Skou: Bible for Luke

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Luke

1PINA WAT01Teba nawo te ena ropu tete te ja lelepa lewang e langhou-langhou nene, 2Ana ing-angra ropu tete pa teni kote nene wa teba-teba jato tu teing jalutopa tefu pateing pifeng hefeng teni eti . 3Peanya nipenilafu huhufa pa nitupipa wa lopana, hefengwo pera ni pole pa kang-kang nile teme, he Teofilus me eme mupe, 4peanya me ra jaing mepu tata ja bamuang tenaru teme .Pifeng kupa teri YohanisPembaptis. 5Poing herodes jeng ing keweko, keing Raja Yudea, kebaung bati keke imam Zakharia keka tebalung Abia. Ekeing pewa tebale Harun, pa bati pepeing Elisabet. 6Zakharia pa Elisabet tenake ing teba-teba bamuang temete Tata. Tenake po teme jaung fengra teteka tela ana ropu nukotu pa Tata janoke. 7 Peapa, tenake ko ung tenake tekeka poing Elisabet pe babeng pa tenakera teba huhu.8Wakote bang jano bapaing rerete, Zakharia jano kewe ke teke eti imam kemele Tata ho.9Te kefu teteko ahawang imam terepa ete, Zakharia ke teke undian tete kemekengti Tata Pake pa ukupanra kelelele. 10Wakote ukupan kele bapa upafume lupompong tete e peng.11Peba fangpa Tatake nepeang Zakharia pa pero nonalo altar ukupan. 12Kaimpa kekalengte peba fangpa, Zakharia nete pa kefu. 13Jatuko, peba fangpa penute ke.''Me fufuka Zakharia, pa lupompong meme pe kelu. Eme Elisabet, ko petututu ko baleng meme pa bati mefafa Yohanis.14E ja elela pinapa pa ewena kaele, pa teba nawo tera lapa ewe naka ele ke petang ha a. 15Ke huko bapale kerule Tata ho pa panafeng anggur pa panafeng hinghing ke kungkung kale po keme huto ani keke kene keke Feng Tu hetime.16Keleko teba Israel nawo temepuna Tata tete.17Ke lengkai kekai to Tata Fengkepa nafeng ing Elia, keleko teba ana ai-ai pung tete temepuna teangku-teangku tete. kera keleko teba-teba ke telaka temepuna teba-teba pung hefeng bamuang, ana ingra,ke bapa ketupiko te meme Tata.18Zakharia ke lengte peba fangpa, ''Tunane ni jalelepa ing nilu? Pa, niwera niwe bahufa pa nienenine pera pebahufa. 19Peba fangpa penute,'' Niwe Gabriel, niba fangpa ni rule Tata hoke. Ni kelengko nile pi lele me pa pina hefeng niwale me.20Peanya ung-angwe mepupu! Mewe le pepe pa pi mepepe kape pa wakotu bangpa jawe tumotu me hume pete paka tehi piti nine, wakotu hetepa bang pepera kotu.21Bapawe temepa Zakharia tejeng e, Te jeng e- jeng e jatu Zakharia kele joile Tata Paike. 22Kaimpa kekengtu, Zakharia pi ungra te keleka. Teri Zakharia jaung kewe kefu Tata Paike pa kenohafa kele peleng wae tepa pi keleka. 23Wakotu bang jano imam keweko kewei, Zakharia ke muna pa..a keke.24Wakotu jaing lewang, Elisabet pe nepa pane peweng jo ke napang. Penu.25Kawe jawe Tata kelekotu ni. Ke ni kefuile paja nilemotu kejo wa teba nawo.''26Pifeng kupa teri Yesus Kristus. Bang ing Elisabet pe nepa pemo ke napanghi Tata peba fangpa kewefo pete kota jeng ing Galilea pebati Nazaret.27Pe kewefo pete pefi pebaung ne lopa pa nepe pute wawa kebaleng ke bati Yusuf, ke Daud leke. Peba ne lopa ing pe bati Maria.28Peapa,peba fangpa ing petefi Maria pa penu, tabengja petu ''Hefengwo, he meing ma kele Tata lakole me.''29Le pewate pina ing peru, Maria pe engtape. Peweng e pung pepe jaweja tabengja we.30Peba fangpa penute pe,'' Me fufuka, Maria,peanya Tatawo hefeng Keke kewelengte me.31Le mepapa, me ne papatu kopa pa komepe kobaleng, pa me Ke bati mefafa Yesus. 32Ke huko bapale pa ketenie Tata Koke Ke Eti Mule.33Ke jano kejano kelele wa Yakub leke pa epa pipafe pa jeng Tete Keke ena ing-ang e..etu.34Maria pera nute peba fangpa ing, '' Tunane jawe lewang-wangtu pa ni kebaungka nikeka?35Peba fangpa penute pa pipetu pe a, '' Bapo Feng Tuwo ketete mepa Tata Ke Eti Mele hefeng keke me tutang kele. Peanya, Ko ing me tanghaa ing tuwo pa tenie Tata Koke.36Pa elu tata Elisabet pe jangme meme ing pera nepa po peba hufa netu. Pera hipanafu pe babeng pemo, ung- angwe pera pemotu ke napanghi.37Peing jaleungra tangle raka pekotu Tata.38Pa, Maria penu, '' Bamuangwo niwe Tata bake, lewang-wang ne ninetu peana mepengkotu, '' Peanya peba fangpa pewa pe perufate pemo.39Maria Pete lapetu Elisabet Ana bang-bang ing Maria ne petupi petete jeng pefa, pete kota Yehuda.40Pete pekeng Zakharia paa ke pa tabengja petu Elisabet.41Kaimpa Elisabet le pewate tabengja wa Maria, ko memupe hu ke e pa Elisabet pe Bapo Feng Tuwo pe tutang kele.42Peanya Elisabet pewala pina nafeng,me Makele wa teume nawo,pa nepaha meme Makele.43Ni weba ani Tata nine petu ni ?44Bamuangwo pina tabengja meme kakotu he lenine, ko nimule newe ke epa ni pungle tafa.45Hupalang meme hefengfa koko meeng huhufa ja Tata lengte me hetepa.''Jalang Maria petuko Tata 46Pea, Maria penu, '' Lengtu nine Tata pi keleng,47pa Feng nine pe wenakate kotu Tata, Ke Hefeng nine.48Peing, Tata bapo Kekakileng teba nepe. Elele, ung-angwe pa wanatote, teba nalungpa teni teniete ke hefengwo.49Peing Ke Eti lelepa kefalu jalelepa bapale kelemotu ni, pa tuwo bati Keke.50Ma keke keweleng wa teba mowe pa teba moung pate teba- teba Kea tefe eti. 51Ke ing hefeng Keke kewenalung wala no Keke Kera teba kekoleile teba-teba ne terepa ete wapung tete.52Kera teba jafeng-feng te eti kele feile wa fujeng tete, pa teba-teba ne tetepate ne ekung pung e kelepa ete.53Ke teba heki keleko hulang wa hefeng keke, pa teba japa ni haju temela no ongbe.54Tata hefeng kewelengte Israel,bapaKe, te engmomo hefeng keke.55Peteing ana Keleng kotu jobe tete, wa Abraham pa bale keke ena ing-ang e etu.56Maria tena Elisabet telupa tetejoe ke hentomg pa pemona paa pepe. Yohanis Pakeleng tehieti pe Tanghaa.57Ung-angwe pa wakotu bangpa Elisabet ko petututu ing keing ko baleng.58Teba lentupa pa teba paitupa pepe teri Tata tete hefengwo Kewenalung bapalewo te Elisabet, pa terala pepa tewenakae.559Wakotu bang nahipang, tete ko ing sunat tetete tera ko ing bati tefafa ko ing Zakharia, ana bati ai keke. 60Tunane, make penu, ''Niongne kebati efafa Yohanis''.61Teba-teba ing tenite Elisabet, Nera pungtuka kebaungka lentume meme bati ing-ungka kotuna.''62Peanya tera noha tete te Zakharia tejengte, ko ing ke batiha neweko newefafa ko meme.63Zakharia kelengko tangri japo tete etu, pa japo kele nowea; '' Bati keke Yohanis.'' Pa teba nawo meing te engtape.64Wana ing-ang te, Zakharia lang u keje pa peng keke ing ana lopa. Ke pi kele pa Tata pi keleng.65Teba lentu tete tefe pa jaing ana pi tete tupa bame pekara Yudea.66Pa, teba nawo teri jalewang-wang tu ko we ?Zakharia Tata Pikeleng 67Zakharia, Yohanis aike, kera Bapo Feng Tuwo hene pa hoho hefeng kelei, keleng pate,68Pi nileng Tata nine, Tata Israel Kea ne kekawale. pa newe bapa keke Kewo feju .69Ke tewe kele ete ana leto hefeng tafa tune pa Daud, bapo Keke leke,70Ana ing-angra Keleng wapina lang u nabi-nabi Keke teing tu watofa waetu71Ung newera hefeng newewe wa teba feng-feng nene,pa wa no teba nawo ne tenajiete.72Ke jakele ing hefeng kewenalung te tata jobe nene, pa peing Ke engkotu ku Ke lukotu ing tu,73Peing jang Kewo lakotu wa tata jobe nene, Abraham,74Kawe newera kekofa wa no teba-teba feng-feng nene ung nera jano Keke nere nene, wa epane nemute ne fufuka.75Ilo ing pepe pa bamuang tafa motu ho Keke, wa felangro pepang tu nemute.76Pa meko nine meing tenie nabi Tata Eti Mule, peing me memama leng memana tome Tata, ko lengma metupi koko Ke.77Ana hoho ung netite teri tafa hefeng keweleng bapa Ke. wa neleng-neleng tete kekofa fata.78Peing hefeng pa pung e Tata nene,Rang fefe luja tune wa jeng ete kotu.79Ko lujako te teka te e lupang pa teka teme baleng-baleng fengwo, ko tang e nene netere tuja nenana lengma pepe hefeng tafawo.80Po koing kehuko bapale, pa nafengwo ke feng hefeng hetimu. Kelei tahou waotu bangpa kone kewenalung bapa Israel.
21Te'ba bati pa Yesus Kristus pe'Tanghaa Poing Kaisar Agustus pinafeng kewekentu teba bati tete te bapa tupa tekotu fitong.2Kawe bapa tupa lopanawo tete poing Kirenius gubernur keweko Siria.3Pea, teba nawo temena bame tetewo, tewowo tetepa bati potete.4Yususf kera Nasaret kewelite, kota Galilea, pa kekana Yudea, keti kota Daud teniete Betlehem, kekana pengri Daud leke.5Ung ke tena Maria tera bati potete eke, poing penepa.6Poing Yusuf tena Maria teme Betlehem, wakotu bang Maria ko petutu tu.7Maria Ko petu baleng Ko lopana Ke rapela ro lamping pa pewefati Kei ruto to tete e jangraka te e e ing-ang.8Jeng ing aha aling, teba narang-rang ung jaku tetuwa teete tekaungpa jaku tetuwate pate rapang.9Tata peba fangpa keke petero to tete Tata penue fefe pepawo te kaimpa tewe tefewo.10Jaungka tu, peba fangpa penute tea, e fufuka pa le kaela, niwe pi niwale ea pi hefeng ewenaka e Ni lewe we pi hefeng niwale eba fitong tupa.11Ung-ang bang wea Ke petanghaa kotu ne Ke Hefengwo keing Tata,kota Daud.12Kewe ana tangjeng tune; Ewe ere Ko perapela ro lampin pa pewefati keile ruto to.13Ana te lenghonya teba fangpa te neang lupa fanana tepa taba surgawi Tata tekepa pinie pa tenie,14Tata ekena hoe jeng keke etekotu hefeng ing kotu fitong, pekotu epa neba-neba ne mute Ke .15Kaimpa teba fangpa teba nalungpa te tete teba jaku tetuwate ete terefe teme pa temepuna surgate, pa teba jaku tuwate ete keung kepi kelepate tekaung,'' Elewe epane nene ne Betlehem jaungka lewang nefofo, peanya Tata lengkotu neang. 16Pa te tekokofa tete tefi Maria pa Yusuf, pa Ko ing kehetii ruto.17Joka teba jaku tuwate ete Ke tefi, hoho tete anara pi kelengkote tea Ko ing-ang. 18Pa teba nawoteri jalewang te engtape jalewang pa teba jaku tuwa te ete te pite e.19Peapa Maria jaing pewe wengko pa hupalang pewe e. 20Pa teba jaku tuwate ete teme puna jaku tete pa ke kena hofae pa Tata piteni wa jatefo pa teri anara kelengte kotu tea.21Pa wakotupa bang nahipang Ko ing sunat tete bati Keke tenie Yesus, ana bati peba fangpa penu poing pe Ke pemokapa. Ko Yesus teketute Tata Paa22Ana ne tetupate telote ete tela hoho Musa pewe, Maria pa Yusuf Yesus teketute Yerusalem Ke tekenini Tata, 23Anara po tukotu Tata ropuke,'' ko baleng-baleng bahu etu ememe Tata 24pa terenite ana jaku peing anara penukotu Tata hohoke, pera ana tang hingtung hifa na tang peng hingtung." Simeonpa Hana Yesus Tefi25Kebaung kebaleng bati Simeon kemule Yerusalem Ke ing keba bamuang pa hefeng, kekeng i hefengwa Tata tutu Israel, pa Bapo Feng Tu lakole. 26Bapo Feng Tu lengte ke me wung-wung kape memuko Tata me fufupe Keno Ke wefeung.27Pea, Simeon keti Tata Paake Bapo Feng Tu ke ke kekaka, pa Yusuf tena Maria Ko Yesus teketute Tata Paake peana janonya Ke penukotu hoho Taurat. 28Peanya Simeon Ko kekefa jing pa Tata tekepa pi teni, 29. ''Ung-ang, ea Tata, anara Mewo peng jano Meme we petewa huhufa, ana Mewo pengkotu .30Jaungraka luto ninewe ja Meme hefeng pefu, 31Pera ana Mewo metupi bapa tupa; 32Peing ana fefe mejakotu bapapafa-bapapafa te Tata tefi jangka, pa peana tekena hoete tu bapa Meme Israel."33Yusuf pa Ko make te engtape jaung Simeon lengte kotu Kea. 34Peanya, Simeon no kewefe tea pa kelengte Maria, Yesus make, ''Leka mepa, Ko weing keja keleta keleko teihitete pa tekele e tete teba nawo mete Israel, peing ana nojeng epa teba nawo tewe fie. 35(Pa, ana anabe kanteung lentung nene pepapatu) ung hupalang teba nawo penarung.''36Kefura pe baung motu pe nabiah bati Hana,ko Fanuel pewa tebapa Asyer. Peba hufa. Pe tena pampe teme jo felangro napang hentong po upong tena kete, 37Pa pewako pebaro felangro mambire nahipang pang nopong. Pe Tata Paake pepengka, fepa pang-pang lupompongfa pewae kaungpa hututufa pemo. 38Poing, Hana pete pa pewaete Tata pa hoho petu Yesus nepara keke tepawae teba nawo tejeng-tejeng e Yerusalem te jujutu.YUSUF DAN MARIA PULANG KE NAZARET39Peanya Yusuf pa Maria jalelepa tete tela hoho Tatake, teme puna Galilea te, kota tetewo peing Nazaret. 40Koing kehuko bapale tafa,nafeng neing kakita, pa Tata Ke makele. YESUS DI BAIT ALLAH41Felangro o-ofa teba huhu Yesus tete Yerusalem poing bang Paskah. 42Poing Yesus felangro keke hampa, tete kefua ana bang ing tewepa te ete ing-ang. 43Poing bang ingka, teme. Peapa, Yesus keletai Yerusalem teba huhu Keke terika. 44Pea teba huhu Yesus te hiengra Ke lakole bapa hou, teme peleng jae wakotu bang tupa. kaimpa te pute Ke teju wa teba lentu pa teba te tefejang.45Kaimpa te Yesus tefika, te temepuna Yerusalem te Ke tejuju ti. 46Wakotu bang hentong, te Yesus tefi Tata Paake kehetime langhou koru-koru agama, lekelai pa pikelo pate te. 47Teba nawo terie Ke teeng tapape. hupalang tewe e pa pina-pina Kelei.48Kaimpa teba huhu Keke Ke tefi,tera teeng tape. peanya make Keke peweng,''Ko, tuna neko janowe Mepe newe ? Ai Meme pa ni Me neju pongfeng.'' 49. Yesus lengte tea,'' jatuko e Ni eju ele ? E elukana Niwe mule Ai Nine paake ? 50Peapa, te hute wete paka jaung Ke lengte tea.51Kaimpa, Yesus kepa telupa temete Nasaret pa kelako tea. Peapa, make Keke piti ing pe hetime pung pepe. 52Yesus kehuko bapale pa jakele wotue. Kera Tatake kepungle pa neba.
