¹Aisati kara ikamane Moisés ira imeraro tosorintsi , gara tosorintsi inibatanëri josoe ira itomi Num, ageatiri ira Moisés iKankeri: ²"Moisés, ira mitogotinara, aroge ikamake. yamiga, pintinanëma, pomotyanakemaro, oka joraran,pintisibatanimaro omagaro timagantsi, ganta pini kebatsigira ora nopagëmira, timangatsi israeri. ³Naro paigimiro ora kibtasi pigatikagetaigira aroka ongangima nega iroonti pasiegi. Nopëmiro oviro,aisatinta nakanëri ira Moises.⁴Ora pigebatsite omarintanëma piriagiteri irooti gara Líbano, jantasonori pibega ora okibesonori pongoa Eufrates, antagaisati ora igebatsitejegi Itita irooti kara Mediterráneo, kara ikiro ira obariatsira, aro ongarage pigebachitejegï. ⁵kero pairo agabeimira obiro iroti gara pingamakenika. Naro ninë nantsibatëmi aisatinta nakakeri ira Moisés. Kero nojogimatimi paniro kerosati najogimi.⁶Pisintsitasantënisha aisati kero pitsorogaiji. Ira pitimakagaigira iragaigabajiroti ora kebatsi aronta nakantaigiri ira timasantachira jiari ovironta omitokotaigirine ⁷Pisintsitasantënisha aisati kero pitsorogaji.Karari pingemisantasantërotisha ora isangenare igataigimira ira nagatane Moisés . Kerosha pipigaa tonki aisati comate, arota pinetëmaro ganatagantsi kanta jegaraka pijatagekera.⁸Pinibatëgotasantërotisha oka sangenarintsika. pingenkerotisha oka, kara kataguiterigi aisati tsitinirikë, arota pijatsatëro ora sangenarentsi. Aro pingaigatasante aisati aige piganatagegima. ⁹¿esha aro nangantimi nega?¡ pishitsitënisha aisati aige pigaguitige! kerosati pitsorogagui. kerosatisha poperanëntanaaro. Ira pitingomi tosoritsi ainta yogëshonitimi gara gegeraka pijara.¹⁰Aisati, josoe igatagëri ira itingomi ira inatsira timagantsiki: ¹¹"pabisaiganake gara aganisati gara itimagiri pingataganakeri ira timatsira. gara timagatsikëra: aige pingataganari: pobetsikaigetsa perintsi pairoraka inatsira, kara oregima maba katagiteri pabisagëroti ora Joraran ora pagatagëmaro ora kebatsi ira atasoritsiteegira gara agabëro ora ipagagaira.¹²Aisati inibatagëri ira Josoe ira Iroberitasatijegï aisati ira garitagegi aisati ira ikarataigi Manaseshi, ikantagëri. ¹³''piñengairosha ora nibatanë ira Moises, ira agëtasatanëri tosorintsi, igatagéri asati ikankeri: ira itasoritsite ipërini irorai kañatagantsi aisati ipëri kebatsi.¹⁴Aige iinagegi, aisati itomigegi aige ira popiratagëtaigara irirogegi irinaingëni gara itimi ira Moisesi ganta ipëri jakeronta joraran. gagari ira antobagachara ragijetanërini ira piretigegi ira ¹⁵omitokogerinera, iroti gara tosoritsi gara imëri pirenti romagorekenika, aisati nakantakagagëmari nobekagagëmiro obiro. aisati irirogegi irashitagëmaro ora kebatsi, ira itasorintsiteegi, ipagïrira. Yami obirogegi popiganakema gara pitimagiri aisati pintingomitaigapaima. Gara ipañaga ira Moisés, ira kantagetiro ora ikantagera tosoritsi, jara ipëri jakeronta Joraran, gara iparinta isotogi ira obariatsira''.¹⁶Aisati ikomatëngani ira Josoe ikanë negara:'' antagaisati ora pigataiganakenara, aro nangatagëro, jegaraka gara pigatagënara, aro nangantagëro. ¹⁷aro nangantagëro ora pikantira aisati nangakero jara niatsatagëri ira Moisés. panirosha ira pinetsëri ira pitosorintsite irotage paniro ingaragimi, pingatimari gara ikanka ira Moisés. ¹⁸aintaka ira peratanëmaronera ora pigatagetagera aisati ira peratanemarone ora pingatagegera irotagesha ingamakenisha. Patiro nanganëmi aige pishitsitanëtige aisati kero pitsorogi.

¹Aike Josoe, itomi Nun, igageri pite sërari kara Sitim iranetsagentai. Iriro ikantaigeri; ''pijaige pinetsgegentiro kebatsi, irontisonori Jerico''. ²Irirojegi isotogaganake yaretaiganaka pongotsigë asi antantero ojita Rahab aito inaiganake. Ikantaigeri itingomi irasi Jerico; ''pinetse, sërarijegi ipokaige inetsentero kebatsi''. ³Ira itingomi irasi Jerico igagero ora Rahab; ''pomisotogaigeri sërarijegi pokasitemira, ikabongotanëmi, ipogaigini iranetsero agebatsite.⁴Aro ora tsinane paganë pite sërari posimanakeri. Ora tsinane okanke; ''jee, ira sërari pokasitenara, teni ragote negaraka ipaniagara. ⁵Irirojegi jatai narai ochitinegataneri, kara pënibageme osigima timomentotsi. Teni nagote jega iatagai. Ovir, pijate napage pireitagapajimari.⁶Karari iroro pagaiganakeri jonoganta pongatsi posimanakeri, kara opobotirori anchasonkoi kara jonokë. ⁷Aro iro serarijegi yogeitagëri kara abatsike kenacha Jordan. Ora sitegori aroge pasitanaga ira ageatagirira isotogane nabage.⁸Iraegi sërarijegi teni irisomae. Kara iroro otëni onoajantiri. ⁹Ora chinanera ikantaigeri; nigoti naro ira Tosorintsi ipaigëmiro kebatsika aisa ora pitsorogaigira paretatetaigena naro. Aisa timaigatsi yaka aro pitsongaigeri ovirojegi.¹⁰Nakemaige, ira tosorintsi yobariatero angaire kirajaro aronta pabisaiganake kara pisotogaiganaji kanta Ejipitoge. Nakemaigë pikantaigërira pitirosati itingomi Amorreos kara pasinigitekë Jordan, Sehon ayke Og, pitaigëra. ¹¹Tsatimabageri naroegi nakematobaga ora kantenchara, otsorogasantanë nanegëmento aisti nasintsire pitsonganaka ira Tosorintsi irirotake pitasorontsitesonori inatsi jonogë aike asobi kebatsikë.¹²Yamaika, pingantasantina kara Tosorintsikë, nokomeitomotaigimi ovirojegi nagaganitaigëmi, aisa ovirojegi kaninasati pogaigëro ibango apati. Pomena nagontemara aisonorika ¹³pingabintsaigeri itimomento: irasi apati, inato, najaririegi, nirentojegi antagaisati natimakagira, aisa ovirojegi pingabintsaina nangamakenika.¹⁴Ira serarijegi yotabitaiganakeri: "¡aisonori nangantaigero nangabintsaigëmari! Aisonori obirojegi, teni pingengëtinaro ora nakeñira, yamëka'; kara ikanke tosorintsi imaigenaro kebatsi, naroegi nakeankemini aisati nanganinabentasantaigemi obirojegi.''¹⁵Aike iroro pagitaijiri omorokë pongotsi pogeantagari sibitsa. Kara otimiri otantotati ora timagantsi. ¹⁶Iroro okantaigeri; pijataige anchatosigë posimanaigema iraneigapëmi. Posimanaigema maba katagiteri, iroti iripigaiganajimari ira ageatagimira. Aike pigetaganajiro paboegi.'' ¹⁷Ira serarijegira ikantaigero; Naroegi kero nakantiro ora nakantaigemira'' obiro, pingantiro basinipagera teninta pinibatagironi.¹⁸Naretagëmarotika oka kebatsiga, oviro pigisitikeni arositia manchanginchi kirasitero kara omorogë pobango pagitaginari, popatotaigema omagaro piri, piniro, pijaririegi antagaisa timatsi ibango piri. ¹⁹pairiraka sotokenchinera sotokë, ingamake irironta koganontakaro kero pogibitaiganakena. Angamaigë teninta angantaigero ora akantaigera.²⁰Pinibabenkeroka ora nakantaigiranaro, naroegi teninaninte pigibitagaigenaro ora pigatabetaigënara. ²¹Rahab potabitëri; ''ora pikankera pingankeroti''. Iroro pobetsataigabajari aike iataigay. Iroro pogisitigapë manchaginchi kirasitero kara omorokë ponganchi.²²Irirojegi iatage kara anchatosige, maba katagiteri inaigë iroti ipiganagaganajari ogiatagirira. Ira agiatanterira ikogogetabetaigagari teni payro iraneera.²³Pitiroti serari ipigaigapaa ikaratagairi Josue, itomi Nun, ikomantagetaigëro ora ikantaigagara. ²⁴Ikantaigeri Josue; ''Tosorintsi aisonori ipagairo kebatsika. Antagaisatisonori ira timaigatsira itsorogaiga ora akantaigagara.

¹Josoe itinanaga koniamani kataguiteri aike isotogane kara Sitin, iataigue nijake jordan, iriro aike antagaisati timagantsi gara Israel, itimaganake, imontyaganaka kara nijake.²Pabisane maba kataguiteri; ira itingomi iatajii itimasitaiguiri, ³aike yaamanakeri imatsigengajegui; gara inetsaguero ora cajon irasi iriri ira tosorintsi; aike managantatsira ikogui raguetiro; kanta jinakerosata pinaguetaigue aigue jantanaguepague. ⁴Kero paretajari iroro; gara pineantemaro kara piagueri; tenta pineiroti ora abatsi.⁵Josoe ikantakeri ira matsiguenga; pomanaigue obirojegui namanisonori; ingantaguegueni kaninaro antagaisati obirojegui. ⁶Aike josoe ikankeri managantatsira; irasitikero ora cajon; aike yabisanero cajapague matsiguengajegui.⁷Ira tosorintsi ikankeri josue. Yamega kataguiteri nagankimi serari kaninari ira israel; igoti gara ikaragueri ira moises; aike naninkimi obiro. ⁸''Obiro pobetsikiro oka amanantaigaka cajon; kara yaretagaga gara onamijake niija jordan; ikoguini iratingaigue kaninasati gara niijake jordan.⁹Yame ikankeri josoe matsiguengajegui tiimatsi israeri; joke yaka, pinguemisantiro inibare pitasorintsite. ¹⁰''Kara jirai igoti ira tosorintsi inimi pisereke obirojegui; aike ibante irirojegui kara cananeos, hititas, heveos, ferezeos, gergeseos, amorreos, jebuseos. ¹¹''Pinetsero ora pitotsi ikantira tosorintsi ora inatsi antagaisati kebatsigue, iromontiaganakema antatinta pinasegaiguiri obirojegui jordan.¹²Yameka ikanke pingoigue 12 serari paniropague matsiguengajegui kara israerigue, patironague'' ¹³Kara ora igonta ira managantatsira kijiro ora pitotsi irasi tosorintsi gasintaro omagaro kebatsi, pintirotiro niija irasi jordan, ora niija jordan osiguimati, ora sintsiaro pañatsa piriatague ora niija aike osobii niija aisati piriatague kara osintsiatiri.¹⁴Aike, ira matsiguengajegui iataike imontiaganaka kara jordan, ira managantatsira ikeagero ora cajon iatague antatinta matsiguengajegui. ¹⁵Aike ira kijaiguiro cajon yaretagaga jordan, aike igontajeguike inaigue cajari onamijaague, yamega, ira jordan aike ikanke kimingari kara jirai ikeaguerori. ¹⁶Aisati niija ora pisigata pogoa iiroti jonoke otinanaga tontotsi kara niijake. Ora niija ojokanero pisigatanaga jakeronta orooti adan, oraka timagantsipague aitionipague kara saretan, paguitane irooti niijake neguev, ora niija patiaro, aike matsiguenga imontyanaka irooti antatinta aityoni kara gerico.¹⁷Iraka managantatsira ikeaguero ora cajon irasi tosorintsi, aike yatingaige kebatsi piriaro kara agani jordan irooti ganta managantatsira ira israel imontyanaka antatinta.

¹Kara imontiaganakari omagaro Jordankë ira Tosorintsi ikankeri Josue: ²Pingoge 12 matsigengajegi kara iriati inatsira poeboro, paniro matsigenga paniacha pasinigitegë timagantsi. ³Pomageri ingantaigira: irobitaige 12 mopë inatsira aganija Jordankë irooti kara inasegaigiri saserirotejegi aintajegi yaratingasegaigi piriabatsarokë pagaganakero obiasatijegi irooti kanta pigabisaigërori tsitiniri.⁴Aike ikamaigëri Josue ira 12 matsigengajegi ikogaiganakera paniropage poeborogëra. Paniropage inatsira pasinigitegë. ⁵Josue ikantaigëri: pabisaganakeka kara pini igajonite Tosorintsi kara aganija Joraran. Paniropage obirojegi pinataganakero pichengitagë mopë omonkarantëmara ora poeboro Israeri.⁶Oka mopëka ironti agengantaimarora, arota ira pitomijegira irosamitaigabëmika irinaganakenika pairo posikaganta oka mopëka obiro?. ⁷Yamëka pingomantaigeri irirojegi: ora nijara okasirijoniatanëmati kara irabisakaganërotica ora igajonte Tosorintsi. Kara yanataganakerori igajonte Tosorintsi ira saserirotejegi yoagititamataganaka kara nijagëra Joraran. Ora nijara okasirigoniatitanaka. Yamëka oka mopëka onganëmati aritari irasijegi matsigengajegi timatsira Israerikë irooti angantima angenkero.⁸Ira israerisati ikantaigëro ora ikantaigërira Josue aike irirojegi yagaigë 12 mopë inatsira aganija Jordankë, aisatisonori ikantaigëro ikankeri Tosorintsi Josue. Irirojegi yogagabëro ora mopëra kara okarati poeboro Israeri. Yagaganakero ora mopëpage kara inaigiri irirojegi aro ijogaganakero aitio. ⁹Aike Josue yogëro 12 mopë kara aganija joraran inasegaigiri saserirotegegi agaganakerora ikajonte Tosorintsi. Ora ikantaigëra përosati yamëka.¹⁰Ira saserirotejegi agaganakerora ikajonte Tosorintsi yaratinkagaigëro kara aganija Joraran. Iroti kara Tosorintsi ikantajiri Josue, aroge omonkarataja igageri Moises ira Josue. Ira matsigengajegira ikatimaiganaka aike imontiaganaka nabagesata. ¹¹Kara antagaisati itsongagaa imontiagaa ora igajonite Tosorintsi ira saserirotegegi imontiakagajaro.¹²Ora timagantsijanipage irasi Iroben, irasi Gad aike aganisati irasi manases yabisaganake ikantaganakari sorarojegi aronta ikantaigëri Moises. ¹³Imonkaraseretamagaro 40 mil ira matsigengajegi yobetsikasitaigagaro kara irantobagaigëmari irominsantaganakeri Tosorintsi kara ingisabakagagëmari okaninageti jerico. ¹⁴Kani katagiterigëni ira Tosorintsi yosintsitasantanëri Josue, ora timagantsi asi Israeri ipingatsataigiri ira Josue ibegaigëri jirai Moises ikematsatasantaigëri patironage katagiteri.¹⁵Aike Tosorintsi inibatëri ira josue: ¹⁶Pigatageri ira saserirotejegi iranataganakero ora nagajonte irasotokagaganakero soto Jorarankë.¹⁷Ira Josue igataigëri ira saserirotejegi. "Pisotogaiganake soto Joraran. ¹⁸''kara yanataganakerori saserirotejegi ora igajonte tosorintsi isotokaganakero inasegaigi agani Joraran, kara intorontaigaparo igabijegi kebatsi piriaro, yamëka ora nijara pipigabaa pibegasega jirai.¹⁹Ira matsigengajegira isotogaganake kara Jorarankë kani 10 katagiteri ira pariantachari manchakori inaigë kara Gilgalkë, kara ikirori paba Jerikokë. ²⁰Ora 12 mopëpaje yagaigëra Jordankë, Josue yogëro Gilgalkë. ²¹Iriro ikankero ora poeboro Israeri: Kara irosamitaigabëmiri pitomijegi ¿Pairo ojita oka mopëka?.²²Pigantaigabajiri pitomijegi:''Yaka karanti imontiagagarori Joraran ira israerisatiegi. ²³Ira Tosorintsi iriro obiriatëro ora nijara Joraran ora pabisantaigëmara obiro,aro ikankero Tosorintsi angare kirajaro, yobiriatëro ikantabenkairo eirojegi irooti abisaganakerori. ²⁴Arota omagarojegi matsigengajegira inatsira kebatsigë iragotaige ira ibago Tosorintsi sintsirisonori, arota obirojegi pintsorogasantaigëri ira Tosorintsi pasiegi obirojegi irooti agengasantaigëri.

