¹Yoku ndiko kutanga kwendebo imbuya yaJesu Khristo, Mwananhulumyana waMwali. ²Sozwakulokwalwa muhwalo yaIsaya umpolofita, "Lingani, ndimutuma untumwa mumesho enu, iye uchakungubula inzila yenu''' ³Iwhi looyo umulila elimugwegulu, 'Lulamisani inzila yaShe; mululamise inzila iye.⁴Johani wakezha, ebhabhatiza mugwegulu nozombhabhatizo wokushanduka nokulekejelwa kozubi. ⁵Inyika yose yeJudiya nabanhu bose bomuJelusalema bakenda kwaali. Wakababhabhatiza mulwizi Jolodani, belebulula zwibi zwabo. ⁶Johani wakambala ijasi lobokuse bekamelo nebhanti lyenkhumba munshana, elyemhashu nobuchi bweshango.⁷Wakabepupula, eti, ''upo uchezha mushule lyangu unesimba linopinda lyangu; intambo jembatata jije andijilokwelela kufugama ndijipombosola. ⁸Ndakamubhabhatiza nevula, koga iye uchamubhabhatiza noMpepo uNchena,"⁹Zwakatikana mumazhuba yayo yopo Jesu wakasika evakuNazaleti yokuGalileya, wakabhabhatizwa naJohani mulwizi Jolodani. ¹⁰Jesu paakabhuda muvula, wakabona matenga ezhulika uMpepo uNchena ubhelukila paali muchimo chenjiba. ¹¹Iwhi lyakawhikana liva mumatenga liti, ' Ndiwi Mwananhulumyana wangu wandinodisisa. Ndinoshantilwa kasa nawi."¹²Akale uMpepo wakonsungilija kunda mugwegulu. ¹³Wakabeli mugwegulu kwamazhuba makumi mana ekwejwa naSatani. Wakabeli nemhuka jeshango, inhumwa jushingila.¹⁴Ngweno paakasungwa Johani, Jesu wakezha muGalileya, epupula indebo mbuya yaMwali. ¹⁵Wakati, " unshaji wazhajikijwa nobuShe bwaMwali bwaba pelyo. Shandukani mudimbwe indebo mbuya."¹⁶Paakabekwenda polutibi lwegungwa leGalileya, Wakabona Simoni eposa kanyandi mugungwa, nokuti bakabeli bavubi behobe. ¹⁷Jesu wakati kwabali, ''Izhani munditobele, ndichamuta bavubi babanhu.'' ¹⁸Nokukambija bakasiya tunyandi bakontobela.¹⁹Jesu paakabekwenda ekasundubuka, wakabona Jemusi mwana waZebhediya naJohani mwanakwayina uwe; bakabeli mubwato befuma tunyandi. ²⁰Wakabashoba, bakasiya dade babo Zebhediya mubwato nabashingi banolipwa, bakontobela.²¹Bakaswika muKapenawumi , muzhuba lyeSabata. Jesu wakenda muSinagoge ekalayija. ²²Bakachenamiswa nokulayija kukwe nokuti wakabelayija sonhu unamasimba zulosiyana nabakwali.²³Pakalepo unhulume womuSinagoge mwabo wakabeli nompepo umbi wakalilila pezhulu, ²⁴eti, ''ini zwatingate kunawi, Jesu woku Nazaleta? Asi wezha kotipalaja? Ndokuziba kuti ndiwi ani. Unchena wa Mwali!'' ²⁵Jesu waka layila idimoni akati, ''Nyalala ubhude mwaali!'' ²⁶Umpepo umbi wakomposela pasi ukabhuda mwaali ulila nehwi lipo pezhulu²⁷Banhu bose baka chenama, baka bhuzana, ''Ini yozu? Kulaija kupya kunesimba! Unolayila akale mipepo mibi kova ihwilila!'' ²⁸Indebo jije jakazhala kose nomubhazu lose le Galileya²⁹Pabaka bhuda mu sinagoge, bakaswika pengumba ya Simoni na Andulu, belina Jakobe na Johani. ³⁰Ngweno amezwale ba Simoni bakabeli lele belwala kululuma, beka buja Jesu nozwabo. ³¹Nokudalo wakezha, ndokumbhata luboko, akabanyamulila pezhulu, kululuma kukabhuda mwabali, bakatanga kuba shingila.³²Pakwakaba busiku izhuba lyamila, bakabuza kwaali bose bakabelwala kana balobhatwa namadimoni. ³³Iguta lose lakabungana ponkoba. ³⁴Wakachija banji bakabelwala malwaji alosiyana siyana ekatata ma dimoni manji, koga ajakavumila madimoni kuti elebeleke nokuti akabonziba.³⁵Wakamuka zungwanangwana, kuchaka swibha; akenda, pobugalo bulosisika ekanamata. ³⁶Simoni nabo baakabeli nabo bakatanga kumpota. ³⁷Bakongwana bakati kwaali, ''Bose banhu bamukupota³⁸Wakati, ''Andeni kumwe, kuzhe kwamaguta alotikombeleja ndinopupulabo kwakale. Ndizo zwakatisa ndizhe yopano.'' ³⁹Wakenda iGalileya yose, epupula muna Sinagoge etata madimoni.⁴⁰Undwaji wamapele wakezha kwaali, onkumbila; wakafugama akati kwaali , "Kana ulinechido, ndite ndichene. ⁴¹"Nokuwhila ishe, Jesu wakatulika luboko lulwe amkombata, eti kwaali, "Ndinechido. Cheneswa. ⁴²Pakalepo mapele akondeka, akaneswa.⁴³Jesu wakonchenjeja akonsungula kuti ende. ⁴⁴Wakati kwaali, " Usilebe zuli zose kunhu, asi inda, unozutondeja kuntebuji, upile umpilo wokucheneswa sokuleba komulawo waMozisi, uta buchapupu."⁴⁵Asi wakenda akatanga kupupula zupopachena iwhi, kasa zwakonkoneja kungwina muguta ekasunungunguka asi wakagala kubugalo bukokule. Koga banhu bakalamba bezha kwaali beva kumatibi ose.

¹Pakwawakati kwapinda mazhuba mashoma , Jesu wakabwilila kuCapenawumi zwakawhika kuti upo kungumba. ²Nokudalo luvute lwabanhu lwakabungana yoko zokuti kwakashayika bugalo noponkoba pose, wakalebeleka iwhi kunayibo.³Pakalepo bamwe banhulume bakabebuza unhulume wakaba elichilima; banhu bana bekonyamula. ⁴Pabakakonwa kusika kwaali nokuti kwakabeli noluvute lwabanhu, bakabhisa idenga yakabeli pezhulu paJesu, pakwakazhulika inzila, bakabheluja inhobo yakabelilele chilima yechiya.⁵Ebona kudimbwa kwabo, "Jesu wakati kuchilima, "Mwanangu, zubi zuzo zose zwalekejelwa." ⁶Ngweno bakwali bakabeligele pakalepo, bakayeya mumwoyo yabo, ⁷"Unhulume yoyu unolebelekelani zunu zwakadayi? Unotuka Mwali! Ndiani unolekejela luchinyo kuzhe kwaMwali ega?"⁸Pakalepo Jesu wakabeziba mumpepo uwe zwabakabeyeya mundangalilo jabo. Wakati kwabali, "Munoyeyelani zunu yozo mumwoyo yenu? ⁹Ndizupi zulelu, kubuja chilima yechi, 'Zubi zuzo zwalekejelwa; kana, 'Nyamuka, tola inhobo iyo ukwende'?¹⁰Koga kuti muzibe kuti Mwananhulumyana woNhu unamasimba penyika okulekejela zubi," wakati kuchilima, ¹¹"Ndinoti kwauli, nyamuka utole inhobo iyo, unde kungumba kuko." ¹²Wakanyamuka pakalepo nokukimbija ekanyamula inhobo, ekabhuda pazhe mbeli pabanhu bose, nezo banhu bose bakachenama bekakuja Mwali, nokudalo bekati, "Atijanu tabonabo zunhu zwakadai."¹³Wakabhuda akenda mugungwa, luvute lose lwabanhu lwakwezha kwaali, ekabalayija. ¹⁴Wakati echinopinda, wakabona Levi, mwananhulumyana waAlphaeus eligele petende lontelisi akati kwaali, Nditobele." Wakanyamuka akontobela.¹⁵Jesu pakabelya mungumba yaLevi batelesi nabachinyi banji bakabelya naye nabalayijwa babe, nokuti bakabeli banji bakontobela. ¹⁶Nokudalo bakwali bakabeli baFalisi, bakabona kuti Jesu wakabelya nabachinyi nabatelisi, bakati kubalayijwa babe, " Unolyilani nabatelesi nabachinyi?"¹⁷Jesu wakati awha yozu wakati kwabali, "Banhu balosima mumbili abatopota ndapi; koga banhu bapenyu abatompota. Andijakezhila banhu balolulama, koga bachinyi."¹⁸Balayijwa baJohane nabaFalisi bakabezuminya kulya. Bamwe banhu bakezha bakati kwaali, 'Neni balayijwa baJohane nabalayijwa babaFalisi bezuminya kulya, koga babo balayijwa abatozuminya kulya?" ¹⁹Jesu wakati kwabali, "Zunota na kuti banhu bezha kopembelela muchato bezuminye kulya undoboli echipo na? Kana bechinondoboli, abatokwelela kuzuminya kulya.²⁰Koga achezha mazhuba okuti undoboli watolwa kumesho abo, mumazhuba yayo bachazuminya kulya. ²¹Apana unofuma uncheka umpya pengubo yantolo. Nokuti chigamba chinojeluka chiva pengubo, zupya zuva kunozwantolo, nokuti zunova zwajeluka kasa.²²Akuna unhu unobiga iwayini impya mujosaka lyantolo. Nokuti iwayini inokwamula ijosaka kova iwayini nejosaka zulashike. Panokuti, iwayini impya ibigwe mujosaka ibhya."²³Muzhuba lyeSabata Jesu wakapinda muminda mwakabelinozulyo, balayijwa babe bakatanga kununga zulyo bezupindila. ²⁴BaFalisi bakati kwaali, "Linga, ini beta zunu zusinovumijwa muzhuba lyeSabata?"²⁵Wakati kwabali, "Ani amujakabala nozwakatiwa naDavida pakabeli nezhala eda zokulya_ iye nabamwe banhulume bakabeli naye_ ²⁶kuti wakenda chini kungumba yaMwali Abiatha eli untebuji unkulwana, ekalya chinkwa chakabelipo pakalepo, chakabekwelelwa kulyiwa nabatebuji chete, wakapabo baakabenkwenda nabo?"²⁷²⁸Jesu wakati, "Izhuba lyeSabata lyakatiwa banhu, asi banhu abajakatilwa iSabata. Nokudalo, Mwananhulumyana woNhu ndiShe, kana weSabata."

¹Jesu wakangwina muSinagogi , pakabeli nonhulume unaloboko lulo hwihwinyala. ²Banhu bakondingisisa beda kubona kuti uchondapa nezhuba lyeSabata na betila kuti bewanile ndandu.³Jesu wakati kunhulume unanoluboko lulo hwihwinyala, ''Nyamuka ume yopa pakati pabanhu bose.'' ⁴Wakati kubanhu; ''Kulokwelela na kuta zubhodo zezhuba lyeSabata kana kuchinya; kulondota bupenyu kana kubulaya?'' Koga apana wakashandula.⁵Wakabalinga ekanyema akale elineshungu nokukoma kwemoyo yabo, akati kunayiye, ''Tambanuja luboko lulo.'' Wakalutambanuja luboko lukatambunuka. ⁶Bafarisi bakabhuda nokukambija bakalangana nabaHerodi kuti bengombulaya chini.⁷Jesu, elina balayijwa babe, bakenda kugungwa igubungano lyabanhu lunkantobela luvha kuGalili kuJudiya ⁸nokuJelusalema akale nokuIdumeya nokuseli kweJodani bezyungulikila kuTaya nokuSidoni. Pabakawha zunhu zwakata, lumbwembwembwe lwabanhu lwakezha kunayiye.⁹Wakabuja balayijwa babe kuti bebambile kakepe katukutukukutila kuti esimanikile mulumbwembwembwe lwabanhu. ¹⁰Nokuti wakalapa banji, nokudalo wose wakabesheta wakenda kwaali kuti begumane naye.¹¹Mipepo mibi yose payakabeshangana naye, yakabembwela pasi ishomeja iti, ''Ndiwi mwananhulumwana wamwali'' ¹²Wakaba kutayija kuti besudombole.¹³Wakenda akatanha idunhu, akashoba babe baanoda, bakezha kunayiye. ¹⁴Wakashala begumi nabili(akabashoba kuti bapostoli) kuti bebenaye nokubatuma kupupula iwhi, ¹⁵nokuti bebe nesimba lyokubhisa mipepo mibi. ¹⁶Wakashala banegumi nabili: Simoni, yoyo wakopiwa izina lokuti ndiPetulo;¹⁷Jakobe mwana nhulumyana waZebhediya, naJohane ununa waJakobe, yoyo ngwakompa izina lokuti Bonega, zuleba kuti banhulumyana botupalanganda; ¹⁸na Andileya, Filipu, Batolomewu, Matewu, Tomasi, Jakobe mwana nhulumyana waAlufiyasi, Tadewu, Simoni unsungwaji, ¹⁹naJudasi Iskaliyoti uchontengesa.²⁰Wakenda kunzi uwe, lumbwembwembwe lukabungana akale, kuti besulye chinkwa. ²¹Pabakazuwa bemuli, bakenda kontola, beti '' Inanga inzelu jije ajichinoshinga zubhodo.'' Bakwali bakabevha kuJelusalema bakati, ²²''Ulobhatwa naBheluzubhali'' akale nontongi wamadimoni etubula kuwabhisa akale.''²³Jesu wakabashoba akati kwabali eshingisa untojaniso, ''Satani unobhisa chini Satani? ²⁴Kana bushe bwaganulana, bushe yobo abungatubule kuma. ²⁵Kana ingumba ikaganulana pakati , ingumba yeyo ayingame akale.²⁶Kana Satani akamuka iye nokukwe akale ekaganulana atotubula kuma, koga unobasika kumapeto. ²⁷Koga apana unhu unongwina mungumba yonhu ulosima esikokwiba zwilongo zuzwe esijatanga nokusunga unhu ulosima, kovha etola ingumba iye.²⁸Chokomende ndinoti kwamuli, kose kuchinya kwabanhu kuchalekelelwa, kana kose kutukwa, ²⁹koga yoyo unotuka uMpepo Nchena atolekelelwa asi unandandu woluchinyo usinopela.'' ³⁰Jesu wakaleba yozu nokuti bakabeti ''Unamipepo mibi.''³¹Mayi babe nabanakwayina babe bakezha bakama pazhe. Bakantumila, benshoba. ³²Lumbwembwembwe lwakabeligele naye liko mbunganila likati kunayiye, ''Mayi babo nabanakwayina babo payipo pazhe, bamukupota.''³³Wakabashandula eti, ''Ndibapi mayi nabanakwayina bangu na?'' ³⁴Wakachingunuka ebalinga bose beligele pasi akati, ''Lingani, yaba ndibo mayi nabanakwayina bangu! ³⁵Nokuti ani nani unota kuda kwaMwali, mwanakwayina, unkazwaji akale ndimayi.''

¹Wakatanga kulayija kumbali kwegungwa, akale luvute lwabanhu lwakombunganila. Wakangina mubwato yakabeli mukati mwegungwa ekagala mukati mwalyo. Luvute lwabanhu lwakabeli kumbali kwegungwa. ²Wakabalayija zunu zunji muntojaniso, mukulayija kukwe, wakati kwabali.³"Whililani! Undimi wakenda kuzhe kunobyala imbeyu iye. ⁴Paakabebyala, imwe imbeyu yakambwelela kumbali kwenzila, inyuni jikezha jikayilya. ⁵Imwe mbeyu yakambwelela pamwala, kusijakabeli nonseche unji. Pakalepo zukamela, nokuti ayijakabelina unseche unomila.⁶Pakwakeja , zulimwa zwakapisa, nokuti azujakabelina miji, zwakakoma. ⁷Imwe mbeyu yakambwelela , mukati mozulimwa zwemiwha. zulimwa zwemiwha zwakakubuka zukazwidyamija, azujakabhisa zuzwalwa.⁸Imwe mbeyu yakambwelela munseche mbuyanana ikabhisa zulimwa zwakabekubuka , zuwanda akale kuvunwa makumi matatu, makumi mashanu anakamwempela nezana." ⁹Kova eti, "Unenzebe jokuwha, ngewhe!"¹⁰Wakati eliyega Jesu, bakabeli pelyo naye nabegumi linatubili bakombhuza nozwemitojaniso. ¹¹Wakati kwabali, "Kunamwi mwakapiwa zulosisika zwobushe bwaMwali. Koga kunabo bokuzhe zose zunu mitojaniso, ¹²kuti bekabona, eya bekabona, koga abatobona, kutila kuti kana bekawha, eya bekawha, koga beleke kuwhisisa, nokuti bengashanduka Mwali ebalekelele."¹³Wakati kwabali, "Ani amutowhisisa untojaniso yoyu na?" Muchawhisisa chini imwe mitojaniso?" ¹⁴Umbyali unobyala iwhi. ¹⁵Yaba ndibo bayikokumbali kwenzila, kwakabyalwa iwhi. Kana bekawha, pakalepo Satani unozha esikobatolela iwhi lyabyalwa mwabali.¹⁶Yeyi ndiyo imbeyu yakabyalwa pamwala; yaba, bokuti kana bakawha iwhi banolitambula nolushanto. ¹⁷Koga besina miji mukati mwabo, koga besungwala konshaji. Kana kushungulujwa nokusheteswa kwasika nokuda kwewhi, banombwela nokukambija.¹⁸Bamwe ndibo yabaya banonyalwa mumiwha. Ndibo banowha iwhi, ¹⁹koga bedisisa zwenyika nokunyepela ifuma nezwilakamilo zokubamfumi ndizo zunojipa iwhi, zusizwale michelo. ²⁰Yeyo yakabyalwa munseche umbhodo ndibi yabaya banowha iwhi, belitambule besikozwala michelo minji.²¹Jesu wakati kwabali, "Mosobiga mwenje mungumba kuti munowubiga munsangwa kana mudako lombheda? Mowunginisa musikombiga pechigalo chawo. ²²Nokuti akuna chakasisika chisinobhudila pachena, akale apana chilobwata chisinobhuda pachena. ²³Kana unhu elinenzebe jokuwha, ngewhe!"²⁴Wakati kwabali, "Whisisani zwamunowha, nokuti inzila yawunota nayo nawi bachakutila alo, zunji zuchapamijwa kwauli. ²⁵Nokuti unanazo, kuna iye uchapamijwa, nooyo usina, nozwa ana nazwo zwichatolwa."²⁶Wakati, "Bushe bwaMwali bunanga sonhu wakabyala imbeyu yiye munyika. ²⁷Unolala busiku esikomuka masikati, imbeyu imele isikokubuka, koga atoziba kuti zunota chini. ²⁸Inyika inozwala yoga zuzwalo: Kunotanga lupando, nzebe, kojobuya zulyo zwakakola munzebe. ²⁹Kana zulyo zwayiva, unokambija kovuna nokuti unshaji unobaswika."³⁰Wakati akale, "Tingabukwejanisa neni bushe bwaMwali, ndichipi chitojaniso chatingashingisa kupandulula yozu? ³¹Chinanga sembeyu yemastadi, inoti, kana yabyalwa, inhukutuku kupinda imbeyu jose jimomu munyika. ³²Koga, kana yabyalwa, inokubuka kupinda zose zulimwa zumomuchilili, akale zunota inhabi hulwana, kutila kuti inyuni jedenga jingata zuzhumbo muntuzi wayo."³³Nemitojaniso minji inanga seyi wakaleba mawhi kunayibo zunda nokuwhisisa kwabo, ³⁴ajakabeleka chinhu kunayibo kusina ntojaniso. koga wakabeti kana eli ega, wakabepandulula kubalayijwa babe.³⁵Nelyo izhuba, Pakwakawaba busiku, wakati kwabali, "Andeni kunelimwe bhazu." ³⁶Nezwo bakasiya luvute lwabanhu, betola Jesu benda naye, somwakabeli mubwato. Kwakabeli naamwe mabwato akabenda naye. ³⁷Akale kwakaba nebhepo igulwana nobukali, akale indangwena yakabe ngwina mubwato zwakatisa kuti ivula ide kuzhala mubwato.³⁸Jesu emene elimubwato elilele munefo. Bakomusa, beti, ''Ndayiji, amuneshungu kuti tabulofa?" ³⁹Wakamuka, ekakalalila ibhepo, ekati kugungwa, "Lunyalalo! Jikama!" Ibhepo lyakapela, kukaba nokuwhilijila.Wakati kwabali, "Ini mutya? Amuchina luvumilo na?" Bakazhajwa nolutyo lukulwana bekati kunomwe nomwe, "

