To view a copy of the CC BY-SA 4.0 license visit
http://creativecommons.org/licenses/by-sa/4.0/
Y o n e
11Gu gisendeselo gua khalele mbimbi, mbimbi ya khalele nu Nzambi nu mbimbi yakhalele Nzambi. 2Yene mbimbi eyi ya khalele nu Nzambi gu gisendeselo. 3Ima yagasue ya fugiwe gudi muene nu gushigo nu gima giadile gufugiwa ndo gudi muene.4Mukatshi dienji muakhalele monyo, nu monyo wene wakhalele mueji wa athu agasue. 5Mueji udi mulema mu phipha nu phipha ishigo gu ujima ndo.6Guakhalele muthu mumoshi wakhalele mutumiwi ya Nzambi, jina dienji diakhalele Yone. 7Wajile gifwa themua, ha guzoga uthemua wa mueji, hagula egi athu agasue atshigine mukunda nu muene. 8Yone gakhalele go mueji, uvi wajile ha guzoga uthemua wa mueji.9Yakhalele mueji wa diago udi mulema gudi athu agasue, wene udi muza ha mavu.10Wakhalele ha mavu, nu mavu afugiwe gudi muene, nu mavu amujiyile go. 11Wajile gudi akwakwenji, uvi athu enji amu tshiginyine go.12Uvi gudi ago agasue amutshiginyine, adi nu gutshigina gu jina dienji, wa ahuile njila ha gukhala ana a Nzambi, 13ago abutshiwe mu gutshigina gua Nzambi uvi ishigo egi abutshiwe mu mahatshi nga mu gutshigina gua muthu nga gu muila.14Nu mbimbi ya buile muila nu wakhalele mukatshi dietu. Tuamuenene lutumbu luenji, lutumbu lumoshi gifwa lua muthu mumoshi ha mumoshi udi muza gudi tata, wazala pha nu ngasa nu giamatshidia. 15Yone wazogele uthemua wenji nu gukologoga egi : «Muene yago ngakhalele muzuelela egi : " Yago udi muza gu ngima diami, udi wangubalega gukoma ; ndaga ya wakhalele gutuama diami"».16Mu guzala guenji, tuahetele mukuta wagasue ngasa holu dia ngasa. 17Ndaga ya, mukhuala Mose wahanene, uvi ngasa nu giamatshidia gidi muza gudi Yesu-kilisto. 18Gushigo nu muthu wamuenene gale Nzambi ya ivo yagasue. Khuta muthu mumoshi, muene nji Nzambi, udi mukhatshi dia tata, muene udi gu mujiyisa gudi athu.19Tadienu uthemua wa Yone kumbi enya yuda atumine aleviti ha gumuhula mihu : «Aye nanyi?» 20Gatunyine go ha guzuala egi : «Ngushigo Kilisto.» 21Na amuhudile egi : «Aye gua nanyi ? Udi Eliya?» Wavutuile egi : «Ndo.»22Na amu hudile egi : «Aye nanyi» hagula tuye tuhane mvutu gudi ago atutumi. Itshi udi muzuela mukunda nu aye hakhaye?» 23Wavutuile egi : «Ngudi dijui dia muthu udi mukologoga mu temu egi : " Sununenu ji njila jia Fumu gifua muazuelele Izaya, muzuedi wa ndaga jia gutuama".»24Atumiwi a afalase ako akhalele hene. Amuhudile egi : 25«Mukunda natshi udi mu batigiza athu, aye gio ushigaye go Kilisto, nga Eliya, nga muzuedi wa ndaga jia gutuma.»26Yone wa avutuile egi : «Ame ngudi mu batigiza nu meya. Uvi mukatshi dienu gudi nu muthu yago mushigo mujiya. 27muenyo muene udi muza gu ngima diami. Ngushigo nga tagana ha gujitulula shinga jia saphata jienji.» 28Ndaga eji jiakhalele mubalega gu Betaniya ha sambua dia muta wa Yodani, gua khalele Yone mubatigiza athu.29Gosa guakiele, Yone wamuenene Yesu muza gudi muene nu wazuelele egi : «Tadienu muna gimeme udi mukatula gubola gua athu agasue. 30Muene yago ngakhalele mutumbula egi, yago udi muza gu ngima diami wangubalega gukoma; ndaga ya wakhalele gutuma diami. 31Ngamujiyile go uvi yakhalele hagula egi amuenegesewe gudi Isalele hene ngajile mubatigiza nu meya.»32Yone watele uthemua egi : «Nga muenene givule mu bulumuga gosa gifua yembe nu gukhala holu dia muto wenji. 33Nga mujiyilego uvi yago wangutumine mu batigiza nu meya wangu wambelele egi :" Yago mba umona givule mu tuluga gosa holu dienji, muene wana batigiza mu givule gia bonga. " 34Nga muenene nu nga zogele uthemua egi udi muna Nzambi.»35Lusugu lue gulandula, muenyomo Yone wakhalele nu alandudi enji muyadi, 36wamuenene Yesu mubalega hene,,nu Yone wazuelele egi : «Tadienu, muna gimeme gia Nzambi !».37Alandudi anyi muyadi havile ene Yone muzuela ngenyi, alanduile Yesu. 38Na Yesu wakindulugile nu wa'amuenene gumulandula, wa'awambelele : « Itshi mudi mutshigina ?» Avutuile egi, Labbuni ( hanyinyi egi Mulongeshi ), wana khala gui ? " 39wa avutuile egi: «izenu mumone.» Na ajile nu amuenene gua khalele mukhala muene. Asalele nenji lusugu lununu ndaga ya yakhalele mu kumbi ya kumi.40Mumoshi mukatshi dia anyi muyadi avile Yone muzuela nu alanduile Yesu wakhalele Andele, phangi ya Simona phetelo. 41Wadiangele guya musanga phangi yenji Simon nu gumu wambela egi : «Tua mona Massiya ( udi mutamegewa egi Kilisto ).» 42Wamubatele gudi Yesu. Yesu wamutalele nu wazuelele egi : «Udi Simona, muna Yone. Mba ukhala mutamegewa egi Sefase ( idi mutshigina guzuela egi seso ).»43Mu lusugu lua gulandula, kumbi Yesu gakhalele mutshigina gukatuga ha guya gu Galela, wataganene nu Fillipho nu wa muwambelele egi " Ngu landule " . 44Fillipho wakhalele muenya gu Betesaïda dimbo dia Andele nu Phetelo. 45Fillipho watagenene nu Natanayele nu wamuwambelele egi : «Muthu yago Mose gasonegele mu mikhuala nu azuedi a ndaga jia gutuama,tua mumona,udi Yesu,muna Yozefo,ya gu Nazalete.»46Natanayele wa muwambelele egi : «Gima tshi gia bonga giajija guzoga gu Nazalete ?» Fillipho egi: «Iza umone.» 47Yesu wamuenene Natayele muza gudi muene nu wazuelele mukunda nu muene egi : «Tadienu muenya Isalele ya diago, udi gashigo nu mambo mukatshi dienji !» 48Natanayele wa muwambelele egi : «Luholo tshi wangujiya ?» Yesu wavutuile egi : «Gutuama dia Fillipho agutamege, nga gumonyi kumbi wakhadi ha mushina mutshi.»49Natanayele wavutuile egi : «Labbuni, udi muna Nzambi ! Udi Fumu ya Isalele !» 50Yesu wavutuile egi «mukunda nga guwambela egi nga gumonyi ha mushina mutshi hene wa tshigina ? mba umona jindaga luko jiji gukoma.» 51Nu wazuelele egi : «Mu giamatshidia ngudi gu guwambela, mba udi mumona dilu dia guhululu nu anjelo a Nzambi mu kanduga nu gubulumuga holu dia muna muthu.»
21Gu ngima dia masugu atatu, gua khalele nu wano wa makwela gu Kaana gu Galela nu gina Yesu wakhalele guene. 2Yesu nu alandudi enji atamegewe nji gu wano wene.3Hadile matombe ahua, gina Yesu wamu wambelele egi : «Ashigo luko nu matombe.» 4Yesu wamu vutuile egi: «Mukhetu aye, itshi udu gungukambela ? Kumbi diami khenji ditagana gale ndo.» 5Ginenji wa wambelele enya mudimo egi: «mutshita yagasue gadi nayo gumiwambela.»6Muenyomo guakhalele nu mabungu a meya asamano ago enya yuda akhalele mutshitshile mu kumbi dia gukombelela guawo, akhalele ha mutango wa nzongelo jiyadi nga jitatu gu bungu dimoshi. 7Yesu wa awmbelele egi :«Zalesenu meya mu mabungu wawa.» Ngenyi azalesele mabungu nu meya pha. 8Hangima Yesu wa wambelele enya mudimo egi : «Luenyelu thayenu nu batenu gudi fumu yenu.» Atshitshile ngenyi.9Fumu ya enya mudimo waphagele ha gunua meya abalumugile matombe, uvi gakhalele go mujiya gui gudi muza matombe ene ( Uvi enya mudimo akhalele mujiya gui gudi muza matombe ). Ngenyi watamegene muenya makwela nu wa muwambelele egi: 10«Athu agasue anadiangela guhana matomba abonga, gula athu anua nu akwatewa matombe na azodi gua matombe abola. Uvi aye, wabamba matombe abonga monzo unu luenyelu.»11Ndaga ya gushimana yiyi ya gu Kaana yakhalele gisendeselo gia ndaga jia gushimana gia tshitshile Yesu, ha gumuenegesa lutumbu luenji, ngenyi alandudi enji akhalele nu gutshigina gudi muene.12Gu ngima dia ndaga jinyinyi, wabulumugile gu Kapenawuma, muene, ginenji, aphangi enji nu alandudi enji, nu asalele guene masugu azonda.13Wano wa Phake ya enya yuda wakhalele hehi nu Yesu wakandugile gu Yelusalema. 14Wasangele mu gikombelelo athu akhalele mudiga ngomba, imeme nu mayembe. Enya gusengununa falanga akhalele nji hene.15Ngenyi walondele gabama ga ngonji. Wa akayele agasue gonze ya gikombelelo, nu yene imeme nu ngombe. Wabunduile falanga jia enya gusengununu nu wabuishile tutamba tuawo. 16Wawambelele adigi a mayembe egi: «Katudienu ima yenu nu ndienu nayo gualeha. Bembenu gubuisa inzo ya shami gifwa bugu dienu dia gudiga ima yenu.»17Alandudi enji awungulugile egi ya sonegewe egi: «Guzumba gua inzo yaye gua ngukuata gifwa matombe.» 18Na mafumu a enya yuda amuvutuile egi: «Gijiyilo tshi wajiya gutujijiga ha esue gujiya egi udi kumbi gutshita luholo lu watshita ?» 19Yesu wa'avutuile egi: «Buzumunyenu gikombelelo gigi nu mu masugu atatu ngudi gu gizugisa luko.»20Mafumu a enya yuda azuelele egi: «Tua tshitshile ivo makumi awana ha gutungu gikombelelo gigi, nu aye ugizugise mu masugu atatu ?» 21Uvi wakhalele muzuela mukunda gikombelelo gidi muila wenji. 22Gungima dia gufuzumuga guenji gu gufwa, alandudi enji awungulugile egi wa awambelele nayo nu akhalele nu gutshigina gu ndaga jia sonegewe nu gu mbimbi jia zuelele Yesu.23Ha khalele muene gu Yelusalema mukunda phake, mu kumbi dia wano athu avula atshiginyine mu jina dienji, ha gumona ndaga jia gushimana jia khalele mutshita muene. 24Uvi Yesu gakhalele go gudihana gudi ene ndaga ya wakhalele guajiya khungi agasue, 25ndaga ya agakhalele go mukamba egi muthu amuzogele uthemua, ndaga ya wakhalele mujiya yago yakhalele mukatshi dienji.
31Guakhalele nu mufalase mumoshi jina dienji Nikodeme, fumu ya enya yuda. 2Muthu yowu wayile mu phipha gudi Yesu nu wamuwambelele egi: « Labbuni, tudi mujiya egi udi mulongeshi udi muza gudi Nzambi, ndaga ya gushigo nu muthu wajiya gutshita ndaga jia gushimana ji udi mutshita, gula Nzambi gashigo nu muene.»3Yesu wamuvutuile egi: «Mu giamatshidia, gula muthu gabutshiwe go lungiadi, gajiyilego guheta mu ufumu wa mudilu.» 4Nikodeme wavutuile egi: «Luholo tshi muthu gajiya gubutshiwa luko gula muene wakodi gale? Gajiyile go gungina mu vumo dia ginenji ha gubutshiwa luko.»5Yesu wa muvutuile egi: «Mu giamatshidia, gula muthu gabutshiwe go mu meya nu mu givule, gajiyile go gungina mu ufmu wa Nzambi. 6Gidi mubutshiwa gu muila gidi muila uvi gidi mubutshiwa mu givule gidi givule.7Udihudi ndo mukunda nga guwambela egi: «Udi nayo gubutshiwa luko.» 8Muhehe udi mubunda gudi mutshina wene. Udi muvua djui dienji uvi ushigo mujiya gui udi muza nga gui udi muya. Idi luholo lumoshi nu yago udi mubutshiwa gudi givule.»9Nikodeme wavutuile egi: «Luholo tshi ndaga yene yajiya gutshitshiwa?» 10Yesu wamuvutuile egi: «Udi mmulongeshi ya Isalele nu ushigo mukotelesa ndaga eji ? 11Mu giamatshidia tudi muzuela yago itudi mujiya nu tudi muzoga uthemua gu yago tuamuenene. Uvi mushigo mutshigina uthemua wetu.12Gula ha ngudi gumiwambela ndaga jia ndaga jia ha mavu nu mushigo mutshigina, luholo tshi mba mutshigina gula ngamiwambela ndaga jia mudilu ? 13Gushigo nu muthu wakandugile gale gosa khuta yago watulugile gosa, muna muthu.14Gifwa mua thuphudile Mose nioga mu temu, luholo lumoshi luene, muna muthu udi nayo guthuphudiwa 15hagula egi muthu yagasue udi nu gutshigina gudi muene, ahete monyo wa mayilago.16Ndaga ya Nzambi wazumbile mangololo enya ha mavu hene ga ahuile munenji mumoshi ha mumoshi, hagula egi muthu yagasue udi nu gutshigina gudi muene, gafigo uvi akhale nu monyo wa mayilago. 17Nzambi gatumine go munenji ha mavu ha gufisa mavu milonga, uvi hagula egi mavu ahuluge mukunda nu muene. 18Yago udi mutshigina gudi muene gashigo mufishiwa milonga uvi yago gashigo mutshigina gudi muene udi gale ya gufishiwa milonga, mukunda gatshiginyine go gu jina dia mona mumoshi ha mumoshi ya Nzambi.19Gishina gia gusophesewa, gidi egi mueji wajile ha mavi, uvi athu atshiginyine phipha ha fundo dia mueji ndaga ya makalagelo awo akhalele abola. 20Ndaga ya muthu yagasue udi mutshita gubola udi mutuna mueji nu gashigo muza gudi mueji gula ndo midimo yenji yakamba gusologoga. 21Uvi muthu yagasue udi mutshita ndaga jia giamatshidia, udi muza gudi mueji, hagula egi midimo yana tshita muene mu Nzambi imuenege ha phelo.22Gu ngima dienji, Yesu nu alandudi enji ayile gu mavu a yuda. Gununu abalegesele masugu nu ene nu akhalele mubatigiza. 23Yone nji wakhalele mubatigiza gu Enoni hehi nu Salima ndaga ya guakhalele meya avula guene. Athu akhalele muza gudi muene nu gubatigijiwa 24ndaga ya Yone wakhalele khenji gambiwa gale ndo mu bologo.25Hangima giphapha giakola giazugile gudi alandudi a Yone nu muenya yuda mumoshi ha ndaga gudiwova. 26Ayile gudi Yone nu amuwambelele: «Mulongeshi, muthu yonu muakhalele nenji gu sambua dia Yodani, yago wakhalele muzogela uthemua, udi gale mubatigiza nu athu agasue adi muya gudi muene.»27Yone wavutuile egi:<< Gushigo nu muthu wajiya guheta gima gula gia muhuwe go gosa mudilu. 28Muejiya enue hakhenu guzoga uthemua egi nga miwambelele egi: " Ngushigo Kilisto ndo;" Uvi ngazuelele egi: " Ngatumiwe gutuama dienji."29Fumi'a mukhetu ya mahata udi yala muenya mahata. Uvi futa dia yala udi mumagana hene nu udi gumunenga, udi musuanguluga ha guvua dijui dia yala muenya mahata. Ngenyi ndaga eji jidi mutagenesa gusuanguluga guami. 30Idi ya tagana egi muene akule, ame ngu shiginyine.31Yago udi muza gosa udi holu dia ima yagasue. Yago udi muza ha mavu, udi muenya ha mavu nu udi muzuela ndaga jia ha mavu. 32Yago udi muza gosa udi holu dia ima yagasue. Udi muzoga uthemua wa ndaga jia muenene muene nu jia vile muene; uvi gushigo nu muthu udi mutshigina uthemua wenji. 33Yago watshiginyine uthemua wenji udi mulondolola egi Nzambi udi ya diago.34Ndaga ya, yago Nzambi gatumine udi muzuela mbimbi jia Nzambi, ndaga ya Nzambi gana hana ndo givule nu nzongelo nayo. 35Tata watshigina mona nu wamuhuile ima yagasue ha mago enji. 36Yago udi mutshigina gudi mona udi muheta monyo wa mayilago; yago udi gashigo mutumaga gudi mona mba gahetshi go monyo, uvi khabu jia Nzambi jidi musala holu dieji.»