3Yohanis Pa keleng tehe Jano kele1Poing felangro mambire aling pangnapang po jano rube Kaisar Ttiberius, poing Pontius Pilatus ke bari Galilea; Filipus joke Herodes kera poing bari keme Iturea pa Trakhonitis; pa Lisanias poing ke bari Abilene, 2Hanas pa Kayafas jano tere anara imam agung, Tata hohoke petu Yohanis, Zakharia oke kelei ta hou.3Pea, Yohanis kekapa kepako jeng ing tupa Yordan pa keleng patee patehehete neatewewete pepa neleng kekofafa,4Peana potukotui ropu Nabi Yesaya: ''Kewe pina keba kapa pileile-pileile ta hou, 'Lengma etupiko koko Tata lengma eleko telulu koko Ke.5Hengfu pe epopo, pa pe pa hengfu ehalu fata. Lengma hipu- hipu eleko tulele, pa lengma etupi huhufa eleko tupi jijatatatu. 6Pa, teba nawo tefo hefeng tewewe wa Tata! "'Yesaya 40 : 3-57Peanya, Yohanis lengpate teba nawo tetue te kepakelengpa tehee, ''He, ebale iwung Ewe bapileko ne ee ehamuta wa jafeng tetetu ?8Peing, pewa to-to penorung me neamepe. Ne memewo, pimepepeka, Abraham ke jobe nene. bamuangwo wa wung-wung wea Tata nekele ete teangku-teangku Abrahamke!9Wakotu,ung-angwe rangwau keweietu ri hangli. Peana ritu totupa feng ele pa elona rapai.''10Teba-teba tejengte Yohanis, ''Tunane, jahara newejano nerere?'' 11Ke lungte, '' Eba tuho mero hingtung, me keung mepepengpeng kebaung roka. meba tuhoung me jajongpa pera mepepe anamepeto.''12Lung narangrang teba taimbe muteete terate pakeleng tehehete, Tera tejengte Yohanis, '' Koru, newe japaha newetete. 13Yohanis lengte te, taimbe nawo mepepeka aha terikotu me.''14Taba narangrang ung tejengte ke, ''Tunane ana newe ? Jaha newe netete Yohanis lungte tea, ''Taimbe ewawaka ana pipa ele anaing-angra piong ehele. Taimbe memepa mepepu watu.''15Kaimpa teba nawo temepa tejeng Mesias tutule, tera nalungpa temepa tejeng e hupalang ko Yohanis, kewe ke Kristus na keka. 16Yohanis kelungte tea pa pikele, ''Niwe e panileng ehehele pa paehehele. Anaing-angra,Kekeba eti mule niwe kolekong ketutule. peanya langhepo Kekera a nihuhukale. Ke e pa kekeleng e hehele Feng Tu pa ra.17Hangta kewekotu no Keke ko bita kelolele le pa pelasi hefeng mukelele kelehei lang Keke. Anaing-angra, Ke jongpepe kelalale ra tofu ungtiti rakale.''18Pipa hohohefeng hing-hing, Yohanis jakenalung Hoho Injil kelei teba nawo. Yohanis Pakelengtehe ete mule a paa. 19Anaing-angra, Yohanis kera Herodes hekelu, bari jeng ing-ang, ja kelete Herodias, Herodes eke jangpe, pa ja feng kelepe. 20Peapa Herodes lelepa kelefu fata ke kekekengti a paa. YESUS KE PELE21Peanya teba nawo pakeleng tehe, Yesus kera pakeleng kehe. Pa, po Ke lupompong kele petang keje, 22pa Feng Tu rapehetu ke etife-Ke keleko nepara ana tangpeng. Pea, kawe pina wa petang hetu pa pinawe, ''Meing Ku Nine Nikekule. Te-Mefa Ni punglewo.'' BALE YESUS23Poing Yesus jano Keke kengkeka, Ke felangro aha tete ana mambire nahipa panghintung (30). Teba-teba tenira Yesus keing Yusuf oke. Yusuf oke Eli. 24Eli oke Matat. Matat oke Lewi. Lewi oke Malkhi. Malkhi oke Yanai. Yanai oke Yusuf.25Yusuf oke Matica. Matica oke Amos. Amos oke Nahum. Nahum oke Hesli. Hesli oke Nagai. 26Nagai oke Maat. Maat oke Matica. Matica oke Simei. Simei oke Yosekh. Yosekh oke Yoda.27Yoda keing oke Yohanan. Yohanan oke Resa. Resa oke Zerubabel. Zerubabel oke Sealtiel. Sealtiel oke Neri. 28Neri oke Malkhi. Malkhi oke Adi. Adi oke Kosam. Kosam oke Elmadam. Elmadam oke Er. 29Er oke Yesua. Yesua oke Eliezer. Eliezer oke Yorim. Yorim oke Matat. Matat oke Lewi.30Lewi keing oke Simeon. Simeon oke Yehuda. Yehuda oke Yusuf. Yusuf oke Yonam. Yonam oke Elyakim. 31Elyakim oke Melea. Melea oke Mina. Mina oke Matata. Matata oke Natan. Natan oke Daud. 32Daud oke Isai. Isai oke Obed. Obed oke Boas Boas oke Salmon. Salmon oke Nahason.33Nahason keing oke Aminadab. Aminadab oke Admin. Admin oke Arni. Arni oke Hezron. Hezron oke Peres. Peres oke Yehuda. 34Yehuda oke Yakub. Yakub oke Ishak Ishak oke Abraham Abraham oke Terah. Terah oke Nahor. 35Nahor oke Serug Serug oke Rehu. Rehu oke Peleg. Peleg oke Eber. Eber oke Samon.36Salmon keing oke Kenan. Kenan oke Arpakhsad. Arpakhsad oke Sem. Sem oke Nuh. Nuh oke Lamekh. 37Lamekh oke Metusalah. Metusalah oke Henokh. Henokh oke Yared. Yared oke Mahalaleel. Mahalaleel oke Kenan. 38Kenan oke Enos. Enos oke Set. Set oke Adam. Adam keing Tata oke
4YESUS TEHUTE1Yesus, bapo Feng Tu menefu kemupuna Yordan. Kaimpa, Ke bapo Feng Tu kekaka kekana tahou belantara. 2Wakotu bang mambire nopong kebate ke kekati kelelu. Kejara kekangka bang-bang ing-ang. Wakotu kafa, Ke huki.3Pa kebatefa kelengte Ke, ''Anara Me Tata Oke, mepengko wung ing lewang-wang hang ong.'' 4Yesus kewe lote, ''Kapotu kotu, 'Keba kemule kehula hang ongpa.'" Ulangan 8.3 Lukas 4.125Kaimpa keba tefa ke Yesus kekana jeng ete kotu pa lelepa motu fitongwe meka pengte funa ing-angte. 6Pa, Keba tefa kelengte Ke, ''Niwe jaung niwe leng-leng Me hefeng pa ja ete motu jeng fua, peing lelepa keleleng fata motu ni. Pa, ni weleng-leng teba peing ba nipungle. 7Ana ing-angra, Me ni mepa, lele pafu nileleng fata tete Me.8Pa, Yesus lengte, '' Ka potu kotu, 'Ne kenepa Tata Tata nene, pa newe Kewofa nela kotu.''' Ulangan 6.139Kaimpa, Keba tefa Yesus kekana Yerusalem Ke kati teme Tata Paake ete hofu. Bate lengte Yesus, ''Ana Me Tata Oke,ne Meme mekoko kewea hememe kongfu, 10Peana po tukotu, 'Tewe Me, Tata pi kewelengte teba fangpa-fangpa Keke Me totang tete te te, 'Mazmur 91:11 11Pa, 'Wa no tete, te Me teja jijite ung tang e Meme wung fifika.''' Mazmur 91:1212Yesus lengte Keba tefa, ''Po tuktu, 'Tata TataMeme. mepe pupuka. Ulangan 6.16 13Keba tefa Yesus kelelu kokafa, keka Ke keliti kemu pa kekeng banghing.Lopana wo Jano Yesus kele Galilea 14Yesus kemu puna Galilea bapo Feng hefeng kemu ne pa pifeng Keke kekupa teri e jeng tupa. 15Pa Ke jano kengkeka pa teba nawo te Ke pite tee.Yesus Tekeri pati i Kota Ke kewo 16Kaimpa Yesus keti Yerusalem, kota jeng Ke huko bapale, Yesus keti sinagoge bang ing sabat pa keru jaung kefoi. 17Hoho ropu Nabi Yesaya tewe nite Kea, pa Ke ropu be keju pa laung kefi pe potu kotu,18''Feng Tatake kemule Ni, Ke Niwe makele ko Pifeng Hefeng niware teba-teba ja paka. Kewo Ni keke lengtu piwe nilengpa teba mete apa teni lefefe, pa teba-teba lutofo nileko te lutoa, ana teba-teba jafeng-fengfa tete ete teba te niho fafale, 19Pa petu pina pepu wawa felangro hefeng Tata pe tutu tu. '' Yesaya 61. 1-220Yesus ropu ing kepo pa kewelengna keba lupompong paa wekotu, pa kaimpa Ke takung. Luto teba nawo teme i sinagoge ing tepinaka tene Keke. 21 Pa Yesus pikele pate tea, ''Ung-angwe, tehitepa jaing pepotu motu Ropu Tu ung-angwe elulu. 22Pa teba nawo teni pate bamuang Kepileile te engtape piti feengraka kengpate wa lang u Keke. Te pite e,''Keweka Ke we Yusuf koke.23Kaimpa, Yesus pikelete tea, ''E pitiung elala peribahasa eleng tete Ni, 'Koru, ne Meme woka mepeko hae. Ne lelate jano lelepa Mepe Kapernaum, jaing-angra mepepe kewea, Kota Memewo.''' 24 Kaimpa Ke lengte,'' Ni lengte tete ea, pe bamuang pepe ing keba nabi ke tete kate keka kota kekewo.25Ilo bamuangwo, Ni leng tete ea,teume roro nawo temete Israel poing Elia, anara petang pepo jo felangro hengtong pa ke napanghing, ana ing-angra teheki hutefo pelewang bame tupa. 26Peanya, Elia baung kekelengti kale pa kekeleng titi pebaro pemotu Sarfat, jeng kaung Sidon. 27Pa teba nawo ne piu kusta teme Israel poing Nabi Elisa,baungka keka tea keungka haeka pea Naaman, keba Siria.''28Kaingpa lelepafu kelufata,teba nawo teme sinagoge ifu tehefeng fata.29Kaimpa tejalung fata pa Yesus teke turona pengti kota ing-ang, pa Ke teke tujana heng kafu kota tewe eteja pa Ke tekeriri jeng kupa. 30Peanya, Yesus kele te hou-hou tete pa keka.Kebaung Kebaleng Bate Fengmu Kekofa 31Yesus keti Kapernaum,kota tu jeng ing Galilea, pa ja kenalung teba nawo poing bang Sabat. 32Te punghi ja Kenalung anara piti Ke lai hefengwo.33Sinagoge fu kebaung kebaleng bate fengwo hetime ne. Kebaing kekapa kehiwai pina nafeng, 34''Kewe ne wofa. Jaha Mepe pepe newe, he Yesus meba Nazaret ? Jaungkatu mepe ne metakukupe. Nilu Meing ba, me Tuwo mema Tata pe!''35Peanya, Yesus heng keku feng bate ing, kelengte,''Mepeng. Manapengme keba wea!'' Kaimpa bate ing kebaing kekehitika hangtu, teba nawoho, kemena pengti ne kebaing pa kekehufengka. 36Ana hupalang tewe e, teba nawo teko ing-ang pitetetu keba aling tewe tekaung,''Pitiha jawe? Peana nepara pa mapa, Ke lengpa feng-feng bate ing temena pengkengte.'' 37Pa pifeng Yesus kekapaku jeng ing nalungpa. Petrus Eke Mape pa Teba Nawo Tehae38Kaimpa, Yesus lupom-pong paa kewelite pa keti Simon paa. Poing, Simon eke mape pene eti maki, peanya tetewa Yesus keleko pehae e. 39Peanya, Yesus kekaleng ketilatu eke mape pa hengkeku ne eti ing pa pene hae. Poing-angra, Simon eke mape pewalung pa ja petuko te.40Wakote rang uheti, teba nawo tejala paipa teba ne nolelepa tetupa fie tetute Yesus. Kaimpa Yesus noKe leetefe tebawo-wo pa kele pate tehae. 41Bate-bate ing temena pengkengtu tejapa hiwae tebapa langhou,''Meing, Tata Oke,'' Yesus te hengkeku,Ke te keleko kaka long kewelengka pitete teri Keing Kristus. Yesus Pi kekapale Kota-Kota hing42Febang fetanghapa pepe Yesus keti jengteung pinaka kewofa. Teba nawo Keteju,pa kewe Ke tefi, te Ke teena lengtepe e te kelufafaka. 43Peanya, Ke lengpate te, ''Niwe Tata Ropuke Jeng tete keke pea niwaha lele kota-kota jenghing peanya Niwe kekefu nile. 44Peanya, Yesus pifeng kekapale sinagoge-sinagoge Yudea fu.
5Netu nenapa teba Tang neweriri1Bangteung, teba nawo tepajo Ke tutu ko letelapate Tata hoho kelei. Bang ing, Yesus keru patotu Genesaret, 2Pa kekalengte tang hingtung tetu najang pato ing-ang, peapa teba mu juete tekengte peng tang tetewowo pa tete taang tete teloteete. 3Yesus ketie tang ung, tang ing Simonke, pa kelengko Simon na keku ataleka tejana loete. Kaimpa, Yesus ketakung pa ja kenalung teba nawo keeti femu tangra.4Wakotu pikeleko kafapa, ''Tejana jeng pamue pa taangka mepoko muka peru.'' 5Simon lungte ''Koru, newe jano nafeng neru rapang potewe, peapa jaungka newekafata! Peapa, Mea pengnya, niwe taangwe nilolo wea.'' 6Pa, kaimpa tejaing tete, tewe mu nawo tere taangwe pejing e. 7Kaimpa, te noha tete te teba tang kaung tera tetu pa taang tewe. Kaimpa, teba-teba tang kaung telepa mu tehe tang hingtung atalera tang tete utete.8Kaimpa Simon Petrus kalengte jaing kefo, ke paheti kemeto Yesus pa kelengte, ''Manafume niwe, Meba rube, niwe niba neleng!" 9Petrus lengna ing-angke pa tebanawo kepatelupa te engpa me nawo kepatere. 10Anaing-angra Yakobus pa Yohanis teangku-teangku Zebedeus, ketebato tena Simon. Yesus lengte Simon, ''Mefufuka. Ung-ang bangwe, e teba tang eweriri.'' 11Peapa tera tang-tang tete terena lope hete, jalelepa tete terei pa tela Yesus. Keba ing Ne Bengpae Kehae12Bang ungpa, Yesus lei kota tu ung, Kota ing, kebaung nekeke pebengpae ana piu. Poing kekalengte Yesus kefu, ke paheti tangha keke atalera we hangto pa kewaete Ke,''Meba tete, ana Me pungle, Me niwe melope.'' 13Kaimpa, Yesus noKe kelute tewe kebaing. Lengte Ke, ''Niwe pungle, newe melope.'' Poing ing-ang, toto nebeng kebaing pelengte.14Peapa, Yesus pinafeng kele kebaing hoho mepepeka baungra pa mepeng, ''Meme-me pa ne meme menapung tete imam. Jana hefeng mepeko mewaete ne meme hae peana pinafeng Musa lengkotu peja ana jafefeuang te te.''15Pifeng Yesus kupa teba nawo tetupa teluko letela Ke pa kotekelepa tehae wa toto tete. 16Ana, Yesus kekapaleti jeng-jeng roropa ko lupompong kelele le. Kebaung Fubangle keleko Hae17Bang ungpa, poing Yesus jakenalung ing teba-teba Farisi pa ahli-ahli Taurat teja kota tete wa jeng tupa Galilea, Yudea, pa Kota Yerusalem anaing-ang temete fua. Pa, Tata ma keke kelako Yesus kaimpa Ke teba nawo keleko tehae.18Kaimpa, teba narang-rang ung tejapa u angtetukeba fubangle keeti fei jengteluweng ete, pa teenako tekefukeng ifu pa keba tekei Yesus keho. 19Anaing-angra, telengma teweka ko kebaing teketukeng-keng teba nawo telume, te ete ho pateke teketajuheti keba fubangle ing kepa jengkeluweng ile tekena hou-hou Yesus ho.20Kaimpa kekalengte imam tete, Yesus lungte, ''He joke,neleng meme ing penijo.'' 21Ahli-ahli Taurat pa teba-teba Farisi tejengte-jengte, ''Kebaing ba Tata we maki kefuile . Keing Ba neleng-neleng we kejojole peing Tata wofa22Kaimpa Yesus hupalang tete kelu, Ke lengte, Tunako ewe ja anaing eheng ele pung e e ? 23Kenewe pe peng-pengfa, piti elala 'Neleng-neleng meme pe kejo' na 'Maleng pa leng mema ? 24Anaing-angra, ung elulu Keba Ko kemakele wa fitong ko neleng kejojo,'' Yesus lungte keba fubangle ing, ''Ni lungtete me . Memalung, jenglu meweng mepe pa memu.'''25Wana ing-angte, kebaing kekalung keru tebapaho pa jeng keluweng pekewe, palengkeka keme Tata kekepa pikeleng. 26Teba nawo ana telengho pate pa Tata tekepa piteni. Ana tewe tefe tafa kote Tata make, tewenipate, ''Ung-angwe newe nefo ja-ja kewe etele ho.''Lewi Kela Yesus27Wana ingte, Yesus kengti peng pa kalengte kebaung taimbe muleile bati keke Lewi kemu jeng taimbe mute ete. Yesus lungte ke, ''Mepapa Niang.'' 28Peapa Lewi kera keru, lelepaing kelui, pa kela Yesus.29Peanya,ke pesta bapale keleko Yesus paa kekenya, teba nawo taimbe mute ete pa teba-tebahing jajong tetang lupa tepa. 30Anaing-angra,teba-teba Farisi pa ahli-ahli Taurat teana tetulae Yesus teangku-teangkuke, ''Tunane e jajong eang pa paehung lupa tebafa taimbe mute ete pa teba-teba neleng?'' 31Yesus lengte pa pikelete tea, ''Anaingraka teba-teba nehefeng tefaka keba talengha liile tepungtu, kepungtu teba ne e. 32Niwele eka nilengko eba bamuang elele, peapa ko teba-teba nelengniwele ungtewe tepa.'' Teba Farisi Teaha tetena Keangku Yohanis pa Yesus33Tewe tenite Yesus, ''Teangku-teangku Yohanis Pakeleng tehe ete ana hu tutufa kemule pa lupompong keleile, anaing-angra teangku-teangku Farisi. jatuko teangku-teangku-Meme ja tetang pa patejung.'' 34Yesus lengte tea, ''Punglena ewe elungko tebafa kebaleng upong lele le hupakememe peana keba uponglele le kepa tepa telupa. 35Ana, bang-bang ing petetetu, poing keba uponglele le kebaleng-kebaleng keteke ka tea, pa bang-bang ing-ang kepate hupa tememe.''36Yesus kera hoho kelei te ana jalopa lewang, ''keba keraungka ronati keweko kewenalang rototo. Peana, kebaing ronati kelekofeng, pa ronati kewenalang ing pehete paka tena rototo.37Peana ing-angra kebaung anggur nati kelihe harototo. Anggur nati ing ha rototo kejing anggur ing janglu pa rohaing taku. 38Anggur nati mebepeng huhufa mumu roha nati. 39Mebaungraka ana anggur toto memu, pungle anggur nati memu petenina wewete, 'Anggur totoing keing hefengwo.'''
6Tata eti Bang Sabat1Po ung, webang Sabat, Yesus kekapa kele lehe gandum. Bang ing teangku-teangku-Keke gandum to narang-rang ung tewu notete tejo-tejo, katetang e. 2Teba Farisi narang-rang tejeng,'' Jatuko ewe janoing ele jaing peana noing eleleka bangwe Sabat?''3Yesus lungte te pikele, ''Ewe elukana poing Daud ke pa teba kepa telupa teheki, 4Poing tunane ke kengti Tata Paake, hang ong kewe hang ong ing kekang, kaung keleleng teba-teba kepatepa telupa jaing tetang-tangka,pe tebafa imam tefa? 5Kaimpa, Yesus lungte teba-teba Farisi, ''Keba Ko keing Tata eti bang Sabat.'' Yesus Kelepate hae po Bang Sabat6Po bang Sabat weweing, Yesus keti sinagoge pa jakenalung. Jeng ing kebaung keno keke nonalo pe. 7Ahli-ahli Taurat pa teba-teba Farisi luto tejajimo Yesus jaungka Keleko hae bangwe Sabat, tepitewa ko peana pihupe teteKe. 8Peing, Yesus kelu ja tehueng e. Ke lungte keba nope ing, ''malung pa meruru langhou.'' Kaimpa kebaing kekalung pa keru fua.9Yesus lengte tewe, Niwe lengte ewe,jaha ewe jano elele minggu bang; jano efeng na jano feng?Lengtung jeng efeng kewewe feng kewewe?''10Kepupa kekaleng tutu ing, te bapa, Yesus lengtekeba no pe ing,"Noka mepute."Kaimpa, kebaing no keke kewe lute kehae. 11Anaing-angra, teba-teba Farisi pa teba-teba ropo Taurat fojang tewe pipo tela pa tete telu pitete ja tete Yesus. Teba Hampa Rasul Kele12Wakotu bang-bang ing-ang, Yesus keeti heng ko lupompong kelele le, pa kefua Ke lupompong kele kote Tata rapang eteing. 13Febang fetanghapa ing, Ke lungko teangku-teangku Keke pa teba hampa tererete teba wa tewowo ing-ang, peing teba-teba teing tenie rasul:14Simon keingra bati tefa ''Petrus'', Andreas joke Petrus, Yakobus, Yohanes, Bartlomeus, 15Matius, Tomas, Yakobus oke Alfeus, Simon era tenie keba Zelot, 16Yudas oke Yakobus, pa Yudas Iskariot keing ketihe teba feng.Yesus JanoKe17Poing Yesus pa tebafa keke terape, Ketiru jeng ing jitafa. Pa, tete-Ke teba fanana tepa teba faungtela teangku Keke teja jeng ing tupa Yudea, Yerusalem,Tekaja bangte kota Tirus pa Sidon.18Teba nawo tetele lala Yesus pa ne tete toto tete haee. Pa,teba-teba tebate feng-feng heteme neing tera hae.19Teba nawo tera ena ne tete tere najang-jang Yesus ana ja efeng wa Ke kengte pa teba nawo ing tene hae fata.20Yesus kalengna teangku-teangku-Keke pa pikele,''Mawe kelete epa nebaja paka peing ana ja nene ing Tata PaaKe.21Mawe kelete epa neba ung-angwe huki epanewe hulang. Mawe kelete epa ung-angwe fu netenete fangpo rau nenanate.22Mawe kelete epa neba kebaung me jangkefa,meba tobe,meba jaka, Ana ing-angra bati meme tetupa piteete pete kotu Keba Ko .23Ewe nakae bang ee tetetu,pa eepaee ewe nakaee jana ee bapale wo etu surga;Ana ing-angra jobe teteterate teba nabi.24Ana ing-angra,eba feng ana ing-angra eba japa era jana efeng ewewele.25Ana ing-angra eba ung-angwe hulang Ewe hukikitu.Epane neengkokoung-angwe raupawakotu lupongpa pa fu.26Epane neengkoko ana teba nawo teni ja efeng-efeng tenite ne meme tupa tuna ing-ang tekotu jobe tete hoho tetetenabi-nabi palsu.'' Noja mepe Teba feng-feng Meme27Peanya, Ni lengkote kotu ea eka pina Nine weka elu.Teba feng-feng jano huhufa mepepe ana ing-angra teba metenaji.28Mamepe teba me jangtefa pa lupompong mewa teba me jano feng-feng tete.29Ana teba ube meme kenalu, mepengna keteteube lowera mepomi. Pa, ana kebaung keenako ro meme kewe, pi mepepeka ko ro meme ingra.30Mepepeng te ana kebaung jakewa me,Pa ana kebaung ja memekewe,mera wako keweleng mewo mepepeka.31Noing-angra teba hing no efeng mepe wakotu mera efeng tete.32Ana me jano mepe tebamepungtu, teme jaungkame tewepa me piteni?Peanya,teba neleng terajano huhufa teba-teba te jano tete.33Era jano huhufa elete teba e ja huhufa tetete ea,Efengna eka terepapika teni? Peanya,teba neleng tera jano huhufa tete. 34Ana erajaungka ewelengna teba hing hume engko jalika mewawape, jaing ja tewenimepi teni?Peanya, teba neleng tera jano huhufa tete teba neleng hing-hing ung jali tete nawo tere aha aling.35Ana ing-angra, ja efeng mepe teba pa efeng mepe,jaungka me etu mepepeng keba hing ung jali mewawaka Peanya wakotu, era jana bapale elelele pa era keleko koko keke Eeremule Jeng Tetewo Tata ing efeng tafa kewelengte teba-teba jari jangka jano huhufaterika pa teba feng. 36Ana ing-angra, epa nera jano huhufa netenene peing ana Ainene kewo efeng maki tafa.'' Kebahing pike mepupuka37''Teba pite mepupuka ung mera pi meme keluluka. Bara ari mepomimika ung mera arikelokikika. Metapo ung pa mera ketapopole.38Mepepeng ung pamera kewelenglengle;jeng ung ja aha teteeteefeng,teheko pi tafa,tewelete pa pita, pa telihefujeng meme.Peing aha alingfa pearamepeko aha mepepe,jaing peara keweko merakepute aha kelelele.''39Yesus hoho keletetea piti kewepunawea, ''Keba lutofo ungkakeba lutofo ungkekekakale? Jatutu katuna tena keba hingtung ing longteii katuna 40Neangku newe aha nelala ana koru nelala katu.Ana ing-angra, epa nebawemeja kenalungko ahapamera ana koru tete.41Jatuko meing mekapeng rijong kotuluto jome meme, anaramera puka luhi kotuluto memewo? 42Tunane me piti mepakotu te jome meme,'Joke, pea rijong kotuluto meme niwewele',peapa mewora luhi meme wo mefoka? He mebajapupangka! rilo kotuluto memewo mepekengtu.Petehe ing-ang, mera ja mefo huhufa ung mera rijong kotu jome memewo ke mepekengtutu.''Ritu ing EfengPera ri To Efeng tututu43Ritu efeng ing kera jana feng kewe lenglengkale, pa ritu feng ing kera jana efeng kewe lenglengkale. 44Ritu-ritu ing nefotangtangte wa rito-rito wowo.Teba arato ing mutetekawa atangpa, pe anaanggur ewu wa atangpa.45Teba efeng ingjaja efeng ele kengtutuwapung efeng pateba feng jaja feng terekengtutu wa pung tetefeng. Jaing pekengtu wa lang u teba pung tetenukotu.'' Wung PaHingtung46Jatuko ewe Nielung ele, Tata,Tata,' peana ja ing ejanoeleka Ni nalungka? 47Ni eja ninalunglung ea le,peanara baung ketutuNiwe,lekela ile ja-Ni weleng ele.48Keing ana keba paung,jano kele ile ikekuko topa-topa, peana ranglae kewe iwung kele etefe.Ana pakokotu, paingkekitafi, paing jaralekajano keleko nafeng tafa.49Peana, ba le mepatepinaKeke mepu pamepetetepaka baing me ana pajano mepumepe hangturawung mefuka.Bang ung pakotu, paing tape pa taku fata.''