¹Bakasika kumbali kwegungwa , munyika yeGelasenesi. ²Jesu pakabebhuda mulubwato, kwakezha kunayiye unhulume wakabeli nompepo umbi evha kumakumbu.³Unhulume yoyu wakabegala kumakumbu. Apana unhu wakabetubula kunsunga, kana neketani. ⁴Wakabasungwa tunji nozusungo nama ketani. Wakadumula maketani nokuzusungo zose. Koga apana wakabeli nesimba lokunzunda.⁵Busiku bose nama sikati kumakumbu nokumatunhu, wakabelila ezuchekacheka namabwe alopiza. ⁶Pakabona Jesu nechekule, wakandabukila akakotama mbeli kukwe.⁷Wakalila newhi lipo pezhulu eti, ''Nditeni namwi, Jesu, mwananhulumyana waMwali unkulwana? Ndakombelela nawi nokuna Mwali nokukwe, nchenche musundishupe.'' ⁸Wakabegala eti kunayiye, ''Bhuda kunhu, iwi mipepo mibi.''⁹Wakombhuza, ''Ndiwani zina lilyo?'' Wakonshandula, ''Izina lyangu ndowhi Ligiyoni, nokuti tibanji.'' ¹⁰Wakankombeleja kuti esubatatamile muguta.¹¹Noyu nshaji ingulube jinji jakabe cheja mudunhu, ¹²bakonkombeleja, beti, '' titume tingwine mungulube; tiumile tingwine munayijo. ¹³Wakabavumila; mipepo mibi yakabhuda ikangwina mungulube, jimwe jakenda kudunhu nomugungwa, jimwe jinoswika mawhulu mabili jakanwila muvula.¹⁴Yabo bakabe cheja ingulube bakatizha bekano nyewula zwakaba tikana muguta nomunyika, akale bakabebhuda benda kunobona zwakabatikana. ¹⁵Bakozha kuna Jesu bakabona unhulume wakabeli namadmoni, yoyo wakabeli wakabhatwa nemipepo yaLigiyoni eligele ekambajikwa eline ndangalilo mbuya; bakabeli nolutyo.¹⁶Yabo bakababona zwakabatikana kunhulume wakabeli nemipepo mibi bakabalungulila zose, akale nezwe ngulube. ¹⁷Bakatanga kunkombeleja kuti ebhude muguta lyabo.¹⁸Pakabe ngwina mubwato, unhulume wakabeli kabhatwa nedimoni wakankombeleja kuti ngana waba naye. ¹⁹Koga Jesu ajako mvumila, asi wakati kunayiye, ''Inda kumba nokubanhu babo unobabuja zwawatilwa naMwali, watondejela chini ishe.'' ²⁰Wakabhuda akenda akatanga kupupula muDekapolisi nozunhu zukwalana zwakabatilwa naJesu, bose bakachenama.²¹Pakalepo Jesu pakaba taluka akale kunda kunelimwe bhazu mubwato, igubungano lyako mbunganila elikumbali kwegungwa. ²²Umwe wakatungamili bama Sinagogi wakabewhi Jayirasi wakezha, pakambona wakambwelela pamakumbo awe. ²³Wakankombeleja kasa kasa, eti, ''Mwana nhukajana wabulofa. Ndakumbila ndikombelela, izhani munamatile ebe zubuyanana elulame.'' ²⁴Pakalepo wakenda naye, lumbwembwembwe lwabanhu lwakontobela bensundamija.²⁵Pakalepo kwakabeli nonhukaji wakabeli nobulwaji boku kunga ilopa kwamakole makumi namabili. ²⁶Wakabashupeka kasa ekasika kubalaphi banji, wakabeli ashingisa zose zwakabeli nazo koga bulwaji bwakalamba bupapilatu. ²⁷Pakawha nozwa Jesu, wakezha kushule kukwe mulumbwembwembwe lwabanhu kabhata umpetelelo wengubo jije.²⁸Nokuti wakati, ''Ndikabhata ingubo jije, ndichachijwa.'' ²⁹Pakombhata, ilopa lyakavha lyama, wakawha mumbili uwe kuti wapola mukulwala kukwe.³⁰Pakalepo Jesu wakawha kuti kunesimba lyabhuda muna yiye. Wakachingunuka mukati molumbwembwembwe akati, ''Ndiani waguma ingubo jangu?'' ³¹Balayijwa babe bakati kunayiye, '' Mulumbwene lumbwembwembwe lulo ndikombeleja na, namwi muti, 'Ndiani wandibhata?''' ³²Koga Jesu wakalinga kose kuti ebone kuti ndiani wazuta.³³Unhukaji yoyu, aziba zwakabatikana kunayiye, wakaba nolutyo eteketa. Wakezha akambwelela panayiye akombuja ichokomende lyose. ³⁴Wakati kunayiye, '' Mwana nsichana, kudimbwa kuko kwakuchijisa. Inda mulunyalalo uchijiswe munjabulo jijo.''³⁵Echinolebeleka, kwakezha bamwe banhu bevha kuntungamili wokuSinagogi, beti, ''Mwana nsichana uwo wafa.Muchinonshupilani undayiji?''³⁶Koga Jesu paka whisikija undayijo wakaba lebelekwa wakati nkutungamili weSinagogi, ''Musutye. Koga mudimbwe.'' ³⁷Hajakavumila ose unhu kuti empelekeje kuzhe kwa Petulo, Jakobe naJohane, unkulu waJakobe. ³⁸Bakezha kungumba yontungamili weSinagogi akabona banhu bezha belinoluzha; bakabe kwila kasa kasa.³⁹Pakangwina mumba wakati kwabali, ''Ini mukanyema nokulila? Mwana hajilofa koga ulele''. ⁴⁰Bakatanga kunseka. Koga wakabasengela pazhe akanotola dade namayi bomwana nabo bose bakabeli naye, akangwina mwakabeli nomwana.⁴¹Wakatola luboko lomwana nsichana akati kunayiye, ''Talita, kumu!'' zunotolikwa zuwhi, ''Mwana nsichana, ndinoti kwawuli, muka.'' ⁴²Pakalepo mwana wakanyamuka akakwenda(wakabeli namakole makumi nabili okuzwalwa). Yozu zwakaba shantisa kasa kasa. ⁴³Wakabalayila zune simba kuti kusube nonhu uchaziba nechitiko yecho.Wakababuja kuti bepe mwana nsichana chokulya.

¹Wakabhuda pakalepo akenda kusha kunayibo, balayijwa babe bakontobela. ²Lyakati lyasika izhuba lyeSabata, Wakalayija muSinagoge. Banhu banji bakachenamiswa nechi chitiko. bakati, "Wakazuwana kupi yozu zwamulayija" "Ini zutondejelo yozu zwamuta namaboko awe?" ³"Atobeli mbezhi na, mwana waMariya Unkulu waJakobe naJose naJudasi naSimoni? Bakazwaji babe atinanabo na yopano?" Bakalwajilwa kasa naJesu.⁴Jesu wakati kwabali, "Umpolofita atokujwa, kuzhe kokuti kusha kunayibo pabanu bokunayibo nokumakamu nokungumba kwabo." ⁵Ajakatubula kuta mishingo mikulwana, kuzhe kokulapa banhu bashoma ebabhata namaboko awe. ⁶Wakachenamiswa nokusodimbwa kwabo. Wakabhuda akenda kumizi elayija.⁷Wakashoba igumi nababili akatanga kubatuma mububili, ekebapa isimba pezhulu pemipepo mibi, ⁸ekabayila kuti besinyamule chinu mulwendo lwabo, kuzhe kweswimbo_ besinyamule zokulya, zukwama, nemali mumabhanti abo_ ⁹koga bembale imbatata, besimbale zunu zubili.¹⁰Wakati kwabali, "pose pamunobengwina mungumba, mugale kuswika pamuchabhudila. ¹¹Kana bekalamba kumutambula nokumuwhilila muguta yeyo, mukabhuda yopo, mukuhumule inchena mumakumbo enu senzila yokupupula."¹²Bakenda kunopupula kuti banhu balokwelela kushanduka. ¹³Bakabhisa mipepo mibi inji, bekaguba bose bakabelwala namafuta bebachilisa.¹⁴Ishe Helodi wakawha yozu, nokuti izina lyaJesu lyakabazibikana. Bamwe bakabeti, "Johane umbhabhatizi wamuswa mubafi, ndizo elinamasimba okuta zuchenamiso . ¹⁵Bamwe bakati, ndiEliya." Bamwebo bekati, "Umpolofita, somwe wabapolofita bantolo."¹⁶Koga Helodi pakati awha yozu wakati, "Johane, wandacheka nsholo, kuti wamuswa." ¹⁷Nokuti Helodi wakabatuma banhu kuti benosunga Johane, wakabovalila muntolongo nokuda kwaHelodiyasi( unkaji wonkulu waFilipu), nokuti wakabondobola iye.¹⁸Nokuti Johane wakababuja Helodi kuti, azumo mumulawo kuti ulobole unkaji wonkulu uwo." ¹⁹Koga Helodiyasi wakonyemela ekazubiga mundangalilo ekada kuti ebulayiwe, koga azujakabeta, ²⁰nokuti Helodi bakabontya Johane; eziba kuti wakabeli unhu ulolulama akale elinchena, wakombhata zubhodo. Kunwhilila kwakompa lushanto lukulwana, nokudalo wakonwhisisa ekashanta.²¹Kwakaba nechibaka muzhuba Helodi lyakabepembelela izhuba lilye lyokuzwala kukwe wakashoba bakulwana nabatungamili bomuGalili kuti bezhopembelela naye nezo wakabambanyila zyokulya zwamadeko. ²²Nokudalo kwakezha mwana nsichana waHelodiyasi ekabazanila, wakashantisa Helodi nabo baakabelya nabo. Ishe bekati kunsichana, "Kumbila chili chose chawunoda ndichakupa."²³Wakakowa kuna iye eti, "Zose zwawuchandikumbila, ndichakupa, kuswika iganta lyobushe bwangu." ²⁴Wakenda kunamai babe akati, "Ini zwadingakumbila?" Bakashandula beti, "Unsholo waJohani umbhabhatizi." ²⁵Wakabwila nokukambija kuna she, ekakumbila, eti, "Ndoda mundipe , feno, unsholo waJohani umbhabhatizi mundilo ilotiwa nozukunyana."²⁶Koga yozu zwakapeshungu kunashe, achijakabelambika chikumbilo chiche nokuti wakabakowa mbeli kwabanhu wakabelya nabo. ²⁷Nokudalo she wakatuma umpolisa wabakondinda ekolayila kuti ombuzile unsholo waJohani. Umpolisa wakafugama ekabhuda. Undindi wakenda ekanondumula unsholo muntolongo. ²⁸Wakabuzwa unsholo mundilo bekompa nsichana, unsichana ekanopa mai babe. ²⁹Bakati bawha yozu , balayijwa bakanotola umbili uwe bakonjika.³⁰Bapositoli bakashangana naJesu bakombuja zose zwabakata nozwabakalayija. ³¹Wakati kwabali, "Bhudani nokwenu munde kulosisika munyetutuke konshaji." Nokuti banji bamungina benda, besinowhana nonshaji wokulya. ³²Nokudalo bakangwina mubwato bakenda kubugalo bulosisika beliboga.³³Akale bakababona bebhuda banhu banji bekabaziba, pamwempela bakalabukila kwakale namakumbo beva mumaguta ose, bekasika mbeli kwabo. ³⁴Pabakabhuda mubwato , wakabona luvute lwabanhu ekebawhila ishe nokuti bakabeli semhwizi jisina uncheji. Wakatanga kubalayija zuzu zunji.³⁵Kwakati kwaswibha, balayijwa babe bakezha kuna iye bakati, "Yobu bugalo bulosisika akale kwaswibha . ³⁶Batatamileni kutila kuti bende kunyika ipo pelyo nokumizi kuti benozutengela zokulya."³⁷Wakabashandula eti, "Bapeni zokulya." Bakati kwaali, " Tingenda na kunotenga zunkwa zwamadinali manji anokwana zana mbili tisikobapa belye?" ³⁸Wakati kwabali, "Munazunkwa zungana? Indani munolinga." '""Pabakazwibala, bakati, Zunkwa zushanu nehove mbili."³⁹Wakalayila banhu kuti begale mubuhwa bunyolo beli mutukapo. ⁴⁰Bakagala mutukapo twabanhu bamwe beli makumi mashanu bamwe zana. ⁴¹Wakatola zunkwa zushanu nehobe mbili, ekalinga kudenga wakakombolela ekachimedula ekapa balayijwa babe kuti benopa banhu. Ekakobela banhu bose ihove mbili.⁴²Bose bakalya kuswika baguta . ⁴³Bakatola tusyepu twechinkwa, bekazhaja insangwa jinosika igumi notubili, notusyepu twehove. ⁴⁴Kwakabeli nabanhu banosika zwiulu zwishanu.⁴⁵⁴⁶⁴⁷Nokukambija wakabuja balayijwa babe kuti bengine mubwato kutila kuti bende mbeli kukwe kunelimwe bhazu, kunda kuBethsaida, iye echinotatamila luvute lwabanhu. Paakabhuda kuna ibo wakenda kudunhu kunonamata . Kwakati kwaba busiku, ibwato lyakababaphakati pegungwa waka⁴⁸Wakabona kuti bamushungulujwa nobuyambo, nebhepo. Kwakati kwaba busikuwakezha kwabali, ekwenda mugwegulu, wakabeda kubapinda panayibo. ⁴⁹Koga pabakombona ekwenda mugungwa, bakabeti posa chipuku nokudalo bakalila , ⁵⁰nokuti bakombona bekashushikana. nokukambija wakalebeleka nabo akati kwabali, "Simitijani! Musitye!"⁵¹Wakangina nabo mubwato, impepo likama. Bakachenama kasa. ⁵²Nokuti abajakabawhisisa kuti zunkwa zunolebani. Koga, mwoyo yabo yakabakakoma.⁵³Pabakataluka, kunelimwe bhazu, bakenda kuGenesaleti bekangwina munelimwe bwato. ⁵⁴Pabakabhuda mubwato, banhu bakakimbija kumbona, ⁵⁵bekalabuka mubugalo bekatanga kubuza banolwala kose kwabakewha kuti upo.⁵⁶Pakabengina mubugalo, mumaguta, nomunyika bakabebiga banolwala mumisika. bakonkumbilisisa kuti bebhate umpendelo wengubo iye, akale mubunji bwabo bakombhata bekachijwa.

¹BaFalisi nabamwe bakwali bakabeva kuJelusalema bakombunganila.²Bakabona kuti balayijwa babe bakabelya chinkwa namaboko aloswibha, esijiloshambwa. ³( Nokuti baFalisi nabaJuda bose abatolya besijashamba maboko zubuyanan, nokuti bachilo bhatilila kumilayo yabakulwana. ⁴BaFalisi kana beva kumusika, abatolya kana besashamba mibili yabo, bachilobhatilila kuzunu zwabakawana zunanga sokushambisa inkomeki, mipika, mikombe yekopa , nozugalo zwabanoshingisa kana belya.)⁵BaFalisi nabakwali bakabhuza Jesu beti, "Neni balayijwa babo besinotobela ungalilo wakabetiwa nabakulwana, koga belya chinkwa namaboko aloswibha?"⁶Wakati kwabali , "Ìsaya wakapolofita zubhodo namwi bachengeji. Sezwakakwalwa kuti, 'Banhu yaba banondikuja nondomo, koga mwoyo yabo ikokule nami. ⁷Banonamatila pasina, belayija mulawo yabanhu somulawo wegubungano.'⁸Munolasha mulawo waMwali mubhatilila kumagalilo abanhu," ⁹Wakati kwabali, " Zubuya na kulamba mulawo waMwali kutila kuti mugale nongalilo wabanhu wantolo! ¹⁰Nokuti Mozisi wakati, 'Kuja dade namai babo; akale, 'Yoyo unolebeleka bubi pezhulu patate kana amai babe uchalangilwa kufa.'¹¹Munoti , " kana unhu eti kuna dade namai babe, "Lose lubhancho lwamunowana kuva kunami i Cobani"(zuleba kuti, Chipo), ¹²Nokudalo amuchinomvumija kubhancha dade namai babe. ¹³Mumuta kuti ihwi lya Mwali kuti lisiwhikane nongalilo wenu wamumulalama . Nozumwe zunokwendelana zwamunota.¹⁴Wakashoba luvute lwabanhu akati kwabali, "Ihwililani, imwi mose, muhwisisise. ¹⁵Akuna chinhu chinoboneka pazhe ponhu chinonswibhisa kana chingwina mukati. Zunhu zunobhuda ponhu ndizo ¹⁶zunoonswibhisa. "Kana unhu eline nzebe jokuhwa, undekeni ehwe.¹⁷Ngweno Jesu paakasiya luvute lwabanhu wakangwina mungumba, balayijwa babe bakombuza nozontaniso. ¹⁸Jesu wakati, "Namwibo amujanu mwawhisisa? Amutoziba na kuti chose chinongina mukati monhu chiva pazhe achitonswibhisa, ¹⁹nokuti achitongina mumwoyo uwe, asi zunongina muntumbu mumwe zusikobhuda zunda muchimbuzi?"²⁰Wakati, "Zunobhuda mumwoyo wonhu ndizo zunonswibhisa. ²¹Nokuti mukati monhu, zuva kumwoyo , ndiko kunobhuda miyeyo mibi, busangu, kukwiba, kubulaya, ²²kuchiba, moyo mbi, manyepo, kuleba zubi, ishanje, kunyeya, bushambwa, bulema. ²³Zose zwibi yozu zunova mukati, akale ndizo zuswibhisa unhu."²⁴Wakanyamuka yopo akenda kubugalo bweTile neSidoni. Ekangwina mungumba, akale ajakabeda kuti banhu bezibe kwakabeli, koga ajakabesisika. ²⁵Nokukambija unhukaji wakabeli nomwana wakabeli nemipepo mibi wakawha nozuzwe akanowila pamakumbo awe. ²⁶Unhukaji yoyu wakabeli uGiliki, uSyrophoenician kukuzwalwa. Wakonkumbila kuti ebhise umpepo umbi kumwana uwe nsichana.²⁷Wakati kuna iye, "mani tangwa bana belye. Nokuti azujilokwelela kutola chinkwa chabana uchiposele imbwa." ²⁸Koga wakashandula eti kwaali, "Eya, She, nembwa jinolya mudako mwetebuli jinungilila mafufu anobembwejwa nabana,"²⁹Wakati kwaali, "Nokudalo nozwawaleba, inda mulunyalalo. Idimoni lyabhuda kunsichana uwo." ³⁰Wakabwilila kungumba iye ekawana mwana uwe elilele pombheda, idimoni lyabhuda.³¹Akale wakabhuda mubugalo bweTile, akapinda nomuSidon enda kugungwa lyeGalileya engina mubugalo bweDecapolis. ³²Bakombuzila unhu wechinzebe esinotubula kulebeleka zubhodo, bekonkumbila kuti ombahate namaboko awe.³³Wakontola ekombhisa mbeli koluvute lwabanhu benda kundawo ilosisika, wakabiga tunyala tutwe munzebe jije, ekafila mate ekabhata lulimi lulwe. ³⁴Wakalinga kudenga, ekafemuluka akati kwaali, "Ephphata," zunoleba kuti, "zhula!" ³⁵Nokukambija inzebe jije jazkazhulika, nolulimi lukasungunulwa, ekatanga kulebeleka zubhodo.³⁶Jesu wakababuja kuti besibuje banhu. Koga paakabebabuja, ndipo pabakabepupula. ³⁷Bakachenama kasa, beti, "Wata zunu zose zubhodo. Unota basinowha bewhe nabasinolebeleka belebeke."

