Bible

Luka

1¹Akajingi bhakajitadi kuveka mpango gwa kulandilika milho ja lolo,kati jitu, ²batuba tiinge twenga,tangu lolo na mashaili kwa mio gitu na atumishi gwa ujumbhe. ³Na elaela,baadaja kulolokea mbolembole genwa malobe kuvuka lolo,na ne monita chambone kujandikila kwa mpango gwa chwapi,mwanahota muno Theofilo. ⁴Pena mumanye ukweli ga mambo gavajigine.⁵Machova ga Herode ga Herode,afalme kwa Yudea,akave kuhani liliina lave Zekaria,ukao gwa Abiaya.Anovave vavoka kwa abinti ga Haruni,na kina lyave vakema Elizabeti. ⁶Voanji vakivanga vandu va mbone kwa Nnoongo,vakatendanga ya mbone wala lawama mu sharia yoa na maajicho ga Nnoongo. ⁷Laki vakivanga banga mwona hata jumwe,Alizaberti vakiva vanga ubei tasa ,vaanji vakiva avele vooa vakazeekanga muno.⁸Azakaria vakiva tangu kutumikia Nnoongo na tangu kutumikia Nnoongo vakiva akuhani na zamu jave. ⁹Jakiva desturi ja kuchagua kuhani jwapi jwa kuhuudumia,bakahaguliwaa kura ijingi kujingila kuhekanurini kwa Anaota na kuhukia uvumba. ¹⁰Likundi lyoa lya vandu vatunda kujupanga panja pavavukija uvuniba.¹¹Na ngocheno malaika jwa Nnoongo akapitila na kujema,upande gwa kulyila gwa madhabahu ya kuvukija. ¹²Azakaria vakajogopa pa vakamwona lilaika,na kungwe pai. ¹³Malaika ngavaluvalila,''Nkotokujogopa Azakaria,chi obite chijoanike.Aanurivunu Alizabeti va pa kuveleka mwahanha,lina lyakwe mpa kukema Yohana.¹⁴Mpakuve na kufurahi na chuanga mbuka,na vandu ajingivapa kufuraiyanga kuvelekwa kuake. ¹⁵Apakuve mundu munaota kwa mio pa Anaota.Hapakungwe divai au kinywaji chii kali,apakuve na roho mtakatifu kuvoka mulutumbo lwa mnywamundu.¹⁶Na vanduajingi va Ku Israeli vakugeukanga kwa anaota vene kwa Nnoongo gwavinji. ¹⁷Apakujabula nnongi pa miio ga Anaota kwa Robo n ngupu za Aeliya.Apakurekebisha mitima ja vaana kwaka ta tivavenji,vangakutii vapakuendelea na hekima ga vavavinginge na haki.Apakundenda yayoopejo kuveka tayoni kwa Abwana va vaandaliwe kwa vane Abwana.''¹⁸Azakaria akaljwalela malaika,''Mbakulimanyo vole liniywo?kwa maana nenga na njee na akangu yaaka jinjingi muno.'' ¹⁹Malaika akalovalela,Nenga na Agabrieli,ne nyema kuu nnongi ja Nnoongo.Vakanduma kulovalela kunnnetela abalizi ja njiemha. ²⁰Na mpa kuve mabubu,nnlongela hopo mpa lichuwa gennhla pa kagapakupitila.Pa kuve ntekuta uka,mangavumilia mane gangu ga pakutimizwa kwa muda gukamilika.''²¹Na gocheno vandu kuunnendela zakaria.Vaimwanga mundu atumia muda nnyingi hekaluni. ²²Pa vavokapanja vangamamanya kulongela navongi.Vakaimanyanyanga vatekuivona au kupata mahoono pa vakave hekaluni.Vangalongela vakiva kimnya kulongela kwa alama tu. ²³Mpaka lichova ikatimiyha zamu jave pujakajomoka vakavoka kuja kwa chave.²⁴Azakaria baada ja kuvaja kwa chave zamu za hekaluni,anamundu vaka ve na chitumbo.Na vanga vaka pachave mpaka miei miano.Vakaluvula, ²⁵''Annoongo chi vandendite kwa changenenga puvalolokea kumbelea na kuvoa oni jangu kwa vandu.''²⁶Na ngochi mwoi gwa sita gwa chitumbo cha Aelizabeti,Nnoongo akanlovalela malaika Gabrieli nnyabule kwa hilambo cha Galilaya pa vakema Anazareti, ²⁷Kwa jwanga mmanya mulalomu jwa toline mina lome lina lyakwe Yusu.jumwe wa ukoo cha Daudi,lina lya bikira Mariamu. ²⁸Baada ja kuwika alalovola,''salaam,mwenga ntekupokela neema kuu.Abwana vatekubalia muno.'' ²⁹Pakuvee malove ga malaika akakanga chwa nago jwa ngaelewa ga vole malaika akalovola salaamu ja ajabku kwa chwake.³⁰Malaika angalovalela,''Nkotokujogopa,Mariamu,mpatite neema kuvoka kwa Nnoongo. ³¹Nnola,mpakupata chitumbo mu kutumbo lwinu na mpakupapa mwana na mpakukema lina lyakwe 'Yesu.' ³²Apakuve mkolongwa anapakuve mwana jwa kunani sana.Na Nnoongo apakupe,chitevu cha kutawala cha Daudi awawamundu. ³³Apakutawala ukoo wa Ayakobo milele na ufalume gwakwe gwanga kupeta mwisho daima.³⁴Amariamu akalovala malaika,ipakuvokela vole,nenga nanagoloka na munalome hata jumwe? ³⁵Malaika akajangula,''Roho mtakatifu apakuve namwenga,nguvu ja avikunani apakuika kunimwenga:Muimanye,mtakatifu jwa avakuvelekwa apakemwa mwana jwa Nnoongo.³⁶Nannole,nnunagwinu Elizabeti avina chitumbo kwa unaotagwaa gwoa hogwe.Na ngongo mwei gwa sita,na vakiva atasa. ³⁷Mumanye chakwa changa tendeka kwa Nnoongo.'' ³⁸Amariamu vakalongela,''Nnole,ne na tumichi jwa mukege va Abwana.Nneke:Amalaika akajabula.³⁹Mariamu akavoka kujenda kwa kunjumboteka akajabula kuchilambo cha itombi,kuchi lambo cha Yudea. ⁴⁰Vakajabula kwa chakwe nyumba ja Azakaria akasalimia Aelizabeti. ⁴¹Na penapo,Aelizabeti baada ja kujoa salamu ja Amariamu,mwana mutumbo akatikisika,na Aelizabeti akachivona avi na roho mtakatifu.⁴²Akalongela kwa lilobe likulongwa sauti Ntekubarikiwa mwenga kuliko akainegi zaidi mwenga ,na ata mwana jwa chitumbo chinu abarikiwe. ⁴³Ikavebole uwa changu Nnyongo va Anaota vangu vakaika kwachangu. ⁴⁴Pa kuve,puchialimiage ikajoonika mama sikilo gangu kuzalimia kula,mwana nchokochoko akatikisa kufurahia. ⁴⁵Na vakabarikiwa akegi vala vakaamini ikapitile kukamima ileve yoa jivalovalile kuvoka kwa Anahota.''⁴⁶A mariamu vakalovula nafsi yangu itenda kusifia Abwana. ⁴⁷na roho jangu jitendekufurahi Nnoongo akombochi vangu.⁴⁸Pa kuve vijimweme hali ja pahija mtumichi jwave ja muikegi.Nno kuvokela nangochino ivelei yote va pakungemanga na abanikiwa. ⁴⁹Pa kuve venavo vavakonuibile vatendite mambo makolongwa kwachango,na liina nchi litakatifu.⁵⁰Rehema jave jitenda kundumu kuvoka kuchivelei hata kuchivelei voo vuvaheshimu Nnoongo. ⁵¹Alangile mwene ngufu kwa mavoko gakwe hbavongine voa vakuchipunanga pa mitima za mawacho gavingi.⁵²Vavekitinge voa yana yakafalume kuvoka itevu ya enzi na kuinuanga kunani vavakiva paahi. ⁵³Ajukutiinge vavakiva njala kwa ileve ya mbone,na akatajiri afukwize vavinginginge mavokojika.⁵⁴Avota msaada kwa Israeli mtu chi jwakwe,vakombakele kuvoneka rehema, ⁵⁵(Malenga akatenda kwaka awawavitu) kwa Aka Abrahamu na uoelei kwa ke milele.''⁵⁶Amariamu vakatama na Aelizabeti muda gwa miei matatu penapo vakabuja kwachave. ⁵⁷Muda ukaika gwa Aelizabeti gwa kuveleka mwana munalome. ⁵⁸Ajirani vavenji na akanugema vakaijua abwana chivatendile cha rehema kwa venavo,vakafuianga na venavo.⁵⁹Baada sichova lya nane vokari kanga kuina mwana.Pia palikwe kulema lina lyakwe,''Chakalia,''Pakuve liina lya ntandi mundu. ⁶⁰Nyoongola akalovola kwa lovalelanga,''Ngava.''Mukunange Yohana. ⁶¹Vakalovalanga,hata jumwe kwaka minguna vinunji jwa kamwa lyehi liina.''⁶²Vakatende ishara ntatimundu akamwe liina gani. ⁶³Ntatimu ajupa kiboo cha kuandikila,akajandika,''liina lyakwe Yohana,''Boanji vakanga changa na kitendo chinecho.⁶⁴Ghafla lugomo lyakwe na lulimi ukave uhuru.Akalongela na kutukucha Nnoongo. ⁶⁵Kujogopa vaa vavakatamanga navo vakavivunji:Genago mambo lakaene chilambo chote cha itoombe ya Yudea. ⁶⁶Na goa vakajuanga na kugaveka mmitimajavingi,na kulovola''mwana huju jwa chika bole?''Kwasababu luboko lwa Abwana akiba nalo.⁶⁷Ntatimundu chakalia akave na Roho mtakatifu na akapia inabii,akalovola, ⁶⁸''Akaelupia mwene Nnoongo jwa Isreali kwa chaababu atekusaidia na kulichugulikia uokovu kwa vandu voa.⁶⁹Atekuima upaande gwa uookovu ja nntumichi muunyumba,Jwakwe Daudi,kuvoka mukubooja lungolo lwa nntumichi jwakwe Daudi, ⁷⁰Malenga pavakolongela mulugomo mwa manabii vave malenga muda gwa loolo. ⁷¹Apa kutukomboa kuvoka kwakaadui vitu mukuvoko vavutuchi mwanga.⁷²Apakutenda ileile kulangila rehema kwa atativitu,na kukombokila liagano lya litakatifu, ⁷³Chikavala pila kwa Abrahamu atativitu. ⁷⁴Vakalapila kwatumika ga nga lipamba kuwechekana kwa tumikia venavo gwa hoofu,kutuhokoa kuvoka kwa mmavoko kwaka adui vitu. ⁷⁵Kwa utakatifu na haki nnongija angwana machova gitu goa.⁷⁶Na mamwana mwenga,valkema anabii va vavi kunani muno,pa kuvee mpakujabula nnongi ja Anahoota kutengenecha ndela va kunika kwave, ⁷⁷Kwa lobolelanga vandu vave babakuokoka kwa kasameheanga chambi chavengi.⁷⁸Chene cha pakupitila kwa sababu ja huruma za Nnongo gwetu,kwa chababu lichova kuvokela kuvoni lipa kutulia. ⁷⁹Kuangaza kono pa vatamanga pagizani na giza ja mauti va pakuveka makongono gitu kuendela ja amani .''⁸⁰Na nangocheno jwene mwana akakola na akiva na makakalamu mojo gwake,akatama mujwangwani mpa machova akapitila kwa chakwe ku Israeli.

2¹Pene genago machovaago,akavokela Akaisari Agusto akagila hene jipatikane sensa kuvalangana vandu dunia joa. ²Jene jakiva sensa ja kwanja makati ga krenio akiva gavana va siria. ³Kila mundu akajabula kujiri kwakwe kukuandikicja sensa.⁴Na Ayusufu akavoka kujini kwave ku Naareti ku Galilaya na vakajabula Yudea ku Jini gwa Bethlehemu,pu ukamanyika mji gwa Daudi kwa chababu vakavokela ukoo wa daudi. ⁵Vakajabula kunokwe kucheandi kicha na A mariamu,vana vakatolana navo,vakiva na chitumbo vategemea kupata mwana.⁶Ikavokela pavakivanga konokwe muda gwa kuveleka mwana tayari. ⁷Vakaveleka mwana munalome,jwa kwanja kuveleka,akaigilila govo akotokupata malili,akabika kuu chioli kichoko cha kulichila inyama chababu gakwa nafasi kwa chumbi chakageni.⁸Kwa jene eneojo vakivanga akachungaji vavatamangaga kumigonda kulendanga makundi ga ngondolo kilo. ⁹Gafula tu,malaika wa Nnoongo akavokila pame utukuvu ukavokila gwa Abwana kuangacha na kutindikianga,vakivanga kujogopa sana.¹⁰Maika jula akalovolelanga,''Nkoto kujogopanga,nuletelanga abali ja mbone ji pa kuve ja kufwalisha ngolongwa kwa vandu voa. ¹¹Leleno Akombochi vavelikwe kwaajili jimunji pajini jano kwa Daudi!Junwe ga Kristo Bwana! ¹²Jenejo alama mpakupatanga,mpakukolela mwona aigilikwe ngovo na agolwike kuu hoori la kulichia inyama.''¹³Gafula likaika lijeshi likolonwala kumbinguni kuunga na malaika na kusiifu Nnoongo,vakolongelanga, ¹⁴'''Utukufu kwa Nnoongo jwa vi kunani muno na amani jive paduniani kwa vandu voa junwe jwa apaliamuno.''¹⁵Maika gakavokkanga kujabula kujenda kumbinguni,akachungaji vakolongelanga achivenenji,''Tujendange ngochi ku Bethlehemu,tukakivone chileve chichipitile chava kilovolile Annongo.'' ¹⁶Vakavavulanga upesi ga vakakolela Mariamu na Yusufu,vakammona maana agolwike kulu hori la kulichila inyama.¹⁷Baada ja kuvola,vakalovolelanga vandu chirikivonitinge vakalovolelanga cha kuhusu mwana. ¹⁸Voa vakajuanga haba voa vaka kangachanga na chini cha valovile akachungaji. ¹⁹Pena Amariamu vakiva na wawacho goa ga vakajua,vakagaveka mutigwakwe. ²⁰Akachungaji vakavujanga kavele na kutukucha Nnoongo chi vakajua na kuchivona,chavo lovolinge kwa chavingi.²¹Pa ikaika lichora lya mane na jakiva mudagwa kuine mwana,vakankemanga lila lya Yesu liina livakangemanga malaika kabla ja chitumbo ja ngatama mulutumbo.²²Pennapo zikapaligwa ja utakaso,kunengana na chalia ja Musa,A yusu na Amariamu vakampelekanga kuliekalu kubheka mlongo cha chipanganya Nnoongo. ²³Malinga pijiandikwe kucharia ja Abwana,''Kila munalome jwa kwanja kwa kufungna lutumbo va pakupeleka kuve wakfu kwa Abwana. ²⁴Vena vakaikanga kuvoa sadaka,chivakalovola kulandakia na cha vakalovola ku charia ja ANnoongo,''Kupeleka njeva ivele au ngunda ivele.''²⁵Nnolange ,akiva mundu ka Yerusalemu lina lyakue vakema Simoni,mundu jwano jwa haki na kuabu Nnoongo.Atenda kulendila ili afarijike jwa Israeli,na Roho mtakatifu akiva kunanijakwe. ²⁶Ja kive tayari jiunukuike kupite kwa Roho mtakatifu vakave tayari kujomoka kabla ja kumwona Yesu Kristo jwa Abwana.²⁷Lichova limwe vakiva mulihekalu akalongolela Roho mtakatifu.Penapo vakaletanga mwana,Yesu kutendelanga gagapaligwa kawaida ja sheria, ²⁸na Simoni akapokela muluvokolwakwe,Akatukuchia Nnoongo akalovula, ²⁹Na ngoja luucha mtumichi jwinu ajabule kwa amani Abwana,pa nkolovula lilovelinu.³⁰Pa kuve mio gangu gaumweni ukovu kwenu. ³¹Na uvonikine pa mio ga vandu roa. ³²Njuno ya nuru na kujugoleka ufunuo kwa ilambo gwa utukufu ga vandu va Israeli.³³Atati na Amama va mwana vakangachanga genya malovega gavalongela kwa mwanajwe. ³⁴Na Simoni abaikianga akalonge Amariamu amamamundu,''Nnjaanikie kwambone mwana hujuju apakwe ligambolya kueveka na kuchokoka kwa vandu ajingi ku Israeli na vandu ajingi vapalunganga muno. ³⁵Na gono upanga kupa kuhoma mavene,mitima ja vandu ajingi ga pa kuhahikishwa.''³⁶Nabii muinkege,lina akiva Ana akiva mulihekalio Akiva mwali jwa Fanueli kuvoka kabila ja Asheri.vakiva yaka ijingi sana.Na vena vakiva na anumevave vakatama yakasaba badajavonangona, ³⁷vakiva najabne yaka themani na minane.Ve na vanga voka mulihekalu vakiva kuendelea kumwabudu kila na muuhi. ³⁸Gena matigo vakaika kutumdula kushukuru Nnoongo.Akalongela ligambo lya mwana kila mundu jwa subiri ukomboki gwa Yerusalemu.³⁹Pavajomolanga kila lichova kutendanga kwa charia ja Abwana,vavajaku Galilaya,kujini kwavenji Nazareti. ⁴⁰Mwana akiva,na ngupu,atenda kujo ujokele hekima na neema ya mungu Nnoongo akiva nakwe.⁴¹Akazazi vave kila chaaka vajendanga ku Yerusalemu kwa sikukuu ja pasaka. ⁴²Pa akave na yaaka konmi na mivele,vakajendanga kuveli muda gu paligwa gwadestuli gavingi ku sikukuu. ⁴³Pava kaigilanga kulendela sikukuu,vakatumbulanga kuvaja ukaja.Kijana munalome akaigala muhekalumola,akazajimundu mangaimanyanga. ⁴⁴Vaki avi muli kundi na akajavinji musafajimwe,vakasafi muda lichovu limwe.Vakatumbulanga kupalanga kwa makundi ga akamengu naakaganja mundu.⁴⁵Puvakalepelanga kumpata,vaka vujanga Yerusalemu na kupalanga pamba na papala. ⁴⁶Baada ga vachova matalu,vakanonanga mulihekalu,atamite pakalikati ja akamwalimu,atenda kwa penakianga kwa konyanga machwali. ⁴⁷Voa vakajunikianga vakaomwanga na kumanya kujangula na kuelewa majibu gahwe.⁴⁸Pavamwonga vaimonga sana Amama mundu akalovolela.''Mwanguu pa vole chimrundele,''Va kumbalanga.'' ⁴⁹Magai manyambe pa nyumba ja Atativango Annongo. ⁵⁰Vangaimanyanga cha lovola au maanagakwe.⁵¹Ga akavokanavo kujenda ` ukaja mpaka kachaviji ku Nazareti na akiva na hichikama.Anyongolo vakaveka goa mambo gatenda mutima gavave. ⁵²Yesu akaendelea kutama na hema na kukola pa endeleaga kupaligwa Nnoongo na vandu voa.

3¹Nangocheno,chaka cha komi na uwano gwa utawala gwa kaisari Tiberia,muda gwa Pontio pilato vakiva agavana va Uyahudi,Herode vakiva akolongwa va mkoa ga Galilaya,na Filipo anunguvave vakiva akolongwa va nkoa gwa Iturea na Trakoniti na lisania vakiva akolongwa va nkoa gwa Abilene. ²Na gwene wakatigwe ukuhani nkolongwa gwa Anasi na kayafata,Lineno lya Nnoongo lyakaikila Ayohana mwana jwa Azakaria,kugngwani.³Vokatyanga nkoa gwao kutimbilila lukema lya Yordani,vabikuubiri ubaticho gwa toba kwa kusamehea kwa chambi.⁴Malenga chichiandikigwe kitabu cha malove ga Isaya anabii.''Lilove lya mundu jwa bii mulipalo,''Itengenechange jive tayari ndela ja Abwana itengenache mapeto ga ganyokite.⁵Kila libonde livakutelela,kila chitombi na litombi livakuvelaini,barabara jijipendite jivakunyoshwa,na ndela ja maembo zipakulainishwa. ⁶Vandu voa vapakulola uwokova gwa Nnoongo.''⁷Pena,Yohana akalovolelanga pava konguninge pakolongwa pa vandu pavakaikilanga vapatange ubatiza na jumwejwe,'' mangota mwenga vu mmelikwe na majoka ga sumu,gani vava nkahikiinge kuvutuka jajabu ji jiike?⁸Mmelekange matunda ga gapaligwa na toba,na mkotokujimekanga kulongela katijinunji,''Tuve na Ibrahimu atativitu tuvooa pa kuve nalovolelanga heeni,Nnoongo avecha kuinua Ibrahimu vanaana hata kuvokana na maganga haga.⁹Tayari livago livimu ngega ja mikongo.Na pena,kila ngongo gwangaveleka matunda gambone,kueketa na kuujocho pamoto.¹⁰Baada ja peniyapo vandu vaka mkonyanga vakalovolanga,''Na ngochi tutendavole?'' ¹¹Akajangulana kwa lovolelanga,''Mundu jwa vina kanjuu ibele avoe jimwe kanchu ape jwangali kanchu,na vavinachakulya na vatendi yoyapejo.''¹²Na vandu va kutosha ushuru vakaikanga kupala ubalicho,ga vakalovolela,''Amwalimu,tulendabole? ¹³Akalovolanga,''Nkotokukusanya mbiya ijingi kupeta chichitaki,chichipaligwa.''¹⁴Baachi cha akasikari vakakonyanga vakalovolanga,''Na twe bole?Tutendivole?''Akajangulanga joajula kwa machili,nkokulonga mundu jwa joa kwa unami.Nrizike na misharajirunji.''¹⁵Na vandu vakivanga lila na kulendela kristo jwa pa kuika,kila muundu awacha mutimagwake pange Yohana nga kristo. ¹⁶Yohana akajangula kwa lovoli langa voa.Nenga na batichanga mangweto kwa madui,jira ika jumwe na jwemjwe ananguvu kuliko nenga na ha ukulugula igoji ya ilatu yakwe. Apakubatichanga kwa roho mtakatifu na kwamooto.¹⁷Chipepeto chakwe chi vi mmavo kujakwe na kuchapicha maaha pa apakupepeta ngono na kukuchana ngono ni chikokwe chakwe pena,apakuteketeza mapui kwa moato na huimahopo.¹⁸Kwa makalipio majingi muo,bakahubirianga habari ja mbone vandunji. ¹⁹Yohana akakalipia Herode akolongwa va mkoa kwa kwaha Herode,aikenge va annunguna vave na kwa maofu gajingi guvatenda Herode. ²⁰Herode vakandenda maofu majingi muno mabaya.Akatava yohana mugereza.²¹Ikavokela muda gwa vandu voa kubachichwa na Yohana,na Yesu akabalichwa pia.Muda gwatenda kujupa kumbinguni ikaunikika. ²²Roho mtakatifu akateremu pananijakwe,mfano gwa mmeli gwanjeva,kwenu mudogwe lilobe likaika kuvoka kumbinguni likalobola,''Gwe mwanangu junupalia.Ndekupakia muno gwenga.''²³Na ngocheno Yesu mwene,patumbulaga kufundicha,pewa akiva na umri gwa yaaka chalachini .Akiva mwana(kama ilivyodhamiwa)gwa Yusufu,mwana jwa Eli, ²⁴mwana jwa Mathati, mwana jwa Lawi, mwana jwa Melki, mwana jwa Yana, mwana jwa Yusufu,²⁵mwana jwa Matathia, mwana jwa Amosi, mwana jwa Nahumu, mwana jwa Esli, mwana jwa Nagai,

²⁶mwana jwa Maati, mwana jwa Matathia, mwana jwa Semeini, mwana jwa Yusufu, mwana jwa Yuda,²⁷mwana jwa Yonani,mwana jwa Resa,mwana jwa Zerubabeli,mwana jwa Shealtieli,mwana jwa Neri, ²⁸mwana jwa Melki,mwana jwa Adi,mwana jwa Kosamu,mwana jwa Elmadamu,mwana jwa Eri, ²⁹mwana jwa Yoshua, mwana jwa Eliezeri,, mwana jwa Yorimu, mwana jwa Matathi, mwana jwa Lawi,³⁰mwana jwa Simeoni,mwana jwa Yuda,mwana jwa Yusufu,mwana jwa Yonamu,mwana jwa Eliyakimu. ³¹mwana jwa Melea,mwana jwa Mena,mwanajwa Matatha,mwana jwa Nathani,mwana jwa Daudi, ³²mwana jwa Yese,mwana jwa Obedi,mwana jwa Boazi,mwana jwa Saimoni,mwana jwa Nashoni,³³Mwana jwa Abinadabu,mwana jwa Aramu,mwana jwa Hesroni,,mwana jwa Peresi ,Mwana jwa Yuda , ³⁴Mwana jwa Yakobo,mwana jwa Isaka,mwana jwa Ibrahimu,mwana jwa Tera,mwana jwa Nahori, ³⁵Mwana jwa Seruig,mwana jwa Ragau,mwana jwa Pelegi,mwana jwa Eberi,mwana jwa Sala,³⁶Mwana jwa kenani,mwana jwa Arfaksadi,mwana jwa Shemu,mwana jwa Nuhu,mwana jwa Lameki, ³⁷Mwana jwa Methusela, mwana jwa Henoko,mwana jwa Yaredi,mwana jwa Mahalalei,mwana jwa Kenani, ³⁸Mwana jwa Enoshi,mwana jwa Sethi,mwana jwa Adamu,mwana jwa Nnoongo.

