¹О Павел, слугас на Исуса Христа, призвано апостолеске, отделиме те проповединел о благовестие таро Дел ²(ковато по нангле Ов обещингясас чрез Пе пророкиенде андо свята Писания) ³за Лескере Чавеске, амаро Дел о Исус Христос, Ковато ки плът бияндило таро Давидово потомство,⁴а ко Духос на святост уло силаса обявиме сар Божие Чаво чрез о възкресение таро муле о Исус Христос, амаро Дел; ⁵чрез Колесте получингям благодат тай апостолство те привединас анди послушност карик и вяра ашал Лескере алавеске манушен саворе народиендар; ⁶машкар коленде тумеда синиен, призвана таро Исус Христос;⁷жи саворенде андо Рим, колато си възлюбена таро Дел, призвана те овен светиес: Благодат тай мири те овен туменца таро Дел, амаро Отеци, тай о Дел Исус Христос.⁸Най-нангле благодавинав мере Девлеске чрез о Исус Христос за туменге саворенге, соскето тумаре вяраке хоратинел пес ко цело светос. ⁹Понеже о Дел, Колеске служинав ме духоса андо благовестие Лескере Чавескоро, си манге свидетели, кай непрестанно споменинав тумен ме молитвенде, ¹⁰молинавман вингаи, дано е Божие воляса благоуспеинав най-после акана те авав туменде.¹¹Соскето копнеинав те дикав тумен, за те предав туменге десави духовно дарба за тумаро утвърждаване, ¹²демек, за те утешинел пес машкар туменде, взаимно туменца, чрез и общо вяра, която си тумари, тай мери.¹³Тай мангав, пралален, те жанен, кай бут дром канинавас ман те авав паш туменде, за те овел ман десаво плоди машкар тумендеда, сарто машкар околе народосте; но жи акана улом възпириме. ¹⁴Иси ман длъжност карик о гърция тай карик о варваря, карик о учена тай неучена; ¹⁵тай чука, кити зависинел мандар, готово синиом те проповединав о благовестие туменгеда, колато синиен андо Рим.¹⁶Соскето нана лажав таро благовестие Христово; понеже си Божия сила спасибнаске саворенге, колато верувинен- първо е юдеиеске, а после е езичникиеске. ¹⁷Соскето анде лесте откринел пес и правда, която си таро Дел чрез и вяра карик и вяра, сарто си пишиме: "О праведно чрез и вяра ка живинел".¹⁸Соскето о Божие гняви откринел пес таро небес против всеконе нечестиесте тай неправда е манушенге, колато икерен и истина анди неправда. ¹⁹Понеже давка, ковато си възможно те жанел пес е Девлеске, ленге си известно, соскето о Дел изявингяс лес ленге.²⁰Понеже таро създание е светоскоро кавка, ковато си невидимо анде Лесте, и вечно сила Лескири тай и Божественост, дикиол ясно, разбираемо чрез о творения; чука че, о мануша ачон без извинение. ²¹Соскето, като пенджарде е Девлес, нана прославинде Лес сар Дел, нито благодаринде Леске; но извратинде пес чрез пере мъдруваниенца, тай ленгоро несмислено сърцес помрачисало.²²Като представиненас пес мъдроненге, он глупеиненас ²³тай и слава е безсмъртноне Девлескири разменинде мамуял о подобие е образиескоро смъртноне манушеске, птиценге, четириногенге тай гадиненге.²⁴Далкеске, според о страстия ленгере сърценге, о Дел прединяс лен на нечистота, за те обезчестинен пес ленгере теловя машкар ленде, ²⁵он, колато заменинде и истина е Девлескири хохаибнаса тай поклонисале тай служинде е творениеске, а ма е Творециеске, Ковато си благословиме жи ко векос. Амин.²⁶Далкеске о Дел прединяс лен лажакере страстиенде, като ленгере ромня изменинде о естествено употребление е телоскоро андо противоестествено. ²⁷Чука о мруша, като мукле о естествено употребление е женсконе полескоро, разтабиле анди страст иек карик авересте, струвинел безобразие мруш мрушеса, тай приеминенас анде песте о заслужиме въздаяние пере нечестиестар.²⁸Тай понеже откажиненас те пенджарен е Девлес, о Дел прединяс лен развратноне гогяке те керен давка, ковато нанай прилично,²⁹изпълнена всекаквоне видиеса неправда, нечестие, лакомство, омраза; перда завистяса, мудариба, раздоря, измамес тай злоба; ³⁰клюкаря, клеветникия, богоненавистникия, нахална, горделива, самохвалция, измислитела канилипнаске, непокорна пе родителенге, ³¹безразсъдна, вероломна, без семейно обич, немилостива;³²колато, жанен и Божие справедливо присъда, кай калка, колато керен салка букя, заслужинен мериба, ма само керен лен, но одобринен колкен, колато керен лен.

¹Далкеске туда синян без извинение, о, човече, ковато да те овес, като съдинес аверен; соскето анде состе съдинес околес, тут осъдинес; понеже ту, ковато съдинес, керес о също. ²А жанас, кай о Божие съдос против калкенде, колато керен салка букя, си според и истина.³Тай ту, човече, ковато съдинес колкен, колато керен салка букя, мислинес ли, кай ка избегнинес о съдос е Девлескоро, като керес туда о също? ⁴Или презиринес Лескири барвали благост, кротост, тай дълготърпение, без те жанес, кай и Божия благост си назначиме те водинел тут карик и покаяние?⁵Но те упорствоса тай те непокаяноне сърцеса трупинес туке гняви за ко диес е гнявиеске, като ка открингиол о праведно съдос таро Дел, ⁶Ковато ка въздел саворенге според ленгере дела: ⁷вечно животос калкенге, колато постоянствоса андо лаче деловя роден слава, почест, тай безсмъртие;⁸а па гняви тай негодувание колкенге, колато си твърдоглава тай нана покоринен пес е истинаке, а покоринен пес е неправдаке; ⁹скръб тай неволя всеконе манушескере душаке, която керел зло, първо е юдеиеске, после е гъркоске,¹⁰а слава, тай почест, тай мири секаске, ковато керел лачипе, първо е юдеиеске, после е гъркоске. ¹¹Понеже о Дел на дикел ко муй. ¹²Соскето калка, колато съгрешинде, без те овел лен закони, би закониескоро ка погининен; тай колато съгрешинде телал о закони, телал закониесте ка овен съдиме.¹³Соскето ма о законослушателя си праведна англал о Дел; но о законоизпълнителя ка овен оправдиме. ¹⁴( Понеже, като о езичникия, колато нанай лен закони, по природа керен давка, ковато изисквинел пес таро закони, то без те овел лен закони, он коркоре си закони песке,¹⁵по давка, кай он покажинен о действие е закониескоро пишиме ленгере сърценде, за колеске свидетелствинел ленгири съвест, а ленгере помислес или осъдинен лен, или оправдинен лен) ¹⁶кавка ка ачол ко диес, като о Дел чрез Исус Христос ка съдинел о тайна дела е манушенгере, според мере благовестиестие.¹⁷Но ако ту наречинес тут юдеи облегнинес тут е закониеске, хвалинес тут е Девлеса, ¹⁸жанес Лескири воля, тай ахалос о по-лачо, понеже сиклос таро закони, ¹⁹ако паш далкесте синян увериме анде туте, кай синян водители е коренге, светлина калкенге, колато си анди тъмнина, ²⁰наставники е простоненге, учители е младенциенге, понеже иси тут андо закони олицетворение е знаниеске тай е истинаке,²¹тогава ту, ковато учинес аверес, учинес ли тут? Ту, ковато проповединес тена чорен, чорес ли? ²²Ту, ковато пенес тена прелюбодействинен, прелюбодействинес ли? Ту, ковато гнусинес тут таро идола, светотатствинес ли?²³Ту, ковато хвалинес тут е закониеса, опозоринес ли е Девлес, като престъпинес о закони? ²⁴Пучав давка, соскето, според сарто си пишиме, ашал туменге хулинел пес е Девлескоро алав машкар о езичникия.²⁵Понеже о обрязване наистина си полезно, ако изпълнинес о закони; но ако синян престъпники е закониескоро, тогава торо обрязване ачол необрязване. ²⁶Тай чука, ако о необрязано пазинел о наредбес е закониескере, нанай ли лескоро необрязване те сменинел пес за обрязване? ²⁷Тай ковка, ковато ачол андо природно състояние необрежиме, но пак изпълнинел о закони, нанай ли те осъдинел тут, ковато иси тут пишиме закони тай обрязване, но синян престъпники е закониескоро?²⁸Соскето нанай юдеи ковка, ковато ки външност си савка, нито си обрязване ковка, ковато си авруно, анди плът; ²⁹но юдеи си кавка, ковато си савка андрал; а обрязване си давка, ковато си ко сърцес, ко духос, а ма ки буква; каскири похвала нанай таро мануша, а таро Дел.