¹Mumazhuba yayo, kwakaba kuli noluvute lwabanhu, koga abajakabelina zokulya. Jesu wakashoba balayijwa babe akati kwabali, ²"ndimuwhila yolu luvute lwabanhu nokuti mumazhuba matatu apinda bamunditobela koga abana zokulya. ³Kana ndikababwiliza kujingumba jabo besijalya, bengazilikila munzila. Nokuti bamwe babo banova kule." ⁴Balayijwa babe bakonshandula beti, "Ndikupi kwatingawana chinkwa chinokwana luvute lose yolu tilimushango yakadayi?"⁵Wakababhuza eti, "Munazunkwa zungana?" Bakati, "Zwishanu zuna tubili." ⁶Wakalayila luvute lwabanhu kuti lugale pasi. Wakatola zunkwa zushanu zunatubili, ekaboka, akazukwamula. Wakapa balayijwa babe kuti bekobele luvute lwabanhu.⁷Bakabeli notukobe tushoma, paakapeja kuboka, wakalayila balayijwa babe kuti bekobebo. ⁸Bakalya bekaguta, bekanungilila tusyepu twakabasala , zwakazhala muzuzuma zushanu zunatubili. ⁹Kwakabeli nabanhu bakabelizulu zuna. Wakabatata. ¹⁰Nokukambija wakanongwina mubwato nabalayijwa babe, bakenda kuDalumanuta.¹¹BaFalisi bakabhuda bekatanga kukakabajana naye. Bakabonkombeleja kuti ete chichenamiso, beda kunkweja. ¹²Wakafemeleka kasa mumpepo uwe ekati, "Ini zunotisa kuti luji yolu lude zuchenamiso? Chokomende ndinoti kwamuli , apana chichenamiso chandichatondeja luji yolu." ¹³Wakabasiya akenda kunongwina mubwato kova enda kunelimwe bhazu.¹⁴Feno balayijwa bakakanganwa kunyamula chinkwa chabo bengina mubwato. Bakabasala nechinkwa chimwempela chete. ¹⁵Wakabalaya, eti, "Lingani, muchenjelele unkukumuso wabaFalisi nonkukumuso waHelodi."¹⁶Balayijwa bakabekakabajana boga nokuti besina zolya. ¹⁷Pakawhisisa yozu, wakababhuza eti, "Ini mukakabajana nokuti amuna chinkwa? Ini mwoyo yenu ikakoma ali?¹⁸Munamesho, amutotobona na? Munenzebe, amutowha na? Amutoyeya na? ¹⁹Pandakakwamula zunkwa zushanu zukalyiwa nabanhu bananga zwiulu zwishanu, zwitundu zungana zwakasala nozusyepu zwechinkwa zumakanungilila. Bakati kwaali, makumi anatubili.²⁰"Pandakakwamula zunkwa zushanu notubili kuti zukwane banhu bananga zwiulu zuna, zwitungu zungana zwakabelizhele tusyepu?" Bakati kwaali, "zushanu notubili." ²¹Wakati kwabali, " Amujanu mwawhisisa nanhasi?"²²Bakaswika kuBethisayida. Bakabuzila Jesu unhulume wakabelibhofu kuti ombhate. ²³Jesu wakabhata luboko lwebhofu ekombhisa kuzhe konzi. Paakafila mate mumesho awe ekatambanuja maboko awe pezhulu pape, wakombuuza eti, "Kunazwawubweni na?"²⁴Wakalinga pezhulu, ekati " ndibweni banhulume bana semiti imukwenda." ²⁵Wakombhata pamesho awe zwakale, pakalepo wakava abonesesa zubhodo. ²⁶Jesu wakontumija kungumba kukwe akale ekati, "Usingine mumizi."²⁷Jesu wakatola balayijwa babe bekangina kumizi yeKesaliya yokuFilipi. Bechimunzila wakabhuza balayijwa babe eti, "Banhu banoti ndimi ani?" ²⁸Bakonshandula beti, "Johane umbhabhatizi. Bamwe banoti, 'ndimwi Eliya,' bamwe nebo beti, ' Umwe wabapolofita."²⁹Wakababhuza eti, "Ani imwi moti ndimi?" Petulo wakonshandula eti, "Ndimwi Khristo." ³⁰Jesu wakabalayila kuti besibuje banhu nozuzwe.³¹Wakatanga kubalayija kuti Mwananhulumyana wonhu unokwelela kusheteswa, noudalo ucholambwa nabakulwana nabatebuji bakulwana nabakwali, esikobulayiwa, esikomuka muzhuba lyatatu. ³²Wakalebeleka inyaya yeyi pachena. Petulo wakonshobela kumbali ekatanga kuhatamija.³³Wakachingunuka ekalinga balayijwa babe ekakalaliwa Petulo akati, "Inda mushule lyangu, Satani! Awujimubiga indangalilo iyo muzunu zwaMwali, koga muzunu zwabanhu." ³⁴Wakashoba luvute lwabanhu nabalayijwa babe pamwempela, akati kwabali, "Kana unhu eda kunditobela, unokwelela kuzulamba, enyamule unchinjikwa uwe, esikonditobela.³⁵Nokuti yoyo unoda kuchija bupenyu bubwe buchondashikila, koga yoyo unolashikilwa nobupenyu bubwe muzina lyangu nendebo mbuya unobukwabilila. ³⁶Zunobhancha neni kuti unhu ewane zose zopenyika esikolashikilwa nobupenyu bubwe na? ³⁷Ini zwangape unhu kuti ewane bupenyu bubwe?³⁸Yoyo unaneshoni nami namawhi muluji yeyi yobupombwe noluchinyo, Mwananhulumyana woNhu uchaba neshoni nayepachezha kubushe bwaTate babe neNhumwa inchena."

¹Wakati kunayibo, ''Chokomende ndoti kwamuli, kuna bamwe benu bamile yopano bachalekeja kushangana nolufu besanu babona bushe bwaMwali buzha namasimba.'' ²Mushule mwamazhuba mashanu nakamwempela, Jesu wakatola Petulo, Jakobe na Johane kudunu gulwana, beliboga. Wakashanduka akaba kunechimwe chimo mbeli kwabo. ³Zumbalo zuzwe zukachena, zokuchenesesa kupinda unchenisi womunyika kuzwichenesa.⁴Zwino Eliya elina Mozisi bakaboneka kuna ibo, bakabe mukulebeleka naJesu. ⁵Petulo wakashandula akati kunaJesu, ''Ndayiji, zulokwelela na kuti tibe yopano, ngatibake ingumba natu, iyo, yaMozisi imwe ibe yaEliya.'' ⁶(Wakazushayiwa zokulebeleka, nokuti bakababa nolutyo.)⁷Kwakezha makole akaba fulatila. Kwakawhikana iwhi liva mamakole liti, ''Yoyu mwananhulumyana wangu wandinodisisa. Whililani kunayiye.'' ⁸Pakalepo, apana nhu wabakabona, koga Jesu chete.⁹Pabakabebheluka bevha mudunhu, wakabalayila kuti besulebe zwabakababona kuswika mwananhulumyana wamuka kubafi. ¹⁰Bakawhilijila pesina wababuja, koga bekwejisa beli boga beti ''kumufa kubafi'' zunovhani.¹¹Bakombhuza , ''Ini bakwali beti Eliya etange kuzha?'' ¹²Wakati kwabali, ''Eliya wakezha kokutanga komusilija zusakabelipo. Ini kukakwalwa kuti mwananhulumyana unokwelela kusheteswa akale elingilwa pasi? ¹³Koga ndoti kwawuli Eliya wezha, bakata zwabakabeda kunayiye, sozwazulo kwala mayelana naye.''¹⁴Pabakezha kubalayijwa, bakabona igubungano lilo bakombeleja, nabakwali bemukukakabajana. ¹⁵Pabakambona Jesu, igubungano lyakachenama lilabukila kwaali bemuusa. ¹⁶Wakabhuza balayijwa eti, ''Ini mukakabajana nabo?''¹⁷Umwe mugubungano wakonshandula, ''Ndayiji, ndezha nomwananhulumyana wangu kunawi. Unompepo unontisa kuti esulebeleke. ¹⁸Zungobhata nesimba unombwelela pasi, ebhuda ifulu mundomo, enyeya meno, kova ekoma. Ndakabuja balayijwa kuti belibhise, koga bakakonelwa.'' ¹⁹Wakabashandula eti, ''Luji lusinodimbwa, ndichagala konshaji nkulwana chini namwi? Umbuzeni kunami''²⁰Bakonsenga mwana wechinhulume kunayiye. Umpepo pawakabona Jesu, zwakamposela pasi akatanga kupupa. Yoyu mwana pakambwela pasi wakabhuda mafulu mundomo. ²¹Jesu wakabhuza dade babe kuti, ''Waba nonshajini eli ali?'' Dade babe bakati, ''Kuvha elimwana ntukutuku. ²²Zukombhata zwakabe mposela mumoto kana muvula zuda kumpalaja. Kana mutubula , tiwhileni she mutibhanche''²³Jesu wakati kunayiye, ''Kana mutubula'? Zose zunotubulika kunabo banodimbwa.'' ²⁴Pakalepo dade bomwana bakakwila beti, ''Ndodimbwa! Ndibhancheni kusodimbwa kwangu!'' ²⁵Jesu paakabona igubungano lilabuka kunayibo, wakalayila mipepo mibi eti, ''Iwi mpepo usinowha nowusinolebeleka, ndoti kwawuli, bhuda mwaali, akale usibe ubuya kunayiye kakale.²⁶Lyakakwilila muzhezhulu likokombhata nesimba mwana nhulume akale likavha lyabhuda likenda. Mwana nhulume wakata soti unhu wabafa, zokuti banji bakati, ''Wafa.'' ²⁷Koga Jesu wakombhata noluboko lulwe akonyamula, akale mwana nhulume yoyu akanyamuka.²⁸Wakati eswika mungumba Jesu, balayijwa bakombhuza beliboga beti, ''Ini tisijakali bhisa?'' ²⁹Wakati kwabali, ''Yoyu nshobo wompepo awutobhisika koga kuzhe kweminamato.''³⁰Bakabhuda benda bakapinda nomuGalaliya. Hajakada kuti banhu bezibe kwabakabeli, ³¹nokuti wakabelayija balayijwa babe. Wakati kwabali ,''Mwana nhulumyana uchapilwa mumaboko abanhu bechinhulume besikombulaya.Engobulayiwa, mushule mwamazhuba matatu uchamuka. ³²Koga abakajakawhisisa indebo yeyo, koga bakatya kumbhuza.³³Pabakasika kuKapenawumi. Angina mungumba wakababhuza eti, ''Mwabe kwejisani munzila?'' ³⁴Koga apana wakashandula. Nokuti bakabekakabajana muzila umwe nomwe eti ndiye nkulwana. ³⁵Pabakagala pasi, wakashoba banegumi nabili bose akati kwabali, ''Kana umwe wenu eda kuba wotanga, unokwelela kuba wokupejeleja nokuba ndanda kubabose.''³⁶Wakatola mwana ntukutuku akombiga pakati pabo. Wakombiga mukati mwamaboko awe akati kwabali, '' ³⁷Ani nani unotambula mwana wakadalo muzina lyangu watmbula imi; unonditambula akale atotambula mi koga wakandituma.''³⁸Johane wakati kunayiye, ''Ndayiji, takabona umwe nhu ebhisa madimoni nezina lyenu tikojibisa, nokuti hataba umwe wabatobeli bedu.'' ³⁹Koga Jesu wakati, Unsiyeni, nokuti akuna uchata kana kubhata nshingo nkulwana muzina lyangu esikolebeleleka zunhu zubi nami.⁴⁰Ani nani usilomilana nasu ndokunasu. ⁴¹Unokupa unkombe wevula kuti unwe muzina lyangu nokuti ndiwaKristu, chokomende ndinoti kwawuli, hatoshayiwa undipo uwe.⁴⁴⁴²Wose unombweja bana batukutuku kana kubata kuti besudimbwe munayiwe, zulokwelela kuti esungwe ponchibha bemposele mugungwa. ⁴³Kana luli luboko lulo akale lunotisa kuti umbwele mukudimbwa, lidubule. Zunobeli zubuya kuti ungine kudenga noluboka lumwempela pana kuti unde kuGehena, kuna moto usinopela.⁴⁵⁴⁶Kana igumbo lilo likutisa kuti uchinye, lidubule. Zwibuya kunda kubushe bwedenga ulichikosha kana kuba namakumbo mabili akale kuposelwa muGehena.⁴⁷Kana izhisho lilo lita kuti uchinye, libhise.Zwibuya kungwina bushe bokudenga uli nezhisho limwempela kunokuba namabili usikoposelwa muGehena, ⁴⁸pane honye jisinofa nomoto usinojimwa.⁴⁹Wose ucholungwa nomunyu unomoto. ⁵⁰Munyu umbhodo, koga kana ukashayiwa bumunyu bwawo, unowuta chini kuti ulwele akale? Ibani munyu mube nolunyalalo kunomwe nomwe.''

¹Jesu wakabhuda kunobu bugalo akenda kuJudiya nokuseli kolwizi lunowhi Jolodani, lumbwembwembwe lwakezha kunayiye. Wakabalayija sonhu wakabatumwa kuzhodalo. ²Koga baFalisi bakezha kunayiye benkweja bakombhuza, ''Zupo pomulawu na kuti undume eshime unkaji uwe?'' ³Wakashandula, ''Mozisi wakamulayilani na?'' ⁴Ibo bakati, ''Mozisi wakavumija unhulume kuti ekwale chitupa chipo pomulawu chokulambana usikontatamila zo.''⁵''Yozu zwakavha mumwoyo yenu kuti wakakwala mulawu yoyu,'' Jesu wakati kwabali. ⁶''Koga kutanga kubumbwa, 'Mwali wakabumba unhulume nonhukaji.'⁷'Nayozu unhulume uchabhuda kuna dade babe ende kunobhatana nonkaji uwe, ⁸yaba babili bachaba nyma imwempela.' ⁹Nayozu akale ndoti kunamwi zwashanganiswa naMwali, ngakusabe nonhu uchabapalajanisa.''¹⁰Pabakabeli mungumba, balayijwa bakombhuza akale. ¹¹Wakati kwabali, ''Unoshima unkaji uwe esikolobola umwe nhukaji unobeta bupombwe. ¹²Unhukaji engolamba ndume esikolobolwa nomwe, wata bupombwe akale.''¹³Bakabuza bana babo batukutuku kunayiye kutila kuti ebabhatebo, koga balayijwa bakabajibisa. ¹⁴Paakkazubona Jesu, wakanyema akati kwabali, ''Lekani bana batukutuku bezhe kunami, nokuti bushe bokudenga ndobwabo.¹⁵Chokomende ndoti kwawuli, yoyu uchaleka kutambula bushe bokudenga echili mwana hatono ngina kudenga.'' ¹⁶Wakabatola bana akabanyamula ebabiga luboko lulwe ebakombolela.¹⁷Paakatanga lwendo lulwe. kunanhulume wakalabuka kunayiye akafugama akabhuza, ''Ndayiji ulolulama, ini zwandingate kuti ndilalame bupenyu businopela?'' ¹⁸Jesu wakati, ''Ini mundishoba ndayiji ulolulama? Apana unhu ulolulama kuzhe kwaMwali oga. ¹⁹Moyiziba milawu inegumi: 'Usubulaye, usute bupombwe, usukwibe, usunyepe, usuchengeje, kuja dade namayi babo.''²⁰Unhulume akati, ''Ndayiji zose yozu zwalebwa ndakazutobeleja ntolo ndichino kubuka.'' ²¹Jesu wakondinga akaba noludo kunayiye. Wakati kunayiye, ''Kune chinhu chimwempela chawusijimuta. Tengesa zunhu zose zwawunanazo upe kunabo banosheta, nayozo uchawana bushe kudenga. Wakaleba kunayiye akati, usikozha unditobele.'' ²²Koga unhulume yoyu nezwakalebwa wakashungulujika akabhuda akenda eline shungu, nokuti wakabeli chinoti elina zunhu zose.²³Jesu wakabalinga bose akati kuna balayijwa babe, ''Ini banhu balofuma beli nobulemu bokuti bengwine bushe bokudenga!'' ²⁴Yaya mawhi akata kuti balayijwa bechename. Koga Jesu wakati kwabali, ''Bana, zukukutu chini kuti mungwine mubushe bwaMwali! ²⁵Zulelu kuti ikamela lingwine mukazhisho kenaliti kunakuti umfumi engwine mubushe bwedenga.''²⁶Zwakabachenamisa bakabhuzana boga beti, ''Nayozu ndiani uchachijwa?'' ²⁷Jesu wakabalinga akati kunayibo, ''Nabanhu zunokonwa, koga naMwali zunota. Nokuti naMwali zose zunota.'' ²⁸Petulo wakatanga kulebeleka naye eti, ''Linga, tasiya zunhu zose tikakutobela.''²⁹Jesu wakati, ''Chokomende ndinoti kwawuli, akuna nhu wakasiya ingumba, banakwayina kana dade namayi nabana kana minda nokuda kwangu kana indebo mbuya ³⁰uchotambula izana mukulalama kwabo: jingumba, banakwayina nabamayi kana bana neminda, kutongwa, munyika ichozha, nobupenyu businopela. ³¹Koga yabo bako kumbeli bachaba mushule nabo nebo bokushule bachaba kumbeli.''³²Bakabeli munzila benda kuJelusalema, Jesu wakabekwendela kumbeli. Yozu zwakaba chenamisa balayijwa, nayabo bakabetobela.zwakabatyisa. Jesu wakatola begumi nabili akababuja zwatikana kunayiye. ³³''Lingani, timuthanisa tinda kuJerusalema, mwananhulumyana uchapilwa kubatebuji bakulwana nabakwali. Bachantongela lufu besiko mpilija kuluji lwamaJentali. ³⁴Bachonseka , bemfile mate, benabhe, bembulaye, besiko mbulaya. Koga mushule mwamazhuba matatu uchamuka.''³⁵Jakobe na Johani, bana baZebhediya, bakezha kunayiye bakati, ''Ndayiji, toda ute zunhu zose zwatichakumbila kuti utitile.'' ³⁶Wakati kunayibo, Ini zwamunoda?'' ³⁷Ibo bakati, ''Timukumbila kuti ugale nasu mubushe bwedenga, kuluboko lolulyi nolo kuchesho.³⁸Koga Jesu wakabashandula eti, Amutoziba zwamumukumbila. Munotubula kunwa munkombe wandichanwilwa kana kuti mubhabhatizwe nenzila yandaka bhabhatizwa nayo na? ³⁹Ibo bakati kuyayiye, ''Totubula.'' Jesu akati kwabali, ''Unkombe wandichanwila, muchanwilabo, nokubhabhatizwa kwandichata, muchatiwabo. ⁴⁰Koga uchagala kuluboko lokulya kana lwechesho atoba wangu kuti epiwe, asi kunayabo bakazubambila.''⁴¹Pabakazuwa bamwe balayijwa banegumi bakati bakonyemela Jakobe na Johani. ⁴²Jesu wakabashoba akati, ''Yabo banowhi batongi babaJentali, banoso bakubukila, nabo bakulwana babo banosotonga nenzila ipo pezhulu.⁴³Asi ayitoba iyo nzila yamunota nayo pakati penu. Wose unoshubila bupenyu bubhodo unokwelela kutanga waba umwe wezushingi zuzo, ⁴⁴nowunoda kuba wokutanga unokwelela kuba chishingi chabo bose. ⁴⁵Mwana nhulumyana hajakezha kochijwa koga kochijisa, nokupa banhu bupenyu kushanganisila bose.''⁴⁶Bakezha kuJericho. Ebhuda muJericho nabalayijwa babe nolumbwembwembwe lwabanhu, mwana nhulumyana waTimiyasi, Bhatimyasi, wakabeli chiphofu, wakabeligele kumbali nkogwagwa. ⁴⁷Paakawa kuti ndiJesu uNazalena, wakabepinda wakatanga kushomeja akati, Jesu mwana waDavida, ndiwhile she!'' ⁴⁸Banji bakondambija kuti eshomeje, beti umubazhoja ewhilijile. Koga wakalila kas eshomejela pezhulu, ''Mwana waDavida, ndiwhileni ishe!''⁴⁹Jesu wakama akalayila kuti enoshobwa. Bakachishoba chiphofu, bakati, '' Usutye! Nyamuka! Jesu umukushoba.'' ⁵⁰Wakalasha zumbalo, akalabuka, kuna Jesu.⁵¹Jesu wakanshandula akati, ''Ini zwawunoda ndikutile?'' Chiphofu chakati kunayiye, ''Ndayiji, ndimuda kuti nditubule kubona''. ⁵²Jesu wakati kunayiye, ''Inda. Kubimba kuko kwakuchijisa''. Pakalepo wakatanga kubona akale, akontobela.

