Nyika, Kinyika: Bible for Matthew

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

1

1Ishitabu isharuho ulwa yesu kristo umwana uwadawudi, umwa uwaibrahimu. 2Uibrahimu ali ubaba uwayisaka, ubaba uwa yakobo, ubabab uwayuda na abhamwabho. 3Uyuda ali ubaba uwa peresi nusera kulitamari, uperesi ubaba uwa Hezeroni ubaba uwa ramu.4Uramu ali ubaba uwa amina dabu, uamina dabu ubaba uwa nashoni, nunashoni ubaba uwa simoni. 5Usalimoni ali ubaba uwa Boazi kuli Lahabu, Ubuazi ubaba uwa obedi kuli Ruth, uobedi ubaba uwa yese 6Uyese ali ubaba uwa mufalme udawudi. udawuda ali ubaba uwa sulemani kuli manngu uwa Uriya.7Uselemani ali ubaba uwa Rehoboamu, ubaba uwa abiya, Uabiya ubaba uwa Asa. 8Uasa ali ubaba uwa Yeho shafati, Uyeho shafati ubaba uwa yoramu, Nuyoramu ubaba uwa wuziya.9Uwuziya ali ubaba uwa yosamu, Uyosamu ubaba uwa Ahadi, ubaba uwa hezekiya. 10Uyezekiya ali ubaba uwa manase, Umanase ababa uwa amoni nuamoni ubaba uwa Yosia. 11Uwosiya ali ubaba uwa yekoniya nabhakaka bhakwe pe bhabhasenzile ubhala kubabeli.12Na pe bhabhasenzile ubhala kubabeli, Uyekoniya ali ubaba uwa shatieli, Ushatieli ali usekulu uwa Zerubabeli. 13Uzerubabeli ali ubaba uwa abiyudi, Uabiyudi ubaba uwa Eliakimu, ubaba uwa Azori. 14Uazori ali ubaba uwa zadoki, Uzado ubaba uwa yakimu, na Uakimu ubaba uwa Eliwudi.15Ueliwudi ali ubaba uwa Elieza, Uelieza ubaba uwa Matani na umatani ubaba uwa yakobo. 16Uyakobo ali ubaba uwa yusufu Utata uwa mariamu, we kuliwuyo uyesu aliye vyalwa, we tumwita ukristo. 17Ivizazi vyonsi ufuma uibrahimu hadi Udawudi pali ivizazi kuminaine, na ufuma usendwa ubhala kubabeli ivizazi kuminaine, nufuma usendwa ubhala ubhala kubabeli hadi kuli kristo ivizazi kumina ine.18Uvyalwa ukwa yesu kristo kwali kwabhulo. umama wakwe, umariamu, nuYusufu, lakini bhatahomine, aliye aloleha ali nihati kubhuweza ubhwa roho mutakatifu. 19Utata wakwe uyusufu ali muntu uwa haki aliye atakwanza umwayibisya apazeru. aliye ayamuwa ukwimilisya ubhuchumba bhwakwe kusiri.20Aliyenge pe akwelengula juyamambonyega, umalayika uwa bwana aliye amutokeya kutulo," uyusufu umwana uwa dawudi, utashogopa umusenda umaliamu umangu waho, kusababu ihati ye alinayo yeyitokana nuroho muitakatifu. 21Amavyala umwana uwa shilumendo na izina lyakwe umamwita uyesu, kwe amokowa abhantu bhakwe namazambi gabho."22Gonsi iga galiye gatokeya kutimizya shila she shihayangwa nubwana kunzila iya halola, ati, 23"Lola ubikira amasenda ihati umuvyala umwana uwa shilumendo, na bhalamwita izina lyakwe uimanuweli"-- imaana yakwe, umwene uwa kumwanya poka naswe."24Uyusufu aliye adamula ufuma mutulo abhomba ngati umalayika uwa bwana vye atamubhula na amusenda ngati umangu wakwe. 25Nivyonye, atashili adile npaha pealiyenge ajifunguwa umwana uwashilumendo na aliye amwita izina lyakwe uyesu.

2

1Ibaada iya yesu uvyalwa kubethelehemu iya bhuyahudi ilyanda ilya mufalme uherode, abhantu abhasomi ufuma kumashariki iya kutali bhaliye bhafiha kuyerusalemu bhati, 2"Alikwekwi ula we atavyalwa umufalme uwabhayahudi? twabhwenyi intandala yakwe kumashariki twetwinza tumusalishile." 3Ishipindi peliyenge umufalme uherode ayivwa iga aliye atubha sana, niyerusalemu yonsi poka nawo.4Uherode abhakusaniya abhakulu abhamakuhani bhonsi na abhandishi abha bhantu, nawope abhabhula, "Ukristo amavyalwa kwekwi?" 5Bhamubhula, "Kubethelehemu iya bhuyahudi, kwe ivi vyene vihandikwa nuhalola, 6Nawe bethelehemu, kuhaya iya yuda, te mudwo mulibhaviwongozi abha yuda, kwe ufuma kulibhubho alinza wula we alabhalinda abhantu bhane kuislaeli."7Uherode aliye abhita abhasomi bhala kusiri nubhabhuzya mudabhuli pe inyota aliyenge eyiloleha. 8abhatuma kubethelehemu, ati, pitini kubhumakini mwemumwanze umwana we atavyalwa. Amali pe mwamwaga, mwinze mumbule ili kwamba nene nanenye ininze imusalishile."9Ibaada iya kulola bhebhamwivwa umufalme, aliye bhendeleya nisafari yabho, nintandala yila ye aliye ebhayilola kumashari yaliye yibhalongolela hadi pe aliye yimilila pamwanya ye umwana aliye avyalwa. 10Pe aliye bhalola intandala, aliye bhasha nkani.11Aliye bhinjila munyumba bhamulola umwana we atavyalwa numaruiamum umama wakwe. aliye bhamusujudiya numwabudu. aliye bhasapula intanta yabho numutowela izahabu, Nubhuvumba, Nihera. 12Umwene uwa kumwanya aliye abhashenzera kuturo bhatashigaluha kuliherode, nivyonye, aliye bhapita ugaluha kuhaya ybho kunzira iyinji.13Aliye pe bhapita, umalayika uwabwana aliye amuposheraz uyusufu kuturo ati, "bhuha, musende umwana numama wabho mushimbilile kumisiri. enge muli ukonye npaha pe kushe nabhabhula, maana uherode amamwanza amwana amwumole. 14Ubhusiku nyubho uyusufu aluye adamula amusenda umwana numama wakwe bhashimbilila kumisiri. 15Aliyeb ayihala uko hadi pe uherode afwa. Ino yaliye yiotimizya shila she ubwana aliye alanda upitila uhalola , "ufuma kumisiri nemwita umwana wane."16Alafu uherode, aliyenge pe alola abhasomi bhebhamuuzi, aliye alahaliha nkani. Aliuyenge ati abhana bhonsi abhashilumendo bhafwe bhebhali kubetherehemu nabhonsi palanye bhonsi bhebhali nimyaha yibhili napansi yakwe ulingana numuda we aliyenge atawubhiha ufuma kubhantu bhala abhasomi.17Pene aliye liutimiya ineno lila lye aliyenge ayanga uhalola uyelemiya, 18"Isawuti aliye yivwiha Ramah, ishirio naamaombolezo amakulu, Uraheli aliye abhalilila abhana bhakwe, na aliye ahana bhatashimufariji, kusababu bhataliko habhili."19Uherode aliye pe afwa, umalayika uwa bwana aliye amutokeya uyusufu kuturo kumisiri uko ati, 20Yimilila umusende umwana numama wakwe, mubhale kuhaya iya islaeri kumaana bhenge bhakwanza ubhuzima ubhwa mwana bhebhafwa." 21Uyusufu aliye ayimilila, amusenda umwana poka numama wakwe bhabhala kuhaya iyaislaeri.22Lakini pe aliyenge ayivwa kwamba ualikelawu aliye akutawala kuyuda pala apababa wakwe uherode, aliye ayogopa ubhala uko. ibaada iya mwene uwakumwanya umushenzela kuturo aliye apita ubhala kumukowa uwa galilaya. 23Na aliye abhala ukwaihala kuhaya iya nazaleti. Ili aliye litimizya shila she atiye shihayangwa kunzira iya bhahalola, kwamba mumamwita munazareti.

3

1Kumanda gala uyohana uhabatizya aliye ayinza kunyiha iya yuda ange akuhubiri ange akuti, 2"Mutubu kwe ubhufalme ubhwa kumwanya ubhupalamila." 3kwe uno wene ahalandwa nuhalola uyisaya enge akuti," Isawuti iya muntu we nakwita ufuma kujangwa; bhihini ichete inzira iya bwana, gololini ionzira zyakwe."4Uyohana aliye azwala amavumbu aga ngamiya numukanda uwa ngozi mumusana wakwe. ishakulya shakwe shali matendevu nubhwushi ubhwa mumisitu. 5Alafu iyelusalemu, uyuda yonsi, nienewo lyonsi lye lilibhizizye ihoga ilya yorodani bhapita ukwakwe. 6Aliyenge bhabatizwa nawo kwihoga ilya yorodano uku enge bhakutubu amabhifu gabho.7Lakini aliye pe alola abhinji abhamafalisayo na abhamasadukayo bhinza ukwakwe bhabatizwe, abhabhula, Mwe bhuzawo ubhwanjoha bhwebhuli nu nsumu wenu we atabhashenzela ushimbila iyazabu ye yikwinza? 8vyalini amatunda gegatalitoba. 9Na mutashelengula nulandilana muli bhamwemwe, Tlinuibrahimu ubaba witu; kwe inkubhabhula umwene uwakumwanya abhezizye umubhusizya uibarahimi abhana ufuma kumabhwe iga.10Tayari injoha bhebhabhiha kumuzizi uwikwi. Kwahiyo shilalikwi lye litavyala amatunda amazifu lidibwa nusumbwa kumulilo. 11Inkubhabatizya kuminzi kujili iya toba. Lkini we ayinzile ubaba wane umukulu kuliko nene nane intatakubhwa nunyatulanye ivilatu vyakwe. Uyo amabatizya kuroho umutakatifu na kumulilo. 12Nupementa kwakwe kuli mwihono lyakwe swefya nkani iubhuwanda bhwakwe nuhonganuha ingano iya muntanta. Lakini amosha amarusi numulilo we utangazima.13Habhili uyesu ayinza ufuma kugalilaya npaha kwihoga ilyayorodani ubatizwa nuyohana. 14Lakini uyohana ange akwanza amulesye ati, "Nene inkwanza ubatizye wewe,nawe ukwinza kulinene?'' 15Uyesu ajibu ati,'''luhusu shibhew bhiulo sasa,nubha fweshikwanza utimizye ihaki zyonsi.''pene uyohana amluhusu.16Ibadala iyambadizwa,uyesu atiye afuma kushijiji,kumwanya kwiguha ukwakwe.nalola umwene uwakumwanya ayiha kumfano uwankunda nukwihala ukwakwe. 17Lola,isawuti yifuma kumwanya yiti,''uyo wene mwana wane umkundwa.wenkamkunda nkani.''

4

41Uyesu uroho mutakatifu aliye amulonlezya npaha mujangwa ili usyetani amujaribu. 2Aliyenge pe bhamunyepa kumanda harobayini umusanya nubhusiku aliye apata inzara. 3Umujarabu ayinza amubhula, "Nga wewe mwana uwamwene uwa kumwanya, gabhule amabhwe iga gabhe mikate." Lkini uyesu aliye amubhula ati, Ihandikwa, Umuntu atangihala kumukate basi, ila kulishila lineno lye lifuma mwilomo ilya mwene uwa kumwanya."5Habhili usyetani amutwala kuhaya intakatifu numubhiha pamwanya nkani apijengo ilya hekalu, 6Amubhula," nga wewe mwana uwa mwene uwa kumwanya, yisumbe pansi, kumana ihandikwa, amaleta abhamalayika bhamwe bhakutone; na, bhamakubhusya kumahono gabho ili utashikunpala inama lyaho pakasi iyibhwe."7Uyesu amubhula, "Alafu shihandikwa, utashimujaribu ubwana umwene uwa kumwanya waho." 8Alafu, usyetani amusenda amutwala pamwanya nkani amulanga ifalme zyonsi izya bhulimwengu nifahali iyizyo zyonsi. 9Amubhula, "Namakupa ivintu vyonsi ivi ngawanamini nene."10Alafu uyesu amubhula, "pita nizyaho uyepe pa, syetani! kwe shihandikwa, shitakiobhwa usalishile umwene uwakumwanya uwaho, na umubhombele wuyo wekanye."" 11alafu usyetani amuleshela, iponye abhamalayika enge bhakwinza bhamubhombela.12Uyesu aliye pe ayivwa bhati ibhamulema uyohana aliye apita npaha kugalilaya. 13Aliye apita kunazaleti Aliye apita asamila kukaperanaumu, yeyili mumbali iya bahari iya galilaya, mumbali iya majimbo Zaburoni na Unaftali.14Ino yaliye yitokeya kuleta shila she shihalandwa nuhalola uyisaya, 15"Kuhaya iya zabuloni nihaya iya zabuloni nihaya iya nafutari, ubhala mubahari, ing'ombe iya yolodani, Igalilaya iya bhamatayifa! 16Abhantu bhe bhahihala kushanda ibhalola umwqnga umukulu, nabhala bhe aliye bhihala kumaneno aga shanda iaha kufwa, pamwanya yabho umwanga uwubhashila."17Ufuma umuda nyuyo uyesu aliye ayanzya uhubiri enge akuti, "mutubu, kwe ubhufalme ubhwa mwene uwa kumwanya bhwebhupalamila."18Pe aliyenge akupita mumbali iya bahari iya galilaya, aliye alola ab hamwabho bhabhili, usimoni we aliye bhamwita bhati petro, nuandrea ukaka wakwe, ange bhakutega inyavu mubahari, kwe bhali bhebhahalowa abha nswi. 19Uyesu abhabhula ati zagini muyndondere, namabhapa mubhe mwemwe bhahalowa abha bhantu." 20Aliyenge bhaleshela inyavu zyabho lyokanye bhamulondela.21Nuyesu pealiyenge akwendeleya ufuma naponye aliyenge alola abhamwabho bhabhili, Uyakobo umwana uwa zebedayo ubaba bhabho enge bhakusuma inyavu zyabho. Abhita, 22Enge bhaleshela umutumbwi nubaba wabho bhamulondela.23Uyesu aliyenge apita mugalilaya yonsi, enge akufunzya mumasinagogi gabho, akuhubilki izwi ilya bhufalme, enge akupozya shila yayina iya malwale mubhantu. 24Ihabari aliye zitawala isiriya yonsi, na abhantu bhabhaleta ukwakwe bhonsi bhe aliye bhalwala, enge bhali na amalwale mbalimbali na amawumivu, bhebhali na amajini, na bhebhali nishifunfumi na bhebhahafwa ubhupande. Uyesu aliye abhapozya. 25Ikundi ikulu ilya bhantu aliye limulondela ufuma kugalilaya na kudekapoli na kuyelusalemu na kubhuyahudi nufuma kumbalama iya yorodani.

5

1Uyesu aliyenge pe alola ikundi, apita abhala kumagamba. Aliyenge pe atihala pansi, abhanafunzi bhakwe bhinza ukwakwe. 2Ayasama ilomo lyakwe abhafunzya, ati, 3"Nfu bhe bhebhamasilini abha roho ubhufalme ubhwa kumwanya bhwabho. 4Naafu bha bhasikitiha, bhubho bhalasha.5Nafuu bhebhali nubhupole, maana bhalayisenda ihaya,. 6Naafu abhanzala nulusala ulwa haki, maana ibho bhalikuta. 7Naafu bhebhali nilehema maana ibho bhalapata ilehema. 8Naafu bhebhali numwoyo uwichete maana ibho bhalamulola umwene uwa kumwanya.9Naafu bhe bhapatanisya, Maana ibho bhalitwa bhana abha mwene uwa kumwanya. 10Naafu bhala bhe bhachula kujili iya haki, maana ubhufalme ubhwa mwene uwa kumwanya bhwabho.11Naafu namwe mwe abhantu bhamabhaliga, nubhachuzya, au ulanda shila libhifu kuli ,mwemwe nilwnga kujili yane. 12Shini nusyangiliya, maana isawabu yinyu nkulu kumwanya. Kwe vyene bhaliye bhabhachuzya abhahalola bhe aliye bhayishi kabula yinyu.13Mwemwe musilya uwa pamusanya. Lakini nge umusilya iwuponzya unona kwakwe, wumabha bhuli musilya halisi habhili? nalimonye yitangazipa kushintu ishinji habhili, isipokuwa shisumbwa panzi nulyatwa namanama aga bhantu. 14Mwemwe nuru iya bhulimwengu. Ihaya ye yihazengwa pamwanya iyigamba itanga vwama.15Wala abhantu bhatanga hozya ukoloboyi numubhiha pansi iya shikapu, ila apazeru, alafu enge yibhashila bhansi bhebhali mukasu iya nyumba. 16Leshela inuru yinyu yahe pankolelo iya bhantu kunamuna ye kwamba, bhagalole amatendo ginyu amazifu numwimbila ubaba winyu we ali kumwanya.17Mutashelengula bhulo neninza ukonona isyeriya wa abhahalola. Intinziye ukonona ila utimizya. 18Kwakweli inkubhabhula kwamba npaha kumwanya niduniya zyonsi zipite patali iyodi yoka wala inukuta yoka iyasyeriya yimepa kusyeriya hadipo shilashintu pe alapela ishikamiliha.19Kuli wensi we akuvunza iyamuri inyidwo yoka iya amuri izi nubhafuzya abhanji ubhomba ivyo alitwa mudwo kubhufalme ubhwa kumwanya. Lakini wensi we akuzilema nuzifunzya alitwa mufalme kubhufalme ubhwa kumwanya. 20Kwe inkubhabhula ihaki na abhahandiha abhamafalisayo, kuvyonsi vila mutalinjila kubhufalme ubhwa mwene uwa kumwanya.21Muhivwa aliye shilandwa kali, "bhulo" na wensi we akumola ali muyazabu iya hukumibhwa.' 22Lakini inkubhabhula wensi we ahamutubha uwamwabho amabha kuhatari iya hukumibhwa. Nawensi we akumubhula nuwamwabho ati, 'Wewe muntu we utalichete!' Amabha kuhatari iyibaraza. na wensi we akuti, 'wewe mujinga!' amabha kuhatari iya mulilo uwa kujehanamu.23Kwahiyo nga ukutowa isadaka yaho kumazabahu na ukukumbuha uwamwinyu alinijambo lyonsilila kuli wewe, 24Lewa isadaka pankolelo iya mazabahu, alafu lema inzira yaho. Ubhupatane kwanza nuwamwinyu, alafu nga ugaluhe uyitowe isadaka yaho.25Upatane nuhasitaga waho lubhilo, nga ulinawo munzira poka mubhala kumahakama, bala ivyo uhasitaga waho anga kuleha mumahono aga hakimu, nuhakimu akulehe mumahono aga asikari, nawe bhakusumbe mwijera. 26mwamini inkubhabhula, nalimonye utangabha huru hadi pe utalipa ihera iya mwisyo iya hera ye ukudayibhwa.27Imwivwa shilandwa kwamba mutashizini. 28Lkini inkubhabhula wensi we akumulola umangu kumutamani atazini ufuma mumwoyo wakwe.29Na nga ilyinso lyaho ilyan kulilunji likuletela ukunpala, lyefye na ulisumbe ukutali nawe. kwe naafu ishiwungo shoka kumubhuli waho shononehe kuliko umubhili wonsi usumbwa kujehanamu. 30Na nga ihono lyaho ilya kuli lunji likuletela ukunpala, putula alafu ulusumbe ukutali nawe. Maana nafu ishiwungo shoka kumubhili waho shononehe kuliko umubhili wonsi usumbwa kujehanamu.31Ihalandwa, wensi we akumubhinga umangu wakwe, Amupe ihati iya taraka. 32Lakini nene inkubhabhula wensi we akumuleshela umangu wakwe, isipokuwa kusababu iya bhumalaya, akumubhomba abha umalaya. na wensi we amubhwezya pe bhamupa itaraka akubhomba ubhumalaya.33Habhili, imwivya aliye ilandwa kuli bhala abhakali, 'mutashilapa kwilenga, ila twalini ilapa kwinyu kuli bwana.' 34Ila inkubhabhula, mutashilapa nahashenye, ama kumbingu kusababu yenzi iya mwene uwa kumwanya; 35Waka kuduniya, maana pene npabhiha ishisumbi ishalyata namanama gakwe, ama kuyerusalemu, maana haya iya mufalme umukulu.36Wala utashilapa kwitwe lyaho, maana utanga bhomba ulusisi lwoka ubha luzelu au lutifi. 37Ila amaneno ginyu gabhe, 'Eye, eye, Awe, awe.' kwe ge gakuluta igo gakufuma kuli honona.38Imwivwa shilandwa kwamba , ' ilyinso, nilyinso, na ilyino nilyino.' 39Lakini nene inkubhabhula, mutashisinda numuntu uhonona; lakini umuntu nga akuma itama ilya kuli lunji musenushizye nalinji habhili.40Na wensi nga akutamani upita nawe kumahaka na akupoha inkanzu yaho, muleshele ninkanzu yahonye . 41na wensi we akulazimisya upita nawo lyoka, pita nawo amayili zibhili. 42Kuwensi we akulabha mupe, utashimuhana wensi we akwanza ukukukopa.43Imwivwa shilandwa, 'UMUkunde ujirani waho na ubmutubhe uyaduwi waho.' 44Lakini inkubhabhula bhakundini abhayaduwi bhinyu, bhalabhilini bhebhabhawuzi. 45Ili kwamba mubhe mwemwe bhana abhababa winyu we ali kumwanya. Kwe akubhomba pamwanya ilanzi libhalamile abhabhifu nabhazifu, na akubhtonyezya ivwula abhabhifu na abhazifu.46Nga mwabhakunda bhe bhahabhakunda mwemwe, mupata sawabu bhuli? 47Na nga mwabhalamuha abhamwinyutu mupata shoshonu izayidi iya bhanji? 48Kwahiyo shitakibhwa mubhe mwemwe bhakamilifu, kama vye ubaba winyu iwa kumwanya vye mukamilifu.