¹Тогава, саво предимство си е юдеиес или сави полза иси таро обрязване? ²Баро, си о предимство андо всеко отношение, но първо, соскето е юдеиенге поверисале о Божествена писания.³Понеже, ако десаве сине би вяракоро, со далкестар? Ленгоро безверие ка унищожинел ли и Божия вярност? ⁴Да не бъде! Но о Дел нека овел признато вернонеске, а всеко мануш хохавно,според сарто си пишиме: " За те оправдинес тут ан те думенде тай те побединес, като съдинес тут".⁵Но ако амари неправда изтъквинел и Божия правда, со иси те пенас? Несправедливо ли си о Дел, като гневинел пес.( Манушканесте хоратинав.) ⁶Да не бъде! Понеже тогава сар ка съдинел о Дел е светос?⁷Обаче, пенес ту, ако мере невярностяса и Божие вярност ачол по-явно, за Лескере славаке, то соске меда, въпреки давка, те овав осъдиме сар грешники? ⁸Тай соске тена керас зло, за те авел лачипе. ?Сарто десаве клеветническя твърдинен, кай аме чука хоратинас.) Салкенге о осъждане си справедливо.⁹Тогава, со следвинел? Иси ли амен десаво предимство упрал о езиникия? Нисар; соскето вече обвинингям юдеиен, тай гърциен, кай он саворе си телал и безех ¹⁰Сарто си пишиме: "Нанай праведно ни иек;¹¹нанай никой разумно, нанай кой родел е Девлес. ¹²Саворе отклонисале, заедно развратисале; нанай кой те керел лачипе, нанай нито иек".¹³" Мимори путердо си ленгоро кърло; пе чибенца ласкаинен". " Аспидово отрова иси телал о вуща ленге". ¹⁴" Ленгере муя си перда клеветаса тай горест".¹⁵Ленгере пире сигярен те проливинен рат; ¹⁶опустошение тай разорение иси ленгере дроменде; ¹⁷тай он нана жанен о дром е мириескоро". ¹⁸" Англал о яка ленге нанай дар таро Дел".¹⁹А жанас, кай со пенел о закони, пенел лес колкенге, колато си телал о закони; за те панлон о муя секаскере, тай цело светос те анел пес телал о съдос е Девлеске. ²⁰Соскето нито иек плът нанай те оправдинел пес англал Лесте чрез деловиенде, изисквиме таро закони, понеже чрез о закони ачол само о пенджариба е безехакоро.²¹А акана независимо таро закони явисали и Божие правда, за колаке свидетелствинен о закони тай о пророкия, ²²демек, и правда таро Дел чрез вяра андо Исус Христос, за саворенге тай на саворенге, колато верувинен; соскето нанай разлика.²³Понеже саворе съгрешинде тай нана заслужинен те прославинен пес таро Дел, ²⁴а Лескере благостиаса оправдинен пес даром чрез о изкупление, ковато си андо Христа Исуса,²⁵Колес о Дел поставингяс за умилостивяване чрез Лескере ратесте посредством вяра. Кавка кер, за те покажинел Пи правда андо опрощаване е безехенге, извършиме по-нангле, като о Дел дълго търпинелас, ²⁶за те покажинел, пенав Пи правда андо настояще време, тай те пенджарел пес, кай Ов си праведно тай кай оправдинел калкес, ковато верувинел андо Исус.²⁷Тай чука, кате ачол и хвалба? Изключиме си. Чрез саво закони ?Чрез о закони е деловиенге ли? Нака, но чрез о закони е вяракоро. ²⁸Тай чука, аме заключавинас, кай мануш оправдинел пес чрез и вяра, би е деловиенгоро е закониескоро.²⁹Или о Дел си Дел само е юдеиенге, а ма е езичникиенге? Ва, е езичникингеда. ³⁰Понеже о също Дел ка оправдинел е обрежименен чрез и вяра тай о необрежиме чрез вяра.³¹Тогава чрез и вяра аравас ли о закони? Да не бъде! Но утвърдинас о закони.

¹Тай чука, со ка пенас, кай амаро отеци о Авраам придобингяс по плът? ²Соскето, ако о Авраам оправдисало деловиенца, иси соса те хвалинел пес, само ма англал о Дел. ³Понеже, со пенел о Писание: " О Авраам повервингяс андо Дел тай давка сменисало леске правдаке."⁴А калкеске, ковато керел дела, лескири награда нана считингиол сар благодеяние, а сар дълги; ⁵а калкеске, ковато на керел дела, а верувинел анде Колкесте, Ковато оправдинел е нечестивонес, лескири вяра сменинел пес леске правдаке.⁶Сарто о Давид хоратинел е блаженствоске е манушескоро, каске о Дел сменинел правда независимо таро дела: ⁷" Блажена колка, каскере беззакония си простиме, каскере безеха си покрита. ⁸Блажено ковка мануш, колес о Дел нанай те сменинел безех".⁹Впрочем, давка блаженство само е обрежименге ли си или е необрежименге? Понеже пенас: " Е Авраамеске и вяра сменисали правдаке". ¹⁰То сар сменисали леске? Като сине вече обрежиме ли, или още необрежиме? Ма като сине обрежиме, а необрежиме.¹¹Тай ов приемингяс о обрязване сар знаки тай печати е правдаке чрез и вяра, която сине лес, като сине необрежиме, за те овел ов отеци саворенге, колато верувинен, макар необрежиме, за те сменинел пес и правда ленгеда, ¹²тай отеци колкенге о обрежиме, колато ма само си обрежиме, но пирен андо стъпкес колке вяраке, която амаро отеци о Авраам исине лес, като сине необрежиме.¹³Понеже о обещание карик о Авраам или карик о потомство леске, кай ка овел наследники е светоске, нана диняс пес чрез о закони, а чрез о оправдаване посредством и вяра. ¹⁴Соскето ако си наследникия калка, колато облегнинен пес ко закони, то и вяра си чучи тай о обещание -осуетено; ¹⁵понеже о закони анел ма обещание, а гняв; но кате нанай закони, оте нанай престъпление.¹⁶Далкеске о наследство си тари вяра, за те овел по благодат, чука че о обещание те овел осигуриме саворе потомствоске, ма само калкеске, ковато облегнинел пес ко закони, но за колкескеда, ковато си тари вяра е Авраамеске, ковато си отеци саворенге аменге ¹⁷(сарто си пишиме: " Кергиом тут отеци буте народоске") англал о Дел, Колесте повервингян, Ковато съживинел е мулен; тай викинел андо действително съществувиба ковка, ковато нана съществувинел.¹⁸О Авраам надявинелас пес, без те овел причина за надежда, повервингяс, за те ачол отеци буте народоске, според о пендо: " Дики ка овел торо потомство". ¹⁹Без те отслабнинел анди вяра, ов делас пес сметка, кай лескоро телос си вече замъртвиме , понеже сине на около шел бреша, сарто сине замъртвиме е Саракири утроба,²⁰обаче относно е Девлескоро обещание нана усъмнисало чрез неверие, а закреписало анди вяра, тай отдиняс слава е Девлеске, ²¹увериме, кай давка, ковато о Дел обещингяс, Ов си силно те изпълнинел лес. ²²Далкеске сменисало леске правдаке.²³Давка па, кай сменисало леске правдаке, нана пишисало само леске, ²⁴но аменгеда, коленге ка сменинел пес правдаке, като верувинас анде Калкесте, Ковато възкресингяс таро муле е Исусес, амаро Дел, ²⁵Ковато сине предиме амаре прегрешениенге тай сине възкресиме амре оправданиеске.

