Bible

2 Corinthians

Chapter 1

¹ Eto pol Iesu ta pure ari embo.ingote nau namei timoti corinth sosi ta pure ari embo eto Iesu ta kebe ari embo mei Achaia enda ai mindera

³Ewamei ari mamo da eto Iesu ta joari ungota dei. ⁴Embo amina ingotena koropa ari ikeua eto ainge nombo inganane embo nenei bouka ta bouroro mina hondate aisora.⁵ Teta Iesu na ungote nau samia tukabe oreketo uaia ainge nombo inganau bouka tiuka ta Iesu ta dei orekari umbare.⁶ Awarate nangota memesi bouka amo ingota koropa ari eto ondeta ari Iesu ta dei uora amone ungota koropa.⁷ Eto nangota tumonda ari amo ungota dei ikitora aminda be awo ungo eonga memesi bouka jota Iesu ta koropari awo keisora.⁸ Nango ingo be kioa uje ora.Namei kamei bouka tiuka nango ta dei ijikitia dei asia ai.Nangota sovera ari irae uia eto nango amburari sago be uera.⁹Kebe erera,nango iji aminde nango tumonda Iesu ta dei ikitera.¹⁰ Ainge uera aminda jo ai Iesu nango ondate uia.Arawo embo nangota jo avo Iesu ta dei ikitera eto nango simba iji nnandoho eua11 Eto ainge ue mamo na ungona do uia erewa ainge nau dei aisia.Eto embo nembobe na nangota jota mamo pure ua arawo kito Iesu jaeka aisora.¹²Nango tunga jai ora eto keora,nangota irari umbari pusu ai awo jaibe Iesu ta uje be ai eto nango enda eminda ujeje ambo ambo mani eora.¹³Nango ke nei temnda arawo kaiae awarate ke be ona ke emo ungota dei isaga ua. ¹⁴Nango Iesu ta purari iji te tunga jai aisora amida be awo mo ke do jiera awo ambo ambo uea.15 Eto na kitibe no dei purisi siro pure etena eto umo eako ari ikasi otembete na.16Eto na puto no dei eto Macedonia hanja ainge pambasona eto eako Macedonia eto no dei inena ikao juda hanja ai pambasona.¹⁷ Arawo embo na embere einge purisi siro pure ongai be etena de nau hotembari amo enda embota ainge aera.Enda embo ta awara amo awara eto mani amo mani ainge eora.¹⁹ Mamo da mei Iesu embo nangona etere ungo ungo ingiewa amo kesokoa mani eua. ²⁰Mamo ke perari amo be eua arawo embo ingotena Iesu kebe ue eto tota jawo jigoro bitisia.21 Mamo na ungo embo iketei hetetera embo Iesu ta jota eto nango ewamei uia.22 Etoembo Iesu na nango sasa tembitia eto tota asisi ta sovera nango jota pure eua.²³Eto na mamo manunu gitona nau jo embo amina kiua. Awarate na korint hanja ai purae mindena,²⁴Pure ainge aminda ai nangona umo titi mani jigisora ate ingotena perari omo Iesu ta ari embo mei na.

Chapter 21 Na eaoko tunga memesi te tawo overeketo no dei purari ujae etena . 2 Nane ano tunga memesi tambasoa amo ungotena amina koropari ikau ?

³Eto na ke tawo arawo eaoko kakuiona eto na purisona ai ungota jota tunga memesi kiari uje ae ona ate nau jota tungajai ari erevi keua ungo javiri aisowa .⁴ Ke erevi kakuiona jota memesi te siswo te tawo eto nau tunga humbari ungota dei arawo be kioa enena .5 Awarate ungo amina si aisoa amo na embo aerate ungo eonga eto memesi nembobe tambasoa. 6 pure bouka tukabe amo embo ainge aisia embo amina humbasia. Arawo embo hotembari nei awo evire,umo otembeto toture eto hondate aisoa awara te ainge ae oakito amone embo amone bouka tukabe ai beasia.⁸Arawo embo imo sovera ari ke ikitona,tunga humbari embo aminda dei awo be arahata harikeyo embo perari na ingore.9 Kebe,na ungote pepa ikitona amone ungota sapo ari arawo be mindeite arawo keisi ikitena.10 Arawo embo umo embo nei da ari samia otembeto toasoa kito amo na na taote ungota samia hotembeto toasona eto basiri ainge amo Iesu ta basirira.12 Eto na pure uve puto dei Troas ai puene Iesu ta pinga ikana awara ari ikitera. 13 Atena tunga jai ae uena aminda be awo Titas dei aminda pure ari embo awo kiae uena amina etei na toto hanja Macedonia ai pauena.14 Na atekari Iesu ta ikitona aminda be awo ungote na iji nandoho Iesu na titi jigiua eto tota mune jai amina ungotena kogombeua.15Ungotena amone Iesu ta muna jai ainge mamo da tombuta eto pusu embo jai te samia kiora ikarira.¹⁶Embo nei da jota mune samia eto embo nenei da jota mune jai basiri ikeua.Pure einge amo amina eoi. ¹⁷ Ungote na embo nenei na Mamo da ke sivari otou erevi humbuto mina da ikasi eora aisi aera awarate tota pure be inganau jona Iesu tunga uve aisora.

Chapter 3

¹Eto ungotena do embo ungotena eunga jigere bivitoi ?Na ungota dei awara ari pepa eto ikae eto ungona kaieoa keaera.²ungo perari amone nangota ke sivari aingera be embo perari na kiora eto ajikeora. ³ Isaga be ua amone mo amo Iesu ta ke sivari aingera nangona simba eora ove ari doda na kaiae rate asisi ta ove ari doda amina kaiari eto kanuma tamonda kaiae rate embo enembo ta komo jo be ai kaiarira.⁴Eto ingote Iesu ta dei ai heteto kogo eto Mamo de irisora.⁵Arawo eto kito nango konjari evi nangota sovera ta ai terito aerate Mamo da dei ai terito ora.⁶Eto nango etei tota pure humbuto konjari embo mei ainge tota agetari ea amida jota uera .Ke sivari na aerate Mama da asisi na eoa .Ke sivari ai terito embo tetere sari uera ate asisi na basiri ikeua.

⁹Eto pure asisi samia da amo usasate eto pure asisi jai na eua ainge rate pure asisi jai parara ta amone usasa be jatem beua.¹⁰Kebe doda do usasate mindia amo oroho tumba uia aminda be awo oroho usasa nembobe jatembetia.¹¹Eto doda majeto irae ua arawo usasa te putia kito amone doda nandoho irisia amina serikarira.¹⁴Awarate Isreal embo embota hotembari avo be ongai uvia eto ainge ari oroho mindie eto Iesu au embo mei arawo aujekari humbasora.¹⁵Awarate mosis ta ke sivarita ari arawo jigito iriora kito amone peikari tukabe arawo iriua.¹⁶Embo amina Iesuta aerekeua kito amone be peikari arawo eako irikeua.¹⁷Eto Iesu amo asisi eto dei dainge Iesu ta asisi mindia ai amo bujekari iriua.¹⁸Eto ungotenau titi na Iesu isaga be keisora eto tota usasa na jatembari kariwa be keisora eto Iesu ta asisi keisora.

Chapter 4

¹Arawo embo Iesu ta pure evi joari aisora,mani jotoaro beasia.²Aminda honda awo ae ue me keue onjiketo aisora.Mani aereketo basiri sasamia ue Mamo da tombuta hairi aisoa eto tota jawo jingama samia da aisi ae.Awarate hotembari na ke be ari Mamo ena puvuyo.³Awarate embo amina pinga ewamei awo peikasia,amo embo aminda dei sari ari purisia.⁴Iji oroho emo embo pusuta dowidavi ara god ainge uore embota titi eto hotembari awo peikitoi embo ke be ae ora.Arawo eto kito kerisota pinga ewamei eto usasa awo embo ta dei irae eto Mamo da dei hotembari ikae ora.⁵Ungo tena eonga ke isaga aisiaera ,awarate Iesu keriso na Mamo da pure ari embo ainge aisia ,embo arawo embo.⁶Mamo arawo embo ,jiya '',tumbata usasa sanibasia'' amina usasa inganau jota ikau sanibitiya ,eto usasa siro kiari Mama da Iesu keriso ta tombu ta.⁷Awarate doda endata onjikari eto sovera isapae Mamo da dei ta, ungote nane ae. ⁸Ungo tena dei perekari ai bouka tiuka ta beora, awarate toaro mani bouka tiuka na aurukasia ,manamana eto be mani toasora ate eako egenebaisora. ⁹Inga na teto kaeto aisora ,awarate ambo ta awo tunga jaiari humbasoa . Ingana Iketere betena dei inga beae eto usibesiaera. ¹⁰Untena iji nadoho Iesu ta sari ari awo ungo te nau andota humbuora ,arawote eto Iesu ta basiri eto koropa awo inga nau dei ta irisia.¹¹ Embo amina sari ae mindera awo iji nadoho sari ari ta ikasora Iesu arawo embo , arawo eto Iesu ta basiri , usasa eto sari ari asisi awo unga namonde irisia. ¹²Arawo eto sariari asisi awo inganau jota pure aisia ,awarate barisi awo no ingeri ta.¹³Awarate kayari na eria ;kebe ari ta asisi amone tawo ainge ra ,''na kebe ona ,arawote na ke jiena .Ingana tawo eto kebe aisora ,eto ke aisora. ¹⁴Keisora embo Iesu jigei bivitia ainge nombo inga na Iesu te tawo jigou bitisora, tota tombu ta.¹⁵Do perekari uia amo inga na arawo embo, ainge au inganau kebe ari arawo be tuka be pajiroi embo nembo bena Mamo da jawo jasika poreka ara.¹⁶ Arawo eto inga mani humbari samia mani humbasora . Ingau embo arahata awo oi samia ua oi inganau embo jota awo iji nadoho eha iriua. ¹⁷Ungo tena iji tuapa awo bouka tuka nembo tawo dei purisia ate irari nandoho dei ai jai awo teka aisora . ¹⁸Ungo tena dowidai keworate kiae ainge ora ,awarate dowidai awo kiage ona . Ate dowidai kewora amone iji tuapa bera ,ate doda do titina kiae awo nandoho ra.

