Bible

John

1¹I kun səkur na təlam kuru təlam gu aɗagayi na Səku, kuru təlam ke Səku. ²Tun səkur aɗa gayi na Səku. ³Nda dlam be tawanke da ri gəri kuru na aci bai na be bai, ko be nda dlamu go aci.⁴I kun gəri na aro, aro payan ki ndawa gəd. ⁵Payan gu tifi kun ɗa ayiwa, da ayiwa bata da chimi bai.⁶Na nən dagai nda wane aci da ri Səku. ba ci dlugun Yahai. ⁷A ci dew gaɗa da bari labar i dak payan gu gada tike da bar jirewa da ri gəri. ⁸Yahai aci ne payan gu bai amman dew gaɗa aci da bar labar payan gu.⁹Jire payan gu wara a bar payan i ndawa mak a ye ni ikun duniya.¹⁰A ci a kun duniyau, nda dlam duniyau da ri gəri amman duniyau ziga ci bai. ¹¹Dew i ri nda gəri amman nda gəri ngənaci bai.¹²Amman ka ki gawa ngəna ci wara bar na jirewa na dlugun gəri, bar dikshi dəvo dlamanakshi kutli Səku, ¹³Sutuku nda yawakshi da dəvo dədəm na təka na da nen gaiwa bai amman dari Səku.¹⁴Kuru təlam gu da dlamungara nən da mbashi i gadava wa. Weka na kərmai gəri, kərmai wara a kaki ki nən wara vərew da ri Afak. ganiyak na herr na jirewa. ¹⁵Yahai bar labar gəri na ndokta wura maya, "So nən mi wara na rame kun ma, 'Nən ba ci ni da kuga, aci a riwu damba na nai.'"¹⁶Gaɗa da kun baci gəri wa gwid wa gən herr iɗak herr. ¹⁷A təro nda ba dumaya da ri Musa amman herr na jirewa dew dari Yeso məgənyi. ¹⁸Go nən wara ngalte ika Səku. wara aci ne rugeri Seku, wara a jampel Afək aci ne tatki nda ziga ci.¹⁹Sutuku saida adak Yahai lakwtu wara yahudauccin wanak parisauccin na leviyauccin iri gəri da Urshalima da jaya ci, "Ci tai?" ²⁰A ci da urikshi go gamdaya da rama, "I yu məgənyi bai." ²¹Zam akshi da ja ya ci wam, "Kile ci tai? Ci Iliya bi?" A ci ma, "I bai", akshi ma, "Ci nabi bi?" aci ma, "o o."²²Se akshi da rami ci, par ci tai, a rami ja gaɗa ja bi be wara ja rame ndak wanaya ja? ka ram tam i aɗa ci?" ²³A ci ma, "I yu wura mi a ndokta a kun pata: 'A dəmina dəvu məgənyi tərr,' ka ki mi wara nabi Ishaya ramu."²⁴Ndawa wara nda wana gu vire dari parrisauccin akshi nda ja ya ci da rami ci maya to, ²⁵"Ɗawun tam ka dlama Baptisma, ci məgənyi bai ci Iliya bai ci nabi bai?"²⁶Se Yahai dan gumikshi maya, "Iyu na dlam baptisma na am amman a gadava kun na nən darɗi wara kwazga ci bai. ²⁷A ci nən mi dew da kuga wara na bata fitka zayi sono zəgər gəri bai." ²⁸Jandu tuku mak dna dlamu i kun Bataniya da baka gadəra Urdun ri wara Yahai dlam baptisma.²⁹Da tlanu Yahai daki Yeso a ni ri gəri da rama, "A kina gwomak Səku mi wara amana aibuk duniya mak! ³⁰Su ne nən wara na dlam ramau 'Nən wara a ni da kuga rima na iyu gaɗa a ci a səkur ga.' ³¹Na ziga ci bai amman dlamin gara ka sunu, ada nda tatika du i Israila, Na dew na dlama baptisma na am."³²Yahai tatika ma na Nənwa Səku a fuwayi ka ki tataru da dəsku da ni darɗi aɗa geri. ³³Na sanutaci bai, ba ci wanai ga na dlam baptisima na am ramanai ma i da gəri na wanai Nənwa da fuwai nda dlampu na aci, aci ne ba ci dlama baptisma na Nənwa Səku go aibu. ³⁴I yu ne ka na aci katanasa su tuku wun Səku."³⁵Zam wam da tlanu lakwtu Yahai darɗi na pakurauccin gəri shirin, ³⁶akshi da ki Yeso a ni rikshi, Yahai daram ma, "A kina Gwomak Kakasəku!"³⁷Se pakurauccin gəri shirin gu da kina ci da rami sau. Se akshi nda dəgina Yeso. ³⁸Se Yeso da pimi da kakshi a dəga gəri da ramikshi ma, "Kwan cu tam?" Akshi dauri ma, "Rabbi (wato malum) ci na mbasu a rawan?" ³⁹Da ramikshi ma, "Anna kwa ki riwara aci dam mbasu." Akshi dam mbasu na aci gafugu gaɗa lakwtu damtu na awa goma.⁴⁰Gayi da kun ndawa shirin wara kərəmtu Yahai a rama, da dəgina Yesu a ci ne Andrawus, Yagana Siman Bitrus. ⁴¹Səkur ba yagana Saminu da rami ci ma, "Wa bana masihu" ⁴²Dan na aci i ri Yeso. se Yeso daka ci da ramma, "Ci ne Saminu wun Yahai da ye rauraci ma Kefas" (wato 'Bitrus')⁴³Da tlanu, lakwtu wara Yeso tlau an ci nyan gəri i Galili, Se da bi Filibus da ramici ma "adgen Iyu" ⁴⁴Filibus vire da Baitaiza marən da Andirawus na Bitrus. ⁴⁵Filibus da bi Natinal da ramici ma, "Nən mi wara Musa tarnu i kun dumaya na nabauccin ja bana aci Yeso wun Isibu da Nazarayi."⁴⁶Natinal da ramici ma, "Anya be bəlan Seram a viriyan gara da Nazariya?" Filibus da ramici ma, "Ayan ka ki." ⁴⁷Yeso ike Natinal a ni ri gəri tunu da rami i da gəri ma, "Aiki na nən Israila ki jirewa wara kunu gəri go aibu" ⁴⁸Natinal da rami ci ma, "Ka zigayu na na?" Yeso dauri ci ma, "Kabin Filibus da raure ci lakwtu wara ka diɗa waka ayau, ne kana ci."⁴⁹Natinal darami ci ma, "Rabbi (wato malum) ci wun Kakasəku, ci dəgəm Israila" ⁵⁰Yeso da rami ci ma, "Gaɗa na ramici ma ne ka na ci tun ka diɗa waka ayau kabar na jirewa? ⁵¹A ci daram ma, "Jirewa jirewa na rame ci ka ye lawan dəsku a rəpta kuru malaikawaccin Səku a gaya na fuwayi iɗak wun gi nən.

2¹A ku na yuwan kwan, na takwas zəba i kun kana ki Galili, mi Yeso ye ariwu. ²Yeso na pakurauccin gəri ke ndam pekshi miya zəbau.³Lakwtu wara am ngumuru datsen gara tunu mi Yeso da ramici ma, "Am ngumuru damən gara ⁴Yeso da ramitu ma, "Ama kade riga gada gemo? lakwtu ga gusku yaye zadeu bai" ⁵Mi gəri darami ndak wana miyau ma, "Be tawanke aci ramikun nen a dlamina."⁶Na vakənak zədu wara nda paida na akshi gada pek am i lakwtu ngumuru a riwu. ⁷Yeso da ramekshi ma, "Aniyana vakenanin gu na am" har akshi da niyudu perr har i wurau. ⁸Se aci daramikshi nda wanau ma, "A tlina kwayidu i marim baci ngumuru" se akshi nda dlami kasən.⁹Marim ndak ngumuru da tambi amgu na bai dlamun gara amsa karak, amman aci za ga riwara atu vere bai (amman nda wanau zigana ri wara akshi ba am gu) se aci nda dauri gəmsik amau baci ngumuru. ¹⁰Se da ramici ma, "Tike da barau am bəlan da sukur aku nen wayin gərin nda barau wara bata sau bai ci ka jəbna bəlan gu se gususku."¹¹Su be ajab sukur wara Yeso dlamu i rik zəba i Kana ki Galili ri aci tattiki kərmai gəri mi pakurauccin gəri ba ri ci jirewa.¹²A ku sunu, Yeso, mi gəri, yaganauccin gəri na pakurauccin gəri dew nakshi kafarnahum akshi dam mbasi ki yuwan rap.¹³Lakwtu ngumuri sa ada yahudaucccin den gara dan tau, se Yeso da yin gəri Urshalima. ¹⁴Aci da tashi ndak dəbət kwamin, na tumamin na tatabararin, na dna piya dagwada dam mbasu a riwu.¹⁵Se aci da limai gurutu daraikina akshi mak da kun wunduwa Səku, na tumamin gu na kwamamin gu. Aci da wayi na aywa dagwda dak piyau, da wayi na tebər shi. ¹⁶I dak dəbət tattabaru da ramik shi ma, "Angwena na jandau da ri tuku, ai vena na dlama wunduwa Afək i asak."¹⁷Pakurauccin gəri da tani ma da tarnu ma, "Gabgabta wunduwa ci antanyu." ¹⁸Se ndak garvauccin yahudauccin darami ci maya, "Ka tattika ja gənawa tawan tin ka tika dlama jandau?" ¹⁹Yeso daurik shi ma, "Aribgina na wunduwa Səku tuku, kuru i kun yuwan kwan na tlalti du."²⁰Se nda garvauccin Yahudauccin daram ma, "Ndalmi wunduwak Səku tuku i kun aman gumu fudu ayau zədu,karam ma ka tlatlidu i kun yuwan kwan?" ²¹Aci zigabai aci arma na wunduwa gubu tika gəri. ²²A ku a ci tlan gəri da kunu ndawa wara gamtak, da kugu pakurauccin gəri da tani aci ramu kasau, se akshi da bar jirewa i kun kakadu Səku na labar wara Yeso ramu.²³Lakwtu wara a kun Urshalima ari ngumurisa sa ada i ri gumun ndwa gawa da bar jirewa i kun dlugun gəri gaɗa akshi ikau ajab wara aci dlamu. ²⁴Amman Yeso tado kunu na akshi bai gada zigana akshi gid. ²⁵Gada aci ancu nen wan daramici aɗa genən bai, gaɗa a ci zigana be wara a gəshi nən.

3¹Na ba parresi dagai baci dlugun Nikodomu, marəm i yahudauccin.

³Yeso da ramici maya, "Jirewa, jirewa, in ndaskunu di gi nən bin, a dimo lawan garvak Səku bai." ⁴Nikodomu da ramici ma, "A dlama nana nda yawu nən wam dama aku aci garin gəri? A ci a tife bazhi mi gəri mashirin bai a ci a dumudu?⁵Yeso da ramici ma, "Jirewa, jirewa se da yawu nən da ri am na nənwa Səku bin a dumu tifa i kun garvak Səku bai. ⁶Be wara da yawu da kun təka ki təka, be wara da yawu da kun Nənwa Səku ke ki Nənuwa Səku.⁷Ka jabta bai, gada na ramici ma jibin gara se da yawu ci wam.' ⁸Kwaktak a fiya i rawanke mi atu ancu. kwa kəmu adərgu, amman kwaziga ri atu vire bai na ri atu a dima, sen ye kasen nən wara da yawu aci da kun nənwa Səku.⁹Nikodomu da gayici da rama, "Jandu tuku a dlama na na?" ¹⁰Yeso da kalaktici da ram ma, "Ci malum gugza ki Israila amman ka sanutu jandu tuku bai? ¹¹Jirewa, jirewa, na rame ci, ja rama be jazzigau kuru ja tatika be wara jaikau amman gusku yaye ka gənu be jaram bai.¹²In na ramici be wara a kun duniya ka bar jirewa bai a dlama na na ka bar jirewa in na ramici be wara a kun dəsku? ¹³Na nən wara ji dəsku bai se nən wara fuwai da dəsku, wun gi nən.¹⁴Ka ki mi Musa Sektu nbəkɗa i kun pata, ka sen ye nda sekta wun gi nən i dəsku. ¹⁵Gaɗa tike wara bar dici jirewa a be na aro mi go dadi giri.¹⁶Səku rro ntutu duuniya kapa da bari naa wən gəri waarra getak gəri, maa nən tawanke waarra bari naa jiirrew ii aci nən aa mutu bai amman aabi naa aarro kapa dəmarro. ¹⁷Səku rro wane wən gu ii kunu duuniya gaaɗa nda dlamu kaagala ii duuniya bai, amman gaaɗa duuniya da kaaci dari gəri. ¹⁸Nən waarra bari dici jiirrewa nən ndaa dlame ci kagala bai, amman nən waarra bari jiirrewa bii nən nda dlamu diici kagala sərram gaaɗa aci kuri naa bari jiirrewa ii kunu dləgun wən Səku waarra aci geetak gəri.¹⁹Su be mi dena shariya, payan dew kun duniya amman ndawa dantuci da ayiwa da miya payan gaɗa wanakshi mak gabshu. ²⁰Ba ci dlama wana gabshu tawanke ma kuru payan. kuru ani ri payan gu bai gaɗa nda wuthliɗa wana gəri bai. ²¹Amman ba ci wana na jirewa a ni ri payangu gaɗa da lawandu parak wana gəri gid. gaɗa wana gəri mak nda dlamakshi i kun Səku.²²A ku sau, Yeso na pakurauccin gəri da yi nakshi kun gagai judiya. I ri tunu aci dlami yuwan gawa na akshi a baptisima. ²³Yahai ye a tika baptisma i kun Aenon i dantu na Salim gada riyu na am tlapar ndawa a ni ri gəri a dlamekshi baptisma, ²⁴Lakwtu digo da ɗawu Yahai bai i kun dəlo.²⁵Se gamdaya da tlai i gadava pakurauccin Yahai jəgab na ba yahude i da rama viya. ²⁶Akshi da yi ri Yahai da rami ci maya, "Mulum nən gayi wara dlapu aɗa gayi na ci ke amiya gadira Urdun, wara ka dlam rama gəri, aki atika dlama baptisma, ndawa gawa a tika nya i ri gəri."²⁷Yahai da ram maya, "Nən a dimu ginneyi be bai de nda bare ci da dəsku. ²⁸Kun na aɗa kun kwazigana sau, na ram ma, "Iyu kiristi bai amman da wanena iyu i səkur gəri.'²⁹Ama aama ki gəmsek aama, manga gəmsek aama gu wara rido da kirimci wura gəri a perdai rankata gaɗa aci kima na wura gəmsek ama gu. Sau iyu ganiyak na perdai tlapar. ³⁰A ci a jiba sukuna iyu na puluta.³¹Nən wara deu da dəsku a dəsku na tike, nən wara dew da duniya ki duniya kuru a rama be wara ki duniya. Nən wara dew da dəsku a dəsku na tike. ³²A bar labar be wara aci ikew na aci kərəmtu amman na nən antuto bai. ³³Nən wara gen na rama gərin zigadu Kakasəku jirewa.³⁴Nən wara Kakasəku wanau, a dlama rama Kakasəku, gaɗa aci abar nənwa Səku go kaktla. ³⁵Afək intutu wungo da bar dici be tawanke i kun ami gəri. ³⁶Ba ci bari jirewa i kun wungu na aro go dadigiri, amman ma kuru wun gu a lawan aro bai amman tlimid gizhi Kakasəku a dlapa a da gəri.