¹Тай чука, оправдана чрез и вяра, иси амен мири е Девлеса чрез амаро Дел о Исус Христос, ²посредством Колес аме чрез и вяра придобингям амаро входи анде далке благодатате, анде колате бешас, тай лошанас ашал и надежда е Божие славаке.³Тай ма само давка, но нека хвалинас амен андо скърбес амаре, като жанас, кай и скръб произвединел твърдост, ⁴а и твърдост - изпитано правда, а и изпитано правда - надежда. ⁵А и надежда нана лажавкярел, соскето е Девлескири любов си изляно анде амаре сърцеденде чрез о дадено амаро Свято Духос.⁶Понеже като аме улам още немощна, андо определено време о Христос муло е нечестивоненге. ⁷Соскето едва ли ка араклол декой те мерел даже праведноне манушеске ( при все кай си възможно те дръзнинел декой те мерел е благонеске).⁸Но о Дел покажинел Пери любов карик аменде анде далкесте, кай като улам още грешникия, о Христос муло аменге. ⁹Тай акана,като оправдисалам чрез Лескере ратесте, бут повече ка избавинас амен таро Божие гняви чрез Лесте.¹⁰Соскето ако като улам неприятеля е Девлеса, улам примириме Леса чрез о мериба Лескере Чавескоро, кити по бут акана, като синям примириме Леса, ка избавинас амен чрез Лескере живоосте! ¹¹Тай ма само давка, но хвалинас амен андо Дел чрез амаре Девлесте о Исус Христос, чрез Колесте получингям акана давка примирение.¹²Далкеске, сарто чрез иеке манушесте и безех диняс андо светос тай чрез и безех о мериба, тай по давка начини о мериба накло анде саворе манушенде, понеже саворе съгрешинде . ¹³Соскето англал о закони и безех сине андо светос безех обаче нана сменинел пес, като нанай закони.¹⁴При все давка таро Адам жи ко Мойсей о мериба царувинел упрал колкендеда, колато нана съгрешиндесас според о престъпление е Адамескоро, ковато си образи е Бъдещеске. ¹⁵Но о дари нанай савка, саво сине о прегрешение; соскето, ако ашал о прегрешение иекескоро муле мнозина, то кити по бут е Девлескири благодат тай о дари, ало чрез и благодат е Иеке манушескоро, о Исус Христос, преумножисало е мнозиненге!¹⁶Тай чука, о дари нанай сар о осъждане ашал о съгрешение иекескоро; соскето о съдиба сине тари иек безех за осъдибнаске, а о дари - буте прегрешениендар за оправдибнаске. ¹⁷Соскето, ако чрез о прегрешение иекескоро о мериба царувинел чрез далке иекесте, то кити по бут калка, колато получинен о изобилие е благодатакоро тай о дари е оправданиескоро, ка царувинен андо животос чрез о Иек, Исус Христос.¹⁸Тай чука, сарто чрез иек прегрешение ало о осъждане саворе манушенге, чука чрез иек праведно делос ало саворе манушенге о оправдание, ковато анел животос. ¹⁹Соскето, сарто чрез о непослушание е иеке манушескоро ачиле грешна о мнозина, чука чрез о послушание е Иекескоро о мнозина ка ачон праведна.²⁰А упрал далкесте ало о закони, тай умножисало о прегрешение; а кате умножисали и безех, преумножисали и благодат; ²¹чука че, сарто и безех царувинелас тай ангяс мериба, чука те царувинел и благодат чрез и правда тай те анел вечно животос чрез о Исус Христос, амаро Дел.

¹Тогава со? Те пенас ли: Нека ачовас анди безех, за те умножингиол и благодат? ²Да не бъде! Аме, колато мулам е безехаке, сар ка живинас вече анде лате? ³Или на жанен, кай аме саворе, колато кръстисалям андо Исус Христос, кръстисалям андо мериба Леске?⁴Далкеске чрез о кръщение аме паронгям амен Леса андо мериба, тай, като о Христос сине възкресиме таро муле чрез и слава е Отцаске, чука амеда те пирас андо нево животос. ⁵Соскето ако съединисалям Леса чрез о мериба, подобно сар Лескоро, ка съедининас амен чрез о възкресение, подобно сар Лескоро;⁶Като жанас давка, кай амаро пурано естество уло разпниме Леса, за те унищожингиол о телос е безехакоро, тай тена робувинас вече е безехаке. ⁷Соскето, ковато муло е безехаке, ов си оправдиме таро исканя леске.⁸Но ако мулам с Христа, верувинас, кай ка живинасда Леса, ⁹като жанас, кай о Христос, като уло възкресиме таро муле, на мерел вече; о мериба нанай лес власт упрал Лесте.¹⁰Соскето, о мериба, колеса муло, леса Ов муло е безехаке иеквар завинаги; а о животос, ковато живинел, живинел лес е Девлеске. ¹¹Чука тумеда считинен тумен муле е безехаке, а живде е Девлеске андо Христа Исуса.¹²Тай чука, тена царувинел и безех анде тумаре смъртноне телосте, тай те покоринен тумен лескере страстиенде. ¹³Нито представинен тумаре телесна частя сар оръдия е неправдаке; но представинен тумен е Девлеске сар оживяла таро муле, тай тумаре телесна частя е Девлеске сар оръдия е правдаке. ¹⁴Соскето и безех нанай те владеинел тумен, понеже на синиен телал о закони, а телал и благодат.¹⁵Тогава со? Те грешинас ли, соскето на синям телал о закони, а телал и благодат? Да не бъде! ¹⁶Нана жанен ли, кай каске преден тумен сар послушна слуги, слуги синиен колкеске, колеске покоринен тумен- било е безехаке, която анел мериба, или е послушаниеске, ковато анел правда?¹⁷Но благодарение е Девлеске, туме, като улен слуги е безехаке, покорисален таро сърцес колке видиеске учение, анде колесте улен обучиме, ¹⁸тай освободиме тари безех, ачилен слуги е правдаке.¹⁹(По манушканесте хоратинав ашал и немощ тумаре естествоске.) Тай чука, сарто преденас тумаре телесна частя сар слуги е нечистотаке тай е беззакониеске, ковато анел още беззаконие, чука акана преден тумаре частия сар слуги е правдаке, която анел святост. ²⁰Соскето, като улен слуги е безехаке, нана улен обуздаиме тари правда. ²¹Саво плоди сине тумен тогава колке букиендар? Букя, за коленге акана лажан, соскето ленгоро крайос си мериба.²²Но акана, като освободисален тари безех тай ачилен слуги е Девлеске, иси тумен плодиеске кавка, кай жан карик и святост, колаке о крайос си вечно животос. ²³Соскето и заплата е безехакири си мериба; а о Божие дари си вечно животос андо Христа Исуса, амаро Дел.

