¹Kawe hoho ropo Lopana. ²Peing anara ke lengkotu Yesaya" Me kapeng Tewe. Nileng Keba nine we ketito lengma ketepi kote Me. ³Kebaung kekapa hiwa ile hangpeng Hoe,piwe mepeng lengmaTata kekepi pa mepekote telele.⁴Keba pa ke keleng tehe ete Yohanis, keka hangpeng hoe pa keleng pate ebaka,pa ehehele pa neleng e e ko jojole. ⁵Tebapa tekaja Yudea pa tekaja Yerusalem patete Kea, Pa teni pate petewa pate,neleng nene pa nehehe Yordan. ⁶Yohanis Ro kefa ro jako tapa,ong pu ro ing iro kewete pa jajong ke ke ing pa madu.⁷Hoho keke,keleng pate ni we, epa nileng e he he le pa kebaung kekafangte,keing Bapoke epa ke keleng e hehe,pa lang hepo keke ara ni ho fafa kale. ⁸Ni te pa ni le te he ra pa ke weing e pa kelengla bapoke.⁹Jawe lewang bang Yesus ke te ke ka Nasaret hangtu Galilea pa Yohanis pa kekeleng kehe pa Yordan. ¹⁰Yesus he weing ke heti me pa,to ko ke e kekaleng te petang we keje,bapoke ke ana tang ke eti fe Kea. ¹¹Ke we ing pina wa pai keke, me ing ko nine pa meing ni pung lewo.¹²Yesus ke kakoti hangpeng. ¹³Kelei hanpeng pe kebate ke ke lulu, kelei bang mambire nopo pa kelako jako-jako,Teba fang pa ke noja tete.¹⁴Yohanis ke teke,Yesus kekakote galilea patata jang ke kele. ¹⁵kėlëng kė bang keke wakotü Pa,Tata bang këtu watü epa Pa ëlala hóhó.¹⁶Bang ung Yesus lëng-lëng kékai pato Galilea. Ke kaleng Simon képa tea. ¹⁷Yesus kélëng Pate tea, "Ele, élala Nipa e Ni léko é hapa téba tang é wéli". ¹⁸Simon téna Andreas tang ing ewe ie Pa élala Niáng.¹⁹Bang ung Yesus ke ka koti hámba wo. Ke kalëng te Zebedeus Pa teängkü keke Pa Yakobus tena Yohanes täng tetépie tángwo. ²⁰Bang te ung Yesus kéléng enakë éba hitüng ree Zebedeus kélëtáng to Pa téba ai Pa téla Kéa.²¹Ke ka kotü kéju Kapernaum paja kélüng. ²²Jaïng ja lopa këwë nalüng anara kéïng ma kele, téïng téraka and tëba hoho ropolafo eté.²³Báng úng Pa tena ke teja kote lupóng-pöing Pa kéba alïng këba alïng kébaté ke héti néto ke ü I. ²⁴Ke léng Me piha mepëpë pe newe he Yesus mema Nazaret? Mepa newe me takükü pë? Ni lë Me ing töwo mema Tata pë. ²⁵Yesus kebate ke kaju Pa keleng. " Meléng mekëng me peng kea". ²⁶Kebate kekopawa-kekopawa keing kekengtu Pa ke u pape.²⁷Bapa Pa koing te engtape Pa tejeng e " Ja we ?" Keing ja nati Pa ma kele? Keleng tebate-tebate epa Kea." ²⁸Pifeng keke pewapa wulolo kote Galilea.²⁹Tewe Pa lupong-pongteweie, tete Simon tena Andreas Pate Pa Yohanes Pa Yakobus. ³⁰Bang ung Simon take pe ume pe loweng Pa pe no e te teni Yesus kelu. ³¹Pa Yesus kété ani no pépe kéwé Pa pe waléng üng-ang wefa në pépe lente Pa ani pe te jano pere.³²Báng ing pina rapáng te, rang we uti téba né e Pa téba ja pöpö téla é tu Ne Pa tété Yesus. ³³Bame we bapawe tele fata païng topü. ³⁴Yesus téba nawo kéléko te né hae Pa to to lélépa bate féng-féng ing ke kaju. Péapa kété baté-baté löng ra kéwélëngka pira tétéka Pa téing teri king Kea.³⁵Báng ung fétáng hángpa wo, báng ing lopáng tafa, Yesus ke kalëng kéti jéng ïng pina raka lupöng-pöng kéléféa. ³⁶Simon képa téba narang-ranv tete Ke teju. ³⁷Tete Ke téfi Pa Ke téni téba nawo Metejh eté.³⁸Yesus kélëng, " Ele ne ne ne bame Tutu watüpa ung Nira ja ni na lüng-lüng ke fea. Péa Ni we lé. ³⁹Yesus kekakoti Galilea ja kénalung I lupöng-pöng Pa Pa téba ké kaju.⁴⁰Keba alïng ung ke né e kusta kéti Yesus. ⁴¹Yesus pipaté kélépa Yesus ne kewete fi Pa kelengte nipungle, me ung-ang wefa ne hae. ⁴²Ung-ang wefa me ne hae é to to kusta.⁴³Yesus kéléng mé kököfamémé pinaféng wo me pépé ke. ⁴⁴Ke léng, mé éngkoko ba üngra me péng-péngka jawe ing Pa meme ne meme menapúng-púng Imam Pa mé téfifi pa téni me ne hae.⁴⁵Ka ing Pa keba ing kéti kapa léng I téba nawo te japa me jéng lolo. Peanya Yesus longra kéwéka ke kéng këng lé ketiti bame. Kele II jéng-jéng roropa. Téba téja lolo patetet paé Kéa.

¹Bang narara Pa,Yesus kerapona Kapernaum ti, pifewe kutiteri, Yesus ke mole Pa. ²Téba papafa tëlëko paing pita, wako tëtilo, Pa Yesus pife keke höhö këlepa tërie.³Kaing Pa, tëba nopo, keba nëhife tëkëtute Yesus. ⁴Yesus to telala tëtëtapë, tëba nawo fatawö. Pa hoo Tëpöko, tëkë tapo hetö". Yesus hokëke.⁵Yesus Nópara keba fúbali këfö, Pa Yesus këlotë Meba angkö. Nole meme Ni jolong. ⁶Pa tëba Ahli Taurat narangrai ii tëmetë keing ä Pa höpala te eng-eng te. ⁷Tena neko kebaing këlöna ing, kebaing Tata kënaki Ba? Noleng Ee ke köfafalë, Tata wofa.⁸Yesus hüpala Tete këlo, Pa kélongte tena neko hüpala? É ongeli. ⁹Jawene telekah, elöte keba fubale ,néle meme nijokókah, memalo Je meluweme mepopo Pa lo memama.¹⁰Uang ëlölö Tata oke, makeke bébalawo, néleng meme kejoh kélotë ke fúbalé. ¹¹kélóte keba pübali ? Je meluweng mepé mepopo Pa mema meme Pa meme. ¹²Kaing Pa kékó köfa kékalo, Je keluwe ing këlëpa kakakanatoti tëba retë, kaingpa tëba ing këëtërepe, Pa Tata pitëm, Ja nowe nekafoka ang nara ja löpa.¹³Yesus ketäti pato aro, Pa téba nawofata tétó, Pa teja këna lui. ¹⁴Po keleti kekalëtö Lewi Alfeus öke, kemóle Pa jahëlo tetopiëto Pa këlotë" me po Pa ni" Pa Lewi kekalö kela ke.¹⁵Raku Yesus kë pateangko këke jatëtae, pa tëba nawofata tölake. ¹⁶Bau guru-guru, höhö röpo tela föete, tëba Parisi, tëkarëtë kë pa teba jahelo topiete, tëba nölë, tëmepa jatëtae, kaipa tënitë teangkö keke, töna neko kë la tëba guru-guru hoho ropo telahfoeto, pa teba nole? Këpatë mepa jate tae.¹⁷Ba ingä Yesus këlo, pa këlote tëba fainga tëba nöeka këba jamo ëlëingle, keteote pa tëba nöe tëpangli, ëba bamua nilongka, teba nole wofa.¹⁸Yohanes bapohangke pa tëba Parisi të mela hüpa, kaingpa tëba narara üng tetë tënye Yesus tönaneko Yohanes bapohangke pa tëba Parisi të melahupa, pa me bapohangke meme tëlaka? ¹⁹Yesus kelongte tëbáfuingä, tënaneko tëba lalapëungme tëmela hüpa pa kebale ing këla kepatë löpa tëete? Anara kebale ing tena kelöpa tënake hupatë memeka.²⁰Ërüköu, rangkü kebale ëkeü, rangku ingfa tënakë mela hupa. ²¹É lëléka, Ëbarototö, rori nati mepë na Pa pakah tete uang rototo jëngko bepale mo.²²Äna ingra Anggur nati haa a rö meheheka, Pa anara Anggur nati mehe, ümpa Anggurpa haa Ali takü fatata.²³Rangkü batete Yesus këlë ramakö léhéé to, po long ke kai ke ba po hangke ramakö na téwöëtë. ²⁴Téba Farisi tenitë Yesus mekape, töna neko, ba pohangme batëtë Pa ja arëli tëtë.²⁵Yesus këlongtë tëbafaingä, "Ë ropo efokana, Daud Ja këlëi-të Rangkj këpa tëba me japaka Pa hüki. ²⁶Të naneko këkëti Tata paiki po Abyatar funye anara imam. Tete, pa hangö arëli këkä, jajo we peing tëba Imam-Imam wofa tatatë, pakëjo këlele téba pakë lakete ke.²⁷Yesus kelöte tëba Farisi, Ba tëtëwe tëtëko tö epa Neba Tëkote Batete King ko ka. ²⁸Peanya Kë we, Nëwe neba Kö, pa këwe neba kö, pa Këwe Tata ete Bang tete.

¹Yesus baüngketiti lopopopa kékalëte kébaüng neloüng pa. ²Tébamei té Yesusïng tékarëte, ténaneïng kébanejate kéléko eféfété Kewebängtete, lema tejuko nekekéwe féngtemeninite.³Yesus kékléko kebanéjate mekapë "ru langhoiwe." ⁴Péaïang kalete febaïa "Bängtéténe jahilëlë; jahefënilëlëna jafënilelena? Péapateme roropame.⁵Kekalëfë tébameïng tahape kehütefe tehüpaläng tëme. Peaiäng kelete kebaiäng, "nomeme kamépëte." Nokëkewelete kaïngpa nokëke efëng. ⁶Péaiäng téba Parisi tëte pihatëtë téba Herodian pitewako Kétéjajaté.⁷Yesus Kepatebapoha tete pato, teba Galilea pa Yudea tela Kea, ⁸Anaïngra Yerusalem, pa Idumea, pakaüng Yordan, pa anaïngra Tirus, Tebanawo tété janawo Kéléi tete Kea.⁹Tébanawo tëe peäiang Kelëngko Bapuhängke tangu tetepikokoko, ne kékewe Tejapépéka. ¹⁰Tebanawo kélëko nehae, peaïang tebanawofata tétéko tera kélëkotera Nekéké netélau.¹¹Kébatéfa bapohängke Yesus tekare, témeho Kékepa hitéwae, "Me Tata Oke". ¹²Peaïang Yesus kelënte tebameïng Batikéke talalaka.¹³Yesus keetipekara teba Kepule, Kelepa tetepae Kea. ¹⁴Kéteba hapaüng kékeko, Télalaké ko pifé Kéke tétutëte, ¹⁵Nafe teweko Kebatéfa tékéjujute. ¹⁶Téba hapaüng: Simon ïng (batiüng ïng Kéfa Petrus),¹⁷Zebedeus kökéke Yakobus pa Yohanes (telaka batiüng Télakéfa Boanerges, pénapëpë "Koru Hahangke)", ¹⁸Andreas Filipus, Bartolomeus, Matius, Tomas, Alpius kokeke Yakobus, Tadeus, Simon keba Zelot, ¹⁹pa Yudas Iskariot Kekenaki.²⁰Yesus keketi pai, pa tebanawofa teleko hongra teTata tëtete. ²¹Yesus Makepareke pii teri, téteke Tékéko kétume,"Ténike tahang teete". ²²Téba Ahli Taurat teja Yerusalem tee, "Kébatéfa Beelzebul", pa "Kébatéfa rëbe Tébaté Kekaju".²³Yesus kélëngko Pikélëngko, "anara Kébatéfa ing Kebatefa kékajujukalé?". ²⁴Anara bamérang taküeté, baméïng nafëka. ²⁵Anara pai také, païng nafëka.²⁶Anara Kébatefa kéwo kékaka kale, anara taküeïng, kenafëka, iäng kéwa. ²⁷Kebanafë jakëke bau këlëlëkalé anara kéba akélé umpa jatakélëlëlë. Akélé umpa jatakele pa iang.²⁸Nimënilé, téba nëletéïng kejojolé. ²⁹Baüng anara bapo Kénaki keïng kéwawalé. ³⁰Ahli Taurat téni, "kébatéfa Keketing".³¹Yesuske make pa léténgképa tére pa palo. Ténike tébameïng Kéténini. ³²Tébanawo tepajoko Ketume, teni, "Mekape, Memapa teba letememe téareté pëngwe Metéjuete.³³Pa Yesus kélëng, "kéïng téba anipa téba lengte Nine.³⁴Pa Kékalëngtë tebameïng Kététéïng Kelenawa tébamëté nihowe Keïngwe, "Aninine pa téba lëngte Nine awe! ³⁵Ba Ainine pinake keleleile, Kebänglëtëngnine, peba lëtënine, pa ani Nine.

¹Yesus ja kénalüng téba nawo ïng pato. Aröng téba nawo kaüng téte pa ë pa të lü pa te pajö te Yesus pa teba nawo fata. Péaté pa Kéa kée ké hë täng to pa kéta küng pa té fée pato. ²Pa,Kéa ja kénalüng téba nawo ja lëlëpa lëwang. Jaing kenalung ko. Kea kelengte Tea.³Ëluë ! Kébaüng ké ja kéwailë këka. ⁴Pa jaïng, ké ja kéwai,kaüng ihéte lëngma pé,papa täng tëtë,pa ja ïng tétäng. ⁵Kaüng ihëte wúng hantü pe häntü kawo. Jaleïng kököfa é häntü pétoka.⁶Räng we kéja hühüfa, Jale ïng pëpëfata pa hänglïng héka,Jale ïng ha ü fata. ⁷Jaleïng kaüng i héte a tängpa,pa a kongpa eko pé apetü ja lé ïng bïng fata. Pa ja le ïng jana pëwe nuka.⁸Kaüng,ïng jalé iheté hantü eféng jana pëwe nu e pa jana pe we nu, e ko bapalë, Jana penu mambire hentong ete mambire napang hing mambire aling ete. ⁹Bäng üng, Yesus kelëng, Baing melepa pa mepe meme pëanya mepëpë.¹⁰Bäng ïng Yesus kéwofa,téba kétépajö teba hampa te bapöhängke. Téjëngte Ké ja lélépa kélé. ¹¹Pa, Ké kélëng tété. Jalëlëpa mo paiTata ke keweleng teme. Pa, teteba hïng-hïng ana ja lopa këlë. ¹²Peate,jaïng nifü. Té fü pa térika, pé ïng jaïng pé nilü, peïng téri pa té wéka. pa té efëng ïngté wéwéka? Jaïng ka élüna.¹³Bäng te üng Yesus kélëngte, Elekana ja lopa nile ïng? Ba üng ka é lëna ja lëlëpa niléwe? ¹⁴Kébaja wailé kë ja wailé hoho tété. ¹⁵Teing ana teba te ihe te loma pe,Jeng jana efeng tewa Bang ing letela, bang ing-ing ra Kebate kete jana efeng pe kewe peing jale ing watea pung efeng.¹⁶Ana ing-ana ra tebaja tewara pung efeng pa tewa mo wungra keing teba hoho teri pa motuu hi palang. ¹⁷Hoho ropoteri hupalang hete tawung kah anara bafeng toto te e neba hipalang ekung.¹⁸Jana kaung pe i hetu a tang kongpa. Teba ing tata pipeng mepepe. ¹⁹Hupalang pete fitong pa pung le hupalang hoho keke peteko jana efeng pewe nuka. ²⁰Jale ing tewa hantu king teba letela Hoho patewe,Pa natu, mambire hengtong ete, mambire napang na panghing pe ete mambirerefa.²¹Yesus kélénté té, téna wëa jatukora ka ékalë kefë.Pa ekei köng jéng pajeng najeng meluweng mepé? ana ïng-ängra ëkalë é këi ratäng e? ²²Kéweïng anara ja üng ra wëngkoka péïng anatéwë eteka. Peïng jaüng ra kewëléngkoka péïng kéwë ete äng-äng pengtü. ²³Anara baïng melépa kéïngpa mepëpë, fäng-fara mepëpë.²⁴Yesus kélëng pete téa, Hü paläng te kokja ïng élë. Ahara ana me pe pa aha ïng kélë ko teme. ²⁵Jaïng pe ba meme, fangfa ra kéwélënglë, pa baüng jamepeka, Ja ïng motüme kélélé pa mebabé²⁶Yesus kéléng Tata paike peing ana kebajalekewai le ²⁷Kébaja wailé kéluwëng pa räng pa kekalëng fé pa rangpäng jakéwa ïng pë e ko töng léwäng pa pe efata. Keba ja kewa kélüka tüna ko jaíng léwäng. ²⁸Häntu ïng jana péwo wenu. Lopa na wo töng wa, na ïng hapa wo pa peïng ana plasinya. ²⁹Plasi ïng ü, keba ïng ké küküfa kelang-lang, rang tang efeng petü watü.³⁰Yesus kéwo kélëng. Japa Tata Paike aha netëtë? Ana ïng-ängra jalopa ha pa aha netëtë? ³¹Tata Paike ana po sawito. ³²Pa ja ing kewa häntü,jale ïng hapa wo pa ja le lélé pa motü fitöng, pa ne ïng bapalé pa täng tejïnté po tété keïng ana fanya.³³Ana ja lopa nawo keleko motü, Yesus pifëng wekélé patetë,kélé pate térie. ³⁴Kété pira kéléka ana ja lopa üng,Ke fu tupi fata keleko te bapö hängke.³⁵Pa,bäng ïng te räng lëng Yesus kélëngte bapöhangke. Élëwe e pane nenene pato käng fëa. ³⁶Bang ung teba nawo te te e, te Yesus teketute e tekeng te tang Yesus ke me, Tang-tang hing ing pera telepa Kea. ³⁷Bang ing feng hangfeng keka,o nana ete ka tang pa eko atalelepi.³⁸Pa Yesus kei tang fang, keluweng rube keke fe runake, Peapa te keje pa tenikete,Koru ne we pipate mepa ka ne we feng newewete? ³⁹Yesus kekaleng kelente feng,peara kelente ja meleng afa pa feng ing ke kitalu koheti afa.⁴⁰Pa ke lente tea, Jafutuko efu e le? e we pung nafeng rako? ⁴¹Tewe tefewo tejente te wowo. Kewe ing Ba? Pea feng nafang ja loe terite Kewo.

