¹ola mwaha wa yesu kristu mwana a davide mwana a abrahamu. makholo awe tala: ²Abrahamu tomuyanre isaki; isak omuyanre yakobo; yakobo omuyanre yuda ni asinnawe; ³Yuda omuyanre fares nizara camai aya yari tamar; fares omuyanre esrom; esrom omuyanre arao;⁴arao omuyanre aminadab; aminadab omuyanre naason; naaso n omuyanre salmon; ⁵salmon omuyanre boaz amai awe boaz yari rahab; boaz omuyanre obed amai awe obed yari rut; obed omuyanre jose. ⁶Jose omuyanre mwene davide; davide omuyanre salomao amai awe salomau yatheliwe ti uria;⁷salomau omuyanre roboam; roboam omuyanre abias; abias omuyanre asai ⁸asa omuyanre yosafat; yosafat omuyanre joram joram omuyanre ozia;⁹ozia omuyanre joatam; joatam omuyanre akaz; akaz omuyanre ezekia; ¹⁰Ezekia omuyanre manases; manases omuyanre amon; amon omuyanre josias. ¹¹josias omuyanre yekonias ni asinnawe, mwa elukuluku nloko na isarayele nake rihiwaya obabilonia.¹²Wamanlaya okapuro wobabilonia, yekonias omuyanre salatiel; salatiel omuyanre zorobabel ¹³Zorobabel omuyanre abiud; abiud omuyanre e liakim ; e liakim omuyanre azore ¹⁴Azor omuyanre sadok; sadok omuyanre akim ; akim omuyanre eliud;¹⁵Eliud omuyanre eleazar; eleazar omuyanre matan; matan omuyanre yakobe; ¹⁶Yakob omuyanre yosefe; yosefe ari iya amaria, maria yola ari amannya yesu awitchaniwa kristu. ¹⁷Vano ovinyawa abrahamu ophiyera davide yari mayareliwo khumi namasheshe. o vinya wa davide ophiyera okapuro wo babilonia yaritho mayareliwo khuminamasheshe, ni o vinya okapuro wo babilionia ophiyera oyariwa wa kristu yarini vano mayareliwo khumi namasheshe.¹⁸Oyariwa yesu wari wawihiha; maria amannya a yesu yakameliwe ti yosef, ehakunve okumanela, aphwanyeya arupanle ni ikuru sa munepa wawela. ¹⁹Yosefe, iyawe, arimutchu orera murima, wona wi hakhwenle omuliha muru, ahupuwela omuhiya wiphini.²⁰Opuwelaka hiha, arwa wa yowo molohani munkelo a pwiya ni alotcha ariki: Yosefe mwana a davide, ohove omwakhela maria okhala mwara -a: mwana orupaliwe ni ikurusa munepa wawela. ²¹Onammuyara mwana onerawe omutchuwe ni nsina na yesu, ntakhara owo onanvulusha nloko nawe wa sotcheka.²²Sothesene iha saphatchuniwe wi ekhwanihere masu apwiya ya lontchaya mwa mulipa miririmo, eriki: ²³mwali, ohitonko okumanela ni mulopwana, onamurupala ni onammuyara mwana ni itchaniweke emanuel, ti wi muluku ni hiyo.²⁴Yosefe, ahuhumun weiye, aherano ntoko alontcheiye munkelo apwiya, amwakhela mwariye maria. ²⁵hakumanenle ni iyawe, ophiyera amuyanre mwana; yosefe amutchuwa insina nawe yesu.

¹Yesu ayariwiye obetlehemo o yudeya, herode ari mwene, anamiruku a elapo onakhumawo nsuwa yarwa o yerusalemu ekohaka: ²orawi mwene a yuda oyariwe hihano? ntakhora nohona etheneri awe onakhuma wo nsuwa, nave norwela omwepesa. ³Iwalaiye hiho, mweneherode ahukhuliwa, ni atchu othene oyerusalemo vamoha ni yowo.⁴Vano ahathukumanya anamukutcho ni alipa orepa othene ni ahakoha yowo elapo yaromoleliwe oyariwawo kristu. ⁵Awo yamwakhula eriki: obetlehemu, oyudeya, wona wi mulipa miriamo alotcha ariki; ⁶Weyo betlehemo, elapo yo yudeya, hoyenvero veri va mapoma matokotoko o yudeya ntakara wa weyo toni okhumewo mwene awetchiha nloko naka na wi isarayele⁷Vano herode awitchana okhwipi anamiruku yawo ni anakoha elukuluku eneyonnaya etheneri. ⁸Nave aharuma o betlehemo ariki; haweni, mwakohe phama samwana yowo ni, mwamphwanyawo, mukoke, mukilele, wi miyotho kiyewo kamukokhorele.⁹Anamiruku awo, yamwiwalaya mwene ole, yapwaha. etheneri yonnaya onakhumawo nsuwa, yanetcha vaholo vaya, ophiyera ariyevo mwana, yemela vasulu. ¹⁰Nave awo yonnaya etheneri, yahakalala vopwahasha.¹¹Yavolowa mpa, empwanya mwana vamoha ni maria amannya. ya kokhora emuchichima, nave yataphula mirupa saya envaha mwana muhakhu aya; eworo, erupani ni mure. ¹²molohani mwaya yaleliwa wi ehikokele wa herode; yarowa owannyaya ekunishe ephiro ekina.¹³anamiruku awo yatchimulaya,munkelo a apwiya wa yosefe molohani ni amulela’;vinya ;omukushe mwana ni amannya ni otecha wele oikuputo .okhale wiwo ophiyera elukuluku kineraka kolele ntakhara herode onasha omwipha mwana’’; ¹⁴yosefe avinya ohiyu,amukusha mwana ni amannya ni atchimula ayaka oikuputo. ¹⁵akhala wiwo ophiyera okhwa wa herode,wiyereye yalotchiwe tiapwiya mwa mulipa miririmo wi; oikuputu komwitchanawo mwanaka.¹⁶vano herode, onnaiye wi awokiwa tianamiruko yawo, atepa onyenyeya ni aruma owipha anamwane othene ophiyera a miyakhamili obetlehemu ni a ilapo ikina sawatchamela wiwo, ntoko mwa elukuluko yeyo, akohilaiye anamiruku awo. ¹⁷hiha yahakhwanihiwa masu alontchaiye mulipa miririmo yeremiya ariki; ¹⁸onniweya okhuwela orama, mutchu onanla opaka ikutcho. Ti rakel onawunlela anawe. Hanamaliheya ntakhara arimela. ¹⁹akawilaiye herode, munkelo a apwiya ahoneya wa yosefe molohani, oyikuputu, ni ahiwa yowo; ²⁰vinya omukushe mwana ni amannya ni okokele wa elapo ya wi isarayele, ntakhara yale yakhwela omwipha mwana, akhwa. ²¹yosefe avinya, amukusha mwana wisarayele ²²vavo iwalaiye wi arkelao ari mwene o yudeya, vanipuroni na atithinya herode, ahova oya wiwo. Aleliwaiye molohani atchimula ayaka ogalileya. ²³nave aya amaka va poma nsina naya nazarete wi yakhwanihiwe masu yalontchaya alipa a miririmo. Onamwitchaniwa munazarete

¹mahiku yale arwa yohani mpatisa analaleya masu a muluku mutakwuni,ariki; ²murukunushe murima,wona wi omwunewa wirimu ori vakhiviro ³yohani tuwoamulontche mulipa a miririmu isaiya ariki;<⁴yohani yowara awe yapakiwe nimapururu a ekamelo,nave muyunani a`wara mutcheka wa eshapala;yolya awe yari misope ni oravo wa mutakhwani; <sup>5</sup>yanaya wa yowo atchu oxerusalemu a elapa yothene ya oyudeya ni atchu othene amakupa a muhitche yordano. <sup>6</sup>othene yawo elokohaka sotcheka saya,yanapatisiwa ti yowo mmuhitcheni yordano.<sup>7</sup>vavo vowona afarisi ni asaduki antchipale erwelaka opatisiwa,xohani alotcha wa yawo ariki;<<sup>8</sup>mpahareke miteko sevelevelo inoneia orukunusha wanyu murima. <sup>9</sup>muhiwokeke muriki; abrayamu ori tithihu>>wona wi kinnolelani wi muluku onnawera otatusha maluku ala wi ekhale anamwane a abrahamu.<sup>10</sup>vano epaso yohuheriwa mutathari wa miri,wi miri sothene ihirino sawima saphama suhiwe ni iriheliwe vikho, <sup>11</sup>miyo kinnopatisani ni mahi wi murukunushe mirima,vawi yowo onarwa otchuli waka, t`ori mutokwene okipwaha miyo ,nave nkinaphawanela mano opharela isapato sawe yola onarwa opatisani mwa munepa wawela nimmoroni; ¹²nave ethekwa yovera eri mmatani mwawe;onanvela nipuro nawe na wipitcha;nave onahawela ahele munikhukwani sa mmatchani mwawe,vavo inyukula onahawela eyele ni moro wohishipha.¹³vawo yesu avinya ogalileya,aya omuhitcheni yoradano wa yohani wi apatisiwe ti yowo. ¹⁴vano yohani anakhotcha ariki;miyo kinaphwanela opatisiwa ti nyuwo,vano nyuwo munarwa wa miyo? ¹⁵yesu amwakhula ‘; vano nihiye ekhale hiha,wona wi ninnaphwanelo okhwaniha wokolola wothene>>vano yohani ahema ompatisa.¹⁶yesu apatisiwaiye akhumamo mmahini vohilekela.va elukuluku,ene yele wirimu wahuleyawo ni ahona munepa wa muluku ntoko ekakaiya,omukhuruwelaka yesu. ¹⁷nahiweyatho asu wirimo,nriki;<

¹vava yesu akerihiwa otakwani ti munepa wi ereriwe ti musasera . ²amalin`hiye mahiku makhumi masheshe inanelaka yolya ohiyu ni othana,avoliwa etala. ³mulipa awerera owo amwatchamela;;<⁴yesu amwakhula ;<⁵hiha musasera amukeriha yesu epoma ya wela ,na weliha vasulu wa empa ya muluku, ⁶alotchano ,ariki;wari mwana a muluku,wimorihele vathi;tiwi worempwa yowo onarwa aruma ankelo awe wa weyo yotchukule ni mata aya ,wi ohaka tchuliwe ti nluku. ⁷yesu amwakhulatho; worempwa thowi; ohiwerere apwiya muluku anyu. ⁸musasera amukushatha.amoniha omwene wothene wa elapo yavahathi ni otchichi miheya waya . ⁹ni alotcha ni yesu ; kinahala wovaha itchu sothene iha,wakokhora okepesa.¹⁰vawi amwakhula ariki; apwahawo satana ,ntakhara worempwa wi owepeseke apwiya muluku-a nave yaworu onerawe onakokhorela ¹¹vano satana amuhiya yesu ni ankelo a wirimo yarwa enamukha vihera.¹²yesu iwalaihe wi yohani mpatisa awaleliwa mukariposo,avinya aya ogalileya. ¹³akhuma onazare,aya amaka okafarnau,oshereshere wa ephareya yo galileya elapo yawatchamela o zabulon ni oneftali;¹⁴yahereya yeyo wi ekhwa nihere yolotcha ya mulipa amiririmo yesaya,ariki; ¹⁵elapo yo zabulon ni elapo yo neftali musewe wa ophareya,okhopela wa yordano,galileya a amalapo , ¹⁶nloko nari mwipiphini nohona ekamama etokwene nave ekamama yohavinyera yawo yari mwilaponi ni mmurushini mwa okhea¹⁷ovinya nihiku nenle yesu apatchera ollaleya masu ariki; rukunushani murima ,wona wiomwene wa wirimu wohatchamela.¹⁸yesu etchaka oshereshere wa ephareya ya ogalileya ,awona alopwana elionnayaru ,simonieriwa Pedro ni andreya,ereyaka mulapa mphareya vawi yari alipa ototha ihopa. ¹⁹yesu ahi wa yawo mutchare ,wi kiwereni alipa awatotha atchu. ²⁰mwa wakuwa yahiya vvale milapa saya,emutchara.²¹ayaka oholo awona akina eli,yakobo mwana a Zebedeu ,ni munnawe yohani yari mmwatcheyani n atithi aya Zebedeu esonaka milapa saya.ni awitchana. ²²awo ya muhiya mwatcheya ni atithi aya,emutehara.²³vano yesu anetchetcha elapo yothene ya ogalileya ,ahusihaka mmapuroni aya a ovekela.analalera mitchaka yaphama ya omwene, anapenudha atvhu iretcha saya ni masoso aya othene. ²⁴ovuwa wawe wahimwa lamwala o siria wothe wene nave yanamukerihela othene yarino iretcha ni sohosha sintchipale,ale ophariwa ti munepa wonanara,ale yarino etchiletchile ni alipa a nantchetche,nave yowo ahapenusha. ²⁵samutehara miloko sawatcha sa atchu sarwa ogalileya,odekapole o yerusalemu,oyudeya ni okhopela wa yordano.

¹YESU onnaiye muloko wa atchu,awela vamwako.akiranhaiye ,ohusera awe yamwa tchamela , ²apatchera wakusiha yawo ariki; ³oreriwa t awo ari ohana mmunepani ;wona wi ti wawayaomwene wa wirimu. ⁴oreriwa ti awo ananla,wowa wi anarwa ehakalalihiwa.⁵oreriwa ti awo awisumaliha vawi enarwa yakhela elapo yavathi. ⁶oreriwa ti yawoovoliwa etala ni ntchanana ekhwelaka wokololowa vawi enarwaevona. ⁷oreriwa ti yawo enamoriwa ekharari wona wi enarwa emoreliwa ekharari. ⁸oreriwa ti yawo awela murima wona wi anarwa emona muluku.⁹oreriwa ti yawo anetetela muretchele,vawi enarwa yitchaniwa anamwane a muluku. ¹⁰oreriwa ti yawo anahoshiwa wa nthowa na wokololowa,wona wi ti wawaya omwene wa wirimu.¹¹oreriwa tinyuwo munaruwaniwa munahoshiwa ni wotheriwa mulotcheliwa sonanara sothene wa nthowa naka. ¹²hakalalane nave tchapani vawi otchuweliwa wanyu oniokhale otokotoko wirimu.hiha tho yahahosha alipa a miririmu yarivo nyuwo muhanku nve.¹³nyuwo muri makha a elapo.vano makha yathuwa,eni ekokiheriwe hai osiva waya?hanaphureliwa etchu,vohikhala oyehiwa okhiwipi,enanyikaliwa ti atchu. ¹⁴nyuwo muri omwalela wa elapo ya vatchi;epoma eri vanwako henawera ovitheya.¹⁵ nari havo onapariha muthiko erelaka okhunela vathi vamwapo, vawi onakuhiwa vawoneyavo,wi wamwaleleke atchu othene ar impa. ¹⁶hiha omwalela wanyu wareke vamithoni vatchu,wi anonaya miteko anyu yaphama yatchitchimihe atithinyu ari wirimu.¹⁷muhupuwele wi miwo karwele omaliha malamulo nari alipa a miririmo.hoye ;nkarwele omaliwha,ti wi karwele wakhiwuniha. ¹⁸mwa evelevelo miyo kinnolelani ehakunve ovira elapo ya vathi ni ya wirimu,horimela mutcheka nari ethoka emoharu mwa nlamulo.sothene inamwereya.¹⁹yole vano oni ahiwelele nlamulo nimoharu nikhanini ni ahusihe atchu akina ohiwelela, onaya okhala mwamu khanisha mwa omwene wa wirimu. Vawi yole oni akhapelele malamulo ni ahusihe akhwawe,on ya okhala mutokwene mwa omwene wawirimu. ²⁰kinnolelani wi wokololowa wanyu murima wahapwa alipa orepa ni afarisi,hamvolowaru um omwene wa wirimu.²¹muhiwa solotchiwe wa atchu akhalai;ohiphe,yowo oni iphe onamuthorihiwa. ²²vawi miyo kinnolelani wi,mutchu yowo oni ananariwe ni munnawe, onamutho rihiwa.ole ani amuruwane munnawe onamukerihiwa walipa othoriha atokotoko.yole tho oni amwere yowo,nanepa we;onamukerihiwa omoroni wohishipha.²³ wimwi werakano yovelela vanipuroni na mukutcho wupuwela wi womutche kela munna a, ²⁴ hiya vava yovaha a,okokeleotculi,wapatchere watana ni munna a ,nave hawe wavelele yovaha a.²⁵akuva watana ni mwitchana a oyaka omilatchuni,wi mwitchana a yowo hovelele wa muthoriha,ni muthoriha ahovelele wa musuphai ni owo ahokerihe mukalaposo. ²⁶evelevelo miyo kinnovelelani wi horwa okhumamo mummo ohilin ve mwakhorowa okutchulela.²⁷muhiwa salotchiwe khalai’ohiraruwe; ²⁸vawi miyo kinnolela;mutchu ole,onanwehs muthiyana amukhwelaka,oraruwano mmurimani mwawe.²⁹nitho na nolopwana notchekihaka,wosola ni rehela worakamawo,wona wi ti yaphama wa weyo oyelela etchu emoha ya mmwilini mwa; ohiya mwili a wotyene oriheliwe omoroni; ³⁰ntata na nolopwana notchekihaka ,thikila ni rihela worakamamwo wona wi ti waphama wa weyo oyelela etchu emoha ya mmwilini mwa,ohiya mwili a wothene oriheliwe omoroni.³¹yalotchiwatho ;mulopwana yole oni amwalane ni mwariye ,amunnye ekarta yomwalana. ³²vawi kinnolelani wi yole onamwala ni mwariye,vohikhala nthowa na mararuwo,onamweriha yowo okhala oraruwa.yoletho onamuthela muthi yana yola omwalanne ni iyawe,onamurawano.³³ muhi watho itchu saleliwe atchu akhalai ohipele orikimotha, tiwi okhapeleleke malipelo wenrawe vamithoni vaapwiya. ³⁴ vawi miyo kinnolelani wi muhilipeleru nari muromolaka wirimu,vawi wi wituriwo muyukhu wamuluku. ³⁵muhilipele nari wa nthowa na elapo yavathi wona wi eri enyikalo ya manani awe; muhilipele nari wa nthowa na yerusalemu wona wi nri nipoma na mwene mutokwene.³⁶ muhilepeleke nari wa nthowa na muru anyu,wona himunawera weliha nari oripiha ni hi nanyu nimoharu. ³⁷malotchelo anyu ekhale ala;ai ai ,hoye;masu othene anapwaha vava,anarwela wa mutakhali³⁸ ; muhiwo elotchiwe;nityo nnitho,nave nino nnino, ³⁹vano miyo kinnolelani muhikhomeke ni mutchu onanara murima vawi yowo oni omane nrama na nolopwana omurunusheletho nikina.⁴⁰ akhalano mutchu oni okerihe omilatchani vawi akushe yowara a ,omuhi yeretho ekuwo ekina . ⁴¹akhala ni opharele omuhola ekilometro emoha omuholepili; ⁴²onnvahe yowo onoveka,ommphatche yole onakhwela opoleiwa.⁴³muhiwa elotchiwe;omukhweleke mukhwa a ni omwitche mwitchana a . ⁴⁴vawi miyo kinnolelani wi mwakhwelwke amuitchani anyu, nimwavekeleleke yale anawikarani; ⁴⁵hiha munarwa mukhala anamwane atithinyu ari wirimu,anakumiha nsuwa naya watchu onanara murima ni afama nave anarupiha epula watchu awokololowa murima ni wa ohokololowa.⁴⁶mwakhwela yaleru anokhwelani,muni mwakhele ntchuwelo tani?haneratho hiha alipa amusokho? ⁴⁷mwalotchela asinninyuru munnahiyaniha?amalapo hanera yeyoyho ⁴⁸vano mukhale awela ntoko ara há awela atithinyu a wirimo.