¹Aike omagaro itingomipage amoreosati timatsi antatijanta Joraran aisati itingomipage ira cananeosati timatsi kara angaaregë Meriteranio ikemaigabakeri iraTosorintsi yobiriatero nija Joraran irooti imontiaiganaka ira israeritajegi, kara isankanekë itsorogasantaiganake teni ingatsimabintsatanae kara igisabakagaigari, irironta timagaitsira israeritajegi kantero.²Kara ikankeri Josue Tosorintsi: Pobetsike koshiro mopëminta pitotagëtiri omasi itegi sëraripage israeritajegi. ³Aro Josue yobetsikë koshiro mopëminta aro itotagekeri omasi itegi omagaro israeritajegi kara anchatosi ojita Ararot.⁴Aro imonkero Josue itotagekeri omasi itegi arosata sotogëtanaigimi kara Egipitokë. Ira sotogëganakegitsi kara Egipitokë aganipokipage ikamageke. ⁵Aro antagaisati sëraripage itotagekeri omasi itegi irari ira janeki, irirai tsomaacha aganipogipage teni iritotaitiri omasi itegi.⁶Aro poeboro israeritajegi yanëtaigai 40 osarini kara saagiteri. Aike ira sërarijegi antobaganari sotoganaigitsi Egipitokë itsonka ikamake, tenta iromonkaratiroti ora ikantiri Tosorintsi. Tosorintsi ikantasantëri kero paretaro ora kibatsi ikantabetanaimi picharine, aiti kibatsi, kara inasanti irichi, aisati ichirone eiroto. ⁷Ira itomintaiganakara iriro arekimarone, aronta ikanke Tosorintsi, ira Josue aro itotagekeri imasitegi terainta ira itiomijanipage iritotagetiri omasi itegi kara aganipogi abatsi.⁸Kara itsonkeri itotagekeri omasi itegi, aro imagoriaigë irooti kara ibegasantaigaa omagaro. ⁹Aro Tosorintsi ikankeri Josue: Yamai katagiteri aroge naageetajiro ora pomiritsitomokimi kara Egipitokë obirojegi. Aike yarekaro kara ojita Gilgal irooti ojika yamai.¹⁰Aike israeritajegi itimaigai kara ojika Gilgal, ikimoseretaige ora Pascuakite pareta 14 katagiteri manchakori chopinigitekai kara itimonomitaigaro ora Jeriko. ¹¹Kara yogabisaigairo Pascua irooti katagiteri iparintagaro yopëgairo ora pangirintsipage inatsi kibachikai ora pan te ongonagema aisati obengipage omotagaga.¹²Aro opañaga mana pitsonka arokenta yapëro ora pangiretsipage iyachi kara ojita Canaankë.¹³Aro Josue yareserekaro ora Jeriko aro yatianke inetsasantai iniake sërari yatianke arionisati ipogomingiti okibeminta sabiri. Aike Josue iatasikeri ikankeri: obianti nakaratira, obiantiko kisanijintina.¹⁴Aike yotabitanairi kagarina; naanti itingomi iromerarooki Tosorintsi. Nipoganta naro yamai, aike Josue yobatigagerokitanaka kibatsikë itsrogatsatasantoberi, ikankeri: jega pikanti natingomi ira nakaratatëgi?. ¹⁵Aike ira itingomi iromeraroegi Tosorintsi ikankeri Josue: pinotsakiri pisabato pogasega pigitikëra, kara pinasegi, ponatikasegi iroonti saangagiterisonori.

¹Yamëka antagaisati kara ikaigirori Jerikokë aroge pisitanaga aitanta ira isorarotegi isiraerijegi teni pairi sotogatsine aisati teni pairi katsine. ²Ira Tosorintsi aro ikankeri Josue: Pingengema, aroge nopëmiro Jeriko kara pobagoke, ira itingomi aisati omagaro isorarotegi antogabachari.³Pijataigëni panitaiganakeni pishongaiganakemaro ora timagantsira, antagaisati iraegi sërarijegi omanatatsari iriate kerora timomentotsi patironage katagiteri. Aro oka ikankero iroori 6 katagiteri. ⁴7 saserirotejegi iranataiganakeroti 7 tiborentsi ira ichei oisha iroshita obagentsiri kajon. Kani 7 katagiteri, iranitaiganakeri irishongaikemaro kara timagantsikë 7 ongarage ira saserirotejegi intibotero ora tiborentsi.⁵Irirojegi intibotaigeni okibentsatsa kara icheikë oisha kara ingemobëro ora katsigeri tibotagantsi antagaisati matsigengajegi ingaimaiganake sintsitsarisonori, aike ora yotigantarora itimomento oparigane. Ira itomijegi isiraerijegi irankeroti ora timomento.⁶Yamaika Josue itomi Nun ikaemëri ira saserirotijegi ikankeri: pinatanëro igajonte Tosorintsi. Poganëri 7 saserirotijegi iranatanëro 7 tibotagantsi. Ira itsei oisha irobatanë igajonte Tosorintsi. ⁷Ikankeri timaigatsira: Pijataigë panitaiganake pishonganemaro itimaigiri, ira sorarojegi iriateni irobage kara igajontekë Tosorintsi.⁸Josue aroge ikomantëri matsigengajegi, ira 7 saserirotejegi ikianero ora 7 tibotagantsi, itsei oisha katingasati Tosorintsikë. Kara yanitaiganakeri përo okatsigetanë ora tiborentsi. Ora igajonte Tosorintsi yaganëro okarantiri irirojegi. ⁹Ira sërarijegi ira omanatachari irishita obataiganakentsi aike ira saserirotijegi, irirojegi yogatsigentanero ora tiborentsi, aike yogiatabëro ora igajonte Tosorintsi, aike yanitaigapë ira saserirotejegi përo otiboteri tiborentsi.¹⁰Karari ira ikantaigeri matsigengajegira: Pijataige majirekeroni, irooti kara nangankemi naro pingaamaige. ¹¹Ira Josue ikanke ora igajonte Tosorintsi abisanë sotora timagantsi patiro katagiteri. Aike ikaiganake ibangokë aito isamaiganake.¹²Josue ikabiritanaka koniamanisonorikë kara okëtagetaneri ira saserirotijegira yanataiganakero ora igajonte Tosorintsi. ¹³Iraegi 7 saserirotijegira kenëriro 7 tiborentsi ora itseira oisha katingasati kara igajonte Tosorintsi , ira anitaigatsira itibotanero itiboreegi. Ira antobagachara ibataigiri, ira basiniegira yanitaigi ogaragenta igajonte Tosorintsi ora tiborentsi përo itibotërori. ¹⁴Pite gira katagiteri ishongaiganakaro patiro timagantsira aige ipigaiganaja kara itimaigiri. Irirojegi ikantaigero 6 katagiteri.¹⁵Kara 7 katagiteri itinaiganaka koniamanisonorikë,yanitaiganake timagantsikera irooti katagiteri yanitaige 7 nage. ¹⁶Kara 7 katagiterikë ira saserirotijegi itibotero tiborentsi , ira Josue ikankeri imatsigengajegira: pingamaige, ira Tosorintsi ipagairo timagantsika¹⁷Ira Tosorintsi ikantaigeri, antagaisati timagantsira otsonkemati. Paniro ontimaje Rahab antageantatsira, iroro aike timatsira obangokë , iroronta osimanakeri ira sërarijegi ira nigataigera. ¹⁸Obirojegi kero pitirotaigiro ora tsongenchanera . pingangeroka, ora timagantsi otsongasantema. ¹⁹Antagaisati kiregira, oropage antagaisati ora inagetachira koboriagiropage aisati hierro iromëri Tosorintsi.²⁰Ira timaigatsira kara ikemaigabakero ora tiborentsi, antagaisati ikamaganake ora yotantara oparigane aike irirojegi ikaiganake kara itimaigiri aito intaigero. ²¹Irirojegi itsongaigero inaigatsi timagantsikera yosatantagari irosatamento antagasati sërari, tsinane, iboena, antiasipariegi, baagaegi, oishajegi aike imorane.²²Ira Josue ikantaigeri pitera sërari netserora kebatsi: pijataige obangokë Rahab. Pomisotogiro tsinanera antagaisati okarataigira, aronta pikantaigë obirojegi.²³Aro ira sërarijegi netsagairo kebatsira ikaiganake yomisotogaigero Rahab antagaisati okarataigira. Yagaiganakero kanta tera irantimaige Israel. ²⁴Itagaigëro antagaisati otimantara. Paniro yoaga kiregi, oro, koboriagiripage aisati hierro ipërira Tosorintsi.²⁵Josue ikabintsaigaro Rahab antagaisati okarati otimakagaigi. Iroti yamaika otimaigi ira ojoganera Rahab, iroronta osimanakeri ira serarijegi ikankerora Josue.²⁶Josue ikantakakeri iranetsantemarira aike ikanke: Tosorintsi ingisanijinkeri ira sërari ira obetsikairone timagantsi Jeriko. ²⁷Ira Tosorintsi itsibatasegari ira Josue aike ibairo pigogengani antagaisati kebatsikë.

¹Ira Isiraerita ikantaikëro ora te onganinate yakëro ora yogabeta aisati ora ikogi iritsonge: Akan, itomi Carimi, itomi Sabidi, itomi Sera imatsigengajegi jodasati, yogaikë ora yogabeta aisati ikogirami iritsonge, aike ira Tosorintsi ikisëro itimomentojeki isiraerisati.²Josoe igataikë soraro pañacha Jeriko kara aike otimanamitiro Bet aven kara isatogi paba, Beterike iriro ikantaikeri: pijataike pinetsaikero kibatsi yamaika ira serarijeki yamaika ira soraro iataikë inetsaikiro hai. ³Ira iragatane soraro yaretaigaba itsatimakitige Josoeke ikantaigaberi: kero pigaitasitari antagaisati soraro anterone Hai. pigateni 2,000 teka 3,000 soraro anterone Hai kero pintagasitari teni intojaike irirojeki.⁴Yamaika igakeni 3,000 soraro, karari yomisigëtikiri soraro Haisati. ⁵Ira sorarojeki haisati yogëni 36 soraro kara yogeabateri iroti kara onamikë itimomentojeki, karari janta pinabeta aro yogasitagari antaigatsi otisitsaike. Yamaika ira timaigatsira pongotsike itsorogasantaiganakeni iranengamentoke ijoganero isintsire isigaiganaka.⁶Karakenta Josoe itisarakero igitsagare. Iriro aike antyasipariegi isiraerita itiakeri kibatsipane igitokë, yogitanaka kara igajonteke Tosorintsi iroti kara ochabinitaneri. ⁷Karakenta Josoe ikanke. Ah Tosorintsi ¿pairo pinintakagobikeri timaigatsira iromontyema antatika Joriran? ¿pairo popimantabikina ibakokë amareojeki yamaika iritsongaikenani? aityonimeri ninaitaike antatinta Joriran.⁸¡ Tosorintsi! ¿pairo nangake yamai, aroke itsonkengani isiraeriegi aroke yomisigaiteri oyerijeki? ⁹Yamaika ira kananeosati aisati antagaisati timantaigaro kibatsi ingemataigabakena. Irirojeki irabanamitaigëna ira matsigengajeki timantaro kibatsi kero ikengataigainaro nobairo. Yamaika ¿pairo pingantobitanenaro pobairo obiroka?.¹⁰Ira Tosorintsi ikankeri Josoe ¡pintiaima! ¿pairo pogitabitiro poboro kibatsike? ¹¹isiraerijeki ikankero kimigaro, irirojeki teni ingantinaro kaninaro ora nigatabegari ikositena ora nogabetara. Irirojeki ikositaikena aisati yosimanakero ora igimingare, yogero ora ikositankera itsibatankero yasintara. ¹²iroti yamaika, ira isiraerita kero iganatari oyeri. Aisati isigantanaka te irantiri ogeri, irintiti kogëro iritsongenganita. Paniro nangabintsaikemi obiro iroti pitsonkero ora natsonkerome naro iriro yosimanaikiroti.¹³¡Pintinanema! pobetsikaikeri pomatsigengajeki pigantiri: pobetsikaikema, pingetetaike, obiati naramani. Ira itasorintsite isiraeri ikankeni: aiti pinabeta nogabetaga aisati ora natsonkerome karari aitiro pogaikiro obiro isiraeri te raninte irantiri oyeri iroti kara iragapitairi ora yosimanakera aro iritsogankimaro.¹⁴Naramani okëtagetamananake, iribokaigabeni antagaisati imatsigengajegi. Ira imatsigenjegi Tosorintsi ingoigërini itomijeki. Ira itomijeki, panironaga itomigeri ira antagetiro ora te ongomeite irisiagematima patiro katingasati. ¹⁵Irabiseni iriro ikoigëra aisati irokeroti ora ikositankera; yamaika iritogëroti, iriro, antagaisati ibango aisati antagaisati ora yasintara, tenta iriatsatiri Tosorintsi aisati ikantaikëro kimingaro isiraerijeki.¹⁶yamaika Josoe itinamananaka koñamaniga aike yamapëri isiraeri aityoni, imatsigengajegi, ira imatsigenga Jadasati iriro ikoigëkeri. ¹⁷Josoe yamapëri itomijeki Jodasati aityoni aisati itomigeki Sera, iriro ikoigëke aike yamepëri itomigeki sera panironake ira sabidi iriro ikoigeke. ¹⁸Iriro yamapëri itomijegi Sabidi, panironake aisati Akan itomi karimi, itomi sabidi, itomi sera imatsigegajegi pañacha Jodake, iriro ikoigëke.¹⁹Yamaika Josoe ikankeri Akan "Notomi pigomantiri kaninasati Itasorentsite isiraeri, obiro pigomantiri ora pikankera. Pigomantinaro kaninasati.¿Pairo pinte? kero posimanapitinaro. ²⁰Akan ikaneri: aisonori nakankeri kimingari itasorintsitei isiraeri. iroro nacankero: ²¹kara naneakeo ora yogantaro kaninarosonori igitsagare Babirona 200 igitsogi kiregi aisati paniro koboriari kiregi karari kero ipesatani aganisati kiro aike, nanebetakari aike nageri ainta nogeri kara kibatsikë aganisati ora nasintara, aintasati iyitsogi kiregi osobi.²²Josoe ikake irogotane, isigaiganaka kara yasintarakëra ora pini ora ikositankera. Kara inetserori iniakero. Ora osimanakenchara kara yasintarikëra kara osobi aintasati iyitso kiregi. ²³Irirojegi yaganairo ora osimanakenchara aganisati irasintane, aike yaganeri Josoe aisati antagaisati timatsi isiraerike. irirojeki yogaikabakeri katingasati Tosorintsi.²⁴Yamaika Josoe aike antagaisati isiraerijeki aisati iriro, yagaiganakeri Akan itomi Sera, ira kireki, ora kitsagarentsi aisati koboriari kiregi. Ira itomijegi aisati irisintoegi, aisati ibakate, ira imorane, ira iroishate, ora yasintara antagaisati aike yasintabetara yagamero antagaisati kaninagiterike akori.²⁵yamaika Josoe ikanke: ¿pairo pamabokinaro kimingaro? ira Tosorintsi iramapëmini kimigaro obiro yamai antagaisati isiraerijeki ibashegaikëri aisati itagaikëri. ²⁶Irirojeki intinaikëni otisi yobetsikangaro mopë antagaro pineti iroti yamaika. Yamaika ira tosorintsi teni ingisaima. Irirotake yogankaro obairo kara piniri, iroti yamaika ojita "kaninagiteri akori".

