1 Nda Yesus neai akho Feukho naphemene”Allah. Nakhelu; 2 Nda melehaija molaikokhe neai ayo phuyo ya” Yesaya ne molaikhonkhe. Maleakhi 3:1 3 Phorombo ayeng akhaya mekhe kholole khe Faunge : mokhon nehambe niphi Tuhan de, Nephei niphi na ijengheleya. Yesaya 40:3. 4 Nda Yohanes, phure klomindere, nda romiyea mewate khefaunge Yohanes ahupha huwele wali haranael nyephonde Yesus re neal pheko naheleya fanyeminggon dhe. 5 Nda, romiyea Yudea ra, Yerusalem ra mewate kholominde. Yohanes phure khommindere Yarden wine, neai phekho pakho woya khowate. 6 Yohanes na yung opha yonkhu maya feleugokhe, yolu eu kileu khonkhe na khelenggene, Yohanes neai ramang akhela ne ayembumbung mae anewole. 7 Yohanes ahupha weumi, reyea makhalera Nephei samo neya mende na una wana nene wewe reya nare ehamekhoi. Reya mampham nare nauna wana re rophorombondere. 8 Reya mare phuya kholamale, Neya mare Roh ya kholonembe. 9 Nepheijana, phewole-yakhawole, Yesus Nazaret, yora mekhe, Naphuro Galilea, Yesus mekhe Yohanes yea phu re rangnihindere Yarden wine. 10 Yesus phura kheteukhe, neai jongkho khanele yakhu wewe molougokho, Roh Allah ayewaneng mea okhe. 11 Yakhura a weungele, nda niyea reay khelu, reai khena phuha uphuha waremo. 12 Nephei samo, Roh Kudus Yesus re yaweungehonkhe. 13 Yesus faunge yayae-yayae, na hului 40 niyea uphe walopho Yesus re umali hupa weunge; Yesus naugha helu, ehekhai nolone hephele nephei phe malaikat nare hirong khaya hephanyele. 14 Nephei samo Yohanes khawane henye khokhe, Yesus oromolougokhe Galilea yore ewele. 15 Allah neai akho faukhore huwemiyendere Yesus ya weumi, Naneme ne pheu fokhe, nopeungephokhe, Allah neai ja wali haramande neai akho-Feukho Elsa. 16 Yesus Galilea enera mewole, Yesus neai jokho erele Simon, Andreas, neai akha phekhewa hiwayophele waunge hayate Galilea phune neya khare phaya te yo. 17 Yesus ya weumi, Meng Rare hakhosongko Reya mare monkhorombombe maai une wane, romiya phe khelemiyembe. 18 Simon re Andeas re Yesus re, hakhonye phoke. 19 Yesus aloungokhokhe ahau wanemmo, Yesus ijokho ereumi Yakobus nakhelu Zebedeus, Yohanes na kha pheke hiwayopele, khakai einye waunge mokhate. 20 Yesus, mekhe khaneumi, neya na khakai, hiwayola yo phele, Zebedeus nekho nukhai miphokhe, Yesus re hakhanyephokhe ewate. 21 Neyea, mekhate kapernaum yone mayegokhe nepheija neai sinagoge re imaere nahiphi eweufikhe ekhe kheleumi. 22 Nda romiya nanemene Yesus neai ahupha elewole mahihele huphawanyele, nda Ro Naune wane heteungebkokhe menkhe ahli-ahli taurat Nare ehamekai hului; ahli-ahli Taurat nare ehamekoi; 23 Nepheija sinagoge ne rombai kheunge khole khanele, 24 Na weunge, rahe foi moi randa weai phele, meai phele, Yesus Nazaret na?Rahere weya megkha meare phekho mokoi poise? Reya rasai weya nda. Nehale yolo-yolo Allah neai khelu! 25 Nepheiphe, Yesus a weungele, “Hileipho! Nda romiyea ugha eisa eitue” 26 Nda phulo walophu nauga eisa nekha gele khulu-khulu khole khali khanele, Eituwe phulo walopho rael uphulura. 27 Nanemene faya phate neaise-neaise hinate, elate” nda phe elende era mehihele mengkhe mongole, phulo walopho nare fenyebhoke” 28 Nda a fau narokhombai yo phougekhe Galilea phune khelane. 29 Yesus na murid-murid phele sinagoge ra ai phalekh eweta, ekhate Simon ya Andreas ya, nahiwayophele yakobus re Yohanes re. 30 Nephei phe, Simon namiyea nenakhe era manse-manse ne honole, murid-murid ya mekhate Yesus re wanyele nda miyae neai umakhai. 31 Yesus mekhe nda miyea hupha yeikhokhe name eki leugokhe angunukhe, nepheaisera nda miyea nauna wana eravmanse-mansevkhole uyeugokhe nda miyea Yesus re ei angebhokhe. 32 Huwea yeugokhe, hu owakhougokhe, nda romiyea nanemene Yesusre phokhore ya waimi mate erana phulona yo, kheunga khateyo. 33 Nepeisamo nda romiyea areleufikhe neai imea romau phene. 34 Yesus helem blong foi romiaere mongkowoum erana phulonayo kheunge khateyo, Nepheiphe Yesus ahee roroumi, nephei romiyea Yesus re neaisey. 35 Narene kaukau, ya huluifolole, Yesus angukhe anuwau mbai akhu paha nau pham, Yesus ekhe hamba yare molombondere. 36 Nepheisa, Simon na romiyea hiwayophele Yesus re phenyele. 37 Nepheisa Yesus hupha yai khoke, Yesus v re wanyele, nda romiyea nanemena ware pheyete! 38 Nephei phe Yesus ya weumile, meng eyea emalere nda yo nophenayo reyea ausey areleng nepheynya romiyeare. Nepheisene reyea mekhale. 39 Reyea mekhale Galilea phune khelane. Yesus Sinagoge ne mengkhe walopho hungeumi. 40 Ro mbai oro paugau mepaugaune khole Yesus re phekore mekhe. Neya riyeunge oro seleng seleng ya weunge, weya khenane, weya foi yeufelem rare” 41 Yesu khena phuhea heungekhonke, Yesus name nokhenge naugane aheungele, Reyea khenehele, foise isephondere” 42 Nahipihele yeugokhe, na una ana oro paugau me paugau u yeugokho foi raukhe. 43 Yesus ukhenge ewole naweliphele. Yesus ya weungele, elene nde-nde ndere ei mihu weija nda rambung. 44 Nphei phe elene wauga kheleumiphonde waei pheyung phehaphare, nephei samo helem foi mongougonde onomi roukhane neai akho faukho elatemaya neai phuyo ayoya musa mekhe moloikhokhe. 45 Nepei phe nda ro ewele huweumiyekhe Allah name uphe elewekhe huweumiyekhe.
1 Ya nem-nem mo, Yesus pheufokhe Kapernaum de mekhe, nephelnya yo phoray phokhe Neyea imeana. 2 Romiyea helem blon arilwele hiwa yo anu wau pham na romau ene ne Neyea Ahuphane huweumi. 3 Nephei jo naphokhoro mekhate, romiyea mbai kharane ai phoke mekhe neyea orohum, ro kheli ya khei phoke. 4 Nda ro kheli mekhate Yesus phokere eay romiea helem heleke, neyea uphene phey kokhe imea mali wekhanyele, nda ro na khara nukhanyole Yesus phene. 5 Yesus nda ro kheli re nahiha rapho ereumi, Yesus nda ro humde weunge, weyea reay khelu, wa pheko nikhi khanau kuyea khokhale. 6 Nepheinye romiyea iseay hephem bleyo ray phokhe nakhenara inate. 7 Rahena nda romiyea neaiphei amaya elele? (Rahena) Neyae are phekophe makiume, Ndhe yaaey phekho khuyenmile neai Allah ya hele. 8 Yesus isayeugekhe na Roh ra, Neyae na uphenera hayate nahiphi neai khenaeaisa. Neaya weumi. Rehana mauphena nephei ganengmea pheunge maei khena une kiya phaungele? 9 Makhei neaifosele isay imandhe nda orohunde, weay phekho ninea khuyeu khokhawale, anyu wakhewa yung makhe yarokhe eye? 10 Nephei phe, isayeugonde Allah na khelu neal unna anne henggo phele, nene we-we ro nda khani khelane. 11 Yesus nda ro orohum nde weunge, Anyu, wa khewa yungma khe yarokho weay imere eye. 12 Nda orohum nahiphi angukhe, na khewa roukhe, eukhukhe ele romiyea nolora. Romiyea nanemena feaya phate Allah re halainye ie na elate, Miyea nda maa erey phoimo nda ganeng. 13 Yesus oro molougokhe phu yokhopha enere ewele, romiyea helem hele mewate neai phokore, isaey se khelem mindere. 14 Yesus moey phuleogolehemo, lewire erekengele, nekho afeus, roy se mokhate anuwaune anggeng nuweu ngokhe nekhele, Yesus ya nare weungele, Rare hakhoisepho, Lewi nahiphi angukhe hakhounge phoke. 15 Yesus na anggeng ya nekhele lweire imeane ramangne anele, rambung de aruyate yo nekhai hele arileufike nawi ganeng pekhore mokhate yo phele ramang mbainye Yesus phele anate neai homona yo phele mbainye. 16 Pheyung phe hapare hekhate yo riyea mbai mekhate Yesus re ijokhore ereneai nye phondete Yesus ramang ne romiyea pheko pele yo mbainye, anate, mekhate neai homona yo te hineimie, rahena Yesus ramang mbainye anete. 17 Yesus phorou ngokhe, Yesus aa weu mile, ro miyea foynye nekhate yo neyea onomi re riyei, reya mekhale nda romiyea erane phulona yore, niki khanau pele yore reyea mekhale. 18 Yohanes ya, neai hoomona yo pele, Farisi romiyea pele ramang, phu anei he nekhate. Nephei nolora hiwayopele ramang he nekhate? 19 Nephei phe Yesus ya weumi, ro hikholo uga molanye phoke maei unolo ulehainye namang nekhele meyea nahului ramang he nembhe? 20 Nephei peh neaija ne mende nda ro hokholo rowende nepheisa ramang he nenate. 21 Nde ya ambela male roukhe hanggang mokhou go khe ambela nemene, neai ganeng ma ambela neme hanggang ambela male ya. 22 Neai waneng ma, nde ya anggur emme rowen de anuau male rilembonde, nphei rambung pekho yembonde. Nephei ma mbai anggur emme anuwau emme ne. 23 Ya mbai mo Yesus na murid-murid ple gandum hekhe nolora ewate, nephei niphine ewate na murid-murid gandung ne nihewate. 24 Nda Farisi romiyea mekhate Yesus re wanyele, Erey, rahene neye khaliya mana ya mokha te manaya ya khaban. 25 Yesus ya peufakhe weume, meyea homofane pifen ekokoi daud rera daud na romi yea phele moni pukine huphawanyele? 26 Nenda maya daud Allah neai imae ophore eyeufikhe nephei hanei abyatar peyung phe hapare nekhewole, feuw mbainye anaikhoke, nephei feuw romiyea hiwa yoya anei. 27 Yesus ya Farisi romiyea re weumi? Nda yaa khaban romiyea isanye phonde neaise, romiyea ya nda ya khaban de mam. 28 Neyea ro faa miyea faa Allah neai khelu nda ya khapang ya ne.
1 Ya mbai Yesus mewefike Sinagogena ro miyea mbai name nihekoke refimbai. 2 Nanemene eranyele Yesusre kananyele, Yesus rahebe mokombonde onomire di romiyeare yengnele nda ya kabang ya ne nare pekho mokombonde. 3 Nebeisa, Yesus ro name re fire nihekoke kayere wenge nolone hebenyu. 4 Nebeisa, Yesus nare wengmi, rahebhe kenare kauge foise mokorengbon dere, bekobhe mokorebongdere nda ya kaban ya ne? Onomi be isendere herebe isembe? Nanemene aphangmo. 5 Nepheisa Yesus erengmi nephei nolora ikeleyea khoumi. Neyea ikeleyea khoumi nakhenale ereumi ne. Nebeisa Yesus na weuge ro miyea namere nihekhoke refikhaye weuge, name nekheuge nebei ri miyea namere nihekhoke onomi rokhe. 6 Nebeisa Farisi ri miyea ewate nug kelai ekate harawainyeboke Herodian romiyea bhele afeu mbinye elaikhoke honaibondere. Romiyea heleng Yesus re hakhainyekoke. 7 Yesus nauga neneijea wakhe na murid-murid nolora, Romiyea heleng mekate Galiliea, Yudeara hakainyekoke, 8 Yerusalem yora Idumea nebei anuwaune Yordan wine, nahiwa yo Tirusra sidonre, ro miyea helem phorowate Yesus name u mokhowolene. 9 Nebey ro miyea helengre Yesus wengmi na murid-muridre wengmi wakha mbai mokonehambe. 10 Yesus ro miyea helem foi igoumile, ro miyea era na phulona kinyei-kinyei kinyate foise iyanbondere. 11 Nda walobo Yesusre eranyele, phe hinanyele a wanye weyea nahele Allahle khelu! 12 Yesus aheumile nei uga eyakhaijae. 13 Yesus mokhore yeuketeke ro miyea khenare kole yo phele nanembainye, ne pheijo naei phokore mekate. 14 Me phe mehining phebele haumikoke naei phele mbainye mokhonatere. 15 Nei u ne wane heteumibokhe phulo walobo naugana hukhenaimende enatere. 16 Yesus na ro miyea eleukokhe Simon na ro phegehoke Petrus. 17 Yakobus, nakhelu Sebedeus, Yohanes nakhapheake Yakobus (Yesus na ro pheumihoke Boanerges, ne phei niyae rowa khabang fafa”), 18 Andreas, Filipus, Bartolemeus, Matius, Yakobus nakhelu Alfeus, Tadeus, Simon selot na. 19 Yudas Iskariot Yesusre heugokhe, 20 Yesus imea mbaise eweufike, ro miyea helem arilewfike yesus na Murid-Murid phele feufe anenaikondere nahuluibang. 21 Nakha phaeke phoraiboke nda a, neyea mekhate Yesusre yauganyohondere neyea elate meyea yaugansondere na u phene pheko yeugokhe. 22 Nepheisa Ahli-Ahli taurat Yerusalem nda nokhanyele wate na elate Phulo walobo Beelzebul!” neyea ukeumile walobho yung khayere. 23 Nebeisa Yesus khaneumi ndareyea meng naneme, nebeisa raphine ahunegoke weumi nenda ma yae walopho re hukhegehike, 24 Yo mbai here ware yeugokhe na u re nenai pheko mokhowate, ne phei yo yang nehingimbang eheraweiboi. 25 Nebheisa imea mbai here ware yeugokhe na ure nenai eheraweiboi. 26 Nebheisa walobo augukhe nauga phe nenai pheko mokhougoke, nahibi u yeugokhe. 27 Hiyae hayea ro miyea eyesiy ne bhei imere na romiyea lakei sele, yokho yo narambungde yaronaikondere. Nebhei bhe ro miyea re ha leyea rinengombe nebeisa yokhoyo emembombe imaere. 28 Riyae a nahale phe mare wamale, mai pheko ma khelu omineainya onomi rowembe, 29 Nephei phe nde yae pheko mokombonde Roh Kudusre nare foi omokhoiboi sele nephei phekore mokhougoke wa pheko hupha pang hai phang. 30 Nephei phe Ahli-Ahli Taurat yae elate ne yea phulo walobo pheko. 31 Nebeisa Yesus nenakhe nakha pheke phele imea moinye hebate.ne pheinya ro miyea re wainye Yesusre are u nganyendere. 32 Ro heleng miyea heleng Yesusre yanainyokhoke nehibhi a wanyele, jo kho erei ana wakha phake phele mekhate moinya ekhainyekate ware phayete,” 33 Ne phei phe, Yesus yae wengmi,” nde menakhe naei rakha phakenai?” 34 Nepheisa ro miyae heleng yanainyekhoke yore wengmi,” jokho ereng, nda niyae menakhe rakha phaeke! 35 Rahene, ndeye Allahle akho feukhore mokhonate yo ne bhei niyea maekha khelu fafa phele manggae fafa phele.