¹yesu amalin' haiye wahusiha ohuserawe khumi napili, aya ohusiha ni olaleya mmapoma mwaya. ²yohane mpatisi ari mukariposo, iwaliye ilotchiwaka miteko sa kristu, aharuma wa yowo ohuserawe oya omukoha wi: ³nyuwo mwa yowo ahawela owa. Hoye nin'weherereke mukina? ⁴yesu áwkhula ariki: haweni, mwamulele yohani yeyo munonanyu ni yeyo muniwanyu. ⁵ohona an'nona, orakala annetcha, atchu amaretcha annapenushiwa, ohiwa ánniwa, alipa okwa annavinyihiwa, nave mitchaka yaphama ennalaleriwa wa atchu ohawa. ⁶oreriwa ti mutchu ohinapwanya mwa miyo yokatculiha. ⁷ ohusera yale erikimurowa, yesu apatchera olotcha sa yohani wamuloko yole wari vavale ariki: tisheni mwakelanyu wona otakwani? Akweya epako enatannyiwa ni etcheku? ⁸mwakele wonani? Mutchu owanre ikuwo sorerasha? Tiwi, yawo anawara ikuwo hiho, anakhala vate va mwene. ⁹mwakele wonani? Akweya mulipa a miririmo? Ai! Kinnolelani wi yowo onapwaha alipa miririmo. ¹⁰ola ti yowo arempe wi: yomi ene, kinnamurumiha murummwaka aholeleke arehere ephiro a.¹¹tchiri kinnolelani wi mwa atchu ayariwe ti muthiyana, havo mutokhwene ompwaha yohani mpatisi; nave yowo ori mukhanisha um omwene wa wirimu. Mutokotoko ompwaha yowo. ¹²ovinya elukuluku ya yohane mpatisi ophiyera vano, ti wa yale anawanela ovolowamo,nave ti alipa owana anakusha yowo.¹³ Alipa miririmu ni malamulo yakhalavo ophiyera va yohane mpatisi: ¹⁴mwakhelaka wemerera, ola ti eliya ahawela owa. ¹⁵ Ori ni maru iwe. ¹⁶Vano atchu yala amutano kaphanapwanihe nani? Ari ntoko anamwane akiranthe mmapuroni amarotcha ekhuwelaka wa akhwaya, eriki: ¹⁷Hiyo nohopa mapenka himwinne! Nihipa ikutcho nave nyuwo hamunlale! ¹⁸ Tiwi owa yohani ahinatcha nari ahinawura, nyuwo muni: ole nanepa. ¹⁹Owa tho mwana a mutchu onatcha ni owura, nyuwo muni: mmone namatcha nnamuhapaliwa, nthamwene alipa a musokho ni otcheka! Nave miruku inasuwanyeya mwa miteko aya. ²⁰Hiha yesu apatchera osamela ipoma atchenraiyemo wera sotikina sawe wa nthowa na ohirukunusha mirima, ariki. ²¹otchilu ti wa nyuwo korozaim. Otchilu tiwa nyuwo betsaida! Ntakhara otiro ni osidonia seriwewo sotikiniha seriwe mwa nyuwo, khalai vavale atchu a weiwo yamurukunusha murima, yikhunelaka ni matchapwatcha ni yihelaka etchurwa mmuruni. ²²Nave miyo kinnolelani: nihiku nothoriha, tiro ni sidonia mulatchu aya onamuyeva opwaha wawinyu²³ Nave weyo kafarnau onupuwela wisinnuwiha ophiyera wirimo ? onahawela wikurushela omoroni.wonawi osodoma sapakiwewo sotikiniha ntoko ipakiwaya waweyo. Sodoma amphiyera olelo. ²⁴Nave miyo kinnolelani wi nihiku nothoriha mulatchu,sodoma onammoreliwa ikharari wohiyani nyuwo.²⁵ Elukuluku yele yesu alotcha,ariki: kinnothamalani,tithi,apwiyaawirimu ni aelapoyavathi, vawi mokhuwa itchu iha wa atchu amiruku ni osuwelasha,nave mupulula wa akhani. ²⁶Ai tithi tiwi mwakhwenle hiha. ²⁷Sothene akivan'he ta tithi.havo omusuwenle mwana wahiya atithi, ni havotho asuwenle atithi omuhiya mwana ni mutchu yole mwana onakhwelaiye omoneiha.²⁸Rwani wamiyo othene nyuwo nvenle muhokoliwa,miyo kinam,witchuwihane. ²⁹Teshani muritchi aka,huserani wamiyo kiri orera murima ni awiyeviha nave munamphwanya witchuwa wa okumi anyu. ³⁰Wi muritchi aka honalimelasha ni ori wo

¹Elukuluku yeyo,nihiku noworowa, yesu avira mmatchani. Ohuserawe evoliwe, yanvurula tiriku enamukhura. ²Nave afaresi akina, yawonnaya, yahi: nkawone ohusera a anera yeyo ehinemerereya nihiku noworowa.³yesu awakhula: hamwalakhannye etchu davide ni akhwawe yennraya evoliwe? ⁴Avolowa mpa mwa muluku ni akhwawe ekhura ipau sa alipa ephepa, hiho sahemereriwa okhura owo nari akhwawe, nave alipa ephepa tiyakhura.⁵ Nari himwalakhannye mwa malivuru amalamulo wi alipa ephepa annananariha ni miteko saya nihiku naworowa, nave ehinatcheka? ⁶miyo kinnolelani wi vava okhalavo mutokhwene onapwaha empa ya muluku.⁷Mwasuwenle etchu eniwa: kinakhwela ikharari ohiya mikutcho, himukathorin,he yale ahirino nthowa mmulatchuni. ⁸Mwana a mutchu tori mwanene a nihiku noworowa.⁹Avinhaka vavale, avolowa nipuro naya novekelamo. ¹⁰Mummo akhalamo mutchu orakala ntata. Yamukoha yesu wi emphanyere nthowa yahi: onnemerereya ompenusha mutchu nihiku noworowa? ¹¹ Nave yesu ahi: tani a nyuwo orino eputcheputche emoha, yamorela mulitchini nihiku noworowa hayawo akumihamo? ¹²Vano mutchu otepa opwaha eputcheputche! Tiva, onnapwanela wera saphama nihiku noworowa.¹³ Vava yesu ahi wa mutchu yowo: okola ntata! Yowo ahokola, nave ntata nawe napenuwa, nnalikana nnikwaya. ¹⁴Afarisi ekhumaka vavale yamuthukumanela yowo yasaka merelo omwipha.¹⁵Yesu, asuwenlaiye etchu yele, apwahavo.atchu antchipale yamutchara,nave owo apenusha iretcha sothene. ¹⁶Ahalelasha wi ehimulaleye. ¹⁷Wi yereye yalotchiwe ti mulipa miririmo yesaya .¹⁸Mmone kapuro aka kimuthanlilaka, mosiveliwaka, mwa yowo murinaka onahakalalayano. Kinnamukuhera munepaka ni owo onamulalera maloko othene miruku sawokololowa. ¹⁹Owo harwa akhuwela nari wirumiha; nsu nawe hiniweya veri va atchu. ²⁰Harwa antaka muthala wokhuneya, nari harwa atchipiha muthiko onahala vakhani otchipha ophiyera atikithenre wokololowa. ²¹Nave maloko othene anamuroromela nsina nawe.²²Vava awihiwa mutchu ohona ni ohilotcha, omakiwa timunepa wonanara.Yesu ampenusha, nave yowo apatchera olotcha ni wona. ²³Muloko wothene wa atchu watikhina onakohana, oriki: Yola,tahi mwana adavide?²⁴Afaresi,yiwalaya yela, yahakhula,eriki: ola onikara minepa sonanara ni ikuru sa satana,mutokwene aminepa hiho. ²⁵Yesu vosuwela mupuwelo aya.ahi: omwene wothene onikawanya mekhaya onnathatuwa milepe. Epoma yeyo nari etchoko enikawanya mekhaya enammwareya.²⁶Vano,satana amukumiha satana, onamwikawanya: Nave oni okhale hai omwene awe? ²⁷Miyo kikaraka minepa sonanara ni ikuru sa satana, nkiatchu anyu, anikara ni ikuru sawani? Hiha awo teni yothorihekeni.²⁸ nave miyo kakumihaka asatana ni ikuru sa munepa wa muluku,tiwi omwene wa muluku wophiya wa nyuwo. ²⁹Tani onawera ovolowa mpa mwa mutchu awupa wi iye itchu sawe,ahimmaketoko?Ammaka,onamuwera wiya mpamwawe. ³⁰Yowo ohiri ni miyo, onnakivirikanya;Niyowo ohinathukumanya vamoha ni miyo onammwaramwasha. ³¹ahikuVanthowa ninla,kinnolelani wi:Ananwera okhurumuweliwa,sotcheka sothene,nari emunyemulaka muluku;Nave onyemula munepa wa muluku,atchu yala hewa ekhurumuweliwa. ³²Yowo oni amulotchele masu onanara mwana amutchu onamukhurumuweliwa; Nave oni alotchele masu onanara munepa wawela hanakhurumuweliwa nari mahiku yala,nari mahiku amuholo.³³Muni mwiri ti waphama,ni sawimasaya saphama;Muni mwiri tiwonanara ni sawima saya sonanara,wonawi ti sawima inasuweliha miri aya sene. ³⁴Nloko na ivili,munawerahayi olotcha itchu sa phama muri atchu onanara murima?Wonawi eyano enalotcha itchu hiho isaren,ye mmurimani. ³⁵Mutchu aphama onakumiha saphama hiho okhapelenlaiye mmurimanimwawe mwaphama,nave mutchu onanara murima onakumiha sonanara hiho okhapelenlaiye mmurimammwawe monanara.³⁶ Miyokinnolelani wi:Nihiku nothoriha atchu anamuthorihiwa wa nthowa na masu othene atheru. ³⁷Wonawi we onanvulushiwa nari onamurimela wanthowa na masua³⁸Alipa orepa ni afaresi yalotchano eriki:Muhusiha,mwere etchu yotikiniha,none! ³⁹Yesu awakhula:Atchu yala amutano tonanara mirima ni oraruwa!Anaveka enenero,nave hevahiwaru emohamano,vohikhala yele yamulipa amiririmu Yona. ⁴⁰Ntoko yona akhanlaiye mmirimane mwa ehopa etokotoko mahiku marar uni ohiyuene,hiha mwana amutchu onamukhala vathi va etcheya mahiku marar uni ohiyuene.⁴¹Nihiku nothoriha vamoha ni nloko nla, nave tani evahe ekoi, wona wi yawo, yiwaka olaleya mitchaka sa yona yarukunusha murima. Vano vava okhalavo mutokwene omphwaha yona.⁴²Nihiku nothoriha mwene a mwamuthiyana a wiwo onakhumawo etcheku yua mirupi onannvinya erele onamona sa atchu yala a mutano, asomelaka, vawi yawo akhumme makupa awiwo elapo ekotenlayawo wi ewiriyane miruku ya solomoni, vano mutokwene omphwaha solomoni ori vava.⁴³Munepa wonanara wakhuma wa mutchu onetchetcha elapo yawuma wasaka nipuro nawitchuwavo,nave honapwanya. ⁴⁴Vanonto oni: kinamukokela empaka kivinnyakamo. Waphiya onaphwanya ehikhaliwe, eveliwe ni erehereriwe. ⁴⁵Vava onnaya owopa minepa mikina mithanu na mili sonanarasha opwaha yowo, imaka mummo makhalelo okutchulela a mutchu owo annatepa onanara opwaha wopatcherani. Tiyeyo eni ephatchuwe wa yala a mutano onanara mirima.⁴⁶Ariki mulotcha nivano atchu antchipale, amannya ni asinnawe yari vate, yasaka olotcha ni yowo. ⁴⁷Mutchu mmoha amulela i amannyu ni asinninyu ari vate, anakhwela olotcha ninyuwo.⁴⁸Nave yesu amwakhula yowo ariki: tani amani ni asinnaka? ⁴⁹Athonyaka ohuserawe ahi tala amani aka ni asinnaka, ⁵⁰Yole onera yokhwela ya atithi aka a wirimo, yowo tori munnaka murokoraka ni amani