Chapter 5

¹Ungote nane kewora amone irari besi pusu ei samia aisia kito amone ungotenau mande mindia, embota ingeri na ikaera.²Eto ungotena ei mindie memesi tambora,dainge eto utu iribo amina kogombaetera awo hotembeora.³Arawo embo ingotena arawo asukaisora kito amo ingotenau bo ujukari awo peikasora.⁴Kebe enena ungotena pusu ei mindie tunga memesi tamborate ungotena pusu tamo erevi toari ujae eora awarate pusu ta sari ari goru erevi oukitie eto utu ta sari ae tamo arawo ombare.⁵Eto sirika einge amone inganau jota ikitia.⁶Arawo kebe eona,pusu ei tamo bisi emina mindena de na mandu Iesu te utu ta mindena.⁷Eto ingotena doda titi na keue hairi aera awarate kebe ari ta terito hairi ora.⁸Nango oroho kebe ue nango dainge eto tamo bisi ta mindie eto asisi ta Iesute iraetera arawo tipapa eora.⁹Arawo embo,siropure aro be aisia eto nango ei mindere temo utu ta mindera kito amone Iesu kore ari pure arawo aisora.¹⁰Eto ungotena perari Iesu ta hasari anumba amindai hetasora eto pure tamo ei jai ue te samia uete arawo hasasoa.¹¹Ke erevi keue Iesu oju aisora eto embo nenei ingae mindera arawo ungote aro ingisora.¹²Ungo awara ari ikitora,pure do nangona ora awo evuyo embo nenei ingie Iesu jaeka are.¹³Eto nango hotambari jai ta irae kito amone Iesu ta pure arawo embo, ora, eto nango hotambari jai ta mindera kito amone ingo arawo embo. ¹⁴Eto Iesu ta tunga humbari amina nango humbuto toato ikitua eto etei pure perari irae uia aminda ai embo tawo na sari etei perari Iesuta sari uera. ¹⁵Eto Iesu embo perekari arawo embo sari uviya eto embo amina irisia kito amone tota uje na irae rate Iesu te, tawo mindia eto embo sari uviya amo use ta iraerate mandu eruria, ututa.¹⁶Arawo embo ungote embo nenei tamo bisita mindera arawo mani kito aisora ate embo perari awo iesu toho ra eto tota basiri amina egeto humbarira.¹⁷Arawo embo.mo embo amina Iesu taimbitoa kito amo mo embo ra eto no basiri mamandu irae oi ea putia.¹⁸Eto pure einge amo mamo da dei eto puwa eto ingotena eako tota mei da jo ai eto ungotena humbei tota toho uera.¹⁹Eto embo mei aminda timbo perari arawo hotembeto toturia eto eako humbei tota uera.²⁰Aarawo embo ungotena amone Iesu ta pure ari embo mei pusu ei imo eonga avikari eto oroho nango tota jawota erera.Arawo embo eako puto tawota eviyo.²¹Embo timbote eto kiae amina ingotena embo timbote ainge au ingotena tota basiri jai amina kogombau irora uvia.

Chapter 6

¹Iesu ta pure ari embo ainge uve enena ungo mani tota joari erevi serikasoa.²Iesu na eria,''Ingo uje ari ijite na ingo ta ke ingeona,eto hondate ari iji te na ingo hondate uena jai eto kivuyo oroho emone uje ari iji eto oroho emone otari tambari iji ra.³Nango ingota embere peikaera eto basiri ainge awo uve Iesu ta pure erevi mani aro samia aisia.⁴Eto Iesu ta jawo jigere bivitua eto nango tunga jai ,be ora iji jai te samia de ai ,bouka ta,eto memesi ta.⁵Teto kaeto arita ,dibura jota ,eto pure sasamia neinde kainde aminda jo ai. ⁶Basiri ewa kaewata, siro kiari ta , simba arita eto asisi hotohu humbarita.⁷Ke be aminda joi ai , Iesu ta koropari ai, eto basiri jajai ta ki emi ingeri beta eto andata .⁸Sapo ari eto aetumbae aminda jota ai , pinga jai eto samia aminda jo ai eto unumbari aminda jo ai rate nango kebe eora.⁹Kiari eto kiae aminda jo ai ,sari ari embo ainge eorate nango mani sari eora, teto kaeto eora ta mani teore ambuora.¹⁰Memesi bouka ta beorate tunga jai eora.Aja baja irae embo mei ainge eorate ,nango na eore embo nembobe aja bajate embo mei ainge eora.¹¹Nango be awo ingo embo irikitora,covirit embo mei eto nangota jo komo avo ingo embo ikitora.¹²Ingo nango na ae temonda beaera ate ingota ujeje toho ai.¹³Eto basiri jai be re evire, na ke kina pena isasapu na eora ainge awo enena.Ingota jo awo be hirikewuyo.¹⁴Mani embo samia de taota, aisoa .Embo jai ta ikari kambari embo sasamia dere iraera eto toruk ari embo jaita sasamia dere iraera ainge nombo usasa te tumbate mani taota eora.¹⁵Eto Iesu te sowai te mani tuota eora ainge nombo embo samia mani embo jai te toata eua.¹⁶Iesu ta oro mande aminde ji utuo te mani taota iriora eto ingotena Iesu ta oroho mande ra . Mamo na ke jai ''na embo mei aminda jo ai irisona eto ingota Mamo urono ingo nau embo mei ainge aisoa.¹⁷Arawo embo, dei samia awo tota ijekevuyo eto eunga be eteviyo , Iesu na eriya . Eto dovi davi sasamia arawo tamo ari toawo ingo nau embo mei toho ainge humbasona.¹⁸Eto ingota Mamo ainge ano eto ingo nau kina pina ainge ave ''ainge eriya.

Chapter 8

¹Namei kamei aro ungo kiwuyo , Mamo joari Macedonia torukari /mande ta ikitia. ²Bouka tiuka ,doda irae embo mei eto embo irari jaibe iriua amo iji aminda awo tunga jaiari humbara . Eto doda nembo be saro aisora.³Nane enene isaga ua, ungo ta hotembari eto basiri toho ai ikewuyo eto be hondate eto ikasoa. ⁴Eto nagona ikawa ke ai iraera ate ingota tipapa na ikasowa.⁵Ungo na ari sago ae arawo etera, awarate ungo kiti Iesu hena ikewuyo,ainge eto awo ingana hena ikasoa,Mamo da ujeta.⁶Titus ta dei etoingari uera, joari awo mandu tuture ari,arawo eto jo ai au irae asia. ⁷Awarate doda perekari awo kebe arina ,eto siro kiari na, inganau jota tunga humbari na eto joari ta basiri awo no dei iroi.⁸Na evi ungona awa aera,awarate kebe ari embo mei aminda ungota embo nenei hondate aisi uye ora embo mei aminda dei ijikitona eto no uje doda do arawo embo nenei da dei ikeyo.⁹Ungotena Iesu keriso ta joari awo kewoa ,ungotena embo eto teta aya baya irae ainge uiya,hotembitiya ayabaya irae ainge eto iji ambota ayabaya aisi uiya.¹⁰Eto nau hotambari re evire tuperi nei kunda ai aigo embo nenei toto ungo mani tawo tawo ari pure awo tuture aisowa .¹¹Awarate oroho etene irae etiya, arawo eto basiri aminda sirikaburika aisora,arawo embo no basiri awo be ao irae aisia.¹²Sirikaburika aisoa, amina hande awo awarari ikasia, na sirika do etea ai.¹³Ewi embo ta dei tehora bouka tiuka awo au eje aisia embo perekari arawo embo.¹⁴Iji oroho eminde ,no tunga humbari uje nembo tawo awo embo perekari ta.¹⁵Kaeto jiya ,embo amina ayabaya nembo irisia amo ayabaya nembo be irisia eto eako jiya embo amina agabaya isapu te irisia amo agabaya isapu te irisae.¹⁶Awate Mamo atekaisora , embo amina Titus ta jawo ta jona simba uia. ¹⁷Mo awara ari do etera ai ikaera , awate simba be etea, no dei pambia tota uje be ai.¹⁸Nango mo de namei iketere pauna, jasika ue Mamo da pinga otohu humbuto sosi perekari ta hande aisoa. ¹⁹Eto tawo arawo aera,awarate embo amina mi sosi ta jawo ta joari na pambau nango pure ikasora Iesu usasa purisia iji aminda hotembari.²⁰Ewi serikewuyo,embo amina ungotena peumba mani aisia tunga humbari titijigari ekasia ai. ²¹Iesu ta tita doda do arawo kebe na ikasora, awarate kebe na embo nenei da tombu ta ikewuyo.²²Nango nangota namei iketere paua, bawari embere isapae ta ikasi uje uera, awarate be bawari ikasi uje uera aminda be amo koropa ari embo tawo inga arawo embo. ²³Jems amone nau otawora eto no pure ari embo ungotenau namei kamei awo sapo ue keriso ta sosi ta pure aiya ikitera.²⁴Arawote eto tumonda ue kebe na tunga humbari sosi hena aisoa.

Chapter 9

¹Be enena, ta pure humbuto pauera embo ototohu , evi teho teho na dei kayae ra. ²Na no sirika burika kewona, mo arawo embo Macedonians embo ta dei ,Achaia awo tuperi totera amina siyapaya uera.Eto no mina humbari awo humbuyo embo mei aminda dei asusumbaiye.³Awarate nane namei kamei iketene ungo tenau jawo jigari bitari eto ke ari ta poara, aro mo siapaya a' a, nane ere na. ⁴Kiakia ao, Macedonians embo mei na puto inga na siyapiya ae iriroro kioro, sovera irae awo kito ke aro me amburoro.⁵Arawo eto etoingiona namei kamei siapaya atete ewuyo , hande ikasi jiea arawo embo.Siapaya aisoa ai awo ewamei ari awo humbasoa, mo titine batine aera.⁶Nane enena, embo amina jibe taitai kowasia amo be taitai humbasia, eto embo amina jibe hoita hoita kowasia amo be tawo tawo humbasia . Eto embo amina ewamei ari humbasi uje aisia amo ewamei ari humbasia. ⁷Toyo embo nenei ungota jona ikasi uje ora awo ikare, ate ikasi ae au kito toyo . Ate jona ikitua awo Mamo na ewamei uya.⁸Eto mo de joari eto tunga jai ari ikasia, arawo eto doda perekari ma uje aisoa awo ikasia aminda be amo ari basiri jajai eoa eto tota pure eoa. ⁹Teho kakuiya: inena iketei sisikitera , ayabaya irae aminda ikitia, tota jajai awo be iji nandoho iroya.¹⁰Embo amina jibe koveto indari humbaria ikasora, amo indari humbari nembo be eto nei tamonda be nembo be irasi iji nandoho. ¹¹Dei perekari ai awo Mamo hena no kebe ari eto basiri ewa kaewa eto atekari awo ikasoa, inga nane.¹²Iesu pure ai awo jibe nembo be tota pure ari embo mei aminda uje ,ta ikae eora. Awarate jibe be nembo be Mamo atekitue ikewuyo. ¹³Aminda be amo Mamo da pure amo jamo jamo na jakasi poreka , timbo pejari, basiri ewakaewa na hande ari na keriso ta pure aisoa. ¹⁴Ainge ao mo embo pari aisora ,eto Mamo na joari no dei ikasia. ¹⁵Atekitona Mamo hena, na do aisona arawo siyapaya ana etea.