¹Lakwtu mi wara Yeso zigadu parrisaucin gu abin dak diga geri. ²(Yeso na ada geri da dlami ci baptisma bai amman nda dlam du i pakuraucin geri), ³dai vina Judiya dayin geri i kunu Galili.Amman jəbəngara aci da yi da Samariya. ⁵Se aci da tefei da ɗa ki Samariya nda dauro ma Sychar a dantau a patata mi Yakubu bari wun gəri Yusuf.⁶Duwa Yakubu a riwu, Yeso diwatlingəri na rakan dambashin gəri miya dawau, dan tu na lakwtu zədu. ⁷Se amak da Samariya da nai i ma am, Yeso da jayatu ma, "A bara ni am na shi." ⁸Sartu pakurauccin gu jinakshi kun da i masayi bikta.⁹Se ama Samariyau da ramici ma, "A dlama na na ci Yahudu ka ja ya ga ama Samariya na bari ci am ka shi?" go be nibki Yahudu na Samariya. ¹⁰Yeso da daramitu ma, "Da kasigana barik Səku nen, na baci jaya kəm ma a baranai na shi da ka jaya ci da a bar dikəm am aro."¹¹Amau da ramici ma, "Wara ci na kurpi bai so duwau ke gazbər ka be am aro gu da rawan? ¹²Ci kadkana afaja Yakubu bi ba ci bari ja duwau, mi aci gum sau da riwu na kutlai gəri na fayin gəri?"¹³Yeso da kalaktitu da ramitu ma, "Tike mi sa am tukun a kəmuna giji wam, ¹⁴amman nən tawanke wara aye sau da kun am mi na baru a kimu giji wam bai, gaɗa am mi na baru a dlamangara am i kunu gəri mi barici am aro mi go dadigiri."¹⁵Amau da ramici ma, "Wara, a bara nai am tuku gaɗa na kəma giji wambai na vina ni i magum tuku." ¹⁶Yeso da ramitu ma, "A ji ka daure misakim kwanai i rituku."¹⁷Amau da ramici ma, "Iyu na məsek bai" Yeso da rami tu ma, "Karamna jirewa i dak kim na misek bai,' ¹⁸Gaɗa ka dlam misaskin vaɗ kuru mi ka da gayi na aci məsakəm bai be karam gu jirewa.¹⁹Amau da rami ci ma, "Wara na lawangu kabe ci nabi. ²⁰Afafkin ja dlamu nakwana iɗa guguyak tuku amman ci karam ma Urshalima a ne ri ndawa aye dlama nakwana."²¹Yeso da ramitu a bara jirewa Ama, lakwtu a ni mi ka dlama na kwana i afək i ɗak gugyaktu ko i kun Urshalima bai. ²²Kwa nakwana i be kwazga bai, ja ja nakwana i be jazgadu, ra ani da ri yahudauccin.²³Dəg na kasen lakwtu a ni, a rituku me wara ndak na kwana jirewa a dlama nakwana i afək i kun Nənwa Səku na jirewa, gaɗa afək gu a maka zada ndangu da dlapeci nakwana gəri. ²⁴Kakasəku Nənwa kuru ndak dlameci nakwana ye a dlame ci nakwana i kun Nənwa na jirewa."²⁵Amau da rami ci maya, "Na zigadu masihu gu ani (Nən mi da rauru ma məgənyi). Lakwtu aci den a rama dija be tawanke." ²⁶Yeso da rami tu ma, "I ne aci, ba ci dlame kəm rama tuku."²⁷A sartu ye pakurauccin gu zadenakshi. Se akshi da jibi jabtau dawun tam aci a rama na ama, amman go nən dlam rama idau, "Kancu tam?" ka rama na atu gaɗa gemo?"²⁸Se amau de vina dawai ma am gara, da yen gara kun da da rami nda ɗangu ma, ²⁹"An na kwa ki nən mi ramda nai be na dlamu mak. Su a dlaman gəri Masihu da, ko na na?" ³⁰Akshi dai vena dagu da ni ri gəri.³¹A sartu gu pakurauccin a tika dlame ci rama ma, "Mulum aci ta." ³²Amman aci daramekshi ma, "I na bikta wara kwa ziga bai." ³³Se pakurauccin gu da rame gatukshi ma go nən deu dici bikta, ko na na?"³⁴Yeso da ramekshi ma, Abən ga nin na dlam be wara baci wanai gu ancu kuru na damuna wana gəri. ³⁵Kwa ram bai ma, gaza tera hudu lakwtu karam da nin gara? Na ramekun, a suktina aɗa kun i dəsku kwa ki patata kam gu na bai nawangara gazen karam! ³⁶Ba ci wana karam aye genyi tumanja na cacpu di aro me go dadegiri. Gada ba ci zəgəm na baci wana karam gu da kime karak iɗa gayi.³⁷I kun ramatuku jirewa, 'nən gayi a zəgəm, ma shirin a karam.' ³⁸Na wana kun kwa dlam karam be wara wana du bai. Ndawa jəgab dlan na wanau, kun ye kwadfinakun i kun wanakshi."³⁹Gawa da kun Samariyauccin gu wara vire ɗa dagu bar dici jirewa gaɗa rama wara akshi kəmau da miya amau, "Aci ramda be tawanke wara na dlamu." ⁴⁰Sartu mi wara Samariyayin gu deu ri gəri, akshi da jaya ci iɗak dambashi na akshi se aci da fuwi i ritun ki yuwan shirin.⁴¹Se ndawa gawa da Sekuni bar jirewa gaɗa tilam gəri. ⁴²Se akshi da rami amau ma, "Ja jirewa gaɗa be karamija bai, amman na adaja ja kəmadu, kuru jazegadu iɗak na nangu baci ra duniya.⁴³Aku na yiwan shirin tunu, aci da tli da ritunu da yin gəri Galili. ⁴⁴Gada Yeso na aɗa gəri gum rama nabi na martaba bai ikun dak shi. ⁴⁵Akshi ike na be wara mak aci dlamu ikun Urshalima a lakwtu ngumuri gaɗa akshi ye ju iri ngumuru.⁴⁶Zam aci da nai wam i Kana ki Galili iri wara aci mustu am i am dəninim na nən baci aɗa garva wara matikan gu gabɗai a kun Kaparrnahum. ⁴⁷Lakwtu aci kəma ma Yeso ivena Judiya a ni i Galili da ramici ma da nai ba, ndam gaci wun gəri wara a miya mutu.⁴⁸Yeso da ramici ma, "Se ke kau gagənawawen na bi bari ajab ben ka bar jirewa bai." ⁴⁹Baci aɗa garvau da ram maya baci martaba a yan damba mattkikam ga damci." ⁵⁰Yeso da rami ci maya, "A ji mattikam ci ngatin gəri" warau bar na jirewa aɗa təlam mi Yeso rame ci, se da yin gəri.⁵¹Lakwtu aci a kun rakan tunu, dan nda gəmən gəri na guzabcin gəri iɗak dəvo da rameci ma mayingu ngatin gəri. ⁵²Se aci da jaya akshi sartu mi wara ngatu akshi da rami ci ma, "Garvaca dantu na sartu ma gatkasa, furau guvo dai va ci."⁵³Se afəku da sanutudu kalkal na sartu wara Yeso ramici ma, "Mattkam ci a gatan gəri." gaɗa ka sunu aci na aɗa gəri na ndak kun wunduwa gəri mak da barna jirewa. ⁵⁴Su tuku bi ajab ma shirin wara Yeso dlamu lakwtu mi aci ive Judiya da ni Galili

5¹Aku na kasau, na ngumuri yahudaucin, se Yeso dayi fak i Urshalima. ²I kun Urshalima da fara mavgi timamin na ri cacpa am ɗagai nda ɗaurau da miya Ibraniyawa ma, Bethesa. Na bakakin vaɗ da peyi a miyau. ³Ndak fira gawa, dluguyaucin gurgaucin na ndawa garanak mak a miyau. ⁴A di ri sartu mi wara Malǝka Sǝku dew rǝbi am kun baci vigi sǝkur i kunu a gatan gǝri da zaɗa fǝra tawanke mi a jikta gǝri.⁵Na nǝn ɗagai a ri tuku, wara aman gumukwan ayawau ɗanda-hudu gadazak. ⁶Lakwtu Yeso ike ci davji ari'u aku aci sanutu wara dlam na 'yuwan gawa ari'u da jayaci, "kan cu ka be na kǝlapiya ci?"⁷Baci dagasgu da rama ma, baci martaba, "Iyu na nǝn mi wara a taɗi ga i kun amgu bai. Lakwtu wara nda rǝbǝn kabǝn na tlan takaɗ gayi i kǝman ɗagai da wǝrimi na ma iyu." ⁸Yeso da rami ci ma, "atlu, a mi rakici, ka dlam rakan.⁹Go tasǝna warau ndan ga cin gǝri da mina raki gǝri, da dlam rakan gǝri. Gafa ki putu yahudaucin.¹⁰Se Yahudaucin gu da rami nǝn wara dan gataci ma, Gusku gafa putu, jǝbi bai ka kakkiri bucaci." ¹¹Aci daram ma nǝn wara ngata 'iyu rama ma, "Ami bucaci ka dlam rakan."¹²Akshi da jayaci ma, "Waro tawan baci rame ci ma "Amudu ka dlam rakan?" ¹³Dǝk na ka sunu nǝn wara da ngatugu zǝga tai bai, gaɗa Yeso jin gǝri da dǝpsa da riwu, gaɗa ndawa dlamnakshi gawa ari'u¹⁴Daku gu, Yeso da ba ci a kun wǝnduwa Sǝku, da rami ci ma, aiki kangatunaci! ka dlama aibu wambai gaɗa be gabshu da ba ci bai." ¹⁵Warau da yin gǝri da rami Yahudaucin ma Ngatacin Yeso.¹⁶Gususku gaɗa jandau Yahudaucin da bar bone i Yeso, ma gaɗa dlamu wana tǝku i gafa putu yahudaucin. ¹⁷Yeso daramikshi maya, "Afǝk ga a wana ko gususku yaye i cam na wana." ¹⁸Gaɗak sau yahudaucin da maki tǝk na aci gaɗa aci kitli dumaya putu rugara bai har a daura Kakasǝku ma Afǝk gǝri, kuru a kaktla aɗa gǝri kalkal na Sǝku.¹⁹Yeso wurikshi ma, Jirewa, jirewa wǝn gu a dǝmu dlama be wambai gaɗa aɗa gǝri se dai aci ike be wara afǝkgu a dlamau be tawanke afǝku dlamau wǝngu a dlamau cam. ²⁰Gaɗa afek gu ntutu wǝngu a tattike ci be tawanke mi aci a dlamau, kuru aye tatike ci be na gawa gaɗa nda jabci.²¹Ka ki mi wara Afǝk tlatlau ndawa gamtak da barikshi aro, ka sǝn ye wǝngu a bari aro nǝn mi a ci ntutu. ²²Afǝk gu a dlama kagalau bai i nǝn gaɗa a ci barna kagalau i wǝngu. ²³Gaɗa tike da martabati Afǝk, nǝn mi wara martabatu wǝngu bin a martabata Afǝk gu wara wanne a ci bai.²⁴Jirewa jirewa nǝn wara kǝmana tilam ga da bar na jirewa i baci wanayi ga, bana aro mi go dadigiri, Nda hagata gǝri bai amman a sana aɗa mutu nye aro.²⁵Jirewa jirewa na rame kun lakwtu a ni, dengara sǝram mi ndawa gamtak a kǝmu wǝn Kakasǝku, ndak kirimtau a dlapa.²⁶Kaki mi Afuk na aro i kunu gǝri, aci bardu i wungu gaɗa aci ye da dlapa na aro i kunu gǝri. ²⁷Kuru Afǝk barna kǝrmai i wǝngu da dlam wana kagala aci wǝngǝ nǝn.²⁸Kwa dlama ajab iɗak su bai na lakwtu mi wara a ni tike wara akun auɗo a kǝmu na wura gǝri. ²⁹Avirayi viɗa, ndawa wara dlamna be bǝlan a tlayi i nye aro, kuru ndawa wara dlam wana gabshu a nye kagala.³⁰Iyu na dimu dlama be bai da aɗa ga, ka ki na kǝmu na kagala, kagala ga na adalta gaɗa na maka be aɗa ga bai se be ki baci wanayi ga. ³¹In na dlama rama gaɗa ga ne nin, labar ga a dlapa jire bai. ³²Na nǝn dagai wara a rama i aɗa ga amman nasgadu be aci arame ǝɗa ga jirewa.³³Kwa wane i Yahai kuru aci barna labar jirewa. ³⁴Labar wara na ngene da ri gi nin bai na rame kun sau gaɗa kwabi rra. ³⁵Yahai aci petila mi ata a weɗa, kwa maka dlama pǝrdai i kun payan gǝri ki lakwtu rap.³⁶Amman labar mi iyu na atu rima na ki Yahai, gaɗa wana mi Afuk bara nai na damudu wana wara na dlamau tatkidu iɗa Afǝk ne wane Iyu. ³⁷Afuk wara wana iyu aci ne aɗa gǝri ramma be i aɗa ga. Galte kwa kǝma wura gǝri i lakwtu tawanke. ³⁸Kun na tǝlam gǝri bai dambasu a kuna kun gaɗa kwa kasaktu bai na nǝn mi da waneu.³⁹Kwa bidiya kun kakkadu Sǝku kwa tuman i kunakshi kwa bi na aro mi go dade giri, Zam kakkadi ne arama i ada ga. ⁴⁰Amman kwan cu ni i riga bai gaɗa kwa be aro.⁴¹Na gǝni gitlib bai da ri ndawa, ⁴²amman nasgadu kun na ntu Kakasǝku bai i gǝzha kun.⁴³Na dew i kun dlugun Afǝk ga amman kwa gǝnayu bai, in nǝn dagai dew i kun dlugun gǝrin. ⁴⁴Kwa bar jire na na, kun wara kwa gǝne getlib da ri kamanchuɗ kun amman kwa maka gitlib mi a ni dari Sǝku bai?⁴⁵Kwa tuman gu ma na burguta na kun i kǝma Afǝk ga. Ba ci mpi kun aibu nin Musa, wara kwampa tuman kun i a ci. ⁴⁶Har kwa barna jirewa i musan kwa barda jirewa gaɗa a ci tarnu i aɗa ga. ⁴⁷In kwa bar jirewa i be aci tarnu bin, kwa bar jirewa na na i tǝlam ga?"

