Nimboran: Bible for Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Titus

Chapter 1

1Ngo-Paulus, Wai Ilam de dibu ttihlu, ndiesam tebe, Yesus-wali Ilam de-wali nmbuo llwou hlu. Ngo, wai Ilam nekawai de-tkuu de, Nombe inshi tapuu mnangde_nmbuo dlomtii, amai ho, nonang, Yesus tnang ne Yang-kie luu, debu mai dong koude-mnitebe, ngo wali nmbuo sansam ho tluu, amai ho nmbuo skie-nombe tnang nenum, wap-yamo maine kasam hotetngwou, tendyuam. 2wali nmbuo-no, ndie tang ho uwou, yombe debu-nggleng dung ndie ho tuu mnangyo keki snang sip ne dkuo mnang de nmbuo. Wali nmbuo ndie, wai ilam-nomai ho mno lkii kamang, nome tuetam de nmbuo. Ndieku, Skie tendu mako kumapne lme datum de-maning blung kwo kongho, no ming ne muai utim. 3Nombe ku-ne ketum be, Nombe-wali nmbuo ndie, ngamho lengguo-ngam maine lme dakum. Ngo, nome paiho tkuu de, nombe-wali nmbuo ndie llwou mnang ho, Tnang; No, yombe wali ilam kado detina:4Titus! Kome-ngame tenduyuam yombe, debu mai yang-tendu,"Yesus- Wali ilam detim". Ndie tang nde, ko tnang-tnang ngambe du ho lme de kado. Ngo, komho, nmbuo ndie udu, "Wai ilam de klum-wali_Nom_be kie_bu bioup- yesus- wali ilam mainde, kom ho pai to lenggue ho, No, komtne kado!"Titus Ne Plmatam De kbali-Kretaho 5Titus! Ngo, ko ndie mnangho plip benggip nyom kong map kretane, nap yamo mai ktali_mako maning biap ho kuo muode, kome biapho taneka muo dsale. Ming ne pong mnang de, ko hlu kawai dsale de nap kbali yamo maine ta dsem de dne dum, yamo-yamo- Tim dyo- tim dyone. Ndie mnang de, ko, ngame, hwou de nmbuo, ndie ho kakeng.6Nggyam bu-nggyam bu ho kawai mnang de hlu ndie, nomang suklapo kuo lasing de hlu ki tendu hulu; wombe id judai, mako biap tasung ngkengkeng judi, yesus ho ma yang; ngyam bu tmien-kie blangam kuo. 7wai ilam de nap kbali hlu-wai yamo mai kbali yeu knou mnang de, nomke mako su klapo lasing hlu_kuo kawai! kawai mnang de hlu, no blong-blong-ndendem kuo, debu klapo-nmbuo kyanggeku, bu yane ilep hlu vouo, kapuo hlu kuo, wuo nungglong hlu kuo.8No kie bato tuu de hlu-nombe yamo, mai msyo bie de-inslu dkuno-pung nombe yamo ne, no biap de mako ho debu takwap, debu-ngglengdung habang de nyom hlu. llii hlu, debu yeu knou de hlu, klapo-biap mainye tluu mnang de-num. 9nggyam bu, wai yamo mai knou mnang de hlu, no wali nmbuo ne tengwou de-ndie tnang ho kengge hlu, inslu numbuo dlom ndie nmbuo ne tii, amai ho yewae hlu-nmbuo ttue hlu, ndie nedo, notasing-ndiesam tebe keng.10Nmbuo no-ndie tang nde, nggleng dung tekwen de hlu, kangga kado, no wali wmbu tnang ne kuo keng; nmbuo iyom ne-wali nmbuo tembali kado lengguep dtum. kanggade, sup-yanbu tnggeng nende-wai dmuo, yehudi ngglendung ho keng de inslu-nonang ne kado-ndie nmbuo ne lkidtum. 11Ndiesam de inslu-nombe mendu, yome mainye kalii (yup). Nonang-ndie, mendu iyom ne wuo nauho kado tengwatum. kanggade yamo dkam, nonang ne lenggup dtum de nmbuo lkii ne.12No nang de hlu houp-su nende, kreta snde, nome nmbuo inslo ho mai to usekim, ndiesam, " konang kreta nde inslu, noyo, inslu ho dendam de kudiplo tendjuan taklementi. sming de, nmuo iyom wuo tengguu kneti, kbali kuo num!" 13Ndie nmbuo usekim de tnang kado, nonang de mako ndie tang nde. Ndie-nde, Titus! ko ndie sam tebe, nmbuo tmien ho-dong tne ka unsing. Amai ho ndiene, nonang de debu ngglengdung biapde kou-wali nmbuo tnangne keng-yang.14Nonang, mingge nmbuo pem nang-yahudi de, ndie ho debu takwap de; ndie tne, yehudi de dmuo tlu-inslu ne apo keine tbau de dmuo, ndie ho keng de inslu, nmbuo tmien ho bude, ndie ne do kie plotnggeng-no plip idjan!15Wai ilam de nu mai, inslu-debu biap de, skie tendu mako biap tebe tnetum; no paiho, dabumn ne debu kukum de inslu, skie tendu mako no mainde, nggleng ho dung de, nmbuo ne unsing de, kiene muode, klapo senggwong tnetum, biap de nomai kamang. 16Nonag mendu ne uo-lwou ilatam, "wai ilam nganang numto"; No paiho, nonang de mako kbali ne pong de, nonang, wai ilam su ho mansying dtum de-inslu. nonang de mako klapo ndie heni tbue ho, biap de mako nuo kuo do mou.

