaulufale lea o i latou e le fafine e igoa ia Mareta i lona fale. ³⁹E i ai lona uso e igoa ia Maria, na saofa'i o ia i vae o Iesu ma faalogo i ana aoaoga.⁴⁰A ua ova le pisi o Mareta e tapena mai le meaai. Ua sau o ia ia Iesu ma faapea atu, "Le Alii e, e talafeagai ea ia te oe le le fesoasoani mai o lo'u uso i mea o lo o o'u tapena atu to'atasi?. O lenei, ia e fai atu ia te ia e fesoasoani mai ia te a'u" ⁴¹A ua tali atu le Alii ma faapea atu ia te ia, "Mareta, Mareta e, ua e soona popole vale i mea e tele. ⁴²Ae tasi le mea e sili ona taua. Ua filifili e Maria lena mea e silisili, ma e le mafai ona aveesea mai ia te ia"

11¹O le tasi aso na tatalo ai Iesu i se tasi o nofoaga. Ina ua mae'a lona taimi, ona faapea ane lea o se tasi o ona soo ia te ia, "Le Alii e, ia e a'oa'o mai i matou i le tatalo, e pei ona a'oa'o e Ioane o ona soo".²Ona faapea atu lea o Iesu, "A outou tatalo, ia outou faapea ane, "Le Tama e, Ia Paia lou Suafa. Ia oo mai lou malo.³Ia e foa'i mai ia te i matou i lea aso ma lea aso a matou mea e 'ai e tatau ma le aso. ⁴Ia e faamagalo ia te i matou i a matou agasala, Aua fo'i matou te faamagaloina atu ia i latou uma o e agaleaga mai ia te i matou i le faaosoosoga. Aua fo'i e te taitaiina i matou i le faaosoosoga".⁵Ona faapea atu lea o Iesu ia te i latou, "O ai o outou e i ai o sana uo, e te alu i ai i le vaeluaga o le po, ma e faapea atu ia te ia, La'u uo e, aumai ni a'u falaoa se tolu ma a'u, ae se i uma totogi atu ⁶ina ua toe fo'i mai la'u uo mai lana malaga, ae ua leai se mea oute avatu mo ia. ⁷E mafai ona faapea mai le o lo i totonu o lona fale. Aua e te faalavelave mai ia te a'u. Ua loka le faitoto'a, ma o lea ua matou momoe ma la'u fanau. Ua le mafai ona ou tu atu i luga e avatu falaoa mo oe. ⁸Oute fai atu ia te oe, e tusa lava pe ua le mafai ona tu mai i luga e aumai le falaoa ia te oe, e ui o lau uo, ae ona o lou faatauanau, e tu ai i luga ma tuua tu ia te oe falaoa e te manaomia.⁹Oute fai atu fo'i ia te oe, ole mai, ona tuuina atu lea ia te oe, saili mai ona e maua lea, tu'itu'i mai ona tatalaina atu lea ia te oe. ¹⁰O i latou uma latou te ole atu latou te maua, o le saili na te maua, ma le tu'itu'i atu e tatalaina mai¹¹E i ai se tama o outou, a ole atu lou atalii i se i'a. ae e ave i ai se gata ae le o se i'a? ¹²A ole atu i se fuamoa, ae e ave i ai se akarava ia te ia? ¹³Afai e iloa e tagata leaga e pei o outou ona ave atu o meaalofa lelei ia outou fanau, e le sili ea lo outou Tama o i le lagi, ona Ia ave atu le Agaga Paia ia i latou o e ole atu ia te Ia?¹⁴Ua tuli i fafo e Iesu le temoni o le gugu. Ina ua alu i fafo le temoni, ona toe tautala mai ai lea o le tamaloa na gugu, ona ofo ai lea o le motu o tagata e toatele. ¹⁵A ua fai mai nisi o tagata, "O Pelesepulo, le alii o temoni, na ia tulia i fafo o temoni.¹⁶Ua tofotofo nisi ia te Ia, ma latou saili mai ia te Ia se faailoga mai le lagi. ¹⁷A ua silafia e Iesu o latou manatu ma ia fai atu ia te i latou, "O malo uma e fevaevaea'i lava i latou, e faaumatia, o aiga fo'i e fevaevaea'i lava i latou, e ta'ape'ape.¹⁸Afai fo'i e fevaevaea'i Satani ia te ia lava, e faafefea ona tumau o lona malo? A ua outou fai mai oute tuliina i fafo temoni i le igoa o Pelesepulo. ¹⁹Afai oute tuli i fafo temoni i le igoa o Pelesepulo, o le pule a ai lea toute tutuli ai i fafo o temoni?. Ona o lea, e faamasinoina ai outou e i latou. ²⁰Ae afai oute tulia i fafo temoni i le na'o le limatusi o le Atua, ona oo mai lea o le malo o le Atua ia te outou.²¹A leoleoina e se tagata malosi ua faaupegaina atoatoa lona fale tele, e faapea ona malu puipuia ana oa. ²²Ae a osofaia o ia e se isi tagata e malosi atu ia te ia, ona toeseina lea e le na tagata malosi o lona ofutau na ia faalagolago i ai, ma ia ave ana oa. ²³O so o se tasi e le au ma a'u, e tetee mai o ia ia te a'u, faapea ma le e le faaputu oa faatasi ma a'u e faataapeapeina.²⁴A tulieseina se agaga leaga mai se tagata, ona alu mamao lea o ia i uta e saili se mea e malolo ai. A le maua e ia se mea, ona ia faapea ane lea, "O le a ou toe fo'i i lo'u fale na ou sau mai ai". ²⁵Na toe fo'i mai o ia, ma ia maua le fale ua leva ona faamama ma teu lelei. ²⁶Ona alu lea o ia ua aumai isi agaga leaga e fitu e leaga atu ia ia, ma latou o mai e nonofo i totonu o le fale. Ona sili atu lea o le leaga o lea tagata nai lo le mea na i ai muamua".²⁷A o fai atu o Ia i ia mea, ae valaau mai se tasi o fafine mai le motu o tagata, ma faapea atu ia te Ia. "Amuia le manava na fanaua oe, ma susu na e susu ai." ²⁸Ae tali mai o Ia faapea, "E sili atu le faalogo i le Upu a le Atua ma ia taofi mau.²⁹Ina ua faatupulaia le o mai o tagata, ona faapea lea o Iesu. "O se tupulaga leaga lenei tupulaga. E saili mai e i latou se faailoga, ae leai se faailoga oute avatu ia i latou ae na o le faailoga ia Noa. ³⁰E pei ona avea Iona o se faailoga ia Nineva, e faapena fo'i le Atalii o le Tagata o le a fai ma faailoga i le tupulaga lenei.³¹O le Tupu tamaitai i Saute o le a tula'i mai i le faamasinoga ma tamaloloa o le auga tupulaga lenei ma faamalaia ia i latou, aua na sau o ia mai tuluiga o le lalolagi e faalogo i le poto o Solomona. Ae vaai outou, e i ai le sili atu ia Solomona o lea ua i nei.³²E tula'i tagata o Nineva i le Faamasinoga faatasi ma le tupulaga lenei, ma o latou faitioina, ona sa latou salamo i le lauga a Iona, ae sili atu le ua ia te i latou nai lo Iona.³³E leai se tasi, e mae'a ona ia tutu o le moli, ona tuu lea i se mea lilo, po o lalo o se ato. Ae tuu e ia i luga o le tuugamoli, ina ia mafai ona iloa le moli, e i latou o ulufale mai. ³⁴O ou mata o moli o le tino. A lelei ou mata, e faamalamalamaina lou tino, ae a leaga ou mata, e faapogisaina lou tino. ³⁵Ia manatua, ia aua ne i faapogisaina le malamalama ua i totonu ia te oe. ³⁶Afai e faamalamalamaina lou tino atoa, ma leai se vaega e i ai o le pogisa, ona pei lea o lou tino o se moli ua susulu atu lona malamalama i luga ia te oe.³⁷Na mae'a le fetalaiga a Iesu, ona fai ane lea o le tasi o faresaio ia te Ia, la te aai ma ia i lona fale, ona ulufale lea o Iesu i lona fale ma taoto. ³⁸Ona faate'ia lea o le Faresaio ona e le i mua'i mulumulu Iesu ia te Ia ae le i faia le meaai o le afiafi.³⁹A ua faapea atu Iesu ia te ia. "O lenei, o faresaio latou te faamama fafo o iputi ma ipu 'ai faaofuofu, ae tumu totonu o o latou loto i le gaoi ma le amio leaga. ⁴⁰O outou o tagata e faapogisaina! E le i faia ea totonu atoa ma fafo e le na faia? ⁴¹Ia e foai atu mea o i totonu ia te oe faameaalofa, ona faamamaina lea o mea uma mo oe.⁴²Ae talofa e, ia te outou faresaio, aua ua outou avatu le sefulua'i o mili, ma le pekano, ma laau aina uma o le faatoaga, ae ua outou faatuatuana'i le faamasinoga tonu ma le alofa o le Atua. E ao ina tatou faia le amiotonu ma alolofa atu i le Atua, e aunoa ma le le mafaia ona faatino isi vaega taua.⁴³Talofa e ia te outou faresaio, aua ua outou naunau i nofoa pito i luma i totonu o le sunako, ma le faaaloalo maualuga ua tuuina mai e tagata lautele. ⁴⁴Talofa e ia te outou, aua ua tutusa outou ma tuugamau e le faailogaina, o lo o soli e tagata savavali e aunoa ma so latou iloa.⁴⁵Ua faapea atu ia te Ia, se tasi o tagata poto i le tulafono! "Lau susuga i le aoao tulafono, ua matou tiga lava i lau faamatalaga. ⁴⁶Ua faapea atu Iesu. Ua e tuu avega mamafa i luga o tagata e faigata ona latou amoina, ae le pa'i ni o outou tamatama'ilima i se avega mamafa e tasi.⁴⁷Talofa e ia te outou, aua ua outou fau tuugamau mo perofeta, ae o ou tuaa na fasiotia i latou. ⁴⁸Ua outou molimau ma outou au faatasi i le galuega na faia e o otou tuaa, aua na latou fasiotia i latou, ma e fausia o latou tuugamau..⁴⁹O le mafuaaga lea, na fetalai mai ai le poto o le Atua, "O le a ou auina atu perofeta ma aposetolo ia te i latou, o le a latou sauaina ma fasiotia nisi o i latou. ⁵⁰O lenei, o le a faamasinoina lenei tupulaga, i toto masaa uma o perofeta talu mai le amataga o le lalolagi ⁵¹E mai lava i le toto o Apelu se'ia oo atu i le toto o Sakaria, na fasiotia i le va o le fata faitaulaga ma le malumalu. Ioe, oute faapea atu ia te outou, o le a faamasinoina le auga tupulaga lenei.⁵²Talofa e ia te outou o e popoto i le tulafono, aua ua outou aveesea le ki o le iloa ma le malamalama, ua outou le ulu atu i ai, ma outou faalavelave fo'i ia i latou o ulufale mai"⁵³Ina ua alu ese mai Iesu i lea mea, ona tetee mai lea ma finau vale mai ia te Ia le au tusiupu ma le au faresaio i le tele o mea, ⁵⁴Ua oo ina latou faatupu tala pepelo ma fesili taulamalama ina ia latou maua se tala e fai e Iesu, e mafai ai ona latou tuua'ia o Ia.