6

1Remamelela utashibhomba amatendo agahaki kunkolelo iyabhantu iliujilolesya,ivinjivyo utangapata isawabu kulibaba uwakumwanya. 2Ivyo habhili pukufumya utashuma italumbeta nusha wewe fyabhanacfiki fyebhabhombaga abhasinagogi nakumitawa,ili abhantu bhabhasifu.kweli inkubhabhala,bhahaposhelela isawabuyabho.3Lakini wewe pukufumya,ihono lyaho ilyakulihamani utashimanya shihono ilyakulilunji shelibhomba, 4Ili kwamba izadi yahoyitolebhe kusili.pene ubaba wabho wakulolaga isili amakupa isawabu yaho.5Napukulabha,utashibha fyebhanafiki,fyebhahakunda ukwimilila nulabha kubhasinagogi nulola ivyamuhaya,ili abhantu bhabhalole.kweli nkubhabhula, bhahaposhelela isawabu yabho. 6Lakini wewe,pukulabha,yinjila mukasi.yigala ipanpa,ulabhe kilibaba waho uwsasili.pene ubaba waho wakulolaga isili amakupa isawabu yaho. 7Napukulabha,utashiludiya ludiya amaneno gegatena imana fyabhamataifa fyebhabhomba, fwebhafikiliya bhulo bhamivbwa kusababu iyamaneno aminji gebhalanda.8Kwahiyo,utashibha fye bhubho,fye ubaba waho amanyile amahitaji gaho putalavile kuliwuyo. 9Ivyo basi labha bhulo.baba witu uwakumwanya,ulitukuzye izina lyaho. 10Ubhufalume bhaho bhinze,amapenzi gaho gabhombehe ipa pamsanya fyekwekumwanya.11Utupatile ilelo umkate witu uwashila lyanda. 12Utusamehe amadeni gitu,fye naswenye tubhasamehaga abhadeni bhitu. 13Nautashituleta kumajalibu,utwepushye ufuma uliwula usyetani.'14Ngemwabhasamehe abhantu amakosa gabho,ubaba waho walikumwanya amabhasamehe namwenye. 15Lakini ngemwahanubhasamehe amakosa gabho,wala ubabawinyu atataabhasamehe amakosa ginyu.16Zayidi iyangonsi,pewufunga,utashilolesya insula iyakutubha fwe bhanafiki bhabhombaga,nubha bhakunzaga insula zyabho ili abhantu bhabhamanye ibhafunga.kweli nkubhula,bhahaposhelela isawabu zyabho. 17Lakini wewe,pewufunga,paha amafuta kwitwe lyaho nuyozye kuminso gaho. 18Nivyo shitata shikulolesye kunkolelo iyabhantu fyewufunga,lakini shimabha kulibaba waho uwasili.nubaba waho wakulolaga isili,amakupa isawabu yaho.19Utashiyitunzizya ihazina zyaho wemhola ipa pamsanya,palinondo nubhusimu vikononaga,pene abhivi bhabomolagha nukwibha. 20Ibadala yakwe,yitunzizye ihazina yaho wemhola kumwanya,ambapo inondo wala ubhusimu wala ikutu bhatangonona,nabhivi bhatanga bomola nukwibha. 21Nubha ihazina yaho peyili,pene um umwoyo waho pene wulihala wopenye.22Ilyinso wukoloboyi uwambhili.kwahiyo,ngilyinso lyaho lizimza,umubhili wonsi umajazwa inulu. 23Lakini ngilyinso lyaho lihononeha,umubhioli wahowonsi wuhizula ishanda totolo.kwahiyo,nginulu yeyili mkasiyaho shanda nkani shanda ishikulu shiyasi bhuli! 24Kutali nawekanye wangabhombela abhabwana bhabhili,nubha amatubha weka nukunda weka,nubha amepa kuweka numzalawu uwunji.utangamubhombela umwene uwakumwanya nimali.25Kwahiyo nkubhula,utashibha namashwaka mmayishwa gaho,wamazwala ishonu.shene!amayishwa zayidi iyashakulya numubhili zayidi iyamwenda? 26Lola ivinyuyi ivya mumwanya.vitahomelaga wala vitakumbulaga wala vitakusanywaga mgala,lakini ubaba winyu uwakumwanya akuvilyisywa huyo.shene mwemwe bhasamani nkani kuliko vyuvyo?27Nawunu katiyinyu wakuchula angabhezya ukonjezya dhilaa yoka kubhuhayi ubhamayiswa gakwe? 28Kweshi mbha niwawasisi kuhusu imwyenda? nfikilini kuhusu amawuwa agakumagunda,ijinsi fye gakukula.gatabhomba ikazi wala gatanga yizyiha. 29Bado nkubhabhula,nusulemani kubhutukufu bhakwe bhonsi bhatashili bhamzwihe lyoka ilyabhulo.30Ngeshabha umwene uwakumwanya akuzwiha amasole agakumagunda,gegakwihala ilyanda lyoka malabho enge bhagasumba mumulilo,shene shiyasi bhuli shamabhaha mwemwe bhemliniyimani inyido? 31Kwahiyo mtashibha niwasiwasi nkutaha,'shene twamalyashi?'ama''twamangwewla shonu?''ama''twamazwala mywenda bhuli?''32Nubha abhamatayifa bhakwanza amambo iga,nubaba winyu uwakumwanya amanyile mkwanza iga. 33Lakini kwanza yanzini ubhufalume bhakwe nihaki yakwe nagonsi iga galakabizibha ukwaho. 34Kwahiyo,utashilola iswaka kujili iyamalabho,nubha malabho yilayibhombela inkola.shilalwanda litosizye nitatizo lyakwe ihola.

7

1Utashigalila,nawenye bhalakwigalila. 2Kukwigalila kukwgalilanawenye bhalakwigalila.nakushimo shukupima nawenyeshebhala kupimila ishonye isho.3Shoshonu ukulola ishindi ishikwi sheshili mlyinso lyandugu waho,lakinik utyatambuwa ishipandi sheshili sheshili mlyinso lyaho? 4Ungalanda bhuli kulindugu waho,tenkwefezye ishizula sheshili mlyinso lyaho? 5mnafiki wewe,'teyefya sheshili mlyinso lyaho,pene wamalola ichete ishikwi sheshili mlyinso lyanduguwaho.6Utashipa imbwa ishitakatifu,utasahisumbilila uhapoli ilulu pankolelo yabho.vinginevyo bhamonona nuvilyatanga kumanama,habnhili bhamakusenushila wewe nuputola ivipande panda.7Labhi,namwe mwamapata.yanza,naweumapata.palisya,nawe bhamakwigwila. 8Kuliwensi wakulabha,akuposhelelaga nakuliwensi wakwanzaga,akupataga.nakumntu wakupalisyaga,bhamwigwilaga. 9A,ma kulumuntukulimwemwe we ngemwana wakwe atalabha ishipande shamkate angampa ibhwe? 10Ama nge shabhaalabha uluswi,nawe umpe injoha?11Kwahiyo,ngemwemwe bhamazambi mmayile ubhapa abhana bhinyu izawadi inzifu,shene!shiyasi bhuli ishankolelo ubaba walikumwanya amabhapa ivintu ivizifu bhala bhebhamlabha wuyo? 12Nakusababu ino,pukwanza ubhombelwa ishintu shonsishila nabhantu abhanji,nawenye ukutakibwa ubhabhombela ivyonye ivyo bhubho.nubha syeliya iyabhanabii.13Yinjilini kupitila igeti inlyenzu.kwigeti lihasalala ninzila yihasalala yeyipisile ukubhifu,nakuli abhantu abhinji bhebhakupita inzila iyo. 14Igeti lihanlyenga,igeti inlyenzu nzila yeyipisile kubhuzima nabhashepa bhebhangayilola.15Jilinde nabhanabii bhilenga,bhaminza enge bhazwaye umkwela wafwele,lakini wunkunsa umhali. 16Kumatunda gabho mmabhamanya.shene bhantu bhamakumbula amatunda kuhati,ama kumakwi gambeyu iyamasase? 17Kujinsi ino,ikwi izifu livyalaga amatunda amazifu,lakini ikwi ibhifu livyalaga amatunda amabhifu.18Ikwi izifu litangavyala amatunda amabhifu,wala ikwi ibhifu litangavyala amatunda amazifu. 19Shilalikwi lyelitavyala amatunda amazifu limatibwa nulisumba kumlilo. 20Pene basi,umabhatambuwa ufuma kumatunda gabho.21Teshila mtu wakumbulaga nene,'bwana,bwana,'alinjila kubhufalume ubhakumwanya,bali wewula weka wakubhomba amapenzi gababa walikumwanya. 22Abhantu abhinji bhalambula ilyanda ilyo,'bwana,bwana,tutashili tutowe ubhonabiikwizina lyaho,tutashli twewfya amasyetani kwizinzlyaho,nakwizinalyaho twabhovile amatendo aminji amakulu?' 23Pene ndabhabhozya apazelu,'ntabhamayile mwemwe!pitini kulinene,mwemwe bhembhombaga amabhifu!24Kwahiyo,shila wakwivya amaneno gane nugeshimu amaholana numntu uwahekimawaliye azenga inyumba yakwe pamwanya iyigamba. 25Ivula yitonya,amafuliko ginza,ninpepo yuinza yuma inyumba iyo,lakini yitashili yigwe pansi, kwatiye yihazengwa pamwanya yigamba.26Lakini shilamntu wakwivywa ineno lyane natashilitii amaholana numntu umpumbavu wahazenga inyumba pamwanya iyamchanga. 27Ivula yinza,namafuliko ginza,ninpepo yinza nukuma inyumba iyo nayigwa,nubhwononi bwakwe bhukamiliha.''28Wafisile uwakati wuyesu pamazile uyanga amaneno iga,umukutano watiwusangazwa namafundisho gakwe, 29Nubha afundisizye fye muntu walinamamlaka,nafwe ngati bhandsishi bhubho.

8

1Uwakati uwayesu patiye ayiha pansi ufuma kwigamba,ubhumati bhamlondeye. 2Loli,umkoma ayinzile asugama pankolelo yakwe,ati,''bwana,ngulitayali,ungambomba imbe ichete''. 3Uyesusu agololosya ihonolyakwe numlema,ati,''inditayali.enge uhaswepa.''iponyepo atakaswa ubhukoma bhwakwe.4Uyesu ambhuzya,''lola bhulo utashitaha kumtu wensiwula.lema inzilayaho,yilolesye wehola kulikuhani utowe nizadi yumsa ahakwajizya,kujili iyabhushuda bhwaho''5Uwakati uyesu pafiha kapernaumu,jebedali ayinza ukwakwe amubhuzwa. 6atii,''bwana,mtumishiwane atadila panyumba ahafwa ulusalilwoka naalinamawumivu agatisya.'' 7Uyesu ambhuzya,''indinza impozye.''8Ukamanda wavita,''ambhuzya ubwana,nene tenene wasamani nanti puyinze uyinjile mkasi iyidali lyane,landa ineno numtumishi wane amapola. 9Nubha nene mntu wendinamamlaka,nandi nabhayasikali bhebhali pansi yane.nalanda kuluno''pita nupite kuwunji'zaga nawopenye ayinza,nakumtumishi wane,'bhomba bhulo nawopenye amabhomba'' 10Puyesu atiye ayivbwa iga,atiye asangaya nubhabhula bhala bhebhatiye bhamlondela,''kwqeli imbabhule,tantalandole umntu waliniyimani fye wewuno uwaku islaeli.11Imabhuzye,abhinji bhaminza ufuma mashaliki na kumaghalibi,bhamihala pameza poka nu ablahamu,nu yisaka,nuyakobo,kubhufalume ubhwa kumwanya. 12Lakini abhana bhufalume bhalabhasumba kushanda panzi,pene palabha indosya iyakusya amino.'' 13Uyesu abhabhuzya abhakamanda bhavita,''pita!kama fyuhamini,nashibhombe ivyonye ukwaho''.numtumishi bhampozizye kunsanyiyo.14Uwakati uyesu afiha kunyumba yapetro,amlozile umamamkwe uwakwa petro adiliye enge alwaye ihoma. 15Uyesu amlema ihono lyakwe,nihoma yakwe yimleshela.pene adamla ayazya umhudumia.16Napeyafiha mabhila,abhantu bhamtwalila uyesu abhinji bhebhahatawalibhwa namasyetani.abhinga amaswetani nabhalwale bhapola. 17Kujinsi ino gatimiya gala gegahayangwa nuyisaka unabii,''huyonye umhola asenzile amalwale gitu nasenda amazayifu gitu''18Pene uyesu palola ikusayiko lyamlibhizya.atowaamayelezo agakupita ubhupande ubhwabahali iyakumwanya. 19Pene uhandiha ayinza numbhula,''mwalimu,namakulondela konsi kukupita.'' 20Uyesu ambhuzya,''abhankusa bhalinamalina,ivinyuyi ivya mumwanya vili nivisanzo,lakini umwana uwaadamuatena isehemu iyadizya itwe lyakwe.''21Umwafunzi uwunji ambhuzya,''bwana,nduhusu ipite emezyihe ubaba wane.'' 22Lakini uyesu amubhuzya,''ndondela,nabnhaleshele abhafwe bhayitwile abhafwe abhamwabho.''23Uyesu payinjila mumutubwi,abhafunzi bhakwe bhawulondela umtumbwi. 24Loli,yibhuha inkulu pamwanya yabahali,ishiyasi shamtumbwi wutwibha namawimbi.lakini uyesu atiye adiliye. 25Abhafunzi bhinza ukwakwe bhamdamusywa bhati,''bwana,twokowe sweswe,twabhala ufwa!''26Uyesu abhabhuzya,''kweshi mkogopa,mwemwe mwebhahola iyimani yihashepa?''pene adamla nukemeya inpepo nambahali.pene kubhaubhutulivu ubhukulu, 27Abhonsi bhalemwa nusangaya bhati,''shene umntu nyuno alibhuli,kwamba amashyetani nibahali vimweshimu wuyo?''28Uwakati uyesu payinza ulusali ulunji ulwansiyamagadala,abhatata bhabhili bhebhahatawalibhwa namasywetani bhahomine nawo.bhahafumaga kumakabuli nabhahabhombaga ifujo nkani,ishiyasi she abhahasafili bhatangapita inzila yila. 29Lola,bhafumizuye isawuti nuti,''tulinashi ishabhomba ukwaho,umwana uwamwene uwakumwanya?atinza ipa akutyuchuzya kabula iyawakati ufiha?''30Sasa ikundi ikulu ilyahapoli bhatiye bhabhashema,patiye patatalinfile napali, 31Amashyetani gatiye gendeleya ulalamiha kuliyesu nuti.''ngewatubhula ufuma,tutwale kwikundi ilyahapoli.'' 32Uyesu abhabhuzya,''pitini!''amasyatani gafuma nabhala kulihapoli.nalola,ikundilyonsi ufuma kwigamba ukwishiola mbahili lyonsi lifwila mminzi.33Abhatata bhebhahashemaga uhapoli bhashimbila.napebhapita kumjini bhataha shila shintu,sheshihatokeya kulibhatata bhebhahatawalibhwa namashyetani. 34Lola,ishijiji shonsi shibhashihomana nuyesu.pebhamlola,bhatiye bhamsihi apite mshjiji shabho.

9

1Uyuesu ayinjila mboti,alamba nafiha kuhaya kwaqkwihalaga. 2Lola,bhamtwalila umntu wahapooza ibhamdizya pikodolo.palola iyimani yabho,uyesu ambhuzya umntu wahapoza,''mwanangu,ubhenilaha,amazambi gaho igasamehebhwa''3Lola, ibaazi yabhalimu bhasyeliya bhayangana abhatupu,''uyo umntu akonona'' 4Uyesu abhatambuwa amawazo gabho ati,''kweshi muwaza amabhifu mumyo yinyu? 5Shilikwi sheshililayisi utaha,'amabhifu ngonsi gahafutwa'amauti,'yimilila upite?' 6Lakini mumanye umwana uwaadamu alinubhuwezo ubhwasamehe amazambi...''agatasile kuliwula wahapoza,''yimilila,sendaikodolo lyaho,upite kunyumba yaho''7Pene wula umntu ayimilila nupita kunyumba yakwe. 8Umkutano pewalola iga,bhatiye bhakamilwa numwimbila umwene wakumwanya,wahabhapa ubhuwezo ubhwo abhantu. 9Nuyesu patiye akupita ufumapo,amlozile umntu webhamwita mathayo,watiye atihala isehemu iyabhahatowesya abhahela.nawope ambhuzya,''ndondela nene''nawopenye ayimilila numlondela.10Nuyesu payihala ili alye ishakulya mkasi yanyumba,bhinza abhahatowesywa abhabhushulu abhinji nabhantu abhononi bhashiliki ishakulya pokanuyesu nabhafunzi bhakwe. 11Pene abhamafalisayo pebhalola iga,bhabhabhula abhafunzi''kweshi umwalimu winyu akulya ishakulya poka nabhatoza bhushulu nabhantu abjhononi?''12Uyesu peatiye ayivwa ingo,nawope ati''abhantu bhebhali niafiya inzifu bhatanganza umnganga,isipokuwa bhebhalwale. 13Mtakibhwa mpite memjifunzye imana yakwe,''inkakunda ilema yeyitena izabiyu''nubhainkinza,tekubhahaki ukwamini,lakini kubhazambi.14Pene abhanafunzi abhayohana bhinza ukwakwe bhati, "Kweshi sweswe na abhamafarisayo tufunga, lakini abhanafunzi bhaho bhatafunga?" 15Uyesu abhabhula, shene, abhaha sindishila abhantiyo bhangasikitiha pe ubwana arusi amasendwa ufuma ukwabho, na pene bhalafunga.16Kutali umuntu we akubhihaga ishipande asha mwenda umupya pa myenda imikulu, ishilaka shimalepulwa ufuma kumwenda numupasuwo umukulu umaloleha.17Kutali abhantu bhe bhabhihaga ipele ipya mushombo ishi pele ilya kali, nge bhabhomba, ingozi yimalepuha, ipelelimepa ningozi yimononeha. Ibaada yakwe kubhiha ipele ipya kungozi impya na vyonsi vimabha salama.18Aliye pe uyesu akubhabhula amambo igo, lola, uafisa ayinza asaliha pankolelo yakwe, wope ati, "Umulindu wane ashifwa, lakini zaga ubhihe ihono lyaho pamwanya yakwe amayishi salama. 19Pene uyesu ayimilila numulondela nabhanafunzi bhakwe bhopenye.20Lola, umangu we aliyenge ubhwazi bhufuma kumuda uwa myiha kuminambili, ayinza papipi nuyesu numugusa isehemu iya mwenda wakwe. 21kwe atiyi, "nganala nalemanye umqwnda wakwe, namapola." 22Uyesu asenuha amulola amubhula. " mulindu,jipe umwoyo, iyimani yaho yeyileha wapola," numudanyuyo umangu ange akupola.23Nuyesu aliye pe afiha kunyumba iya afisa, wope aliye abhalola abhahuma abhatarumbeta nubhumati ubhwa bhantu aliye bhakwangula. 24wope ati, "yepini ipa, kwe umulindu atafwiye, ila atadila. bhope aliye bhaseha numujoki.25Abhantu bhala aliye pe bhabhafumya panzi, wope ayinjila mukasi numulema ihono numulindu adamula. 26Nihabari izi zimanyiha muhaya yonsi.27Pene uyesu ahapitaga ufuma pala, abhalumendo bhabhili abhavipofu bhamulondela. bhafumya isawuti ange bhakuti, "Tulabha uturehemu, mwana uwa dawudi ." 28Aliyenge pe uyesu afiha kunyumba, abhavipofu bhala bhanza ukwakwe. Uyesu abhabhula, "Mukwamini kwamba nene ningabhomba?" bhope bhamubhula "eye, bwana"29Pene uyesu alema aminso gabho ati "Na shibhe ivyonye kama vye iyimani yinyu yili" 30Na minso gabho gadamula. Pene uyesu asisitizya abhabhula ati, "Lolini umuntu wensi atinze amanye uhusu ijambo ili." 31Lkini abhantu ibha bhabhili bhapita nutangaza ihabari izi isehemu zyonsi izya haya.32Pene abhalumendo bhala bhabhili aliyenge pe bhapita nizyabho, lola, umuntu weke ushinunu we aliyenge atalemwa namasyetani bhamuleta kuliyesu. 33Aliye pe amapepo gepa, umuntu wula ushinunu ayanzya uyanga. ubhumati bhukamilwa nuti "ishi shitatala shitokeye kuizraeli. 34Lkini abhamafarisayo bhahatanji "kubhakulu abhamapepo, akugabhinga amapepo.35Uyesu apita kumiji yonsi nivijiji. Ayendeleya ufunzya kumasinagogi, ange akuhubiri iyinjili iya bhufalme, na ange akupozya shila malwale. 36Aliyenge pe alola ubhumati, aliye abhalolela inkumbu, kusababu aliye bhachula nuvunziha imyoyo. bhaliye bhali vye fwele zye zitali nuhashema.37Nawope abhabhula abhanafunzi bhakwe. "Amavuno gahavula, lakini abhahabhomba abhakazi bhahashepa. 38Kwahiyo mulabhini ubwana uwa mavuno lubhilo, ali kwamba alete abhahabho abhakazi kumavuno gakwe."

