To view a copy of the CC BY-SA 4.0 license visit
http://creativecommons.org/licenses/by-sa/4.0/
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
1 Peteru
11O au o Peteru, o le aposetolo a Iesu Keriso, o la'u tusi lenei i tagata ese o ē o loo taapeape, o ē ua filifilia i Pono, ma Kalatia, ma Kapatokia, ma Asia, ma Pitunia. 2E tusa lea ma le muai silafia o le Atua le Tamā, e ala i le galuega faapaiaina a le Agaga, mo le usiusitai ma le sausauina o le toto o Iesu Keriso. Ia ia te outou le alofa tunoa, ma ia faateleina lo outou manuia.3Ia viia/faafetaia le Atua le Tamā o lo tatou Alii o Iesu Keriso! I lona alofa mutimutivale tele, ua ia fanaufouina ai i tatou i se faamoemoe ola e ala i le toetu o Iesu Keriso mai le oti. 4E fai lenei mea mo le tofi e lē mavae atu, e lē pala, ma e lē mavae atu. Ua teu/faapolopoloina i le lagi mo outou. 5Ua puipuia fo‘i ‘outou i le mana o le Atua e ala i le fa‘atuatua mo le fa‘aolataga ua sauni e fa‘aalia mai i le aso gata‘aga.6Ua outou matuā olioli foi i lenei mea, e ui lava ua na sina taimi itiiti, tou te mafatia ai i tofotofoga eseese uma. 7O lenei mea e fa‘amaonia ai lo outou fa‘atuatua, e sili ona tāua i lo le auro e pala, e ui lava ina tofotofoina i le afi. E tupu lenei mea ina ia maua ai lo outou faatuatua e iu ai i le viiga, ma le mamalu, ma le viiga i le faaali mai o Iesu Keriso.8E le o iloa atu outou ia te ia, a ua outou alolofa ia te ia. Ua outou le o vaai atu nei ia te ia, a ua outou talitonu ia te ia ma olioli i le olioli e le mafaamatalaina ma ua tumu i le mamalu. 9E maua foi le iuga o lo outou faatuatua, o le faaolaina lea o o outou agaga. 10O le fa‘aolataga lenei, na vavalo ai perofeta i le alofa tunoa o le a o‘o mai iā te outou, na latou matuā suesue ma sailiili i ai.11Ua suesue i latou po o ai se tagata po o le a se taimi ua fa‘aali mai e le Agaga o Keriso i totonu iā te i latou, ina ia muai molimau atu o puapuaga o Keriso ma le mamalu e mulimuli ane i ai. 12Ua fa‘aali atu foi iā te i latou, e lē o auauna i latou lava, a o outou, ina ua latou tautala atu i mea ua tau atu nei iā te outou e i latou o ē na talaiina atu le tala lelei iā te outou i le Agaga Paia ua auina mai i le lagi, o mea ia o lo‘o naunau i ai le au agelu i le fia matamata i ai.13O lea ia fusifusia o outou sulugātiti. Ia faautauta. Ia outou fa‘amoemoe atoatoa i le alofa tunoa e avatu iā te outou pe a fa‘aalia mai e Iesu Keriso. 14Ia faapei o le fanau usiusitai, aua ne‘i faatusaina outou i tuinanau na outou mulimuli ai a o outou lē iloa/a o valea outou.15Ae pei ona paia o lē na valaauina outou, ia paia foi outou i a outou amio uma. 16Auā ua tusia, “Ia pa‘ia outou, auā e pa‘ia lava a‘u.” 17O lenei, afai tou te valaau atu, “Tama e,” o lē na te fa‘amasinoina lē fa‘aituau e tusa ma galuega a tagata taitoatasi, ia outou nonofo ma le matau a o outou nonofo ai iinei o ni tagata ese/a o outou a aumau iinei.18Aua ua outou iloa e lei togiolaina outou i le ario e pala po o le auro mai i amioga lē aogā na outou maua mai i o outou tamā, 19a o le toto tāua o Keriso, e