¹Nihiku nenle yesu avinyaka vate vavale akirathe oshereshere wa ephareya. ²Muloko mutokwene watchu wamuritcha, hiha yesu awela mmwatcheyani,akirathi, muloko wothene wemenle vehavani.³Ahalela itchu sawatcha nimaphwanaphwaniho, ariki: ⁴Mulipa omisa avinya ayaka omissa mmiso awe. Amisaka hihale, mmiso mukina wamorela mphironi ni ipalame sarwa ithupamo. ⁵Mukina wamorela vamalukuni, waharivo etcheya yintchipale ni vohilekela wamela, wona wi etcheya yari vasulusulu. ⁶Nave nsuwa nompaya ni wahuma wona wi hiwarino mitathari sawishela.⁷Mukina wamorenle vamiwani. Miwa sahinnuwa ni isipelela. ⁸Mukina wamorela warivo etcheya yorera, wima vantchipalesha, mukina ikwaha nsana, mukina ikwaha makhumi mathanu nammoha ni mukina ikwaha makhumi mararu. ⁹Ori ni maru iwe.¹⁰Ohuserawe yamwatchamela ni yamukoha: ntakhara sheni munalotchelanyu atchu ni maphwanaphwaniho? ¹¹Yesu awakhula, ariki: nyuwo movahiwa osuwela sawiphini sa omwene wa wirimo, nave awo hevahiwe. ¹²Yowo orinono onamwatchereriwa ni onamukhalano vawatcha; nave yowo ohirino, onamwakhiwa ni yele ene oriyeno.¹³Tivava nto kinalelaka mmaphwanaphwanihoni, nari yonaka, ehoneke; yiwaka, ehiweke nave ehisuweleke. ¹⁴Mwa yawo anamwakhwanela masu ala a mulipa a miririmo yesaya: wonamunann,wiriyana,nave hamurwa musuwela:munamuhula mitho, nave hamurwa mona. ¹⁵Muloko ola, wohumiha murima aya otchiyaniha maru aya, ophuta mitho aya wi mitho aya ehone, maru ehiwe, ni murima aya ohisuwele, ehitcharuwe wi kapenushe. ¹⁶ Oreriwa ti rigo ene anyu, ntakhara anona ni maru anyu anniwa. ¹⁷Evelevelo miyo kinnolelani wi, watcha alipa amiririmo ni atchu awokololowa mirima yakhwenle wona itchu iha munonanyu, ehona; nave yakhwenle wiwa itchu iha muniwanyu ehiwa.¹⁸Wiriyanani niphwanaphwaniho na mulipa omissa: ¹⁹Mutchu yole oniwa masu a omwene wa wirimo ni ahinasuwela, onnarwa satana amwakha yeyo yaliwe mmurimanimwawe; ola ti mutchu onasimpwa ni mmiso wamorenle mphironi. ²⁰Mmiso waliwe vamalukuni, onasimpwa ole oniwa mas uni anakhela n,uhakalala vohilekela. ²¹Nave mutchu ola hano nthiti ni,yaphiya elukuluku ya sohosha ni sawikariwa wa nthowa na masu onnahiya vohilekela.²² Mmiso waliwe mmiwani,onasipela sayole oniwa masu nave saweha samahikuyala ni owoka wamuhakhu,sinniphelela masu ehinima. ²³Ole akhenle mmiso vatcheyani yaphama tiyole oniwa masu nimurima we wothene ni anakhapelela. Owo onnima vakina nsana,vakina makhumi mathanu nammoha,vakina makhumi mararu. ²⁴ Yesu ahalela nipwanapwaniho nikina omwene wawirimo ori ntoko mutchu anle mmiso waphama mmatchani mwawe. ²⁵Atchu othene ekonaka,awa mwitchani awe,ála nthakathaka veri va trigo,ni árowa. ²⁶Mmiso ole wamenlaya ni opatcheraka wima,nahoneya nthakathaka.²⁷ Anamalapa yáya omukoha mwanene:Pwiya,himwanle mmiso waphama mmatchani mwantu?Vano nthakathaka niwiye wowi? ²⁸Owo ahakhula:Mwitchani aka t,anlemo.Anamalapa yamukohatho:Munakhwela wi nipholemo nthakathaka?²⁹ Owo awakhula:Hoye,vawi mwapholaka nthakathaka,muni munamumphola ni trigo ene. ³⁰ Hiyani wi ninnuwe vamoha ni trigo ophiyera nihiku nohepha.Naphiya nihiku nlo,kinamwalela alipa óhepha;Mpatchere ophola nthakathaka, mmakanye ni mweyele.Nitrigo mmuhele vatathanivaka. ³¹ Yesu ahalela niphwanaphwaniho nikina:Omwane wawirimu ori ntoko enuku ya mukukhu mutchu mmoha anlaiye mmatchani mwawe. ³²Enuku aya eri yoyevasha ophwaha inuku sothene.Nave yamela ni yainuwa,mwiri aya onakhala mutokotoko ni ipalame s,osulu sinnawa ikayamo.³³Ahalelatho niphwanaphwaniho nikina: omwene wa wirimo ori ntoko miropo muthiyana onaheleliye mmiphimoni miraru sa ephepa ya trigo wi etchukhuwe yothene. ³⁴Itchu sothene iha yesu alotcha ni osipa.ni hiyavo alontchaiye ahisipaka. ³⁵ Wi yakhwanihiwe masu yalotchiwe ti mulipa miririmo ariki: kinamuhula eyano aka wi kilotche mmaphwanaphwaniho, kinamupulula itchu savithiwe ovinya opatchera wa elapo³⁶Yesu ahiya muloko yole aya owani. Ohuserawe ymwatchamela yi ntaphuleleni niphwanaphwaniho na nthakathaka. ³⁷Yesu awakhula: ole anle mmiso waphama ti mwana amutchu. ³⁸Ematcha ti elapo yavathi, mmiso wa phama ti anamwane a omwene; nthakathaka ti anamwane a musasera. ³⁹Muitchani anle ti musasera, elukuluku ya ohepha ti nihiku nomaliha elapo alipa ophepha ene ti ankelo. ⁴⁰Ntoko nnathukumanyiwaya nthakathaka ni nnaheliwaya vikho hiha enamwereya nihiku nomaliha elapo: ⁴¹Mwana amutchu onamwarumiha ankelo awe nave awo anamwaphara momweneni mwawe othene anera sokatchuliha ni anera sonanara. ⁴²Ni anamwarihela mmoroni wovarela, wiwo onamukhalawo wunla ni okhuriha minno. ⁴³Vano alipa orera murima eni enamwara ntoko nsuwa mu omweneni wa atithi aya. Orino maru iwe.⁴⁴Omwene wa wirimo onanphwanaphwana ni muhakhu ovithiwe mmatchani mutchu oronle onnavitha wiliwili; atepa ohakalala, akuliha sothene oriyeno ni akula ematcha ele. ⁴⁵Omwene wa wirimo onaphwanaphwanatho ni mulipa amarotcha onasa maluku okhweleyasha. ⁴⁶Aphwannyaiye nimoha nowalamelasha, akuliha itchu sothene ariyeno ni akula nluku nenle.⁴⁷Omwene wa wirimo onqphwanaphwanatho ni ntchavi nntokwene nareiwe mmahini ni naphanre ihopa sawatcha. ⁴⁸Ntchavi nle nasaren,yaya, yápurulela omokoni, yakirathi ni yathanlela muthekwani ihopa sorera ni yarihela otakhwani ihopa sonanara.⁴⁹Hiha enamwereya nihiku na omaliha elapo: ankelo eni enamwathanla atchu orera murima mwa atchu onanara murima. ⁵⁰Ni anamwarihela omoroni alipa onanara murima. Wiwo onamukhalawo wunla ni okhuriha minno.⁵¹Mohiwa phama sothesene iha? Ohusera yamwakhula ai nohiwa! ⁵²Yesu ahalela; vawi hiha mulipa orepa osuwenle sa omwene wa wirimo analikana ni mwanene a vate onakumiha mmuhakhuni mwawe sa hihano ni sakhalai. ⁵³Yesu amalin,haiye olotcha maphwanaphwaniho ala avinyavo vavale.⁵⁴Āya owannyawe ,ánahusiha atchu mmapuroni ovekelamo mwaya: ni yawo yanatikiniha ni yani: inawa wowi miruku ni ikuru sawerano sotikin iha. ⁵⁵Owo tahi mwana akarpinteiro?Nave amannya tahi Mariya, ni asinnawe tahi yakobo,yosefe ,Simoni ni yuda? ⁵⁶Nave arokoriye othene hemanke mumu ni hiyo?Vano ophwannye wowi itchu sothene iho?⁵⁷Yawo yakhwatchuliwa wa nthowa na yowo.Yesu ahi wa yawo:Mulipa amiririmu hanakhweliwa velaponivawe. ⁵⁸Yesu henrevo oyariwa vavale stikiniha sintchipale wannthowa na ohiroromelawaya

¹Elukuluku yele herode yowo alamula ogalileia, iwaliye ovuwa wa yesu. ²Alotcha ni anamalapa awe i : ola ti yohane mpatisi ovinnye wokhwani, tivavanto, sotikiniha iha inereyaya mwa yowo.³Tiwi herode alamulela wi yohane aphariwe, amakiwe nave awaleliwe mukariposo. Ahera yela va nthowa na herodia muara amunnawe filipi, ⁴Vawi yohane anamulopola ariki: honemereriwa omuthela mwara amunná. ⁵Herode anatchuna , nave anova nloko na atchu namwera yohani mulipa miririmo.⁶ Nihiku na efesta ya wupushera oyariwa wawe herode, mwana a mwamuthiyana a herodia àhina vavale, amusiveliha herode, ⁷Hiha herode alipela onvaha yeyo eraiye aveke. ⁸ Aleliwaiye ti amannya mwana yole àhi: mukivahe mparathoni muru wa yohane mpatisi. ⁹Mwene athanana, nave wa nthowa na olipela ni vamoha alipa owompwa, àruma wi annyiwe.¹⁰Ni aruma omuhita yohani mukalaposo. ¹¹Muru waruhiwa mparathoni nave àhinnyiwa mwana ni ola avelela wa amannya. ¹²Vava yawa ohusera a yohane, ekusha muru tchwene eya yavitha.oholo waya yáya omulela yesu.¹³ Iwalaiye wiphiwa wa yohane yesu avinyavo, alapuwa ni mwatcheya ayaka otakhwani wi akhalewo mekhaiye.nave muloko wa atchu wasuwenlaya, wavinya mwa ipoma saya, omutchara ni metcho. ¹⁴Yesu akhumaka mmwatcheyani, ahona muloko mutokwene wa atchu, amorela ikharari ni ahapenusha aretchaya.¹⁵Oshekuwaka..ohusera awe yamwatchamela ni emulela: wenno homakiwewo nave onnila. Mwarowihe atchu ala wi yakule sotcha.¹⁶Nave yesu awakhula ariki: henaphwanela orowa, muavahe nyuwo yotcha. ¹⁷Yawo yamulela eriki: inrino pahi ipau thanu ni ihopa pili. ¹⁸Yesu awakula ruhane.¹⁹Aharuma atchu othene okilathi vamanashini, akusha ipau ihe thanu ni ihopa pili, aweha osulu ni areliha, ameyanya ipau, annya ohuserawe ni ohusera yahakawela atchu othene. ²⁰Othene yatcha evona, erolela inyenyeri ihe sahanle isareya mitchanka khumi napili. ²¹Yale yatchile yari etchu ya alopwana ikonto thanu, wahiya athiyana ni anamwane.²²Mwawakuveya yesu áhalela ohusera awe wi ewele mmwatcheyani ni elapuwele okhopela, owo alanyaka atchu. ²³Alannyaiye awela mekhaiye vamwako wi avekele. Wilakavo,ari vavale mekhaiye. ²⁴Mwatcheya ayaka variari va ephareya anatekuma, wona wi wiwo yayayawo tiyawayawo etcheku yawupa.²⁵Oyaka nusha, yesu ahathikilela etchaka vasulu vamahi. ²⁶Ohusera, yamonnaya yesu etchaka vasulu vamahi, yatuthuwa ni yahera: ola munepa! Ni yakhuwela ni wova. ²⁷Nave yesu ahi: lipani murima timiyo muhove!²⁸Pedro awakhula ariki: mwari nyuwo apwiya, kirumeni kiwe wa nyuwo ketchaka vasulu vamahi: ²⁹Yesu amwakhula waka! Pedro akhumaka mmwatcheyani, ahetcha vasulu vamahi, ayaka warivo yesu. ³⁰Nave onnaiye etcheku, ahova apatchera onela, akhuwela ariki: apwiya kivulusheni!³¹Mwawakuva yesu amokolela mono, ampharela, amukoha: onakhwelani minikwa ororomela tonto we? ³²Yawenlaya mmwatcheyani etcheku yamala. ³³Yale yahanle mmwatcheyani yamutchitchimiha, yi: evelevelo nyu mwa mwana a muluku.³⁴Yalapum,waya, yaphiya elapo yogenesare. ³⁵Atchu a elapo yele yamusuwenlaya yesu, yamwaramwasha mitchaka wa ophiya wawe mmapuroni mothene. Nave yamuruhela aretcha othene. ³⁶Yánanveka wi ewere otannya mano yowara awe. Otene yawo yatannyile yapenuwa.

¹Elukuluku yeyo yaphiya wa yesu Afaresi ni alipa orepa,ewaka oyerusalemu,ni yàhi: ²nthowa tani ohusera anyu ahinatcharihaya ikano samakholo?Tiwi hananyawa ya tchaka. ³Yesu àwakhula:Nki nyuwo muhinatcharihelani malamulo aMuluku wanthowa na ikano sa nyu?⁴ Tiwi Muluku alamula ariki:Watchitchimihe atithi à ni amayi à,nave,yowo onanyemula apapa awe nari amannya,ola akhwe tchiri. ⁵ Nave nyuwo muni: Yole ani àlotchele atithi ni amannya masu ala: Yele werawe wakhele wa miyo,yovahiwa wa muluku. ⁶Yola hanaphareliwa watchitchimiha atithi ni amannya.Nave hiha nyuwo monanariha masu a Muluku, wa nthowa na ikano sanyu.⁷Owoka nyuwo! Mulipa amiririmu yesaya olotcha phama sa nyuwo,ariki: ⁸Atchu yala akitchitchimiha ni eyanoru,nave murima aya ori otchiwene ni miyo, ⁹Awo anakepesa siyo,ntakhara malamulo aya anakhuma mwa atchu.¹⁰Oholowaya yesu,awitchanenlaiye vakhiviru vawe atchu ahi: Mwiwe ni musuwele! ¹¹Tahi etchu yele enavolowa mwano enanvirikanya mutchu, nave yele enakhuma mwano t’enanvirikanya mutchu. ¹² Vano ohusera emwatchamelaka yesu yàhi: Mosuwela wi afaresi,iwalaya yeyo mulontchanyu àkwatchuliwano. ¹³Yesu àwakhula:Miri sothene ihaliwe t’atithi a wirimu inampholiwa. ¹⁴Mwahiyeni!Ari aholeli ohona mutchu ohona hanamuhola mutchu ohona mukhwawe,oweli ala anammorela mulitchini. ¹⁵Pedro ànveka ariki:Muntaphulele nipwanapwaniho nla. ¹⁶Yesu ahi:Nyuwotho hamunasuwela hiho? ¹⁷Himunasuwela wi sothene inavolowa mwano inaya mmirimani nave sakhuma mummo inariheliwa osalani? ¹⁸Nave inakhuma mwano,inawa mmurimani,nave tihiha inanvirikanya mutchu. ¹⁹Tiwi mmurimani onakhumamo mupuwelo onanara,wipha,oraruwa,wetcha pure,wiya,wothera,wapa. ²⁰Itchu inampahula mutchu, tihiha, nave otcha, mutchu ahinyan’we, honampahula mutchu.²¹Yesu àtchimula ayaka elapo yo Tiro ni Osidònia. ²²Vano muthiyana mmoha okanà awiye elapo yele, apatchera okhuwela ariki: Apwiya mwana aDavide,mukimorele ikharari. Mwanaka amwamuthitana onnahoshiwa vantchupale timunepa wonanara. ²³Naveyesu,hamwakhunleru. Ohusera awe yamwatchamela ni yànveka eriki: mwakhule,wonawi onnanyakula antcharaka.²⁴Yesu awkhula: Nkarumiheliwe atchu akina, ihiri iputcheputche sorimela sa nloko na israyele. ²⁵Nave muthiana yole àwa àkokhora vamithoni va yesu àlotcha ariki:Apwiya kikhavihereni! ²⁶Tahi etchu yaphama okusha epau ya anamwane ni warihela anapwa.²⁷Nave muthiyana yole amwakhula: Tihiha apwiya.Nave anapwa annatcha inyenyeri inamora vamesa va apwiyaya. ²⁸Vanoyesu amwakhula: Muthiyana, ororomela wá ori otokotoko, yereye ntoko onakhwelawe.Velukuluk yele mwanawe amwamuthiyana àpenuwa.²⁹Yesu avinyaka vavale, aya watchamela ephareya yo Galileya ni,awenlaiye vamwako, àkilathi. ³⁰Vohilekela wawa wayowo muloko muntchipale wa atchu wakun’she atchu orakala,ohona,otuthunya,ohilotcha ni aretcha akina, emukuhera yowo nave ahapenusha. ³¹Atchu yari òtikhina,vawona alipa ohilotcha elotchaka,otuthunya yetchaka phama,orakala yetchakatho,evasi yonaka,nave yànvuwiha Muluku aw’srayele.³²Yesu awitchannaiye ohusera awe, àhi: atchu ala annakimoriha ikharari, wona wi amaliha mahiku mararu ekhalaka ni miyo, nave hano yotcha.nkinakhwela warowiha ehitchiye, kovakatho wi anakhwa eyaka mmphironi. ³³Ohusera yàhi wa yowo: otakhwani nno nnaya oruha wowi ipau sowakhwana atchu antchipale ala? ³⁴Yesu àhakoha ariki: murino ipau kavi? Yamwakhula: ipau thanu napili ni ihopa vakhani! ³⁵Vanonto àlotcha ni atchu wi ekilathi vatcheyani.³⁶Ākusha ipau iho thanu napili ni ihopa vakhani, athamanlaiye atithinya, ameyanya ni ahannya ohusera ni ohusera yànakawela atchu. ³⁷Othene yàtcha evona, nave yarolela inyenyeri sohala isareya mitchanka mithanu na mili. ³⁸Alopwana yakhunre ipau yari ikonto sheshe, wahiya athiyana ni anamwane. ³⁹Alannyaiye atchu, awela mmwatcheyani ni aya elapo yo Magadan

¹Afarisi ni asaduki yàwa wa yesu wi emwerere, nave yanveka enenero ya wirimo. ²Yowo àwakhula: washekuwaka muni: wirimo wopilivilawo, omelo nihiku norera.³Woshishelo muni: wirimo wopilivila ni woripawo olelo enamurupa epula yawopiha: nyuwo musuwenle makhalelo a osulu, nave himusuwenle inenero sa mwetchelo welapo? ⁴Atchu amutano, onanara murima ni oraruwa, anaveka enenero; nave hevahiwa enenero vohikhala yele ya yona.àhiyaka yawo àvinyavo.⁵ Ohusera elapuwaka okhopela, yàtchuwala okusha ipau. ⁶Yesu àlotcha ariki: mwikosopeke ni miropo sa afarisi ni asaduki! ⁷Nave ohusera yavanyihana, eriki: olotchenle hiha ntakhara hanikun’she ipau. ⁸Yesu, asuwelaka, àhi: atchu a nroromelo noyeva, munupuwelelani nyuwo wi himukun’she ipau? ⁹ Nivano himunasuwela? Nari himunupuwela ipau thanu savonin’he atchu ikonto thanu ni saroliwa inyenyeri mitchanka mikavi sahala? ¹⁰Hamunupuwelatho ipau ihe thanu napili mwakawenlanyu atchu ikonto sheshe? Sari mitchanka mikavi mwarolenlanyu.¹¹mwahasuwelelaniwi nkalotcha sa ipau kiriki: mwikosopeke ni miropo sa afarisi ni asaduki? ¹²yàsuwela wi yesu halontche miropo sa ipau, tiwi alontche sa mahusiho a afarisi ni asaduki. ¹³Yesu aphiyalaiye elapo yo Sesareya wa Filipe, àhakoha ohuseraawe ariki: atchu anamwera tani mwana a mutchu? ¹⁴Awo yàhakhula: akina anamwera yohani mpatisi, akina aniwa ti Eliya; akina aniwa ti Jeremiya nari mulipa miririmu mukina. ¹⁵Yesu àhakohatho: nki nyuwo munakera tani? ¹⁶Vano Simone Pedro àmwakhula ariki: nyuwo mwa kristu mwana a muluku mukumi.¹⁷ Yesu amwakhula ariki: oreriwa ti weyo Simoni, mwana a Yona,ntakhara yeyoolontchawe hayupululiwe ti mutchu a mwili nnikhami, tiwi atithi aka a wirimu,tolenle. ¹⁸Miyo tho kinnoléla wi weyo wa Pedro, ti wi mwala.vasulu vamwala ola kinamutekavo muloko aka, nave ikuru sa okhwa hirwa ivotha yowo.¹⁹Kinamonnya ishavi sa omwene wa wirimu yothene onerawe omake vathi vava, enarwa emakiwa wirimu: ni yothene onerawe otaphule vathi vava enarwa etaphuliwa wirimu. ²⁰Yesu àhalela ohusera awe ariki: muhimulelé mutchu wi mi ka kristu.²¹Ovinya vava Yesu àpatchera walèla ohusera awe: kinahawela okokela o Yerusalemu, kahoshiwe vantchipale ti asitokwene alipa amalamulo ni alipa orepa, kinaya wiphiwa, nave nihioku naneraru naya kinan’vinya mokhwani. ²²Pedro àmukusha yesu, amukeriha wiphini, amusamela ariki: apwiya muluku ehemerere yeyo mulontchanyu. Yeyo, herwa yophatchuwelani. ²³Nave yesu arukunun’waiye,ahi wa Pedro: Satana, vinyavo vamithoni vaka! Weyo wa nluku nokikwatchuliha, ntakhara honupuwelela itchu sa muluku, nave sa atchuru.²⁴ Nave Yesu ahalelatho ohusera ariki: arivo mutchu onakhwela okitchara, apatchere wikhotcha mekhaiye, akushe mwikimanyo awe akitchareke. ²⁵Wona wi ole onasha ovulusha okumi awe, onamuyelela: nave yole oni ayelele okumi awe, wanthowa naka, onarwa aphwanya ²⁶Mutchu onaphuran’vo, akhela elapo yothene ya vathi ayelenle okumi awe? Akhweya, etchu tani mutchu oneraiye akakhanyeno okumi awe?²⁷Mwana a mutchu onan’wa muntchitchimiho na atithinya vamoha ni ankelo awe. Vava onarwa amukokihera mutchu, ntoko mwa miteko sawe. ²⁸Evelevelo kinnolélani wi akina a nyuwo muri vava helawiha okhwa, ehimonne mwana a mutchu awaka um omwene awe.