7Yesus Keba Taba Rube keleko Nehae1Kaimpa Yesus pi Keleko kafa teba nawoho , Ketikengti Kapernaum.2. Kefu kebaung taba Rube Romawi teba budak keke teke tepaeti. Budak ing ne pongfeng e pa atalele kewawale. 3. Poing taba rube le kelate Yesus hohotete, kelengko teba huhu Yahudi narang-rang tetefi Yesus pa tewa keti Keleko hae e.'' 4. Po ing teba-teba tetepae Yesus, tewa bamuang-bamuang pate Ke. Pi tetepate te,''Keba we Me jano hefeng mepepe, 5. peapa ke bapanene jano hefeng kele pa kewofa sinagoge-sinagoge keleeteka pe nene.''6. Yesus keka tepatelupa. Poing Kekakoti paa taba rube watupa, taba rube ing kelengko teba hela narang-rang tete pitete tenite Yesus, ''Meba rube,Me nememe metakukuka mepepe niwe peapa niwe ana niba nejaka Me nikeke paa nine.7. Peanya wakotu, ni wofa nirere nihu niwetape nirere Me. Ana ing-angra, piti rileleungka mepa ung bapo ninewe nehae e. 8.Peanya,nira niba kohele taba-taba nilemotu. Ana ni pitiung nila keba taba 'Meme.!',kera keka. Ana ing-angra nilengte keba tabate hing, 'Mekape . kera kete. Pa, ana nilengte bapo nine 'jawe mepe' kera janoing kele.''9. Poing Yesus kelelate jaing kelu, Ke engtape ja taba rube Romawi.Pea kepuna teba nawo telake Ke, Ni lengtete, ''Nira lengtete ea, ana ing-angra kepate teba Israel keungka kefika iman bapale anawe.'' 10. Poing teba fanana tete te Yesus temupuna taba rube paake, temete tefi bapo ing nehae. Ko Pebaro Keleko pelefute11. Wakotu febang pepe, Yesus kekana bametu ti kota bati Nain kepatelupa teangku Keke telake Kea. 12. Poing Ketikana tilong gerbang kota, kebaleng ung kewa ketetujana peng. Keba waing konale aling make ing pebaro. Pa teba nawo teja kota ing-ang pepa telupa . 13.Kaimpa Tata peume kefu, Tata pipate bapalewo keletepe pa kelengte, '' Fu mepepeka 14Kaimpa, Kekana tuti pa kekitefi para ehang ing. Teba-teba ehang tewejuko ing teju. Pa Yesus lengte, ''He meangleng Ni lengte mea, memalengra !'' 15. Kaimpa keba waing kekaleng kemu, pa pikelei . Pa Yesus ke kelengna maketi.16. Teba nawo tekarengte jaing tefu patefe kaimpa Tata tekepa piteni pa tenie,'' Kebaung nabi bapale ketuhe hou-hou epaneang !'' pa '' Tata newe tutang Kele,'' 17.Pa, pifeng Keke kekupa teri Yudea pa jeng nawo jenghing motu ing-ang . Yohanis Pa keleng tehe eti Ke Teangku keung kekefu keti Yesus18. Teangku-teangku Yohaniske hoho tete Yohanis jalelepa lewang ing. 19. Pa, Yohanis kelengko teangku keke teba hintung tete te Tata ko tejeng-jeng, ''Meangna mema tope pe pe.? Peanya newe nemupa hing ung nenu nenena ?'' 20. Poing tejakotu tete Yesus, tera tenite, ''Yohanis Pa kelengpa nehe neti kea lengko netu neneMe pa ne nene, 'Meana keba tutule ? Ana, kehing ungka nemupa nunete .'''21. Wakotu bang ing-ang, Yesus teba nawo tejala toto nolelepa hae, toto kaung pa bate-bate feng. Kera teba nawo lutofu kelepate ja tefu. 22. Pina kewe kelengte kelengte teba hintung ing-ang, '' Ere pa hoho elele Yohanis ja nile efu pa elu: teba lutofu lutoa, teba fubangtu lengteja,teba newapate beng e netupi, teba lepe pi teri, teba tebing telefupate, pa te teba-teba japaka pifeng hefeng kelei te. 23. Peanya,neewo mera jaung Ke fika.''24. Kaimpa teba piwetute-piwetute Yohaniske teja, Yesus pikele pate teba nawo Yohanis neparake, ''Ewe ere jaefu ta hou ? jaefu ta feng weilena ? 25. Ana ing-angra ere jaingja efo? Keba ro jutafa kewefa ? Ekalengfu, keba rojutafa kewefa kotu pa kemule japa teing temete istana-istana raja. 26. Peanya, jateing ja ere efo. Keba nabi. Ea, Ni piniletete ea, niwe ana niere mule keba nabi.27. Keing keba,tekepa lenleng teete pepotu kotu. 'Le elae ! Ni lengko keba Nine kekaito Me. Kea lengma ketu pipito Meme.' Maleakhi 3:1 28. Ni lungteteme, wa teba nawo teing tetanghaa wa peume newe baung bapale raka anara Yohanis. Anaing-angra, keing hapawo kemule Tata Paake, kebalewo tehe ana kea.''29. Kaimpa teba nawo pa tebafa tejapa pajak muteete le telate jawe teri, tera nawo tafa pungtu Tata hefengke tera patehe Yohanis pakeleng tehe. 30. Anaing-angra, teba-teba Farisi pa ahli-ahli Taurat tewerite ja Tata huengkote ne tete tera Yohanis pakeleng teheka.31. Jaing japa Ni teba-tebawe aha nilala teba mete moung-angwe ? Teing anaraja? 32. Teing anara teangku-teangku temete-temete jengjatajeng, kealing ung lengte keung, 'Newe e nepeko teea, eweka lieleka. Newe jalang netenetewe teba bingete, eka fueleka.'33. Peing, ana Yohanis Pakeleng eheele ketu pa hang ong na pa anggur eang-angkale, elengte, 'Ekalengtefu! 34Ke keba jamukang pa pamukung! Kera teba hela tejapa pajak muteete pa teba-teba nuleng temote. 35. Ana ing-angra jahefeng ingpe teangku-teangku teni jabamuang.'' Pebaung Peume peba Neleng Yesus no Pewefe36. Wakotu bang ungpa,pebaung pewa bapa Farisi penupa kote Yesus keti tenake lupa jajong Pe tetang-tang. Yesus keti paa keba Farisi pa ketakung jajong kekang. 37. Kota ing pebaung peume peneleng. Poing peru Yesus keme jakang ile paa keba Farisi ing-ang, pete poso pualam ung jata petu posoing minyak nupa fengrakawo. 38. peapa, peturo kue Yesus,watu tang e Keke,pa fupetu pa tang e Yesuske lupong pepe papejoe pa tapepe papetuko pejoe. Joraka, peYesus tang e nupa pewe pa no pewela minyak nupa fengrakawo.39. Kaimpa keba Farisi kewako Yesus keti kekalengte jaing kefo, ke pikele tehe nei, ''Ana kebawe keba nabi, Kelu keing peba pa peume nohate neno pewetefiKe pewe peume kawe pewe peba nelengwo.'' 40. Yesus pi nokelutewe pa kelengte, ''Simon jaung nipungle Nilung teteme.'' Simon pinakewe, ''Pika mepe Koru.''41. Yesus lungte, '' teba hintung jatefukamotu keba taimbe tejofaete, kebaung jakefuka mambire rerefa napang 500 dinar pa keungke jakefuka mambire napang 50 dinar. 42. Poing tenake jatefufu tehiengtape, keba taimbe jofaete teba hintung jatefukamo tenakete pekejo. Ung-angwe teba hintungwe bajanoja kele keba taimbe jofaete. 43. Simon ''Teheniwe, keba lelepa nawo kekofafata wa taimbe kelemo.'' Yesus lungteke, ''Me aha mepe ing bamuang.''44. Kaimpa kepuna peumeti, Yesus lungte Simon, ''Jara ewe peumewe ekafuna? Poing Nire paa meme, ewe para ekeleng tang e Nine niloleka, peing tang e Nine pelotu lupong pepe pa ta pepe pejo. 45. Ewera Ni nupaeweka, ana pewe pemo joka-joka tang e Nine nupapewe po Nikengre.46. Ewe rube Nine minyak pa no ewefeka, pe minyak nupa hefengwo pejo tang e. 47. Peanya Ni lungtete ewe, neleng pepe nawo pekejo penoja hefeng makite penarung. Ana ing-angra teba jatalele kejo, jatalele ing-ang elele.''48. Peapa Yesus lungte peume ing,''Nuleng meme jofata.'' 49. Teba-teba kepatelupa Yesus temepa jatang e tehowe-howee hupalang tete, ''Kewe Keba kawe Ke nuleng kejojole?'' 50. Yesus lungte peumeing, ''Iman meme pea mepetuko hefeng, memu memala pepe''
8Teume-Teume te notete Yesus1. Wakotu febang ing, Yesus kekapa kepako kota-kota pa bame-bame pifeng pa anakele peng-pengfa Ropu Paai Tatake. Teangku-teangku hampa Kepa telupa, 2ana ing-angra teume narang-rang ung Yesus lekohae wa tebate feng-feng pa totolelepae. tebafaing Maria teniete Magdalena, peing Yesus tebate napang hentong batefeng kekofa. 3. Peung pera Yohana pampe Khuza ke Herodes taimbeke kelemotu, Susana,pa nawo tafa teume hing ing teing jatetewo tehemo ko Ke tekeke. Ahatela ana Keba jato waile lehe.4. Poing teba nawo telu pa teba-teba teja lo-lo kota ing-ang tetee Yesus, Ke pikele pate tea ahakelei: 5''Keba lehe leile keti jale kepu. Jaleing kepu, narang-rang ung ihete lengmafa pa lang-lang tete, kaung tang-tang jing eteho tetang. 6Narang-rang ung ihete etefe jengwungra, pa jatoing ee, jaleing ang jeng ing paka.7Narang-rang ung ihe hou-hou atang kongpa pa tehe lupafa kaimpa atang ing a petu. 8Jato kaung ing ihete hangto hefeng pa tehe kaimpa jana pewenu mambirerefa nawo pepe. Wakote pepa ahakelai ing Yesus kewaete, ''Meing lepa mepupu, pera mepupu huhufa.''9Poing,teangku-teangku Yesuske tejengte Ke jaung-ang aha mepeme ingja. 10Ke lungte, ''Ewe elulu jawengkotu Tata Paake, ana tewe tebahing ipepe nileng-lengte aha nilala ung, 'Ana ing-angra tekareng ete tera tefuka,pa ana ing-angra teriete, tera jana pepe terika.''' Yesaya 6:9 Yesus Pina pepe kele ana Ahakela jaTo11Kawe pina ahanila ing: ''Jato peing Tata hohoke. 12Jato ung koheti lengmafa keing anara Tata hohoke tewe teriete. Kaimpa kebate kete pa hohoing kelewapung tete ung teririka pa hefeng raka. 13Jato koheti etife hangto wungra peing anara neba-neba nerunetiTata hohoke nere huhufa pung hefeng ne hanglingka. Newela huhufaka, ana ing-angra jafeng ungkatu, newe nekokofa nepuna Tata.14jatoung koheti atangkongpa peing anara neba-neba Tata hohoke neruneti, newe nehunete, newe keatete pungkofa koka, lelepafu, pungle memumu newe ana jato huhufa pewenunu jato uukatu. 15Ana ing-angra jatoung koheti hangto hefeng keing ana neba-neba Tata hohoke nerunete pa nereteng huhufa memahete motu pung jamepe huhufa pa hefeng, pe topepe napewe nunu po memumeme.'' Fefe meme Penapung16''Kebaung keka pelita ing rakefa, kaimpa kepola pabu ko kekei jeng keluweng ile nakung. Kerapute kekeko kekei tang e pelita ra ung teba tekengpate paai ung fefe keke tefifi. 17Peana jaungka wengkoka jaingpe u angfata, pa keweleng raka pe engfata pa tewe tujana fefete.18Peanya, efute wekoko tunaneko neweru peing baingba mepe me nawo keweleng-lengle. Ana ing-angra baingba mepeka meme ing kewewele, peing me ja mepekotu.'' Teba Bamuangwo watupa Yesus19Kaimpa,make pa Yesus lentuke-lentuke tete Ke tefifi, peapa tera Ke tutelaka teba telume. 20Pea elungna ing-ang tete Ke, ''Make pa lentuke-lentuke Keke tereti peng, tera pungtu tete Me tefifi.'' 21Ana ing-angra, Yesus lungte tea, ''Ani Nine pa lentu-lentu Nine teing tera Tata hohoke teririte pa jano tere-rete.'' Yesus Feng Hoi Kelu22Bang ungpa, Yesus keetihe tangto kepa teangku-teangku Keke pa kelungte tea,''Ele nelele lohing pato wea.'' Kaimpa, kepateja tetekang fua. 23Peanya, poing tejae, Yesus keluweng i. Kaimpa, fengho kekana pato ing-ang pa tangtete pahe teheme jafeng.24Kaimpa, teangku kekefaing tetu tete Yesus pa Ke teje pa tenie, ''Koru! Koru! Newe feng newewete!'' Kaimpa, Yesus kera kaleng pa hengkeku feng hoi ing wala tio kera wetakui. Feng hoi keralu pa patora ketiafa. 25Pa Ke lungte tea, ''Wananete iman ee ? Tewe terafe pa teengtape pa kealing lungpate tehing, ''Meba Ba kawe ? Ke pikelete kelungte feng pa paaa, pa tela Ke.'' Keba Gerasa kekofa- fata Bate feng26Kaimpa Yesus kekakoti pa teangk-teangku Keke tete e jeng teba Gerasa, kangfu lo Galilea. 27Poing Yesus rapuheti lope, ke ketifi kebaung kebaleng keka kota ing-ang teba-teba feng-feng teheteme ne. Kebaing jotafa rokefaka pa ke paa ing keleika, kelei fulu.28Po kebaing kekalengte Yesus kefu, kera kehiwa pa kepa hoKeke. Ana pina letapa ke lengte, '' jahaka tukotu Me pa ni, he Yesus Tata Oke me Eme mupe ? Niwe waete Me,ni japopo mepapaka !'' 29Jaing lewang peing Yesus kelengko kebate feng ing kekengtu keka keba ing-ang. Kebate ing bang-bangfa kebaing kekalo kalo kaimpa ke rantai a tete, borgol tete, pa teba jaga tete, ke rantai kelu pa kebate ke keke kati jeng-jeng ing roropa.30Kaimpa, Yesus kekengte keba ing-ang, ''Me batiha ?'' Ke lungte,''Legion'' peapa ke tebate nawo tehete mete. 31Tebate-tebate ing tewapa ete Ke ana Ke pikeleleka te kelungkote teteteka jeng kupa fengwo.32Jeng ing, pale fabapale tejapa jaju tangtang peheng. Tebate-tebate tewapa ete Yesus ko te tete keng-keng pale fanana pa Yesus long keweleng te. 33Peapa, tebate-tebate ing tekengna pengte keba ng-ang pa tetekeng pale-pale nete, kaimpa pale fanana ing tejata rapuhe hengpe ingpa hangfeng tafa tejana pato pa teute.34Poing tebafa pale tuwatete jaing tefu, netete wowo temejata pa jalewang hoho tetewa kota pa bame tutu ing-ang. 35Peanya, teba nawo tetu tefufu jaing jalewang. Tewe tetu tete Yesus pa tetefi keba tebate-tebate kekofa fata ketime watu tang e Yesus, ke rokehe, pa kera pungti hefeng. Jaweing lewang tewe fefata.36Tewe jalewang ing tefu hoho tete te tebahing tunane keba kebate hetimu ing haena. 37 Kaimpa, teba nawo temete jeng ing wa Gerasa tetewa Yesus ko jeng tete ing keleika tehete mete tefe nofeng bapalewo. Peanya, Yesus ke etihe tang pa kemupuna Galilea.38Ana ing-angra keba keing kekofa fata wa tebate-tebate kewapa te e Yesus ke pungle tena Yesus lupa. Peapa, Yesus kelung meme, pina-Ke, 39Mumeme paa meme pa hoho jaja bapale lewang Tata lene meme.'' Kebaing kera keka kepako lolo kota pa hoho kele ja Yesus lekea. Yairus Koke Keleko kelefute pa Pebaung Peume Keleko hae40Poing Yesus keputi Galilea, teba nawo Ke teke tera nalungpa Kefa tejeng e. 41Kaing kebaung keba kebati Yairus keti Kea, keing keba rube sinagoge. neparale kepaheti tang e Yesus, Yairus kewa Ke titi paa keke 42Peapa ke ko keke peume nale aling pefelangro hampa,(12 ) pa koing katalera pepang-pangtu. Pa, poing Yesus kekana fua, teba nawo tefaja-faja tepajoe Kea.43Keing pebaung peume pefeng ke pefu hitaju pepupape felangro hampa, (12 ) pa baungra leko haeraka. 44Peume ing pewakotetu Yesus wana kuete pa nepenawang rohupe Keke,peapa poing-angra hi ing kitalu.45Kaimpa, Yesus lungte,''Ebawe ba kitafi Ni?'' Peanya teba nawo tepa, Petrus lungte,''Koru, teba nawo telu tepajo-Me pa tefaja-tefajana- Me'' 46Anaing-angra Yesus lungte, Kebaing kekitafi-Ni peana Niwe ana jaung pekengna pengte wane Nine.''47Poing peume ing pefu pe nepepe pewewengka, pe petu pete Yesus netete jaketu pa pepa ho-Keke. Peteto teba nawo, pe hoho petu jatuko pewitafi Yesus, pa tunako pe poing-angra pe hae. 48Kaimpa, Yesus lungte pea, ''Ko-Nine, iman meme keko me hae. Memula ifu pepe me tutang petu .''49Poing Yesus hoho keleilefa kebaung kebaka paa rube sinagoge keing ketu pa kelungte Yairus, ''Kopeume meme peing pepang. Jaleungra nileko ana Koru weweka.'' 50Anaing-angra jaing pe Yesus kelu kelungte Yairus, '' Mefufuka, Meeng nafengkoko pa ko meme hefeng pewewetu.''51Poing Yesus kekakoti Yairus paake, Kera pungleka baungra tena-Ketekeng tete Petrus wofa, Yohanis, Yakobus kepa ai pa ani koing. 52Teba nawo te futete e pa funafai ko ume, peapa Yesus lungte, ''Fu eleleka, pepangka pa pe loweng etu.'' 53Teba nawoing terauteja-Ke peapa teri ko umeing pepang.54Anaing-angra, Yesus no pepe kela pa pe kehiwa, ''Malungra, ko!'' 55Peapa,fengkoing kepute pa joraka pe walung. Kaimpa Yesus pipakele jajongka teweni koing pepang-pang. 56Teba huhu hintung telengho, peing Yesus te pekekaku ko baungra teninika jaing lewang.