¹Tosorintsi ikankeriri josoe: "kero pitsoroki; kero poperataro. Pagaitanëri pomatsigenga pijate pomanatima. Pijate Haikë. pinetse, Naro paigëmiri pobagokë ira abatakagaigiri Haisati, ora itimomentojegi, ora itimantara aisati ora igebitsite. ²Nangantaigëmiro Hai aisati itingomiegi nibekeneri ira Jerikosati aike itingomiegi, yamaika aisati iraganero ora yogantagetara irirokerai ibakate irianti pasiegi. Pogineri pogashire kara otsitage pitimomentojegi".³Aro ikanaka Josoe itinanaga yagaiganakeri antagaisati isorarote antabagachari kara Haikë. yamaika Josoe ikoigë 30.000 imatsigenga, ira imatsigengajegi irintisanori sintsiri ira te intsorogë, yomisotogaigëri sotora kara tsitinirikë. ⁴Iriro ikantaigëri: "pingemisantaigena irirojegi irogasitaigëroti irogashiire oka atimomento, kara otsitagë, kerotasha piataigi jaanta yaka pitimaigiri, karari obirogegi pobetsikaigëmani.⁵Naaro aige antagaisati ira nomatsigengajegi ira omisantinari, eiroegi aregitetaigëmari kara itimaigirori. Aroka iromarintagai irantabagai, asigaiganakema ajogaiganakeri irirojegi ibegaigëri kara jirai. ⁶Irisigaigabëma atsitaegigë iroti kara ajogaiganakeri ajaigë janta kara itimirori. Yamika ingantaiganake: "irirojegi irisigaitanetikima ibegaigëri kara jirai". Eroegi aroge isigaitaiganaka. ⁷Yamaika obirojegi pisatogaiganaje kara posimanaigagari aige pagaigabëro ora itimataigara. Ira pitasorinteite iromaigëmiro ora itimomento kara pobagokë.⁸Aroka pagaigëro ora itimantara, obotanëma ora otaringaga. Aaro ongankema oka aroka pingankero ora ikankimira kara inibaregë tosorintsi. Pinetsaige, naro agataigëmine. ⁹Josoe igataigëri karari iririjegi iataigë kara yogiro irogashire, aro yosimanaigaga kara Beterikë aisati Haikë, kara ikiro paba Hai. Karairi ira Josoe isamë kara tsitinirikë kara itimomentokë.¹⁰Josoe itinamananaka kara koniamaniga inetsaigëri ira isoraroteegi kara aroge yobetsikaga, Josoe aisati ira antyasipariegi isiraerita. Irirojigi intaigëro itimomento Haisati. ¹¹Antagaisati ira imatsigengajegi antabagachara ira itsibaitara itinaiganaka aige iaitaigë kara itimomentokë. Irirojegi yaretamataigagari kara itimomentokë yobetsikaigaba aro itimaigabë kara tonkëgite Hai. Yamaika aiti otininaja kara inaigabë iriri aisati Hai. ¹²Iriro yagaigë 5.000 matsigenga aige yogëri kara irogashiregë kara onamikë kara ikiro paba tisimagantsi kara Betel. Aisati Hai.¹³Yagaigëri antagaisati ira isoraroteegi, ira obatakagaigirira yogëeri kara komategite, kara itimaigirori, irirokerai ira tojaira isorarote yogëeri kara ikiro paba kara itimomentokë. Josoe inaigëroti tsitinirikë kara otininajagë. ¹⁴Kara ineabëri itingomi Haisati, iriro aisati isoraroteegi itinaigëri koniamaniga aro yogagaiganaka intaigëri isiraeri, katingasati otininajagëra nija jororan. Iriro, teni iragotëmate kara yogëneri irogashire ora irantaiëmari kara otsitagë itimomento.¹⁵Josoe aige antagaisati isiraeriegi Yomantobitaigeri ijitakeri kara itsongaigëriniri aige isigaiganaka kara te ontimëmatengani. ¹⁶Antagaisati inasëgaigatsira kara itimomentokë ikomëtaigëri kara irageamagetaigëri, yogeataiganakeri Josoe iaite janta kara tee ontimengani. ¹⁷Teni pairo matsingenga inëmatanatsine Haikë aisati Beterikë antagaisati yogëmagetaigëri isiraeri. Ijogaiganakero ora itimomentojegi aige teni irisitanairo kara yogemagetaogëriri isiraeri.¹⁸Ira tosorintsi ikankeri Josoe: "pinetsakagiro ora posatamento ora popogotira kara Haikë. Nomëmirini Haisati kara pobagokë". Josoe itinakero ora irosatamento ora ipogotira inetsakakero kara itimomentokë. ¹⁹Ira sorarojegi osimanakenchara kara inasëgaigiri kara pini irogashire, yogagaiganaka aige isotogaiganake kara ineakeri inetsakakero irosatamento kara itimomentokë. Irirojegi isigaiganaka, ikaiganake kara itimaigirori yagaigëro aige yobotaigëro taringaro ora itimomento omanabagesata.²⁰Ira matsigengajegi Haisati ishongaiganaka aige inetsaigë kara itsitagë. Ineabëro ora ojenga kara pisotoengatane kara itimomentokë otinaengatanaga jonogagitekë teni kara ingenagitebataeri tesati kara iriagitebagekeri. Ira isoraroteegi isiraerita ira sigënchara kara te ontimengani ipigaigaba intaigabëri. ²¹Ira Josoe aige antagaisati isiraeri ineaigëro ora irogashire igogë kara aroge pitaka ora itimomento kara otinajengatanaga ojenga piatategeri, irirojegi ipigaigaba aige yogaigabëri ira matsigengagegi Haisati.²²Ira pasiniegi isorarote isiraeri, ira kanakentsira kara itimomentojegikë, isotogaiganake intaigabakeri. Ira matsigengajegi Haisati itsongaigëri isorarote isiraeri, ainta anteri kanta keronta aintasati antabëri keroka. Isiraeriegi intaigëri matsigengajegi Haisati; teni pairo kaniatamatajatsinera tesati pairi sigachanera. ²³Teni irogiri ira itingomi Haisati yagaigëri kanianiro aige yamaigabëneri ira josoe.²⁴Kara itsonkeri isiraeri intaigëri aige yogaitaigëri antagaisati ira matsigengajegi Haisati, aityoni kibatsi ora tera ontimantëmatengani kara yogeabataigëriri, aige antagaisati, ira panibani iinë yogamagantaigagari irosatamento, antagaisati isiraeri ipigaiganaja Haikë. Irirojegi intantaigabakari katsebaro irosatamento. ²⁵Antagaisati ira kamëntsira poro katagiteri, sërarijegi aisati tsinanejegi, ikaratini 12.000 antagaisati timantaro Hai. ²⁶Josoe teni iragëtiro ibago, antagaro kara itinairo aisati kara ipogotiro irosatamento, iroti kara itsongasantëro antagaisati timagantsi Hai.²⁷Isiraeri paniro yagëri ira ibakatejegi aisati ora irogomentopage asi itimomento, imonkaragineri kara igagëri tosorintsi ira Josoe. ²⁸Josoe itakero ora Hai ironti inanatsi somango. Teni pairo netsemataironera iroti yamaika.²⁹Yogisitikeri ira itingomi Haisati kara anchatokë iroti kara ochabinitaneri. Kara ikanake paba, Josoe igantëri iragëtiri kara yogisitikeri anchatokë ijogaigëntiri katingasati kara ositokorogë itimomento. Kara, yobëtsikaigëro mopë yosigantagaro otishi. Oka yobëtsikëga mopë otishi aiti iroti yamaika.³⁰Yamaika Josoe yobetsikëneri ora yamanakontari tosorintsi, ira itasorintsite isiraeri, kanta anchatosigë Ebal, ³¹aisti ikankero ibekeneri moiseshi iromeraro tosorintsi kara igagëriri kara itimomentokë isiraeri, pibega kara osangenatari isangenaregë ipëgerira moiseshi: " irontisonori mopë, kero pairo obetsikantëmataro irobetsikamento koshoro". itinakeneri oka yogëneri otagaga tosorintsi, ipëri yogëneri kaninaro. ³²Kara, inaishegaigi ira timaigatsira isiraeri, iriro isangenagëro kara mopëgëra, yosigantagaro ora ipërira moiseshi.³³Antagaisati isiraeri, aisati antyasipari, abatakagagaigiri soraro aisati obetsikagobëntirira yatingaiganake antagaisati kara igajontegë tosorintsi yanabëra saseriroti aisati Levitaegi ira nataigabërora igajonte tosorintsi, ira pasinisati kibatsi aisati matsigëngajegi, aganisati atinganentsi kara anchatosigë Gerisin ira pasini aganisati yatingaiganake kara anchatosigë Ebal. Irirojegi ipimantaigëro itimomento isiraeri, aisati ikankero ibeka moiseshi iromeraro tosorintsi kara igagëri kara oparintagari.³⁴Kara pabisanaji antagaisati, josoe ireteneri antagaisati ora irinibare tosorintsi, aaro ingantakobentagai aisati ingisagai, aaro okanka kara osangenagari kara sangenarintsikë iragatane. ³⁵Teni ine sangenari, antagaisati ora ikankera moiseshi, ira josoe teni iraretaigëneri kara yapatoita isiraeri, aisati tsinanejegi, aisati janegijegi, aisati pasinisatiegi konoitarira irirojegi.

¹Antagaisati iraeki itigomienki itimaigini aitoni Joriran, kara otisikë aisati kara kaninagiterike, aronisatike angare meriteraneoke, iroti kara Ribanoke, iraeki Hititaeki, Amoreoeki, Cananeoeki, Fereseoeki, Hebeoeki aisati iraeki, Jeboseoeki. ²Aike yapatoitaganakeri ikomanteneri paporokiro isororate kara iranteigeri Josoe aisati isiraeri.³Iraegi timaigatsi kara Gabaoke ikemaigabakeri ira Josoe ora ikanke itsonkeri jirai Jerikosati haisati. ⁴Irirojeki yobetsigaike patiro agabitsatagetirora irirojeki yosigaiganakari komantantatsiri yagaiganake imachakisite inaga yoganeneri inagasite imitigarake boro aisati ikeganakero ibakamasitsagine inago yogantara ibinonea, aroge pisarake, aisate pinagatasante. ⁵Yogaiganaka isantariate irinaka aike itatagetaneri irogantanemari igitike aisati ikanakero igitsagare inagasonori aroge pisarabate antagaisati ora ibante yaganera aroke opiriate aisati oporete.⁶Irirojeki iataike kara ipoboitari ira josue kara Gilgake aro ikantagabari iriro aisati imatsigengagegi isiraeri naroegi nakenapë pashinikiteke jasonorinta, yamaika intsome obetsikagabagajimaro. ⁷Iraeki imatsigenga irashi israeri aro ikantaigeri ira Hititaegi: aroka obirojegi pitimaikini aityoni yaka narojekikega. ¿Pairo nobetsika gobetaigëmiro obirojegi?. ⁸irirojeki ikantaigeri ira Josoe: Naroegi naanti pogomerejegi "Josoe aro yosamitaigëri ¿paniro pijitaiga? ¿nega popaña?".⁹Irirogegi ikantaiganakeri ika pogomerejeki ikenapë kara kibatsikë jasonorinta iroti yaka, nakemakotaigërini ibairo pitasorintsite nakemokotaikerini kara ikomantagetaigënari iriro. Aisati ora ikantagekera kanta Egipitoke. ¹⁰Aisati antagaisti ora ikankera itigomi irashi Amoreoeki kanta antatinta Joriran aisati Sehon itigomi irashi Hesbon, aisati Og itigomi irashi Basan, inatsi kanta Astaronke.¹¹Ira antashipari aike antagaisati matsigengajegi timaigatsira yaka itimamentoke aro ikantaigëna: pagaiganake poperi pobagokë popanaje sangomaro. popatotagaiganakemari irirojeki aike pigantaiganakeri. "naroegi pomeraro pobetsikagaiganakenaro naroegi". ¹²Iroro oka nasieki pan, katsiringarokerai kara nagaigërori nobangopagekë kara nipogaigabë yaka. karari yamaika aroge opiriate aike oporete. ¹³Okari nobakatsaginete nogantaro nobinone iroraikerai, kara napisatangaro pinetsero yamaika aroge pisarake. Oka nagitsagarejeki aisati nasantariate isarake kara nanitankari.¹⁴Iraeki Israeritaeki yagëtaigabakeri ora yamanontagetara karari te irosomitiri kara ini Tosorintsi. ¹⁵Josoe ikantaigeri kero antobagaiga aro yobetsikagaigëri iriro kara intimantaigema kaninasati. Aisati itingomiegi abatakagaigiri itimomentokë yobetsikagaigë irirojegi.¹⁶Yogabisai maba katagiteri ira Isiraeritaegi yobetsika gaigërisati iriro, ikemakotaigëri kara itimanamitaigeri aityoni. ¹⁷Aro ira timantaigaro Isiraeri iaitaigai kara itimaigiro kara pareba maba katagiteri, ora itimamento ojitabeta Gabaon, Kafira, Beerot aisati Kiriat Jearim.¹⁸Ira israeritaeki teni irantaigeri arokenta ikantaigëri ira itigomieki inibabenkeri kara itasorintsike israeri. Antagaisati israeritaeki yomantobitsatabaganaga igantagashitanari itigomi. ¹⁹Antagaisati ira itigomieki ikantaigeri antagaisati matsikegajegi: naroeki aroge nakengitsatakagaigëri itasorintsite Israeri, yamaika teni oganinate angantaigairi kimingaro.²⁰Oka irorotage angantaigëri irirojeki: kero parentara itsimajega Tosorintsi eiroeki arokenta inibabenka Tosorintsike, irinta intimaiketa. ²¹Ira itigomiegi ikantaigëri imatsigegajegi "irinta intimaigeta" aro ira Gabaonitajeki ipokaigapë yanataigabë chitsi aisati ipogaigabë agatsira nija antagaisati israeritaeki, aronta okanka kara ikomantagoteri itigomiegi.²²Josoe ikamaigëri ikantaigëri ¿pairo pomantobitabitaikena kara pikantaigëri naroeki napañaikani jasonorinta, obirojeki pitimanamitaiginani aityoni naroegi? ²³Yamaika, obintiegi kimigarieki aisati antagaisati obirojeki obinti imeraroegi, obinti karatiro chitsi aisati obinti katsatakotachi nija paganero ibangokë Tosorintsi.²⁴Irirojeki yotabitaiganakeri Josoe: "pairo pikantabitaigëri pomeraro nega ira pitasorintsite, igakeri irogomere Moiseshi imeri antagaisati kibatsi, aisati iritsogeri matsigengajegi timatsi kibatsigë, eroegi atsarogaiganake tenta aninteni nangamabitaikemi. Irorotage akantaigagarora. Pinetse ²⁵Yamaika naroegi obiro agataikinara. Kaninaroka oka nagantaigëga aisati okaninatamokimi obiro, pigataigenaro".²⁶Yamaika ira Josoe ikantabintaigëri oka iriroji. Teni iromimantiri isoraroteegike isiraeri aisati teni iritsongaikeri isiraeri. ²⁷Yamaitiga katagiteri ira Josoe ikankeri Gabaonitaegi irirokerai karataigatsine chitsi aisati katsatakotachiri nija asi itimomento, aisati irasi kara yamanakotaigiri Tosorintsi, iroti yamaika, ora ikoigaketera Tosorintsi.

