¹Paulo, nyabhasa wa Kristu Yesu, na kufuna kwa Mulungu, nukulembela waku chena awo ali ku Efeso, waku dhalilikawo waku khala mwakuphatana na Kristu Yesu, anati: ²Kukhala na ntima wamuche maningi, na m,ntendele wakuchoka kwa Mulungu Abhabha waife, na kwa Ambuye Yesu Kristu, akakhale namwe.³Tipasile ulemo Mulungu, Abhabha wa Ambuya waise Yesu Kristu, pakuti atidhalisa na daliso iliyene la nzimu pambuto yakudzulu mwaku nvelana na Kristu ⁴Wakuita vimweivi ninga mwana anatisankhulila kuti tikhale wakuphatana na Yesu umweuyo dziko ikalibhe yakhalapo, kuti tikhale wakuchena naku saya chakuipa pamaso pa Mulungu m,muku funana.⁵Pakuti anatisankhulilatu kuti azatitenge ku khala wana wache kuchokela mwa Yesu Kristu, monga nazakumukomezela iye ninga kufuna kwake. ⁶Anachita vimweivo na ntima wake wabhwino, kwakukulu naulemelelo umweuwo anationesa kuchokela mwa ofuniwa wache alemekezewe.⁷Kuchokela mwa Yesu, tina sudzuliwa na dipo la mulopa wake, eye, talekelelewa vakutaza vathu, malingana na chuma na kukoma ntima kwache, kukulu. ⁸Yiye anatipasa vizinji na kukoma ntima kumweuku na nzelu zense na kudziwa kwense⁹Iye anatiululila vinsinsi vakusankhuliwa na kufuna kwache. Chinsinsi chake n,nichakunvelana na kukomela mwenekachiloyo ndipo nivimweivi vanafuna muntima mwache. ¹⁰Kuti akafake vakufunika vache, ikamala nthawe yense ya nthawe yakukonzedwelatu. Vakuchitika vimweivi ndivo kuunjika pomwe vinthu vense pabhodzi mwa Kristu, vinthu vaku dzulu na vinthu vapadziko lapansi. Eye, kuviunjika pomwe mwa yiye.¹¹Mwaku nvelana na iye anatihikha kukhala wakuzatambila chabhwino icho, pakuti anatisankhula nakufuna kwaiye, iye umweuyo ambafambisa vinthu vense mwakunvelana na kufuna kwaiye. ¹²Anaita vimweivi kuti ise tiyitise kuti phanvu zanche zilemekezewe, isepo amwe takhala wakuthoma kukhala na chidhikhililo mwa Kristu.¹³Manje imwepo, munakhala na chidhikhililo mwa yiye pakunva mafala yachadhidhi, amweyawo nimafala abhwino wakulewa zaku pulumuka kwanu. kuchokela mwa yiye, munadhalila anakufakani chidhindo cha m,nzimu uchena wakuuziwa uyo kupasiwa. ¹⁴Chimweicho nichadhidhi chathu ife chakusogolo, kuti wanthu wa Mulungu azasudzuliwe na mulopa, chakufuna chake chakuti yiye, alemekezewe naku pasiwa ulemo.¹⁵Navi mweivi yinepo, kuchoka pamwepo pininanva zachi dhikhililo chimweicho chimulinacho mwa Ambuye Yesu na mumwe mumbationesela vakuchita vanu na wakuchena wense. ¹⁶Nilekalini kupeleka ulemo kwa Mulungu tangwe ya imwe. Nikupitiliza bhasi kumutomolani pakupemphela kwangu.¹⁷Mulungu wa Ambuye waife Yesu Kristu, Abhabha wa m,phanvu, akupaseni nzimu wa nzelu kuti munvesese vomwe iye akuulula mwaku phatana na kudziwa mwaku teweza. ¹⁸Pakuona maso amu ntima waimwepo aku mwiinikiwa, nikukutomolani mupemphelo yangu kuti mudziwe paku dhikhilila vomwe naku chemelelani, chuma cha mphanvu¹⁹Na kuposa kwa mphavu zache zakuwina zimweizo zapeleka kwa ise aku dhalilika. Kukula kwamweuko kwakunvelana na bhasa ya m,phanvu yaiye yakudhabwisa, ²⁰Imweiyi waiphatisa bhasa pa Kristu pomwe anamulamusa m,manda kwa akufa na kunfaka kudzanja yake ya chaiyo pa mbuto yakudzulu. ²¹Anamufaka padzuludzulu, kukunda bhoma iliyense, kutonga kulikwense, m,phanvu yense, ambuye wense, na dzina iliyense yapelekewa kumu nango aliyense, osati nthawe yamweino yekha, pa imweiyo ikubhwela.²²Mulungu anathila vinthu vense pansi paminyendo yaumweuyo, manje ananfaka nsolo wa vinthu vense ndawa ya chechi. ²³Umweuyo ni thupi yache. Chechiyo ni yaku dzala na yiye, amweuyo ambadzalisa vinthu vense vakukwana.

¹Manje, Mulungu anayitisa imwepo kukhala wamoyo pamwe mukali akufa ndawa naku phonya kwanuuko,na machimo wanuawo. ²Muka famba muvimweivo paku famba na nthawe ya dziko limweino, paku tetekela wakutonga wa m,phuye umwe umbatonga vakuchita vawanthu. M,phuye umweuyu, kabhanga kuti kaganizidwe kamweyaka, manje kaku phata bhasa mwa wana waku saya kunva. ³Eye, tense isepo pa nthawi inango pamwe pitikali pakati pa mweyawo, tika khala waku tewela vakufuna vathupi yathu. Tikachita zakufuna za thupi na kukumbuka, mwa kubhalika tikali wana wakufunikila kutambila ukali wa Mulungu, mwakulingana na anango wense.⁴Manje Mulungu, omwe ni wansinsi kwenekwene, na chikondi chake chikulu chimwe anatifuna nacho, ⁵Anatihikha kukhala wamoyo pabhodzi na Kristu, ninga khale kuti nikali wakufa mumachimo,(pakuti imwe mwapulumusiwa ndawa ya ntima wabhwino waukulu) ⁶Ana tikwizika pabhozi, na kutihikha pabhodzi pambuto yakudzulu mwaku nvelana na Kristu Yesu. ⁷Anaita vimweivi kuti pa nthawe imwe vikubwela pazaonesewe chuma chakuposa chabhwino m,ntima kwaiye wa m,phanvu pamweyapo anationesa mwa kunvelana na Kristu Yesu.⁸Na m,ntima wabhwino waukulu kumweuku, chuwa mwa pulumusiwa kuchokela muchisimikizo, osati mwaimwe mwekha, koma ninga m,phaso ya Mulungu. ⁹Ni ndawalini ya bhasa ayayi, pakuti munthu aleke kukhala na ndawa yakuziikha. ¹⁰Pakuti ndise anyabhasa wa manja wache, pavimweivi tinakonzewa mwaku nvelana na Kristu Yesu kuti tiyite bhasa ya bhwino, nivimwe Mulungu anatikonzelelatu kuti tipitemo.¹¹Mwatenepa nthawi yense mumbakumbukila kuti pakuyamba mukali wanthu a dzindza inango wakuthupi. Wanthu waku chemelewa waku ghwatiwa, amweyawo anaghwatiwa kuthupi na manja, akakuchemelani amuna waku saya kughwatiwa. ¹²Mumbakumbukilako kuti pa nthawe imwei ile mukhalibe Kristu, mukali waku talamukana na dzinza ya Isiraeli alendo waku sakudziwika panvelano na chipanganocho. Mukalibhe chidhikhililo ndiye imwepo mukulibhe Mulungu m,dziko iyi.¹³Koma manje kunvelana na Kristu Yesu, imwe amweyawo pa nthawe inango mukali kutali, mwabhwela pafupi ndawa ya mulopa wa Kristu. ¹⁴Pakuti yiye ndiye m,ntendele waife, umwe anatiphataniza mbali ziwili kupezeka ibhodzi, na kugwesa khoma yakusianisa imwe ikali pakati payiwo. ¹⁵Na thupi wache, anachosa chizondo chimwe chikalipo, chimwe ni lamulo yakukhala na malamulo yaku pelekewa ninga chifwunzisocho.Anachimaliza pamweyapo mwaku nvelana na yiye, akonze munthu m,bhodzi wa manje kuchoka ku gulu ziwili za wanthu, na kuikha ntendele. ¹⁶Napa mweyapo na kuchokela pa,ntanda wakuchupikilapo aphatanize magulu awili wa wanthu awo kuna Mulungu, manje wanthu awo akhale thupi yibhodzi ndawa ana phailatu chizondo kuchokela mwa iye mwenchilo.¹⁷Manje yiye anabwela kuza kuwilila mafala yabhwino ya ntendele kwa imwepo, imwe wakutali, manje anakuwilila pomwe za ntendele kwa wale alipafupi. ¹⁸Ndawa yaku chokela kwa iye, magulu wense waife awili tingakwanise kufikila Abhabha na nzimu ubhodzi.¹⁹manje apa, mulilini pomwe wanthu waku saya kudziwika kabhanga alendo amu dziko yanechilo, manje ndimwe nzika wanzawo aku chena, pamweyapo ndimwe amu bhanja ya Mulungu. ²⁰Mwamangiwa pa chinthu chakulimba cha atumiki nama polofeta, manje Kristu Yesu uyo ndiye mwala wapakhona waku limba uyo. ²¹Mwakunvelana na iye, nyumba yense, pakukhala yaku djowinizana bhwino, yikukula kukhala nyumba yaku chena ya Mulungu. ²²Mwakunvelana na iye, imwepo mukumangiwa pabhodzi kukhala mbuto yakuti Mulungu akhale momweumo mwa m,nzimu.