6¹Aku na be tuku mak, Yeso da palcin gǝri i baka anku Galili mi wara nda dauro ma anku Tiberiyas. ²Se marim algu a ɗiga gǝri gaɗa akshi i ka na bi ajap wara a ci dlamu i nɗak nda dagas. ³Yeso da yen gǝri fak i dǝsku gugyak i ri tunu dam mbashin gǝri na pakuraucin gǝri.⁴(Gusku ngumuri paska, lakwtu ngumuri Yahudaucin a dantau.) ⁵Lakwtu Yeso ike dǝsku da kǝ cacpa ndawa gawa a ni, da rami Filibus ma, "Wa masayi borodi da rawan gaɗa ndawa tuku da bi da ci ta?" ⁶ (Amman Yeso ram sau gaɗa ancu kaktla Filibus, gaɗa a ci na aɗa gǝri zǝga na be a ci aya dlamau.)⁷Filibus nda gumi ma, "Borodi kǝ dinary danamak shirin a baci be wam bai ko da ti ke abi rab rab." ⁸Gayi da kunu Pakuraucin gu, Andrawus yagana Saminu Bitrus da rami Yeso ma, ⁹"Na mayim a ri tuku na borodi vaɗ na vǝnakau shirin, amman su a dlam gǝmu i kunu ndawa gawa tuku?"¹⁰Yeso da ramma, "A ɗawina ndawa ndan mbasi ɗa. (A riwu na azǝm gawa). Se ndau ndan mbasi dantau na ndawa dubu vaɗ. ¹¹Se Yeso da mi dugul vaɗ gu da sambarkaci Sǝku, da bari ndawa ndan mbasu. Da dlam kasǝn wam na vunakau gu, i tike ka ki be a ci an cu. ¹²A ku tike wayin gǝri tunu, da rami pakuraucin gǝri ma, "A cacpa aɗa be mi gazau, gaɗa be da dlimata bai."¹³Da kun be nda cacpu gazau, da kun borudi na vanakau shirin gu akshi da cacpi da niyi na daɓǝrr guma ayawu shirin. ¹⁴Se lakwtu ndawa i ka bi ajab tuku, akshi da ramma, "Jirewa na nangu a ci ne nabi wara aya ni i kun duniya." ¹⁵Lakwtu wara Yeso sanutudu akshi a ya jǝba na a ci na awayau da dlam na a ci dǝgǝm, da virin gǝri kǝɗak da yi da ga yin gǝri dǝsku gugyak na aɗa gǝri.¹⁶Lakwtu aduwau dlamǝn gara tunu, pakuraucin gǝri dayi nakshi miya anku. ¹⁷Dayi da tufi nakshi i kun marǝm daragai am, da jǝb rakan i dǝsku ankuk aye kaparnahum, sartu ɗa gu ɗa ayiwa, Yeso zade bai i rikshi. ¹⁸Se zuwak mi awayau da tlai, anku da jǝb tambalta.¹⁹Lakwtu akshi dlam ndokta zǝger gumo shirin i nye i nye gomu kwan tunu, se akshi da ki Yeso a rakina yi iɗa anku a ni bǝram daragai gu, Se kalau da jǝɓ na akshi. ²⁰Amman a ci da ramikshi ma, "Iyu kwa kalwa bai." ²¹Se akshi da maki gǝni gǝri i kun daragai gu, go tasina daragai gu da zaden gara iɗa gagai ri akshi a ya.²²Da tlanu tunu, na algi gawa darɗi a baka anku da ki na daragai dama wambai se getak, mi Yeso tifi kunu bai na pakuraucin gǝri, gaɗa pakuraucin gu ji nakshi go Yeso. ²³(Se Yeso darakini ri wara deu da Tiberiyus dantau na ri mi wara nda ta dǝgul borodi mi Yeso Mǝgǝngyi barkawatu.²⁴Lakwtu algu sanutudu Yeso na pakuraucin gǝri a riwu bi tunu, se akshi na aɗakshi i kun daragai dayi kun Kaparrnahum a maka Yeso. ²⁵Aku akshi ba na a ci a jampel anku tunu, akshi darmi ci ma, "Malǝm ka deu ri tuku fatawan?"²⁶Yeso da ngumikshi da ramma, "Jirewa, jirewa, kwa maka ga ba gaɗa be ajab wara na dlamau bai , se gaɗa ne naye kun na bik ta. ²⁷Kwa dlama wana gaɗa masana wara a tǝraɓo bai amman a dlamina wana gaɗa masana wara a sukwakuya ki aro mi go dadigiri wara wǝn gǝ nǝn a baru, mi Suku Afǝk mpa di ci atimi i aɗa gǝri.²⁸Akshi da rami ci maya, "Ja dlama gǝmo gada ja dlam wana Kakasǝku?" ²⁹Yeso da ramikshi ma, "Sutuku ne wana kaksǝku kwa bar jire i kun nǝn mi a ci waneu.³⁰Se akshi da rami ci ma, "Bi gǝnawa tawan ka dlamau, gaɗa ja ki ja bari ci jirewa?" ka dlama gǝmo? ³¹Afǝfkin ja te manna i kun pata ka ki mi da tarna, "A ci barikshi borodi da ti da dǝsku."³²Se Yeso da ramikshi ma, "Jirewa jirewa, bari kun burodi da dǝsku nin Musa bai, amman Afǝk ga wara a tǝka bari kun borodi jirewa da dǝsku. ³³Gaɗa borodi da ri Sǝku atu ne wara vire da dǝsku mi bari aro i duniya." ³⁴Se akshi da rami ci ma, "Baci martapa, a barija borodi tuku fatawanke."³⁵Yeso da ramikshi ma, "Iyu ne borodi aro, Nǝn wara dew i riga a kǝmu maya bai. Nǝn mi barda jirewa ke a kǝmu gǝji bai. ³⁶Amman na rame kun kwǝ kwana Iyu, kwa bar jirewa bai. ³⁷Tike mi Afǝk gu bara a ni ri ga ba ci ni ri gatanas na rai ka gǝri i vǝɗa bai.³⁸Na dew da dǝsku, gaɗa rama bik aɗa ga bai, amman bik ntu ba ci wanayi ga. ³⁹Su tuku ntu gǝri ki baci wanayi ga, ma na dayana ko getak da kun ndawa wara a ci bara bai, amman tike wara i ka na wǝngun da bardi ci jirewa a bina aro mi go dadigiri, na tlatli na a ci wam i gafa damak duniya.⁴¹Se yahudaucin da jǝbi ngurngur iɗa gǝri gaɗa a ci ramma, "Iyu borodi mi dew da dǝsku." ⁴²Akshi da ramma, "Biwu su Yeso wǝn Yusufu wara wasagana afǝk na miwu bai? a dlama na na a ci a ramau ma, "Iyu na dew da dǝsku?"⁴³Yeso dan ngumi ma, "Aivi na ngurnur i gadava kun. ⁴⁴Na nǝn a dǝmo ni ri ga bai se mi Afǝk ba ci wanayi ga zareu a cin, na tlatli na aci gafak damak duniya. ⁴⁵Aturo da tarna i kun nabaucin, 'Tike Kakasǝku a gugza di ci.' Tike wara kǝmadu da gugzidu da ri Sǝku a ni ri ga.⁴⁶Tike ba ci lawan Afǝk bai, se a ci wara deu da ri Sǝku- a ci ne i ke Afǝk. ⁴⁷Jirewa, jirewa a ci ba ci bari jirewa na aro mi go dadigiri.⁴⁸Iyu ne borodi kǝ aro. ⁴⁹Afǝfkin kun ta manna i kun pata, kuru dam ti nakshi.⁵⁰Su tuku borodi mi dew da dǝsku, gaɗa nǝn kidi da kunu kuru damta bai. ⁵¹Iyu ne borodi mi katu, wara vireu da dǝsku. in nǝn tawanke kidu da kunu borodi tukun a dlaɓa go dadigiri. Borodi wara na barau gu tǝka ganai aro duniya.⁵²Yahudaucin da mi na gǝshi i gadavakshi da jǝb gamdaya i witakshi da jǝb ramau ma, "A dlama na na nanangu da bari wa tǝka gǝri wa kidi?" ⁵³Se Yeso da ramikshi ma, "Jirewa, jirewa se ko kwa kidu tǝka wǝn gǝ nǝn, kwa shi dǝdǝm gǝri bin kwa bi aro bai i kuna kun.⁵⁴Duk nǝn mi kidu tǝka ga da shi dǝdǝm ga bana aro mi go dadigiri, kuru na tlatli na a ci gafa tlatli duniya. ⁵⁵Gaɗa tǝka ga abǝn jirewa, dǝdǝm ga ye bik sa jirewa. ⁵⁶Nǝn ba ci ta tǝka ga, da shi dǝdǝm ga, a dlaɓa i kun ga, Iyu ke i kun gǝri.⁵⁷Ka ki Afǝk ba ci aro waneu Iyu, kuru kǝ na mbasu gaɗa Afǝk gu, tike wara kidu Iyu, a ci ke a mbasu gaɗa ga. ⁵⁸Su tuku ne borodi mi virau da dǝsku ka ki mi afǝfkin kidu damti nakshi bai. Ba ci kiɗa borodi tuku a dlabu har dimaro." ⁵⁹Amman Yeso ramu jandau tuku mak lakwtu mi a ci a kun Sǝsua cacpa yahudaucin lakwtu mi a ci a kun gugza i kun kaparnahum.⁶⁰Se gawa da kunu pakuraucin gǝri kǝma ka sunu tunu da rami ma, "Su gugza tuku tǝta, a a gǝnu nin tai?" ⁶¹Yeso gaɗa zǝgadu i kun gǝshi gǝri i adak pakuraucin gǝri a tǝka ngurngur i aɗak sau, se da ramikshi ma, "Su gu dlim tidi kun gǝsha kun bi?⁶²Wate a dlam na na in kwe ka wǝn gǝnin a gaye dǝsku i ri mi a ci virau wa ci?" ⁶³A bar aro gu nin Nǝnuwa. Tǝkau a ta paida be bai, tǝlam wara na rami kun gu Nǝnuwa Sǝku kuru atu aro.⁶⁴Kuru zam na wara a kuna kun bar jirewa bai. "Gaɗa Yeso zǝgadu tǝn da sǝkur gum na ndawa wara a bar jirewa bai, kuru na nǝn mi wara a ni da barna a ci. ⁶⁵A ci daram maya, "Gaɗa su ne na rami kun ma na nǝn ba ta bai da ni ri ga se in nda bari ci yarji da ri Afǝk ga."⁶⁶Gaɗa sau, gawa da kunu pakuraucin gǝri da yinakshi fak dlam rakan na a ci wam bai. ⁶⁷Se Yeso da rami guma ayawu shirin gu, "Kun ye kwan ci nya na kun bi?" ⁶⁸Simin Bitrus dan ngumi ma, "Mǝgǝngyi ja ye rawan? ci na tǝlam aro mi go dadigiri. ⁶⁹Ja barna jirewa kuru jasgadu ci ne nǝn mi go aipu ki Kakasǝku."⁷⁰Yeso da ramikshi ma, "Biwu na chik di kun nin Iyu bai, kun guma ayawu shirin, gayi da kuna kun lǝspǝr?" ⁷¹Su tuku a ci a rama na Yahuda wǝn Siman Iskariyoti ga ɗa a ci ne gayi da kun guma ayawu shirin gu mi aye barna Yeso.

7¹Aku jundutuku mak Yeso da jib rakan giri ikun Galili, Ga da aci an cu nya bai ikun judiya gada Yahudau cin atika maka tik na aci ²Ladatu Ngumun baka Ki Yahudacin den gara dantau.³Yaganaucin gir da ramici ma, ''Aironaritiku Kayi na ci judiya gada pukuraucinci cam da ki wana wara ka dlamu, ⁴Na nena dlamma Wana da dipsa bai in har aci anau Ndazigacin In ka dlama jandu tiken a tattik ada ci I duniya,''⁵Gada Yaganaucin girin Ngum barici irewa bai ⁶sǝ Yoso daramichima ,'' lacktu ga guskiyaye zada bai amman fatawamke kun na lacktu ⁷duniya a kurakun bai , amma akuru gu, gda na rama idagara ma wara gara gadshu .⁸Ada lri Ngumaru gu ,'' na yeri Ngumuru bai digo gada lacktu go guskiyaye jibki bi''. ⁹Aku aci ramikshi sau aci dorchingin i Galili.¹⁰ sartu yaganaucin giri jinakshi ri Ngumru tun ,aci ye da hi dayi amman nda kun ndiwe bai da dibsa. ¹¹Yahuawancin da tle makairi ari ngumu nu askin atikan ma "aci a rawan?"¹²Na rama Nakkadabai a gadawa Algigu ida giri, Ndo jigeab aramau ma aci nen bikin, ndo jidaba ma "a'a aci naci tlekdana na Ndawa da jirewa. ¹³Amman ye na nan mira i putata daram perak bai gada kalu Yahudancin.¹⁴Larktu wara Ndatifinaksh kun gadavaNgumuru tunu, Yesu da tifaii kan wənduwa səku, səi da jib gugza. ¹⁵Səi Yahudaucin da tib jabtau ma, "Nda dlum nana Nəngu na Zigaya rankata? "Ngalte Nda Tlamici gudzarbiu." ¹⁶Yeso dairamalshi ma, "taktika ganai ga kanəi bai amman da ri ba ci wanai ga.¹⁷In na nem mi an cu da dlum be intu girin, azigǝna bǝ ida gugza tuku ,ko virau da ri sǝku, ko na rama da ad ga. ¹⁸dik nen miwara a ramai adugiri a malca kilmai adagiri, amma dik baci malca kimai idala baci wanai giri, nen tumu nǝn jire, kuru go buka adalta ikun giri .'¹⁹Biwo musa barikun Dumaya bai? amman nen gǝtak a kuna kun jibi na dumayu bai, kwa maka tik ga gada gimo? ²⁰ sǝi algu nda gumi ma, '' ci lǝsperr, a maka tik cin tci?''²¹Yeso dauri, daramikshi ma, ''Na dlam wana gǝtak kun mak kwatika jabtau ²²Musa bari kan wuɗa ( sun gu dari Musa bai dari ndak gagaya) amman gafa Ngumuri sibuwa kwa dlam wana wudagi nǝn.²³In nǝn da dlamau wuda gafa ngumuri subduwa gada nda takdina dumaya Musa, sǝi be bai kwa tika shitan na ifu ma gada na bar kilapiya i nǝn gafu ngumuri sidurwa? ²⁴kwa kaktla nen da vida bai a ki na ci da kun adalta giri²⁵Ndo jigaba da Urushalima da rama '' bai su nǝn mira wara Nda maka tik giri tin bai? ²⁶akina, a rama i patata amman na ba ci dlamci rama bai, a dlaman gara garvaucin zigaba ma sǝku megnǝyi adlaba? ²⁷Amman wazigana riwara nangiu virau , Amman lactu mǝgnoyi de nen na nen miwara zigan virai giri bai .''²⁸sǝi Yeso da sǝkci wura giri I kun wǝnduwa sǝku , agugza aramau ma , kun mak kwazaga nayu na rimi navira na dew na adagabai amma baci wanai ga jire amman kwazaga ci bai ²⁹Na zigana aci gada na daw da rigi wanalyu aci .''³⁰Akshi dlamu da jibaci amman na nən Impa amai I dika giri bai ga da lacktu giri dlam bai digo.'' ³¹Amman gawa da kan algu bar dia jirewa akshi daram ma. Laktu mǝgenoyi den a dlamana gaginawa mi a rimuna bǝwera nan nagu dlamu? " ³²Pǝrrisaucin kimau ramatuku a vayak I kan algi idak bǝ arakan idak Yeso, sǝi Marin pǝrris na pǝ³³sǝi Yeso daram ma, "iyu gusku Gaye na da gayi na kum ki lacktu rab, da kugu na yin ga iri back wanai ga ³⁴kwa ye maka ga amman kwa bi ga bai, ri Maya kwa dimu bai."³⁵Yahudaucin darami igadavakshi ma, nǝmgu a ye rawan mi wara dimu bi giri bai? A ya nya giri girkabe dayi da jibi dlama gugza a gadava gǝrkaucin? ³⁶Zada tilam tawa mi aci ramu, " kwa ye maka ga amman kwa bi ga bai? ri mi na ya kwa dimu ni bai"³⁷Da kugu, gafa marim yewan Ngumura, Yeso da tli da sǝkci wura giri dci ram ma "in na nǝn baci kimu gǝfin, da dina da shi da riga. ³⁸Ba ci bar kirewa i kun ga, ka ki mi kakachi sǝku ramu . Gadira am aro a ye rawa da kumu bazhi giri".³⁹Amman aci dlam ramatuku idak nǝnwa wara ndak bari jirewa i kun giri aye gǝmew nda barici nenwau bai digo gada nda dlam kirmai bai digo i Yeso.⁴⁰Jigab da kun algu, lacktu akshi kima tilan tiku da ram ma, "nǝnnangu roo nabi". ⁴¹Ndo jigaba daram na nǝngu mǝgǝnyi. Amman, ndo jigab daram ma biegu mǝgǝnyi a ni da Galili bi? ⁴²beiu kakkadi sǝku ram bai ma mǝgǝmǝy a ni da kan sadak Dauda da Bataleimi da ɗa mi wara Dauda virau?⁴³Sǝ bira gada da wakatin gara i gadava algu ida giri ⁴⁴Ndo jigab maku akshi da jiba ci amman na nǝn wan bai wara ma ami giri ndan pi ada giri.⁴⁵ Sǝi maramcin nda wana da ninnakshi iri marim pǝrris na pǝrriscucin gu wara wanakshi " dawǝn tam kwa de na aci bai?" ⁴⁶Marimamin mawanak gu duram ma " Ngalte na nǝn mi wara ram rama kasu bi pa?"⁴⁷Sǝi pǝrriscucin gu ndan gumikshi ma, " kun ye ndulvatina kun bi?" ⁴⁸Na nen getak da kun garra ucin bari ci jirewa ko gayi da kun pǝrrisauci? ⁴⁹amman, algutiku wara ziga dumaya bai nda pidikshi miya"⁵⁰Nicodimus ( gayi pǝrrisaucin wara new lacktu dagan) da ramikshi ma ⁵¹Biyu dumayauwara hagata gǝnǝn sǝi nda kima da miyo giri na zigaya bǝ aci dlamu ra? ⁵²sǝi akshi dau wurici ma " ci ye da Galili bi? a ji ka butdiyi ka lawan du be na Nabi wara vure da Galili"⁵³kakkak bilan ki gamana dana yahai 7:38-8:11. Sei ti ke dayin giri wǝnduwa giri.