4¹Penapo,Ayesu vakatuelela Aroho mtakatifu,vakabuja kuvaka kulukemba lwa Jordani.Akalongoja na Aroho mulijangwa. ²Kwa machova arobaini,na kuno akashawishiwa na Ibilisi.Gono muda bangalye cha kulya,na muishogakwe vakajigoa njala.³Ibilisi akalovolela,''enda mwenga mwana jwa Nnoongo,mulilovalele liganga live nkete,'' ⁴Yesu akajangula,''Iandigwe;'mundu ngatama kwa nkete tu.⁵Ibilisi akalongalela nnongi mpaka kunani mli tombi,na ngavalangila falme yooa ja dunia kwa muda mfupi chitombi chichooko. ⁶Ibilisi akalovalala,''anumpa mamulaka ga kutawa falme yooa na ufahari gwakwe gwooa.Ne kumwecha kutendehila sababu yooa vatekugaviji nitawe,na kuvecha kumpe jwa voojula kumpe. ⁷Enda inaamile na kuabudu,ileve hii yoote ipakuve iinu.''⁸Yesu akajangula na kwalovalela,''Ijandikigwe,''Lachima muabudu Abwana Annoongo vimu,na kutumikia vena jikajave tu.''⁹Baada ja penapo Ibilisi akalongolola Ayesu mpaka Yerusalemu na kwavika kunani kulijengo lya hekalu na kwalivalela,''Mwe endamwana jwa Nnoongo,nchilekele pai kuvuka kunani kuno. ¹⁰Pakuve iandikwe,''Apakalagikianga malaika gakwe vatunje na kulendela. ¹¹Na vapakuleyakula kunani mmavokogavinji nkoto kuumia makongo gi panani liganga.''¹²Ayesu vakajangula ngavalwalela,''Ihuvulikwe,''Nkoto kujaribia Nnoongo jwinu.'' ¹³Alibiliechi a vakajomola kujaribia Yesu,akajabura na kuheka mpaka gonge muda.¹⁴Ayesu vakabuja mpaka kugalilaya kwa nguvu ja Roho,na abali kumuhusu jonejwe jikaenea na kujimuanika kumikoa ja jirani jooha. ¹⁵Atenda kufundicha mu chinagogi gavonji,na kila mundu atendekuchipia.¹⁶Lichova lino akajenda kunazareti, kwa akolelaga na kulelewa,malenga destunijavingi akajingila musinagogi lichova lya sabato,na akajema na kuchoma maandiko. ¹⁷Akakabichiwa gombo vitabu vya zamani la anabii Isaya,penyapo akalijula gombo na akapalaya pu ijandikwe.¹⁸''Roho ja Angwanavavii kunani jango,kwa chavava ja vakanekela mauta kuhubiri habari ja mbone kwa kamasikini.Atekunduma chipa nganya ntangaele uhuru kwakafungwa,na kwatendanga vangachi kulola valolange kavile.kwa vikanga huru vavagandamichwanga, ¹⁹Itakutangacha chaaka cha Abwana bapakula wena gwane.''²⁰Akaliekila gomgo kitabu vya zamani,akabujikia akiongochi va chinagogi,ga akatama pai.Mihoo ga vandu voa vu vakibanga muchinagoji vakolokianga jumwe. ²¹Akatumbula kulongela banonji akalovula,''lele liandiko liti michwe chikiloginunji.'' ²²Kila mundu akajuanikia cha akalulovola Yesu,na akajingi vakaomongwanga mane ga hekima gagavoka mukagwa gwakwe,valulanga,''Hoju kija na ga jwa Yusufu,ga eneela?''²³Yesu akalovolelanga,''Ga kweli mpakulonelanga jenyi methali kwa changunenga,''Aganga vachilamie vene,choecho chitujuine tukitende Kapernaumu,ndendage yoyopego kuchijiji ni kwinunji.'' ²⁴Ga akalongela,''Kweli chimilovo lelanga mangwetu jwakwa nabii jwa kubalika kuchilambu chakwe.''²⁵Pu mulovolelanga kweli akikege vakivanga akajingi muno kuisraeli muda gwa Eliya,muda gwa kubingu jakajugoka kukiva na ula jakwa muda gwa yaaka itatu na nusu,gonwe muda pakiva na njala ngolugwa chilambo chooa. ²⁶Lakini Aeliya jwa gatumwa kwa mundu jwa juajula,kwa mjane jumwe tu atama Sarepta karibu na chilambo cha Sidoni. ²⁷Na pakiva na akatemwe ukoma ajingi muno Israel muda gwa Elisha nabii,lakini jwangapetila hata jumwe jwa akalama ila Naamani mundu jwa Siria.²⁸Vandunji muchinagogi vakivanga na lilaka pa vakajuanga gnago. ²⁹Vakajema na kusukumia panya ja mujiri na kupelekanga kumuega gwa mji pa chitombi cha mji gwavinji vakachenganga kunani litombi,valanga kulekela pai. ³⁰Lakini akapeta salama pakatijambonji na akajabula kwachakwe.³¹Akatelemukia kukarnaumi kujinigwa Galilaya.Sabato jimwe akafundicha bkatijakwe vandu lichova lya Sabato. ³²Vakaomwanga na mafushogakwe,ka sababu akafundisha kwa mamulaka.³³Lichova limo mu chinagogi,akiva mundu jwa akare na pepo nchafu,na akaguuta lilove likolongwa,'' ³⁴Tuvi nan mwe,Yesu wa Nazareti?Uwikita kutuanga micha?Ne ni maanyi mwe gani.''Mwe matakatifu va va muungu.''³⁵Yesu akakalapila apepo achafu akalovalela,''Nkotoke manjeeva na mumooke kwa nundu jwe!''Apepo vala agwia mundufula pai pakatijavingi,chetemi akavuka kwa mundu gwanga maumivu gagoagala. ³⁶Vandunji vakamwonganga,vakaendelea kulonge kila mundu na njakuve.Valuvolangaga,''Ni manogani geneyaogo?''Aamua roho wachafu kwa mamulaka na nguvu na gakavoka.'' ³⁷Penapo habari ja Yesu zikaenea kila cheehemu pa mkoani pala.³⁸Yesu akajabula mpaka akajingila nyumba ja Simoni.Na pena akimu aSimoni vakiva na homo muno,vakalovolelanga kupembeleanga kwa sbabu ja homo. ³⁹Yesu akaegelela,akajikalapila homo gajaleka.''Ghafla tu vakajima na katumikianga.⁴⁰Lichova likatipicha,vandu vanletela akatamwa,Yesu akavekilanga mavokogakwe vakivanga na itamwe ijingi,vakalamanga voanji. ⁴¹Mapepo machafu gakavoka vandu akajingi na ga tenda kuguta kwa ngupu sana na kulovola,''Mwenga mwana jwa Nnoongo!.''Yesu akakala pilanga mapepo jwa lovohelanga vakotongelanga,vakaimanyanga kita A yesu.⁴²Kuvekuche,akajabula vakivanga hopo vandunji.Vandunji akaikanga na kupalanga kwa vile vaikanga pa vile. Vakajaribu kuzua akotokuvoka kukutolika navonji. ⁴³Ga volelanga,''Lachima na nyabule konge mbeta uhubari neno lya mbone gwa ufalume gwa Nnoongo kiilambo nyeenge ijingi pa kuve vakanduma penipeni.'' ⁴⁴Akaendelea kuhubiri mu machinagogi muchilambo chova cha uyahudi.

5¹Pavakankunyia vandu na kutindikianga Yesu na kujuanikianga neno lya Nnoongo,akijema kondo ja liziwa lya Nenesareti. ²Akavona mashua gavele gavi mupembeni mwa liziwa .Akavuvi vavokitenge na kupula mapelele gavinji. ³Yesu akakwela chombo chimwe cha mashua,cha Simoni gavajupa mukipeleke mumachi kutali kachoko na nchikavu.Atama na kupundicha kuvoka kuvoka kumachua.⁴Akalovalela,Asimoni,''mpeleke mashwa ginu mpaka kumachi majingi,na ntelemuye mapelele ga omba nlopeye.'' ⁵Simoni akajangula na kwa lobolela kilo jooa na twangapata kileve pa kuve linenolinu,mba kutega kavele mapelelelyago. ⁶Pu vakandendaga hibela vakakusanyanga yamaki ijingi mpaka mapelele gavinji kutumbula uweketaka au kutoporika. ⁷Ngavakemanga akajaboji va mashua gange ilivaikange kusaidiananga.Vakaikanga vakatwelelanga mashua gooa,mpaka mashua kutumbula kuzama au kupenduka.⁸Ga Simoni petro,Vakagavona genago,vakatindivala kwa Yesu vakalongela,''Mmoke pamba,ne na munddu jwa chapi Abwana.'' ⁹Pa kuve vaomwanga,voanji va vakibanga na Asimoni petro,kwa kulopala omba injingi puvatendagi ngite. ¹⁰Pena vakajumuikanga Yakobo na Yohana yana ya Zebedayo,vakivanga buva kashirikinanga na Simoni.Ayesu akalovovalela Asimoni,''Nkotokujogopa,kuvoka nangochenu na endelea mpakulopola vandu.'' ¹¹Baada ja kuutilanga mapelelegavungi kuu nchi kavu,vakalekanga kilevileve na kukagulanga Yesu.¹²Pakiva punyiini gumue,mundu jumwe akiva na ukoma kunokwe.Paakammona Yesu,akainama na kutindivala uso gwakwe mpaka paii na kujupa,akalovola,''Abwana,endapaile,ikombwele kundakacha.'' ¹³Pena Yesu akatondovea luvoko lwakwe na kukamu,ga lovola,''Mbala Takasika.''Na mu gola gola ukoma matana ukanleka mundu jula.¹⁴''Gavalagila nkokuluvolela mundu jwa joajola,ga akalovalela,''Nnjabule kwachinu,na nnkachilae akakuhani na nkavoe sadaka ja utakacho gwinu,tela na kileve cha Musa chaakaamu,tela na kileve cha Musa chaakaamu,kwa uchuuda kwavinji.''¹⁵Abali jikamea kuhuchu A yesu kutali mumo,na vandu ajingi vakatwelelanga kwa juanikia vakapuchichaga na kwalamianga itamujavinji. ¹⁶Mara kwa mara atendakuchitenga kuve kuvaraga na kujupa.¹⁷Likavokela linjovalimwe akapu ndichaga,vakivanga Mafarisayo na akamwalimu va sharia vakata maka popopoo,vakavokanga ijiji injingi kuvoka ku mkoa gwa Galilaya na Yudea,na kuvoka kuu mkoa gwa Yerusalemu.Nguvu ja Abwana akivanjo ja kwaponeanga itamwe.¹⁸Vandu vakaikanga,bampetwile mundu mu machela jwa atekupooza,vakapalanga pa kupeta vanyingine munyumba pa kupeta vanyingine munyumba valachange pa vii Yesu nlongijakwe. ¹⁹Vakapatanga nafasi ja kujingilanga kwa sabu ja vandu vakatwelelanga,vakaovelemuchana kunani nyumba,ga vakalemuchana pai kupetela kuigei,pati vandunji,nningi ja kabisa ja Yesu.²⁰Akalokeanga imajabonji,Yesu akalovola,''Mwa ganja chambi chivookite na nsamehiwe.'' ²¹Akaandichi na mafarisayo vakatumbulanga kulihoji lyenelyo,vakalovalanga,''Jonojwe gani alongela ga gamakufuru?Na gani jwa samehe chambi gati Nnoongo jikajakwe?''²²Pene Yesu avikimanya chi vafikirianga,akajangula kwalovolelanga,''Mbona nchikonyanga mamejimunji mmitimunji? ²³Cha cha rahisi kulongela,''chaaanki chinu mseheikwe au kulongela,Nnyeme inyeende? ²⁴Mmanyange mwana jwa Adamu avi na mamulaka kudunia ya kuchamehe chambi,Na kulovolela mwenga,''Nnyimuke,ntole majila ginu na nujabule kwa chinu.'''²⁵Akajimuka nlogijavingi akapetula machela gala gwa akagolokela.Pena akavuja kwa chakwe akatucha Nnoongo. ²⁶Kila mundu akaomwanga na kutucha Nnoongo.Vakivanga na hofulwasiwasi vakalovolanga,''Tugamwene ganga ga waida leleno.''²⁷Baada kuvokela genago,Yesu akavoka na kumwona jwa toza ushuru jwa vankema lawi atamite eneo lya kukusanyakia kodi.Gavalovolela,''Nngagule.'' ²⁸A lawi vakanyanyuka na kukagula,akaleka kila kilewe nyumma.²⁹Alawi vakaanda kwa chave karamu ngolongwa kwa ajili ja Yesu.Vakivanga va kutocha ushuru ajingi na vandu ajingi vakatamanya pamecha vakalenganga pamwe. ³⁰Na mafarisayo na aandichi vavonji vatendakwanungunikianga avanapuchi,vakalovolanga,''Pa vo nniganga na kunywe na akatocha ushuru na vandunji vuvakilingi na chapi?'' ³¹Yesu akajangula,''Vandu va afya ja mbone ga mpalanga tibabu,jwa vavalwalanga vavampalanga mtibabu jumwe. ³²Nangaika kwakemanga va haki vapatange kutubu,ila kwa kema vuvanachambi bapatange kutubu.''³³Vakalovalelanga,''Vanapuchi va Yohana puvatendanga kufunga na kuchali,na ganapunji ga Mafarisayo vatendanga hela hela.Mbone avanafuchimimi kulye na kunywenganga.'' ³⁴Yesu akalovalelanga,''Iwechekine mundu akatendaga vavavilingite kwa harusi ya bwana Arusi kuteva wakati Sawa na Arusi tangu vavi pamwe na venavo? ³⁵Machova gavakuwika muda Abwana Arusi pakwavoa pachave,ga genago machova ga vakutavanga.''³⁶Na Ayesu vakalongela kwa mfano,''Jwakwa jwa apasula kipende cha ngovo gakwe jampa kuveka kwa govo ja lolo.Andatendite ilela apakupasula govo yoono,na kipande govo na kuvika kivazi lya mpya chakuveka kwa ngovo za zamani.³⁷Jwakwa mundu jwa veka divai jampya kukiriba cha lolo.Andatendite yeneyo,divai jimpya jikapachile choombo cha mpya,na divai jikajituke na yombo ile iliba vikaaribike. ³⁸Lakini divai jampya lachima vaveke kuu chiriba cha mpya. ³⁹Na jwakwa mundu baada ya kunywe divai ja loolo,kupala jompya,kwa chababu kulovola,''Ja loolo ja bora chwaapi.'''

6¹Lichovo limwe lya Sabato Ayesu vakapeta katika ja nnyoonda na akanaanafunzi vakwe,vakavanga maache,na kutikitila mu chiganja na kutamanga. ²Lakini bangingi mafarisayo vakalovolang,''Ligambu ni chitendanga na ngalali kichali kutendanga lichova lya Sabato''?³Yesu,akajangulanga,akalovola,''Mwangachomanga cha tenda Daudi pa akave na njala,jonojwe na akivalome vakivanga pamwe najo? ⁴Akajabula kunyumba ja Nnoongo,na akatola mikate mitakatifu na kulye baajijakwe,kwapaganga vandu vyalyangange,na jakiva alali ja makuhani kulye.'' ⁵Na akalovola,''Mwana jwa Adamu ga Bwana jwa sabato.''⁶Likiva lichova lya Sabato akajendamu sinagogi na kwafundichanga vandu kuno.Pakiva na mundu jumwe luvokolyakave lya lilo lukapocha. ⁷Akaandichi na mafarichayo vakalolekeanga kwa mbone cha kupangana apakuponea mundu lichova lya sabato,pena vapate sababu ja kutakiananga kutenda likocha. ⁸Akaimanya chi vafikianga na akalavola kwa mundu mtamwe jula jwa kupooza luvoko,''Mmoke nnyeme panipani pakati vandu.''Mundu akajema palapala.⁹Yesu akalovola kwabonji,''Nnndekunkonyanga mangwetu,ni halali lichova lya sabato kuteyambone au kutenda au kualibia?''Akalokianga vooa na kulovolela munndu jula, ¹⁰'' Nnyooshe luvokolwinu.''Akatenda hila na livoko ¹¹lwakwe lukapona. Penapo vakivanga na hasira,na kulongelanga mundu na mundu,vatendange bale kwa Yesu.¹²Ikavokela lichova limwe akajabula kumilimani kuchwalila kuomba.Akajabula kilo chooa kujupa Nnoongo. ¹³Kundavi,akakemanga akamafunji vakwa kwachakwe,na kwachagulanga akomi na avele kati jambonji,akakemanga ''mitume''¹⁴Maina ga mitume gakiva Simoni (akakema Petro)na Andrea anunguna vave,Yakobo,Yohana,Filipo,Bartolomayo, ¹⁵Mathayo,Tomaso na Yakobo mwana jwa Alfayo,Simoni,vakemanga Zetolejwa , ¹⁶Yuda mwana jwa Yakobo na Yuda Iskariote,akachaliti Yesu.¹⁷Pena Yesu akatuluka nabonji kuvoka kumilianani na kujema pa nchi sawa ja kunokwe,pamoja na idadi ngolongwa ja vandu kuvoka Uyahudi na Yerusalemu,kuvoka kupwani ja Tiro na Sidoni. ¹⁸Vakaikanga kujoanikia na kwaponeyanga magonjwa gavinji.vandu va vasukanga na mapepomachafu wakala manga. ¹⁹Kila mundu apalakugusa kwa kuve ngufu ja kwaponyeanga jakivabadhi ya ngovoyakule.²⁰Alofu akalokeanga anafunjivakwe,na kulovola,''Ntekubarikiwanga vi akamasikini,Pa kuve ufalme gwa mungu gwimunji. ²¹Ntekubarikiwanga muno va binginge na njala nangocheno,mpakujukutnga .Nte kubarikiwanga bu nguta nga na ngocheno,maana mpakuekanga.²²Ntekubarikiwa mvandunji va vapakuchukianga na kutenganga na kushutumianga pakuve akaovanji kwa ajili ja mwana jwa Adamu. ²³Mfurahangaje na kugolokagolaka kwa kufwalia.kwa maana hakika mtakuja kwa na thawabu ngolongwa kumbinguni kwa akatakivinu vakatendeleanga yoyoo peyo manabii.²⁴Olegwinunji muminginge matajiri mpatingite furajinunji papaapa. ²⁵Olegwinunji mujukuutinge nangojeno mpakujibonanga jala baadaye.Olegwinunji muhekanga nangojene!Mpa kuehondelela na kuguta baadaye.²⁶Olegwenunji,puvapakusifia na vandu vooa!Pa kuve akatativimunji vakate ndeaga manabii va kuami ileila.²⁷Ne nongela kwa mangweto bu mpenakianga.mwapalange akadui vinunji na ntendagage ga mema kwa vavachukinga. ²⁸Mwabarikiange bubalaingi na majipelange vavammonelanga.²⁹Bubampota lishabulimwe,magenzie lishavu lya bele,Ende mundu jwa mpoka lijolinue nkotokukanikia kanju. ³⁰Mumpe kila channyupa.Mundu apoka kileva cha mali jinu,nnkoto kunyupa amungikie.³¹Pumapatenga vandu vantendelange,na mangweto matendelange yoyopeyo. ³²Pamapendanga vandu vavampenda mangweto,na jene thawabu gani kwinunji? Hata jwa chaambi vapendanga vu va vinachambi elela. ³³Puvatendalanga wema na mangweto ndendage mema,hathawabu gani kwachinunji,navavavingi na chaombi vatendanga yoyoyopeyo. ³⁴Na pumakopeshanga ileve kwa vandu na kuimanji vapakuvuyanga jene thawabu gani kwachinunji?Na vuvavi na chaambi,na magemeanga kupokela kiasi chochochoo kavile.³⁵Mwapalange akadui vinunji na mwatendelange gambona.Mwakopeshanga na nkotokuve na shaaka kurrushianga na thawabu jinunji ji pakuvengolungwa.Mpakuveganga mmananji jwa vi kunani,vandu vanga shukurani na akaofu. ³⁶Mmegange na na huruma,malinga Atati vinunji vu vavina huruma.³⁷Nkoto kuhukumu,na mangweto.uhukumiwanga hopo,Ntokokulaani,na mangweto nnaliangahapo,masameheange,namangweto mwenga mpakusahewea.³⁸Mwapegange panginji mpakupengwanga.Kwa kiasi cha kukarimiwa kishindiliwa mpaka kujitika,kipa kujitika pamakongo ginunji.Chipemo chi mpemela na chene chivakupokenela mangweto.''³⁹gavalovolelanga mfano gonge.''Mundu jwangolola kuwezekana kulongelela na jwangalolo kingama myuma?Endavatendite yeneyo,bai voanji vapakutumbukilanga mulivomba,Bumoa gati kutumbukilanga? ⁴⁰Mwanangu have nkolongwa kuliko mwalimu gwakwe,lakini kila mundu endafundishwe kwa uhakika apakuve malinga mwalimu jwakwe.⁴¹Gavole kukilokea kivanji kuu lio lya nnungunagwenu,na liboliti kulio linu galolokea? ⁴²Uwecha bule kulovolela nnunguna gwenu,''Matitu,nimmoe n kibanzi kivii mu lialinu,na mwee ngalola libouti lilivnu liolinwi manene?Mwanafiki mnenga!Kwanza mmoeote kuu liulimi,na mpakulola safi na kuvoa liulinu,na mpakulola safi na kuvoa kibanji ku nnunguna gwinu.⁴³Gwakwa nagongo gwa chwapi gwambone gu zaa matunda gavou wala gwakwa nkongo gu mmoungu zaa matunda gambone. ⁴⁴Kila nkongo umanyika kwa matunda gakwe.kwa sababu vandu valokotanga hapo tini ku nkongo gwa miiba,wala galokota zabibu kuvoka kuu nchongoma.⁴⁵Mundu jwambone azinajakwa ja mojo hwa chwapi kwa wema gwake,na mundu uovyo hajina mbou kuvoka kwa mambo mavougwa mojogwakwe.Lugomolyake atanga gaga vi mojogwakwe.⁴⁶kwa sabagani,nngema,''Abwana,Abwana;na tango mtendahopo ga nongela? ⁴⁷Kila mundu jwa ika kwa nenga na kugajoa manenogangu na kugakamulia maengo,mmbokunangilanga mifano jakwe. ⁴⁸Ipakulandana na mundu jwa jenga nyumba jakwe,na kuemba pai sana na kuchenga nsingi gwa nyumba kunani ka mwamba imara. Mafuriko pugaikaga,maporomoko ga machi gagatikisa nyumba,lakini ja ngatikisika,pakuve jikangwa kwa mbone.⁴⁹Jwajoajula jwa jua bilobe na jwa ngatii,mfano gwakwe mundu jwa achengite nyuma kunani ja aridhi pangali na nnsingi,lukemba ikai shukia kwa nguvu,jikabomoka mara,na mangamichi gakiva jewe nyumba makolongwa.