¹Pa ndawa ya chimweichi, inepo Paulo ndine wakumangiwa mwa Kristu Yesu ndawa ya imwe, wanthu a dzinza inang,ombo ²Chuwa munanva zakuti ninayikhiwa kukhala waku nyanganila kukoma m,ntima waukukulu wa Mulungu kuti nikuthandizeni,³Pamweyapo ananiululila chinsinsi chaku sankhuliwa, ninga mwana lembelakale mwaku gwata. ⁴Na ndawa ya vimweivi, imwepo mukawelenga vimweivi mukwanisa kukumbukila kuti chinsinsi chaku sankhuliwa chikulewa za Kristu nakuvi tetekela bhwino. ⁵Waku bhalika anangowo, chinsinsi chimweichi chilibhe kuululiwe kwa wana awanthu ninga chauululiwila manjeyapa kwa atumiki nama polofeta wache waku chena m,ntima.⁶Chinsinsi chimweichi nichakuti wanthu a dzinza inango naombo azakhale wakutambilambo chabhwino, ndiye yapo akhale vinthu va thupi manje awo otenganawo pabhodzi mbali ya chipangano pabhodzi na insepo, monvelana na Kristu Yesu kuchokela kumafala ya bhwino. ⁷Ninakhala nyabhasa wazimweizi mwaku nvelana na m,phaso ya mahala naku kukoma m,ntima wauukulu wa Mulungu, kumwe ine ninapasiwa monvelana na momwe m,phanvu yaiye muimba phatila bhasa.⁸Kukoma m,ntima waukulu kumweuku kuna pasiwa inepo, munthu m,dhiki pakuni linganiza kukhala m,dhikiletu pa waku chena wense. ninapasiwa kukoma m,ntima kumweuku kuti ni kuwilile kuma dzhinza anango mafala a bhwino wakulewa za chuma chibhe malekezelo mwa Yesu. ⁹Pamweyapo kuti nionese wanthu chinsinsi chaku sankhuliwaicho ninga mwaku chiyendesela. Kuchokela kalekale uyo, chinsinsi chimweichi chakhala chakubhisama mwa Mulungu, umwe anakonja vinthu vense.¹⁰Zinakhala modha umweuyu kuti mabhoma na waku tonga amwe yawo ali kumbuto ya ndzulu anve manje mbali zizinji kwenekwene za nzelu ya Mulungu kuchokela muchechi. ¹¹Pa zimweizi nizakunvelana na kufuna kwaku yendelela chimwe iye anakhala nacho zaku tomola Kristu uyo, iye ni Yesu Ambuye waife.¹²Kuchokela kwa umweuyo, tina ntendele waku lewalewa ndipo njila yakuka fikilanayo kwa Mulungu palibhe kudauta paku dhalila Yesu umweuyo. ¹³Ndawa ya vimweivi nikuku kumbilani manje musabwelele mbuyo nakuona masuso wangu, awo unikugumana nawo ndawa chaimwepo, pakuti akulewa za ulemelelo kwaimwepo.¹⁴Ndawa ya vimweivi nathiyola inepo kwa Bhabha, ¹⁵Umweuyo anachitisa kuti bhanja iliyense, kudzulu napa dziko yapansi kuoneka nama dzina. ¹⁶Pakuti mwaku nvelana na chuma cha ulemelelo wache, akulekeni kuti munthu wanu wankatiuyu akhale na m,phanvu mwa m,phanvu na nzimu wache¹⁷Manjeso mwaku dhalila kwanu, Kristu akhazikike muntima mwanu, pabhodzi na chikondi chimwe chifunika kukhalila pakati paimwepo, kuti mudzike mudzu naku khala wakudhelekha ninga nzika. ¹⁸Chikufunika apa nichakutiso, imwepo pabhodzi na waku chena wense kuti mukwanise kudhiwa bhwino mufupi namu tali naku kwila naku diba. ¹⁹Ndipo kuti muchidziwe chikondi cha Kristu chimwe chikwanisa kudziwa vinthu vense, kuti mudziwike nakakhalilo kanu kense ninga anapelekela Mulungu.²⁰Manje kwa iye umwe angakwanise kuita vavikulu vizinji kupitilila vense vimwe vitimbakumbila kabhanga kukumbuka, ndawa ya m,phanvu yaiye imwe ikuphata bhasa mwa isepo, ²¹mwa iye mukhale ulemelelo kuchoka muchechi namwa iye Kristu Yesu, naku mibhadwe yense mpaka kuyendelela

¹Manje inepo, umwe nili mudjeli ndawa ya Ambuye, nikukudhandaulilani kuti mumba fambe mwachadhidhi kuchemela kumweuko kumuna chemelewa nako imwepo ²Fambani mwakuzichepesa nthawi yense, mwaku falanuka, waku tonthola ntima, ndipo naku lekelelana mwakufunana. ³Mumba yesesa na ntima wense kuchengeta ubhodzi wathu waise naku khala muntendele umwe ali ninga chakumangila chakutiphataniza. Ubhodziuyo timbaugumana mwaku thandiziwa na nzimu uchena.⁴Ilipo thupi ibhodzi na nzimu ubhodzi, mwakunvelana naku dhikhilila kubhodzi chimweicho ndiye chimuna chemelewa nacho. ⁵Pali pomwe Ambuye abhodzi, kusimikiza kubhodzi, ubhatizi ubhodzi, ⁶Ni Mulungu m,bhodzi, naye wamweuyo ni Abhabha wa wanthu wense. Iye ali padzulu pa wense manje amaita vinthu kuchokela mwa wense na m,phanvu yake imba phata bhasa kwa wense,⁷Aliyense waisepo anapasiwa ntima wabhwino waukulu mwakulingana pomwe Kristu anamupasila mphaso ya fovolo. ⁸Manje, mafala akuti anakwila kudzulu alewa kuti tani? Alewa kuti anayamba wabhuluka pansi, padziko.⁹Komanje, mafala akulewa kuti anakwila kudzulu akulewa chiyani? Akulewaso kuti anayamba wabhuluka pano padziko, yapansi. ¹⁰Umweuyo anabhulukauyo ni bhodzi bhodzi anakwilafuti naku khala padzulu kwapa dzulu kwense,kuti ayikhemo vinthu vense.¹¹Manje anapeleka anango ninga atumiki, anango ninga mapolofita, anango ninga mulaliki, anango ninga abusa, na afwunzisi, ¹²kulewa kuti asogolelewe waku chena amweyawo, achite bhasa yakubhatila, manje thupi ya Kristu, ¹³kufikila tense tizafike kukhala paubhodzi muchisimikizo manje pakudziwa mwaku teweza mwana wa Mulungu, eye, kufikilana kuti tizakhale munthu wachikulile wakufika pa saizi yauchikulile ninga Kristu panafika iyeapo.¹⁴Eye, kuti tileke kukhala ninga tuwana, waku pusuwika pusuwika ninga kuti akugwinyiwa nama bhimbi, ndipo manje waku pusuwika kuyenda uku na uku na mphepo iliyense muchi fwunziso chakunama cha wanthu, naku chenjela kwawo wanthu awa pakulewa vakunama. ¹⁵Manje kulewa vachadhidhi, tiyendeni tikule muvinthu vense, kuchokela muchikondi, tikhale pansi pa iye umwe ni nsolo, Kristu. ¹⁶Kuchokela mwa iye, thupi yense imbakula na kuzimanga yekha mwakufunana, nakukhala yakudjowinika bhwino na kunvelana mumadjowini mulimwense naku bhata bhasa yake ifunika, ndawa ya bhasa chaiyo chaiyo ya chinthu chilichense.¹⁷Manje, nikulewa ivi kuti mumbaitila ukamboni kwa Ambuye, kuti musafambe pomwe ninga mwalili wanthu a dzinza inango ninga mwakufambila, pakuteweza vakukumbuka vawo vimwe vilibhe bhasa. ¹⁸Pomwe akufamba mwatenepa, ali mudhima wa vakukumbuka vawo, afutukilana na moyo wa Mulungu, ndawa ya kuuma ntima ali mwa iwo, ndawa yaku silila silila mumitima yawo. ¹⁹Pakuona iwo manje, akukwanisalini kudziwa kakhalidwe kabhwino, anaziyendesa wekha kukakhalidwe kaku sokonezeka kuti ayite chaku nyansa, cha modha uliwense wakuipa,²⁰Manje imwe mulibhe fwunzile Kristu kukhala khaindi umweuyu, ²¹ninga ngati munanvadi. Ninga, muchilili chadhidhi mwa Yesu, munafwunzisiwa mwa iye, ²²kuti muvule umunthu wakale umweuyo wakunvelana na uwunthu wanu wakaleuyo, umweuyo ukuyipisiwa ndawa ya ntima lokoloko na vinthu vakunama vaumunthuyo.²³Apo munafwunzisiwa kuti mukhale amanje na mphanvu yaku fambisa vakukumbuka vanu, ²⁴nikuvala umunthu wamanje umweuyu unakonzewa mwakunvelana nakufuna kwa Mulungu, manje umbatoweza vifunika pa chadhidhi chaich chaicho napaku thembeka.²⁵Mwamweumo, pakuona manje kuti mwataya kunama, aliwense waimwe alewelewe chadhidhi kwa munzake, ndawa ndise chinthu cha thupi ibhodzi. ²⁶Kalipani, manje musaphonye. Dzuwa osati imile, muli wakukalipa, ²⁷musapase mbuto sathana.²⁸Mbava ileke kubha, iye aphate bhasa mwakulimba. Aphate na manja wake bhasa yabhwino kuti akhale na kanthu canango kupita munthu wakusaya. ²⁹Mafala aliwene wakuvunda asachoke pamulomo panuapo, manje olimbikisa aliwense ninga momweumo angafunikile, kuti asangalase wakunva awo. ³⁰Manje apo,musapase nsinsi nzimu uchena wa Mulungu, umwe mwawafakiwa dhindo wache, pansiku imwe muzamangululiwe ninga phaso.³¹Kuwawiwa ntima kulikwense kwa kuipidwa, ntima waukali, ukali, kunyoza, na mafala yazungo yachokeletu pa imwepo pabhodzi na vakuipa vense. ³²Manje khalani wabhwino ntima, ansinsi, zizinji, wakulekelelana na ntima wense, ninga mumwe Mulungu anaku lekelelani na ntima wense kuchokela mwa Kristu.

¹Manjeso mukhale wakutewezela Mulungu, ninga wana wake wakufuniwa, ²hee fambani muchikondi, ninga Kristu anakufunilani anazipeleka yekha ndawa ya imwe, ninga chakupeleka ndipo ninga sembe yakununkhila ya kukoma kwa Mulungu.³kusamwa kwa khaindi iliyense kwaku nyansa kabhanga makunu, aikona kuti vilewewe pakati paimwepo, ninga momwe wanthu wakuchena mwakufunikila kuita. ⁴Musatomole nepang,ono pekha za uwunthu wakuitisa manyazi, mafala akupusa kabhanga vakusekesa vakutukwana, vimwe ni vinthu vakusaya kuita muche. Pambuto pavimweivi mumba lemekeza Mulungu.⁵Pakuti fundo imweiyi mukuidziwa, manje mukuinvesesa bhwino, awa wakusamwa kabhanga waku ipisiwa kabhanga amakunu, umwe ndiwo kupemphelela mafano, azapitelini mu ufumu wa Kristu na wa Mulungu. ⁶Munthu asakutaiseni na mafala yakusaya kuoneka muche, ndawa ukali wa Mulungu uzafike pawale wana wakusaya kunva, akuita vinthu vimwe vanalewakale ivi. ⁷Manjeso musaite nawo vimweivo.⁸Pakuti pakuyamba mukali mudima, koma manje ndimwe kuchena mwaku nvelana na Ambuye. Yendanibhasi ninga wana wakuchena. ⁹Pakuti vakubheleka va wakuchena ndivo vilinvense vabhwino na vilinvense vakulungama na chadhidhi. ¹⁰Nthawe yense mumbasimikiza kuti chakubvumiziwa kwa Ambuye nichiponi, ¹¹manje musambaite nawo bhasa yakuphindulisa vamu ntima. Pambuto pavimweivi, mumbatsimula mabhasa amweyawo. ¹²Pakuti vimwe iwo amaita vakubhisa nivakuchitisa manyazi olo tingavilewe¹³Ivo vinthu vimwe vitikutsimuluwa vimbaonekela pachena ndawa yachakuchena, pakuti chilichense chimwe chaoneka chimbakhala ku chena. ¹⁴Ndawayake iye akulewa kutisoo: lamuka, iwe wakugona! muka kwa awo akumwalila, manje Kristu akumwinike.¹⁵Manjeso ziphateni kwenekwene kuti momwe mumukufambila si ninga wanthu alibhe nzelu, koma ninga wanzelu. ¹⁶Mumbaphatisa bhasa bhwino nthawe yanuiyo, ndawa masiku awa ni wakuipa. ¹⁷Pa ndawa yavimweivi, siyani kukhala mulibhe nzelu manje pitilizani kukumbuka nakufuna kwa Mulungu.¹⁸Manje, musaledzele nawo muvinyu umweuyo, ndimo muli uwunthu wakuipa, koma khalani bhasi wakudzala na nzimu. ¹⁹Mukakhala pakati panu mumbaimba masalimo, nyimbo zakukuza Mulungu,na nyimbo zauzimu. Mumbaimba nyimbo zakukuza Mulungu muntima mwanu umo, ²⁰mudzina ya Ambuye waife Yesu Kristu. Nthawe yense mumbaita, mwaita bhasa Mulungu, Abhabha wathu, pa vinthu vense. ²¹Zichepeseni pakugopa Kristu.²²Akazi, lemekezani azimuna wanu ninga momwe mukumu lemekezela Ambuye, ²³ndawa mwamuna ndiye nsolo wa nkanzi wake ninga momwe Kristu mwalili nsolo wa chechi, pakukhala mpulumusi wathupi iyo. ²⁴Manje apo, ninga momwe chechi muyimba lemekezela Kristu, akazi awo alemekeze amuna wawo muvilinvense.²⁵Amuna imwe, pitilizani kufuna azikazi wanu ninga momwe Kristu mwanafunila chechi nikuzi peleka yekha ndawa cha chechi imweiyo, ²⁶manje anauchenesa pakuusambika mumadzi mumafala a Mulungu. ²⁷Anaita vimweivo kuti yemweuyo atambile chechi iyo ili yakukomeza manje pomwe iyo ya mphanvu, ilibhe chakuipa kabhanga makuinya kabhanga pomwe chilichense cha vinthu ninga ivo, koma kuti ukhale wakuchena ulibhe chakuipa.²⁸Pa njila imweiyi azimuna afune azikazi wawo ninga mathupi yawo.ule iye ambafuna nkazi wache, ambazifuna yekha, ²⁹pakuti palibhe munthu anazondapo kale thupi yake, manje amailhesa na kuifuna, nimamweumo Kristu ambaitila na chechi, ³⁰ndawa ndise vinthu va thupi yake.³¹Ndawa ya vimweivi, mwamuna azasiye apaiwake na amai wake, nkukazipatikiza kwa nkazi wache, manje awili amweyawo azakhale thupi ibhodzi. ³²Chinsinsi chaku sankhuliwa nichi mweichi chikulu kwenekwene. Manje apa nikulewalewa za Kristu na chechi. ³³Koma aliyense wa imwepo afune nkaziwake ninga momwe ambazifunila yekha, koma nkazi alemekeze kwenekwene mwamuna wache