12¹O le taimi nei, ‘ua fa‘apotopotoina afe o tagata e to‘atele, ‘ua latou soli ai le tasi i le tasi; ‘ua muamua fo‘i ‘ona fetalai atu o ia i ona so‘o, ‘Ia ‘outou fa‘aeteete i le mea fa‘afefete a le ‘au faresaio, o le pepelo lea.²Ee leai se mea lilo e lē fa‘aalia, e leai fo‘i se mea lilo e lē iloa. ³O mea uma fo‘i tou te fai atu ai i le pouliuli e fa‘alogoina lea i le malamalama, o mea fo‘i tou te fai atu ai i taliga i totonu o potu e tala‘iina lea i luga o fale.⁴Ou te fai atu ‘iā te ‘outou, ‘aua tou te matata‘u i ē fasioti le tino, a mavae ia mea, e leai se isi mea latou te mafaia. ⁵Ae ou te lapataʻi atu iā te outou po o ai e mataʻu ai. ‘Ia ‘outou matata‘u i lē ‘ua i ai le pule e lafo ai ‘outou i Kena, pe a uma ‘ona fasioti; Ioe, ou te fai atu ia te outou, ia outou matatau ia te ia.⁶E lē fa‘atauina ‘ea manu iti e lima i tupe iti e lua? A e leai se tasi o ia mea ua galo i le silafaga a le Atua. ⁷Ae e oo lava i lauulu o outou ulu ua faitaulia uma lava. Aua le fefe. E sili ‘outou i manu iti e tele.⁸‘Ou te fai atu fo‘i ‘iā te ‘outou, o i latou uma o ē ta'uta'u a‘u i luma o tagata, e ta‘uta‘u atu fo‘i e le Atali‘i o le Tagata i luma o agelu a le Atua, ⁹a o lē e fa‘afiti a‘u i luma o tagata, e fa‘afiti fo‘i o ia i luma o agelu a le Atua. O ¹⁰i latou uma o ē tautala i se ‘upu i le Atali‘i o le Tagata, e fa‘amāgaloina o ia, a o lē ‘ua ‘upuvale i le Agaga Pa‘ia, e lē fa‘amagaloina lava.¹¹Pe a latou taʻitaʻiina outou i luma o sunako, ma faipule, ma pulega, ‘aua ‘e te popole pe fa‘apefea ‘ona ‘outou tautala atu i la ‘outou tali atu, po o le ā fo‘i le tala e tau atu; ¹²auā e a‘oa‘o mai le Agaga Pa‘ia ‘iā te ‘outou i lea lava itu aso i mea tou te fai atu ai.”¹³Ona fai mai lea o se tasi o le motu o tagata ia te ia, “Le A‘oa‘o e, fai atu i lo‘u uso e vaelua le tofi ma a‘u.” ¹⁴‘Ua fetalai atu Iesu ‘iā te ia, “Sole, o ai ‘ea na tofia a‘u e fai ma fa‘amasino po o se puluvaga ‘iā te ‘outou?” ¹⁵‘Ua fetalai atu o ia ‘iā te i latou, “Ia outou mataala ina ia taofi outou mai tuʻinanauga ma matapeʻapeʻa uma, auā e lē ola le tagata i le tele o ana mea.”¹⁶‘Ona fetalai atu lea o Iesu ‘iā te i latou le fa‘ata‘oto, ‘ua fa‘apea atu, “o le fanua a le tagata mau‘oa ua fua tele; ¹⁷‘ona manatunatu ai lea o ia ‘iā te ia lava, ‘ua fa‘apea atu, 'O le a se mea ou te faia, aua e leai se mea e teu ai fua o le fa'atoaga?' ¹⁸Ua fai atu o ia, ‘O le mea lenei ou te faia. Ou te talepe i lalo oʻu fale saito ma fausia ni fale tetele, ma o i inā ou te teuina ai aʻu saito uma ma isi oloa. ¹⁹‘Ou te fai atu fo‘i i lo‘u agaga, “Lo‘u agaga e, ‘ua ‘iā te oe mea e tele ‘ua fa‘aputuina mo tausaga e tele;²⁰A ‘ua fetalai atu le Atua ‘iā te ia, “Le tagata valea e, e ‘aveina atu lou agaga mai ‘iā te oe i le po nei; ma o mea ua e saunia, e fai mo ai?' ²¹E fa‘apea fo‘i le tagata ‘ua fa‘aputuina o ‘oa mo ia lava, ae le mauoa foi o ia i luma o le Atua”.²²‘Ua fetalai atu Iesu i ona so‘o, “o le mea lea ‘ou te fai atu ai ‘iā te ‘outou, ‘aua tou te popole i lo ‘outou ola; mea tou te aai ai; po o lou tino, i mea tou te ofu ai. ²³Auā e sili le ola i lo le mea‘ai, e sili fo‘i le tino nai lo o lavalava.²⁴Mafaufau i oreva, latou te le luluina pe selesele. E leai so latou faleteuoloa po o se fale saito, ae e fafagaina i latou e le Atua. E le sili ‘ea ‘outou i manu felelei! ²⁵O ai ea o outou na te mafaia i lona popole ona faaopoopo se kupita i lona olaga? ²⁶‘Āfai fo‘i tou te lē mafaia ‘ona fai o se mea itiiti fa‘apenei, aiseā la tou te popole ai i isi?²⁷Mafaufau i lili—pe faapefea ona tutupu. Latou te lē galulue, latou te lē milo fo‘i. A ‘ou te fai atu ‘iā te ‘outou, e o‘o lava ia Solomona i lona mamalu uma, e le‘i ‘ofu o ia e pei o se tasi o ia mea. ²⁸‘Āfai e fa‘apea ‘ona fa‘a‘ofuina e le Atua le vao i le fanua, o ola mai i le asō, a e lafoina a taeao i le ogaumu;e lē sili ‘ea ‘ona fa‘a‘ofuina ‘outou e ia, o ē fa‘atuatua itiiti!²⁹Aua tou te saili i mea tou te aai ai ma mea tou te inu ai, aua foi tou te popole. ³⁰Auā o nu‘u uma o le lalolagi o lo‘o sā‘ili i ia mea, ‘ua silafia fo‘i e lo ‘outou Tamā tou te mana‘omia ai.³¹A ia outou saili lona malo, ona faaopoopoina atu lea o ia mea ia te outou. ³²Aua tou te matataʻu, le lafu mamoe itiiti e, auā ua fiafia lo outou Tamā e foaʻi atu le malo iā te outou.³³Faatau atu a outou mea ma avatu ni meaalofa. Ia faia ni ato tupe mo outou e le pala, o le oa i le lagi e le uma, e le latalata atu i ai se gaoi, e leai foi se mogamoga e faaumatia. ³⁴Auā o le mea e i ai lo ‘outou ‘oa, e i ai fo‘i ma o ‘outou loto.³⁵“Ia fusia o outou sulugātiti ma tutu a outou molī, ³⁶ma ‘ia pei fo‘i o tagata o lo‘o fa‘atalitali i lo latou matai pe a fo‘i mai o ia mai le tausamaaga; ‘ina ‘ia sau o ia ma tu‘itu‘i atu, ‘ona tatala loa lea o le faitoto‘a ‘iā te ia.³⁷Amu‘ia na ‘au‘auna e maua e le ali‘i o lo‘o mataala pe a sau. E moni, ‘ou te fai atu ‘iā te ‘outou, e fusia e ia o ia lava e ‘au‘auna ma fai atu ‘ia latou nonofo i lalo i le la‘o‘ai; e sau foi o ia e auauna ia te i latou. ³⁸Afai e sau le matai i le leoleoga lona lua o le po, po'o le leoleoga lona tolu, ma iloa ua nofo sauni latou, amuia ia auauna.³⁹Ae ia outou iloa lenei mea, ana iloa e le matai o le aiga le itula e sau ai le gaoi, semanū na te lē tuʻuina atu lona fale ia talepeina. ⁴⁰E tatau foʻi ona outou nofosauni, auā e sau le Atalii o le tagata i le itula tou te lē faatalitalia.”⁴¹‘Ua fai atu Peteru, “Le Ali‘i e, ‘ua e fai mai ‘ea lenei tala fa‘atusa ‘iā te i matou, po o tagata uma fo‘i? ⁴²‘Ua fetalai atu le Ali‘i, “o ai fo‘i le pule fa‘amaoni ma le poto, e tofia e lona ali‘i e pule i isi ana ‘au‘auna, e avatu a latou mea e ‘ai i le taimi tatau? ⁴³‘Amu‘ia lenā ‘au‘auna pe a sau lona ali‘i e maua mai o lo‘o faia faapea. ⁴⁴E moni, ou te fai atu iā te outou, e tofia o ia e pule i ana mea uma.⁴⁵Ae afai e faapea ifo lea auauna i lona loto, ‘Ua tuai mai lo‘u ali‘i, ‘ona ia sasa ai lea i ‘au‘auna tane ma ‘au‘auna fafine ma ‘ai ma inu, ma ‘onā; ⁴⁶e sau fo‘i le ali‘i o lea ‘au‘auna i le aso e lē fa‘amoemoe o ia, ma le itūlā na te lē iloa, ma na te tu‘imomomoina o ia, ma tofia se nofoaga mo ia fa‘atasi ma ē lē fa‘amaoni.⁴⁷O lea ‘au‘auna, ‘ua na iloa le finagalo o lona ali‘i, ‘ae le‘i sauni e faia e tusa ma lona finagalo, e sasaina i sasa e tele. ⁴⁸A o lē na te lē iloa ma faia le mea e tatau ai ona sasa, e sasaina o ia i nai ta itiiti. ‘Ae peita‘i o i latou uma o ē ‘ua foa‘iina atu mea e tele, e su‘eina mai fo‘i ‘iā te i latou mea e tele; a o lē ‘ua tu‘uina atu i ai mea e tele, e fa‘asilisili atu fo‘i o ia.⁴⁹“Na ou sau e lafo le afi i le lalolagi, ma ou te moomoo pe ana uma ona faamumūina. ⁵⁰Ae ua iā te aʻu le papatisoga e papatisoina ai aʻu, ma ua ou mafatia lava seia uma!⁵¹Tou te manatu ea na ou sau e aumai le filemu i le lalolagi? E leai, ou te fai atu iā te outou, a o le fevaevaeaʻi. ⁵²Auā e amata atu i le taimi nei, e fevaevaea‘i le to‘alima i le fale e tasi, o tagata e to‘atolu ma le to‘alua, o tagata e to‘alua ma le to‘atolu. ⁵³E fevaevaea‘i fo‘i i latou, o le tamā ma le atali‘i ma le atali‘i ma le tamā, o le tinā ma le afafine, o le afafine fo‘i ma le tinā, o le tinā o le avā ma le avā a lana tama, o le avā fo‘i ma le tinā o lana tane.”⁵⁴‘Ua fetalai atu fo‘i Iesu i le motu o tagata, “Pe a ‘outou iloa atu le ao ‘ua alu a‘e i sisifo, ‘ona ‘outou fai ane loa lea, 'Ua oo mai le timu,' ona tupu ai lea. ⁵⁵A agi mai le matagi mai saute, tou te fai ane, ‘O le a oo mai le vevela,’ ona taunuu ai lea. ⁵⁶O outou tagata faafiaamiotonu, ua outou iloa le uiga o foliga o le lalolagi ma le lagi;ae fa‘apefea ‘ona ‘outou lē iloa ‘ona fa‘amatalaina o le taimi nei?⁵⁷Se a le mea tou te lē fa‘amasinoina ai le mea e tatau ‘iā te ‘outou? ⁵⁸Auā pe a ‘outou ō atu ma lē ‘ua ita ‘iā te ‘outou i luma o le fa‘amasino, i luga o le ala, taumafai e faalelei ma ia, ina ia le tosoina oe i le faamasino, ma ia lē tuuina atu oe e le faamasino i le leoleo; e lē tu‘uina fo‘i oe e le leoleo i le falepuipui. ⁵⁹‘Ou te fai atu fo‘i ‘iā te ‘outou, tou te lē ō ‘ese lava i lea mea, se‘ia uma ‘ona ‘outou totogi le tupe mulimuli.”

13¹O le tasi aso na omai ai nisi tagata ia Iesu ma latou fai atu ia te Ia, o nisi o tagata Kalilaia sa tuufa'atasi (fefiloi) e Pilato o latou toto ma toto o a latou taulaga. ²Sa tali atu Iesu ua fa'apea atu ia i latou, "O lona uiga o lo outou manatu ua sili atu le agasala o tagata Kalilaia nei nā i lō isi tagata Kalilaia ona ua latou tigāina i nei mea? ³Ua ou fai atu ia te outou, e leai. O le a mālāia outou i lenei lava mea pe āfai tou te le salamo.⁴"E fa'apea foi i latou na paū iai le olo i Seloa ma fasiotia ai i latou, o lo outou manatu e sili atu la latou agasala nā i lō isi tagata o i Ierusalema? ⁵Ua ou fai atu, e leai. E mālāia outou uma lava pe afai tou te lē salamo."⁶Ua fai atu foi Iesu i se tala fa'a-fa'atusa ia te i latou, "Sa iai se tasi tagata ua iai le laau o le mati i totonu o lona togāvine, sa alu ane e su'e ni fua ae ua le maua lava se fua se tasi. ⁷Na ia fai atu foi i lē gālue vine, "Vaai atu foi iai, ua atoa le tolu tausaga talu ona ou sau ma tilotilo po'o iai nī fua o le mati, ae ua leai lava. E sili loa ona tipi i lalo. Aisea e maimau ai le palapala?"⁸Sa tali atu lē galue vine, "Alii e, ae a pe a tuu pea ia mo lenei tausaga ae o le ā ou tago e eli fa'ata'amilo autafa ma lafo iai le otaota. ⁹E lelei pe a o'o atu i le tausaga fou ua fua mai, ae a leai, ua tipi loa i lalo!"¹⁰O lo'o a'oa'o Iesu i totonu o le falesā i le isi Aso Sa. ¹¹Sa iai se tasi fafine sa maua o ia i le agaga o le vāivāi mo le sefuluvalu tausaga. E nā o le fa'ano'uno'u e lē mafai ona tu sā'o i luga.¹²Sa iloa atu o ia e Iesu, ona valaau atu lea ia te ia, "Tina, ua e sa'oloto mai i le agaga o le vāivāi." ¹³Na tu'u ona lima i luga o le fafine, ona mafai ai lea ona tū sā'o o ia ma vivi'i atu i le Atua. ¹⁴Ua lē fiafia le pule o le falesā ia Iesu ona ua faamalolo e ia le ma'i i le Aso Sa. Ua fai atu o ia i tagata, "E ono aso o le vaiaso e tatau ona fai ai galuega fa'amālōlō, ae le tātāu ona faia i le Aso Sa."¹⁵Na tali atu Iesu ia te ia, "Outou tagata pepelō e, e lē mafai ea e se tasi o outou ona tatala lana oti po'o lana asini i le Aso Sa ma ave e faainu? ¹⁶E faapenā foi i le afafinē lenei o Aperaamo, na fa'atigaina e Satani i tausaga e sefulu ma le valu, e le tatau ea ona faasa'olotoina i le Aso Sa?"¹⁷O lo'o fai atu o Ia i ia mea uma, ae ua māmā i latou sa tete'e ia te ia, ua fiafia foi ma vivi'i i latou uma na iai ona o mea lelei na faia e Iesu.¹⁸Sa fai atu foi Iesu ia te i latou, "Pe fa'apefea le mālo o le Atua, ae o le a foi se mea e fa'atusaina i ai? ¹⁹Ua fa'apei o se fatu o le sinapi ua togi i totonu o le togalaau, ona tupu mai ai lea o se laau tēlē lava, ona o mai lea o manulele mai le lagi ma fai ai o latou moega i ona lālā."²⁰Ua toe fai atu fo'i o Ia, "O le a se mea e fa'atusaina iai le mālō o le Atua? ²¹Ua pei o se fefete ua tuuina e le fafine i totonu o ipu falaoamata e tolu ma ua fa'afefeteina."²²Ua malaga atu foi Iesu e ui atu i taulaga ma nuu uma, ua a'oa'o atu ma alu atu ai i Ierusalema. ²³Na fai atu foi le tasi tagata ia te Ia, "Le Alii e, pe to'a laiti ea i latou e fa'asaoina?" Ua ia fai atu foi ia te i latou, ²⁴"E matuā faigata ona ui atu i le faitoto'a vaiti, aua e to'atele e taumafai e ui atu ai, ae lē mafai."²⁵E iloa mai foi e lē ona le fale, ona tu mai lea o ia ma tapuni le faitotoa, ona ē tūtū mai lea i fafo ma tu'itu'i ma ē fai mai, "Le Alii e, le Alii e, tatala mai ia le faitoto'a mo matou," Ua tali mai o Ia ua fai mai, "Ou te le iloa outou po'o fea foi tou te omai ai." ²⁶E te fai atu foi, "Sa matou aai ma feinu i ou luma ma a'oa'o i auala." ²⁷Na tali mai ai lea o Iesu ia te i latou, Ou te le iloa po'o fea foi tou te omai ai. O ese atu ia outou, tagata agasala."²⁸O le a iai foi le tagi ma le lilivau o nifo pē a outou vāāī ia Aperaamo, Isaako, Iakopo ma perofeta uma i le mālo o le Atua, ae tutuli outou i fafo. ²⁹E omai foi i latou mai i sasa'e, sisifo, matu ma saute ona nonofo lea i le laulau i totonu o le malo o le Atua. ³⁰Ia outou iloa foi, o i latou uma sa outou manatu maualalo iai, o le a muamua i latou, ae o i latou sa tāua i la outou vaai, o le ā fai ma ē mulimuli."³¹Na omai foi le au faresaio ma fai atu ia te Ia, "Alu ia oe āuā o loo fia fasioti Herota ia te Oe." ³²Ua fai atu Iesu ia te i latou, "O atu ma fai atu i lenā alope, Vaai, ua ou tutuli temoni ma fa'amalōlō ma'i i le aso lenei ma taeao foi fa'apea ma le aso tolu ina ia fa'auma la'u galuega. ³³E tatau lava ona fa'aauau nei ma ā taeao ma leisi aso e soso'o ai, āuā e le mafai ona fa'aleagaina se perofeta i tua atu o Ierusalema.³⁴Ierusalema e, Ierusalema e, na fasiotia perofeta ma togi i ma'a i latou uma na o atu iai. Ua tele lava lo'u mana'o e fa'apotopoto i la'u fanau e pei o le matuamoa ona fa'apotopoto o lana fanau i lalo o ona apaau, ae tou te le mananao lava iai. ³⁵Ia outou iloa, ua tu'ua lo outou fale. Ou te fai atu foi, e le mafai ona outou iloa mai a'u pe ā outou le fai mai, "Ia manuia le sau (maliu) i le suafa o le Alii."

