¹Paulo,Silwano na Timotheo, kwa numba ili Tesalonike kwa Ruva Aba na amotu Yesu Kristo. ²Usha uwe kwa mwanu na utaboru waduka kwa Ruva Aba amotu Yesu Kristo.³Itakiwe suwe tumkunde Ruva mfiri sose kwa kifa cha motu mwanamae. Kahindi ni kuto itakiwe, wa kifa kahindi tumeng'ana ,na ikundana la mwanu liongereke wingi. ⁴Kwakuto sue veni twateta kwa undusha mmbeni kwa Ruva. Tuliteta mateta ehuma. na imanya tulinalo weri wa ukiva.Tuliteta kwa mateta kwa ukiva mlitingiriki. ⁵Iwu nivo ishara ya haki ya Ruva. mateta haoa ni sue vaituvalie nyuwe mweva ienda kwa Ruva kwa ivohovo tuliukieni⁶Kimeva ni uloli wa Ruva ,evaininga ukiva vaya vakuningeni ukiva nyue. ⁷Na ivaininga ikunda nyweni mrile ukiva na suwe. Nyerunda kuti weri Ruva elo na pamoja na mwana wa Ruva na iidima lakwe. ⁸Kahindi sesia sa moto alimuuria kinyongo ivo vamwishi Ruva na ivo valili vataboru na mateta na Ruva wa motu Yesu.⁹Veya ukiwa kwa ifa mpaka kirere vakava vali kwasha chamu cha Ruva na mrike wa ngaro sakwe. ¹⁰Nyerunda wakati alishi ili ikundwa na vandu vakwe na iviwa na wose vamwishi kwa sababu mateta akwe aleshenia kwa wanu.¹¹Kwa dakai tulivaheshembeni nywe mfiri sose. Tuliehemba Ruva avaivalie weva iaringuliwa . Tulihemba kuti,ave mmdu erunda undusha kila rumate ya ngaro. ¹²Tulihemba mateta ia ili ngipate iteta mateta a Ruva. Tulihemba tuiriliwe doka nafe, kwa usha wa Ruva na Aba Yesu Kristu.

¹Kahindi isha kwa Aba amotu Yesu Kristo na iimbirana na sue ili tuve nafe :tulivahemba nyweni vanamae. ²Wala mtasumbuliwe wala ihovishwa kwa urahis kwa ngoo, au hata mwandu hata barua yelolika yanduka kwa mwanu,mweamba se le mfiri wa ma Aba ushika.³Mndu atavalemba kwa mateta ose. Kwa kahindi yesha mfiri kwi hadi kiama kindukie ,kahindi na mndu alemba adukie. ⁴Ishu nife eharibu nafe ejiiridia mweni kemkaba Ruva na kila kindo vebuniwa. Na kahindi weri wakwe,vetamia mmbeni kwa Ruva na vekurora ni ni Ruva.⁵Kahindi timwekumbuka nglininanywe ngilevavia mateta a. ⁶Kahindi mwishi icho kile mlema ,aidime kwa weri wa usha ukashika. ⁷Kahindi mateta aya na mndu mbishuwa yerunda hadi kahindi,ila kwete amshingilia kahindi hadi anduliwe njaa.⁸Kahindi nilo mrimu enduliwa doka,shangu Aba Yesu alemjenga na mrike wakwe.Aba nyemtobira na kindo chose,kwa lotia na isha lakwe. ⁹Isha la mundu vya alelema yeva kwa rumate iya ya mrimu kwa nagaro sose na iotia la mboru. ¹⁰Na maungo wose wa mboru mateta iya eikiwa doka kila mundu kalolea. Shakundu vataleiria utaboru weokolewa kw a mwawo.¹¹Kwa kuto Ruva alevaininga rumate mbishwa ili vamanye mboru . ¹²Shakundu kuledukia wandu wakasukumwa, vandu vaya vatalera loli na wo wakuni uvishua.¹³Kahindi yabidi tumhembe Ruva kila saa mwanamae kwa sababu Aba alietutala su. Vandu valeumbirwa na wokovu na isambiwa ngoo na ikunda iya la loli. ¹⁴Iki nicho cha vaamkua nywe,kwa kuto ihitia muindime iiningwa usha wama Aba Yesu Kristu. ¹⁵Kwa kuto mwanamae ni ika undusha . Mmanye vingo vya kira mleviwa , kwa mateta au kwa baruo.¹⁶Kahindi Aba amotu Yesu Kristo mweni,na Ruva Aba amotu atukunda na kutuininga faraja ya mfiri sose na iva mkariha usha kwa weri usha weshesha ihitia usha. ¹⁷Akuherembeshe na likia undusha ngoo samwanu kilakindo na rumate gisha.

¹Kahindi le,mwanamae,tuhembeeni,ilimateta ama Aba atoswe doka na ing'aniswa ,sha kundu ili kwa mwanu. ²Tuhambeeni tunduliwe mavokoi kwa vandu vavishwa ,nami shi vose vameashikia loli. ³Kwa kuto Aba ni waloli ,ekuringeni nyue na mrimu aya.⁴Twete ngoo ngidomari kwa mwanu ,sha kundu mwakunda ayatulekurieni. ⁵Aba akuningeni mkundane na mmingirie ikundana kwa Yesu.⁶Kahindi tulikurienilee ,vanamae ,kwa rina la ma Yesu Kristo,mtakae na mndu mleshi ateenda sha kundu tulekuvieni mwende. ⁷Mwishii nyue ni loli mkae sha sue . Tetulekaa kwa mwanu tukaliundusha. ⁸Tetuleye chao cha mndu wose tutamemteshwa, kwa kuto, tulerunda rumate kio na kamsanya ngidomari nesa ukiva, kwa kuto tatuleva varito kwa mwanu. ⁹Tulerunda kuto shii tulatalivatue fo. Kwa kuto tulerunda ili tukuroreni sha kundu veenda kwa motu , kwa kuto mwendesha sue.¹⁰Sasa tulevina nunye tulekuvieni le, "Kwa kolea mmndu unitegori urunda rumate le ataye". ¹¹Ngaishua fo kwa mwanu kwete vandu valeshi. Veterunda rumate na tevenda undusha. ¹²Kahindi ivohovole tuliamba neiva kwa Aba na Yesu Kristo ,varunde rumate vaye chao cha mwavo veni.¹³Nywee le vanamae mtateeirunda meshaa. ¹⁴Kwa kukolea mndu wose ataori ikaa shakundu weamba kunu baruani kwafo, mve na letu na saa hefe , mtarunde nafe,il ave na kimao. ¹⁵Mtamuirie sha mwa kimwenu,kwa kuto mjongeleeni sha mwane maya mwanu.¹⁶Aba na mesha akuningeni mesha mfiri sose Aba na nyue vose. ¹⁷Ihoi ni kaho yakwa, Paulo, kwa kivolo chakwa mweni,ngaandika baruayo. Ni kuto ngileaandika. ¹⁸Usha wa maYesu na Aba ukae nesue vose piu.