1 Yesus a hupha keleumi pukopha enene, ro miyea heleng hele Yesusre hakhanyekoke, nephenye Yesus kakai enye filekokhe angeng nuwegokhe, ro miyeare a khelewoumi. 2 A feuw nekai hele kelewoumi a ahumbo-ahumbo ye ahunewole. 3 Angei phorong ro miyea mbai o hakha re heraeyembondere ekhe. 4 hiwa yo niphi enene phalekate, nepheisa ayea meakhate anaikokhe phefoke. 5 Hiwa khani rukha phele rangne phalekate hiwa khani hele-hele rangne phale kate nephei o haakha hale ketekate na khani hele-helene. 6 Nepheisa rolangsang leane nephei o hakha pheko fakaipokhe nakabhu pangne, ne phei o haka kala-kala yeiphoke. 7 Hiwa yo khe nolone phalekathe.ne phei khe ketekate ne phei o hakhare ayenyekokhe pheko yeugokhe, ne phei o hakha ani phang. 8 Nahiwa yo khani foinye phalekate ani phele khate foi khetate khapang peawate, hiwa rorele u mbai me bee bele, hiwa rorele u name phele, hiwa rorele u maehae mbai phele." 9 Ne pheisa, Yesus weumi,"nde agei phele kayea nda a phorombonde"! 10 Ne pheija Yesus nembai, na phokone ro miyea pham, neai homora orowate yo phele, mea phe mehining phe phele.ne phenye elewole ahungole. 11 Yesus ye a weumi," raei u na wana ketekaisele rambung mare ikamale.ne phei phe, ro miyea hiwa yore, ne phei a faeu mare ahumbo-ahumbo yea khelemale, 12 ne phei phe mayea erembombe phe mayea iseayeiphoi, neai ganeng. 13 Nephei sa Yesus yea weumi, nda afeau huwamale meyea iseai yeawphokhe ? nendama yea meyea iseai yembombe. 14 Nda akho feakhophe huamale. 15 Niphi enene phale khateyo, nephei Romiyea. Akho feakho phoroiyeate, nephei phe phulo walophoyea nephei akho feakho naura wara rowele. 16 Nephema mbai, rukha ranne phale khate yo nephei romiyea akho feakhore foi sele phoroyate. 17 Nephei phe khambu naune okholoiphi raphuhima nauranne menyembondene nemene fomene u yembonde. 18 Nahiwa isa nulone phealekhate nepheima romiyea nakho feakho naune u. 19 Nepheiphe khoukhalo nda phuna khani nea, khena hensen uhensen Enggodene nauphene nakho feaukho. 20 Khani foi khela foi nye phealekhate yo nephei ro miyea nakho feaukho phoroyate, naune wane ani phele enaikhonde umbai umbai mephephele, rorele u name phele, rorele u mehining mbaiphele. 21 Nepheisa Yesus wewmi, nephei iy rowei mei ndine rasi wambou khelene nephei jungu honsong khelene? Nephei iy rowei noro hiranne rasi? 22 Nephei romiyea angeai phorate yo nehephi phoranate. 23 Jika ada orang yang mempunyai telinga untuk mendengar, biarlah ia mendengar!” 24 Nepheisa yesus yea hineumi rahephe anggaise phorauge weyea huluise kholameama nephei hului mbai ware neaima ranaisite era phuhi wauranne ranaisite. 25 Nde rahephele nephema mbai iynyete nde nauna ukhaye wauna wana enatowende. 26 Nepheisa, yesus aweumi, Allah neai nene wea-wea anuw ro miyea mbai ohakha herayele khani ranne. 27 Nephei ro yonggune nekhe aungukhe he nane oh hakha khuleng huraimi khokhe khaphan phewate nephei ro naseaiphan rahephe phewate 28 Nephei khanine ani khowate ani nineai mokhowate naphere khui heraweuphokhe nepheisa ani mokhowate. 29 Gandung nimaiphoke nephei ro mekhe niheuphokhe neai nephehephe yewphokhe. 30 Nepheisa Yesus hinewmi raheyea huluise ramansindere Allah nayo yam raphuhine ahunmaphondere uwmamindere? 31 Allah nayoyam oh feakhoma khaniranne herayeai phokhe nephei kho nameiakhen hele nda phuma khaninea maphan ma. 32 Nephei kho herai maphonde nepheisa khetende khaphan phende hekhena molankhokhe rambun yele mensa akhauphele aye phumanea nale nepheinye meikholate 33 A nekai sele raphu hineahuneu phokhe Yesus nakhofaukho di yore wenmi mai anggi se, phorauge mayae, 34 Neyai nai phele a elei raphu hine a huneu phokhe wengmile, nemeng fomane nahomona yaua yore wengmi, 35 Nephei huwarai Yesus nahomona yaunga yore, weng mi meng diphuenere foma lere, 36 Romya helen nukhengo phokhe Yesus yawai yehokhe nane phembame khaikhai sa hawai phokhehiwa yonamoi sahurai khoke. 37 Nephei sa alukhaman yakhaman ukheng mi nakhaphasale. 38 Yesus areokhe anenekhe khaphel eyeine nayun yung makherang nerafikhe. Nebeisa nare yengga yokho khe narewai yele, “guru, weya marephe nephan meya phekho phan de? 39 Nepheisa Yesus angukhe a wengue,” nepheisa alu hileu phoke ? 40 Nebeisa nare wengmi rahene meyae fekhauge? Mahilaropho wawa? 41 Neyae nafehela khate nenai hinate, de neyae? Alu la ukhenge hileugokhe nare hakhongephoke!
1 Mekhate phukoba refine, Gadara ro miyea anuwauge. 2 Yesus khai eisa angukhe hului nahibi ro mbai aumaranda mekhe, na u bhulu ne walobho eweufike, Yesusre phokore meakhe. 3 nda ro auma rangne nekele, hiyae hayea nare ha yea ekileiboi hului, name hayea erinekoi hului. 4 Pahenebang nayea nea phaei na o ro mea hayea aweikyanyele, nane rameha awekyanyele yoboiykiole hakeikiole Hiyea hayea nare eheraweiboi hului. 5 Riniai rai auma randa, mokoranda kaliyea kaneyele nauga nenaijea rukhayea phoyele. 6 Nebhei ro na ahaufau Yesusre ereugebhoke, hakhagoke Yesusre phene oro sleng-sleng roroukokhe. 7 Yesusre a le yea wenge! Yesus, Allah phumana khayele khelu, rahe a phe raiphele, weai phele kholanekondere,re yea ware riyea wale rare pheko emokoisembe!” 8 Rahenephang Yesus nda ro na u phuluna walopho hukheugihike ekuke. 9 Yesus nebhei kiyearw hineuge!” waro nde?” nebhei royea weuge,” rei ro Legion! Rahe bhang, meyea helem hele.” 10 Nahiphi mo Yesusre riyewouge nephei anuwaufa ehukhei jae. 11 Refine mokho kelauge obho riya mbai ramangne anate. 12 Nephei walobho yoni-yoni Yesusre wanyele,” meare weimi ndi opho uga phulune fomayembong. 13 Yesus eheng koumikokhe nepheinye nane walopho yoni-yoni fokhate opho uga phulune fayeugokhe. Nephei opho yoni-yoni naheleng 2000, hephalaifoke mokhora phalekate okhate phukou enye nehiphi phune anaiphokhe heraiphoke phukou enye. 14 Opho khayare hephewate yo nafere hephelewate, hiwa yore yea, hiwa rame yore yea nda mekai yeugokhe huwekoise ro miyea aiphalekhe nda mekai yeugokhe erei phoise. 15 Nephei ro miyea yesus re phokore meakate erate nane ro walopho yea eweufike kiyea, Legionre kileugokhe kayea agengyea nuweugokhe, malo foi hireukhoke, nauga foi yeugokhe neinye nane ro miyea fe fewate. 16 Ro miyea nda umekai yeugokhe na jokho yea erewate yo nane ro miyea mekatere hugaimile nda umekai yeugokhene. 17 Nephei mekainye nda ro miyea Yesusre riyeinyele nephei yora endere. 18 Yesus mekhe khainye filekokhe hului, nane ro foise yeugokhe Yesusre riyeuge Hakhongnophondere. 19 Yesus ahiyea wenge! Eye weai akha phekea phokore. Tuhan na foi mokoiphokete, khena phuhe heikokhete nephei a huweumikonde. 20 Nephei ro ekhe Yesus na khena phuhe heugekhoke foi mokhogephokhe Dekapolis ro miyeare ne phei ri miyea nemene fagege yea khowate. 21 Yesus kakaisa filekokhe phukopa refire fokhe, romiyea heleng mewarefikhe phukou refire fokkhe, ro miyea heleng mayarilefike neai pokhone, neyea pukhopa enene. 22 Ro mbai Sinagoge na pheyunde nekhewole naro Yairus meakhe Yesusre erekheuge oro sleng-sleng yea rorokokhe, 23 Yesusre nanahesele riyeuge, weuge, ra mangge melea phifeng herende. Meai wame nauga rangne rafinde neyea foi rowende. 24 Nembainye Yairusre Yesusre ekhete nembainye ro miyea heleng hele hakhainyekoke, nariyane. 25 Nephenye miyea mbai hayea rilewekhe ralo yakhama me phe mehining phe. 26 Neyea rokoye - rokoye onomire rowendere, Tabib pokhore orowole roijea nigi yea, ebha yea heyea hayewole? nanemene fomene naei ure ware pekho hele pewole. 27 Yesusle a phorokene, nephei miyea Yesusle u phokore yea maekhe Yesus namoisa ro miyea u nolora najubara ikileugokhe. 28 Nephei miyea yea elele,” reyea najubara mo kitephonde rauna wana phulo fela foi isephonde. 29 Na nephei ja na u nawana ha rilewate he nekhe na uga hupha wonge na era phulo ra foi yeugokhe. 30 Yesus nahiphi iseyeugokhe na u na one henggo hi ekuke. Phefoke nephei ro miyeare hineumi, nde yea rajubara eukilegokhe? 31 Nahomona yoye Yesusre wanyele nda ro miyea helem kinyei - kinyei kinyete a weimi nde yea ra juba kileugokhe? 32 Ne phe phe Yesus najoko erele ro nolo miyae nolora erele nde yea nebei mea u mokougokhe. 33 Nephei phe, nepheisa iseyeugoke rahephe na u ne yakhaugoke nephei miyea feyea fewole oro mea onyeuye hineugokhe. Meakhe Yesusre phene oro sleng-sleng yea rorokokhe Yesusre ayakhayea ukengele. 34 Ne pheinye Yesus nane miyea re wenuge, eye wei hila rapho eisa foi rokhe. 35 Yesus namang anemo elewole, ro miyea Sinagoge yungde nekhele kayare weuge,” wa fa herekhe. rahene roware mekhauge wa pangele. 36 Yesus nephei elatere ophoroipoi, Sinagoge Yungde weuge” fe efei jea, rapho phe halei. 37 Yesus, Petrus, Yakobus, Yohanes, Yakobus na kha pakhere yaweu mipokhe hiwa yore ahiyea ukeumi. 38 Sinagoge yungde nekele imene mekhate, erate ro miyea akhu nau hate, hiwa rimea yea rimate. 39 Yesus neyea eisa mewefikhe” mayea rahene rime rimauge, akhu nau hage! Ne bhei fa eherei ja, neye jongu phe honole! 40 Yesusre reyea haranyele, ne pheinye Yesus ukeumi nemene aipaleke mo ne phei fa nenakhe nekhore, neai homona meakhate yo phele ekate nda fa honole anuwaufe. 41 Yesus nda fa namera kilegokhe weuge ”Talita kum!” “Onomo fa riyea wawale, anyu”. 42 Nephei mange fa nahebi angukhe, ele mele kowole. Nephenye ro miyea fangege yea kowate. 43 Yesus nda fa nenakhe nekhore a le yea weumi he roroumi nda mekai yeugokhe hire-hire ehuwei jea pheneng weumi nephei fa ramang yeng ne aneuko.