¹Imwe wana, tetekelani azipaiwanu mwa Ambuye, pakuchita vimweivi pakuteweza. ²Umbalemekeza apaiwako na amaiwako, ndiwo ntemo waku nthoma waku khala na chipangano: ³Kuti vinthu viyende bhwino, manje kuti ukhale na moyo utali padzikolino yapasi.⁴Imwembo azipai, musakalipise mitima wana wanu, koma muwachengete pakuwafwunzisa mwa Mulungu na kuwafwunzisa kakumbukidwe kache.⁵Anyabhasa imwe, mumbatetekela wanthu iwo ni ambuye wanuawo. Mumbawagopa na kuwalemekeza na ntima wense, ninga momwe mumumbachitila na Kristu. ⁶Aikona mwachi masomaso ngati wakufuna kukomezesa wanthu, manje ninga anyabhasa wa Kristu,wakuita vakufuna va Mulungu na moyo wense. ⁷Khalani anyabhasa wakukumbuka vabhwino, ngati waku phatila bhasa Mulungu, osati wawanthu, ⁸ninga mumbadziwa kuti chabhwinoicho chilichense ndicho, munango aliyense angaiite, azachitambile pomwe kwa Mulungu, peno munthu womweuyo akhale nyabhasa penango waufulu.⁹Imwe ambuye, mumbawachitila anyabhasa wanu vibhodzibhodziivo manje muleke kuwagosuweza, manje mumbadziwa kuti Ambuye wamwense imwepo, wa amweyao ni waimwepo, ali kudzulu iye asankhulalini.¹⁰Pakumalizila nikuti, pitilizani kukhala na mphanvu, kuchokela kwa Ambuye manje apo kuchokela namphanvu yake yaikulu. ¹¹Valani vinthu vense vankhondo vakuchokela kwa Mulungu kuti musazunguzike pakulimbana na vakuchita vakunama vasathana.¹²Ndawa manje tikulimbanalini na wanthu wathupi yamagazi na yanyama ayayi, koma namabhoma, naulamulilo, wakutonga dziko amudimaumu, nama gulu yamizimu yakuipa kumbuto yakudzulu. ¹³Pa saka yavimweivi, takulani vinthu vense vankhondo vakuchokela kwa Mulungu kuti musakundiwe pansiku yakuipa, manje apo mutaita vense bhwinobhwino, kuti mukwanise kukilikitana naye¹⁴Pamweyapo khalani wakuchiwilila, munamanga kwenekwene chadhidhi munchuno mwanu, valanipomwe chakuvigila pachifuwa chachadhidhi, ¹⁵miyendo yanu muvale butsu yakukonzekela kulewa mafala yabhwino ya ntendele. ¹⁶Kukunda vense, tengani chisimbi chachisimikizo, chimwe muzakwanise nacho kuthimila mivi yense yakugaka moto ya wakuipauyo.¹⁷Manje apo, tambilani heti yakulimba yachipulumuso, na bemba ya nzimu, iyo ndiyo mafala a Mulungu. ¹⁸Pamweyapo mukaita vimweivo, mumbapemphela pa vakuchitika vilivense muuzimu, mu khaindi iliyense ya pemphelo naku pemphelela. Kuti muite vimweivi, khalani tuni osalekeza kupemphela nakupemphelela pambuto pawakuchena wense,¹⁹kuphatanizila inepo. itani vimweivi ndawa nikafungula pamulopo pangu kuti nilewelewe, nimbakwanisa kulewalewa mwantendele kuti nidziwise anango chinsinsi chaku sankhuliwa namafala yabhwino, ²⁰umwe nili nkulu wake waku mangiwa nansimbi, manje kuti nilewe zamafala wake mwakulimba ntima ninga umo nikufunikila kuitila.²¹Manje apa, kuti mudziwe pomwe ninga muvikuyendela vinthu pa moyo wangu monga inepo munilili, Tukiko, mbhale wakufuniwa manje pomwe ntumiki wakudhalilika kwa Ambuye, akukulukulileni vense. ²²Namutumiza kwa imwepo nakufuna kumweuku, kuti mudziwe momwe vinthu muvilili kwaise nakuti azizilise mitima yanu.²³Ntendele na kufunana manje pomwe kudhalilika zimbachokela kwa Mulungu Abhabha, na kwa Ambuye Yesu Kristu, zikhale kwa bhale imwe. ²⁴Na ntima wabhwino waukulu ukhale kwa wense omwe ali nachikondi chaicho chaicho pa Ambuye wathu Yesu Kristu.

¹Paulo, nhabhasa wa Kristu Yesu, mwakufuna kwa Mulungu, na Timoteyo, m,bhale wathu. ²Kuna abhale wakuchena m,tima akukhulupilika mwa Kristu ku Akolose. Kukoma m,ttima maningi m,ntendele wakuchoka kwa Mulungu abhabha wanthu (vikhale naimwepo. na mwa Yesu Kristu). ³Timbathoza Mulungu, Bhabha mwa Ambuya wathu Yesu kristu, tikamapemphelela imwe nthawe zense.⁴Ife tidanva za chikhulupililo chanu mwa Yesu kristu na chikondi chimene mulinacho kuna wense wakuchena wa Mulungu, ⁵Kamba ka chiyembekezo chomwe munasungiliwa kudzulu. Imwepo mudanva pakuyamba za chiyembekezo m,mafala yabhwino achadidi. ⁶Mau yabhwino afikila imwepo dasuwawi akubala zipaso kuti phindu yake ithumizilike dziko yense, nichibodzibodzi kuna ise kuyambila nsiku yamene munanva nakudziwa chabhwino cha Mulungu cha chadidi.⁷Vamweivi mwavifundila kwa Epafula, nhabasa mwanzathu okondedwa, iye ni nsogoleli wakudalilika wa Kristu, (kamba: kainse). ⁸Iye ndiye adatiuza chikondi chanu mwa m,nzimu.⁹Dasuwayi, inse pomwe tidanva, tilibhe leke kukupemphelelani takhala tikukumbila kuti mukhale wakudziwa bhwinobhwino vakufuna iye, kuti mukhale nanzelu mumbavesesa vinthu vauzimu. ¹⁰Tikupemphelelani pomwe kuti mumbayenda ninga mwakufunikila mwa Yehova, kuti muzimukondwelesa, pachilichense na kufundila basa iliyense yabhwino na kupitiliza kudziwa Mulungu mwa chadidi.

¹Ine Paulo, nili paphodzi na Silivano na Timotiyo, nikulembela chechi yaku Tesalonika mwaku nvelana na Mulungu Abhabha na Ambuye Yesu Kristu, kuti: ntima wabhwino waukulu na ntendele ukhale namwe.²Nthawe zense timbachita mwa bhatabhasa kuna Mulungu timbatomola zaimwepo mwense muma pemphelo yathu. ³Timotiyo pakuti timbakumbukila nthawe zense bhasa yanu yaku dhalilika, namabhasa yanu yakufunana. Timbaita vimweivo paku kumbukila momwe mumuna chuwililila ndawa wakudhikhilila kwanuuko mwa Ambuye wathu Yesu Kristu, pamaso pa Mulungu waife ni Abhabha.⁴Manje timbadziwa, imwe abhalewathu wakufuniwa na Mulungu, Mulungu wamweuyo ndiye anakusankhulaani. ⁵Ndawa pomwe pitika lalikila mafala ya bhwino kwa imwe, tikachitalini kungo lewalewa ayayi, manje mafalawo anakubhatani kwenekwene, manjeso anabwela pabhodzi na mphanvu ya nzimu wakuchena, ndipo unaitisa kuti mukhale waku simikiza ntima kwenekwene, manje imwepo mukudziwa vimwe vitinakuchitilani pakufuna kukuthandizani.⁶Imwepo manje munakhala wakutowezela ifepo, koma manje munatowezela Ambuye, pakuti munatambila mafalawo nakukondwa kwa nzimu wakuchena, vingakhale kuti mukali mumavuto azinji, ⁷mwakuti munakhala chisanzo kwa wakudhalilika wense waku Makedoniya na waku Akaya⁸Manje apo, ni ndawalini kulewa kuti mafala ya Mulungu yaku chokela kwaimwepo yanveka ku Makedoniya naku Akaya kumweuko basi ayayi, koma kunango kulikwense nakudhalila kwanu Mulungu wa nvekela, mwakuti ifepo tikufunikalini kulewapo chinthu. ⁹Pakuti amweyawo ambalewa ninga ifepo mwitinafikila pakati paimwe pakuyamba. Ambalewa pomwe momwe imwepo mumuna tembenukila kwa Mulungu, kusiya mafano wanu kuti musewenzele Mulungu wamoyo wachadhidhi, ¹⁰ni kuimilila mwana wake kuchokela kudzulu, iye anamulamusa kwa wakumwalila. mwanauyo ni Yesu, umwe akutipulumusa ku ukali ukubwelauyo.