¹Paulo mwemtuma na Yesu Kristo kwa ikundwa na Ruva , sasasava na ahadi ya usha ulikati ya Kristo Yesu. ²Kwa Timotheo kona alekundwa:usha, kindo cha bure iduka kwa Aba Ruva na Kristo Yesu Aba wa motu.³Ngashukuru Ruva, nife ngemrundia kwa niangisha shandu valerunda vasahayo vakwa,weri ngamanya ngejihemba .Kio na . ⁴Msanya ngiori ilolia, ilikwakuto ngiishwe utaboru. Ngikumbule msoru safo. ⁵Iveli ngekumburwa kindo kisha chafoo uhasili, amacho kiveli kwa shekuyo wafoo Loisi na mayaafo Yunisi. Nangete uhakika kindocho kisha chevaa kwafoo undusha pia.⁶Hiki ndichokituma ngakumbura uongere imhebalila Ruva ulifo katika kwafo kwanjia yakiwa mawoko akwa. ⁷Kwakuto Ruva alitaininga ngoo yauovaakwi ila niya ngufu na ikunda na adabu.⁸Kwakuto utalilolee kiamao ushuhuda wa Aba wamotu, wala wakwa ini Paulo mshingwa wakwe. Ila uvenavoo wakati wa ukiva kwa ajili ya mateta mashia savasava na iidima la Ruva. ⁹Ni Ruva aletudua na ituamkuwa kwa ujituma uwewa. Talerunda kuti idukana na rumate samotu ila niidukana na kindo kishaa na mbango wakwe mweni. Nyaletuninga findofi hofi kwa Kristo Yesu kabla weri iansa. ¹⁰Hatakuto kahindi iiriwa na Ruva umemeamilia kwaisha kwakwe mkombosi wamwotu Kristo Yesu. Ni Kristo alesuvia ifa na kannde ivafomamoo utete mwisho kwa mwangasa wa mateta mashia. ¹¹Kwakuto ngileshakuliwa ngivee mhubiri, mwetumwa na mwerora.¹²Kime va nikutii ngiliyaa ukiva pia, hakuto shifi hovi maana ngimwishi ee ngilemeimaa umwaminile. Ngishi nioli ngeidima ikwama undusha ikilya ngilemningia kwakwe hata mfiri uya. ¹³Ukumbure findo fyausana na loli vya ndumwa ya loli uleishwa iduka kwakwa,fyoose na loli na ikundwa ulikati kwa Kristo Yesu. ¹⁴Aringe mateta meshaa alekuningia Ruva ihitia ngoo njewa alifo katikati ya motu.¹⁵Ushi kuti , voose valikulya Asia valenitelya. Kunu irundoni la vandu vaelifo Figelo na Homogene. ¹⁶Aba ailolie huruma mmba ya Onesifori kwa kusa marakeengi alengi horombia na alengi imehia kwa haibu mnyororor siasa kwa kwi. ¹⁷Ungi yafe kalikulya Roma nyalengi sengeta ikiwa andika na kanikolya. ¹⁸Ruva amwarie ikolya iduka kwakwe mfiri ulya.Shandu alengiria ngilikulya Efeso , ife ulishi undusha.

¹Kwakuto, ife mwanawakwa, uve na ngaro katika kindo kisha cha bure kili kwa Kristo Yesu. ²Na aya uleishwa iduka kwa vandu vengi, u vainingie vandu vz loli navo vavafundishe vengi navo.³Tu ve ukiveni nani, sha msileani msha wa ma-Yesu. ⁴Tekwete msiliari eidima ujiduwa halafu kunu aendleee na vindo fya kawaida katika maisha,kwa kuto aliamkundire mtue wakwe. ⁵Kwakuto mndu kabiris sha mndu etisha, tee iningwa bakishishi atameenda undusha.⁶Nikindo cha loli mndu etema, akundi ifanya rumate yakwe ya tema,avee mndu wa kwanza iiria chao chakwe. ⁷Fikiria kiya ng'aamba, kwa kuto Aba ekuninga imanya vindo vose.⁸Mmanye Yesu Kristo, idulea mbari ya kwa Daudi ambao aleduliwa kwa vandiu vamefa. Ihoi ni iduleana na baruo yalewa ya mateta mashia. ⁹Kwachohocho valengilisa ukiva na ivikwa ichuma sha mndu mmbishwa.Kwakuto mateta ama Aba efungwa na ichuma kwi. ¹⁰Kwakuto watingiriki idulean na vundo vose kwa vaya Aba alevatala ila nevo voningwe zawadi ya mtweni ya mfiri sose weduka kwa Yesu Kristo na atue wa ma-Aba wa mfiri sose.¹¹Iletali ni laloli, "kwa kolea tulefaa nafe, tiwe dukia doka nafeesee. ¹²Kwa kolea tukating'irile, tweiria uruka nafe tukamlea nafe tukamlea nafe nielulea. ¹³Kwa kolea tutalivalolile ,fee nieva wa loli kwa kuto te eidima yilea mweni.¹⁴Ivakumbura doka ya mateta ahoa,vavie mbele za ma-Aba vate ihingana ihushu matete. Kwa kuto tekwete faida kwa kindo chohocho.Idukana na liholi vandu vaya vehotamia veharibika. ¹⁵Atejirore kwa Aba kwamba vamekumanya sha mndu erunda rumate vete mlolea uvishwa.¹⁶Wa kwasha mateta auruka ,ambao eninde nietukamata handu havishwa. ¹⁷Ivana la mwavo nile tukaa sha ibee. Na vandu vohi Himenayo na Fileto. ¹⁸Iva ni vandu valeuwa loli, veamba vandu vamedukia doka.Ni vebiringisa vindo vya loli vya vandu vengi.¹⁹Kwa kuto, msingi udomari wa ma-Aba weimuka wenye uandishii ujou. "Aba ni avaishi vaya vakwe na kila mndu eamba rina la ma-Aba niloli ate" marishwa. ²⁰Handu hete italo la vandu vete besa , shi loli vindo vilifo italoni ni zahabu na ilama tilei ndohe findo vingi ni kwa matumizi a hali ya doka na vingi kwa matumizi a hali ya shii. ²¹Kwa kolea mndu mejisambia mweni, idukana na matumzi atah a heshima, feni hiombo cheheshimelea .Aambilia kwasha na vandu vengi,ete manufaa kwa Aba , alimtobiree kwa kila rumate ngishaa.²²Sitisheni ubalakani wa uwanake,kwefuata loli, findo vya loli na ikundana na vayavemwamkua Aba kwa ngoo njewa. ²³Kwa kuto ulee mateta autiri. Niloli uishi yeate mwandu.²⁴Mndu wa Aba wa ma-Aba ata ree mndu ehongoa, kwa kuto avee mhoo kwa vandu vose, aidime imrora na ifumilia. ²⁵Niloli vaya velea avaelimishe mbong'oa. ²⁶Sa sahoso Aba avalekelee vakamemanya loli. Vamanye halafu varunduke uteri wa mrimu vameiriwa na mrimu ili vakae shafe.