¹Pabakaswika muJelusalema, beli pelyo ne Bhetifegi ne Bhetani pedunhu lyeOliveti, Jesu wakatumila balayijwa babe babili ²akati kwabali, ''Indani peguta likoku nelimwe ibhazu pelyo nasu. Pamunongwina, muchawana kana kedonki kasanu kakathanwa. Mukasupule mukabuze kwandili. ³Umwe akati kwamuli, 'Mumuzutilani yozu na?' munshandule muti, 'Ishe ndibo bamukada banolibwiliza nokukambija.''⁴Bakabhuda bakenda kule bakawana kana keDonki kekasungililwa kuzhe kwenzila, bakakansupula. ⁵Bamwe bakabelimile pelyo bakati kwabali, ''Mukumutani mukasupula kana keDonki? ⁶Bakalebeleka nabo sokubujwa kwabo naJesu, banhu bakava babuja kuti bende.⁷Bakaseng akana kedonki kunaJesu bakaposela zumbalo zwabo pakali bakakagalila. ⁸Banhu banji bakawala micheka yabo mumigwagwa, bamwe bakawala inhabi jabakabatema muminda. ⁹Bakabekwendela mushule nabakabetobela bakabeshomeja beti, 'Hosana! Ulokombolelwa unozha muzina lyaShe. ¹⁰Bulokombolelwa bushe bukumuzha natate bedu Davida! Hosana wopezhuluzhulu.¹¹Jesu wakangwina muJelusalema akapinda nomutempeli ekalinga zose. Feno unshaji wakabapela, wakenda kuBhetani nabalayijwa babe bali gumi nababili. ¹²Muchimuka pabaka bebhuda benda kuBhetani , wakabeli nezhala.¹³Elikule wakabona unti wonkuyu wakabeli namazhani, wakenda kuti kunobona kuti angawana unchelo pawuli, akawana pesina mazhani, nokuti awujakabeli unshaji wonkuyu. ¹⁴Wakalebeleka nawo nkuyu eti '' Apana ucholya nchelo unovha kwawuli.''¹⁵Bakezha kuJelusalema, akangwina mutempeli akabatatamila banotengesa nabanotenga. Wakapindimula matebuli abakabetengiselana imali nozugalo zwaabo bakabe tengesa inkwilimba. ¹⁶Hajakavumila kuti unhu kuti enyamule chinhu chokutengesa mutempeli.¹⁷Wakabalayija eti, ''Azujilokwalwa na kuti, 'Ingumba yangu ichashobwa kuti ingumba yokunamata kunduji jose'?Asi mwaita ingumba yembavha.'' ¹⁸Batebuji unkulwana nabakwali bakawha zwakabaleba, bakashaka inzila yokuti bempalaje. Bakabontya nokuti ibungano lyose lyakachenamiswa nendayijo jije. ¹⁹Pakakwaba madeko, bakabhuda muguta.²⁰Pakabekwenda zwinganangwana, bakabona unti wonkuyu wakoma nemiji yose. ²¹Petulo wakayeya akati, ''Ndayiji, linga! Unkuyu wamwakatuka wakoma.''²²Jesu wakabashandula eti, ''Bimbani kunaMwali. ²³Chokomende ndinoti kwamuli kana umwe wenu eti kudunhu, 'Nyamuka uzuposele mugungwa,' esino kahajika mumwoyo mumwe koga edimbwa kuti zwaaleba zunotikana, ndizo zwichatiwa naMwali.²⁴Nokudalo ndinoti kwamuli: Zose zwamuno namatila nokukumbila, dimbwa kuti mwazutambula akale zunoba zuzo. ²⁵Pawunoma unamata , unokwelela kulekelela bose, kutila kuti tate bedu bako kudenga banotilekelela zubi zwedu.'' ²⁶Asi kana usino lekelela, tate bokudenga abatokulekelela.²⁷Bakabuya muJelusalema akale. Jesu ekwendela mutempeli, batebuji bakulwana,bakwali nabakulwana bakezha kunayiye. ²⁸Bakati kwaali, '' Ngapi masimba uta yozu zunhu akale wakapiwa nani isimba lyokuti uzute?''²⁹Jesu wakati kwabali , ''Ndomubhuza umbhuzo umwempela. Ndibujeni ndomubuja nami kuti masimba okuta zunhu yozu ndowawana kupi. ³⁰Lubhabhatizo lwaJohane, lwakava kudenga kana kuti banhu na? Ndishanduleni'.³¹Bakalangana pakati pabo bekahabajana beti, ''Tingoti kuva kudenga', uchati, 'Ini musakadimbwa kwaali?' ³²Koga tingoti, 'Kuva kubanhu', ... .'' Bakabetya banhu, nokuti bose bakagutisika kuti Johane wakabeli mpolofitha.Bakanshandula Jesu bakati, ''Atitoziba.'' ³³Jesu wakoti kwabali , ''Anditomubuja kuti masimba ndowawana kupi okuta yozu zunu.''

¹Mushule kwezwo Jesu wakatanga kubalayija nonkwejaniso, Wakati, " unhulume wakabyala unda wonzhambi, ekashosha lukuta, ekacha igodi lokuswinila. Wakabaka bushoshe ekakweletisa unda wonzhambi kubalimi bonda. Wakabhuda akenda mulwendo. ²Wakati waswika unshaji wokuvuna, wakatuma undanda kubalimi bonzhambi kuti enotola michelo munda wonzhambi. ³Koga bakontola, bakondoba, bekombwiliza alo.⁴Akale wakabatumila umwe undanda, bekondwajisa munsholo bekonswabisa. ⁵Wakatumila umwe bo, yoyu bakombulaya. Bakabhata bamwe balanda nenzila inokwendelana, bamwe bebaloba bamwe bebabulaya.⁶Wakabasala nonhu umwempela kuti ontume, unhulumyana uwe waanodisisa. Wakabeli wopejeleja kutumwa kwabali. Wakati, 'bachondemekeja mwananhulumyana wangu.' ⁷" Koga balimi bonzhambi bakati kunomwe nomwe wabo, ' yoyu ndiye undyi wefuma. Izhani, tumbulaye, kuti ifuma ibeyedu.'⁸Bakombhata, bakombulaya, bekondashila kuzhe konda wonzhambi. ⁹Nokudalo, mweni wonda wonzhambi uchata chini? Uchezha kopalaja balimi bonzhambi esikopa unda wonzhambi kunabamwe.¹⁰Amujakabala lukwalo na? 'Ibwe lyakalashwa nombaki ndilyo lyakaba ibwe lopechiswi. ¹¹Yozu zwakava kunaShe, akale zunochenamisa mumesho edu."' ¹²Mushule mozu batungamili babJuda bakapota inzila jokunsunga Jesu nokuti bakaba bezwiziba kuti wakabelebeleka ekananga ibo. Koga bakatya igapo lyabanhu. Bakonsiya bekabhuda yopo.¹³Beva yopo bakatuma umwe wabaFalisi nabaHelodi kwaali kuti bombhate namawhi awe. ¹⁴Pabakezha, bakati kwaali, Ndayiji, yozo zunoyeywa nabanhu amuneni nazo nokuti amutoshaluja. Munolayija inzila yaMwali. Zumo mumulawo na kulipa untelo kunaKesali kana pe? Tinolipa na kana pe?" ¹⁵Koga Jesu wakabeziba kuchengeja kwabo wakati kwabali, " munondikwejelani biya? Buzani idineliyo kwandili ndiyibone."¹⁶Bakabuza limwempela kunaJesu. Wakati kwabali, " unkwejaniso yoyu nolukwalo yolu ngozwani?" Bakati Kwaali, "Ngezwa Kesali." ¹⁷Jesu wakati kwabali, '' ipani Kesali zwaKesali, Mwali zwaMwali." Bakashamiswa naye.¹⁸BaSadusi , ibo banoti akuna kumuka kubafi bakenda kwaali. Bakombhuza, beti, ¹⁹" Ndayiji, Mozisi wakatikwalila kuti, 'kana unkulu wonhu angopala esiya unkaji esina mwana, ununa elobole unkayi wonkulu uwe, esikokubusa bana bonkulu uwe.'²⁰Kwakaba kulipo bana bonhu beli bashanu notubili; wotanga wakalobola unhukaji, akafa esasiya bana. ²¹Wabili wakontola naiye akafa, esasiya bana, nowatatu wakata alo. ²²Bashanu notubili abajakasiya bana. Kopejeleja, unhukaji wakafabo. ²³Pabachamuswa kubafi, unoba unkaji wani pakati pabo? Nokuti bose bashanu notubili bakaba naye eli unkaji wabo."²⁴Jesu wakabashandula eti, " atobeli icho na chinangwa chokulashika kwenu, nokuti amutoziba iwhalo nchena kana isimba lyaMwali? ²⁵Nokuti kana bamuswa kubafi, abatolobola kana kulobolwa, koga bananga seNhumwa kudenga.²⁶Koga mawililano nozwabakafa banomuswa, amujakabala lukwalo lwaMozisi, penyaya yeshango, kuti Mwali wakalebeleka kwaali eti, 'ndimi Mwali waAbhulahama naMwali waIsaka naMwali waJakobe'? ²⁷Atobeli Mwali wabakafa, koga wabapenyu. Mulolashika kasa."²⁸Umwe wabakwali wakezha ekawha indebo jabo, wakabona kuti Jesu wonshandula zwibhodo. Wakabhuza eti, "nguupi mulawo ulokosha kupinda yose? ²⁹Jesu wakashandula eti, "chilokosha ndicho yechi, 'iwhilila iwi Isirayeli, She Mwali wedu, ndiye She ega chete. ³⁰Ida She Mwali uwo nomwoyo uwo wose, nendangalilo jijo jose, nesimba lilyo lyose.' ³¹Mulawo wabili ndiwowu, 'ida umbakijani uwo sezwa unozwida iwi.' Akuna milawo mikulwana kupinda yeyi.''³²Unkwali wakati kwaali, " Ndayiji, mbuyanana! mwaleba ichokomende kuti Mwali umwempela, akuna umwe kuzhe kukwe. ³³Ku uda iye nomwoyo wose nokuwhisisa kose, nesimba lyose, nokuda umbakijani uwo sozwa unozwida iwi zunopinda yose mipilo yokupiswa nemibhayilo." ³⁴Jesu wakati ebona kuti washandula nobuchenjevu, wakati kwaali, "awiko kule nobushe bwaMwali." Mushule kozo akuna wakada kumbhuza mibhuzo.³⁵³⁶³⁷Jesu wakati elayija muTempeli wakati, "bakwali banoleba chini kuti Khristo ndiye Mwananhulumyana waDavida? Davida emene ekazhajwa noMpepo uNchena , wakati, "She wakati kunaShe wangu, gala kululyi loluboko lwangu ndijine ndibige babengi babo mumakumbo awo."' Davida emene unonshoba kuti 'She,' iye Khristo engaba mwana waDavida chini?" Luvute lwabanhu bakonwhilila nolushanto.³⁸Mukulayija kukwe Jesu wakati, ''chenjelelani bakwali, banokwenda bekambala ingubo ndefu bemuswa mumisika, ³⁹bebe nozugalo zulokosha mumaSinagoge nozubhula zupopezhulu pemiliya. ⁴⁰Besikopalaja ingumba jenchilikaji, benamata minamato milefu kuti beyebwe nabanhu. Yaba banhulume bachapiwa undandu nkulwana.⁴¹Jesu wakagala pelyo nensangwa yokupila zupo mutempeli; ekalingisisa bakabeposa imali munsangwa. Bafumi bakabeposa imali inji kupinda bose. ⁴²Unchilikaji unsheti wakaposa masheleni mabili, anokwelana nepeni.⁴³Wakashoba balayijwa babe ekati kwabali, "Chokomende ndinoti kwamuli yoyu unchilikaji wapila zunji kupinda bose bapila munsangwa yozupo. ⁴⁴Nokuti bose bapila mukuwana kwabo. Koga yoyu unchilikaji, mukusheta kukwe wapila imali iye yoseyabekwelela kulalama nayo."

¹Sezwo Jesu wakabe zukwendela eva kuTempeli, umwe wabalayijwa babe wakati kunayiye, '' Ndayiji bona kuyebeka nobubhodo bwamwabwe nezubakwa!'' ²Jesu wakati kunayiye, ''Uzubwene zubakwa zukulugulu na? Apana kana ibwe limwempela lichasiywa pane limwe lichakwamuka.''³Eligele pedunhu lyamaOlivi ekalingana neTempeli, Petulo, Jakobe, Johane naAndileya wakabhuza, ⁴"Tibujeni, tichozubona lini zunhu yozu zutikana? Ini zuchatondejela kuti zwabolotikana"⁵Jesu wakatanga kubabuja eti, ''Muchenjele kuti kusube nonhu uchezha komulasha mukati mwenzila. ⁶Banji bachezha nezina lyangu beti, 'Ndimi iye', akale bachalasha banji.⁷Mukawha zwehondo namalebaleba ehondo, musutye, nokuti zunhu yozu zunokwelela kuti zutikane, koga azujanu zwasika kumapeto. ⁸Induji jichanyamukilana nejimwe nduji, nonushe buchamukila bushe. Kuchaba nokuteketa kwenyika nezhala kubugalo bunji bose. Ndiko kuchaba kutanga kokulwajilwa nemimba.⁹"Lindilani. Bachamupila kumagota, muchalobwa muma Sinagogi. Muchamiswa mbeli pabatongi namaShe pezhulu pangu, sobupupuli kuna bose. ¹⁰Koga indebo mbuya inokwelela kutanga kupupulwa kunduji jose.¹¹Bakakusunga bekupile, usubhatikane nozwawuchaleba . Panoyo nshaji zwawuchaleba uchazupiwa; awutolebeleka, umpepo chena. ¹²Unkulu uchapila ununa kulufu, nadade kumwana. Bana bachanyamukila bazwali betila kuti bebulayiwe. ¹³Muchabengwa nabanhu bose nokuda kwezina lyangu. Koga ani nani uchabhatilila kuswikila kumapeto, uchachijwa.¹⁴''Ukabona zunotondwa zukalashwa zulimile pazwisino kwelela kuti zume''. (Leka unobala ewhisise) ''leka bakokuJudiya betizhile kumatunhu, ¹⁵leka yoyo uko pezhulu pengumba esubhuluke pasi kana kutola zunhu, ¹⁶akale muleke umo muminda esubwilile kunotola chishashiko.¹⁷Koga mayooo kunabo banemimba nabo bamumwisa mumazhuba yayo! ¹⁸Namata kuti zusutikane nonshaji wemhepo. ¹⁹Mumazhuba yayo kuchaba nenjabulo isakabelipo kutanga kubumbwa idenga nenyika, yakabumbwa naMwali, kuswikila nasi, akuna uchozubona zutikana akale. ²⁰Kuzhe kokuti Ishe bakafupisa mazhuba , akuna inyama ichachijwa. Koga pezhulu pabakashalwa , yabo bakashala, wakafupisa mazhuba.²¹Koga kana umwe ati kunawi , 'Linga, hoyu Kristu!' Kana kuti '' Linga , wondiya!' usudimbwe mwazuli. ²²BaKristu namaprofithi okunyepa bachaboneka beta zutondejelo, zushamiso zokuchenga nabakashalwa. ²³Chenjela! Ndakubuja zunhu yozu kuchino nshaji.²⁴''Koga mushule mwenjabulo jamazhuba akapinda, 'izhuba lichaswibhiswa , mweji awutopa chimuniko, ²⁵inyenyeji jichambwela jiva kudenga, namasimba akokudenga achadengedeka.' ²⁶Koga bachabona mwana nhulumyana ezha eli mumakole namasimba manji anolukujo. ²⁷Uchatuma inhumwa jije ebunganise bakashalwa kumabhepo mana, kuva kumapetelo enyika nokudenga.²⁸Layijwa chilayijo chonkuyu. Idabi lingoba nyolo imbweja mazhani, unovha waziba kuti izhizha yabapelyo. ²⁹Nokudalo, ungobona zunhu zutikana , ziba kuti ulipelyo negedi.³⁰Chokomende ndoti kwawuli, ijanja yeli alito pindilila kuswikila zunhu yozu zwatikana. ³¹Idenga nenyika zuchanyenduluka, koga mawhi angu hatonyenguluka. ³²Koga mawililano ezhuba kana unshaji , apana unoziba, kojoba inhumwa jokudenga kana mwana nhulumyana koga dade.³³''Chenjela! Linga , nokuti awutoziba unshaji. ³⁴Zunanga sonhulume wakenda lwendo, akasiya ingumba iye akasiyila zushingi kuti zusale zundingila nokulondota ingumba iye, umwe nomwe wakapiwa zokusala eta, akalayila undindi wonkoba kuti egale ekachenjela elingisisa.³⁵Nokudalo galani mukachenjela nokuti awutoziba kuti mweni wengumba unobuya lini kumba kukwe; engasika madeko, pakati pobusiku, igukulume likokolika kana kuti kumajelo. ³⁶Kana ezha nokukimbija, esuwane mulilele. ³⁷Zwandaleba kunamwi ndozuleba kunabose: Watch''