¹Yeso da yin gǝri i aɗak gugyak Olives. ²Dǝgigɗa a ci dayi kun wǝnduwa Sǝku wam, se algu mak danai a ci da mbashi da dlamikshi gugza. ³Malǝmcin dumaya na pakuraucin ndan di ci ama mi akshi jibu i dawana, akshi dan na atu dam pina atu i gadava.⁴Se akshi darami ci ma, "Malǝm, amangu nda jǝba tu a tǝka tapai. ⁵Gusku i kun dumaya, Musa rami ja ma nda virki zada ndangu na gugyayin: Ci wam ka ramma tam i aɗa gara?" ⁶Akshi ram su tuku gaɗa akshi a maka da jǝba ci na gaya ida gara, Amman Yeso da guɗki iɗa da dlam taran i gagai na gurbak gǝri.⁷Akshi irdi bai na jaya gǝri, a ci da tli dardi dǝsku se da ramikshi ma, "Nǝn wara na aipu bai a kuna kun sǝkur da banda virak gara na gugyak." ⁸Zam a ci da gugti da tarni iɗa wam na gurbak gǝri.⁹Sartu akshi kǝma ka sunu, akshi da bandi zǝrma gayi na gayi ɓandau da ɗa marmamain witakshi. Da ku gu ndai vina Yeso ru gǝri, se amau wara wa ci dardi a gadava. ¹⁰Yeso da tli dardi da ramitu ma, "Ama, nda ndak dlamekǝm adalama? Gayi da kunakshi jǝb kǝm na aipu be? ¹¹Atu daram ma, "Go nǝn, Mǝgǝngyi" Yeso da ram ma, "Iye na jǝb kǝm bai, a ji bi kem fak ka dlama aipu wam bai."¹²Zam wam Yeso da dlamikshi rama ma, "Iyu ne payan ki duniya, nǝn ba ci dǝga ga a dlam rakan i kun da ayuwa bai, amman a bi na payan ki aro." ¹³Parrisaucin da rami ci ma, "Ka bar saida i ɗa ci; saida ci jire bai."¹⁴Yeso da ramikshi ma, "Ko na bar saida aɗa ga, saida ganai jire, nasgana ri na deu kuru i na ri na ya, amman kun kwasga ri na deu bai na ri wara na ya. ¹⁵Kwa ngalta gǝ nǝn da tǝka, Iyu na ngalta gǝ nǝn bai. ¹⁶Amman da na ngaltan, ngalta ga a dlaɓa jire gaɗa Iyu ruga bai, Iyu na da gayi na Afǝk wara waneu Iyu.¹⁷Auwo, i kun dumaya da tarna ma saidak ndawa shirin dlamun gara jire. ¹⁸Iyu nǝn wara bari saida aɗa gǝri kuru Afǝk ye wara waneu Iyu bar saida i aɗa ga."¹⁹Akshi da rami ci ma, "Afǝk ci a rawan?" Yeso da ngumikshi ma, "Kwasga Iyu bai bale Afǝk ga; da kwas gana Iyu nin da kwasga na Afǝk ga cam." ²⁰A ci ram tǝlamin tuku da kun bitilman lakwtu wara a ci a kun gugza i kun wǝnduwa Sǝku na nǝn wam jǝba ci bai gaɗa sartu gǝri zadai bai dǝgo.²¹Zam a ci da ramikshi ma, "Na yanga fak; kwa ye maka ga, kuru kwa mutuna kun i kun aipabin kun ri wara na ya kwa dǝmu ni bai." ²²Yahudaucin da ram ma, "A tǝk aɗa gǝri bi? Gaɗa su ne a ci ramma, "Ri na ya kwa dǝmu nya bai?"²³Yeso da ramikshi ma, "Kun dak duniya, Iyu da dǝsku. Kun ki kun duniya Iyu ki duniya bai. ²⁴Gaɗa ka sunu, na rami kun ma kwa mutu na kun i kun aipapin kun. Se kwa bar jirewa iɗa Iyu ne a ci bin kwamtuna kun i kun aipapin kun.²⁵Akshi da ramici ka sunu ma, "Ci tai?" Yeso da ra mikshi ma, "Be wara na rami kun da sǝkur gara. ²⁶Iyu na be gawa na rame kun kuru na shariyata aɗa kun. Duk na ka sunu, ba ci wanai ga jire na be wara na kǝmau da ri gǝri jandau tuku na ramdu i duniya." ²⁷Akshi sanutu bai aɗa a ci aromau na akshi i aɗa Afǝk gǝri.²⁸Yeso da ramma, "Laktu wara kwa suktu na wǝn gǝ nǝn i dǝsku sartu kwas gudu Iyu ne aci, kuru na dlama be na aɗa ga bai ka ki be Afǝk gu gugza na ram jandau tuku. ²⁹Ba ci wanayi gagu aɗa gayi na Iyu, kuru iva Iyu i ruga bai gaɗa kulum na dlama be ntu gǝri." ³⁰I sartu Yeso a rama jandau tuku, ndawa gawa da bar di ci jirewa.³¹Yeso da rami yahudaucin wara bar di ci jirewa ma, "In kwa dlaɓu na kun i kun tǝlam ga, to jirewa kwa dlam na kun pakuraucin ga; ³²kuru kwa zǝgi na jirewa, jirewa ara na kun." ³³Akshi da ra mi ci ma, "Ja kakancin Ibrahim, ngalte ja dlam guzabcin gǝ nǝn bai, a dlama na na karam ma, 'Nda ra na ja'?"³⁴Yeso dan ngumi ci ma, "Jirewa, jirewa na rame kun nǝn tawanke mi dlamu aipu guzub aipu. ³⁵Guzub a mbasu kun wǝnduwa bai fatawanke; matkam a dlaɓe wǝnduwa fatawan ke. ³⁶Gaɗa kasau, in matikangu tligɗi na cin jirewa ka tligɗi na ci.³⁷Nasgadu kun kakancin Ibrahim; kwa maka tǝk ga gaɗa tǝlam ga na ri bai i kuna kun. ³⁸I na rama be wara nekau a ri Afǝk ga, Kun ye kwa dlama be kwa kǝmau da ri afǝk kun."³⁹Akshi dan ngumi ci ma, "Afǝk jan Ibrahim" Yeso da ramikshi ma, In da kun kutli Ibrahim nin da kwa dlama wana ki Ibrahim. ⁴⁰Amman gusku kwa maka tǝk ga ba ci rame kun jire mi na kǝma da ri Sǝku. Ibrahim dlam su bai. ⁴¹Kwa dlama wana afa kun." Akshi da rami ci ma, "Nda 'yaw ja da kun tapai bai; ja na Afǝk gayi, Kakasuku."⁴²Yeso da ramikshi ma, "In da Kakasǝku Afǝk kun nin da kwa ntuta na Iyu, gaɗa na deu da ri Kakasǝku so Iyu na ri tuku; Ngalte na deu gaɗa aɗa ga bai, amman a ci waneu Iyu. ⁴³Dawun tam kwa sanutu tǝlam ga bai? gaɗa kwa kǝma tǝlamin ga bai. ⁴⁴Kun ki afǝkun, lǝsper kuru kwan cu dlama be afǝkun ancu. A ci ba ci tǝk gǝ nǝn da sǝkur gara gum, ancu ri di iɗak jirewa bai gaɗa na jirewa bai a kunu gǝri lakwtu a ci a ramamin papiya, a rama da kunu gǝri gaɗa a ci ba ci ngadar kuru afǝk nda ngadar.⁴⁵Zam, gaɗa na rama jirewa, kwa bara jirewa bai. ⁴⁶Tai da kuna kun ba Iyu i kun aipu? In na rama jirewan dawun tam kwa bara jirewa bai? ⁴⁷Nǝn mi wara ki Kakasǝku a kǝmu na tǝlamin Sǝku kwa kǝmukshi bai gaɗa kun ki Sǝku bai."⁴⁸Yahudaucin gu dangumi da rami ci maya, "Biwu jire jarami ci bai iɗak ci ba samariya kuru ci na zuwak?" ⁴⁹Yeso da ramikshi ma, Iyu na zuwak bai, amman na martapa Afǝk ga, amman kun kwa kuru na Iyu.⁵⁰Na maka kǝrmai gada ga bai; na dagai a makau hagata. ⁵¹Jirewa, jirewa na rame kun in na nǝn mi jǝbna rama ga nin a ci fak a lawan mutu bai."⁵²Yahudaucin gu da rami ci ma, "Gusku ne jasgadu ci na zuwak, Ibrahim na nabaucin mutu; amman ka ramma, duk nǝn mi wara jǝb na tǝlam tukun, warau a tamba mutu bai. ⁵³Karmana afaja Ibrahim bi wara mutu? Nabaucin cam mutu, ci ka mana aɗa ci tai?"⁵⁴Yeso da ngumikshi ma, "In na bar saksakta iɗa ga nin, saksakta ga a dlaman gara vatku; Afǝk ga nai ne ba ci bara nai kǝrmai iɗak nǝn wara kwa ramma a ci Kakasǝku kun. ⁵⁵Kwa zǝga a ci bai, amman na dlaman ga ka ki ci kun, ndak papiya. Amman nasga na a ci kuru na jǝbna tǝlam. ⁵⁶Afǝk kun Ibrahim dlam pǝrdai na lawan lakwtu ga , a ci i kadu da kǝmi karak.⁵⁷Yahudaucin gu da rami ci ma, "Ka dlam aman gumu vaɗ bai, karam ma ke ka na Ibrahim?' ⁵⁸Yeso da ramikshi ma, "Jirewa na rame kun kabin nda dlam Ibrahim Iyu na riwu. ⁵⁹Se akshi ndan gwi gugyayin da tli vǝrika gǝri amman Yeso da dipshin gǝri da virin gǝri da kunu wǝnduwa Sǝku.

9¹Se Yeso a nuta, a ci da ki nǝn dagai tliguyu tun da ɗi gǝri. ²Pakuraucin gǝri da jaya ci ma, "Rabbi" wato malǝm, dlam nda 'yawa ci tliguyu?"³Yeso da ramikshi ma, "Biwu a ci warau ko ndak di gǝri bi dlam aipu, amman nda dlam na nangu tuku gaɗa Kakasǝku da tatiki aɗa gǝri. ⁴Wa dlama wana, wanak ba ci wani ga i kun afa, Dǝvid a ni mi go nǝn a dǝmu dlama wana. ⁵Lakwtu wara na kun duniya, Iyu ne payan ki duniya."⁶Da ku Yeso ram rama tuku tunu, da cirɗi nawuk i ɗa, da tamtli i gagai na nawuk gu da tligɗi i ɗa warau. ⁷Da rami ci ma, "A ji, ka viyi i kun gumbak Siloam (wara pesartu ma' wayi)." Se warau dayi da viye, da kalakten gǝri, a lawan.⁸Nda makabut warau na ndawa wara a lawan gǝri kulum dan mbasu a wili da jǝb ramau ma, "Su tuku nǝn wara kulum ndan mbasu a wili tǝnu bai?" ⁹Ndawa jǝgab da rama ma, "A ci." jǝgab da jǝb ramau ma, "O o, amman ka ki a ci" Amman a ci daram ma, "Iyu."¹⁰Akshi da rami ci ma, "To na na wam ɗa ci garǝbtak?" ¹¹A ci daramikshi ma, "Nǝn tunu wara nda daura gǝri ma Yeso tunu tamtli gagai na nawuk da tlibgi i ɗa ga da rama nayi gumbak Siloam na viyi, se na yi na viye na bina lawan gu." ¹²Akshi da rami ci ma, "A ci a rawan?" a ci da ramma, "nasga bai."¹³Akshi ndan na warau wa ci tliguyu iri parrisaucin. ¹⁴Dlamǝn gara gafa putu yahudaucin lawktu mi wara Yeso dlam wana rǝbtak ɗau. ¹⁵Se Parrisaucin gu da jaya wam, dlan na na a ci dabi lawan, a ci da ramikshi ma, "Warau tlibgi gagai i ɗa ga na viyi gusku kasau na lawan."¹⁶Parisaucin gu jǝgab da ramma, "Na nangu da ri Kakasǝku bai gaɗa a ci rǝbtu gafa putu yahudaucin bai" Ndawa jǝgab ma, a dlam na na nǝn gu ba ci aipu da dlam zada wana tuku? da ri tunu gamɗaya da tufin gara i gadavakshi. ¹⁷Se akshi da jayi tliguyu wam, "Ka rama gǝmu iɗa gǝri tun da ribtu di ci da ci?" tliguyu da ramma, "A ci Nabi" ¹⁸ Amman yahudaucin gu kurna bari jirewa iɗak waci warau tliguyu kuru bana lawan se da akshi dauri nda ɗi giri.¹⁹Akshi da jayi ndak ɗi gǝru, "Su tuku matkam kun bi mi wara kwa ramma da 'yawaci tliguyu? Da dlam na na gusku kasau a lawan?" ²⁰Mayaucin gǝri da ramma, "Jasgadu su tuku wǝn ja nda 'yawa ci tliguyu. ²¹Da dlam na na a ci a lawan, jasga bai, ba ci rǝbte ci ɗa gǝru ye jasga bai a jayina ci, a ci ye batan gǝri nǝn a dumuna rama iɗa gǝri."²²Mayaucin gǝri ram kasunu gaɗa akshi a kalau yahudaucin. Gaɗa Yahudaucin gu nǝbkina miya iɗa nǝn tawanke rama a ci Mǝgǝngyi nin nda virika na ci da lǝma ri cacpa yahudaucin. ²³Gadak su nu mayaucin daram ma, "A ci ye ka ada gǝri a jayina ci."²⁴Zǝgǝr kǝ ma shirin akshi da dauri a ci wara wa ci a ci tliguyu da rami ci ma, "A bar kǝrmai i Sǝku, jasgadu na nanangu ba ci aipu." ²⁵Se waru da ramikshi ma, "Nasga bai ko warau ba ci aipu, be gayi nasgau wa ci Iyu tliguyu, gusku kasau na lawan."²⁶Se akshi da rami ci ma, "A cu dlami ci tam? dlam na na da rǝb ti ci ɗa cu?" ²⁷Dan ngu ma, "Iyu na ramdi kun da kade, kwa kurna kǝrimtau, kwa jaya ga wam gaɗa kǝmu? kwan cu dlama pakuraucin gǝri bi kun gu? ²⁸Se akshi da nanga ci da ramma, Ci ne pakuraucin dlam rama i musa, Amman jasga ri wara nangu vire bai."³⁰Wara daramikshi ma, "Su tuku be bǝlan kǝ nan kwasga ri a ci virai bai amman deu na bai rǝbtina ɗa ganai. ³¹Jasgadu Kakasǝku a kǝrimta ba ci aipu bai, amman in nǝn hal gu bǝlan a dlama na be ntu gǝri a ci a kǝrimta na warau.³²Tǝn da dlam duniya, ngalte da kǝma bai ma nǝn wara da 'yawa ci tliguyu da ribtau ɗau. ³³In na nangu da ri Kakasǝku bin da a dǝmu dlama be bai" ³⁴Akshi dauri da ramma, Ci wara da 'yawuci i kun aipu ka ye gugze ja?" Se akshi da virkina ci vǝda da ri cacpa yahudaucin gu.³⁵Yeso da kǝmi ma akshi da na a ci da kun cacpa shi ki yahudaucin, se a ci daba ci, daramici ma, "Ka barna jirewa i kun wǝn gǝ nǝn?" ³⁶A ci dan ngumi ma, "A ci tai Mǝgǝngyi mi na bar jirewa na a ci?" ³⁷Yeso da rami ci ma, ke ka na a ci kura a ci ne ba ci rama na ci. ³⁸Warau da ramma, "Mǝgǝngyi na bar na jirewa" se da dlami ci nakwana.³⁹Yeso da ramma, na deu sharantata ikun duniya tuku gaɗa ndawa wara a lawan bai da bi lawan. wara wa ci a lawan da dlam nakshi tliguyu." ⁴⁰jǝgab da kun yahudaucin wara a da gayi na a ci mi kǝma sau da dlami ci jaya ma, "Jaye tliguyayin bi?" ⁴¹Yeso da ramikshi ma, "In da kun tliguyayin nin da kun na aipu bai amman gusku kwa ramma, "Ja lawan" gaɗa ka sunu aipapin kun a dlaɓa.

10¹"Jirewa, jirewa, na rame kun, nən wara dəma təfa da miya mafgi garta təmamin gu bin, amman da shi aɗau da dəvo dama, nən tunu akər na babu kapat. ²Ba ci təfa da miya mafgi a ci ne makwatak təmamin gu.³Ba ci dəmi mafgu a rəpte ci, təmamin gu a kəmu wara gəri, a ci ye ɗauru təmamin gu na dlugun shi da jikshi i vəda. ⁴A ku a ci dana kə ri i vəda, a ci dayi da nuti i kəma, təmamin gu da ɗiga ci gaɗa akshi zəga na wura gəri.⁵Akshi a dəga magəraf bai amman a kurna a ci, gaɗa akshi zəga wura magəraf cin bai." ⁶Yeso dlamikshi rama gamzazigai tuku, amman akshi sanutu be gəd a ramikshi bai.⁷Se Yeso da ramikshi wam, "Jirewa, jirewa, na rame kun Iyu ne mafgi daragai təmamin gu. ⁸Duk ba ci ni kabən ni ga akər na ba ci kapet, amman təmamin gu kur na kəremtak shi.⁹I ne mafgu, in tiye tufu da riga nin, na ra na a ci; a təfa da vəri da bi na rik dawa. ¹⁰Akər gu a ni bai se i kəra, na tək na tlimit. Na dew ga ɗa akshi da bi aro kuru da bi du tlapar.¹¹Iyu ne makwatak bəlan, makwtak bəlan a tadi aro gəri i təmamin gəri. ¹²Guzub ba ci wana tumanja, makwatak bai kuru təmamin gu kəri bai, in i ka dambaligun a ni nin aivana timamin gu da rawun gəri. Se dabatligurau raka na shi da wayinakshi. ¹³A ci a rawan gəri gaɗa a ci guzub seperata lambo gəri bai na təmamin gu.¹⁴Iyu makwatak bəlan, na zəga na kanai kuru ka nai ke zəga na Iyu. ¹⁵Afək ga zəga na Iyu, Iyu na zəgana Afək ga, kuru na bari aro ga gaɗa təmamin gu. ¹⁶I na təmamin dagai mi wara a kun daragu timamin tuku bai. Na ni na akshi cam, gaɗa akshi da kəmi wura ga gaɗa akshi da dlaminakshi gayi makwatak ke gayi.¹⁷Gaɗa sənu ne Afək gu an cu Iyu: Na bar aro ga gaɗa na midu wam. ¹⁸Na nən bata bai da midu da ri ga, amman na baru gaɗa aɗa ga, ina awayau baru, kuru i na awayau gənu wam. Na gəne awayu tuku da ri Afək ga."¹⁹Ɓəra aɗa wakatu wam da gadava yahudaucin gaɗa təlamin tuku. ²⁰Gawashi da ramma, "A cu na zuwak kuru ni yi na a ci, kwa kərəmta gəri gaɗa gəmo?" ²¹Ndawa jəgab da ramma, "Jandau təlam nin mi wara zuwak təfi təkau bai. Zuwak a dəmu na rəptak da tliguyu bi?"²²Se lakwtu da dlamin gara lakwtu ngumuri ki bar aɗa i kunu Urshalima. ²³Sartu bazara, se Yeso da yin gəri kunu wənduwa Səku i baka ri Sulemanu a mbasu. ²⁴Se yahudaucin da vərina a ci da rami ci ma, har fatawan ka jəba ja na tuman? in ci Məgəngyi, a rami ja parak."²⁵Yeso da ramikshi ma, "Na rame kun amman kwa bar jirewa bai wananin wara na dlamu i kunu dləgun Afək, tatiki di kun i tai. ²⁶Duk na kasau kwa bar jirewa bai ga ɗa kun təmamin ga bai.²⁷Təmamin ga a kərəmta wura ga: na zəga na akshi, kuru akshi a dəga ga. ²⁸Iyu na barikshi aro mi go dadigiri, akshi a mutu bai, kuru na nən bata bai da gumbakshi da amiga.²⁹Afək ga, wara bara ni akshi, rimana gagizhin ndawa duk. Kuru na nən bata bai da gumbakshi da kun amai Afək gu." ³⁰Iyu na Afək gu duk be gayi." ³¹Se yahudaucin gu ndangu guguyak zam gaɗa da vərka ci.³²Yeso ndan gumikshi maya, "Na tatəki kun wana bəlalimin gawa dari Afək. Da kun wanau tawan kwa ye vərka ga?" ³³Se yahudaucin gu da ramma ya, "Ja vərka ci gaɗa wananin bəlan gu bai se dai gaɗa ngadar ci, gaɗa ci nən gaiyiwa, kan cu dlama na ci Səku."³⁴Yeso da ramikshi maya, "Da tarna bai i kunu dumaya na ramma kun zuwak." ³⁵In a ci daurakshi ma zuwak nin, i ja gaye təlam Səku deu (go nən a dəmu musta rama Kakasuku) ³⁶Kwarami ci ma nən Afək gu in pe baka, kuru ndawa a ci i kunu duniya ba ci ngadar,' gaɗa na ramma Iyu wən Səku'?³⁷In na dlama wana Afək ga bi nin, kwa bara jirewa bai. ³⁸Amman in na wanau, ko kwa bara jirewa bai, a bara jirewa i aɗak wanau gaɗa kwa zəgi kuru kwa sanuti ci i dak Afək a kunu ga iye na kunu Afək gu". ³⁹Akshi maku da jəba ci wam amman a ci da pədən gəri da amikshi.⁴⁰A ci da yin gəri fak i gəre gadira Jordan i ri wara Yahai dlamu wana Baptisima ndan mbasun gəri i ri tunu. ⁴¹Ndawa wara a ni ri gəri akshi da ramma, "Yahai ngalte tatiki gənawa bai, amman be tawanke Yahai ramu i aɗa nangu jire." ⁴²Ndawa gawa da bari jirewa iri tunu.

