¹Men Paulus, hanyin Allah bain rasul Kristus Yesus, no'men pengelan ulun-ulun no an Allah pili'i bain ulup teneng ²Ire la'ha ndeng ala urip no ja, mentari anyan urip te uhun tana ne Tuhan Allah mbah meki itam' Ihah am deng pamoh. ³Ateng tuken nah iha, meki katok no tenang bain tekoh te laun Tuhan Allah, juruselamat kame⁴Laun men Titus anek no lan te alam pengelan pat, no piah pengenje bainulup hani men Tuhan Allah ame pat, bain bare' kah Yesus Kristus, no deng menyelamatkan ipat. ⁵Anyan awi nah ako netek kelo te Kreta, ire kelo endeng peluoh nu no perlu peteneng'i baim mita pengaya-pengaya pehinggat tukong, awi no'ok' ki' i men kelo.⁶ulun-ulun pengaya re' am hah endeng ulun no sa'ek, hawan lake baim hawan roh'na, no ayan anak ngelan te Tuhan Yesus, bain amanyan cereita no sa'ek te alam keluarga i'nan ⁷Bare kah, ulun no peteneng jemaat Iha ulun no em sa'ek,nun bali ubat Allah, iha ulun nun em penjum, em male buhe'e am pe mabok jakan, am iha te pano bain ulun, bain am pah iah milan te ulun.⁸Bare kah iah ulun no tuto mahi, bain ja ulup, tueh plu'lup, am'ha ndeng milan, urip na ja, bain ndeng iha me'ang ulup nah. ⁹kelehe no ja bain an'na kelan'i an'na ang'i bain lan-lan, awi an no laha pekale'i, ire iha eng'deng te enggeng katok no ja bain katok no tenang bare'kah pekatok laha no alam piah bain na¹⁰bare kah mangu ulun no sa'ek bain no amoh.... ¹¹He'lo atak lan na mekep'ba kenan nah, kelo halek pe' sa'ek ulun em pekatok ulun te no teneng.¹²ayan enji ulun men helo meki, kelo neh ulun no amoh bain sa'ek, bain maging ... ¹³Lan neh katok,i nah ulun teno'ja bain teneng ...¹⁴14 Nyum pelulup laun kelo'he ulun no en ja¹⁵he'lo noh teneng memin nah teneng, he'lo nah sa'ek bain no em ngelam, em'ji mem he'lo lun em ayan nah teneng, bain em ja ulup. ¹⁶He'lo meki tuto te Allah, milo puyan balu he'lo, He'lo amoh Allah, he'lo em ngelan bain, en deng ngebaya puyan balu, ulun teno' ja

¹Sukun nah ika pekale nun-nun no pehengu bain katok no tengo ²La'ke-la'ke no muku ndang me'ang i'yong, ulun ja ulun ndang, tengo talam pemgela'n, no tang'gang³Bare, kah ro'h-ro'h aya no umbah muku petulan puyan na'no ja, em pasa'aek ulun hu'la jakan, ika pekatok bain no ja. ⁴Nggu bekenan helo endeng pekatok ro'h-ro'h tenoh ndang mahi hawan na bain anak-anak na. ⁵Me'ang yong, na no ja, petenang luba'ang amin ha, nyelima bain ngebaya te hawan na, ala la'ha alam muo te katok Tuhan Allah⁶Bare'kah pekatok ulun no'tenoh, ire laha ndang ma'ang yo'ng na . ⁷Talam milo te'me an na, youg'ka no ja na tela'un no ja te ketu en no ja, talan katok. ⁸Tepu'un no tenang, no hengu, ala mono te he'lo kenan laha am tu'eh meki ikut ne hala te ita la'ah⁹Hula-hula tekoh pala Tuan-tuan'na te alam min ikut, nyaga'it nah pehalo h'elo. ¹⁰Edang Nako, ka'am na ulup ka no ja edang an kelan'i bain kembo'i aran Allah tam, Julong Selamat tam¹¹Bare'kah, Pengenje Allah no'umbah na'ne men itam umbah tenang nah men ulun min-min ¹²No endeng maeh ulup men sa'ek, bare kah ulup ulun tam men'ire tah ndang murip, ja tangen te urip kere'ne ¹³kelun tam mengo urip no ja, no tek'ne bain Allah no aya, no pe'kurip tam.¹⁴I'ha ne ma'eh hiong'na utong tam bain nu'li ala tam men buat no hala bain I'ha ne mo'nyo utong hiong'na, hinget ulun pina pilihan'na no tangen neme puyan no ja¹⁵Pekatok i'na min-min i n'e. pekale bain an'o i'na bain min ulup no ja. Endeng anyan ulun no te ngeliba'kah.