¹Evinre mahiku mathanu na nimoha, Yesu ahakusha Pedro, Yakobo ni munnaweYohani, ayano omwako worakama yaworu. ²Vavá atatushiwa emonaka. Ethoi awe yaharya ntoko nsuwa, sowara sawe sahèla ntoko omwalela.³Vano yàphiya Monse ni Eliya enalotcha ni yowo. ⁴Pedro alotcha ni Yesu, ì: pwiya, ti waphama wi nikhale vava.mwakhwelaka, kinamuteka vava mishakala miraru: mmoha okhale wa nyuwo, mukina wa Monse ni mukinatho wa Eliya.⁵Pedro, alotchaka iha, neku nawara nahakhunela, nave munekuni nahiweya nsu nriki: ola ti mwanaka òkhweleyasha, kinaphwanyakamo ohakalala waka: mun’wiriyaneke. ⁶Yiwalaya masu ala, ohusera ale yàhuwela vathio wanthowa na wova. ⁷Vano yesu awatchamela ni àtannya ariki: vinyani muhove! ⁸Etchukhulaka mitho, yàmonne yesu pahi.⁹Ekhuruwaka vamwako vale, Yesu àhalela ì: muhimulele mutchu yeyo monnanyu, ahakunve mwana a mutchu ovinya mokhwani. ¹⁰ Ohusera yàmwakhula: ntakhara sheni alipa orepa analotchaya wi Eliya t’oni apatchere owa kristu ahiwiye? ¹¹ Yesu àwakhula: evelevelo ene Eliya onamurwa arehere sothene. ¹²Nave miyo kinnolelani wi Eliya owa, ahisuweliwa atchu yamwerela yowo sothene yakhwelaya. Hihatho mwana a mutchu onawa ahoshiwa ti yawo. ¹³Vanonto ohusera yàsuwela wi yesu amulotcha yohani mpatisi. ¹⁴ Yaphiyalaya veri va, atchu, àmwatchamela yowo mulopwana, àkokhora ni ànveka: ¹⁵Pwiya, mummorele ikharari mwanaka, mwamulopwana,wona wi onitcheliwa etchiletchile ni onnatepa ohawano vantchipale onnamorela vikho ni mahiku makina onnamorela mmahini. ¹⁶Miyo komukeriha wa ohuseranyu, nave hem’wenre ompenusha. ¹⁷ Yesu àhi: atchu amutano nyu, ohiroromela ni ohuwela! Ophiyera lini kineraka kikhale ni nyuwo? Ophiyera lini kovilelakani? Mukiruhele va. ¹⁸Yesu asamela munepa wonanara, okhuma mwa mmiravo. Ovinya elukuluku ene yele, mmiravo apenuwa.¹⁹ Vava ohusera yamwatchamela Yesu vamekhaya emukoha, eriki; ntakhara sheni hiyo nihiwen’rahu wikaramo? ²⁰Yesu àwakhula: wa nthowa na nroromelo nanyu noyeva. Tchiri kinnolelani: mwarino nroromelo ntoko enuku ya mostarda, mwamulotchelaka mwako ola: ovinyevo, oye vale, owo onanvi’nyavo. Hiha , hi’yavo muneranyu muhiwereke. ²¹Nloko na minepa sonanara iha nnakhumihiwa pahi ni mavekelo ni winanela òtcha.²² Yathukumannaya oGalileya, Yesu ahi wa ohuserawe: mwana a mutchu onanveleliwa wa atchu. ²³Nave yawo anammwipha. Nave nihiku naneraru naya onanvinya mokhwani.ni ohusera yàtepa winiwa mirima. ²⁴Yesu ni ohuserawe yaphiyalaya oKafarnau, yamwatchamela , alipa oliviha musokho, a makupa mèli emukoha: muhusihanyu ohinalivela heni musokho? ²⁵Pedro àhakhula ariki: à, onnaperekha: ni avolowaka mpa, Yesu àmukoha ariki: onupuwelani, simoni? Mamwene a elapo anakhela nani sovelela ni musokho? Wa anaya nari wa amalapo? ²⁶Pedro àmwakhula ì: wa amalapo.Yesu àhi: vawihiha anamwane hanaliva. ²⁷Vano wi hiyo nihahuwelihe awo, hawe ophareya, oreye nimeso. Ehopa yopatchera eni emire, ophare ni ohule eyano aya onamphwanyamo ikhorowa, okushe ni ovelele wa yowo saka ni sawà.

¹Elukuluku yeyo òhusera yamwamtchamela Yesu emukoha: tani ori mutokhwene sha hanahiyamomweneni wa wirimu? ²Yesu amwitchana mwana amwemesha veri vaya. ³Ni àhi: evelevelo miyo kinnolelani wi mwahirukunushamirima ni mwahikhala ntoko anamwane, akhani himurwaru nvolowa momweneni wa wirimu.⁴Vano yowo oni iyevihe ntoko mwana ola,yowo t’ori mutokhwenesha momweneni wa wirimu. ⁵Yowotho onamwakhela mwana siyola um nsina naka, onakakhela yomi ene. ⁶Akhalá mutchu onamutchekiha mmoha wa anamwane ala anakemerera miyo,yorèra ori ommakelela mushikoni nshilo nolimela ni ariheliwe mmahini mwa ephareya yawisha.⁷Motakhaliwa nyuwo elapo yavathi wa nthowa na sotchekiha! Sotchekiha himalá owa mwelaponi, nave òtakhaliwa ti mutchu, yole onaruha! ⁸Ntata nà nari nnani ná nòtchekiha, othikile ni orihele worekamawo wa weyo. Yaphama ori ovolowa mwekumini ni ntata nari nnani nimoha,ohiya wi arino mata meli ni inani pili oriheliwe omoroni wohimala.⁹Nave nitho ná notchekiha, owosole orihe worekamawo wa weyo. Ti waphama ovolowe nnitho nimoharu mwekumini, ohiya wi orino mitho meli oriheliwe nipuro namoro.¹⁰muhimunyemule mmoha mano wa anamwane ala, ntakhara miyo kinnolélani wi ankelo aya, wirimu, annona ethoi ya atithi aka ari wirimu. ¹¹Wona wi mwana a mutchu awiye ovulusha yeyo yarimenle. ¹² Nki nyuwo munona hayi? Mutchu orino iputcheputche nsana, emoha yarimela, owo hanahiya omiyakoni ihe makhumi mathanu nasheshe ni iputcheputche thanu nasheshe, aya anasa yele erimenlé? ¹³Awerà ophwanya yeyo, evelevelo kinnolelani wi amwariyeonamuhakalalasha ni yeyo, ohiya ihe makhumi mathanu na masheshe ni iputcheputche thanu nasheshe ihirimenle. ¹⁴Hihatho ti okhwela wa atithinyu ari wirimu wi nari mmoha wa anamwane ala ahirimele. ¹⁵Mukhwà otchekela, hawé, wamulake okhwipi muriwo apiliru awiwelela, womukòkihera mumphironi mwaphama. ¹⁶Ahiwiwelela, wawope atchu akina apili nari araru, wi mulatcu owo walotchiwe vamithoni va anémona eli nari araru.¹⁷Nave ahiwiwelela anémona, yawo, hawé walele muloko; nave ahiwelela ni muloko ene, mmwere ntoko mmalapo nari mulipa a mushokho. ¹⁸ Mwa evelevelo miyo kinnolélani: sothene muneranyu mmake vathiva, inarwa imakiwa wirimu; nave sothene muneranyu mutaphule vathiva, inarwa itaphuliwa wirimu. ¹⁹Kinnolélanitho; yathukumana atchu eli mwa nyuwo, evekaka etchu anakhwelaya anamwakhelihiwa t’atithi aka ari wirimu. ²⁰Vava atchu athukumannayavo eli nari araru mwa nsina naka, miyo kiri variyari vaya.²¹ Pedro amwatchamela Yesu, amukoha ariki: mukhwaka akitchekela, kimukhurumuwele okavi? Akhweya kimukhurumuwele ikwaha thanu na pili? ²² Yesu àmwakhula ì: nkinoléla wi omulevelele ikhwaha thanu napili, nave kinoléla wi omulevelele ikhwaha makhumi mathanu nameli wulùla vathanu napili. ²³ Vawihiha, omwene wa wirimu onaphwanaphwana ni mwene mmoha akhwenle waveka atchu awe sothene yasiyanraya. ²⁴Apatchenraiye, aruheliwa mutchu mmoha apolen’ye ikhorowa amili, amili ene amili khumi. ²⁵Wona wi owo harino etchu yolivano, mwene yole arumiha wi akulihiwe owo ni amwariye, anawe othene ni itchu sothene ariyeno, wi alive mankau othene. ²⁶Namuteko yowo, iwalaiye, àkokhora va mithoni vawe, amphara metcho, ariki: mukemerere miyo, kinamolivani sothene. ²⁷Pwiya yole, ámoriwano ikharari, amukhurumuwela mankau awe, amurowiha. ²⁸ Namuteko ole arowaka, àkumana ni mukhwawe asiyanre ikhorowa vakhani vava, ànamuhirikinya eshiko ariki: okòkihe ikhorowa saka. ²⁹Mukhwawe yole àmukokhorela, àmphara metcho ariki: kivahe mahiku tonto ni kinamoliva sothene.³⁰ Mulopwana yole àkhotcha, apwahavo, amphariha mukhwawe yowo ni an’waleliha mukariposo, ophiyera wi alive mankau othene. ³¹Akhwawe, yòna sothene seren’ye satepa wananara, ni yàya omulela iha mwene yole amulevelenle yowo.³² Vava pwiya awe amwitchana namuteko amukhurumuwenlaiye, amukoha, ariki: namuteko we onanara murima! Miyo kihokhurumuwela ekonkori à yele yothene, ntakhara wari mukiveka. ³³Weyo tho hiwawera ommorela ikharari mukhwá, ntoko miyo komorenlaka ikharari?. ³⁴Mwene ole ànanariwa ni yowo, àmmaka ni ànnya asuphayi wi emuhoshe ophiyera oliva ekonkori yothene. ³⁵Hihatho anan’werelanitho atithi aka a wirimu mwahinalevelelana ni murima wothene.

¹Yàhereya wi yesu, amalin’haiye masu ala, àvinyawo oGalileya ni àya omunkàno wa Yudeya, okhopela wa yordano. ²Nave muloko mutokwene wa atchu wanamutchara, ni wiwo ànapenusha awitcheliwa.³Yamwatchamela Yesu afarisi akina wi emwerere, yì; wa yowo: ennemerereya wi mulopwana amwalane ni mwariye ni nthowa puré? ⁴Vava Yesu ahakhula: hamwalakhanye wi mpatusha, wopatcherani , ampatusha mulopwana ni muthiyana? ⁵Tivanto mulopwana oneraiye ahiye atithinya ni amannya ni aphitàne ni mwariye, nave opili awo eni ekhale mutchu mmoharu. ⁶Vano hari eli nave mutchu mmoharu. Tiva yeyo Muluku ophitannyiye mutchu ahmwalanye. ⁷ Yamukoha tho Yesu: ntakhara sheni tho Monse olamunlaiye omunnya ekarta yomwalana ni yomurowiha. ⁸Yesu àwakhula, ariki: Monse ohohiyani wi munamwalana ni asarinyu wa ntowa nawùma wanyu murima. Nave wopatcherani hiwari hiha. ⁹Vano kinnolelani wi yole onamwalanà ni mwariye, vohikhala nthowa na mararuwo, amuthela mukina, yowo onamuraruwa. Nave yole oni amuthele muthiyana orowihiwe, onamuraruwano. ¹⁰Vano ohuserawe yàhi wa yowo: mukhalelo wa mulopwana ni mwariye wakhalaka wawihiha, ti waphama ohithela. ¹¹Nave Yesu àwakhula, ariki: tahi atchu othene anawera wakhela masu yala, ti wi yaleru avahiwe. ¹²Ntakhara àkhala atchu ohiyara, yayariwe awihiha mwa amai aya: nave àkhala òhiyara, yahuliwe t’atchu, nave tho àkhala òhiyara akina yihunle mekhaya wa nthowa na mwene wa wirimu . yowo onawera wakhela, akhele. ¹³ Vavo yànaruhiwa anamwane, wi Yesu akuhere mata awe ni àvekelele, nave ohuserawe yànàsamela. ¹⁴Yesu àhi wa yawo mwahiye anamwane awo ni muhahihe owa wa miyo, ntakhara ti wawaya omwene wa wirimu. ¹⁵Nave akuhenraiye mata, apwahavo. ¹⁶ Mutchu mmoha amwatchamela Yesu, ì: muhusiha, kere etchu tani yaphama wi kikhaleno okumi wohimala? ¹⁷Yesu amwakhula: onakikoherani yaphama eyo? Havo afama, ohikhala Muluku pahi . nave wakhwelaka ovolowa wokumini otcharihe malamulo. ¹⁸ Yowo ahi wa yesu: tavi? Yesu amwakhula: ohiphe, ohiraruwe, ohiye, ohinamothera mukhwa. ¹⁹Watchitchimiheke atithi ni amaye ni omukhweleke mukhwa antoko weyo onikhwelawe.²⁰ Nave mmiravo owo alotcha ariki:Sothesene hiho kòtchariha opatchera kiyen’ve.Vano ekihanle tiheni? ²¹Yesu ahi wammiravo:Wakhwelaka okhala awakhwanela, hawe,wakulihe sothene oraweno,wavahe ohawa,nave onamukhalano muhakhu wirimu.Vava nto owe,okitchareke. ²²Mmiravo owo,iwalaiye masu ala àvinyavo murima omwinale ntakhara àtepa oréla. ²³ Yesu alotcha ni ohuserawe ariki:Tchiri kinnolelani wi ovila mulipa orela ovolowa momweneni wa wirimu. ²⁴Kinnolelanitho:Eri yokhweya wi ekhamila evolowe vamwitheni wasikano ohiya wi mulipa orela avolowe momweneni wa wirimu. ²⁵ Ohusera yiwalaya yeyo yàtepa otikhina ni yahi:Vanonto tani oni awere ovuluwa? ²⁶Yesu ahaweha ni ahi:Wamutchu,yeyo henawereya:Nave Muluku onnawerasothene. ²⁷Vava Pedro alotchano,ariki:Hiyo nohiya sothene,notcharane,nnaya wakhelani? ²⁸Yesu ahi: Evelevelo kinnolelani nyuwo munakitchara,wi elukuluku yoreheriwa sothene mwahihano, mwana amutchu akilathi va munyukhuni wa ntchitchimihonawe,nyuwotho munawa mukilathi vaminyukhu khumi namili wi muthoriheke mahimo khumi namili aisraele.²⁹Muthu yole ohiyale ipa sawe,nari asinnawe,nari arokoriye,atithinya nari amannya,nari anawe,nari imatcha sawe wanthowa na nsina naka,onamwakhela hiho ohiyalaiye opwaha ikhwaha nsana,vamohatho ni okumi wohimala. ³⁰Hiha antchipale ari opatchera anamukhala okutchula,nave antchipale ari okutchula anamukhala opatchera