7¹Baadaja Yesu kujomola kila kileve cha akalovola kwa vandu vavakanyuanikia,akajingila ku kapernaumu.²Ntumwa fulani akiva jwa akida,jwa kiva na thamani kwachakwe,akintamwe muno nakaribu ja kujomoka. ³Na akajoa kuhusu Yesu,vena Akida,jwa kiva na thamani kwachakwe,akintamwe muno nakaribu ja kujomoka. Na akajoa kuhusu Yesu,vena Akidavovakiva akiongozi va kiayaudi,vakanyopa akike kuhokoa ntumwa jwakwe akoto kuwe. ⁴Pavakaika karibu ni Yesu kuchondolela kwa bidii mumo nakulovale,''Muntendeleyeneyo juno mundu junojwe ceneli lovevilo, ⁵Atekulipala sana litaifa lyakwe,na juno atekujenga masinagogi kwa ajili jitu.''⁶Yesu akaendelea na mwonja pamwe navonji.Kabula ja kuendelea kutaali ja nyumba,aafisa hamo akatumanga akajanja kulongenajo,''Abwana nnkotojutolokela va vene kwa sababu range ksutaili hupo mwe kujingila kudari jangu. ⁷Kwa chababu nangafikiriaa ne namwenekufaa kuika kwachinu,Lakini nnongele lineno limu tu na ntumishi jwangu alamage. ⁸Na nenga namundu ju mekitwe kumamulaka na pina akasikari vangu.Kulovola kwa huju,''Nnyabule''nakujabula,na kwajunge,''Nke na kuika,kwa mtumichi jwangu,''Ntendehichui na jumwekutendaga.''⁹Yesu paakajua genago akashaanga,na kwa lakianga vandunji vavankalagulangaga na kulovo.''Nnalolelanga,ata ku Israeli,nanammono hupo mundu jwa lima ngolongwa malinga hojo. ¹⁰Vavakatumanga vala vakabujanga kwa chavinji na kunkolela ntumwa jula alamite.¹¹Baadeye kachoka,Yesu ikavokela kuvoka mwanja kujiri gu mjini kemwa Naini,avanafuchivake na mwene na vandu ajingi. ¹²Pa aika karibu ja nlyango gwa kujini nlole,mundu ajomuike na vakaputolanga,na mwane jwa gikaeku nyongomundu,akiva jwanga ahalome na vandu vakweka kuu njiini vakivanga pamwe na Yesu. ¹³Pa akamwona,Abwana akaegelea kwa huruma muno ja nnyongolo na akalovalela,''Nkotokugita.'' ¹⁴Na akaengelela nnongikachoko akakamula lijeneza lilikiva na mmele,vandu vavakapetula vakajemanga ga akalovola,''Nchanga nnovo nnyimuke.'' ¹⁵Jwa akamejola akajimuka na kutama pai na akatumbu kulongela.Yesu akape amamamundu.¹⁶Bakajogepanga voenji penipala,wakaendeanga kutukucha Nnoongo vakalongelanga,''Nabii nkolongwa avi mutubilingite moni,''na Annoongo valolitinge vandu vakwe.'' ¹⁷Heje ganiki jeneji ja Yesu zikaenea Yudea joa na mikoa ja jirani.¹⁸Akanafunji va Yohana vakanletea jene habari joa. ¹⁹Na yohana akakemanga anafunji vake avele,akatuma kwa Abwana vakalovole,''mwe ga vavala vaika au avijonge mundu tulolele? ²⁰Pavakaikanga kukaribia kwa Yesu vena vakalovolanga,Yohana abatizaji atutumite kunu mwenga kulovola,''Mwe ga jola jwa ika au avi munu jonge tulollele?''²¹Gono mudogo akaponie vandu ajingi kuvoka kumagonjwa na matecho,kuvoka kwa roho akachafu,na kwa vandu vangalola kwape kulola kabele. ²²Yesu akajangula na kulovola kwa vonji,''Baada ja kujenda kubokitinge nkalovolele Yohana chichibweni na kujua.Vavakibanga akapofu vakapokea kulola na nangwava kujenda,va ukoma matana kutakachikanga ,vanga joa kujua vavamilinge vakavuvuka na kuve vamomi kavele,akamasikini kwa lovalela habari ja mmbone. ²³Na mundu jwaleka kuamini nenga kwa itendojngo vena vabarikiwe.''²⁴Baadaja vavakatuma Yohana kubuja kuvavokitinge,Yesu akatumbula kulongela kwa vandunji juu ya Yohana,''Nkajendanga panja kulola ni,nnai ukatikikisika na upepo? ²⁵Nkajabulanga panja kulola kiniki,mudnu jwa kindite chwapi?Mulole vandu vavakwindite mavazi ga kifalume na kutama maisha ga starehe va vinginge kunasa za kifalme. ²⁶Nabu nkajendanga paja kulola ni,Nabii?Helo,novpla kwachinunji na zaidi muno kuliko nabii.²⁷Huju ga jwaandikilwe,''Nnolange na tuma nnjumbe jwangu pa mioginunji jwa pakuandaa ndela kwa ajili jango. ²⁸Nonge kwa chinunji,kati ja avelwike na muikeje,jwakwa mkolongwa kupeta Yohana,lakini mundu jwangamuhimu muno jwa pakuishe na Nnoongo pa vile apakuve munahota kuliko Yohana.''²⁹Na vandu voa vakajoanga na akatosha ushuru,vakatangachanga kwa Nnoongo kwa abi na Haki.Vakivanga pia vavakabatizwa kwa ubaticho gwa Yohana. ³⁰Vakivanga mafarisayo na akataamu va chali ja kiyaudi,vangabatichwa na juno vakakananga hekima ja Nnoongo kwa sababujavinji achiveninji.³¹Abwana akalovola,mbakuhandakianga?vandu va va uvelei hogo?Na valandaninge na mangweto? ³²Valengana na vana va vainanga kulieneo la soko,vavakema na jumo baaja junge vakalongelanga,''Tujembite filimbi kwa ajilijinunji,mwangainanga,tukaveki la manga gotanga!³³Yohana mbatichaji akaika jwangalye nkate wa la kunywe divai,na nkalovolanga,''Avina mapepo. ³⁴Mwana jwa Nnoongo aike alile na kunywe na nkalovolanga,''Nlolange kutondoka na alevi,akaganja va kutosha ushuru na vapambinji! ³⁵Lakiini hekima jimanyikike ja haki kwa vana voanji.''³⁶Jumwe jwa mafarisayo,akanjopa Yesu akalyenajwe.Na Yesu akajingila ku nyumba ja mafarisayo,akaegemea pamecha alye. ³⁷Akabe mwinkege jumwe ku gono njiinogwe akiva na ehaambi,Akaimanya akatama kwa farisayo,aleta chupa manukato. ³⁸Akajema kunyuma karibu na makongono gakwe avi kuguta .Na viguguta manjochi gakwe gaololelaga kumakongo ga Yesu,afutaga kwa nywele jakweza kubutujakwe ,aka ibusu na kupakaya manukato.³⁹Na mfarisayo aliye mwalika Yesu pa akalola ganago,akawacha mwene akalovola,''Kama hujo mundujo akavi nabii,akaiimamji gani na mukenge gani jwa agusogo jwa zaambi. ⁴⁰Yesu akajangula,''Simoni mba kulovolela chileve,''Akalovola,''Nchilovole tu amwalimu''⁴¹Yesu akalovola,''Vakivanga vandu avele vakakopanga kwa mundu jumwe jumwe akadiwe dinarimia nhamo na jwa vele akadiwa dinani hamusini. ⁴²Vangakivanga na ela ya kulepa akasawechanga voa.Na ngochi gani apakupala zaidi? ⁴³A Simoni vakajangula na kulovola,''Mona ju ela ijingi,Yesu ga lovalela Simoni uanuii ya mbone haki.''⁴⁴Akantendemuki mwikenge jula na kulovolela Simoni,Munkege jola mumeni?Nga jingi mu nyumba jinu,mwangambe machi kumakongono gangu,nambu hojo kwa majochi gakwe,akagajoya makongono gagu na kuungula kwa nywele jakwe. ⁴⁵Mwenga nusu,lakini hojojo,tangu bu nyingite mombo jwa ngaleka kumuchu makongo gangu.⁴⁶Mwanga mbakaya mauta makongono gangu ga mamkato. ⁴⁷Kwa chenekitewecho,nanlovolela akiva na chamba nyingi asamehiwa zaidi,na akapala muno,Na jwa samehiwa kachoko apala kachoko ila ila tu.''⁴⁸Yesu akalovolela mwikege jula,''Yambi iinu isamiikwe.'' ⁴⁹Va vakatama pamwe vakatumbulanga kulongelanga akina veninji achina veninji,''Jono ganiki mpaka kuchamee chambi?'' ⁵⁰Yesu akalobolela mwikegejola,''Imani jinu jihokwie.Nnjabule kwa Amani.''

8¹Ikavokela nuda gonge nchokooYesu akatumbula kusafiri ku miji na kuijiji pamba na papala,avikuubiri na kutangacha abari jeema ja ufalme gwa Nnoongo na akamitime koni na avele vakivanga pamo najo. ²Na akaikege fulani va vakapanyanga kuvoka kuu pepo roho akachafu na itamwe mbalimbi.vakiva Mariamu va vakema Magdalela vakavo mapepo saaba . ³Yoana anova kuza na ameneja va Herode,Susana,na akikege vanginji ajingi,vakavoanga malija vinji kwa ajijamonji.⁴Baada ja vandunji kukusanyika pamo,vakivanga na vandu vakaikanga kuvoka miji mbalimbali,akalongenavo kwa kutumia mifano. ⁵''Jwapandite mbeju,pa akapanda,yenge mbeju ikaangukia kando ja ndela,ikalevatwa na makongono,na ijuni ya kunani ikalye. ⁶Mbeju yenge ikatola pa udongo jwa miamba na pu ikamela na kuveonga ikanyalika pa vena unyevunyevu.⁷Mbeju yenye ikaangukia kumikongo ja miiba,na jene mingongo ja miiba ikakola pamwe na yene mbeju na ikasongomana. ⁸Lakini mbeju yenge ikatola ku udongo gu faa ikaapambika mara pavile muno.''Baada ja Yesu kulongela gena malovego,akatondovea lilobe,''Jojoajula jwa abi na masikilo ga kujua na ajue.''⁹Na akanafunji vakwe vakangonyanga maana ja jenemifani. ¹⁰Yesu akalovolelanga,''Mpatitinge upendeleo kumanya siri ja ufalme gwa mungu Nnoongo lakini vandu vanginji kafundicha kwa mifano,pa kuve,''Vakulola vangalola na vajune vangaelewa.'¹¹N gono gwa maana ja mfano mbeju ni lineno lya Nnoongo . ¹²Mbeju ja ikatola nyenye ja ndela ga andu va vakajuanga lilove,na baadaye aofu chetani ga kutolenga mu ntima gwakwe,ili vakotekuamini na kuokoka. ¹³Na yenye ga ikaangukia ku mwaruba na vandu va kujua lineno na kufurahia lakini va ngega,na vaami tu kwa muda nchooko,na pa muda kwa majaribu kugwanganga.¹⁴Na ja jikalola ku miiba ga vandu vavajuanga lineno,na pu vaendelea kukola vasongwanga na uduma ja utajiri na ubora gwa maisha na gaveleka matunda. ¹⁵Mbegu ikatola ku udongo gwa chwapi ga vandu,vakunyenyekea na mitima javinji ja chwapi,baada ja kujua lineno kulikamulila kuusalama na kuzaa matunda ga chwapi na kuvumilia.¹⁶Na ngojeno,jwakwa ha jumwe,jwa awasha lumili na kuwekela kwa bakuli au kuveka kuu chindanda.Baada ja kuveka kukinara cha taa kila jwa jingila apata kujivona. ¹⁷Pakuve chakwa chichipa kuikwa changavonekana aucha choa chela cha siri cha kuvone pa kuve kiviku kuwangacha.Mmema kivi muno pojuaniki.kwachababu chiminacho mpakuzidishiwa,jwa benacho kachoko kipakutoligwa. ¹⁸Baadaye vakajindelanga amamanundu Yesu na akanunguna vakwe vanga wechanga kukaribia vakivanga vandu ajingi.''¹⁹Akataarifa,''Amama vinu na akanungavinu vavingingi paanja vapala kumona muenga. ²⁰Lakini,Yesu akajangula''Amamavangu na akaamungunavangu vavanyunikia ninenolya Nnoongo na kulimanyiki. ²¹Ikavokela lijova limo Ayesu na vanafuchivakwe akaovekala mu ntumbwi na akalovalela,''Tujomboke upendejwa pili gwa litanda liziwa''vakaanda mashugavinji.''²²Ikapatikana linjova limo kati ja linjova lyela ayesu na vanafunzi vave vakakwela monimola muntumbwi na akakongolela,''Na tujombokee kunng'ambo ja vele vele ja livele ''vakaandaa maisha gawo. ²³Pavakatumbulanga kuvoka,Yesu akagoloka kugono,na dhoruba ja hata li na upepo,machua javinji gakatwela machi vakivanga kuatari.²⁴Vanafunji vakwe vakajindanga kunyimu,vakalovolanga,''Mwanahota 'mwanahota,tu vi karibu ja kujomoka!Baada ja kujimuka akaukalapila upepogula na mawimbi ga machi gakatulia. ²⁵Na akalovolelnga,''Imanjimunji ji koji?Vakajogopanga,vakalongelanga kila mundu na nnyakwe,''Juno ganiki,mpaka kuamulicha upepo,''na machi mpaka kuutii?''²⁶Vakaikanga ku mji gwa Gerasini gu vi upandi gwa kunyuma ku Galilaya. ²⁷Yesu paakaturuka na kulevata paaridhi,akakonajo mundu jumwe kuvoka ku njini,jono munduju akiva makakala ga luvendu.kwa muanyingi jwanga wala ngovo,na atamaopo ku nyumba atama kumakaburi.²⁸Pa akammona Yesu akaguta kwa muno,na kugwe pai nnongijakwe,kwa lilove likulongwa akalovola,Ndeichini kwa chinu,Yesu mwona jwa Nnoonge jwavi kunani?Na nnyupa nkotokumbe adhabu nenga'' ²⁹Yesu akaamua roho nchafu ammoke mundujula,mara pajingi akapagawa,hata akalendwa na kutavwa na minyororo na pingu na kutavwa na minyororo na pingu na kuvikwa pa ulinzi,atenda kuiketa na kuvutukila kumanyai na mapepo machafu.³⁰Yesu akankoga,''Linalinu mwaganiki?akajanga akalovola,''Legioni''kwa maanaja mashetani mapepo majingi ga nyingile. ³¹Vakaendeleanga kujupa tukotokunyingi la kulivomba.³²Likundi lya magorove gachungwa kulitombi,mashetani gajupa gakajile mu magore.Akagaruhusu kutenda gana. ³³Mapepogala gammoka mundujula na kujingi mmagorove,na likundi likavutuka mpaka kulitombi mpa kulitanda vakajingilanga vaanji.³⁴Vandu va vakachunganga magorove gala pa vakavona chichipipetile,vaka vutukanga na vakavanyanga taarifa pa njini na mijini jijitindile. ³⁵Vandu pavajuanga genago vakajabulamga kulola chichipitile,na nakujendanga kwa Yesu na kurumona mundi jwa pepojula gahamite mapepogala,akawala chwapi na juna akikijakwe ja mbone ,na atamite kumakono ga Yesu,na vakajogopanga.³⁶Mundu jumwe akalola chichipitile akatumbula kwasimulianga vandunji pa akiva na mashetani mapepo machavu pandendaga na nangocheno kunamia. ³⁷Vandu voa mkoa gwa wagenirasi na maeneo gagatindile vakanjupa Yesu avoke ajabule kwa chakwe vatenda kujogopanga.Nakajingi mu mtumbwi avuje.³⁸Mundu jula jwa akalamajula na mapepo akampembela Yesu ajabu najo,lakini Yesu ajabula na akalenge. ³⁹Mmuje ku nyumbajumu na nkavalange goa ga ntendi Nnoongo''Mundu jula akavoka,atangacha pa jini goa gala ga akandende Yesu.⁴⁰Na Yesu akabuja na kukaribichanga,penavoanji vatenda kulendelela. ⁴¹Akaika mundu jumwe linalyakwe Yairo jumwe kati ja iongochi mu sinagogi.Yairo akagwe pa makongo ga Yesu na kuchondalela ajabua kwa chave. ⁴²Pakuve akiba na mwana jumwe tu munkege,akiva na umri wa mika kombi na ivele,na akiva karibuja kujomoka.Na pavakajendaga,vandunji vakivangajingi mupo vatendakusongomanga.⁴³Munkege jumwe jwa licholocholo yaka komina mivena akiva penapo akajomola ele yakwe yoa kwa aganga hata jumwe jwa kuponia. ⁴⁴akaika kuu nyuma ja Yesu na kamula lilombola lya ngovo yakwe na mara jimwe damu jikaiba.⁴⁵Yesu akalongela,''Gani jwambapaya?''pavakananga voa,petro akalovola,Abwana Anahota,vandu vatekunjimbiganga,vavanchukumanga na kunokola.'' ⁴⁶Yesu akalongela,''Mundu jumwe akangamula,maana naimanji makakala jivokite kwachangu.''⁴⁷Mwinkege pa akavona ngakombola kuimbilile akegelela karibu na avikutetemela,akagwe nnongi jakwe,akalovolela pavandu chababu ja kukamula na pa akaponagwa gafu. ⁴⁸Mara akalovola,''Binti imanijinu jijitende nname,jabule kwa Amani.''⁴⁹Pa aendelea kulongola,mundu jumwe akaika kuvoka kwa nyumba ja kilongoi ja sinagogi,akalovola,''Binti jinu ajomnike.Nko kuchumwa mwalimu.'' ⁵⁰Pa akajua Yesu genago,akajangula,''Nkokujogopa,Amini tu na apakukolewa.''⁵¹Pa akajingila ikatiomo,jwanga ruhusu hata mundu junne kujingila nako,akajingi na Petro,Yohana na Yakobo,awawamundu bintijola na amamamundu. ⁵²Vandu voa vatekuombolecha kwa sauti kwa ajili ja nchiva,Yesu akalovola,''Nkokakupiga makelele, jwangajomoka,atc kugoloka tu.'' ⁵³Vakaekanga kwa zarau,vakaimaja ajomwike.⁵⁴Akankamula luvoko na kulongela kwa sauti,akalovola kijana imuka. ⁵⁵Roho jakwe jikammujira kavele.akavoka magovo jojojo.Akaamulicha apegwe chakulya. ⁵⁶Akazabakwe vakashanga,akalovolelanga vakoto kwa lovolelanga vandu chi chikatendeka.

