Bible

Acts

1¹Teofile, lakateketa, lo kitabo kemi ke tondo, kene tshee ketate Yeso tshee ndo fundisha tate l'etatelo ²Polo ndo lo loshi lakandembama l'olongo, kisha nde mbisha elembe wende ma le nyuma k'ololo, le Atomami wakanasone. ³Kisha nde soama, akatombe la loseno, ndo akawasha tolembetelo efula, akenama lewo shii nyeni, ndo ateketa akambo wendana la Dolelo da Zambi.⁴Oko weki nde lawo, akawadjange da aha vo ndjala etale la Yerusalema, koko da kanga kene kekalake mbapa, kene kekamanyote, kekandawate; ⁵Ne da Joani akabatiza l'ashi, koko nyu, lo shii ya tshiki, nyakobatizama la nyuma k'ololo.⁶Laso Atomami wakatshumani wakawombola: Owandji, lo etena keko koyokaloya Dolelo d'Izariele? ⁷AKakadimola: aha lenyu da mbeya tena kana wenya kekashikike mbapa lo lowandji lande ndame. ⁸Koko nyakolongola kudu, nyuma k'ololo kekokita ladiko danyu, ndo nyakoyala ameni le Yerusalema, ndo Yuda tshee, le Samariya, ndo polo ndo lo mipaka wa kete.⁹Kisha mbuta keso, akadee ko akendaka, ko dunge dakoshisha lo washo wawo. ¹⁰Ndo oko wekiwo la wendelo tsha l'olongo lo saa kekanatadeka, enda, ato ahende woloti ahondo wa wema wakatombe, ¹¹Ko vo mbuta: ase Galileya, lote wana wemalanyu la menda l'olongo? one Yeso, lakade l'olongo ma lateyi wanyu, akoya yoho yako yame yakanyaweni atatshu l'olongo.¹²Laso wakakaloya le Yerusalema ma lo kidima kelewo Oliva, kele suke la Yerusalema, etale la mboka ke Sabato. ¹³Lo saa kekawakomi, wakade lo tshumba ke lediko lene akawtanemoka leko; waki Petero, Joani, Yakobo, Andele, Fidipe, Thomas, Bartelemi, Matayo,Yakobo ona Alufo, Simona lakaweleka Zelote, ndo Yuda, ona Yakobo. ¹⁴Vo tshee kame wakakikeka lo mawombi, l'adimato, ndo Madiya, nyango Yeso, ndo l'anango wa Yeso.¹⁵Lo shoshi, Petero akemala lateyi w'analengo, lofulo l'ato wakwahomana eki suke la lokama l'akumi ahende. ko akate: ¹⁶Ato analengo, ahombama kotshama kene kele nyuma k'ololo, lo mukanda, akatama tondo, ma l'onyo wa Davidi, lo dikambo da Yuda, one leki olombodi wa wane wakande Yeso.¹⁷Akademaka lateyi waso, ndo leki l'akoka lo lolombo lako lame. ¹⁸One oto, kisha nde nongola mushara wa ndjaka, akoka, akayakakitola lateyi wa demba, ndo esohi tshee wende wekakakitona. ¹⁹So dikambo dakeyama lo Yerusalema tshee da okonda akelame l'oteketa wawo hakeledama, mbuta ate okomba wa dikila.²⁰Koko, akandikama lo kitabo k'esambo: ekitelo kende keyale shenga, ndo oto akokitake! ko: okina embe wotsho wande!²¹Paka okone, lateyi wa wane wakatotshinde saa tshee kekatase naka la Owandji Yeso, ²²Tate lo obatieo wa Joani polo loshi lakandembama lateyi waso, aleko omotshi lo wosukanya oko temo lo elwelo kende. ²³Wakatondja ahende: Yozefu lakaweleka Barsabani, lakawade Yusutusa, ndo Matiyasi.²⁴Ko wakalombe ne dombelo: Owandji, we keya tema waso tshee, sonola one lo vwahende lakasonola, ²⁵Kele apate lolombo lone ndo lo kene esambishelo, kene kele Yuda akatshike ko tsho lo fashi kende. ²⁶Wakoke longanda, ko bahati wakako le Matiyasi, lakawakotsha l'oloyi w'Atomami dikuùi l'otoyi.

2¹Loshi la Patekote, waki vo tshee lo fashi keko kame. ²Kanoo wakeni ma l'olongo looka oko lone la lopepe la kudu, ko lakalole lo loodu lekiwo kita. ³Eteketa, wefona la eteketa wa dja, wakatombe, kakitola amotshi l'akina, ko wakakitaka ladiko da vo tshee. ⁴Ko vo tshee wakalodama la nyuma k'ololo, ndo wakateketaka eteketa ekina, oko nyuma akanalangiya da teketa.⁵Koko, akiko loshi lomotshi le Yerusalema ase Yuda, ato wa koolo, wa lo wodja tshee wele lese ke kete. ⁶Lo looka leki lo kiko fashi, leemba l'ato lakalawo, ko wakoto ko ohokohoko lote vo wakawokaka wa teketa l'oteketa ande. ⁷Vo tshee weki la yambelo ndo l'ohokohoko, ko wakayate amotshi l'akina: enda, ane ato tshee wateketa vo kema ase Galileya?⁸Ndo woho wakona wotowoka l'oteketa waso shotshee lasaso, l'oteketa waso w'ashidi? ⁹Parthesi, Medesi, Elamitesi, wane wakita Mezopotamiya, le Yuda, le Kappadose, le Potiya, l'Aziya, ¹⁰Le Firigiya, le Pafiliya, l'Egibito, wodja wa Libiya suke la Kirene, ndo wane wakaye ma le Roma, Yuda la ekonyanya, ¹¹Ase Keritoya ndo Arabe, okonde w'okaso teketa l'eteketa waso akambo wadimena wa Zambi?¹²Vo tshee waki la daambo, ndo, wakeyaka paka mbaza, wakayateeka amotshi l'akina: na keta kene? ¹³Koko akina wakolaka, ndo wakataka: wambolola la wana wa dimena.¹⁴Laso Petero, akayatondja la dikumi l'otoyi d'asonami, akeda doyi, ko akateketa lo nyeyoho: ase Yuda, ndo nyu tshee wakita le Yerusalema, nyeye okone, ndo nyononge lo eteketa wami! ¹⁵Aneeto vo kema ndewo, oko woho wafonyanyu, ne da saa ke sato ke lo loshi.¹⁶Koko lane akakate Ombutshi Yoeli: ¹⁷Lo shii ya mwisho, keta Zambi, lakoloda nyuma kemi lo demba tshee; ananyu w'apami la w'adimato wako tabiri, elongolongo wenyu wakoyala la wenyelo, ndo esombe wenyu wakena alo.¹⁸Mete, le ekambi wami w'apami la w'adimato, lo shii yako, lakoloda nyuma kemi; ndo wakotabiri. ¹⁹Lako tondja ahindo ma le diko d'olongo ndo ahindo lese ke l'edinga²⁰Wonya wakakadimo didjima, ndo wedi kadimo dikila, tondo ke loshi k'Owandji koma, loshi lako la woke ndo la lotombo. ²¹Laso one tshee lele lokombo l'Owandji akoka.²²Ato wase Izariele, nyolonge eso eteketa! Yeso y'ose Nazareta, oto one lele Zambi akatondja oshuuda letondo kenyu lo ahindo, aloho ndo tolembetelo takatshema lende lateyi wanyu, oko weyanyu nywame; ²³One oto, pakema oko didjango d'olembe ndo lo eyelo ke Zambi, nyu nyakohane lo kurusen nyu nyakodake ma lo lonya lase koolo. ²⁴Zambi akowolola, la mbotshungola l'ekodi wa nyoyi, lote wa monga la dihombo nde mbokime.²⁵Ne da Davidi akate lote wande: lakenaka la kyokomiya Owandji le tondo kemi, lote nde laleko lo lonya lami la lomi, kele aha lemi ndotshu mbama. ²⁶Lokina otema wami waleko l'olo, ndo lolemi lami l'ongenongeno; ndo kanga demba dami dakokita l'ekongelo,²⁷Ne da wee homo lo anima wami lo loshi l'edo, ndo we hokimwe ekila keye mena osedisedi. ²⁸Okambeyanyu to woka ta loseno, oko ndoda l'olo le tondo keye.²⁹Ato ana lengo, nyodimanyiya da nyote hwehwe, lo dikambo da omboledi Davidi, nde akavu, akembama, ndo dombo dande daleko ndo lelo lasaso. ³⁰Oko wakinde Ombutshi, ndo wakaneyaka one Zambi akolake la ndapa da mbokitsha omotshi la lolonga la edee kende, ³¹Keso ele mbolo ke Kristo kekanakonge ndo mbuta, ata howotshika lo loshi l'edo ndo demba dande hena otshimba.³²Oso ele Yeso one lakolola Zambi; shotshee taleko atemo. ³³Akedama lo lonya la lomi la Zambi, akalongola ma le mbapa nyuma k'ololo kekanalake, ndo wokanyu.³⁴Ne da Davidi kombude poo l'olongo, koko akate ndendame: Owandji akate Owandji wami kita lo lonya lami la lomi, ³⁵Polo edja komotshee atoni waye lese kekolo waye. ³⁶Loodu tshee la l'Izariele leye okone la loshikike da Zambi akatsha Owandji ndo Kristo one Yeso lakanyadje lo kuruse.³⁷Kisha mbuka oso wotelo, etema wewo wekakomo, ko wakate Petero ndo le Atomami: ato analengo, ototshee? ³⁸Petero akawate: nyotubu, ndo oto tshee lateyi wanyu abatizami lo lokombo la Yeso Kristo, lo edimanyelo ke pekato yanyu; ndo nyakolongola woshasha wa nyuma k'ololo. ³⁹Ne da dakadaleko lenyu, le ana wanyu, ndo le wane wele etale, lokina leemba l'efula kele Owandji waso Zambi akawele.⁴⁰Ndo, ma lo efula k'eteketa ekina, akalaka ndo akasengasenga, ata: nyoya tsha nyweme lo lolonga lakashisho. ⁴¹Wane wakalange oteketa wande wakabatizama; ndo, lo loshi lako, leemba l'Ambeki lakongezama suke l'ato midiyo shato y'anima. ⁴²Wakashikimala lo mafundisho w'Atomami, lo lolango l'analengo, lo pakana ekate, ndo lo maombi.⁴³Woma wakoto le oto tshee, ndo wakatshee ahindo l'aloho efula ma le Atomami. ⁴⁴Wane tshee wakokaka woma weki lo fashi keko, ndo weki vo tshee kame. ⁴⁵Wakasondjaka dango dawo ndo ekondji wewo, ndo waka dikahanyu woho lasawo, ndjelana la ahombo w'oto l'oto.⁴⁶Weki loshi tshee votshee kame la bidi lo tepelo, wakataka okate lo mvudun ndo wakosaka dango dawo dande l'olo ndo la lokitshakitsha l'otema, ⁴⁷Watombola Zambi, ndo watana ketshi le ngelotshee. ko Owandji akakotshee loshi tshee lo kanisa wane weki mbika.

3¹Petero la Joani wakade lo tepelo, lo saa ke dombelo: eki lo saa ke divwa. ²Aki oto omotshi eteku tate mboto, lakawembaka ndo kitsha shii tshee lo mulango ke tepelo lakaweleka Bela, lote akalombaka musaada le wane wakotoka lo tepelo. ³Oko oto, akeni Petero la Joani wakaye le ndjoto, akalombe musaada.⁴Petero popo ndo Joani wakwende tee, ko mbuta: otende. ⁵Ko akaende tee, akonga da nongola malewo yango miotshi. ⁶Laso Petero akawote: lemi kema l'akuta, kana fesa; koko kene kele lami, lambokosha: lo lokombo la Yeso Kristo yose Nazareta, emala ndo kendakenda.⁷Ko akokime lo lonya la lomi, akawemada. kanoo, ekolo wende ndo asonga wende wakadihama; ⁸La fumbofumbo akemala, ndo akatate la kendakenda. akoto lo tepelo akendakenda, afumbofumbo, ndo atombola Zambii.⁹Oto tshee akaweni akendakenda ndo atombola Zambi. ¹⁰Wakeyaka da eki one leki kita la Bela mulango wa lo tepelo da mbisha musaada, ndo weki la dambo ndo l'ohokohoko lo dikambo ne dakakome.¹¹Oko akiwo ko mumo Petero la Joani, wodja tshee wakaambe wakalawo lewo, lo mulango welewo Salomona. ¹²Petero, lo mena okone, akatee wodja: ato wase Izariele, lote wana wambanyu okone? lote wana atendanyu tee okone, kana nyu fonyaka da kudu keso shwame kana ma lo otakaso waso kekatakendjakendja oko oto?¹³Zambi ke Abrahama, Isaka la Yakobo, Zambi ke washeso, akatombola okambi wande Yeso, lakanyatowe ndo manguna letondo ke Pilato, one leki kame da mbokimo. ¹⁴Nyakanguna ekila ndo kanga mete, nyakalombe da nyosha daaso da ndjaka .¹⁵Nyakadake kumekanga ke loseno, lele Zambi akolola ma lo nyoyi; taleko atemo. ¹⁶Ma lo mbetawo ke lokombo lande kele lokombo lande akafe one lenanyu ndo leyanyu; mbetaw ke lende kekasha one oto kene ekonwelo, letondo kenyu tshee.¹⁷Ko kakiye ane, analengo, lemi mbeyaka da nyakatshee aha la mbeya, nyu l'ewandji wanyu. ¹⁸Koko Zambi akatsha lote akateketa tondo l'onyo w'Ambutshi wande tshee, da Kristo kende akahomba sowa.¹⁹Nyoyo tubu okone ndo nyokadimo, kele pekato yanyu yadimo, kele wenya wa keketshama waye ma le Owandji, ²⁰Ndo ambotoma one lakatomama, Yeso Kristo,²¹Olongo ahomba nongola polo lo saa keshikikalelo k'akambo tshee, wele Zambi akateketa edjedja l'onyo w'ekilami Ambutshi wande. ²²Mose akate: Owandji Zambi kenyu akotondja lateyi w'analengo anyu Ombutshi oko lemi, kanyowokele lo kene tshee kondonyote, ²³Ndo one tshee lahowokela Ombutshi ako akomanema lateyi wa wodja.²⁴Ambutshi tshee wakateketa omotshi l'okina, tate Samwele, vo lokina wakateketa lo shii nye. ²⁵Nyaleko ana w'Ambutshi ndo lo daka da Zambi akalakana la mbapa yanyu, ate Abrrahama, kumbo tshee ya lo kete yakotshokoma lo lolonga laye. ²⁶Maleye tondotondo kele Zambi, akatondja okambi wande, akotomi da kotshokola, ndonyewola oto l'oto lo pekato yande.

4¹Koko Petro la JOani wakateka wodja, Wakohani wakakomi, opalanga wa tepelo, ndo akanga wa kashi, ²Kongenangena lo kene kekawafundishaka wodja, ndo wakasambisha lo lokombo la Yeso elwelo ke lo nyoyi. ³Wakawande, ndo wakawadje lo muyololo polo la wediapendju; ne da atshi aya la dikolo. ⁴Koko, efula ke wane wakoke oteketa waketawo, ndo leemba lato lakafule suke midiyo tshanu.⁵La wediapendju, ewandji wa wodja, wazee ndo Endele nombe, ⁶Wakahomana le Yerusalema, la Anna, opalanga Kohani, Kayifa, Joani, Alexandele, ndo wane tshee watshi lo doho kepalanga Kohani. ⁷Wakakitsha lateyi wawo Petro la Joani, ndo wakawambola: lakoka wakona, kana lo lokombo lana akanyatshe okone?⁸Laso Petro, akalodama la nyuma kekila, akawate: ewandji wa wodja, ndo wazee wa lo Izariyele, ⁹Loote tambomboma lele lo dikamba da dimena dotshami le oto okoni, kele sho tote okonde wakandakonwe, ¹⁰Nyeye nyutshee, wodja tshee wa Izariyele weye! lo lokombo la Yeso Kristo lose Nazaretha, lakanyadje lo kuruse, ndo lele Zambi akawolola lo nyoyi, omalende kele one oto aya la demba da dimena letondo kenyu.¹¹Yeso aleko dive dakasokoma lanyu wakaka, ndo lele laya nguzo ke lateyi. ¹²Ko panda le oto okina; ne da kema leese kolongo lokombo lokina lakashama lateyi wato, lone lakatahombe sho mbika.¹³Saa kekaweni mbetawo ke Petro la Joani, wakambe, wakeyaka da watshi ato wa wodja waha la ewo; ndo wakaeye da watshi la Yeso ¹⁴Koko oko wakawenaka suke lawo oto lakakono, vo kondjala la dikambo da kadimula.¹⁵Wakawate da tomba lo Sanehedrina, ndo wakatane lasawo, ¹⁶Wata: atsheso ane ato? ne da amboloyala le akiti tshee wa lo Yerusalema dihindo dakenyama dakakotshama lawo, ndo sho hatohombe manguna. ¹⁷Koko, kele dikambo hadoyewoma efula lateyi wa wodja, tatekete la manee da teketa lokina le oto tshee lo lokombo loko. ¹⁸Ndo wakawaele, wakatekete dimena da teketa ndo fundisha lo lokombo la Yeso.¹⁹Petro la Joani wakakadimula: nyolombosha naka aleko losembwe, letondo ke Zambi, da nyolenya tondo ke Zambi; ²⁰Ne da sho hatohombe tshika teketa kene kekateni ndo kene kekatoke.²¹Waka wanee lokina, ndo wakakimo, haweye okonde wa mbakaripiya, loote wa wodja, loote ato tshee wakatombolaka Zambi lo kene kekakomi. ²²Ne da oto latshi kyiko ya ekonwelo wa dihindo atshi la miaka ndeka akumi aneyi.²³Kisha mbakimo, wakatshu le wane wele wawo, ndo tasambe kene tshee kekate epalanga Wakohani ndo wazee wawo. ²⁴Saa kekawalonge, wakaduya le Zambi doyi votshee, ndo wakate: Owandji, wee kekatshe olongo, kete, oduwa, ndo tshee kele loko, ²⁵Wee kekate oma le nyuma kekila, oma lonyo wa sheso, okambi waye Davidi: loote wana one leemba lateyi wa wedja, ndo tone tokani ta koolo lateyi wa wedja?²⁶Kumiyadikanga ya la kete wakemala, ndo kumiyadikanga waka towe le Owandji ndo le okitami wande.²⁷Okone, ndo le okilami waye okambi Yeso, lakayadise esoo, Herode ndo la Pose Pilato wakatowe lo kene ngelo la wedja ndo lato wa Izariyele, ²⁸Da tshe kene kele lonya laye ndo dako daye dakayate tondo.²⁹Ndo kakiye, Owandji, enda manee yawo, ndo osha ekambi waye da sambisha oteketa waye la mbetawo ke kudu, ³⁰La munula lonya laye, kele ekonwelo kayale, ahindo ndo akadikadi, lo lokombo la okilami waye okambi Yeso. ³¹Saa kekawalombe, fashi kene ketshiwo kekadidima; votshee wakalodama la nyuma kekila, ndo wakasambisha oteketa wa Zambi la mbetawo.³²Leemba la wane waketawo atshi otema ndo anima otoyi. ko oto lakataka elolo wande wendana lende, koko tshee ketshi lotoyi lasawo. ³³Atomami wakenyaka la kudu kefula oshuuda wa elwelo wOwandji Yeso. ndo ketshi ke woke ketshi lasawo votshee.³⁴Ne da kondjala lateyi wawo kanga ose ngelo: wane tshee watshi la mashamba kana vudu wakasondja, wakoshi abeyi wakawasondja, ³⁵Ndo wakakitshaka lekolo wa Atomami; ndo wakakahaka le oto loto oko watshinde la lazima.³⁶Yozefu, lakelame lAtomami Barnabasi, lata ona losengosengo, Levita, ose Shypra, ³⁷Akasondja shamba yatshinde laa, akoshi akuta, ndo akakitsha lekolo wa Atomami.