11¹Gusku na nən ɗagai ba ci dləgun Lazarus ngabai a ci nən Baitaniya, ki da ja Marrayamu na yagana gara Martha. ²Marrayamu ne mi pi ci atrishan da tsenpina zəger gəri na yaɗ aɗa wara atu ne yagana Lazarus mi ngabai.³Yaganaucin amatau da wani Yeso ma, "Məgəngyi, se tai nən mi ka ntu gu ngabai." ⁴Lakwtu Yeso kəma tunu da ramma, fəra tuku ki mutu bai, amman ki dlama kərmai i Səku gaɗa wən Kakasəku nda dlamau kərmai da dalasau."⁵Gusku Yeso ntutu na yagana gara na Lazarus. ⁶Lakwtu a ci kəma ma Lazarus ngabai tunu, Yeso darɗi kə yuwan shirin i kunu ɗa wara a ci a riwu. ⁷Da ku gu, da rami pakuraucin gəri ma, "Wada i Judiya wam."⁸Pakuraucin gu da ramma, "Maləm" gususku tuku yahudaucin a maka vərka ci na gugyak zam kan cu kati na ci i ri tunu wam?" ⁹Yeso ndan ngumikshi ma, "Biwu awa guma ayawu shirin bai ki payan i kun yuwan gayi? In nən a rakan kunu afa nin a kəmu kurtum bai gaɗa a ci a lawan payan ki duniyak tuku.¹⁰Duk na kasən in a ci dlam rakan i kunu dəvid nin a dagəman gəri gaɗa payan gu a kunu geri wam bai." ¹¹A ci ramu bi tuku, aku jandau a ci da ramikshi, "Manga wa Lazarus vədin gəri i yuwan, amman na ya gaɗa na tlatli na a ci da yuwan."¹²Se pakuraucin gəri gu da rami ci ma, "Məgəngyi, in a ci vədən gərin, a tlai geri ai" ¹³Su tuku Yeso dlam rama mutu gəri, amman akshi a tuman rama yuwan ki putata. ¹⁴Se Yeso da vərakshi i patata da ramikshi ma, "Lazarus mutun gəri.¹⁵Na kuno gaɗa kun, gaɗa i na riwu bai, gaɗa kwa bar jirewa. Wada i ri gəri." ¹⁶Tamos, mi da daura gəri ma Didimus, da rami pakuraucin gəri ma, "Wa ye wada gaɗa wa muti nawa na Yeso."¹⁷Se Yeso da nai da tasə guvu Lazarus a kunu auɗo dantau yuwan fuɗu. ¹⁸Gusku Baitaniya a dantu Urshalima, gadavakshi dlam na mil guma ayawu vaɗ ya ye. ¹⁹Yahudaucin gawa deu nakshi ri Martha na Marryamu gaɗa da jəbi amikshi na mutu yaganakshi. ²⁰Se Martha laktu mi atu kəmau ma Yeso a ni tunu atu da tli nye wutai miya gəri, amman Marryamu dan mbasu a kwakunu wənduwa.²¹Se Martha da rami Yeso ma, "Məgəngyi, da ka ri tuku nin, da yagana ga mutu bai. ²²Ko gususku be tawanke ka jayu da ri Kakasəku nin a bar di ci." ²³Yeso da ramikshi ma, "Yaganakəm a tlayin gəri."²⁴Martha da rami ci ma, Nasgadu idak a tlayin gəri wam i lakwtu tlatli gafa lariya." ²⁵Yeso da rami tu ma, "Iyu ne tlatli duniya na aro, nən wara barda jirewa, ko mutu a tlayin gəri wam. ²⁶Kuru nən mi na aro da barda jirewa a mutu wambai. Ka bar na jirewa i aɗak sau?"²⁷Atu da rami ci ma, "Auwo Məgəngyi na barna jirewa i aɗak ci Məgəngyi wən Kakasəku wara a ye nye kunu duniya." ²⁸Lakwtu a tu dlam rama tuku mak, atu da yin gara da daurai yagana gara marryamu kəɗak da ramitu ma, "Maləm gu a ri tuku a daura kəm." ²⁹Aku atu kəma sən tunu, da tli kaɗe da yi ri gəri.³⁰Gususku yaye Yeso zadeu i kunu ɗa gu bai a ri wara Martha nda gumu na a ci. ³¹Lakwtu wara yahudaucin aɗa gayi na atu i kunu wənduwa, wara a baritu kəmar da ki Marryamu a tlayi kade-kade a ya virayi vəda akshi da dəgə atu a tumangu atu a ye kəma auɗo gu da dlam aɗan i riwu. ³²Lakwtu Marryamu deu i riwu tunu da tase Yeso da kə ci, da dagamən gara idak zəger gəri, da rami ci ma, "Məgəngyi in da ka ri tunu nin da yagana ga mutu bai."³³Sartu Yeso i katu a ɗanau, yahudaucin mi ɗəge atu cam a ɗanau, se mugurum da jəb na ci Nunəwa anakal gəri ke da tlingara. ³⁴A ci da ramma, "kwa səna ci rawan?" akshi da rami ci ma, "Məgəngyi ayan ka ki." ³⁵Yeso da ɗani.³⁶Se yahudaucin gu da ramma, "A ki ntu mi dlami Lazarus!" ³⁷Ndawa jəgab da ramma biwu na nangu bai wara rəbtu da tliguyu tunu bai, dawu nanagu bai damta bai?"³⁸Se Yeso zam, biwu jəb na a ci i gəshi gəri rankata da tli da yi ri auɗo gu, gusku a kunu gəriɗ gugyak, kuru nda cim na miyau na gugyak. ³⁹Yeso da ramma, "Nda ma na gugyak gu i baka." Martha, yagana Lazarus nən wara mutu gu da rami Yeso, "Məgəngyi, har i nye yaginangu, guvu a təraɓen gara be a ci gamtak har yuwan hudu səram." ⁴⁰Yeso da ramitu ma, "Na ramikəm bai i aɗak in ka barna jirewa, ka lawan na kərmai Səku?"⁴¹Se akshi da mina guguyak gu, Yeso da sukti da gəri dəsku da ramma, "Afək, na gode ti ci gaɗa ka kərəmta ga. ⁴²Nasgadu gaɗa kulum ka kərəmta ga amman gaɗa algi wara dardi na Iyu, na ram sau, gaɗa akshi da bar jirewa i aɗak ka waneu Iyu."⁴³Aku a ci ram su tuku a ci da dlam daura na awayau ma, "Lazarus a vəre vəda" ⁴⁴Nən gamtak gu da vəre vəda, zəger gəri na aikwak gəri da tausa na bakta kuru peska gəri cam da cima na bakta. Yeso da ramma, "A fətki na ci dayin gəri."⁴⁵Se gawa da kunu yahudaucin mi deu i ri Marryamu, i ka be Yeso dlamu tunu da bardi ci jirewa. ⁴⁶Amman jəgab da kunakshi dayi nakshi ri pərrisaucin da ramikshi be mi wara Yeso dlamu.⁴⁷Se marmamin pərristaucin na parisaucin da dlam cacpa i majalis da ramma, "Wa dlama gəmo? Na nangu a dlama gagənawa. ⁴⁸In waiva ci ka su ro ndawa gəd a bar di ci jirewa. Romaucin a ni da gəni na riwa na lardawa mak."⁴⁹Gəd na kasən na nən dagai a gadavakshi nda daura gəri ma Kayafas, a ci ne marim Pərrist ki gadava tənu, da ramikshi ma, "Kun kwasga be bai. ⁵⁰Kwa lawan gu bai ngalko nən gayi damti da miya duniyabu da damənakshi."⁵¹Gusku a ci ramu sau da aɗa gəri bai, gaɗa a ci marim pərrist ki amangu, be a ci diɗkau Yeso a ye mutu gaɗak duniya. ⁵²ba i duniya rugara bai, amman gaɗa kutlai wara dawaya da cacpənakshi i aɗa gayi i ri gayi ⁵³Tən da sunu akshi da jəbi maka dəvo təkna Yeso.⁵⁴Sukwakuyu bai, Yeso dlam rakan i patata i gadava yahudaucin, se datli dayin gəri darikshi i kunu gugyak dagai fak a pata i kunu ɗa mi nda daurau ma Ephraim. A ci dan mbasi na pakuraucin gəri i ri tunu. ⁵⁵Lakwtu ngumuri paska yahudaucin den gara dantau, ndawa gawa dayi nakshi i Urshalima lardu damba ngumuri gaɗa da viye aɗakshi.⁵⁶Akshi da tli maka Yeso, a rama i witakshi gayi lakwtu akshi darɗi a kunu wənduwa Səku, "Kwa tuman gəmo?" ma a ci a ni i ri ngumuri bai?" ⁵⁷Se marim pərristaucin na parrisaucin da bar izini i aɗak duk nən zəgana ri mi a kunu, da dina da rami dai nda jəbna a ci.

12¹Yuwan zidu damba ngumuri paska, Yeso da ni a Baitaniya, ri wara Lazarus mi Yeso tlatlau da kunu ndawa gamtak. ²Se akshi dlami ci masana ki adiwau Martha a təka barikshi be ta amman Lazarus ye gayi da kunu ndawa wara dan mbasu a miya tebur gu na Yeso. ³Se Marryamu da ni kwalba atirshan mi da dlam bəlan, da pe i aɗak zəger Yeso, nda tli saspeci zəger gəri na yaɗ aɗa gara; wənduwa gəd da ngənen gara na fan atirshan.⁴Yahuda Iskariyoti gayi da kunu pakuraucin gəri wara abar gəri da rami ci ma, ⁵"Dawun tam atirshan da dəbdau bai a dinari danamak kwan da ɓeri na dagwadau i ndak tliwa?" ⁶Su tuku a ci ramu ba gaɗa a ci a kəmu mugurum ndak tliwa bai ne, se gaɗa acu akər, laliter dagwdau a ami gəri an cu dabe da kəri du kunu.⁷Yeso da ramma, "Avinatu da jəbna be atu na atu gafa dabak ga. ⁸Kullum kwa dlaɓa na ndak tliwa a ri kun; amman kullum kwa dlaɓa na Iyu bai."⁹Se marim algi gawa ki yahudaucin da kimi labar ma Yeso a riwu; akshi da nai gaɗa Yeso bai amman da ki Lazarus wara Yeso tlatlu da mutu. ¹⁰Marim pərristaucin da nibki miya na akshi i aɗak Lazarus cam nda təkina a ci. ¹¹Gaɗa da dalasa gəri yahudaucin gawa dayinakshi da bar na jirewa i Yeso¹²Da tlanu ndawa gawa da nai i ri ngumuru, lakwtu akshi kəma ma Yeso a ye ni Urshalima, ¹³se akshi da tlaptai gabtak dəbino akshi dayi i wuta miya gəri a sukta wurakshi aramau ma, "Hosanna barka a ci nən wara aya ni i kunu dləgun Məgənyi; dəgəm Israila."¹⁴Yeso da bai mattikam kwara da mbasai adau ka ki mi nda tarnu, ¹⁵" Kwa kəma kalau bai mamu gamad zion; aiki, dəgəm kunu a ni, aɗa mattikam kwara."¹⁶Pakuraucin gəri da səkur sanutu su bai amman lakwtu Yeso a kunu kərmai gəri se akshi da tani jandau bal nda tarnu i aɗa gəri kuru nda dlam be tuku mak i a ci.¹⁷Se algu da ramma akshi aɗagayi na a ci sartu wara a ci dauru Lazarus da kunu auɗo da tlatlai na ci da kunu ndawa wara gamtak. ¹⁸Ci ye gaɗa sau ne algu da vire vəda dayi dautai miya gəri, gaɗa akshi kəmadu ma dlam zaddak be ka jandau. ¹⁹Se pərristaucin gu da rami i witakshi ma, "Aikina, kwa dəmu dlama be wambai, aika duniyau mak dəgəna a ci.²⁰Gusku na Girkaucin ɗagai wara a ye nya ri ngumuri gaɗa dlama nakwana. ²¹Sau dayi ri Filibus, wara virau da Baisada ki Galili da jaya ci da ramma, "jan ci lawan Yeso." ²²Filibus dayi da rami Andirawus; Anirawus na Filibus, dayi da rami Yeso.²³Yeso dan ngumikshi da ramikshi ma, "Lakwtu dlamin gara mi wən gə nən da dlamau kərmai . ²⁴Jirewa, jirewa na rame kun se ayawa alkama pa i ɗa damci atu adlapa na aɗa gara kasənu; amman in tirpən garan, a bar na ɗi gawa.²⁵Nən baci ntu aro gəri i kunu duniya tuku; a bukadu i kunu aro mi go dadigiri. ²⁶In nən ancu dlama wanan, to a ci da diga Iyu; gada ri wara na kunu, ri tunu ne ndak dlamanai wana cam. In nən tawanke dlama wana ga nən, Afək ga a gitliɓa na a ci.²⁷Gusku ankal ga tlan gara na rame kun tam? 'Afək a riwu da kunu lakwtu tuku amman gaɗa kasənu na deu lakwtu tuku. ²⁸Afək a dlama kərmai a dlugun ci, "Se wura dagai da vire da dəsku da ramma na dlam na kərmai kuru na sukuna kərmai gu wam." ²⁹Se cacpa algu wara dardi aɗa gayi na a ci da ramma na ngərən Kakasəku. Se ndawa jəgab da ramma, "Maleka ne dlam rama na a ci."³⁰Yeso dan ngumikshi da ramma, "Wuratuku de gada ga bai, amman gaɗa kun. ³¹Gusuku ne kagaltak duniya: Gususku ne ndaye wanaya garvakin duniya.³²Se nən Iyu, laktu wara dama na Iyu da duniya, na yuwa na tike i aɗa ga. ³³A ci ram sau gaɗa tatika zada mutu wara a ci aya dlamau.³⁴Se algu dan ngumikshi ma, "Ja kəmadu da kunu dumaya ma Məgəngyi aye dlapu go dadigiri. Ka rame ja na na ma, 'Nda suktu na wən ge nən a dəsku? wən gə nən tuku nin tai?" ³⁵Yeso daramikshi ma, payangu zam a dlapa na kun ki lakwtu rab a tlamina rakan lakwtu na payangu gaɗa da ayuwa da ta awayu kun bai nən ba ci rakan a kunu da ayuwa zəga ri a ci aya bai. ³⁶In kun na payan gu, a barina jire i kunu payanku gaɗa akshi a dlapanakshi kutli payangu." Yeso ram jandau tuku da yi da dəɓshin gəri da miyakshi.³⁷Duk na Yeso dlam gagənawa gawa arikshi amman akshi kurna bari jirewa i a ci. ³⁸Su tuku gaɗa təlam nabi Ishaya da bi da jəbkin gara wara ramma, "Məgəngyi wara bar jirewa i aɗa rama wa? Kuru a ci ne wara nda tatikau ami Məgəngyi?"³⁹Gaɗak sau akshi a bar jirewa bai, gaɗa nabi Ishaya zam ramma, ⁴⁰"A ci cim na dakshi, kuru a ci wuɗo na gəshakshi gaɗa kasən bin da akshi a lawandu na dakshi, kuru da sanutudu na gəshi da katai, da katai nakshi kuru dan ngatu nakshi."⁴¹Ishaya ramma jandau gaɗa a ci ike na kərmai Yeso a ci da rami ci. ⁴²Duk na kasau gawa da kunu garvaucin barna jirewa i Yeso amman gaɗa parisaucin akshi kurna tattkau i patata gaɗa kar yahudaucin da daptinakshi. ⁴³Akshi an cu githliɓ mi a vərayi da ri ndawa mi wara a vərayi da ri Səku.⁴⁴Yeso da gərnyi da ramikshi ma, "Nən wara bar jirewa na Iyu, barna jirewa na Iyu rugara bai amman na nən wara waneu Iyu cam. ⁴⁵Kuru ba ci lawangu ika na ba ci wanai ga.⁴⁶Na deu ka ki payan i kunu duniya gaɗa duk nən mi barda jirewa a dlaɓa i kunu ɗa ayuwa wambai, ⁴⁷In nən kəma na təlam ga amman kurna jəbau na dlame ci kagala bai, gaɗa na deu gaɗa dlama kagala i duniya bai, na deu gaɗa ra duniya.⁴⁸Nən wara kurna Iyu ke da kurna maraga na nən ɗagai wara a kagalata gəri, ramaga wara na ramau a kagala na a ci gafa tlayik duniya. ⁴⁹Gaɗa na ram da aɗa ga bai, amman Afək wara waneu Iyu, wara barda izini rama i aɗa be na rami na be naye ramau. ⁵⁰Nasgadu i ɗak izini gəri aro mi go dadigiri; sən ne be na ramo ka ki mi Afək rama, na rama tu."