¹Lakini manya kindo kihoki mfiri za kwa sha kweva na kindo kidomari. ²Namu vandu veva vekuori voveni, vaori besa, vekuirilia , vejisifu, vete na majifuno, vemringia vengi,vitishi vasa sivamwavo, tivedua neno laha sante mwanivaliva wisha na valivawishwa. ³Vetete ikundana na vengi na vaorimwa nduvaori ikundana na vandu , ikundana na vandu kwi na vandu,kwi vandu vaori mateta na vandu vengi vakira, vataori itamia na mndu wakwe mfirisose,vandu vekufanya uhungue na vandu mfiris ose, vandu vekufanya kwalekana na mndu wafo,vekutetea mateta mboru vandu veteandika vitaori kindo chete ikundana na vandu vete idima ikuringa vateidima kaa undusha vitaoru mateta mesha. ⁴Vekazi yamwavo niiteta mateta angevitena ,vetengaro ,vaori mateta amwavo voveni na vaori vindo vishasha kuliko imakunda ruwa.⁵Loliveidima imkunda Ruva,lakini velea mateta akine .Lekana na vanduvo hovo. ⁶Namunivanduva sero valihita manu mbeni kinavandu veva lemba vavele vatiri. Nivavele vetembaraka na vete ikunda vindo vta mbaka navete ngaro sekunda kila kindo. ⁷Vavelevahova vekufindisha mviri sose lakini tiveidima imanya loliya uyamtakiine.⁸Shakundu matetao alaliama nanena abra valeimuka kindo kiteva na Musa.Kinakuto valimuvani vamboru vaimuka na mateta amboru, nivandu valetekina mateta amwavo vataori ikaa na mateta mesha. ⁹Hatakuto tuveshika kwasha. Namu utiri wa mwavo veuroro dokakila mndu na ulolee,shandu uvelina wandu vaya.¹⁰Lakini ivewakunda mateta akwa, ienda lakwa, kwa shandungakunda, na ngoo iyakwa, na ivetelea lakwa, ikunda lakwa na ivetelea lakwa. ¹¹Shandu ngileva na ukiva ngavaviwa kuya Antokia Ikonio na Listra. Ngile mingiria ukiva, Ruva nyale ngiaria na matetaohoo. ¹²Vandovose vaori itutamiena Ruva shandu vamori Yesu na Ruva veva na ukiva. ¹³Vandu vetembaka na valemba lemba vekaa kutokuto na vebaki velemba lemba vengi mnuu. Voveni vali valembe.¹⁴Nikwakuto ife, tamia na kindokinda ukiishi na valekurunga shakundu kivelikisha. Shandu vishi nivisho alekufundisha. ¹⁵Shandu uishi lokira kulimdidi amba uishi shandukinete mateta mesha ama Ruva. Matetaohoo nyedima ikurora shandu twekaa na njiaangisha ya ma Yesu wa motu.¹⁶Kilakindo kilevikwa na Ruva nyale kiifilia na mrikewa kweicheva na irorwa lakwe na ikumiwa , na ukae mboha mboha na mateta mesha alolialolike. ¹⁷Niloli kilamndu kwa ma Ruva naveundusha kalimundu mwinge kindo na Ruva shandu arunda undusha.

¹Ngillkutelea mateta hoa mbele ya ma Ruva na mbele ya ma Yesu Kristo , ambapo eva hongolea valinamwo na vameva,na shandu kilakindo nichakwe. ²Vetemateta uveuliundusha na mateta alifo na atalifo.Vavie vandu mbaka za mwavo. Hongolea mbieeundusha ,mbiese kwa isiasitiki na imbia.³Nmushandu wesha vandu tuvekaa undusha shandu vevindishwa. Hatakuto vetafuta vandu veva vindisha, na kuto matwio mawavo esakiwa. ⁴Vetelea ihutania kindo cha loli va viina, na ihundukia mateta. ⁵Lakini wewe uvemndu wevetelea matetaose, uvetelea madomari , runda rumate ya mndu kwa ma Ruva ,uambuliemamba afo.⁶Namuini nivamema ingilesira. Mfiri weukia kwa kina umeshika. ⁷Ngimembi rikana na ngipate kindo ngimeshika mwisho. Ngirile mambo angooni. ⁸Kwete kindo angitenge neseaa namu Ruva nyaliteta undusha. Nasikwa kinatiki ni kila mndu elolikana nave.⁹Etekasana ushekwakwa buru buru. ¹⁰Namuundusha vemina mkua demanya ngitelea vya kundo vindo vya dunia alafu nyaenda Tesalonike , na ungi ni griseni Galatia, Tito aliukia Dalmatia.¹¹Luka tiki nve alinani. Umuirie Marko ushenafe kwakwa na mufe nyalimsha kwakwa. ¹²Ngaa mtuma tikiko kwa Efeso. ¹³Nguoiya yakwa ngiletelea Troa kwa Karpo, kaenda kwasha uiendee vyose na vitabu vya ngosi.¹⁴Mndu uya vememkua alevandra iitobira ma chuma nyale ngivihiria Ruva nyemlolea shandualali. ¹⁵Niive kaa undushanave , namunya lelea mateta amotu. ¹⁶Nashandu ngilembirikana mweni, tikwetemndu uwose aleimuka nani kengiaria, nakuto, valengitelea. Ruva utavafanyie kindo chose.¹⁷Lakini Ruva nyaleimuka nani,kangininga ngadooma nasha kundu vehita kwakwa,vetemateta,vetemateta undusha vahutanie. Ngileduka momuni kwa iangito. ¹⁸Ruva nyengikira na vindu vyose amina.¹⁹Mwitikire Priska, Akila, na kejana numba ya Maonesfori. ²⁰Erasto nyalekaa fokori lakini hatokuto Trifimo nyalemtelea mileto kalwele. ²¹Tambuka buruburu mbeho. Itasheshe Ebulo nyakutikira, Pude,Lino, Claudia na vamayovose. ²²Ruva livena roho iyavo na neemaa ivenave .

