Nilamba: Bible for Matthew

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

Chapter 1

1 Kitabu kya ukoo wa Yesu kilisito mwana waki Daudi , mwana waki ibulaimu. 2 Ibulaimu ali tata waki Isaka ,nu Isaka tata waki Yakobo, nu Yakobo tata waki Yuda niantua akue. 3 Yuda alii tata waki Pelesi nu Sela kwaki Tmali, Pelesi tata waki Hezeloni nu Heziloni tata waki Lamu. 4 Lamu ali tata waki Aminadabu, Aminadabu tata waki Nashoni,nu Nashoni tata waki Salimoni, 5 Salimoni ali tata waki Boazi kwaki Lahabu, Boazi tata waki Obedi kwaki Lutii, Obedi tata wakii Yese, 6 Yese ali tata wakii mutemi Daudi. Daudi alikulaa tata wakii suleimani kwakii mukiima nuaki Uria. 7 Suleimani ali tata waki Lehoboamu, Lehoboamu tata wakii Abiya,tata wakii Asa. 8 Asa ali tata wakii yehoshafati, Yehoshafati tata waki Yolamu, nu Yolamu , tatawaki Uzia. 9 Uzia ali tata waki Yosamu, Yosamu tata wkii Ahazi ttata wakii Hezekia. 10 Hezekia ali tata wakii Manase tata waki Amoni nu Amoni tata wakii Yosia . 11 Yosia alii tata wakii Yekonia nu anunaa akue imatungo makusolua kuyukaa ku Babeli. 12 Ni pembele kina nusolua kuyenda ku Babeli, Yekonia alikula tata waki Shatieli alii kukuu wakue nu Zelubabu. 13 Zelubabeli alii tata waki Abiudi, Abiudi tata waki Eliakimu, nu Eliakimu tata waki Azoli. 14 Azoli alii tata waki Zadoki, Zadoki tata waki Akimu , nu Akimu tata waki Eliudi. 15 Eliudi ali tata waki Elieza, Elieza tata waki Matani nu Matani tata waki Yakobo. 16 Yakobo alii tata waki Yusupu mugosha waki Maliamu, unuaso uyoo u Yesu alimulelue,nukuitagua kilisito 17 .Uulelua tulu kupuna uu Ibulaimu mpakaa uu Daudi alii ulelua kyumi na inii, kupuna uu uu Daudi mpakaa kusholua kuyenda ku Babeli ulelua kyumi na inii , nu kupunnna kusholua kuyenda ku Babeli mpakaa kilisito ulelua kyumi na inii. 18 Kulelua kwaki Yesu alii itii. unina uu Maliamu,alimuligiugue nu Yusupu , kangi alikiliatagane, nuigela kina utite ndaa kuusumi waki muau mwelu. 19 Mugosha wakue u Yusupu, alii muntu wakulukulu sikalutakile kukumukolia nsoni mumazala. Nulamula kuyimia uwiligia wakue ninduyo kiunkunkuu. 20 Kinalushiiga kyanya mumantu igaa, Malaika waki shekulu numupunila mundoti nuuga Yusupu mwana waki Daudi , ulekiopoka kukumusola u Maliamu zii musungu wakoo, kunsooko indaa nutite yausumi waki muau mwelu . 21 Ukakitunguila mwana wakigosha ukakumuita lina lyakue Yesu, kundogolelio ukakiaguna antu akue ni milandu yao. 22 Tulu igaa nalimapunile kukaminkiligua ikyo nalikitambulue nu shekulu kunzila nya mloti nukuuga 23 Laa, munanso nakili watonue ukikenka ndaa nu kulela mwana waki kigosha, nu ikakumuita lina lyaki Manueli- indogolelio yakue , Mukungule pamui nindishee. 24 Yosepu nulaila kupuna mundolo nu kutendaa kina u Malaika waki shekulu nalumulagilie numusola zii musungu wakue. 25 Angaiyo, sikalugonilie nnduyo mpaka kinalii witungulile mwana wakigosha numwita lina lyakue Yesu.
Chapter 2

1 Pembele uYesu kinanutula walelagua ku Bethelehemu nya Uyahudi kuntondo zaki mutemi helode , antu asomi kupuna kukilima nya kulii aliapikile ku Yelusalemu nauga 2 ,Ukolii pii umwene namulelue mutemi wa Ayahudi . alikwamiona insonda yakue kukilima nindishe kuwizile kukumukulya. 3 Tungo mutemi helode kina nwigia igaa aluswetile, nii Yelusalemu tulu palumui ninduyo. 4 Helode nuailingila akulu amakuhani tulu niandikii aantu , mwene nuakolia ,kilisito ukilelua pii , 5 Namuila,ku Beselehemu nya Uyahudi ,kunsooko yui iyo aliyandikue nu muloti, 6 Nindue Beselehemu , kunsii nya Yuda ,sika munino mumiongoni mwa atongeli aaYuda , kunsooko kupuna kumwako ukiiza mutemi nukakiadima antu anee aa Islaeli. 7 Iyoou helode nuaita iasomi ioo unkunku nu kukiakolia matungo kii insondo kinaliigiile. 8 Nuatuma ku Beselehemu,nuiuga lendii kisakisa mumudume umwana namulelue.imatungo kinamukakumuona , ndetelii impola ninene gua nsuume kuiza 9 Pembele kinatula amwigagia umutemi , nalongoleka numusinzo waoo, ni nsonda iyo naliamionie kukilima nyatongela mpakaa pakyanya paluandi umwana nalimulelue kinawilii. 10 Tungo kinaliamionie insonda ,nailoa ku ulumbi ukulu zigi. 11 Naingila munumba nukukuuonw umwana namulelue nu Maliamu unina wakue. namutungamila nu kukumukulia.natungula ilindo yaoo nukukumupunilia shongelio lya zahabu, uvumba,ni manemane. 12 Mukugile nualanga mundoti alekishoka kwaki helode, iyoo nalega kushoka kunsii yao kunzila nyingii. 13 Pmbele kina natula alegaa,malaika waki shekulu numupunila uYosepu mundoti nu kuuga ,uuka,musolee umwmana nu nina wakue mumankile ku Misili. sagii kuko mpakaa kinanikakumuila , kunsooko Helode ukumuduma umwana wamulimansilie 14 Utiku uoo u Yosepu nulaila nukukumusola umwana nu ninaa wakue nkumankila kumisili. 15 Nwikalaa kuko mpakaa u Helode kinanukia .ikii nakikaminkilia ikyo ushekulu naliwakitambula kukyilila ku muloti,kupuna ku misili namwita mwana wane. 16 Kangi u Helode kinanuona kina wamelagua niantu naasomi , nutaka zizgi. nulagilia kuyulagua kwia anaa tulu akigosha naliili ku Beselehemu ni tulu kuluandi luaso naliatite ilika lya miakaa ibilii ni pansi yakue kuliganila ni matungo naliwahakikisagia nkankana kupuna kwia antu ioo nasomi. 17 Papo nalukaminkiligua ulukani uloo nalilutambulue kumulomo waki muloti u Yelemia. 18 Lulii nalugika ku lamah,suka,nu maombolezo makulu, Laheli nukialila iana akue, kangi nusita kupumbuligua kunsooko akutilii kankii. 19 Helode kinanukia, laa malaika waki shekulu numupunila Yosepu mundoti uko ku Misili nu kuuga, 20 Ukaa musole umwana nu ninaa wakue,muende kunsii nya Islaeli kundogolelyo naliiduma uupanga wamwana wakia. 21 Yosepu nuuka, numusola umwana palumui nu ninaa wakue, naiza kunsii nya Islaeli. 22 Ilagua kinanuigia u Alikelau alii mutemi mu Yuda paluandi paki tata wakue u Helode, aliopokile kuyuka kwaso. pembele kina mukungile nuatula wamulanga mundoti,nulega nuenda kumukoa wa Galilaya. 23 nuenda kikala kukisali nakyukuitagua Nazaleti. ilii nalikaminkilya ikyo nakyakondi tambulua kunzila nya alotii, kina ukiyitwa Munazaleti.
Chapter 3

1 Ku ntondo izo u Yohana mubatizia nuiza nutanantia mushaka lya Yuda nukuuga, 2 leki milandu kundogolelyo utemi wa kugulu wapipika. 3 Kundogolelyo uyu wayu nalimutambulue nu mulotii u Isaya nuuga ,lulii lwa muntu nuyita kupuna kubalanguu,ikii izaa inzila nyaki shekulu,gololii makilo makue. 4 Papo Yohana alujalileinzowa zangamia nu mugila wa ndili mukiino kyakue. 5 India zakue ali mpandi nu ukii mushaka. kangi Yelusalemu, Yuda tulu,nuluandi tulu nalilupilimilie mumongo wa Yolodani naenda kumuakue. 6 Aliibatizigua ninduyo mumongo wa Yolodani kunu ileka imilandu yaoo. 7 Kina nuaona ingii amafalisayo ni masadukuyo ijle kumwakue kubatisigua ,nuaila , Inye ulelua wa nzoka nautite isumu wani numulangile kumanka ikuo nalijile. 8 Lelii inkalii nazijipile uulekka milandu. 9 Namulekishiga nu kukilikitilya mumiani,kutite u Ibulaimu kina tata witu. kunsooko nukumuila mukungile usumile kukumuukilya u Ibulaimu iana kangi kupuna mumague igaa. 10 Yakondaa impopo kuyikua mumulii wikota. kululo kilii kota nasikalilela inkalii nanzizaa likitemua nukutagua mumoto. 11 Nukumubatishia kumazi kuulegelio wa milandu. umwene upolokile pembele yane ingii mukulu kuleka inee sikanishuma kukenka ilatu yakue. umwene ukakumubatishia ku muau mwelu nu kumoto. 12 Nipyetelo lyakue lyili mumukono wakue kuyogia uwandaa wakue nukuilinga ingano yakue mushagii. ilagua ukishonsa imakapi kumoto nasika udibaa. 13 Kangi u Yesu nuiza kupuna ku Galilaya mpakaa kumongo wayolodani kubatisigua nu Yohana. 14 U Yohana nutaka kukumugilia nuuga, inee nsiilye kubatisigua nu nduwe, niduwe uiza kumwane. 15 Yesu nushokelya nuuga ngombilie itule itii ino, kululo iyo yikujipile kutimiilya ihaki tulu.Yohana numgombia. 16 Pembele kina nutua wabatisagigua , Papo Yesu nupuna mumzii, laa,igulu ligulika kumuakue. Numuona umuau mwelu utima ku mpyani ya nkunda nukutulya mukyanya yakue. 17 Laa, lulii nalupuna kugulu naluuga , uyu ingii mwana wane nanumulogilue. nanumulogeligue zigi nunduyo.
Chapter 4

1 Kangi u Yesu nutongelua nu muau mpakaa kubalangu wagemue munaubii. 2 Kinali ufungile kuntondo makumi manii munsii nu utiku nuligia nzala. 3 Mugemi nuiza nu kukumuila , kina uwe wiimwana waki mukungile , maile imague igaamatule mukate. 4 U Yesu nmushokelya nukukumuila , yandikue , muntu sikakikala kumikate ing'ene. ilagua kukila lukani nalupuna kumulomo waki mukungile. 5 Kangi umunaubii numutwala kunsii nanzelu numuika paluandi pa kyanya zigi pi jengwa lya witekelo, 6 nukumuila, kina uwe wii mwana waki mukungile, iputie pansi, kundogolelyo yandikue ,ukilagililya malaika akue azee akuanunkule,kangi ikakukunansula kumikono yaoo, ulekikumpa umugulu wakoo mugue. 7 Yesu numuilaa, kangi yandikue, ulekekumugema ushekulu mukungile wako, 8 Kangi umunaubii numusola numutwala luandi lwakukyanya nangulu numulagila utemi tulu zaunkumbigulu nu uuza tulu waso. 9 Numuila, nikakukupela intu tulu iii anguntungamile nukunkulia. 10 Kangi Yesu numuilaa, lenda luako upunee ipaa, munaibii, kundogolelyo yandikue, yukujipile kukumukulia shekulu mukungile wako, umutumikiee mwene ung'ene. 11 Iyo umunaubii numuleka,laa maaika naaza namutumikilaa. 12 Iyo Yesu nuigia kina Yohana waguilagua , nulega mpakaa ku Galilaya. 13 Nuleaga ku Nazaleti nuenda nukala ku Kapelanaumu, nyilii kumpelompelo nya bahali nya Galilaya, mumumpaka wa nandi za Zabuloni nu Naftali. 14 Iyii alipunile kukaminkilia ikyoo nalikilikitigue nu muloti Isaya, 15 Mukisali kya Zabuloni ni kisali kya ki Naftali , kuyukila ku bahali , tyumbi lya Yolodani,Galilaya nya nsii. 16 Antu naliikalile mukiiti auona uwelu ukulu, nindio naliikalile munandi nu mulule wankia,kyanya yaouwelu waaelelya. 17 Kupunila imatungo maso Yesu nuandia kutanantia nu kuuga , ungamii, kundogolelyo utemi wakugulu wapiipika. 18 Kinalugenda mumpelompelo mubahali nya Galilaya nuaona antua abili,Simoni naukuitagua Petelo,nu Andelea mununa wakue , naitega inyavu mubahali, kunsooko alikula azua nsiii. 19 Yesu nuaila,nzui munduume, nikakumutenda mutule mwazui aantu. 20 Papo nazileka inyavu zao namutiata. 21 Nu Yesu kinali ulongolekile kupuna paso nuaona antua abili ingii,Yakobo mwana waki Zebedayo ,nu Yohana nu mununa wakue. aliili mumutumbwi palumui nu Zebedayo tata wao naituma inyavu zao Nuaita, 22 Papo naleka umutumbwi nu tata waoo nindio namutiata. 23 Yesu nuenda piipi ku Galilaya tulu,numania muwitekelo wao,nutanantia impola zautemi , nu kamia kilaa uluile mwiantu. 24 Impola zakue nazishapatila pa Silia tulu, niantu naaleta kumwekuaioo tulu naliakulualaa, natite uluile wisiasianu uwaii, naliatite imapepo ,niagua nkolo ninaliapolile. Yesu nuakamia. 25 Ilundo kyulu lya antu nalilyumutiatile kupuna ku Galilaya ,ku Dekapoli, nu Yelusalemu nu Uyahudi nu kupuna ityumbi lya Yolodani.
Chapter 5

1 Yesu kinanuuona umwilundo,nulega kuyukilaa kumulima. kinalukalile pansii, amanigua akue naiza kumwakue. 2 Nukunukula ikilakala kyakue nuamania,nuuga, 3 Bau ioo naatuka ankolo kundogolelyo yakue utemi wakugulu ingii wao. 4 Bau ioo naaupiina, kundogolelyo ikipoleligua. 5 Bau napolelu,kundogolelyo yakue ikishalaa insii. 6 Bau natite inzala ni noota nya hakii, indogolelyo aso ikakikutigua. 7 Bau nasamili indoolelyo aso ikiligia kinishungu. 8 Bau amoo welu indogolelyo yakue ikakumuona umukungile. 9 Bau naakininkania, indogolelyo yakue ikiyitua anaa aki mukugile. 10 Bau ioo naiagigua kunsooko nya hakii indogolelyo yakue utemi wakugulu ingii waoo. 11 Bau inyee anga antu naikakumutuka nukukumwagia , auu kuuga kilaa nibii kumyanii kuulongo kunsooko yane. 12 lumbii nukukiloa, indogolelyo yakue isawabu yanii nkulu kukyanya kugulu. kunsooko iti yoi antu naliaagilie ialotii naliikalile kyilii yanii. 13 Inyee ingii mulenge waunkumbigulu. ipagua kina umulenge ulimilie uunonu wakue , ikshumika mbii kutyendeka uzaa kankii. Tilii sikaishuma kutula nziza kukintu kyingi tulukyensi kankaii, ipaa kutagua kunzii nukutilauta nimigulu ya antu. 14 Inyee ingii welu waunkumbigulu. kisali nakizengue kyanya yamulima sikaukipisa. 15 Iantu sikaakuakilagia intala nukyika pansi yakikapuu, balimukinala, ndio yelie tulu nakooli mukatii munumba. 16 Leka welu wani welie ntongela yaantu kunamuna kina alae imatendo manii maza nukukumukulia tata wani unilii kugulu. 17 Mulekishiga nizile kuyonona ishalia walaa ialoti. sikanizilee kuyonona ilaa kukaminkilia. 18 Kukulukuluu nukumuila kina mpakaa igulu nu unkumbigulu tulu ukile aaa iyodi imui walaa inukuta imuii nya shalia iklegigua mushalia mpakaa paso kilaikintu kinakikitula kyasilaa kukaminkiligua. 19 Iyoo tuluwensi nukiuna ilagilyo nininoo katia malagilyo igaa nu kukiamania ingii kutendaa yaso ukiyitua munino kuutemi wakugulu. ilatulu wensi nuziambile nukukuzimania ukiyitua mukulu muutemi wakugulu. 20 Kundogolelyo nukumuilaa ihaki yani angilekikyikila ihaki nya andikii ni mafalisayo , kunamuna yensi sikamukiingila muutemi wakugulu. 21 Mwategela aliilikitigue kalii kina, wensi nukuulaga wilii muatalii nya uukumilua. 22 Ilagua nukumuila wensi numusukilue umutnua wakue ukitula muatalii nya uukumilua. nu wensi nukummuila umntua wakue kina uwe ingii muntu nashufaile,ukitula muatalii ibalaza. Na wensi nukuuga uwe umulele ukitula muatlii nya moto wa kujeha 23 Iyoo kina upunia ishongelyo lyako muwitekeli ujukile kina umuntua wako utite lukani luensi kumwako, 24 Lilekee ishongelyo ntongela nya witekeli , uambe inzila yako. ilingii kuandia nu muntua wako,papo ushoke upunie ishongelyo lyako. 25 Ilingi nu mwitakya wako kuukau,imwi palumui ninduyo munzila kuyukila kumahakama, mwitakya wako usumilee kukuleka mumikono yakiakimu , nu akimu wakuleke mumikono nya agalimanga. ninduwe ukitangua mugyeleza. 26 Suili nukumuila , kamwii sikuyikua hulu mpakaa ulipeee impia nya mpelo nya matundu nudaigua. 27 Mwigilye itambulue kina ulekizini. 28 Ilagua nukumuilaa wensi nukumulaa musungu kunsulaa watulaa wazinii ninduyo munkolo yakue. 29 Nikina iliso lyako lya kundilo lyukukusakya kukumpa, likulee ulitagee kulii ninduwe . kunsooko bau kiungoo kimui mumwili wako kyononeka kulyeka mwili wensi kutagua kujehanamu. 30 Nikina umukono wako wakundilo ukukusakya ukumpe , uteme kangi uutagee kulii ninduwe.indogolelyo bau kiungo kimui mwili wako kulyeka mwiliwensi kutagua kujehanamu 31 Ilikitigue piia,wensi nukumuingaa umusungu wakue, nuamupelee ihati nya talaka.' 32 Ilagua inee nukumuila , wensi nukumuleka musungu wakue, anangakina sika kunsooko ya ukosi, ukumtenda kutula mukosi, Nawensi nukumutolaa kina wapegagua italaka ukumutenda mukosi. 33 Kangi, mwigulagia aliitambulue kuio akalii, mulekila kuulongo,ipa twalii iilapo yani kwaki shekulu . 34 Ilagua nukumuila ,mulekilapa anga nainino,anga kugulu , kunsooko ingii utemi waki mukungile. 35 anga kuunkumbigulu indogolelyo ingii luandi luakuyiika itengu lyakutilatilya nsambatilyo zakue, anga ku Yelusalemu,indogolelyo ingii kisali kyaki mutemi mukulu. 36 Walaa ulekilapa kwakutue lyako, sikushuuma kutendaa ulutumbi lumi kutula luelu hau lwiluu. 37 Itii inkani zitule , ee,ee,aa,aa. kunsooko namakilikilile maso mapunile kwaki uyo umuolu. 38 Mwigilie ilikitigue kina ,liso ku liso, ni lino ku lino. 39 Ilagua inee nukumuila , mulekekishinda nu muntu namuolu, ilagua muntu angawakukue ikunda lya kundilo mupilulilye nilia gaa. 40 41 42 Nakina wensi utakile kuyuka nunduwe kumahakama kangi wakulegelya inkanzo yako,mulekele nijoho lyako gaa. Nawensi nukukukankanika kuyuka ninduyo imaili mui,longola ninduyo imailli zibilii. Kuwensi nukukulompa mpelee, kangi ulekekukumwipona wensi nukusiilye kukukopa. 43 mwigilye ilikitigue , umulogue umunapiipi wako, naumusukilue umubii wako. 44 Inee nukumuila alogui iabii anii, alompelii nakumukulagia 45 ,Kuiti mutule anaa aki tata wani nuili kugulu. kunsooko utenda impasu imilike kuabii ninaaza, nukuakulia imbulaaolu nina azaa. 46 Kina mwalogue namulogilue inyee, muligya sawabu kii,kwani niapunia ushulu sikaakutenda yaso. 47 Nakina muaugie iantua anii duu muligya yanii kukyila iia. mbii iantu ansii sikakutenda iyoiyo. 48 Kululo yumujipiile kina tata wani nuakugulu namukaminkili.
Chapter 6