14¹Na tupu i le tasi sapati, 'ina ‘ua ulu atu o ia i le fale o le tasi ali‘i o le ‘au faresaio e ‘ai areto ai, ‘ua latou va‘ava‘ai foi ma le toto'a ‘iā te ia. ²Fa‘auta fo‘i, sa i ona luma le tagata ‘ua maua i le ma‘i pala. ³‘Ua fesili atu Iesu i le ‘au a‘oa‘o i le tulafono a Iutaia ma le ‘au faresaio, “E taga ea i le tulafono ona faamalolo i le sapati, pe leai?⁴A ua latou le tautala. ‘Ona tago atu lea o Iesu ‘iā te ia, ‘ua fa‘amālōlō ‘iā te ia, ma ‘auina atu o ia e alu. ⁵‘Ua fetalai atu o ia ‘iā te i latou, “O ai fo‘i so ‘outou e i ai sona atali‘i po o se povi e pa‘ū i le vaieli i le aso sapati, e lē vave ‘ona se‘i e ia i fafo? ⁶‘Ua lē mafai ‘ona latou tali atu i nei mea.⁷‘Ua silafia e Iesu ua filifili ē na vala‘aulia nofoa mamalu, ‘ua fetalai atu o ia i le fa‘ata‘oto, ‘ua fa‘apea atu ‘iā te i latou, ⁸“Afai e valaaulia oe e se tasi o le ʻaiga mo le faaipoipoga, aua e te nofo i lalo i le nofoa mamalu; auā atonu olo'o vala‘aulia se tasi e sili atu lona mamalu ‘iā te oe. ⁹A sau le na vala‘aulia ‘oulua, ma fai atu ‘iā te ‘oe, ‘Ia e avatu atu i le isi tagata lou nofoaga,’ ona e alu atu ai lea ma le maasiasi i le mea aupito maualalo.¹⁰Ae a valaaulia oe, ia e alu ma e nofo i le mea aupito maualalo, ina ia sau lē na valaaulia oe, atonu e fai atu o ia ia te oe, 'Sole, alu i luga.' ‘Ona fa‘amamaluina lea o oe i luma o i latou uma o ē nonofo i le la‘o‘ai fa‘atasi ma oe. ¹¹Auā o lē e fa‘amaualuga e ia o ia lava, e fa‘amaulaloina lea;¹²'Ua fetalai atu fo‘i Iesu i le tagata na vala‘aulia o ia, “Pe a e faia se meaʻai, po o se taumafataga, aua neʻi valaaulia au uō, po o ou uso, po o ou aiga, po o au tuaoi mauʻoa ; auā e mafai fo‘i ‘ona latou vala‘aulia oe, ‘ona toe totogi mai ai lea o ‘outou.¹³Ae pe a e faia se taumafataga, ia valaaulia ē matitiva, o ē pipili, o ē ua le mafai na savali, ma ē tauaso; ‘ona manuia ai lea o oe, auā latou te lē toe taui mai ‘iā te oe. ¹⁴Auā e tauia oe i le toetū mai o ē amiotonu.”¹⁵‘Ua fa‘alogo i nei mea le tasi o ē ‘ua nonofo fa‘atasi ma Iesu, ‘ona fai atu lea o ia ‘iā te ia, “Amuia lē na te ʻai i le malo o le Atua!” ¹⁶A ‘ua fetalai atu Iesu ‘iā te ia, “Na saunia e le tasi tagata le taumafataga tele, ‘ua vala‘aulia fo‘i e ia le to‘atele. ¹⁷‘Ua o‘o i le afiafi, ‘ona ‘auina atu lea e ia lana ‘au‘auna e fai atu i ē na vala‘aulia, 'Sau ia, auā 'ua saunia nei mea uma.'¹⁸18 ‘Ua latou fai tala e alofaga i ai. Ua fai atu lē na muamua iā te ia, ʻUa ou faatauina se fanua, ma e tatau ona ou alu e matamata i ai. Fa'amolemole, Tuloulava'. ¹⁹‘Ua fai mai fo‘i le tasi, ‘Ua ‘ou fa‘atauina povi e lima, ma ‘ou te alu e fa'ataitai i latou. Fa'amolemole, Tulou lava'. ²⁰‘Ona fai mai lea o le tasi tagata, ‘Ua ‘ou fai avā, o le mea lea ‘ou te lē mafai ai ‘ona alu atu.²¹“Ua sau le auauna ma taʻu atu nei mea i lona matai. ‘Ona ita ai lea o le matai o le ‘āiga ma fai atu i lana ‘au‘auna, ‘Ia fa‘avave atu i ala tetele ma ala o le ‘a‘ai ma ‘aumai ‘i‘inei o ē matitiva, o ē pipili, o ē tauaso, ma ē ua le mafai ona savali. ‘Ona fai mai lea o le ‘au‘auna, ²²‘Le Ali‘i e, ‘ua faia le mea na e poloa‘i mai ai, a o lo‘o avanoa pea.²³²⁴'Ua fai atu le matai i le ‘au‘auna, ‘Inā alu atu ia i ala tetele ma pā ma tauanau i latou e ō mai, ‘ina ‘ia tumu ai lo‘u fale. Auā ‘ou te fai atu ‘iā te ‘outou, e leai se tasi o na tagata na vala‘aulia e ‘ai i la‘u ‘aiga.’”²⁵‘Ua fa‘atasi foi ma ia le motu o tagata e to‘atele, ‘ona faliu lea o ia ma fetalai atu ‘iā te i latou, ²⁶"Āfai e sau se tasi ‘iā te a‘u ‘ae lē ‘ino‘ino i lona lava tamā, ma lona tinā, ma lona avā, ma lana fānau, ma ona uso, ma ona tuafafine, ma e oo lava i lona lava ola, e le mafai ona avea o ia ma oʼu soo. ²⁷O lē na te lē amoina lona lava satauro ma mulimuli mai ‘iā te a‘u, e lē mafai ‘ona fai o ia ma o‘u so‘o.²⁸Auā o ai fo‘i ‘outou e mana‘o e fau se ‘olo e lē mua‘i ea ona nofo i lalo ma faitau le tau e fuafua ai, po'o o ia te ia mea uma e manaʻomia e faʻauma ai? ²⁹Afai e leai, a uma ona ia faataatia le faavae ma ua lē mafai ona ia faauma, o i latou uma o e va‘ai i ai e amata ‘ona aamu ‘iā te ia; ³⁰‘ua fa‘apea atu, “O lenei tagata na amata fau fale, ‘ae lē mafai ‘ona fa‘auma.”³¹Po o ai fo‘i se tupu e alu atu e tau ma le isi tupu i le tau‘a, e le nofo ea muamua i lalo ma ave fautuaga pe mafai e ia ona alu e tau ma tagata e sefulu afe, a o le isi tupu e sau e tau ma ia ma tagata e luafulu o afe? ³²‘Āfai fo‘i e leai, a o mamao lava le isi itūtau‘a, ‘ona ‘a‘auina atu lea e ia o le sāvali ma fesili atu mo le manuia. ³³O lenei, so o se tasi o ‘outou e lē tu‘uina atu ana mea uma, e lē mafai ‘ona ‘avea o ia ma o‘u so‘o.³⁴E lelei le masima, ae afai e magalo le masima, e faapefea ona toe faamai? ³⁵E lē aogā foʻi mo le eleele po o le faaputuga otaota. Ua lafo ese. O lē ‘ua i ai taliga e fa‘alogo ai, fa‘alogo mai ia.”

15¹‘Ua ō mai fo‘i ‘iā Iesu le ‘aolafoga uma ma isi tagata agasala e fa‘alogologo ‘iā te ia. ²‘Ua muimui fo‘i le ‘au faresaio ma le ‘au tusi‘upu, ‘ua fa‘apea ane, “E talia e lenei tagata tagata agasala, ‘ua ‘a‘ai fo‘i ma i latou.”³Ua fetalai atu Iesu i lenei faataoto ia te i latou, ua faapea atu, ⁴“O ai ‘ea so ‘outou, ‘āfai e i ai ana mamoe e selau, ‘ae leiloa le tasi, e lē tu‘ua e ia le ivagafulu ma le iva i le vao; ma e alu atu i le ua leiloa seia maua? ⁵‘Ae a maua, ‘ona fa‘ae‘e lea e ia i ona tau‘au ma ‘oli‘oli ai.⁶Pe a sau o ia i le fale, ‘ua ia fa‘apotopotoina ana uō ma ē e tuā‘oi, ma fai atu ‘iā te i latou, 'Ia tatou olioli, auā ua ou maua la'u mamoe na leiloa. ⁷Ou te fai atu fo‘i ‘iā te ‘outou, e fa‘apea lava ‘ona ‘oli‘oli i le lagi i le tagata agasala e to‘atasi e salamō; e sili atu nai lo le ivasefulu ma le iva o tagata amiotonu e le manaomia ona salamo.⁸Po o ai foʻi se fafine e iai ana tupe siliva e sefulu, afai na te leiloa se tupe se tasi, e le tutu ea ea e ia le lamepa, ma salu le fale, ma saili ma le filiga seia maua? ⁹‘Ua maua, ‘ona fa‘apotopoto ai lea e ia o ana uō ma ē tuā‘oi, ‘ua fa‘apea atu, ‘Ia tatou ‘oli‘oli, auā ‘ua ‘ou maua le tupe na ‘ou leiloa. ¹⁰E fa‘apea fo‘i ‘ona ‘ou fai atu ‘iā te ‘outou, e i ai le ‘oli‘oli i luma o agelu a le Atua i le tagata agasala e to‘atasi e salamō.”¹¹‘Ona fetalai atu lea o Iesu, “O le tasi tagata e to‘alua ona atali‘i; ¹²ona fai atu lea o le uii i lona tamā, Lo‘u Tamā e, ia e aumai ia te au le vaega o le tamaoaiga e maua mai ia te au. O lea na ia vaevaeina ai ana mea iā i latou.¹³E le‘i tele ni aso, ‘ona fa‘apotopoto ai lea e le ui‘i o ana mea uma ma alu atu i atunuu mamao, ‘ona fa'amaumau ai lea e ia o ana ‘oa uma i lea mea i lona ola le mafaufau. ¹⁴O lenei, ua uma ona ia faaalu o ana mea uma, ‘ua sau foi le oge tele i lea atunu‘u; ua amata foi lona manao.¹⁵‘Ua alu o ia ma fa‘afaigaluega o ia i se tasi o tagata o lea nu‘u; o lē na ‘auina atu o ia i lona fanua e fafaga pua‘a. ¹⁶Sa naunau o ia e ʻai i meaai ‘ua ‘a‘ai ai pua‘a, auā e leai se tasi na avatu ‘iā te ia se mea.¹⁷Ae ina ua toe mafaufau le atalii, ona faapea ane lea o ia, ‘E to‘afia ‘ea o ‘au‘auna a lo‘u tamā ‘ua sili ‘ona tele o mea e ‘ai; ma ua ou i ai iinei, ua fano i le fia aai! ¹⁸Ou te tulaʻi ma alu ese mai i inei ma alu atu i loʻu tamā, ma ou fai atu iā te ia, “Lo’u Tama e, ua ou agasala i le lagi ma oe. ¹⁹‘Ua lē toe aogā ‘ona ta‘ua a‘u o lou atali‘i; ‘ia e fai a‘u ma se tasi o au ‘au‘auna.”’²⁰‘Ona tula‘i lea o le atali‘i, ‘ua alu ‘ese ma alu atu i lona tamā. A o mamao o ia, ‘ua va‘ai atu lona tamā ‘iā te ia, ma ‘ua o‘otia i le alofa mutimutivale; ‘ona momo‘e lea o ia, ma fusi ‘iā te ia, ma sogi ‘iā te ia. ²¹Ua fai mai le atalii iā te ia, 'Lo'u Tama e, ua ou agasala i le lagi ma oe. Ua ou le toe agavaa e ta'ua o lou atalii.'²²'Ua fai atu fo‘i le tamā i ana ‘au‘auna, “Inā ‘aumai fa‘avave le ‘ofu talaloa lelei, ma fa‘a‘ofu ‘iā te ia, ma tu‘u se mama i lona lima; ma seevae i ona vae. ²³Aumai foi le tamaʻi povi peti ma fasi. Ia tatou taumamafa ma fiafia! ²⁴Auā na oti lo‘u atali‘i, a o lenei ‘ua ola mai o ia. Ua leiloa o ia, a ua maua nei.' Ona amata ai lea ona latou fiafia.²⁵“O lona atalii matua sa i le fanua. Ua sau o ia ma latalata atu i le fale, sa ia faalogoina musika ma siva. ²⁶‘Ua vala‘au atu o ia i le tasi ‘au‘auna ma fesili atu po o le ā le uiga o ia mea. ²⁷Ua fai mai le auauna iā te ia, ua fo‘i mai lou uso i le fale ma ‘ua fasi e lou tamā le tama‘i povi peti, ‘ina ‘ua maua o ia ma le malosi.²⁸‘Ua ita fo‘i le atali‘i matua ma ‘ua lē fia alu i totonu; ‘ona sau ai lea o lona tamā i fafo ma ‘ai‘oi mai ‘iā te ia. ²⁹A ua tali mai le ulumatua, ua faapea atu i lona tamā, faauta, na ‘ou pologa i nei tausaga e tele mo oe, ma ou te leʻi tuulafoaʻiina lava se poloaʻiga a outou, a ‘ua e le‘i ‘aumai lava se tama‘i ‘oti ‘iā te a‘u, ‘ina ‘ia ‘ou fiafia ai ma a‘u uō; ³⁰‘ae peita‘i ‘ina ‘ua sau lou atali‘i, o lē na fa‘aumatia au mea fa‘atasi ma fafine talitane, ‘ona e fasi ai lea o le tama‘i povi peti mo ia.³¹‘Ua fai mai le tamā ‘iā te ia, ‘lo‘u atali'i e, e te fa‘atasi pea ma a‘u, o mea uma fo‘i o a‘u, o au ia. ³²Ae sa tatau ona tatou olioli ma olioli, auā o lou uso lenei ‘ua oti, ma ua ola nei; na leiloa o ia, a ua toe maua nei.’”

