¹Paulo lkipaaret le Yesu Kristo te nyorrata e Nkai, o Timoteo lalashe lang, ²Nikingeroki lalashera lang oisiligai naa sinyat tiatua Kristo otii Kolosae. Metaa empris o seriani e Nkai te nebo o ntae. ³Ikirrinyoki e Nkai nashe anaake, menye lo Laitoriani lang' Kristo Yesu, nikiomonoki sii ntae.⁴Nikitoning'oitie nkirukoto inchi natii atua Kristo o nyorrata inchi te lelo sinyat. ⁵Kore te nkaraki o siligi likitang'amutua, eishorieki ntae lkilikuai supat loo lomon supati, ⁶Neibulaitie ntae lng'anayio supati enaa naikuna te nkop pooki nebulaa sii empiris e Nkai nitujurrutua te sipata.⁷Enaa naiteng'ena ntae Epafira, laisiayiaani tenebo o nanu lanyorr, le, ⁸netolika sii yiook eneba nyorrata niatata te nkiyeng'et.⁹Kore te nkaraki ina peyie king'asu apaki aaning' nkirukoto inchi, neitu kipal mikiomonokita ntae peiyie eiputi ntae yiolounoto o ng'eno e Nkiyeng'et sinyati. ¹⁰Enchomie anaa enapa naitanapa ntae Laitoriani, peyie inyorraa ntae Laitoriani oleng', nitutum atiiu lng'anayio te siai inchi supat, nibululu sii te yielounoto e Nkai.¹¹Neidimieki sii ntae te nkidimata pooki o te risioroto e ngolon e nkitoo o Laitoriani, peyiye itumutum ng'iriata o tenebo o nchipai. ¹²Ekirrinyoki Papa, e nashe oidimie yiook mataa lajung'ok o lkipaareta sinyat le ewong'an.¹³Naa ninye oitajewua yiook aitung'aa e ngolon e naimin nepik yiook atua e nkitoo e Nkerai enye o Laitoriani lang'. ¹⁴Naa te ninye kiata e lakunoto o mpalikinoto o ng'ok ang'.¹⁵Amu Kristu ninye onyaanyukie inia pukunoto nemedoli e Nkai, naa ninye olkikau le pooki toki naitobiraki. ¹⁶Amu te ninye eitobiraki pooki toki, nena natii keperr o e nkop, nalioo o nemelioo. Nena e nkitoo, o loitorisho, o engolon o enkitoria. Laa ninye oitobira pooki toki naa ninye eitobirakaki. ¹⁷Netii ninye te kue ntokin pooki naa te ninye eitobiraki pooki toki. Te ninye etumo pooki toki.¹⁸Kristo enkue o sesen aa nkanisa . Ninye nkiterunoto, naa lkikao too lootuata, otopiutuo, peyie eaku ninye lekue te pooki toki. ¹⁹Amu atua ninye e tonyorra Papa apik nkiputakinoto enye pookin. ²⁰Naa te Kristo eitaka Nkai ntokitin pookin sotua, natii e nkop o natii e keper, Neyau seriani te sarge lo salaba lenye.²¹Kore ntae te nkiterunoto nirara leiking'a naa lmang'ati le Nkai too ndamunot inchi torrok. ²²Kake eitaka taata ntae sotua to sesen lenye o to sarge lo salaba lenye, peyie eyau ntae enkoitoi e sinyatisho nemetii ntioto ana nakurrieki ntae. ²³Tinitonini tiatua nkirukoto niunono nemeigusigusieki ntae, nemeiwangieki ntaeto siligi le rorei le Nkai litoning'o, laa ninye etikiaki pooki tung'ani. Te nkaraki kulo omon supati aitaaki nanu Paulo laisiayiaani.²⁴Kashipakino nanu enyamali natumo te nkaraki ntae to sesen lai aitabaya nena naang'or te nkisilisiloto e Kristo, te nkaraki sesen lenye, aa kanisa. ²⁵Nara nanu laisiayiaani le Nkai te nkarali ntae' maitijing'a ilo rorei le Nkai Katukul. ²⁶Kuna nkisudorot naisudoyioki apa too nkatitin o towuoitin/lajijik. Kake etoboluaki too sinyat lenyena. ²⁷Etegelua Nkai ninche peyie eitayiolo loreren eneba karsisisho e nkitoo ena kisudoroto, naa Kristo tiatua ntae oara siligi le nkitoo.²⁸Ninye kilikoo nikiutaa pooki tung'ani, kinteng'en pooki ng'ae, te njurrunoto pooki, peiye kitum aayau ltung'ana pooki atua Kristo Yesu. ²⁹Te nkaraki ena peiye anyokita aas ena siai te nkidimata enye aa ninye engolon tiatua nanu.