9Yesus teba Fa Keke kelefe1Kaimpa, Yesus lengkoteangku-Keke makelepa nafeng keweleng kobate feng , pa toto tetepate haee.2Ke tekelefeko pifeng Tatake tetetepa tetupipi.3Ke lengte te,''Jaungra lengma e ehahaka arina,hana,hang ongna, taimbena, ana ing-angrarori hingtung.4Ere paneraekengre, elee ing-angkoehana jenghing.5Peana teba e terere ongte, kota ing ewe litetepa tu mehepapa wa tang e meme peanajahope pete tea.'' 6Kaimpa tebafa rasulteja pa tepajo e bame-bame pa Injil pitete e pateba-teba ne e tete pate ne hae e.Keeng tape HerodesYesus kea7Herodes, kebari jeng ing-ang,kele late jaing lewang pa ke engtape peapa teba faung tenie keingYohanis Pakeleng patehe ete kelefute keka tebabing ete,8ana ing-angratekaung tenipate keingElia ketuju,pa tekaung tera nie keing kebaung keka teba nabi po teme felangro tototea telefute.9Herodes lengte, ''Niwe Yohanis rube keke nilu. Ba me pimami-Kenilelate pifenganaing?'' Peanya, Herodes kepungle tafawo keti Yesus lakelele.Jajong wete Tebamambire rerefa Napang10Poing rasul faing temupute tewe hoho tete Yesus ja lelepa janoterepa Ke lengko tewate tefa tete kota ing batiBetsaida. 11Ana ing-angrateba nawo teri jaing patera telaKea.Peanya,teba nawowe tere, Yesus pikelete tea Tata jengkepateka keleko tera nehae.12Poing bang ingte rapang, Yesus teangkukeke tetuKe, ''Elengkoteba-teba ing tete teba bame-bame pa jengta weako jeng ung elee ejeng ing pongfaroropa.'' 13Kaimpa, Yesuslengte tea,''Ea ja eleleng te tang-tang.''Teangku-teangku Keke,''Tenite hang ong nenewenapang pa me hingtung,ana newe nene jajong jata neteko teba nawo wea.''14Kefu teba lengfanawo mambire rerefa napang. Yesus lengteteangku-teangku-Keke,''Elengko tetajung lung-lung tete te aha tete teba lung wakote mambirererefa napang.''15Pea te tela ana Yesus lengkotupa teniko teba nawo ing tetajung. 16Pa,Yesus hang ong napanging kele pa hingtungingra,kelena ho ete petang,ma kele,keje-keje,pa keleleng te teangku fakeke ung teretupa terenini teba nawo. 17Pa teba nawo jajong tetangko hulang. Kaimpa, hang ong jong-jong ing telukona hampa pitafa. Petrus lu Yesus ing Tata18Bang ungpa, poing Yesus keti lupompong keleikewofa,teangku-teangku Kekepa Kepa telupa,Ke kengte tea,''Niweka Niba eba nawo e lu?''19Te nite, ''Yohanis keba palengpa tehe ete, tekaung teni Elia,pa tekaung tera teniMewe mera meba aling mema nabi-nabi po totoelefule.''20Kaimpa, Yesuslengte tea,''Wa,pung e e,niwe Ba?"Petrus lengte, '' Me ingKristus mema Tatape.''21Ana ing-angra, Yesuslengte teapi nafeng kele pakelengte teako baungra hoho elelekajawea.Yesus KelengKe wawle22Kaimpa Yesuslengte, ''Neba Kofeng kewe kapa fifilepa teba-teba huhu,imam-imam rube,pa teba-teba ropu fojang,keteja pa bang hengtongkelefute.''23Yesus lengte tebapa ing-ang, ''Anaeba tuho me punglepa mepa Ni, me ne meme mealo popo, pabang-bangfa salib mepe mukoko, pa mepapa Ni. 24Pea, baungkame enako lengtung efeng kewe,ana lengtung memekelengti.Ana ing-angra, baung ba lengtung meme lengti kole Ni me hefeng mpepe pe. 25Ka efengna meba tuho fitong tupa mepepe, pa mewung pa lengtung memewo kera lengti26Kewete ba merowokengpa te Nipa piti Nine,Ba kowe kera rowopa keng kepate ba kepungle po ketetele Ke kala lelepa Keke pa lelepa Reke Keke,wala teba fangpa teing tuwo. 27Ni bamuangwo leng ele e, teba nawo narang-rangtela epa erule weaewung kale emuko JengTete Tatake efofole.''Yesus tena Musa pa Elia28Wakotu bang nahingpang Yesus jakenalung Keleng i, Kekefaka Petrus, Yohanis, pa Yakobus te ete pelupompong tetete te.29Poing Yesus lupompong kelei. tangha-Keke pepu pa te ro Keke tutu jabebewa.30Kaimpa, teba hingtung ne teang Kepate pitete.Teba hingtung ing teingMusa pa Elia, 31Ne tena keang tera ne efengwo papitete e ing neba wung nete wea.Yesus lelepafu kelete papatu Yerusalem fua.32Wakotu bang ing-ang,Petrus pa teba hele keketewe lufape tafa, kaimpa tewe bamuang-bamuang tangha a, tekarengte Yesusfefeke pa teba hingtungKepa telupa tere. 33PoMusa pa Elia Yesus teri fafate, Petrus lungte, ''Koru, efengwo ne tene wea.Newe fate hengtong nerenunute aling ung-Meme,aling ung Musa, pa aling ung Elia.''Peapa,Pterus hu kewete pakaja ungka pi kelei.34Poing Petrus jaing keleng i,atu petu tewe pepekaimpa Petrus,Yohanis, pa Yakobustefe poing tekengte me atu35Kaimpa, le telate pinawa atu ing-ang, Kawe KoNine, Kea ke Nike,le elae Kea.''36Pina ing wakote witeru, Yesus tefi kewofa.Tewe tejape fengwopa baungra bang-bangtehoho teteka jaing tefo.Kebaung Ko Baleng Bate Feng muing Kekofa37Wakotu febang,poing tera pe hetu,tebafa nanate tete te Yesus,38Kebaungka teba fananate kehiwa, '' Koru,ni waele Me, ko nineka mefu kewe ko ninenale aling. 39Me kafu,bate heti mulepa keuile-uile. Bateing-angra ke kelete-keletekaimpa lang uwe fefe,bate ing keakeleta pake keke fufu kale. 40Nira niwa koteteangku-teangku-Memejaing ejofafa, pa tejano tereka.''41Yesus pile, ''He, ebamo piefeng elukapa ehi puele! bangha joung Ni laea paniheng e ea?Ko memeing mapewe.''42Po koing kekana Yesus tutitebate feng ke tekehitija hangtu pa ne tetejaketu-tete jaketuPeanya, Yesus hengkekubate teba letakuile, kobaleng ing keleko haekeelengna reketi.Yesus Pi KeleiKewawale43Teba nawo te eng e teheTata efengke, peanya te engtape-engtape lelepa Yesus jalei, Ke lengte teangku-teangku Keke, 44Le elae epitiwe huhufae: Ba Koweteke nititi teba no ongte.''45Peanya teangku keke faing te hutewete pakaja kepilei, pa ja wengkotupera terika hutewete paka.Peapa, tera tefetejengtete Yesuspiti ung-ang kelai. Lopana ing ke Ba46Poing, ataleka teangku-teangkuYesuske tewefi baingba meruru to te tekaung. 47Peing, Yesus hupatete kelu, pa Ke keangku hapa ung keke pakelengko keru Ke laelo.48Pa Ke lungteteangku-teangku,''Mebaung ba meko hapawe mebela bati Nine, me Ni mebe. pa,baungra me Ni mebemera Ke mekekeleKea Niwe kelengtu.Peanya,keung enahielewa eba fawe, keatopato.''Kang ing Aha aling49Yohanis lungteKe pa pi kele, '' Koru,newe kebaung nefubati Me mepa bate feng ing kekaju pa ne enanenitaruru peanya ke nebafawe kekengtika.''50Ana ing-angra, Yesuslungte tea,''Keing elelekabaungra e pi keka kikikale, kerae kelala kale.''Yesus Tekeri Samaria51Poing bangte watuko Yesus tekena hoetitile, pungkeleko nafengketi Yerusalem. 52Kelengko teba narang-rang ung Ke lefe tejato.Peanya, teba-teba ingteja pa tetekeng bametu ung jeng ingSamaria ung jalelepatutupikomomo Kea.53Ana inng-angra, teba-teba temete jeng ing Yesus tekeke ongte Ketiti kota Yerusalem.54Po teangku-teangkuYesuske, Yakobus pa Yohanes, jaing tefo,te nite,''Tata, jaungka Me punglenewe tengko ra kapetanghetutu pa te raeko etutu ?55Ana ing-angra, Tesuskepuna kuetipa tehekelu.56Kaimpa, Yesus pa teangku-teangku-Keketete bame hing.Jafeng ung tewe Tebatele Yesus57Poing tewe lengtejae, kebaunglengteYesus, '' Niwe lalaMe kewenera Me memepe.''58Ysus kera lungteke, ''Nakewe kelong kotukeiile patang-tang tera jing ete hoteera po motu.Ana ing-angra Ba Kojeng keke kepetiiile peka.''59Yesus lungtekeba hing ung, ''MepapaNi'' Peapa, kebaing lungte, ''Tata,mekapeng ung nire ai nineweine teteto.''60Peanya, Yesuslungte ke,''Mehangfate ba wakerawo ba wa tete ikelele, pea ewe erepa Tata pifeng Teteke ewaha.''61Pa,kebaungkera lung, ''Niweranilala Me, Tata,mekapeng ung nireteba pai nine te niwawto.'' 62Yesus lungte kea,mebaung ne metupikahangtu metakukupe, ana mepuna fangme,me Jeng Tete Tatakemekeng memepe.''
10Yesus Teba Mambire napang hengto Keke teja1Poing kafate, Yesusno kelung teba mambirehengtong hingra tela,pa Ke leleng tejateba hing-hingfa Kelefe teja totejengtutu kta pa jengKe kapafofole. 2Ke lungte tea, ''Jana ewu ingnawo fatawo,peapa teba jano reetejatalele. Peanyaewakote keba Rube jana leile ing teba jano-janoKeke tete jana ing mutete.''3''Eha! Ni ange nilefe anara jako ehe hou-hounake fanana. 4Taimbeha earereka,tenang hate,na langhepo. pa, baungra memape pinapengpengka.5Memana paungmmekeng-kengpe, 'Pepe efeng pefa hete pawea.'6Ana teba mete ingmetekela pepepa pepe meme e e teaAnaing-angra, teweka,pepe meme pewana mewo memetu. 7Ele e paing-ang.Jajong ing e ang-ang pa paehung-hunglejaing tutupi motu ea,peanya eba janole elebamuang e jana elele.noing elelekaere paaling ung pa ere hing ung.8Bang-bang pate ekengre kota tu ungpakefu teba-teba e terejajong-jajong ing e ang-angjajong tetupi ko motu ea. 9Teba-teba ne e mute fua, pa elung tete tea, Tata 'Jeng Tete Kekenewe petu watu.'10Anaing-angra, ewekengre bame tu ungpa teba-teba temute fuae tereka, ehana lengma-lengma kota ing-ang pa e lung e, 11Peatu pemama kota memenawang motu tang e nene we nehe papa to e e anaing -angra, kewe eeng momo: Tata JengTete Keke te watu,' 12Nilungte ea bang ing-ang,Sodom jalewang atalekabengfa anara kota ing-ang.''Yesus Pinafeng kele Teba kete ongte13''Fengwo eba,Khorazim! Fengwoeba, Betsaida!anaing-angra Tirus pa Sidon ja lelepa lewangja lelepa lewang hou e e,pewa tofu ewe keng epa etahung pa elela nepa ro teba bing ete ehepa tu ehe. 14Anaing-angra,wakotu bang pi kelulule,rang Tirus pa Sidon pe bengfapapetehe rang me bekole. 15Pa e, Kapernaum, ewelungra e ere Surga Kafata e kelokoere fitong teba bing ete.16Baungra pi meme kelu,Nira kelulule.Anaing-angra, baungme kekeliti, kera Nikekeliti. Pa, baungNi mebepiti mera Ke balungko nile kera mebepiti.''Bate-bate Tepa teba tela Yesus17Kaimpa teba mambire napanghing tepula tewenakapa ana tenipate, ''Tata,bate-bate tepa neang bati Meme.''18Yesus lungte tea,''Ni kalengte Iblis keko petang hetu ana heng-hengnya. 19ElunaNi eni nafeng niwelengko i pa fulinglang ehuhu pewalanafeng ni welengteba feng. Ja ungra etete kate. 20Anaing-angra,bate-bate e wenakaka kabate-bate ing tepa ea,peapa ewe wenaka elebati e e poti motu surga,'' Yesus lupompong keleko te Ai21Wakotu bang ing,Yesus kewenakai Feng Tu he nekeke pikele''Ni waete Me Ai, Tata etepetang pa fitong, peanaMe ja mepe pengkotuwa ja-ja wea wa tebajari pa tota.Anaing-angra, Meno mepungnako-ko hapa. Ea Ai,keing-angMewo pungle.22Ai-Nine lelepafukeleleng fatate-Ni, paepane bawe Oke we Nefutangka Ai wofaPa baungra Ai mefupangka, peing Okefa wala teba-tebate teba Oke kepungleko kelena hote.''23Kaimpa, Yesus kepuna teangku-teangku-Keke pa pi kelete teaana kewofa, ''Efengwoluto japefu pa jaing erafu,24Peana Ni lungteteea: nabi nawo pa baritera pungtu tafajaing-jaing ung-angwee fo, peapa te tefoka. Pa,te pungtu teriri jaing-jaingung-angwe e lu, peapate jaing teriri kate.'' Keba Samaria ke Pung e Tafa25Kaimpa, kebaungHoho Ropu Taurat fojangkekaleng ko Yesus kele lulule, kkkelungte,''Koru, jaha ungka nilekonimu batoto mumu?26Yesus lungte ke, '' Japotukotu Ropu Taurat? Jaha kotui pepe mefu?''27Kebaing lungte,No mepepe Tata,Ai meme, wala pung meme nalungpa,wala lengtung meme nalungpa, wala nalungpa nafeng meme,pa tehe ne meme.Pa, teba no mepepe anaramepe ne memewo.'' 28Yesus lungtekea, ''Ja mepeng inghetepa. jara mepela ing-ang ung me mumupe.''29Anaing-angra, kebaing kepungle ne keke bamuang, kera lung te Yesus, ''Pa,baing ba anakewe nelupa neba?''30Yesus lungte wala pikele, ''Kebaung kerapu Yerusalem ketiti Yerikho, ke kotife noteba jata te ete ropaja keke tere pa ke teketupajako, kaimpa tekeritikepei ing-angnepara keke anarake wawale.31Peate, ana banikokeba imam kele lengmaing-ang. kaimpa kekebaing kefu, ke pelungkakepena lengma hingti.32Anaing-angra kera lenakeba Lewi, kera kakoti jeng ing-ang pa kebaing kefu,kera kele lengma leng hing.33Anaing-angra,kebaSamaria ung ke lungkaikele ing-ang. Pa, ke keba ing kefu,ke pipate kele kea. 34Pea, keba Samariaketila ketu, pa piu ro kepe.Ke minyak pa anggur,ke keke etife keledai kekepa keke kakana jeng teba tetuwa te ete, ke tejahutete te. 35Febang ing, keba Samaria taimbe dinarhingtung pa keleleng keba jeng ing kewekotu, 'Jahuele huhufae keba nepiu.Pa taimbe narang-rangung elekoka ne keke,ni hakolele leli ni lele le.'''36Pea, Yesus lungte,''Kotu me tunane, baing bateba hengtongwe neparatete tewowo teba na keba kotife no teba jatate ete?''37Keba Ropu Taurat fojang ing, lungte''Keba ke pipate kelenya.''Ingra, Yesus lungte,''Mema, pa ja mepepe ana ewowo.'' Maria pa Marta38Poing Yesus pa teangku-teangku te lengjae, Yesus kengti bame pa peume pe batiMarta pete Yesus pewepapepe. 39Marta pejangpepeume bati Maria petawung watupa Yesus ang eke pa le pewa eYesus ja keleleng i.40Anaing-angra, Martapejupa lelepa jano peruejapetuko kaka. Marta peing penawang tu Yesuspa penute,''Tata, pipateka Mepekana jangne peumenine peniwe pewaka jano niwofa le e? Mepengkopetu wawa ni!''41Anaing-angra, Tatakelungte pe, ''Marta,Marta me engka pamepe-mepe nekangpelelepafu. 42Pe alingjaing mepe tata Maria peja efeng pewiko pewe efengwo,pa kang ing teba ra pe tewewe kate.''
11Lupompong Kenalung1Bang ungpa, Yesuslupompong kelei jeng ung.Kaimpa Ke lupompong keleleng, teangku-teangkufaing keung lungte-Ke,''Tata lupompongka menapung ne ana Yohanis nalung teangku-teangku keke.''2Kaimpa Yesus lungte tea,''Ana lupompong elele le,lupompong elena wea 'Ai,bati Meme tuwoJeng Tete Meme tete tu.3Mepepengla newetete jajong patafa bangfa-bangfa, 4Pa memofa-fataneleng nene peanya newofanera teba tuho tera nenofafata jafeng tetemotu ne.Pa newe mepe mamemeka ifu teteri ete.'''Mewaung, Mejuung, paMefiung5Kaimpa Yesuslengte tea,''Anaing-ang eba aling ungteba hela keke paere keba hela paake wanarapangte e lengte ke, 'Meba hela, niwe hang onghengtongka mepe peng-peng pe,6peapa keba hela nine ung kekaile leng ke tete paa nine, peapa niwe ja lelepa paafu katafaana nileng-lengke.'7Penoing tukakeba helaing kelengpaa i kengtete tu, 'Ni eleluluka! Tilong long nile panipa koko nine ne enenete jeng neluweng nete.Ni halung-lung kale kojaung niwe era niwe lengleng le.'8Niwe lengtete ea anarakeba helaing kekalungkapa me jaung kewelengkameing bato keke,peapa ewe ewafae e, ke kalengleng le pa e ja kewe lengleng lee ja epungtu.9Pea, Ni leng tete eaewaung, ewe kewe lengleng le. Ejuung, ewee wewele. Efiung, tilonge e kejejele. 10Peana mebaung mewa me kewe lengleng leMebaung meju mepe pepe.Pa mebaung mefi, tilong meme ke jejele.11Keing kebaung aiebafaing ke ikeleng kokeke ana koing mu kewa?12Keputi fuling keweleng,ana ke ojingko kewa? 13Ana ebafeng elu tunane ja efeng ewe lengleng ko ko e e, anateing-angra Ai e e mele surga. Ke Feng Tukekeleng teba-tebatewapate-Ke.'' Ai Efengke Yesus we14Bang teung,Yesus bate kekaju kebalenglepe. Poing bate munapengti, keba lepeingkepi kele pa teba nawoteeng tape. 15Anaing-angra,teba narangrang pite e,''Ke bate kekaju waefeng Beelzebul,bate rube.''16Tebafa hing ungpungtu Yesus ahate te,tekaung tewa Ke jariwa surga kewena lunglung.17Anaing-angra, Yesuskelu ja tehieng etepa kepi kelete te,''Ana jengtafa tekote-tekote patewowo pingtetepetakukutu. Pa tebapatewowo-tewowo ingterapute tehe fengfengteheke wowo-wowo.18Pea,Iblis kerateje-teje pa tewowopitejaji ne tete wowo,tunane tuko jeng tete tete perona taroro? Nipi nilena ing-ang peapaea pi elete eleng NiBeelzebul wawuwukenikekole bate-bate nihajuele. 19Ana Nibate-bate nihajula beelzebul wawuwukeba wawuwuke teangku-teangku meme te tetuju.Peate, tea pute ea piteririte. 20Anaing-angra,Ni ana Ai wawuwuke nikekoko bate nihaju, Ai Jeng Teteke petete ea.21Ana kebaungnafeng tetang tate patapaa kekewo kewekamule,ja lelepa keke peja tutukatu. 22Peate, ana kebaung kenafengwo pete kebaingkekala pa ke kekeli, keba nafeng tetang tate tetang tate pitenie keba kelepa kolekole jahenglojatatete.23Baung kang Ninemepaka, me Ni pimemami. Pa baung mene jaungmefu Ni lupaka, menemeko pemepe.''Bate Feng Kepute24''Jaungka tebate fengtekengtu teja kebaung neke, feng ing kepakokele jengjeng upe kejukojeng kei ile, peapa ke kefika. Peanya ke pikele,'Ni mupuna paa nike litimunya.' 25Kaimpa ke kemupute,keti paa keke kefi kekengtito pe jatefuko totafapa tetupi efengwo.26Anaing-angra,bate feng keti pa kelengkobate feng napanghengtongteing fengtafa tekengtepa tete e paa ing-ang ko kebaing nepara keke ing fengwo anara lopa ketukanya.''Teba-teba temuHuhufa27Kaimpa Yesus pitikelanawe, pebaung peume pehetero houhou teba nawo tenipate,''Makele ampi komepepe Kea pa no ing mepepengpa Ke kungkung.''28Anaing-angra, Yesuspikele,''Efeng tafateba-teba Ai hohoke teriete pa telaete.'' Jari Yunuske29Kaimpa teba-tebaing teleko nawo, Yesuspikele, ''Tebamowe teingtebamofeng; teing tewajari, peapa jari aling ungra kewenalungkakote tea jahingkaYunus jarikefa.30Anara Yunuskeing ana jari kotu teba-teba Niniwe peing ana Ba Kokera ana jarikoko teba moung-ang.31''Wakotu bang takukutu Ratu pewa lopepewaleng telupa teba-teba moung-angwe pa pe ariteperowiwitu pewako petupewa fitong hope petulewawa Salomo efengke,era kewera kebaung keingbapalewo anateSalomoke.32Bang takukutu,teba-teba Niniwe tepa teba moung-angwe pa ari kelokikile, peapa teba-tebaNiniwe kengtepa kaimpa Yunus pifengwe keleteho, kewe kebaungke bapalewo ke etimuleho Yunus kohete.''Lutowe Ne Ra33Mebaung me ra mefako eha mame bepeng i jeng wengkotuna mame bei patang.Puna weatu, te raingteketute tekei tang eraing ehaung teba-tebatekengpatu fefekeketefie. 34Luto ing ra nememe. Ana luto meme efeng, ne meme tupafefe keheti kewe tupa.Anaing-angra, ana lutomeme feng, ne meme tupa lopang keheti kewe tupa.35Peanya, meeng huhufa meme fefe mule ne meme lopang-pangka. 36Ana ne meme fefewetupa pa loung lopangkeweka, ne memeingfefe pewe tupa anara ra ing-ang ne meme wa fefe tupa.''Yesus Hekelu Teba Farisipa ropu Taurat fojang37Poing Yesus pikelekoka, keba Farisikewa-Ke ja tetangtang.Ketetakung pa jatetang.38Anaing-angra, keba Farisi ke engtape kaimpakekalengte Yesus no kelolekaka Ke jakekang.39Peanya, Tata pikelete tea, ''Teba-teba Farisi teaname jaa pa apolo penglowenya elole, pai ne meme takutafa pafengwo. 40He teba-tebatupo! Peraka Keara penglokelele ilora kelele. 41Peanya, ja motu ilo meme mekopepe anaratupa taimbe meme.Noing-angpa, bamuang-bamuangwo metu.42Anaing-ang fengwoteba-teba FarisiPeana, taimbe nahingpangpanghingtung elelengwa jana jata, pa jalelepameme wa lehe meme,peanya ewe epe pepepa noja Aike.Peing, ewe ja ele-elenalungpa wo hing ing peepengpengka.43Fengwo newe,neba-neba Farisi peanyane pungtu netanu meme jeng efeng sinagoge pa nepungtu tabengja nerenene jengjata tete ete.44Fengwo newe peanya newe anara fulu penojengka, teba langlangte ete pehu teengka.''45Kaimpa, keba tuhoungropu Taurat fojang kelengte, ''Koru, peanaMe pengkotu lelepaing,Mera newe menami.'' 46Peapa, Yesus lengte,Fengwo eba,he eba-eba ropu Taurat folang. Ana, ewe ja reng-reng ewefe ba hingwekukule, peanya nememewo ja reng-renging nokangkang alingfifika.47Fengwo ewe ana ewefulu nabi-nabi jobe e ejipea elete haele. 48Poing, ewe ne are nalung teba nawo anaraewe pungtu janopa jobe e e; tea nabi-nabi we teji,peanya ewe fulu teteele ete haele.49Kawe peanya,Ai kejawa hupalang Ke keleng, 'Niwe nabi-nabipa rasul-rasul nilefe tejajate te tete tea, peapa teba-teba narangrang ungNi lefeing tejiko tebing-bingte pa jano lelepatete te te,'50Wakotu hi nabi nawotajuheti po fitong kelelang,patu teba moung-ang tewawate, 51wa Habelhike pate Zakharia, waaltar pa Ai paaike. Ea, Ni lengte me nebamoung-angwe jawe ewehuhule jawe ewe-wele.52Fengwo ewe, heeba-eba ropu Taurat folanglong lelepa motufu eake,peapa ewoing ekngrereong e pa teba hing keng-kengte etope-tope e.''53Poing Yesus jeng ingkewelite, teba-teba ropu Taurat fojang pa teba-tebaFarisi Ke pipotelae pa Ketejape e nolelepa tejeng e.54Tete telupa ko Yesustekeke te wala pitiKe lapate.