5¹Koko pami kimotshi lokombo lande Ananiya, nde la wadende Safiran akasondja yango yande, ²Ndo akakime yema dikuta, wadende akeyaka; ko akembe yema yakatshikala, ndo akakitsha l'ekolo w'Atomami.³Petero akawote: Ananiya, lote wane wele Shetani ambolola l'otema waye, polo ndo we senga nyuma k'ololo, ndo we tshikala yema y'akuta wa lo shamba? ⁴Naka we kosondja, we kotshika? ndo, kisha sondja, dikuta kondjala leye? okonde wakahombi mbidja l'otema waye nye yoho ya doonga? aha ato kekasengi, koko Zambi. ⁵Ananiya, akoke eso eteketa, akako, ndo akavu. woma w'efula wakoto le anongi. ⁶Elongololongo, wakemala, wakawombe, wakotole, ndo tokunde.⁷Kisha shi shato, wadende akoto, aha lambeya kene kekakomi. ⁸Petero akawote one oteketa: ombute, onde lo so beyi kekanyasondja shamba? mete, kekandokadimula, lo beyi dako.⁹Okone Petero akawote: okonde wakanyokani da pima nyuma k'Owandji? enda, wane wakakudnde omeye wele lo mulango, ndo wakokemba. ¹⁰Ko kiko saa akako l'ekolo w'Otomami ndo vo. elongololongo, wakakaloya, wakotani wakavwe; wakawembe, ndo mbokunde suke l'omende. ¹¹Woma wa woke wakoto l'oloyi tshee ndo le wane akoke aso akambo.¹²Ehindo ndo aloho efula wakatshema lateyi wa wodja oma l'anya w'Atomami. wakemalaka vo tshee lo disoko da Salomona, ¹³Ndo kanga oto okina ko pima koma lewo; koko wodja wakotombolaka la kudu.¹⁴Leemba la wane waketawo le Owandji, apami ndo adimato, wakongezeka yema yema; ¹⁵Lo yoho yakawelaka ekoni lo mikoba ndo wakakitshaka lo tanda ndo lo totandanda, kele, lo saa kaketetaka Petero, didjima dande yema dakadihaka oto omotshi lasawo. ¹⁶Efula k'ato lokina wa lo ngelo ya suke la Yerusalema, akela ekoni ndo ato weki l'ohenyohenyo la nyuma ya koolo; ndo vo tshee wakakono.¹⁷Koko opalanga Kohani ndo wane tshee waki lande, mbeya tshama k'ase Sadika, wakemala, ndodama la lomendja, ¹⁸Wakande Atomami, ndo wakawadje lo muyololo wa wodja.¹⁹Koko ondjelo w'Owandji, akadihola l'otsho milango wa muyololo, akatondja, ndo mbate: ²⁰Nyotshu, nyotemale lo tepelo, ndo nyotee wodja eteketa tshee wa lone loseno. ²¹Kakawoke keso, wakoto tate la pendju lo tepelo, ndo wakatate la fundisha. opalanga Kohani ndo wane waki lande wakokome, wakele Sanihedrina ndo epalanga tshee w'ana w'Izariyele, ndo wakatomi da tona Atomami lo muyololo.²²Elami, lo saa kekawakomi, vo kombatana lo muyololo. wakakaloya, ndo wakatosha wotelo wawo, ²³Wata: takatani muyololo dihama dimena, ndo elami letondo ke milango; koko, kisha dihola, sho hatotani kanga oto otoyi leteyi.²⁴Lo saa kekawote eso eteketa, kumanda ke lo tepelo ndo Wakohani wakeyaka paka mbaza lote w'Atomami ndo mwisho wa so dikambo. ²⁵Oto omotshi akaye da ndjo wate: enda, ato wakanyadji lo muyololo waleko lo tepelo, ndo waleko lo fundisha wodja.²⁶Okone kumanda akatshu l'elami, ndo mbalombola aha la kudu, ne da waki la woma wa ndjakema la wodja. ²⁷Kisha vo mbakonya letondo ke Sanehedrina, opalanga Kohani akawambola ²⁸ Lo ene eteketa: sho hatonyoshimbi da nyufundisha la kyokomiya lo loso lokombo? ndo ende, nyamboloda Yerusalema tshee la mafundisho wanyu, ndo nyaleko lo nanga kosha leso dikila d'onoto!²⁹Petero ndo Atomami wakakadimula: paka nenya Zambi tondo k'ato. ³⁰Zambi ke wa sheso akolola Yeso, lakanyadake, lakanyaje yole l'osongo. ³¹Zambi akawedola lo lomi lande oko ona kumekanga ndo ombitshi, da mbisha Izariyele tubu ndo edimanyelo ke pekato. ³²Taleko atemo w'akombo wako, woho wako wame oko nyuma ko'ololo, kene kele Zambi akasha le wane w'olenya.³³Wakomala lo eso eteketa, wakalange da mbadaka. ³⁴Koko ose Farisayo, lokombo lande Gamaliyele, ombeyi w'olembe, lele wodja tshee wakawokeka, akemala lo Sanehedrina, ndo akadjanga da tondja l'etena ke tshiki Atomami l'andja.³⁵Ko akawate: ato w'ase Izariyele, nyoshi yambalo lo kene konyotshe le ane ato. ³⁶Ne da, kema edja kekatombe Teyida, lakayashaka lo dikambo dimotshi, ndo dele wakahomama otsha lo ato kama nyeyi: wakadake, ndo wane tshee wakayele wakadjama lo muyololo ndo monga ato wanyanya. ³⁷Kisha nde, Yuday'ose Galileya akenamo, l'etena ke mandikisha kombo, ndo akoshi lo duniya tshama kende: akadake nde lawo, ndo wane tshee wakoyela wakahandjo.³⁸Ndo kakiye anen lambonyote ahanyu ndjasha le ane ato, ndo nyatshike watshu. naka one olemu kana ne dikambo deko d'ato, dakohandjo; ³⁹Koko naka deko Zambi, nyu kema l'akoka wa dihandjola. tanyongake la mananu da ndosha Zambi.⁴⁰Wakendana lo lokani lande. ko wakele Atomami, wakakomola adanga, wakashimbe da teketa lo lokombo la Yeso, ndo wakakimo. ⁴¹Atomami wakakaloya letondo ke Sanehedrina, waki l'olo da nomboshama la tolama lo lokombo la Yeso. ⁴²Ndo loshi tshee, lo tepelo ndo lo vudu, vo konemba la fundisha, ndo sambisha lokumu l'ololo la Yeso Kristo.

6¹Lo etena keso, efula k'Ambeki kekongezeka, ase Helenita waka ngunanguna lote wa ase Hebero, lote wadi waki edo wawo wakonyoma l'ohakanyelo wakatshemaka loshi tshee.²Dikumi l'ahende wakele leemba l'Ambeki, ko wakate: kema dimena da sho tshika oteketa wa Zambi da nenya meesa. ³Dako dele, analengo, nyosonole lasanyu apami esambele, one lele lenyawo oshuuda wa dimena, wele ndodama la nyuma k'ololo ndo la yimba, ndo takowasha lone lotomu. ⁴akao sho, takotetemala la ndjasha lo mawombi ndo lo lolombo l'oteketa.⁵Loso lokani lakangenyangenya ato tshee. wakasone Etsheni, pami kolodami la mbetawo ndo la nyuma k'ololo, Filipe, Prokore, Nikanor, Timana, Parmena, ndo Nikolas, okonyanya w'Atiyoshiya. ⁶Wakatondo le Atomami, vo, kisha nomba, wakawahe anya.⁷Oteketa wa Zambi wakatawala yema yema, leemba l'Ambeki lakongezeka efula le Yerusalema, ndo oloyi wato wa Wakohani wakalenya olembe.⁸Etsheki, ndodama la ketshi ndo la kudu, akatsheka aloho ndo ahindo wa weke lateyi wa wodja. ⁹Wanyawo amotshi wa lo Sinagogi welewo wane womboteho, wane wa le Syrenana ndo wane wa le Alexandrins, la ase Yuda ya le Sisisiya ndo l'Aziya, wakatate mbidjana tamu lande;¹⁰Koko vo kopomba mbidja tamu lo yimba yande ndo lo nyuma kele kekanateketa. ¹¹Okone wakaanya ato wakate: sho takawoke atondja eteketa wa lotengo le Mose ndo le Zambi.¹²Ekeda wodja, epalanga ndo Endele nombe, ndo, sokola lende, wakawonde, ndo wakotole le Sanehedrin. ¹³Wakatondja atemo wa kashi, wakate: one oto hoke tondja eteketa lo fashi k'ekila ndo l'olembe; ¹⁴Ne da takawoki ata da Yeso, ose Nazareta, akolanya kene fashi ndo akotshikitanya ashidi wane wakatosha Mose. ¹⁵Wane wakalombolaka lo Sanehedrin wakende Etsheni, elongi kende kekayala oko ondjelo.

7¹Opalanga Kohani akate: akambo waleko okone? ²Etsheni akakadimula: ato analengo ndo wambapa, nyolonge! Zambi ke lotombo akene le sheso Abrahama, lo saa kekinde le Masedoniya, tondo ke ndjayenya le Sharana; ³Ndo akawote: tomba lo wodja waye ndo kumbo keye, ndo tshoka lo wodja komokenya.⁴Akatombe lo wodja w'ase Shalada, ndo tokita le Sharana. leko, kisha nyoyi ke shende, Zambi akotondja lo wodja wakitaye kakiye; ⁵ Nde kombosha kanga yango otoyi yande lo ngelo keko, kana yango ya lokolo, koko akalake da mbisha kele kende, ndo lolonga lande kisha nde, kanga wakinde k'ona.⁶Zamb akateketa okone: lolonga lande lakotshikala lo wodja wokina; wakowondja polo leese ndo wakohenyahenya shi kama nyeyi. ⁷Koko wodja wone wakawasoyama, lemi kowolombosha, keta Zambi. kisha laso, wakatomba, ndo wakotumike lo kene fashi. ⁸Ko ZAmbi akasha Abrahama daka da kumbini; ndo okone, Abrahama, akote Isaka, akawodje kumbini loshi l'enaneyi; Isaka akote ndo akadje Yakobo kumbini, ndo Yakobo epalanga dikumi l'ahende.⁹Epalanga, kele ke Yozefu, wakosondja da mbotola l'Edjibito. koko Zambi atshi lande, ¹⁰Ndo wakotowe la esukusuku tshee; akawosha yimba ndo akawosha ketshi letondo ke Farawo, kumekanga k'Edjibito, lakawodje Guvelenele wa l'Edjibito ndo loodu lande tshee.¹¹Akayala ngala lo wodja wotondo w'Edjibito, ndo wone wa Kanana. okeyi waki woke, ndo ambotshi waso kotana kene kende. ¹²Yakobo akoke da maa deki l'Edjibito, ko akatomi ambotshi waso maka ketondo. ¹³Ndo mala kehende, Yozefu akeyama le analengo wande, ko Farawo akeya na kumbo kende.¹⁴Ko Yozefu akato da tona shende Yakobo, ndo kumbo kende tshee, weki ato akumi esambele l'atanu. ¹⁵Yakobo akaholo l'Edjibito, lene akandavu, polo ndo washeso; ¹⁶Ndo wakawembe otsha le Sishema, ndo mbokitsha lo dombo dakasombe Abrahama, lo beyi d'akuta, d'ana wa Hemora, mbapa kende la Sishema.¹⁷Etena kekasukana kele daka dakalake Zambi le Abrahama dakahombe kotshama, ndo wodja wakoto ndo weki efula lo Edjibito, ¹⁸Polo edja kekatombe kumekanga kikina, laki kombeyaka Yozefu. ¹⁹Kumekanga keko, akoke kele lote wa dangi daso, akasoya washeso, la lokani la mbayenya le ana wawo, daha vo sena.²⁰Lo shoshii, kekoto Mose, leki dimena lo washo waZambi. akaleshama wedi esato lo loodu la shende; ²¹Ndo, kakawawenya, osekaseka wa Farawo akolongola, ndo mboda oko onande.²²Mose akalakema la yimba tshee y'ase Edjibito, ndo eki kudu l'oteketa ndo l'akambo. ²³Aki la miaka akumi aneyi, lo saa kekandaye l'otema da menda anango, ana w'ase Izariyele. ²⁴Akeni otoyi lakawasoyaka, ndo, akotekete, akatomboke kanga lakawasoyaka, ndo komola ose Edjibito. ²⁵Akawaze da anango koka mboka one Zambi koka tshungola lo lonya lande; koko vo komboka.²⁶Loshi lokina, akene lateyi wawo oko wakalokaka, ndo akalombe lote wa kii: ato, kekandate, nyaleko analengo; lote wane asoyananyu omotshi l'okina? ²⁷Koko kanga soya wonyande lo mbotshanya, la mbuta: akakokitsha owandji ndo shushi ladiko daso? ²⁸We nangaka dakami, oko wakadake loyi ose Edjibito?²⁹Lo oso oteketa, Mose akalawo, ndo akatshu totshikala lo wodja wa Madiyana, lene akandote ana ahende. ³⁰Kisha miaka akumi aneyi, ondjelo akotombe, lo shenga ya lo kidima ke Sinayi, l'osase wa kuka ke dja.³¹Mose, akeni okoko, akambe lote wa kiko menamo; ndo, oko wakandatasukanaka da mbombola, doyi d'Owandji akoke: ³²Lemi kele Zambi ke washeye, Zambi k'Abrahama, k'Isaka ndo Yakobo. ndo Mose, yango tshee yakadidima, ko pima menda.³³Owandji akawote: nya elato waye wa l'ekolo, ne da fashi kele kemadiye keleko kete y'ekila. ³⁴Lakeni sowi da wodja wami wone wele l'Edjibito, lakoke ekoko wawo, ndo lakaholo da ndjatshungola. kakiye, tshoka, lambokotoma l'Edjibito.³⁵One Mose, lakawangula, wata: akakokitsha owandji la shushi? one lele Zambi akatomi oko owandji ndo oko otshungodi la musaada w'ondjelo wakotombe l'oswee. ³⁶Oso kakatondja l'Edjibito, atonga aloho ndo ahindo lo wodja w'Edjibito, lateyi wa ndjale ke Bela, ndo lo shenga miaka akumi aneyi. ³⁷One Mose kata le ana w'Izariyele: Zambi akonyotondjiya lasa analengo wanyu Ombutshi oko lemi.³⁸Ele one lele, lo wonya wa losanganya lo shenga, laki la ondjelo lakawoteka lo kidima ke Sinayi ndo la washeso, akalongola mana ya sena, da ndjotosha. ³⁹Washeso vo konangaka mbolenya, wakawotshanya, ndo wakewoya etema wewo l'Edjibito, ⁴⁰Ata le Arona: otosha tozambizambi takendakenda letondo keso; ne da one Mose lakatotondja lo wodja w'Edjibito, sho hateye kene keyande.⁴¹Ndo, lo sho shii, wakatshee fete, wakasha olambo edimu, ndo ngenangena lo lotomu l'anya wewo. ⁴²Okone Zambi akakadimo, ndo akatshungola lo mukusano w'otonga wa l'olongo, oko wakandandikama lo kitabu k'Ambutshi: nyakambisha dango ndo weshasha lo miaka akumi aneyi lo shenga, loodu l'Izariyele?...⁴³Nyakalote dihoso da Moloka ndo yooto ya zyambizambi Ramfa, sandamu yande yakanyatshee da mbatemola! lokina lakoyembe polo ndekana Babilona.⁴⁴Washeso watshi lo shenga ya tabelenakele oshuuda, oko akasha one lakate Mose da mbotshee lo yoho nye yakandeni. ⁴⁵Ko washeso, lakawalongola, wakawotshiya, leese ke lolombo la Jashua, lo wodja waki wedja wakatshanya Zambi letondo kewo, ndo akatshikala polo ndo lo shii ya Davidi. ⁴⁶Davidi akatani ketshi le Zambi, ndo akalombe da mbuduya loodu la Zambi ke Yakobo;⁴⁷Ndo eki Salomona kekawoke loodu. ⁴⁸Koko kanga lele lediko hakite lo lone lakatshema la lonya l'oto, oko wata Ombutshi: ⁴⁹Olongo ele edee kemi, ndo kete ele ekolo wemi. na loodu lonyombike, keta Owandji, kana na fashi komomuya? ⁵⁰Aha lonya lami kekatshee ne dango tshee?...⁵¹Ato wokeleka lo wodi, eteama ndo atoyi kudu! nyu nyundjatshikitolaka la nyuma k'ololo. kele keki washenyu, kelenyu ndonyu. ⁵²Na Ombutshi lasawo washenyu kondjaka? wakadake wane wakateketaka tondo oyelo wa meye, konyotowa kakiye, ndo kekinyo andjakatani, ⁵³Nyu wane wakalongola olembe oko amuri w'andjelo, ndo nyu konama olembe wako!...⁵⁴Kakawoke eso eteketa, wakomala l'etema wewo, ndo wakaketemola wanyu lende. ⁵⁵Koko Etsheni, ndodama la nyuma k'ololo, ko akeda washo l'ololo, akeni lotombo la Zambi ndo Yeso memala lo lomi la Zambi. ⁵⁶Ko akate: enda, lambena ololongo hwee, ndo ona oto memala lo lomi la Zambi.⁵⁷Wakade okone ekoko wa kudu, wasotshasotha atoyi, ndo wakayasukanya vo tshee lende, ⁵⁸Wakawemade l'andja wa ngelo, ko wakokomola. atemo wakakitsha ahondo wawo l'ekolo w'olongolongo lokombo lande Sawolo.⁵⁹Ko wakakomola Etsheni, lakalombaka ndo mbuta: Owandji Yeso, longola nyuma kemi! ⁶⁰Ko, akake adwe, akawana la doyi da kudu: Owandji, hawadiyake kene pekato! ndo, kisha eso eteketa, akashama.