¹ Omwene wa wirimu onalikanatho ni mulopwana mmoha apehenre wawopela anamalapa mmatchani mwawe. ²Alakanano waliva yawo ni ikhorowa sakheliwa vanihikuni, nave aruma mmatchanimmo. ³Ivinre iwora raru, avinya apwanya atchu akina yemenle mmakhilikano ehèraka etchu. ⁴ì wa yawo: haweni mwalimeke mmatchani mwaka, kiwakheliheni yeyo eri yophwanelela. Yawo yayawo. ⁵ Āvinyatho othana ni nsuwa nthitimanaka, àrumihelawo akina. ⁶Nsuwa nimorelakamo, ahapwanya akina, àkoha, ariki: murimwihayi onilayavo muheraka etchu nihiku nothene? ⁷Āwo yàmwakhula: hinimonne mutchu ene omulapa. Mulopwana ole alotcha ariki: Haweni nyuwotho,mwalimeke mmatchani mwaka.⁸ Wilakavo, àmuruma, mutokwene anamalapa awe ariki: hawe waworoshe anamalapa, ni walive muteko wolelo. Wapatchere yale aphin’ye oshekuwa ophiyera alipa òpehera. ⁹Apatchera waliva yale yaphin’ye nsuwa nimorelakamo,yakhela yolivela ya vanihikuni. ¹⁰Ale òpatchera yùpuwela wi anannvahiwa ikhorowa sawatcha, nave yaliviwe ni ikhorowa imohamoha.¹¹ Yakhenlaya yanamwapa mwanene ematcha eriki: ¹²Ala alampe elukuluku tonto aliviwe vamohamoha ni hiyo, nlampe nihiku nothene ninsuwanene. ¹³ Mwanene àmwakhula mmoha wa yawo ì: Mukhwaka, miyo nkiwerenle yohiphwanela! Opatcheraka muteko hinapakanenle nlivelo na nihiku? ¹⁴Vano wakhele yeyo eri yawà , ovinye onarowa. Miyo kinakhwela onnvaha ola yeyo kovan’haka weyo. ¹⁵ Wakhweya miyo nkinawera werela kinakhwelaka yeyo eri yaka? Wakhweya orino inrima wa nthowa na orerawaka murima? ¹⁶Hiha alipa omaliha anamukhala opatchera , nave alipa opatchera anamukhala omaliha. Awitchaniwa tantchipale othanliwa vakhani. ¹⁷ Yesu awelaka o Yerusalemu, ayaka mmphironi, ahakusha ale khumi na pili analotchano arik: ¹⁸Onani wi nnawela o Yerusalemu, ni wiwo mwana a mutchu onanvelèliwa wa sitokhwene a alipa a mukutcho ni wa alipa orepa.yawo anammuvaha ekoi yokhwa. ¹⁹Anamunvelela wa amalapo wi anyemuliwe, awashuliwe ni akhomeliwe vamwikimanyo: nave nihiku naneraru naya onanvinya mokhwani. ²⁰ Arikimmaliharu olotcha, yàmwatchamela Yesu amai a anamwane a Zebedeu ni anaya nave yàkokhora vamithoni va Yesu wi enveke etchu. ²¹Yesu àmukoha: onakhwelani? Owo amwakhula: warume, anaka ala eli wi ekirathi momweneni mwanyu, mmoha mono wolopwana mukina mono wothiyana. ²² Yesu awakhula: nyuwo hamunasuwela etchu munavekanyu. Munan’wera owura ekahi miyo kineraka kiwure? Yawo yahakhula, eriki: ai nnan’wera. ²³Yesu ahi: ekahi aka munan’wurera. Nave wi mukilathi mono wolopwana nari wothiyana tahi miyo kinavaha, ori wa yale atithi aka areherenlaya. ²⁴Ale akina khumi yiwale sothene, yànanariwa ni ale eli. ²⁵ Yesu awitchana othene, alotchano, ariki: mosuwela wi mamwene a maloko anàlamula atchu aya ni wirumiha nave asitokhwene aya annalapiha ni owali: ²⁶Wa nyuwo tahi hiha. Yowo onakhwela okhala mutokwene, akhale namalapanyu. ²⁷Wa nyuwo onakhwela okhala òpatchera, akhale mulapeli anyu. ²⁸Tiwi mwana hawenle olampwa, nave walapela atchu ni ovaha okumi awe wi awopole antchipale. ²⁹Evinyaka OJeriko, muloko mutokwene wa atchu wàmutchara Yesu. ³⁰Nave onani alipa èvasi eli yakiranthe mushereshere wa musewe, yiwaka wi Yesu anavira, yanakhuwela: pwiya, mwana a Davide, onimorele ikharari! ³¹Muloko wa atchu wànàsamela wi emàle, nave yawo yànvira ekhuwelaka: pwiya mwana a Davide, onimorele ikharari!³²Yesu àhemela, awitchana ni àhi: tisheni munakhwelanyu wi kiwereleni? ³³Ale yàmwakhula pwiya , wi mitho ahu ehuleye . ³⁴Yesu, vomoriwa ikharari, àtanya mitho aya ni, elukuluku ene yeyo, epatchera wona ni yàmutchara.

¹Yesu ni ohuserawe yatchamelaka oyerusalemu, yàphiya elapo yiwa Betfage vakhiviru vamwako Oliveti. Yesu aharumiha ohusera awe eli, ²ariki: muhole, muye epoma mwatchamenlanyu; vava munamumphwanya mwashana a phùru amakeleliwe vamoha ni amannya. Mwataphule, mwawihe. ³Ni akhala oni okoheni ariki: munataphulelani?, mmwakhule mwere: apwiya t’anakhwelá, nave anamwakòkiha hihano vava.⁴Sothesene hiha seren’ye wi ekhwaniheriwe masu yalotchiwe ni mulipa miririmu eriki: ⁵Mmulèle mwana amwamuthiyana Osiau muriki: omone mwene opisha murima on'wenle puru ni mwana a puru ontesha muritchi.⁶ Ohusera yale yatchimula, yerano ntoko yesu arummaiye . ⁷Yàmuruha puru ni mwanawe ni yahakuhera vatchuli vaya sowara ni yesu àkirathela. ⁸Nave muloko muntchipale wa atchu, wànatalela sowara saya mmuseweni, akina yanantaka mirayi sa miri ni yànatelela vatcheyani. ⁹ Ni atchu antchipale yahonle ni yowo yamutchara Yesu, yanakhuwela eriki: Hosana mwana a Davide! Orelihiwa tuwo onawa mu nsina na apwiya. Hosana, wirimurimu! ¹⁰Yesu avolon’waiye o Yerusalemu, atchu othene a epoma yele yàtchukuruwa, yanakohana eriki: tani yola? ¹¹Nave muloko wa atchu wànakhula: Ti mulipa a miririmu Yesu o Nazarete elapo yo Galileya. ¹²Vanonto Yesu àvolowa mpa mwa muluku ni awikaramo alipa a marotcha nialipa òthuma yari mpa mwa muluku, àpitchula mesa a alipa otoroka ikhorowa ni mipantcho sa yale yakuliha ipompa. ¹³Vava Yesu ahi wa yawo: worempwa: empaka enawa yitchaniwa empa yovekelamo, vano nyuwo munera nikhuku na ampava. ¹⁴Yàmwatchamela yowo mpa mwa muluku alipa èvasi ni orakala nave owo àhapenusha.¹⁵Asitokwene a alipa a mukutcho ni alipa òrepa, yonaka sotikiniha enraiye, ni anamwane ekhuwelaka mpa mwa muluku eriki: ovuwa wa mwana a Davide, yànanariwa, ¹⁶Nave yàhi wa Yesu : onniwa anlotchaya? Yesu awakhula A! Himuntonko walakhanya: mwano mwa anamwane anetchá ni ammatani nophwanyeyamo ntchitchimiho nanyu? ¹⁷ Oholo waya ahiyaka yawo, àvinyavo vapoma ni aya OBetaniya, àkona wiwo. ¹⁸ woshishelo Yesu, akokelaka opoma, àvoliwa. ¹⁹Onnaiye mukùkhu oshereshere wa musewe, àyawo, nave aphwanye makukhuru. ni àhi wa mukÙkhu yowo: ohirweru wime! Nave vohilekela mukùkhu wàhuma. ²⁰ Ohusera, yonaka yeyo, yàtikhina, yani wumale hai vohilekela mukùkhu ola? ²¹Yesu àhakhula, ariki evelevelo kinnolelani wi, mwaroromela muhikhwaka minikwa hamwera yelaru kenraka nimukùkhu ola, munamulotchatho ni mwako ola, muriki: ovinyevo wirihele mphareya nave yeyo enamwereya. ²²Sothesene muneranyu munaveka ni nroromelo mmavekeloni mwanyu, munamwakhela. ²³ Avolon’waiye mpa mwa muluku anahusiha. Asitokhwene amukutcho ni asitokhwene a nloko yàmwatchamela ni yamukoha: ni ikuru sawani muneranyu itchu iha? Tani ovan’heni owera wu? ²⁴Yesu àwakhula ì: miyotho kinnokohani etchu emoharu . mwakakhula, miyotho kinamolelani ni ikuru sawani kinerakano itchu iha.²⁵Opatiso wa Yohani onarwa wowi, wirimu nari wa atchu? Yawo yànalotcha mukina ni mukhwawe eriki: nàkhula wirimu, owo onamwera: ntakhara sheni muhimwemerenranyu yowo? ²⁶Nàkhula wa atchu, nnova muloko wa atchu, wona wi othene anamona wi Yohani ntoko mulipa a miririmu. ²⁷Wa yela yàmwakhula Yesu: Hinsuwenle! Vano owo àhakhula: nari miyotho nkinolelani ni ikuru sawani kinerakano itchu iha.²⁸Nki nyuwo munona hai? Mulopwana mmoha arino anamwane awe eli: aya wa opatchera, ì: mwanaka, hawe walime olelo mmatchani mwaka. ²⁹owo àwakhula, ariki : nkiyawo. Nave alapelenlaiye murimawe, ayawo. ³⁰Tithi yole aya tho wa mwanawe mukina, amuruma emohamoha. Ola ahakhula, ì: miyo kinamuyawo, papá nave hakelewo.³¹ Wa anamwane ala eli, tuvi enreno yokhwela ya atithinya? Awo yamwakhula: tula opatchera . yesu ahalela , ariki: evelevelo kinnolelani wi alipa a musokho ni athiyana oraruwa anamoholelani um omwene wa Muluku. ³²Yohane mpatisi owa wanyuwo oniha eraka ephiro yawokololowa, nave nyuwo hamwamuroromenle. Nave alipa amusokho ni athiyana oraruwa amuroromela, nyuwo nari monaka itchu iha,hamurukunun’we murima wi mmuroromele yowo. ³³ Iwani niphwanaphwaniho nikina: Akhalavo mulopwana mmoha anle miri savideira.àtekela mukuso,àrehera nipuro wovotchamo sa wima ni ateka empa yamutchontcho.Ahahiyera anamalapa ni atchimula ayaka elapo ekina. ³⁴Yaphiyalaya elukuluku yomurula uva mmatchani,aharumihelawo anamuteko awe wi yakhele makupa awe. ³⁵ Anamalima yale yahaphara anmuteko awe emana mmoha,mukina emwipha,mukhwawe envonya maluku. ³⁶Mwanene a ematcha aharumihelawo anamalapa akina awatcha sha opwaha ale opatchera ni anamalima yawerele emohamoha yele yawerenlaya opatchera. ³⁷Wokutchula,aharumihela mwanawe,ariki:Ola mwanaka,anammutchitchimiha. ³⁸ Nave anamalima,yamonnayamwana,yalakana yi:Olatani ahaleno ematcha ya tithinya,nimwiphe wihiyo nihaleno muhakhu awe. ³⁹Yamphara,empurulela okwipi wa ematcha emwipha.⁴⁰Awa mwanene a ematcha oni awerele heni anamalapa awo? ⁴¹Ale yamwakhula:Onamwatolosha anamalapa ale onanara murima,onan’wasa anamalapa akina enieveleleke sawima elukuluku yophwanelela.⁴²Yesu ahakoha ariki:Hamuntonko walakhanya sorempwa? Nluku nathanyiwa ti alipa opaka empa,nokoka nikhala nopharela empa.Ela enawela wa apwiya;Elatiyotikhniha vamithoni vanyu. ⁴³ Vawihiha kinnolelani: Munamwakhiwa omwene wa Muluku ni oni ovahiwe nloko na atchu nni noneiheke sa wima saya. ⁴⁴Yowo oni uwele nluku nla onamunyanyeya,ni yowo oni uweliwe ti nluku nla onmphitiwa.⁴⁵Asitokwene aephepa ni Afaresi,yiwaka mapwanapwaniho ala,yasuwela wi alotcha yawo. ⁴⁶Vava yanasa omphara,nave yanova muloko wa atchu,ntakhara wamwera mulipa amiririmu.

¹Yesu analela ni maphwanaphwaniho ariki: ²Omwene wa wirimu onalikana ni mwene mmoha apanke yotcha ya mwanawe athelá. ³Aharumiha anamuteko awe owitchana atchu yawopeliwe efesta yele. Nave yala hiyakhwenle owa.⁴Aharumiha tho anamutekpo akina ni masu ala: mwalele atchu yale owompwa : yotcha yomalela; imope saka ni inama ikina soneneva ihiphiwa m’we intche.⁵Nave awo hiyathokoronre ni yàmwalamwala mmoha ayaka omatcha wawe, mukina ayaka omarotchani wawe. ⁶Akinaku yahaphara anamuteko yale amwene, yahosha ewipha. ⁷Mwene owo àtepa onanariwa, arumiha anakhotcho awe yatoloshe alipa awipa yale, yeyela epoma aya. ⁸ Vava ahi wa anamuteko: yotcha yomalela, nave atchu owompwa haphwanelenle. ⁹Haweni mmakhilikano mwa iphiro, mwawope atchu othene muneranyu mwaphwanye. ¹⁰Vava anamuteko yale yàtchimula ni yahawopa atchu othene yaphwannyaya, òrèra murima ni onanara murima ni empa yàsareya.¹¹Vano mwene avolowa wi awehe alipa owompwa ni mwa yale àmphwanyamo mutchu nnoha ahiwanre yowara ya vothelani. ¹²Ni àmukoha ariki: nthamwene nvolon’wemo hai muhiwanre yowara ya vothelani? Nave owo hakhunleru. ¹³ Mwene aharuma anamuteko awe: mmakeni mata ni manani, ni muriheleni okhwipi ori epiphi: mummo onakhalamo wunla ni okhuriha minno. ¹⁴Tiwi awitchaniwa ari awatcha, nave othanliwa ari vakhani.¹⁵Vano afarisi yaron’waya, yàthukumana evanelaka mampharelo Yesu mmalotcheloni mwawe. ¹⁶Yàmurumihela muhusera vamoha ni atchu akina a muloko wa Herode, wi emukohe: muhusiha, nòsuwela wi ori a evelevelo, onahusiha evelevelo ene mphiro wa muluku ni hiwano nthalu ni mutchu, wona wi honavarera ethoi ya atchu. ¹⁷Vano munlele, munona hai; ninnaphwanela oliva musokho wa kaisara, akhweya hoye?¹⁸ Nave Yesu asuwela mupuwelo aya onanara, awakhula, ariki: owoka nyuwo,munakerera hai? ¹⁹Koniheni ekhorowa emoha. ²⁰ Nave Yesu ahakoha ariki: eruku ela ti yawani? Ni orempwennvo? ²¹Awo yamwakhula: ti ya Sèzar! Yesu awakhulatho ariki: mmukokihere Sèzar eri ya Sèzar, ni mmukokihere muluku eri ya muluku. ²²Yiwalaya yeyo, yàkhala òtikhina, nave emuhiyaka yawo yàrowa.²³ Nihiku nene nenle yamwatchamela Yesu asaduki, yawo ahinemerera sa ovinya mokhwani. Yàmukoha yowo, yì; ²⁴Muhusiha, Monse àhi: emwi mulopwana akhwa ahimuyanreru mwana, munnawe amuthele namukhwele, wi amuyarele anamwane. ²⁵ Yàkhalavo mwa hiyo alopwana athanu napili, onnayaru. Òpatchera athenlaiye, akhwa ahiyanreno mwariye, nave munnawe ahalano muthiyana yole ²⁶Hiha yahereya ni munnawe anawili, ni aneraru, ophiyera anethanu na pili. ²⁷Vomalihera yakhwilaya othene yawo, àkhwa muthiyanatho. ²⁸Vano, mwa ovinya mokhwani, muthiyana yole oni akhale awani wayale athanu napili onnaya, ntakhara othene yamuthela?²⁹Yesu awakhula: mohuwela, vohisuwela sorempwa nari ikuru sa muluku. ³⁰Evelevelo, movinyani mokhwani nari alopwana hanathela, nave athiyanatho hanatheliwa, nave othene ari ntoko ankelo a wirimu. ³¹ Wa ovinya mokhwani wa alipa òkhwa, himwalakhannye yele muluku alontchaiye ni nyuwo: ³²Miyo ka muluku Abrahamu muluku a Isaki ni muluku aYakobo? Owo tahi muluku atchu òkhwa, nave muluku àkumi! ³³Yiwalaya yeyo, muloko wa atchu watikhina ni ohusiha wawe.³⁴Afarisi yiwalaya wi Yesu ahamàliha Asaduki, yàthukumana . ³⁵Mmoha wa yawo, muhusiha a malamulo, àmukoha Yesu amwereraka: ³⁶Muhusiha, wa malamulo othene, ntokotokosha ti nivi? ³⁷ Yesu amwàkhula, ariki: wakhwele apwiya Muluku à ni murima à wothene ni okhumi à wothene ni miruku à yothene. ³⁸Nla nri nlamulo ntokotoko ni nopatchera. ³⁹ Nlamulo na nawili nnalikana ni nopatchera, tinla: omukhwele mukhwa à ntoko onikhwelawe weyo mwanene! ⁴⁰Masu othene a malamulo ni alipa a miririmu anaphareliwa ti malamulo yala mèli.⁴¹Afarisi ethukumanne Yesu ahakoha: ⁴²Nyuwo munupuwelani sa kristu? Mwana awani? Awo yamwakhula: ti mwana a Davide.⁴³Yesu ahi wa yawo: vano onlotchelani Davide, amwaléliwe ti munepa wi owo ti pwiya awe , ariki: ⁴⁴Apwiya àlotcha wa apwiyaka: okirathe mono aka wolopwana. Ophiyera miyo kakuhe amwitchana á vathi va inani sá? .⁴⁵Vano Davide onamwitchana owo pwiya, owera oni hai okhala tho mwana awe? ⁴⁶Nave havo awera omwakhula etchu. Ovinya nihiku ninlo harivo awera omukoha yowo.