41Ha vile Yesu egi afalase avigale egi udi mutshita nu gubatigiza alandudi agubalega Yone 2( Muenyomo muene Yesu gakhalele ndo mubatigiza athu uvi alandudi enji akhalele mubatigiza ) 3na wakatugile gu mavu a yuda nu wavutugile luko gu galela.4Ya khalele ya tagana gudi muene haguya gu samaliya. 5Na wahetele mu dimbo dimoshi dia mu mavu a samaliya, didi mutamegewa egi Sishale, hehi nu mavu ago Yakoba gahatenene gudi munenji Yozefo.6Guene gunu guakhalele wina wa meya wa Yakoba. Yesu nu guhuila gua guwenda gua wendele muene, waditumbigile gu khulo ya wina wa meya. Yakhalele hamutango wa kumbi dia samano. 7Mukhetu mumoshi ya musamaliya wajile muthaya meya nu Yesu wamuwambelele egi: << Nguhane meya a gunua. >> 8Ndaga ya alandudi enji ayile mu dimbo ha gukamba ima ya gudia.9Luenyelu mukhetu ya musamaliya wamuwambelele egi: «Mukunda natshi aye muenya yuda, udi gungulomba meya a gunua, ame ngudi mukhetu ya musamaliya ? Ndaga ya enya yuda ana lunga ndo nu enya gu samaliya.» 10Yesu wamuvutuile egi : «Gula nga wakhadi mujiya uhaneno wa Nzambi nu gujiya yago udi gugulomba meya, nga aye wadiangela gu mulomba meya nu muene wakhadi nayo gu guhana meya a monyo.»11Mukhetu wa muwambelele egi : «Mulongeshi, ushigo gaye nu gima gia gubutshila meya nu wina udi waleha. Gui wajiya guheta meya a monyo ? 12Aye wabalega shetu Yakoba yago watubembele wina wowu nu wanuile meya nu muene nu iboji yenji ba ?»13Yesu wa muvutuile egi : «Muthu udi munua meya wawa mba udi muvua luko luhungu, 14uvi yago udi munua meya a ngudi gumuhana, mba gavigo luko luhungu. mukunda meya a ngudi gu muhana mba abua gito gia muta udi mubulumuga ivo nu ivo.»15Mukhetu egi : «Mulongeshi, nguhane meya ene, ha ame guvua luko luhungu ndo, nu guza luko ndo muthaya meya haha.» 16Yesu egi : «Nda utamege mulumiaye nu uze haha.»17Mukhetu wavutuile egi : «Ngushigo nu yala ndo.» Yesu egi: «Wazuela muabonga, " ushigo nu yala" 18ndaga ya wakhalele nu mala mutano nu yowu udi nenji luenyelu gashigo mulumiye. Iwazuedi idi ya diago.»19Mukhetu wa muwambelele egi : «Mulongeshi, nga mona egi udi muzuedi wa ndaga jia gutuama. 20Atata jietu akhalele mukombelela holu dia mulundu wowu uvi aye udi muzuela egi gu Yelusalema guene gudi fundo dia gukombelela.»21Yesu wamu wambelele egi : «Tshigina gudi ame, mukhetu' aye, egi kumbi didi muza, di mba mukombelela go Tata nga holu dia mulundu wowu nga guene gu Yelusalema. 22Muana kombelela yago mushigo mujiya. Uvi tuana kombelela yago tudi mujiya, ndaga ya guhuluga gudi muza gudi enya yuda.23Kumbi didi muza nu didi gale hene, kumbi diago akombeledi adiago adi nayo gukombelela Tata mu givule nu mu giamatshidia, ndaga ya tata udi mukamba athu a luholo lununu ha gukhala akombeledi enji. 24Nzambi udi givule, athu adi gumukombelela adi nayo gumukombelela mu givule nu mu giamatshidia.»25Mukhetu wamu wambelele egi : «ngudi mujiya egi Masiya udi nayo guza ( yago udi mutamegewa egi Kilisto ). Kumbi mba diheta muene, mba utu londoluela ndaga jiagasue.» 26Yesu egi : «Ame ngudi muzuela nu aye, ngudi Kilisto muene.»27Mu kumbi diene dinyi, alandudi ajile muheta. Adihudile khungi yawo yagasue ha gumona Yesu muta maga nu mukhetu, uvi nga mumoshi ndo wahudile egi: «Itshi udi mutshigina ?» nga «Mukunda natshi udi muzuela nenji ?»28Na mukhetu wabembele mbinda ya meya, wavutugile mu dimbo nu wa wambelele athu egi : 29«Izenu mumone muthu wanguwambela ndaga jiagasue ji nga tshitshile. Gashigo mukhala KIlisto ?» 30Akatugile mu dimbo nu ayile gudi muene.31Mu kumbi diene dinyi, alandudi akhalele gumutshinga egi: «Mulongeshi, dia gale.» 32Uvi muene wa' awambelele egi : «Ngudi nu ima ingudi nayo gudia uvi mushigo gu ijiya ndo.» 33Na alandudi azuelele mukatshi diawo egi : «Gua mubatele muthu ima ya gudia ndo ?»34Yesu wa awambele egi: «Gudia guami gudi gutshita gutshigina gua yago wangutumine nu gulungisa midimo yenji. 35Muana zuela ndo egi " gudi luko nu ngonda jiwana ha gukatula mbuto ?" Ame ngudi gumiwambela : Zumbulenu meso nu tadienu mahia, ndaga ya adi gale hehi ha gukatula mbuto ! 36Yago udi mukatula mbuto udi muheta lufuto nu udi mubungisa mabundu mukunda nu monyo wa mayilago, hagula egi yago udi mukuna nu yago udi mukatula jimbuto asuanguluge hamoshi.37Ngenyi yene gishima muana vua egi: " muthu mumoshi udi mukuna nu muko udi muhela mbuto." 38Nga mitumi muhela mbuto ji muakunyine go. athu atshitshile mudimo nu enue muangina mu mudimo wawo.»39Athu avula a gu samaliya atshiginyine gudi Yesu mukunda nu ndaga jia zuelele mukhetu egi : «wangu wambela ndaga jiagasue ji ngatshitshile.» 40Na hajile enya gu samaliya gudi Yesu, amufubidile ha muene gusala nu ene nu wasalele nawo luko masugu ayadi.41Nu athu ako avula atshiginyine mukunda nu mbimbi yenji. 42Awambelele mukhetu egi: «Tushigo luko mutshigina khuta mukunda nu ndaga ji watuwambela, ndaga ya esue hakhetu tuadivila nu tudi mujiya egi muthu yowu udi diago muhuluishi wa mavu.»43Gu ngima dia masugu anyi ayadi, wakatugile hene ha guya gu Galela. 44Ndaga ya Yesu muene hakhenji wazuelele egi muzuedi wa ndaga jia gutuama gana shimanewa ndo mu mavu enji. 45Ha hetele muene gu Galela, enya gu Galela amuzanguile. Amuenene ndaga jiagasue jia tshitshile muene gu Yelusalema mu kumbi dia wano, ndaga ya ene nji ayile gu wano diene.46Wajile luko gu Kanana mu Galela, guago gua balumuine muene meya matombe. Gu Gapenawuma, guakhalele nu suta dia fumu wakhalele nu mona mundala. 47Havile muene egi Yesu wakatuga gale gu Yuda ha guya gu Galela, wayile gudi Yesu nu wamuzonzele ha gubumuga nenji nu ha gusaga munenji wakhalele hehi ha gufwa.48Na Yesu wamu wambelele egi : «Gula wamuenene go ijiyilo nu ndaga jia gushimana, wajiyilego gu tshigina.» 49fumu ya masuta egi : «Mulongeshi, iza gutuma hadi munami khenji gafwa gale ndo.» 50Yesu wamu wambelele egi: «Nda munaye udi nu monyo.» Fumu ya masuta watshiginyine gu mbimbi ya muwambelele Yesu, nu wayile genji.51Ha khalele muene mubulumuga muene, enya mudimo enji ajile gumutagana nu gumuwambela egi munaye udi nu monyo. 52Na wa'ahudile ha gujiya kumbi tshi dia sendesa muene guvua muabonga. Amuvutuile egi : «Hamene mu kumbi dia sambadi.»53Na shenji wa wunguluga egi yakhadi mu kumbi diene dinyi dia muwambelele Yesu egi: «Munaya udi nu monyo.» Na muene hakhenji nu athu agasue a monzo yenji atshiginyine. 54Yakhalele ndaga ya gushimana ya ngiadi Yesu gatshitshile ha katugile muene gu mavu a Yuda ha guya gu Galela.
51Gu ngima dienji, guakhalele nu wano dia enya yuda nu yesu wakandugile gu Yelusalema. 2Gu Yelusalema, hehi nu mufulo wa imeme, guakhalele nu kianga giakhalele mutamegewa mu Hebelu egi Bethesada nu giakhalele nu ijidigo itano. 3Akhashi avula nu ifofo, nu enya gusumbuta akhalele agubanda gi ijidigo yene nu akhalele munengena gubitumuga gua meya. 4Ndaga ya muanjelo wa Nzambi wakhalele wakhalele mubulumuga makumbi ako ha gubitumuna meya. Muthu yagasue wakhalele mubua mukiawo muthu ya gudiangela gu ngima dia gubitumuga gua meya wakhalele mukola gu misongo yenji nga idi ya luholo tshi.5Hene hanyi hakhalele nu muthu mumoshi wakhalele nu ukhashi ivo makumi a tatu nu dinage. 6Ha mumuenene Yesu ya gubanda nu wajiyile egi udi gale hene hugo dialeha, wamuwambelele egi : «Watshigina gukola ?»7Mukhashi wa vutuile egi: «Mulongeshi, ngushigo nu muthu wajiya gungumba mu kianga hadi meya mu bitumuga nu ha ngudi mukolesela ha guya guene, muthu muko udi mudiangela gubua mu kiawo gutuama diami.» 8Yesu wamu wambelele egi: «Zuga, zangula gitanda giaye, nu nza nu guwenda.»9Mu kumbi diene dinyi muthu muene wakolele, wa zanguile gitanda gienji nu wawendele. Yakhalele mu lusugu lua Sabbato.10Enya Yuda awambelele muthu wasagewe egi : «Idi lusugu lua Sabbato, ushigo nayo gubata gitanda giaye ndo.» 11Muene wavutuile egi: «Muthu wangusagi, wangu wambela egi: " Zangula gitanda giaye nu wenda".»12Amuhudile egi: «Nanyi muene waguwambela egi " Zangula gitanda giaye nu Wenda" ? 13Uvi muthu yago wasagewe gakhalele mujiya ndo nanyi muene ndaga ya Yesu wakatugile mu gisuegi mukunda nu thundu ya athu yakhalele ha fundo dinyi.14Gu ngima dienji, Yesu wamu muenene mu gikombelelo nu wamu wambelele egi : «Tala, haha wakola ! Gutshita luko gubola ndo hagula egi ndaga iko ya gubalega gubola igubuile.» 15Muthu muene wayila muta lumene gudi enya Yuda egi Yesu wamusagi.16Mukunda nu ngenyi, enya Yuda asegesele Yesu mukunda watshitshile ndaga jieji jiagasue mu lusugu lua gijila. 17Yesu wa awambelele egi : Shami yowu mutshita mudimo unu mangini nu ame nji ame mutshita. 18Mukunda nu ngenyi, Enya Yuda akambele luko ha gumushiya ndaga ya ishigo khuta mukunda wa leluile lusugu lua gijila, uvi mukunda watamegele nji Nzambi Shenji, ha gudihaga muho umoshi nu Nzambi.19Yesu wa avutudile egi : Mu giamatshidia, mu giamatshidia, mona gajiyile go gutshita jindaga gula gaji muenele go gudi Tata. Ndaga ya yagasue Tata gadi mutshita, mona nji udi gu itshita. 20Ndaga ya Tata wazumba mona nu udi gumu jijiga yagasue idi mutshita muene hakhanji, nu udi muza gumu jijiga ima iko yakoma ya gubalega gukoma hagula enue mushimane.21Ndaga ya, gifua Tata gadi muzugisa athu mu gufua nu guahana monyo muene hakhenji, ngenyi mona udi muhana monyo gudi muthu ya tshigina muene. 22Ndaga ya Tata gashigo gashigo musophesa muthu, uvi wabembele gusophesa guagasue gudi Mona 23hagula egi athu agasue anemese Mona gifua adi munemesa Tata. Yago gashigo munemesa Mona, gashigo munemesa Tata yago wamu tumile.24Mu giamatshidia, mu giamatshidia, muthu yagasue wavua mbimbi yami nu watshigina gudi yago wangu tumile, udi nu monyo wa mayilago nu mba gafishiwa ndo milonga, uvi wakatuga mu gufua ha guza gu monyo.25Mu giamatshidia, mu giamatshidia, ngudi gumi wambela, kumbi didi muza nu didi gale hene, hago athu agufua mba avua mbimbi ya Muna Nzambi nu ago mba ayivua mba akhala nu monyo.2627Ndaga ya, gifua Tata gadi nu monyo gudi muene hakhenji, ngenyi wahanele gudi Mona ha gukhala nu monyo gudi muene hakhenji 27nu Tata wahanele ngolo jienji gudi Mona ha gusophesa ndaga ya udi Muna-Muthu.28Mudihudi go mukunda nu ngenyi ndaga ya kumbi dimuza diago athu agasue adi hamavu mba avua mbimbi yanji nu mba azoga, 29ago atshitshile ndaga jiabonga, mba azoga mukunda nu guzuga gu gufua, uvi ago atshitshile ndaga jiabola mukunda nu gusephesewa.30Gushigo nu gima ngajiya gutshita hakhami ndo. Luholo ngudi muvua, ngudi musophesa nu gusophesa guami gudi gua diago, ndaga ya ngushigo mukamba gutshita matangi ami uvi ayago wangu tumile. 31Gula nga ngadizole uthemua, nga uthemua wami ushigo wadiago. 32Gudi nu muthu muko udi gungu zogela uthemua nu ngudi mujiya egi uthemua wenji udi wa diago.33Muatumile athu gudi Yone, nu wazogele uthemua wa giamatshidia. 34Uvi uthemua ungudi muzangula ushigo wa muthu. Ngudi muzuela egi hagula ngenyi hagula enue muhuge. 35Yone wakhalele muenda udi mulema nu guhisa, nu muakambele gusuanguluga hugo dimoshi gu mueji wenji.36Uvi uthuemua wami udi wabalega uthemua wa Yone, ndaga ya mudimo Tata gangu huile ha gutaganesa, midimo yago nga taganesa, idi muzoga muthemua wami ndaga ya Tata wangu tumile. 37Tata yago wangu tumile udi gungu zogela uthemua. Khenji muavile nga mbimbi yenji, nga gumona luholo ludi muene nga ha kumbi dimoshi ndo. 38Mbimbi yenji ishigo mukatshi dienu mukunda mushigo mutshigina gudi yago muene gatumile.39Mudi muhula ndaga jia sonegewe ndaga ya mudi mutangiza egi, mukatshi dia ndaga jinyi muajiya guheta monyo wa mayilago, jiene ndaga jia sonegewe jidi gungu zogela muthemua 40nu mushigo mutshigina guza gudi ame ha guheta monyo.41Ngushigo muzangula lutumbu luami gudi athu, 42uvi ngudi mujiya egi mushigo nu guzumba gudi Nzambi mukatshi dienu hakhenu.43Ngajile mu jina dia Shami, nu enue mushigo gungu taya ndo. Gula nga muthu wajile mu jina dienji, nga muamu taya. 44Luholo tshi mudi nayo gutshigina, enue yago muana kamba lutumbu luenu uvi mushigo mukamba lutumbu ludi muza gudi Nzambi hakhenji.45Mutangiza go egi ame mbangu mithatha gudi Tata. Gudi nu muthu muko udi gumi thatha, udi Mose yago mudi muhagela mutshima. 46Gudi mudi mutshigina gudi Mose, mudi nayo gutshigina gudi ame ndaga ya Mose wasonegele mukunda nu ame. 47Gula mushigo mutshigina gu ndaga ji ngasonega, luholo tshi muajiya gutshigina gu mbimbi jiami .