1 Ambii kulekitenda intendo zahakii ntongela ya antu itii kukilagiila, yngii sikakaukiligia sawabu kupuna kwaki tata nuili kugulu. 2 Iyoo gua kinupunia lekikua ulupembe nukukikumazukya uwe kina akinilii naakutenda mukintengeli numutaa, itii antu aakulye. kulukulu nukumuila , mwatula mwasingila sawabu yao. 3 Ilagua uwe kina upunia , mukono wako wa kunkigi ulekilinga nakitendwa nu mukono wakundilo. 4 Kuitii zawadi yako ipunigua kuunkunku. Iyoo tata wao nukuona muunkunku ukukupelaa awabu yako. 5 Nikina ulompa, ulekitula kina akinili. kunsooko amulogilue kuyimika nukulompa mukintengeli nu kumpelo zamumitaa, kuitii antu aalae.kulukulu nukumuila, asingila sawabu yao . 6 Ilagua uwe, kinulompa ingilaa mukyumba. gyalila umulango, ulompe kwaki tata wako nuili kuunkunku.Iyootata wako nukuona muunkunku ukakukupela sawabu yako. 7 Nikina ulompa ulekishokela shokela inkani nangila kandogolelyo kina ianansii naakutenda, kunsooko iakinili anangaigye kunsooko yankani ningii natambula. 8 Kululo, ulekitula kina enee, kunsooko tata wako ulingile nusiilye, anga kyili ulompe kumwakue. 9 Iyoo gua lompa itii; tata witu nukoli kugulu, lina lyako lyeligue. 10 Utemi wako wizee , ulowa utendekee ipa pinaunkumbigulukina kwaso kugulu. 11 Upeele nantende india ziitu zakila ntondo. 12 ukusamile imilandu yetu, kina ishee nakuasamila nakutyulilye. 13 Kangi ulekekukutula mumagemua, iyogua ukuputye kupuna kwaki uyoo namuolu. 14 Anga mwasamile antu utyulia wao, tata wako nuili kugulu gaa ukakumusamila utyulia wao, 15 Ilagua anga muleke kukiasamila utyulia wao, tata wani sikakumusamila utyulia wani. 16 Kukyilila tulu, kina ufugile ulekilgila ikyelu lya usungu kina akinilii nakutendaa, nakunzaa imakelu mao kuitii antu amanee afungile. kulukulu nukukuila, asingilaa sawabu yao. 17 Ilagua uwe kina ufungile, ikuye makuta mute lyako wogyee nusiu wako. Iyaso sikayikakukulagila ntongela ya antu kina ufungile, 18 Iyo ikitula kwaki tata wako nuili muunkunkuu. Nu tata wako nukuona muunkunkuu, ukakukupela sawabu yako. 19 Uleke kiikilya ikilindo kyako uwe ipa pinaunkumbigulu, kini nondo ni kutu zukonona,niasambo akuuna nu kuia. 20 Badala yakue iikilyeikilindo kyako uwe kugulu kuiti inondo wala ikutu sikaishuma kuyonona , ni asambo sikaishuma kuuna nukuia. 21 Kunsooko ikilindo kyako kinakyili , nu moo wako ukitula papo gaa. 22 Liso ingii ntala yamwili.Kululo ,anga liso lyako pyanga, mwili tulu ukakijuligwa nuwelu. 23 Ilagua anga liso bii, umwili wako tulu ujuile kitii pii. kululo anga uwelu naukoli mukatii yako ingii kitii,kitii kikulu kungele kii. 24 Kutilii nunumui nusumile kukutumikila ashekulu abilii, kunsooko ukakumusukilua umui nukukumulogua umua, anga sikayio ukakipunia kumui nukukumumela umua sikamusumile kukumutumikila umukungile ninsao. 25 Kululo ,nukumuila mukitula wisinsili kuukalii wakoo, kina ukilia yanii anga ukukikopa yani , anga mwili wakoo ,ukijala yani. mbiii uukalii sikukilikila india nu mwili kukilikilia iijalo. 26 Lai inoni nazikoli kukyanya. sikakupandila nukuyimbula nasikuingila nukutunza mushagi,utata wani kugulu ukialisagia aso. mbii inye sikamwasamani kukilikila inzene. 27 Wani katia inyee kwakukizuga usumile kuyongelya izilaa kuupanga waukalii wakue. 28 Niki mutula nu woawoa kuijalo Siiga imaua mumigunda , kinamakukulaa . sikamakituma kamulimo kangi sikamasumile kijalia. 29 Kilii nukumuilaa , anga usulemani muuwelu wakue tulu sikalimujalue kina umui waigaa. 30 Itula umukungile ukimajalia imasanzi mumigunda namukwima lutondo lumui nu mudau mitagua mumoto , mbii kungele kii ukakumujalia inyee, inyee namwausili unino. 31 Kululo mulekitula nu woawoa nukuyuga , kukilia yanii, anga kukikopa yani , nakangi kukijala ntiila kii. 32 aKunsooko insii iduma mantu igaa,nu tata wani nua kugulu ulingile kina musiilye maso 33 Ilagua kuandia udumii utemi wakue ni haki yakue nimaso tulu ukiambigua uwe, 34 Kunsooko mudau ikakiagila nzene, kila lutondo lukondile ktula nulwago luakue lung;ene.
Chapter 7

1 ulekihukumu, nunduwe ulekizihukumilua . 2 Kuhumu nupunia , nunduwe ukihukumilua. nikipimoo nupimila nunduwe duu ukipimilua kikyokikyo. 3 Nikwanikii ukukilaa ikipande kikyota nakyilii muliso lya muntua wako, 4 Kunu sikulingile ikipande kigogo nalikolii muliso lyako. Ushuma mbii kutambula kumuntua wako , lindila nukupunilye ikipande nakyilii muliso lyako , kun ikipande kigogo kyilii muliso lyako. 5 Umupilikii uwee, kuandia legia igogo nalikoli muliso ,papo kinaukishuuma kuyona izaa nukilegia ikipande kikyota nakyilii muliso lya muntua wako. 6 Leka kuzipela imbua nakyelupee , kangii uleke kukuzigumila inguluma ilulu ntongela yaoo. angasikaiyo ikakiiyonona nukuitilata namigulu, nikangi ukakukupilukilya uwe nukukulalula ipande ipande. 7 Lompa nunduwe ukipegua. Duma nunduwe ukiligia. kua ihodi, nunduwe ukiduguilua. 8 Nukuwensi nulompa, ukupokela .Nukuwensi nukuduma ukuligagia. nu kumuntu nukukua ihodi ukiduguilua 9 . Itii kuna muntu katia yani umwana wakue umulompile ikipande kya mukate ukakumupela igue. 10 Itii anga wamulompe nsii , numwene ukakumupela ninzoka. 11 Kululo , inyee namwaolu mumanile kukiapela iana anii insailo nanzizaa, mbii ngele kii kukyila tata nuili kugulu ukakumupela intu izaa ioo nakumulompa mwene. 12 Kunsooko nyaso, kinutakile kutendelua kintu kyensi niantu ingii , nunduwe gaa yukujipile kukiatendela iyoiyo nindio. kunsooko nyaso ingii shalia nyaaloti. 13 Ingilii kukyilila mumulango naunino . kunsooko umulango ugalii ninzilaa nangalii nitongelile kuonani, akolii antu ingii naikilila inzilaa nyaso. 14 Umulango nauniginigi, umulango nauniginigi ni nzilaa intongelile kuupanga niakyii naasumile kuyonaa. 15 Mwinegee nialoti aulongo ,naijilee ajalile ndilii yankolo, ilagua ingii amulula atakii. 16 Kunkalii zao mukakiamana . mbii antu asumile kuyimbula muigia, anga mukota mumbeu nya mubaluti. 17 Kunamuna nyaso, kilikota nalizaa lyukuliela nkalii nzizaa, ilagua ikkyota nibii lyukulela nkalii nambii. 18 Ikyota nalizaa sikalisumile kulela inkalii nambii , wala ikyota nibii sikalisumile kulela inkali nanziza. 19 Kilikyota nasikalilela inkalii nanzizaa ukitemua nukutagua mumoto. 20 Kuiyo gua,ukakiamana kupunila kunkalii zaoo. 21 Sikakila muntu nukumbuila inee,shekulu,shekulu, ukiingila muutemi kugulu, ilauyoo nung'ene nukutendaa uulowa waki tata wane nuili kugulu. 22 Antu ingii ikimbuila lutondo luaso , shekulu, shekulu, sikalikupunilie uuloti kulina lyako, sikalikupunile imapepo kulina lyako, nukulina lyako alikuendile matendo mingii makulu. 23 Papo nikakumuila yelu , sikalinumumanile inyee, legii kumwane, inyee namukutendaa namabii. 24 Kululo, kila umui nukuigagia inkanii zane nukuntegelaa ukakimpyana numuntu nutite ihekima naluzengile inumba yakue kyanya igue. 25 Mbula nikua , imafuliko namaza, ninzegaa nyizaa nimikua inumba nyaso, ilagua sikanisuma kugua pansi, kunsooko alinzengwe mukyanya igue. 26 Kila muntu nukutegela ulukani lwane waleke kuliamba , ukakimpyanigua numuntu namunaulu naluzengile inumba yakue mukyanya ya munsanga. 27 Mbula nyizaa, ninzegaa nyizaa nukukumikua inumba nyaso. nigua nuononeki wakue naukaminkilaa. 28 Namapika imatungo uYesu nukondia kutambula inkani izii, umwilundo waantu nakulilua nuumania wakue. 29 Kululo aliwamanilie kina muntu namutemi , nasikakina andikii aoo.
Chapter 8

1 Imatungo Yesu kinaninutima pansi kupuna kumulima, ilundo kyulu nalyumutiata. 2 Laa, munaukoma nuizaa nukukyulia ntongela yakue, nuugaa shekulu kina wakondaa usumile kuntenda ntule numwelu. 3 Yesu nugolola umukono wakue nukukumugusa , nuugaa nakondaa. utule umwelu. papo papo nueligua uukoma wakue. 4 Yesu numuilaa, Laa kina ulekitambula kumuntu wensi . amba inzila yako,wilagile uwe kwaki kuhani naupunie insailo u Musa nalulagilie, kuushuuda kumwao. 5 Imatungo Yesu kinanupika kukapelnaumu, ujemedali nuiza kumwakue numukolia 6 nuugaa, mwitumi wane ugonile munumba wapolaa nuuwai kukulilua. 7 Yesu nuaila, nikiiza nukukumukamia. 8 Ujemedali nushokelia nukukumuila, shekulu inee sikanasamani hata wize nukuingila mukati mumwene, tambula lukani du numwitumi wane ukikamigua . 9 Kululo inee gaa nimuntu nantite usumii, nantite agalimanga naili pansi yane. naniuga kwaki uyu Lenda ukuendaa, nukumua nzuu numwene ukuiza , nukwaki mwitumi wane , tendaiti , nu mwene ukutendaa iyo. 10 Imatungo u Yesu kinanuigia igaa, nukulilua nukukiaila ioo naliamutiatile, kulukulu nukumuila kilimone muntu nuausuili kina uyu mu Islaeli. 11 Nukumuila, ingii ikiiza kupuna kukilima nu kumweli , ikakikalamumeza palumui nu Ablahamu , Isaka, nu Yakobo, muutemi wakugulu. 12 Ilagua iana autemi ikitagua mukiiti kunzii iyo ikitula suka unkushia mino. 13 Yesu numuila ujemedali , lenda, kinaiyo nuasuila , naitendeke iyo kumweko. numwitumi nukamigua itungo lilo. 14 Imatungo kina u Yesu nupika kunumba nyakii Petelo numuona umukui wakue namusungu nu Petelo aligonile namuluile ihoma. 15 Yesu numugusa mukono wakue, nihoma nyumulekela . kangi nuuka nuikumukendegela. 16 Kina naipika mpindi, antu ingii naatawalue nipepo . Nuainga pepo ni ndio nalialuile nuakamia. 17 Kuitii namatiimila igoo nalimakondi tambulua nu Isaya muloti. umwene mukola alusolile uuluile witu nukenka nuukia witu. 18 Kangi u Yesu kinanuona ilundo lyumuilimililye , nupunia ulingia wakuuka uupande wingii waku Bahali nya Galilaya. 19 Kangi umwandiki nuiza kumwakue nukukumuila ,mwalimu, nikakukutiata pensi kinaukiyukaa. 20 Yesu numuila , Amulula atiite imakombo, ni noni zakukyanya zitiite iitii, Ilagua umwana waki Adamu mugila kaluandi lua kugonia itue lyakue. 21 Mumanigua mua numuilaa, Shekulu ndekele kuandia nendee kumuika utata wane . 22 U Yesu numuilaa ntiate , alekee iakii aike akii aoo. 23 Yesu kinanuigila mumutumbwi, amanigua akue namutiata mumutumbwi. 24 Laa, niuka nzega nkulu mubahali, ngele nyamutumbwi naukunukilua nimawimbi, Lakini u Yesu alugonile. 25 Amanigua naaza kumwakue nukukumulailya naiuga Shekulu, kugune ishee, kwakiyukila kukia. 26 Yesu nuaila, niki muyopoka , inyee namwausili unino. Iyo nulaila nukukumikenela inzega ni bahali. 27 Agosha naambua nuuknguali nauga uyu muntu kii ninzega ni bahali yamutegela umwene. 28 Imatungo u Yesu kinanutula wazaa uluandi lua lwa nsii nya Magadala, agosha abili naambue ni pepo aliataganile nunduyo. aliapunilie kuibiila nikangi aliatite munomozigi, ngele kina kutilii kamunamusinzo nalujilishuma kukyila inzila nyaso. 29 Laa,naitunta induli nu kuuga , kutite kyani kya kutendaa kumwako, mwana waki mukungile. 30 Ino idale kyulu alilidiima , sikalikuli zigi nikina aliili, 31 Pepo nalongoleka kulyalamika kwaki Yesu nu kuuga . kina ukakukukankanika kupuna , kutwalee kudale lya nguluma. 32 Yesu nuaila , longoli, pepo naapuna nukyuka kunguluma. Laa idale tulu nalitima kupuna kumulima kutimilaa kubahali tulu nalipikila mumazii. 33 Agosha naidiima inguluma naamanka. Kina naenda kukisalii natambula kila ikintu. nalikipunile kua agosha naliambue nimapepo. 34 Laa ikisali kyensi nakyiza kutagana nu Yesu. kina namuona , namulompa walege mukisali kyao.
Chapter 9

1 Yesu nuingila muboti , nupuuta nukupika kukisalii kinalukikala. 2 Laa, namuletela muntu nalupolile mugonigue mugodolo, kinanuona uusuili wao, Yesu numuila muntu nupolile , mwana wane, utule nu ulumbi , milandu yako yasamilagua. 3 Laa,akyii amwalimu nia anashalia naitambuila ene ku ene , muntu uyu wakufulu'' 4 Yesu nulingaa imasiigo mao nuuga , niki mushiiga namaolu munkolo zanii. 5 Nakyii nakipepele kuyuga , milandu yako yasamilagua anga kuyuga ,imika ugendee. 6 Mulinge kina mwan waki Adamu utite uusumi wakusamila milandu....'' alutambuile igaa kwaki uyo nalulpolile ,imika ,solaa igodolo lyako, uuke kukaa yako. 7 Papo muntu nuimika nukulega kuyuka kukaa kumwakue. 8 Imakutano kinaaona maso, nakunguala nukukumukulia mukungile, nuwapilee uusumi waso antu. 9 Nu Yesu kinalukila kupuna paso , numuona muntu nalukuita lina lyakue matayo, alukalile luandii lwapunia ushulu . numwene numuila , ntiate inee numwene nuimika nukukumutiata. 10 Nu Yesu kinanukalansa walie india mukaati munumba , naiza apunia ushulu ingii niantu naolu naunga mundia palumui nu Yesu niamaniguaakue. 11 Iyo Apalisayo kinaaona maso naaila amanigua nikii umwalimu wani ulia india palumui niapunia ushulu niantu naaolu.? 12 Yesu kinanuigia maso, numwene nuuga antu natite uupanga nauzaa sikaasiilie kamuganga, ila ioo naaluile. 13 Yumujipiile mwende kimania indogolelyo yakue numulogue usamili kuleka izabihu' kunsooko alinijile , sika natite ihaki kuyungama,ila kuio natite milandu. 14 Iyo amanigua aki Yohana naaza kumwakue nukutambula , kwaniki ishee ni mafalisayo kwifunga , lakini amanigua ako sikaifinga? 15 Yesu nuaila ,mbii iatindikilya awinga asumile kutula nuukia tungo mutizila namugosha kinautula palumui nindio ? lakini ntondo zijile mutizila mugosha ukisholua kupuna kunshao, naiyoo ikifunga. 16 Kutilii muntu nuyiika ikipande kya ntiila mpia muntiila zakalii, kilaka kikitandulua kupuna muntiila nuluandala lukulu lukipunila. 17 Kutilii antu naiyika muvinyo upia mukiseme kya muvinyo wakalii, anga ikitenda , indilii ikitanduka , muvinyo ukilega nindilii ikiyononeka . Badala yakue , akuikaa muvinyo upia mundilii mpia natulu ikitula salama. 18 Imatungo Yesu kinalukiaila mantu maso, laa,mukulu nuiza natungama ntongela yakue, numwene nuuuga munanso wane wakia inono , lakini anzuu uikee umukono wako kukyanya yakue numwene ukakikala kankii. 19 Iyo Yesu nuimikaa nukukumutiata ni amanigua akue gaa. 20 Laa, musungu nalii ukupunaa migali kumatungo ma miyaka kyumi nibilii, nuiza piipi nu Yesu nugusa ipembo lya kijalo kyakue. 21 Kululo aluugile , anganguse ipembo lya kijalo kyakue, ninene nikiligya ukamia. 22 Yesu nupiluka nukukumulaa nukukumuila. munanso , ipelee umoo, usuili wako wakutendaa ukamie, nimatungo mago mago musungu nuligia ukamia matungo mago. 23 Nu Yesu kinanupika munumba nyaki mukulu, nduyo nuaona akua madede nu mulundo waantu aliukua kilanga . 24 Nduyo nuuga ,punii ipaa , kunsooko munanso sikukiile, ugonile du. ioo naseka nukukumutanila. 25 Nantu ioo kinanapunigua kunzii ,nduyo nuingila mukyumba nukukumuamba mukono nu munanso nulaila. 26 Nimpola izii nazikumazuka mukisalii kyensi. 27 Iyo Yesu kinalukyila kupuna pale, agoshe abili apoku naamutiata. nalongoleka kukitunta naitambula, kulompa ukusamile mwana waki Daudi. 28 Tungo Yesu kinaliwapika munumba , apoku ioo naaza kumwakue. Yesu nuaila musuilile kina nsumile kutenda? Nindio naamuila ee shekulu. 29 Iyo Yesu nugusa miso mao nukyuga naitendeke iyoo kumwani kina usili wani kinawili. 30 Nimaso mao namalangulia. Iyoo Yesu nusisikilia nualagilia nukuuga ''Laii muntu wensi nasikulingile ikintu ikii. 31 Lakini antu iaa abili naalega nukutanantya impola izii munandii tulu zakisali. 32 Iyoo agosha ioo naabili kinali alonguile yao ,laa muntu mui bubu nailimuambue nimapepo nuletua kwaki Yesu. 33 Nimapepo kina namamupuna ,umuntu nuaso nabubu nuandia kutambula. umulundo naukunguala nukuuga itii kili ipunile muislaeli. 34 Lakini mafalisayo aliiuga ''kwaakulu amapepo, ukumainga imapepo. 35 Yesu nuenda kuishalitulu numuijiji. numwene nuendelela kumania muintengelii, nutanantya injili nya utemi, nukukamia maluile makila aina nu uneketu wa aina tulu. 36 Itungo kinalulaa umulundo, mwene nuaonela kinishungu, kunsooko aliagaa nukuyunika imyoo.aliili zii nkolo nangila kamudimi. 37 Numwene nuaila amanigua akue. imaimbula mingi,lakini ituma milimo akyii. 38 Iyogua kaii mulompii shekulu wa maimbula kina watume ituma milimo mumaimbula makue.
Chapter 10

