¹ Nda Yesus neai akho Feukho naphemene”Allah. Nakhelu; ² Nda melehaija molaikokhe neai ayo phuyo ya” Yesaya ne molaikhonkhe. Maleakhi 3:1 ³ Phorombo ayeng akhaya mekhe kholole khe Faunge : mokhon nehambe niphi Tuhan de, Nephei niphi na ijengheleya. Yesaya 40:3. ⁴ Nda Yohanes, phure klomindere, nda romiyea mewate khefaunge Yohanes ahupha huwele wali haranael nyephonde Yesus re neal pheko naheleya fanyeminggon dhe. ⁵ Nda, romiyea Yudea ra, Yerusalem ra mewate kholominde. Yohanes phure khommindere Yarden wine, neai phekho pakho woya khowate. ⁶ Yohanes na yung opha yonkhu maya feleugokhe, yolu eu kileu khonkhe na khelenggene, Yohanes neai ramang akhela ne ayembumbung mae anewole. ⁷ Yohanes ahupha weumi, reyea makhalera Nephei samo neya mende na una wana nene wewe reya nare ehamekhoi. Reya mampham nare nauna wana re rophorombondere. ⁸ Reya mare phuya kholamale, Neya mare Roh ya kholonembe. ⁹ Nepheijana, phewole-yakhawole, Yesus Nazaret, yora mekhe, Naphuro Galilea, Yesus mekhe Yohanes yea phu re rangnihindere Yarden wine. ¹⁰ Yesus phura kheteukhe, neai jongkho khanele yakhu wewe molougokho, Roh Allah ayewaneng mea okhe. ¹¹ Yakhura a weungele, nda niyea reay khelu, reai khena phuha uphuha waremo. ¹² Nephei samo, Roh Kudus Yesus re yaweungehonkhe. ¹³ Yesus faunge yayae-yayae, na hului 40 niyea uphe walopho Yesus re umali hupa weunge; Yesus naugha helu, ehekhai nolone hephele nephei phe malaikat nare hirong khaya hephanyele. ¹⁴ Nephei samo Yohanes khawane henye khokhe, Yesus oromolougokhe Galilea yore ewele. ¹⁵ Allah neai akho faukhore huwemiyendere Yesus ya weumi, Naneme ne pheu fokhe, nopeungephokhe, Allah neai ja wali haramande neai akho-Feukho Elsa. ¹⁶ Yesus Galilea enera mewole, Yesus neai jokho erele Simon, Andreas, neai akha phekhewa hiwayophele waunge hayate Galilea phune neya khare phaya te yo. ¹⁷ Yesus ya weumi, Meng Rare hakhosongko Reya mare monkhorombombe maai une wane, romiya phe khelemiyembe. ¹⁸ Simon re Andeas re Yesus re, hakhonye phoke. ¹⁹ Yesus aloungokhokhe ahau wanemmo, Yesus ijokho ereumi Yakobus nakhelu Zebedeus, Yohanes na kha pheke hiwayopele, khakai einye waunge mokhate. ²⁰ Yesus, mekhe khaneumi, neya na khakai, hiwayola yo phele, Zebedeus nekho nukhai miphokhe, Yesus re hakhanyephokhe ewate. ²¹ Neyea, mekhate kapernaum yone mayegokhe nepheija neai sinagoge re imaere nahiphi eweufikhe ekhe kheleumi. ²² Nda romiya nanemene Yesus neai ahupha elewole mahihele huphawanyele, nda Ro Naune wane heteungebkokhe menkhe ahli-ahli taurat Nare ehamekai hului; ahli-ahli Taurat nare ehamekoi; ²³ Nepheija sinagoge ne rombai kheunge khole khanele, ²⁴ Na weunge, rahe foi moi randa weai phele, meai phele, Yesus Nazaret na?Rahere weya megkha meare phekho mokoi poise? Reya rasai weya nda. Nehale yolo-yolo Allah neai khelu! ²⁵ Nepheiphe, Yesus a weungele, “Hileipho! Nda romiyea ugha eisa eitue” ²⁶ Nda phulo walophu nauga eisa nekha gele khulu-khulu khole khali khanele, Eituwe phulo walopho rael uphulura. ²⁷ Nanemene faya phate neaise-neaise hinate, elate” nda phe elende era mehihele mengkhe mongole, phulo walopho nare fenyebhoke” ²⁸ Nda a fau narokhombai yo phougekhe Galilea phune khelane. ²⁹ Yesus na murid-murid phele sinagoge ra ai phalekh eweta, ekhate Simon ya Andreas ya, nahiwayophele yakobus re Yohanes re. ³⁰ Nephei phe, Simon namiyea nenakhe era manse-manse ne honole, murid-murid ya mekhate Yesus re wanyele nda miyae neai umakhai. ³¹ Yesus mekhe nda miyea hupha yeikhokhe name eki leugokhe angunukhe, nepheaisera nda miyea nauna wana eravmanse-mansevkhole uyeugokhe nda miyea Yesus re ei angebhokhe. ³² Huwea yeugokhe, hu owakhougokhe, nda romiyea nanemene Yesusre phokhore ya waimi mate erana phulona yo, kheunga khateyo. ³³ Nepeisamo nda romiyea areleufikhe neai imea romau phene. ³⁴ Yesus helem blong foi romiaere mongkowoum erana phulonayo kheunge khateyo, Nepheiphe Yesus ahee roroumi, nephei romiyea Yesus re neaisey. ³⁵ Narene kaukau, ya huluifolole, Yesus angukhe anuwau mbai akhu paha nau pham, Yesus ekhe hamba yare molombondere. ³⁶ Nepheisa, Simon na romiyea hiwayophele Yesus re phenyele. ³⁷ Nepheisa Yesus hupha yai khoke, Yesus v re wanyele, nda romiyea nanemena ware pheyete! ³⁸ Nephei phe Yesus ya weumile, meng eyea emalere nda yo nophenayo reyea ausey areleng nepheynya romiyeare. Nepheisene reyea mekhale. ³⁹ Reyea mekhale Galilea phune khelane. Yesus Sinagoge ne mengkhe walopho hungeumi. ⁴⁰ Ro mbai oro paugau mepaugaune khole Yesus re phekore mekhe. Neya riyeunge oro seleng seleng ya weunge, weya khenane, weya foi yeufelem rare” ⁴¹ Yesu khena phuhea heungekhonke, Yesus name nokhenge naugane aheungele, Reyea khenehele, foise isephondere” ⁴² Nahipihele yeugokhe, na una ana oro paugau me paugau u yeugokho foi raukhe. ⁴³ Yesus ukhenge ewole naweliphele. Yesus ya weungele, elene nde-nde ndere ei mihu weija nda rambung. ⁴⁴ Nphei phe elene wauga kheleumiphonde waei pheyung phehaphare, nephei samo helem foi mongougonde onomi roukhane neai akho faukho elatemaya neai phuyo ayoya musa mekhe moloikhokhe. ⁴⁵ Nepei phe nda ro ewele huweumiyekhe Allah name uphe elewekhe huweumiyekhe.

¹ Ya nem-nem mo, Yesus pheufokhe Kapernaum de mekhe, nephelnya yo phoray phokhe Neyea imeana. ² Romiyea helem blon arilwele hiwa yo anu wau pham na romau ene ne Neyea Ahuphane huweumi. ³ Nephei jo naphokhoro mekhate, romiyea mbai kharane ai phoke mekhe neyea orohum, ro kheli ya khei phoke. ⁴ Nda ro kheli mekhate Yesus phokere eay romiea helem heleke, neyea uphene phey kokhe imea mali wekhanyele, nda ro na khara nukhanyole Yesus phene. ⁵ Yesus nda ro kheli re nahiha rapho ereumi, Yesus nda ro humde weunge, weyea reay khelu, wa pheko nikhi khanau kuyea khokhale. ⁶ Nepheinye romiyea iseay hephem bleyo ray phokhe nakhenara inate. ⁷ Rahena nda romiyea neaiphei amaya elele? (Rahena) Neyae are phekophe makiume, Ndhe yaaey phekho khuyenmile neai Allah ya hele. ⁸ Yesus isayeugekhe na Roh ra, Neyae na uphenera hayate nahiphi neai khenaeaisa. Neaya weumi. Rehana mauphena nephei ganengmea pheunge maei khena une kiya phaungele? ⁹ Makhei neaifosele isay imandhe nda orohunde, weay phekho ninea khuyeu khokhawale, anyu wakhewa yung makhe yarokhe eye? ¹⁰ Nephei phe, isayeugonde Allah na khelu neal unna anne henggo phele, nene we-we ro nda khani khelane. ¹¹ Yesus nda ro orohum nde weunge, Anyu, wa khewa yungma khe yarokho weay imere eye. ¹² Nda orohum nahiphi angukhe, na khewa roukhe, eukhukhe ele romiyea nolora. Romiyea nanemena feaya phate Allah re halainye ie na elate, Miyea nda maa erey phoimo nda ganeng. ¹³ Yesus oro molougokhe phu yokhopha enere ewele, romiyea helem hele mewate neai phokore, isaey se khelem mindere. ¹⁴ Yesus moey phuleogolehemo, lewire erekengele, nekho afeus, roy se mokhate anuwaune anggeng nuweu ngokhe nekhele, Yesus ya nare weungele, Rare hakhoisepho, Lewi nahiphi angukhe hakhounge phoke. ¹⁵ Yesus na anggeng ya nekhele lweire imeane ramangne anele, rambung de aruyate yo nekhai hele arileufike nawi ganeng pekhore mokhate yo phele ramang mbainye Yesus phele anate neai homona yo phele mbainye. ¹⁶ Pheyung phe hapare hekhate yo riyea mbai mekhate Yesus re ijokhore ereneai nye phondete Yesus ramang ne romiyea pheko pele yo mbainye, anate, mekhate neai homona yo te hineimie, rahena Yesus ramang mbainye anete. ¹⁷ Yesus phorou ngokhe, Yesus aa weu mile, ro miyea foynye nekhate yo neyea onomi re riyei, reya mekhale nda romiyea erane phulona yore, niki khanau pele yore reyea mekhale. ¹⁸ Yohanes ya, neai hoomona yo pele, Farisi romiyea pele ramang, phu anei he nekhate. Nephei nolora hiwayopele ramang he nekhate? ¹⁹ Nephei phe Yesus ya weumi, ro hikholo uga molanye phoke maei unolo ulehainye namang nekhele meyea nahului ramang he nembhe? ²⁰ Nephei peh neaija ne mende nda ro hokholo rowende nepheisa ramang he nenate. ²¹ Nde ya ambela male roukhe hanggang mokhou go khe ambela nemene, neai ganeng ma ambela neme hanggang ambela male ya. ²² Neai waneng ma, nde ya anggur emme rowen de anuau male rilembonde, nphei rambung pekho yembonde. Nephei ma mbai anggur emme anuwau emme ne. ²³ Ya mbai mo Yesus na murid-murid ple gandum hekhe nolora ewate, nephei niphine ewate na murid-murid gandung ne nihewate. ²⁴ Nda Farisi romiyea mekhate Yesus re wanyele, Erey, rahene neye khaliya mana ya mokha te manaya ya khaban. ²⁵ Yesus ya peufakhe weume, meyea homofane pifen ekokoi daud rera daud na romi yea phele moni pukine huphawanyele? ²⁶ Nenda maya daud Allah neai imae ophore eyeufikhe nephei hanei abyatar peyung phe hapare nekhewole, feuw mbainye anaikhoke, nephei feuw romiyea hiwa yoya anei. ²⁷ Yesus ya Farisi romiyea re weumi? Nda yaa khaban romiyea isanye phonde neaise, romiyea ya nda ya khaban de mam. ²⁸ Neyea ro faa miyea faa Allah neai khelu nda ya khapang ya ne.

¹ Ya mbai Yesus mewefike Sinagogena ro miyea mbai name nihekoke refimbai. ² Nanemene eranyele Yesusre kananyele, Yesus rahebe mokombonde onomire di romiyeare yengnele nda ya kabang ya ne nare pekho mokombonde. ³ Nebeisa, Yesus ro name re fire nihekoke kayere wenge nolone hebenyu. ⁴ Nebeisa, Yesus nare wengmi, rahebhe kenare kauge foise mokorengbon dere, bekobhe mokorebongdere nda ya kaban ya ne? Onomi be isendere herebe isembe? Nanemene aphangmo. ⁵ Nepheisa Yesus erengmi nephei nolora ikeleyea khoumi. Neyea ikeleyea khoumi nakhenale ereumi ne. Nebeisa Yesus na weuge ro miyea namere nihekhoke refikhaye weuge, name nekheuge nebei ri miyea namere nihekhoke onomi rokhe. ⁶ Nebeisa Farisi ri miyea ewate nug kelai ekate harawainyeboke Herodian romiyea bhele afeu mbinye elaikhoke honaibondere. Romiyea heleng Yesus re hakhainyekoke. ⁷ Yesus nauga neneijea wakhe na murid-murid nolora, Romiyea heleng mekate Galiliea, Yudeara hakainyekoke, ⁸ Yerusalem yora Idumea nebei anuwaune Yordan wine, nahiwa yo Tirusra sidonre, ro miyea helem phorowate Yesus name u mokhowolene. ⁹ Nebey ro miyea helengre Yesus wengmi na murid-muridre wengmi wakha mbai mokonehambe. ¹⁰ Yesus ro miyea helem foi igoumile, ro miyea era na phulona kinyei-kinyei kinyate foise iyanbondere. ¹¹ Nda walobo Yesusre eranyele, phe hinanyele a wanye weyea nahele Allahle khelu! ¹² Yesus aheumile nei uga eyakhaijae. ¹³ Yesus mokhore yeuketeke ro miyea khenare kole yo phele nanembainye, ne pheijo naei phokore mekate. ¹⁴ Me phe mehining phebele haumikoke naei phele mbainye mokhonatere. ¹⁵ Nei u ne wane heteumibokhe phulo walobo naugana hukhenaimende enatere. ¹⁶ Yesus na ro miyea eleukokhe Simon na ro phegehoke Petrus. ¹⁷ Yakobus, nakhelu Sebedeus, Yohanes nakhapheake Yakobus (Yesus na ro pheumihoke Boanerges, ne phei niyae rowa khabang fafa”), ¹⁸ Andreas, Filipus, Bartolemeus, Matius, Yakobus nakhelu Alfeus, Tadeus, Simon selot na. ¹⁹ Yudas Iskariot Yesusre heugokhe, ²⁰ Yesus imea mbaise eweufike, ro miyea helem arilewfike yesus na Murid-Murid phele feufe anenaikondere nahuluibang. ²¹ Nakha phaeke phoraiboke nda a, neyea mekhate Yesusre yauganyohondere neyea elate meyea yaugansondere na u phene pheko yeugokhe. ²² Nepheisa Ahli-Ahli taurat Yerusalem nda nokhanyele wate na elate Phulo walobo Beelzebul!” neyea ukeumile walobho yung khayere. ²³ Nebeisa Yesus khaneumi ndareyea meng naneme, nebeisa raphine ahunegoke weumi nenda ma yae walopho re hukhegehike, ²⁴ Yo mbai here ware yeugokhe na u re nenai pheko mokhowate, ne phei yo yang nehingimbang eheraweiboi. ²⁵ Nebheisa imea mbai here ware yeugokhe na ure nenai eheraweiboi. ²⁶ Nebheisa walobo augukhe nauga phe nenai pheko mokhougoke, nahibi u yeugokhe. ²⁷ Hiyae hayea ro miyea eyesiy ne bhei imere na romiyea lakei sele, yokho yo narambungde yaronaikondere. Nebhei bhe ro miyea re ha leyea rinengombe nebeisa yokhoyo emembombe imaere. ²⁸ Riyae a nahale phe mare wamale, mai pheko ma khelu omineainya onomi rowembe, ²⁹ Nephei phe nde yae pheko mokombonde Roh Kudusre nare foi omokhoiboi sele nephei phekore mokhougoke wa pheko hupha pang hai phang. ³⁰ Nephei phe Ahli-Ahli Taurat yae elate ne yea phulo walobo pheko. ³¹ Nebeisa Yesus nenakhe nakha pheke phele imea moinye hebate.ne pheinya ro miyea re wainye Yesusre are u nganyendere. ³² Ro heleng miyea heleng Yesusre yanainyokhoke nehibhi a wanyele, jo kho erei ana wakha phake phele mekhate moinya ekhainyekate ware phayete,” ³³ Ne phei phe, Yesus yae wengmi,” nde menakhe naei rakha phakenai?” ³⁴ Nepheisa ro miyae heleng yanainyekhoke yore wengmi,” jokho ereng, nda niyae menakhe rakha phaeke! ³⁵ Rahene, ndeye Allahle akho feukhore mokhonate yo ne bhei niyea maekha khelu fafa phele manggae fafa phele.

¹ Yesus a hupha keleumi pukopha enene, ro miyea heleng hele Yesusre hakhanyekoke, nephenye Yesus kakai enye filekokhe angeng nuwegokhe, ro miyeare a khelewoumi. ² A feuw nekai hele kelewoumi a ahumbo-ahumbo ye ahunewole. ³ Angei phorong ro miyea mbai o hakha re heraeyembondere ekhe. ⁴ hiwa yo niphi enene phalekate, nepheisa ayea meakhate anaikokhe phefoke. ⁵ Hiwa khani rukha phele rangne phalekate hiwa khani hele-hele rangne phale kate nephei o haakha hale ketekate na khani hele-helene. ⁶ Nepheisa rolangsang leane nephei o hakha pheko fakaipokhe nakabhu pangne, ne phei o haka kala-kala yeiphoke. ⁷ Hiwa yo khe nolone phalekathe.ne phei khe ketekate ne phei o hakhare ayenyekokhe pheko yeugokhe, ne phei o hakha ani phang. ⁸ Nahiwa yo khani foinye phalekate ani phele khate foi khetate khapang peawate, hiwa rorele u mbai me bee bele, hiwa rorele u name phele, hiwa rorele u maehae mbai phele." ⁹ Ne pheisa, Yesus weumi,"nde agei phele kayea nda a phorombonde"! ¹⁰ Ne pheija Yesus nembai, na phokone ro miyea pham, neai homora orowate yo phele, mea phe mehining phe phele.ne phenye elewole ahungole. ¹¹ Yesus ye a weumi," raei u na wana ketekaisele rambung mare ikamale.ne phei phe, ro miyea hiwa yore, ne phei a faeu mare ahumbo-ahumbo yea khelemale, ¹² ne phei phe mayea erembombe phe mayea iseayeiphoi, neai ganeng. ¹³ Nephei sa Yesus yea weumi, nda afeau huwamale meyea iseai yeawphokhe ? nendama yea meyea iseai yembombe. ¹⁴ Nda akho feakhophe huamale. ¹⁵ Niphi enene phale khateyo, nephei Romiyea. Akho feakho phoroiyeate, nephei phe phulo walophoyea nephei akho feakho naura wara rowele. ¹⁶ Nephema mbai, rukha ranne phale khate yo nephei romiyea akho feakhore foi sele phoroyate. ¹⁷ Nephei phe khambu naune okholoiphi raphuhima nauranne menyembondene nemene fomene u yembonde. ¹⁸ Nahiwa isa nulone phealekhate nepheima romiyea nakho feakho naune u. ¹⁹ Nepheiphe khoukhalo nda phuna khani nea, khena hensen uhensen Enggodene nauphene nakho feaukho. ²⁰ Khani foi khela foi nye phealekhate yo nephei ro miyea nakho feaukho phoroyate, naune wane ani phele enaikhonde umbai umbai mephephele, rorele u name phele, rorele u mehining mbaiphele. ²¹ Nepheisa Yesus wewmi, nephei iy rowei mei ndine rasi wambou khelene nephei jungu honsong khelene? Nephei iy rowei noro hiranne rasi? ²² Nephei romiyea angeai phorate yo nehephi phoranate. ²³ Jika ada orang yang mempunyai telinga untuk mendengar, biarlah ia mendengar!” ²⁴ Nepheisa yesus yea hineumi rahephe anggaise phorauge weyea huluise kholameama nephei hului mbai ware neaima ranaisite era phuhi wauranne ranaisite. ²⁵ Nde rahephele nephema mbai iynyete nde nauna ukhaye wauna wana enatowende. ²⁶ Nepheisa, yesus aweumi, Allah neai nene wea-wea anuw ro miyea mbai ohakha herayele khani ranne. ²⁷ Nephei ro yonggune nekhe aungukhe he nane oh hakha khuleng huraimi khokhe khaphan phewate nephei ro naseaiphan rahephe phewate ²⁸ Nephei khanine ani khowate ani nineai mokhowate naphere khui heraweuphokhe nepheisa ani mokhowate. ²⁹ Gandung nimaiphoke nephei ro mekhe niheuphokhe neai nephehephe yewphokhe. ³⁰ Nepheisa Yesus hinewmi raheyea huluise ramansindere Allah nayo yam raphuhine ahunmaphondere uwmamindere? ³¹ Allah nayoyam oh feakhoma khaniranne herayeai phokhe nephei kho nameiakhen hele nda phuma khaninea maphan ma. ³² Nephei kho herai maphonde nepheisa khetende khaphan phende hekhena molankhokhe rambun yele mensa akhauphele aye phumanea nale nepheinye meikholate ³³ A nekai sele raphu hineahuneu phokhe Yesus nakhofaukho di yore wenmi mai anggi se, phorauge mayae, ³⁴ Neyai nai phele a elei raphu hine a huneu phokhe wengmile, nemeng fomane nahomona yaua yore wengmi, ³⁵ Nephei huwarai Yesus nahomona yaunga yore, weng mi meng diphuenere foma lere, ³⁶ Romya helen nukhengo phokhe Yesus yawai yehokhe nane phembame khaikhai sa hawai phokhehiwa yonamoi sahurai khoke. ³⁷ Nephei sa alukhaman yakhaman ukheng mi nakhaphasale. ³⁸ Yesus areokhe anenekhe khaphel eyeine nayun yung makherang nerafikhe. Nebeisa nare yengga yokho khe narewai yele, “guru, weya marephe nephan meya phekho phan de? ³⁹ Nepheisa Yesus angukhe a wengue,” nepheisa alu hileu phoke ? ⁴⁰ Nebeisa nare wengmi rahene meyae fekhauge? Mahilaropho wawa? ⁴¹ Neyae nafehela khate nenai hinate, de neyae? Alu la ukhenge hileugokhe nare hakhongephoke!

¹ Mekhate phukoba refine, Gadara ro miyea anuwauge. ² Yesus khai eisa angukhe hului nahibi ro mbai aumaranda mekhe, na u bhulu ne walobho eweufike, Yesusre phokore meakhe. ³ nda ro auma rangne nekele, hiyae hayea nare ha yea ekileiboi hului, name hayea erinekoi hului. ⁴ Pahenebang nayea nea phaei na o ro mea hayea aweikyanyele, nane rameha awekyanyele yoboiykiole hakeikiole Hiyea hayea nare eheraweiboi hului. ⁵ Riniai rai auma randa, mokoranda kaliyea kaneyele nauga nenaijea rukhayea phoyele. ⁶ Nebhei ro na ahaufau Yesusre ereugebhoke, hakhagoke Yesusre phene oro sleng-sleng roroukokhe. ⁷ Yesusre a le yea wenge! Yesus, Allah phumana khayele khelu, rahe a phe raiphele, weai phele kholanekondere,re yea ware riyea wale rare pheko emokoisembe!” ⁸ Rahenephang Yesus nda ro na u phuluna walopho hukheugihike ekuke. ⁹ Yesus nebhei kiyearw hineuge!” waro nde?” nebhei royea weuge,” rei ro Legion! Rahe bhang, meyea helem hele.” ¹⁰ Nahiphi mo Yesusre riyewouge nephei anuwaufa ehukhei jae. ¹¹ Refine mokho kelauge obho riya mbai ramangne anate. ¹² Nephei walobho yoni-yoni Yesusre wanyele,” meare weimi ndi opho uga phulune fomayembong. ¹³ Yesus eheng koumikokhe nepheinye nane walopho yoni-yoni fokhate opho uga phulune fayeugokhe. Nephei opho yoni-yoni naheleng 2000, hephalaifoke mokhora phalekate okhate phukou enye nehiphi phune anaiphokhe heraiphoke phukou enye. ¹⁴ Opho khayare hephewate yo nafere hephelewate, hiwa yore yea, hiwa rame yore yea nda mekai yeugokhe huwekoise ro miyea aiphalekhe nda mekai yeugokhe erei phoise. ¹⁵ Nephei ro miyea yesus re phokore meakate erate nane ro walopho yea eweufike kiyea, Legionre kileugokhe kayea agengyea nuweugokhe, malo foi hireukhoke, nauga foi yeugokhe neinye nane ro miyea fe fewate. ¹⁶ Ro miyea nda umekai yeugokhe na jokho yea erewate yo nane ro miyea mekatere hugaimile nda umekai yeugokhene. ¹⁷ Nephei mekainye nda ro miyea Yesusre riyeinyele nephei yora endere. ¹⁸ Yesus mekhe khainye filekokhe hului, nane ro foise yeugokhe Yesusre riyeuge Hakhongnophondere. ¹⁹ Yesus ahiyea wenge! Eye weai akha phekea phokore. Tuhan na foi mokoiphokete, khena phuhe heikokhete nephei a huweumikonde. ²⁰ Nephei ro ekhe Yesus na khena phuhe heugekhoke foi mokhogephokhe Dekapolis ro miyeare ne phei ri miyea nemene fagege yea khowate. ²¹ Yesus kakaisa filekokhe phukopa refire fokhe, romiyea heleng mewarefikhe phukou refire fokkhe, ro miyea heleng mayarilefike neai pokhone, neyea pukhopa enene. ²² Ro mbai Sinagoge na pheyunde nekhewole naro Yairus meakhe Yesusre erekheuge oro sleng-sleng yea rorokokhe, ²³ Yesusre nanahesele riyeuge, weuge, ra mangge melea phifeng herende. Meai wame nauga rangne rafinde neyea foi rowende. ²⁴ Nembainye Yairusre Yesusre ekhete nembainye ro miyea heleng hele hakhainyekoke, nariyane. ²⁵ Nephenye miyea mbai hayea rilewekhe ralo yakhama me phe mehining phe. ²⁶ Neyea rokoye - rokoye onomire rowendere, Tabib pokhore orowole roijea nigi yea, ebha yea heyea hayewole? nanemene fomene naei ure ware pekho hele pewole. ²⁷ Yesusle a phorokene, nephei miyea Yesusle u phokore yea maekhe Yesus namoisa ro miyea u nolora najubara ikileugokhe. ²⁸ Nephei miyea yea elele,” reyea najubara mo kitephonde rauna wana phulo fela foi isephonde. ²⁹ Na nephei ja na u nawana ha rilewate he nekhe na uga hupha wonge na era phulo ra foi yeugokhe. ³⁰ Yesus nahiphi iseyeugokhe na u na one henggo hi ekuke. Phefoke nephei ro miyeare hineumi, nde yea rajubara eukilegokhe? ³¹ Nahomona yoye Yesusre wanyele nda ro miyea helem kinyei - kinyei kinyete a weimi nde yea ra juba kileugokhe? ³² Ne phe phe Yesus najoko erele ro nolo miyae nolora erele nde yea nebei mea u mokougokhe. ³³ Nephei phe, nepheisa iseyeugoke rahephe na u ne yakhaugoke nephei miyea feyea fewole oro mea onyeuye hineugokhe. Meakhe Yesusre phene oro sleng-sleng yea rorokokhe Yesusre ayakhayea ukengele. ³⁴ Ne pheinye Yesus nane miyea re wenuge, eye wei hila rapho eisa foi rokhe. ³⁵ Yesus namang anemo elewole, ro miyea Sinagoge yungde nekhele kayare weuge,” wa fa herekhe. rahene roware mekhauge wa pangele. ³⁶ Yesus nephei elatere ophoroipoi, Sinagoge Yungde weuge” fe efei jea, rapho phe halei. ³⁷ Yesus, Petrus, Yakobus, Yohanes, Yakobus na kha pakhere yaweu mipokhe hiwa yore ahiyea ukeumi. ³⁸ Sinagoge yungde nekele imene mekhate, erate ro miyea akhu nau hate, hiwa rimea yea rimate. ³⁹ Yesus neyea eisa mewefikhe” mayea rahene rime rimauge, akhu nau hage! Ne bhei fa eherei ja, neye jongu phe honole! ⁴⁰ Yesusre reyea haranyele, ne pheinye Yesus ukeumi nemene aipaleke mo ne phei fa nenakhe nekhore, neai homona meakhate yo phele ekate nda fa honole anuwaufe. ⁴¹ Yesus nda fa namera kilegokhe weuge ”Talita kum!” “Onomo fa riyea wawale, anyu”. ⁴² Nephei mange fa nahebi angukhe, ele mele kowole. Nephenye ro miyea fangege yea kowate. ⁴³ Yesus nda fa nenakhe nekhore a le yea weumi he roroumi nda mekai yeugokhe hire-hire ehuwei jea pheneng weumi nephei fa ramang yeng ne aneuko.

