¹Paulus re Timotius re na, Yesus Kristus re yebeai bubeai, Kudus domyea nea nembase Yesus Kristus re einye Filipi yo na yo, angkhai jemaat neai penilik bere majelis jemaat bere te : ²Allah re na onomi poimoi, eai Aye khabang, angkhai Tuhan Yesus Kristus mate u eikengnempe !³Mai ubene tayare ne Allah te tereng wanare. ⁴Deai among-mong einye mate nembase, nea deijea maijea tere eimoroware ⁵tanyebang ma mee u nembanye mokhoyauge Injil einye nee beme yea meke naa see ne. ⁶Deyea desesai nakhare, neyea mee u poi mai norone mokhoimiyere, neyea tuwaseai mokhongekhonde mende Yesus Kristus re yaa ne.⁷Neijeng tere nendamaneng tuwanare, meeyea nembase deai kena u einya. Khawa einye tengware sinoijea meke Injil de eatene erea beware, meeyea deai anduwa te yeubokhauge Allah re anugerah einye. ⁸Allah deai saksi, dea kena mai ubene mo beyaise.⁹Na deai adiy - diy : Mai kenabusea u busea terengbara benaije, iseai tamang einye ; ¹⁰Meeyea poinyei etamung neasinoi ereikhompe ; weai euga nikibang khombubang dea Kristus re yaa ne; ¹¹Kui ei ani einye a tere Yesus Kristus eijea, bumakhabang Allah te mo.¹²Akha beake, deai kena khare meeseai nekempe etamung deai euga te bewaije Injil te be na douke ere, ¹³Nenda istana na karya domyea angkhai domyea suwa nembase iseainaibonde deyea Kristus re kena ne khawa einye seisekhokhaise. ¹⁴Nenda khawa seisekhokhaise yea eai akha beake Tuhan te nea kena u mea-mea, doukaije pee ekhoisee yeubokhaije Allah re akho peauke ereyaije.¹⁵Domyea suwa Kristus re abubu kereaimi bea nea kena sengseng dangdea, nea uruweawea te khonaise, neandebe suwa yoo bea neai kena u nea poijea mo eimokhowaije. ¹⁶Mentau poi jo wa neang Injil siseayaije bea kenabusea ubusea ne, tanyebang, ne neseai deyea Injil de eatene khawa einye mekhare tebare. ¹⁷Neandebe, mentau pekho yo wa neang etamung eimokhowaije wa neai ururweawea te khonaise, nea kena u pekho, nea ubene tayaije bea eraijea ne neasinoi sing deate etee te tainaisente deyea nend khawa einye tentere see.¹⁸Angkhai neang umangkhai ne hasil thai ? Nea poi sere bea, thai wake yea mokhompe, sinimbu wake yea atau poi wake yea, Kristus re wengmiyempe, neande etamung te deijea maijea khompe. Yoo, deyea dei mai nesbi mo khoteponde, ¹⁹de deseai nakhare weai adiy-diy eijea angkhai Kristus Yesus re Roh yea dikembonde, nenda etamung deai euga te bewaije dowende deai tainaisekonde te yembonde.²⁰Deai dabo tareimiyare ibi eabea de pee edowei. neandebe, deuga (keberanian) doukare, Kristus re uno deai euga einye bumakhabang khornanyende mana see yea dowende nesbi te mo yembonde, nenda wari nakhare see ne atau etetetende see nee. ²¹Deai euga te bea, nenda ari bea Kristus, tetemare bea terengbara rombea.²²Neande be, ne wari mo nenda euga einye neketere bea, kharya mokoteponde ani bere yembonde. Neangkene, de deseaibang makerkhaye be ikertebonde. ²³Deuga mekhare neang etamung bee noro na ayeisekhokeije tebare. Deai kenakhare bea nenda wari nuketebonde mo Kristus re anekente, tanyebang neande neaipoi tere. ²⁴Neandebe, mai euga te poibea deyea ne wari nenda euga einye neketere.²⁵Neande dabotareijea tuwanare, de deseai be te empee neai, ma dabotarei deimai ne bea deyea mambere nembase nekemare. ²⁶Deyea beneng maise buketesinde bea, mai (kebanggaan) Yesus Kristus re einye deai kenane beneng khabang bende. ²⁷Injil Kristus te wari neaijeng dea mo nekempe, deyea beneng metere mai bere tuwaimakhonde, atau emei, deyea etebotonde meeyea nea ereamo tebauge roh embai einye, ubene embaijeamo, neanembase Injil re na dabotarei kenane derengempe.²⁸Kenapekho te nekhayempe yo yea mate pee emokhoijea, neante umangkhai bea neai pekhopakho te beaije neai wake, neande be maieuga te onomi, neande nou Tuhan de na. ²⁹Tanyebang, Kristus re eatene, mate karunia Yekempe, Neate dabo te mo tarengempe te bang, neai eatene ubusea wabusea te pongnederekhompete. ³⁰Neangkene mai (pergumulan) dereimiyaunge deyea derenyemiyare maneng, mana mengkeaijea botauge deyea neanemang deremiyanare.