12Keba Rube Yahudi Kepufeng1Tunawea poing tebamambirerefa napangtetepalue pa tewowo langlang tete, Yesuspikele tote teangku,''Eengmo-mo ragi teba-teba Farisi,tepufeng2Ana lelepa tepomo ingpebeteju pa lelepa wengmotu peuang fata. 3Peing, ja epile ele ilofulopang letela ete ilofufefe pa ewe epong elejang i petetupa niepaa hokong-hokong.Efue Aifa4Ni lengpate tea,hebato-bato-Nine, teing efufuka nero meme tejangkopepangpangtu,peapakafate wanatote jaleungrahangbang tetekate. 5Peanya, Ni lengwefa me meengkoko ba kemefumeme; mefumeme Kea,poing tejako kewa, kewawuwupa newekele kelopate rapa. Ea, Keanefunene.6Peka tang pipit napanging eare jata ele taimbeha hingtungfa?keungra, tang aling ungAi hoke kepengpeng kale. 7Keungra, taa nawo pepe motu rube meme pera kekaki. Me fufuka, me nememe peetekotu wa tang pipit nawo.'' Neeng tata EpaneYesus nealoro8Ni lengte ewe eba tuhoelakole Ni eruleto teba hing, era Keba Ko keralakole keruleto teba fangpa- teba fangpa Aike. 9Anaing-angra, ebatuhoKe ealolu teba hinghoteera Ke kealo lolo tebafangpa-teba fangpa Aike,10Pa, baung jaungkaKeba Ko kepi memamimeing kekofafale,Peapa baung pitifeng-feng mepejang Roh Kudus/ Feng Tume kekofafale.11Kaimpa tewe me teketujana sinagoge pa tebafarube pa janolamotu, hu meengka tunane me nememe mepepe pe na jahaung mepi mepepe pe, 12Peing po Roh Kudus/Feng Tu jakenalung mejaing jamepengpeng pe.'' Aha kelai anaKeba Japa13Kebaung keka teba nawo ing keleng te Yesus,mepengko joneninejamotuing kekoleko ninera kewelengleng.''14Anaing-angra, Yesus lengteke, ''Joke, ba Nikekeeti hakim/ teba pirietenihemule ewe?15Kaimpa, Yesus lengte tea, ''Eheng e eheng e pa ehape mumu wa japahalewangwangtu te eteneba mumute pewekokajapaha meme nawomepeimotu.''16Pea, Yesus hoho kele ana ahakela te tea,''Hangtuung kebaing keke kejalelepa lehe janaranawo tafa tewue.17Pea,kebaing hukeengpungkeke, 'jahaung nilelejeng nine ung koka koleha jana niwuung nileimomoing-ang? 18Pa,ke lengte,'Kawe pejano nilele. niwe papalangnine nitapepe pa tetewoniweete haha. Keing-ang,ni lelepafu gandum palelepa nine. 19Peanya, ni lenghe lengtung nine, 'He lengtung nine, mewejameme nawo kamepepeng felangro-felangro;memu jomumu, jajong,pamumupe, pa memuhuhufa fa.'20Ana, Ai lengte kebaing,'He, meba topo! Rangpang wea, lengtung meme keke ke kane meme. Pea jaing ba jake lelepa me pepengmotu?' 21Wanaing-angtejaha lewangwang kebaja lelengmotu tu pa taimbepemotu ne kekewo,peapa meja lelepaka me mumuAi ho.'' Meeng-engka22Yesus lengte teangku-teangku-Keke, ''Peanya Nira lengte ewe,pe ewe eng-engka po ewemule, jaeang-angle.keung meeng-engkane meme,pakeung mehehepe. 23Peapa,memepepeing efengwo tewe jajongafia pa ne meme pe efengwo pate wero ingafia24Mekapengfutang au. Tewejatewaka tewuka jeng na langna peraka, peapaAi jalengpa tetang ete.Ewe ing keleko efengtafa pate tang teing jaungraka. 25Baungka epanewe hupalangrowopa me fangha aling kewelala po felangro memumupe. 26Ana ewe jano-janohapawe eleka, jatukoewe hupalang tehe jano-jano hing.27Mekapeng huhufahepang, tunane tewe heete. hepang-hepanging jano nafengra tereka,peanya Ni lengtete me,pea Salomo keetime lelepa kekepa roungjutafa kefaka wa hepang-hepang ing. 28Ana Aijaing ro kelengtehe lehe,ung-angwe eetu pa feing tejang hete rato,Ke nera ro keleng neheka tewa anajaing.He, newe kepungtuka29Pea,ewe ja e ang-angle peejujuka na jaehung-hungle, papung meme rereka. 30Pea, bapa-bapa meti fitong jaing tejuete peanya Ainene kelujaing nepungtu.31Punawetu, Ai JengTeteke nejuung, lelepawekelepa lefefe newe.''Mu elefataJanghenglo Surgape32''Efufuka, he ebafahapa, Ainene pungleJeng Tete kewelenglengepane.33Ja meme ing mepe pengfata pa ke kekamepepeng. Ha taimbememe fengfeng ketu,peing ana janghenglongmeme motu surga lentete katu, teba jatara tetakikikate. 34Pea, jeng meme jahenglong mepeimitu,keingra pung meme ile.''Bapo ke Hupalang EfengJano Kelele le35''Mamipameongpu meme amepetata pa ra-ramemeefamomo. 36Mepe anateba-teba tejeng keba rube kemu teba upongung tewe tekokofa ke tilongwe betejuju, poingkeba rube kemetu patilong no kefi ile.37Makeleta bapo-bapo,keba rube ketuekefietupi tata, po ketutule.Niwe lengte ewe,bamuangwo, keongpu keke akelele le ko jakelengleng pa tetajungtelupa jatetangtangKe tetele patewe jakenalunglung tea. 38Ana keba rube keterahou na ung-angwe patekefi janoing tete ete,ewe ma kele.39Peapa elutata, anarakeba paa ba kelu rangkunarangrang teba jata te ete te tete te paa keke,ke hemumule longra kewelengleng kalepaa keke tetapepe. 40Peate newera nenetupipa nemumuKeba Ko ketetele kunera ruka.''41Kaimpa, Petrus kengteKe, ''Tata, ja Me hoho mepeaha mepemepe mepekotunefa na teba nawi wea? 42Tata leng,''Ba jano rube jano kelehuhufa pa jakelepatewotuetu ke keke ko tekefeile bapofa hing,tejateni tetangtang po rangkupa? 43Ma mepetata bapoing, ana kebarube ketu, ke kefi janoingkeleile. 44Niwe lungteteewe, pe bamuangwokeba rube ke kekikoke kekeko jakeke nawoing kefoi.45Anaing-angra, anabapoing keleng hupalangkeke,'Keba rube kekokofa tetekale,' pa tewe kekapaji bapo baleng pa bapo ume,kaimpa jajongpa patejung ko tanghatu, 46kaimpa keba rubeketu bangpepera terika pabapoing keraluka, kebarube bapoing kekati kewapa ke kekela tebatebajaefeng teteka telupa.47Keba bapoung kelukeba rube pungkeke,peapa kejaketupika ana keba rube pungkekekemo kewewele. 48Anabapo keluka ja keba rube kepungkole pa ja-jaatalejano kele kera mokewewele, ke atalelemokewewele.Tebatuho o ofa ja nawo keleng, tera nawo kewawale.Pa tera kefelang jano teremotu te nawo fata kewawale. Yesus KetuKekolele le49Ni wele kora niloheti fitong, pa Nipungle raing eha. 50Anaing-angra,patehehete pea jano nilele le,pewe ana tejape pae wakotu hetepapa51Ewe hueng Ni lewe pepe niwale efeng niwale fitong? Ka, Nilengtete ewe, pepe niwaleka ni enikolele le. 52Ung-ang bangwe,eba napang paai alinge nikolele kale. tebahengtong tepa teba hingtung pipo telalatepa teba hingtung tepa teba hengtong terapipo telalate. 53Tewe tera kekolele le;Ai kera pipo kelalako balengbalengkeke,pa ko balengbalengaikeke pipo kelala. Anni pe pipo pewawa koume pepe,pa ko ume pe pipo pewawaanni pepe. Lape ume pe pipo pewawa lape ume pepe.''Fitongwe Aha Telae54Pea, Yesus lengte teba nawo, ''Peanaewe kalengteatu metu wahang, eweelengleng, 'Fuma tajuhete,pa bamuangbamuangwotaju hete. 55Kaimpa ewe ana feng lune fengka lope,ewe lengleng, 'Ung-angwerang jajale, pa jaing pelewangwangtu. 56Ewe eba jalulangka. Ewe aha elae petang pa fitong, tunane ewe aha elele kale fitong wea.''57''Jatuko ewe ewo pielulu lu keing bamuang?58Poing ewe elupa tebamehufeng mepe eha erereteba mete rangpa, meenako lelepa motumeing memofafata ung leng ehaele ke me kekalokatitika teba piriete pateba piriete me kekelengleng keba apaawekotu, pa keba apaawekotu me kelo kengti apaa, 59Ni lengkote ewe,ewe emukenglele kalewa fua hangpong mepemotu jamefu hangponging katafa wakotepe.''
13Kelengko ele nelengKekofafale1Keing,teba narangrangung tete Yesus teni teba-teba Galilea hi tete Pilatuskelampela jako tete. 2Yesus lengte tea, ''Jatukoewe hueng teba-tebaGalilea tewe neleng nawoanate teba-teba Galilea kaung tera tupa fienya? 3Nilengte ewe,ka.Anaing-angra, peaweewe neleng kekofaka,ewe nawora ewe wungwungle.4Pewe tewe ana teba-hampa pang nahipangpoing menara tapepa ko-pa tewe pewape, tewe neleng nawo tete patewa-ana teba nawo temete-Yerusalem tewe neleng atale? 5Nilengte ewe, ka.Anaing-angra, peana ewe-neleng kekofaka,ewera nawo fata ewungwungle.''Ri tu ing Na leka6Yesus hoho kelei pe-ahakelai:'' Kebaung ke-ritu keke ara kewa lehe-anggur. Anaing-angra,poingkewe kete rito ing-kekapa rituing kejui-kefika. 7Pea, kewe lengte keba-lehe wekotu, 'Wakotupafelangro hengtong nilepa- ritu ara nijue nifika -alingra.Ritu tuing mepe.Jatuko hangtu ing ewe-lite ri ing kerule.8Anaing-angra, keba lehe-wekotu lengte, 'Keba Rube, ritu ing longka mepepeng-felangro wea konatutu. Tunawea niwe iniwawa nipahoho ritu ing pengri-jamo nijangjangle, 9Noing-ung riing naka-lele lena felangro topuna.Peing ana naleka, Meba Rube mepe befati.'''Yesus Teba KelekoNehae Minggu Bang10Bang ungpa, Yesus-jakenalung i poing Minggu Bang. 11Kefu pebaung peume-pemotu pe bate heti-munepepe kaimpa pepupa fie felangro hampa pang-napanghing.Peume eng epe peepapewalengleng petutape.12Poing Yesus kalengte-Peume ingkefo pa keleng-te, ''He meume, mewe ne-hae wa toto meme.'' 13Kaimpa, Yesus noke-Ke weete wefe peumeing-pa poing-angra,pewaleng-pero telele pa Ai pipenu.14Anaing-angra, keba-keba sinagoge rube ke-pinaka/nete Yesus keleko-peume hae minggu bang.Ke lengte teba nawo, ''Bangnapanghing jano elele.Peanya, elele bangbang-ing-ang ewe nikonehae e,minggu bang jano nilele-kale.''15Peanya, Tatalengte kebaing,Ewe eba-eba jalulangka!Ana ewe sapi na keledaie e aele fate pa e ahare peng paeleleng tejung-jung minggu bang? 16Kewe peume ing ppefaka, kebaung kebaleAbraham ke a tete jo tafafelangro hampa pangnapahing kebate mune,kera tejofa jakeapetebang ing minggu bang.''17Poing Yesus lengtenowea,teba nawoing Ke leko teba roka, pa tebanawo tewenakae jalopa Kele. Ahakelai Sawito pa Ragi18Kaimpa,Yesus lengpate, ''Ana jara Ai Jeng keke ing?Tunane ung Niwe aha nilala? 19Ai Jengke ing anasawi to tebare pa tewalehe tete; toing e tilelangri pa tang-tang jing ete petang potete ne-neri ing-ang.''20Pa Ke leng,''Jaing japa niwe ahanilala Ai Jengke? 21Ai Jengke ing ana ragipeumeung pewe pa pelempela tepung jenghengtong ing pemokoe etu.'' Peana AtaleleEfeng kewelenglengle22Yesus kekana kota-kota pa bame-bame,kejakenalung pa lengkekapelengkai ketiti Yerusalem.23Kaimpa, kebaung ke kengte Ke ''Tata,tunaneung teba jaleleefeng tewewe te?''Yesus lengte teba nawo, 24''E enako ekeng-kengtilong hapa; pea Ni lengtete ewe teba nawo te enako tete keng-kengfua, peapa teteta pepete.25Peana keba rube kerurupaa tilong keke kekate,peapa ewe rule peng pa noefiele ewe lengpate,'Meba rube,newe tilongka bemeju.' Niwe luka ewehapengrine.' 26Peapa, eweka pileung, 'Newe janena papanenu Mepa nelupa.Mewe ja menapung melengma-lengma kota nene.' 27Peanya,Niwe lengtete ewe, 'Niwe eweka nifelangka pa eweha peng-ri wene.Ehana fure tangha i nine,ewe eba nalungpa eba jano feng-feng ele.28Ewe fuelele le pa kengefiratiti poing ekalengteAbraham, Ishak, paYakub,tela nabi nawo temete Ai Jeng Teteke ewetere pate teropate puepeng.29Kaimpa, teba-teba tetutekaja loko pa lowong, patekaung ja loe pa kaunglope. Tewe tetajung pa jajong tetang e Ai JengTeteke. 30Bamuangwo, teba-teba fangpong tewe teheto pa teba-teba topato tewe jakote fangpongpe.''Yesus Ketiti Yerusalem31Wakotu bang ing,teba Farisi narangrangtete te Yesuspa teni,''Memana nememejengwe mepepiteteHerodes mekekatiMe wungwungpe.''32Yesus lengte tea, ererepa elengleng nake ing'Bangwe pa febang, Ni bate-bate feng-feng nihaju-ju pa teba ne e nileko hae e, pa bang hengtongwe,Niwe jano lelepa pe Nileko kafata.' 33Anaing-angra, Niwe leng hahale bang wea, fe,pa fetangpi anaing petuka keba nabikewawa peng Yerusalem hohoka.34Yerusalem, Yerusalem!Ewe nabi fatewe ejiko tebing pa teba wungpa ejitewe kelefeko tete ea!Bang-bang patu Ni pungletafa teangku-teangku meme nilengko telu fatata,anara ojingma koko perufahete fang pepe. Anaing-angra newe ne ongne. 35Ung-angwe paa memepe bebetu pa pete roropa.Niwe lengtete ewe, e Niwee fufu kale wakotu bang pepe ewe e leng-leng, Mewe MakeleMepe memala Tata batike.'''
14Teba Keleko ne hae Minggu Bang1Poung Minggu Bang,Yesus keti kekana paaung keba rube teba-tebaFarisi keti telupa hang ongtetang-tangte pa tewe tefute karengmo Yesus.2Poing, kebaung busungpa kewekapa fi i ketiruKe to. 3Yesus lengte teba Farisi pa teba-teba ropoTaurat fojang, ''Tunanetebawe nileko ne hae eMinggu Bangwe.''4Anaing-angra, tewepinaka Ke tewenika.Kaimpa, Yesus keba ne eingkeke pa keleko kehae, kelengko keme. 5Yesuslengte tea, ''Baungka ebafa wea ko meme na sapi baleng meme koheti pai poingMinggu Bang, keka mebemapoeti hoka.''6Tewe tera pinafeng ungKe teteka. Jeng Tetewo7Kaimpa, Yesus hohokele aha kelai teba-teba ropoundangan tere Ke kalengkotunanetewe jeng-jeng terko tetajung-jung fujeng teba nanafa memete pea tejiewatupa tangri jajong, 8''Peana mewe ropo undangan keba pesta nika ba, fujeng teba tafameta mumuka keba paa bateba jato tete teing ropo undangan tetejajato tete te. 9Peapa,keba paa baketitime pa kelengleng, 'jeng memeing mepepengkeba wea!' Pa,mera memana jeng kotu tafa meme mula meba roka10Peapa, anara me undangan mepe, me tamujeng kotu fangpong ungkeba undangan welengkekana metiti ke leng-leng'Bato, memana fumeme jeng tetefu.' Kaimpa, mewejeng tete teweni me toteteteba-teba mepate elupa ja eang e. 11Peanya, teba nawo tewe ne terena hoe, tewe kelefena konghete,teba ihetu tekelena ho ete.'' Mebaing baMe undangan mepepe pe12Pa, Yesus lengte keba kelengko-Ketinya,''Ana jaung mepeko jajongtetang-tangte fea na rapang, mepengko tebahela-teba hela, johangme-johangme, teba paa i napaa tafawa meme japatera ja tete mera jali teteteniko merape mepe jae lupa e ang-angle.13Anaing-angra, e werapesta ung ele, elengko teba-teba japaka, teba-tebane jatu, teba-teba fubangtu, pa teba-tebalufo. 14Pa mewe ma kelepeing teba-tebawe mera jalira tetekate; jali memekelele le bang teba-tebaefeng.'' Aha kela TebaUndangan jajong Tetang-tangte15Poing keba teungKe patelupa ja tang e lekelate piti-piti kawe, kebaing lengte-Ke,''Mawe kele teba hang onge ang ele Ai Paa ike.''16Anaing-angra, piweYesus lete keba ing,''Baungka ja bapale mepeko ja e ang-ang rapang pa mewe mepengko teba nawo, 17Pa poing kuteriko rapang ja tetang-tetangpetuhe, keba ing kelengkobapo keke pi kelele tebatume teba kelengkoing, 'Elewe, lelepawenitupi.'18Peapa, teba nawo ingpi nolelepa-nolelepa tete e.'Keba lopana keleng,'Niwe kaung-angwe lehajata nile pa nire fofole.Ni waele me efengfa.'19Keung keraleng,'Nira kaung-angwe sapi napang jata nile nire sapi-sapi nife ung. Ni waele me efengfa.'20Tekaung tera nite,'Nira jaung-angwe nika nile.Peanya ni lelekale.'21Peanya, keba jawekotukepu pa hoho kelefata keba rube keke. Kaimpakeba jaba kehufeng, pa kelengte keba jawekotu,'Ekokofa! Ere lengma-lengma pa teba paa temetekota wea. Teba ealele niweteba-teba ja paka teba-tebafu bangte, teba-teba ne feng, pa teba-teba luto fo.'22Kaimpa, keba ja wekotulengte keba, 'Rube, jaingjano nile ja mepengni,jengbera motu.'23Keba rube kelengtekeba ja wekotu, 'Memameme me lengma- lengmapa paa-paa. Mepeng-peng teba-teba tejafata tete kopaa i nine pipi.24Ni lengtete mea, baungra teba undangan nileleng ungra ketete kale peanyajajongwe ninewe niwonikang ung.''' Nelala Yesus25Teba nawo telupa-telupa Yesus leng jae.Kaimpa Yesus kepuna tewe te pa kelengte, 26''Ana kebaung tete Ni le Ai pa Anni meme mehufeng-fengka,eme pa ko-ko meme, johangme tebaleng-tebaleng pa jahangme teume mememewo raing, me kekeko teangku Keke raka.27Mebaungra salib mepemuka pa mepa Nimera nikeko mepapa ana teangku Nine rakale.28Ewe baung kaeba faweewe pungle menara ewehuhule, ewe topato ewe tahungka pa taimbe ehahihi wakote papatuna jawe eleko kafatata tu?29Ana petunaing, ke fondasi kewei pa jano keleko kakana, teba nawo ke tefi raute jajate.30Teba-teba ing teninite,'Keba we janowe kewe eteka, pa ke jano kelekojano kakate.'31Pea, raja wene keti pinglele raja hing topato tetajung pa pi teteko ahatewewe ke patelupa tabakeke mambire rerefa nahipang panghingtungtete pingtete teba taba nawo pepe mambire rerefahampa pang nahipang taba tete? 32Peanya ke raja hing kekalatape, ke kebaung kekefu pa ketikeng-keng lengma nohara-nohara pepewe newewe taba ping nete tete tewe hamba.33Petunaing ewe e wo-wo,ewera baung ka ewe te erake nikeko meangku-Nineja lelepa meme nomehangfa-fata.'' Tinawe TinalangkaPe Efeng raka34''Tina ing efeng, anatina ing langtuka anatinalang, tunaneko mepeko tinalang? 35Tina ing peing jale ungra mepepe lehe napupuk peing tereko tejang tete
15Ahakela ana Jako Lengti1Tebafa taimbe mu teetepa teba neleng tetelatuYesus ko letelae-Ke.2Kaimpa teba-teba Farisipa teba-teba ropo fojangtewe pompo te e, ''Kebaweteba-teba neleng kele ilepa kepate lupa jajong tang ete.''3Kaimpa leng pate ahakelai tewe, Ke pikele,4''Ebawe baungka kekaewe jako keke mambirenahipang pang nahipangpang hingtung jako, pa aling ung lengti, kewe kelufafakale jako mambire nahipang pang nahipangaling kelefe tete e tahouBelantara. Keti kejuko jako lengti ing ketijuko kefi.5Pa keti kefi jako ing keke etife pawupa kekeka mula pina kewenakai.6Te teju paa keti kefi teba hela keke pa teba paatata-tata keke lengte tewe,'Ewenaka lupa e nipa jako nine nifi kelengti; 7Nilengte ewe,petetetujanawawa peing bapalewa surga tu keba alingke neleng ke kekofa kekateba mambire nahipangpang aling nahipang pangaling teba ing teing kekofafata Kewe ing Aha kelaTaimbe Perak Lengte8Peana peume wenepe taimbe pepe nahipangpang hingtung kang perak,Ana pewe taimbe kang aling ung lengte, ra pefakapa paa ing jahenglong pefuka, pa taimbe kang hingtung peju huhufa kopefi? 9Pa,ana pewe pefi, penuko teba-teba hela pateba paa tataing pa penute tewe, 'Ewenakae epa nelupa nipa niwe taimbelengte ing nifi.' 10Ni lengte ewe, ana teing-angra janawawa wateba fangpa fanana Aikeana keba aling nelengke neleng kekofa fata.'' Aha kela ana Ko Baleng-Baleng Hingtung Ko Bafang Reke KekeKeke liti Kemu11Kaimpa Yesus lengte,''Kebaung ko keke baleng-baleng hingtung. 12Ko bafang kelengte Aikeke, 'Ai,niwe jako ninejahenglo kang mepeko motu nine mepete.'Kaimpa, Ai keke jatena kete kekatu kekoleko hingtung keke.13Joraka kaimpa, ko bafang ke keing mu kelefata pa keka keti bamehambangwo pa kefua kejako keke kekapa lupi-lupiong kehei-ong kehei.14Ana lelepaing keleko katafa, ja lewang bame ingjajongka teheki, pa kewe lelepaka e.15Kaimpa,kewe keka paketi jano kelei kebaung keba bame ba, kelengko keti lehe pale ja keleng tetang-tang pale keke. 16Ke pungle hu keke jakehehe jajong jong-jongpale-pale tang enya,baungra jajong tewenika.Ko Bafang Kemuna Ai keketu17Kaimpa ko bafang inghu tehe, keleng, 'Anaweteba-teba nawo aike jajong tete nawo-nawo, niwe keweatalera nihuki ko niwung-wungle. 18Niwe nihaleng-leng pa ni mepuna ai nine.Niwe lengte te ke;Ai, niwe neleng nilete surga pa nile ho meme.19Niwe ana bahing mefumeme niwe ko memekaniwe ko mepeng-pengka,niwe mebeko mepena ana teba jano meme re ete.20Pea, kekaleng pa kekaketiti ai keke.Anaing-angra, koing hambang tafa,ai keke kewe kefu pa ke pipate kele,ai keke kekata ke kejukepa ke nupa kewe. 21Kaimpa, ko ing kelengte ai keke, 'Ai, niwe neleng nile kote surga pa ho meme.Niwe ko meme mepeng-pengka.'22Peapa,ai kekeing lengteteba-teba jano reete, 'Eko-kofa! Ewalewe ro efengwoeweleng kefa tanghi ekefa no kang-kang pa langhepoewefa tang e keke. 23sapi ko tuhopa pa epung.Elewe jajong ne nenanapa newena kaka,24ko ninewe kewa pa ung-angwe kelefute.Kewe kelengti ung-angwekemete.' Pea epene newena kaka.'' Ko Bahu kehufengAi keke25''Bang ing, ko bahu kelei lehe, pa kekako tu watupa paa keke, ke le kelate jalang musik pa li-litete e. 26Pea,ke lengko kebaung keba aling ka bapo-bapoing pa kekengte ja haung lewang. 27Keba jawekotu keleng te ke, 'Kebafang meme kemete, pa ai meme sapi ko tuho nana kepung,kewe kemela efeng kotu.'28Kaimpa, ko bahu kehufeng pa kemukengtiti ongke ai keke kekanapengti pa ke epikele. 29Anaing-angra kewelengte ai keke,'Felangro-felangro niwe jano nile me ni ne nitupipa jaleung mepeka jamepeng lefa nilaka ja mepeng, peanya meweniwe jaungra mepepengkakambing tong ung nirapesta nileko teba hela-tebahela nine. 30Peanya,ko meme kemete jalelepa jahenglong meme ketakukoka teume-teume,ai sapi ko tuho nana mepungti ke.'31Peanya, ai keke lengteke, 'Ko ninewe, mewe amanelupa, pa lelepa ninewepeing ja meme.32Pea, ung-ang bangweepene pesta netete pa ewe nakaka kebafang meme ke kewa, ung-angweke kaleng kefute; ke kelengti, ung-angwe ke nefi.'''