¹Amu kayieu niyiolou eneba nyuata ai te ntae lelo otii Laodikia o lelo leitu abaki edol e nkomom ai. ²Aasisho peyie eilejilej ltauja lenche neyauni te nebo te nyorrata nedupoi pooki e ning'unoto o yielounoto o nkisudorot e Nkai: naa ninye Kristo. ³Laa te ninye eisudoro masaa pooki e ng'eno o yielounoto.⁴Kajo kuna peyie meetae ilo olejaa ntae to rorei lolosek. ⁵Kore hoo duo namatii tenebo o ntae to sesen, kake katii tenebo o ntae te nkiyeng'et. Kashipa oleng' tenadol orrekie linchi sidai o nkirukoto inchi tiatua Kristo.⁶Kore naa nitang'amutua Kristo Yesu Lautaroni, enchoo eaku ninye inchuyieyie. ⁷Niunokinono neshetuni intae, ninchosho ninye nashe oleng'.⁸Enteng'enita, niminchosho ake eitapong'ori ntae likae te ng'eno o losekin o lejare e pesho nisujsuj ilkeretin lo ltung'ana anaa kulie kiyeng'eta ena kop nemesujita ninche Kristo. ⁹Amu tiatua ninye emanya elulung'ata pookin e Nkai to sesen.¹⁰Nelulung'a nkishui inchi tiatua ninye laa ninye ndukuya e nkitoria pooki o nkidimata. ¹¹Tiatua ninye etumurataki ntae te muratare ne me noo nkaikkeke emuratare e Kristo. ¹²Ninukaroro tenebo o ninye tiatua enkibatisare te ninye einyiakaki aaitopiu ntae te nkirukoto ti atua engolon e Nkai neitopiwuoki ninye aitung'uaa lootuata.¹³Amu ituata apa ntae te ntorrok inchi o te muratare o sesen nemeeta tipat, kake neitopiu ninye yiook tenebo o ninye netapalikia ninye yiook ntorrok ang' pookin. ¹⁴Neiwuang'e ninye enkiguana ang' pookin neshei pokin to salaba.¹⁵Neidakie engolon pooki o logool o masaa pooki o larrabal neitadou to salaba neitaa rindiki lenyena.¹⁶Minchoso naa edung'okini hoo likae enkiguana te ndaa anaa to siruai ana te nkibora o lapa ana te nkolong' e Sabato. ¹⁷Amu loipi ake lelo kake kore e nkuputata o mbaa pooki na Yesu Kristo.¹⁸Emincho naa eoruni ntae nchuneti lelo ooserem ilmalaikani o lelo oitodoyio ate. Amu kore leo nepoiyie nkae oitoi neilepunyie ndamont enche e tung'anisho netum nkilasha. ¹⁹Nemenikino ilo oara nkue laa ninye etunie sesen ndaa neidikidiko to marlooshin o rubat , nebulu te mbulunoto nishooyo Nkai.²⁰Kore duo ana nitua te nebo o Kristo te nkoitoi o nena kiyeng'eta o loing'ang'e, ainyo peyie inkunariri anaa le nkop? ²¹Mimbung', minchamisham, nimiseyie? ²²Kore kuna tokitin pooki naa keidaari teneasishoreki to nkitanapat o nkitengenat o ltung'anak. ²³Kakwa tokiin natiwuana ne ng'eno te yieunoto e seremare e tung'anisho nepalaa seseni lenche eitam osina, kake metaa hoo neret te nkibooroto o ng'uarrat o sesen.

¹Paulo, Silvanos o Timotheo te kanisa oo elessalonike tiatua Enkai papa o laitoriani lang Jesu Kristo. ²Meetaa empiris o seriani tenebo ntae naing’ua Enkai papa o Kristo Yesu.³Enarikino nikincho Enkai enashe enaake tenkarake intae lalashira o nkanashera ang tinikitumo peiye eponunye enkirukoto inyi asapuku o maiyan te ntae olikae to likae temborei. ⁴Aikingindare iyiook ntae tiatua kanisa Enkai tenkitasoto onkirukoto inyi nemeibelekenya tiatua olosilisili linyi o ngiriata oosinatin liimaritata. ⁵Tenkaraki ninye olmoniekie lekinguana nasipa e Nkai peiye enyorarri ntae ajo injijingi enkitoria e Nkai naa teninye esilisiloki ntae.⁶Etodua e Nkai esipata pee eitalak to losilisili lelo oisisilo ntae. ⁷Neisho ntae loosilisiloki enkiyengiyeng tenebo iiyiook, teina kata naibalunyiki olaitoriani Yesu Kristo eng’uaa keper tenebo ilmalaika lenyena mangil. ⁸Torngejep lenkima eitalaki elap toolelo lemeiyiolo e Nkai otoolelo lemeyanyit ororei le Yesu Kristo.⁹Kemuti te nkitamioto o ntarasi neiywangieki aitalam enetii olaitoriani Kristo Yesu o netii enkitoo enkichimata enye. ¹⁰Kore tenetotu ninye teina olong peiye etaai kitok tiatua lairukok lenyena, neingasia lelo oiruko yeina olong tenkarake kore shakenisho ang niruko.¹¹Kore teina kiomonoki enaake peyie eikenaki ntae e Nkai tena kipototo inyi keiputaki yieunot osidain osiaai enkiruko tengolon payee kore enkarna olaitoriani lang Kristo, ¹²neisisi ninye tiatua ntae tenkidimata e mpiris e Nkai ang olaitoriani lang Kristo Yesu.

¹Kore tenkarake elotunoto olaitoriani lang Yesu Kristo kiturruri iyiok pee kinang’are ninye, ekisai yiook intae, lalashera. ²Eminchosho eurrani ndamunot inyi aasioki aashu eiturei neme lenkiyang’et lo rorei aashu te mpalao nanji yiook eing’uaa eji etanawua enkolong olaitoriani.³Emincho elej ntae oltungani, te pooki oitoi amu melotu ina olong te neme eserserisho nalotu tekure netodoluni ilo tungani le ngongong’I enkerai enkiminata. ⁴Oibaisho neileipe kewan eiba pooki loki ake naji Enkai enaa enaseremi neitoton kewan tolorika le Nkai elikioo kewan aitaa kewan Enkai.⁵Emindamumu nchere, kore apa atii tenebo ntae natolikio ntae kuna baa? ⁶Niyiololo ntae entoki neton ebokito taata pee etumi aitondolu ninyi te nkata enye. ⁷Amu kore ina kisudoroto entorroni neasisho taata, kore ilo oibooyo ninye neiko nenjia ometaba anaa neiwua ng’ieki ninye.⁸Kore inakata neitodoluni ilo torrono, kear olaitoriani Yesu ninye te ntooma enkutuk enye naa keishuu ninye ninye te ntii enye otelatunoto enye. ⁹Kore te lotunoto eilo torrono te ngolon e shetani, neasi te nkichimata pooki ilmoniek le lenjare o ne nking’asia. ¹⁰Neleji pooki oimin te monkai torrono amu etanyaita ninche enyorru sipata naichim aitanjeu ninche.¹¹Neipaaki ninche Enkai entorroni nangol meiruko enda emonkoi. ¹²Pee etumi ainnguanare lelo pooki lemeiruk esipata kake eshipakino ntorrok.¹³Kincho enaake Enkai enashe tenkaraki ntae lalashera oonyorri to laitoriani, amu etengelua ap antae Enkai te nkiterunoto pee eitanjeuni te nkoitoi enkitisinyata te nkiyang’et ote nkirukoto tiatua esipata. ¹⁴Eipotoka ninye ntae ena olomon supati likiyakiya iyiook ntae pee enkitoo engisisa olaitoriani lang Yesu Kristo. ¹⁵Kore naa lalashera entirring’ata aitobiraki embung’a aakurraki olkerreti likituutakita iyiook ntae to rorei le nkutuk enaa te mpalai.¹⁶Kore ninye olaitoriani lang Yesu Kristo kewan, o Enkai papa lang ootonyorra yiook, neisho yiook enkilejilek oontarasi osiliangi sidai oing’uaa empiris. ¹⁷Meilejileja iltauja linyi netasheiye ninche tiatua enkiaas pooki sidai o to rorei.