9¹Akakemanga komi na avele pamwe,akapeganga uwecho na mamulaka ga kuvua mapepo na kulamia itamwe. ²Akatumanga vapete kulumbiri ufabume gwa Nnoongo na kulamia itamwe.³Akalovolelanga,''Nkotokupetula chachaochelamu mwaja wala fimbo,wala nkova wala nkete,wala ela wala kupetula kanju ivele. ⁴Nyumba jajoajela ji pakujingilanga ntamange muenomo mpaka pu pakuvoka.⁵Na vangali kupokelanga,pupakuboka gonojimiongo,nkungundage matukunda mmakonoginunji gono ushundagwa vinji.'' ⁶Vakavokanga na kupeta mwijiji,vatangacha abari jambone na kwalamia vandu malapoa.⁷Na Herode,atawala,vakajua goa gagatendekwa na vakiva lula sana,kwa chababu vandunji valoilanga Yohana ayokite ku wavu. ⁸Vanjingi valova Eliya aike,vanginji labola jumwe kati ja nanabiliva lolo ayokite. ⁹Herode akalovola Yohana nakaeta mutwe,gani kavele ju nanyua gena mamboaga gagatendeka?Apala kummbona.¹⁰Akatolanga mitume baada ja kujanga vakalovola yoa ya vatendangaga,akatolanga,akajenda navo kufaraga mpaka muji gumwe gu gukemanga Bethsaida. ¹¹Vandunji vakajoa na kukagula na akakabishanga,na kulongela navo kuhusu ufalme gwa Nnoongo,na kaponea vavapalanga kuamanga.¹²Lichova likatipika vava komi na avala vala vakajenda kwa chakwe na kulovola,''Mwatawanye vandu vajendange kuchijiji oya kuikanie kunyini vakapalange pakupomolela na chakulye,pu tuvipano lieneo la kulipalo.'' ¹³Alovolelanga,''Mwapegange cha kulye.''Vakalovolanga .''Twanga zaidi ya ipande nhano ja mikate na yamaki ivele,tukajendite kuemela chakulya kwa ajili ya vanduava.'' ¹⁴Vakivanga akilalane efu ihaano akalovolela akapunchivakwe.''Matamikange pai kumakundi ga vandu hamudini.¹⁵Vakatandanga ga akalovola na vandu vakatamanga pai. ¹⁶Akatolla mikate mihano na yamaki ivele akalola lunani kumbinguni,akaibaliki,na kumegana kunipende,akapaganga akanafunji vakwe na viiveke nlongi ja vandu. ¹⁷Vao vakalyanga vakajukutanga na ipande ya yakulya ilaigala,ikalokotwa na kutwelea ikapukome na ivele.¹⁸Akivanga navo,pa jupaga jikajakwe,akafunjivakwe vaki pamo akakonyanga akalovola,''Vandu valovolanga ne na gani?'' ¹⁹Vakalovolanga''Yohana ni mbatijaji,vangi valovo Elia,na vangi jumwe jwa zamani kivele.''²⁰Akalovolelanga,''Lakin mwagote mwenga ne nagani?'Akajungula Petro mwe na Yesu kuvoka ku Nnoongo''. ²¹Yesu aakaayanga nkotokulovola kwa mundu genago, ²²Akalovola mwana jwa Adamu lachi ma atesike kwa mambo majingi na ukanigwa akazee na makuhani akakulo na akaandishi va habari na apakugomigwa,na lichova lya tatu apakuyoka.²³Akalovelelanga voa,''na avi jwa joajula apakungagula,achikaniuti jwene,atole nsalaba gwakwe kila lijuva,na angagule. ²⁴Jwa pa kujinga kugaokoa maisha gakwe apakugaova,lakini jwa pagao maisha gakwe kwa faida ja jangu apakugaokoaa. ²⁵Cha chakufaidi abinadamu,analovapatite ulimwengu goa,na kuoa au kupata hasara ja nafsi jave?²⁶Jwa joa jwakulola aiku nenga na maneno gango,kuvenavyo amwana jwa Adamu apakunonea aiku pa kutuku gwakwe,na atukufu gwa Atati na malaika matakatifu. ²⁷Lakini ninovolelanga ukweli,vavingingi vange rikatijinunji vajema hapa,vao njaje opo kiu mpaka vananga ufalme gwa Nnoongo.''²⁸Ikavokela baada ja kulongela genago malove Yesu akavoka akatolanga pamo na Petro,Yohana na,Yakobo,vakaovokela kulitombi kujupa. ²⁹Pa ombaga,surajakwe jikabadilika,na mavazi gakwe gakiva mauhu na gakungala.³⁰Vakivanga akinalome aavele va vikulonge najo,''Vakilanga Amusa na Elia, ³¹vakavonekana kutukufu,valongela kuhusu kuvoka kwakwe,lijmbo likakaribia kutimicha ku Yerusalemu³²Na ngochi Apetro na vanginji vala vakivanga pamo vakivanga malugono kwa kutopa,pa vakajimuka,vakauvona utukufu gwake na akanalome vala vava kajimanga pamo najo. ³³Ikavokela ene,puvakavokanga ku Yesu,Petro akalongela,''Bwana,ikaviyambone twe tutamee peniponi na tutengeneche makazi ga vandu atatu.Thalokie chimwe kw ajili jime,chenge cha Musa,na chinge cha Elia.''vangachimanya chivalongela.³⁴Pa valongela genago,likaika liunde likawekelanga,na vakajogopanga pa vakajingila kuliwinguko. ³⁵Lisauti likavokela kuliwingu na kulovola,''Jono mwananga juni hagwile.Munyonikiange jonojwe.'' ³⁶Lilove palikwa jomokela,Yesu akiva jika,vakatamanga kimya na gena majuva goa vangalongelanga cha bichiningi na chi vakijua.³⁷Licho lilikaika baada ja kuvoka kulitombi,vandunji kajingi vakakona najo. ³⁸Nnole munalome jumne kuvoka ku vandu vajingi akaguta kwa silove litondovau akalongela,''Amwalimu najupa mulole mwanangu,pa kuve juno mwanajwe jwa pekee. ³⁹Roho chafu kukamuu na kupiga jenga na kuchanganikiwa na kuvoka lipofu kukano jakwe,naye kumokwakwe kwa shida,na kuve na maumive makali. ⁴⁰Nalovola ga vanafuchivinu vammoye vangakombolanga.''⁴¹Yesu akajangula akalovola,mbona mangaimaninji,ntekupotokanga,mbakutaamanga pamonji,kumpetulanga mpa lii?munete mwanagwinu pambani.'' ⁴²Kakombo jumwe akaika,roho mchafu akagwia pai na kuticha kwa fujo lakini Yesu akajikalapila roho chafu,akannamia nkakombo jula,na na kukabichi kwa atatimundu.⁴³Vaa vakaimopanga ykolo gwa Nnoongo,lakini pa vaomwangaa vaabji manho gaa gagatebdikwe ,akalovola kwakifunafuchi vakwe. ⁴⁴''Malove gatamange mmasikilo ginunji,pa kuve mwana jwa Adamu apakuvekwa mmavoko ga akabinadamu.'' ⁴⁵Lakini vagaelewanga mana ga gena malovego,na gakaiigwa mmiogavivinji,vakotokuelewa,vakajogopanga kunkonya kuhusu byenchilovelyo.⁴⁶Vakatumbulanga konyananga,gani jwa apakuve munahota katijavinji. ⁴⁷Na Yesu akaimanya pavahojiananga mmitimajavonji,akatola mwana nchokochoko,akabika karibu ja mwene, ⁴⁸Na akalongela,''mundu jwa joajula endampokile mwana mahokochoko malenga hujojo kwa kiiina lyangu, ambokile nenga,na jwa mbokile nenga,akokile jwa nandumite neng,pakuve jwari nchokochoko kati jinunji ga jojojoo nkolongwa.''⁴⁹Yohana akajangula,''Abwana ,tukammona mundu agavenga mapepo machafu kwalina limu na ataziwia,''pa kuve jwangaambatana na twenga.'' ⁵⁰Yesu akalovelelanga,''Nnkotokukanianga pa kuve jwanga kinyume na mangweta mwenga ga jiwimunji.''⁵¹Ikiva machova gakwe gakupaa kujenda kumbinguni kwakwe gakivakaribu kutimicha,miogakwe kujenda ku Yerusalemu. ⁵²Akatumanga akajumbe nnongijakwe,vakajendanga na kujingi kuchijiji chaka samaria ili buandalie kutengenecha mahali pa kuikila. ⁵³Vandu konokwe vangapokelanga,kwasababu akiva kuelekea usogwakwe ku Yerusalemu.⁵⁴Akanafunjivakwe Yakobo na Yohana pa vakalivona lenelyo,vakalovolanga,''Abwana tu jupa tunamuru moto utuluke kuvoka kumbinguni gwatekechanga?'' ⁵⁵Nambo gavakinanga akakalapilanga. ⁵⁶Ga vakajendanga kuchi jijicheenga.⁵⁷Pavajendangaga,mundu jumo akalovolela Yesu,''mbakugagula koa kugayanda.'' ⁵⁸Yesu akalovolela,''mbweha vavingi na vavombaa,ijuni ya kunani ivi na iyuna,lakini amwana mutwe gwave.''⁵⁹Ga nnolela mundu jonge,''Nngagule.''Vana ngavalovola,''Abwana,nnuhusu kwanza nyabule achike atativangu'' ⁶⁰Lakini ga valovolela heni,''Malekange vvawile vachikenge vava welvilwe,naki mwenga nnyambule nkautache ufalme gwa Nnoongo kila mahalhi.''⁶¹Joonge mundu akalongela,''Mbakukagula,Abwana,lakini nnuhusu kwanja ngatabukange vavavi nyumba jangu.'' ⁶²Yesu akalovolela jwakwa mundu,jwa aleke luvoko lwakwe kulema na kulolokoa kunyama jwa pakufaa gu ufalme gwa Nnoongo.''

10¹Baadaye mambo genago,Abwana vakaagula chabini vanginji,na akatumanga avele avele valongalelange kila kunyini ku maeneo pa pakujenda. ²Akalovalelanga,''Mauno gajingi,lakini kamulanga maengo achoko.Ga baihi mujupe bwana jwa mauno,vatumange upesi va kutendanga mahengo ku mauno gave.³Na nyendange ku migini.Angaliange nantumanga malenga ngondoro pakati ja mamei. ⁴Nkoto kupetula ela,wa mkoba gwa mwanja,wala ilatu,nkokusalimie ju mpakonganajo nndela.⁵Nyumba ja joajila ji pakujingilanga kwanja nlovolange,''Amani jive mu nyumba moni! ⁶Enda avi mundu jwa amani avipena amani jinunji jipakugala na juno,lakini gava jwakwa,jipakuvuja kwenunji. ⁷Ntamange jene mjumba,nnyegange na kunyume cha chivapakuvoanga cha vapa kupianga ,pa kuve jwakamuliengo apate malipogakwe.Nnkoto kuchama kuvoka iji nyumba kujenda jegi nyumba.⁸Nnyini munyingilanga,na kupokelanga,nlyangange choa chichivi nnongi jinunji. ⁹Na nnamiange akatamwe vavavingimonomwe,Nvovolange enelye,''Ufalume gwa Nnoongoo uike karibujinunji.''¹⁰Lakini njini gwa goagola pu mpakujingilanga ,na vapokelanga hopo,nnjendange pancha kundela na nnovolenge. ¹¹'Hata litukunda lya muji guinunji lililatile mmakonojinu tutenda kungunda dhidi jinunji!Na mulimanye lende,ufalme gwa Nnoongo ukaribie! ¹²Na lovolelnga lichova lya hukumu i vakuve kuimbililila zaidi ku Sodoma kuliko gwene mujogo.¹³Ole jini Akorazina ,ole jini Bethasaidia!malenga liengo likolongwa jijitendike mu ndajinu Tiro na Sidoni,vakatubwinge lolo muno,kwenu vatamanga mu magunia na mulihu. ¹⁴Lakini ipakuve uvumilia zaidi lichova lya hukumu ku Tiro na sidoni zaidijinunji. ¹⁵Mwe na Kapernaumu,mfikiria vapa kuimua mpaka ku Mbinguni?Ngava, va pakutelemusha hadi pai kuzimu.'¹⁶Jumujuanga mangweto mwenga anyoa nenga,na jwankananga mangweto agana na nenga,na agananenga akanajwa nudumitenenga.''¹⁷Na vandu chapui vala vakavujanga na furaha,vakalovolanga,Abwana,hata pepo wachafu vaka utii kwa lina limu. ¹⁸Akalovolela,Ngamona shetani,avikugwe kuvoka kumbinguni malinga umeme. ¹⁹Nnolange na pingingi anuri ja kulevata lijoka na kipelele,na makakala goa ga adui,chakwachi kipakudhuanga. ²⁰Laki nkokufaianga,kwa vile pepo vajopanga na kutii,mfuraiangage vakuve maina ginunji gajandikwe kumbinguni.''²¹Muda golagola atekufurahi muno ku Roho Mtakatifu,na kulovola,''Nndenda kusifu mwenga,Avawa,Bwana ja kumbinguni na kudunia,kwa maana ntekugaia mambo geniyaga vavavi na haki na akili,na kugaekula kwa vangafundichwa,malenga vanaakachokochoko,Ga ,Awawa nga maana chimpenditinacho,mmioginu.''²²Kilakileve nngabichinenga na atativangu na jwakwa jwamaunya mwana ganiki gani ila Atati,na jwakwa jwa imanya Atati gani ila mwana,na jwa juajula na jwa juajula nga mwana apala kuhikulila.''²³Akaguki akafunjivakwa,akalongela navo ku faraga,Heri mio ga galola gamwengite makwento. ²⁴Pa kuve nalovolelanga hene manabii ajingi na akafalme vakatami kugavona gamavonitetinge vangagavona,na kujua ga gajiininge mwenganga na vangagajua.''²⁵Nnole,mwalimu fulani jwa sheria ga kiyahudi akajema na kujalibu,akalovola,''Mwalimu ndendibole nichi uzima gawa milele?'' ²⁶Yesu akalovolela,''Kijandikwi niki musheria mno?Muchoma?'' ²⁷Akajangula galovola,''Mpakupala Nnoongo gwinu kwa mojo gwinu goa,na roho jinu joa,na ngufu jinu jinu joa,na kuakili jinu joa,na kiranijinu malenga nafsi jinu na vene.'' ²⁸Yesu akajangula,''Nnyangwile kwa mmbone.Ntende heneyo na mpakuishi.''²⁹Mwa mwalimu,vakapala kuchipendelea vene.vakalovolela Yesu,''Gani kirani jwangu?'' ³⁰Yesu ajangula akalovola,''Mundu fulani atenda kutelemuka kuvoka ku Yerusalemu kujenda ku Yeriko.Akagwe ku nyanganyi,vakapokanga mali jakwe joa,na kupotanga na kunekanga na akainduka.³¹Kwa bahati kunani fulani alikapeta akatilemukia ndela jojoojo,akapeta njengi ndela. ³²Na mlawi yoyooyo pejo pa akaika mahali pala na kumuna akapeta upande gonge.³³Lakini msamaria jumwe,pa akasafiri,akapeta pa akiva mundu jula,pakammona,akasukumwa na uluma. ³⁴Akaegelela na kutava ilonda yakwa akalekela mauta na divai,akaovokea munyama gwakwe,akanpeleka mpaka nyumba ja akageni,akatunza. ³⁵Na lidova lya ivele akapia dinari jivele,akampe jweni nyumba ja akageni,akalovola,muntunje hojo,na chochoachila cha mpakugarimu zaidi,ne pu mbakuvuja anunnepaje.'³⁶Ga jwapi kati ja akatatu,ju nganikia jwa vijiranijwakwe jwa akaangukia kwa kanyanganji?'' ³⁷Mwalimu akalovola,''Ga jwalaite huruma kwa mundu jala,''Yesu gavalovolela,''Nnyabuke na ntendi yeneyo''³⁸Nangoche kusafiri,vakajingilanga ku kijiji fulani,na muimkege lina lakwe martha akakaribisha kunyumba jwakwe. ³⁹Akina ndadamundu vakema Mariamu,akatama kumakongo pa Abwana na kujuanikia lineno lyakwe.⁴⁰Pena Martha atanela kuangaika ku kuandaa jikae,akajabula,akalovola,Abwana ,ngajali adadavangu vanekijiika udumie jikajango? ⁴¹Ma lovole vann zadie.''Abwana akalovolela na kulovola,;''Martha,martha,una nhavuka vule juu ga mambo gaaga. ⁴²Nambu lileve linu tu cha muhimu Mariamu achaagwe kileve cha mbone,changavokike kuvoka kwa chakwe.''

11¹Ikavokela muda Ayesu vaombaanga mahi fulani,bamo kati cha wanafunzi jijwake akalovolela,''Bwana ntujigane twenga malinga Yohana pa akafundicha akanafunzi vakwe.'²Yesu akalovelelanga,Pusali,nnovolange,''Atati,uina linu alitukuzwe,ufalme gwenu uwike.³Ntu pe nketi gwitu gwa kila lijova. ⁴Ntusamehe makosa gitu,malinga twanga vatya semeheanga vaa vava tukosea,nkokuongongaza kumajaribu.''⁵Yesu akalovolela,''Gani jwa pakuve na nnganja,apakujabulila kilo,na kulovola,Aganja nnyaike mikate mitatu. ⁶Kwa sababu aganja vangu vatekuika na ngocheno kuvoka mmwanja nanga chakumwandalia.' ⁷Na jwa ii nnyumba akajangula,nkoto kunalavisha,Nnango mjigile,na vanangu,na namwene,tugolwike kuchindanda.Ngombola hopo kujimuka na kumpe mwenga mikate. ⁸Na lovolelanga,japo vangajimuka na kwape mikate malenga aganja vave,kwa sababu ja kuendelea kujugola gwangaaiku,vapa kujimuka na kumpe ipande ivele ya mikate kulingana n maitajiginu.⁹Nane ndendakulovolelanga,Nnyupange,na mpakupatanga;mpakalange,mpakupala,ngombage hodi na mpakufunguliwanga. ¹⁰Pakuve kila mundu jwajupa apakupokela,na kila mundu jwa pala apataje,na kila mundu jwa piga hodi,nnlyango upakujuligwa kwa junejwe.¹¹Atati gani katijinunji,mwanajwe ajupa omba apatia lijoka bada jakwe? ¹²Au ajupa litaji ampa kipilele? ¹³Nga nyepela,Vubilingi na uovu muimanyi kwapaganga vanavinunji zawadi ja chwapi,bu gaa zaidi sana Awawa vinu vakumbinguni vapakupe Roho mtakatifu va vaupangavo?''¹⁴Pa baadaye,Yesu akakalapianga mapepo,na mundu jwa pepo aki va buku.Baada ja pepo kummoka, mundujula akalombola kulongela.Umati gwa vandu ukashangaa muno. ¹⁵Vangi vandu vakalovolanga,hojo avaa mapepo ku Abeelzebuli,akolongwa jwa mapepo.¹⁶Vanginji vakajaribu na kulovola alangile alama ja kuvoka kumbinguni. ¹⁷Lakini Yesu akagamanya mawazo gvinji na kalovolelanga,''Kila ufalme gu pakugawanyika upakuve ukiva,na nyumba jijigawanyike jipakungwe.¹⁸Malenga chetani anda gawanyike,ufalme gwakwe upakujemaboli?kwa sababu nnovolanga moa mapepo kwa Beelzebuli. ¹⁹Ne moa mapepo ku Beelzebuli,bu akajinunji avoa mapepo kundela gani?kwa sababu ja,vana vapakuhumanga mangweto mwenga. ²⁰Malenga moa mapepo kwa lukonji lwa Nnoongo,bai ufalme gwa muagu uwikilinge.²¹Mundu jwa nguvu na avinasilaha jwa lenda nyumba jakwe,ileve yakwe ipakuve Salama. ²²Endaike mundu jwa nguvu muno,Jwa nguvu muno apakwanyanga silaha yave,na kutola mali yame yoa. ²³Jwangave pomo na nenga na neembi kinyume navo,na vangakusanya pamoja na nenga na mbakutamanya au kutawanya.²⁴Pepo mchafu pavoka kumudu,ajenda kupalaya pangamachi ili apomolile Enda akosite mahali,''kulovolambakubuja kumokite. ²⁵Endabujite na kukolela nyumba jipyagikiwe jitamite chwapi. ²⁶Na ajenda kwa lolekeanga mapepo gangi chaba kuliko mwene kwa uovu na kwatetanga vatamange mahali pale penipala.Na hali ja mundu jula apakuve hali jakwe mbaya muno kuliko ja kwanza.''²⁷Ikavokela valongela genego alovola ene mwinkege fulani akatondovea lilove lyakwe kuzaidi kuliko voa pa mkutano gwa vandu na kulovola,''Lubarikiwe lutumbo lulupapita na mavele ga nyongite.'' ²⁸Na jono akalovola,barikiwe vandu va vajuine lineno lya Nnoongo na kuliveka.²⁹Muda gwa vandu vavikukusani ka na kujonjokeanga,Yesu atatumbula kulovola,''Hichi kivelekwichi ga chivelekwa cha uovu Yona. ³⁰Kupala alama ishara kwa vandu va Ninawi na mwana jwa Adamu pa vakuve alama ishara kwa uvelei gono.³¹Malikia jwa kusini apakujema lichova lya hukumu na vandu va uvelei hogo na kwahukumu vanovo,kwani venavo vakavoka kumisho ja chilambo vaike kujoanikia hekima ja Solomoni,na pamba avi mkolongwa kuliko Asolomoni.³²Vandu va ku Ninavi vapakunjemanga ku hukumu pamwe na vanduva kizazicha hiche lichova lya hukumu,vanaangotavo vakatavu ku mahubiri ya Yona,na nnole,pamba avi ngolongwa kuliko yona.³³Jwakiva mundu jwa joajula,ambamba na kuveka sehemu ja pai pa luvendu panga voneka au pai chikapu,ila kujakia na kuveka panani ja lileve na kila mundu jwa jingila ame kulola mwanga. ³⁴Lio limi limuli lwa mmele jwinu.Lio linu livichwapi mai mmele gwinu gwoa upakuve ku mwanga.Ma lio limu lilivi vibou bai mmele gwinu gwoa upakuve pu luvendu. ³⁵Ga,mujitahidi mwanga guvi ndani jinunji nnkotokileke livendu. ³⁶Vai,enda mmele gwinu goa uvikuu mwanga,na jakwa sehemu ja luvendu,bai mmele gwoa upa kuve sawa na kumuli gi giwaka na kuvoa mwanga kwa chinunji.''³⁷Pa akajomola kulongela,Farisayo akaalika valye chakulya kwachave jave,na Yesu akajingila nnyumba na kuvepamo navo. ³⁸Na afarisayo vakamongwa pa akatenda ganganavo kukua kabla ja chakulya cha kimuo.³⁹Lakini Abwana akolovolelanga,''Ma gweto Mafarisayo nnyoyanga panja ja ikombe na bakuli,lakini,ndani jinu itweli tamaa na uovu. ⁴⁰Movandu mwenga mwangali ufahamu,bo jwambite panja jwa ngaumba kualikia nza nkatipia? ⁴¹Mapegange akamasikini ga gani nkati na mambo goa ga vakuve chwapi kwa chimunji.⁴²Lakini olegwinunji Mafarisayo,kwani mmoanga zaka ga mnaanaa na mchicha na kila aina ja mboga ja bustani.Nnekitinge mambo ga haki na kupala Nnoongi.Ni muhumu muno kutenda ga gavi ga haki ga kupala Nnoongo,na kuleka kutendaga gangi majingi pia.⁴³Ole jinunji Mafarisayo,pu mpalanga kutama ku iti ya nnongi ja masinagogi na kunlamukinga na salamu ja heshima ku sokoni. ⁴⁴Ole jinunji,ku fananangu na makaburi ga nga alama na vandu kutwa ngaga panani gwana iimanya.''⁴⁵Mwali jumwe jwa chali jwa Ki Kiyahudi akajangula kulovola,''Mwalimu chilongela kitenda kuchuki na twenga.'' ⁴⁶Yesu akalovola,''Ole jinunji,vaalimu va chaliya!mapaganga vandu miigo mikolongwa vakombolanga upo kupe tula lakini mmeninji gaimanya migu gani hata ku chimwe cha idole inunji.⁴⁷Ole jinunji,kwa sababu nchenga na kuveka kumbukumbu ku makaburi ga manabii ga vakakomanga akaokovinunji. ⁴⁸Pane ga nshuudianga na liengo lya vakapana akaokovinu,pa kuve vakakomanga manabii pa chenganga kumbukumbu ku makaburigavinji.⁴⁹Kwa sababu jenejo ga,hekima ja Nnoongo lilonge,''Mba kwatumianga manabii na mitume na vapakatesanga na kwakoma baadhi jabonji. ⁵⁰Uvelekwa hogo kipakutumika kudamu ja manabii vavakomingite tangu kutumbula kwa dunia. ⁵¹Kuvoka daamuu ja Abeli hadi ja Zakaria,vakankankomanga katika ja mathabahu na patakatifu.Ele,nalovolelanga mangwetu mwenga,ugoweleiogwe kipakuwajibika.⁵²Ole jinunji makamuvalimu va chaliya va kiyahudi,pa kuve ntolingine ufunguogwa ufahamu,na mmeninji mangajilanga na vavapalanga kujingila mwakamiinge.''⁵³Pa akavoka,akaandishi na mafarisayo vakapingaga na kubishana kwe juu ga mambo majingi. ⁵⁴Vakajobelanga vapatange lineno lilipa kuvoka mukangwa kave