10

1Uyesu abhita abhanafunzi bhakwe kuminambili poka nubhapa imamulaka ubhinga amajini, uga kemeya ugabhinga nupozya iyayina zyonsi izya malwale.2Amazina aga bhamitume kumina mbili gegano. Ilyakwanza usimeoni (we akutwa upetro), Nuandereya ukakawakwe, uyakobo umwana uwa zebedayo, nuyohana ukakawakwe: 3Uphilipo, nubartelemayo, numathayo uhatovya uwa bhushuru, uyakobo umwana uwa alfayo, nutadewo, 4Usimoni umukanana nayo, na uyuda uaskariyote, we aliye amusaliti.5Ibha kumina mbili uyesu aliye abhatuma. aliye abhelekezya ati "mutashibhala kula kwe bhakwihala bhala abha matayifa na mutashinjila muhaya izya bhasamaliya. 6Ibadala yakwe, mubhale kunfwele zye zihaponga izya munyumba iya israeli. 7Na pemubhala, muhubiri enge muti, Ubhufarme ubhwa kumwanya ibhupalamila.'8Mupozye amalwale, mufufuwe bhe bhahafwa, bhaswefyini bhebhali nubhukoma na mubhinge amapepo. Muhaposhela shaha. 9Mutashipala izahabu, ialmasi ama ishaba kupochi zyinyu. 10Utashisenda umukoba kusafari zyinyu, ama imyenda iya ziyada ivilatu ama imikota, kwe uhabhomba uwa kazi akutakibhwa ishakulya shakwe.11Ihaya yonsi ama ishijiji she mwinjila, yanzini we akusitahili na mwihale pala npaha pe mwapita. 12Nga mwinjila munyumba lamuhini, 13Nga inyumba yili ichete, iyamani yinyu yisyale pala, lakini inyumba ngayitali ichete, iyamani yinyu yipite poka namwe.14Na kuli bhala bhebhatabhaposhela mwemwe nubhivwa amaneno ginyu, uwakati pe mupita kunyumba au ihaya iyo, Yipyelini ivumbi iya manama ginyu iponye. 15Ikweli inkubhabhula, yimabha yichete ihaya iya sodoma ni gomora ilyanda ilya hukumu kuliko ihaya iyo.16Lola, inkubhatuma ngati fwele pakasi iya nangu, kwahiyo mubhe nubhwelevu ngati vye njoha na abhatonsu ngati vye nkunda. 17Mubhe makini nabhantu, bhamabhatwala kumabaraza, na bhamabhuma kumasinagogi. 18na bhamabhaleta pankolelo iyabhakulu nabhafalme kwajili yane, vye bhushuda kuli bhubho na abhamatayifa.19Nga pekushe bhabhatuhumu, mutashibha niwasiwasi twabhomba bhuli ama twamayanga bhuli, kwe isintu ahalanda mumapebhwa kumudanyuyo. 20Kwe te mwemwe bhene muyanga, lakini iroho iya baba winyu yimayanga mukasi yinyu.21Undugu amamunyatula uwamwabho umwumola, nubaba kulimwana wakwe. abhana bhamabhuha kubhazazi, nubhaletela ufwa. 22Namwe shila muntu amabhatubha kusababu iyizina lyane. Lakini wula we avumuliya npaha umwisyo uyo wene amokoha. 23Ngape mubhatesa kuhaya iyo, shimbilini ihaya yeyilondeye, kwakweli inkubhabhula, mutalape emupita kuhaya zyonsi izya israeli kabula iya mwana uwa adamu ashili agaluhe.24Umwanafunzi mukulu kuliko umwalimu wakwe, wala umutumwa we alipamwanya iya bwana wakwe. 25Shitosizye kubhanafunzi kwamba abhe ngati mwalimu wakwe, na mutumishi ngati ubwana wakwe. Nga bhebhamwita ubwana uwa nyumba Ubelzabuli, nga shiwango bhuli she bhamabhalahalisya abhanyumba yakwe!26Kwahiyo mutashibhogopa bhubho, kwe kutali ijambo lye litalafunulibhwa, na kutali lye lihavwama litalamanyiha. 27Shila she inkubhabhula kushanda, nga mwalanda kunuru, na she mukwivwa kumakutwi ginyu mutangaze enge muli pamwanya iya nyumba.28Mutashibhogopa bhala bhe bhakumola umubhili lakini bhatena ubhuwezo ubhwa kumola iroho. Ibadala yakwe mwogopini wula we akumola umubhili niloho kula ukuzimu. 29Shene abhakasuku bhabhili bhatanga kazwa kuhela inyidwo? Nivyonye kutali we angagwa pansi bila ubaba winyu umanya. 30Lkini ninsisi zyinyunye zihabhazibhwa. 31Mutashibha nisyaka, kwe mulinisamani nkani kuliko abhakasuku abhanji.32Kwahiyo shila weka we aliri pankolelo iya bhantu, nanenye namamukili pankolelo iya baba wane we ali kumwanya. 33Lkini wula we ankana pankolelo iya bhantu, nanenye namamuhana pankolelo iya baba wane we ali kumwanya.34Mutashelengula kwamba neninza uleta iyamani paduniya. intinzile uleta iyamani ila ulupanga. 35Kwe ninzire ubhiha umuntu alyane nubaba wakwe, numulindu numama wakwe, Numukwe numayi wakwe. 36Uyaduwi uwa muntu bhamabha bhebhalanye abhamunyumba yakwe.37Wula we agamukunda ubaba ama umama nkani kuliko nene uyo atastahili. Nawope ahamukunda umulumendo ama umulindu nkani kuliko nene uyo atasitahili. 38Wula we ahana unyatula umusalaba nundondela nene atasitahili. 39Wula we ayanza amayisya amagaponzya. Lakini wula we aponzya amayisya kwajili yane nene amagapata.40We abhakaribisya atankalibisya nene, na wensi we ankalibisya nene atamukalibisya we atantuma nene . 41Na wensi we amukaribisya kusababu we wunabii amaposhela isawabu iya nabii. Na we ngamukaribisya uwa haki kusababu muntu uwa haki amaposhela isawabu iya muntu uwa haki.42Wensi we amupa weka uwa bhana ibha, nishikombenye isha minzi aga ng'wela aga npepo, kwe wuyo mwanafunzi, ikweli inkubhabhuila, wuyo atangakosa kunzila yoshi yila isawabu yakwe."

11

1Aliye pe uyesu amalizya ubhalanga abhanafunzi bhakwe kuminambili apiye pala abhala ufundisya nuhubiri kuhaya zyabho. 2Nuyohana pe aliye ali mwijera pe aliye ayivwa ange ali pamwanya iya matendo aga kristo, aliye atuma ubhujumbe upitila umwanafunzi wakwe, 3na bhamubhula, "Wewe wene wewula we akwinza, ama kuli uwunji tutakibhwa tumulolele?"4Uyesu ajibu nulanda ukwabho "pitini mwemumubhule uyohana hala ge mugalola nagala ge mukwivwa. 5Abhantu bhebhatalolaga bhakulola, abhashilema bhakupita, abhabhukoma bhatakaswa, abhantu bhebhatakwivwa bhakwivwa habhili, abhantubhebhahafwa bhafufuha bhapata ubhuzima, na abhantu bhebhakwanza bhahubilibhwa ihabari inzifu. 6Na ahabarikibhwa wula we atalola awasiwasi kuli nene.7Ishipindi pe aliyenge abhantu ibha bhapita, uyesu aliyenge ayanzya uyanga nubhumati amambo aga yohana, "Shoshonu she mwabhaziye mwalola kujangwa_enge itete litengana ninpepo? 8Lkini lyanda bhuli lye mwabhaziye mulola_umuntu we atazwala imyeda imololo? kwakweli bhala bhe bhazwala imyenda imololo bhakwihalaga munyumba izya bhafalme.9Lakini mwapisiye mulola shoshonu-Unabii?Eye, inkubhabhula, nizayidi iya nabii. 10Uno wene ahandikwa, Lola, inkumutuma umujumbe wane pankolelo iya minso gaho, we amandaya inzira yaho pankolelo yaho.11Nene inkubhabhula ubhukweli, kuli bhala bhe bhahavyalwa na abhamangu kutali we mukulu kuliko uyohana uhabatizya. Lakini we mundwo kubhufalme ubhwa kumwanya mukulu kuliko wuyo. 12Ufuma amanda aga yohana uhabatizya npaha ilinye, ubhufalme ubhwa kumwanya bhwa maha, nabhantu abhamaha, bhasenda kumaha.13Kwe unaabii uwa syeriya, aliye bhatabiri npaha kuli yohana. 14Na ngamuli tayari uzumila, uno wuyeriya, wula we akwinza. 15We alinamakutwi agakwivwa ayivwe.16Ishilinganisye nashoshonu ishizazi ishi? mufano uwa bhana bhebhashinda amaenewo aga sokoni, bhebhakwihala nukwitana. 17Nuti, 'twabhumiye izomari mutashili mwange. twaliyenge tubhiha indosya mutashili mulile.'18Kwe uyohana ayinzile bila ulya umukate ama ung'wela ipere, na ange bhakuti ali nipepo. 19Umwana uwa adamu ayinzile ange akulya nung'wela na bhati 'lola, muntu we akulya nuhang'wela, urafiki uhatovya uwa bhushuru na abhizambi!' lakini ihekima yiloleha kumatendo gakwe."20Uyesu aliye ayanzya uzilandila ihaya ye baazi iya matendo gakwe agaajabu galiye gabhombeha, kusababu aliye bhashili bhatubu, 21Shaho kolazini, Bethsaida! nga amatendo amakulu gali gabhombehe kutro na kusidoni gala ge gahabhombeha ipa, ngali bhebhatubu kali kuzwala amagawuni nuyipaha itoyi. 22lakini shimabha bhuli ubhuvumilivu kutoro na isidoni ilyanda ilya hukumu kuliko ukwaho.23Wewe, kapernaum, umanyile umanyatulwa hadi kumwanya? Awe umiha hadi pansi ukuzimu. ngati kusodoma kwali kubhombehe amatendo amakulu, nge gali gabhombehe ukwaho, yali enge yiliko hadi ilelo. 24Ila inkuti ukwaho kwamba shimabha raisi kuhaya iya sodoma ukwimilila ilyanda ilay hukumu kuliko wewe.25Kumuda nyuyo uyesu atiyi, "Inkusifu wewe, Baba ubwana uwa mbingu nihaya, kusababu aliye ubhazyiha amambo iga kuhekima nubhufahamu, nugafunula kubhebhatali niyelimu, ngati abhana abhadwo. 26Aliye pe shakuzipila ivyo paminso gaho. 27Amambo gonsi igakabizibhwa ukwane kujliko kuli baba. Nakutali we amumanyile umwana isipokuwa ubaba, na kutali we amumanyile ubaba isipokuwa umwana, na wensi we umwana alinihamu iya mukupwila.28Zgini kuli nene, mwemwe mwensi bhe muchula nimizigo yihabhatoniya, kuli nene mumapuza. 29Zwaluni iyoko lyane na mujifunzye ufuma kuli nene, kwe nene mutonsu numunyenyekevu uwa mwoyo na mumapata upuza kunafsi zyinyu. 30Kwe iyoko lyane litonsu nim izigo yane yihapepera.

12

1Uwakati uyo uyesu apisiye ilyanda ilya sabato upila mumagunda. Abhanafunzi bhakwe bhali ninzara na bhanzya uputora amasunga nulya. 2Lakini abhamafarisayo aliye pe bhalola igo, bhamubhula uyesu "Lola abhanafunzi bhaho bhavunza isyeriya bhabhomba ilyanda gegatahusiha ilyanda ilya sabato"3Lakini uyesu abhabhula, "Mutabhonvile vye udawudi ge aliye abhomba, uwakati pe aliyenge ali ninzara, poka na abhantu bhe aliye ali nabho? 4Inamuna vye aliye ayinjila mukasi iya nyumba iya mwene uwa kumwanya nulya imikate iya wonyesyo yeyitali halali ukwakwe uyilya nabhala bhe ali nabho, ila halali kumakuhani?5Bado mushili musome kusyeriya, kwamba kulyanda ilya sabato amakuhani mukasi iya hekalu bhayinajisi isabato, lakini bhatali nihatiya? 6Lakini inkulanda ukwinyu kwamba we mukulu kuliko ihekaru alipa.7Nga mwali mumanyile ino yimanisya shoshonu: Inkwanza irehema nate zabihu; mutali mubhahukumu bhebhatali nihatiya, 8Kwe umwana uwaadamu wene mwana uwa sabato."9Uyesu ayepa pala abhala kusina gogi ilyabho. 10Lola kwali numuntu we aliye ahafwa amahono. Abhamafarisayo bhamubhula uyesu, ange bhakuti. "shene, halali upozyan ilyanda ilya sabato?" ili kwamba bhamusitage kubhomba izambi.11Uyesu abhabhula, "wenu kati yinyu, we aliyenge ali ni nfwele yoka, ninfwele ino yigwa mukasi iyilina ilyanda ilya sabato, atangayile na uyifumya mukasi iyi lina? 12Shene, shonu she shasamani, nkani, te zayidi iya nfwele! kwahi halali ubhomba amazifu ilyanda ilya sabato."13Alafu uyesu amubhula umuntu wula," Golola iho lyaho" awugolola, na apata iafiya, vye wula uwunji. 14Lakini abhamafarisayo bhafuma panzi bhapanga vye bhangamwumola bhafumile panzi bhapanga ishinyume shakwe. Aliyenge bhakwanza ijinsi iya mwumola.15Uyesu aliyenge pe ayelewa ili ayepa pe bhali. Abhantu abhinji bhamulondeye na abhapozya bhonsi. 16Aliye abhajizya bhatinze bhamubhule kubhanji, 17Kwamba bhutimiye ubhukweli bhula, bhaliyenge bhuhayangwa nunabii uyisaya, ati,18Lola, umutumishi wane we inkamuchagula, umupendwa wane, kuliwuyo inafusi yane yeyisha. Namabhiha iroho yane pamwanya yakwe, na amatangaza ihukumu kumatayifa.19Atalachula wala ulila kumaha; wala wensi wula ukwivwa isawuti yakwe mumitawa. 20Atalaliputula itete lye lihaturuha; Atalazimya ubhutambi bhwonsi bhula bhwe bhufumya ilyosi, npaha pe kwashe aleta ihukumu yisinda. 21Na abhamatayifa bhamabha nubhujasiri kwizina lyakwe.22Umuntu wumo ushipofu nu baba, we ahalemwa na amapepo aliye aletwa pankolelo iya yesu. Amupozya, poka na amatokeyo aga kwamba umuntu ushinunu aliye alanda nulola. 23Amakutano bhonsi bhaliye bhasangaya na bhati, "Umuntu uno angabha mwana uwa dawudi?"24Lkini aliyenge pe abhamafarisayo bhiv wa umwujiza uno, bhaliye bhati, "Umuntu uno atakwefya amapepo kumaha gakwe umuhola ila kumaha aga Belzebuli, umukulu, uwa mapepo. 25Lakini uyesu aliye amanyile amelenguzi gabho na abhabhula, "shila bhufalme bhwe bhuhagawanyiha ubhuhola bhukononehaga na shila haya ama inyumba yeyibhombeha inkola yitangimilila26Nge usyetani, amefya usyetani, basi akuyihana kunafsi yakwe umuhola. 27Ngayani vye ubhufalme bhwakwe bhumimilila? Na ngankwefya amapepo kumaha aga belizabuli, Abhafuwasi bhinyu bhamefya kunzira yanu? kwajili niyili bhamabha bhebhahakimu bhinyu.28Na ngankwefya amapepo kumaha aga roho uwa mwene uwa kumwanya, basi ubhufalme ubhwa mwene uwa kumwanya ibhwinza ukwinyu. 29Na umuntu aminjila bhuli munyumba iya muntu we alina amaha nukwibha, bila umunyepa kumaha kwanza? pene amibha imali zyakwe ufuma mukasi iya nyumba. 30wensi we ahana ubha nane, na we atahonganiha poka nane uyo lazima aponzye.31Kwahiyo inkulanda ukwinyu, shila lizambi nukufuru abhantu bhamasamehebhwa, ila umukufuru uroho mutakatifu bhatati bhasamehebhwe. 32Nawensi weakuyanda ishinyume isha mwana uwaadamu, ilyo amasamehebhwa. Lkini wensi we akuyanga ishinyume isha roho mutakatifu, uyo atangasamebhebhwa, kubhulimwengu ubhu, na bhwebhukwinzanye.33Ama libhombe ikwi ili libhe lizifu nitunda lyakwe izifu, ama ulyonone ikwi poka nitunda lyakwe, kwe ikwi limanyihaga kwitunda lyakwe. 34Mwemwe shizazi isha njoha, mwemwe bhononi, Mungalanda bhuli amambo amazifu? Kwe ilomo liyangaga ufuma kuli gala ge galo mumwoyo. 35Umuntu umuzifu kuakiba inzifu iya mwoyo wakwe gafumaga amazifu, numuntu umubhifu mumwoyo wakwe gafumaga amabhifu.36Inkubhabhula kwamba ilyanda ilya hukumu abhantu iya shila lineno lye litali nimaana lye bhahalanda. 37Kwe kumaneno gaho bhalakubhazizya ihaki na kumaneno gaho ulahukumibhwa."38Alafu baazi iya bhandishi na abhamafarisayo aliye bhamujibu uyesu bhati" Mwalimu, tulange iyishara zyaho yukunde." 39Lakini uyesu aliye ajibu nubhabhula, "Ishizazi ishononi nisha bhumalaya shikwanza iyishara. lakini kutali iyishara ye yilatolebhwa ukwabho isipokuwa iyishara yila iya nabii. 40Ngati vila vye unabii uyona vye aliyenge ali muhayi iya njoha inkulu kumanda gatatu umusanya nubhusiku, ivyonye vyene umwana uwaadamu vyene alabha mukasi iya mwoyo uwa nsi kumanda gatatu umusanya nubhusiku.41Abhantu abha kuninawi bhamimilila pankolelo iya hukumu poka nishizazi isha bhantu ibha na bhalashihukumu. Kwe bhaliyenge bhatubu kumahubiri aga yona, na lola, umuntu wumo kuliko uyona ali ipa.42Umalikiya uwa kusini amimilila kuhukumu poka nabhantu abhashizazi ishi nushihukumu. aliye ayinza ufuma kumwisyo uwa duniya ayivwe ihekima iya selemani, na lola, umuntu wumo um ukulu kuliko uselemani, na lola umuntu wumo kuliko uselemani ali ipa.43Uwakati pe ipepo ichafu likwepa umuntu, lipitaga pe patali aminzi ange likwanza upuza, lakini ange litapalola. 44Alafu liti, 'Namagaluha munyumba yane ye nenfuma. 'Nge agaluha ayaga inyumba yila ibhayipyera yili ichete. 45Alafu abhomba nubhaleta abhanji abharoho abhachafu saba bhe bhabhifu nkani kuloko wuyo, bhanza bhonsi ange bhakwihala pala. nihali yakwe iya mwisyo ange yibha mbifu kuliko iya kwanza. Ivyo vyene shilabha kushizazi ishi isha mabhifu.46Aliyenge pe uyesu akuyanga nubhumati lola, umama wakwe nabhamwabho bhimiliye panzi, ange bhakwanza uyanga nawo. 47Umuntu weka amubhula, "lola umama waho nabhamwinyu ibhimilila panzi bhakwanza uyanga nawe."48Lakini uyesu aliye ajibu nubhabhula we atamubhula, "Umama wane wene uwenu? Nabhamwitu bhene bhebhawenu?" 49Nawope pe aliyenge asonta ihono lyakwe kubhanafunzi nuti, "Lola, ibha bhebhamama na abhamwitu! 50Kwe wensi we akubhomba amapenzi aga baba wane we ali kumwanya, umuntu uyo wene wamwitu, udadawane numamawane."