16¹Ua fetalai atu fo'i o ia i ona so'o,"Sa i le tasi tagata mauoa se auauna e pulea ana mea, ua molia o ia ia te ia ona ua ia fa'amaumau i ana mea. ²Ua na valaau atu ia te ia ma ua fa'apea atu i ai, " O le a lenei mea ua ou fa'alogo i ai ia te oe? Tala mai ia le tala i mea na e pule ai, auā ou te lē mafai ona toe fai oe ma auauna e pule.³Ona fai ifo lea o le auauna i lona loto, " O le a nei la'u mea o le a fai? auā o le a fa'ateaina a'u e lou ali'i mai la'u galuega fa'a pule, ou te lē mafai ona eli, ou te ma foi ou te aisi (fa'atoga). ⁴Ua ou iloa le mea ou te faia, pe a fa'atea a'u ma la'u galuega fa'a pule, ina ia talia a'u e tagata i o latou aiga.⁵Ona amiami lea e ia o tagata taitasi uma e na i ai mea a lona alii, ua ia fesili atu fo'i i lē na muamua ane, " Pe fia mea a lo'u alii ua ia te oe? ⁶Ona fai mai ai lea o ia, O paita o suāu'u e selau. Ua fai atu ia ia te ia, "Ina tago ia i lau tusi, ia vave nofo i lalo, ma tusi e lima sefulu". ⁷Ona fai atu lea o ia i le tasi, Pe fia mea ua ia te oe? Ua fai mai o ia, "O kori o saito e selau. Ona fai atu lea o ia ia te ia, "Inā tago ia i lau tusi, ma tusi e valu sefulu.⁸Ona vivii atu lea o le alii i le auauna amioletonu ona o ana togafiti poto. Auā e sili le poto o tagata o le lalolagi (olaga) nei i o latou tupulaga na i lo tagata o le malamalama. ⁹Ou te fai atu ia te outou, ia outou fa'aaoga oa (mamone) o le amiolētonu e fai ai uo ma outou, auā pe a mavae atu ia mea, pe latou te talia mai ai outou i fale e fa'avavau.¹⁰O lē fa'amaoni i le mea itiiti, e fa'amaoni foi o ia i mea e tele, a'o lē amiolētonu i le mea ititi e amiolētonu fo'i o ia i mea e tele. ¹¹Afai fo'i e tou te lei fa'amaoni i le oa (mamone) o le amioletonu, o ai se na te tuu atu ia te outou le oa moni e tausi? ¹²Afai foi ua outou le fa'amaoni i mea a le tagata ese, o ai se na te tuu atu ia te outou a outou lava mea?¹³E le mafai se auauna ona auauna i alii e toalua, auā e inoino o ia i le tasi a e alofa i le tasi, a le o lea, e fa'apipii atu o ia i le tasi ae fa'aleaoga i le tasi. Tou te le mafaia ona auauna i le Atua atoa ma le oa (mamone).¹⁴Ua fa'alogo le au faresaio i nei mea uma, o le au matape'ape'a i tupe, ona latou tauemu ai lea ia te ia. ¹⁵Ona fetalai atu lea o ia ia te i latou, " O outou ua fa'afiaamiotonu outou i luma o tagata, a ua silafia e le Atua o outou loto, auā o le mea e sili ona lelei i tagata, e inosia lea i luma o le Atua.¹⁶O le tulafono ma le au perofeta na iai lava lea seia o'o ina sau Ioane. Talu mai lava ia ona po, ua folafolaina le tala lelei o le malo o le Atua, ua taufaoa foi e tagata uma. ¹⁷E mavae gofie atu le lagi ma le lalolagi ae le iuvale sina fasi mataitusi e tasi o le tulafono.¹⁸O sē e fa'atea i lana ava ma fai avā atu i se tasi, o le mulilua lea; ma sē e fai avā i le ua fa'ate'aina lana tane, ole mulilua foi lea.¹⁹O le tasi tagata mauoa, ua ofu i le ofu paūli, ma le ie vavae, ua fa'afiafiaina lava o ia i le tele o lona tamaoaiga (taileleiia) i aso uma. ²⁰O le tasi tagata mativa foi e igoa ia Lasalo, ua ta'atia i lona faitotoa ua lilo i le papala, ²¹ua manao tele ia e a'i i momoi mea e pauu ifo i le laoa'i a le mauoa, a ua omai ulī ua etoeto i ona papala.²²Ua o'o foi ina oti le tagata mativa, ona avea lea o ia e agelu i le fatafata o Aperaamo. Ua oti foi le mauoa ma ua tanu, ²³ua i seoli, ua fa'ataugāina, ona tepa ae ai lea o ia, ua na iloa mamao atu Aperaamo ma Lasalo i lona fatafata.²⁴Ua alaga atu fo'i o ia, ua fai atu, "Lo'u tamā e, Aperaamo, ia e alofa mai ia te au, ma ia e auina mai Lasalo na te fufui i le tumutumu o lona tamatama'ilima i se vai, e faamalulū ai lo'u nei laulaufaiva; auā ua ou puapuaga i le mumū o le afi nei.²⁵Ona fai ane lea o Aperaamo, "Lo'u atali'i e, manatua fo'i na e maua mea lelei i taimi o lou olaga, na maua fo'i e Lasalo o mea leaga. A'o lenei ua fa'aolioliina ia iinei, a ua puapuagāina oe. ²⁶E le gata i nei mea uma, a ua tu'uina se vanu tele i lo tatou va, o le mea lea e le mafai ai e i latou o e ua iinei ua fia o atu ia te outou ona sao atu, e le mafai foi ona sao mai o e ua iina ia te i matou nei.²⁷Ona fai atu lea o ia, "Lou tama e, ou te aioi (fa'atoga) atu ia te oe, ina ia e auina atu o ia i le aiga o lou tamā, ²⁸auā e toalima o'u uso; ina ia lapata'i (molitino) ia te i latou, ina ia aua nei omai foi i latou i lenei nofoaga o le puapuaga.²⁹Ua fai ane Aperaamo ia te ia, "O ia te i latou Mose ma le au perofeta, ia latou fa'alogo i ai. ³⁰A ua tali atu le mauoa, " Leai, Lou tamā e Aperaamo, auā afai e alu atu se tasi na i e ua oti ia te i latou, ona salamo ai lea. ³¹A ua fai atu Aperaamo ia te ia, "Afai e lē fa'alogo i latou ia Mose ma le au perofeta, e ui lava ina tu mai se tasi nai e ua oti, e lē mafafai lava ona gaua'i mai i latou.

17¹Ua fetalai atu Iesu ile au so'o " E mautinoa le o'o mai o mea e tausuai ai, ae talofa i e o le a oo mai ai. ²E lelei lena tagata pe ana noatia se maaolo tele i lona ua, ma togi ile sami nai loa le tausuai i e e faatauvaa.³Ia mataala, a agasala lou uso, aoa'i ia te ia, ae a salamo o ia ia e faamagalo ia te ia. ⁴A agasala ia te oe faafitu i le aso, ma faafitu ona faapea atu "ua salamo, faamagalo ia te ia!"⁵Fai mai le au aposetolo ia Iesu, " Ia e faatuputeleina lo maotu faatuatua" ⁶Ona fetalai atu lea o le Alii, a e faatuatua e pei ole fua ole sinapi, e mafai ona e faiatu i le laau ole sukamina Ia se'i ia te ia ma toto atu i le sami, e usitai lava ia te oe.⁷A'o ai o outou, o loo iai se auauna o loo suatia le eleele, poo leoleo i mamoe, ole a faapea atu ia ia te ia pe a fo'i mai le fanua. 'Sau loa e nofo i lalo ma ai" ⁸O le a ia faapea fo'i " Tapena se meaai mo a'u, fusi lou fusipau ma auauna mai ia te au seia uma ona ou ai ma inu. Ona e ai ma inu ai lea mulimuli⁹E le faafetai o ia ile auauna ona o mea sa ia faatonua ai o ia e fai, Tutusa lava ma oe, a maea uma mea na faatonu ai oe, ona e faapea lea " ¹⁰O auauna le aoga i maotu nei, aua o mea e tatau ona matou fai, o mea ia ua matou fai.¹¹Ua malaga atu o Ia i Ierusalema, ua ui ai i Samaria ma Kalilaia. ¹²Ua oo atu o ia i le tasi o nuu, ona fetaiai ai lea ma tagata lepela e toasefulu. O lo'o tutu mamao, ¹³ma ua valaau atu ia Iesu ma faapea atu " Iesu, alofa mai ia te i matou"¹⁴Ina ua ia vaai atu ia te i latou ua Ia fetalai atu "E o e faali ia te i latou i ositaulaga" A'o latou o ua iloa e i latou ua mama i latou. ¹⁵Ina ua iloa e le tasi ua mama , ua ia liliu ma toe foi atu ma le alaga fiafia. ¹⁶Ua ia pau fao i vae o Iesu, ma faafetai atu.O ia ole Samaria.¹⁷Ona fetalai atu lea o Iesu, "e le'i mama le toasefulu? A'o fea le toa iva? ¹⁸E leai seisi na toe foi mai e vivii i le Atua, nao le tagata Samaria? ¹⁹Ona Ia fetalai atu ai lea " Tulai ma alu" O lou faatuatua ua e malolo ai.²⁰Ua fesili mai ia te Ia le au faresaio, pe o'o mai afea le malo ole Atua, ona tali atu ai lea o Iesu, " E le o'o mai le malo ole Atua ma le vaaia e mata. ²¹E le fai ane foi tagata, Faauta, o iinei! o iila, Aua Faauta, ua iai lava ia te outou le malo ole Atua.²²Ona Ia fetalai atu ai lea, E oo mai aso tou te mananao tele ai ia iloa se aso e tasi ole Atalii ole Tagata, a e le iloa. ²³A fai mai tagata ia te outou, Faauta, o iinei, pe faapefea? Faauta, o iila, aua tou te o iai pe tamomoe iai , ²⁴aua e pei ole emo ole faititili mai leisi itu o le lagi i le isi itu, e faapea foi le Atalii o le tagata i lona aso.²⁵Ae muamua ona safa o ia i mea e tele ma teena o ia e lenei augatupulaga. ²⁶E pei ona tupu ile aso o Noa e faapea foi le aso ole atalii ole tagata. ²⁷Ua latou aai, ua latou feinu, ma faaipoipo, ma tuu atu e faaipoipo seia oo ile aso na ulufale atu ai Noah i le vaa. ona sau ai lea ole lolo ma faaumatia ai i latou uma²⁸E pei ona faia i ona aso o Lota, ua latou aai, ma inu, ua faatau, ua avane, ua toto, ua fausia. ²⁹A o le aso na aluese ai Lota mai Sotomoa, na to ai le timuga afi mai le lagi ma faaumatia ia te i latou uma.³⁰E tutusa lava ma le aso e faaalia ai le atalii ole tagata. ³¹O lena aso, o se oi luga ole fale, aua le alu ifo o Ia e ave. E faapea foi le ua i le vao, aua le toe foi mai o ia.³²Manatua le ava a Lota. ³³O ai lava e saili ia ola, na te le ola, ao ai lava e faaleaoga i lona ola e faaolaina lea.³⁴Oute fai atu, i lena po e toalua o i luga ole moega. E tasi ole a avea, a'o leisi e tuua. ³⁵E toalua fafine e galulue i le faatoaga saito. E tasi ole a avea, tasi ole a ³⁶tuua.³⁷Ona fesili atu ai lea ia te Ia, O fea Le Alii e, Ua ia fetalai atu, O fea lava e iai le tino, e aofaga ai foi aeto".