61Gu ngima dia ndaga jinyi, Yesu wa zawugila gu sambwa dia muta wa Galela udi mutamegewa egi muta wa Tibeladi. 2Thundu yakoma yakhalele gumu landula ndaga ya athu amwenene ijiyilo ya khalele mutshita mwene gudi akhashi. 3Yesu wayile holu dia mulundu nu waditumbigile nu alandudi enji.4Pake, wano wa enya yuda wakhalele hehi. 5Hadile Yesu wazumbula meso nu wamwenene thundu ya koma muza gudi mwene, wa wambelele Filipo egi: Gwi twajiya guheta mapha ha gudisa thundu yiyi? 6Uvi Yesu wazuelele ngenyi ha gukhikha Filipo ndaga ya muene hakhenji wakhalele mujiya itshi gadinayo gutshita.7Filipo wa vutwile egi: Khama jiyadi jia falanga jishigo mutagana ha gusumba mapha hagula muthu nu muthu ahete nga gitshinyi gia zonda. 8Mulandudi mumoshi jina dienji Andele phangi ya Petelo, wa wambelele Yesu egi: 9Muvala mumoshi you haha nu mapha atano nu jishwi jiyadi uvi itshi yajiya gutshita gudi thundu yiyi?10Yesu egi : Khalesenu athu agasue hashi.( Guakhalele nu mwangu wavula hama hene) ngenyi athu aditumbigile nu akhalele ha mutango wa midi jitano mu guvula. 11Na Yesu wazanguile mapha atano, gungima dia gukombelela, wakhaphela athu akhalele hashi. Walhaphele nji jishwi luholo lumoshi luene. 12Hadile athu adia nu akuta, Yesu wa wambelele alandudi enji egi: Nonyenu itshinyi ya mapha yasala hagula gima gimoshi gitotshi ndo.13Alandudi anonoele itshinyi yene nu azalesele misanda kumi nu iyadi ya itshinyi ya mapha yasalele hadile athu agasue adia nu akuta. 14Na hadile athu amona ngenyi, asendesa guzuela egi: Yowu diago udi muzuedi wa ndaga jia gutwama, yago udi nayo guza mu masugu a gutwama. 15Hadile Yesu wajiya egi aza gumukwata gu ngolo ha gumu haga fumu, na wakatugile luko hakhenji nu wayile holu dia mulundu.16Hadile ngweze ya bwa, alandudi abulumugile gu khulo ya muta. 17Anginyile mu wato nu azawugile muta haguya gu Kapelanuma.( Guma guakhalele gula bwi mu kumbi diene nu Yesu wakhalele khenji gaza gale ndo gwasanga.) 18Muhehe wakola wabundile mu muta nu meya anyiganele mangololo.19Gungima dia ene guya ha mutango wa mathombo makumi ayadi nga makumi atatu, amwenene Yesu muwenda holu dia meya nu guza gudi ene, na woma wakola wa akwatele. 20Uvi muene wa awambelele egi: Muvi ndo woma. 21Atangijile ha gumuzangula mu wato uvi wato wahete genji hasambwa.22Mu lusugu lua gulandula, thundu ya athu ya salele gu sambwa, yamuenene egi gushigo luko nu wato uko ndo khuta unu umoshi wago Yesu gadile gungina ndo hamoshi nu alandudi enji uvi alandudi ayile hakhawo. 23(Uvi guakhalele nu mawato ako ajile gu Tibeladi hehi nu fundo diakhalele ene mudia mapha gu ngima gukombelela gua Fumu Yesu).24Hadile thundu yamona egi mu mawato ene mushigo nga Yesu muene, nga alandudi enji muene, na athu agasue anginyile mu wato nu ayile gi Kapelanuma haguya mukamba Yesu. 25Hamu mwenene ene gu sambwa dia muta, amu hudile egi: Mulongeshi, kumbi tshi waji muheta haha?26Yesu wa avutuile nu guzuela egi: Mu giamatshidia mu giamatshidia, ngudi gumiwambela egi, mushigo gungu kamba mukunda nu ijiyilo ovi mudi gungu kamba mukunda nu gidia gu muadile mapha nu muakutshile. 27Mbembenu gutshiya midimo mukunda nu gidia gudi muhua, ovi tshitenu midimo mukunda nu gudia gudi musala ivo nu ivo; gudia guago muna muthu gadi gumihana ndaga ya Nzambi tata, wahagele njimbu holu dienji.28Luenyelu amu wambelele egi: Itshi tuajiya gutshita ha gukalagala mudimo wa Nzambi? 29Yesu egi: Tadienu mudimo wa Nzambi: udi gukhala nu gutshigina gudi yago muene gatumile.30Luenyelu amu wambelele egi: Gijiyilo tshi wajiya gukita, esue tumone hagula tukhale nu gutshigina gudi aye? Itshi udi nayo gutshita? 31Malemba jietu adile manna mukatshi dia temu gifua idi ya gusonega egi: wa ahuile mapha adi muza gosa ha gudia.32Ngenyi Yesu wa awambelele egi: Giamatshidia giamatshidia, ishigo Mose wamihuile mapha agosa ndo ovi shami udi umuhua mapha adi muza gosa. 33Ndaga ya, mapha a Nzambi ene ago adi muza gosa nu adi muhana monyo gudi athu. 34Ngenyi amu wambelele egi: Fumu, utuhue mapha ene masugu agasue.35Yesu wa awambelele egi: Ngudi mapha amonyo, yago udi muza gudi ame, mba gavigo luko nzala nu yago udi nu gutshigina gudi ame, mba gavigo luhungu. 36Mahugo agasue ngana gumi wambela egi: Muana gundi mona ovi mushigo nu gutshigina gudi ame. 37Athu agasue anguhuile tata, mba adi muza gudi ame nu mba ngushigo mutuna nga muthu mumoshi ndo, yago udi muza gudi ame.38Ndaga ya, ngajile gosa; ishigo mukunda nu gukita yago idi mutshigina mutshima wami ndo ovi mukunda nu gukita idi mutshigina yago wangu tumile. 39Nu tadienu ndaga idi mutshigina yago wangu tumile, idi egi ngutotesa ndo nga nu muthu mumoshi mukatshi dia ago gangu huile, ovi egi ngudi nayo gu afuzumuna mu lusugu lua gisugishilo. 40Ndaga ya ndaga idi mutshigina Nzambi idi egi, muthu yagasue udi mumona mona nu udi nu gutshigina gudi muene, udi nayo gukhala nu monyo wa mayilago nu ngudi nayo gumu fuzumuna mu lusugu lua gisugisulo.41Mafumu a enya Yuda asendesele guzuela moshi-moshi mukunda Yesu wazuedi egi: Ngudi mapha ajile gosa. Akhalele muzuela egi: 42Yowu gashigo Yesu muna Yozefo, yago tudi mujiya shenji nu ginenji ba? Na luholo tshi gadi muzuela egi ngajile gosa?43Yesu wa avutudile nu guzuela egi: Bembenu guzuela moshi-moshi mukatshi dienu. 44Gushigo nu muthu wajiya guza gudi ame gula tata wangu tumile gamu nanelego nu ngudi nayo gumu fuzumuna mu lusugu lua gisugishilo. 45Athu adi muzuela ndaga jia gutuama asonegele egi: Mba akhala agasue agu longesewa gudi Nzambi. Muthu yagasue udi muvua malongo a shami, udi nayo guza gudi ame.46Gushigo nu muthu wamuenene gale tata, gula ishigo yago wajile gudi Nzambi, muene wamonene gale tata. 47Mu giamatshidia ngudi gu miwambela egi muthu udi nu gutshigina udi nu monyo wa mayilago.48Ngudi mapha a monyo. 49Malemba enu adile manna mu temu nu ahuile nu gufua.50Wawatshi mapha adi muza gosa, hagula egi muthu yagasue wa adia nu gashigo nayo gufwa. 51Ngudi mapha adi nu monyo, adi muza gosa. Gula muthu wadia mapha wawa, udi mukhala nu monyo ivo yagasue. Mapha ago ngudi nayo guhana, idi muila wami mukunda nu monyo wa athu agasue.52Enya Yuda asendesele gudi vila khabu nu gumana ene-ene nu guzuela egi: Luholo tshi muthu yowu gajiya gutuhua mwila wenji ha gudia? 53Na Yesu wa awambelele egi: Mu giamatshidia mu giamatsidia gula mwadile go muila wa muna muthu nu mwanuile go mahatshi enji, mba muhetshi monyo go enue hakhenu.54Muthu yagasue wadia muila wami nu wanua mahatshi ami, udi nu monyo wa mayilago, nu mba ngudi gumu zugisa mu gufwa mu lusugu lua gisugishilo. 55Ndaga ya muila wami udi gima giabonga gia gudia nu mahatshi ami atagana ha gunua. 56Muthu udi mudia muila wami nu udi munua mahatshi ami, udi mukhala mukatshi diami nu ame mukatshi dienji.57Luholo tata udi nu monyo ga ngutumile nu luholo ngudi nu monyo mukunda nu muene, ngenyi muthu yagasue wadia muila wami, udi nayo gukhala nu monyo mukunda nu ame. 58Wawa mapha adi muza gosa, ashigo gifwa ago malemba enu adile nu afwa. Yago udi mudia mapha wawa, udi mukhala nu monyo ivo nu ivo. 59Yesu wakhalele muzuela ndaga jieji jiagasua mu gibungishilo kumbi dia khalele muene mulongesa gu Gapenawuma60Ngenyi, alandudi enji avula, havile ene ngenyi, asendesele guzuela egi: malongo wawa abalegela gukola, nanyi wajiya gutshigina? 61Yesu hajiyile muene egi alandudi enji adi muzuela moshi-moshi mu ndaga yene, na wa awambelele egi : Idi gumi sagesa?62Nu gula mwamona muna muthu mu kanduga guago gwajile muene? 63Givule gidi muhana monyo. Muila ushigo muhana gima ndo. Mbimbi ji ngami wambela jidi givule nu monyo.64Ovi, gudi luko mu katshi dienu nu athu ashigo mu tshigina. Ndaga ya Yesu wakhalele mujiya gu gisendeselo athu akhalele ndo nu gutshigina nu ago aza gu muhana ha mago a enya Yuda. 65Hene ga zuelele egi: Mukunda nu ngenyi hene nga miwambela egi gushigo nu muthu wajiya guza gudi ame gula tata gamu tumile ndo.66Gungima dia ndaga jinyinyi, alandudi avula ayile gawo nu atunyile guwenda nu muene. 67Yesu wahudile alandudi kumi nu mutadi egi: Enue nji mwa tshigina guya genu? 68Petelo wa vutudile egi: Fumu, gudi nanyi tuajiya guya luko? Aye udi nu jimbimbi jia monyo wa mayilago, 69tua tshigina nu tudi mujiya egi aye udi Musantu wa Nzambi.70Yesu wa awambelele egi: Ishigo ame nga mitombele, kumi nu muyadi ba ? Nu mumoshi mukatshi dienu udi Diabulu ? 71Wakhalele mu tumbula Yudasa muna Simona ISIKALIOTA ndaga ya, muene udi nayo gudiga Yesu ha mago a enya Yuda.
71Gu ngima dia ndaga jinyi, Yesu wayile gu Galela ndaga ya, gakhalele go mutshigina guya gu Yudeya mukunda enya Yuda akhalele gumukamba ha gumushiya. 2Luenyelu wano wa enya Yuda nu wa gudia mapha wakhalele hehi.3Luenyelu aphangi jienji amu wambelele egi : katuga haha, uye gu Yudeya, hagula egi alandudi aye amone nji ndaga jia kola ji udi mutshita. 4Muthu gana tshita ndo ima mu mafumbe gula udi mutshigina gujiyiwa haphelo. Gula udi mutshita ima yeyi yagasue, dimonegese gudi athu agasue.5Ndaga ya, aphangi enji nji akhalele ndo nu gutshigina gudi muene. 6Yesu wa awambelele egi: Kumbi diami khenji ditagana ndo uvi enue kumbi dienu dia tagana gale. 7Athu a ha mavu ajiyile ndo gumituna, uvi adi gungutuna mukunda ngudi muzuela egi midimo yawo idi ya bola.8Enue kandugenu gu wano, ame ngushi muya ndo gu wano ndaga ya kumbi diami khenji ditagana gale ndo. 9Gungima dia guzuela ngenyi, wasalele genji gu Galela.10Hadile aphangi jienji akanduga gu wano, hangima muene nji wakandugile gu wano mu mafumbe. 11Enya Yuda akhalele gumukambe egi udi gwi ?12Gumana guakola guakhalele mukatshi dia thundu mukunda nu muene. Ako akhalele muzuela egi : Yesu udi muthu wabonga. Ako egi : Ndo udi mu wunganesa thundu. 13Uvi gushigo nu muthu wakhalele muzuela ha phelo ndaga ya akhalele muva woma wa enya Yuda.14Mukatshi dia wano, Yesu wakandugile mu gikombelelo nu wasendesele gulongesa. 15Enya Yuda akhalele gudihula egi : Luholo tshi muthu yowu gadi mujiya ndaga jiavula ngenyi? Muene khenji ga longesewe ndo. 16Yesu wa vutudile egi : Malongo ami ahsigo muza gudi ame uvi adi malongo a yago wangutumile.17Gula muthu watshigina gutshita ndaga jidi mutsgina muene, udi nayo gujiya malongo wawa, gula adi muza gudi Nzambi, nga gula ngudi gudi zuelela hakhami. 18Yago udi muzuela mukunda nu muene hakhenji udi mukamba lukuma luenji uvi yago udi mukamba lukuma lua muthu wamutumile, muthu mununu udi mu giamatshidia nu gashigo nu gukhaphumuna mukatshi dienji.19Mose gamihuile ndo mikhuala ba? Uvi gushigo nu muthu mukatshi dienu udi mubamba mikhuala yene. Mukunda natshi mudi mukamba ha gungushiya? 20Thundu yamu vutudile egi: Udi nu diabulu nadio; nanyi umukamba hagu gushiya ?21Yesu wa vutudile nu wa awambelele egi :Nga tshita mudimo wabonga nu enue mwashimana nu mwadihula mukunda nu mudimo wene. 22Mose wamihuile mukandà, ishigo egi wakhalele muza gudi Mose uvi wakhalele muza gudi malemba enu, nu mu lusugu lua gijila mudi munginyisa muthu gu mukandà.23Gula muthu wanginyishiwa mukandà mu lusugu lua gijila uvi mukhuala wa Mose ushigo muleluga ndo, mukunda natshi mudi gunguvila khabu mukunda ngasaga muthu nu wakola mu lusugu lua gijila ? 24Mukhadigo sophesa jindaga gu meso uvi khadienu mu sophesa mu giamatshidia.25Athu ako agu Yelusalema akhalele muzuela egi : Ishigo muene umu kambewa ha gumushiya ba ? 26Tadienu luenyelu yowu muzuela haphelo, nu ene nji guzuela nga ndaga ndo. Idi yabonga ha mafumu gujiya egi muthu yowu udi diago Klisto? 27Uvi esue gui gadi muza. Uvi kumbi mba diza Klisto, gushigo nu muthu mba ujiya guma gadi muza.28Luenyelu Yesu wakologele mu gikombelelo nu gulongesa egi : Mudi gungujiya mukuta wenu wagasue nu mudi mujiya gui ngudi muza. Ngadijidile hakhami ndo, uvi yago wangutumile udi ya giamatshidia nu mushigo gumujiya ndo. 29Ngudi gumujiya mukunda ngudi muza gudi muene nu muene wangutumine.30Aphagele ha gumukwata, uvi gushigo nga nu muthu wambile koko ha gumukwata ndaga ya kumbi dienji diakhalele khenji ditagana ndo. 31Uvi athu avula mukatshi dia thundu atshiginyine gudi muene nu azuelele egi: Kumbi mbadiza Klisto, na mba utshita jindaga jia gubale jidi mutshita muene ? 32Afalaze avile thundu mu nyinyita ndaga jiene mukunda nu Yesu, nu mafumu ajinganga-nzambi nu Afalaze atumile masuta ha gumukwata.33Luenyelu Yesu wazuelele egi : Ngudi luko nu enue ndambo ya kumbi, nu hangima ngudi muya gudi yago wangu tumile. 34Mba mudi gungukamba uvi mba mushigo gunguheta. Guma ngudi muya, muajiyilego guya guene ndo.35Enya Yuda akhalele mu zuela mukatshi diawo egi : Gui guene muthu yowu gadi muya hagula esue gumuheta ndo ? Uza muya gudi ago amuanganene gudi enya Geleki ha gualongesa ba ? 36Itshi muthu yowu gatshigina guzuela ? Egi : mba mungukamba uvi mba munguhetshigo ; gu ngudi muya, muajiyilego guza guene.37Luenyelu gu gisugishilo, lusugu luakoma lua wano, Yesu wa maganene nu wa kologele nu guzuela egi : Gula muthu udi nu luhungu, aze gudi ame nu anue meya. 38Muthu yagasue udi nu gutshigina gudi ame, gifua mudi muzuela mikanda, Meya amonyo adi mukha mubulumuga gudi muene gifua muta ujima.39Uvi wazuelele ngenji mukunda nu givule giabonga, giago athu adi nu gutshigina gudi muene mba azangula; givule giakhalele khenji gizangudiwa ndo ndaga ya Yesu wakhalele khenji ga tumbuishiwa gale ndo.40Athu ako mukatshi dia thundu, havile ene mbimbi jinyi, azuelele egi : Yowu udi diago Klisto. 41Uvi ako azuelele egi : Klisto wajiya guzo gu Galela ba ? 42Mikanda ishigo muzuela egi Klisto mba uzoga mu giphuta gia Davidi, gu Beteleme dimba dia Davidi ?43Na ukhaphumunyi wanginyile mukatshi dia thundu mukunda nu muene. 44Ako mukatshi diawo atshiginyine ha gumukwata uvi gushigo nu muthu wambile koko ha gumukwata.45Luenyelu masuta avutugile gudi mafumu ajinganga-nzambi nu Afalaze, na ahudile egi : Mukunda natshi muala guza ndo nenji ? 46Masuta avutudile egi : Gushigo nga nu muthu wadiangele gale guzuela gifua mudi muzuela muene ndo.47Afalaze avutuile egi : Enue nji mwa huigiwa ba ? 48Gudi nu mafumu nga mufalaze adi mutshigina gu ndaga jienji ba ? 49Uvi thundu yeyi ishigo mujiya mukhuala idi ya gutewa mukumbu .50Nikodema, mufalaze yago wayile gudi Yesu mu masugu agutuama, wa awambelele egi : 51Na mukhuala wetu udi mu lumbuluisa muthu gula khenji mu muhula gale go ha gujiya itshi gatshitshi ba ? 52Amu vutudile egi : Aye nji udi muenya Galela ba ? Kamba nu udi muza mumna egi gushigo nu Muzuedi wa ndaga jia gutuama udi muza gu Galela.53Ngenyi, muthu nu muthu wa vutugile gu mbodienji.