¹Hetok i hlo re nyelima te' pemerintah bain penguasa, ngabaya bain sedid neme hinggat puyan no ja, ²Eno pesa'ak ulun, em peputah, nyelima bain lan-lan lllu no lema, te unan min ulun³Knan'na itam una re kelungu, en ngabaya, lingo bali hula knen mangu naf'so⁴telan he bekere, tasa no ja bain ahi Allah, julong slamat tam endki'i. ⁵I'ha menyelamatkan itam, no knan puyan no hi'ju no en tam teme'i, no knan Ahi na'men urip no marang paki en kemerong'i knan Roh Mahu⁶No en na urah'i te nba tam, bain hu,wi men Kristus Yesus, Julong Slamat tam. ⁷Bali, oh end pehenggu i knan Pengenje na, ipat bali ahli waris me'ka bain pengharapan tak munip no lara⁸La'un ine halak hi'yu, awi hal ine ako men ikam lan-lan tekoh re laha no umbah ngelan pala Allah ndang aru ulun neme na balu no ja hal-hal ine ja bain beguna hinggat tam ulun⁹Talan ha bakere su'nah men, pepatah-pepatah seksilah hala, puyan bain peputah no kelungi awi ukun Taurat knan puyan inan em anyan ha'ang nah bain upau kre. ¹⁰knan ulun no tene me na pebi'ang, hi'tek i, hah, nji bain duwa kah kelo'oh na kesu'i no i'hah. ¹¹Hangan telan hala, iha ne me, nggeng penyusah men'yong na arab¹²teku'oh ko menyu Artemas bain Tikhikus men ika, berusaha'nah ne pala akoh te Nikopolis, knan ako umbah metap tak te ta'ak te ite kelara musim n'ngan na'a, bain se ¹³maka yong'ka a'apem nah Zenas, no paling njan te ukun ite, bain Apolos no anyan talen ano're hlo am'anyan hi'yang mun-mun¹⁴I'ha en ulun-ulun tam pekale uru ulup neme uba'at no tenang re laha endang pehengan pe'ngu man urip hinggat ro bain en marip bain em ngabawa¹⁵Min ulun no anyan ba'ek ne atam la'u men ikah. Ki't la'u koh neh me laha no mahi'i kame telem iman. Pengenyan ngabaya klo min.