¹Yamaika Adonisedec, obantagantiro jerusaren, ikemake kara yagëri ira Hai aike yogimingatasantëro omagaro,aisatinta ikankero ora Jericó aike ira obantagantatsira. Ikemake kara ikaibataigëri timatsi Gabaonkë arogënta ineagiro ora timagantsi kaninari ainta itsibataigaari Israel ainta itimakagaigairi. ²Ora timagantsi jerusaren otsorogasantëro Gabaón oranta okibeginte timagantsi,okantati ora jitasantacha timagantsi. Okibegintesonori pabisiro ora Hai aike omagaro ira sërarijegi tintsirisonori antobagachara.³Aro ikanaka Adonisedec, obantagantiro jerusaren. ipagantëri sangenarentsi ira Hoham obantagantiro timgantsi Hebron, ira piream obantagantiro Jarmut aike Jafia obantagantiro Lakis aike ira Devir obantagantiro Eglón: ⁴"Jokaigë pomitokotaigena. Intsome antaigëro Gabaón arogenta yagaganinataigëri José aike timagantsi israel."⁵5 Pabokoroty obantagantatsira amorreosati, ira obantagantatiro jerusaren, obantagantiro Hebrón, obantagantiro Jarmut, obantagantiro Laquis, obantagantiro Eglón ipogaigë, irirojegë aike antagaisati isoraroteegë. Ishongaigabaro Gabaón aike intaigëro.⁶Ora timagantsi Gabaón opagantëti sangenarentsi irasi josué aike isoraroteegë inatsi Gilgal. Ikantaigiri: "¡Omanapage! Kero pijogaigiri ira agëataigimira. Jokaige naroegëgika nabage aike pisaribataigena. Pomitokotaigena, antagaisati ira obantagantasira Amorreosati timagetatsi kanta otishipagekë yapatoitaigakani iraantaiginani. ⁷"Josué itonganake kara Gilgal, iriro aike ira sërarijegi antobagachara, antagaisati gisabakagaigachara.⁸Ira tosorintsi ikankeri Josué: "Kero pitsorogaijiri. Nogaigëri pobagokë. Kero pairo, agatingimira kara pintobakemari."⁹Josué ipogopë aike isintasantaboe, ipoke imarichaboe antagaisati kara tsitinirigë iroti kara Gilgal. ¹⁰Aike ira Tosorintsi ikometakagari ijitobëri oyeri katingasati Isiraeri, irironta ogaigiri kara isintsireke timagantsi Gabaón, aike yogeataigëri kara abatsi tonganakengintsi kanta Bet Horón, aike yogaigiri abatsigë kenatsi kara Azeca aike Maceda.¹¹Kantani isigabagetabitsataigakari Israerisati, yanongopaaro ora otishi Bet Horón, ira tosorintsi imiongageke okibenake mopë okenopë kara jonogagite yotigagetobëro abatasi kenatsi Azeca, ikamaigë. Tojaisonori, ira pogamagaigëra ora iringë, te irontojaige ira yoganka ora isabirite ira sërarijegi israerisati.¹²12 Aike josué inibatakeri ira tosorintsi kara ika tosorintsi ipaigëri timaigatsira Israel ora komeitagantsi yagabitsataigiri amorreosati. Iroro ikanke josué kara yarantinke inetsaigiri Isarel: "¡Paba, pinëni Gabaón aike machakori, kara valle de Ajalón.¹³Ira paba ikëshotë, aike ira manchakori teni irosebatanaima poro katagiteri iroti kara israerisatiegi ipëgataigakari ira gisanijintaigërira. ¿Oka teni osenganatima kara iribirotekë Jaser? Ira paba ikëshoti agani jonogagite; teni irobariantetaje poro katagiteri. ¹⁴Teni ine katagiteri pibegasega yamika tenisati ine jirai, kara ikemake tosorintsi inibare poro matsigenga. Iriroke tosorintsi igisabentëroti timagantsi Israel.¹⁵Josué aike israerisatiegi itsibataigakari, ipigaiganaja kara itimaigiri kara Gilgal. ¹⁶Yamaika ira pabokoro obantaigachira isigaigaka aike yoshimanaigaka kara metanakë ganta Maceda. ¹⁷Ikaintëri ira Josué: "¡Ikaegë ineitaigiri¡ Pabokoroti obantaigatsira imanaigaka kara metanakë inatsi kara Maceda!"¹⁸Josué ikanke: "Pintitigagetaige okibenake mopë ganta pinasegi obagante metana aike pogaige sorarojegi, arota anetsiri. ¹⁹Kero pinaigai obiatiegë. Pigeataigëri ira gisaneintaigëmira aike pintobëri itisitakë. Kero pomingaigiri kara timagantsikë, aintanta tosorintsi ipaigimiri pobagokë."²⁰Josué aike itomijegi israerisati itsongaigiri yogaigiri tojaisonori, iroti kara yogimingatasantëro omagaro; ainta poropagë kañatajachira sigagegengëchara, itinaagetaigëro timagantsi sintsi. ²¹Aike antagaisati sorarojegi, yogipigaineri ora komeiro irasi Josué kanta somamentotsi Maceda. Teni pairo nibatatsine agimingatirone ora timagantsi Israel.²²Aike Josué ikanke: " Pisireaigëro ora metana aike pomaigapëri ira pabokoro obantagantatsira." ²³Irirojegi iatsataigiri kara ikantaigiri. Yamaigapëri pabokoro obantatsira inasegaigi kara metanakë; ira obantiro jerusaren, ira obantiro Hebrón, ira obantiro Jarmut, ira obantiro Laquis aike obantiro Eglón.²⁴Aike kara yamaigapëneri ira pabokoroti obantatsira kara Josué, iriro ikaimageke porobage sërari israerisati, aike ikantagekeri ira obatakagaigiri ira sorarojegë jatëntachi kara gisabakagantsikë: " Pogaigero ora pigiti kara itsonoge." Aro ipogaigapë yogagetaigapëro ora igiti kara itsonoge. ²⁵Aike ikantaigiri: "Kero pitsorogaigi kerosati pitsorogasantaigë. Pisintsitaige aike pisintsitasantaiganake. Iroro ikanke ira tosorintsi omagaro ingisabentaigimi ira pintsibataigimara kara gisabakagantsi."²⁶Aike ira josué intëri aike yogiri ira obantaigatsiri. Itsataigiri kara pabokoro anchato. Itsataigiri iroti kara chopinikë. ²⁷Kara ochapinigitetanëri, Josué ipë kantagantsi, itsaikotaigairi aike imiongaigiri tsomagi metana kara imanaigakari. Yogagetaigi okibenake mopë kara pisotogagani metana. Ora mopëbage aitiro pini yamaika.²⁸Aro okanaka, Josué yagiro Maceda aike yogantaigagari igotsirote omagarojegë, yogirinisati ira obantatsira. Yogimingatëro omagarosonori aisati ira timagetatsira. Teni irojogimatanae poro kañatajatsira. ikantategeri ira obantagantiro Maceda, aisatinta ikantategeri iriro ira obantagantiro Jericó.²⁹Josué aike omagaro Israel yabisaiganake kara Maceda aike Libna. ³⁰Aisati ira tosorintsi ipaigiri ibagokë israerisati; itsibatanagari ira obatakagirira. Josué yogagetanëri omagaro ityomijanibagë igotsirotekë. Teni irojogimatanae poro kañatajatsira. Ikantategeri ira obantagantiro irooti aisatinta ikantategeri iriro ira obantagantiro Jericó.³¹Aisati Josué aike omagaro israerisati yabisaiganake kara Libna aike Laquis. Iriro isamake kara intobagetaiganakari. ³²Ira tosorintsi ipaigiri ira Laquis ibagokë Israel. Josué yagaigiri pabisanë pite katagiteri. Iriro yogantagentanakaro ora igotsirote omagaro ira ityomijaniegi timatsira,aisatinta ikanke kara Libna.³³Aike Horam,obantiro Gezer, ipogaigi iromitokotaigiro ora Laquis. Josué intëri iriro aike isoraroteegë irooti kara te irojogimatanae poro kañatajatsira.³⁴Aike Josué omagaro israerisati yabisaiganake Laquis aike Eglón. Irirojegi isamaiganake kara intobagetaiganakari, ³⁵aike yagitaigir irooti katagiteri. Irirojegi imantsagatagetaigakari isabiritekë aike yogimingataiganakero omagarosonori,aisatinta ikantategero josué ora Laquis.³⁶Aike Josué omagaro israerisati yabisaiganake Laquis aike Hebrón. Igisabakagaigaga iriatiegi. ³⁷Yagaigiri aike imantsagatagetaigagari isabiritekë, itsibatantokogari ira obantirora aisa omagaro Villas inatsira. Yogimingataigëri omagaro kiribijiripage inatsira. Teni irojoganae poro kañatatsira, aisatinta ikankero josué ganta Eglón. Iriro yogimingatëro omagarosonori aisati kiribijiripage ira itimagetakagira.³⁸Aike Josué ipigaka, antagaisati sorarojegi israerisati yogeataigabairi, ikenaigapë kara Debir igisabakagaigapa iriatiegi. ³⁹Iriro yagaigiri iriatiegi aike obantirora,aike antagaisati ora Villas inatsi aityo. Imantsagategetaigagari igotsirotë aike yogimingataigëri omagaro kiribijiripage inatsira. Josué teni irojogematani poro kañatajatsira ,aisatinta ikankero ganta Hebrón itsibatagari obantiro, aisatinta ikankero ganta Libna itsibatari obatatsiri.⁴⁰Josué iganatagaro tojai kebatsi, ora otishipage, ora Néguev, ora llanos aike ora anongagari. Inatsira tojai obantagantatsira, teni poro kañatajachine. Aronta ira tosorintsi, ira itasorintsite israerisati, igantë kantagantsi. ⁴¹Josué imantsagantagari isabirite ipañasitagari kara Cades Barnea irooti kara Gaza aike omagaro timagantsi ojita Gosén aike Gabaón.⁴²Josué yagaigiri omagaro ira obantatsira aike igebatsitejegë ikoginta ira tosorintsi, ira itasorintsite israerisati, isintsibenkero ora Israel. ⁴³Aike josué, omagaro Israel itsibatagaro, ipigaiganaja kara itimaigiri ganta Gilbal.

¹Ira Jabin ira itingomi Hasor, ikemabero oka, ipaganteri patiro sangenarentsi ira Jobad, ira itingomi Madon, aike itingomi Simron aike ira itingomi Acsaf. ²Aike ipaganteri saginerentsi ira itingomi inaitatsi kara otininakë otisitsaikë kara komate, otininakë nija Joriran, Cirenekë kara otisikë, kara tokëkite nija Joriran aisati Cirenet kara kaninagiterikë aisati otiskë Dor iroti kara ikiro Baba. ³Aisati ipaganteri sagenarentsi ira Kananeosati aike kara ikiro paba aike kara isotoki baba, amoreosati, hititasati, fereseosati, aike jeboseosati otisikë aisati heveosati itsibatari anchatosikë Hermon kara igibatsitekë Misipa.⁴Antagaisati ira isoraroteegi iataike tojai paporogiro tojai sorarojegi, kantaga omaniki angare aintasati tojai imorane aisati irisigomento. ⁵Antagaisati ira itingomiegi iniaigëri kara yotsatakeriri irirojeki ipoitaka onamijakë Merom kara irankero Isiraeri.⁶Ira Tosorintsi ikankeri ira Josoe: ''kero pitsoroki kara piniopëri ogerijeki kara naramani pibegaseka yamë anintakakemi antagaisati antsita nanintakakeri Isiraeri iragaginari serari nagamageri pikaraitaketiri ira imorane pitagatagekeri isikontara. ⁷Josoe antagaisati ira isëraritejeki ipogaigapë yaretaigapa omanabake kara nijakë jitacha Merom aike intëri ira ogeri.⁸Ira Tosorintsi ipimantaigëri iganataigakari ira Isiraeri aike ikarakeri kara irosatamentokë yogiatairi ira Sidón, Misrefot Main, aisati kara kaninakiterikë Mispa kara isotoki paba inintakakeri kero inamatai kañatatsine. ⁹Josoe ikankeri ora ikankerí Tosorintsi ikarakeri ira imorane aisati itakero irisigomento.¹⁰Josoe ipiaa kara jirai yagëri ira Hasor yogankari ora irosatamento itigomi ira hasor ira inabetacha igantagetasitima intagaisati ora ikanti ira itigomi. ¹¹Yogankari ora irosatamento paniropake itomijeki kañatabetachari ira inabetacha kanta aro yagaikëri aisati arota iritsogasantiri aro okanka te irinaje ira ianikite kañatatsine. Yamaika irirokerai itakeri ira Hasor.¹²Josoe yagaikëri antagaisati timaigatsira kara poeborokë inagetatsi itigomi aisati yagaikëri antagaisti itigomibake aro ikarataikëri kara irosatamentokë. Aro itsogasanteri gabeni kara irosatamentokë aro ikanka ibega Moises kemisantiri ira Tosorintsi kara ikanke jirai. ¹³Isiraeri te otagima iboeborote inatsi kanta oponpoibatsaitakeri ira hasor paniro osoe itakeri tagantsi iromeraro Tosoritsikara ikankeri teni iritagamate timagantsi inatsira kara otisitsaikë karari yokeri ira Hasor iriro paniro itakero Josoe.¹⁴Ira isoraroteira Isiraeri yagairo irirojeki antagaisati ora yagantaketaro itogometo inabetacha kara poebrokë itsibatankari ira ibirapake irirojegi yagakekeri antagaisati ira seraribage kara irosatamentokë iroti itsgantagari yogamaikeri antagaisati te irogamate kañatajachine tesonori janegijanibei. ¹⁵Aro okanka ora ikankeri ira Tosorintsi ira oises ira kemisantiri Tosorintsi. Iroti ikantaji imonkarakero Moises. Ikankeri ira Josoe aro okanka. Josoe ikankero. Iroti te irogamate te ingatiro antagaisatisonori ikankero. Ora ikankeri Tosorintsi ora ikankeri ikanke ira Moises.¹⁶Josoe yashintaro antagaisati ora kibatsi pinaketasanti otishi antagaisati ora inatsi NEGOEV intagaisati kibatsi irasi GOSEN karakibtsi inatsi osobigite kibatsi kaninagitero pini nija Joriran kara pineketasanti otisi irasi Isiraeri te inamate otishi. ¹⁷Iroti kara pinasanti anchatosi HALAC penibakiteke kara Edon aikero ajake komate okanta Baal Gad pinapë kaninagitero pënibakiteke aronisati ribano osobikite osobigite anchatoshi Hermon, iriro yakekegani antagaisatisonori ira itingomieji aroyagaikeri.¹⁸Josoe imanatobaka kosamanisonori antajaisati itigomieki. ¹⁹Teni porobei poeboro timatsine kaninasati ikaraitiri ira isorarote irasi Isiraeri majirekiterokë irinti heveosati inaigatsi kara Gabaon isiraeri yagaikëri antagaisati kara pasinikëra poebobapake kara imanatobagaiga. ²⁰Pairo okantobiganega ira Tosorintsi iriro kososerekakerine kara iranegomentokë arota igantimani igantiro iroganaitobakima iribegakimari serari arota iribokirieri omagaro kero ikantanentagotiri igantima ibeka itsonkeri Ira Moises.²¹Yamaka Josoe ipogopë kara jiraira iatasikeri ipokirikeri ira hananeo kanta okanka aikero kara pinasanti otishi aikero kara Hebron, jitacha Debil, Anab antagisatinaka pinasanti otishi aikero Juda antagaisatinake pinasanti otishi kara Isiraeri Josoe itsonkero ayabeni ora timagantsi. ²²Tesonori iraeki ananeosati tesonori inanantsine kara kibatsikë irasi Isiraeri irari Gasa, Gat aisati Asdod.²³Aro ikankero kara yakëro Josoe antagaisati kibatsi aro ikankeri Tosorintsi Moises. Josoe ipëri irasi iriroi isiraeri, irasi paniropaye imatsigegageji. Yamaika ora kibatsi omagoriake teni pairo antairone.

¹Yamai, irintiegi itingomiegi kara igebitsitekë, ora intobitaigërira isiraeriegi. ira isiraeritaegi yagaigëro kibatsi kara isatogi paba jororankë, iparintagagaro kara ikeniro paba, iroti otininajakë nija Arnon iroti kara anchatosigë Hermon, antagaisati Arabakë kara ikonteti paba. ²Sehon, itingomi ira amorreos, itimi kara Hesbonkë. Iriro itingominke kara Aroer, kara pini otininaja Arnon, iroti kara aganisati Galaad iroti kara nijakë Jacoc kara onamijakë amonitas.³Sehon itingominkaro aisati ora Araba iroti kara angaregë Cineret, iakero kara ikonteti paba, iroti kara agnarekë Arabakë (ora angare patyari) iroti kara ikonteti paba, iroti Bet Jesimot aisati tonkëgite, iroti otarabibatsagë anchatosi Pisga. ⁴Og, itingomi Basansati, panibanira itimi kara refaitas, itimabega kanta Astarot aisati Edrei. ⁵Ira itingominke kara anchatosigë Hermon, Salca aisati antagaisati Basan, iroti kara okarati itimamento gesureo aisati ira maacateos, iroti aganisatikë Galaad, iroti kara okarati Sehon, itingomi Hesbon.⁶Moiseshi irianti irogomere tosorintsi, aisati ora itimanta isiraeri itsongaigëro, ira Moiseshi iriro iromeraro tosorintsi, ipëri kibatsi irasintasantëmaro rubenitas, aisati gaditas, aisati aganisati imatsigengajegi Mananseshi.⁷Ikaegi irianti itingomiegi asintaro kibatsi irirojegi josoe aisati ora itimomento isiraeri itsongaigëri kara ikiro paba kara jororankë, iparintagaro Baal Gad kara otininajake Libano iroti kara anchatosigë Halac aityoni pini Seir. Josoe ipëri igebitsitejegi ira imatsigengajegi isiraeri irasintasantaigëmaro. ⁸Iriro ipaigëri ora anchatosi, aisati otininajapage, aisati Alaba, ora otarabibatsabagekë otisipage, aisati kara te ontimengani, aisati Neguev, ora igebitsite hititaegi, amoreosati, cananeosati, fereseosati, hebeosati aisati jeboseosati.⁹Ira itingomiegi iromingaigëri ira itingomi Jerikosati, ira itingomi Haisati inatsi aityoni betel, ¹⁰ira itingomi Jerosarensati, ira itingomi Hebronsati, ¹¹ira itingomi Jarmosati, ira itingomi Lakisati, ¹²ira itingomi Eglonsati, ira itingomi Geserisati.¹³Ira itingomi Debirsati, ira itingomi Gedersati, ¹⁴ira itingomi Hormasati, ira itingomi Arad, ¹⁵ira itingomi Libnasati, ira itingomi Andulamsati, ¹⁶ira itingomi Masedasati, ira itingomi Betelsati.¹⁷ira itingomi Tapuasati, ira itingomi Hefersati, ¹⁸ira itingomi Afecsati, ira itingomi Saronsati, ¹⁹ira itingomi Madonsati, ira itingomi Hasorsati, ²⁰ira itingomi Simron Meronsati, ira itingomi Acsafasati,²¹ira itingomi Taanacsati, ira itingomi Meguidosati, ²²ira itingomi Cedesati, ira itingomi Jocneam kara Carmerosati, ²³ira itingomi Dor kara otsaikë Dorsati, ira itingomi Goyimsati kara Gilgal, ²⁴ira itingomi Tirisasati. Ora ikarati itingomiegi ikaratini 31 antagaisati.