¹Или нана жанен, пралален ( соскето хоратинав манушенге, колато жанен со си закони), кай о закони владеинел упрал о мануш само жи кай ов си живдо?²Соскето прандеме ромни си свържиме чрез о закони за ко ром, жи кай си живдо; но като о ром мерел, ой освободинел пес далке закониестар. ³Тай чука, ако паш ко животос пе ромеске ой пранденел авереске ромеске, ачол блудница; но ако мерел лакоро ром, свободно си далке закониестар тай нана ачол блудница, ако пранденел авере ромеске.⁴Тай чука, пралален мере, тумеда мулен спрямо о закони чрез о Христово телос, за те свържинен тумен Авереса, е Възкръсименеса таро муле, за те принесинас плоди е Девлеске. ⁵Соскето, като улам плътска, о греховна страстия, колато възбудиненас пес чрез о закони, действиненас анде амаре телесноне частиенде, за те принесинас плоди, ковато анел мериба;⁶но акана, като мулам за далкеске, ковато икерелас амен, освободисалам таро закони; чука че аме служинас неве духосте, а ма по пурани буква.⁷Тогава со? Тен пенас ли, кай о закони си безех? Да не бъде! Но напротив, нанай те пенджарав и безех освен чрез о закони, соскето нанай те пенджарав, кай о пожелание си безех, ако о закони нана пенелас: " Ма пожелавине". ⁸Но и безех, понеже лилас поводи тари заповед, произведингяс анде манде секакво пожелание; соскето би е закониескоро и безех си мули.⁹Меда улом живдо декана би закониескоро, но като али и заповед , и безех оживингяс, а па ме мулом: ¹⁰тай араклом, кай и самото заповед, която ули назначиме те анел животос, ангяс манге мериба.¹¹Соскето и безех, като лилас поводи тари заповед, измамингяс ман тай мударгяс ман чрез лате. ¹²Чука че о закони си свято тай и заповед - свято, праведно тай лачи.¹³Тогава, кавка ли, ковато си лачо, ачило мериба манге? Да не бъде! Но и безех причининел манге мериба чрез давка лачо варесо, за те покажинел пес, кай си безех, чука че чрез и заповед и безех те ачол бут грешно. ¹⁴Соскето жанас, кай о закони си духовно; а па ме синиом тари плът, бикиндо телал и безех.¹⁵Соскето нана жанав со те керав; понеже нана керав давка, ковато мангав, но ковка, ковато мразинав, лес керав. ¹⁶Обаче, ако керав кавка, ковато нана мангав, съгласно синиом е закониеса, кай си лачо.¹⁷Далкеске ма ме акана керав давка, но и безех, която живинел анде манде. ¹⁸Соскето жанав, кай анде манде, демек анди плът мери, нана живинел лачо; понеже желание лачипнаске иси ман; но ма сила те керав лес.¹⁹Соскето нана керав о лачипе, ковато мангав; а о зло, ковато нана мангав, лес керав. ²⁰Но ако керав давка, ковато нана мангав, то вече нана керав лес ме, а и безех, която живинел анде манде. ²¹Тай чука, аракав анде манде кавка закони, кай паш манде, като мангав те керав лачипе, о зло си паше.²²Соскето, кити ме андруне естествоске, ме насладинаман андо Божие закони; ²³но анде ме телесноне частиенде дикав различно закони, ковато воювинел против о закони ме гогякоро тай заробинел ман телал о греховно закони, ковато си ан ме частиенде.²⁴Окаяно ме мануш! Кой ка избавинел ман далке телостар е мерибнаскоро? ²⁵Благодаринав е Девлеске! Иси избавление чрез о Исус Христос, амаро Дел. Тай чука, коркоро ме гогяса служинав е Девлескере закониеса, а е плътяса- е греховноне закониеске.

¹Тай чука, акана нанай нисаво осъждане калкенге, колато си андо Христа Исуса, колато пирен ма по плът, а по Дух. ²Соскето о закони е живототворящоне Духоскоро освободингяс ман андо Христа Исуса таро закони е безехаке тай е мерибнаске.³Понеже кавка, ковато сине невъзможно е закониеске, ашал далкеске, кай отслабнингяс чрез и плът, о Дел кергяс лес, като бичалгяс Пе Чавес анди плът, подобно ки греховно плът тай анди жертва безехаке, тай осъдингяс и безех анди плът, ⁴за те изпълнингион о изисквания е закониескере анде аменде, колато пирас ма ки плът, а ко Духос. ⁵Соскето калка, колато си плътска, копнеинен е плътсконеске; а калка, колато си духовна - е духовнонеске.⁶Понеже о плътско копнежи значинел мериба, а о копнежи е Духоскоро значинел животос тай мири. ⁷Соскето о плътско копнежи си враждебно е Девлеске, понеже нана покоринел пес е Девлескере закониеске, нито па ащи; ⁸тай калка, колато си плътска, нанащи угодинен е Девлеске.⁹Туме, обаче, нана синиен плътска, а духовна, ако живинел анде туменде е Девлескоро Духос. Но ако декас нанай о Христово Духос, ов нанай Лескоро. ¹⁰Обаче ако о Христос си анде туменде, о телос си муло ашал и безех, но о духос си живдо ашал и правда.¹¹Тай ако живинел анде туменде о Духос Калкескоро, Ковато възкресингяс е Исусес таро муле, то о Също, Ковато възкресингяс Христа Исуса таро муле, ка съживинел тумаре муле теловя чрез Пе Духосте, Ковато обитавинел анде туменде.¹²Тай чука, пралален, амен иси длъжност, обаче ма карик и плът, тай те живинас плътски. ¹³Соскето, ако живинен плътски, ка мерен; но ако чрез о Духос умъртвинен о телесна действия, ка живинен.¹⁴Понеже, колато управлинен пес е Девлеске таро Духос, он си Божия чаве. ¹⁵Соскето нана приемингиен духос робствоске, тай пале те живинен дараса, но приемингиен Духос на осиновение, чрез Колесте пищинас: Авва, Отче!¹⁶Чука о самото Духос свидетелствинел заедно амаре духоса, кай синям Божия чада. ¹⁷Тай ако синям чада, то синям наследникия- наследникия е Девлеске, а сънаследникия с Христа; тай ако страдинас Леса, те прославинасда амен заедно Леса.¹⁸Понеже сметнинав, кай акана о временна страдания нана заслужинен те сравнинен пес е славаса, която ка откринел пес анде аменде. ¹⁹Соскето о създание нетърпениеса очаквинел о откриване амаро сар Божия чаве.²⁰Понеже о създание уло подчинено ки немощ ма своеволно, но чрез Калкесте, Ковато подчинингяс лес, ²¹надеждаса, кай коркоро о създание ка освободингиол таро робство е тлениескоро тай ка пренакел ки славно свобода е Божие чадовиенге. ²²Понеже жанас, кай о цело създание въздишинел тай мъчинел пес жи акана.²³Тай ма само ов, но амеда, колато иси амен о Духос андо начатък, тай коркоре аме въздишинас анде аменде тай очаквинас о осиновение амаро, демек о изкупване амаре телоске. ²⁴Соскето далке надеждаса аме спасисалам ; а и надежда, като дикиол изпълниме, нанай вече надежда; соскето кой ка надявинел пес калкеске, ковато дикел? ²⁵Но, ако надявинас амен колкеске, ковато нана дикас, тогава търпениеса жарас лес.²⁶Чука също о Духос помагинел аменге ан амаре немощяте- понеже нана жанас те молинас амен сар требе; но о самото Духос ходатайствинел анде амаре неизговоряема стенания; ²⁷а Кавка, Ковато изпитвинел о сърца, жанел сави си и годи е Духоскири, соскето Ов ходатайствинел е светиенге ки Божие воля.²⁸Но жанас, кай всичко съдействинел лачипнаске калкенге, колато дехен е Девлес, колато си призвана според Лескоро намерение. ²⁹Соскето ковато предузнингяс, лен тай предопределингяс те овен съобразна е образиеса Лескере Чавескоро, за те овел Ов първородно машкар буте праленде; ³⁰а ковато предопределингяс, лен тай призовингяс; а ковато призовингяс, лен тай оправдингяс; а ковато оправдингяс, лен тай прославингяс.³¹Тай чука, со те пенас далкеске? Ако о Дел си карик аменде, кой ка овел против аменде? ³²Ковка, Ковато нана жалингяс Пере Чавес, но прединяс Лес аменге саворенге, сар нанай те подаринел аменге заедно Леса всичко?³³Кой ка обвининел е Девлескере избраникиен? О Дел ли, Ковато оправдинел лен? ³⁴Кова си ковка, ковато ка осъдинел лен? О Христос Исус ли, Ковато муло, но още уло възкресиме таро муле, Ковато си тари десно риг е Девлеске, тай Ковато ходатайствинел аменге?³⁵Кой ка отлъчинел амен тари Христово любов? И скръб ли, или о утеснение, о гонение или бок, и голота, и беда или о мечи? ³⁶Соскето, сарто си пишиме: " Мударде синям ашал Туке цело диес; считиме синям сар овце за клане".³⁷Нака; анде всичконасте далкесте ачовас по бут таро победителя чрез Калкесте, Ковато възлюбингяс амен. ³⁸Понеже синиом увериме, кай нито мериба, нито животос, нито ангела, нито властя, нито о настояще, нито о бъдеще, нито и сила, ³⁹нито учипе, нито дълбочина, нито ковато да те овел създание ка ащи отлъчинел амен тари Божие любов, която си андо Христа Исуса, амаро Дел.