18¹Ua ia fetalai atu lea faataoto ia te I latou e faatatau lea I le tatau ona latou tatalo I taimi uma ae aua le faavaivai. ²Ua faapea atu, “I se tasi o aai, sa iai se faamasino e leí mataú I le Atua, ma na te leí amaní’a tagata.³I le taimi lava lea sa iai se fafine ua oti lana tane I lea aai, ua ia sau faafia ia te ia ua faapea mai ‘Ia e fesoasoani mai ina ia aumai se faamasinoga tonu I le ua ita mai ia te aú. ⁴E le’I mana’o ia e fesoasoani I le fafine mo se taimi umi lava, ma na ia faapea ifo lava I lona loto, “E ui lava ou te le mataú I le Atua, ou te le amanaía foi tagata.” ⁵Ae ona o lenei tina ua faasoesa mai ia te aú, o le a tuuina ai le faamasinoga tonu mo ia, ina ia le toe faatigaina mai o ia ia te aú I lona sau soó.⁶Ona faapea mai lea o le Alii, “Ia outou faalogo I le upu na tautala ai lenei faamasino amioletonu.” ⁷O lenei, e le tuuina mai ea e le Atua le faamasinoga tonu I ona tagata filifilia o e tagi atu ia te ia I le ao atoa ma le po? E faatuai ea lana tali mo I latou? ⁸Ou te faiatu ia te outou, Na te aumaia lava le faamasinoga tonu ia te I latou I se taimi vave. E oo foi I lenei, a oo ina afio ma le atalii o le tagata, na te toe maua ea se faatuatua I le lalolagi?”⁹Ona ia fetalaia mai lea o se tasi faataoto ia te I latou o e ua faapea ifo I o latou loto o I latou o tagata amiotonu ma ua latou faatausuai ai I isi tagata. ¹⁰“E toalua ni tagata na agaí atu I le malumalu e tatalo – O le tasi o se Faresaio ma le tasi o le ao lafoga.¹¹Ua tu I luga le Faresaio ma faaleo nei upu e faatatau ia te ia, ‘Le Atua e, ou te faafetai atu ia te oe ona ua le pei aú o isi tagata - o e gaoi ma e amioletonu, o e faitaaga - e oo lava I lenei tagata ao lafoga. ¹²E faalua ona ou anapogi I le vaiaso, Ou te ave le sefuluaí o mea uma ou te maua.¹³Aó le tagata ao lafoga, ua ia tu mamao mai, ua punou o ia I lalo ma po po lona fatafata ma faapea ane, “Le Atua e, ia e alofa mutimutivale mai ia te aú le tagata agasala.” ¹⁴Ou te fai atu ia te outou, o lenei tagata na toe foi o ia I lona fale ua taúamiotonuina e le pei o leisi tagata, aua o le faamaualugaina o ia e ia e faamaualalo ina lea, ao I latou uma oe faamaualalo I latou ia te I latou, e faamaualugaina lea.”¹⁵Ua aumai e tagata a latou fanau iti ina ia pa’í ai o ia ia te I latou, ua iloa atu e le au soo ona latou a’oa’i lea ia te I latou. ¹⁶A ua valaau atu Iesu ia te ia, ua faapea atu, “Tuu mai tamaiti e omai ia te a’u, ae aua le vavao ia te I latou. Aua o I latou nei e ona le malo o le Atua. ¹⁷E moni ou te faiatu ia te outou, “O ai lava na te le talia ina le malo o le Atua e pei o se tamaitiiti e le mafai ona ia ulufale atu iai.”¹⁸O se tasi o faipule ua fesili atu ia te ia ua faapea atu, “Le faiaoga lelei e, o le a se mea e tatau ona ou faia ina ia fai ai ma o’u tofi le ola e faavavau?” ¹⁹Ua tali atu Iesu ia te ia, “Aisea ua e ta’u lelei ina ai a’u? E leai lava se tasi e lelei, na o le Atua lava. ²⁰Faimai ea le tulafono – aua le mulilua, aua le fasioti tagata, aua le gaoi, aua le molimau pepelo, ia e ava I lou Tama ma lou Tina.” ²¹Ona faimai ai lea o le faipule, “O mea uma na sa ou usita’ia talu mai lava lo’u talavou.”²²Ua faapea atu Iesu ina ua ia faalogo I lana tali, “E tasi le mea o loo misi ia te oe. Ia e faatau atu o mea uma lava o loo ia te oe, ma tufatufa atu I e matitiva, ona e maua lea o le oloa tele I le lagi – sau, ia e mulimuli mai ia te a’u.” ²³Ina ua faalogo le faipule I nei mea, ua lagona lona faanoanoa tele, ona o ia o se tagata e mau’oloa tele.²⁴Ina ua iloa e Iesu, ua tumu lenei tagata I le faanoanoa, ona ia faapea atu lea, “E faafefea ona faafaigata I e mau’oa ona sao atu I le malo oi le lagi?” ²⁵Aua e faigofie I le kamela ona sao atu I le pu o le nila, nai loa le mau’oa ona sao atu I le malo o le Atua.”²⁶Ua faapea mai I latou na faalogologo iai, “O ai la o le a mafia ona faaolaina?” ²⁷Ua tali atu Iesu, “O mea uma e le faigofie I tagata, e faigofie lea I le Atua.”²⁸Ua fai atu Peteru, “Ua matou tuua mea uma ae mulimuli atu ia te oe.” ²⁹Ona Fetalai atu lea o Iesu ia te I latou, “E moni ou te faiatu ia te oe, e leai lava se tasi na tuua fale, poo ta’ito’alua, poo uso, poo matua, poo fanau, mo le malo ole Atua, ³⁰Na te le maua ni mea e sili atu I le lalolagi lenei, ma le lalolagi o le a oo mai, le ola e faavavau.³¹Ina ua uma ona ia faapotopotoina le toasefulu ma le toalua ma ia, ona ia Fetalai atu lea ia te I latou, “Ia outou maitau mai pe a tatou oo atu I Ierusalema, ma o le a a faataunuuina ai mea uma na tusitusia e perofeta e faatatau I le atalii o le tagata. ³²Aua o le a tuuina atu o ia I tagata o nuu ese, ina ia tauemuina, ma faalumaina, ma tuu feanu iai. ³³A ma’ea ona sasaina o ia, ona latou fasiotia lea o ia, Ae a oo I le aso tolu, o le a toe tu mai o ia nai e ua oti.”³⁴Peitai ane, e leai ma se mea o nei mea na latou malamalama ai, ona sa natia lenei upu ma ia te I latou, ma ua latou le malamalama ai I upu na fetalaia mai.³⁵I le taimi a’o aga’I atu Iesu I Ieriko, sa iai se tagata tauaso sa nofonofo I le I tafatafa o le auala ma ‘aisi ai. ³⁶A’o ia faalogo I le motu o tagata o fesavalia’I ane, na ia fesilisili ai poo lea le mea o loo tupu. ³⁷Ua latou tali atu ia te ia, O Iesu le Nasareta o loo aga’I mai.³⁸Ona valaau lea o le tauaso ua faapea atu, “Iesu e, le alo o Tavita, ia e alofa mutimutivale mai ia te a’u.” ³⁹O I latou na savavali I luma ane o le tauaso ua latou a’oa’I ia te ia, ma ua latou faatonuia o ia ia filemu. A ua atili ai ona ia vaalaau atu, “Atalii e o Tavita, ia e alofa mutimutivale mai ia te a’u.⁴⁰Ua tu Iesu ma ua ia faatonuina ina ia aumai lenei tagata ia te ia. ua latalata mai le tauaso ia te ia, Ona fesili atu lea o Iesu ia te ia, ⁴¹“O lea se mea e te mana’o ou te faia mo oe?” Ua ia faapea mai, “Le Alii e, ou te mana’o ia faapupulaina o’u mata.”⁴²Ua Fetalai atu Iesu ia te ia, “Ia faapupulaina ou mata, o lou faatuatua ua faamaloloina ai oe.” ⁴³O le taimi lava lea na faamaloloina ai o ia, ma ua ia mulimuli atu ai ia te ia, ma vivii atu I le Atua. O tagata uma ua latou vivii atu I le Atua ina ua latou vaai I lenei mea.

19¹Ua ui ane Iesu i Ieriko. ²Faauta, sa i ai le tagata e igoa ia Sakaio. O ia o le aolafoga sili ma sa mauoloa o ia.³Ua taumafai o ia e vaai po o ai Iesu, 'ae le'i mafai ona iloa atu e ia i luma o le motu o tagata, auā e pu'upu'u o ia. ⁴'Ona momo'e atu lea o ia i luma o le motu o tagata, ua a'e i le sukamoru ina ia iloa atu ai o ia, auā o le a ui ane Iesu i lea ala.⁵Ua o'o atu Iesu i lea ala, 'ona tepa a'e lea o ia i luga ma fai atu iā te ia, " Sakaio e, ia vave ifo i lalo, auā o le asō ou te nofo ai i lou fale. ⁶O lea na ia vave ifo ai i lalo ma feiloa'i atu ia te ia ma le fiafia tele . ⁷Ua iloa e tagata uma lenei mea, ona muimui ai lea o i latou uma, ma fa'apea ane, "Ua alu o ia e asiasi i le fale o le tagata agasala."⁸Ua tu i luga Sakaio ma fai atu i le Ali'i, Le Ali'i e, fa'auta, o le 'afa o a'u meatotino uma 'ou te avatu i ē ua matitiva, ae āfai fo'i ua ou fa'asese i se tasi i se mea lava, o le a ou toe taui atu fa'afaina iā te ia. ⁹Ua fai atu Iesu iā te ia, " O le asō e o'o mai ai le faaolataga i lenei 'āiga, auā o ia fo'i o le atali'i o Aperaamo. ¹⁰O le Atali'i o le Tagata na sau o ia e sāili ma fa'aola i tagata ua leiloa.¹¹Ua fa'alogo i latou i nei mea, ona tautala atu le o ia i le fa'ataoto, auā ua latalata o ia i Ierusalema, ae ua manatu i latou o le a fa'aalia le Mālō o le Atua i lea lava taimi. ¹²O lea na ia fai atu ai, " O le tasi ali'i sili na alu atu o ia i nu'u mamao e saili malo ma toe fo'i mai.¹³Ua valaau atu o ia i le to'asefulu o ana auauna ma tufa atu i ai mina e sefulu ma fai atu iā tei latou, 'Ia fai ai ā outou pisinisi seia ou toe fo'i mai.' ¹⁴A ua le fiafia ai tagatā nu'u iā te ia, ma ua latou auina atu o latou sui tete'e, ma fa'apea atu, ' E le manana'o matou i lenei tagata e fai o ia ma o matou tupu. ¹⁵Ua toe fo'i mai o ia ua ia te ia le pule uma, ona ia a'ami lea o auauna na ia tufa atu iai tupe. O lona fa'anaunauta'iga( mana'o) o le su'esu'eina lea o tupe mama na latou maua mai a latou taumafaiga fa'apisinisi.¹⁶Ua sau le muamua i ona luma, ua fa'apea mai, 'Le Alii e, o lau mina ua maua ai mina e sefulu. ¹⁷"Ua fai atu le ali'i sili iā te ia, ' Malo lava ia te oe le auauna lelei. Ua e faamaoni i mea itiiti, o lea o le a e pule i aai e sefulu.'¹⁸Sa sau le lona lua, ua fa'apea mai, Le Ali'i e, o lau mina ua maua ai mina e lima.' ¹⁹"Ua fai atu le ali'i sili iā te ia, o oe e pule i a'ai e lima.'²⁰Ua sau le isi ma fa'apea mai, 'Le Ali'i e, o lau mina lenei, ua ou teuina malu i le ie, ²¹aua ua ou fefe iā te oe, ona o oe o le tagata e mana'o i mea e tele. E te ave i mea e te le'i teuina ma selesele mea e te le'i lūlūina.'²²Ua tali atu le ali'i sili, ' Ou te fa'amasinoina oe i au lava upu, le auauna leaga e. Na e iloa lava o a'u o se tagata mana'o tele, ou te ave i mea ou te le'i teuina, ma selesele i mea ou te le'i lūlūina. ²³Aisea la na e le tu'uina atu ai la'u tupe i le faletupe, semanū ou te aoina fa'atasi ma tupe fa'asili pe a ou fo'i mai.²⁴Ua fai atu le ali'i i ē o tutū mai, 'Ia ave ese le mina mai iā te ia ma avatu i lē ua iai mina e sefulu.' ²⁵"Na latou tali mai, ' Le Ali'i e, ua iā te ia mina e sefulu.²⁶Ou te fai atu fo'i iā te outou, o lē ua i ai mea, e toe fa'aopopoina atu i ai, a o lē e leai sana mea, e o'o lava i mea ua iā te ia e ave'eseina. ²⁷O i latou nei ua fai ma o'u fili, o ē na lē manana'o e fai a'u ma tupu iā te latou, ia aumai iā te i latou i'inei ma fasioti iā te i latou i o'u luma.²⁸Ua uma ona fai atu o ia i nei mea, ona muamua atu lea o ia i lana malaga, ma alu a'e i Ierusalema.²⁹A o latalata atu o ia i Petefake ma Petania, i le mauga e ta'ua o Olive, 'ona auina atu ai lea e ia o ona so'o e to'alua, ³⁰ma fa'apea atu, " Inā o atu ia i le aai o lata ane. E te lua o'o atu, o lo'o ia le tama'i asini e le'i ti'eti'e ai lava se tagata. Ia tatala o ia ma aumai iā te au. ³¹A fesili ane se tasi iā oulua pe aisea ua tatala ai o ia. Ia fai atu i ai, ua mana'o iai le Ali'i.³²Na ō atu ē na auina atu ma maua le tama'i asini e pei ona poloa'i atu ai Iesu. ³³A o tatalaina e i latou o ia, ua fesili ane le e ona le asini, " Aisea ua oulua tatalaina ai le tama'i asini?" ³⁴Ua latou tali atu, " Ua mana'o iai le Ali'i." ³⁵Ua latou aumai le tama'i asini iā Iesu, ua fa'ae'e o latou 'ofu i luga, 'ona ti'eti'e ai lea o Iesu. ³⁶Sa latou fofola fo'i ō latou ofu i le ala, a'o ti'eti'e atu o ia.³⁷Ua latou latalata i le ala e alu ifo mai le mauga o Olive, ona olioli ai lea o le motu o ona so'o, ma vivi'i atu i le Atua ma le leo tele ona o galuega mamana uma ua latou vaai i ai, ³⁸ua fa'apea atu, " Ia manuia le Tupu ua afio mai le suafa o le Ali'i! O le filemu i le lagi ma le mamalu i mea aupitoaluga!"³⁹O nisi faresaio i le motu o tagata ua fai mai iā te ia, "Le A'oa'o e, ia e a'oai i ou so'o. " ⁴⁰Ua tali atu Iesu, " Ou te fai atu iā te outou, afai e fifilemu i latou, o le a alalaga leotele mai ma'a."⁴¹Ua latalata atu Iesu i le a'ai o Ierusalema, ona tagi ai lea o ia, ⁴²ma fa'apea atu, maimau e, pe ana outou malamalama e o'o mai lava i le asō, i mea uma e maua ai e outou le filemu. A o lenei ua le mafai ona iloa atu e outou.⁴³E oo mai le aso e fausia ai e le fili pa puipui maualuluga, ina ia si'osi'omia ma fa'atigā mai ai iā te outou i itu uma. ⁴⁴O le a latou fa'aumatia outou ma mea uma lava, faatasi ma lau fanua. E fa'aumatia mea uma lava, o le a leai fo'i se ma'a e totoe i luga o lē tasi ma'a aua ua leiloa le taimi na asiasi atu ai iā te outou.⁴⁵Ua ulufale Iesu i le malumalu ma ua tutuli i fafo i latou o lo'o fai fa'afetauaiga i totonu, ⁴⁶ma fa'apea atu, "Ua tusia, o lo'u fale o le fale tatalo, ae ua faia e outou pei o le fale a le au faomea."⁴⁷Sa a'oa'o atu Iesu i aso uma i le malumalu. Sa saili fo'i e le au ositaulaga sili, ma le au tusi'upu, ma ta'ita'i se auala e fasioti ai iā te ia, ⁴⁸ae lei maua e i latou se auala aua o lo'o fa'alogologo ma le totoa tagata uma iā te ia.