13

1Kulyanda nyilyo uyesu apisiye kunyumba nukwihala mumbali iya mahari. 2Ubhumati ubhukulu aliye bhupalamila nuyanga kumulibhizya, aliye ayinjila mukasi iya mutumbwi nukwihala mukasi yakwe. ubhumati bhwonsi bhaliye bhimilila mumbali iya bahari.3Alafu uyesu ayanzile amaneno aminji kumufano, Aliye ati, "Lola, inpanzi yapisiye uhomela. 4Aliye pe akuhomela imbeyi zimo aliye zigwa mumbali iya nzila nivinyunyi vya zyazile visonpa. 5Imbeyu zimo zyagwiye pamwanya iya mabhwe, pe zitashili zipate ilongo ilya tosya. Gafla aliye zimela kusababu zitashi zipate ilongo ilya tosya. 6lakini ilanzi aliye pe lyalama aliye zipya kusababu zitali nimizizi na aliye zyuma.7Imbeyu zimo aliye zigwa pakasi iya makwi aga minvwa. Amakwi agaminvwa aliye gatalinpa pamwanya gayitota. 8Imbeyu zimo aliye zigwa pilongo izifu zivyala imbeyu, zimo mara mia moja nazayidi, zimo sitini nazimo semanini. 9Weali namakunti ayivwe.10Abhanafunzi bhinzile numubhula uyesu, "Kweshi ukuyanga namakutano kumifano? 11Uyesu aliye ajibu abhabhula, "Mwemupebhwa ubhupendelewo ubhwakumanya isiri izya bhufalme ubhwa kumwanya, ila kuli bhubho bhashili bhapebhwe. 12Lakini wensin we ali nasho, kuli wuyo amapata nkani, na amapata ifayida inkulu. ila we atena shi nashilanye she alinasho amapokwa.13Kwahiyo inkuyanga nabho kumifano kusababu nga bhakulola, bhatashilola ubhukweli. Na nga bhakwivwa bhatashivwa umanya. 14Ubhunabii ubhwa yisaya bhwe bhutimiya kuli bhubho, bhula bhwe bhuti, "pe mukwivwa mwivwe, lakini kunamuna yonsi mutangelewa; uwakati pe mulola mwemupata ulola, lakini kunamuna yonsi yila mutashimanya.15Nimyoyo iya bhantu ibha yeyibha shanda, shihagoma ukwivwa, nan ibhasinzila aminso gabho, ili bhatashipata ulola kuminso gabho, ama ukwivwa kumakutwi gabho, ama umanya kumyoyo yabho, kwahiyo bhali bhansenushile nene nanali imba pozye.'16Ila aminso ginyu gegononeha, kwe gakulola, na amakutwi ginyu kwe gakwivwa. 17kwakweli inkubhabhula abhamanabii abhinji na abhantu abhahaki bhali nuhamu iya galola amambo gala ge mulola, na bhatashili bhagalole. bhaliye bhatamani ukwivwi amambo gala ge muhivwa na bhatashili bhagivwe18Sasa yivwini umufano uwa mapenzi. 19Uwakati wensin we akwivwa ineno ilya bhufalme atashilimanya, pene umubhifu ayinza nushisenda she shihahomelwa mukasi iya mumwoyo wakwe. Ino yene mbeyu ye yihahomelwa mumbali iya nzira.20We ahahomelwa pamabhwe we wela we akwivwa ineno nuliposhela lubhilo nusha. 21Bado atena imizizi mukasi yakwe, ila akuvumiliya kumuda umufupi. Uwakati amatatiama amateso pe gatokeya kusababu iyi neno akunpala gafla.22We ahahomelwa pakasi iya minvwa, wula wene we wula we akwivwa ineno lakini amachuro aga pamusanya nilenga ilya bhutajiri bhwe bhuhatota ineno lila litinze livyale amatunda. 23We ahahomelwa pilongo izifu, uno wewula we akwivwa ineno nulimanya . uno wene wewula we akuvyala amatunda na lyoka hadi miya moja, gamo sitini, na gamo semanini."24Uyesu abhapiye umufano uwunji. "Ubhufalme ubhwa kumwanya bhuholine numuntu we ahahomela imbeyuinzifu mumugunda wakwe. 25Lakini abhantu aliye pe bhasinzila, uyaduwi wakwe wopenye ayinza ahomela inpelele pakasi iya ngano alafu apita, 26Aliye pe ingano yamela nufumya amazawo gakwe, pene ninpelelenye aliye ziloleha.27Nabhahabhomba nye abhamugunda uyo aliye bhinza bhamubhula, 'Ubwana, akugomelaga imbeyu inzifu mumugunda waho? Kweshi she wuli ninpelele? 28Abhabhula, asyetani atabhomba ili.' Abhatumushi bhamubhuye, "Kwahoyo akwanza tubhale imetwipe?"29Uwa mugunda ngati, 'Awe, Ngape mukwefya inpelele mwipe poka ningano. 30Galeshelini gakule poka npaha uwakati uwa kuvuna. Uwakati uwa kuvuna namalanga kubhahavuna, 'kwanza yipini inpelele na muganyepe amafungu fungu mugoshe, lakini muhonganihe ingano mugala yane.'''''31Alafu uyedu aliye abhapa umufano uwunji. Ati, "Ubhufalme ubhwa kumwanya bhuholine nimbeyu iya haradali ye umuntu ayisenzile ayihomela mumugunda wakwe. 32Imbeyu ino kubhuhakika ihashepa kuliko izinji zyonsi. Lakini pe yamela yikulaga kuliko imbeyu zyonsi izya muntapila, yibha likwi, she yani kwamba nivinyunyinye ivya kumwanya ange vikwiha vizenga ivisanzo kumatundu gakwe."33Abhabhula umufano uwunji habhili. "Ubhufalme ubhwa kumwanya bhuli ngati shalya shila she aliyenge atwala umangu nuchanganiya kuvipimo vitatu mubhusu npaha vyumuha.34Igo gonsi uyesu agayanzile pabhumati ubhwa bhantu kumifano. Napepatali imifano atashili alande shonsi shila ukwabho. 35Ino shali kwamba shonsi she shihalandwa upitila kuli nabii shitimiye, "Namayanga nilomo lyane kumifano. Namalanda amambo gala gegahazyikwa ufuma imisingi iya bhulimwengu."36Alafu uyesu aliye abhaleha abhamakutano abhala kunyumba. abhanafunzi bhakwe bhamulondeye bhati, "Yanzini umufano uwa npelele izya mumugunda. 37Uyesu aliye ajibu nuti, "We akuhomela imbeyu inzifu mwana uwa adamu. 38Umudunda bhulimwengu; Nimbeyu inzifu, ibha bhana abha bhufalme. Inpelele mwana uwa wula umwononi nuyaduwi we ahahomela usyetani. 39Namavuno mwana uwa bhulimwengu, na abhahavuna bhabhamalayika.40Ngati vila vye inpelele bhahonganiha nuzyosha mumulilo, ivyonye vyene shilabha umwisyo uwa pamusanya. 41Umwana uwa adamu alatum,a abhamalayika bhakwe, na uhonganiha ufuma kubhufalme bhwakwe amambogonsi ge gasababisya izambi na bhala bhe bhabhomba amabhifu. 42Bhalabhasumba bhosi kwitanulo ilya mulilo, pe kulabha ishiliyo nusya amino. 43Pene abhantu abhahaki bhalabha pee ngati lilanzi kubhufalme ubhwa baba wabho. We ali namakutwi ayivwe.44Ubhufalme ubhwa kumwanya bhuli vye hazina ye yihazyikwa mumugunda. Umuntu ayilola nuyizyiha. Kuraha yakwe abhakazya vyonsi vye aliye ali navyo, akala umugunda. 45Habhili, ubhufalme ubhwa kumwanya bhuli vye muntu we akubhomba ibiyashara we akwanza ihela yeyili nisamani. 46Aliye pe ayilola yila ye yili nusamani, aliye abhala akazya shila shintu she aliye alinasho abhala akala.47Ubhufalme ubhwa kumwanya bhuli vye nyavu yeyili mubahari, Na yuyo yihonganiha iviwumbe ivya shila ayina. 48Aliye pe inyavu yizula aliye bhazutila kunzi. Alafu bhihala pansi bhahonganiha vyevili ichete mukasi iya shombo, lakini vye vitali nisamani aliye bhavisumba ukutali.49Shilabhabhulo kumwisyo uwa duniya. Abhamalayika bhalinza nubhabhiha pambali abhantu abhahabhomba abha mabhifu ufuma mubhantu abha haki. 50Nubhasuma mukasi iyitanuro ilya mulilo, kwe kulapela kuli amawombolezyo nusya amino.51Imumanya amabo gonsi iga? abhanafunzi bhaliye bhamujibu, "eye." 52Alafu uyesu abhabhula, "Shila handiha we atabha mwanafunzi uwa bhufalme akuhola na nuwanyuma we akutowa kuhazina ivintu ivipya nivyakali." 53Aliye pe uyesu amalizya imifano yonsi, ayepa ipo pe aliye bhali.54Alafu uyesu afi kumukowa wakwe na abhafuzya abhantu kumasinagogi. Amatokewo gakwe bhaliye bhasangaya nuti, "umuntu uno ahapata ihekima kwekwi numyujiza ino? 55Umuntu uno te mwana uwa selemara? Umariyamu te umama wakwe? Na abhamwabho te bhebhayakobo, uyusufu, usimoni, nuyuda? 56Nabhadada bhakwe tulinabho ipanye apitu? Shene umuntu nyuno atagapata gonsi nyega kwekwi?".57Aliye aleha bhatubha. Lakini uyesu aliye abhabhula, "Unabii atahanaga ubha niyeshima isipokuwa ukwabho nihaya yabho. 58Na atashili abhombe imiyujiza imyinji kusababu bhatali niyimani nawo.

14

1Kuwakati uwo, uherode aliye ayivwa ihabari uhusu uyesu. 2Abhabhula abhatumushi bhakwe, "uno uyohana uhabatizya atafufuha kuli bhebhahafwa. kwaho amaha iga gali kuliwuyo."3Kwe uderode aliye atamulema uyohana amunyepa numusumba mwijera kusababu iya herodiya, umngu uwa filipo ukaka wakwe. 4Kwe uyohana amubhuye, "Te halali umusenda wuyo ubha umangu wakwe." 5Uherode ali amwumole lakini aliye ayogopa abhantu kusababu bhaliye bhamulola uyohana ubha unabii.6Lakini uwakati ilyanda ilya vyalwa uherode aliye pe afiha umulindu uwa herode aliye ayanga pakasi iya bhantu nuherode asha. 7Kujibu ili aliye ayahidi kushiyapo kwamba amamupa shonsi shila she alabha.8Aliye pe asyawulibhwa numama wakwe, Aliye ati, "npea ipa nene kushikombe itwe ilya yohana uhabatizya." 9Umufalume aliye asikitiha kumawombi aga mulindu, lakini kujili iya shiyapo shakwe, kusababu iya bhonsi bhebhali pashakulya poka nawope aliye atikwamba shitakibhwa shibhombehe.10Aliye atuma uyohana bhamulete ufuma kujera. 11Ili bhamuputule itwe lyakwe na bhaleta pamwanya iyi siniya na bahmupa umulindu alitwala kuli mamawakwe. 12Alafu abhanafunzi bhakwe bhanza bhasenda umubhili ula bhawuzyiha, kabula yili aliye bhabhala bhumubhula uyesu.13Nuyesu aliye pe ayivwa iga, bado shiputulwe ufuma pala akwela mukasi iya masyuka abhala kula kwe ikutengwa. aliye pe ubhumati bhwamanya pe ali, Aliye bhamulondela ulwa manama ufuma kumujini. 14Alafu uyesu aliye ayinza pankolelo yabho abhulola ubhumati ubhukulu. Abhalolela inkumbu nubhapozya amalwale gabho.15Jiwoni aliye pe yafiha, abhanafunzi bhinza ukwakwe nuti, "Ino sehemu iya jangwa, nilyanda tayari ilipita. bhabhule abhamakutano bhapite muvijiji bhebhakale ishakulya kwajili yabho.16Lkini uyesu abhabhula, "bhatena ihaja iya kupita izyabho. Bhapini mwemwe ishakulya." 17Bhamubhula, "ipa tulini mikate yisanu ninswi zibhili basi."" 18Uyesu ati, "Yiletini kuli nene."19Alafu uyesu ati ubhumati bhonsi bhwihale pansi pisole. Asenda imikate yisanu ninswi zibhili. Alola kumwanya, abariki numenyula imikate abhapa abhanafunzi. Abhanafunzi bhabhupa ubhumati. 20Bhalya bhonsi nukwikuta. Alafu bhahonganiha ivipande vyonsi ivya shakulya bhizuzya ivipande vyonsi kumi na mbili. 21Bhala bhe aliye bhalya aliye bhabhakadili ya ubha bhebhatata elufu tano bila niyabhazyanye abhamangu nabhana.22Lyoka aliye abhabhula abhanafunzi bhakwe bhinjile mukasi iya mashuwa, umuda uyo abhalambaliha abhabhumati bhapite izyabho. 23Ibaada iya lambaliha ubhumatio upita izyabho, akwela kumagamba ulabha wekanye. Aliye pe yafiha jiwoni eliyenge ali ukonye wekanye. 24Lakini sasa imashuwa pe aliyenge yili pakasi iya bahari ange yiyumba kusababu iya mawimbi, ninpeponye yali yatisya.25Ubhusiku ubhwa zamu iya ine uyesu aliye abhapalamila, ange akupita pamwanya iya minzi. 26Uwakati abhanafunzi bhakwe aliye pe bhamulola akupita pamwanya iya bahari, aliye bhogopa bhati, "Muzuka," Na bhangula nkani kusawuti iya bhwoga. 27uyesu abhabhula lyokanye, ati, "Mutonte imiyo! Nene! Mutashogopa.a"28Upeturo aliye amujibu ati, "Bwana, wewe, mbula ininze ukwaho pamwanya iya minzi. 29Uyesu ati zaga," Kwahiyo upetro afuma mukasi iya mutumbwi na apita pamwanya iya minzi ubhala kuli yesu. 30Lkini upeturo aliye pe alola amawimbi, aliye ayogopa, na ayanzya utwibha, pansi, ayita isawuti nuti, "31Lubhilo uyesu asonta ihono lyakwe amunyatula upetro, amubhula, "Wewe uwab yimani inyidwo, kweshi ange ulinamasyakaa?" 32pene uyesu nupetro aliye bhinjila mumutumbwi, inpepo yitashili yipite habhili. 33abhanafunzi mumitumbwi bhamwabudu uyesu bhati, "Kwele wewe mwana uwa mwene uwa kumwanya."34Na aliyenge pe bhelamba, bhaliye bhafiha kuhaya iya genesareti. 35Na abhantu aenewo lila aliye pe bhamumanya uyesu, aliye bhatuma ubhujumbe shila sehemu, na bhamuleta wensi we aliye mulwale. 36Aliye bhamubhula kwamba bhaguse umwenda wakwe, nabhinji bhe aliye bhaliguysa aliye bhapola.

15

1Pene abhamafarisayo na abhahandiha aliye bhinza kuli yesu ufuma kuyerusalemu. Bhati, 2"Kwani shoshonu abhanafunzi bhakonona amapokewo agabhazee? kwe bhatakoga amahono pebhakulya ishakulya." 3Uyesu ajibu nubhabhula, "mwemwe_Kweshi mukonona isyeriya iya bwana kwajili iya mapokewo ginyu?4Kwe umwene uwa kumwanya, 'Mweshimu ubaba waho numama waho; na 'na we akulandaga umabhifu aga baba wakwe numama wakwe, hakika amafwa. 5Lakini mwemwe mutanji, 'shila we akumubhula ubababwakwe nu mama wakwe ""shila ,musaadan we ali apate ufuma ukwane sasa zawadi ufuma kuli mwene uwa kumwanya,"' 6"Umuntu uyo atena ihaja iya mweshimu ubaba wakwe. Kunamuna ino mwemutanguwa ineno ilya mwene uwa kumwanya kwajili iya poshela kwinyu.7Mwe bhanafiki, Shili ichete kama vye uyisaya aliye atabiri kulimwemwe pe aliye ati, 8abhantu ibha bhakuneshimu nene kumalomo gabho, lakini imyoyo yabho, yili apatali nane. 9Bhakunabudu bure, kusababu bhafuzya ge ahajizya umwalimu,."10Pene abhita abhamakutano nubhabhula," Yivwini namumanye__ 11Kutali ishintu she shikwinjila mwilomo kumuntu numubhomba ubhunajisi. Ila, shila she shifuma mwilomo, ishi shene shimubhomba umuntu abha najisi."12Pene abhanafunzi bhamubhalila nuti nuyesu," Shene!, Umanyile abhamafalisayo aliye pe bhivwa ineno lila aliye bhakwaziha?" 13Uyesu aliye abhajibu ati, "Shila lumela lwe ubaba wane uwa kumwanya atahomeye bhalalwipa. 14bhaleshelini bhoka, bhubho bhebhaviwongozi abhavipofu. nga umuntu ushipofu angamuwongozya ushipofu uwamwabho, bhonsi bhabhli bhamagwila mwilina."15Upeturo ajibu numubhula uyesu," Tubhule umufano uno ukwitu, 16Uyesu ajibu, Namwenye bado mutakwelewa? 17Mwemwe mutalola vye shila she shibhala muhati shipitilaga muhati nubhalamucho?.18Lakini ivintu vyonsi vye vifuma mwilomo vifumaga mukasi iya mwoyo. Vyene vintu vye vimuletela umuntu ubhunajisi. 19Kwe mumwoyo gafumaga amawazo amabhifu, ukumola, ubhumalaya, ubhwivi, ubhushuhuda ubhwilenga ni ndigo,. 20Iga gene mambo ge gamuletela umuntu ubhunajisi."21Pene uyesu ayepa pala na ajitenga abhala kuhaya izya tiro ni sidoni. 22Lola ayinza umangu umukanani ufuma muhaya izyo. ayangula kusawu ange akuti, "Nkulumiya, Bwana, mwana uwa dawudi; umulindu wane akuchula nkani namapepo." 23Lakini uyesu atashili amujibu shonsi shila. Abhanafunzi bhakwe bhinza ange bhamubhula, ange bhakuti, "Mubhinge apite nizyakwe, maana akutwangwila."24Uyesu aliye abhajibu ati, intashili intumwe kumuntu wensi wula ila kunfwele bhebhahaponga abhanyumba iya israeli." 25Lakini aliye ayinza nukwinama pankolelo yakwe, Ange akuti, "Bwana nsayidiya,." 26Aliye amujibu ati, "Shitali ichete usenda ishakulya isha bhana na uzisumbila imbwa."27Ati, "eye, Bwana, nivyonye imbwa inyidwo zilyanga ishakulya she ishigwila pameza kuli bwana wabho." 28Pene uyesu ajibu ati "Umangu, iyimani yaho nkulu. Na yibhombe kuliwewe kama vye ukwanza." Na umwana wakwe aliyenge atapola kumuda nyuyo.29Uyesu apisiye pala pe bhali apalamila karibu nibahari iya galilaya. alafu apita pamwanya iyigamba ayihala uko. 30Ikundi ikulu lyinza ukwakwe. bhamuletela abhashilema, abhashipofu, abhashinunu, abhashilema nabhanji bhe bhahavula, bhe aliye bhalwale. bhaliye bhabhabhiha pakasi iya manama aga yesu abhapozya. 31Bhaliye bhasangaya pe bhalola abhashinunu bhayanga, na abhashilema ange bhakupata ubhuzima, na abhashile ange bhakupita, na abhavipofu ange bhakulola. Aliye bhamwimbila umwene uwa kumwanya uwa isiraeli.32Uyesu abhata abhanafunzi bhakwe ati, ''Nembalolela inkumbu abhabhumati, kusababu bhebhabha nane kumanda gatatu bila ulya shonsi shila. Intalabhalambaliha bhapite ukwabho bila ulya, bhatinze bhazimiye munzila.'' 33Abhanafunzi bhakwe bhamubhula, ''kwekwi kwe tumapata imikate iyatosya ipa panyiha ukwikusya ubhumati ubhukulu bhulo?'' 34Uyesu abhabhula, "Mlinimikate yinga?" Bhati, "Saba na inswi inyidwo bhashe." 35Uyesu abhabhula ubhumati bhwihale pansi.36Aliye eyitwala imikate yila saba ninswi, na ibaada iya syukuru, ayimenyula nubhapa abhanafunzi. 37abhantu bhonsi bhalya nukwikuta. na bhasenda vyevisyalila nivipande ivya shakulya vye aliyenge ivisyalila, aliye vyizula ivikapu saba. 38Bhonsi bhe aliyenge bhalya bhali bhebhatata bhali elfu ine bila abhamangu nabhana. 39Alafu uyesu abhulambaliha ubhumati bhapita izyabho na ayinjila mumutumbwi abhala kusehemu izya magadani.

