To view a copy of the CC BY-SA 4.0 license visit
http://creativecommons.org/licenses/by-sa/4.0/
Petero 1
11Petero, mutume wa Jesu Krisito. Kwa ajeni ariotsamuka, Ariotsagulwa, kosini Ponto, Galatia, kapadokia, Asia, na Bithinia. 2Ii ni kula na kumanya kwa chimbere kwa Mulungu Beyehu, kuchirira kazi ya utsukutsi ya Roho, kwa kukubali na kutimvhirwa mulatso wa Jesu Krisito. Neema ikale kwenu, na reri yenu ionjezeka.3Na aunulwe Mulungu na Baba wa Bwana Wehu Jesu Krisito. Kahiza unji wa mbazize, wahuvha kuvyalwa luphya kwa ungumbao wa urithi kuchirira kufufulwa kwa Jesu Krisito kula kwa ariofa. 4Kwa urithi usioangamika, kaunda kala na ukolo hebu kuvhunguka. Udziikwa Mulunguni kwa ajili ya yenu. 5Kwa uwezo wa Mulungu munarindwa kuchirira kuluvhiro kwa wokolwi urio u vhavho kare kufunulwa kahiza tsiku za mwisho.6Hendani raha kahiza riri, idzavhokala vikara ni sutu kwenu kudzisikira kushononeka kahiza majezo ga aina mbali mbali. 7Ili kukala kujezwa kuluvhiro renu, ririro na thamani Bomu kuriko dahabu ibanagikayo, idzavhokala iyo inajezwa kuchirira moho. ili kukala kujezwa kwa kuluvhiro renu kuonekane kahiza nguma, utukufu na Hishima kahiza ufunulwo wa Jesu Krisito.8Kumudzangwe kumuone iye , Ela munamuhenza, kamumona vivi, Ela munaamini kahiza iye na muna raha isiyoweza kwelezeka kwa raha iriyo idzi-udzalwa ni utukufu. 9Vikara munavhokera enye maomboreri ga kuluvhiro renu, wokolwi wa roho zenu. 10Manabii ayeya na ku-uza kwa dulama dzulu ya wokolwi uu, dzulu ya neema iriyo ingakala yenu.11Ayeya amanye ni aina yani ya wokolwi urio ungakudza. Ayeya pye amanye ni muda wani Roho wa Kristo ariye ndani ya yao were yunasumurirani nao. ii were inaomborera wakati arivhokala yunaambira chimbere dzulu ya kusirima kwa Krisito na Utukufu urio ungamutuwa. 12Yafunulwa kwa manabii kukala were anagahumikira mautu gaga, na si kwa ajili ya Ao enye, ela kwa ajili yenu masumuriro ga mautu gaga kuchirira arahu arehao injili kwenu kwa njira ya Roho Mutsunyu ariyehumwa kula Mulunguni, mautu ambago hata malaika anapola ya kufunwa kwa gago.13Kwa vivyo, Fungani viunu vya akili zenu. Mubwage dulama kahiza maazo genu. Mukale na ungumbao udziotimira kahiza neema iriyo rehewa kwenu wakati wa kufunulwa kwa Jesu Krisito. 14Here Ahoho asikizi, musifungwe enye ni tamaa murizo zituwa wakati murivho kala kamumanya.15Ela here iye ariyemwiha arivyo mutsunyu, namwi pye, mukale Atsunyu kahiza muhubi wenu wosi maishani. 16Kwa kukala idzi-andikwa, " Kalani Atsunyu, kwa kukala mimi ni mutsunyu." 17Na muchi-iha " Baba" yuyahu ahukumuye kwa hachi kulingana na kazi ya chila mutu, humira muda wa charocho kahiza kunyenyekera.18Munamanya vya kukala kavikarire kwa pesa hebu dahabu-vitu vibanangikavyo virivyo mwakombolwa kula kahiza muhubi wenu wa chizuzu murizo dzifunzya kula kwa Bezehu. 