¹Lengah men Paulus ulun no' an laha ungen'i karena Yesus Kristus, bain Timotius, pahare pat no nji pengelan bain pat, man Filemon, sebila bain penuyeang no' an pat mahi'i, ²Bain men Apfla, pahare pat, bain Arhipus, hanyin nji u'bat bain pat, bain jemaat no sembayean te amin ka. ³Pengenje bain no ja man Tuhan Allah ne meah man ika, men Tuhan tem Allah bain man Tuhan Yesus Kristus.⁴Hinggat ko sekayang me atang nah ulup ko te kelo bain meri' je ulup hali ma te Tuhan Hlah telem sembayeang ko, ⁵Karena na' ako, nyelengok pengelan bain mahi no' em anyan i men Tuhan Yesus bainte ulun no ja. ⁶Ako' sembayeang ire min-min pengelan kam te bali penueh no' hangan bain ikut no ja, no anyan te itam kenan Kristus, ⁷Ako hani bain tangen kenen mahika men ika, pahare, ulun-ulun no mahu en kemareang i paki.⁸Kenan na' begete, pina ha'l pa ako anyan pengelan no' aya talem Kristus, baim endeng menyu kelo nun no teme em, ⁹Kenan ayan mehi, hwi jak pako' make na kenan kam. Ako' Paulus, no umbah muku, bain kere' ne ako bali ulun no en ungen i kenan Kristus Yesus.¹⁰Make tika naen aneak ko, Onesimus, no ek apa i te en ungen i, no una re emayan kesiat na te ika, i ha' no kere ne' aya kesiat na, ja men ika bare kah me Akoh, no petu'boh ko kelara ko pungen kenan katok mareang. ¹¹no man una am'ha ja laoh te kelo , kere ne lo' halek nah Ja an kelo, ja men kelo bare kah te ako, ¹²Ako ne maeh men kelo, kenan na iha ja ulup bain ja puyan na, maeh koh menyu iha ne peliwat men kelo, ¹³kenana ia nah petumbuh koh mentari koh an' laha ungen i kena kotok no' maring¹⁴Pina ha' pa kah em Tuhan tujuh kelo, ako em mun neme aun-aun ire jak ite en kan te me, kenan em pi na hah atek lan, kenan pengemun tujuh. ¹⁵keta em pah Omnesimus peng karep men ika talem kuri ro anyan nah ire kah endeng nyikem nah paki te lara-lara na. ¹⁶em hah awi kah, tasa kah hula, anyan hwi men inan, man ihah nan pahare no ja em ha anak arep, hwi paki anum, ja talem yong, bare kah talem Tuhan¹⁷jade bila, ngu ika meki koawi hanyin ka' bat baim, kerim na Onesimus awi ka ala ako ¹⁸Tasa ihah ne hala te ika atau em nyule te ika, nje em nah te ako. ¹⁹Ako, Paulus, tulis'i bain usu ko, ako' tek muli na, pina hak pa em meki nun-nun kenan em nyule ka men ako, i hah nah urip ka arep. ²⁰Ihah, hare' lo ukeh ha' nah talem Tuhan ako' ala no'ja men ikah. Kemareang ek ulup koh talem Kristus.²¹Kenan na' pengelan ko' tek ngebaya ka. ako, nulis surat men ika ken na' ako tuto ika tek neme hwi men no ek pake i. ²²Talem ha' bare ukeh em tilong makoh kenan na ako mengo men sembayeang ka, ako tek en kelan i men ika.²³Epafras, hanyeak te' pungen te talem Yesus Kristus, ngato lengah man ikah. ²⁴Bekere kah Markus, Aristarkhus, demas, bain Lukas, hanyi-hanyin nji ubat bayeak. ²⁵Pengenje men Tuhan tam, Yesus Kristus, kenannya puyeang beluan ka

¹Men Pengya, Me enma no di'pili utung anek ma'a, no ek' ahi'i nun ja baim ako arep tuto min-min ulun kah' no njam atek lan. ²Kenan katok, ayan te' ita ateng hiran te. ³Pengelan, tuto mahi, bain pengurip halo, men Allah ame'e bain, men Tuhan Yesus Kristus men anek milo, itam baim mahi.⁴Ako hani milo anek murip bain temeng, awi nun ta apat men a'me ⁵Kere' ne ako make te ika em na' meki la'u no, mareng reh' pat tuto pepa'hi ⁶I' neh nah pengahi kenan' na'a pat murip ngebaya laum Tuhan kenan' nah em' an mahno mahu, at murip bain nah⁷Kenan nah mangu ulun pelingo neh tuto te ulun tana neh laha em ngelan te Yesus Kristus bain ulun laha ulun sa'ek. ⁸Jaga-jaga nah, kelo re'eh klo em' ayan num te pasah men pah beng pat mita na pah'reh ala nah no ja.⁹Ulun nen em nyelaggok laun katok Kristus, e'ha em hipun Allah. Hi no nyelanggok katok inen no hipun A'me bere' kah anek ¹⁰Nju ayan laha ne pala ika em meki katok i'neh, nyum yioh laha. ¹¹Hi, kereh na ulun no tetima Iha, iha pun te bali ulun no halek no' sa'ek¹²mangu ikut mun ek tulis'i men i'ka em pako mun neme na pa te'kereta bain tinta. Ako mun penyoh petumbok bain-bain hani. ¹³Anek-anek roh' ka nun en pili'i meki Lengah te ika.