pei o le toto o le tamai mamoe e lē ponā lava, e leai foi sona leaga/poo se ila.20Na muai silafia e Keriso a o lei faavaeina le lalolagi, a o lenei ua fa‘aalia mai o ia iā te outou i nei aso e gata ai. 21Ua outou faatuatua i le Atua ona o ia, o lē na toe faatūina mai o ia nai ē ua oti, ma avatu iā te ia le mamalu, ina ia i le Atua lo outou faatuatua ma lo outou faamoemoe.22Na outou faamamāina o outou agaga/loto i le usiusitai i le upu moni. O le faamoemoega o lenei mea, o le alofa faamaoni faaleuso; o lea ia outou fealofani ma le faamaoni ma le loto mama. 23Ua fanaufouina outou, e le o le fua/fatu pala, ae o le fua/fatu e le pala lava, o le afioga a le Atua lea o loo ola ma tumau e oo i le faavavau.24Auā, “O tagata uma e pei o le mutia ia, o lona matagofie uma foi e pei o le fuga o le vao. E magumagu le mutia, e toulu foʻi le fuga, 25a o le afioga a Ieova e tumau e faavavau.” O lenei upu o le tala lelei lea na folafola atu iā te outou. 21O le mea lea ‘ia tu‘u ‘ese ai mea leaga uma, o le pepelo uma, o le pepelo, o le matau‘a, ma le taufaaleaga uma. 2E pei o tama meamea, naunau i le suāsusu faaleagaga mamā, ‘ina ‘ia ‘outou tutupu ai i le fa‘aolataga, 3pe afai ua outou tofotofo i le agalelei o Ieova4‘Ia ‘outou ō mai ‘iā te ia o le ma‘a ola lea ‘ua lafoa‘iina e tagata, a ua filifilia e le Atua e tāua iā te ia. 5Ua pei foʻi outou o maa ola ua atiina aʻe e fai ma fale faaleagaga ina ia avea ma se perisitua paia e ofoina atu taulaga faaleagaga e talia e le Atua e ala iā Iesu Keriso.6O loo iai i le Tusi Paia lenei mea: “Faauta, ou te tuuina i Siona le maatulimanu, ua filifilia ma le taua.O lē e fa‘atuatua ‘iā te ia e lē mā.”7O le aogā fo‘i lea ‘iā te ‘outou o ē fa‘atuatua. Ae ia i latou e lē talitonu, “O le ma‘a na lafoa‘iina e tufuga, ua fai ma ma‘a tulimanu. 8ma, “O le maa e tautevateva ai ma le papa e pauu ai i latou.” Ua latou tausuai ona ua latou lē usiusitai i le upu—o le mea lea na tofia i latou e fai.9A o ‘outou o le nu‘u filifilia, o ositaulaga ma tupu, o le nu‘u pa‘ia, o le nu‘u mo le Atua, ina ia e faailoa atu ai galuega ofoofogia a lē na valaauina outou mai le pouliuli i lona malamalama ofoofogia. 10Sa lē o se nu‘u ‘outou anamua, a o lenei, o le nu‘u o le Atua ‘outou. E le‘i alofaina ‘outou, a o lenei ‘ua alofaina mai ‘outou.11Le ‘au pele e, ‘ou te ‘ai‘oi atu ‘iā te ‘outou o tagata ‘ese ma ē fa‘atagataotau‘a, ‘ia ‘outou taumamao mai tu‘inanau o le tino; e tau faasaga i lou agaga. 12E tatau ona mamalu a outou amio i luma o nuu ese, ‘ina ‘ia latou fai ‘upu leaga ‘iā te ‘outou, ‘ina ‘ia fai ma molimau i a ‘outou amio lelei ma avatu le viiga i le Atua i le aso e faaali mai ai o ia.1313 ‘Ia usiusita‘i i pule uma a tagata ‘ona o le Ali‘i. Usiusita'i uma i le tupu e sili ‘atoa 14ma kovana, o ē ‘ua ‘a‘auina e fa‘asalaina ē amio leaga ma vivii atu i e fai mea lelei. 15Auā o le finagalo lenei o le Atua, o le faia o mea lelei e te faafilemuina ai le tautala vale a tagata valea. 