¹Të jakote pato kang fua, Tëba Gadara bame te. ²Të jako të ju pato kang ung pa Yesus kërapu tang heti keba tanghang të e këka fuluti kë kana Yesus tëti.³Kë Ba tanghang të këlei fulu ba ungra kë akëlëka, tetang wangro të pera të tëtapë. ⁴Tang e kë ke tëtang wangrote pa a tëtë pa përa kë lëpa këlang. Ba ungra kë te këlaka.⁵Fehpah pangpang Pina kakafah këlei fulufua,wung tota kë lëpa në kë ke këlëko piëfa. ⁶Yesus këfü hangba, kë katana Yesus tëtipa këng kë Pa.⁷Kë batanghangtë e ing kë pina ka kafa këlëi." Yesus me ja me pëpë nipe, Yesus tata oke tata kë ba eti mëli? këba tanghang të etë kewaile tata bati kë pa në nine we meta! kuku ka ! ⁸Yesus,lëngte kebatanghangtë,meba tëfa me mëpe këbanëi memënapeng keng meme.⁹Yesus howëtë kebatanghangtë etë,me bati ha? këbatanghang të etë keleng ile,ni bati nine Legion neba nawo tëba tëfa tëbanawo. ¹⁰Kebatanghangte ing kelengfai Yesus teba te te ete jengwe memajujuka.¹¹Pale nawo fata te ja te tang e pe te ho ¹²Teba te teheme kebatanghang te ing te wae Yesus ne mepengo ne hehe pale nepara te te. ¹³Yesus ke pungle,tebate heme kebatanghangteing ke kaju ko te tehe pale mabire hingtung pa mambi rerefa. Teme jatate teihe pato.¹⁴Teba pale tu wate ete te meje tana bame ite,te te piha te teba bame. ¹⁵Teba bame te te Yesus ko pate latete. te karengte keba tanghang te eing Legion ke nehae pa ro kefapa ke me. teba bame te vee.¹⁶Te'bäte, Jeng ja lewang ing tëfo pa keba tanghang të këra Tëfi ke në hae pa palera,tëfe tëbing. Tëmete piha tëte tëba hïng-hïng. ¹⁷Lewa na ing angnya tëba bame tewa Yesus kë bame ing kelei ika.¹⁸Yesus mëti e etangwöle pa këba tahang tëing kë ne hae pa kewa ke lala Yesus. ¹⁹Pa Yesus walengka,Yesus ke lengnaweä, me mü meme teba hühü meme paite. Pa höhö me peko rakakaja le wang në meme. Tata me pipate ke le pa no ong kë ke pahetengkë ke mefo. ²⁰Këba tanghang të ing ke nëhae pa keti höhö kelei teba të e dekapolis. Jaa Yesus lëiteba tëni etë jaing lopa lewang etë.²¹Baang ung Yesus kétangwö pa kele patoti, teba nawo të te lë pa me patotë. ²²Këbaung bati këke Yairus, këra këba tipa këra jano kë lë ile tata pake, kë kaleng të Yesus ke fü pa keti keho pa keng kepa Yesus tang e këke. ²³Yairus kë waile, nii ko nine pe ü me pe në epa pe etëpa, atale ung pe pang-päng të, Yesus me pë ung no meme me pe feh-feh rübe pe pe ung pë në ha ëë. ²⁴Yesus tena Yairus tena ketepa teba nawo fata tela Yesus.²⁵Pe üme ung te üma nëte ketë paeetë pë në e felangro hampaa. ²⁶Peümewe jalelepa mo pai pëpe jaatahpetëlëng pa taingbe ing përëko jamo pa jajatah pëtëh këba tang lenghang llile jahenglongwe pëta kükoka umpara nëhaëka. në peko nëfa pëpu wapatë e. ²⁷Peumewe pèlëwate Yesus kë kengti tëbapalanghoë pa pe ümewe pè në pè pe pèputenawang Yesus ro këkeing pewa kë fangte.²⁸Peüme ing pe nunaweä, ro këke no ni lala ungni në ha ë etë. Yesus ro ke. ²⁹Peüme ing pe no rute Yesus ro këke ing no pëwa rangku ing. ang në ing pë haë.³⁰Rangkü ing Yesus kë nafeng pa maa këke kengnë ikë kë keng të peng king këwolë Yesus kë pëna fangti pa kë howë i teba nawo ba ro ninewe no këla?" ³¹Të Angkë këke ja kena lung ele tënite Yesus " me pë teba nawo fata nowe pa mera hopë mepë ". ba Yesus ro këke no këla. ³²Yesus kë kaleng të pa kë howe ro ninewe ba no la.³³Pë üme iing përu pa pëfopa në tëtë jaketë pë üme ing pëtë keeng pëpa Yesus tang eke pa pënu Yesus ni jani lëtë feeng. ³⁴Yesus këlëng na wea ", Me angkü mehü palang meme nafèng pea pitë te me nëhae, Me mülah hu palang hëfëng Pa meme.³⁵Pöing Yesus pi këlei lefete të angkü jatëna rung eti lu pong-pong paing tëtë ni eye meöme këwa. Tëna neko koru ing me pëpümepë? "³⁶Bang ing Yesus kë lë kalatetë pi ing angtëtë epa Yesus kë leng ile keba lupong - pong paa rübe ing e füfükahü palang nateng momo. ³⁷Yesus ke baungr pung eka. Kë leng ko ke lala kële pung këke ing kotë petrus, Yakobus, pa Yohanes ing Yakobus joke. ³⁸Të jako teju këba rübë paa bupong-pong tëtë etë këwë këwë ko te ing, tëba nawo ing, tëba nawo ing fütë epa lupong Pa tëme.³⁹Rang kü Yesus këngti pai tëtë, Yesus ke howe tëë banawo ," ëba we ja ë lëpa ëwëfi ële pafü elë elë, Koing kewaka, këlë futë. ⁴⁰Tëba paing Yesus raü tëja Pa Yesus lengko tëmena pëng kengte. Yesus tëna këba angkü reke, make Pa tëba kaung tëte.⁴¹Yesus këba angkü no këke këkepa këlëng nawëa "Talitakum," Yesus këlëng memalëng tëni King jalompa lëwang. ⁴²Këba angkü ing kë kalëng Pa lëng këka. Këing fëlangro hampa. Teba nawo tëeing tëni King jalopa lëwang. ⁴³Yesus këlëng tëri Pa pinafëng këlë tëba hoho ë lë lëka, Pa ëlëng ko këba angkü ingja kë käng-käng.

¹Kaipa, Yesus kakoti ju bame kike, teako Keke tera la' Ke. ²Ba'tete to ju'pa, Yesus janalui sinagoge. Pa, teba nawo rie'i ke'teji, pa teni, "Jai kelone'? Nave anane teweni ko ja lopa anai no kekepa kelei'le? ³Kebai ri jano keloi,' Maria o'pe, johake Yakobus, Yoses, pa Yudas pa Simon? Jahake teume'i' teara nelopa tenete' we? Kaipa, Kenahehe tete pa tekeriketi.⁴Yeusus lote te, Tata bapoke keneva ke' keteji', pa je keke, johake wo, pa keke wo Ke tenaji. ⁵Jalopa jei kele ka, Nova kelove teba noe' pa te nohae'e'. ⁶Keotape kei kekepeka. Kaipa, Ketikapa pi'i' bame tutu pa ja kenalui.⁷Teako keke ha'pa kerakiko teto pa teba hihiva kelove teja, pa nave kelole ko javeve. ⁸Pa, pi kelehito te lotejajate jaura teweweka, ru'va, hao raka, ha'raka, taimbe opu ra eheheka, ⁹Lahepo e'hehe pa ro'pu hitu e'loloka.¹⁰Pa, Yesus lote te', keneva e'keri pa'u', ele'e' ia'kora emokelolo. ¹¹Pa anara jeu e' tere' ka Pa e' teri'ka, emokererele to" note lao'i ehinapalele kei anara te elokoko.¹²Kaipa, tejapa nie' teba e'mepololo Tata. ¹³Pa, teba Te" teretujue' pa teba noe' no' terevepa pa ha'pa tejue', tenohaie.¹⁴Pa, Herodes lu", Yesus batike tevija, teba niate, "Yohanis Pembaptis kelevuto, jalopa'i' jano ruato ne" keke. ¹⁵Tekau ni, "kei Elia". Te'ka ni, "Tata bapoke, Tata bapoke'u".¹⁶Kaipa Herodes lokelate lu", kelote' "Yohanes ko' nilu, kelevuto. ¹⁷Bamua Herodes Lo teba, Yohanes teke', pa akeleko kemo a'pa' kei Herodias, juke Filipus eke', Herodes weko eke'.¹⁸Pa Yohanes lalava kelote Herodes, "Kei ve' jume eke me'pe ko eme'. ¹⁹Pianya, Herodias pe huveko Yohanes pa kepewawato loma pejue, pa, petutape. ²⁰Pa, Herodes vuko Yohanes kelo kei keba bamua pa tu,' Herodes ke tuta kele'. Pa Herodes lokela Yohanes, ke'vuko, Pa Herodes pule lokelai Yohanes.²¹Pa, kuwakoto pa, pui Herodes ba'keke to'ju le" jakelele ko teba robe, taba robe, teba tava me'te' Galilea. ²²Pui Herodias lape kete li" toe', Herodes pa teba me'i pu" pe'ro'. Kelote peume aku'i', ja, me pulekole'i' mewara niwelele'le.²³Herodes ja" keweva peume aku', "ja mewani'ra', niwewe lele'le, ja heve motu pai ra'niwelele'le'. ²⁴Peume'aku'i' Pete we mape, "ja niwawale'? Mape nu', "Yohanes Pembaptis robe." ²⁵Raku'i'ra tekokova, peume aku'i' pete nu keba te'te', nipule üawera Yohanes Pembaptis rėbe ke' êkevava apulo pa ëketoto ní.²⁶Peanya, kèba tete ke'èteve, pa jã keva teba ja'tėlöpataėnya, peakoùme januï kë kakiki kalë. ²⁷Kaipa, këbatëte lëko bapòke të Yohanes rēbè'ke, kelùpa kèkekato. ²⁸Kaipa, Yohanes rübéke kekeva apulo pa kekekato kele peakoüme, pa pèwéko pëwenu ma'pe. ²⁹Pa, Yohanes teako keke teri, tèto Yohanes ê'hàke tewe tute wei fülu.³⁰Tèako ké'ke tèmetóla Yesus jahava tètépa tenarué húhù tėteë kê. ³¹Pa, Yesus lóte'tè, êmoware je ro'rôpëa pa êmoko'û. Pa, teba nawo tô'pa'tèatë, jatètata ra lo'tewe ka. ³²Yesus pa téako keke tâ'pa temawate jèrèôrëe3opa.³³Keteipa, tèbapâ tè'tëve pa tè'tevè ja'. Teba'pà'i telôpa jâta tele lôpè te bame tutu, tê jatô tejù pa Yesus teako keke teju và. ³⁴Pu Yesus tì pato áro, kekalete teba nawo kevè, te pipatë kele te ana jako robe ka. Kaipa ja' nawo tè kenalui'.³⁵Ba wakote rapaetopa, Yesus teakoke teto je Yesus, "jèwe je roro'pa kewe rahoû. ³⁶Mepôko tetajapa pi bame tûtu pa jajo je'teteko tàta.³⁷Pa, Yesus lote'te,"Ea jale te'tata". Pa tenite ke, "Nya nea në hao mabirerefahitu dinar jetateko te tata na?" ³⁸Yesus lote te, "hao ê'è narara motê? Êka refô! Teripa, tenite, "Hao napa pa mô hitu".³⁹Pa, Yesus lote tutu elepa momo jàrà. ⁴⁰Teba pai tutetepa teme, tekà mabireàlî teka mabirenapa. ⁴¹Keipa, Yesus hao napa kelola mó hitu îpa, kekale'ê'te pètà, janawo kewapa hao'î kejekèke, pa Kelole teako Keke tupa kote teba'pa. Mô hitu'îra kekole teba'pa.⁴²Pa, tė'tâko hûlafa. ⁴³Hao pa mô jojo'i te heko na hàpà. ⁴⁴Teba hao ta'i tebalè wova mabirerefa napa.⁴⁵Yesus loko teakk keke te'è ta pa tejatô të ka vua, te'tete Betsaida, Pa keloko teba'pà te'me. ⁴⁶Pina kele te pa, keti lupopo leî pè'tù. ⁴⁷Pite rapaeto'pa, ta wakote Pa hou, Yesus kewofa lei lopè.⁴⁸Kekalete teako keke nàtejo tapiè kei ve kakito to, rapa raku nopo hèhètu'pa, Yesus ka pa'rà tela të tu te keluvafale. ⁴⁹Kaïpa, tekarete kekai pato kë'tevi, tenira hàpïe, te e'ė. ⁵⁰Yesus tevifa pa têvè. Pa kelote te, kelonawea, "Roropa. Kewe Nia! Ê'vufu ka."⁵¹Kaipa, Ke'ètive tã'tete, ve kera lü, pa ke'i tekepe. ⁵²Tè rikakotô ja kele'i hao napa'ï hûpala tete nave kotè.⁵³Yesus pa teako keke te'mêle, pa teho Genesaret pa te ve'ë ia. ⁵⁴Temerapo teheto, teba'pa Yesus tevijà, ⁵⁵pa tejatapa teba noè teate loï terela je telewe"e tetuto, lotelate Yesus tileilënera.⁵⁶Yesus keti bame tutu, teta bamete, pa jemote ta'i, teba noë trefue je tewenakapa pa tewate Yesus noterute romeme hupeï no nelala. Teba norupate ro keke notelaeï te nohaê'è.