¹ Nebheisa Yesus naei jo re, murid-murid namoisa hakhanye kho khe. ² Sagat ya mo, Yesus awusaei hengbelen Sinabobe ne ro miae heleng borowate foi sele hubhawanye, ne bhenyayo elate, makheisa ne ya kuasa ro khe? Rahe ubhene ya mujizat-mujizat nare ikeu nbe naci me ya mekhe mokhoube. ³ Nebeisa ro niae ore ahunele, Maria na fa nakha phake Yakobus, Yoses, Yudas, Simon? Ne bhei neman wa nanem gai nye nekhare? Nebheisa mekhate nare naei nyihikhe. ⁴ Nebheisa, Yesus nare a weumi, we ya nagi makhenya ro miae ware nacima khane nayete. ⁵ Yesus nanga ahi elele nendine mujizat mo konelere, name era yo na yun dane koloumi onomi yarowate. ⁶ Yesu nea ga we we khole, nila rabo wa wa khate, ne oheisa alanyo kho khe yorang-yorang da do wate awu saei kheneumi. ⁷ Yesus na murid-murid me bhe oro hinen bhe khaneumi bhe-bhe ahuneumi kho khe, kuasa reh-roh najis waheumi kho khe. ⁸ Yesus a wemi nda nighi fombe mame bhangga ya fombe, o muhukhung mbai feu bhang, holo bhoi bhang, roi bhang ne bhei yoluha re mo. ⁹ Oro fhe hirekonde nebhei bhe malo bhe ehireija. ¹⁰ Yesus a weumi, makhei imae emembombe, ne khenbombem a lonnokhombe embe. ¹¹ Anuwai mbai mare ewei oroibhoi, mare angbeei oboroi embhalembhe oro bhong wokhe nebheinya yo isae yai bhoke. ¹² Neaalahnyo kho khe akho faukho huweumi, meya wahale isae yembhombe. ¹³ Maya walobho helem hukhemihimbhe, ro niae helena era ne khate minyak ya rilamea onomi yarate. ¹⁴ ndofolo Herodes angbei bhorele, Yesus naei ro isae yaei bhoke romiea elate Yohanes Pembaptis, here khe ra waleubhoke, na mujizat-mujizat khalia mokhowole. ¹⁵ Hiwa elate nebhei Elia hiwa yo elate nebhei nabi. ¹⁶ Herodes bhorole a elate me khe Yohanes re weung bere na yung nda naisa khate, ninae aungu khe. ¹⁷ Herodes ne naei ro miae weumi, Yohanes kilembho, Herodias re khenane khawa ne a haei nyo kho khe, nenew Filipi re miae, Herodes re Herodias re yolu ha rinaimi khokhe. ¹⁸ Yohanes a naenam heleng Herodes re u kheungbe, Ama me ma ya ma kha bha khele miae bhe roukhabe. ¹⁹ Ne bhei bhe, Herodias na khena a herauweu bho khe Yohanes re hombondere, ne bhei bhe nahului bheng. ²⁰ Herodes fe khole Yohanes re bho khore endere, niae isaei yeu bho khe Yohanes nea ro foi nea yolo-yolo ro, Herodes nanga khang neubeboke, nebeisa Herodes a bhorole Yohanes mau bhene oneng khoo khe, nebhei be Herodes khena Yohanes re bhotoungbe. ²¹ Ya mbai mo, Herodes naei hougate ya khabang me khate ramang nanem gainye Galilea bhe yung bhe ha bha yo bhele. ²² Ne bhei be Herodes le maengge mewefikhe bhae ne khole raja na maengge re weunge, rahe rambung weya khenare khoyo, riye finde reya isete. ²³ Herodes a hera wengebokhe, weya rahe rambung rare riara, rea ware isete mende yo wakhu bhohi ka yemgonde. ²⁴ Ne bhei maenge ele ne nakhere we unge, rea rahe ghe ware rise sitere? Ne nakhe ya weunge, Yohanes na yung. ²⁵ Runa maengge hale-hale fole raja re are wen nelere reya nda he ware rahe ghe isetere, yohanes na yung nae sakate rogele hote arobonde. ²⁶ Ne bhei sa, onofolo mehi folole, a herawou mi bhokhe ro meai raman anateyo re, ndi maengge hukhe man sindere. ²⁷ Nebheisa, ondofolo ukhe unge algojo, a khaya ro khale male Yohanes na yung naisae khate nebheisa algojo e wole rokhe maengge fa re i khe u nge, nda maengge fa ro khe nenakhe re i kheunge. ²⁸ Nebheisa Yohanes na yung naisa khate hote einye aibholehe maengge fa ri ikhanye, nda maengge fa rokhe nenakhe re ikeunge. ²⁹ Ne bheisa naei homo na Yohanes bhorowole, neai mekhate Yohanes nauga rokhate abhulu einye aibhokhe. ³⁰ Nebheisa, rasul arilaisikhe Yesus re bhokhone a weumi rahebhe maya mokhombhobhe, rahebhe mayae khelemi khombhe. ³¹ Yesus a weumi ndare mei wanga ndi enereya anuwau imong nekhele no yele rahene ro miae heleng mate ate, nea ramang re anai khondere nahului bham. ³² Ne bhei bhe, Yesus na murid-murid ewate na khai khai anuwau mong ne nkhate. ³³ Nebhei bhe, ro miea heleng ere waimile fo wate rorowaimele ro miea heleng na nem bhai sa ha khai kho khe yau nibhira fowate nanemene nebhei kota re fowate. ³⁴ Ne bheisa, Yesus bhu khobha enere fo wole, erele ro miae na heleng sele niae khena ghu hae kho woumi rahenebham, domba nea yung bham. ³⁵ Nebheisa huwae yeugokhe, murid-murid mewate Yesus re a wainyele huwae yeugokhe mekha anuwai imong ne haumi khokha. ³⁶ Nea wenye eu ndi daerah desa-desa ra oronaikhonde rambung mbai roungate enate an naikonde. ³⁷ Nebheisa Yesus weumi, ma ya ramang yemile annaikonde neya a elate, nahele meya emale roti na roi hului 200 dinar roumale imamile ne ya an naikonde? ³⁸ Yesus ya a weumi, roti naen neam maya yaraukhokhe? Eme jo kho emerembo? Nebheisa meya isayembobhe, neya elate, roti bhe kha bhe. ³⁹ Nebheisa Yesus a weumi nebhei nya nanemene ma ria ne khobhou nebhei khe ranne rombomge. ⁴⁰ Ro miea heleng na ria mbai kho bha mbai nye nuai khokhe, seratus romiae lima puluh romiae? ⁴¹ Nebheisa, roti mea hambai kha bhe, na bhe bhuma yakhure erele. Ne ya roti mohekhokhe helem foi weuge, niae murid-muridre i keumi ro miea heleng molone rafikhe. Kha bhe yaro khokhe ro miea heleng de wahewoumi. ⁴² Na nemene anai kho khe uga raei bhokhe. ⁴³ Nebheisa, ne ya roti me bhe oro khala-khala bhe kha bhe yarai kho khe. ⁴⁴ Lima ribu nekhe wate roti anai kho khe. ⁴⁵ Nebheisa, Yesus na murid-muridd re weumi kha khai einye men sawombo Betsaida re fo wate, ne bheisa romiac heleng ukeumi fowate. ⁴⁶ Nebheisa, nekhate yore bhuhae heumi khokhe, niea along khokhe elure ebhili ne ike bhowownge. ⁴⁷ Nebhisa huwea yesgokhe bhu khobha nolone kha khai yale, Yesus nembai ohone nekhele. ⁴⁸ Nebheisa erate murid-murid reng alu lae khei rawewgo khe randa awei fo yate, hului raman sinde huwaena khaya hu jokhoo kheli (empat), Yesus bhu randa along khokhe mele, nia along khokhe mele moi hayeumi khokhe mekhe. ⁴⁹ Nebhei erewati Yesus bhu khobhu rane ike orole niae hinate bulo walobho, nea khali khanate. ⁵⁰ Nebheinya nanemene Yesus re erainyele fe khate Yesus nahibhi a wewmi a wewmi ne bhei jore, niae hinate bulo walonho, nea khali khanate. ⁵¹ Nebheisa nia khakhai einye hawaighokhe, naeisikhe benesaret ne nokhate. ⁵² Nea mamang isaei bhooi mujizat roti meahambai nakhena naneme namam lakhei hebhate. ⁵³ Nebheisa Yesus na murid-murid benesaret fo khate nokhate. ⁵⁴ Nebheinye, nea khakhaisa akhaikokhe, ro miae Yesus re isaei yai bhokhe. ⁵⁵ Naneme oroya habhelewate nebhei yore erana khate ro miae ya wai ni bhokhe mekhate kasur rane ma khei seya Yesus na uga e khene khele bhooroma bhonde. ⁵⁶ Makheisa bhe Yesus ewewfikhe, yo mela-mela re yo khaban nanemene, ne ya era yo mekate relai mibhokhe rei nolo mai nolo anuwaw nge, nebhei jore a ri yai mile mayae meme me namalo hubha khileu bhonde nde ya mendi na malo hubha kilombonde onomi rowene.

¹ Farisi romiyea arilefikhe Yesusre huphanyaikondere, Ahli-ahli taurat Yerusalem yora meakhate yo phele nanembainye. ² Neaye erewoumile Yesus namoisa orowate yo hiwa name phu ekuyeikhoi jea feu augate. ³ Rahene phang Frisisi romiyea phele Yahudi nemene ramang anei name phu kuinyaikonde yende nameheleng huluinye, nephei u mekhai na yophe neai kamehe neai tena era hena namang khilainyekhokhe. ⁴ Neyea nai hesei anuwaufa mewate ramang anei, name phu kunyaikonde mo ramang angnate. Era hena heleng sele na yophe neai khamehe neai jea kinyaimiphokhe, nda makai kholei phu yajai anuwau, olem mephe mokhoiphoyate, nepheisa phu khunyate mekai hupha mam mokhainye. ⁵ Farisi holona yo phele Ahli-ahli taurat wali here foloukhoke are iseyeapokhe kelaimi holo phele Yesusre wainye, rahene Wamosa orate yo eai yophe neai khamehe neai tena mokhowate era henane ehakhoikoi omokoi, ramang dena mea phu ekhuyeijea anate? ⁶ Yesus yea weumi, mayea ro miyea phe-phe yo! mainyesa ijen selena Allahle Yenjo khayayo Yesaya yea molokhokhe a maijekhoke, Allah yea eleukhokhe, nda ro miyea nauga phonei randa mo rare phuma kholaisele, nephei phe na khene u bea ahau phuhauga hele. ⁷ Rare nendong hele ei molaisele, na a usei wasei phe ro neai miyea neinya era henembea rokate khelaimi. ⁸ Allahle akho faukhore moijea hayeikhokhe, roneai miyeaneai era hena mayea elayea ikilaiphokhe. ⁹ Yesus yea a weumi, mai yophe neai khamahenaitena era henera hakhoyauge. ¹⁰ Nephei phe, Musa yea a elekhokhe, mai arate anare, pheneng nde yea nekhore nenakhere a pheko wengmilena, nephei kiyea honaiphonde. ¹¹ Nephei phe, ro miyea mbai jea nenakhele neakholere weumi, araile anale, mai walire hakhorombombe rambumbe rofele Allahre hili era akhau erare erenjende. ¹² Nephei mokhai pokhera mayea nephei ro miyeare imong eyeisele neakhole nenakhele foise mokhonaimindere. ¹³ Nephei era hena walora Allahle akho feukhore mokauge raphi pang pheate. Nda waneng me u bekho heleng mayea mokhauge. ¹⁴ Nepheisa ro miyea heleng ahauga hephate Yesus khanewoumi na phokore mewate a weumi, riyea a wamale phoronsophone namemakhai nou heanale. ¹⁵ Rambung hiwa moisa isayeate ro miyea neai u mekhai phekore nikire omokoiphoi sului, nephei phe khena eisa u phenera euga phoneisa phaleimyate rambung ma phekore nikire mokhongnephonde. ¹⁶ Nde eangei phele kiye neyea phorombonde. ¹⁷ Yesus imea eise eweufikhe, nephei ro miyea helem nukeng miphokhe, namoisa orowate yo yea one hane ahuneumiphokhe. ¹⁸ Pheneng neyea weumi, mayea namang u phene eroweimone? ¹⁹ Raphine phang, eugara ate phe khena eise eyesiy, yarelereyea eyeipyate nepheisa pheko anuwauge eyokande. (Nephei jare Yesus kheleumi ramang nanemene eli hoho ban yaiphokhe). ²⁰ Pheneng Yesusye wengmi, ro miyea neai khena ura phalenate nikiri phenate phele. ²¹ Rahephang, eisa romiyea khenara, neai khenara, u phene pheko-pheko, yokho phaei-phaeijo, ro miyea hosoi jo. ²² Ro miyea hiwa neai rambung khena henseng hele khoyate mokhonatere, khena hensende, a hufufe, u mekhai phekore nikire mokaimi. ²³ Nephei pheko phako nemene fomene romiyeneai khena esa jakhawate. ²⁴ Nephei anuwaufa, Yesus angukhe Tirus bhele Sidon phele khanire ewole. iseaiyanbondere phelene imea mbainye ewefike, nephei phe ro miyea erekhanyele yakha haikhoke. ²⁵ Nephei yona miyea mbai na meangge kheuge khole. Yesus meakhe naise nda miyea phorouphokhene, mekhe oro selen-selen maye Yesus na phene meukhorokhokhe. ²⁶ Nda miyea Yunani na Siro Fenesia khanine hongate. Yesusre riyewonge na meangge na una walophore hukhengnihindere. ²⁷ Nephesa Yesus nephei miyea re a weuge, nenaijea fafa anaiko phere ugaraei pho. Rahene pang, pheko yae fafa neai feu yokhure hekhelaimile. ²⁸ Nahele ya Tuhan. Nephei phe fafa yea anate ramang mohi-mohi phalate yokhu meja kelena yea anate. ²⁹ Yesus yea nephei miyeare weuge, weyea nephei maye eleyeane, weyea nahului ele. walopho wafare nukhengepoke. ³⁰ Nepheisa nephei miyea phefokhe imeare ekhe nafare hupayenyeikondere na fa ane honole, walopho ekukhe ewole. ³¹ Nepheisa Yesus Tirus khanira ekukhe, Sidon yora moi moihayekhokhe Galilia phukhopare, Dekapolis Khanine. ³² Nepheisa Yesusle pokhore romiyea mbai aggei khokhun a re nahului pham. Yesusre riuganyele name nephei ro miyea naei ugarangne kholong naikondere. ³³ Nepheisa Yesus nephei ro miyea yaweng bhoke a mogre ekhete ro pham miyea pham anuwau fe ekhete. Name khala-khala neanggei phulura nekheuge, eugakhi hougokhe, ne phei role feuge khataungihike. ³⁴ Nepheisa Yesus naphe yakhu phumare, phefokhe, no khokho yo phogokhe nahiphi nehiphi a wengmi," Efata!"raweugokhe ! ³⁵ Yesus are ukeuge hului naeggei phele na feame phele rawengphokhe.na hiphi a elewole. ³⁶ Yesus a heraumiphokhe hire-hire ehuweijea. Yesus a hum kholowongmi bhe, erai phoke yoyea na hiphi-hiphi huwayekhe. ³⁷ Phorowate yo yea fa yea phowate, elate, Yesus nemene fomene foi mokate. Anggea pham yo mokho wengmi phorate, a mum yo etate.

¹ Na yane paeinye ro miyea helem hele eyarilewole nanemerauw raphi-raphi anaikonde naei u, Yesus nahomone Yaunge orowate yore khaneumikokhe nanemerau weumi, ² reyea khena phuhe hele khamale, mana ya name phe yeugokhe nephei phe raphi-raphi anaikonde neai u. ³ Nanemerau riyea ufemindere nae ima ophere enatere namoniyea phe, hi phe niphi nolone monine hokonokhonde nanemerau nephei ro miyea nolona nahiwa yo na yo ahaufa mewate. ⁴ Nahomone yaunge orate yo ya wanyele, makheinya ro miyea yea, feu yea nahului ugarenai phonde nda among mekhai?" ⁵ Nephei phe Yesus yea hineumi, nephei feu nemene mamena honate, neyea wanyele 7 feu. ⁶ Rone miyea nea arilewole Yesus yea weumi khani rangne anggeng rombo nanemerau Yesus feu 7 yarokhokhe mo onomi re feneyeugokhe mohei-mohei mohekhokhe nahomone yauge orowate yore ekeumi weumi wagengmi. ⁷ Nanemerau nahomone yaunge orate yo namena kha ning-ning nahangga hele. Yesus roke onomiremo fenayeugokhe, Yesus nahomone Yaunge orate yore weumi nephei kha ro miyea hokowolere wahengmi. ⁸ Ro miyea heleng aunggate wande phewate, nanemerau nukhaipokhe yo arilaisikhe mehembai mehinim bhe. ⁹ Naheleng 4000 ro miyea ramang augate. Nepheisa, Yesus ukeumi ewate. ¹⁰ Nepheisa Yesus khakai enye fileukhokhe na Murid-murid phele Dalmanutu yore ekate. ¹¹ Farisi ro mekhate Yesusre bele a hupha ne huwate, Yesusre riyeinyele wanyele kheleimipho surgana rambung mare yengde koloumile. ¹² Yesus nano khokho yophougokhe Roh einye elele rahene nenda hokholo uniyau yengde kolondere phe bate? Riyea nda a nahelere ufembere, hiyea-hayea yengde kolonde erowei. ¹³ Yesus nukheumipokhe, kakai einye efilekokhe, neufikhe refire ewole. Farisi Romiyea neai Ragi phele Herodes neai ragi phele. ¹⁴ Murid- Murid Yesus feu phehaleng wokheumi, feu phohimo na kai enye. ¹⁵ Yesus yea weumi, mpkoisa mokoisa yea nekhembe! Khaya-khaya ragi re hephembe Farisi ro miyea phele Herodes le ragi phele," ¹⁶ Nanembaunye nuwaikhokhe ahufuu howate Feu fe eyarokoi joe. ¹⁷ Nepheisa, iseayaipokhera, Yesus yea weumi,"mayea rahene a elauge feu eyarokhoi jo? Mayea iseyeiphoi, uphene erowei? Makhena le? ¹⁸ Maijokho phele, nephei phe erei phpi? ¹⁹ Nepheisa mo feu 5 yarokokhe mohei-mohei mohekhokhe 5000 romiyea re waheumikhokhe. Yesus yea weumi, ramang khalung arilakhokhe nemnem haphu? neyea wanyele 12 haphu. ²⁰ Nepheisa mo 7 feu 4000 ro miyea re, ramang khalung arilakhokhe nemnem haphu? neyea wanyele 7 haphu. ²¹ Pheneng a weumi, mayea namang iseyeiphomo?" ²² Yesus namoisa orowate yo phele Betsaida yone ekhate. Romiyea nemnem jokho phang rore yawainyehokhe Yesusre phokore ekhate Yesusre a riyewonge Yesus mea kilengnephondere. ²³ Yesus jokho phang kiyere namera kelengephokhe nephei jora eiphalekhe. Nephesa mo Yesus eiki namene hogokhemo jokho phang kiyere najokhone ranghikhe. Yesus yea a hineunge, rambung mbaima jokho eregokhe? ²⁴ Nepheisa, nda ro najokho phumareyea erele, reyea ro miyea eramele nepheiphe, nephei romiyea o ha makai orate. ²⁵ Nepheisa mo, Yesus name nephe ro najokho rangne rafikhe, nda ro najoko kelekhoke foi rokhe, na jokho foi erewole. ²⁶ Nepheisa mo Yesus weuge neai imeare endere na weuge " pheneng nephei jore epheijea " ²⁷ Nepheisa mo Yesus na moisa orowate yo phele Kaisarea Filipi ne yora-yora elewate Yesus ye hineumi ro miyea yea elate riyea nde? ²⁸ Na wainyele Yohanis pembaptis, na hiwa yoyea wanyele Elia, pheneng hiwa yoyea wanyele Nabi. ²⁹ Nepheisa mo Yesus yea hineumi, mai uphene ne reyea nde? Petrus yea weuge weyea Kristus." ³⁰ Yesus yea weumi ndere- ndere reai a eleyeijea. ³¹ Nepheisa mo Yesus namoisa orowate yore a kheleumi ro miyea fa phulo fela heleng hele relengnende Yahudi rorele Yesusre nenainyihinde yunjung yo, isey phele hapam phele yo Yesusre honaiphondere. ya name mo here nolora angnunde. ³² Yesus na yakha yea ugeumi Petrus Yesus enere yophogokhe mo a weuge. ³³ Nephei phe Yesus namoisa orowate yore ereumi Petrusre a weuge," walopho reai ugara eyea" rahenephang reai a phe maye eley, nephei phe romiyea neai a phe meyea huweyauge. ³⁴ Yesus ro miyea heleng re khanewoumi na ugeumi nde yea rare hakhonsophonde kiyea, neai ugare ame yea elengonde kiyea reai ohali kemphonde reai moisa orale. ³⁵ Rahene phang, ndeyea na walire khena puhe hengnendene wali hena etowei, nephei phe ndeyea reai afoi feu foi arene nawali rare yensele na wali hena phona endowende. ³⁶ Rahephang, ro mbai nda khanina khelana rambung nemene egarokhokhe nephei phe nawalire hole omoloiphoy? ³⁷ Rahe rambung yea ro miyea mbai mokhombonde wali endowende neai? ³⁸ Nda hokholona yo mate nde yea reai ro re, reai akhofeukhore fe waliyea enaikonde ne. Reyea pherehonde merele ya riyea neai rore fe okoy. Meakhore einye khukui mea-mea, nayephei phuphe yolo-yolo nolone.