¹Kore enabaiye lalashera maatoomon pee esioki orore io laitoriani adapasha nemirisho enaa enaikunaki te ntae. ²Pee eitajeuni iyiook too itung’ana arruok naa torrok, amu me pooki ooata enkirukoto. ³Kake eisilingayu olaitoriani naa keitangol ninye ntae nerrip te ntorroni.⁴Aikiaata empijan tiatua olaitoriani te nkarake ntae nchere iasitata naa imookiki aas mbaa nikintanap ntae. ⁵Metuutai olaitoriani iltanja aipidaki enyorrata e Enkai oenkitashoto nemeibelekenya e Kristo.⁶Ntae lalashera kitanap taata te nkarna olaitoriani lang Yesu Kristo nchere entalam olalashe oton ten chalan lemesuj ilo kerreti litang’amutua te iyiook. ⁷Amu iyiololo ntae maate eninkoko ti niduayaye iyiook, tenkarake kore apa kiboitare ntae neitu kitoni pesho. ⁸Neitu kinya endaa oltung’ani hoo obo eitu kilak kake kinaurate kiaasisho kewarie odama pee mikiaku olula lelikae obo linyi. ⁹Neme te nkarake esipata mikiaata kake pee kintodol iyiook ntae to ikuaak lang enkitanyanyukoto niduaayaya.¹⁰Kore apa kiboitare ntae, nikinchoo ntae ena kitanapata: Nchere te nemeasicho oltung’ani emincho enya endaa. ¹¹Amu kining ake nchere ketii kulikai linnyi ootoni tiatua enchalan neitanyamaluo too siatin olkulikae nemeeta esiaai naas. ¹²Kitanap itung’ana naiju lelo nikinkok te nkama olaitoriani lang Yesu Kristo metaasa esiaai enye te ngira nenya endaa nasiaayu oopeny.¹³Lalashera eminauru te asata o supati. ¹⁴Te neany oltung’ani ening enikiliki iyiook ntae ten a palai, entaiyolo ilo tung’ani nimintokiki aata enijojo ninye pee ekurru ninye. ¹⁵Eming’or ninye enaa olmang’atinta, kake enkoo ninye enaa olalashe.¹⁶Kore taata olaitoriani le seriani meishoo ninye ntae makewan eseriani nkatitin pooki metaa olaitoriani tenebo ntae pooki. ¹⁷Nanu Paulo oingero ena kirorokino te nkaina ai makewan ele olmonekie le mpalai ai pooki, neaku aingero. ¹⁸Metaa empiriss olaitoriani lang Yesu Kristo tenebo ntae pooki.

¹Paulo olkipaaret le Nkai o le Yesu Kristo, tenkirukoto aang te Nkai o telelo sinyat. ²Taatua ilo siligi le nkishui ontarasi inia natejo Nkai nemesapisho. ³Etabolua rorei lenye toong'amat enye naitanapaki.⁴Tito enkerai ai tenkirukoto,empiris olng'ur o seriani naing'ua Nkai papa Olaitoriani lang' Yesu Kristo laitajeunoni lang'. ⁵Tenkaraki ana paatung'ayie te Crete, piitum aitobira mbaa naatong'oro nipik lapyiani anaa nategelua.⁶Inchoo metaa meata nakurrieki lpayian le nkitok nabo, nening'isho nkera enyena neme loolarrabali. ⁷Ore laitashekinok lesirit inchoo metaa meata nakurrieki, anaa laitashekinok le Nkai neme lonyor keon, nememera, nemelolarabal nemenyor ntokitin neme nesipata.⁸Inchoo metaa loitoomonisho, loata nkiririkinot, loo sipat, losinya naa loibooyo keon. ⁹Lobuku roreii anaa naiteng'enaki, peetu aitagolie lkulie te sipata neisikong' loogilunore ninye.¹⁰Kake lkumo lemening'u neata roreii leme letipat neisul lelo lemurata. ¹¹Nenare pee eikeni nkutukie peyie meitubulaa nkiteng'ena enche elejare too lmareita.¹²Etejo obo loo Crete naa oloiboni lenye ore Crete naa elejisho, elubo neshal. ¹³Esipa ana sikong'a ninche pii, pee edupai ninche nkirukoto. ¹⁴Peyie meshilaa nkitengena olyahudi o nkitanapat oo ltung'ana naitung'uaa ninche sipat.¹⁵Keisupat ntoki pooki too supati, kake ore too ltorrok meitoki supat abaki ndamunot enye keitorrok. ¹⁶Kejo ninche keyiolo Nkai kake neany' ninye too asat.

¹Kake ore yie teng'enisho nkiteng'ena enkishui. ²Metaa lpayiani loata ng'iriata neata nkiririkinoto, lngeni neata nkitashoto te nkirukoto o nyorata neisis tenebo.³Entiaki nkituak moruak metaa naata sinyatisho, neme nolmarenke, nememera kake neiteng'enisho supati. ⁴Enteng'ena ntomonok leleru metonyora lpayiani lenye o nkera enye. ⁵Neaku ng'eni neramatisho too nkang'itie naa supati nening'isho peyie memenuni ororei.⁶Entiaki sii lpayiani peyie eibooyo ate. ⁷Intoduai keon too mbaa pooki, niaku nkitanyaanyukoto oo nkiasin supati. Intoduai supati oltau lino te nkiteng'ena. ⁸Onkirorot sidain nemeyau nkurra peyie etum aitukurru lelo oiro ntorrok too yiook.⁹Tiliki laisiayiak metining'o lkituak lenye, neitiship ninche te pooki toki. ¹⁰Peyie mepuroo aitoki neitodolu nkirukoto, kore too mbaa pooki neaku loibung' nkitanapa Olaitajeunoni lang'.¹¹Amu eibalunyeki mpiris e Nkai too ltung'ana pooki. ¹²Eiteng'en yiook maibai pooki neme ne Nkai nikitoni tenkirukoto o too nkoitiei e Nkai tanakop. ¹³Kianyita osiligi lang' le mayian, oishorua keon tenkarake yiook eimu Nkai o Laitajeunoni lang Yesu Kristo.¹⁴Eishorua Yesu keon tenkarake yiook peyie eitajeu yiook too ntorrok neitaa yiook lgelunot lenyana oata nkure naasie supati.¹⁵Mbalie kuna baa, nintagol ltung'ana metaasa, niutaa anaa olarikono.Micho hoo obo mikinturia.