¹Kulewa chadhidhi, imwepo mukudziwa abhale, kuti ulendo waife kwa imwepo ukalilini waku saya bhasa. ²Manje mukudziwa kuti pakuyamba tinachupika na kuchitiliwa ndewo ku Filipi, tinalimba ntima mwakuthandiziwa na Mulungu wathu manje tinalewalewa kwa imwepo mafala yabhwino ya Mulungu mwakuchupikila kwenekwene.³Manje apo, tikukudhandaulilanilini ndawa vakukumbuka vakuphonyeka kabhanga wakuipisiwa, kabhanga pomwe wakunama ayayi. ⁴Koma inde Mulungu pakutiona kuti ndise wakufunikila kupasiwa bhasa yakulalikila mafala yabhwino, tikulewalewa ninga wanthu waku kondwelesa Mulungu, ndiye amavumiza mitima yathu, osati ninga akukondwelesa wanthu.⁵Manje apo, tilibhekuyambe talewalewapo mafala yakuti mwa phatabhasa yakunama, (ninga mukudziwakale), kabhanga kuita mwachi phuphuphu ndawa ya kusilila kwa nanje. Mulungu ndiye kamboni waife. ⁶Tikalilini kungozisagilila ulemo kwa wanthu ayayi, peno kwa imwe kabhanga kwa wanthu anango. Tilibheite vimweivo angakhale kuti ninga anyabhasa a Kristu, tikana kwanisa kukumbila kutiso mutilipilile vinthu vinango kuti mutithandize.⁷Pasaka yavimweivo, tinakhala wakudhelekha pakati paimwe, ninga momwe mayi wakuyamwisa mwamba chengetelela wana wake. ⁸Manjeso pakupeza kuti timbakufunani kwenekwene, tikali wakukonzeka kukupasani mafala yabhwino ya Mulungu. Manje apo osati mafala wekha ayayi, koma na miyoyo yaife chaiyochaiyo, ndawa tinakufunani kwenekwene. ⁹Chadhidhi abhale, mukukumbukila bhasa yathu ile itinaphata nakhama na kaluma yathu. Mwaphata bhasa usiku nama sikati kuti aliwense waimwe osati atilipilile chinthu chilichense pakufuna kutithandiza, tinalalikila mafala ya yabhwino ya Mulungu kwaimwepo.¹⁰Imwepo ndimwe akamboni, Mulungu naye nikamboni, ninga mwitimbakhalila mukusimikizila, na chadhidhi, alibhe chakuipa chakutinamizila, kwaimwepo wakusimikiza. ¹¹Mwaku nvelana na vimweizi, imwepo mukudziwa bhwino momwe mutika dhandaulila kwa aliwense waimwepo, ninga momwe abhabha ambaitila na wana wake, kukulimbikisani na kukunyengelelani, ¹²manjeso nichakuti mupitilize kufamba munjila imwe Mulungu, uyo kukuchemelani ku ufumu wake na mphanvu, ambafuna.¹³Nichadhidhi, ndawa yake isenafe tinaita kuti mwaphata bhasa Mulungu mwaku sayakulekeza. Pakuti pomwe pumunatambila mafala a Mulungu awo umunanva kwa ifepo, mulibhe kuwatambile ninga mafala awanthu ayayi, koma ninga alili, ninga mafala a Mulungu. Mafala amweyawa akuphata bhasa pomwe mwaimwe wakusimikiza.¹⁴Pakuti imwe abhale mwakhala waku tewezela machechi ya Mulungu yakunvelana na Kristu Yesu imwe ili ku Yudeya. Mukaitaso ndawa imwepo pomwe munathoma kuchupisiwa na wanthu akwanu uko, ninga pomwe iwo akuchupisiliwa na Ayuda, ¹⁵awo anaphaya angakhale Ambuye Yesu nama polofita naku sausa pomwe isepo. Manje iwo sakukondwelesa Mulungu, koma akufungiliza vinthu vakuphindulisa wanthu wense. ¹⁶Akulewa apo, pakuyesa kutilambiza kulewa kwa wanthu a dzinza inango kuti angapulumusiwe. Chakutowelela chake chakutiso, pakuita vimweivi nthawe zense akuthimizila machimo yawo. Koma manje ukali wake afikiliwa nawo.¹⁷Manje ifepo abhale, pomwe pitina ngingimizika kulekana namwe, pa nthawe yakuchepa, tinapitiliza kukukumbukilani tingakhale kuti tikakuonanili, manje tinayesa kwenekwene kuti tikwanilisile ntima lokoloko waukulu umwe utikalinawo wakungo funa kuona khope zaimwepo basi. ¹⁸Pasaka ya vimweivi, tikafuna kubwela kwa imwepo. Inepo Paulo nikafuna kubwela kawili kense, manje sathana anatchingiliza njila yathu. ¹⁹Manje chidhikhililo chaife, penango kusekelela kwaife nichani ndipo? eye, malipilo yaifepo tikuyatambila pamaso pa Ambuye waise Yesu, pa nthawe yakukhala iye konichani? ndimwepolini wale? ²⁰Chadhidhi, imwe ndimwepodhi wamphanvu na wakusekelela wathu

¹Manjeso pomwe pitilibhe kukwanise kulimbikila, tinaona kuti vilibwino tisale tekha ku Atene. ²Ise tinamutumiza Timotiyo bhale wathu ni nthumiki wa Mulungu pa mafala yabhwino wakulewa za Kristu, kuti azakulimbikiseni na kukutonthozani muchisimikizo chanu, ³kuti pasaoneke munango wakupatuliwa na masauso amweyawa. Pakuti imwe namwembo mukudziwa kuti tikafunikadhi kugumana na vimweivi.⁴Manjeso pomwe pitikhali namwe pabhodzi, tinakuuzilanituni kuti tifunika kugumana na masauso, ndipo ninga mwavachitikila umo so imwe mukudziwa. ⁵Ni ndawa yake pomwe pitilibhe kukwanise kuchuwilila, ninatumiza kuti nidziwe za kusimikiza kwaimwepo, kuti kabhanga na njila inango, wakuyesa uyo angakhale akukuyesani , ndipo bhasa imwe itinabhata nakhama ingapite papezi.⁶Manje Timotiyo wafika mayimanje pomwe kwaise kuchoka kwa imwepo manje watiuza mafala yabhwino yakusimikizika kwa imwe na chikondi chanu. Ati mukupitiliza kutikumbukila nthawe yense, manjeso mulilokoloko kufuna kutiona, ninga momwe ise nase tililokoloko kufuna kukuonani. ⁷Ni ndawa yake abhale, na kusimikiza kumweuko kumukuonesa, mwatilimbikisa pa kusaya kwaife kwense na mumasauso wathu wense.⁸Inde ise manje tili na moyo ndawa imwe mukukhala wakulimba mwa Ambuye. ⁹Ko Mulungu tingamuite mwa phatabhasa mwakuita tani pa mafala ya imwepo, kuti timubwezele ndawa yakukondwa kwense kumwe kutilinako ndawa cha imwepo pamaso pa Mulungu waise? ¹⁰Manjeso usiku namasikati timbapeleka naku pemphelela namphanvu kuti tizaone nkhope zaimwe na kukwanisa vimwe vikusaika pa chisimikizo chaimwe.¹¹Manje apa Mulungu waife ni Abhabha mwenekachilouyo, ni Ambuye waife Yesu , atisogolele pa ulendo waife wakubwela kuna imwepo kuti vense viyende bhwino. ¹²Komaso , Ambuye akuthandizeni kuti muthimizile, manje apo kuti kufunana kwanu na kusimikiza kwa anzanuawo na kwa anango wense kukule. ¹³Ayite vimweivi kufikila atalimbisa mitima yanu na kukuyitisani kukhala mulibhe chakuipa na wakuchena pamaso pa Mulungu waife ni Abhabha, pa nthawe ya kukhalapo kwa Ambuye waise Yesu, pabhodzi na wakuchena wake wense.

¹Pakumalizila abhale, tinaku fwunzisani momwe mukufunikila kuti mufambile paku kondwelesa Mulungu, ndipo mukuitadi vimweivo. Manje tikufuna kuti tikudhandaulileni na kukukumbilani na mudzina ya Ambuye Yesu kuti muyende basi kuita vimweivi mwaku thimizilika. ²So mukudziwa malamulo imwe itinakupasani mwaku tongelewa na Ambuye Yesu .³Mulungu akufuna kuti mukhale wakuchena pakusiya kusamwa. ⁴Akufuna pomwe kuti aliwense wa imwepo akhale wakuchena na kudziwa kutonga thupi yake na munjila yakuchena kuti mukhale waku lemekezewa pamaso pa Mulungu, ⁵osati na ulokoloko wakusaya kutongelewa wa kugonana, ninga chimwe wanthu a dzinza inango wakusaya kudziwa Mulungu ali nachoicho. ⁶Manje akufuna kuti pasaoneke munango wakupweteka bhale wache kabhanga wakumu wonongela ufulu wache pa nkhani imweiyi, ndawa Mulungu azalange wanthu wense wakuita vimweivi, ninga momwe mutinakuuzilani na kukukulukulilani mwakunveka bhwino.⁷Manje Mulungu alibhe kutichemele pa kulekelela vakuipa, koma kuti tikhale wakuchena. ⁸Apa munthu wakulamba chifwunziso chimweichi akulambilalini munthu, koma Mulungu umwe ambaikha nzimu wache wakuchena mwaimwe.⁹Manje zakufuna abhale , zifunikalini kuti timbaita vakukulembelani ndawa imwe namwe, Mulungu ambakufwunzisani kufunana. ¹⁰Manje imwe mukuitadi vimweivi kwa abhale wense naku Makedoniya kwense. Manje apa tikukudandaulilani abhale kuti pitilizani kuita vimweivi basi. ¹¹Manjeso yesesani kukhala muntendele, osa ngenelela nkhani zanechilo, phatani bhasa na manja yanu ninga momwe mwitinakuzilani. ¹²Muite so kuti mumbayenda mwakufunikila pamaso pa wanthu wakunja manje apo kuti mukhale waku saya kusowa chinthu.¹³Manjeso abhale, tikufunalini kuti mukhale wakulekakudziwa za amweyawo wakugona muinfa, kuti muleke kuchita nsinsi mwakulingana na amweyawo wense alibhe chidhikhililo na vambaita. ¹⁴Ngati manje timbasimikizila kuti Yesu adhafa nakulamuka pomwe, kulewa kutiso umweule akugona muinfa kuchokela mwa Yesu, Mulungu azawagwezekese kuti akhale naye pabhodzi. ¹⁵Manje tikukufotokozelani ivi mwakunvelana na mafala a Mulungu kuti, ifepo wamoyoife ndife wakuti tizakhalepo pa nthawe yakukhalapoiyo kwa Ambuye, tizakhalelini pasogolo pa amweyawo wakugo muinfa.¹⁶Ndawa ya Ambuye mwenchilo azabhuluke kudzulu, na phanvu yaku tonga mafala ya nkulu wa angelo, na lupenga ya Mulungu. Manje amweyawo anamwalila mwa Kristu azayambe walamuka. ¹⁷Pakumalizila pake ifepo wamoyo wakusalaife, pabhodzi na iwo amweyawo, tizatengewe kuyenda mumitambo kukagumana na Ambuye, mudzulundzulu, manje kuti timbakakhala na Ambuye nthawe yense. ¹⁸Apo manje mumbalimbikisana na mafala amweyawa.

¹Apo manje za nthawe na nyengo abhale, mufunikalini kukulembelani chinthu. ²Pakuti imwe anekachilo mumbadziwa bhwino kuti nsiku ya Mulungu izabwele ndendende ninga mbava usiku. ³Pamweyapo idzalewe kuti: uzii na ntendele kuwonongeka kwakudzidzimusa kwa amweyawo nthawe imweiyo ninga vakuwawa vapakubheleka vankazi ali namimba, manje azapulumukelini.⁴Manje imwe abhale mulilini mudhima ayayi, kuti pansiku imweiyo izakudzidzimuseni ninga momwe ingayitile kwa mbava. ⁵Manje imwe mwense ndimwe wana waku ngwelewela manje ndimwe wana amasikati. Ndifelini a usiku kabhanga a mudhima ayayi. ⁶So manje tilibhe kupitilize kugona ninga amweyawo anango mwakuyitila, tikhale tuni basi manje tikhale basi wakukumbuka bhwino. ⁷Apo wakugona ambagona usiku, manje ule wakuledzela ambafuna kuledzela usiku.⁸Koma ifepo manje tili wamasikati, tikhale basi wakukumbuka bhwino manje tivale chakuzivigilila pachifuwa chachisimikizo na chikondi. Tivale pomwe chidhikililo chachipulumuso ninga heti. ⁹Ndawa Mulungu alibhe kutisankhule kuti tizaone ukali. Anatisankhula kuti tipeze chipulumuso kuchokela mwa Ambuye waise Yesu Kristu. ¹⁰Iye anati mwalilila, kuti peno tikhale tuni kabhanga tigone, tikhale na moyo pabhodzi na iyeuyo. ¹¹So manje pitilizani kunya malisana na kulimbikisana ninga momwe mumukuitila umo.¹²Manje apa tikukukumbilani abhale, kuti mumbalemekeza wanthu amweyawo akuphata bhasa na khama pakati pa imwepo, na amweyawo akukusogolelani mwa Ambuye na kukufwunzisani. ¹³Muwapase ulemo kwenekwene mwakufunana ndawa ya bhasa yawoiyo. Mukhale muntendele pakati paimwe. ¹⁴Chuwa tikudhandaula kwaimwepo abhale kuti, fwunzisani waku sayaita bhwino, lewalewani mwakulimbikisana na wale anantima wakulila, wakuneta athandizeni, khalani na ntima wakuzibweza kwa wense.¹⁵Munyanganisise kuti munago aleke kubwezela chakuipa pa chakuipa kwa munango aliwense, manje nthawe yense yeselani kuita vabhwino kwa wakusimikiza vayimwe nakwa anango wense. ¹⁶Mumbakhala wakukondwa nthawe yense. ¹⁷Mumba pemphela mwakusaya kulekeza. ¹⁸Timbapeleka mwaphata bhasa pa chilichense, pakuti chimweyichi nikufuna kwa Mulungu kwa imwepo mwa Kristu Yesu.¹⁹Osa dzima moto wa nzimu. ²⁰Lekani kunyoza mafala achipolofita. ²¹Simikizani vinthu vense. Phatani na mphanvu chimweicho chili chabhwino. ²²Patukamponi pali vakuipa pavinthu vilivense.²³Mulungu wantendele mwenekachilouyo akusankhuleni kuti muite nthumiki yake. Manje mbali zense abhale, nzimu waimwe, moyo waimwe, na thupi yaimwe, visungiwe pakusaya chakuipa na pakusaya chakumphonyeka chilichense, na nthawe ya kukhalapoiyo kwa Ambuye waise Yesu Kristu. ²⁴Umweuyo anakuchemelani ni wakusimikizika, chuwa azayitedhi vimweivi.²⁵Abhale, pitilizani kuti pemphelela. ²⁶Mutipasile moni kwa abhale wense na moni waku pasana na milomo wapaubhale. ²⁷Nikukutongani mwa Ambuye kuti kalata imweiyi ayiwelenge kwa bhale wense. ²⁸Ntima wabhwino kwenekwene kwa Ambuye waife Yesu Kristu kukhale nayimwe.