1 Nebheisa Yesus naei jo re, murid-murid namoisa hakhanye kho khe. 2 Sagat ya mo, Yesus awusaei hengbelen Sinabobe ne ro miae heleng borowate foi sele hubhawanye, ne bhenyayo elate, makheisa ne ya kuasa ro khe? Rahe ubhene ya mujizat-mujizat nare ikeu nbe naci me ya mekhe mokhoube. 3 Nebeisa ro niae ore ahunele, Maria na fa nakha phake Yakobus, Yoses, Yudas, Simon? Ne bhei neman wa nanem gai nye nekhare? Nebheisa mekhate nare naei nyihikhe. 4 Nebheisa, Yesus nare a weumi, we ya nagi makhenya ro miae ware nacima khane nayete. 5 Yesus nanga ahi elele nendine mujizat mo konelere, name era yo na yun dane koloumi onomi yarowate. 6 Yesu nea ga we we khole, nila rabo wa wa khate, ne oheisa alanyo kho khe yorang-yorang da do wate awu saei kheneumi. 7 Yesus na murid-murid me bhe oro hinen bhe khaneumi bhe-bhe ahuneumi kho khe, kuasa reh-roh najis waheumi kho khe. 8 Yesus a wemi nda nighi fombe mame bhangga ya fombe, o muhukhung mbai feu bhang, holo bhoi bhang, roi bhang ne bhei yoluha re mo. 9 Oro fhe hirekonde nebhei bhe malo bhe ehireija. 10 Yesus a weumi, makhei imae emembombe, ne khenbombem a lonnokhombe embe. 11 Anuwai mbai mare ewei oroibhoi, mare angbeei oboroi embhalembhe oro bhong wokhe nebheinya yo isae yai bhoke. 12 Neaalahnyo kho khe akho faukho huweumi, meya wahale isae yembhombe. 13 Maya walobho helem hukhemihimbhe, ro niae helena era ne khate minyak ya rilamea onomi yarate. 14 ndofolo Herodes angbei bhorele, Yesus naei ro isae yaei bhoke romiea elate Yohanes Pembaptis, here khe ra waleubhoke, na mujizat-mujizat khalia mokhowole. 15 Hiwa elate nebhei Elia hiwa yo elate nebhei nabi. 16 Herodes bhorole a elate me khe Yohanes re weung bere na yung nda naisa khate, ninae aungu khe. 17 Herodes ne naei ro miae weumi, Yohanes kilembho, Herodias re khenane khawa ne a haei nyo kho khe, nenew Filipi re miae, Herodes re Herodias re yolu ha rinaimi khokhe. 18 Yohanes a naenam heleng Herodes re u kheungbe, Ama me ma ya ma kha bha khele miae bhe roukhabe. 19 Ne bhei bhe, Herodias na khena a herauweu bho khe Yohanes re hombondere, ne bhei bhe nahului bheng. 20 Herodes fe khole Yohanes re bho khore endere, niae isaei yeu bho khe Yohanes nea ro foi nea yolo-yolo ro, Herodes nanga khang neubeboke, nebeisa Herodes a bhorole Yohanes mau bhene oneng khoo khe, nebhei be Herodes khena Yohanes re bhotoungbe. 21 Ya mbai mo, Herodes naei hougate ya khabang me khate ramang nanem gainye Galilea bhe yung bhe ha bha yo bhele. 22 Ne bhei be Herodes le maengge mewefikhe bhae ne khole raja na maengge re weunge, rahe rambung weya khenare khoyo, riye finde reya isete. 23 Herodes a hera wengebokhe, weya rahe rambung rare riara, rea ware isete mende yo wakhu bhohi ka yemgonde. 24 Ne bhei maenge ele ne nakhere we unge, rea rahe ghe ware rise sitere? Ne nakhe ya weunge, Yohanes na yung. 25 Runa maengge hale-hale fole raja re are wen nelere reya nda he ware rahe ghe isetere, yohanes na yung nae sakate rogele hote arobonde. 26 Ne bhei sa, onofolo mehi folole, a herawou mi bhokhe ro meai raman anateyo re, ndi maengge hukhe man sindere. 27 Nebheisa, ondofolo ukhe unge algojo, a khaya ro khale male Yohanes na yung naisae khate nebheisa algojo e wole rokhe maengge fa re i khe u nge, nda maengge fa ro khe nenakhe re i kheunge. 28 Nebheisa Yohanes na yung naisa khate hote einye aibholehe maengge fa ri ikhanye, nda maengge fa rokhe nenakhe re ikeunge. 29 Ne bheisa naei homo na Yohanes bhorowole, neai mekhate Yohanes nauga rokhate abhulu einye aibhokhe. 30 Nebheisa, rasul arilaisikhe Yesus re bhokhone a weumi rahebhe maya mokhombhobhe, rahebhe mayae khelemi khombhe. 31 Yesus a weumi ndare mei wanga ndi enereya anuwau imong nekhele no yele rahene ro miae heleng mate ate, nea ramang re anai khondere nahului bham. 32 Ne bhei bhe, Yesus na murid-murid ewate na khai khai anuwau mong ne nkhate. 33 Nebhei bhe, ro miea heleng ere waimile fo wate rorowaimele ro miea heleng na nem bhai sa ha khai kho khe yau nibhira fowate nanemene nebhei kota re fowate. 34 Ne bheisa, Yesus bhu khobha enere fo wole, erele ro miae na heleng sele niae khena ghu hae kho woumi rahenebham, domba nea yung bham. 35 Nebheisa huwae yeugokhe, murid-murid mewate Yesus re a wainyele huwae yeugokhe mekha anuwai imong ne haumi khokha. 36 Nea wenye eu ndi daerah desa-desa ra oronaikhonde rambung mbai roungate enate an naikonde. 37 Nebheisa Yesus weumi, ma ya ramang yemile annaikonde neya a elate, nahele meya emale roti na roi hului 200 dinar roumale imamile ne ya an naikonde? 38 Yesus ya a weumi, roti naen neam maya yaraukhokhe? Eme jo kho emerembo? Nebheisa meya isayembobhe, neya elate, roti bhe kha bhe. 39 Nebheisa Yesus a weumi nebhei nya nanemene ma ria ne khobhou nebhei khe ranne rombomge. 40 Ro miea heleng na ria mbai kho bha mbai nye nuai khokhe, seratus romiae lima puluh romiae? 41 Nebheisa, roti mea hambai kha bhe, na bhe bhuma yakhure erele. Ne ya roti mohekhokhe helem foi weuge, niae murid-muridre i keumi ro miea heleng molone rafikhe. Kha bhe yaro khokhe ro miea heleng de wahewoumi. 42 Na nemene anai kho khe uga raei bhokhe. 43 Nebheisa, ne ya roti me bhe oro khala-khala bhe kha bhe yarai kho khe. 44 Lima ribu nekhe wate roti anai kho khe. 45 Nebheisa, Yesus na murid-muridd re weumi kha khai einye men sawombo Betsaida re fo wate, ne bheisa romiac heleng ukeumi fowate. 46 Nebheisa, nekhate yore bhuhae heumi khokhe, niea along khokhe elure ebhili ne ike bhowownge. 47 Nebhisa huwea yesgokhe bhu khobha nolone kha khai yale, Yesus nembai ohone nekhele. 48 Nebheisa erate murid-murid reng alu lae khei rawewgo khe randa awei fo yate, hului raman sinde huwaena khaya hu jokhoo kheli (empat), Yesus bhu randa along khokhe mele, nia along khokhe mele moi hayeumi khokhe mekhe. 49 Nebhei erewati Yesus bhu khobhu rane ike orole niae hinate bulo walobho, nea khali khanate. 50 Nebheinya nanemene Yesus re erainyele fe khate Yesus nahibhi a wewmi a wewmi ne bhei jore, niae hinate bulo walonho, nea khali khanate. 51 Nebheisa nia khakhai einye hawaighokhe, naeisikhe benesaret ne nokhate. 52 Nea mamang isaei bhooi mujizat roti meahambai nakhena naneme namam lakhei hebhate. 53 Nebheisa Yesus na murid-murid benesaret fo khate nokhate. 54 Nebheinye, nea khakhaisa akhaikokhe, ro miae Yesus re isaei yai bhokhe. 55 Naneme oroya habhelewate nebhei yore erana khate ro miae ya wai ni bhokhe mekhate kasur rane ma khei seya Yesus na uga e khene khele bhooroma bhonde. 56 Makheisa bhe Yesus ewewfikhe, yo mela-mela re yo khaban nanemene, ne ya era yo mekate relai mibhokhe rei nolo mai nolo anuwaw nge, nebhei jore a ri yai mile mayae meme me namalo hubha khileu bhonde nde ya mendi na malo hubha kilombonde onomi rowene.
1 Farisi romiyea arilefikhe Yesusre huphanyaikondere, Ahli-ahli taurat Yerusalem yora meakhate yo phele nanembainye. 2 Neaye erewoumile Yesus namoisa orowate yo hiwa name phu ekuyeikhoi jea feu augate. 3 Rahene phang Frisisi romiyea phele Yahudi nemene ramang anei name phu kuinyaikonde yende nameheleng huluinye, nephei u mekhai na yophe neai kamehe neai tena era hena namang khilainyekhokhe. 4 Neyea nai hesei anuwaufa mewate ramang anei, name phu kunyaikonde mo ramang angnate. Era hena heleng sele na yophe neai khamehe neai jea kinyaimiphokhe, nda makai kholei phu yajai anuwau, olem mephe mokhoiphoyate, nepheisa phu khunyate mekai hupha mam mokhainye. 5 Farisi holona yo phele Ahli-ahli taurat wali here foloukhoke are iseyeapokhe kelaimi holo phele Yesusre wainye, rahene Wamosa orate yo eai yophe neai khamehe neai tena mokhowate era henane ehakhoikoi omokoi, ramang dena mea phu ekhuyeijea anate? 6 Yesus yea weumi, mayea ro miyea phe-phe yo! mainyesa ijen selena Allahle Yenjo khayayo Yesaya yea molokhokhe a maijekhoke, Allah yea eleukhokhe, nda ro miyea nauga phonei randa mo rare phuma kholaisele, nephei phe na khene u bea ahau phuhauga hele. 7 Rare nendong hele ei molaisele, na a usei wasei phe ro neai miyea neinya era henembea rokate khelaimi. 8 Allahle akho faukhore moijea hayeikhokhe, roneai miyeaneai era hena mayea elayea ikilaiphokhe. 9 Yesus yea a weumi, mai yophe neai khamahenaitena era henera hakhoyauge. 10 Nephei phe, Musa yea a elekhokhe, mai arate anare, pheneng nde yea nekhore nenakhere a pheko wengmilena, nephei kiyea honaiphonde. 11 Nephei phe, ro miyea mbai jea nenakhele neakholere weumi, araile anale, mai walire hakhorombombe rambumbe rofele Allahre hili era akhau erare erenjende. 12 Nephei mokhai pokhera mayea nephei ro miyeare imong eyeisele neakhole nenakhele foise mokhonaimindere. 13 Nephei era hena walora Allahle akho feukhore mokauge raphi pang pheate. Nda waneng me u bekho heleng mayea mokhauge. 14 Nepheisa ro miyea heleng ahauga hephate Yesus khanewoumi na phokore mewate a weumi, riyea a wamale phoronsophone namemakhai nou heanale. 15 Rambung hiwa moisa isayeate ro miyea neai u mekhai phekore nikire omokoiphoi sului, nephei phe khena eisa u phenera euga phoneisa phaleimyate rambung ma phekore nikire mokhongnephonde. 16 Nde eangei phele kiye neyea phorombonde. 17 Yesus imea eise eweufikhe, nephei ro miyea helem nukeng miphokhe, namoisa orowate yo yea one hane ahuneumiphokhe. 18 Pheneng neyea weumi, mayea namang u phene eroweimone? 19 Raphine phang, eugara ate phe khena eise eyesiy, yarelereyea eyeipyate nepheisa pheko anuwauge eyokande. (Nephei jare Yesus kheleumi ramang nanemene eli hoho ban yaiphokhe). 20 Pheneng Yesusye wengmi, ro miyea neai khena ura phalenate nikiri phenate phele. 21 Rahephang, eisa romiyea khenara, neai khenara, u phene pheko-pheko, yokho phaei-phaeijo, ro miyea hosoi jo. 22 Ro miyea hiwa neai rambung khena henseng hele khoyate mokhonatere, khena hensende, a hufufe, u mekhai phekore nikire mokaimi. 23 Nephei pheko phako nemene fomene romiyeneai khena esa jakhawate. 24 Nephei anuwaufa, Yesus angukhe Tirus bhele Sidon phele khanire ewole. iseaiyanbondere phelene imea mbainye ewefike, nephei phe ro miyea erekhanyele yakha haikhoke. 25 Nephei yona miyea mbai na meangge kheuge khole. Yesus meakhe naise nda miyea phorouphokhene, mekhe oro selen-selen maye Yesus na phene meukhorokhokhe. 26 Nda miyea Yunani na Siro Fenesia khanine hongate. Yesusre riyewonge na meangge na una walophore hukhengnihindere. 27 Nephesa Yesus nephei miyea re a weuge, nenaijea fafa anaiko phere ugaraei pho. Rahene pang, pheko yae fafa neai feu yokhure hekhelaimile. 28 Nahele ya Tuhan. Nephei phe fafa yea anate ramang mohi-mohi phalate yokhu meja kelena yea anate. 29 Yesus yea nephei miyeare weuge, weyea nephei maye eleyeane, weyea nahului ele. walopho wafare nukhengepoke. 30 Nepheisa nephei miyea phefokhe imeare ekhe nafare hupayenyeikondere na fa ane honole, walopho ekukhe ewole. 31 Nepheisa Yesus Tirus khanira ekukhe, Sidon yora moi moihayekhokhe Galilia phukhopare, Dekapolis Khanine. 32 Nepheisa Yesusle pokhore romiyea mbai aggei khokhun a re nahului pham. Yesusre riuganyele name nephei ro miyea naei ugarangne kholong naikondere. 33 Nepheisa Yesus nephei ro miyea yaweng bhoke a mogre ekhete ro pham miyea pham anuwau fe ekhete. Name khala-khala neanggei phulura nekheuge, eugakhi hougokhe, ne phei role feuge khataungihike. 34 Nepheisa Yesus naphe yakhu phumare, phefokhe, no khokho yo phogokhe nahiphi nehiphi a wengmi," Efata!"raweugokhe ! 35 Yesus are ukeuge hului naeggei phele na feame phele rawengphokhe.na hiphi a elewole. 36 Yesus a heraumiphokhe hire-hire ehuweijea. Yesus a hum kholowongmi bhe, erai phoke yoyea na hiphi-hiphi huwayekhe. 37 Phorowate yo yea fa yea phowate, elate, Yesus nemene fomene foi mokate. Anggea pham yo mokho wengmi phorate, a mum yo etate.
1 Na yane paeinye ro miyea helem hele eyarilewole nanemerauw raphi-raphi anaikonde naei u, Yesus nahomone Yaunge orowate yore khaneumikokhe nanemerau weumi, 2 reyea khena phuhe hele khamale, mana ya name phe yeugokhe nephei phe raphi-raphi anaikonde neai u. 3 Nanemerau riyea ufemindere nae ima ophere enatere namoniyea phe, hi phe niphi nolone monine hokonokhonde nanemerau nephei ro miyea nolona nahiwa yo na yo ahaufa mewate. 4 Nahomone yaunge orate yo ya wanyele, makheinya ro miyea yea, feu yea nahului ugarenai phonde nda among mekhai?" 5 Nephei phe Yesus yea hineumi, nephei feu nemene mamena honate, neyea wanyele 7 feu. 6 Rone miyea nea arilewole Yesus yea weumi khani rangne anggeng rombo nanemerau Yesus feu 7 yarokhokhe mo onomi re feneyeugokhe mohei-mohei mohekhokhe nahomone yauge orowate yore ekeumi weumi wagengmi. 7 Nanemerau nahomone yaunge orate yo namena kha ning-ning nahangga hele. Yesus roke onomiremo fenayeugokhe, Yesus nahomone Yaunge orate yore weumi nephei kha ro miyea hokowolere wahengmi. 8 Ro miyea heleng aunggate wande phewate, nanemerau nukhaipokhe yo arilaisikhe mehembai mehinim bhe. 9 Naheleng 4000 ro miyea ramang augate. Nepheisa, Yesus ukeumi ewate. 10 Nepheisa Yesus khakai enye fileukhokhe na Murid-murid phele Dalmanutu yore ekate. 11 Farisi ro mekhate Yesusre bele a hupha ne huwate, Yesusre riyeinyele wanyele kheleimipho surgana rambung mare yengde koloumile. 12 Yesus nano khokho yophougokhe Roh einye elele rahene nenda hokholo uniyau yengde kolondere phe bate? Riyea nda a nahelere ufembere, hiyea-hayea yengde kolonde erowei. 13 Yesus nukheumipokhe, kakai einye efilekokhe, neufikhe refire ewole. Farisi Romiyea neai Ragi phele Herodes neai ragi phele. 14 Murid- Murid Yesus feu phehaleng wokheumi, feu phohimo na kai enye. 15 Yesus yea weumi, mpkoisa mokoisa yea nekhembe! Khaya-khaya ragi re hephembe Farisi ro miyea phele Herodes le ragi phele," 16 Nanembaunye nuwaikhokhe ahufuu howate Feu fe eyarokoi joe. 17 Nepheisa, iseayaipokhera, Yesus yea weumi,"mayea rahene a elauge feu eyarokhoi jo? Mayea iseyeiphoi, uphene erowei? Makhena le? 18 Maijokho phele, nephei phe erei phpi? 19 Nepheisa mo feu 5 yarokokhe mohei-mohei mohekhokhe 5000 romiyea re waheumikhokhe. Yesus yea weumi, ramang khalung arilakhokhe nemnem haphu? neyea wanyele 12 haphu. 20 Nepheisa mo 7 feu 4000 ro miyea re, ramang khalung arilakhokhe nemnem haphu? neyea wanyele 7 haphu. 21 Pheneng a weumi, mayea namang iseyeiphomo?" 22 Yesus namoisa orowate yo phele Betsaida yone ekhate. Romiyea nemnem jokho phang rore yawainyehokhe Yesusre phokore ekhate Yesusre a riyewonge Yesus mea kilengnephondere. 23 Yesus jokho phang kiyere namera kelengephokhe nephei jora eiphalekhe. Nephesa mo Yesus eiki namene hogokhemo jokho phang kiyere najokhone ranghikhe. Yesus yea a hineunge, rambung mbaima jokho eregokhe? 24 Nepheisa, nda ro najokho phumareyea erele, reyea ro miyea eramele nepheiphe, nephei romiyea o ha makai orate. 25 Nepheisa mo, Yesus name nephe ro najokho rangne rafikhe, nda ro najoko kelekhoke foi rokhe, na jokho foi erewole. 26 Nepheisa mo Yesus weuge neai imeare endere na weuge " pheneng nephei jore epheijea " 27 Nepheisa mo Yesus na moisa orowate yo phele Kaisarea Filipi ne yora-yora elewate Yesus ye hineumi ro miyea yea elate riyea nde? 28 Na wainyele Yohanis pembaptis, na hiwa yoyea wanyele Elia, pheneng hiwa yoyea wanyele Nabi. 29 Nepheisa mo Yesus yea hineumi, mai uphene ne reyea nde? Petrus yea weuge weyea Kristus." 30 Yesus yea weumi ndere- ndere reai a eleyeijea. 31 Nepheisa mo Yesus namoisa orowate yore a kheleumi ro miyea fa phulo fela heleng hele relengnende Yahudi rorele Yesusre nenainyihinde yunjung yo, isey phele hapam phele yo Yesusre honaiphondere. ya name mo here nolora angnunde. 32 Yesus na yakha yea ugeumi Petrus Yesus enere yophogokhe mo a weuge. 33 Nephei phe Yesus namoisa orowate yore ereumi Petrusre a weuge," walopho reai ugara eyea" rahenephang reai a phe maye eley, nephei phe romiyea neai a phe meyea huweyauge. 34 Yesus ro miyea heleng re khanewoumi na ugeumi nde yea rare hakhonsophonde kiyea, neai ugare ame yea elengonde kiyea reai ohali kemphonde reai moisa orale. 35 Rahene phang, ndeyea na walire khena puhe hengnendene wali hena etowei, nephei phe ndeyea reai afoi feu foi arene nawali rare yensele na wali hena phona endowende. 36 Rahephang, ro mbai nda khanina khelana rambung nemene egarokhokhe nephei phe nawalire hole omoloiphoy? 37 Rahe rambung yea ro miyea mbai mokhombonde wali endowende neai? 38 Nda hokholona yo mate nde yea reai ro re, reai akhofeukhore fe waliyea enaikonde ne. Reyea pherehonde merele ya riyea neai rore fe okoy. Meakhore einye khukui mea-mea, nayephei phuphe yolo-yolo nolone.