¹Yakobo, osinka le Enkai olo laitoriani Yesu Kristo, Enkirorokino, too loshon tomon oware oiputu inkuapi pooki. ²Ilalashara lainei, enkenai aajo engida tinitumu tumu intemat oo mpukunot kumok, ³Amu iyiololo anjo ore entemata natemi inkirukoto inchi neyau engiriata.⁴Ninyiriri ometabaiki enkitingoto peye iakuku oloiputakinote nebore neitu elau aitoki. ⁵Naa tenaa kitii olinchi olala enyeno enchoo ninye metoomonu ninye tenkai naishopooki tungani telenyon metii oldeket naa kishori abaiki ninyee.⁶Kake enchoo sininye eiparu tenkirukotu meeta enkiureisho opii; Amu ore oltungani oureisho netiu ninye anan lopir le naipasha ooreu osiwup nekutaa. ⁷Mincho ake oltungani, laijo ilo edamu ajo ketum aituki to laitoriani. ⁸Oltungani oata mbaa are to itau lemeitasha too nkiasin enyena pooki.⁹Inchoo olalashe oshal metinyidai amu keilepieki ninye. ¹⁰Kore olalashe tajirii nchoo abaki ninye metinyidai tenkarake naitodoyioki ninye, amu ketiu anaa intapuka entim narasaa. ¹¹Amu keilepu enkolong eirewua, nepej intapuka nenunuk, nedoyio, neinyela empukunotu esidano enye Nejia ake eikununu oltungani tajirii, keinyela mbaa enyena pooki.¹²Kemuyana oltungani ongiri too ntemat amu kore peiye eidip atingiria entemata naa kengamu ninye enkopiya enkitoo Enkishui natamayanie Enkai. Lelo otonyora ninye. ¹³Minchosho ake oltungani te netemi metejo Enkai natetema. Amu mieteni Enkai toontorok nemeteni abaki ninye oltungani.¹⁴Kake etemi oltungani pooki te nkaraki eng’uarata enye torrono; Naa keyiataa neitalamaa neitasur. ¹⁵Kore peiye eidip inia ng’uaralta atumo ntona neiu ng’ok kore peiye ebaya ng’ok neiu enkeeya. ¹⁶Ilalashera lainen langor, minchosho eleji intae.¹⁷Kore entoki pooki sidai onkishoroto pooki nemeeta nyamali eduo ainyua Enkai enetii papa iloo wanguritin, nemeibelekenya Ninye arashu ake etii enetii ninye o loip lenkibelekenya. ¹⁸Te nkarake eiyunoto enye, etiina ninye yiok ilng’anayo ledukuya loo nkitobirat enyena.¹⁹Entayiolo ena lalashera lainen langor, enchoo pooki tung’ani olosioki aning, nemesioki airo, nemesioki atoki agoto. ²⁰Amu kore engoro oltungani ne meas isipat Enkai. ²¹Entalama ate olduruk pooki onkumoi ontorok, ningamaa temboron ororei ootushumakaki atuu ntae oidium aitujeu itanja linchi.²²Kake entaa laasa lo rorei mme laningok ake ilejilej ateo. ²³Amu te neaku ake oltungani olaningoni lo rorei mme olaasani, netiu ninge onaa oltungani oinyoru enkomom enye te nkiureisho. ²⁴Amu keinyur ninye enkomom enye, ore peye elo nerikino Nakata naikununo. ²⁵Kake kore olosipi inkitanapat sidai inkitanapat e lakunoto, neibung nemetiu anaa ake elde oning nerikino, kake. Olaasani ooata nkiasin, ore ilo nemeyani tiatua nkiasin enyena.²⁶Teneidamu oltungani ajo olaseremani le Enkai nemeitore olg’ejeplenye, koon elej ore eseremare enye naa pesho. ²⁷Kore eseremare sidai nemeeta entoroni te nkomom e Ekai, papa, naa ena embakinoto ooltungani okishi onkolini, ti ataa isinaitin enyemali tenkop.

¹Lalashera laainei emiaaku loota olkep iaatata enkirukoto o loitoriani lang Yesu Kristo, aa ninye olenkisisa. ²Amu te nelotu naaji oltung’ani aisinani atua ntae, tenkayi etumo, nelotu sii ninye oltung’ani oishopito nkilani sidain, neata iigiso le shabu atua niaji etumo. ³Ning’oringoro ntae eldee oishopito inkitani sidai nipotipot aajoki totonatene, nijokiki elde aisinani ntasho ten de enai sukudoi tene tembata oonkejek aainei. ⁴Emindoi ajo itipikate olgelati maate niaakuku iloonguanare too ndamunot torrok?⁵Entoning lalashera laainei lanyorr, keitu engelu e Enkai laisinak te nkop metaa karsisi te nkirrukoto olajung’ok te nkitoria nasilingieki lelo oonyar ninye? ⁶Kake eitu iyanyititi ntae ilo tung’ani aaisinani. Aa mera ilikarsisi dei ooiboki ntae enkop? Aa mera niche dei ooiyietaki ntae nkajijik enkinguana? Aa mera niche dei oomor ina arna sidai nayanyiti? ⁷Tiniaasias enaa najo nkitanapat olaitoriani enaa inayo sirat, Tonyorra olelatia ino enaa kewan, itaasa supat.⁸Kake ti nintodolulu orkep nitaasa ng’oku, neinguanare ntae nkitanapa nchere irara langilak loo nkitanapat. ⁹Kore aka pooki ngae oibung nkitanapat pooki kake neitapong te nkiti, kiaku einyela pooki.¹⁰Amu kore olotejo miloiloito, netejo sii miaar metua, metaa teneitu iloiloito, Nitara metua itaa naa olangilani loo nkitanapat. ¹¹Eroro, niasishosho, enaa loopuoi aingunare too nkitanapat elakunoto.¹²Amu meeta enkinguana olng’ur, te ilo leitu eitodolu olng’ur, kake emir olng’ue enkinguana. ¹³Kaa dupoto, lalashera laainei eeta te nejo oltung’ani keeta enkirrukoto nemeeta nkiasini keidim enkirrukoto enye aitajeu?¹⁴Amaa le nemeishopo enaa tenemeeta endaa olalashe enaa enkanashe. ¹⁵Nijoki obo linyi ninche enshom te siriani, erowuaja, neitu encho ninche noo nkolati osesen, kaa dupoto eata? ¹⁶Nejia eitu enkirrukoto openy meetii le nemeeta nkiasin ketua. ¹⁷Kake kenjo oltung’ani aiata iyieyie nkirrukoto naata nanu nkiasin intoduaki enkirrukoto ino nemetii nkiasin, naa kaitodol nanu iyie Enkirrukoto ai too nkiasin ainei.¹⁸Irruk iyie ajo nabo Enkai itaasa esidai kerruk sii nenche iloiruruani neikirikira. ¹⁹Iyielo iyie lotung’ani omando anjo kore enkirukoto nemeetii nkiasin naa ketua? ²⁰Amaa papa lang Abraham keitu eikenakini sipat tenkarake nkiasin, pee eitayu enkerai enye isaa to olperere lo lasar?²¹Aimidol ajo kore enkirrukoto o nkiasin enyena neasisho te nebo? Neidipieki enkirrukoto enye too nkiaasin. ²²Pee ebaya osirata ojo, Eirruko Abraham Enkai, kore tenkarake enkirrukoto neikenaki ninye Enkai esupatisho neipoti anjo olnchore te Enkai. ²³Idol ajo taa keikenakini oltung’ani sipat too nkiasin mme to ibae le nkirrukoto ake. ²⁴Te nkoitoi oo nkiaasin sii eikenakaki Rahab esipata enapa kitok naibor nkonyek pee eng’amu lapa aikitalak neipungie tie nkae oitoi?²⁶²⁵Kore enaa enatua osesen metii enkiyang’et, neijia sii etu enkirrukoto nemetii nkiasin ketua.