¹Na, kena enya Kristus re a usei, buma kabang, kena u embai Roh einye, kena buse u buse einye. ²We ubene posirei nyoko, buma kabang : Buma kaban u benenga, kena u embai, wari embai, nibi embai.³Nande tai-tai e moroije weukekei, u bena jende. Wekena ate yemo, Domiyea su wabe poimokomaminde, ei euga poisemo emokoije. ⁴Meyea maisemo ijoko eteije, domiyea suwabere etengmimpe.⁵Enda u bene wari mainye mo yea, tatesinde ubene-kena u eije Yesus Kristus te. ⁶Allah re uneng wanende, ne yea kaya etebei, Allah re kena u, nandebe etamung embai wanentung korounge. ⁷Ne poi bea, weugate taibang-taibang de, hambare u nurube do domiyea eugate yeibore. ⁸Ne yea domiyea, ne u ate korweunge, nesbi teteke, otarine bo wainye.⁹Nande kenebe, Allah buma keweungenete, wei do abe enai erende. ¹⁰Yesus re do eije, oto tereng isewaije, yo buma yo yea, wonde ane. ¹¹Endah ayea feuge ya kawere, kristus Yesus neyebe Tuhan, nei neko Aye Allah.¹²Deai akabeake, kenabusea seamare, deate takhoyaute : Nandekene warinibi be takomempe, pe kompe, onyew isi nempe, makere ya yea, na tuyea de yea emei.. ¹³Nan de be Allah yea mai enye karya mokore, kenayea kowere. karya nea kena ne nekeunge.¹⁴Mokoimo mokore, makiri ekoije, dirboi etayeije. ¹⁵Meyea mauga nikibang, meyea be Allah papa na noro yea yereukokeneaise. nesbi neikore ne norong maskha waneng ; ¹⁶Na tomongpe me bobo i kereibore, na warine Kristus. Re enye, de yea nentongbande etakhai.¹⁷Injema de oke di rendebonde, deyea weaibu ako, wei ime-enyea imante nekare, deyea bumakeware buma nembaise korayeuge. ¹⁸Meyea neaima, neang eate ne buma korongenpe, nembase deai bere.¹⁹Tuhan Yesus re enye, dabo tareware, waraye Timotius wenyere mende wei bukone, neayea mareu nekende ne kena mareu. ²⁰Na domiyea dei bere aukang, kena embai-ubene embai. deai bere, nea kena u yea mau i poisemo. ²¹Domiyea suwa neai u poisemo koimeyaije, Yesus Kristus re kayeate etakoi.²²Meyea natere meseai, Timotius nibi kereumiboke, neyea ne bumana, neyea takoutebke arereng siseayeumeke mai bete empeneai, pa merea neakote maneng. ²³Nandekene, dea khena u kabang tere, neate wetenendeyamo deyea iseisebonde, taibe deai eugane yembonde. ²⁴Deyea Tuhante ei moranare, deai ya nobe taunge maise netere.²⁵Nande bea, deyea u beneng tayare maise Epafroditus wetenende ende. Neayea deai akhabeakhe, deai tomo yau embai, a rerengbere maise dowenende, deai u kaya tengwere. ²⁶Mai kenanemo nea kena yea tuwayeunge nea kena ei eryea tuwaunge meyea embotompe neyea burone. ²⁷Neatere, bhena neayea burotere derweunge meke tethe bhe taukeunge, nande bhe Allah neai sisea angko kereungeboke - neatemo bang, deyea nandema - dea iboense diyane eteayei.²⁸Nandekhene, deai khena kabang, neate wetenende maise bentonde ende, meyea etengempe bea koije beayea kompe, beneng deakhena kabang ate ewoijea. ²⁹Tuhande einye yea Epafroditus ei engebompe koijea beayea nande maneng domiyea. ³⁰Thetebhe taukeunge bhe, Kristud re anime etame ne warino bhete taungeboke, injeama dikei khaye bei jea bemakonde mainya deate yentempe.

