Ngundu: Bible for Matthew

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

Chapter 1ok

1 One aleko kitabo k'osaambo wa yeso kristo,ona davidi,ona abrahamu. 2 abrahamu akoote isaka; isaka akoote jakobo;jakobo akoote juda la boto dande; 3 juda akoote tamara pereze la Zara;Pereze akoote hezoro;ezzoro akoote aram; 4 Aram akoote aminadab;aminadab akoote naasso; naasso akoote solom ; 5 Solomono akoote bowaza ka rahaba; bowaza okoote obede ke ruta; obede akoote isaya; 6 isaya akoote davidi. ko owandji davidi akoote solomono nde wade oriya; 7 Solomono akoote rabawome; rabawome akoote abiya; abiya akoote asa; 8 Asa akoote jozafate; josafate akoote jorame; jorame akoote oziya; 9 Ozia akoote jowatame; jowatame akoote ashaze; ashaze akoote ezekiya; 10 Ezikia akoote manase; manase akoote amone; amone akoote joziase; 11 Joziya akoote jekoniase nde la boto nda nde etana kekawalawoka le babilona. 12 L'okongo wa dawo le babilona, jekoniya akoote salatiele; salatiele akoote zorobabele; 13 Zorobabele akoote abiyudi; abiyudi akoote eliyakimu; eliyakimu akoote azore; 14 Azore akoote sadoke; sadoke akoote ashime; ashime akoote eliyude; 15 Eliyude akoote eliyazare; eliyazare akoote mathane; mathane akoote jakobo; 16 Yakobo akoote yozefu; omende la mariya, lende kakoto yeso, lelowo kristo. 17 Aleko nonga dikumi la nyeyi ama le abrahamu polo le davidi; nonga dikumi la nyeyi tate davidi polo ndo la kawalawo le babilone, ndo nonga dikumi la nyeyi tate ma lodawo da le babilone polo le yeso. 18 nyende wokona wakoto yeso kristo.Mariya, nyangende,etshi osonami wa yozefu,akayala la dikundu mbetamee la nyuma k'ololo,tondo ke vo kita fashi otoyi. 19 Yozefu, omende, etshi pami ke dimena ndo konanga mbondja soni,aka kombola ndjaka diwala loyisheshe lande. 20 Oko woho wakandakaniaka,akeni,andjelo w'owandji wakotombe l'oheka,ko mbote:yozefu,ona davidi,tookake woma da mbosa mariya,wadeye,ne da ona looto amboya oma le nyuma k'ololo; 21 akoota ona pami,ndo kowosha lokombo la yeso;one lo tsha wodja lo pekato yawo. 22 Keso tshe keka komi da kotsha kene kekate owandji le ombutshi: 23 Enda,emuma k'odimoto akoyala la dikundu,akoota ona pami,ndo kawowosha lokombo la Emanu,mbuta ate Zambi laso. 24 Yozefu akeeto akatshe kene kekawote ondjelo wa zambi,ko nde mbosa wadende. 25 koko nde ko tshikala lande wadi la omi polo ndo laakandote ona pami,lakawasha lokombo la Yeso.
Chapter 2

1 Yeso akoto le Bethelehema lo Yuda, lo saa ke kumekanga Herode, nyende ase tomba yomalene ahoto wonya wakakomi le Yerusalema, 2 Ndo wakate: lende ele kumekanga kase Yuda ambonoto? ne da takeni yoto yande lo leke la hoto wonya, ndo takaye ndjotemola. 3 Kumekanga Heride akoke osoku, akahangayika, ndo Yerusalema tshee lande. 4 Akahomanya epalanga tshee wa Kohani ndo Endele nombe wa wodja, ndo akayaewonya lewo lende amboto Kristo. 5 Wakawote: le Bethelehema ke le Yuda; ne da akandikama oma le Ombutshi: 6 Ndo wee, Bethelehema, kele ke Yuda, wee mete kema tshiki lo ngelo tshee ya lo Yuda, ne da omaleye owandji akotomba lenamo Izariyele, wodja wami. 7 Laso Herode akeye lo siri ase tomba, ndo ndjaewoya dimena lewo aya saa ngiana yele yoto djeko lo peta. 8 Ko akatomi le Bethelehema, ata: nyotshu, ndo nyotombela sango yamena loote wa ona dikenda; saa konyotana, kanyombewoya ndo lemi, kele kandje lemi leme ndjotemole. 9 Kisha mboka kumekanga, wakatshu. ndo nyende, yoto yakaweni lo leke la hoto wonya yakakendakenda letondo kewo polo lakawakomi lateyi lene atshi ona diknda, yoto yakemala. 10 Saa kekawende yoto, wakandama la fura ke woke. 11 Wakoto lo loodu, wakeni ona dikenda la Madiya, nyangende, wakakolama ndo wakotemola; wakafola le mwisho weshasha wewo, ndo wakotowe loko mboko, malashi ndo epomu. 12 Ko, wakahengwzma la nyuma kololo lodo da aha kaloya le Herode, wakakaloya lo wodja wawo lo mboka kikina. 13 Saa kekawatshu, nyende, ondje wOwandji akenamo loheka le Yozefu, ndo mbote: emala, osa ona dikenda ndo nyangende, lawo lEdjibito, ndo tshikala leko polo lomokotekete; ne da Herode akona ona da mbodaka. 14 Yozefu akemala, akoshi lotsho ona la nyangende, ndo wakatshu lEdjibito. 15 Watshikala leko polo lo nyoyi ke Herode, kele kekateketa Owandji oma le Ombutshi akotshami: lakele onami landja wEdjibito. 16 Laso Herode, akeni da akasengama la ase tomba, atshi la kele kefula, ndo akatomi da ndjaka ana tshee wa miaka ehende ndo walese watshi lo Bethelema ndo lo kete yande tshee, ndjelana la loshi lone lakandewoma la ase tomba. 17 Laso kekakotshama kene kekateketa Jeremiya, Ombutshi: 18 Wakoke ekoko le Rama, delo ndo lonyango: Rashele alela ana wande, ndo konanga meenda, loote vo kema lokina. 19 Saa kekavu Herode, nyende, ondjelo wOwandji akatombe Yozefu loheka, lEdjibito, 20 Ndo ata: emala, osa ona dikenda ndo nyangende, ndo otshoka lo wodja wIzariyele, ne da wane wakalange loseno lona dikenda wambovo. 21 Yezefu akemala, akoshi ona dikenda ndo nyangende, ndo akatshu lo wodja wIzariyele 22 Koko, akoke da Arkelawu akatawala le Yuda lo fashi ke Herode, shende, akoke woma da tsho leko; ndo, akadjangemela dimena loheka, akatshu le Galileya, 23 Ndo akatshu totshikala lo ngelo kelewo Nazareta, kele kele kekateketa Ambutshi kekotshami: akelame ose Nazareta.
Chapter 3

1 Lo shii yako Joani obatizani, asambisha lo shenga ya le Yuda. 2 Akataka: nyotubu, ne da Dolelo da lolongo daya suke. 3 Joani ele one lakasambisha oma le Ezayi, ombutshi, saa ketande: lane kele mboka ke one lawana lo shenga: nyolongosole mboka kOwandji, nyosawanishe towoka tande. 4 Joani atshi la dihondo da bosa da koho, ndo okawa wa lohoso dingana lo lokende. akalekaka akata ndo owe wa mona. 5 Ato wa le Yerusalema,wa le Yuda tshee ndo wa lo wodja yosukani Yordana, wakatshokaka lende; 6 Ndo, wakatubu pekato yawo, wakabatizama lande lo ndjale ke Yordana. 7 Koko, akeni ayaye lo obatizo wande ase Farisayo ndo akanga wa lokeso, akawate: doho delonyi, akanyote da ndawo kele keyaye? 8 Nyotondja okone olowa wa kinemo wa tubu, 9 Ndo tanyoyadjivunake lo mbuta lenyu nywame: taleko Abrahama oko mbapa! ne da lambonyote oma lo ane wave wane Zambi mbeyata tondja ana wa Abrahama. 10 Kakiye dimboko damboto lodo wesongo: osongo tshee okone wahatondja elowa wakohemboma ndo mbidjama lo dja. 11 Lemi, lambonyobatiza lashi, da nyotola lo kitubishi; koko kanga lamboya kisha lemi aleko la kudu ndekami, ndo lemi kema la kinemo da ndota elato wande. nde, akonyobatiza lo nyuma kololo ndo lo dja. 12 Aleko laa leedi lande lo lonya; akolongosola hewa kende, ndo akofufola mana yande lo leedi, koko akotshumba efumbu lo dja yaha dimala poo. 13 Laso Yeso akatshu le Galileya lo Yordana otsha le Joani, da ndjobatizama lende. 14 Koko Joani akaseke, ata: lemi kele la lazima labatizama laye, ndo omboya lemi! 15 Yeso akokadimula: tshika tshe kakiye, ne da aleko dihombo sho kotsha okone kene tshee kele kokele. ndo Joani komemala lokina. 16 Kakatate Yeso batizama, akatombe lashi. ndo nyende elongo wakadiho, ndo akeni nyuma ke Zambi keyaholo oko fudu kenga ndo ayaye lende. 17 Ndo nyende, doyi dakokema lelongo lo ene eteketa: one ele onami la ngandji efula, lende lambodja ngandji kemi tshee.
Chapter 4

1 Okone Yeso akosama la nyuma lo shenga, da ndetohembama lee Satana. 2 Malande Mila who akumi aneyi wayaani la shi akumi aneyi wootsho, akooke ndjala. 3 Okesani aka sukana, akawotee: naka oleko ona zambi, otee ave wayale skate. 4 Yeso akakaloya doyi :Akandikama: oto hasene tshoka lookate, koko, loteketa tshee watomba omalonyo wazambi. 5 Satana akawembe longelo ke kila, akokitsha ladiko da tepelo, 6 Ko akawotee: naka oleko ona zambi yasokola lokete; ne da akandikama: akosha akoka wande lee wandjelo wande lote waye, ko wayo keemba laanya dawooma woolo waye atohomanake laave. 7 Yeso akawote:akandikama lokina:Hoohemba kanga yema owandji zambi Kaye. 8 Satana akawembe lokina lokidima kootale efula,akawenya waoleelo tshee ndo lotombo lawo, 9 Koakawoote: lami kitshia ndaango nee tshee, naka ayo minyamee da tombolami. 10 Yeso akawotee: onee wee Satana! he da akafundama: omotemolaka owandji,zambi kaye, okookambeka ndamee. 11 Laso diabolo akootshike,ko enda andjelo wakeye tondo ka Yeso,wakookimanya. 12 Yeso,akooke da Joane aka lambika, akosama la Galileya. 13 Akoonee mala Nazareta, ko akatshu latokita laka Pernauma, kawaii lomamu wandjale, like la Zabulona,la Nefatali, 14 Dakotsha kene kekateketa Isaya,ombutshi: 15 Wodja wa Zabulona la Nefatali, waakiko lomamu wandjale me Wodja ndo loleeke la Jordana.Ndo la Galilelaya ka wodja. 16 Wodja wone wokiti lo didjima, wakeeni osaose wawoke,ko leewaye wakita lo Wodja wa didjima da nyoyi, osase wambahetee. 17 Oma lowenyaako Yeso akatee sambisha,ndo akate: nyotubu ne da dolelo da loolongo aya suke. 18 Oko wakanda taanoka lookenge wandjale kele Galileya, atoahende wootwee,Simona leelewo Petero, ndo Andele, lotoande wakokaka oteyi londjale ne da waaki akenya. 19 Akawatee:nyondjele lemi, ko layoonyo kitsha akenya waato. 20 kowonya wako Wakatshimbe Etshi ko wakooyele. 21 Oma laaso atatshu tshale, Akeeni akona anaango ahende,Yakobo Oma Zebedeyo la Joane lotoande,wane waaki lowaato vo la Zebedeyo shewo, wa kalongosolaka eteyi.Akawelee, 22 Ko Kaako Wakatshimbe waato ndo shewo, ko wakooyele. 23 Yeso akateteka lo Galileya tshee, afundisha lo Sinagogi, sambisha lokumu l'ololo la dolelo, ndo konola see hemo ndo akanga was lomo tshee was lo wodja. 24 Lokumu lande lakayale lo Siriuya tshee, ndo wakawela wane tshee wakasowaka la hemo ndo paa ya weho la weho, akanga w'edenge, kuse, la sema; k'O akakonolaka. 25 Oloyi wato w'efula wakoyele, oma le Galileya, oma le Dekapola, oma le Yerusalema, oma le Yuda, ndo lo leke la Yorodana.
Chapter 5

1 Akeni oloyi waato,yeso akadee lo kidima;ko,ma lande kita,ambeki wande wakasukana lande. 2 ko akadihola onyo,akaafundisha,ndo mbuta: 3 Deese le wane wele la wola waanima,ne da dolelo da Zambi deko dawo! 4 deese le wane wele lapaa,ne da wakosambema. 5 Deese le wane wele la otema dimena,ne da bo wako kita kete! 6 Deese le wane wele la ndjala ndo la posa ke mete,ne da wakolota! 7 Deese le wane wele la paa,ne da wakopata ketshi! 8 Deese le wane wele la otema dimena,wakeena Zambi! 9 Deese le wane washa kii,ne da wakelame ana wa Zambi! 10 Deese le wane wa soyama lote wa mete,ne da dolelo da Zambi deko dawo! 11 Deese nyakoyala,saa kowonyotola,nyosoya ndo wakota kashi lotenyu weho tshee waakambo wakoolo,lote wami. 12 Nyoke olo ndo nyonge la ongenongeno,lote wa madipo wanyu wakoyala woke l'olongo;ne da shambo yako yakawa soya ambutshi wetshi tondo kenyu. 13 Nyaleko leho la laakete.koko naka lamboshila pe kende,lana owokaloyalo?akosokoma laandja,ndo mbikamamee lekolo weeto. 14 Nyaleko osase waandja.ngelo ke woke kele lokidima kehakoke mbolama; 15 Ndo hawohetshaka tala ko mbidja lo dikonge,koko bo mbokitshaka lo mesa,ndo nde mendjiya wane tshe wele lo lodu. 16 Osase wanyu wahete okone laatondo keeto,da weni etsha wenyu we dimena,ndo watombole shenyu lele l'olongo. 17 Tanyokaniake da lakaye ndjonya olembe kana ambutshi;lakaye aha le ndjonya,koko da ndjo kotsha. 18 Ne da lo mete ke nyotemi,olongo la kete haweta paka tshe kekaandikama ke mbokotshama. 19 One lonya kaanga olembe otoyi wa tshiki l'ateyi w'elembe,ndo lofundisha ato da tshe shambo yako,akelame loleki tshiki lo dolelo da l'olongo;koko one lo wasedingola,ndo lofundisha da mbasedingola,osooto akelamee opalanga lo dolelo da Zambi. 20 ne da, lambonyote,naka mete kenyu haleki kene keendele ndo ke afarisayo,hanyoto poo lo dolelo da Zambi. 21 nyakooke kene ke katama le epalanga:toyakake poo;one loo yaka koka pata dilaanya oma le wa juji. 22 koko lemi,lambonyote te onetshe lomalee wonyande kokaka pata dilaanya male wa juji;one lote wonyande oteketa wa doonyo waha koke mbutama,kokaka pata dilaanya;ndo one lowote:djele!kokaka pata dilaanya da mbodja lo dja ya ngena. 23 naka ombeela olambo,kolako omboho da wonyaye aleko laye la dikambo, 24 tshika olambo wako laako,ko tshoka tondo toolongosole lande;ko,weendja le ndjo kimo olambo. 25 Okana esadi la otoni waye saa kelenyu lo mboka we lande ,lote wa hayokolambola le juji,ko juji hokolambola le opalanga w'ajuji,da hoyoto l'okodi. 26 Lambokote mete te,hotomba omaleko paka ombo dipa dikuta d'adihelo. 27 Nyakoke da akatama:tosheke loseka poo. 28 koko lemi, lambonyote te one tshe lenda odimoto ko mbokomia ambotshe loseka lande leteyi k'otemaande. 29 Naka so daye da lomi deko otakanya wa ekwelo keye,nyado ndo sokolado etale laye;neda ndeka dimema leye da eteni otoyi l'ateyi wa teni da demba naana,koliko demba daye lotondo mboto lo ngehena. 30 Ndo naka lonya laye la lomi laleko otakanya w'ekwelo keye,hembolalo ndo sokolalo etale laye;ne da ndeka dimena leye da eteni otoyi l'ateyi wa teni da demba naana,koliko demba daye l'otondo mboto lo ngehena. 31 Akatama:one la seka wadende awosha mukanda wa loseko. 32 Koko lemi,lambonyote te one la seka wadende,naka aha lote wa loseka,ambowete kanga loseka,ndo one latshuka odimoto lakawaseke ambotshe loseka. 33 Nyu nyakoke lokina da akatama le watshenyu:tolapake poo,koko k'okotsha otsha le owandji tshe kekayate mbetee oma lo kilapo. 34 Koko lemi,lambonyote aha ndapa kaanga, ongi le olongo,ne da leko kele ekiti ke dolelo; 35 Ongi lo kete,ne da lano kele fashi ke kitshande ekolo;ongi le yerusalema,ne da leko ngelo k'owandji wa woke 36 Aha ndapa kanga lokina lote waye, ne da wee hokoka mbidja wema kana odima divo otoyi. 37 Oteketa waye wayale mete, mete, kema, kema; kene kekotshawo ndjakaka le otoni. 38 Nyakeye da akatama: soo lo soo ndo nuu lo nuu. 39 Koko lemi, lambonyote aha mamana lotoni. naka oto omotshi ambokokomola lo tama daye da lomi, ewoyande lokina okina. 40 Naka oto omotshi ambolanga kenee, ndo mbosa kandjo keye, tshikende lokina dihondo dikina. 41 Naka oto omotshi ambokodjange da kendakenda midiyo, tshe lande mala hyende lande. 43 Nyakeye da akatama: okolanga osukani waye, ndo okotona otoni waye. 44 Koko lemi, lambonyote: nyolange atoni wanyu, nyotshokole wane wanyodja mananu, nyatshe ololo wane wanyotona, ndo nyolombe wane wa nyosoya ndo wa nyohenyahenya, 45 Kele nyoyale ona shenyu lele lolongo; ne da nde keda wonya wande le akanga wa koolo ndo akanga wamena, ndo nde kelosha vula le ase losembwe ndo wane wahsembwe. 46 Naka nyu nanga wane wanyolanga, naa madipo wakokanyu laa? elambodi welambo lokina vo menyaka woho waka wame? 47 Ndo naka nyu memulaka paka analengo wanyu, naa tshenyu kedimena? akagani nanganaka ndovo vame? 48 nyoyale okone kokele, oko shenyu lele lolongo aleko kokele.
Chapter 6