¹Yesu àhalèla atchu ni ohuserawe ariki: ²Alipa orepa ni afarisi takiranthe vampatchoni wa Monse. ³Mwerekeno mutcharihaka sothene anohusihayani, nave muhilikanyiheke hiho aneraya. Yawo anona olotcharu eherakano. ⁴Annamakanya maphuta, enawireiha akhwaya nave akanene hanatesharu nari ni ekatha emoharu, mano. ⁵Sothene aneraya annera wi yoniweke t’atchu, annawara sowara sorakama ni annapateya irempwemo malamulo. ⁶ Ni onnàsivela okirathi vampuroni wotchitchimiheya motchani ni mmuthukumanoni: ⁷Onnàsivelatho olotcheliwa mumphironi ni witchaniwa amuhusiha.⁸ Nave nyuwo muhitchaniweke muhusiha, wona wi muhusihanyu ori mmoharu, ni nyuwo othene onnanyuru. ⁹Mwilaponi ahikhalevo muneranyu mmwitchaneke Tithi, wona wi Tithinyu ori mmoharu, yowo a wirimu. ¹⁰Nave muhitchaniweke muholi, wona wi muholi ahu ori mmoharu, kristu. ¹¹Yole ori mutokwene anyu akhale namutekwanyu. ¹²Yole onisunnuwiha, onarwa ayevihiwa; nave yole oniiiiyeviha onarwa annuwihiwa. ¹³ Otchilu ti wa nyuwo, alipa orepa ni afarisi, owoka! Ntakhara munnàwalela atchu omwene wa wirimu, wona wi nyuwo himunavolowamo, nari himunàhiya ovolowa yale anakhwelá. ¹⁴Otchilu ti wa nyuwo, alipa orepa ni afarisi, owoka! Nyuwo munnatcha itchu sa anamukhwele ni munisoniha ovekela vantchipale; tiva munamuthorihiwa vatokotoko. ¹⁵Otchilu ti wa nyuwo, alipa orepa, ni afarisi, owoka! Munetchetcha mphareya muyaka ilapo ikina, mwasaka omutcharusha mutchu mmoha mano, nave mwawera, omuhusiha, onakhala ophwanelela oya omoroni ikhwaha pili wopwahani nyuwo. ¹⁶Otchilu ti wa nyuwo, aholeli èvasi, muni: yowo onalipela empa ya muluku, olipela wawe ti wa siyo ; nave yowo onalipela muhakhu wa empa ya muluku, olipela wawe ti wophwanela otchariha . ¹⁷òlosowa ni èvasi! Tevi eri etokwene opwaha, muhakhu nari empa ya muluku eneliha muhakhu? ¹⁸ Munitho: mutchu olipela nipuro na mukutcho tahi etchu; nave olipela yovelèla vanipuroni na mukutcho, olipela wawe ti wororomeleya. ¹⁹Alipa èvasi! Tevi eri etokwene opwaha, ti yovelele nari ti nipuro namukutcho nnèliha yovaha? ²⁰Ntakhara yole onalipela nipuro na mukutcho, onnalipela nipuro nlo ni itchu sothene iri vavale. ²¹Nave yole onalipela empa ya muluku, onnalipela yeyo ni yole onakhala mummo. ²²Nave vomalihera, yole onalipela wirimu, onnalipela munyukhu wa muluku ni yowo okiranthevo.²³Otchilu ti wa nyuwo, alipa orepa ni afarisi, owoka! Nyuwo munalivela musokho wa itchu ikhanisha sa ematcha, nave munahiya itchu itokotoko sa malamulo, ti wi, wokololowa, ikharari, ororomeleya,ti hiha mwaphwanenlanyu otchariha, muhihin’yetho itchu ihe ikina. ²⁴Aholeli èvasi, nyu munamushasha tupusi nave munamira Ekhamila. ²⁵Otchilu ti wa nyuwo, alipa orepa ni afarisi, owoka! Nyuwo munamurapiha kopho ni eparatho vàteru, muniha mpuwa mwanyu musaren’ye wiya ni oluluwa. ²⁶Mfarisi wé ohona! Opatchere orapiha mpuwa , wi nivatevene ekhale yoréra.²⁷ Otchilu ti wa nyuwo, alipa orepa ni Afarisi, owoka! Munaphwanaphwana ni mahiye aheliwe ehava yawèla: vate anakhala wi tòrèa, nave mpuwa mwaya asareyamo makhuva amirutcho ni sothene sothanyeya. ²⁸Hihatho nyuwo, vate muri ntoko aphama vamithoni va atchu, nave mpuwa mwanyu mosareya owoka ni sònanara. ²⁹ Motakhaliwa nyuwo, alipa orepa ni AFarisi, owoka! Munatekela alipa miririmu mahiye ni oreriha mahiye awokololowa murima, ³⁰Nave muni: niha nri elukuluku ya makholo ahu, hinikawenre onanariha mata ahu ntoko awo enraya, ewiphaka alipa a miririmu. ³¹Munahelela onamona vawi evelevelo ene nyuwo muri anamwane a yale awiphale alipa a miririmu.³² Mwakhwanihe vano mphimo wa makholo anyu… ³³Inowa nyu, nloko na ivili, muni mutchawe hai othoriha wa omoroni?³⁴ Hiha kinnorumihelani alipa a miririmu, alipa a miruku ni òrepa……… nyuwo akina muna’wipha ni munamwathomeya vamwikimanyo, akina munamwawashula mmapuro ovekelamo mwanyu ni munarwa munan’wikara wa epoma ni epoma. ³⁵Vava munamukhalano nthowa na nikhami nothene na atchu awokololowa murima in’yeheriwe velaponi ya vathi, ovinya wa awokololowa Abel, ophiyera Zacariya, mwana a Barakiya, mmwiphalanyu mpa mwa muluku, vèri va nipuro na wèla nnipuro na ephepa. ³⁶Velevelo kinnolelani wi athu amutano, akhalano nthowa wa sothesene iha. ³⁷Yerusalemu, Yerusalemu, we onawipha alipa a miririmu ni onàvonya ni maluku yale orumiheliwawe! Ikwaha kavi kikhwenlaka wathukumanya anamwane à ntoko mwanakhu onathukumanyaiye ashana awe vathi va makuphelo awe, ni weyo hokhwenle. ³⁸Vano empanyu enamuthatuwa milepe. ³⁹Vawihiha, kinnolèlani: ovinya olelo himurwa mukòna ophiyera nihiku muneranyu mwere: òrelihiwa tuwo onarwa wa nsins na apwiya.

¹Yesu, akhumaka mpa mwa muluku, ohusera awe yàmwatchamela wi emuthonyere sotekiwa sa empa ya muluku. ²Yesu àhi wa yawo: munnòna itchu sothene iha? Evelevelo miyo kinnolelani wivava hokhalavo nluku vasulu va nluku nni nihipitchuliwe.³ Yesu akiranthe va mwako Oliveti, ohusera yàmwatchamela yaworu, elotchano eriki: munlèle: itchu iha inahala wereya lini? Nave tevi enenero ya orwa wanyu, ni omala wa elapo? ⁴Yesu àhakhula: onani phama wi ahikhale oni owokeni. ⁵Atchu antchipale anan’wa ekushe nsina naka, eriki: kristu ti miyo, nave awo anamwahuweliha atchu antchipale. ⁶ Munamwiwa sa ekhotcho ni olotchiwa wa ekhotcho; muhituthuwe, ikhotcho iho inamurwa, nave okutchuwa wa elapo hiwakunve. ⁷Ntakhara nloko nnamurosha nloko nikina, nave omwene onamurosha omwene. Nave mmapuroni mothene onamukhalamo etala ni otchikinyeya wa elapo. ⁸Itchu sothene iho ini ikhale mapatcherero a masoso ntoko a oyara.⁹Mwa elukuluku eyo anan’wonihani ekoi ni ann’wiphani, nave munamwitchiwa ti maloko othene wa nthowa na nsina naka. ¹⁰Antchipale a nyuwo anamukatchuliwa, akina ananvelelana ni witchana mukina ni mukhwawe. ¹¹Ananvinya alipa a miririmu owoka antchipale nave anamwahuweliha atchu antchipaletho. owoka. Wiwo oni okhalewo winla ni okhuriha minno.¹² Vanthowa na watcherereya waya sonanara, osivela watchu antchipale onamvukuwa. ¹³Nave yole ani avilele ophiyera omakutchuwelo, onanvulushiwa. ¹⁴Mitchaka yela ya omwene enamulaleiwa mwelaponi yothene yokhalamo atchu, wi iwerele onamona maloko othene. Vava teneraya ephiye makutchuwelo.¹⁵ Vano, mwarwa mona epahu yotolosha emanke vanipuroni nawela elotchiwe ti mulipa a miririmu Daniel, owo awalakhanya iwe phama, ¹⁶Yawo eni ekhale Oyudeya etchawele omiyakoni. ¹⁷Yole oni akhale vampani, ahikhuruwe wi arolele itchu sawe. ¹⁸Ole oniakhale mmatchani ahikòkele otchuli wi akushe sowara sawe. ¹⁹ Otchilu ti wa athiyana mahiku yawo eni ephwanyiwe erupanle ni emwamwihaka mwana! ²⁰Nvekeleke wi otchawa wanyu ohikhale mwa elukuluku ya eyita nari nihiku noworowa. ²¹Ti wi elukuluku yeyo enamukhalavo ekoi etokotoko, ehintonko okhala ovinya nihiku nopatchera na elapo ophiyera olelo, nari mano herwatho ekhala . ²²Mahiku ene yahàvukuliwe, havo ì avulushiwe. Nave, wa nthowa na othanliwa, mahiku yawo ananvukuliwa.²³Vano, akhala oni ere wa nyuwo: Mone! Kristu ori va! Nari: ori vale, muhemerere. ²⁴Ananvinyatho owoka awisera kristu ni alipa miririmu owoka. Yawo anamwerano inenero ni sotikiniha itokotoko wi, wawereyavo, yahuwelihetho othanliwa. ²⁵Onani, miyo kiholèlani .²⁶ Akhala oni ere: kristu ori otakhwani muhiyewo; nari: ori mwipitha, muhemerere. ²⁷Ophiya wa mwana a mutchu oni okhale ntoko overunya onarwaya onakhumawo nsuwa, ononeya ophiyera wiwo nsuwa nnavolowayawo. ²⁸Oni okhalewo murutchu wiwo enathukumanayawo anakhuku. ²⁹Yamalakaru masoso a mahiku yale, nsuwa nnarwa nripa, mweri howa warya, itheneri inammora wirimu, ni ikuru sa wirimu inamutchikinyeya.. ³⁰Hiha, wirimu onamoneyawo enenero ya mwana a mutchu nave maloko othene a vathi eni enammunlela. Emonaka mwana amutchu, awaka ahuruweliwe ni mahuruku a wirimu ni owera ni ovuwa otokotoko. ³¹Owo onamwarumiha ankelo awe wi, yopaka nipenka ntokotoko, anamwathukumanya òthanliwa awe ovinya onapatchera elapo ophiyera omakutchuwelo aya.³²Muhusere niphwanaphwaniho na mukùkhu. Mirai saya sarwela mithoma ni makukhu ephuwela, musuwele wi eyita yophiya. ³³Vamohamohatho nyuwo mona itchu sothene iha musuwele wi kristu ori vakhiviru, vamilako.³⁴Evelevelo kinnolelani wi atchu yala a mutano hevinyavo sothene iha iheren’ye. ³⁵Erimu ni elapo ya vathi inanvira, nave masu aka hewa evira.³⁶Havo mutchu onasuwela nihiku ni elukuluku itchu hiha inaphatchuwaya: nari mano ankelo a wirimu, nari mwana. Nave asuwenle T’atithi pahi.³⁷ Ntoko seren’yaya khalai mahiku a nowa, hihatho inamwereya ophiya wawe mwana a mutchu. ³⁸Owela wa mahi ohiphiyale, atchu yanatcha, yanawura,yanathela nave yanatheliwa, ophiyera nihiku Nowa avolon’waiye mmwatcheyani. ³⁹Ni hiyasuwela etchu ophiyera owa wa mahi yatolonshe atchu othene; oni wereye hihatho owa wa mwana a mutchu.⁴⁰Alopwana eli eri mmatchani, onamukushiwa mmoha, nave mukina ahiwe. ⁴¹Enamwereyatho wi athiyana eli eshilaka, mmoha akushiwe, mukina ahiwe . ⁴²Vano m’weherereke, ntakhara himusuwenle nihiku eneraya ewe apwiyanyu.⁴³Musuweletho ela: mwanene a vate asuwelaka nihiku mpava aneraiye awe, amm’wehereraka wi empawe ehikhuvuliwe. ⁴⁴Hiha nyuwotho mwiweherereke, ntakhara elukuluku yeyo muhinupuwelelanyu toneraiye awe mwana a mutchu. ⁴⁵ Vano tani namuteko òroromeleya niawisuwela, pwiyawe omuthanlilaiye wa anamuteko akina, wi àvahe yotcha mwa elukuluku yophwanelela? ⁴⁶òreriwa ti namuteko yole pwiyawe awaka oneraiye amphwanye apharaka muteko awe. ⁴⁷Tchiri kinnolelani wi pwiyawe onam’mwera mutokwene othokorora muhakhu awe wothene. ⁴⁸Nave namuteko yole akhala onanara murima, onamulotcha, ariki: pwiyaka onnalekelawo; ⁴⁹Apatchera wamana akhwawe, otcha ni owura ni atchu ohapaliwa. ⁵⁰Pwiyawe onam’wa nihiku ohinam’wehereraiye ni elukuluku ohinasuwelaiye, ⁵¹Amukhwasanye veri, amukerihe onipuroni na yale

¹Omwene wa wirimu onalikana ni asimwali khumi, yawo yakunshe ipanti saya emuthikireraka mulipa othela. ²Athanu yari olosowa ni akina athanu yari a miruku. ³Asimwali yale olosowa, ekushaka ipanti, hiyakun’shetho makhura makina. ⁴Nave ale athanu amiruku, yakusha ipanti saya, ekushatho makina mmapotoroni mwaya.⁵ Mulipa òthela ànalekela owa nave asimwali ale yàpatchera otuthela ni yàrupavo. ⁶Ohiyu oriyari wahiweya okhuwela: mulipa othela onnaphiya, khumani, mmuthikirere. ⁷ Asimwali othene yahuhumuwa, erehera ipanti saya. ⁸Asimwali òlosowa yàhera wa yale a miruku eriki: nivaheni makhura anyu, wona wi ipanti sahu sinnatchipha. ⁹Nave asimwali ale a miruku yàwakhula: hanakhwana wa nyuwo ni hiyo. Haweni wa alipa okuliha, mwakule awinyu. ¹⁰Eyaka okula, mulipa ohela àphiya. Yale a miruku yavolowa vamoha ni mulipa othela, nsele niwaliwa. ¹¹Vomalihera yàphiya ale yàkele okula makhura ni yàhera: pwiya, pwiya, nihuleleni. ¹²Owo àwakhula: evelevelo ene kinnolelani: nkosuwenleni. ¹³Mwiweherereke wona wi hamusuwenle nihiku nari elukuluku ene.¹⁴ Hihatho mulopwana mmoha apwahaka vate vawe àwitchana anamuteko awe ni àkawela muhakhu awe. ¹⁵òpatchera àmunnyale italento thanu, mukina italento pili ni mukina etalento emoha, ntoko owera wa mutchu ti mutchu. Ni àpwahavo. ¹⁶Yole akhenle italento thanu, vohilekela alapano apwanyeravotho ikina thanu. ¹⁷ Emohamohatho yole akhenle pili apwanyeravotho ikina pili ¹⁸Nave ole akhenle etalento emoha àkatchela nlitchi, àvithavo ikhorowa sa apwiyawe. ¹⁹Yamanlaya mahiku awatchene,mulopwana àkòka ni ahalakhanya ikhorowa vamoha ni anamuteko awe. ²⁰Yole akhenle italento thanu àvelela wa apwiyawe ariki: pwiya, mwakinnyale italento thanu, vano kinnonnyanitho ikina thanu kipwanyenrakavo. ²¹ Pwiyawe amwakhula, ariki: phama sene! Wanamuteko afama ni òroromeleya! Vawi wari ororomeleya nitchu vakhani, vano kinan’winyerera sintchipale. Wá, nikhale vamoha.²²Aphiyakatho ole akhenle italento pili, àhi: mwakinnyale italento pili, vano kinnonnyanitho italento ikina pili, kipwanyenrakavo. ²³Pwiyawe àmwakhula, ariki: phama sene! Wanamuteko afama ni ororomeleya ni itchu vakhani, vano kinnan’winyerera sintchipale . wá, nikhale vamoha. ²⁴ Navetho àwa ole akhenle etalento emoha ni alotcha ariki: pwiya, kihosuwelani wi mwa mutchu òlipa murima, onnahepha mummo ohanlawemo, ni onnathukumanya mummo ohimwaramwanrawemo. ²⁵kovelelaka kakatchela nlitchi muhakhu anyu. Yeyo mwakinnyalanyu, tila. ²⁶Nave pwiya àmwakhula ariki: weyo wa namuteko ònanara murima ni mulipa òporora! We wasuwela wi miyo kinnahepha kihanlakamo ni kinnathukumanya kihimwaramwanrakamo. ²⁷ Ntakhara sheni wahakerihawe mpa onakuhiwamo ikhorowa? Miyo kikonke, kammpwanya ikhorowa saka ni yawatchereravo aya! ²⁸ Vaholo vaya àlamula ariki: mwakheni etalento eyo emoha, ni mmunye yole orino khumi: ²⁹Evelevelo miyo kinnolelani wi yole orino onanvahiwa ni onamwatchano; nave yole ohirino, onamwakhiwa yeletho oraiyeno. ³⁰Wa namuteko ola òporora, muriheleni wiphini iwo! Wiwo onamukhalano wunla ni okhuriha minno. ³¹ Mwana a mutchu awa ni ntchitchimiho, vamoha ni ankelo othene, anawa akilathi vamunyukhuni vawe vomwene wa intchitchimiho. ³²Maloko othene anawa ethukumana vamithoni vawe ni yowo onamwamwalanya atchu, ntoko mukukhuli onamwalanyaiye iputcheputche ni ipuri. ³³Onawa akuha iputcheputche omononi wolopwana ni ipuri omononi wothiyana.³⁴Vava mwene owo onamulotcha ni yale amono wolopwana ariki: wàni nyuwo òrelihiwa a atithi aka, akhelani omwene woreheriwa wa nyuwano wopatcherani wa elapo. ³⁵Wona wi kàvoliwa etala ni nyuwo mwakivaha yotcha; kàkhalano ntchanana, nave mwakivaha mahi; kàri muletcho, nave nyuwo mwàkàkhela. ³⁶Nkarino yowara nave nyuwo mwakiwariha; kavoreiwa nave nyuwo mwàwa mukòna. ³⁷Vano atchu afama anawa emwakhula: pwiya nawonneni wowi muri ni etala nave novahani yotcha; nari ni ntchanana nòvahani mahi? ³⁸Nawonneni lini muri muletcho hiyo niwakhelani, nari muhirino yowara hiyo nowarihani? ³⁹Nawonneni lini mvoreiwaka, nari mukariposo, hiyo noshekurani? ⁴⁰Evelevelo kinnolelani wi yeyo mmwerenlanyu munnaka mmoha wa yala akhani, mukerenle miyo. ⁴¹ Vawihiha onamulotcha wa yale a mono wothiyana: Vinyanvo wa miyo, awulumeliwa, muye omoroni wohimala, opakeliwe satana ni ankelo awe. ⁴²Wona wi kàkhalano etala, nave hamwakivan’he yotcha; kàkalano ntchanana, nave hamwakivan’he mahi. ⁴³Kàri muletcho, nave hamwakàkhenle; nkarino yowara, nyuwo hamwakiwarin’he; kànavoreiwa ni kàri mukariposo, nave hamwakishekunre.⁴⁴Navetho yawo anamwakhula: pwiya nawonneni lini nvoliwe nàri muri ninntchanana, nàri muri muletcho, nàri muhirino yowara, nvoreiwaka nàri muri mukariposo, nave hiyo nihokhaviherani? ⁴⁵Owo onamwakhula ariki: Evelevelo kinnolelani: mahiku othene muhimwerenlanyu munnaka mmoha wa yala akhani, muhikerenle miyo. ⁴⁶Yala anawa eya ekoi yohimala, ni atchu afama wa ekumi yohimala.