¹Yamai ira Josué aroke intiasiparitasantë kara tosorintsi ikankëri: aroke intiasiparitasantanë karari aiti tojai kibatsi ora terai oneengani.²Irari oka kibatsi aitirokerai, omakaro kibatsike irasi firisteosati aisati omakaro irashi jesoritaeki. ³(Irooti shihokë aikero kara onamike Egipto kara isotakanpinti paba aisati kanta ikebatsiteke kananeosati; ira 5 tinkomitatsi kara jiristeokera ikebatsiteke Gaza, Asdod, Ascalón, Get aike Ecrón, kara ikebatsiteke irashi aveos).⁴Kara komategintekë kara aitiro ora ikebatsite kananeosati, aro Mehara okaragitetiro sidoniasati irooti Afec, otsipataro ikebatsite amoreos; ⁵ora ikebatsite irashi giblitas, antagaisati irashi Líbano aisati kara ikeni paba, irooti Baal Gad osobi kara antsatosi Hermón irooti Lebo Hamat.⁶Aisati, antagaisati ira timaikatsi ikebatsiteke irashi Líbano irooti Misrefot Maim, ikonoigari antagaisati imatsigenga Sidón. Aro yaganëri kanta katingasatikë isoraroteeki irashi Israel. ⁷Pobetsikasantaigema arota asintasantimaro kibatsi ora ibagai Israel ora akasantëra, kara igakina. Pomaketiri arosata kibatsi ora ibakai ira irirai imatsigengajeki aisati timatsi imatisgengajeki irashi Manasés.⁸Ira basini akanisati imatsigengajeki irashi Manasés, ora rubenitas aisati kaditas ipëri ora irashi Moisés kara isotokapinti kara nijake Jordán, ⁹irooti Aroer, timatsi onamijakë angaare Arnón (aisati poeboro ora inatsi akanisati antsatosi irooti tokagarigë), Medeba kanta janta kerai ora Dibón;¹⁰antagaisati ora poeboro irashi Sehón, itingomi irashi amoreos, ira tingomibiritiri Hesbón, irooti kara ikebatsiteke ira amonitasati; ¹¹Galaad, ikebatsiteke jesoritas aisati maacateos, antagaisati antsatosi tongakari Hermón, antagaisati Basán irroti Salca, ¹²antagaisati itingomi irashi Og kara Basán, aisati itingomi Astarot aisati Edrei (irirotake panibanitatsi refaitas) Moisés itsonkeri iriro.¹³Ora ipoeborote Israel teni otsonkema irianti jesoritas aisati maacateosati. Teni iritsongema irirojeki, Gesur aisati Maaca itimake kanta ipoeborotekë irasi Israel irooti yama itimake.¹⁴Irari ira imatsigengajeki Leví teni imeri ikebatsite irianti Moisés iriro ankentsi. Ora ipëri tosotintsi Israel, itakeneri ora yasintara aro ikankeri tosorintsi Moisés.¹⁵Moisés ipaikeri ora yasinka aisati imatsigengajeki Rubén, imonkarataigakari ira ikantasantaikëri iriro. ¹⁶Ora ikepatsite irasi Aroer, kara onamigakë nija jitacha Arnón, ora poeboro inatsi aganineni otitsi kaninakiterokë antagaisati Medeba.¹⁷Rubén yakëro kibatsi jitacha Hesbón, antagaisati oka poeboroka inatsi kaninakiteri, Dibón, Bamot Baal, aisati Bet Baal Meón, ¹⁸ira Jahaza, aike Cademot, aisati Mefaat, ¹⁹aisati Quiriataim, aisati Sibma, aisati Zaret Sahar aisati kara otisitëmati kaninagitero.²⁰Rubén aisati ipëri ira Bet Peor, kara okarakitepë tongakari jitacha BetJesimot, ²¹antagaisati oka poeboro jitacha meseta, aike antagaisati tingomitatsi kara Sehón, antagaisati inatsi amoreoske, antagaisati timaigatsi kara Hebón, Moisés yakaitakanakeri antagaisati imatsigengajeki inaikatsi Madián, Evi, Requem, Zur, Hur aisati Reba, aisati itingomi Sehón, timatsi kibatsikë.²²Kara poeborokë irasi Israel aisati yogankari isapirite ira Balaam itomi Beor, ira ogometaro ora pasinipake, ikarataikeri ira ogankentsi. ²³Ora ikebatsite imatisgengajeki Rubén kanta nijakë Jordán; aisati kara okarapë. Oka ikebatsite imatsigengajeki Rubén, ipaikëri paniropake ora intimantaikema.²⁴Iroro ipanakeri Moisés imatsigengajeki Gad, imonkarakero ikantasataikëri iriro: ²⁵iroro ikebatsite irasi ira Jazer, antagaisati ipoeborotekë ira karasati aganisati ikebatsite irashi amonitasati, irooti Aroer, ira timatsi pomontya kara Rabá, ²⁶kara Hesbón irooti Ramat Mizpa irooti Betonim, irooti Mahanaim irooti ikebatsite Debir.²⁷Kara otisitemati, Moisés ikankeri Bet Aram, Bet Nimra, Sucot aisati Zafón, ira panibani tingomitatsi Sehón, aisati tingomitasti Hesbón, aisati kara opaniaka ikebatsite Jordán, aisati ora ikebatsitekë irooti komate onamijapë Cineret, kanta jekakeronta Jordán. ²⁸Irorotake ipaikëri imatsigengajeki Gad, imonkarakero ikantasantëri iriro kanta ipoeborotekë janta.²⁹Moisés ipaikëri ora yasinta aganisati imatsigengajeki ira Manasés. Iake irasintimaro akanisati imatsigengajeki Manasés, ikenka iromonkarakero ikantasantakëri. ³⁰Kara ikebatsiteke irooti Mahanaim, antagaisati Basán, antagaisati Og itingomi Basán, antagaisati kara poeborokë irasi Jair, ora inentsi kanta Basán, 60 poeboro, ³¹akanineni kara Galaad, aisati Astarot aisati Edrei (poeboro kara itingomi ika Og kara Basán). Aro iake irasintemaro ikantasanteri ira Maquir itomi Manasés (aganisati imatsigenga Maquir, ipëri paniropake ira imatsigenga).³²Iroro oka yasinta ipaikëri Moisés ora ipëri iraeki igageri kara okaninaketi kara Moab, kanta keronta Jordán irooti Jericó. ³³Moisés teni iromeri yasinta ira imatsigenga Leví. Ira itosorintsite Israel, irorotake ipëri irasitimaro, irasisonori ikantaikeri irojeki.

¹Irorotake ora ikebatsite irashi Israel iperi irashi ikogi kara irooti irashi Canaán, aro yoketeri Eleazar aisati igebatsiteke saaserirote aisati Josué aike itomi Num aisati imatsigengajegi irashi kara aganigiteke ipoeborote Israel.²Iro irashi iake yobetsikanaga kaninasati aisati 9 imatsigenga aike ipagorankeri irashi Tosorintsi aike yobetsikanaga kara ipagoke Moisés. ³Ira Moisés aike iperi irashi pitiroti imatsigenga aisati aganineni kanta jakeronta irashi Jordán, aike ira revitasati teni imeri irasi. ⁴Ira irashi imatsigenga irashi José kara yoreba pite imatsigenga Manasés aisati Efraín. Teni imeri irasi revitasati ikebantsite kara patiro poeboro iriti iraegi arekentsa poeboroke iro inetsine. ⁵Ora iboeporote irashi Israel ikogero aisati osikanri antigomi tosorintsi aike inekeri yobetsikero Moisés aike igasijakeri kara ikebatsitege.⁶Ira, imatsigenga irashi Judá ipokapë kara iriate Josué aisati Gilgal. Caleb itomi irashi Jefone aike cenezeosati aike ikangeri pigoke: ora ikangeri tosorintsi kara yaregitekina obiro aisati kara Cades Barnea. ⁷Naro okaranti 40 osarini kara ira Moisés ipakari antigomi tosorintsi aike kara Cades Barnea. Kara ikageneri inetsenti kanta kibatsinke nomanpeneri patiro niborintsi pibega kara nagenkero kaninaro.⁸Ira nomatsigenga ira tsibakina naro nagakero nanegomentoke ira serari tsorogeserentatsi. Aike nakiataneri kantikasonori pabati tosorintsi. ⁹Moisés inkatasateri: "kara kataginteri Moisés inkage katigasonori ora kibatsi ora pakantigera ironta basi aisati irasi pitomi kero pitsonga obiro pokiantasateri pabati tosorintsi".¹⁰Yamaka pinentseri ira tosorintsi aro kara inetsasantena yoganiatena tojai 45 osarini kara ikentasateri, kosamani osarini ira tosorintsi inipatero ora niborintsi Moisés, karari Israel iake yanitane katigasati yama pinetse okarati nosarinite 85 nosarinite. ¹¹Oka kataqinteri terai aisati nomokarataro kara insitsiti kara ibega kara poreta katagiteri irashi Moisés. Igakina sotogera asintsire aro yamaka, kara intobaka aike najake aisati napikaima.¹²Yamaka nakantasatemini pomena oka kibotsi aisati anchatoshi ira tosorintsi initokagena. Kataginterike aroketa nakemagente ikagena anaceos inatsi yaka ora okibeginte poeboro yotikasatiro. Yomisatenaro ira tosorintsi kara itsibantena naro irasi tosorintsi.¹³Iroro Josué ikatanentagoteri ora irasi Caleb itomi Jefone. ¹⁴Yokabitsakeri yasintajaro Caleb itomi ira Jefone kara enezeo irooti ora kataginteri iriri yogiatasateri tosorintsi Israel. ¹⁵Yamaika ora ibairo Hebrón jirai iriantieki kiriasati Arba. (Arba kara jiraira irinti agontasantatsi matsigenga irinti anaceos.) yomaika kara kibatsike aro imakoriake teni ogobagajengani.

¹Ikasiakeri ora kibatsi ira matsigengajegi joratasi iperi itomijegi yotsateankero kara toonke aike okarati, Endom kara teni ontimegani kanta Zin iroronta janta kara toonke. ²Kara okaragitetiaikero toonkë ora irooti kara okarati angaare kochoari, opañka kara onamijakera aikero oonkë pini karibi banea otsibataro esoron, aikero toonkë.³Irooti basin kara igenkero ikebatsinte iroonti kara ingiro paba ojirba ikebatsinte ora Acrabim pokaganagaro okoragintenpero ora Zin aike pitoganaka iroonti kara ingiro poba iroonti Cades Barnea, okaratiro ora Hezrón, aisati irooti pingibeiri aisati pamari irooti pibika aisati Carca. ⁴Aro kara yabisanakero Asmón, iake irooti kara onamijake Egipto aike yaregaro kara okarape ora angaare. Oka irooti okarakitepe kara iki paba.⁵Ora aisati pisotoapininti katsiringagiteri iroro irooti kara okaraperi angaare toonkegitenta irooti kara okarabe angaare patyaro okaratankaro angaare Jordán. Aisati irooti pobekarapa. ⁶Itonganake irooti poeboro Bet Hogla pabisane okaratanero kara ikontetiro paba kara pini poeboro Bet Arabá. Irooti kara matanake ini Bohán itomi ira Rubén.⁷Yameika kara okaratane igebatsite itonganake irooti timagatsi Debir aisati anchatosi ojita Acor, aisati kara ikontetiro obariatsira. Kaninakitetamatatsira irooti kara okarakiteti kara okeni ponakantamata nija okeni kara Rogel. ⁸Irooti abisanengichi igiro obariatsira Ben Himon comatenta timagatsi Jebús (aisati ojita Jerusalén). Kara janta piake aisati pitonganake otishi inatsi kanta ikenopianti obiriatsira kara Hinom, aisati tonkeenta irooti pitsongapa Refaim.⁹Aro oshonganakaro otishi irooti Neftoa, kara pisotoati nija aisati abisanero aisati timagantsi inagetatsira tongagarike Efrón. Aisati opishitaga Baala (aisati Quiriat Jearim). ¹⁰Aike omonkarakaro aisati pipiganajaro kanta keronta ikeniri obariatsira irooti tongagari Monte Seir, ikenake aronisati kara pini antsatosi Jearmin komate (irooti ora Quesalón), panonganaka kara Bet Semes, pomontianakimaro kara Timna.¹¹Kara okaragitetiri okaninagitetamatiri inatsi komatenta timagatsi oshongagetapa Sicrón yabisanake janta ora antsatosi kara Baala, irooti kara Jabneek. Kara ikebatsiteke aro okarabe kara angaare. ¹²Kara okaragiteti isotogiro paba irooti kara angaareke okibeginte irooti onamijake. Okaragiteti oshonganaga timagantsi itimaigiro matsigenga Judá.¹³Kara imonkarakero igakeri tosorintsi ira Josué iperi Caleb itomi ira Jefone, ora yogeneri ora kibatsi aganisati ira matsigenga ira Judá, Quiriat Arba, pairo jitacha timagantsi Ebrón (ira Arba iriro iriri Anac). ¹⁴Caleb ijokeri imatsigenga ikarati maba itomi Anac ibati: Sesai, Ahimán aike Talmai, imatsigengajegi ira Anac. ¹⁵Aro ipañaasitakari itongasitanëri ira timaigatsi kara irebirike (Debir ojita jirai Quiriat Séfer).¹⁶Caleb ikanke "ira serari irantiro iromanatiro Quiriat Séfer aisati iragiri iriro aro nomeri nasinto Acsa irajinantemaro ina. ¹⁷Ira Otoniel itomi Quenaz, ireinti Caleb, yagëri ira Caleb ipëri ora irisinto Acsa irajinantimaro.¹⁸Arokeke Acsa niatasikeri ira Otoniel okankeri arota. Omaniri iri arosata kibatsi kara pagëtanë borokë ira Caleb ikankero irisinto pairo pikogi.¹⁹Acsa potabitanëri: pomitokotasantina arokenta popënaro kibatsi kara Néguev, aisati nomemiro kara ponangaatageta nija. Ira Caleb ipëro kara ponangaatageta nija inasati tongagaripagekë aisati inatsi osobiapageke.²⁰Iroro oka ora yasintara ira matsigenga Judá ora ipaigeri ira obantatsira.²¹Ora timagantsipage irasijegi imatsigenga Judá inatsi aikero toonkënta irooti kara okarati Edom, kara Caseel, Edar, Jagur, ²²Cina, Dimona, Adda, ²³Cedes, Hazor, Itnán, ²⁴Zif, Telem, Bealot.²⁵Hazor Hadata, Queriot Hezrón, (irooti Hazor), ²⁶Aman Sema, Molada, ²⁷Hazar Gada, Hesmon, Bet, Pelet, ²⁸Hazar Sual, Beersena, Bizotia.²⁹Baala, lim, Esem, ³⁰Etolad, Quesil, Horma, ³¹Siclag, Madmana, Sasana, ³²Leboat, Silhim, Aín, ira Rimón; omagarookarati 29 timagantsike otiomijanipage.³³Kara osobigitekë ogitojaanipagekë aikero kara ikiro obariatsira pinageti Estaol, Zora, Asena, ³⁴Zanoa, En Ganim, Tapúa, Enam, ³⁵Jarmut, Adulam, Soco, Azeca, ³⁶Saaraim, Aditaim, aisati Gedera (pairo ojita Gederotaim). Okarati 14 timagantsipage omagaro ora timagantsi otiomijani.³⁷Zenán, Hadasa, Migdal, ³⁸Dileán, Mizpa, Jocteel, ³⁹Laquis, Boscat, Eglón.⁴⁰Cabón, Lahmam, Quitlis, ⁴¹Gederoth, Bet Dagón, Naama aisati Maceda. Okaratajiti 16 timagantsipage aisati basinipage otiomijani nanpitsi.⁴²Libna, Eter, Asán, ⁴³Jifta, Asnea, Nezib, ⁴⁴Keila, Aczib aisati Maresa. Okarage 9 timagantsi iroraike, omagaro otiomijani timagantsipake.⁴⁵Ecrón, kara itimiro oshongaro otiomijanipage timagantsipage; ⁴⁶kara Ecrón irooti okibia angaare omagaro iroro timagantsipake ora inagetatsi aronisatipake kara Asdod, omagaro ora otiomijani timagantsi. ⁴⁷Asdod, aisati ora basinipage timagantsi otiomijani; Gaza, aisati ora basinipage timagantsi; irooti kara osintsiti nija Egipto, kara pini omanijake angaare okibe.⁴⁸Kara pinageti ogitojapaje, Samir, Jatirm Soco, ⁴⁹Dana, Quiriat Sana (oka Debir), ⁵⁰Anab, Estemoa, Anim, ⁵¹Gosén, Holón aisati Gilo. Okarati 11 timaganki omagaro otiomijanipage.⁵²Arab, Duma, Esán, ⁵³Janum, Bet Tapúa, Afeca, ⁵⁴Humta, Quiriat Arba, (oka irooti Hebrón), aisati Zior. Iroropage okarati 9 timagantsipage aisati otiomijanipage timagansti.⁵⁵Maón, Carmel. Zif, Juta, ⁵⁶Jezreel, Jocdeam, Zanoa, ⁵⁷Caín, Guibeá, aisati Timna. Iroropage okarati 10 timagantsipage, aisati otiomijipage.⁵⁸Halhul, Bet Sur, Gedor, ⁵⁹Maarat, Bet Anot aisati Eltecón. Iroro okarati 6 timagantsipage aisati otiomijanipage timogantsi.⁶⁰Quiriat Baal, (irooti Qiriat Jearim), aisati Rabá. iroro okarati 2 timagantsipage ora otiomijanipage. ⁶¹Kara teni inemate pairoraka pinageti, Bet Arabá, Midín, Secaca, ⁶²Nibsán, pini kara timagantsike Sal aisati Engadi. Okarage irooti 6 timagantsi omagaro otiomijanige timagantsi.⁶³Irari jebuseos, timatsi Jerusalén, ira matsigenga Judá, te iragabiairi irojokiri iriro jebuseos inatsi kara ikaratira matsigengajegi Judá irooti yamaiga.