Chapter 2

1Titus! Wali nmbuo komho teng woude, inslu ndie nmbuo neka tengwou, nmbuo dTom nete-nele tii, nombe tnang ne. 2Ngayonang pai tyua de ku ne kensing de, ndie nmbudlom tii: nomabe heni yeu knou, hlu nang ho lme-debu ngglengdung habang de, no, ndie, tang ho kie kong. wali nmbuo sansam tasing-kie luu tnang ne. klum-kiekkong wai ilam ho, ndie ne mele hlu nende biap, nimbie-bu yelum no dong tne.3Menang ndiesam tebe, mako, wali nmbuo kasam tasing, wali nenem supne, ndieho keng-yantang. Pwai-pwai nmbuo iyom-inslu de suklapo llwou mainye plip. bukaplo nggyambu naku ho yane de, kuo lep. No, ki nang ho lme, amai ho nonang ne nmbuo dlom biap de lwou. 4Kinang-nonang ne, imaning ki nmbuo dlom tii. Amai ho. no, nombe nelu yap nende, ndie ne, nombe idyuai, nende, debu biapne klumne nnem ne tadelum. 5Debu-nggkeng dung mesyo habang- heni yeu knou-klapo de kuo tbang, nombe usei yamo mai kbali biap ho mmuo, debu mai biap, nelu ho kie kong; ndie mako ne, wai ilam desu-inslune kuo mansying.6Du kanggue-habum du ndie sam tebe-nonang nmbuo dlom tii, amai ho, skie tendu mako-klapo biap, ndmbe debu tbup muai num-no biap de kawai mnang. 7Ndie mnangde, skie tendu mako, kiek= kbali biap de, Titus! ko mingne ka yantang, inslu, komtim ne kado nupong-ndie ne no keng. debu biapne, ko, nonang ka tengwou; ndiesam kuo!" debu mai omni-mendune mni ho llwou. 8Nmbuo biap ho ngglengdungde-ndiene lwou, dmuaiho, yewue hlu mewusuo tne-notasing. nmbuo klapo yam ho hwou nende, yombe suklapo, nombe nmbuo iyom ho paiho lme.9Yamo meu di-bu kbali hlu, tasing-kingkong ne, nombe nggyeumbu ho kiekong, nombe debu tii mnang ho, mako-kie kbali ne biap ho yantang. nddem-nmbuo ttwue kuo! 10Kie mai kouho-wuo nandang kuotii! No-debu tnangne-mako biap-kie kbali ne yantang, inslu ndiene num, amai ho nonang uo, tnang to, no, wai ilam de wali nmbuoho kengde hlu tadettum.Wai Ilamde Klum Yo-Inslu Ho Lenggue Deken Timde 11Yo-wali-wali takle mentim de, ndie, wai ilam-nombe klum yantang leken timde, skie tendu insluho. 12Nombe klum tangho, yo, nombe-wali nmbuo ne tengwou-num, debu nggleng dung-ndiene habang, henining de makoklapo mainye plip, debu biap-wali nenem ne, yo ku map ndie maning takle mentim, nomho kiekong. (kie nomhokong) 13Yo, debu-nggleng dung ndie ho tuu, waiilam netuekam be nmbuo-ndie, yesus-wali ilam-no tanepuo ladam deku kekendum be, ndieho bung klentim. walli ilam-no tmien ya wali ilam de meu-hangglang ne puo ladam kumapne, skie tendu inslu poninyendim.14No muaito puolakam, nombe-heni lenggue dekam-kopditimne tkaude, yombe dabum tangho; yo, klapo de dong mai sie, spuu de-nome tapuu. nombe king ne, yombe dabum buluu (klau), yo, nombe djuai ho lme. Nom ho kie kong mnang de, mako biap ne usei.15/v15Titus! wali nmbuo ndie, mesyo ka lwou, ndie nmbuo ne, inslu tengwou-nmbuodlom ka tii. Kombe heni houp yeu knou-dong kou, ko, unoho-inslune doi tebie nende. nmbuo no kado.