Chapter 10

¹Na jawo Pol eto na eonga ingota dei eto ingari ona Iesu sapo ari eto basiri ewa kaewa ai terito. Nau tombu kiae oate nau hotembari ingota dei ra. ²Na umo eto ingari ona, na ije kasona eto embo amina ungotena tu umbora awo mani jasa aisona.³Pusu ei ingona tamo bisi ta ujeje ai mindera ate ingotena amina ae temonda beae ra.⁴Asisita isoro ari ki emi amo inganau ki konja aigerate ututa koropari Iesu na ikeua.⁵Eto sowai ta bawari do Iesu tumonda ari embo mei ai ikeua amo Iesu ta koropa na arukeoi irae eua. ⁶Arawo embo ingo iji nandoho sirika eviyo eto asisi samia de isora mina ara ave.⁷Ingo embo tomonda kiyovete? Ingo embo amina Iesu toho ainge hotembitoa ainge nombo ungotena perari amo Iesu tohora. ⁸Iesu ta awara ari ikari ai terito nangona mani ingo humbuto samia da ikasora.⁹Arawo embo,ke do nane sivari ta ei kakuyona amina umo mani au oju aisoa. ¹⁰Ke einge embo nenei na eora, embo emi da ke kaetia amo ke be eto kago eto kaetia awara te tota ke eto ari basiri amo eonga be ra.¹¹Ungo perekari na keisoa amone nango ingote irae rate ke sivari aminda jo ai nango ingota ke erera awara.¹²Eto nango ingota tombuta nango eonga ikae bitaera ate embo ungo eonga basiri ainge eora arawo isaga aia ke einge erera.¹³Nango pure nango kiae arawo ungota aera awarate Mamo na pure tuka puka nangota jota ai keora arawo erera. ¹⁴Eto nango pure ae ainge arawo ketera ate Iesu ingota dei embere etei nango na tota ke otou arawo etera.¹⁵Arawo embo nango pure embo neinda ai terito ke aera ate nangota goru Iesu na jigama ue ungota dei pure ua arawo keue Mamo jaeka ora. ¹⁶Eto mei Iesu ta pinga ewamei erevi arika aisora eto pure dei ei iji kitua arawo ingote kesora.¹⁷Awarate, ingo embo amina ke jie kito Iesu ta jawo awo jigiyo ita bitoi. ¹⁸Embo damina umo eonga jigeoi bitiua amo Iesu na toi bewa ainge nombo embo amina umo eonga toi beua amo Iesu na ikeoi bitiua.

Philippians

Chapter 1

¹Pol te timoti te Iesu ta pure ari embo mei amina ke siwari erevi kakuiera Iesu ta ke be ari embo mei philipi hanja ai. ²Iesu ta joari eto Mamo da peka ingote iroi .³ Eto na ungo midewa arawo keue Mamo jaeka eona.⁴Iji nadoho tunga jai te ungo embo arawo embo Iesu ta eto ingari eona. ⁵Aminda be awo ungo nau pure ari otatao Iesu na avikari. ⁶Na ke be ona embo amina ungota dei pure jaijai itika etia amo ue irirou Iesu eoka purisia.⁷ Ungo na basiri jaijai oa arawo keue tunga jai ona eto ungo nau hotembu hotembu arita midewa amida be awo ungo nau pure ari otatawo eto tota pureta tamonda na Dibura ueona eto ingote tota pinga otou erevi toae beae koropa eto jigito iriora. ⁸Iesu na nau jo keua eto nau tunga humbari ungo ta dei eto Iesu ta hotembeto tari, joari aminda jo ai .

⁹Eto emo nau eto ingari Iesu ta dei ungo ara wo embo penenu keona dainge eto Iesu ta siro kiari te hotembari jaijai ai iraetewa arawo hotembeona. ¹⁰ Ainge ue ungo Iesu ta jai arawo eto kego eto keisoa eto tota tombuta timbo irae embo ainge mindirowo Iesu ta iji awo huroi. ¹¹Iesu na toto asisi ta ji be ewakaewa na kogonbau Mamo jaeka uve irivuyo.¹²Na ungo be basiri nau dei ijeketia arawo eto kogo eto kioa enena eto basiri einge amo Iesu ta pure ta koropa ari ikena. ¹³Aminda be awo nau esi na pundirari dibura jota avo Iesu ta koropa na tetei bujekitia.¹⁴Iesu ta pure embo mei na kebe uera eto ungota dei koropa ikitia ai terito Iesu ta pinga otou embota dei jiera. .¹⁵Embo nenei pinga tini kambari ikitera ate nenei amo jo jamojamo de ikitera .¹⁶Eto oroho emina tunga humbari na aisoa aminda be awo na pure ana avikari ra . ¹⁷Na diburra jota mindene pure ari embo mamandu na ungota uje ai terito pure aro na memesi umbana uera.¹⁸Pure otembari samia eto jai ai terito uerate na tunga jai ona aminda be awo Iesuta javo awo arika uera arawo embo na tunga jai be ona.¹⁹ Na kewona ungota pari amina pure ua eto ai tereto Iesu na bujekare ikaue ijekasona.²⁰ Nau jota uje be amone keona eto kebe ona eto mina humbari ta uona, oroho eto iji nandoho Iesu ta jawo jigono erasia eroho mindena eto pambuto nau sari ari ijite.²¹Basiri te mindena amo Iesu te eto sari ona amo Iesu te tawo.²²Awarate na ea basirite irisona aminda be amo pure ano be aisia eto na manamana ona? eto na kiaera. ²³Na tamo bisita eto asisi ta pure aminda otembari ongai be ona awarate nau uje be amo pambuto Iesute ututa irisona. ²⁴Ate tamo bisita uje awo ue eto ungote Iesu ta pure erevi eto kogo eto ae eora.²⁵Otembari ongai erevi ue eto na kewona ungote nau kebe are erevi aro tuka eto iresia. ²⁶ Ungo perare nau dei keue eto ungo ya tumonda ari Iesu ta dei avo aro koropa aisia. ²⁷Eto ungo eonga Iesu ta ke na tetekiterou irove eto na purisona eto purae kito amo na mindie ungota jai ingisona eto ingota Iesu te heteto pure aisoa.²⁸Eto ungo mina embo ungota kitoho arawo kaue jo oju mani aisoa. Awarate ivaka re erevi keisoa eto embo mei ainge arawo bouka tukapakata basora ate Mamo ingote irisia. ²⁹Basiri erevi ungota dei ari mina irae Iesu na ungota dei ikitia eto kebe ari tumondari ari tawo aerate memesi bouka te tawo humbasowa.³⁰Ari basiri nau dei ijekitei keurea ainge arawo ingota dei ijekasia.

Chapter 2

¹Arawo embo aminda dei onje pagari ke eto ungota basiri ta pure jajai do Iesu na uvia awo ingote kiore. ²Ainge awo na tunga jai uoe eto ingote hotembari tawo Iesu ta pure ikare³Ari basiri no ujeje toho ai mani aisoa ate ari basiri jaijai uoe eto embo nenei da ujeje awo kiti be ue no awo ambota ikeyo.⁴ Iji nadoh Iesu javiri evuyo. Eako nanena enena Iesu javiri evuyo.⁵Hotembari Iesu ta dei do mindia ainge awo tovuyo ingota dei iroi. ⁶Iesu amo embo Mamo rate umo eonga totei be to embo isapu ainge arawo uviya. Basiri erevi ungote eto kogo eto keisora. ⁷Iesu imo eonga totei beto pure ainge ari embo ainge uvia eto pusu eminda tamo goru arawo ombuto bouviya eto pusu erevi embo ainge uvia.⁸Umo orekata taisi uvera amo oju eto toae rate mo eonga totei be tei isoro embo na do aisi uera arawo ambo ambo uvia.⁹Dovidai aisi etea ,humbea, ingea eto ketea awo evuyo Mamo na peka ingote ikai.¹⁰Awarate nau jasikari neembo tavo Iesu ta dei minda be awo mo na embo uea eto ete eha uena eto hondete uena. ¹¹Na ke erevi ae ona aminda be amo na uje ona . Nakevona doda do awo nau dei ijekasia.¹²Arawo embo nau embo mei,ingo mandu ingota ivata ta ikeowa,eto ingo eonga Iesu ta jai erevi ambo ambo eoa awara.¹³Eto embore Iesu na ungotenau jota pure ewakaewa eua.¹⁴Arawo embo pure do uve kito ke tiraoyo.¹⁵Basiri jajai arawo uve ingo Iesu ta tombuta usasa ainge embo sasamia da jota irivuyo. ¹⁶Eto Iesu ta ke otou sovera eto jigito hetevu yo .Eeto Iesu ta purari ai javiri aisona aminda be awo nau pure ongai ingo hena arawo embo.¹⁷Eto na arawo embona teta o ainge arawo humbuto ingota kebe ari aminda tamonda ikasora te ungotena perari tunga jai aisora.¹⁸Tawo ainge nombo ingo perari namonde tawo tunga jai eviyo.¹⁹Awarate na tumonda ari Iesu ya dei ikitona eto dainge eto Iesu na Timoti ikau ingota dei pambuto ingo keue eto overeketo na au ingaetena arawo ujebe ona.²⁰Aminda be,embo erevi iketene ingota dei putua awara eto ainge ano embo arawo keue Iesu jaeka awe.²¹Embo nenei amo ingota ujeje ai pambari eto Iesu mandu jajowekari ra.²²Ate ingo perari embo Timoti amo kiari.Teta nau bijari mei na arako nau ke ingie pure perari eua.²³Na eonga eto kogo eto keue awo Timoti ikano purisia awara.²⁵Awarate na oroho hotembitona embo teokoko re Epaphroditus eto embo awo eako ikano overe kaisia.²⁶Nane kewona embo awo ingote irisi jo ikituate ingo embo aminda karu ari pinga ingiewa awara.²⁷Kebe aisora amone embo aminda karu amo tukabe eto sari aetia te Iesu na nau tunga memesi arawo oreketo etei embo awo jai uvia.²⁸Arawoembo,embo erevi iketene ingota dei putua awara eto ainge ano embo arawo keue Iesu jaeka evuyo.²⁹Embo awo ikano ingota dei pambau kito embo awo hubari jai be humbuvuto.³⁰Iesu ta pure bobouka aminda jo ai eto karu erevi humbuto sari atia te haujekari uvia eto embo emina tota tamo arawo be hotembae rate Iesu ta pure ta ikitia eto pure do ingo na arisago ae arawo uvia.

Chapter 3

¹Iji angove ua,nau namei kamei Iesu jajika poreka evuyo.No dei eako kakuyona amo puria aera eto mo simba aisia.²Ino mane kito kogo evuyo,asisi sasamia eora amo tawoto be jai eto keisowa.³Ingotenau bi mende tiukitera,awo Mamo da asisi jasika evuyo,eto Iesu ta dei javiri evuyo.Eto ando bisi ta kebe awoyo.⁴Arawo eto na soverari na eonga uona ando bisita.embo amina ando bisita soverari hotembitua,amo nane be nembobe ikasona.⁵Na iji eight ai bi mende tiukitera Isreal embo mei na,Benjiman da oropena,hibru embo mei da agotari ai terito uera.⁶Boukatiuka aravo embo na giupari arawo embo tetokaeto uera.jai agotarita arawo embo,na teo bouka uana.⁷Awarate dovidai na do pajirisia,nane beasi aminda be awo Iesu embo.⁸Awarate kebe,na doda perekari awo ajikano beasia,ainda be doda amo tuka be Iesu Kerisota siro kiarita,doda perekari na uje ae na Iesu humbasona.⁹Eto tota dei tauera,jai ara agotari awo nau aera,awarate Iesuta kebe arita,Mamo da jai awo kebe ari na eto humbasoa.¹⁰Arawoeto na no bouka tuka humbuto sari eto eruria awo keisi uje ona,dainge eto na sari eto erurena?¹¹Dainge dainge eto na sari eto erurena,nau kiarita iraera.¹²Arawo ae eto doidai awo uana,na mandu jai etena,ate na eteto kogo etena Iesuta jawota.¹³Namei kamei na otembitona na ongai eto hetae ona, awarate pure tawo eona, doda kunda awo mini keisoa ate doda jogata awo kiyo.¹⁴Na naeonga iketo Mamo mei Iesu keriso te jage ererera ai paona.¹⁵Awarate ungotena perekari awo embobe embo ainge humbasara,ate mo hotembari teotao aisoa amo imo Mamo na au keisoa.¹⁶Do aro,do tambere, ai jigito heteyo.¹⁷Be na hotembeyo, namei kamei . Asusumbeto kiyo embo amina nau dei hairi kariwa ora ainge . ¹⁸Nembo be awo hairi ora embo amina na hotembeto ano ingoa ae uena, ate oroho site enene ingiowa, Iesu kitoho embo ta oreka ta.¹⁹ Angove amone samia na, ungota pusu doda amo ungoto tinina,eto ungota jiviri amo ingota me ungo pusuta dovida awo hotembeowa.²⁰Awarate inganau irari nadoh dei amone utu ta ra ai awo Iesu keriso simba aisora. ²¹Ututa ai awo inganau pusu tamo awo humbuto aerekau ingana utu tamo tota ainge aisora eto koropa tukaba be doda perekari amo tota.