8¹Saulo atshi kamee la nyoyi kende.Wokone wakamee loshi lako shoko efula lote wa ekeleziya wa yeluzalema;ndo ambetawo tshe wakalawo laahole wa lo Juda ndo lo samariya,aha la atomami. ²Ato woololo wakakunde Etsheni ndo wakanungunika lolonyangu lote wa dikambo da nde. ³Koko Saulo aki loleke lande akenya ekeleziya paa,akoto lodu la lodu ndo mbitshanya apami la adimato,ndo akawaoke lookodi.⁴Lowenya wako,ambetawodi wane wakahandjo wakatshu letosambisha lokumu loololo. ⁵philippo polo lo osomba wa samariya ndo akasambisha christo.⁶Lamakooke oloyi ndo mena tolembetelo takasale philippo,waki la hange leeteketa wende. ⁷Efula lo nvo wane weki lewo,edenge wakatshungoma ndo edenge letomba yawo wakadje tokoko ta weke; lokina ane wakole eshisha ndo wane watenguna wakakono. ⁸Ndo aki ongenongeno wa woke lo osomba wako.⁹Koko atshi loosomba pami kemotshi Simona,one laaki mala kimotshi akalokaka doka;akaambisha ase samariya,ndo aka yashaka da ayale oto looshika. ¹⁰Ase Samasia tshee,oma leekyendakenda polomaa lee opalanga wakawosha lotoyi; ko wakate:<> ¹¹Waka wokaka,da aka washangazaka edja la doka dande.¹²Koko kaakawetawo esambeshilo ke lokumu loolelo lee philippo,leendana la doolelo da zambi ndo lokombo la yeso kristo,wakabatizama,apami ndo adimato. ¹³Ndo simo ndame akeetawo;ndo oma lavobatizama,nde ko mumo lokenge wa philippo lokina ndo kokaakadeni tolembetelo ndo ahindo,atshi lo mushangazo.¹⁴Kakiyene,saa kaatomami lekiwo lo yelusalema mboka da lo samari wakal longola oteketa was sambi,laso wakatome petelo ndo yoane. ¹⁵Lama akawakomi,wakaalombe,ne da nvo nongola nyuma koololo. ¹⁶Ne da polo lo wonya wako lawo,nyuma koololo koololo kaanga le omotshi lasawo;wakapate obatizo too lo lokombo loowandji yeso. ¹⁷Laso petelo la yoane wakakitshiya anya,ndo nvo nongola nyuma koololo.¹⁸Lama akeni simona da nyuma koololo keka kondjama oma lowaahelo waanya waatomami,akawasha akuta. ¹⁹Nde mbuta,<< ombisha akoka ane,kele,da one tshee lomahe anya kakoke nongola nyuma koololo.>>²⁰Koko petelo akokadimula:<< kokaka daakuta waye naana laye,loote we lokaniya pata woshasha wa sambi lo beyi daakuta. ²¹Hopata kanga yema kana woho lakambo ane,ne da solo daye keema hwehwee la tondo ke sambi. ²²Ya tshumuya lo koolo ke solo daye,ndo lomba owandji,ne da naka nde kokaka kodimanyiya lotokanyi tshe ta koolo. ²³Ne da lameena da oleko lookole,ndo leekodi we pekato.>>²⁴Simona akaajibo: nyonombe lee owandji, da ahakene tshe kekanyate komeemi.²⁵Lamaki petelo la yoana le tashuhudia ndo teketa da lokumu loowandji,waka kawola la Yelusalema;lomboka, waka sambisha lokumu loololo lo ngelo efula ya Samarita.²⁶Lawo andjelo woowandji teketa la philippo ko mbuta:''emala ndo tshoka lo deka da edjelo ka wonya lo mboka ke tsha le yerusalema la Gaze.''(mboka keko keleko lo shenga.) ²⁷Nde memala ndo nde tsho.Enda ose ethyopiya otoyi etshi,ndo kanga olenga la omboledi wa candance,kume kanga keese ethyopia.Akathu la Yersaleme la to sambee. ²⁸Akakaloya omaleko kita lo pusupusu asoma kitabu koomvutshi Isaya.²⁹Nyuma mbutee philippo:<> ³⁰Laso philippo akalawo Duke lande,ndo mbooka asoma kitabo ke isaya otomami,ndo teketa:<> ³¹Ose ethiopi kadimula:<>akeele philippo otane ndo wakite lande ladiko da pusupusu.³²Eteni kaafundelo keka somaka ose ethyopia atshi okone:<³³Letena ke pata soni kilombo ke koone lende.Ndo doho dande,okona oyote wa doho dande?da loseno lande lakamo oma la kete.>>³⁴Kanga olenga akatee philippo:<> ³⁵Philippo nde jibo lo tatee lo mwandiko wa kitabo ke Isaya,ko nde sambisha lokumu l'ololo la yeso.³⁶Laso lekawatatshokaka,leka wakomi Duke l'okedi;kanga olenga mbuta: enda ashi; has kene me pondja lemi mbotshama?>> ³⁷Philippo akate:naka we mbetawo la solo daye tshe,oso kokamaka.kanga olenga jibo: lemi kanyiyaka da yeso christo elako ona sambi. ³⁸Ko oseethyopia akalamula da paka meme pusupusu;ko wakateeme laashi,philippo ndo kanga olenga wakaholo votshee laashi,ko philippo mbo batiza.³⁹Lama akawatombe laashi,nyuma koowandji memba philippo,ko kanga olenga ko meena lokina.koko aka ngenangena lo mboka kekanda tatshokaka. ⁴⁰Koko philippo aka komi le Azota.Aka hemonya wodja one lata sambisha lokumulololo lowedja tshee polo la Cezara.

9¹Okone Saulo,tetemala la henyahenya ndo mbona mbayaka ambeki wa owandji,akatshu le opolanga wa alombedi ²Ko nde akalombe mikanda lo wa synagogue le Damaseke,lote wa naka ombotana ambetawodi w'akambo weeyoyo,apami kana adimato,ko mbaela wokelekami le Yeruzalema.³Lakanda tshoka lo lokendo,ko akasukana la Damaseke,kawo osase oma lo olongo akotshimbe; ⁴Akako lo kete ko mboka doyi mbotee:<< Saulo,Saulo, lote wakona wandjakaye na?>>⁵Saulo jibo:<< eleye,owandji?>>Owandji kadimula:<< lemi kele yeso d'one la yakaye; ⁶Koko emala,oto lo wodja wa woke,ndo okoteketame ne doho tana.>> ⁷Ato wakeengolaka la saulo wakemalaka bila la doyi; wakokaka doyi, koko komena oto.⁸Saulo akemala oma lokete,ndo akalange washo ande diho,nde ko Mena koyango;wakokime lo lanya ko mboto lo Damaseke. ⁹Akatshikala shi shato aha mena,ndo kondekaka kana noashi.¹⁰Atshi ombeki omotshi le Damaseke lakaweleeka Ananiya;owandji akawote lo do:<>Ndo akate<> ¹¹Ko owandji akawote:<¹²ko akeni lo djo pami kemotshi lo lokombo la Ananiya akooto ko akawaahe anya,lote wa nde mena.>>¹³Koko Ananiya akakadimula<¹⁴Aki laakoka oma le owandji walombedi da keleka one tshe ladimula lokombo laye.>> ¹⁵Koko owandji akawoote :tshoka,neda ambshila lamonga yaango yolemu ya momosona,da memba lokombo lami le wodja tondo ke ewandji,ndo tondo ke ana waase Esariyele; ¹⁶Layowenya kene tshe kayondena paa lo lokombo lami.¹⁷Wokone,Ananiya akatshu,ko akooto lo loodu.Aka wahe anya,ko akate:<>. ¹⁸Wonya ako,dango dakako oma lowasho ande oko poso,ko akeni koakemala,ndo wakobatiza; ¹⁹Omalawo,akale ko akookekudu.Akakite la ambeki wale Damaseke yediko yashi efula.²⁰Omalo wenya wako, akasambisha Yeso lowaa synagogi, ate eeko ona sambi. ²¹Wane tshe wakohokameka watshi la daambo ko wakate:aha one lakasoyaka la Yerusaleme wane waketawoka loso lokombo?ndo nde koondja lane da mbela wokelekami tondo keewandji walombedi? ²²Koko Saulo akonge la kudu efula lefula,ko akadje olengolengo lateyi wase yuda wane wakasenaka le Damaseke lambaenya onee Yeso kele Kristo.²³Kisha shi miotshi,ase yuda wakokana da mboyaka. ²⁴Koko sheke yawo yakashoma lee Saulo.kuke yakalamemaka otsho ndo yaani da vo mboyaka. ²⁵Koko lootsho womotshi ambeki wakoholoyale hele leteyi ke kitunga.²⁶Etena kekandakome le Yerusalema,Saulo akalange da mamatana lambeki;koko tshe wakawoke woma, kombetawoka daya ombeki . ²⁷Ko Baranaba akawoshi ko,akotole le atomami.Ko nde akaasambe oko akeni Saulo owandji lomboka,ndo woho wakandawote,ndo woho wakandasambisha la Damaseke,lo lokombo la Yeso.²⁸Akakondwee,lamaakawa totoka ndo la tombaka oma la Yelusalema.Akateketa la dikongelo lo lokombo loowandji Yeso. ²⁹Ndo akadja taamu laase Yuda kigirika;koko wane wakonaka da mboyaka. ³⁰Wenya wakooke analengo lakawoke,wakawoshi kombotola la Cesare ndo wakokimo otsho la Tarasa.³¹Okoone,otemwelo watshi la kii lo Yudeya tshe, Galelaya ndo Samariya,waka kama ndo kendakenda lo woma woowandji,ndo oma laakoka wa nyuma koololo otemwelo Waka nuni la ato. ³²Akeenyama oko wakeeteta Petelo lo wodja she,akatshu lookina tsha lee ambetawodi wane wakakitaka lo ngelo ke Lide.³³Leko akahomana la pami kimotshi keka weleka Aneya,oneletshi mbishama lokitanda kende oma miaka enaneyi,neda atshi la hemoke yoyoo. ³⁴Petelo akawote:<>ko kaawo,akeemala. ³⁵okoone,ato tshe wa Lide ndo wa Salone wakaweenyi,ndo waka kadimo le owandji.³⁶Ko atshi la Jopa okambi omotshi laka weleka Tabita,mbuto onee<< Dorokase >>.Odimoto one,aka tsheeka akambo efula weelolo ndo kangi otsha lee asewoola. ³⁷Akayokoma ko la hemo ,ko mvo;oma la mbootsha,wakokitsha lo tshumba kelediko.³⁸Oko atshi Lideya suke la Jopa,ambeki wakoke da Petelo eko leko,wakatome apami ahende otsha lende,da vo mbolomba da nde ndja lewo aha tshimbatshimba. ³⁹Petelo akemala,ko akatshu la apami wako.Etena kekandakomi,wakotole lo tshumba ke lediko.waadi watshi edo tshe wakotshimbe walela,wakawenya ahondo ndo ahondo wakateleka Dorokase letshinde kame lawo.⁴⁰Petelo akatondja ato tshe, wakake aduee ndo nomba;ko akewo lee odo , ko mbuta:<>akadihola washo,ko nde akeni Petelo okiti. ⁴¹Petelo akawosha lonya ko mbeeme.ko nde akele ambetawodi la wadi atshi odo, ko akawenyande la lomu. ⁴²Otshaa one wakeeyama lo Jopa tshe,ndo efula wakeetawo owandji. ⁴³Akakomi da Petelo akatshikala wenya efula lo Jopa lee osadi wa koho lakaweleka Simona.

10¹Akiko oto omotshi lo osomba wa Cesara lokombo lande koloneye,atshi owandji wa asoda wa la Italiya. ²Pami keko atshi la mete ndo aka temolaka sambi la lodu lande tshee.Akashaka ato efula woshasha ko akalombaka sambi wenya tshe.³Otsha lo saa divaa ka wonya wa loshi,akeni hwehwe loheka andjelo wa Zambi ndja dja lende.Andjelo mbottee:<> ⁴Akawende lo shika,ko akandama la woma mbuta:na keso,owandji?ndo andjelo akawote:alombelo waye ndo woshasha waye wambode tondo ke sambi,ko ambokoho. ⁵Toma kakiyene apami le Jopa,ndo otshe da mbela Simona,letawo Petelo. ⁶Aleko lokita le Simona olongosodi wa koho he da lodu laleko suke looduwa wa woke.⁷Wonya wakatshu andjelo wakoteketshaka ,Corneil akele ahende weekambi whence ndo suda omotshi lakokaka sambi Wilma oma le walk wakandasone. ⁸Ndo lama akandashile mbasmbee aka atomi la Jopa.⁹Wedi wapendju,oko watshiwo lo mboka,ko wakasukana longelo,petelo mbudee lo lodu la ladiko,lo wenya esamalo,da nomba. ¹⁰Akooke ndjala,ko akalange nde.Saa Kaka wokateeka yango yande,akako la lomba tshimba. ¹¹Akeni olongo ambodiho,ko yango myotshi ya fona la Toho da woke,akakimane lo atshuku wako aneyi,kakaholo ndo kitshama asho la kete. ¹²Ndo leteyi akatanema woho tshe wa nyama yekolo eneyi,la dambalamba tshe da yakutola lo kete ndo fudu ya l'olongo.¹³Ndo doyi mbo tee:emala we,Petelo,ondoyala ndo Leia. ¹⁴Koko petelo mbuta:keema,owandji,ne da lemi talekaka kene kahawanyaki ndo ke mindo. ¹⁵Ndo mala legends doyi dakokama lende:kene kekate sambi dimena,tokeendake oko kene ke mindo. ¹⁶Keko akayale mala shato;ko malako,engo akosama otsha l'olongo.¹⁷Koko Petelo ndame kombeya kaniya ekadimwelo kakandeni,ko enda,apami wakatomama la Koloneye,waka wenye lodu la Simona,wakayaenya lo disoko, ¹⁸Ko wakambola la doyi da naka lako kakita Simona,lakawelaka Petelo.¹⁹Ko oko atshi Petelo akaniya diko do,nyuma akawotee:enda,apami asato wako mboka; ²⁰Emala,oholo,ndo tshoka laso aha la kandakanda,ne da lemi kakatomi. ²¹Petelo akaholo,ko akate le apami :nyende,lemi kele one latanyoni;naa okomo wambonyela?²²Wakokaloya:Koloneye,Kapiteni,pami la mete ndo loka sambi Wilma,ndo see wodja ande see Juda mbo shuhudiya ,nde akatame la andjelo w'ekila da nde kele lo lodu lande ndo da mboka oteketa ways. ²³Petelo akawadje,ndo mbakitsha lo lodu lande.la pendju,waketo,ndo akatshu laso.Amotshi analengo wa Jopa wakotshinde.²⁴Loshiloina,wakakomi le Sezare.Corneil akakonge ko akekee angemi la angenyi wande²⁵wenya wokoto Petelo,Koloneye,one lakatshu tondo kende,akako lekolo wande da mbotombola. ²⁶koko Petelo akawemada ko mbotee:emala;ndo lemi kele pami.²⁷ko akateketa lande,ko akoto ko akatani ato efula wakahomani. ²⁸Nyumbeyaka akandawate,aksekama le lee juda da mamatana l'ase wodja ndo da mboto lakande;koko sambi akambutee d'aha lemi Kenda oto tshe wononyi kana mindo. ²⁹L'oteko watshimi monana ndja lots nyaka mbele;lambonyombola koko lot ona akanyatomi ato da monami.³⁰Koloneye akate:ambolekana sho nyeyi,lo saa kene, lakalombe lo Lori lami lo saa divua;ko enda oto omotshi oloti ahondo was ngaingai akemala tondo Mami,ko akate: ³¹Koloneye,dombelo daye dakokema,ko sambi hakohe lo woshasha waye. ³²Toma koko ato le Jopa,ndo tshaa da Simona ndja,letawo gate Petelo; eko lokita lo lodula Simona,otshudi was dikoho,lasuke lokedi was woke. ³³Kakiye he lamboka otsha leye,ko okatshe dimena da ndja.kakiyene koko taleko sho tshe tondo me sambi,da sho monga kene tshe kekate owandji dawe tote,³⁴Ko Petelo,akadihola onyo,akate:lo mete,lambeya te Sambi keema la shonodi yato, ³⁵Koko ato tshe and wawoka woman ndo was tshee lolango Lance nde ayetawoma lande.³⁶Weembeyaka okendji wakandatomi lee ana wa Ezaliyele,da mbavangwee losango loololo la kii le Yeso christo,kele owandji waato tshe. ³⁷Nyu mbeyaka kene kekakomi lo Judeya tshe,oma lo Galilaya,oma lo batisimu keka sambisha Yohana; ³⁸Dkambo dndana la Yeso christo yose nazarethe, woho wakona wakoohoke zambi eso ke nyuma koololo ndo ke woolo. Akatashokaka data sale ololo ndo onoya ekoniene waki kimamee la diabolo ne da Zami aki lande.³⁹Taleko ameni lo kene tshe kekanda tshee lo wodja waase Judase polondo la Yeluzalema- nye Yeso yakawayake ko mboja yoole lotamba . ⁴⁰Otone,Zambi aka wolola loshi la sato,ndo akaweyanya. ⁴¹Keema le ato tshe,koko le ameni wakasonama tondo le Zambi,leso wane wakale ndo no lande,oma la nde mbolo leedo.⁴²Akatotomi da sambisha le ato ndoshikike da one akasonama la Zambi da monga osamb we do wa wane wasena ndo wane waka vu. ⁴³Lootewande ka shuhudia ambutshi tshe ak,one tshe lawetawo akolongola oma lo lokombo Lande edimanyelo ke pekato.⁴⁴Ko loweko enya wakateketaka Petero, nyuma koololo kekaholo le one tshe lakahokameka losango lako. ⁴⁵Ato wane waaki looloyi wambetawodi wakatate kumbini -wane wakaye la Petero wakashangala nedawoshasha wa nyuma koololo akaholo le apaganu.⁴⁶Lote wakooke apaganu wateketa lo oteketa ndo tombola Zambi.Koko Petelo akate:

⁴⁸Ko akate da vo batizama lo lokombo la Yeso-kristo.Wakosengasenga da nde tshikala laswo yema ya shi la wo.