¹Yesu amalin’haiye masu othene ala àhi wa ohuserawe: ²Mòsuwela wi ahanle mahiku meli ophiya paska, ni mwana amutchu onanvelèliwa wi akhomeliwe vamwikimanyo.³ Elukuluku yeyo asitokwene alipa ephepa ni aholeli a muloko yathukumana vate wa mulipa ephepa mutokotoko, nsina nawe Kaifàs. ⁴Yalakana vamoha merelo omphara ni omwipha Yesu. ⁵Yàhi: nave ehikhale elukuluku ya efesta, wi ohikhalevo mukhitcho wa atchu. ⁶ Yesu ari OBetània, vate va Simoni khalai ari a maretcha, ⁷Amwatchamela yowo muthiyana arino nipotoro na makhura awunkhela ni òwalamela, nave ànamuyehera Yesu mmuruni, aniha Yesu ari va mesa. ⁸Ohusera, yonnaya yela, yànanariwa ni yani: makhura ala anayeheriwani? ⁹Wona wi awo yan’wera okulihiwa phama, ni ikhorowa sene ikaweliwe alipa òhawa. ¹⁰ Nave Yesu vawiwa masu yale àhi wa yawo: Munamukhulelani muthiyana ola? Evelevelo ola onakerela etchu yaphama. ¹¹Tiwi alipa òhawa eni enamukhala ni nyuwo mahiku othene, nave miyo nkinakhala ni nyuwo mahiku othene. ¹²Ayeheraka mwili aka makhura awunkhela, muthiyana ola erenle ovithiwa waka. ¹³Evelevelo kinnolelani wi wiwo eneraya elaleiwewo mitchaka hiha, mu elapo , yothene ya vathi, yela enraiye ola enamulotchiwa upuweliwaka yowo..¹⁴ Vano mmoha wa ohusera khumi na pili, nsina nawe Yudase Iskariote, àya wa asitokwene a alipa a mukutcho. ¹⁵Nave ahakoha yawo ariki: munaya okivahani konnyani yowo? Awo yalakana omwinnya ikhorowa sa prata makhumi mararu. ¹⁶Ovinya nihiku nenle Yudase Iskariote ànasa elukuluku yaphama wi anvelèle. ¹⁷ Nihiku nopatchera yatchiwa epau ehiheliwe miropo, ohusera yamukoha Yesu eriki: munakhwela narehere wowi wi mmutchewo paska? ¹⁸Yesu ahàkhula: muye opma, akhala muneranyu mumphwanye, nave mmulèle yowo wi muhusiha ahu ori: elukuluku aka ennaphiya. Kinahawela omwera paska vate vá ni ohuseraka. ¹⁹Ohusera yàhera, yeyo ntoko arummaiye Yesu ni ymurehera paska.²⁰Wilakavo Yesu àpatchera otcha ni ohuserawe khumi napili. ²¹Etchaka hihale, Yesu alotcha wa yawo ariki: evelevelo kinnolelani wi mmoha a nyuwo muri vava, onamukivelela. ²²Ohusera yàthananasha, mmoha ni mmoha amukoha, ariki: akhweya ti miyo, pwiya?²³Nave owo àhakhula: yowo onarera vamoha ni miyo mparathoni, t’oni akivelele. ²⁴Mwana a mutchu onampwaha ntoko irempwaya, nave òtepa otakhaliwa yowo oni anvelèle mwana a mutchu. Wa yowo wàri waphama ahiyariweru. ²⁵Vano Yudase, yowo ì amukulihe, àmukoha: Muhusiha, wakhweya ti miyo? Nave Yesu amwakhula: à, we wolotcha.²⁶Vano etchaka, Yesu àkusha epau, àrèliha, àmeya, ni àhavaha yawo ariki: kushani ni tchàni ela mwili aka. ²⁷ Vano àkusha ekahi ni athamalela àhavaha ariki: wurani othene. ²⁸Ntakhara nla nikhami naka na watana, n’yehiwe wa nthowa na atchu antchipale nolevelela sotcheka. ²⁹Kinnolelani wi ovinya olelo nkiwa kiwura evinyu ela, ophiyera nihiku kineraka kiwure evinyu esyá ni nyuwo momweneni wa atithi.³⁰Yipalaya ntchipo, yavinya eyaka omwako oliveti. ³¹Vava Yesu alotcha wa yawo, ariki: ohiyu yola nyuwo othene munamukatchuliwa wa nthowa na miyo, vawi worempwa: kinammwipha mukukhula wi muhuwo wa iputcheputche omwalamwale. ³²Nave kivinnyene wokhwani, kinamuhola, mwakiphwanye Ogalileya. ³³Nave Pedro amwakhula ariki: enàmwi othene ekhwatchuliwe wa nthowa nanyu, miyo nkiwa kikatchuliwa! ³⁴Yesu àmwakhula: evelevelo, kinnolela wi ohiyu walelo, muthupi ohakunve wipa we onahala okikotcha ikwaha raru. ³⁵Pedro àhakhula, ì ! nari, erimwiwa kikhwe ni nyuwo, nkiwa kokhotchani. Ohusera othene yàlotcha emohamoha.³⁶Vano Yesu àya ni ohuserawe onipuroni nsina naya Getsemani àhalela yawo ariki: mukirathi vava: miyo kiyaka ovekela iwe. ³⁷Amukunshaiye Pedro ni anamwane eli a Zebedayo, apatchera othananasha, murima omwinna. ³⁸Vava ahi wa yawo: othanana waka onamukipisha wokhwani mukhale vava, mm’wehereraka ni miyo.³⁹ Entchaiye vakhani ayaka oholo, àkokhora ni ùramela vathi, anavekela ariki: Tithi, yawereyaka, evire kihonne ekahi ela! Nave ohereye okhwela waka, nave okhwela wanyu. ⁴⁰Vano àkokela wa ohusera ni aphwanya erikimukona, vano àlotcha ni Pedro ariki hamunawera oweherera ni miyo ewora emoha ni miyo? ⁴¹N’weherereke ni nvekeleke, wi muhuwelé mowokiwani. Munepa ti worehereyene, nave mwili ti wotchetcheya.⁴²Apwaha wili wili nave anavekela ntoko wopatcherani ariki: Tithi, wahiwereyakavo wi ekahi evire kihiwunre, yereye ntoko okhwela wanyu. ⁴³Akòkela wa ohuserawe ni aphwannye ekonaka. Ntakhara mitho yanàlimela. ⁴⁴Ahahiya akokela ovekela ekwaha yaneraru akokelaka nivekelo nimoha nenlo. ⁴⁵Hiha, akokela wa ohusera yale, alotchano, ì: Ninlelo munamukona? Mwitchuwaka? Vano yophiya elukuluku mwana a mutchu oneraiye aveleliwe mmatani mwatchu otcheka. ⁴⁶Nvinye nnapwaha, yole onaya okivelela, onnatchamela.⁴⁷ Yesu alotchaka hiha, àphiya Yudase iscariote, mmoha wa ohusera ale khumi na pili, vamoha ni yowo yawa atchu antchipale ekunshe ikatana ni ikopo, erummwe t’asitokwene alipa a mukutcho ni asitokwene a elapo yele. ⁴⁸Tiwi yole anvelenle avaha enenero, ariki: yowo kineraka kimunule, ti yowo, mumphare.⁴⁹ Hiha arikimphiyaru Yudase amwatchamela Yesu ni àmulotchela ariki: moni muhusiha! Nave amunula. ⁵⁰Nthamwene were etchu wawelawe. Atchu yale yamphara Yesu, emmaka.⁵¹ Mmoha way ale yari ni Yesu àhulula ekatana amphoreiha namalapa amutokwene alipa amukutcho, amukwasaka naru anwe. ⁵²Vano Yesu àlotcha ni mulipa okwasa ariki: kuha ekatana à, ntakhara atchu othene anaphoreiha ni ekatana, enahala ekhwetho ni ekatana. ⁵³Onupuwela wi wakhweya nkinawera waveka atithi, wi hihano vava ekirumihele ankelo antchipale opwaha miloko khumi na pili? ⁵⁴Nave kerano hiha, ini ikhwaniheriwe hayi sorempwa, wi itchu iha sereye? ⁵⁵ Elukuluku ene yele Yesu àlotcha wa atchu antchipale yawenle omphara ariki: nvinnye ni ikatana ni ikopo, murwelaka okiphara ntoko mpava? Mahiku othene kàkhala ni nyuwo kihusihaka mpa mwa muluk, muhikiphara. ⁵⁶Nave sothene iha inereya wi sereye sorempwa sa alipa miririmu. Vano ohusera othene yamuhiya etchawa. ⁵⁷Yale yamphanre Yesu, yàmukeriha wa Kaifás, mutokwene a alipa a mukutcho. Yathukumannayawo alipa òrepa ni asitokwene. ⁵⁸Pedro àmutchara aviraka worakamawo, ophiyera vatchatchoni va mutokwene àlipa a amukutcho. Nave avolon’waiye, akirathi vamoha ni anamalapa wi one etchu ele omala waya.⁵⁹ Asitokwene a alipa mukutcho, vamoha ni alipa òlotcha milatchu othene yànasa etchu yomotherano Yesu, wi ehorihele okhwa wawe. ⁶⁰Nave hiyawera ophwanya etchu enamwi yarivo anamona awotha antchipale . vomalihera yàkhuma anamona eli yamusomela Yesu. ⁶¹Eriki: ola alotcha ì: miyo kinnawera omwara empa ya Muluku nave kikòke kiteke mahiku mararu.⁶²Vava, avinya mulipa ephepa mutokotoko amukoha Yesu, ariki: honakhularu etchu sa yeyo atchu ala anosomelayano? ⁶³Nave Yesu hakhunle etchu, vano mutokwene a alipa amukutcho àlotcha ni Yesu ariki: kinnolipeliha wa nsina na Muluku wi onlèle wari weyo kristu. Mwana a Muluk! ⁶⁴Yesu àhakhula: ti hioha ntoko olontchawe, navetho kinnolela wi ovinya olelo munawa mmona mwana a mutchu akiranthe mono wolopwana wawarasha, ni awaka mmahurukuni.⁶⁵ Iwalaiye masu, ala mutokwene a alipa a amukutcho àhahula sowara sawe, ariki: oruwana! Ti sheni tho nnahawelahu niwasaka anamona? Mohiwa elukuluku yela oruwana wawe. ⁶⁶Munihayi? Othene yahakhula, onnaphwanela okhwa . ⁶⁷ Hiha akina yànamutaphera, mara owanoni ni yanammana. Akina yananvaha mapurata. ⁶⁸Eriki: namiririmu we,kristu, onnlèle tani omanné? ⁶⁹ Pedro era akiranthe vate, vatchatchoni, vano namuteko mmoha amwamuthiyana àmwatchamela Pedro ni alotcha ni yowo ariki: weyotho wàri ni Yesu muGalileya. ⁷⁰Nave Pedro akhotcha vamithoni wa atchu othene ariki: nari, nkisuwenle etchu yeyo onalotchawe.⁷¹ Avinyavo atchamela vamilako, namuteko mukina amwamuthiyana amona, àlèla atchu yàri vavale, ì: ola ari ni Yesu munaZareti. ⁷²Nave Pedro ahùlula alipelaka miyo nkimusuwenle mulopwana owo!⁷³Ohilekenlevo, Atchu yaletho yari vavale yàmwatchamela Pedro ni yàhera yì: evelevelo weyotho ori wa nloko na yale yetcha ni Yesu; malotchelo à annosuwanyeiha! ⁷⁴Pedro alipela aruwanaka ariki: miyo kiri, nkimusuwenle mulopwana owo! Nave arikimmaliharu, muthupi wàhipa. ⁷⁵Vava Pedro àhupuwela yeyo Yesu alontchaiye ariki: muthupi ohakunve wipa,weyo onamukikhotcha ikwaha raru. Aya okhwipi, aninla ni ososiwa murima