Chapter 4

¹Awarate nau namei kamei jo jovirite tunga humbari te Iesu hena heteto kogo evuyo, eto nau tunga humbari otatavo. ²Euodia eto syntyche, hotembari Iesu te ikevuyo. ³Awara, na ingo nganega ona hondete evugo, pamone mei evi clement te ke otohu awo embo ta dei aisora embo mei aminda jawo awo siwri otohu ai irisia⁴

⁵Toyo no otohu ari awo embo na kiyore. Iesu awo asusumbitua. ⁶Doda perekari aminda tunga memesi awoyo , ate atekari pari eto etoingo ikasi prari awo Mamo da dei eyo. ⁷Mamo da peka jaibe amina hotembari ta, simba ari ta siro pure Iesu keriso hena ikevuyo.⁸Angove ua, namei kamei , doda perekari awo kebe na sapo arina , jai ari be jaibe na jasika poreka ue hotembuvuyo. ⁹Dovidai aisi eteta , humbea, ingea eto ketea awo evuyo Mamo na peka na ingote ikai.¹⁰Awarate nau jasikari nembo tavo Iesu ta dei , aminda be awo mo na embo uea eto ete eha uena eto hondate uea . ¹¹Na ke ereyi ae ona aminda be awo na uje ona.Na kevona doda do awo nau dei ije kasia. ¹²Na kewona doda do awo irae aisia , eto kewona doda awo nembo aisia. Dei perekari ebmo ta uje dovidai awo kewana, jai ,undurari, beuje ari awo .¹³Nane Iesu ta sovera koropa te amina doda perekari awo aisona.¹⁴Awarate na ongai tauena aminde nau ke awo jaibe hande poanda uea. ¹⁵Warawte ungo Pilipines kivuyo tuture beta pinga otoho humbuto hande poanda ue teuena aminda Macedonia ai , ikari. ¹⁶Na Thassalonaica mindiena aminde mo nau hondate ari nembo be ikete pauia.¹⁷Amo amina ae na hande humbaera ,awarate na jai be awo eto ingene mo iketei bivitea.¹⁸Awarate na doda perekariuena . Dovidai amo ngamo , munede Mamo da dei jai.¹⁹Awarate nau Mamo na no ujeje awo tota ayabaya amina tota mei Iesu keriso aminda jawo ta ikasia. ²⁰Awarate Mamo da kogombari inga namonde iji nandoho iriua eto irisia. Awara.²¹Iesu keriso ta pure ari embo mei atekitora. Namei kamei namonde mindera amina ungo atekitora. ²²Iesu ta pure ari embo dei Caesar irioraamina ungo perekari atekitora. ²³Iesu kerisota ewamei ari no aisi ta iroi. Awara.

Colossians

Chapter 1

¹Pol Iesu ta pure ari embo Mamo na arikari eto nangota namei. ²Ke erevi oveora Iesu kebe ari embo mei dei colosia mindera ai . Eto joari ungota dei eto Mamo da peka Iesu ta dei amo ingote iroi ³Nangota atekari ikitora mei Iesu keriso aminda Mamonda jawo ta eto ingo arawo embo pari eora.⁴Nango ingota pinga jai eto ingota kebe ari Iesu ta dei arawo etere ingiera. ⁵No jota tunga umbari mindia aminda be awo tumonda ari no avo ututa. Kebe ari no amo Iesu ta pinga otou ai eto purarira. ⁶Ke re no dei iriua arawo.Teta pinga otou erevi pusu arau ei be ua ainge nombo no basiri to ai pure eaua.⁷Pinga otou re evire imo Ephras Iesu ta pure ari embo na mandu etei ingiea awara. ⁸Eto Ephaphras nango ke no amo mandu etei ingie ra eto no tunga humbari Iesu ta pureta.⁹Ingota tunga humbari Iesu ta dei arawo nango ingota eto ingo embo pari iji nandoho eora.Nango Iesu ta dei pari eora eto Iesu ta tupo kiari ewa kaewa amina kogombau irou ke eora. ¹⁰Nango na ingo embo pari eora eto dainge eto ingo Iesu ta tombuta embo ewakaewa ainge irae tewa arawo eora eto ingo asisi be jaijai aminde tawo asisita pajiraetewa ainge arawo eto ingari eora.¹¹Nango pari eora, no basiri ai Iesu na koropa ari ikitiou iji nandoho heteto tota pure uve iroa eora. ¹²Eto nango pari ora imo Mamo atekaisoa aminda be awo embo amina etei imo tota bui awo kevea.¹³Embo amina ungotena asisi samia da toro ai oreketo humbei eako tota irari besi ai putiera. ¹⁴Embo aminda dei ai ungotena haujekari,eto hotembeto toari humbora.¹⁵Embo Iesu amo mamonda hajire ainge ra eto do perari uia aminda bugo mei na. ¹⁶Iesu ta dei eto doda perari ijikitia, dovadovi ututa mindera eto pusu ei eto titina kiora eto kiyae eora. Embo ta anumbaretemo, gamentrete, eto embo tuka puka retemo, doda perekari Iesu na uvia eto tota ikari. ¹⁷Doda perari ae kitibeta Iesu mindia eto embo aminda jo ai eto doda perari ijeketo putiyo.¹⁸Embo amo titi jigari eto sosi ta ouru.Imo tuture eto doda perari aminda bugo mei eto sri ari embo ta basiri ikari embo. ¹⁹Eto Iesu na titipa eua amone tota jai arawo perari ikari kambari iroya uje eua. ²⁰Mamo na pusu erevi eako humbasi ke eto tota mei tawo be aminda sasa na pusu arau erevi oreketo uaya eto doda perekari ututa eto pusuta arawo humbei tota uvi.²¹Iji tawo be amo ungotena Iesu ta kitoho ainge iriatera, ungotenau hotembari basirite amo be Iesu ta tumbuta masa be ra.

²³Imo kebe ari ei terito iji nandoho eteto sovera eto Iesu te irisoa.Ke amone tawo arawo embo perekari etene ingiera eto na. Pinga otou eminda pure ari embo aingo arawo Iesu avikitia.²⁴Na oroho tunga jai ona eto memesi bouka tiuka kana Iesu ta tunga humbari arawo harikitua, eto Iesu ta tamo na to sosi arawo arikitua. ²⁵Eto sosi erevi embo Iesu na jage jia eto toto sivari ta do mindia ano be aiya. ²⁶Kebe eminda bui amone iji kosobe orijikari awarate iji oroho emina Iesu ta asisi na tota kebe be ari embo mei ai oi usasa ua. ²⁷ Mamo embo mei tota ke ingiri uje eora embo mei ai tota ui tuka puka awo oi kewora eto Iesu ta sirikari ututa ua amo bara oi isaga be ua.²⁸Embo re Iesu arawo nangore humbuto arika uve ora eto embo amina munenegeto temonda borora arawo humbuto embereta ikitora, tota ke ai terito. ²⁹Iesu sovera ari aminda ai terito pure ongai arawo ora.

Chapter 2

¹Nane enena kivuyo,nane pure tukabe ingo embo uena,eto Laodesia embo mei da dei, eto embo nenei nau tombu eto ando bisi kiae uera.²Na pure ano ingota jo soverari ikau isaga urou tavota tunga humbari urowo Mamo eto tota mei Iesu amina siro kiari eto ke onjikari ta awo ikaya. ³Tota dei awo doda perekari aminda tupo kiari eto siro kiari awo onjikari ra.⁴Nane na enena embo amina mini ke kesokowa au embo na kebe ke aisora. ⁵Na ke takaya enena na mode asisi ta irae ra, ate na mode asisi ta minde na. Na jasika ue no jai eto koropa ari kebe ari Iesu ta dei ai awo kewona.⁶Awarate mo Iesu keriso humbasoa, awo mo embo aminda jota hairi aisoa.

⁸Keisora mani engeka ao embo ta ari basiri eto dovidai pusuta amina au embo siro samia mani aisia ate Iesu ta toyo au ingoi. ⁹Mamo God da dei ai awo ando bisi emina doda perekari awo mindia.¹⁰Mo Iesu ta asisi amina jo siretia, embo amo sovera eto koropa perekari aminda titijigari ra. ¹¹Eto embo aminde awo meimai meimai bi mende tiukitera ando bisi ta aerate asisi ta teta Iesu ta uera ainge. ¹²Mo umo da ewamei aisora Iesu ta sari ari asisi na jigou erasoa, Mamo da kebe ari eto sovera amina.¹³Mo ando bisi eminda basiri bi mende tiukari eto embo neinda enda re temo o dowadai ae ingae jingama aisoa ao no asisi amburisia amo Iesu mo humbuto puto tawota eto mo hotembeto toasia. ¹⁴Pusu ta ei embo amina sasamia tota tombu ta eora kayari ta mindia, awo toau bowurou peikasia eto oreka ta taisia. ¹⁵Sovera koropa awo humbo to temonda iketei pambei embo ta tombuta ta javiri uiya eto oreka biti to iri nadoho dei eto jawo awo uaya.¹⁶Arawo eto mani tu humbasowa indari indari ta, umo indari ta, pondo iji te, hariga eha bitari te eto giupari ari iji. ¹⁷Emone atitina dovidai amina putua, arawarate dovidai be amone Iesu ra.¹⁸Mo Mamo eonga mani awarari ikao embo na teta mo embo tuka ainge ue ke sokowana jie mani embo titi jigie jasika poreka samia da humbuto pambasoa. Ainge embo mei amo teta oene, ji imbosi ainge ungota hotembari na eora. ¹⁹Auru ta mani jigiua. Ate ouru ta ai eto ikeu ando besi ta asisi kito tawota eua, eto pajirisia pajirari amo Mamo na ikeua.²⁰Mo pusu eminda dowidai ai Iesu te tawo sari aisoa, do arawo embo mo pusu ta dowidai awo agotari ainge humbuoe? ²¹''Mani jingama aisoa, kambuto keiso eto jigito keisoa/'' ²²Doda perekari jingama eora, no ke embere ikea eto no atehatirari embota dei ungona ikeowo awo irae aisia. ²³Basiri emo embota tupo kiayari, giupari ari tamo bisi ungo ta toho ai eora. Awarate dowidai amo tamo bisi aminda jai aera.