¹ Pheneng Yesus yea wengmi" riyea nda a nahale phe wamale nda nolona ro miyea meakhauge mbai herei mo Allahle hupha yo manjo meande. ² Imong mbai mo Yesus, Petrus, Yakobus, Yohanes yaweumiphoke mokore ikate. Yesus na phe yoi meahi yeugokhe. ³ Namalo keleumong yeugokhe. ⁴ Eliale Musale yakaiphokete Yesus neai a ne elate. ⁵ Petrus Yesusre weuge" rowa" ndane foi nekande, emea fele-fele name hemakonde, mbai waei, mbai Musare, mbai Eliare." ⁶ Petrus a elei nekhewole, fe nemo khowate. ⁷ Nahiki phang mo, manggo owmiahunegoke, ne phei manggo nolora a weumi"nda raei khelu niyea, nare mo phorong nembe". ⁸ Ne phei halei jokho wekhate refi-refi erewate ro miyea pham. ⁹ Ne phei halei mokhora akaikokhe, Yesus yea wengmi nda makai yeugokhe hire-hire ewei jea mo nekhe mafonde Allah na khelu ro miyea herai phoke nolora angnunde. ¹⁰ Ne phei a ukeumi huluinye mo nekhewate, na u ra hinewate rahene? herekhe nolora angnunde. ¹¹ Pheneng Yesusre hinanyele rahene isei phele yoyea elate Elia na phere mende. ¹² Pheneng Yesusye weumi" Elia naphere mende, nemene fomene mokongnehandere, nephei phe, na khelu mbaile a feau homo fea na honole, neyea mende molo fela relengnende ro miyea pheko konanyende. ¹³ Nephei phe riyea a wamale Elia na phere meakhe, ro miyea neai khenare khowate mayea mokhowanyele na homo fea ne ne phei maye molainyekhoke." ¹⁴ Pheneng Yesus, Petrus, Yakobus, Yohanes pheipoke Yesusle mosa orate yo phokore ekate phe ro miyea heleng pholong arilefike Yesus na moisa orate yo nolone, isey phele yo phele a ne kilate. ¹⁵ Phei poke Yesusre erekanyele phe nephei ro miyea kulu-kulu yeaipokhe hakaikokhe Yesusle phpkore. ¹⁶ Yesus yea hineumi " mayea rahe a phe isey phele yo phele kilauge" ¹⁷ Ne phei nolona ro mbai jea weuge "rowa" rakelu fa mbai weai phokore yawenghokale mekhende rahene phang, na u phulune walopho yea ewefike mokhongopokhe amung yeugoke. ¹⁸ ne phei walopho na u ne meyeisiyele hului nawga awaling-waling ne hayeunge, neugara olokhe yea phaleyate, nahera ahuneikyole, nauga leakhei yeipyole. Wa moisa orate yore ukameale hukenainyihindere phe neyea nahului phang. ¹⁹ Yesus phefoke weumi " mayea nda haleinya orona mena yo, rapho haleiphang yo, pakhei hului jea riyea mai phelemo nekhemakonde, ne phei fa ndare yaweng noho meang. ²⁰ Nephei fa yawanyohokhe mekhate Yesusre phokore, nephei walopho Yesusre erekeungene nda fa naura hinsing yea hinewonge, nephei fa a ne rukhe hirewole, naugara olokhe yea phalayeke. ²¹ Yesus yea nda fa neakhore hineuge"makhei halei jea nda umekai mokongephoke"? nda fa nekho yea wenge" nameleakeng yea mokogephoke." ²² Nephei walopho meale keaipyole irangdeyea kaisiyeuge, phurang deye kaisiyeuge, hombondere releugekhe, nephei phe wiyea raphi hi mokoipondena meare puhea heimikonde hole moloimibonde! ²³ Yesus yea weuge " wiyea nahuluinya? nemene fomene nahuluinymo phenayende, warapho halei randa. ²⁴ Nda fa nekho rimea rimeale, Yesusre weuge" riyea rapho haleale rare hakoisopho raraphohaleiphang randa. ²⁵ Yesus phefokhe ereumi ro miyea heleng hele meakhate ,Yesus u hale mokhongephoke nephei walophore ayile heagophokhe,weuge" walopho weyea mokhongepokhe amung yeugokhe,eanggaei ophoroi nekele,riyea wawale,hukhawale ndahalei etuwe pheneng ephei emeijea." ²⁶ Nda fa elea kenewole,na u hinsing hinewole hului nda walopho nehiphi ekuke,nda fa na u herekhe makhaijea honowolene nda romiyea arilewole yea elate " na u herekhe yae" ²⁷ Nephei phe Yesus namera kileungephoke angukhe,nda fa nehiphi afe yea hephengukhe. ²⁸ Yesus imea eise ewefikhe hului na mosa orate yo na u khelaufa hinanyele" rahene meyea walophore ehukhesiy hului" ²⁹ Yesus yea weumi "nephei holore na epheliyea helere enduwende". ³⁰ Nendira Yesus na moisa orate yo phele Galilea kheleufa ate, niye ahi romiyea iseyeijea. ³¹ Raphi nephang, na moisa orate yore kheleumi a weumi" neai khelu mbai ro miyea mere kinyembonde nare honaiphonde, pheneng ya name mo angnunde". ³² Nepheiphe na moisa orate yo iseyeiphoi a ehinei nephei a ukeumire. ³³ Yesus na moisa orate yo phele Kapernaumne meakhate imea enye mo hineumi,"ni phine mande mayea rahe a phe eleimyauge?" ³⁴ Nephei phe aphang mo nekhewate, rahenephang niphine anuwau phe na weare-weare kinyeimiate, ndeyea neai khapang sele. ³⁵ Yesus nuwegokhe mo namoisa orate yore khaneng mikokhe a weumi" nde mainolona khena khole naphere, neai uhaleyea moise ende nahiphi hiwa yonei aphu akhore yembonde." ³⁶ Pheneng Yesus fa meale mbai rokeuge nda yo nolone hepheipokemo weumi ndeye fa khai-khaise raeiro earene foijea engnemokhondena neyea rare eiphe hawefe. ³⁷ Pheneng" nde yea rare eii hawensendena, neyea rare eii ehawei, rare ukefe meakhale khayere eii hawanea". ³⁸ Yohanes yea Yesusre weuge" rowa" meyea rombai erekhagnele walophore weai royea hukhenghikhe, meyea he rorangnele rahenephang neyea eai homora nagelephangne". ³⁹ Nephei phe Yesusyea wenge nare hung okoloijea rahenephang reai misa orate romiyea nda me u waneng hiyea-hiyea omokhoiphoy. Nephei jae mbai neyea rare a pheko wensende. ⁴⁰ Rahene phang, nde eare phorong minde neyea eai homora mande. ⁴¹ Rahene phang riyea nda a nahale phe mare wamale ndeyea ware phu inyete aneufinde kiye maye raei mosa hakhafekhoke yo maroiphu mbaisambai enundeiphoy. ⁴² Nde nda fafa nolora rare hakhasokhoke matea mbai niphi pheore wengnende khaye nahasele nephei kiyere rukha khabang manyainyihinde nahorone enate phunolone enaiwonde. ⁴³ Weai meyea phekore mokhogondena nephey mhe folokonde, neai foisele Allah neai wali niphi re mehung yea eweufinde, phenende nephei mhe naphene narakare eweufinde, na i nahuluiphang ekhephekoi hanga. ⁴⁴ Nephei ajeng na heng nahuluiphang ehereiphoy, na i lea ekhephekoy sului. ⁴⁵ Wa oro phe yea phekore mokoiphokena foloikonde, naei foi sele oro hung yea wali niphire eyesinde, nephei woro phe narakare hekhelenaikonde. ⁴⁶ Nephei ajeng heng nahului phang ehereiphoy na i neaima ekhepekoy sului. ⁴⁷ Wei jokho yea pheore mokhogokhena nephei jokho kelensinde, neai foisele Allah neai yohena yore jokho phang yea ewefinde, weai jokho naphene narakane esukhelende. ⁴⁸ Nephei ajeng heng nahului phang ehereiphoi, na i nahului phang ekhepehoy. ⁴⁹ Nephenya nda romiyea hea ii waneng mea foi mokoimiyende. ⁵⁰ "Hea nahale foisele, nepheiphe he na yu nundemondena, nendama yea weyea penyohonde yuphele yembonde? Nda hea rowele waune wane agonde, ro miyea phele wali foi nekhembe".

¹ Yesus nebei anuwau nukhegoke yudea khanire ekhe, bheneng yordan bhukou refire ro-miyea helem arileufike, bheneng neai mokhole makhai, a wosrainye kheleumi. ² Nebeibe farisi ro miyea mekate, Yesus na khenare hubananyihindere nda mayea kinan yele “nahele? ro mbai na miyea le khaye molonoi konde” ³ Yesus yea weumi “musa nenda makaijea ukembe? ⁴ “Neyea wainyele “musa yea a ukeumi ro bhele miyea bhele waheneik onderena na makhai homo fea rangne. ⁵ Nebeibhe Yesus yea weumi, wa khena lea-u lea ne Musa nebei mekhai molokoke. ⁶ Nebeibhe, na bhe emere Allah mokhongokhe ro bhele-miyea bhele. ⁷ Nebheinye, khelufa mbai nenake-neakho nukeng mi bondhe. ⁸ Na miyeale mbaise inyeibonde, nebeinye nda ro na miyea bhele bhe-bhang mbai. ⁹ Allah mbaise mokhogokhe, ro miyea ewahei jea.” ¹⁰ Bhenende, imea einye, Yesus na moisa orate yo bheneng nda a bhe hinanyele. ¹¹ Yesus yea weumi, “nde yeana miyea re nengnihinde, neyea miyea hire rowende na neyea bhekobhe mokogoke. ¹² Nebeimambai nda miyea na molore ahii elenggonde ro hire endena neyea bhekobhe mokogoke.” ¹³ Ro miyea fafa fele-felere yawaimiboke Yesus le bhokore mekhate Yesus onomire yengmindere, nebeibe na moisa orowate yo ahiye ugaimile. ¹⁴ Yesus nebei makai ereumi ne na moisa orate yo re a yereumi, weumi “nebei fafa nendong reai bhokore maii, nare he ororoijea, rahene bham, nebei ro miyea hokholo yea Huba yo Manjo enairo-wende. ¹⁵ Riyea nda a nahalebhe wamale” nde yea fa melea makai se eyeibol khaye Hubha yo Manjo ei huba yeikoi.” ¹⁶ Bhenende, Yesus nebei fafare me nayung rangne raufike, onomi ikeumi. ¹⁷ Yesus neai nibhi ende neai relahiyea mokowole, rombai oroyea meufebhealekokhe Yesus le bene ono heleng-seleng yea rorokokhe Yesus re hineunge “Rowa u foi-wafoi, rahema yea mokhorobonde wali hubha yo manjone etofele?” ¹⁸ Yesus yea weunge “rahene nere foijea warea? Nda khani ro-miyea foi umoo, Allah nembai foi nekhele. ¹⁹ Allah na he folokhoke wiyea weaseai: “ro miyea ohoijea, yokho ebheajiea, ame ewabheijea, ana learai le foi mokhoiminde”. ²⁰ Bheneng nebei royea weunge, “Rowa, na hokholo nekewale huluijea Allah nebei he folokokhe riyea hakkhongobokhale”. ²¹ Benende Yesus bhefokhe nda fare jhoko ereunge na a nda mayea weunge “nebeibhe mbai khaloyea mologoke. Eye, wa rambung nemene-fomene naise hekonde, ro-miyea khounge khalona yore yeikonde mo wiyea ninggi yo bhuma-yang bhumane el subhayekonde. Mele, rare hakhoisobonde”. ²² Nebeibe, nebei a ukeungena khenara hubhawonge bheko hele, kena bhekhoyea ewole, nahenebham na rambung-rambung heleng hele” ²³ Bhenende Yesus mekhe na moisa orate yo re ereumi na a nda ma yea weumi, “ninggi bhele yo Allah le yo Allah le yo bhuma yang bhumare eyeiboi hului!” ²⁴ Na moisa orateyo khulu-khulu yeaiboke nebei a ukeumine, Yesus a bheneng khaye weumi “mayea, reai fafa” nahuluibang sele wali yo bhuma-yambhumare enayem-bondare! ²⁵ Unta mbai nahului sele jarum bhulu ra enensinde, ro-miyea ninggi bhele yo nahului bham, yo bhuma yangbhumare eyesiy hului.” ²⁶ Na moisa orateyo bheneng khulu-khulu yeaibhoke neaise-neaise hinate “nde bhe yo bhuma yangbhuma ensubhayenggonde?” ²⁷ Yesus na moisa orate yore ereumi na a nda mayea weumi “ro miyea hului mee hubananyende nahului bam, nebeibe Allah yean nemene nahului mo bhenayende.” ²⁸ Petrus yea Yesus re weunge, “meareereimi, meyea mea rambung-rambung nemene nukewande haigwande mekande ware hakaikokhayete !” ²⁹ Yesus yea weumi “riyeaa nda a nahalebhe wamale, ndeyea na imea-obhe, na akhabeake, nenakhe neakho, na khelu omi nukeumibhoke reai bhele-ra akhofeauko khenane. ³⁰ Nebei ro miyea holore ndaheyea rambung nakha seratus yea barangmibonde. Nebei rambung barang mibhonde niyea: emea obe, akha bheake, keluomi, ana arai, buro kela nane makai weitaisi khonabha-bam heaiban anaiyaronde.” ³¹ “Nebeibhe, na bhe na yo moise yea menaibembonde, moinya yobhere yea enaibembonde.” ³² Alainyokhoke nibhi nolone Yerusalemre igwate Yesus yea bhe negokhe. Neyea khena hele khowate, nebebe ro miyea hiwa hakaimikokhe mewate fe ne mo khowate. Yesus na moisa orate yore yaweumibhoke, ne yea neai ugane yembonde a bhe weumi, ³³ Nda makai “erembo eyea nda helei Yerusalemre yeande, Allah na khelu Imam-imam yung-jung bhele, iseai bhele yonare bheko mokonanyede, herende, Yahudi bang ro miyea re inyaiminde. ³⁴ a bheko unganyende, eugaki yea honanyende, rauhea yea bhonate, honaibonde, nebeibe, ya name mo herewate nolora angnunde.” ³⁵ Bheneng Zebedeus na khelua bhe Yakobus le Yohanes le Yesus le bhokore mekate weinyele “Rowa meayea kena khande meai khenare kande huluijea wiyea meare yeiminde.” ³⁶ Yesus nda mayea weumi “maikhena khauge riyea rahe yea mare mokorombombe?” ³⁷ Bheneng Yesus re wenyele, “ehe khoimikonde wa anggeng nekei rangne” ³⁸ Nebeibe Yesus yea weumi, “mayea nebei riyeauge maseibang. Mayea nahului aninsimbe, reainya andehinde mare kholonayembe?” ³⁹ Hokolo bheyea wenyele “meyea nahului” bheneng Yesus yea weumi, “nahale, riyea anefikale bhu nahului anensimbe, rare raisihike bhu mare ranaimsimbe. ⁴⁰ Nebeibhe reai meline-meigene nuwembonde khaye riyea elekoi hului. Nebeinye ronaibonde yo na romiyea mokainyehake.” ⁴¹ nebei borokatene, na moisa orate hiwa yo Yakobus le Yohanes le re ayea yarowaimile. ⁴² Yesus keane umikokhe, a weumi “mayea maseai, kulia moko-moko re mokhate yo Yahudi bhang ro miyea neai khena huluiugare nekhate huluijea mokhowaimile. ⁴³ Nebeibhe mayea nahuluibam, “beng nohonde khaye” nde yeaneai khena khabangre yembondena neyea haleyea abhu akhore yembonde, ⁴⁴ Bheneng nde yea neaikhena nabhene nekendena, neaisele abhu akore nekende. ⁴⁵ Nebeinye neai khelu mbai ndare mekhe, eayea nare mokho mandere bham, neyea eare mokong mindere, neai wali mende eare, ro miyea heleng foise yengminde.” ⁴⁶ Bheneng, neyea mekhate yerikhone. Nebei romiye helengbhele, na moisa orate yobele Yerikho ra aibhalekhe hului, ro mbai najokho kumba naro Bartimeus, Timeus le khelu, nibhi enene nuweugokhe. ⁴⁷ Neyea bhorokhe Nazaret na Yesus mekhe, neyea nahibi kheaneunge” Yesus, Daud le khelu rare khena bhuhea heisoko!” ⁴⁸ No miyea a yarewainyele, hilembon dereugainyele, nebeibe neyea a lea kheane wounge “Daud na khelu rare khena buhea heisoko!” ⁴⁹ Yesus hebengukhe mo weumi, “kheanengnokho meu”, nebei ro jokho khumba heanainyokhoke mekhe mo wainyele, “wa khena u lea yea! Afea hebeinyu, ware-kheanete” ⁵⁰ Na malo a ne wokhe, nebei ro aungukhe Yesus le bhokore meke. ⁵¹ Yesus yea hineunge “rahebhe wiyea khena khoyea riyea mokhorobhotere?” ⁵² Yesus yea weunge “eye weairabo helei randa foi eitowende” nebeija nahibi foi yeugokhe Yesus re hakongebhoke orayeke.

¹ Beneng, romiyea mewate Yerusalemre nobhewanyele, betfage bele betania bele, saitun mokhone, Yesus na moisa orate beere, ² Nare weumi, “Ebhu yo mbai bena ekhehonole, hubayekopena ebepope, keledai hokolo mbai hubayeikope neai ugha ha yea rineainyekoke, romiyea na ugharena einyueiboi. Ha khulainyokhope yaweinyohonde mephe reai bhokore. ³ Romiyea hinenayembena, ‘rahebe mokhauge?’ a weumile, “Tuhan yea ukeuimi nanggele emalere, beneng nanggele memale.” ⁴ Nane bee e kete keledai hokoloh mbai hubaikokhete romau monye, nibhi enene ne, hebele na ha khulainyebokhe, ⁵ Ro khelinane nebeinye hebaze hinaimi, “rahe bhe mokhauge nahene nebai keledai na ha kulainyebokhe?.” ⁶ Yesus na are elekoke makaijea ukeumi, hebeinye nanremiyea nojokomo erewaimi ewate. ⁷ Nane keledai yobaibokate Yesusle bokore ekhate, na u na maloyea na naugarangne felewanye, Yesus keledai ranghe yeunuwegokhe. ⁸ Bheneng, nebeinye hebate yo na una malo yea nibine bewate, hiwa yo ofea-hafea yea bewate. ⁹ Nibi homo hiki bala khabang mate kanete, “Hosana! Helem bolem wa unamo Allahle ro yea!” ¹⁰ Khuikui mea-mea Daudle yone yane, meai yobhenai khamaheneai! Hosana, bhuma-bhuma randang anuwaunge!” ¹¹ Nebeisa Yesus Yerusaleme ewalo nahibi Allahle imea yeinye ewefikhe! nebeinya rambung jokho erekokhe, nahibi Betaniare ewole na moisa orate yo bhele rimiyai yeughokhene. ¹² Ya heubokhe, Betaniara eibalakhate, Yesus monibhe hubawonge. ¹³ Ahaufa erewole no ara na fea bele, ekhe jokhore erembondere nde neaiseai erabuhi hubaisekhonde nebhei no ra. Nebeisa ekhe nebhei no khelaunge erabuhi hi-hi hubayeikoi na fea mo nebhei hei ara ohakha bhang. ¹⁴ Nebheinye Yesus nebhei no, re weunge “ha ohakha bang yea mo neai merau hebewende”, na moisa orowate yo borowate. ¹⁵ Nebeisa ekhate Yerusalemne, Allah le imea einye eweufikhe romiyea naise hewate yore hukhewmihike. Neyea ekhe roisa yerate roise yaimi aye merpatire hate yoneai na nemene bhulewoumi, ¹⁶ Romiyare ahi ugami rambung Allah le imea yeise yaroi emejea. ¹⁷ Yesus khelewoumia ugoumi, “Homone moloikhokate” Reai imea ebeliboiboi imea yea ehailende “nebeibhe meyea mekhauge yokho yo neai imeare yeugokhe. ¹⁸ Imam yun-jun bhele musale walora yo orate yo bhele borowate nebheinye nibi a bheawate Yesusre honaibondere. Nebeibe, fe feawanyele romiyea heleng neai elewolere fa yea bowate. ¹⁹ Be bahewolene, Yesus no moisa orowate yo bhele nebei yora aibaleke. ²⁰ Nebeibe hele wenana nibi relahira ewate mo, na jokho erekate naneno ara khalakhoke okhe na kambune. ²¹ Petrus ubene negeunghike Yesusre wenge “Rabi jokho ereibho! Olomore neubhokanca no ara khalaukhoke”! ²² Bheneng, Yesus yea weumi “marabho helei-salei Allah le einyemo. ²³ Nda a nahele bhe mare wamale, nde-nde nahului nda mokhore wenghele, ndara raweibho bhu nolone yeinyuweibo, wa khena rare nahelene weai are eleyea hului bhenate. ²⁴ Hebeinye, mare a wamale, a ebeline riyeafele, wa ubunehe nekehayete hebei rambung rokae, haheje nebei rambung rowele. ²⁵ Bheneng afea nyunde ebelirena, romyeanai bheko wakenana uinyai bondemo bha, arai bhumana weai bheko kuyenggonde. ²⁶ Nebheibe, weyea romiyea nai bekho weai khenara ehayekoine, arai bhumana weai bheko e khuyeikhoi. ²⁷ Bheneng, haneyo ekate Yerusalemre. Yesus bait Allah, kere ekhemo, yahudi bheyung-bhehaba, iseai bele nebeom bele ro, yahudi yunjum mekhate Yesusle bokhore. ²⁸ Nebeisamo, mekhate wanyele, “wndele ro yea nda rambungre mokhoyea? Wa khena koyea hului yea mokhoyea.”? ²⁹ Yesus yea wengmi, “Ra a mbai mare hinerinsim. A wengsele rare, nebeisa a u fembe ndele ro yea nda rambung remokhale. ³⁰ Reyea mare hinamale, “Yohanes bhu koumi ndeyea ukenge, Allah yea nda romiyea yae, a wese!” ³¹ Nebeijo nenaijeamo kholowanye elate, “Allah yea ukenge a yea,” ungande bae bensonde are wengmile “Rahene Yohanes bhu koumire. Nahele yea leleikhoi khaunge’? ³² Nebhei, eyea ungande romiyea naisa? “yunjunre hebateyo fe feaumate, romiyea helemre nanemene nau bhenena nekhenanyele Yohanis nahele-hele nabi. ³³ Nabeinye, Yesusre wanye, “meyea isiang”. Nebeisamo, Yesus nare wengmi, “Nebeimekhainye, Reyea mare a ewei shulu ndele royea nebhei rambungre mokhole.”

¹ Yesus a raweboke anggur hegkhene ahuneubokhe uweumi. “nahegkhe ele yaneufoke, abulu mbai halegokhe anggurre ramenate neai, fale mbai na bhuma hele noraikoke yakare hebenate. He khere mokonareyo roi yeumikoke. ² Anire hogonate hanei hayung ro hire weunge, eye hekhena yo weumile, anggur nimaibokhe yensekhombe roferendere ukefe male. ³ Hekhere mokateyo ikilaibokhe rahwa eyole olainyekhoke hughainyihike name bhangga befokhe ewole ⁴ Nebeinye naro hire ukhenge heai bokhore ewole, hebeibe na yung baikhokate, na fehele mokhaiyebokhe nebeibe nahibi haibo khate ⁵ Nebeisa, beneng ro miyea hire ukhenge ekhe nebeibe nahibi haibokhate, nda makhai heleng hiwa yore bewate, hiwa yo rahwa bowate, hiwa yo howate. ⁶ Imeare ebesoimo erewolene, na khelu mbai khena buheare henkiyeare ufende endena, nare be hinenainyebonde.” ⁷ Mebeibe, mekhere mokate yo arilefike elate, “nde khelu mbai. Meng, nomabondere na hekheaise yembondere. ⁸ Nahibi, mekhate kileibokhate, nabokate hekhe elemoinye uwmande gande. ⁹ Rahebe mende mokhomibonde? Hekhere mokhateyo honggonde na hekhe anggur hiwa yore yeumile. ¹⁰ Allahle homofea ne meyea khokoi? “nebei rugha imeare mokhate yo yea mokhate, mana hebei rugha beyungre yogokhe.” ¹¹ Tuhanle khaliya na foisele are mokhoyengmi. ¹² Beneng khelai mokhowete kilenaibondere, nebeibe na fee feawate ro miyea helengre, na iseai nelehate Yesus hebei a elele nare weumi, Yesusre nukhainyokoke nahibi na ewate. ¹³ Nebei nolora romiyea nenem ukaimele mekate farisi romiyea bele herodian ro miyea bele abuluhre halenai nyebondere heai a lele huluinye. ¹⁴ Mekhate Yesusre wanyele “ Rowa, meyea meaisai nekhande weyea romiyea hai are eboroboi. ¹⁵ Meyea mokhomabhondere, mokhojea? Nebeibe Yesus, na khena ei isaeibokhe, weumi, “rahene rare hubafele? Dinar mbai reai ,mensiyea” jokho eterbong. ¹⁶ Nebeinye rokhate mekhate Yesus weumi, “ndele he yoi ndele homo?” ondofolole bhe yoi.” ¹⁷ Beneng, Yesus weumi, “ondofolole nambung ondofoloreyea yengnele, Allahle rambung Allareyea yengnele.” Neyea fa we-we Yesusre khowanyele. ¹⁸ nebei saduki romiyea, elate wali u, mekate Yesusre humanyele ¹⁹ Rowa, musayea molokhoke nde na akabalehe khelufa, herande na miyea hulehenebonde nebeibe nebei miyea fabang, na akabakhe hiyea ro wende hael oro mere. ²⁰ Na alehabaekewa hemene mehini bee. Na alehabhale bena kiyeaya rokhe, herakhe beneng kayeyea rowende. ²¹ Beneng kayea herende ne yea hameheng kayea yea rowende. ²² Hebei ro mehing bee na nekehoke kelu bang omi bang nebeisa nebei miyea herekhe. ²³ Bhulei tana yo walemibonde, ndere miyea nda ro mehini bee naei miyea. ²⁴ Yesus yea weumile, nebei ubeneyea mare bekhore nare mokhombe, meyea isayeiboi, naei akho feakho nene wawa ²⁵ Nebeijeare waleinaibonde ro miyea herewate nolora, neyea rore miyeare mbaise eyelbol, bhuyo ayore inyeaibonde neai imea obene. ²⁶ Romiyea herekhate yo ananyunde, nebei a feau musa heai homone moloukoke, nebei a feau Isa fonong nolone, nendaa ma, Allah mekhe a wengele, Reyea “Allah abraham, Allah Ishak, Allah Yakob ²⁷ Neyea Allah heraibokhe yo heai bhang, neya Allah romiyea walire nekhate yohea ²⁸ Meyea mauphene onokhokhe ²⁹ Nebeisa, ro mbai iseai hebham holora mekhe anggeai bhorowole neyea a ne elate, neyea jokho erele yesus neai a feau foisele erele, neyea yesusre hihangele, makhei a feau be na bheme hele ³⁰ Webeibe, wa khena heisei Tuhan Allahre na neme fomene yea weai ugha nanemene, weyeai ubhene wabhene nemene wa hila rabho. ³¹ Nda bheneng kayerong, wa khena buhea heisei romiyeare heama weai ughare hennemea. Nephei Akho feoklio na phumanahele hiwa yo nare nare hamekhol. ³² Nebeisa Iseai hebham yo yea yesusre hinanyele “Weyea nahalle. Rowa, weyea hahole be eyeyea Allah Na U mbai, hi-hi u hele nanembai. ³³ Weyea khena buhea hesei na neme fo meyea, yea, wa ubene na uganeng wahila rabho romiyeare miyeare heama nebeiwaneg weyai uohare heamla nabeemehele weai una wa na. ³⁴ Yesus na jokho erele nda ro na wenge arah hele elele, nebeinye yesus yea weuge weyea ahaubang reai imea oibera. Nane romiyea hiyea hayea a ehinelsi ³⁵ Nebeisa, neai imeavelnye ekhe keleumi yesus yea meeumi nenela ma nelea Iseai hebang yo bele elate reyea Daud na khelu ³⁶ Daud nenealja enehele nanai irhaugare Roh kudus yea elele, Tuhan meai yundele a wenye Anggeng nuweibo ramelugge mene, reyea ware anuwau Yokheijone weai oro khelene. ³⁷ Daud neneairea elele yesus neya Tuhan nendea maya beneng kristus na fare yembondere. Ro miyea helem neai khena hele khate boronatere. ³⁸ Iseanye khelemi, Yesus Yea weumi, Iseai hebamyore mauga khaya yea hebemloe, neye elemele kathe na ambela khoko yea hiralkoke, neyea naugare ro bhe bheawate nebei anuwau khabam fe bele bhuble anate anuwaunge. ³⁹ Neai anggeng nekhei rore rarimi sinagoge nebei anuway rore itowaimile anu feubele bhu bele imene ⁴⁰ Romiye neai rambung kinyeaikoke neai imea, hai miyea nale hambaya hekhire molo wate yo, nebeijo ehekhai enaijaronggonde. ⁴¹ Nebeisa yesus nabe bembainye hare he re hawate yesus ijokho erele romiyea helem mate name nono molaibokhe nebei ebare here hawate einye. Nda romiyea mate namena una ebha he helem yo bhe mate name hono molat. ⁴² Nebhei nolora miyea nale alona elea bhang wakhebang mekhe name nokhengele dua keping nebhei rol na khabaning seh mbai. ⁴³ Nebeisa, yesus neai homona yore kheanemile nare a weumi, Reyea nda a nanahelebe wamale, nda miyea nale name u mokhoge neyea ha kha bang hele nda anuwau einye meyea yoni-yoni mewauge ⁴⁴ nebeinye, neyea nemene neai bhuma-bhuma randa mekhate, nda miyea nale mekhe na khou khalo ra rokhe mekhe, na melina mekhainyea.