81Yesu wayile gu mulundu wa Oliva, 2mu gimenegena giagasue, wayile luko mu gikombelelo, nu athu agasue ajile gudi muene. Wa ditumbigile nu wa sendesele gulongesa. 3Asonegi amikanda nu Afalase ajile mubata mukhetu mumoshi yago akuatele muta uthambi nu yala. Amuhagele mukatshi dia thundu4Hangima awambelele Yesu egi : Mulongeshi, mukhetu yowu tuamu kwata muta uthambi nu yala. 5Ovi mu mikhala, Mose udi gu tutuma ha gusona jiseso. Itshi udi muzuela ha ndaga yene? 6Azuelele ngenyi khuta mukunda nu gumutela muheto hagula amubate gudi enya Yuda. Ovi Yesu washigile hashi nu wasendesele gusonega nu muno wenji.7Mukunda akhalele mukolesela nu guhula ndaga yene, Yesu wazumbudile muto nu wa awambelele egi : Yago udi gashigo nu gubola ndo, athuphule seso yathomo nu amu sone. 8Na Yesu washugile luko nu gusonega hashi nu muno wenji.9Havile ene ngenyi, asendesele gulenga mumoshi-mumoshi, sendese gudi makota amala nu gu alenge. Na gusuga Yesu wasalele hakhenji nu mukhetu wakhalele mukatshi diawo. 10Yesu wa zumbidile muto nu wa muwambelele egi : Mukhetu aye, athu akhadi gu gukuata uthambi adi gwi? Nga nu mumoshi ugusona seso ndo? 11Mukhetu egi : Nu muthu ndo fumu. Yesu egi : Ame nji ngushigo gu gushiya milonga ndo. Nda gaye, ovi gikita luko gubola ndo.12Yesu wa wambelele kulo thundu egi : Ame ngudi muanya wa hamavu, muthu yagasue udi gungulandula gajiyilego guwenda mu phipha ndo, ovi udi mukhala nu muanya wa monyo. 13Afalase amu wambelele egi : Udi gudizogela uthemua hakhaye; uthemua waye ushigo wadiago ndo.14Yesu wa avutudile egi : Nga tshima nga dizogela uthemua hakhami, ovi uthemua wami udi wa diago. Ngudi mujiya gwi ngudi muza nu gwi ngudi muya; ovi enue, mushigo mujiya guma ngumuza nu ngumuya. 15Mudi mutala mu uthu, ovi ame ngishigo mubelesa muthu ndo. 16Nga tshima nga sambesa, unzuji wami udi wa diago ndaga ya ngushigo hakhami, ovi ngudi nu tata yago wa ngutumile.17Mu mikhuala yenu, idi ya gusonega egi, uthemua wa athu muyadi udi wa diago. 18Ngenyi ame ngudi gudizogela uthemua nu tata wa ngutumile udi muta uthemue wami nji.19Amu wambelele egi : Shaye muene udi gwi ? Yesu egi : mushigo mujiya nga ame, nga shami ; gula nga mudi gu ngujiya, nga mudi mujiya nji shami. 20Wazuelele mbimbi jiji hakhalele muene mulongesa mu gikombelelo ovi gushigo nu muthu wa mukuatele ndaga ya kumbi dienji diakhalele khenji ditagana ndo.21Yesu wa awambelele luko egi : Ngaya gami. Mbamudi gungukamba nu mbamufua mu gubola guene. Muajiyilego guza guma gu ngudi muya. 22Enya Yuda azuelele egi : Uya gudi jitshigila inyi itshi gadi muzuelela ngenyi?23Yesu wa awambelele eg : Mudi athu ahashi ovi ame ngudi muthu ya gosa. Mudi enya ha mavu wawa; ovi ame ngushigo muenya ha mavu wawa. 24Hene ngazuela egi mba mufwa mu gubola guenu. Zuela egi mu tshigina egi AME NGUDI GUENE, gula ndo mba mufwa mu gubola guenu.25Amu hudile egi: Aye nanyi ? Yesu wa avutudile egi : Ngudi yago nga miwambelele gu gisendeselo. 26Ngudi nu ndaga jiavula jia guzuela nu jia gusophesa mu ndaga idi gumi talela enue. Ovi yago wangutumile gashigo muenya mambo; nu ngudi muzuela ha mavu ndaga ji ngavile gudi muene. 27Enya Yuda akoteleselego egi Yesu udi mutumbula shenji.28Yesu egi : Hugo diagasue di mba munemesa muna muthu, hene mba mujiya egi gushigo nu ndaga ji ngana tshita mu gutshigina guami. Gifwa luholo tata ga ngulongesele, ngudi muzuela ndaga jiji. 29Yago wangu tumile udi nu ame nu gangu bembelego hakhami ndaga ya ngana tshita ima idi mutshigina muene. 30Ha khalele Yesu muzuela ngenyi, enya Yuda avula akhalele nu gutshigina gudi muene.31Luenyelu Yesu wa wambelele enya Yuda ago atshiginyile gudi muene egi : Gula mudi musala mu mbimbi yami, ngenyi mudi diago alandudi ami, 32mba mujiya giamatshidia nu giamatshidia mba gimizola mu uhiga. 33Ene egi : Tudi ana a Habalama nu khenji tuakalele getu ahiga a muthu ndo; luholo tshi udi muzuela egi mba tuzoga mu uhiga.34Yesu egi : Mu giamatshidia mu giamatshidia, ngudi gumi wambela egi, muthu yagasue udi mutshita gubola, udi musala muhiga wa gubola. 35Muhiga gana sala ndo makumbi agasue monzo, uvi mona udi musala monzo masugu agasue. 36Ngenyi gula mona wamizola mu uhiga, mudi muzoga diago.37Ame mujiya egi mudi ana a Habalama; mudi mukamba gungu shiya mukunda mbimbi yami ishigo nu bugu mukatshi dienu. 38Ngudi muzuela ndaga ji nga monele gudi shami nu enue nji mudi mutshita ndaga ji mua monele gudi ajishenu39Enya Yuda avutudile egi : Shetu udi Habalama. Yesu egi : Gula nga mudi ana a Habalama, nga mudi mutshita midimo yatshitshile Habalama. 40Yene nji, mudi mukamba gungu shiya ame yago ngudi gumi wambela giamatshidia gio ngavile gudi Nzambi. Habalama ga tshitshile ngenyi ndo. 41Mudi mutshita midimo ya shenu. Amu vutudile egi : Tushigo mu uthambi ndo; tudi nu tata mumoshi, muene Nzambi.42Yesu egi : Gula nga Nzambi wakhadi shenu, nga mua nguzumba ndaga ya ngazogele nu ngudi muza gudi Nzambi; nga dijidile ndo, ovi wangu tumile. 43Mukunda natshi mushigo mukotelesa jimbimbi jiami ndo? Idi mukunda muajiyilego gu jivua. 44Mudi athu a diabulu yago udi shenu nu mudi mutshigina gutagenesa midimo yabola ya shenu. Wakhalele mushiyi nu muzangedi sendese gu gisendeselo nu gashigo mu magana mu giamatshidia ndaga ya giamatshidia gishigo mukatshi dienji. Hadi muene mumba mambo, udi mutshita gifua muana khala muene ndaga ya udi muenya mambo nu sha mambo.45Yene nji, mushigo nu gutshigina gudi ame ndaga ya ngudi muzuela giamatshidia. 46Nanyi mukatshi dienu wajiya gungutuma mu gubola? Gula ngudi muzuela giamatshidia, mukunda natshi mushigo mutshigina? 47Muthu yagasue udi ya Nzambi, udi muvua mbimbi ya Nzambi; ovi enue mushigo muvua mbimbi ya Nzambi ndaga ya mushigo athu a Nzambi.48Enya Yuda amu vutudile egi : Na tuabinga ha guzuela egi aye udi Musamaliya nu udi nu diabulu gu muila? 49Yesu egi : Ngushigo nu diabulu; ovi ngudi munemesa shami nu enue mushigo gungu nemesa.50Ngushigo mukamba lutumbu luami hakhami; ovi gudi nu muthu udi mukamba nu udi sophesa. 51Mu giamatshidia mu giamatshidia, ngudi gumi wambela egi, gula muthu wabamba mbimbi yami, mba gashigo mufwa.52Enya Yuda amu wambelele egi : Luenyelu na tuajiya egi udi nu diabulu gu muila. Habalama nu Azuedi a ndaga jia gutuama afile ovi aye umuzuela egi: gula muthu wabamba mbimbi jiaye, mba gashigo mufua. 53Aye wabalega shetu Habalama yago wafile ba ? Azuedi a ndaga jia gutuama nji afile, aye udi gifua nanyi ?54Yesu wa vutudile egi : Gula ngudi guditumbuisa hakhami, lutumbu luami lushigo lua diago. Shami yago mudi mutamega enue egi Nzambi yenu, muene udi gungu tumbuisa. 55Khenji mua mujiyilego, ovi ame ngudi gu mujiya. Gula ngazuela egi ngushigo gumujiya, ngenyi ngudi muzoga muenya mambo gifua enue. Ovi ame, ngudi gumujiya nu ngudi mubamba mbimbi yenji. 56Shenu Habalama wa suangulugile ha gumona lusugu luami; walumonele nu wasuangulugile.57Enya Yuda egi : Aye khenji utagenesa ivo makumi atano nu luolo tshi wayile mumona Habalama? 58Yesu wa vutudile egi : Mu giamatshidia mu giamatshidia ngudi gumi wambela egi, gutuama dia gubutshiwa gua Habalama, ame ngakhalele. 59Enya Yuda anonele jiseso ha gumu sona ovi Yesu wadisuegele nu wazogele mu gikombelelo.
91Hakhalele Yesu mubalega, wamonele gifofo gia gubutshiwa. 2Alandudi enji amu hudile egi : Fumu, nanyi watshitshile gubola? Muene hakhenji inyi shenji nu ginenji hene gabutshiwe gifofo?3Yesu wa vutudile egi : Ishigo muene nga shenji nu ginenji atshitshile gubola, ovi idi mukunda gukoma gua Nzambi gu monege mukatshi dienji. 4Tudi nayo gutshita midimo ya muthu wangutumile mu muanya. Phipha imuza nu gushigo nu muthu wajiya gutshita mudimo mu phipha. 5Ha ngudi ame ha mavu, ngudi mueji wa hamavu.6Hadile Yesu wa manesela guzuela ngenyi, wafitshile mate hashi mu mavu, wabungishile mavu nu mate nu wakudile muthu muene gu meso. 7Wamu wambelele egi : Nda uzue meya mu kianga gia Silowe. Idi mujijiga egi Mutumiwi. Luenyelu muthu muene wayile muzua nu wajile muvutuga nu meso amu mona.8Na athu ahehi nu ago amu monele mulomba ima mu njila akhalele muzuela egi : Yowu ishigo muthu wakhalele mulomba ima mu njila ndo ba ? 9Ako akhalele muzuela egi : yadiago sha muene. Ako egi : Ndo, muthu wa mufuana. Ovi muene wa awambelele egi : Yowu ame.11Amu hudile egi : Na luholo tshi luenyelu meso aye adi mumona ? 10Muene wa vutudile egi : Muthu udi mutamegewa egi Yesu, muene wabungisa mate nu mavu, hene gangukula gu meso; hangima wangu wambela egi : Nda uzue meya mu kianga gia Silowe. Na ngayi muzua meya gu meso, hene nga sendesa gumona. 12Na amuhudile egi : Muthu muene udi gwi ? Wa vutudile egi : Ngushi mujiya ndo gwi gadi.13Na abatele muthu muene wakhalele gifofo gudi Afalase. 14Muenyomu, yakhalele lusugu lua Sabba ovi Yesu wabungishile mate nu mavu nu wakangudile meso a gifofo. 15Luenyelu Afalase amu hudile luko hagujiya luholo tshi gadi mu mona . Wa vutudile egi: Muthu muene wabungisa mate nu mavu hene gangu kudi gu meso. Ngayi muzua meya gu meso, hene nga sendesa gumona.16Afalase ako azuelele egi : Muthu yowu gashigo muthu ya Nzambi ndaga ya gashigo munemesa lusugu lua Sabba ndo . Ako egi : Luholo tshi muthu wabola gajiya gutshita ndaga jia kola ngenyi ? Na ukhaphumunyi wa nginyile mukatshi diawo. 17Ahudile luko muthu wakhalele meso a gufwa egi : Itshi udi muzuela mukunda nu muthu muene ndaga ya muene wa gusaga meso? Hene muene ga vutudile egi : Udi muzuedi wa ndaga jia gutuama. 18Ovi ene atunyile gutshigina gu ndaga yene egi muthu yowu wakhalele gifofo hene gadi mumona luko. Na hene atamegele shenji nu ginenji.19Ahudile shenji nu ginenji egi : Mua khalele muzuela egi munenu yowu wakhalele gifofo, luholo tshi gadi mumona mangino? 20Ene avutudile egi : Tudi mujiya egi yowu munetu nu wakhalele gifofo, 21ovi tushi mujiya ndo luholo tshi gadi mumona luenyelu nu nga nanyi wamu sagi. Muhulenu muene ndaga ya udi gale muthu ya gukula, wajiya guzuela.22Shenji nu ginenji azuelele ngenyi mukunda akhalele nu woma wa enya Yuda. Mukunda enya Yuda adiangele guzuela egi muthu yagasue udi mutshigina egi Yesu udi Kilisto, mba amukaya mu gikombelelo. 23Hene shenji nu ginenji azuelele egi: Muene hakhenji udi muthu ya gukula, muhulenu.24Hangima mu hugo dia ngiadi, atamegele luko muthu wakhalele meso agufua nu amu wambelele egi : Tumbuisa Nzambi. Esue tudi mujiya egi muthu mununu udi muthu wabola. 25Ovi muene wa vutudile egi : Ngushi mujiya ndo gula udi muthu wabola nga ndo. Yo ngumu jiya ame idi egi, nga khalele meso agufua nu mangino ngudi mumona.26Amu hudile egi: Itshi diago gatshitshi gudi aye nu luholo tshi gasagi meso aye? 27Muene wa vutudile egi : Ngami wambela gale ovi enue guvua ndo. Mukunda natshi muatshigina guvua luko lua ngiadi? Mudi mutshigina gubwa alandudi enji ba? 28Na amu shingile egi: Enue mudi alandudi enji ovi esue tudi alandudi a Mose. 29Esue mujiya egi Nzambi wazuelele gudi Mose ovi tushi mujiya ndo yowu gui gadi muzogela.30Na muene wa avutudile egi : Idi ndaga ya gudihula gula mushigo mujiya gui gadi muza. Monyomu, muene wangu saga meso. 31Esue mujiya egi Nzambi ganavila ndo athu abola; ovi gula muthu udi mutshita ndaga jidi mutshigina muene, Nzambi udi nayo gumuvila.32Sendese gu gisendeselo gia mavu, khenji tuavile egi muthu wasaga meso a gifofo. 33Gula nga muthu yowu gakhalele ndo muthu ya Nzambi, nga gatshitshile ndo ndaga jiji. 34Amu vutudile egi : Wabutshiwe mu gubola ovi udi gutu longesa esue? Hangima amu zolele honze.35Hadikle Yesu wajiya egi enya Yuda akayi muthu muene mu gikombelelo. Wayile gumusanga nu wamu wambelele egi : Udi nu gutshigina gudi muna muthu? 36Muene wa vutudile egi : Fumu, muna muthu muene udi nanyi ha ame gutshigina gudi muene? 37Yesu egi : Aye gumumona nu muene udi muzuela nenji. 38Muene wa vutudile egi : Fumu, ngudi nu gutshigina. Nu wamu fugamele ha gumu nemesa.39Yesu egi : Ngajile ha mavu hagula egi athu adi nu meso agufua amone nu ago adi mumona afe meso. 40Afalase ago akhalele hene nu muene avile ndaga jinyi, amu wambelele egi : Esue nji tudi ifoffo ba ? 41Yesu egi: Gula nga mua khalele ifofo, nga mua khalele ndo nu gubola. Ovi luenyolu mudi muzuela egi mudi mumona. Ngenyi gubola guenu gudi musala genji guene.
101Mu giamatshidia mu giamatshidia, ngudi gumi wambela egi, muthu yagasue udi gashigo mungina mu dinda ha mufulo ovi udi mungina bugu diko, muthu mununu udi nzangi nu muzangedi. 2Yago udi mungina ha mufulo udi mutadi wa imeme.3Mutaledi udi gumu zuludila mufulo. Imeme idi muvua mbimbi yenji nu udi mutamega imeme mu majina enji ha gu izola mu dinda. 4Hadi muzola muene imeme yago idi yenji, muene udi muwenda ha tuama nu yene idi gumu landula ndaga idi muvua mbimbi yenji.5Imeme yajiyilego gulandula muenyi; yene nji idi nayo gumu lenga ndaga ya ishigo mujiya mbimbi ya muenyi. 6Yesu wa atele gishima gigi, ovi akoteleselego nga nu gima gimoshi mu ndaga ya khalele muene muzuela.7Hangima Yesu wa awambelele luko egi : Mu giamatshi mu giamatshidia ngudi gumi wambela egi, ame ngudi mufulo wa luphango lua imeme. 8Agasue ajile gutuama diami adi nzangi nu azangedi, ovi imeme yavilego mbimbi yawo.9Ngudi mufulo. Muthu yagasue udi mu nginyila gudi ame; mba uhuluga; mba ungina nu mba uzoga, mba uheta muangu wagudia. 10Nzangi yanaza mukunda nu gukuya, gushiya nu guzangela. Ame ngajile hagula egi ahete monyo nu, monyo wa mayilago.11Ngudi mutaledi wabonga wa imeme. Mutaledi wabonga udi muhana monyo wenji mukunda nu imeme yenji. 12Muenya mudimo gashigo mutaledi ndo nu gashigo nu imeme yenji ndo. Hadi mumona muene khoshi muza, muene udi mubemba imeme nu udi mulenga genji. Na khoshi idi mukuata imeme nu idi gu imuangenesa. 13Udi mulenga ndaga ya muene udi muenya mudimo nu gashigo nu gikenene mukunda nu imeme.14Ngudi mutaledi wabonga. Ngudi mujiya imeme yago idi yami nu yene nji idi gungu jiya. 15Tata udi gungu jiya nu ame ngudi mujiya tata; nu ngudi muhana monyo wami mukunda nu imeme yami. 16Ame nji nu imeme iko ishigo mu dinda didi. Ngudi nayo gu ikamba, ha yene guvua mbimbi yami hagula gukhale nu thundu imoshi ya imeme nu mutaledi mumoshi.17Talenu mukunda natshi tata gana gungu zumba : ngudi muhana monyo ha guza gu uheta luko. 18Gushigo nu muthu udi gungu tambula nawo, ovi ngudi gu uhana ame ha khami. Ngudi nu ngolo jia gu uhana nu jia gu uzangula luko. Tata wangu wambelele ngenyi.19Gukhaphumuna guaza luko mukatshi dia enya Yuda mukunda nu jimbimbi jinyinyi. 20Avula mukatshi diawo akhalele muzuela egi : Yesu udi nu diabulu, mukunda natshi mudi mubalegesa kumbi ha guvua ndaga jimuzuela muene ? 21Ako egi : ishigo mbimbi jia muthu udi nu diabulu ndo. Diabulu wajiya gusaga muthu ya meso afua ba?22Na guakhalele nu wano gu Yelusalema. 23Ya khalele mu mvula nu Yesu wakhalele muwenda mu gikombelelo gu khanda mufulo wa Salomo. 24Na enya Yuda amu jietele nu amu wambelele egi : Makumbi gutshi udi nayo gutubemba mu gubuita gua mitshima? Gula udi Kilisto, tuwambele diago haha mu thundu.25Yesu egi : Ngudi gumi wambela, ovi enue gutshigina ndo. Midimo ngudi mutshita mu jina dia shami yene idi gungu zogela uthemua. 26Yene nji, mushi mutshigina ndp ndaga ya mushigo imeme yami ndo.27Imeme yami idi muvua mbimbi yami. Ngudi gu ijiya nu idi gungu landula. 28Ngudi gu ihana monyo wa mayilago, mba ifigo luko nu gushigo nu muthu wajiya gu ikatula ha mago ami.29Shami wangu huile nayo, udi wabalega ako agasue gukoma nu gushigo nu muthu wajiya gu itambula ha mago a shami. 30Ame nu shami tudi muthu mungoshi. 31Na enya Yuda anonene luko jiseso ha gumusona.32Yesu wa avutudile egi : Ngami jijiga midimo yavula yabonga ya shami. Mudimo tshi mudi mutshigina gungu sonela jiseso ? 33Enya Yuda amu vutudile egi : Ishigo mukunda nu mudimo wabonga hene tudi mukamba ha gu gusona jiseso ndo, uvi mukunda nu luweyi ; ndaga ya aye udi muthu uvi udi gudihaga ha funda dia Nzambi.34Yesu wa avutudile egi : Ishigo ya gusonega mu mukhuala wenu egi : Nga zuedi egi mudi Tunzambi ba ? 35Gula muene hakhenji udi guatamega Tunzambi, ene ago mbimbi ya Nzambi yajile mukunda, 36luholo tshi mudi muzuela gudi muthu yago Tata gahagele maji nu wamutuma ha mavu egi : Udi muweya, mukunda ngazuedi egi: Ngudi muna Nzambi ?37Gula ngushigo mutshita midimo ya shami, nganyi mu tshigina ndo gu ndaga jiami. 38Uvi gula ngudi gu itshita, nga tshima mushigo gungu tshigina, uvi khadienu nu gutshigina gu midimo nge mudi muza mujiya nu gukotelesa egi Tata udi mukatshi diami nu ame ngudi mukatshi dia Tata. 39Akambele luko ha gumu kwata uvi waphusumugile ha mago awo.40Yesu wayile hugo diko gu sambua dia muta wa Yudani ha bugu diago Yone gakhalele mu batigiza, nu Yesu wasalele hene. 41Athu avula ajile gudi muene nu amu wambelele egi : Yone gatshitshile go nga ndaga ya gudihula uvi ngada jia zuelele muene mukunda nu muthu yowu jidi jia diago. 42Nu athu avula atshiginyine gudi Yesu ha fundo dinyinyi.