¹Emincho ilkumok tentae lalashera lainei eaku ilaitengenak amu iyiololo anjo kore yiook pookn oitengenisho naa keigwanareki oleng tenikintaruoo. ²Amu kore iyook pookin nikintaruo toonkumok naa tenetii obo lemeitaruoo too naajo. Oltungani naa olmeta entoroni ilo, oidim sii aibooi osesen lenche pookin.³Ingara tinikipik mparasini isekenke inkufukie nareneki nening yiook, nikindim anibelekenyie seseni lenche pookin anaa nikiyien. ⁴Engura sii melin, hoo naa supukin oleng nerrumoo olkutati ogol oleng eutaa ninche enkiti toki aipirie enkalo naba anaa nuyieu olarewani.⁵Neijia etin olngejep enkiti rubara tosesen kake kejo sapukin oleng. Tadamu neba esupuko naidim oloti tiili atepejo. ⁶Kore olgejep enkima, enkop nabore ntorok tiatua irubat ang nepik osesen pooki entononi neinuaki enkima enkishni osesen pookin tenkima naingua jehanamu.⁷Amu keidim oltungani aatayiolo neidipa aataiyiolo pooki pukunoto oo ngnesi onkueny onoo ngnesi enaiposha. ⁸Kake metil oltungani oidim aitibira olgejep entoroni nemeitirring’a, ebore esayiet nayesho.⁹Te ilo ng’ejep kimayian olaitoriani o papa naa ninye kidekie iltungana, lelo ooitobiraki te nkitanyanyukoto e Enkai. ¹⁰Ina kutuk ake eimu imayanat oldeket, lalashera laainei, mera neja duoo eishakiino netiu.¹¹Keimu enkong’u nabo enchoro enkare neishamu ae nasukut. ¹²Amaa lalashera laainei, keidim olng’aboli atoiu ilosiyio anaa sabbu ilng’aboli a u meidim sii ninye enchorro naisukut aishoru enkare naishamu.¹³Kaing’ae te ntae olng’en neeta endamunoto nchoo eltoduaya tenkishon enye sidai otolkuak lenye inkiasin enyena te mborron engeno. ¹⁴Kake te niatata olomoda enyoratta ake tiatua itanja linchi, eminya kutukie nimilejishosho aaibooyo esipata.¹⁵Ore ena ng’eno eitu edou einguaa shumata kake ene nkop, onooltungana, onooloiriruani. ¹⁶Amu ore enetii olom o nyorrata e kewan neitii olong’oling’oli ompukunoto pooki torrok. ¹⁷Kake kore engeno nagut naing’uaa shumata nesila neeta eseriani nebor, netemaambaa nebore olgur, neiu ilnganayio sidain, nemeeta olng’ash anaa esunguroisho. ¹⁸Ore enkisampuare esupatisho neun ti atua asotya lelo ootayu osotua.

¹Kainyoo naijao olarrabali nyoo nayau larrabali atua ntae? Aa mera ng’uarat inyi naara tiatu ntae? ²Ing’uarnguara kake mitumutumu toki, iriara metua to lom, kake midimidimi atum. Ntaaii alarrabal niarara, kake miatata toki amu miomonunu. ³Enaa iomonunu, kake mitumutumu amu iomonunu te nkoitoi torrono, pee iaasiesie noo ng’uarat inyi.⁴Intae loololoito, miyiololo ajo tiniaku olchore le nkop, naa irra olmang’atinta le Enkai? Kake oloiyiu neauku onchore le nkop, nietaa kewan olmang’atinta le Enkai. ⁵Enaa ijojo keiroro irking’erot enemesipa ootejo, kore ina kiang’et natipika Enkai atua yiook keeta olom too ng’uarat o sesen?⁶Kake keisho empiris sapuk, amu kejo sirat eany Enkai loo wuasa neisho empiris loobor. ⁷Entoming naa Enkai, erisha oloirirua naa kekuet ninye ailany ntae.⁸Tinyikaki Enkai pee kinyikaki sii ninyi, entukuo nkak inyi ntae laing’okok, entisinya itanja linyi ntaee loo ing’ashng’ash. ⁹Esinanuoto, ninchirichir, nibuakuku, aishirr, Enchoo enkuenia inyi metaa enkishirata niaku eng’ida inyi enkimuntut. ¹⁰Entadou ate te kue olaitoriani pee eilepie ninyi ntae.¹¹Emisukenya maate lalashera laanei amu kore ilo osukeny olalashe lenye enaa enguanare olalashe lenye, nkitanapat esukeny, aa ninche enguanare, amu tininguanare nkitanapat neaku mirra oloibungita nkitanapat kake itaa olaing’uanare. ¹²Obo ake olaishooroni loo nkitanapat o ladung’ani le nkinguana naa ninye oidimm aitajeu enaa ainyela. Keng’ai ira iyie oing’uanary olalashe lino?¹³Shomo taata, kake ijojo ntae kore taata enaa taisere kipo ajing enkanasa naje o naje, nikitoni teinie olari, nikimirisho kunyangisho omatum dupoto. ¹⁴Kake miyiololo ntae enaasii taisere, kainyoo enkishui inyi? Amu kore ntae naa labur ake ailioi tendorp niminimini.¹⁵Apal nijojo kore enyorr enaa ejo Enkai nikias ena oene. ¹⁶kake aing’idada to lwuasa linyi naa kore ina ng’ida pooki naa torrono. ¹⁷Naa kore oloiyiolo ataasa supati nemeas eng’oki ina te niye.