12¹Gono muda vandu,vakakusanyikanga pamo,mpa kulevatana,akatumbula kulongela na akanafunji vakwe,''Muchiadhiniange na chachu ja aka mafarisayo ga unafiki.''²Papakuve panga siri jijiiteve,fululiuva,wala lijambo lilituve lyangajulikana. ³Lya lyolela lilongilinge kuluvendu,lipakujuanika kuangaza.Na goa galongilinge kuvatijinunji ja kuchumba vijingilinge ga pa kutanga chika pa nani ja paa lya nyumba.⁴Na lovolelanga akaganja vangu,nkoto kwajogopanga vavakomanga mivele na vanga kileve chengi cha kutendanga. ⁵Na mbakukanikianga pu pakajogopanga.Mujogope jwa labla jwa komate mundu awecha kulekela kujenamu na navolelanga Mujogopange jono.⁶Bo shomoro ahano vanchanga hopo kwa sarafu ivele?hata jumwe gwinuni njinunji jwa kulibilila nnongi ja Nnoongo. ⁷Lakini mmanyange,nywili ja mutwe jinu ibabiikwe.Nkotokujogopanga.Mangweto bingingi na thamani ngolongwa kuliko shomooo ajingi.⁸Na lovolelanga,jwa juajula jwa amini nenga na nenga nnongo ja vandu,Mwana jwa Adamu kummanye nnongi ja malaika ja mungu Nnoongo. ⁹Na jwa jua jula jwa pakungana nnongi ja vandu na juno apakanwa nnongi ja malaika ja mungu. ¹⁰Jwa juajula jwa pa kulongela lilove libaya kwa mwana jwa Adamu,apakusamehewa,lakini jwa joa jula jwa pa kukufuru Roho mtakatifu,yena gasahe.¹¹Pu vakumpelekanga nnongi ja akanahote va masinagogi,akatawala,na vavaingingi na mamlaka,nkote kujogopanga pa kulengelanga kwa kuchitetea au kiniki chi pakulongela, ¹²Pa kuve Rooho mtakatifu apakubolanga pu pakulongela kwa geno.''¹³Mundu jumo ku mkusanyiko akalovolela,''Mwalimu,nulovolele manitu agavile sehemu ja urithi gwangu.'' ¹⁴Yesu akajangula,gani jwa mekite nenga kuwa jwa kugavana na kupatanishanga kati jinunji? ¹⁵Ga akalovolelanga,mujihadhari na namuna ja tamaa,kwa sababu ja kulama kwa mundu gwakwa ku ile ijingi yavinayo.''¹⁶Yesu akalovolelanga ku mfano,akalovola,nngonda gwa mundu jumo tajiri likizaa sana, ¹⁷Na akachikonya nkatijakwe,akalovola,mbakutenda vole pa kuvika na azao gangu? ¹⁸Akalovola,mbakutenda ine.Mba kubomoa chikokwe ichoko ichoko na kuchenga chikolongwa,na kuvika mazao gangu gaa na ileve yengi. ¹⁹Mbakulovola nafsi jangu,''Nafsi,ichivekila akiba ja ileve ijingi kwa yaakaijingi,Mpomolele nnlye,nnywe na kuchitarehe.''²⁰Lakini mungu Nnoongo akalovolela,mwe mamundu mwapumbavu,kilo cha leleno vajupa roho kuvoka kwinu ,na ileve inu vibikite ipu kuve yagani? ²¹Ipakuve kilela kwa kila mundu jwa jivekeka mali anga kuchivekela kwa ajili ga Abwana.²²Yesu akalovolelanga akanafunjifakwe Nkoto kujogopa juu ja maisha ginu nji ga pa kulyanga niki au ga mivelejinunji,ga kuwalanga niki. ²³Pa kuve maisha ni zaidi kuliko chakula,na mmele ni zaidi kuliko mavachi.²⁴Nnolange ijuni ya kunani,ilema hopo wala kuuna.Vangali chumba wa ngokwe ja kuvoka yakulya,Laki atati vinunji vatenda kwalishanga.Mwangweto ga bora zaidi kuliko ijuni! ²⁵Gani katijinunji jwa jisumbua kuweecha kujonjokea dinira jimwe kumaisha gakwe? ²⁶Enda ine gakombola kutenda chinnye chichoko chi chivi rahusi nga ni basi kuchumbuka makolongwa?.²⁷Ngalole mana pagamalika.Natenda liengo wala gasokota.Na nlovolelanga,hata Sulemani ku utukufu gwakwe voa vangavika malenga genayago, ²⁸Malinga Nnoongo agaveka chwapi majani manyai ga kubondeni,ga gavi leleno,na malavo kulekela kumoto.Bo gati zaidi apakugeka magweto?lo mbona imaniji nunji habajoko!²⁹Nkokusumbukanga ga kuacha mpakulye kiniki au mpakungwe kiniki,nkoto kuvee na hofu. ³⁰Pa kuve mataifa goa ga dunia kubukanga mambo gavonji.Atati vimunji vaiimanyi ga palanga geni nyago.³¹Nnokiange oti ufalme kwanja na gongi azidisiwaje. ³²Nkokujogopa,mangweto likundi linu lichoko,kwa maana Atativinunji batekufurahia kuganga gono ufalme.³³Nhunjage malijinunji na mkapagange akamasikini,nchitendanga mihuko jinunji jangalikushiwa hazina ja kumbinguni jangali mwisho,cheemu janga ajibi vakombola hope wala nondo vakombola hupo kuaribia. ³⁴Papavi azina jinu na roho jinu jivi popopo.³⁵Ngovo inunji ndandamau ntavange mikanda,na humuli inhakishange ivi kuendelea kujaka, ³⁶na mmegange malenga vandu vavanlolela Bwana jwave jwa vaka kusherehe ja arusi,pa vapa kuwika na kugomba oti,vapakuwechanga kujugula nnlyango kuaraka.³⁷Vavanikwe akatumichi na Abwana vapakuvakolela vavingingi mio.Napenapo vapakujugula ngovo jave ndanda mau nkanda,na apakwatamikanga pai ga chakulye,na kuwandumianga. ³⁸Abwana va pakwika kuzamu ja pili ja kulenda gwa kilo,au zamu ja tatu ja kulenda,vakolelanga vavi tayari,ipakuve heri kwkatumichi.³⁹zaidi ga genege,muimanye ile,ikavi bwana mwene nyumba akaimanyi muda saa ja ijibi apakuika,akapalite hopo nyumbajakwe vajingile. ⁴⁰Muimanyange kila muda au wakati jwapi gwa mwana jwa Adamu apa kuvuja.⁴¹Petro akalovola,''Bwana,mutulovolela twenga tuvene ije mifano,au mulovolela kila mundu? ⁴²Bwana akalovolelanga,''Gani mmbanda mtumwa jwa aminike au jwavi na hekima na abwana vave amekikunanija akavanda vange,na abaganikie chakulya chovonji kwa muda gwakwe? ⁴³Abanikiwe ntumichi vakaika abwana vave akolele akakamula maengo galekiwe. ⁴⁴Haki nalovolelanga mangweto mwenga apakubeka kunani ja mali gakwe.⁴⁵Lakini Ntumichi jwa apakuwachamu ntima gwakwe,''Abwana vangu vachelewa kubuja,na kutumbula kwa potanga akatumichi akilome na akikege na kutumbula kulye,kunywe na galelwa. ⁴⁶Abwana vave va atumichi apakuika lijova lyangatabuka na chaa jangaimanya,na apakwaikite ipande ipande na kuveka ku sehemu pamo na vangalikuaminika.'⁴⁷Ntumichi,jwa amanya mapenji ga abwana gwakwe,na jwanga kuchiandaa wala na jwanga tenda sawasawa na mapenzi gakwe apakupotwa ibako ijingi. ⁴⁸Lakini ntumichi jwangakuimanya mapenzi ga abwana gwakwe,na akatenda ga gakapaligwa adhabu,apakupotwa ibako ichooko.Pa kuve juno akapegwa ijingi,ijingi vadaiwa kuvoka kwa chave,na juno akamiwa kwa muno,juno idawa ijingi.⁴⁹Ita kupamba moto kuduniani,na ndamani ive upambagwe. ⁵⁰Laakini mbi na ubaticho gwa mbakubatichwa,na ninauzini mpaka pu pakukamilika!⁵¹Bo mfikirianga itakuleta amani kudunia?Gava nalovolelanga,badala jakwe nitite igawanyiko. ⁵²Kuvoka nangocheno na kuendelea kuvakuve vandu ahano ku nyumba jimo vagarikine,na vandu atatu ipakuve kinyume cha avele,na avele vapakuve kinyume cha akatatu. ⁵³Vapakugavamika,atati vapakuve kinyume na mwanagwe,na mwana apakuve kinyume na atatimundu,amama vapekuve kinyeme cha binti jwakwe,na binti apakuve kiunyama cha amama mundu,Amana mkwe vapakuve kinyume na akimbundu na akimundu va pakuve kinyume na amama mkwe vave.⁵⁴Yesu akalovolelanga pa nkutano ime,''Pumona maunde ga gavoka kumagharibi,nnololanga muda jwa ula utendakuika;na ga pive inela. ⁵⁵Na upepo gwa kusini puika,nnovolanga,papakuve na joto likali,na ngamaaa na pive. ⁵⁶Mwakanafiki,ikombolinge kutafsili kuvonekana kwa pai na kunani,ivegangavolenga kombolanga kutafsili muda gu viile?⁵⁷Kwa vale ga mundu gapambana lilivilya kweli kutenda muda gwa line kulialakia popoo? ⁵⁸Enda njabwile na pa kutakiana na nnongi ja hakimu,nchitaidi kupatana vajobi ndela kabla ja kwapelekana kwa akimu,na hakimu apeleka kwa ofisi,na ofisa alekele kugerezani. ⁵⁹Naalovolela,mpita hopo mmoka hupo mono mpaka nyomole kulipo lwela lwa mwisho.

13¹Kwa muda go gogo,vakivanga vangu vakataarifu ga wagalilaya ga pilato akakomanga na kuangana miai javo na sadaka ja oboji. ²Yesu akajangula kwalolelanga,''Bo nng'akiangu kuve wagalilayavo vakivanga na chambi kuliko aka Galilaya vanginji voa nga maana vapatinge geniya mabayago? ³Ngava,mulovolelanga,Nnekaga kutubu,mpakuangamianga yoyoopeyo.⁴Au vava vandu kumi na anane kuu siloamu va kugwelwa na nnana na kwa komanga,bfikirianga vakivanga na chambi muno kuliko vandu vange ku Yerusalemu? ⁵Gava ,ne novo,lakini pu nkoto kutuba,nmoanji npa mpakuangamianga.⁶Yesu akalovolela mfano gonga,''Mundu jumwe akivana mtini ukapandwa pa atikati ja lishamba lyakwe kupalaya matunda hunani lakini vangapata. ⁷Akalovolela jwa tunza bustani.''Nnole,kwa miaka mitatu ndenda kuwika na kujaribu kulolakea matunda ku hogo nnkongo lakini nangapata.Uwekete,pakuve uleta uharibifu wa aridhi?⁸Nntuja bustani akajangula na kulovola ,''Muleke che nje chaka cheno na mbakupalilia na kuleke mbolea panajwakwe. ⁹Enda gwanga zaa matunda che chechaka hjeno,chengichaka chichihikikeche muikete.!''¹⁰Na Yesu atenda kufundisha ku jimwe sinagogi muda gwa sababto. ¹¹''Nnole,akavia mwikege jumwe jono kwa miaka kumi na minane akiva na Rohochafu wa udhaifu,na juno akiva akapenda na vanga uwejo gwa kabisa gwa kujema.¹²Yesu pa akamwona,akakema kalovolela,''Mama,mmbekitwe uhuru kuvoka ku udhaifu gwinu.'' ¹³Akavika mavoko gakwe,kunani jave,na mara nmele gwakwe ukanyooka na akatukucha Nnoongo. ¹⁴Agologwa ra Sinagogi vate kuchinwa ga Yesu akahamia mundu lijova lya sabato.Na mtawala akajangula ga akalovelelanga pa mkutano,''Ga majova sita genago lazima kutenda liengo.Ihikenge kulamia bai,ga vanjova ga sabato.'¹⁵Anaota vakajangula na kulovala,''Hakanafiki.'Jwakwa hata mundu jumwe kujogolela mapota au ngombe kuvoka kulizizi na kwalongelelanga kunywe machi linjova lya sabato? ¹⁶Na binti jwa Abrahamu,akatama shetani kwa muda gwa yaka komi na minane,je jangapalikwa chinekifungwecho chivokeke kijova lya sabato?''¹⁷Palongelaga gena malovyago,voanji va vakapinganga vakavonanga aiku,pena mkutano gwoa vandunji vatenda kushangianga kwa ajili ja maajabu ga akatenda.¹⁸Yesu akalovola,''Ufalme gwa Nnoongo ulandana na niki,na kulandanikia na niiki? ¹⁹Na malenga mbeju ja haradani akaotola mundu jumwe ha kupanda mu ng'onda jakwe,ukamalika nkongo gwa kiva nkolongwa.²⁰Kavele akalovola,''Nandakie na niki ufalme gwa Nnoongo? ²¹Ga malenga chachu munkege jumwe akatola na kuangana na ipomo itatuja lunga ukova na ukaumuka.''²²Yesu akatyangaika kila munji na kijiji undela aelekea Yerusalemu na kupeta undela aelekea Yerusalemu na kupeta kufundicha. ²³Mundu jumo akakonya,''Abwana,vandu vachoko tu vavapakuokolewa?Gakalovolelanga, ²⁴''Nchitaidi kujingila kupetela nnlyango gu banite,pa kuve akajingi vapakujaribu lakini vakombolangu hopo kujingilanga.²⁵Badaja nkola nyumba kujema na kujigala nlyango,bai mpakujemanga paja na kugomba hoti pa nkyango na kulovola,Abwana,Abwana,ntujogolele na apakujangula na kulovoelanga,na manya hopo mangweto na ku mmokanga.' ²⁶Pena mpakulogela,tukalye nak kunywe nnongi jinu na mwenga nkafundisha pakati mitaa jinu." ²⁷Lakini venavo akalangula naninkongolelanga,nimmanyanga hopo kumonga,mmokange kwachangu,mwangwetu jumpangangananga gangambone!²⁸Kupakwe nachilelo na kuyaga mino pakati pampakwawona Abrahamu,Isaka,Yakobo na amanabii wowa pakati ufalme gwa Annongo. ²⁹Va pakuikanga kuvoka kumashariki,kumagharibi,kukaskazini na kusini,na kupomolela pa mecha ja kulelela chakulya cha kimio kuufalme gwa Nnoongo. ³⁰Na nnolange,vavinginge ku mwisho vapakuve va kwanja na va kwanja vapakuve va mwisho.''³¹Muda nckoko kupeta,kati jaka Afarishayo vakaikanga na kunlovolela,''Nnyabu n mmoke pamba chababu Herode apala kukoma.'' ³²Yesu akalovola,''Nnyabulange akalovolele jwaju libweha,''Nnone,navenganga pepo na kutenda kuponyea leleno na nalavo,na linjova la tatu mmbakutimicha lilengo lyangu. ³³Kwa halijajoajile,ni jambone kwa ajili jangu kuendelea leleno,malavo,na lijova lilikaika,kwa pakuve ngawechekana kukoma nabii kutali na ku Yerusalemu.³⁴Yerusalemu,Yerusalemu,gani gwa koma manabii na kwa potenga maganga vavatumingite kwachinunji.Palinga mbata kwa kusanyanga vana vinunji malinga yana ya nngoko pakusanya yanagwe kui mapapanilo gakwe,na mangapalanga lyenelyo. ³⁵Nnolange nyumba jinu vankobuvie.Nane nalovolelanga,nkombolanga hopo kumona ata pumpakulovola,''Atekubarikiwa jwa apakuikajwe kulina lya Nnoongo.''

14¹Ikavokela lijovo limo lya sabato,avikujenda kunyumbo jimwe ku chiongozi ku Mfarisayo kulye cha kulya ,cha nkate,vate kuchunguza kwa karibu. ²Nnole,nnonge jakwe akiva mundu jwa sumbuliwa na kutupa. ³Yesu akakonya akataalamu kusheria ja aka yahudi na Mafarisayo,''Bo,alali kuna mia mundu lichova lya sabato au ngava?''⁴Vakivanga vangajangulanga vakivanga jii,''Gani gekati jinunji gwa vina na mwana au ng'ombe atumbukile nniliva lichova lya sabato jwangali kummoa mara?'' ⁵Vakivanga vanga lijibu ku mambo malenga gena. ⁶Wao hawakuwa na uwezo wa kutoa jibu kwa mambo haya.⁷Muda yesu akagundua wavakalikwanga ahagulinge itevo ya heshima,akalovolelanga mfano,akalovolelanga, ⁸''Pualikwanga na mundu ku harusi,nkotokutama nafasi ja hema,kwa sababu iwechakine atekualikwa mundu jwa heshima kulikommenga. ⁹Endaike mundu jwaalikinginge vavelenda ike,apakulovolela mwe,''Mumpehe hojo nafasi jinu na nga kwaaibu mpakutola nafasi ja mwisho.¹⁰Enda alikwe mwenga,nkatame kunuisho pa panika jwa alike,alovolele mue,''Agaujannyeende nlooongi zaidi.''na mpakueshimiwa nnongija voa vavatamngite pamo pa mezani. ¹¹Kuu maana jwaachi ajiuvokea mpakututuka,na jwa atelemua apakuovokela.'¹²Yesu ga akalovolela mundu jwa akaalika,''Mu mmoa chakulya cha chana au cha kimuo,nnkotokwalikanga akaganja au akanunguna venu au akajomaa vimu au majirani vinu akatajivi ili na vavonji vahalike mwenga ili mpate malepo.¹³Badalajakwe,pu ntenda sherehe,maaliko akamasikini,akaloma,akanabgwava na vangalonanga. ¹⁴na mwenga mpakubarikiwa,pa kuve vawechanga hopo kwepa,mpakulepwa ku ufufuho gwa haki.''¹⁵Muda gonge pavakatamanga pamecha na Yesu pa akajua genago nganlovolela.''Abarikiwe jwapakulye nkate ka ufalme gwa Nnoongo!'' ¹⁶Na Yesu akalovolela,''Mundu junwe akaandaa sherehe ngolongwa,akaali vandu ajingi. ¹⁷Pu jakiva sherehe tayali ,akatuma mundu ntumishi tayari.'¹⁸Voa vakatumbulanga vakajupanga radhi.Jwa kwanja akanlovolela ntumishi,''Emi nngonda,lazima myaloule kulivona,choonde nnjamehe! ¹⁹Jonge akalovola,''Emile ng'ombe jozi nhano,na nenga nyenda kwaajaribianga.Choonde mbepole.' ²⁰Jonge mundu akalovola,''Nde kuoa mwinhege,pole ngombola apo kuika!²¹Ntumichi akabuja na kalovolela abwana mundu gene mambo.Nkola nyumba akakasirika ga nnovolela mtumishi jwakwe,''Nnyende upesi kumitaani na kumichochoro ya kujini akatetange hapa akamasikini,ilema ,vangalolanga na ilema.'' ²²Mtumidu akalovola,''Bwana goago gandendike ga nkalagila,mpaka nangojeno bado naashi.'²³Abwana gavanlovolela ntumichi,''Nnyende kundela ngolongwa na kumipenyo na mashutishange vangu vajingilenge,nyumba jangu jitwelele. ²⁴Ku maana mulovolelanga,vanaalikinge va kwanja jwakwa jwa pa kupaa sherehe jangu.'²⁵Vandu vajingi pa ajenda navonji,akate ndevuka na kwalovolelanga, ²⁶Enda mundu aikakwachangu na juno ngachukia atatimucndu,amamanundu,uanumwendu,vanagwake,

akanunguna vakwe akanalome na akikege nga atamaisha gakwe hakombola apo kuve mwana vunji jwangu.