Chapter 3

¹Mamo na mo Iesu te jigei bivitea,dovidai ututa awo nganega eyo,keriso amo mamo ingeri beta anumbeto mindia.²Dovidai ututa awo hetembeyo,mani pusu dovidai hotembasoa.³Mo sari aisoa no basriri awo Iesu ta ta dei onjikari Mamo da dei ta.⁴Iesu ijekaisia amo no basiri,au mo aminde bitisoa ututa jajai kajai mindia ai.⁵ Humbuto sari arita ike, ainge e no embo mei awo enda ta mina bija ue, tongurino de, sinanga ue, eto basiri sasamia teta iji utuo ainge na arako aisora. ⁶Basiri sasamia enge ai Mamo da tirikambari tuka be awo purisia.⁷ Basiri sasamia evi mo de mindie hairi ue iriora. ⁸Awarate dovidai perekari evi tovuyo, tinikambari tuka puka, tinikambari, hutembari sasamia, ke sasamia, eto mina bisa ta ke awo no peta purisia.⁹Ke sokowa teotao embo neide aoyo, eto basiri sasamia mandu ta uatea ainge aoyo. ¹⁰Ate siro pure ta basiri jaijai awo hotembitue evuyo hotembar Mamo da dei ikevuyo. ¹¹Arawoto dei Greek, Jew eto Scythian awo bi mende tiukae uera ungo teta do ainge, ate Iesu awo ai eto ingo Iesu ta dei.¹²Awarate, Mamo da avikari embo mei amone basiri jaijai erevi eora, jamo jamo ari, tunga humbari, joari hande ari embo umoka mo jajai aisoa. ¹³Embo neinda ke awo hera arina tumoda arina eyo, teka tawo ainge Iesu na mo hotembeto toasia. ¹⁴Sasamia do etea te tunga humbari eyo, amone doda perekari aminda itara eto jaibe ra.¹⁵Toyo Iesuta peka mina no jota titigoi, eto mo tamo tawo ainge ai eto atekai. ¹⁶Toyo Iesuta ke no dei nembo be iroi, ke aminda awo tupo kiari, atehatirari jasika poreka aisoa Iesu ta hamene aisoa eto jona Mamo da dei atekari ikasoa. ¹⁷Doda perekari do aisora, kena ari basiri na awo Iesu keriso ta jawo ta eyo, atekari Mamo da dei ikeyo.¹⁸Pomone mei iponemei da toho evuyo, au Iesu na mode jai ai. ¹⁹Impone mei airi mei tunga humbuvuto, airi meide sasamia awoyo. ²⁰Kina peina e Mamo otou ewuyo pure perekari ai, amo Mamo da dei jai asisi. ²¹Mamone kina peina da dei pure sasamia awoyo, ainge awo ingo mina humbari sasamia humbasora.²²Embo dovidai irae embo mei awo ingota titijigari awo sapo are mani kito kiarako ue pusu nga monda. ²³Pure do oa awo Iesu ta dei jote tawo eyo, mani tamona embo ta dei aisoa. ²⁴Pure do etea aminda mina awo Iesu na ikau humbasoa. ²⁵Embo amina basiri sasamia ue pure ae etera aminda mina amo samia humbasia eto mani Iesu na mo uje.

Chapter 4

¹Mo Aja bajate embo, no age ari embo mei da mina ewo eto kogo eto eyo.²Iji nandoho be pari eyo eto keisi, keisi ue irio. ³Eto nangote tao pari jirowo Iesu tota ke bui arawo ari kari ta bekure arawo hiri kau nango tota ke awo aro embo ingore.⁴Pari evuyo Iesu ta asisi na nau ke awo au embota dei isaga urou ingore.⁵Tupo kiari Iesu ta ai terito hairi evi evuyo, iji mandu irae etia. ⁶Eto ke jajai embo nei ingito tunga jai aisora arawo pere eyo, ainge uve embota ke mina ao ingore.⁷ Nau i perekari amo Tychicus na au ingivuyo. Eto embo amo embo jaibe, eto Iesu ta pure ue nango ambo ambo eua. ⁸ Na embo erevi hiketena paua aminda be amone nango ta arawo ingo au ingisoa eto ingo arawo onje pagari ke au ingisoa. ⁹ Eto embo erevi ikano onesmas te tao purisia, ingota hanja mei amnde tawo. Embo mei amina do ei ijeketia ane ingo aro ingisoa.¹⁰Nau dibura otuo, Aristarchus amina ingo ate kari ikitua, Maki Banabas, ta mei simba aminde ke ingo kauea eto embo erevi ingo hena purou kito jaibe eto humbuvyo. ¹¹Eto Jastus amone Iesu ta jawo nei na. Embo mei einge amone nau pure ari embo mei eto jiu embo ta hajire arawo humbarira.¹²Ungo Ephraphras na atekitua. Embo emone ingota pure otao, Iesu ta jota.Eto ingo koropa eto hetawa Iesu ta dei eto ingari eua.¹³Nane embo aminda kere enena evire eto pure ongai be arawo ingo embo eua.Tawo ainge Laodocea eto hierapolis embo embo mei de tawo.¹⁴Luk ingotenau tunga humbari namei karu kiari embo aminda,aminde demas te na ingo atekitora.¹⁵Eto namei kamei Ladocea mindera arawo atekitora,Nympha,eto sosi tota mande peta mindia arawo embo.¹⁶Pepa erevi ingota dei ajikaro ingito amo eako humbuto sosi ta toreto ai ajikawo embo perari ingore. ¹⁷Embo Archippus awo eviyo ingito pure do toturia arawo sovera eto au irae ai.¹⁸Ate kari emo na pol,nau ingeri amina ove ona,nau pundirari awo hotembevuyo,Iesu ta joari ingote iroi.

James

Chapter 1

¹ Jems, avo atekitora Mamo eto Iesu keriso ta evovo 12 aminda pure ari embo. ² Nau namei kamei embo amina samia neidei kainde aro kito jo jamo jamo de humbuvuyo .³ Mo keisoa amone no dei no kebe ari aminda bawari putua.⁴Awarate toyo no dei jai awo iji nando pure ai, mani jo atoto aisoa. ⁵ Awarate mo amina tupo kiari uje oa awo Mamo da dei etoingiyo ,Mamo na basiri ewakaewa awo ikau humbae.⁶ Awarate eto eto ingari kebe na eyo, mana mana aoyo . Embo amina mana mana ua amone teta ewa ta puin toru ainge pisara na humbu to siroro aisia. ⁷Embo amo hotembaisia Iesu ta jai amo humbasiae. ⁸- Embo ainge hotembari herijo eto hetae hetae aisia.⁹- Awarate toyo namei ajabae irae awo jawo jigo bitoi. ¹⁰ Awarate embo ayabaya te amo teta gora gora buji ainge souketo beasia. ¹¹ Embo ayabayate amo teta iji bevera te bitito bive evekeua eto goragora buji souketo beua aingera . .¹² Embo amina bawari serikaisia amo Mamo na ewamei asi. Mo tunga humbari ue bawari serikasoa amo Mamo da jai eto anumba ta irisoa. ¹³ Mamo asisi samia ae bawari ta beaera, eto Mamo na ae embo bawarit ta beaera, ungo tena eoenga eto bawari beora.¹⁴ Awarate embo tawo tawo amo tota basiri toho amina eoi bawari beua , eto asisi samia hena puvuora. ¹⁵- Basiri sasamia nembo be ausoa amina amo no dei sariari purisia. ¹⁶-Nau namei kamei samia da beawoyo.17 - Mo Mamo hena arekasoa amo hande eto usasa jai utu ta awo humbasoa. 18 - Mamo doda perekari eto irae eto, tota kebe ari amina ingana uiya be puroya.¹⁹- Evi kiyo, nau tunga humbari namei kamei, toyo embo perekari sau ingie, seimana ke jei eto seimana tinikambari are. ²⁰ Tinikambari embo amo Mamo da basiri jajai tota dei ta irisae. ²¹- Arawo eto kito sasamia nembo be no dei awo toyo. No ari basiri jajai awo humbuyo no jo ta beai.²²- Awarate mo eonga do ingie kito basiri ta ikasoa. ²³ Embo amina ke ingae, pure ae ora amone teta tota tombu awo atitita kiarakoua ²⁴- Mo atitita moeonga kito ijekito amo no tombu amo hotembasae. ²⁵ Embo amina ke ingito pure jajai arawo basiri ta ikasia awo ewamei ari humbasia.²⁶ Embo amina mo gui pari ari embo kejie ivivi jingama samiaeoa awo no jo eto no giu pari amo samia aisia. ²⁷- Mamo ta tombuta gui pari jai ue kito hoiwo kaiwo, doru ngajara hondate eto simba eyo.

Chapter 2

¹v 1 Nau namei kamei Iesu ta kebe no jota mindia awo embo nei jasaue toayo. ² Embo amina torukari jota ingeri pupunga ikari iribo ewa kaewa eto mindia eto embo iribo sasamia de irisia. Awarate inena embo jai aminda asioa mo puto dei jai³ anumbe eto embo samia da dei aetea mo puto nau tei tuta anumbe. ⁴ Ungo eongo kito mina erevete? Hotembari sasamia aminde kito mina ara erevete?⁵ Ke ingivuyo nau namei kamei embo ajabajae irae embo mei awo Mamo na avikitia ututa tupo na kogombari eto Iesu ta usasa dei ai torara avikitia. ⁶Awarate mo doda te embo awo sapo aeoa. ⁷No jawo jai awo etere samia eteite?⁸Agetari siwari jota amina ere amo mo moenga tunga uoa ainge nombo embo nei tunga humbuyo. ⁹ Awarate mo embo nei tunga humbae aisoa amone mo timbo etea agotari poeketea.¹⁰ Embo amina agotari perekari arawo jijie eto tawo poekasoa kito amo imo agotari perekari awo mandu poeketea. ¹¹ Embo amina etiya, Biro aoyo, embo tao amburoiyo, awarate mo embo amina biro aeue eto embo teo ambuora kito amo mo agotari pejari embo ra.¹² Arawo embo kejie basirita ikasoa aminda be awo mo hasari humbasoa. ¹³ Embo amina embo nei jo ae etia kito amo hasari humbasia.¹⁴ Nau namei kamei basiri amo jairete, embo tawo na aisia nau kebe ari mindia te nau pure jajai awo irae eto tota kebe ari amina au embo amo havujekari humbau te? ¹⁵ Namei kamei eto du emone iji aminde awo iribo eto indari humbari awo irae aisia. ¹⁶Eto inena kito honda te ari ikae toasoa amo basiri jairete? ¹⁷Ainge nombo kebeari no awo ari basiri ewa kaewa ai irae kito, kebe ari no amo amburarira.¹⁸Awarate embo neinei na eora mo no kebe ari tumonda ari te eto na nau basirite. No kebe ari tumonda ari eto basiri jajai awo ekiyone eto na nau kebe ari tumonda ari awo anokiyoe.¹⁹Mo embo amina Mamo tawo be ututa mindia arawo kebe ue tumonda ari ikasoa amo basiri jaira , aminda be awo sowai tawo to kebe ue oju eua. ²⁰Imo hotembari jai ire embo be keisi uje oete. No kebe ari tumonda ari basiri jajai ire amo ambura rira.²¹ Embo Abram ungo tenau Mamo amo tota ari basiri na eto embo jaibe ainge Mamo da tombu ta uiya. Eto tota mei Isaac awo tawo be awoMamo da dei ikitia. ²²Pure emo kewove te, tota kebe ari tumonda ari na basiri ta ijekitia, etei tota kebe ari tumonda ari awo koropa uiya. ²³ Ke do siwari awo be uiya eto Mamo na Abram awo tota otawo be ainge jiya. ²⁴Inena kesoa awo embo ta basiri na eoi embo amo Mamo da tombu ta embo jai ainge eua eto kebe ari na pere ae.²⁵ Ainge nombo biro pamone jawo Rahab awo tota basiri na ete hawujekari uiya eto pinga ikariembo mei iketei embere neinda pepeta uera. ²⁶ Ainge nombo tamo oene irae amo sari eua eto kebe ari basirijai irae amo aburari ra.