¹Aiyiaa naa lo karsisi, enchira nibuakibuaka amu kelotu shumata intae osina. ²Netingidate masaa inchi netama oriri nkilani inchi. ³Kore sahabu inchi onkoshola inchi etodoro etama enkop ore ina doron enyata enkop neuku olmoneekie te intae naa kenya nkiri oseseni linchi enaa enkimu, irragie olchumati loo masaa too nkolong’I enkitingoto.⁴Ngura, kore olekoisinagio loo laisiayak ootudung’o inkurman, litomito too losekin, etubuaa eishir metabaiki olkiyioi loo laisiayak inkiyina olaitoriani loo lororani. ⁵Itama intae olkar ten kop, nitonini ti atua inaatishie osesen nintotiti itanja linchi te nkolong e yiengare. ⁶Itudunyokita enki’g’uana ninariara merue oltungani supat lemeirish ninye ntae.⁷Entingiria, intae lalashera; o metabar elotunoto olaitoriani. Eng’ura eanyu olaturoni le nkurma ilng’anayio sidain le nkop. Nenyiri ometabau enaa netum enchan e dukuya o ne sladi. ⁸Enting’iria sii ntae. Entagolo itauja linyi amu etataa na elotunoto olaitoriani.⁹Eming’unyung’unyakino, lalashera laainei peiye meinguanareki ntae, amu eitashe oladung’oni lenkinguana too nkutukie oonkajijik. ¹⁰Entusuj lalashera laanei loibono oiroro ten karma o laitoriani enaa enkitanyanyukoto osina o ng’iriata. ¹¹Eng’urai, kijo komaiyiana lelo ong’iri intming’o engiriata e yoab, nitoduaa naitaasa oloitoriani ninye te nkiting’oto, amu kenana olaitoriani oshoke neeta ang’ur.¹²Kake kore enalusoo te pooki eminya ake olmumai aa tekeper oo tenkop lalashera laainei enaa tiae bae pooki. Kake enchoo “ee” inyi metaa “ee” aashu “A”a inyi metaa Aa, ake pee mirriakinono ake enkinguana.¹³Ketii obo tiatua ntae, nchoo eomon ketii oloshipa? Nchoo erang osingolio le nkesisa. ¹⁴Ketii obo tiatua ntae omuoi? Nchoo eipot ipaiyiani le kanisa, pee eomonoki niche ninye neelie ninche eilata te nkarna olaitoriani. ¹⁵Amu kore enkomono enkirrukoto neitajeu olomuoi amu kedumu olaitoriani ninye; naa tenetaasa ninye eng’oki naa kepalakini ninye.¹⁶Entolikinoto ng’ok inyi maate, niomonokinono pee eshiunyieki ntae. Amu eeta enkomono oltung’ani supat eng’olon sapuk. ¹⁷Kore Elia, oltung’ani apake le nkitanyanukoto ang netoomono akuraki pee mesha, neitu eshaiki enkop terishata ooolarin okuni olapaitin ile. ¹⁸Kake neitoki ninye aomon, nepalu shumata enchan neiu enkop ilng’anaiyo lenyena.¹⁹Lalashera laainei teneuang obo linyi te sipata nerrinyu obo linyi ninye: ²⁰Inchoo ninye metaiyiolo ajo kore pooki oshuku olaasani loo ng’ok aitung’uaa enkoitoi enye entorroni eitaajewuo oltau lenye te nkeeya neimulaa olorora loo ng’ok.

¹Kore inia natii apa te nkiterunoto, naa ninye ikitining'o, naa ninye ikitoduaitie, naa ninye ikimbung'a to nkaik ang': ilo rorei le enkishui. ²Kore inia kishon naibalunyeki, nikitoduaa, nikishakenoo nikintoduaa ntae enkishui o ntarasi naata Papa neibalunyeki to yiook.³Kore inia nikitoduaa, nkitining'o, naa inia kitolikita ntae peyie iatata enchula ang' neaku te nebo o Papa o Nkerai enye Yesu Kristo. ⁴Nikinger ena peyie ishipapa oleng.⁵Ele kilikuai likitoning'o te ninye, nikitolikita ntae aajo, kore Nkai naa ewong'an naa kore ninye metii enaimin katukul. ⁶Tinikijo ikiata enchula o ninye, kake nikipuo tiatua enaimin, nikilejisho nimikiata sipata tukul. ⁷Kake tinikipuo te wong'an nikiata enchuka likaeo likae, naa keituku yiook sarge le Yesu Kristo Enkerai enye.⁸Tinikijonmikiata ng'oki, naa ate kilej nemetii sipata atua yiook. ⁹Kore tinikimbalunye yiook ng'ok ang', keisiligai ninye nepaliki yiook yiook neituku ntorrok ang' pooki. ¹⁰Amu tinikijo eitu kias ng'ok, nitintaa ninye lalejani nemeti rorei lenye atua yiook.