16

1Abhamafarisayo na abhamasadukayo bhamwinziye numujaribu uyesu abhalange iyishara ye yifuma kumwanya. 2Lakini uyesu aliye abhajibu nubhabhula "Vye jiwoni muti kwamba ihali iya hewa yili ichete, kwe mumwanya mubhenzu.3Na hatondo muti 'Ihali iya hewa ilelo nzifu kwe mumwanya mubhenzu na amapufi iga yikupiha ianga lyonsi.' Muhamanya utafusili umwonekano uwa anga, lakuni mutangafasiri iyishara izya nyakati. 4Ishzazi ishamabhifu nisha bhumalaya shikwanza iyishara, lakini kutali iyishara yonsiyila sheshimapebhwa, isipokuwa yila iya yona. Alafu uyesu abhaleha apita izyakwe.5Abhanafunzi bhinza ubhupande ubhwa pili, lakini aliyenge ibhalubhwa usen da imikate. 6Uyesu abhabhula" mwihale ichete na mubhe makuni na abhamafarisayo na abhamasadukayo." 7Abhanafunzi bhahojiyana bhubho nabhati. "Kwene tutashili tusende imikate." 8Uyesu aliye amanyile ilyo na ati, "Mwemwe abhayimani inyidwo, kweshi imuwaza nuyangana mwemwe mwebhahola nuti kwene tutashili tusende imikate?9Shene bado mutamanyile wala mutakumbuha umukate yila yisanu kubhantu elfu tano, na vikapu vinga vye aliye muhonganiha? 10Ama imikate saba kubhantu elfu ine, na vikapu vinga vye mwasenzile?11Kweshi she wala mutanelewa kwamba enge intayanga intayanga namwe uhusu imikate? jitunzyini na mujihazali na bhamafarisayo na abhamasadukayo." 12Ilyene bhamanya kwamba aliye atabhabhula uhusu ujihazali nimikate, ila kujihazali na abhamafarisayo na abhamasadukayo.13Aliye pe uyesu afiha kusehemu iya kayisariya iya filipi, abhabhuzya abhanafunzi bhakwe, ati, "abhantu bhakuti kwamba umwana uwa muntu wewenu?" 14Bhati," bhamo bhatanji uyohana uhabatizya; Abhanji uyeliya; nabhamo uyeremiya, ama unabii. 15Abhabhula, mwemwe muti nene wenu? 16Ajibu, usimoni upetro ati, "Wewe petro umwana uwa mwene uwa kumwanya we muzima"17Uyesu ajibu nubhabhula, "utabarikibhwa wewe, simono Bar yona, kwew ubhwazi ubhwa shinyama vitashili vifunulibhwe ili ila ubaba wane we ali kumwanya. 18Nanenye iknumubhula intu wewe petro, napamwanya iyi gamba namalizenga ikanisa lyane. Imilyango iya kuzimu yitangalisinda.19Namakupa wewe infungulo izya bhufale ubhwa kumwanya. Shonsi she washionyepa paduniya alape sheshinyepwa na kumwanyanye, na shonsi she washinyepa padiniya shilanyepwa nakumwanyanye.' 20Alafu uyesu abhabhula abhanafunzi bhatashimubhula umuntu wensi wula kwamba enge ukrisito.21Ufuma umuda nyuyo uyesu aliye ayazya ubhabhula abhanafunzi ati lazima apite kuyerusalemu, kumambo aminji kumahono aga bhazeye na abhakulu abhamakuhani na abhahandiha, ufwa nufufuha ilyanda ilya tatu. 22Alafu upetro amusenda uyesu pambali numubhula, Ati, "Ijambo ili libhe apatali nawe, Bwana, ili litashotokeya umwaho. 23lakini uyesu asenuha numubhula upetro, "Galuha kushisila yane syetani! Wewe shizuwizi kuli nene, kwe utajali amambo aga mwene uwa kumwanya, ila amambo aga bhanadamu,"24Alafu uyesu abhabhula abhanafunzi bhakwe, "nga umuntun wensi akwanza umbula nene, lazima ayihane wuyo umuhola, awusende umusalaba wakwe, na andondele. 25Kwe we akwanza ukokowa amayisya gakwe amagaponzya amayisya gakwe kwajili yane amagokowa. 26Shene, kuli fayida bhuli ye amapata umuntu nge apata iduniya yonsi lakini amaponzya amayisya gakwe? Shene! shintu bhuli she amatowa umuntu kuadilisyana namayisya gakwe?27Kwe umwana uwa adamu aminza kubhutukufu ubhwa baba wakwe nabhamalayika bhakwe. 28Ishikwelinye inkubhabhula ubha baazi yinyu bhe muhimilila ipa bhebhatalafwa npaha pe kushe bhamulola umwana uwa adamu ayinza kubhufalme bhwkwe.

17

1Amanda sita uyesu aliye abhasenda poka nupetro, uyakobo, nuyohana uwamwabho, na abhasenda npaha kwigamba itali uwabho abhahola. 2Aliye bhamubadilisya pankolelo yabho. Paminso gakwe paswepa vye lilanzi, nimwyenda yakwe yalolesiye yihasyepa vye nuru.3Lola, Pala aliye bhatokeya umusa nuyeliya aliye bhayanga naye. 4Upetro ajibu numubhula uyesu, "ubwana, shili ichete kuli sweswe ubha isehemu ino. Nga watamani, Namazenga ipa ivipande vitatu- shoka shaho, na shoka kwajili iya eliya."5Pe akuyanga, lola ipufi izeru libhaletela ishizunda, na lola, yimaloleha isawuti ufuma kumapufi, ange akuti, '''Uno mwana wane umukundwa we inkamukunda nene. mwivwini wuyo." 6Abhanafunzi aliyenge pe bhivwa igo, bhagwa pansi na bhogopa nkani. 7Alafu uyesu ayinza abhagu na ati, "Bhuhini wala mutashogopa." 8Na bhope bhabhusya aminso kumwanya lakini bhatashili bhamulole umuntu ila uyesu wekanye.9Na aliyenge pe bhakwiha mwigamba, uyesu ayinnza abhajizya, ati, "mutashifumya ihabari iya mawono igo npaha umwana uwaadamu pe afufuha ufuma kuli bhe bhahafwa." 10Abhanafunzi bhakwe bhamubhula, Ange bhakuti, "Kweshi abhandishi bhakuti kwamba uye;liya aminza kanza?11Uyesu abhajibu ati, "Uyeriya aminza kweli na amagalusya mambo yote. 12Lakini inkubhabhula mwemwe, Uyeliya atinza, lakini bhatashili bhamumanye. Ibadala yakwe, bhamubhombeye abhambo ge bhakwanza bhubho". 13Pene abhanafunzi bhamanya enge akuyanga ihabari izya yohana uhabatizya.14Aliye pe bhafiha pabhumati ubhwa bhantu, Umuntu weka amubhaliye, Asugama pankolelo yakwe, na amubhula, 15"Bwana, Umulolele inkumbu umwana wane, maana mwemubha nishifunfumu nutesa nkani. kwe ulwinjinye akugwanga mumulilo ama muminzi. 16Namulesiye kubhanafunzi bhaho, lakini bhatashili bhamupozye.17Uyesu ajibu ati, "mwe shizazi she shitakwamini na she shihononeha namihala poka namwe npaha lyeli? mulete ipa apane." 18Uyesu aliye amukemeya, nipepo lyepa. Umulumendo aliye alola umuda nyuyo.19Alafu abhanafunzi bhamwinzila uyesu kusiri numubhula, "Kweshi tutashili tumubhinge?" 20Uyesu abhabhula, "Kusababu iya yimani yinyu inyidwo. Ishikwelinye inkubhabhula, Ngamwabha niyimani nye anyidwo vye lupeshe ulwa mbeyu iya haradali, mumabhula igamba ili, yepa ufuma ipa ubhale kula, ange wusama na kungabha shonsi shila isha haniha ukwinyu. 21(Lema amaneno aga musitari uno uwa 21 "lakini, iyayina ino iyipepo yitangepa, ila kumawombi aga funga" gataloleha kunakala zye zili ichete izya kali)22Uwakati pe aliye bhashili bhali kugalilaya, uyesu bhabhula abhanafunzi bhakwe, "Umwana uwa adamu amaletwa mumahono aga bhantu. 23Na bhamamwumola, nilyanda ilya tatu amafufuha." Abhanafunzi bhaliye bhasikitiha nkani.24Nabhope pe aliye bhafiha nkukapelanaumu, abhantu bhe bhakusaniya ikodi iya nusu ushekeli bhamubhalila upetro bhati, "shene, umwalimu winyu akulipaga ikodi iya nusu shekeri?" 25Ati, "Eye" Lakini upeturo aliye pe ayinjila mukasi iya nyumba, uyesu ayanga nupetro kwanza ati, "Ukwelengula shonu simoni? Abhafalme abha duniya, bhaposhela ikodi ama ubhushuru ufuma kuli wenu? kuli bhe bhebhabhatawala ufuma kubhajeni?26Na umuda pe aliye upetro aliye ati, ufuma kubhajeni" uyesu abhabhula, kwahiyo abhahatawala twe tubhefya kubhahalipa. 27Lakini tutinze tubhombe abhahatovya abhabhushuru bhatende izambi, pita kubahari, sumba indowani, na usende uluswi lula lwe lukwinza kwanza. ibaada iya kwasama ilomo lyakwe, umaga mula ishekeli yoka. Yisende na ubhape abhahatozya abhabhushuru kwajili yane nawe.

18

1Umuda nyuyo abhanafunzi bhinza kwayesu na bhamubhula, "Wenu wemukulu kubhufalme ubbhwa kumwanya?" 2uyesu amwita umwana umudwo, amubhiha pakasi yabho, 3Ati, "ikweli inkubhabhula, nga mwahana utubu nubha ngati bhanaabhadwo mutalinjila ubhufalmen ubhwa mwene uwa kumwanya.4Kwahiyo wensi we akujisya vye mwana umudwo, umuntu klama uyo mukulu kubhufalme ubhwa kumwanya. 5Na wensi we amuposhela umwana umudwo kwizina lyamne akunposhela nene. 6lakini wensi we akusababisya weka kati iya bhashe ibha bhe bhanamini uasi, shimabha ichete kumuntu uyo ibhwe ikulu ilya syila linyepwe minsingo yakwe, na utwivya mwihoga olya bahali.7Shinyu kuduniya kusababu iya wakati uwakwazwa! kwe kutaliu ibudi kunyakati izyo ukwinza, lajini shakwe umuntu wula we inyakati izyo zilinza kwajili yakwe! 8Nga ihono lyaho ama inama lyaho nga lya kuletela ukwaziha, uputu na usumbe ukutali nawe. Shili ichete nkani wewe ukwinjila kubhuzima ange utena iho ama wewe shilema, kuliko usumbwa kumulilo uwa manda gonsi ange ali na amahono gonsi ama amanama gonsi.9Nga ilyinso lyaho lya kukwaza, lyipe na ulisumbe ukutali nawe uyinjile kubhuzima nilyinso lyoka, kuliko usumba kumulilo uwa manda gonsi ange uli na aminso gonsi.10Lolini kwamba mutinze mumuzalawu umudwo uwa bhana ibha. kwe inkubhabhula kwamba kumwanya kuli abhamalayika bhubho amanda gonsi bhakulola aminso aga bwana wana we ali kimwanya. 11(lema: amaneno ge galoleha vye ga musitari uwa 11, ''Kwe umwana uwa adamu ayinzile ukokowa shila she shihaponga" gatashili galolehe kunala zye zili ichete izya kali).12Mukwelengula shoshonu? Nga umuntu ali ninfwele miya moja, na yoka yaponga, shene atangaleha tisini na tisa mwigamba nubhala ukwanza yoka yeyiponga? 13Na nge ayaga, ikweli inkubhabhuala, asha kuliko zila tisini na tisa zye zitaponziye. 14Nivyonye, te mapenzi aga baba winyu uwa kumwanya kwamba weka uwa bhadwo ibha bhaponge.15Nga uwamwinyu akukoseya, pita, hamulange idosali ye yili kuli wewe na wope ange ali weka. nga akwivwa, wanpela umugalusya uwa mwinyu. 16Lakini nga ahana ukwivwa, senda uwa mwinyu weka ama bhabhili poka nawe, kwe kwilomo ilya bhasyayidi bhabhili ama bhatatu shila lineno lingamanyiha.17Na ngahana ubhivwa, mulibhule ikanisa ijambo ili, nga ahana habhilinye ukwivwa ikanisa, basi abhe muntu uwa matayifa na uhatozya uwa bhushuru.18Ikweli inkubhabhula, shonsi shila she mwala mwanyepa paduniya na kumwanyanye shimanyepwa. Na shonsi she mwala mwafungula paduniya na kumwanyanye ishisapulwa. 19Habhili inkubhbhula kwamba nga abhntu bhabhili katiyinyu nga bhazumili ijambo lyonsi lila paduniya. 20Kwe bhabhili ama bhatatu nga bhahomana poka kwizina lyane, nene indi poka mabho.21Habhili upetro ayinza na amubhula uyesu, "bwana, luli lunga lwe uwamwitu nge ankoseya imisamehe? shene nasabanye? 22Uyesu amubhula, "Intakubhula mara saba, lakini nasabininye mara saba.23Kusababu iyo ubhufalme ubhwa kumwanya shili sawa numufalme bhumo we Aliye akwanza usayisya iyesabu,ufuma kumiutumwa wakwe 24Aliye pe ayazya usayisya iyesabu, umutumwa wumo aletwa ukwakwe we aliye akumudayi italanta elufu kumi. 25Kwe atali ninzila iya kulipa, ubwana wakwe aliye ayajizya bhamukazye, umangu wakwe poka nabhana bhakwe nashila shintu she aliye alinasho, namalipo gabhombehe.26Kwahiyo umutumwa aliye agwa, asugama pankolelo yakwe, ati, 'Bwana, ubhe nubhuvumilivu poka nane, na namakulipa shila shintu.' 27Kwahiyo ubwana uwa mutumwa wula, kwe aliye asukumwa nkani kunkumbu, aliye amuleshela numusameha ideni llyo.28Lakini umutumwa wula aliye afuma na umupata weka kati iya bhatumwa abhamwabho, we aliyenge akumudayi idinali miya moja. aliye amuzuta, amukaba ikoo, na amubhula, 'ndipa shila she inkudayi.' 29lakini umutumwawula uwamwabho aliye agwa numubhula nkani, ange akuti, 'ubhe nubhuvumilivu nane, na namakulipa.'30Lakini umutumwa wula uwa kwanza aliye ahana. Ibadala yakwe, aliye apita numusumba mwijera, npaha pe amulipa shila she akumudayi. 31Na aliye pe bhalola abhatumwa abhamwabho shila she aliye shitokeya. aliye bhasikitiha nkani. aliye bhinza numubhula ubwana wabho shila shintu she aliye shitokeya.32Pene ubwa wula uwa bhatumwa wula aliye amwita na numubhula, 'wewe mutumwa umwononi, naliye inkusameha wewe ideni lyane lyonsi kusababu aliyenge umbula nkani. 33Shene, aliye utatakibhwa ubhe ninkumbu kumutumwa uwa mwinyu, kama vye nene inkakulolela inkumbu?34Ubwana wakwe aliye alahaliha numutwala kuli bhala abhahayanga npa pe alipa ideni lyo lye ange akudayibhwa. 35Ivyonye vyene ubaba wane uwa kumwanya alabhabhombela, nga shila weka winyu ahana umusameha uwamwabho ufuma mumyoyo yinyu."

19

1Aliye shitokeya pe uyesu aliye amalizya amaneno igo, apita kugalilaya, na abhala mumupaha uwa yudea pankolelo iyi hoga ilya yorodani. 2Ubhumati ubhukulu bhumulondela, na abhapozya uko.3Abhamafarisayo bhamwinzila, Bhamujaribu, Bhamubhula, "Shene halali kumuntu umuleshela umangu wakwe kusababu yonsi yila?" 4uyesu aliye ajibu ati, Mutashili musome, kwamba wula we aliye abhabhumba umwanzyo aliye abhabhumba utata nymangu?5Na habhili ati, 'Kusababu iyo utata amamuleha ubaba wakwe nu mama wakwe nubhungana numangu wakwe, nabhope bhabhili bhamabha mubhili woka? 6Kwahiyo te bhabhili habhi ila mubhili woka. Basi shila she atashibhunganisya umwene uwa kumwanya, umuntu wensi wula atashitenganisya."7Bhamubhula, "Sasa kweshi umusa aliye atubhula ufumya ihati ita taraka numuleshela?" 8Abhabula, "Kubhugomu bhwinyun ubhwa myoyo umusa aliye abharusu ubhaleshela abhamangu bhinyu, lakini ufuma umwanzo shitali ivyo. 9Inkubhabhula, kwamba wensi we amuleshela umangu wakwe, nga te kwekusababu iya bhumalaya, na amubhwezya uwunji, atazini. Nuytata we amubhwezya we ahaleshelwa atazini."10Abhanafunzi bhamubhula uyesu, "Nga vyene shili kuli tata numangu shitali ichete ubhwezya." 11Lakini uyesu abhabhula, "Te shila muntu anga poshela amafundisyo iga, Ila kwekulibhala tu bhebharusibhwa uposhela. 12Kwe bhaliko abhamatoashe bhe bhahavyalwa ufuma muhati izya bhamama bhabho. Na vilanye ubha matoashi bhebhajibhomba ubha matoashi kwajili iya bhufalme ubha kumwanya. We abhezizye uposhela amafundisyo iga agaposhele."13Alafu bhamuletela baazi iya bhana abhadwo ili abhabhishile amahono gabho nulabha, lakini abhanafunzi bhakwe bhabhakemeya. 14Ila uyesu ati, "Bharuhusini abhana abhadwo, Wala mutashibhalesya ukwinza ukwane, Maana ubhufalme ubhwa kumwanya bhwa bhantu kama ibho. 15Nawope abhiha amahono gakwe pamwanya yabho.16Lola umuntu weka ayinza kuliyesu ati, "Mwalimu, shintu bhuli ishizifu she inkutakibhwa imbombe ili inpate ubha nubhuzima ubhwa manda gonsi?" 17Uyesu amubhula, "Kweshi umubula shintu bhuli ishizifu? kuli wekanye basi we ali ichete, lakini nga ukwanza upata ubhuzima, Alafu isyeriya izya mwene uwa kumwanya."18Umuntu wula amubhula, "Syeriya bhuli? "Uyesu ati, "utashumola, utashibhomba ubhumalaya, utashilanda ilenga, 19Ubheshimu ubaba waho numama waho, na umukunde ujirani waho vye nafusi yaho.20Umuntu wula amubhula, "amambo gonsi igo negazumila. Bado inkwanza shonu? 21Uyesu amubhula, "Nga ukwanza ubha wewe mukamilifu, Pita, ubhukazye vye ulinavyo, na ubhape abhamasikini, na umabha nihazina kumwanya. alafu zaga undondele. 22Lakini umulumendo wula aliye pe ayivwa gala ge uyesu atamubhula, apita kunkumbu, Kusababu aliyenge ahamiliki imali inyinji.23Uyesu abhabhula abhanafunzi bhakwe, "Ikweli nkubhabhula, Shihagoma kumuntu wewutajiri ukwinjila kubhufalme ubhwa kumwanya. 24Alafu inkubhabhula shihapepela nkani kungamiya upita pilina ilya lusindani, kuliko kumuntu utajiri ukwinjila kubhufalme ubhwa mwene uwa kumwanya."25Abhanafunzi aliye pe bhivwa igo, Bhakamilwa nkani nuti, "wewenu basi we amamini?" 26Uyesu abhalola nuti, "Kubhanadamu ilyo litangawezehana, lakini kuli mwene uwa kumwanya gonsi gawezehana." 27Alafu upetro umujibu numubhula, "Lola, Ituleha vyonsi nukulondela wewe. Sweswenu she tumapata?"28Uyesu abhabhula, "Ikweli inkubhabhula, wula we atandondela nene, kubhuzawo ubhupya uwakati pe umwana uwa adamu pe ayihala pashisumbi isha enzi nubhutukufu bhwakwe, Namwenye mumihala pamwanya iya visumbi kumina mbili ivya enzi, ugahukumu amakabila kumina mbili aga isilaeli.29Alafu weka winyu we ataleha inyumba, ukaka, udada, ubaba, umama, abhana, ama umugunda kwajili iyizina lyane, Amaposhe mara miyamoja nurisi ubhzima ubhwa manda gonsi. 30Lakini abhinji bhe bhakwanza ilinye, bhamabha bhamwisyo, na bhe bhamwisyo bhamabha bhakwanza.

20

1Kwe ubhufalme ubhwa mwene uwa kumwanya bhuholine umuhamiliki uwa mugunda, we atadamula hatindo libhilo ili ukwajili abhahabhomba abhakazi kumugunda wakwe uwa mizabibu. 2Ibaada iya kukola atelewana nabhanafunzi idinari yoka kulyanda, aliye abhatuma bhabhale kumugunda wakwe uwa muzabibu.3Aliye apita habhili ibaada iya mansa kuminatatu bhulo na aliye abhalola abhanafunzi abhanji ange bhebhimilila bila ikazi piyenewo ilya soko. 4Abhabhula, 'Namwenye, Pitini kumuguda uwa mizabibu, na shonsi she shili ichete namabhapa. 'Kwahiyo bhapita ubhpmba ikazi.5Apita habhili ibaada iya mansa sita na habhili kunsa tisa, na aliye abhomba ivyonye. 6Habhilinye umuda uwa insa kumina moja, Aliye apita ayaga abhantu bhamo bhebhimilila bila ikazi. Aliye abhabhula, 'Kweshi mwemwimilila ipa bila ikazi yonsi yila kulyanda izima? 7Bhamubhula, kusababu kutali umuntu wensi wula we atatwajiri. Abhabhula, 'Namwenye pitini kumugunda uwa mizabibu.'8Uwakati uwa jiwoni aliye pe wafuha, uwa mugunda uwa mizabibu aliye amubhula umusimamizi wakwe, 'Bhite abhahabhomba abhakazi naubhaliye imisyara, uyanzye uwamwisyo hadi uwa kwanza.' 9Aliye pe bhinza bhala bhe ibhajili bhwa isa kumi namoja, shila weka wabho aliye aposhela idinali. 10Aliye pe bhinza abhahabhomba abhakazi abhakwanza, aliye bhelengula kwamba bhamapata izawadi, lakini aliye bhaposhela bhopenye shila weka idinari yoka.11Ibaada iya poshela amalipo gabho, aliye bhamulalamishila uhamiliki uwa mugunda. 12Bhati, 'Ibha abhahabhomba abhakazi bhebhatumiya insa yokabasi kubhomba ikazi, lakini ubhalinganiya naswe, sweswe itunyatula imizigo kulyanda izima nupya nijoto.'13Lakini uwa mugunda ijibu ati kuli weka wabho, Urafiki, intashili imbombe ijambo ibhifu. Shene! tutashili twelewane nane kudinariyoka? 14Poshela shi she halali yaho na upite izyaho. Inkusha nene ubhapa ibha abhanafunzi bhebhebhajilibhwa umwisyo sawa nawenye.15Shene! te haki kuli nene ubhomba shila she inkwanza nimali zyane? ama ilyinso lyaho libhifu kusababu nene indi ichete? 16Kwahiyo uwa mwisho amabha wakwanza nuwakwanza amabha wamwisyo"17Uyesu aliyenge pe akukwela ubhala kuyelusalemu, aliye abhasenda abhanafunzi bhakwen numinambili pambali, na munzila abhabhula, 18"Lola tupalamila kuyelusalemu, numwana uwa adamu amalemwa kumahono agabhakulu abhamakuhani na abhandishi. Bhamamuhukumu ufwa. 19Na mumamufumya kubhantu abhamatayifa ili umwayibisya, umucha numutesa. lakini kulyanda ilya tatu amafufuha."20Alafu umama nabhana abha zebedayo aliye ayinza kwayesu na abhana bhakwe. Aliye asugama pankolelo yakwe numulabha ishintu ufuma ukwakwe. 21Uyesu amubhula ati ukwanza shonu?" amubhula, "Landa bhulo abhana ibha bhabhili bhihale, weka ihono lyaho ilya kulilunji na weka ihono lyaho ilya kuli hamani kubhufalme bhwaho."22Lakini uyesu ajibu nutu, "Utamanyile shiola she ukulabha. Shene! ungashing'welela ishikombe shenamang'wela? Bhamubhula,"tubhezizye." 23Abhabhula, "Ishikombe shane kwakweli mumashing'welela. Lakini ukwihala ihono lyane ilya kulilunji na ihono lyane ilya kulihamani te lijukumu lyane ubhapa, Lakini kwekulibhala bhe bhahandalibhwa nubaba wane." 24Abhanafunzi abhanji ikumi aliye pe bhivwa igo, bhasikitiha nkani na abhamwabho bhabhili.25Lakini uye aliye abhita umuhola nubhabhula, "Mumanyile kwamba umutawala uwa matayifa akubhatisya, Na abhakulu bhabho bhatekelezya imamulaka pamwanya yabho. 26Lakini shitashibha ivyo kuli mwemwe. Ibadala yakwe, wensi we akwanza ubha mukulu kuli bhamwemwe lazima abhe mutumishi winyu. 27Na we abha wakwanza muli bhamwemwe lazima abhe mutumishi winyu. 28Kama vye umwana uwa adamu atashili ayinze utumikibhwa, ila utumiha, na ukwefya ubhuhayi bhwakwe ubhwa bhukombozi ubhwa bhinji.''29Aliye pe bhafuma kuyeliko, ubhumati ubhukulu bhwamulondeye. 30Na bhaliye bhabhalola abhavipofu bhabhili ibhihala mumbali iya barabara. Aliye pe bhivwa kwamba uyesu akupita, aliye bhangula kusawuti bhati, "Bwana, mwana uwa dawudi uhurumiye ." 31Lakini ubhumati bhubhakemeya, nubhabhula tuzyini. Nivyonye, bhubho bhangula kusawuti ange bhakuti, "Bwana, mwana uwadawudi utuhurumiye."32Alafu uyesu ayimiliye na abhita abhabhuzya, "Mukwanza imbabhombele shoshonu?" 33Bhamubhula, "Ubwana kwamba iminso gitu gakupulwe. " 34Basi uyesu, enge inkumbu zye zimwinjila, Agalema aminso gabho, umudanyuyo, bhaposhela ubhuwezo ubhwa kulola na bhamulondela.