¹Man ulun no aya an laha te man Gayus no aya penga'hi, Bare kah an ka'me ahi.i te alam punyan na ja. ²Paha're ko'no alek mahi, te alam ubat ika, ako pahang'geng sebayang, ire kah ja nun k'rena no teme am, bare'ka yong ka tengo bain beluan ka tengo. ³A'ko hani hari nah ulup koh ta'sa pahare-pahare tam ne meki la'u awi puyan, bain ulup ka'no ja, awi ta'sa ka murip te anun Tuhan Yesus. ⁴Yohanes Meki am'koh anyan puyan no ha'lak ja, bare'kah nyele'ngok ka nan' na anyan anek-anek'koh te pano te puyan no tenang.⁵I'pat no pahare te alam Tuhan, klo ne'me ubat no ja baim mangeh am i'nan man ipat no pehare, pina ha'kah ipat am tuto te lah'ah. ⁶Laha ulun no am'pat tuto ire umbah ten'dek bain meki awi peng'hi klo te unan ulun mangu, pengemun ko te klo, klo pah tangen ne'me bu'at no ja, te nan'tu laha no te nyen'dong a'no, no kaha'nggu te katok Tuhan Allah. ⁷Laha na te nyen'dong ano te alam aran Tuhan Yesus, nyan to laha make nun-nun bare'kah menerima man ulun-ulun no alam ngelan te Tuhan. ⁸Ulun-ulun no alam ngelan te Tuhan, re ipat ngatang en i' puyan pat, bain tangen te ban'tu laha, ng'gu ulup pat ja te laha, pas'ti pah laha'ne ngebaya pat te' alam puyan u'bat no teneng⁹Oh'na a'kok nem me surat, bare'kah 'ok te neh man jema'at, ayan Diotrefes, tangen hari i'ha penjum lau te aeng laha, i'ha no alam mun kab'lo ne nan. ¹⁰Nggu ha bka'nan, nggu ako ne ta'a ako pasti meki man ina, m'be puyan ka sa'ek pah? nun banan! am pasa'ek ipat ka'blo bain kla'heh no alam kaha nggu! am inan arab pah, I'ha am mun ala, bain mano ulun-ulun no ala pahare-pehare ni'ne, no atak sa'ek pakih iha te mu'keh laha man jema'at no anyan.¹¹Ipat no pa'hare te alam Tuhan, ndeng nji-nji te'ngebaya puyan na sa'ek awi , na'ha 'ni na' mime i'kut no sa'ek, no am pa'lup milo tuhan Allah. ¹²Min-min ulun meki bain nga'lahah no ja, no tengang awi Demetrius, b'kenan nah katok no ja, kame meki man klo, nun no kame'h ki'i am ayan no hala. lenggah no imeng¹³Atak lan' na mangu no mun ok tulis'i men k'lo, am pah' akoh mun nu'lis nah' man klo me' make patlot bain Pen. ¹⁴Pengemun Ko lo', ne penjoh klah'eh bain klo, ne petumbok ja' ja' bain klo . murip hani na klo te alam Tuhan ipat no pahare te i'ne ne maeh lengah man klo. ¹⁵K'lo ki' ipah lengah no ja man keblo, te maeh hing'gat yong ipat pahare te i'te.