1112Guakhalele nu muthu mumoshi jina dienji Lazalo, wakhalele mundala. Wakhalele muenya gu Batani, dimbo dia Madiya nu Mata phangi enji ya mukhetu. Lazalo wakhalele phangi ya Madiya yago wajile mukula Fumu Yesu mananashi nu wakungudile nu malu enji nu sanga dienji.3Aphangi muyadi a akhetu, atumile ngenji gudi Yesu egi : Fumu, muthu yago aye wana zumba, udi mundala. 4Havile Yesu ngenji inyi, wazuelele egi : Ukhashi ununu ushigo mubata mu gufua, uvi udi mukunda nu lutumbu lua Nzambi hagula egi muna Nzambi atumbuishiwe.5Yesu wakhalele wazumba Mata phangi enji ya mukhetu nu muene Lazalo. 6Luenyelu, havile Yesu egi Lazalo udi mundala, watshitshile luko masugu ayadi gula guakhalele muene. 7Gungima dienji, wa wambelele alandudi enji egi : Tuvutugenu gu Yuda.8Alandudi amu wambelele egi : Mulongeshi, enya Yuda amukamba ha gu gusona jiseso, luholo tshi udi mutshigina guvutuga guene ? 9Yesu wa vutudile egi: Gushigo nu makumbi kumi nu muyadi a muenya mu lusugu lumoshi ba ? Gula muthu udi muwendamu muanya, gashigo mubua ndo ndaga ya udi mumona nu mueji wa ha mavu.10Uvi gula muthu udi muwenda mu phipha, udi mubua ndaga ya mueji ushigo gudi muene. 11Hangima dia guzuela ndaga jinyinyi, Yesu wa legela egi : Zamba dietu Lazalo udi gu tulo, ngudi muya ha gumu zugisa.12Alandudi amuwambelele egi : Fumu, gula Lazolo udu gu tulo, udi muza muzuga. 13Yesu wakhalele mutumbula gufua gua Lazalo uvi ene akhalele mutangiza egi umu zuelela tulo tua gubanda. 14Luenyelu Yesu wa awambelele mu gimona gia meso egi : Lazalo wafi gale.15Ngudi musuanguluga mukunda nu enue ndaga ya ngakhalele go hene, hagula egi mukhale nu gutshigina. Luenyelu tuyenu ! 16Toma wakhalele mutamegewa egi phasa, wa wambelele alandudi ako egi : Tuyenu nji hagula tufenu nenji.17Ha hetele Yesu, wamuenene egi Lazalo wabalegesa gale masu awana mu malumba. 18Betani ya khalele hehi nu Yelusalema ha mutango wa ilomete kumi nu mutano. 19Enya Yuda avula ajile gudi Mata nu Madiya ha guawalagana mukunda nu phangi yawo wafile. 20Havile Mata egi Yesu yowu muza, wayile gu mutagana, uvi Madiya wakhalele ya guditumbiga hashi gutuama dia inzo.21Mata wa wambelele Yesu egi : Fumu, gula nga wakhalele haha, nga munetu gafile go. 22Uvi luenyelu ngudi mujiya egi, yagasue udi mulomba gudi Nzambi, udi gu guhana nayo. 23Yesu wa muwambelele egi : Phangi yaye udi mukhala nu monyo.24Mata wamu wambelele egi : Ngudi mujiya egi udi muza mukhala nu monyo mu kumbi dia guzuga gu gufua mu lusugu lua gisugishilo. 25Yesu wamu vutudile egi : Ame ngudi gufuzumuga nu monyo, muthu yago udi mutshigina gudi ame, nga tshima wafua genji, udi muza mukhala nu monyo 26nu yagasue udi nu monyo nu udi mutshigina gudi ame mba gashigo mufua. Watshigina ndaga yeyi ba ?27Mata wamu wambelele egi : Ayi Fumu, ngudi nu gutshigina egi aye udi Klisto muna Nzambi yago udi muza ha mavu. 28Hangima dia guzuela ngenji, wavutugile nu gatamegele phangi enji Madiya. Nu wamu wambelele egi : Mulongeshi udi gale haha nu udi gu gutamega. 29Havile muene ngenyi, wazugile muphushi nu wayile gudi muene.30Yesu wakhalele khenji gangina gale go mu dimbo ndaga ya wakhalele luko hama hataganene muene nu Mata. 31Luenyelu, enya Yuda ago ajile guawalagana hamuenene Madiya muzoga jiphushi, amulandudile ndaga ya akhalele mutangiza egi umuya mudila gu malumba. 32Ha hetele Madiya hama ha khalele Yesu nu ha mumuenene, wabuile mu malu enji nu wamuwambelele egi : Fumu, gula nga wakhalele haha, nga munetu gafile go .33Ha mumuenene Yesu mudiya nu enya Yuda ajile nenji mudila, gikenene giakola giamukwatele diago. 34Wahudile egi : gui mwamu fundile ? Ene amu wambelele egi : Fumu, za utale. 35Na Yesu wadidile.36Enya Yuda azuelele egi : tadienu guzumba gua zumbile muene Lazalo ! 37Uvi ako akhalele gudi zuelela egi : Muthu yowu wazuluile meso a gifofo, gajiyile go gutshita egi muthu yowu gafi fo ba ?38Luenyelu mukatshi dia gikenene ginyi, Yesu wayile gu malumba. Yakhalele wina nu seso dia gujidida ha mufulo. 39Yesu egi : Katudienu seso ! uvi Mata pangi ya Lazalo wafile, wa wambelele Yesu egi : Fumu, luenyelu mwila wenji udi gale munukha, ndaga ya wabalegesa gale masugu awana. 40Yesu wamu wambelele egi: Nga guwambelele go egi gula udi nu gutshigina, udi muza mumona gutumbuga gua Nzambi ba?41Na akatudile seso. Yesu wazumbudile meso gosa nu wazuelele egi : Tata, ngudi gu guhua hamba dia hana ndaga ya wanguvila. 42Ngakhadi mujiya egi wana gunguvila mahugo agasue, uvi idi mukunda nu thundu idi gukhulo yami hene ngazuela ngenyi hagula egi atshigine ' egi aye wangu tumile.43Hangima dia guzuela ngenyi, wakologogele mangololo mu dijui dia kola egi : Lazalo zoga ! 44Mufi wazogele, mago nu malu agujitshiga milele, nu phala yenji yagutshuiga mulele. Na Yesu wa wambelele athu egi : Mujitululenu nu bembenu aye !45Na enya Yuda avula ajile gudi Madiya nu amuenene ndaga jia tshitshile Yesu, atshiginyile gudi muene, 46uvi, ako avutugile gudi Afalaze nu atele ndaga jia tshitshile Yesu.47Na mafumu a nganga-nzambi nu Afalaze adi bungishile nu azuelele egi : Itshi tudi mutshita ? Muthu yowu udi mutshita jindaga jia gushimana jiavula. 48Gula tuamubemba ngenyi, athu agasue adi muza mutshigina gu ndaga jienji ; enya Lomo adi muza gututambula ufumu nu mavu etu.49Muthu mumoshi mukatshi diawo jina dienji Gayisa yago wakhalele fumu ya nganga-nzambi mu givo ginyinyi, wa awambelele egi : Mushigo mujiya jindaga ndo. 50Mushigo mujiya egi idi yabonga mukunda nu enue, hagula muthu mumoshi afe ha guhuluisa athu ako agasue ba ?51Uvi gakhalele go muzuela hakhenji ndo; ndaga ya wakhalele fumu ya nganga-nzambi mu givo ginyinyi, na wakhalele muzuela ndaga jidi muza gutuama egi Yesu udi nayo gufua mukunda nu mavu agasue, 52uvi ishigo khuta mukunda nu mavu, uvi idi nji mukunda nu gubungisa mu fundo dimoshi ana a Nzambi agasue adi agumuangana. 53Sendese lusugu lununu, asendesele gukamba luholo lua gushiya Yesu.54Yesu gakhalele go luko muwenda haphelo mukatshi dia enya Yuda, uvi wadiwungile mu dimbo diko didi mu gibonda, diago didi mutamegewa egi Efalayima. Wasalele guene nu alandudi enji. 55Wano wa enya Yuda wakhalele hehi, athu avula akhalele muza khanda jiagasue nu mukandu gu Yelusalema ha gudiweva gutuama dia wano wa Pake.56Akhalele mukamba Yesu, nu gudi zuelela ene hakhawo hakhalele ene mumagana mu gikombelelo egi : Mudi mutangiza egi gashigo muza gu wano ba ? 57Mafumu anganga-nzambi nu Afalaze ahanene mukhuala egi gula gudi mu muthu udi mujiya gui gudi Yesu, udi nayo guawambela ha ene gumukwata.
121Masugu asamano gutuama dia Pake, Yesu wajile gu Betani guakhalele Lazalo yago muene gazugishile gu gufua. 2Amuhuile ima ya gudia, Mata wakhalele guatshitshila mudimo nu Lazalo wakhalele mukatshi dia ago akhalele mudia gu mesa nu Yesu. 3Na Madiya wazanguile mulondo wa mananashi avumba diabonga, wabundudilu mu malu a Yesu, nu wakungumuine malu a Yesu nu sanga dienji. Inzo yagasue yazalele nu vumba dia mananashi.4Yudasa, mumoshi mukatshi dia alandudi, muene yago wadigile Yesu, wazuelele egi : 5Mukunda natshi hagula gudiga ndo mananashi wawa mu falanga khama jitatu nu guhana falanga jinyi gudi jiphutu ? 6Ishigo wakhalele muzuela ngenyi mukunda wazumba jiphutu ndo uvi wazuelele ngenyi ndaga ya wakhalele nzangi : wakhalele mutalela mushete wa falanga nu wakhalele muzula falanga jia khalele mumbiwa mwene.7Yesu wazuelele egi : Mubembienu tedie. Watshitshi ngegi mukunda nu lusugu lu mbagu mbiwa mu ndumba. 8Jiphutu udi mukhala najio masugu agasue, uvi ame, mushigo mukhala nu ame masugu agasue ndo .9Luenyelu thundu yakoma ya enya Yuda yavile egi Yesu wakhalele hene nu ajile ; ajilego khuta mukunda nu Yesu, uvi ajile nji mutala Lazalo yago Yesu gazugishile mu gufua. 10Mafumu a enya Yuda atangijile nji ha gushiya Lazalo ; 11ndaga ya idi mukunda nu muene hene enya Yuda avula adi mukatuga gudi ene nu adi mutshigina gudi Yesu.12Gikwatshia, thundu yakoma yajile gu wano. Havile ene egi Yesu udi muza gu Yelusalema, 13abatudile mandala nu thango jia mitshi, azogele ha gumu tagana nu guyimba ha katshi dia kano egi : Ozana ! Ozana ! guzela muila gukhale gudi yago udi muza mu jina dia Fumu, muatha wa enya Yuda.1415Yesu wasangele muna phunda nu waditumbigile holu dienji ; gifua yakhalele ya gusonega egi : Uvigo woma ndo, mona mukhetu ya gu Siona ; tala, Fuma yaye yowu muza holu dia muna phunda.16Alandudi enji akhalele go mukotelesa ndaga jieji gu gisendeselo, uvi hadile Yesu watumbuishiwa, awungulugile egi ndaga jieji jia sonegewe mukunda nu muene nu ndaga jieji jia tshitshiwe gudi muene.17Luenyelu thundu yago yakhalele nu Yesu kumbi dia tamegele muene Lazalo mu malumba nu gumu zugisa mu gufua, akhalele mutela ako lumene nu guzogela Yesu uthemwa . 18Mukunda nu ngenyi hene thundu ya zogele ha gumu tagana ndaga ya avile egi wathsitshile ndaga jia gushimana. 19Afalaze akhalele gudi zuelela egi : Tadienu, athu agasue adi gale gumu landula, mushigo luko nu ndaga ya gutshita.20Luenyelu guakhalele nu enya Geleki mukatshi dia athu akhalele mukanduga gu wano. 21Enyawa ayile gudi Fidipho gu Betasayida mu Galela nu amu hudile egi : Phangi, tua tshigina gumona Yesu. 22Fidipho wayile muwambela Andele, muyadi yawo ayile muwambela Yesu.23Yesu wa avutuile egi : Kumbi dia tagana hagula Muna Muthu atumbuishiwe. 24Mu giamatshidia mu giamatshidia ngudi gumiwambela, zuelegi mbale ibwigo hashi nu ifigo ngenyi idi musala mbale imoshi, uvi gula yafua, idi mubuta mbuto yavula.25Muthu yagasue udi muzumba monyo wenji mba udi gu utotesa, uvi yago udi mutotesa monyo wenji ha mavu wawa, udi gu ubamba mukunda nu monya wa mayilago. 26Gula muthu udi gungu tshitshila, angu landule, nu bugu di ngudi, diene mba dikhala enya mudimo wami. Gula muthu udi gungu tshitshila, Shami udi gumu nemesa.27Monyo wami udi gudi sagesa muavula luenyelu : Itshi ngajiya guzuela ? Tata, nguhuluisa mu kumbi didi dia lamba, uvi ngajile mukunda nu kumbi didi. 28Tata, tumbuisa jina diaye. mbimbi imoshi yazogele gosa egi : Ngadi tumbuisa gale nu ngudi muza gudi tumbuisa luko. 29Hangima, thundu yakhalele mu lukalo nu yavile ngenyi, akhalele muzuela egi inyinyi lungu lua mvula, ako egi : muanjelo waji muzuela gudi muene.30Yesu wa vutuile egi, mbimbi yeyi yajilego mukunda nu ame, uvi yaji mukunda nu enue. 31Luenyelu idi gumbulushiwa gua mavu wawa: Luenyelu fumu ya mavu udi mukayewa.32Nu ame, gula nga thuphudiwa ha mavu, mba ngudi munana athu agasue gudi ame. 33Wakhalele muzuela nge ha gujijiga luholo tshi gadi nayo gufua.34Thundu yamu vutudile egi : Tuavile mu mukhuala egi Klisto udi nayo gukhala nu monyo ivo nu ivo. Luhomo tshi wajiya guzuela egi : Muna Muthu udi nayo gukatudiwa ha mavu? Muna Muthu muene nanyi ? 35Na Yesu wa avutudile egi : Muanya udi luko mukatshi dienu uvi ishigo mukunda nu masugu avula ndo. Wendenu ha mudi nu muanya hagula egi phipha imibuila ndo. Muthu udi muwenda mu phipha gashigo mujiya guma gudi muya muene. 36Luholo mudi mu muanya, khadienu nu gutshigina gudi muanya hagula egi mukhale ana a munya. Yesu wazuelele ndaga jieji hangima wayile gudisuega gualeha nu ene.37Nga tshima Yesu watshitshile ndaga jia vula jia gushimana gutuama diawo uvi akhalele go nu gutshigina gudi muene 38hagula egi mbimbi jia Izaya ji taganesewe, gifua muazuelele muene egi : Fumu, nanyi watshinyine gu mbimbi yetu ? Gudi nanyi koko gua Fumu gua muenesewe ?39Mukunda nu ngenyi akhalele go nayo gutshigina ndaga ya Izaya udi muzuela luko egi : 40Watshuigile meso awo nu wakolesele mitshima yawo; gula egi mba amona nu meso awo nu mitshima yawo, mba adi muza gudi ame, nu mba ngudi guasaga.41Izaya udi muzuela ndaga jieji ndaga wamuenene lutumbu ya Yesu nu wazuelele mukunda nu muene. 42Hene nga ene mafumu avula atshiginyile gudi Yesu uvi mukunda nu Afalaze, akhalele go gumu shimana hagula gukayewa ndo mu gikombelelo. 43Akhalele mutshigina gunemesewa gudi athu yagubalega gunemesewa gudi Nzambi.44Yesu wazuelele mu mbimbi yakola egi : Muthu yagasue udi nu gutsgina gudi ame, gashigo mutshigina khuta gudi ame ndo, uvi udi nji mu tshigina gudi yago wangu tumile, 45nu yago udi gungu mona, wamonyi nji yago wangu tumile.46Ngajile gifua muanya ha mavu hagula egi muthu yagasue udi mutshigina gudi ame gasadigo mu phipha. 47Gula muthu udi muvua jimbimbi jiami uvi gashigo gujibamba, ,gushigo gumu sophesa ndaga ya ngajile go musophesa mavu uvi ngajile guahuluisa.48Muthu yago udi gungu tuna nu gashigo mutshigina mbimbi yami, udi nu muthu udi gumu sophesa : Idi mbimbi yago nga zuelele, yene mba imu sophesa mu lusugu lua gisugishilo. 49Ndaga ya nga zuelele go mu gutshigina guami. Khanda iko, idi Tata wangu tumile, muene wangu huile mukhuala mukunda nu ndaga ji ngudi najio ha guzuela. 50Ngudi mujiya egi Mukhuala wenji udi monyo wa mayilago; ngenyi ndaga ji ngudi muzuela, ngudi guji zuela gifua luholo Tata gangu wambelele, ngenyi ngudi muzuela.