Chapter 3

¹ Ingo embo perari awo ate ikari embo ainge asisi uje oate, Nau namei kamei , inena keiso awo ungotena hasari humbasoa.v 2 Amida be awo ungotena bawari ta beora .Eto embo amina ke sasamia ae embo kito embo amo embo jaibe eto tota basiri awo mo eonga tetekaisia.³Ungote omane humbureta jigito ungotena ambo ambo aiya eora ainge. ⁴Teta henga tukabe ewa jota tawari embo na tota uje ai teta keua ainge.⁵Aingenombo , ivivi isapube amina inganau irari humbari petekeua . Teta ji munju isapu be soru kari amina aote tukabe evekeua ainge. ⁶ Ivivi amone ji bevera aingera, ivivi isapu inganau jota amina ingana hmbuto jita beari embere ai ikeua.⁷Aoteta odei eto umonda omane amo embona beo jigiora .⁸Ate embo tawo amina tota ivivi arawo tetekari sago aera. Ivivi ta sipere irae eto sogaga isapae be ra.⁹Ivivi tao amina ungote Iesu eto Mamo jaeka eroa eto ivivitawo amina ungote ke sasamia namei kamei da dei eora.¹⁰Pe tawo ai ke jai eto samia arawo ijekeua . Nau namei kamei, basiri ainge itete awo be toasoa.¹¹Umo singa tawo ai umo ngamode ngamo -ambu mindeite? ¹²Nau namei kamei jai barau amina olive ta be ainge eoitemo ? Tawo ainge nombo ji Grape vine na ji barau be eoite ? Eto Ewa jota umo jai timbari sago aera.¹³ Embo jamo eto hotembari pejari ungota dei mo aminane?Toyo basiri ewakaewa awo tota basirita ijekai. ¹⁴Rate imo jota embo nei kito ari , hotembari sasamia ari embo kito amo imo mani , kesokowa jie imo eonga jigou bitisia.¹⁵Hotembari einge amo ututa eto beaera. Rate pusu hotembari , asisi samia da pure ra. 16¹⁶ Dei daingebasiri sasamia teta embo nei kito ari eto manamana mindia ai awo asisi samia pure eua. ¹⁷ Awarate tupo kiari ita amo eonga bera peka tunga humbari hotembeto toari eto ari basiri ewakaewa awo iriua. ¹⁸Rate basiri evakaewa amo embo mei peka eora embo mei amindajota iriua.

Chapter 4

¹Boru jujune dainge eto puwoi? Basiri ainge amo no uje ta purae.²Mo uje eoa te mani humboa . Moembo teoe ambora eto tipapa eoa , eto ainge eoa amina no ujeje awo humbae eoa. Mo boru jujune eoa.³Mo eto ingari samia eoa aminda be awo eto mo umbuto no ujeje toho ai jingama aisi eoa .⁴Lo biro pekamba embo mei , mo be kewoete,pusu eminda ujeje amo Mamo da ujae ari pure ra.Arawo embo , embo amina pusu erevi tunga humbasia kito amo Mamo da kitohora.⁵Mo hotembitoa ke siwari amo ke sokowa ainge hotembitoe te , asisi inga nau jota amina basiri ainge awo uje aeua.⁶Awarate Mamo na jo ari ikeua eto siwari na eria mo eonga toi beua awo jigioibitiua ⁷Arawo embo towuyo Mamo na ingo titijigoi.Eto sowai ungo ta dei purou kito sovera eto hetevuyo.⁸Mamo God da dei asusumbe ao no dei asusumbai ye.Eto ingo basiri sasamia ari embo ingota ingeri basiri sasamia eowa awo egewuyo.⁹Eto ingo perari basiri sasamia eowa awo tunga memesi eto si ewuyo.Eto ingo basiri sasamia embopo jawiri owa si ewu . Eto ingo jawiri owa awo tunga memesi ewuyo.¹⁰Eto ingo Mamo da dei putowa awo sapo ewu.Eto ingo sapo awo Mamo na ingo jigou erasowa.¹¹Mani namei neide ke samia aisoa.Embo amina tota namei kito eria amone agetari pejitua,eto agetari hasao,mo embo amina agetari hasitoa kito amo mo agotari amboambo ari embo aerate embo nei hasitoa.¹²Embo tawobe awo agetari ikari eto hasari embo.Embore amina ingana hawujekari ikasia eto ingana usibesi aisia,mo aminane,mo embo nei kito ari embo.¹³Nau ke ingiyo. Ingo erewa oroho rete ewito re awo ungo te hanja tukata pambuto tuperi . Eto ai tuperita mindie doda hoija kaiya eto ingote mani nembo be humbasowa ainge eria. ¹⁴Ingo ainge erewa te ingo evito ingo ta dei do aisia awo ingo kiari. Eto ingo ta basiri mo do aingere ? Ingo ta basiri awo teta imbosi iji tuho bitiua te buriki be irae eua .¹⁵Eto ingore einge eto ari hatekora Mamo imo tipapa aisia awo ungo te mindia eria eto ai aisora hatekora.

Chapter 5

¹Puviyo, imo aja bajate no tunga memesi tambari iji amo putua. ²Noaja baja majeto iraea aisia eto no asari humbari sorerekaisia . ³No mani ari kanuma amo korera kambasia eto amina imo titi jigito humbuto jita beasia.imo tumonda ari puisu doda amindai ikao yo.⁴Ki pure ari embo mei da diroga amo do embo ikae eto toto jige no pure ari embo meida sisvo avo ingota Mamo ututa amina kiua.⁵Imo pusu eminda ajabaja na imo eonga kogombeto mindea rate no diroga iji ambota amo mindia.⁶Imo embo mei jajai aminda dei ke kesokoa eoe embo mei arawo tetekeo eoa eto embo mei amina no dei samia mine ae ora.⁷Simba eyo nau nanamei uro Iesu puroi teta embo jibe koari embo na jibe au keisi simba eua ainge nombo,tuture eto angove ari ga beua ainge.⁸Toyo no jo no awo jamo ai eto eyo no jo awo koropa ai aminda be awo Iesu ta purari iji awo asusumbitua .⁹Nau namei kamei mane ingo eonga ke mina ara aisoa amindabe awo hasari embo awo bekure peta hetetia.¹⁰Ke kariwa Mamanda pure ari embo mamandu aminda ingote keisora, ingota memesi bouka te tao Iesu ta pinga hande uera.¹¹Eto ungote embo mei memesite iji kosobe simba uera awo ewamei uia.Ingote na embo job ta i amo kiora tota memesi iji kosobe arawo Iesu na kito ewamei uvia.Embo amo joari eto hotembeto toari embo ra.¹²Kiti be, awo nau namei kamei utu te pusute peketo ke mani aisoa o awara teo ikaoyo.Toyo no awara amo awara urou eto kebe amo ke be ae.¹³Ingo amina memesi bouka uvove.Embo ainge amo penunu aisia.Ingo amina tunga jai ove.Embo ainge amo jasika ari hamene aisia.¹⁴Embo amina karuta mina huoi.Embo ainge amo sosi ta titi jijikari aro puto pari aisora eto umo otou na ewamei ari Iesu ta jawota ikasora.¹⁵Kebe ari embo pari amina karu embo awo ewamei aisia eto Iesu na embo awo eako jigou erasia.Ainge uve tota ari basiri sasamia awo mama na hotembeto toasia.¹⁶Arawo embo timbo mina ara peyite pari mina ara eto ewamei humbawe.Embo jajai ta pari amo koropate eto pure be eua.¹⁷Embo Eliza amone embo ungotena aingera.Awarate pari nembo be etei pusu ta ga beae ij teka jua 3 eto hariga 6.¹⁸Ainge etei eliza na eaoko pari etei pusuta ga bouviya eto indari humbari be uera.¹⁹Nau namei,imo embo amina ke be tota munene gao no otao na eako humbuto purou kito amo Mamo atekeyo.²⁰mo Iesu ta pure ari embo awo ewamei asia eto embo aminda timbo doite awo Mama na hotembeto toasia.

2 Peter

Chapter 1

¹Simon pita Iesu ta pure ari embo eto atekari ikitora,embo amina Iesu ta ke erevi ingito kebe ue ambo ambo uera aminda jawota.²Eto Iesu ta joari te peka te ingota dei pajiroi eto Iesu tas siro kiari amina ingo perekari kogombai.³Ututa hondate ari doda Iesu na sia uvia arawo humbari ta embere amone Iesu tawo awara.⁴Embere ei terito,Iesu na tota bui ewakaewa arawo etei ungotenau dei ta isaga be uvia.Eto basiri jajai tohota arawo keuvere amina ungotena sovera ikeoi pusu eminda ujeje neinde neinde arawo toto Iesu ta uje ai irore.⁵Awarate ingo eonga eto kito ingota kebe ari basiri ewakaewa evuyo eto basiri jajai ai siro kiari ikevuyo.⁶Eto siro kiari ai tetekari ikeuwa eto tetekari ai koropari ikeua eto koropari ai giu pari evuyo.⁷Eto giu pari jo aminda ai nanamei tunga humbari evuyo.⁸Eto ari basiri einge arawo no dei ta irisia kito amo mo teta ji be eua ainge arawo iji nadoho basiri ewakaewa uro embo nenei na mo keue Iesu jaeka are.⁹Arawo eto mo embo amina basiri jajai ta ke etera arawo no dei irae kito amo imo asisi ta titi kupa arira.¹⁰Arawo embo nau namei kamei ingo eto kito evuyo Iesu ta jage ingota dei awo be evuyo isaga ai eto pure einge arawo aisoa kito amo imo mani beasoa.¹¹Embere einge ta,no ututa torari sirika amone oa awara.¹²Ke einge amo iji nandoho aisona eto ingo ke amo mandu kiari rate eako erena.¹³Ate na hotembitona awo ke einge itete ari amo jai ra aminda be awo ke amina imo tetekaisia.¹⁴Na bada na etei ketena eto nau irari oro avo ikasona.¹⁵Na teo ingo toto pambari ujae uve kito ke pete ano ingito hotembu,hotembu awa ke jie enena.¹⁶Eto i emo ungotenau evovo ta etutu i tiriora ainge aera ate Iesu ta dei keuera eto ingiera arawo kakuiera.¹⁷Mamo otou ari eto sapo ari tota meinda awo hariketei embo perari na huseto keuera joden umo jo ai.Emone nau tunga humbari mei avo tawo be awara.Embo evi keue na kore ona.¹⁸Eto nango eonga ke einge amo heti ita Iesu te mindere Mamo na harika uvia¹⁹Eto ke nango ta dei mindia ke amo kebe eto do ijekaisia pure ari embo mamandu na jiera arawo erera.Eto mo embo amina ke erevi ingiowa amo pure jai oa eto teta dei tumbata laiti kaeto ikeore evekeua ainge irirou Iesu ingotenau iyo toka ainge ungotenau jota bitisia.²⁰Do perari`aminda ibeta avo pure do iji ambota ijekaisia Mamo da pure ari embo mei na jiera amo teo ingota hotembari na aera.