¹Teba Farisi teba jano reate pai Keke teja" Yerusalem te Yesus kepate late²Tekarete teako keke hao tetala notelotekapa, kei ve. ³Teba Farisi Pa teba Yahudi te no tete wakote nokei telotekai ja tetatakate kei makite telakete huhu wa jubepakamete. ⁴Pa, anara teba Yahudi teja je' teteto, no telotekai ja tetata Kate. Jobepakama tereko teremomo, anara ja telote ka, apulo, apulotava.⁵Pa , teba Farisi teba Yahudi tehowe Yesus, jatoko tako Meme huhuwe telaka wa jobepa kamati, no nole Pa hao teta?"⁶Yesus Le nawea, "Yesaya lokote eba veve, ana pute'kote : 'Tebapa we popa Ni pi'teniate, hupal tete'i ni jahepa tete'ete." ⁷Ni tabe jatete wa have tetepa ja tenarue.'⁸Te Tata pi'veke teote, neba nave nene eweko." ⁹Pa, kelote te,' "E' tuta Tata piveke ewelite ewekote ja pina' e"e'. ¹⁰Pa, Musa lote, 'ai tena ani tabeja mepe'pe,' pa, Ba ai tena ani ja keweva kebai tejati kewawa.¹¹Kei mepo anarabau kelote ai tena ani, ja heve mepekote ne'nine kei ja newe te'te Tata nou'ke. ¹²Peanya meke mika jakeleko ai tena ani. ¹³Pei newetw ka kejakelete ai pa ani, pei'e"ja ehahuhuka That huhuke wa nopara nene pipa ve. E janawo ele and jawea.¹⁴Kaipa, Yesus teba nawo keleko teto pa kelo te' te" "Lo ela'e"Ni, Pa e'e'koko. ¹⁵Jau wapeto ebe ka tehe neto pei jeve'wo, pa pei jawa pe'lo to' neba pera ja ve. ¹⁶Kebai Lo" pa mpa lokelate lulu.¹⁷Pei, bau Yesus keke'ti pa'pa" teba I" keluvate, bapohake tejete ke jalopa kele. ¹⁸Pa, kelote te,' jawe elo ka na? Pa ewe ka elo jawe wa pe'lo toi' pa neba jai ne petakoko Kate? ¹⁹Pea, ja ke'ti hupala keti ka, pa hu,' pewa pelo the hipara pa (pei, anara Yesus kelo jajoi heve wo')²⁰Kaipa kelote, ja'wa nebe keti' kei jave. ²¹Ki anara wai'lo pa'wa" hupala eba, kei hupala nole, nole u'ta, jeta, teba eji ²²Iporara, jenana, nole', omofa, ve'fe, hupala ve, kena'ki, nokenalu, topo. ²³Ja nole'i wa neba to, pei jave.²⁴Wa jeia, Yesus kalo pa keti' Tirus pa Sidon. Keketi pa'u' kepule bau ra luluka, pe kelote pewa ba'te" ²⁵Lotelate yesus teri, peume'u lape kebateva hiko peto pepa Jesus tae'ke. ²⁶Peume'i peba Yunani, pe'taha'a" Siro - Fenesia. Pewate Yesus kebateva hekole lape'i' kekajuju.²⁷Yesus lote peume'i' teako hulato'u'. Keive teko hao'te loweato. Bateva kemoketi. ²⁸Akan tetapi, wanita itu menjawab dan berkata kepada Yesus, “Benar, Tuhan. Namun, anjing-anjing yang ada di bawah meja pun makan remah-remah anak-anak itu.”²⁹Lalu, Yesus berkata kepada wanita itu, “Karena kamu mengatakan ini, kamu bisa pergi. Setan itu sudah meninggalkan anakmu.” ³⁰Kemudian, wanita itu kembali ke rumah dan bertemu anaknya sedang berbaring di tempat tidur, dan setan itu sudah pergi. Orang yang Tuli Disembuhkan³¹Kemudian, Yesus keluar lagi dari wilayah Tirus dan pergi melewati Sidon menuju ke danau Galilea, di wilayah Dekapolis. ³²Lalu, mereka membawa kepada Yesus seorang tuli yang sulit berbicara. Mereka memohon kepada Yesus untuk meletakkan tangan-Nya atas orang itu.³³Kemudian, Yesus membawa orang itu menyendiri dari kumpulan banyak orang. Ia memasukkan jari-Nya ke dalam telinga orang itu, dan sesudah meludah, Ia menjamah lidah orang itu. ³⁴Lalu, Yesus memandang ke atas langit, Ia menarik napas panjang dan berkata, “Efata!”, artinya “Terbukalah!” ³⁵Saat itu juga, telinga orang itu terbuka, ikatan di lidahnya terlepas, dan ia berbicara dengan jelas.³⁶Dan, Yesus melarang mereka menceritakan peristiwa itu kepada siapa pun. Akan tetapi, semakin Ia melarang mereka, mereka semakin memberitakannya. ³⁷Mereka benar-benar takjub dan berkata, “Ia telah melakukan segala sesuatu dengan baik. Ia bahkan membuat orang tuli mendengar dan orang bisu berbicara.”

¹Bai, pui teba telu pa jatetata raka, Yesus geko keke keloko teto Pa kelote te, ²Teba we Ni veko pipate nile ba heto netenetewe, ja nenanatera ka. ³Pa Ni loko temela hùpa te pa tê'tè, tekau tahalele lo hoe to kei tekau ja hàba to. ⁴Pa, teako Keke nite Ke, "Bai kaneto haō kele te"Tata je roropa anawe?⁵Keipa, Yesus howete tê, "Ê haô narara motê? Tenite, "hao napàhetô. ⁶Kaipa, Yesus loko teba"Pa tetaju hatô, pa hao napaheto"ï kelo, janawo kewa, Keje keke, pa kelolete teako Keke tetùpa kotete teba pa. Tenipa teba pâ tëtà.⁷Teako Keke tera mœ hapa ova ra mœ. Janawo kewaetepâ, Yesus loko mœ îra tekote teba"pâ. ⁸Teba pa tetako hûlava, jajo jôjô î mòtetekò næ napa heto'pï. ⁹Teba màbirêrefanopo ta. Keipa, Yesus loko têjâ. ¹⁰Kaipa Yesus etî hë tæ teako Keke pa tejakote Dalmanuta.¹¹Pa teba Farisi tëtë pijajië Yesus, tewa Yesus jano wa ho hito ûka mepe, ke teteriri"tê. ¹²Yesus pû ekape kekalu Nopara Kekeá, Kelote, "jatuko teba mou we tejapa pi riri tejuatè Jâ bàmua Nî lotete"le, teba moúawe janopaú Niwelelekalî. ¹³Kaipa, Yesus te kelufatē, Kemotië ta, temelete kã"ü.¹⁴Teako Keke haœ tepe, pa haœ riú tewefae tãtœ ¹⁵Yesus lote te, "nœ etopie! Teba Farisi pa Herodes janote ê' e'mômô.¹⁶Kaipa tete lopa pi tewae teba haœ ka ¹⁷Pa, Jai Ke"lû, Yesus lote tè, "Jatuko pi ele tebakau haœ ka? Jaù teko jaùra elolaka na eloka? Hupale ëênave na?¹⁸He' ë'we lotopa, ja efo ka? Pa, lë"pa, pa ja mepu kana? Jaùka eo ka, ¹⁹Poi haœ napa nijeko teba mabir mabirerefa napa, na narara ehekopi jajo jojo me"ele? Tenite, na hapà.²⁰Pu, haœ napaheto teba mabirerefa nopo, na narara pi jajo jojo moëlë? Tenite: "na napaheto. ²¹Kelote te, "Jai elù kafa na?"²²Yesus pa teakokeke tejakote Betsaida, teba kau teba lutoka tetuto tewa Yesus no kelala. ²³Yesus keba lutoka noke keke pa Kekaketi bame pelo. Yesus ivava kele luto keba lutoka"ïpa no Keweve. Pa Kehowete ke, "jaùka mevomepena?²⁴Keba"ï memalena hœ pa kelo, "teba ni'vei'le, Pa te anara rïtû lolo waetù". ²⁵Keipa, Yesus lau no Keweve kebaï loto, pa kebaì luto kejë, luto keke nohae, pa jalelepa kevo pepeva. ²⁶Yesus loko kemotï pæ paw Kelote bame mekememe ka."²⁷Keipa, Yesus tî, teako kekepa, tete bame tutu mote Kaisarea Filipi. Pa, tejae lœ hœ, Yesus howete teako Keke Kelkte, teba we teni Ni we ba? ²⁸Teniate, "Yohanis Pembaptis, teka ni Elia, pa tekaû ni Bapohake."²⁹Pa, Yesus howete të, "hûpala è"è, Ni we ba? Petrus lote Ke, "Mei Kristus. ³⁰Pa, Yesus lote të baura Nonine we huhuelele ka.³¹Kaipa, Yesus teako Keke ja ke naluî Tata oke janawo kewekapaviile wa teba hûhû Yahudi ke, teba janore"ete Tata paikepa, teba Tata ropuke telavuetè, tejako kewa, bæ hetompa kelevuto. ³²Yesus jawe kelo pepefa. Peanya Petrus Yesus kekaluna vatî pa Ke"ekeku.³³Pa, kepote teakokeke kefe, Yesus Petrus ekeku pa kelo, "Ni mepuvatiti, hai Bateva! Pa, ë Tata janoke ehuoka, pa neba javevene. ³⁴Bai, Yesus kelote teba nawo, pa tebapoha keke, anara elala Nîlê, nô ê'ëî ealõlô, rangri pèmùmù, pa mepapa Ni.³⁵Anara ba me pule menoraba lêtu meme pera letete'tu. Anara bau kera lêtù keke letetetu nœ nine pa huhu ropù keipa meneraba. ³⁶Anara janà hëvë mëpekõ vito tupa pa letu mēmë lëteteto? ³⁷Baura letu meme jaura mepepe kape?³⁸Anara bau Ni mëfu pife Nine ra mefu pive kotete teba mœ uawe jalelepa telakatë'ate pa tejapa nõlë potëláëté no të'të, Bako kera kebaroka pa keloï kebaí ketitilë kekala ja nàwawa pa jahevē pa kekala Rekepa pa teba fäpã pa teba tü.

¹Kaipa, Yesus lote'tè, "Ja bamua Nilotete'ë, teba narara'ù rete wea tebibi kate tete'e kora nave'pa Kerajaan Allah totolè." ²Kaipa, ba napahi to, Yesus lote Petrus, Yakobus, dan Yohanes, Kelokati tewova eteme pë eteko. Tàha Keke Kewepù. ³Pa, rõ Keke'ì tutu pa tutu'taulë. Teba rô tetepate tutu tera late paka.⁴Pa, Elia tena Musa teju te'hö, Yesus kopate pite'ë. ⁵Kaipa, Petrus lote Yesus, kuru, hevewo neto note we. Elõ vatê he to netete, kòu Mè, kò Musa, kò Elia. ⁶Anaipa, Petrus ja'kelòlòle tebai tevè'fà.⁷Kaipa, àtù juto te tutakele, lò'telatè pinàù wa àtu'to, Kelote, "Kewe Ko Ninewõ. Lo ela'è Ke!" ⁸Raku ifa, te'karè tùtù'ì, baura tefika Yesus wofa,⁹Pa, temerapuè pe hitò, Yesus lote te baura hoho eleleka ja'ùa evo'ì, wakoto Ba'Ko kelevuto. ¹⁰Peany, piti'i te'weko'tewofa'pa te'jete-jete jatu kelevototo'le.¹¹Pa, te'jete Yesus, "Teba Tata Ropoke lafuate teni Elia kato'tetele? ¹²Pa, Yesus lote te, "Bamua Elia katotè ja'lelepa kelopopo. Pa, ja pu'tekoto Ba'Ko janawo kekapavi papale pa tenaji? ¹³Pa, Ni'lote è Elia'ì bamua keto, pa te'ketupa janolelepa te'è hupala tete, anara pu tuko'to no'keke.¹⁴Keipa, pu Yesus, Petrus, Yakobus dan Yohanes temetela teka'ù, tekarete teba nawo pakè teako'Keke kau, pa ¹⁵Pa, teba'tuwako'í tekarete Yesus tevi, ko te'leho pa te'jetate Ke teke. ¹⁶Pa, Yesus huwete te, "teba Tata Ropukelavuete ja'ko'pa'ìpe'e'le?¹⁷Teba mowako'í kulote Ke, "Koru, o'nekebale nikalo Me kei kebate hekole pa keleko ke lopo. ¹⁸Babafa Bate ke kekeile, kekehipatikali hatu pate vò'kefu'íle, kô'kepuile, notetejaketue. Teako Meme ni'wako keba'te'í teketujuju, pa tete tape. ¹⁹Pa, Yesus lote te, "Hai, eba hupalanave'ka! Ba'narara'ra Ni'lakuku'é? Banarara'ra kopa netenenete? Ko'i ekalo Ni!²⁰Kaipa, ko'í teketute Yesus. Keba'te'í Yesus kevu, kaipa ko'í kekelo'í. Ko'í kepeti-peti lei hatû pa vo'ke'fuí. ²¹Kaipa, Yesus howete reke, "Rane jawe lewa'e ke? Reke lote, "ke'hapa le'í fua. ²²Pa, Bate'í janopai kelei kelopahepati'i ræ, pa ke ketakukule. Anaipa, jau Me'pepe, ne pipate Mepepepa no Me'putoto.²³Yesus lote ke, "Me'be? Jalelepaheve'í mote teba bamua. ²⁴Reke'í fo kele Pa kelo, "Ni' bamua! No'meputi ti bamua nine we!" ²⁵Po Yesus kelete teba pa tekokova moteti ali, batefa'í ekeko pa Kelote'ke, "Eba'të lopo pa lotô, Ni waele emo kelolo keba'hapa'í pa lau ekelolo ka!²⁶Kevu pa Ko'í makite kekelo, Pa bate'í kemoketí. Ko'í ke'anara keba wã ko teba'pa'í teniate, "Ke'wa!" ²⁷Keipa, Yesus ko'í noke'Kela pa kejeko kekalo, kaipa kekalo'hô.²⁸Pu, Yesus keti pa pa, teako Keke tehowe Kewo, "Jato'û ne'kenaju tapé? ²⁹Pa, Kelote te, "Norowe kemoketotokali eletapepele paanara lupopo'úpa.³⁰Kefua'pa, Yesus pa teako Keke temole Galilea jete. Pa, Ke'oke teba riri. ³¹Kei, teako Ke'ke jâ kenalu'íle pa Ke'lote te" "Ba'Ko kapa veve teba no'ote'te, pa Ke teja ko kewawali. Ke'wa, ba heto'ú kelevoto. ³²Keipa, teako'Keke piti Kelamo'î tehitape pa tejeje te'vè³³Kaimpa, Yesus pa teako Keke tejako teju Kapernaum. Pa po Yesus keti mô pa, Kehowete te, "Êha'ê loi jahava huhu ele'í? ³⁴Kaipa, teme roropame kei lo hoú'í tehalae ba keba tete momo epa le. ³⁵Pa, Yesus taku Pa teako Keke keloko teto. Ki, Kelote, "bau pule kemomo tole, kekakikiva pa pa bokelele ne.³⁶Kaipa, Yesus ko hapa'ú kekeko kekevaru tê ho'é. Ko'í Kejuke, pa kelote te, ³⁷Ba' kohapa we kejukela bati Ni'nepa, ke'í Nia kejuke. Pa, ba Ni mebe, kei Ni mebekapa, Keba loko Ni'helo Kea mebe.³⁸Yohanes lote Yesus, "Kuru nekarete bau bati Memepa teba te' kekaju'í, keba'i kebahi nya'enenu." ³⁹Kaipa, Yesus lote, "E'ehuhuka baura japa heve bati Ninepa kelelekale, raku iva Ni ivakepu.⁴⁰Ba ne pikekakika, kekole ka nene. ⁴¹Ja bamua Nelote'ê, tebava pâ jæ'û tekeni ë keî elakule Kristus, jahelo meme letetekato.⁴²Pa tebabafa teko teako hape Ni tela ka kei nole, heve pepe'î nœ keke'í wu bapale alele koti pa'ke è'kelititi jæ. ⁴³Pa, no meme leko me nole, no'î mepupu. Noripa mekeme jeheve ke heve, Pa no hitu mo'pa memeke rapa î utitikale, ⁴⁴jei ü bibi kate ræ ra utiti kale.⁴⁵Pa, tae meme leko me nole, tae'î mepupu. Tae rî'pa mekeme jehevekei heve, pa tae tupa Pa mekeme rapa, ⁴⁶jei û bibikate pa rara utitikale.⁴⁷Pa, anara luto leko me nole, luto'î mevovo. Luto le âli pa mekeme Tata Paîke kei heve pa luto hitu Pa mekeme rapa, ⁴⁸jei û bibi kate pa ræ'ra ûtiti kale.⁴⁹Pa, teba'î rapa anara tina pa te'papate. ⁵⁰Tina î heve, pa anara tina'î have pepe lete'î, luma eju naneko have kei putotole? Tina êhemomo hupala ê'ê pa jaheve ele, î teba.