¹Keisapuk nyorrata e papa te yiook, peyie eipot yiook ajo nkera e Nkai, nemeyiolo yiook enkop tenkaraki neitu eyiolou ninye. ²Kira taata nkera e Nkai, keng'or pee kiyiolou enikitiu. Kake kiyiolou teneibalunyeki ninye amu kidol ninye aasipu. ³Ore loata osiligi teninye neitisiny keon, anaa enara ninye sinyati.⁴Ore oloas ng'oki neitadiak amu ore ng'oki naa entorroni.⁵Amu eiriwuaki ninye anaa ltung'ani pee eituk ng'ok ang' amu meata ninye ng'oki.⁶Ore lotii atua ninye nemeas ng'oki kake ore olaas ng'oki neitu edol anaa eyiolou ninye.⁷Nakera kutiti emincho elej ntae ltung'ana amu ore loas sipat naa asipani anaa Olaitoriani. ⁸Amu ore oloas ng'ok naa lesheitani, amu olaing'okoni apake ninye. Inia peewuo nkerai e Nkai nkop aitaruo siai esheitani.⁹Kore lotoiwuaki te Nkai nemeas ng'ok amu euno mpeku e Nkai tiatwa ninye neaku meas ng'oki amu keino te Nkai. ¹⁰Tenkaraki ena keibala nkera e Nkai naa nejia etiu nesheitani, amu kore oltungani lemeas esipata naa mme leNkai anaa sii olemenyor olalashe lenye.¹¹Amu ele lkilikwai litining'o tenkiterunoto eli entonyorrata olikai olikai. ¹²Mara natiu anaa ne Cain otara lalashe lenye metua tenkarake olom loo nkiasin enyena torrok, naa sidain enolalashe lenye.¹³Lalashara lainei eming'asia teneibai ntai nkop. ¹⁴kiyiolo aajo kimpung'o te keeya aajing' enkishui,amu kinyor olalashe lang' amu kore lemenyorrisho netii atua keeya. ¹⁵Esipa ore oloiba lalashe lenye naa olarani. Niyiololo aajo metum olarani enkishui oo ntarasi.¹⁶Tenkarake ana kitujurrutua enyorrata omatayiolo nkishui enye tenkarake yiook naa kenare sii yiook nikintai nkishui ang' too lalashara lang'.¹⁷Amaa teneata ltung'ani karsisisho enkop nedol lalashe lenye enyamal nemeing'rie aisho toki, kaji etii nyorrata e Nkai tiatua ninye?¹⁸Nakera kutiti eminyorrisho too roreii o tolng'ejep kake too nkiasin o tesipata.¹⁹Tanaa ikijurru aajo ikira lesipata, nikintirring'ie ltauja lang' teninye. ²⁰Amaa teneiguanare yiook ltauja lang', amu Nkai nkitok alang' ltauja lang' nejurru pooki natii atua. ²¹Lanyorr lainei, kore tenemeiguanare yiook ltauja lang', naa ekiata mpijan te Nkai. ²²Kore pooki nkiomonu niking'amu teninye tinikimbung' nkitanapat e nyena nikias naaitiship nkonyek enyena.²³Ana nkitanapata nchere, ekiruko enkarna Olaitoriani Yeso Kristo, amu kitonyorra olikai olikai anaa enaitanapa yiook Nkai. ²⁴Amu kore loibung' nkitanapat enyena neton tiatua ninye, neton sii Olaitoriani tiatua ninye. Naa tenikiyilo aajo keton ninye tiatua yiook, tena kiyang'et naishoo ninye yiook.

¹Lanyor lainei emiiruk ake nkiyeng'et pooki kake entetem nkiyeng'eta peyie idoldol tanaa ne Nkai, amu eiputa nkop loibonok kumok lelejare. ²Ana iyiolounyenye nkiyang'et e Nkai, ore nkiyang'et ake pooki naibalunye Yeso kristo ajo eewuo to sesen naa ne Nkai. ³Ore nkiyang'et pooki nemenyorraa Yeso neme ne Nkai, kake nkiyeng't oo loiba Kristo ina naa ninye apa itiningo aajo kelotuta naa eidipa taata atabau nkop.⁴Nakera kutiti irara nae nenkai,ilo otimirishe nepi mbaa enyena aalang' nenkop. ⁵Ore lenkop naa keiro mbaa enkop naa kening nkop ninche. ⁶Kira yiook le Nkai naa ore pooki ora le Nkai naa kening' yiook, naa ore pooki lemera le Nkai mening' yiook, naaku teinie kiyiolou nkiyang'et emonkoi.⁷Lanyor laine matonyorrata likae olikae amu kore nyorrata naa nenkai naa ore pooki onyorrisho neino te Nkai neyiolo Nkai. ⁸Ore pooki lemenyorrisho nemeyolo Nkai amu ore Nkai naa nyorrata.⁹Naa inji enkuna Nkai peeibalunye enyorrata enye tiatwa yiook amu eiriwua Nkai nkerai enye meeu nkop mataa ninye inchuyie. ¹⁰Ene dei etii nyorrata ajo mme yiook otonyorra Nkai kake ninye otonyorra yiook neiriu nkerai enye metaa olkipoket lang'.¹¹Lanyor lainei,ore anaa enatonyorra yiook Enkai kenarikino sii yiook pee kinyor likae olikae. ¹²Meatae hoo olotodua Nkai tiakata kake tinikinyorra maate nebik Nkai tiatwa yiookneitabari nyoorrata enye tiatwa yiook. ¹³Ana kiyiolounye neton tiatua yiook tenkaraki neishoo yiook nkiyang'et enye. ¹⁴Nikatodua nikinchakenoitie aajo eiriwua menye enkerai metaa Olaitajeunoni lenkop.¹⁵Ore pooki oishakenoo ajo ore Yeso naa nkerai e Nkai, nebik Nkai tiatwa ninye nebik sii ninye tiatwa Nkai. ¹⁶Nikitayioloutwa nikitonyorratie enyorrata naata Nkai teyiook, ore Nkai naa nyorrata kore olobik tiatwa enyorrata nebik tiatwa Nkai nebik Nkai tiatwa ninye.¹⁷Mataa teneitisinyaki nyorrata aang' pee kitum ngolon te nkolong' enkiguana amu kore anaa enetii ninye nikitii sii yiook enakop. ¹⁸Amu meatae nkuretisho tenyorrata kake ore enyorrata nauno nearaa enkuretisho amu ore nkuretisho naa nkitamioto eipirita ilo oureisho melulung'a enyorrata te ninye.¹⁹Ekinyor ninye amu ninye oiterua anyor yiook. ²⁰Tenejo ltung'ani kenyor Nkai nemenyor olalashe lenye naa elejisho amu amaa tenemenyor olalashe lenye odolita, kaji eiko tenejo kenyor Enkai neitu aikata edol too nkonyek. ²¹Naa ena enkitanapata naing'uaa ninye ajo, ore olonyor Enkai neishiakino nenyorr olalashe lenye.