19Ela mudzikombolwa kwa mulatso hishima ya Krisito, here wa ng'onzi asiye kala na kaila hebu dowa.20Krisito watsagulwa kabila ya misinzi ya dunia, Ela vikara tsiku zizi za mwisho, yudzifunulwa kwenu. 21Munamwamini Mulungu kuchirira iye, ariye Mulungu wamufufula kula kwa atu ariofa ariye wamuvha utukufu, ili kukala kuluvhiro ra kwenu na ungumbao ukale kahiza Mulungu.22Mudzihendya roho zenu kukala tsunyu kwa kuituwa irahu jeri, kwa chausa cha henzo ra chidugu ridzirogoloka, kwa riro henzani kwa bidii kula moyoni. 23Mwavyalwa lwa vhiri, si kwa mbeyu ibanangikayo Ela kula kahiza mbegu isiyobanangika, kuchirira uzima na neno ra Mulungu ririrosala.24Kwa kukala, “Miri yosini ni here makodza na utukufu wa kwakwe wosini ni here ruwa ra kodza, kodza nikunyuluka, na ruwa nikugwa, 25Ela neno ra Bwana rinasala kare ra kare" uu ni uvhoro urio tangazwa here injili.
21Kwa riro, ikani tsonyani ui wosini, ulongo, unafiki, wivu na lawama. 2Here ahoho atsanga, muhende pola ya maziya madzo ga chiroho, ili kukala muweze kukula ndani ya wokolwi, 3Ichikala mudzitata kukala Bwana ni mudzo.4Inzoni kwakwe ariye dziwe ririro moyo ri-ishiro ambaro rakahalwa ni atu, Ela riro ridzitsangulwa ni Mulungu na nira thamani kwakwe. 5Mwimwi pye, mungadzhere mu mawe garigo moyo gajengwago dzulu ili gokale nyumba ya chiroho, ili ukale ukahani mutsunyu urio unaomboza dhabihu za chiroho zirizo zinakubaliwa kwa Mulungu kuchirira Jesu Krisito.6Andiko ni kunena vivi, " Lolani, nidziika kahiza zayuni dziwe ra pembeni, bomu ririrotsagulwa na ra thamani. yoyosi aaminiye kaiza iye "Kandaona waibu."7Vivyo hishima, ni yenu kwenu mwimwi mwaminio, ela kwa ao asio-amini, '' dziwe ririro kahalwa ni ajengi, riri rikala dziwe bomu ra pembeni,'' 8'' na, dziwe ra kudzikwala na mwamba una ahendya agwe.'' kwa arahu ario kala atsagulwa kwa riro.9Ela mwimwi mu lukolo lwotsangulwa, ukuhani wa chifalume, taifa tsunyu, atungwa a Mulungu, ili kukala mukaweze kupiga mbiyu ya mahendo ga kwangalaza ga yuyahu ariye muiha kula dzizani kudza kahiza mwangawe wa kwangalaza. 10Mwimwi vhavho chaho were kamuatu, Ela vikara mwimwi mu atu a Mulungu. Mwimwi kamuvhokerere mbazi, Ela vivi mudzivhokera mbazi.11Ahenzwi, nidzimurai here Ajeni na ario charoni kudzizulia kula kwa tamaa mbii za dambi, zirizo zinapigana viha na roho zenu. 12Munafaha mukale na muhubi mudzo kahiza mataifa, ili kukala, ichikala anda-amba mudzihenda mautu mai, andazilola kazi zenu mbidzo na kumulika Mulungu kahiza tsiku ya Kudzakwe.13Sikisa chila mamulaka ga mwanadamu kwa ajili ya Bwana, ichikala mufalme here mubomu. 14Ichikala atawali ariohumwa ku-avha adabu ahendao mai na ku-avha nguma arahu ahendao madzo. 15Kwa kukala ni mahenzo ga Mulungu kukala kwa kuhenda madzo munanyamaza masumuriro ga chipuzi ga atu apumbavu. 16Here atu huru, musihumire uhuru wenu here chibiningizo kwa mai, ela mukale here ahumiki a Mulungu. 