11¹Atomami ndo anaalengo watshi le Judase wakaoke da Apaganu poopo wambolongola oteketa was Zambi. ²Ko lama wa kadee Petelo le Yeluzalema,ambetawodi wakatate kumbini wakawanya,la mbuta: ³Okooto laka oto wakakeni ohekele ndo okale lawo.⁴Koko Petelo akatate mbasambe dikambo otoyi lo otoyi.Akate: ⁵<⁶Laka weende,la koosedingola,ko Mena la tshuku sako aneyi wakete, nyama ya lookonda, dilambalamba ndo fudu ya loolongo.>>⁷Ko lakoke doyi dimotshi dambutee:<>Laka kadimula: ⁸Keema,owandji kene tshee kekoolo,haki hombe mboto loonyo wami.>> ⁹Ko doyi daka tombe lookina oma loolongo:<> ¹⁰Keko akatshama mala shato;ko tshe akosama loolongo.¹¹Enda,ato asato wakeemala laatondo ke lodu letshiso,Waka tomama dja leemi oma la Cesara. ¹²Nyuma kekambute da lemi tsho lawo aha kandakanda.Anaakwalengo asamalo wakatshu lami ko takooto loloodu lootwako. ¹³Pami keko aka tokondwee woho wakandeeni ondjelo memala loloodu landed ko mboteeka:<¹⁴Nde ayokosha losango lone lele see la loodu laye nyayo tshungo.>>e¹⁵Kaa latate la mbatee,nyuma koololo kekaholo lewo,oko leso letatelo. ¹⁶Ko lakoho oteketa woowandji wata onee:<>¹⁷Kondako, Zambi akawasha woshasha wako wamee,oko sho wane waketawo owandji Yeso christo,ko aatshimi da pingana la Zambi? ¹⁸Oma la vo mboka akambo waso,wakalembohala,ko wakatombola Zambi,la mbuta:<>¹⁹Omaloko,wane waka handjo oma la Jerusaleme oma laasoyi waka tatee la nyoyi ka Etsheni,waka tshu polo la Phenisiya, la Chypre ndo l'Anthiosha.Watasambisha oteketa wa Zambi le ase Juifa. ²⁰Koko amotshi laateyi wawo wane wakaye oma le Chipre la Cyrena, wakaye la antioche ko Waka tee ase greke ko wakaahandjwee lokumu loololo loowandji Yeso. ²¹Lonya loowandji laatshi lawo,ndo oloyi efula wato waketawo ndo waka kadimo le owandji.²²Losango lakakomi lo atoyi wa ekeleziya wa lo yeluzalema,ko wakatomi Baranaba polo l'Athioche. ²³Etena kekanda komi,ko akeeni ketshi ke Sambi,akangenangena,ndo akashimboya,da vo tshika etema wawo tshee lee wonyashongo. ²⁴Neda atshi oto loololo,lolodami la nyuma koololo ndo lambetawo.Ko ato efula wakakatana la owandji.²⁵Balanaba akatshu le Tarsa,da toona Sawolo; ²⁶Kaakandotani,akotole le Athiocha.Loononyi wootondo,akayakakatanya looloyi wa Ekeleziya,ko akafundishaka ato efula.Atshi le Athiocha, kekatelameeka ambeki lomala ketondo akristo.²⁷Lo shiyako,ambutshi wakaholo oma le Yeluzalema polo la Anthiocha. ²⁸Omotshi wa lateyi wawo,letawo Agabusa,akemala,ko akate oma lo nyuma da ndjala ke woke kekoyala lo kete tshe.Kene keka komi, loshi ya kolode.²⁹Ambeki wakooshi teediko da toma,otoloto oko laakoka wande,ekimanyilo le analengo wa lo Yudase. ³⁰Waka tshee yoho nye, ko wakatomee epalanga akuta laanya waBarnabase la Sawolo.

12¹Otsha lo shii yako, kumekanga Herode akatate soya wanamemba amotshi wa lo kanisa, ²ndo akadake lopanga Yakobo, onango Joani.³Akeni da keso ketshi dimena le ase Yuda, akande lokina Petro. - atshi shii yekate aha wana. - ⁴kisha mbonda ndo mbodja lo muyololo, akawodje lolami wa pele neyi asoda aneyi lehele lehele, la lokani la mbolombosha letondo ke wodja kisha Pasaka.⁵Petro okone akalamema lo muyololo; ndo kanisa ko nemba toma loote wande alombelo le Zambi. ⁶Lotsho wakatangudiya loshi lone lele Herode akahombe mbolombosha, Petro, akakelekama la tosheni tohende, akalalaka lasa asoda ahende; ndo enami letondo ke mulango walama muyololo.⁷Ndo nyende, ondjelo wa Owandji wakaye, ndo osase wakahete lo muyololo. ondjelo aketola Petro, akokomola lo leeke, ndo akawote: emala esadi esadi! tosheni takako lanya wande. ⁸Ko ondjelo akawote: dja okawa waye ndo elato waye. ndo akayetshe osoku. ondjelo akawote lokina. yaomba la dihondo daye, ndo ondjele.⁹Petro akatombe, ndo akoyele, nde kombeyaka da kene kekatsheka ondjelo ketshi mete, ndo akafonya da atshi oheka. ¹⁰Saa kekawete onami wa tondo, ko wahende, wakakomi lo mulango wa mbolo otsha lo ngelo, ndo wakayadihola ndame letondo kewo, wakatombe, ndo wakatetemala losese omotshi. kako ondjelo akamo le Petro.¹¹Akayakaloya lende ndame, Petro akate: lamena kakiye lo yoho ya mate da Owandji akatomi ondjelo wande, ndo ambokelekola lo lonya la Herode ndo lo kene tshee kekakongeka wodja wa Yuda. ¹²kisha nde kaniya, da tsho oma lo loodu la Madiya, nyangende la Joani, lakaweleka Malako, kene akahomana efula ke ato ndo wakalombaka.¹³Akakokola lo mulango wa mama keko, ndo okambi, lokombo lande Rhoda, akasukana da mbolonga. ¹⁴Akeye doyi da Petro; ndo, lo olo wande, tondo ke dihola, akalawo tewoya da Petro atshi tondo ke mulango. ¹⁵Wakawote: wee oleko dadi. koko akashikike da dikambo atshi osoku. ndo wakawote: ondjelo wande.¹⁶Koko Petro akatetemala la kokola. wakodihola, ndo wakambe da mbena. ¹⁷Petro, akaenya lo lonya davo monohala, akasambe okonde Owandji akotondja lo muyololo, ndo akate: nyote Yakobo ndo analengo. ko akatombe, ndo akatshu fashi kikina.¹⁸Saa kekandakomi la pendju, asoda watshi lohangayiko wa woke, da mbeya kene kekakomi le Petro. ¹⁹Herode, akatate lambona ndo kombena, akambola enami, ndo mbisha didjango davo mbela esadi esadi. le mwisho akaholo oma le Yuda otsha le Sezara, da totshikala leko.²⁰Herode atshi la tokani ta koolo le ase Tyriya ndo ase Sidoniya. koko wakaye ndjotonwe; ndo, kisha vo tana Blasta, wonyande, wakoni kii, loote wodja wawo senaka oma le wone wa kumekanga. ²¹Lo loshi lone lakawokana, Herode, akalote ahondo wande wa lowandji, ndo akakite lo lowandji lande, akatole letondo ke wodja.²²Wodja wakawana: doyi da zambizambi, ndo aha doto! ²³Kako, ondjelo wa Owandji akokomola, loote nde kombisha Zambi lotombo. ndo akashile, ndodama la wonyodi.²⁴Koko oteketa wa Zambi wakatawala yema yema, ndo leemba lAmbeki lakafule. ²⁵Barnabasi ndo Sawulo, kisha vo mana la dewoyelo dawo, wakakaloya le Yerusalema, lakatshu lawo Joani, lelewo Malako.

13¹Atshi lo kanisa ke lAtiyoshe Ambutshi ndo ambeyi: Barnabasi, Simeyona lakaweleka Nigera, Lukiusa lose Sirena, Manahena, lakedoma la Herode ondjakatani, ndo Sawulo. ²Saa kekandakambeka Owandji lo lolombo lande ndo wakakeshaka, nyuma kekila akate: Nyokitshiya lomamu Barnabasi ndo Sawulo lo dikambo nee dakamaele. ³Laso, kisha kesha ndo nomba, wakawawahe anya, ndo wakatskike watshu.⁴Barnabasi ndo Sawulo, wakatomama la nyuma kekila, wakaholo le Selesiya, ndo leko wakaholo lo wato otsha lo tsheke ya Shypra. ⁵Wakakomi le Salamina, wakasambisha oteketa wa Zambi lo Sinagogi kase Yuda. watshi la Joani okimanyedi.⁶Wakateho lemwisho tsheke tshee polo le Pafosa, wakatani makashini omotshi, Ombutshi wa kashi osz Yuda, lelewo Bara Yeso, ⁷Latshi la ose olembe Sergiyusa Paulusa, pami ke yimba. one akele Barnabasi ndo Sawulo, ndo akenya lolango la mboka oteketa wa Zambi. ⁸Koko Elimasi, kanga makashini, - ne da keso kitshimudi ya lokombo lande, - nde ahahendeko, akoni mengola olembe ose olembe.⁹Laso Sawulo, lelewo Paulo, akalodama la nyuma kekila, akawende teee, ¹⁰Ndo akate: pami kolodi la doho da koolo ndo da wovi, ona diyabolo, otoni wa losemwe tshee, wee hatshike fukutanya mboka yosembwe yOwandji?¹¹Kakiye nyende, lonya lOwandji laleko leye, okoyala dimi, ndo etena ke tshiki okena wonya. kako didjima ndo longe lakoto lende, ndo akoni, la pandjahandja, ato da mbolondja. ¹²Laso ose olembe, akeni kene kekakomi, aketawo, akalange esambishelo ke Owandji.¹³Paulo ndo wanyande, wakoto lo wato le Pafosa, wakatshu le Pergana ngelo ke Pafiliya. Joani akakakitona lawo, ndo akakaloya le Yerusalema. ¹⁴Oma le Pergana wakatetemala la lokendo lawo, ndo wakakomi le Atiyosha ngelo ke le Pizidiya. wakoto lo Sinagogi loshi la sabato, wakakite. ¹⁵Kisha wadelo wolembe ndo WAmbutshi, ewandji wa Sinagogi wakatomo mbate: ato anengeso, naka nyaleko losengosengo wa mbute wodja, nyotekete.¹⁶Paulo akemala, ndo, akenya la lonya, akate: ato wasIzariyele, ndo nyu wane woka Zambi woma, nyolonge! ¹⁷Zambi ke kene wodja wIzariyele akasone washeso. lakkitsha one wodja lo kinemo lo shii yande lo wodja wa Edjibito, ndo akotondja lo lonya lande la kudu. ¹⁸Akalesha suke la miaka akumi aneyi lo shenga:¹⁹Ndo, akalanya wedja esambele lo wodja wa Kanana, akawasha yetshi ya kene oko kewo. ²⁰Kisha laso, mbeta miaka kama nyeyi lakumi aneyi, akawasha toshushi, polo le Ombutshi Samwele.²¹Wakalombe laso kumekanga otoyi. ndo Zambi akawasha, lo shii akumi aneyi, Sawulo, ona Kisa, lo kabila ke Bejamina; ²²Ko, akosokola, akatondje kumekanga Davidi, one lele lakandenya one oshuuda: lakatani Davidi, ona Izayi, oto oko otema wami, lokotsha lolanga yami tshee.²³Oma lo lolonga la Davidi kele Zambi oko wele daka dande, akatondje Izariyele ombotshi, lele Yeso. ²⁴Tondo koyelo wande, Joani akasamlbisha obatizo wa kitubishi le wodja tshee wa Izariyele. ²⁵Ndo saa kekamani Joani lokendo lande, akate: lemi kema kanga lafonyanyu; koko nyende, kisha lemi akoya kanga lele ekolo wele lemi kema kinemo wa kolola elato.²⁶Ato analengo, ana wa doho da Abrahama, ndo nyu wane woka Zambi woma, elelenyu kele one oteketa wa panda kekawaye. ²⁷Ne da ato wa le Yerusalema ndo ewandji wewo kombeya Yeso, ndo, lo mbodaka, wakakotsha eteketa wAmbutshi wadema lo sabato tshee.²⁸Kanga wele vo kotana ko dikambo dakakoke mbodaka, wakalombe Pilato da mbodaka. ²⁹Ndo, kisha vo kotsha kene kekandikama loote wande, wakoholoya lo kuruse ndo wakawodje lo doombo.³⁰Koko Zambi akawolola lo nyoyi. ³¹Akenamo mala efula le wane wakade lande le Galilelaya le Yerusalema, ndo wele kakiye atemo wande le wodja.³²Ndo sho, tambonyosambisha lone lokumu lololo lele daka dakatama le washeso, ³³Zambi akadikotsha leso ana wande, lo mbolola Yeso, oko kene kekandikama lesambo wahende: wee kele onami, lambokota lelo. ³⁴Lakawolola lo nyoyi, la yoho yele hayokaloya lo rushwa, kene kekandate, ate: lakonyosha ketshi yekila yalaka wa Davidi, ketshi yako yele lakoka.³⁵Dako dele akate lokina fashi kikina: tetawoke da doyi daye dekila dayale la rushwa. ³⁶Koko, Davidi, kisha lo etena kende akakambe lo lolombo la Zambi, akavu, akahomana la washende, ndo akeni rushwa. ³⁷Koko kanga lele Zambi akalola komena rushwa.³⁸Nyeye okone, ato analengo, oma lende kele edimanyelo ke pekato kekanyapate, ³⁹Ndo kanga tshee letawo akolomwame lande lakambo tshee wotonyohomba nomboshwama lolembe wa Mose.⁴⁰Okone, nyotshe yambalo kele kene kekate Ambutshi hayonyokome: ⁴¹Nyende, nyosedingole, nyambe ndo nyoshisho; ne da lakotshe lo shii yanyu dikambo, dikambo dele hanyofonya naka hawonyosambe.⁴²Saa kekawatombe, wakolombe da teketa lo sabato kikina lakambo wako wame; ⁴³Ndo, loko oloyi wato, efula ke ase Yuda ndo ebishani wa kudu wafate Paulo ndo Barnabasi, wakasawola lawo, nso mbasengasenga da tshikala lo kimame la ketshi ke Zambi.⁴⁴Sabato kikina, suke la ngelo tshee wakahomana da mboka oteketa wa Zambi. ⁴⁵Ase Yuda, wakeni oloyi wato, wakalole la diva, ndo wakahendo lo kene kekate Paulo, wawanya ndo waotola.⁴⁶Paulo ndo Barnabasi wakawtae la lohetete: lenyu tondo tondo kele oteketa wa Zambi sambishama; koko, loote nyamboseka, ndo nyu nywame nyambena da hanyokoke lo loseno la pondjo, nyende, sho tambokaloya le apagani. ⁴⁷Ne da okone kekatote Owandji: lakakokitsha da ndjala osase wa wedja, da memba panda polo latshuku wa kete.⁴⁸Apagani wakangenangena lo mboka keso, wakatombola oteketa wOwandji, ndo wane tshee wakelame lo loseno la pondjo waketawo. ⁴⁹Oteketa wOwandji wakatawala lo wodja tshee.⁵⁰Koko ase Yuda wakasha adimato alako wotshitani wa koolo ndo epalanga wa ngelo; wakakohola sowi le Paulo la Barnabasi, ndo wakawotshanya lo wodjz wawo. ⁵¹Paulo ndo Barnabasi wakahome otoko wekolo wawo, ndo wakatshu le Ikona, ⁵²Koko Ambeki wakalole lolo ndo la nyuma kekila.

14¹Le Ikone, Paulo la Barnaba wakoto vovahende lo Sinagogi ke ase Juda, ko wakateketa lo woho wa oloyi wase Juda la ase Greke wetawo. ²Koko wako wase Juda ko mbetawo po wakoasukuma ndo mbindja nyuma ya angani tsha le analengo.³Wakooto laso edja l'Ikone, wakateketa la ndjashikike, tshutshuyama le Owandji, kakashudiya oma l'eteketa wa ketshi kende ko akawasha dikimo kele atshemi oma lanya wawo tolembetelo la aloho. ⁴Ato wa lo ngelo ke woke wakakakitona: amotshi waki le ase Juda, wakina le Mitume.⁵Ko oko apagani la ase Juda, kame l'ewandji wawo, wakayadje lo lofunge la mbatola la mba oka bolo, ⁶Paulo la Barnaba, lakaweye, wakatoyashe lo ngelo ya Likaoni, le Lisetere la le Derebe, ndo ngelo ya lemamu. ⁷Ko wakatosambisha oteketa wa Zambi leko.⁸Le Lisetere, katshi oto lahakende, latenguna oma lo mboto kende latshi kokendaka. ⁹Akoke Paulo ateketa, ko Paulo, akawende tee ko akeni ate aleko la mbetawo ke nde kono, ¹⁰Akate la doyi da kudu: emala twa l'ekolo waye. ko akemala la osupwelo ko akakende.¹¹Menda kene kekatshee Paulo, oloyi wakaduya doyi, ko mbuta l'oteketa wase Likadoniya one: tozambi lo donga d'ato tamboholo leso. ¹²Wakele Barnabase Jupitele, ndo Paulo Merkire, lote wa nde kakatembaka oteketa. ¹³Abbe wa Jupitele, lele tepelo ketshi lo mbotwelo ke ngelo kewoke, akela ngombe l'ekodi tsha le milango, ko akalange, oko oloyi wato, towa sadaka.¹⁴Atomami Barnabase la Paulo, kakaweye osoku, wakaate ahondo wawo ko wakatshu esadi lateyi oloyi, ¹⁵Wakahango: O ato, lotena watshanyu wone woho? ndo sho taleko ato oko nyu nyela oteketa wa Zambi, tambonyolomba da nyotshika akambo wanyanya, da nyukaloya tsha le Zambi ke sena, lakatshee olongo, la kete, la ndjale, ndo tshee kele lateyi. ¹⁶Zambi kene, lo nonga y'edjedja, akatshike wedja tshee da ndjela mboka yande,¹⁷Nawo watshinde koshudiya da kene ke lende, tshee ololo, nyosha olongo mvula ndo shii ya mbolewo, nyosha olelo w'efula ndo ndoda etema wenyu l'ongenongeno. ¹⁸Kako wakakoke, oma leseteketa, shimba oloyi da vo kimo olambo.¹⁹Ko saa keko wakatoya oma la Atiokia, la Ikone ase Juda waka yoso oloyi, oma lo bo komola Paulo ave, wakaweme l'andja wa ngelo, one kana akavwe. ²⁰Koko, Ambeki wakotshimbe, akemala, ko akoto lo ngelo. la pendju hoto, akatshu le Delebe nde la Barnabase.²¹Saa kekawasambisha l'osomba ndo pata yema ya lofulo y'Ambeki amotshi, wakakaloya le Lisetele, le Ikone ndo le Atiokiya, ²²Waka keketsha nyuma y'Ambeki, wakalombe da vo tetemala lo mbetawo, ndo mbuta da oma lo esokosoko efula ko tohomba mboto lo Dolelo da Zambi.²³Waka kitsha epalanga lo kanisa la kanisa, ndo, omalanomba la funga, waka wadje lanya w'Owandji,le one lakawetawo. ²⁴Wakateho omaso Pisidia, wakakomi le Pafiliya, ²⁵Waka sambisha oteketa le Perege, ko wakaholo le Atayiya. ²⁶Oma lano wakatoto lo wato otsha le Atiokiya, leko waka todjamaka la ketshi ke Zambi, lote wa olemu watshiwo oma la kotsha.²⁷Oma la bo koma, waka homanya kanisa, ko wakasambee tshee kekawatshee Zambi lawo, ndo woho wambo wodihwe wedja mulango wa mbetawo. ²⁸Ko waka tshikala edja efula l'Ambeki.