1 Yesu nuaita amanigua akue kyumi na abili palumui nukukuapela usumii kyanya nya mapepo naashapu, kuakenela nu kukuainga nu kukamia aina tulu za uneketu niaina tulu za uluile. 2 Mina maa mitume kyumi na abili nsiiga. Lya kuandia simioni [ ipia uyitua petelo] nu Andelea mununa wakue. Yakobo mwana waki Zebedayo, nu Yohana mununa wakue . 3 Pilipo, nu Batimayo, Tomasi, Matayo mupunia ushulu, Yakobo mwana waki Alfayo, nu Tadeo, 4 Simoni mukananayo, nu Yuda iskaliyote, nalumupilukile. 5 Iaa kyumi na abili Yesu aliwatumile. numwene nualingya nuuga mulekienda luandi naikikala anansii kangi mulekiingila muishalii ya asamalia. 6 Badala yakue, mwendee kkunkolo nazilimilile za munumba nya islaeli. 7 Nikina mulunjii, tanantyii nu kuuga , utemi wakugulu wapiipikaa. 8 Kamiyi aluile, iyukyii akii, aogyii anaukoma nu kuyinga imapepo. Musingile nankanda, punii nankanda. 9 Mulekiyipilua izahabu, almasi hau shaba mumbogosi zanii. 10 Ulekiyipilua umukoba mumusinzo wanii, hau ntiila zaakiba, ilatu hau nkome, kunsooko mwituma mulimo ujipile india zakue. 11 Kisali kyensi hau kijiji namukiingila, dumii nujipiile mukale paso mpaka kinamukilega . 12 Kinamukiingila munumba lamukyii, 13 Kina numba ijipile , usuili wani usage papo, lakini kina numba sikijipile , usuli wani ulege palumui nininye. 14 Nukwa ioo nasikaamusingile inye hau kutegela inkani zanii, itungo kinamulega munumba hau mukisali kyaso , ipyagulii ulunkundii lua ntilatilyo zanii paluandi paso. 15 Kulukulu nukumuila , ikitula yakiumatiilya kukyila ishali ya Sodoma ni Gomola ntondo nyauhukumilua kuleka mikisali kyaso. 16 Laa, nukumutuma kina nkolo pakatii ya yingii , kululo tulii nuuluku kina nzoka mwimwapolo kina nkunda. 17 Mwimwakilao ni antu , ikakumutuala mumalindii, ikakumukua mukintengelo. 18 Namukiletua ntongela ya akulu ni atemi kunsooko yane, kina ushuuda kumwaonu kunsii. 19 Tungo kinaikakumuhukumila, mulekitula nuwoa kina ikitula mbii kyakutambula, kunsooko ikintu kya kutambula mukipegua kumatungo maso. 20 Kunsooko sika ninye mukitambula , lakini muau waki tata wani ukitambula mukatii yani. 21 Muntua ukakumuukilia muntua wakue , nu tata ku mwana wakue , iana ikiyuka zidii ya alelii, nu kukiasakilia nkia. 22 Nininye mukisholua nukila muntu kunsooko ya lina lyane. Lakini wensi nukakiumatiilia mpaka impelo muntu nuaso ukigunua. 23 Tungo kinaakumwagia mukisali ikii, mankili mukisali nakitiatilile, kukulukulu nukumuila , sikamukitula mwendaa muishali tulu ya Islaeli kyili umwana waki Adamu kushooka. 24 Mumanigua sika mukulu kuleka umwalimu wakue, walaa umusese nuili kukyanya yaki shekulu wakue, 25 Itosilie kumumanigua kina watule kina mwalimu wakue, nu mwitumii kina shekulu wakue. anga amwitaa shekulu wanumba Belzabuli , nikungele kii zaidii ikakumumelaa amunumba yakue. 26 Iyoo gua mulekiaopoka iene, kunsooko kutilii kalintu nasikalikikunukulua, nakutilii nalipisikile nasikalikikumazuka. 27 Ikyo nanukumuila mukiiti , mukiuga muwelu, ninamukikigia mukitii , muyuga muwelu, ninamukiikigia kuutakata muakutui anii, mutanantye imwili kyanya yanumba. 28 Mulekekuaopoka ioo nakuula umwili lakini agila usuumi wakuulaga nkolo. Badala yakue , mwopokii uyo nusumile kulimansiiilya umwili ni nkolo uko kuzimuu. 29 Mbiii akasuku abilii sikaiguligua kusenti nanino? angaiyo kutilii nusumile kugua pansiibila tata wani kulingaa. 30 Lakini anga ingele nya ntumbii zanii mbaligue. 31 Mulekitula ninkankani, kunsooko mutite isamani kukyilikila ni akasuku ingii. 32 Kululo gua kila muntu nukingomba ntongela ya antu ninene gaa nikakumugomba ntongola yaki tata wane nuili kugulu. 33 Lakini unuaso nukinkaana ntongela ya antu, ninene gaa nikakumukaana ntongela yaki tata wane nuili kugulu. 34 Mulekishiiga kina nijile kuleta uuza

munaunkumbigulu, sikanizile kuleta uuza, lakini impanga.

35 Kunsooko alinizile kukumuika

muntu asutane nu tata wakue , numunanso katia ya kinina wakue,numukui katia yaki nina mukui wakue.

36 Munaulugu wa muntu ikitula ioo amunumba yakue. 37 Umwene numulogilue tata

hau ninaa kukyila inee unuaso sikunjipile ,Numwene numulogilue musumbati hau munanso

kukyila inee unuaso sikunjipile.

38 Umwene nasikukikenka umusalaba nukuntyata inee

sikunjipile.

39 Umwene nukiduma uukalii ukakuulimilya. Lakini umwene nukilimilya uukalii

kunsooko yane ukakuuligya.

40 Nu mwene

nukakumusugamilya umuloti kunsooko nimuloti ukishingila sawabu yaki muloti . Nu mwene

nukamusugamilya nutite ihaki kunsooko ni muntu wahaki ukishingila sawabu nya muntu wa

haki.

41 Umwene nukakumusugamilya unsugamililye nene, nu mwene

nukinsugamilya inee wamusugamilagya mwene nuntumile inee.

42 Wensi nukakumupela umui wa anino iaa , anga ikikombe kya mazii makukopa namapolo, kunsooko umwene mumanigua, kulukulu nukumuila, mwene sikusumile kuyulya kunzila yensi sawabu yakue.
Chapter 11

1 Naitula kina uYesu numala kukialingiya amanigua wakue kyumi na abili nulega ipo kuyenda kumania nukutanantya muishali yao, 2 nu Yohana nuili kugeleza nuigia nuili kyanya ya matendo maki kilisito, alutumile mpola kukyilila amanigua akue, 3 namukolila , uwe itii oyone nujilee,au ukoli wingii nakujipiile kukumulaila? 4 Yesu nuashokelya nukuyuga kumwao Longolii mumupeele Yohana maso namukumaona ni nimaso namukumaigia . 5 Antu nasikakuona iligia kuyona, anakitele igendaa , anaukoma iyeligua, antu nasikakwigagia iigia kanki naliakile iiukigua kuligya uupanga, niantu asiilye kutanantiligua mpola nanzizaa. 6 Namukembetwe uyo nasukuyona kawisinsili kyanya yane. 7 Tungo antu iaa naalega , Yesu nuandia kutambula numulundo kyanya yaki Yohana, Yani alimwendililaa kubalanguu---ityete likishungusigua ninzegaa 8 Ipa yani alimwendilaa---muntu ujalile ijalo itelele? tai,ioo nakujalaa ijaloo naitelele akikalaa munumba zaatemi. 9 Lakini alimulegile kulaa yani-mulotii?ee, nukumuila , nikukyila nu muloti, 10 Uyu wayu nulimwandikilue , Laa, nukumutuma umujumbe wane ntongela yausiu wako, ukijipilya inzila yako ntongela yako. 11 Inee nukumuila kulukulu, katia nalialelua niasungu kutilii nuamkulu kukyila Yohana nukubatizaa . Lakini numunino muutemi wakugulu ingii mukulu kukyila umwene. 12 Kupuna ntondo zaki Yohana mubatizya mpaka ino, utemi wakugulu ingii wa ngulu, ni antu atite ngulu, ukuusola kungulu. 13 Kunsooko ialoti nishalia, aliitabili mpaka kwaki Yohana. 14 Nakina mwilitayali kugomba ,uyu ingii Elia, uyo nujilee. 15 Nutitee akutui akutegelaa nuategele. 16 Nikiliganilye niyani ikilelua ikii? impyani nya anaa naikisiga muluandi lwa musoko, nakikala nukukiitanilya 17 nukuuga , alikumukuilya intono sikanamwisiga. alikushikitika , sikanamulila. 18 Kululo Yohana aliwizile bila kulia umukate hau kukopa umubinyo, natuli tambula utite pyepo. 19 Mwana waki Adamu aliwizile nulia nukukopa naatambula laa, ingii muntu mulaku kunu mugalaa,musuamua waapunia ushulu ninaatite imilandu!' Lakini iekima ilizisigua nimatendo makue. 20 Yesu nuandia kukyenela ishali nakyii yao imatendo makue makisembo namatendeka, kunsooko alikilii aungamee, 21 Ole wako, kolazini, ole wako Betisaida! kina matendo namakulu angalimatendeke Tilo nu Sidoni igoo nalimatendikile ipaa, angaliaungamile ikalii kwa kujala magunila nukukikuya mau. 22 Lakini ikitula wiumatilya ku Tilo nu Sidoni lutondo lwa hukumu kukyla kumwako. 23 Uwe, Kapelnaum,utiile ukinansulua hadi kugulu?kutili ukitimigua hadi pansi yakuzimu.kina kusodoma angaliitendeke matendo makulu, kina alimatendekile kumwako, alijileikole hadi nantende. 24 Bali nutambula kumwako kina ikitula itontu kunsii ya Sodoma kuyimika lutondo lwa uhukumilua kukyila uwe. 25 Katia matungo maso Yesu aluugule,nukukukulia uwe, tata, shekulu wi gulu ni nsii, kunsooko aliwapisile imantu igaa natite ihekima nu ulingii, nu kukumakunukula kuia na agila kaelimu, kina alisha naanino. 26 Tata kululo aliyukujipile iyo kumiso mako. 27 Imantu tulu maambigue kumwane kupuna kwaki tata. Nakutili nulingile mwana kuleka utata, nakutilii numulingile tata kuleka mwana, nawensi umwana utite nsula ya kumukunukulila. 28 Nzui kumwane, inyee tulu namunomeka nukulemelilgua nimiligo miluto , inee nikakumusupua. 29 Itungii umugila wane mwimwnie kupuna kumwane, kunsooko inee numukeende numupolo wamoo mukiligia shupuio lya nafisii zanii . 30 Kunsooko umugila wane utakata nu muligo wane upepele.
Chapter 12

1 Itungo lyaso nuenda lutondo lwa sabato kukyilia mumigundaa. amanigua wakue alikolua nzala naandia kukimauna masuke nukukimalia. 2 Lakini mafalisayo kinanaona maso , namuilaa u Yesu Laa amanigua ako iyuna ishalia itenda lutondo nasikamagombigue lutondo lwa sabato. 3 Lakini Yesu nuailaa, sikamusomile u Daudi nalumatendile , itungo kinalutite inzala , palumui niantu naliiensi numwene? 4 Namna kinaliwingile mukati munumba yaki mukungile nukulia imikate nya ulagilii, nalisika halali kumwakue kukuilia ninindio naliiensi nindio.ila halali kwa makuhani? 5 Kyilii musome mushalia ,kina kulutondo lwa sabato makuhani mukati yakintengeli akumishapula i Sabato, lakini agila kautimuli? 6 Lakini niuga kumwanii kina namukulu kukyila kintengeli ukoli papa. 7 Kinali mulingile iyi itite ndogolelyo kii,nsiilye usamilua nasika zabihu , sikalimujilile kuwahukumu nagila kautimuli, 8 Kunsooko mwana waki Adamu uyo shekulu wa Sabato. 9 Kisha u Yesu nupuna paso nuenda kukintengeli kyao. 10 Laa alukoli muntu alupoozile mukono. Mafalisayo naamukolya u Yesu naitambula . mbii itii halali kukamigua lutondo lwa Sabato? kina usumile kukumutakya kwa kutenda milandu. 11 Yesu nuailaa , wani katia yanii, kina utite nkolo imui, ni nkolo iyii igue mukati mukombo lutondo lwa Sabato, sikamukakumutakya nu kukumupunia kungulu mukati mukombo? 12 Mbii, nakyii nakitite usamani, kyila kwani, , si kukyila inkolo! kululo halali kutenda namaza lutondo lwa 13 Kangi Yesu numuilaa umuntu uyo,'' Golola mukono wako.'' nugolola ,nauligia upanga,kina uua. 14 Lakini Mafalisayo naapuna kunzi nailikitilya kinaikakumulimansilya naenda kunzi kukilikitilya sia. aliiduma amuulagei. 15 Yesu kinanulinga ilii nulega paso. antu ingii namutiata, nuakamia tulu. 16 Aliwalagililye alikizitenda wamanue kwanaingi, 17 Kunsooko itimiile ikulukulu iyo, nantambulue numuloti u Isaya nutambula, 18 Laa,mwitumi wane namusaguile, mwilogua wane, katia mwene inkolo yane ndogue.Nikiyika nkolo yane kyanya yakue, naukitanatya ihukumu kunsii. 19 Sikukiyangaika wala kulila kungulu, wala wensi nuaso kuigya lulii luakue mumutaa. 20 Sikukakiliuna ityete nikyusue , sikukidibya utambii wensi naukupunagia ilyikii, mpaka kinukileta ihukumu ishinde, 21 Ni anansii ikitula nu ugimya kulina yakue. 22 Muntu kitunga mupoku kunu bubu, nalimuambue nipyepo alimuletue ntongela yaki Yesu. nukamigua ,palumui nukupunila kina muntu bubu nutambula nukuyona. 23 Umulundo tulu nakunguala nukuambula, ishuma muntu uyu kina mwana waki Daudi?'' 24 Lakini tungo Mafalisayo kinanaigia muujiza uu, naugaa , uyu muntu sikupunia pyepo kungulu zakue mwene ila kungulu zaki Belizebuli ,mukulu wapyepo. 25 Lakini Yesu alulingile masigo mao nukukiaila , kilaa utemi nautemanukile wene ukiyononeka,kila kisali hau numba nitemanukile nzene sikikiyimika. 26 Angaa munamampilu, ukakumulegya munamampilu, iyo ukigilya munkolo mwene, 27 Kinai utemi wakue ukiyimika?Kina nipunia pyepo kungulu zaki Belizebuli,iatitua aniakualegagia kunzila yakwani? kunsooko ya ili ikitula akimu anii. 28 Nakina nupunia pyepo kungulu zaki muau aki mukungile , iyo utemi waki mukungile wazaa kumwani. 29 Nu muntu ukishumai kuingila mukati munumba nya munangulu nukuia , bila kukumutunga umunangulu kwandia? iyo wiie insao zakue kupuna mukati munumba. 30 Wensi nasika wilii palumui ninene wilii sia ninene, nunuaso nusikuilinga palumui ninene unuaso ukusapasilagya. 31 Kululo nitambula kumwani, kila mulando nikufulu antu ikishamilua, ila kukumukufulu umuau mwelu sikaikishamilua. 32 Na wensi nukutambula lukani sia kyaki mwana waki Adamu , lyaso ukishamilua . Lakini wensi nukutambula sia nu muau mwelu, unuaso sikukishamilua , niminaunkumbigulu uu,nu nduo naujile. 33 Anga utende ikota kutula lizani nkali yakue nziza, hau ulyonone ikota ninkali yakue ,kunsooko ikota ukulingika kunkali yakue. 34 Inyee kileli kya nzoka, inye mwabii, musumilei kutambula imantu namaza? kunsooko kilakala kyukutambula kupuna mukilindo kya namakoli munkolo. 35 Muntu mukende mukilindo kyiza kya munkolo yakue makupuna makende, nu muntu namubii mukilindo kibii kya munkolo yakue, ukupunagia nakibii. 36 Nukumuila kina muntondo za uhukumilua antu ikipunia iyalyo lya kila lukani nalugila kandogolelyo nalitambuile. 37 Kunsooko kunkani zako ukiyaligua haki nu kunkani zako ukihukumilua. 38 Kisha akyii aandiki ni Mafalisayo naamushkelya u Yesu naiuga, mwalimu,azakwalogeligue kuyona kilingasilyo kupuna kumwako. 39 Lakini Yesu nushokelya nuaila, kileli kibii kangi kya ukosii kidumaa kilingalisilyo . Lakini kutili kilingasilyo nakikipunigua kumwao ilagua ikyo kilingasilyo kyaki muloti Yona. 40 Kina iyo umuloti Yona kinaliwili mundaa ya nsii nankulu kuntondo zitatu munsii nu utiku, iyo iyo mwana waki Adamu kinaukitula mukati munkolo yansii kuntondo zitatu musii nu utiku. 41 Antu aku Ninawi ikyimika ntongela yauhukumu palumui ni kileli kya antu iaa naikakukihukumu. kunsooko aliaungamile kuutanantya waki Yona,na laa.muntu kitunga mukulu kukyila u Yona ukoli papaa. 42 Malikia wakutakama ukiyuka kuhukumu palumui ni antu akileli ikii nukukihukumu. aliwizile kupuna kumpeleleko nya unkumbigulu kuiza kuigia hekima nyaki selemani ukoli papaa. 43 Itungo ipyepo nishapu kinalyamulega umuntu, kinalyamulega umuntu lyukila luandi nalugila mazii naliduma kushupya , lakini sikanuonye 44 Kangi ukuuga, nikishoka munumba yane nampunile. kinushokile ukwagana inumba nyaso yapyagulagua ikondile. 45 Papo ukwenda nualeta niia nkolo nshapu mupungatii nabibii kukyila umwene, akwiza kikalatulu paso. Nihali yakue nya mpeleleko yukutula mbii kukyila nya kuandia. Iyogua kinaikitula kunsooko ya kileli ikii nakibii. 46 Itungo Yesu kinali ukitambulia numulundo laa , unina nianuna akue naimika kunzii, naiduma kulikitya numwene. 47 Muntu mui nuaila , laa umau wako nianuna ako imikile kunzii, iduma kulikitya nduwe. 48 Lakini Yesu nushokelya nukukumuila nalumuilile, umau wane wani? nianuna ane anii?'' 49 Nnumwene nugolola mukono wakue kwa amanigua nuktambula , laa, ia mau nianuna ane ! 50 Kunsooko wensi nukutendaa ulowa waki tata wane nuili kugulu , muntu nuaso uyo muntua wane , muguli wane nu mau wane.
Chapter 13