¹Nandene akabeake, bumakabang Tuhande eiye, deyea asei nandene tomong mongnaise dei bere nande mbai. ²Yokute kayatengmare, pekote mokaije yote kayatengmare. Naauga Sunat te mokaije yote kayatengmare, ³Eyea domiea sunatbere poi, Roh Allate yemanende. Yesus Kristus buma kabang koromanende. Deyea kenabang na etamung tonaje.⁴Deyea naisere daei atonore buma kabang na tonaijea domiea suwa ubene tayaije nande ataukaije doukaije nebemete deate. ⁵Mepe embai namebere surat mokoibokaise Israel tulen domiea, benyamina domiea, Ibrani domiea apeu Ibraniyea eraije, hukum tauratna deyea Farisi domiyea.⁶Embei kaijea, deyea peko Jemaatte, a poi hukum tauratre kerena,deyea peko bang. ⁷nenengmande deate tereng yekaisere nendase tuwanare "Kristus einye bangka".⁸Natere, deyea tuwanare bangka tuwanare Yesuste Kristus Tuhante iseyeibokare. ⁹Kristusrene deyea tuyengkokande natere eijea bang dei euga eijea hukum taurat doukare mende imamde eijea Kristusre einye. ¹⁰Deyea neate iseibokare anyukare kuasa eijea peko eijea nainya mate yemabonde tete eijea. ¹¹Wokea nauseikoi deyea antununde do mi ea tete wajea noroyea.¹²Deyea doutere poi mokotebonde,nandebete deyea severeare, deyea ikeretobonde Yesus kristus deate ikerentobonde. ¹³Aka beake deyea tuwanare ikereibokare,nandebe umangkai embai : Deyea deai monya benautetake, dei euga weate etaware weyea dai bena. ¹⁴Deyea bete nesbi arenande yowate etamung poise douterte, surgawite keanentokonde Allahre Yesusre Kristusre einye.¹⁵Meng eyea paijo ubene nantaye taimre, meyea ubene etayai, Allah natere-natere weate kernobouge. ¹⁶Meng eyea wari doukande poi enye nekemare.¹⁷Akabeake takontebodeanye manendea nepoijea domiea wari denyea meyea etauge. ¹⁸Domiea tereng wari peko Kristusre salibte. ¹⁹Newari tuwasei peko bonde, ne Allah si nei yatere, buma koranye pekoneimo, duniawinei ubenemo.²⁰Surga yotena yantena, makerne eyea kena tere Juruslamat tete, dekei-dekei deakangende, Tuhan Yesus Kristuste, ²¹Euga masihtere mo kongmibonde peko noroyea, eyea euga neibere-neibere wiritamang bemabonde, neai me enye. Kristus nasinoi nete besingnainyendea.

¹Aka beake mate kena kamare, dea embey naisere kare, ne era anyukare tebare Tuhande einye. ²deyea mate diamare eudiana nandekaije sintikhena wari poi Tuhande einye. ³Deyea mate diyamare, akabeake nai poi moi, dikeimibo miea-miea era wake nembaise yeimire iNjilte mokomarte, Klemens nai nembase, neanduwanai nembase mokoinase. Neai uno mongkokaijea wari tomongpena monggaijea.⁴Kenapoi Tuhande einye, beneng wamare, kena poi upai jea mo. ⁵Eikenau.. nime tabayeamo domiea nembaise iseinaibonde, Tuhan meke nobena. ⁶Umakiri mokoijea mo,tanye-tanye yakanaijea, kenate kandea among-mong Allah re einye diymanende buma kabang koromanende. ⁷Kena upoi Allahre na yeke ubere wabenene, ekena einye poi mokomanende, ei ubenene Yesus Kristusre einye.⁸Moinyea akabeake nembaise natere, nembaise poi, nembaise natere, nembase naei poi, nembase utuwaimisikaijea, buma koraije, ubere wabere nembase tayei. ⁹Meyea taibe iseyauge, dowempe,botompe deiya etempe, nembaise mokompe, Allah etea upoi wapoi mokongminde.¹⁰Dekena kabang kare mana Tuhande einyea nekemare wonde metuwane sainye yemanende netea. nengmande kaya nete tengmanende, meyea mong edowei. ¹¹Mate wamare na dei karonebang, deyea meuga nasinoinyeai tai umangkainye. ¹²deisai nekare taikoukaro, deyea deisai nekare tai tereng, kabang, nei einye umangkai wari nungabe isaimabonde, tereng kabang yengminde, moni ne demabonde, wari doi naisere bere doi ubere. ¹³deyea tai-tai mokohre nei eijemo yentende erea wake nainye.¹⁴meyea poimokauge etebukuru dei bere yentempe. ¹⁵Meyea meisei nekauge, Filipi na domiea nebemete nanengmande Injilte ernayende Makedoni yowa nukenaibonde, domiea bang yembonde. Nakena nande etebere waseinaikonde, nande eijea wasengminde, yengmindenei, meyea neyea. ¹⁶Kota Tesalonikane meyea etamung yekaumi dokombai dei kougekarone. ¹⁷Nandete ikentobompete deyea ebei, dey bere otakabe beare deate kabangte yentendete.¹⁸deate terengkabang mokoteboukate, deyea yateukokare dei karosinoi yentempe meyea wetea yekayeuge Epafroditus reyea. Nande mena una paibere yekautere, kurban-kurban Allahte poisere moisere. ¹⁹Dei koukaro Allah yea yentende dei buma kabang poi Yesus Kristus einye. ²⁰Onomi poka Allah rena ayerena nekenende nang nekenende. Amin.²¹Dei poi empe domiea naterete wengmimpe Yesus Kristus re einye. dea apo de akabeake te wari embainyenekande yote wengmimpe. ²²Domiea poi nembaise eate yenaiminde, Istana Kaisar ne meutemokaije yote. ²³Anugerah Tuhan Yesusre na yengminde Rohre einyemo. Amin.