¹Ora ikasijakeri kara ikebatsiteke irasi imatsigenga José iake irooti jorikanke, yokaganaga irooti Jericoke, kara iniateke irasi Jerigosati, ikaigonake kara inintagakeri, irooti Jerigoke kara pini poeboro aronisati otisi Beterike. ²Aike yokaganaga Beterike irooti Luz yabisane irooti kanta janta yorega Ataroke, kara ikebatsiteke irasi akitasati.³Yogakanaga aikero kara iki paba irooti kara ikebatsiteke jafletitasati, yokaganaga irooti igebatsitike. Betel Horon iake irooti Gezer, tsoganka kara onamijage angaare. ⁴Aike yobetsikanaka iraeki imatsigenga José, Manasés aisati Efraín yakobero ora ipaberi.⁵Kara igebatsiteke imatsigenga Efraín kara initakageri ora ikaneri iake yokiataaneri: kara okarati aro ipabari ora ikasijakeri. Aike iake iraooti Atarot aisati ojita Adar irooti Bet Horón aikero kara tonge ⁶aike iake yokaganaga irooti kara onamijake agare yokaganaga irooti poeboroge jitacha Micmetat, aikero kara iki paba, yapatoitaiga ikegaigaka iriate irooti tanake aisati Siló aike yabisanake janta aronisati Janoake. ⁷Ipaniaka Janoake yanohanaka irooti Atarot aisati ojita Naarat irooti yarekitega Jericó, aro okarake Joriranke.⁸Irooti Tapúa, kara ikebatsiteke iake aikero kara iki paba yareka nijake Caná aro okarape kara onamijake agare. Aro okarape kara ikasijakeri ira imatsigengejeki Efraín, ora initagakeri kara ikasijakeri, ⁹ikarataiganakeri ira pasiniati kibatsisati ira jaikentsine ikoigakeri irasi imatsigenga Efraín katigasati ikangeri ora igasijakeri imatsigenga Manasés, antakaisati ira poeborokeni aisati kanta janta.¹⁰irirojegi teni iriokaigeri ira kananeosati timabetatsa Gezer, irooti itimake kananeosati kara aganisatike irasi Efraín iroto yamaika, karari ira matsigengajegi imerasetaigakari intagaketaikeri yosintsiteri.

¹Kara yogeneri igebitsite imatsigenga ira Manasés (pairi ika iriro yoge irisita itomi irasi José), ika iritisati yoge ijita Maquir, pairi ijita obagentsi itomi Manasés irierisati yogege iriri Galaad. Aisati itomigegi Maquir ika sërari sintsirisonori kara intobekari. ²Imatsigengajegi Manasés ikarataigi, Abiazer, Helec, Asriel, Siquem, Hefer aike Semida. Ika iririjegi jitacha serarijegi irasi Manasés itomi José yoñagantagaber kara inirori.³Yamëka Zelofeah, itomi irasi Hefer, itomi Galaad, itomi Maquir, aisati itomi Manasés teni paniro irine sërari aisati pini tsinane. Ora obairojegi irisintojegi ojita Malaa, Noa, Hogla, Milka aike Tirsa. ⁴Oka paretogagari Eleazar ira obantasantatsi, ijita Josué itomi Num, aike ikaratira ikantiri inta obatironta: ikantagenani Moisés pomenaro patiro pigogera nangarageri nirentijegi aroka nagiateri. Ora ikokakena ira natingomi irironta përo tsinanejegi ora pigoge antagasati okarageri ojaririegi aisati iri.⁵10 imonkarage igibatsite imatsigenga Manasés kanta Galaad aike inagetatsi antati nija ojita Jordán, ⁶ora irisintojegi Manasés pagero patiro omanajiri antagasati otomijegi. Kanta kibatsi ojita Galaad iroro pogegani iragi imatsigengajegi Manasés.⁷Ora ikibatsite irasi Manasés yogero arota iraretimaro kanta okaratiri igebitsite inatsi kanta Siquem. Yamë kanta okarati igibatsite kanta tonkegite irianti timatsi aitoni itimagi Tapúa. ⁸Ora okibatsite Tapúa ironti irasi Manasés yama ora poeboro asi Tapúa katingasati kara ini Manasés ironti pinabeta irasi imatsigengajegi Efraín.⁹Kanta okarati pini nija otiomijani kanta Caná. Iriro yomisantagiri imeraroegi antagasati iboeborote Manasés aisati irasigite Efraín. Iritisati ikarati Manasés kanta pasinisotage kara nija otsomijani aro pitsonka ora angaare. ¹⁰Kanta pitsonka aike ironti irasi Efraín, aike ora kibatsi iroti okarati ini Manasés; aro okaranomiti nija aitomi pitsonka aronibati oretimaro kara Isacar.¹¹Aisati aike Isacar aisati Aser, Manasés ikantiro Bet Seán obiro irotoke pasi pogotsi, aisati Ibleam iroti poëborotejegi, ironti irasijegi matsigenga inatsi poëboro ojita Dor aisati ibangojegi, aisati matsigenga aisati Endor aisati pogotsi, aisati matsigengajegi aisati Taanac aisati pogotsi, aisati matsigengajegi Meguido aisati pogotsi (aisati ora mabatatsira ora omisantiro ojita Náfet). ¹²Aisati ira imatsigengajegi Manasés teni irinintagero irakero omisantaigiri, aike itsorokageri kananeosati poeborosati itimaigi kara kibatsige.¹³Kara inatsi matsigengajegi Israel ika isintsitasantaganake irirojeki igataigeri ira kananeosati imeratakaro pomirinchiro, aike teni iromonkaratagero antagasati.¹⁴Yame ikantiri imatsigengajegi irasi José ikantiri ira Josué, aike: ikane te pomabiritanenaro patiro oka kibatsi patiro pomena pomenaro naroegi tojainina naro antagaisati nagantaigero ira pabati tosorintsi ipenaro ora nigogera. ¹⁵Josué ikantagiri: obiroka timatsi poeboroke okibe iroronta okibeatsi pijataige kanta anchatosige aro pinetsaige kibatsi pasisonori kanta pinaigi irasi ferezeos aike pingatiro kanta ikebatsitekëra Efraín aike otyomijani pasiegi.¹⁶Ira yogometaigi José ikanti onta anchatosi teni ogantomatai eroeki. Aike kananeosati itimi kara jantasonori aike igaroneeki antabagantsi aike koshoro aisati ira timatsi kara Bet Seán irasi timatsi poeboroke aike irirojegi inagatsi kara kibatsige ojita Jezreel. ¹⁷Yamë Josué ikantiri ibangoke José aisati Efraín aike Manasés: obiro pasi iboeborote okibesonori obairo aike tojaiti pisintsire obiro kero pini paniro kibatsigë arogenta pasinkaro obiro. ¹⁸Oka Kibatsika irosati pasi aro inabetema anchatosi noporogemiro aike pagabëra obiro iroti okaratiri jantasonori pijogapëri ira kananeosati aro inabetema igaroneegi asi antabagantsi ora koshorisonori aro irinabetena sintsirisonori.

¹Yamega antagaisati ira timaigatsi kara israel aike yapatoika kara silo. Aike iganataigakaro ora igibatsite aike yoniakagantero kara yapatoikari. ²Aintakerainta tsiko timagantsi ira atirijegi.³Josue ikankeri ira atirijegi timaigatsi kara ishiraerike. "¿Jega ongarake rageke kara igibatsiteke pabati tosorintsi, ira jirainira, ipaigeri?" ⁴Pingogaige maba serari inagatsi kara timomentotsike, aike nagakeri. Aike irisotoiganake aike ranetsero ora kibatsira jonoge aike osobi. Irirojegi isangenatokotaigero ora yagaigera, aike iripigashitaina naro.⁵Irirojegi yogiribitero tsiko porobage. Jura pero irinake kara itimiri, aike ora ibango jose pero irinake kara itimiri. ⁶Obirojegi pisangenatokotaigero ora pigibatsite tsiko poropage aike pomaigapenaro yaka. Naro nomaigabakemiro ora kaninatatsira ironti pashi obirojegi yaka nomaigemiro yameka inibarege tosorintsi.⁷Ira levitas teninenta ora igibatsitejegi, aigenta irirojegi ikogaigi. Gad, Rubén aike aganisati page matsiguenga yage ora yashintara ganta ojita jordan. Oka irorotage ora yoganeneri kara jiraira ira jitacha moises, ira kemisantatsira, ipaigeri."⁸Aike ira serarijegi itiaiganaka aike iataige. Josué ikantaigeri pisangenataige ora kibatsi, ikanke: "pijataige jonoge aike osobi inetsero ora kibatsira isangenatokotaigero aike iripigashitaina. Naro jokobentaigenakemine kara ibairoge tosorintsi kara silo" ⁹Ira serarijegi iataige yanetaiganake otisike aike komate atimomentoke aike pisangenataige ora timagantsipage, pingointataneroti ora timagantsi page. Aike irirojegi ipigaiga kara Jsué, kara itimashitaigiri silo.¹⁰Yameka Josué iperi ora komeitagantsi silo nanetseri tosorintsi. Aike ira Josué ipabakaganagaro igibatsite page israel, paniro page ipageteri ora igibatsite.¹¹Ora igantera kebatsi irashijegi timaigatsi kara Benjamín aike iperi paniro page. Ora igebatsite ipegerira pinasegiti otsibamagetari pañacha kara juda aike imatsigengatsari José. ¹²Kara ogaragitege, gara oparinta ogibatsite jordán. Kara okaraperi pitonganake otsaginatiri Jericó, aike itonganake kara tongagaripage kara iki paba. Aro yareka kara te ontimingani Bet-avén.¹³Aike pabisane kara pikibentsati okenantagaro obotagantsi(iroti itimomento Betel). Yameka kara ogaragitege pikibene iroti Atarot-Adar, koniamanike kara komate pini Bet-Horón. ¹⁴kara okarabe iguebatsite ikenganaka kara pashinige kingagantsi iroti kara ikonteti paba, aisati kara iquiro paba.¹⁵Ora komate oparintanaga atyonosonori soto ganta Quiriat- Jearim. Kara okarati aro okeni Efrón, kara yogiro nija ira Neftoa. ¹⁶Kara okarati yanongopaa irooti kara okarapë ora otishi inesegatsi otisitagë Valle de Ben-Hinom,ganta pabisantëmabëri ora komate Valle de Rafaim. Aike yanonganakaro ora Valle de Hinom, Komate pitongabatsatagetani Jebuseos, aike yanonganitiga ganta En-Rogel.¹⁷Itonganake irooti kara Komate, yogeatsaitanëro ora En-semes, aro ikenopë kara isotoganë ganta Geliot, iroro temëmatingitsi ora Adumín. ¹⁸Aike yagëtani irooti kara mopëgi asi Bohán, ira itomi Rubén. Pabisagetanëro komatenta asi Risco de Bet-arabá aike yagëtani irooti kara Arabá.¹⁹Kara okarapë pabisanë irooti kara komate Bet-hogla. Ora okarapë pitsongapa irooti kara Bahía komate del Mar salado, pabisasantë kara tookë Jordan. ²⁰Aro pitsongapa ora tookë. Ora Jordán okanë asiati pitsongantara ganta otsibataro kara ikiro obariatsira. Oka iriantiegi paiiganakero ira itimakagasantaigira ira Benjamín, aike ipëtagekeri paniro page ira itsibatagetaigara,aike pitsonga irroti kara pitsonga, omagaropage kara oshongagetari.²¹Yamaika ora timagantsipage otyomijani irasi Benjamín, ora ikantagetaigëra ira itimakagaigi roonti: Jericó, Bet Hogla, Emec Casis, ²²Bet Arabá, Zemaraim, Betel, ²³Avim, Pará, Ofra, ²⁴Quefar Haamoni, Ofni aike Geba. Kara 12 timagantsi inatsi, itsibatantokotagegaro ora timagantsijanipage.²⁵Aisati pinagetasegaigi ora timagantsipage Gabaón, Ramá, Beerot, ²⁶Mizpa, Cafira, Mozah, ²⁷Requem, Irpeel, Tarala, ²⁸Zela, Elef, Jebús(irootinta jitacha Jerusalén), Guibeá aike Quiriat. Aitinta14 timagantsi,itsibatantokotagekarota ora timagantsijanipage. Iroro ipaiganakerira ira Benjamín ira itimakagetanëra.

¹pite katagiteri simeon ainta machigenga igita judas.²aiti ora ipagetirira berseba , seba, molda. ³hazar, sual , ezem. ⁴eltolad , betul, y horma.⁵⁷aisati simeon, aiti silkag, betmarkabot. ⁶bet-lebaot, y saruhen. iriro gatenchi maba pongotsi kara aldeas. simeon aiti ain, remon, eter, y asan .iriro gatenchi cuatro⁸Canta aiti pongotsi yarega cara Baalat-beer aike( cara Ramat canta Néguev). Aiti ora ipagetirira yapatoita ira Simeón cara ibangoke. ⁹Ora ipagetirira cara yapatoitaigari ira Simeón yobetsikeri kasirigoni karaitimirori kata itimi Juda. Ora okibe kibatsikera kara yapatoitaigari ira juda, Simeón ikakero ora ipagetirira kara agani yapatoitaigari ira juda.¹⁰Ora maba tarea itogatakaro kara yapatoitaigari kara Zabulón iage kara clanes ora frontera kara ipagetagani yarega kara Sarid. ¹¹Kara okarabë igebatsite yarega kara oeste ira Marala, tocaba Debeset kara ogiato aige ibatanë kara Jocneam.¹²Pasinikë kibatsi isunka kara estekera pasinikëra kibatsi ira Quislot Tobar. Aro yomai iage jafia. ¹³Aro iage kara Garat Jefer, ara yama iage Ita-Cazin; yamai iage Rimón yarrodeatarikara Nea.¹⁴Ora limite pitsonga kara norte Hanatón pitsonga kara pongotsikera kara ogita Jefte. ¹⁵Oka pongotsi yobetsikiro ora ibangojegi ira Katat, Naalal, Simrón, Idala, y Belén. Aiti 12 poeboro yobitsikiro ira patotaigachara. ¹⁶Oka ironti ora ipagetirira irinti Zabulón iage kara imatsigengajegi kara ibangokëra kara yapatoitaigari.¹⁷Ora cuarta tarea otogatagari Isacar, iage yapatoitari. ¹⁸Ora igebatsite yubetsikëro Jezreel, Quesulot, Sunem, ¹⁹Hafaraim, Sihón, y Anaharat.²⁰Aike yobetsikëro Rabit, Quisión, Abez, ²¹Remet, aisati Ganim, aike Bet pabisanë. ²²Aisate itogatero Tabor, Sahazima, y Bet Semes, aro pitsonka ora Jordán. Ainta 16 pongotsibage ora yapatointaigara.²³Oka ironti ipagetirira ira Isacar, aike iage matsigengake cara pongotsikera yobetsikero yapatointaigara.²⁴Ora quinta otogatagari ira tribu okantagani ora pongotsi yapatointaiga. ²⁵Ora itimantara yobetsikëro Helcat, Halí, Beten, Acsaf, ²⁶Alamelec, Amad, y Miseal. kara oesteke kara yoboge kara anchatosikëra Carmelo aike Sihor Libnat.²⁷Yame yapistanaka initse kara oriente Bet Dagon iage ganta kara Zabulón, aika iage kara pueboroke Jefte. Norte aike Bet Emec aike Neiel. ²⁸Aike iage kara Cabul, yamai aike kara Hebrón, Rehob, Hamón, aike Kaná, aisati Sidón.²⁹Okarabe papistanakati ora isitsa aisati pongotsi kosuri aike Hosa kara pistogi nija kara ibangogegi ira Aczib, ³⁰Uma, Afec, aike Rehob. Aiti veintidos pongotsi obetsikiro ora yapatoitaigara.³¹Oka ironti ora ipagetirira ora ingakera iage kara yapatoitaigari canta pueboroke yobetsikasitiro ora yapatointaigara.³²Kara sexta oparike kara Neftalí, aike yapatotaigari. ³³Ora limite isiganaka Lacum, oka encina ira Saananim, aro Adami Neceb aike Jabneel, janta sonori yosigari Lacum; pitsonga ora Jordán. ³⁴Ora limite isunca kara oeste ira Aznot Tobar iage kara Hucoc; intirogeri ira Zabulón iage kara sur aike yarega kara oeste itimi Judá kara nijake Jordán.³⁵Ora pueboro itimi ira Sidim, Zer, Hamat, Racat, Cineret, ³⁶Adama, Ramá, Hazor, ³⁷Cedes, Edrei, aike Hazor.³⁸Aisati ini Irón. Migdal aike, Horem, Bet Anat, aike Bet Semes. Aiti diecinueve pueboro ora yapatointara. ³⁹Oka ironti ora ipagetirira aike Neftalí, iage kara yapatoita kara pueboroke kara aldeake.⁴⁰Kara semtimo imionkëro janta oparike kara Dan iage kara pueboroke. ⁴¹Kara igebatsitejegi kara ipagetirira ira Zora, Estaol, Irsemes, ⁴²Saalabín, Ajalón aike Jetla.⁴³Aisati yobetsikëro ira Elón, Timnat, Ecrón, ⁴⁴Elteque, Gibetón, Baalat, ⁴⁵Jehúd, Bene Berac, Gat Rimón, ⁴⁶Mejarcrón aige Racón. Itsibatari kanta ibangokënta kara pichegronjeta ibango Jope.⁴⁷Kara ifaltagari tribu irasu Dan; Dan intëri Lesem, interi irirogegi icasitikeri yobësantakari isabirite yaganëri janta kara establesierón iraegi yobogeri ira Lesem, ikomëri ira Dan, yogibëri ira imatsigengagegi. ⁴⁸Ora ironti ipagetirira ira Dan; iage kara yapatoitaiga pueborokëra.⁴⁹Kara pitsonkari ora kibatsi ogita ora ipagetirira. Ora pueboro irasi isirael iperi ora ipagetirira ira itsibatara Josuë itomi Num. ⁵⁰Ora iganti ira tosorintsi ikantaigëri kara pongotsi yamanaigëri Timnat irinti ira zona anchatosi irasi Efraín. Ira yobetsikero ora pueboro aro itimagi.⁵¹Oka ironti ora ipagetirira Eleazar aike saserirote; Josué itomi Num, ira itingomi irasi imachigenga karari aroge pabise ikanaka kara pueborokë irasi israel, yobaratanëri ira Silo, kara ini tosorintsi ikanake kara tiendakara inekeri. Iroegi itsonkera kibatsi.