1 Kulutondo lwaso Yesu nulega kunumba nukukikala kumpelo nya bahali. 2 Umulundo ukulu nawiilinga kwakukumupilimilya, nuingila mukati mumutumbwi nukikikala mukati yakue. umulundo tulu naimika kumpelo nya bahali. 3 Kululo Yesu nutambula nkani ningi kumpyani, nutambula , Laa, mpandili aliwendile kupandila . 4 Kinalupanidila imbeu nzia naziguila kumpelo yanzilaa inoni nzizaa nazigotaa. 5 Mbeu nzia nziguila mukyanya igue, sikanzikuga kaulongo wakukondia, papo nazilia kunsooko ulongo sikawilikina pansikya. 6 Impasu kinanililya nazishonswa kunsooko alingila kamyili, nazuuma. 7 Mbeu nzia aliziguile mumakoya namatite imigya . Makota namatite imigya namalilpa kukyanya namasopa. 8 Mbeu nzia nazigua muulongo nauzaa kulela mbeu, injia kina kihembe kimui kukyila, injia makumi mutandatu injia makumi matatu. 9 Nutite akutui nuigye. 10 Amanigua naiza nu kukumuila uYesu , nikii ukukitambuila nianamulundo kumpyani? 11 Yesu nushokelya nuaila , mwapegwe ukuiligwa wakumana isili zautemi wa kugulu, kunshao sikaapegwe. 12 Lakini wensi nutite, kumwakwe ukiyongeligwa kukyilikila, ukiligya nsao nkulu. Namugila anga kikyo nutite ukilegeligwa. 13 Iyo nitambula nindio kumpyani kunsooko iyona, alekiona kulukulu. Kangi iiagya alekiigya wala kulinga. 14 Uloti waki Isaya watimilla kumwao, kinamwigilye mwigye., Lakini kunamuna yenso sikamukilinga,'itungo kinamwaona musume kuyona, lakini kunamuna yensi nyaso mulekimana. 15 Ninkolo za antu iaa yaza kitii, ikaku kuigya, natutilye imiso mao, gale alekishuma kuyona kumiso mao, anga kuigya kuakutui aoo,au kulinga kunkolo zao, iyo aliijilimpilukila kanki, naalinijilikiakamia. 16 Iyo imiso mani makembetwe, kunsooko milaa, nu akutui anii kunsooko iigya. 17 Kulukulu nukumuila ialoti ingii ni antu naahaki aliatite nsula yakuyona imantu igoo namukumalaa,nasikaliasmumile kukumaona. alitite nsula kuigya imantu igo namukumigya, sikaliamigilye. 18 Ino tegelii impyani yaki mupandilii. 19 Itungo wensi nukitegela lukani lwa utemi na wakilinga, papo umudobu ukwiza nukushukantula nakyakondagigwa kupadilwa mukati munkolo yakue. Iyii ingii mbeu iyo nalimpandilwe mumpelo yanzila. 20 Umwene nalimupandilwe mumaguwe ingii uyo nukutegela lukani nukupokela kuukau nuku ulumbi. 21 Kyili mugila kamyili mukati yakue , kulukiumatilagya kutungo kyupii. itungo matatizo au mateso kinamipunila kunsooko yalukani ukukumpa kuukau. 22 Nalimupandilwe katia yamakota mamigya, uyu ingii uyo nukutegela lukani lakini uwagii wa muunkumbigulu nu ulongo wa ugolii ukusonga lukani uloo lulekizilela nkalii. 23 Namupandilwe muulongo nauza , uyu ingii uyo nukwigagya lukani nukukululinga . Uyu ingii uyo nukulela nkalii nukulongoleka kulela mui kukyila igana, injia makumi mutandatu, injia makumi matatu''. 24 Yesu nuapela impyani yingii. Nutambula , utemi wakugulu ukimpyanigwa nu muntu nalupandile imbeu nziza mumugunda wakue. 25 Lakini antu kinanatindila , munaulugu wakue nwiza gaa nupandila ingalila pakatii ya ngano nusola nuenda iyakwe. 26 Pembele ingano kinanilia nukupunia uimbuli wakue, iyo ingalila nazipunila gaa. 27 Niitumi amukola mugunda naaza kukumuila , shekulu , sikanupandila mbeu nanziza mumugunda wako?Yatulai ino litite ingalila? 28 Nuailaa munaulugu utendle ilii.' Itumi namuila , kululo usiilye kwendekulane? 29 Mukola mugunda nuuga , nasitaa , itungo kinamukula ingalila mukikula palumui ningano. 30 Lekii ikule palumui mpaka imatungo ma kuimbula. Imatungo makuimbula nikitambula kuaimbuli, kwandia kulii ingalila muzitunge maungi maungi mumasonse, lakini muilingile ingano mushagi lyane. 31 Kangi Yesu nuapunilya mpyani yingii, nuuga , utemi wakugulu umpyanile nimbeu ya nseke inyaso muntu alusolile numipandila mumugunda wakue. 32 Mbeu iyii kulukulu nino kukyila mbeu nazingii tulu. Lakini kinikula yukutula nkulu kukyila imimea tulu kiugulu, yukutula kota, ingele kina inoni za mukyanya zukwiza nazizenga iitiyi mumatambi makue. 33 Nuaila mpyani yingii kanki. utemi wa kugulu ingii kina nshashu iyo nalinsolwe numusungu nukushalinkania ningele zitatu kuutu mpaka uumuke. 34 Maso tulu Yesu alutambuile kumulundo kumpyani. kina sika mpyani sikanutambula kyensi kumwao. 35 Iyii alikina kululo ikyo nalikyakonditambulwa kukyilila kwaki muloti kisume kutimiila , ipo kinalutambuile , nikikunukula ikilakala kyane kumpyani. Nikitambula mantu igo namatulile mapiswee kupuna iyukii lya unkumbigulu. 36 Kangi Yesu nualeka ianamukutano nwenda kukaa. Amanigwa akue namwaagana nukutambula , kulingye impyani nya ngalila mumugunda. 37 Yesu nushokelya nu kutambula Nukupandila mbeu nziza mwana waki Adamu. 38 Mugunda ingii unkumbigulu imbeu nanziza , iaa ingii ana aki autemi. Ingalila ingii ana aki uyo namudobu, nu munaulugu naluzipandile ingi munamampilu. 39 Nimaimbula ingii mpelo nya unkumbigulu, niaimbuli ingii malaika. 40 Kina iyo ingalila nazukuilingilwa nu kushonswa moto, iyaso iyo ikitula mumpelo nya unkumbigulu. 41 Mwana waki Adamu ukituma malaika akue,nukuilingila kupuna muutemi wakue , maantu tulu nalimasakilye milandu ni ndiio natenda mabii. 42 Ikakwataga tulu mulungu lya moto , ukwaso ikitula suka nu usia mino. 43 Iyo gwa antu ahaki kinaikimiliminta zi mpasu muutemi waki tata wao. umwene nutite iakutui nwigyee. 44 Utemi wakugulu ingii kina kilindo nakipisile mumugunda. Muntu numiona nukumipisa. mu ulumbi wakwe nuenda nugulya tulu nuliwitite , nukugulila mugunda. 45 Kanki utemi wa kugulu wikina muntu nukusuluzagya nukuduma ilulu nya samani. 46 Matungo kinanumiona iyo nitite samani, nuenda nugulya kila ikintu nalutite numigula. 47 Utemi wa kugulu wikina nkusa nyili mukati mu Bahali na yukuilinga iiyumbe yakila kinakyili. 48 Kinanaujula iazui nauluta kumpelo. Kangi naikalansa pansi nailinga iintu iza mukati mwisheme, lakini naigila ka samani naaitaga kulii. 49 Ikitula itii pa mpelo ya unkumbigulu. Malaika ikiiza kukuatemanula antu nadobu kupuna mwa iaa natite ihaki. 50 Nu kukuataga mukati mulungu lya moto , ukwaso ikitula kililo nukushia mino. 51 Mwamamanane mantu tulu igaa? amanagwa namshokelya eee. 52 Kangi Yesu nuaila , kila mwandikii nwatula mumanigwawa utemi wimpyanile nu mukola numba nukupungya ikilindo kyakue intu ipia ni yakalii. 53 Naitula u Yesu numamala impyani tulu nyaso, nulega muluandi lwaso. 54 Kangi Yesu nupika kumkoa wakwe nuamania antu mukintengeli . Imatokeo makwe nakunguala nu kutambula , itii pii muntu uyu kinuligilye iekima iyii nikisembo ikii? 55 Muntu uyu sika mwana waki selemani? maliamu sika ninane? Nianuna akwe sika Yakobo, Yusupu, Simoni nu Yuda? 56 Ni aguli akwe kwiensi papa pamwitu? apa muntu uyu waligya pii igaa tulu? 57 Nwatakya. Lakini Yesu nuaila , muloti sikukuulagya kahekima anga sika kumwao nu munsii yao. 58 Kangi sikanusuma kutendaa kisembo kingii kunsooko alimugila kausuili nunduyo.
Chapter 14

1 Kumatungo maso, Helode nuigya impola kyanya yaki Yesu.. 2 Nuaila iitumi akue , uyu ingi Yohana mubatisha wiuka kupuna kwa akii. kululo ngulu izii zikolii kyanya ya 3 Kululo Helode numugwila u Yohana numutunga numutaga mukitungo kunsooko yaki Helodia , mkiima waki pilipo mununa wakue. 4 Kunsooko Yohana alumuilile , sika izaa kukumusola umwene kutula mukiima wakue. 5 Helode alukumuulaga lakini nwaopoka antu kunsooko aliamuonie yohana kina muloti. 6 Lakini imatungo ma kulelwa u Yesu u Helode naipika umunanso waki helodia aliwisigile pakatii ya antu nukukumuloelya u Helode . 7 Kuushokelya kili aluahidile kukilapo kina ukakumupela kyensi nukakukilompa. 8 Pembele kinaisigya nu nina wakue, nutambula , mpele nene ipaa mukikombe itue lyaki Yohanamubatisha. 9 Mutemi alushikitika kumalompi maki munanso , lakini kunsooko ya kilapo kyakwe , kunsooko ya tulu naliili pandia palumui nunduyo nulagilya kina ijipiile itendekee. 10 Nutuma u Yohana waletwe kupuna mugeleza 11 ilii watwmwe itue lyakwe naliletwa kyanya ya musinia nupegwa umunanso nulitwala kwaki nina wakue. 12 Kangi amanigwa akue naaza kuusola umwili uoo nukukuikaa, pembele ya ilii naenda kumuilaa u Yesu. 13 Numwene u Yesu kinanwigya igaa , nwitemanula kupuna uluandi lwaso nunankila mukati mushuka nuenda luandi nalilutemanulwe. imatungo umulundo kinanulinga kinawili , namutita namigulu kupunila kumujini. 14 Kangi u Yesu nuiza ntongela yao nuuona umulundo ukulu. nuaonela kinishungu nu kukuakamya maluile mao. 15 Impindi kinanitimila,Amanigwa naazakumwakwe nukutambula , ulu ingii luandi lwi balangu,nulutondo lwakondikila. Asapatilyii anamukutano endee muishalii agulee india kunsooko yao. 16 Lakini Yesu nuaila, kutilii kansooko yakwenda iyao. apelii ninye india'' 17 Naamuila , ipa kutite mikate itano ni nsii zibilidu. 18 Yesu nuaila letii kumwane. 19 Kangi Yesu nuulagilya umulundo kukikalansa pansi mumasanzi. nusola imikate nitano ni nsii zibili. Nulaa kukyanya kugulu, nukembeta numega imikate nwapela amanigwa. amanigwa naupela umulundo. 20 Naalia tulu nu kukikuta. Kangi nailingila iipande tulu ya ndia nu kukijulya ikapu kyumu na ibili. 21 Ioo nlialile aliasigilwe kutula agosha ihumbi itano kuleka kuyaligwa iasungu ni anaa. 22 Kamui nualagilya amanigwa ingile mukati mumashua, itungo lyaso mwene nulaga umulundo auke iyao. 23 Pembele kina nulaga umulundo kuyuka yao, nunankila mukyanya mumulima kulompa mwene ung'ene.imatungo kinanaipika mpindi alikolii kuko mwene nung'ene. 24 Lakini ino mashua kinanipika pakatiiya bahali niyunguaungua kunsooko ya mawimbi, kwani inzega alii ya musutano. 25 Pautiku wazamu yakanii Yesu nuegela,nugenda mukyanya ya mazii. 26 Itungo amanigwa akue kina namuona ugenda mukyanya ya bahali , naopoka nu kuyuga , 27 Ingii muntunga , nukukitunta kululi kunu naopokile. Yesu nuaila kamui, nuuga kamyii iknolo nene lekiyopoki. 28 Petelo numushokelya kwa kutambula,shekulu kina uwe, ndagilye nize kumwako mukyanya ya mazii. 29 Yesu nuuga, nzuu.'' iyo u Petelo nupuna mukati ya mashua nu kugenda mukyanya ya mazii kuyuka kwaki Yesu. 30 Lakini u Petelo kinanuona imawimbii, nopoka, nukuyandia kujama, pansi nwita kululi nukuuga shekulu ngunee. 31 Wangu Yesu nugolola umukono wakwe numunansula u Petelo, numuila, uwe utite usuili unino, niki aza utite wikankania ? 32 Iyo Yesu nu Petelo kinanaingila mumashua, inzega nileka kukunka. 33 Amanigwa mumashua namukulya u Yesu nu kuuga kulukuluu uwe wi mwana waki Adamu. 34 Na kinanatula aputaa, napika munsii ya Genesaleti. 35 Ni antu mulwandi ulo kinamumana u Yesu, naatuma mpola kila luandi mumpelo,nu kuleta kila nalii muluile. 36 Namupepya kina usumile kutona ipindo lya kijalo kyakwe, naingii naliatonile naakamigwa.
Chapter 15

1 Iyo mafalisayo ni andikii niza kwaki Y esu kupna ku Yelusalemu. Nu kutambula , 2 Kwa nikii amanigwa iyonona usingilo wa anampala? kululo sikaikalala mikono yao kinakula nailia india . 3 Yesu nuashokelya nukuaila , inyee --- kwa nikii muyonona ishalia yaki shekulu kunsooko ya usingilo wani? 4 Kunsooko mukungile aluugile, mupelee iheshima tata wako nu mau wako, ninukutambula udobu kwaki tata wakwenu mau wakwe tyunu ukikia. 5 Lakini inyee mukugaa, wensi nukumuila tata wakwe nu mau wakwe, kila kintu angawaligye kupuna kumwane ino ingii zawadiikupuna kwaki mukungile. 6 Muntu nuaso mugila kahaja ya kumuheshimu tata wakwe. kunamuna iyii mwatemanula lukani lwaki mukungile kuusingilo wani. 7 Inyee akinilii, ingi izaaakina Isaya nalulotile kyanya yani kinaluugile, 8 Antu iaa ambeshimile inee ku milomo yao, Lakini iknolo zao zili kulii ninene. 9 Inkulya nankanda, kunsooko imania mamanio namalagilyo ma anadamu. 10 Iyo nwaita umulundo nukukwaila , tegelii namulinge --- 11 Kutilii kintu nakyukwingila mumulomo wa muntu nukukumutendya uushapu. ila ikyo nakyupunaa mukilakala , iki kikyo nakyumutenda umuntu kutula mushapuu. 12 Iyo amanigwa namwagana nu kuuga nu Yesu , mbii! ulingile Mafalisayo kinaliigilye ulukani ulo aliaipilwe? 13 Yesu nuashokelya nu kuaila , kila mullio na u tata wane nwa kugulu sikuupandile ukikulwa. 14 Alekii ing'ene, iene atongeli apoku, kina muntu mupoku ukakumutongela umupoku mua, tulu abili ikiguila mukombo. 15 Petelo nushokelya nu kukumuila u Yesu , kuila impyani iyii kumwitu. 16 Yesu nushokelya nininye gaa kili mulingee? 17 Inyee sikamuonie kina kila nakyukwenda kumulomo kyukukilila mundaa nu kuyenda kushoo? 18 Lakini iintu tulu nayukupuna mumulomo yukupuna mukati munkolo. iyo intu yukumupelaa muntu udobu. 19 Kululo munkolo makupuna masiigo mabii ,uulagi ukosii, nu usambo,wii, ushudili wa ulongo ni ituki. 20 Igaa maya mantu namakumupelaa muntu udobu. Lakini kulia kuleka kukalala sikayukumutenda muntu kutula mudobu. 21 Iyoo Yesu nupuna paluandi lwaso nwitenga kuyukila inandi za Tilo ni Sidoni. 22 Laa nuiza musungu mukanani kupuna inandi zaso.nwitunta nuuga monelee kinishungu ,shekulu, mwana waki Daudi, mnanso wane uyagigwa zigi nipyepo . 23 Lakini Yesu sikanumushokelya lukani . Amanigwa naaza,nakumupepya naiuga , mulegye wende iyakwe, kundogolelyo ukukukuila ilyanga . 24 Yesu aliwashokelilye nu kyuga , sikalinumutumwe ku muntu wensi ila kunkolo nazilimilile za munumba yaki Islaeli. 25 Lakini aliwizile nu kutuna ntongela yakue, nwiuga shekulu nalilye. 26 Numushokelya numuila sika izaa kushola india za alisha nu kukuzigumila imbua. 27 Nutambula '',ee, shekulu, angaiyo imbua nanino zukulia india nazukugua mumeza mwaki shekulu wao.'' 28 Iyo uYesu nushokelya nuuga ,'' musungu, usuili wako ingi ukulu. naitendeke kumwako kina utakile.'' Nu munanso wakue aliwatula wakamagigwa mutungo lilo. 29 Yesu nulega paluandi lwasonu kuyenda piipi ni bahali nya Galilaya. kangi nuenda kukyanya ya mulima nu kukikala kuko. 30 Lyundo kyulu nalyiza kumwakwe, nalyumuletela anakitele, apoku, abubu, alema, niia ingii , nali aluile. Naaika mumigilu yaki Yesu nuakamya. 31 Nuumulundo nakunguala kinanaona iabubu itambula, alema itendwa apanga, anakitele igenda, ni apoku iona. Namukulya u Mukungile wa kuislaeli. 32 Yesu nuaita amanigwa akue nu kuuga , namuonela kinishungu umulundo , kunsooko atula ninene kuntondo zitatu sikaalile kintu kyensi. sikanikakialaga auke kunshao isikaalile, alekizi kia mukanka munzila'' 33 Amanigwa akue namuila , pii kusumile kuligya mikate nyendile ipa pinishakaa kukikutya umulundo ukulu itii? 34 Yesu nuaila ''mutite mikate ingaa?'' natambula , mupungati, ni nsii nkyii''. 35 Yesu nualagilya umulundo ikalanse pansii. 36 Nukenka imikate iyo mupungati ni nsii, pembele nusongelya, numega nukukuiapela amanigwa. Amanigwa naapela umulundo. 37 Antu tulu nalia nukukolya, Nailingila masagigwa maipande ma ndia naliishagilile ipande ipande, naijula ikapu mupungati. 38 Tulu nalialile alii agosha ihumbi inii kutili asungu ni alisha. 39 Kangi Yesu nuulaga umulundo naenda kumyao nuingila mukati mumashua nukuyenda nandi za Magadani.
Chapter 16