¹Ine Paulo, nili pabhodzi na Silivano na Timotiyo, nikulembela chechi yaku Tesalonika wakunvelana na Mulungu Abhabha waise, na Ambuye Yesu Kristu kuti: ²Na ntima wabhwino kwenekwene, na ntendele wakuchokela kwa Mulungu Abhabha na Ambuye Yesu Kristu, vikhale naimwe.³Tifunika inde timbalewa kuti mwa phatabhasa Mulungu nthawe yense ndawa chaimwepo abhale. kufunika so ndawa chisimikizo chanuicho chikukula kwenekwene, manje chikondi cha aliwense wa imwe kwa munzake chikudzalikizika. ⁴Manje ifepo tazikuza ku machechi wa Mulungu ndawa chaku chiwilila kwaimwe na chisimikizo chanuicho pakugumana namanzunzo na masauso wense amweyawo umukuchupana nawo awo. ⁵Umweuyu ni ucamboni wakutiso Mulungu ambatonga mwachadhidhi, manje ndawa ya vimweivi apa mwaonewa kuti ndimwe wakufunikila ufumu wa Mulungu, umwe mukuchupikila.⁶Kutonga kwa Mulungu uku kwachadhidhi ndawa akubwezela kusauka kwa wale akukusausani. ⁷pa nthawe imwe Ambuye Yesu azahonekele kuchokela kudzulu paphodzi na angelo wake wamphanvu mumoto wakugaka cheluchelu, imwepo manje pano mukuchupika muzaone kupumula pabhodzi naife, ⁸pa nthawe imweiyo azabwezele chilango kwa wale wanthu wakusaya dziwa Mulungu na kwawale wanthu wakusayakunva mafala abwino wakulewa za Ambuye waise Yesu.⁹Amweyawa azawatonge kuti atambile chilango chakuwonongewa chakuyendelela, nakuwachosa pamaso pa Ambuye na ku ulemelelo wa mphanvu zaiye, ¹⁰azaite vimweivi panthawe imwe azabwele kuzatambila ulemelelo mwakunvelana na wale wakuchena wake. Pa nsiku imweiyo, wense wale anasimikizila mwa iye uyo, azamusilile na kumunyanganisisa, ndawa pakati paimwe, munasimikiza umboni umweuyo witinakupasani.¹¹Na ndawa yavimweivi, manje timbakupemphelelani nthawe zense, timbaita vimweivi kuti Mulungu waife akuoneni kuti ndimwe wakufunikila kuchemelewa na iye, Mulungu wamweuyo aite mwakukwanila vinthu vense vabhwino vimwe akufuna kuita na mphanvu zaiye, ndipo aitise kuti mabhasa wanu wachisimikizo yakhale yakuphindula, ¹²kuti dzina ya Ambuye wanthu Yesu ilemekezewe mwa imwe, na imwe mwa iye, mwakunvelana na ubhwino m' ntima waukulu kwa Mulungu waise, na kwa Ambuye Yesu Kristu.

¹Manje abhale, za kukhalapo kwa Ambuye waise Yesu Kristu, na kusonkhanisiwa kwathu na iye, tikukukumbilani, ²kuti musafulumize kuzunguzika mumaganizo mwanu, kabhanga kupuswikapuswika na mafala yakulewewa muchiprofita yakuti nsiku ya Mulungu yafika, musaite vimweivo, yangakhale kuti nimafala apadzulu, kabhanga tsamba yakuoneka ninga yachokela kwa ise.³Munango asakupusweni pa nkhani imweiyi munjila iliyense, manje nsikuiyo izayambelini yafika, kupatukana kukalibhe kwaitika, manjeso akalibhe waonekela munthu wakusaya kutetekela malamulo, umwe ndiye mwana wakuonongeka. ⁴Iye ni wakupikisa umwe amaziikha padzulu pa aliwense wakulewedwa Mulungu kabhanga chilichense chakupemphelelewa, mwakutiso ambakhala pansi m'chechi ya Mulungu, n'kumbazionesa ninga Mulungu.⁵Koo mukukumbukilalini pomwe pinikalinamwe nikali kuku uzani vimweivi? ⁶Manje imwepo mukudziwa chimweicho chikuitisa kuti manje pano kusaya kuonekela, kuti azaoneke pa nthawe yake chaiyochaiyo. ⁷Chadhidhi, chinsinsi cha kusaya kutetekela malamulo kumweuku kulipo kale, koma kukukhalapo kufila wachoka umwe pano manje ali wakulambiziwa.⁸Pamweyapo wakusaya tetekela malamulo azaonekeletu, pomwe Ambuye Yesu azamumalize na m'nzimu wa m'kamwa mwache,na kumuphelatu pa nthawe imwe ilipoiyo kwa Yesu umweuyo kuzaonekele. ⁹Manje kukhalapouko kwa wale wakusaya kutetekela malamulo awo kukuchitika na m'phanvu ya Satana, azachite bhasa iliyense yamphanvu na chikumbuso vakunama na vakudabwisa, ¹⁰na kusaya chadidi na chinyengo chilichense, vense vimweivi azavichite kwa wale akuyenda kukaonongewa , ichi chizakhale chilango kwa amweyao ndawa alibhe kuonese kuti akufunafuna chadidi, kuti apulumuke.¹¹Ichi nindawa yake Mulungu wavumila kuti iwo anyengeke manje ambadalila vakunama, ¹²kuti wense azatongewe ndawa alibe simikize chadidi , manje anafuna vakusaya chadidi.¹³Manje ife tifunikadi kulewa kuti mwachita basa Mulungu nthawe zense ndawa chaimwe abale wakufuniwa na Mulungu, tifunika kuchita ivi ndawa Mulungu anakusankhulani kuchoka pakuyamba kuti muzapulumuke pa kukuchenesani na m'nzimu, manje so na chisimikizo chanu na chadidi. ¹⁴Anakuchemelani ku chipulumuso chimweichi kuchokela mu mafala yabuwino omwe tiwikukuwilila, kuti muzagumane ukulu wa Ambuye waise Yesu Kristu. ¹⁵Manje so abale, khalani wakulimba manje phatani namphanvu miyambo imwe imunaphunzisiwa, kabanga na mafala yapamulomo, penango kalata yakuchokela kwa ise.¹⁶apo manje, Ambuye waife Yesu Kristu mwenekachilo uyo, ni Mulungu baba waife, omwe anatifuna manje ambatilimbikisa panjila yakusaya kukangilila apo manje anatipasa kudikhilila kwabwino, na m'ntima wabwino waukulu, ¹⁷alimbikise mitima yanu na kukulimbikisani mumabasa yabwino iliyense apo so manje na mafala.

¹Pakumalizila abale, pitilizani kutipemphelela kuti mafala a Mulungu apitilize kumwazikila mwakufulumiza na kulemekezewa ninga momwe akuitila pakati panu. ²Mumbaita vimweivi kuti tipulumusiwe kwa wanthu wakupweteka anzawo ni wakuipa, pakuti chisimikizo chimbakhalalini na wanthu wense. ³Manje Ambuye ni wakudalilika manje azakulimbiseni na kukukhochelelani kwa wakuipisisa uyo.⁴Apo manje, isepo ninga n'teeleli wa Ambuye, tilinacho chisimikizo mwaimwe kuti mukuita vomwe vitinalewa manje muzapitilize kuita. ⁵Ambuye apitilize kusogolela mitima yanu kuti mumbafuna Mulungu kuti mumbalimbikila ndawa ya Kristu.⁶Apo manje tikukuphunzisani abale na dzina Ambuye Yesu Kristu, kuti mupatuke pa abale aliwense wakufamba mwakusaya kuoneka bwinobwino manje so mwakusaya kunvelana mwambo omwe utinakupasani . ⁷Pakuti imwepo mukudziwa momwe mukufunikila kutiteyezela.Tilibe kukhale mwakusaya kuoneka bwino pakati paimwe, ⁸kabanga kudiya chakudiya cha munango aliwense chafovolo. Mumalo mwabasa yathu imwe itinaiphata mwaku limbikila na kaluma yathu, tinaphata basa usiku na masikati kuti aliwense waimwepo asaye kutilipilila kanthu kalikense pakufuna kutithandiza. ⁹Tikulewalini kuti tinaita vimweivo ndawa yakusaya ulamulilo, manje kuti imwe mukhale chakuonesela, kwa imwepo, kuti imwepo mutiteyezele.¹⁰Manje so, pomwe pitikali na imwepo, tikali kukupasani ntemo uyu: ngati munango akufunalini kuphata basa, a sadiye. ¹¹Apo tikunva kuti anango akufamba mwakusaya kuoneka bwino pakati paimwe, akuphatalini basa pomwe, apo manje akupitila nkhani zomwe nizaolini. ¹²Wanthu watenepa tikuwauza na kuwadandaulila mwa Ambuye Yesu Kristu kuti, mwa kuphata basa mwa kulimbikila mwa kusaya kungenelela nkhani za wanthu anango,adiye chakudiya chomwe amwawo achiphatila basa.¹³Manje imwepo abale, musasiye kuita vabwino. ¹⁴Manje ngati munango akutetekelalini mafala wathu amu kalata iyi, muikheni kunja, manje siyani kuitila naye vinthu paphodzi, kuti aite manyazi. ¹⁵Koma osamuona ninga kapondo, manje apo pitilizani kumuphunzisa ninga m'bale.¹⁶Apo Ambuye wantendele mwenekachilouyo, akupaseni ntendele nthawe zense, m'njila iliyense. Ambuye akhale namwe mwense imwe. ¹⁷Tambilani moni wangu, inepo Paulo, wakulemba nekha, nakalembedwe kangu, iyo ni saini ya m' kalata yangu iliyense. Uku ndiko kulemba kwangu. ¹⁸Na kukoma ntima kukulu kwa Ambuye wathu Yesu Kristu kukhale naimwe mwense.