20¹Ua o'o i le tasi aso a o a'oa'o atu Iesu ma folafola le talalelei i tagata i le malumalu, ona o mai ai lea o le au ositaulaga sili ma le au tusiupu ma toeaina ia te ia. ²Ua latou fai atu ia te ia, "Inā tau mai ia te i matou le pule ua e faia ai nei mea, a o ai foi ua avatu ia te oe lenei pule."³Ua ia fetalai atu ia te i latou, "Oute fia fesili atu foi ia te outou ma ia outou tali mai. ⁴O le papatisoga a Ioane e mai le lagi poo tagata?⁵Ona latou felafolafoa'i ma fa'apea ane, "Afai tatou te fai atu, e mai le lagi, ona ia fai mai lea, 'aisea ua outou le talitonu ai ia te ia, ⁶ae afai tatou te fai atu o tagata, e featogi tatou i ma'a e tagata ona ua latou talitonu o Ioane o le perofeta."⁷Ona tali lea o i latou, latou te le iloa po'o fea e sau ai. ⁸Ua fetalai atu foi Iesu ia te i latou, " e o'o foi ia te au ou te le tauina atu le pule ua faia ai nei mea."⁹Ua ia famatala i tagata le fa'ataoto, "Sa toto e le tasi tagata le tovine, ona ia ave lea i ē galue tovine, ona malaga ai lea i le isi atunu'u mo se taimi umi. ¹⁰Ua o'o mai foi le taimi, ona ia auina atu lea o le auauna i ē galue tovine ina ia latou aumai ni fua o le fa'atoaga tovine. Ae peitai ua latou fasi(sasa) ia te ia ma tuli ia te ia e leai se mea.¹¹Ua ia toe auina atu le isi auauna, ae ua latou fasi(sasa) ia te ia ma fa'amāsiasi ia te ia ma tuli e leai se mea. ¹²Ona ia toe auina atu le tolu o auauna; ae ua latou fa'amanu'aina o ia ma togi o ia i fafo.¹³Ona fa'apea ifo lea o le alii o le tovine, o lea sa'u mea o le a fai? Ou te auina atu lo'u atali'i pele atonu latou te fa'aaloalo ai. ¹⁴Ae ua iloa e le au galue vine o ia, ua latou felafolafoai ma fai ifo, o le suli lea; ina tatou fasioti ia te ia ma fai i tatou le tofi.'¹⁵Ua latou togi ia te ia i fafo o le tovine ma fa'asioti ia te ia. O le nei le mea o le a fai e le alii o le tovine ia te i latou? ¹⁶O le a sau o ia ma fa'aumatia i le au galue tovine ma avatu le tovine i isi tagata. "Ua latou falogo foi i lea mea, ma fa'apea ane, Aua lava nei tupu!"¹⁷Ua vaai atu Iesu ia te i latou ma fai atu, "O le uiga o mea ua tusia, 'O le ma'a ua lafoaina e le tufuga ua fai ma ma'a tulimanu'. ¹⁸O tagata uma e pauū i luga o lenei ma'a e nutilili'ina, ma o lē e pa‘ū i ai o le a nutimomoia.”¹⁹O le au tusiupu ma le au ositaulaga ua saili e fao'o lima ia te ia i le lava taimi, aua ua latou iloa ua fetalai atu o ia i lenei fa'ataoto ia i latou. Ae peitai ua latou fefe ona o tagata. ²⁰Ua latou vaai foi ma le toto'a ia te ia, ona latou auina atu lea o tagata asiasi e va'ava'ai ia te ia ma le fataga amiotonu, ina ia latou maua se sese i ona lauga ma molia ai o ia i le pule a le kovana.²¹Ua latou fesili ia te ia, "le aoao e, ua matou iloa ua e tautala ma aoao ma le tonu, e te le fa'ailoga fo'i se tasi, a ua e a'oa'o le upu moni i ala o le Atua. ²²E tatau i le tulafono ona matou totogi lafoga ia Kaisara, pe leai?"²³Ae ua silafia e Iesu le fa'atogafiti , ua ia fetalai atu ai, "fa'aali mai ia te au se tenari. ²⁴O le ata ma le igoa o ai o luga le tenari? Ua latou fai mai o Kaisara"²⁵Ua fetalai atu ia te i latou, "Ia avatu ia Kaisara mea a Kaisara, a o mea a le Atua ia outou avatu i le Atua". ²⁶Ua latou le maua se sese i upu ua ia faia i luma o tagata, ua latou filemu ma le ofo tele i lona tali.²⁷Sa o mai foi le au Saukaio ia te ia, o ē faimai e leai se toetū. ²⁸Ua latou fesili ia te ia, ua fa'apea ane, le a'o'ao e, na tusi mai Mose ia te i matou, afai e oti le uso o se tane ae leai se fanau, ia tatau i le uso ona ave o lona avā ma tausi le fanau o lona uso.²⁹E toafitu le au uso, o le ulumatua ua fai lona avā, ua oti ma e leai se fanau. ³⁰O le uso lona lua ua fai mo ia le avā ma ua oti e leai se fanau. ³¹Ua ave foi o ia e lē lona tolu ma le lona fitu ua leai se fanau ma ua oti. ³²Mulimuli ane ona maliu lea o le fafine. ³³O lenei i le toetu, o le avā o ai? Auā ‘ua fai o ia ma avā a le to‘afitu.”³⁴Ua fetalai atu Iesu ia te i latou, "O atali'i nei ona po ua fa'aipoipo; ma avā ua tu'uina atu i le fa'aipoipoga. ³⁵Ae peitai o latou ua agava'a i nei ona po; latou te toe tutu mai nai e ua oti, o le a lē fa'aipopo pe tu'uina atu e fa'aipoipo. ³⁶E lē mafai ona toe oti, auā e tutusa i latou ma agelu; o atali'i lava o le Atua. O atali'i o le toetu.³⁷A o le toe tutu mai, na fa'ailoa mai e Mose i le mea e fa'atatau i le laau talatala, lea na ia valaau i le Atua o Aperaamo, le Atua o Isaako ma le Atua o Iakopo. ³⁸E lē o le Atua o e ua oti, a o ē ola auā ua ola uma ia te ia."³⁹Ua tali mai foi nisi o le au tusiupu, ua fa'apea mai, "Le a'oa'o e, ua lelei lava lau tali." ⁴⁰Ua latou le toe fa'amalosi e tuu fesili ia te ia.⁴¹‘Ua fetalai atu Iesu ‘iā te i latou, “E fa‘apefea ‘ona latou fai mai o Keriso o le Alo o Tavita? ⁴²Auā o lo‘o fai mai Tavita i le Tusi o Salamo, ‘Ua fetalai atu le Ali‘i i lo‘u Ali‘i, ‘Inā nofo ia i lo‘u itu taumatau, ⁴³se‘ia ‘ou faia ou fili ma mea e tu ai ou vae. ⁴⁴O lenei, ‘ua valaau e Tavita le Keriso o le Ali‘i, pe fa‘apefea ‘ona fai o ia ma atali‘i o Tavita?⁴⁵A o fa'alogologo tagata uma, ua ia faiatu i ona so'o, ⁴⁶"Ia outou fa'aeteete i le au tusiupu, o ē manana'o e savavali i ofu talaloa ma ua fiafia i fa'afeiloaiga i nofoaga lautele; ma o pule ua nonofo i sunako ma nofoaga mamalu i tausamiga. ⁴⁷‘Ua ‘aina fo‘i e i latou fale o fafine ‘ua oti a latou tane, ma fai se fa'aaliga e ala i le tatalo umi. O tagata fa'apenei o le a sili atu le fa'asalaga."

21¹‘Ua tepa a‘e Iesu i luga, ‘ona silafia lea e ia o tagata mau‘oa o lo‘o lafo a latou meaalofa i le mea e teu ai tupe. ²‘Ua silafia e ia le fafine mativa ‘ua oti lana tane, ‘ua lafo i tupe iti e lua. ³‘Ona fetalai atu lea o ia, “E moni, ‘ou te fai atu ‘iā te ‘outou, e sili atu mea ‘ua lafo e lenei fafine mativa ‘ua oti lana tane, i lo i latou uma. ⁴O i latou uma nei na foaʻi mai a latou meaalofa mai le tele o a latou mea. Ae o lenei fafine ua oti lana tane, ua ia tuu uma ana mea e ola ai, ona o lona mativa.”⁵A o tautala nisi i le malumalu, i lona teuteuina i ma‘a matagofie ma taulaga, ‘ua fai atu o ia, ⁶“a o nei mea ua outou vāai i ai, e oo mai aso e lē toe ai se maa i luga o le tasi maa e lē soloia.”⁷Ona latou fesili mai lea ia te ia, ua faapea mai, Le aoao e, o afea e oo mai ai ia mea? O le ā se fa‘ailoga pe a toeitiiti o‘o mai nei mea?” ⁸Ua tali atu Iesu, “Ia outou faaeteete ina ne‘i faaseseina outou.

Auā e to‘atele o le a ō mai i lo‘u igoa, e fa‘apea mai, ‘O a‘u o ia,’ ma, ‘ua lata mai le taimi.’ Aua e te mulimuli atu ia i latou.

⁹Pe a ‘outou fa‘alogo i taua ma vevesi, ‘aua tou te matata‘u, auā e tatau ‘ona muamua mai o ia mea; ae e le vave oo mai le iuga”.¹⁰‘Ona fetalai atu lea o ia ‘iā te i latou, “E tau le tasi nu‘u i le tasi nu‘u, ma le tasi mālō i le tasi mālō. ¹¹E iai foʻi mafuiʻe tetele, ma oge ma mala i nuu eseese. O le a iai mea mata'utia ma fa'ailoga tetele mai le lagi.¹²A o le‘i o‘o i nei mea uma, latou te tago atu o latou lima ‘iā te ‘outou, ma fa‘asauā ‘iā te ‘outou, tu‘uina atu ‘outou i sunako ma falepuipui, ‘ua ta‘ita‘iina ‘outou i luma o tupu ma ali‘i ‘ona o lo‘u igoa. ¹³E maua ai ma le avanoa mo lau molimau.¹⁴O lenei, ia filifili i o outou loto e aua neʻi muaʻi saunia la outou tali atu, ¹⁵auā ‘ou te avatu ‘iā te ‘outou ‘upu ma le poto, e lē mafaia e o ‘outou fili uma ‘ona tete‘e pe tete‘e mai ai.¹⁶E tu‘uina atu fo‘i ‘outou e mātua, ma uso, ma ‘āiga, ma uō, latou te fasiotia foi nisi o outou. ¹⁷E inosia foʻi outou e tagata uma ona o loʻu igoa. ¹⁸Ae e leai se lauulu o outou ulu e paʻu. ¹⁹O lo outou onosai e maua ai e outou o outou ola.²⁰“Pe a outou iloa atu Ierusalema ua siʻomia e ʻautau, ona e iloa ai lea ua latalata lona faatafunaina. ²¹‘Ona sosola ai lea o ē o i Iutaia i mauga, o ē o i le ‘a‘ai ia ō ‘ese ai; o i latou fo‘i o i tua ‘aua ne‘i ulu atu i le ‘a‘ai. ²²Auā o aso nei o le tauimasui, ‘ina ‘ia taunu‘u ai mea uma ‘ua tusia.²³Oi talofa i ē ua to ma ē e failele i ia aso! Ona o le a iai le puapuaga tele i luga o le laueleele, ma le toasa i lenei nuu. ²⁴E pa‘u‘ū fo‘i i latou i le mata o le pelu, e ta‘ita‘iina fa‘atagataotau‘a fo‘i i latou i nu‘u uma; e solia fo‘i Ierusalema e nu‘u ‘ese se‘ia fa‘ataunu‘uina taimi o Nu‘u ‘ese.²⁵“E iai foʻi faailoga i le lā, ma le masina, ma fetu, ma le lalolagi. O le a mafatia atunuu, ona o le taalili o le sami ma peau. ²⁶E i ai tagata e matapogia ona o le fefe ma le faatalitali i mea o le a oo mai i le lalolagi. Auā e lūlūina mana o le lagi.²⁷Ona latou iloa ai lea o le Atalii o le tagata ua sau i le ao ma le mana ma le mamalu tele. ²⁸Ae ina ua amata ona tutupu o ia mea, tutu i luga ma sii i luga o outou ulu, auā ‘ua latalata mai lo ‘outou togiola.”²⁹‘Ua fetalai atu Iesu ‘iā te i latou le fa‘ata‘oto, “Va‘ai i le mati ma la‘au uma lava. ³⁰Pe a latou tatupu, ‘ua ‘outou va‘ai fo‘i ma ‘ua ‘outou iloa ‘ua lata mai le tau mafanafana. ³¹E fa‘apea fo‘i ‘ona ‘outou va‘ai atu i nei mea ‘ua tutupu, ‘ia ‘outou iloa ‘ua latalata mai le Mālō o le Atua.³²E moni, ou te fai atu ia te outou, e le mavae atu lava lenei tupulaga seia oo mai nei mea uma. ³³E mavae atu le lagi ma le lalolagi, a o a‘u upu e lē mavae atu lava.³⁴Ae peita‘i ‘ia ‘outou mataala ‘iā te ‘outou lava, ‘ina ne‘i mafatia o ‘outou loto ma le inu tele ma le onā ma le popole i le olaga, ma ia aua nei faafuaseʻi ona lata mai lena aso ia te oe, ³⁵pei o se mailei. Auā e oo mai i luga o tagata uma o loo ola i luga o le fogaeleele uma.³⁶Ae ia mataala i taimi uma, tatalo ina ia lava lo outou malosi e te sola ese ai mai nei mea uma o le a tutupu, ma ia e tu i luma o le Atalii o le tagata”.³⁷O aso ia na a‘oa‘o atu ai o ia i le malumalu; ‘ua alu atu fo‘i o ia i le po, ma nofo i le mauga e ta‘ua o Olive. ³⁸Ua ō mai tagata uma i le taeaopō e faalogologo iā te ia i le malumalu.