15¹Ato wamotshi, wakaye oma le Juda, wakafundisha onalengo, mbate one :naka hanyonyisha kumbini oko ele olembe wa Mose, hanyokoka pando. ²Paulo la Barnabase wakayale lawo la tamu ndo obishi wawo; ko analengo wakeni ololo da Paulo la Barnabase, la asekawo akina, wakade le Yerusalema otsha le Atomami la le epalanga, le tosedingola dimbola dako.³Oma la bo tshindame la kanisa, waka totetemala otsha le Finisiya la le Samariya, wakasambee da ekadimwelo ke apagani, ko wakela ongenongeno le analengo tshee. ⁴Saa kakawakomi le Yerusalema, wakalongoma le kanisa, Atomami la epalanga, ko wakasambee tshee kekatshee Zambi nde lawo.⁵Ko amotshi lo onongo wawafarisayo, waketawo, wakemala ko mbuta one aleko ohomba da minya apagani kumbini la shurutisha osedingwelo wa olembe Mose. ⁶Atomami la epalanga wakahomana da sedingola so dikambo.⁷Obishi wa kudu wakayala, ko Petero akemala ko akawate: apami wanalengo, nyu mbeyaka da oma edja Zambi akasone lasanyu, kele oma lonyo wami, apagani woke oteketa wa Zambi ndo kele wetawo. ⁸Ko Zambi, leya etema, akawawenya la mbasha nyuma k'ololo akosho; ⁹Hatshee ko otshikitanu lasaso sho la vo, lakeda etema wawooma lo detawo.¹⁰Kakiye sasa, lotena wahembanyu Zambi, la kitshaka lo wodi w'Ambeki wotsho wele oyadiwasheso kana sho kokaka memba? ¹¹Koko oma lo ketshi ke Owandji Yeso ke tawoso da ndjala la loseno woho wako otoyi oko bo.¹²Oloyi tshee waka tshikala kii, ko wakahokame Barnabase la Paulo, wakasambeka akadikadi la tolembetelo takatshee Zambi lateyi wa apagani¹³Saa kekawamani la teketa, Jake akoshi oteketa, ko mbuta ate: apami analengo, nyopokame! ¹⁴Simona akasambe woho wakende Zambi enda wedja da sona lateyi kewo ato wemba lokombo lande.¹⁵Ko keso, kembokotoma oma lo eteketa w'Ambutshi, ako wakandikama: ¹⁶Oma la keso, lakokaloya, ndo lakoyetola oma lo ekwelo akondji wa Davidi, lakoyolongosola lo olanelo, ndo lakoyonula, ¹⁷Kele ato akina watshikala, woni Owandji, ndo lo wedja tshee wele lote wawo lokombo lami laleko nombama, mbata Owandji, lakatshee aso akambo, ¹⁸Ndo lende wambeyama poo.¹⁹Laso ndeko lo mbetawo hatotonga enongo le wane apagani wa mbetawo Zambi, ²⁰Koko to wawandike da bo mbewo mindo ya ma le tozambizambi, ya l'akambo wa soni, ya nyama yavo ovovo la dikila. ²¹Ne da, oma lo nonga efula, Mose aleko l'ato wande wosambisha lo ngelo ya wake tshee,lote wa waleko mbokeleka shii tshee ya Sabato lo wa Sinagogi.²²Sasa akayale dimena le Atomami ndo le epalanga, ndo le kanisa tshee, da sona lasawo la toma le Atiokiya, la Paulo la Barnabase, Juda lelame Barnabase la Sila, ato wa dihombo lateyi ke anawalengo. ²³Wakawasha mukanda wakawndika: Atomami, epalanga, la analengo, le analengo wa lateyi ke apagani, wele le Atiokiya, le Siriya ndo le Silisia, moyo!²⁴Tamboka done ato amotshi wambotsho lenyu, wane wele sho hatwatomi, wambo tonyofukutanya l'eteketa wewo ndo wambo tosotshasotsha etema wenyu, ²⁵Takeni dimena loteko, oma la sho pomana sho tshee fashi otoyi, da sona atomami ndo nyotome wo la elangemi waso Barnabase la Paulo, ²⁶Ato wane wakalambola loseno lawo lote wa lokombo l'Owandji Yeso Kristo.²⁷Takatomi laso Yuda la Sila, wa yonyosambisha oma lenyo wewo akambo wako wame. ²⁸Ne da akenamo dimena le nyuma k'ololo la leso da nyahe wotsho wokina paka wone wele dihombo, ²⁹Mbeya, da nyu mbewo nyama ya lambola wa tozambizambi, dikila, nyama y'ovovo, ndo monani, aso akabo wahombanyu ndjaomba. pondjo.³⁰Bo sasa, wakomuya da kanisa, wakatshu le Atiokiya, leko kakawatosha lemba loloyi mukanda. ³¹Oma la bo soma, analengo waka ngenangena l'ohetoheto waka ndawasha. ³²Yuda nde la Sila, watshi vame Ambutshi, wakalake la mbakeketshe la asawo w'efula.³³L'okongo wa shii ngiana, analengo wakakimo la kii ko wakakaloya le wane wakatomi. ³⁴Koko Sila akeni dimena tshikala. ³⁵Paulo la Barnabase wakakite le Atiokiya, wafundisha la sambisha, la akina, losango l'ololo l'Owandji.³⁶Shii miotshi yambeta, oma lano Paulo akate Barnabase: tokaloya totende analengo lo ngelo tshee ya wake lene akatasambisha oteketa w'Owandji, da tenda na woho wayawo. ³⁷Barnabase akalange mbela Joani lakayasakola Marko; ³⁸Koko Paulo akeni dimena daha tsho lone lakatshike oma le Pafiliya, ndo latshi kombatshinde lo lotomu lawo.³⁹Oso otshikitanelo wa tokani watshi yema kuduko ndjo yala kyoko ya bo ndjo kakitona omotshi l'okina. ko Barnabase, akoshi Marko lande, wakoto lo wato otsha lo tsheke ya Shipiriya. ⁴⁰Paulo akasone Sila, ko wakatshu, analengo wakalombe lo ketshi k'Owandji. ⁴¹Akete oma le Siriya ndo le Silisiya, latakeketha wa kanisa.

16¹Ko akakomi la Derbe la le Lysitera. ndo nyende, aki Ombki lokombo lande Timote, ona laki mama k'ose Yuda ombetawodi ndo mbapa kende ose Ngirika. ²Anango wa le Lysitera ndo l'Ikone wakateketa dimena lote ande. ³Paulo akalange mbemba lande; ndo, akawoshi, akatowonya kumbini, lote tshee waka eyaka da shende eki ose Ngirika.⁴Watete lo wedja, wakatee anango da vo monga la eshikamelo keki le Atomami ndo le dikumanyi da le Yerusalema. ⁵Kanisa yakatetemala lo mbetawo, ndo kotsha lofulo loshi la loshi.⁶Wakashimbamela la wolo wa nyuma k'ololo da teketa oteketa lo wodja wa Aziya, wakateho la Firigiya lo wodja wa Galileya. ⁷Wakakomi suke la Misiya, vo wakalange mboto la Bitiniya; koko nyuma ka Yesohalangi kaanga. ⁸Ko vo wakeete ma lo Misiya, ndo wakaholo la Toroya.⁹Ma lo l'otsho, Paulo akeni oheka: oto omotshi la le Masedoniya akoholwe, ndo mbosengasenga: da nde mbeta ma le Masedoniya, yotokimanyiya! ¹⁰Ma lo oheka woso Paulo, sho takalange esadi esadi da shio tsho tsha la Masedoniya, tafonya da Owandji akatele da ndjoteketa lokumu l'ololo.¹¹Ko takete tsha lo Toroya, ndo taka nomunomuno tsha la Samotarika, ndo wedipendju takakomi le Neyapoli. ¹²Ko takatombe leko takakomi le Filipe, wodja wa tondo woleki woke lo distriki da le Masedoniya, ndo wakendama l'ase Romo. sho taketsha shii miotshi l'osomba woso. ¹³Loshi la Sabato, sho takatombe ,l'andja wa lokuke, tsha l'okedi, lene akatakani one lene ototana fashi ke dombelo. takakite, ndo sho takateketa l'adimato wane wakahomana.¹⁴Otoyi w'odimoto l'ateyi wawo lokombo lande Lidiya, osondji w'epila, lo wodja wa Tiyatira, eki odimoto lakoka Zambi woma. ndo akalongaka. Owandji akodihwe otema, dande nongalonga kene kekataka Paulo. ¹⁵Ko lakandalongola obatizo, nde la wa lo kumbo kende, akatate tombola: naka nyu mbeyaka da ndeko kokele le Owandji, nyoto lo loodu lami, ndo nyotetemale. ndo akatotshutshuya la tokokomiya tande.¹⁶Oko wakatatatshokaka lo fashi ke dombelo, ose olemu omotshi l'odimoto aki la nyuma ke doho, k'Edenge, ndo nde, aka pataka dango, efula oma l'aloho ande. ¹⁷Ndo akatoyele, Paulo ndo sho. akawana: ato wako waleko ekambi wa Zambi we ladiko da tshee, ndo wambonyote da mboka ke panda. ¹⁸Nde aka tsheeka osoku shii efula. Paulo akalembe akakadimo, ndo mbute nyuma: lambokotondja, lo lokombo la Yeso Kristo, da tomba lende. ndo aka tombe lo saa keko kemee.¹⁹Embetsha wa oko odimoto, wakeni wamboshisha faïda kewo, wakande Paulo ndo Silase, ndo wakatshu lawo lo fashi ke tondo ke amboledi. ²⁰Wakalambola le amboledi, wata: ato ane wambofukutanya wodja; ase Yuda kelewo, ²¹Kateketa da loshidi yahatakoke sho nongola kana ndjela, le sho ase Roma.²²Oloyi wato wakomala otshikitano lawo, ndo amboledi, wakaate ahondo wawo, wakatee da mbakomola fimbo. ²³Kisha mbokomola, wakawadje l'okodi, ndo wakatee kanga lalama okodi da mbalama dimena. ²⁴ Olami w'okodi, akalongola olembe, da mbaoka l'okodi wa l'eteyi, ndo akawadje ekolo lo lowete.²⁵Tsha l'ateyi w'otsho, Paulo la Silase wakalombaka ndo membaka lotombo la Zambi, ndo ase okodi waka longalongaka. ²⁶Shashimuya akayala adidimu wa kete, ko kudu ke le tshina da loodu l'okodi laka sokasoka; mala keko otoyi, kuke tshee yakadiho, ndo kodi y'ase okodi tshee yakakeleko.²⁷Olami w'okodi aketo, ndo, lakandeni kuke tshee y'okodi hwee, akomola lokuwa lande ndo akalange ndjayaka,akakani ate ase okodi wambolawo. ²⁸Koko Paulo akahangohango la doyi da kudu: toyatsheke ke koolo taleko sho tshee lane.²⁹Ko olami w'okodi, akalombe tala, akoto esadi esadi, ndo ndjasokola adidima l'ekolo wa Paulo la Silase; ³⁰Nde akaatondja l'andja, ndo mbuta: Owandji na kehombami tshee da lemi tshungo? ³¹Paulo la Silase wakakadimola etawo Owandji Yeso, ndo oko tshungo, wee la kumbo keye.³²Ndo vo waka wotee oteketa wa Owandji, dno wane weki lo loodu lande. ³³Nde aka wawoshi, ko tsho lawo ko saa keko l'otsho, aka sole pota yawo, ndo hatshimbitshimbi aka Batizama, nde la kumbo kende. ³⁴Akatshu lawo lekande aka washa dango dande ndo nde aka ngenangena la kumbo kende lo kene kekandetawo le Zambi.³⁵Ko lakahoto wonya, amboledi wakatomi apodishi le totee olami w'okodi: adihole apami wako. ³⁶Ndo olami w'okodi akate Paulo dikambo so: amboledi wakatomi ato da ndjota one wanyodihole; kakiye kele nyotombe, ndo nyotshu la kii.³⁷Koko Paulo akatee apodishi: mala tokomola fimbo loseke ndo aha samba, sho ase Roma, wakatodje l'okodi, ndo kakiye ane vo wototondja loyishshs! kema hakoke nye shambo. watoye vamee lendjototondja. ³⁸Apodishi wakembe eteketa wawo le amboledi, kako wakoke woma da mboka one vo ase Roma. ³⁹Wakaye le ndjasengasenga, ndo wakatondja wa lomba da vo tomba lo wodja.⁴⁰Kakawatombe ma l'okodi, vo wakatshu tsha leka Lidiya, ndo, kisha mena ndo sengasenga anango, wakatshu.

17¹Paulo la Silase wakete oma le Afipoli ndo l' Apoloniya, ndo wakakomi le Tesalonika, lene ase Yuda la Sinagoge. ²Paulo akoto, oko weki mbekelo kande. ma lo Sabato shato, akateketa lawo, ma lo miandiko,³Alembetshiya ndo enya da Kristo akahombe sowa ndo mbolo ma lo nyoyi. ndo Yeso la nyotemi, ata ate, nde kele Kristo. ⁴Amotshi lateyi wawo waketawo ndo wakahomana la Paulo la Silase, ndo leemba la woke l'ase Ngirika wakoke Zambi woma, ndo efula k'adimato wa lokumu.⁵Koko ase Yuda, lokandema wa lomba lawo ato amotshi wa ngala wa losoko, waka kenge eloyi, ndo wakahakanya ato da mbidja lofunge l'osomba. wakatshu lo loodu la Jasona, ndo wakoni Paulo la Silase, da mbaela le wodja. ⁶Ko mbatana, wakande Jasona l'anango amotshi le tondo ke amboledi wa tuminadi ke l'osomba, wawana: ane ato, kambokadimola andja, wamboya lokina lane, ⁷Ndo Jasona akalongola. waka tomboka tshee otshikitanelo la elembe wa Kayisa, wata koleko Owandji omotshi, Yeso.⁸Ma l'eteketa weso waka hindja oloyi ndo amboledi wa tuminadi, ⁹Ko wakakimo Jasona da nde tsho ndo wakina ma l'okongo wa nongola lateyi wawa kibawo.¹⁰Aha tshimbatshimba anango waka tomi l'atsho Paulo la Silase tsha lo Beroya. ko lakawakomi, wakoto lo Sinagogi k'ase Yuda. ¹¹Ase Yuda waki la saki k'ololo ndeka ase Tesalonika; waka longola oteketa efula la sakisaki, ndo waka tshunguzaka loshi tshee afundelo, da menda kana kene kekawateka keleko sawasawa. ¹²Efula lateyi awo waketawo, kele efula ke adimato wase Ngirika wa lokumu, ndo efula ke apami.¹³Koko, lako ase Yuda wa le Tesalonika mete one Paulo lo sambisha lokina la Beroya oteketa wa Zambi, wakatshu leko da totombosha oloyi. ¹⁴Ko anango aha la tshimbatshimba wakatomi Paulo tsha lo ndjale; Silase la Timote wakatshikala la Beroya. ¹⁵Wane wakatatshindeka Paulo wakakomi lande polo l'Athene. ko waka kaloya da vo ndjotee Silase la Timote da vo mboyela esadi esadi.¹⁶Oko Paulo waka ndakongaka l'Athene, akokaka leteyi kende nyuma kende kekanyange, da mena osomba wako wambolola la dikishi. ¹⁷Akatate sawola lo Sinagogi l'ase Yuda ndo l'ato wakokaka Zambi woma, ndo lo fashi tshee la wane waka ndahomana laa.¹⁸Ato amotshi wa tomba w'ase Epikiriya ndo akanga lohetete waka kite da teketa lande. ndo akina wakate: na kelanga mbuta oteketshi? akina, wakonge ataye Yeso ndo la elwelo, mbuta: aleko oko la teketa da tozambizambi t'angendangenda.¹⁹Ko wakawonde, ndo mbotola le Ayerope, wata vate: oka sho koka mbeya wetshelo w'oyoyo wa fundisha na? ²⁰Ne da we oleko lo fundisha akambo wahataye. sho nangaka okone mbeya da akambo wako woho wowoyala. ²¹Koko, ase Athene tshee ndo angendangenda wakakitaka l'Athene waketshaka tena dawo paka da mbuta kana nongalonga akambo w'eyoyo.²²Paulo, wemema lateyi w'ase Ayerope, ata: ato wa l'Athene, lambonyotana nyu tshee woho otoyi lo ditemolatemola. ²³Ne da, ko lakamatetaka lo wodja wanyu ndo mena dango da temolanyu, lemi laka dishola elambwelo kekandikama: le ziambizambi otoyi ke heyama! one la temolanyu aha la mbeya, ndekoka nyotemi.²⁴Zambi lakatonge andja ndo kene tshee ketanemo, oko Owandji wa l'olongo ndo la la kete, hakite poo lo tepelo kekaka ma l'anya w'oto; ²⁵Hakimanyiyama poo l'anya wato, oko eki l'ohomba wa yango mwetshi, ndeka sho tshee loseno, lomu, ndo dango tshee.²⁶Akatonge ato tshee, waka tombe lo dikila otoyi, wakite l'atshuku tshee wa kete, akashikike wonya la tena ndo elelo wa fashi ke kita wo; ²⁷Akalange woni Owandji, ndo waka ya tshutshuya da mbotana la kangakanga, dimena atoyalake etale lee omotshi lateyi waso.²⁸Ne da lende taleko la loseno, la sambasamba, ndo keleso. keso ketawo lokina amotshi wa amandiki: lende taleko doho... ²⁹Ko laso, oko weleso doho da Zambi, sho hatohombe mbetawo yango ya dimena fona la paoni, l'akuta, kana lo dive, kana ema kemotshi kekatshema la ewo ndo yimba y'ato.³⁰Zambi, kondjela etena ke d'onyo, aka teketa lee ato tshee, la fashi tshee, da vo kadimola etema awo, ³¹Lote aka shikike loshi otoyi londo lombasha andja ndjelana la losembwe, lee oto lakanda sone, da nde akasha tshee djembetelo miotshi lo elwelo ma lo nyoyi...³²Lakawoke wateketa da eolwelo ke wane wakavu, amotshi waka ole, ndo wakina wata: sho takokonga lese ma la kikina. ³³Ko Paulo akamo l'ateyi wawo. ³⁴Amotshi waka matani lande ndo waketawo, Diyonisiyo nde la Areyopagita, odimoto lako lokombo lande Damariya, ndo akina lawo.