16Newe teba Rube HingtungJano nerere Kate1Yesus lengte teangku-teangku-Keke, ''Kebaungkewe jalelepa ke kebaungkekeko keba rube jano leile .Pa ke teneni keba jano rube jahenglo ketaku ile.2Peanya, keba ja baingkelengko keti jano rube pakeleng, 'Jaing pe nilu ja mepe. Ja mepekotu pi mepefatata jano menopapeanya mewe taimberanora mepapakape.'3Keba jano rube kehueng i, 'jaha nilele ung-angwekeba jano rube jano nilee we ni kekefu? Niwe nafengka lehera jano nilelekale niwe niba rokanihapa jajong jong-jongwae. 4Niwe nilulu jahaung nileko anara niwe taimbe no nilako ni tekefu,teba-teba nitekeko jano nileepaa tete.'5Kaimpa kera pute kelengko teba-teba hangpong tetemotu keba ruba keke. Keba lopana keleng, 'Narang-rang hangpongmepemotu keba rube nine?' 6Kebaing keleng te,mambire rerefa nahipang pang hingtung keba jano leile keleng , 'Mepe ropo hangpong meme metamupa po mepe 50 lang.' 7Kaimpa keba jano rubekekengte keba hing ung,'Nawo narang-rang hangpong meme.' kebaingkelengte mambirererefa nahipang pang hingtung gandum keba taimbe nolakotu Ropo mepe pa hangpong memepo mepe 80 nawo niwehu.'8Kaimpa, keba japaing kekepa pi keleng keba jano leile jano huhufa kelekateke jakele pate wotu. Pea,teangku-teangku ung-angwe fitong ung-angwe tera aha aling teangku- teangku fefe jatetela fefe. 9Ni lengte ewe, jaelelamamon ke bamuang rakaana mamon keweka,ung ekelele paa batoto.10Baung me jamepe huhufa jaing ja hapana,pera kengte kotu jabapaleraing. pa baungra jano huhufa mepeka wa ja hapa, kera me jahuhufa kelele wa kote ja bapale. 11Peing, ana me kefute jara mepekape fitong jahenglongpe, ba me jano keweleng-leng mepe? 12Pa, ana me kefute ja mepepe kape teba hing janote, ba me jano keweleng-leng keing ana ja memewo.13Petu patuka kebaung jano kele teba hingtung leng-leng faka ke aling ungkena kikile pa keung ke pungle. Peing, kewe lekelaikeba aling jano ba pa keung kele kelaka. Mewe Ai janoke mepekapa me mamonE eng momo Eba Farisi14Teba-teba Farisi,ewe taimbe pungte, jawe elupa Yesus longmo ele. 15Yesus kelengte tewe,''Ewe anara teba-teba ne tetewo piteniete tebaho,peing Ai kelu pung e e bamuang ja ewepa- epa eteele pekotu eba jaingpe Ai keho kenakifeng.16Ropo Taurat paropo tebafa nabi jatenarung wakote po Yohaniske; poing Yohaniske, h Efengana Ai Jeng Tete keke peteni teba nawo pa teenatekengtete inya. 17Peanya bamuangwo, jaing petangle raka petang pa fitong peleng tete tu anatewa popo atalele kotu ropo Taurat keka kukule.Petehe Neheke nete18Epa neba peume ung enape eheke pa peume hing ung mepeko eme,pe jata pepang. Pa kebapeume keba welite kewe,pera jata pepang.''Keba Japa pa Lazarus19''Kebawe ke japa kepungle ro kehei ungu pa kain linen, pa kenele-nele bang-bang pate ja kepa.20Tilong gerbang paa teba japa, kebaung kepeti i keing-ang,keba jaka batikeke Lazarus, ne kekeing piuna sosoja pewe ne tupa.21Ke hueng ke ja tewe kekang-kangle jaihe tangri ja tetang ete teba japafa; ana nake-nake tetupa piu na sosoja tepetang e.22Peing ana, keba japakakewa pa tebafa fangpa teketute bengra Abraham.Keba japa ung kewa i tete.23Ketika fitong laung, poing ke jalelepa tete, kebajapa kekungte hofu pa Abraham kefu ana jatalelehamba tena Lazaruskemu bengra keke.24Pa, keba japa keleng pate, Ai Abraham, niweka no mepe pa mepengko Lazarus no kang-kang kekekepo paung pa peng nineung niwe mele ra eile nirahu feng ra to.'25Anaing-angra, Abrahamlengte, 'Ko, me engko tunapoing mewe memeku, jalelepa efeng ing mepe,poteing Lazaruske jalelepa feng kelei;ung-angwe, kewea Lazarusteke paja teete, ung-angpowe ewe tetupa nolelepatete ete. 26Peing nawotafajengwupa tafa pe pekotunewe kaimpa teba tepungtu telelete kangwea tekang e e elele kale pateba teja jeng e e tera telele kate tetutu jeng nene.'27Pea, keba japa ing keleng,'Noimpa tunawe,niwe ni waete me Ai, Lazarus mebefu ke teteai nine paake, 28pea niwejohangne teba napangnebalengfa-nebalengfa.Lazarus tewe keleng wefatea ung jengfengwe ewe e keng-kengka.'29Kaimpa, Abrahamlengte, 'Tewe Musa Ropoketewekotu pa ropo tebafanabi, jarakate peing terifatata lelepa ing.'30Keba japa keleng, 'Peka,Ai Abraham.Ana kebaungkewa keka teba bing e teketi tea keimpa keing-angtewe keng tepapate.'31Abraham lengte keba japa ing, 'Ana johangme-johangme tewe terika Ropopa ropo tebafa nabi, tewerajatete ete kengwaka, pera ana kebaung kelefute keka teba bing ete anaing-ang.'''
17Neleng pa Ne Keka Pung-pungle1Kaimpa, Yesus lengte teangkufa keke,''Wung ehitafifile peing etu, pe fengtafa meba meang lepangnya.2Efengwo wung kilanganeweko a ele ketikeke pa ke eko elohetiti jafu kemekoke ana wung tepa fie ko teangku-teangku hapawekelehipupule.3Ehape takoko! ana jome meme neleng kelekote me,ke hemepupu; ana keengte neleng ing jafeng, neleng keke memapung-pung.4Pera,ana ke neleng kele me nawo la napang hengtong tehe bang aling,pa kerapuna meti la napanghengtong mepeng-peng 'Niwe me nieng, kewe neleng mapung fata.'' Ma we Pung keke5Rasul-rasul yenite Tata, Neweka pung fang-fangka mepehe!''6Tata lengpate tewe, ''Anaewe pung e ewe bapale ana sawi toing, ewe lengtete ritu murbei,'Mejula ma hangtu we pa tewawa jaloefu,'pa rituing kelala me.''Bapo ing keba Rube Pike Keluile7''Mebaung ba ka ewe ke bapo keke, ke lehe jano keleilena na jako kekakailena, ke lengtete bapo keke po keme lehete,'Mepe, metamu pa jamema? 8Peka kera lengko bapo kekeing, 'Jajongka metupiko ni pa rora ana efeng mefafa ko ni jano huhufa mepepe ni ja nikang-kang pa panihung-hung.Kafa tete, mpa me jamememama pa pamemumu.9Jaungka kelengna janawo mepepeng bapopeanya jakelengnya jano mepepe? 10Anaing-angra ewe, ana ewe jano nawo ele ana keleng kotu ewe, peanara elengtete newe bapo jalelepaka. Newe jano nerenete we peana jano kelengkotu pea jano nererete.''' Teba Kusta Nahipang panghingtung Keleko Hae11Po Ke pate lengjae ing te tete Yerusalem, Yesus kepate leng jaeing leng eteing wa keho Samariapa Galilea. 12Poing tekengte bametu ung,Kewe teba kusta nahipang pang hingtung kepate latete tere hambangwo te Ke, 13pa tewake pina letapa, ''Yesus, Koru newe pipateka mepe14Poing Yesus kalengtetewe kefe, Kelengte tewe,''Erefu pa ne e e enalung-lung imam-imam.''Pa po tejae lengma, tewe nete tupi. 15Poing tewowokeba aling ung kalengte ne keke hae, kera pute pa Ai kekepa pikeleng pinakakapa letapa, 16ketakung heti kepa tang e Yesus pa kewapate niwe janawo Me pepeng.Kebaing keba Samaria.17Kaimpa, Yesus kelengte kebaing, ''Mepewe mema teba ne haenya? Teweneteba nahipang pang aling? 18Tewe kana tebafa tetetepute Ai kekepa pinikebawe keba kapenglo te? 19Pa Yesus lengteke, ''Memaleng pa memu pungmemewo me efeng keweleng.'' Ai Jeng Teteke Petete tu20Poing teba Farisi ke tejeng raneung Ai Jeng Teteke tete tu, ''Ai Jeng Tetepetete tu pejari-pejarira nefofo kate, 21Baungra mepeng-peng kape, 'Ekaleng,Ai Jeng Teteke karawe paetuwe.' Ai Jeng Teteke para etufu.'pebamuang pepeAi Jeng Teteke pe etu langhou-langhouepa nene.''22Kaimpa, Yesus kelengte teangku-teangku keke, ''Bang pepe tete tu ewe e pungtu bang aling ewe fofole wa bang-bangte Keba Ko, ewe e fofokale. 23Teba-teba tenini ete, 'Ekaleng, kefua!' na 'Ekaleng, kewea!'Anaing-angra, ewe kefuerereka pa elalaka teba-teba ing.'' Keba Ko Ke tetele24''Ke ana heng-heng fefekeke keja wa fitong hope aling te fitong hope hing,anaing-angra Keba Kokera bang Ke kepa.25Anaing-angra, Keba Kokera teketupa nolelepa tetete pekewe kukuto pa teba mo ung-angwe ke tekerinapeng. 26Pa, peana po lewang bang-bang felangro la Nuhkefu, anateing pera lewang-lewang bang-bang Keba Ko keraing. 27Teba-teba ja tetang pa patejung, teka upong tete pa teka tefaja upong tete wakote bang Nuh kemukengtiti bahtera/ tu pa pabapale ko ko teba tebing fata.28Pera lewang ana po felangro Lot kefu, poing teba-teba ja tetang-tang, tejung-jung, jata tete, tupate reni jata tete, tewawa pa jano tere e. 29Peanya poing Lot kewalite kota Sodom, ra pabelerang wa petang hepateana fo pa pejipa tebingkoraka teba nawo.30Petunaing-ingtu bangKeba Ko kera weeteka. 31Wakotu bang ing, mebaung me ememupe paa hora, pa ja-ja meme motu paa i merapu hepeja meme mepepeka;pa mebaung mepe-mepelehe, me mepepeka.32Me engtakoko ja ana lewang Lot eke! 33Mebaung me ena lengtung meme mawapelengtung meme lengtitile.Pa mebaing ba lengtung meme lengti meefeng mepepe pe.34Niwe lengtete ewe, wana rapang ing teba hingtung tena ke e jeng teleweng ete aling. Anaing-angra kebaung ke teketute, kebaung kelei. 35Teume hingtung tena pelupa gandum tejalue.Peung tewetute, pebaungpetue. 36[Anaing-angra teba hingtung jano reetelehe kebaung teketutekebaung kelei.'']37Kaimpa teangku-teangku tejengte Yesus''Kewene, Tata Yesuskelengte tewe,''Kewene jao etu, keing-angtanglo teluete.''
18Aha kelai ana teba pirietepa Peume peba Ro1Kaimpa, Yesus hohokeleaha kelai kelepate teangku-teangku-Keke keleng i tewelupompong tewe tete pelengwae pa pung teteweiheteteka. 2Ke leng kota wea, kebaung teba pirietekeing Ai ra kefuka pa teba hing ra kengkepaka.3Kota kawe, pebaung peba ro peleng pewa peleng wae pete e keba piluile pa penute , 'Niwe pepeka mepetu ni kepini hahihi.' 4Ana kefote rangku tehe,keba piriete pebaro pipepe kelele ongke. Anaing-angra, kaimpa keba piluile kelengwa pungkeke, 'Peana niwe Ai nifuka pa tebawe nikeng nipaka, 5kaimpa pebaro wea pepeleng-pepelengwae nika peteruetu, niwe pepe niweleng-leng pea ung pewe niwe peterurukaana petu pewa pepeleng-pepeleng wae kaing.'''6Pa, Tata lengte , ''Le elaeja keba piluile janya keba piluile leng ile. 7Peana kana Ai pepe kewelengteteba-teba Kewo kekinyapa tewaete Ke fepa pang-pang ete? Jaungka Ke kekaku-kekaku wakotejoko ewe no kele? 8Niwelengtete ewe, Kewe ewe kekokofa pepewe keweleng-lengle. Anaing-angra, ana Keba Ko ketetele, peana Kewe pung kekafifi fitong lena.''Ahakela ana Teba Farisi pa Teba jahenglo Meteete9Yesus kera pi kelei ahakela ana teba narang-rang ung netete teni te bamuang pa tejung pateteba hing ing teihete.10''Teba hingtung tete AiPaake tete lupompong tete te. Kebaung ing kebaFarisi pa keung ing keweteba japa jahenglongmute ete.11Keba Farisi ing kerupa lupompong keleine kekewo, 'Ea Ai niwe janawo Me pepeng niwe ana teba hingka; an teba jalolo teete, ong teheete,uta teteete, anaing-angraana teba jahenglo muteete.12Niwe hupa nimu minggu aling la hingtung, ni taimbe niapare nifue wa jano japepe.'13Anaing-angra, keba jahenglo muleile ketiru ataleka hambang, peapa ke petang kekungte foka.Kepute, ke tangrue keke keloki-loki pa keleng pate,Ea, Ai. niwe pipateka mepe,niwe niba neleng.' 14Niwe lengtete me, keba jahenglo muleile kemuna paa keke kehueng ing keing kebamuang keba Farisi lengpate teba ne tereepate teing kehetitile, pateba ne tete tetepate ihiteteing kele etetele.''Yesus pa Teangku-Teangku15Pa, teba-teba teangku-teangku tete hapa teretutetete Yesus ung teno kewefefe. Anaing-angra,tebafa teangku keke, tewe pute tewe teba-teba ing tewe terepa pi tete e. 16Pea,Yesus kelengko teangku-teangku ing teretute te-Kepa keleng, ''Eleleka teangku-teangku hapa tetute te-Ni, tewe ehahuhuka Ai Jeng Teteke peing ana teba-teba wea tete. 17Niwe pi bamuang nilete ewe, mebaung me Ai Jeng Teteke mepepe kape anakeangku hapa, ke ifu kekengti kale.''Keba japa pa Ai Jeng Teteke18Kewe kebaung kebarube ke kekengte Yesus,''Koru meba efeng, jaing jajano nileko janiwe peepapipafe e batoto e e?''19Yesus lengte kewe, jatuko mewe peng Niwe efeng? Kebaung keraka keleng-leng ke efeng peingAi kewofa. 20Mewe mepuhoho wea:'Uta mepepeka, jata mepepeka, hoho ong teba mepepeka,wala ai pa anni memekeng me papa.'''21Kebaing keleng, Niwe jaing nilafata poing niwe nianglengpa.''22Kaimpa Yesus le kelate kelu, Ke kelengte kebaing,''Mewe jaung aling ung mepeka. Ja meme ing mepepeng fata tetefatata pa meko pepe teba-teba jaka, ung ja meme ing etu surga; pa elewe,e lala Ni.'' 23Kaimpa kebaing ke le kela Yesus leng ing, keweana hupalang futukewe keba japawo.24Kaimpa Yesus kekengte keba ing pa kelengte,'' Pewe ana tangle wo tewe teba-teba ko tekeng-keng Ai Jeng Teteke! 25Peing, ana tangle raka te ana unta kekeng-keng jarum long anaing-angra teba-teba japa tekeng-keng Ai Jeng Teteke.''Teba la Yesus ewe Ja Batoto Ewe-wele26Teba-teba teing le telate pi ing teni, ''Tunaing,ba keing efeng kewewele.''27Yesus lene, ''Jaing petangle te nebaAi ke tangleka.''28Peing, Petrus lengte,''Ekaleng, newe ja nene lelepa nereifata panewela Ke.''29Yesus ke lengte tewe,Niwe leng elewe pe bamuangwo te ewe, kafata mebaung paa ung mebepiti muka, emera, johangme-johangme,teba huhu, teangku-teangku ko Ai Jeng Teteke.30Ja ungra mepepe rakapeja feratiti wakotu ung-angwe pa po tetetu, peing memu batoto memepe.''Keleng hetu Newung nete paYesus Kelefute31Pa, Yesus lengko teangku keke teba hampaKeke telu, ''Le elae, epanenene ne Yerusalem pa janya tebafa nabi tepo temotu tewa Keba Ko peing pete fute papatu. 32Kewe tenajijite, kewe nolelepa tete te, pa ifangfong tete e. 33Pa,Kewe teke tupaja, teweraketejako Kewawa. Anaing-angra, bang hengtong,Ke ra lefute.''34Kaimpa, teangku fakeke tewe hutewete paka ja aling-ungra wa ja-ja wea. Ja kepilei pewengko te tewe kaimpa tewe hutewetepaka ja keleng i.Yesus Keba Lutofo keleko Hae35Poing atalera Yesus kakoti kota Yerikho, kebaung keba lutofo kemu lengfa pa jano wawalei. 36Poteing keba lutofo kewe kelu teba nawo lee, kewe kengte jaungka lewang.37Pa, teba-teba tenite kewe, ''Yesus ka Nazaretkalele le.''38Peapa, keba lutofo kepate, Yesus, Ko Daudniwe ka pipate mepe!39Teba-teba jae to tebafapa, keba lutofo ke tete e tenike lang u memu.Anaing-angra, kewe makitafa kehiwai pina letapa, Daud Ko, niwe pipatekamepe.''40Kaimpa, Yesus kekupa keleng kebaing ekaleNi. Kaimpa keba lutofo teketute tu, Ke kengte ke, 41''Jaungka me pungtuungme ja Ni lele.''42Yesus lengte ke, ''Mekapeng, pung memewomekeleko me hae.''43Poing-angra, kewe ja kefo pa kela Yesus Ai kekepa pikeleng. Kaimpa teba nawo jaing tefo, tera Ai piteni.