1 Pheneng Yesus yea wengmi" riyea nda a nahale phe wamale nda nolona ro miyea meakhauge mbai herei mo Allahle hupha yo manjo meande. 2 Imong mbai mo Yesus, Petrus, Yakobus, Yohanes yaweumiphoke mokore ikate. Yesus na phe yoi meahi yeugokhe. 3 Namalo keleumong yeugokhe. 4 Eliale Musale yakaiphokete Yesus neai a ne elate. 5 Petrus Yesusre weuge" rowa" ndane foi nekande, emea fele-fele name hemakonde, mbai waei, mbai Musare, mbai Eliare." 6 Petrus a elei nekhewole, fe nemo khowate. 7 Nahiki phang mo, manggo owmiahunegoke, ne phei manggo nolora a weumi"nda raei khelu niyea, nare mo phorong nembe". 8 Ne phei halei jokho wekhate refi-refi erewate ro miyea pham. 9 Ne phei halei mokhora akaikokhe, Yesus yea wengmi nda makai yeugokhe hire-hire ewei jea mo nekhe mafonde Allah na khelu ro miyea herai phoke nolora angnunde. 10 Ne phei a ukeumi huluinye mo nekhewate, na u ra hinewate rahene? herekhe nolora angnunde. 11 Pheneng Yesusre hinanyele rahene isei phele yoyea elate Elia na phere mende. 12 Pheneng Yesusye weumi" Elia naphere mende, nemene fomene mokongnehandere, nephei phe, na khelu mbaile a feau homo fea na honole, neyea mende molo fela relengnende ro miyea pheko konanyende. 13 Nephei phe riyea a wamale Elia na phere meakhe, ro miyea neai khenare khowate mayea mokhowanyele na homo fea ne ne phei maye molainyekhoke." 14 Pheneng Yesus, Petrus, Yakobus, Yohanes pheipoke Yesusle mosa orate yo phokore ekate phe ro miyea heleng pholong arilefike Yesus na moisa orate yo nolone, isey phele yo phele a ne kilate. 15 Phei poke Yesusre erekanyele phe nephei ro miyea kulu-kulu yeaipokhe hakaikokhe Yesusle phpkore. 16 Yesus yea hineumi " mayea rahe a phe isey phele yo phele kilauge" 17 Ne phei nolona ro mbai jea weuge "rowa" rakelu fa mbai weai phokore yawenghokale mekhende rahene phang, na u phulune walopho yea ewefike mokhongopokhe amung yeugoke. 18 ne phei walopho na u ne meyeisiyele hului nawga awaling-waling ne hayeunge, neugara olokhe yea phaleyate, nahera ahuneikyole, nauga leakhei yeipyole. Wa moisa orate yore ukameale hukenainyihindere phe neyea nahului phang. 19 Yesus phefoke weumi " mayea nda haleinya orona mena yo, rapho haleiphang yo, pakhei hului jea riyea mai phelemo nekhemakonde, ne phei fa ndare yaweng noho meang. 20 Nephei fa yawanyohokhe mekhate Yesusre phokore, nephei walopho Yesusre erekeungene nda fa naura hinsing yea hinewonge, nephei fa a ne rukhe hirewole, naugara olokhe yea phalayeke. 21 Yesus yea nda fa neakhore hineuge"makhei halei jea nda umekai mokongephoke"? nda fa nekho yea wenge" nameleakeng yea mokogephoke." 22 Nephei walopho meale keaipyole irangdeyea kaisiyeuge, phurang deye kaisiyeuge, hombondere releugekhe, nephei phe wiyea raphi hi mokoipondena meare puhea heimikonde hole moloimibonde! 23 Yesus yea weuge " wiyea nahuluinya? nemene fomene nahuluinymo phenayende, warapho halei randa. 24 Nda fa nekho rimea rimeale, Yesusre weuge" riyea rapho haleale rare hakoisopho raraphohaleiphang randa. 25 Yesus phefokhe ereumi ro miyea heleng hele meakhate ,Yesus u hale mokhongephoke nephei walophore ayile heagophokhe,weuge" walopho weyea mokhongepokhe amung yeugokhe,eanggaei ophoroi nekele,riyea wawale,hukhawale ndahalei etuwe pheneng ephei emeijea." 26 Nda fa elea kenewole,na u hinsing hinewole hului nda walopho nehiphi ekuke,nda fa na u herekhe makhaijea honowolene nda romiyea arilewole yea elate " na u herekhe yae" 27 Nephei phe Yesus namera kileungephoke angukhe,nda fa nehiphi afe yea hephengukhe. 28 Yesus imea eise ewefikhe hului na mosa orate yo na u khelaufa hinanyele" rahene meyea walophore ehukhesiy hului" 29 Yesus yea weumi "nephei holore na epheliyea helere enduwende". 30 Nendira Yesus na moisa orate yo phele Galilea kheleufa ate, niye ahi romiyea iseyeijea. 31 Raphi nephang, na moisa orate yore kheleumi a weumi" neai khelu mbai ro miyea mere kinyembonde nare honaiphonde, pheneng ya name mo angnunde". 32 Nepheiphe na moisa orate yo iseyeiphoi a ehinei nephei a ukeumire. 33 Yesus na moisa orate yo phele Kapernaumne meakhate imea enye mo hineumi,"ni phine mande mayea rahe a phe eleimyauge?" 34 Nephei phe aphang mo nekhewate, rahenephang niphine anuwau phe na weare-weare kinyeimiate, ndeyea neai khapang sele. 35 Yesus nuwegokhe mo namoisa orate yore khaneng mikokhe a weumi" nde mainolona khena khole naphere, neai uhaleyea moise ende nahiphi hiwa yonei aphu akhore yembonde." 36 Pheneng Yesus fa meale mbai rokeuge nda yo nolone hepheipokemo weumi ndeye fa khai-khaise raeiro earene foijea engnemokhondena neyea rare eiphe hawefe. 37 Pheneng" nde yea rare eii hawensendena, neyea rare eii ehawei, rare ukefe meakhale khayere eii hawanea". 38 Yohanes yea Yesusre weuge" rowa" meyea rombai erekhagnele walophore weai royea hukhenghikhe, meyea he rorangnele rahenephang neyea eai homora nagelephangne". 39 Nephei phe Yesusyea wenge nare hung okoloijea rahenephang reai misa orate romiyea nda me u waneng hiyea-hiyea omokhoiphoy. Nephei jae mbai neyea rare a pheko wensende. 40 Rahene phang, nde eare phorong minde neyea eai homora mande. 41 Rahene phang riyea nda a nahale phe mare wamale ndeyea ware phu inyete aneufinde kiye maye raei mosa hakhafekhoke yo maroiphu mbaisambai enundeiphoy. 42 Nde nda fafa nolora rare hakhasokhoke matea mbai niphi pheore wengnende khaye nahasele nephei kiyere rukha khabang manyainyihinde nahorone enate phunolone enaiwonde. 43 Weai meyea phekore mokhogondena nephey mhe folokonde, neai foisele Allah neai wali niphi re mehung yea eweufinde, phenende nephei mhe naphene narakare eweufinde, na i nahuluiphang ekhephekoi hanga. 44 Nephei ajeng na heng nahuluiphang ehereiphoy, na i lea ekhephekoy sului. 45 Wa oro phe yea phekore mokoiphokena foloikonde, naei foi sele oro hung yea wali niphire eyesinde, nephei woro phe narakare hekhelenaikonde. 46 Nephei ajeng heng nahului phang ehereiphoy na i neaima ekhepekoy sului. 47 Wei jokho yea pheore mokhogokhena nephei jokho kelensinde, neai foisele Allah neai yohena yore jokho phang yea ewefinde, weai jokho naphene narakane esukhelende. 48 Nephei ajeng heng nahului phang ehereiphoi, na i nahului phang ekhepehoy. 49 Nephenya nda romiyea hea ii waneng mea foi mokoimiyende. 50 "Hea nahale foisele, nepheiphe he na yu nundemondena, nendama yea weyea penyohonde yuphele yembonde? Nda hea rowele waune wane agonde, ro miyea phele wali foi nekhembe".
1 Yesus nebei anuwau nukhegoke yudea khanire ekhe, bheneng yordan bhukou refire ro-miyea helem arileufike, bheneng neai mokhole makhai, a wosrainye kheleumi. 2 Nebeibe farisi ro miyea mekate, Yesus na khenare hubananyihindere nda mayea kinan yele “nahele? ro mbai na miyea le khaye molonoi konde” 3 Yesus yea weumi “musa nenda makaijea ukembe? 4 “Neyea wainyele “musa yea a ukeumi ro bhele miyea bhele waheneik onderena na makhai homo fea rangne. 5 Nebeibhe Yesus yea weumi, wa khena lea-u lea ne Musa nebei mekhai molokoke. 6 Nebeibhe, na bhe emere Allah mokhongokhe ro bhele-miyea bhele. 7 Nebheinye, khelufa mbai nenake-neakho nukeng mi bondhe. 8 Na miyeale mbaise inyeibonde, nebeinye nda ro na miyea bhele bhe-bhang mbai. 9 Allah mbaise mokhogokhe, ro miyea ewahei jea.” 10 Bhenende, imea einye, Yesus na moisa orate yo bheneng nda a bhe hinanyele. 11 Yesus yea weumi, “nde yeana miyea re nengnihinde, neyea miyea hire rowende na neyea bhekobhe mokogoke. 12 Nebeimambai nda miyea na molore ahii elenggonde ro hire endena neyea bhekobhe mokogoke.” 13 Ro miyea fafa fele-felere yawaimiboke Yesus le bhokore mekhate Yesus onomire yengmindere, nebeibe na moisa orowate yo ahiye ugaimile. 14 Yesus nebei makai ereumi ne na moisa orate yo re a yereumi, weumi “nebei fafa nendong reai bhokore maii, nare he ororoijea, rahene bham, nebei ro miyea hokholo yea Huba yo Manjo enairo-wende. 15 Riyea nda a nahalebhe wamale” nde yea fa melea makai se eyeibol khaye Hubha yo Manjo ei huba yeikoi.” 16 Bhenende, Yesus nebei fafare me nayung rangne raufike, onomi ikeumi. 17 Yesus neai nibhi ende neai relahiyea mokowole, rombai oroyea meufebhealekokhe Yesus le bene ono heleng-seleng yea rorokokhe Yesus re hineunge “Rowa u foi-wafoi, rahema yea mokhorobonde wali hubha yo manjone etofele?” 18 Yesus yea weunge “rahene nere foijea warea? Nda khani ro-miyea foi umoo, Allah nembai foi nekhele. 19 Allah na he folokhoke wiyea weaseai: “ro miyea ohoijea, yokho ebheajiea, ame ewabheijea, ana learai le foi mokhoiminde”. 20 Bheneng nebei royea weunge, “Rowa, na hokholo nekewale huluijea Allah nebei he folokokhe riyea hakkhongobokhale”. 21 Benende Yesus bhefokhe nda fare jhoko ereunge na a nda mayea weunge “nebeibhe mbai khaloyea mologoke. Eye, wa rambung nemene-fomene naise hekonde, ro-miyea khounge khalona yore yeikonde mo wiyea ninggi yo bhuma-yang bhumane el subhayekonde. Mele, rare hakhoisobonde”. 22 Nebeibe, nebei a ukeungena khenara hubhawonge bheko hele, kena bhekhoyea ewole, nahenebham na rambung-rambung heleng hele” 23 Bhenende Yesus mekhe na moisa orate yo re ereumi na a nda ma yea weumi, “ninggi bhele yo Allah le yo Allah le yo bhuma yang bhumare eyeiboi hului!” 24 Na moisa orateyo khulu-khulu yeaiboke nebei a ukeumine, Yesus a bheneng khaye weumi “mayea, reai fafa” nahuluibang sele wali yo bhuma-yambhumare enayem-bondare! 25 Unta mbai nahului sele jarum bhulu ra enensinde, ro-miyea ninggi bhele yo nahului bham, yo bhuma yangbhumare eyesiy hului.” 26 Na moisa orateyo bheneng khulu-khulu yeaibhoke neaise-neaise hinate “nde bhe yo bhuma yangbhuma ensubhayenggonde?” 27 Yesus na moisa orate yore ereumi na a nda mayea weumi “ro miyea hului mee hubananyende nahului bam, nebeibe Allah yean nemene nahului mo bhenayende.” 28 Petrus yea Yesus re weunge, “meareereimi, meyea mea rambung-rambung nemene nukewande haigwande mekande ware hakaikokhayete !” 29 Yesus yea weumi “riyeaa nda a nahalebhe wamale, ndeyea na imea-obhe, na akhabeake, nenakhe neakho, na khelu omi nukeumibhoke reai bhele-ra akhofeauko khenane. 30 Nebei ro miyea holore ndaheyea rambung nakha seratus yea barangmibonde. Nebei rambung barang mibhonde niyea: emea obe, akha bheake, keluomi, ana arai, buro kela nane makai weitaisi khonabha-bam heaiban anaiyaronde.” 31 “Nebeibhe, na bhe na yo moise yea menaibembonde, moinya yobhere yea enaibembonde.” 32 Alainyokhoke nibhi nolone Yerusalemre igwate Yesus yea bhe negokhe. Neyea khena hele khowate, nebebe ro miyea hiwa hakaimikokhe mewate fe ne mo khowate. Yesus na moisa orate yore yaweumibhoke, ne yea neai ugane yembonde a bhe weumi, 33 Nda makai “erembo eyea nda helei Yerusalemre yeande, Allah na khelu Imam-imam yung-jung bhele, iseai bhele yonare bheko mokonanyede, herende, Yahudi bang ro miyea re inyaiminde. 34 a bheko unganyende, eugaki yea honanyende, rauhea yea bhonate, honaibonde, nebeibe, ya name mo herewate nolora angnunde.” 35 Bheneng Zebedeus na khelua bhe Yakobus le Yohanes le Yesus le bhokore mekate weinyele “Rowa meayea kena khande meai khenare kande huluijea wiyea meare yeiminde.” 36 Yesus nda mayea weumi “maikhena khauge riyea rahe yea mare mokorombombe?” 37 Bheneng Yesus re wenyele, “ehe khoimikonde wa anggeng nekei rangne” 38 Nebeibe Yesus yea weumi, “mayea nebei riyeauge maseibang. Mayea nahului aninsimbe, reainya andehinde mare kholonayembe?” 39 Hokolo bheyea wenyele “meyea nahului” bheneng Yesus yea weumi, “nahale, riyea anefikale bhu nahului anensimbe, rare raisihike bhu mare ranaimsimbe. 40 Nebeibhe reai meline-meigene nuwembonde khaye riyea elekoi hului. Nebeinye ronaibonde yo na romiyea mokainyehake.” 41 nebei borokatene, na moisa orate hiwa yo Yakobus le Yohanes le re ayea yarowaimile. 42 Yesus keane umikokhe, a weumi “mayea maseai, kulia moko-moko re mokhate yo Yahudi bhang ro miyea neai khena huluiugare nekhate huluijea mokhowaimile. 43 Nebeibhe mayea nahuluibam, “beng nohonde khaye” nde yeaneai khena khabangre yembondena neyea haleyea abhu akhore yembonde, 44 Bheneng nde yea neaikhena nabhene nekendena, neaisele abhu akore nekende. 45 Nebeinye neai khelu mbai ndare mekhe, eayea nare mokho mandere bham, neyea eare mokong mindere, neai wali mende eare, ro miyea heleng foise yengminde.” 46 Bheneng, neyea mekhate yerikhone. Nebei romiye helengbhele, na moisa orate yobele Yerikho ra aibhalekhe hului, ro mbai najokho kumba naro Bartimeus, Timeus le khelu, nibhi enene nuweugokhe. 47 Neyea bhorokhe Nazaret na Yesus mekhe, neyea nahibi kheaneunge” Yesus, Daud le khelu rare khena bhuhea heisoko!” 48 No miyea a yarewainyele, hilembon dereugainyele, nebeibe neyea a lea kheane wounge “Daud na khelu rare khena buhea heisoko!” 49 Yesus hebengukhe mo weumi, “kheanengnokho meu”, nebei ro jokho khumba heanainyokhoke mekhe mo wainyele, “wa khena u lea yea! Afea hebeinyu, ware-kheanete” 50 Na malo a ne wokhe, nebei ro aungukhe Yesus le bhokore meke. 51 Yesus yea hineunge “rahebhe wiyea khena khoyea riyea mokhorobhotere?” 52 Yesus yea weunge “eye weairabo helei randa foi eitowende” nebeija nahibi foi yeugokhe Yesus re hakongebhoke orayeke.