16Fa‘apei o ē ‘ua sa‘oloto, ‘aua ne‘i ‘avea lo ‘outou sa‘olotoga e ufiufi ai le leaga, a ‘ia ‘outou fa‘apei o ‘au‘auna a le Atua. 17‘Ia āva i tagata uma. Alofa i le usoga. Matau i le Atua. Ia ava i le tupu.18O ‘au‘auna e, ‘ia ‘outou usiusita‘i i o ‘outou matai ma le fa‘aaloalo uma. Ia usiusitai e lē gata i matai lelei ma agamalu; ‘ae fa‘apea fo‘i i ē amio leaga. 19Auā e tatau ona viia pe afai, ‘ua silafia e ia le Atua, e ‘onosa‘i ai le tagata i fa‘anoanoa a o puapuagātia ma le lē tonu. 20Auā o le ā le tele o le vi‘iga pe ‘āfai tou te agasala? ona onosai ai lea a o puapuagatia? ‘Ae ‘āfai ‘ua e faia mea lelei, ‘ona e puapuagā ai lea a o fa‘asalaina, e tatau ‘ona vi‘ia lea e le Atua.21Auā o le mea lea na vala‘auina ai ‘outou, auā na puapuagātia fo‘i Keriso mo ‘outou. Na ia tuuina mai se faaaʻoaʻoga ina ia e mulimuli ai i ona laasaga. 22“E le‘i faia e ia se agasala, e le‘i iloa fo‘i se pepelo i lona fofoga.” 23Ina ua faalumaina o ia, e leʻi toe taui atu e ia. Ina ua puapuagatia o ia, e leʻi toe faamataʻu atu o ia, ae na ia tuuina atu o ia lava i lē e faamasinotonu.24O ia lava na tauave a tatou agasala i lona tino i luga o le la‘au, ‘ina ‘ia tatou oti i le agasala, ma ola ai i le amiotonu. E ala i ona manu’ ua faamaloloina oe. 25Na se ese outou uma e pei o mamoe ua leiloa, a o lenei ua outou toe foi mai i le leoleo mamoe ma le leoleo o outou agaga.
31I le auala lava e tasi, o ‘outou o avā, ‘ia usiusita‘i ‘outou i a ‘outou lava tane. Fai lenei mea e tusa lava pe o nisi alii ua le usiusitai i le upu, e mafai ona manumalo i latou e aunoa ma se upu, i le amio a latou avā, 2e fai ma molimau vaaitino i lo outou faaaloalo ma le amio mama.3'Aua ne'i na'o fafo lou teuga, le fili ina o lauulu, ma le fa'aofuina o mea teuteu auro, po o ofu e te ofuina. 4A'e peitai, ia avea o outou teuga o le tagata i totonu o le loto ia tumau le matagofie o le agamalu ma le agaga filemu, e tāua i luma o le Atua.5Aua e faapea o tamaitai paia anamua, o ē na fa‘amoemoe i le Atua ‘ua teuteu ‘iā te i latou; e ala i le usiusitai atu i a latou tane. 6O le mea lea na usitai ai foi Sara ia Aperaamo ma taʻua o ia o lona alii. Ua avea nei outou ma ana fanau pe afai tou te faia le mea lelei ma e te le fefe i puapuaga.7I le ma lea, o outou tane e tatau ona nonofo faatasi ma a outou avā e tusa ma le malamalama; e pei o se ipu vaivai o se fafine. E tatau ona e avatu ia i latou le mamalu e avea ma suli o le alofa tunoa o le ola. Fai lenei mea ina ia le faalavelaveina au tatalo.8Mulimuli ane, ia loto gatasi outou uma, agaalofa, alofa pei o uso, loto alofa, ma ia loto maulalo. 9Aua le taui atu le leaga i le leaga, po o le tauemu i le faalumaina. I se isi itu, ia faaauau ona faamanuia, aua o le mea lea na valaauina ai outou, ina ia outou maua le manuia.10“O lē e mana‘o i le ola ma vaai i aso lelei e tatau ona taofi lona laulaufaiva mai le leaga ma ona laugutu mai le tautala pepelo. 11Ia liliuese o ia mai i le leaga ma fai le mea lelei. Tuu atu ia te ia e saili filemu ma tuliloa i ai. 12O mata o le Alii e silasila mai i ē amiotonu, e faafofoga mai foi ona taliga ia latou tatalo. Ae o fofoga o le Alii e tetee atu i ē fai amio leaga.”13O ai ea na te faia se mea leaga iā te outou? Pe afai tou te naunau e fai le mea lelei? 