¹ Moise wokhande halei, Allah neai imea ophe nukheugoke, nakha peakhe yea weuge" guru ereipho ndina rukha honate foi-foi sele yea, neai imea ophe nemekai na foi-foi sele. ² Allah yea wengmi, ndi imea ophe khabang ereipho narukha foi sele ahunaikokhe? rukha mbai feng phe rukha hirangne erasiy, na imea ophe pheko eyeiphoi. ³ Zaitun mokhone Yesus nuwegokhe nekhewole, na phe Bait Allahre yea phefokhe. Yesus re nanembainye orowate yo Petrus, Yakobus, Yohanis, Andreas nenaeijea Yesusre Hinanyele. ⁴ Meare a weymi, makheijaere nane rambung-rambung elewiye phenate, rahe rambung yea mende yembonde meyea nemene iseymaphonde, wali hikhi phang u phendere. ⁵ Yesus a rawegokhe weumi, na phuhea-phuhea yea nekhembe mo ro miyea mare niphi phekore eimokoiphoi. ⁶ Ro miyea helem menate raei ro eisa a menaielende " Yesus naei sele niyea.ro miyea heleng mare phekore mokoinaimphombere. ⁷ Anggai emborombe bhulo fela mahi-mahi enai elende fe ekhoi jea. Nephei rambung-rambung phenate phangamo nephei phe nemene namang u eyei phoi. ⁸ Yo mbai - yo mbai phele phula fela relenanyende nephei meakhai mbai, ondofolo- ondofolo hire phulo fela relenanyende. onyeuw makheisa-makheisa hinende, moni phuki khomale. nda niyea naphere hele huphamansinde, naphuhe miyea fare honondere phuhea makhaijea huphamansinde. ⁹ Nephei phe, mauga khaya hephembe. Rahene phang phekore foise elate yore mare kinyenayembombere, mare rahuwe Sinagoge-sinagoge yone, afeyea meyea Sanhendrin phene phe mbembane esephembe. ¹⁰ Yo khapang-khapang yore ahupha naphere hele hugaiminde. ¹¹ Mare yaugayembombe pheneng kinyenenayembombe fea ekhoijea. Rahe ayea phere elengombere, nephei rahe a. Allah waugana ikhete wasei nekhele nephei a wenya aphang, nephei Roh kuduslea. ¹² Naei akha pheke mbai nakha pheke hire herere harauwenge. Nephei makhai mbai na arai pheko nafa fafare. Khelu omi ananyunde nenakhe neakhore hosoi honate, ageaise ophoroiphoi khonate. ¹³ Raeiro khenane, ro miyea mare pheko konayembe. Nepheiphe raei enye nekhenate yo wali foi moi ensuphayengombe. ¹⁴ Nepheiphe, pheko khaphang hele emerembombe, na ro miyea ehephei anuwauge hephenate Yudea yona romiyea mokhore mo haphelenate. ¹⁵ Ro miyea imea rangne nekhenate yo, imea eise ejea narambung imea enya honate moise okholoijea. ¹⁶ Ro miyea hekhena mokate yo, nambelea roweise epheijea. ¹⁷ Miyea -miyea ugaphele yo, nimea phure yeaimile yo napheko hele huphanainyende nephei jaere. ¹⁸ Hambaya engmolombe nda rambung-rambung eipheijea. ¹⁹ Rahe nephang, nepheijare phulo fela khapang iyea namang ereiphoi, naphere hele aijegokhe. Phulo fela khapang Allah pheneng eimokoiphoi ²⁰ ya fofore eimokhoiphoi, ro miyea mbaifere wali erowei. nepheiphe ro miyea elekhokhe yore phele ya fofo eimokoiphoi. ²¹ Nepheisamo, ro miyea ware ugayete " Kristus" erenyepho ndana nekhele, pheneng ugayete" Kristus ndina nare nephei eiphoroijea. ²² Rahenephang, mesias -mesias, nabi-nabi nahelephang yo, anayunde rambung foi-foise mokhonate, nephei makaihului ro miyea neai uga Allah yea elewate yore, namakhai phenate. ²³ Khaya foijea hephembe a nemene mare wekokhamale. ²⁴ Nephei phe, ne pheijare u phuhe kaphang halei hu ogeng yembonde, okho neai ahehe eneikoi. ²⁵ Findlau yakhu phumara phalenate, onehenggo phumara engmi khusende'''yesaya 13:10,34:4 ²⁶ Nepheisamo, eaijokho manggo rande eremale, romiyea onehenggo randa mende. ²⁷ Nepheisa, na phuyo ayo nase-nase mewate, makheinya-makheinya nemene arilewate. ²⁸ O mbai foi phele phekho phele, nepheisa iseymaphonde namensa khala-khala yeiphokhe, na fea aiphaleke.ne pheisa mo iyea iseaimaphonde rolongsang ya nophengephokhe. ²⁹ Nephei mekai mbai, meyea nda rambung-rambung phenate erembene eseyembombe wali nophengephokhe romau phene. ³⁰ Reyea mare wamale, morona mena yo esowenggonde u enjembonde. ³¹ Phuma yakhu a yakhu u embende, nephei phe reai akho feukho u eyeiphoi. ³² Ya hului hu jokho hului, ro miyea mbai feng iseyeiphoi, nemkhai na yephei phuphei yo nemkhai iseyeiphoi, nakhelu mbai iseyeiphoi, Allah nembai naesai. ³³ Khaya-khayaye ensephembe naei mende yae maye isaiyeiphoi. ³⁴ Nda rambung, ro miyea mbai niphire ele makhai neai imea ophe nukheugokhe. Onehenggo, naphuyo ayo imena yore ikeumi, neasnese nakhalia phelemo. Naromau khayare hephele khiyere weumi khaya mo hephembe. ³⁵ Nepheinye, khaya hephembe neai imea ophero mende hanei meyea isiang, huwea rai jea mende, riniai noloyea mende, ojo khonate heai jea mende, narene kaukau jea mende, ³⁶ Nephei makai mbai rai pherehonde merele ya meyea jonggune honombe. ³⁷ Rahe a yea mare wamale, nephei a mbai romiyere nemene wamale khaya hephembe.

¹ Ya phe phele, ya khabang paskah, ya khabang hi feu ragi phang kiyea. Yahudi neai paskahre mokhonaiphondere, yungjung phele isei phele hapangphele yo aneharawanyele Yesusre kilenaiphondere, pheneng honaiphonde. ² Na a elewate neyea, nda rambung wahaleyea mokhomamonde eai ya khabang hanei khomale nda akhu ephei jea eai ro miyea nolone. ³ Yesus betaniane meakhe nekhewole, Simon nauga phau-phau phele kiyere imea ne, ramangre anate anuwauge miyea mbai namene hele mbai phele rokhe meale, nemei hele einya minyak Narwastu fololo khai phele.na minyak yolo-yolo namekai naise henaiphondena naroi phumana nda miyea nahele khayekhokhe mo naminyak Yesusre yungne hophe wonge. ⁴ Nepheinya romiyea, nemnem nekhewate nakhena phekho phikeng yaiphokhemo na elaikhokhe niyea rahene nephei minyak nemene hele phenghokhe. ⁵ Rahene pang, nephei minyak roise henaiphondena naroi niyea 300 dinar. Ro miyea khouge khalone yore yeumigelonde phe a yaranyele. ⁶ Yesusyea weumi rahere phekore yea mokaugele? name u foi phe rare mokhogokhefe. ⁷ Meyea romiyea khouge khalone yo nanembainye nekheyauge, me u foi nahului mokhongmimbe riyea niyea mai phele nanembainye enekheyei. ⁸ Reai here nanemang eyeiphoimoi, naphere hele nda miyea reai uganemene minyakyea hophekhokeufe, neai ugara huphauge nahului kiyea phe mokhogokhe. ⁹ Reyea nahele kiyea phe mare wamale, reai akho feukho nda khani kelane huwemiyembe, nepheima mbai nda miyea name u mokhogokhe hului, meyea rare kholonsembe. ¹⁰ Yesus na moisa orowate yo, na ro mbai naro niyea Yudas iskariot. Yung jung yo phokhore ewole Yesus na u gare inyengmindere. ¹¹ Nephei a phele porai phokhe phele phe, Yudasre nakhena hele khowainyele, na a uganyele niyea roi jea inyainyedere. Yudas nepheiphele khelai mokhowole Yesus inyeminderemo. ¹² Na pheme yae feu ragi phang khiye domba khelu paskahre, namoisa orowate yo a hinewainyele makheise yea meyea emale paskah neai ramang mokhokoise? ¹³ Yesus na moisa orowate yo na ro phere a weumi, ndi yore ephe mo rombai namene hele mbai phuphele keugokhe mele, mare a ungepemo na moisa ephe. ¹⁴ Makhei imeare ende, neai imea ophe romiyere a wengnepe rowa yea elele, makhei yowa phangande rangele ramoisa orowate yo phele paska ramangre anemakhondere. ¹⁵ Nepheisamo.mare anuwau khapang mbai, na foi moi sele mokainyephokhe khelenaiphophe.ne phei niyea eai imea paskah ramanagre anemakhondere. ¹⁶ Namoisa orowate yo nemhei yore ekhate, Yesus na re elekhoke mekai jea eraiphoke. Nahiphi nephei anuwau mokhonyehakhe paskahre. ¹⁷ Phe phahegokhe mo Yesus yea namoisa orowate yo phele nanembainye nekhewate ramangne anewate. ¹⁸ Yesus yea wengmi, riyea nahele kiyea phe mare ufembere mai orauge nolora na ro mbai, rai phele ramang nanembainye manaya anende, rare pheko mokonsombonde. ¹⁹ Naisnese khena pheko phete, hiyea hire hineuge, hiye hire hineuge, na elate riyea phang ma riyea phang ma. ²⁰ Yesusyea wengmi nephei ro ramoisa orauge yo, na rombai mana ya feu nanembainye anakhonde phuese nanembainye anahinde. ²¹ Rahene phang ro miyea fa ndara ende, na a kho feukho humo fene molo khoke. Nephei phe ro miyea nare phekore, mokougokhe kiyea naphekho hele huphang nihinde.na foisele nda romiyea nda khanine ohonoijea. ²² Ramangne augatemo, Yesus feu rokhe hambaya molougokhe reuge-reuge molaiphokhe, na weumi yarongo nda reai meleng niye. ²³ Aggur faere phele rokhe helem foi a ukheuge na ro miyeare ikeumi nemene anggur anaisikhe. ²⁴ Nepheisa mo, Yesus na a weumi nda reai ha niyea ha a phele kiyea ro miyea helengde isemindere. ²⁵ Riyea nahele kiyea phe mare wamale riyea anggur phu aneisiymo nekherefonde, erele meakhore imea ophenemo anggur emhe anerihinde. ²⁶ Allahre phuma kholayekhokhemo, Zaitun mokhore igate. ²⁷ Nepheisa, Yesusyea wengmi mayea nemene rare nukhengsophombe, a hupha ne molo khokhe hului."Riyea phulo fela menende, gembala neai domba-dimba here ware phonate (Zak 13:7) ²⁸ Riyea herera arunungde haneai, Galilia yore Riye naphere erele, ²⁹ nephei phe Petrus yea weuge ndana ro miyea nemene nukhenaikote, riyea niyea ware enukheiphoi. ³⁰ Yesus petrusre weuge, riyea nahele phe mare wamale ojo mukhu rokho phe nda huwea okhokoimo weyea rare rokho name amame phefokhonde. ³¹ Petrus na elamo hephewole, na weuge here weiphele nanembainye ajembonde horo, reyea ware amame ephekhoi. Nepheinya yo nane ambai mo ugainyele. ³² Nepheisamo, Getsemanire ekhate.na moisa orowate yore weumi, ndane mo nekhembe reyea hambayare isemokhorphondere. ³³ Petrus, Yakobus, Yohanis Yesusre nanembainye igate nekhewate yo nafehele khowate. ³⁴ Yesusyea weumi reai uga rimehele rimale, reai uga huphanale herelere meakhai ndanemo nekhembea khaya hephembe. ³⁵ Yesus phifere ahaukheyea ekhemo, oro sleng-sleng hephe kokhe khanirangne hambayane molole.na elele niyea nahuluinye nda rambung reai ugara u phenende. ³⁶ Na a weuge "Abba" Arai rahe rambung phe waugare nahinging pham.nda anggur feare rea ugara rowei. Nephei phe reai khena yea nahului phang, wei khenare khoyea mekaijea enjembonde. ³⁷ Yesus na moisa orowate yo phokhore meakhe, nemene jonggune honowate. Petrusre a weuge" Simon rahene jonggunemo honauge? khaya hu jokho mbai fere nahului bhang ehepheikoi? ³⁸ Khaya ensephembe hambaya engmokombe mauga phekore epheijea. onehengo are hakhomiphonde, nephei phe eai ugameleng leaphang. ³⁹ Nephei mekhai mbai, Yesus nembai jea hambayane ekhemolowole. ⁴⁰ Yesus rokho phenengre phefokhe meakhe, namoisa orowte yo nemene jonggunemo honate na jokho hekhai sele yeiphokhe, neyea isiang rahe ayea unganyendere. ⁴¹ Pheneng Yesus rokho name kiyere phefokhe meakhe, a ugoumi miyea namang jonggune mo honauge? neai jea ninea mekhe. jokho erembe ro miyea fa, phekore mokhate yo mere kinyenaiphonde. ⁴² Angnumbemo jokho eremamindere reai ugare inyeminde re yo nophainyephoke. ⁴³ Nephei sea, Yesus ane elele, Yudas narohi neai homone orowate mehining mbai mehining phe, mekate romiyea helem namene fele, menda, ukaimile meakhate ondofolo-ondofolo yea, isei hapham ,rorele-rorele Yahudi yo na. ⁴⁴ Neyea rare kinyenyesephondere kiye iseai ikeumi, nephei romiyea yoi hinerengonde kiye niyea. ekilembombe yawengnohombe embe nepheisa mo. ⁴⁵ Yudas meakhe Yesusre phokore a weugele Rowa? nehiphi yoi hineugokhokhe Yesusre. ⁴⁶ Nephei jo mekhate Yesusre ikelainyephokhe. ⁴⁷ Nephei nolora ro mbai angukhe, na yolura na rame raweugokhe na rohire na eanggai bhe reneugokhe. ⁴⁸ Yesus yea weumi, meyea erafele? Riyea phekhore mokhale khiyea nea menda fela yea reai kileipose mauge mai uphere riyea nda phekore mokhale yo nanehului? ⁴⁹ Nayane phaeinye riyea mai phele nembainyemo naei imea ophene, neai imea ophene mbainye mo mayea rare ikileiphoimo, nephei rambung meyea isainyaiphonde nanemakhai neai akho feukhone nemene molaikhoke ⁵⁰ Nepheisa nephei anuwau nemene nukhaikhoke. ⁵¹ Hokholo fa mbai kheng Yesusre hakhongophokhe namelang yea. ⁵² tetapi ia meninggalkan kain lenan itu dan melarikan diri dengan telanjang. ⁵³ Nepheisa, Yesus yawanyeyokhe pheyung phehaphare nekhate yo phokore ewate. ⁵⁴ Petrus, Yesusre hakhogophokhe nauga a hauga, imam khapangre ophere eise namoisamo.nea khayare hepate yore mbainye anggeng nekhewate nauga nauge-naugene. ⁵⁵ Nephei pheyung phehapare nekhate yo hinanyele, Yesusre honaiphondere, nephei phe phekho mbai na una wana u. ⁵⁶ Nda, romiyea heleng mekhate neainya elate yea ya mbai nahale u, neai a feu elate nenaima. ⁵⁷ Nephei nolora ro neng-neng anyukhate ane hawate Yesusre ane hayanyele, ⁵⁸ Miyea phorande nenai elele," riyea Allah neai imea ophe nda meyea Khalarembombe ya name mo nephei imeh ophe arungnunde, nephei imea meyea emokoiphoi. ⁵⁹ Nephei phe nane afeu elate hine-hine neneai-nineamo. ⁶⁰ Nepheisa, yungre nekhele ro miyea nolora angukhe Yesusre hineugele, weyea ayakhayea elekho nda romiyea? ⁶¹ Nephei phe yesus a phang mo, a mbai elekoimo. Yung nde nekhele yea hineugele Yesusre, weyea nahele mesias? Allah neai khelu? ⁶² Nephei phe Yesusye weuge, Riyea nda niyea, meyea erengnephodere reai khelu fa, nea kho meuge mene'na u na wana heteungekhokhe neai mende manggo randa. ⁶³ Neyea, na malo khenenggonde, nda yung ya hineu ngele," Rahene phenem helem hineyande? ⁶⁴ Mayea phoro yauge na elele, mana nenda mayea? Nepheijo nanemene elate honaiphondere. ⁶⁵ Hiwa yoye eiki hesere yea hanyele naphera yoisa, menungga yea phate, aa wanyele mokhoipone!" khayare hepate yo rokhate phate. ⁶⁶ Petrus yung khabang re imea moinye namang hephele, nephei nolora miyea mbai meakhe. ⁶⁷ Petrusre erewongele na weuge," weyea nahi Yesusre mosa orowagea? Nasaret ro miyea," ⁶⁸ Nephei phe, Petrus amame waphekokhe,"Riyea resaipham, oneale rahephe eleyea," Petrus romau phere ele, ojo ro a khole. ⁶⁹ Nda miyea Phenem petrusre ereugele romiyere weumile, nda ro niyea homoyaufa orowate nahi niyea. ⁷⁰ Nhephei phe, nea pheneng amame phekokhe.na hiki phang mo ro miyea nepheinye hepate yoye Petrus re hinanyele! Weyea nda nahi, neai homora orowauge? Weyea Galilia ro miyea. ⁷¹ Nepheisa, neyea olomo yea naruluyea naure elele riyea nephei romiyea elauge raseiphang. ⁷² Nephei haneisa ojo rokho phe khokokhe Petrus u phene nekhenghikhe Yesus na a ukheuge, nanemang ojo rokho phe okhokoimo, weyea rare amame rokho name phefokonde," Petrus mehi hakho folole na rime a khole.

¹ Na rene hesele Imam-imam yungjung, rolere-rolere bhele bhe yung-bhehaba bele a kholo wainyele, sanhendrian nemene Yesusre rinainyokhoke, yawai nyohoke ekhate Pilatus re ikainyele. ² Pilatus yea hiniung e “nakale wiyea Yahudi neai Ondofolo?” Yesus yea weunge “wineai jea ukarea”. ³ Nebeisa Imam-imam yung-jung Yesus re ahunainyele. ⁴ Bheneng Pilatus yea hineung “nahale wiyea a elei nekelere? Erei indi ro miyea helem ware ahunayete, ⁵ Nebeibhe Yesus a eleimo nekewole bhenende Pialtus fanggengge yea khowole. ⁶ Paskah yakhabang ya, Pilatus re riyesyainyele kawara rombai raweibyainyele eituwele. ⁷ Nebei khawa einyaro mbai naro Barabas nebei yone horai-horoise horowate yo bhele, ro miyea re howate yo bhele mbainye nekewate khawa einye. ⁸ Nebei ro-miyea mekhate Pilatusre riyainyele neai imokhowole makai jea mokombondere. ⁹ Pilatus yea hineumi “mayea khenariyea Yahudi neai Ondofolo hayerenggonde?” ¹⁰ Rahene bhang neyea neaseihele, Imam yungjung yo khena hengsengne Yesus Pilatusle mere kinyeai bhoke. ¹¹ Bhenende Imam-imam yungjung no miyea helengre a huwaimikoke Pilatusre riyeainyele Barabas kawara rawengnobonde. ¹² Bheneng Pilatus yea weumi, “nebei riyea rabehe mayea Yahudi Ondofoloyea waungele kayere mokorombandere?” ¹³ “o haline bhongnoko” nda romiyea yea kheanate. ¹⁴ Bheneng Pilatus yea hineumi “Rahene? Rahe bhekobe neyae mokou gokhe?” Nebeibe neyea bheneng a leakeisele elate, khali keanate “ohaline bongnoko!” ¹⁵ Romiyea heleng neai khena hole re molombondere, Pilatus, Barabasre hayeungekhoke, Yesus re rauhe baikokate hului yawainyohoke ohali ne inaibhongondere. ¹⁶ Felayo Yesus re yawainyohoke Gubernurle wakundang imeare mekate, ¹⁷ Malo ungu yea hirainyokhoke, makota Isabele mbai haikokhate nayungne hirainyokhoke. ¹⁸ Bhenende wainyele, “foi Yahudi neai ondofolo” ¹⁹ Nayung holomba yea ukate, eugaki yea howainyele, ²⁰ Yesus re abhekho-bhekho ugainyele hale mekate na malo ungu na ugara keainyobhoke neai malo yea hirainyokhoke. Yesus re yawainyo hokhe ohali ne enaibhonggondere. ²¹ Ro miyea re ahiyea elate yore yobhowate leahale yea bewate-o hali re kheaneai bondere. Kirene na ro simon re nai yora mewole, Alexannderle Refus le neakho ukainyele ohalire kheam bondere. ²² Yesus re yawainyohoke anuwau mbai naro Golgotaa, “(Bho re honate anuwau)” ²³ Anggur bhu mur bhale aleaimyiobhoke ikai nyelebhe neyea ahiyea elewole ²⁴ Bhenende, nare ohaline bhaikoke, na malo khayeaikhoke, waheikoke unde hekelenainaikonde, na malo rahe refeibhe rouke ²⁵ Nebei haki hu joko name Yesus re o haline bhaikoke. ²⁶ Na ohali rangne nare ahunewainyele ro yea molaikokhe “Yahudi neai ndofolo” ²⁷ Yokhore bheaikokhe ro bhe neaima Yesus naa refine-refina bhaikokhe, hi yea meline, hiyea meugene ²⁸ Na homo fea ne neai maakhaijea molokhoke, “neyea, ame-yakhalire bhenayende yo nolone me enaibeande.” ²⁹ Ro miyea nebei refira ewate yo a bheko-bheko ugainyele, fangge-ngge yeakhowainyele, a ugainyele, “wiyea Allah le imea khallaibonde, ya name yea aungunundere eleyea, ³⁰ Wa uga mokoibonde, ohalira oiakhoibonde !” ³¹ Imam yung-jung yobhele iseai habham bhele yobhele Yesus re khowainyele na a nda mayea uganyele “hiwa yore hole moloumi bhoke bhe neai ugare hole omoloboi sului ³² Kharo Mesias, ondofolo Israel neai, nda haneijea ohalira oiakhoibo meyea jokhore erande yo nahaleyea elemakonde. “neaibele ohali nanembainye hebate yo bhele yea Yesus re ugainyele. ³³ Hu jokho mehiningmbai huluimo nebei khani nekhate nemene ougeng-faugeng yeuhokhe-ikhe hujhokho me hining kheline. ³⁴ Hu jokho okhe mehining keline Yesus ele kheanele neakhore weung “Eloi, Eloi, lama sabkhtani”, “Arai-arai rare enukhei jea?” ³⁵ Nebeia kheanewole bhovowate ne elate, egmbo? Elia re kheaneunge ya”. ³⁶ Yorombai hakaugokhe mo holomba ne ayengehake Yesus re ikeung anensindere, na a ndamayea elate “eremang, elia nahele mende roweng nende a ne ongne hambonde”. ³⁷ Bheneng Yesus khali kheanewole, na no hubha okhoikoi no yobougokhe. ³⁸ Nebhei hu jokho mbai Allah le mua reu bhe molokoke na bhumara okhe a nee, ³⁹ Nane fela yung nebeinye hebhewole erewole Yesus na no hubha mokongngekhoke, neyea elele “nahele ya neyea Allah le khelu”. ⁴⁰ Nebeinye miyea-miyea riya mbai na ahaufa erewate, nebei nolona Maria Magdalena le Maria Yakobus nenakhele, Yoses yea, salome yea hebewate. ⁴¹ Yesus na wali nekewole haleinye Galilea anuwaunge mba miyea-miyea nare mokho wainyele, nebeinya miyea-miyea heleng hele hakainyokhoke Yerusalemre nukhate. ⁴² Huwea yeugokhe hului, uga molaibhoke, neai jare enatere. ⁴³ Yusuf Arimatea na ro mekhe, Allah le imea obhene mokhate yo nare bheyea hiruyainyele, neai makha neyea Allah le hubha yo monjobhe rakheyele, bhe lea mokougokhe ekhe Pilatus e bhokore na uga riyesiise. ⁴⁴ Pilatus khulu-khulu yeugokhe Yesus herekhe a bhorougo khene. Nebeinya fele yung ne kheaneunge khoke hineunge “nahele Yesus herekhe?” ⁴⁵ Pilatus nebei fela yung lera iseayeugokhene, nebey here Yusuf re ikeunge. ⁴⁶ Yusuf kain inen roijea yaroukokhe, nebei here a ne okhate raisikhe hului nebei kain linen ne ruleai sikhe mo ekhate abhulune raisike. Nebhei a bhulu nahibhi aheaikhokhe ⁴⁷ Maria Magdalenale, Maria Yoses nenakhele erekhate Yesus na herere raisike anuwai.