1 Nyotshike da ndjaenyanya lo losembwe lanyu letondo ke ato, da menamo; lokongo, hanyopata madipo omale shenyu lele lolongo. 2 Saa ketowanyu, ahamboda danga letondo keye, oko watshe wanafiki lo Sinagogi ndo lesese, kele da vo tombwama le ato. lambonyote lo mete, wambolongolaka madipo dawo. 3 Koko saa ketowaye, aha lonya laye la lomoso mbeya kene ketshe la lomi, 4 Kele woshasha waye wete lo siri; ndo sheye, lena lo siri, kakosha. 5 Saa kelombanyu, ahanyu ndjala oko wanafiki, wane walanga nomba wemema lo Sinagogi ndo latshuku wesese, da menamo le ato. lambonyote lo mete, wambolongolaka madipo wawo. 6 Koko saa kelombaye, oto lo tshumba keye, diha mulango waye, ndo lomba sheye lele leko lo fashi ke siri; ndo sheye, lena lo siri, akokosha. 7 Lo nomba, totake eteketa efula wanyanya, oko apagani, wafonya kana one la kudu keteketa kowowasha. 8 Tanyafonake; ne da shenyu mbeyaka kele kelenyu laa lazima, tondo kenyu mbolomba. 9 Nyende okone okonde wahombanyu nomba: sheso lele lolongo! lokombo laye la tshakwami; 10 Dolelo daye daye; lolango laye latshemi la kete oko lolongo. 11 Otosha lelo okate waso wa loshi tshee; 12 Otodimanyiya lo makosa waso, oko wadimanyiyaso ndosho wane watonge; 13 Totokonyake lohemba, koko ototshungole le otoni. ne da leye kele dango tshee, lo nongo tshee, Dolelo, kudu ndo lotombo. Amina! 14 Naka nyu dimanyiyaka ato munga yawo, shenyu lele lolongo akonyodimanyiya ndonyu; 15 Koko naka nyu hanyodimanyiya ato, shenyu honyodimanyiya lokina munga yanyu. 16 Saa ke keshanyu, tanyoyalake lokeyi, oko wanafiki, watsho elongi mbola, da menya ato da waleko lo kesha. lambonyote lo mete, wambolongolaka madipo wawo. 17 Koko saa kekeshaye, otele ote waye ndo sola elongi keye, 18 Kele aha menya ato da oleko lo kesha, koko sheye lele leko lo fashi ke siri; ndo sheye, lena lo siri, akokosha. 19 Nyo tshike ndjaombe dango da nemo lo kete lene ele loombo la kutu da lanya ndo lene akoka wovi tungona ko mbuva; 20 Koko nyo yaombe dango da l'olongo, lene ele loombo la kutu hawokoke tondola poo, ndo lene ele wevi hawokoke mboto ko mbuva. 21 Ne da lene ele ongonyu, leko kahomba monga otema waye. 22 Soo aleko tala da demba, ndo naka soo daye deko dimena kete demba daye tshee dakonga osase; 23 Koko naka soo daye deko koolo, kete demba daye tshee dakonga lo wodjima. koko naka osase wele leye aleko wodjima, angana woyala lo wodjima efula lo wodjima! 24 Ndokoto lakoka kambee ewandji ehende olemu. neda akohetsha omotshi ko nanga okina; omotshi, ko nde mbeko okina. nyu hanyokoke kambee Zambi la ongonyu. 25 Lote wako kanyoyemi te: nyotshike ndjakiyanya lote wa loseno lanyu nyate ayotole naa? kana lote wa demba danyu nyate: ayotolota? kana loseno haleki yango ya nde! kana demba haleki ahondo? 26 Nyende fudu ya l'olongo: vo hawone ndo hawoni ndo hawombe dango lo lokala, koko shenyu lele l'olongo mbaleshaka, ko nyu hanyoleki fudu kinemo? 27 Oto akona ahomba mboda wodu wande wa lonya lote wa yakiyanya nde lo loseno lande? 28 Ndo lande ayakiyanya nyu lote wa ahondo? nyo pate wetshelo oma le alembolembo wa loswee woho wolawo hawokambe ndo hawotele ahondo? 29 Ko lemi lambonyotee te: kaanga Salomona la lotombo lande tshee koondo taa oko otoyi omotshi wa l'ateyi wawo. 30 Ko naka Zambi ndotshaka alembolembo wane wele lelo ko loyi wakosokoma, ayoleka nyolotsha nyu akanga wa mbetawo ketshiki? 31 Okone nyotoyakiyanyake popo nyate otole naa? kana otono naa? kana otolota naa? 32 Ne da asakambo aleko apaganu katawoni shenyu lele l'olongo mbeyaka da ate nyaleko l'ohomba. 33 Nyoni tondotondo Dolelo ndo losembwe la Zambi; kele so dango tshee nyakodipata ladiko. 34 Nyotoyakiyanyake okone da loyi; l'akambo wande loshi la loshi l'akambo wande.
Chapter 7

1 Tanyolomboshake poo, kele ndonyu hanyolomboshama ndonyu. 2 Ne da wakonyolombosha lo kilombo kelomboshanyu, ndo wakonyopima lo kipimu kepimananyu. 3 Loote wana wenaye efumbu kele lo soo da onangeye, ndo wee heni yetshi yotamba yele lo soo daye? 4 Kana okonde wateye onangeye: otshike minya efumbu kele lo soo daye, wee lele la tshini yitamba yele lo soo daye? 5 Wanafiki, onya tondo tondo tsheni ya otamba yele lo soo daye, ndo laso koyena okonde wa minya efumbu lo soo da onangeye. 6 Tanyoshake akambo wekila le foo, ndo tanyosokolake fusa letondo ke tonona, la woma wa hawoyotambatamba lekolo, hawoyokaloya ndo hawonyohembola. 7 Nyolombe, ndo wakonyosha; nyoni, ndo nyakopata; nyokokole, wakonyodihola. 8 Ne da oto tshee lalomba nongolaka, kanga lona tanaka, ndo wakodihola kanga lakokola. 9 Oto akona lasanyu lasha onande dive, naka ambolomba okate? 10 Kana, nde mbolomba lose, ko nde mbosha oloyi? 11 Naka okone, ato wa koolo oko welenyu, nyumbeyaka mbisha dango damena le ana wanyu, mala ngiana le mbapa lele lolongo akosha dango damena le wane wolomba. 12 Kene tshee konanyu ato tshe lenyu, nyotshe yoho yako yame lewo, ne da oso olembe ndo Ambutshi. 13 Nyoto lo mulango wa tshiki. ne da woke kele mulango, woke kele mboka ketola ato leshishwolo, ndo efula koto loko. 14 Koko mboka ke tshiki, osese watshiki kele mboka ketola ato lo loseno, ndo koleko tshiki ke tana. 15 Nyowo Ambutshi wa kashi. waleko londja lenyu lahondo wekoko, koko leteyi waleko koto apotodi. 16 Nyakaweya lelowa wewo. onde vo mumbaka elowa ladiko datende, kana fingo ladiko dakalanga? 17 Osongo tshee toshaka elowa wamena, koko osongo wa koko toshaka elowa wa koolo. 18 Osongo wa dimena hakoke tondja elowa wa koolo, kana osongo wa koolo hakoke tondja elowa wa dimena. 19 Osongo tshee wahato elowa wa dimena akohemboma ndo lokwama lo dja. 20 Oma lo elowa wawo okone konyowaweya. 21 Wane wambute: Owandji, Owandji! hawoto votshe lo Dolelo da lolongo, koko one tshee latshe lolonga la shemi lele lolongo. 22 Efula wakombute loshi lako: Owandji, Owandji, sho kotabiri lo lokombo laye? sho kombitshanya edenge lo lokombo laye? ndo sho kotshe ahindo efula lo lokombo laye? 23 Laso lakowate hwehwe: lemi konyeya kanga loshi, nyomumwe, nyu wane wakatsheka pekato. 24 Dako dele, oto tshee loka eso eteketa watami ndo awadje lotsha, akofona la oto la yewo lakate loodu lande lo wave. 25 Vula kekalo, pepe ya kudu yakaye, pepe yakapepe ndo yakayakosha lo loodu lako: loodu lako koko poo, loote akahikama ladiko da wave. 26 Koko oto loka eso eteketa watami, ndo hawadje lotsha, akofona la oto laha la yimba lakake loodu lande lo lokongo. 27 Vula kekalo, pepe ya kudu yakaye, pepe yakapepe ndo yakakosha loodu lako: loodu lako lakako, ndo sowi datshi woke. 28 Kisha Yeso shila la mbuta eso eteketa, oloyi wato wakalange mafundisho lande; 29 Ne da akafundishaka oko atshi la lowandji, ndo aha oko Endele nombe wawo.
Chapter 8

1 .Laka holo yeso lokidima,oloyi wa woke w'ato wakoyele.2ndo enda,kanga sodi akasukana ko minyama tondo kande,ko mbuta:owandji,kana wee nangaka,koka mbedami.3.Yeso aka sambe lonya ,ko mbokime,ko mbuta:lambolanga,edama.kano ak'edama sodi. 4 .Ko yeso mbotee:yaomba da mbuta keso le oto,tshoka tenami le wakohani,ndo enya sadaka keka andika mose kele keso k'onge temwelo lewo. 5 .Oko wakoto yeso lo kapernaomu,oseka leta aka okomee,ko mbosengasenga 6.ndo mbuta:owandji,okambi wami ambolala lo lodu,amboka asonga mbola ndo ambosowa efula.7.Yeso aka wotee:lakotsho,ndo lakookalanganya. 8 .Oseka leta ak'okadimula:owandji,lemi oseka leshikikalelo da wee mboto lo lodu lami;koko ta tshoo dikambo otoyi,ko okambi wami ako kalangana. 9 Ne da lemi kele lese keepalanga ndeko la asoda leese ke wa ndjango wami ;ndo lambotee omotshi: tshoka!ko nde tsho,le okina:yaka!ko nde ndja;ndo le okambi wami:tshaa okoso!ko nde tshaa. 10 Oma la mbolongalonga,yeso aki loshangazo,ko nde mbutee ane wakayakisha: lambonyote lo mete ,kaanga lo Israelo hakoke tana lokina mbetawo ke woke. 11 Koko, lambonyote efula da efula wakoya oma lo ngelo ya gonna yaani ndo le ngelo ya Shana yaani,ndo wakoya lo meesa la abrahama,kaaka ndo yacobo,lo dolelo da l'olongo. 12 Koko ana was dolelo wako sokolama lo dijima da laandja,lene oyala delo la ekakatanu wa wanyu. 13 Ko yeso mbutee oseka leta: tshoka,osalemioko wele mbetawo keys.ko lo wonya oso lawo okambi akakono. 14 .Yeso,akatshu lokina lo lodu la petero.lene akaneni nyango wadende mbishama la hemo. 15 Akookimee la lonya lande,ndo demba djaa daka moo;ko akeemo,ko mbokambee. 16 .La dikolo,wakeela yeso edenge efula.Akatshanya edenge looteketa wande,ko nde konoya ase Nemo tshe. 17 Lote wakotshaa kene kekatama la isaya,ombutshi:akoshi Nemo yaso,ko nde ndja enema Nemo yaso. 18 Yeso,akeni oloyi wawoke mbolonga,akawatee da bo mbeta l'oleka wokina wa loshi. 19 Ondele otoyi akasukana,ndo mbotee:mwadimu,lakokoyela deka tshee doyotsho. 20 Yeso akokadimula:ekenge waleko la ehoko wewo,ndo fudu ya l'olongo djeko la kefu;koko on'oto kema la laambishama. 21 Okina,laasa ambeki,akawote:owandji,otshike tshu tondo tokunde shemi. 22 koko Yeso akokadimula:ondjele,ndo tshika edo wakunde edo wewo. 23 Akadee lo waato,ko ambeki wakooyele. 24 ndo enda,lopepe la kudu lakaye ko waato waka dihama la lotape.ko nde,etshi mbishama. 25 Ambeki waka sukana le ndjowetola,ko wakate:owandji,ototsha,tambovo! 26 Akawate:lootena welenyu la wooma,ato wa mbetawo ke tshiki?okone akeemala,akahangwee lopepe la ndjale,ko kii kekayale. 27 Ato waka shangala:nonoto one,wakawate,lele lopepe la ndjale mbookeka? 28 Letshinde l'oleka wale wedi,lo wodja wa gadara,edenge ehende,woma lo waombo,wakaye la tondo kende.weetshi la kele efula ndo kowoto laka pimi mbeta laano. 29 Ko enda,wakaawana:ele l'asaso laye,ona Zambi?okayelane le ndjotosoya tondo ke wakati? 30 etshi etale lawo oloyi wawoke wa sombo wakatetaka. 31 edenge waka lombaka Yeso,bate:naka wetotshanya,ototomi l'oloyi wa sombo. 32 Akawatee:nyotshu! wakatombe,ndo mboto le sombo.ko enda,sombo tshee yaka yayakaka esadi esadi lo eholola wa lo ndjale,ko wakavu leteyi keeshi. 33 wane wakaaleshaka waka lawo,ndo wakatshu loosomba wa woke tota tshee kene kekeete ndo ke kakomee edenge. 34 Okone osomba tshee wakatombe le ndjo homana la Yeso;ko,kakawa weni,wakosengasenga da monee lo ngelo kewo.
Chapter 9

1 Yeso, akade lo wato, akateho oduwa, ndo akatshu lo ngelo kende. 2 Ndo nyende, wakawela kanga hemo oshami lo kitanda. Yeso, akeni mbetawo kewo, akate kanga hemo: keketala, onami, pekato yaye yambodimanyiyama. 3 Loko, Ende nombe amotshi wakate leteyi kewo: one oto lotolana. 4 Ndo Yeso, akeye tokani tawo, akate: loote wana welenyu la tokani ta koolo letema wanyu? 5 Ne da, naa loleki kii, da mbuta: pekato yaye yambodimanyiyama, kana da mbuta: emala, ndo kendakenda? 6 Koko, kele nyeye da ona oto aleko laa ladiko da kete dikoka da dimanyiya pekato: emala, kekandate okoni, osa mbeto keye, ndo tshoka lo loodu laye. 7 Ndo akemala, ndo akatshu lo loodu lande. 8 Saa kekeni oloyi wato okone, wakandama la woma, ndo wakatombola Zambi, lakasha ato nye yoho ya dikoka. 9 Oma lanoo akatshu eyale efula, Yeso akeni oto okiti lo fashi ke dipishanawo, ndo lakelameka Matayo. akawote: ondjele. oko oto akemala, ndo akoyele. 10 Oko watshi Yeso lo mesa lo loodu, nyende, efula kelambodi welambo ndo ato wa loseno la koolo wakaye da ndjole lande ndo la Ambeki wande. 11 Ase Farisayo wakeni okoko, ndo wakate Ambeki wande: loote wana mwadimu wanyu ndekaka lelambodi welambo ndo ato wa loseno la koolo? 12 Keso Yeso akoke, akate: aha wane wele kii wele la lazima la munganga, koko ekoni. 13 Nyotshu, ndo nyoteye kene keta: lemi nangaka dimanyiya, ndo aha weshasha. ne da lemi kondja ndjele ase losembwe, koko akanga wa pekato. 14 Laso Ambeki wa Joani wakaye le Yeso, ndo mbote: loote wana sho ndo Wafarisayo sho keshaka, koko Ambeki waye hawokesha? 15 Yeso akakadimula: angenyi womi koka sana saa kele omi aleko lawo? shii djeko londjaye yele omi akembama, ndo laso wakokesha. 16 Oto hadje mindo lo dihondo doyoyo lo dihondo dedjedja; ne da akemba yetshi ya dihondo, ndo akata djekaleka. 17 Hawodjaka lokina wana weyoyo lo wane wedjedja; lokina akina pemboka, wana tawalaka, ndo akina sheshoka; koko vo mbidjaka wana weyoyo lo wane akina weyoyo, ndo wana ndo akina wakitshawo. 18 Oko wakandawateka eneeteketa,enda,owandji omotshi akakomi,akayasokola laadwe laatondo kende,ko mbuta,onami l'odimoto ambovo kakiye;koko yaka,ahende anya, Ko akoyala la loseno. 19 Yeso akemala,ko akoyele la ambeki wande. 20 Ko enda, odimoto letshi la hemo ke tomba dikila miaka dikumi la hende aka sukana lookongo wa Yeso,akakime ohembo wande wa dihondo. 21 ne da akateketaka ndame:naka lemi kime dihondo dande,lakokono. 22 Yeso akakadimo,ndo mbuta:yala la ohetoheto,onami l'odimoto,mbetawo keye kembokokonoya.ko odimotwako akakono ko saa keko. 23 Saa kekakomi Yeso l'olodu l'owandji,ndo akeni wane waka daka ponge ndo oloyi w'ato wakadjaka lofunge, 24 Akawate:nyomoo;ne da onodimoto havwe,koko amboshama.ko wakosoke. 25 Saa keka watshanyema,nde akooto,akoshi lonya l'onodimoto,ndo onako akemala. 26 lokumu lakahandjo lo etshi ke kete keko tshee. 27 Saa keka mo Yeso omaleko,dimi pende dakatawoyelaka,wakawana:otooke ketshi,ona Davidi! 28 Saa kekanakomi l'olodu,dimi daka sukana lande,ko Yeso akawate:nyu mbetawoka da lemi koka tshe keso? he,owandji,wakawookadimula. 29 Okone akakime lo washo wawo,ata:atshemi oko mbetawo kenyu. 30 ko washo wawo wakadiho.Yeso aka washa shurti:nyonge la yambelo aha oto mbeya. 31 Koko,kakawatombe,wakahandjola lokumu lande lo wodja tshe. 32 Woho wakawatatshokaka,enda,wakela odenge waha teketa le Yeso. 33 Odenge omalambitshanyema,ebobo akateketa.oloyi wato waka shangala wakate:kanga loshi otoyi ne dikambo datenamaka lo Ezariel. 34 Koko afarisayo wakate:omalokudu k'owandji weedenge ke tondjande edenge. 35 Yeso aketeta lo ngelo tshe ya wake ndo ya totshiki,akafundisha lo synagogi,sambisha oteketa wa dimena wa dolelo,ndo konoya hemo tshe ndo komo tshe. 36 Akeni oloyi w'ato,akandama la kangi kewo,ne da waka lengee ndo nemba,oko ekoko wele kema la onami. 37 Okone akate ambeki:dina daleko efula,koko ekambi waleko tshiki. 38 nyolombe okone owandji wa dina atomiekambi lo dina dande.
Chapter 10