1 Beneng, romiyea mewate Yerusalemre nobhewanyele, betfage bele betania bele, saitun mokhone, Yesus na moisa orate beere, 2 Nare weumi, “Ebhu yo mbai bena ekhehonole, hubayekopena ebepope, keledai hokolo mbai hubayeikope neai ugha ha yea rineainyekoke, romiyea na ugharena einyueiboi. Ha khulainyokhope yaweinyohonde mephe reai bhokore. 3 Romiyea hinenayembena, ‘rahebe mokhauge?’ a weumile, “Tuhan yea ukeuimi nanggele emalere, beneng nanggele memale.” 4 Nane bee e kete keledai hokoloh mbai hubaikokhete romau monye, nibhi enene ne, hebele na ha khulainyebokhe, 5 Ro khelinane nebeinye hebaze hinaimi, “rahe bhe mokhauge nahene nebai keledai na ha kulainyebokhe?.” 6 Yesus na are elekoke makaijea ukeumi, hebeinye nanremiyea nojokomo erewaimi ewate. 7 Nane keledai yobaibokate Yesusle bokore ekhate, na u na maloyea na naugarangne felewanye, Yesus keledai ranghe yeunuwegokhe. 8 Bheneng, nebeinye hebate yo na una malo yea nibine bewate, hiwa yo ofea-hafea yea bewate. 9 Nibi homo hiki bala khabang mate kanete, “Hosana! Helem bolem wa unamo Allahle ro yea!” 10 Khuikui mea-mea Daudle yone yane, meai yobhenai khamaheneai! Hosana, bhuma-bhuma randang anuwaunge!” 11 Nebeisa Yesus Yerusaleme ewalo nahibi Allahle imea yeinye ewefikhe! nebeinya rambung jokho erekokhe, nahibi Betaniare ewole na moisa orate yo bhele rimiyai yeughokhene. 12 Ya heubokhe, Betaniara eibalakhate, Yesus monibhe hubawonge. 13 Ahaufa erewole no ara na fea bele, ekhe jokhore erembondere nde neaiseai erabuhi hubaisekhonde nebhei no ra. Nebeisa ekhe nebhei no khelaunge erabuhi hi-hi hubayeikoi na fea mo nebhei hei ara ohakha bhang. 14 Nebheinye Yesus nebhei no, re weunge “ha ohakha bang yea mo neai merau hebewende”, na moisa orowate yo borowate. 15 Nebeisa ekhate Yerusalemne, Allah le imea einye eweufikhe romiyea naise hewate yore hukhewmihike. Neyea ekhe roisa yerate roise yaimi aye merpatire hate yoneai na nemene bhulewoumi, 16 Romiyare ahi ugami rambung Allah le imea yeise yaroi emejea. 17 Yesus khelewoumia ugoumi, “Homone moloikhokate” Reai imea ebeliboiboi imea yea ehailende “nebeibhe meyea mekhauge yokho yo neai imeare yeugokhe. 18 Imam yun-jun bhele musale walora yo orate yo bhele borowate nebheinye nibi a bheawate Yesusre honaibondere. Nebeibe, fe feawanyele romiyea heleng neai elewolere fa yea bowate. 19 Be bahewolene, Yesus no moisa orowate yo bhele nebei yora aibaleke. 20 Nebeibe hele wenana nibi relahira ewate mo, na jokho erekate naneno ara khalakhoke okhe na kambune. 21 Petrus ubene negeunghike Yesusre wenge “Rabi jokho ereibho! Olomore neubhokanca no ara khalaukhoke”! 22 Bheneng, Yesus yea weumi “marabho helei-salei Allah le einyemo. 23 Nda a nahele bhe mare wamale, nde-nde nahului nda mokhore wenghele, ndara raweibho bhu nolone yeinyuweibo, wa khena rare nahelene weai are eleyea hului bhenate. 24 Hebeinye, mare a wamale, a ebeline riyeafele, wa ubunehe nekehayete hebei rambung rokae, haheje nebei rambung rowele. 25 Bheneng afea nyunde ebelirena, romyeanai bheko wakenana uinyai bondemo bha, arai bhumana weai bheko kuyenggonde. 26 Nebheibe, weyea romiyea nai bekho weai khenara ehayekoine, arai bhumana weai bheko e khuyeikhoi. 27 Bheneng, haneyo ekate Yerusalemre. Yesus bait Allah, kere ekhemo, yahudi bheyung-bhehaba, iseai bele nebeom bele ro, yahudi yunjum mekhate Yesusle bokhore. 28 Nebeisamo, mekhate wanyele, “wndele ro yea nda rambungre mokhoyea? Wa khena koyea hului yea mokhoyea.”? 29 Yesus yea wengmi, “Ra a mbai mare hinerinsim. A wengsele rare, nebeisa a u fembe ndele ro yea nda rambung remokhale. 30 Reyea mare hinamale, “Yohanes bhu koumi ndeyea ukenge, Allah yea nda romiyea yae, a wese!” 31 Nebeijo nenaijeamo kholowanye elate, “Allah yea ukenge a yea,” ungande bae bensonde are wengmile “Rahene Yohanes bhu koumire. Nahele yea leleikhoi khaunge’? 32 Nebhei, eyea ungande romiyea naisa? “yunjunre hebateyo fe feaumate, romiyea helemre nanemene nau bhenena nekhenanyele Yohanis nahele-hele nabi. 33 Nabeinye, Yesusre wanye, “meyea isiang”. Nebeisamo, Yesus nare wengmi, “Nebeimekhainye, Reyea mare a ewei shulu ndele royea nebhei rambungre mokhole.”
1 Yesus a raweboke anggur hegkhene ahuneubokhe uweumi. “nahegkhe ele yaneufoke, abulu mbai halegokhe anggurre ramenate neai, fale mbai na bhuma hele noraikoke yakare hebenate. He khere mokonareyo roi yeumikoke. 2 Anire hogonate hanei hayung ro hire weunge, eye hekhena yo weumile, anggur nimaibokhe yensekhombe roferendere ukefe male. 3 Hekhere mokateyo ikilaibokhe rahwa eyole olainyekhoke hughainyihike name bhangga befokhe ewole 4 Nebeinye naro hire ukhenge heai bokhore ewole, hebeibe na yung baikhokate, na fehele mokhaiyebokhe nebeibe nahibi haibo khate 5 Nebeisa, beneng ro miyea hire ukhenge ekhe nebeibe nahibi haibokhate, nda makhai heleng hiwa yore bewate, hiwa yo rahwa bowate, hiwa yo howate. 6 Imeare ebesoimo erewolene, na khelu mbai khena buheare henkiyeare ufende endena, nare be hinenainyebonde.” 7 Mebeibe, mekhere mokate yo arilefike elate, “nde khelu mbai. Meng, nomabondere na hekheaise yembondere. 8 Nahibi, mekhate kileibokhate, nabokate hekhe elemoinye uwmande gande. 9 Rahebe mende mokhomibonde? Hekhere mokhateyo honggonde na hekhe anggur hiwa yore yeumile. 10 Allahle homofea ne meyea khokoi? “nebei rugha imeare mokhate yo yea mokhate, mana hebei rugha beyungre yogokhe.” 11 Tuhanle khaliya na foisele are mokhoyengmi. 12 Beneng khelai mokhowete kilenaibondere, nebeibe na fee feawate ro miyea helengre, na iseai nelehate Yesus hebei a elele nare weumi, Yesusre nukhainyokoke nahibi na ewate. 13 Nebei nolora romiyea nenem ukaimele mekate farisi romiyea bele herodian ro miyea bele abuluhre halenai nyebondere heai a lele huluinye. 14 Mekhate Yesusre wanyele “ Rowa, meyea meaisai nekhande weyea romiyea hai are eboroboi. 15 Meyea mokhomabhondere, mokhojea? Nebeibe Yesus, na khena ei isaeibokhe, weumi, “rahene rare hubafele? Dinar mbai reai ,mensiyea” jokho eterbong. 16 Nebeinye rokhate mekhate Yesus weumi, “ndele he yoi ndele homo?” ondofolole bhe yoi.” 17 Beneng, Yesus weumi, “ondofolole nambung ondofoloreyea yengnele, Allahle rambung Allareyea yengnele.” Neyea fa we-we Yesusre khowanyele. 18 nebei saduki romiyea, elate wali u, mekate Yesusre humanyele 19 Rowa, musayea molokhoke nde na akabalehe khelufa, herande na miyea hulehenebonde nebeibe nebei miyea fabang, na akabakhe hiyea ro wende hael oro mere. 20 Na alehabaekewa hemene mehini bee. Na alehabhale bena kiyeaya rokhe, herakhe beneng kayeyea rowende. 21 Beneng kayea herende ne yea hameheng kayea yea rowende. 22 Hebei ro mehing bee na nekehoke kelu bang omi bang nebeisa nebei miyea herekhe. 23 Bhulei tana yo walemibonde, ndere miyea nda ro mehini bee naei miyea. 24 Yesus yea weumile, nebei ubeneyea mare bekhore nare mokhombe, meyea isayeiboi, naei akho feakho nene wawa 25 Nebeijeare waleinaibonde ro miyea herewate nolora, neyea rore miyeare mbaise eyelbol, bhuyo ayore inyeaibonde neai imea obene. 26 Romiyea herekhate yo ananyunde, nebei a feau musa heai homone moloukoke, nebei a feau Isa fonong nolone, nendaa ma, Allah mekhe a wengele, Reyea “Allah abraham, Allah Ishak, Allah Yakob 27 Neyea Allah heraibokhe yo heai bhang, neya Allah romiyea walire nekhate yohea 28 Meyea mauphene onokhokhe 29 Nebeisa, ro mbai iseai hebham holora mekhe anggeai bhorowole neyea a ne elate, neyea jokho erele yesus neai a feau foisele erele, neyea yesusre hihangele, makhei a feau be na bheme hele 30 Webeibe, wa khena heisei Tuhan Allahre na neme fomene yea weai ugha nanemene, weyeai ubhene wabhene nemene wa hila rabho. 31 Nda bheneng kayerong, wa khena buhea heisei romiyeare heama weai ughare hennemea. Nephei Akho feoklio na phumanahele hiwa yo nare nare hamekhol. 32 Nebeisa Iseai hebham yo yea yesusre hinanyele “Weyea nahalle. Rowa, weyea hahole be eyeyea Allah Na U mbai, hi-hi u hele nanembai. 33 Weyea khena buhea hesei na neme fo meyea, yea, wa ubene na uganeng wahila rabho romiyeare miyeare heama nebeiwaneg weyai uohare heamla nabeemehele weai una wa na. 34 Yesus na jokho erele nda ro na wenge arah hele elele, nebeinye yesus yea weuge weyea ahaubang reai imea oibera. Nane romiyea hiyea hayea a ehinelsi 35 Nebeisa, neai imeavelnye ekhe keleumi yesus yea meeumi nenela ma nelea Iseai hebang yo bele elate reyea Daud na khelu 36 Daud nenealja enehele nanai irhaugare Roh kudus yea elele, Tuhan meai yundele a wenye Anggeng nuweibo ramelugge mene, reyea ware anuwau Yokheijone weai oro khelene. 37 Daud neneairea elele yesus neya Tuhan nendea maya beneng kristus na fare yembondere. Ro miyea helem neai khena hele khate boronatere. 38 Iseanye khelemi, Yesus Yea weumi, Iseai hebamyore mauga khaya yea hebemloe, neye elemele kathe na ambela khoko yea hiralkoke, neyea naugare ro bhe bheawate nebei anuwau khabam fe bele bhuble anate anuwaunge. 39 Neai anggeng nekhei rore rarimi sinagoge nebei anuway rore itowaimile anu feubele bhu bele imene 40 Romiye neai rambung kinyeaikoke neai imea, hai miyea nale hambaya hekhire molo wate yo, nebeijo ehekhai enaijaronggonde. 41 Nebeisa yesus nabe bembainye hare he re hawate yesus ijokho erele romiyea helem mate name nono molaibokhe nebei ebare here hawate einye. Nda romiyea mate namena una ebha he helem yo bhe mate name hono molat. 42 Nebhei nolora miyea nale alona elea bhang wakhebang mekhe name nokhengele dua keping nebhei rol na khabaning seh mbai. 43 Nebeisa, yesus neai homona yore kheanemile nare a weumi, Reyea nda a nanahelebe wamale, nda miyea nale name u mokhoge neyea ha kha bang hele nda anuwau einye meyea yoni-yoni mewauge 44 nebeinye, neyea nemene neai bhuma-bhuma randa mekhate, nda miyea nale mekhe na khou khalo ra rokhe mekhe, na melina mekhainyea.