Chapter 2

¹Eto embo sokowa Iesu ta pure ari embo ainge jie ingota dei ta purisora.Eto ingota jo ai mindie ate ikari kesokowa arawo embo ta dei ikasora,eto ainge ora amina Mamo da tinikambari sau be humbuto purisora.²Embo nembobe kesokowa arawo ingito ambo ambo aisora eto ke be toto munenegaisora.³Ingota jota pusu doda ta tipapa amina au kesokowa aisora,embo ainge aminda samia tambari iji amo hoita beta aera.⁴Eto Iesu na anera timbota bouera arawo toae ututa irae rate humbuto barawa etei pusu ei bouvera eto ungota hasari iji simba midera.⁵Eto tawo ainge pusu mandu noa ta ijite ai embo timbo etere,Iesu na umo iketei embo umo indito sari uvera eto noa tota kinapena.⁶Mamo na hanja sodom eto gomora arawo ji na usibesi etei irae evikitiya eto loti arawo anera na humbuto konjeto iji kitera.⁷Ate embo Lot arawo iketei ijekitia embo ari sasamia ari embo meinda teta.⁸Embo jaibe arawo embo sasamia da jota mindie eto embo mei aminda ari basiri sasamia keue,ingie eto jo ai iriora.⁹Iesu dainge eto tota embo mei jajai arawo haujekari ikasia amo kiari ainge nombo embo sasamia toau bouka ta beasora amo Iesu eonga kiari.¹⁰Basiri einge amone embo mei ari sasamia eora ai ijekaisia.¹¹Ate anera otou mani embo aminda sasamia humbuto sausau Iesu ta ekeora.¹²Embo ainge amo siro jai irae eto basiri sasamia eora aminda jo ai irisi eora eto ingo pure do eora amo mani jai eto kiora.Embo mei einge amo saube samia tambasora.¹³Ari bari einge eora aminda da diroga amo be mindia,ingona hotembeora amo pusu eminda ayabaya iji tawo be ai arawo tukabe hotembeora,ate amina ingota dei samia ane humbuto purisia.¹⁴Tita paita ari embo mei eto¹⁵Basiri jai aminda embere avo teta embo balaam,embo boa ta mei da embere arawo uvera.Embo amina pusu eminda dovidai arawo embo eto basiri jai arawo toturia.¹⁶Awarate embo balaam avo tota timbo toho ai eto Iesu na tota o donki aminda pe iriketei enembo ta ke jia.¹⁷Embo mei einge amone teta umo toari ainge ra eto oje pisara na teto ikeoi pambuva aingera.Sowai ta pure samia amo tukabe tota dei.¹⁸Eto embo mei einge amo ke sokowa eora eto eore embo nenei timbota beora.¹⁹Eto embo mei amo kesokowa eora eto ingota ujeje toho ai embo humbuto pambora eto ke eora awo be ae eua.²⁰Eto ingo pusu eminda ujeje avo toto iesu ta ke ai hetasora amo jaibe ra awarate ingo ungota ke ingae ai eto irisora kito amo eako ingona overekari sago aera.²¹Eto ari bari jai amone embo mei ane mani keisora.Tota agetari arawo be jai eto kito overe kaetera arawo be ujae ora.²²Ke inianda eora amone kebe eora.Ino mani tota pere tukari ara ovreketo indiua tao ainge nombo ohu mani tota toro ai pua.

Chapter 3

¹Nau tunga humbari embo mei emo nau ove sivari herijoona eto herijo aminda jota ai ingota koropa ari ke enena.²Eto ingo na embo Iesu ta pure ari embo mei mamandu amina ke do jiera arawo be isaga keisoa.³Nondate ari ke re evire eto iji angove aisi urou ingo eto unumbari embo purisora eto ke granini nembobeaisora. ⁴Eto Iesu purari arawo unumbasora eto ke nemde neinde aisora.⁵pure ainge arawo uve eto Iesu ta ke sivarita mindia awo jene isora. ⁶Eto pure einge itete aminda tamonda Mamo na pusu erevi umona usibesi eto embo nembo be sari uera.⁷Eto pusu emo teo Iesu ta hasai arawo simba mindia eto embo sasamia de tawo ji bewera na evekasia.⁸Eto doda tawo be erevi toyo no dei iroi iji tawo Iesu tombuta ane teta tuperi tawo ainge eto tuperi tawo amo iji tawo be aingera.⁹Mamo embo da ke do perari eua awo eoi be eua eto embo nenei na seima ari keorate embo amone jo jamo ungotena arawo embo ikeua eto toau ungotena sarieora ujae eua.¹⁰Eto Iesu ta purai iji te utu i emo majeto paurou eto jave tukabe aisia eto kanuma purari ewo ji aminda bevera na au iveto irae urirou Iesu teta pengene embo ainge kiae purisia.¹¹Eto dovi dai perari einge eto evekaisia ai teture eto oroho embo amina Iesu ta tombuto embo pamone jai ainge arairou? ¹²Iesu ta purari awo keisi , keisi uve irivuyo aminda be awo pusu erevi ji na evekaisia.¹³Ate Iesu ke jiya ai teture, nango utu ea eto pusu ea simba ora eto dei ai basiri ewakaewa mida.¹⁴Arawo embo nau namei kamei no sirika toho ai eto jai be timbo irae embo mei ainge arawo Iesu ta tombutota aisoa.¹⁵Iesu ta porere simba ari erevi ungote nau haujekari humbari iji ra, teta ingote nau namei pol na ke kaeto jia ainge.¹⁶Eto pol na tota pepa ta ai ke jia eto sivari nenei ai jia amo kiari sago aera eto embo nembobe manamana uve eto hasari ingo eonga ovura.¹⁷Arawo embo, nau tunga humbari embo mei, ke emo ingo mandu kiowa arawo embo ingo eonga beha jigivuyo eto kiae kiae awo ingo kesokowa ari embo mei na humbuto temonda bearo. ¹⁸Ate Iesu ta joari eto siro kiari ai terito erivoyo eto Mamo da usasa iji nando ingota dei jatembai.Awara.

1 John

Chapter 1

¹Do do mandu be mindia eto nangota onje na ingiera, nango ta titi na keuera , eto tamo kamo uera araw eto amone basiri ikari ke awara.²Eto basiri amo etei nango keuera eto nango na ingota dei harika.³Do nango na keuera eto ingiera eto ingiera arawo ingota dei erera eto ke be nango ta giupari amo Mamo de eto tota mei Iesu keriso aminda tawo guipari eora. ⁴Eto nango tunga jai ora aminda be awo doda perari erevi nangota titi na keuera.⁵Eto piga ue erevi tota dei ingiera eto nangona ungota harikitora.⁶Awarate, ingo embo amina Mamo de guipari ari ke pe na jie tumbata hairi aisoa amo imo kesokowa ari embo eto Iesu ta kebe no jota iraera.⁷Ate ingotena embo amina Usasa ta hairi ora teta Iesu iriua ainge aisora kito amo guipari ingotenau amo jai eto Iesu ta sasa amina ungote na egasia.⁸Ate ungotena timbo irae ke aisora kito amo ungotena, Iesu ta titi ta kesokowa ari em bo mei ainge aisora eto tota ke be ungotenau jota irae. ⁹Awarate ingotena embo amina ingotenau timbo arawo Iesu ta dei buje kaisora kito amo ingotena hotembeto toasia eto ingotenau sasamia perari arawo tota sasa amina egasia. ¹⁰Eto ingotena timbo irae ke ainge aisora kito amone ungote aro Iesu arawo kesokowa ari embo ainge aisia eto tota ke otouingotenau jo ai be iraera.

Chapter 2

¹Nau kina peina, nane enena timbo awoyo. Embo amina timbo eto kito embo jaibe Iesu keriso aminda dei araha ta evuyo hotembeto toai.²Inga nau sasamia awo hotembeto toasia ainge nombo embo mei nenei da amo hotemeto toasia, pusu arau ei.³Ungotena tota agotari jigisora kito, awo Iesu keriso .⁴Embo amina ke aisia, na Mamo God kiari ue mo agotari jigae aisia amo mo kesokowaeria, eto tota dei kebe ari iraera. ⁵Awarate embo amina tota ke awo ambo ambo aisora kito awo Mamo da kebe ari tumonda ari jaibe awo tota dei irisia. Ainge aisoaamina Iesu monde irisisa.⁶Embo amina mo Iesu te mindia ke aisia kito, awo Iesu na hairi uiya ainge aiye.⁷Na agotari eha awo ingota dei kayaera, ate agotari mandu tuturebe ta ingiewa arawo. Agotari amo ke mndu ra ingiewa awara.⁸Na agotari eha awo ingota dei kakuyona, kebe ari no dei nau, aminda be awo tumba awo paua. Oi kebe ari usasa awo sanibitua.⁹Embo amina aisi, aisi, na usasa ta mindera, ainge jie tota namei awo tumbata mindie puto iroho etia.¹⁰Embo amina tota namei tunga humbua awa usasa ta iriua, eto tota dei ta peikotiko iraera. ¹¹Awarate embo amina tota namei ujae eua amo tumba ta iriua eto tumbata hairi eua, mo pure do ua awo kiaera aminda be awo tota titi awo auketia.¹²Ungota dei kakuyona, kinapeina, ungo ta timbo awo hotembeto toturona aminda be awo tota jawota.¹³Na ungota dei kakuyona Mama mane eto singa panga timbo awo serikitewa, aminda be awo tuture be ta Mamo awo mindia. ¹⁴Na ungota dei kakuyona, kina peina, aminda, be amo ungo Mamo kiarira. Eto Mama mane, singa pana ungo tawoto, aminda be ke tou eto koropa no deita.¹⁵Mani pusu eto ta dovidai awo tunga humbasowa. Embo amina pusu tunga ua amo Mamo tunga humbubae ra.¹⁶Doda perekari pusu ta, titi na keue eora eto biro pekamba amo ando besi aminda uje ai moenga eoa. Mamo God da uje aerate pusu ta uje aieora.¹⁷Ppusu at ujeje eto ngamo awo irae ua, ate embo amina Mamo da uje ai irisia awo irari nadoho irisia.¹⁸Kinapeina memia, iji ire etia, embo na ainge awo purisia, ate mandu puvia. Awarate eto iji re ira ua. ¹⁹Ingana tota pambari, ungote nau kito, amo ungote namode irisora.Awarate ungo pamberate, ungona teta ungotena ainge ae etera.²⁰Ate ungo perari ewamei ari embo otoho aminda dei humbewa, eto kebe ari awo ketewa.²¹Na no dei kayaera,aminda be amo mo awo kiaera, ate mo kewoa kesokowa awo kebe ai iraera.²²Aminami kesokowa embore ate amina Iesu keriso awo embo arawo ae kejiei ? Embo amone Iesu aera, ainge eria embo awo Mamo de mei de awo kiaera.²³Embo amina Iesu kiae ke aisora amo Mamo God awo kiaeri.Embo amina Iesu ta dei timbo pejasia awo tota Mamo awo humbasia.²⁴Mo ke tuture be ta do ingiea awo toyo mode iroi, ke awo mode irisia amo Iesu tota Mamo de mode irisora.²⁵Mamo de mei de inga namonde irisi jiera amone ora be aisia.²⁶Nane ungo ta dei kakuyona, embo amina embere evi toto hoita paua ai.²⁷Ungota dei enena, ewamei ari ingo uowa awo tovuyo ingote iroi ate toa mini embo neina mani ate hatirisora. Eto amone ke be ra sokova aera²⁸Kina peina Iesu te irivuyo, mo purisia aminde tota tombuto koropa evuyo me awoyo.²⁹Ungo perekari na Iesu jai be ra ke aisora, amo jai awo inena uiya.