¹Paulus rena, Yesus Kristus re Rasul te yeuboke Allah re kena yea, Timotius eai beake rena. ²Nikibang domiea te, aka beake among-mong embai Kristus re einye Kolose na. Allah Aye tuwaro-mando rena, kena poi u poi, neai anugerah yea weate yeneuge. ³Mai adiy-diy be diyware, tereng bara Allah te we yanende. eai Aye Tuhan Kristus Yesus.⁴Meyea mai kena era botokande Yesus Kristus re einye mai yei wasey, nembase nikibang domiea yo te. ⁵Nande kena erea, yeiwasey sira dabo eijea eimewere, surga yona weate taukayeuge - Aye neai peiko eijea botokea, Injil neyea. ⁶Injil weai se mekee, na burang kanirang te, na Injil nesbi ani mokonde nesbi kabang bende, nande waneng mai norona, a botokau surui tea, Anugerah Allah iseyeubokawge natere a eijea.⁷Meyea na etabusi Epratas reyea seayeu ko kauge, meai akabeake anime-etame yo, Kristus re anime-tame yo weate kena embai. ⁸ne yea meate a wekeumi, weai yeiwasey nea boye po - boye moi einye.⁹Nande yaa meyea botokande, meyea adiy-diy eijea mate ebenaisai,Tuhan te diyeyangende, mai eseai tamang yenempe, meai kena eijea, neai ubene wabena boye poi - boye moi eijea. ¹⁰Nande waneng, meye waripoi Tuhande bene nekempe, Tuhan de kena poi mokong nempe umakai nembase einye, etamung poi eijea kui ani bokonde, kabang bende eta busi embai poi einye, kabang bende isea-isea Allah re eijea.¹¹mate erea wake yenempe, neai angkeng dundung yowa yea, meyea kenatabang enjatompe dei-maijea. ¹²Aye te tereng we manende, mate mokombokempe, neai a rereng ikerewbokawge niki bang domie neai nya etamung dowempe asese eijea.¹³eate oudeng noroyea yaweimiboke, pa re angkeng dundung yowa te. ¹⁴neai eijea, eai nikikombu kiyengmikonde.¹⁵Neyea Allah neai eugha nea-te eteiboy, nea bena na buna kani na mokowere. ¹⁶Tanye bang, neyea mo wa, surga na etamung mokowere, na bhurang kanirang etamung ijoko yea etande bere, etei yo bere, poi-ne-angkeng dundung, neai mee eikea yaweimiboke. Yundang te etamung nebase mokoiboke neai eijea angkai neate. ¹⁷Neyea meke na etamung nemang dea, nande etamung nembase mokowere to-kai neai eijea nembai-embaise.¹⁸Nea yea eai euga neai yung, Jemaat neyea. angkai neyea nea beemena, bena pa tetewaidomiea noroyea,eta busi embai neyea bena te yembonde. ¹⁹Allah neai kenate kore, tereng bara neai einy emo neke naije. ²⁰Neai eijea kenado-upoi mokonaije, na burnag kanirang ne nakandeyo, surga yo na, kenapoi-upoi neai oke eijea-salib oo-rangne direuboke.²¹Meyea nebete atau, Allah te ma kena eijea ikete neke waunge, peko maimeyea u yea mokowuhe. ²²Mana mate kena upo-mokombokempe na kani euga ne, Kristus neai teteyea, mate neai u einye yenempe dowempe etabusi embai nikibang, Allah re be yoinye.²³nandene, meyea mai kena u-reaye nekempe,mate nesuruibang ekurung seikoi Injil a botaugena; na burang kanirang na domiea nembase a wemaimi neai eijea deyea, Paulus,neai yebeai-bubeai.²⁴Mana, deyea deai u-busea-wabusea dei-mai kare maikena ne deai u mereng ne, deyea karo morouboke yowa be aseukokare Kristus neai ubusea wabusea einyea. nea eugane Jemaat neyea. ²⁵deayea Jemaat ne mokotere,Allah neai anime etame kenate Allah neai Firman poijea wetemiyende. ²⁶na yokota doro yea yaka yea,keru omi kurungsi-kurungsiyea nune tawkai tongweke, mana meai domiyea nikibang yote kereumiboke. ²⁷Allah yea neate yakangmibonte, etamung pi neai sere yomoi-yang mi suwana tonoyaije,neaisere bea Kristus mai einya,nande sira dabo eijea tarmanende.²⁸meyea neai a be wayemoe arereng tatayempe domiyea te a useai kereangminde ubene wabene yea nande kaije meyea domiyea yauma mibonde,dounaije tena benaije Kristus re einye. ²⁹nande tasite,deyea ubang wabng beware,neai kuasa surui jea eta busi embai erea deai eijea.