¹Пенав и истина андо Христа, нана хохавав, тай ми съвест свидетелствинел манца андо Свято Духос, ²кай иси ман бари скръб тай непрестанно мъка ан ме сърцесте.³Соскето мангав коркоро ме те овав отлъчиме таро Христа ашал мере праленге, мере ки плът ендания, ⁴колато си израилания, коленге принадлежинел о осиновение тай и слава, о завети тай о даване е закониескоро, о богослужение тай о обещания, ⁵каскере си о отцидес , тай колендар бияндило ки плът о Христос, Ковато си упрал саворенде Дел, благословиме жи ко векос. Амин.⁶Обаче давка нана значинел, кай пропело о Божие слово. Соскето ма саворе колато проиклон таро Израил си Израил, ⁷нито си саворе чада, понеже си Авраамово потомство; но " андо Исаак" пенгяс о Дел: " ка наименувинел пес торо потомство."⁸Значи, ма о чада, биянде ки плът, си Божия чада; но о чада, биянде според о обещание, считинен пес потомствоске. ⁹Соскето давка уло варесо обещиме, понеже пенгяс: " Ка авав по давка време, тай е Сара ка овел чаво".¹⁰Тай ма само давка, но като и Ревека заченингяс иекестар- амаре отециестар о Исаак, ¹¹макар кай о близнакия нана уле още биянде тай нана кердесас още варесо лачо или канило, ов, за те почивинел о Божие ко избори намерение, ма ко деловя, но Колкеске, Ковато призовинел, ¹²пенгяс пес лаке: " О по-баро ка слугувинел е по-цикнеске"; ¹³сарто си пишиме: " Е Яковес възлюбингиом, а е Исавес намразингиом."¹⁴Тай чука, со? Те пенас ли, кай иси неправда андо Дел? Да не бъде! ¹⁵Соскето пенел е Мойсейеске: '' Ка покажинав милост, карик касте ка покажинав, тай ка пожалинав, кас ка пожалинав.'' ¹⁶Тай чука, нана зависинел калкестар, ковато мангел, нито калкестар, ковато прастал, а таро Дел, Ковато покажинел милост.¹⁷Соскето о Писание пенел е Фараониеске: " Именно далкеске ваздингиом тут, за те покажинав анде тут Ми сила тай те шуниол Мо алав ко цело светос". ¹⁸Тай чука, карик касте мангел , Ов покажинел милост, тай кас мангел- закоравинел.¹⁹Далкесте ту ка пенес: А соске още обвининел? Кой ащи противостоинел ки воля Леске? ²⁰Но, о, човече, ту кова синян, кай отговоринес против о Дел? О кердо варесо ка пенел ли колкеске, ковато кергяс лес: Соске чука кергян ман? ²¹Или е грънчариес нанай власт упрал и глина, частяса тари също буца те керел съдос за почит, а авере частяса - съдос за непочтеноне употребаке?²²Тай со ка пенас, ако о Дел при все, кай манглас те покажинел По гневи тай те изявинел Пи сила, пак понасинелас баре дълготърпениеса о съдовя, предметя Пе гневиеске, приготвиме за погубване, ²³тай търпингяс, за те изявинел о барвалипе Пе славакоро упрал о съдовя, предметя Пе милостяке, колато приготвингяс отанглал за славаке - ²⁴упрал аменде, колен призовингяс, ма само машкар о юдея, но машкар о езичникия?²⁵Сарто анди Осия пенел: " Ка наречинав Моро народос колкен, колато нана уле Моро народос, тай възлюбенона- колка, която нана сине възлюбено". ²⁶"Тай ко също тан, кате пенел пес ленге:'' Нана синиен Моро народос, оте ка наречинен пес чада е живде Девлеске".²⁷А Исая пищинел е Израилеске: " Ако те овел о число е израиленгоро сар и морско поши, само остатъки лендар ка спасинел пес; ²⁸соскето о Дел ка изпълнинел ки пув о пендо ки правда Лестар'', като извършинел лес тай свършинел сиго . ²⁹Тай сарто о Исая пенгяс ко по-предишно тан: " Ако о Дел е силенгоро нана мукелас аменге потомство, сар о Содом ка ачовас тай на Гомор ка оприличинас амен".³⁰Тай чука, со те пенас? Давка, кай о езичникия, колато нана роденас правда, получинде правда, тай то правда, която си чрез вяра; ³¹а о Израил, ковато роделас закони за те придобинел правда, нана ресло жи салке закониесте.³²Соске? Далкеске, кай нана родел лес чрез и вяра, а десар си чрез о дела. Он препънисале ко Бар, за препъване; ³³сарто си пишиме: " Аке, положинав андо Сион бар, анде колесте те препънинен пес, тай канара, анде колате те съблазнинен пес; тай ковато верувинел анде Лесте, нанай те лажавкярел пес".

¹Пралален, моро сърдечно желание тай ми молба карик о Дел си за о спасение е Израилескоро. ²Соскето свидетелствинав за ленге, кай лен иси ревност за е Девлеске, само че нанай според о пердо знание. ³Понеже, сарто нана жанен и правда, която си таро Дел, тай манген те поставинен пери, он нана покорисале е правдаке таро Дел.⁴Понеже о Христос изпълнинел и цел е закониескири, те оправдинел пес секой, ковато верувинел. ⁵Соскето о Мойсей пишинел, кай о мануш, ковато керел и правда, която си чрез о пазиба е закониескоро, ка живинел чрез лате.⁶А и правда, която си чрез вяра, хоратинел чука: " Тена пенес ан те сърцесте: Кой ка възкачинел пес ко небес, демек, те ухлавел Христа? ⁷или : Кой ка ухлел анди бездна, демек, те икалел Христа таро муле?"⁸Но со пенел ой? Пенел, кай, " о словос си паше жи туте, анде те мосте тай ан те сърцесте", демек, о слово е вяракоро, ковато проповединас. ⁹Соскето ако изповединес те моса, кай о Исус си Дел, тай повервинес те сърцеса, кай о Дел възкресингяс Лес таро муле, ка спасинес тут. ¹⁰Соскето сърцеса о мануш верувинел тай оправдинел пес, тай моса керел изповед тай спасинел пес.¹¹Соскето о Писание пенел: " Никой, ковато верувинел анде Лесте, нанай те посрамингьол". ¹²Понеже нанай разлика машкар юдеиесте тай гръкосте, соскето о също Дел си Дел саворенге, барвало карик саворенде, колато призовинен Лес. ¹³Соскето, " секой, ковато призовинел е Девлескоро алав, ка спасинел пес".¹⁴Но, сар ка призовинен Калкес, анде Колесте нана повервинде? Тай сар ка повервинен анде Калкесте, за Колеске нана шунде? А сар ка шунен би проповедникиескоро? ¹⁵Тай сар ка проповединен, ако нанай бичалде? Сарто си пишиме: " Кити си прекрасна о пире калкенгере, колато благовестинен о лачипе!".¹⁶Но ма саворе шунде о благовестие; соскето о Исая пенел: " Господи, кова амендар повервингяс колкесте, ковато шунгям"? ¹⁷Тай чука, о верувиба си таро шуниба, а о шуниба - таро Христово словос.¹⁸Но пенав: Он нана шунде ли? Наистина шунде: " Ки цело пув иклило ленгоро гласос, тай ленгере думес- жико краища е вселенаке".¹⁹Но пак пенав: О Израил нана ахалило ли? Ахалило, соскето първо о Мойсей пенел: " Ме ка раздразнинав тумен жи ко ревнувиба калкенца, колато нанай народос; несмисленоне народоса ка разгневинав тумен".²⁰А о Исая смело те пенел: " Аракло улом колкендар, колато нана роденас Ман; явно ачилом колкенге, колато на пученас Манге"; ²¹а е Израилеске пенел: " Простиринавас Ме васта цело диес карик народосте непокорно тай упорито".