¹ Sabat ya mbai e wewfikhe, Maria Magdalena, Maria nenakhe Yakobus, salome, neya rempah-rempah yara i khokhe ewate Yesusre ekhai nobhewainye. ² Minggu imbhai, narene hele, hu nae wkhobhe yele, neya rane mekhate awmaranre. ³ Neya a hiya hire weunge, nde ya rukha oleng khokhe okhe auma romaunge. ⁴ Nebheisa, na jokho erate rukha khabung oleh yole. ⁵ Nebhei auma yeise, neya erate ro hokholo fa jubah khelew mong nuwewgokhe nekle mghe mreukhokhe angen meuge me ne nuwew gokhe, neya khulu-klulu yaei bhokhe. ⁶ Nebheisa, nial a wewmi, khulu-khulu ebheija, maeya enne renggo Yesus Nazaret ro salib ne bhai khokhe. Ne ya aungekhe. Neya ndana lo, jokho erem makheinye nekhainyele. ⁷ Nebheisa, murid-murid re wewmi eme Petrus bhere Galilea n fole. Nendi ne, mayae nare hubha yengobhe, nebheisa neya mare a ungembhe. ⁸ Nebheisa, neya aibhalekhe hauga hakna i khokhe aumaran neya khulu-khulu khowate, bhuhae hokhou mi bhokhe, neya a ndere-ndere ewei, neyae fe khate. Rabhi hi-rabhi hi omokhoi ghoi Petrus na homona ewate yore a few na fo-fo yae weumi le. Nebheisa Yesus nenai a nebhei jore wewmi meya yembe ralira ghenen waise ombhe, neya a foi ghe wewmi, wali henare, ghekho nae gham. ⁹ Nebheisa nda mong ya mbai mo Yesus na rene hele aungukhe, neyaya mbai-mo yakha wowmi Maria Magdalena neya Yesus hukhew ngihikhe nawga na me hining bhe Roh Jahat aibha lekhe, ¹⁰ Nebheisa mo, niya ekhe Yesus re nanembainye nekhate yore a wewmi, neya khena bhekhone khate rimate. ¹¹ Nebheisa neya bhorate Yesus walewbhoke erekhanyale, neya amame yae elate. ¹² Nebheisa Yesus nawga mehi ya yewbhoke mekhe ro bhere yakhawmi bhokhe. Nda he yo mbai se fate. ¹³ Nebheisa, neya bhukhai bhokhe a isaei hiwa yore u gowmi neya amame ya elate. ¹⁴ Nebheisa mo sebelas murid Angeng rai bhokhe rawang ne anate, neya nauga yakhawmi bokhe a wainyele. Maeya ware amame elande, kena u lae hebhande. Rahene bham ro ware ro miae heleng amame yae elate, ware erekhayete aumaranda angukhe. ¹⁵ Niea a nebhei yore wewmi, “eme raei akho fauko, nda khani khabham khela khabham naei ma huwem miyende. ¹⁶ Noleya rare nahele elewkhokhe, bhu ran ninimbhe ro wende, nebheibhe nde nakhena wa wa khole anuwaw bhekore ende. ¹⁷ Nda mahi-mahi yakhate, meya hakhon nokhombe nare nahele ya elenggombe: naei ro yae roh-roh ghekho hukhen nihinde; meya a afaeu eme ghe emelemghe. ¹⁸ Ne ya naei meya rami kilaeighokhe; neya bhu ghekho anaisikhe nauga na ghekho heraighokhe, ndi rambung maugare ghekhomo; meya mame era yo gulo yo rane emikholomghe, ro miea onomi enajorande. ¹⁹ Nebheisa, Tuhan Yesus nare a wewmi, neya surga re nakheukhokhe yele yende ALLAH re meugemene nuwembhonde. ²⁰ Nebheisa, neya ewate naei Akhofawkho makheinye-makheinye huwemmiyembhe, Tuhan na khalia nanembhainye FIRMAN re royae me herawembhombhe mare ei hawenemfombhe.

¹ Rasul Paulus mekhe Yesus kristus eisa Allah maei khena khole. Efesus nairo miae yolo – yolo ya; ro miea nahila ragho yesus kristus re yae. ² Rei mai onomi mare wamale Allah Neai akho mekhe nakhelu Tuhan yesus kristus einye. ³ Rei mai Allah naekho rena mekhe nakhelu yesus kristus re einye, mekhe aere khukhui maemae kristus re einye. ⁴ Rahene gham, nea mekhe kristus re eisa aere kheluwmikhokhe na foi ja mo nekhemale, ghekho naei ghene eigheja. ⁵ eya me herauma ghonde fa-fa yauma mighonnde rei maei nolone kristus yesus nemgai niea. ⁶ Neya name u mokhokhokhe ina ro ghuma, na khena ghu hae heisei khaghang hele, mekhe nakhelu nendong yae ikewmi. ⁷ Naei einye , alere naci haya khuyeu mi khokhe khena phuhae hewmikhokhe. ⁸ Allah Yae aere ikhewmi ughene waghene foi. ⁹ Neya a wewmi eya name u nung khelai omokhoija naei u ghene foise neya hului kristus einye. ¹⁰ Nebheisa ewate mo khena foi ikewmi kena mbai umbai kristus re einye, surge na ikae nekheya a yakhu na nekheya. ¹¹ Kristus re einye, eya warisan anuwaw ghele imaghonde, me herawaighokhe naei ndare mokai. ¹² Meya nabhemene aei hila rabhao kristus re mo na ro ghuma kholomande ei molomande. ¹³ Nae enye, meya naei akho faeukho ghorau gokhe, Roh kudus me herawae wgokhe neya wali nighi, nahele. ¹⁴ Roh kudus aei hakhoiro, mekhe na ha yae khuyewmikhokhe Allah re romiyea re yaen deghoke. ¹⁵ Nahele, reyae bhorale ro miyea na khena ghuhae nahila ragho Tuhan yesus einye mo. ¹⁶ Reya na yane bhali ebheli khali helem foi weyanale. ¹⁷ Reya Allah re ebheli bhanale maere roh ubhene. Wa kristus re einye. ¹⁸ Reya ebheli ghanele makhena u mahila ragho nanemene nail einye mo, helem gholeng nail einye, ro mica rei mai e makhonde. ¹⁹ Neai nya laa wakhe hila rabho aere hului ei taisi. ²⁰ Elawakhe neya khelewmighokhe kristus here khera angukhe surge wiike mewge mene nuwewghokhe. ²¹ Na heki khokho nanemene isai yaei ghokhe, nail einye lae wakhe, ughene waghene , nali ro bhumana ikhe honole, nda here mo ghang, ghena ya nekhe male a. ²² Mekhale nanemene wo ro wene raufikhale nda jemat waei yundane en sonende. ²³ Nda waline makheinya-makheinya nanemene naei bhonde.

¹ Bhere, eyea heranbokhe aei meu bekhone. ² Makhei hu meyea alangkokhe dimiare, walobho alubhoye, roh bekhobe fa-fa neainye ewefikhe khaliya mokhole. ³ Neai nolonayo, eyea nanemene bhere eai wali kheuw bhuli range khenare khande upehere nekhaimile nebhei hului jea molehowande. Eyea naisele fa-fa bek-bekho, romiyea hiwa yo bhele eyea nanembai jea. ⁴ Nebeibe, Allah na khena buhea heisei are ha lehabang hele. ⁵ A bekho nebhang einye heranbhokhe, neyea mekhe waleumibokhe Kristusle nabhembhan. neai khena buheaneare wali hena ikeumi. ⁶ Are waleumibokhe neai bhele mambhembhane bheneng anggeng nambhembhane neai bhele rendeng yolo-yolo yone Yesus Kristus einye. ⁷ Bheneng bhena yane, neyea mende na khena buhea heisei khabang hele hului etaisiihangga hafoi are Yesus Kristus le einye. ⁸ Neai rey-mayora, are onomi ikeumi eai hila-rabho eisa, hebhei weaisa bhang, nebhei karunia Allahlera. ⁹ Nebhei weai roibhuna bhang, nebheinye romiyea neai ughare ukheai kheaijea. ¹⁰ Eyea Allah yea mokhoumibhoke, Yesus Kristus einye heai khaliya foise Allah mokhouhakhe eyea nebheinye wali nekhemale. ¹¹ Nebheinye, uphene hayembe meyea bhere honokokhaiyembe, “Romiyea sunat bhang yo”, neai ughare romiyea “sunat bhele yore” waimi, sunat ughare mokhhaimile heai me yea. ¹² Uphene heyembe ma wali Kristus naggele bhang hei, kayeu bokhage romiyea Allah le einye nekhate yo bhele. Yohi romiyea makhai eai ha perjanjian yea mokhomibhoke, eai hila-rabho u Allah le hang na. ¹³ Nebheibe, nda hei, Yesus Kristusle einye, meyea bhere ahau hele hebe yaweisokayembe mekhauge Kristus na ha yea khuyeimiko. ¹⁴ Nebeisa, nau onomi fokha eyea mokhangneboke bee re yeugoke nebeisa mbaise yeugokhe nebeisa here weare yeibhoke. ¹⁵ Bheko ugha meleng einya kelerokhe musale walo einye a weumi me heraubhoke nebeinye neai ugha einye nda bee mbaise romiyea nemere yeibokhete na wali foise yeibokete. ¹⁶ Nda foi bee re yeugokhe Allahle u mbai nyeyeugokhe ohali ne bekho nibi u yeugokhe. ¹⁷ Neyea mekhe onomi rey-may a bhe wembe meyea ahaunga yo, onomirey-may ro meyea nobhena yore. ¹⁸ Rahenebang, naisare, eyea bee nibhi rowale arailere ale roh mbai einye. ¹⁹ Nebeinye meyea ahaunga yo nda nare mekhauge bhang, nebei bhe eyea nane romiyea mbai romiyea uphene foi waphene foi Allah le akha-bhake. ²⁰ Anyunukhe na henggeleng rafikhe rasulre, habire, Yesus Kristusre ro yea henggelengre rafikhe. ²¹ Kristusle einye, amahunde khena mbay-u mbay nanebembane inyethe Tuhanle else molomande anuwau. ²² Neai einye meyea, anghunumphe nanembainye nebhei anuwau anggengre nekhemale Allahre neai roh einye.

¹ Rabuhine a hunebokhe, reya, paulus, khawane hephela Yesus Kristus khenane, romiyea phekhore mokhate yore. ² Nahele muyae phoroukhauge yo rakhalia mokho wallu romiyae re ugamale Allah nakuasa rara ikefa nepheimo, ³ Nephei num khelai, rare ukhai sela nane mame reyae moloukhokha le, ⁴ Nela khongomphe he, meyae isaie phoi Yesus Kristus anau na wana. ⁵ Nephei ewei da nena romiyea, nephe ndahe para Kudus Roh Kudus. ⁶ Nephei khelei mi nemene nakho faukho romiyae pheko nemena mo nai mokonde, ya ne, nane phebamne romiyae da bai, anuau emayaro de Yesus Kristus mende yane. ⁷ Reyae nayo phuyore (Injil) hufemiyena de karunia anugrah Allah, rare ikhefe nai hului nai kuasa eisa. ⁸ Reyea romio pekho da romuae foi nolone, nae a ukheu fere he femi yae dere romiyae isayei phoi yore u yei phoi, ⁹ Nahe he rom male emale romiyaere ungmami de isian nolora numeiahe kho khe ralo ya kama nyae mei Allah phuma yakhu re mokhou phokhe ¹⁰ Nephei sa, jemat el ung mamile Allah narelen ausai mana wamale weyae raphunire de yona wanua surgawi. ¹¹ Nenda ele makhonde hononende nephei phe ele male naei ei ye Yesus Kristus, Tuhan. ¹² Nai eine, eyae nahulu nephei eisa Allah re phokhore nahele wahi larapho Kristus re. ¹³ Nepheisa, reyae riyaewale ware kenaphe kho okhoja erei wakhenaa phekno preya huwa manale wai khenane khenaphekho phuma khaphande. ¹⁴ Nebei ugawale orosele sele rorokho khale arai phokho ne, ¹⁵ naiyea, mai akha phakhe di surga phuna khani na rowende mai ro. ¹⁶ Reyae hambayae mokho remphe makhe nare khauge mayae helem phole nai eisa, el molonembe, neyae khena hele mare memphere la wakhe eiyei wawaline, nai kuasa Rohnya. ¹⁷ Nebeisa Kristus khena khole mai phele nekhembe makhenaeine wa huarapho waune khamphu bhele nakhe na phuha einye, ¹⁸ Nepehei sa meyae nanembai yae namene romiyae kudus nephesa, sai nate. ¹⁹ Khakhau, khokho, hikhi, waugau hele Kristus nakhe naphu na phuha maure ware hikhanen pharanemphe nahibi maune nemen fomene Allah yae. ²⁰ Neyae, nahulu mokhonai phonde helenkha wakhau nemene neyae riande uphenere hanyae de, nai kuasa khali eiyae. ²¹ Nauga phumakha phan phele jemat eine Yesus Kristus nemebe foma ne naphena foke honole rahiphi hiphi hono nende. Amin.

¹ Reyea neai khenane khawane hesekhokhe, meyea mawali harannepondhe neyea khaneu khokombe roukhage. ² Makhena u ane ranni himbe nime haphaya, ikhele pham hambamphe wali yoyo mama, ³ Ela embembe wali Roh enye yo-yo ma-ma. ⁴ Meyea nane mbai Roh enye, nephei ganengma mare khaneu khokmbe. ⁵ Maei Tuhan mbai, maei hila rapho mbai, phu mbainye. ⁶ Meai Allah mbai, nanemene maei akho hena nephei nanemene, nephel einya nanemena. ⁷ Nephei phe, eyea nemene waheumikhoke neai una wana. ⁸ Nepheinye, weumi, “neyea anuwau na phuma kiyare endhe, romiyea khawane hepate yo ekilembonde, nuaw yem mile”. Mazmur 68:19. ⁹ Neyea a ukhemile, neaye ewole neyea phem ana onde de nda kani klane? ¹⁰ Neyea ongokhe nda khine. Neyea okhe nephei waneng ma ende nda yakhu ahunembon de. ¹¹ Neyea I ukheumi, neai khalia yore, ¹² Nepheima isaise khelaimiyo, ro miyea ei haugaimile na khaliyare mokha te neai uya Kristus, ¹³ Eyea nemene hupha heinye neal khena, uphene waphene mbai ja nekhe nate, romiyea meli mekhai isayei phoi phole mayea, ¹⁴ Nephei ganeng ma, hila rapho khusekhoi-mahelehoi pham aluya ya-ya romiyea neai isei, ame yakhali phele. ¹⁵ Phemansonde, isey he phem nene we-we, khetenate faunga te na hira- hira nare, neyae Kristus ai pheyung. ¹⁶ Neai ura wara nda uga ahu neai khokhe nafoi moy rineal khokhe mbainye hine-hine pho ranna. Neeunye-neainye mokhonate nda ugafoy nekhende yo-yo ma-ma. ¹⁷ Nepheinye, reyea nelaya wamale Tuhan de elsa, ma umekhai wamekhai harannephombe romiyea wali neai enye waneng mea, neai uphene nahere elekhoi. ¹⁸ Na uphena ougeng Allah re phera ahau phuhau na una wana iseai pham hephani bang na khena u elakhei. ¹⁹ Na uphene waphani hum neyea na uwa unulu neai se khabang haranye phoke. ²⁰ Nephei ganeng ya meyea Yesus re isayei phoy. ²¹ Meyea masei isayeugokhe nare, neai enye kheleyem be, nenda maya wali neai nahele Yesus re inye, ²² Hayenggo mauwa phena, meyea ma wali phene ma nekhe wauge, ma u wa pheko phakho hele nda unulu ya waphe wombhe. ²³ Phemno ho ma uphene. ²⁴ Khetenne phombe mael wali emmeya, Allah neai une wane hamewole wongowole yoloyoloya nemene. ²⁵ Nephei waneng ne, hayenggo maei ame yakhali, mem meyea are faufe elauge nda romiyea khelaumi meyea mbainye nda uga yembombe. ²⁶ Ikele lehombe pheko phe emokhoija. Wa ikhele ham khene une eherauja hu onakhombonde. ²⁷ Phulo walophore mongeyeja. ²⁸ Romiyea yokhore phayate, yokho epheja. Na foi sele neyea khali phe ela wakhe rowende mokhonde neai meyea aele wakhe na ro miyea re wahenmile. ²⁹ Mong eye ija aohekho meai euga elsa, nephei afol fefoi phe angunumbe ro miyea khenare, maei a fau romiyeare ele wakhe phe yemmiyembe. ³⁰ Roh kudus re pheko emelehoi ja, nei elsa eyea ror phay mikhokhe, neai ja mendene. ³¹ Hayenggo nemene maei fahe, khena, ikhele, phekho, aphekho, nemene maei phekho, felandeyea maei ura wara. ³² Ma ume khai harannephonbe, ma khena u nihen nihimbe, khena phuhea hesei hire-hire, nephei ma Allah neai esaa Kristus ya fanyem mikhonde.

¹ Nephei phe, Allah nai u mekhai wamakhai elele mekhai jae nekhe male ne, eyea Allah nai fa-fa ya elenggonde. ² Wali khena foi ufoi enye nekhembe ne, Kristus are khenaphuhea heminde na uga yea onggou kholo-kholoise Allah phere ende. ³ Nephei phe, mauga pekho nehan, nikhi rambung romiyea foi se mokhate yore nolore nahinggimbang enekhei. ⁴ Maugare apekho feo pekho, a khobu-khobu, waphei a nahinggimphan kiyea eleijae. Helemfoi a phe wanga ra elewende. ⁵ Rahene phang, meyea isaiphomphe romiyea yokho kaimea, wali yoloyolo pham, wali hahae, walopho re phuma kanyele yo Allah re Kristus re anuaw naphe phan. ⁶ Romiye mare a bankha-bangkha ya waphejae rahene phan nephei umakhai ma Allah na pekha nephan na fafa re inyem minde. ⁷ Nephe mane meyea naiphele. ⁸ Khahili okhojae pere meyea onggeng noloro mawali mewagene manaya Tuhan nde fafa re yangokhe wali ahe-he nolone Nekhembe. ⁹ Tuhan nai khena re khole kiyea phe mokhomale nephei niyea: foi mokho male, a nahele kiyea emale. ¹⁰ Nephei nemene ohakha ahehe no niyea. ¹¹ Me u ppekho ogeng nolona mekhai mokhoi jae nephei ohakha ani heleng re ekhoi. Nephei phe umalang jae yemphomphe nebei rambungrambung ra. ¹² Rahene phan, nephei rambung-rambung maleu-maleu yae ronate feng, fhe nekai sele. ¹³ Nephei phe, nemene malang yea a hehe re mokho gokhe nemane nayakha hayakha inyaiphonde. ¹⁴ Nemene nahele ne a hehe re enjembonde. Nephenye na a elekhokhe niyea: Junggu re honoyea kiyea anyu! Here nolora anyu waleipho Kristus na ahe he wauga re mekhe. ¹⁵ Nepheinye, ma wali nekhaghe na foi jae hele erembe, romiye khobu ne khate ma okhojae, wali iyai haphan phele yea nekhembe. ¹⁶ Wali nda haney nekheyea nafoi jae hele mokhai phonde, rahene phan, nda ya hanei mande pekho hele. ¹⁷ Nephenye, khobu ephei jae, na khena re khole kiyea phe isai maphonde. ¹⁸ Kheu phele phu anei jae, nephei wa uga re pekho hele, nephei phe Roh Kudus phe waugane mea-mea enjemphonde. ¹⁹ Mais naese a elembe, Allah phuma kholonembe khoi bea yea, a kho-khoi jae makenya a khokoi kanate nemene khombe akhokoi mokhombe Tuhan phumare kolongnele, makhena eisa nephei a kholonembe. ²⁰ Helemfoi nahiphi mo kholomande, rahe rambung nemo. Allah nai arai pere, Tuhan Yesus Kristus re ro einge. ²¹ Are nihifinde ro miyea phere meale, wali Kristus re einye ne. ²² Miyea ro re mekhele mele maya, nephei ma eyea Tuhan de khelere memale. ²³ Na molo phe yun bhehaba namiyea re nekenate. Nephei makhei mbai Kristus, phe yun phehabae na ro miyea re nanga nenaijae onomi fakho ro. ²⁴ Nephei mekhai ma, romiyea Kristus me khelere mate, nephei hului mbai miyea ro re mekhele re mate. ²⁵ Ro ne nemene, khena phuha khaban miye re khomimbe, nephei mekhai ma Kristus na romiyea re. ²⁶ Na uga yoiyolore inya phondere ne Firman phu yea khunyaikhonde. ²⁷ Nephei samo, Kristus na jemaat re ei molomo me u pekhore mohkate yo pham, nebeibe yoyo ma nekenate. ²⁸ Nephei mekhai ro ro na miyeare khena phuhae nai uga re khounge mekhai jae mokhonehe nda na miyea re khena phuhae khongnelene nai ugare neakhai khena phuhae khongnele. ²⁹ Rahenephan romiyea na uga renenai khena pekho ekhoi nephei phe na uga re nafoi sele mokhoi yele. Nephei ma mbai Kristus na romiyea re mokhoiyengmi. ³⁰ Rahenephan, eyea naei uga khaban re yandephokhe. ³¹ Nepheinye, khelu mbai miyea nengowendene nenakhe, nakhore nukhemiphonde, na miyea re mbai seinyei phonde nekenete. ³² A nungne, khaban phe mare wamale walo niphi nekhemale, Kristus jemaat re makhai jae. ³³ Nephei me, nasnese na miyea re phuhae hemile nanga re hemile ma, na miyea na molone hiningde khena phuhae hengnele.

¹ afa akho nakhe naei ausaei em bhorom bhe Tuhan na khena re khole ma. ² Akho nakhe re bhuhae hemile hebhei auusaei bhena. ³ Mawali foi nda khani ne wali heki nekhengombhe. ⁴ Akho naei, ninae amame fafare ewa bheija neya akhu honate. Nakhena khabam khate Tuhan re ausaei bhoronate. ⁵ Budak-budak, re waimi mayae Tuan ei molomimbhe fe waktu yae khomile makhena u nebhema mbai Kristus re. ⁶ Nda ro miea na khalia bhekho mokhole, ro miae khena hiyei bhe ranengmi, meya hamba-hamba Kristus ma khalia mokhombe Allah naei khenare ma. ⁷ Khena u foi ja Tuhan nde hakhomande, manusia re kahkhomand no khongde. ⁸ Maya isea yembobhe, budak ne yo ro miae merdeka na yo name u foi. Tuhan yae foi emi yende. ⁹ Tuan-tuan name u hamba-hamba re mokhoi waimele. Mekhate haei nyukhe neya foi isaei yeai bhokhe naei Tuan-tuan neya nanembhainye surga ne nekhate, neya na khena bhuhae nanemene waheiyewmi. ¹⁰ Nebheisa Tuhan le einye lae wakhe nekhemale, ¹¹ ALLAH re einye nekhembhe, bulo walobho aei ugare fe ya khonate. ¹² Rahebe bham, nda renlanele meleng naei bhang, nebheibe niae hakhoi bhoi naei a fau, e la wakhe, nda khani ne owgeng rorokhokhe, ne lae wakhe roh bekho bhuma yakhu ne. ¹³ Nebheisa mo, Allah wa akho fawkho wawgane khetengobhonde weya naeima ya nekhe bheko wawgare emei nanemene bhafokhe. ¹⁴ Anyu a fae yae hebhele wa yolu ha laekhei ja rinewkhonde, malo zirah foi hireukhonde oro fae hireukhonde mo injil mokhongehande reimai mai. ¹⁵ Rei mai ja injil mokhongehande oro fae hireukhonde alongkhonde. ¹⁶ Wa hila rabho rowele nda I bhekho bhe matee nanemene khebheukhonde. ¹⁷ Yung felei foi rowele, rai miyaeli Roh, nebhei ALLAH le akho faewkho. ¹⁸ Roh eisae na yae ne bhaei ware ebheli bhote. Ebheli bhole einye hawewnge khaya hebhele khena are rawngihinde nane mene yolo-yolo ro miae re. ¹⁹ Ebhei Tuhan nde bhowngele na raei bhele yae nebheisa Karunia row fele injil hufewmiyende. ²⁰ Injil khenane, ro miae re ukhewmi rare kilashokhokhe. Ebheli ew bhonde reya nahului na kho faew kho hufele. ²¹ tikhikus, na kha bhakhe se iman Tuhan nde einye, mare wamale rahe mekhai me u mokhombhombhere. ²² Rea nare ukanale, mayae maeinya a na hubha isae yem bhombhe, mayae kena foi yembhombe. ²³ Rei mai akha bhakhe se iman. Rei mai, iman akho Allah nemamekhe Tuhan Yesus Kristus re einye. ²⁴ Rei mai ei mare hawenembhe aei Tuhan kena bhuhae mo, Kristus Yesus na khena bhuhae bhekho ei bhei.