¹Kaipa, Yesus je ta’i keluvati pa ke kakoti Yudea pa keleti Yordn pa. Teba pa’ teto kowae Kea. Jano keke kele’i te ja kenalu’i. ²Kaipa teba Frisis to Kea, keteteririte tehowe, “Bamua’na kebale eke kewelitete na? ³Yesus lote te, “Musa ja kelokote? ⁴Tenite, Musa wele kebale ropu keleko eke kewelitete.⁵Pa, Yesus lote te, Hupala nave meme, “Musa japoliko kelote me. ⁶Kei pa, wa vito lopana, ‘Tata te kelela bale pa ume.⁷Noianya, keba leu’ reke tena make kelovatete le. ⁸Pa, tenakei nopara ali, peanya, tenakei’ hitu ka pa ali, nopara ali. ⁹Nya, jai Tata lete ali, eba hekeke ka.¹⁰Pa, teke pai, teako keke peara tehowe’e Ke. ¹¹Ke lote te, bau eme pepuva pa ipo hi mepe, nole mepe eme. ¹²Pa, peume kebale pewetafiti, pa ipo hi peto, kei nole peto.¹³Pa, teako hapa teretute Yesus no kelala teako,i’, pa teako keke e’teju. ¹⁴Pa, Yesus te keve,Kehuve pa kelote teako Keke, “Teako hapa’i elove tetoto Ni pa te to epepe ka teako noia Tata Paike tewewete.¹⁵Ja bamua nelotte e’, Baura Tata Paike mebe ana teako, i’ mekememe kape.” ¹⁶Keipa,Yesus teako kejulo, te janoheve Kele pa no Kelove te¹⁷Pa, po Yesus no ketopiko Ke’kakale,kebau keketato kepa Yesus ho pa kehowe,”Kuru heve, ja neloko pipave batutu ni kekele?” ¹⁸Pa, Yesus lote ke,jatoko mepo Niwe Niba heve? Baura heve ka, Tata wova heve, ¹⁹Elo’ kelote : ‘Teba ejiji ka,uta elele ka,jeta elel ka,pi’avia elele ka,o’ evava ka, tebahuhu e’e tabeja ele’e.’”²⁰Pa, kebai’ kelote Ke, “Kuru, jai ealele’e pa nilale.” ²¹Keipa,Yesus kale keale’i pa pipate Kele’ke, pa Kelote,”jaura mepe ka.Meme jahelo meme’i jeta mepe vatata, pa popepe teba wawa jahelo motu sorga pepopope. Pa, mepo papa Ni.” ²²Pa, piti’i leto kehi’e tape pa kekala huve pati kei keba jahelo nawo.²³Kaipa, Yesus kale topa vapa pa Kelote teakoko Keke, “Ra’papi tava meba janawo me kememe Tata Paike pe!” ²⁴Teako keke teleho piti Kelamo. Pa, Yesus lau Kelote te, “He’ eako,rapapiwo nekenene Tata Paike te! ²⁵Befawo unta ke taleha lo pa rampapiwo keba janawo ketiti Tata paike.²⁶Teako Keke telehowo pa tenite-nite, “Pa, ba kako ti juju le?” ²⁷Yesus kalete te pa kelote, “Neba jai neotapepete, pa Tata ja to’to’ pa Kelele’le. ²⁸Petrus lote Yesus, “Mekape, jalelepa nerovu pa neto la Me!”²⁹Yesus lo, “Jabamua Ne’lotete’ele, baura pa kewelitetekali,na joke kebale, na jake peume,make,na reke, ³⁰na teko, na jape kei Ni pa Ropu Nine, ³¹wakoto bawe mabiirere ova mepopope, pa, johame, jahame, ani, teako, pa jape, nolelepa; ba waeto to’, mepe naimeme.³²eipa, teba janato’e tejana va’e, pa tejana vae ti jana to’e. ³³Tejae loma teetete Yerusalem te pa Yesus kekai to. Pa, te leho, pa teba lake’i teve. Pa, teako Keke lau kelokati, huhu Kelete jalewawa no’ Keke’to, ³⁴Kelo, “Ekale, ne’e’nene Yerusalem pa Ba’Ko tekanititi teba ropu lafuaete Tata Pake. Tejako Kewawa pa teke nini teba Yehudi ka.³⁵Ke tenajijite, ivava te’tete’te, teketupa jaja te, pa tejako Kewawa le. Pa, ba hetopa, Ke’levutotole.” ³⁶Kaipa, Yakobus, Yohanes pa Zebedeus hahake, teto Yesus pa teni, “Kuru, ne pule jahava newate Me’pepe.” ³⁷Pa, Yesus lote te’, “Jahava ewako Ni’leleko e’?”³⁸Tenite Ke, “Me pulempa newe bau momo nopalo Meme, pa bau momo nonalo Meme, Tata Paike.” ³⁹Keipa, Yesus lote te, “Jawa ewai elu ka. Me navena pa mole ja’ Nine we memumu pa pamehehe anara pa Nihe? ⁴⁰Tenite Ke, “Netete’te!” Pa, Yesus lote te, “Ja pa Ni hue’i e’huhule, pa pa e’hehe anara Ni pa teni Ni’he.⁴¹Pa, ba momo nonalo pa nopalo Nine, pipave Ni welelekale, jei pekoto teba Ke tupipa. ⁴²Le’te’late ri, teba kau Yakobus tena Yohanes eteju pa pitete.⁴³Pa, Yesus rakiko teto pa kelote te, “Elu’ teba pemerintah Yehudi te ka’i tetepate anara etemete. Pa, teba robe tete nave tete tenaruetete. ⁴⁴Noipa, elele ka. Pa, ba keba robe lele eba vawe, ke e’ja kele’i, ⁴⁵pa ba eba vawe ti hehe tole, ke jano e’e keloi.⁴⁶Pa, Ba Ko to Ke ja elele ka, pa Ke ne ja kelele’le, pa Nopara Keke Kekelote ne. ⁴⁷Pa, tejako te Yerikho. Pu Yesus pa teako Keke pa teba pa Yerikho terivati, keba wawa luto ka bati kike Bartimeus,Timeus koke, kemo loma va. ⁴⁸Lokelate Yesus leile Nazaret, kehiwate pa kelo, “Daud Uke, ni Me’vovo!⁴⁹Pa, tebapa ke eteju pa teni melele. Pa, makite kehiwate, “Daud Uke, ni mevuvu ⁵⁰Pa, Yesus ko’ pa Ke’lote, “Keba elo.” Pa,keba luto kai teniko keto pa teni, “Pu mapepe! Memalo, me Keloile.”⁵¹Noro kekupa, keba loto kai kekalo pa keti Yesus. ⁵²Pa, Yesus lote ke, “Ja mepule Ni’lele nomemepe?” keba luto kai kelote, “Kuru, ja ni vovole.” Pa, Yesus lote ke, “Meme. Hupala nave meme me keleko nohae. “Rakuiva, luto keke heve, pa loitei kelako Yesus

¹Pa, tê" jakotê Yerusalem tekeke te, Betfage pa Betania watû, kei Bukit Zaitun, kelote teako Keke hitù, ²pa Kelote te, "Ena kerere bame koto to, ekere mpa, jako keledai tópa ätêtêko kerule, jako lopa baura ëkà. Keledai"î aekulolo pa êkalolo. ³Baù howete, 'Baloko Jai ele? Èlolo, Tata pule pa Kera ketoto'le.⁴Kaipa, tete pa jako keledai'î tefi ateteko kerule tilô, pëlo, loma, tèkùre. ⁵Teba narara'ù re'ï tehowe tê, "Ja eleile keledai'í æ'kovaele? ⁶Tenite anara Yesus loko te, teba'í noteava tete.⁷Kaipa, keledai ï teketute Yesus, rõ tete tewepo keledai rà, Yesus etì môrã ⁸Pa, teba nawo rõ terepe'è loma, tekà rì nene tere lehe tute tupa revue loma. ⁹Teba jae to"í tehiwaë, "Hosana" jaheve wo Keka Tata batikepa to. ¹⁰Jaheve wa Daud fûjeke, jobekama nene! Hosana was je'ètekoto.¹¹Kaipa, Yesus keti Yerusalem pa keti Tata Paike. Pa, jalelepa tete'e tõ' keve, Ke pa teako keke pa rapanya tete Betania. ¹²Pa, veve pepepa, Betania terifati pa, Yesus kehuki.¹³Ke'kaï haba pa kekalete Ara to'ù hàpà kefu, Keti kale bale jau ke Kefifi ri tu iana. Kekakoti rîtu'í, jaura Kevika pa rihafa puî Ara melito ka. ¹⁴Peanya, Yesus lote rìtuí, "Baura rito meme kekakakakora vito hupe." Teako kike têrî.¹⁵Kaipa, Tejakote Yerusalem. Pa, Yesus keti Tata Paike pa teba jà'jeta te'éí Tata Paike ï Kekaju." Tari - tari ï kelo pahí, teba taimbe lelete'e pa fuje-fuje teba tæ" jatate'ê". ¹⁶Ke lo kekeleka teba jæ tetule Tata Pake.¹⁷Keipa, Yesus te jakenalu pa kelô, "Japutukotu, "pa Nine'ï lupopo pâ tèba pàpa? Pa, eleko anara teba veve pate. ¹⁸Pa, teba Tata Ropuke lafuete tërí pa luma tejuko Ke tejajatè. Kei, Ke tëve"ë ï teba pa keji jæ' Kenalui. ¹⁹Pa, ba wakotè rapaetupa, Yesus pa teako Keke tëta bameī terifati.²⁰Pa, fetahapa tele, tekarete Ara tu"î ke akorate hali. ²¹Petrus ę" pa kelote Yesus, "hupalaheve mepepe Tata nëkē.²²Pa, Yesus lote, "Hupala have koko Tata Nôkë. ²³Ja bamua nilote ë, ba lote pë" we, 'Memalo pa memomehehe jàvu'a,'hupala meme mevuvuka, hupala have koko jæ"î lewawato, pa ja'í lewawato.²⁴Keipa, Ni lôte è, jahava lupopo ele pa ewaeta bamua Jai mebe, pa Jai kewelele lê. ²⁵Pa, malô lopopo japèpè"pé, bau jalete vekotu pipate mepepe, ûra Ai mole je keke ja veve mepemote mera pipate Kelele ²⁶Pa, anara bau pipate mepe'ka, Ai mole jekeke javeve mepemote pipate Kelele kale.²⁷Kaipa, lau teto Yerusalem. Yesus kaplei Tata Pake, teba Tata Ropuke telavuato, teba hùhù Yahudi teto Ke. ²⁸Pa, tenite Ke, "Nave ba welapa Me mapa jalè"í pe, na ba have weleko jalelepa"í Me'pemepe?²⁹Yesus lote te, "Jaü Ni howetete ëale. Pina èlètoto, û Ni'ra nave'ne pa jalelepai Ni'le'ėle Ni'lololè. ³⁰Yohanes teba pa kèle tèhe'ëte"ï waneto wa ho'hitona wa'neba? Ni pîna elètõtõ!³¹Tebaba pi tewapa tenite, "Anara nètô, "Wa'hohito, 'Ke'lolole, 'Pa, tunaneko ela ka? ³²Pa'anara, neto, 'Wa neba'? Teba robe tava'î tevè teba pæ terilo Yohanes î keba bamua Tata bapoke. ³³Penya, tenite Yesus, "Nerõ'kà."Kaipa, Yesus lote te, "Anaira Ni, Ni'ra ènilolokale navenepa japalelepaì Ni'le'ë.

¹Yesus hόhόlѐi, kѐba ύng anggur lѐhѐ jano kѐhѐi. Lѐhѐ ίng tee tѐ la ko lόng mu. Ίi ύng tѐkύko anggur bѐѐ tѐrapupả paa pa pѐpe tѐli ee ii to ίng ảng. ²Lѐhѐ ing kѐ wѐlѐngte, tѐba jatatѐ pa kѐ ti hangtό pѐng l. Anggur na mo ke ѐ pa tѐ wѐwѐ tѐ ing ảng kѐbaύng kѐlѐng ko kѐtii anggur tảng ingbѐ pѐpe kѐlѐlѐlѐѐ. ³Kѐbaing tѐjѐ ko tѐjaa pa tѐni ko nobѐѐ kѐmѐ tii.⁴Pѐa ing ảng kѐbahing ύngra kѐlѐng ko kѐtii pa kѐra tѐ kѐ ko rѐѐ bѐ kѐke tenaru pa tѐtѐ ko kѐba roka. ⁵Ka ingoa kѐba hḯng ṻngra kѐlѐng ko kѐtii pa kѐ tѐke pa tѐ jako kѐwa. Janowe tѐra tѐtѐ tѐb nawotѐ lѐhѐ ingấng tѐkaung tѐjii pa tѐkaṻng tѐjii ko tѐbing.⁶Kѐba lѐhѐ bai ng kokѐke nalѐ alḯng pipatѐ kѐlѐi kѐlѐng ko kѐtii pa kѐlѐng kѐ pipatѐ pa tabeng ja tѐtѐtѐ kό ke ḯngấng. ⁷Tѐba lѐhѐ jano rѐ e ḯng pi tѐwa ko tѐnii kewe όke nalѐ aling kѐ nekaka pa tang ingbe ja tѐtepa kѐke nerѐko nene ne.⁸Kaḯng pa kѐtѐko kejapa tѐkѐri kѐngti lѐhѐ pѐnglo. ⁹Kѐba lѐhѐ baing jaḯngra kѐlѐlѐlѐ? Kѐra tii tѐbalѐhѐ jano rѐ e ing kejiji ko kaka pa lѐhѐ ing kѐwѐ lѐng tetw tѐba hinglѐ.¹⁰Tata hόhό kewe ѐk Jѐko ѐfό na ѐfόka. Tѐba pajano rѐetѐ wṻng tѐkѐtafi tipa wṻng ing kѐlѐlảng wung pa lakόng. ¹¹Kewe tata janoke pa janowe nehṻ ѐng tapѐ. ¹²Kaingpa tѐba ing tѐ ѐna Yesus tѐ kѐkѐ tѐ pa tѐfѐe tѐba nawo Yesus hόhό lѐng ing kѐlѐkotѐnѐtѐtѐt. Kaing pa tѐba nawo ing Yesus tѐrif pa tѐtѐ jeng hing.¹³Tѐba nawo ing tѐtѐ niko teba Farisi pa Herodian tѐtѐ pipό tѐ lala Yesus tѐ. Anara hόhό kѐwo lѐ tѐba pa ing ảng. ¹⁴Tѐba Farisi pa Herodian tѐtѐѐ ni Yesus. Kόru nerѐ meing bamuảng, tѐba hing hṻpalảng te mepѐpѐ όngme. Meteba nѐpara tѐtѐ mefόka pa Tata jaloma kepa ja bamuảng Menapung mepѐ. Teba ing Yesus tѐjѐng Tảng ingbe nelѐko nerѐtѐng Kaisar ḯng bamuang na όng. ¹⁵Tảng ingbe nefufu na, nefufuka pa Yesus kѐ hṻpalảng tѐtѐ ing kѐfόlảng kѐtѐkѐhipѐpѐtѐ ing ang kѐlѐng te tѐba ḯngảng ja tѐko ni ѐke hipѐpѐ?¹⁶Yesus lѐng tetѐ dinar (tảing be) aling ṻng ѐwale nifόfό tang ingbe (dinar) inga ling ṻng tѐwe tutѐ wѐni Yesus pa Yesus lѐng tetѐ talѐng pa japόwe bake? Tѐbaing nite Yesus balѐngpa japό Kaisar ke. ¹⁷Yesus lѐng te tѐba nawo ing ang, kaisar jake ungpa ѐlѐlѐng tete kaisar pa tata jake ungpa ѐlѐlѐng tete tata. Teba nawo ing tѐ repa Yesus ja hѐng hѐng tѐtѐ e.¹⁸Teba Saduki Yesus tѐ jengke pipό tѐlalatѐ. Tѐnite Yesus teba bḯng tѐlѐfutѐtѐ katѐ, patѐ ingra jeng te Yesus. ¹⁹Kόru, Musa japo lѐkotѐ ảnara kebaleng ungwa pa eke pѐbaroo tѐ etѐ ύngpa jόke baleng keke kѐkekѐlѐike ungpa kewѐko eke pa ѐpang tѐna kѐtѐtѐ,²⁰Tѐba lѐng napấng hѐng tόng, kѐba hύnwapa ekepѐkόka tѐetѐ jόke kѐke pѐ ѐme ing kѐwѐko ѐpong tѐna kѐtѐte. ²¹Jokѐ kebafấng kѐ kѐbahύu eke ing kѐwѐ pa eke ing pѐra pấng pa kό katѐ. ²²Pepapѐ pѐ ѐme pѐra pang. ²³Bang tѐbalѐng pa pѐ ѐme ing tѐbing le pa tѐ eko bấng tѐlѐfutѐ ύmpa pѐ ѐmѐ ing ba? Wѐko ѐkee ke kѐlѐ?²⁴Yesus lѐng tѐ tѐ, hύ pấlấng ѐ ѐwe ѐhaa kѐ ing ѐ Tata rόpό ke pa nafeng kѐkѐ efόlấngka. ²⁵Bấng tѐba bḯng ѐko tѐ lѐfutѐ ing ѐpόng pѐ tѐ tѐtѐ katѐ tѐlѐjanjang tѐbafấngpa pa tѐtѐ ee surga (jeng hefeng).²⁶Tѐba bing pa tѐlѐfutѐ, Musa repόke ѐfόkana? Loo Tata pilѐ I pa te ekѐ rѐ hảng pѐng kόng tata pa Tata leing nane te Musa, Niwe Abraham, Isak pa Yakun Tata tѐ. ²⁷Kѐ tѐba bing tata teka, teba bing pa tѐlѐfutѐ tata te. Ѐ bamuang wo ѐha.²⁸Japόό le panawo kѐba ungka tѐba hѐhѐ Taurat rόpό tѐfѐjang kѐtѐ rѐpa pitѐjaji e ing ang lѐ kѐli kѐ kalѐng te Yesus pitѐ tѐ e pa tѐjeng ee kѐing naa pѐpѐ keleng pa tѐri hѐhѐ fae, kaingpa kѐr keng te Yesus. Japόό ne lopanawo pajapѐѐ kaung ing fảngfảng wamotѐ. ²⁹Yesus lѐng te kѐ Eba Israel lѐ ѐla ѐѐ japόό lopanawo ing Tata ѐpa nene ing Tata alingme, hupalang papṻng ѐѐ pa nafѐng ѐѐ ing kѐfa baa ling pipate ѐle ѐѐ. ³⁰Dan, kasihilah Tuhan Allahmu dengan segenap hatimu, dan dengan segenap jiwamu, dan dengan segenap pikiranmu, dan dengan segenap kekuatanmu.’ ³¹Pa japόό pe hingtṻng ing Ѐ wowo jano hefeng pa pipate ѐlѐ ѐѐ ấnara ѐlѐ ѐlѐ nѐ ѐѐ wowo. Japόό kaung pe tafa wo ka, japόό wefa.³²Kѐba Parisi te ing kѐlѐng te Yesus, me bamuang pii uang mepѐing bamuang, kѐ inga ling, tebahing ka kef aba aling nafeng ѐѐ. ³³Tata hύpalang tupa pa pipatѐ ѐlѐ ѐѐ ảnara nѐ ѐ ѐwo pipaѐ ѐѐ ѐlѐing ang pѐ ing lopanawo jako pa tang imbe ѐ arѐ lѐlѐng lѐng Tata peing ảnara ja wawafengtѐ. ³⁴Yesus kalѐng kѐbaing pikelѐ ing kѐhu ѐngtepa papi hύpalang topa kѐlѐi, inga ang Yesus lengtekѐ, jeng hѐfeng surga ing me hảng bảng ka. Tѐba hing Yesus tѐjѐngjѐng tѐfѐ.³⁵Yesus ja nalύng i lupόng pόng pa, pa kѐlѐng nawѐa. Tѐba Taurat rѐbѐ ing tѐ naneko Yesus ing Daud όke tѐni? ³⁶Daud kѐrawo pikѐlѐko hupa pṻng kѐkѐ Tata lѐngte kѐba tѐtѐ nine. Metamu mѐmѐ nopalo nine wakote tѐba me tѐhѐfѐng me nilѐko tѐwahѐtѐ meme lảng meme tu kόng lo. ³⁷Daud keramo lѐng Kristus ing Tata. I ảng tѐnane ko Kristus ing kό kѐkѐ. Teba nawo lѐla e ing Yesus ing te hupalang hѐfѐng.³⁸Yesus ja nalύng ing pa kѐlѐng nawѐa, tѐba Taurat rimotѐ ing ѐ ѐng momo. Ro kakafa tόto tѐhѐ mo tѐ pa jѐpa tѐ etѐ loma pa tѐba tabѐng ja tѐ ѐte tѐ jeng tѐba nawoing te pung maki. ³⁹Pafujeng tѐ metete lupόng pόng paing fujeng hefeng motѐto jeng jajing pa tejung etѐ pera tѐ metѐtѐ fujeng hefѐng. ⁴⁰Tѐing teba roro pate terѐ ko tѐni jeng lapόng pong ja kakafa tѐtѐ etѐ. Tѐ rѐng-rѐng tѐrѐrѐtѐ.⁴¹Yesus takύng hѐti me tảng ing be ruto ho. Pa tѐba tảng imbe retupa tύ hѐ e ruto kefei. Teba tanging be tѐpa tang ingbe tafa wafa terѐ hѐe. ⁴²Pѐ eme barofa ύng jap kaju wana tote tảng ingbe pѐpѐ hing tung ung pѐrѐhѐ ruto ing tảng imbe tѐtѐ pѐpѐ anara sen aling.⁴³Yesus bapό hang ke kѐleng to tѐlѐpa kѐlѐng te tѐ bamuang wo nileng te ѐ, pѐba rowe tang ing be. ⁴⁴Nawo pѐrѐ hѐ ruto fѐa, tѐba nawo ing afia tѐ. Teba nawo ing tѐreni tѐla anara janawo tѐtѐ, pa pѐba rowe pѐ tang ing bѐ pѐrѐ