1 Moise wokhande halei, Allah neai imea ophe nukheugoke, nakha peakhe yea weuge" guru ereipho ndina rukha honate foi-foi sele yea, neai imea ophe nemekai na foi-foi sele. 2 Allah yea wengmi, ndi imea ophe khabang ereipho narukha foi sele ahunaikokhe? rukha mbai feng phe rukha hirangne erasiy, na imea ophe pheko eyeiphoi. 3 Zaitun mokhone Yesus nuwegokhe nekhewole, na phe Bait Allahre yea phefokhe. Yesus re nanembainye orowate yo Petrus, Yakobus, Yohanis, Andreas nenaeijea Yesusre Hinanyele. 4 Meare a weymi, makheijaere nane rambung-rambung elewiye phenate, rahe rambung yea mende yembonde meyea nemene iseymaphonde, wali hikhi phang u phendere. 5 Yesus a rawegokhe weumi, na phuhea-phuhea yea nekhembe mo ro miyea mare niphi phekore eimokoiphoi. 6 Ro miyea helem menate raei ro eisa a menaielende " Yesus naei sele niyea.ro miyea heleng mare phekore mokoinaimphombere. 7 Anggai emborombe bhulo fela mahi-mahi enai elende fe ekhoi jea. Nephei rambung-rambung phenate phangamo nephei phe nemene namang u eyei phoi. 8 Yo mbai - yo mbai phele phula fela relenanyende nephei meakhai mbai, ondofolo- ondofolo hire phulo fela relenanyende. onyeuw makheisa-makheisa hinende, moni phuki khomale. nda niyea naphere hele huphamansinde, naphuhe miyea fare honondere phuhea makhaijea huphamansinde. 9 Nephei phe, mauga khaya hephembe. Rahene phang phekore foise elate yore mare kinyenayembombere, mare rahuwe Sinagoge-sinagoge yone, afeyea meyea Sanhendrin phene phe mbembane esephembe. 10 Yo khapang-khapang yore ahupha naphere hele hugaiminde. 11 Mare yaugayembombe pheneng kinyenenayembombe fea ekhoijea. Rahe ayea phere elengombere, nephei rahe a. Allah waugana ikhete wasei nekhele nephei a wenya aphang, nephei Roh kuduslea. 12 Naei akha pheke mbai nakha pheke hire herere harauwenge. Nephei makhai mbai na arai pheko nafa fafare. Khelu omi ananyunde nenakhe neakhore hosoi honate, ageaise ophoroiphoi khonate. 13 Raeiro khenane, ro miyea mare pheko konayembe. Nepheiphe raei enye nekhenate yo wali foi moi ensuphayengombe. 14 Nepheiphe, pheko khaphang hele emerembombe, na ro miyea ehephei anuwauge hephenate Yudea yona romiyea mokhore mo haphelenate. 15 Ro miyea imea rangne nekhenate yo, imea eise ejea narambung imea enya honate moise okholoijea. 16 Ro miyea hekhena mokate yo, nambelea roweise epheijea. 17 Miyea -miyea ugaphele yo, nimea phure yeaimile yo napheko hele huphanainyende nephei jaere. 18 Hambaya engmolombe nda rambung-rambung eipheijea. 19 Rahe nephang, nepheijare phulo fela khapang iyea namang ereiphoi, naphere hele aijegokhe. Phulo fela khapang Allah pheneng eimokoiphoi 20 ya fofore eimokhoiphoi, ro miyea mbaifere wali erowei. nepheiphe ro miyea elekhokhe yore phele ya fofo eimokoiphoi. 21 Nepheisamo, ro miyea ware ugayete " Kristus" erenyepho ndana nekhele, pheneng ugayete" Kristus ndina nare nephei eiphoroijea. 22 Rahenephang, mesias -mesias, nabi-nabi nahelephang yo, anayunde rambung foi-foise mokhonate, nephei makaihului ro miyea neai uga Allah yea elewate yore, namakhai phenate. 23 Khaya foijea hephembe a nemene mare wekokhamale. 24 Nephei phe, ne pheijare u phuhe kaphang halei hu ogeng yembonde, okho neai ahehe eneikoi. 25 Findlau yakhu phumara phalenate, onehenggo phumara engmi khusende'''yesaya 13:10,34:4 26 Nepheisamo, eaijokho manggo rande eremale, romiyea onehenggo randa mende. 27 Nepheisa, na phuyo ayo nase-nase mewate, makheinya-makheinya nemene arilewate. 28 O mbai foi phele phekho phele, nepheisa iseymaphonde namensa khala-khala yeiphokhe, na fea aiphaleke.ne pheisa mo iyea iseaimaphonde rolongsang ya nophengephokhe. 29 Nephei mekai mbai, meyea nda rambung-rambung phenate erembene eseyembombe wali nophengephokhe romau phene. 30 Reyea mare wamale, morona mena yo esowenggonde u enjembonde. 31 Phuma yakhu a yakhu u embende, nephei phe reai akho feukho u eyeiphoi. 32 Ya hului hu jokho hului, ro miyea mbai feng iseyeiphoi, nemkhai na yephei phuphei yo nemkhai iseyeiphoi, nakhelu mbai iseyeiphoi, Allah nembai naesai. 33 Khaya-khayaye ensephembe naei mende yae maye isaiyeiphoi. 34 Nda rambung, ro miyea mbai niphire ele makhai neai imea ophe nukheugokhe. Onehenggo, naphuyo ayo imena yore ikeumi, neasnese nakhalia phelemo. Naromau khayare hephele khiyere weumi khaya mo hephembe. 35 Nepheinye, khaya hephembe neai imea ophero mende hanei meyea isiang, huwea rai jea mende, riniai noloyea mende, ojo khonate heai jea mende, narene kaukau jea mende, 36 Nephei makai mbai rai pherehonde merele ya meyea jonggune honombe. 37 Rahe a yea mare wamale, nephei a mbai romiyere nemene wamale khaya hephembe.
1 Ya phe phele, ya khabang paskah, ya khabang hi feu ragi phang kiyea. Yahudi neai paskahre mokhonaiphondere, yungjung phele isei phele hapangphele yo aneharawanyele Yesusre kilenaiphondere, pheneng honaiphonde. 2 Na a elewate neyea, nda rambung wahaleyea mokhomamonde eai ya khabang hanei khomale nda akhu ephei jea eai ro miyea nolone. 3 Yesus betaniane meakhe nekhewole, Simon nauga phau-phau phele kiyere imea ne, ramangre anate anuwauge miyea mbai namene hele mbai phele rokhe meale, nemei hele einya minyak Narwastu fololo khai phele.na minyak yolo-yolo namekai naise henaiphondena naroi phumana nda miyea nahele khayekhokhe mo naminyak Yesusre yungne hophe wonge. 4 Nepheinya romiyea, nemnem nekhewate nakhena phekho phikeng yaiphokhemo na elaikhokhe niyea rahene nephei minyak nemene hele phenghokhe. 5 Rahene pang, nephei minyak roise henaiphondena naroi niyea 300 dinar. Ro miyea khouge khalone yore yeumigelonde phe a yaranyele. 6 Yesusyea weumi rahere phekore yea mokaugele? name u foi phe rare mokhogokhefe. 7 Meyea romiyea khouge khalone yo nanembainye nekheyauge, me u foi nahului mokhongmimbe riyea niyea mai phele nanembainye enekheyei. 8 Reai here nanemang eyeiphoimoi, naphere hele nda miyea reai uganemene minyakyea hophekhokeufe, neai ugara huphauge nahului kiyea phe mokhogokhe. 9 Reyea nahele kiyea phe mare wamale, reai akho feukho nda khani kelane huwemiyembe, nepheima mbai nda miyea name u mokhogokhe hului, meyea rare kholonsembe. 10 Yesus na moisa orowate yo, na ro mbai naro niyea Yudas iskariot. Yung jung yo phokhore ewole Yesus na u gare inyengmindere. 11 Nephei a phele porai phokhe phele phe, Yudasre nakhena hele khowainyele, na a uganyele niyea roi jea inyainyedere. Yudas nepheiphele khelai mokhowole Yesus inyeminderemo. 12 Na pheme yae feu ragi phang khiye domba khelu paskahre, namoisa orowate yo a hinewainyele makheise yea meyea emale paskah neai ramang mokhokoise? 13 Yesus na moisa orowate yo na ro phere a weumi, ndi yore ephe mo rombai namene hele mbai phuphele keugokhe mele, mare a ungepemo na moisa ephe. 14 Makhei imeare ende, neai imea ophe romiyere a wengnepe rowa yea elele, makhei yowa phangande rangele ramoisa orowate yo phele paska ramangre anemakhondere. 15 Nepheisamo.mare anuwau khapang mbai, na foi moi sele mokainyephokhe khelenaiphophe.ne phei niyea eai imea paskah ramanagre anemakhondere. 16 Namoisa orowate yo nemhei yore ekhate, Yesus na re elekhoke mekai jea eraiphoke. Nahiphi nephei anuwau mokhonyehakhe paskahre. 17 Phe phahegokhe mo Yesus yea namoisa orowate yo phele nanembainye nekhewate ramangne anewate. 18 Yesus yea wengmi, riyea nahele kiyea phe mare ufembere mai orauge nolora na ro mbai, rai phele ramang nanembainye manaya anende, rare pheko mokonsombonde. 19 Naisnese khena pheko phete, hiyea hire hineuge, hiye hire hineuge, na elate riyea phang ma riyea phang ma. 20 Yesusyea wengmi nephei ro ramoisa orauge yo, na rombai mana ya feu nanembainye anakhonde phuese nanembainye anahinde. 21 Rahene phang ro miyea fa ndara ende, na a kho feukho humo fene molo khoke. Nephei phe ro miyea nare phekore, mokougokhe kiyea naphekho hele huphang nihinde.na foisele nda romiyea nda khanine ohonoijea. 22 Ramangne augatemo, Yesus feu rokhe hambaya molougokhe reuge-reuge molaiphokhe, na weumi yarongo nda reai meleng niye. 23 Aggur faere phele rokhe helem foi a ukheuge na ro miyeare ikeumi nemene anggur anaisikhe. 24 Nepheisa mo, Yesus na a weumi nda reai ha niyea ha a phele kiyea ro miyea helengde isemindere. 25 Riyea nahele kiyea phe mare wamale riyea anggur phu aneisiymo nekherefonde, erele meakhore imea ophenemo anggur emhe anerihinde. 26 Allahre phuma kholayekhokhemo, Zaitun mokhore igate. 27 Nepheisa, Yesusyea wengmi mayea nemene rare nukhengsophombe, a hupha ne molo khokhe hului."Riyea phulo fela menende, gembala neai domba-dimba here ware phonate (Zak 13:7) 28 Riyea herera arunungde haneai, Galilia yore Riye naphere erele, 29 nephei phe Petrus yea weuge ndana ro miyea nemene nukhenaikote, riyea niyea ware enukheiphoi. 30 Yesus petrusre weuge, riyea nahele phe mare wamale ojo mukhu rokho phe nda huwea okhokoimo weyea rare rokho name amame phefokhonde. 31 Petrus na elamo hephewole, na weuge here weiphele nanembainye ajembonde horo, reyea ware amame ephekhoi. Nepheinya yo nane ambai mo ugainyele. 32 Nepheisamo, Getsemanire ekhate.na moisa orowate yore weumi, ndane mo nekhembe reyea hambayare isemokhorphondere. 33 Petrus, Yakobus, Yohanis Yesusre nanembainye igate nekhewate yo nafehele khowate. 34 Yesusyea weumi reai uga rimehele rimale, reai uga huphanale herelere meakhai ndanemo nekhembea khaya hephembe. 35 Yesus phifere ahaukheyea ekhemo, oro sleng-sleng hephe kokhe khanirangne hambayane molole.na elele niyea nahuluinye nda rambung reai ugara u phenende. 36 Na a weuge "Abba" Arai rahe rambung phe waugare nahinging pham.nda anggur feare rea ugara rowei. Nephei phe reai khena yea nahului phang, wei khenare khoyea mekaijea enjembonde. 37 Yesus na moisa orowate yo phokhore meakhe, nemene jonggune honowate. Petrusre a weuge" Simon rahene jonggunemo honauge? khaya hu jokho mbai fere nahului bhang ehepheikoi? 38 Khaya ensephembe hambaya engmokombe mauga phekore epheijea. onehengo are hakhomiphonde, nephei phe eai ugameleng leaphang. 39 Nephei mekhai mbai, Yesus nembai jea hambayane ekhemolowole. 40 Yesus rokho phenengre phefokhe meakhe, namoisa orowte yo nemene jonggunemo honate na jokho hekhai sele yeiphokhe, neyea isiang rahe ayea unganyendere. 41 Pheneng Yesus rokho name kiyere phefokhe meakhe, a ugoumi miyea namang jonggune mo honauge? neai jea ninea mekhe. jokho erembe ro miyea fa, phekore mokhate yo mere kinyenaiphonde. 42 Angnumbemo jokho eremamindere reai ugare inyeminde re yo nophainyephoke. 43 Nephei sea, Yesus ane elele, Yudas narohi neai homone orowate mehining mbai mehining phe, mekate romiyea helem namene fele, menda, ukaimile meakhate ondofolo-ondofolo yea, isei hapham ,rorele-rorele Yahudi yo na. 44 Neyea rare kinyenyesephondere kiye iseai ikeumi, nephei romiyea yoi hinerengonde kiye niyea. ekilembombe yawengnohombe embe nepheisa mo. 45 Yudas meakhe Yesusre phokore a weugele Rowa? nehiphi yoi hineugokhokhe Yesusre. 46 Nephei jo mekhate Yesusre ikelainyephokhe. 47 Nephei nolora ro mbai angukhe, na yolura na rame raweugokhe na rohire na eanggai bhe reneugokhe. 48 Yesus yea weumi, meyea erafele? Riyea phekhore mokhale khiyea nea menda fela yea reai kileipose mauge mai uphere riyea nda phekore mokhale yo nanehului? 49 Nayane phaeinye riyea mai phele nembainyemo naei imea ophene, neai imea ophene mbainye mo mayea rare ikileiphoimo, nephei rambung meyea isainyaiphonde nanemakhai neai akho feukhone nemene molaikhoke 50 Nepheisa nephei anuwau nemene nukhaikhoke. 51 Hokholo fa mbai kheng Yesusre hakhongophokhe namelang yea. 52 tetapi ia meninggalkan kain lenan itu dan melarikan diri dengan telanjang. 53 Nepheisa, Yesus yawanyeyokhe pheyung phehaphare nekhate yo phokore ewate. 54 Petrus, Yesusre hakhogophokhe nauga a hauga, imam khapangre ophere eise namoisamo.nea khayare hepate yore mbainye anggeng nekhewate nauga nauge-naugene. 55 Nephei pheyung phehapare nekhate yo hinanyele, Yesusre honaiphondere, nephei phe phekho mbai na una wana u. 56 Nda, romiyea heleng mekhate neainya elate yea ya mbai nahale u, neai a feu elate nenaima. 57 Nephei nolora ro neng-neng anyukhate ane hawate Yesusre ane hayanyele, 58 Miyea phorande nenai elele," riyea Allah neai imea ophe nda meyea Khalarembombe ya name mo nephei imeh ophe arungnunde, nephei imea meyea emokoiphoi. 59 Nephei phe nane afeu elate hine-hine neneai-nineamo. 60 Nepheisa, yungre nekhele ro miyea nolora angukhe Yesusre hineugele, weyea ayakhayea elekho nda romiyea? 61 Nephei phe yesus a phang mo, a mbai elekoimo. Yung nde nekhele yea hineugele Yesusre, weyea nahele mesias? Allah neai khelu? 62 Nephei phe Yesusye weuge, Riyea nda niyea, meyea erengnephodere reai khelu fa, nea kho meuge mene'na u na wana heteungekhokhe neai mende manggo randa. 63 Neyea, na malo khenenggonde, nda yung ya hineu ngele," Rahene phenem helem hineyande? 64 Mayea phoro yauge na elele, mana nenda mayea? Nepheijo nanemene elate honaiphondere. 65 Hiwa yoye eiki hesere yea hanyele naphera yoisa, menungga yea phate, aa wanyele mokhoipone!" khayare hepate yo rokhate phate. 66 Petrus yung khabang re imea moinye namang hephele, nephei nolora miyea mbai meakhe. 67 Petrusre erewongele na weuge," weyea nahi Yesusre mosa orowagea? Nasaret ro miyea," 68 Nephei phe, Petrus amame waphekokhe,"Riyea resaipham, oneale rahephe eleyea," Petrus romau phere ele, ojo ro a khole. 69 Nda miyea Phenem petrusre ereugele romiyere weumile, nda ro niyea homoyaufa orowate nahi niyea. 70 Nhephei phe, nea pheneng amame phekokhe.na hiki phang mo ro miyea nepheinye hepate yoye Petrus re hinanyele! Weyea nda nahi, neai homora orowauge? Weyea Galilia ro miyea. 71 Nepheisa, neyea olomo yea naruluyea naure elele riyea nephei romiyea elauge raseiphang. 72 Nephei haneisa ojo rokho phe khokokhe Petrus u phene nekhenghikhe Yesus na a ukheuge, nanemang ojo rokho phe okhokoimo, weyea rare amame rokho name phefokonde," Petrus mehi hakho folole na rime a khole.