19Yesus pa Zakheus1Poing, Yesus kengti pa kele kota Yerikho. 2Kefu kebaung kebaleng-kebaleng bati keke Zakheus, keba rube taimbe mu leile pa keba japa tafa.3Kewe keena Yesus kefufule, keletape kewetekepe e; kewe ne rilele.4Pea,Zakheus kewe wekatato tihe teba nawopa kepee ara tu ung Yesuskefufu Kewe kelele lengmakeing.5Kaimpa Yesus kakoti ju jeng Zakheus mu,Ke kekung ete pa kelengtekewe, ''Zakheus, mekokofa rapu ung-angwe Ni rere e e paa meme.'' 6Poingra, Zakheus kerapu pa Yesus kekela hupalang efeng. 7Kaimpa, poing teba nawo jaing petefo, tewe ana piwowo pa teni pate,''Kewe ana keba kapengtu keti ile keba neleng.''8Kaimpa, Zakheus kekaleng pa kelengte Tata,''Tata, meka kapeng, jalelepa nine mowe riungnilelenf taba jaka, pa ana niwe baung jahenglongkeke nileleng, ni are fufuwa la nopong.''9Peapa, Yesus lengte Zakheus, ''Ung-ang bangwea, efengwe pewa kotupeetefe paa wea keba weraAbraham keangkuke.10Peana, Keba Ko kete h pa efeng kekateteba lengte.''Bapo Efeng paBapo Feng11Poteing tewe teri lelepaing, Yesus kera lengteja hoho kelei ahakela ana Kekepate tejakote watuYerusalem pa tewe huengAi jeng Teteke pekokofatetetu. 12Petewe ing,Ke ra lengte, ''Keba netipakekakoti bame hambawoko keteke etike bari, pa kafapa ke rame.13Kaimpa, keba rube ingteba jano reete te kelufatapa taimbe keleleng tete tenahipang pa pang hingtung mina. Kelengte tea, 'Eare eapa ja jata ele ko nimekora nilele le.' 14Anaing-angra, teba-teba netipa ke tenaji pa teka tereni teba teja tete tenini, 'Newe pungtuka kebaing keeti mumu bari nene.' 15Wakote keteeti bari, keba netipa kemupute pa kelengko bapo-bapo taimbe keleleng tete te keung ke te kekeng-kengletaimbe nawo narang-rang mepepa janapepe.16Bapo lopana ketepa keleng, 'Meba rube, taimbe aling mina memepe jana nile 10 mina nilela.'17Bari keleng te ke efengwo, he meba efeng.mejano hapa mepe efengtafa, mewe 10 kota wea mepe koko18Bapo hingtung kera tepa keleng, Meba rube,taimbe aling mina meme ing niare nilela.' 19Bari keleng te bapo ing,'Mepe koko kota 5 wea.'20Kaimpa, bapo ke aling ungra te pa keleng, 'Mebarube, taimbe meme aling ing niware wefahete e paporo. 21Nifu meang me meba nafeng. Mewe ja mepe wa jaung mepepengka pa ja mewa mepe pera jaung me waka.'22Kaimpa, bari ing ke lengte ke, 'Niwe me nikarere tefifi petehe ana piti mepanya, he me bapo feng Nya, mepe niwe niba nafeng janiwe waja niweleng eka pa janiwu wajaniwo waka? 23Noingpa, jatuko me taimbe nine mame peie teba taimbe lengma kotu wakotu ni mele, niwe taimbe ni lele wala hepang pepe.24bari ing keleng te teba-teba terete kein-ang, 'Keba ing ke mina kele pa keleleng keba mina 10.'25Kaimpa, tewe tenite barike, 'Meba rube,bapo ing 10 mina keke.'26Bari ing keleng, 'Nileng-leng ewe,kebaung ba ke jakeke, fang-fangra kewe-wele, anara wa keba ja kekeka, lelepa keke motufupe tere fatata. 27Anaing-angra, an a teba-teba niwetehefeng motu nite bari tete nileleka, te ealewe pa ejifata ho nine.'''Yesus Kewe Teke Ana Bari28Poing Yesus jaing-jaingkeleng, Ke leng keka tofaketiti Yerusalem.29Kaimpa Ke kakoti watubame Betfage pa Betania,watupa heng ti pepe HengZaitun, Ke teba hingtungteangku-Keke kelelengteja.30Ke-lengte tewe, ''Ehakoerere bame kaetu topu e eing. Pa, ana ewe ekengrekefua, ewe jakoung keledaiefu a tete pa teba teeka.Jako keledai ehofa pa ekalewe.31Ana tebaka tejeng ewe,'Jatuko ewe keledai ing ekahale.' elengna wea; Tatapung keke lekole.''32Pa,teangku keke tebahampa Ke leleng teja pa jalelepa nawo tefie peteheana Ke lengkotu tewe.33Tewe jako ing tejofa, keba jaba kekeng tea, ''Jatuko ewe jako keledai ehofa? 34Tewera nite,''Tata kepung kekele.''35Pa, tewe jako keledai teketujako te Yesus pa kerokeke keweetefe eng-ekeledaira ing, kaimpa Yesus ke e.36Poing Yesus kelei lengma, teba-tebaro tete terupee lengma.37Pa, poing Yesuskekakoti watupa Yerusalem, pewana lengmarapuna petete heng Zaitun,teba lake-Ke tewe Ai pitenipa tewenakae pina letapa.Tewe tewapate Ai jamepemo mukjizat tewo tefo. 38Tewe tewae,''Ma kelela Kea ketetele anara Bari ketula Tata batikekepepe efengwo wasurga pa penawaetujeng ing pe tetewo.'' Mazmur 118;2639Teba Farisi narang-rangung teja teba nawo ingtenipate Yesus,''Koru, teangku-teangku-Meme heka mepu.'' 40Anaing-angra, Yesus lengte''Niwe lengtete ewe, anatewe lang u temu, wung-wungwe tewae-tewae.'' Yesus Yerusalem Fu kele41Poing Yesus keti watukota Yerusalem pa kekalengte kefo kota ing,Kera fu kele. 42Kelengte,''Anateing bangwe eweluja tutu tu pepe efeng etefe ewena. Anaing-angra, jaingpeteweng wa luto e e.43Pekotu bang pepe tetetu teba feng-feng tetekeho tewei i tu meme pa me tepajo-jo tu meme teja lolo meme. 44Tewe me tejapela teangku-teangku meme tete najangkeke keho meme. Pa,tewe wung tefumotu tetakiki kate wung femotu wunghingipepe ewe bangra efolangka po Ai kelelemenya.''Yesus Teba-teba Jata te e Ai Paake45Kaimpa, Yesus kengti Ai Paake pa teba-teba jatate e ke kekaju temekengtepeng. 46Keleng tea, ''Pepotumotu. Paa Nine pewe paa lupompong,'peana ewe eleko pewe ana po teba jata tee te.''47Kaimpa, Yesus jakenalung i Ai Paakebang-bangfa. Peapa,teba-teba ropo Taurat fojang pa tebafa rube bapaing lengma teju Ke teja-jate.48Anaing-angra tewe terika tunanene tu teba nawo te piti Yesus tewta.
20Tejeng e Yesus Ma ke1Bang teung, poi Yesus kejakenalung ing teba nawoAi Paake pa pifeng hohoropo/ injil, imam-imam rube pa teba-teba ropo Taurat fojang tepa teba huhu tete-Ke. 2Tewe tenite-Ke,''Mekapengte newe Me manepa Me ja lelepa weing mepe-mepe.Baing ba Me ma keweleng.''3Yesus lengte tewe, ''Niraewe piung niheng-hengle pina elele Ni. 4Wanete pengri Yohanis teba pakeleng tehe.Wa surga tena na waeba.''5Tewe tewowo pitewa kokapa tenite, ''Ana pina nete, 'Wa surga,' Ke leng-lengle, 'Tunaneko, ewe Yohanis ke elaka? 6Anaing-angra, ana netengteng, 'Wa neba ,'teba nawowe newe tejiko newung leng-lengteteweri Yohaniskeba nabi.''7Pea,tewera rika pateheete pewe pengri netu. 8Kaimpa, Yesus kera lengte tewe, ''Noimpa,Nira ewera ni leng-leng kale ma hapaNi lelepawe jano nile ele.''Aha kela Tebafa LeheAnggur jata te ete9Pea, hohoung kele teba nawo ahakela, ''Kebaunglehe kele anggur kewa keleleng teba lehe jano reete jata tete, pa keti kapa lei bame hambangkele jotafa. 10Poing jana tewue peteha, kelengko teba jano reete kebaung keti teba lehe-teba lehe jano reetekewako kangkeke terenini walehe janape.Kaimpa, teba lehe jano reete tepute ke teketupajapa teniko no ongbe11Pa kera keba hing-ungkera keti, teba-teba lehe teete tera ke teke tupajapa maki bake tefue, kera mela no ongbe.12Keba lehe ba kebaungrakeba lahengtong kekelengkeka keti teba-teba lehe teete, kera tejako piupapa ke teketuju kemena pengti.13Keba lehe ba keleng,'Jaha nilele-le? Niwe koninekewe nipung lewo kea nikefu ketiti, pewe tewekeka keng tepapate.'14Kaimpa tebafa lehe jano reete tepitewa tewowo kealing ung tena keung,Kewe hetu kea wewele kehe anggur, ea kewe nekako kewawa ung lehewe epanene.'15Kaimpa, tewe ke terona lehe pengti wa lehe anggurpa tejako kewa.peapa jaleha keba lehe bajaleha kele tebaing?16Ke kekakoti pa teba-teba lehe jano reete kejifata-ta,pa leheing keleleng-lengteba hing.''Poing teba nawo teri hoho ahakelai wepe,tewe teninite, ''Jaing pelewang-wang katu.''17Anaing-angra, Yesuskekengte tewe keleng,Noingpa,janaha na ayat wea: 'Wung keba paa jano keleile keloti keti lelangWung ileto Mazmur 118;2218Nebawe ba meko meeme fe wungrapetaku kang-kang pa meba ing wungwe me ing fake.''19Poing teba-teba Tauratfojang pa imam rube hutewetepa ja ahakelai ingpikelei tepa tewe, tewe tepungtu Yesus tekeke poing. Anaing-angra, tewefemo teba nawo.Peana kekengna wa Janefunete teba Taimbereete20Kaimpa, tebafa Tauratfojang Yesus teketupa fiepa teba narang-rang ungteing luto tete teteri teingpung efeng ung Yesus tekepeko tejeng-jengte ung Ke tekeketejalelepa keleng i Kelei kewopa Kewe kehetimu ma kekepa janoba gubernur.21Teba-teba teniko tetetera jengte Yesus, ''Koru, newe ru Me pipemepe pa jamenapung mepe peing bamuang fata. Me nebaramekopepe kape, peana Ailengke bamuang.22Anara newe neka taimbe nane fufu Kaisar nanefufuka.''23Anaing-angra, Yesus kelu tewe tewehi puete patewowo pitee, 24''Ewekaenalung Niwe. Baleng pajapo bake motu taimbe ing.Teni pate, ''Balengpa japo Kaisar.''25Pea, Yesus lengte tewe, ''Noingpa anaing,ewe leng-leng Kaisar jaingKaisarke, pa ewe leng-lengAi le jaing pe Aike.''26Anate ing-ang, teba-teba tete Yesus piti kekepatekepepe te-Ke tetetapetebapaho;teeng tape pi-Ke lei pa tepinaka. Teba Saduki Tejeng e27Peteheing, teba narang-rang Saduki, tebakang ing teba lefupateteni keing ong, patewe jengte-Ke, 28''Koru,Musa pokelena wea kotene, ana kebaleng-kebaleng kewa, ke eke pa koka, joke baleng-balengung pe kewewe kebalenging-ang pa ko tena tetekebaleng ing keke.29Nowea, teba napang hengtong tetulengtu, jote kebahu upong kele, peapakewa koka.30Anateing-ang, jote keba hingtung peume ing kewe pa kewa pera koka31Pea, jote keba ke hengtong peume ing kewepa jawe pelewang wakote jote keba napahengtong,tebing fata koka. 32Wakote pepape ing,peume ing pera pepang.33Peanya wakote bang pi teririte, baing ba ke peume pe pampeteba napahengtong peume ing pe teweko ete.''34Yesus lengte tewe, ''Teba-teba powe upong mepepe pa ra upong mepepe, 35Anara teba-teba noingte kangtete pera tewewete fitong petetetu,pa wa neba nelefu pate perawa neba wung nete,upongra netetekate fang-fangra upong netetekate.36Tewe tebing-bing katetewera ana teba fangpa.Tewe Ai teangku-teangkukeke tewe telefute wa neba wung nete.37Musa kewenalung teba-teba telefu pate teja tebing kangpe kepole wa atangpa rae.Wakang ing, Tatakeleng ana 'Ai Abraham,Ai Ishak, pa Ai Yakub.'38Keing Ai teba bingkakeweing Ai neba mete,peing neba nalungpa meteKeho.39Wakote, teba narang-rang teba ropo Taurat fojang yenite, ''Koru pina Meme bamuang.'' 40Pa,tebaung pi kekaki-Ke tejengkaKristus keing Tata41Anaing-ang, Yesus lengte tewe,''Tunaneko teba tenieteKristus keing Daud Oke?42Tunawe ropo MazmurDaud kewoleng'Tata Ai kelengte Meba rube nine, Metamu memeno nalo-Nine, 43Wakote Niweteba-teba feng-feng-Memenilehe tete tang e-Meme.'''Mazmur 110;144Ana kelengKristus keing 'Keba rube,'tunane Kristus Daud Oke.''Ne engmomo Teba-tebaropo Taurat fojang45Poing teba nawo teri,Yesus leng pate teangku-teangku-Keke, 46E engmomo teba-teba ropo fojang leng tejaete ro kakafa tehe ete, tepungtute tabengja ele e jata jengtejapa mete jeng epate motu sinagoge-sinagoge,pa jeng ana jeng teba tafajengja ungtete ete pestana.47Tewe teba paa-paa lolo tete ete teume ro-ro palengma tu-tu lupompongkakafa tete ete ung teba tetefefe. Teba-teba noing teing ari reng-reng tewe-tewe te.''
21Peba Ro Jana peputefu1Poing Yesus kekengte ho ,Ke kalengte teba narang-rang teba japa taimbe tupate fue taimbe ruto.2Kera kekalengte pebaung peba ro japakapewefa ruto taimbe tembaga kang hingtung3Yesus lengte,''Niwe leng-lengle ewebamuang pepe peba ro wejanawo pefu te ana eba nawo eba japa. 4Pea , ewe jana eleleng motu wa jana jong-jong e e,peba rowe jana pefu ingwa jalelepa pepe kanya,jalelepa pepeing pejupa pangko po pemotu.''5Kaimpa teba narang-rang temepa pitee Ai Paakepepotejeko pepa wung-wung ing ju pa jana pepe-jana pepe, Yesuslengte,6''Wakotu bang pepe,jaing pewe efo ingpeketa kukule.ja ana wung na aling ungrawung eti fei wung pe ketaku fata-tale.''7Pea, tebafa teangku-Keke, tejeng te-Ke, ''Korubanghaung jaing lewang-wangtu? Pa janoha jari-jaripeing lewang-wangtu?8Yesus pi kele, e engtamomo ung ewe terehi pepekateba nawo tete bati Nine pa pitete e, Niwe Kea, pabang pepe pete watu,'Tewe elalaka.9Anaing-angra, le elate ping tete ete pa tewetaki ete, ewe eefufuka peing jaing-jaing pe lewang-wangtu pe wawato,pepape pepeingpetete rakawo.''10Wakotehe Yesuslengte tewe''Bapaung temeko teputebapaung pipo tela-telatetera pipotela-la jeng tafa.11Pe lewang-wangtu fitong tetetu hangfeng,neba hukikitupa nolelepa-nolelepa totojeng lolo.tukoung ja nati ung petete tu uangfata pa jari-jari pepe fengwo pa tafawowa petang hepate.12Peapa, jaweing lewang kapa,teba-teba metekekete pa me tekepa jano lelepa. Mewe teketute sinagoge-sinagoge tewe pame tekefa kengti a paa-a paa. Tewera me teketu japatebafa raja pa gubernurteho peing bati-Nine.13Pea, jaweing peanalong memejaungmepepe.14Peanya, pung meme kotakoko wakotu jaung hume engko pime pepe anane meme,15Niwe pitiung niweleng-leng me ko tebaung pira tetekatepa baungra teba-teba feng-feng me tetapepe te.16Mewe tena jijite tebahuhu meme, johangmetebaleng-tebaleng, pa lengtume meme,pa teara metejako mewung-wungteba narang-rang ung waebafa ing.17Mewe tena jijite teba nawo bati-Nine18Anaing-angra, ta motu rube meme kohetiti kale.19Wala mewo humapetata, mewe jeng memuko-kope pemepe.'Teniwefa hetuYerusalem Petaku20''Anaing-angra, po ewekalengte kota Yerusalemteba taba-taba riha pake,ewe lulu jataku-kutu petewatupa. 21Bang ing, teba-teba temete jeng ing Yudea tewe nete-te tetu mejata- tete pefu, teba-teba temete kota ing temejata na pengkota ing pa teba-teba temete bame-bame ewekota Yerusalem ekeng-kengka22Peing bang-bang arikeloki-kilejalele paing pepo tumotuwakotupa.23Feng tafa teume-teume kopa pa no tenietepoing jalewang-wangtupeing fengtafa bame ing,pa jafeng bapalewo kewefefe bapa wea.24Tewe anabepa tejifatata tebing pa bapa-bapa tewe a tepe.Kota Yerusalem bapa hing-hing teba japengtu tewewakotu bapaing-bapaingtupe aing.''Keba Ko Kekalaifu Tewenakapa25Peing motu jari-jariwa rang,ke, pa ha-ha.Fitongwe, bapa-pafa tewe tefefe te ana jatealoluejafu tio ketakufeng pa oka tafafa ei.26Teba-teba kufutepatewe tefe pa temepa jeng eja lewang-wang fitongkewe lelepafu ma motu petang keleko letefa-fa.27Keing pewe, tewe karengte Keba Ko kete kela atu ma pa pinapa bapalewo.28Anara wakotu ja-jawelewang etu, ehaleng-leng pa rube meme mebe etibang nene petu watu.''Ahakelai anaRitu Ara29Kaimpa Yesus hoho kele ahakele te tewe:''Eka kaleng ara tufu pa ritu hing-hing.30Anara ri-ri ing ha lewang-ha lewang ewe hue-engte papa pa elelerangtang eti tewatupa.31Anaing-angra wakotuewe ekalengte jaing lewang, ewe leleAi Jeng Tetekepetu watu.32Bamuangnya Niwelengtete ewe, tebamo wetewe bing-bing kate wakotu jawe lewang-wangtu. 33Petang pa fitong pelengtete tu, piti-Nine we pewewe rakawo.''Metupi Memumu BangTete tu34''Me engtata ung pungmeme japa lelepa ana kojatete ete, patejung tanghatuetu, pa memumu petakuetu.Pa, bang ing petete me anaja nehenete.35Pea, bang ing petete tu peete fefe lelepa motufitong tupa pepawo.36Ehu amumu bang-bang pate pa lupompongfanewa nene ung newe nafeng newewe ung newekekofafa wa ne nene te ja lewang-wangtu pa neruruto ho Keba Ko.''37Petu febang, Yesusjakenalung teba nawoAi Paake , kaungpa wana rapang Ke kota ing kewelite pa ketipa i Heng Zaitun.38Pa, fetang-tangfa,teba nawo tete e-Ke ifuAi Paake tuwo koletelae-Ke.