¹Bang ung Yesus tata pake kehafahte, Teangku keke jakenalung ile. Kebaung kele ile koru, mekafu wungpa ja te fumote paing feng rakawo. ²Yesus lengile, Ja ekalengle Pa heteng tetemote? wung paja tete hehefaing Takufatatate.³Yesus ke eti melele petu Zaitun,ho wina tata pake, Petrus, Yohanes, Yakobus, Pa Andreas te howe Yesus. ⁴Me peng-peng ne rane ung jawe lewang wang te, Pa Jari ha lewang-wang Hope te.⁵Laungra Yesus keleng, e engkoko teba teme tekehipupute. ⁶Teba kaung rajaete batinine, Pa teninite nine Yesus pa teteko teba Nawo Terohipupute.⁷Roing pifeng elu pïng pa pifeng ping lewawangte efufuka jaing pelewawang tu,pa bang pepe uangfa. ⁸Teba fitong tewowo ping tete fitong lete tupa,wala jajongka peing fitong nati pete.⁹Në é ëfë hë hëfa ëtë tu jako tete Äpaté e tétu pajiji jeng lupong-pong paa, Bati nine pa ëtë tupa rënini fitong Bariri, tëte anara me hekope Yesus nëkëke. ¹⁰Të të nanepa pifeng këkepewakote tebapapa papafa.¹¹E tëtute terëninite efë fëka jaeleng-lengle,jaa eleng-leng lei ni leng-leng rangku ing ang epileka pa tata bapoke keapile. ¹²Tëbalengtë memeng ang teba lengtë kaung jata tëte teba kaung patejite tebing-bingte anaingra reke kele teangko, teangko tera pi jaja ete teba hühü tete patejiko tebing. ¹³Në Ninewe pa ëtorala longmo pa maki pa bakë baa hupalang nafeng wako te hope,king umpa jana hefeng me pëpëpë.¹⁴Ë kalengte teba feng-feng reti jeng hefeng tata rake king pa ebalë ele Yudea e mu hatana perere. ¹⁵Ëba mële paho kong era pëpëka ja mote pa kong ing ehelë lëlëka ¹⁶Teba tete elehe, E me pule ro e e ele.¹⁷Ja feng e ume nepa e u me teangku no e leleng ele pate bang ing ang. ¹⁸Lupong-pong pa ewa elejaing lewangwangka pate po ing lelang. ¹⁹Peanya po ing hangfeng tafa, po ing anajaing lewangka wa toto. Bang ing tata fitong we kelelang wakote ung-ang, la fangta lewang-wang kate. ²⁰Bang ing tata keluka baungra efeng keweka keteba-teba kekewo kewole, pa bangke ke luteri. Mekangpeng Kristus karule fe.Poing téba-téba teni,ëkalëng Kristus karülewë pa Kristus karüle fëa pa ne la kë wofa. ²²Pö ïng Kristus téba-téba féng-féng tété ja pöpö paja üng-äng léwäng pa wakoté, téba eféng tétéko féng téwé. ²³E rútata péïng Ni wo leng péïng wato.²⁴Póïng ja fëng wo pëtë, räng we lopäng tafa pa kéwe ra jaka. ²⁵Ha-ha ihë pétäng hëtë efeng we pe kekofa fata. ²⁶Patékarëng te Kéba Kö ké ka atu-atu pa ma kéwë pa kémëlméjëng tété pa bapalé wo. ²⁷Kélëng ko téba fängpa këke te lü pa Kewokele wa laköng nopöng fitöng wa fitöng hüpe pate hopé hope pétäng.²⁸Me ma me papa aha anara riara Pa ne ri ne-ne pé éküng pa ri ha pé ïng mepë bäng eti pëtë tü. ²⁹Péanya ëkalëng lélëpa pé léwäng, é éngkoko bäng kéke pé wakotü tilong pe.³⁰Me ëng ta kökö ja Ni lëng-lëng ëa. Bamungang eba hë we e le le ka, Jawe lewangka. ³¹Pétäng pa fitöng pé tete tü pa tata pitike léntete katü. ³²Rangku pabang péïng ba üng ra pëka, teba fang pa tera té e té paikeke tera rika, Öke këra lüka,Aikëke wofa kélü.Me ëngkököpa merürü bäng we ïng é ra lüka. ³⁴Jaweïng anara kéba üng keti paja, pa keke pa le lepa kélëlëng bapö-bapö. Keleng ko keba rülë a kétëpipi. ³⁵Pea merürü pa mepëka bäng ha kéba paba kémétëtë rängpa wëana,rahoëna, rangkü ojing na fe e tena ung-ang bang na. ³⁶Ana ke ka roropa kete,eluweng na. ³⁷Ja ni lëng kotüpera nileng te eba nawo, e hape koko.

¹Bang hingtung motë topö we bang tafafa hingtung paskah Pa roti ragi kaa, imam-imam Pa ahli-ahli taurat te mepa Hüpalang të eng e Yesus wenëtena nëko neke roro Pa ko ne kako kewawa. ²Tëba ing " Ténletë " bang tëtë ing ja ungra ëlepa ë wefifi ka tëba paho.³Yesus kë bang ung këti lei Betania Simon pake. Simon këra nëë kusta wekopa këkapa lei rangkü ing Yesus këmüpa jakangi, pëüme ling Pëtë guci aling ung minyak narwas tuwo Pa tangimbe Pa ing King ko tëho. Pe üme ing guci ing pëwitajé Pa minyak wangi ing pëwepe Yesus ke rübekëke. ⁴ Tëba kaung pë pitëte, tëtupa pitëtë ete wowonya. Të naneko minyak wangi ing memapa me afia Lang jë mepa? ⁵Minyak wangi ing jata mepëpë tëba të etë ing Pa taing be pëpë mabire hetong Pa rërëfa ing mepëko mame ko pëpë tëba japaka. Pa tëba ing peüme ing pëtëtë.⁶Yesus këleng ile, " peewetafite pemo ing hüpalang pëpe ëleko feng-feng ka, pë jahühüfa pëtëeni ⁷Tëba jaka ing të e lüpa Lë elë bangha epung Le, janopa hefeng ële Le king umpa elëlë. niwe ing epe nelëpa tëneka. ⁸Peüme ing pëhü palang pëöngte ja efeng petëë. Peing nëë nine maa Pëtë hüpang pë öngtë rangku ni tëke tutete i tëtëtë. ⁹Bamuang wo nileng ile ë pifeng ninewe ewahako rërë fitong pöne Pa e are ëng-ëng ja hefëng pë të ni.¹⁰Yudas Iskariot këra Yesus tëangkü hampa kë keja kë nalung e Le, ketilëng imam-imam rübepa Yesus kë kati këke ke lëng-lëng tële. ¹¹Bang ing iamm-imam rübe të pifëng ing téripa, të pung ewo Pa tëni tang imbë tëronini yudas këtë. Yudas keloma keju ko Yesus këke leng-leng tëlë.¹²Bang nana roti ragi ka King bang lopana, bang ing domba kö tërë tu Pa tëe térofu e paskah Yesus këtë ang kü jakena lung e Le tëtëniete. Jeng nëmepëngko Jane tëpi ko paskah ne tete nëë meme. ¹³Yesus kë lëngko teangkü keke jakenalunge ele tëba hing tung Pa ëleng leng të. ¹⁴Bang ung kë kéngti këbaung pake. Ë lalake Pa ë lëng-lëng këba paba ing koru këlëng jeng në ëtë pi ko paskah teangkü nine kopane ja nenanatë.¹⁵Këba ung këjëng ung këtëpikopa Pa kotë kofüa këna lung lung ële. Epa në jatëpi ko nëtëtë ing jang ¹⁶Teangkü këke jakenalung ile tëba hïng-hïng falë lëngko tëte kota Pa ja tetë fü ing anara Yesus kë leng ko tenya. Pa teja tetë pi ko paskah.¹⁷Buang rüpang Pa Yesus ke teangkü keke hampa ja kënalu ing elë të tëë. ¹⁸Bang ing teme ing ang Pa jatëtang e, Yesus këlëng I bamua wo nilenge ë. Kebaung këka ëpa nëta ni ke alorö. ¹⁹Te hüpalang tete ing fühte e, Pa te oofa -oofa te nie ke (Yesus), bamuang niakana?²⁰Yesus këlëng te tëangkü këkefa ing kera aling keka eba hampa angkü ja ni nalung ele; kebang kë hang ong kewefa cawan. ²¹Kë bako ing teni ete ketitile, anara tataropö. Ke ke nukotë nëë keke, meba keba melalopö me eng ko ko. Efeng pëpe angni meme petang hahaka.²²Bang ung teme Pa jata eng, Yesus ke roti ing ketakü atalefa Pa ma kële. Kë lëleng tëpa këlëng ile, nee nine awemembe". ²³Pa cawan ra keke, kële Pa kë kelengtë, te baing cawan ing tëjung. ²⁴Pa këleng tëangkü keke jakenalung elë. Kewe hi nine hiperjanjian, ni kelang jëe tëbapa nëte. ²⁵Bamung wo nileng ele ebafa, ni anggur ni hüng-hüng kale, wakote bang ing ung ni hüng-hüngle, yaitu minuman nati motëtë paike".²⁶Të mepa ojaramena Tata pi tëtë leng Pa tëtë bukit zaitun. ²⁷Pa Yesus leng I tëa ewe ni we elu fafale. Gembala we ni kaung domba-domba we tëhë këkë.²⁸Wa kote nilefulë niha torërë Galilea. ²⁹Peterus keleng I ke, anara tebapaing me tërifafa tëni ni no ing ni lëlë kale.³⁰Yesus keleng te petrus ni leng-leng ho lë mepüpüpe, rapang wea öjing lahing tung natete kapa ni me alopöpö laheng töng pe. ³¹Petrus ke narere kele Pa këlëng. Ni ni wung-wung nëë meme Le, meni alolo kale. Tëba kaung tera Nina ing-ang.³²Teteju ta man getsemani, Pa yesus keleng I teangku keke ja kenal ung ele ". Emümü wea Pa nire lupong-lupong ja Lë Lë Lë. ³³Kë Petrus, Yakobus Pa Yohanes, kë makite kefüpa hüpalang rowo. ³⁴Kë lëng te teangkü kekeja kena lung ile ni hupa Lang we fühtë ete , Pa anara ni wung -wungle.³⁵Yesus Kë ataleka ke kana hambati keng kepa hang tö Pa lu pong-pong këlë. ³⁶Ke leng, Abba Kewe ni äng. Ja ing Le Wang- wangte umpa wahü Pa Lang ninë tëtëka Pa wahu Pa Lang meme tëtë.³⁷Kepënafangti keka lengtë tële we eng Yesus kë lëngtë Petrus ", Simon me luweng na? Rangku aling fapa neefa pëpe ëlëlë kalë. ³⁸Nëë fa pë pe ele Pa lu pong-pon ele ele umpa e pencobaan ekëng rëbë kale, lëngtung wë kelë lai lëpa nëëro kangwe ëkung. ³⁹LA ungra këti lu pong-pong këlë, Pa piti ingangra këla.⁴⁰LA ungra këtë kekalengte teleweng e, telutor eng reng, terika ja teni ni këte. ⁴¹Lahengtong këti lëko këtë Pa keleng tetë, Ëlufa eweng ëlëna Pa ë ëpa nëë haëëë. ⁴²e haleng, Pa epa nenanewe. Eka leng keba ni keke leng leng le kete latee.⁴³rangku ing kepi kele ile, Pa yudas keing kira kole teangku kek tëba hampa ja kenalung ele tera tëba nawo te jala jatotata Pa rawi, imam-imam rube, ahli-ahli taurat Pa tëba huhu efuee. ⁴⁴keba kealolo ing ja leng elele, keleng. Ba keni kepekang, keba ing ang ke ekekepa ke ekare efuee. ⁴⁵Bang ing ang yudas kete kepeleng kati ku yesus ho. Pa keleng rabi Pa ke pekang. ⁴⁶ke ing Pa ke teke.⁴⁷keba ung ke kaleng anabe kekeko imam tet Lee ke ke kelu. ⁴⁸Pa Yesus leng I te jae hueng ele niwe ni bafengna. Pa ehala ja tututapa rapa eleni ekekele? ⁴⁹ni bang-bang jani nalung le Pa lupong-pong Pa jate ung ni e keka. Jawe leweng ung japo tetemote ropo ing e ang-ang peng. ⁵⁰Tëba nawo lake yesus ing ke teketafite kewofa Pa tepu wowote.⁵¹ke angle aling ung kelakoke, lenan ro we aling teweni kefako, nee, Pa keteke. ⁵²Pa rolenan ing kewei e fua Pa kebangfa Pa kelejang tete te e ing-ang.⁵³Kaing Pa Yesus keteke tute imam rube Pa imam-imam rube. ⁵⁴Petrus kelako kepa kekai hangba paata leka wana pongfate tete imam tete pata kekete.⁵⁵Tëba imam-imam rube pateba Mahkama Agama tera-jari teju ete loma tejuko ketejajate. ⁵⁶Tebanawo piong tehe e Yesus new keke. Pa pi tete ing anara pung aling tekeka.⁵⁷Tebakaung tejaleng piong tete new keke , teninawea. ⁵⁸Nere keleng Pa lupong-pong paing tëba notepa teteing keta pepepa, ni bang hengto Pa niweete hahale. Eba no e atalera faweka. ⁵⁹Tetena nepa pitetetupa tetete aling I tetetape.⁶⁰Pa Imam tete kekaleng ru teho e Pa tehoweeke mepiung ka mepepekape? Mekapeng tebawe je jari tetute roji etemefa? ⁶¹Pinolelepateho weepa Yesus keru roroparu papiungra keleka. Imam tete LA ungra keho we mewe Kristus Tata oke piteniete? ⁶²Yesus lengile. Niwekea ebawe kebako efufule kemule reke nopaloke keteteleing kefehmeme atu Le kekaho hetetele.⁶³Imam tete ro kefako ing kejing Pa keleng, tebaka netengko tete piri laungka tetena? ⁶⁴Ewole pi keleko tete anara Tata ke naki. Ehupalang e etenane. Tebapa teniete ekaka ko ke wung-wung. ⁶⁵Tebakau ke ifang-fang teteeketanghapa tanghang kekeing no Pa kepoi Pa keteke tupaja Pa teni efeke, pi ka mepe. Tëba taba tekepa teketupajae.⁶⁶Petrus kera kapalei patetenya wana Kong fua, peume ung peing bapo Pete ete Imam tete Pete wana ke teti. ⁶⁷Pekaweng te Petrus keru rate Pa ra kerang Pa peume ing peke tang hang kekepepu Pa fue Pa pe howe mera ena Yesus kebaNazaret elepana? ⁶⁸Penuna ing ang Pa Petrus ke alolo Pa ke pai Pa keleng pi pe tete ing ke Hu eng tepaka. Pa kekapa lena pongti Pa ojing kenakele.⁶⁹Pa bapo peume ing pe Petrus pefu Pa penu tëba refua. Kebaung ing kera tëba lake Yesus. ⁷⁰Pa Petrus ke kepai pake aloloi. Jo ka Pa tëba reing-tenie Petrus, mera ko pe tebaingang Pa mera meba Galilea.⁷¹Kaingpa Petrus ke new keke jang kefa. Pa ke leng nawea keba keleng leing ni fulang ka Pa ojing te lahingtung natete. ⁷²Pa Petrus kekati Hu eng jaing pelewang kapa Yesus keleng tofa Pa jaing pelewang fang. Ojing-natete lahingtung umpa niwe mepa Pa mealopo lahengtong. Petrus ke kati engtefeng Pa kemepa fulei.