¹karakenta IRA TOSORINTSI ikankeri Josoe: ²"Pinibatagaigeri timaigatsira isiraeri pingankeri: pagaigëro ora timomentotsi irasi aretaigënchanera paniacha pasinigë timomëntotsi aige nongomantaigëmiri ira sangenatagotachara kara isangenaregë moiseshi. ³Pingantaigero oka orota ira ogasitabakenchanera matsigengajegi iriate pasinigitegënta. Oka timagantsikëga aro iraretaigëma ira pokaitaigëntsinera arota kero yogiri ira kogatsira iribëgatabagima kogatsira irogiri irara pasini matsigenga ira yogëgera.⁴Iriro irisiganema iriate kara timagantsikë aige irinopë kara okariti timagantsi, aige ingomantabëri ira antyasipariegi inaitatsi timomentotsigë. Yamika irirojegi iragaiganakeri tsomigi kara itimaigirori aige iromaigëri arosata kibatsi kara intimaigë irirojegi.⁵Aroka iribokë ingoke iribëgabëntaimari ira matsigënga yogëgera, yamaika ira matsigënga timaigatsira kero ipimantiri kara obatatsirikë ira matsigënga ogërira. Irirojegi kero ikantiro oka, yogërininta iritane teni pairo ingantiri iriro aisati teni ingisanijintirini. ⁶Iriro irinakeni intimake kara timagantsikë iroti kara irobetsikagotaimari, iroti kara ingamakeri ira meratari saseriroti karakesatanta. Karakesatanta ira matsigenga ogankentsira aaro iribiganajima kara itimirori, kara ipaniaga kara isikari.⁷Aaro ira isiraerita ikoigëri Cedeshi kara Garireakë kara anchatosigë Neftalí, Siquem aisati anchatosigë Efraín aige Quiriat-arba (iroti jitacha Hebrón) kara anchatosigë Jodá. ⁸K jegageronta Jororan isati kara isatogi paba Jeriko, ikoigëro Beser kanta otisitsaikë ira imatsigengajegi Ruben; Ramot kanta Galaad ira imatsigengajegi Gad; aisati Golán kanta Basán ira imatsigengajegi Manasés.⁹Oka iroro timagantsi ipëgerira antagaisati isiraeritaegi aisati ira pasinimiringajegi ira timagëtirira irirojegi, arota ira ogabagasitanenchanera pasini matsigenga arota irisiganema kero pairo kisantarira. Ika matsigenga kero ikami ibagokë kogatsira irogiri ora irara omënatenchara, iroti kara iraganengani ira ogankentsira kara irobetsikagotëriri kara yapatoitaigari.

¹Ira obatatsi imatsigenga ira levitas ipogasikeri ira paatiri Eleazar, aisati josué itomi ira Nun antagaisati obatakagantatsi aisati imatsigenga antagaisati kara itimomentokë ira Israel. ²Ira ikaintëri ira irasi Silo itimatsi kebatsikë kara kanaankë: "Ira tosorintsi igataigiri, aisati ira Moisés ora te nagotiro naro itimomento jegaraka itimi,yaka kibatsikë aisati ibasitote irasi nobaakate."³Angankero ora iragantomento irasi Tosorintsi. Ira Israel ipaigiri ira Levitajegi ora timagantsipage yashintara, okonagagetanaga ora ibasitotepage.⁴Ira ijogasitaigagari teni iranetsairi imatsigenga ira Coatitas: Ira paatiri iriro imatsigengajegi ira Aarón parijitacha Levitas, ipaigabakeri 13 timagantsi ora timagantsijanipage asi Judá, aisati imatsigenga ira Simeón aisati imatsigenga ira Benjamín. ⁵Ira antagaisati ira Coatitas yagini iriro 10 itimomento ira antagaisati imatsigenga ira Efrain, Dan aike ira arosatya timaigatsi irasi Manasés.⁶Ipaigirini imatsigengajegi ira Gersón kara ipëri 13 itimomento ira antagaisati imatsigenga ira Isacar, Aser, Neftalí aike arosatya itimakagi Manansés ganta Basán. ⁷Ora ipaigëri ira Merari ipëri 12 itimomento ira imatsigenga Rubén, Gad aike Zabulón.⁸Ira Israeritajegi ipaigëri ira Levitas oka timagantsipage,itsibatangaro ora ibasitositebage, aronta ira Tosorintsi igakeri ira Moisés. ⁹Ira imatsigenga Judá aike Simeón, yagasantaigapëro ora itimomento, yaka ikantagegero onibarepage. ¹⁰Iroro ipagetagitaigiri imatsigengaosnori Aarón, teni irogotiro obatatsira yagëro timagantsi.¹¹Ira Israeritajegi ipëtaigiri ora Quiriat Arba(Arba irianti iriri ira Anac), irooti timgantsi irasi Hebrón, iragasitageke kara anchatosikë ira Judá, oshongagetari ora ibasitotekë. ¹²Kara sotogite timagantsi aisati timomentostipage aroge ipaigiri ira Kaleb, itomi ira Jefone, aroge yagabairo.¹³Iraegi ichrineegi paatiri Aarón,ipaigiri Hebrón, ora ibasitositebage, ora pinabeta timagantsi kara imanaigiro ora ogantagantsi te pairo neirone, aike Libna otsibataro obasitosite, ¹⁴Jatir aike ibasitosite aike Estemoa itsibata ibasitosite. ¹⁵Aisati ipëgeri Holón ibasitosite, Debir aike ibasitosite, ¹⁶Aín itsibataro ibasitosite, Juta aike ibasitosite aike Bet Semes aisati ibasitote. Karari aiti 9 timagantsi ipëtaigirira ikaegi ira pite timagantsijanipage.¹⁷Aisati imatsigengajegi ira Bejamín ipaigiri ira Gabaón opra ibasitosite, Geba isati ibasitosite, ¹⁸Anatot aisati ibasitote aike Almón yogiri jaara kara tera ine itimomento,pinasegi otsipa timagantsi. ¹⁹Ora ipëtagekeri ora timagantsi ira Sacerirotejegi, imatsigengasonori ira Aarón, aiti pinasegi 13 timagantsi antagaisati, itsibatantokotagetanagari ibasitositepage.²⁰Aroonta ikantaiganaka ira basinipage itimakagaigira irasi Coat, Ira Levitas timabetacha kara itimaigi ira Coat, aiti itimomento ipëri ira ikokera, ira imatsigenga ira Efraín. ²¹Iroro ipëtagekeri ira Siquem itsibatantokogero ora irantsiatosite ira Egfraín, poro timagantsi imanantaigara ira yogaigira ikantasitagetaigari, Gezer itsibataro ibasitosite, ²²Kibsaim aike ibasitositepage ira Bet Horón itsibataro ibasitosite, otsiba timagantsi antagaisati.²³Ira imatsigengasonori ira Dan, ira itimakagaigi ira Coat ipimantitaigiri Elteque aike ibasitositebage, ²⁴Ajalón aike ibasitosite aike Gat Rimón itsibataro ibasitositebage,otsiba timagantsi tojai.²⁵Kara arositya ira itsibata Manansés, ira itimakagi ira Coat ipëtaigiri Taanac itsibatantokogari ora ibasistositebage aike Gat Rimón itsibatagarosati ibasitositebage, pite timagantsipage. ²⁶Aiti pinasegi 10 timagantsi antagaisati irorota iragaigapae ira timaigatsi kara Coalitas, intsibatantokotagekero ora ibasitositebage.²⁷Kara arositya ira itsibata Manansés, ira itimakagi ira Gersón, iriantiegi pasinipage imatsigenga Levitas aike irirojegi ipëtaigiri Golán ganta Balsán itsibatamtokogaro ibasitosite, poro timgantsi imanantaiga kara yogobagari keroka pairo neiri, itsibatari ira Beestera aike ibasitosite, pite timagantsi antagaisati.²⁸Ira itimakagaigira ira Gersón aisati ipëgeri Cisón timatsi gara Isacar, ikaratanëro aisati ibasitosite, Daberat itsibatanagaro ibasitositebage, ²⁹Jarmut aisati ibasitositepage aike En-ganim aisati ibasitositepage, otsiba timgantsi. ³⁰Ira imatsigenga Aser,ipëgeri Miseal aisati ibasitositebage, Abdón aisati ibasitositebage, ³¹Helcat aisati ibasitositebage aike Rehob aisati ibasitositebage, otsiba timagantsi antagaisati.³²Ira itimakagi ira Neftalí, ipëtaigiri ira imatsigenga Gersón Cedes ganta Galilea aisati ibasitositebage, poro timagantsi imanaigara kara yogobagasitobagetari; Hamot-dor aisati ibasitositebage aike Cartán aisati ibasitositebage,maba timagantsi antagaisati. ³³Aiti pinasegi 13 timagantsi antagaisati, omagarosonori ira itimakagaigira ira Gersón, itsibantokotagetanagaro ora ibasitositebage.³⁴Irokerai ira pasiniegi Levitas, itsibata ira Merari, ipëmantitaigiri ira ganta timagantsi Zabulón: Jocneam aisati ibasitositebage, Carta aike ibasitositebage, ³⁵Dimna aisati ibasitositebage aike Naalal itsibataro ora ibasitositebage, otsiba timgantsi antagaisati.³⁶Ira itimakagaigi ira Marari ipëtaigiri ira itimakagaigi Rubén: Beser aisati ibasitositebage, Jahaza aisati ibasitositebage, ³⁷Cademot aisati ibasitositebage aike Mefaat aisati ibasitositebage, otsiba timagantsi. ³⁸Ira itimakagi ira Gad, ipëgerri ira Ramot ganta Galaad aisati ibasitositebage, poro timagantsi omanantaigara kara yogobagasantasitari, aike Mahanaim aisati ibasitositebage.³⁹Ira itimakagaigi ira Merari ipëtaigirisati ira Hesbón,iasati ibasitositebage, aike Jazer aisati ibasitositebage. Okapage okarageti otsiba timagantsi antagaisati. ⁴⁰Antagaisati timagantsi papatotanaga ora itimakagaigi ira Merari, iriantieginta ira timaigatsi kara Leví, 12 timagantsi antagaisati ipëtaigetasitaigagari.⁴¹Ora timagantsi irasijegi levitas yasintaigaparo kara agani pini igibatsitejegi ira Israel, kara 48 timagantsi, itsibatantokotagetaiganakaro ibasitositebage. ⁴²Patiropage ora timagantsi,aitipage ishongaro ibasitositeegi. Aro ikantakaganagaro antagaisati timagantsipage.⁴³Aro ira Tosorintsi ipëri antagaisati kebatasi ira Israerisati ora ikantaiganakerira ira irinagaegi jirai. Ira Israeritajegi yasintasantaigabaro aike itimaigapë. ⁴⁴Irogita Ira Tosorintsi ipaigiri magoreagantsi paniroatipage, aronta ikantaiganakeri irairinagaegi jirai. Te poro gisaneintirira kero iganatari. Ira Tosorintsi ipaigiri ira gisaneintaigirira kara ibagokë. ⁴⁵Aiti pasini aiti,antagaisati ora komeitagantsi ipanake ira Tosorintsi inibabenkero ora pongotsi irasi Israel, yamasigero teni ingantiro. Antagaisati okantageka.

¹Iroti katakiteri josoe ikaimankari ira Robenitaeki, aisati Garitaeki ira aganisati imatsigegajeki Manaseshijeki. ²Ira ikankeri. Obirojegi pikangero antagaisati ora ikankemi Moiseshi iromeraro Tosorintsi aro ikomantemi. Obirojegi aro pikemisangero ora nanibare antagaisati ora nigakemi. ³Obirojegi teni pijoganeri pirentijeki antagaisati oka katakiteri, iroti yamaika. Aro pomonkarakero ora nagantane irashi iragantane atigomi Tosorintsi.⁴Yamaika ira atigomi Tosorintsi ipëri iromagoreige irentiegi, omongaraka ora yamanaigëri. Aitosati popiganajima kara pashintarigëra aisati kara pikebatsitekë pashi obiro, pikarataikirini Moises ira iromeraro Tosorintsi ipaigerini iriro kara onamijakiteke Joriran. ⁵Patiro arotasha pine pomonkaratiro ora iragantane ira itigomi aisa Moises iromeraro Tosorintsi ora ikomanteri, kara pinintiri atigomi Tosorintsi, iranitagakimi antagaisati kara abatsigë, pokinerini ora iragantane, aike pijatanetike pigemisankeri antagaisati kara panegomentogë aisati antagaisati piseregë. ⁶Aro ira Josoe ikantagobentëri aike ibetsatanari, aro irirojegi ipigaiganaja kara ipimantirikëra.⁷Yamaika, oka aganisati imatsigega Manaseshi, Moiseshi aro ipëri patiro kegaganchi kara Basankë, karari kara pashinira aganisati, Josoe ipërini kegagantsi itsibataigagari irentegi kara kibatsike aikero oestekë Joriran. Josoe igaikërini aikero kara ipimantirikera, iriro ikantagobentobëri. ⁸Aro ikantobëri, popiganajima kara pashintarikëra aisati kiregi, pobagate, kiregi, oro, bronce, hiero, tojaisonori machakintsisite. Pokirebetiro ora potintera antagaisati ira pikisanijintira aisati irentiegi.⁹Aro iraeki imatsigegajegi ira Iroben, aisati imatsigegajegi ira Gab aisati aganisati imatsigega ira Manaseshi iataigai kara ibagokë, ijoganero ora itimantaigara irashi Ishiraeri kara Siloke, iriro inini kara ikebatsitekë ashi Ganaan, irirojeki iataigëni aikero kara okaragiteti Galaad, irashikë iyebatsite, kara yashintayetarori, ikemisankeronta ora iragatane Tosorintsi, kara ibagokë ira Moiseshi.¹⁰Kara irirojeki ipogaigabë kara Joriranke kanta inatsi kibatsi Ganaan, iraeki Irobenita aisati iraeki Garitaeki aisati aganisati imatsigegajeki Manaseshi yobetsigaigero patiro aritari kara kerora Joriran, patiro aritari okibekintesonori kaninarosonori. ¹¹Ora itimomentojeki irashi ishiraeri ikemagotabëro ora kantacha nega aro ikanke. pinetsero ora itimantaigara ira Iroben, Gad aisati aganisati imatsigega Manaseshi yobetsigëroti patiro aritari aikero okarakiteti oyebatsite Ganaan, kanta Galaakë, aikero aronisatikë Joriran, aikero kara yashintaketaro itimomentojeki Ishiraerijeki.¹²Ira imatsigegajegi Ishiraerieki ikemobëro oka kantechara, antagaisati yapatoitaneri imatsigegajegi Ishiraeri aisati yapatotaneri ichibatanagari Sirosati iriatankemara iritoganage ikogaikini iroganaitabakima irirojegi.¹³Aro ira imatsigegajegi ira Ishiraeri igageri komantagetatsira irasi Irobenitaegi, aisati Gaditajeki aisati aganisati imatsigegajeki irasi Manaseshi, kara ikebatsite irasi Galaad. ¹⁴Irirojegi aisati igaigëri ira Finesi itomi Eriasari, ira saceriroti. Aisati ira 10 itingomiegi, panironage itomijegi aisati icharinegi Ishiraeri.¹⁵Irirojegi ipogaike kara itimomentogë Iroben, Gad aisati aganisati imatsigegajegi Manaseshi, kara igebatsiteke Galaad aike igantaigëri. ¹⁶Antagaisati kara yapatobentari okanti oka. ¿Pairo pagimentobitiri obirojeki pikantaikeneri te oganinate Itasorintsite ishiraeri, pijokeri patiro katagiteri Tosorintsi, pikantaikëni pitasorintsite pikisanijintaikeri Tosorintsi?.¹⁷Kagaro nagimingareegi kanta Peor naroeki terainta irabisaigote tinaro ora nakantagetira. Irorotage parentaga kimigaro igatatekinaro Tosorintsi. ¹⁸Pijogajirinimeri kero pikemisantajiri Tosorintsi yamaitiga katagiteri. Aroka yamaika pingisanijinkeri Tosorintsi naramani ingisemi obiro antagaisati kara yapatotaikemi Ishiraeri.¹⁹Aroka pigebatsitejeki pigimintero obirojeki pijataikeni pasinike kibatsi iroro iroraibatsa pingemisanpairi Tosorintsi kero pikanparo pikemisanpai pasiniati Tosorintsi irinti pingemisanpae asi atosorintsite. ²⁰Iriroko Akan itmi Sera teni ingantimiro ora pagabetineri Tosorintsi. Aisati teni pomarike kara igisari Ishiraeri ika serarika teni iribokatsitiroti irobateaitimi.²¹Yamaika ira imatsigegajeki Iroben, Kad, aisati aganisati imatsigega Mananseshi yotabitaikeri ora yosamiteri itigomi Ishiraeri. ²²Ira Tosorintsi sintsirisonori ¡ ira tosorintsi sintsirisonori, iriro igoti igotakagiri ishiraeri ora akisaga teka angante pasiniati akantakagasitari Tosorintsi kero ijogajai. ²³Agenta akantaige agemisantemari pasi tosorintsi aroka angankineri ora ikokagai iriro atakeneri ora yamanakeri oyitsoki igantagaira yamaika kero ipenagairo tosorintsi ikantagetira iriro.²⁴Teni angatiro atsarokeni karakenta ira itomijeki ingante natomijeki: ¿Pairo pikantinerri itosorintsite ishireri obiro?.²⁵Yamaika ira Tosorintsi ikankero Joriran itimanamitero eroeki aisati obirojeki. obirojeki itimanta Iroben aisati itimanta Cad teni irogotamatiri Tosorintsi ira itimijeki irinti atomijeki karari kero ikemisatajiri Tosorintsi.²⁶Naroegi nakantaikeni, antaigeneri yamaika angemisantimari Tosoritsi, kero itagineri ora yamanai. Iriro netsagaine eroegi karari obirojeki aisati ira nacharinegi pegainanera naroegi angakineri ora ikangai Tosorintsi angakineri katingasati iriro. ²⁷Amaikeri aisati atageneri. agë eiroegi omaigëri ora ikokakai. Imagai kaninaro, arota ira otomigegi kero ikantasita koragetage naramani, teni ingomantairi kaninasati Tosorintsi.²⁸Akantakege naga ero kanterone aisati acharineekia aneakero eroeki . Pinetsaikero aisati ikantari Tosorintsi ira ikantaikeri acharineegi kara jirai. ²⁹Janta irinake kero yotsititaikina kisanigintinara Tosorintsi. Teka pingomantaikanaroti aisati obirojeki irirokerai anterone ora yagentineri ganinenira yokineri ogitso teka pasibake aisati kara yokineri atasorentsitegi kara ibagokë³⁰Ira Finees ira patiri aisati itigomieki Sacertote timagatsi irinteki itigomi imatsigegajeki isiraerieki yomisantaitirin iriro ikemaikabake kara ikankero itimamento iroben, gad aisati manaseshi ikantaike okaninatomotaikeri kara iniabero irogike ikantaike. ³¹Finees otimi eriasari ira patiri ikankero itimanmento iroben, gad. Aisati Mananseshi: yamaika ikotaike kara ainta Tosorintsi eroekikeka tenta pairo pigante kimigari iriro yamaika obirogeki agaigabajiro kaninasati itimanmento isiraeri kara ibagike Tosorintsi.³²Yamaika Finees itomi patiri erisari ira itigomigi ipigaikaba ikenapai robenitake aisati gaditake. Kara kagarokë iyebatsite kara Galaad, kara ipigaba kara ikebatsitekë kanasati yareba itimanmentokë isiraeri yamapairo aisati anibare irirojeki. ³³Ora ikanpëra kaninaro inetsairori itimamento Isiraeri. Ira ipoeborote Isiraeri inetsakokero Tosorintsi teni igegairo iragataikari irobenitasati aisati aike gatitasati kara ikogabeta iritsogero ibatsi itimantaikara iriro.³⁴Iraeki Irobenita asatijegi gatitas ikantiro aritari "komantagotai" aro igantaki iriro: "Ironti ora komantagotaikai eiroegi, ira atingomi irinti Tosorintsi.