17Aishimuni atu osini. Ahenzeni ndugu, muogovheni Mulungu, mwishimuni mufalume.18Atumwa, asikiseni abomu enu kwa hishima zosi, si tu kwa Abomu ario adzo na apore ela pya ario ai. 19Kwa kukala ni nguma ichikala yoyosi yundavumurira utsungu wakati asirimavho phasipvho hachi kwa chisingwa cha niaye kwa Mulungu. 20Ni faida yani iriyovho ichikala munaenderera kuhenda dambi chisha muenderere kubumwa adabu? Ela ichikala mudzihenda madzo na ndivhoo musirime kwa kuhukumiwa, ii ni nguma mbidzo kwa Mulungu.21Kwa riri mwaihiwa, kwa kukala Kristo pye wasirimishwa kwa ajili yenu, yudzimurichira mifano kwa ajili yenu kutuwa nyayoze. 22Iye kahendere dambi, hebu kauonekanire ulongo wowosi kanwani mwakwe. 23Wakati iye arivhoukanwa, kaudzirye ku-ukana, arivhosirima ka-aogofyere ela wadziomboza mwenye kwakwe iye ahukumuye kwa hachi.24Iye mwenyewe wazitsukula dambi zehu kahiza mwiriwe muhini, ili kukala husikale na sehemu kahiri kahiza dambi na kukala huishi kwa ajili ya hachi, kwa kupigwakwe mwimwi mudzivhola. 25Mosini muriokala muchitangatanga here ug'onzi idziyo angamika, Ela vikara mudziuya kwa Murisa na murinzi wa roho zenu.
31Kwa njira ii, mwimwi murio mu ache munahenzekana muasikise alume enu enye, ili hata ichikala anjine kadzarikubali neno, kuchirira muhubi wa ache ao ana weza kuvuhirwa vhasivho neno, 2kwa kukala ao enyee andakala adziona muhubi wenu mudzo, vhanwenga na hishima.3Ii ihendeke si kwa mapambo ga konze-kusongwa nyere, vitu vya dahabu, hebu mavazi ga muundo. 4Ela, kanda na vhavho ihendeke kwa utu wa ndani wa moyo, na kuzidi kahiza udzo wa kudzitsereza na kuhurira kwa moyo, urio niwa samani mbere za Mulungu.5Kwa kukala atu ache atsunyu adzirembesha enyee kwa njira ii. akala na kuluvhiro kahiza Mulungu na aasikisa alume ao enye. 6Kwa njira ii Sara wamusikisa Ibrahimu na kumuiiha iye "bwanawe". Mwimwi vikara mu anae ichikala mundahenda garigo madzo na ichikala kamuogovha mai.7Kwa njira iyo iyo, mwimwi alume munahenzwa mushi na ache enu muchimanya kukala ao ni ayawenu anyonge. Muchi amanya ao here avhokeri ayawenu a zawadi ya uzima. Hendani vivi ili kukala mavoyo genu gasizuliywe.8Mwisho, mwimwi mosini, mukale na nia mwenga, enye mbazi, uhenzo here ndugu, akudzitsereza, na apore. 9Msirivhe rii kwa rii , hebu tusi kwa tusi chinyume che, muenderere kubariki, kwa utu uu mwaihiwa, ili kukala muweze kurithi baraka.10"Iye ahenzaye maisha na kuona tsiku mbidzo sutu azuliye lurimilwe kwa kunena mai na milomo kugomba ulongo. 11Na agaluke na kurisha mai na kuhenda garigo madzo. Ayeye reri na kuituwa. 12Matso ga Bwana ganamona mwenye hachi na masikiro ge ganasikira mavoyoge. Ela uso wa Bwana uchinyume cha arahu ahendao mai.13Ni yuvhiye andiyemulumiza mwino, ichikala muna-aza ririro ridzo? 