13¹Sartu damba ngumuri ki yahudaucin, Yeso zəgadu i aɗak lakwtu gəri batan gara ki ivak duniya da yin gəri i ri Afək, aku ntutu nda gəri wara a kunu duniya tuku a ci ntutu akshi har i miya dadegiri. ²Na bai ləspər tənin ɗawudu i kunu gəshi Yahuda Iskariot wən Siman da barna Yeso.³A ci zəgadu iɗak barna be tawanke i kunu aikwak gəri kuru i aɗak a ci deu da ri Kakasəku zam a kalaktan gəri i ri Kakasəku. ⁴Se a ci da tli da ri tak masana aduwau da rənci na marim zanai gəri, se da mina arəyapu da twakshidu aku gəri. ⁵Se da pi am i kunu bi pi am da banji viya zəger pakuraucin gəri da tli saspau na miya aryapu wara takwse aku gəri.⁶A ci deu i ri Simon Bitrus, se Bitrus da rami ci ma, "Məgəngyi kaye viya zəger ga?" ⁷Yeso dan ngumi ci ma, "Be na dlamau tuku ka sanutu bai amman ka sanutu du da ku gəri." ⁸Bitrus da rami ci ma, "Wa ne ka viye zəger ga." Yeso da rami ci in na viye ci bin, ci na nuba bai da ri ga." ⁹Simon Bitrus da rami ci ma, "Məgəngyi ka viya zəger ga rugara bai amman na aikwak ga na aɗa cam."¹⁰Yeso da rami ci, "Nən wara gaviyak na paida dalma ci wambai se nda viye ci zəger gəri kuru, gaɗa a ci gaviyak; ci gaviyak amman tike bai. ¹¹Gaɗa Yeso zəgana nən wara a bar gəri, gaɗa sen ne da ramma, "Gəd kun bai gaviyak."¹²Sartu Yeso damina viya zəger shi se da ɗawuna marim zanai gəri dan mbashin gəri wam, da ramikshi ma, "Kwasgana be na dlami kun? ¹³Kwa daura ga maləm na Məgəngyi kuru kwa ramau kalkal, gaɗa Iyu kasənu. ¹⁴In de har Iyu Məgəngyi na maləm nin har na viyana zəger, kun ye kwa viya zəgər kamaca kun. ¹⁵Na bar di kun sanam gaɗa kun ye kwa dlam kasau¹⁶Jirew, jirew, na rami kun, mayim wənduwa a diki ba ci wənduwa gəri bai, ko mawanak daɗkina ba ci wənduwa gəri. ¹⁷In kwasgana su nin kun na barka in kwa dlaminakshin. ¹⁸Na ramatuku iɗa kun gəd bai, nasaga ndawa wara na chikɗu su tuku gaɗa kakkadu Səku da jəbki: ' Ba ci kiɗak borodi ga saktu na jigjiggəri iɗa ga.'¹⁹Na rame kun sau damba da wakati lakwtu wakata, kwa barna jirewa i aɗak Iyu ne. ²⁰Jirewa, jirewa, na rame kun, nən wara gənna nən mi na wanau, gənna Iyu kuru nən mi gənna Iyu, gənna nən mi wara waneu Iyu.²¹Sartu Yeso a ramu sau, a ci gajəktak i kun Nənuwa, a ci tatku da ramma, "Jirewa jirewa, na rami kun iɗak gayi da kuna kun a barna Iyu." ²²Pakuraucin gu da ki kamancu a jabtau a ci a rama na tai.²³Gayi da kunu pakuraucin gəri wara Yeso ntutu gadiginatak iɗa tebur gu da baka Yeso. ²⁴Simon Bitrus da viyki gadava pakuraucin gu da ramma, "A jayina a ci arama iɗa gaye." ²⁵Se pakurau da guɗtike wam i baka Yeso da rami ci ma, "Məgəngyi, biwu tai?"²⁶Se Yeso ndan ngumi ci ma, "A ci nən mi na dawa chile burodi na bari ci " se lakwtu a ci dawu burodi tunu da ba ri Yahuda wən Simon Iskarioti. ²⁷Se da ku burodi tunu, ləspər da tufi kunu gəri, se Yeso da rami ci ma, "Be kaye dlamau gu a dlandu kade"²⁸Gususku na nən wambai wara gadiginatak aɗa tebur zigau be wara dawu a ci da rami ci kasau bai. ²⁹Jəgab a tumangu ma ko gaɗa Yahuda na lalitar dagwda, Yeso da rami ci ma, "Amasana be wara wancu gaɗa ngumuri ko a ci da bar be dagai iɗak tliwa. ³⁰Aku Yahuda gənna borodu, dayin gəri vəda kade-kade sartu ye dəvid.³¹Lakwtu Yahuda jin gəri, Yeso da ramma, "Gususku wən gə nən a kunu kərmai, kuru Kakasəku ye a kunu kərmai i kunu gəri. ³²Kakasəku a kərmai ta na a ci i kun gəri tunu nən a kərmaita na a ci. ³³Mamau ngangamin na da gayi na kun, i kunu lakwtu wara gazau rab, kwa ye maka ga, ka ki mi na rami yahudaucin, "Ri wara na ya akshi a dəmu nya bai, gusku ye, Na rami sau i kun.³⁴Na bari kun kararak dumaya, i aɗak kwa ntuti kamancha kun, ka ki nan ntutu kun, kun ye an ntuta kamanchu kun. ³⁵Da sau tike a zəgedu kun pakuraucin ga in kun na ntu kamancha kun.³⁶Simon Bitrus da rami ci ma, "Məgəngyi kaye rawan?" Yeso dan ngumi ci, "Ri wara na ya, ka dəmu dəgau bai dəgo, amman ka dəgadu da kau." ³⁷Bitrus da rami ci ma, "Məgənyi dawun tam na dəmu dəga ci bai gususku? Na bar na aro ga gaɗa ci" ³⁸Yeso ndan ngumi ci ma, "Ka barna aro ci gaɗa ganai? Jirewa, jirewa na rame ci gaskam a dlam kwarya bai se ka dlam gamdaya ziger kwan.

14¹"kwa tlatla gəsha kun bai. Kwa bar na jirewa na Səku; kwa bara nai jirewa cam. ²I kunu wənduwa Afək gu na səsasin gawa; in da kasən be da na ramdi kun, gaɗa na ya na dal mi kun rai. ³In na jən na dal mi kun rai nin na ni wam na gən na i kun iri ga gada ri na kunu kun ye kwatlaɓi⁴Kwas gana dəvo ri wara naya." ⁵Toma da rami Yeso ma, "Məgəngyi jasga ri wara kaya bai; ja ziga dəvo na na?" ⁶Yeso da rami ci ma, "Iyu ne dəvo, na jirewa, kuru na aro; na nən ani ri Afək gu bai se da ri ga. ⁷Da kwas gana Iyu nən da kwa zəgina Afək ga cam; da da gusku kwasgana a ci. kuru kweka na a ci."⁸Filibus da rami Yeso ma, "Məgəngyi a tatika ja Afək gu, sən a ba ci na ja." ⁹Yeso da rami ci ma, Na dlaɓu ada gayi na kun gusku bai amman zam kwazga Iyu bai Fililibus? Duk nən mi ika na Iyu, I ka na Afək, a dlama na na, ka ramma, "A tatiki ja Afək gu'?¹⁰Ka bar jirewa bai iɗak Iyu na kunu Afək gu, Afək gu ye a kunu ga? Təlamin wara na rame kun, na rame kun ne ba da kunu kərmai ga bai amman Afək wara a kunu ga ne a dlama wana tuku. ¹¹A barna jirewa i ɗak Iyu na kunu Afək, kuru Afək gu ye a kunu ga; bi ye a barina jirewa i wanau na aɗakshi.¹²Jirewa, jirewa, na rame kun, nən wara barda jirewa a dəmu na dlama wana tuku har a dəmuna dlamau da ri mi na kasau gaɗa na yanga iri Afək gu. ¹³Be tawanke kwa jayin i kunu dləgun ga na dlama du i kun gaɗa da dlam kərmai i Afək be tawanke i kunu dləgun ga na dlama du.¹⁵In kwan ntutu na Iyu a jəbina dumaya ga. ¹⁶Na dlam magita i Afək ga se da bari kun ba ci impe gəsha kun wam gaɗa dlaɓi na kun go dadigiri. ¹⁷Nənuwa jirewa. Duniyau a gəni gəri bai gaɗa atu a dəmo lawan gəri bai bale da ziga ci. Amman kun, kwasgana a ci, gaɗa dlaɓu na kuk kuru a dlaɓa na kun.¹⁸Naiva kun rukun bai; Na kalaktai ga wam i ri kun. ¹⁹Na gagishin lakwtu rab, duniyau aye lawanga wambai, amman kun kwa lawan ga gaɗa Iyu na dlaɓa, kun ye kwa dlaɓu. ²⁰I gafa tunu, kwa zəgidu iɗa Iyu na kunu Afək gu, kun kwa kunu ga Iye na kuna kun.²¹Nən wara na dumaya kuru a jəbakshi, a ci ne nən ba ci ntu ga kuru ba ci ntu Afək ga a ntuta na a ci Iyu na ntuta na a ci na takəna aɗa ga i a ci." ²²Juda (amman Iskarioti bai ) da rami Yeso ma, "Məgəngyi da wən tam ka ye tatikəna aɗa ci i ja amman na duniya bai?"²³Yeso ndan ngumi ci ma, "Nən ba ci ntu ga tawanke a jəbana təlamga, Afək ga ntuta na a ci, kuru ja ni ri gəri ja dlama na wənduwa ja na a ci. ²⁴Nən mi wara an cu bai a dəmu jəba təlalimmin ga bai. Təlam wara kwa kumau dari ga bai amman da ri Afək wara waneu Iyu.²⁵Na rami jandu tuku i kun i lakwtu wara na dagai na kun. ²⁶Amman ba ci impi gəsha Nənuwa mi go aibu, wara Afək gu a ye wanayu i kunu dləgun ga a gugzadi kun be tawanke, kuru a tana dikun be na rame kun wa ci. ²⁷Nai vidu kun salama ga, na bardi ci salama gu, Na ba ri kun ka ki mi duniya a baru bai, kwai va gəsha kun da dameti kun bai, kwa dlama kalau bai.²⁸Kwa kəmau na rami kun ma, "Na yanga kuru na katayin ga wam i ri kun.' kwan ntutu na Iyu nin kwa dlama na pərdai gɗa na yanga i ri Afək gu rima na Iyu. ²⁹Gusku na rama dikun damba da waka ti lakwtu kwa barna jirewa. ³⁰Na dlam rama gawa wambai na kun gaɗa garvak duniya tuku atika ni. A ci na awayau bai ida ga, ³¹amman gaɗa duniya da zəgi i aɗa na ntutu Afək gu, na dlamau ka ki mi wara Afək gu dawi Iyu. Wa tla. wayi na wa da ri tuku."

15¹ I ne am inabi ki jirewa,afikga nai aci ne baci kamgu. ²A sika na gapta tawanke da kun ga mi a bar ɗi bai, kuru a salamta na gapta tawanke mi bari ɗi gaɗa da bar ɗi gawa.³Kun da vi nakun gaɗ labar wara na ramdikun. ⁴A dlaɓina i kun ga 'yu ye na dlaɓi i kuna kun kaki miwara gapta a dumu bar ɗi aɗagara bai a tika guvu wakau, kun ye kwa dumugu bai sai kwa dlaɓu i kunuga.⁵'yu ne guvu wakau, kun gaptatingu, nən wara dlaɓu i kunga nən i ke na kunugəri a bar na ɗi gawa.Gaɗa in na 'yu bin kwa dumu dlam be bai. ⁶In towable dlaɓu a kunugan bin,nda vurka na aci kaki gapta waka, da wuɗingəri nda cacpi na gaptau i ɗa gayi nda pudu i kun aka nda bakinakshi. ⁷In kwa dlaɓu a kunu gan maragaye a kuna kun a jayina be kwan cu nda dlama di kun.⁸Nda dlamna kərmai i afik ga i kun tuku, gaɗa kwa bar ɗi gawa kuru tatikidu kun pukuraucinga. ⁹kaki miwara fikgu ntutu 'yu i ye na intutuna kun a dlaɓina i kun intuga.¹⁰In har kwa jib na dumaya ga nən kwa dlaɓa a kun intuga, kaki mi na jibna dumaya afikga i kun intugəri. ¹¹Na ramekun jandau tuku gaɗa perɗai ga da dlaɓi i kuna kun,gaɗa perɗi kun ye da jibungara.¹²sutuku dumayaga,kwa intuci tika kunkaki mi na intutu kun. ¹³Na intau mi da rimi su bai,nən da taɗina arro gəri gaɗa mangaucingəri.¹⁴kun mangaucin ga in kwa dlam be tuku wara na barikun dumayan. ¹⁵ Na ɗaura kun ma mamu wənduwa wam bai ,gaɗa mayim munduwa ziga be wara baci wənduwa a dlamau bai, na ɗauri kun mangitau gaɗa duk be na kimau da ri afikga na ramadikun.¹⁶kwa cik ɗa yin kun bai,amman na cikɗina kun, na mina kun gaɗa kwa bar ɗi, ɗikun kuru ɗikun a dlaɓa sutku kasunu, be tawanke kwa jayu i kun dlgunganən, aci a bar dikun. ¹⁷Jandau na ramikun gaɗa kwa intuci aɗakun.¹⁸In duniya kurna kun nən, a zigina du kurna 'yu bamba da kurkun.

²⁰ A tanina tlam mi wara na rame kun,mayum wənduwa a rumu baci munduwa gəri bai,in akshi bara ni bone nən kun a barikun bone, in har akshi jib na tlamgun kun ye a jiba na kukun.²¹Akshi a dlamekun jandu giɗ gaɗa dlugun ga, gaɗa akshi ziga aci babu wanai ga bai.²²In da in da na dina na ramikshi bi nən da aksggghi na aipu bai amman, gususku kasau, akshi na be da rami i aɗak aipapin shi bai.²³Nən mi kuru 'yu ,kurna afikga cam. ²⁴In da na dlama wana tuku bən,da na nən wam bai a dumu da dlami da gadavakshi da akshi na aipu bai amman gususku akshi i kadu amman gaɗ nda kurna 'yu na afikga.²⁵Amman jandu tuku mak gaɗa nda jibki tlam wara nda tarnu i kun dumayakshi. Akshi kurna 'yu go pirtək²⁶sartu ba ci impi gəshj wara nda ji wanagu da ri afik gu wato Nənwa jirewa wara a virrai da ri Afik, den aci a rama be i ɗaga.