¹Taijeban deai kena kare meaye iseayembompe na etamung embai dereimeayanare nea. etekoi sere mai poiiyeai enkai Laodokia, ekai nekaijeyobere, taijebang ni domiea terengkeai deeai beyoibere etuairaikai. ²Natamate derenare nangkaijea neakena eai poi nekenaijea diakobou akobou embai eiyepoi mokonaijea. Neasbi nandomiyea, nan etamung yaetonaikonde buma kabang neai, neai uwa ereate dounaijea,neasbi ubene benaimin dea iseinekanaije nea nunggatere Allah, ni Kristus nembai. ³Neai eija nenunga etamun bumanei-kabangnei u bene wabene isei tamang.⁴Deaye mate wamare nea etamung embai nangkaijea ni domiea nasinoibang mate sinimbu emesei nea apeu ernaijea botomare ne naterebe erere. ⁵Taijebang deai ungawei maibere nembane enekei, deaiye neasbi mo nekemare deai boyepoi-boyemai eije. Nangkaijea deaye deaimai kotere ete-tempe mai karya eijea ne poisere tebempe mai dabo tarempe deai eije.⁶Nantama, meiye neate dougakange Yesus Kristus mai Tuhan neai eiyeya neasbi mo mewari poi. ⁷kambubere annumpe meugga neai eiya, me dabo tarei eiye erea tepempe neai matte kereikokaremaiye, tereng kabang eijea okommipe.⁸Kaya-kaya tebempe nangkaijea domiyea matte sinde sande weate ikerneubouge neai u bene bangka tungka weate pwko eisemokonoubouse,ni neluwa doyei mienainjea nei roh buna-kerana. ⁹Taijeban deai eije nekempe ei moretempe keilahian na wari einye ne mokouboke meuhgaeinye.¹⁰Meinye neasbi meubokauge neai eiye, nea yundanga kayete yeuboke ne nembase bumana nekaiyo iwate nekaijeyo. ¹¹Neai eije meaye neima sunat, nan sunat be domiy ea meyea bang. neai Kristus re me neenai mokombonde. natama mokombonde nemeren neugana pekobere porombonde. ¹²Neai eije babtisan mornayenkompe nembasne neibere Kristus,nangkaijea nembasne nangbere bangkitkan eije Allaj neai erae eijea membangkitkan neaye nang tetewai noroye.¹³Neabete meaye teteke we peko-peko moko weiye wei mereng eije etabusinebang nea sunat; Allah mokonoubouge wewari nembasne nembereye nangkaijea neyea,mengampuni eaipeko tere mokowande. ¹⁴Neaye neasbi senekeumi neatomong bomnte sinoi taiyesi taise erea beyea nan asemea ei. Norona Allah bere eibere. Neaiye neasbi douke pakue otari dange boikoke. ¹⁵Neaiye ne marokeuneboke nangbumane nekaiyo iwate nekaiyo, nea sibi mokoimiboke etewaije pekowaijea. Taijebang deaiye wari doukare ne otari dange.¹⁶Natamaye, nitama domiea embai eweisije weate a wenouge nan etamang nea bu yakabang,keagamaan koibea okoeme nea ya sabat. ¹⁷Ni nembasne nentondon unurumo nankaijei etamung masi-masi neai mende,neai ugga nei natere-tere Kristus.¹⁸Nantama eweisije domie neai deimai nea kena ei naterebang nagkaije monaije nan malaikat-malaikat wea te buma monggwugw. Ni domiea natere bea domiea neai kena neijoko etende etamung-etamung neukeije kande nangkai mo komminde ne u bune eije embei konaije nantama ne umangkai na bunakeruna. ¹⁹Ni ta domiyea neaye poi ikereiboi ne yundanga kayete. yungbe nembasi ikereuboke na ugga nembasne na ugga membasne adirenmisinde nei otokin mekin eije nembasne pawende neasbi Allah re eijea paunajea.²⁰Neasbi ye nembasne Kristus eije meaye tetembompe nang etamung embai beko-beko na bung kerana, taikene meye doukauge na bu kera naise beiboke,be simbo kawge neai mekere ukere, ²¹Nantama,ikereije,nantama etuwaije, nantama edameije"? ²²Ni umangkai-wamangkai niyebang peko embembompe nangkaije takombompe taijeban ni umangkai-wamangkai mokaibo kaije donei mieayei kereimikokaije erebe doukaije. ²³Nang u mangkai-wamangkai natere etandebe yakai boyore ne poisere neasbi poijakaibyore ne a mon-mon neasbi mokonne nei ugute ne kena tabaiboyonge nanetamu niyebang neugabe peko mokore. Nang meunembasne mokonaije nea poi aukang taukang ni neai merentemo poi yembonte.