14Ela ichikala mundasirima kwa hachi mudzihaswa. Musi-ogovhe garahu garigo ao anagaogovha musikale na wasi wasi,15badala ye, mumwike Kiristo Bwana kahiza mioyo yenu here mutsunyu. Chila wakati mukale tayari kumujibu chila mutu andiye muuza mwimwi kwa tuwani muna tumaini kahiza Mulungu. Hendani vivi kwa upore na Hishima. 16Mukale na nia mbidzo ili kukala atu aukanao maisha genu madzo kahiza kiristo aweze kuaibika kwa kukala ananena chinyume dzulu yenu dzahere were muahendyi a mai. 17Ni vidzo muno, ichikala Mulungu yunahamirwa, vya kukala munasirima kwa kuhenda madzo kuriko kwa kuhenda mai.18Kiristo pye wasirima lumwenga kwa ajili ya dambi. Iye ariye niwa hachi wateseka kwa ajili yehu, hurio kala kahuna hachi, ili kukala ahurehe swiswi kwa Mulungu. Wafa kahiza mwiri, Ela achihendwa muzima kahiza roho. 19Kahiza roho wakwenda kuzihubiria roho zirizo vivi zichifungoni. 20Kazikarire za kusikisa wakati uvumirivu wa Mulungu urivhokala unatariza wakati wa Nuhu, tsiku za ujenzi wa safina, na Mulungu waativya atu achache- nafsi nane- Kula kahiza madzi.21Uu ni mumvhano wa ubatizo uaokolao mwimwi vikara, si here kuojesa nongo za mwirini, Ela here voyo ra nia mbidzo kwa Mulungu, kuchirira kufufulwa kwa Jesu Kiristo. 22Iye yu mukono wa kulume wa Mulungu, wakwenda Mulunguni, malaika, mamulaka,na Nguvu sutu vimusikise iye .
41Kwa vivyo, kwa kukala Kristo wasirima kahiza mwili, dzivisheni kwa nia iyo iyo. kwa yoyosi ariyesirima kahiza mwiri yurichana na dambi. 2Kwa vivyo mutu wa namuna iyo, kwa mudawe udziosala kahiza mwiri, kaishi kavhiri kahiza tamaa za anadamu, Ela yunaishi kahiza mapenzi ga Mulungu.3Kwa muda udzio-chira utosha kuhenda mautu ambago amataifa anahenza kuhenda, ufisadi, nia mbii, urevi, mitsango, nyambura za chimila na ibada za vinyago zenye matsukizyo. 4Anafikiri ni utu wa kwangalaza mudziikavho kanda kuhenda mautu gago vhamwenga nao, vivyo ananena mai dzulu yenu. 5Andaomboza hisabu kwakwe iye ariye tayari kua-hukumu ario moyo na ariofa. 6Kwa chausa chichi injili yahubiriwa kwa ao wariofa kare: kukala idzavhokala ahukumiwa kare kahiza miri yao here anadamu, ili aweze kuishi kelengana na Mulungu kahiza roho.7Mwisho wa mautu gosini unadza. Kwa vivyo mukale na ufahamu wa jeri wa kara kara na kalani na nia mbidzo kwa ajili ya mavoyo genu. 8Dzulu ya mautu gosini, kalani na chadi kahiza uhenzo kwa chila mumwenga, kwa kukala uhenzo kauyeya kufunula dambi za anjine. 9Onyesani mbazi kwa chila mumwenga bila kunung'unika.10Here arivyo chila mumwenga wenu arivyovhokera chipawa, chihumireni kahiza kuhudumikirana, here aimirizi adzo a vipawa vinji virivyolaviwa bule ni Mulungu. 11Ichikala mtu yundanena, naikale here mashauri ga Mulungu, na ichikala mutu yundahumika, na ikale here uwezo ario-uhewa ni Mulungu ili kukala chila dzambo Mulungu aweze kuunulwa kuchirira Jesu Krisito. utukufu na uweza vina iye kare na kare, Amina.12Ahenzwi, musitale jezo ambaro nikudzamujeza here chitu chijeni, idzavhokala kuna chitu chijeni chiricho kala chinaomborera kwenu. 