¹Тай чука, пенав: Отхвърлингяс ли о Дел Пере народос? Да не бъде! Соскето меда синиом израиляни, таро Авраамово потомство, таро Вениаминово племес. ²Нана отхвърлингяс о Дел Пе народос, колес предузнаингяс. Или нана жанен со пенел о Писание е Илияске - сар пищинел карик о Дел против о Израил, тай пенел: ³" Господи, избинде Те пророкиен, разкопаинде Те олтаря тай ме ачилом коркоро; но морода животос манген те лен".⁴Но со пенел леске о Божествено отговори? " -Муклом Манге ефта хиляда мрушен, колато нана преклонинде кочя англал о Ваал". ⁵Чука андо акана о времес иси остатъки, избириме по благодат.⁶Но ако си по благодат, нанай вече ко деловя, иначе и благодат нанай вече благодат а ако си ко дела, нанай вече благодат, иначе о делос нанай вече делос. ⁷Тогава со? Ковка, ковато о Израил роделас, давка на получингяс, но о избрана получинде лес, а окола закорависале, даже жи авдиес; ⁸сарто си пишиме: : О Дел диняс лен духос на безчувствие, яка - тена дикен, тай кана - тена шунен".⁹Тай о Давид пенгяс: " Ленгири софра нека ачол ленге примка тай уловка, съблазан тай въздаяние; ¹⁰Те помрачинен пес ленгере яка, тай тена дикен, тай сгърбингяс ленгоро думо завинаги".¹¹Тогава пенав: Спънисале ли, тай те перен? Да не бъде! Но чрез ленгоро отклонение ало спасение е езичникиенге, за те подбудинел лен карик и ревност. ¹²А ако ленгоро отклонение значинел барвалипе е светоске, тай ленгоро отпадане - барвалипе е езичникиенге, кити по бут - ленгоро пердо възтановяване!¹³Соскето аменге, колато улам езичникия, пенав, кай доколкото синиом апостоли е езичникиенге, ме славинав мери служба, ¹⁴тай дано по десаво начини подбудинав карик и ревност калкен, колато си мери плът, тай те спасинав декас лендар.¹⁵Соскето, ако ленгоро отхвърляне значинел помирение е светоске, саво ка овел ленгоро приемане, ако ма оживяване таро муле? ¹⁶А ако о първо таро тесто си свято, ов о цело месиба си свято; тай ако о корени си свято, ов о клоняда си свята.¹⁷Но, ако десаве клоня уле чинде тай ту, те овес диво маслина, улан присадиме машкар ленде, тай ачилан съучастники ленца андо корени тай анди тлъстина е маслинаке, ¹⁸ма хвалине тут англал о клоня; а ако хвалинес тут, жан , кай ма ту икерес о корени, а о корени - тут.¹⁹Но ка пенес: Чиндиле о клоня, за те присадинаман ме. ²⁰Лачес, ашал о неверие он чиндиле, а ту ашал и вяра бешес. Ма високоумствине, но дара. ²¹Соскето, ако о Дел ако нана пощадинел о естествена клоня, тутда нанай те пощадинел.²²Дик и благост тай и строгост е Девлескири; строгост карик о отпеле, а Божествено благост карик туте, ако ачос анди даика благост; иначе туда ка овес отсечиме.²³Чука онда, ако нана ачон андо неверие, ка присадинен пес; соскето о Дел ащи пак присадинел лен. ²⁴Понеже, ако ту улан отсечиме тари маслина, ко естество диво, тай, против о естество, улан присадиме питомноне маслинате, то кити по бут колка, колато си естествена клоня, ка присадинен пес пере маслинате!²⁵Соскето, пралален, за тена мислинен тумен мъдра, мангав те жанен кайка тайна, кай частично закоравяване сполетингяс е Израелес, само жи кай дел пердо число е езичникиенге.²⁶Тай чука о цело Израил ка спасинел пес, сарто си пишиме: " Избавители ка авел таро Сион; Ов ка отвърнинел о нечестие таро Яков; ²⁷тай аке о завети Мандар карик ленде, като ка отнеминав о безеха ленгере".²⁸Кити за о благовестие, он си неприятеля, ковато си тумаре ползаке, а кити за е избориеске, он си възлюбена ашал е даденге. ²⁹Соскето о даровя тай о призвание таро Дел си неотнемана.³⁰Соскето, сарто туме декана нана покориненас тумен е Девлеске, но акана чрез ленгере непокорствостар придобингиен милост, ³¹също чука он акана нана покоринен пес , тай чрез и покажиме карик туменде милост онда акана те придобинен милост. ³²Соскето о Дел панляс саворен андо непокорство, тай карик саворенде те покажинел милост.³³О, кити си дълбоко о барвалипе е премъдростиакоро тай о знание е Девлескоро! Кити си непостижима Лескере закония тай неизследима Лескере дрома! ³⁴Соскето: " Кой пенджаргяс и годи е Девлескири, или, кой уло Леске съветники?"³⁵или: " Кой таро по-нангле диняс Лес варесо, тай Ов те отплатинел пес леске?" ³⁶Соскето всичко си Лестар, чрез Лесте тай за Леске, Леске те овел слава жи ко векос. Амин.

¹Тай чука, молинав тумен, пралален, ашал и Божие милост, те представинен тумаре теловя анди жертва живди, свято, благоугодно е Девлеске, сар тумаро духовно служение. ²Тай ма съобразинен тумен калке векоса, но преобразинен тумен чрез о обновяване те гогяке, за те пенджарен таро опити сави си и Божие воля - кавка, ковато си лачо, благоугодно Леске тай съвършено.³Соскето чрез и дадено манге благодат пенав секоне иекеске машкар туменде, ковато си по-видно, тена мислинел песке по-учипнасте, отколкото требе те мислинел, но те разсъждинел чука, кай те мислинел скромно, според о дела е вяраке, колато о Дел секаске разпределингяс.⁴Соскето, сарто иси амен бут частя иеке телосте, а ма саворе частя иси лен и също служба, ⁵чука амеда о мнозина синям иек телос андо Христа, а синям частя, секой амендар, иек авереске.⁶Тай понеже иси амен дарбес, колато различинен пес според и дадено амари благодат, ов ако иси амен пророчество, нека пророкувинас съразмерно е вяраса; ⁷ако ли служение, нека прилежинас андо служени; ако декой поучинел, нека прилежинел андо поучаване; ⁸ако увещинел - андо увещаване; ковато раздел, те раздел щедро; ковато управлинел- те управлинел усърдиеса; ковато покажинел милост- те покажинел ла доброволно.⁹И любов те овел нелицемерно; отвратинен тумен таро зло, а прилепинен тумен карик о лачипе. ¹⁰Дехен тумен иек аверес пралескере дехибнаса, надпреварвинен тумен те отден туменге почит иек авереске.¹¹Андо усърдие овен нелинива; пламенна ко духос, като служинен е Девлеске. ¹²Лошанен анди надежда, анди скръб овен зорале, анди молитва - постоянна. ¹³Помагинен е светиенге андо нуждес ленгере; преден тумен ко гостолюбие.¹⁴Благословинен колкен, колато гонинен тумен, благословинен, а ма ден арманя. ¹⁵Лошанен колкенца, колато лошанен; ровен колкенца, колато ровен. ¹⁶Овен единомислена иек карик авересте; ма ден тумари годи уче букиенде, но преден тумен скромноне букиенде; ма считинен тумен мъдроненге.¹⁷Никаске ма иринен зло за зло; залягинен калкеске, ковато си лачо англал саворе манушенде; ¹⁸ако си възможно, доколкото зависинел тумендар, живинен андо мири саворе манушенца.¹⁹Ма отмъстинен туменге, любезна, но ден тан е Божие гневиеске; соскето си пишиме: " Манге принадлежинел о възмездие, Ме ка керав въздаяние, пенел о Дел". ²⁰Но: " Ако си бокало то неприятели, парвар лес; ако си жадно- напоине лес; соскето давка като керес, ка трупинес жарос ко шеро леске". ²¹Ма мук тут те побединел тут о зло; но ту победине о зло чрез о лачипе.