¹Kwakabasala mazhuba mabili kuti iPasika nomembelo wechinkwa chisina unkukumiso. Batebuji bakulwana nabakwali bakabepyanga inzila yokunkwiba besinkosunga noku mbulaya Jesu. ²Nokuti bakabeti, '' Zusutikane ponshaji wemembelo kutila kuty kusube noluzhowa.''³Echili kuBetani mungumba yaSimoni nobulepelo, ekanyetutuka petebuli, unhukaji wakezha kunayiye akabhata elinefhukwa yamafuta anodula akale akabe nhuwhilila. Wakambweja ifhukwana akondila mafuta munsholo. ⁴Koga bamwe bakanyema. Bakanyunyuta beti, ''Ini bezanisa mafuta? ⁵Mafuta yaya alotengeswa nemali inokwana mazana matatu amadenali, imali yeyo isikopiwa basheti.''⁶Koga Jesu wakati, ''Unsiyeni. Ini mukumu yangatisa alo? Wata chinhu chibhodo kasa kunami. ⁷Mogala nabasheti kwana mwada munobatila zubhodo , koga imi amutogala muli nami. ⁸Wata zwanokwanisa. Wandiguba umbili wangu ebambila kujikwa kwangu. ⁹Chokomende ndoti kwawuli, pose panopupulwa indebo mbuya munyika yose, zwatiwa nonhukaji yoyu zwichobolebwa, sechikumbulujo.''¹⁰Judasi Iskaliyoti, umwe wabegumi nabili, wakenda kubatebuji bakulwana kuti enompila kwabali. ¹¹Pabakazuwa yozu batebuji, bakashantilwa bakobimbisa kuti bempe imali. Wakashaka unshaji wokuti empile kwabali.¹²Nezhuba lyotanga lyechinkwa chisina unkunkumiso, pabakapila imwizana sechipiliso chePasika, balayijwa bakati kunayiye, ''Unoda tinoshangana kupi, kwatichalyila chilyo chePasika?'' ¹³Wakatuma wabalayijwa babe babili akati kwabali, ''Ngwinani mumaguta, muchashangamijwa nonhulume ekanyamula chisengelo chevula. Muntobele. ¹⁴Akangina mungumba, namwi mungine muti kumweni wengumba, 'Undayiji wati, ''Ikokupi ingumba yangu inosikila bezi akale ndolyila kupi iPasika pamwempela nabalayijwa bangu na?''¹⁵Uchamutondeja ingumba imbhodo iloshambajikwa ipo pezhulu ilobambilwa kale.Mulonganyile nokuti bambila mwakale''. ¹⁶Balayijwa bakenda bakenda muguta. Bakawana zose sokubujwa kwabo, bakabambila kulya kwePasika.¹⁷Kwakati kwabamadeko, wakezha nabegumi lyabili. ¹⁸Bakati beligele belya, Jesu wakati, ''Chokomende ndoti kwamuli, umwe wenu umulya nami uchanditengesa.'' ¹⁹Bose bakandinga bewhise she nokulwajilwa, umwe nomwe wakati kunayiye, ''Chokomende atobami?''²⁰Jesu wakashandula akati kwabali, ''Umwe wabanegumi nabili, wanyika chinkwa pamwe nami mundilo. ²¹Nokuti mwananhulumyana wonhu uchenda sezulokwalwamayelana naye. Koga mayo kunoyo nhu kubhudilija nonhulumwayana uchatengeswa! Zwaloba zubuya ngana esijakazwalwa.''²²Bekumulya , Wakatola chinkwa Jesu, akakombolela, akachimedula. Wakabapa akati, ''Tolani, Yoyu umbili wangu.'' ²³Wakatola unkombe, akaboka, akabapa, bose bakanwa. ²⁴Wakati kwabali, ''Yeli ilopa lyangu lechivumilwano, lyakutukila banji. ²⁵Chokomende ndoti kwamuli, anditonwa unchelo wechivini kuswika yelo zhuba ndilinwa bupya mubushe bwaMwali.''²⁶Mushule mokukwimba lwimbo, bakabhuda bakenda kudunhu lyamaOlivi. ²⁷Jesu wakati kwabali, ''Mose muchambwela, nokuti zulokwalwa, ''Ndichaloba uncheji nemwizi jichapalajana.'²⁸Koga mushule mokumuswa, ndichenda mbeli kwenu ndinda kuGalaliya.'' ²⁹Petulo wakati kunayiye, bangambwela bamwe, koga imi pe.''³⁰Jesu wakati kunayiye, ''Chokomende ndati kunawi, nasi-iyi, busiku bwakolubu-igukulume lisanu lakokolika uchandilamba katatu.'' ³¹Koga Petulo wakati, ''Kana kulikuti ndokwelela kuti ndife nawi, anditokulamba.'' Bose bakata chibimbiso chimwe chete.³²Bakezha mubugalo bunowhi Getsemani, Jesu akati kubalayajwa babe, ''Galani yopa imi ndichinonamata.'' ³³Wakatola Petulo, Jakobe, naJohane akatanga kushungulujika nekushupeka mukati momoyo umwe. ³⁴Wakabeti kunayiye, ''Wakati umpepo unane shungu, kuswikila kolufu. Salani yopa mundilinde.''³⁵Asundubuka, Jesu wakambwelela pasi akanamata kuti ngana zutubulika i-awa ingapinda kwaali. ³⁶Wakati, ''Abha, Dade, zose zunhu zunovuma nawi. Unkombe yoyu ngawupinde, asi kusube kuda kwangu koga, kube kuda kwenu,''³⁷Wakenda pakezha akawana belilele, akati kunaPetulo, ''Simoni, ulele na? Awungalinde kwe- awa limwe chete. ³⁸Linga unamate kuti usungine mukukwejwa. Umpepo unoda, koga inyama imulamba.'' ³⁹Akale wakenda konamata eshingisa mabala anofanana.⁴⁰Akale pakabuya kechibili, wakabawana belilele, nokuti mesho abo akabe elema. Bakuzushayiwa zokuleba kunayiye. ⁴¹Wakezha kechitatu akati kwabali, ''Muchilele nokunyetutuka na? Zwakwana! I awa yakwana yakwana. Lingani! Mwananhulumyana wonhu umutengeswe mumaboko ebanochinya. ⁴²Mukani, andeni. Linga, uchanditengesa uli pelyo.''⁴³Echinolebeleka, Judasi, umwe wabanegumi nabili, wakasika, lumbwembwembwe lwabanhu lwakabeli naye luli nozubaza nefumo bevha kubatebuji bakulwana. ⁴⁴Feno untengesi wakabapa chitondejelo, eti, ''Ýoyo uchandi myonta ndiye. Mumbhate munsenge enolindwa.'' ⁴⁵Paakasika Judasi, wakasika nokukambija kunaJesu akati, ''Ndayiji,'' akomyonta. ⁴⁶Bakatula maboko pezhulu ponsholo pape bakontola.⁴⁷Koga umwe wabo wakabelimile wakabhisa chibaza ekacheka inzebe yechishingi chontebuji nkulwana. ⁴⁸Jesu wati kwabali, ''Mumuzha soti mwazhila imbava, nozubaza namafumo, kuti muzhondisunga na? ⁴⁹Pandakabeli namwi mazhuba ose ndilayija mutempeli, amujakandisunga. Koga yozu zwakatilwa kuti chibalo chizhajikijwe.'' ⁵⁰Bose bakabeli naye bakontizha bakonsiya.⁵¹Umbisana, ekambala chimbalo choncheka ekazuputila, wakabetobela Jesu. Pabakambhata, ⁵²wakasiya uncheka akatizha elichinkuna.⁵³Bakonsenga kumpulisiti unkulwana Jesu. Bakabe kabungana batebuji bakulwana, bakulwana nabakwali. ⁵⁴Petulo wakontobela elikule mane kunoswika kuguta lyompulisiti unkulwana. Wakagala pakati pamapolisa, ekota moto.⁵⁵Feno batebuji bakulwana negota lokuJuda lyakabe pota busumikiji bokuti bangambulaya chini, koga bakashayiwa. ⁵⁶Banji bakabuza busumikiji bokunyepa, koga azujaka kwendelana.⁵⁷Bamwe bakanyamuka belino busumikiji bokunyepa; bakati, ⁵⁸''Tankowa eti, 'Ndichapalaja itempeli lyakabakwa namaboko, mumazhuba matatu ndichabaka limwe lisijilo bakwa namaboko.'' ⁵⁹Akale busumikiji abujabe kwendelana.⁶⁰Umpulisiti wakamilika akabhuza Jesu, ''Awutoshandula na? Ini banhu yaba bepa busumikiji bekamilana nawi?'' ⁶¹Koga wakalamba ekawhilijila. Akale wakombhuza eti, 'Ndiwi Kristu, mwana nhulumyana woyo ulokombolelwa na?'' ⁶²Jesu wakati, ''Ndimi; akale uchabona mwana nhulumyana wonhu ekagala kuluboko lolulyi lwamasimba luzha namakole okudenga.⁶³Untebuji unkulwana wakajelula zumbalo zuzwe akati, ''Tichinoda basumikiji na? ⁶⁴Mwawha nokutukwa. Mwabayeyani?'' Bakompomela bakondasha sonhu wakabekwelela kufa. ⁶⁵Bamwe bakatanga kumfila mate bemvala bendoba beti kunayiye, ''Polofita!'' Bakantola mapolisa bakandoba.⁶⁶Petulo echimo pasi pegota, umwe wezushingi wechinukaji wabapulisiti bakulwana wakezha kunayiye. ⁶⁷Wakabona Petulo ekota moto, wakondingingisisa akati, 'Nawi wabeli naJesu wokuNazarena na.'' ⁶⁸Koga wakazulamba yozu , eti, '' Andijimuwha kana kuwhisisa kuti mumulebeleka nezweni.'' Wakabhuda akenda ponkoba wegedi. Igukulume lyakakokolika.⁶⁹Koga chishingi chechinhukaji chakombona akatanga kubuja yabo bakameli mile yopo, ''Umwe wabo unhulume yoyu!'' ⁷⁰Koga wakalamba akale. Mushule mwakanshaji yabo bakamelimile yopo bakabeti kunaPetulo, ''Chokomende umwe wabo, nokuti ndiwi muGalili.''⁷¹Koga wakatanga kuzubiga muzutuko epika eti, ''Andintonziba yoyu nhulume wamumuleba.'' ⁷²Igukulume lyakakokolika kechibili. Petulo wakoyeya mawhi aJesu pakati kunayiye: Mushule mokukokolika kwegukulume kechibili, uchandilamba katatu,'' akale wakasikilwa neshungu akalila.

¹Zungwanangwana, batebuji bakulwana, beli nabakulwana nabakwali namagota ekuJudiya bakabhuzana bose. Bakansunga Jesu bakenda naye. Bakanompila kunaPilatu. ²Pilatu wakombhuza eti, ''Ndiwi She wamaJuda na?'' Wakoshandula eti, ''Unodalo.'' ³Batebuji bakulwana babempomela zunhu zunji.⁴Pilatu wakombhuza akale, ''Awutoshandula na? Linga zunhu zose zwabamukupomela!'' ⁵Koga Jesu wakabe esinonshandula Pilatu, yozu zwakonshamisa.⁶Nonshaji wemembelo , Pilatu wakabeba sunungulila unsungwa umwempela, ⁷unobakumbilwa. Kwakabeli nonhulume unowhi Bhalabasi muntolongo nabapandukili bakabeli mhondi noyo nshaji. ⁸Ibungano lakezha kunaPilatu likakumbila kuti ebatile zwakabe eta ntolo.⁹Pilatu wakabashandula akale eti, ''Moda ndimusunungulile Ishe wamaJuda na?'' ¹⁰Nokuti wakabeziba kuti yakabeli shanje yakatisa kuti batebuji bakulwana bempile Jesu. ¹¹Koga batebuji bakulwana bakasungwaja ibungano kuti lishomeje kasa bekwila beti kusunungulwe Bhalabhasi.¹²Pilatu wakabashandula akale akati, ''Ndinte chini Ishe wamaJuda?'' ¹³Bakashomeja akale, ''Unkahamileni!''¹⁴Pilatu wakati kwabali, ''Wachinyani?'' Koga bakashomeja kasa kasa, ''Unkahamileni.'' ¹⁵Pilatu eda kuti ibungano ligutikane , wako sunungula Barabhasi. Bakondoba Jesu bakompila kwabali kuti benkahamile.¹⁶Magamba bakonsenga muguta( mubugalo bwafulumende), akale bakashoba chikwata chose chamagamba. ¹⁷Bakombajika chimbalo chibuya Jesu, bakapombelela chibila chomiwa bako mbajika munsholo. ¹⁸Bakatanga nkukuja beti, ''Ndawe, Ishe wamaJuda!''¹⁹Bakabendoba munsholo nedete bemfila mate. Bakafugama namavi bekotama pasi kunayiye. ²⁰Pabakontuka,bakombula chimbalo chiche chibuya bakambajika zumbalo zuzwe, benda naye bensenga kuty enokahamilwa. ²¹Umwe nhulume , Simoni woku Sayilini, wakezha evha kuneyimwe nyika(wakabeli dade baAlekizanda naRufusi), bakamanikija kuti enyamule unchinjikwa uwe.²²Magamba akasenga Jesu kubugalo bunowhi Gologota (zunova kuti ''Bugalo bwefupa lonsholo''). ²³Bakompa iwayini iloshanganiswa nezwisinozipa, asi ajakayinwa. ²⁴Bakonkahamila baganula ingubo jije betila kuti bekobane bose umwe nomwe ewane chibabi chengubo iye.²⁵Kwakabeli nonshaji wetatu , pabakonkahamila. ²⁶Pakabakakwala pezutondejo undandu uwe kuwhi, ''Ishe wamaJuda.'' ²⁷Bakonkahamila nembavha mbili ,umwe kululyi koga umwe kuchesho. ²⁸Iwhalo, yakozhajikijwa payakati, ''Wakabalwa kuna basina mulawu,'²⁹Bose bakabepinda panayiye bakabentuka, bezungunuja misholo yabo beti, ''Iwi! Wokubepalaja itempeli esiko bakulula mumazhuba matatu, ³⁰zuchije ubhuluke mpochinjikwa!''³¹Nenzila imwempela batebuji bakulwana bakabentuka nabamwe, nabakwali beti, 'Wakachija bamwe, koga umukonwa kuzuchija. ³²Lekani Kristu, Ishe wokuIsrayeli, ebhuluke pasi feno eva pomchinjikwa, kuti tizubone tidimbwe. ''Bakabeli naye pomchinjikwa nayibo bakabentuka.³³Nonshaji wechinamwempela, kwakaba nenhilima munyika yose kuswikila ponshaji wechifumbamwe. ³⁴Ponshaji wechifumbamwe Jesu wakashomeja newhi lopezhulu, ''Eloi, Eloi, lamaSabakitani?'' Zunoleba kuti ''Mwali wangu, Mwali wangu, mwandisyilani na?'' ³⁵Bakabeli mile pelyo bakawha mawhi yaya bakati, ''Linga, umushoba Eliya.''³⁶Umwe wakalabuka, akabiga iwayini peganganga, akalisungila pedete akanchumwikija muwayini lino baba , akompa kuti enwe. Umwe unhulume akati, ''Toda kubona kuti Eliya uchombuluja na.'' ³⁷Jesu wakakwila newhi lopezhulu akafa. ³⁸Idabiko lyetempeli lyakakwamuka livha pezhulu kunda pasi.³⁹Untungamili wezana wakama bekandinga Jesu bakazubona kuti wafa neyi nzila, akati, '' Chokomende unhulume yoyu wabeli mwana waMwali.'' ⁴⁰Kwakabeli nabanhukaji bakashozhela belikule. Pabanhukaji yaba Mariya Magadalena, Maria(amai baJakobe ununa waJose) naSalomi bakabelipo. ⁴¹Eli kuGalaliya bakobontobela bamwe beli balanda babe. Banhukaji banji bakezha naye kuJelusalema.⁴²Pakwakaba madeko, nokuti lyakabeli zhuba lokuzubambila, mushule mwezhuba lyeSabata, ⁴³Josefa wokuAramatiya wakezha yoko. Wakabeli nechilemela muguta ekamilila bushe bwaMwali. Wakenda zubuya kuna Pilatu akakumbila untumbi waJesu. ⁴⁴Pilatu zwakonchenamisa kuti Jesu wakabafa kale; wakoshoba untungamili wezana okombhuza kuti Jesu wakabafa na.⁴⁵Pilatu paakazuwa nontungamili wezana kuti Jesu wakabafa, wakapila untumbi kunaJosefa. Yoyo ⁴⁶Josefa wakatenga micheka. wakombuluja pomchinjikwa, akomputila akandajika mugumbu lyakabakwazabulwa namabwe. Wakabumbuluja ibwe pongwinilo wegumbu. ⁴⁷Mariya Magadalena na Mariya mayi baJose bakabona pakajikwa Jesu.

¹Palakapela izhuba lyeSabata, Mariya Magadalena, Mariya amai baJakobe, naSalome bakatenga mafuta anonhuwilila okuguba umbili waJesu. ²Kwakati kwaba zungwanangwana pakutanga kweviki, bakenda kugumbu izhuba lyabhuda.³Bakalebeleka beli boga beti, " Ndiyani angatibhisila ibwe ponkoba wegumbu. ⁴"Pabakalinga zhezhulu, bakabona kuti ibwe lyakababhisilwa kuzhe, nokuti lyakabeligulwana .⁵Bakangwina mugumbu bekabona unzhuzha ekambala ingubo inchena, eligele kululyi, bekabanolutyo. ⁶Wakati kwabali, "Musitye . Mumupota Jesu, wokuNazaleti, wakabulayiwa. Wamuka! Ayipo yopano . Lingani pabugalo paakabalajikwa. ⁷Akale indani, munobuja balayijwa babe naPetulo , ' Umunda kuGalileya ndiko kwamuchongwana, sokuleba kukwe."'⁸Bakenda pazhe bekalabuka beva kugumbu; bakabeteketa bekachenama. Abajakalebeleka chinu nokuti bakabeli nolutyo.⁹[Lyakabelizhuba lyotanga peviki, elamuka kubafi, wakazutondejela kunaMariya Magadalena, yoyo wakababhiswa madimoni mashanu anatubili, ¹⁰Wakenda akanobuja yabo bakabeli naye, ibo bakabelila nokufwikula. ¹¹Bakawha kuti umpenyu nokuti wakababonwa naye. koga abajakadimbwa.¹²Mushule kozo wakaboneka elimunechimwe chimo kubanhulume babili bakabenda kuzhe kweguta . ¹³Bakabwilila bekanobuja bamwe, koga abajakadimbwa.¹⁴Akale Jesu wakazutondeja kugumi inakamwempela bakabelya petebuli, ekabakalalila nokusodimbwa nokukoma komwoyo yabo, nokuti abajakadimbwa yabo bakombona paakamuka kubafi. ¹⁵Wakati kwabali, "Indani munyika yose, munobhaunula iNdebo Mbuya kuzubumbwa zose. ¹⁶Yoyo unodimbwa esikobhabhatizwa uchachijwa, nabo basinodimbwa bachanotongeswa.¹⁷Zuboneso yozu zwichenda nabo banodimbwa: Muzina lyangu bachatatamila madimoni. ¹⁸Bachalebeleka nendimi impya. Bachanunga inyoka namaboko abo, bekanwa zunhu zunobulaya, azutobalwajisa. Bachabhata namaboko abo banolwala, besikopola."¹⁹Wakati apeja kulebeleka nabo Jesu Khristo, wakanyamulwa enda kudenga ekagala kuluboko lokululyi lwaMwali. ²⁰Balayijwa bakabhuda bekanopupula kose kose, She beshinga nabo bekavuma iwhi zwakabeli nozutondejelo zwakabenda nabo.]

¹Paulo, umpositoli_ atobeli umpositoli nokubigwa nabanhu kana wokushingila banhu, nomuna Jesu Khristo naMwali Tate, wakamuswa mubafi_ ²nabose bakazwaji bananami, nokunsondo jose jeGalatiya:³Ishe kunawi nolunyalalo lunova kunaMwali Tate bedu akale naShe Jesu Khristo, ⁴wakazupila kuluchinyo lwedu kutila kuti tiwane luchijo pejanja yeli, nokuda kwaMwali Tate bedu, ⁵lukujo ngalube kwaali lini nalini. Amen.⁶Ndinochenamiswa nokuti ini mukimbija kutizhila kule nooyo wakamushoba neshe jaKhristo. Ndimuchenamiswa nokuti mumunda kowhilila jimwe ndebo mbuya, ⁷kusikuti akuna imwe indebo, koga kuna bamwe banhu bamumuchinyisa beda kushandula indebo yaKhristo.⁸Koga kana kuli kuti ndisu kana inhumwa inova kudenga ichapupula indebo imbuya kunawi ilosiyana neyi yatakapupula kunawi, ngetukwe. ⁹Sezwatakaleba kale, feno ndinoleba kabili "Kana umwe epupula indebo imbuya kunawi isili iyo yawakatambula, ngetukwe." ¹⁰Feno ndinoshaka ishe jabanhu kana jaMwali? Ndimushaka kushantisa banhu na? Kana ndichinokweja kushantisa banhu, atobami undanda waKhristo.¹¹Feno ndoda muzibe, banakwayina, kuti indebo imbuya yandakapupula atoba indebo mbuya yonhu, ¹²andijakazuwana kunhu kana kulayijwa. Koga, ndakaboniswa naJesu Khristo.¹³Mwakawha nozobupenyu bwangu bwantolo ndichikuJuda, kuti ndakabebulaya chini igubungano lyaMwali ndikweja kulibulaya. ¹⁴Ndakandila mbeli kuJuda kupinda banji bejanja lyangu, kubhuda kubanhu bokunasu.' Ndikokunyema kwandakata ndibona banhu bekonwa kulondota magalilo akabeta matate angu.¹⁵Koga Mwali, wakandishaluja ndiva muntumbu mwamai bangu, akandishoba neshe jije, wakashanta. ¹⁶kutondejela Mwana uwe kunami, kutila kuti ndibhaunule nozuzwe kumaGentali, andijakakambija kubhuza umbili nelopa. ¹⁷Andijakenda kuJelusalema kunabo bakaba bapositoli mbeli kwangu. Koga, ndakenda kuArabia ndikabwilila kuDamasiko.¹⁸¹⁹²⁰Kwapinda makole matatu ndakenda kuJelusalema kuti ndinozibisisa Kefasi ndikakagala naye kwamazhuba makumi mashanu. Koga andijakabona bamwe bapositoli kuzhe kwaJakobe, banakwayina baShe. Zwandinomukwalila , ndomubimbisa mbeli kwaMwali kuti andijimunyepa.²¹Ndakenda kumabhazu eSyria neCilicia. ²²Andijakabezibikana mumesho egubungano lyomuJudiya bako kuna Khristo. ²³Bakazuhwa zulebelekwa, "Unhu wakabetibulaya umubhaunula indebo mbuya yokudimbwa yakabeda kupalaja." ²⁴Nokudalo bakakuja Mwali pezhulu pangu.