14Ae e tusa lava pe mafatia outou ona o le amiotonu, ua manuia oe. Aua le fefefe ia latou taufaamatau. Aua le popole.15‘Ae peita‘i, ‘ia vavae‘eseina le Ali‘i o Keriso i o ‘outou loto aua e pa‘ia. Ia nofosauni e avatu se tala i so o se tasi e fesili mai e uiga i le faamoemoe ua ia te oe, 16ma le agamalu ma le faaaloalo. ‘Ia ‘iā te ‘outou le loto fuatiaifo lelei, ‘ina ‘ia māsiasi i so o se mea e ta‘uleagaina ai ‘outou, o ē fa‘aleaga lo ‘outou olaga lelei ‘iā Keriso. 17E sili ona lelei pe afai o le finagalo o le Atua, ua ‘outou puapuagā i le faia o mea lelei nai lo le faia o mea leaga.18Na tigaina foi Keriso fa'atasi ona o agasala. O lē e amiotonu na tigāina mo i tatou o ē amioletonu, ‘ina ‘ia ta‘ita‘iina i tatou e ia i le Atua. Na fasiotia o ia i le tino, ae na toe faaola mai e le Agaga. 19E ala i le Agaga, na alu atu ai o ia ma folafola atu i agaga o loo i le falepuipui. 20‘Ua latou lē usiusita‘i fo‘i, a o fa‘atalitali ma le ‘onosa‘i le Atua i ona po o Noa, o ona po na fau ai le va‘a, na faaolaina ai e le Atua nai tagata e toavalu mai le vai.21O le fa‘ailoga lea o le papatisoga ‘ua fa‘aolaina ai ‘outou i le taimi nei, e lē o se fa‘amamāina o le palapala i le tino, a ‘ia ‘ai‘oi atu i le Atua le loto fuatiaifo lelei, e ala i le toetū mai o Iesu Keriso. 22O loo i le itu taumatau o le Atua Keriso. Na afio atu o Ia i le lagi. E tatau i agelu, pule, ma ē malolosi ona usisusitai atu iā te ia.
41O lenei, na tigaina Keriso i le tino, ia fai ai ma auupega ia te outou foi lea lava loto. Auā o lē ua tiga i le tino, ua tuu e ia le agasala. 2O le iuga o lea tagata, i le taimi o totoe i le tino nei, e lē toe usiusitai o ia i tuinanau o tagata, ae ua ia usiusitai i le finagalo o le Atua.3Ua lava ia aso ua mavae na fai ai e outou le manao o Nuuese, o savavali i le faamatāitu ma tuinanau, ma le inu tele i uaina, ma poula, ma inugāava, ma le ifo i tupua e soli ai tulafono. 4O le mea lea latou te ofo ai ma faifai ia te outou, auā tou te le amio faatasi mai latou i nei amio leaga/matuiā. 5O le a latou te avatu se tala i lē ua saunia e faamsino i ē ola ma ē ua oti. 6O le mea lea na folafola atu ai le tala lelei i e ua oti, ina ia faasalaina i latou i le tino i la tagata, a e ola i le agaga i la le Atua.7A ua lata mai le gataaga o mea uma lava. O lenei, ia outou mafaufau lele ma ia faautauta i lou mafaufau i le tatalo. 8Ia muamua i mea uma ona maua e outou o le alofa nauanau o le tasi ile tasi, auā o le alofa e ufiufi ai agasala e tele. 9Ia outou talia malaga o outou ma le lē muimui.10Ia taitoatasi ma auauna o le tasi i le tasi i lea lava mea, e pei ona maua e ia o le meaalofa, e pei o auauna pule lelei a le alofa tunoa uiga eseese o le Atua. 11Afai e tautala se tasi, ia tusa ma afioga ale Atua; afai e auauana se tasi, ia tusa me le malosi ua foaiina mai e le Atua. Ia faia nei mea uma, ina ia viia le Atua, ona o Iesu Keriso, ia ia te ia le viiga ma le mana e favavau faavavau lava. Amene.12Le au pele e, aua tou te ofo i le tofotofoga pei o le afi, ua oo ia te outou e fai ma tofotofoga ia te outou, peiseai o se mea fou ua oo ia te outou. 