¹Paulo mwerunda rumate ya Ruva na mwetumwa na Yesu ,iishwa kindokisha kwa vandu varuva na ienda undusha yaloli yennde weuwa. ²valifo katika ivetia mfiri ngungi sekaafo ulya Ruva eteidima amba mboru alevaria tangu kira. ³Kwaweriu hou ambao niwo,nyalielifunukuwa ilete lakwe alengivia ini ngiliambe .Ilengininga ngarunda kuto kwa amri ya Ruva mokosi wa motu.⁴Kwa Tito,mwana waloli katika iishwa loli yamotu kindokisha, Neema,huruma na amani yeduuka kwa Ruva Aba na Yesu Kristo mwokosi wa motu. ⁵kwakuto ngelikutelya Krete , shakundu uya tobire amatetao oose aveli atameva naikia vameku va numba ya Ruva shakundu ngilevavia.⁶Vameku va mmba ya Ruva lasma mtave na suru,mmi wa mfele umi,alina vana vataboru vetalolikana na mavishwa au vetete heshma. ⁷Niundusha kwa mndu eambuli,nisha mndu emukia numba ya Ruva , atave na suru atave mndu ete momu na mndu etesiasi. Lasima atave mwangu na mateta mengi , atave kinangwa , atave mndu wa mwandu , na atave mbalakani.⁸Kwakutole avemtelee, mndu akundi meshaa.Itakiwe ave mndu akuishule na ave ete uloli, namndu amhemba Ruva ,ejidima mweni. ⁹Eidima iimukia mateta aloli alimrore, ili aidime avaininga ngoo kwa mateta meshaa na nyeidima ivaitibira voose ivovatamuori.¹⁰Kwakuto ivalya valekutelia , shaivo vabora. Mateta amwawo ni autiri. Valemba navaiora vandu kwaivatesa. ¹¹Kwakuto tuvashingilie vandu sha ivahova.Verarora alya eteva alivakole haibu na inyamara mri sa vandu.¹²Umi wamwao, mndu ete ng'eno , aamba "Wakrete vete mboru ngiingi itesia, vavishwa na mahangito mavishwa, valeshi na vabalakana. ¹³Mateta ni aloli, kwakuto tuvashingilie kwa ngaro ilivaidime iamba kindo chaloli.¹⁴Ife utakae navandu vete mateta auongo sa yahudi au mari savandu ambavo veuurwa nanumaloli.¹⁵Kwa ivo valivewa, vindo fyose filifyewa. Kahindi ivovengi valivashafu na veteishwa loli, kwete kiewa kwi. Kwakuto mateta mateta avo namawaso a ngoo samwavo tume amanya. ¹⁶Vaamba vamwishii Ruva, hatakuto findove runda favo vemlea. Ivo ni vavishwa na vetekubali .Valelolikana kwakindo choose kishakwi.

¹Kahindi tuori uambe mateta aya eva mesha vanduvose veakunda. ²Vameku vavena mateta mesha, vahole, nasiesi, ngoongisha, na vakundane, na tumingiriane.³Hatakuto vavele vaya vatue kila saa vakubore voveni shandu vavekunda vandu. Na vatave vetata mateta avandu vata kunde wari mnuu. ⁴Itakiwe vava fundishe vana na mwavo vakilivu ili iva itobira undusha naivakunda vammiva mwavo na vana va mwavo. ⁵Itakiwe vava findishe vana va mwavo vavena adabu vakusambie vaveambulia numba za mwanu vammi vya mwavoveni itakiwe vavanye kuto ilileta la maruwa leveisha.⁶Na shandu kilikuto , vavieni vanavo vamwanu vakisero vaendemboha. ⁷Nakila handu mlihita mkanyeveni mvemli runda kasi ngisha.nawakati mlivarunga ,mvarore ngoo yeva kunda. ⁸Teteni mateta mahoo na atali mavishina,ilimndusho ealea nave shimndu eidima imanyakindo na tiete kindo cheamba doka yamotu.⁹Favele vakaeshi ya vammi vmiwavo kina kila kindo itakiwe vakundane navo nashi ihongiwa navo. ¹⁰Tivatakiine iva iiva na kina mateta engi. Ilivaashenere matetaa amaruwa shoo wa motu.¹¹Shandu ikunda lama ruwa lalolikana kwa motu vose. ¹²Itakiwe tumanye ilea vindo viteendana na mambo ama ,ruwa ,na ikunda vindo vya urakau. Naitakiwe ushingeno,etetamateta aloli ama ruwa kwakahindi. ¹³Wakatii twevetelea katika kindo kisha chetushenera kunu ngooni telolea ruwa kwetu sosira kindokisha fodoka ihitia kwa mwanashu wakwe Yesu Kristo.¹⁴Ruwa nyaledua vamweni kwaajili ya motu aleshetuaria tunduke kunundu kwege mmbaka naitufanya tuvevesha kwaajili yakwe, na vandu vaveli kundi varunde kazi ngisha.¹⁵Aambe naiakumbura matetahoo. Na uhongu kwa itumia nguvu sose. Utakubali mnduwose nakumene.