21

1Uyesu na abhanafunzi bhakwe bhafiha karibu ni jerusalemu nabhapita npa kubethfage, kwigamba ilya mizeyituni, alafu uyesu abhatumaabhanafunzi bhabhili, 2Abhabhula, "pitini kushiji she shilondeye, amali mufiha mumaga inpunda ye yihanyepwa pala numwana uwa npunda poka nawo. zisapulini muzilete ukwane. 3Nga umuntu wensi wula abhabhula shonsi shila uhusu ilyo, mumati, 'Ubwana akubhanza, 'numuntuyo lyokane amabhaluhusu mwinze poka nabho"4Ijambi ili lyaliye litokeya lyelila lye lihalandwa nunabii lazimalitimiye. 5Abhabhula umulindu usayuni, Lola, umufalme waho akwinza ukwinyu, umutonsu na anpela atakwela inpunda, ninpunda iyo inpela utata, umwana punda we ashili.6Alafu abhanafunzi bhapisiye nubhomba vye uyesu atabhabhula. 7Bhaleta inpunda numwana uwa npunda, nubhiha imyenda yabho pamwanya yabho, nuyesu ayihala pala. 8Abhinji uhongana kula aliye bhala imyenda munzira, na bhamo bhaliye bhaputula amatundu aga makwi na ubhiha mubarabara.119Ubhumati bhwe aliye ibhumulongolela uyesu nabhala bhe aliye bhamulondeye aliye bhangula kusawuti, bhati, "Hasana kumwana uwa dawudi! Mubarikibhwa we akwinza kwizina ilya bwana. Hosana pamwanya nkani!" 10Uyesu aliye pe afiha kuyerusalemu, ihaya inzi aliye yisituha nuti, "Uno uwenu , Ufuma kunazareti iya galilaya."12Alafu uyesu ayinjila kuhekalu ilya mwene uwa kumwanya. Abhabhinga bhonsi panzi bhe aliye bhakukala nukazya muhekalu. Alafu aliye agwisya imeza izya bhahabadilisya abhahera nivisumbi ivya bhahakazya abhankunda. 13Abhabhula, "shihandikwa, 'Inyumba yane yimitwa nyumba iya mawombi, 'Lakini mwemwe mwemuyibhomba lipango ilya bhahapoha." 14Alafu abhavipofu na abhashilema bhamwinzila mwihekalu, nawope abhapozya.15Lakini uwakati abhakulu abhamakuhani na abhandishi aliye pe bhalola amaajabu ge atagabhomba , na aliyepe bhivwa abhana bhakwangula mwihekalu nuti, "Hosana kumwana uwa dawudi," aliye ishilahari shibhalema. 16Bhamubhula, "Utivwashila she shilandwa na abhantu ibha?" Uyesu abhabhula, "Eye! lakini mutatala musome, 'Ufuma kumalomo agabhana nabhana abhadwo bhebhakonka mulinisifa kamili?" 17Alafu uyesu abhaleha nubhala kumbali nihaya kubesaniya nudila uko.18Hatondo pe aliye akubhwela kumujini, aliye ali ninzara. 19Aliye alola ikwi mumbali iya bahari. Alibhalila, lakini atashili apate shimo kuli lyulyo isipokuwa amatundu tu. aliye alibhula,"Kutashibha amatunda ukwaho a,manda gonsi." numuda nyuyo ikwi ilyo lyuma.20Abhanafunzi aliye pe bhalola, bhasangaya nuti, "Sheshibha bhuli ikwi ili lyelyuma lyokanye?" 21uyesu ajibu nubhabhula, ''Ikweli inkubhabhula, ngamwabha niyimani na bila iwasiwasi yonsi yila, mutanga bhomba shila she ishibhombe kwikwi ili, lakini mumalibhula nigambanye ilyo, 'usendwe na imewusumbwe kubahari, 'Na shimabhombeha. 22Shonsi she mwalabha kusara, nukiu mukwamini mumaposhela.23Uyesu aliye pe afiha kwihekalu, umukulu uwa makuhani naabhazee abhabhantu bhamwinzila umuda uyo pe aliyenge akufunzya na bhamubhuzya, "Kwe kumamulaka bhuli ukubhomba amambo iga? Na wenu we atakupa amamulaka iga?" 24Uyesu ajibu nubhabhula, "Nanenye habhili namabhabhuzya iswali lyoka. Nga mwambula, nanenye namabhabhula kwekumamulaka bhuli inkubhomba amambo iga.25Ubhubatizyo ubhwa yohana-bhwafumiye kwekwi, kumwanya ama kubhanadamu,?" bhahojiyana abhahola, bhati, nga twati bhwafumiye kumwanya, 'Kweshi mutashili mumwamini? 26Lakini ngatwati, bhwafumiye kumwanya, 'bhwafumiye kubhanadamu, tukubhogopa abhamakutano, kusababu bhonsi bhakumulola uyohana unabii." 27Alafu bhamujibu uyesu nuti, "Tutamanyile, "Abhabhula habhili, "Wala nanenye intati imbabhule kwekumamulaka bhuli inkubhomba amambo iga.28Lakini mukwelengula shonu? Umuntu uwa bhana bhabhili. Abhala kuli weka numubhula, 'mwanangu, pita ubhubhombe ikazi kumugunda uwa mizabibu 29Ilelo umwana ajibu nuti, intati inpite, 'lakini kali abadilisya amawazo na apita. 30Numuntu apita kumwana uwa pili nulanda ishintu shilanye. umwana uno ajibu nuti, namapita, bwana', Lakini atashili apite.31Wenu kati iya bhana bhabhili we atabhomba amatakwa aga baba wakwe? bhati, "Umwana uwa kwanza." Uyesu abhabhula, "Ikweli inkubhabhula, abhahakusaniya abhabhushuru na abhamalaya bhalinjila kubhufalme ubhwa kumwanya kabla mwemwe mutatalamwinjila. 32Kwe uyohana ayinzile ukwinyu kunzira ye ihagololoha, lakini mutashili mumwamini. Namwenye, aliye pe mwalola ilyo lyapita, mutashili mutubu ili baadaye mwamini.33Yivwini umufano uwunji. Kwali umuntu, umuntu uwa enewo ikulu ilya mugunda. Aliye ahomela imizabibu, ayibhishila ulupindi, Ayaniya nishombo isha kamwila idivayi, azenga numunara uwa bhalinzi, na alikodisyan kubhahatunzya abhazabibu. Alafu apita kuhaya iyinji. 34Uwakati uwa amavuno aga mizabibu aliye pe wapalamila, aliye abhatuma ibaazi ayabhatumishi kubhakulima abha mizabibu isenda imizabibu yakwe.35Lakini abhakulim abhamizabibu bhabhasenda abhatumishi bhakwe, bhamwuma weka, bhamwumola uwunji, na bhamwuma weka namabhwe. 36Kulyanda ilinji, abhinji nkani kuliko bhala abhakwanza, lakini abhakulima abhamizabibu bhabhabhombeye vilanye. 37Ibaada yapo ubwana wula amutuma ukwabho umwana wakwe, ati, 'Bhamamweshimu umwana wane.'38Lakini abhakulima abhamizabibu aliye pe bhamulola umulumendo wula, bhabhuzaniya, 'Uno murisi, Zagini, tumwumole na tumiliki ubhulisi.' 39Kwahiyo bhamusenda, bhamusumba kunzi iya mugunda uwa mizabibu numwumola.40Shene nga uhamiliki uwa mugunda uwa mizabibu nga ayinza, Amabhomba shoshonu abhakulima abha mizabibu?" 41Bhamubhula, "Amabhonona abhantu abhabhifu ibho kunzila iya bhuhari nkani, na alafu amaukodisya umugunda uwa mizabibu, abhantu bheb hamalipa kwajili iya mizabibu pe yela."42Uyesu abhabhula, "Mutashili musome kumandiho, 'Ibhwe lye bhahahana abhaashi lyelibha libhwe ilya musingi. ili lyafumile kuli bwana, na lisangazya paminso gitu?'43Nivyonye inkubhabhula, ubhufalme ubhwa mwene uwa kumwanya bhulatwalibwha ufuma ukwinyu na ulipa itayifa lye lijali amatunda gakwe. 44Wensi we agwa pamwanya iyibhwe ilyo amaputulwa ivipande pande. lakini kuwensi wula we amugwila, amamusya."45Abhakulu abhamakuhani na abhamafalisayo aliye pe bhivwa imifano yakwe, bhalola ubha akubhayanjila bhubho. 46Lakini aliye shila pe bhakwanza ugolola ihono lykwe, aliye bhogopa abhamakutano, kusababu abhantu bhamubhwenyi ngati unabii.

22

1Uyesu ayanzile nabho habhili kumifano, ati, 2"Ubhufalme ubhwa kumwanya bhuholine numufalme se aliye ahandaya insikuku iya ntiyo iya mwana wakwe. 3Abhatuma abhatumishi bhakwe ubhakaribisya bhe aliye bhebhalikwa ukwinza kunsikuku iya ntiyo, lakini bhatashili bhafihe.4Umufalme aliye abhatuma habhili abhatumishi abhanji, ati, "bhimbilini bhonsi bhebhalikwa, Lolini, nenandaya ishakulya. ifahali nindama yane inonu zyezifyulwa, na amambo gonsi gali tayari, Zagini kunsikukuiya ntiyo."5Lakini abhantu ibho bhatashili bhashigomye nkani kumwaliko wakwe. Bhamo bhagalusiye mumagunda gabho, na bhamo bhagalusiye musehemu syabho izya biyashara. 6Bhamo aliye bhabha bhushila abhatumishi abhamumalme nubhayibisya nubhumola. 7Lakini umufalme aliye alahaliha. aliye atuymaijeshi lyakwe, abhumula bhala abhahumola ayiteketesya ihaya yabho kumulilo.8Alafu abhabhuye abhatumishi bhakwe, "intiyo yili tayari, Lakini bhebhebhalikwa bhatasitahili. 9kwahiyo bhalagini kumakutano aga nzila inkulu, mubhalihe abhantu abhhinji vye shiwezehana bhinze kunsikuku iya ntiyo." 10Abhatumishi bhapisiye kunzila inkulu nubhakaribisya abhantu bhonsi bhala bhe bhabhalola, abhazifu na abhabhifu. Kwahoyo ubhukumbi ubhwa nto alye bhwizula abhajeni.11Lakini umufalme aliye pe ayinjila ubhalola abhajeni, aliye amulola umuntu weha we aliye atazwaye umwenda uwa ntiyo! 12Umufalme aliye amubhula, 'Rafiki, Ange shabha bhuli hadi winjila mukasi umu bila umwenda uwa ntiyo,?' umuntu uyo atashili ajibu shonsi shila.13Pene umufalme abhabhula abhatumishi bhakwe, Munyepini umuntu uyo amahono na amanama mumusumbe panzi pashanda, uko kwe kwanpela kuli ishiliyo nusha amino. 14kwe abhantu abhinji bhakwita lakini abhahamini bhahashepa."15Pene abhamafalisayo bhapisiye nupanga vye bhangamulema uyesu kumaneno gakwe umuhola. 16pene bhabhatumiye bhanafunzi bhabhpo poka na amaherode. na bhamubhuye uyesu, "Mwalimu, tumanyile kwamba wewe muntu uwa kweli, na kwamba ukufunzya amatakwa aga mwenme uwa kumwanya kubhukweli. Utajali amawoni aga muntu uwunji na ulalolesya ubhupendelewo kumuntu. 17Kwahiyo tubhule, ukwelengula shoshonu? Shene, shili ichete kushisyeriya ulipa ikodi kulikayisali ama awe?"18Uyesu amanyile amabhifu gabho nuti, "Kweshi mujaribu, mwemwe bhanafiki? 19Ndangini ihela ye yitumiha ulipa ikodi." pene bhamuletela idinari.20uyesu abhabhuzya, "Insura nizina ili vyawenu?" 21Bamujibu, "vya kayisari." Pene uyesu abhabhula, mupini ukayisari ivintu vye vyakwe nivya mwene uwakumwanya mupini umwene uwa kumwanya." 22Aliye pe bhivwa ivyo aliye bhasangaya. alafu aliye bhamuleha nupita izyabho.23Ilyanda ilyo ibaazi aya abhamasadukayo aliye bhinza kwayesu, bhala bhe bhakuti kwamba kutali ubhufufuwo ubhwa bhafwe. Bhamubhuzya, 24Bhati, "Mwalimu, Umusaatiyi, nga umuntu afwa bila uvyala abhana, uwamwabho amupyane umama uyo na amupe umwan kwajili iya wamwabho.25Bhaliko abhamwabho saba. Uwakwanza aliye abhwezya alafu afwa bila uvyala umwana. aleshe;la uwamwabho umangu wakwe. 26Alafu uwamwabho uwa pi nawopenye abhomba ivyonye, alafu ula uwa tatu, wopenye enge ali ivyonye npaha wula uwa saba. 27Badala iya bhomba ivyo bhoshi, umangu wula nawopenye aliye afwa. 28Sasa kubhufufuwo ubhwo umangu amabha umangu uwa wenu kubhandugu ibho saba? kusababu bhonsi aliye bhamubhwezya."29Lakini uyesu aliye abhajibu nubhabhula, "mukoseya, Kusababu mutamanyile amandiho wala amaha aga mwene uwa kumwanya. 30Kwe kubhufufuwo, abhantu bhata bhwezya wala usakwa. Ibadala yakwe abhantu bhakubha ngati bhebhamalayika uko kumwanya.31Lakini uhusu ubhufufuwo ubhwa bhafwe, mutatala musome shila she umwene uwa kumwanya aliye ashilanda ukwinyu, 32Nene mwene uwa kumwanya uwa ibrahim, umwene uwa kumwanya uwa yisaka nuwa yakobo? umwene uwa kumwanya te umwene uwa bhebhahafwa, ila wewumwe ne uwa bhazima." 33uwakati pe ikusanyiko aliye bhivwa ili, aliye bhasangaya amafundisyo gakwe.34Lakini abhamafarisayo aliye pe bhivwa iyesu atabhatulizya abhamasadukayo, aliye bhajikusaniya bhubho abhahola poka. 35Weka wabho, ange mwana syeriya, aliye amubhuzya iswali kumujaribu. 36"Mwalimu, Amuri bhuli ye nkulu kuliko iyamuri zyonsi kusyeriya?"37Uyesu amujibu, "Lazima umukunde ubwana kumwoyo waho wonsi, kuroho yaho yonsi, nakuyachili zyaho zyonsi. 38Ino yene amuri ye nkulu na yakwanza.39Niyapili yiholine niyo-Lazima umukunde ujirani waho kama vye uhayikunda wemuhola. 40Isyeriya zyonsi na abhanabii bhategemeyaga iamri zibhili."41Na abhamafarisayo aliye pe bado bhebhahongana poka, uyesu aliye abhabhuzya amaswali. 42Ange akuti, "Shene, mukwelengula shoshonu kuli kristo? Wuyo mwana uwa wenu?" bhope bhajibu, "Mwana uwa dawudi."43Uyesu abhajibu, "Shilibhuli udawudi kuroho akumwita ubwana akuti, 44Ubwana aliye amubhula ubwana wane, "Yiha;la ihono lyane alya kulilunji, Hadi pe nabhabhomba abhaaduwi bhaho bhabhikwe pansi iya manama gaho."'?"45Nga udawudu akumwita uyesu krisito "Ubwana," Shili bhuli vye amabha mwana wakwe?" 46Kutali we aliye amujibu ineno habhili, na kutali we aliye amubhulahabhili amaswali ufuma ilyanda nyilyo nukwendeleya.

23

1Kali aliye ayanga nubhuti ubhwabhantu nbhafunzi bhakwe. Aliye ati, 2''Abhahandiha na abhamafalisayo aliye bhihalila ishisumbi isha musa. 3Kwahiyo shonsi she bhabhabhula ubhomba bhombini. Uku ange mubhashunguzya, lakini mutinze musende amayendo gabho, kusababu bhubho bhalandaga amambo ge bhatabhpmbaga.4Ikweli bhubho bhanyepaga imizigo ye shihatala uyinyatula, na bhabhatwiha abhantu mumakome gabho. lakini bhubho abhahpla bhatabhapalamizya hadi ulwobhe uyinyatula. 5Amatendo gabho gonsi, bhagabhomba ili bhalolwe na abhantu. Kusababu bhubho bhapanula amasanduku gabho na bhakonjezya ubhukulu ubhwa indapwa izya myenda yabho.6Bhubho bhahakunda ukwihala amayenewo aga amazifu pansikuku na kuvisumbi ivye yeshima mukasi iya masinagogi, 7Nukamukwa kuyeshima amaneno aga kusokoni, na ange bhakwitwa "bhalimu" na bhantu.8Lakini mwemwe mtasitayili ukwitwa''bhalimu,''nubha mlinumwalimu weka,namwe mwensi mwemwe bhandugu. 9Mtashita umuntu wensi wula ipa paduniya ubha wubaba winyu,nubhamlinubaba weka tuu,nawopeye alikumwanya. 10Wala bhatashibhita 'bhalimu,'nubha mlinumwalimu weka tuu,yani ukilisto.11Bali wemkulu kulibhamwemwe amabha mtumishi winyu. 12Wensi wakwanza uyikwezya bhamabhisya.nawensi wakuyisya bhamamubhusya.13Lakini shinyu abhandishi na abhamafarisayo, abhanafiki! mubhafunjila abhantu ubhufalme ubhwa kumwanya, namwe mutangnjila, na mutabhaluhusu bhebhakwinjila ubhomba ivyo. 14(Lema: Umustari uwa 14 utaloleha kunakala izyichete izya kali, kuli inakala zimo zikonjezya umusitari uno ibaada iya musitari uwa 12. Umusitari uwa 14 "shinyuni abhandishi na abhanafiki! kwe mubhamila abhajane"). 15Shinyuni abhandishi na abhamafalisayo abhanafiki! mulunduha imbalama iya bahari numubhoma umuntu weka ayamini gala gemufunzya, na ngabha vye mwemwe, mumubhomba mala mbili mwana uwa kuzimu vye mwemwe muli.16Shinyuni abhaviwongozi abhavipofu, Mwemwe bhe muti, wensi we akulapa kwihekalu, uyo te shimo. Lakini we akulapa kuzahabu iya hekalu, atanyepwa nishiyapo shakwe. 17Mwe bhavopofu abhapumbavu , ama ihekalu lye ilibhiha iwakfu izahabu kuli mwene uwa kumwanya?18Na,wensi wula wakubhuha kumazabawo,kuteshonsi shila wakwepa kusadaka yeyili pamwanya yakwe,atanyepwe nishiyapo shakwe. 19Mwe bhantu bhemtalola,shoshonu sheshihakula kuliko avinji,sadaka ama amazabawo gega bhiha iwakifu sadaka zyezitolebhwa kulimwene uwakumwanya?20Kwahiyo, wula wakulapa kumazabawo akulapa kwahiyo nakuvintu vyonsi vyevili pamwanya yakwe. 21Nawula wakulapa kwihekalu,akulapa kulilyo nakuluwula wakwihala mkasiyakwe. 22Nawula wakulapa kumwenye,akulapa kushishumbi ishaenzi ishamwene uwakumwenya nakuliwensi wakwihala pamwanyayakwe.23Shinyu,bhandishi abhamafalisayo,bhanafiki!nubha mlipa izaka kubizali,mlolana numchicha,lakini mleha amambo amanyomu agasyeliya_nihaki,ilehema,niyiomani.lakini iga mpaswa enge imgabhomba tesiyo mgaleshele aganjibila ugatekelezya. 24Mwe viongozi bhemtalola,mwemwe bhemtachuja ivibhongoli ivindo lakini mmila ingamiya!25Shinyu,bhandishi abhamafalisayo,abhanafiki! nubha mkozya kunzi iyavikombe napanzi iyasahala lakini mkasi imwizula izoluma nakutali ishiyasi. 26Mwe mafalisayo bhemtalola,yozyini kwanza mkasi iyavikombe namkasi iyasahani,nakubhopande ubhakunzi nabhwopenye bhuswepe.27Shinyu,bhandiashi nabhamafalisayo,abhanafiki!nubha mholine namakabuli gegahapakwe ichoka,gekunzi galoleha gahazipa lakini mkasi gizuye amafupa gabhafwe nashila sheshihafita. 28Pene ivyonye,mwemwe kunzi mloleha mlinihaki kunkolelo iyabhantu,lakini mkasi mhizula ubhunafiki nubhuzulumaji.29Shinyu, abhandishi na abhamafalisayo, bhanafiki! kwe muzenga amakaburi agabhahaki. 30Mwemwe muti, ngatwali tuyishi amanda agabhababa bhitu, tutali tushiliki poka nabho ukwita ubhwazi ubhwa bhanabii. 31Kwahiyo mujishuhudiya mwebhahola kwamba mwemwe bhana abhabho bhebhebhabhumola abhanabii.32Alafu mwemwe mukamilisya ujazya isehemu yeyililichete amazambi agabha baba bhinyu. 33Mwe njoha, bhana abha vipiribao, mumayikwepabhuli ihukumu iya kujehanamu?34Kwahiyo, Lola, inkubhatuma ukwinyu bhanabii, abhantu abha hekuma, nabhandishio. Ibaazi yabho mumabhumola nubhatesa. Nibaazi yabho mubhachapa mukasi iya masinagogi ginyu nubhabhinga ufuma ihaya yoka hadi iyinji. 35Amatokewo shili kwamba pamwanya yinyu palatokeya ubhwazi bhwonsi ubhwa bhahaki bhwebhuhitwa paduniya, ukwanzizya ubhwazi ubhwa habili uwahaki hadi kubhwazi ubhwa zakaliya umwana uwa baraka, we muhamwola apatakatifu na amazahabu. 36Ishikweli, inkubhabhula, amambo iga gonsi gamashipata ioshizazi ishi.37Yerusalemu , Iyerusalemu, wewe we ukubhumola abhanabii nubhuma amabhwe bhala bhe bhakutumwa ukwaho! lulilunga lwe intabhahionganiha abhana bhaho poka ngati vye nkuku vye yihonganihaga abhanabhakwe pansi iya mapa gakwe, lakini utashili uzumile! 38Lola, inyumba yaho yeyisyala itena shimo. 39Nene inkubhula, ikwanzizya ilinye nukwendeleya utalandola, hadi pe kushe wati, 'Atabarikibhwa wula we akwinza kwizina ilya bwana."