¹Nanu opayian kitok laigeroi iyie Gaius, ilo lanyor te sipata. ²lLanyor lainei aomonoki peyie ebaya mbaa pooki teyie niaku bioto toltau lino. ³Amu ating'ide oleng' pee ebau kulie alashara oata shakeni esipata te nkishon ino amu isujita iyie sipat. ⁴Matum nanu nchipai alang' tananing' eji kisujita iyie nanu te sipata.⁵Lanyor lai,itaa loisiligayu too nintaasa lalashara neisul too ltung'ana omon, lelo oishakenutwa. ⁶Eishakenutwa tedukuya kanisa esupatisho nintobirayie ninche too lotot enye te nkoitoi e Nkai. ⁷Amu tenkarake nkarna enye pee tudumunye nemeata toki natang'amutwa lelo leitu eiruk. ⁸Metaa keiririkino nikiretu ltung'ana laijo lelo peyie kiaku pooki asujak lesipata.⁹Aigeroki esirit kake Diotrephes ilo oyieu neiturukie kewan nemeyieu neng'amaa yiook.¹⁰Mataa tanalotu nabolu nena naasita ninye esukeny too roreii lenkaruoisho netanya ninye makewan eng'amu lalashara nemitiki sii lelo ooyieu neitoomon nemiraa aipung'ie tesirit.¹¹Lanyor lai,misuj iyie nkaruoisho kake supati tusuja, kore loas supati naa lenkai ninye, kore loas nkaruoisho neitu edol Nkai. ¹²Kore Demetrius etaa shakenisho supat te pooki ng'ae naitadedeyie sii nanu, kira sii yiook shakeni niyiololo aajo kesipa shakeni.¹³Kaata duo nkumo naigerok ntae kake mayieu naigerki ntae te mpalai o nkalamu.¹⁴Kake kaisilig ajo ketaana piikitumo nikro tenebo kitoduate nkomomi.¹⁵Metaa seriani tenebo ntae.Keiroroki ntae lalashara.Roroki lchoreta ootiinie too nkarn enche.

¹Yuda, olaisiayiani le Kristo Yesu naa olalashe le Yakobo oipoto too ntai, nenyori te Nkai papa neitengelaki tenkarake Kristo Yesu. ²Metoponari mpiris o seriani o nyorrata too ntai.³Loonyorri, ore apa anyokita aigeroki ntai kulo omon le njeunoto laa lkulaang yiook pooki, naikok ntai pii inyoknyok aing'oru enjeunoto naishooki apa sinyat nabo kata. ⁴Amu ketii ltungana otijing'utwa te mpurokinoto laa ninche apa edung'okino nkiguana, lelo lemeiruk neibelekeny empiris e Nkai aitaa ropore, netanyaita Laitoriani lang o Yesu Kristo sii.⁵Naitoki aitadamu ntai nchere ore abaki apa iyiololo kuna pooki aajo eitajewuo Laitoriani ltungana le nkop e Misiri, einyaaka aidakie lelo lemeiruk. ⁶Ore lelo malaikani ootung'uaitie manyishon enche, netung'uaitie nenie neisudoriyie, neisudoyie Laitoriani tiatwa negut enemeneng'a neena too sekenke ometabau nkolong' enkiguana.⁷Anaa apa Sodom o Ngomora onana anasan naamanita nedutaa eloloito ombaa osesen neitaaki enkitanyaanyukoto nepejori te nkima oo ntarasi.⁸Neija sii eiko kulo aidetdetak oidurukie seseni neany' enkitoria nemor iloota nkitoo.⁹Kore mikaeli,olmalaika kitok eishankarra o lorirua eorro sesen le Musa, eitu emor ninye kake nejoki ''metaa olaitoriani likisikong'' ¹⁰Kake eiro ninche nena nemeyiolo, kake nena naayiolo oshiake, neakita ate oldeket anaa ng'uesi nemeitoki edamu. ¹¹Oi ninche ootudutaitie nkotiei e Kain, neitapong'oo ate too nkoitoi e Balaam eingoru shunetu nemetum tenkaraki Core.¹²Ore ninche naa ltipot tiatwa sirua linchi tenenya tenebo ntae, oonya ndaa meata sura, anaa nkatampo nemat nkariak naanap osiwuo, netiu anaa lkeek ootoito nemeeta lnganayio, netoito kat are netadotuaki. ¹³Ilaburr lenaipoosha oitokutoku te nkrruna, ilakir oopuaya laa ninche eitaanyitai naimin oo ntarasi.¹⁴Ore Enock laa ninye apa lesapa te nkaji oo Adam, neibonu kuna ejo ''kelotu Laitoriani osinyat nkalifuni tomon''. ¹⁵Pee edung'oki enkiguana lelo pooki lemeure Nkai too nkiasin enye o too nkirorot, o too mbaa nairoro laruok teshumata ninche. ¹⁶Kulo oing'uny'ing'uny', loata lorok, loosuj ng'uarrat, nerup ate, nepakas ltung'ana ejo pee edupore .¹⁷Kake loonyorri entadamu lomon apa oiroroki tedukuya oipirta Laitorian lang Yeso Kristo.¹⁸Ketejo kepuonu lasukenyak too nkolong'i esiadi lelo oosuj ng'uarrat enye.¹⁹Kulo ninche ooyau eora,lenakop ninche nemeata Nkiyang'et.²⁰Kake ore ntai loonyorri, enteshetu ate tenkirukoto iomonono te nkiyang'et sinyati. ²¹Entotoni intae tiatwa nyorrata e Nkai iyanyunyu ntae nkishui oo ntarasi.²²Entudupa ntae lkulikae te nkibelekenyata. ²³Entajeu lelo ooureisho, niwuapupu tiatwa nkima nimbayuyu abaiki olkila oidurukie osesen.²⁴Ore taata ilo oidim aitasheyie ntae mibatata, neitaduaya ntai tiatwa nkitoo enye miatata leyiata te ngida sapuk. ²⁵Laa ninye laitajeunoni lang', metaa nkitoo onkisisa, nkitoo o ngolon taata o ntarasi. Amen.