¹Uvakumbure shakundu veenda mborigoha ,kwa vandu vatue na utue uvahotanie ikaaa navo kwa kila rumate. ²Uwakumburie vatashe mmbirihe mmdu kwa uivishua , vamateta mengi, vakolie ungati wateta mateta amwao, na irora ihotania kwa vandu wose.³Kwa kifa sue tuvelieta mateta amotu atavaveli mesha. Tuveli tumeteka na vakatatuiria rumate na ikunda vindo vingi na ijikunda tulekaa katika urengi na sambi. Tulevavihira na isuana.⁴Kimeva weri wa utaboru wa Ruva mkombosi wa otu na ikundwa lakwe kwa vangu ulelolika. ⁵Tukuleva na kindo tulerunda cha loli ,kahindi alietuamkua kwa usha wakwe. Aletuokoa na itusambia kwa ivonika ushia na kimeva narunda ushia kwa ng'oo njewa.⁶Ruva alibusua ng'oo njewa, kwa mbora nyingi doka ya motu kwa ihitia Yesu Kristu Aba amotu. ⁷Aleika kuti tuveliwaliwa loli kwa kindo kisha cha bure chakwe,tuvetwe ariana katika uloli na weri wa mfiri sose.⁸Hii hoi ni ndumwa ifure. Ngikundi muatete kwa udomari vindo vii hofi , ili kwa kuto vaya vemwishua Ruva ,vave na ng'oo ngisha na rumate ngisha aleiviki a mbele ya mwawo.Mateta ia ni mesha na nyete mbora kwa vando wose.⁹Lekaneni na mateta autiri ,nasaba ,ikiriliana mateta , na isokana mateta ihusu sheria. Mateta hoa utaboru kwi wala faida. ¹⁰Mleeni mndu woose piu ennde mwandu kwa mwanu baada ya yemhongolia lia limi na la ka vili. ¹¹Mnyeni mndu wa kuto, atelea mko usha kaenda sambini ,naijifunga mweni.¹²Aishketuma ndumwa kwafo Artemi au Tikiko ,Tabere isha kwakwa kunu Nikopoli kahindi ka ngahamua ikaa weriu wambeho. ¹³Mbirikana na umtume Zena mndu amaemanyae sheria, na Apolo, atamebungukiwa na kindu.¹⁴Vndu va motu vatakiwe vamanye ukirimana katika rumate nsha so hoso sefura kindo muhimu ili vatasheve vandu veteata matunda.¹⁵Wose vaveli nani valikutikira. Vaitikire vaya vatukundi katika iishua loli na kindo kisha kive kwa wanu vose

¹Paulo mshingwa wa Kristu, Yesu na mwanamae Timotheo kwa Filemoni mkundwa mbuya wa motu na mrunda kasi naswe voose. ²Nakwa afia mshiki wa motu , nakwa Arkipas miskari wamotu, na kwa mmba ilya ya vandu va Ruva vavale komaa na kaa kwa wa mwawo. ³Usha uve kwa mwanu na utaboru waduka kwa Ruva Aba wwa motu na Aba Yesu Kristo.⁴Weri woose ngembia hon Ruva. Ngekwambia kila icho ngehamba. ⁵Ngaishwa ikundwa na utaboru ulinawo kwa Aba Yesu akwarandu vameamba niloli voose. ⁶Ngilehamba lee ivavoose kwa kifa cha motu ivena ikolya katikabiidima irunda kilakindo kishakili kwa motu katika Aba Kristo. ⁷Kwakuto ng'ava na utaboru na itambaruka kwaikundwa naife , kwakto ngoo savalekubali imeng'ana ikahorerwa naife , mwanamae.⁸Kwakuto ikava ng'akariha voose tulina Kristo ngakuvia ife nerunda kilya weidima irunda. ⁹Hatakto shandu tuvelikundana, hatakto na iishi-inii, Paulo ngili mmeku, nakahindi ningili mshingie iduukana na Kristo Yesu.¹⁰Ngilifo ihusu msero wakwa Onesmo,ngilemwata ngilikulya ngileshingiwa. ¹¹Kwakto kulya numa kulekuvakusii, atakuto kahindi nyekufaa ife naini. ¹²Ngamtumma fee naini niwa ngoo yakwa lolii yiuya lafo. ¹³Ngiveliori shaalebaki naini ilii angirundie baadayafo, were wafo ishingiwa kwaajili ya mateta mashya.¹⁴Hatakuto ngivekundi irunda kindo choose utamengivia ife. Ngilerunda kuti ili ileta looseisha litarundike kwakto itave ngakusukuma ,ila kwakuto ulekunda mweni irunda. ¹⁵Kwakuto ilemanyika aleikwa kwasha naife kwamda waasha,ivelikuta iliuvenafe mfiri soose. ¹⁶Ili kwakuto atavese mndu mwe tumwa, ila ave msha saidi ya mndu etumwa, sha mwanamae mkundwa hasa kwakwa, nakto mnukwafo,na kwa mooni nakwa Aba.¹⁷Nakwa kuto vangirilia ininiwaavoo, mwirie shali uvengiria ini kuto. ¹⁸Hata kuto kusa watekwa iteta loose, au tulidai kindo choose , ngidai kindocho iduka kwakwa. ¹⁹Ini Paulo, ngiliandika na kuvoko chakwa mweni:ini ngekuliba. Ngeamba kwafo kwamba ngilikudaikwi mfirisayo hasakwi. ²⁰Elae mwanamae, ngleke ngikole utaboru wa Aba iduka kwafoo:utambarue ngooi yakwa Yesu.²¹Ngivelishi loli ihusu utaboruo wafoo, ngakuandikia ngemanya wengirundia kutwe yaacho ngilekuemba. ²²Mfiriso hoso sengeta mumba ya veenu kwa ajailiyakwa, kwakfale ngiishi ihembalo lafo ngekutambukia mfiri sakiufuhi.²³Epafra tulerana kwa Yesu Kristo nyalikutikira . ²⁴Ona shandu erunda Marko, Aristarko, Dema, Luka,verundakasi valinaini. ²⁵Usha wama Aba Yesu Kristo uvena ngoo yoyafo kivekuto.