1 Na rene hesele Imam-imam yungjung, rolere-rolere bhele bhe yung-bhehaba bele a kholo wainyele, sanhendrian nemene Yesusre rinainyokhoke, yawai nyohoke ekhate Pilatus re ikainyele. 2 Pilatus yea hiniung e “nakale wiyea Yahudi neai Ondofolo?” Yesus yea weunge “wineai jea ukarea”. 3 Nebeisa Imam-imam yung-jung Yesus re ahunainyele. 4 Bheneng Pilatus yea hineung “nahale wiyea a elei nekelere? Erei indi ro miyea helem ware ahunayete, 5 Nebeibhe Yesus a eleimo nekewole bhenende Pialtus fanggengge yea khowole. 6 Paskah yakhabang ya, Pilatus re riyesyainyele kawara rombai raweibyainyele eituwele. 7 Nebei khawa einyaro mbai naro Barabas nebei yone horai-horoise horowate yo bhele, ro miyea re howate yo bhele mbainye nekewate khawa einye. 8 Nebei ro-miyea mekhate Pilatusre riyainyele neai imokhowole makai jea mokombondere. 9 Pilatus yea hineumi “mayea khenariyea Yahudi neai Ondofolo hayerenggonde?” 10 Rahene bhang neyea neaseihele, Imam yungjung yo khena hengsengne Yesus Pilatusle mere kinyeai bhoke. 11 Bhenende Imam-imam yungjung no miyea helengre a huwaimikoke Pilatusre riyeainyele Barabas kawara rawengnobonde. 12 Bheneng Pilatus yea weumi, “nebei riyea rabehe mayea Yahudi Ondofoloyea waungele kayere mokorombandere?” 13 “o haline bhongnoko” nda romiyea yea kheanate. 14 Bheneng Pilatus yea hineumi “Rahene? Rahe bhekobe neyae mokou gokhe?” Nebeibe neyea bheneng a leakeisele elate, khali keanate “ohaline bongnoko!” 15 Romiyea heleng neai khena hole re molombondere, Pilatus, Barabasre hayeungekhoke, Yesus re rauhe baikokate hului yawainyohoke ohali ne inaibhongondere. 16 Felayo Yesus re yawainyohoke Gubernurle wakundang imeare mekate, 17 Malo ungu yea hirainyokhoke, makota Isabele mbai haikokhate nayungne hirainyokhoke. 18 Bhenende wainyele, “foi Yahudi neai ondofolo” 19 Nayung holomba yea ukate, eugaki yea howainyele, 20 Yesus re abhekho-bhekho ugainyele hale mekate na malo ungu na ugara keainyobhoke neai malo yea hirainyokhoke. Yesus re yawainyo hokhe ohali ne enaibhonggondere. 21 Ro miyea re ahiyea elate yore yobhowate leahale yea bewate-o hali re kheaneai bondere. Kirene na ro simon re nai yora mewole, Alexannderle Refus le neakho ukainyele ohalire kheam bondere. 22 Yesus re yawainyohoke anuwau mbai naro Golgotaa, “(Bho re honate anuwau)” 23 Anggur bhu mur bhale aleaimyiobhoke ikai nyelebhe neyea ahiyea elewole 24 Bhenende, nare ohaline bhaikoke, na malo khayeaikhoke, waheikoke unde hekelenainaikonde, na malo rahe refeibhe rouke 25 Nebei haki hu joko name Yesus re o haline bhaikoke. 26 Na ohali rangne nare ahunewainyele ro yea molaikokhe “Yahudi neai ndofolo” 27 Yokhore bheaikokhe ro bhe neaima Yesus naa refine-refina bhaikokhe, hi yea meline, hiyea meugene 28 Na homo fea ne neai maakhaijea molokhoke, “neyea, ame-yakhalire bhenayende yo nolone me enaibeande.” 29 Ro miyea nebei refira ewate yo a bheko-bheko ugainyele, fangge-ngge yeakhowainyele, a ugainyele, “wiyea Allah le imea khallaibonde, ya name yea aungunundere eleyea, 30 Wa uga mokoibonde, ohalira oiakhoibonde !” 31 Imam yung-jung yobhele iseai habham bhele yobhele Yesus re khowainyele na a nda mayea uganyele “hiwa yore hole moloumi bhoke bhe neai ugare hole omoloboi sului 32 Kharo Mesias, ondofolo Israel neai, nda haneijea ohalira oiakhoibo meyea jokhore erande yo nahaleyea elemakonde. “neaibele ohali nanembainye hebate yo bhele yea Yesus re ugainyele. 33 Hu jokho mehiningmbai huluimo nebei khani nekhate nemene ougeng-faugeng yeuhokhe-ikhe hujhokho me hining kheline. 34 Hu jokho okhe mehining keline Yesus ele kheanele neakhore weung “Eloi, Eloi, lama sabkhtani”, “Arai-arai rare enukhei jea?” 35 Nebeia kheanewole bhovowate ne elate, egmbo? Elia re kheaneunge ya”. 36 Yorombai hakaugokhe mo holomba ne ayengehake Yesus re ikeung anensindere, na a ndamayea elate “eremang, elia nahele mende roweng nende a ne ongne hambonde”. 37 Bheneng Yesus khali kheanewole, na no hubha okhoikoi no yobougokhe. 38 Nebhei hu jokho mbai Allah le mua reu bhe molokoke na bhumara okhe a nee, 39 Nane fela yung nebeinye hebhewole erewole Yesus na no hubha mokongngekhoke, neyea elele “nahele ya neyea Allah le khelu”. 40 Nebeinye miyea-miyea riya mbai na ahaufa erewate, nebei nolona Maria Magdalena le Maria Yakobus nenakhele, Yoses yea, salome yea hebewate. 41 Yesus na wali nekewole haleinye Galilea anuwaunge mba miyea-miyea nare mokho wainyele, nebeinya miyea-miyea heleng hele hakainyokhoke Yerusalemre nukhate. 42 Huwea yeugokhe hului, uga molaibhoke, neai jare enatere. 43 Yusuf Arimatea na ro mekhe, Allah le imea obhene mokhate yo nare bheyea hiruyainyele, neai makha neyea Allah le hubha yo monjobhe rakheyele, bhe lea mokougokhe ekhe Pilatus e bhokore na uga riyesiise. 44 Pilatus khulu-khulu yeugokhe Yesus herekhe a bhorougo khene. Nebeinya fele yung ne kheaneunge khoke hineunge “nahele Yesus herekhe?” 45 Pilatus nebei fela yung lera iseayeugokhene, nebey here Yusuf re ikeunge. 46 Yusuf kain inen roijea yaroukokhe, nebei here a ne okhate raisikhe hului nebei kain linen ne ruleai sikhe mo ekhate abhulune raisike. Nebhei a bhulu nahibhi aheaikhokhe 47 Maria Magdalenale, Maria Yoses nenakhele erekhate Yesus na herere raisike anuwai.
1 Sabat ya mbai e wewfikhe, Maria Magdalena, Maria nenakhe Yakobus, salome, neya rempah-rempah yara i khokhe ewate Yesusre ekhai nobhewainye. 2 Minggu imbhai, narene hele, hu nae wkhobhe yele, neya rane mekhate awmaranre. 3 Neya a hiya hire weunge, nde ya rukha oleng khokhe okhe auma romaunge. 4 Nebheisa, na jokho erate rukha khabung oleh yole. 5 Nebhei auma yeise, neya erate ro hokholo fa jubah khelew mong nuwewgokhe nekle mghe mreukhokhe angen meuge me ne nuwew gokhe, neya khulu-klulu yaei bhokhe. 6 Nebheisa, nial a wewmi, khulu-khulu ebheija, maeya enne renggo Yesus Nazaret ro salib ne bhai khokhe. Ne ya aungekhe. Neya ndana lo, jokho erem makheinye nekhainyele. 7 Nebheisa, murid-murid re wewmi eme Petrus bhere Galilea n fole. Nendi ne, mayae nare hubha yengobhe, nebheisa neya mare a ungembhe. 8 Nebheisa, neya aibhalekhe hauga hakna i khokhe aumaran neya khulu-khulu khowate, bhuhae hokhou mi bhokhe, neya a ndere-ndere ewei, neyae fe khate. Rabhi hi-rabhi hi omokhoi ghoi Petrus na homona ewate yore a few na fo-fo yae weumi le. Nebheisa Yesus nenai a nebhei jore wewmi meya yembe ralira ghenen waise ombhe, neya a foi ghe wewmi, wali henare, ghekho nae gham. 9 Nebheisa nda mong ya mbai mo Yesus na rene hele aungukhe, neyaya mbai-mo yakha wowmi Maria Magdalena neya Yesus hukhew ngihikhe nawga na me hining bhe Roh Jahat aibha lekhe, 10 Nebheisa mo, niya ekhe Yesus re nanembainye nekhate yore a wewmi, neya khena bhekhone khate rimate. 11 Nebheisa neya bhorate Yesus walewbhoke erekhanyale, neya amame yae elate. 12 Nebheisa Yesus nawga mehi ya yewbhoke mekhe ro bhere yakhawmi bhokhe. Nda he yo mbai se fate. 13 Nebheisa, neya bhukhai bhokhe a isaei hiwa yore u gowmi neya amame ya elate. 14 Nebheisa mo sebelas murid Angeng rai bhokhe rawang ne anate, neya nauga yakhawmi bokhe a wainyele. Maeya ware amame elande, kena u lae hebhande. Rahene bham ro ware ro miae heleng amame yae elate, ware erekhayete aumaranda angukhe. 15 Niea a nebhei yore wewmi, “eme raei akho fauko, nda khani khabham khela khabham naei ma huwem miyende. 16 Noleya rare nahele elewkhokhe, bhu ran ninimbhe ro wende, nebheibhe nde nakhena wa wa khole anuwaw bhekore ende. 17 Nda mahi-mahi yakhate, meya hakhon nokhombe nare nahele ya elenggombe: naei ro yae roh-roh ghekho hukhen nihinde; meya a afaeu eme ghe emelemghe. 18 Ne ya naei meya rami kilaeighokhe; neya bhu ghekho anaisikhe nauga na ghekho heraighokhe, ndi rambung maugare ghekhomo; meya mame era yo gulo yo rane emikholomghe, ro miea onomi enajorande. 19 Nebheisa, Tuhan Yesus nare a wewmi, neya surga re nakheukhokhe yele yende ALLAH re meugemene nuwembhonde. 20 Nebheisa, neya ewate naei Akhofawkho makheinye-makheinye huwemmiyembhe, Tuhan na khalia nanembhainye FIRMAN re royae me herawembhombhe mare ei hawenemfombhe.
1 Rasul Paulus mekhe Yesus kristus eisa Allah maei khena khole. Efesus nairo miae yolo – yolo ya; ro miea nahila ragho yesus kristus re yae. 2 Rei mai onomi mare wamale Allah Neai akho mekhe nakhelu Tuhan yesus kristus einye. 3 Rei mai Allah naekho rena mekhe nakhelu yesus kristus re einye, mekhe aere khukhui maemae kristus re einye. 4 Rahene gham, nea mekhe kristus re eisa aere kheluwmikhokhe na foi ja mo nekhemale, ghekho naei ghene eigheja. 5 eya me herauma ghonde fa-fa yauma mighonnde rei maei nolone kristus yesus nemgai niea. 6 Neya name u mokhokhokhe ina ro ghuma, na khena ghu hae heisei khaghang hele, mekhe nakhelu nendong yae ikewmi. 7 Naei einye , alere naci haya khuyeu mi khokhe khena phuhae hewmikhokhe. 8 Allah Yae aere ikhewmi ughene waghene foi. 9 Neya a wewmi eya name u nung khelai omokhoija naei u ghene foise neya hului kristus einye. 10 Nebheisa ewate mo khena foi ikewmi kena mbai umbai kristus re einye, surge na ikae nekheya a yakhu na nekheya. 11 Kristus re einye, eya warisan anuwaw ghele imaghonde, me herawaighokhe naei ndare mokai. 12 Meya nabhemene aei hila rabhao kristus re mo na ro ghuma kholomande ei molomande. 13 Nae enye, meya naei akho faeukho ghorau gokhe, Roh kudus me herawae wgokhe neya wali nighi, nahele. 14 Roh kudus aei hakhoiro, mekhe na ha yae khuyewmikhokhe Allah re romiyea re yaen deghoke. 15 Nahele, reyae bhorale ro miyea na khena ghuhae nahila ragho Tuhan yesus einye mo. 16 Reya na yane bhali ebheli khali helem foi weyanale. 17 Reya Allah re ebheli bhanale maere roh ubhene. Wa kristus re einye. 18 Reya ebheli ghanele makhena u mahila ragho nanemene nail einye mo, helem gholeng nail einye, ro mica rei mai e makhonde. 19 Neai nya laa wakhe hila rabho aere hului ei taisi. 20 Elawakhe neya khelewmighokhe kristus here khera angukhe surge wiike mewge mene nuwewghokhe. 21 Na heki khokho nanemene isai yaei ghokhe, nail einye lae wakhe, ughene waghene , nali ro bhumana ikhe honole, nda here mo ghang, ghena ya nekhe male a. 22 Mekhale nanemene wo ro wene raufikhale nda jemat waei yundane en sonende. 23 Nda waline makheinya-makheinya nanemene naei bhonde.
1 Bhere, eyea heranbokhe aei meu bekhone. 2 Makhei hu meyea alangkokhe dimiare, walobho alubhoye, roh bekhobe fa-fa neainye ewefikhe khaliya mokhole. 3 Neai nolonayo, eyea nanemene bhere eai wali kheuw bhuli range khenare khande upehere nekhaimile nebhei hului jea molehowande. Eyea naisele fa-fa bek-bekho, romiyea hiwa yo bhele eyea nanembai jea. 4 Nebeibe, Allah na khena buhea heisei are ha lehabang hele. 5 A bekho nebhang einye heranbhokhe, neyea mekhe waleumibokhe Kristusle nabhembhan. neai khena buheaneare wali hena ikeumi. 6 Are waleumibokhe neai bhele mambhembhane bheneng anggeng nambhembhane neai bhele rendeng yolo-yolo yone Yesus Kristus einye. 7 Bheneng bhena yane, neyea mende na khena buhea heisei khabang hele hului etaisiihangga hafoi are Yesus Kristus le einye. 8 Neai rey-mayora, are onomi ikeumi eai hila-rabho eisa, hebhei weaisa bhang, nebhei karunia Allahlera. 9 Nebhei weai roibhuna bhang, nebheinye romiyea neai ughare ukheai kheaijea. 10 Eyea Allah yea mokhoumibhoke, Yesus Kristus einye heai khaliya foise Allah mokhouhakhe eyea nebheinye wali nekhemale. 11 Nebheinye, uphene hayembe meyea bhere honokokhaiyembe, “Romiyea sunat bhang yo”, neai ughare romiyea “sunat bhele yore” waimi, sunat ughare mokhhaimile heai me yea. 12 Uphene heyembe ma wali Kristus naggele bhang hei, kayeu bokhage romiyea Allah le einye nekhate yo bhele. Yohi romiyea makhai eai ha perjanjian yea mokhomibhoke, eai hila-rabho u Allah le hang na. 13 Nebheibe, nda hei, Yesus Kristusle einye, meyea bhere ahau hele hebe yaweisokayembe mekhauge Kristus na ha yea khuyeimiko. 14 Nebeisa, nau onomi fokha eyea mokhangneboke bee re yeugoke nebeisa mbaise yeugokhe nebeisa here weare yeibhoke. 15 Bheko ugha meleng einya kelerokhe musale walo einye a weumi me heraubhoke nebeinye neai ugha einye nda bee mbaise romiyea nemere yeibokhete na wali foise yeibokete. 16 Nda foi bee re yeugokhe Allahle u mbai nyeyeugokhe ohali ne bekho nibi u yeugokhe. 17 Neyea mekhe onomi rey-may a bhe wembe meyea ahaunga yo, onomirey-may ro meyea nobhena yore. 18 Rahenebang, naisare, eyea bee nibhi rowale arailere ale roh mbai einye. 19 Nebeinye meyea ahaunga yo nda nare mekhauge bhang, nebei bhe eyea nane romiyea mbai romiyea uphene foi waphene foi Allah le akha-bhake. 20 Anyunukhe na henggeleng rafikhe rasulre, habire, Yesus Kristusre ro yea henggelengre rafikhe. 21 Kristusle einye, amahunde khena mbay-u mbay nanebembane inyethe Tuhanle else molomande anuwau. 22 Neai einye meyea, anghunumphe nanembainye nebhei anuwau anggengre nekhemale Allahre neai roh einye.