131Gutuama dia wano wa Pake, ndaga ya Yesu wakhalele mujiya egi kumbi dienji diatagana ha muene gukatuga ha mavu nu guya gudi Tata- Ha zumbile muene athu enji akhalele ha mavu- wa' azumbile unu gu gisugishilo. 2Luenyelu Diabulu wakhalele wambi gale mukatshi dia Yudasa Ishikaloti mune Simona, matangi a gudiga Yesu.3Yesu wakhalele mujiya egi Tata wahagele ima yagasue ha mago enji nu muene wakhalele muza gudi muene nu guvutuga luko gudi Nzambi. 4Wazugile gu mesa guakhalele ene mudia nu wakatudile mulele. Hangima, wazangudile sanji dia mulele nu wajitshigile ha kete. 5Wambile meya ha longa nu wasendesele guweva malu a alandudi enji nu gukungumuna nu sanji dia mulele dia jitshigile muene ha kete.6Wajile gudi Phetelo nu Phetelo wamu wambelele egi : Fumu, udi diago gungu weva malu ? 7Yesu wavutudile egi : Ingudi mutshita, mushigo gu ikotelesa gale luenyelu ndo, uvi mba mudi gu ikotelesa gungima. 8Phetelo wamu wambelele egi : Ushigo muweva malu ami nga hazonda ndo. Yesu wamu vutudile egi : Gula nga wevele go malu aye, ushigo mukhala nu dishinda gudi ame ndo. 9Simona Phetelo wamu wambelele egi : Fumu, uwevi ndo khuta malu uvi nguweve nji nu mago nu muto.10Yesu wamu vutudile egi : Muthu yago wagui gale meya, udi nayo guweva khuta malu ndaga muila wenji ushigo nu jilo. Mushigo nu jilo uvi mukuta wenu wagasue ndo. 11Ndaga ya Yesu wakhalele mujiya muthu udi gumu diga ; hene gamuzuela egi : Ishigo mukuta wenu wagasue.12Hadile Yesu waweva malu awo, wa zangudile milele nu wayile luko guditumbiga, hangima wa awambelele egi : Mudi mujiya gima ngatshita gudi enue ? 13Muana gungu tamega egi Fumu nu Mulongeshi; Idi yadiago ngudi Fumu nu Mulongeshi. 14Gula ame Fumu nu Mulongeshi ngaweva malu enu, enue nji mudi nayo gudi weva malu mukatshi dienu 15ndaga ya idi gifezegeselo ha enue gutshita gifua mu ngatshita ame.16Mu giamatshidia, mu giamatshidia, ngudi gumi wambela, muenya mudimo gashigo wabalega fumu yenji nga mutumiwi abalege yago udi gumutuma. 17Gula mudi mujiya ndaga jieji mudi ya guzela muila gula mudi gujitshitshila. 18Ngushigo muzuela mukunda mukuta wenu wagasue ndaga ya ngudi mujiya ago ngatombele uvi ngudi muzuela nganyi hagula ndaga jia sonegewe jitaganesewe egi : Muthu udi mudia mapha ami, wangu thuphudila luko kulu guenji.19Ngudi gumi wambela ngegi gutuama dia yene gutagenesewa hagula egi kumbi mba itagana, enue mutshigina egi ngudi guene. 20Mu giamatshidia mu giamatshidia, ngudi gumi wambela, muthu yagasue wangu taya, wataya nji yago udi gungu tuma nu muthu wangu taya, wataya yago wangu tumile.21Hakhalele Yesu muzuela ngenyi, matangi enji akhalele mu gikenene giakola, hangima wazuelele egi : Mu giamatshidia, mu giamatshidia, ngudi gumi wambela egi muthu mumoshi mukatshi dienu udi muza gungu diga. 22Alandudi aditalele mukatshi diawo nu gudi hula gula nanyi Yesu gadi muzuelela.23Mulandu mumoshi mukatshi diawo, mulandudi yago Yesu gakhalele muzumba muavula, wakhalele ya guzegemena ha thulo ya Yesu hakhalele ene gu mesa. 24Phetelo wafezegesele nu koko gudi mulandudi muene nu wazuelele egi : Tuwambele gula nanyi Yesu gadi muzuelela. 25Mulandudi muene wazegemenele luko ha thulo ya Yesu nu wamu hudile egi : Fumu, nanyi muene ?26Hangima Yesu wavutudile egi : Yago nguza muhana gitshinyi gia dipha dia gutaba mu vinu. Hatabele muene dipha mu vinu, wahanele gudi Yudasa muna Simona Ishikalote. 27Gungima dia gudia dipha dinyi, Satana wanginyile mukatshi dia Yudasa. Hangima Yesu wamu wambelele egi : Yagasue udi nayo ha gutshita, itshite mu phushi.28Gushigo nu muthu wakhalele gu mesa nu wakhalele mujiya mukunda natshi Yesu gakhalele muzuela ngenyi. 29Ako akhalele mutangiza egi hugo diko yajiya gukhala mukunda Yudasa wakhalele mubambi wa falanga, na Yesu wakhalele gumu wambela egi : Sumba ima mukunda nu wano. Ako akhalele mutangiza egi Yudasa udi nayo guhana ndambo jia ima gudi jiphutu. 30Hadile Yudasa wazangula dipha, wazogele diago. Yakhalele mu phipha.31Hadile Yudasa waya, Yesu wazuelele egi : Luenyelu Muna Muthu watumbuishiwa nu Nzambi nji watumbuishiwa mukatshi dienji. 32Nzambi mba umutumbuisa mukatshi dienji hakhenji, nu mba umutumbuisa hamoshi. 33Alenge, ngudi luko nenu mukunda nu gakumbi gazonda. Mba mudi gungu kamba, nu gifua nga wambelele enya Yuda : guma gu ngudi muya, enue muajiyile go guza guene, luenyelu ngudi gumi wambela nayo nji.34Ngudi gumi hana mukhuala uhe-uhe, egi dizuembenu enue nu enue gifua luholo lu ngami zumba ; ngenyi mudi nayo gudizumba. 35Mu ngenyi athu mba ajiya egi mudi alandudi ami gula mudi nu guzumba mukatshi dienu36Phetelo wamu wambelele egi : Fumu, gui guene udi muya ? Yesu wamu vutudile egi : Guma gu ngudi muya, aye wajiyilego gungu landula luenyelu, uvi mba ungu landula mu masugu agu ngima. 37Phetelo wamu wambelele egi : Fumu, mukunda natshi ngajiyilego gu gulandula luenyelu? Ngudi nayo guhana monyo wami mukunda nu aye. 38Yesu wa vutudile egi : udi nayo guhana monyo waye mukunda nu ame ? Mu giamatshidia, mu giamatshidia, ngudi gu guwambela egi, kolombolo dishi gale mudila ndo, aye udi muza gungu tuna mahugo atatu.
141Mutshima wenu ukhadi ndo gosa-gosa. Khadienu nu gutshigina gudi Nzambi nu gudi ame. 2Gumbodia Shami gudi nu mafundo avula. Gula nga yakhalelego ngenyi, nga ngami wambelele gale, ndaga ya, ngudi muya mulonda dibugu mukunda nu enue. 3Gula ngaya mulonda dibugu muknda nu enue, mba ngudi muza nu gumi zangula, hagula egi bugu diago mba ngukhala, enue nji mba mukhale hene.4Enue mujiya njila ngudi muyila. 5Toma wa wambelele Yesu egi : Fumu tushi mujiya ndo gui udi muya; luholo tshi tuajiya gujiya njila ? 6Yesu wamu wambelele egi : Ame ngudi njila, giamatshidia nu monyo ; gushigo nu muthu wajiya guza gudi tata gula ga balegele go gudi ame. 7Gula nga muangu jiyile, nga muajiyile nji Shami ; Luenyelu mudi gumu jiya nu mua mumonyi nji.8Fidipho wa wambelele Yesu egi : Fumu, tujijige Tata, nu udi ya tagana gudi esue. 9Yesu wamu wambelele egi : Nga khalelego nenu masugu avula nu mushigo gungu jiya unu mangino, Fidipho ? Muthu yagasue wangu mona, wamonyi Tata ; Luholo tshi wajiya luko guzuela egi, tujijige Tata ?10Mushigo nu gutshigina egi ngudi mukatshi dia Tata, nu Tata udi mukatshi diami ba ? Mbimbi ji ngudi gumi hana jishigo muza gudi ame ndo uvi Tata udi mukatshi diami, muene udi mutshita mudimo wenji. 11Tshiginenu gudi ame egi ngudi mukatshi dia Tata nu Tata udi mukatshi diami ; gula ndo tshiginanu gudi ame mukunda nu midimo yami hakhami.12Mu giamatshidia, mu giamatshidia, ngudi gumi wambela : Muthu udi nu gutshigina gudi ame mba utshita ndaga jieji ngudi mutshita, mba utshita nu jiago jiabalega gukoma ndaga ya ame ngudi muya gudi Tata. 13Yagasue muajiya gulomba mu jina diami, ngudi nayo gu itshita hagula egi Tata atumbuishiwe gudi mona. 14Gula mua lomba gima giagasue mu jina diami, mba ngudi gu gitshita.161517Gula mua nguzumba, mba mudi mubamba mikhuala yami. Nu mba ngukombelela Tata mukunda nu enue, nu umuza gumi hana muwalaganyi muko hagula akhale mukatshi dienu masugu agasue, 17Givule gia giamatshidia. Enya ha mavu ajiyilego gumu taya ndaga ya ashigo gumu mona nga gumu jiya ndo, uvi enue mudi gumu jiya ndaga ya udi musala nu enue nu udi mukatshi dienu.18Mba ngushigo gumi bemba hakhenu; mba ngudi muza gudi enue. 19Mukunda nu gakumbi gazonda nu enya hamavu mba angu monyi go luko, uvi enue gungu mona. Mukunda ngudi nu monyo, enue mudi nayo gukhala nu monyo. 20Mu lusugu luene mba mujiya egi ngudi mukatshi dia Shami, nu egi enue mudi mukatshi diami nu ame ngudi mukatshi dienu.21Muthu yagasue udi nu mikhuala yami nu udi gu ibamba, ngenyi wangu zumba, nu yago wangu zumba, mba ukhala ya guzumbiwa gudi Shami, nu mba ngumu zumba nu gudi muenegesa gudi muene. 22Yudasa, ishigo Ishikalote go, wa wambelele Yesu egi : Fumu, mukunda natshi udi gudi muenegesa khuta gudi enue uvi athu ako ndo?23Yesu wa vutudile egi : Gula muthu udi gungu zumba, udi mubamba mbimbi yami. Shami mba umu tshigina nu mba tuza gudi muene nu mba tusala nenji. 24Muthu yagasue udi gashigo gungu zumba, gashigo mubamba jimbimbi jiami. Mbimbi mudi muvua ishigo yami ndo, uvi idi yangane ya Tata wangu tumile.25Ngami wambelele ndaga jieji, ha ngakhadi luko mukatshi dienu. 26Uvi muwalaganyi, Givule giabonga giago Tata mba gatuma mu jina diami, mba udi gumi longesa ndaga jiagasue nu gumi wunguluisa ndaga jiagasue ji ngami wambelele. 27Ngudi gumi bembela guhuima; ngudi gumi hana guhuima guami. Ngushigo muhana gifua muana hana enya ha mavu ndo. Mutshima wenu utungagana ndo nu mukhadi go nu woma.28Muavile luholo ngami wambelele egi : ngudi muya nu mba ngudi muza gudi enue. Gula muangu zumbile, mudi nayo gusaunguluga ndaga ya ngudi muya gudi Tata, ndaga ya Tata wangu balega gukoma. 29Luenyelu na ngami wambela nayo gutuama dia yene gutagana hagula egi mukhale nu gutshigina kumbi iza mutagana. 30Mba ngushigo muzuela luko nenu, ndaga ya fumu ya mavu udi gale muza. Gashigo nu jingolo holu diami, 31uvi hagula egi mavu ajiye egi ngazumba Tata, ngdi mutshita ndaga jiago Tata gadi gungu tuma ha gutshita. Tuzugene nu tukatugenu haha.
151Ngudi mutshi wadiago wa vinu nu Tata udi mukunyi wa mitshi ya vinu. 2Udi mukatula luthango luagasue lushigo mu yima mabundu nu udi mukolesa luthango luagasue ludi mu yima mabundu, hagula egi luyime luko mabundu avula.3Enue mudi ya wetua mukunda nu ngenji yago ngami wambelele. 4Salenu mukatshi diami nu ame mukatshi dienu. Gifua luholo luthango luajiyilego guyima mabundu luene hakhenji gula lushigo musala gu mutshi wa vinu, ngenyi, muajiyilego guyima mabundu gula mushigo musala mukatshi diami.5Ngudi mutshi wa vinu, enue mudi thango. Yago udi musala mukatshi diami nu ame mukatshi dienji, udi muyima mabundu avula, ndaga gula ame ndo, muajiyilego gutshita gima ndo. 6Gula muthu gashigo musala mukatshi diami, udi naye gubishidiwa gifua luthango lua gimigina, hangima athu adi munona jithango jiene nu adi gujimba ha jigo nu jidi muhya. 7Gula mudi musala mukatshi diami nu mbimbi yami mukatshi dienu, muajiya gulomba yagasue mudi mutshigina nu mba mudi gu iheta.8Mu ngenyi Shami gadi mutumbuishiwa, egi mu yime mabundu avula nu mukhale alandudi ami. 9Gifua mu luholo Tata gangu zumba, ame nji ngami zumbile, salenu mukatshi diami.10Gula mudi mubamba mukhuala yami, mudi musala mu guzumba guami gifua mu ngana bamba mikhuala ya Shami nu ngana sala mu guzumba guenji. 11Ngami huile ndaga jieji jiagasue hagula egi gusuanguluga guami gukhale gudi enue nu gusuanguluga guenu gukhale guatagana.12Mukhuala wami unyowu, dizumbenu gifua ngami zumbile. 13Guzumba gua gubalega gukoma gudi guhana monyo waye mukunda nu mazamba aye.14Mudi mazamba ami gula mudi mutshita jindaga jingudi gumi tuma. 15Ngushigo gumi tamega luko egi enya mudimo ndo, ndaga ya muenya mudimo gashigo mujiya ndaga jidi mutshita fumu yenji. Ngami tamega egi mazamba ami, mukunda ngami jijigile ndaga jiagasue jinga vile gudi Shami.16Ishigo enue muangu tombele, uvi ame ngami tombele nu ngami hagele hagula egi muyime mabundu, nu mabundu enu asale. Yiyi yagasue idi hagula egi yagasue mudi mulomba gudi Tata mu jina diami, udi gumihana nayo. 17Ngudi gumi tuma gu ndaga jieji hagula egi mukhale gudizumba.18Gula enya ha mavu adi gumi tuna, jiyenu egi angutunyile gutuama dia gumi tuna enue. 19Gula nga muakhalele enya ha mavu, nga enya ha mavu adi nayo gumi tshigina gifua akwakwa awo; uvi mukunda mushigo enya ha mavu nu mukunda ngami tombele honze ya mavu, hene enya ha mavu adi gumi tuna.20Wungulugenu mbimbi jingami wambelele egi : Munya mudimo gajiyile go gubalega gukoma gudi fumu yenji. Gula angu sagesele, adi nayo nji gumi sagesa nji; gula abambele mbimbi jiami, mba adi mubamba nji mbimbi jienu. 21Mba adi gumi tshita ima yeyi yagasue mukunda nu ame ndaga ya ashigo mujiya ndo yago wangu tumile. 22Gula nga ngajile go guawambela, nga atshitshilego gubola; uvi luenyelu ashigo nu maleba mukunda nu gubola guawo.23Muthu yagasue udi gungu tuna, udi mutuna nji Shami. 24Gula nga ngatshitshile go ndaga jia gushimana mukatshi diawo, jidi muthu muko khenji gatshitshile go, nga atshitshile go gubola; luenyelu mukuta wawo wagasue wamonyi nu angutuna nu Shami. 25Yagasue yeyi idi mubalega hagula egi ndaga jia sonegewe jitagane gifua idi ya gusonega mu mukhuala wawo egi : Angutunyile yagushi gutshita gubola.26Kumbi mba diza muwalaganyi, yago mba ngumi tumila gudi Tata, muene Givule gia giamatshidia gidi muza gudi Tata, mba udi gungu zogela uthemua. 27Enue nji, mudi gungu zogela uthemua ndaga ya muakhalele nu ame gu gisendeselo.