22¹Ua latalata i le tausamiga o areto e le faafefeteina, e taua o le Paseka. ²Ona saili lea e le au ositaulaga sili ma le au tusiupu, pe faapefea ona latou fasioti ia Iesu; aua ua latou matatau i tagata/nuu.³Ona ulutinoina/ulufale/oso ai lea o Satani o Iesu, o lē ua iloa o le Sekara, o ia foi o se tasi o le toasefululua. ⁴Na alu Iuta ma tautalatala/talanoa i alii ma taitai a'u i se togafiti e faalataina atu ai Iesu iai latou.⁵Na latou fiafia ma tonu ai latou te avatu ia te ia tupe. ⁶Na lelei ia te ia ona lamalama/vaavaai lea o se avanoa na te faalataina ai o ia ao le iai le motu o tagata.⁷Ona oo mai lea o le aso o le areto faafefeteina, e tatau ona osi ai le taulaga i le tamai mamoe o le Paseka. ⁸Ona aauina atu lea e Iesu ia Peteru ma Ioane ma faapea atu, " O atu ia ma sauni le tatou meaai o le Paseka ina tatou aai ai, ⁹Ona latou tali lea ia te ia, " O fea e te finagalo matou te saunia ai nei mea uma?"¹⁰Ona tali atu lea o ia iai latou, " Faauta, a lua ulufale i le aai, e te lua fetaiai/fetaui ma le tagata o ave le vai omea. Ona lua mulimuli lea ia te ia i le fale e ulufale ai o ia. ¹¹Ona lua fai atu lea i le matai o le aiga, ' O loo fetalai mai le Aoao ia te oe, " O fea o iai le potu e api/nonofo ai malo, o iina o le a matou aai ai le Paseka, o a'u ma o'u soo?"¹²Na te faasinoina atu ia te oulua le potu/afeafe tele i aupito i luga ua uma ona teuina. O iina, lua te sauni ai le paseka. ¹³Ona o ai lea o i laua, ma la maua ai mea uma e pei ona fetalai atu ai o ia iai laua. Ona la saunia ai lea o le tausamaaga o le Paseka.¹⁴Ua oo i lea itu aso, ona ia taoto lea i lalo ma ona soo. ¹⁵Ona ia fetalai atu lea iai latou, "E naunau lava lo'u loto tatou te aai faatasi i lenei Paseka ae lei oo mai o'u tiga. ¹⁶Ou te fai atu ia te outou, ou te le toe ai lava seia faataunuuina le malo o le Atua.¹⁷Ona tago lea o Iesu i le ipu, ua faafetai ma ua fetalai atu, "Ave le ipu lenei ma tufatufa atu ia te outou". ¹⁸Ou te fai atu ia te outou, ou te le toe inu lava i le fua o lenei vine seia oo mai le malo o le Atua."¹⁹Ona ia tago lea i le areto, ona ia faafetai lea, na ia tofitofi ma tufatufa iai latou ma fetalai atu. " O lo'u tino lenei, ua foaiina atu mo outou. Ia outou faia le mea nei e fai ma faamanatuga ia te a'u. ²⁰Sa faapea foi ona tago i le ipu, ina ua maea/uma ona talisua/aai, ua fetalai atu, " O lenei ipu o le feagaiga fou lea i lo'u toto, ua faamaligiina mo outou;²¹Uai maia outou taliga/Faalogo mai. O le lima o le na te faalataina ia te a'u o loo iai ma au i luga o lenei laulau. ²²E alu lava le Atalii o le tagata e pei ona tofia. A o lea tagata na te faalataina o ia, oi talofa ia te ia! ²³Na latou fetautalatala iai latou, poo ai se tasi o i latou o le a na faia lea mea.²⁴Sa latou fefinauai foi poo ai so latou e sili. ²⁵Na ia fetalai atu iai latou, " O tupu o nuu ese ua alii i latou; o e pule foi ia i latou ua ta'ua i latou o e agalelei/pe faia galuega lelei.²⁶E le tatau ona outou faapea ma i latou. Ae peitai, o lē sili ia te outou, ia avea o ia ia pei o lē aupito itiiti o le pule foi, ia pei o le auauna ia. ²⁷Aua poo ai le sili, o lē taoto ea e ai, poo lē auauna mai? E le o lē taoto e ai ea? A o a'u nei, o loo ou iai ma outou, o a'u lava o le auauna.²⁸O outou ua tatou iai faatasi ma a'u i taimi o o'u tofotofoga. ²⁹E pei ona tofia e lo'u Tamā le malo ia te au, e faapea foi ona ou tofia o outou, ina ia outou aai ma feinu i le laoai/ laulau o lo'u malo, ³⁰ma ia nonofo i nofoalii, ma faamasino atu i aiga o Isaraelu e sefulu ma le lua.³¹Simona e, Simona e, ia e mataala, ua manao Satani ina ia luluina oe e pei o le saito. ³²Ae na ou tatalo mo oe ina ia aua nei mavae lou faatuatua. Ia e faamalosi foi i ou uso pe a e toe taliu/foi mai.³³Ona tali atu lea o Peteru, " Le Alii e, ua ou sauni ta te o faatasi ma oe i le falepuipui atoa ma le oti. ³⁴Ona fetalai atu lea o Iesu, "Peteru e, ou te fai atu ia te oe, e le vivini moa i le po nei, seia e faafiti faatolu mai e ete leiloa a'u."³⁵Ua fetalai ai Iesu ia te i latou, "Ina ua ou aauina atu outou e leai sa outou ete tupe, poo se ato poo seevae, pe na outou matitiva ea i se mea e tasi?" Ua fai mai i latou, "E leai lava." ³⁶Ona fetalai atu lea o ia ia te i latou, "Ao lenei, ai se tagata e ana se ete tupe, ina tago ia iai, e faapea foi sana ato; o le tagata foi e leai sana pelu, ia avatu lona ofu e faatau a'i mai.³⁷Aua ou te fai atu ia te outou, e tatau ona taunuu mai ia te au o le mea ua tusia, o lea, Na faitauina foi o ia faatasi ma e pagotata; aua foi o le a faaiuina mea ua tusia ia te au." ³⁸Ua latou fai mai, "Le Alii e, faauta, o pelu nei e lua." Ona fetalai atu lea o ia te i latou, "Soia."³⁹Ua maliu atu o ia i fafo, ua savali atu i le mauga o Olive, ua faapea lana masani; ua mulimuli atu foi ona soo ia te ia. ⁴⁰Ua oo atu o ia i lea mea, ona fetalai atu lea o ia ia te i latou, "Ia outou tatalo nei oo mai le faaosoosoga ia te outou."⁴¹Ona maliu ese lea o ia ia te i latou, e pei o le togi o le maa ona mamao, ona tootuli ai lea o ia ua tatalo, ⁴²"Lo'u Tama e, a e finagalo iai, ia e ave ese lenei ipu ia te au, ae aua le faia lo'u loto, ao lou finagalo."⁴³Ona faaali mai lea ia te ia le agelu mai le lagi, ua faamalosi ia te ia. ⁴⁴Ua puapuaga o ia, ua atili ai lana tatalo; o lona afu foi ua pei o 'alu'alu toto ua paū ifo i le eleele⁴⁵Ua tulai o ia sa tatalo, ona maliu atu lea i ona soo, ua maua i latou ua momoe ina ua tiga i le alofa. ⁴⁶Ona fetalai atu lea o ia ia te i latou, "Se a le mea tou te momoe ai? Ina tulai ia, ina tatalo, nei oo mai le faaosoosoga ia te outou."⁴⁷O loo fetalai o ia, faauta, o le motu o tagata, ma lē ua igo ia Iuta, o le tasi o le toasefulu ma le toalua, ua muamua mai o ia ia te i latou, ma sōsō mai ia Iesu e sogi ia te ia. ⁴⁸A ua fetalai atu Iesu ia te ia, "Iuta e, e te faalataina ea le Atalii ole tagata ma le sogi?"⁴⁹Ua iloa e i latou ua faatasi ma i o le mea o le afai, ona latou fai mai ai lea ia te ia, "Le Alii e, pe matou te taia ea i le pelu?" ⁵⁰O le tasi tagata o i latou, ua ta e ia le auauana a le ositaulaga sili, ua tipiesea lona taliga taumatau. ⁵¹Ona fetalai atu lea o Iesu, ua faapea atu, "Soia, ua lava lea." Ona tago ai lea o ia i lona taliga, ua faamalolo ia te ia.⁵²Ua fetalai atu Iesu i le au ositaulaga sili, ma taitai o 'au o le malumalu, ma toeaina, e na o mai ia te ia, " Ua outou o mai ma pelu ma uatogi, peiseai o se puega o se fao mea? ⁵³Sa tatou i le malumalu ma outou i aso fai soo, e lei oo mai lava o outou lima ia te au; a o outou itu po lenei, ma le pule a le pouliuli."⁵⁴Ona latou pue lea ia te ia, ua taitai ma ave ia te ia i le fale o le ositaulaga sili. A ua mulimuli mamao atu Peteru. ⁵⁵Ua latou tafu le afi i totonu o le maota, ua latou nonofo i lalo, ua nofo foi Peteru faatasi ma i latou.⁵⁶A ua iloa atu o ia i le tasi auauna teine o nofo mai i tafatafa o le afi, ona pulatoa lea ia te ia, ua faapea ane, " O lenei tagata foi sa faatsi ma ia." ⁵⁷A ua faafiti/pepelo Peteru ia te ia, ua faapea atu, "Funa e,/Suga e, ou te le iloa o ia." ⁵⁸Ua toe itiiiti, ona vaai mai lea o le tasi ia te ia, ua faapea mai, "O oe foi le tasi o i latou." Ona fai atu lea o Peteru, "Sole, e le o au."⁵⁹Ua mavae, pe atoa le itu po e tasi, ona matuā fai mai ai lea o le tasi, "E moni lava, sa ia te ia lenei tagata; aua o le Kalilaia foi o ia." ⁶⁰Ona fai atu lea o Peteru,"Sole, ou te le iloa le mea e te fai mai na." Ona vivini loa lea o moa, a o tautala o ia.⁶¹Ona faliu lea o le Alii, ua silasila atu ia Peteru. Ona manatu mai lea o Peteru i le fetalaiga a le Alii, na ia fetalai mai ia te ia, "E le vivini moa seia e faafiti faatolu mai ia te au." ⁶²Ona alu ai le o ia i fafo, ua tagi lotulotu ia.⁶³O tagata ua taofi ia Iesu, ua latou tauemu ma sasa ia te ia. ⁶⁴Ua latou ufiufi ona fofoga, ona po mai ai lea i ona fofoga, ua fesili mai foi ia te ia, "E te iite mai poo ai na na po atu ia te oe?" ⁶⁵O isi foi upu e tele ua latou upu leaga ai ia te ia.⁶⁶Ua ao, ona faapotpoto ai lea o le taupulega o le nuu, o le au ositaulaga sili, ma le au tusiupu, ona taitai atu lea ia te ia i la latou fono, ua faapea mai, ⁶⁷"Afai o oe o le Keriso, fai mai ia ia te i matou," Ona fetalai atu lea o ia ia te i latou, "Pe afai ou te fai atu ia te i outou, tou te le talitonu mai lava, ⁶⁸afai foi ou te fesili ia te outou tou te le tali mai lava.⁶⁹E amata atu nei ona nofo o le Atalii o le tagata i le itu taumatau o le Atua mamana." ⁷⁰Ona fai mai lea o i latou uma, "O oe foi ea le Alo o le Atua?" Ua fetalai atu o ia ia te i latou, " O a'u lea ua outou fai mai ai na." ⁷¹Ona latou fai ane ai lea, "Se a le aoga s atatou toe molimau? Aua o i tatou lava, ua tatou faalogo i lana lava upu."