13Ela chasi muzidivyo kupata mazowera ga kusirima kwa Krisito, Hendani raha ili kukala hukale na raha pye na kutsiratsira kahiza ufunulo wa utukufuwe. 14Idzavhokala mudzi-ukanwa kwa ajili ya dzina ra Krisito, Mudzihaswa, kwa kukala Roho wa utukufu na Roho wa Mulungu yunakala dzulu yenu.15Ela vhasikale na yoyosi asirimishwaye here muulagaji, mwivi, muhenda mai, hebu abagadikaye na mautu ga anjine. 16Ichikala mutu yunasirimishwa here mukrisito na asione waibu ela amunule Mulungu kahiza dzina riro.17Kwa kukala wakati utimira wa hukumu kwanzira kahiza nyumba ya Mulungu. Na ichikala inda-azira kwehu, vindakaadze kwa arahu asiokubali injili ya Mulungu? 18Na, ichikala “Mwenye hachi yunaokolwa kuchirira mautu mafu, indakaladze kwa mutu asiye hachi na ariye na dambi?'' 19Kwa vivyo osini asirimao kula na mahenzo ga Mulungu alavye nafsi zao kwa muumbi mwaminifu kuno achi-endera kuhenda madzo.
51Nina arai atumia ariomo kahi yenu, mimi, niriye mutumia muyawao na shahidi wa usirimi wa Krisito, na ariye vivyo vivyo ni mushirika kahiza utukufu undiofunulwa. 2Kwa vivyo, nina-mubuma moyo mwimwi atuminya, ririseni kundi ra Mulungu ririro kahi yenu, Riloleni, si kwa kukala ni sharuti, ela ni kwa kukala munatamani vivyo kulingana na Mulungu-riloleni si kwa kuhenza pesa za waibu ela kwa kuhenza. 3Musidzihendye abomu dzulu ya atu ario tsini ya uimirizi wenu, Ela kalani mufano kahiza kundi. 4Vhavho Murisa mubomu andivhofunulwa, munda ivhokera tadzi ya utukufu isiyoangamiza usamani wa kwakwe.5Virahu virahu, mwimwi nziriki, dzitserezeni kwa abomu enu. Mwimwi mosini, valani kunyenyekera na kuhumikirana mwimwi kwa mwimwi,kwa kukala "Mulungu yuna-apinga enye chiburi, Ela yunapatira neema adzitserezao." 6Kwa vivyo dzitserezeni tsini ya mukono wa Mulungu urio na nguvu ili kukala amuunule kwa wakatiwe. 7mufikeni haja zenu zosini kwa kukala yunamujali.8Kalani na mitsunzu, kalani matso. Yuyahu hadui wenu, ibilisi, here tsimba angurumaye, yunanyapira achiyeya mutu wa kumutsanyula -tsanyula. 9Imani chinyumeche. kalani na nguvu kahiza kuluvhiro renu. Mchimanya kukala ndugu zenu ario urimwenguni anachirira kusirima ngadza kuko.10Badala ya kusirima chiseho chifuhi, Mulungu wa neema yosini, ariyemwiha kahiza utukufu wa kare na kare ndani Krisito, yundamukamilisha, yundamwimisa na ku-abuma nguvu. 11utawali ukale kwakwe kare na kare, Amina.12Namukuluvhira silvano here ndugu mwaminifu, na nidzimwandikira mwimwi kwa chifuhi kuchichira kwakwe. Nina mubuma moyo wa ninashuhudia kukala nirichochiandika ni neema ya Jeri ya Mulungu, imani ndani ye. 13Aamini ario kuko Babeli, ariotsangulwa vhamwenga namwi, ninamulamusa, na Marko mwanangu, yunamulamusa. 14Lamusanani chila Mumwenga kwa busu ra uhenzo, na reri ikale kwenu murio ndani ya Krisito.