1 Mafalisayo ni Masadukayo namwizila nu kukumugema Yesu nualagila umwena naupunile kukyanya. 2 Lakini Yesu nuashokelya nu kukuaila kina ''anga yi mpindi mutambula kina inzega nziiza, kunsooko igulu kyasuku. 3 Ni dau mutambula ' hali ya nzega ntende sika nziiza kunsooko igulu ingi kyasuku ni malunde makumbile igulu tulu. mulingile kulingya uwigelelo wi gulu, lakini sikamushuma kulingya imyena ya matungo. 4 Kileli kidobu kya ukosii kiduma myena, lakini kutili kamwena wensi nakikipegwa, kulekitula uo waki Yona. kangi Yesu nualeka nu kyenda iyakwe. 5 Amanigwa naaza uluandi lwa kabili, laikini aliiagwa kushola imikate. 6 Yesu nuaila iponii mutule mwakilao ni nshashu ya mapalisayo ni masadukyo. 7 Amanigwa naikikolya katia mumwao nukuuga. 8 Yesu nulinga lyaso nu kutambula, ''Inyee namwa usuili unino, kwa niki mwasiga nu kukitambuila katia yani nu kuuga kina kunsooko sikalimusolile mikate? 9 Mbii kyili sikamulingila wala kukijuka imikate iyo nitano kwi antu ihumbi itano , ni ikapu ingaa namuilingile? 10 Hau mikate mupungati kwi antu ihumbi inii, na ikapu ingaa alimusolile? 11 Yatulai kina sikamulingile kina ali sikanitambula nininye kyanya ya mikate? Itunzii nu kukipona ni nshashu nya Mapalisayo ni Masadukuyo'' 12 Kangi nalinga kina aliiza sikukiaila kyanya ya kipona nimikate nitite inshashu, ila kukipona ni mamanio ma Mapalisayo ni Masadukuyo. 13 Itungo Yesu kinanupika nandii za kaisalia nya pilipi, nuakolya amanigwa akue, nuuga, Antu itambula kina wana wa muntu ingi wani? 14 Naauga, iia iyuga kina ingi Yohana mubatisha, iia Elia, ni iaa, Yelemia, hau umui wakue wa muloti. 15 Nuaila , inyee mwiuga ine nene wani? 16 Kwa kushokelya , Simoni Petelo nuuga, uwe ingii kilisito mwana waki mukungile namupanga''. 17 Yesu nushokelya nuaila , umukembetwe uwe, Simoni Bal Yona, kunsooko imigali ni nama sikaliyukunukulile ilii, ila u tata wane nuili kugulu. 18 Ninene gaa nukukuila kina uwe ingi Petelo, nu mukyanya igue ilii nikizenga witekelo wane. milango nya kuzimu sikaikakililemya. 19 Nikakukupela uwe impunguloza utemi wa kugulu. Kyensi nukakukidindila munaunkumbigulu kikitula kyadindagwa kugulu. 20 u Yesu nualagilya amanigwa aleke kumuila muntu wensi kina umwene alikula kilisito. 21 Kupuna imatungo igo Yesu nuandia kukuaila amanigwa kina lazima endee ku Yelusalemu, kuyagigwa kumantu mingii mumikono ya anampala ni akulu amakuhani ni andikii , kuyulagwa nu kuiukigwa lutondo lwa katatu. 22 Kangi u Petelo numusola u Yesu kumpelo nu kukumukenela, kwa kutambula, ''ikintu ikii nakitule kulii nunduwe, shekulu, ilililekipunila kumwako. 23 Lakini uYesu nupiluka nu kukumuila u Petelo , shoka numa yane munamampilu! uwe ingi kigilyo kumwane, kundogolelyo sikukelile iintu yaki mukungile, ila iintu ya anadamu. 24 Kangi uYesu nuaila amanigwa akue, kina muntu wensi nukitaka kuntyata inee, ingi lazima wikane mwene mukola, wausole umusalaba wakwe, na wantyate. 25 Kululo nutakile kuguna ukalii wakwe ukakuulimilya , na ku wensi nulimilya ukalii wakwe kunsooko yane ukakuuguna. 26 Mbii ipa shailo kii nukiligya u muntu angawaligye unkumbigulu tulu lakini walimilye ukuli wakwe? mbii! itii kintu kii nukakupunia muntu kukaania nu ukalii wakwe? 27 Kunsooko u mwana waki Adamu ukiiza ku ukulu waki tata wakwe ni amalaika akwe. Numwene ukakumlipa kia muntu kuligana ni matendo makwe. 28 Kulukulu nukumuila akoli akyii anii namwimikile ipaa sikaikitoma uukii mpaka kinaikakumuona u mwana waki Adamu kinuiza mu utemi wakwe.
Chapter 17

1 Ntondo mutandatu pembele u Yesu nuasola palumui nunduyo u Petelo , nu Yakobo, numununa, nwasola mpaka kukyanya ya mulima uliipu inee akola. 2 Nukailwa ntongela yao. usiu wakwe naumiliminta kina mpasu, ni ntila zakwe nazigelaa zimiliminta kina yeluu. 3 Laa, paso napunila u Musa nu Elia naitambula nunduyo. 4 Petelo nushokelya nu kukumuila u Yesu , shekulu , ingi izaa kumwitu ishee kutula paluandu uluu. kina ukilogwa, nikizenga iyanda itatu-- kimui kyako, ni kimui kyaki Musa,ni kimui kyaki Elia. 5 Itungo kinalutambula, Laa ilunde lyelu naliaimbaa umulule, na laa, nalupunila luli lukulu kupuna kulunde , naluuga, Uyu ingi mwana wane mulogwa namulogeligwe nunduyo. mutegeli umwene. 6 Amanigwa kinanaigya maso, naagua uundala naaopoka zigi. 7 Kangi u Yesu nuiza nwatona nu kutambula , ukii wala mulekiyopoka. 8 Nindio nauka usiu wao kyanya lakini sikaliamuonie muntu kuleka u Yesu ung'ene. 9 Ni kina itima mumulima, Yesu nwalagilya nutambula ,'' mulekipunia impola nya ulaii waso mpaka u mwana waki Adamu kinaukiiuka kupuna mwa akii.'' 10 Amanigwa akwe namukolya , naitambula, itii nii iandikii itambula kina u Elia ukiiza kuandia? 11 Yesu nwashokelya nu kutambula, u Elia ukiiza kulukulu na ukishokya imantu tulu. 12 Lakini nukumuila inyee, u Elia wakondagya kuiza, lakini sikaliamulingile. badala yakwe namutendela mantu naliatakile enee. iyaso iyo u mwana waki Adamu kinaukiyagigwa mumikono yao. 13 Iyo amanigwa nalingaa kina alutambula mpola zaki Yohana mbatisha. 14 Kinanapika muulundo wa antu, muntu mui numwagana , nutungamya maluu ntongela yakwe, nu kukumuila, 15 Shekulu umukolelwe umwana wane, kindogolelyo walii ni kitui nu kuyaga zigi. kululo mala kingii ukugua mumoto hau mumazii. 16 Alinumuletile kwi amanigwa ako , lakini sikanasuums kukumukamya. 17 Yesu nushokelya nutambula, Inyee kileli nasikakisuilile nakyononekile, nikakikala palumui nininye mpaka nalii? nikakiumatilya nininye sunga nalii? muleti ipa pamwane'' 18 Yesu numukenela, ipyepo nalyumupuna. musumbati nukamigwa kupuna itungo lilo. 19 Kangi amanigwa namwizila u Yesu kuunkunku nu kukumukolya, ''kwa nikii sikanakusuma kukumuinga? 20 Yesu nuaila , kunsooko ya usili wani unino. Kulukulu nukumuila , kina mukitula nu usuili sunga unino kina nseke ya mbeu nya haladali, mukishuma kukuila umulima uu, sam kupuna ipa wendeuko, nunduo ukishama na sikaikitula ni kintu kyensi kya kulemeka kumyani. 21 [ Ambila inkani za mukilili wa 21 '' Lakini aina iyii nyi pyepo sikalishumika kupuna, ila ku malompi nu kufunga, sikamakigela muwijuki nauza wa kalii. 22 Imatungo kinaili kili ku Galilaya, Yesu nuaila amanigwa akwe, '' Mwana waki Adamu ukiyikwa mumikono nya antu, 23 Na ikakumuulaga, ni ntondo zitatu ukiiuka'' amanigwa akwe natula kinshungu zigi. 24 Nindio kinanapika ku kapelinaumu, antu nakusoga ikodi ya nusu mpia namwendela u Petelo nu kutambula , Mbii mwalimu wani uklipa ikodi ya nusu mpia? 25 Nutambula , ''iyo'' Lakini u Petelo aliwingila mukati munumba, Yesu nwitambuila nu Petelo kwandia nu kuuga , ushiiga yani Simoni? Atemi a unkumbigulu, akupokela ikodi hau ushulu kupuna kwa kwani? kwa ioo naatemile kupuna kwa agenda. 26 Ni matungo u Petelo kinatambuile , ''kupuna kwa agenda'' Yesu nuaila ,iyo atemiga alegagigwa muulipii. 27 Lakini kulekiza kwatendaa iapunia ushulu atende imilandu, lenda ku bahali, taga indoano, na umisole insii iyo nijile kuandia. Pembele ya kudigula umulomo wakwe, ukiyagana mwaso mpia imui. misole wapele apunia ushulu kunsooko yane nunduwe.
Chapter 18

1 Tungo lilo lilo amanigwa naaza kwaki Yesu nu kukumuila, '' itii wani namukulu muutemi wa kugulu ? 2 Yesu numwita mulisha munino, numuika pakati yao, 3 nu kutambula , kulukulu nukumuila , kina muleki yungama nu kutula kina alisha nanino sikamukishuma kuingila muutemi waki mukungile. 4 Iyo wensi nukitimagya kina mulisha munino, muntu kina nwaso ingi mukulu mutemi wa kugulu. 5 Na wensi nukumupokela mulisha munino kulina lyane umpokelile nene. 6 Lakini wensi nukusakagya umui katia ya anino iaa nansuilile kutimula, ikitula izaa ku muntu nwaso igue kyulu lya kushela litungwe munkingo yakwe, nu kukankanikwa pakati ya bahali. 7 Ole ku unkumbigulukunsooko ya matungo ma kutakigwa! kululo kutili kumatungo maso kuiza, lakini ole kumwakwe ku muntu uyo mutungo maso mikiiza kunsooko yakwe! 8 kina mukono wako hau mugulu wako ukusakilye kutakaa, uteme uutage kulii nunduwe. ingi iza kukyilikila kumwako uwe kuingila kuupanga kutula kutili mukono hau kilema, kukyila kutagwa mumoto wa kalii na kalii uutile ni mikono tulu hau migulu tulu. 9 Kina iliso lyako lyikakukutyulia , likule na ulitagee kulii nunduwe. iti izaa kukyila kumwako uwe wingile ku upangaa ni liso limui, kukyila kutagwa mumoto wa kali na kalii ni miso tulu. 10 Lai kina mukizi melaa umui wa anino aso. ku ndogolelyo nukumuila kina kugulu akoli amalalika ao ntondo tulu akulaa usiu waki tata wane nuili kugulu. 11 [Ambila inkani nazigiile kina ma mukilili wa 11, ''kululo mwana waki Adamu aliwizile kuguna ikyo nalikilimilile'' sikalimigile muwijuki nauza wa kalii. 12 Mushiiga yani? anga muntu utite nkolo gana limui, nu mui wao walimile, mbii sikaukakizileka kyenda ni kyenda nya mumulima nu kuyenda kumuduma umui nulimilile? 13 Na anga wamuligye , kulukulu nukumuila , ukumulumbilya kukyila ioo kyenda ni kyenda nasikaalimile. 14 Iyo iyo , sika ulowa waki tata wani nwa kugulu kina umui wa anino iaa walimansiile. 15 Kina muntua wako wakukosele, lenda, mulagile ikasolo nikoli katia yako nu mwene kinung'ene mwene. Kina ukakukwigya , ukitula wamushokagya muntua wako. 16 Lakini kina sikaukakukwigya, musole muntua umui hau abili kukyila palumui nunduwe, kunsooko ikopwa ya mashuda abili hau atatu kila lukani lusumile kukaminkiligwa. 17 Nkina anga wamelelye kukumutegela , liile ipolelyo ikintu kyaso, kina wamelelya iyo iyo kukulitegela ipolelyo, basi nwatule kina muntu wa nsii mupunia ushulu. 18 Kulukulu nukumuila, kyensi kyaso namukakukitunga muunkumbigulu nu kugulu kikitungwa. 19 Na kyensi namukakukitungulila munkumbigulu nu kugulu kikitungulwa. 20 Kanki nukumuila kunsooko kina antu abili katia yani angaigombye kyanya ya kintu kyensi munkumbigulu nakulilompaa, lyaso tata wane nwa kugulu ukakulitenda. 21 Kanki u Petelo nuiza nu kumuila u Yesu, ''Shekulu,

itii yikanga umuntua wane angawatyulye inee numusamile? Anga mala mupungati?

22 Yesu

numuila , sikanukukuila mupungati, lakini anga makumi mupungati mala mupungati.

23 Kunsooko iyo utemi wa kugulu ingi sawa nu mutemi nintii nalutakile kujipilya iyalyo kupuna

kwa asese akwe.

24 Kinanuandia kujipilya iyalyo, musese umui nuletwa kumwakwe

nulukumudaya mpia ihumbi kyumi.

25 Kululo alimugila kanzila nya kulipaa, shekulu wakwe

nulagilya waguligwe , musungu wakwe palumui ni anaa akwe ni kila kintu nalutite , ni malipoo

matendeke.

26 Iyo musese nugua, nutungama imaluu ntongela yakwe nuuga ,shekulu, uwe utule

nuwiumatilya palumui ninene, na nikakukulipa kila kintu.'

27 Iyo u shekulu waki musese uyo,

kunsooko nusuumwa zigi nikinishungu, numulekela nu kukumusamila idyeni lyaso.

28 Lakini musese nwaso nupuna nu kumukuga umui katia wa asese iaa, nalukumdaya idinali gana. Numuluta , numukaba mukilakala , nu kukumuila , ndipe ikyo nanukukudaya. 29 Lakini uyo umusese mua nugua nu kukumupepya zigi, nuuga , utule nu wiumatilya ninene, nikakukulipa. 30 Lakini musese uyo nwakuandia nusiita. Badala yakwe, nuenda nu kukumutaga mugeleza,mpaka kinaukakumulipa ikyaso nukumdaya. 31 Kina naona asese iaa ikyo nalikipunile.

nasikitikaa zigi. naiza nu kumuila u shekulu wao kila kintu nalikipunile.

32 Iyo uyo u shekulu wa musese uyo numwita, nu kukumuila , Uwe musese mudobu , alinukusamile uwe idyeni lyane tulu kunsooko alumpepilye zigi. 33 Mbii sikaliumutakwe kutula ni kinishungu ku musese miako, kina inee nalinukuonile kinishungu uwe? 34 Shekulu wakwe nutakaa nu kukuapela kwa ioo agyaa mpaka kinaukilipa ingele tulu naludaigwa. 35 Iyo gwa tata wane nwa kugulu kinaukakiatendela,kina kila umui wani sikaukakumusamila umuntua wakwe kupuna munkolo zani''
Chapter 19

1 Naipunila itungo u Yesu kinanumala inkani zaso,nulega ku Galilaya, nuenda mumimbi ya Yudea ntongela ya mongo wa yoldani. 2 Umulundo ukulu naumutyata , nwakamya kuko. 3 Mafalisayo namwizila, namugema ,namuila, Mbii iti halali nee ku muntu kukumuleka musungu wakwe kunsooko yensi? 4 Yesu nuashokelya nu kuuga, ''sikanamusoma, kina umwene nalumuumbile umuandio alumuumbile mugosha nu mukiima.? 5 Ni kanki nutambula, kunsooko nyaso mugosha ukakumuleka tata wakwe nu nina wakwe nu kukamantana nu mukiima wakwe, nindio abili ikitula mwilii umui? 6 Iyo sika abili kanki,bali mwilii umui. ikyo nalukikamantanilye u Mukungile, muntu wensi walekekukikamantuula.'' 7 Namuila , ino kwanikii u Musa nukulagilya kupunia iluka lya talaka nu kukumuleka? 8 Nuaila, ''ku ukaku wani wa nkolo Musa numugombia kukualeka iakiima anii, lakini kupuna umuandio sikaliiyo. 9 Nukumuila, kunsooko wensi nukakumuleka mukiima wakwe, yisikakutula kunsooko ya ukosi, nu kutoola wingii, utimuile. Nu mugosha nukakumutola mukiima namulekwe utimuile. 10 Amanigwa namuila u Yesu,'' kina iyo yilii ku mugosha nu mkiima wakwe, sikaizaa kutola.'' 11 Lakini u Yesu nuaila, sika kila muntu usumile kushingila imamanio igaa, bali ingi kuioo du nagombigwe kushingila. 12 kululo akoli matowashi nalialelwe kupunila mundaa za nina ao. Na iyo iyo akoli matowashi naliatendwe ni antu. Na akoli matowashi naliitendile matowashi kunsooko ya utemi wa kugulu. Nusumile kushingila mamanio igaa nwasingile.'' 13 Kangi nuletelwa akyii a alisha anino waikile imikono kyanya yao nu kulompa, lakini amanigwa akwe naakenela. 14 Bali u Yesu nuuga, agombyii alisha nanino, kangi mulekekwagilya kuiza kumwane, kundogolelyo utemi wa kugulu ingii wa antu kina aso. 15 Nunduyo nuika imkono yakwe kyanya yao, nulega paso. 16 Laa muntu umui nuiza kwaki Yesu nu kutambula, ''Mwalimu, itii kintu kii kiiza nanumutakwe kutendaa ndigyekutula nu upangaa wa kalii na kalii?'' 17 Yesu numuila , kwa nikii unkolya kintu kii nakiiza? Ukolii umui du namukende, lakini kina angutake kuligya upanga, amba ishalia zaki mukungile. 18 Umuntu uyo numukolya , itii shalia nazii? Yesu nutambula, ulekiyulaga, ulekitimula, ulekiia, ulekishudila uulongo, 19 Aheshimu u tata wako nu mau wako, na umulogwe umunapiipi wako kina munkolo yako.'' 20 Muntu uyo numuila, ''mantu tulu maso nimaambilile. kyilii nsiilye yani? 21 Yesu numuila, ' kina ukitaka kutula mukaminkilu, lenda, ugulye yaso nutiite, wapeele iatukaa, ukitula nikilindo kugulu. iyo nzuu untyate. 22 Lakini musumbati nwaso kinanwigya igoo Yesu naliwailile, nulega kukinishungu, kunsooko alusaile nsao ningi. 23 Yesu nuaila amanigwa akwe, kulukulu nukumuila, ikakuu ku muntu mugolii kuingila mu utemi wa kugulu. 24 Kanki nukumuila , itontu ku ngamia kukyila mu mutobo lya sindano, kuleka ku muntu mugolii kuingila mu utemi waki mukungile. 25 Amanigwa kinanaigya yaso, nakungualaa zizgi nu kutambula,- nwii gwaa nukigunika?'' 26 Yesu nualaa nu kutambula , ''ku anadamu yaso sikalishumika, lakini kwaki mukungile tulu mishumika'' 27 Kangi u Petelo nushokelya nu kukumuila, ''Laa, kulekile tulu nu kukukutyata uwee. itii kintu kii nakukiligya? 28 Yesu nuaila, kulukulu nukumuila , unwaso nuntyatile inee, mu uleli naupia tungo mwana waki Adamu kinukakikala pii tyengu lya utemi wa ukuligwa wakwe, nininye gaa mkakikala mukyanya ya matengu kyumi na ibilii ya muutemi, kukiahukumu makabila kyumi na mabilii ma Isilaeli. 29 Kila umui wani nulekile inumba, musumbati, munanso, tata,mau,alisha, anga mugunda kunsooko yane, ukishingila mala gananu kushala upanga wa kalii na kalii. 30 Lakini ingii nakuandia ino, ikitula ampelo, nina ampelo ikitula akuandia.
Chapter 20