1 Ko, akele Ambeki wande dikumi lahende, akawasha akoka wa mbitshanya nyuma ya koolo, ndo konola hemo tshee ndo walemavu. 2 Nyende kombo ya Atomami dikumi lahende. latondo, Simona lelewo Petro, ndo Andele, onangende; Yakobo, ona Zebede, ndo Joani, onangende; 3 Filipe, ndo Baetelemiya; Thoma, ndo Matayo, olambodi welambo; Yakobo, ona Alufe, ndo Thadewo; 4 Simona ose Kanana, ndo Yuda Isikariyote, kanga lakafunge Yeso. 5 wane wele dikumi lahende wane wakatomi Yeso, kisha mbasha elembe wane: tanyotshokake le apagani, ndo tanyotoke lo ngelo yase Samariya; 6 Nyotshu djekaleka le ekoko wakashisho lo loodu lIzariyele. 7 Nyotshu, nyotosambisha, ndo nyotote: Dolelo da lolongo daya suke. 8 Nyotokonole ekoni, nyotolole edee, nyotonya sodi, nyototshanya edenge. nyakapate anyanya, nyosha anyanya. 9 Nyotosake kanga lowoko, kana akuta, kana falanga, lekawa; 10 Kana saki lo lokende, kana kandjo hyende, kana elato, kana tshini yosongo; ne da ose olemu kokaka la yongo yande yande. 11 Lo ngelo kana lo shinga mwisho konyoto, nyombole naka koleko oto omotshi la kinemo da nyolongola; ndo nyotshikale lakande polo lonyokaloya. 12 Lombotwelo ke lo loodu, nyowemule; 13 Ndo, naka loodu aleko la kinemo, kii kenyu keye loko; koko naka lo kema la kinemo, kii kenyu kekaloya lenyu. 14 Sa kele hawonyolongola ndo hawolonge eteketa wanyu, nyotombe lo loodu lako kana lo ngelo keko ndo nyohome otoko wa lekolo wanyu. 15 Lambonyote lo mete: loshi la kilombo, wodja wa Sodoma ndo Gomora hoyala la sowi oko ngelo kiko. 16 Nyende, lambonyotoma oko esongo wekoko lateyi wa foo. nyoyale yeewo oko eloyi, ndo kii oko kunguru. 17 Nyoyakitsha la yeewo lato; ne da wakonyotowa le tuminadi, ndo wakonyokomola adanga lo Sinagogi yawo; 18 Wakonyosoya, loote wami, letondo ke wa guvelenele ndo letondo ke kumiyadokanga, da menya oshuuda lewo ndo le apagani. 19 Koko, saa kownyotowa, tanyengengake kana lo yoho yonyoteketa kana kene konyota: kene konyota kekonyoshama kokiko saa; 20 Ne da aha nyu keteketa, nyuma ke shenyu koteketa lenyu. 21 Wane wakoto wakodakana, ndo ona lombotshi; ana hawoke ambotshi wawo, ndo wakadaka. 22 Nyakotonama lato tshee, loote wa lokombo lami; koko kanga lovumidiya polo lemwisho akoka. 23 Saa kowonyosoya lo ngelo kimotshi, nyolawo lo kikina. lambonyote lo mete, hanyoma mbeteta ngelo ya Izariyele ko ona oto ataye. 24 Ombeki haleki mwadimu, kana okambi haleki owandji wande. 25 Ahombama Ombeki ayale oko mwadimu wande, ndo okambi oko owandji wande. naka wakele mwadimu wa loodu Belezebule, mala ngiana yowele okone ato wa lo loodu lande! 26 Tanyowakake okone woma poo; ne da ko dikambo doshami daheyama, naka shidi yaheyama. 27 Kene kenyotemi lo didjima, nyokite lateyi wa loshi; ndo kene kenyotewo lo toyi, nyosambisha lo tshoto. 28 Tanyokake woma wane wadaka demba ndo wahahombe daka anima; nyoke woma kanga ladaka anima ndo demba lo Gehena. 29 Hawosondjaka fudu hyende lo dikuta otoyi? koko, hako lo kete aha lolango la shenyu. 30 Ndo kanga divo da lote wanyu mbademaka. 31 Tanyokake okone woma poo: nyu ndeka fudu efula kinemo. 32 Dako dele, oto tshee lahatubu letondo kato, lakotubu letondo ke shemi lele lolongo; 33 Koko lomanguna letondo kato, lakowanguna ndolemi letondo ke shemi lele lolongo. 34 Tanyofonyake da lakaye lendjodja kii lo kete; lemi kondja ndjodja kii, koko opanga. 35 Ne da lakaye da ndjohandjola oto la shende, osekaseka la nyangende, okilo la wadi oto; 36 Ndo oto akoyala latoyi ato wa lo loodu lande. 37 Kanga lalanga shende kana nyangende ndekami kema la kinemo lemi, ndo kanga lalanga onande kana osekaseka wande ndekami kema la kinemo lemi; 38 Kanga la hembe kuruse kende, ndo handjele, kema la kinemo kemi. 39 Kanga lolanga loseno lande akolishisha, ndo kanga loshisha loseno lande loote wami akolitana 40 Kanga lonyolongola amonongola, ndo kanga lamonongola, ambolongola kanga lakatomi. 41 Kanga lalongola Ombutshi oko Ombutshi akolonga madipo wOmbutshi, ndo kanga lalongola kanga losembwe oko kanga losembwe akalongola madipo wa kanga losembwe. 42 Ndo oto tshee losha kanga kopo dashi watshitshi le dikenda le ane akenda loote aleko Ombeki wami, lambonyote lo mete, hoshisha poo madipo wande.
Chapter 11

1 Saa kekamani Yeso mbisha elembe wande le Ambeki wande dikumi lahende, akamo lano, da fundisha ndo sambisha lo ngelo ke wodja. 2 Joani, akoke wateketa lo muyololo wande etshaa wa Kristo, akatomi Ambeki wande da mbote: 3 Wee kele one lahombandja, kana shokaka konga okina? 4 Yeso akakadimula: nyotshu nyotote Joani kene kokanyu ndo kene kenanyu: 5 Dimi dena, dikuse dokendakenda, sodi yamboshila, poke wamboka, edo wambolo, ndo lokumu lololo lambosambishama le ase wola. 6 Ololo le kanga lahoyala lemi lokolo lotakanya! 7 Oko wakawatatshokaka, Yeso akatate la mbute oloyi wato, lo dikambo da Joani: akanyatshu tenda lo shenga? losondjo lakembama la lopepe? 8 Koko, akanyatshu tenda? oto oloti ahondo wa beyi? nyende, wane walota ahondo wa beyi waleko lo vudu ya kumiyadikanga. 9 Akanyatshu okone tenda? Ombutshi? mete, kenyotemi, ndo ndeka Ombutshi. 10 Ne da one ele kanga lakandikama: nyende, lambotoma dikendji dami letondo kelongi keye, da tayarisha mboka keye letondo keye. 11 Lambonyote lo mete, lateyi wa wane wakoto oma le adimato, kolakenamo woke ndeka Joani obatizani. koko, kanga loleki dikenda lo Dolelo da lolongo aleko opanga tondo kende. 12 Tate shii ya Joani obatizani polo lelo, Dolelo da lolongo daleko la kudu, ndo akanga wa kudu koto loko. 13 Ne da Ambutshi ndo olembe wakatabiri polo le Joani; 14 Ndo, naka nyunangaka mboka, one lele Eliya lakahombe ndja. 15 Kanga lele latoyi wamboka oke. 16 Lana alinganishami lone lolonga? aleko lo fona lana wokiti lo fashi yamboledi, ndo wele, wate ana akina, 17 Wata: takanyonwe tokenyo, ndo nyu hanyokenyisha; takembi esambo, ndo nyu hanyoyakiyanyisha. 18 Ne da Joani akaye, konde kana kono, ndo wakate: aleko la odenge. 19 Ona oto akaye, ale ndo ano, ndo wambota: kanga deshi ndo kanga noshi, ongenyi wa elambodi welambo ndo ato wa loseno la koolo. koko lomba lakenya etshaa wende. 20 Laso akatate manya ngelo yele yatshi la efula kehindo wande, loote ngelo yako kotubu. 21 Mananu leye, Korazina! mananu leye, Bethsaïda! ne da, naka ahondo wakatshema lateyi wanyu watshi lo Tyra ndo lo Sidona, aya edja wakatubu, wosa saki ndo otoko. 22 Dako dele lambonyote: loshi la kilombo, Tyra ndo Sidona hawoyala la dikambo efula oko nyu. 23 Ndo leye, Kapernauma, okembama lolongo? kema. okokitshakitshama polo lo shii la nyoyi; ne da, naka ahindo wakatshema lateyi waye wakatshema le Sodoma, wotoyala lokina ndo lelo. 24 Dako dele lambonyote: loshi la kilombo, wodja wa Sodoma hoyala la dikambo efula oko wee. 25 Lo shii yako, Yeso akoshi oteketa, ndo mbuta: lambokotombola, mbapa, Owandji wa lolongo ndo wa lo kete, lo woho wakayashe ane akambo le ase lomba ndo ase timba, ndo lo woho wakatshike le ana. 26 Mete, mbapa, lambokotombola lo yoho yakalange okone. 27 Akambo tshee wakambishama oma le shemi, kowoto leya ona, naka aha mbapa; kowto leya lokina mbapa, naka aha ona ndo kanga lele ona lo nanga mboduya. 28 Nyoye lemi, nyu tshee wane wambolemba ndo wele la wotsho, ndo lakonyosha mapumuziko. 29 Nyoshi lowanga lami lenyu ndo nyolongole elembe wami, ne da ndeko kii ndo okitshakitsha lotema; ndo nyakotana mapumuziko lo anima wanyu. 30 Ne da lowanga lami laleko kii, ndo wotsho wami waleko osadi.
Chapter 12

1 Lo shii yako, Yeso akete lo mashamba wa mana loshi la sabato. Ambeki wande, watshi la ndjala, wakatate la pembola seke ko vonde. 2 Ase Farisayo, wakeni okone, wakawote: enda, Ambeki waye wambotshe kene kehakoke tshe saa ke sabato. 3 Koko Yeso akakadimula: nyu kosoma kene kekakomi Davidi, saa ketshinde la ndjala, nde ndo wane watshi lande; 4 Okonde wakandoto lo loodu la Zambi, ndo atale ekate wa dambo, wakiwo komborusiya dande, aha le wane watshi lande, ndo wane wakawakonge le Wakohani watoo? 5 Kana, nyu kosoma lolembe da, shii ya sabato, Wakohani mbuvaka sabato lo tepelo, aha landjaanya? 6 Koko, lambonyote, koleko lane yango miotshi yoleki tepelo woke. 7 Naka nyumbeyaka kene keta: lambosa yambalo lo ketshi, ndo aha lo weshasha, totonyohomba mbisha dilanya le akanga waha la dikambo. 8 Ne da ona oto kele mwadimu wa sabato. 9 Akamo malano, Yeso akoto lo Sinagogi. 10 Ndo nyende, akatani oto omotshi latshi lonya mbola.wakambola Yeso: kokaka da konola shii ya sabato? atshi kele da pata yoho ya mboshita. 11 Akakadimula: naa oto lateyi wanyu, aleko lokoko otoyi ndo amboko lo difuku loshi la sabato, howonda da mbolongosola? 12 Mala nywana yele oto ndeka okoko kinemo! aleko dimena da tshe ololo shii ya sabato. 13 Laso akate oko oto: nula lonya laye. akanula, ndo lakayala dimena oko lokina. 14 Ase Farisayo wakatombe, ndo wakendana lo yoho ya mbodaka. 15 Koko Yeso, akeye, akatshu etale la kiko fashi. oloyi wato wakoyele. akakonola ekoni tshee, 16 Ndo akawadjange la kyokomiya da aha vo mbewonya, 17 Kele kekotshami kene kekateketa oma le Esaya, Ombutshi: 18 Nyende okambi wami lakamasone, olangemi wami lende anima wami waleko lolo. lakodja nyuma kemi lende, ndo akosambisha losembwe lo wedja. 19 Hotshikitanya poo; hawana poo, ndo kowoto loka doyi dande lesese. 20 Nde holanya losondjo lakahembo, ndo hodima shase ya dja, polo londolendja losembwe. 21 Ndo wedja wako tokoni lo lokombo lande. 22 Wakawela kanga edenge dimi ndo ehoke, ndo akokonola, kele ehoke akateketa ndo mena. 23 Oloyi wato tshee wakambe wakate: aha one kele okana wa Davidi? 24 Ase Farisayo, wakoke osoku, wakate: one oto mbitshanyaka edenge oma le Belezebule, owandji wedenge. 25 Oko Yeso akeyaka tokani tawo, akawate: Dolelo tshee da yakahanya lende ndame dambolanyema, ndo ngelo tshee kana loodu layakahanya lende ndame hakoke sena. 26 Naka Shetani ambotsha Shetani, amboyahakanya nde ndame; okonde okone wotshikala Dolelo dande? 27 Ndo naka lemi, lambotshanya edenge oma le Belezebule, ana wanyu, omalena owotshanya? loote wana kowoyala vo vame toshushi tanyu. 28 Koko, naka oma lo nyuma ke Zambi ke tshanyami edenge, Dolelo da Zambi dakaye okone djalenyu. 29 Kana, okonde oto omotshi koka mboto lo loodu loto la kudu ndo mbuva dango dande, aha keleka tondo oko oto kanga kudu? laso ndame akova loodu lande. 30 Kanga lele kema lami aleko otoni wami, ndo kanga lahasangana lami ashisho. 31 Dako dele lambonyote: pekato tshee ndo toyi tshee dakodimanyiyama le ato, koko toyi da tola nyuma hadodimanyiyama. 32 Oto tshee loteketa da koolo le ona oto, akodimanyiya; koko oto tshee loteketa koolo le nyuma kekila, howodimanyiya kanaga lo lone lolonga kanga lo lolonga layaye. 33 Kana mbuta da osongo waleko dimena ndo olowa wande waleko dimena, kana mbuta osongo waleko koolo ndo olowa wande waleko koolo; ne da vo mbeyaka osongo oma lo olowa. 34 Doho deloyi, okonde wahombanyu mbuta akambo wa dimena, koolo kelenyu? ne da elola kotema keteketa onyo. 35 Oto la dimena tondjaka akambo wa dimena lo woshasha wande wa dimena, ndo oto la koolo tondjaka akambo wa koolo lo woshasha wande wa koolo. 36 Lambonyote: loshi la kilombo, ato wakenya oteketa tshee wa koolo wakandatondja. 37 Ne da oma lo eteketa waye oko handa, ndo oma lo eteketa waye oko hukumiwa. 38 Laso amotshi wa Endele nombe ndo ase Farisayo wakoshi oteketa, ndo wakate: mwadimu, sho nangaka mena wee sala dihindo. 39 Akakadimula: lolona la koolo ndo la loseka lambolomba dihindo; kodihondo dikina dowonyasha ele ne da Ombutshi Joanase. 40 Ne da, woho waka watshi Jonase shii shato ndo etsho esato lotema wa losee la woke, yoho yako koyala ona oto shii shato nso etsho esato leese ke kete. 41 Ato wa le Niniva wakemala, loshi la kilombo, la lolonga lone ndo wakohukumiwa, loote wakayakaloya lo esambishelo ke Jonase; ndo nyende, koleko lane woleki Jonase. 42 Kumekanga ke Midi akemala, loshi la kilombo, la lone lolonga ndo akohukumu, loote akaye atshuku wa kete le nonga lomba la Salomona, ndo nyende, koleko lane kanga loleki Salomona. 43 Saa kekatombe nyuma ke koolo le oto omotshi, akatshu lo fashi ketale, letona momuya, ndo kotana poo. 44 Laso akate: lakokaloya lo loodu lami kele akamatombe; ndo, saa kondokama, akalitani hwe, pepe ndo nongoswama. 45 Akotsho, ndo akosa lande nyuma kyina esambele ya koolo efula mboleka; wakoto lo loodu, wakokita, ndo shurti la mwisho ya oko oto ndeka koolo ya tondo. akoyala woho wako wame le lone lolonga la koolo. 46 Oko yeso akateka lokina oloyi wato, nyende, nyangende ndo analengo wande, watshi landja, wakonaka da mbote. 47 Oto omotshi akawote: enda, nyangeye ndo anangeye waleko landja, ndo waleko lo kona da kote. 48 Koko Yeso Akakadimula kanga lakawoteka: ele mama kemi, wana wele anawalengo wami? 49 Ko akanula lonya le Ambeki wande, akate: nyende nyangemi ndo anawalengo wami. 50 Ne da, oto tshee la tshe lolango la shemi lele lolongo, oso kele onangemi, ndo kadiyomi, ndo nyangemi.
Chapter 13