¹Weyea nembaise anyukeuge Kristus re, bumana a be beikore,Kristus re nekere yowa, Allah re meugeng dumbore. ²U bene benaiyeuge bumana kiyere, ana kaye emokoijr. ³Nande kenebe,weye tetekere nawaribr na nunye, Kristus re Allah re eijea nembaisea. ⁴Nandekene mewari Kristus re enye, wari kerneuge,we ye neima kerneuge nei enye kemuliaan nembaise ya tompe.⁵Nankaijemo, na buna kerana u mangkai pekokaye nukeiyebore warbote morainye. ⁶Na umangkainye Allah peko wononde. ⁷Nande sinoijea mameumokompe, wari nei enye nekempe. ⁸Nenda seyea, nembaise oyore, ikeretan, apeko peupeko, na eugayea.⁹Weayea sininbu emeseije, domiyea benarwate nembaise wei mea u mo. ¹⁰U bene embe domiyea neinya, neasbimo u bene einye kenempe, mokowboke ma u nurune. ¹¹Nendakena, Yunani domiyea Yahudi domiyea sunat domiyea, sunat bang domiyea bere, Barbar domiyea, Skit domiyea, Kristus re enye nekemare.¹²Allah ye do te dowmikoke yo, kenate kowewmi yo kudus, us benete beyeuge yo, kenabuse na kena ana yo, u dimai. ¹³Wekena ate yemo domiyea suate, weate neai ma enaije ototeren isenayeuge. ¹⁴Bumana nembaise, kasih ubene, nentong ikereiboke.¹⁵Nentonde Damai Sejahtera Kristus, bengetonde wekenane, nandene wetekene weuge na no embai buma koroi nyere. ¹⁶Nenda a peu Kristus re enyenekemare buma kabang bere kereimire, a usei weimire domiyea te, bekoimire Mazmur na,rohani na,nembaise.buma abang we kena yea Allah te yei nyere. ¹⁷Tai meyea mokompe,ayea peuge meye uye mokorena nembaise Tuhan Yesus re do yea, buma kabang koroinyere we kena yea Allah Bapa neai eijea.¹⁸Miyea-miyea do te botoinyere Tuhan de einye. ¹⁹Na do we miyea kena buse seinyere,ere-ere ekoije. ²⁰Pa pa a kote, nakete botoimire,Tuhan de kenane. ²¹Ayenei, pa pa neai aikere konaijea ebotoijea ne kena ate wondebere.²²Budak-budak takoimibore tuang-tuan enye. ²³Abu ako na buna kanina koseyo botongmingme, ijokoneteyeatemo, emokoijea kenatekaije yotemo,nandebe wea kena eijea Tuhante kena koinyere. Etamung tai-tai mokongpe. Makena eijea mokompe Tuhante kena koinyere. ²⁴Meyea meisai nekauge Tuhante me otomena e naiyea tuwande.eyeamokangende Kristus te Tuhan te. ²⁵Domiyea pekote mokaije bukenaibonde peko yatonaijea mokaijea,nande domiyea do yea edoi nanbe nembaise.

¹Yoyo koseyo, kerjate mokaijeyo natereyea mokonomine memeisaneikempe meyea naima mai surgana mai yoyo koseyo bere.²Among-mong einye nekemare, buma koromanende kaya-kaya tengmare. ³Meate among-mong einye morongmimpe,Allah neai domau dawengmobonde, meyea netomongpe wemamingdea Kristusre tomongpe nunga tonaijea-deyea kawa einya tebare. ⁴Amorongtempe deyea nepoijea wetempe. neayaka yea aertere.⁵Umangkai poi domiea yakana yote, mong nepoije doutere. ⁶We apeu ne onomi yea,seayea aibore,memeisai nekempe domieate Injama wengmingpete.⁷Tikhikus, deai awengminde,neyea deai akabeke mbai, de anduwa Tuhande einye eamungte mokaije yo. ⁸Deyea mate wekamare neyowa embaiseyeamo meyea iseimnompe, mei umangkai maikena ereawake yenempe. ⁹Onesmusre meneijea,akabeake mbai,poimoi mainorona. neyeamate isainayembompe,tainye-tainye yeuboke.¹⁰Deanduwa kawaenyea, Aristarkus, apoi wekeuge ewere, engewente, Markus neai bere neawau Barnabas nei euganau mate kernayembompe maise mende yawengetompe. ¹¹Yesus rena apoi, Yustuste keneugekoke nande norona Allahre ate nembaise mokauge yote, meyea sunat yo yea mewauge, meyea deate kenapoise mokauge yo.¹²Epafras, akabeke warimbai, Yesus Kristus re tomonakiyea apoi yekeumi ewaije. Neasbi adiy-diy enye, meyea angumpe tebempe, makena meme erea tebempe Allahre einye. ¹³Deayea mate wetempe Injema napeko mate Laodikiana yobere, Hierapolisna yobere. ¹⁴Dokter Lukasre Demasre meate apoi wekeumi ekaije.¹⁵Ekaijea apoi meakabeake te wakeumi kena embai Laodikiane, Nimfana yote ne jemaat imeane yote. ¹⁶Nande tomong mate kongkokayempe jemaat Laodikia ne ekaije tomong koimi kokaijea. ¹⁷Arkhipus te wanye,"nate etei weyea minsi eporoijea we animetame TUhande doukea".¹⁸Deyaea Paulus, apoi mongkokare deai meyea. iseiyembompe. Anugrah Allah mate ikertengkompe.