¹Kwapinda makole gumi notuna, ndakenda pezhulu kuJelusalema ndili naBanabasi, ndikatola naTito. ²Ndakenda nenyaya yechitondejelo akale nokuswincha indebo mbuya yandinopupula pakati pamaGentali. Ndakalebeleka nabanhu balokosha akale kukasisika nditila kuti ndisilabuke _ kana kusibe nechinangwa chokuti ndilabuke _ andijakalabuka ndilabukila _ pasina.³Koga kusikuti ndiTito, wakabeli nami wokuGiliki, wakabhatwa namasimba kuti emalajwe. ⁴Bakazwaji bamanyepo bakezha musiswa kowhilila lusununguko lwatinanalo kunaJesu Khristo. Bakabeda kutitolela lusununguko lwedu, ⁵koga atijakabavumila , kutila kuti ichokomende lyendebo imbuya isale kunamwi.⁶Yaba bakaboneka, sabalokosha(asizi kuti ndibani azujilokosha kunami, asi Mwali atoshaluja) _ yabo, ndoleba balokosha abajakapamija kunami. ⁷Nokunelimwe bhazu, bakabona ndibhatiswa indebo imbuya kunabo basijilomhalajwa, senzila Petulo yakabhatiswa indebo imbuya yabo balomhalajwa. ⁸Nokuti Mwali wakabeshinga munaPetulo sompolofeti kunabo balomhalajwa, wakaandishingila namibo kubaGentali.⁹Jakobe,,Kefasi, naJohane, bakabelinezina lyedabijo kubanhu, bakabona ishe jandakapiwa, bakapa Bhanabhasi nami imvumo yokunamata. ¹⁰Bakavuma kuti tinde kubaGentali ibo bende kunayabo balomhalajwa. Bakakumbila kuti tiyeye basheti, zuli izo zwandakabelakamila kuta.¹¹Asi Kefasi paakasika kuAntioch, ndakondambila kumesho kukwe nokuti wakalambwa. ¹²Kusanu kwezha bamwe banhulume beva kunaJakobe, Kefasi wakabelya nabaGentali. Asi pabakasika banhulume yaba, wakaleka akagala kule nabaGentali. etya yabo bakabekumbila kumhalajwa.¹³Akale baJuda bose bakabhatana nabamwe mukuzwitisa. Bhanabhasi naye wakabhuda munzila ilokwelela nenyaya yokuzwitisa kwabo. ¹⁴KOga pandakabona kuti bunhu bwabo abujimutobela inzila iliyo yendebo mbuya, ndakati kunaKefasi, mbeli kwabo bose, "kana uliJuda, umulalama samaGentali usijimugala bupenyu bwamaJuda, ungata chini kuti kuti baGentali begale sabaJuda na?"¹⁵Isu takazwalwa tili maJuda atitobeli baGentali bachinyi; ¹⁶koga toziba kuti apana unhu uchalingwa nemishingo yomulawo asi nokudimbwa muna Khristo Jesu kutila kuti nasubo tilingwe nokudimbwa muna Khristo pe nemishingo yemilayo. Nokuti nemishingo yomulawo apana inyama ichalingisiswa.¹⁷Koga kana, tida kululamiswa munaKhristo, nasubo takawanikwa tilibachinyi; timuvha kuti Khristo unopupula iwhi lyabachinyi? Azutobeli alo! ¹⁸Nokuti kana ndida kubaka bupya zwinu zwandakapalaja, ndinobatondeja kuti ndopambana nemilayo. ¹⁹Nokuti nomumulawo ndakafa mumulawo, kutila kuti ndilalamile Mwali. Ndakalobelelwa ponchinjikwa pamwempela naKhristo.²⁰Akutobami umulalama, koga Khristo umulalama munami. Bupenyu bwandinolalama munyama ndibokudimbwa kuMwana Nhulumyana waMwali, wakandida akazwipila kunami. ²¹Anditobiga kumbali ishe jaMwali nokuti ngana bululami buwanikwa nomulawo, zwinova kuti apana chakafila Khristo.

¹Malema maGalatiya! Ndiyani wakabiga chiposo kunamwi? Kwakabeli mbeli kwamesho enu Jesu Khristo pakatondejwa kubanhu banji sonhu wakalobelelwa panchinjikwa . ²Yozu ndizo zoga zwandinoda kulayijwa namwi: Mwakatambula na Umpepo nemishingo yomulawo kana nokuwha nozokudimbwa. ³Mumalema na? Sabanhu bakatanga nompepo, moda kululamiswa munyama na?⁴Mwakayabula muzunu zunji na_ kana zuli izo mwakayabulila pasina na? ⁵Yoyu unomupa mpepo eta zuboniso mbeli kwenu unozuwana mumulawo na kana mukuwhilila zokudimbwa?⁶SaAbhulahama, "wakadimbwa Mwali ndizo ekabokwa nobululami," ⁷munzila inofanana, whisisani, koga zokuti yaba banodimbwa bana ba Abhulahama. ⁸Imbalo, yoyu paakaboneswa, zwembeli kuti Mwali ezutondeje kumaGentali nokudimbwa bakapupula iwhi lyaMwali mushule mwaAbhulahama, eti, "munawi luji lwose luchakombolelwa." ⁹Nokudalo, yabo banodimbwa balokombolelwa pamwempela naAbhulahama, unhulume woluvumilo.¹⁰Bose banobimba ponshingo womulawo upopasi pechituko; nokudalo kulokwalwa kuti, "Ulotukwa wose usinotobeleja zose, Zulokwalwa mubhuku lyomulawo , bezute." ¹¹Feno zupopachena kuti apana uloluma mbeli, kwaMwali, zupopomulawo, nokuti "baloluma pachalalama nokudimbwa." Asi mulawo awutobeli wokudimbwa, ¹²Koga mulawo awutobeli kudimbwa, koga, "Unhu unota nshingo womulawo unokwelela kulalama nawo."¹³Khristo wakatichija kuva muchituko chomulawo nokuba chituko kunasu_ nokuti kulokwalwa kuti, "Balotukwa bose banolengelela ponti."_ ¹⁴kutila kuti chikombolelo chaAbhulahama chingezha kumaGentali munakhristoJesu, kuti nokudimbwa kwedu tingawana chibimbiso chompepo.¹⁵Banakwayina, ndilekeni ndilebeleke zwinowhisisika kubanhu. Chivumilano chinotika pakati pabanhu chizhajikijwa nomulawo, apana angabhisa kana kupamija. ¹⁶Feno zubimbiso zwakabalebwa kunaAbhulahamu nokuzuzekululu zuzwe. Alitolebeleka liti, "kuzwizekululu, zuva banhu banji, koga kunhu umwempela chete, "nokunamwi zwizekululu," uliKhristo.¹⁷Feno zwandimuleba ndizozu: Mulawo, wakezha kwapinda mazana mana namakumi matatu, atovumila chivumilano chantolo chakabigwa naMwali, kumisa chibimbiso. ¹⁸Nokuti ifuma linozha nomulawo, koga alichinozha, lisichinozha nechibimbiso. Koga Mwali wakachipa kunaAbhulahamu mahala.¹⁹Ini, koga, chakabelichinangwa chomulawo? Yakapamijwa pezhulu poluchinyo kujine chizekululu chaAbhulahamu chizhe kuchakabimbiswa. ²⁰Iwhi lyakaponchwa kushingiswa iNhumwa noluboko lwezhendeji. Koga Mwali umwempela.²¹Zunokwendelana nomulawo unosiyana nozubimbiso zwaMwali? Pe azutokwendelana! Nokuti kana mulawo wakapiwa unopa bupenyu, zunoleba kuti ngana bululami bwakezha nomulawo. ²²Koga imbalo yakasunga zose pasi poluchinyo kutila kuti chibimbiso china luvumilo munaJesu Khristo lungapiwa kuna yabo banodimbwa.²³Koga luvumilo lusanu lwabayipo, takabhatwa nomulawo, tikasunga kuswika luvumilo lwaboneka. ²⁴Kova mulawo ukabandondoti wedu kuswikila Khristo paakezhila, kutila kuti timilililwe noluvumilo lwedu. ²⁵Koga feno yolo luvumilo lwabayipo, takabhuda kukulondotwa. ²⁶Nokuti mose mubana baMwali mushanganiswa noluvumilo lwenu munaKhristo Jesu.²⁷Nokuti mubunji bwenu mwakabhabhatizwa munaKhristo mukambajikwa zwaKhristo. ²⁸Akuna uGiliki kana uJuda, akuna bashingi kana balosununguka, akuna banhulume kana banhukaji, nokuti mose mubanhu bamwempela munaKhristo Jesu. ²⁹Kana mulibaKhristo, muzuzekululu zwaAbhulahamu, nabalyi mafa zukwendelana nechibimbiso.

¹Ndimuleba kuti undyi wefuma, konshaji wakalebha chini unobeli mwana, apana nsiyano nechingi, koga elimweni wendawo. ²Koga elipasi pabakulwana kusika izhuba lyakabigwa nadade babe.³Akale, tichili batukutuku, takabetiwa kuti titobele zunotiwa munyika. ⁴Koga pawakasika unshaji, Mwali wakatuma mwananhulumyana, wakazwalwa nonhukaji, ⁵wakazwalwa pasi pondawu kuti echije yabo pasi pomulawu kutila kuti posa tingatolwa sabana babe.⁶Akale nokuti mubanhulume, Mwali wakatumila umpepo womwana nhulumyana mumwoyo yedu, unolila eti, ''Abba, Dade.'' ⁷Amuchili zushingi, koga mwana, akale mwananhulumyana, akalen undyi wefuma kubhudilija kunaMwali.⁸Asi ponshaji yoyo, pamujakabeziba Mwali, mwakatiwa zushingi nayabo, namasimba abakeli nawo, asijili aMwali. ⁹Koga sezwo mwaziba Mwali, kana kuzibwa naMwali, asi ini mundishandukila kunabo basina masimba nabasinoziba kushingisa imali? Munoda kutiwa zushingi kose kabili na?¹⁰Unolinga mazhuba, mweji mipya, mwaka namakole! ¹¹Ndimukutyila nokuti unshingo wangu nawi posa awutoshinga.¹²Ndimumukimbila, banakwayina, ibani sami, nokuti ndakaba samwi. Apana chibi chamwakanditila. ¹³Asi munoziba kuti bwakabeli bulwaji bwenyama bandaka pupula iwhi lyaMwali kokutanga, ¹⁴akale kuba kwangu kwenyama kumumubiga mukumu kwejwa, amujaka kandilamba kana kundilingila pasi. Asi mwakanditambula sokuti ndakabeli nhumwa yaMwali, sokuti ndakabeli iye Jesu Kristu.¹⁵Nayozu chiipi chikombolelo chicho?Nokuti ndikakupupulila, ndiyani walokubhisa mesho endipe. ¹⁶Nayozo, ndaba mbengi uwo na nokuti ndakubuja ichokomende?¹⁷Balosungwala kuti bezunde, asi besina chinangwa chokudalo. Banoda kumujikamisa kuti musungwale kunayibo. ¹⁸Zwagala zubuya kusungwalila nechinangwa chibhodo, kusube patinobeli tose chete.¹⁹Bana bangu, ndimuwha kulwajilwa kokuzwala kusika Kristu wabumbwa mwamuli. ²⁰Chishubilo changu kuti ndibe yipo nawi ndishandule lulimi lwangu, nokuti ndilo chenamiswa nawi.²¹Ndibuje, iwi unoda kuba pasi pomulawu, awutowhilila mulawo na? ²²Nokuti kulokwalwa kuti Abrahama wakabeli nabana banhulume babili, umwe wakabezwalwa nonsichana wakabeli chishingi koti umwe nonkaji uwe. ²³Umwe wabezwalwa nonsichana wonshingo zope nyama, koga umwe wakabezwalwa nokanji uwe zuli pachibimbo.²⁴Yozu zunopandululwa sekwale kumo nokuti yaba b anhukaji balomilila zuvumilano. Umwe wabo wokudunhu llyokuSinayi unozwalila mubulanda. Yoyu unowhi Haga. ²⁵Feno Haga unomililila idunhu lyokuSinayi iko kuArabhiya; akale ulomilila iJerusalema ipo, umo mubulanda nabanha babe.²⁶Koga iJelusalema ilosungunuka, akale ndimayi bedu. ²⁷Nokuti kulokwalwa, ''Shanta, iwi ngomwa usinozwala; lililila ushomeja mulushanto, iwi usinoshangana nokulwajilwa kokuzwala; nokuti bana bonhu usina ndume banji kupinda boyu unondume.''²⁸Koga imwi, banakwayina, saIsaki, bana bechibimbiso. ²⁹Noyo nshaji yoyo wakazwalwa munyama wakashetesa yoyo wakazwalwa nompepo. Zulofanana nafeno.³⁰Koga umbhalo unotini? ''Tatani chishingi nomwana uwe.Nokuti mwana yoyo hatokobejana ifuma nonkaji wolusununguko.'' ³¹Nokudalo, banakwayina, atitobeli bana bechishingi, asi bonkaji wolu sununguko.

¹Nolusununguko Kristu wakati supula. Imani musime, nokudalo, usibe ijogwe lobulanda. ²Linga, imi, Pawulo, ndinoti kwawuli mukazuleka mumalajwa, apana zwamuchawana kuna Kristu.³Ndichapupula kuwose nhu uchamalajwa kuti ulokwelela kutobeleja mulawu. ⁴Wabhiswa munaKristu, mulawu uchakumilila; amutobubona kana kuwana bushe.⁵Kupindilija nomumpepo, nokudimbwa, tinolamba tikamilila lubimbo lokululama. ⁶Muna Kristu Jesu kumalajwa kana kusamalajwa kulokosha, koga kudimbwa chete mushinga muludo. ⁷Mwabeta zubuya. Ndiani wakomujibisa kuti muwhilile ichokomende na? ⁸Lukwekwetejo yolu alutova kunayiye wakamushoba!⁹Unkunkumiso unshoma unokukumalisa zose. ¹⁰Ndinechibimbo kunaIshe kuti uyeye zumwe zulosiyana. Unoku shetesa uchashupeka pezhuba lyokutongwa.¹¹Banakwayina, kana ndichinopupula kumalajwa, mumundishupilani? Chilovalila unchinjikwa chabhiswa. ¹²Bose bamuku kanganisa, ngana babazubhisa zwabo!¹³Nokuti mwabashobelwa kosunungula, banakwayina. Koga musushingise kusununguka yoku kuti muchinye nemibili yenu; koga, muludo shingani pamwempela. ¹⁴Nokuti mulawu unozhajikijwa pawunoti: ''Ida umbakijani wuwo sokuzuda kwawunozuta.'' ¹⁵Koga mukalumana musino whanana pachenu, lingisisani musilyane chenu chenu.¹⁶Asi ndinoti, kwendani mumpepo kuti musite zudo zwenyama. ¹⁷Nokuti chido chenyama achitokwendelana nompepo, akale chompepo chilopesana nenyama. Nokuti yozu zulopesana, kutila kuti musute zwamunoda. ¹⁸Koga ukatungamilwa nompepo, wabhuda mumulawu.¹⁹Mishingo yenyama inozupupulila: busangu, kuswibha, kupenga, ²⁰kunamata zufanikijo, kunyema, kulwana, inyonganyonga, ²¹kuchiba, kupembela mukolwa, kupalajana, zose yozu. Ndomuchenjeja, sokumuchenjeja kwandinohala ndita, bose banota zunhu yozu abatobona bushe bwaMwali.²²Koga unchelo wompepo ludo, lushanto, lunyalalo, mwoyo ndefu, mwoyo nchena, bubhodo, kudimbwa, ²³kujikama, kuzubhata; kupesana zozu akuna mulawu. ²⁴BaKristu Jesu bakalasha zose zokuchinya.²⁵Kana tigala mumpepo, ngatikwendeni mumpepo akale. ²⁶Tisuzukuje, kutukana, kana kutilana ishanje.

¹Banakwayina, pelinomwe uchabhatwa etaluka undawo, imwi muna mpepo mokwelela kuti elumiswe nompepo wokujikamiswa. Unokwelela kuzundolota, kuti usingine mukuchijwa. ²Nyamulilanani mitolo, kuti kuzhajikijwe mulawu waKristu.³Kana umwe eyeya kana kuzubona ekakosha koga esichinhu, umuzichengeja. ⁴Umwe nomwe unokwelela kuzulingisisa mishingo iye, kuzunyamula kunoba kukwe ega bamwe besinongina. ⁵Umwe nomwe uchazunyamulila mitolo iye.⁶Yoyu umulayijwa iwhi unokwelela kukobelana indebo mbuya noyo umulayija. ⁷Musuchengejwe. Mwari hatosekwa, zose zwawunobyala ndizo zwawucha vuna. ⁸Yoyo unobyala imbewu munyama iye, uchakowha kupalaja. Yoyo unobyala imbewu mumpepo, unokowha bupenyu businopela.⁹Tisunyale kuta zubhodo, nokuti tichakowha nonshaji ulokwelela. ¹⁰Atiteni zubhodo kuna bose banhu, kasa kasa kunabo bengumba yokudimbwa.¹¹Lingani iwhalo yeji jandino mukwalila namaboko angu kuti jilefu chini. ¹²Yabo bamuda kuzutondejela munyama kana kubhata bamwe nesimba kuti mumalajwe. Banota yozu kuti besishupilwe unchinjikwa waKristu. ¹³Nokuti nabo basilo malajwa banolondota mulawu, koga banoda mumalajwe kutila kuti bezukuje nenyama iyo.¹⁴Koga ndisuzunyamule kuzhe komchinjikwa washe Jesu Kristu, kubhudilija nomunyika yakalobelelwa kunami, nami kunyika. ¹⁵Nokuti kumalajwa kana kusomalajwa akutoleba kana chinhu koga kubumbwa bupya. ¹⁶Bose banokwenda munzila betoleja zwaanoda, lunyalalo neshe zuchabatobela, nokubaIsrayeli baMwali.¹⁷Kuvha nhasi pesube nomwe uchandishupa, nokuti ndilonyamula mavanga awe. ¹⁸Ishe jaJesu Kristu ngajibe nompepo wenu, banakwayina. Amen

¹Paulo, umpositoli waKhristo Jesu nokuda kwaMwali, kubanhu bachena baMwali bayimo muEfesusi, balobimbika muna Khristo Jesu. ²Ishe kunamwi nolunyalalo lunova kuna Mwali Tate bedu naShe Jesu Khristo.³Ngana Mwali naTate bedu baShe Jesu Khristo bakujwa, wakati kombolelwa nazwose zwikombolelo zompepo kubugalo bwamatenga munaKhristo. ⁴Mwali wakatishala muna iye kuva kumatangisilo enyika, kutila kuti tibe bachena basina chibi mumesho awe nomuludo lulwe.⁵Noludo Mwali wakatida sabamwe bemhuli iye, akatilondota sabana babe nomuna Jesu Khristo, nolushanto lwechido chiche. ⁶Kulondotwa kwedu kunotiwa nolukujo lokungayima kuchena kwakatipa muna iye waanoda.⁷MunaJesu Khristo takawana luchijo nelopa lilye akale nokulekejelwa koluchinyo lwedu, nokufuma kweshe jije. ⁸Wakapamijila ishe jije kunasu nobuchenjevu nokuwhisisa.⁹Mwali wakatizibisa zuchenamiso zokuda kukwe, nozunoshantisa, nozo zwakatondejela muna Khristo, ¹⁰nokubona kwechinangwa mukuzhajikijwa konshaji, kubunganisa zunu,zose, zunu zose kudenga napasi, pasi ponsholo umwempela, kana Khristo.¹¹Muna Khristo takapiwa ifuma, sezo takatiwa bamwe bemhuli zunda nobulongwa boyo unoshinga eta zose nokuda kukwe. ¹²Mwali wakatishala sabalyi befuma isu, bakatanga kubimba munaKhristo kuvila kumatangisilo , zunaba zolukujo bobushe bubwe.¹³MunaKhristo, namwibo, pamwakawha iwhi lyechokomende, indebo imbuya lyoluchijo lwenu, mwakadimbwa kuna iye mwakakonywa nechibimbiso chompepo Nchena, ¹⁴iye ulichibimbiso chefuma yedu kuswikila kusupulwa kozupo kulukujo lobuchena bubwe.¹⁵Pezhulu pechinangwa yechi, kuvila pandakawha nozokudimbwa kuko munaShe Jesu akale noludo lulo kubanhu bachena baMwali, ¹⁶Andijanu ndaleka kuboka Mwali pezhulu papo nokukuleba muminamato yangu.¹⁷Ndanamata kuti Mwali waShe Jesu Khristo, Tate bobuchena, bachakupa umpepo wobuchenjevu akale wokumpamula mukuziba. ¹⁸Ndanamata kuti mesho omoyo uwo ezhulike, kutila kuti uzibe lubimbo lwakakushobela nefuma lyobuchena bwefuma pakati pabose bachena baMwali.¹⁹Muminamato yangu ndokumbila kuti muzibe bukulwana bwamasimba awe kunasu banodimbwa, zundila mukushinga kwamasimba awe makulwana. ²⁰Akale yaya ndiwo masimba akashinga munaKhristo yopo pakomusa kubafi akongajika kuluboko lulwe lwechilyi kubugalo bokudenga. ²¹Wakagajika Khristo pezhulu pabo bose butongi akale namasimba makulwana, akale nalose izina lino shobwa. Khristo banotonga, asi kusi kwamakole yaya, asi mumakole anozha.²²Mwali wakabiga zunu zose kuti zube pasi pamakumbo aKhristo, akale ekompa kugubungano kuti ebe unsholo pozunu zose. ²³Igubungano umbili uwe, kuzhajikijwa kukwe unozhaja zose muna zose.