¹ Yesus Kristus, nai hakhoi phe Paulus re Timotius re, nai a romiyea nemene wea-wea Kristus re enye, Filipi yone pe yum phe haba re nekate yore, jemaat kalia re mokhage ro bhele may onomi fokha. ² Wali foi moi Allah naisa, arai Tuhan Yesus Kristus maiphele nanembainye nekhemempe. ³ Allah phuma khaban khanale, mai uphene nekhaisihine, ⁴ rai hambaya ei molale mai phele mo molowamale, rei tei mai eisa hambaya moloya male. ⁵ Rahe nephan khaliya nanembainye mokhandekhe Injil akho feukho na phere mekhe nda heneinye. ⁶ Reya nahele phe hupanale, khalia foi phe phere mai nalone mokhombere, Yesus fo i moi mokhonehande Yesuss Kristus nai mende yane. ⁷ Rai ugane nahele phe huphanale, meyea nemene rai khena nemo nekhage, khowa einye, moinye phumare kholeanalene. Mai phele rai phele khaliya nanembainy mokhonde Allah na wali I kemire. ⁸ Allah ai a elei-elei kiyea, reyea mare nemene na khena hele khamale Yesus Kristus re einye. ⁹ Rai hambaya: foi moi, helembulung, mai ugare menate, ma uphene wa phene ne foi moi. Ulus re Timotius na a Moloih Filipi uhae mo, Kristus Yesus na khena bhuh. 20. injil ¹⁰ Meyea nemene na foi kiyea phe rowembe, Kristus nai mende yane meyea wali foi moi mo, pekhore u. ¹¹ Mai ugare ohakha, na akho feukho melei-melei ma melende, Kristus Yesus re einye mende kiyea. ¹² Rai akha peakhe nemene, meyea isaiphomphe rai ugana pheate rambung-rambung nemene. ¹³ Nepheinye, yo khaya re hephate phele, romiyea ahi na nekhate yo, nemene isai nyaiphonde, reyea khawa einye hephale Kristus re khenane. ¹⁴ Reyea khawa einye hephale ne, romiyea heleng sele Allah re hakhonanyephondere. Na akho feukho ro miyea re ugaimile fe wali ekho? ¹⁵ Romiyea Kristus re akho feukho huwanmile rimiyea nare. Khena henheng; naware-naware! Nepheiphe romiyea hiwa yo na uphene foi jae mokhate. ¹⁶ Ro miyea nauphene foi jae mokhate yo , helem foi sele hubanyele, rahenephan reyea khawa einye mekhanekhale na akho feukho khena ne. ¹⁷ Pekhore haraanyephokhe yo, nai khena foi moi u. Nai khaliya khenapekho ya, khena hensen ya. Nauphene haiugate ndamakhai jae mokho male mo reyea (Paulus) khawa einye pekho hupharenende phenen re hiki hepherete. ¹⁸ Nepheinya rahephe eraiphokhe? Umakhai mahi-mahi mokhonate. Amamea yea mokhonate, nahele yea mokhonate. Kristus naakho feukho nahuphi hunga, minde, reyea nepheise neyea, reyea, rei may khayende. ¹⁹ Wali hambaya einye, Roh Kudus are hakhominde Kristus Yesus re einye. Rai ugana phewate rambung, yeyea khawa einye hanaisekhonde nai. ²⁰ Reyea raphore halale reyea eitowei, nephei phe Kristus nai eisa elawakhe rokhale nekhale haneisa ra walienye phuma khaban kholorende. Here phele wali phele eisa. ²¹ Kristus, wali rai ugare, here khakha. ²² Nepheiphe, reyea wali rai unulu einye, reyea khaliya mokhorete ohakha yakhanaiphonde. Nephei makhai kiyea phe reyea elerphonde reyea isian. ²³ Niphi phe-phe ne ra wali mekhahephale. Rai khena khale Kristus re walinanembainye nekalere. Nephei na foi khaban sele. ²⁴ Mai are ne, nebei foi moi nda wali einye hononende. ²⁵ Hila rapho eisa, reya maiphele nanembainye nekhale. Ai hirarapho na pheremoende rei mai khomale. ²⁶ Reyea mai phokhore pherhonde ne, mai umeanggeu jae eikoijae Yesus Kristus waugau phe enggomphe phele. ²⁷ Nephei mekhainye, wali Kristus Yesus naakho feukhe elele mah ya, nai mende ya ne maiphele hubayenggomphe emeija ne rayea erephoronde meyea nelae yea mo roh mbai einye nekhembe. Uphene mbai jae rowembe nanembainyemo relenengfombe injil waro-ware re. ²⁸ Ro miyea pekhore mokhate yo ware fe re khole rambung yea mokhonayete. Rahene, nephei phe wali hena phona Tuhanre eisa mende. ²⁹ Kristus re naheleyea elenate yo Karunia are inyemende, phulo felah relenaifonde nai ro khenane. ³⁰ Itulah sebabnya kamu menghadapi pergumulan-pergumulan yang sama seperti yang kamu lihat aku hadapi, dan yang sekarang kamu dengar aku masih sedang mengalami.

¹ Aei wali Kristus re ei ye rei mai khena phuha, uphuha esakho mesakho, ² Wau mokhongehande rei mai eisa wakhena wau phenera wau makhai nakhena phuna nanema, bai ye yembonde nai roh, nemene bai mo. ³ Raphuihi ei mokhoi jae khena hengse uhens khena phekho embei ayakho u enai phende; nephe khenayae herau phonde nephei huwangende romiyae hiwa yore hengminde nephei wau ure hea nae ma. ⁴ Emokhoi ja mau phembare meyae eremphe mau baise nephei ma bai romiyae hiware. ⁵ Rauphene re hayale maiya, Yesus Kristus u eiya, ⁶ Weya wau makhai Allah re ma, we ya naure ehamei khoi Allah ayai una nahi phinya elemayen de! ⁷ Phenye hokhe, neya naure raphuhiphan hambakhan nephei buduk rahene yembong de nanemwa nau makha romiyae. ⁸ Waugau waumakhai romiayae, ne ya ane raungi hikhe nahele hele nahi phi herekhe, nahili phi herekhe ohaline phaikhokhe. ⁹ Rahe alasan ikhare, Allah naphu manane yae nakhe na phuha maire ro phu mana nemene ro. ¹⁰ Mai eiyae Yesus ro, mai orosele rofoikho foi honate phu mayakhu na, honole yakhuna, “nebeisa yabau da fau Yesus Kristus neya Tuhan,” ¹¹ Da fau are elande Yesus Kristus ai Tuhan, wehele Allah naunawana, nei eyei! ¹² Nephei sa rakha phakhe khenaphuhare khamale yo, meyae ra re na heleyae ele yauge reyae mai phele bai ye mo, helensela mai phele bai ye phan; khalia walihena fewakhu ya. ¹³ Nepheisa Allah nakhalia mai ugane, foi makhenare khuge khalia rahebe khenare khauge. ¹⁴ Khalia nahi phinya mokhombe olomophan naluruphan. ¹⁵ Nepheisa meyae lawakhephan meyae, phekhoban, nephei fafa Allah nephei phekhophan da nolone naliomona yaua yo yeli yeli naluai pham, nepheisa meyae ahe he nang mi khombe nda phanekhanine. ¹⁶ Mame layae khilemphombe nakho faukho mau ne Allah nai jane, reyae rokha le rahe ne phan reyae rei mai nendon phan nephalale rakhali lakhei sele nena don phan. ¹⁷ Kholoi pho wakhalia wahila raphoisa, reyae rei mai kale mai phe le ne me ne. ¹⁸ Nephei ma meyae, mai a ne mene nanemamo, reimai nanemphe phane ¹⁹ Tuhan Yesus re eiye, renyae rapho halale efeneng de Timotius ware reimai khanete wai afau phorena de ne, ²⁰ Nephei reyae erowe nephe romiyae re na m a, rakhena u narei mai seie, ²¹ Hiwayo, phenephan nai uga phaiphe, phenephan Yesus Kristus. ²² Nephei meyae mesai, Timotius nau khele ugokha neyae nahele, neyae kheleng mi le nanem bainye emale huna mami yenda nai akho faukho nephei romiyae nafaa naimyae nakho. ²³ Nepheisa, raphohalale renyae lefete nahiphi isai se phonde rahephe yemphong de reuna, ²⁴ Reyae rapho halale Tuhan de reyae renai wali gare merele. ²⁵ Nephei sa, reyae u phenere hayale nahale ufenendere epafroditus mai phokhore. Neyae rakhaphakhe, bainye mokhayeng de, bai ye huwaminye de, nephei mabai rofeyerele ufemile isemile nai ugare, ²⁶ Nepheisa, neyae khena hele khale mare nemane khena phekho meyae phorauge neyae erane. ²⁷ Nahele, phere eranekhole bifeng herengdere, Allah nakhena phuhane nare khounge nephei nare mophan, nephei raiphele iphoisi nahiphi mo ohonoi. ²⁸ Nephei ma, reyae nai ma kenahele khale ufenede ngdere nepheisa reimakha mon hele nephei sa erenuohe ne, arewononde waukho khalo. ²⁹ Ejawayoho epofroditus Tuhan rei mai hele nemma romiyae, ³⁰ Neyae phife hereng dere Kristus, nakhalia ne, neyae nawali. Ikhenge raheya pheng ehondere.

¹ Nebheinye, akha bhake, rei-mai Tuhanle einye reyea ehekai hubaisa nane a mbai bheneng mare wamale nda a mare yakhare hebenembe. ² Yakha hebembe rowa amameyore, yakha hebhembe pekho re mokhate yore, yakha hebhembe romiyea sunat ughare mokhaimile yo. ³ Eyea romiyea aikheha ei sunatre mokhankoke yo Allah na Roh einye mo, bhuma kholomande Yesus Kristus, na rabha halei nda khani na kelanare bhang. ⁴ Naisele rea embeise khorelere nda khanina rambung. Nebeibe romiyea hiwaa yona uphenera hayenate reyea ndaembei khalena khanina-kelana rambungre, neai bere hele neya reyea. ⁵ Reai anai arai Israel romiyea hele, benyaminle orona mena norani neai ayafeau yea elate. Nebeibe nusa walorane moloikokate reyea farisi romiyea. ⁶ Reimai einye, reyea romiyea phekore mokhale, nebhei foinyai bhemekhai haranebho reyea pekho pham. ⁷ Nebeibhe, reai ure ware foise hubawanale rambung nebei neyeabham, mana Yesusre eisa namene khakhamo. ⁸ Nahele, nebei namene walire eijejea borenende Yesus neai khena bhuhea, huluise eraisei nda une wane. Yesus re einye namene rubogokhale nanemene huphanale melanggamo nebeisea reye Kristusre hubayeakonde. ⁹ Reyea Kristusre enye kaale nephei afau reai ura wara pham nephei nemena na homone honole, nephei phe mende hilarapho neai Kristus, nahele Allah re hila rapho eisa. ¹⁰ Reyea nare huphayakonde one henggo na una angukhe, nephei mbainye relemande neai mare imaphondere neai here eisa. ¹¹ Nephei nahupa heinye aliho rofole arununde herewate nolora. ¹² Nebei, niyapham reyea ehuphayeikoi nepei nahalu pham, reyea mokha le nebei kitephonde nebeiwaneng ma Yesus rare hanekefele. ¹³ Akha phake reyea mare ehayei reyea nebei ekilegokhale. Nebeibe rambung mbai mokhogale “reyea moi naneme phulengophokale be harang ophokale ra phena honatere. ¹⁴ Reyea nahipihi mo phere erele na huphane na ani rofele phumara na afaeu elate Allahle neai eisa Yesus Kristus re. ¹⁵ Meang eyea uphene foi iseaiyaendeboke. Meyea nebei uphene erowei, Allah mare na yakhayea khelenemphe. ¹⁶ Nepheinye, meng wali neai einye nahibi neai akho feaukho phorandephoke. ¹⁷ Akha pheake rare hakhonsopho reai u meakhai erensele ro miyea neai wali nahele nephei umekhai ijokhore erauge meisa. ¹⁸ Nebhei romiyea helem wali here ware Yesus ha ohali reyea. Nebhei u meakhai, reyea weumi kokahe mare, mana reyea ijoko phuyea. ¹⁹ Nawali huphea heai phekophe, neai yarelere pheyate neai Allah makhai, na phuma khapang kholanyele fehele. Na uphene waphene nda khani kelanai phe pheayate. ²⁰ Nepheipe eyea neai yohena yansenane niyea su nda reimai erekho-rakhko koimeyeainele Tuhan Yesusre. ²¹ Neyea are phemihonde nda ro u miyea u eyea nau u na me-ne wea-wea Kristus na foi yaumimonde Allahre bere.

¹ Nepheinye ra akha peakhe khene phuhea heyea male, wamale, reai khenare khoyale niyea walile einye me bho-bho kilemanggonde. ² Riyea nanahesele Euodia le sintikhe lere riyeamale wali Tuhan le einye nekhemayende. ³ ehe, niyea mareriyeamale, neai akhophe neai,nda miyea-miyea hakhongmiko,rahene pham neyea rare hakhaisokhokhe khalia leakhei sele mokoiminde Injil kenane., neai makhai klemensle phele neai khaliare mokhate yo phele,na ro wali yolo-yolo homo fea ne molonaikonde. ⁴ Reai mai khombe Tuhanle einye,pheneng a wamale reai mai nendong khombe. ⁵ Neai makhai jea wakhe na foi u foi nemene iseinyaiphonde,Yesuss mendere nophegepokhe. ⁶ Rahenai-rahenaei fe efei jea weai khenare khoyea Allahre riyeugele epheli eisa,neai ma phuma khamang koloinyede. ⁷ Foi moi Allah lena na khelu Yesusle einye wa u phene wa phene,wakhena u einye eumelekhe. ⁸ Nhepheinye akha peakhe,nahaleyo,phuma-phuma ,foise mokhate yo,yolo-yolo yo,nemene phuma kholomande. ⁹ Rahe phe maye isayeugokhe, yaraukhokhe, phoraugokhe, pheneng rare erensembe, Allahle foi moi ma u einye nekhemembe. ¹⁰ Riyea reimai sele khale Tuhanle einye, rahenephang, nemene rare yeafele wakhena u, wa khaliya mokhoyeyea einye.nahale naphere wiyea nephei makhai,nepheiphe ya phe wiyea erowei. ¹¹ Riyea nda a wamale khalo fene phang, riyea nemene iseyewale wali nahului erene nekhende neai ¹² riyea iseyegikhale wali khalo nephei rahe!, nephei ma mbai wali khukui mea-mea rahe.nemene fomene riyea iseyegokhale nda wali neai a nung,Moni yea phuki yea, roi phele roi pham. ¹³ neyea le ikhefene ne riyea nahului mehi-mehi mokhorophonde. ¹⁴ Mayea foi mokhaugokhe mai koukhalo reai phele weahande. ¹⁵ Mayea masei Jemaat Filipi naphere injil mewefikhene, Makedonia anuwau nukhegokhale,ne phei Jemaatna hiyea-hiyea neai khalo reai phele ewahei wali yei wahei einye. ¹⁶ Neima Tesalonika yone rare hakhonasokonde yo ukangmile eakhate. ¹⁷ Nephei phe ,nephei u foi phe riyea rapho ehalei,wei me foi ufi phe mokonyende khamang embende. ¹⁸ Rare roi jea heleng mokowaisele, rakhokalo nemene,hawewale Epafroditus re yeungekhokhe mekhe, marambung-rambung yewauge mewole nemene Allahle phene yoinye nafoisele ensononde. ¹⁹ Reai Allah wakhoukalo eneihakhote neai khukui mea-mea Yesus Kristusle einye. ²⁰ Allahre phuma-phuma randang, eai araise neima hononende. Amin. ²¹ Wali foise nekhate yore reainya a moloi-moloi Yesus Kristusle eainye meimile. A moloi-moloi ware, reai akha pheakhe nane khena mbai umbai nekhande ndana. ²² Ndana foise nekhate yo neainya ware a moloi-moloi wayete, Kaisarle imeana nekhate yo. ²³ Tuhan Yesus Kristus lena wali foi moi anoiphote weai Roh einye nekhewende. Amin.

¹ Pauluslena,Allah khena khole huluinye reyae Wali Ondofolo Yesusle abhu akhore yeubhokhale,Yesus Naei ukeumi ro miyae, Yesusre na hibhi hibhi hakhonaeinyele reyae Paulus nebhei waneng aei akha bhaeke Timotius bhele maere ro bharaeyayembe. ² Onomi fokha akha naei bhake naei kolose yone nekhauge. Reyae ebheli bhanale aei Arai Allah khena bhuha aere bhang mae henembe nebhei waneng khena foi u foi mokhonembonde. (Helem Foi Naei Ebheli) ³ Meyae rokho heleng aei Tuhan Yesus Wali Ondofolo Naekho Allahre maei ebheli bhannele,helem foi sele weyannele, ⁴ Meyae A bhorandebhokhe aei Tuhan Yesus Wali Ondofolore hila rabho haleyaungele nebhei waneng yesus naei eleukhokhe ro miyae ukheumi nemene khena bhuhae heyeumile. ⁵ Wali Surgane engnekhembhere rabho elae yae halembhene,Yesus re hila rabho haleyaugele nebhei waneng Yesus Naei ukheumi ro miyaere khena bhuha heyeumile.Na bhena a na hele, Wali Ondofolo a foi faeu foise huwenayembhe,meyae anggai bhorauge. ⁶ Nebhei heera isaeibhoke na hele Allah maere khena bhuhae aere bhang mae heyembene me u foi mokhoiyauge,nebhei waneng Wali Ondofolore hila rabho halaeinye ro miyae heleng bharaimeyate.Nebhei waneng mbaei bhaete makheinye-makheinye ro miyae Yesusle a foi faeu foise eibhorate ijengne. ⁷ Meyae nda a foi faeu foi Epafraslera bhoraeibhokhate.Wali Ondofolo a wengge hului khalia na hibhi-hibhi meanggele mokhoyande nebhei waneng maei naise mokhoyele.meyae nare khena hele khannele. ⁸ Neyae isaeyeumibhokhe meyae Allahle Roh elae yae hiwa yore khena bhuhae heyeumi. ^{10 9} Nebhei a mekhai meyae bhorandebhokhe heera maei naeise na hibhi-hibhi Allahre ebheli bhannale. Meyae Allahre riyannele Naei Roh yae Naei isaei hebhang bhele mae yae mauga haranembe nebhei waneng nda wali einye foise mo khelenembe.Nebhei waneng mae Naei khenare khole mae isaeyembombe. ¹¹ Meyae riyannele Allah maere elae bharanembe,naei bhumana hele elae huluinye.Nda elae walora meyae na hului nda wali emae nekhende;wali bheko hubhannembe na hibhi-hibhi Wali Ondofolore hila rabho halengnele,khena hebaeng-sebhaeng mae yae nekhembe;nebhei waneng mbaei rei maei rowenensimbe. ¹² aei Araeise helem foi na hibhi-hibhi wengnele.Neyae elenggonde nebhei waneng mare Naei hehe bhele yo wakhune emembombe,nebheinye mokhougehakhe rambung Yesus Naei eleukokhe yo holona bhele hubhannele. ¹³ Walobho yungbhe me khelee u kheleene nekhewandene oubheng haubheng nolone orowandera Allah yae ukheumi yaweumebhokhe Allah na khenare koyeunge khelu Yesusle me khelee u kheleena yo holo einye haumebhokhe. ¹⁴ Yesusle walora aei bheko bhako aheukokhe bhaeufokhene,aei walina u mekhai bheko yono-yoni faeinyeumebhokhe. (Yesus, Ondofolo Na Bhumana Hele) ¹⁵ Ro miyae ijokho ereibhoi sului Allah Nauga mbaei kiyae Yesus Niyae.Yesus na bhena khiyae yeubhokhe,Naei anuwau bhuma reufina,nukheubhokhe rambung nemene fomene ana mo, ¹⁶ Allah Yesusle eisa rambung nemene fomene mokhoukokhe.Nda khani khelana ro miyae na hului ijokho yae erate rambung bhele,nebhei waneng Allah naei bbhuyo ayo holo naei yung-jung bhele,walobho holo naei yun jung bhele,yung jung nemene fomene,Yesusle Walora Allah mokhoukokhe ,nebhei waneng Yesusle foi naeise mokhoukokhe. ¹⁷ Yesus na bhere hele nekhewole,nda rambung-rambung hi nemene fomene moisa mo yakhawate.nemene fomene beyate Naei elae walora. ¹⁸ Yesus jemaat Yungde yeubokhe.Neyae nahubha raweibhoi kiyae.Nulu yo mahe yora aeinyukhe holo yo Neyae na bhena kiyaere yeubhokhe,nemene fomene naei Ondofolore yembonde naeise. ¹⁹ Allah khena rei mai yae a hokhoukokhe Naei me einye u einyu honate rambung nemene Yesusle einye honate. ²⁰ Nebhei waneng Yesusle walora nibhi mokhombonde nda khani khelane bhele surgana nebhei nemene fomene na hului nanggele foi mokhomikhonde.Yesus ohaline bhaikokhe na ha rileukokhe nda nibhi mokhougokhe. ²¹ Na bhere,meyae Allah khenare khole hului bhang nekhewauge,Nare a ebhoroibhoi.Allah na yokeijo waneng nekhewauge.me u bhekho mokhowaugene nebhei waneng u bhene bheko nekhewayembene. ²² Yesusle a foi faeu foi meyae bhoraubhokhe nane waneng nda khani kelana yo nemene.Meyae yesusle a faeu foi hila rabho elae halemembe nebhei waneng honate a bhenatere rabho elae halemembene,Yesus herekhe walora Allah maere foi mokombokhembe. ²³ Nebhei nibhi yae Neyae mokhoubokhe maei wali alombokhembe nane waneng bhekore ewei sului Naei bhene hanembombe naeise.Yesusle a foi faeu foi reyae Paulus yae ro miyaere na hibhi-hibhi huweyamaele. (Paulus Naei Khalia Ma) ²⁴ Jemaat wali Ondofolo ugare yeugokhe.Jemaat aerene reyae bheko hubhanale nebheibhe rei maibhe roweusiyeufe,nda khali khela nekhewole heena jemaat foi naeise Wali Ondofolo bheko hubhawonge waneng mbaei nda hee jemaat foi naeise reyae bhekkho hubhanale. ²⁵ Reyae Jemaat na khaliane mokhale,nebhei waneng Allah yea rare ukheufe.nebhei waneng Allah yae rare a ukeufe Naei akho faeuko nemene fomene mare huwerengkombe. ²⁶ Nebhei akho faeuko aei abhu naei arai naeise heena nungne honaimekhe ne naeisaei bhang,nebheibhe mana Allah yae a hokhoukokhe Yesus Naei eleukokhe ukeumi yore nda akho faeuko nungna honaimekhe yakhaumibhokhe. ²⁷ Allah merau raugehike Yahudi yo bhele Yahudi bhang yo bhele na hului nda nungne honaimekhe akho faeuko Wali Ondofolo na bhumane hele Kiyae Naeise,na rore bhenghokhe nda niyae;Wali Ondofolo manggele nekhembe,meyae na hului rabho elae halembe Naei nene wae-waere meyae hubhangnele. ²⁸ Meyae Wali Ondofolole akho faeuke isaei hebhang eisa ro miyae nemene huweyammile,a usaei waeisaei weyammile.Yesus Naei ukeumi ro miyae naei wali hiyei rannaibhonde mo Allahle bhene hamamibhonde naeise,meyae nda khalia mokhande. ²⁹ Reyae elae hele bhaele nda khalia mokhalere bhaensonderene Wali Ondofolo yae yeyeufe randa mokhale.

¹ Reyae khena khale meyae maeisaei nekhembhere Maere wamale,Laodokia na Jemaat naeise,nebbhei waneng ro miyae hiwa namang maengele ehubhayeikoi yo naeise,reyae releimeyanale naei mayae isayembombe. ² Nebhei ro miyae na hului Allahle a nungna honaimekhe,Wali Ondofololena a,na foi jae isaeinyaibhondere nebhei waneng isaei hebhang hului nekhenatene foi hubhanaeinyende naeise,reyae merau haraugebhokhale nenaei-nenaei u bhene wa bhene mbaei jae khena bhuha u bhuhae henate walora na khena u bhuhae henate walora na khena u ra ro ronate. ³ Wali Ondofolo eisa Allahlena isaei hebhaeng nemene fomene na foi bhangga mo nungne honate. ⁴ Ro miyae hiwa mare a ame-ame yukhaie walora kobhubhe mokhonayembombhe nebheinye,reyae nda a wamale. ⁵ Naedae waneng horo long reyae maei bhokhora ahau nekale,maei naeise hubhanale maengele mbaienye nekhande waneng.nane merau reyae rei maei khale,maei u bhene wa bhene mbaei jae nekhauge nane waneng reyae rei mai khale,maei u bhene wa bhene mbaei jae nekhauge nane merau Wali Ondofolore hila rabho elaekhei sele haleyeunge. ⁶ Mana Wali Ondofolo Yesus maei Tuhan mae a elaugene,meyae nangele mbaeinye nekhembhe. ⁷ Meyae inya bhele khambu bhele naei einye bhembe.Naei a wembe hului wali mekhai nekembhe.mare khelewayembe hului Nare hila rabho elae halengnele nebhei waneng na hibhi-hibhi Allahre helem foi wengnele. ⁸ Khaya hebhembe, hiwa yo a na hele bhangbhe, a yu bhele yae khelenayenggombe mo, mai u bhenere aenemfombe bhele, Nebhei a khaelaimi ro miyae naei era heena nebhei waneng nda khani kelana agama heere folaikokhe are honaimina. Nebhei a ro miyae naei u bhene nekhaimira kheleyaimile, Wali Ondofolo lena akho faeukhora. Nebhei aerene naei a kheleyaimile, na hele. ⁹ Nebhei waneng a ehakhoyeijae, wali ondofolo Nauga einye Allahle me einye u einye honate rambung nanemene nekhate mo. ¹⁰ Meyae Allah naei me einye u einyehonate rambung mai waline haungembe. Wali Ondofolo Na anuwau bhumana hele kiyae, ro miyae holo bhele walobho holo bhele mere ure mokhate yungjung holona bhele nemene Naei kheleene. ¹¹ Naei Einye, maei Wali Ondofolo bhele mbhaeinye nekhauge walora mai u mekai bheko ro uga elande neisayate waneng mokhombokhembe. Ro miyae yae ugare hee eneisaei, nebheibe Wali Ondofolo yae mai u mekhai bheko hee nensakhembe. ¹² Meyae bhu khayengkokhembe heene Wali Ondofolo Yesus manggele a bhulune nanembembane molayengkokembe waneng. Nebheisa Allah Yesusre herewate yo nolora waleugebhokhe kiyaele elaere hila rabho halewauge yo nolora waleungebhokhe kiyaele elaere hila rabho halewauge walora meyae Yesus bhele waleubhokhe. ^{14 15 13} Na bhere meyae Allah bhele waheukokhe nekhewauge, bhekho bhakho na hibhi-hibhi mokhowaugene, Maei u mekaei bhekho ro uga elande nensande mekhai omokhoibhoibhe nebheibhe allah mare hakowombe. Nda waneng horo mayae bheko bhako bhelebe, Allah Wali Ondofolore wali ikeume heene, Allah nebhei waneng mare wali ikembhe. Aei bheko bhako mokhowande Allah yae nda waneng faeinyeumebhokhe. ¹⁶ Nebhei, hiwa yo nda rambhung mae mai wali kholonayembena, nare ebhoroi jae; ramang nebhei bhu ra, Sabat ya naeisa a bheko elenaikondena. ¹⁷ Nebhei rambhung yoni-yoni Wali Ondofolole wali nibhi a nulu waneng yeugokhe. Nebhei nulu na bhere mekhe, uga hele Wali Ondofolole eisa. ¹⁸ Mai roibhure u inyaibhonde nebheinye, ame-ame waneng nauga ane rangnehinde ro miyae nebhei waneng Allah na Phuyo-Aore ei molaimi ro miyae mayae,ewabheisijae mai hila rabho haleyaungele bheko mokhonembonde. Nebhei u mekhai waneng yo a khang-gangna khaneumikokhe a heleng elele,bekhore khena hae-hae koyatere haraumile elae mokhoumi aerene bhang mae naugare kaete, ¹⁹ nebhei waneng ro miyae na Tuhan Wali Ondofolo bhele mbainye ahuneikhoi. Aei ugare oro i me i ahungneyele aei yungbhe khena khole khabhangre raemabhonde waneng Wali Ondofolo aei Yungde yeubhokhe kiyae mokhounge Jemaat uga nemene bhere enate, Allah khenare khole waneng. ²⁰ Maei khena u Wali Ondofolo bhele mbainye heraibhokhe nebhei waneng nda khani kelane na agama heere folaikhokhera me rubhongkokhembhe, rahene meyae nebhei wali heere folaikokhe a naei me khelee u kheleene nekhauge. ²¹ Nebhei wali heere folaikokhe a nda waneng keleyayembe, ''Nda mere ekileijae, nda faeu wae efelaeijae, nda me ehubhayeijae.'' ²² Nebhei wali heere folaikokhe a, ro miyae yae mene une mokhoimeyate nebhei waneng u bhena nekheimeyate, u inyaibhonde, ro miyae yae waimibhe khelaimi, Allahlena a bhang. ²³ Nebhei khelaimi a hului nda me u mokhonate; ro miyae ei molonaeimile hele, ame-ame waneng mae uga ane ranainyehinde, uga nenaeijae weitasi khonaeimile. Nebhei me u mokhonatebhe, nebheibe naei khena hae-hae khoyatere are eraweibhoi sului.