¹Báng teüng fétánghapa Imam rëbé kétifi téba hühü ropö lafüen Pa téba rángpa lupöng - pöng Pa. Pa Yesus a tété Patéké tute tefi Pilatus. ²Pilatus ké këngkte Yesus, " Mé we meba tété Yahudi na? " Ké lëngte Pilatus. " Me wo pëng ". ³Iman-Iman rëbé téri Yesus höhö ke.⁴Pilatus ké këngte Yesus, " Me pëng -pëng kapé na? Mé kapëng, te Meja féng -féng nawo tété eté? ⁵Yesus ké jaüngra kélëngka Pilatus ké ëngtapë.⁶Báng tété we , Pilatus téba kéléfe ilé kéba alïng téba nawo téba Pa téwo téwa. ⁷Báng ïng a Pa ifë téba nawo fata tébaféng - féng té káng üng téba téji té bïng téla Pa tébé e, keba aling bati keke Barabas. ⁸Téba lüng üng téte Pilatus Pa téwa Pate Pilatus ja tépüng tü, ana löpang kélé.⁹Pilatus pina kew Pa keleng, " Ëpüng Lé kéba Pa rü no ni hang fang fang na keba Yahudi na? ¹⁰Ke Le te hufeng mo ke téba rebe kete ketute Pilatus. ¹¹Téba Imam-Imam rëbë tété ko téba nawo téhefëng Pa teni Pate Barabas ïng me befü .¹²Pilatus kéng pate tea; " Tünane, ja ni lele ke keba Pa ru Yahudi we? ¹³Té hiwae ké éketikelë .¹⁴Pilatus di kelete te, " ja féng ha kélé motu? Pa tehiwa Pate, La üngra téhiwa Paté " ké éke eti kelé ". ¹⁵Pilatus té püng téte kélë fata, kaïng Pa Barabas ké kefü Pa Yesus kéka Pa Yesus kékeléng téba nawo, kétékélé.¹⁶Téba naräng-räng taba Yesus ké téké tute räng Pa topü Pa téni ko taba telü fata. ¹⁷Té ro ekape teweni kefa Yesus ke ing ro ungu Pa Kong Lang mopa te keni kefa Yesus rëbé. ¹⁸Tüna wéa ke tabëmta tété Pa téni, " Eféng, he meba Pa rebe meba Yahudi ".¹⁹Ké téja rëbé ri Pa Ké ifäng föng tété. Lambi Pa teme ho Yesus and tabenjanya. ²⁰Pa té ké tété rie, ro ké ke ungu tejü téra keni Kéfa, Ké téké tüte kélé. ²¹Báng ïng téja e loma ba alïng kélé, kaüng -äng té ka bamété jano lélélü Kéba ïng bati Simon, kéba kirene (Ai Alexsander Pa Rufus), té pipa tété ko Yesus salib kéwéku.²²Teba té Yesus téké tuja e teke tute pe hapa peing bati Golgota. ²³Té ni Pate Yesus anggur té lampéla cuka, Me öng Me. ²⁴Té Ké tékélé Pa té undian tété ko ro Kéké tékoté ko téwowo ro ïng térërë.²⁵Bang ïng ráng kü héntöng Pa Ké tékélé. ²⁶Tang ri ïng japü tété téni Yesus, " Raja Keba Yahudi ". ²⁷Ké tékélá téba hïntüng tébaféng-féng, aling ung lo nopalo aling ung lo nonalo. ²⁸Bamuäng pé ïng po tüko tü Hoho Ropü, " Ké wakole téba féng-féng ".²⁹Téba tékalé Kétenaji, téka rëbé télété, Pa ténipa wéa, " He, Me péng Tata Pake metapé pépé Pa mera pépé Pa mepé eté mama báng hëntöng ". ³⁰Né meme ka me hángfáng Pa merape salib hëpé.³¹Imam-Imam rëbe Pa téba hoho ropö lafü eté ké tétéri, tépi tété, Téba hïng Ke léfé, né Ké kéwo ké küküfafa kalé. ³²Élülaé Kristus, Raja Israel, kerape salib hete, nefufu Pa nelala". Pa téba hitung terala Yesus tena kera ke tenaji.³³Rángkü napáng hïng, lopang tángwawa bamé ïng pépüjupa wako té rángkü nahipa pang alïng. ³⁴Ráng kü nahipa pan aling , Pa yesus kéléng Pate pian letapa , " Eloi, Eloi, Lama sabakhtani Pana pépé ïng " Tatawe, Tatawe, jatu ko Me Ni mehangfate? " ³⁵Téba naráng -ráng tére keïng-áng Pa teri ke leng I," Ekaleng , Ké Elia kélëng ilé ".³⁶Kéba alïng Ke küküfa anggur hitáng kejo spon, ri ekape ung keke Pa ke keleng Yesus kung-kung, Pa keba ing keleng " Mépé ménéfü me ïng Elia báng üng ké méma rapë hepé Köng. ³⁷Yesus ke üko pina tepi tepi Pa kewa. ³⁸Tirai Tata Pa ke witajé hïtung, wa höpe tü Köng³⁹Báng ïng téba rëbé kéru Pa ké kaléng Yesus kéwa ana ïng-äng, kéléng, " Bamuáng wo kébawe Tata Öke". ⁴⁰Jéng fé téba naráng-ráng üng te üme hámbáng Pa téfie téba fa ïng Maria, Magdalena Pa yakobus make Maria pé áng ü Yoses téna Salome. ⁴¹Báng ïng Yesus kéléi jéng ing Galilea , téla kéa Pa jano kéke téri. Pa, kéfé té ümé nawo tete yesus télëpa tete Yerusalim.⁴²Péapa báng ïng pitü lupáng, báng ïng báng tétüpie, báng ïng bíng tete. ⁴³Yusuf keba Arimatea tétü, kéba ïng Majelis Tafa te te Pa e tü, Pa Tata báng ké Pété, né naféng Pa kéti kéfi Pilatus Pa Yesus né ke kewa. ⁴⁴Pilatus kélëng ho pa Lé kélate Yesus kéwa, Kéléng ko kéba rübé kéké këng, bamuang na Yesus kéwa.⁴⁵Pilatus kélë kéba taba rübé kea lëng, ke e häng ke keleng Yusuf. ⁴⁶Pa Yusuf ro lenan jata kélé pafata é häng ke kéwé hété Pa ké rapela ro lenan kékefati fülu to iteki wüng pé. Pa we wung ung ké képé koti fülu tilöng. ⁴⁷Maria Magdalena Pa Maria Yoses make téte jéng é häng Yesus téké fati téfö.

¹Rangku Batété rúfa,Maria Magdalena pa Maria make Yakobus,pa Salome,rempah-rempah harum,Jata tétéko tétúté réfu Yesus fuluke. ²Fé tangkú pawo,te rang eile,ba lópana wo baté ingá tete fulu.³Kain pa te momo te jeé, jawe bali? wú ro fulu we te we pete. ⁴Bau Takerete tefi, teri, Tebaka té wú bapela wo tewépete.⁵Bau tete kefulu,tekarete ke angko ali ke angli to tótó kewefa,ke ta kú mé nona pa kelengho. ⁶Pa keangle ing, kelóte ëfufuka, ë Yesus e juele ke ba Nasaret ke tekeleti kewe ke mëka, kelëfutë elo keefo Je we ne ketekei. ⁷Peanya ëre löng-löng ke, pa bapohangke pa Petrus, ba üng pa keka toti,ekeküi galia, e kefifi kefua. dnara kelengkoto e ba pa.⁸Pa tekokofa teketö fulu pe,tenote tejau tenikafata te temo-mo tefewo.⁹Baing fetahapawo, balopana ba tele,baing Yesus këlëfutë këlöpana wo,Nö këkë kewenalu, Maria,Magdalena, Pe üng me ung,ba Yesus, tëba te napa heto,teba fefe wa pë pung pëpë. ¹⁰Baung tëtë téni téba tëlöpa pa Kea,baing teba nofa pa fütété ¹¹Lótélaté Yesus kétompa, nókéké kénalu tépercaya teteka.¹²Kaing pa, keti néké we nalu, anara nöhïng té téba hitung pa kaïng, bai teba hitung tété pénglo bama. ¹³Pa teba hitung téténi,ba pohangke,pa ba pohangke hing të percaya téteka.¹⁴Báu Yesus kénoké wénalú te bapohangke mabire pa pangali baing jaté tae, Yesus té keli té keli te percaya tétékah, pa pung tete nafewo. Te Percaya tetekah te tébapa kétéfi,Yesus kéléfúté wa po këwü. ¹⁵Yesus kélongte,ere fitong topa pifewe ëwaré bapaa niwo lë la. ¹⁶Ba percaya mepé, me pa ni lé mehéhépi, pe efe mepie, eba Éóéé pa percaya e lékah, é ke hukum.¹⁷Jari-jari pé na wa e percaya e le, E tébaté éhajuju, wa ni, pa bati niene, pa e pila nati élé. ¹⁸Te i, teke eti wa notéte, pa te pafe tejü patéhefe te ja le le pa tétékaté. Te notete te weinga. pa te teba née, pa teba noingá te no ha.¹⁹Baúng Yesus, pikélété,ke möeti paikéke, pa kétakümölë tata nonalo. ²⁰Yesus pa bapóhangke té pifeng té wétu jalóló, pa Yesus kewo kela jano tere pa pife pa jari lewa.

(Fefe Etafawo Tehe Fitongwe) ¹Po hipana Hoho, Hoho ing pewa lepa-lepa tena Tata pa Hoho ing Tata. ²Hoho ing pewa lepa-lepa ena Tata wa lopana. ³Jalele pafu kelelang pewa Kea. Ke weka, lelepa motuwe peing momo katu.⁴Ilo Keke ing nenekotu pa nenekotu peing Fefe neba. ⁵Fefe ing eha ifu lopang, pa lopang ing Kewe fata raka.⁶Kebaung ke Tata kekefubati keke ing Yohanes. ⁷Ke teing ana kehe mele pa keleng pate Fefe ing ung wa kea teba nawo teriri telala. ⁸Yohanes kewo ing Fefeka, anara keleng pate teing Fefe ing.⁹Fefe etafawo, keja teba nawo, te tete fitongwe.¹⁰Fefe ing kete fitong pafitongwe Kea lelang,peanafitongwe Ke pefu wangkana. ¹¹Ke tewe peing Ke woke, peana Ke woke Ke peweka.¹²Pea, tewe Ke teke Ke pung efeng teangku-teangku Tata, peing tewe pungtu te bati-Kele. ¹³Tew tetang ha a tewe teja hiteka ana pungtunerokang, ana pung wa tebaleng-tebaleng, peing pewa Tata¹⁴Hoho ing pete lewang naa pa petehe newe. Newe karengte lelepa Meme nefo, lelepa pewa Ai Koke nale Aling, lelepa petehe ma pa bamuang. ¹⁵Yohanes ja kefo Ke pea keleng pate, "Kawe Kea pewe niangleng ele, "Niweka, Ke tete lewe keka tote Ke te niwe leka.'''¹⁶Lelepa tehe-Ke waing-angte newe ma fe ma epa nere. ¹⁷Pea, Ropo Taurat keweleng pewa Musa;anara ma pa bamuang pete wa Yesus Kristus. ¹⁸Nebawe baungra Tata mefuka,anara Tata Koke nale Aling, kemele Ai jengke , Ke leng wefa .(Tepa tehe jari Yohanes Pembaptis)¹⁹Keweing jari Yohanes poteing teba-teba Yahudi te imam-imam tereni teja pa teba-teba Lewi teja Yerusalem tewe tete tejeng-jeng Yohanis,"Mewe meba?'' ²⁰Yohaneskelengho, pa kewe kepaka,ke lengho,''Niweing Kristus keka,'' ²¹Tewe jengteke, ''Tuna ingpa, meweka meba?''Anara mewe Elia?''Ke lengte, ''NiweElia ka.''''Mewe me nabi ing-ang?''Ke leng, ''Ni ka.''@s@ ²²Kaimpa, tewe nite ke,''Mewe meba, nemene pina netete teba netereni nete? Ja mepengtehe ne memewo?'' ²³Yohanes lengte ana piti nabi Yesaya,''Niwe pinawe ana teba teni Nabi Yesaya keleng-leng ile ta hou;'Lengma ewete telele²⁴Teba-teba Yahudi teba tere nite teing teba Farisi. ²⁵Pea, tewe tenite Yohanes,''Keimpa meing Mesiaska, Eliaka, pa nabikajatuko pabepeng tehe ete?''²⁶Yohanes lengte tea, ''Niwe pa nikeleng ehehe, anara ewe erulewe kebaung kebaing ke efulangka. ²⁷Keing ketetele niwe kaung.Langhepo ara-Keke nihofafa kale.'' ²⁸Lele paing pelewangBetania, pa kang Yordan,jeng Yohanes pa kelengpa tehe e.(Tata Ja Ko ke)²⁹Febang pepe, Yohanes Yesus kefu kekana keti, paYohanes lengte, ''Ekafu Tata ja Koke neleng fitongwe kejojole! ³⁰Kea niwe leng ele, 'Wakotu niwele 'Kebaung keing keba bapale niwe aha raka Ke katote nira kapa.' ³¹Lopa, Ke nifu langka,ung Kewe tekepa teniewakote teba-teba Israel,peanya nilewe ewe panileng ehela pa.''³²Pa, Yohanes jakefoi, keleng pate, ''Ni kalengte Bapoke kerape keka petang ana tangpeng pa Bapoke ing ketihe Kewo. ³³Ni wora Ke nifu langka, peanya Kea niwe kekefu nile ewe pani keleng ehela pa piti kelate ni, 'Kea te eteho-Ke ewe kalengte efu Bapoke rapepa kehetime, Kewo ing ewe pakeleng ehela Bapoke keto tafa.' ³⁴Niwowe nifupa nileng pate Ke weing Tata Oke.'''(Teangku-Teangku Yesuske Lopana)³⁵Febang ing-ang, Yohanes ketila teba hingtung telepa tere, ³⁶pa ke Yesus kefu keleng kai. Yohanes lengte,''Ekaleng, Tata ja Koke.''@s@ ³⁷Teba hingtung teangku keke le telate teri piti keke tewe tetela Yesus. ³⁸Yesus kepuna fangti pa tewe kefe telake Kea,Ke lengte tea, ''Ewe ja eju ele?''Tewe nite-Ke,''Rabi [ana teni tewe lampe tipepe Koru], Me pemepe kewene?'' ³⁹Ke lengte tea, ''Ele paewe ja efofo.''Kaimpa,tewe tete pa jeng Ke leile tefofo Ke patelepa te e bang ing-angpoing aha tete rangku⁴⁰Keba aling ung kete keka teba hingtung ing le kelate Yohanes pi kelei krla Yesus keing Andreas, Simon Petrus joke. ⁴¹Poungkapa, Andreas ketifi Simon, joke keke, pa kelengteke, ''Newe Mesias nefi (ana piti tewe lampena keing 'Kristus').'' ⁴²Kaimpa, Adreas ke Simon kekekati Yesus.Yesus kekalengko Simon pa keleng, ''Mewe Simon, mewe tenie Kefas (anara tenie 'Petrus'ana 'Wung').''⁴³Febang ing-ang, Yesus hukeengte ketiti Galilea.Ke ketifi tena Filipus pa kelengteke, ''Mepapa Niang!'' ⁴⁴Filipus kebaka Betsaida, kota ing Andreaspa Petrus tenake te e ing-ang. ⁴⁵Filipus ketifi Nataniel pa kelengteke, ''Newe nene nefi Kea ka Musa polekotu Ropo Tauratpa tebafa nabi, keing Yesus keba keka Nazaret,Yusuf koke.''⁴⁶Natanael kelengteke,''Anara ja efeng wa Nazaretpete?'' Filipus kelengteke,''Mepe pa mekafo.'' ⁴⁷Yesus Natanael kefukete keti-Kepa pikele te Natanael, ''Mekapeng, kebaung keba Israel neewo, japoleng ung Ke koka!'' ⁴⁸Natanael kekengte,''Tunane Meniweka mefupang?''Yesus lengte,Filipus mepengkapaNi me nifuto poing mewe meru ara pengri.''⁴⁹Natanael leng, ''Koru,Me ing Tata Oke.Me ing Bari teba Israel.'' ⁵⁰Yesus lengte pa pikele teke, '' peing Ni lengteme,'Niwe ing me nifu meru ara pengri', pea me pungle?Mewe ja-ja mefofope waote ja bapale ana wewetu!'' ⁵¹Pea, Ke lengte, ''Bamuangwo, Ni lengte ewe, ewe ja efofole petangkeje pa teba fangpa-teba fangpa Tatake te e terapujano tete Keba Ko.''