¹Inepo Paulo, nthumiki ya Kristu Yesu mwakulamuliliwa na Mulungu Mpulumusi wa wathu, na Kristu Yesu omwe ndiye kuyembekeza kwathu, ²nikulembela iwepo Timotiyo, mwana wangu chaiyechaiye pa chisimikizo: so kukoma ntima kumweuku, na nsinsi, na kusangalala, kuchokela kwa Mulungu ababa kwa Kristu Yesu Ambuye wathu zikhale naimwe.³Pale manje ninasala pang'ono kuyenda ku Makedoniya, ninakulimbikisa kuti ukhale basi ku Efeso.nikukulimbikisa pomwe kuti ukhale basi kumweuko, uwalambize wanthu wanango awo kuti aleke kuphunzisa chiphunziso chakusiyana na chathu, ⁴manje so kuti asatetekele nkhani zakunama, na kusokonezana mumadzinza ya makholo, vimweivi viphindulisalini, koma vingoyambisa mivunzo, manje viphindulisalini wanthu muchilichense chakuchokela kwa Mulungu chakulewa za chisimikizo.⁵Manje, chakufuna kutonga vimweivi vakuti tikhale na chikondi chakuchokela muntima wakuchena, makumbukidwe yabwino, manje so nachisimikizo chakusaya kunama. ⁶Wanthu anango alamba kutowelela vimweivi manje ataikisidwa ayamba kutowelela nkhani zakusaya basa. ⁷Amweyawa ambafuna kukhala aphunzisi a chilamulo manje akukumbukilalini vomwe alikulewa kabanga nfundo zomwe akuzilimbikila. ⁸Tidziwa kuti chilamulo ni chabwino ngati munthu achiphatisa basa mwakufunikila.⁹Viliso pakudziwa nfundo iyi yakutiso, ntemo imbaikhiwalini ndawa ya munthu wabwino, imbaikhiwa ndawa ya wanthu wakusaya kunva mitemo, wakulamba kutogewa, wakuleka kugopa Mulungu, wakutaza, alibe n'tima wabwino, akunyoza vinthu vakusankhuliwa, wakuphaya azipayiwawo na azimayiwawo, wakuphaya wanthu. ¹⁰Akusamwa, azimuna kuita chiwelewele na azimuna anzawo, wakuba wanthu, wamagunkha, kulumbila njanzi yakunama, ndipo manje wakuita chinthu chilichense chakuleka kunvelana na chifunziso pa kuchiteweza. ¹¹Chifunziso chimweichi chakunvelana na mafala yamuche akulemelela omwe anawaikha manja mwangu, wakuchokela kuna Mulungu wakukondwa.¹²Ine nikuti mwaphata basa Kristu Yesu Ambuye wathu awo ananipasa mphanvu pakuona kuti ndine wakuthembeka manje ananipasa basa. ¹³Anaita vimweivi ningakhale kuti kalekale nikali wakunyoza Mulungu, wakubonelesa wanthu wake, wazungo pomwe, manje ananiitila nsinsi ndawa yakuti nikadziwalini ndawa yakusaya kusimikiza. ¹⁴Manje ninatambila n'tima wabwino kwenekwene, kwa Ambuye waise, ninatambila pomwe chisimikizo na chikondi chakuchokela mwa Kristu Yesu.¹⁵Mafala wakulewa kuti Kristu Yesu anabwela mudziko kuzapulumusa wakuchimwa, ni mafala wachadidi ni wakufunika kuvumila na n'tima wense, na wakuchimwa amweyawa, ine ndine wakuchimwa kwenekwene. ¹⁶Apo manje ananichitila nsinsi kuti Kristu Yesu awonese kubweza m'tima kwaiye kwense kuchokela mwa ine wakutaza kwenekwene, kuti ikhale yezempulo kwa wale azamudalile chakufuna chakuti akapeze umoyo wakusayakumala. ¹⁷Kwa Mfumu yakuyendelela, yomwe ikufalini, iwonekalini, ndiye hekhauyo ali Mulungu, kwa umweuyo apasiwe ulemo na ukulu wakuyendelela. Ameni.¹⁸Mwana wangu Timotio, nikukutonga kuita ivi ndawa yachipolofita omwe analewelatu zaiwepo, kuti mwakunvelana na chipolofitaicho upitilize kumenya nkhondo yamuche. ¹⁹Ukhale na chisimikizo kukumbuka kwabwino chimwe anango akuchifutusila kumbali, poti chisimikizo chawo chaphwanyika ninga bote. ²⁰Anango mwamweyawa ni Hemenayo na Alekizanda, manje napeleka kwa sathana kuti akalangiwe, anfwunzile kuti afunikalini kulewa mwakunyoza Mulungu.

¹Apo manje, chakuyamba nikukudandaulilani mwense kuti mumbapeleka mapemphelo yaku pemphelela kuna Mulungu,mumbapeleka mapemphelo, mumbapemphelelana, mumbapeleka mapemphelo yakulewa kuti mwaphatabasa Mulungu,m'malo mwa wanthu wense, peno akhale khaindi iponi. ²Muite vimweivi m'malo mwa mafumu, m'malo mwa wanthu na wense wakulemekezeka, kuti tikhale na umoyo wa zii, wa m'tendele, manje kuti tikhale wakuzipeleka kwa Mulungu mwakufunikila koma tikhale wakukumbuka bwino. ³Zimweizi ni zamuche ndipo ni zakubvumiziwa kwa mpulumusi wathu Mulungu. ⁴Omwe kufuna kwake kwakuti wanthu, peno akhale wa khaindi iponi, apulumuke na kukhala wakudziwa chadidi mwakuteweza.⁵Pakuti pali Mulungu m'mphodzi, na m'khala pakati m'mphodzi pakati pa Mulungu na wanthu. Umweuyo ndiye munthu uyo Kristu Yesu. ⁶Iye anazipeleka kuti akhale malipilo wakukwana ndendende m'malo mwa wense, zimweizi ni zimwe azazichitile ukamboni pa nthawe yake. ⁷Ndawa chaukamboni umweuyu, inepo ninasankhuliwa kuti nikhale nkuwilili na m'nthumiki, nikulewadi chadidi, nikunamalini ayayi, ninasankhuliwa kuti nikhale m'funzisi wakum'funzisa wanhtu wa khaindi inango za chisimikizo na chadidi.⁸Manjeso, nikufuna kuti kulikwense azimuna apitilize kupemphela, kuimisa manja yawo yakuchena m'dzulu mwakuleka kukalipilana na kukangana. ⁹Mwakulingana na vimweivi, nikufunapomwe kuti azikazi ambazikomezesa na vakuvala vakufunikila, pakuvala mwakuzilemekeza mwanzelu, osati kungozikomezesa namasitayelo, akumangila tsitsi, golide,ngale, kabanga vakuvala vakudula kwenekwene. ¹⁰Manje mumbazikomezesa mwakufunikila ninga azikazi omwe ambati ambalemekeza Mulungu afunika kuzikomezesa, ambazikomezesa na mabasa yabwino.¹¹Pakum'funzila, m'kazi ambakhala zii ndipo ambakhala wakuvumila na m'tima wense. ¹²Nikuvumizalini kuti m'kazi ambam'funzisa kabanga kukhala nautongi wamwamuna, koma ambakhala zii.¹³Pakuti Adamu ndiye ananthoma kulengewa, n'kubwela Eva. ¹⁴Koma Adamu alibe namiziwe, koma m'kaziuyo ndiye ana namiziwa manje anataza. ¹⁵Apo manje m'kazi azakhochelelewe ndawa yakubeleka wana,ngati akupiliza kukhala na chisimikizo, chikondi, na kukhala wakuchena ndipo wakukumbuka bwino.

¹Mafala amweyawa ni wachadidi ngati munthu aliwense akuyesayesa kuti akhale wakuonelela, akufuna basa yamuche. ²Apa so wakuonelela akhale wakusaya mulandu, wakumulewela, mwamuna wa m'kanzi m'bhodzi, osaita vinthu mwakupitiliza m'gawano, wakukumbuka muche, walongosolo, wakutambila alendo, apo wakukwanisa kufhunzisa. ³Asakhale munthu wakumwa bwaduwa, kabanga wandewo, koma wakuzichepesa, asakhale waukali, kabanga wakufuna kwenekwene macheleni.⁴Akhale mwamuna wakutonga bwino muyi wake, ndipo akhale wakuti wana wake ambamutetekela na m'tima wense. ⁵Chadididi, akakhala kuti munthu adziwalini kutonga muyi yake, ko nyumba ya Mulungu angaichengete tani?⁶Osati akhale wakutembenuka manjemanje, kugopesela kuti angazikuze, ndawa chakusamwa, n'kutambila chiweluzo chakulingana na chimwe sathana anatambila. ⁷Koma akhale wakuti, angakhale wanthu anango wakumbali akumuitila ukamboni wabwino, kuti asanyozewe apo m'kugwela muchidindi cha sathana.⁸Nazombo n'thumiki, zakuthandila zikhale zilibe masenzeka, osalewa mafala awili, osafuna kumbamwa bwaduwa kwenekwene, manje so osafuna kupeza phindu mwachiutsotsi. ⁹Akhale wakuphata chisimikizo na m'mphanvu, chimwe nichinsinsi chakusankhuliwa cha Mulungu, ali nachi nkhumbu m'tima chakuchena. ¹⁰Manje, amweyawa ayesewe chakuthoma ngati alidi wakufunikila, manje apo phate basa ninga n'thumiki, pakuona kuti alibe mulandu wakumulewelela.¹¹Naombo azikazi akhale wakusaya masenzeka, osati wamaphulei, akhale wakuita vinthu mwakusaya kupitilila n'gawano, wakudalilika mu vinthu vense. ¹²N'thumiki wakuthandizila akhale azimuna a m'kanzi m'bhodzi, waku tonga bwino wana wawo, na miyi yawo. ¹³Azimuna wakuphatabasa bwino ambakhala na mbiri ya bwino na ufulu ukulu wakulewalewa za chisimikizo, mwa Krisitu Yesu.¹⁴Nikukulembelani vimweivi, ningakhale kuti nikudikhilila kuti nibwele kwa iwepo mwakusaya kunonoka. ¹⁵Manje ngati ninganonoke, nalemba izi kuti udziwe momwe ukufunikila kuitila pa m'nyumba ya Mulungu, imweiyo ni nyumba ya Mulungu wamoyo, nyumbaiyo ndiyo imbalimbikisa na kukhochelela chadidi.¹⁶Chadididi, chinsinsi chakusankhulikaichi, chimbalewa kukhala wakuzipeleka kwa Mulungu n'chachikulu chuwa:Iye anaonekela ninga munthu, anaonewa kuti ni wakulungama, pomwe akhali mzimu, anaonekela kwa angelo, analalikiliwa kwa khaindi ya wanthu, wanthu apadziko lapansi anamu simikiza, manje apo anatambiliwa kudzulu muwukuluwake.