1 Kundogolelyo utemi wa kugulu wimpyanile nu mukola mugunda, nalulaile dau nuandila kukiajili ituma mulimo mumugunda wakwe wa mizabibu. 2 Pembele kina natula igombagya niituma mulimo dinali imui kulutondo, nuatuma kuyenda ku mugunda wakwe wa mizabibu. 3 Nuenda kanki pembele ya matungo manii itii nuaona iituma mulimo ingii imikile bila mulimo mu luandi lwa soko. 4 Nuaila, inyee gaa, longolii mumugunda wa mizabibu, na kyensi naki halali nikakumupela,' Iyo naenda kituma mulimo. 5 Nwenda kanki pembele ya matungo mutandatu ni kanki mutungu lya keenda , natenda iyo. 6 Mala yingi kanki zii tungo lya kyumi nalimui, nwenda nwiagana antu ingii imikile bila mulimo. nuaila, ''kwa niki mwimikile ipa bila mulimo wensi kulutondo luzima? 7 Namuila, kunsooko kutilii muntu wensi nwakukuajili. Nuaila, inyee nininye gaa longoli mumugunda wa mizabibu. 8 Imatungo ma mpindi kinaupika, mukola mugunda wa mizabibu numuila umwimili wakwe, aitee iituma mulimo apele imishala, kwa kuyandia nu nwa mpelo hadi nwa kuandia. 9 Kinanaaza ioo naliaajiliwe mtungo lya saa kyumi na limui, kila umui wao nusingila dinali. 10 Kinanaaza ituma mulimo akwandia, aliasigile kina ikishingila kukyilikila, lakini nasingila gaa kila umui dinali mui kila muntu. 11 Pembele kina nasingila imalipo mao, naikumusokya mukola mugunda. 12 Nauga, ia ituma mulimo ampelo atumie tungo limui du kukituma umulimo, lakini waliganilya nindishe, ishee kukenkile imiligo kulutondo luzima nu kupia nu upiu''. 13 Lakini mukola mugunda nushokelya nu kuuga ku mui wao, musua mua, sikantendile kalukani lubii. Mbii! sikazakwigombilye ni nene ku dinali mui? 14 Singila ikyo naki halali yako na wende iyako. Ingi ulumbi wane kukiapela iaa ituma mulimo naliaajiliwe impello sawa sawa nunduwe. 15 Mbii! sika haki kumwane kutenda ikyo nantakile ni nsao zane? hau liso lyako ingi dobu kunsooko ine nu mukende? 16 Iyo nwa mpelo ukitula wa kuandia nu nwa kuandia ukitula wa mpelo'' 17 Yesu kinali unankila kuyuka ku Yelusalemu, aliwasolile amanigwa akwe kyumi na abli pampelo, nu munzila nuaila , 18 Laa kuukilile ku Yelusalemu, nu mwana waki Adamu ukiyikwa mumikono ya akulu amakuhani ni andikii. Ikakumuhukumu nkia 19 na ikakumupunia kwi antu ansii amutanile, kukumutama nu kukumusulubisha. Lakni ku ntondo zitatu ukiiuka.'' 20 Kangi unina wa anaa aki Zebedayo nuiza kwaki Yesu ni anaa akwe. Nutungama imaluu ntongela yakwe nu kukumulompa kintu kupuna kumwakwe. 21 Yesu numuila, utakile yani?'' Numuila, Lagilya kina iaa anaa anee abili ikalanse, umui mukono wako wa kundiilo nu umui mukono wako wa kunkigi mu utemi wako'' 22 Lakini u Yesu nushokelya nuuga , sikawizii ikyo nukukilompa. Mbii! usumile kukikopela ikikombe nanikakukopela?'' namuila, ''kusumile'' 23 Nuaila, kikombe kyane tyunu mukakukikopela. lakini kukikala mukono wane wa kundiilo nu mukono wane wa kunkigi sika mulimo wane kukumupela, lakini kwa ioo nakondaa kujipiligwa nu Tata wane.'' 24 Amanigwa ingii kyumi kinanaigya yaso, natulakinishungu zigi ni ndio antua abili. 25 Lakini u Yesu aliwaitile umwene nu kukuaila, ''Mulingile ya kina atemi a nsii akuatumba, ni akulu ao akutimilagya ukulu kyanya yao. 26 Lakini ilekitula iyo kumwani. Badala yakwe,wensi nukitaka kutula mukulu kupuna mumwani lazima watule mwitumi wani. 27 Na nukitula wa kuandia kupuna mumwani lazima watule mwitumi wani. 28 Kina iyo mwana waki Adamu sikaliwizile kutumikilwa, bali kutumika, nu kupunia upanga wakwe kutula muguni kwa naingii. 29 Matungo kinaliipuna ku yeliko, umulundo ukulu naumtyata. 30 Naaona apoku abili ikalansile kumpelo ya balabala. kinanaigya kina u Yesu alukyila, naitunta nukutambula, shekulu, mwana waki Daudi, ukukolelwe''. 31 Lakini umulundo nawakenela, nu kukuaila tulyii. angaiyo , iene naitunta kukyilikila nu ktambula ,'' shekulu mwana waki Daudi, ukukolelwe,'' 32 Kangi Yesu aliwimikile nwaita nu kukuakolya, mutakile numutendele yani? 33 Namuila, ''Shekulu kina imiso miitu malanguligwe'' 34 Basi u Yesu, nutula mulutwe ni kinishungu, numatona imiso mao, iyo papo, nasingila usumi wakulaa ,namutyata.
Chapter 21

1 Yesu ni amanigwa akwe napika piipi ni Yelusalemu na naenda mpaka ku Bethfage, mu mulima mizeituni, Kangi u Yesu nuatuma amanigwa abili, 2 nuaila ''lendi mukisali nakityatilile, mala kamui mukakimyagana ndogui ntungwe paso, nu mwanandogui palumui nunduyo. atungulii nu kukualeta kumwane. 3 Kina muntu wensi anga wamuile kyensi kuhusu lyaso , muuge, Shekulu waasiilye, nu muntu nwaso mala kamui ukakumugombya mwiize palumui nindio. 4 Ikintu ikii alikipunile ingi ikyo nalitambulwe kukyilila kwaki nuaila , 5 Ailee ananso sayuni, laa,mtuemi wako upolokile kumwani , mkendegelu na uminankile ndogui, nu mwana ndogui mugosha, mwana ndogui mutakata. 6 Kangi amanigwa nalega nukutenda kina Yesu aliwalagilye. 7 Namileta indogui nu mwanandogui, nu kuyika intila zao mukyanya yao, nu Yesu nduyo nukalansa paso. 8 Ingii mumulundo naanzalilya intila zao munzila, ni iaa natema imatambi kupuna mu makota nu kuyanzalilya mubalabala. 9 Umulundo naiutongile Yesu ni ndio naliamutyatile naitunta induli, natambula,''Hosana kwaki mwana waki Daudi! ingi mukembetwanujile kulina lyaki Shekulu. Hosana kyanya kukyilikila'' 10 Yesu kinanupika ku Yelusalemu, kisali kyensi nakyitumba nu kutambula,''uyu itii wani? 11 ''umulundo naushokelya, uyu nabii yesu, kupuna ku Nazaleti'' 12 Kangi Yesu nuingila muwitekelo waki mukungile. nuainga kunzii tulu naliigula nu kugulya muwitekelo.gaa nugalagalya imeza za akaanaia a mpia ni matengu maa agulya nkunda. 13 Nuaila , ''Yandikwe, ''Numba yane ikiyitwa numba ya malompi, lakini inyee mwamitendaa lyulu lya alegelanya.'' 14 Kangi apoku ni alema namwizila muwitekelo, nunduyo nuakamya. 15 Lakini imatungo amakuhani ni andikii kinanaona isembo naitendekile, ni kinaaigya alisha ikua kilanga muwitekelo nu ktambula ,''Hosana kwaki mwana waki Daudi'' naambwa nikuo. 16 Namuila, wigagya ikyo nakitambulwa ni antu iaa? Yesu nuaila '' ee''lakini kilimukae kushoma, kupuna ku milomo ya alisha ni alisha natakata nakonkaa mutite utetembwa naukamilikile? 17 Kangi Yesu nwalekaa nu kuyenda kunzii ya kisali kya Bethania nu kugona kuko. 18 Idau kinalushoka mukisalii, alitite nzala. 19 Nuona kota mpelompelo ya balabala. nulyagana, lakini sikanukuga kintu kyanya yakwe ila maluka. nuuila, ilekitula ni nkalii kumwako kaikalii kanki.''na mala iyoikota lyaso nalinyaala. 20 Amanigwa kinanaona, nakulilwa nu kutambula , yatulaii ikota lyanyaala mala kamui?'' 21 Yesu nushokelya nu kukuaila,kulukulu nukumuilaa, kina mukitula nu usuili ni bila woa,sikamukitenda ikyo nakitendekile kukuota lyaso du, lakini mukauuila anga uo mulima, usolwe winditagwa ku bahali, na ikitendeka 22 Kyensi namukilompa kusala, kunumusuile mukishingila'.' 23 Yesu kinanupika muwitekelo, akulu a makuhani ni anampala a antu namwizila matungo kinalumania nu kukumukolya, ''itii kumamulaka kii utenda imantu igaa? na itii wani ukupiile imamulaka igaa? 24 Yesu nushokelya nu kukuaila, ninene kanki nikakumukolya ikolyo limui. kina mukimbwila , ninene iyo iyo nikamuila iti kumamulaka kii nitenda mantu igaa. 25 Ubatisha waki Yohana-- aliupunile pii, kugulu hau kwa antu''? naikilitilya enee, naitambula, angakuuge , aliupunile kugulu, ukakukuila, kwa niki sikanamunsuila? 26 Lakini angakuuge, aliupunile kwi antu, kukiaopoka anamukutano, kunsooko tulu akumuona u Yohana kina nabii'' 27 Iyo namushokelya u Yesu nu kutambula , ''sikakwizii'' nuaila gaa, ''wala ninene sikanikakumuila itii kwa mamulaka kii nitendaa imantu igaa. 28 Lakini mushiiga yani? muntu nutite anaa abili. nuenda kumui na kukumuia, mwana wane, longola witume mulimo mumugunda wa mizabibu 29 ntenda. mwana nuiza nu kuambula , sikanienda,Lakini pembele nukaila imasigo makwe nwendaa. 30 Nu muntu uyo nwenda ku mwana wa kabili nu kutambula kintu kikyo kikyo. mwana uyu nushookelya nu kutambula, nikyenda, Shekulu, lkini sikanwenda. 31 Nwii kati ya anaa nabili nalutendile matakwa maki tata wakwe? natambula, ''mwana nwa kuandia.''Yesu nuaila , kulukulu nukumuila , isoga ushulu na akosi ikingila mu utemi wa kugulu kabla yani kuingila. 32 Kundogolelyo u Yohana aliwizile kumwani kunzila nangoloku, lakini sikanamumusuila, matungo asoga ushulu ni akosi aliamusuilile. 33 Tegeli impyani yingii. alukoli muntu, muntu nutite yeneo kyulu lya nsii. alupandile mizabibu, nuikitiila lukinga, nuzipya nikiseme kya kushemela divai, nuzenga ni kianda kya alindili, nulikodisha kwa atunza zabibu. Kangi nwenda nsii yingii. 34 Matungo ma maimbula ma zabibu kina naupiipika, nuatuma akyii aitumi kwa alimi a zabibukushola mizabibu yakwe. 35 Lakini alimi a zabibu naasola itumi akwe,namukua umui, namuulaga umua, na mukua umui kwa mague. 36 Kumala ya nzia , mukola nuautuma itumi ingii, ingi kukyila ioo akuandia, lakini alimi a mizabibu naatendela iiyo iyo. 37 Pembele paso shekulu nwaso nutuma kumwao mwana wakwe, nutambula, ''ikakumuheshimu umwana wane''. 38 Lakini ailimi a mizabibu kina namuona musumbati nwaso, naiila,'uyu ingi musalii, nzui, kumuulage kusole usali. 39 Iyo namusola, namutaga kunzi ya mugunda wa mizabibu nu kukumuulaga. 40 Mbii mukola mugunda wa mizabibu kinaukiiza,ukakwatenda yani limi a mizabibu?' 41 Namuila,''Ukakiaono aso antu adobu kunzila nya utaki kukyilikila, na kangi ukakuukodisha umugunda wa mizabibu kwa alimi ingii a mizabibu, antu naikilipa kunsooko ya mizabibu nikiyila.'' 42 Yesu nuaila, sikanamusoma mu mandikwa, 'igue nalialisitile iantu lyaza gue kyulu lya yukii. ilii alilipunile kwaki Shekulu, na yukukukulilya mumiso miitu? 43 Iyo nukumuila , utemi wa kugulu waki Mukungile ukishololwa kupna kumwani nu kupegwa nsii nikelile inkali zakwe. 44 Wensi nukigua kyanya yi gue lyaso ukiunwa ipandeipande. lakini ku wensi nalikakumuguila,likakumusia'' 45 Akulu amakuhani ni Mafalisayo kina naigya impyani yakwe, naona kina ukiatambulilya enee. 46 Lakini kila kinaikitaka kugolola mikono kukyanya yakwe, naopoka anamukutano, kunsooko antu aliamulaile zii nabii.
Chapter 22

1 Shekulu nzua aliwitambulile nindio kangi kumpya nuuga , 2 Utemi wakugulu wimpyanile numutemi naluzipililye sikunkulu nya winga wa mwana wakue. 3 Nualagilya iituma milimo akue kukiasugamilya naalianue kuiza kusikunkulu nya winga ,ipagua sikanaizaa. 4 Umutemi nualagilya kangi iituma iingi ,nuuga .ailii tulu nalianue,laii,nzipililye indiaa.nzagamba nintokota zane nanginu zasinzagwa,ni mantu tulu makondaa ,nzui kusikunkulu nya winga. 5 ipagua iantu aso sikaliambilile kumoo uwanua wakue .iia nashoka mumigunda inyao ,naingii naashoka mukyali wao wausuluja. 6 Iiia naaukilya iitumi aki mutemi naakolya nsoni nukukuaulaga. 7 Umutemi nutakaa, nualagilyaa iamumbi lyakue,nuaulaga ioo aulagani nukukukilimansilya ikisali kyao kumoto. 8 kangi nuailaa iitumii akue uwinga wakondaa ipaa naalikue sikaijipile. 9 Kululo longoli mumisambi nya nzila nankulu,anii antu ingii kinaikishumika azee kusikunkulu nya winga. 10 Itumii naalongola kunzila nankulu nukukiasugamilya iantu tulu naliaonie , nakende ni naabii.kululo inumba nya winga nijulaa agendaa. 11 Kina umutemi nuingila kukualaa agendaa ,numuona muntu mui sikalujalile kijalo kya winga. 12 Umutemu numukolia ,musuamua, azawingile imbii munu mukatii kuna umugila intiila ya winga, umuntu nuasio sikanushokelya kyensi. 13 papo mutemi nuailaa iitumi akue , mutungi umuntu uyu imikono nimigulu mumutage kunzii mukitii, ukuaso kukoo ikitula suka nukushia mino. 14 Kunsooko antu ingii iyitua , iasagulua akyii. 15 iyogua Iapalisayo naalega nukukigombia kina ikakumuguila unzua munkani zakue umwene. 16 Iyoo naalagilya iamanigua aoo palumui ni ahelode. namuila unzua ,mwalimuu , kulingile kina uwee wimuntu wakulukulu, kangi umania inkani zaki mukungile kukulukulu. sikulaile nuusokia wa muntu wingii nasikaulagila upendeleli kwia antu. 17 Kululo kuile ushiiga yani, Apa taine ikishalia kulyipa kwaki kaisali angasikaiyo. 18 unzuaalulingile uolu uwao nukuuga kwaniki mngemaa , inye akinilii. 19 Ndagilii impia nazukutumika kulipila ikodi. iyogua namuletela idinali. 20 Unzua nuakolia , kyelu nilina ilii yakwani. 21 Namumshokelia,yakikaisali,iyoo unzua nuailaa, mpelii ukaisali iintu nayakue ni yaki mukungile mpelii mukungile. 22 Kinanaigya iyaso nakunguala.namuleka naukaa iyaoo. 23 Ulutondo luaso imasadukayo akyii aliizile kwaki nzua ,ioo nakuuga kina kutilii kawiukii waakii. Naamkolya , 24 Naiyuga , mwalimu, musa nuuga ,anga muntu ukiile sikulelile kaana,umuntua wamusale umusungu nuaso wamupele umwana kwaki muntua wakue. 25 Aliakolii antua mupungatii.nwakuandia alutolile nutula wakia sikulelile kaa anaa.Numulekela musungu umuntua. 26 Kangi muntua nwakabili nduyo nutenda iyoiyo, kangi nunwa katatu,naitula iyoo sunga ninduyo nwa mupungatii. 27 kina natula atendaa yaso tulu, umusungu uyoo numwene nukia. 28 ipagua kuwiuki umusungu nwaso ukitula mukima wakwani kuantua aso mupungatii .kunsooko tulu aliamutolile. 29 Unzua nuashokelya nuailaa , mutyulia , kunsooko sikamwizii mandikua ni ngulu zaki mukungile. 30 Kunsooko kuwiuki, antu sikaakutola nukutolwa .ibadala yakue antu kulaa kina amalaika ukoo kugulu. 31 Ilagua kuwiukii waakii, kyili musome ikyo mukungile nalukiugile kumwanii, nuigaa, 32 Inee nii mukungile waki Ibulaimu , mukungile wki Isaka, nu mukungile waki Yakobo,mukungile sika mukungile waakii, ilagua mukungile wanaapanga. 33 Itungo umwilundo kinanaigya ilii. nakungualaa imamanigua makue. 34 Iaa palisayo kinaigya kina unzua wamumagyaa iamasadukuyo, naiilinga enee akola palumui . 35 Umui wao, nui mwanashalia , numukolia ishwali kukumugema. 36 Mwalimu, itii lyagilio kii ni kulu kukila tulu mushalia. 37 Unzua nushokelia , lazima umulogue ushekulu kumoo waako tulu, nukunkolo yaako tulu, ni masala maako tulu 38 ,Ilii lyalii lyagilio nikulu lyakuandia. 39 Ninyakabili impyanile ni nyaso, lazima umulogue umunapiipi waakokina iyo nakulawilogilue uwee. 40 Shalia tulu ni alotelia atumbile malagilio maga namabili. 41 Iaa mafalisayo kinakilii ilundilile palumui ,unzua nuakolia ishwali . 42 Nuuga itii mushiigs yani mukyanya yaki nzua.umwene mwana wakwani. nienee namushokelia , ingii mwana waki Daudi. 43 Unzua nuashokelia ,itii kunamuna kii u Daudi ku muau ukumwita shekulu, nuuga, 44 Shekulu alumuilile shekulu wane , kaa umukono wane wakigosha, mpaka kinanikakiatenda iana ulugu ako aikue pansi yamigulu yako. 45 Kina u Daudi ukumwita kilisito shekulu itulai ukitulamwana wakue. 46 Kutilii nalusumile kushokelia lukani kangi, nakutilii nalugemile kangi kukumukolia imaswali mingi kupuna ulutondo lulo nukulongoleka.
Chapter 23