24

1Uyesu afumiye mwihekalu nupita izyakwe. abhanafunzi bhakwe bhamubhaliye numulanga amajengo aha hekalu. 2Lakini alye abhajibu nubhabhula, "shene, mutagalola amambo iga gonsi? Ikweli inkubhabhula kutali ibhwe lye lilashala pamwanya iya linji bila ubomolebhwa."3Na aliye pe ayihala kwigama ilya mizeyituni, abhanafunzi bhakwe aliye bhamubhalila kugafula bhati, "Tubhule, Amambo iga galatokeyali? shoshonu she shilabha dalili iya kwinza ukwaho numwisyo uwa bhulimwengu?" 4Uyesu aliye abhajibu nujibu nubhabhula, "Mubhe makini kwamba atinze umuntu abhalongofye. 5Kwe abhinji bhaminza kwizina lyane. Bhamati, 'Nene wene nene kristo na bhalalongofya abhinji.6Mulivwa ivita nitarifa izya vita. Lolini mutinze mubhe niwasiwasi, kwe amambo iga gatena ibudi uloleha; Lakini umwisyo ula alapela bado. 7Kwe itayifa lilabhula kwitayifa ilinji, Nubhufalme kubhufalme ubhunji. Kulabha inzala nivitentema ivya pansi kusehemu tofawuti tofawuti. 8Lakini amambo iga gonsi mwanzyo tu uwa bhuchungu ubhwa jifunguwa.9Pene bhalabhefya kwajili iya mateso nubhumola. Amatayifa gonsi galabhatubha kusababu iyizina lyane. 10Pene abhinji bhalakumbala nusalitiyana nabhalatubhana abhaholanye. 11Abhanabii abhinji abhilenga bhalatokeya nubhalongofya abhinji.12Kusababu amabhifu galonjezeha, ubhupendo ubhwabhinji bhuliha. 13Lakini we avumiliya npaha umwiyo amokolebhwa. 14Iyinjili ino iya bhufalme imahubilibhwa kubhulimwengu ubhuzima ngati bhushuhuda kumatayifa gonsi. Na pene umwisyo wula wulafiha.15kwahiyo, alala pe mwalola ichukizyo nilya bhuhalifu, lye lihalandwa na unabii udanieli lye lyimilila pala ipichete [We akusoma amanye], 16Pene bhebhali kuyuda bhashimbile mumagamba. 17Nawula we ali kuuda iyi gamba ilya nyumba atashiha pansi usenda shimo shonsi shila ufuma mukasi iya nyumba yakwe, 18Nawope we ali kumagunda atashibhwela usenda imyenda yakwe.19Lakini shabho bhebhali nabhana nabhala bhe bhakonsya kumanda igo! 20Labhini kwamba ushimbila kwinyu kutashibha muda uwanpepo, wala lyanda ilya sabato. 21Kwe kulapela kuli iziki inkulu, ye yitatala yitokeye ufuma ubhumbwa ukwa bhulimwengu hadi ilinye, na wala shitalatokeya habhili. 22Nga amanda igo gatali gafupile, kutali we ali ayamini. Lakini kusababu iya bhatewule, amanda igo galafupila.23Nga umuntu wensi abhabhula 'Lola, ukristo ali ipa! ama, 'Ukristo ali uku' mutashamini amaneno igo. 24Kwe abhakristo abhi lenga na abhanabii abhilenga bhalinza nulolesya iyishara inkulu na amaajabu, Kwajili iya potosya, nga shiwezehine nabhatewulenye. 25Lolini, intabhabhula kabula iye mambo igo gatoeya.26kwahiyo, "ukristo ali kujangwa; mutashipita kujangwa uko. ama, 'Lolini, ali mukasi iya nyumba; mutashamini amaneno igo. 27Kama vye inkozyo zikwaha ufuma kumashariki nukwaha hadi kumagaribi, vyene shilabha ukwinza ukwa mwana uwa adamu. 28Ponsi pe wuli umuzoga, uko kwene abhatayi bhahomanaga.29Lakini aliye ibaada iya ziki inkulu iya manda gala, ilanzi lilabha shanda, umwezi utalafumya umwanga wakwe, intandala zilagwa ufuma kumwanya, namaha aga kumwanya galatengana.30Pene iyishara iyan mwana uwa adamu yilaloleha kumwanya, namakabila gonsi aga paduniya bhalawombolezya. Bhalamulola umwana uwa adamu ange akwinza kumapufi aga mumwanya kumaha aga bhutukufu ubhukulu. 31Amabhatuma abhamalayika bhakwe kusawuti inkulu iya talumbeta, nabhope bhamabhahonganiha poka abhatewule bhakwe ufuma isehemu zyonsi izya duniya, ufuma umwisyo weka uwa mbingu nuwunjinye.32Jifunzyini isomo utokana nikwi. Nga pe utundu lya telepa nufumya amatundu, mumanyile kwamba ishisanya shipalamila. 33Nivyonye, Nga pe mwalola amambo iga gonsi, mutakibhwa mumanye kwamba atapalamila, papipi numulyango.34Ikweli inkubhabhula, ishizazi isyi shitalapita, npaha amambo iga gonsi galapela iga loleha. 35Imbingu ninsi vilapita, lakini amaneno gane gatalapita nalimonye.36Lakini uhisu ilyanda lila ninsa yila kutali umuntu we amanyile nabhamalayikanye abhakumwanya, wala umwana ila ubaba wekanye.37Kama vila vye shali ilyanda ilya nuhu, vyene shilabha ukwinza ukwa mwana uwa adamu. 38Kwe kumanda igo kabula iya galika abhantu bhahalyanga nung'wela, ange bhabhwezya nusakwa hadi ilyanda lila lye aliye unuhu ayinjila musafina, 39Na bhatamanyile ishintu shonsi shila npaya pe igalika yinza nubhasomba bhonsi- vyene shilabha ukwinza ukwa mwana uwa adamu.40Pene abhantu bhabhili alapela bhali kumagunda - weka alasendwa na weka alasyala kushisila. 41Abhamangu bhabhili bhalapela bhakusya poka - weka alasendwa naweka alasyala. 42Kwahiyo, mubhe macho kusababu mutamanyile lyanda bhuli ye alinza ubwana winyu.43Lakini mumanye kwamba, nge ubwana uwa nyumba ngali amanyile nsa bhuli ye umwivi anginza, angakesya na atanaluhusu inyumba yakwe ukwinjililwa. 44Kwahiyo, mutakibhwa ubhatayari, kwe umwana uwa adamu insa ye mutalayimaya.45Kwahiyo wenu wemwaminifu, umutumwa we ali niyachili, we ubwana wakwe atamupa amadalaka pamwanya iya bhebhali munyumba yakwe ili abhape ishakulya kumuda we utakibhwa? 46Atabarikibhwa umutumishi uyo, we ubwana wekwe alamwaga akubhomba ivyo uwakati we we wukwinza. 47Ikweli inkubhabhula kwamba ubwana alamubhiha pamwanya iya shila shintu she shakwe.48Lakini umuntu umutumwa umwononi ngalanda mumwoyo wakwe, 'Ubwana wane atahabha; 49Na ayanyza ubhuma abhatumishi bhakwe, na alya nuholeha amapele, 50Ubwana uwa mutumwa uyo alinza ilyanda lye atalimanyile, ninsa ye atayimanyile. 51Ubwana wakwe alamuputula ivipande vibhili numubhiha kunafasi yoka wuyo sawa naabhanafiki, kwe kulapela kuli ishiliyo nusya amino.

25

1Pene ubhufalume ubhwa kumwanya bhulaholana nabhana wali ikumi bhwe bhasenzile itaa zyabho nupita ubhala umuposhela ubwana arusi. 2Bhasanu kati yabho aliye bhapumbavu nabhasanu bhaliye bhakwelewa. 3Abhanawali abhapumbavu aliye pe bhasenda itaa zyabho, Bhatashili bhasende amafuta gonsi gala. 4Ila abhanawali bhe bhakwelewa bhasenzile ivyombo ivya mafuta poka ni taa zyabho.5Sasa aliye pe ubwana arusi atashelwa ukwinza, bhonsi utulo twabhalemile bhadila. 6Lakini umuda uwa bhusiku nkani kwali ilyangu, 'Lola, ubwana harusi! fumini panzi mwe mumu poshele.'7Pene bhala abhanawali aliye bhadamula bhonsi nukwasya itaa zyabho. 8Bhala abhapumbafu aliye bhabhabhula bhala abhashilema, Mutupe isehemu iya mafuta ginyu kusababu itaa zyitu zizima.' 9Lakini bhala abhashilema aliye bhabhajibu nubhabhula,' kwe gatati gatutosye sweswe namwe, ibadala yakwe bhalini kuli bhebhakukazya mukale gamo kwajili yinyu.'10Aliye pe bhapita uko ukala, Ubwana harusi aliye afiha, na bhonsi bhe aliye bhalitayari bhapisiye nawo kunsikuku iya ntiyo, numulyango aliye wigalwa. 11Kali bhala abhanawali abhanji nabhopenye bhaliye bhafiha bhati, 'Bwana, bwana, twigwile.' 12Aliye ajibu nuti, 'Ikwe inkubhabhula, inkubhabhula nene intabhaminyile.' 13Kwahiyo lolini, kwe mutamanyile ilyanda wala insaa.14Kwe sawa numuntu aliye pe akwanza usafili ubhala munsi iyinji. Aliye abhita abhatumwa bhakwe nubhakabizi ubhutajiri bhwakwe. 15Weka wabho aliye amupa italanta kumina tano, Uyunji amupiye italanta yoka. shila weka aliye aposhela ishiyali ulungana nubhuwezo bhwakwe, numuntu wula, 16Lubhilo wula we aliye aposhela italanta zisanu alye abhala aziwekezya, nuzalisya italanta izinji zisanu.17Navilanye wula we aliye aposhela italanta zibhili. 18Lakini umutumwa we aliye aposhela italanta yoka, aliye apita izyakwe, akumba ilina pansi, nuyizyiha ihela iya bwana wakwe.19Nibaada ioya muda umutali, ubwana uwa bhatumwa ibho aliye agaluha nuyaniya mayesabu nabho. 20Umutumwa wula we aliye aposhela italanta zisanu aliye ayinza nuleta italanta izinji zisanu, ati, 'Bwana, aliye unpa italanta zisanu.' 21ubwana wakwe aliye amubhula, 'Hongera, mutumwa umuzifu nawewe mwaminifu! utabha wewe mwaminifu kuvintu ividwo. Namakupa amadalaka kuvintu ivyinji. Yinjila kuraha iya bwana waho.'22Umutumwa we aliye aposhela italanta zibhili ayinziye nuti, 'Bwana, aliye unpa italanta zibhili, ' 23Ubwana wakwe aliye amubhula ati, hongera, mutumwa umuzifu numwaminifu! Utabha wewe mwaminifu kuvintu ividwo. namakupa amadalaka kuvintu ivyinji. Yinjila kuraha iya bwana waho.'24Kali umutumwa we aliye aposhela italanta yoka ayinziye nuti, 'Bwana, Imanyile kwamba wewe muntu umuhali. Ukuyabha pala pe utashili uhomele, na ukuvuna pala pe utashili uhusihe. 25Nene naliye inogopa, inpta izyane imbala injizyiha italanta yaho mwilongo. Lola, ulinayo ipa yila ye yaho.;26Lakini ubwana wakwe aliye ajibu nuti, 'wewe mutumwa umubhifu numuzelele, wamanyile inkuyabha pala pe intahomeye nuvuna pala pe intashili inkusihe. 27Kwahiyo ange ukutakibhwa ubhape ihela yane abhantu abha benki, numuda uwa galuha ukwane nali injiposhele yila iyane poka nifayida.28Kwahiyo mupohini uyo italanta na mupini ula umutumwa we ali nitalanta ikumi. 29Shila muntu we alinasho, amapata nkani-numwonjezenzyanye nkani. Lakini kuli wensi we atena shimo, nashalinashonye amapokwa. 30Musumbini kunzi kushanda umutumwa uyo we atali ichete, kwe kwanpela kuli ishiliyo nusya amino.'31Uwakati pe umwana uwa adamu pe alala iyinza kubhutukufu bhwakwe, nabhamalayika bhonso poka nawo, pene alihala pamwanya iyashisumbi shakwe isha bhutukufu. 32Abhamatayifa bhonsi bhalahongana pankolelo yakwe, nawope alabhatengsnisya abhantu, Kama vye uhashema akutenganisya infwele nimbuzi. 33Alazibhiha infwele ihono lyakwe ilya kulilunji, nimbuzi ihono ilya kuli hamani.34Alafu umufalme alabhabhula bhala bhe bhali ihono lyakwe ilya kulilunji, zagini, mwe muhabarikibhwa nubabawane, bhulisini ubhufalume bhwe bhuhandalibhwa kwajili yinyu fuma ubhikwa ukwa misingi iya bhulimwengu. 35Kwe nali ninzala na mwanpiye ishakilya; Nali nene mujeni mwaliye munkalibisya; 36Nalishaha na mwaliye munzwiha imyenda; nali nene mulwale muntunzya; naliye inkanyepwa mwinza37Pene abhahaki bhalamujibu numubhula, 'li lye twakubhonyi uli ninzala, na tukulyisya? ama uli nulusala tukupa aminzi,? 38Na lilikwi lye twakubhwenyi wewe mujeni tukukaribisya? ama ange uli shaha tukuzwiha imyenda? 39Na lyanda bhuli lye twakubhwenyi wewe mulwale ama uhanyepwa tukujali? 40Numufalme abhajibu nubhabhula, 'Ikweli inkubhabhula, 'Shemuhabhomba ipa kuliweka uwa bhamwitu abhadwo, mwambombeye nene.'41Pene alabhabhula ibho bhe bhali ihono ilya kulihamani,'Yepini apane bhe muhalanibhwa, pitini kumulilo uwa manda gonsi we wuhandalibhwa kwajili iya syetani nabhamalayika bhakwe. 42Kusababu nali ninzala lakini mutashi munpe ishakulya; nali nulusala lakini mutashili munpe aminzi; 43Nali nene mujeni lakini mutashili munkalibisye; Nali shaha lakini mutashili munpe imyenda; nali nene mulwale na ange inkanyepwa lakini mutashili muntuzye.'44Pene bhubho nabhopenye bhalamujibu nutu, 'Bwana, Twakubhwenyi li ange ukuninzala, ama ange uli nulusala, ama ange wewe mujeni, ama age uli shaha, ama ange wewe mulwale, ama ange uhanyepwa, na tuhana ukuhudumiya? 45Alafu alabhajibu nuti, 'Ikweli inkubhabhula, Shila she mutashili mubhombe kubhadwo ibha, mutashili mumbombele nene.' 46Ibha bhamapita kuyazabu iya manda gonsi ila abhahaki kubhuzima ubhwa manda gonsi."