13Ae peitai, e ui lava ina ua outou tofusia faatasi i tiga o Keriso, ia outou olioli ai, ina ia fiafia outou ma le olioli tele pea faaalia mai lona mamalu. 14Afai e upu leagaina outou ona o le suafa o Keriso, amuia outou aua o loo tumau ia te outou le Agaga o le mamalu, o le Agaga o le Atua.15Aua foi ne'i faatigaina se tasi o outou i le fasioti tagata, pe gaoi, pe amio leaga, po ina ua asiasi fua i mea a isi tagata. 16Ae afai e faatigaina se tasi ona o ia o le Kerisiano, aua le masiasi ai o ia, a ia vivii atu i le Atua ona o lea lava mea.17Auā o ona po nei e amata ai le faamasinoga i le aiga o le Atua. Afai foi e muamua iai tatou, pe se a le gataaga o e faalogogata i le tala lelei a le Atua? 18Pe afai foi e faigata i lē amiotonu ona faaolaina, poo ifea e tu mai ai ole faalematau ma le agasala? 19O lenei, o i latou ua tigaina e tusa ma le finagalo o le Atua, ia latou tuuina o latou agaga/loto, i lē na faia mea uma.
51Ou te aioi atu i toeaina o ia te outou, o a'u foi o le toeaina, ma le molimau i tiga o Keriso, ma le ua tofusia faatasi mai; 2Ia outou leoleo i le lafu mamoe a le Atua o ia te outou, ia tausi i ai ma le loto, a e le o le faatauanauina; aua foi nei faia ma le fia fai oloa, a o le loto fiafia. 3Aua foi nei faapei o e pule faasaua i e ua tofia i ai outou, a ia fai outou ma faaa'oa'o i le lafu mamoe. Pe a faaali mai foi le Leoleo mamoe sili. 4Pe a faaali mai foi le Leoleo mamoe silisili, e maua e outou le pale pupula e le mamae lava.5Ia faapea outou o e talavou, ia usiusitai i toeaina. Ia oofu outou uma lava i le loto maulalo o le tasi i le tasi ma auauna le tasi i le tasi. E tetee atu le Atua i faamaualuluga, a e foaiina mai le alofa tunoa i e faamaulalo. 6O le mea lea ia faamaulalo ai outou i lalo o le aao malosi o le Atua, ina ia faamaualugaina outou e ia iona po e tatau ai. 7Ia tuuina atu ia te ia mea uma tou te popole ai, auā o loo manatu mai o ia ia te ouotu.8Ia outou faautauta, ia outou mataala. Ona o le ua fai outou mona fili, o le tiapolo lea, o loo fealualuai o ia e pei o se leona tagi. 9Ua saili se tasi e 'aina e ia. Ia outou tetee atu ia te ia. O mausali outou i le faatuatua. Ina ua outou iloa o loo oono lo outou au uso o i le lalolagi i ia lava mea tiga.10A o le Atua e ona le alofa tunoa uma lava, o le na valaauina i tatou ia iu atu i lona mamalu faavavau o ia Keriso, pe a tigaina outou i nai aso, e faaatoatoaina outou e ia lava, e faatumauina, e faamalosia foi outou. 11Ia ia te ia le mana e faavavau, faavavau lava. Amene.12O Siluano, o lo'u taofi o le uso faamaoni o ia, ua ou tusi atu ai nai upu itiiti ia te outou, e apoapoai atu ma tautino atu ai, o le alofa tunoa moni leneii o le Atua ua outou tumau ai nei. 13O loo alofa atu ia te outou le ekalesia i Papelonia na filifilia faatasi ma outou, atoa ma lo'u atalii o Mareko. 14Ia fealofani outou i le feasogi alofa. Ia manuia outou uma lava o e o ia Keriso.