1 pembele nuuga nuwingi wa antu ni amanigua akue nuuga, 2 Iandikii ni afalisayo ikalile itengu lyaki musa. 3 Kululo kyensi nailagilya kutenda, tendii kunu imukiapenunkula.mukiziyiga intndo zao,kunsooko akuuga mantu nakakaatendile. 4 Kulukulu, ienee akutunga imiligo namikaku kukuikenka, akiakenkagia antu kumaiga mao. ilagua ioo enee sikaakusunta ninga uluala kukenka. 5 Imatendo mao tulu , akimatenda gale alawe niantu . kunsooko ienee akugalimpagia masandiko mao akongelagia ukulu wa mapindp ma ntila zao. 6 Ioo kulaalugue kukila .mumatumpi makifahali mu sikukunkulu nu matengu maishima mukatii ya kintengeli . 7 Nukuugigua kuishima mumatumpii mamu soko , nukuyitwa amwalimu ni antu. 8 Inie sikamujipile kuyitua amwalimu, kunsooko mutite mwalimu umui, nininye tulu mukintua . 9 Muleke kumwita muntu wensi ipaa minaunkumbigulu . 10 Kangi mulekiziyitua amwalimu, kunsooko mutiite umwalimu umui du, unzua. 11 Namukulu katia yani ukitula mwitumi wani. wensi nukinansula ukitimigua. 12 Nu wensi nukakitimya ukinansulwa. 13 Ipaa inyee andiki nia palisayo, akinili mukiatungilia antu utemi wa kugulu. inyee sikamusumile kuingila, nikangi sikamukiagombia kutendaa yaso. 14 Muambile umukilili wa 14 sikaugelile mukijikijuki na tazuu kya kali. ijukijuki iia yukongelagia mukilili wau baada ya mukilili wa 12 .Mukilili wa 14 inyee andiki nia palisayoakinili,kululo mukiamila iajane. 15 Ipaa inyee andiki nia palisayo , akinili muputa kutyumbi mubahali nu kupika kukumutenda muntu umui nusuilile igo namukimamania, nikina ukutula kina inyee, mutenda kaubili mwana wa kujehanamu kina mwiili. 16 Olee wani atongeli apoku , inyee namukuuga, wensi nukulapa mupyolelio , watungua nikilapo kyakue. 17 Inyee apoku mwanaulu, nakyii nakikulu kuleka kyingi,izahabu angaa poyolelio naliikile uwakifu izahabu kwaki mukungile. 18 nu wensi nukulapa kwaku polelio sika kintu. ninukula kwa shongelyo nalyili kyanya yakue ,mtungue nikilapo kyakue. 19 Inyee antu namwapoku ,kyii nakikulu kuleka nakyingi ,shongelyo anga pitekelo nalyukuika uwakifu masongelyo namipunigua kwaki mukungule. 20 Kululo, umwene nukulapa kwa kutekelo ukulapa kuio nuku intu tulu nayili kyanya yakue. 21 Numwene nukulapa kwaku tekelo ,ukulapa kulilo nu kumwakuenukikala mukati yakue. 22 Numwene nukulapa kwakugulu ,ukulapa mutengu lya malago ma mukungile nu mwene nukikala kyanya yakue. 23 Olee wani, andikii nia palisayo,akinili, kunsooko mukulipa masongelyo kwa bizali munaanaa numushisha, mukuleki mantu maluto ma shalia haki usamili,nu usuili. iga yimjipilee imwatenda ,na sikakuleka namingi bila kukumatimilya. 24 Inyee atongeli apoku, inyee namukusuza ing'unui ninino ninino kangi namumila ingamia. 25 olee wani, andikii nia palisayo, akinilii, kunsooko muyogia kunzii iikombe ni kunzii ya sahani ,kangi mukatii ijuile ukapwa nu uula usagia. 26 Inyee Apalisayo namwapoku elie kuandia mukatii mukikombe nu mukatii musahani ,iyo kuupande wa kunzii nduo utle weluu. 27 Olee wani, aandiki nia Apalisayo, akinilii, kunsooko mwimpyanile nii ibila naipandwe ishokaa, iyo kunzii ikigela izaa, alali mukatii ijuile imakupa maakii nikila kintu nakidobu. 28 Iyo gua nininye kunzii mukigela mwanahalali ntongela ya antu,iyogua mukatii mujile uukinili na ulegelanya. 29 Olee wni, andikii nia Apalisayo,akinilani, kunsooko munzenga ibiila ya aloti nukukuijipilia ibiila yanahalali. 30 Inyee mwiuga, kina angalikukyale intondo zaa atata itu, sikalikutula kwasangili palumui nindio kuita imigali ya alooti. 31 kululo mukishudila uninye kina inye mwiana aaso naliaulagile ialoti. 32 Kangi inye mukukaminkilagia nukukijulia uluandi nalujipile imilandu ya tata anii. 33 Inyee nzoka, anaa aipilibao ,kinambii mukitalama uulimansilia wakuagigua. 34 Kululo, lai, nikiagilia kumwani ialoti, antu natite masala,ni andikii.akei ao naipunilie nukukuaagia.ni akeio ao mukakiatama mukati mukintengeli kyani nukukuainga kupuna mukisali kimui kuyuka nikia. 35 Imatokeo kuninya yani ikipunila migali tulu yaanahaki nalimitue muunkumbigulu, kuyandia imigali nyaki Habili munahaki mpaka kumigali yaki Zakaliamulisha waki Balakia, nalimumuulagile katia yapaweluu nu kuwitekeleli. 36 Kulukulu, nukumuila, imantu igaa tulu mikakimaligia ikilelua ikii. 37 Yelusalemu,Yelusalemu, uwee nukiaulaga ialoti nukukuakua imague ioo nalialagiligue kumwako, mala kanga naniailingile iana ako palumui kina nkuku nyukuilingaa iana nkuku akue munsilili mumbaa zakue, nisho sikalugombile. 38 Laa, inumba yako yasagaa mpolelu. 39 Ninene nukukuila , kuyandia itungo ilii nukulongoleka sikukimona, kangi kinaukitambula, wakembetagua umwene nupolokile kulina lyaki shekulu.
Chapter 24

1 Unzua nupuna kuwitekelo nukulongola kinaulunji. iamanigua akue namwagana namulagila inumba zawitekili. 2 Kululo nashokelia nuailaa ipaa sikamuaonniene imantu iga tulu, kulukulu nukumuila kutilii igue nalikishaga kukyanya yalia kuleka kugumulua. 3 Kinawili mumulima wamizeituni, iamanigwa akue naamwagana unkunku nukutambula, kuile,imantu iga mikipunila nalii kintu kii kikitula yukii lyakwiza uwee nu mpeleleko nya ukumbigulu. 4 Shekulu nuashokelia nukukuaila, tulii mulike kisakisa mulekizipugamulua. 5 Kunsooko ingii ikiiza kulina lyane .ikiuga, ni nene kilisito , kangi ikakumugomola. 6 Mkiigia mbita ni mpola za mbita. lai mulekizitula nuoa, kunsooko imantu igaa ingii makupunila, ilagua impelo iyo kakilii. 7 kunsooko insii ikiyuka kunsii yingi , nu utemi kuu utemi wingii, ikitula nzalaa ni nsii kukikima munandi ningii. 8 Ipagua imantu igaa tulu ingi muandio du wa uwai wa kitunguila. 9 Iyoo gua ikakumupunia kunsooko ya wagigua nu kuaulaga .mukiyipilua ninsii tulu kunsooko yalina lyanee. 10 Iyogua ingii ikikukumpa nukupalansana nukukiipilua enee kwa enee. 11 Ialoti ingii aulongo ikipunila nu kukiakonga ingii. 12 Kunsooko uuolu ukiongeleka, ulowa waingi ukipola. 13 Ilagua nukakiumatilia sunga impelo , ukigunua. 14 Uu utanantya wa utemi ukitanantigua muunkumbigulu tulu kuushuda kunsii tulu na kangi mpelo iyo ikipika. 15 Kululo, kinamukiona iyipilo lya wononi, nalitambulue nu muloti u Danieli lyimikile paluandi naluelu [nukusoma nwalinge], 16 Ioo naakoli ku yuda amankile kumulima. 17 Nu nduyo nuili kukyanya yanumba sikushuma kutima pansi kushola kintu tulukyensi kupuna mukati yanumba yakue, 18 Nunduyo nuili kumugunda walekishoka kushola ikijalo kyakue. 19 Ipaa olee waoo naatite umwana nindio naionkia muntondo zaso. 20 Lompii nukumanka kumyani kuleki ilekitula matungo mampepo, sikalutondo lua kitekela. 21 Kululo ikitula lwago lukulu, kiliitule kupuna imuandio wakuumbua uunkumbigulu mpaki tungo ilii na sikaiktula ikoli kangi. 22 kina intondo zaso angalizilekikupinkigua ,kutilii najiligunika. ilagua kunsooko yaasagulua, ntondo zaso zikikupinkigua. 23 Kangi angaitule muntu wensi ukakumuila laii, kilisito ukoli ipaa anga , kilisito ukoli ipoo,mulekishuila inkani zaso. 24 Kunsooko akilisito aulongo ni aloti aulongo ikiiza nukulagila imiena mikulu nikisembo, kukiagomola, kina angaliishumike nukuasagulua. 25 Laii namusugulaa kina kyilii imantu maso kupunila. 26 Kululo ,kina ikakumuila ,ikilisito ukoli kubalangu, mulekienda kwaso kubalangu.hamwi, Lai ,ukoli mukati munumba , mulekishuila inkani zaso. 27 Kina iyoo inkua nyukumilika kupunila kukilima nu kuyelya mpaka kumweli, iyo ikitula kupoloka kwaki mwana nwaki Adamu. 28 Tulupensi kina ukoli umuzoga , ukwaso kuko imbesi kinazikilunda. 29 ilagua kina nalukila uluago lukulu lwa ntondo izoo, ijua likiyikilua ikiti, umweli sikaukipunia kawelu wakue, insonda zikigua kupuna kugulu , ni ngulu za kugulu zikishungusikaa. 30 papo umwena waki mwana wa Adamu ikakigelela kugulu, ni makabila tulu ma muunkumbigulu ikilila. ikakumuona umwana waki Adamu ukipoloka nimalunde ma kugulu kungulu nu welu ukulu. 31 Ukakialagilya iamalaika akue kululi nalukulu lwa mpilimbi, nindio ikakiilinga palumui niasangulua akue kupuna nandi zinii za unkumbigulu. kupuna mpeleleko imui nyigulu mpaka ninzia. 32 Imaniii ishomo kupunila mukyota lya mutini. kina du ityambi kinalisonge nukupunia imasanzi iyaso kipasu kyegelaa. 33 Kululo ,kina mukiona imantu igaa tulu, yumujipile kumana kina wegela , piipi numalango. 34 Kulukulu nukumuila, ikileli ikii sikakikiligia , mpakadu imantu tulu igaa mikitula mapunilaa. 35 Igulu ni nsii zikikilaa,ilagua inkani zane sikazikikilaa kalutondo. 36 Kululo ulutondo ulo nitungo kutili muntu nulingile, atania malaika akugulu, wala umwana , balii utata ung'ene mwene. 37 Kina iyo kinaliitulile kuntondo zaki Nuhu , iyoo ikitula kuiza kwaki mwna waki Adamu. 38 Kunsooko pantondo zaso kinalikili ikinuenue antu aliakulia nukukopa, naitola nukutolwa mpakaa ulutondo ulo u Nuhu naliwingile mupango. 39 Na sikalialingile kintu kyensi mpakaa ikinuenue kinanakyiza nukukuakenka tulu - iyoo kina ikitulaa kuiza kwaki mwana waki Adamu. 40 iyoo antu abili ikitula ilii kumugunda- umui ukisholua ,na mui ukilekwa kunuma. 41 Asungu abili ikitula ishia palumui - umui ukisholua , nu mui ukishagaa. 42 Kululo , mtulu nikilao kunsooko sikamwizii ikalutondo kii uluaso nukiiza ushekulu wani. 43 Ipaa mulinge kina , ushekulu mukola kaa angamane matungo kii umwii azujile, alujilikesha na sikalugomba inumba yakue kuingililua . 44 Kululo , yumujipile kutula mwakondaa, kunsooko umwana waki Adamu ukiiza kumatungo nasikamutumbile. 45 iyogua wani namusuili, musese nutite masala , unuaso ushekulu wakue umupile utemi kyaya ya nailii munumba yakue, wapele indiakumatungo namazaa. 46 Mukembetwe umwitumii nuaso,unuaso ushekulu wakue ukakumwagana utenda yaso itungo kina ukiiza. 47 Kulukulu nukumuila shekulu ukakumuika kyanya mukila ikintu nakyakue. 48 Ilagua kina umusese namubii angawauge munkolo yakue, shekulu wane watinagya , 49 wandie kukiakua iitumi akue , kangi walie nukugala intulu, 50 Shekulu wa musese nuaso ukiiza katia lutondo nasikalutumbilue , nu matungo nasikaumalingile . 51 Shekulu wakue ukakumutema nandii zibilii nukukumuika mu lyoma limui kiligania ni akinilii kinaikitula nisuka nu kushia mino.
Chapter 25

1 Papo utemi wa kugulu ukakimpyanigua ni ananso kyumi naliasolile intala zao nu kulega kuyenda kukumupokela umutizila namugosha . 2 Atano katia so alianaulu atano iiia aliatite masala. 3 Ananso naanaulu kinaaliasolile intala zao sikaliasolile makuta mensi. 4 Iyogua ananso natiite masala aliasolile isheme naitite makuta palumui nintala zao. 5 Imatungo kina umutizila namugosha nutinia kupika ,tulu naambua nindolonatula agonaa. 6 ilagua imatungo mautiku wamananee mwano aliukolii . lai, umutizila namgosha,punii kunzii mumusingile. 7 Papo ananso aso naalaia tulu nukuyakilia intala zao . 8 Ioo naanaulu naaila ioo na amasala , mukupele luandi lua makuta mani kunsooko intala ziitu zidiba. 9 Ioo namasala naashokelia nukukuaila sikamikakukupikia ishe nininye, kululo lendii kuagulia mwigulilie ingele yanii. 10 Kina alienda kugula, umutizila namugosha nupika natulu naliakondaa naenda numwene musikunkulu nya winga, nu mulango naugalilua. 11 Pembele ioo ananso naingi iyo napika nu kuyuga , shekulu,shekulu, kuguile. 12 Ilagua nuashokelia nukuuga, ikulukulu nukumuila ,ine sikanumwizii. 13 Kululo laii, kunsooko sikamwizii ulutondo ni matungo. 14 Kunsooko iliganilile nu muntu nalutakile kuyuka kunsii yingi. Aliwaitile asese akue nu kukiapela ugolii wakue. 15 Umui wao numpela matundu matano ,umua numupela mabili, numua uyo numpela tundu limui . kila umui alupokelile ingele kuligananu usumi wakue , nu muntu uyo nulega nuenda zakue. 16 Pipii uyo nalupokelile matundu matano aliwendile nuikila , nukulelisha matundu mingi matano. 17 Iyoiyo nunduyo nalupokelile matundu zibili , nulelisha zingi zibili. 18 Ilagua umusese nalupolelile itundu limui ,nuenda uluakue , nusimba ikombo pansii numipusila impia nyaki shekulu wakue. 19 Ni pembele matungo malipu, shekulu nua asese aso nushoka nuzipilia maalio nindio . 20 Umusese uyo nalupokelile imatundu matano nuiza nuleta matundu matano nimia, nuuga shekulu alumpile matundu mtano laa nakuga zingi zitano. 21 Shekulu wakue numuila , kulaa ,musese muzaa namusuli, watula umusuili kuintu nainino.Nikakukupela uukulukyanya yaintu ingii. ingila mu ulumbi waki shekulu wako. 22 musese nalupokelile matundu mabili nuiza nuuga, shekulu alumpile matundu mabili . laa, nakuga zingi zibilii , 23 Shekulu wakue numuila ,kulaa, musese muzaa numusuili watula umusuili kuintu naikei. nikkukupela uukulu kyanya yaintu ingi. ingila mu ulumbi waki shekulu wako. 24 Pembele musese nalupokelile itundu limui nuiza nukuuga shekulu niizi kina uwe wimuntu umutaki. ukukala nuluandi kina sikaupandlile ukuimbula nuluandi nasikawitile. 25 Inee nanopoka, nanenda uluane nampisa itundu lyako muulongo.laa utite ipaa yoo nali yako. 26 Ushekulu wakue numushokelia nuuga ,uwe umusese nambii kangi umukata , aluwizii kina nukukalaa uluandi nasikapandile nu kuyimbula luandi nakanitile. 27 Kululo aliyukujipile kukiapela impia yane antu aku benki, imatungo ma kushokia kumwane alinijilipokela iyo nyane palumui ninandelisigue. 28 Kululo gua mulegelyii impia nyaso mupeli uyo musese nutite impia kyumi. 29 Kila muntu nutite ,ukiongeligua nkankana nukukilikila zigizigi.kumuntu wensi namugila kakintu, kikyo nutite ukilegeligua. 30 Mutagii kunzii kukiti unuaso musese nasikufaile, ukwaso kuko ikitula sukanu kushia mino. 31 Imatungo umwa waki Adamu kina ukiiza utemi wakue, ni amalaika tulu palumui nunduyo, papo kinaukakikala mukyanya itengu lyakue lya utemi. 32 Insii tulu zikakilunda ntongela yakue , numwene ukakiatemanula antu, kina iyo umudimi nukutemanula inkolo nimbuli. 33 Ukakiziika inkolo mukono wakundilo uwakue wakigosha , iyo imbuli ukakiziika kumukono wankigi. 34 Kangi umutemi ukakiaila ioo naili umukono wakue wakundilo ,nzuii, namwakembetwe nu tata wane usalii uutemi nauzipiligwe kumwani kupunila kuyikwa umusingiwa unkumbigilu. 35 Kunsooko alintite nzalaa namumpela india ; alinumugenda namunsugamilia . 36 Alinikipui ,namunjala intila, alinumuluile namunkendegela ,alinili mukitungo namunzagana. 37 Iyougua ianahaki ikakumushokelia nukukumuila ,shekulu, nalii alikukuonie winzalaa nakukulishia. hamwi utite noota nakukupela imazii. 38 Na nalii alikukuonie umugenda , nakukusugamilia, anga ukipui nakukujalia intila . 39 Na nalii alikukuonie umuluile ,nukitungo,nakukuagana. 40 Nu mutemi ukakiashokelia nu kukuaila,nalimukitendile ipa kumui wa antu ane naanino, alimuntendile nene. 41 Iyo ukiaila aso naaili mukono wakue wankigi, legi pamwane, namwazumwe , longoli kulungu lya moto wakali na kalii nauzipiligue kuaajili yake munamampilu nia malaika akue, 42 Kunsooko alintite nzala sikanampula kandia.alintite noota sikanamumpela kamazii. 43 Alinumugenda sikanamunsugamilia, alinikipui sikanamumpela kaijalo, alinumuluilena alinili kukitungo ,sikanamuntunza. 44 Iyo niene, ikakumushokelia nukuuga shekulu nali alikukuonie utite nzalaa ,anga noota anaumgenda ,anga ukipui ,anga umuluile , anga umutungwa, sikanakukukendegelaa. 45 Iyo gua ukakiashokelia nu kuuga ,kulukulu nukumuila , ikyo nali sikamukitendile kumui wa aso naanino , sikalimuntendile kanene. 46 Iaa ikienda muwagigua wakali na kali iagua naatite ihaki muupanga wa kali na kalii.
Chapter 26