¹Koma mafala yachipolofita ambalewadi kuti pa nthawe yaku sogolo, anango azagwe pa chisimikizo, ndawa yakutetekela mafala ya chipolofita, amweyawo niwakutaikisa, apo manje nivifhunziso vaviwanda. ²Vimweivi vizachitikepomwe basi ndawa chautsotsi wa wanthu wakulewa vakunama, pomwe chikhumbu n'tima chawoicho chili ninga chitswanga chakuchokela pakutswa na chisimbi chapamoto.³Wanthu amweyawo azalambize wanthu kuloolewa, manje azapeleke n'temo kuna wanthu kuti a leke kudiya vakudiya vinango vimwe Mulungu anavisika kuti wanthu awo ali na chisimikizo na wakudziwa chadidi mwakutoweza ambadiye kulewa mwaphata basa. ⁴Nikuti so ndawa yakuti chilichense chakusikiwa na Mulungu ni chabwino, manje apo palibe chimwe chifunika kulambiwa chikakhala kuti chatambiliwa kulewa mwaphata basa, ⁵ndawa yakuti chimbachenesewa na mafala ya Mulungu naku pemphela.⁶Ndawa yaku peleka mitemo iyi kwa chibale, uzakhale m'nthumiki yabwino ya Kristu Yesu, apo ukule bwino na mafala a chisimikizo manje chinfwunziso chabwino nichimweichi wachitoweza mwakuchi chengeta. ⁷Manje apo umbapatukapo pa nkhani zamagu'nkha zimwe zimbaipisa vinthu vakuchena vimwe azimayi wakukalamba vambalewa, pambuto pavimweivi, ukhale na kujailila chakuita vinthu vakukuthandiza kuti ukhalebasi wakuzipeleka kuna Mulungu. ⁸Pakuti kuita masenzeka wakulimbisa thupi nikwaku phindilisa padiki, manje kukhala wakuzipeleka kuna Mulungu kuna phindi mu vense, ndawa kumbaguma chipangano cha moyo uno, na moyo ukubwela uyo.⁹Mafala amweyawa ni wachadidi, ni wakufunikila kuwa tambila na n'tima wense. ¹⁰Na ndawa yavimweivi, tikuphata basa mwaku limbikila namphanvu, ndawa kuyembekeza kwaise kuli muna Mulungu ana moyo, omwe ndiye mpulumusi wa wanthu na khaindi iliyense, makamaka wakudalilika.¹¹Pitiliza kuwa fwunzisa na kuwa tonga kuti ambaita vimweivi. ¹²Osa lekelela kuti munthu aliwense aku akudelele pakuona kuti ndiwe m'diki, m'malo mwavimweivi khala ezempulo kwa wakudalilika, mukalewelewedwe, pakakhalidwe, mukufunana, na muchisimikizo, naka khalidwe kamuche. ¹³Pomwe ukunidikhilila yendelela kukhala wakuzipeleka paku welenga pakati pa wanthu, pakuwa dandaulila na pakuwa fwunzisa.¹⁴Osa nyozela daliso iyo yuulinayo, imwe iunapasiwa nandawa yachi polofita, pomwe gulu ya akulu akulu inakuikha manja pa iwepo. ¹⁵Fungafunga vinthu vimweivi mwakubisika, zipeleke pa vinthu vimweivi kuti wanthu wense aone kuti ukuyenda pasogolo. ¹⁶Nthawe zense umbazichengeta na vimweivo viumbachita, apo na vimwe viumba fwunzisa, yendelela kuita vimweivi, ndawa ukaitaso uzazipulumuse wekha, na wale wanthu akukutetekela.

¹Osa tsimula mwamuna wachikulile mwaku kalipa, manje umudandaulile ninga a paiwako, azimuna achilumbwana uwadandaulile ninga ni abale wako. ²Manje azikazi wachikulile akhale ninga ni amaiwako,azikazi a chisikana uwadandaulile ninga ni asisiwako, manje pakuita vimweivi osakhala nakukumbuka kuli kwense kwakuipa³Alemekezeni azikazi aziche, omwe alidi aziche. ⁴Manje ngati m'kazi m'ziche aliwense peno ali na wana kabanga azukulu, amweyawo afwunzile kukhala wakuzipeleka kuna Mulungu mumanyumba yawo chakuthoma, pa kubwezela kuna makholo na abuya wao ni vakuafunikila,pakuti vimwevi vikomezesa Mulungu.⁵M'kazi omweuyo alidi m'ziche, akusaiya wakumu chengeta, akuthemba Mulungu ndipo manje ambalimbikila paku pemphela naku pemphelela usiku na masicati. ⁶Manje omweuyo akutoelela n'ntima waulokoloko wake kuti azikhutise iye yekha, ni wakufa kale, loko kuti angakhale na moyo.⁷Apo manje, umbawapasa mitemo amweyawa nthawe zense kuti aleke kukhala na chakuntima chakuwanamizila. ⁸Nichadidi, koma ngati munthu akuchegetalini wanthu imwe ni basa yake kuwachengeta, makamaka a mubanja yake, walamba kusimikiza, manje umweuyo ni wakuipa kupambana munthu waku saya kusimikiza.⁹M'kazi m'ziche, wakunembewa palaeni lazikazi auziche, akhale namagole wakupitilila 60. akhale omwe akhali wakudalilika kunama mwamuna wake. ¹⁰Wakudziwika kuti anaita basa yabwino, analela bwino wana, akhali wakutambila alendo, anasambika minyendo ya Kristu, ana thandiza anango wakachupika, manje apo akaphata basa mwakulimbikila aliyense yabwino.¹¹Manje osalekelela kuikha azikazi aziche achisicana palayeni pa kuwa dandaulila omweuyo, ndawa yawu n'tima lokoloko wawo, chakufuna amuna chili pakati pawo na Kristu, ambafuna kuloo'lewa. ¹²Ngati viliso, anagumaniwa kukhala wakuphonya, ndawa alibe chengete chisimikizo chimwe chanawaonesa pakuyamba. ¹³Manje pa nthawe imweiyo anayamba kujailila osambaita chinthu, akango fambafamba m'manyumba yazawo, ambakhala osaita chinthu, ambakhala pomwe wamagunkha, wakupitila nkhani zanechilo, n'kumbalewalewa vinthu vakusafunika kulewewa.¹⁴Apo manje, nimbafuna kuti a'kazi auziche achisikana' ambalo'olewa, ambabeleka wana, ambachengeta nyumba zawo, kuti wamakani asaone ndawa, vinga bwelese zungo. ¹⁵Ndipo anango apatusiwakale kuyamba kuteyela sathana. ¹⁶Manje m'kazi aliwense waku dalilika ali na zibale omwe ni a'zikazi aziche, ambawathandiza, kuti azikazi azicheyao alekekukhala chakulemesa ku chechi, vikakhalaso, chechiiyo ingakwanise ku thandiza amweyawo alidi a'kazi a'ziche.¹⁷Akulu wakutonga bwino afunika kupasiwa ulemo ukulu, makamaka wale ambaita chungu yaku lewalewa na ku fwunzisa. ¹⁸Manje mafala ambalewa kuti so: usaimange ng'ombe mulomo pa nthawe iyo ikucheta mbewu, manje ule akuphata basa afunika kutambila pheyi yake.¹⁹Usavumile mulandu waku lewela m'kulu , kupatulapo ngati pali umboni waukamboni ziwili panango zitatu. ²⁰Wanthu omwe adjaila kuita vinthu vaku phonya, atsimuliwe pamaso pa wanthu,kuti anango aite mantha.²¹Nikuitila ukamboni pamaso pa Mulungu na Khristu Yesu na angelo wakuita kusankhuliwa,kuti ambateweza mitemo imweiyi pakusaya kutongelatu, usaite chinthu pa kukumbuka pa kufuna ku sankhula. ²²Usafulumize kuikha munthu aliwense pa udindo, kabanga kugawana nawo wanthu anango vakuphonya vawo,endelela kukhala nakakhalidwe kawu khrisitu.²³Iwe, usamangokumwa madzi wekhawekha, manje umbamwako vinyu padiki, ndawa yaku dwala kwako m'mimba kule kuwulinako. ²⁴Vakutaza va wanthu anango vimbaonekelatu padecha, manje vimwevi vimbaitisa, kuti atongewe, manje wanthu anango, vakutaza vawo vizambaonekela m'mbuyo mwake. ²⁵Nichibodzibodzi, basa yabwino imbaonekelatu pachena, ingakhale kuti zilekekuonekela zingabisikelini mpaka kale.

¹Wense amweyawo ali nachigoli chaukaidi ambawona kuti ambuye wawo ni wakufunika kumbapasa ulemo wawo wense, kuti dzina ya Mulungu naku fwunzisauko kuti asakuleweleni vakuipa. ²Apo manje, akaidi omwe ambuye wawo ni wakudalilika, osawapepusa ndawa ya kuti ni abale. M'malo mwavimweivi, akhale akaidi akuzipeleka kwenekwene, omwe akuphindula ni azi'nthumiki wabwino awo ni wakudalilika apo wakufuniwa.³Peno munthu aku fwunzisa chifwunziso chinango, manje akuvumalini mafala akulewewa, mafala Ambuye waise Yesu Khristu, manje so akuvumalini chifwunziso chakunvelana na kapelekewe kaise kwa Mulungu. ⁴Munthu wamweuyo ni wakuziikha na wakusamwa, manje ambanvesesalini vinthu vilivense, pambuto pa vimweivi, ambafuna kupopotezana na wanthu, kupikisana m'mafala, vimweivi vimbayambisa kuipidwa, kupopotezana, kunamizilana mafala akubwelesa zungo, kukumbukilana vakuipa. ⁵Vimbayambisa pomwe chiwowo, pa kanthu kadikidiki pakati pa wanthu wakubenda nzelu na wale wakuleka kudziwa chadidi, pakukumbuka na kukhala wakuzipeleka kuna Mulungu, na njila yakugumanila chabwino.⁶Apo kukhala wakuzipeleka kuna Mulungu kumweuko na paphodzi vikhale vakutikwanila vimwe vitilinavo, ni njila yachadidi yakuonelamo phindu. ⁷Pakuti tilibekubwele na chinthu mudziko, manje tinga bulemolini na chinthu. ⁸Aposo pakukhala na chakudiya, vakuvala na pakugona, vitikwanile vinthu vimweivi.⁹Koma, wanthu wakufuna kwenekwene kulemela, ambagwa akayesewa pa chinthuicho, iwo ambasekelela na vakufuna vawo apo vimbawapwetekesa manje ambaita vinthu mwaku saya nzelu.Vinthu vamweivi vimbawapweteka na kuwabwelesela nthamu. ¹⁰Pakuti kufuna macheleni ni mudzu wakuwawa wa khaindi iliyense, apo pakukulisa chikondi chimweichi, anango anasokelesewa anasiya chisimikizo, manje azibwelesela vakuwawa kwenekwene pathupi yawo.¹¹Manje iwepo munthu wa Mulungu, thawa vinthu vamweivi, utewelele chadidi, kuzipeleka kuna Mulungu mu chisimikizo, kufunana, kupilila, waku sudzuka. ¹²Menya nkhondo yabwino, yakuchengeta chisimikizo, phata na mphanvu moyo waku lekakumala. Anakuchemelela moyo wamweuyu, manje mwakunveka bwino, vinthu vakulewa na moyo wamweuyu na pamaso pakamboni zizinji.¹³Nikutonga pamaso pa Mulungu, wakupeleka moyo pa vinthu vense, mwa Yesu Khristu omwe anaitila ukamboni wabwino pamaso pa Pontiyo Pilato, nikukutonga, ¹⁴kuti uchengete ntemo, uichengete ulibe chakuipa, na vinango vikukunamizila, kufikila kubwela kwa Ambuye waise Yesu Khristu.¹⁵Wakukodwa na mphanvu yayekha, iye ndiye alidi Mfumu ya kutonga ninga mafumu, na Mbuye wakutonga ninga ambuye, azaoneke pa nthawe yake chaiyo. ¹⁶Iye yekha basi ndiye ana moyo wakusaya kuleka kufa, omwe ambakhala paku vinika pakusaya fikika. Palibe na munthu bodzi yekha anamuonapo kale , kabanga kuti angamuone, iye apasiwe ulemo, manje mphanvu zaiye zikhalepo kwaku lekakumala.¹⁷Lewa kunawale akulemela wadziko ino,aleke kuzikuza,aleke kudalila pa vinthu vawo,ndawa ya vimweivi,pafunika ku dikhilila Mulungu,ndawa ndiye ambatipasa chadidi chakukhala momweumo. ¹⁸Auze iwo kuti aite vinthu vabwino, akhale wakulemela pamabasa ya bwino, wakukonzekela kunthandizila. ¹⁹Ukaita so, iye azakuchengetele iwepo,chuma chomweichi, ndawa yakuti ndiyo mabasa yabwino kunawale akufuna kubwela, kuti apite mbuto yaumoyo wachadidi.²⁰Timotiyo, khochelela chomweicho chiuna pasiwa, chengela kucheza mafala alibe basa nanzako, kucheza mwakupikisana paku lewalewa,vibwelesalini nzelu. ²¹Anango, ambaita vinthu vimweivi, ndawa yake ambataika pachadidi.Phanvu zikhale naimwepo.