¹Washilaya, asitokwene a alipa amukutcho, vamoha ni asitokwene othene yàthukumana wi evanele omwipha Yesu. ²Vano yàmmaka emukeriha wa pilato, ari vanipuroni na mwene o Roma.³Yudase, yole anvelenle, onnaiye wi Yesu ahalakhanyeriwa okhwa, akhala ni akerelani. Vava akusha ikhorowa hiho sa prata makhumi mararu ayano wa alipa ephepa ni aholeli. ⁴ì: kotcheka, vonnvelela wiphiwa mutchu ahi nthowa! Nave awo yamwakhula, yì: eyo tahi yawuhu, ti yawá. ⁵Yudase owo àrihela ikhorowa ih empa mwa Muluku ni, avinyaka, àya iheya.⁶Nave asitokwene a alipa a mukutcho yàrola ikhorowa ihe ni yàlotcha eriki: tahi etchu yaphama opwesherera ikhorowa ni muhakhu wa empa ya Muluku, ntakhara ikuliweno nikhami. ⁷Yavanenlaya, yàkulano ematcha ya mulipa awupa miyapu, wi evithiwekevo anamawa. ⁸Tivava ematcha eyo enitchaniwaya ematcha ya nikhami ophiyera olelo⁹Hihatho yàhereya masu a mulipa a miririmu Jeremiya wi : Yàkusha ikhorowa makhumi mararu, ikhorowa sa mulipa òkulihiwa. Ntoko anawisarayele yamukulihenrayavo. ¹⁰Yàkulano ematcha ya mulipa awupa miyapu, ntoko apwiya yakirummaya.¹¹Vano àkerihiwa vamithoni va Governadore pilato, nave yowo àmukoha ariki: Ti we mwene ayuda? Yesu ahakhula ì: TI yeyo olontchawe. ¹²Nave emusomelaka asitokwene a alipa amukutcho ni asitokwene a nloko, Yesu hakhula etchu. ¹³Vano Pilato àmukoha ariki: honiwa sothene anosomelayano? ¹⁴Nave Yesu hamwakhunle etchu nari emoharu mano. Tiva Pilato àtepa otikhina.¹⁵Iyàkha sothene wa mahiku a paska, Governadore àkhovelela omutaphula mulipa òphariwa mmoha, nloko na atchu namukhwelaya. ¹⁶Vano, mahiku aphariwaiye Yesu, àkhalawo mulipa ophariwa òsuwanyeyasha, nsina nawe Baraba.¹⁷Vano Pilato ahakoha atchu yathukumanne ì: munakhwela kitaphule ani, Baraba nari Yesu oniwa kristu? ¹⁸Ntakhara Pilato ànasuwela wi yanvelènle Yesu wa nthowa na inrima. ¹⁹Pilato akiranthe vanipuroni na milatchu, amwariye yàmurumihela mitchaka eriki: ohere etchu ni mutchu owo aphama, ntakhara olelo nkirere ohawa molohani wa nthowa na mutchu yowo. ²⁰ Nave asitokwene a alipa a amukutcho vamoha ni asitokwene akina yàhasasera atchu othene, wi eveke otaphuliwa wa Baraba, nave wi iphiwe Yesu. ²¹Pilato àhakoha ariki: wa eli ala, munakhwela wi kitaphule ani? Awo yahakhula: Baraba! ²²Vanotho àhakoha ariki: nki Yesu, oneriwa kristu, kimwereleni? Othene yàmwakhula yì: akhomeliwe vamwikimanyo! ²³ Owo ahakohatho, ariki: yonanara tani enraiye? Nave awo yànvira enyakulaka, eriki: akhomeliwe vamwikimanyo ²⁴Vano onnaiye wi hawera wera etchu, nave atchu yànvira etepaka. Àveka mahi, ànyawa vamithoni va atchu othene ariki: miyo nkano nthowa nnikhami na mutchu ola. Mwereke munakhwelanyu.²⁵Hiha muloko wothene wahakhula: nikhami nawe nnimorele hiyo ni anihu. ²⁶Pilato amutaphula Baraba. Arumatho wi Yesu awashuliwe ni àhannya akhotcho wi akhomeliwe va mwikimanyo. ²⁷ Vano anakhotcho a Pilato yàmukusha Yesu emukeriha Opretòrio, nipuro nothoriha, nave wiwo yàthukumanya anakhotcho akina othene. ²⁸Yamurunlaya Yesu sowara sawe, yàn’wariha ekuwo yoshurumala. ²⁹Nave yàhupa ekhara yamiwa en’wariha mmuruni, mono wolopwana emphareliha ekopo. Nave yànakokhora vamithoni vawe enamuroha eriki: moni, mwene a ayuda!³⁰ Yànamutaphera mara, navetho ekushaka ekopo yele yànammana va muru. ³¹Yamuron’haya, yàmurula ekuwo yele yoshurumala, en’wariha sowara sawe, ni emukusha enaya omukhomela vamwikimanyo.³² Etchimulaka, yàmphwanya mulopwana o Sirene, nsina nawe Simoni ni yawo yàmpharela otesha mwikimanyo wa Yesu. ³³Yaphin’yaya vanipuroni niwa Golgota, ti wi nipuro na ekarakasa. ³⁴Yàn’wuriha evinyu yakanyeriwe ni wamwe; nmave owo, alawin’haiye, hakhwenle owura. ³⁵ Yamalin’haya omukhomela vamwikimanyo, yàkawana sowara sawe yaseraka ekari. ³⁶Yàkirathi enan’weherera. ³⁷Osulu va muru vawe wàrempwevo nthowa na othorihiwa wawe: ola Ti Yesu Mwene a Ayuda. ³⁸ Vamoha ni Yesu yàthomeiwa ampava eli, mmoha omononi awe wolopwana mukina wothiyana. ³⁹Atchu yavira yànamuruwana Yesu etchikinyaka muru. ⁴⁰Eriki: we onawera omwara empa ya Muluku, okòka oteka mahiku mararu, vano wivulushe! Wari mwana a Muluku, okhuruwevo vamwikimanyo!⁴¹ Vamohamohatho asitokwene a alipa amukutcho, vamoha ni asitokwene a nloko ni alipa òrepa yànamuroha eriki: ⁴²òhavulusha atchu akina, nave hanawera wivulusha, ari mwene a w’ sarayele akhuruwevo vano vamwikimanyo ni nnammwemerera yowo.⁴³ Amuroromela Muluku, Muluku yowo anvulushe vano ari mwi amukhwelaka, ntoko alontchaiye ariki: miyo ka mwana a Muluku. ⁴⁴Navetho ampava ale yathomeiwe vamoha ni yowo yànamuruwana. ⁴⁵Ovinyera ekopma yothana ophiyera othitimana wa nsuwa, epiphi yàhuruwela elapo yothene. ⁴⁶Ewora ya neraru yoshekuwa Yesu àlotcha alipihaka: eli eli, làma sabakthani? Ti wi: Muluku aka, Muluku aka, mukinyanyaleni miyo? ⁴⁷Atchu yàri vavale, yamwiwalaya, yanalotcha eriki: onamwitchana Eliya.⁴⁸ Vano mmoha wa yawo atchimaka, aya akusha ntchotche ananiha nvinyuni yosukumana, amakelela vakoponi nave ànan’wuriha. ⁴⁹Nave akhwawe yànera: omuhiye, nimone Eliya ariki awe anvulushe!.⁵⁰ Nave Yesu akhuwela alipihaka avelela munepa awe. ⁵¹ Elukuluku ene yeyo ekuwo ya mpa mwa Muluku yàhahuwa veri, ovinya osulu ophiyera vathi; elapo yatchikinyeya; maluku yàphweya; ⁵²Mahiye yàhuleya, nave mirutchu sintchipale sa atchu awéla murima sàvinya mokhwani. ⁵³Nave vokhuma mmahiyeni, kristu avinnyaiye mokhwani, yàvolowa mpoma wawela ni yàhoniwa t’atchu antchipale.⁵⁴ Muholeli atropa ari vavale vamoha ni atropa awe yam’weherera Yesu, yonnaya otchikinyeya, wiwo wa elapo, nitchu ikina saphatchuwa, yàtepa wova, enalotcha, eriki: evelevelo, ola ari mwana a Muluku. ⁵⁵Yakhalavotho athiyana antchipale yona sothene, erekamenlevo; tiyawo yamutchara Yesu ovinya OGalileya wi enamukhavihera. ⁵⁶Mwa yawo, yàri Maria Magadala, Maria amannya Yakobo ni Yosefe, ni Amayi aya anamwane a Zebedayo. ⁵⁷WIlakavo aphiya mulopwana amuhakhu, Yosefe, aw’Arimateya, ari ohuseratho a Yesu. ⁵⁸Owo àya wa Pilato ni ànveka mwili wa Yesu, ni Pilato alamulela wi annyiwe.⁵⁹ Vano Yosefe àkusha mwili wa Yesu, àhuruwela ni ekuwo yorèra. ⁶⁰Nave àmukuha munihiyeni nsani nakatchiwe va mwala. Oholo waya àpitchulelawo nluku ntokotoko ni àrowa. ⁶¹Maria Magadala, ni Maria mukina yàri vavale, ekiranthe oholo va nihiye.⁶² Mmeloni mwaya, tiwi nihiku noworowa, yàthukumana asitokwene alipa ephepa vamoha ni Afarisi wi yalotche ni Pilato. ⁶³Yàhi: Pwiya, nohupuwela wi namawoka ole ari mukumi, alotcha ariki: yavira mahiku mararu kinahala ovinya wokhwani. ⁶⁴ Hiha ninnovekani wi mwarume atropa anyu wi yaweherereke nihiye nlo ophiyera nihiku naneraru, wi ohusera awe ehiwe emwiyewo, ekoke yalèleke atchu: òvinya mokhwani. Hiha owoka wokutchula onahala otepa opwaha wopatchera. ⁶⁵Pilato awakhula ariki: ala, alipa owehera awo; mwakushe yanaweherera ntoko munakhwelanyu. ⁶⁶.Vava yapwaha vamoha ni alipa owehera yale, yahiya vanihiyeni vavale, ehelavo enenero vanlukuni

¹Navinraya nihiku noworowa nihiku nopatchera na esemana, oyaka nusha, Maria Magadala,vamoha ni Maria mukina yaya oshekura nihiye. ²Motutusha elapo yatchikinyeya vatokotoko, munkelo a apwiya akhuruwaka wirimu. Awa apirikisha nluku na nihiye, akirathela. ...³ Ethoi awe yàri ntoko overunya, nave sowara sawe sari sawèla ntoko mutcharapo. ⁴Atchu yale yaweherera, yamonnaya, yàpatchera othukumela, nave ekhala ntoko òkhwa.⁵Nave munkelo ole àlotcha ni àhalèla athiyana ale ariki: muhòve! Kòsuwela wi munamwasa Yesu akhomeliwe vamwikimanyo. ⁶Yowo òvinya mokhwani, ntoko alontchaiye: và hamomo. Muwe mone nipuro nene akuhiwaiyemo. ⁷Vano, mwakuveke, mwalele ohusera awe wi ovihiwa wokhwani, owo ohòla, onaya OGalileya. Wiwo munammona. Miyo, kiholèlani. ⁸Athiyana yale yahakuva ovinyawo onihiyeni, yovaka, ehakalalaka vatokotoko. Yàtchimaka eya yalèla ohusera awe. ⁹Motutusha Yesu, ahathikilela yawo alotchela, ariki: Moni! Vavá yàmwatchamela,emphara inani, enamutchitchimiha. ¹⁰Yesu àlotchano yawo ì: muhòve! Muye mwalèle asinnaka wi eye OGalileya.wiwo anamukònawo.¹¹ Athiyana eyaka mumphironi, akina alipa oweherera yàya opoma yàlèla asitokwene a alipa amukutcho sothesene seren’ye. ¹²Ala yathukumannaya vamoha ni asitokwene a muloko, ni yavanelaya ni yawo, yàhava atoropa ikhorowa sintchipale. ¹³Yalèla eriki: mulotcheke hiyo nikonaka, àwa ohiyu ohusera awe emwiya.¹⁴Mulipa olamulela iwa sa yeyo, nnamuleketcha niwakiheni. ¹⁵ Yawo yàkusha ikhorowa ni yàhera ntoko yalèliwaya. Nave mitchaka hiha sinnavuwihiwa mwa Ayuda ophiyera olelo.¹⁶Yale khumi na mmoha yàvinya eyaka OGalileya, omwako Yesu athonyenriyewo. ¹⁷Yamonnaya, yàkokhora vamithoni vawe, nave akina yàkhwa minikwa.¹⁸Vano Yesu àwatchamela ni àlotcha ni yawo ariki: kòvahiwa ikuru sothene, wirimu ni vathiva. ¹⁹Haweni wa atchu a maloko othene, mwapakeke ohusera ka, munapatisa munsina na atithi, namwana ni namunepa wawela. ilukuluku.²⁰Nave munahusiha otchariha sothene korummakani. Tchiri, miyo kiri ni nyuwo mahiku othene ophiyera makutchuwelo a

¹Ala mapatcherero a mitchaka yaphama ya yesu kristu, mwana a muluku. ²Ntoko orempwaya mulivro a mulipa a miririmo yesayaʺ kinammurumiha murummuwaka vaholo vÁ, yowo onahala orehera mphiro Á. ³ʺMasu a okhuwela mutakwani reherani ephiro ya apwiya, okolani miphirosawe.ˮ⁴Akhuma yohani mpatisa mutakwani alaleyaka sa obatiso wa orukununusha murima wi sikhurumuweliwe sotcheka. ⁵Yakhuma atchu othene Óyudeya ni othene oyerusalemo wi yampwanhe yowo, yawo yanabatisiwa ti yowo omuhitcheni yordano, elokohaka sotcheka saya. ⁶Yohani awara mapururu a ekamila, Amaka ni mutcheka wa eworo muyununi oravo wamutakwani.⁷Annalalera ariki oholowaka onamwa yowo ori mutokotoko okipwaha miyo miyo nkipwanenle wurama wi kitaphule mi koisa isapato sawe. ⁸miyo kinopatisani ni mahi, nave yowo onarwa 0batisani ni munepa wawela.⁹Mahiku yawo yesu avina onazarete ogalileya, abatisiwa ni yohani muhitche yordano. ¹⁰Ariki, muruwa mmahini yesu anona wirimo ohuleni yewo munepa wawela,omukhuruwelaka ntoko ekaka i ya. ¹¹Nakhuma nsuni wirimo nriki we wamwanaka okhwele yasha. Mwa yowo kinahakalalakano¹²Mwa wakuve ya munepa wa mukeriha otakwani: ¹³Yowo ari mutakwani mahiku makhumi masheshe ereriwaka nisatana ari vamoha inama samutakwani, Ankelo yanamurumela.¹⁴Avinhaka yohani mbatisi a phariwaiye, yesu a vinha a yaka ogalileya, alaleyaka mitchaka saphama sa omwene wamuluko. ¹⁵Ariki: ʺElukuluku yohakwanela, omwenewa muluku wohatchamela.Rukunushani mirima nave roromelani mitchaka yaphama.¹⁶Nawe É tchaka mushereshere wa ephareya yogalileya, awna simone nimunnawe andreya e reyaka matchavi mphareya, nthowa nawi yari atchu otoha ihopa. ¹⁷Yesu alotcha ni yawo ariki:ˮkitchareni kiwereni alipa awatotha atchu.ʺ ¹⁸Mwawakuveya yahiya matchavi aya emutchara yesu.¹⁹Nave eyaka oholo yesu Ámona yakobo, mwana a zebedeu, ni munnawe yohani, yari mmwatcheyani emakaka matchavi aya. ²⁰Nave awitchana yawo tho. Yahahiya atithaya zebedeu mmwatcheyani ni anamalapa aya emutchara yowo.²¹Nave yaphinyaya nave yaphinyaya okafarnao, nihiku noworwa avollowa empa yovekelamo anahusiha. ²²Vawi atcha yatikhinani ehusihero awe, vawi ahusiha ni owera otokwene, tahi alipa orepa awo.²³Mwempa yele yovekelamo akhalamo mulopwana mmoha amakiwe ni munepa wonanara anhakunle ariki: ²⁴nri ni heni nyuwo yesu munazarayo? Mwawela ontowosha hiyo? Miyo kihosuwelani nyuwo mwa awela a muluku. ²⁵Yesu asamela munepa yole wonanara ariki:ʺ mala khumawa mutchu!ˮ ²⁶Vava munepa yolew wamutchikinha okhuwelasha, okhumamo, omuhiya.²⁷Atchu yari vavale yatikhina ni yannakohana eriki tiheni yela?ʺ mahusihero masani arinono tkuru analamulela minepa sonanara, ni iho sinamwiwelelaˮ, ²⁸Nave o vuwa wawe waha kuva omwalamwala elapo yothene ya ogalileya.²⁹Yesu avinhaliye mumpa yovekelamo aya owani wa simoni ni andreya, aholiwaka ti yohane ni yakobo. ³⁰Nave aponkosi asimoni pedro yari vamwinlini evoreiwaka oviha mwili. Mwawakuva yamulela yesu. ³¹Nave yesu awatchamela aphara ntata, oviha mwili wamalela, evinha emuruwela.³²Oshekuwakavo, nsuwa nnenle, atchuyamuruhela yesu othene ovoreiwa omakiwa ti minepa sonanara. ³³Atchu othene epoma yele yathukumana vamilako. ³⁴Yesu ahapenusha ovoreiwa anthipale, a iretcha sohiyanahiyana. Ahikaratho minepa sintchipale sonanara, hemerenre wiminepa hihe ilotche, vawi samusuwela³⁵Oyaka nusha yesu avinha aya otakwani ohimaki wewo anavekela wiwo. ³⁶Nave simoni ni akwawe yanamwasa. ³⁷Yampuanyaya, yalotchano, eriki:ʺ Atchu othene anna wasani.ˮ³⁸Nave yesu ahakhula arikiʺ hankoniniye okina. Niyeitchoko sokhuvela wi kalalere mitchaka wona wi tiyeyo ene kiwenlaka.ˮ ³⁹Nave aya mwitchokoni yogalileya wothene alaleraka mwipa sothene sovekelamo⁴⁰Nave ampwanha yesu mutchu ovoreiwa marecha amukokhorela ariki:ʺ pwiya, mwakwelaka okipenusha mokhalano ikuru sokipenu shano.ˮ ⁴¹Nave yesu amoriwa ikharari ahokola ntata, amutannya ni ahi:ʺ kinnakwela penuwa.ˮ ⁴²Elukuluku ene yeyo marecha yammalela.⁴³Nave yesu amulopolasha amurowiha mwawakuveya, ariki:ʺ ⁴⁴Ahikhale onerawe omulele, oye waisoneihe wa mulipa, ephepa ni ovahe yovelela a vanthowa na openuwa wa yele monse olamulenliye wi yeyo ekhale onamona wa atchu yawo. ˮ⁴⁵Nave yesu amulopolasha amurowiha mwawakuveya, ariki:ʺ44 Ahikhale onerawe omulele, oye waisoneihe wa mulipa, ephepa ni ovahe yovelela a vanthowa na openuwa wa yele monse olamulenliye wi yeyo ekhale onamona wa atchu yawo.ˮ

¹Akokenliye okolar a nawu , evenenrevo mahiku vavuwa wi awa ari owani. ²hilia, a ntchipale vatheukumana wiwo nave hiyarivo nipuro, nari vamilaka nave yesu analaleya mitchaka yaphama.³Akina yarya wa yesu, atchu asheshe emutenshe mulopwana orakala. ⁴Nave hiyawerya ophiya vakhiviru vawe vanthowa na watchu atchu. Nave, yamwarya vasulo vampa yesu ariyemo nave, emwaryeniyo yakurusha Nrepa nlnlo mulopwana awitcheliwa akamiyevo.⁵Onniye nroromelo Naya yesu ahiwa mulopwana owo orakalaʺ Mwamaka sotcha sa sokhurumuweliwaˮ ⁶Nave yakhalavo alipa orepa malamulo ekiranthe yamupuwela mmirimani mwaya: ⁷Onawereya hayi mulopwana ola olotcheke mwawihiha? Ole onamunyemulo muluku! Tani onakhurumuwela sotcheka ahiri muluku?⁸8 Mwawakuva yesu asuwela mmunepanu mwawe yeyo yupuwelaya mirima ni mwaya? ahi: ʺnthowa heni munupuwelelanya mmirimani mwanya? ⁹Tiheni yokheya olotcha wa mulopwana orakala: sotcheka sá sokhurumuweliwa! Nari olotcha yinya oteshe nrepa ná wetche?¹⁰Vano wi musuwele wi mwana a mutchu oklalano owerya velaponi okhuru muwela sotcheka,ʺ Ahi wa mulipa orakala: ¹¹Miyo kini! Vinya oteshe nrepa ná orake. ¹²Vawo avinha mwawakuva atesha nrepa nawe akhuma mpa vamithoni wa otchu othene, nave othene yatkiniheya, nave yamutchitchimiha muluku, nave: yalotcha eriki hanntonko wona etchu siyela.¹⁴¹³Yowo akhuma wanawili oya mushereshere mwa epareya, Nave atchu othene yaya wa yowo, nave yowo anahusiha.