¹Paulus reyea, hamba Allah nea ako peauko te Kristus Yesus, ne utus mokoiboke Allah re domiea ereikoke nea isea bere tamang bere. A natere-natere neakena poikea moijea. ²Nande domiyea nea dabotarenaije nea kena kui-kui mea-mea nea wari poijea moijea, nea a ereukokenda kani kera emokoi sena Allah yea sinimbu emesei. ³Neai tu mengjembonde, Yesus nea ako peauko yea deate a tetaweiseboke Allah re ai ye wekeumi, aei Juruslamat.⁴Titus te, neai keru iman anugrah bere damai sejahtera Aye Allah re yea, Yesus Kristus eai Juruslamat. ⁵Nanta umangkainye kreta, mokoibokaije weyea tuwa seai mokoinyekore taibe weyea keaibore among-mong imeane mokaijea yote, deyea a te wekaware manengdea neyea peko bang.⁶Domiyea do miea embai jena, nea koru omi wari nibi neaseai neate a etayei wari peko norona erea wake kerai-kerai. ⁷A mong-mong imeane mokonaije yo peko emokoi Allah re ako peuko, embei ekoi akikira ekoi, keubu anei, tang etatei buma kabang te ebeai.⁸Nepoibea yei wasei eai poisemo kena u embai neai uga kaya tebende. ⁹Ne a peau ne ikerembonde tebende neate kereinye kokaise a useai weuminde neonomi yea kerengminde asite eraije yote wengminde.¹⁰Domiea tereng kenabang sinimbu-sinimbu te neai kena, sunat domiea noronayo. ¹¹Neaisere neuga mondei asenai konde peko nea imea ei obe einye yo emokoijea poibe kerenaiminde pe neai etamung ewei eneijea.¹²Neai norona nabi embai erere, "kreta domiea sinimbu nake"' obo yoku tangbere maneng, u makiri peko. ¹³Na a natere be wamare nandene a erea wetempe me iman einye poi yembompe.¹⁴Yahudi neai dirme abubu te eteijea apoise kirinaije neyea kenabang.¹⁵Yoro-yoro yo nembase yoro-yoro mo peko yo bere neakena wawa yo bere domiea embai yorokeai eyeiboi ubene poi neakenapoi upoi nandebe neakena pekomo. ¹⁶Neyea Allah te neaiseai nandebe nea umakai nea mee u oneainye Allah te, neu umangkai u neneyea wa, etakoi neasinoibang etamung poi kayete mokoinase.

¹Neandebe, mate akekerei poinyeai khaye kerwayempe. ²Do tomosi neuga khaya tengnaije, mee beai - beai wakhe, neuga nea onomi, kenabusea ubusea, kenatabang atabang.³Miyea nanare neima, nea umangkhai wamangkhai nea poijea mo nekenaije, a kerai emokhoi, keubu anei. Neandebe poibe kernaiminde. ⁴Neande khaije, miyea totokhoro te a kernaiminde, nea doo te moro te, nea keru te omi te kena khoinaiminde, ⁵Neuga tetaunaije, Tuhan de einye nekenainaije, nea yowa anou poi mokhonaije, kenatabang, nea moro kere ne nekende, Aye re akho peauko te peko emokoi.⁶Neanta mayea tokhorpapa te a useai wengmimpe neuga tetaunaije. ⁷Etamung einye we mee u poi mokhore kereimire. A useai wa useai, wea integritas, wea bumakhabang, ⁸a poi peaupoi kereimire mo kenapekho te khayeuge yoo pee khonaije, eai euga te a pekho neasinoibang ewei.⁹Yebeai bubeai nea yunjung te a mongnaiminde, nea yunjung neai kena poi mokhonaiminde, dirboi etayei.¹⁰Yokho ebeaije, ma umangkhai kerengmimpe mate dabo tarnayempe. Neang etamung einye Allah re akekeri bumakhabang khornaiminde, eai toremomboi Do.¹¹Tanyebang, Allah re anugerah wari tore te mokhoiboke domyea te nembase, ¹²eate erea wake yekeumi pekho etamung te kiringmare, nenda bukhani neai u pekho wapekho, eai euga eneaije tetaumanende, Tuhan de einye mo nekemare nenda sinoinye, ¹³Siradabo kui-kui mea - mea nea bumakhabanang Allah iwa-iwa re na, eai tore moroiboi Yesus Kristus.¹⁴Neyea neuga eate Yekeumi, eai nikikhombu umangkhai pekho mokhowande, neai euga te kiyenkhondete, neai domyea ereukoke, mee u poise mokhonaije.¹⁵Nembase kerengmimpe. A useai wa useai wengmimpe. Domyea mate u ane ekhoroijea.