¹Paulo, mpostoli wa Kristu Yesu nakufuna kwa Mulungu,na ndawa ya polomisi ya moyo ili muli Kristu Yesu, ²Timotiyo, mwana waku funiwa:na m,ntima wako wabwino,na ntendele wa Mulungu, Kristu Yesu, Baba wathu.³Ine nikuthokoza Mulungu,iye unikuphatila basa, kuchokela kalenakale pa nthawe yama kholo wangu, na maganizo yabwino,na ndawa yakukukumbukila pa nthawe na nthawe pa iwe,muma pemphelo yangu, usiku nama sikati. ⁴Na kukumbukila misoziyako, nina chungu kwenekwene kukuona, kuti nikhale na chimwemwe. ⁵Nikukumbukila chikhulupirilo chabwino, chinakhala pakuyamba mwa mbuyawako Loidi na maiwako Yunisi. Inembo nikuvumila nachikhulupirilo chimweichi, kuti chapitambo mwaiwe.⁶Na ndawa yavimwevi, nikukukumbusa pachipo cha Mulungu,chili pali iwe na pakukuikha manja yangu. ⁷Pamweyapo Mulungu alibe kutipase nzimu wamantha, so wamphanvu, waku funana, na ulemo.⁸Manje usaite manyazi pakuitila ukamboni wa mbuya wathu, osati waine, Paulo, nkaidi wanu,ndawa yavimweivi, phatana na ine paku lalikila mafala mwakuchupikila,na ndawa yamphanvu ya Mulungu. ⁹Iye anatipulumusa, anatichemela na machemeledwe ya kuchena, osati na ndawa yamabasa yaise, na ndawa yapulano yake chaichaio,na kukoma ntima,iye atipasa mwa Kristu Yesu, pa nthawe ikanati yakhalapo. ¹⁰Apa manje chipulumuso cha Mulungu chinaonekela na ndawa yakubwela kwa mpulumusi Kristu Yesu, anamaliza mphanvu yakufa, anabwelesa kumwinika pa moyo yakusaya kumala, na ndawa yaulaliki. ¹¹Dawa yavimweivi,ine ninatambila mphavu yaulaliki, yaupolofeta, nayaku phunzisa.¹²Na ndawa imweiyi, inepo nane nimbachupika na chinthu chimweichi, manje ine nimbaitisiwalini manyazi,apo ine nikumudziwa omwe nikumukhulupilila ule, ine nilinacho chadidi,kuna umoule akuchengeta chadidi cha ine kufikila nthawe imweiyo. ¹³Phatisabasa mafala iyunanva yakuchokela kwaine, na chikhulupirilo, naku funana, ili mwa Kristu Yesu. ¹⁴Ubwino omwe wanaikha Mulungu pakuku dalila iwepo,kuchengeta nzimu wa kuchena, umbakhala mwaise.¹⁵Iwepo ukudziwa kuti wense aku Asiya anithawa ine, pama gulu amweyawa pali Figelo na Hermogene. ¹⁶Napamwapo Ambuye ainvele nsinsi banja la Onesiforo,nthawe zizinji iye akabwela kuzanilimbisa,alibe kuchite manyazi naku mangiwa kwa ine. ¹⁷Na tenepa, panthawe inikali ku Roma, iye anani sagila kwenekwene, iananiona. ¹⁸Ambuye vumilani kuti aone nsinsi kumbali yake pa nsiku yomweiyo, imwepo mukudziwa bwino monga mwanatithandizila iye ku Efeso

¹Iwe,mwana wangu, pitiriza kukhala na mphanvu, na kukoma ntima kuli mwa Kristu Yesu. ²

¹Paulo,Nhabassa wa Mulungu,Ntumiki Wa Yesu Kristu,Ninga mwachikhulupiriro cha hosankhuliwa wa Mulungu na kudziwa chaikochaiko,chilingati cha ,chipephelelo. ²Pakudhikhilila moyo osamala, kwa Mulungu wakusaya kunama,anadziwisa vikalibe vayamba pha nthawi venzekalibe kuyamba. ³pa nthawe ya iye hekha,anaonesa falawake mwakulalikila,ninga mwanani chengetela ine,ninga mwa lamulo ya pulumusi waise Mulungu.⁴Tito,mwana wangu chaiyechaiye ninga mwachikhulupiriro cha ise tense,umwai na ubwino wa mulungu,a Bhabha na Kristu Yesu mulumusi wa ise. ⁵ndawa yavimweivi ninakusia iwe Crete,kuti ukalewe vasala,ufake akulu miyi yense,ninga muninakuuzila.⁶kulu ofinicalini kukhala na mbili ihipi,akhale na nkazi bhodzi,wana otetekela iye,asa khale osokoneza anzake,akhale wana otetekela mafala. ⁷Pakuti nkulu,afunika kukhala,alibe chakuipa chilichense,ngati nsogoleli wa Mulungu;osati wakaso,osati waukali,osati wa nkhanza,osati wakumwa bhwadwa,osati wa ndeo,osati waku silila chakuipa.⁸Ofunika ,kukhala otambila alendo, wabwino wakuzibweza, wachadhidhi, wakuchena ntima, wakuzilambiza vakuipa. ⁹Iye akhle waku phata mafala chaiochaio, akhale waku konzeka,kuti akakuanise kufuunzisa anzake, naku lambiza lambiza vakuipa.¹⁰Ndawa alipo azinji, wakusaya kufuna kunva mafala, alipo wanthu anango ambalewa mafala wachabhechabhe, niwakunama amwahao, makama amwawale waku gwata. ¹¹Ndiwo ofunika kufungiwa mulomo,ndawa amwahao ofunzisa vinthu visafunika kufunzisiwa,wamanhozo iwo, ambaphasula bhanja yense.¹²Analewa mpolofita pakati pao:Akelete ni wakunama nthawe zense,vilombo vakuipa, wamakunu, waulesi. ¹³Mafala awa niwachuwa, uwauze mokalipa, kuti akhale wakulimba pachikhulupiriro.¹⁴Osa toweza vinzano vachabhechabhe vayuda,tisa towezele vakuchita vawanthu wakuzipatula, osia mafala chaiochaio.¹⁵Vense nivabhwino,kuliwale waku chena ntima; koma kuliwale wakuipa, wakusasimikiza mafala wamulungu,alibhe chinthu chabhwino,ndawa nzeluzao zasokonezeka na vakufuna vantima wawo. ¹⁶Iwo abvuma kuti Mulungu tikudziwa, koma mabhasa wawo akualamba Mulungu, ndawa niwakuipa wakusakunva, namabhasa wense wabhwino asimikizalini.

¹Iwe, lewa navingafunile na kafunzilo kabhwino. ²Azimuna akulu,afunika akhale katinakati, akulemekezewa, wakukhulupirira, na muchikondi ho,o wakuzisamala.³Azikazi akulu akhale wakulingana makhalidwe yabwino, asakhale wakumwa bwadwa, niyani yiye akufunzisa zabwino, ⁴Iye angalimbise akazi asikana akhale wabwino mukukumbuka nakukonda azimuna awo na wana awo. ⁵Akhale wakuzilambiza wakudelekha wakunga bwino nhumba zawo akunvela ayiwo wokha kuti mafala ya Mulungu angayitiliwe mwano.⁶Mwamwemo alumbwana muwadandaulile kuti akhale wakuzilambiza. ⁷Uyense kuzionesela wekha mabasa yabwino, pakuphunzisa mwanzako wonesela chilibe kunvunde,ulemekeze. ⁸Mafala wako akhale akusaya kugaziwa ,kuti iye olambiza achite manhazi osankha chinthu chakuipa chakutinhozesa yinse.⁹Anhabasa anvele Mulungu wayiwo wekha, awandwelese monvesa molamba mau awo. ¹⁰Usabe mau koma uwonese chikhulupililo chense chabhwino kuti akakomesele m,pulumusi wathu Mulungu chifunziso cha m,pulumusi wathu Mulungu mwa vinthu vense.¹¹Pakuti Mulungu waonesa kukoma mtima kwake kwakulu kumene kumbabhwelesa chipulumuso ku wanthu wense. ¹²Vamweivi vatindisa kulamba moyo osagopa Mulungu na zakufuna za dziko lapasi, nakukhala na nzelu zabhwino akulongosoka na akuzipeleka kwa Mulungu mu nthawi ino. ¹³Timbachita vamweivi pakuyimilila kukwanilisidwa kwa chiyekezo chakukomeza ni pakuwonesewa ukulu wa Mulungu ndinso kwa m,pulumusi wathu, Yesu khristu.¹⁴Omwe anazipeleka yekha ndawa ya ife, kuti atiwombole ku vinthu vakuipa vense, natileyesa kuti tikhale wanthu weke wake, wakulimbikila pa tchito zabhwino.¹⁵Lewa vamweivi, na kumulimbikisa na kuwansimula mwakuguilizana na ulamulilo wense wamene wapasiwa. Munthu aliyense asakudelele.

¹Yendelela kuwakumbusa kuti ambafewa na kutetekela maboma nawale akutonga, koma akhale akuyembekezela basa iliyense, yabhwino. ²Asalewele vakuipa aliyense, asakhale wakukalipa, koma akhale wakunhanganila na wakudhelekha kuwanthu wense.³Pakuti ngakhale ise, nthawi yinango tikhalibhe nzelu,waku saya kutetekela, wakuipidwa, anyabhasa avinthu vakuipa, akuyipa, wakuzondewa, okhala na chakuntima mbhodzi namunzache.⁴Koma mpulumusi watha Mulungu,adhawonesa kukoma ntima na kukonda wanthu. ⁵Iye adhatipulumusa, adhatisambika tinakhala wakubhalika manje, mwakutikonza na nzumu wakuchena, nithangwelini yamabhasa yathu yamuche,ayayi, koma ninsisi zaiye.⁶Mulungu adhatipasa m,nzimu uchena, pakati paiife,nthangwe ya mulumusi Yesu Kristu. ⁷Pakuti anatiyesa wamuche, mwa nsisi za m,ntima wake ukulu, tikhale nzika pakuimilila moyo wakusaya kumala⁸Mafala amweyawa ni yachadhidhi. Nikufuna kuti nthawi yense umbalewa vinthu vimweivi, kuchitilawale ambathemba Mulungu kuti akumbuke mwachadhidhi, pakuchita mabhasa abhwino. vinthu vimweivi ni vabhwino,yaku dhalilika kuna wanthu wense.⁹Manje ,iwepo peyuka mibvunzo yakupusa, kuchupana chupana, kusaya kutetekelana pa malamulo. Vinthu vimweivi vilibhe phindu, ni vapezipezi ¹⁰Mulambize munthu aliyense, wakufuna ku panduka pakati paimwe, ukamuuza kabhodzi ho,o kawili, pakumpasa basopo. ¹¹Pakudziwa kuti munthu wamweuyu watayika munjila yake, akutaza, akuzitongeselatu yekha.¹²Ine nikakutumizila Artema ho,o Tikiko, ufulumize kubhwela kwayine kuno ku Nikopoli,ndawa naona kufuna kukakhala kumweuku nthawe yakuzizila. ¹³Fulumiza, umutumize Zena, na wakutonga pabhozi na Apolo, na vinthu vense vakufuna.¹⁴Wanthu wathu afunika kufundila, na kulumbila pamabhasa yabhwino,kuti anvesese vikuchota mwaku fulumiza, kuti visakhale vapezipezi.¹⁵Wense alinaine kuno, akukumonisa.Amonise wense iwepo amatikonda mwachikhulupiriro. Ntendele ukhale kwamwese.