¹Всеко мануш те покоринел пес е властиенге, колато си упраал лесте; соскето нанай власт, която тена овел таро Дел, тай кити властя иси, он си отредиме таро Дел. ²Далкеске, ковато противинел пес е властиенге, противинел пес е Девлескере наредбаке; а колато противинен пес, ка навлечинен осъждение упрал песте.³Соскето о владетеля нана причининен дар е добротворцоске, а е злотворцоске. Тай чука, мангес ли тена дарас тари власт? Кер лачипе, тай ка овес хвалиме латар; ⁴понеже о владетели си Божие служители тере ползаке. Но ако керес зло, те дарас; соскето ов нана анел напразно о мечи, понеже си Божие служители, мъздовъздатели за те анел гняви упрал калкесте, ковато керел зло. ⁵Далкеске нужно си те покоринен тумен ма само ашал и дар таро гняви, но ашал и съвест.⁶Понеже по дайка причина данъки платинен. Соскето о владетеля си Божия служителя, колато постоянно занимавинен пес далке длъжностяса. ⁷Отден саворенге о дължимо: каске дължинел пес данъки- о данъки; каске мито - о митос; каске дар - и дар; каске почит - и почит.⁸Ма ачовен никаске длъжна нищонасте, освен иек аверес те дехен тумен, соскето, ковато дехел околес, изпълнинел о закони. ⁹Понеже о заповедя: " Ма прелюбодействине"; " Ма мудар"; " Ма чор"; " Ма пожелавине"; тай която да те овел авер заповед заключавинен пес анде калке думенде: " Те дехес те ближнонес, сарто тут". ¹⁰И любов нана керел зло е ближнонеске; следователно и любов изпълнинел о закони.¹¹Тай давка керен, като жанен о време, кай о сахати вече ачило те ухкиен таро соиба; соскето о спасение си по-паше жи аменде акана, отколкото, като повервингям. ¹²Ират накли, а о диес наближингяс: тай чука, нека отхвърлинас о дела е тъмнинакере, тай те урясамен е оръжиеса е светлинакоро.¹³Сарто андо парно диес, нека пирас благопристойно ма ко пировя тай ко пиянства, ма ко блудство тай страстолюбие, ма ко крамола тай завистя. ¹⁴Но уриен тумен е Девлеса о Исус Христос тай ма грижинен тумен е страстиенге е плътиакоро.

¹Е слабонес анди вяра приеминен, но ма за те препиринен тумен лескере съмнениенца. ²Иек верувинел, кай ащи всичко те хал; а ковато си слабо анди вяра, хал само зеленчуки.³Ковато хал, тена презиринел калкес, ковато нана хал; тай ковато нана хал, тена осъдинел калкес, ковато хал; соскето о Дел приемингяс лес. ⁴Кова синян ту, ковато съдинес чуждоне слугас? Англал пере Господариесте ов бешел или перел. Но ка бешел, соскето о Дел си силно те изправинел лес.⁵Иек мануш уважинел иек диес по бут авере диесестар; а авер мануш уважинел всеко диес еднакво. Секой те овел напълно увериме ан пере гогяте. ⁶Който пазинел о диес, е Девлеске пазинел лес , а който нана пазинел о диес, е Девлеске нана пазинел лес ; ковато хал, е Девлеске хал, соскето благодаринел е Девлеске; тай ковато нана хал, е Девлеске нана хал, тай благодаринел е Девлеске.⁷Соскето никой амендар нана живинел песке, тай никой нана мерел песке. ⁸Понеже, ако живинас, е Девлеске живинас, тай ако мерас, е Девлеске мерас: тай чука, живинас ли, мерас ли Господна синям. ⁹Соскето о Христос далкеске муло тай оживингяс - те господствинел упрал о муледа, упрал о живдеда.¹⁰Тай чука, ту соске съдинес те пралес? А па ту соске презиринес те пралес? Понеже аме саворе ка зачовас англал о Божие съдилище. ¹¹Соскето си пишиме: " Хав совела анде Ме животосте, пенел о Дел, кай всеко коч ка коленичинел англал Манде, тай всеко чиб ка прославинел е Девлес".¹²Тай чука, секой амендар за песке ка отговоринел англал о Дел. ¹³Като си чука, тена съдинас вече иек аверес; но по-лачес разсъдинен калкеске - никой тена поставинел пе пралеске спънка или съблазан.¹⁴Жанав тай увериме синиом андо Дел о Исус, кай нищо нанай коркоро пестар нечисто; само колкеске, ковато считинел варесо за нечистонеске, леске си нечисто. ¹⁵Соскето, ако то прал оскърбинел пес ашал калкеске, ковато хас, ту вече нана постъпвинес ки любов. Те хабнаса ма погубине колкен, за коленге муло о Христос.¹⁶Тай чука, тена хулинел пес кавка, ковато туме считинен лачипнаске. ¹⁷Соскето о Божие тагарипе нанай хабе тай пиибе, а правда, мири тай лошали андо Свято Духос.¹⁸Понеже, ковато чука служинел е Христаске, овел угодно е Девлеске тай одобриме таро мануша. ¹⁹Тай чука, нека родас кавка, ковато служинел мириеске тай за взаимно назидание.²⁰Ашал хабнаске ма съсипвине е Девлескири бути. Всичко наистина си чисто; но канило си е манушеске пе хабнаса те причининел съблазан. ²¹Лачес си тена хас мас, нито те пиес мол, нито те керес варесо, чрез колесте препънинел пес то прал или съблазнинел пес, или изнемощинел.²²О убеждение, ковато иси тут калке букиенге, иси лес туке анде туте англал о Дел. Блажено ковка, ковато нана осъдинел пес калкеске, ковато одобринел. ²³Но ковка, ковато съмнинел пес, осъдинел пес, ако хал, соскето нана хал таро убеждение; а всичко, ковато нана ачол таро убеждение, си безех.