¹Poing bang hengtong tea upong tete pestate tete Kana, Galilea, pa Yesus make perate fua. ²Yesus pa teangku-teangku-Keke tera tewako tete pesta ing.³Poing pa anggur ingka,Yesus make penute-Ke,''Tewe pa anggurka.'' ⁴Yesus lengte ''Meume, te lengmaha kotu tepa-Niwe.Bang-Nine teka.'' ⁵Yesus make penute teba jano reete, jaung Ke lengte ewe peing jano ele.''⁶Kefu, gentong tete wa wung, teba Yahudi terepa jaung tete ete te telote ete.Gentong wowo ing ja tehe aha pepe hingtung na hengtong buyung. ⁷Yesus lengte tebafa jano reete, 'Gentong-gentong ing paeli fata.'' Pa,tewe gentong-gentong ingpateliko wako pitafa. ⁸Kaimpa, Yesus lengte tewe,''Ung-angwe, ataleka pa ekahana keba pesta rube.''Pea,tewera teke tute keba pesta rube.⁹Kaimpakeba pesta rubepaing ataleka kekung keti lelang anggur ing, pa ke leka jaing keka engri neteteba jano reete pateke ete teri ,kaimpa keba pesta rube ing kelengko teba ipong tete kebaleng-kebaleng, ¹⁰pa kelengte ke, ''Tebawowo pateni eteanggur efeng ing teninitopa kaimpa teba nawo tejungko tepung etafa, unganggur feng ing tere ninifang. Peanya, mewe anggur efeng mepepeng moko ung-angpa.¹¹Jaleng ung lopana wowe Yesus kele Kana,Galilea, pa jamo-Ke eangfata, pa teangku-teangkuKeke temete-Kewofa.¹²Wana ing-angte, Yesus rapeheti Kapernaum makejohangke-johangke pa teangku-teangku-Keke. Tewe tetee bang narangrang. Yesus tiTata Paake¹³Bang Tete Paskahteba Yahudi te watu,pa Yesus kera ke eti Yerusalem. ¹⁴Tata PaakeKe kalengte teba-teba lembu jata tete e, domba, pa,teba faung temepa taimbe lele tee fua.¹⁵Yesus aung kekeko kelekoti lelang cambuk tewe kekaju fata tejana pengte Tata Paake, wala domba pa lembu tete. Kera taimbe-taimbe sen wa teba fa taimbe lele teete pa tangri-tangri tete kelepanghe fata. ¹⁶Kera kana teba tangpeng jata teete, Yesus lengte, ''Ja lelepa ing eahana pengreLelepafu jeng weing paa Ai-Nine jeng weing jata eleleka.''¹⁷Teangku-teangku-Keke te engkote jaung potukotu: ''Pung lekole paa-Meme,Niwe rapa mepa.''Mazmur. 69:10 ¹⁸Kaimpa,teba-teba Yahudi tewe pa tenite-Ke,''Jalengha Mepe napung mepete newe ung Mewe lelepa mepe-mepe wea?'' ¹⁹Yesus lengtetewe, ''Tata Paake etape fata pa bang hengtong Niwe ete hahale.''²⁰Tewe nite,''Peana felangro 46 ko Tata Paake newe etena pa Mepeng mepe etemama bang hengtong?'' ²¹Peing, pekotu Yesus keing Tata Paake ing ne-Keke wo. ²²Pete ing, kaimpaYesus kelefute keka neba wung nete, teangku-teangku-Keke te engkote piti wea, pa tewe tela RopoTowo pa piti ing Yesuskelengkotu.²³Poing Yesus keti leiYerusalem Paskah Bang, teba nawo teri tela bati-Keke tekarengte jaleng lopa-Ke le. ²⁴Anaing-angra, Yesus kewora ne-Keke wora kelelangka kewekana teba nawo-Kefelang, ²⁵pa baungra long kewelengka ko jaung mepe napung-pung tebaKele jamotu neba pung.

¹Keba Farisi ung bati Nikodemus. Ke ing keba rube bapa Yahudi. ²Bang ung rapang, ke kana Yesusti pa keleng, ''Rabi, newe nere Me ing Koru memaTata pe ana nebawe jaungra kelele kale anaja lopa Me peko motu,anara Tata kemele newe lepa.''³3 Yesus lengte kewe,''Bamuang-bamuang ingNiwe leng tete me, pea kebaung ke petanghaaka,keing jeng Tete Keke ke fofokale.'' ⁴Nikodemus kekengte,''Tunaneko kotu kebaungke fang-fangra petanghaakeweti bahufa.Pea peingka tukotu kebaing keti kengti anni hupe pa fang-fang ke petanghaa.''⁵Yesus lengte kewe,Bamuang woing, Niwe pileleme, pea kebaung kewe petanghaa paa pa feng To,ke jeng Tete Tatake ke keng-keng kale. ⁶Ja ingpetanghaa wa naa peing naa, pa jaing petanghaa wafeng To peing to.⁷Peing e engta pepekaNiwe leng tete ewe,'Ewe fang-fangra tetanghaa a.' ⁸Feng kailekekana nenele kole pungkeke pa nakeke eluelena,anara ewe lena pengri kekepa kekana nenele.Anara newe neba tuho tetanghaa ete nenangfeng To.''⁹Nikodemus kengte, ''Tunanekotu pea lelepa ing lewang ?'' ¹⁰Yesuslengte, ''Pea ewe koru teba Israel kana, peanya ewejalele pawe elulangka ?¹¹Bamuang-bamuanging, Niwe lengtete eweja e pileele jaingpe ewelepa eware halele jaing efo,peanya ewe jawe ewe weka.¹²Anara Niwe leng-leng ewe ja-ja fitongpe ewe we-wekale, tunane nenetu eweNiwe lengtete ewe ja-ja surgape .¹³Nebawe baung surgame eka, peing ana Kewokerape surga hete,keing Keba Ko.¹⁴Peing aha ana Musaii tembaga ke keetitaa belantara, peana ing-angKeba Ko tekena hoeti,¹⁵Peanya nebawe bamepakope-Ke efeng mepepe meme batoto.¹⁶Peanya Tata punglefitong wea, Kewo Ko-kekekekelengte kelei anara nebawe ba mepung kole-Ke efeng mepe pepe, pewakote meme batotomemepe.¹⁷Peanya Tata Ko-Kekekekelengte kete fitongkete fitongwe jafeng ung kelele kale, pewakote fitong efeng pewewetu¹⁸Ba mepakope-Kewofame ari mepepe kape, anaraba kemepaka mehememepekong ari kelo kikileba meing mepaka batiTata Oke Nale Aling.¹⁹Kewe ana ari ing: Fefetehe fitong, anara nebawe ne pungtu motu lopanganara fefewe ne pung tukaanara ja epa nete-netewejafeng. ²⁰Peanya epa neba teho janepate feng eFefewe ketenaji pa Fefeepa nenekate keing anarajanopa-janopa nene uang-ang kate.²¹Ana ing-angra, kebajaefeng kele keti Fefe keing anara janopa-janopa inguang kelemotu Tata.''(Yohanis Neparakekekole Yesus)²²Poing kafa Yesus patebafa teangku-Keke tetehangto Yudea. Kefu,Ke pate bang narang-rangtetee pa teba patenipa tehe. ²³Yohanis kerateba pakeleng pateheAinon Salim watupa panawo kefua. Teba nawonawo tetepa tenipa tehe.²⁴Poing, Yohanis apaake kengtika.²⁵Pa, pi hengtejae Yohanis teangkuke pa kebaYahudi petehe neba neanewe nete.²⁶Tewe tetefi Yohanis patenite, ''Koru, Tebafa mepaere pakang Yordan, tehenepa tewa-Ke, ekaleng,Ke wera pakeleng tehe pateba nawo tete-Ke.''²⁷Yohanis lengte,''Nebawe jaungra epane wewekate, anaing-ang jaing pekeweleng wa surgate. ²⁸Ewora jarienalung eleng, ' peanya niwe-Ke keleng nihatole.²⁹Baing peume kewekeing kebaleng-kebaleng;anara bato kebaleng-kebaleng kekaleng kerurupa lekelala, tepungte tafawo pina kebaleng-kebalengke teririte. Pea, efeng nine weingwakotepa. ³⁰Kewe kakoti bapalewo pa niwe here hapa.''³¹''Kewe kekahote keingke etiho newe nalungpawo,Kewe pengri keka fitongkeing keka fitong papiwe nete ja-ja anajawe motu fitong. Kewe keka surgate ke eti mele jalelepa.³²Kewe ja keleleng ingjaing pekefo pa kele-Ke,peana teba-teba tewe ja-Kelei terere ongte.³³Teba teja-Ke lei terepungtu bamuangwoTata ing bamuang.³⁴Pea,keba ing Tatakeleng kekapa Tata pike keleile keing Tata ke Fengke kekeleng aha hete.³⁵Ai keno kele Ko palelepafu keleleng fatate no-Keke.³⁶Meba mepung memekole-Ko meme batoto,anara meba jakeleile mepate paka Ko kekemeja efengra me fofokape, pete anara Tata feng keke pekoko me memama.''

¹Wa Paulus téna Timotius,Yesus Kristus bapöhängke, tenite teba kudus Yesus Kristus temete Filipi pa teba jemaat rëbe pa teba mejelis jemaat. ²Jahefepa pepeïng pewa Tatanene te Ai, pa Yesus Kristus emakélele.³NiTata janawo niléelé babängnilepa éléelé. ⁴Lupopöja nileele ebapa nee, nibabafa lupopöjanile hüpalänghéfepa. ⁵Janonelepa nereneta Injil walopanate wakete üangbawe. ⁶Nile bamüatafa kea jano lupona kélée nee, kéara Kétépipile wakora Yesus Kristus bängkéke.⁷Hupalang uangwe niahimote nee peaiang ebapa hupalangniahimote nee. Anara nimele apa anara nafe niwelengkote Injil, epane jano keli ali nerenete Tata efengke. ⁸Tatake lemenine, in e hüpaläng niahimote nee mote Yesus Kristus.⁹Kewe lupöpönine: Efememeïng nawo lewänge, pa hüpaläng nawo lewänge; ¹⁰Jaefënghae ehiele; peaïang hüpalängefeng üra Kristus bakëing fe éwëwëka; ¹¹Peaïang janahefengélëé wa Kristus Yesus te Tata nekeke pinete pa nekenahonete.¹²Jopalala nine, ni püleng eralélé jaléwate nenine efëngpëpe Injil ëlë. ¹³Téba rébe païng kékewo pa tebanawo teriri nietete Kristus neke. ¹⁴Tebanawo hupalangmo kewo hupalangtete tejajimo Tatanekeke ninewe atete, nenine nafeniwe Tata hohokeke nelee nifuraka.¹⁵Peaïang, tebakaüng tera Kristus piféngke tetee hüpalätëte pa netete, pa teba kaüng hüpalänghefëngmo. ¹⁶Téba hüpaläng hefemoing janotereïng heféngwo peaïang teriwe höhöfëngwo nimelewea Injil. ¹⁷Anara téba hüpaläfemo, janotereïngwa netetepa hüpalätete, bamuätemoka fëngteteweteïng hüpalämoka nenine nimeapa.¹⁸Janaha? Bamuäpépeïng janohatéko, hüpalängöngpa bamua, Kristus piféngkékeweeléé, peaïang nipüngmake. Püng makifatawo, ¹⁹Peaïang nile lupopojaee pa Kristus Yesus noöngkéke, jalewa nénine péa néninewe téjöfa.²⁰Hüpalängnine kotewe ne ninewe roka niweweka. Peaïang ninafeniwe Kristus nekeke, anara üangwepa pelëngwae, nenine piteni, nepara nimele na niwüng. ²¹Peaiang neninewe, nimele Kristus nekeïng janawo niwewélé.²²Peaïang nimeméléwe, pinapepeïng janonileko janajuju. Kenera niwepa lafofo, niraleka. ²³Niwe nihékolé ja hïtungia. Neniwe leniwe niweile anara Kristus nelepa, kéïngpe efëngfatawo. ²⁴Peaiang era neeeinga, neee efengewewele anara nimélé nenine.²⁵Hüpalängnafeninewea, nile epanelepa nememe eféngpëpe momoneee hüpaläng nafemomoneee. ²⁶Anara fäfäng nipele nee, hüpapungefëng nawo wae Yesus Kristus waneninete. ²⁷Pea tënawëa hupalängalíng neméme Injil Kristus peaüng peaïang niléupa nepane lanetété, anara nilekaüngpa, nilenilate erütarüle roh alïng, pahüpalängalïng, koepalepa peüngalï nerürü Injil pa nafepépé.²⁸Hüpaläng tebateko leteteka, pelenapepeïng neteteïang fëngtewéwéte, pa efëngnenawewete, pa jaleïng pewaTatatétété. ²⁹Kristus netikepa hüpaläng Eahimomokapajafe peraeahimomo, Nekekera fengraelee. ³⁰Peaïang hüpalängeenawoehimomo eföfö anara nihüpaläng niéele, pa mung élelate niwehü niwahaelé.

¹Anara mepepe kristus nepara nene hefeng Roh neleti aling pupate aling. ²Ja lelepatang katete aling.³Ja fefe nawo mepeka,taha nawo teteka pa hupalang meme ing anara meba mepe tukunglo,pa teba kaum mete ho teba kaum anara nememe. ⁴Ne memefa meoongka pa teba hinghira me ongkoko.⁵Hupalang nenewe netepiko. anara hupapung ko te Yesus Kristus. ⁶Tata nepa rake kewe heko. pa keing ke hu ete tena ke aha aung peing kewe nafefekoko. ⁷Pa no keleko anara keba japaka nekeke keleko anara keba japaka. pa kelelang teba poha. ⁸Nepara,keke keleko abara neba poha pa naba wakote ketejako tekele rile topa.⁹Peanya tata ke kenaho eti pa batitete kewefa. ¹⁰Um Yesus batike ra batikepa teba kaum. labipa tememe tukulokeke. ¹¹Kungpa peng lengnaing ing ang Kristus Yesus ke ing ta ta ing reke pai keke pairekewo.¹²Peanya epa neba jopalala punghepeng ra elakoko tata bang epane lepana ni laka napa tata elata koko tata janoke bamua ele ee. ¹³Tata janole ile hhupalang e eing pung hefeng ke keleng ung jano keke eleko hupalang kekerahefeng fa koko.¹⁴Jaing jano mela pinaka mepefifika. ¹⁵Ea ne meme ra ja popo wawaka meing ana tata teangku jaung ra weweka pa hipu pafefe wo pa fefe fitong. ¹⁶Mepa takoko hoho ropo pa bang Kristus, afia nihataka pa jano nafeng pa jano nileka.¹⁷Niwe anara pa tekepe pajako te ke eti pa pung nafeng nine nijalang nipung le e Bapa. ¹⁸Pera anarane pira aling jalangpa nipungle epane.¹⁹Nemete Tuhan Yesus nilengo Timotius ketime pi efeng keleng te ea. ²⁰Pea niwe ana me baung nikeka, pifeng wa ea mepeng mepung meme efeng. ²¹Peate teba kang ung te eng motu ne tetet wowo peka Kristus Yesus efengke.²²Pa elena Timotius ne keke kewelengte, tena kea jano telepa pifeng hoho ropo ana keangke ja kele reke. ²³Nipung lewo mea nikelentiti panile ja lewawang nenine. ²⁴Pani tata nilakole pa ke rawo ketete niang.²⁵Peing anara, nihuni eng Epafroditus nikeletiti me, keing joke ninejano nelepareneti jano keke. ²⁶Pea, ke pungle epane ke le late ke nee. ²⁷Ea lopafe me ne e atalera me wung hupalang feng-feng me teteka.²⁸Anara pea nipung lewo mera pemetea pa e kalengte pung e e ekung raka. ²⁹Ke eke Epafroditus kekoletata pa hupalang efeng pa kepata te teba-teba anara kea. ³⁰Peing ke atala kewa tata loma ke,pa ke ne pa pung e welente ana keli ewe pa kerali ewewe pateke.