¹Pabisanaji tojai katagiteri, ira Tosorintsi aroge ipëri isiraeri omagoregantsi arogenta itsonke ogeri kara ishonkariri, ira Josoe aroge intyasiparige. ²Josoe ikomaigari antagaisati isiraeri, antagaisati antyasipari, ira itingomiegi soraro ikantaigëri: "aroge ñantyasiparitasantane". ³Obirojeki pineaigëro antagaisati ora ikankero pitasorintsite antagaisati ikantabenkero timagantsipage ongonina tantagimara, irirotagenta pitasorintsite ira kisabirintaigëmira.⁴¡Pinetsaige! naro pëmiro obirojegi ora pintimantaigëmara ora teraira agengani, obirojegi agaigairone irasi pomatsigengajegi, antagaisati nomaimiro kibatsi ora nitsonabegara, omarintema joriranke iroti angaregë Grande kara iki Paba. ⁵Ira pitasorintsite iriokëmi Jotogera obirojegi iromisatogaigemini antaisati sotora iriro agëkimirone pigebitsitejegi, obirojegikerai agaigabajirone kibatsi, ara imaigagai Tosorintsi arogenta ikantaigaga.⁶Obirojegi pisintsitasantaige, arata pingabintsema aisati pingantemarora ora sangenatencha sangenarige irasi Hingomi Moiseshi, kero pishongiro pobagosonori aisati pomatepago. ⁷Kero pikonointari timaigatsiri ira karataigëmi obirojegi aige pingomantagetiri ibairo pitasorintsitebage, pingantineri ora ikankimira, pobatigageretotabintimari aisati pogitabitimari pitasorintsiteegi. ⁸Karari obirojegi pogitabintimari Tosorintsi sonori iroti pigeba yamaika pikemisantaigiriri.⁹Arogenta ipagëmiro obirojegi ira Tosorintsi kara, piganataigagaro okibe timagantsipage, karariobirogeji, teni patingobitaiganaje. iroti yamaika. ¹⁰Iribokabetabema 1000 ogeri irantemini obirojegi pomisigaiteri, ira pitasorintsite, iriro pëgabentaigëmine, karari iriro, aroge ikantaigëmiro. ¹¹Pingemisantasantaigeri, ora pinintasantaigemari Tosorintsi.¹²Aroka pintsitataigeri aisati pogibentemarika ira inaigantsira yaka pitimaigirori iriro inaigatsinera pasi obiro. Aroka pijimentaigemari irirojegi, aisati obirojegi popatotagaigabakemari iriojegi, teka irirojegi obirojegi, ¹³Yamaika pigotaigëni iriro pitasonrintsite kero yomisatogaigami kara pitimaigirori obirojegi. Korari irirojegi irinti patiro sibitsa aisati irogasitaigëmiro obirojegi, sibitsatsa pitsitagë aisati tochei pirogijegike iroti kara pingamaiganakeri kara pitimaigiriro kaninarige kibatsi ora ipaigëmira Tosorintsi.¹⁴Yamaikari nanitero antagaisati kibatsipage obirojegi pigotaige kara panengamentokë aisati ora isëre tera ongantineri kimingaro nibarintsipage ikantaigeroti kaniraro irasi Tosorintsi aroge ikantaigemiro obirojegi, antagaisati oka aregenchaga ironti pasiegi teni pairo amasitachanera. ¹⁵Karari antagaisati irinibare Tosorintsi kara ikantaigemirori, aara ira Tosorintsi iromaigabemiro antagaisati ora te ongomeite iroti iriro kara iritsongerori ora kaninaro kibatsi ora ipaigemira Tosorintsi.¹⁶Ira kantemirone oka, aroka obirojegi kero pikanteneri ora ikantaigëmira Tosorintsi, ora ikantabekimiro iriro pogenerime. Oroka obirojegi pingemisantaige pasiniatibage Tosorintsi aisati pogibentaigëmari irirojegi, yamaika ingisema ira Tosorintsi ingisasantaigëmi obirojegi, aisati obirojegi pingamaigëni omanabagesata kara kaninarogë kibatsi ora ipabetemira iroro.

¹Aige yapatotaigëri antagaisati ira imatsigengajegi Isiraeri kara Siquem aisati ikaimaigëri ira antyasipariegi Isiraeri, ira itingomiegi, ira omitakontatsiri, aisati ira itingomiegi sorarojegi, aige irirojegi ikomantëgotaigëri kara TOSORINTSIKË, ²Josoe ikantaigëri antagaisati matsigengajegi: "Oka ikanke ITASORINTSITE Isiraeri, ikanke:"Kara jiraisonori ira icharineegi itimaigë jegageronta Nija Eofrates, Taré, ira iriri Abaraam aisati ira iriri Nacor, karari irirojegi ikemisantaigiri pasinibage tosorintsi.³Karari naro koigabakeri piri jegagerontakerai pini Eofrates aige naganairi kara igebatsitekëra Kanaan, aisati nopëri tojai itomijegi ira otomi Isaac. ⁴Aisati ira Isaac naro përi itomi Jacob y Esao. Aige ira Esao naro përi ora kibatsi otsisibatsataga Seir irasisonori iriro, karari ira Jacob ira itomijegi iage kara Egiptogë.⁵Naaro agagëri ira Moisési aige ira Aarón, aisati nigatatëgero janaitagantsipagë ira egipciosati. Karakesatanta, nagaigaimi nogabisaikotaigaimi. ⁶Naaro agagaiganagiri picharinegi jaanta Egiptogë, iaitaigë kara angaregë. Karari ira egipciosati yogeataigëri yotetanagaro irisigomento aisati imorane kanta jasanorinta yomontyakaro angaregë kirajaro.⁷Karari ira icharineegi yamanaigëri ira TOSORINTSI, Ira Tosorintsi yotsitinitakotaigëmi obirojegi aisati egipciosati. Iriro Tosorintsi yogibigatajiro ora angare aige potarogaiganakeri aisati itsitigaiganake. Obirojegi pineaigëro kara Nakankero ora Egipto. aige obirojegi pititimaigë tojaisonori osarini kanta tera pairo inëmatatsine.⁸Naaro agibigaigaimi yaka kibatsigë irasikë amoreo, timaigatsira antatinta Jororan. Irirojegi intaigabakemi naaro tsongabëntëmi. Obirojegi pasintaigabaro kibatsi, aige naro pëgabentëmi obirojegi.⁹Karakesatanta ira Barak itomi Sipor, itingomi Moab, itinaiganaka intaigëri Isiraeri. Ira Tosorintsi igagë aisati ikantabënkeri Baraam, itomi Beor, kara ingisanijintëmarira. ¹⁰Karari NARO teni nangemiri Baraam. Karari iriro ikantakogëri, Naaro kabintsaigëmi teni irantimi Barak.¹¹Obirojegi pomontyaiganakaro nija Jororan aige yaretaigaga kara Jerikokë. Ira tingomiegi Jerikosati intaigabakemi obirojegi, asisati ikankemi ibekeri kara jirai ira amoreos, ira fereseos, ira kananeos, ira Ititas, ira gergeseos, ira Ebeos, aisat ira Jeboseos. NAARO aganatakemi kara pintaigëri irirojegi. ¹²Naaro agagëro tsorogantsi kara piataigë obirojegi, najogantaigëmari ira pitiroti itingomiegi Amoreo, orota irisiganema. karai teni iroro pegabëntimine ora posatamento naanti pegabëntemi.¹³NAARO përi oka kibatsi ora te ontëmatëngani aisati timagantsi ora terai ontimantematengani, yamaika aaro pitimaigi obirojegi. Obirojegi pitsimaigi katsimageropage oba aisati pipangitaigiro oribo ora tera pomangitiro.¹⁴Yamaika pintsorogaigeri TOSORINTSI pingemisantasantiri pomemari antaisati Tosorintsi; pijojajiri ira ikemisantaigi picharineegi kara jirai kanta nijagë Eofrates aisati Egiptogë, aige pingemisantajiri TOSORINTSI. ¹⁵teka onganinatamotimi pingemisantiri TOSORINTSI, pingonganontima yamaika ira pikogira pingemisantaje, pikoginigo pingemisantaigairi itasorintsite picharinegi ira ikemisantira kara jirai kara nijakë Eofrates, iraago itasorintsite amoreo, kara kibatsigë kara pitimaigiror "karari naaaro aisati notomijegi aaro nangemisantaigëri iraTOSORINTSI.¹⁶Ira timaigatsi matsigenga yotabitaneri ikankeri: "Naroegi kero nojogaigiri TOSORINTSI teni nangoge nangemisante pasiniatibage, ¹⁷irianti TOSORINTSI magabainara kara natimabetari kibatsigë Egipto, kara imeraseitaigagai antagaisati ikantamotaigagai okibenginte kaninaro eroegi aisati ikabintsaigagai kara anitaiganakeri kara iageri, abisagetaiganakero itimomentojegi ora aneagetanera. ¹⁸Ira TOSORINTSI yotikobentaigagai teni pairi ingantabagai ira Amoreos timantaigaro kibatsi. Aisti eiroegi angemisantiri TOSORINTSI irironta atasorintsitesonori."¹⁹Karari Josoe ikantaigëri timaigatsira: "Obirojegi teni pingoge pingemisantiri TOSORINTSI, Iriro irinti TOSORINTSI tera ingantiro kimingari; Iriro irinti TOSORINTSI kogatsi angemisantiri paniro; Iriro kero ipekotagetairo ora akantagetira. ²⁰Aroka obirojegi pamagisankeri TOSORINTSI aisati pingemisanke pasinipabe ijitosorintsitagetira pasinisatibage, yamaika IRIRO ingisanakema kero imitakotai. Iriro ikantabegai kaninasati karari teeka angemisantiri aro iragamagagai.²¹Karari ira timaigatisira ikankeri josoe: "Kero; naroegi nakemisantaigirini TOSORINTSI." ²²Yamaika, josoe ikankeri ira timaigatsira: "Obirojegi pigotabegaro ora pikantagetira, pikantanontaigaro obiati, obirojegi kogaigëri TOSORINTSI kara pingemisantaigëri." Irirojegi ikantaiganake: " naaro nigotabetaro." ²³Josoe ikantaigëri: "yamaika, pijogaigairi ira pijitosorintsitagetaigi irasi pasinisatiegi ira inatetaigimi, aisati popigasitaimari pingengagairi ira atingomi ITOSORINTSI isiraeri.²⁴Ira timaigatsi ikantaigëri Josoe: "Naroegi nangemisantaigërini ira ATINGOMI nasiegi TOSORINTSI. Naroegi nakematsataigëro ora inibati." ²⁵Josoe ikantaigëri oroti katagiteri ira timaigatsira kara timagantsikë. iromonkarakro ora ikankeri tosorintsi kanta Sikemkë. ²⁶Josoe isangenagero ora nibarintsi iragantane TOSORINTSI. iriro yagëro okibeginte mopë yogëro kara osobigë anchato ora koshorisonori ora inasëgtsi kara yamanakotagani TOSORINTSI.²⁷Josoe ikantaigëri antagaisati ira timaigatsira: "pinetsaigero, oka mopëga angenganentera eroegi. pikemaigëro antagaisati ora irinibare TOSORINTSI okantaigagai eroegi. Iroro komantagotimi obirojegi, aroka pingankeri kagari notasorinte ira TOSORINTSI." ²⁸yamaika Josoe igageri ira timaigatsira jaanta, panironage ora irasintagekimara.²⁹Aige okabagë, Josoe itomi Non, iriro iromeraro TOSORINTSI, ikamake, okarati irosarinite 110. ³⁰irirojegi iteagairi kara okarati igëbatsite, kanta Timnat Sera, ora inatsi kanta pinasanti otisipage kara Efraínkë, aigero komategite anchatosigë Gaas.³¹Isiraeri ikemisankeri ira TOSORINTSI patironage katagiteri kara kaniarikerai ini Josoe, antagasati ikantaigaga ira antyasipari ira timaigëntsira tojai osarini ira tera irosigimari Josoe irisita kamentsi; ira neaigëro antagaisati ora iragantane TOSORINTSI ora ikankineri Isiraeri.³²Ora itongipage Jose, ira Isiraeriegi yomisatogajiro kara Egiptogë, iteaigairo kanta Sikenkë, irasi arosata igebatsite ira Jacob ora yamanantëra itomijegi ira Hamori, iriri Siken. Iriro yamanantëro ipënatero 100 igëta kiregi, ironti irasi itomijegi ira timaigatsira icharineegi Jose. ³³Ereasari itomi Aarón aisati ikamake. Irirojegi iteagairi kara Guibeákë, ora itimomento irasi Fineesi ora ipanakeri ira itomi. pini kara pinasanti tojai otisipage kara Efraínkë.