18¹Kisha laso, Paulo akatshu le Athene, ndo akakomi le Korito. ²Akatotana leko ose Yuda lokombo lande Akilasa, lo doyo Ponta, kakiye akakomi oma lo Italiya la wadende Prisisila, loote wa Klode akate ase Yuda tshee da tomba oma le Roma. akakeleka lawo; ³Ndo, oko watshinde la lotomu lako lame, akakite lekawo ndo akatumika: watshi atshedi wa toshapo.⁴Paulo akawanyaka lo Sinagogi lo sabato tshee, ndo akokiyaka ase Yuda ndo ase Ngirika. ⁵Koko saa kekakomi Silasi la Timote oma le Masedoniya, akayasha la kudu kende loteketa, enya ase Yuda da Yeso kele Kristo. ⁶Ase Yuda laso wakawanya ndo wakatondja tengo, Paulo akahome ahondo wande, ndo akawate: dikila danyu dako lete wanyu! ndeko pepe. tate kakiye, lakotsho le apagani.⁷Ndo akatombe leko, akoto le oto omotshi lokombo lande Justusa, oto loka Zambi woma, ndo lele loodu lande lakadjangema lo Sinagogi. ⁸Koko Krispusa, owandji wa Sinagogi, aketawo le Owandji la djama yande tshee. ndo efula ke ase Korito, wane wakoke Paulo, waketawo ndovo, ndo wakabatizama.⁹Owandji akate Paulo lo doo lotsho: tokake woma; koko teketa, ndo tonohalake poo, ¹⁰Ne da ndeko laye, ndo koto lokonda da kotshe koolo: teketa, ne da ndeko la wodja wa woke lo ngelo kene. ¹¹Akakite mwaka otoyi ndo wedi esamalo, afundisha lateyi wase Korito oteketa wa Zambi.¹²Lo saa ketshi Galiyo atshi shushi lo Akayi, ase Yuda wakomala hakoke loote wa Paulo, ndo wakotole letondo ke leta, ¹³Wata: one oto aleko lo tshutshuya ato da kambe Zambi lo yoho yotshikitani lolembe.¹⁴Paulo akatshu todihola onyo, saa kekate Galiyo ase Yuda: naka koleko dikambo daha la losembwe kana dikambo da koolo, lakonyosha oko shadiya, ô ase Yuda; ¹⁵Koko, naka aleko taamu loote woteketa, loote wa kombo, ndo loote wolembe wanyu, keso nyendaka: lemi halanga ndjala shishi wa aso akambo.¹⁶Ndo akakaloya lo leta. ¹⁷Laso votshee, wakande Sositena, owandji ke Sinagogi, wakokomola letondo ke leta, aha la Galiyo mbidjama lo sowi.¹⁸Paulo akatshikala yema edja efula le Korito. le mwisho akalakana lanalengo, ndo akoto lo wato otsha la Syriya, la Prisisila ndo la Akilasa, kisha minya divo lote le Kashiya, ne da atshi lolango lande. ¹⁹Wakakomi lEfeso, ndo Paulo akatshike wanyande. akoto lo Sinagogo, akasawola lase yuda,²⁰Wakawoshi da gawiya shii yande. koko nde konanga poo, ²¹Ndo akalakana lawo, ata: paka mete mete lemi ndee fete keyaye le Yerusalema. lakoya lenyu, naka Zambi nanga. ndo akatshu lEfeso.²²Ndo akaholo le Sezare, akade le Yerusalema, ndo, kisha memula kanisa, akaholo le Atiyoshe. ²³Saa kekandetsha shii miotshi le Atishe, Paulo akoto lo mboka, ndo akatshu tondoo otsha le Galatiya ndo le Phygaya, akakeketshe Ambeki tshee.²⁴Ose Yuda lokombo lande Apolosi, lo doho da Alexandriya, oto la yimba ndo akayasha lo miandiko, akaye lEfeso. ²⁵Atshi lo soma mboka ke Owandji, ndo, okambi wa nyuma, asambisha ndo fundisha lo mete lo kene kendana la Yeso, kanga wele wakandeye obatizo wa Joani. ²⁶Akatate teketa lo mete lo Sinagogi. Akilasa ndo Prisisila, akoke, akawoshi lawo, ndo wakotondje efula mete mete doyi da Zambi.²⁷Oko wakandalange mbeda le Akiya, analengo akakeketsha, ndo akandika Ambeki davo mbolongola dimena. saa kekandakomi, akatshu, lo ketshi ke Zambi, la dihombo defula le wane waketawo; ²⁸Ne da akasete efula ase Yuda letondo ke wodha, akenya lo miandiko da Yeso kele Kristo.

19¹Saa keki Apolo le Korito, Paulo, kisha mbeteta lo wedja walediko ke Aziya, akakomi le Efeso. akahomana lAmbeki amotshi, ²Akawate: nyakalongola nyuma kekila, saa kekanyetawo? wakokadimula: sho totokaka wata koleko nyuma kekila.³Akate: naa obatizo wakanyabatizama? ndo wakokadimula: obatizo wa Joani. ⁴Laso Paulo akate: Joani akabatiza obatizo wa kitubishi, ate wodja da mbetawo le kanga loya kisha nde, mbutate, le Yeso.⁵Lo eso eteketa, wakabatizama lo lokombo lOwandji Yeso. ⁶Saa kekawahe Paulo anya, nyuma kekila kekaye lewo, ndo wakateketa leteketa ndo wakatabiri. ⁷Watshi lotshee suke lato dikumi lahende.⁸Le mwisho Paulo akoto lo Sinagogi, lene akandateketa hwehwe. lo wedi esato, akenya akambo wendana la Dolelo da Zambi, akayadjikaza da mbokiya wane wakolongaka. ⁹Koko, oko weki amotshi wakatshikalaka lonuu ndo etema welo, wakawanya letondo kefula doyi dOwandji, akamo lewo, akakakitola Ambeki, ndo fundisha loshi tshee lo masomo welewo Tyrannusa. ¹⁰Mbeta mwaka ehende, kele wane tshee wokiti lo Aziya, Yuda ndo Ngirika, wakoke oteketa wOwandji.¹¹Ndo Zambi akatsheka ahindo wa mamba efula oma lanya wa Paulo, ¹²Polo ndo akawatshe le ekoni tetshi tahondo kana mushwara wa wane wakakime demba dande, ndo hemo yakatombaka, ndo nyuma ya koolo yakatombaka.¹³Ato amotshi wa taamu wase Yuda wa sedisedi wakapime mbele le wane watshi la nyuma ya koolo lokombo la Owandji Yeso, wata: lambonyolape oma le Yeso lasambisha Paulo! ¹⁴Wane wakatsheka okone watshi ana esambele wa Scevana, ose Yuda, omotshi lepalanga Kohani.¹⁵Nyuma ke koolo akakadimul: lemi mbeyaka Yeso, ndo lemi mbeyaka da aleko le Paulo; koko nyu, elenyu? ¹⁶Ndo oto latshi la nyuma ke koolo akano lewo, akayatshe mwadimu wawo vo vahende, ndo akasoya polo lakawalawo lo loodu lako otakataka ndo mbokala. ¹⁷Keso kekeyama le ase Yuda tshee ndo ase Ngorika tshee wane watshi lEfeso, ndo woma wakoto lewo vo tshee, ndo lokombo la Owandji Yeso akatombwama.¹⁸Efula ke wane waketawo wakaye ndjotubu ndo ndjota kene kekawatshe. ¹⁹Ndo efula ke wane wakatumika tomu ya wetshi, wakela bitabu wawo, wakatshumbe letondo koto tshee: wakafonya lo wengodi wakuta midiyo akumi atanu. ²⁰Okone kele oteketa Wowandji wakole la kudu ndo la dihonga.²¹Kisha ane akambo mbeta, Paulo akakonge da tsho le Yerusalema, pembola le Masedoniya ndo Akayi. saa kekinde leko, akandate, paka lemi mena Roma. ²²Akatomi le Masedoniya akimanyedi wande ahende, Thimote ndo Erasta, ndo akatshikala nde ndame yema ya shii lokina le Aziya.²³Akayala, lo etena keko, looka la kudu lo doyi dOwandji. ²⁴Oto omotshi lokombo lande Demetriusa, otshudi, akalongola lakuta tepelo ke Dayana, ndo akatondjeka le ekambi wande waho wefula. ²⁵Akahomanya, la wane wa lotomu lako lame, ndo mbuta: O ato, nyumbeyaka da loseno laso la dimena ndjelanaka la nee kazi;²⁶Ndo nyambena ndo nyamboka da, aha lEfeso, koko suke lAziya tshee, one Paulo ambokiya ndo mengola oloyi wato, ata da tozambizambi tatshema la lonya la oto kema tozambizambi. ²⁷Hatari wele lane, aho loote wa lotomu laso hayoko lo monyoma; ele lokina tepelo ke zambizambi Diyana hayoyala la kinemo, ndo kanga woke wa one lakedama lo Aziya tshee ndo lo duniya tshee hayoyala anyanya.²⁸Eso eteketa akaloda la kele, wakatate la mbawana: Diyana ke woke kose Efeso! ²⁹Ngelo tshee ketshi lohokohoko. wakafuluziya vo tshee letenda kyenyo, watshi lawo Gayiusa ndo Aristarka, ose Masedoniya, wanyande wa lo lokondo la Paulo.³⁰Paulo akalange ndjaeyanya letondo ke wodja, koko Ambeki wakoshimbe; ³¹Amotshi wa ase Aziya, watshi angenyi wande, wakatomi lende, da ndjowewola da ahatsho lo tokenyo. ³²Amotshi wakawanaka woho wawo, akina yoho kyina, ne da lofunge latshi efula loloyi wato, ndo efula kombeyaka loote wana wakawahomana.³³Laso wakatondja oma loloyi wato Alexandele, one lele ase Yuda wakasukumaka letondo; ndo Alexandele, akenyaka lo lonya, akalange teketa wodja. ³⁴Koko saa kekaweye da atshi ose Yuda, votshee la doyi dako wakawana suke la saa hyende: woke kle Diyana kase Efeso!³⁵Koko mwandishi, akolonya oloyi wato, akate: ato wase Efeso, naa kanga laheye da ngelo kEfeso keleko olami wa tepelo ke Diyana ke woke ndo kanga lafona lande akako oma lolongo? ³⁶Keso ketshi komanyema, nyo pombaka monohala, ndo aha tshe lesadi esadi. ³⁷Ne da nyakela ane ato, wele kema la dikambo kana woshasha, na lotengo le zambizambi keso.³⁸Naka okone Demetriusa ndo ekambi wande waleko la oto la shita, koleko shii ya kilombo ndo sedingola; wayaele lo losembwe amotshi lakina. ³⁹Ndo kana nyaleko la lokani ya yango kyina, wakolongosala lo mukusaniko wa dimena. ⁴⁰Taleko lo panda, okone, da shitama losonganya lo kene keketi lelo, loote kodikambo dakoka sambwe lone lofunge. ⁴¹Kisha eso eteketa, akakaloya oloyi wato.

20¹Saa kekashile leemba lato, Paulo akahomanya Ambeki, ndo, kisha mbasengasenga, akalakana lawo, ndo akatshu da tsho otsha le Masedoniya. ²Aketeta leeke lako, lo mbute Ambeki efula kosengosengo. ko akatshu le Ngirika, ³Lene akandatshikala wedi esato. atshi lo yoho ya mboto lo wato otsha le Syriya, saa kekawambe ase Yuda tolonga. laso akakombola kaloya le Masedoniya.⁴Atshi da mbotshinde polo lAziya: Sopatera ose Bera, ona Pyrahusa, Aristarka ndo lahende lose Tesalonika, Gayiusa ose Derba, Thimote, ndo Tyshika ndo Trofima, ose Aziya. ⁵Wane wakatshu tondo tondo, ndo wakatokonge le Trowasa. ⁶Leso, kisha shii yekate bila wana, takoto lo wato otsha le Filipe, ndo, lo shii tshanu, takakaloya le Trowasa, kene akatatshikala shii esambele.⁷Loshi la kwaza la yinga, takahomana da pembola okate. Paulo, lakahombe tsho wediapendju, akasawola lAmbeki, ndo akatalola oteketa wande polo la midi kotsho. ⁸Atshi atala efula lo tshumba kelediko kene akatahomana.⁹Koko, olongolongo wa pami lokombo lande Etyshusa, latshi kita lo dirisha, akalale efula letena tshee koteketa wa Paulo; akandama la djo, akako lo tshoto yasato leese, ndo atshi suke la nyoyi. ¹⁰Koko Paulo, akaholo, akawende ndo akawoshi lanya wande, ata: tanyohangayikake, ne da anima wande waleko lende.¹¹Saa kekandade lediko, akahembola okate ndo akale, ndo akateketa edja lokina polo lapendju. kisha laso akatshu. ¹²Olongolongo wa pami akakaloya asena, ndo atshi dikambo da kango ke woke.¹³Leso, takatangudiya Paulo lo wato, ndo takatshu otshale Asosa, kene akatatetawo mbokaloya, loote akahombe nde kendakenda lekolo. ¹⁴Saa kekandakomi le Asosa, takawotshiya lo wato, ndo takatshu lande otsha le Mytilena.¹⁵Omaleko, akatetemala loduwa, takakomi wediapendju mbelengane la Shiyo. loshi lokina, takatetemala otsha le Samosa, ndo loshi la kisha takeni le Mileta. ¹⁶Paulo akalange da mbeta tondo lEfeso aha lamemala, kele aha shisha wenya lAziya; ne da akasada da ndjatana, naka ketshi dimena, le Yerusalema loshi la Patekote.¹⁷Koko, oma le Mileta Paulo akatomi letona lEfeso wazee wa lo kanisa. ¹⁸Saa kekawakomi lende, akawate: nyu mbzyaka yoho yakona, tate loshi latondo lene lakoto lo Aziya, lemi kopeko nemba lawo, ¹⁹Kambe Owandji la lokitshakitsha tshee, la wasoyi, ndo lateyi wa shoko wane wakombole ase Yuda lo tolonga. ²⁰Nyu mbeyaka lemi hambishe koyango lo kene dihombo lenyu, ndo lemi kema la woma wa nyosambisha ndo nyofundisha letondo keto ndo lo vudu, ²¹La sambisha ase Yuda ndo ase Ngirika kitubishi le Zambi ndo lo mbetawo le Owandji waso Yeso Kristo.²²Ndo kakiye nyende, kelekama lo nyuma, lambotsho le Yerusalema, haleye kene kokome; ²³Paka, ngelo lo ngelo, nyuma kekila akambute da akambo ndo ekakatanu lokongami. ²⁴Koko hatshe lemi leme kodikambo da loseno lami, oko naka latshi dimena, kele kakotsha lokendo lami lolo, ndo lolombo lakamalongola le Owandji Yeso, da sambisha lokumu lololo lo ketshi ke Zambi.²⁵Ndo kakiye nyende, lemi mbeyaka da hanyoyomena lokina elongi kemi, nyutshee lateyi wele lakete la sambisha Dolelo da Zambi. ²⁶Dako dele lambonyote lelo ndeko pepe lo dikila danyu nyutshee, ²⁷Ne da lakanyosha dako tshee da Zambi, aha la mbishe koyango.²⁸Nyoyalami nyu nywame, ndo le ekoko wele nyuma kekila akanyokitsha enipala, da sela kanisa kOwandji, akandakombola oma lo dikila dande. ²⁹Lemi mbeyaka da akoto lateyi wanyu, kisha etshwelo kemi, foo yaleena hawotshinde ekoko, ³⁰Ndo akemala lateyi wanyu apami wofundisha akambo wa koolo, da mbekola Ambeki kisha vo.³¹Nyokesha okone, la mboho one, lo miaka esato, lemi konemba otsho ndo yani da sengasenga la wasoyi oto loto lasanyu. ³²Ndo kakiye lambonyolomba le Zambi ndo oteketa wa ketshi kende, le kanga lakoka nongosola ndo mbisha lohena la weshasha tshee.³³Lemi kokombola kanga dikuta, kanga lowoko, kanga ahondo wa oto. ³⁴Nyu mbeyaka nyunywame da ane anya akakoke lo mazima yawo ndo le wane ato watshi lami. ³⁵Lakanyenya lo yoho tshee da lo tumika okone paka sukee ehodu, ndo mboho eteketa wOwandji, lakate nde ndame: koleko olo efula lo mbisha tondo ke nongola.³⁶Kisha teketa okone, akake adwe, ndo akalombe lawo votshee. ³⁷Ndo votshee wakatondja wasoyi, ndo, wakako lo woodi wa Paulo, wakawomame, ³⁸Watshi lokeyi efula lo kene kekandate da hawoyena lokina elongi kende. ndo wakotshinde polo lo wato.

21¹Sho takoto lo wato, kisha sho tshikana lawo, ndo takatshu muno otsha le Kosa, la wediapendju le Rhodasa, ndo oma lanoo otsha le Patara. ²Ndo takatani wato wakatatenyanyaka otsha le Fenesiya, takoto loko ndo takatshu.³Saa kekatakomi lo tsheke ya Shypra, takayitshike lo lonya la lomoso, takatetemala la lokendo lo leeke la Syriya, ndo takasele le Tyra, leko kekawapunguza dango. ⁴ Takatani Ambeki, ndo takatshikala leko shii esambele. Ambeki, wakalombwama la nyuma, wakate Paulo da aha mbude le Yerusalema.⁵Koko, saa kekatakomi le mwisho wa loshi lesambele, takoto lonongo da tsho, ndo shotshee wakatotshinde la wadi wawo ndo ana wawo polo etale la ngelo. takako ladwe lomamu woduwa, ndo takalombe. ⁶Ko, takalakana lamotshi lakina, takoto lo wato, ndo wakakaloya lekawakawo.⁷Takamani odukelo waso, takatshu le Tyra otsha le Potolemayisa, kene akatemula analengo, ndo takatshikala lawo loshi otoyi lawo. ⁸Takatshu la wediapendju, ndo takakomi le Sezareya. Takoto lo loodu la Filipe omembi wa lokumu lololo, latshi omotshi lesambele, takapange lakande. ⁹Atshi la esekaseka eneyi wa bikira wakatabirikaka.¹⁰Oko watshiso lanoo lo efula ke shii, Ombutshi, lokombo lande Agabusa, akaholo oma le Yuda, ¹¹Ndo akaye ndjototana. akoshi okawa wa Paulo, akakeleka lekolo ndo lanya, ndo mbuta: nyende kene keta nyuma kekila: oto lakanga one okawa, ase Yuda wakokeleka woho wako wame le Yerusalema, ndo wakokeleka lanya wapagani.¹²Saa kekato osoku, sho ndo wane watshi lanoo, takalombe Paulo da aha mbude le Yerusalema. ¹³Laso akakadimula: atshenyu, lo ndela ndo nendjami otema? ndeko tayadi, aha da kelekama, koko lokina da ndjakema le Yerusalema lo lokombo lOwandji Yeso. ¹⁴Oko wakinde kondjatshika mbokiyama, sho kotetemala, ndo takate: lolango lOwandji latshemi!¹⁵Kisha shii yako, takayatayarisha, ndo takade le Yerusalema. ¹⁶Ambeki amotshi wa le Sezareya wakatshu laso ndovo, ndo wakatotole le oto omotshi lokombo lande Manasona, tsheke ya le Shypra, Ombeki wedjedja, lekande kekatapange.¹⁷Saa kekatakomi le Yerusalema, analengo wakatolongola longenongeno. ¹⁸La wediapendju, Paulo akatshu laso le Yakobo, ndo le wazee tshee wakahomana. ¹⁹Kisha mbaemula, akate otoyi lotoyi kene kekatshe Zambi lateyi wapagani lo lolombo lande.²⁰Saa kekawoke, wakatombola Zambi. ko wakawote: wee lomena, onalengo, efula ke ase Yuda wambetawo, ndo votshee wambotshunda lolembe. ²¹Koko, wakafundishama one wee lofundisha le ase Yuda wele lateyi wapagani da manuna Mose, owate da ha mbidja anawo kumbini ndo aha ndjela loshidi.²²Naa ketshee okone? aha la mashaka oloyi wato wakohomana, ne da wakeya done wee okaye. ²³Dako dele tshe kene kotokote. koleko lateyi waso apami aneyi wakakimo woshasha; ²⁴Osawo, yaeda lawo, ndo dipa eshishelo kewo, kele kawohembole divo lo ote. ndo okone votshee wakeya da keso kekawoke lo kene kendana laye keleko kashi, koko ndowe lokina yalombola lo sedingola olembe.²⁵Oko apagani wane waketawo, takate ndo takawawandike da aha vo mbosa nyama yalambolawo dikishi, dikila nyama yovwe ovovo, ndo loseka. ²⁶Laso Paulo akoshi aso apami, akayaeda, ndo mboto la wediapendju lo tepelo lawo, da mbuta naa loshhi edelo kekokotshama ndo naa woshasha wakoka tondja le oto loto lasawo.²⁷Le mwisho wa shii esambele, ase Yuda wa lAziya, wakeni Paulo lo tepelo, wakatombosha oloyi wato tshee, ndo wakawonde, ²⁸Wawana: ato wase Izariyele, nyotokimanyiya! nyende oto lasambisha fashi tshee ndo le oto tshee lo wodja, tshikitana lolembe ndo tshikitana la kene fashi; akadjasha ndase Ngirika lo tepelo, ndo ambolanya kene fashi kekila. ²⁹Ne da wakeni tondo tondo Trofinima kEfeso lande lo ngelo, ndo wakafonyaka da Paulo kekawodje lo tepelo.³⁰Ngelo tshee kekalange, ndo wodja wakaye fashi tshee. wakande Paulo, ndo wakotondja etale la tepelo, yele ndo milango yakadihama. ³¹OKo wakawonaka da mbodaka, looka lakaye lo tuminadi loloyi da ose Yerusalema tshee atshi lohokohoko.³²Kako akoshi asoda ndo elombodi, ndo wakalawo lewo. wakeni tuminadi ndo asoda, wakatshike komola Paulo. ³³Laso tuminadi akasukana, akawoshi, ndo akokeleka tosheni tohende. ko atshinde, ndo akandatshe.³⁴Koko loloyi wato amotshi wakawanaka woho wawo, akina yoho kyina; nde kokoka mboka ke hwehwe, loote wa leemba, akalamula da mbotola lo muyololo. ³⁵Saa kekakomi Paulo le mwisho, akahombama nde membama lasoda, loote wa wovi woloyi wato; ³⁶Ne da leemba la wodja wakatayelaka, wawana: dakande!³⁷Saa ke mbodja lo muyololo, Paulo akate tuminadi: kokaka lemi mbuta dikambo dimotshi? tuminadi akakadimula: wee mbeyaka kingirika? ³⁸Wee kema one ose Edjibito lakatomboka lokongo, ndo lakela lo shenga atomboki midiyo nyeyi?³⁹Ndeko ose Yuda, kekaloya Paulo, ya le Tarsa le Silisiya, okiti wa ngelo kele kema la kinemo. okimwe, lambokolomba, da tekete wodja. ⁴⁰Tuminadi akokimwe, Paulo, memala ladiko da mwisho, akenya lo lonya le wodja. kii kefula kekayala, ndo Paulo, akateketa loteketa wa kihebero, ate:

22¹Ato analengo ndo mbapa, nyolonge kene kelemi laa kakiye da nyote loote wa ndjasele! ²Saa kakawoke da akawateketeka loteketa wa kihebero, wakonohala kii. ndo Paulo akate:³Ndeko ose Yuda, lakoto le Tarsa lo ngelo ke Silisiya; koko lakole lo kene ngelo, ndo soma lekolo wa Gamaliyela lo wweyelo wa kokele wolembe wa washeso, ndodama la ngandji le Zambi, oko welenyu nyutshee lelo. ⁴Lakokiya polo nyoyi one mafundisho, kelekama ndo mbidjana lo muyololo apami ndo adimato. ⁵Opalanga Kohani ndo wanyami wedjejda waleko atemo wami. lakalongola lewo barua le analengo wa le Damaseke, lene akamatshu kele ndjokele le Yerusalema wane watshi lanoo ndo da mbakaripiya.⁶Oko watshimi lo mboka, ndo akamasukana la Damaseke, kako, otsha lo midi, osase wa woke wakaye oma lolongo wakangaziya lateyi wami. ⁷Lakako lo kete, ndo lakoke doyi dakambuteka: Sawulo, Sawulo, loote wana wasoyaye? ⁸Lakakadimula: eleye, Owandji? ndo akambute: lemi kele Yeso yose Nazareta, lasoyaye.⁹Wane watshi lami wakenaka dimena osase, koko vo komboka doyi dane wakateketaka. ¹⁰Laso lakate: ahombami tshe, Owandji? ndo Owandj akambute: emala, tshoka otsha le Damaseke, ndo leko wakotokote kene kehombaye tshe. ¹¹Oko watshimi komena koyango, loote wa mwangaza wosasz, wane watshi lami wakakime lo lonya, ndo lakakomi le Damaseke.¹²Koko, oto omotshi lokombo lande Ananiyasi, oto la losembwe oko olembe, ndo lende ase Yuda tshee wokiti le Damaseke wakashaka oshuuda wa dimena, ¹³Akaye ndjoyaenyanya lemi, ndo akambute: Sawulo, onangemi, sena lokina. kako, lakasene lokina ndo lakawendaka.¹⁴Akate: Zambi ke washeso akapange da wee mbeya lolango lande, la mena losembwe, ndo la mboka eteketa wa lonyo wande; ¹⁵Ne da okokimanyiya oko temo, letondo ke ato, akambo wakayeni ndo mboka. ¹⁶Ndo kakiye akongaye? emala, batizama, ndo sola pekato yaye, la mbele lokombo lOwandji.¹⁷Lo kaloya yande le Yerusalema, oko wakamalombaka lo tepelo, lakandama la nyuma, ¹⁸Ndo lakeni Owandji lakambuteka: sada, ndo tomba esadi esadi lo Yerusalema, loote hawolongola oshuuda waye lemi.¹⁹Ndo lakate: Owandji, vo mbeyaka vame da lakadjaka lo muyololo ndo komola adanga lo Sinagogi wane waketawoka leye, ²⁰Ndo kele, saa kekawatshola dikila da Etsheni, temo daye, lemi leme latshi lanoo, kotsha koolo kami le akina, ndo nama ahondo wa wane wakadakaka. ²¹Laso akambute: tshoka, lakokotome letale otsha le wedja....²²Wakolongaka polo loteketa wako. koko laso wakeda doyi, wata: nyaa oma lo kete nyee yoho yoto! kema dihombo sena. ²³Ndo wakade ekoko, wasokola ahondo wawo, wafumboloa otoko lo lopepe. ²⁴Tuminadi akadjange da mbidja Paulo lo muyololo, ndo mbosha dimbola oma lohafu, kele da mbeya nandena wawanawo okone lende.²⁵Saa kekawokitsha lo lohafu, Paulo akate olombodi latshi lanoo: nyaleko ladikoka da komola ehafu le okitshi wa lo Roma, lele kema la dilanya? ²⁶Lo eso eteketa, olombodi akatshu le tuminadi da mboshimba, ata: onaye letshe? one oto aleko ose Roma.²⁷Ko tuminadi, akaye, akate Paulo: ombute, oleko ose Roma? mete, kekandokadimula. ²⁸Tuminadi akakaloya: la akuta efula kekamalongola haki kokitshi. ndo lemi, kekate Paulo, ndeko laa oma lo mboto yami. ²⁹Kako wane wakahombe mbosha dimbola wakakaloya, ndo tuminadi, akeni da Paulo atshi ose Roma, atshi la woma loote wa akokeleka.³⁰La wediapendju, nanga mbeya la lpshikike loote wana ase Yuda wakoshite, tuminadi akokelekola lo kodi yande, ndo akasha mamulaka le epalanga Kohani ndo le Sanehedrina tshee da pomana; ko, poloya Paulo, akokitsha lateyi wawo.

23¹Paulo, washo tee le Sanehedeina, akate: ato analengo, lotema wa dimena keyalombolami polo lelo letondo ke Zambi... ²Opalanga Kohani Ananiasa akate wane watshi suke lande da mbokomola lonyo. ³Laso Paulo akawote: Zambi ako kokomola, ohafu wa wema! wee oleko kita da nomboshami oko wele olembe, ndo ombova olembe la mbuta da komolami!⁴Wane watshi suke wakawote: wee lotola opalanga Kohani le Zambi! ⁵Ndo Paulo akate: haleye analengo, kene ketshi opalanga Kohani; ne da akandikama: wee hakoke teketa koolo ke owandji wa wodja waye.⁶Paulo, akeye da yetshi yoloyi atshi tshanga lakanga wa kashi ndo yetshi kyina ase Farisayo, akawana lo Sanehedrina: ato analengo, ndeko ose Farisayo, ona ase Farisayo; loote wa lokani ndo elwelo ke nyoyi kemomoto lo kilombo. ⁷Saa kekandate osoku, taamu takayala lasa ase Farisayo ndo akanga wa kashi, ndo oloyi waka hembona. ⁸Ase kashi wakataka da elxelo hakoyala poo, ndo kanga ondjelo kana nyuma kema, koko ase Farisayo waketawoka akambo wako ahende.⁹Lofunge la woke lakayala, ndo Endele nombe amotshi lo leeke lase Farisayo, wakemala, wakadje taamu, ndo wata: sho hateni ko koolo le one oto; kana nyuma kana ondjelo akotekete. ¹⁰Oko wele wotonganelo kondjala, tuminadi akoke woma da Paulo hayoto lakambo la ane ato, akatomi asoda da ndjowonya lateyi wawo ndo mbotola lo muyololo.¹¹Otsho okina, Owandji akenamo le Paulo, ndo mbuta: yala la lohetete; ne da yoho yako yakayasha oshuuda wami lo Yerusalema, paka wee lokna mbisha oshuuda le Roma.¹²Saa kekahoto wonya, ase Yuda wakoto sheke, ndo wotonganelo kondjala lewo vwame, wata wayashimbe dahande ndo noo polo lowodaka Paulo. ¹³Wane wakoto sheke watshi ndeka akumi aneyi,¹⁴Ndo wakatshu totana epalanga wa Wakohani ndo wazee, wane wakawate: shoshwame takoshi, taamu le sho shwame, da ahande polo lotodaka Paulo. ¹⁵Nyu okone, kakiye, nyoyate la Sanehedrina lo tuminadi, da nde mbotola letondo kenyu, oko nangaka mombola munga kende hwehwe; ndo sho, tondo kende sukana, taleko tayadi da mbodaka.¹⁶Ona kadiyo la Paulo, akeyaka loodu lako, akatshu lo muyololo tewoya Paulo. ¹⁷Paulo akele omotshi lenami, ndo mbote: tola olongolongo one otshale tuminadi, ne da aleko la dikambo dimotshi dambote.¹⁸Olami akoshi olongolongo, akatshu lande le tuminadi, ndo mbuta: ose muyololo Paulo akambele, ndo akanombi da kela one olongolongo, lele la dikambo dimotshi dakote. ¹⁹Tuminadi, akoshi olongolongo lo lonya, ndo akatshu lande lomamu, akawombola: naa dikambo deleye laa dambutemi?²⁰Akokadimula: ase Yuda wakokani da ndjokolomba da mbela Paulo loyi letondo ke Sanehedrina, oko weyaye dande hwehwe. ²¹Talongake, ne da ndeka akumi aneyi lasawo wakokomola, ndo wakate, mbidjana ebishi vwame, ahande koyango kana noo polo edja lowodaka; kakiye waleko tayadi, ndo weloko lo konga lokani laye.²²Tuminadi akakaloya olongolongo, kisha mbote da aha nde teketa le oto lo kene kemondowote. ²³Le mwisho akele elami ehende, ko mbuta: nyoyale tayadi, tate eshidi esato wotsho, asoda kama hyende, epalanga akumi esambele ndo akonga kama hyende, da tsho polo le Sezara. ²⁴Paka ndjala ato walama Paulo, kele totole ekila ndo koyango le guvelenele Felix.²⁵Akandika barua okone wa dimena: ²⁶Klode Lysiyasa le guvelenele la dimena efula Felix, moyo! ²⁷One oto, lele ase Yuda wokiti, akahombe ndjakema lawo, saa kekamakomi lasoda ndo lakakumuyawo, wata da atshi ose Roma.²⁸Lo nanga mbeya okoko wakona wakawoshite, lakotole letondo ke Sanehedrina kewo. ²⁹Lakeni da akashitama lo dikambo da wembola wendana la olembe wawo, koko nde kotshe kodikambo dakokandevo kana muyololo. ³⁰Lamboka da ase Yuda wamba tolonga, lambokotome ndowe, la mbewonya le wane woshita da wayaewoya vo vame leye. lo nyoyi.³¹Asoda, ndjelana la didjango dakawapate, wakoshi Paulo, ndo wakotole lotsho polo le Atipatrisa. ³²Lapendju, akatshike epalanga mboto lo mboka lande, wakakaloya lo muyololo. ³³Wakakomi le Sezara, epalanga wakasha barua le guvelenele, ndo mbosha Paulo.³⁴Guvelenele, kisha soma barua, akambola naa djimbo yatshi Paulo. akoke datshi ose Silisiya: ³⁵Lakokolombosha, kekandate, saa koya wane wakoshita. ndo akate da mbolama lo loodu la Herode.

24¹Kisha shii tshanu, kekakomi opalanga Kohani Ananiya, la wazee ndo oteketi lokombo lande Tertula. wakashite Paulo le guvelenele. ²Paulo akelame, ndo Tertula akatate nombola, nyee yoho: ³Opalanga wa kinemo Felix, wee lotosha kii kefula, ndo wodja wone wakalongola waho wa dimena oma lo tokonge taye; keso keyaso lo tshee ndo fashi tshee la losaka la mete.⁴Koko, da aha kokime efula, lambokolomba da nonga, lo kyomba yaye, kene kelangaso mbuta lo tshena pee. ⁵Takatani one oto, lele lokeso, lakombola datanelo lateyi wase Yuda wa lo duniya, lele owandji wa tshunda yase Nazareta, ⁶Ndo lele akapime nanya tepelo. ndo takoshimbi. takalangi mbosambisha oko wele olembe waso;⁷Koko tuminadi Lysiyasi akakomi, akawoshi lanya waso la kudu tshee, ⁸Ate wakoshite da ndja letondo keye. wee kokaka weme, lo mombola, mbeya lende kene tshee koshitaso. ⁹Ase Yuda wakangenangena, wakate da aso akambo watshi osoku.¹⁰Kisha guvelenele mbenya lo tshapa da teketa, Paulo akakadimula: la mbeya one, aya miaka efula, oleko shushi ya wone wodja, la lokani lako kemomosa oteketa da nombola loote wami. ¹¹Atayala shii dikumi lahende, wee koka mboho, da lakade otsha le Yerusalema da totemola. ¹²Vo kotanami kanga lo tepelo, kanga lo Sinagogi, kanga lo ngelo, lamanee loto omotshi, kana mbele ohomanelo kadimula oloyi wato. ¹³Ndo haweye menya kene keshitawo kakiye.¹⁴Lambokoshikike da ndeko lo kambe Zambi ke washemi lo mboka keteketawo ke koolo, la mbetawo kene tshee kekandikama lolembe ndo le Ambutshi, ¹⁵Ndo ndjala la Zambi lo kitumayini, oko welewo la lewo vame, akoyala elwelo ke ase losembwe ndo wane wele kema losembwe. ¹⁶Dako dele lamboyasha da ndjala la kyokomiya lotema waha munga letindi ke Zambi ndo letondo ke ato.¹⁷Kisha kosa ekomelo wa miaka efula, lakaye da ndjo kimo weshasha lo wodja wami, ndo ndjokimo weshasha. ¹⁸Laso kele ase Yuda amotshi wa le Aziya wakatani mbedama lo tepelo, aha la lofunge kana looka. ¹⁹Atshi lewo da manamo letondo keye ndo vo ndjashita, kana watshi la dikambo dimotshi lemi.²⁰Kana, wane wate naa ondjakatani wakawatani ladakana, saa kekamalombola letondo ke Sanehedrina, ²¹Paka kanaaha mala otoyi lo mbawana kekamotsha lateyi wawo: loote wa elwelo ke wane wakavu kemomolombola lelo letondo kenyu.²²Felix, lakeyaka yema dimena kene kekendanaka la one mafundisho, akakitsha, ata: saa koya tuminadi Lysiyasi, lakohembola dikambo danyu. ²³Ndo akate olombodi da nama Paulo, lambotshike yema ya ohuru, ndo aha shimba ato wande ndjowenda.²⁴Kisha shii miotshi mbeta, Felix akaye la Drusila, wadende, latshi ose Yuda, ndo akale Paulo. akawombola lo mbetawo le Kristo. ²⁵Koko, oko Paulo akadjaka tamu lo losembwe, lo takitaki, ndo lo kilombo keyaye, Felix, akoke woma, akate: keso saa kaloya; saa komotana daaso, lakokele.²⁶Akafonyaka kako da Paulo akowosha akuta; lokina akotoma da mona yema esadi esadi, da sawola lande. ²⁷Kisha miaka ehende mbeta okone, ndo Felix akapate ohena Porkiusa Festusa. la lolango la ngenyangenya ase Yuda, Felix akatshike Paulo lo muyololo.