¹Iseyeimibore neayea beate dotonaibonde nabukere meteikerei bokaijea yote, etamung mokonaije yote takonaiminde meupoi mokonaijea. ²A peko sinde sandete eweijea, tang ekoijea, kenatabang deawaari natertere erebang sereabang domiyeate.³Nebena kobu, poi bang wari kiki, kenapekosiyea site.⁴Nandebe, upoi wapoi Allahrena Juruslamatrena yekeumi. ⁵Neyea toremoreumiboke etea. etamung kabang mokande bang, kena buse kabang ne beneng tongkaimi, Roh kudusre eijea.⁶Neayea bumayea nokeuge woke nei buma kabang dea Yesus Kristus Juruslamat. ⁷Anugrahre eijea natere eyea namena otona, neai kena kore ayea wari tenabona nekemare.⁸Naterebe erare naapeuw, daei kena kare meyea natere-natere, neyea iseyeibokaije yo Allahte natere, nemeu poi, na etamung poi domiea terengte.⁹Akikira okoijea, otomena tantatatei nande kobuneimo Hukum Tauratte, neyebang. ¹⁰Domiyea kayemongnaiminde, isei yenaiminde, doko mbai bee, nandene ataute ere. ¹¹Meyea iseyembompe nanta domiyea ninea peko norona nenaije neuga mbai hukum dounaimende.¹²Artemaste wekanere ewere weate Tikhikus, erea beimeyere Nikopolisrete, deayea tokoukokare neanine nekende nande mong ponde bunime yembonde. ¹³Dei erawake, Zenas hukum ne mokore dikeisebo Apolosre, nibinayo tainye-tainye karone enekeijea.¹⁴Eai domiea natere iseinyaibonde nande etamung mokonaijea, ne koukaro yengminde de yaneibei-tunebei, wari otabandea enekeijea.¹⁵Domiea nembaisea dei bere a poi mate wamere. Dea a poi wengmimpe deate kena kaijea yote deai einye nekaijea yote. Neai einye domiea terengbara nekemare.

¹A-poi Paulus re na, domiyea embai Yesus Kristus re kena ne kawa einye wokaije, Timotius re na, eai aka beake, Filemon te, aka beake, anduwa tomo embaise oto yande, ne anime etame yo meyea kenate kayem pe. ²Angkai apfia, eai aka beake, Aekhipus te, tomo andwa embai, jemaat nea diakobou - a kobou weai imea ne. ³Anugerah bere upoi-a poi bere Allah rena, weate, eai Aye, Tuhan Yesus rena.⁴Deyea Allah te neasbi tereng weyanare. mate u bene a diy-day eije diye ya re. ⁵De-yea mai a botokare. mai kena u, mai yeai wasei, Tuhan Yesus re einye nekeyauge, nangkaijea nikibang domiyea nembase. ⁶Deyea a diysere, mai diya kobou makena u poi yembonde isea-isea tea, eta busi embai poi, eai eijea Kristus re te. ⁷Deyea deimaijea kare mai yei wasey. Mai eijea,aka beakhe, niki bang domiyea neai kena beneng poi yeibokaijea.⁸Nangke bea, injamabere deai kena u kabang Kristus re einye, mate wetempe mai etabusikaye mokompe. ⁹Nande bhe, yei wasei kenane, poi bea mate a yea diytempe. Deyea, Paulus do sere yeu bokare mana doukare domiyea kaawana yo Yesus Kristus re kenane.¹⁰Mate di yamare deai pa te, Onesimus, nea kawa einye tuwayeng kokende. ¹¹Nea bete meyea neate peko yea,erwauge mana dieyea douke poi tere, weai eugate deai ugate. ¹²Deyea neate wakanare eke, dea kena pa, weai se beutoke, ¹³Neasere bea tetautebonde deai bere nekarte be, weai yo wa te yende, mokonte yende kawa einye tentere Injil de-eatene.¹⁴Nande bhe, we yea kena e-koi-koi bea, eta busi embai deya kenabang emokoi, nande poi - mokore yo yea wmoroi, nande kena yea. ¹⁵Nande kena ne onesimus weai jea mokinye bokaije ya-tu ibikente. me yea neate yawengetompe bentonde neasbi nekenende. ¹⁶Yea beai - bu beai bang, beneng meyeare bumana, aka poi-beake poi, deai eughate mo bang, weai eugha neyea, mereng einye Tuhan de einye.¹⁷Nande keng, me yea dea te mai anduwa yea yeaerempe na be, Onesimus do wengeng, deate doukate maneng. ¹⁸Mate peko mokowempena, nea me-u poei-poei mokowere, deate yea orentebompe. ¹⁹Deyea, Paulus, na tomong deai me yea mongkokare: Deyea nembase asetekonde mai-doi embai tambai deate edoiboi, mai euga meneai. ²⁰Natere, deai aka-beake, Tuhan de einye, mai-poi tedowende. Dea kena u erea yei sebo Kristus re einye.²¹Dei siradabo, mai ei takoienye, na tomong pea matemoroukokare, deyea deiseai nakare, meyea etamung embai mokombompe buma emerempe, de yea mate diyamare kaye yea. ²²Nande kaije, deate dokoi embai panentebo, deyea dabo tarare, mai a diy-diy eijea, deate mong yenai-sende mai se betotonde.²³Epafras, deai anduwa kawa einye tengwende Yesus Kristus re einye, weai se a wekeumi mekaije. ²⁴Nande waneng Markus, Aristarkhus, Demas, Tomo yau embai mokowekande. ²⁵Anugerah eai Tuhan de na, Yesus Kristus, neai bereyea weai boye ne.