1 Loshi lako, Yeso akatombe oma lo loodu, ndo akakite lomamu woduwa. 2 Oloyi wato wa woke wakahomana suke lande, akade lo wato, ndo akakite. oloyi wato tshee wakawendaka lelongi. 3 Akateketeka lo ekela lo akambo efula, ndo akate: omoni akatombe da mone. 4 Oko wakandoneka, etshi ke wojo wakako lotale wa mboka: fudu yakaye, ndo wakale. 5 Etshi kikina kekako lo fashi ya lboko, kene atshi kondjala kete efula: akemala kako, loote wa nde kotana kete yotale; 6 Koko, saa kekahoto wonya, akoto dja ndo moma, loote wa koedo. 7 Etshi kikina kekako lateyi watende: atende wakade, ndo wakasenya. 8 Etshi kikina kekako lo kete ya dimena: akasha olowa, lotongo lokama, okina akumi asamalo, okina akumi asato. 9 Kanga lele latoyi wa mboka oke. 10 Ambeki wakasukana, ndo wakawote: loote wana wateketaye lo ekela? 11 Yeso akakadimula: loote wakanyosha da mbeya lolombo la Dolelo da lolongo, ndo keso kombishama lewo. 12 Ne da wakosha kanga lele laa, ndo akoyala lefula, koko kanga laha laa wakokumuya kanga kene kelende laa. 13 Dako dele ndeko lo mbatekete lo ekela, loote lo mena da haweni poo, ndo lo mboka da hawoke kana hawoyele. 14 Ndo lewo akotshami otabiri wa Ezayi: nyakoka latoyi wanyu, ndo hanyoka poo; nyakenda la washo wanyu, ndo hanyena poo. 15 Ne da otema wa wone wodja aya anyanya; wambokeketshe atoyi wawo, ndo wambodiha washo wawo, la woma wa hawoyena la washo wawo, hawoyoka latoyi wawo, hawoyoyela otema wawo, hawoyokadimo, ndo kele handjakonola. 16 Koko ololo le washo wanyu, loote waleko lo mena, ndo atoyi wanyu loote waleko lo mboka! 17 Lambonyote lo mete, efula ke Ambutshi ndo ase losembwe wakakombola mena kene kenanyu, ndo hawokieni, mboka kene kokanyu, ndo wahokioki. 18 Nyu okone, nyolonge kene keta one okela wa omoni. 19 Saa kele oto lo ndjela oteketa wa lo Dolelo ko hoke, otoni londja ndo minya kene kekonama lotema wande: one oto ele kanga lakalongola woho lo mboka. 20 Kanga lakalongola woho lo fashi ya mboko, ele kanga loka oteketa ndo lalongola kako lolo; 21 Koko nde kema ledo lende ndame, aleko lo kosa mbokike kana la sowi loote woteketa, ambotana yekenende. 22 Kanga lakalongola woho lateyi watende, ele kanga loka oteketa, koko lende sakisaki da lone lolonga ndo otakanya wase engonyi kitshakitshaka oteketa wako, ndo mbetshaka komazima. 23 Kanga lakalongola woho lo kete ya dimena, ele kanga loka oteketa ndo lalonga; aleko lo tondja olowa, ndo lotongo mbishaka lokama, okina akumi asamalo, okina akumi atanu. 24 Akawate okela okina, ndo akate: Dolelo da lolongo fonaka la oto lakone woho wa dimena lo shamba yande. 25 Koko, saa kele ato lo ndala, otoni wande akaye, okone lokangaka lateyi wa mana, ndo akatshu. 26 Saa kekole denge ndo tondja olowa, lokangaka lakatombe ndonde. 27 Ekambi wa mwadimu wa lo loodu wakaye ndjowote: Owandji, wee komone woho wa dimena lo shamba yaye? lende ayaye okone lone lokangaka? 28 Akakadimula: aleko paka otoni kekatshe osoku. ndo ekambi wakawote: wee nangaka sho tsho totolionule? 29 Kema, kekandate, la woma lo monula lokangaka, hanyotonula saa keko keme mana. 30 Nyotshike mbola kame omotshi lokina polo lo dina, ndo lo etena ke dina, lakote wase wanaa: nyonule tondo lokangana, ndo nyone lomamu da mbotshumba, koko nyoni mana lo tongo yami. 31 Akawate okela okina, ko akat: Dolelo da lolongo fonaka la lotongo lele oto akoshi da mone lo shamba yande. 32 Tshyongotongo tatshiki lo weho tshee; koko, lo saa ketombande, aleko woke ndeka djeshi ndo ndjala osongo, lo yoho yele fudu ya lolongo ndjokita lo taki yande. 33 Akawte one okela okina: Dolelo da lolongo fonaka la wana wosa odimoto ndo mbidja lo bipimu esato yofumbu, polo edja kosohana mbunga tshee. 34 Yeso akate oloyi wato aso akambo tshee lokela, ndo nde kombateka paka lokela, 35 Kele kakotshami kene kekatekata Ombutshi: lakodihola onyo wami lokela, lakotangaza akambo wakashama tate etongelo ke duniya. 36 Okone akakaloya oloyi wato, ko akakaloya le ngelo. Ambeki wande wakasukana lende, ko wakate: otofafanuwe okela wolevi wa lo shamba. 37 Akakadilula: kanga lone woho wa dimena, ele ona oto; 38 Shamba, ele duniya; woho wa dimena, ele ana wa lo Dolelo; olevi, ele ana wa mayele; 39 Otoni lakone, ele Diabolo; dina, ele mwisho wa duniya; wane wana, ele andjelo. 40 Koko, oko wanyawo olevi ndo wawodjawo lo dja, akoyala yoho yako yame le mwisho wa duniya. 41 Ona oto akotoma andjelo, wakoyokumuya lo Dolelo dande looka tshee ndo wane watshe koolo: 42 Ndo akasokola lo loombe la kangi, leko koyala delo ndo ekakatanelo ke wanyu. 43 Okone wane wele kokele wako angaziya oko wonya lo Dolelo da shewo. kanga lele latoyi wa mboka oke. 44 Dolelo da lolongo fonaka lokina oko yango lo shami lo shamba. oto lakotani akoyishe; ndo lolo wande, akosondja kene tshee kelende laa, ndo akosomba oko okonda. 45 Dolelo da lolongo fonaka la kanga koolo lona woho wa dimena . 46 Akatani woho wa beyi kudu; ko akatshu tosondja kene tshee kekinde la, ndo akalisombe. 47 Dolelo da lolongo fonaka loteyi wakawasokola lo ndjale ndo mundaka see ya yoho tshee. 48 Lo saa kondolola, ekenya wakowosa; ko, kisha kita lomamu wa ndjale, wakokita lo wato kene kele dimena, ndo wakosokola kene kele koolo. 49 Akoyala yoho yako yame le mwisho wa duniya. andjelo wakoya ndjokakitola aknga wa koolo lakanga wololo, 50 Ndo wakasokola lo kuka ke kangi, leko koyala delo ndo ekeketani ke wanyu. 51 Nyamboka aso akambo? - okoso, kekawakadimula. 52 Ko akawate: dako dele, Ondele tshee landikami le kanga lenda Dolelo da lolongo fonaka mwadimu wa loodu la tondja yango yande akambo weyoyo ndo akambo wedjedja. 53 Lo saa kekashile Yeso eso ekela, akamo malanoo. 54 Akatshu lo wodja wande, akafundisha lo Sinagogi, lo yoyo ya wane wakoke wakamne ndo wakate: omalende oye nye yimba ndo ane ahindo? 55 Aha ona kanga leme loodu? aha Madiya kele nyangende? Jakobo, Yozefu, Simona ndo Yuda, aha vo kele anangende? 56 Ndo akadiyo wande vo tshee kema laso lane? omande oye ane akambo tshee? 57 Ndo atshi lewo yoho ya mbohemba. koko Yeso akawate: Ombutshi monyomaka paka lo wodja wande ndo lo loodu lande. 58 Ndo nde ko tshee ahindo efula lo kiko fashi, lote wetema kudu kewo.
Chapter 14

1 Keso etena, Herode owandji akomala, lamakandoke wateketa lote wa Yeso, akatee ekambi wande: oso ele Joani yo Batizani! 2 Nde ambolo oma lo nyoyi, ndo dako koondoyatshee ahindo. 3 Ne da Herode, nde kakandamisha Joani, akokeleka kodi ndo mbodja lo muyololo, lote wa Herodia wadee Philippe, onaleengo ande, 4 Lote wa Joani akawotee: nde kopomba monga wadee. 5 Nde akalange da mbodaka, koko nde akokaka oloyi woma, lote nde akendaka Joani oko Ombutshi. 6 Koko, lama kawangenanaka ehwelo ka etwelo ka Herode, ona odimoto la Herodiya aka nokaka lateyi waato ndo aka ngenyangenya Herode, 7 Ne da nde akolake la ndapa da nde mbosha tshe konolombaka. 8 Lo lolombo la mama kende, nde akate: ombisha lane, leteyi ke sahani, ote wa Joani yo Batizani. 9 Owandji akanungunika, koko, lote wandapa yande, nde akolombe da nde mbosha ote wako. 10 Ndo nde akatomi ndo nanga ndjaka Joani lo muyololo. 11 Ote wande wakembama lo sahani, ndo mbisha osekaseka lakatole le mama kende. 12 Ambeki wa Joani wakaye da ndjosa demba dande. ko vo tsho laa latewoya Yeso? 13 Oma loso dikambo, Yeso akatshu tshaleko lo wato da toyala etale lawo, ko oloyi wato, wane wakeye, wakatombe ma lo wedja ndo wakoyele l'ekolo. 14 Lo saa kakanatombe lo wato, akeni oloyi wato, ndo akonge kangi lawo akakonola ekoni. 15 Dikolo da kakoke, Ambeki wakasukana leende ndo mbotee: kene fashi aleko shenga ndo saa kemboshila mbeta; toma oloyi wato, lote wa vo tsho lo wedja da vo toyasombee dango da vo sena. 16 Yeso akakadimola: vo kema ladihombo da ndjatshwee; nyowasha nywame yango yande. 17 Ko vo wakawotee: taleko lane la ekate etanu la see hyende ko pee. 18 Ko akate: nyombelawo. 19 Akakitsha oloyi wato ladiko d'elenge, akoshi ekate etanu la see yako hyende, ko akeda washo l'olongo, ko akatshokola. ko nde akahembola ekate ndo nde mbisha Ambeki, ko vo wakahakanya le ato. 20 Vo tshee wakale ndo wakalote, ndo wakatongona tunga dikumi l'ahende too la teni da katshikala. 21 Wane wakale waki suke la midiyo tshanu yapami, ahambidja adimato lana. 22 Kisha laso, akadjange Ambeki da vo mboto lo wato ndo da mbeta le wedi okina, kanoo akakaloya oloyi wato. 23 Saa kakandakaloya, akadee lo kidima da to lomba l'omamu,oko weki dikolo da mbokoka akiko leko ndamee. 24 Wato, waya lateyi wa ndjale, akasokasoka la lopepe; lote wa lopepe lakiko fashi tshee. 25 Suke la wonya poto, Yeso akatshu tsha lewo, atakendakenda ladiko da ndjale. 26 Lo saa kakaweni Ambeki nde kendakenda ladiko da ndjale, waka shangala, ndo wakate: aleko edimu! ndo, la woma wawo, wakawanaka. 27 Yeso akawate ko kiko saa nyoshike nyate lemi, tanyokake woma! 28 Petero akokadimola Owandji, naka wee, orusiya ndje dja leye l'adiko d'ashi. 29 Ndo akawotee: yaka! Petero akatombe ma lo wato, ndo akakendakenda l'adiko d'ashi, da nde tsho le Yeso. 30 Koko, menda yoho yakiko lopepe kudu, akoke woma, ndo, oko akandatate la dita, akawana, Owandji, ombitsha! 31 Kaso Yeso akeda lonya, akokime, ndo mbotee: oto la mbetawo ke tshiki, lote wana akakandikandi? 32 Ndo wakade lo wato, ko lopepe lakonohala. 33 Wane waki lo wato wakaye ndjokolama le tondo ke Yeso, ndo wakate: we mete kele ona Zambi. 34 Kisha vo teho ndjale, wakatshu lo wodja wa Genezaleta. 35 Ato waleko, weye Yeso, wakatomi akendji lo fashi tshee ya suke, ndo wakawelaka ekoni. 36 Wakolombaka tshoo da mbokime l'ohembo wa dihondo dande. ko wane tshee wakokimeka, wakakonoka.
Chapter 15

1 Laso ase Farisayo ndo Endele nombe wakaye le Yerusalema le Yeso, ndo wakawote: 2 Loote wane wele Ambeki waye waholenya loshidi la wazee? ne da hawosole anya, saa kelewo dango dande dawo. 3 Akakadimula: ndo nyu, loote wana wahanyalenya amuri wa Zambi ndeka loshidi lanyu? 4 Ne da Zambi akate: olenya sheye ndo nyangeye; ndo: kanga lodja shende kana nyangende mananu akoyala la dilanya da nyoyi. 5 Koko nyu, nyaleko lo mbuta: kanga lote shende kana nyangende: kene kekamahombe kokimanyiya aleko woshasha le Zambi, 6 Kema nenya shende kana nyangende. nyamboseka okone oteketa wa Zambi ndeka loshidi lanyu. 7 Wanafiki, Ezayi akatabiri dimena lenyu, saa ketande: 8 Wodja wone nenyakami lelomo, koko otema wande etale lami. 9 Anyanya kenenyawo, lo fundisha akambo wane wele amuri wato. 10 Akele lende oloyi wato, akawote: nyolonge, ndo nyoke. 11 Aha kene koto lonyo kelanya oto; koko kene ketomba oma lonyo, keso kelanya oto. 12 Laso Ambeki wande wakasukana, ko wakawote: wee mbeyaka da ase Farisayo wakengengi lo eteketa wakawoki? 13 Akakadimula: osongo wone wetshi shemi ke lolongo komone wakonywama. 14 Nyatshike: dimi lo dimi kokolombonaka; naka dimi ambolombola dimi, wakoko vovahende lo difuku 15 Petro, akoshi oteketa, akawote: otofafanuwa oso okela. 16 Ko Yeso akate: ndonyu lokina, nyalekoko koyimba? 17 Hanyoke da kene tshee koto lonyo tshokaka lotema, ko sokomaka lo fashi ya siri? 18 Koko kene keya oma lonya ndjakaka oma lotema, ndo keso kelanya oto. 19 Ne da oma lotema keya tokani ta koolo, ondjakatani, loseka, pekato, kiva, eshuuda wa kashi, emamatani. 20 Oso kele akambo walanya oto; koko nde aha sola anya, halanya oto poo. 21 Yeso, akamo oma lanoo; akakaloya lo ngelo ke Tyra ndo Sidona. 22 Ndo nyende, odimoto ose Kanana, lakayayakaka lo leeke lako, akawawane: omboke ketshi, Owandji, okana wa Davidi! osekaseka wami aleko lo soyama lodenge. 23 Nde kombokadimula kodikambo, ndo Ambeki wande wakasukana, ndo wakawote la kyokomiya: kaloyande, ne da aleko lo mbawana lokongo waso. 24 Akakadimula: lakatomama le ekoko wakashisho lo loodu la Izariyele. 25 Koko akaye ndjoko letondo kende, ata: Owandji, okimanyiya! 26 Akokadimula: kema dimena mbosa okate wana, ko sokole tofofo takenda. 27 Mete, Owandji, kekandate, koko tofofo takenda ndekaka fusa yako lo mesa ke mwadimu wawo. 28 Laso Yeso akawote: odimoto, mbetawo keye keleko woke; atshemi oko walangaye, kokiko saa, osekaseka wande akakono. 29 Yeso akamo kiko faashi, ndo akatshu suke loduwa wa le Galileya. akade lo kidima, akakite. 30 Laso oloyi wato wakayasukanaka djalende, watshi la tshumbe, totshungu, poke, diwete, ndo efula kekoni ekina. wakakitsha lekolo wande, ndo akakonola; 31 Lo yoho yele oloyi wato watshi lolo da mena poke wakateketa, diwete dakakono, kuse dakakendakenda, dimi dakeni, ndo wakatombola Zambi kIzariyele. 32 Yeso, akele Ambeki wande, akate: ndeko la kangi le oloyi wone wato; ne da nyende aya shi shato kelewo suke lami, ndo watale koyango yande. halange mbaloya la ndjala, la woma wa kudu hayashila lo mboka. 33 Ambeki wakawote: okonde wotopata lo kene fashi ke shenga efula kekate da ndotsha one oloyi wa woke wato? 34 Yeso akawambola: ekate engana walenyu laa? esambele, kekawakadimula, ndo yema ya tosese. 35 Laso akakitsha oloyi wato lo kete, 36 Akoshi ekate esambele ndo la see, ndo, kisha mbisha losaka, akahembola ndo akasha Ambeki wanse, da vo kahanye oloyi wato. 37 votshee wakale ndo wakalote, ndo wakatongona tonga esambele ndola too la mbetshi dakatshikala. 38 Wane wakale watshi midiyo nyeyi yapami, aha mbada adimato ndo ana. 39 Le mwisho, akakaloya oloyi wato, akade lo wato, ndo akatshu lo leeke la Magadana.
Chapter 16