²⁷Mundu jwanga petule nsalaba gwakwe na kuwika kunyuma jangu akombola opo kuve mwanafunji jwangu.²⁸Kwa maana gani katijinungi,jwa pala kuchenga mnara vanga tenda makadirio ga kichabu malenga cha ba kukamilika? ²⁹Nga penapo,baadae kuveka nsingi na kulepela kunyoomolela,voa vavakalongelalanga vapakwathiaka, ³⁰Vapakulovolanga,mundu hojo akatumbula kuchenga,vangali ngufu ja kumalizia.'³¹Au mfalme gani,jwapala kujenda kunyumana na ufalme gonge kuvita,vangatama pai oti na kutola ushauri enda avakombolage,na vandu elfu komi kupigana na mfalme jange jwa vandu elfu ishirini? ³²Ma ngava muda gweno lijeshi la vangu bado livi kutali, kutuma libalozi kupala mashariti ga amani. ³³Na pena bai,jwa joa jula kali jinu apakuleka yoa yavinayo,gakombola kuve anafunjivangu.³⁴Mwingo ja mbone,lakini mwinyo uovete ladhajakwe,na nnagani ji pa kuve kavele mwinyo? ³⁵Jakwa kavele matumichi ku dongo au hata kuve mbolea.Kujenekwa kukutalika.Jwa vi na masikilo ga kujuo ajue.''

15¹Akatocha ushuru vaa na vavavingingi ra chambi vakaribishanga vajonikianga. ²Mafarisayo na akaandishi vakanungu ni kianga,vakalovolanga,''Mundu hojo vakaribichanga vavavingingi na chambi,na kulyevonji.''³Yesu akasevala ku mfano ugo,akalooda ⁴''Gani kwachimunji,enda vi na ngondoro mia na akaovegwa na jumwe apakuleka yaye tichini na ticha kulipalo na ajenda kupalaya jwa avite mpaka amwone? ⁵Enda ammonite kubika palipega lyakwe kufurahia.⁶Paika kwa chakwa,akamanga akaganja mundu na akajirani vakwa na kalovolelenga tufurahi pamwe na nenga,pa kuve na mweri ngondolo jwangu javakaova,' ⁷Na novolelanga yo yopeyo kuvakuve ra furaha kumbinguni kwaajili ya vavavinachambi jumwe jwa zaidi ja vana haki tichini na ticha vavavingingi vanga haja ja kutubu⁸Au avimwinkegegani akiva na ela sarafu komi ya akaoya sarafu jimo,akapamba taa na kufyagila nnyumba kulolea kwa bidii na kujivona? ⁹Na baada ja kujivona apakakemanga akakanjamundu na akajirajakwe apakalovolela tufurahi pamo na nenga,pa kuve niji bweni kavele sarafu jangu ji ngaoya. ¹⁰Na nndendakulolelanga kuvina furaha nnongi ja malaika ga Nnoongo kwa kuve mundu jwa chambi jumwe jwa kutubu.''¹¹Na Yesu akalongela,''Mundu jumo akiva na ingota ivele. ¹²Nnunguna akalovalela atatimundu,Atati mbe sehemu ja mali hakijangu ja kurithi.Na vakagavana mali kati jabonji.¹³Machova ga majingi nnunguna jola akatola mali gooa ga karithi akavoka kujenda kuchilambo cha kutalika,na kono akatapanya hela yakwe,kuemela ileve vangahipala,na kutapanya ele kwa anasa. ¹⁴Pa akajomola kutumia yaa,njala ngolongwa jikajingila mu chilambo chela,na jola jola akatumbula kujopa jopa.¹⁵Vakajabula na kuchiajiri bena kwa mundu jwe miya jwa chilambo chila,na akapeleka kungonda gwakwe kulisha magolobe. ¹⁶Na vatenda kutamani kulye makai vavalyeganga magorobe pa kuve jwa kwa mundu jwa kwape kile cha kulye.¹⁷Na jonijola nchokochola akakombokela mu ntima gwakwe,akalovola,Akatumichi valengwa va awawavangu vavalyeganga chakulya na kuigaya,na venga pamba mbakujomoka na njala! ¹⁸Mba kuvoka na kujabula kwa atati vangu,na kalovalela,''Atati ngochite ku mbinguni na pamiaginu. ¹⁹Ne kustaile kavele kungema na mwana gwinu kavele,nndendi malenga jumwe jwa akafanya kachivimu akatumichi.''²⁰Akavoka akajabula kwa atatimundu pakiva kulali atatimbundu akammona na kumone uruma vakajabula luvelo na kukumbatila na kumbusu. ²¹Kijana jola akalovolela,Atati nngochite ku mbingu na kuna mwatati pa mio ginu pangakustaili gavele kukema mwamagwinu kavele.'²²Na atativala vakalovolelanga akatumichi vave,nmetange upechi naovo jijivi bora,nnawalie mumkuindiange pete kulukonji na ilatu mukukongono. ²³Na nkannetange ndama jula jwa nonite nkanchinja nga tulye na kufurahi. ²⁴Pa kuve mwanangu akajomoka kumbe avi jwa momi.Na akahova avonikiwe vakatumbulanga kushangilianga.²⁵Namwana nkolongwa jola akiva kunigonda.Pabujaga avi kukaribia ku nyumba akajoa manjega ga miambo na michecho. ²⁶Akankema ntumichi jumo akankonya yeneileve maanagakwe chiniki? ²⁷Nnangunagwinu aike na atativimi vachingite ndama jwa anonite gambu ga avujite salama.'²⁸Mwana nkologwa akakasirika akakana kujingila nnyumba na atativakwe vakapita panja kunpembelea. ²⁹Na akajangula atotivakwe akalovola.Nnole nenga nantumikie yaaka ijingi wala nangakosaa amuri jinu,na mangambe mwanambuzi,na weche hucherehekea na akanja vangu. ³⁰Paike hujumwanagwinu jwa tawanyishe mdiili yoa na akamalaya mu nchiji ndama jwa nogite.³¹Atativakalovola,''Mwanangu,gwe upanue nanenga machova goa na yoa imbinayo ngaimi mwenga. ³²Yakiva yambone kwa chitu kutenda sherehe na kufurai,nnungagwinu akiva akawe,na ngochi avi jwa momi,akava akaova nangochi avonikine.''

16¹Yesu akalovolela kavile mwanafunjijwa,''Akiva mundu jumwe tajiri akava na meneja jwakwe,vakalovolela ameneja vinu vatawanyamali ginu. ²Na tajiri akankema,nga alovolela,''Chi nyoanenga ga chini kwinu menga. Menejajula akalovola muntima gwakwe,ndendi vole,maana abwana vangu va mote leengo lyangu lyaumeneja?Nangali ngufu ja kulema,na kujupa mona aibu.³Menejajula akalovola muntima gwakwe,ndendi vole,maana abwana vangu va mote leengo lyangu lya umeneja?Nangali ngufu ja kulema,na kujupa mona aibu. ⁴Ni imanji chi mbakutenda pavapa kumenga pa liengo langu lya uwakili vandu vangachanga ku nyumbajavi nji.⁵Na awakili akakemanga avalonganga madeni ga abwanagwakwe kila mundu akaakema,jwa kwanja,''Nnongengwa kiasi gani na abwana vangu? ⁶Akalovola ipemo miajimo ga mauta akalovolela,nntole hati jenjeno nutame upesi nnyandike hamduni!. ⁷Nganlovolela jonge na mwee vannonga kiasi gani? akalovola ipomo mia jimoja ukovo wangano?'Akalovolela,ntole hali iji nnyandike thamanini.'⁸Jonijula bwana jola akasifia sana meneja dhalimu pa ndendite kwa werefu.Pa kuve vana va ulimwengu gani werefu nnyingi kushughulikiwa kuujanja na vandu va upande gwavonji kuliko babavilinge vana va nuru. ⁹Nanga nalovolelanga nchitendange maganja ku mali ga udalimu na pa ukosekana vakaribichange ku makao ga milele.¹⁰Jwa vi mwaminifu kuli chochochoko muno na palikolongwa elaila,na jwa vi dhalimu kulichokochoko ave dhalimu kulivi likolongwa elaila. ¹¹Na m bangili kuve kuaminifu mali ga udhalimu ga gani vavapakuve mimianga kumaliga kweli? ¹²Na mangali kuve na baminifu ku kutumia mali ga mundu jonge ga gani jwapakupeganga ga gavi gimujimuji?¹³Jwakwa nntumishi jwa awechite kutumikia akabwana va vele,vapa kuchuki jumwe na kupala jonge,au apakupalana na hojo na kuthulumu jonge.Ngakombolanga kutumikia Nnoongo na mali.''¹⁴Bai mafarisayo,vavakapalanga elevakajoanga genago goaaga na vakachopianga kuntanianga. ¹⁵Na akalovolelanga,''Ma ngetomwenga nchidai haki nnongi ja awanadamu lakini Nnoongo aimanyi mitima majinunji.Pa kuve lilitukwike kwakabinadamu live chukizo nnongi ja Nnoongo.¹⁶Chalia na manabii ikivanga mpaka Yohana pahaika.Kuvoka muda geno, habali ja mbone ga ufalme gwa Nnoongo ukatangachwa,na kila mundu vakajiganga kujingila kwa nguvu. ¹⁷Nga raisi ku mbinguni na chilambo ivoke kuliko hata elufi jimo ja chalia ikosekane.¹⁸Kila jwa anneka mwiukege na kuvoa muinkege jonge azini na aoa jwa jwalekitwe na analome azini .¹⁹Akiva mundu jumwe tajiri akawala ngovo ya rangi ya zambarau na kitani chuapi na akenda kufwahia kila lichova utajiri gwake nkolongwa. ²⁰Na masini jumwe linalyako Lazaro akavekwa kuligeti ja kwe,akiva jwanga ngoajiji. ²¹Na akatamani kujukuta kwa makomo ga gaanguka kumecha ja vava atajiri ata jibwa vakaikanga kulamba idonda yakwe.²²Na masikini jula akajomoka na akaika akatokengwa na malai mpaka kukifua kwa Ibrahimu.Na tajiri jola akajomoka akachikwa. ²³Na kuzimu kulo pa vakave ma mateso vakaima miogave ngavakammona Ibrahimu. Na tajiri jola akajomoka akachikwa.²⁴Vakaguta vakalovola,Atatia ,'Ibrahimu nhurumie mu ntume Lazaro achope lukonjilwakwe mu machi,au bandiche lulini lwangu,pa kuve ndenda kuteseka kumoto goni.²⁵Na Ibrahimu vakavolola,''Mwanangu nkombokela kumaisha gimu nikapokela mambo gambone tu, Lazaro akapata mabaya.Na ngojeno avi pamba anavarajika na mwe nutenda kuumia, ²⁶Na zaidi ga genago,livekitwe lishimo likolongwa a litandamaukati jitu,na va vavapalanga kuvoka ngongono kujenda kunokwe vakotokombolanga kujenda kunokwe vakoto kombolanga wala vandu va kweno vakotongombolanga kuika kongono.²⁷Jwaju tajiri akalovola,nanyupa awawa a Ibrahimu,muntume nundu kwachango kwa atativangu ²⁸Pa kuve vumbi na akanungunavangu ahano valovelelanga pange kuikanga mahali pambano pa mateso.'²⁹Ibrahimu akalovala,'vavinginge Musa na manabii.Makekange vajuwa nikiange venavo. ³⁰Tajiri jula akalovola,''Ngava,atatia Ibrahimu,na endajakwile mundu jwa kuvoka kutoarani vapakutubu.' ³¹Na Ibrahimu akalovolela,''Vangahajuanikianga Musa na manabii,ngashawishika hata mundu akayokita kuvoka kumambi kono kuwafu.

17¹Yesu akalovolelanga akanafunjivakave,''mambogagasababisha vandu vatenda nje chambi ga gapitila muno,na ale gwakwe mundu jwa sababicha! ²Ikaviheri malenga mundu junejwe vakatavilile liganga lya kuyagila mutandala na kutumbukia kubabarini kuliko kutenda jumwe jwa akina ngota kutenda chambi.³Nchi lendage,kama nnungunagwimenda akosie munyamwe na enda tubuite muchamee. ⁴Enda akosie mara chava kwa lijuva limwe na kuwika kabele mara chava,endalovule,napite,muchamee!''⁵Mitume jakwe vakalovolelanga Abwana,''Ntujo nkokea imani jitu.'' ⁶Bwana vakalovola,''nukavinginge na unani malenga luponji lwa haradani,nkatinge kulovolela hogo ngongo gwa nkuyu,''nyikuke na nkamele kubahani,na ukanyeketilinge.⁷Gani pwabilingite,avina ntumichi jwa lema kungomola au kuchunga ndondoro,alovolela pavakubuja ku ngoonda, ike haraka na mtame hapa lye chakulya? ⁸Bo alovolelaje,'Landalie chakulye ndeje,na nchitave nkanda na nndumikie mpaka mumbakujomola kulye na kunywe.Baada ja penapo nlyaje na kunywe?⁹Ga apakushukuru ntumishi jo nejwe ku sababu atekutimicha gaa muriwe? ¹⁰Na penapo magota endantendingite ga valagakie nnovolange''Twenga tuvi akatumichi twangali kustaili.Tundindite tu ga gavatulangikie kutenda.'¹¹Ikavakela puvakejenda mwanja gwa ku Yerusalemu,akapeta mpaka mwa samaria na galilaya. ¹²Pa akajingila chijiji chimo,akakolelana na vandu kumi vakivanga na matana,vokajembanga kutali ¹³Vakatondovenga lilove na kulovola,''Yesu,Abwana ntuhummie.''¹⁴Pavakabonanga akalovalelanga,''Nnyendange nkachitangelange kwa amakuani.''Pu vajendangaga vakataka sikanga . ¹⁵Jumwe pa akaivona alamite akabuja kwa lilove likulongwa akisri sifu Nnoongo. ¹⁶Akatindivala pa makongo ga Yesu akashukuru.Jumo akavi msamaria.¹⁷Yesu ajangula,akalovola,''Bule vanga tasikanga voa komi?vavingingi koji vanginjivala aticha? ¹⁸Hata jumwe jwa akavonekana kubuja ra kutukucha Nnoongo,ila hojo nnengemiajo?'' ¹⁹Akalovolela,''Linuke na nnyende imani jinu jinamie.''²⁰Pa vakankonyanga akamafarisayo ufalme gwa Nnoongo upakuika lii,Yesu akaja ngolanga akalovola,''Ufalme gwa Nnoongo ga chileve cha kuvonekana. ²¹Vala vandu valongelanga hopo,Nnole pamba!au Nnole kwako!kwa maana jenejo ufalme gwa Nnoongo uvi pakati jinunji.''²²Yesu akalovolela akanafunjivakwe,''Mundu upakuwika pu kutamianga kulola lichova limwe lya mwana jwa Adamu,lakini nnlivanangahopo. ²³Vapakulovolelanga,Nnplange,kwako!Nnolange hapa!Na ngajenda kulola,wala makagulanga hopo, ²⁴Malenga umeme gwa njai pu mulika kuangani kulumbu upande gumo hadi gonge.Nga malenga mwanajwa Adamu apakuve eneyo kulichova lyakwe.²⁵Na lakwanza inazimu kuteseka ku mambo majingi na kunkana na chivelei chenje au uvelei gongo. ²⁶Paikiva malenga machova ga Nuru,na ipakuve malenga machova ga mwana jwa Adamu. ²⁷Vakalengango vakanyweganga,vakaoana na kuolewa mpaka lichova lya Nuhu pajingilaga musafina na gharika jika ika na kuvaanganichanga voanji.²⁸Paikave muchova lya lutu,vakalyangange kunjwe,vakaemelanga na kuhucha,kulemanga na kuchenganga. ²⁹Ga lichova lyavoka lutu sodoma,jikakoma ula ja moto na chiberiti kuvaka kumbinguni ikaangamichanga vaanji.³⁰Ipaku yoyooyo lichova lya Mwana jwa Adamu pa pakuekulikwa. ³¹Lene lichovalyo,nkokunuhusu jwa vikudari ja nyumba auluke kutola bidhaa jakwe nkati nyumba.Naa nkovu luhusu jwa vikungooonda avoye kaaja.³²Mukumbokele munkege jwa lutu. ³³Jwa joajula jwa jaribu kugaokoa maishagakwe apakugaoya ,jwa apaleugapoteza maisha gwakwe apakugaokoa.³⁴Na nnovolelanga,chenekilyecho vandu avele vapakuve kuchindanda chimo,jumo apakutolegwa,na jumo apakuiigala. ³⁵Akijege avele vapakuve kuyaganga jumwe apakutoligwa jumo apakuigala.³⁷Vakajangulanga,vakankonyanga.Koaji Abwana?Akajangulanga,Pu vizonga vapakukusanyikanga matumbui.''

18¹Akalovolelanga mfano,ipasanga kujopa ku Nnoongo machovo goa,Vakotokuka tanga tamaa. ²akalovola,'Akiva hakimu ku muji fulani,akiva gajogopa Nnoongo na kwa hemianga hopo vandu.³Akiva njane kuu jini fulani,akannyenda,''Mara nyingi,akalovola,Njaidia kupata haki dhidi ja mpinzajwangu.' ⁴Machova manjingi jwangakiva tayari ja kunsaidia,mada ja muda akalovola muntima gwakwe,Pa kuve ne ganyogopa Nnoongo au kuhemu mundu, ⁵Pa kuve oju njane atenda kunjumboa mbakuchaidia kupa haki jakwe,akotokuabuya kuikilila mara kwa mara.''⁶Na Abwana akalovola,'Nnyoanikianga pa akalovala hujo hakimu dhalimu. ⁷Bo nnoongo apakuleta haki kwa akateule vakwe ku vanngutilanga kilo na muii?Bo,jono atenda hopo uvumilivu kwajambinji? ⁸Nalovolelaga,apakwapatia haki upechi,lakini,papakuika mwana jwa Adamu,bu Apakujibona imani pa duniapano?⁹Akalovolelanga mfano bandu vava nikinginge na venavyo nga vavavi ngingi na haki,vatenda kwa zarau vanginji voa, ¹⁰Vandu avele vakajendanga kueka kuni kusali,jumwe Mfarisayo jonge jwatosha ushuru.¹¹Farisayo akajema akajupa mambagakwe ga mwene,Nnoongo,ndekushukuru ne nga malenga vanginji na akanyanganyi,vandu vanga uadilifu,akamalaya au malinga hojo ntocha ushuru. ¹²Ndenda kutava mara mavele kila wiki.Moa zaka ga mapatogangu ga gambata.'¹³Jwa kutosha ushuru,akajema kutali,na jwanga kombola hata kuinua mio kumbinguni,akagonga kifuachakwe akalovola,''Nnoongo,nneemu nenga juna dhambi.' ¹⁴Nalovolelanga,mundu jola akabuja kwachukwe akiva akavalangigwa haki kuliko jongejola,sababu kila jwa ajiovekela apakutemusha,kila mundu jwa ajingenyekea apakumuliwa.¹⁵Vandu vakaletelanga vana akachochoko,vagusange,akinafuvakwe va vangalola nyeneyo,vakakanianga. ¹⁶Nambo Yesu akakemanga akalovola,''Mwalekange vanavachokochoka vaikange pangu,nkotokwakanikianga kuwika maana ufalme gwa Nnoongo jwa vandu malinga venavo. ¹⁷Amiange,nulovolelanga,mundu joajola jwangakupokela ufalme gwa Nnoongo malenga mwana ngu vajingilaopo.''¹⁸Mtawala jumo akakonya,akalovola,''Amwalimu mwema,nndendivole ni urithi uzima gwa milele?' ¹⁹Yesu akalovolela,'Ga vale nngema na mwema?Jwakwa mundu jwa vimwema mwema?Jwakwa mundu jwa vimwema ila Nnoongo jikajakwe. ²⁰Muimanyi amuri ngongola,nkolokoma,usiibe,uongo nkotokushudia unani,mwaheshima atativinu na amamavinu. ²¹Ntawajala akalovola,''Mambo gaogo nakagalimicha tangu panakiva kijana.'²²Yesu baada ja kujoa genego akalovolela,''Mpungukiwe na lijambo limwe.Lachima uuche yoa ibinayo na mavagilange akamasikini,na mpakuve na azina kumbinguni na pena iike ngagule.' ²³Tajiri jola pa akajoa genago,akahuzinika muno,pa kuve akiva tajiri sana.²⁴Na Yesu,akavona pa vakauzunika sana akalovola,Namuna japi pa ipakuve vigumu matajiri kujingila ku ufalme gwa Nnoongo! ²⁵Maana ni laisi sana ku ngamia kupeta litobo lya sindano,kuliko kwa atajiri kujingila ku ufalme gwa Nnoongo.'²⁶Vavakajoanga genago,vakalovolanga,''Gani pena,jwapakombola kuokolwa? ²⁷Yesu akajangula,''Mambo gangakomboleka kwa mwanadamu ku Nnoongo ga pakuwezekana.''²⁸Petro akalovola,'Naam,twenga tulekite kila kileve na tunkagwile mwenga.' ²⁹Na Yesu akalovolelanga,Amin,nulovolelanga ene jwakwa mundu jwalete nyumba,au munkege,au nnunguna,au akazazi,au vama,kwaajili gwa ufalme gwa Nnoongo. ³⁰Jwa apakupokela majingi zaidi ga ulimwengu gongo,na ku ulimwengu guika uzima gwa milele.'³¹Baada ja kwakusanyanga vava akumi na avele,akalovolelanga,Nnolange,tujendanga ku Yerusalemu,na mambo gooa gagandikwe na manabii kuhusu mwana jwa Adamu gapakukamilishwa. ³²Kwa maana apakuvekwa kummaboko ha vandu na mataifa na apakutendegwa dhihaka na jeuri,na kuunilanga matadhihaka na jeuri,na kuumilanga mata.' ³³Baadaye vakuchapa ibooko na kukomanga na lichovo lya tatu apakuyoka.'³⁴Vangamanyanga mambo genago,na lineno lineyo likaikwa kwa chavenji,na vanaelewa ileve yalobwile.³⁵Pa akakaribia Yesu ku Yeriko,mundu jumwe jwangalola akatama kando ja barabara ajopa nsaada. ³⁶pa akajoa umati gwa vandu ukapetaga akakonya chiniki kichipitila. ³⁷Vakanlovolela ine Yesu jwa Nazareti atenda kupeta.³⁸Jonijola kipofu akaguta kwa nguvu,akalovola,''Yesu ,Mwana wa Daudi,njinneenu.' ³⁹Vandu va vakalongwana na nsafara gola vakakalapianga kipofu jula,vakalovolelanga akotoke.Lakini jwanga leka kuguta kwa sauti.Mwana wa Daudi uneemu.⁴⁰Yesu akajema akaamurisha mundu jola vanletange pa vi Yesu.Kipofu jola pa akakaribia,Yesu akakonya. ⁴¹'Mpala nitendenikii?Akalovola,''Bwana mpala kulola.'⁴²Yesu akalovolela,'Mpakulola.Imani jinu jiponikie.' ⁴³Mara jojoojo akalola,akankagula Yesu apeta kutukucha Nnoongo.Pavakalolanga lene,Vandu vooa vasi fianga Nnoongo.