¹Simoni Petro, mndu atumwa na mndu mtue Yesu , kwa vandu vaya valeishwa kindo kia cha loli kishaa vakakiiria sha sue. kundu sue tuleviiria, kindo kishia tulinacho kwa uloli wa Aba na mwokozi wa motu Yesu Kristo. ²Kindo kisha cha bure kivee kwa mwanu, utaboruu uvee wingi kwa mwanu ihitia kwa Kristo wa motu.³Kwa ihitia usha wa ma Aba tulekolea findo fishia fose piu kwa ienda undusha kimaisha, Iduka kwa Aba aletuamkua idukana na utue wakwee. ⁴Kwa kuto kwa iendelea mko wohowo aletuvia mateta madomari mashia sana; Alitufanya kuto na sue tuve vandu va ma Aba, iduka vo kira, sha kundu tulienda tuletaa uvishwa wa uruka-u⁵Kwa ikihoki lee, rundeni kwa undusha na iongeraa kindo kishaa sha kundu mweenda, kwakuto usha, na maarifa. ⁶Ihitia ienda undusha, kididi, na ihitia kididi ivetaa, na ihitia ivetaa, ngoo njewa iduka kwa Aba. ⁷Ihitia ngoo njewa yevakunda vanamayo na ihitia ikunda vanamayo, uvakunde⁸Kwa kolea findo fo hofo filiifo kwa mwanu, alienda eng'ana fo kwa mwanu, kwakuto mweidima ivaa kindo kiteata kwii, au kiteduwa maberere katika ushia wa ma Aba wa motu na Yesu Kristo. ⁹Kwa kuto mndu wose atamevaana aahoa, nievaa ni elolea akaribu tiki, fe mndusho na ruma meso, atekwa shakundu valemsambia sambi sakwe sa kira.¹⁰Kwa kuto vana mayakwa, rundeni undusha kwacho valekua shikieni na ikudueni na ikuamkweni kwa usha wa mwanu. Temwetunywa mkarunda iyahoa. ¹¹Kwa kuto ningekolea iheko isha le hita kwa utue wa ma Aba mfiri sose Aba wa motu na mwokozi Yesu Kristo.¹²Kwa kuto ini ngili undusha nje kukumbureni matetaa masaa ose, hara kwa kolea muaishi, na kahindi mmedoma katika loli. ¹³Ngafikiria lee njili undusha ivaamsa na ivakumbura doka ya mateta ahoa, ngilali kunu kaa kwa mwanu. ¹⁴Kwa kuto njiishi mfiri wose njiliukia ha kwa mwanu, shakundu Aba Yesu Kristo alengirora. ¹⁵Ngembirikana na nyuee kwa bidii iduka na ngavieni namu ini njiliukia.¹⁶Kwa kuto sue tulefuata wenu wa mboru, uledederwa ili tuvaindele au tuvavie mateta a ngaro na ijirora kwa Bwana Yesu Kristo, kwa kuto sue tulelolea ushaa- wemetameta na heshima yaduka kwa Aba. ¹⁷Vee aleiria usha wemetameta na utaboru iduka kwa Aba handu haya usha wemetameta uledua sauti ndue yeamba, '' Ishu hoshu ni mwana wakwa njimkundi kwa kuto nani nja mkunda''. ¹⁸Tuleishua ngululu yeduka kwa Aba saasia haya doka mlimeni tuli vose nafe haya kidong'eni kisha cha ma Aba.¹⁹Sue turile itelali vatukimbia lililaloli, kwa kuto mwenda undusha mkalishenera. Nishe koroboi yeaka mlemeni hadi mjirore sha nyenyeri ya kang'ama ilolekane fo ngooni kwa mwanu. ²⁰Manyeni iya hoa le, tekwete mkimbi ajikimbie mweni. ²¹Kwa kuto tekwete mkimbi alesha kwa ikunda, lakwe kwa chochote sue tuleiningwa na ngoo ng'ishaa ya ma Aba aleiamba iduka kwakwe.

¹Vakimbi va mboru valedukia kwa vaisrael, na vefundisha vindo vya mboru valisha kwa mwanu. Kwa ng'eno ya mwavo verinde vindo vya mboru na kunu vamles Aba alevaula venjii ndelee ijinyemera voveni kwa veni. ²Vengi veiduva mko sa mwawo sa haibu na ihitia wo veiharibu njia ya loli. ³Kwa unyeku vevoonga vandu kwa itumia mateta amberi kiama cha mwawo che shelewa kwi, vindo fivishwa vilivaduvisa.⁴Kahindi Ruva alevata vana vya Mbinguni. ⁵Hata Ruva aleufumilia uruka uya wa kira kwi. Hata kuto, alemkwama Nuhu, mundu ejidulia kwa loli, na vengi saba, mda ale lekelea Garika Doka ya buruka ambao ulemlea. ⁶Ruva aleikaba uruka wa Sodoma na Gomora handu ileshika kukava mayongo na ibomoka ili valolie mfano kwa vandu vavishwa kwa mfiri sa kufui.⁷Hatakuto karunde kuto alemwokoa Lutu mndu wa loli, aveli ameya ukiva na matetaa vandu vashafu vetevata njia ya Ruva. ⁸Kwa kuto mundu shu wa loli, alinavo mfiri kwa mfiri keitesa ng'oo yakwe kwa aya aleaishua na ialolia. ⁹Kwa kuto Aba aishi shandu eokoa vandu vakwe wei wa ukiva sahndu evafumilia mavishwa kwa ijifunga mweni kwa mfiri sa mwisho.¹⁰Kwa kuto huuhou ni loli, kwa vaya viliendelea iva fo katika ibalakana kwa tamaa si sa moo na imena utavala, vandu valikuti vete utambarusu katika ngooni kwa mwavo, veihova kwi wala vemena vandu vatue kwi. ¹¹Ata kuto wana wa Ruwa vete ngaro kuliko wandu, ila itima innde imfunga mndu Aba.¹²Lakini maang'ito va itobirwa asili ya mwavo n irewa na iliwa. ¹³Vemeimiswa kwamalipo asambi samwovo .Msanya usima vevafo velya kwa uhuhu, vaishule ushafu na mavishwa vakundi findo fisha vekunda naifee. ¹⁴Meso amwao nyalimashikie na urukuruku, teveyuta sambi. Velemba naivawesa vaumini vadidi katika sambi. Vete ngoo iishule ubalakani nivana vatelee mbiao.¹⁵Vautelya mko waloli, Vaenda mko uvishwa mko wa Baalam mwana wa Beori, avekundi iiningwa malibo auwongo. ¹⁶Hata kuto valemhong'olea kwa ajili yevihira lakwe mweni. Ishungu litaveliteta la dua sauti likateta sha mndu, aleshingilia mrimu wa mkimbi.¹⁷Vandu va ni sha vito vitete mringa. Ni sha masie ete kitetemakwe masie marito akakwa kwa ajili ya mwavo. ¹⁸Veteta na ikubela na vewesa vandu na ikunda moo, verusha vandu vaori itisha. Vangu vaya vekaa katika sambi. ¹⁹Ivavia vandu ngiliundusha, nani ngalemewa na sambi.²⁰Isho elea ukwe wa uruka na ienda undusha na Aba na mkombosi Yesu Kristu, na kahindi nyeuya ukwe uya se, mateta ia ali mavishwa sha aya akira. ²¹Kimeliva vandu vo wataveliishi mko wa loli, kuliko imanya kwataienda shakundu, mateta mesha valetuininga. ²²Kitendawili ki cheva na loli kwa mwavo. ''ikite leuyia matahikwa akwe na sisi la sambiwa leuya matotoni''.