1 Ase Farisayo ndo ase lokeso wakambola Yeso ndo, da mbopima, wakawombola da mbaenya tshapa yaya oma lolongo. 2 Yeso akakadimul: ladikolo, nyambota: akoyala dimena, ne da olongo waleko bela; 3 Ndo la pendju: longe lakoyala lelo, ne da olongo waleko bela ke didjidji. nyumbeyaka sedingola hadi ke lolongo, ndo hanyokoke sedingola totshapa ta saa. 4 Lolonga la koolo ndo la loseka lamombola dihindo;hawonyosha dihindo dikina ele diko da Jonase. ko akatshike, ndo akatshu. 5 Ambeki, wakete le wedi okina, wakohe mbosa ekate. 6 Yeso akawate: nyaleko lo nama wana wase Farisayo ndo wa ase lokeso. 7 Ambeki wakawaze lasawo vo vame, ndo wakate: loote sho hatoshi ekate. 8 Yeso, akaye, akate: loote wana wawazanyu leteyi kenyu nywame, ato wambetawo ke tshiki, lo kene kehanyoshi ekate? 9 Nyalekoko lokina ko yimba, ndo hanyoho lokina ekate etanu wato midiyo tshanu ndo tunga ngana dakanyatongona, 10 Kanga ekate esambele wato midiyo nyeyi ndo tunga ngana dakanytongona? 11 Okonde wahanyoke daha lo dikambo dekate kekamanyote? nyoyalaùi lo wana wase Farisayo ndo ase lokeso. 12 Laso wakoke da one aha wana wokate kekandate da ndjalama, koko lo mafundisho wase Farisayo ndo ase lokeso. 13 Yeso, akakomi lo ngelo ke Kayizara wa Filipe, akambola Ambeki wande: atawo elemi, lemi, ona oto? 14 Wakakadimula: amotshi mbutaka one wee kele Joani obatizani; akina, Eliya; akina, Yeremiya, kana omotshi lEmbutshi. 15 Ndonyu, kekandawate, ambutanyu elemi? 16 Simona Petro akakadimula: wee kele Kristo, ona Zambi la sena. 17 Yeso, akoshi oteketa, akawote: wee oleko lotshoko, Simona, ona Jonase; ne da aha demba ndo dikila kekakofunuwe kene, koko shemi lele lolongo. 18 Ndo lemi, lambokote da wee kele dive, ndo lo dive dako lakoka kanisa kemi, ndo kuke la loshi la nyoyi wahamane laye poo. 19 Lakokosha fungola ya Dolelo da lolongo: kene koyokeleka lo kete kekokelekama lolongo, ndo kene koyokelekola lo kete kekokelekoma lolongo. 20 Laso akadjange Ambeki da aha mbute oto da nde ketshi Kristo. 21 Tate lako Yeso akatate menya Ambeki wande da akahombe nde tsho le Yerusalema, akosowa efula oma le wazee, epalanga Kohani ndo Endele nombe, akodakema, ndo akolo loshi la sato. 22 Petri, atshi lanoo, akatate la mbokaloya, ndo ata: le Zambi halange, Owandji! keso hokokome. 23 Koko Yeso, akewo, akate Petri: lokongo wami, Shetani! oleko lo lofunge; ne da tokani taye kema tokani ta Zambi, koko tokani tato. 24 Laso Yeso akate Ambaki wande: naka oto omotshi nangaka ndja kisha lemi, ayate ndame, ayaendja kuruse, ndo andjele. 25 Ne da kanga lalanga mbitsha loseno lande akolishisha, koko kanga lolishisha loote wami akolitana. 26 Ndo naa kene kokimanyiya oto da pata duniya tshee, naka amboshisha anima wande? kana, naa kene kosha oto lo wengodi wa anima wande? , 27 Ne da ona oto ahomba dnja lo lotombo la shende, la andjelo; ndo laso akosha oto loto oko wele etshaa wende. 28 Lambonyote lo mete amotshi wane wele lane hawovo poo, kovo haweni ona oto ndja lotawalo wande.
Chapter 17

1 Lookongo wa shi shamalo,yeso akooshi lande Petro,yakobo la yoani lootoande akaatole otsho lo kidima ka woke. 2 Akatohilo la tondo keep;elongi kende keka ngare oko yaani,ndo ahondo wande wak'onge wema oko wonya 3 Ko heni,Mose la Eliya wakatombe da sawola lande. 4.Petelo akooshi oteketa,ko mbutee yeso ate:owandji,aleko dimena da sho monga lane;ndo we nanga,lakoka apema asato,dimotshi da dimotshi da mose la dikina da Eliya. 5 Ateketa lokina dedi doosase akaakombe.Ko heni,akakombe oma lo dedi eteketa wene: one kele onami langandji,one la langami efula kanyo wooke! 6 La maaka wooke doyi so,ambeki wakako le tondo kelongi kende,ko wakandama la wooma wefula. 7 Ko yeso aka sukana,kombakime,kombatee:nyeemale,nyotokake wooma! 8 Wakeeda washo ko wakeni paka yeso ndame 9 Wayaholo oma lo kidima,ko yeso mbasha olembe one:nyutoteeke oto enyelo kene,polo lokoolo onooto. 10 Ambeki wako wosha dimbola ne: lote wana wata amandiki one Eliya akomee ndja? 11 Aka kadimula:aleko mete da Eliya akoya,ndo nongosola dikambo tshe. 12 Ko lambonyote da Eliya amboshilaka la ndja,ko bo kombeeya,ndo wakoosale woho wakawalange,shambo yako yosowa onooto ndonde. 13 Ambeki wakookaka oko lawate da joani ombotshani. 14 Lakawa komi suke looloyi,oto omotshi akaye ndjoyasokola laaduee laatondo ke yeso,ko mbuta, 15 Owandji onga la kangi koonami,lako ekunya ndo la sowa tsha lonyoyi,nde kokaka saa myotshi lodja,saa myotshi laashi. 16 Laka wela lee ambeki waye,ko bo kombokonoya. 17 Lokoho lele keema la mbetawo,ndo lokoki la koolo,aka kadimula yeso,polo maa lende omo yala lanyu?polo maa lende omonyo kimee? nyombelaa nde laane. 18 Yeso aka hangwe edenge woolo,wakatombe leende ko ona akakono ko saa keko. 19 Ko ambeki wakasukanee yeso,ndo mbotee lokongo woho wakona watshiso kombitshanya ene edenge? 20 Na loote w'etema lonuu wanyu,akawate yeso.lamonyote mete naka nyu ndjala la mbetawo oko lotongo la seneva,nyakotee kene kidima:yemba oma laane ko nde akoyemba;kookene konyoleka woolo. 21 Koko Nye shambo yeedenge mumooka la dombelo ndo ekidamelo. 22 Lakana tengolaka lo galilaya,yeso aka watee: onooto akalamboma lanya waato; 23 Wakooyaka,ko loshi lasato akoolo.wakayale loolengolengo wahakoke. 24 Lakawakomi le kapernaüma,apami waka dipishanyaka elambo wa drakima wakaye le Petero,ko mbotee: wokonde ombetsha wanyu hadipe olambo ehende wa drokima? 25 Osoku,wakanda wotee.ko saa kekandooto lo lodu,yeso akawatee tondo ate:akanyiyaye na Simona? ewandji wa lokete wane woko woshaka elambo? w'ana wawo ndo waangendangenda? 26 Akawotee:waangendangenda.Ndo yeso akookadimula:ana hawokoke dipa elambo. 27 Koko daha sho mbakwaza,tshoka looduwa tooke yodi,lose la tondo loyonda diholande onyo,ko,okotana,okoma waakuta kooshi kowasha loote wami ndo loote waye.
Chapter 18

1 Lo wonya wako, Ambeki wakasukana le Yeso, ndo mbuta: ele okone oleki opalanga lo Dolelo da l'olongo? 2 Yeso, akele ona dikenda, ko mbokitsha lateyi wawo, 3 Ko mbuta: lambonyote lo mete, naka hanyokadimwe nde hanyoyadi oko ana w'akenda, hanyoto lo Dolelo da l'olongo. 4 Dako dele, oto tshee loyala l'okitshakitsha oko one ona dikenda akonga kanga loleki opalanga lo Dolelo da l'olongo. 5 Ndo oto tshee lalongola lo lokombo lami ona dikenda oko one, amonongola lemi leme. 6 Koko, naka oto omotshi ambohenyahenya omotshi l'akenda wane wane wambetawo, otoleka dimena lende mbokeleka yoole lo woodi, ndo mbosokola lomamu wa ndjale. 7 Mananu le duniya lote wohenyohenyo! ne da aleko dimena da ohenyohenyo koma; koko mananu le oto lahenyahenya koma! 8 Naka lonya laye kana lokolo laye laleko leye yoho yakokosha, hembola ndo sokola etale laye, otoleka dimena leye mboto lo loseno etshumbe kanga soo otoyi, tondo k'ekolo ehende kana anya ahende ko kosokola lo djaa ya pondjo. 9 Ndo kana soo daye daleko leye yoho ya kokosha, hatolado, ndo sokolado etale laye; otoleka dimena leye mboto lo loseno, haha kanga soo, tondo kendjala la washo ahende ndo sokoma lo djaa ya Gehena. 10 Nyoyalami da monyola otoyi wa ane akenda; ne da lambonyote da andjelo l'olongo waleko lo mena saa tshee elongi ke shemi lele l'olongo. 11 Ne da ona oto akaye da ndjotsha one lakashisho. 12 Afonyanyu? naka oto aleko l'ekoko lokama, ko otoyi lasawo amboshisho, nde hotshika akumi divwa la divwa lo kidima, da tsho letona oko otoyi lakashisho? 13 Ndo naka ambowoshola, lambonyote lo mete, akoleka mboka olo lote wande tondo ke ako akumi divwa la divwa waki koshisho. 14 Yoho yako, kema lolango la shenyu lele l'olongo lakoka kombola otoyi wa ane akenda shisho. 15 Naka onangeye ambotshe pekato, tshoka ndo towenya lasaye we lande ko pee. naka ambokoke, ombokondja onangeye. 16 Koko, naka hakoke, tshoka we l'oto kana l'ato ahende, kele dikambo tshee d'ete l'oteketa w'atemo ahende kana asato. 17 Kana amboseka mbaoke, tote kanisa; ndo kana amboseka ndo lo kanisa, yala lende oko opagani ndo oko ose wodja. 18 Lambonyote lo mete, kene tshee konyokeleka lo kete kekokelekama ndo l'olongo, ndo kene tshee konyokelekola lo kete kekokelekoma ndo l'olongo. 19 Lambonyote lokna, naka ahende lasanyu wambokana da nomba yango miotshi, shemi lele l'olongo akowasha yo. 20 Ne da lene ele ahende kana asato wambohomana lo lokombo lami, ndeko lateyi wawo. 21 Laso, Petero akasukana lende, ko mbuta: Owandji, lama nywana yomodimanyiyaka onangemi, lo saa konomungeka? onde polo mala esambele? 22 Yeso akawote: lemi hakote polo mala esambele, koko polo mala akumi esambele ndoda l'esambele. 23 Dako dele, Dolelo da l'olongo daleko lo fona l'owandji lalanga dipa ekambi wande. 24 Lo saa kedande, wakawela oto otoyi lakahombe nongola talata midiyo dikumi. 25 Oko wele nde kema la yango ya dipa, owandji wande akalamula da sondja, ndame, wadende, ana wande, ndo kene tshee kekinde laa, ndo deni dakashile. 26 Oko okambi, akayasokola lo kete, akake adwe le tndo kende, ko mbuta: okonge yema, ndo lakokodipa tshee. 27 Akawoke kangi, owandji wa oko okambi akotshike atshu, ndo dimanyiya diko deni. 28 Kesha nde tomba, oko okambi akahomana laa wonyande lakanahekaka akuta dikumi. akaweme ndo mbohenyahenya, ndo mbote: dipa kene kele kemi. 29 Wonyande, akayakosha lo mete, ko mbosengasenga, ata: ovumidiya, ndo lakokodipa. 30 Koko okokina konanga, ndo akatshu lande towodja lo muyololo, polo edja kekanodipe kene keki kende. 31 Wanyande, wakeni kene kekakomi, waki la kangi eula, ndo wakatshu totee owandji wawo kene tshee kekete. 32 Laso owandji akele oko okambi, ko mbote: okambi wa koolo, lakakodimaniya deni dakiye laa tshee, lote okasengasenga; 33 We kopomba monga la kangi ke wonyaye, oko wakime la kangi keye? 34 Ko owandji wande, akomala, akokimo l'anya w'atomboki, edja polo lakanamani la dipa kene tshee kekinde laa. 35 Okone shemi lele l'olongo kondotshe, naka oto l'oto lasanyu hadimanyiya onangende l'otema wande tshee.
Chapter 19

1 Laama kamani Yeso la teketa,ko nde akoone oma lo galilaya,ndo akatshu lo wodja wa ase judeya,ndekana judeya. 2 Leemba lakoyele ndo leko aka kalanganya wahemo. 3 Ase farisayo wakosawoya ndo mbotee wakopimi wonde kokaka pami mbitchanya wadende lote wadikambo dimotshi? 4 Akokadimula ate nyu kobada da otongi,letatelo akasale pami l'odimoto. 5 Ndo akate: dako dele pami akotshika she la nyango,ko akokimane la wadende,ko vo ahende wakoyala demba otoyi? 6 Wokone vo keema ahende,koko waleko demba otoyi.Ko pami hahombe manganya kene keka homanya sambi. 7 Lotewa kona wawatewo da Moïse akandika da mbisha odimoto mukanda wa loseko la mbitchanya? 8 Aka kadimula:ete lote wa solo wolo wanyu wako ndo moïse wakana nyosha danyu mbitshanya wadi wanyu;letatelo atatshi yoho nye. 9 Koko lombonyote da one lotshanya wadende,paka lote waloseka,ndo latshuka okina ambotshe loseka. 10 Ambeki wande wakawote:naka oso kele didjango da pami otsha le odimoto kete kodihombo tshukama. 11 Aka kadimula,ato tshe hawoke one oteketa,koko paka le wane waka kondja. 12 Ndo koleko akanga wa tongo,ndo amotshi wakatate malotema wa nyangewo ndo akina waleko ndjala paka laato;ndo akina wakayakisha paka ndo voame,paka lote wa dikambo da dolelo da loolongo.ko to loka oke. 13 Oko waka wela ana waakenda,lo woho wa nde ndjo wakee anya ndo mbalombee.koko ambeki wakasukana. 14 Ndo yeso akate:nyotshike ana waakenda ahanyu mbashimba da vo ndja lemi,ne da doolelo doolongo dele le ato wafona lawo. 15 Akakitshiya anya,ok akatshu oma leko. 16 Ko enda,oto omotshi aasukana,ko mbutee yeso:ombetsha ahombami kedimena le lemi tana loseno la d'olelo? 17 Akokadimula:kekona kemumbolaye lo kene kele dimena?otoyi aleko dimena.Naka we nangaka mboto lo loseno,sedingola elembe. 18 Wekona?akanda te. ndo yeso akokadimula:aha we ndjala;aha we monana loseka;aha we mbuva;aha we mbuta kashi; 19 Eshimiya sheye la nyangeye;ndo:langaka osukani waye oko woho wayalangaye. 20 Dikenda da pami mbo tee:laka sedingola dango ne tshe;kahombami lokina? 21 Yeso aka wotee:naka wee nangaka monga kokele,tshoka tosondja kene kele keye,sha ase wola,ndo okowa ongonyu loolongo.Oma laso yaka,ndo ondjele. 22 Oma lamboka eso eteketa,olongo wa pami akatshu loolengolengo tshe;ne da atshi la dango efula. 23 Yeso akatee ambeki wande:lambonyote lo mete,kanga ongonyu woolo da nde mboto lo dolelo doolongo. 24 Lambo nyote lokina,aleko woolo ponda mboto lo hyole ya shindanu da ose ongonyu mboto lo dolelo da sambi. 25 Ambeki,kaaka woke laawo,wakashangala efula,ndo mbuta:naande lakoka pando mete? 26 Yeso akaalengee,ko nde mbatee: lee ato kene hakoke,koko le sambi tshe keleko lokoka. 27 Petelo,akoshi oteketa, kombotee:enda,sho takamoo,ndo takakoyele;laso wokonde wondoyala leso? 28 Yeso aka kadimola:lombonyote lo mete,naka onooto,lokadimwelo wa dango tshe,akokita ledee kende ke lotombo,nyu nongo yaka ndjele, ndo nyu nyakokita lo dee dikumi laahende da lowandji ko nyu nyakolombosha kumbo dikumi laahiende yase esariele. 29 Ndo one tshe lakatshu,lo lokombo lami,boto da apami,kana da adimato,kana shende,kana nyangende,kana wadende,kana ana wande,kana kete yande,kana nvudu yande dako kondja teni lokama,ndo hena loseno la pondjo. 30 Efula ke watondo wakoyala lokongo ndo efula ke wekongo wakoyala letondo.
Chapter 20