16¹"Na ramikun jandau i kun gaɗa kwa vuga bai. ²Nda ɗina kun kun susu cacpa yahudaucin amman lockwtu ani mi wara duk nən wara təku kun nən a tuman gu ka aci dlam na wana sadaka i səku.³Akshi a dlama jandau gaɗa akshi ziga afikgu bai ko 'yu. ⁴Na ramekun jandau i kun gaɗa locwtu dlamin gara, kwa tana du iɗak na ramdikun, na ramikun bai da kaɗe i ɗak sau locwtu na ɗagayi na kun.⁵Amman gususku na yanga i ri gdəri baci wanaiga: amman na nən bai wara jaya 'yu da kuna kun, kaye rawan?. ⁶Amman gaɗa na ramdikun jandaudlimidgəshi niyi na kun. ⁷Amman na ramdikun jirewa; a dlamangara blan i kun nayinga gaɗa in har na jibin baci kakta gəshu ani bai i ri kun , amman in na jingan na wane dikunn aci.⁸Locwtu aci den, babu kakta gəshiu a tatika du i duniya, gambasak bai i ɗak aipu na aɗak adalta, na aɗak kagala. ⁹a ɗak aipu gaɗa akshi bar jirewa bai i 'yu.¹⁰i ɗak adalta kuwa gaɗa nayanga iri afik, kuru kwa ye lawanga wam bai.¹¹I ɗak kagala kwa gaɗa baci garvak duniya tiku nda kalaktana aci.¹²'yu na be gawa nan cu ramekun,amman kwa dima sanutau bai digo. ¹³Amman aci baci Nənwa jirewa den aci a cirupta na kun mak i kun jirewa gaɗa aci aye rama da aɗagəri bai, amman a ye rama be aci kimau kuru a ramadikun be miwara aya ni. ¹⁴Aci aye dlama kərmai gaɗa aci a mayu da kun be kanai da rami kun atu.¹⁵Be tawanke mi afikgu na atu kanai gaɗa kasən na ramma Ndənwau aye mayu da kun be ka aci da rami kun. ¹⁶ i kun lockwtu rab ɗagai kwa ye lawan ga wambai daku sunu na lockwtu rab wam kwa lawan na 'yu.¹⁷Sai jigab da kun pukuraucingəri da rami kamancawaɗshi ma,"dugo su be tawan aci a ramewa; ilockwtu rab ɗagai kwa lawan ga bai daku na lockwtu rab wam kwa lawan na 'yu kuru gaɗa nayan ga i ri afik?.¹⁸sai akshi da ramma,"su zada be tawan mi aci a rammau i kun lockwtu rab ɗagai? wa ziga be aci a rama aɗau bai".¹⁹Yeso ika kabe akshi aye jaya gəri sai aci da ramikshi,"sutuku ne be kwa jaya tika kun gaɗa na ramikun sau ma lockwtu rab kwa ye lawan ga bai kuru da kugu i kun lockwtu rab wan kwa lawan na'yu?.²⁰Jirewa jirewa na rame kun kwa ye dlama aɗan na tufe jikyayi, amman duniya a dlam pərɗai kwa dlama na kun na ayuwa gəshi rankata amman dlimud arro kun a mustangara i arawai gəshi. ²¹lockwtu ama a kun ɗin atu a kun ayuwa gəshi gaɗa lockwtu gara den gara, amman aku atu 'yauna matkam gun sai atu da tuwayu na ayuwa gəshi na bone mi atu sau sai atu da jib pərɗai gaɗa'yau na nən i kun duniya.²²Gususku kun na ayuwa gəshi, amman kwa lawan na'yu wam. Kwa dlamana arawai gəshi kuru na nən wara bata bai da gumbi na perɗai kun da ri kun ²³I gafau tunu kwa ye jayaga be wam bai, jirewa jirewa na rame kun in kwa jayi be tawanke dari afik i kun dlugun ga ndən a bar di kun. ²⁴Har gususku tuku kwa jayu be wan bai da kun dlugun ga, a jayina kwa gəndu gaɗa pereɗai kun da jibki.²⁵Na rame kun jjandau tuku gwid i kun gagənawa amman lockwtu ani wara na dlame kun rama da kun gagənawa wambai, amman na parakta na aɗa kun na ramau i dɗak afik ga.²⁶Gafau tunu kwa ya jayau da kun dlugun ga kuru na ramijkun naye magita da ri afik gaɗa kun. ²⁷Gaɗa afik gu intutu kun,gaɗa kun ye kwa intutu na 'yu kwa barda jirewa i ɗak nadew da ri afik gu. ²⁸Na dew da ri afik na nai i kun duniya zam nai vu na duniya na yan ga iri afik".²⁹Pukuraucin gu da ramma," aiki ka rama parak ka paida na gagənawa wam bai. ³⁰Gususku ja zigadu ka ziga na be tawanke kuru kan cu nən wambai da dlamici jaya, gaɗa sau ja barda ci jirewa aɗa ka dew dari kakasəku."v 31 Yeso da ngumikshi ma,"gususku kwa bar na jirewa?.|v 32 Aiki na lockwtu batangara awo har zaden gara səram, ndaya waya na kun, tike dayingəri wənduwa gəri kwai vu na 'yu ruga,amman'yu ruga bai gaɗa Afikga aɗa gayi na'yu.³³Na ramdikun jandau gaɗakwa dla ɓi na salam i kun ga i kun duniya kun na tlatli ankal amman a dlamina awayau na bai na tana awayu duniya!.

17¹Aku Yeso ram jandau; da sukti aɗa gəri dəsku da rammaya, "Afək lakwtu den gara a dlam kərmai i wən ci gaɗa wən ci ye da dlami ci kərmai. ²Ka ki mi ka ba ri ci kərmai i aɗak tliwi təka mak gaɗa a ci da bari aro mi go dadigiri i nən tawanke wara ka bari ci.³Su tuku aro mi go dadigiri: i aɗak akshi zəgana ci, ci ne Kakasəku mula wara ba ci wanai Yeso Məgəngyi. ⁴Na saksakti na ci i duniya, na damina wana wara ka baranai na dlami. ⁵Gususku Afək, a saksaktina Iyu na ci na saksakta wara Iyu na atu da ri ci tən damba nda dlam duniya.⁶Na tatəki na dləgun ci i ndawa wara ka baranai akshi i kunu duniya. Akshi ki ci kuru ka bar da nai akshi kuru jəbna təlam ci. ⁷Gusku kasau akshi zəgadu be tawanke wara ka bara nai vəre da ri ci. ⁸Gaɗa na bardikshi təlamin tuku wara ka bara akshi zəgadu na deu da ri ci kuru barna jirewa i aɗak ka wanai Iyu nin ci.⁹Na dlamikshi magita. Na dlamu magita i duniyabu bai amman i ndawa wara ka bara gada akshi ki ci. ¹⁰Be tawanke ka nin, ki ci ye kanai nda dlam da kərmai i kunakshi. ¹¹Iyu na kunu duniya wambai, amman ndangu a kunu duniya, Na yanga i ri ci. Mula Afək a jəbna akshi i kunu dləgun ci wara ka bara nai gaɗa akshi da dliɓnakshi gayi ka ki mi wara wa gayi.¹²Lakwtu na ɗa gayi na akshi na jəbnakshi i kunu dləgun ci wara ka baranai; Nan pana ankal ga, i aɗakshi na nən gayi da kunakshi mi dlimtu bai, se dai wən gadlimtak, gaɗa be nda tarnu i kunu Kakkadu Səku da jəbki. ¹³Gusku kasau; na ni ri ci amman na ramau jandau i kunu duniya gaɗa na be na pərdi ga ganiyak i kunakshi. ¹⁴Na bar dikshi təlam ci amman duniya kurna akshi gaɗa akshi ki duniya bai ka ki mi wara Iyu ye ki duniya bai.¹⁵Na jayi ci bai gaɗa kaminakshi da duniyau amman gaɗa ka daptinaklshi dari gabshu. ¹⁶Akshi ki duniya bai ka ki Iyu ki duniya bai. ¹⁷A jibnakshi i baka i kun jirewa; təlam ci a tune jirewa.¹⁸Ka ki mi waneu Iyu i kunu duniya akshi ye na wanayakshi i kunu duniya. ¹⁹Gaɗa akshi na barna aɗa ga i kun gaɗa akshi ke da bar na aɗakshi i kun i kunu jirewa.²⁰Na dlam magita iɗakshi rukshi bai har na ndawa wara a bari jirewa i kunu dləgun ga dari təlam shi ²¹gaɗa akshi gəd da dlam nakshi gayi, ka ki ci Afək, ka kunu ga, Iyu ke na kuna ci na dlam magita gaɗa akshi ye da dlaɓi i kuna wa gaɗa duniya da bar jirewa i aɗak ka waneu i Iyu.²²Kərmai wara ka bara na bardikshi gaɗa akshi da dlaɓi gayi ka ki wa gayi. ²³Iyu na kunakshi, ci ka kunu ga gaɗa dani nakshi i kunu nəbka gaɗa duniya da zige ka waneu Iyu kuru ka ntutu na akshi ka ki kan ntutu Iyu.²⁴Afək, nan cu ndawa wara ka baranai da dlaɓi ri wara na kunu gaɗa akshi da ki kərmai ga wara ka bara gaɗa ka ntutu na Iyu tən damba dlamak duniya.²⁵Afək ba ci adalta, duniya zəga ci bai amman nasgana ci. Amman jandau zəgadu aɗak ka waneu Iyu. ²⁶Na dlama na dləgun ci gasgayak i kunakshi na dlamadu gasgayak gaɗa ntu wara ka ntuta da dlaɓi i kunakshi Iyu ke na dlaɓi i kunakshi.

18¹Aku Yeso ram təlam tuku, dayin gəri na pakuraucin gəri i baka dudapiya ki kidrin, ri wara na gadina da təfingəri na pakuraucin gəri. ²Yahuda, wara aya bar gəri, zəgana riwu, gaɗa Yeso dlamən aye riwu na pakuraucin gəri. ³Se Yahuda cam danai i jimpi askarabaucin na nda aɗa garvaucin jəgab dari dəgəm pərrisaucin na parrisaucin, dayi ri tunu na aci-balbal, na pətəla, na karekzha.⁴Se Yeso, wara zəgana bi tuku mak wara aye wakata na a ci deu kəma da jayakshi, "Kwa maka gaye?" ⁵Akshi dan ngumi ci ma, "Yeso ki Nazariya" Yeso da ramikshi, "Iyu ne" Yahuda ba ci bari gəri ye dardi aɗa gayi na askarabaucin gu.⁶A ci ramikshi ma, "Iyu ne" da 'yuwi təkakshi da kau da dagaminakshi i ɗa. ⁷Zam a ci da jayakshi wam, "Kwa maka gaye" zam akshi da ramma ya, "Yeso ki Nazariya."Yeso dan ngumi ma, "Na rami kun iɗa Iyu ne; in kwa maka ga nin, aivina dan gu da yinakshi." ⁹Su tuku gaɗa nda jəbki tilam mi a ci ramu ma, "Da kunu ndawa wara ka bara gətak na nən mi wara dayu bai."¹⁰Se Siman Bitrus, wara na kasakar da 'yiwi, dayi na karam i mayin wənduwa marim pərrist gu ndak jina aguɗ gəri ki mata. Dləgun mayim wənduwau ma Malchus. ¹¹Yeso da rami Bitrus ma, "A kalaktina kasakar cu i kunu saka gara. Na sau da kunu bik sa wara Afək ga bara gu bai?"¹²Se jimbi askarabaucin gu na marmamin shi na nda aɗa garva Yahudaucin, da jəbi Yeso da takwsina a ci. ¹³Dayi na a ci səkur i Annas gaɗa a ci saurak Kayafas wara marim pərrist ki aman tunu. ¹⁴Kayafas a ci ne baci bar shawar i yahudaucin i ɗa a dlaman gara bəlan nən gayi damti i sirən ndawa gawa.¹⁵Siman Bitrus da dəgi Yeso, se pakura gayi cam, kane marim pərrist gu zəgana pakurau. Da təfin gəri iɗa gayi na Yeso i kunu səsau wuda rama ki marim pərrist gu. ¹⁶Amman Bitrus darɗi a miyak səsau da vəda, se pakura wara dasgaya da dari marim pərrist dayi vəda da dlam rama na ama mi tsirita miyak səsau gu nda dawi na Bitrus i kwa kunu.¹⁷Se wunya mi wənduwa mi tsirita miyak səsau gu da ra mi Bitrus ma, "Ci gayi da kunu pakuraucin na nangu bai?" A ci da rami ma, "Iyu bai." ¹⁸Mamu wənduwa na nda aɗa garvau darɗi i ri tunu, akshi fətina aka a yau gaɗa lakwtu mama, Bitrus ye darɗi a rikshi a ɗəmu təka gəri¹⁹Se marim pərrist da jayi Yeso i aɗak pakuraucin gəri na gugza gəri. ²⁰Yeso dan ngumi ci ma, "Na dlam rama da dəɓsa bai i kunu duniya na dlam gugza i kunu səsau cacpa na ri magita yahudaucin a cacpa go be na ramu da dəɓsa. ²¹Kwa jaya ga gaɗa gəmo? A jayina ndawa wara kəma be na ramu. Ndan gu zəgana be na ramu."²²Lakwtu Yeso ram kasən tunu, gayi da kunu nda aɗa garva dayina kəma I yeso da rami ma, "Kautau da miya marim pərrist gu ka sunu?" ²³Yeso dan ngumi ci ma, "In na ram kalkal binin a tatəka ri wara na ram begu amman in kalkal nin, dawuntam ka kəma Iyu?" ²⁴Se Annas da jimbili na a ci da takwsa i ri Kayafas marim pərristaucin.²⁵Siman Bitrus darɗi a ɗəmu təka gəri, se ndawa da rami ci ma, "Ci gayi da kunu pakuraucin gəri bai?" A ci da dlam dikshi gamɗaya da ramma, "Iyu bai." ²⁶Gayi da kunu mamu wənduwa marim pərrist gu yagana nən mi wara Bitrus karmu aguəɗ gu da ramma, "Ne ka ci bai i kunu gadəra na a ci?" ²⁷Bitrus da dlam na gamɗayau ma kwan, se gaskam da kwaryi.²⁸Se akshi da jina Yeso dari Kayafas i nye halkwata gwamnati. Lakwtu ke da tlanu bai, se akshi da kurna təfa gaɗa kar akshi da dlama aipu gaɗa ngumuri. ²⁹Se Pulatus da yi rikshi i vəɗa da ramikshi ma, "Kwa dena aipabin tawan i aɗak nən tuku?" ³⁰Akshi dan ngumi ci ma, "In nən təku ba ci wana gabshu bin, da jabara ci i ci bai."³¹Bulatus da ramikshi ma, "Ami na ci kun na aɗa kun kwayi kwa dlami ci kagala da dəvo dumaya kun." Yahudaucin da rami ci ma, "A ri ja kalkal bai ja dawo nən i mutu." ³²Akshi ram kasau gada təlam Yeso da təbki, i aɗa be wara a ci ramu da tatəki dəvo wara a ci aya mutu.³³Se Bulatus da tifi i helkwata gwamnatu wam da dauri Yeso da rami ci ma, "Ci dəgəm yahudaucin?" ³⁴Yeso da rami ci ma, "Ka ramau i aɗa ci ko ndawa ɗagai ne rami ci be iɗa ga?" ³⁵Bulatus da rami ci ma, "Iyu ba yahude bai, i bi? Nda ci na marim pərristaucin bari cin akshi I iyu; ka dlam tam?"³⁶Yeso dan ngumikshi ma, "Garva ga ki duniya tuku bai in da garva ga da kunu duniya tukun da mamu wənduwa ga a dlama tliri gaɗa da bara Iyu i yahudaucin bai. ³⁷Bulatus da rami ci ma, "Cu ci dəgəm bi?" Yeso da rami ci ma, "Ka ramdu ma Iyu dəgəm. Gaɗa sune nda yuwa Iyu, kuru gadak su ne na deu i kunu duniya gaɗa bar saida i jirewa, Tike wara ki kunu jirewa a kəmu na wura ga."³⁸Bulatus da rami ci ma, "Jirewau nin tam?" lakwtu a ci ram su tunu dayin gəri i vəda yahudancin gu da ramikshiu ma, "Na ba aipu bai na nangu. ³⁹Amman kun na kiladu kun i aɗak na tadi kun nən gayi gafa ngumuri gaɗa ka sunu kwan cu na tadi kun dəgəm yahudaucin bi?" ⁴⁰Se akshi nda sukci wurakshi na awayau da rama, "Nangu bai amman Barabas, Barabas kuwa baci kabat ndawa.