22Lengma tejuYesus Tejako kewawa1Bang tete Hang ongRagi Ka teniete Paska petetu.2Imam-imam rube pateba-teba ropo fojanglengma noha tejuko Yesus,anara tewe tefemo teba nawo.Pengkhianatan Yudas3Kaimpa, kebate kengtihe ne Yudas ke teniete Iskariot.Keing keba aling ung keteangku tebafa hampa.4Pea,memaleng maYudas meme pi ewa imam-imam rube pa teba Ai Paake tewetu rete tunaneke Yesus keleng-lengtewe.5Pa tewe pungtuwo papitete ko taimbe tereninike.6Pea Yudas pungle pa long kejuko Yesus kekeleng-leng tewe poing teba nawo teweka.Jajong Paskah7Kaimpa, Hang ong RagiKa, bang ing jako domba tupate fuete Paskh. 8Po bang ing, Yesus lengko Petrus pa Yohanis,Ke leng, ''Eha pa jajongka etupiko Paskah ne nana.''9Tewe niteYesus, ''KeweneMepungle ungjanetupi-pi.''10Yesus lengte tewe,''Poing ewe kengre kota,ewe laelela keba kebaleng-kebaleng ke kendi kekeka-ka; elata koko kenya koke kengkeng paa keke,11pa elengtete keba paa ba ing, 'Koru kengtemewe; Kewene jang jengNiwe jajong Paskah nenalupa teangku-teangku-Nine.'12Poing, kewe kenolungewe jang bapale panaholelepa motu. Metupi fatajajong nenana kefua.''13Pea, Petrus tenaYohanis teja pa tetefi lelepajaing pelewang fata anaYesus lengkotu patewera jajongpaja tetupikoPaskah.Tetajung Paskah14Wakotu bang pepe,Yesus pa tebafa rasul tetajung tepajo tangri jajong tetang-tangte. 15Kaimpa, Yesus kelengte tewe,''Niwe pungle jajong Paskah epa nelupa nana,fengte Niwe weweka.16Niwe lengtete ewe,Niwe jajong ing nikang-kang kale wakotu jawe hetepa Jeng Tete Aike.''17Pea, Yesus ja anggur telikomu ing kewe pa kewapate, kaimpa keleng,'' jawe mepe pa mekopeebafawe.18Peing, Niwe lengteteewe ung-angwe Niwe anggur nihung-hung kalewakotuJeng Tete Aike tetetu.''19Kaimpa, Yesus hang ong kewe pa kewa ete, Kewe hang ong ing keje pakeleleng te tewe pa keleng, ''Hang ongwe peing ne-Nine niwelengteewe; pe elee ana Ni e eng e.'' 20Peanara, jajongra e ang, Yesus ja anggur kewe pa keleng, ''Jawe kejanglu koteme ing peing ana Ho-ho ropo nati melenei hi-Nine.21Anaing-angra, ekaleng, no keba Ni ke keleng-leng kewe ana kelupamete tangri wea.22Pea Keba Ko ke kakalepeing nowea pe kelukotu,peing fengwo mebaKe mebepeng!''23Teangku-teangku-Keke tejeng e kealing-ungkengte kehing ung neweba jaing kelele-le.Mepeko ana MebaJano pemepe24Rasul tewowo pipotelaba keing tefiti kebapale.25Anaing-angra, Yesus lengte tewe, ''Bari-bari bapaing te Tata tefijangkajeng ing tewe tupa bapa tete, pa teba-teba te jeng ing te bari-bari ingteniete'Teba Bapaing ewkotu.'26Peanya, ewe noingeleleka. Peing, pewa bapale ete ewe pi e ahihipetangleka, pa meba rube me ana teba jao teete.27Ba me bapale, ba takungpa jakang ilena bakapa ja koleile.Anara keba takungpa ja kang ile.Peapa, Niwe ana mule hou-hou e e ni ana ba ja koleile.28Ewe ana teba-tebalatakete-Ni tepa nelupajalelepa tepa Ke teteriete-teteriete. 29Peteing, Niwelengna ete jeng tete,anara Ai Nine kewelengte Ni, 30Ung ewe ja e eang-ang pa e hung-hung tangri aling ewepa-Ni.Pa, ewe mumujeng ete kotu ko ari elohi-hibapa hampa Israel.''Petrus kewe Yesus Kealolu.31Simon, Simon, le mepate Niwe. Bate kewa komewe ketampiliko ana pelasi, 32Anara Niwe ewe lupompong niwa ung pung e e takukuka. Pa ewe keng epa ne ketapo, johang e-johang eeleko te nafeng-feng.''33Peanya, Petrus lengte Yesus, ''Tata, niwe ne nitupi tekekeng titi apaa ni wung-wungra ama nelupa!''34Yesus lengte ke, ''Niwelengtete me, Petrus, ung-ang bangwe ojing balengna kelele kapa me ni mepapa la hengtongmewe Ni mefupang.'' Metupi-Metupi memeFengtafa te Witafifitu35Kaimpa, Yesuskengte teangkufa ing,''Poing Niwe e nileleng ehataimbe haka, ha, na langhepo, jaungka ewelelepawe kafata?''Tewe nite, ''Ka''.36Ke lengte tewe, ''Peaung-ang, ba me taimbe ha meme, mameme. Pa,ba me anabeka, ba mero meme jata mepe me pupe anabe jata mepe.37Pea, Niwe lengtete ewe jaing pe potumotuRopo To pewe tuhetepanei Nine,'Kewe tejaji teba-teba neleng telupa.Yesaya 53:12Peing pepotu te Niweung-angwe lewang.''38Pea tewe nite,Mekapeng Tata, kewe anabe hingtung motu.''Pa, Yesus lengte te tewe,''Kaing pana.''Yesus Lupompong keleiTaman Getsemani39Kaimpa, Yesus ke kengti pa keti Heng Zaitunpeing ana Ke kelei; pa teangku-teangku-Keke tera jaju tetela Kea.40Poing Yesus kekakotijeng ing, Ke lengte tewe,''Lupompong ele ung eweekengre-reka ja teriete.''41Kaimpa, Yesus newekewe kakana pongti tewehamba pepe wung neropa ietu, kepaheti lambitepaketakung pa lupompong kele, 42Ai,ana Me pungle, jawe mebebeka NiPeing ana pung Nine leleka, pung Memefa lele.43Wana ingte, peba fangpa pewa surga ne peang-Ke pa ne keke petuko-Ke nafeng.44Pa, Me mepe mafi-fipe, Me lupompong bamuang-bamuangwo mepepe; papo-Meme anahinya taju heti hangto.45Poing Yesus lupompong kelekoka, Kekana teangku-teangku-Keke pa tekefi tewe teleweng hupalang futu.46Yesus lengte tewe, ''jatuko ewe luweng. Ehaleng pa lupompong eleung ewe ekengrerekaifu jeng teteri ete.''Yesus Tekekete47Poing Yesus pikelei,tebafa nana; pa ke tenieteYudas, keka tebafa hampa teangku ing-ang, rube tete.Pea, Yudas ketilatu Yesusko kenupa-Kewe.48Anaing-angra,Yesus lengte ke''Yudas, jatuko meweKeba Ko mebepeng-pengpe nupa mepe.''49Kaimpa teangku-teangku tejaleng tepajo-Kejaleha lewang-wangtu, tenite Tata, newe tewe anabepa tene jiji?''50Kaimpa, keba aling ung tebafa teangku ingkeung jano reete Imamagung le keke nopalo kelu.51Anaing-angra Yesuslengte, ''Kaing, pa.''Pea, Yesus no kela le keba jano leile pa keleko hae.52Kaimpa, Yesus lengteimam-imam keba ruba Ai Paake, pa tebahu-hu tete-Ke teke-kete,''Jatuko ewe ehafatale anabe pa pentungan ele keba jata leile ekekele?53Poing Niwe epanelupaAi Paake bang-bangfa, eweNi ekeka.Peanya, ung-angwe bangpepetu ewe pa kebate ma lopangke.''Petrus Yesus Kepa54Poteing Ke tekepa,teba-teba ing teketuja paYesus teketute paa imambapale. Anaimg-angra, Petrus kelako tewe pongfa.55Pa poing teba-teba ingra tete hou-hou paa tata patetajung lupa-lupa,Petrus kera takung hetitelup teme.56Peanya, pebaung jaotuetu peume Petrus pefokemu watu rapaing pefuteweko tangha Petrus penu,''Kebawe kerala telupaKe pate.''57Anaing-angra, Petruskepa, kelengte, ''He meume, ni we Ke nifulangka.'' 58Ka jokaimpa, kebaungra kebahing kekefu pa keleng,''Meraing mekengme kopeba alingwa tewe.''Peanya Petrus lengte''kawo,niweka kebaka tebafa aling raka.''59Rangku wako teherangku aling kaimpa, kebahing-ung kera lengwa hupalang keke bamuang,''Bamuang kebawe kera telupa-Ke, pea kewe kera keba Galilea.''60Anaing-angra, Petruslengte, ''Niwe luka ja epi leele.''Poing-angra, Petruspi keleile ojing balengna kele.61Pea, kepuna Yesus tipa kekengna Petrus. pa,Petrus ke engkote piti Yesus lai, peanya Ke leng ile kote ke,''Ung-angfa ojing balengung-ang ewa nara kelele kapa me Niwe mepapa pela hengtong.''62Kaimpa Petrus kekana pengti pa fu keleTeba jeng tewekotu Yesus Teketupa jano lelepa tete63Teba-teba Yesus tepe e tenajie pa te-Ke teketupa jae. 64Tewe luto-Keke tepo pa tenie,'' Pitiung kamepa! Ba-Me kekaile?''65Tewera ja nawo tenipate jakeleinya te-Ke pungtuka tekang ung tera-Ke tenajieYesus ti HoYahudi Rube66Fefe pepenya, teba-teba Yahudi Rube, imam-imam rube, tepa teba-tebaropo fojang tetelu pa Yesusteketuja tete Mahkama Agama tete.67Tewe teni, AnaMe weing Mesias, mekapengtu newe.''Pea Yesus lengte tewe,''Ana Niwe leng-leng ewehuewete papakatu ja Nipile ele. 68Pa-Ni piung heng-heng ewera leng-lengkale69Anaing-angra, ung-angwe Keba Ko kemule AinopalokeEtekotu ma kele.''70Tewe nalungpatenipate, ''No ewa,mewe ba Me Ai Oke?Yesus lengte tewe, Ea lengNiwe Kea.''71Kaimpa tewe tenite,jaha ungra newe-we kete.Epanewe kara fatawa lang u-Ke kewo.''
23Yesus teketute te Pilatus1Kaimpa, teba meingtejafata leng tere pa Yesusteketute Pilatus ho.2Pa, tewe Yesus pi tete etenie, ''Newe-Kebawe bapanenewe kelepei pa keleng Kaisar taimbe nefu-fuka,keleng pate Ke weingKristuskeba Bari.''3Pilatus kengte Yesus''Mewe Bari teba Yahudi?''Yesus lengte, ''Peingmeang peng.''4Kaimpa, Pilatus kengteimam-imam rube pa tebanawo, ''Niwe jaungra keletefengra nifika-Ke baweing.''5Anaing-angra, tewetewae tenie pina nafeng,''Ke teba-teba keka kapa kepei ja-Ke nalung pepawotupa jeng Yudeawa Galilea wakotu kewea.''Yesus Teketute te Herodes6Peanya Pilatus le kela jaing, ke kengte Yesus mewe meba Galilea.7Pa, kelu Yesus keka bapa jeng Herodes kewekotu, Pilatus kera Yesus kekelengna Herodespoing kemele kotaYerusalem.8Kaimpa Herodes Yesuskefu, ke pungle tafa. Ke jotafa-Ke kefi-file kewe le kelate janawo Yesus kelekewe ana pungle jaungkefofo jalopa ung Yesus kelele. 9Pea, Herodes janawo kekeng iYesus,peapa Yesus piungrakeleka jaleungra ke kelengka. 10Imam-imamrube pa teba-teba ropo Taurat fojang tere fua Yesus tehenja pina nafeng.11Pea, Herodes pa tebafa taba keke tejape kongti pa Yesus tenajie.Poing, tewe jubah teweni kefa juwo tera tekenina tiPilatus. 12Potefu, Pilatus pa Herodestenake ping teme, peanya bang ingtenake bato tete.Pilatus KeletapeYesus Ke kofafa13Kaimpa, Pilatus imam-imam rube, tebafa rube Yahudi, pa tebanawo,14pea keleng te tewe,''Ewe Kebawe eke aluni anakeba teba nawo kelekapapeile. Anaing-angra, poingniwe Ke nilafu ho e e, niwe jaungka nifika jafeng ungkeleka ana ewe ehenghaele-Ke.15Herodes kera jafeng ung-Ke kefika kera Kebawekekeleng ti te. Ekalengte,Ke jaung feng keleka ehueng eleng bamuangari nilohihi ekako kewawa.16Anateing, niwe-Ke, nikaka, ni-Ke nino hangfa.''17[Poing wapatu bang raya Paskah, Pilatus teba nawo temete a paakele feile.]18Anaing-angra, tebanawoing telupa-lupa teepate,Ekepena futi Keba wea.Barabas ekefu te newe.''19[Barabas keing kebakemu apaa kewe ketihe teba jafeng-feng teete kotapa teba tejipa tebing ete.]20Poing Pilatus pungleYesus kekefufu, peapa fang-fangra ke pikele teteba nawo.21Anaing-angra, tewe hiwafake, ''Ke Eke etileKe Eke etile!''22Wakote la hengtongPilatus ke kekengte tewe,''Jaungka?keletefeng-Kebawe? Kejafeng keleka. Ni weka jaungfeng-Ke lenifika ungbamuang ari nilohihi ekare ekako kewawa.Noingpa, ni-Ke nikakaKe no nihangfang.''23Pea, tewe nafeng tafapa tewa pina letapa ung Yesus tekelele.pa, pina tete tewe.24Pepape, Pilatus pi kelukela ja tewaete.25Ke keba teba nawotewaete, keba me apaa tejapa jaetakietepa teba tejipate tebingAnaing-angraYesus kekelengtepung tete tu.Yesus Tekelelete26Kaimpa tabafa ingYesus teke tuja, tera kebaung tejape, Simon kebaka Kirene ka ung-angka bame te. Tebafa tabasalib tewefe pawu keke pa teniko ke salib kewekuke kue ing Yesus.27Teba nawo ing tela Yesus, pa tebafaing tekaungka teume-teumetefu-Keke tete e pa-Ke tefupafa. 28Anaing-angra,Yesus kepuna tewepa keleng, ''He ang u-ang uYerusalem, fu-Niwe eleleka.Ne e ewonya fu elelepa ko-ko e enya.29Wakotu bang pepeteba-teba teninite, 'Ne ewotafa eume-eume babeng,pa ampi e e ko eleleka,pa no e era eleng tejung-jung kate.'30Wakotu poing tewe teni tete pe-pe, 'Tape fataetefefe newe!' pa teheng-heng, 'Newe mepofata!' 31Pea, wakotutewe jaing-jaing teteana ritu ing motuja lewang-wangtu ana ri ing ang.''32Teba feng hingtung ungra tera tere tute tejiko tebing-bingtekepa telupa Yesus.33Kaimpa tewe tejakoteju jeng ing ti ''Rube,''tebafa taba Yesus tekelela telupa teba feng hingtunging, kebaung ke nopalo-Yesus pa kebaungra nonalo-Ke.34Kaimpa, Yesu lengte,''Ea Ai, tewe memofa fata,tewe jaterika jawe tew tete.''Pea tebafa taba undi tetekoro-Keke tete tewowo.35Teba nawo tere fuajaing tefoleng, tebafarube Yahudi Yesus tenajierau tejae tenajie.Tewe teni pate, ''Keweteba hing efeng kewelengile, pea-Ke kerawo ne kekeefeng keweleng-lengana-Ke ing KristusKe ing Ai kewo Keki.''36Tebafa taba tera-Ketenajie, pea tewe tetuanggur tilang tekeni-Ke37pa tenite, ''Ana mebaRi teba Yahudi, ne-Mememewo memofa kara.''38Pa, anara japo ungtewefe kotuho-Ke;''KEWE BARI TEBAYAHUDI.''39Keba aling ungka tebafeng ke tekeleko kefuaYesus kenaki i, keleng pate,''Meweka Me Kristus?Ne meme woka Me mofapa newe!''40Anaing-angra, keba feng hing ung ke hekelupa keleng, ''Mewe meka fuka Ai mera jamepe mepemu kotupera aha aling.41Newe bamuang pepeja amane wenunute ahaana ja amane nete, peapaKebawe jafeng ungra keleka fata.''42Pea, kelengte Yesus,''Ea Yesus, niwe me engkoko Me kengme ifuJeng Tete-Meme.''43Kaimpa Yesus lengteke, ''Niwe leng-lengmebamuang tafawo,ung-angbangwe me-Ni amane lupamute Firdaus ifu.''Yesus Kewa44Bang ing ana rangkuhampa rang, lopang tupajeng ing pewe tupa kakotirangku hengtongrangleng 45rang kelopang pa tirai i Ai Paakejing kang hingtung.46Pea Yesus keleng etepina letapa, ''Ea Ai, no Meme Ni lengtung wenikeleng-Me.''Wakotu pe keleng,Yesus pungpe Kekeeti.47Kaimpa taba rube jalewang ing kefo, ke Ai pikeleng pa keleng ''Bamuangwo, Kebawe jafeng keleka.''48Peanya teba nawotete jaing tefofote jainglewang, tewe temepa tangrue tete terojie-terojie.49Tewe nawo Yesus tefijang pa teume narang-rang ung tela-Ke tewe tejaGalilea tere hambang-hambangpa jaing-jaing tefoe.Yesus I tete50Kebaung kebaleng-kebaleng bati keke Yusuf,keing tebafa Dewan Penasehat,keba efeng pabamuang. 51Kewo ing kepungleka pa jate-te .Yusuf kew keka kota Arimatea, peing kota teba Yahudi. Kera keba kemepakeng ile-ile Jeng Tete Aike.52Ketifi Pilatus pa kewaYesus ripeke.53Pea, ke Yesus ripeke kewehete wa ri salib pa kekerapela ro linen. KaimpaKe tekefati keheti i fuluing pahat tangja tete wungra.Kefu baungra teke fatiraka.54Bang ingpe Bangtetupi ete, pa bang Minggupe tetewe jajate.55Teume-teume tewe tete telupa Yesus teja Galilea tejajue Yusuf. Teratete fulu tefofo-te pa tunane Yesus ripeke tekefati i ing.56Anara teing, teme pa rempah-rempah tetupipapa wala minyak tejojoYesus ripeke.Wakote Minggu bang tewetemefa meme peing Musa ropo Taurat penu.
24Pifeng Yesus Kelefute1Bang lopanaminggu ing, poing fetangkupawo, teume-teume ing tete fulu Yesus ja tetupirempah-rempah tetu tete.2Pa tete tefi wung bapale pe tewepetewa fulu.3Anaing-angra, potekengte, tewe teka fikaTata Yesus ripeke.4Kaimpa yewe te engtape-tape jaing, joka-jokapa teba hingtung rotehemo jabebewa-jabebewa tena pere tewelaelo. 5Teume-teume ingtewe tefe pa tangha tetekengtepa, peapa teba hingtung ing tenite,''Jatu ewe juele keba melekeka teba-teba bing ete.6Yesus kewe keleika, Kekelefute. E engkoko janyaKe lengkotu te ewe po Kekemu Galilea.7Ke leng Keba Ko tekenititi no teba-teba nelengte ete, tekelele, pakelefute te bang hengtong.''8Pea teume-teume ingte engte piti Yesus kewola.9Peanya tewe me puteteme fulu Yesus, tewe hohotete e jalewang ing tete pate tebafa hampa tekaung telake Yesus tekateba hing.10Teume-teume tewe hoho tete ing Maria Magdalena, Yohana, Yakobus make Maria, pateume narang-rang hing.11Anaing-angra, keleng teume-teume ing tehiengtekeing pi ong tafa tebafa rasul pa tewe teriri ongteteume-teume ing.12Anaing-angra, Petruskekaleng pa kekatati fulu Yesus.Ke paheti eng epa pa kekalengte ifu, kefi ro linenripe tepo.wana ingte, Petrus kemela ke engtape ja lewang ing.Yesus Ne Keangte Tebafa-Keke LengmaTete Emaus13Bang ing-ang, teba hingtung telakete Yesusteja tete te bame ing batiEmaus hambang pepeaha-aha nete te 60 stadiawa kota Yerusalem.14Teba hingtung inghoho tete jalelepa lewang.15Peanya tewe pi tete epa keung pile no ing-ang,Yesus kewo kete kelatuleng kepatelupa tejae.16Anaing-angra, luto tena kete kepe kaimpatenake Ke tefi jangka.17Yesus lengte tewe,''Ja enake pile eleleng haele?''Teba hingtung teju patangha tena kete ana fu tutu.18Keba aling ung katewe ingbati keke Kleopas lengteKewe, ''Ja Me kealing-alingung meba mapengloYerusalem mewe pukanaja lewang fua ung-angwea.''19Yesus lengte,''Ja ha?''tewera nite Kea, ''JatuYesus ka Nazaret. Ke ingkeba nabi keba mapa pitipa jano-Keke ketipa ho Ai pa bapa nene.20Anaing-angra,imam-imam rube pa tebafa rube nenetea Ke tekeni kotejako kewa, patewe Ke tekele.21Bamuangwo newe ne engne Kefa bapa Israelkeko fafale. Peanya,ung-angwe bang hengtongwa ja lewangnya.22Anaing-angra, yeume narang-rang wa netu teteko nelengho. Poing tete tea fulu fetangpa-fetangpawo. 23Tewe teteYesus ripeke tefika.pea, tewe temepute pa tenitewe teba fangpa-fangpa,tene teang tenite teKe kelefute.24Anaing-angra, teba narang-rang tenewe tetefulu pa tera tefi anara ja teume-teume teni.Anaing-angra, teweraYesus ke tefika.''25Anaing-angra Yesuskelengte tewe,''Oh, kalalafa ewe topo pahupalang a afa kojaweelulule janya tebafa nabi niwe.26Anateing kana Kristuslelepa kewe kapa fi-i pa ke mukengti-ti i-fuKe piteniete.''27Pea, Yesus lelepa potumotu Ropo Tuwo bekele leng tu ne Keke,wakotu Ropo Musa pera tewe tebafa nabi teingnalung pawo.28Tewe teja kote watupabame Emaus, Yesus kelelukepeleng kai Ke titifu.29Anaing-angra, tewe Kewe tejaju pa teni, ''Mepepa nelupa netene wea kewe rapangtu pa rangwe u heti tile. Pea,Yesus kenggti kepa telupa tete e keing.30Kaimpa Ke late tewetelupa teme tangri jajong,Yesus hang ong kewe pa ke ma kele. Ke keje-kejelengpa keleleng te tewe.31Poing, luto tete be keju pa Yesus tefijang.Peate, joka-joka Yesus kelengti wa luto tete. 32Poing-ang, pitete tewe kealing kelengte keung, Anara ing pung nene ana ranya e iKe pi kelei newe po leng nenane pa Kebekele fata Ropo Tukelete newe.''33Poing-angra,tewetejaleng pa teme punaYerusalem.Tewe tete latete teangkufahampa pa teba-teba tepa telupa lume tepa-tepa.34Teangku-teangku ingtenite tewe teba hingtung,''Tata bamuang-bamuangmelefupe pa neka meangte Simon!''35Teba hingtung lake ing tera hoho tete ja lewang tewe leng jae.Tewe hoho tete tunanekotewe Yesus tefijang poingKe hang ongwe keje.Yesus Ne Keang teteba telake-telakeKe36Peapa teba hingtung ing jalewang ing hoho tete,Yesus keru langhou-houtewe pa kelengte tewe,''Pepe efeng pewakotu ewe.''37Anaing-angra, tewe telengho pa tefe fatatewe hieng tejaufa tefo ete.38Anaing-angra, Yesuslengte tewe,''Jatuko elengho pa efupaele petehe pung e e?39Ekalengtu we no-Ninepa lang-Nine. Kewe bamuang-bamuang Niang.Ne ewetefi Ni pa eka kaleng, jaufa peing na kapa e raka ana ung-ang Ni-efuele.'' 40Poing Yesus lengte Ke no pa lang-Keke kenalung tewe.41Jopa joka tewe hupalang heka tewenaka pa te engpate-te engpate,Yesus kengte tewe,Jaungka ewe i etu ja nenanate.''42Pea tewe me riungtewe nite-Ke43Yesus me ing kewe pakekang ho tete.44Kaimpa, Yesus lengte tewe,''Kawe piti nine nileng ewepo epa nelupa. Lelepa po tumotu tehe Ni motu Musa ropo Tauratke, ropo tebafanabi, pa Mazmurpehe tepa.''45Kaimpa Yesus pung tete be kele fata ung teweRopo Tu we teri jang-jang46Yesus fang-fangra keleng te tewe, ''Pe po tumotu Kristus kewe kapafifile pa kelefute keka teba bing ete bang hengtong.47Pa, keng nepapa nene kekofa-fale wa neleng nene pe ete uang-angbati-Ke ke petewapa pawobapa lelepa, keng teja waYerusalem.48Eweing ewe hemule-hemule wa ja wea.49Elu tata, Niwe niwelengte e le Ai ku' ke.Anaing-angra, ele e kotaYerusalem ko ewe lelepawekelelako papama wa jeng tete.''Yesus Kemueti Surga50Kaimpa, Yesus lengko tebafa lakete-Ke tejana kota pengte teteju Betania.Kefu, Ke no kele ete pa tewe ma kele.51Poing Yesus tewe ma kele, Ke heke wa tewekemueti surga.52Pea, tewe-Ke kengtepa pa temu punaYerusalem te pung tetepina efeng tafa.53Tewe bang-bangpate temepate te e Ai Paake pa Ai piteni.