1 Ne da Dolelo da l'olongo daleko lo fona olombodi wa loodu lakatombe makopendju, da mamba asolemu vinyo yande. 2 Akokana lawo dikuta otoyi lo loshi, ndo akatomaka lo vinyo yande. 3 Akatombe tsha lo eshidi esato, ndo akeni wakina wakiko kako hawotshe ki yango. 4 Akawate: nyotshu ndonyu lo vinyo yami, ndo lakonyosha kene koleki dimena. ndo kakatshu leko. 5 Akatombe lokina tsha lo eshidi esamalo ndo otsha lo eshidi divwa, ko akatshe woho wako. 6 Akatombe lo eshidi dikumi l'otoyi, akatani akina waki kanoo, ko akawate: lote wana emalanyu lane loshi l'otondo aha tshee kodikambo? 7 Wakokadimula: mbuta ate ko oto lo taambi. nyutshu ndo nyu lo vinyo yami, kekanawate. 8 Dikolo dakakoke, okambi wa vinyo akate okimanyedi wande: ele asolemu, ndo dipawo malipo wawo, tate wa mwisho polo watondo. 9 Wane weki l'eshidi dikumi l'otoyi wakaye, ko wakalongola oto l'oto dikuta dande. 10 Wako watondo kisha, wakafonya nongola djekaleka; koko wakalongola ndovo oto l'oto dikuta otoyi. 11 Kisha nongola dikuta dako, wakangunanguna lote w'oko okambi wa loodu, 12 Ndo mbuta: wane wa mwisho wakakambi oshidi otoyi, ko ombowasha sawasawa laso, sho wane wakavudiya olembi wa loshi ndo yani. 13 Akakadimula omotshi lasawo: ongenyi wami, hakanya; hanyokani lami lo dikuta otoyi? 14 Osa kene kele keye, ndo tshoka. lakosha one efula tondo keye. 15 Kema dikimo da lemi tshee yango yami kene kelangami? kana we menaka koolo soo kele ndjale dimena? - 16 Okone wa mwisho wakoyala wa tondo, ndo wa tondo wakoyla wa mwisho. 17 Saa kekadee Yeso le Yerusalema, akakoshi Ambeki dikumi dako l'ahende, ko akawate lo mboka: 18 Enda, tambotsho lediko ke Yerusalema, ndo ona oto akotowama le Wakohani ndo wa Endele nombe. wakolambola lo nyoyi, 19 Ndo wakolambola le apagani, lote wa vo mbola, mbokomola adanga, ndo mbodja lo kuruse; ndo loshi l'asato akolo. 20 Okone nyangende la Zebedeyo akasukana le Yeso l'ana wande, ko akakolama, da mbolomba. 21 Akawote: nakelangaye? dikimo, kekanawote, ane ana wami, wane, wakite, lo Dolelo daye, omotshi lo lonya laye la lomi ndo okona lo lonya laye la lomoso. 22 Yeso akokadimula: we heye kele kelombaye. nyu koka noo kikombe kene kehombami noo? sho kokaka noo, kekawokadimula. 23 Ko akakadimula: aleko mete da nyakono kikombe kemi; koko lo kene kendana la kita lo lomi ndo lo lomoso lami, keso hendana lami, ndo kekoshama le wane mbapa kemi akalongosole. 24 Wane dikumi, kakawoke osoku, wakayala l'okeyi le ako analengo ahende. 25 Yeso akawele, ko mbuta: nyumbeyaka da owandji wa ngelo lombawaheme, ndo epalango waleko lo mbakitshakitsha. 26 Hoyala yoho yako yame lateyi wanyu. koko oto tshee lalanga ndjala opalanga lasanyu, ayale okambi wanyu; 27 Ndo oto tshee lalanga ndjala la tondo lasanyu, ayale ohombo wanyu. 28 Loko kele ona oto akaye,aha da ndjokimanyiyama, koko da kimanyiya ndo mbisha loseno lande oko woshasha wato efula. 29 Lo saa kekawatombe oma le Yeriko, leemba l'ato wakayele Yeso. 30 Ndo enda, akanga wa dimi ahende, wakakite l'omamu wa mboka, ndo wakawana: otoke kangi, Owandji, ona Davidi! 31 Oloyi wato wakashimbe, da mbalembohada; koko wakawana la kudu efula: otoke kangi, Owandji, ona Davidi! 32 Yeso akemala, akawele, ndo mbuta: alanganyu lemi nyotshee? 33 Akawoke kangi, Yeso akakime washo wawo; ndo kakiye wakakeni, ndo wakoyele.
Chapter 21

1 Saa kekawasukana le Yerusalema, ndo wakakomi le Betafagiya, otsha lo kidima koliva, Yeso akatomi Ambeki ahende, 2 Akawate; nyotshu lo shunga kele letondo kenyu; nyakotana lano osongo wa punda okelekami, ndo punda lande; nyotakelekole, ndo nyombelawo. 3 Naka oto omotshi nyote dikambo dimotshi, kanyokadimule: Owandji aleko laa dihombo. ndo kako akatshike watshu. 4 Koko, keso kekakomi kele kekotshami kene kekate Ombutshi: 5 Nyote osekaseka wa le Siyona: enda, kumekanga kende amboya leye, ndola la kangi, ndo ahemi ladiko da punda, ladiko da punda, ona punda. 6 Ambeki wakatshu, ndo wakatshe kene kekawate Yeso. 7 Wakela ona punda ndo punda, wakakitsha ladiko dawo ahondo wawo, ndo wakokitsha ladiko. 8 Efula keto wa loloyi wato wakale ahondo wawo lo mboka; akina wakahembola tahi yesongo, ndo ndola lo mboka. 9 Wane watshi letondo ndo wane wakatayelaka Yeso wakawanaka: Hosanna le okana wa Davidi! otshokwami le one laya lo lokombo lOwandji! Hosanba lo fashi yalediko efula! 10 Saa kekandoto le Yerusalema, ngelo tshee kekaambe, ndo wakataka: naa one nde naa? 11 Oloyi wato wakakadimula: Yeso, Ombutshi, wose Nazareta le Galileya 12 Yeso akoto lo tepelo ke Zambi. akatshanya wane tshee wakasondjaka ndo sombaka lo tepelo; akatsholaka mesa wa amengodi wa falanga, ndo dee asondji wa tokudumba. 13 Ndo akawate: akandikama: lo loodu lami lakelame lo loodu la dombelo. koko nyu, nyambolitshe lokoto la wevi. 14 Akanga wa dimi ndo wane watshumbe wakasukana lende lo tepelo. ndo akakonola. 15 Koko epalanga wa Wakohani ndo Endele nombe wakomala, lo mena akambo wa dimena wakandatshe, ndo ana wakawanaka lo tepelo: Hosanna le okana wa Davidi! 16 Wakawote: wee lomboka kene ketawo? mete, kekakadimula Yeso. nyotasomaka eso eteketa: ombosa lotombo oma lonyo wana ndo le wane wele lalemba? 17 Ndo, akatshike, akatombe lo ngelo da tsho otsha le Betaniya, leko kekandatolala. 18 La pendju, lokaloya oma lo ngelo, atshi la ndjala. 19 Akeni fingo lo mboka, akasukana; koko akatani paka akatshi, ndo akawote: pondjo aha olowa to leye! ndo kako fingo yakomi. 20 Ambeki, wakeni okone, wakambe, ndo wakate: okonde wele kene fingo amboma saa keko keme? 21 Yeso akakadimula: lambonyote lo mete, naka nyaleko la mbetawo ndo naka nyu kema la mashaka, aha kitoo nyakotshe kene kembotshema le fingo, koko saa konyote kene kidima: one omalane ndo yadja loduwa, keso kekotshema. 22 Kene tshee konyolomba la mbetawo lo dombelo, nyakopata. 23 Yeso akatshu lo tepelo, ndo, saa kekandafundishaka, epalanga wa Wakohani ndo wazee wa wodja wakaye ndjowote: la lowandji lakona latsheye ane akambo, ndo akakosha dikoka? 24 Yeso akakadimula: lambonyombola ne dimbola; ndo, naka nyakokadimula, lakonyote ladikoka dakona da tshemi ane akambo 25 Obatizu wa Joani, lende akawaye? oma lolongo, kana oma le ato? koko wakakanyiya okone lasawo; naka sho kadimula: oma lolongo, akotote: loote wana ahanyambetawo? 26 Ndo naka sho kadimula: oma le ato, sho pombaka oloyi wato woma, ne da ato tshee mbosaka Joani Ombutshi. 27 Laso wakakadimula Yeso: hateye. ndo akawate lo mala kende: ndo lemi, hamonyote ladikoka dana datshemi ane akambo. 28 Afonyanyu? oto omotshi atshi lana ahende; ndo, akate latondo, akate: onami, tshoka lelo totumike lo shamba yami ya vinyo. 29 Akakadimula: halande. lemwisho, akatubu, ndo akatshu. 30 Akate oko okina oteketa wako wame. ndo oko ona akakadimula: lambolanga dimena, Owandji. ndo nde kotsho. 31 Naa lovo vahende lakatshe lolango la mbapa? wakakadimula: latondo. ndo Yeso akawate: lambonyote lo mete, elambodi welambo ndo akanga wa seka wanyokome tondo lo Dolelo da Zambi. 32 Ne da Joani akaye lenyu lo mboka ke losembwe, ndo nyu kombetawo. koko elambodi ndo akanga wa seka wakawetawo; ndo nyu, wakeni okone, nyu nyukotobu lemwisho da mbetawo lende. 33 Nyolonge okela okina. atshiko oto omotshi, mwadimu wa loodu, lakone vinyo. akodinge lo lokoto, akatshime hyole, ndo akakosha otshimbedi; ko akafe la tovinyo, ndo akatombe lo wodja. 34 Saa ke dina kekakoke, akatomi ekambi wende lo tovinyo, da ndjolongola olowa wa lo vinyo yande. 35 Enami, watshi kita oma le ekambi wande, wakakomola omotshi, wakadake okina, ndo mbishanya lasato. 36 Akatomi lokina akina asato, woleki leembe ndeka watondo; ndo enami wakatshe yoho yako yame. 37 Le mwisho, akatomi lewo onande, ata: wakolenya onami. 38 Koko, saa kekeni enami ona, wakatane lasawo: nyende ohena; nyoye, todake, ndo toshi lohena lande. 39 Ndo wakawonde, wakosokola landja wa vinyo, ndo wakodake. 40 Kakiye, saa koya mwadimu wa vinyo, naa kene kondotshe enami? 41 Wakokadimula: akada la kele tshee ako ase sowi, ndo akodiha vinyo le enami akina, owasha woho lo saa ke dina. 42 Yeso akawate: nyotasomaka lo miandiko kanga loshi otoyi: dive dakawasokola wane wakakaka aya dive dalateyi; oma le Owandji kele keso kekaye, ndo aleko okela lo washo waso? 43 Dako dele, lambonyote, Dolelo da Zambi dakonyokuyama, ndo dakoshama le wodja lotondja elowa. 44 One loko lo dive dako akohandjo, ndo one lele dive dakokwe akohandjo. 45 Kisha mboka eso ekela, epalanga wa Wakohani ndo ase Farisayo wakoke davo kekataka Yeso, 46 Ko wakoni da mbonda; koko wakokaka oloyi woma, loote wakawoshaka Ombutshi.
Chapter 22

1 Yeso, akohi oteketa, akatekete lokina l'okela, ko akate: 2 Dolelo da l'olongo fonaka la kumekanga lakatshe fete ke tshuki le onande. 3 Akatomi ekambi wande da tele wane wakelame lo fete ke tshuki; koko vo konanga ndja. 4 Akatomi lokina ekambi ekina, la mbate: nyote wane welame: nyende: lakalongosodi olelo; ngombe yami ndo nyama yami y'amena yakavu, tshee djeko tayadi, nyoye lo fete ke tshuki. 5 Koko, ahandjakiyanya lo aliko, wakatshu, one l'okonda wande, okina oko l'otshuluzi wande; 6 Ndo akina wakayondama l'ekambi, wakawaonyola ndo mbadaka. 7 Kumekanga akomala; akatomi asoda wande, akadake ako andjakatani, ndo tshumba ngelo yawo. 8 Okone akate ekambi wende: fete ke tshuki keya tayadi; koko ambelami kokoma. 9 Nyotshu okone la sango, ndo nyotele lo fete ke tshuki wane wonyotana. 10 Eko ekambi wakatshu lo mboka, tohomanya wane wakwatane, akanga wa koolo ndo wa dimena, ndo tshumba ke fete ke tshuki kekalole l'ambelami. 11 Kumekanga akoto da mena wane weki lo meza, ndo akeni oto omotshi leki kondota dihondo da fete ke tshuki. 12 Akawote: ongenyi wami, okonde wakayotwe lane aha la ndjala la dihondo? oko oto eki onyo diha. 13 OKone kumekanga akate ekambi: nyokeleke ekolo l'anya, ndo nyokitsha lo wodjima l'andja, leko kele delo ndo ekakatanelo ke wanyu. 14 Ne da ambelami waleko efula, koko asonami tshiki. 15 Okone Wafarisayo wakatshu tenda lo yoho ya mondja Yeso oma l'eteketa wande. 16 Wakatomi suke lande Ambeki wande la aseka Herode, wakate: ombetsha, shombeyaka da we oleko mete, ndo oleko lofundisha mboka ke Dieu oko wele mete, ahandjakanya l'oto, ne da we hende lo lokani l'ato. 17 Otote okone afonyaye: kokoka, kna hakoke, da dipa kibali le Kaïzar? 18 Yeso, akeyaka koolo yawo, akakadimula: lote wana wa pimanyu, wanafiki? 19 Nyomenya dikuta ne da dipa wodja. ndo wakawela dikuta. 20 Akawambola: omee kene pitsha ndo ene mwandiko? 21 Ke Kaïzar, kekawokadimula. okone akawate: nyosha Kaïzar kene kele ke Kaïzar, ndo Zambi kene kele ke Zambi. 22 Wakashangala kene kekawoke, wakamo, ndo wakatshu. 23 Loshi lako, ase wakataka da ko elwelo poo, wakaye le Yeso, ndo wakawombola dimbola: 24 Mwadimu, Mose akate: naka oto ambovo aha ana, onangende akotshuka wadi aki odo wande, ndo akedala lolonga le onangende. 25 Koko, atshiko lateyi waso analengo esambele. latondo akatshuke, ndo akavo; ndo, oko watshinde ko ana, akatshike wadende le onangende. 26 Atshi woho wako ndo le lahende, ko lasato, polo lesambele. 27 Kisha votshee, odimoto akavu nonde. 28 Lo elwelo, lo kiko esambele kewo akoyala wadende lana? ne da votshee watshi lande. 29 Yeso akakadimula: nyaleko lo munga, loote wanyu hanyoke kanga miandiko, kanga kudu ke Zambi. 30 Ne da, lo elwelo, apami hawosa poo adimato, kana adimato wa tshiki, koko wakoyala oko andjelo wa Zambi lolongo. 31 Lo kene kendana la elwelo ke lo nyoyi, nyotasomaka kene kekate Zambi: 32 Ndeko Zambi ke Abrahama, Zambi kIsaka, ndo Zambi ke Yakobo? Zambi kema Zambi kedo, ke wane wasena. 33 Oloyi wato, wane wakalongaka, wakashangala mafundisho wa Yeso. 34 Ase Farisayo, lakawoke one ambodiha enyo wa akanga kashi, wakahomana, 35 Ndo omotshi lasawo, ombeyi wolembe, lakawombola nee dimbola, dande mbopima: 36 Mwadimu, naa olembe woleki woke lo kitabo kelembo? 37 Yeso akokadimula: kolangake Owandji, Zambi keye, lotema waye tshee, lanima waye tshee, ndo la lokani laye tshee. 38 Oso kele olembe wa tondo ndo woleki woke. 39 Ndo nyende wahende, wafonalande: kolangake wonyaye oko wee weme. 40 Lo elembe wako ehende menanaka lo kitabo kelembe ndo le Ambutshi. 41 Oko watshi Wafarisayo wakahomana, Yeso akawambola, 42 Ata: akanyiyanyu le Kristo? ona naa elende? wakokadimula: ona Davidi. 43 Ndo Yeso akawate: okonde okone Davidi, nomboma la nyuma, akawele Owandji, lo saa ketande: 44 Owandji akate loote wOwandji wande: kita lo lonya lami la lomi, polo edja komokitsha atoni waye leese kekolo waye? 45 Naka okone Davidi aleko lombele Owandji, okonde welende onande? 46 Ko oto lakakoke mbodjibiya dikambo. ndo, tate lelo, ko oto hosombo mbosha wembola.
Chapter 23

1 Koko, Yeso, akatee oloyi wato ndo le Ambeki ande ate: 2 Endele nombe la Wafarisayo wakakite l'edee ke Mose. 3 Nyo tshe okone, ndo nyende one tshee latonyoteka, koko tonyatsheke oko ele etsha wewo. Ne da vo totaka ndo hawotsheka. 4 Vo kelekaka wetsho wa kudu ko vo mbahe l'aheka wato, koko vo hawolange mba tshuma lohita. 5 Vo tsheeka etsha wewo da menamo le ato. okone vo ndotaka teshi t'ahondo ko vo waleko l'ehombo wetale l'ahondo wawo; 6 Vo nangaka fashi ya tondo lo dambo, ndo kiti da tondo lo Sinagogi; 7 Vo nangaka mbaemula lo fashi tshee, ndo mbaelee oma le ato Olombodi, Olombodi. 8 Koko nyu aha nyu ndjaelee le ato Olombodi, lote wa oto otoyi kele mwadimu wanyu, ko nyu tshee nyaleko analengo. 9 Ndo hanyumbelee oto la lakete shenyu, ne da oto otoyi lele shenyu, ele kanga lele l'olongo. 10 To nyaya eleke wa Dikitele, lote wa oto otoyi lele Dikitele danyu, ko Kristo. 11 Kanga lele opalanga lateyi wanyu akonga okambi waye. 12 One tshee lo yaedola akokitshakitshama, ndo one tshee lo ya kitshakitsha akoduyama. 13 Mananu le nyu, Endele nombe ndo le Wafarisayo! lote wa nyu dihaka ato Dolelo d'olongo, nyu nyame hnyoto ndo hanyotiya wane walanga mboto. 14 Mananu lenyu Endele nombe la Wafarisayo! lote wa nyaleko londe lo vudu ya wadi waki edo, ndo lote nyu lo tshee nyaleko wale nomba dombelo kete da tshee waminifu ndo, ko wonya wonoyala, nyeko tshee wetale, lote wakeso, nyokolombola efula. 15 Mananu lenyu, Endele nombe la Wafarisayo! lote wa nyaleko lo keda ndjale ndo kete da tshee waminifu ndo, ko saa ko nyoyala, nyakoya tshee ona Gehena mala hyende nyoleka. 16 Mananu lenyu Elombodi wa dimi wata: naka oto ambolapa oa lo tepelo, kodikambo; koko, naka oto ambolapa lote wa zahabu ke lo tepelo, kete amboyalapee. 17 Akanga wa dinginya, ndo dimi! ele oleki opalanga, zahabu, kana tepelo leeda zahabu? 18 Naka oto, nyoyatee lokina, lapa lote wa ohekele, kodikambo, koko, naka oto ndapa lote wa sadaka kele ladiko d'ohekele kete amboyalapee. 19 Dimi! ele oleki, sadaka, kana ohekele leeda sadaka? 20 One la lapa l'ohekele ambolapa l'ohekele ndo le tshee l'adiko; 21 One la lapa lo tepelo ambolapa lo tepelo ndo le kanga l'okita; 22 Ndo one la lapa lote w'olongo ambolapa l'ekiti ke Dolelo da Zambi ndo le kanga l'okiti. 23 Mananu lenyu, Endele nombe ndo Wafarisayo wanafiki! lote nyaleko lo dipa eteni ke dikumi ke Mate, ke Aneta ndo ke Kumina, ndo nyaleko lo tshika kene koleki dihombo l'olembe, losembwe, ketshi ndo kyolamelo: malaso kehomba tate, aha monyola akambo akina. 24 Alombodi wa dimi! membele yakedanyu, ndo mena ponda. 25 Mananu lenyu, Endele nombe ndo Wafarisayo wanafiki! lote nyusolaka l'okongo wa kikombe ndo wa sahani, ndo leteyi ndola la mindo ndo la tshitshi. 26 Osa Farisayo dimi! sola tondo tondo leteyi ke kikombe ndo ke sahani, kele l'andja kayale pepe. 27 Mananu lenyu, Endele nombe ndo le Wafarisayo wanafiki! lote nyaleko lo pomanya awombo wa wema, wafona dimena l'andja, leteyi, waleko ndola too la weka w'edo ndo la yoho tshee ya mindo. 28 Ndo nyu lokina, l'andja nyaleko kokele le ato, koko, leteyi, nyaleko ndola too l'unafiki ndo la pekato. 29 Mananu lenyu, Endele nombe ndo lenyu Wafarisayo wanafiki! lote nyaleko lo tshima awombo w'Ambutshi ndo nongosola awombo wa wane wele kokele, 30 Ndo nyaleko lo mbuta: naka takasene lo wakati wa washeso, sho tototoyala suke lawo da pandjola dikila d'Ambutshi. 31 Nyaleko lo shuudiya okone lote wa pokoso yanyu yelenyu ana wa wane wakadake Ambutshi. 32 Nyembe okone oshiko wa washenyu 33 Eloyi, doho k'ekonge! okonde wewonyu kele ke lo Gehena? 34 Dako dele, enda, lambonyotome Ambutshi, akanga wa timba ndo Endele. nyakodaka ndo pane lo kuruse amotshi, nyakokomola amotshi adanga lo Sinagogi yanyu, ndo nyakasoya ngelo la ngelo, 35 Kele dikila da wane waha la dikambo kadahema lote wanyu lo kete, tate dikila d'Abele ke kokele polo lo dikila da Zakari, ona Barashi, lakanya lasa telepo la pango k'angendangenda. 36 Lambonyote lo mete,kekoko lo lone lolonga. 37 Yerusalema, Yerusalema, ladaka Ambutshi ndo wasoya wane wakawanyotome, mala nyiana yakamalange pomanya ana waye, oko wahomanya koko tokoko leese ke ahafu wande, ndo nyu kondilanga! 38 Enda, loodu laye wakoyala koyango; 39 Ne da, lakanyote, hanyoyomena lokina poo, polo edja konyota: otshoko leye we laya lo lokombo l'Owandji!
Chapter 24