Chapter 3

¹Kiore tunga humbari mo doirami Mamo na ikitei,eto umgotena tota kinapeina ke jiei, arawo eto pusu ungotena kiaera.Aminda be amo Mamo kiaera. ²Tunga uona Mamo dokinapeina, doda do awo aekiaera do mindiya awo.Ungotena keisora Iesu purisia amo kiari teta embo ainge aisora.³Embo amina hotembari Iesu hena ikitua amo teta Iesu ainge aisia.⁴Embo amina timbo aisora amo agotari pekitora,timbo amo agotarira.⁵Keisora keriso au kiora uiaamo timbo au irae aiya uia, eto tota dei timbo awo irae uiya.⁶Embo amina Iesu te irisia amo timbo aisaera, ate embo amina mandainge timbo ue irisia awo Iesu keisaera.⁷Kinapeina, toavo embo neina ungo humbuto embere samia da pambaro. Embo aminajai ua amo jai aisia tekatawo keriso jai ainge nombo.⁸Embo amina timbo ua amo sowai tara sowai tuture beta timbo uia. Arawoembo Mamo da mei Iesu awo etei be uia sowai usimbesi aisi.⁹Embo amina Mamo na uia, awo timbo mandaing mani aisia,amina beawo Mamo da ji be awo tota dei mindia. Timbo kaiketo mani aisoa aminda be amo mo Mamo na uia.¹⁰Iji eminde awo Mamo da kinapeina eto sowai ta kinapeina kiae awo keisora. Embo amina jai ae eua eto namei tunga humbae eua awo iesu ta aera.¹¹Ke tuture beta ingiewa, tunga mina humba evuyo.¹²Tetacain ainge awoyo, sowai eto tota namei tetei sari uiya ainge mani aisowa, do eto tota namei tetei sari uei? Tota awo sawai eto namei nda awo jaibe.¹³Namei kamei,titi jaroro awoyo, pusu na ujae au.¹⁴Keisora, ungotena sari ari awo seriketo basiri humbera, aminda be awo namei kamei tunga humbari.Embo amina tunga humbae aisia amo sari aisia. ¹⁵Embo amina uje aeua amo embo tari sari ari embo ra, embo tari sari ari embo amo Iesu ta dei iraera.¹⁶Emina awo tunga humbari doire awo keisoa.Aminda be awo Iesu ungotena embo sari eto eruria tekatawo ainge namei kamei da dei aisowa. ¹⁷Embo amina pusuta jai eto namei keuve jo peikeoa, amo mo embo nenei arawo embo aera. Ainge aisoa amo Mamo da tunga humbari dainge eto mode irou.¹⁸+Nau kinapeina teo ivivi keawota, kebe na basiri ta ikevayo.¹⁹Ungotena keisora ungotena awo kebe ta irisora, eto ungotenau jo awo Iesu embo ikasora. ²⁰Ungoten nau jo uje uje ae aisia, Mamo da jo amo be tuka bera, eto doda perekari amo keua.²¹Ungote nau jo uje ae aisia te, koropa eto Mamo hena pambuvuyo.²²Do humbasi nganega aisora amo ikau humbasora aminda be amo tota agotari awo jigioa eto pure perekari jaibe tota tombuta.²³Emone tota agotari ra, eto tota mei Iesu keriso awo kebe aisora ue tunga mina humba aisora teta tota agotari ainge.²⁴Embo amina tota agotari awo jota ikasia awo mo imode irisia, arawo eto mo ingana mode irisia asisita.

Chapter 4

¹Asisi perekari awo kebe awoyo, ate Mamo da asisi be mo dawore awo etokogo etokivuyo, aminda be awo kesokowa ari nembo nembo be awo pusuta ei ereto teora teta Mamo keije.²Arawo aisoa kito awo mo Mamo da asisi be mo dawore awo keisora, asisi perari awo timbo Iesu keriso ta dei pejeore Mamo na embo ta dei asisi ainge eto puvua.³Eto asisi perekari Iesu ta dei timbo pejae eora amo Mamo da dei eto puraera.Asisi emone Iesu ainge eto purisia ingiea amone awara mandu puvia.⁴Mo amo Mamo da tohora, nau kinapeina serikevuyo, aminda be amo embo no jota amo tukabe eto embo psu eminda ando besita amo isapu.⁵Pusu eminda embo mei amo pusu embo mei na ,eto pusu na embo mei aminda ke awo ingiua.⁶Ungotenaamo Mamo dara. Embo Mamo kiari amo ungotenau ke ingisia. Embo Mamo da ae amo inganau ke ingisae.Amina eriya amo asisi kebe te asisi kesokowa te.⁷Ungote tunga mina humba are, tunga humbari amo Mamo dara, embo amina tunga humbari aisiaamo Mamo tota jota humbasia eto keisia.⁸Tunga humbari ae embo amo Mamo keisaera, Mamo amo tunga humbari.⁹Tunga humbari aisoa amina awo Mamo na doda perekari awo au isaga aisia, aminda be awo Mamo na tota mei awotavo awo ikete ungotna embo pusuta beto sari uiya, embo aravo embo irora.¹⁰ Tunga humbari ei, ungoten Mamo tunga humbaera, ate Mamo ungotena tunga humbua, eto tota mei awo ungotena timbo awo au jai aiya iketei putia.¹¹Mamo ungotena tunga uha ainge nombo embo nenei tunga humbuvyo.¹²Embo amina Mamo kiaera.Ungotena tunga mina humba aisora awo Mamo ungote namonde irisia, eto tota tunga humbari awo inganau dei jaibe be irisia.¹³Ainge aisora amina awo ingana embo aminde mindera awo keisora eto embo amo ingana monde midia ainge awo keisora, aminda be awo inganaudei asisi awo ikitia.¹⁴Tawo ainge ungotena doda mandu awo kewora eto tota mei na etei isaga uia, eto mei awo iketei ingana awo embo pusu ta beto sari uia.¹⁵Embo amina tota timbo arawo Iesu Mamo da meiainge ue pejasia kito awo Mamo embo aminda jota eto embo amo Mamo da jota.¹⁶ Ungotena keuvera kebe uera, Mamo ungotena tunga humbua.Mamo tunga humbari, embo amina tunga humbari ua awo Mamo embo aminda mindia, eto embo amo Mamo de mundia.¹⁷Arawo eto tunga humbari na etei ingana jai uera, arawo eto kito tota hasari iji putua aminde awo ingana pusuta koropa aisora.¹⁸Tunga humbari ue kito sasamia aoyo.Ate tunga humbari jaibe ue doda sasamia awo toyo irae ai, aminda be amo sasamia aisoa amone no dei bouka tiuka purisia.¹⁹Ungotena tunga humbasora aminda be awo tuture beta Mamo ungo tena tunga uiya.²⁰Embo amina, na Mamo tunga uona, ainge jie tota namei tunga humbae aisia embo amo kesokowa embora. Embo amina namei tunga humbae ua eto keua amo Mamo tunga humbaera.²¹Emone tavoto Mamo da agotari ra, embo amina Mamo tunga ua ainge nombo awo namei tunga humbaiye.

Chapter 5

¹Embo perari amina Iesu arawo Mamo da jota putia ainge hotembaisoa eto mo amina Mamo tunga humbasoa ainge nombo tota mei tunga humbasoa.²Arawoembo ungotena Mamo da kinapena nenei tunga humbasora ainge nombo Iesu ta agetari tunga uve ingote jigisora.³Eto Tunga humbari emo Iesu tara eto ungote Iesu tunga huve tota agetari avo jai eto jigore eto tota agetari amo bouka be aera.⁴Eto embo amina Mamo da dei ta eya ingarako etera amina pusu eminda bawari awo serikaisia.⁵Embo amina Iesu kebe eora amina sowai ta ujeje awo srikeora.⁶Embo Iesu amo umo de sasate ta jo ai eto putia eto umo da pere purae ra ate sasa te tawo.Eto Iesu ta Asisi amina harikari ikeua aminda be awo tito Asisi amone kebera.⁷Eto do tawo eto herikjo amina harikari ikeora.⁸Tota Asisi teumonde, eto saste.Etododa einge amimna torukeore taeo be eua.⁹Eto ungotena amina pusu embo ta harika humbaso rate Iesuta harikari awo jai be ra teta tota mei avo tawo arawo umo eonga harikari embota dei uia aingenombo.¹⁰Embo damina Mama da mei arawo kebe aisia kito amo tota bui amo be keisora.Ate embo amina Mamo da mei arawo kebe ae aisora embo aige amone Iesu au kesokowa embo aige aisia eto tota bui amone jai kiari sago ae.¹¹Eto bui kere evire.Mamo na basiri nandoho arawo Iesu ta ingerita ikitua.¹²Arawo embo,mo amina no basiri ta ai Iesu uoa kito amo imo basiri nandoho humbasoa.¹³Nane ke erevi kayano kito imo kebe ari Iesu ta dei ta ikitie basiri nandoho arawo humba ke jie enena.¹⁴Eto tumonda ari Iesu ta dei mindirou imo doda do Iesu hena eto ingari aisoa amo be humbasoa.¹⁵Eto ingotena penunu Iesu na ingiua arawo hotembitie eto ingari ikasora kito amo ke do etera amo be ilkasia.¹⁶No embo tawo amina timbota beau kito amo embo arawo embo pari eviyo.Eto timbo nenei amina embo titi jigito humbuto sari ta pambua.¹⁷Eto basiri sasamia perari amone timbora eto timbo eto mo mani sau sari aisoa.¹⁸Arawo eto embo amina Mamo da jo ai ea ingarako aisia kito ane Mamo na embo amo simba jai aisi eto sowia na embo amo manita jigisia.¹⁹Eto ingotena eonga kewora, ingotena Iesu ta toho ra eto pusu embo sowai na jigits simba ue mindia.²⁰Eto embota mei na puto ungotenau hotembari arawo hirikitia ingotena embo be mo dawore arawo keuera eto tota mei de tawo eto embo mei emone basiri handoho humbari embere ra ²¹Nau kinapena, ji utuo ingerina havari iketo jaeka awoyo.

Bokoro: Bible for 1 John, 2 Corinthians, 2 Peter, Colossians, James, Jude, Philippians

Formatted for Translators

2 Corinthians

Philippians

Colossians

James

2 Peter

1 John

Jude