161«Ngamiwambela ndaga jieji ha gula egi mubuigo. 2Mba amizola hanze dia ikombelelo; ndaga, kumbi diatagana dia muthu yagasue mba umishiya, mba utangiza egi udi mutshita mudimo wa Nzambi.3Mba atshita ndaga jieji mukunda nu ajiyilego nga Tata nga ame. 4Nga miwambela ndaga jieji jiagasue ndaga kumbi didi muza mukunda nu ima yeyi mba jitagana, mukunda nu ndaga jiene, mbamuwunguluga gifua mungamiwambelele. Ngamiwambela jieji gu gisendeselo mukunda nu ngakhalele nenu.5Ngaya gudi yago wangutumine: uvi nu ndo ya mukatshi dienu wajiya gunguhula: «Gui udi muya?» 6Mukunda nu ngamiwala ndaga jieji, mitshima yenu yazala pha nu gikenene. 7Uvi ngudi gubonga mukunda nu enue egi nguye; ndaga ya gula ngayilego, muwalaganyi mbagashigo muza gudi enue, ivi gula ngaya, mbangumitumina nenji.8Gula wazan muwalaganyi waza muene mba ûmidijina gula gujimbila gudi itshi mukunda gubola gua ha mavu gu giamatshidia nu gu gilumbu. 9mukunda nu gubola ndaga ya ashigo mungutshigina; 10mukunda nu giamatshidia ndaga ya ngudi muya gudi Tata nu mba mungumonyigo; 11nu mukunda nu guzuelesewa (gulumbuluishiwa) mukunda fumu ya mavu awa walumbuluishiwe gale.12Ngudi nu ima yavula ya gumiwambela, uvi muajiyilego gu ikotelesa luenyelu. 13Hago, gula muene, Givulegia giamatshidia (mailago) mba gaza, mba umituameza nu giamatshidia yagasue; ndaga ya mbagazuedigo gu ndaga mbajikhala mukatuga gudi muene hakhenji; uvi yagasue mbagavua, mba uzuela ndaga jieji jiagasue; nu mba ulondolola ndaga mbajiza. 14Mba ungutumbuisa mukunda nu mba uzangula ndaga jiami mba umiwambela.15Yagasue idi ya Tata, idi yami, hene ngazuelele egi Givule mba uzangula ndaga jiami mba umiwambela. 16Hugo (Kumbi) dia hihia, mbamungumonyi go, gu ngima kumbi dia zonda mba mungumona.»17Ako mukatshi dia aolngi enji akhalele muzuela ene nu ene: «Ndaga tshi jieneji adi gutuwambela: "Mu makumbi azonda mba mungumonyi go, nu makumbi azanda luko mba mungumona", nu "ndaga ngudi muya gudi Tata?"» 18Akhalele muzuela ngenyi: «Itshi adi muzuela hago adi muzuela egi: "Mu kumbi diazonda?" «Tushigo mujiya idi muene muzuela.»19Yesu wamuenene egi adi hehi nu gumuhula mihu wawambelele: «Mu makumbi azonda?" Mba mungumonyi go, gu ngima dia makumbi azonda mbamungumona?" 20Giamatshidia, Giamatshidia, ngudi gumiwambela, mba mudila nu mba mulambagana, uvi mavu (gifutshi) mba akhala nu gusuanguluga; mba mukhala nu gikenene, uvi gikenene gienu mba gibalumuga gusuanguluga. 21Mukhetu wana khala nu gikenene gula kumbi dienji diagubuta diatagana mukunda nu malamba. Uvi gula wabuta mona, gajiyilego guwunguluga malamba ene, mukunda nu gusuanguluga gua guza gua mona ha mavu.22Enue nji, mudi nu gikenene luenyelu, uvi mbangudi gumimona luko; nu mitshima yenu mba ikhala nu gusuanguluga nu mba gukhadi muthu wajiya gumutambula gusuanguluga. 23Mu lusugu luene, mba munguhidigo mihu. Giamatshidia, giamatshidia, ngudi gumiwambela, yagasue imbamulomba gua Tata mu jina diami, mba umihua nayo. 24Unu luenyelu khenji mulomba gale go nga gima gimoshi mu jina diami; lombienu nu mba muheta ndaga ya gusuanguluga guenu gukhale guatagana.25Ngamiwambelele ndaga jiene mu zuelelo dia gudibinda, uvi kumbi didi muza dimbangumiwambela go mu zuelelo dia gudibinda, uvi mba ngumiwambela hapelo mukunda nu Tata.26Mu lusugu luene, mba mulomba mu jina diami nu mba ngumiwambela go egoi ngudi mulomba gudi Tata mukunda nu enue; 27Mukunda nu Tata muene hakhenji wamizumba ndaga ya enue muanguzumbile nu muatshiginyine egi ngajile gudi Tata. 28Ngudi muza gudi Tata, ngajile ha mavu, ngudi muzuela luko egi ngudi mukatuga ha mavu nu ngudi muya gudi Tata.»29Alongi enji azuelele: "Tala, lunyelu, wazuela ha phelo, wazuelego muzuelelo dia gudibinda. 30Luenyelu tuajiya egi wajiya ndaga jiagasue nu ushigo nu luholo lua muthu guguhula mihu. Mukunda nu ngenyi, tuatgshigina egi wajile gudi Nzambi. 31Yesu watayele: «Muatshiginenu luenyelu?32Tadienu, kumbi didi muza, ai, nu diaji gale, nu mba mumuangana, muthu nu muthu gu mbo dienji nu mba mungubemba hakhami. Muenyemo ngushigo hakhami ndaga ya Tata udi nu ame. 33Ngamiwambelele ndaga ya mukunda nu ame mukhale nu guhuima. Mu mavu awa mba mukhala mu malamba, uvi khadienu nu gudindamana: Ngabingile gale mavu awa.
171Yesu gu ngima dia guzuela ndga jieji, watuphuile meso mu dilu nu muzuela: «Tata kumbi diatagana. Tumbuisa munaye ha gula munaye agutumbuise. 2Diago gifua uthu wagasue ha gula ahane monyo wadiago gudi agasue a wamuhuile.3Udi monyo wa mailago mukunda nu agujiye, aye, aye hakhaye Nzambi ya giamatshidia, nu muene yago watumiwe, Yesu Kilisto 4Ngagutumbushuile ha mavu, hangamanesa mudimo wanguhuile. 5Luenyelu, Tata ngutumbuise ame. Hehi nu aye hakhaye mu gutumbuga gu ngakhalele nayo gudi aye gu tuama dia mavu gufigiwa.6Ngajishile jina diaye gudi a ha mavu a wanguhuile. Akhalele aye; nu wanguhuile nawo nu abambele mbimbi yaye. 7Nu ajiye luenyelu egi yagasue wanguhuile, wakatugile gudi aye, 8mukunda nu ngahuile mbimbi iwanguhuile. Ene ayizanguile nu atshiginyine giamatshidia egi ngajile gudi aye nu egi aye wangutumine.9Ngudi mukombelela mukunda nu ene. Ngushigo mukombelela mukunda nu enya ha mavu, uvi mukunda nu a wanguhuile, ndaga ya adi aye. 10Yagasue idi yami idi nji yaye nu yagasue iwudi nayo idi nji yami nu nganagugutumbuisa mukunda nu yene. 11Ngushigo mu mavu awa, uvi ene adi enya ha mavu, ndaga ya musantu, abambe mu jina diaye, jina diene diwanguhuile mukunda nu akhale muthu mumoshi, diago gifua aye nu ame, tudi mumoshi.12Hangakhalele nawo nga abambele, nga mumoshi ndo yawo watotele, khuta muna muenya gushiya, ndaga ya yago yafundjiwe (yasonegewe) itaganesewe. 13Luenyelu ngudi muza, hehi nu aye uvi ngudi guambela ndaga jiji jia enya ha mavu ndaga yo ene gukhala nu gusuanguluga guavula gua ene. 14Nga ahuile mbimbi yaye nu enya ha mavu ahagele umbalagaji ndaga ya ashigo a ha mavu awa.15Ngushigo mugulomba ha guakatule ha mavu, uvi mukunda wabambe gudi monya gubola. 16Diago gifua ngushigo ya ha mavu, ene nji ashigo ya ha mavu. 17Abalumune diago mukunda nu giamatshidia giaye, ndaga mbimbi yaye idi giamatshidia.18Diago luholo wangutumina ha mavu nu ame ngudi gu atuma nji. 19Ngadi hanene mukunda nu ene ha gula nu ene nji hakhale ya gudihana mu giamatshidia.20Ngushigo mukombelela khuta mu kunda nu ene, uvi mukunda nu ago mba atshigina mbimbi jiawo. 21Mukunda nu akhale agasue muthu mumoshi, diago gifua aye, Tata, udi mukatshi diami nu ame mukatshi diaye. Ame ngudi mukombelela ha ene akhale nji mukatshi dietu ndaga enya ha mavu atshigine egi wangutumine.22Ngahuile lutumbu lu wanguhuile, ha ene akhale muthu mumoshi, diago gifua aye nu ame, tudi muthu mumoshi, 23ame mukatshi diawo nu aye mukatshi diami, mukunda akhale diago muthu mumoshi ha amavu ajiye egi wangutumine nu egi aye wa azumbile nu guzumba gumoshi guago wanguzumbile.24Tata, ago a wanguhuile, ame ngatshigina egi akhale nji guago ame ngudi ha gula ajiya gumona lutumbu luami, luago lu wanguhuile: ndaga ya aye wanguzumbile gu tuama dia gufugiwa guia mavu.25Tata ya giamatshidia, enya ha mavu agujiyilego uvi ame ngagujiya, nu wawa ajiye egi aye wangutumine. 26Ame ngajiyishile jina diaye, nu mbangutshita luko, ha gula egi guzumba guago udi nawo gudi ame gukhale mukatshi diawo, nu ame gukhale mukatshi diawo.»
181Gu ngima dia guzuela ndaga jieji jiagasue, Yesu wayile gu khanda iko ya ngumba ya Sedoni guago guakhalele gilanga ginyi giakhakhalele muene mungiuna nu alondudi enji. 2Yudas na yago wakhalele nayo ya gumidiga, wajiyile nji khanda yene, ndaga ya Yesu wakhalele muya guene hugo nu dihugo nu alongi enji nu muene nji. 3Henyaha Yudasa, nu masuta (masalayi) n tumienda nuu mafumu awo atumiwe gudi Azueledi a holu dia ako nu afalase ajile hene nu tuminda nu mata.4Na Yesu wakhalele wajiyi gale yagasue yakhalele mubalega, wayile gu tuama nu wa ahudile : «Nanyi mudi enue mukamba?» 5Ene atayele: «Yesu ya gu Nazaleta» Yesu wa atayele : «Idi ame». Yudasa yago wmudigile wkhalele nji nu masuta.6Wa atayele: «Idi ame», avutugile gavuta mangima, agasue abuile hashi. 7Nu muene wa ahudile luko : «mudi enue mukamba?» Nu ene atayele : «Yesu ya gunazaleta».8Yesu wa atayele: «Ngamiwambela gale egi idi ame. Na gula yadiago idi egi ame mudi mukamba, bembenu ako aye. 9Nu yeyi yagasue yabalele mukunda mbimbi yene itagenesewe : «Gu ago wanguhuile, ngatoteszelego nga muthu mumoshi.»11Na Simona Phetelo wakhalele nu iphogo, wa izolele nu wawasele muenya mudimo ya fumu ya muzeueledi ya holu dia ako nu wamubatshuile kutshi gua madia. Muenya mudimo wakhalele mutamegewa Malkusu. 10Yesu wawambelele Phetelo : «Vutula iphogo yaye mu gindalo! Ngajiyilego gunua tshopo giago gianguwe gudi Tata?»12Na thundu ya masuta nu kaphitene yawo nu fumu a masuta a enya yuda akhatele Yesu nu amujitshigile. 13Ene amubatele gudi Anna yago wakhalele uko wa Gayifa. Gayifa wakhalele Fumu ya muzueledi ya holu dia ako mu givo giene ginyi, 14yakhalele muene muwambela enya yuda egi idi yatagana luenyelu ha muthu mumoshi gufua mukunda nu iphuta yagasue.15Simona Phetelo wakhalele mulandula Yesu, nu mulongi muko nji. Muenyomomulongi muene wakhalele ya gujiya gu muzueledi wa holu dia ako nu wanginyine nu Yesu mu luphango lua muzueledi ya holu dia ako. 16Uvi Simona phetelo wakhalele mumagana ha mufulo. Henyaha mulongi (mulandudi) muko yago wajiyiwe gudi muzueledi wa holu dia ako (fumu ya ngambi jia Nzambi) wazogele ha guwambela mukhetu mutshitshi wa mudimo yago wakhalele mutala (mubamba) mufulo wa luphango nu wanginyishile Phetelo.17Na mukhetu mutshitshi wa (muenya) mudimio mutaledi wa mufulo wawmbelele Phetelo: «Aye ushigo nji mumoshi ya alongi a muthu ou?» Watayele: «Ishigo ame ndo.» 18Akhalele enya mudimo nu mafumu ako akhalele mumagana hene hanyi: Ahagele tshuya tua khunyi ndaga ya guma guakhalele guahuma, ene akhalele muwota tshuya. Phetelo wakhalele nji muwota tshuya.19Fumu ya jingambi jia Nzambi wahudile muhu gudi Yesu ha ndaga ya alongi enji nu gu ndaga ya malongo enji. 20Yesu wamutayele: «Ame nganazuela masugu agasue mukotelesa gudi gu tuama dia athu agasue, nga khalele mulongesa masugu agasue mu ikombelelo yenu nu mu jinzo jia Nzambi jienu guago guakhalele enya Yuda gudibungisa. Ame ngazuelele go nga ndaga imoshi ya gu gisuegi. 21Mukunda nu itshi udi munguhula muhu wa luholo ngenyi? Hula gale gio gudi ago anguvile, itshi ngakhalele muzuela.»22Hago hazuelele Yesu ngenyi, mumoshi ya mafumu wakhalele mumagana hene, wamuwasele nu gumuwambela egi: «Idi ngenyi udi nayo yagutaya gudi fumu ya jingambi jia Nzambi?» 23Yesu wamutayele : «Gula ame muabola ngazuedi, nguwambele; uvi gula ngatayi muabonga, mukunda nu itshi aye wanguwasa?» 24Anna watumine Yesu yagujitshigiwa gudi Gayifa fumu ya jingambi jia Nzambi.25Phetelo wakhalele mumagana hene hanyi muwota thuya. Amuhudile : «Ushigo mungoshi ya alongi enji?» Muene waditunyine nu wazuelele egi: «Ishigo yadiago!» 26Mungoshi ya atshitshi a mudimo wa fumu ya jingambi jia Nzambi, yago wakhalele mubutshi ya muthu yago Phetelo ga batshuile kutshi, wazuelele : «Ngagumuenene go mu gilanga nu muene?» 27Phetelo waditunyine luko nu mukumbi diene dimoshi, kolombolo dia didile.28Ene abatele Yesu gu mbo dia Gayifa gu gisambeselo. Yakhale hehi nu gimenegena. Ene anginyine go ndaga akhalele mutuna gudibolesa mukunda nu gudia ha Paki. 29Henyaha, Philato wazogele nu wa ahudilenegi: «Itshi imudi mufundila muthu ou?» 30Ene amutayele: «Nga muthu you gakahalelego muthuwabola, nga tuamufundile go.»31Philato wawambelele egi: «Muzangudienu enue hakhenu, mumulumbuluise gifua mudi mukhuala wenu». enya azuelele egi : «Mukhuala wetu ushigo gutuhua njila ha esue gushiya muthu milonga unu gugufua.» 32Ene uzuelele ngegi mukunda nu mbimbi jia Yesu jidi nayo gutagenesewa, hakhalele muene muzuela gufua gua luholo gadi nayo gufua.33Na Philato wanginyine luko mu gilumbuishilo, watamegene Yesu wamuhudile egi: «Aye Fumu ya enya yuda?» 34Yesu wamutayele egi: «Udi munguhula muhu ou aye hakhaye, ngaidi ene agulombele ha gunguhula muhu wene?» 35Philato wamutayele: «Ame ngudi muenya Yuda? Giphuta giaye nu jingambi jiakoma jia Nzambi aguhanene gudi ame Itshi watshitshi?»36Yesu wamutayele: «Ufumu wami ushigo wa hamavu awa. Gula nga idi ndaga yene nga enya mudimo wami akhalele nu luholo lua gulua mukunda nu gula gunguhana mu mago a enya yuda. Mu giamatshidia, ufumu wami ushigo wa ha mavu awa.» 37Philato wamuhudile : «Udia diago fumu?» Muene wamutayele : «Idi aye udi muzuela egi ngudi fumu. Idi mukunda nu ngenyi ngabutshiwe, idi mukunda nu ngenyi ame ngajile haha ha mavu awa mukunda nu guzuela ndaga jia diago. Agasue adi enya giamatshidia ana mbimbi yami.»38Philato wamuwambelele: «Giamatshidia gidinitshi?» Gu ngima dia guzuela ngenyi, wazogele nu wawambelele enya yuda: «Ngasangelego (ngamuenenego) ndaga yabola gudi muthu ou. 39Idi ndaga yenu ya gula ngumibembele muenya bologo mukunda nu Pake. Na muatshigina ngumibembele Fumu ya enya yuda?» 40Akologele nu guzuela: «Muthu you ndo, uvi Balabase!» Muenyemo Balabase wakhalele mushiyi wa athu (mbundudi).