1 Oko Waka tatsho kaka Yeso,letombelo kempelo,ambeki wande wakasukana leende da vo mbeya wokelo. 2 Koko nde akawatee ate:nyaleko lomena kekotshe?lambonyote lo mete,hatshikalaki diwe lo diwe kene kehakadimoki. 3 Akakite lokidima kooliva.Ndo ambeki wakaye otsha leende lo miange da vo mombola:otote,wonya wakona woya akambo wane,ndo wokonde wayala djembetelo y'oyelo waye ndo ekomelo ke andja? 4 Yeso akawate ate:nyende dimena oto atonyosengake. 5 Ndo efula wakoya lo lokombo lomi,wakota:lemi kele kristo.Ndo wakosenga efula kaato. 6 Nyakooka wata da ta ndo da looka la ata:nyoya ende da ahanyu tshimba lomba,ndo pombamaka da dango so koma.Koko hoyala lokina ekomelo. 7 Wodja wakolosha wodja wokina,ndo dolelo da yolosha dolelo dikina,ndo akoyala,fashi efula,ndjala ndo adidimu wa kete. 8 Keko tshe eko etatelo ke paa. 9 Laso wakonyokimo lo shoko,ndo wakonyoyaka;ndo nyako hetshama lo wedja tshe,lote wa lokombo lami. 10 Laso lokina efula wakoko,ndo wakosongane,waka hetshana ane laakina. 11 Efula keemenyi wa kashi wakeemala,ndo wakosenga efula kaato. 12 Ndo,lote wa koolo kekoleka mbudee,lolango leele ato lakokitakita. 13 Koko one lokoyala la etete polo lekomilo ako ka. 14 Lokumu loololo la dolelo lako sambishama lo kete tshe,da kimanyiya omenyanyi lo wedja tshe.Laso okoya ekomelo. 15 Dako dele,naka nyumena lotonu looharibifu dakateketa ombutsthi daniele,akakitshama lo fashi kekila,da one losoma ayale la yembelo. 16 Koko,da wane woyala le judeya walawo lo bidima. 17 Da one loyal le diko da lodu hoholo le nde mbosa kene kele lo lodu lande. 18 Ndo da one loyala lo shamba hokaloya ekongokongo da mbosa koti dootale dande. 19 Paa lee odimoto woyala la dikundu ndo wane wo lonya loshi lako! 20 Nyolombe ne da lowango lanyu halokomi kipindi ke tshitshi,aha loshi la sabato. 21 Ndo laso,sowi dakoyala woke daha yalaki oma letatelo me kete polo lelo,ndo hakiyalaki lokina. 22 Ndo, naka sho shi hawofupishisha,ko one lo ka;koko, lote wane wakasonama,shi yako yakoyala tsheni. 23 Naka omotshi kotee laso:christo aleko lane,ndo:aleko laso,nyoto etawoke. 24 Ne da wakeemala wa Kristo ya kashi ndo ambutshi wa kashi;wako tshee akambo wa wake ndo ahindo,lo tolembetelo da mbasenga,kana ako koka,ndo asonami. 25 Enda,laka nyotee le tondo. 26 Ko naka,wambonyotee:enda,aleko lo shenga,nyototshokake;enda,aleko lo watshumba aha nyu mbaetawo. 27 Ne da,oko losase oma leme wonya ndo menama polo lene ashama yaani,laso akoyala eyelo w'ona oto. 28 Ndo lo fashi kemotshi da ndjala edo,leko wakohomana wa pongo. 29 Oma laso oma lo shi yako ya paa,yaani yakofifiya,weedi haweenya osase lokina,tooto takoko oma loolongo,ndo kudu ke loolongo kekosokasoka. 30 Laso djembetelo yooto yakenama loolongo,kabila tshe ya lokete wako ngumanguma,ndo wakeena ona oto akoya ko memala lo weenga wa loolongo la kudu ndo lototombo la woke. 31 Akotoma wa malaika wande la ponge yahoma,ndo wakohomanya asonami wa lopepe eneyi,oma letatelo koolongo polo lookina. 32 Nyoyafundisha l'otshikitanu yosami l'osongo. katate taki waya weke, ndo akatshi wambotomba, nyakeya nyate diye daya suke. 33 Popo, lo saa konyena ane akambo tshee, nyeye one ona oto aya suke, lo mulango. 34 Lambonyote lo mete, lone lolonga heta pondjo, kele keso tshee koma. 35 Olongo la kete waketa, koko eteketa wami haweta pondjo. 36 Lo kene kendana la loshi ndo saa, ko oto leya, kanga andjelo wa l'olongo, kanga ona, koko mbapa ndame. 37 Kene kekakomi l'etena ke Noa kokoma popo l'etena k'ona oto. 38 Ne da, lo shii yakete lo vula, ato wakalekaka ndo wakanokaka, wakatshukanaka ndo wakatshukeka ana wawo, polo loshi lone lakoto Noa lo wato; 39 Ko vo komboka koyango woma, polo edja vula ndja ndo mbaemba vo tshee: akoyala yoho yame l'etena k'ona oto. 40 Okone, ato ahende wayala l'okonda, omotshi akosama ndo okina akothikala; 41 Adimato ahende watani, omotshi akosama ndo okina akotshikala. 42 Nyolombe okone, lote hanyeye na loshi loya Owandji wanyu. 43 Nyeye dimena, naka mwadimu wa loodu akeye na saa k'otsho kehomba ndja wovi, akokesha ndo hotshika da yango mboto lo loodu lande. 44 Dako dele, ndonyu, nyoyatayrisha, ne da ona oto akoya lo saa kele hanyofonya. 45 Na lele okone okambi la mete ndo la kasakasa, lele mwdimu wande akadjange le ato wande, da mbasha yango yande l'etena ke dimena? 46 Ololo le oko okambi, lele mwadimu, lo koma yande, akotana tshee okone! 47 Lambonyote lo mete, akokitsha ladiko da dango dande tshee. 48 Koko, naka okambi wa koolo, lata lende ndame: mwadimu wami amboduya ndja, 49 Akotate komola wanyande, naka ambole ndo noo la akanga elevi, 50 Mwadimu w'oko okambi akoya loshi lele hayambale ndo lo saa kehandeye, 51 Akokitsha lo tshumba, ndo akowosha yema yande la wanafiki: lanoo koyala delo ndo ekakatanelo ke wanyu.
Chapter 25

1 Ko ndo dolelo da loolongo fonaka leesekaseka dikumi wa dimuma wane wakooshi atala waatshi letohomana la omi atanu lasawo dinginya, 2 Atanu lasawo waaki dinginya,atanu waaki totshundu. 3 Akanga wa dinginya koombidja biso l'atala wawo, 4 Akanga wa totshundu wakadje biso l'atala wawo. 5 Oko wakaduya omi bo wakodimbe ndo waka lale. 6 Lateyi wotsho,wakade kisoko,hanyeni omi,nyotshu latohomana lande! 7 Ko esekaseka wa dimena tshe wakeemo,ndo wakatate la nongosola atala wawo. 8 Akanga wa dinginya wakate ase totshundu:nyotosha yema yanyu yeso, ne da atala waso wambodimala. 9 Totshundu waka kadimula: keema,hoyala efula leeso ndo leenyu. 10 Lakawatatshooka letoyasombe,Omi akakomi;wane weki tayadi wakooto lande lo fashi ke tshuki,ko lokuke lakadihama. 11 Lookongo,esekaseka ekina wakakome ndo mbuta:owandji,otodihole. 12 Koko aka akadimula ate:lambonyote lo mete te: ha nyeye. 13 Nyohotoya,ne da hanyeye loshi,la saa. 14 Ako yala okooto omotshi lakatshu lolokendo,ko aka elee ambeki wande,ko aka washa mbo yande. 15 Akasha talata tshanu le omotshi,hiende le okina,ndo otoyi le lasato,oto looto lo kudu kende,ko akatshu.Kondjala edja 16 One laka pate talata tshanu akatshu,kotoyiduya,ko nde kondja talata kyina tshanu. 17 Woho wako wamee,one laka pate talata hiende,akatokotsha kyina hiende. 18 One laka pate otoyi akatshu totshima difuku lokete ko nde kunde akuta w'owandji wande. 19 Shi ya mbeeta,ombetsha wene ekambi akaye,ko akayohoola lawo. 20 One lakalongola talata tshanu,akasukana ko mbela talata tshanu,ko akate:owandji,wee paami talata tshanu heenda lakayo pata talata kyina tshanu. 21 Ombetsha wande akawotee:aleko dimena,ndo ololo ndo oshika wookambi;okayale la kyolamelo lotokambo tatotshike,lokokothike defula,oto longenongeno wa ombetsha waye. 22 One lakakondja talata hyinde akasukana ndo nde, ko nde mbuta:owandji,wee paami talata hyinde;heenda,lakatopata kyina hyiende. 23 Ombetsha wande mbotee: oleko dimena,ololo ndo kyolamelo yookambi;wee atshi la kyolamelo lo daango da tshiki,lakokosha defula;oto longenongeno woombetsha waye. 24 One laka longola talata otoyi akasukana,ndo nde mbuta ate;owondji lakeyaka,da wee oleko oto la otema woolo,one lana lene ahandonii,ndo one lamotsha lene ahanda tshoodi woho. 25 Lakoke wooma,ndo lakatoshe talata keye leteye kete; enda lane,osa kene kele keye. 26 Mwadimu wande ako kadimula:okambi wakoolo ndo was nende,wembeyaka wete lemi munaka lene akimi komone,ndo pomanya lene akimi komboka; 27 Okahombe toshtika falanga yami le ane wakamba lo banki,ko,loshi lomokaloya,kandjoshi one lele lami la faida. 28 Nyokumuya one lele la talata otoyi,ndo nyosha one lele la talata dikumi. 29 Ne da wakosha one lele laa,ko akonga l'efula,koko one lele kema laa wakokumuya ndo kene kelende lato. 30 Ndo okambi wanyanya,nyoosokole lo didjima da laandja,lene oyala alelo ndo ekakatanyelo wa wanyu. 31 Saa koya ona oto leteyi ke lotombo lande,la malaïka tshe,konde kital'edee ke lotombo lande. 32 Wedja tshe wakohomana le tondo kende.Akokakitola amotshi la akina,koko elami kakitolo ekoko la waomi; 33 Ndo akokitsha ekoko lo lonya pomi,ndo mbodi lo lomoso. 34 Laso owandji mbuta le and weld lo lonya lande la lopami:nyoye,nyu wane wakatshokwama la mbapa;nyoshi lokanga la dolelo daka longosama oma l'etatelo ke andja. 35 Lote lemi leteyi la ndjala,ndo nyakambisha dango da nde;letshi la posa,ndo nyakambisha wa noh;letshi ongendangenda,ndo nyaka nongola dimena. 36 Letshi otakataka,ndo nyaka ndotsha;letshi la hemo,ndo nyaka mende;letshi lo muyololo,ndo nyakaye leemi. 37 Ato wakoka wakokumuya:owandji,saa kekona Kaka takeni la ndjala,ndo Kaka takosha da nde,kana ndjala la posa,ndo Kaka takosha da noh? 38 Saa kekatakenyi ongendangenda,ndo sho kolongola,kana otakataka,ndo kosho kolotsha? 39 Na Saa kekatakenyi wee hemo,kana lokodi,ndo wakata otsha leye? 40 Ndo owandji kadimula:lambo nyoye lo mete,mala tshe kekanyasale ne dango lootoyi wakoshi wa analeengo wami,leemi wakayatshee. 41 Oma laso akatee wane woyala lo lomoso:nyangane oma leemi,ase mananu;nyotchu Lorna ya poncho yaka longoswama lote wa satana ndo wa andjolo wande. 42 Ne da letshi la ndjala,ndo nyu kombishami yango ya nde;lakoke posa,ndo nyu kombishami da noh; 43 Leetshi ongendangenda,ndo nyu ko nongolami; leetshi otakataka,ndo nyu ko ndotshami;letshi la hemo ndo lokodi,ndo nyu komendami. 44 Wakokadimula lokina:owandji,na saa kekata keeni okay ndjala,kana la posa,kana ongendangenda,kana otakataka,kana la hemo, kana lokodi,ndo kondjala loomamu waye ko kokimanyiya? 45 Ko nde mbakadimula:lambonyote lo mete,mala tshe yetshinu kotsheeka akambo waso,le omotshi wakenda,la lemi kakinyu ko mbatshee. 46 Ko waso wakotsho lo shoko ya ponjo,koko ane waakoka lo loseno la pondjo.
Chapter 26