Chapter 3

1Titus! Komnende inslu. Yesus ho kengde, nonang, wai yamo maine nmbuo dlom ka tii! amai ho, nonang de aplo kei ho luu de hlu-ilam-nombe kie-mesi hlu nende, nonang ho kie mesyo kong, nonang ne kbali nmbuo tiide, mesyo ka keng-debu tnang ne ka tii. 2Nonang ndie nmbuo lwou. "inslu mni kuo mansying-nombe su klapo kuo lwou, kapuo nmbuo kuo kip, debu dai ho ku ne li; skie tendu inslu ho, nende, debu biap ne putu-pwai tasing-kengkeng ho knou."3Yo-tendyuan inslu kado, mingge yo ndiesam tebe kunanggo mai ho-lailaitii de hlu, tasing-kengkeng kuo. yombe debu-ngglengdung, dabum ne, skie tendu klapo maine wanri-yo, klapode di-bu wabu ngking ho lme. Debuklapo senggong-imum insling ho, yewu ho keknou.4No paiho, wai ilam de klum tang ho, nombe kie ttii yantang latam-yesus de henine, yomho wali tii ilentim. 5Wai ilam ne, yomho wali tiide-ndie, yome biap muo de-ndie tangho kuo; ndie, nombe klum, yomho idyenggentim (denggentim) de-ndie tang de. Kesyep kwalop de kbaline, yo klapo maisie diking, dabum buluu-yesus de king ne. yo, ndie tang ho wali.6Wai ilam de kie-ttu ndie, yesus wali ilam ne ho, nggong de, ndie tang ho, nombe kie-bu biap-kesyep kualop tiiilentim yomho. 7Yesus de kingne, yo wai ilamne yang-nombe duho lme, ndiene (ndie tangho), yo, nombe-wali keki snang sip ne dkuo. wali sip ndie, yombe debu ho kengde, yesus ho debu-ngglengdung mesyo tuu.8Titus! skie tendu nmbuo dlom ndie-skie nende nmbuo kebe klietu. ko, debu tnang ne mesyo loilenseli. Amai ho, wai ilam ho yang de inslu, mako biap ho usei-de kie kbaline yantang ti. Ndie inslu mnide biap mnang tebe kado, no ndienenum.9Nmbuo seswou ndie mainye plip! ngaibabu desu-nonang kekengkumde-nende, ngglengdung kublong-kublong nde-dmuo tlu nmbuo seswouho. Nmbuo seswo ndie, kunanggo nde inslu-nombe kbali, nmbuo-nombe skie kuo-kamang. 10Debu tekwen hlu, wali ninem mai, nmbuo ttwou plwadam de, ko, basieho nu bang-nenem-nomumiene kuo tbau. 11Yo-wali-wali takle mentim de, ndie, wai ilam-nombe klum yantang leken timde, skie tendu inslu ho.12Nombe klum tangho, yo nombe-wali nmbuo ne tengwou-num, debu ngglendung-ndiene habang, heniningde mako klapo mainye plip, debu biap-wali nenem ne, yo kumap ndie maning takle mentim, nomho kiekong (kie nomhokong). 13Yo, debu-ngglengdung ndie ho tuu, wai ilam ne tuekam be nmbuo-ndie, Yesus-wali ilam-no tane puo ladam deku kekendum be, ndieho bung klentim. wali ilam-no tmien ya wai ilam de meu-hangglang ne puo ladam kumapne, skie tendu inslu paninyendim.14No muaito puolakam, nombe-heni lenggue dekam-kopditimne tkaude, yombe dabum tangho; yo, klapo de dong mai sie, spuude-nome tapuu. nombe kingne, yombe dabum buluu (klau), yo, nombe djuai ho lme. Nomho kie kong mnang de, mako biap ne usei.15/v15Titus! wali nmbuo ndie, mesyo ka lwou, ndie nmbuo ne, inslu tengwou-nmbuodlom ka tii. Kombe heni tbup yeu knou-dong kou, ko, uno-unoho-inslune dai ho tebie nende. Nmbuo no kado.