191Na Philato waznguile Yesu nu wamuwasele khodi. 2Masuta (masalayi) alondele gifulu (gipho) gia miya. Ene amuhagele nayo ha muto wa Yesu nu amusudigile lopho. 3Ajile gudi muene nu azuelele egi: «Wabanda (moyo), Fumu ya enya yuda!» nu amuwasele nu mago awo.4Luenyelu Philato wazogele luko hanze guwambela enya iphuta, «Tadienu, ngambibatela honze gudi enue, ha enue mujiye egi ngasangelego nga ndaga gudi muene.» 5Henyaha Yesu wazogele muene wakhalele nu gipho gia miya miya nu lopho. Na Philato wawambelele egi: «Tadienu muthu!» 6Hago mafumu a ngambi jia Nzambi nu mafumu a masuta amuenene Yesu, akologele nu guzuela egi: «Muhagienu ha mutshi wa gudikikisa, muhagienu ha mutshi wa gudikikisa.» Philato wawmbelele: «Muzangudienu enue hakhenu nu muhagenu ha mutshi wa gudikikisa ya ngasangelego nga ndaga ya bola gudi muene.»7Enya yuda atayele gudi Philato : «Tudi nu mukhuala nu hagutala mukhuala wene wakhalele nayo ya gufua ndaga yadibuishile muna Nzambi.» 8Havile Philato mbimbi yeyi, wavile woma wavula, 9nu wanginyine mu gilumbuilushilo nu wahudile luko Yesu: «Gui udi muzogela?» Henyaha, Yesu gamuvutshuidilego nga mbimbi.10Hene Philato wamuwambelele egi: «Ushigo munguvutshuila nga ndaga, ushigo mujiya egi ngudi nu uhinyinyi wa gu gulemba nu wa guhaga ha mutshi wagudikikisa?» 11Yesu wamutayele egi : «Ushigo nu uhinyinyi holu diami, gukatula wago waguhuwe gosa. Ngenyi, yago wangudigile gudi aye, watshitshile gubola guavula.»12Gu gutaya guene gunu, Philato walolele gumujitulula, uvi enya Yuda ambile milolo muzuela egi: «Gula wajitulula muthu ou, ushigo futa dia Sezare. Nga nanyi wadibuisa muene hakhenji fumu udi nu umbalagaji gudi Sezare.» 13Havile Philato mbimbi jieji, wabatele Yesu honze nu wakhalele ha bugu dia gisambeselo dianatamegewa egi «Pave» uvi mu Ebelu, «Gabbatha.»14Tala, yakhalele lusugu lua gulonda Pake hehi nu kumbi diasamano. Philato wawambelele enya Yuda: «Tadienu, fumu yenu muene'ou !» 15Ambile milolo: «Mukatudienu, mukatudienu, muhagienu ha mutshi wagudikikisa!» Philato wawambelele : «Ngakhalele nayo guhaga ha mutshi wa gudikikisa fumi'enu?» Mafumu a ngambi jia Nzambi jia Nzambi atayele: «Tudi nu fumu khuta Sezare.» 16Henyaha, Philato wa ahuile Yesu mukunda nu gumuhaga ha mutshi wa gudikikisa.17Henyaha azanguile Yesu amuzolele, mubata mutshi wa gudikikisa muene hakhenji gu fundo dianatamegewa egi «gia gibologozo gia muto,» diago dianatamegewa mu ebelu «Gologotha.» 18Ene ahagele Yesu ha mutshi wa gudikikisa hene hanyi nu muene nu athu ako muyadi, mumoshi gu khanda nu khanda nu Yesu ha katshi.19Philato nji wasonegene gijiyishilo gimoshi nu wagihagele holu dia mutshi wa gudikikisa : «Yesu ya gu Nazaleta, Fumu ya enya Yuda.» 20Enya yuda avula akhalele mutanga ndaga ya fundo diago diahagewe Yesu diakhalele hehi nu dimbo dia masamba. Gijiyishilo giakhalele giagusonegewa mu zuelelo dia Ebelu, mu Late nu mu Gelega.21Na mafumu a ngambi jia Nzambi jia enya yuda awambelele Philato egi: «Gusonega ndo egi "Fumu ya enya Yuda" uvi sonega "Yago wazuelele : «Ngudi Fumu ya enya Yuda.»" » 22Philato watayele : «Ingasonega, ngasonega.»23Gu ngima dia masuta guhaga Yesu ha mutshi wagudikikisa, azanguile milele yenji nu ayihagele mu mashinda awana, shinda dimoshi gudi suta diagasue nu azanguile dilopho dienji. Muenyemo lopho diene diakhalelego dia gunyigiwa diagukuatagana sendese gosa unu hashi. 24Henyaha ene adiwambelele muko nu muko: «Tuyikahulago, uvi tun itele jiphanza ha gumona ikhala ya nanyi.» Eyi yabuile ngenyi ndaga ya mbimbi yasonegewe ikhale ya gutagenesa: «Akaphele milele yami mukatshio diawo nu atele jiphanza mukunda nu dilopho diami.»25Masuta atshitshishile ima eyi. Gina Yesu, phanjia gin'enji ya mukhetu, Madiya mukaji'a Kolopase nu Madiya ya Gumagadala. Akhetu wawa akhalele mumagana hehi nu mutshi wa gudikikisa wa Yesu. 26Hadile Yesu wamona gin'enji nu mulongi yakhalele muene muzumba hehi nu ginenji, wawambelele ginenji: «Mama, tala munaye! Nu wawambelele mulongi «Tala ginaye!» 27Nu sendese hene hanyi, mulongi wamuzanguile mu inzo yenji.28Gu ngima dienji Yesu, ndaga ya wakhalele mujiya egi ima eyi yagasue luenyelu idi ya guhua mukunda nu gutagenesa yago yasonegewe, wazuelele: «Ngudi nu luhungu.» 29Bungu dimoshi diazala nu matombe alakhua diakhalele yaguhagewa hehi; nu ene ajitshigile matela azala nu matombe alakhua nu agisuenesele gu kano guenji. 30Hadile Yesu wanua matombe alakhua, wazuela egi : «Idi ya guhua.» Wazehushile (wafulumugile) muto wenji nu wafuile (wavutshuile monyo wenji).31Hene enya Yuda, mukunda nu yakhalele makumbi agudilonda nu nji atshiginyinego egi mvumbi ishigo nayo gusala ha mutshi wa gudikikisa mukunda nu lusugu lua sambadi (ndaga lusugu lusugu luene lua sambadi luakhalele lusugu luakoma ), alombele gua philato egi malu a ahagewe ha muthi wa gudikikisa akhale a gubogowa nu mila ikatshuwe. 32Hene masuta ajile aboguele malu a muthu ya gudiangela nu malu a muthu yangiadi ago a hagewe ha mitshi ya gudikikisa nu Yesu. 33Hajile ene gudi Yesu, amuenene egi wakhalele gale ya gufua, na abogolego malu enji.34Henyaha, mumoshi ya masuta wakubuile mu phatshi yenji mu kumbi diene dimoshi mahatshi nu meya azogele. 35Yago wamuenene ndaga eji jiagasue, wajizuelele nu guzuela guenji guakhalele gua diago. Wajiya egi guzuela guenji gudi gua diago ha gula muajiya gutshigina.36Ima yeyi yatshitshiwe hagula egi gusonega ou gukhale ya gutagenesewa: «Nga mukuya (gibozo) wenji umoshi wa mifuya yenji mba yibogowa go.» 37Gufunda (gusonega) guko gudi muzuela nji egi: «Ene mba akengelela yago ya kuluile ene mu luphatshi.»38Gu ngima dia ima eyi yagasue, Yosefe ya gu Alimete ndaga wakhalele mulongi ya Yesu (uvi ya gumafumbe mukunda nu woma wa enya Yuda), wahudile Philato ha gukatula muila wa Yesu Philato wamuhuile njila. Ngenyi, Yosefe wajile azanguile muila wenji. 39Nikodeme nji wajile, muene yago wayile hugo dia gudiangela mu phipha gudi Yesu. Wabatele mananashi a mire nu a alowe mu gvula gua lukhama lua gilo.40Na azanguile mvumbi ya Yesu a ulangele mu milele ya lino nu alamato gifua mudi luholo lua enya Yuda mukunda nu gufunda gua mvumbi. 41Muenyomo guago gua muhagewe ha mutshi wa gudikikisa guakhalele mu gilanga; nu mu gilanga giene muakhalele nu malumba ahe-ahe akhalele khenji afundjiwe nga muthu. 42Ndaga ya luakhalele lusugu lua gudilonda mukunda nu enya Yuda nu ndaga ya malumba akhalele hehi, ene ahagele Yesu muene.
201LUenyelu lusugu lua gudiangela lua phoso, mukunda yakhalele mu phipha. Madiya ya gu Magadala wajile gu malumba nu wamuenene egi seso yakhalele yagulangumuwa gu malumba. 2Hene, wazanguile jiphushi muza gudi Simona Phetelo nu mulandudi muko wazumbewe gudi Yesu nu wa awambelele egi: «Athu akatshuile Fumu mu malumba, tushigo mujiya nga amuhagi gui.»3Na Phetelo nu mulandudi muko, azogele nu ayile gu malumba. 4Ene azanguile jiphushi ene muyadi wawo, uvi mulandudi muko wabalegele Phetelo nu wahetele ya gudiangela gu malumba. 5Washuwugile nu watalele mukatshi dia malumba, wamuenene milele ya lino ya gusununa mu muvu, uvi ganginyinego mukatshi.6Simona Phetelo wajile gu ngima dienji nu wanginyine mukatshi dia ùmalumba wamuenene milele ya lino ha mavu 7nu mulele wamulangewe holu dia muto. Mulele wakhalele wagudikhalele mu bugu diko.8Na mulongi muko yago wadiangela guheta gu malumba wanginyine nji; wamuenene nu watshiginyine. 9Mukunda nu unu luenyelu, ajiyilego yago yasonegewe ha guzuela egi Yesu udi nayo guzuga gu gufua. 10Alandudi avutugile mu inzo yawo diago.11Uvi, Madiya wamagenene hanze ya malumba nu gudila. Hakhalele muene mudila, wadifulumugine nu gutala mukatshi dia malumba. 12Wamuenene anjelo muyadi asudiga milele ilaphe hashi, mumoshi gu muto muko gun malu gun fundo diago mvumbi ya Yesu yahagewe. 13Ene amuwambelele: «Mukhetu mukunda nu itshi udi mudila?» Wa tayele egi: «Ndaga ya akatula Fumu yami, ngushigo mujiya gula amuhagi gui.»14Hazuela muene ndaga eyi, wavutugile nu wamuenene Yesu yagumagana mu molu hene hanyi, uvi muene gajiyilego egi you udi Yesu. 15Yesu wamuwambelele egi: «Mukhetu, mukunda nu itshi udi mudila? Nanyi udi mukamba?» Muene watangijile egi muenya gilanga, wamuhudile egi: «Fumu, gula aye wamukatula, nguwambele gui wamuhagi, mbanguya gumuzangula.»16Yesu wamuwambelele egi: «Madiya.» Muene wadivutuile nu wamutayele mu Alamene; «Rabbouni!» imutshigina guzuela, «Mulongeshi». 17Yesu wamuwambelele: «Ungukhatshigo, ndaga ya khenji nguukanduga gale go gudi Tata: uvi nda gudi aphanji'ami nu awambele egi mbangukanduga gudi Tata nu Shenu, Nzambi yami yami nu Nzambi yenu.» 18Madiya wa gu Magadala waza nu wawambela alongi: «Ngamona Fumu,» nu wazuelele ima yeyi.19Hatagenene ingueze ya lusugu luene, lusugu lua gudiangela lua phoso, nu mifulo ya bugu diago diadiakhalele alongi yakhalele ya gujidiga mukunda nu woma wa enya Yuda, Yesu wajile nu wamagenene mukatshi diawo nu gu awambela egi: «Guhuima gukhale nu enue.» 20Hazuelele muene ngenyi, wa adijigine mago enji nu luphatshi luenji, Nu hamuenen alongi Fumu, akhalele nu gusuanguluga.21Yesu wawambelele luko : «Egi huhuima gukhale gudi enue! Gifua Tata wangutumine, ngenyi, ngudi gumituma nji.» 22Hago hazuelele Yesu ngenyi, wafujile muhehe holu diawo nu guzuela egi: «Zangudienu Givule giabonga. 23Yago mbamutotesela gubola, mba gudi gumutotesewa; nu yago mbamubambela gubola, mba gumubambewa.»24Toma, mumoshi ya kumi nu muyadi, wakhalele mutamegewa Didime, gakhalelego nu ene, hago hajile Yesu. 25Alandudi ako amuwambelele gu ngima: «Tuamonyi Fumu.» Muene wawambelele: «Gula ngamuenenego mu mago enji jindulo jia misumadi nu gula ngambilego muino wami mu ndulo jia misumadi, nu gula ngambilego koko guami mu luphatshi luenji, Mba ngutshigina go.»26Masugu nage abalegele, alandudi enji akhalele mu katshi, nu Toma wakhalele n'awo. Hago ha khalele ididigo ya gujidiga, Yesu wajile wamagana mukatshi diawo, nu guzuela: «Egi guhuiman gukhale nu enue.» 27Na wawmbelele Toma: «Landuisa haha muino nu mona mago ami; nu mba mu luphatshi luami koko guaye nu mba mu luphatshi luami, ukhadigo wakola matangi, uvi tshigina.»28Toma watayele nu gumuwala: «Fumu wami nu Nzambi wami.» 29Yesu wamuwambelele : «Mukunda wangumona, na watshigina. Guzela muila gukhale gudi ago amuenenego nu atshigina.»30Nu Yesu watshitshile ndaga jiko jiavula jiagushimana ha meso a alongi, ndaga jia gushimana jiasonegewego mu mukanda ou; 31uvi ndaga jieji jia sonegewe mukunda nu enue mutshigine egi Yesu udi Kilisto, Muna Nzambi, nu ha gutshigina ngenyi , muhete monyo mu jina dienji.
211Gu ngima dia ndaga jieji, Yesu wamuenegene luko gudi alongi enji mu khulo ya tshanga gia Tilieliade. Nu tadienu muho tshi u gamuenegene gudi ene: 2Simona Phetelo wakhalele bugu dimoshi nu Toma yago wakhalele mutamegewa Didime, Natanayele ya mu Gana mu Galileya, ana a Zebede nu muyadi ako a alongi a Yesu. 3Simona Phetelo wawambelele: Ngaya ngulowe.» Ene amuwambelele «Tudi muya nu aye.» Ayile nu anginyine mu gibeya, uvi phipha eyi yagasue, ene akuatelego nga gima.4Hatshiele lusugu, Yesu wamagenene mu khulo ya meya uvi alongi ajiyilego egi udi Yesu. 5Yesu wawambelele egi: «Mavuala, mudi nga nu gama ga gudia?» Ene amutayele: «Ndo» 6Muene wawambelele egi: «Mbienu wanda gu koko gua madia gua gibeya, nu mudi gu jiheta.» Henyaha ambile wanda wawo, uvi akhalelego agutagana ha gu unana mukunda nu guvula gua jishui.7Henyaha mulongi yago Yesu gazumbile wawambelele Phetelo: «Idi Fumu.» Hago hajiyile Simona Phetelo egi wakhalele Fumu, wasudigile gikhuto gienji gia holu (ndaga gakhalelego nu milele (wakhalele ithowa) na wabuile mutshawo. 8Alongi ako ajile mu gibeya (ndaga ya giakhalelego gualeha nu mbombo ya meya ha mutango wa mathambo khama jiyadi nu mbambo ya meya) 9Hahetele ha mavu agimigina, ene amuenene tshuya tuamakala hago hakhalele jishui nu mapha.10Yesu wawambelele : «Batshenu dishinda dia jishui jimuakuata luenyelu.» 11Hene Simona Phetelo wakandugile nu wamuenene holu dia mavu, wanda wazala nu jishui jiakoma153, Nga jishui jiavula, uvi wanda wakalugilego.12Yesu wawambelele: «Ijienu muzangule gudia gua mugimenegena.» Nga mulongi mumoshi galolelego gumuhula, «Aye nanyi?» Ajiyile egi udi Fumu. 13Yesu wajile, wazanguile mapha, nu wa ahanene, nu jishui nji. 14Yakhalele hugo dia thatu dia Yesu gudimonegesa gudi alongi enji sendese hazugile gu gufua mukatshi dia agufua.15Gu ngima dia gudia gua mugimenegena, Yesu wawambelele Simona Phetelo: «Simona, muna Yone, aye wanguzumba yagubalega wawo ago anguzumba?» Phetelo wazuelele: «Ai, Fumu, aye wajiya egi ngaguzumba.» Yesu wamuwambelele: «Disa ana ami a tubalu.» 16Muene wamuwambelele hugo dia ngiadi: «Simona, muna Yone, aye wanguzumba?» Phetelo wamutayele: «Ai, Fumu, aye wajiyaegi nga guzumba.» Yesu wamuwambelele egi: «Bamba imeme yami.»17Muene wamuwambelele hugo dia thatu: «Simona, muna Yone, aye wanguzumba ba?» Phetelo wabuile keya-keya mukunda nu Yesu wamuhudile hugo dia thatu «Aye wanguzumba ba ?» ,muene wamuwambelele: «Fumu, aye wajiya ndaga jiagasue: Aye wajiya egi ame ngaguzumba.» Yesu wamuwambelele egi: «Disa imeme yami.» 18Giamatshidia, giamatshidia, ame ngudi guguwambela, hago wakhalele muvuala, wakhalele gudisudigisa aye hakhaye nu wakhalele muya guagasue gu wakhalele mutshigina. Uvi ha mbaubua ya gukola mba usununa mago aye nu muthu muko mba ugusudiga nu mba ugubata guago mba utshiginago guya.»19Yesu wakhalele muzuela ngenyi mukunda nu gudijiga gufua tshi Phetelo wakhalele nayo gutumbuisa Nzambi. Gu ngima dia guzuela ngenyi, muene wawambelele Phetelo : «Ngulandule ame.»20Phetelo wabalumugine gu ngima nu wamuenene mulongi yago Yesu wazumbile you gumulandula. Muene yago wakhalele yagubanda holu dia thulo ya Yesu mukumbi dia gudia gua mungueze nu wazuelele egi: «Fumu nanyi mba ugudiga?» 21Phetelo wamumuenene nu wawambelel Yesu: «Fumu, itshi mbaitshita muthu you?»22Yesu wamuwambelele egi: «Gula ngatshigina egi akhale nu monyo unu ha mbanguvutuga, Itshi gudi aye? Ngulandule.» 23Na, mbimbi yene yamuanganene mukatshi dia aphanji'a mala egi mulongi muene mbagafigo. Muenyemo Yesu gawambelele go Phetelo egi mulongi muene mbagafuigo uvi, «Gula ngatshigina egi akhale nu monyo unu ha mbanguvutuga, Itshi gudi aye? »24Idi mulongi muene mumoshi udi muzuela ndaga yabonga mukunda nu ndaga yene nu ndaga yazuelel muene, idi ya giamatshidia. 25Guakhalele nji nu ima yavula yatshitshile Yesu. Gula ima yene yagasue yakhalele yagusonegewa, mavu agasue abandelego gukhala nu dibugu dia gu isonega.