25¹Festusa, akakomi lo wodja, akade shii shato kisha Sezare le Yerusalema. ²Epalanga Wakohani ndo epalanga lateyi wase Yuda wakashite Paulo. wakokomiya lende, ndo, ³Lo wenelo wa didjima, mbolomba oko daaso da mbela le Yerusalema. wakalongosola fashi, da mbodaka lo mboka.⁴Festusa akakadimula da Paulo akalamema le Sezare, ndo nde ndame akotsho lokongo. ⁵Paka epalanga lasanyu waholo lami, kekandate, ndo koleko dikambo dimotshi de koolo le oto oso, kawoshite.⁶Festusa aketsha shii eneneyi lo shii dikumi lateyi wawo, ko akaholo le Sezare. la wediapendju, akakite lo tuminadi kende, akasha daaso da mbela Paulo. ⁷Saa kekandakomi, ase Yuda wane wakaye oma le Yerusalema wakolonge, ndo wakoshite shiti defula ndo da kashi, nee dele tatshiwo lakoka wa menya. ⁸Paulo ekenya masambo wande, ata: lemi hatshe ko koolo, naka le olembe wase Yuda, kana le tepelo, kana le Sezara.⁹Festusa, akalange ngenyangenya ase Yuda, akakadimula Paulo: wee nangaka mbude le Yerusalema, ndo tolomboshama lo aso akambo letondo kemi? ¹⁰Paulo akate: letondo ke tuminadi ke Sezara kekamalombola, leko kehombami nomboshama. lemi hamunge ase Yuda, oko weyaye dimena efula.¹¹Naka lemi lakatshe kene kele kema losembe, kana ondjakatani omotshi wa koka ndjakema, haseke da ndjakema; koko, naka akambo washitawo waleko kashi, oto kema la haki ke towami lewo. lambele sezara. ¹²Laso Festusa, kisha tsho lo sheke la dako, akakadimula: wee okele Sezara; okotsho tondo ke Sezara.¹³Kisha shii mbeta, kumekanga Agripa ndo Berebisa wakakomi le Sezare, da ndjemula Festusa. ¹⁴Oko wakawatshikala shii efula leko, Festusa akenya kumekanga dikambo da Paulo, ndo akate: Felix akatshike ose muyololo omotshi ¹⁵Lele, saa ketshimi le Yerusalema, epalanga wa Kohani ndo wazee wase Yuda wakoshite, walomba mbohukimiwa. ¹⁶Lakakadimula da kema loshidi lase Roma da towa oto lele atayala la munga letondo ke wane woshita, ndo tondo ke nde atalombola lo akambo washitanyu.¹⁷Wakaye okone lane, ndo, aha la olo, lakakite la wediapendju lo tuminadi kemi, lakasha daaso davo mbela oto ako. ¹⁸Wane wakoshite, wakaye, kombuta kodikambo dakamafonyaka; ¹⁹Watshi lande la tamu tendana la kanisa kewo ke laande, ndo le Yeso miotshi lakavu, ndo Paulo akashikike da aleko sena. ²⁰Aha la mbeya naa leeke la mbosa lo tamu tako, lakolombi naka akolanga tsho le Yerusalema, ndo tolomboshama lo aso akambo.²¹Koko Paulo akele, da kilombo kende kekakitshama lo weyelo wa kumekanga, lakate davo mbolama polo lomotoma le Sezara. ²²Agripz akate Festusa: lemi nangaka ndo lemi nombosha oso oto. loyi, kekakadimula Festusa, okolombosha.²³La wediapendju okone, Agripa ndo Berenisa wakaye la kudu tshee, ndo wakoto lo fashi ke kilombo la tuminadi ndo epalanga wa lo ngelo. lo ruhusa la Festusa, Paulo akelame. ²⁴Laso Festusa akate: kumekanga Agripa, ndo nyu tshee wane wele lane laso, nyumenaka one oto lo dikambo dele leemba tshee lase Yuda wakaye lemi, oma le Yerusalema, kana lane, wawana da hakoke sena lokina.²⁵Leemi, lakeye da nde kotshe kodikambo dakoka nyoyi, ndo nde ndame akele kumekanga, lakalange mbotshika atshu. ²⁶Lemi kema kanga la dikambo da mandika le kumekanga loote wande; dako dele lambotondja letondo kenyu, ndo lotshee letondo keye, kumekanga Agripa, kele da mbeya mandika, kisha mbolombosha. ²⁷Ne da kema dimena toma ose muyololo aha la menya loote wana woshitawo.

26¹Agrippa akate Paulo: wee hakoke teketa da wee ndjalombole. ndo Paulo, akeme lohita, ndjatekete ata okone: ²Ndeko lolo, kumekanga Agrippa, da ndjala laa lele la ndjatekete letondo keye lo akambo tshee wakashite ase Yuda, ³Ne da wee mbeyaka dimena ashidi wawo ndo taamu tawo. lambokolomba da wee nongami okone la vumidiya.⁴Loseno lami, tate lo tena da tondo dolongolongo wami, laleko lo mbeyama lase Yuda, loote lakete oma le Yerusalema, lateyi wa wodja wami. ⁵Vo mboyaka tate edja, naka vo nanga mbuta, lakeni ose Farisayo, oko otshaa woleki koolo lo kanisa keso.⁶Ndo kakiye, lamboto lo kilombo loote ndeko lo konga ekotshamelo ke daka da Zambi dakanalake washeso, ⁷Ndo dele dakonga kabila yaso dikumi lahende, wakambe Zambi loshi tshee otsho ndo yani. lo lokani lako, ô kumekanga, kekashiti ase Yuda! ⁸Wetena! wee hetawo da Zambi mbololaka edo?⁹Lemi; lakafonya da tshe lalotamanya lo pingana la lokombo la Yeso yose Nazareta. ¹⁰Keso kekamatshe le Yerusalema. lakadje lo muyololo efula kekilami, lakalongola oso mamulaka le epalanga Wakohani, ndo, saa kekawadake, lakakotshaka okonda wami le akina. ¹¹Lakakomola mala efula lo Sinagogi tshee, ndo lakawadjange da tolana. lo djekaleka lo kele lewo, lakasoyaka kanga polo lo ngelo kyina.¹²Lo okoko wako kekamatshu le Damaseke, la lowandji ndo la mamulaka wa epalanga Wakohani. ¹³Otsha lateyi wa loshi, ô kumekanga, lakeni lo mboka akahete lemi ndo wanyami osase waya oma lolongo, ndo osase woleki wone wa wonya. ¹⁴Takako shotshee lo kete, ndo lakoke doyi dakambuteka loteketa wa Kihebero: Sawulo, Sawulo, loote wana asoyaye? akoyala kudu da wee munda ana wa pongo.¹⁵Lakakadimula: eleye, Owandji? ndo Owandji akate: ndeko Yeso lasoyaye. ¹⁶Koko emala, ndo yakime lekolo waye; ne da lambokotombe da kokitsha olohe ndo temo lakambo wakayeni ndo wane wele lakokenya. ¹⁷Lakakosone lateyi wa one wodja ndo lateyi wa apagani, otsha le one lambomokotoma, ¹⁸Kele towadihole washo, wele watombe lo didjima otsha losase ndo kudu ke Shetani otsha le Zambi, da vo nongola, lo mbetawo lemi, edimanyelo ke pekato ndo lohena la ekilami.¹⁹Koko, kumekanga Agripa, nde kokoka mamane la wenelo wa lolongo: ²⁰ Le wane wase Damaseke tondo, ko le Yerusalema, lo Yuda tshee, ndo le aoagani, lakasambisha kitubishi ndo kadimo le Zambi, la etshaa wakoka la kitubishi. ²¹Dako dele ase Yuda wakashitelo tepelo, ndo wakatane da vo ndjakami.²²Koko, lo ekimanyedi ke Zambi, ndeko la loseno polo leleo, lasha oshuuda letondo kekenda ndo epalanga, aha la minya koyango lo kene kele Ambutshi ndo Mose wakateketa kelne kokoma, ²³La mbeye da Kristo akasowe, ndo kele, akolo latondo lasa wane wakavu, akasambisha osase le wodja ndo wedja.²⁴Oko wakandateketaka okone da ndjalombwe, Festusa akate la doyi da kud: oleko dadi, Paulo! mbeya yaye yefula yamboketola. ²⁵Lemi kema dadi, olohe Festusa, kekakadimula Paulo; okone, lokongo, eteketa wa mete ndo wa mana ke dimena ketondjami. ²⁶Kumekanga mbeyaka aso akambo, ndo ndeko lo mbotekete hwehwe; ne da lamboshikike da hohe kanga otoyi, loote kema lo siri kekawete.²⁷Wee mbetawoka Ambutshi, kumekanga Agripa? ... lemi mbeyaka da wee mbetawoka. ²⁸Ko Agripa akate Paulo: wee ongashikikemi dandjala okristo! ²⁹Oyadi kakiye kana lokongo, angenyandenya Zambi aha loote waye, koko lokina wane tshee wanonga lelo, nyaya oko welemi, otshikitani la wane wele wande!³⁰Kumekanga, guvelenele, Berenika, ndo wane tshee watshi kita lawo wakemala, ³¹Ko, wakatshu lomamu, wakatane amotshi lakina: one oto hatshe dikambo dakokande ndjakema kana muyololo. ³²Ko Agripa akate Festusa: one oto kokaka mbokimo, naka nde kombele Sezara.

27¹Lo saa kekanadjanga da sho mboto lo wato otsha lItaliya, wakakimo Paulo ndo ase muyololo amotshi le olombodi woloyi wa woke, lokombo lande Yuliusa. ²Takade lo wato wa Adramita, wakahombe sengasenga Aziya, ndo takatshu, tatshi la Aristarka, ose Masedoniya le Thesalonika.³Loshi lokina, takateketa la Sidona; ndo Yuliusa, lakosaka Paulo lololo, akokimwe da tsho le wanyande ndo nongola matuzo wawo. ⁴Takamo lano, takapange lo tsheke ya Shipra, loote lopepe latshi koolo. ⁵Kisha teho oduwa wotsha Silisiya ndo Pafiliya, takakomi le Myra le Lysiya. ⁶Ndo leko, olombodi, akatani wato wa Alexandra wakatatshokaka otsha lItaliya, takoto loko.⁷Mbeta shii efula takaguke okoke, ndo kondjala la magumu takakomi lo kipimu ke Kinida, lene etshi lopepe kokoka sho mbeta. takete leese ke tsheke ke Kreta, lo leeke la Salmona. ⁸Takete la shoko, ndo takakomi lo fashi ke Diwongo da Dimemena, suke la lene atshi ngelo ke Laseya.⁹Etena kefula kekete, ndo odukelo atshi aya hatari, ne da etena ke kesha atshi kembeta. dako dele Paulo akate ¹⁰Akina, ata: O ato, lambena da odukelo hoyala londjakatani ndo aha efula keshishelo, aha paka loote wa dango ndo le wato, koko lokina le ato waso. ¹¹Olombodi akalonge oduki ndo kanga wato tondo keteketa wa Paulo.¹²Ndo oko watshi diwongo kema dimena da sele, efula lasawo wakotone wa mumo da ndjandjikaza da koma le Feniska, diwongo da le Kreta lakendaka kaskaziniz- edjelo ndo mashariki- edjelo, kele da mbetsha owo. ¹³Lopepe la le kaskazini lakapepe, ndo, akafinya mwadimu wa yambalo yawo, wakeda kahi ndo wakakutola suke la tsheke ya Kreta.¹⁴Koko kako lopepe la koolo, lelewo Erakilona, lakahembona lo tsheke. ¹⁵Wato wakasokesoke, aha lakoka wa mamane la lopepe, ndo takatshike tsho lomamu. ¹⁶Takete leese ke tsheke ta tshiki lokombo layo Kloda, ndo tatshi la paa da tsho letoyala mwadimu wa shalupe;¹⁷Kisha mumbo, takoni yoho ya ndjakimanyiya da sukee wato, ndo, la woma wako ladiko da Syrta, takakitshakitsha ahafu. laso kekatayatshike membama la lopepe. ¹⁸Oko wakatalembe efula la lopepe, la wediapendju takalosokola dango loduwa,¹⁹Ndo loshi lasato takalembe lanya waso shwame la suku da wato. ²⁰Wonya ndo tooto kotomba shii efula, ndo lopepe latshi lo pepa la kudu efula polo sho shisha lokini la shondjatsha.²¹Sho konde aya edja. laso Paulo, akemala lateyi wawo, akawate: O ato, akahombi nyunongami ndo aha tsho le Kreta, kele teewo one ondjakatani ndo kene eshishelo. ²²Kakiye lambonyosengasenga da mbosa lohetete; ne da kanga otoyi lasanyu hovo, ndo hoyala eshishelo paka kene ke wato.²³Ondjelo wa Zambi lene elemi ndo lene akambami akatombe lone otsho, ²⁴Ndo akambute: Paulo, tokake woma poo; paka wee nombola letondo ke Sezara, ndo enda, Zambi akakosha wane waduka laye. ²⁵Dako dele, ô ato, nyetawo, ne da ndeko la kitumayini le Zambi akotshe oko akanambute. ²⁶Koko sho pombaka kosa ladiko da nyee tsheke.²⁷Otsho wa neyi, koko laso tatshi lasokasoka lo Adriyatika, lotape, lateyi wotsho, takanungunika da sukana la kete. ²⁸Takoke woana, wakatani ohongo akumi ahende; yema etale lokina, wakoke lokina, ndo wakatani ohongo dikumi latanu. ²⁹La woma wa aha toselama lo wade, wakoke eseka eneyi wa kopo, takonga loshi la mbikike.³⁰Koko, oko lotape akonaka mbeko lo wato, ndo akakite lo shalupe ya loduwa la lokani la sokola eseka woboo, ³¹Paulo akate olombodi ndo asoda: naka ane ato hawotshikadi lo wato, nyu hanyoka. ³²Laso asoda wakahembola kodi ya lo shalupe, ndo wakotshike ko lo kete.³³Tondo ke loshi poto, Paulo akalombe oto tshee da mbosa yango yande, ata: lelo kele loshi la neyi kelenyu lokongelo ndo nyamboshikikala la ndjashimba yango yande. ³⁴Lambonyele okone da mbosa yango yande, ne da keso keleko lazima lo panda kenyu, ndo hoshisho kanga divo da lote da kanga oto otoyi lasanyu. ³⁵Akateketa osoku, akoshi okate, ndo, kisha mbisha losaka le Zambi letondo ke votshee, akahembola, ndo tate lande.³⁶Ndo votshee, wakayala la kudu, wakale ndovo. ³⁷Tatshi, lo wato, ato kama hyende lakumi esambele lasamalo lo tshee. ³⁸Saa kekawale efula, wakamuya wotsho lo wato lo sokola mana loduwa.³⁹Saa kekahoto wonya, vo kombeya lokina kete; koko, wakeni okengedi la seke, wakate da sukuma wato leko, naka wakakoke. ⁴⁰Wakakelekola asonga da mbatshika watshu loduwa, ndo wakakimo ko saa keko emamu wa nombola; ko wakadje lo lopepe mboka ke artimona, ndo ndjatola otsha lomamu. ⁴¹Koko wakahomana bumba da kete, lene akawaheko wato; ndo otoko, wakoto, akemala suu, koko kikombe kekate lasuku wa kudu.⁴²Asada wakatondja lokani da ndjaka ase muyololo, la woma wa lasawo koleya ashi. ⁴³Koko olombodi, lakalange mbitsha Paulo, akashimbe da minya loso lokani. akate wane wakeyaka ashi mombe tondo lashi da tomba lo kete, ⁴⁴Ndo le akina da kita lo mbawo kana lelomo wa wato. ndo okone votshee wakakomi lo kete ekila ndo pando.

28¹Kisha nde toshimbe, sho takeye da tsheke yakelame Malata. ²Wane wele kema la tombo waleko lo sguudiya ololo wafona yema tshiki; waleko lo tombe tsho tshee lo dja ya woke, wakahetsha loote wa vula kekalokaka ndo atshi tshitshi efula.³Paulo akatongona leemba la koni ndo akadje lo dja, loombe lakatombe loko lo waladi la dja ndo mamate lo lonya lande. ⁴Saa kekeni wane wele kema la tombo nyama mamate lo lonya lande, wakatane amotshi lakina: mete mete one oto aleko ondjakatani, loote losembwe halilangi mbotshika sena, kisha nde mbika loduwa.⁵Paulo akasokola nyama lo dja, ndo komboka kodikambo da koolo. ⁶Ato wako wakakongaka lo menda ndjala la ngenge kana ko lo nyoyi kako; koko, kisha mbokonga edja efula, menda da kodikambo da koolo dakokome, wakengola lokani ndo wakate da nde atshi zambizambi.⁷Atshi, lo suke, kete ketshiko oto otoyi la lo tsheke, lokombo lande Pubiyusa, lakatolongola ndo topangisha shii shato lo yoho ya longenyi efula. ⁸Shende la Pubiyusa atshi laso lo kitanda, lahemo de demba dja ndo lokedi; Paulo, akatshu lende, akalombe, akawahe anya, ndo mbokonola. ⁹Loko leteyi, ekoni wekina wakaye oma lo tsheke, ndo wakakalangana. ¹⁰Wakawosha kinemo kefula, ndo, lotshwelo waso, wakatosha danga datshiso kema la lazima.¹¹Kisha mbetsha wedi esato, takoto lo wato wa Alexandele, waketsha owo lo tsheke, ndo wakatembaka lo mbeya ase Diyosikura. ¹²Takakomi le Syrakisa, takatshikala shii shato leko.¹³Oma lanoo, lo ndjela leeke, takakomi le Reggiyo; ndo, lopepe la midi lakapepe la wediapendju, takatshe shii hyende lo lokendo polo le Puzola, ¹⁴Lene akatatani analengo wane wakatolombe da tshikala shii esambele lawo. ndo okone kekatatshu le Roma. ¹⁵Oma le Roma wakaye lohomanelo waso, polo le Foroma ke Apiyusa ndo le asato wa le Tavernasa, analengo wane wakoke wateketa loote waso. Paulo, lo mbaena, akasha Zambi losaka, ndo atshi la lohetete.¹⁶Saa kekatakomi le Roma, wakate Paulo dande tshikala lekande, la soda lakolamaka. ¹⁷Lo shii shato, Paulo akele epalanga wase Yuda; ndo, saa kekakahomanya, akawate ene eteketa: ato analengo, aha latshe koyango le wodja kana le ashidi wa washeso, lakoto lo muyololo le Yerusalema ndo towama leko lasa anya wase Roma. ¹⁸Kisha mumbolami wembola, wakalange kimomi, loote kodikambo dakakoke dakoka ndjakami.¹⁹Koko ase Yusa kombotwane, ndo lakele la kudu Sezara, kondjala koyango da koolo da shita wodja wami. ²⁰Dako dele lakalombe da nyena ndo nyote; ne da loote ke ekongelo kase Izariyele kemomolota sheni.²¹Wakokadimula: sho konongola oma le Yuda kanga barua otoyi loote waye, ndo kanga onalengo otoyi lakate kana mbuta ke koolo loote waye. ²²Koko sho nangaka mbeya omaleye kene kekaniyaye, ne da sho mbeyaka da one oloyi mbutaka fashi tshee datanelo.²³Wakawosha loshi otoyi, ndo efula wakayakaka ndjowenda lo loodu lande. Paulo akawateka da Dolelo da Zambi, asha oshuuda, ndo atoni, oma lolembe wa Mose ndo Ambutshi, da mbaokiya lo kene kendana la Yeso. ²⁴Amotshi wakokiyamalo kene kekandataka, ndo akina kombetawo poo.²⁵Oko wakawakaloyaka aha la mbotwane, Paulo akakotshaka paka eteketa: lo mete kele nyuma kekila, akatekete washenyu oma le Ombutshi Ezayi, ²⁶Akate: tshoka le wodja wone, ndo nyu hanyoke poo; nyakenda la washo wanyu, ndo nyu hanyena poo.²⁷Ne da otema wa wodja wako waya koyango; wakakeketshe atoyi wawo, ndo wakadihe washo wawo, hawoke latoyi wawo, hawoke lotema wawo, hwaokadimo, ndo kele handjakonola.²⁸Nyeye okone da panda ke Zambi kekatomama le apagani, ndo wakolonga. ²⁹Saa kekandate osoku, ase Yuda wakatshu, wadjana taamu lasawo.³⁰Paulo akatshikala miaka ehende wetondo lo loodu lakandaluweka. akalongolaka wane tshee wakayakaka lendjowena, ³¹Asambisha Dolelo da Zambi ndo afundisha kene kendana la Owandji Yeso Kristo, lo lotshungo tshee ndo aha la didjima.

Ngundu: Bible for Acts

Formatted for Translators

Acts