1 Saa kekamani Yeso teketa eteketa wako tshee akate Ambeki wande: 2 Nyumbeyaka da Pasaka kekoyala ambotshikala shii hyende, ndo paka ona oto akotowama da mbidjama lo kuruse. 3 Laso epalanga wa Wakohani ndo wazee wa wodja wakahomana lo seke da ngelo opalanga Kohani, lelewo Kaïfa; 4 Ndo wakalamula lo yoho ya munda Yeso lohemba, ndo da mboyakisha. 5 Koko wakate: aha loshi la fete, kele tamu hatoyoyala lateyi wa wodja. 6 Oko watshi Yeso le Betaniya, lo loodu la Simona kanga sodi, 7 Odimoto omotshi akasukana lende, okime poke ke diwomba, katshi la malashi wa beyi kudu; ndo, saa ketshinde lo mesa dande, akohoke malashi lo ote wande. 8 Ambeki, wakeni okone, wakomala, ndo wakate: landena ele dimena one oshishelo? 9 Otohomba sondja one malashi ke beyi kudu, ko mbisha ase wola akuta. 10 Yeso, akawende, akawate: loote wana wasoyanyu one odimoto? ambotshe otshaa wa dimena lemi; 11 Ne da nyaleko paka la ase wola lanyu, koko nyu kema lami loshi tshee. 12 Lo mbute one malashi lo demba dami, lambote lo doombo dami. 13 Lambonyote lo mete, fashi tshee lene osambishama lone lokumu lololo, lo duniya tshee, wakoteketa lokina da mboho one odimoto kene kembonotshe. 14 Laso omotshi lo dikumi lahende, lelewo Yuda Esikariyote, akatshu le epalanga wa Wakohani, 15 Ko mbuta: alanganyu mbishami, ndo lakonyotowende? ndo wakawosha akuta akumi asato. 16 Tate keso saa, wakoni daaso dadimena da towa Yeso. 17 Loshi la mwaza ekate aha wana, Ambeki wakate Yeso, da mbote: lende alangaye sho kokate deshi da Pasaka? 18 Akakadimula: nyotshu lo ngelo le oto omotshi, ndo nyotowote: mwadimu ate: saa kemi keya suke; lakole Pasaka lakaye lAmbeki wami. 19 Ambeki wakatshe kene kekawate Yeso, ndo wakatayarisha Pasaka. 20 Dikolo dakakoke, akakite lo mesa nde la dikumi lahende. 21 Saa kekawalekaka, akate: lambonyote lo mete, omotshi lateyi wanyu akotowa. 22 Wakandama votshee lokeyi wefula, ndo oto loto akatate la mombola: onde lemi, Owandji? 23 Akakadimula: one lakatshangi lami lonya lo sahani, oso kotowa. 24 Ona oto akotsho, oko akandandikama loote wande. koko mananu le oto lomalende lakatowe ona oto! otoleka dimena le oto ako totondoto. 25 Yuda, lakotowe, akoshi oteketa ndo mbuta: onde lemi, Rabbi? Yeso akokadimula: wee keta. 26 Saa kekawalekaka, Yeso akoshi okate; ndo, kisha tshokola, akahembola, ndo akasha Ambeki, ata: nyoshi nyole, one kele demba dami. 27 Akoshi lokina kikombe; ndo kisha tshokola, akawasha, ata: nyono nyutshee; 28 Ne da one kele dikila dami, dikila dosanga, dakahandjo le efula, loote wedimanyelo ke pekato. 29 Lambonyote, homono lokina olowa wa lo kene vinnyo, polo loshi lone lomono lokina lanyu lo Dolelo da shemi. 30 Kisha vo memba esambo, wakatsho lo kidima kolova. 31 Laso Yeso akawate: lakoyala lenyutshee, one otsho, yoho yotakanya; ne da akandikama: lakokomola onami wekoko, ndo ekoko wa loloyi wakohandjone. 32 Koko, kisha lomolo oma lo nyoyi, lakonyokome tondo le Galileya. 33 Petro, akoshi oteketa, akawote: saa kekona koyoyala leso tshee yoho yotakanya, wee hoyala poo lemi. 34 Yeso akawote: lambokote lo mete, one otsho, tondo ke koko mbeka, oko manguna lokina mala shato. 35 Petro akokadimula: naka pombamaka vo laye, hamokanguna. ndo Ambeki tshee wakate yoho yako yame. 36 Loko leteyi, Yeso akatshu lawo lo fashi kelewo Getesemani, ko akate Ambeki: nyokite lane, saa kembomotsho etale da nomba. 37 Akoshi Petro ndo lana ahende wa Zebede, ndo wakatate mboka oketi ndo ndela. 38 Akawte laso: anima wami waleko lokeyi polo lo nyoyi; nyotshikale lane, ndo nyokesha lami. 39 Ko, akatshu yema letondo, akakole ote, ndo nomba okone: shemi, naka aleko dimena, kene kikombe keyale etale lami! koko, aha kene kelangami, koko kene kelangaye. 40 Ko akaye le Ambeki, wakandatani woshami, ko akate Petro: hanyokoki kesha saa otoyi lami! 41 Nyokesha ndo nyolombe, kele hanyoyoko lohemba; nyuma keleko kako, koko demba daleko wodu. 42 Akatshu etale lokina mala kehende, ndo akalombe okone: shemi, naka aleko dimena kene kikombe ketshu etale aha lemi noo, lolango laye latshemi! 43 Akakaloya, ndo akatani lokina woshami; ne da washo wawo watshi wodu. 44 Akatshike, ndo, akatshu etale, akalombe mala ke sato, akakaloya eteketa wako wame. 45 Ko akatshu le Ambeki wande, ndo akawate: nyamboshama kakiye, ndo nyu nyambomuya! nyende, saa keya suke, ndo ona oto ambotowama lanya wa akanga wa pekato. 46 Nyemale, totshu; nyende, one lotowa ambosukana. 47 Oko wakandateketa, lokina heni Yuda otoyi omotshi lo dikumi l'ahende akakomi ndo la oloyi efula wa asoda la tokuwa ndo l'akonga, waka tomama le elombodi wa Wakohani ndo le epalanga wa ngelo. 48 Ndo one lak'otewe aka washa halama: one lomo busu oko kele nde, nyo wonde. 49 Kako, akasukana le Yeso mala otoyi aka wotee: akemwe! Olombodi! ko ako busu. 50 Yeso aka wotee ate: ongenyi ami, kene kamboya laa landjotshee, tsheto. ko ato wako waka sukana waka dje Yeso anya ndo waka wonde. 51 Ko nyende omotshi wa lateyi wa Yeso akoshi lonya ko momola lokuwa: ko aka kote okambi welombodi wa Wakohani, ko akahembola toyi. 52 Ko Yeso aka wotee ate: kaloya lokuwa lo yombo; neda one tshee ladana la yombo akovo la yombo. 53 Onde we fonyaka da lemi hakoke nomba Mbapa da nde tomemi oloyi Wandjelo ndekana dikumi l'ahende lo saa kene? 54 Ko naka osoku nayoho yokotshama wandikelo wakate da kene kahomba ndjala naa 55 Ko lo saa keko, Yeso ka tee oloyi: nyu nyamboya, oko le otomboki, la tokuwa ndo la teengu, da nyu nyo munda. leki lanyu shii tshee kita lateyi wanyu, ombetsha wa lo tepelo, ndo nyu hanyomundi. 56 Koko kene tshee kembokoka le mwisho ne da miandiko Ambutshi kotshama. ko Ambeki tshee wakohandjo, ndo ndawo tute 57 Wane waka nde Yeso wakotole le dikumanyi da ngelo Kayase, lene akahomana Endele nombe la dikumanyi lene aka wahomana. 58 Petero akoyele l'etatelo polo looko la Kohani keladiko, akoto ndo kita l'ekambi, da menda na woho wowokomee. 59 Wakohani ndo mbaraza ke tumiladi wakoni ato wane waka koke mbuta kashi da vo mboyaka. 60 Koko vo kotana, kanga wakaye wa temo le mwisho wakaye ahende, 61 Wata vate: one akate: lemi koka nukola telepo ka Zambi, ndo mbika lo shii shato. 62 Kohani ke ladiko akemala, ko mbotee: we hakadimola kaanga? na kene kembokitsha ato lo tshimbo yaye? 63 Yeso aka tshikala kii. ndo Kohani ke ladiko, akoshi oteketa, akawote: lambosengasenga, lote wa Zambi. 64 Yeso aka kadimola ate: oko wataye. Ko laso lambonyote, nyu malo shosanya kena ona oto okiti lo lonya la pami la Zambi, ndo nyu lo wange wa l'olongo. 65 Ko kohani akaate ahondo wande, wata: aka tole! kekona kele keso l'ohemba wa temo? ndo nyu nyamboka toyi kenyu kefona. 66 Waka kadimola: aleko koka la nyoyi. 67 Leko la diko, waka wotee soyi l'longi, ko wako komola angumi ndo ehafu 68 Wata: Kristo, tabiri; otote okokomodi. 69 ko laso Petero, aki kita landja lo seke. okambi omotshi w'odimoto aka sukana tsha lende ko mbote: ndo we, omotshi la l'oloyi wa Yeso ya le Galileya. 70 Koko nde akawanguna le tondo keto tshee, ata: haleye kene konaye mbuta. 71 Oko waka ndatatshokaka tsha lo lokuke, okina okambi w'odimoto aka weni ko nde mbote; one akiko ndo nde la Yeso yose Nazarete. 72 Aka wanguna lokina, alapa: haleye osoto. 73 Ko malaso, wane weki lano, waka sukana, wate Petero: mete ndo we omotshi lawo, ne da oteketa waye fonaka lawo. 74 ko aka kite tate mbidja mananu ndo akalape: haleye osoto. kako ndo koko kekeke. 75 Ko Petero akoho eteketa wa Yeso wakandawote: tondo ke koko mbeka, okomanguna mala shato. ko nde aka tombe ata lele, efula.
Chapter 27

1 Kakatate wonya poto, epalanga tshee wa Wakohani ndo wazee wa wzdja wakoshi dako loote wa Yeso, da mbodaka. 2 Kisha mbokeleka, wakotole, ndo mbotowa le Pose Pilato, guvelenele. 3 Laso Yuda, lakofunge, akeni ambofunga, akatubu, ndo kaloya akuta akumi asato le epalanga wa Wakohani ndo wazee, 4 Ata: lakatshe pekato, da funga dikila doto laha ladikambo. wakokadimula: keso hatende? keso kendaka weme. 5 Yuda akasokola akuta lo telepo, akakaloya, ndo akatshu toyadja yole. 6 Epalanga wa Wakohani wakatongona ndo wakate: kema dihombo mbidja lo woshasha wekila, loote aleko beyi da dikila. 7 Ndo, kisha vo mbofunga, wakasombe la ako akuta shamba ya potifaro, lo doombo dangendangenda. 8 Dako dele shamba yako yakelame shamba ya dikila, polo lelo. 9 Laso kekakotshama kene kekateketa oma le Yeremiya, Ombutshi: wakotshi akuta akumi asato, kinemo ke one lakapime, lakawapime oma le ana wIzariyele; 10 Ndo wakawosha lo shamba ya potifaro, oko Owandji akandawate. 11 Yeso akasambe tondo ke guvelenele. guvelenele akawombola, lo ene eteketa: wee kele kumekanga kase Yuda? Yeso akokadimula: wee keta. 12 Koko nde kokadimula lo wembola wa epalanga wa Wakohani ndo wazee. 13 Laso Pilato akawote: wee hoke akambo angana wakoshitawo? 14 Ndo Yeso kombokadimula lo kanga oteketa otoyi, keso kekambe guvelenele efula. 15 Lo fete tshee, guvelenele atshi la otshaa wa tondja ose muyololo, one lakalomboka oloyi wato. 16 Watshi laa okone ose muyololo la lokumu, lokombo lande Barabasi. 17 Oko wakawahomana, Pilato akawate: naa lalanganyu nyotondje, Barabasi, kana Yeso, lelewo Kristo? 18 Ne da akeyaka da atshi lo lolanga kekawafunge Yeso. 19 Saa ketshinde kita lo tuminadi, wadende akawote: kodikambo lasaye la oto one laha ladikambo; ne da lelo lakasowi efula lodo loote wande. 20 Epalanga Wakohani ndo wazee wakenya oloyi wato da nomba Barabasi, ndo ndjakisha Yeso. 21 Guvelenele akoshi oteketa, akawate: naa lalanganyu lo vo vahende mbotondja? wakakadimula: Barabasi. 22 Pilato akawate: atshemi okone Yeso, one lelewo Kristo? votshee wakakadimula: adjami lo kuruse! 23 Guvelenele akate: koko naa koolo kotshende? ndo wakawana lokina la kudu efula: adjami lo kuruse! 24 Pilato, akeni da nde kopata koyango, koko looka lakatetemala, akoshi ashi, akasole anya letondo koloyi wato, ndo akate: ndeko kema ladikambo lo dikila da one oto laha la dikambo. keso nyendaka. 25 Ko wodja tshee wakakadimula: dikila dande dako leso ndo le ana waso! 26 Laso Pilato akatondjiya Barabasi; ndo, kisha komola Yeso adanga, akotowe da mbodja lo kuruse. 27 Asoda wa guvelenele wakatole Yeso lo fashi ketowodakanaka, ndo wakahomana lande oloyi wato wa woke. 28 Wakokolola ahondo wande, ndo wakolotsha kandjo ke wotsho. 29 Wakatele shapo ketende, kekawakitsha ladiko dote wande, ndo wakawodje losondjo lo lonya la lomi; ko, wakakake adwe letondo kende, wosoka, wata: moyo, kumekanga ke Yuda! 30 Ndo wakawote soyi, waokshi losondjo, ndo wakokomola ladiko dote wande. 31 Kisha vo mbola, wakokolola kandjo, wakokaloya ahondo wande, ndo wakotole da towodja lo kuruse. 32 Saa kekawatombe, wakahomana la oto omotshi lose Sirena, lelewo Simona, ndo wakawodjange da memba kuruse ke Yeso. 33 Wakakomi lo fashi kelewo Gologota, kene keta ewako, 34 Wakawosha kendeno wana tshanga lololo; koko, saa kekangalonge, nde konanga noo. 35 Kisha vo mbodja lo kuruse, wakahakana ahondo wande, wakoke owale, kele kene kekateketa Ombutshi akotshami: wakahakana ahondo wami, ndo wakoke owale kandjo kemi. 36 Ko wakakite, ndo wakawendaka. 37 Da menya dikambo da nyoyi kende, wakandika ladiko dote wande:one kele Yeso, kumekanga kase Yuda. 38 Lande wakadje andjakatani ahende lo kuruse, omotshi lo lonya lande la lomi, okina lo lonya lande la lomoso. 39 Ambetshetshi wakotolaka, ndo mbokime lote, 40 Wata: wee kekahandjola tepelo, ndo lakalike lo shii shato, yatsha wee weme! naka oleko ona Zambi, holo oma lo kuruse! 41 Epalanga wa Wakohani, la Endele nombe ndo wazee, wakawole ndovo, ndo wakate: 42 Akatsha akina, ndo nde koka ndjatsha nde ndame! naka aleko kumekanga kIzariyele, aholo oma lo kuruse, ndo takowetawo. 43 Akayasha le Zambi; na Zambi otshungole kakiye, naka aleko lo mbolanga. ne da akate: ndeko ona Zambi. 44 Andjakatani, wakadje lande lo kuruse, wakotole woho wako wame. 45 Tate eshidi esamalo polo eshidi divwa, didjima dakayala la kete. 46 Ndo otsha lo eshidi divwa, Yeso akawana la doyi da kudu: Eli, Eli, lama sabachthani? mbuta ate: Zambi kemi, Zambi kemi, loote wana amboyosokola? 47 Amotshi wane watshi lanoo, wakoke, wakate; ambele Eliya. 48 Ndo kako omotshi lewo akalawo da mbosa eponge, kekandaloda la wana, ndo, akahane lo losondjo, akawosha dande noo. 49 Koko akina wakate: tshika, tende naka Eliya akoya le ndjowotsha. 50 Yeso akade lokina doyi da woke, ndo akakaloya nyuma. 51 Ndo nyende, dihondo da lo tepelo dakahandjo lahende, tate lediko polo leese, kete kekadidima, wade wakatete, 52 Awombo wakafo, ndo efula kelemba wekilami wane wakavu wakolo. 53 Wakatombe lawaombo, kishha mbolo ke Yeso, wakakaloya lo ngelo kekila, ndo wakatanemo oloyi wa woke wato. 54 Olambodi ndo wane watshi lande da nama Yeso, wakeni adidimu wa kete ndo kene kekakomi, wakandama la woma wefula, ndo wakate: mete mete, one oto atshi ona Zambi. 55 Atshiko lanoo adimato efula wakendaka letale; wane wakatshinde Yeso tate le Galileya, da mbokambe. 56 Lasawo watshi Madiya yose Magadala, Madiya, nyango Yakobo ndo Yoazfu, ndo nyango ana wa Zebede. 57 Dikolo dakakoke, oto omotshi kanga ongonyi akakomi oma le Arimatiya, lokombo lande Yozefu, ndonde lokina atshi Ombeki wa Yeso. 58 Akatshu le Pilato, ndo akalombe demba da Yeso. ndo Pilato akalamula da mbosha. 59 Yozefu akoshi demba, akawombe la dihondo da wema, 60 Ndo akadikitsha lo sanduku koyoyo, kene kekandasele lo dive. ko akeda dive da woke lombotwelo ke doombo, ndo akatshu. 61 Madiya yose Magadala ndo Madiya okina watshi lako, wokiti mbelane la doombo. 62 La wediapendju, latshi loshi la kisha nongoswama, epalanga wa Wakohani ndo ase Farisayo wakatshu pamodja le Pilato, 63 Ndo wakawote: Owandji, sho tamboho kene kekate one latshi kodikambo, saa katshinde la koseno: kisha shii shato lakolo. 64 Dja didjango okone da doombo dalamami polo loshi lasato, kele Ambeki wande hawoyoya ndjova demba, ndo mbute wodja: ambolo oma lo nyoyi. kene nyoyi kekoleka ketondo koolo. 65 Pilato akawate: nyaleko lolami; nyotshu, nyolami oko wokonganyu. 66 Wakatshu, ndo wakakite lo doombo oma lo tshimbo yonami, kisha vo diha dive.
Chapter 28

1 Kisha sabato, lokese la loshi latondo la yinga, Madiya yose Magadala ndo Madiya okina wakatshu tenda doombo. 2 Ndo nyende, atshi adidimu wa kete wa woke; ne da ondjelo wOwandji wakaholo oma lolongo, akaye ndjonya dive, ndo akakite ladiko. 3 Sura kende ketshi oko sase da wonya, ndo dihondo dande datshi wema oko dunge. 4 Anami wakadidima la woma, ndo wakayala oko edo. 5 Koko ondjelo akoshi oteketa, ndo akate adimato: lenyu, tanyokake woma; ne da lemi mbeyaka da yaleko lo toni Yeso lakawadje lo kuruse. 6 Nde kema lane; nde ambolo, oko akandate. nyoye, nyende fashi kene ketshinde, 7 Ndo nyotshu esadisedi nyotote Ambeki wande da nde ambolo lo nyoyi. ndo nyende, akonyokome tondo le Galileya: leko konyowena. nyende, lambonyote. 8 Wakamo esadi esadi lo doombo, la woma ndo lolo wefula, ndo wakalawo tota lokumu lololo le Ambeki. 9 Ndo nyende, Yeso akaye ndjohomana lawo, ko mbate: lambonyemula. wakasukana da mbokime lekolo wande, ndo wakakolama letondo kende. 10 Laso Yeso akawate: tanyokake woma; nyotshu nyotote anangemi watshu le Galileya: leko kowomena. 11 Saa ketshiwo lo mboka, ato amotshi walama wakoto lo ngelo, ndo mbute epalanga wa Wakohani kene tshee kekakomi. 12 Wane, kisha vo pomana vo la wazee ndo mbosa dako, wakasha asoda leemba lakuta, 13 Wakawate: nyote: Ambeki wande wakaye lotsho ndjova, saa kekatalalaka. 14 Ndo naka guvelenele ambeya, takokitshakitsha, ndo sho takonyokaloya sowi. 15 Asoda wakoshi akuta, ndo wakayele elembe wekawawasha. ndo loso looka lakatawala le ase Yuda, polo ndo lelo. 16 Ambeki dikumi lotoyi wakatshu le Galileya, lo kidima kene kekawawenya Yeso. 17 Saa kekawaweni, wakakolama letondo kende. koko amotshi watshi la mashaka. 18 Yeso, akasuka,a, akatekete okone: mamulaka tshee wakambishama oma lolongo ndo lo kete. 19 Nyotshu, nyete wedja tshee Ambeki, nyabatiza lo lokombo la mbapa, lona ndo la nyuma kekila, 20 Ndo nyafundishake da nama kene tshee kekamanyote. ndo nyende, ndeko lanyu shii tshee, polo le mwisho wa duniya.