(Yesus Khenare Khole Wali Mae) ¹ Maei khena u bhele Wali Ondofolo bhele nulu yo mahe yora angukhembe, Wali Ondofolo Allahle meugerefine surgane ekhenekhele kiyae khena khole rambhungre mo u bhene nekhenayembe. ² Maei u bhene wa bhene na hibhi-hibhi Naei khena khole rambhung naeise mo harannembombe nekhembe, nda khanina kelana naei yae bhang, ³ rambunghine bhang, maei khena u herawebhokhe, nda hee Wali Ondofolo bhele Allahle bhokhone nekhauge. ⁴ Wali Ondofolo yae mare wali yembe. Neyae bheneng nhe-nhe wae-wae bhele uga yae yakhaibhoise mendene, meyae nane waneng nanggele yakhambombe. ^{6 5} Nebhei aerene, maeu uga nda khani khelane nekhauge u mekhai bheko nda waneng menaeijae hee roromembe; yokho khaeimae, wali nikhi bhele u bhene nekhayembe, khena hae-hae khoyauge me u, bhekore khena khauge, rambung yarombere khena hae-hae khauge [rambung hine bhang nda waneng mokhombombena, hoime bahe waneng ei moloi-moloise yembhonde]. ⁷ Na bhere, meyae Allahre ehakhoibhoi heena, meyae nda me u bheko mokhowauge. ⁸ Mana, ikhele ekhoijae, ikhele yae a eweyeijae, ro khelai miya khelai hiwa na waline bheko bhenate me u emokhoyeijae, ro miyae hiwa naei a hufuufe ehuweijae, a nikhi bhele maei eugara eweyeijae. ⁹ maeise naeise ame-ame eyaneijae. Nebhei me u bheko emokhoijae, rambunghine bhang maei u mekhai bheko bhele na me u bheko mokhowauge bhele meyae hayangekhokhe, ¹⁰ Allah yae mokhoukhokhe u mekhai neme yae yaraikhokhe. Meyae Allahre na foi jae ronnembombe naeise, Allah mokhoyembhe maei u mekhai nemere Naei u mekhai waneng yembombe. ¹¹ Nebhei waneng bhewatene Yahudi holo, Yahudi bhang holo, ro uga elande folowaimi holo, ro uga elande efoloikoi holo, khani hi holo, yangu holo, yebhaei bhubhaei holo, yebhaei bhubhaei bhang holo, nebhei holona nemene mbai yeugokhe. Na bhereinya hele kiyae Wali Ondofolo Niyae, Naei ro miyae nemene na wali einye nekhele. ¹² Nebheinye, Naei u mekhai yolo-yolo waneng nekhauge, mare khena bhuhae henenggombe ro miyae nda u mekhai ma nekhembe; hiwa yo naei khalore hakhomiyembhe, maise naeise me u foi mokhomembe, mauga ane rangnehimbe, khena nime habha yae nekhemembe, maeise naeise khena yae herawemembe. ¹³ khena u nime habha yea mo nekhembe, ikhele ekhoijae. Ro miyae mare me u bheko mokhayembombena, nebhei me u maei ubhera nundenayengombe. Yesus maei bheko mokhaukore faeinyemebhokhembe waneng mae ro naei miyae naei bheko bhakore maei u bhenera nundenayengombe. ¹⁴ Na bhere hele maeise naeise khena bhuhae hemembe. Nda waneng mae meyaeholo mbaise yembombe wali nibhi mbai orombe. ¹⁵ Wali Ondofolo ro miyae nangele mbainye foi moi rei mai nekhenate. Nebheinye meyae, Allah khanekokhembe mekhauge u mbaise yembombere, Allahre helem foi na hibhi-hibhi wenengbe. ¹⁶ Meyae Wali Ondofolo a wembe hului na hibhi-hibhi wenembe. Hiwa yore isaei hebhaeng bhele ma yae uga haraungebhokhe yae khelemmile,angga yobommile. Maei khena einye Allahre helem foi wennele mekhai Mazmur bhele hobholo mandu bhele a khoi-khoi mahi-mahi bhele khomembe. ¹⁷ Maei a elemembe bhele maei me u mokhomembe bhele yesusle me khelee u kheleene nekhauge waneng mae mokhombe. Yesus nibhi mokhoubhokhe walora aei Arai Allahre helem foise wenembe. ¹⁸ Miyae-miyae holona yo,maei molo wa naei me kelee u keleene nekhembe. Aei Tuhan Yesus khenare khole hului. ¹⁹ Ro Miyae bhele holona yo, maei miyae ware bhuhae hemmiyembe, na khena bheko emokhoijae. ²⁰ Fa- fa holona, maei akho nakhe naei a ungayembe nemene hakhommiyembe, nda me u yae mokonnebombe aei Tuhan Yesus rei mai khonde. ²¹ Akho naei holona, maei fa-fare a elakhei heleng sele eweijae, na hibhi-hibhi khena bheko khonayende bhelene. ²² Khaliare mokhoyate yo, maei rowa naei a ungayembe nemene fomene hakhommiyembe, ijokho erenembe heene naei khena yobhoibhoise hakhommikhombe mo bhang, nebheibe na rokho baei maei khena na rei jae maei jae hakhommiyembe, aei Tuhan Yesusle me khelee u khelee nekhaugene. ²³ Maei mokhoyauge khalia nemene foi jae mo mokhomembe, aei Tuhan Yesus naei khalia mokhoyauge waneng mae, ro naei miyae naei khalia bhang mae. ²⁴ Rambunghine bhang meyae maeisaei nekhauge Allah Na khelu omi naei mokhoungehakhe rambungde aei Tuhan Yesus yae maei roibhu yae inyememberene. Meyae khaliare mokhauge kiyae nahesele Tuhan Yesus Niyae. ²⁵ Allah bhe ijokhone ereyei. Ro miyae bheko mokhonatena, naei me u huluinye na roibhu emmiyende.

¹ Rowa-rowa, nekhauge holona maei khaliare mokhate yore na ijeng mae yae mokhommiyembe, meyae maeisaei nekhauge maei Rowa hele surgana nekhele kiyae. ² Meyae Allahre ebheli na hibhi-hibhi bhongnembe, mai u bhene na yolo-yolo yae bhongnele, mai khena eisa helem foi wengnembe. ³ Maeinaeise ebheli bhongnembe Allah yae romau rawembonde Wali Ondofolole nungna honate a meyae na hului yakhamakhonde naeise. Nda hee Yesusle a huwewekhalene reyae khawane hebhale. ⁴ Ebheli bhonembe reyae nda a raei bhaka rangne raufehike huluinye ro miyae hiware na yakha yae ufemile, ⁵ Maei wali mekhai Yesus le holo moinya ro miyaere isaei hebhang bhele ma yea uga harangebhokhe yae mokhomiyembe. Nebhei holona hubhayengombena, relenembhe rambung foi bhele bhenate. ⁶ Meyae isaeyembhe rahe a mayae na hului ro miyae hiwa ungayembe naei are bhukhemiyembe naeise, mai a khena bhuhae hei-sei merau gae elemembe, yu foi mokhombondere hae heraeikhoyate waneng mae a elemembe. (A Ahunemambondere) ⁷ Raei waline maijekokhe naeise Tikhikus yae nemene isaeinyembombe. Neyae aei akha bhaekhe mbai reyae bhuhare haenale. Neyae na hibhi-hibhi rare hakhoyeufe aei Tuhan Yesus na khaliare mokhole. ⁸ Reyae nare ukanale mai bhokhore endere, maei walina yaeikokhe a mare huwenenggombe naeise nane merau mai khena u hara roronembe naeise. ⁹ Neyae Onesimusle mai bhokhore enetere.maei akha bhaekhere yeugokhe, maei khaliane na hibhi-hibhi maengele mokhoyande. Hokholo bhee yae maei walina yeugokhe are mai nolone huweneyengombe. ¹⁰ Raei khahili khawane hebhende ro, aristarkhus, mare ro melaeyayembe. Markus, naei yoho mbai Barnabasle, mare ro melaeyayembe. Naei naeise reyae mare a ninae ukamaele. Neyae bhokhore mendena foi jae ei annembombe. ¹¹ Yesus, nebhei waneng Yustus yea khaenainye, mare a melaeyembe, Maei Wali Ondofolole me khelee u kheleene nekhate yo holona khaliane mokhande yo nolone nebhei hokholo namemo Yahudina, raei khenare foi imokhowaeise. ¹² Epafras, maei yona ro Wali Ondofolo Yesusle khaliane mokhoyele, mare ro melaeyembe. Neyae ebheli na hibhi-hibhi Allahre eibhongele mai hila rabho elaekhei sele halemembere, nebhei waneng Allah khena khole hului na hibhi-hibhi nekhemembere. Neyae eibhongele mai wali hiyei ranembombe, nebhei waneng Allahle akho faeuko mai khena u einye na hele yae elembe. ¹³ Neyae mai naeise u bhene na hubhi-hibhi nekhainyele, nebhei waneng Laodikia yona yo naeise bhele Hierapolis yona yo naeise bhele. Naei khalia mokhowolere raei ijokho yae ereukokhale. ¹⁴ Aei akha bhaekhe Lukas, khenare khanale dokter kiyaele, Demasle mare ro melaeyayembe. ¹⁵ Aei akha bhaekhe Laodokia yona nekhate yo bhele, ndine miyae Nimfare bhele, naei imae einye arileisiyate jemaatre bhele, maeisa ro foi melaeyemmibombe. ¹⁶ Nda homo mai jemaat nolone khonggombe mo, nibhi mokhonggombe Laodokia yona jemaat bhele khonaikonde. Laodokia naeise homo moloukhokhale meyae rowembe mai jemaat nolone bhele konggombe. ¹⁷ Arkhipusre a wengnele, ''Tuhan Yesus a ukhete khaliare foi jae mokhoukonde bhaensonde.'' ¹⁸

¹ Pauluslena,Allah yae naei khaliare mokhorelere nane merau Yesusle abhu akhore isobhondere.Allah ukeufe naei ro miyaere yaufemibhonde Yesusre hila rabho halenainyele naeise,nane merau nebhei ro miyaere Wali Ondofolole na hele wali nibhi a iasaeisemili naei wali Allah na khenare khole huluinye nekhenate naeise. ² Neyae nebhei akho faeuko hakhonatena,nahului wali hena bhona yaronatere rabho lakheisele yae halenate.Allah ame-ame ebheyei.Nda khani khela omokhoibhoi heena Allah nda wali hena bhona naei a eleukhokhe. ³ Naei ya hu mende,nebheisa Allah khenare khokoke ya naei khaliare mokhoyate yo huweyaimi walora naei a eleukhokhere ro miyaere hufemiyendere. ⁴ Titusre,weyae raei khelu waneng.Reyae ebheli bhanale aei Araei Allah bhele aei Walilo Yesus Ondofolo bhele ware khena bhuhae aere bang mae henewete,reimaei haungewende.Titus naei khalia Jemaat Yungre hebhenate yo KRETA yone. (Jemaat Yungre Hebhate Yo Naei U Mekhai) ⁵ Kreta yokhobane ware nukeubhokawale,nebhei yokhobana huba omokhoikhoi khaliare hiyei raneubhonde naeise,nane merau nebhei yo yoni-yoni honatena Jemaat naei be yung bhe hebhenate yo kheleumikhonde naeise,reyae kheleukhokhawale waneng ya mokhoukonde. ⁶ Nda u mekai waneng yo be yung re hebhenate;ro na u mekai foinye hiwa yo naei bhekore elei sului,na miyae mbai mo,na fa fa Yesusle hila rabho haleyaeinyele,yung ganggang bhang,meyaya bhang,na yung naeise bhoroiyaimile. ⁷ Jemaat naei khayare hebhele kiye hiwa yo naei walire a bheko elekhoi sului,Allahle khaliare neyae mokhonderene.Naei u mekhai nda waneng;ukaei bhang,ikhele walaa-walaa bhang,bhu mali bhang,hang muli bhang,rambung arilei-arilei se arileyei. ⁸ Bararebondere naei u mekaei nda waneng;naei imaere obhere menate ro miyaere ei hawemmile foi mokhommile,foi moise khena ikhawale,naei ubhene foi jae mo mokhoyele. ⁹ Nebhei ro yesusle akho faeuko eyae khelewannelere hila rabho elakheisele sele halende,neyae na hului Wali Ondofolole wali nibhi a yae Jemaat na ro miyaere alommile naeise,nane merau Yesusle akho faeukho nahele bhang kheleyaimi yore na ubhene ijeng alommile naeise. (Ame-Amere Khelaimi Yo Naei U Mekhai) ¹⁰ Nebhei yokobana ro miyae heleng sele naei yungre hebhate yore ebhoroyei,ro miyae hiwa ame-ame hiware yaneyaimi,Nda ro miyae waneng heleng Yahudi yone. ¹¹ Naeinya ahuba ame-amebe huwaimile naei imae einye hiwa Yesusle a nendong bhandong elate,Nebhei mekhaise mokhate yo na eugha ahuneumibhonde,Ro Miyae naei rambung nebheibhe wabhaimile inyaimile naeise,nebbhei Ro Miyae ame-amebhe khelaimi. ¹² Kreta yokobhana Nabi mbai naei Ro Miyae nda waneng a elekokhe''Kreta na Ro Miyae na ame-ame nakhe,obho yokhu hanggei waneng,khalia emokhoi ramang malire mo khoyate.'' ¹³ Nebhei A nahele bhe elekhoke.nebhei mekhaine reyae wawale,Yesus re hila rabho khabang hele halainyele,nare a elae yae angga yobhoumile. ¹⁴ Nare angga yobhoumile Yahudi naei ahubha bhangga-bhangga Wali Ondofolo na hele wali nibhi are moise bhulainye yo a waimilebhe ebhoroi. ¹⁵ Ubhene bhele khena u bhele mokhoukhokhe ro miyae na ubhene na khena u yolo-yolona,rambung-rambung nanemene yolo-yolo mo;Ro Miyae na u bhene na khena u nikhi mo,Yesusre hila rabho ehaleyei,Nebhei Ro Miyae na u bhene bheko yaeibhoke,bheko mokhonatebhe na khena u foijae hubhanaeinyele. ¹⁶ Neyae Allahre naeisaei jae elatabhe,naei me u,naei umekhai bhekhone Allahle afaeure ebhoroyei,nane merau ne u foi naeise mokhonatere na hului bhang.

(Yesus Naei Khenare Khole Wali Ma) ¹ Titus ware wawale,Wali Ondofolole wali nibhi a kheleumile. ² Nda mekhai jae kheleumile;bhe hokholo Hokholona ro holo bhu elae rokho heleng aneijae,naei wali mae nekhenate hiwa yo yae ei molonaimile naei,u bhene foi jae mokhonate,wali ondofolo a elelere hila rabho elae yae halenaeinyele,ro miyaere khena bhuhae hemmile,nda waneng bheko hubhainaimile na hibhi Wali Ondofolore hila rabho halenainyele. ³ Bhe hokholona miyae-miyaere nebhei waneng mbaei jae nda a kheleumile;na wali Yesusre moloyainye waneng yae nekhenate,ro miyae hiwa yo naei a nene a hufuw ehuwejae,bhu mali okhoijae,foise mo khelenaimile. ⁴ nebhei waneng yae nebhei miyae wa na hului miyae-miyae hokholore nda wali foise a khelenaimile yaungaimile;na molo ware na fa-fare khena bhuhae henaimile, ⁵ Na u bhene foi jae mo mokhonate,u bheko emokhoyei,imae einya khaliare foi jae mokhonate;na khena u nime habha nekhenate,na molo wa naei a khelee faeu khelee ne nekhenayende.Nebhei u mekhai jae mokhonatena,ro miyae hiwa yo yaea Allahle akho faeukhore ekhoyei. ⁶ Nebhei waneng yae,wa moi hokholona khelu fa-fare a ijeng yae a alomile,na u bhene foi jae mo nekhenate. ⁷ Titus wa wali foi naei na hibhi-hibhi yae mo mokhole,ro miyae hiwa wa waline erenate nebhei bhune waunge hakhonate.Weyae a helee bhele hang bhele wawae mae mae ei molonayete naeise kheleumile. ⁸ Nane merau a na ijeng yae mo kheleumile,weyae nebhei waneng yae kheleumile,waei a kheleyamae ahire elate ro miyae fe yae khonate,Nebhei waneng yaere aere a bheko ewei hului. ⁹ Khalia yore nda a kheleumile;na yane baei na rowa naei a wemmilere hakhonainyele,khalia nanemene na yungde mokhonainyele rei mai khonde,a na baeinye-baeinye eweijae, ¹⁰ yokho ebhaeijae,na u mekhai na yane baei ijengne mo nekhenate.Na wali nda waneng na hibhi-hibhi mo nekhenatena,Allah aei Walilole a re khelenaimilene hiwa yo na khena yobhonaeimile. ¹¹ Nebhei Allah naei khena bhuhae aere heyeumene Yesusle nda khani khlare ukheunge mekhe,Naei einye ro miyae nemene wali hena bhonare na hului yaronate.Yesusle wali nekhewole. ¹² mae yae aere kheleyeume aei bhekore khena haehae khoyandere ehakhoyei,nebheibe Naei khenare khole mae hakhomale.Nda hee nekhande aei wali alomande,foi mo mokhomale.Allah naei khenare khole waneng yae mokhomande. ¹³ Nda wali mae yae nekhemale aei rei maeise mokhomakhonde rabho halaeyende khiyaere rakhemande.aei rei maeise mokhommakhonde rabho halaende kiyae nda Niyae;Allah walilo,wali Ondofolo Yesus,na bhumana hele khiyae Nauga wili halamang mae bheneng bensonde mende. ¹⁴ Nahesele Ro Miyae naei me bheko u bheko mokhowate huluinye ehee bhukhulu emihayendera hole molommebhonde naeise,nebhei waneng ro miyae khuyeumile naei holo mbaise,nebhei waneng ro miyae khunyemile naei holo mbaise mokhombonde naeis,Yesus mehaugae na wali kinyeumibhokhe.Ro Miyae holo mbaei me foi u foise mokhonatere khena khabang khoyate yore Yesus baele. ¹⁵ Bhumane homo moloukokhale are kheleumile.A na ijeng yae mo ro miyae aloumile,na me u bheko mokhatere a helee bhele hang bhele yae anggae yobhoumile.Ro miyae hiwa yo yae ware ane enaikholote naeise ewaeisijae.

¹ Yesusre hakhoyainye ro miyaere isaeiyeumile nda a u bhene foi jae nekhenaimile;khani khla mere ekilaibhokhe yo bhele na yun-jung hiwa yo bhele naei a kheleene nekhenate nebhei waneng naei a hakhonaimile,nauga foi mokhonate naeise mokhonainyehande, ² a bekho ro hi miyae hi naei ehuweijae,naei rei mai bhele nekhenate,wali na mekhai jae nekhenate,naei khena u ane ranainyehinde yae nekhenate. ³ Na bhere hele aei wali u mekhai khobu heena nekhewande nda waneng,ro miyae hiwa naei are ebhoroyei ehakoyei,hiwa yo a ame-ame yanaimekhe,aei bhekhore khena khowande nane waneng nda khani khlana foi bhele yu bhele erande rambung aei walire ikileumekokhe,ro khelai miyae khelai hiwa na waline bheko bhenate me u mokhowande,ro miyae hiwa yo naei rambung yaromakhondere khena hae-hae khowande,ikhele aeise naeise khowande. ⁴ Nda waneng aei u mekhai nebhei wanengbhe, nebheibhe yae mbai Walilo Allah yae kheleumebhokhe Na u mekhai nime habha nekheimeyale nebhei waneng aere khena bhuhae hayeuwande aerene bhang.nebheibe neyae yanekhoise yae ei haweumekokhene.aere holere moloumebhoke nibhi nda waneng; ⁵ Allah yae aere khunyeumebhoke Naei holone haumekokhe,naei Roh yae wali neme ikeume. ⁶ Allah yae Wali Ondofolo Yesus aei Walilo walora Naei Roh aei waline aumebhokhe. ⁷ eyae naei fa-fa helere imabhonde naeise,nebhei waneng wali hena bhona yaromalere rabho elae yae halemande naeise,Allah nebhei me u mokhoubhokhe.Na khena bhuhae aere bhang mae heumekhokhene aei wali himaleumebhokhe waloraeyae na hului naei fa-fa helere imabhonde. ⁸ Nda a nahele-hele bhe molokhokhale.Allahre hila rabho halewainye ro miyae me u foi na hibi hibi mokhonayende naeise,reyae khena khale weyae nebhei a elae yae kheleumile. ⁹ Nebheibhe a bhanga-bhanga,hang hoi-soi a ma eleijae.Abhu naei arai naeisena yo mei-mei huwate aerene bhele,Musale walora heere foloukhokhe aerene nebhei a ekileijae.nebhei mekhai a kileyate yae foise eyei,rambung foi emokoibhoi. ¹⁰ Ro miyae holo mbai mokombhonde naeise ame-ame khelemmile kiyaere angga yobhoungebhonde. Ebhoroibhoi mo khondena,nebhei ro bhele wali nibhi mbainye oroyeijae. ¹¹ Meyae maeisaei nebhei mekhai ro na u bhene yheli-yhelibhe yeu bhokhene,u mekhai bheko mokhoyele.Neyae naeisaei sele na me u bheko mokholera naugare bheko yeungebhe,nebheibhe namang mokhoimeyele. (Nda homo bhansonde hee na fokhe onomi fokha) (A Ahunemmambhondere) ¹² Artemas yae,Thikikus yae,nebhei bheere hire ufende waei bhokore ende.Neyae ende heera,Titus,weyae releungekhonde Kreta yokhobhara khulung wele na hibhi raei bhokhore Nikopolis yore mhele,raei khenara hokhoukokhale hing manse mende heena okho name kheli hului nebheinye erenekhenggonde. ¹³ Ro bhee Zenas wali heere folaikokhere isaeiyeugokhe kiyaele Apolosle Kreta yokhobhare khulung ungete enete hee,naei rambung-rambung ijokho foi jae erenggombe nebhei waneng na hului sului jae hakhommikombe. ¹⁴ Nebhei waneng Yesusre hakhoyainye ro miyae na wali na hului sului hononaimile naeise nebhei na wali rambung wali khalo eimoloi naei bhele isaeinyaibhonde helene khalia me u foi mokhonate. ¹⁵ Ranggele nekhande ro miyae ware ro melae yaeyete. Nebheinye Yesusre hila rabho haleinyainyene maere bhuhare haeimele yore ro melaeyeumibhonde. Reyae ebheli bhanale Allah mare khena bhuhae aere bhang ma henemembe.