1 Imatungo shekulu kinanumala kutambua inkani tulu zaso ,nuaila amanigua akue, 2 Mulingile kina pembele ntondo zibili ikitula ni sikunkulu nya pasaka, nu mwana waki Adamu ukipunugua wagigue. 3 pembele akulu amakuhani ni anampala aantu aliataganile palumui mukikao kya kuhani namukulu, nakuitagua kayafa. 4 Kupalumui aliapangile injama kukumuguile unzua kuunkunku nu kukumuulaga . 5 Kululo naatambula , ilekitendeka mumatungo masikunkuluu ilekiizipunila kukiagia mwi antu aso. 6 Imatungo unzua kinaliwili ku Bethania munumba nyaki Simoni mkoma, 7 Kinawigololile mumeza, musungu umui nuiza kumwakue nukenkile ilimbe lya alabasta nalilitite makuta maishima nkulu, numatagila mukyanya itue lyakue, 8 Ilagua iamanigua akue kinanaona ikintu kyaso, naaipilua nukuuga Yani insooko ya asalaiyii. 9 Igaa alimishuuma kuguligua kungele nkulu nu kupegua atuka. 10 iyo unzua kina walinga ilii, nuailaa, kwanikii mukumuagia umusungu uyu. kunsooko utendile kintu kiiza kumwane. 11 Iatuka mwiensi ntondo tulu, kuio sikamukitula palumui ninene kakalii. 12 Kunsooko alupungulie makuta igaa mukyanya ya mwili wane , alutendile iyaso kunsooko ya uikua wane. 13 Kulukulu nukumuilaa , tulu pensi lukani ulu lukitanantigua muunkumbigulu wensi, itendo nalutendile umusungu uyu ,kikitula kiltambulua zii kijukijukii. 14 Iyo umui waioo naikyumi naabili, nalimwitue Yuda Iskaliote, nuenda kwakulu akuhani . 15 Nukuuga mukimpela yani anganumupilukilie.. namupimila ipande kyumi natatu ya mpia . 16 Kupuna itugo lilo nuduma ilyoma lya kumupilukilya. 17 Ulutondo luakuandia lya mikate nasimiikilue kanshashu, iamanigua namwagana unzua nu kuuga , pii usiilye kukuzipililie ulie india za pasaka. 18 Nuaila longoli kumujini kumuntu kitunga namuili , umwalimu uuga, matungo mane megela . nikikaminkilia ipasaka palumui ni amanigua anee munumba yako. 19 Iamanigua naatenda kina unzua aliwalagilie , kangi naazipilia india za pasaka. 20 Kina ipika mpindi , nukala kulia india palumui nindio amanigua kyumi na abii. 21 Kinaliilia india nuuga , kulukulu nukumuila kina umui wani ukimpiluka . 22 Aliasikitikile zigizigi , nukila umui nuandia kukumukolia , kulukulu sikakaka nene shekulu. 23 Nuashokelia ,uyo nukituala umukono wakue palumui ninene mubyakuli mwene ukimpiluka. 24 Mwana waki Adamu ukilega, kina aliyandikilue.ipaa ole wakue umuntu nukakumupiluka umwana waki Adamu,alijile izaa umuntu nuaso kanga walekilelua. 25 Yuda nalukumupiluka nuuga kanga nene ne nzua, unzua numuila, utambuile ulukani luaso uwe mukola. 26 Kinali ilia india, unzua nuusola umukate, nuukembeta nunukuumega. nuapela amanigua akue nuuga solii, mulie uu wau mwiili wane. 27 nuambaa ikikombe nu kushongellia , nuapela nuuga , kopiitulu muikii. 28 Kunsooko iyii migali yane niitika kunsooko ya ingii kuusamilua milandu. 29 Ilagua nukumuila sikanikikopa kankii inkali za muzabibu uu, mpaka lutondo kinanikikopa mpia palumui nininye muutemi waki tata wane. 30 Kinaatula akondia kyimba ilyimbo , naapuna kuyuka kumulima wa mizeituni. 31 Kangi unzua nuaila uutiku uu inye tulu mukikumpa kunsooko yane, kunsooko imeandikwa, nikakumukua umudimi ni nkolo zidale zikishapatila. 32 Ilagua pembele kuiyukaa kwane, nikakumutongela kuyenda kugalilaya. 33 upetelo numuila , kanga tulu akusiite kunsooko nyamantu namikakukuligia,inee sikanikakukusiita. 34 Unzua numuila kulukulu nukukuila , utiku wau kyili mumbi wakunkule, ukiknanaa katatuu. 35 Petelo numuila , anga kinainjipile kukia nu nduwe sikanikakukukana. ni amanigua tulu nauga iyoiyo. 36 Pembele unzua nuenda niene kuluandi nalukuitagua Getsemane nukukiaila amanigua akue ,kyalansi ipaa itungo nanunji uko nukulompa. 37 Numusola uu Petelo ni ana abili aki Zebedayo nuandia kushunsulia nukushikitika. 38 Iyo nuaila nkolo yane itite upiina ukulu zigi.kanga ngele yakukia. sagii ipaa mwelie palumui ninene. 39 Nuenda ntongela iniino, nuguaa uundala,nulompa . nuuga ,tata,wane,kina ikishumika , ikikombe ikii kimpuute. ilekitula kinansiilye inee, ila kina usiilie uwe, 40 Nwiagana iamanigua nuagana agonaa ndolo, nuaila Petelo , nikii sikamwasuma kuyelia ninee kwitungo limui. 41 Elie nukulompa mulekiingila mumagemua. nkolo igomile, ilumwili uneketuu. 42 Nuenda iyakue kaubilii nu kulompa, nuuga,tata wane, kina ikintu ikii sikaishumile kukipuuta nakangi mpaka nkopele kikombe ikii, ulowa wako utimiligue. 43 Nushoka kankii nukukiagana agonaa ndolo, kunsooko imiso mao alimaza maluto. 44 Kangi nualeka kankii nuenda iyakue . nulompa katatu nuuga inkani zizozizo. 45 Pembele unzua nuenda kuamanigua akue nu kukiaila ,kyili mugonile du nu kushupia.Lai, itungo lyegela , nu mwana waki Adamu upilukua mumikono yaana milandu . 46 Lailii kulege. Lai,unuaso numpiluka wapipikaa. 47 Itungo kinalikili utambula, Yuda umui waioo kyumi na abilii nupika . Dyale kyulu nalipika palumui numwene lipunilile kwaakulu amakuhani nianampala aantu. Naiza ni mpanga ni ipini. 48 Kangii muntu naluwizipilie kukumupiluka unzua wapiile umwena ,nuuga , uyo nanikakumusuna ,uyoo mwene. mugwilii. 49 Tungo nino nuiza kwa nzua nukuuga , mpolaa, mwalimu, nu kukumusuna. 50 Nzua numuilaa musuamiane, tendaa nalukuletile. iyo uga naaza,nukumgololela imikono unzua,nukukumugula. 51 Laa,muntu mui nalii ipalumi nu nzua,nugolola umukono wakue, nupunia impanga yakue, numukua umwitumi wakikuhani namukulu, numutema kutui wakue. 52 Iyoo unzua numuila , shokia impanga ipo kinazusolile, kunsooko tulu nakutmila mpanga ikilimansiligua kwa mpanga. 53 Mgelile gua sikansumile kumwita utata wane, numwene wandagililye imajeshi kukyilikila kyumi na abiliiamalaika. 54 Ilagua kinambii mandikwa alimishuma kukaminkiligua, itii iyo ijipile kupunila. 55 Itungo lyaso nzua nuuila umwilundo, mbii mwizile nimpanga ni ipinii kungwilaa kina zii numulegelania. kila ntondo alinikalile mupolelyo nanimania , nasikanamunambaa. 56 Tulu iigaa matendekile kunsooko maandiko maaloti matimile. iyo amanigua akue namuleka nu kumanka. 57 Ioo naliamugwilile unzua namutwala kwaki kayaafa, kuhani mukulu, kuluandi iandikii ni anampala kinali ilundilile palumui. 58 Ilagua u petelo numutiata kunuma kwakulii nupuka kumpongolo nyaki kuhani namukulu .nuingila mukati nukalansa palumui nialindili walae nakikipunila. 59 Akulu amakuhani ni balaza tulu aliiduma ushuuda waulongo kwaki nzua amuulage. 60 Naipunilya amashuda ingii , ilagua sikanakuga kansooko tulu yensi. pembele amashuda abili napunila ntongela 61 nu kuuga, muntu uyu aluugile nsumile kukuliuna ipolelyo lyaki mukungile nukukulizenga kuntondo zitatu. 62 Ukuhani namukulu nuimika nu kumukolia , sikusumile kushokelia, iaa akukushudila yani uwee, 63 Ilagua unzua nukala duu. ukuhani mukulu numuila ,kina mukungile nukilaa,nukukukankanika ukuile , kina uwe wikilisito ,mwana waki mukungile. 64 Unzua nushokelia ,uwe mukola utambuile ikintu kyaso. ilagua nukukuila , kupuna ino nukuyendelela ukakumuona mwana waki Adamu ukalansile umukono wandilo nautite ngulu,kangi ukiiza mumalunde ma kugulu. 65 iyo ukuhani namukulu nutandula iijalo yakue nukuuga wakufulu , mbii kusiilie kankii ushudili wa yani, laa, mwakondii igya kinazukufulu 66 .Mbii mushiga yani,naashokelia nukuuga , ujipile nkia. 67 Iyo namutiila imati muusiu nukukumukua ingumii,nukukumukua imakopi kumikono yao. 68 Nukuuga, kulotelie,uwee kilisito. wani ukukuile. 69 Imatungo maso upetelo alukalile kunzii pampongolo,numwitumi wakue nuakisungu numwagana nuuga uwe nindue aza wipalumui nu nzua nukugalilaya. 70 Ilagua nukana ntongela yao tulu , nuuga sikanizii kyaso nutambuile. 71 kinanuenda kunzii yilango , mwitumii wingii nuakisungu alumuonie nukukiaila naliakoli paso,muntu uyuingii aliwi palumui nu nzua nuaku nazareti. 72 Nukanaa kanki nulapaa inee sinumuizi umuntu uyu. 73 Tungo kyipi pembele, ioo naliimikile piipi, naamwagana nuuuga nu petelo , kutaitai uwe umui wao, kunsooko ingii intambo yako ilagilile. 74 Iyo nuandia kuzuma nukulapa,inee sikanumuizi muntu uyu, papo iyo numumbi nukunkulaa. 75 Petelo nwijuka inkani nalimuilue nu nzua, kinakyili umumbi wakunkule ukinkana katatu.
Chapter 27

1 Tungo lyadau kinalipika, akulu tulu amakuhani ni anampala aantu nalialile njama zidi yaki nzua akuge amuulage. 2 Namutunga, namutongela,nukukumupikia kwaki liwali upilato. 3 Itungo u Yuda , nalumupilukile , nuona kina unzua wahukumilagua, nuisokia nu kushokia ipande makumi matatu ma mpia kumukulu wa akuhani ni anampala, 4 nu kuuga ,natendaa mulandu kukumipiluka imigali namigila kautimuli . namushokelya yukuhusile yani isee, malae maso uwe mukola. 5 Nuuka nuiguma pansi ipande yaso yampia muwitekelo , nukulongola iyakue nu kukigoga umwene. 6 Mukulu nua kuhanii nuisola ipande yampia nu kuuga , sikaka halali kuyika impia iyii mukilindo, kunsooko ingii galama ya mugalii. 7 Nailikitilia palumui ni mpia nitumika kugulila umugunda wa muumba lya kuikila iagenda. 8 Kunsooko iyii umugunda waso lyatula likiyitwa, mugunda wamigali, mpaka nantende iyii. 9 Iyo ulukani uloo nalitambulue numuloti uu Yelemia nalitiimila,kuuga, naakenka ipande makumi matatu yampia, galama nalimpangue niantu akui Islaeli kunsooko yakue. 10 naaliamitumile kumgunda wa muumba, kina ushekulu naluningilie. 11 iInoo nzua nuimika ntongela ya aliwali numukolia , mbii uwe umutemi wa ayahudi nee, nzua numushokelia, uwee utambula yaso. 12 Kangi tungo nalimutakigue niakulu amakuhani nia anampala, sikalushokelie kyensi. 13 Iyoo upilato numuila , sikawigiliene utakigua tulu kumwako. 14 Uyo sikanushokelia angaa lukani ninalumui, iyo uliwali nuijula ukungualii. 15 ipaa isikunkulu alikula desitulii nya liwali kukumutungula mutungwa umui namusagulue nilundo. 16 Itungo liaso alitite mutungwa mukakilu lina lyakue Balaba. 17 Iyo itungo kinaliilundile palumui ,Pilato nuakolia wani namumsiilie kumutungulile kunsooko yani, Balaba anga yesu nuyitwa kilisito, 18 Kunsooko alulingila kina akondaa kukumuguila kunsooko yakuo, 19 Itungo kinalii ukikala pityengu lyakue lya uukumilua, musungu wakue numutumila lukanii nu kuuga ulekitenda kintu kyensi kumuntu nuaso namugila kautimuli, numuagigue nkankana ninantende kunsooko yakue. 20 Iyo akulu amakuhani nianampala naaeshia akutaniki amlompe u Balaba, uyesu waullague. 21 Liwali nuakolia nwii kwiantu ianabili mumusiilie inee numulekele kumwanii naauga Balaba. 22 pilato nuailaa numutendele yani uyesu nuyitwa kilisito. tulu nanushokelia nuagigue. 23 Mwene nuuga nikii, utyulia kii nutendile. iyo naikomelya kukitunta ,muagie . 24 Iyo itungo pilato nuona sikushuma kutendaa lyensi, ipaa mwinomo nawandia, nusola mazii nukalala imikono yakue ntongela yalyundo, nkuuga,inee numugila kautimuli kyanya ya migali yamntu uyu namugila kautyulia.malai igaa ninyee. 25 Iantu tulu naugaa , imigali yakue itule kyanya yiitu ni anaa ituu. 26 Iyo numutungulila Balaba kumwao , ilaa numukua inkomee uu yesu nu kukuipela ienee kukumutuala kumwagia. 27 Iyoo iagalimanga aa liwali naamusola uyesu mpakaku Plaitolioni lundo kyulu lya agalimanga tulu namuilinga. 28 Namujula intiila zakue nukukumujalia inkanzo nankasuku . 29 Kangi namuzipilia inkompila nya miigia naikaa kukyanya itue lyakue , namuikila umwanzi mumukono wakue wakundiilo. natungama ntongela yakue nukumusigila,naiyuga ,mpola ,mutemi wa ayahudi. 30 Namutiila imatii, naasola umwanzi nukukumukua mutue. 31 Imatungo kina akumusigila , naamujula inkanzo namujala intila zakue , nukukumutongela kuyenda kukumwagia. 32 Kinaapuna kunzi, naamuona muntua kupuna kuklene lina lyakue simioni, unuaso namukunkanika kuyenda nindio waalilye kukuukenka umusalaba wakue, 33 Kinaapika luandi nalukuitagua Goligota, indogolelyo yakue luandi lwa ng'anga itue. 34 Namupela isikii nansangigue nintundu wakopee, iyogua kinanumitoma, sikanusuma kukumikopa. 35 Imatungo kinaatula amuagagia, nagaana ijalo yakue kwakukua ikula. 36 Naikalansa nu kukumulaa. 37 Mukyanya itue lyakue naikaa uutakya wakue naushomeka ,uyu ingii Yesu.mutemi wa Ayahudi. 38 Alegelanya abili naliagigue palumui numwene, umui luandi lua kundilo yakue umua kunkigi. 39 Ioo naliikila namumelaa ,naishungusha imatue mao. 40 nukuuga uwe nalutakile kukilyonona itekelo nukukulizenga muntondo zitatu, igunee uwee, kina wimwana waki mukungile, tima pansi upune mumusalaba. 41 Kuhali iyo iyo akulu amakuhani aliakumusimanga, palumui niandikii nii anampala nu kuuga. 42 Alugunile ingii , umwene sikusumile kukuguna mwenee,. umwene ingii mutemi wa Ayahudi ,Nwatime pansi kupuna kumusalaba, paso kukakumusuila. 43 Alumutuminile mukungile. Lekaa mukungile wamugune gua kina utakile, kunsooko aluugile , inee nimwana waki mukungile. 44 Nindio alegelania naliagigue palumui numwene naitmbula inkani zakumumelelya. 45 Ino kupuna matungo mutandatu alikiiti insii tulu mpakaa 46 Imatungo mikyenda, Yesu nulilaa kululi lukulu, Eloi,Eloi lama thabakitani, indogolelyo mukungile wane, mukungile wane, nikii wandekaa. 47 Imatungo maso akyii aoo naliimikile ipaso aliigilie , naauga ukumwita Elia. 48 Papo kamui umui waoo numanka kushola isifongo nukukumijulia kikopua na kikalii, nuika mukyanya ikota nukukumupela waligie kukopa. 49 Iaso naliasagilile naugaa, muleki mwene ung'ene, leki kulae kina uu Elia ukiiza kukumuguna. 50 Iyo u Yesu nulilaa kululi nalukulu numilegia inkolo yakue. 51 Laa, ipazia lya pawitekelo, nalitanduka nandi ziblii kupunila kukyanya mpakaa pansii. ni i nsii nikikima ni nkonko nazitanduka ipande. 52 Ibiila naiduguka nimiili nya anawelu ingii naliagonile indolo naiukaa. 53 Napuna muibiila pembele yawiuko wakue. 54 Iyo uyo u akida nindio naliakumulaa u Yesu naliona kikimoo ni mantu nalimipunila , naijulua nuoa zigi nukuuga, kulukulu uyu alimwana waki mukungile. 55 Asungu ingii naliatulile amutiatile u Yesu kupuna ku Galilaya kukumutunza aliakolia paso ilailia kupuna kina kulii. 56 Katia aso alii Maliamu Magdalena, Maliamu ninaa wakue u Yakobo nu Josepu, nu ninaa wa anaa aki Zebedayo. 57 Kinaipika mpindii , nuizaa muntu mugoli kupuna ku Almatayo, alimwitue Yusupu, nunwaso kangi alimumanigua waki Yesu. 58 Numwagana u Pilato nukukumulompa umwili waki Yesu .iyo u Pilato nualagilia wapegue. 59 Yusupu nuusola umwili nuutunga nintilaa zaulua nawelu. 60 nuugonia pakibiila nakipia ikyakue nalulisesile munkonko. kangi nukiilingilia igue kyulu nalikumba umulango wakibiila nulongola iyakue . 61 Maliamu Magdalena nuMaliamu umua aliakoli paso , ikalansile kuyukiila kukibiila. 62 Lutondo nalilutiatile alilutondo pembele yamazipilio, akulu amakuhani ni Mafalisayo aliingilile palumui kwaki Pilato. 63 Namuila, shekulu, kujukile kina itungo uyo mulongo kinalii mupanga ,aluugile pembele ntondo zitatu ukiiuka kanki. 64 Kululo, lagilia kina ikibiila kilindue izaa mpakaa intondo zitatu. hamui, amanigua akue asumile kuiza kukumwia nukuuga kwiantu Wiuka kupuna kwaakii. Nuulongo wampeleleko ukitula ubii kuleka uoo wakuandia. 65 Pilato nuaila, solii ialindili.longolii mutendee uusalama kina mukishuuma. 66 Iyo naenda natenda ikbiila kutula salama, igue nalikua muntozo nu kuyika alindili.
Chapter 28

1 Pembele impindi lutondo sabato, impsu kinalishalila kuyukiila lutondo lua kuandia lwijuma , Maliamu Magdalena, nu nduyo Maliamu umua aliizile kukukilaa ikibiila. 2 Laaali alilikoli kikimo kyulu, kunsooko malaika aki shekulu aliutimile nukukuliingilia igue ilo, kangi nulikalia, 3 Kyelu lyakue alilyili zii umeme, niijalo yakue aliyelupee kina selujii, 4 Ioo alindili naijulua ni wowa nukutula kina akii. 5 Malaika uyo nuakunukulilya asungu ioo, nuuuga mulekiopoka kundogolelio niizi kina mukumuduma u Yesu ,nalimuagigue . 6 Ukutilii ipaa, wiukaa kina alumuilile. Nzuii mulae paluandi ushekulu kinalugonile. 7 Lendii kaii mwaile amanigua akue, Wiukaa kupuna kuakii, laa watongela ku Galilaya. ukwaso kuko mukakumuona.Laa inee namuilaa. 8 Asungu ioo nale paso pakibiila wanguu natite woa nu ulumbi ukulu , namanka kukiaila amanigua akue. 9 Laa u yesu nutagana nindio nu kuuga ,mpola .asungu ioo naizaa nukuyamba imigulu yakue , nukukumukulia . 10 Kangi u Yesu nuaila lekiopokii , longolii mwaile antua anee atongele ku Galilaya. ukuaso ikimona. 11 Imatungo asungu ioo kinaalialonguile , laa akyii alindili naenda kumujini nukukuaila akulu amakuhani nimanu tulu nalimapunile. 12 Nindio amakuhani kinaliataganile nianampala nukukitambuila lukani luaso palumui nindio, napunia ngele nkulu nya mpia kwiagalimanga 13 nu kukiaila , ailii niia kina amanigua aki Yesu aliizile utiku nawia umwili waki Yesu imatungo ishee kinalikwagona. 14 Kina impola izii zikakumupikila uliwali, ishee kukakumusisikilya nukukumulegelia inyee inkankani tulu. 15 Kululo agalimanga ioo nazishola impa izoo nukuzitenda kina nalialingigue .impola izii nazishapatila zigi ku Ayahudi nayatulile iyoo mpaka nantende. 16 Ilagua ioo iamitume kyumi na umui naenda ku Galilaya, pamulima naliwalingilie Nindio kinamuona namukulya . 17 Iakyi aoo naonaa nkankani. 18 Yesu nuiza kumwao nuaila nuuga , numupegue uusumii tulu mnansii nu munaunkumbigulu . 19 Kululo muende mutende inansii tulu kutula amanigua, muabatishe kulina lyaki tata, numwana , nu muau mwelu. 20 Amanii kuyamba imantu tulu nanumulagilile , nalai, inee nkoli palumui nininye matungo mensi, kanga impeleleko nya unkumbigulu.