¹Ayan Lau Yudas Men Yudas hanyin Yesus Kristus bain pahare Yakobus Min-min helo en pili i bain mahi Allah Tamen, bain nun teme i men Yesus Kristus. ²Bare kah pengahi bain helo, tengo, ja urip kelo³Hare-hare ko, ako maeh lau men ika, ire ipat ja bain halo,men kere neh, ateng oh ine te bain ulun no teneng. ⁴Bare kah ulun-ulun nun saek, ulun una re en penjara kenan na helo hala peteme pengeja Allah, bain helo em mayan mun ala laun Yesus Kristus.⁵Ako meki men kelo, Tuhan nun menyelamat ulun-ulun Nah men tana Mesir, barekah Iha kah nun penjara ulun nun em elan. ⁶Anyan malaikat-malaikat em mayan elan te alem pengelan laha, bain no neteak alin laha urip, ire laha en kaput bain abit nun maka re laha ente alin no lindem, inan nah katok utong ro aya ro nun ateng imeng.⁷Bare keti kah Sodom bain Gomora …. ⁸Bare kah awi ulun-ulun ineh, minah te lupe laha, petula yong, em mayan mun nun ja.⁹Mikhael nun pengaya malaikat, pahakat bain to, kenan meto Musa, iha em mayan makeang meki laun na pasa'eak iha, bain iha meki Tuhan kah tuto te ikah. ¹⁰Bare kah laha nun neme sa'aek em laha tuto nu laha tuto, bain ulup tulan, nun emtuto maeh laha mele en kataha'i. ¹¹Bareng nah helo kenan ngebawa ano Kain bain nyong hala, awi Beliam teme'i, bare kah sa'eak kenan helo nyakat awi Korah.¹²Laha nan nyile penguman tasa laha pehelong, laha awi bua nun em tuto ngebua tasa bua ngebua, laha mate awi bua em mayan pakat. ¹³Laha awi lupeak laut nun ngamok, nun em tuto atek pinja arep, laha awi tulan nun miho, em tuto bano atek te kuoh na.¹⁴Kenan laha ine nah Henokh, hulan Adam nun ke tusu tueh neme buat ja, lai i nah Tuhan ne bain malan-malan ulun ja ne. ¹⁵Ire laha neme pejera min-min ulun, pejera min ulun fasik, ulun sa'eak nun neme kelahe sa'eak te Allah. ¹⁶Laha ulun nun sa'eak nun mun mita hala ulun, bain beang pesa'eak ulun; peluoh ulup laha arep, laha ulu ba aya, mun kuman arep.¹⁷Hare-hare ko itam pelulup bain tuto nun en rasul-rasul umbah ki i laun Tuhan tam Yesus Kristus. ¹⁸Helo umbah meki men ika, te luman nun atek nete, ne ulun sa'eak mun memuas ulup bain yong laha kere. ¹⁹Helo nan nah nun atek te murah, bain memuas yong laha, laha em mayan roh.²⁰Bare kah ikam hare-hare nun ok kasih'i, ikan nyekeri'eang te uhun no ja, ulup no ja bain ikan sembayeang te alem Roh Kudus. ²¹Em peteneng i nah yong kah te nun teneng bain mengo tuken ka kenan Yesus Kristus.²²Hipun em ulup no teneng, te ulun no singong. ²³Apem bain hila em laha nun atek te labu te api, peteme bain petula em ulup ja kah, bain bi'in milo puyan sa'eak.²⁴Beang Iha, nun pengenjam nun jaga ika te labu, bain petula ika bain yong nu tengo te unan Tuhan, bain hani bain tangen. ²⁵Banan nah nji-nji na Allah, Juru Selamat tam, Iha nah Kristus Yesus, Tuhan tam, nu ja, tangen, maka ateng oh ine te. Amin.