¹Аме, о силна, синям длъжна те пиравас о немощя е слабоненгере тай тена угодинас аменге. ²Секой амендар те угодинел пе ближнонеске за лескере лачипнаске, за лескоро назидание.³Понеже о Христос нана угодингяс Песке, но, сарто си пишиме: " О укоря колкенгере, колато укориненас Тут, пеле упрал Манде". ⁴Соскето всичко, ковато уло по-нангле пишиме, пишиме уло амаре поучениеске, тай чрез и твърдост тай и утеха таро Писания те овел амен надежда.⁵А о Дел е твърдостиакоро тай е утехакоро те дел тумен единомислие машкар туменде ко примери на Христа Исуса, ⁶тай единодушно тай иеке моса те славинен е Девлес тай е Отециес амаре Девлескоро о Исус Христос. ⁷Далкеске приеминен тумен иек аверес, сарто о Христос приемингяс тумен, за е Божие славаке.⁸Соскето пенав, кай о Христос ашал и Божия вярност, ачило служители е обрежимененге, за те утвърдинел о обещания, дадена е даденге, ⁹тай за те прославинен о езичникия е Девлес за Лескири милост, сарто си пишиме: " Далкеске ка хвалинав Тут машкар о народос, тай Те алавеске ка гилябав".¹⁰Тай пак пенел: " Развеселинен тумен, народя, с и любов Лескири". ¹¹Тай пак: " Хвалинен е Девлес, саворе народя, тай те славословинен Лес саворе люде".¹²Тай пак о Исая пенел: " Ка явинел пес о Есеево корени", тай: " Ковато ка ваздел пес те владеинел упрал о народос; Лесте ка надявинен пес о народос".¹³13 А о Дел е надеждакоро те перел тумен пердоне лошаласа тай мири анди вяра, чука кай чрез и сила е Святоне Духоскири те преумножинел пес тумари надежда.¹⁴Тай коркоро ме синиом увериме за туменге, пралален мере, кай коркоре туме синиен перда благостиса, изпълниме всеконе знаниеса, тай кай ащи наставлинен тумен иек аверес.¹⁵Но за те дав тумен годи, пишинав туменге жи декате по-дързостно ашал и дадено манге таро Дел благодат ¹⁶те овав служители на Исуса Христа машкар о езичникия тай те свещенослужинав андо Божие благовестие, за те овен о езичникия благоприятно приноси, осветиме таро Свято Духос.¹⁷Тай чука, кити за калкеске, ковато отнесинел пес жи ко Дел, ман иси ман за соске те хвалинав ман андо Христа Исуса. ¹⁸Соскето нанай те осмелинаман те хоратинав за варесоске, освен ковка, ковато о Христос кергяс чрез манде за привеждане е езичникиен анди покорност е вяраке чрез моро словос тай делос, ¹⁹е силаса е знамениенге тай е чудесенге, е силаса е Святоне Духоскири Божий, чука кай таро Ерусалим тай о околностя лескере, дори жи ко Илирик, напълно проповедингиом о Христово благовестие.²⁰Обаче сине ман за цел те проповединав о благовестие чука - ма оте, кате сине вече известно о Христово алав, тена градинав чуждоне основате; ²¹но, сарто си пишиме: " Колка ка дикен, коленге нана възвестисало за Леске; тай колка ка ахалон, колато нана шунде".²²Кавка възпиринелас ман бут дрома, тай нана алом туменде. ²³Но акана, като нанай вече тан за мере букяке калке ригенде, тай понеже таро бут бреша манглом те авав паш туменде,²⁴като тръгнинав за Испания, ка авав, соскето надявинаман те дикав тумен, като накав, тай туме те изпратинен ман за оте, след като наситинаман жи декате чрез общение туменца. ²⁵А акана жав андо Ерусалимте послужинав е светиенге.²⁶Соскето и Македония тай и Ахая благоволинде те ден известно помощ за е чоренге машкар о светиес андо Ерусалим. ²⁷Благоволинде наистина, но тай длъжна си ленге, соскето, ако о езичникия участвинен ленца андо духовна букя, длъжна си те послужинен ленге андо телеснада.²⁸Тай чука, като свършинав кавка, като осигуринав ленге давка плоди, ка накав презал туменде ко дром за Испания. ²⁹Тай жанав, кай като ка авав туменде, ка авав изобилноне благословениеса таро о благовестване на Христа.³⁰А молинав ман туменге, пралален, ашал амаре Девлеске о Исус Христос тай ашал и любов, която си плоди е Духоскоро, те придружинен ман анди усърдно молитва карик о Дел за манге, ³¹тай те избавинав ман таро противникя е вяракере анди Юдея, тай мери служба андо Ерусалим те овел благоприятно е светиенге; ³²тай е Божие воляса те авав лошало туменде, тай те почивинав манге машкар туменде.³³А о Дел е мириескоро те овел саворенца туменца. Амин.

¹Препоръчинав туменге амаре пеня и Фива, която си служителка ки кангери анди Кенхрея, ²те приеминен ла андо Дел, сарто препел е светиенца, тай те помагинен лаке, анде состе ка овел ла нужда тумендар; соскето ойда помагингяс мнозиненге, сарто мангеда.³Поздравинен ме съработникиен андо Христа Исуса, Прискила тай Акила, ⁴колато мере животоске положинде пе меня телал и чури, коленге ма само ме благодаринав, но тай саворе кангеря машкар о езичникия; поздравинен и домашно ленгири кангери. ⁵Поздравинен ме любезнонес о Епенет, ковато си о първо плоди тари Азия е Христеске.⁶Поздравинен е Мария, която трудисали бут туменге. ⁷Поздравинен Андроник тай Юний, мере сродникия тай декана заедно манца затворникия, колато машкар о апостола считинен пес бележита тай колато още англал манде уле андо Христа. ⁸Поздравинен ме любезнонес андо Дел о Амплий.⁹Поздравинен амаре съработникиес андо Христа о Урван тай мо любезно Стах. ¹⁰Поздравинен е одобрименес вернонеске андо Христа о Апелий. Поздравинен колкен, колато си таро Аристовулово семейство. ¹¹Поздравинен ме енданес о Иродион. Поздравинен таро Наркисово семейство калкен, колато си андо Дел.¹²Поздравинен е Трифена тай е Трифоса, колато керен бути е Девлеске. Поздравинен е любезноне Персида, която кергяс бути бут е Девлеске. ¹³Поздравинен е избранонес таро Дел о Руф тай лескири дай, която си мерида. ¹⁴Поздравинен о Асинкрит, о Флегонт, Хермий, Патрова, Херм тай о прала колато си ленца.¹⁵Поздравинен о Филолог тай и Юлия, о Нирей тай лескири пен, тай о Олимпан, тай саворе светие, колато си ленца. ¹⁶Поздравинен тумен иек аверес святоне целувкаса. Поздравинен тумен саворе Христова кангеря.¹⁷Тай молинав ман туменге, пралален,те забележинен калкен, колато причининен раздоря тай съблазес,противно е учениеске ковато сиклилен, тай отстранинен тумен лендар. ¹⁸Соскето салка мануша на служинен амаре Девлеске Исус Христос, а пере охотаке, тай благоне тай ласкавоне думенца хохавен о сърца е простодушноненгере.¹⁹Соскето тумари послушност си известно саворенге, далкеске ме лошанав туменге. Но мангав те овен мъдра е лачипнаске тай проста е канилипнаске. ²⁰А о Дел е мириескоро сиго ка смажинел е Сатанас телал тумаре пиренде. И благодат амаре Девлескири о Исус Христос те овел туменца.²¹Поздравинен тумен ме съработникя о Тимотей тай ме сродникя о Луций, Ясон тай Сосипатър. ²²Ме, о Тертий, ковато пишингиом давка послание, поздравинав тумен андо Дел.²³Поздравинел тумен о Гай, о гостоприемники моро тай целоне кангерякоро. Поздравинел тумен о градско ковчежники о Ераст тай о прал Кварт. ²⁴И благодат амаре Девлескири о Исус Христос те овел саворенца туменца. Амин. А Калкеске, Ковато ащи теутжърдинел тумен според мере благожестиесте тай и проповед за о Исус Христос, според о откриване е тайнакоро, която ули замълчиме таро таро вечна времена. А акана явиса ли чрез о пророческа Писания ки заповед е вечноне Девлескири тай ачили пенджарди саворе народоске за ленгоро покоряване е вяракоро. Е иеке премъдроне Девлеске те овел слава чрез о Исуса Христа жи ко веков. Амин