26

1Uwakati uyesu aliye pe amala uyanga amaneno igo gonsi, aliye abhabhula abhanafunzi bhakwe, 2Mumanyile kwamba ibaada iya manda gabhili kulabha ninsikuku iya pasaka, numwana uwa adamu alatolebhwa ili bhamutese,"3Kali abhakulu abhamakuhani nabhazee abha bhantu aliye bhahomana poka kumakawo aga kuhani umukulu, wealiye bhamwita ukayafa. 4Poka bhaliye bhapanga injama iya kumulema uyesu kusiri numwumola. 5Kwe bhatiyi, "Itashibhombeha umuda uwa nsikuku, ili shitinze shilete ifujo kubhantu bhamo."6Pe aliyenge uyesu ali kubesaniya kunyumba iya simoni umukoma. 7Aliye pe atagololoha pameza, umangu weka ayinzile ukwakwe ange atanyatula umukebe uwa alabasta wewali na amafuta aga samani inkulu, na aliye agitila pamwanya iyitwe lwakwe. 8Lakini abhanafunzi bhakwe aliye pe bhalola ijambo ilyo, aliye bhatubha nuti, "Shoshonu isababu iya shilahali ishi? 9Iga gali gakazwe kuhela inkulu na abhamasikini bhapate."10Lakini uyesu ange amanyile ili, Aliye abhabhula mumuchuzya umangu uno? Kwe mwemubhomba ivintu ivizifu ukwane. 11Abhamasikini mulinabho amanda gonsi, lakini mwanpe mutali nane dayima.12Kusababu aliye pe ayitila amafuta iga pamwanya iya mubhili uwane, 13Ikweli inkubhabhula, ponsi pe iyinjili ino yahubilibhwa kubhulimwengu bhwonsi, ishitendo she atabhomba umangu uno, nashonye shanpela shiyangwa kwajili iya mukumbuha."14Pene weka uwa bhala kumina mbili, we aliye uyuda uiskariyote, aliye apita kubhakulu abhamakuhani 15Na ati, "Mumanpela shoshonu nga namusaliti?" Bhamupimila uyuda ivipande selasini ivya hela. 16Ufuma umuda nyuyo aliye ayanza inafasi iya musaliti.17Nilyandanye ilya kwanza iyamikate ye yitena umusilya, Abhanafunzi bhamubhaliye uyesu bhati, "Kwekwi kwe ukwanza tukwandaliye ulye ishakulya isha pasaka?" 18Abhabhula, "Bhalini kumujini kumuntu wumo na mumubhule, umwalimu akuti, umuda wane iwupalamila. na,mayitimizya ipasaka poka na abhanafunzi bhane, kunyumba yaho."" 19Abhanafunzi bhabhonvile vye uyesu atabhabhula, Na bhaliye bhandaya ishakula isha pasaka.20Aliye pe yafiha jiwono, aliye ayihala ulya ishakulya poka nabhala abhanafunzi kumina mbili. 21Aliye pe bhakulya ishakulya, aliye ati, "Ikweli inkubhabhula kwamb aweka winyu amansaliti.'' 22Aliye bhasikitiha nkani, na shila weka ayanzizye umubhula, "Shene, hakika te nene, Bwana?"23Abhajibu, ''Wula we akusonda ihono lyakwe poka nane mubakuli wene amansaliti. 24Umwana uwa adamu amapita, kama vye shihandikwa, lakini shakwe umuntu we amusaliti, umwana uwa adamu! Shali shibhe ichete kumuntu wula nga atali avyalwe." 25Uyuda, we ali amusalityi atiyi, "Shene!, Nenen Rabi?" Uyesu amubhula, "Utalanda ijambo ilyo wewe wemuhola.''26Aliye pe bhakulya ishakulya, uyesu aliye anyatula umukate awubariki, nuwumenyula, aubariki, nuwumenyula. Abhapa abhanafunzi ati, " sendini, mulye, Uno mubhiliwane.27Anyatula ishikombe nutayizya, abhapa nutu, ng'welini mwensi kuhaki. 28Kwe ubhu bhwazi ubhwaagano lyane, Bhwe bhukwitwa kwajili iya bhinji kumusamaha iwi zambi. 29Lakini inkubhabhula, intati ing'wele habhili amatunda agamuzabibu uno, npaha ilyanda lila pe alala nang'wela inpya poka namwe kubhufalme ubhwa baba wane.a'30Aliye pe bhamalizya ukwimba ulwimbo, bhefiye bhapita kwigamba ilya mizeyituni. 31Alafu uyesu abhabhuye, "Ubhusiku ubhu mwemwe mwensi mumakunpala kwajili yane, Kwe shihandikwa, namamwuma uhashema ni nfwele inundi zimanyama. 32Lakini ibaada iya fufuha kwane, indalongolela ubhala kugalilaya."33Lakini upetro abhabhuye, "Ngantinye bhonsi bhakuhana, kusababu iya mambo gegamakupata, nene intati inkuhane." 34Uyesu ajibu, "Ikweli inkubhula ibhusikuubhu kabula umukolwe atatala alamula umankana lutatu." 35Upetro amubhula, "Ngantinye shali shibhe ufwa nawe, intati inkuhane." Na abhanafunzi abhanjinye bhalanda ivyonye.36Kali uyesu apisiye nabho pala pe pakwitwa getisimani na abhabhuye abhanafunzi bhakwe, "yihalini ipa pe inta pita uko nulabha." 37Amusenda upeturo nabhana bhabhili abhazebedayo na ayazya usikitika nukwelengula. 38Alafu abhabhuye, "Iroho yane ili nihuzuni inkulu nkani.'' ufushila nufwanye." Syalini ipa mukesye poka nane."39Apita pankolelo hashe, agwa pansi, nulabha. Ati, "Baba wane, nga shiwezehana, ishikombe ishi shinepuhe. Shitashibha vye inkwanza nene, ila kama vye ukwanza wewe." 40Abhabhalila abhanafunzi na abhaga ibhadila utulo, na amubhula upetro, "Kweshi mutashili mukesye nane kunsa yoka? 41Keshini nulabha ili mutashinjila mumajaribu. iroho yili tayari lakini umubhili zayifu.?42Apita izyakwe ilya pili nulabha, Ati, "Baba wane, nga ijambo nyili litanganepuha na lazima ing'welele ishikombe ishi, amapenzi gaho gatimiye." 43Agaluha habhili abhaga bhebhadila utulo, kwe aminso gabho galiye gahanyoma. 44Alafu abhaleha habhili apita izyakwe. Alabha ilya tatuange akulanda amaneno galanye.45Kali uyesu aliye abhabhalila abhanafunzi bhakwe nubhabhula, "Bado mudiliye nupuza? Lolini, insa yeyipalamila numwana uwa adamu akusalitibhwa mumaho aga bhizambi. 46Bhuhini tupite. Lola, wula we akunsaliti atapalamila."47Aliyenge pe ashili akuyanga, uyuda weka uwabhala kuminambili, afiha, nikundi ikulu ifiha poka nawo lifuma kubhakulu abhamakuhani nabhazee abhabhantu. bhinziye ninpanga nintubha. 48Alafu umuntu we aliyenge atapanga umusaliye uyesu aliye atabhapa iyishara, ati, "Nga we namubusu wene mulemini."49Umuda nyuyo ayinziye kuli yesu nutu, "Salamu, Mwalimu!" Na amubusu. 50Uyesu amubhula, "Rafiki, Bhomba lila lyelikuleta." Pene bhinza, numusonta uyesu, numulema.51Lola, umuntu weka we ali poka nuyesu, aliye asonta ihono lyakwe, asomola ulupanga lwakwe, na amwuma umutumishi uwa kuhani umukulu, numuputula ikutwi lyakwe. 52Pene uyesu amubhula, Galusya ulupanga lwaho pala pe utalufumya, kwe bhonsi bhebhatumuya ulupanga bhamafwa kulupanga. 53Mumanyile kwamba ntangamwitaubaba wane, alafu antumile amajeshi zayidi iya kuminambili aga bha,malayika? 54Lakini vye amandiho gatakibhwa gatimiye, bhulo vyene shitakibhwa shitokeye?"55Umuda ayo uyesu abhabhula ubhu mati, "Shene, Mwemwinza ninpanga nizyantubha mundeme nene vye nene mwivi,? Shila lyanda nihaye muhekalu nufunzya! 56Lakini gonsi iga igabhombeha ili amandiho aga nabii gatimiye." Pene abhanafunzi bhakwe bhamuleha nushimbila.57Bhala bhe aliye bhamulema uyesu aliye bhamutwala kuli kayafa, ukuhani umukulu, pala pe abhandishi na abhazee aliye ibhahongana poka. 58Lakini upeturo amulondeye kushisila kwa mbali npaha kubhukumbi ubhwa kuhani umukulu. Ayinjiye mukasi nukwihala poka na abhalinzi alole she shatokeya.59Basi abhakului abhamakuhani na nibaraza lyonsi bhaliye bhakwanza ubhusyayidi ubhwilenda kuli yesu, ili bhamwumole. 60Ngantinye vye aliye bhaloleha abhasyayidi abhinji, lakini bhatashili bhapate isababu yonsi yila, Lakini kali abhasyayidi bhabhili bhaliye bhajitokezya pankolelo. 61Na bhati, "Umuntu uno atiyi, "Imbezizye ukonona ihekalu ilya mwene uwa kumwanya nuzenga habhili kumanda gatatu."62Ukuhani umukulu aliye ayimilila numubhula, "Utangajibu? Ibha bhakuyanjila shoshonu kuli wewe? 63Lakini uyesu aliyenge asuye. Ukuhani umukulu abhabhula, "Kama vye umwene uwa kumwanya akuyishi, Inkubhula utubhule, nga wewe kristo, umwana uwa mwene uwa kumwanya,'' 64Uyesu aliye ajibu, "Wewe wemuhola utalanda ijambo ilyo, Lakini inkubhula, Ufuma ilinye nukwendeleya umamulola umwana uwa adamu atihalaihono ilya kulilunji ilya maha, na akwinza mumapufi aga kimwanya.''65Pene ukuhani umukulu aliye alaluwa imyenda yakwe nuti, "Atakufuru! Shene, tukwanza abhili ubhusyayidi bhwashi? Lola, Tayali mwemwivwa vye akukufuru. 66Shene, muwaza shoshonu? bhajibu nuti, "Akutakibhwa afwe."67Alafu bhaliye bhamuswilila amati kuminso numwuma ingumi, numwuma amakofi kumahono gabho. 68Nuti, "Tukwanza utabiri, wewe kristo. Wenu we atakuchapa?"69Umuda uyo upeturo aliye atihala kunzi kubhukumbi, numutumishi umangu amubhaliye numubhula, "Wewe nawenye enge uli nuyesu uwa kugalilaya." 70Lakini aliye ahana pankolelo yabho bhonsi, Ati, Ntamanyile ishintu she ukulanda."71Aliye pe afuma panzi pamulyango, umutumishi uwunji uwa umama aliye amulola nubhabhula bhebhali iponye, "Umuntu uno nawopenye enge ali poka nuyesu uwa nazareti.'' 72Ahana tena yani kulapa, "Nene intamumanyile umuntu uno.''73Umuda hache, bhala bhe aliyenge bhimiliye papipi, bhamub haliye nuyanga nupetro, "kwakweli wewe nawenye uli poka nabho, kwe nuyanganye kwaho kuloleha,'' 74Pene aliyenge ayazya uhana nulapa, "Nene intamumanyile umuntu uno,'' numuda nyuyo umukolwe alamula. 75Upeturo aliye akumbuha amaneno gatamubhula uyesu, "Kabula pe umukolwe atatala alamula umankana lutatu.''

27

1Umuda uwahatondo aliye pe afiha, abhakulu bhonsi abhamakuhani naabhazeye abhabhantu aliye bhalya injama kuli yesu ili bhamwumole. 2Aliye bhamunyepa, bhamulongolezya, numufisya kuli liwali upilato.3aliye pe uyuda, we aliye atamusaliti, aliye alola kwamba uyesu atahukumibhwa, aliye atubha nugalusya iviponde ivya hela kumukulu uwa makuhani nabhazee, 4Na ati, "Intabhomba izambu kusaliti ubhwazi bhwe bhutena nihatiya." Lakini bhajibu,'' Shituhusu sweswe shoshonu? Galole igo wewe wemuhola." 5Alafu aliye avigwisya pansi ivipande vila, ivyahela pihekalu, nupita nizyakwe nuyiniyonga umuhola.6Umukulu uwa makuhani avisenzile ivipande vila ivya hela nuti, "Tehalali uyibhiha ihela ino kuhazina, kusababu garama iya bhwazi." 7Aliye bhajadiliyana poka nihela yitumiha ukala umugunda uwa habhumba na uzyiha abhajeni. 8Kusababu ino um ugunda uno wukwitwa, "Mugunda uwa bhwazi" hadi nilinye.9Alafu ineno lila lye aliye lihayangwa nunabii uyeremiya lyaliye litimiya, kuti, "Aliye bhavitwala ivipande selasini ivya hela, ibeyi ye yihapangwa nabhantu abhaisiraeli kwajili yakwe, 10Na bhaliye bhatumiya kumugunga uwa uhabhumba, kama vye ubwana aliyenge atandanga."11Sasa uyesu ayimiliye pankolelo iya liwali, nuliwali amubhula, "Shene! Wewe mufalme uwa bhayahudi?" uyesu aliye amujibu, "Wewe ukulanda ivyo." 12Lakini aliyenge pe asitagwa nabhakulu abhamakuhani na abhazee, atashili ajibu shonsi shila. 13Alafu upilato aliye amubhula, "Utivwiye amasitago gonsi gala ge gakuhusu wewe? 14Lakini atashili amujibu ineno lyonsi lila, kwahiyo aliwali aliye asangaya.15Sasa kulyanda ilya nsikuku yali desituli iya liwali umusapula umufungwa weka we achagulibhwa nubhumati. 16Umuda uyo bhali numufungwa isugu aliye bhamwita ubaraba.17Kwahiyo aliyenge pe ibhahongana poka, upilato aliye abhabhula, "Wewenu we mukwanza tumusapule kwajili yinyu?" Ubaraba ama uyesu we akwitwa ukristoa?" 18Kusababu amanyile kwamba bhebhamulema kusababu iya mutubha. 19Uwakati pe aliye akwihala pashisumbi shakwe isha hukumu, Umangu wakwe aliye amutumila ineno ati, "Utashibhomba ijambo lyonsi lila kumuntu uyo we atena ihatiya. Kwe intachula nkani ilelo kundoto kusababu yakwe."20Pene abhakulu abhamakuhani na abhazee aliye bhabhashawishi abhamakutano bhamulabhe ubaraba, nuyesu bhafwe. 21Uliwali aliye amubhula, "Wewenu kati iya bhabhili mukwanza nene imileshele ukwinyu?" Aliye bhati, "Ubaraba." 22Upilato abhabhula, "Imubhombele shonu uyesu we akwita ukrisito?" bhonsi bhajibu, "mutese"23Nawope ati, "Kweshi, Likosa bhuli lye atabhomba?" Lakini aliye bhendeleya ukwangula kusawuti iya pamwanya, "Ateswe." 24Kwahiyo Upilato naliye pe alola atangabhomba lyonsi lila, lakini ibadala yakwe vurugu aliye zye zyanzya, aliye asenda aminzi ayoga mumahono gakwe pankolelo iya bhumati, na ati, "Nene intena ihatiya nubhwazi ubhwa muntu uno watena ihatiya. Galolini iga mwe bhahola."25Abhantu bhonsi bhati, "Ubhwazi bhwakwe bhubhe pamwanya yakwe nabhana bhitu." 26Alafu umwigwila ubaraba ukwabho, lakini aliye amwuma imijeredi uyesu numukabizi ukwabho ubhala uteswa.27Alafu abhaasikari abhaliwali bhamusenda uyesu npaha kupraitorio nikundi ikulu ilya bhaasikari bhonsi bhahongana, 28Bhamuzula imyenda yakwe bhamuzwiha inkanzu imbenzu. 29Alafu bhayaniya itaji iya minvwa nuyibhiha pamwanya iyitwe lyakwe na bhamaubhishila ikwi kwihono lyakwe ilya kuli lunji. Aliye bhasugama pankolelo yakwe numukejeri, ange bhakuti, "Salamu, mufalme uwa bhayahudia?"30Na aliye bhamushilila amati, na aliye bhanyatula ishikwi numwuma kwitwe. 31Uwakati pe aliye bhamukejeri, aliye bhamuzula inkanzu yila numuzwiha imyenda yakwe, numulongolezya ubhala umutesa.32Aliye pe bhafuma panzi, aliye bhamulola umuntuufuma kukrene izina lyakwe usimoni, we bhaliye bhamulazimisya ubhala nawo ili apate unyatula umusalaba wakwe. 33Aliye pe bhafiha pala pe pakwitwa Goligota, umana yakwe, "iyenewo ilya ifupa ilyitwe." 34Aliye bhamupa isiki ye bhahachanganiya ninyengo ang'wele. lakini aliye pe ayibhonja, atashili aying'wele.35Umuda uyo pe aliyenge bhamusulubisya, aliye bhagabhana imyenda yakwe kukuma ikura. 36Na aliye bhihala numulola. 37Pamwanya yakwe aliye bhabhiha kuli wuyo ange gasomeha, "Uno uyesu, umufalme uwa bhayahudi."38Abhahapoha bhabhili aliye bhabhalolela poka nawo, weka ulusali ulwa kuli linji nuwunji ulwa kulihamani. 39Bhala bhe aliye bhakupita aliye bhamuzihaki, ange bhatenganiya amatwe gabho. 40Bhati, "We wengukwanza ukonona ihekalu nulizenga ilyanda ilya ilyatatu, jokowe wemuhola! nga wewe mwana uwa mwene uwa kumwanya, yuha pansi uyepe pamusalaba!"41Kuhali yilanye umukulu uwa bhakuhani aliye bhamulawumu, poka na abhahandiha nabhazee, na bhati, 42Aliye ayokowa abhanji, lakini atanga jokowa umuhola. Wuyo mufalme uwa bhayahudi. Ayihe kumwanya kumusalaba, pene tuamwamini.43Aliye amutumayini umwene uwa kumwanya. Leshela umwene uwa kuwamwanya amwokowe sasa nga akwanza, Kusababu atiyi, 'Nene mwana uwa mwene uwa kumwanya." 44Na bhala abhahapoha bhe aliyenge ibhabhalolela poka nawo aliye bhayanga amaneno aga muzihaki.45Kwahiyo ufuma isatisa kwali ishanda muhaya yonsi hadi isaa tisa. 46Aliye pe yafiha isaa tisa, Uyesu alila kusawuti inkulu, "Eloi, Eloi, lama sabakitani?" ange akumaanisya Mwene wakumwanya, Mwene uwa kumwanya, Kweshi utandeha?" 47Umuda uyo ibaazi yabho bhe aliye ibhimilila pala aliye bhivwa, Bati, "Akumwita uyelia."48Niponye lyoka weka wabho aliye ashimbila usenda isifongo nutela ishinywaji ishikantusu, ayibhiha pamwanya iyikwi na umupa apate ung'wela. 49Nabhope bhaliye bhasyala bhati, "Muleshelini weka, leshelini tulole nga uyeliya aminza amwokowe." 50Habhili uyesu alila kusawuti inkulu na iroho yakwe yepa.51Lola, ipaziya ilya hekalu aliye lilepuha mala mbili ufuma kumwanya hadi pansi. Na iyarizi yitetema namagamba galepuha ivipande. 52Amakabuli galiye akupuha, nimibhi.li iya bhatakatifu abhinji bhe aliyenge bhahadila utulo aliye bhafufuha. 53Aliye bhafuma mumakaburi ibaada iyan bhufufuo bhwakwe, aliye bhinjila ihaya intakatifu, na bhaloleha nabhinji.54Basu uakida wula nabhe aliye bhamulola uyesu aliye bhalola ishitentema na mambo ge aliyenge gatokeya, aliye bhabhanubhwoga nkani nuti, "Kweli uno ange mwana uwa mwene uwa kumwanya." 55Abhamama abhinji bhe aliye bhamulondela uyesu ufuma kugalilaya ili umuhudumiya vbghali pala ange bhakulola ufuma apatali. 56Mulibhonye kwali umaliyamu umakidalena, umaliyamu umamawakwe nujosefu, numama uwa bhana uwa zebedayo.57Aliye pe yafiha jiwoni, Ayinzile umuntu utajiri ufuma kuarmathayo, we aliye akwitwa uyusufu, we wopenye ali mwanafunzi uwa yesu. 58Aliye amubhalila upilato nulabha umubhili uwa yesu. Alafu ipilato aliye ayajizya bhamupe.59Uyusufu awusenzile umubhili uwunyepa numwenda uwa nsufi inswefu. 60Na awudizya pikaburi ipya ilyakwe lye aliye atalichonga kwigamba. Alafu alibhizya ibhwe ikulu likupiha umuluyango uwikaburi na ange akupita nizyakwe. 61Umariamu umakidalena numariyamu uwunji bhali pala, bhebhihala upalamila ikaburi.62Ilyanda lyelyalondeye lye lyali lyanda ibaada iya mandalizi, abhakulu abhamakuhani na abhamafalisayo aliye bhahomana poka kwa pilato. 63Bhamubhula, "Ubwana, tukumbuha kwamba uhalongopa wula pe aliye muzima, Aliyeati, 'Ibaada iya manda gatatu amafufuha habhili.' 64Kwahiyo, yajizya kwamba ikaburi lilindwe salama npaha ilyanda ilya tatu. Bila ivyo, abhanafunzi bhakwe bhanginza bhamwibhe nulanda kubhantu, 'Atafufuha ufuma kubhafwe,' nan ilenga ilya mwisyo lilabhipa kuliko lila ilya kwanza."65Upilato abhabhula, "Sendini abhalinzi. Pitini mwemubhpombe ihali iya bhusalama vye mubhezizye." 66Kwahiyo bhapisiye na ubhiha ikabuli enge lili salama, ibhwe aliye bhalibhishila umuhuri nubhiha abhalinzi.

28

1Kali ilyanda ilya sabato, Ilanzi aliyenge pe liswa ubhala ilyamda ilya juma, umaliamu umakidalena, na wula umaliyamu uwunji bhinzile bhalilola ikaburi. 2Lola kwali itetemeko ikulu, kusababu umalayika uwa bwana iyisiye nulilibhizya ibhwe lila, alafu alyihalila.3Isura yakwe yali yabhumeme, na imyenda yakwe yali mizeru vye seruji. 4Abhalinzi bhala bhaliye bhabha namasyaka na bhabha ngati bhafwe.5Umalayika abhafafanwila bhala abhamama ati, "Mutashogopa kwe imanyile kwamba mumwanza uyesu, we bhahamlolelaga. 6Ataliko ipa lakini atafufuha kama vye ahabhabhula. Zagini mulole pala pe ubana aliye adiliye. 7Pitini lubhilo mwemubhabhule abhanafunzi bhakwe,' atafufuha ufuma kubhafwe, Lola atabhalongolela ubhala kugalilaya. Uko kwene mumamulola.' Lola nene intabhabhula."8Bhala abhamama bhapisiye pala pikabuli lubhilo ange bhali nihofu niraha inkulu, na bhashimbila bhabhabhula abhanafunzi bhakwe. 9Lola uyesu ahomana nabho nuti, "Abhana bhala bhinziye nulema amanama gakwe, na alafu bhamwabudu. 10Alafu uyesu abhabhula, "mutashogopa, pitini mwemubhabhule abhamwitu mulongolele kugalilaya. uko bhamandola.11Uwakati pe abhamama bhala aliye bhakupita, kuli baazi iya bhalinzi bhapisiye kumujini na bhabhabhula abhakulu abhamakuhani amambo gonsi gonsi aliye gegatikeya. 12Nabhope abhamakuhani pealiyenge bhahomana nabhazee nulijadili ijambo ilyo poka nabho, aliye bhafumya ishiyasi nishiyasi ishikulu hela kuli bhala abhaasikari. 13Nubhabhula, "bhabhulini abhanji ubha, 'abhanafunzi abhayesu bhinziye ubhusiku bhibha umubhili uwa yesu uwakati sweswe pe aliyenge twetudila.'14Nga itaarifa ino yamufishila uliwali, sweswe tumamu be,mbelezya nubhefevya mwemwe amasyaka gonsi," 15Kwahiyo abhaasikari bhazisenda ihela zila na bhabhomba kama vye bhebhabhelekezya. ihabari ino yitawala ponsi kubhayahudi na shihabhaivyo hadi ilelo.16Lakini bhala abhamitume kuminamoja bhaliye bhapita kugalilaya, kwigamba lila lye aliye ibhabhalanga. 17Aliye pe bhamulola, aliye bhamwabudu. Lakini bhamo aliye bhabhana amasyaka.18uyesu ayinza ukwabho abhabhula ange akuti, "Nenpebha amamulaka gonsi kumwanya na paduniya. 19Kwahiyo bhalagini mwemubhabhule abhamatayifa bhonsi bhabhe bhanafunzi. bhabatizyini kwizina ilya Baba, numwana nuroho mutakatifu.20Bhafunzini ugeshimi amambo gonsi ge inkbhabhula, na lola, nene indi poka namwe dayima, npaha umwisyo uwa duniya.