¹Kahindi, ngoori kutumire ive mnduwa kwa ikaratasi lakini la kawili ili tuamke wose, ²Ili uidime ikumbuka mateta awanduwo vakira ilituhutanie mateta ama Ruwa na wandu vaya valetumwa.³Umanye, kwete vandu vaviswa valishesha mviri wose veshetuharibu swe, verunda kasiza mwavo shanshnadu va idima. ⁴Na vakaamba ''niindihi teuya? Vaauya vamotu valeva, lakini mateta aya aliho ose tangu Ruwa lileumba urukau.⁵vakakukora vatekwa urukau na doka viledukana na mringa na iitia mringa lokira kina mateta amaruwa, ⁶Kwa ihitia mateta amaruwa na mringa, ukavavo iishuwe mringa ilebomoka. ⁷Kahinda doka na urukau zaenda na mateta ohoo kwa ajili ya uhii, urukau na vindo vyose vile ruliwa vyose.⁸Iki cheidima iharibu vindo vya kwakwe, vandu vakwa, siku imi yeenda mwaka elfu imi na mwaka elfu imi ishali mfiri umi. ⁹Shiloli Ruwa alirunda mboha mboha shandu vaishi veeni nyamingiria kwa ajili ya motu, veakundi ata umi afekwi, lakini nyadua mfiri ili kila mndu na kabeikoti.¹⁰Shandu mfiri wama Ruwa wesha shamndu eiwa, urukau wehita wekaba kishireti. na vindo vingi Ruwa nyeviharibu na masusuwa, urukau na vindo vilivyo veshukuliwa undusha.¹¹Namu vindo vyose valinitesa tevanya kuta. kahindi weva mundu wa mawi? uishi shamundu etengoo ngisha na ukundane na Ruwa. ¹²Itakiwe umanye mfuru Ruwa. alisha vindovyo veteketea na uhii na vingi vitakuwa katika nyoru ngivawi. ¹³Lakini iduka na nashandu aletufafasa, tulivetea uruka ungi na dokaingi, na muvandu vesha nivoveishi voo.¹⁴Kea kuto vandu vakwa na mutulive telea vindovohovo, jaribu ikaa undisha vatashekumene na ukundane nave. ¹⁵Tena ukae undusha na Ruwa katika usha wakwe, shandu fafa ya motu Pauli alekuandikieni nywe, ilingana na shandu Ruwa alemjalia. ¹⁶Pauli nyateta iyo ose katika barua sakwe, kwetevindo vidomari imanya, vandu vetete adabu vavibomoa vindo vyo, nashandu vevafanya kwa kitabu viandu ke. wanduvo Ruwa lilivatesa ielekea iteka la mwavo.¹⁷Kwa kuto vandu vakwa , mwishi kuto kuambulieni nywe veni vatashe kuteseni vekulembeni mtasheteken. ¹⁸Lakini Ruwa liku ambulieni mvemwe manyeni mateta ama Ruwa na ama Yesu Kristo. Na kahindi kila kindo kilinafe milele. Amina

¹Kwadukakwa aba kulienda kwa mfele atelwa na wana wafe, amba niwakunda katika loli na loli, na wose wamanya loli. ²Kwa kutololia ili kwa motu, yeka naswe mfiri sose. ³Usha, rehema, utaboru ili kwa wose kuduka kwa Ruva na kwaduka kwa Yesu, mwana wa Aba, kwa loli na kunda.⁴Ngalikunda see,ngamanya wana undusha walienda katika loli, shakia,weleiria kwa Aba aka. ⁵Kahindi ngakuvia lee, ife mfele, shi ngilikuvia amri ngishia, niiya tuvelinayo tangu kira, Kwa kuto yetubidi tukundane sue kwa sue naniloikunda, twende kutoo, idukana na amri yakwe. ⁶Yoni mateta aya, leisua tangu kira twaamba tuende kwa njia hihoi.⁷Shakundu vandu vamboru vameishirwa uruka u, na vandu va mboru yeamba Yesu taelisha na moo wakwe. Ishohosho ni mndu wa mboru na amlea Kristo. ⁸Ambulieni nyweveni mtatese tulerundia rumate, kwakuto ili mwiningwe kindokisha cha loli.⁹Mndu wose aende kwasha na mateta ama Kristo ete Mungu kwi. Isho aka katika ikumburwa Aba kona wakwe. ¹⁰Kwa kolia mndu asha kwa mwanu, na atekukumbureni kwakuto, mtambie seria wala mtamtikire. ¹¹Isho emtikira evaa mmbishwa sha fee.¹²Ngirle findo fingi feandika, na tengiori ngifeandika ikaartasini na wino. Kwa kuto ngori ngishe kwa mwanu. Tuloliane chamu kwa chamu, ili ikunda la motu live laloli. ¹³Vana vaya vamshikia mwana vatalea vakutikireni.