19¹Yesu akajingila na kupeta ku katikati ja Yeriko. ²Na penapo akiva mundu jumwe rakema Zakayo.Akiva nkolongwa jwa vakutosha ushuru na mundu tajiri.³Vatenda kujaribu kumwona Yesu jone mundu jwa namwagani,vangakombola kummona ligongo lya umati jwa vandu pakuve vakiba ajipitahu. ⁴Ga vakalongelela livelo nnongi ja vandu,akaovokela kunani ku mkuyu aweche kumwona,kwa sababu ja Yesu akakaribia kupeta jenendelejo.⁵Pa akaika Yesu mahala pala,akalolokea kunani ga nlovolela,''Zakayo,ntuluke upesi,kwa mana leneno lazimajiunde kwa chinu mwenga.' ⁶Gatenda haraka,akatuluka na kukaribisha kwa furaha. ⁷Vandu voa pavakagavona genago,vakalalamikanga,vakalovolanga,Bajabwi kuntangila jwa chambi.'⁸Zakayo akajema akalovola Bwana,Nnole Bwana nusu ga mali gangu apegange akamasikini,na endaive nganyanganya mundu jwa juoa jola kilebe,mba kurudishia marapacheche.' ⁹Yesu akalovolela,Leleno wakofu uwike ku nyumba ejeje,kwa maana junojwa pia mwanajwa Ibrahimu. ¹⁰Kwa maana mwana jwa mwajwa mundu aike kulolokea na kuoko vandu vavao bitinge.'¹¹Pavakajuanga genago,akaendelea kulongela na akavaa mifano,kwa sababu akiva na akavaa mifano,kwa sababu akiva karibu na ku Yerusalemu,na vakaganikianga kita ufalme gwa Nnoongo uvikaribu kuvonekana mara tu. ¹²Na aka lovolelanga,'Ofisa jumwe akajabula kuchilamba cha kutalika akapokile ufalme na abujenago.¹³Akakemanga akatumivakwe komi,akape mafungu komi,akalovolelanga,''Ntendange biashara mpaka mba mbakubuja.' ¹⁴Lakini akinanchivakwe vakanchikianga na kutumanga ujumbe vajendange vakagule na vakalovole,Twapalite hopo vatulawale. ¹⁵Pa vakabuja pachave baada ja kwatawadha amfalme,akaamurisha wale watumishi aliyowachia ela vakemwange kwa chakwe apate kumanya faida gani vavapatingite kwa biashara javatendingite.¹⁶Jwa kwanja akaika,akalovola,Bwana,lifungu limu litei kavele mafungu komi zaidi.' ¹⁷Jweni Ofisa akalovolela,yambone,give ntumishi mwena,pa kuve kwakiva mwaminifu ku mambo machoako mpakuve na madaraka ku miji komi.'¹⁸Jwa pili vele akaika,akalovola,''Bwana fungu lako litendite mafungu nhano.' ¹⁹Jono Afisa akalovolela,ntole mamlaka ga miji mitano.'²⁰Na jonge akaika,akalovola,Bwana hije hapa elejinu,ngaveka ku usalama kuchitambaa, ²¹Ne gajopa kwa chababu cha ngaveka na kuuna changalikupanda.'²²Jono Ofisa akalovolela,ku mane mmeeno,mbakuhukumu,gwe ukaimanya mwatumishi mbaya.Ukaimamya na namundu nkali,ndola nangali kuchiveka na kuuna eka ngapanda. ²³Na mbona,mangacha ele yangu ku benki,na pambakuvuja ndole na pamo na faida?²⁴Ofis akalovolela vandu vavakajemanga hapo,mupekange lyene livungu na kumpejwa livungu jakivanalyo komi.' ²⁵Vakalovalela,Bwana,juno avinamafungu komi.'²⁶Nalovolelanga,kila mundu vavavinacho apakupata zaidi,lakini jwa ngalinacho ata hicho ja chavinacho kipakulolegwaa. ²⁷Lakini akadujangu,vangapalanga mpena afalme jwave,maletange hapa na makomange nlongijangu.''²⁸Baada ja kulongela genago,akaendelea nnonge akavokela kujenda ku Yerusalemu.²⁹Pa akakaribia Bethfage na Bethania,karibuni na chitombi cha Mizeituni akatuma akinafunji vake avele, ³⁰akalovola,''Nnyendange kuchi jiji cha jirani,Nkajingilangaga,npakukolela mwana punda jwangauvakelya tango.Mkamfunguange,mulete pambano. ³¹Na munda akakoyangaga,''Mbona ntenda kufungua?''Mlovolange,''Abwana vatenda kupala.''³²Venivala vakajendanga vakamwona mwana punda malinga Yesupaakalovolelanga. ³³Pavakaguluguanga mwana punda vakumiliki vakalovolelanga ,''Ga vale mukuluanga maua punda ndojwe?'' ³⁴Vakalovolanga Abwana vatekupala.' ³⁵Bai,vakampeleanga Yesu,vakatandika ngovo yave manani mwana punda na kukweleya Yesu nnanijakwe. ³⁶Pa akajenda vandu vakatandikanga ngovojavinji mu barabara.³⁷Pa akatilemukia kuchitombi cha Mizeituni,jumui yoa ya akanafunzi vakatumbulanga kushangilianga na kutucha Nnoongo kwa sauti ngolongwa,kwa kugavona mambo makulongwa vavaga mwenitinge. ³⁸Valovolanga,''Jwabarikiwe mfalme jwa ika kulina lya Abwana!Amani mbinguni,na utukufu juu!'³⁹Kati ja Mafarisayo ku nkuitana vakalovolelanga,Amwalimu,mwakanibiange akanafunjivinu.'' ⁴⁰Yesu akajangula,akalovola,'Nalovolelanga endavakotokingi agwetwava,maganga ga gapalunonoga lilove .'⁴¹Yesu paakakaribia kunjini akaugutila, ⁴²Akalovola,na nkaimanyi na mwenga kulichova lendeno mambo gaganletela amani!Lakini nangocheno gaiitwe pa mio ginu.⁴³Pakuve lichova ga tenda kuika na akadui vinu vapakuchenga bomo karibu na mwenga na kutindikia na kukandamizia kuvoka kila upande. ⁴⁴Vapakugwia pai mwe na achavana vinu,Hannekanga hopo ata liganga limwe juna lenge,kwa sababu mwangaemanya muda gwa Nnoongo pa apala kuokoa.'⁴⁵Yesu ajingi Mu Hekaluni akatumbula kwa venganga vavakanehanga monomwe, ⁴⁶Akalovolelanga,''Landikwe,'Nyumba jangu jangu jipakuve ja sala,lakini mwagweto litendangite live lipako lya akanyanganyi.''⁴⁷Na pena,yesu atendakufundisha kila kila lijova hekaluni.Makuhani wakuu na walimu wa sheriya na akaviongozi va vandu vapalanga kukoma, ⁴⁸Lakini vangakombolanga kupata ndela ja kutenda hineyo,jwa kuve vandu voavatenda kunyoanikia kunakini.

20¹Likiva lijoba limo,pa atendakufundisha vandu kuhekaluni,na kuumbiri abari ja mbone,Makuhani makolongwa na akamwalimu va sheria vakajeyendelanga na akazee. ²Bakalongelanga,vakalovolelanga,'' Ntulovolele kumamulaka gani mambogutenda go?Au gani jonwe jwa mpi mamlaka genago?''³Na akajangula,akalovolelanga'Mane mbakukonyanga liswali.Nnovolelange ⁴Ubatizo gwa Yohana.Bo,ukivaka kumbinguni ama kwa vandu?'⁵Ga vakajadiliana venenji kwa vene,vakalovolanga,'Endatulovile,'Ukavoka kumbinguni,apakutukonga,Bai mbona mwangaanini? ⁶Na endatulovile,ubokite kwa wanadamu,vandu voa pamba vakutupota maganga,Maana voa vatendanga kuamini Yohana akiva nabii.'⁷Bai,vakanyangulanga kita vangaimanya kuvokile. ⁸Yesu akalovolelanga,''wala nenga nanlovolelanga hopo kumamlaka gani gu ndenda mambo jenego.''⁹Akalovolelanga vandu kwa mfano gongo,''Mundu akapanda kulishamba la mizaituni,akalikodisha kwa vakulemanga va mizaituni na akajenda kuchilambo chingi kwamu nnyingi. ¹⁰Kwa muda gwa ukapagigwa,akantuma mtumishi kwa vakulema vala va mizaituni,mbegage sehemu ja matunda ga mizaituni.Lakini vakulemanga vala va mzabibu vakampotanga,vakammuyanga mavoko matopo.¹¹Kisha akantuma kavele ntumishi jonge na jonejwe vakammpote,kundendele vibaya na vaka mmuyanga mavoko matopo. ¹²Akatuma kavele jwa tatu na jono vaka jeuri na kulenke panja.¹³Na Abwana va lishamba akalovola,''Mbakutenda vole?Nantuma jonge junumpala,labda va pakuuheshimu.' ¹⁴Baaada ja kummonanga vakulema vala va mzabibu,vakajadiliana na vakalovola,'Hojo ga mrithi,Tungome,na urithi gwakwe uve gwitu.'¹⁵Vakamunoganga nkati ja lishamba lya mizaituni na kunkoma,Bo,bwana wa lishamba apakwatendanga bule? ¹⁶Apakuika kuangamiza vakulema va mzabibu,na apakwape lishamba lela vanginji pa vakajoanga gena,vakalovolanga,Nnoongo atekaana'¹⁷Na yesu akalolanga,akalovola,''Bo lene liandikoele li vi na maana japi?'Liganga livakalikanaga vakuchenga,li vi liganga lya kupembeni? ¹⁸Kila mundu jwa apauungwe kunani ja liganga lenelyo.apakutwekuya ipande ipande.Lakini jwa lipakunywela,lipa kwa ponda.'¹⁹Na waandishi na akakolongwa va makuhani vakapalanga ndela ja kurikamula muda gogoogo,vakaimanyanga akalovola gono mfano kwa sababu ja vinjio Mambu vakajogopanga vandu. ²⁰Vakalolanga kwa makin,vakatumanga akapelelezi vavakandetedanga vandu va laki,ili vapatange kulipata likosa ku utubajakwe,na vampelekange kwa walawala na vavavingingi na mamlaka.²¹Na vankankonya,vakalovolanga,''Mwalimu tuimanyi pu nnovola na kufundisha mambo ga kweli na ga gakusawishiwa na mundu,lakini menga mfundicha ga gakweli husu ndela ja Nnoongo. ²²Bo ga alali kwachitu kulepa kodi kwa kaisari,au la?''²³Na Yesu akaimanya ntego gwavinji akalovolelanga, ²⁴''Nnangilange elinari,sura na chapa ja gani jivi kunani jakwe?''vakalovolanga,''Ja kaisari.''²⁵Na akalovolela,''Bai,mumpe kaisari ga gavi gakwe kaisari,na Nnoongo ga gavi ga Nnoongo.' ²⁶Akaandishi na akako va makuani vanguve na uwesho gwa kukosa cha akalovola nnongi ja vandu.Vakaomwa nganga majibu gakwe na vangalovolanga chileve cha choa chila.²⁷Baadhi ga Masadokayo vakanyendelanga,va valovolanga gwakwa ufufuo. ²⁸Vaka mkomanga,vakalovola,''Mwalimu Musa akatujandikila mundu endawililye na nnunguna gwakwa na andavi na muinkege jwanga mwana bai anapaswa kutola muinkege jwa nmunguna jwakwe na kupapa kwa ajili ja nkakamundu.²⁹Kwa kivu na ndugu ababa jwa kwanza akaoa,akawe jwanga kuleka mwana. ³⁰na jwa vele yoyooyo. ³¹Jwa tata akantola ile ile,yoyooyo jwa saba jwa ngaleka mwana akajomoka. ³²Baadaye mwi nkengejula na akajomoka. ³³Ku ufufuo apakwe mwinkege jwa gani ki?Maana voa chava vakaoanga.'³⁴Yesu akalovolanga,''Vana va ulimwengu gono kuoanga na kuolewa. ³⁵Laki va rastaili kupokea ufufuko gwa wafu na kujingila uzima gwa milele hawaoi wala haolewi. ³⁶Vala gawganga kavele,kwa sababu vave sawasawa na malaika na vana va Nnoongo,vaveganga na ufufuo.³⁷Lakini pa kuve wafu ufufuliwa,hata na Musa vakalangilwa ku sura ja lutela,pena akalovola Bwana jwa Nnoongo jwa Ibrahimu,na Nnoongo jwa Isaka,na Nnoongo jwa Yakobo. ³⁸Nangocheni,jono ga Nnoongo jwa wafu jwa vavingingi akai,pa kuve voa vatamanga kwachakwe.''³⁹Baadhi a akamwalimu va sheria vakajangulanga,''Mwalimu,nnyangwi ya mbonele.' ⁴⁰Vangachubutu kwakonyanga maswali mange kavile.⁴¹Yesu akalovolelanga,''Kwa ,bole vandu valololanga kristo ga mwana jwa Daudi? ⁴²Maana Daudi nmwene alovola ku Zaburi:Bwana akalovolela Bwana jwangu:Ntame luvokolyangu lya nlelo, ⁴³Mpaka nibeke adui jinu ja makongono ginu.' ⁴⁴Daudi akema kristo Bwana,bai apakuve bule mwana jwa Daudi?''⁴⁵Vandu voa pavakannyoanikianga akalovolelanga akanafunzi vakwe, ⁴⁶'Mmegange makini na akaandishi,va vapalanga kutwanganga vakwindite mavazi matandamau,na vapalanga salamu maalumu kusoko na iti geshima kumasina gogosi,na maeneo ga heshima kukaramu. ⁴⁷Na venangweto na kulye kunyumba ja akajane,na vichendanga kusali kurefu vena vapakupata huku ngolongwa zaidi.'

21¹Yesu akalola akavonanga akivalome malajiri vavalekelanga zawadi javo kwa hazina. ²Akabona njane jumwe masikini akaveka sente yakwe ivele. ³Na akalovola,''Ukweli nalovolelanga hojo njande masikini aleki ela ijingi kuliko mmoaji vonlekilinge. ⁴Voa vavapelekiangege ela zawadi kuvoka kwa ijingi ivavinginginayo.Lakini hojo njane,kwa umasikini gwakwe,atoi ele yooa yakivinayo kwa ajili ga maisha gakwe.''⁵Muda gange vanginji pava longelanga juu ya hekalu,pu livilipambuite na maganga ga chwapi na matoleo,akalovola, ⁶Kwa habari ga mambo ga gavonanga,lichova lipakuwika ipakuve lyakwa liganga hata limwe lipakulekwa kuuani lya lijakwe lyangabombolewa.''⁷Na vakankonyanga,vakalovolanga,Mwalimu,mambo gani gapakuvokela lii?Na ipakuve lii jipakuve ishara ga mambo ga pa kuve karibu kuvokila?'' ⁸Yesu akajangula,''Mmegange waangalifu nkoto kudanganyika.Pa kuve sababu ja akajingi vapakuwika ku lina lyangu,vapakulovolanga,''Ne nga na muda ukaribie,'Nkotokwakagulanga. ⁹Enda nyoaninge ngondo na vuruguvungu nkotokujogopanga,pa kuve genia mambo lazima gavokele kwanza,lakini mwicho upitila hopo upesi.''¹⁰Na akalovolela,Litaifa lipakuinuka na litaifa lenge,na ufalme kunani ufalme gonge. ¹¹Kuve na matetemeko makolongwa,na njale na tauni kumaeneo mbalimbali.Kupakuve na matokio ga kutisha na ishara za kutisha kuvoka mbinguni.¹²Kabula ja mambo goa,va pakuveka mavoko gavinji panani jinunji na kutesanga,kupelekanga ku masinagogi na kunamagereza,na kupelekanga nnongi ja kafalme na vavavingi na mamiaka kwa sababu ja lina langu. ¹³Jene vapakunyogoleka fursa ushuhuda gwa kachinunji.¹⁴Pena nhamuange mmitima jinunji nkotokange kuveka utetezi mapema, ¹⁵Kwa sababu mbakupenga malove na hekima,gagapakuve akadii vinunji goa bagapingangaupo au kugakana.¹⁶Nambo mpakanigwa naka azazi vinunji,akamunguna vinunji,akajamaa vinunji na akarafikijiinunji na vapakukoma baadhijinunji. ¹⁷Vakuchukianga na kila jumue kwa sababu ja linalyangu. ¹⁸Lakini hata lunyili lomo lulupakuoveka. ¹⁹Katika kuimbilila mpakuponea nafsi jinunji.²⁰Lakini,pa mpakuvona njini gwa Yerusalemu uzungwike na majeshi,mwi mmanyange uaribifu gwakwe ukaribie. ²¹Na vavinginge ku uyahudi na vavutukilange kumatombi vavavingingi panakati vavutukilange panja,na vavavingingi kumigonda vakoto kujingila kunjini. ²²Maana yane machova ga kisasi,mambo goa gagandikwe gapate kutimilika.²³Ole kwa vandu vavavingingi na chitumbo na kwa nyonyeshanga kwa machova genago.Pakakuwe na adha shida ngolongwa pai chilambo,na hasira kulitaifa lendeno. ²⁴Vapakuangukanga kwa ncha gwa upanga na kutoligwa mateka ku mataifa goa,na ku Yerusalemu jipakuleve twa na vandu va mataifa,na muda kwa mataifa gagapakutimia.²⁵Kavele,kupakuve na ishara kulichova,na kumwei,na kunyota,na kuchilambo kupakuve dhiki mataifa ga pakuomwanga kwa uvumi gwa bahari na na msukosuko gwakwe. ²⁶Ipakuve na vandu kuindukanga kwa hofu na kutaraji maambo ga gapa kupilila panani dunia.pa kuve ngufu ja mbeengu ipakutikisika.²⁷Ga vapakumwaonanga mwana jwa Adamu akaikaga kumawingu kwa ngufu ja utukufu nkolongwa. ²⁸Lakini gena mambo pa ga pakujemeka kupitila,nmwemange,ihimenge mitwe jinunji,kwa maana ukombochi gwenunji ukaribie karibu.''²⁹Yesu akalovolelanga kwa mfano,''Mulo lekianga mtini,na mikongo jooa. ³⁰Pagapia machipukizi,michivo nenga nchiveninji na kuchimanga kila kiangachi tayari chi karibu. ³¹Ela ela,pu mmonanga mambo gena ga kapitilaga,na muimanyange kita ufalme gwa Mnoongo ukaribie.³²Ku kweli,nalovolelanga,ugo uvelego upeta hopo,mpaka mambo gena goa pa gapakupitila.

³³Mbingu na chilambo ipakupeta,lakini malove gangu gapetaa hopo gu.³⁴Lakini muchiangaliange machinavene,miojiningi jiko kuelemewa na chojo,na ukolelwa na kuabukanga na maisha gangano.lichova lyenelyo lipakuwika ghafula,malenga ntegogu pakalya,ghafula. ³⁵Malinga,ntego,pakuve kila jwa tamakunani duniani jono.³⁶Mmegange tayari kwa muda gwa goagola,njupange mmegange imara kuwa kutosha kujepa goago gagapakupitila,na kujema nnongi ja mwana jwa Adamu.''³⁷Na muda gwa muhii atendakufundicha hekaluni na kilo akavoka panja,na kujenda kukeluya kulitombi likemwa ku mzeituni. ³⁸Vandu voa vakaikanga kundavi maema kunyoanikianga nyumba ja hekaluni.