1 Rabuhine a hunebokhe, reya, paulus, khawane hephela Yesus Kristus khenane, romiyea phekhore mokhate yore. 2 Nahele muyae phoroukhauge yo rakhalia mokho wallu romiyae re ugamale Allah nakuasa rara ikefa nepheimo, 3 Nephei num khelai, rare ukhai sela nane mame reyae moloukhokha le, 4 Nela khongomphe he, meyae isaie phoi Yesus Kristus anau na wana. 5 Nephei ewei da nena romiyea, nephe ndahe para Kudus Roh Kudus. 6 Nephei khelei mi nemene nakho faukho romiyae pheko nemena mo nai mokonde, ya ne, nane phebamne romiyae da bai, anuau emayaro de Yesus Kristus mende yane. 7 Reyae nayo phuyore (Injil) hufemiyena de karunia anugrah Allah, rare ikhefe nai hului nai kuasa eisa. 8 Reyea romio pekho da romuae foi nolone, nae a ukheu fere he femi yae dere romiyae isayei phoi yore u yei phoi, 9 Nahe he rom male emale romiyaere ungmami de isian nolora numeiahe kho khe ralo ya kama nyae mei Allah phuma yakhu re mokhou phokhe 10 Nephei sa, jemat el ung mamile Allah narelen ausai mana wamale weyae raphunire de yona wanua surgawi. 11 Nenda ele makhonde hononende nephei phe ele male naei ei ye Yesus Kristus, Tuhan. 12 Nai eine, eyae nahulu nephei eisa Allah re phokhore nahele wahi larapho Kristus re. 13 Nepheisa, reyae riyaewale ware kenaphe kho okhoja erei wakhenaa phekno preya huwa manale wai khenane khenaphekho phuma khaphande. 14 Nebei ugawale orosele sele rorokho khale arai phokho ne, 15 naiyea, mai akha phakhe di surga phuna khani na rowende mai ro. 16 Reyae hambayae mokho remphe makhe nare khauge mayae helem phole nai eisa, el molonembe, neyae khena hele mare memphere la wakhe eiyei wawaline, nai kuasa Rohnya. 17 Nebeisa Kristus khena khole mai phele nekhembe makhenaeine wa huarapho waune khamphu bhele nakhe na phuha einye, 18 Nepehei sa meyae nanembai yae namene romiyae kudus nephesa, sai nate. 19 Khakhau, khokho, hikhi, waugau hele Kristus nakhe naphu na phuha maure ware hikhanen pharanemphe nahibi maune nemen fomene Allah yae. 20 Neyae, nahulu mokhonai phonde helenkha wakhau nemene neyae riande uphenere hanyae de, nai kuasa khali eiyae. 21 Nauga phumakha phan phele jemat eine Yesus Kristus nemebe foma ne naphena foke honole rahiphi hiphi hono nende. Amin.
1 Reyea neai khenane khawane hesekhokhe, meyea mawali harannepondhe neyea khaneu khokombe roukhage. 2 Makhena u ane ranni himbe nime haphaya, ikhele pham hambamphe wali yoyo mama, 3 Ela embembe wali Roh enye yo-yo ma-ma. 4 Meyea nane mbai Roh enye, nephei ganengma mare khaneu khokmbe. 5 Maei Tuhan mbai, maei hila rapho mbai, phu mbainye. 6 Meai Allah mbai, nanemene maei akho hena nephei nanemene, nephel einya nanemena. 7 Nephei phe, eyea nemene waheumikhoke neai una wana. 8 Nepheinye, weumi, “neyea anuwau na phuma kiyare endhe, romiyea khawane hepate yo ekilembonde, nuaw yem mile”. Mazmur 68:19. 9 Neyea a ukhemile, neaye ewole neyea phem ana onde de nda kani klane? 10 Neyea ongokhe nda khine. Neyea okhe nephei waneng ma ende nda yakhu ahunembon de. 11 Neyea I ukheumi, neai khalia yore, 12 Nepheima isaise khelaimiyo, ro miyea ei haugaimile na khaliyare mokha te neai uya Kristus, 13 Eyea nemene hupha heinye neal khena, uphene waphene mbai ja nekhe nate, romiyea meli mekhai isayei phoi phole mayea, 14 Nephei ganeng ma, hila rapho khusekhoi-mahelehoi pham aluya ya-ya romiyea neai isei, ame yakhali phele. 15 Phemansonde, isey he phem nene we-we, khetenate faunga te na hira- hira nare, neyae Kristus ai pheyung. 16 Neai ura wara nda uga ahu neai khokhe nafoi moy rineal khokhe mbainye hine-hine pho ranna. Neeunye-neainye mokhonate nda ugafoy nekhende yo-yo ma-ma. 17 Nepheinye, reyea nelaya wamale Tuhan de elsa, ma umekhai wamekhai harannephombe romiyea wali neai enye waneng mea, neai uphene nahere elekhoi. 18 Na uphena ougeng Allah re phera ahau phuhau na una wana iseai pham hephani bang na khena u elakhei. 19 Na uphene waphani hum neyea na uwa unulu neai se khabang haranye phoke. 20 Nephei ganeng ya meyea Yesus re isayei phoy. 21 Meyea masei isayeugokhe nare, neai enye kheleyem be, nenda maya wali neai nahele Yesus re inye, 22 Hayenggo mauwa phena, meyea ma wali phene ma nekhe wauge, ma u wa pheko phakho hele nda unulu ya waphe wombhe. 23 Phemno ho ma uphene. 24 Khetenne phombe mael wali emmeya, Allah neai une wane hamewole wongowole yoloyoloya nemene. 25 Nephei waneng ne, hayenggo maei ame yakhali, mem meyea are faufe elauge nda romiyea khelaumi meyea mbainye nda uga yembombe. 26 Ikele lehombe pheko phe emokhoija. Wa ikhele ham khene une eherauja hu onakhombonde. 27 Phulo walophore mongeyeja. 28 Romiyea yokhore phayate, yokho epheja. Na foi sele neyea khali phe ela wakhe rowende mokhonde neai meyea aele wakhe na ro miyea re wahenmile. 29 Mong eye ija aohekho meai euga elsa, nephei afol fefoi phe angunumbe ro miyea khenare, maei a fau romiyeare ele wakhe phe yemmiyembe. 30 Roh kudus re pheko emelehoi ja, nei elsa eyea ror phay mikhokhe, neai ja mendene. 31 Hayenggo nemene maei fahe, khena, ikhele, phekho, aphekho, nemene maei phekho, felandeyea maei ura wara. 32 Ma ume khai harannephonbe, ma khena u nihen nihimbe, khena phuhea hesei hire-hire, nephei ma Allah neai esaa Kristus ya fanyem mikhonde.
1 Nephei phe, Allah nai u mekhai wamakhai elele mekhai jae nekhe male ne, eyea Allah nai fa-fa ya elenggonde. 2 Wali khena foi ufoi enye nekhembe ne, Kristus are khenaphuhea heminde na uga yea onggou kholo-kholoise Allah phere ende. 3 Nephei phe, mauga pekho nehan, nikhi rambung romiyea foi se mokhate yore nolore nahinggimbang enekhei. 4 Maugare apekho feo pekho, a khobu-khobu, waphei a nahinggimphan kiyea eleijae. Helemfoi a phe wanga ra elewende. 5 Rahene phang, meyea isaiphomphe romiyea yokho kaimea, wali yoloyolo pham, wali hahae, walopho re phuma kanyele yo Allah re Kristus re anuaw naphe phan. 6 Romiye mare a bankha-bangkha ya waphejae rahene phan nephei umakhai ma Allah na pekha nephan na fafa re inyem minde. 7 Nephe mane meyea naiphele. 8 Khahili okhojae pere meyea onggeng noloro mawali mewagene manaya Tuhan nde fafa re yangokhe wali ahe-he nolone Nekhembe. 9 Tuhan nai khena re khole kiyea phe mokhomale nephei niyea: foi mokho male, a nahele kiyea emale. 10 Nephei nemene ohakha ahehe no niyea. 11 Me u ppekho ogeng nolona mekhai mokhoi jae nephei ohakha ani heleng re ekhoi. Nephei phe umalang jae yemphomphe nebei rambungrambung ra. 12 Rahene phan, nephei rambung-rambung maleu-maleu yae ronate feng, fhe nekai sele. 13 Nephei phe, nemene malang yea a hehe re mokho gokhe nemane nayakha hayakha inyaiphonde. 14 Nemene nahele ne a hehe re enjembonde. Nephenye na a elekhokhe niyea: Junggu re honoyea kiyea anyu! Here nolora anyu waleipho Kristus na ahe he wauga re mekhe. 15 Nepheinye, ma wali nekhaghe na foi jae hele erembe, romiye khobu ne khate ma okhojae, wali iyai haphan phele yea nekhembe. 16 Wali nda haney nekheyea nafoi jae hele mokhai phonde, rahene phan, nda ya hanei mande pekho hele. 17 Nephenye, khobu ephei jae, na khena re khole kiyea phe isai maphonde. 18 Kheu phele phu anei jae, nephei wa uga re pekho hele, nephei phe Roh Kudus phe waugane mea-mea enjemphonde. 19 Mais naese a elembe, Allah phuma kholonembe khoi bea yea, a kho-khoi jae makenya a khokoi kanate nemene khombe akhokoi mokhombe Tuhan phumare kolongnele, makhena eisa nephei a kholonembe. 20 Helemfoi nahiphi mo kholomande, rahe rambung nemo. Allah nai arai pere, Tuhan Yesus Kristus re ro einge. 21 Are nihifinde ro miyea phere meale, wali Kristus re einye ne. 22 Miyea ro re mekhele mele maya, nephei ma eyea Tuhan de khelere memale. 23 Na molo phe yun bhehaba namiyea re nekenate. Nephei makhei mbai Kristus, phe yun phehabae na ro miyea re nanga nenaijae onomi fakho ro. 24 Nephei mekhai ma, romiyea Kristus me khelere mate, nephei hului mbai miyea ro re mekhele re mate. 25 Ro ne nemene, khena phuha khaban miye re khomimbe, nephei mekhai ma Kristus na romiyea re. 26 Na uga yoiyolore inya phondere ne Firman phu yea khunyaikhonde. 27 Nephei samo, Kristus na jemaat re ei molomo me u pekhore mohkate yo pham, nebeibe yoyo ma nekenate. 28 Nephei mekhai ro ro na miyeare khena phuhae nai uga re khounge mekhai jae mokhonehe nda na miyea re khena phuhae khongnelene nai ugare neakhai khena phuhae khongnele. 29 Rahenephan romiyea na uga renenai khena pekho ekhoi nephei phe na uga re nafoi sele mokhoi yele. Nephei ma mbai Kristus na romiyea re mokhoiyengmi. 30 Rahenephan, eyea naei uga khaban re yandephokhe. 31 Nepheinye, khelu mbai miyea nengowendene nenakhe, nakhore nukhemiphonde, na miyea re mbai seinyei phonde nekenete. 32 A nungne, khaban phe mare wamale walo niphi nekhemale, Kristus jemaat re makhai jae. 33 Nephei me, nasnese na miyea re phuhae hemile nanga re hemile ma, na miyea na molone hiningde khena phuhae hengnele.
1 afa akho nakhe naei ausaei em bhorom bhe Tuhan na khena re khole ma. 2 Akho nakhe re bhuhae hemile hebhei auusaei bhena. 3 Mawali foi nda khani ne wali heki nekhengombhe. 4 Akho naei, ninae amame fafare ewa bheija neya akhu honate. Nakhena khabam khate Tuhan re ausaei bhoronate. 5 Budak-budak, re waimi mayae Tuan ei molomimbhe fe waktu yae khomile makhena u nebhema mbai Kristus re. 6 Nda ro miea na khalia bhekho mokhole, ro miae khena hiyei bhe ranengmi, meya hamba-hamba Kristus ma khalia mokhombe Allah naei khenare ma. 7 Khena u foi ja Tuhan nde hakhomande, manusia re kahkhomand no khongde. 8 Maya isea yembobhe, budak ne yo ro miae merdeka na yo name u foi. Tuhan yae foi emi yende. 9 Tuan-tuan name u hamba-hamba re mokhoi waimele. Mekhate haei nyukhe neya foi isaei yeai bhokhe naei Tuan-tuan neya nanembhainye surga ne nekhate, neya na khena bhuhae nanemene waheiyewmi. 10 Nebheisa Tuhan le einye lae wakhe nekhemale, 11 ALLAH re einye nekhembhe, bulo walobho aei ugare fe ya khonate. 12 Rahebe bham, nda renlanele meleng naei bhang, nebheibe niae hakhoi bhoi naei a fau, e la wakhe, nda khani ne owgeng rorokhokhe, ne lae wakhe roh bekho bhuma yakhu ne. 13 Nebheisa mo, Allah wa akho fawkho wawgane khetengobhonde weya naeima ya nekhe bheko wawgare emei nanemene bhafokhe. 14 Anyu a fae yae hebhele wa yolu ha laekhei ja rinewkhonde, malo zirah foi hireukhonde oro fae hireukhonde mo injil mokhongehande reimai mai. 15 Rei mai ja injil mokhongehande oro fae hireukhonde alongkhonde. 16 Wa hila rabho rowele nda I bhekho bhe matee nanemene khebheukhonde. 17 Yung felei foi rowele, rai miyaeli Roh, nebhei ALLAH le akho faewkho. 18 Roh eisae na yae ne bhaei ware ebheli bhote. Ebheli bhole einye hawewnge khaya hebhele khena are rawngihinde nane mene yolo-yolo ro miae re. 19 Ebhei Tuhan nde bhowngele na raei bhele yae nebheisa Karunia row fele injil hufewmiyende. 20 Injil khenane, ro miae re ukhewmi rare kilashokhokhe. Ebheli ew bhonde reya nahului na kho faew kho hufele. 21 tikhikus, na kha bhakhe se iman Tuhan nde einye, mare wamale rahe mekhai me u mokhombhombhere. 22 Rea nare ukanale, mayae maeinya a na hubha isae yem bhombhe, mayae kena foi yembhombe. 23 Rei mai akha bhakhe se iman. Rei mai, iman akho Allah nemamekhe Tuhan Yesus Kristus re einye. 24 Rei mai ei mare hawenembhe aei Tuhan kena bhuhae mo, Kristus Yesus na khena bhuhae bhekho ei bhei.