¹Mundushu, wemwakua kwa gayo ni mndu nga mkunda nangoo iyakina yose. ²Mnduwakwa,ngakuhembea uowosire na shandu ngoo iyafo ilewokea. ³Namu ngilekunda munushandu ngilevina na vana mayofafo shandu walesha wakashedua mateta afo shandu aveli mesha. Nashandu weenda na mateta mesha. ⁴Tingete ikunda saidi ya loholo shandu ngileishua fanavafo walitambuka katika njiangisha.⁵Mndu wakwa ulienda undusha shandu uliwa aria wandu vafo na wandu wa urukau. ⁶Namu waledua mateta mesha afo mbele ya kanisa. Namu wafaya undusha iwakamata undusha kwa namna yemshenera Ruwa . ⁷Na kwa namna ya rina, faleenda bila iiria kindo chose iduka uruka wa ma Ruwa. ⁸Kwa kuto itakiuwe tuwavie washe wandu shafo kituwe wandu wa loli.⁹Ngile waandikia vandu valihanduhami mateta fulani. Lakini Diotrefe, akundi iwa wambele katiya mwafo tiwa lekubaliana na suwe. ¹⁰Kwa kuto kaenda ng'asha ngea kumbuka mateta akwe shandu alifanya.Shandu eteta mateta mawishwa alitofautiana swe. Tiamerisika na matetao, femweni na tiekaa na vana mae. Na tena nyewa leiya na iwafukuza watakae handuami.¹¹Mndu wakwa, utakubali iiga kindo kivishwa, Iga kindo kilikisha. Mndu efanya kindo kisha ni wa Ruwa; ishohosho nasho etenda uwisha tiemlolea Ruwa. ¹²Demotrio aviwa na vose na loli yose sue vose tulelolea, na iamba la motu ni la loli.¹³Ngete mateta mengi ekuandikia, lakini tingekuandikiana kalamu na wino. ¹⁴Namu ngori nikulole mfiri za karibuni, na tilisheteta nafe tukameloleana meso kwa meso. ¹⁵Amani ive nafe. Na wandu vafo valikutikira. Waitikire wanduwavo kila umi na rina lakwe.

¹Yuda, ni mtumwa wa Yesu Kristo, na mwanamae Yakobo, kwa vaya vaamkulima, vakundwa katika Ruva Aba, na ivo vaangukuliwa na Yesu Kristu. ²Iariwa, nausha na ikunda viariwe kwa mwanu.³Vandu vakwa, shakundu ngekirimana kila mfiri ngekuandikieni nyweni mateta a Wokovu wa moto sose, ilengininga ngivaandikieni Kwa ajiye ivaalua ili atetelee ili kirimanie mateta mesha, shakungu tulekirimana mara imi tiki kwa vangu veishua. ⁴Kwete vangu vasha vakasandikana na nywe vandu vakwabwa halama kwa ajili ya hukumu. vandu vatamwishi Ruva vebadili maneno a Ruva iva mateta mavishwa, na imlea Aba amotu Yesu Kristu.⁵Kahindi ngikundi ngivakumbure nyeshandu mlemanya kwa undusha. namu Ruva nyaletudua uruka wa mwai. mfurungi kashe wa bwaa waya watalemkunda. ⁶Wana wama Ruwa watale ambulia rumate ya mwao undusha Ruwa waika mkova wa mfiri woze. Ruwa nyemsukumia numba ya mlema kwa mfirisose⁷Shandu iweli Sodoma na Gomora na shomba sia silevasunguka, nashombaso sikaenda kiungi nashakundu vavelienda kiraa. Valevarora shakundu veshesha naitutu la mfirisose. ⁸Kwa kuto, vakimbiva veharibu moo sa mwavo, nailea mateta adoka, naveamba mboru doka ya Ruwa.⁹Hatakuto mwana wa Ruwa kishindana na mrimu ketenave kevesa vindo vya ma Musa. Tialekubali iamba vindo vya mboru, lakini hatakuto nyaleamba, ''Ruwa akuhongolie. ¹⁰Lakini hatakuto wandu valeinde mambo amboru akindo chose valekilolea na kiavataishi. lakini hatakuto umbe vaishini kwa mahito. iya nio alevavihira. ¹¹Ole vamwao! valetekua vakahita njia ya mundu mbishwa, na ifuata vindo vya mndu eteva. vatekelea njia iteva.¹²Iva ni vandu vatuwe, vakakunda bila samba ,veyawoveni. niisie litetemringa, airiwa na hewa, niikiti laharambuka litete matunda lileva mara kawili. lilerunguliwa mruu. ¹³Nimlema waduka mweteni woweni, ninyenyeri silizunguka soseni vayiu valimlemeni kabisa.¹⁴Mndushu vemwa mkua Henoko ,alihandu ama Adamu, Nyalelolea keamba, ''Lolea! iveruwa alisha na maelfu na maelfu vandu vewa vakwe. ¹⁵Ili avaininge adabu kila mndu,na ivaininga adabu vaya vetemini ishua Ruwa doka ya mambo amwavoose vakamerunda katika njia sitali za maruwa, Na kwa matetao ambao vandu va maruwa vatameateta doka yakwe. ¹⁶Ivanivaya veingunia, vakarunda mateta mavishwa. Vekubela velemba vengi.¹⁷Lakini nyewe, vandu vakwa, manyeni mateta aya valeamba kira na vandu vamaruwa Yesu Kristu. ¹⁸Valeamba kuya kwa mwanu, ''kweva na vandu vemena vetemboru za mwavo siteva stali za vandu vesha.'' ¹⁹Vanduva nivandu vetemboru, vatawaliwa na vindo vyakira,vete ng'oo.²⁰Lakini nyee vandu vakwa, shandutwa kuitobra kwa Ruwa msha sana. Shandu tehemba katika ngoo ngisha, ²¹Kaeni katika mbele za ma Ruwa ,na tuvete mateta mesha kwa Ruwa na Yesu Kristu nyeituininga nguvu kabisa.²²Turore ikunda vaya va lemwa. ²³Tuvadue vandu va motu vatase na ngaa. navengi tuihowe Ruwa tukasuana hata nguo ya mkakama tiyeingia mooni.²⁴Kahindi kwa mndu uya ekuringeni mtatunyue, nyekuringeni muimuke mbele yakwe, bila vindo vivishwa tukunde voose. ²⁵Kwakwe Ruwa vemweni ihitia kwa Yesu Kristu Ruwa wa motu, kila kindo choose kiliseri yave, na iidima lafo shandu ulimtue iansakahindi na mfiri sose.Amina