¹Koga samwi, mwakabafa muzubi nomuluchinyo, ²yomo mumwakaba kwenda, munzila jomunyika. Mwakalalama sabatongi bamakota omumpepo, umpepo umushinga mubana basinowhilila. ³Kale tose takagala pakati pabanhu yaba tizhajikija zudo zwenyama yedu, nokushinga mishingo yozudo zwenyama nozwendangalilo . Takabeli bana bozubo mumbumbilo, sazose zubumbwa.⁴Koga Mwali ulofuma mushe nokuti ludo lulwe lukulwana lwakatida nalo. ⁵Patakaba tikafa muzubi, wakata kuti tibe bapenyu tose munaKhristo _ neshe takachijwa. ⁶Mwali wakatimusa pamwempela naKhristo, akale Mwali wakata kuti tigale tose mubugalo bokumatenga muna Khristo Jesu, ⁷kutila kuti mumakole anozha etitondeje ifuma inji yeshe jilotondejelwa mushe jije kunasu mbeli kwaKhristo Jesu.⁸Nokuti neshe mwakachijwa nokudimbwa, asi yozu azujakava kunamwi, chipo chaMwali, ⁹zusinova mukushinga, kuti pesibe unozuloba chifuba. ¹⁰Nokuti tizushingiswa zwaMwali, takabumbilwa pana Khristo Jesu kuta mishingo yedu mibuya yakabambwa ntolontolo , kuti tikwende nayo.¹¹Nokudalo yeyani kuti pamwakabeli maGentali munyama. Munoshobwa kuti "basilomhalajwa" zunolebwa kuti "kumhalajwa " kopenyama kunotiwa namaboko abanhu. ¹²Nokuti panoyo unshaji mwakaba mukapambulwa munaKhristo, bokuzha mubugalo bomuIsilayeli, bakwendi muchivumilano cholubimbo, musina kubimba akale musina Mwali munyika.¹³Koga ngweno munaKhristo Jesu yaba bakabeli kule naMwali bakabuzwa pafupi nelopa lyaKhristo. ¹⁴Nokuti iye womene lunyalalo kwatili, nokuti wakatita tikaba bamwempela. nenyama iye wakakolomola bulambo bunoganula malwajo. ¹⁵Wakabiga kumbali milawo nemilayo kuti ebumbe muna iye unhu umpya eva pababili, eta lunyalalo. ¹⁶Khristo unobhatanisa banhu babili kuba umbili umwempela kunaMwali zubhudila panchinjikwa, zubiga kufa kumalwajo.¹⁷Jesu wakezha ekapupula indebo imbuya yolunyalalo kunamwi bakabeli kule akale lunyalalo nokunabo bakabeli pelyo. ¹⁸Kubhudikija naKhristo tose tilosungulwa muMpepo umwempela kuswika kunaTate.¹⁹Nokudalo, imwi ngweno maGentali amuchilibokuzha nabakwendi. Koga mubagajikani nabachena baMwali nemhuli yengumba yaMwali. ²⁰Mwakabakwa pakutangisila kwabapositoli nabapolofita, naKhristo Jesu omene elibwe lopechiswi. ²¹Muna iye chibakwa chose chinoma zubhodo kova chikubuka kuba itempeli jena munaShe. ²²Ndimunaiye kuti nasu timubokwa pamwempela kuba bugalo bwaMwali muMpepo.

¹Nechisoko yechi imi, Pawulo, unsungwa waKristu Jesu wenu maJentali-. ²Ndinoyeyela kuti mwakawha nozoku bimbika kweshe jaMwali kwamwakapiwa kunamwi nokwamuli.³Yechi chishamiso chaka zibiswa kunami kupinda nompamulo, sozwa ndaka kwala pashoma. ⁴Mungobala yozu, muchakwanisa kuwhisisa umbono upo muchishamiso chokuta naKristu. ⁵Kuna zumwe zuzwalwa chishamiso yechi achijaka zibikana nabananhulumyana babanhu. Koga zwaka shambajika nompepo kuba postoli nabaprofiti babe balolulama.⁶Isiswa lyechokomende linoti maJentali ndibo balyi befuma akale imhingu yombili, banokobelana chibimbiso munaKristu Jesu nendebo mbuya. ⁷Nokuti ndakaba chishingi chendebo mbuya chindakapiwa neShe jaMwali jandakapiwa nokushinga kwesimba lile.⁸Kunami- kojoba ndilipasi pabose banhu baMwali balolulama- yeji ishe jakapiwa, kupupula kubaJentali bufumi businoshakika bwaMwali ⁹nokubuza chimuniko kuchilongwa chabose- chishamiso chilosisikana kwamakole muna Mwali, wakabumba zose zunhu.¹⁰Bulongwa bwakozibikana kubhudikija negubungano kuti batungamila naba tongi bapo kubugalo bwoku denga bakabezha kuti bezibe madibi manji ombumbilo wobu chenjevu bwaMwali. ¹¹Yozu zwakatikana sobulongwa businopela bwakapeja munaKristu Jesu Ishe wedu.¹²Nokuti munaKristu tina mwoyo akale tinowana nokubimba nokuda kokudimbwa kwedu munayiye. ¹³Nokudalo ndomukumbila kuti musumbwele mwoyo nokuda kokusheteswa kwangu, nokuda kwenu, kuli kukujwa kwenu.¹⁴Nechinangwa yechi ndichafugama kuna tate, ¹⁵kuvha kuma zina ekumhuli yokudenga nomu nyika. ¹⁶Ndinonamata kuti emupe imvumo, sefuma yolukujo lulwe, kuti musimiswe nesimba kupinda nompepo uwe, yoyo upo munhu womukati.¹⁷Ndinonamata kuti Kristu egale mumwoyo yenu nokudimbwa akale kuti musimiswe nokuwanilwa muludo lulwe, ¹⁸kuti mukwanise kuwhisisa, nabalo lulama baMwali, ini bupabi, bulefu nobumililo, akale ¹⁹nokuziba ludo lwaKristu, bunopinda luzibo, kutila kuti muzhajwe nobukulwana bwaMwali.²⁰²¹Ngweno kunayiye unotubula kuta zwatino kumbila kana kuyeya, nomusimba lilye limo munasu, kunayiye ngakube nolukujo mugubungano nomuna Kristu Jesu kuzuzwalwa kuswikila lini nalini. Amen.

¹Imi, nokudalo, sonsungwa waShe, ndomukutayija kuti mukwende nonshobelo wayoyu wakamushoba. ²Ndomukutayija akale kuti muzudeleje nokujijama akale nomwoyo ndefu, muwilana ishe umwe nomwe muludo. ³Itani zwamunokwanisa kutila kuti mulondote kubhatana kompepo muchisungo cholunyalalo.⁴Kuna umbili nompepo umwempela, sezwa makashobwa mukubimba kokushobwa kwenu. ⁵Akale kuna She , kudimbwa, lubhabhatizo, ⁶naMwali umwempela naTate babose, bapo pezhulu pazo zose zubhudilila munayibo monunazose.⁷Kunasu tose ishe japiwa nonkwelelo nechipo chaKristu. ⁸Sezwali noleba iwhi liti: ''Pakenda kudenga, wakatungamilila butapwa mubutapwa, akapa zwipo kubanhu.''⁹Zunovhani kuti ''wakathana'', kuzhe kokuti wakabhulukila mumabhazu apasi enyika? ¹⁰Yoyo wakabhuluka ndiye akale wakathana kule pezhulu kwawo wose matenga, kuti ezhaje zunu zose.¹¹Kristu wakapa bamwe kuti bebe mapostoli, bamwe mapolofita, bamwe mavangeli akale bamwe batebuji nabamwe balayiji ¹²kusungwaja banhu baMwali balolulama ponshingo nokubaka umbili waKristu, ¹³kuswikila tabhatana nokudimbwa noluzibo bomwana nhulumyana waMwali, kutila kuti tikubuke tibhate akale unkwelelo wokuzhajwa muna Kristu.¹⁴Kristu wakatibaka kuti tisibe sabana batukutuku banoposwa mushule nambeli namapitu evula, kutolwa nebhepo yomulawu nokunyepelwa nabanhu muzuto zwabo zusilo lulama. ¹⁵Koga, kulebeleka chokomende muludo, tokwelela kukubuka munzila jose muna iye ulinsholo, eli, Kristu. ¹⁶Akale Kristu unobaka umbili wose, unoshanganiswa noku bhataniswa pamwempela nawose makanyu anobhancha, kana chibabi chombili chishingilana nozumwe zunota umbili kuti ukubuke uzubake muludo.¹⁷Nokudalo, ndoti ndisimisa yozu munashe, kuti musukwende munzila inokwenda maJentali, mumiyeyo isina lubhancho. ¹⁸Baloswibhilwa mukuwhisisa, bekashudubuka mubupenyu bwaMwali nokuda kobututa bwabo, nokukoma komwoyo yabo. ¹⁹Abachine shoni bazupila kubupombwe, nabanota zose zobutema nolulyo.²⁰Koga atobayizo zwamaka layijwa naKristu. ²¹Ndinobimba kuti mwakawha nozuzwe, mwakawha nozuzwe mukalayijwa muna iye, sechokomende muna Jesu. ²²Mwakalayijwa kusiya zunova kubunhu bobupenyu bwenu bwantolo, kubhisa kadala kantolo. Nokuti undala unochengela nomoyo uwe wobuchenjeli.²³Mwakalayijwa kuti mushandulwe mumpepo wenu womundangalilo, ²⁴nokubiga unhu umpya ulobumbwa mufananijo waMwali- mubululami nomubuchena.²⁵Nokudalo, siyani manyepwa, mulebeleke ichokomende nombakijani uwe, nokuti timungu jomwe nomwe. ²⁶Nyemani akale musuchinye. Musuleke izhuba lishunama mukanyema. ²⁷Musupe unshaji kuna Satani.²⁸Yoyo wakabe kwiba unokwelela kusiya. Koga, unokwelela kushinga, eshinga pozunhu zubuya namaboko awe, kutila kuti ewane zwanokobelana nabamwe. ²⁹Usuvumile indebo jino lwaja jibhude mundomo uwo, shingisa mawhi mabhodo chete mukuzhajikija yabo banolida, kutila kuti mawhi awo ape ishe kunaba nowhilila. ³⁰Musishunguluje umpepo nchena waMwali, koga zumo muna iye kuti takavukatijwa nezhuba lyaka titenga.³¹Bigani kumbali mwoyo unolwaja, bukali, kunyema, kukalilana, nokutukila, zukwendelana nokubipa bose. ³²Iba neshe kunomwe nomwe, iba nomwoyo unyolo, lekelelanani zubi, sozwaka tilekelela Mwali muna Kristu.

¹Nokudalo atibeni banotobeleja zunota Mwali, sabana banodikana. ²Akale tikwende muludo, sokudiwa naKristu kazwipila isu, umpilo umbuya kuna Mwali.³Asi bupombwe nokumwe kuso chena kana buhwaba azutokwelelwa kulebwa pakati penu, nokuti yozu azujilo lulama kuna banhu baMwali. ⁴Kusibe noku swibhisa, kana kulebeleka zobulema, kana kutukila kwensawu- zose yozu zusijilo lulama. Koga kunokwelela kupa kuboka.⁵Nokuti munoziba kuti akuna bupombwe, neshambwa, kusochena, kana unhu unalulyo- unobe unamata ChiMwali- unane fuma mubushe bwaKristu naMwali. ⁶Kusibe banomuchengeja namawhi asiliwo, nokuti bukali bwaMwali bumuzhila banhumyana bokusowhilila. ⁷Nokudalo, musuzushanganise muna ibo.⁸Nokuti mwakabeli munhilima, koga mwaba chimuniko munaShe. Kwendani sabana bolumuniko ⁹(nokuti unchelo wechimuniko unoshanganisila bubhodo, bululami, nechokomende), ¹⁰mubakweje bevumilane nozuno shantisa Ishe. ¹¹Usushanganyile nozunhu zusina michelo nemishingo yenhilima, koga muba shambanje. ¹²Nokuti zunosheshemisa kuleba zunhu zwabanota palosisika.¹³Koga kana zose zwaba pachena, zunoboneka. ¹⁴Nokuti zose zunoboneka mwenje. Nokudalo zunoti, ''Muka, iwi, ulele, umuke kubafi, Kristu uchapenya kwamuli.''¹⁵Lingisisani makwendelo enu- sabajilo chenjela koga balo chenjela. ¹⁶Bhatisisani ponshaji yoyo nokuti mazhuba yaya mabi. ¹⁷Nokudalo, musube malema, koga muwhisise zunoda Mwali.¹⁸Musukolwe newayini, nokuti zunomusenga mukuta zunhu zusilo lulama. koga, muzhajwe nompepo chena, ¹⁹mulebeleka nejinyimbo jokukuja Mwali nomwoyo yenu yose, ²⁰mugale mupa kuboka zose zwamunotilwa naMwali, muzina lyaShe Jesu Kristu kuna Mwali tate, ²¹tibe pasi pomwe nomwe asi tibe nolutyo muna Kristu.²²Bakaji, zudelejeni kuba lume benu, sokuna Ishe. ²³Nokuti undume unsholo wonkaji naKristu elinsholo wegubungano, iye unchiji wombili. ²⁴Koga igubungano lilipasi paKristu, akale banhukaji kubalume babo munazose²⁵Banhulume, idani bakaji benu, sezo Kristu bakada igubungano akazwipila kunayiye kutila kuti onchenese, ²⁶sezo akacheneswa noku shambijwa nevula linewhi, ²⁷epile kuna Kristu igubungano mukungayima, lisina kuswibhiswa kana mankonde kana zumwe, koga chichena chisina bubi nokusholwa.²⁸Sokuzuda kwabanozuda banhulume nayozo banokwelela kuda bajkaji babo nenzila inokwendelana. Unoda unkaji uwe, unozuda iye. ²⁹Nokuti apana unhu wakabenga inyama iye, koga unoyililitila nokuyi londota zubuya, sezo Kristu elililitila nokulondota igubungano lile., ³⁰nokuti tilibanhu bombili uwe.³¹''Nechinangwa yechi unhulume uchosiya tate namai babe unoshanganiswa kunkaji uwe, babili yaba banoba inyama imwempela.'' ³²Yeli isiswa lyechokomende- koga ndimukuleba nezwa Kristu negubungano. ³³Zwisineni, umwe nomwe unokwelela kuda unkaji uwe, sayiye, akale unhukaji unokwelela kulemeka undume uwe.

¹Bana, whililani bazwali benu nokuti kunaShe zulokwelela. ²"Ipa lukujo kunadade namhai babo" (Ndiwo mulawo wokutanga unachibimbiso), ³"kutila kuti zwikululamile akale mugale mazhuba manji penyika."⁴MaTate, musinyemese bana benu. Koga, mubakubuse mukuzubhata nomundayijo jaShe.⁵Balanda, whililani mweni wenu wenyama. nokushonipa akale nokuteketa, muchokomende mowoyo wenu. Bashonipeni nenzila yamwabenda kunoshonipa Khristo. ⁶Whililani musushonipe kana Beni benu bekamulinga chete mutila kuti mubashantise. Asi, whililani sozushingi zwaKhristo, unota kuda kwaMwali zuva mumwoyo yabo. ⁷Shinga nomwoyo uwo wose, uta soti umushungila She koga awujimushingila banhu, ⁸nokuti tinoziba kuti zwito zubuya zwinotiwa nonhu, unolipwa naShe, kana undanda kana pe.⁹Beni ndawo bhatani balanda benu nenzila inokwelana. Musibatyisijile. Munoziba kuti yoyo unobeli mwenindawo nowenu kudenga, akuna kushala kuna iye.¹⁰Zopejeleja, simani munaSe akale nomumasimba awe makulwana. ¹¹Mbalani zwilwaniso zwaMwali kutila kuti mukwanise kumisikijana namabambo asatani.¹²Nokuti kuyabula kwedu akutobeli pezhulu penyama nelopa, koga pezhulu pabatongi, nopezhulu payabo banamasimba, nopenhilima, nopezhulu pemipepo mibi ipo kudenga. ¹³Nokudalo mbalani zwilwisaniso zwaMwali, kutila kuti mutubule kuma muzhuba lina zubi , akale kana mwapeja zose, mume mukabhatilila.¹⁴Bhatililani, nebhanti lyechokomende linosungililwa ponshana, akale nokubamwabiga pendilo yezhamu lyokululama, ¹⁵akale, namakumbo enu alombambila zunova kuwhi yolunyalalo. ¹⁶Panazose zwamunoshangana nazo tolani inhibi yokudimbwa, yeyo yamuchashingisa kuzwitabilija kubhuda kunsebe koyo umbi.¹⁷Akale utole inhula yoluchijo negwalabaza loMpepo, ndilo iwhi lyaMwali. ¹⁸Muminamato nemikumbilo yose , namatani unshaji wose muli muMpepo. Kuswika yopa, ibani mukalingisisa nolunangatijo pamunopila minamato yabanhu bose balolulama baMwali.¹⁹Akale ndinamatileni, kuti undayijo ungapiwa kunami kana ndazhula undomo. Namatani kuti ndingazibisa banhu ndisina lutyo ichokomende limo mundebo imbuya. ²⁰Nguzwe ndebo imbuya kuti imi ndumilili ulobhatwa namaketani, kutila kuti ndishomeje nomwoyo, mwandilokwelela kuzuleba.²¹Tychicus, mwanakwaiya unodiwa akale unshingi ulobimbika munaShe, uchakuzibisa zwose, kutila kuti muzibe kuti ndilichini. ²²Ndontuma kunamwi nechinangwa yechi, kutila kuti muzibe kuti tilichini, akale kuti emusungwaje mumwoyo yenu.²³Lunyalalo lube kubanakwayina, noludo nokudimbwa kunova kunaMwali Tate naShe Jesu Khristo. ²⁴Ishe ngajibe kunabose banoda Jesu Khristo noludo lusina bubi.