22¹Sikukuu ja nkate gwangaleke chachu ukakaribia kuika,gavajikema pasaka. ²Makuhani makolongwa na akaandishi vatendakujadiliana namna ja kukoma Yesu,pakuve vandakwajogopanga vandu.³Chetani akajingila mu yuda iskariote,jumwe kati ja akanafunjivakwe koni na akavele. ⁴Yuda akajabula kujadiliana na akanaota va makuani na akanahota pu vapakukabidhi Yesu kwavonji.⁵Vakafurahianga na kukubaliananga kwa pee ela. ⁶Na akanidhika,na akapala nafasi ja kwapeganga yesu kutali na likundi lya vandu.⁷Linjova lya nkate gwanga kulekela chachu ukaika,na pena lingondololya pasaka lazima atoligwe. ⁸Yesu akatumanga petro na Yohana,akalovola,''Nnyendange nnkaandaange chakulya cha pasaka na tuike tukilye.'' ⁹vakankonyanga tulendi genago maandalishi?''¹⁰Akaajibu,''Nnyoanga,pu pakujngilanga kujiri,munalome jwa patwile chivega cha machi apakongana na magweto mwenga.Miikagulange ku nyumba ja pakujingila. ¹¹Na mwalole akola nyumba,''Amwalimu valovolela,''Chi koji chumba chakageni, mahali penapo mbakulye pasaka na akinafunzi vangu?''¹²Ba pakunlangilanga chumba cha gorofa ni na chivitayari.Ntendange maandalizi monomwe.'' ¹³Vakajabulanga,na vakakolelanga kila kileve pa akalovelelanga.Na vakaandaanga chakulya cha pasaka.¹⁴Muda paukaika akatama na akamitume vala. ¹⁵Na akalovolela,''Mbi na hamu ngologwa ja kulye sikukuu ije ja pasaka na mangwetomwenga kabula ja kuteswa kwango. ¹⁶Na nlovolelanga,ndyekaveleje hopo mpaka pa mbakulimicha kufalme gwa Nnoongo.''¹⁷Pena Yesu akatola chikombe,na pa akajomola kushukuru,akalovola,''Ntelange hiche,na nn'gavanange magweto kwa mangwetunji. ¹⁸Ku maana nalovolelanga,nywekavele hopo uvelei gwa mzaituni,mpaka ufalme gwa Nnoongo pupakuwika.''¹⁹Na akatola nkate,paakajomola kushukuru akagavana,na kwapeganga,akalovola,''Gongo ga mmelegwangu gutoligwe kuu ajili jinunji.Ntendange ineyo ku ngombokila nenga.'' ²⁰Akatola chikombe ela ela baada ja cha kulya cha kilo akalovala,''Chikombe cheno cha agano liyono ku damu jangu,jijijitike kwa ajili jinunji.²¹Lakini angaliange.Jwa zaliti avipapa pamecha najo. ²²Kwa maana mwana ja Adamu kwa kweli ajabula malenga paamuliwe.Na ole ku mundu jola kupete ku jonojwe mwana jwa Adamu asalitiwe!'' ²³Vakatumbulanga konyananga achiveninji,gani miongoni ja vinji jwa kutenda lijambo line.²⁴Na katokea mabishano katika javonji ga gani jwa dhaniwa nkolongwa kuliko voa. ²⁵Akalovolelanga,''Akafalume va vandu va mataifa ni na ubwaana juu javenji,na vavavinginge na mamlaka juu javinji vakemanga akaheshimiwa va katawala.²⁶Na gapaligwa kabisa kunama gwetu mwenga.Baadala jakwe,munekange jwa apala ukolongwa kati ginunji ave valenga nechokochoko.Na jwa vii muhimu sana ave malenga gwatumika. ²⁷Kwa maana jwapi mkolongwa,jwa taama kumeza au jwa tumikia?Bugajwa atama kumechani?Na nee tangwe na pakajinunji malenga jwatumikia.²⁸Na mangwetu mwenga nga mu endeleinge kuve na kuma jaribu gangu. ²⁹Na mpaganga nenga ufalme,malenga Aatativangu pavambi ufalme. ³⁰Na mpatange kulye na kunywe kumecha jangu ku ufalme gwangu.Na kulama pa mecha na ili ya enzi bi kuhukumu makabila komi na mavena ga ku Israel.³¹Simoni,Simoni,muiimanye kuve,shetani ajupa apate na avapepetange malinga ngano. ³²Lakini nannyupa,kwa imani jinu ikotokulepela,Baada ja mmujite kavele,maimarishange akanunguna vinu.''³³Petro akalovolela,''Abwana mbitayali kuyabula na mue kumagereza na hata kumauti pamwe.'' ³⁴Yesu akajangula kujibu,''Nannovolela petro,likambaliko apa kuveka leleno,kabla ja kungana mara pa tatu na kulovola mmanyi.''³⁵Na Yesu akalovola,''Ni hipo wapeleka ninyi ngwanga uko,chichapu changa chakulya uko,chichapu changa chakulya,au itatu,bo nkapungukia na kileve?''Vakajangulanga chakwa ''. ³⁶Na akalovolela,''Na ngocheno,kila jwa vina huko ana apetule na chikapu cha chakulya.Jwanga upanga ilazimu auche lijoho lyakwe akaemele.³⁷Na nlovolelanga,goa gagaandikwe ku ajili jangu lachima gatimiike,na akatolegwa malenga mundu jwa akavunja sheria ja torati,''Pa kuve kila kilichotabiziwa kwa ajili jango kitimichwe.'' ³⁸Na vakalovolanga,''Bwana,nnole!Hiye hapa mapanga gavele.''Na akalovolela''gapakutocha.''³⁹Baada ja chakulya cha kilo,Yesu akavoka,malenga patenda mara kwa mara,akajenda kuchitombi cha Mzeituni,na akinafunzi vake vakakagulanga. ⁴⁰Pa vakaikanga,akalovelelanga,''Nnyopange ikotokujingila kumajaribuni.''⁴¹Akajabula kutali kachoko na vanginji malinga pa kugaloya paliganga,akatindivala majugwa akajopa, ⁴²Mara maika kuvoka kumbinguni akampitila,ga mpe ngufu.⁴³Mara maika kuvoka kumbinguni akampitila,ga mpe ngufu. ⁴⁴Pakivva mukulyala,akajopa kwa ngufu muno,na liuke lyakwe lakivi malenga manyunyu ga damu gakadondokaga mai.⁴⁵Pa akavoka kuvoka kumaombi gakwe,akaika kwa akinafunzi vakwe,na akakolelanga vagolongine pa kuve vakivanga na huchuni ja vonji. ⁴⁶Na akakonyanga,''Kwa niki nng'olokanga?Nnyimukange uombange,nkotokujingilanga mumajaribu.''⁴⁷Pa kivatangukulongelamnnole,likundi likolongwa lya vandu,na yuda,mmpja wa mitume koni na akavele akaongozanga.Akaika karibu na Yesu ili abuchu, ⁴⁸Laki yesu akalovolela,''Yuda,bu musaliti mwana jwa Adamu buchu?''⁴⁹Muda gwa vavakakiva karibu na Yesu pa valolanga vakalolekeanga genago ga gapitila,vakalovolanga,''Bwana,bu twapotange kwa upanga?'' ⁵⁰Na jumwe jwavo akampota nntumichi jwa kuhani mkuu,akafika lichikilo lyakalelo. ⁵¹Yesu akalovala,''Bai patochite,Akakamula kukusa lichikilo lela,akaponicha.⁵²Yesu akalovola kwa kuhani akolo,na kwakinahota va hekalu,na akanzee vavakaikanga kinyume chakwe.''Baleiikanga malenga ikakanga kupambana kujomana na nnyanganji ,na marungu na mapangaginwago? ⁵³Kilalichova panakiva pamonji kuliekalumanga nyosheanga mavokomininji,lakini na ngoche muda gwangu na mamulaka ja lwendu.''⁵⁴Bakakamulanga,vakaongocha,vakanteta ku nyumba ja kuwani nkolongwa.Lakini petro akangengama kwa kutali kachoko. ⁵⁵Pa vakawashanga moto kwakola ku wandagwa nyumba na pavakatamanga paipamo,petro akatama pakati,javonji.⁵⁶Ntumi jumwe jua munkege akammona petro pa akama kuu manga guvoka ku moto,akalolekea,''Mundu hojo na akiva pamwe najo.'' ⁵⁷Lakini petro akakana,akalovola,''Muinkege na nammanyi upo.'' ⁵⁸Baada ja muda kaduko,mundu jonge akammona akalovola,''Mwe ga mmingi pamonji.''Lakini petro akajangula,nee ngava.''⁵⁹Baada ja saa jimo ela,munalome ju mwe akasisitiza akalovola,''Kweli kabisa hawa mundwava pia vakivanga pamwe,na maana A mgalilaya.'' ⁶⁰Petro akalovala,''Analome,ni mmanyaopo lilovola.''Na mara akajemba jagoo likambaliko.⁶¹Yesu Akageuka,akalokea Apetro .Na petro akalikombokela lineno la Abwana,paakalovolela,''Kabula ja likambaliko kuveka leleno,mpakungana nenga mara patatu.'' ⁶²Vakapita panja na kuguta minyoi.⁶³Na vandu vavanendelaga kulendela yesu vatenda kuziakiaka kutanianga na kupotanga. ⁶⁴Baada ja kunikelanga mio,vakankonyanga vakalovolanga,''Ntabiri gani jwa mpotite?'' ⁶⁵Vakalongelanga mamo majing sana kinyume cha Yesu na kumkufuru Yesu.⁶⁶Mara pa kukache kundavi,akanzee va vandu vakakusanyikanga pamo,akinahota va makuhani na akaandishi. ⁶⁷Vakampelekanga kulibalaza, Vakalovolanga,''Malnga mwe ga Akristo ntulovolela,''Lakini akalovolelanga,''Endananovalinge,nhaminianga hopo. ⁶⁸na enda nankonyingite nnyangulanga hopo.''⁶⁹Lakini kutumbula nanjocheno na kuendelea mwana jwa Adamu apakuve kutama mukuvoka ku lelo gwa ngufu ja Nnoongo.'' ⁷⁰Voa vakalovolnga,''More ga mvana jwa Nnoongo?''Na yesu akalovolelanga,mwango tamue nnovolinge nenga nga junojwe.'' ⁷¹Vakalovolanga,''Kwa ni tuvetango tujupa ushaidi?pa kuve tuvena tuoine kuvoka kulugomolwakwe mwene.''

23¹Mkutano vandu voa vakajemanga,na kupeuka,Yesu nnongi ja Pilato. ²Vakatumbulanga kuchutumu,vakalovolanga,Tukankolela mundu ajo akapocha litaifalitu,kukonakia tukavoa upokadi ku kaisari,na akalovola na jonajwa muvene ga Kristo,Mfalme.''³Pilato akarikonya,akalovola,''Bo muema mfalme jwa A kayaudi?na Yesu akajangula akalovol,''Mwenga nnovo yeneyo.'' ⁴Pilato akanovolela kuhani mkolongwa na makutano ,''Nangaliona likosa kwa mundu hojo.'' ⁵Na vandu vakasisitizanga,vakalovolanga,''Atenda kwa chocheanga vandu,atenda kufundisha Uyahudi gwoa,kutumbuku Galilaya na ngoche avi pamba.''⁶Pilato pa akajoa genago,akakonya jono mundujo jwa ku Galilaya? ⁷Pa akatambua kuve mundu jwa utawala gwa Herode,akapeleka Yesu kwa Herode,na vena vakiva ku Yerusalemu kwa gena manjovago.⁸Yesu akammona Yesu akafurahi muno kusababu apaka kwa machova vajingi.Akajoa abari jakwe na vakatani kulola gomwe gwa mujiza atundi na venavo. ⁹Herode akanhoji Yesu ku mane majingi,lakini Yesu jwangajangula chachoa chela. ¹⁰Makuhani akakologwa na waandichi vakajemanga ku kali kutakiana.¹¹Herode pamo na masikali vakwe,vakantukananga na kutaninga na kuweka mavachi ga chwapi,na kumuyanga Yesu kwa Pilato. ¹²Herode na pilato vakivanga maganja kuvokila lichovo lenelyo(kabla ja pena vakivanga maadui).¹³Pilato akakemanga makuhani wakihota na akatawala na umatigwa vandu, ¹⁴Akalovalelanga,''Nnetalinge mundu hojojo malenga mundu jwa chogoza vandu vatendange maofu na nnole,baada ja kuhoji nnongijinunji nangalivona likosa kwa mundu hojo kuhusu mambo goa gamatakianga mundujo.¹⁵Ngava,wala Herode,ngamana banuite kwa chitu,na nlole chakwa chileve chatundite chichitaili adhabu ja kume. ¹⁶Na vai mbakumpe adhabu na kuveka uhuru. ¹⁷(Na Apilato kukombuleka kuveka mfungwa jumwe kwaka Yaudi muda gwa sikukuu).¹⁸Ma voanji vakauke makelele pamo,vakalovolenga,''Munneke hujo,na ntujogolele Baraba!'' ¹⁹Baraba akiva mundu jwa kuvekwa mu gerezani magambu ga uasi fulani kumunji na koma vandu.²⁰Pilato akalovolelanga kavele,akapala kuleka Yesu. ²¹Na vakalekelanga makele na kulovola,''Musulubishe,musulubishe.'' ²²Akakonyanga mara ja tatu,''Kwa nikimundu hojojo atei vale maofu gani?Nangapata likosa lilestaili adhabu ja komigwa.Pumba kujo mda kuazibu mbakuleka uhuru.''²³Vaka kachananga kulilove likolongwa kabele,va palanga asulubiwe.Na malovegavinji gakashawishi pilato. ²⁴Na pilato akaamua kwapeganga pa vapalanga. ²⁵Akanneka jwavakampalanga na akatabwa kwavaganga Yesu pavakapalanga pa matakwagavinji.²⁶Pa vampelekangaga,vakamulanga mundu jumo akamwa Simoni jwa Ukerene,avokela kuurigonda,vakatwekanga nsalaba aupetule kunyuma jakwe Yesu.²⁷Umatigwa vandu ajingi,na akikegebi kuhuzunikanga na kuombolecha ku ajijakwe,vatendakungagulanga. ²⁸Mambo akagekianga,Yesu akalovolelanga,''Akamabinti va Yerusalemu,nkokunguti nenga,nchigutilange nwachive ningi na kwa achivanavinunji.²⁹Nnolange,machova gatendakuika na vapakulovolanga,''Vabarikiwe vavavingingi tasa na matumbo ganga veleka na mavele gangangeka. ³⁰Pavapa kutiombula kuilovalela itombi,''Ntugwelele;na matombi,'Ntufunike .' ³¹Pavatendanga kunkongo mmeke bu ipakuve bule kwa nnyomo?''³²Akinalome avele akaalifu vakapelekwanga pamwe ili vakakomigwe,³³Pavakaikanga vapakema kitonga cha mutwe,ngapakusulubisha pamo na akaalifu vala,jumo upande gwa kulelo na jonge upate gwa kwangeja. ³⁴Yesu akavola,''Atati,mwasamehange,pakuve mimanyanga hopo chivatendanga,''Na vakapiganga kura,mavazigakwe.³⁵Vandu vakanyima vakalolokea kongo akatawala vakuchopelanga''Akakoanga vanginji,Ngoche nchioko mavene,enda Kristo jwa Nnoongo,uamini jwakwe.''³⁶Na machikali gakantende kutania na kuzarai,vakarianga na vakampeganga siki, ³⁷Vakalovolanga ,''Ende nwe ma Mfalme va mayaudi nchiokoe mavene'' ³⁸Pakiva na alama kunani jakwa ikaandikwa''HUJU NGA MFALME JWA KAMAYAUDI''.³⁹Jumo jwa ualifu jwaakasulubishwa akatukana akalovola,''Mwe ngati mwa Kristo?nchiokoe mavene na twenga.'' ⁴⁰Jonge akajangula,akakalapila akalovola,mwe gannyoopa Nnoongo,na mwe mmi muhukumu jo joojo? ⁴¹Twe tuvipamba kuhaki,pamana twenga tupoke chatuchitaili chitutendite mategugitu.Laki hojo mundujo jwangatenda chichiri kibaya.''⁴²Na akaongeza,''Yesu nngombokele pa pakujingila ku ufalme gwinu.'' ⁴³Yesu akalovolela,''Amini na nnovolela,leleno mpakuve pamwe na nenga paradisa.''⁴⁴Pena jakiva saa sita,kukiva luvendu saa sita,kukiva kwendu chilambo choa mpaka saa kenda saa tisa. ⁴⁵Mwanga gwa lichova ukaimika.Na lipazia lya hekaluni likagavanika pakatika kujemeka kunani.⁴⁶Yesu akaguta kwa lilove likolongwa,akalovola,''Atati mmavokoginu nijiveka roho jangu.''Baada ja kulovola genego,akawe. ⁴⁷Baada ja Akida pa vakavona gagatundikwe akatukucha Nnoongo akalovola,''Hakika hojo akava mundu jwa haki.''⁴⁸Muda jwa umati gwa vandu va vaikanga pamwe kusuhudia pavakagavona mambo gagatindikwe,vakavujanga vakapota ifuayavinji. ⁴⁹Lakini akagamundu na akikege vavakalongwana kuvoka ku galilaya,vakajemanga kutali vakalolanga genago.⁵⁰Nnole,akiva mundu akemwa Yusufu,na akiva jumwe jwa balacha,mundu jwa chwapi na jwa haki. ⁵¹(jwanga kubaliana na maamuzi au matendo gavinji),kuvoka ku Armathaya,ku muji gwa kiyahudi,na gone gwakiva kulendelela ufalme gwa Nnoongo.⁵²Jono mundujwe,akakaribia pilato,akajupa mmele jwa Yesu. ⁵³Akantuluya,na akautindikia sand,akauveka kulikaburi likachogegwa mu liganga,lyakivatanguu kuchika mundu.⁵⁴Lya kivalichova lya maandalichi,na sabato jikaribia. ⁵⁵Akikege,vavakaikanga navo kuvoka ku Galilaya,vakankagulanga na vakavonanga likavuli na namna mmele gwakwe pava mmekite. ⁵⁶Vakavujanga na kutumbula kuandaa manukato na maraachi.Na lichova lya sabato na kupomolelanga kwa mujibu ja chalia.

24¹Lichova lya kwanza lya juma,vakajendanga kaburini,vakaletanga manukato gava kandaanga. ²Vakakolelanga liganga livingike kutali na likabuli. ³Vakajingilanga nkati,lakini vangaukolela mmele gwa Abwana Yesu.⁴Ikavokela ene,muda vakachanganikiwa ku genago,ghafla mara,vandu avele vakajemanga katijabonji vakwindingite mavazi ga kungara. ⁵Akikege vakiuvanga vavangingi na hofu na kujinamishanga nyuso javanji pai,vakalovolelanga akikeg,''Mupalanga jwa vi nchima jwakiva akawee?⁶Jwakwa pamba,ila ayokite!nkumbokilange pa akiva na magota mwenga ku Galilaya. ⁷Akalovola ene Mwana jwa Adamu lachima avekwe ku mapoko ga vandu vavavinginge na chaambi na asulubishwe,na lichova lya tatu apakuyoka kavele.''⁸Akaikege vala vakakombokila maneno gakwe. ⁹Na vakavujanga kuvaka kulikaburi na kalovolelanga goa gagapilile vava akomi na jumwe na vanginji voa. ¹⁰Basi Maria magdalena,Joana,Maria mama jwa Yakobo,na akikege wage pamwe na kuvoa taarifa jene ku mitume.¹¹Lakinigone njumbe uvonekana malenga mzahatu kumi tume,na vangaaminia akikigevala. ¹²Na hapo Apetro akajimuka na akavutuka kujenda kulikaburi,na akalingulila na kulola nkati,akaivona sanda jika.Petro akavaka akajenda kwachakwe,akaimonga kimiki chichipitile.¹³Na nlole,akavele katijave vakajendanga licho lyo lyolojo kuchijiji chimwe chichi kemwa Emau,chakiva maibi chitini kuvoka Yerusalemu. ¹⁴Vakajadiliananga achiveningi ga mambo gagapitile.¹⁵Ikavokela ene,muda guvajadiliananga na konyana maswali,Yesu akaegelela karibu akalongana navo. ¹⁶Mio gavinji gaziwiliwa ku mmanya jono.¹⁷Yesu akalovolela,''Niki chi nnongelanga makavele muda gu nnyendanga?''Vakajemanga na vavinginge na uzuni. ¹⁸Jumo jwave,linalyakwe Cleopa,akajangula,''Bo mwe manundu jwa jika hapa pa Yerusalemu javangaimanya mambo ga gapitile hukwe machova gano?''¹⁹Yesu akalavalela,''Mambo gani?''vakanyanga,''Mambo husu Yesu mnazareti,akiva nabii,jukumwecha ku itendo na maneno nnongi ja Nnoongo na vandu vooa. ²⁰Na pakuve akanahota va makuhani na akaochi vitu pa vakammoya kuhukumiwa kuwe na kuchulubicha.²¹Na tukatumaini na jononjwe ngajwa pakuveka uhuru ku Israeli.Na mbali genago goago,na ngochi lijova lya tatu kuvoka mamba geno gavokile.²²Lakini pia kati jitu akikege kuvoka kulikundilitu vakakushangaza badaja kuve mulikaburi kundavi muno. ²³Pavankosa mmele gwakwe,vakaikanga vakalovolanga tukavana maono ga maika gakalovola avi jwamomi. ²⁴Vanginji akilome baazi jitu vakivanga pamwe na twenga vakajendanga kulikaburi,na vakalolanga ile ela malenga pa vakalovola akikege vala,na vangankolelanga.''²⁵Yesu akalovolela,''Mwangweto mwenga makajinga na mitima jinunji kutopa gwa amini yoa gavakalovolanga manabii! ²⁶Bo yakiva lachini Yesu kuteseka kwa ileve hiyo,na kujingila kuutukufu gwakwe?'' ²⁷Kuvoka kuanzia kwa Musa na manabii vooa,Yesu akatafsilianga mambo gene gagamhusu juno kumaandiko gooa.²⁸Pavakakaribia kuchijiji hukwe kuvajendanga,Yesu akatenda malinga apakupta nnongi. ²⁹Vakannachimikanga,vakalovolanga,''Ntama mbana na twenga,kwa maana ielekea kimuo na lichova litenda kupeta,''Na Yesu akajingila na kutama nava.³⁰Ikavokela,muda gwaakatama navo kulye,akatola nkete,akaubirikia na kumegana,akapeganga. ³¹Na mio gavinji gangawekulika,bakauma nyanga,na akavokelanga ghafla pa migavonji. ³²Vakalongelanga akachiveninji,Mitima jitu jangawaka mumitima jitu,muda jwa akalongela na twenga kundela kula mwela gwa patufngulia maaandiko?''³³Vakavokanga muda gola gola,na kuvuga Yerusalemu.vakakolelanga vava akomina jummwe vakusamyike pamwe na vavakivanga pamo najo. ³⁴Vakalovola,''Bwana vayokite kweli kweli na apiti Simoni.'' ³⁵Na wakawaambia mamo ga gagapitile kundela,na namna Yesu pavakazirishanga kwa ku kumetulana nkate.³⁶Muda pavalengelanga mambo genego Yesu mwene akajema panakatija kwe,akalovolelanga,''Amani iwe kwenu jive kwaachinunji.'' ³⁷Lakini vakajogopanga na jakapatanga kujogopa na vakafikirianga vakavona roho.³⁸Yesu akalovolelanga,Ga vole ntendanga kuangaikanga?Gavole maswali gavoka mumitima jinunji? ³⁹Nnlolange mmavoko gango na mmakongano gangu,na nenga namwene .Mngusange na mmonange.Pa kuve roho janga nyama na maupa,malinga pumonanga nenga kuve nayo.'' ⁴⁰Paakalongela genego,akalayanga mavoko gakwe na makono gakwe.⁴¹''Pavakivanga tango na kufurahi jijianganika na gwangaamini,na kuvona maajabu, ⁴²Yesu akalovolanga,''Bo chivi kile cha choa chila cha kulye?'' Vakampe kipandacha chamaki jwa akajochwa. ⁴³Yesu akatola,na kulye nnongijaviniji.⁴⁴Akalovolela,''Punakivanga na magweto,na lovolela goa gagaandikwe kuu chalia ja Musa na manabii na Zaburi lichima gatimilike.''⁴⁵Na akajugula akilijamonji,na vamechange kugamanya maaniko. ⁴⁶Akalovolelanga,''Kuve gaandikwe,Kristo lachina alage na kuyoka kavele kuvoka kuwafu lichova lya tatu. ⁴⁷Na toba na nsamaha gwa chambi lazima ihubiriwe ku jina kumataifa gooa kuvokela Yerusalemu.⁴⁸Mangweto mashaidi ga mambo genago. ⁴⁹Nnolange,napekeanga ahadi ja atativango kwinu.Lakini pu mpakuvikwa ngufu kuvoka kunani.⁵⁰Na Yesu akaongochanga panja mpaka pu vakakaribianga Bethania.Akainua mavoko gakwe kunani,na akabarikiangu. ⁵¹Ikavokela ene,muda gwa kwabarikianga,akalekanga na kupetuligwa kuna ni kuekea kumbinguni.⁵²Bai wakamwabudu,na kumuja ku Yerusalemu na furaha jiu. ⁵³Na vakivanga daima myumba ku hekalu vavikusifu Nnoongo.

Ndonde Hamba: Bible for Luka

Formatted for Translators

Luka