¹Piannya jopa lala nine, ѐe wѐnaka. Te TATA ni rά pung lee ka. Ja po launģ niilee. Pά ja ate te moό meme pa ja tete ing me tutang kelί. ²Me ѐ nkorko, nake paύ pa teba feng-feng walά teba neѐ teta kia te. ³Pa nera, ana teba paά ing. Tata faά pii netiί pa bapo kike Yesus newenakae, nya teba hihi nelala ka wa neѐhepa fuά.⁴Anara niwe bamua jaainģ ni keko ni pάhh ѐѐ iί pά nee kong nete wa nѐѐ hά paύ fuά. Pa maki ing ko teѐ nii. ⁵Ni we papo tetί poόing bang pόo 8 teba Israel woό teba peѐ Benyamin. Ibrani teba te Taurat huhu pipe niwe niba Farisi.⁶Neha eѐ paά ni we jemaat netakueѐ. King nya ilό pipeѐ hofeng faά kekolee Hukum Taurat kong keѐ ke ing nѐe ajάa woί. ⁷Jana wioό wam lopa fua nawόo ke keleng nѐѐ nine. Uang wee ni hiί eeng feeng wao kote Kristus.⁸Bamua jalίlί paa ni hiieng teѐ feeng waluά batii kike Yesus Kristus TATA nene. Hahang woό nee kiko jalele pa keing Kristus. Jalele nini tenfa taa pa jalilipa ni hiengte king ja neleng. ⁹Ni tekae tata paikee jάanhefeng neѐ nine wofa we. King nike tata ropu fepe pa kite kela hipalang. ¹⁰Pa hang hiing ke ne foό teѐ nafe pa kelefut ѐ teing. Pάnόo nepapah nete pa ne me lupong kike. Panѐteko bati kikee pa neteko an kewa pa ile. ¹¹Pa ni wung pa ni lefute teba hing lahoi teh.¹²Ana ra king jaά ni we imufa nii hata to pajai ing nii we anara TATA wѐ ni ju wѐ pa jakung lile ing. Pa jά kote fang ing ne pepeng pa nenatane jά mote taha nene. ¹³Saudara-saudara, aku tidak menganggap bahwa aku telah menangkapnya. Akan tetapi, satu hal yang kulakukan: aku melupakan apa yang di belakangku dan mengarahkan diri kepada apa yang di hadapanku. ¹⁴Nenana tote polong jauri hefeng newewe tѐѐ fά atata nee keweleng pa ke ni wa surga pa Allah pa Yesus Kristus.¹⁵Eleḧ! Ba! Hata hefeng na pa hupalang ia king ѐѐ kấ. Allah ki mѐ ke na lulung lѐ. ¹⁶Pianya ele pấ nѐѐ lepa meme. Pa jahefeng ne tee ki.¹⁷Jo pa lala el ani. Ela foό hehefa te ba heate fano ke lee no neneѐ. ¹⁸Pa teba nawo tѐme pa tang riί tata uke ke tehe feng. Ja tѐtѐing hoh nii le leng mewo uang wee lupong hono ni lee. ¹⁹Teme ko bang tewuwute tѐ repa re pa rewu! Pa batefa tete king anara huu tite pa. Jara mene tete ing jaro koewo tetiate pa hupa lang fitong we maki wo.²⁰Harito nene we mote surga king anara newakai eѐ atata ke tetele ke ing Tuhan Yesus Kristus. ²¹Nepara nene ki liko nalalafaấ anara surga fuua pa mah kikѐ ing. Ja te le paing tete ke ing te papa kigό.

¹King anarά jopa lalά minѐ anarά nipung ѐ nipungle pά nipung ѐwό pά ehaleng rurύ hό anarά Tatά kewό. ²Nilaungrά tѐ Euodia, pά tѐ Sintikhe hipalang efѐ fά koko Tatά kewό. ³Yά niά watѐ eά, epά nebά lengte-tahά pά efeng wό pά niwaelѐ eumѐ kewe anarά janό nafeng terѐ tepά nί king anarά Injil, pewa Klemens pά tebά helakѐ tebάjano reatѐ pά tekά ung; pά bati teteng potekotѐ ropo hohόropό.⁴Epanѐ Tatά fά pinetenene laungrai kѐ pinetete? ⁵Pά hipalang ing ekung kokό pά tebάpά Tatά ketѐ watѐ. ⁶Hipalanģ nawό rά meѐngkά, pά jalepά ing punĝmemѐ pά mepete Allah pewά lupo-pό mepetѐ janawό pepenĝ. ⁷Hipάlang efeng wά Allah pά wά hipalanģ tѐ Yesus Kristus.⁸Peanyά jopa lalά nawό bamua, eba, hefe, eba bamuά ebάtό; ebά fengrarά ebά pitenί ebά jalepά hefѐ. Eba ing pepineteteng pea hipalang. ⁹Jά memapa hiunģ meomepѐ, mepѐ, melepa, mefu, pά nefofo kѐ jaing mepefata, pewѐ Allah hipalang efeng epanѐ totanģ keweleng.¹⁰Ni hipalang efewό wά Tatά pά uang, hipalang ewelete kote niang, bamuά uangfά pά ewѐ hipalanģ eweleng neninѐ pά eing baungra ewekά. ¹¹Nί lengkό jawe niwѐ rά kά pά jawe paka, pά nirare jѐ tenaru kό papά kokό nenine pά wά bangne fafaf. ¹²Nileng king jά pakά, pά king japaka wά jalelepa nirѐ pά nepara jά kawelengkote anarά japά, king anarά hilang, nά hiki pά mepuleng taimbe nawo nά mepungle mѐ taimbe kά. ¹³Ni jalelepa nilѐ kό kѐa nafeng weleng.¹⁴Pά ebapά jά efeng pά jάrampapu mekope kό amane. ¹⁵Erawό lѐ jemaat Filipi, bang lopanά jano kelѐ Injil, ni Makedonia ni nό afang jemaat kaunģ jarampapi tekotѐ ongtѐ ni teongte, pά tetѐ jά tewe ninί pά mepe, anarά eά. ¹⁶Pά kelei kota Tesalonika, pά jά elelete nί kilaalin. ¹⁷Pά ni jaing nijuka, anarά nihapa rito nijuele, pά ni enako jana pepeni wewelѐ.¹⁸Pάnire jaing kefufata, pά janawo eleleng no pewά Epafroditus. Janopά efeng, pa tata kѐ huѐfѐng. ¹⁹Tata ninѐ ja kѐlѐko tu nѐmѐmѐ pa pѐwawo jalelepa kikѐ hefe pa wά Yesus Kristus. ²⁰Pά pimepenģ ete TATA pά ai meme pάebangbaѐ repά benģ.²¹Pί feng efeng hefe nine pe mame teba efeng wa Yesus Kristus. Pifeng wѐ meme wά jopa lala lupopong kang nenѐ nelepa tenete kewea. ²²Semua orang kudus mengirim salam untukmu, khususnya mereka yang bekerja melayani di istana Kaisar. ²³Anugerah dari Tuhan Yesus Kristus menyertai rohmu. Amin.

¹Paulus, tata bake yesus kristus bake, tata tebake nafe kewele bamua pipepa efengpipe. ²Jalilipawe fapunene tata, ukefa ka, kelulu kotutu bahupe. ³Bang kelengkopa, pikelengkoi kewo kelekotu nipipfengkike nilele. pifengkike nili elewe nilakotutu pinakike.⁴Keleokotu titus, kebangaku bamua kemoli ne. tata tena oke yesus kristus teba pepeba temetete nunene. ⁵Peanya meanikefu bame kreta, jalilipa janumepepe japakamotu peapa penatua penatua mepekopapa bametu lumemamepi mepekora papa.⁶Kekeba penatuaing jafe keleleka,pebapapeung, teangku teteing hupalafe moka jakokofa moka. ⁷Anara tata paeke,jafefe lewawangka. Ke kehipepeka. Kekokofa hauhaufefengka, anggur kekukungka, hupalafefe keleleka, keba hupala rampape.⁸Peanya, hupalang welakoko, ke bapake tebahefefa. Hupalangkike bamua, koko, kebatu, nukike kefulang. ⁹Nafewo kewekoko jakenaluile, peanya tebaungra kelemote jahefeng kenaluile pa teba efe teweni eteke.¹⁰Tebakaung keing piteteite, teba nutite tetepi. piteteing ong. te tebaongtife lemafe. ¹¹Te lematite nenitaruru. Jatenaru ete neja nenarungka teteto nebaroka hupalawowo.¹²Kebaung keka tite, kebatota tite, teni, teba kretaing tebaong, jakoing jafefe teteite, hupala titeing nenapi. ¹³Jawe jabamua, hupala tite etepiko tera bamua tememe.¹⁴Teba yahudi hupalangtite elalaka anara pitibamua tewetafite.¹⁵Teba hupalahefeng tihefeng timeme. tebanule pa tebafefeing, jahefeng timoka. hupalangtiteing lupamotu. ¹⁶Teni tataing tefija, janopa titeing tataing tealoru. hupalangfefe motu. jahefeng temoka.

¹Paing, jaelu jaing efeng. ²Ebahauhauing hupala lilamomo, hupalahefeng, iemomo, hupala nafepa iemomo, pipatepa emomo, hupala nafengwo.³Ananyara tume bahuhu neparaing eleko teba efeng tenini, jafefeng eleleka. Te anggur baputeteka. Jahefengnya tenaruru ⁴Teba teaung jahefeng tenaruee kebalengpa teangku tite jahefeng tenaruru. ⁵Nutite teteko efeng tememe, bamuao, paitite pa kebalengtite tetepie. Jalelepa tetenaing peaung tata pitikeing tenajijika.⁶Ananyara, teale jatenarungko jateriri. ⁷Jalilipa menapungmeme janopahefeng; anara jamenapung mepe, numeme motupimeme. ⁸Penaefengnya mepumeme pinafe mepupuka, ba pifengkili keworoka, jafeung newe pikeleka⁹Tealeing teba tafateteing piterie. Hupalatite tetepie tepitete terie. ¹⁰Jata teteteka. Ananyara, hupala hefengnya tenaruru, janenaru netiwe teriripa telala tataingke lumanene aing.¹¹Tata efengkike nebapa nefu. ¹²Kenarungko jafefe motu vitowe netapipi. Jakenalungko hupala fefepa nemomo, bamua, pa vito uwawe efengkoko ¹³Nupara netupiko nememe janahefe tetete nefufu, tata bamuapipe kewenalululi yesus kristusing kebatete.¹⁴Yesus nukike kewele janetepatu femotu pia ketupipili jangri netemotu keroli, neukikepa, bapakike nuparakike jahefengnya netinene.¹⁵Jaenalu papifeilili. Ewepa elafufu. Tebaing telafefeka.

¹Elungko tebatafa tefemomo pa tebatafa pemerintah, telala tebatafa, telakeke janupahefeng. ²Teba bala teteteka, hupalangfefe teteteka, tebahing janohefe tetete, hupala lela tetete.³Netotofi nemo lopa. Nehapa nemo japahefeng ne pewapemo. Jafefepa pufefepa nerumo. nenaji pa lumo.⁴Tata lemakikeing efengwo pipate kili neba kukike, ⁵Keing janoneneka, pipate kekepa nehefe kewele. Nepakele nehi efengkili rohul kudus nunene keloli.⁶Tata Roh Kudus kekelento nunene keletata nuke Yesus Kristus. ⁷Janowea kili, nunene makeli, nunenewe vitohupe neke nenete.⁸Pifengwe eweko elala. Pifengwe ninaluele we mepi takoko, batata kefula janokike kelele jakewele teti. Jawe jahefe tewenine.⁹Peapa jafefe elalaka pipafeetu jafefe motutu elalaka paililiraka. Jaing peing efemoka. ¹⁰jahupala pitakukutu elalaka laalingpa lahingtupa pitenaru, ¹¹Neru tebakaung jahefe telaka nukike nulengkeli fengkeli.¹²Teba hitung nilengko tite, ikukufa elele nikopolis eini lungko ele jelelawe. ¹³Zenas ekokofa eleng, apoloski janafe kelemotu, teremotutu.¹⁴Neteri motu telala ne jahefeng nunene peateriri janapipe teriri.¹⁵Kepanebapa efe netutu numeme. Jahefeng netutu teba hupalaefe motu. Jahefe pemomo batutu noie.

¹Janapipe lewang Panefu. pinerupa pifeneti janapipe, tatakeipa neleupa pa kenalune. ²Ja lopanamotu, neru motu, jaluto nenepa nefu, ja nonene panela, Piti nerupanela.³Janefu pa neru, pihaneti eralu iralalane ipaneleupa. bamuapipe, ipaneleupa ing tatakepaneali neleupa tenauke, Yesus Kristus. ⁴Jalilipa puneti ura hupa eve. [Lufifi]⁵Piveweneru ke pane pifekeipaneti,tata keibafifi kei lupangka/fefe. ⁶Anara kepanelepa newe nebalupa, neonefa mamuapipe nelaka. ⁷Nenaneti fefeing anara Ke nepai neleupa, hikeke, kukike nule kiloli.⁸Anara netu nelengka,neonefa bamua nemeuka. ⁹Anara nulenene netu, nulenene keju keba nulenene keju. ¹⁰Netu nulenetika, nekeunefa bamua pipenemeuka.

¹jopalanine pipatenili, hupalafefe ilalaka, hupalaing efenafenaefufuto hupalatite tenini temetiti tatana peanya tebafefe nawo timete vitowea. ²nowea tata hupalangke efula: hupalanene tata nefuta kekarekete. ³hupala yesus nefutangka, keing kebatifa hupalangke,uangweelu kemolivitowea.⁴eangkunine, ehatatalu vitowe peanya tebafefe ehaju peingtunawea kemolihupalaeea kebatete kebamele vitowe kebahapa. ⁵tebafefeng temete vitowe. peingtunawea, vitohohope teriete. ⁶nenatatate. teba tata piketeriete pinetenete teriete, teba tata neparake mokaing pinene terika. peanya, hupala bamua nefutang pa hupalafera nefutang. elepane janopaefeng netete newowo.⁷jopalanine pipate niliili, ele epane janohefe netete newowo, pa janopaefe pewatatate peanya janopainghefe. ⁸teba janohefeteteka keing tata tefijangka.⁹Tata efengke kelune tata uke naleale kekelentu ne peanya lenelakoko kiwo. ¹⁰efengkike tata keleile nunene, peapa tata nepipate keli pa oke kekelentu nunene nule nenekejo.¹¹neba lentu pipate nili, anara tatake nepipate kili ananyara ne tata pipate nete. ¹²bamu tatawe tefijangka. anara ne pipate nete tatake kememene efengkike pikokone. ¹³janowea nemomo tata neukike pa tata kemoliline rohkike kekelentu kememene. ¹⁴pa, netata nefu pifengkike nete peanya tata kukike yesus kekelentu efe kewekate nunene.¹⁵tebateho tata nebateho yesus netu tata uke, tata kemolili yesus nuke yesus kera molili rekenuke. ¹⁶peanya, kenefutang tatake ne pipate kili tata nunene kele. tata keba pipateba, pa teba metete janohefeng teteete, kemolili reke nuke anaiara tata kemolili nukike.¹⁷nuweanya, efengkike kele nunene banonene neru fapu tata ne pikelilili bapepape, pibapale vito hope lewawantu tata neba vitowe pipate kili ahakela janopa netemotu vitowe.anara kiwonya, ananyara neba mete vitowe. ¹⁸jahefeng jafefe moka, ja bamua jafefe tetuju wete jafefeng perowoetu. teba fefe teteete, efewe tefujangka.¹⁹ne pepate nete nete tata kewo nepepate kili to. ²⁰anara teba teni, netata pipate nili pa nebalentuing lomonete, tebaing tebaong, peanya, teba nebalentu pipate neteka piuang, tata pipanete kotu ne hupala. ²¹pa, pitiwe tatakewo longkote: teba teho tata pipate teteete, ananyara nebalentura newowo pipate netete.