¹Imi, Paulo, unsungwa pezhulu paKhristo Jesu, Nonkulu waTimoti, kunawi Filimoni unodikana, unshingikwaina wedu, ²nokunkazwaji wedu Apphia, nokunawi Archippus umwe wedu wehondo, nokugubungano imushangana mungumba iyo. ³Ngakube kwamuli chipiwo nolunyalalo lwaMwali Tate nolwaShe Jesu Khristo.⁴Ndogala ndiboka Mwali wangu pezhulu penu kana ndimunamatila muminamato yangu, ⁵nokuti ndiwhile nozoluvumilo lwaunanalo kunaShe Jesu akale noludo lwa unanalo kubanhu babe bachena. ⁶Ndinonamata kuti yolu luvumilo lungashinga, kutila kuti uwhisise zubuya zunowanika kunaKhristo. ⁷Nokuti ndiloshanta kasa-kasa ndili noluwhilijilo mumwoyo pakuziba nezoludo lulo, nokuti mwoyo yabanhu bachena baMwali yakanyalajwa nawi, manakwayina wangu.⁸Nokudalo, kojoba ndina mwoyo unsimu munaKhristo wokuti ndikubuje zwawulokwelela kuta, ⁹koga pezhulu poludo lulwo, ndimukumbila _ Imi, Paulo, ndakwegula ngweno, akale ndichinsungwa pezhulu paKhristo Jesu.¹⁰Ndikumuteteja kwauli mwana wangu Onesimasi, wandakazwala pandakapombelwa namatala. ¹¹Nokuti aajakabakakosha kunawi, koga feno wakosha kunawi nami. ¹²Ndombwiliza akale kunawi, iye ulimwoyo wangu womene. ¹³Ndabelinechido chokuti egale nami kutila kuti endishingile pabugalo bubwo nokundibhancha ndilimumatale andakabuzilijwa nokuda kwendebo imbuya.¹⁴Koga andijabeda kuta chinhu ndisijakuzibisa. Andijabeda kuti ishe jijo jibe jokumanikijwa koga jilosupulika. ¹⁵Posa kungalebwa kuti wakonshayisisa konshaji Onesimasi, kutila kuti posa ungabanaye kwemisi isinopela. ¹⁶Kusi kuti echi unzike akale, koga somwe umbhodo kupinda unzike, somwanakwayina unodikana, eya unodikana kasa-kasa kunami, koga kuli kupindija kasa chini kunawi, eli nanga sonhu wemhuli yiyo akale mwanakwayina uwo munaShe.¹⁷Nokudalo kana ndili unkwayina uwo, untambule somwamunonditambulila imi. ¹⁸Kana akakuchinyila kana elinechikweleti kunawi, undizibise ndikulipe. ¹⁹Imi, Paulo, ndimukwala yozu noluboko lwangu. Imi nokwangu ndichalipa_ anditobanda kana ndichipi chikweleti chawunanacho kunami, chili iwi nokukwo. ²⁰Eya, mwanakwayina, Leka ndiwane yozu kunawi munaShe; unditonhobaje yozu munaKhristo.²¹Ndimukwala ndilinolubimbo lukulwana mukuwhananikwa kuki. Ndinoziba kuti uchata zunopinda zwandakukumbila. ²²Ndinoti akale undibambanyile pokulala, nokuti ndobimba kuti neminamato iyo ndingasupulwa ndibwilizwe kunamwi.²³Epaphras, unsungwakwayina wakasungilwa Khristo Jesu sami, umumumusa. ²⁴Nabashingikwayina bangu baMako, Aristarchus, Demas naLuka. ²⁵Ishe jaShe Jesu Khristo jibe nompepo wenu. Amen.

¹Yozo zwakabeli kuvila kumatangisilo - zwatakawha, zwatakabona namesho edu, zwatakabona akale maboko edu akazubhata- malinge neWhi lyobupenyu. ²Akale, bupenyu bwakazibikana, akale takabubona tikabupupulila. Timupupula kunamwi bupenyu businopela, bwakabeli naTate, akale bwakazibiswa kunasu.³Yozo zwatakabona tikawha takazushobelela kunamwi, kutila kuti kube nokukamujana pakati pedu. Kukamujana kwedu kumo munaTate noMwananhulumyana uwe, Jesu Khristo. ⁴Akale timukwala zunu yozu kutila kuti lushanto lwedu lungapelela.⁵Yaya ndiwo mawhi atakawha eva kwaali atimupupula kunamwi: Mwali mwenje, muna iye akuna inhilima. ⁶Kana titi tinokamujana naye tikwenda munhiliima, timunyepa akale atijimuleba ichokomende. ⁷Koga kana tikwena mumweje sezo elimwenje na iye, tinakukamujana toga toga, akale ilopa lyaJesu Mwananhulumyana linotishambisa muzubi zose.⁸Kana titi atina luchinyo, timuzuchenga toga, akale ichokomende alimo munasu. ⁹Koga tikavuma luchinyo lwedu, ulobimbika kuti etilekelele luchinyo lwedu, etishambise mukubipisa kwedu. ¹⁰Kana titi atijanu tachinya, tinonta soti nguwamanyepwa, nokuti iwhi lile alimo munasu.

¹Bana, ndimukwala zunu yozu kunamwi kutila kuti musichinye. Koga kana unhu achinya, tinandebelekeli wedu Tate, Jesu Khristo, unchena. ²Ndiye wakazupila kufila zwibi zwedu, kusikuti zwibi zwedu chete, koga zwenyika yose. ³Tinoziba kuti tichonziba, kana tikalondota milayo iye.⁴Yoyo unoti "Unoziba Mwali" koga esinolondota milayo iye unonyepa, akale ichokomende alimo mwaali. ⁵Koga yoyo unolondota mawhi awe, chokomende mwaali ludo lwaMwali lwakalungiswa. Nozu tinoziba kuti timo mwaali: ⁶uliwose unoti unosala kunaMwali na iye unokwelela kukwenda makwendelo awe.⁷Banodikana, andijimumukwalila mulawo umpya, koga mulawo wantololo wamwakabeli nawo kuvila kumatangisilo. Mulawo wantolo iwhi lyamakawha. ⁸Koga ndimumukwalila mulawo umpya, unanechokomende munaKhristo nokunamwi, nokuti inhilima imupinda, akale mwenje wechokomende umupenya.⁹`Yoyo unoti umomumwenje akale unobenga mwanakwayina uwe munhilima kujine kubengweno. ¹⁰Yoyo unoda mwanakwayina uwe unogala eli mumwenje akale besina chinangwa chokuchinya. ¹¹Koga yoyo usina ludo kumwanakwayina uwe unogala eli munhilima, unokwenda munhilima; atoziba kwaamunda nokuti inhilima inoba yomvala mesho awe kuti esibone.¹²Ndimukwala kunamwi, bana, nokuti luchinyo lwenu lwakalekejelwa pezhulu pezina lilye. ¹³Ndimukwala kunamwi, matate, nokuti munoziba yoyo wakabeli kumatangisilo. Ndimukwala kunamwi, bazhuzha, nokuti, mwakazunda umbengi. Ndakamukwalila, bana, nokuti munoziba Tate. ¹⁴Ndamukwalila, matate nokuti munonziba wakabelipo kumatangisilo. Ndamukwalila, bazhuzha, nokuti mubasimu, akale iwhi lyaMwali linogala lili mwamuli, akale mwakazunda umbengi.¹⁵Muside inyika kana zunu zomunyika. Kana kunanhu unoda inyika, ludo lwaTate alumo mwaali. ¹⁶Nokuti zose zumomunyika _ zulakamilo zwombili, zulakamilo zwamesho, nokuzufufumula mubupenyu _ azutova kunaTate koga zunova munyika. ¹⁷Inyika nozudo zwayo zunopela. Koga yoyo unota chido chaMwali uchagala nokusinopela.¹⁸Bana, iawa yokupejeleja yeyi. Sezwamakahwa kuti basibakhristo bamuzha, feno banhu banji basibakhristo bezha. Nozu tinoziba kuti lyaba awa lyopejeleja. ¹⁹Bakabhuda kunasu, koga abajakabeva kunasu. Nokuti ngana bakabeva kunasu balugala nasu. Koga pabakenda, zwakatitondeja kuti abatobeli bamwe bedu.²⁰Koga wakagubwa noNchena , akale mose munozuziba. ²¹Andijakakwala kunamwi nokuti amutoziba ichokomende, koga nokuti munoyiziba akale nokuti apana manyepwa anova muchokomende.²²Ndiyani unamanyepwa koga yoyo unolamba kuti Jesu ndiKhristo? Unhu wakaleyo atoba wakhristo, sezo unolamba naTate noMwananhulumyana. ²³Apana unolamba Mwananhulumyana unaTate. Yoyo unovuma Mwananhulumyana unanaTate.²⁴Asi kunamwi, Itani kuti zwamakawha kumatangisilo zugale namwi, namwibo muchagala kuMwananhulumyana nokunaTate. ²⁵Yechi chibimbiso chakatipa tose_ bupeny businopela. ²⁶Ndakwala zunu zose yozu kunamwi pezhulu payaba banomulasha.²⁷Asi kunawi, kugubwa kwawakawana kuna iye kunogala nawi, akale awutoda kulayijwa nonhu. Koga nokuti kuguba kukwe kunokulayija zose akale ngokwechokomende atobeli kwamanyepwa, akale sokulayija kwayo gala mwaali. ²⁸Feno, bana, galani mwaali kutila kuti kana azutondeja tisibe nolutyo neshoni pakuzha kukwe. ²⁹Kana uziba kuti iye ulolulama, unoziba kuti wose unhu unota zulolulama wakazwalwa kuna iye.

¹Bonani ludo lwatakapiwa naTate , kuti tishobwe tiwhi bana baMwali, ndozwatili isu. Nechinangwa yechi, inyika ayitotiziba, nokuti ayijakonziba iye. ²Banakwayina, taba bana baMwali, akale azujanu zwatondejwa kuti tichabemhukani. Tinoziba kuti kana Khristo azutondeja, tichaba sa iye, nokuti tichombona sozwa ali. ³Wose unhu unalubimbo muna iye unozwichenesa sokuchena kukwe.⁴Wose unhu unochinya atotobela mulawo. ⁵Unoziba kuti Khristo wakazutondeja kutila kuti ebhise luchinyo, nomuna iye akuna luchinyo. ⁶Akuna unogala kuna iye unondila mbeli echinya. Apana unondila mbeli wakombona kana kunziba.⁷Bana, musitobeleje unhu unomulasha munzila. Yoyo unota zulolulama ulolulama, sezo Khristo ulolulama. ⁸Yoyo unochinya unova kunaguluzhanje, nokuti guluzhanje wakachinya kuvila kumatangisilo. Nechinangwa yechi Mwananhulumyana waMwali wakatondejwa, kutila kuti epalaje mishingo yaguluzhanje.⁹Umwe nomwe wakazwalwa kunaMwali atondila mbeli echinya, nokuti imbeyu yaMwali inogala ili mwaali. Angandile mbeli echinya nokuti wakazwalwa munaMwali. ¹⁰Munozu bana baMwali nabana baguluzhanje bachaboneka: Umwe nomwe unoleka kuta zulolulama atova kunaMwali, kana yoyo usinoda mwanakwayina uwe.¹¹Ndilyo iwhi lyamakawha kuvila pakutanga linoti: Ngatidananeni. ¹²Tisibe saCain, wakaba nomoyo umbi akabulaya ununa uwe. Ani wakombulayilani? Nokuti mishingo iye yakabeli mibi yonuna uwe ikalulama.¹³Musichename, banakwayina bangu, kana inyika imubenga. ¹⁴Tinoziba kuti takapindwa nolufu tikenda kubupenyu, nokuti toda banakwayina. Umwe nomwe unobenga unogala mulufu. ¹⁵Yoyo unobenga mwanakwayina uwe umbulayi. Munoziba kuti apana umbulayi unabupenyu businopela egala muna iye.¹⁶Nozu tinoziba ludo, nokuti Khristo wakapila bupenyu bubwe pezhulu pedu. Nasubo tokwelela kupila bupenyu bwedu pezhulu pabanakwayina bedu. ¹⁷Asi yoyo unazunu zomunyika, unobona mwanakwayina uwe eda, esikovala mwoyo uwe weshe kuna iye, ludo lwaMwali lunogala mwaali na? ¹⁸Bana bangu, tiside namawhi kana nolulimi, koga muzuto nomuchokomende.¹⁹Ndizo yozu zunotisa kuti tizibe kuti tova muchokomende, akale tozibisa mwoyo yedu mbeli kukwe. ²⁰Nokuti kana mwoyo yedu itiloba, Mwali unkulwana kupinda mwoyo yedu, akale unoziba zunu zose. ²¹Banodikana, kana mwoyo yedu isinotiloba, tinalubimbo kunaMwali. ²²Zose zwatinokumbila kwaali unotipa, nokuti tinolondota milawo iye akale tita zwinu zwinonshantisa.²³Yoyu mulawo uwe: kuti tidimbwe muzina lyoMwananhulumyana uwe Jesu Khristo akale mudanane, sezwaakatipa mulawo yoyu. ²⁴Yoyo unolondota mulawo waMwali unogala mwaali. Nozu tinoziba kuti unogala munasu, noMpepo waakatipa.

¹Banodikana, musidimbwe yose mipepo. Koga, mukweje mipepo kutila kuti mubone kuti inova kunaMwali, nokuti bapolofita bamanyepwa bazhala munyika. ²Nozu muchabona uMpepo waMwali- yose mipepo inovuma kuti Jesu Khristo wakezha munyama unova kunaMwali, ³akale yose mipepo isinovuma kuti Jesu atova kunaMwali. Ndiwo umpepo wabo basibakhristo, wamwakawha kuti umuzha, umomunyika ntolo.⁴Munova kunaMwali, bana, akale mwakabazunda, nokuti umo munamwi unkulwana kupinda yoyo umomunyika. ⁵Banova munyika; nokudalo zwabanolebeleka nguzomunyika, akale inyika inobawhilila. ⁶Tinova kunaMwali. Umwe nomwe unoziba Mwali unotiwhilila. Iye usi waMwali atotiwhilila. Nozu tinoziba umpepo wechokomende nompepo wonchengeji.⁷Banodikana, ngatidananeni, nokuti ludo lunova kunaMwali, akale wose unhu unoda umwe wakazwalwa kunaMwali akale unoziba Mwali. ⁸Unhu usinoda bamwe atoziba Mwali, nokuti Mwali ludo.⁹Nechinangwa chozu ludo lwaMwali lwakatondejelwa pakati pedu, kuti Mwali wakatuma Mwananhulumyana uwe umwempela munyika kutila kuti tigalile iye. ¹⁰Mukati mozu kunaludo, kusikuti takada Mwali, koga kuti wakatida iye ekatitumila Mwananhulumyana uwe kuti elipile umbhayilo wezwibi zwedu.¹¹Banodikana, kana Mwali ekatida, nasubo tokwelela kudanana. ¹²Apana wakababonabo Mwali. Kana tidanana nokwedu, Mwali unosala munasu, akale ludo lulwe lunopelelela panasu. ¹³Nozu tinoziba kuti tinogala mwaali, naiye munasu, nokuti wakatipa umwe woMpepo uwe. ¹⁴Nebo, takabona tikapupula kuti Tate wakatuma Mwananhulumyana uwe kuti ebe Unchiji wenyika.¹⁵Umwe nomwe unopupula kuti Jesu Mwananhulumyana waMwali. ¹⁶Nebo, takaziba tikadimbwa ludo Mwali lwananalo kunasu. Mwali ludo, yoyo unogala mwaali unogala munaMwali, naMwali unogala mwaali.¹⁷Nezwo, ludo yolu lwakatiwa lukapelela pakati pedu, kutila kuti tibenolubimbo muzhuba lyokutongwa, nokuti sezwaali, ndomwatili nasu munyika. ¹⁸Akuna lutyo muludo. Koga, ludo lulopelelela lunobhisa lutyo, nokuti lutyo lunoshanganisa lujiijo. Koga yoyo unotya ajakapelelela muludo.¹⁹Tinoda nokuti Mwali wakatida tangwa. ²⁰Kana kulinonhu unoti, "Ndoda Mwali" koga ebenga unkulu uwe, unonyepa. Nokuti yoyo unobenga unkulu uwe, yoyo waakabona, angade Mwali, wasanu abonabo. ²¹Akale, yoyu umwe womulawo unova kuna iye: Ani naani unoda Mwali unokwelela kuda unkulu uwe.

¹Ani naani unodimbwa kuti Jesu ndiKhristo wakazwalwa eva kunaMwali, akale ani naani unoda tate unoda mwana unozwala kuna iye. ²Ndimo mwatinozibila kuti tinoda bana baMwali: kana tida Mwali akale tinowhilia milayo iye. ³Nokuti yolu ludo lwaMwali: kuti tilondote milayo iye. Akale milayo iye ayitolemesa.⁴Nokuti wose unhu wakazwalwa kunaMwali unozunda inyika. Yoku ndikokuzunda kwakona inyika, noluvumilo lwedu. ⁵Ndiani angazunda inyika? Yoyo unodimbwa kuti Jesu Mwananhulumyana waMwali.⁶Ndiye wakezha nevula nelopa: Jesu Khristo. Ajakezha nevula yoga koga nevula nelopa. UMpepo ndiwo unosumikija, nokuti uMpepo ichokomende. ⁷Nokuti kunabatatu banosumikija: ⁸uMpepo, ivula, nelopa. Zutatu yozu zumomuchivumilano.⁹Kana tikatambula busumikiji bwabanhu, busumikiji bwaMwali bukulwana. Nokuti yobu ndibo busumikiji bwaMwali bwakasumikijwa mawililano noMwananhulumyana uwe. ¹⁰Wose unhu unodimbwa kuMwananhulumyana waMwali unabusumikiji mwaali. Wose unhu usinodimbwa Mwali wakata kuti eboneke sonhu wamanyepwa, nokuti ajakadimbwa busumikiji Mwali wabakatipa mawililano noMwananhulumyana uwe.¹¹Akale busumikiji ndibo yobu: Mwali wakatipa bupenyu businopela, akale bupenyu yobu buku kuMwananhulumyana uwe. ¹²Yoyo unaMwananhulumyana unabupenyu. Yoyo usina Mwananhulumyana waMwali hana bupenyu.¹³Ndakamukwalila zose yozu kutila kuti mube nobupenyu businopela _ kunamwi banodimbwa muzina lyoMwananhulumyana waMwali. ¹⁴Akale, yolu ndilo lubimbo lwatinanalo mbeli kukwe, kuti kana tikumbila kanani nokuda kukwe, unotiwha. ¹⁵Akale, kana tiziba kuti unotiwha _ zuli zose zwatinokumbila kuna iye_ tinoziba kuti zose zwatina nazo takazwikumbila kuna iye.¹⁶Kana unhu ekabona mwanakwayina uwe echinya yozo azutova kuti ebulayiwe, unokwelela kunamata, Mwali uchompa bupenyu. Ndimuleba yozu pezhulu payabo banaluchinyo lusinoswincha kulufu. Kunaluchinyo lunoswincha kulufu; andijimuti unokwelela kunamata pezhulu pazwo. ¹⁷Kusolulamaluchinyo, koga kunaluchinyo lusinoswincha kulufu.¹⁸Tinoziba kuti wose wazalwa kunaMwali atochinya. Koga yoyo wakazwalwa munaMwali, Mwali unontabilijila, noyo umbi atolimaza. ¹⁹Tinoziba kuti tinova kunaMwali, akale tinoziba kuti inyika yose imomumaboko ombengi.²⁰Koga tinoziba kuti Mwananhulumyana waMwali wezha ekatipa kuwhisisa kutila kuti tunzibe iye unanechokomende. Akale, timo muna iye unanechokomende, muMwananhulumyana uwe Jesu Khristo. Yoyu ndiye Mwali wechokomende nobupenyu businopela. ²¹Bana, zubhiseni muzubumbwa.