23¹Ua tula'i i latou uma ma latou molimoli atu Iesu i luma o Pilato. ²Ua amata lea ona latou molia o Ia ua faapea atu, "Ua matou maua lenei tagata o Ia taufaasese lo matou atunuu, ua ia taofia tagata mai le avatu o lafoga ia Kaisara, ma Ia fai mai o Ia o le Keriso, o Ia fo'i o le Tupu"³Ua fesili Pilato ia te Ia ua faapea atu, "O oe o le Tupu o tagata Iutaia?", Ua tali mai Iesu ia te ia ua faapea mai, "E pei lava ona e fai mai ai" ⁴Ona fai atu lea o Pilato i ositaulaga sili ma le motu o tagata e toatele, "Ua ou le maua se mea e sala ai lenei tagata" ⁵A ua latou finau ma faapea mai, "Ua ia faatupu le vevesi i tagata, e ala i ana aoaoga i Iutaia uma, e amata mai i Kalilaia se'ia oo mai i lenei aai".⁶Ua faalogo Pilato i lea mea, ona ia fesili lea po o Iesu o se Kalilaia. ⁷Ina ua ia iloa o lo o i lalo Iesu i le pule a Herota, ona ia auina atu lea o Ia ia Herota, o ia fo'i na nofo i Ierusalema i ia ona po.⁸In ua iloa atu e Herota Iesu, ona fiafia ai lea oo ia, aua ua leva ona ia fia vaai ia te Ia. Ua ia faalogo ia te ia, ma na fia vaai ini vavega e faia e Ia. ⁹E tele fesili a Herota ia Iesu, ae leai ma se tali a Iesu. ¹⁰Na tula'i ia ositaulaga sili ma le 'au tusiupu ma matua tu'ua'ia o Ia.¹¹Na matua vaai maualalo Herota ma ana fitafita ia Iesu ma latou tauemu mai ia te Ia. Ua latou faa'ofu fo'i ia te ia ini ofu ilaila ma toe faafo'i atu o Ia ia Pilato ¹²O le aso lava lea na toe faaleleia ai le va o Herota ma Pilato, aua a o le'i oo i lea aso ua leva ona eseese i la'ua.¹³Ona valaau atu lea o Pilato i ositaulaga sili, o alii pule ma le motu o tagata. ¹⁴ma fai atu ia te'i latou, Na outou aumaia lenei tagata ia te a'u e peisea'i o se tasi ua ia faaseseina tagata, a o lea ua outou vaai, ua ou faamsinoina o Ia i o outou luma, ma oute le'i maua se solitulafono ua ia faia e tusa ma mea ua outou molia mai ai o Ia.¹⁵Ua le iloa fo'i e Herota, o le ala lea o lona toe auina mai o Ia ia te a'u, o lea ia outou iloa, e leai se solitulafono ua ia faia e tatau ai ona faasalaina o Ia i le oti. ¹⁶O lea la o le a ou sasaina o Ia, ona toe faasaoloto lea o Ia." ¹⁷(FOOTNOTE)“O lenei sa tatau ia Pilato ona tatala atu i tagata Iutaia se pagota e toatasi i le tausamiga” .¹⁸A ua latou alalaga ma faapea mai, "Ia aveese atu lenei tagata, a 'ia tatala mai Parapa mo i matou!" ¹⁹O Parapa na lokaina i le falepuipui ona o le faatautee i le malo ma le fasioti tagata.²⁰Ua toe fai atu Pilato ia i latou, ina ia tatatala atu Iesu. ²¹A ua toe alalaga i latou ma faapea mai, "Ia faasatauro ia te Ia, ia faasatauro ia te Ia. ²²Ua toe fai atu faatolu lea o Pilato, "Aisea, o le a se agasala a lenei tagata ua ia fai? Oute le'i maua se solitulafono ua faia e Ia e tatau ai ona faasala o Ia i le oti. O lea o le a ou sasaina o Ia, a mae'a ona tatatla atu lea o Ia."²³Ae le mafafai i latou le alalaga mai ma le leo tetele, ma le faatauanau ina ia faasatauroina o Ia. Na i'u lava ina talia e Pilato la latou finau. ²⁴Ona filifili lea o Pilato e fai lo latou mana'o. ²⁵Ua ia tatala mai i tua le na faafalepuipui ona o le fouvale ma le fasioti tagata. A ua tuuina atu Iesu ia te'i latou e faasala ona o lo latou mana'o.²⁶Ua latou ta'ita'i ese atu ia te Ia, ua latou taofi Simona le tasi o Kurene e sau mai nuu i tua, ua latou tuu atu le satauro i ona luga na te amoina, ma mulimuli atu ia Iesu.²⁷Ua mulimuli atu ia te Ia le motu o tagata o toatele, atoa ma fafine o lo o ua taufaitagitu'i ma taufaitgi'aue mo Ia. ²⁸A ua faliu atu Iesu ia te i latou ma faapea atu, "Afafine o Ierusalema e, aua tou te fetagisi ona o a'u, a ia outou fetagisi mo outou ma a outou fanau.²⁹Ia outou iloa, e oo mai aso e latou te fai mai ai. "Amuia fafine e le i fananau, ma susu e le i faafaileleina ai nisi. ³⁰O le a amata ona fai atu i latou i mauga "Mafuli maia i luga o i matou, faapea mea mapu'epu'e ia latou tanumia i matou" ³¹Afai latou te faia nei mea a o mata le laau, pe faafefea la pe ana mago le laau?".³²Ua ta'ita'i atu nisi o pagota e to'alua e fasiotia faatasi ma Ia.³³Ua oo mai i latou i le nofoaga e ta'ua o le "Ulupoo" ona latou faasatauro ai le o Ia i lea mea faatasi ma pagota - o le tasi i lona itu taumatau, a o le tasi i lona itu tauagavale. ³⁴Ona faapea atu lea o Iesu, "Lo'u Tama e, ia e faamagalo atu ia te i latou, aua ua latou le iloa le mea ua latou faia". Ona latou faia lea o le vili e tufatufa ai ona ofu.³⁵Na tutu tagata ma matamata mai a o faatauemu atu faipule ia te Ia, ma latou fai atu, "Na Ia faaola i isi tagata. lna faaola ia o Ia ia te Ia, pe afai o Ia o le Keriso a le Atua, o le na filifilia³⁶Ua faatauemu fo'i fitafita ia te Ia, ua latou faalatalata atu ia te Ia, ma latou avatu ia te Ia o le vineka. ³⁷37. Ua latou fai atu ia te Ia, "Afai o oe o le Tupu o Tagata Iutaia, ia e faaola ia te oe. ³⁸38. Ua latou tu'i fo'i le laupapa e tusi a'i igoa i luga atu o Ia, ua faapea mai, "O Le Tupu Lenei o Tagata Iutaia"³⁹O le tasi o pagota na tautau faatasi ma Ia ua upu leaga ane ia te Ia ma faapea mai, "E le o oe ea o le Keriso? Ia e faaola ia te oe ma i tatou". ⁴⁰A ua taofi mai o ia e le tasi pagota ma faapea mai, "E te le mata'u ea i le Atua, ua faasalaina faatsi i tatou i le solitulafono e tasi. ⁴¹Ua tonu la ta'ua sala, ua faasalaina i ta'ua e tusa ma la ta solitulafono. A o lenei tagata e leai o sana agasala"⁴²Ona ia faapea atu lea "Iesu e, ia e manatua mai a'u pe a e oo i lou Malo" ⁴³Ua tali atu Iesu ia te ia, "E moni oute fai atu ia te oe, o le aso lava lenei tate faatasi ai ma oe i le parataiso".⁴⁴Ua oo i le sefululua i le aoauli, ona oo mai lea o le pouliuli i o latou luga se'ia oo i le itula e tolu i le afiafi. ⁴⁵Ina ua pogisa le la, ona vaeluaina ai lea o le ie pupuni o i totonu o le malumalu.⁴⁶Ua alaga atu Iesu ma le leotele ma Ia faapea atu, "Lo'u Tama e, oute tuuina atu o lo'u nei Agaga i ou lima." na ona uma lava ona Ia fai atu ia upu, ona oti ai lea o Ia. ⁴⁷Na vaai atu le ta'ita'i o le to'aselau i nei mea uma na tutupu, ona ia vivii atu ai lea i le Atua ma ia faapea atu, "E moni lava, o le tagata amiotonu lenei tagata".⁴⁸O i latou uma e to'atele na i ai ma molimauina mea uma na tutupu, na fo'i atu i latou ma le popole. ⁴⁹A o e masani lelei ia te Ia, ma fafine na mulimuli mai ia te Ia mai i Kalilaia, ua tutu mamao mai i latou, ma matamata mai i nei mea uma.⁵⁰Ae peita'i, e i ai se tagata e igoa ia Iosefa, o ia o le sui o le Fono a faipule. O ia o se tagata lelei ma amiotounu. ⁵¹51. E le i 'au lenei tagata i la latou taupulepulega ma le mea na latou faia. E sau o ia mai Arimataia, o le aai i Iutaia, na saili e ia le Malo o le Atua⁵²Na alu lenei tagata ia Pilato, ma ia talosaga i ai na te ave le tino o Iesu. ⁵³Ua ia tuu mai i lalo o Ia, ua taataai lona tino i le ie lino, ona ave le o Ia ma tuu i le tuugamau na tipi i le papa, e leai se tagata na tuu ai muamua.⁵⁴O le Aso o Sauniga, ma ua oo i le taimi o le a amatalia ai le Sapati. ⁵⁵O fafine ia na mulimuli mai ia Iesu mai i Kalilaia, na mulimuli atu ma latou vaai i le tuugamau ma le mea o tuu ai le tino o Iesu. ⁵⁶Ua toe fo'i i latou ma tapena mea manogi ma suauu manogi. Ona malolo ai lea o i latou i le Sapati e tusa ma le tulafono.

24¹I le taeao po, o le aso muamua o le vaiaso, na latou o mai ai i le tuugamau, ma latou aumaia mea manogi na latou saunia. ²E tau mai i latou ua fuli'eseina le maa mai le tuugamau. ³Ona o latou ulufale atu lea, ae latou te le'i maua ai le tino o Iesu.⁴Ua faapea ona le mautonu i latou i lea mea, ona faafuase'i lea, ona tutu mai o ni tamaloloa se to'alua i luma o i latou, o lo o la'ua ofu ni ofu pupula. ⁵A ua fefefe ia fafine ma latou faapa'u fao o latou foliga i luga o le fogaeleele, ona latou fai atu lea i fafine, "Aisea ua oulua saili ai le ua ola i e ua oti ?".⁶E le o iinei o Ia, ae ua toe faatuina o Ia!. Ia outou manatua mea na talanoa atu ai o Ia ia te outou a o i ai pea o Ia i Kalilaia, ⁷Na fai mai o Ia e tuuina atu le Atalii o le Tagata i lima o i latou agasala, e latou te faasatauroina o Ia, ae e toe tu mai o Ia i le aso tolu.⁸Ua manatua e fafine o ana upu ⁹ma ua latou fo'i mai le tuugamau, ma ta'u atu ia mea uma i le to'asefulutasi ma i latou uma. ¹⁰O Maria le Makatala, ma Ioana, ma Maria le tina o Iakopo, ma isi fafine na ia i latou ua latou ta'u atu nei mea i le 'au aposetolo.¹¹O lenei tala ua pei o se tala faatupu i le 'au aposetolo, ma latou te le i talitonu i fafine. ¹²Ae ua tu i luga Peteru ma momo'e atu i le tuugamau, ma ia autilo i totonu, ma ia vaaia ai ie line lelei o taatitia mai. Ona alu atu lea o Peteru i lona fale, ua mafaufau solo i le mea ua tupu.¹³Ae peita'i, e toa'lua mai ia i latou na o atu i lena lava aso i le nuu o Emau, pe fitu maila le mamao mai i Ierusalema. ¹⁴Sa lau'a talatalanoa i mea uma lava na tutupu.¹⁵A o la talatalanoa ma tuufesili le tasi i le tasi, ae faalatalaata atu Iesu ma latou o faatasi. ¹⁶16. Ae peita'i ua punitia o la'ua mata, ma ua la'ua le iloa o Ia.¹⁷Ona fai atu lea o Iesu ia i la'ua, "O a ia mea o lo o oulua talanoa i ai ma oulua savavali?". Ona tutu lea o i la'ua ma o la foliga faanoanoa. ¹⁸O le tasi o i la'ua e igoa ia Kaleopa ua tali atu ia te Ia, "Ua na o oe ea le tagata Ierusalema e le o iloa mea o tutupu i lea aai i nei aso?".¹⁹Ua tali atu Iesu ia i la'ua, "O a mea?. Ona tali mai lea o i la'ua ia te Ia, "O mea e faatatau ia Iesu Keriso le Nasareta, o ia o se perofeta, e matautia mea na ia faia, faapea lana upu i luma o le Atua atoa ma tagata. ²⁰Ae peita'i na molia o Ia e ositaulaga sili ma o tatou taitai ina ia faasatauroina, ma faasalaina o Ia i le oti.²¹Ae na matou faamoemoe o Ia o le a faaolaina Isaraelu. Ioe, ae i ai la ma isi mea, o lenei ua oo i le aso lona tolu talu ina tutupu uma nei mea.²²Ae i ai nisi o fafine o la matou faapotopotoga ua faate'ia ai i matou, ona sa o atu i le tuugamau i le taeao po lava ²³E le'i maua e'i latou lona tino, na fo'i mai i latou ma latou fai mai, sa faapea ona faaali ni agelu ia i latou ma faapea mai, o lo o soifua o Ia. ²⁴O nisi fo'i o tane na ia'i matou na o fo'i i latou i le tuugamau, ma latou faamaonia e pei ona fai mai ai o fafine. Latou te le i vaai ia te Ia.²⁵Ua fai atu Iesu ia te i latou. "O tagata valea ma faigata o latou loto ona talitonu i mea uma na fai mai ai le 'au perofeta! ²⁶E le tatau ea i le Keriso ona tigaina o ia i ia mea, ina ia ulufale atu o Ia i lona mamalu?" ²⁷Na amata mai ia Mose faapea ma le 'au perofeta uma, na faaalia atu e Iesu ia te i latou mea uma o lo o fai mai ai le Upu ia te Ia.²⁸Ua latou latalata atu i le nuu o lo o la'ua o i ai, ona faataga talanoa lea o Iesu e peisea'i o le a Ia alu loa. ²⁹A ua la faatauanau Iesu ma faapea atu, "Tatou nonofo ma i ma'ua, ua lata ina po" Ona alu ai lea o Iesu ua nonofo ma i la'ua.³⁰Ua nofo o Ia i lalo latou te aai, ona tago lea o Ia i le falaoa, ua faamanuia, ona Ia vaevae lea ma tufa atu ia i la'ua. ³¹Ona matala ai lea o o la'ua mata, ma latou iloa ai o Ia, a ua nimo ese o Ia mai i a'i la'ua. ³²Ona faapea atu lea o le tasi i le tasi, "E le'i mu ea i totonu o ta'ua loto, a'o talanoa mai o Ia ia te'i ta'ua i le ala, ma Ia faamalamalama mai ia i taua ana afioga paia?"³³Ua toe tula'i i la'ua i le taimi lava lena ma faanatinati atu i Ierusalema. Ona ua la maua atu soo e sefulutasi o lo o faatasitasi faatasi ma nisi sa ia te'i latou. ³⁴Ua la'ua fai atu. "Ua toe tu mai le Alii, ma na faaali o Ia ia Simona. ³⁵Ona la'ua faamatala lea o le mea na tupu i le ala, se'ia oo ina la'ua iloa o Iesu, ina ua Ia vavae o le falaoa.³⁶Ua la'ua fai atu i nei mea, ae tula'i Iesu i le ogatototnu o i latou uma, ma faapea atu ia te'i latou, "Ia i ai le filemu ia te outou". ³⁷A ua matata'u ma faatumuina i latou i le fefe, ona ua faapea i latou ua latou vaai i se aitu.³⁸Ua fai fai atu Iesu ia te'i latou, "Aisea ua outou fefefe ai? Aisea ua tupu ai le le mautonu i o outou loto?. ³⁹Vaai mai i 'ou lima ma o'u vae, aua o a'u lava lenei. Pa'i mai ia te A'u ma e vaai. Aua e leai se tino ma ni ponaivi o se agaga, e pei o A'u ua outou vaavaai mai i ai". ⁴⁰Ina ua ia fai atu nei mea, ona ia faaali atu lea o ona lima ma ona vae ia te'i latou⁴¹E le i mafai e i latou ona talitonu ona o le tele o lo latou olioli, ma ua ofo tele i latou. Ua fai atu Iesu ia te'i latou, "E i ai ni a outou meaai?" ⁴²Ua latou tuu atu ia te Ia le fasi i'a vela na tunu ⁴³ona ia ave lea ma ia 'ai i luma o'i latou.⁴⁴Ua Ia fai atu ia te'i latou "O A'u upu nei na ou fai atu ai a'o o'u i ai ia te outou, o mea uma na tusia i le tulafono a Mose, ma le 'au Perofeta faapea ma Salamo, ia faataunuuina.⁴⁵Ona ia tatala lea o o latou loto, ina ia latou malamalama i mea na tusia ⁴⁶Ua Ia fai atu ia te'i latou "E pei ona tusia, e ao ina sauaina le Keriso se'ia oo ina toe tu mai o Ia mai le oti i le aso lona tolu. ⁴⁷O le salamo ma le faamagaloina o agasala, e tatau ona tala'i atu i lona Igoa i atunuu uma, ae amata mai i Ierusalema.⁴⁸O outou o molimau o nei mea uma. ⁴⁹A ia outou iloa, Oute foa'i mai ia te outou le mea na tauto mai ai Lo'u Tama. A ia outou faatali i le aai se'ia faaofuina outou i le mana mai luga.⁵⁰Ona ta'ita'i atu lea o i latou e Iesu se'ia oo atu i Petania. Ona ia faae'e lea o ona lima ma faamanuia atu ia te'i latou. ⁵¹O le mea lava lea na tupu, a o Ia faamanuia atu ia te'i latou, ona faafuase'i lea ona Ia tu'ua o i latou ma ave a'e o Ia i luga o le lagi.52. Ua latou vivii atu ia te Ia, ma latou toe fo'i atu i Ierusalema ma le olioli tele 53. Ua le misi i latou mai le malu

Samoan: Bible for Luka

Formatted for Translators

Luka