19¹Se Bilatus nda jəbna Yeso nda dlamau ngurutu. ²Askarabaucin gu nda yayəɗi ci kwabshi jijəm. Akshi da dawi i aɗa gəri nda tadi ci marim zannai. ³Akshi da nai i kəma gəri da ramma, "Alanguburo dəgəm yahudaucin!" se akshi nda za ji ci na amik shi.⁴Se Bilatus dayi vəda i rikshi wam da ramikshi ma, "Aikina, na ni na a ci i kun i vəda gaɗa kwazigi i aɗak Iyu na ba aipu gəri bai." ⁵Yeso da vəre vəda na aryapuk jijəm a aɗa gəri a kunu marim zanai, Bilatus da ramikshi ma, "Iakina, so tai warau!" ⁶Lakwtu wara marim pərristaucin na nda garva ika Yeso tunu, akshi da sukti wuraskshi dəsku da ramma, "Nda dliga na a ci" nda dliga na a ci" Bilatus da ramikshi ma, "Ami na ci kun na aɗa kun kwayi kwa dli ga ci i kaya na ba aipu wambai dari gəri."⁷Yahudaucin gu ndan ngumi ci ma, "Ja na dumaya, dumaya rama ma ndak təki na a ci gaɗa a ci ma aɗa gəri matkam Səku." ⁸Lakwtu Bilatus kəma rama tuku tunu se kalau da jəb na a ci, ⁹da tufin gəri wənduwa gwamnati wam da rami Yeso ma, "Ci ka vəreu da rawan?" Amman Yeso ka ta di ci bai.¹⁰Se Bilatus dan ngumi ci ma, "Ka dlama ni rama bai? kasgabai Iyu na awayai taɗaci na awayu dliga ci?" ¹¹Yeso dan ngumi ci ma, "Ci na awayau be wam bai i aɗa ga, se dai ko be wara nda bare ci da dəsku, gaɗa kasənu ba ci bar ga nai i ci na marim aipu."¹²Lakwtu kima kasənu, Bilatus da maki taɗi na a ci, amman yahudaucin da ndokta na wura marim da ramma, "In ka tadi na nangun, kwa manga wambai na Kaisar: Nən tawanke dlamna aɗa gəri dəgəm nin a gubta na Kaisar." ¹³Lakwtu Bilatus kəma tilam tuku tunu da jina Yeso i vəda ndan mbasən gəri i aɗa gwajere kagalata i kunu səsau dagai mi da daurau da miya Ibraniyawa ma "Gabbatha"¹⁴Gusku lakwtu dlama sapare ngumuri sa aɗa dan tuna awa zidu, Bilatus da rami yahudaucin ma, "Aikina sotai dəgəm kun!" ¹⁵Akshi da dlam kurwa maya, "Nda da na a ci nda da na a ci; nda dliga na a ci!" Bilatus da ramikshi ma, "Na dligina dəgəm kun gu?" Marim pərristaucin dan ngumi ma ja na dəgəm bai se Kaisar." ¹⁶Se Bilatus da barikshi Yeso gaɗa dayi da dligidu.¹⁷Se akshi da mina Yeso, daiyi nakshi vəda, a kakəra ɗəm dligau iɗa gəri i ri ɗagai wara da daurau ma, "Ri kwankwayak" wara da miya Ibraniyawa ma Golgota. ¹⁸Akshi da dligina Yeso i ri tunu na ndawa shirin tawanke da palla gəri na Yeso a gadava.¹⁹Bilatus nda dlam taran tatəka gənawa ndan puɗu aɗa ɗəm dligau i ri tunu nda tarna ma, YESO KI NAZARET, DƏGƏM YAHUDAUCIN. ²⁰Nda wa gawa da kunu yahudaucin karam tu taran tunu gaɗa ri da dligi Yeso gu a dantau na marim ɗa. Nda dlan tarangu da miya Ibraniyawa, na Latin na miya Grika.²¹Se marim pərristaucin ki yahudaucin da rami Bilatus ma, ka tarna bai ma "Dəgəm yahudaucin" Amman a tarni ma, "Na nangu ma, "Iyu ne dəgəm yahudaucin." ²²Bilatus dan ngumi ci ma, be na tarnu na tarnu du."²³Aku askarabaucin gu ɗigəna Yeso, akshi da mina kachum gəri da ɓəridu kurakkurak fudu i gadavakshi, kuru na zani gəri. zanigəru nda chakatu na ngirazan getak har iya dəsku. ²⁴Se akshi da rami təkakshi ma, "Wa dlimpiya su bai amman wa dlama bama i aɗau nən tadun kəri." Su tuku wakatu gaɗa be jəbki be nda tarnu i kunu rama Səku maya, "Akshi ɓərina kachum ga i gadavakshi kuru da dlam bama i aɗa kare gu" su tuku be askarabaucin gu dlamu."²⁵Da palla da dligi Yeso ndarɗin mi gəri na yagana mi gəri Marryamu ama Kilopas na Marryamu Magadakiya. ²⁶Lakwtu Yeso ike mi gəri na pakuraucin gəri wara a ci ntutu darɗi a dantau tunu a ci da rami miwu ma, "Ama səna wənkəm!" ²⁷Da rami pakuraucin gu ye ma, Səna mi kun!" Tun da lakwtu tunu pakuraucin gu da mina atu i wənduwa gəri.²⁸Aku sau, Yeso zigadu i aɗak be tawanke na bai damun gara, ka ki mi be da tarnu i kunu kakkadu Səku jəbkin gara Yeso da ramma, "Na kəmu giji." ²⁹Na bi pi am dagai a riwu kunu na am mi ga zhumak, se akshi da dawi soso i aɗau da dligi miya zawa da divari ci miya gəri i dəsku. ³⁰Lakwtu Yeso tamba am gazhumak gu tunu da ramma, "Da mingara" Nda tidi aɗa gəri i diɗa da barna aro gəri.³¹Se yahudaucin gaɗa sartu sapara guvu a dlapa bai da dliga i aɗak ɗəm dligau gafa ngumuri (gaɗa gafa ngumuri tungu na martapa rankata) akshi da jayi Bilatus i da akshi da daktlina ziger shi da wurtai na akshi. ³²Se askarabaucin gu da nai daktli zəger nən ki səkur na ki ma shirin da dligagshi na Yeso aɗa gayi. ³³Lakwtu akshi deu i ri Yeso se akshi daki na bai mutun gəri saram akshi kitli zəger gəri bai.³⁴Duk, na kasənu gayi da kunu askarabaucin gu da zagima ci na ngas da ara gəri, se dədəm na am da pai. ³⁵Ba ci lawan gu da ramma, jirewa, be a ci ramgu jire. A ci zigadu be a ci ramgu jire gaɗa ci ye ka bar jirewa.³⁶Jandau tuku gəd wakatu gaɗa da jibki na be nda tarnu i kunu kakadi Səku, "Na getak da kunu awuk gəri nda kitli bai." ³⁷Zama, kakkadu Səku gayi rama ma, "Akshi ye a lawan gəri nən mi akshi zagamu na ngas.³⁸Aku jandau Yusufu Arimatiya, tən a ci pukuru Yeso. (amman da ɗəbsa gaɗa kalu yahudaucin) nda nai da jayi Bilatus ko nda bar di ci guvu Yeso. Bilatus da bar di ci i zini, se Yusufu da nai da mina guvu. ³⁹Nikodamus cam da nai, a ci mi wara da səkur ndeu i ri Yeso dəvid. A ci dena am viya guvu da nibka na atrishan dan tu na lita danamak.⁴⁰Se akshi da mi na guvu Yeso da yaydiɗu i kunu lakapani da bak ka ki mi kiladu yahudaucin a dabak guvavin. ⁴¹A dantau na ri wara nda dliga cu na gadina; i kunu gadinau na vək dabak karara wara ngalte nda dabgə nən bai i kunu. ⁴²Gaɗa gafu gu sapare yahudaucin so ye ri auɗo a dantau na akshi da dabgəna Yeso i kunu.

20¹I kunu yuwan səkur na yuwan gayi ki magi, lakwtu dagu dlibin dlibin, Marryamu Magdaliya dayi ri auɗo se atu da ki nda jəmbuluna gugyak wara da chimu miya auɗo gu. ²Se atu da rawi ri Simon Bitrus na pakura wara Yeso ntutu atu da ramikshi ma, "Nda ma na Məgəngyi da kunu auɗo gu kuru jasga ri wara nda jina a ci bai."³Se Bitrus na pakuraucin da vəre vəda akshi dayi ri auɗo gu. ⁴Akshi mak rawau iɗa gayi; amman pakurau rawan gəri da wurmi na Bitrus dayin gəri i ri auɗogu da wurmina Bitrus. ⁵A ci ɗidki kunu se da ki lakapan dabak gu dan payi a baka amman aci təfi kunu bai.⁶Simon Bitrus se da nai da ku gəri da təfin gəri i kunu auɗo gu a ci da kina lakapanu dampayi a baka ariwu. ⁷Na kare wara da lalpi aɗa gəri na atu, a dagayi na kachum gu bai amman da yayɗa na atu rugara.⁸Se pakuraucin wara wurmin gəri i nya iri auɗo cam; da təfi daki da bar jirewa. ⁹Se da kau da zəgi be da rami kakkadi ma a ci a ya tliyin gəri da mutu. ¹⁰Se pakuraucin gu da ka ci nakshi wənduwa wam.¹¹Amman Marryamu dardi a vəda a təka aɗan a kəma auɗo gu, a kunu aɗan se da guɗki, da ɗidki kunu audo gu. ¹²Se atu da ki Malekaucin shirin a kunu kare na arawai dan mbasu gayi da palla aɗa gayi da palla zəgər i ri wara ndanpa guvu Yeso. ¹³Akshi da rami tu ma, "Ama ka ɗanu gumo?" atu da ramikshi ma, gaɗa nda mana Məgəngyi ga, Nasga ri wara akshi impa a ci bai."¹⁴Lakwtu atu ram su tunu, se atu da pi mi i baka se atu da ki Yeso darɗi a riwu, amman atu yakkintu bai ma Yeso. ¹⁵Yeso da ramitu ma, "Ama ka ɗanu gəmo? ka maka gaye? atu a tuman gu ma warau ba ci gadinau, "Maləm in kaman cin a rama ri wara ka jina a ci naya na mina a ci."¹⁶Yeso da ramitu ma, "Marryamu" se atu da mistai se da rami ci da miya Aramiya, "Rabboni" wato, maləm." ¹⁷Yeso da rami tu ma, "ka linta Iyu bai gaɗa gusku ya ye na gayi bai i ri Afək ga, amman "a ji karami yaganaucin ga ma, na gayanga dəsku i ri Afək ga na Afək kun, Kakasəku ga na Kakasəku kun." ¹⁸Marryamu Magadaliya dayi dara mi pakuraucin gu ma, "Ne kana Məgəngyi," kuru a ci ramdu dik jandau.¹⁹Gafau aduwau, yuwan səkur ki magi, mafgagin mi wara pakuraucin gu a kunu duk da chima gaɗa kalu yahudaucin, Yeso danai darɗi gadavakshi da ramikshi ma, "Salam i kun." ²⁰Aku a ci ram sau se da tatikikshi ami gəri na aro, pakuraucin gu da dlam pərdai lakwtu akshi i ka Məgəngyi.²¹Yeso zam da ramikshi ma, "Salam i kun ka ki mi Afək waneu Iyu, Iyu na wanayakun." ²²Lakwtu Yeso ram su tuku, da ji mafiya i aɗakshi da ramma a gənina Nənuwa Səku. ²³Nən tawanke baci aipu, a tupta di ci; Nən tawanke dlam aipu nin kwa tuptu bin, nda tupta bai."²⁴Toma, gayi da kunu guma ayawu shirin gu, mi nda dauri ma Didamus lakwatu mi wara Yeso deu a riwu bai. ²⁵Pakuraucin jəgab a kugu da rami ci maya, "Ja ka na Məgəngyi" a ci daramikshi ma, se neka ami gəri na gatər usasin na ləntu miya vək usasin gu gurbakga i gatir vuk usau, zam na dawi aikwak ga i ara geri bin na bar jirewa bai."²⁶Aku yuwan danda fudu pakuraucin a kwakunu wam, Toma ye aɗa gayi na akshi. Yeso danai lakwtu miya mafgu da chima, danai darɗi gadavakshi da ramma, "Salam i kun." ²⁷Se da rami Toma ma, "Adivaran gurbak ci, ka ki amiga, a zaden ri tuku na ami ci a dawi kunu ara ga; ka dlama ba ci buka bar jirewa bai, amman a bar jirewa."²⁸Toma dan ngumi ci ma, "Məgəngyi ga Kakasəku ganai." ²⁹Yeso da rami ci ma, "Gaɗa ke kana Iyu ka bar jirewa. barka i ndawa wara i ka Iyu bai amman barna jirewa."³⁰Yeso dlamu be ajab gawa i kəma pakuraucin gəri, bi ajab wara nda tarnu wum bai i kunu kakkadu tuku; ³¹amman jandau nda tarnu gada nda bar jirewa iɗa Yeso Masihu, wən Kakasəku, gaɗa kasau a bari jirewa, nda bi na aro i kunu dləgun gəri.

21¹A ku jandau tuku, Yeso tatəki aɗa wam i pakuraucin gəri i miya anku tabariya, su dəvo wara a ci tatəki aɗa gəri: ²Siman Bitrus aɗa gayi na Toma wara da daurau Didimus, Natiniyal deu da Cana ki Galili kutli Zabade na pakuraucin shirin ki Yeso. ³Siman Bitrus da ramikshi ma, "Na yanga i jəba vanakau" Akshi da rami ci ma, "Jaye cam, ja ɗiga na ci" Akshi dayi da tufinakshi kunu daragai am, amman akshi jəbi wambai i kunu dəvid tunu har tlanik ɗa.⁴Lakwtu wara har ɗa tlanin gara, Yeso darɗi a miya anku, amman pakuraucin zəga bai ma Yeso. ⁵Se Yeso da ramikshi ma, "Mapəndawaɗ, kun na be dagai bi ki ta?" Akshi dan ngumi ci ma, "o o." ⁶A ci da ramikshi ma, "A virkina ragaya jəba vənakau kun da pali mata ki daragai gu kwa be na jəgab." Se akshi da virki ragayau, dab da mu nakshi yuwan da kunu am gu i daragai gu gaɗa gawa vənakau wara akshi jəbu.⁷Se pakura wara Yeso ntutu da rami Bitrus maya, "Su guro Məgəngyi" Lakwtu Siman Bitrus kəma Məgəngyi tunu se da kajumi kachum gəri da vəda (gaɗa a ci gasiltak) da yi'u təka gəri i kunu anku gu. ⁸Gagizhin pakuraucin gu dan nakshi kunu daragai gu (gaɗa akshi pədəm bai na miya jigam ka ki takad zəgər danamak shirin) akshi a təka yuwa ragayau ganiyak na vanakau. ⁹Lakwtu wara akshi vire nakshi viɗa akshi da ki avun aka a riwu na vonakau da perrta a aɗau, na borodi.¹⁰Yeso da ramikshi, "An nana vonakau gu jəgab wara kwa jəbu." ¹¹Saminu Bitrus se dayi dau yiwe na ragayau i jigam ganiyak na vonakau 153; Gawa tlapar amman ragayau tlimpiyi bai.¹²Yeso da ramikshi ma, "An na kwa kitli kimolo" Getak da kunu pakuraucin gu dəma jaya gəri bai, "Ci tai" Akshi zəgadu Məgəngyi. ¹³Yeso da mi borodu da barikshi na vonakau gu da barikshi. ¹⁴Su tuku zəgər ma kwan mi Yeso tatiki aɗa gəri i pakuraucin gəri aku tliyi gəri da mutu.¹⁵Aku akshi kitli kimolokshi, Yeso da rami Siman Bitrus, "Siman wən Yahai, ntu ga i ri ci dəka na sau bi? Bitrus da rami ci ma awwo Məgənyi cin gum kasgadu nan cu ci." ¹⁶Da rami ci wam ki ma shirin, "Siman wən Yahai ka ntu ga?" Bitrus da rami ci ma, "Awwo Məgəngyi; kasgadu Iyu ba ci ntu ci" Yeso da rami ci ma, "Ankalta tumamin ga?"¹⁷Da rami ci wam ki zəgər ma kwan, "Siman, wən Yahai, kan cu Iyu?" Bitrus da shitin gəri gaɗa Yeso jaya ci ki ma kwan, "Kan cu Iyu?" A ci da rami ma, "Məgənyi kasgana be tawanke, kasgadu nan cu ci." Yeso da rami ci ma, "A bari ta i tumamin ga. ¹⁸Jirewa, jirewa na rame ci lakwtu wara ci mapəndi ka dawa kachum ci na aɗa ci kayi i ri wara mak kan cu Iyu; amman ka garu nacin ka sukta ami ci kare da mi ci dayi na ci i ri wara kan cu nya bai."¹⁹Su Yeso dlam ram tuku gaɗa da tatiki dəvo mutu Bitrus mi wara a bar kərmai i Səku. Aku a ci ram ram na sau tunu se da rami Bitrus ma, "Aɗiga Iyu"²⁰Bitrus da pimai da ki pakura wara Yeso ntutu a dəga yakshi nən wara dəgina təka Yeso wam da baka gəri lakwtu wara akshi ata masana dəvid mi wara rama, Məgəngyi tai wara aya barna ci? ²¹Bitrus i ka ci se da rami Yeso, Məgənyi, Na nan gu a dlama gəmo?"²²Yeso da rami ci ma, "In na cu ci dan mbashi har se lakwtu na kalalten sen tam i ci? Aɗigen Iyu" ²³Se rama tuku da tliba binyi i gadava yaganaucu, ma pakurau a mutu bai. Amman Yeso ram kasən bai i Bitrus, ma pakurau amtubai, amman "in nan cu da dlapi har lakwtu katayi ga, sungu tam i ci?"²⁴Su tuku ne pakura wara ram be i aɗak jandau kuru ba ci taran jandau wasgadu daya rama mi a ci ramau jirewa. ²⁵Na be gawa mi Yeso dlamu. In da nda tarnu na gəd i ɗa nin, na kakkadu wara a dəmu mau bai i kunu duniya tuku na aɗa gara.

Ngizim: Bible for John

Formatted for Translators

John