¹ Onomi fokha Pauluslena, neyae Tuhan Yesus Wali Ondofolole a foi faeu foise huwale aerene khawane hebhale kiyae. Reyae bhele aei akha bhaeke Timotius bhele mare ro melaeyayembe, Filemon weyae maei kahili hele nebhei waneng Wali Ondofolole khalia mbainye mokhande ro. ² Onomi foka Apfia Yesusle einye emaen, Arkhipus aei kahili Wali Ondofolole felayo waneng khalia mokhande kiyae,nebhei waneng aei akae bhaeke waei imaene arileisiyole yo. ³ Meyae ebheli bonnele aei Akho Allahle Yesus Walli Ondofolole mare khena bhuhae aere bhang mae haneyembe nebhei waneng mare khena foi u foi mokhoneyembe. (Paulus Filemon Naeise Helem Foise Ungemilere) ⁴ Raei hambayang einye waei ubhene nekheisiyeufene waei ro bhele aeibhiale Allahre helem foi sele eiganale, ⁵ Reyae bhoroimeyale weyae Yesus Naei a elelere hila rabho halenaeinyele nebhei waneng Yesus naei elekokhe yore khena bhuha khokokhoumi. ⁶ Raei ebheli Allahre bhoyanaleweyae yesus naei a elelere hila rabho haleyate ro miyae bhele nibhi nanembainye orombe nebhei waneng wali nanembainye nekhembe yae Allah ikeume rambung yoni-yoni na foi yae isaeyele. Wali Ondofolore hebhenainyele naeise Allah aere nebhei rambhung ikeume. ⁷ Akha bhaekhe Filemon, Yesus Naei eleukokhe ukeumi holona ro miyaere khena bhuha haemane reyae rei mai khale nebhei waneng raei khena roweufikhale, nebhei yore khena foi mokhowamae. (Paulus naei hila rabho khabhang sele Onesimusle haleunge) ⁸ Nda hee, Walli Ondofolo Naei a elelere hila rabho haleuwenge nebhei waneng yea mo waei khalia mokhole, ⁹ Waei khena bhuha Ne, reyae ware riyaewale. Reyae, Paulus--Nda hee rorelere yeubhokhale, Yesus Walli Ondofololena a foi faeu foi huwewekhale aerene kawane haeisekokhe hebale-- ¹⁰ Reyae Ware riyawale raei khelure, Onesimus, kawane hebhewale hee raei fa yeugokhe, ¹¹ Na bhere naei wali bheko nekhewole nebheibhe nda heena u mekhai foi sele nekhele, ware foi nebhei waneng mae rare foi. ¹² Raei khena eisa khelu hele waneng khena bhuha heungele kiyae, waei bhokhore nda yae ukanale bensonde endere, ¹³ Yesuslena a foi faeu foi huwemaelene kawane mekha hebhale heene, waei ukanae ma waneng neyae rare hakhonsele naeise raei khena khale neyae ndane nekhende. ¹⁴ Nebheibhe, nda hee nebhei nibhi waei khena koyae na hului raei me u foi mokoubhonde, reyae a elae ufete aerene bhang, Raei khena khale aerene ndane nekhende naeise. ¹⁵ Naugae, Onesimusle wanggele wali mbainye, nebheinye khena bhuha haenale akha bhake waneng nekhepe naeise. ¹⁶ Nda hee reyae nare khena khanale. Neyae ro u mekhai foi nekhelene nebhei waneng Yesusle einye waei akha bhaekhe nekhele, weyae emekai bhele khena koungele. ¹⁷ Nebheinye rare Wali Ondofolo Naei khalia mbaeinye mokhonde akha bhaeke yea ereufelena, rare ei hawarae waneng mae Onesimus bhensonde endereei haweungele. ¹⁸ Onesimus nekhewole heena waei rambhung yokho yae bhaewolena, nebhei waneng iuganae rambhung aheikhoise na hului bhangna, nanemene raei rangne kinyeubhonde. ¹⁹ Reyae, Paulus, Nda homone raei me yea moloukokhale: Reyae na hele elale nebhei kou khalora renaeijae aherekhonde bhaensonde. Nda a u bhene nekhenayete raei walora weyae wali neme bhele nekheyae. Raeybhe yae Wali Ondofolole a foi faeu foise khelewawale. ²⁰ Akha bhaekhe, reyae rabho halaele Tuhan Wali Ondofolo Naei a elelere hila rabho mbainye halaendene ei haweungele. (Nebhei nibhi yae raei khena foi mokhoufebhonde) ²¹ Nebhei waneng hubhanalene nda homo moloukokhale. Reyae hubhanale riyawale huluinye weyae hakoubhonde nebhei waneng emekai bhele mokoubhonde. ²² Nebhei waneng nda mong reyae riyaewale raei erenekhende anuwau bhele waei imaene mokhoungehande. Reyae rabho halale waei hambhayang moloye eisa, reyae waei bhokore erele. (Helem Foi) ²³ Epafras, Yesus Wali Ondofolo aerene ranggele nane khawa mbaeinye hebhende khahili yae mare ro melaeyembe, ²⁴ Nebhei waneng reai kahili waei khalia mbaeinye mokhande yo, Markus, Aristarkhus, Demas, Lukas, nebhei ro khelimare melaeyayembe. ²⁵ Reyae ebheli bhanale Tuhan Yesus Wali Ondofolo mare khena bhuhae aere bhang mae henembene maei khena ure foi hubhanale.

¹ Onomi fokha, akhae naei bhaeke naei, Yesus Allahlena Wali hena bhona nibhire kheleume kiyaele naeise meyae nda homone molande. Na bheme fome hele neyae aei akho Allahle mbaeinye nekhewote. Aei nolone mekhe nekhewole. Naei akho faeukho maei anggaei yae bhorowande, nauga maei jokho yae erewande, me. Ramewangnele. ² Neyae wali hubha bhang haei bhang nekhele kiyae na hele nauga meuyakhaubhokhe are meyae huwande. ³ Meanggele homo mbaeinye oromale wali mbaeinye nekhemale naeise nda jokho yae erangnebhoke nebhei waneng Naei Akho faeuko bhorangnekhoke are isaeyembe.Na hele Allahle Yesus Wali Ondofolole maenggele homo mbaeinye orande wali mbaeinye nekhande. ⁴ Maei khena u rei mai Amebhonde khomale naeise nda homone molande. ⁵ Meyae nda a Yesuslera bhorokhande mare wayembhe;Allah hehe no nekhele,Naei eisa oubheng haubbheng u hele.Nebhei hehe wali nihbi isaei hebhang waneng mae yeubhokhe. ⁶ Allahle a elelere ebhoroibhoi wali ma nekhatere oubheng haubheng waneng.Allah Naei wali nibhi mbaei orande wali mbaeinye nekhande naeise elandebhe nebheibhe nare onaeine wali mae nekhandena,aei ugare ame-amebhe bhemande nebhei waneng Wali Ondofolole walora na hele wali nibhi a huluinye enekhei. ⁷ Allah isaei hebhang bhele nekhele kiyae.He-he naeumile nolona waneng mae nekhemale,Naei isaei hebhang huluinye wali nibhi oromalena,aeise naeise homo mbainye oromale wali mbaeinye nekhemale nebhei waneng aei bheko bhako yoni-yoni Allah na khelu Yesusle ha ohaeline rileubhokhe yae kuyemmele. ⁸ Nebheibhe aei ugare bheko bhakore emokhoyeijae elemalena,aei ugare enaei ame-amebhe bhaennele nebhei waneng Wali Ondofolole walora na hele wali nibhine oroi. ⁹ Eyae bheko bhako mokhomabhonde hee Allahre nebhei me u naeise wo khomakhondena,Allah me u na ijeng mo mokhole nebhei waneng Naei are eleikoyole huluinye mokhoibhoyolene,aei bheko bhako faeinyemmebhonde nebhei waneng aei me hila u hila nanemene khunyemmebhonde. ¹⁰ Aei ugare bheko bhako emokhoyeijae elemalena,Allahre ame-ame bhele Ro yae erannele nebhei waneng Naei a elelere aei khena u eisa ebhoroibhoi[Allah a eleukokhe,ro miyae nanemene bheko bhakore mokhate yo mo].

¹ Riyennehinde. Raei khelu omi yae me bhaemale yo, meyae u mekhai bheko emokhoi nekhembe naeise nda homo moloukokhale. Nebheibhe maei nolona ro miyae hi bheko einye ruwendena, aei aereneoleyele kiyae na Ro Yesus Wali Ondofolo wali wali himaloungebhokhe khiyae hakhommele. Nebhei kiyae yae aei bheko mokhandebhokhere faeinyemmebhonde naeise Akho Allahre. ² Aei bheko bhako aerene Yesus ohaline bhaeikokhe herekhe. Nebhei waneng yae Allahle ro bhe ro yoinye aei bheko bhako mokhate aerene mo bhang,nda khani khelana hiwa yo naei bheko bhako aere bhele haeibhokhe. ³ Allah are weume hubhara haeisa yanemanende u mekhai walora eyae isaeimabhonde Allahre eyae ro rannebhoke. ⁴ Oroi. ⁵ Nebheibhe nde yae Allah Naei a elelere hubhara haeisa yaneunge, nebhei ro miyae naei khena u einye Allah na khena bhuhae u bhuhae maemae khonnekhonde. Eyae nda nibhi aere Allahle einya nekhande naeise isaeimaebhonde. ⁶ Nde Allah nanggele mbainye nekhete yae elendena, nebhei ro miyae Yesuslena wali nibhi orowole waneng mbaeinye oronde. ⁷ Reyae bhuhaere haemale akha naei bhaeke naei, nda homone moloukokhalene a emebhe ewei. Nda wamale arena bhere hele meyae bhorokhauge mbaei. Nebhei wamale are meyae ninae bhorokhauge. ⁸ Nebheibhe nda homona moloukokhale a eme wamale wanende yeubhokhe. Yesus nda a wamale wali ma huluinye nekhewole nebhei waneng mayae nekhauge. Na bhere mayae Allahre onewaungene wali oubheng haubheng nolone nekhewauge, nebheibhe mana yesusle walora wali nibhi huluinye nekhauge hehene orauge waneng. ⁹ Nde yae Allahle hehene nekhele yae elele nebheibhe na akha bhaekhere na hibhi-hibhi ikhele yae khoumilena, nebhei kiyae na wali oubheng haubheng nolone namman nekheimeyele. ¹⁰ Nde yae na akha bhaekhere khena bhuhae u bhuhae heummile, nebhei kiyae Allahle hehene nammang nekhele. Nebhei u mekhai foinye na hibhi-hibhi nekhele ro miyae, hiwa yore oro waneng mae u mekhai bheko yae enaleisi eruwei. ¹¹ Na akha bhaekere na hibhi-hibhi ikele yae khoumile ro miyae, wali oubheng haubheng nolone nammang nekhele nebhei waneng Allahre oneunge wali ma yae nekheimeyele. Wali foise ende nibhi naeisaei bhang yeubhokhe, wali oubheng haubheng mae na jokhore khumba mokhoungebhokhene. ¹² Meyae jemaat, khena bhuhaere haemale khelu omi waneng ro miyae, Yesus ro rangne mai bheko bhakhore faeinyembhokhembene,reyae nda homone molale. ¹³ Rorele waneng hila rabho henaubhokhe yo, Wali Ondofolo na bheme fome hele nekhewole kiyaere mayae ro raungebhokhene, reyae nda homo mai naeise molale. Ro hokholo fa waneng manemfa Wali Ondofolore hila rabho halaeunge nebhei waneng walobho yungde melaungehake yo, reyae nda homo maei naesei molale. ¹⁴ khena bhuhae haemale khelu omi waneng ro miyae, Akho Allah Meyae ro raungebhokhene, reyae homo maei naeise moloukokhale. Rorele waneng hila rabho henaubhokhe yo Wali Ondofolo na bheme foma hele nekhewole kiyaere mayae ro raungebhokhene, reyae homo mai naeise moloukokhale. Ro hokholo fa waneng manemfa Wali Ondofolole a elelere hila rabho halaeubhe yo, mai hila rabho elae nekhaubhene nebhei waneng Allah mai khena une a wembene nebhei waneng walobho yungde melaungehakhene reyae homo mai naeise moloukokhale. ¹⁵ Meyae nda a anggaei foi jae bhorombo. Nda khani kelana wali bheko nibhine orombhere nebhei waneng neinya rambhung yoni-yoni bhelere khena ekhoijae. Ro miyae nde yae khani kelana wali bheko nibhine oronatere khena khondena, nebhei kiyae akho Allahre khena bhuhae ehei. ¹⁶ Ro miyae nda khani khelana wali bheko nibhine orate yo na u mekhai nda holo nemene nekhate; yokho khaeimare khena haehae khoyate, jokho yae ereiboyate rambhung yoni-yoni khena khabang yaronaeikhondere, nde maeinin mae ro ronainyele naeise bhaete. Nebhei u mekhai holo Akho Allahlera mate, nahesele nda khani khelana wali bheko nibhi naei. ¹⁷ Nda khani kela bhele wali bheko nibhi nundenayende howalenayende nebhei waneng ro miyae herenate heene nda khani kelana rambung yoni-yoni rabuhi ban inyaibonde. Nebheibhe ro miyae Allah khenare khole huluinye wali nekhenate yo wali hubha haei bhang nekhenayende. ¹⁸ Reyae bhuhaere haemale khelu omi waneng ro miyae, nda hee hubha mokhoikhoi yabhe nobheungekokhe. Mare a usaei egayembene bhorowauge nebhei yabhe emei yae, Yesus Wali Ondofolore ro bhang yembondere relennele ro mbaei menyambonde. Nde hee nebhei rolena u mekhai waneng ro miyae helen maijakhaubhokhe. Nebhei niyae iwaufa isaeimabhonde. Nahele nda hee hubha mokhoikoi yabhe yeugokhe. ¹⁹ Yesus Wali Ondofolore ro bhang yembondere relenainyele yo bhele aengele holo mbaeinye nekhewande. Aei holona yo hele bhande yaeibhokhene nebhei yo aei u nolo u khaisa aeibhaleke. Nebhei ro miyae aei holona yo hele yaeibhokhe yae, anggele mbaeinye na hibhi nekhandewekhe. Nebbhei yo nekhenate mo, na yakha yeubhokhe nemene aei holo einye eyeibhoi. ²⁰ Akha naei bhaeke naei, meya nebhei mekhai bhang,rambhung hine bhang Allahle Roh mare aubhokhembene nebhei waneng meyae Wali Ondofolole walora na hele wali nibhi are isaeyaeubhokhene. ²¹ Meyae isaeyaeubhokhe Wali Ondofolole walora na hele wali nibhi are ame-ame u hele. Nebhei aerene reyae nda homo moloukokhale. ²² Ame-amere bhele khiyae na hele nde? Na hele nda a mekhai yae elewole: Yesus nahele yae oro umau herawengebhokhe Wali Ondofolokiyae bhang. Nebhei a ma elatero miyae Yesus Wali Ondofolore ro bhang yembondere relainye yo. Nebhei yo Akho Allahle na Kelu Yesusbhele nanggelembaeinye enekhei. ²³ Nde yae Yesusre Naekho Allah yae eleukokhe Wali Ondofolo bhang mae elendena, nebhei kiyae Akho Allah nanggele mbainye enekhei. Nebheibhe Yesusre Naekho Allah yae Wali Ondofolore oro umau heraweungebhokhe khiyaere na hele elendena, nebhei kiyae Akho Akho Allah nanggele mbaeinye nekhete. ²⁴ Nebhei khayaa foi hebhembe, Yesuslena a meyae a na bhere hele bhoraubhoke hila rabho halembe, Nebhei bhoraubhoke are hila rabbho halemembena, Akho Allah bhele Na Khelu nanggele nekhembe. ²⁵ Eyae nebhei wali ma nekemalena, Yesus Wali Ondofolo Nenaeijae are heteungekokhe wali hena bhona aere yemmele. ²⁶ Yesus Wali Ondofolore ro bhang yembondere relenaeinyele yo yae relaeinye mare wabhenayensimbe bhalelembe bhele, nebhei yo naei u mekhai ma nda homone moloukokhale. ²⁷ Nebheibhe Yesus Wali Ondofolole walora Allahlena Roh mare aubhokhembhe. Nebhei Roh namang nekhele, ro miyae hi naei a eme khelaimire ebhoroijae. Allahle Roh yae mare rambung nemene fomene khelembe, Naei khelembe a nahele, ame-ame bhang, Nebheinye Allahle Roh yae khelewombe huluinye mo mayae mokhombe. Wali Ondofolo manggele mbainye nekhembe. ²⁸ Reyae bhuhaere haemale khelu omi waneng ro miyae, Neyae mende heene fe hubhamandene ugare emafaembhonde anuwaubhe bhaemale bhele, nebheibhe Naei ro bhe ro yoinye bhe yae rabulemabonde emahebembonde naeise, nsa hee Wali Ondofolo manggele mbaeinye nekhembe. ²⁹ Meyae maisaei Yesus Ondofolo Naei wali himaloungebhoke! Nebhei sului mbaei meyae isaeyaeubhokhe ro miyae na wali ijeng nekatena, fa manemfa honate waneng nebhei ro miyae na u Allahlera honokhate.

¹ Eyae reimai khabhang kande. Allah na khena bhuhae emekhai bhele aere heumekokhene, Naei khelu omi yae. Nahele yae Naei khelu omi. Nda khani khelana ro miyae yae eyae Allah naei khelu omi yae me bhaumebhokhere onaime, Nda khani kelana ro miyae Allahre onaeinyene. ² Khena bhuhaere heamale akha bhaekhe, eyae nda hee Allahle khelu omire yandebhokhebhe, nebheibhe aei uga ma enaibhende yoni-yoni namang foi jae isaeiyeibhoi nekhande; Eyae aeisaei Yesus Wali Ondofolo mende heene eyae Naei uga waneng mae imabhonde, Naei uga hele kileungebhokhere aei jokho hele yae eremande. ³ Ro miyae nanemene Yesus Naei uga hele kileungebhokhere erenembonere rabho halennele kiyae, na u mekhai bheko nukhenenbonde, Yesus Wali Ondofolo u mekhai yolo-yolo-yolo kiyaelena wali waneng mae nekhende. ⁴ Allah Naei a elelere ro miyae naei khenane une isaei yeumi. Ro miyae mbaei me u bheko mokhombondena, nebhei kiyae Allahle are ehakhoikhoi. ''Bheko bhakore'' elate na mekhai Allahle are asasi khoikoiyainyene. ⁵ Ro miyae naei u mekhai bheko faeinyeibhoisene Yesus Wali Ondofolo mekhe. Meyae isaeiyaeibhokhe Yesus Wali Ondofolole uga einye u mekhai bheko u hele. ⁶ Ro miyae nanemene Yesus Wali Ondofolole einye nekhate yo yae bheneng u mekhai bhekhore emokhoyei. U mekhai bheko na hibhi-hibhi mokhonayende ro miyae Wali Ondofolore ereibhoi nenhei waneng ereibhoi nekhate. ⁷ Reyae bhuhaere haemale khelu omi waneng ro miyae, nde mare wali nibhi bheko yae khelenenggombe wali horombe bhelene, meyae eweisijae hele. Me u ijeng mokhate ro miyae na wali himalainyebhoke, Wali Ondofololena waneng mbaei. ⁸ Ro miyae u mekhai bhekhore na hibhi-hibhi mokhate yo walobho yung me khelee u kheleene nekhate,na bhena hele neyae u mekhaei bheko mokhoumekhe. Walobho yung me u bheko mokhoumine nuhu nahu inyaibhonde bhelene Allahle khelu mekhe. ⁹ Fa manemfa honate waneng na khena ure Allahlera honokhate ro miyae, u mekhai bheko emokhoyei, naei khena u einye Allahle u mekhai foi jae meleme raufikhene. Neyae u mekhai bhekore emokhoyei sului, naei khena ure Allahlera honokhatene. ¹⁰ Allahle khelu omi bhele walobho yungbhe khelu omi bhele nda u mekhaisa mo isaeimabhonde: Ro miyae nde me u ijeng emokhoinya, nebhei waneng na akhae bhaekhere khena bhuhae u bhuhae eheinya, Allahle khelu omi yae me ebhaei sului. ¹¹ Yesusle a faeu na bhere hele huwoumbhera meyae nda a bhe bhoraubhoke, ''Eyae khena bhuhae u bhuhae aeise naeise hemale.'' ¹² Aei u mekhaei kainlena waneng mae emokhoijae. Naei u mekhaei bhekone walobho yungbhe holona rore yeubhokhe. Kain na u mekhai bheko nda niyae, naugakhele wali himaloungebhokhene nebhei waneng na u mekhai bheko aerene naugare khena ikhele khowounge hombondere. ¹³ Nebhei sului mbai akhae bhaekhe naei, nda khani khelana wali bheko nibhine hakhoyate yo yae mare ikhele khonayembe naeise meyae fa yae ekhoijae hele. ¹⁴ Eyae Allah bhele wahendekhokhe ro miyae holonara andebhalekhe wali neme bhele ekhannekhande naeise aei akha bhaere khena bhuhae u bhuhae haemmile yae khelemamile. Khena bhuhae u bhuhae bhang ro miyae Allah bhele wahaeikokhebhe nekhate. ¹⁵ Na akhae bhaekere ikhele khoyeumi kiyae Allahle ro bhe ro yoinye nebhei kiyae ro miyaere hate holona rore yeubhokhe. Meyae maisaei ro miyaere hate holona yo mbaei sambai wali hena bhona eisubhaikoi. ¹⁶ Khena bhuhae u bhuhae hei-seise nda u mekhai jae isaeimabhonde: Yesus Wali Ondofolo aei aerene Naei wali kinyeumibhokhe. Nebhei aerene Naei wali nebhei sului mbaei aei akhae bhaeke aerene relemande. ¹⁷ Ro miyae mbaei wali na hului sului honnainyele, nebheibhe na akhae bhakhe hi ereunge wali khalo moloungebhokhe heene bholu yae khelendena, Allahlena khena bhuhaere heumi elae na khena einye enekhei. ¹⁸ Reyae bhuhaere haemale khelu omi waneng ro miyae, Allah yae ro miyaere khena bhuhae u bhuhae heumile waneng mae, meng, aei a yae faeu yae mo hiwa yore khena bhuhae eheijae, nebheibhe u mekhai wa mekhai bhele yae hele mokhomale. ¹⁹ Nda nibhi yae isaeimale Wali Ondofolole na hele wali nibhine orande: Allah na khabhang hele,aei khena u einye nekhate yoni-yoni nebhei aei me u mokhandene nemene fomene Neyae naeisaei. ²⁰ Aei khena u osaemabhonde heene eyae isaeimabhonde me u bheko mokhandebhokhe.Eyae Allahle Roh Naei a elelere khena u einye hakhomale yae khena foi u foi nekhemale. ²¹ Bhuhaere haemale akha bhakhe,aei me u bhekho bhakhora aei khena u isasa alalo ekhoinya,na hului bhe yae rambundeboube Allahre ebheli bannele. ²² Nebheisa rahe rambung naeise eyae Riyemande nahului yaromale,Allah ukheume a nahului mokanne nebhei waneng N a khena ure roweisiyeunge me u mokhannelene. ²³ Nda a niyae Allah ukheume eyae mokhomalere:Allah na khelu Yesus Wali Ondofolore raneujekhe na hele elemale hele,nebhei waneng Naei a Ukheume hului khena bhuhae u bhuhae aeise naeise hemale hele. ²⁴ Nde yae Allah weumi are hakhoyainye yo Allahle einye nekhate nebhei waneng Allah naei khena u einye nekhele.Allah aei khena u einye nekhele naeise Allahle Roh ikheume yae iaseiyemmele.

¹ Onomi fokha akha bhaeke Gayus, reyae jemaat naei bheyung bhe yebhaere hebhale. Akha bhaeke, reyae Wali Ondofolole walora na hele wali nibhine oralene, ware khena bhuhae haewale. ² Akha bhaeke, nda hee waei khena une foi sele nekheyae. Nebhei waneng mbai waei uga naeise reyae Allahre ebheli bhanale riyanale uga onomi fokha yae nekhele. ³ Aei jemaatna akha bhaeke wa holo mbaei ndare mekhate yo waei naeise nda a huwaeisele, ''Weyae Wali Ondofolole na hele wali nibhi are bhorokae heera nebhei sului mo nekheyeyae.'' Nebhei aerene raei khena rei mai sele aufebhokhe khale. ⁴ Raei khelu omi waneng ro miyae Wali Ondofolole walora na hele wali nibhine oratene, raei khenare rei mai emekhai bhele ansembhonde khorele, rambung hi-hi yae bhekhore na hului bhang sele. ⁵ Akha bhaeke, ware khena bhuhaere hayaewale kiyae,weyae aei jemaatna akha bhaeke holona yo naei wali rambung na hului nye hakhamae. Nenda mekhai horo nebhei ro miyae weyae ro eroibhoibhe, weyae Wali Ondofolo yae weyete huluinye ei hawamae. ⁶ Nebhei akha bhaeke holona yo yae waei khena bhuhae hei-sei are maei jemaatre homone molaikokhe. Allahre khena foise mokhoungebhondere u mekhai haraungebhokaene nebhei akha bhaeke wa nibhi a enate heene, kholo naei era inyale na hului hakhoumibhonde, ⁷ Rambunghine bhang Wali Ondofolole aerene nda yo khulung ukhate. Nebhei khalia enaimokhondere Allahre isiang yo naeise rambung mbaei sambaei eyarokhoi. ⁸ Wali Ondofolole walora na hele wali nibhi a weyae maenggele nanembaeinye khelemmiyende naeise, eyae nebhei me ure mokhoyate ro miyaere ei hauwemmile hele. ⁹ Reyae mai jemaatre homo molokokhale aubhokhale. Nebheibhe ro mbaei Diotrefes mai jemaat nolone bhe yung bhe yembondere khena hae-hae khole kiyae, maeinya are wo ekhoikhoi. ¹⁰ Nebhei aerene, reyae mai bhokhore erelena, naei me u bhekho mokholere jemaat nolone elemakhonde.Maere bheko mokhommebhondere Diotrefes aei naeise a bheko-bheko yae huwele. Nendae waneng khoro maere nebbhei a ma wemmekhokhe, naei khena omoloibhoi sele. Maei jemaatna akhae bhaeke holore nebheinye mekhate hee, neyae ahi yae elewolene ei ehawei nebhei waneng ro miyae eisa haungaimilere khena khowate yore bhele a hung kholowoumi. Nebhei waneng ei hawaimile ro miyae jemaat nolora hukhoweumi bhalaiyekhe. ¹¹ Akha bhaeke Gayus khena bhuhaere haewale kiyae, Diotrefes nebhei u mekhai bheko mokhoubhoke bhune waunge ehakhoi jae, foi naeise mokhole. Foise mokhate ro miyae Allahle holonane nekhate yo. Bhekore mokhate ro miyae Allahre ereibhoi yae nekheimeyate yo. ¹² Ro mbaei na ro Demetrius, na u mekhaise ro miyae nanemene foi mo elate, Wali Ondofolole walora na hele wali nibhi hului nekhele. Meyae nebhei waneng Demetrius naei u mekhaei foise a huwande. Meyae maeisaei maeinya a na helebhe huwayembe. ¹³ Ware ufete a heleng selebhe, nebheibhe tinta yae homo raitaeinye molorekhonde naei reyae khena bhang. ¹⁴ Na heki bhang mo wanggele hubaeyaekhonde naeise reyae rabho halale. Nebhei khulungne eyae a faeubhe mbembane hubhayende hee na bhene-bhene elale. ¹⁵ Reyae ebheli Allahre bhanale ware khena foi u foi mokhonete. Waei khahili ndane nekhate yo yae a melaeyayete. Raei a melaeyawale bhele aei khahiliwa nemene une-une weumikonde.